@001a @#/ /grub mtha' bzhi'i 'dod tshul sogs dris lan sna tshogs
kyi skor zhal lung bdud rtsi'i thigs 'phreng zhes bya ba bzhugs
so/ /

@001b @##/ /ye shes gzigs pa dag pas skal ba bzhin/ /yongs su bkri
mdzad ston pa rdo rje 'chang/ /legs gsung nge 'dzin tshogs bcas
la btud nas/ /bstan pa'i

rim pa ji bzhin dgod par bya/ /de'ang grub mtha' bzhi dang mdo
sngags gnyis la gong 'og gi rim pa dang phan tshun 'gal med grogs
su 'gro bar yongs su grags kyang rna bar byang ba tsam

las don du dman mchog gi rim pa ji ltar yin nges pa gting tshugs
pa dka' bar snang ste/ grub mtha' bzhi ga'ang khungs rgyal ba'i
bka' la brten par khyad med/ rigs pas legs

bar dpyad de 'di las dman lhag tu song na rtag chad kyi mthar
ltung bas/ gzhi lam 'bras bu'i gnas tshul 'di kho nar gnas so
snyam du blo ngor thag chod de rang gi grub pa'i mtha' bzhag pa
de kho

@002a @##/ /na dbu ma'i lam srol du 'dod cing/ gzhan rnams mthar
lhung tshul gyi dgag pa byed pa'ang 'dra bas gzhan zer tsam gyi
rjes su 'brang na bzhi ga rang lugs

su khas len pa'am/ re re la gzhan gsum gsum gyis dgag pa brjod
pas gang yang khas len mi rung bar 'gyur ro/ /rgyal ba'i bka' la
brten nas dman mchog 'byed do snyam na der

gdul bya'i dbang gis sna tshogs gsungs te grub mtha' bzhir 'gro
ba'ang de'i stobs kyis yin pas/ de nyid drang nges 'byed pa'i
gzhi dang bsgrub byar 'gyur gyi sgrub byed du mi 'gyur ro/ /

gzhan dag na re/ rgyal ba nyid kyi bka' la drang nges 'byed par
lung bstan pa zhig gi rjes su 'brang ngo snyam na de ltar byed
dgos mod kyang de ltar lung bstan pa'i shing rta chen po gnyis
su yod la/

@002b de gnyis kyis kyang dbu sems kyi lugs so sor 'grel pas
gang gi rjes su 'breng/ gal te 'phags pa thogs med kyis sems
tsam du bkral ba gdul bya'i dbang yin gyi dgongs pa klu sgrub
dang mthun pas dbu

ma'i lugs la brten no snyam na/ 'o na klu sgrub kyis dbu mar
bkral ba gdul bya'i dbang yin gyi dgongs pa sems tsam du gnas so
zhes smras na cis 'gog /byang chub sems 'grel sogs sems tsam

du bkral ba mang la/ rtsa she dang bzhi brgya pa sogs kyang sems
tsam ba'i lugs su de'i slob dpon phal cher bzhed do/ /yang gal
te shing rta chen po gnyi ga lung bstan mod kyang klu sgrub kyis
rtag chad gnyi ga'i

mtha' ma lus par bkag ste bstan pa'i snying po mthar thug gsal
bar byed par mdo rgyud du ma las lung bstan pa lta bu 'phags pa
thogs med la mi 'byung zhing/ rgyud brtag gnyis su bstan pa'i
rim par mas

rim nas slob tshul gsungs pa'i tshe dbu ma pa'i lugs gong mar byas
pa sogs kyis dbu ma pa mchog yin par 'grub bo zhe na de yin du
chug kyang grub mtha' gzhan gsum ga'i go rim gang gi sgo nas
'byad/

don smras gzugs shes gnyi ga bden grub tu 'dod pa 'khor lo dang
po dang mthun yang/ sems tsam pas shes pa bden grub dang phyi
don gtan med du 'dod pa rtag chad gnyi ga'i mthar lhung ste bden
pa gnyis

@003a @#/ /char las nyams pa dang/ chos mngon pa dang sher mdo
gnyi ga'i dgongs pa las nyams par 'phags pa lha dang zla bas
gsungs/ legs ldan sogs kyis kyang sems tsam pa dang sgo

ma bstun par mdo sde ba dang sgo bstun pas sems tsam pa las don
smra mchog tu mi 'gyur ram bye smras rang rig mi 'dod la/ mdo
sde pas rang gis rang myong ba'i 'dzin rnam yan gar ba zhig
bzhag pa lta bu skabs

du mar bye smra'i lugs de don dang mthun pa'ang mang bas de
gnyis kyang gang mchog tu byed/ skabs 'gar gcig shos las dman
yang skabs 'gar gcig shes las mchog tu 'gro bas sgo re re tsam
gyis spyir

btang gi mchog dman dbye mi nus la/ zer lugs tsam 'og ma bzang
yang don la mchog tu ma song ba'ang yod de 'og tu 'chad do/ /'on
te bdag med kyi lta ba'i sgo nas 'byed do snyam na lta ba'i go
ba gting

tshugs pa zhig la de ltar yin mod kyang rang cag lta bu la gang
gi lta ba mchog yin pa'ang grub mtha'i mchog dman gyi sgo nas
tshur bsgrub dgos pas sgrub byed bsgrub bya dang mtshungs so/ /des
na don phra rags sna

tshogs pa zhig steng nas dpyad na gcig gis gcig la nges p bskyed
nas spyi bab kyi don rtogs pa zhig 'byung ste/ dper na byis pa
chung ngu nar son pa na bya ba mtha' dag la shugs gong 'phel du
'gro ba zhig

@003b 'byung gi /gzhen rnams la rang sor gnas nas bya ba gcig
kho nar shugs rgyas lugs med pa bzhin/ nang gi blo'i mthu'ang
spyod 'jug las/ de la 'jig rten phal pa ni/ /rnal 'byor 'jig
rten gyis gnod cing/ /rnal

'byor pa yang blo khyad kyis/ /gong ma gong ma rnams kyis gnod/
/gsungs pa bzhin rim gyis khyad zhugs pa na yul gang la dpyod pa
zhugs pa'i tshe'ang gong mas 'og ma zil gyis gnon pa zhig 'byung
ngo/ /dam pa gong ma rnams

grub mtha'i rnam gzhag mdzad pa'ang 'di gsungs pa yin mod kyang/
lugs rang rang gi 'dod tshul so sor sde tshan du byas pa las/ gzhi
re rer mtshon te grub mtha' so so'i 'jog mtshams phra rags dod
tshul lhan du sbyar te ma

gsungs la/ blo dman pas rang stobs kyis gong 'og lhu bsgrig dka'
bas/ 'dir gzhi lam 'bras bu'i cha so sor gong 'og gi lugs srol
shan sbyar te go ba tshol lugs kyi phyogs tsam bshad par bya'o/
/bcing

grol thams cad kyi gzhi bdag la byed dgos pas der phyi nang
thams cad mi mthun zhing/ lhag par nang pa rnams de'i 'jog
mtshams sgrub phyogs thal ches na chos thams cad bdag med pa'i
phyag rgyar 'gal ba dang/ dgag phyogs

thal ches na las 'bras kyi gzhi stor bas mngon mtho'i sgo'ang
khegs par 'gyur ro snyam nas shin tu zon byas te rang rang gi
blo dang 'tsham pa'i 'jog mtshams re byed do/ /'di thams cad kyis
gang zag 'jog tshul rten sa'i khung@004a @#/ /ni mdo las/ ji ltar yan lag tshogs rnams
la/ /brten nas
shing rtar brjod ba ltar/ /de bzhin phung po rnams brten nas/
/kun rdzob sems can zhes bya'o/ /zhes pa 'di la byed pa khyad
med

kyang tshig gi nus pa 'don lugs mi 'dra ste/ don smra phal cher
phung po rnams zhes pa ya gyal gyi phung po lnga la byed dgos
shing/ ya gyal la brten nas tshogs pa 'jog dgos pas lung gi don
de lta bu'i phung po'i tshogs tsam de nyid

gang zag tu 'jog dgos pa/ phung po rnams brten nas/ /kun rdzob
sems can zhes bya zhes pa 'dis gsal bar bstan zer/ sems tsam pa
rnams gang zag gi btags don rnyed rgyu zhig yod dgos la/ phung
po las

logs su yod tshul mi srid pas phung po'i nang 'di nas tshol zhing
rnyed dgos pa/ phung po rnams brten nas/ /zhes pa'i don yin la/
de'i nang nas btsal ba'i tshe gzhan rnams gang zag gi mtshan gzhir
mi rung bas/

kun gzhi kho na 'jog dgos pa lung de'i don rigs pas sgrub tshul
yin zer/ rang rgyud pa rnams gang zag phung po rnams la brten
nas 'jog par gsungs pas/ 'jog byed gzhan zhig dgos pa shugs la
thon cing/ de gang

la byed na rtog pa tsam gyis 'jog mi nus pas/ yul gyi rang mtshan
la ma 'khrul ba'i blo gnod med cig la snang ba'i dbang gis 'jog
dgos/ 'on kyang der snang tsam gyis mi chog par gdags gzhi de'i
ngos nas kyang

@004b grub dgos te/ de'i ngos nas grub ma grub la mi ltos na
mi'i phung sogs 'gro ba gzhan gyi gdags gzhir thal ba'i skyon
'byung bas/ 'dir phung po rnams brten zhes pa de la dgag phyogs
nas 'jog byed gzhan la ltos med du ma grub pa dang/ sgrub

phyogs gdags gzhi rang gi ngos nas kyang grub dgos pas go don
gnyis yod ces zer ro/ /thal 'gyur bas mdo lung de nyid kyi sgo
nas de thams cad 'gog par byed de/ de'ang don smra la/ khyod
kyis phung po'i tshogs tsam de nyid phung por

'jog pa mi 'thad par thal/ phung po'i tshogs tsam de la brten nas
gang zag 'jog dgos pa'i phyir/ khyab ste/ lhas sbyin la brten
nas ldang ba la lhas sbyin las gzhan zhig dgos kyi/ rang nyid
rang nyid la brten nas ldang tshul med

pa'i phyir/ phung po la brten nas gang zag 'jog kyang phung po'i
tshogs tsam la brten nas gang zag 'jog par mdo las ma gsungs zer
na'ang mi 'thad de/ yan lag tshogs tsam la brten nas shing rta
'jog par mdo las dngos su

gsungs pa gang zhig /de gnyis dpe don 'byor dgos pa'i phyir/
gzhan yang shing rta'i yan lag tshogs tsam shing rta yin par
thal/ phung po'i tshogs tsam gang zag yin pa'i phyir/ 'dod na bya
byed gcig tu thal ba'am mdo dang

dngos su 'gal bar 'gyur ro/ /sems tsam pa la/ khyod kyis phung
por cha phye ste nang nas rnam shes gcig pu gang zag gi mtshan
gzhir 'jog pa mi rigs par thal/ mdo las de'i mtshan gzhi ston pa
na cha ma phye bar phung po

@005a @#/ /rnams zhes khyad med du gsungs pa dang 'gal ba'i
phyir/ phung po rnams zhes gsungs kyang de'i nang nas rigs pas
btsal ba na 'os med kyis kun gzhi'i steng du 'bab pas/ spyi sgra
bye brag la

gtso bor sbyar te kun gzhi bstan pa yin zer na'ang mdo dang 'gal
te/ mdor/ de nyid gang zag tu ma gsungs par de la brten nas gang
zag 'jog par gsungs pa'i phyir/ zhes 'gog go /rang rgyud pa la/
khyod kyis gang zag

gdags gzhi'i phung po rnams kyi ngos nas grub par 'dod pa mi
'thad par thal/ mdo las gdags gzhi'i phung po rnams la brten nas
'jog par gsungs pa'i phyir/ khyab ste/ gdags gzhi'i ngos nas
bzhag na gdags gzhi'i

phyogs su gtogs kyi/ btags chos su mi 'gro ba'i phyir/ dber na
tshur ri phar ril ltos pas phar ri'i ngos nas grub lugs med pa
dang/ ring po thung ngu la ltos pas thung ngu'i ngos nas grub
lugs med pa bzhin yin pa'i phyir/

! sgyu ma'i dpe'ang mdo las mang du 'byung bas grub mtha' bzhi
gas khas len yang dper bkod tshul mi 'dra ste/ bye smra rnams
sgyu ma'i rta glang sogs skabs der yod kyang sprul pa bsdus pa
na med 'gro ba bzhin/ tshe 'di'i lus longs

spyod rnams 'chi ba'i tshe 'dor ba'i mi rtag pa rags pa'am rgyun
gyi mi rtag pa'i dper byed/ mdo sde ba rnams sprul pa'i bkod pa
rnams skad cig skad cig gis 'gyur ba bzhin phyis 'byung gi rgyu
la mi ltos par skyes tsam nas 'jig

@005b ba'i chos can gyi skad cig la mi rtag pa'i dper byed/ sems
tsam pa rnams rde'u shing gi ngos nas rta glang du med kyang
sngags rdzas kyis bslad pa'i shes pa'i snang cha tsam yin pa
ltar phyi rol don gyi ngos nas ma grub par nang sems kyi

bdag nyid tsam du gnas pa'i dper byed/ dbu ma pa rnams blo la
snang ba'i dbang gis bzhag pa ma gtogs bden bar ma grub ba'i
dper byed/ 'on kyang rang rgyud pas chos rnams gdags gzhi'i ngos
nas grub par 'dod pas dpe'i

skabs su sgyu ma'i rta glang yang sprul gzhi'i ngos nas grub par
'dod de/ de sprul gzhi'i ngos nas snang mi dgos na sprul gzhi
med par sngags rdzas kyis bslad pa kho nas rta glang du snang
bar thal ba'i skyon 'byung zhes zer ro/ /thal 'gyur

bas de nyid rta glang du snang ba de'i ngos nas grub pa'i dbang
gis min gyi/ blos de la rta glang du btags ma btags kyi dbang
gis yin te/ dper na ri bong rwa 'dzin rtog pas ri bong gi rwa
'dzin yang mo gsham gyi bu mi 'dzin pa yul

yod med kyi dbang ma yin par rtog pas der btags ma btags tsam
gyi dbang gis yin pa bzhin no/ /der ma zad rde'u shing gi ngos
nas rtar snang bskyed pa yin na mig ma bslad kyang der snang
dgos la/ bslad pa'i tshe'ang rta kho nar

snang dgos kyi sprul gzhi de nyid glang du snang ba 'byung mi
srid par 'gyur te/ blos btags pa kho nas mi chog par sprul gzhi
kho rang gi ngos nas rtar snang ba'i phyir ro/ /sgrub tshul 'di
dag ni 'jug par/ de nyid du 'di ji ltar skye med

@006a @#/ /kyang/ /mo gsham bu ltar gang phyir 'jig rten gyi/
/mthong ba'i yul du mi 'gyur ma yin pa/ /de yi phyir na smra 'di
ma nges pa'o/ /zhes pa'i sgrub tshul yin no/ ! /gzhan sde la'ang
mngon mtho'i

lam tsam yod la/ 'on kyang de'i nang nas rgyang 'phen ni da lta
rang la dngos su snang ba'i mi'i 'gro ba 'di tsam ma gtogs khams
gong ma dang lha la sogs pa'i mngon mtho gzhan dang/ skye ba
snga phyi sogs dbang po'i mngon sum

gyi yul las 'das pa rnams med do zhes skur ba 'debs la/ de'i
rgyu mtshan gyis rjes dpag tshad ma'ang mi 'dod do/ /des na blo'i
mthu shin tu zhan pas grub mtha'i tha shal du rang sder ma zad
gzhan sde phal cher yang 'dod do/ /de bzhin

du nang pa'i grub mtha' bzhis nges legs kyi lam gtan la 'bebs pa
yin kyang bye smra blo'i mthu shin tu zhan pas nges legs kyi yon
tan mthar thug pa phal mo che blor ma shong bas snang tshod tsam
gtso bor byas te bsam gyis mi

khyab pa'i gnas phal cher la skur ba 'debs par byed do/ /de'ang
smon lam dang/ ting nge 'dzin dang/ dbang 'byor ba'i dbang gis
skye ba len tshul rnams dang/ ma rig bag chags kyis dang/ zag med
las kyi dbang gis skye

ba len tshul sogs blor ma shong bas skye ba zhig len phyin las
nyon gyi dbang gis skye dgos par 'dod/ de'i rgyu mtshan gyis
rgyal bu gzhon nu don grub lta bu'ang so skyer 'dod la/ sangs
rgyas kyi sku gzugs kyang sdug bden du

@006b 'dod pa dang/ phung po'i bdud bcom pa la lhag med du 'da'
dgos pa dang/ skye ba len sa'i zhing yang las nyon gyis bskyed
pa kho na ma gtogs dag zhing mi 'dod/ rgyu mtshan snga ma dang
phyi mtha' gtugs pa med par bzhugs pa

blos ma 'chun pa'i dbang gis sangs rgyas dang dgra bcom rnams
lhag med du 'phos pa na bem rig gnyi ga rgyun chad bar 'dod/
grangs med gsum du tshogs bsags pa'i 'bras bu lo 'ga' las mi gnas
pa rgyu 'bras go log tu song ba

yin la sangs rgyas rang nyid ma bzhugs kyang des gdul bya gzhan
smin grol la bkod pa dang/ des kyang gzhan dang gzhan smin grol
la bkod pas mdzad pa rgyun mi 'chad pa yin zhes skyon spong zhig
byed mod kyang/ phyi ma phyi mas rgyu

gzhi nas sgrub dgos pas sangs rgyas snga ma'i mdzad pa nyi tshe
ba tsam du thal ba'i skyon spong mi nus pas bsam mi khyab kyi
gnas la skur 'debs su song ba yin/ chos thams cad dus gcig tu
blo gcig gis rtogs tshul blos ma

'chun pas rnam mkhyen mi 'dod cing/ 'on bdag cag gi ston pa
thams cad mkhyen pa ma yin par thal lo zer ba la/ mi shes pa'i
rgyu bzhi sogs spangs te sgrib byed med pas gang la dgongs pa
gtad kyang mkhyen thub pa thams cad

mkhyen par 'gro tshul yin zhes skyon spong byed kyang/ shes bya
mtha' yas pa la so sor rim pa bzhin dgongs pa gtad dgos na thams
cad mkhyen tshul zhig mi srid pa'i skyon son gnas so/ /zhing
gzhan gyi ston pa rnams phyi'i skye

@007a @#/ /mched du smra ba'ang skye ba'i bkod pa sna tshogs su
ston tshul blos ma 'chun pa'i dbang gis yin pas/ de ltar na zhing
'di'i bdag cag gi ston pa gang zag tu khas blangs pa'ang zhen
phyogs tsam du zad

de; zhing gzhan na yod pa'i bye smra rnams zhing de'i ston pa
gang zag yin la/ 'di dag phyi'i skye mched yin zer bas de gnyis
la bden rdzun gyi khyad 'ong don med do/ /mdor na kun slong
skyon can ma yin pa ma gtogs sangs rgyas kyi sku

gsung thugs mdzad pa dang bcas pa rgya che ba'i rigs blor ma
shong bas 'dod tshul phal cher skur 'debs kho nar 'gro/ ! don
smras phyi don 'dod la/ sems tsam pas mi 'dod pas de la 'og ma'i
lugs bzang ba dang/ sems

tsam pas kun btags rtog pas btags tsam du 'dod la rang rgyud pas
mi 'dod pas de'i cha nas sems tsam pa'i lugs bzang bar mi
'gro'am snyam na ma yin te/ don smra dang sems tsam gnyis phyi
don yod med rtsod pa'i zhe

phugs ni/ bum pa lta bu sems kyi bag chags smin pa sogs gang
la'ang ma ltos par rdul phra rab bsags pa'i steng nas rtog pa'i
zhen gzhin tshugs thub tu tshur ling nger grub rgyu yod pa zhig la
bsams pa yin pas de thal 'gyur ba'i

lugs la'ang med pas don la bsam na sems tsam pa bden zhing/ slob
dpon dbyig gnyen lta bu mdo sde ba las sems tsam par gyur pa'i
tshe dgag bya de khegs nas blo kha je mthor song ba yin no/ /sems
tsam pas kun btags

@007b rtog pas btags tsam yin zer mod kyang/ tsam sgras rgyu las
skyes pa dang 'phags pa'i mnyam gzhag ye shes kyi yul du grub pa
tsam khegs pa ma gtogs yul steng na grub rgyu zhig yod pa khegs
par mgo /rang rgyud pas tsam sgra'i nus pa

yul steng na grub rgyu zhig yod pa khegs tshul shar te kun btags
der khas ma blangs pa yin pas de gnyis kyang phyi ma blo kha
mtho ba'i rtags yin no/ ! /mdo sngags la gzhol tshul dris pa'i
lan ni/ dper na thang dma' mo nas

ri rtser 'gro ba'ang thang stod je mtho dang ri zhol je dma'
dgos kyi/ de min na 'gro lugs med pa ltar/ mdo sngags la gzhol
tshul yang mdo'i bshad pa je zab je mthor song ste/ theg pa 'og
mar nyon mongs lam gyi grogs su 'gro bar

gsungs pa med kyang/ lhag bsam bskul bar byang sems la de grogs
su 'gro ba yod par gsungs/ lus ngag gi bdun yang gnang ste/
sngags kyi chags pa lam du byed tshul dang mngon spyod lta bu min
yang der phyogs pa'i rtags yin/

mdo gzhan la sbas don zer ba med kyang sher mdor yod pa de mdo'i
yang rtse yin pas sngags kyi tshul bzhi sogs la phyogs pa'i rtags
yin/ tshul bzhi'ang dang po tshig don nas yar 'khrid pa byis pa
chung ngur mdzub rtse bstan nas mig khrid

de zla ba ston pa dang 'dra bar gsungs pas/ yig spyi gnyis mdo
la tshang yod pas de sngags la 'khrid byed yin pa des kyang shes/
yang sngags kyi khyad chos gtso bo lha'i rnal 'byor dang rlung
'dul thabs gnyis yin la/ mdo rnams de'i

@008a @#/ /snga mar gzhol tshul bye smras sangs rgyas kyi gzugs
sku bem por 'dod cing lhag med kyi tshe bem rig rgyun chad pas da
lta skyabs su song tshe smon lam gyi mthus byin rlabs 'jug pas/
shi ba la yang byin rlabs

yod; ces pa ltar yin gyi/ yul dngos de med par 'dod/ mdo sde pas
gzugs sku sangs rgyas su 'dod pas snga ma las dga' 'ang sku de
bsgom pa ma bshad/ 'on kyang 'dul ba lung las ston pa'i sku bri
bar gsungs pa 'di gnyi gas

byed la/ de bsgom pa'i dmigs rten yin pas rten 'brel gyi sgo
tsam zhig yod/ phar phyin theg pas/ ye shes ji snyed khyab gyur
pa/ /sku yis kyang ni de snyed khyab/ /ces pa dang/ gang zhig
thub pa'i zla ba yid byed pa/ /de yi mdun

na thub pa rtag tu bzhugs/ /zhes mdun du bsgom pa bshad kyang
rang der bsgom pa ma bshad/ bya rgyud la bdag bskyed yod med
gnyis 'byung ba'ang mdo'i gdul bya yar kha 'dren thabs yin te/
bdag bskyed med pa dang/ yod kyang

dam tshig pa tsam bsgom pa dang/ der ye shes pa bsre ba rim pa
bzhin rta la zan slob pa ltar byed dgos pas mdo sngags mthud
mtshams lta bu der rim pas phra spom btang ba yin/ 'dul ba lung
las ston pa'i sku la zhabs gdub

dang rna rgyan ma gtogs pa'i rgyan 'bul bar gsungs pas theg dman
ltar na'ang lha'i rnam par sgyur rgyu'i phyogs tsam yod la/ phar
phyin theg par longs sku'ang bshad pa dang/ bya rgyud kyi gtso
bo dam tshig gsum bkod kyi

@008b dkyil 'khor sogs sngags spyi 'gro ltar la gtso bo sprul
sku'i rnam par yod pa dang/ rnal 'byor rgyud kyi lha snam la rab
byung gi rnam pa can bkod pa sogs kyang snga ma snga ma'i 'gros
de yin no/ /spyod rgyud kyis ye shes pa gzhug pa'i tshul gtso bo

dang/ rnal 'byor rgyud kyis der phyag rgya bzhis rgyas 'debs pa
bcas je zab tu btang/ bla med kyis bskyed pa tsam du ma zad sku
gsum lam 'khyer gyi tshul du bskyed la/ de las lhag pa lus sems
phra rags phye ste ye shes kyi skur ldang

tshul gsungs so/ /rlung gi rnal 'byor la mdo rnams gzhol tshul bye
smras dbugs 'byung rdub sgom tshul/ bgrang ba la sogs rnam pa
drug /ces pa tsam zhig yor la/ mngon pa gong mas de las rgyas su
btang tshul bsam gzugs

chen mo ltar yin/ de las lhag pa rlung dang sbrags te gtong len
gyi sgo nas bdag gzhan mnyam brje sgom tshul spyod 'jug tu gsungs
pa de sngags dngos min kyang sngags kyi 'bras bu lam byed dang
sgo mthun pa'i man ngag yin pas gsang ba'i

dam pa zhes gsungs/ rgyud sde 'og mar rlung la brten nas bde
drod bskyed pa dang/ de'i rang gdangs sngags kyi sgrar grag pa
sogs gsungs la/ bla med gyis de'i 'byung 'jug gnas gsum sngags
su byed pa'i rdor bzlas kyi sgo

nas rlung dbu mar gzhug pa'i man ngag mthar thug pa gsungs so/ !
/de bzhin du sangs rgyas rjes su dran pa'i don yang grub mtha'
'og mas yon tan dang bka' drin rjes su dran pa la byed/ theg
chen thun mong bas ye shes kyi

@009a @#/ /spyan gyis gzigs bzhin par bzhugs pa dpang po'i tshul
gyis lha rjes su dran pa la byed/ gsang sngags kyis rang lhar
rjes su dran nas nga rgyal dang gsal snang bskyed pa la byed do/
! /sems sems

byung rdzas mtshungs zhes pa'i don gang yin dris pa'i lan ni/
rdzas mtshungs de gnyis rdzas re re bar mtshungs zhes pa yin la/
'dir nyams len dang 'brel ba'i go rgyu chen po zhig yod de/ sems
kyi ngo bo gsal rig tsam ngos zin

yang/ sems byung so so ngos ma zin na rmug pa sogs gti mug gi
cha 'ga' zhig ting 'dzin du 'khrul ba dang/ 'dod chags kyi char
gtogs 'ga' zhig byams snying rje dad pa sogs su nor/ lta ngan la
shes rab tu nor ba sogs

rtog pa 'og 'gyu'i dbang gis rgyal kha blon gyis bsgyur ba bzhin
sems dge mi dge gang du song yod shes dka' bas dam pa rnams
nyams len byed pa la kun btus sam/ ma mtha' phung po lnga'i rab
byed lta bu rer sbyang dgos par

gsang zhing sems sems byung gi ngos 'dzin mang po gsungs pa'i
rgyu mtshan de yin no/ /blon po'i nang nas kyang skabs der phan
gnod gang byed pa'i gtso bo rang de shes nas thabs byed dgos pa
ltar/ sems byung mang po yod kyang

rang stobs kyis yul myong ba'i cha de byed mkhas tshor brdzas
gcig po de kho na yin/ 'di 'di'o zhes spu ris 'byed mkhan 'du
shes gcig pu yin pa lta bu mdzub mo 'dzugs gcig dgos la/ khyad
par gnas lugs la rmongs te

@009b 'khor rtsa byed mkhan dang/ gnas lugs rang stobs kyis
rtogs te 'khor ba las grol byed gang yin rtsa bar bcar nas ngos
zin pa zhig med na spang gnyen ngo 'phrod pa'i sgom tshul gnad
thog tu khel ba zhig mi 'ong ngo/ /'phags yul gyi grub mtha'

smra ba rnams kyang dgos don 'di thugs la bzhag pa'i dbang gis
sems tsam pa lung gi rjes 'brang rnams gnas lugs sgrib byed ma
rig pa lta min gyi de kho nar nges kyi/ lta bar gyur pa gcig ste
ma rig pa gnyis byung na rdzas mtshungs

nyams zer don/ dper na mi gcig la rkus btsugs yod pa'i tshe yang
phyogs gzhan gyi mi gcig la rkus de btsugs na nges med du 'gro
ba bzhin/ srid rtsa gang yin btsal btsal te thog cig ma rig par
ngos zin yod pa de gtang

so med par 'gro dogs pa yin/ sems tsam pa rigs pa'i rjes 'brang
dang dbu ma pa sogs kyis lan 'deb tshul yang/ bya ba khyad med
pa'i ma rig pa gnyis sems gcig gi 'khor du bzhag na rdzas
mtshungs nyams pa bden yang/

'dir lta min rang stobs kyis gnas lugs sgrib pa tsam byed/ 'jig
ltas rang stobs kyis phyin ci log tu' dzin pas bya ba mi 'dra
zhing/ de'i nang nas kyang skyon che shos 'jig ltar sbyed pa yin
te/ mun khyod du thug par phyis phyin

par ma mthong ba las kyang sprul du mthong ba de nyid kyis 'jigs
skrag skyed pa bzhin/ rmongs tsam las kyang 'jig lta de nyid
chags sdang sogs kyi rgyu'i gtso bo yin pas/ rnam 'grel las/ log
par dmigs nyid ma rig pa/ /gsung@010a @#/ /shing 'jug pa'i dgongs pa'ang de dang
'bral/ mdo sde
rgyan las/ gang phyir yod pa mi mthong med mthong ba/ /de 'dra'i
mun nag rnam pa de gang zhig /gsungs pa'i dpe'i nus pa'ang 'dis
thon no/ /

'phags yul grub mtha' bzhi'i mkhas pa kun gyis dpyad pa mang po
mdzad pa'i dgos don gtso bo 'khor rtse gcod thabs 'di rang yin
pas blo'i nus pa'i khyad kyis rim pa bzhin ji zhib tu song snang
ste/ bye smra rnams sreng pas yul la

'jug tshul tsam mthong nas de 'khor rtsal 'jog pa ma gtogs bdag
'dzin gyis 'khor rtsa byed lugs blos ma 'chun zhing/ sred pa ni
spang bya gzhi bcas zhes yul 'dod pa'i dngos po don du yod pa
zhig la yid 'ong gi rnam

par zhen pa yin pas/ spang bya gzhi med bdag 'dzin lta bu 'dzin
stangs dngos 'gal du zhugs pa'i gnyen po'i sgo nas zhen yul
drungs phyung ste spong tshul med/ de'i stobs kyis dgra bcom thob
na'ang yul 'dod pa'i

dngos po dang phrad pa'i rkyen gyis 'bras bu las nyams pa'ang
'jog dgos byung ba yin/ de la pha rol pos thar pa la yid brtan
med par thal ba 'phang ba'i lan du/ 'bras las nyams pa 'chi ba
med/ /ces skyon spong

zhig byed mod kyang mi 'grig ba'i rtsa ba 'khor rtsa ngos ma zin
pa de yin/ spang bya'i gtso bo ngos ma zin pas spong byed gnyen
po'ang nges bzung med par sbyor lam tha ma'i tshe mi rtag sdug
bsngal sogs gang gtso bor bsgom

@010b na'ang mthong lam sdug bsngal chos bzod de de'i rnam ldan
du skye zhes ther/ mdo sde pas 'khor rtse la bdag 'dzin dgos
pa'i phyogs shig shes kyang bdag 'dzin rags pa tsam las nges ma
zin/ de bzhin du gnyen po'i gtso

bo bdag med bsgom dgos par bsams kyang de mngon sum du 'char
tshul blor ma bde bas chos bzod kyis mi rtag sogs snang yul du
byas pa'i shugs la rtogs zer/ sems tsam pas de'i steng du theg
chen lugs kyi spang bya khyad par

gzhig yod dgos shing/ de'ang thams cad mkhyen pa thob pa la
'gegs byed ba'i shes sgrib ces chos thams cad kyi steng du log
par zhugs nas sgro 'dogs mkhan zhig yod dgos par bsams nas chos
kyi bdag 'dzin drags pa zhig

bsnan te gang zag gi bdag 'dzin dang de gnyi ga 'khor ba'i rtsa
bar 'dod/ 'dis mdo sde pa ltar chos bzod kyi 'dzin stangs la
'dus byas shig ma bzhag kyang rjes bzod la bzhag pa 'og ma'i
shan gyis da dung gtad

so zhig ma byung ba'i rtags su snang/ rang rgyud pas bden 'dzin
gyis 'khor rtsa byed pa'i phyogs rtogs na'ang bden 'dzin phra mo
ngos ma zin zhing/ theg pa gsum shes rab kyi rtog rigs tha dad
pa dang/ de'i dbang gis

grub mtha' 'og mas 'dod pa'i bdag 'dzin de tsho'ang 'khor ba'i
rtsa bar bzhag ste gcig chod cig byed mthub/ thal 'gyur bas
thams cad mkhyen pa 'thob pa la gegs byed kyi shes sgrib cig zur
du yod na'ang/ theg pa

@011a @#/ /gsum po gang gi dbang du byas rung thar ba thob ba la
gegs byed kyi gtso bo 'khor ba'i rtsa ba bden 'dzin phra mos
byed pa 'dra zhing/ de gcod byed bden med bsgom pa'ang 'dra bas
zhi sgo gcig bu 'di kho na

yin zhes 'jog thub ba byung ste/ rim pa bzhin rkun ma ngos 'dzin
pa la dang po phyogs tsam yang ma shes pa dang/ phyogs tsam shes
kyang grong ngos ma zin pa dang/ de'i nang nas mi 'ga' la dogs
pa skyes pa dang/ gcig rang la

mdzub mo 'dzug thub ba lta bu gnad la thag je nyer 'gro tshul gyi
khyad zhugs pa 'di mthong na thams cad la dad pa skye zhing/
grub mtha'i go rim la nges ba dang gong ma gong ma la lhag par
yid ches rnyed cing/ bcom ldan 'das kyis

gdul bya'i rim pa gzigs te chos bstan tshul la dad pa lhag par
thob pa 'byung ngo/ /'khor rtsa 'jog tshul ma 'dra ba'i dbang gis
thar lam sgrub pa'i rten gyi rigs 'jog tshul yang mi 'dra ste/
bye smras sred pa 'khor rtsa byas

pas rigs kyi ngo bo 'dod chung chog shes la bshad do/ /sems tsam
pas 'khor 'das thams cad kun gzhi'i steng nas 'byung dgos pas
rigs kyang de'i steng gi zag med ye shes skye rung gi nus pa
zhig bzhag go /thal rang

gnyis sems kyi gnas lugs bden stong la rigs su 'jog pa 'dra'ang
de mthong sgom gyi spang bya'i dri mas dag pa'i cha rim par 'gog
bden du 'gro lugs dang/ 'gog pa de nyid rang steng du mthong
tshul sogs thal 'gyur ba lta

@011b bu'i 'jog tshul bde mo zhig ma thub ba theg ba gsum ga'i
shes rab kyi rtog rigs so sor bzhag pa'i dbang gis yin te/ chos
kyi dbyings la dbyer med phyir/ /zhes sogs kyi rtsod lan yang
theg pa gsum gas sems kyi chos nyid de

ga bsgom par 'dra'ang zin byed thabs kyi cha sogs ma 'dra bas
stobs che chung dang mchog dman byung ba yin zhes lan 'debs rgyu
bzhag nas/ nam mkhas gzugs can kun la go 'byed pa ltar sems bden
stong des kyang theg pa

gsum ga'i lam la go 'byed pas rten byed par 'dra'ang lam rang
rang gi ngo bo ma 'dra ba yin zhes lan 'debs la/ thal 'gyur bas
gzhal na rgyu byed pa'i rigs su 'gyur tshul zhig med par rten
byed tshul de tsam zhig yin

tshe nyon mongs rnams kyang skye ba la go 'byed pas de'i'ang rten
du thal ba sogs 'brel med kyi skyon 'jug go /rgyu mtshan 'di la
brten nas 'phags pa grol sdes nyi snang rang rgyud pa'i gzhung
du byas nas mdzad kyang rtsod lan gyi

thad 'di dag thal 'gyur ba dang sgo bstun pa yin/ bzhi brgya
bar/ chos kyi dbyings la dbyer med phyir/ /khyed la theg pa'i
dbye ba med/ /gsungs pa'ang chos dbyings su ro gcig pa'i gtan
tshigs kyis mthar thug theg pa so

so ba med par bsgrubs pa yin na 'khor 'das kyang so so ba med
par 'gyur bas/ de'i don gang la dmigs nas gtso bor bsgoms pas
de'i ngo bor dri ma zad pa'i chos dbyings 'dra ba'i don du byed
dgos te/ de ltar byas na mngon

@012a @#/ /rtogs rgyan gyi de dang tshig don gnyi ga shin tu
'dra'o/ /sems tsam pa man chad rigs bden grub tu 'dod pa'i rgyu
mtshan gyis mthar thug theg pa gsum du bzhag pa yin no/ /dbu ma
pas sems dri

mas bslad pa'ang bden grub ma yin par ltos grub bcos su yong
ba'i gnad kyis sems can thams cad sangs rgya nges su bzhed cing/
rnam 'grel rjes 'brang gi sems tsam rnams rtag nyid byir ram
thabs med phyir//

zhes sogs mthar thug theg pa gcig tu bsgrubs pa'ang dbu ma pa'i
rigs pa'i 'gros 'di la gzhol ba yin te/ dgag bya'i khyad tsam ma
gtogs/ sna tshogs snang can don rnams la/ /zhes sogs gcig du brel
gyi

rigs pa dang/ res 'ga' ba nyid yin pas na/ /zhes sogs ltos grub
kyi rigs pas sgrub tshul rtsa 'jug sogs dang 'gros mthun pa shin
tu mang ngo/ /rigs 'dod tshul mi mthun ba 'di'ang legs par go na
nyams

len du 'char tshul zhig yod de/ las dang po pa la sems bden stong
rigs yin zer ba las 'dod chung chog shes 'phags pa'i rigs su
bstan te/ rigs zhes pa rtsa ba'i rgyu'am sa bon dang khams kyi
don yin pas thar pa'i

go 'phang zhig 'dod na 'dod chung chog shes la gnas dgos kyi/
gzhi de med bar thar lam sgrub tshul gtan med ces bshad na blo
'khul tshabs che bas don du 'gyur ro/ /'di la dgongs nas pad dkar
du'ang chos gos

@012b ngan don tsam gyis chog shos pa sogs bzhi la 'phags pa'i
rigs su gsungs so/ /gzhan lta ci/ phung po lngar phye ba dang/
gzugs shes ldan min 'du byed gsum du byas pa tshun chad kyi steng
na'ang grub mtha' gong 'og phra

rags kyi khyad par zhig dod yod pa shes te/ byed mdo gnyis phyi
don bem po'i 'jog tshul 'di gtso bor byed cing blor bde bas don
smra ba zhes zer te/ bden pa gnyis kyi 'jog tshul yang bum pa lta
bu bcom gzhig byar yod pa

dang rdul phran lta bu de ltar byed tshul med pa la bye smras
bshad do/ /sems tsam pas phyi don bem po bkag nas nang shes pa'i
'jog tshul gtso bor byed/ 'du byed ces pa dper na ri rab khang
khyim mi dang phyugs sogs du

ma zhig tshogs tsam la rgya gar zhes btags pa lta bu rigs mthun
mi mthun mang po zhig 'dus pa'i steng nas 'jog dgos pas 'du byed
dang btags yod du bshad la de grub mtha' 'og ma rnams kyis khas
mi len pa

min yang don dbu ma pas bden stong 'jog lugs dang shin tu 'grigs
la/ re'i nang nas kyang thal 'gyur bas rtog pas btags tsam du
bzhag pa dang lhag par 'grig go/ /gzhi'i 'jog tshul gang gi skabs
su'ang blo'i

'jug pa rtsing zhib kyis mi mthun pa shin tu mang ste/ bye smra
rnams nam mkha' 'jog tshul yang thogs reg bkag tsam la 'jog ma
shes par snang mun gyi rdzas shig la 'dod/ bod kyi dbu ma pa
chen por rlom pa mang pos

@013a @#/ /kyang stong nyid kyi ngo bo dgag bya bden grub bkag
tsam la 'jog ma thub par sgrub pa'i cha re nan gyis btsal nas
bzhag pa ni bden par med tsam de ye med lta bu zhig tu song ste
'dzin rgyu ma byung ba med

dgag gi spyi ma shar ba'i skyon bye smra la 'byung rgyu de
'byung ba yin no/ /mdo sde pa rnams med dgag dang sel ba tsam
zhig 'jog thub kyang de dang 'dus byas rnams yod par 'jog tshul
blo ngor 'char dka' sla dang nye ring gi khyad

chen po zhig gyur te/ 'dus byas rnams mngon sum gyi dngos yul
dang mngon gyur du 'dod la/ 'dus ma byas rnams rtog pa'i snang
cha tsam du 'dod/ mi rtag pa'ang bye smras 'jig rten gyi grags
tshod ltar bum pa tho bas bcom

pa'am/ mi tshe 'phos pa lta bu la 'jig par 'jog cing skad cig gis
'jig pa 'jog tshul ma shes la/ 'dus byas thams cad mi rtag par
'jog dgos pas longs sku dang 'og min gyi zhing lta bu 'khor ba
ma stongs bar du

rgyun gnas pa khas len ma thub pa yin/ mdo sde bas 'jig pa phyis
'byung gi rgyu la mi ltos pa'i gtan tshigs kyis 'dus byas thams
cad skad cig gis 'jig par 'dod kyang/ grub mtha' gong mas bya
rdzogs kyi skad

cig ma gcig la cha sum brgya dang drug cu re lnga 'byed par phar
phyin lam sgrig las gsungs pa lta bu'i dus kyi thung mtha' zhig
'jog mi thub pas de'i cha nas kyang phra rags yod la/ mdo las mi
rtag pa'i don med pa dang ma

@013b mchis pa'i don du gsungs pa'i steng nas dgu sems gnyis
la'ang go tshul phra rags yod do/ ! /yang sgron gsal las/ 'od
gsal ba'i ye shes las byung bas na ye shes kyis btags pa'o/
/'di'i don theg pa chen po'i mdo sde

las kyang dgongs pas bshad pas ston te/ skra tsam khyon gcig la
yang sangs rgyas ni/ /rnam mang gang+gA'i klung gi bye snyed
bzhugs/ /zhes bya ba dang/ rdul gcig steng na rdul snyed sangs
rgyas rnams/ /sangs rgyas sras kyi dbus

na bzhugs pa dag /ces bya ba gsungs par lha'i de kho na nyid
ston pa yin te nges pa'i don to/ /zhes le'u drug par gsungs
kyang/ de'i don mtshan gyis 'grel pa'i tshe/ zung 'jug gi sku 'di
la dgongs pa'i gzhir byas

nas bshad pas te sgra gzhan gyis ston gyi/ dngos su ma yin no/
/zhes dang/ ye shes rdo rje kun las btus kyi TIkkar yang/ skra
tsam khyon la zhes sogs kyi mdo sdes zung 'jug gi sku bstan par
gsungs pa'ang skra rtse tsam gyi

khyon na sangs rgyas gang+gA'i klung gi bye ma'i grangs dang
mnyam par bzhugs pa rnams zung 'jug gi sku brnyes pa la dgongs
pa yin gyi/ mdo des zung 'jug gi lha'i sku bstan par bzhed pa
min te/ zhes gsungs la/ 'di

dang dbu ma 'jug par/ thub dbang dus gcig kho nar de'i rgyu
mthun/ /zhes sogs phyogs gcig tu byas pa'i dpyad gzhi che ba
zhig yod dam snyam ste/ dgongs pa rab gsal du 'bras bu'i sa
'chad skabs sku'i rnam

@014a @#/ /gzhal la chos sku longs sku rgyu mthun pa'i sku gsum
du byas nas gsungs kyang/ sprul sku'i rnam gzhag 'og tu/ slar
yang mi g.yo sku mnga' zhes sogs kyis ston par gsungs pas/ 'dir
rgyu mthun

pa'i sku zhes pa de sku gang la byed dpyad dgos so/ /'dir rgyu
mthun pa'i don dgongs pa rab gsal las/ chos longs kyi rgyu mthun
pa ste gsungs shing/ rang 'grel tu'ang/ chos kyi sku las byung
ba'am gzugs kyi sku'i mthu las

byung yang rung ste/ ji skad bshad pa'i sku las gzhan du gyur ba
rgyu mthun pa'i sku zhes gsungs pas/ gong du bshad ma thag pa'i
chos sku ni ye shes kyi tshogs dang/ gzugs sku bsod nams kyi
tshogs kyi 'bras bu yin la/ tshogs

de gnyis kyang ya bral du ma song bar zung du 'jug dgos la/ de
dang mthun par 'bras bu chos gzugs gnyis kyang so sor song ba
tsam gyis mi chog par zung du 'jug dgos pas de la rgyu mthun
pa'i sku zhes bshad de/ sngags kyi theg pa

bzhin sku thugs zung 'jug gi tha snyad dngos su ma sbyar yang
don de'i steng du 'bab par snang ngo/ /gong du chos sku las
byung ba'am zhes gdam nga'i tshig lta bu gsungs pa'ang gang rung
gi don min gyi/ rgyu de gnyis khyad

med du bsgrub pa'i don yin zhing/ dngos zin sku gnyis las 'byung
bar gsungs pa'ang sku gnyi ga 'grub byed las 'byung ba'i don
nam/ yang na tshogs pa 'jog pa ya gyal la brten nas 'byung ba'am
'jog pa'i don du go

@014b dgos so/ /'jug pa'i gsung tshul 'di dag sgon gsal du bzang
spyod kyi lung drangs pa de dang shin tu mtshungs te/ sangs rgyas
byang sems kyi mdzad pa skyes rabs mtha' dag ba spu'i khung bu
gcig dang rdul phra rab gcig gi go sar skad cig

ma gcig gi yun tshad la ston tshul gsungs pa rnams/ skra tsam
khyon la dus gsum tshad snyed/ ces dang/ rdul gcig steng na rdul
snyed zhing rnams zhes sogs tshig ris bzhin bkod par snang ngo/
/de ltar 'ongs pa'i rgyu

mtshan yang/ dag pa 'di ni bzhed pa 'jug pa yi/ /rdul gcig yul la
mtha' gtugs 'jig rten dang/ /'jig rten mtha' yas phyogs khyab
rdul ston mod/ /rdul rags mi 'gyur 'jig rten phra mi 'gyur/ /

gsungs la nges don dgongs pa rab gsal du/ mdzad pa 'di ni bzhed
pa tsam gyis 'jug pa zhes thugs la dgongs pa tsam gyis chog par
gsungs pa'i rgyu mtshan/ slob pa'i dus lhan skyes kyi bde bas
rlung sems 'dod

dgur sgyur tshul la goms pa mthar phyin pa'i dbang gis yin pas/
yang dag mtha' dpyis phyin pa snga shas la rag las par gsungs pa
las kyang/ sems can mtha' dag gi re ba cig car du rdzogs par
byed nus pa'i thabs

rnam pa thams cad pa 'di ngo bo tsam mdo las bshad kyang/ 'grub
tshul gyi gnad dpyis phyin par go bsngags la rag las so/ /rma
bya'i mdod sa ni gcig pu yi/ /rgyu yi dbye ba sna tshogs pa/ /kun
mkhyen min pa'i shes bya

@015a @#/ /min/ /de shes pas ni kun mkhyen stobs/ /zhes gsungs
pa'i kun mkhyen des kyang dngos po la zung 'jug gi sku brnyes
yod pa khyad med kyang 'dir de 'dra khungs su ma drangs bar snga
ma drangs pa

ni; phar phyin theg par yang chos sku dang rnam pa mthun pa'i
lam bsgom pa yod pas brtag pa mtha' bzung gis de rkyang pa
bsgoms te goms pa mthar phyin na chos thams cad mkhyen pa la
gegs byed kyi sgrib pa zad pa 'byung zhing

sgrib byed med na rnam pa thams cad mkhyen pa dang mkhyen pas
shes bya thams cad la khyab pa 'byung mod kyang/ gzugs skus
thams cad la khyab pa dang gang 'dod kyi bkod pa ston pa la
gzugs sku dang rnam pa mthun pa'i lha'i rnal

'byor dang/ khyad par du shin tu phra ba'i rlung gi nyer len las
sgyu ma'i sku bsgrub pa 'di med par brtag pa mtha' bzung gis
kyang 'byung lugs med pa mdo phyogs rang gi rigs pa'i 'gros kyis
kyang 'grub pas/ rje'i mchan bur

zung 'jug gi sku thob pa la dgongs gsungs pa de'ang dngos po la
thob yod pa tsam gyi don ma yin par/ zhib tu dpyad na 'bras bu
'di 'dra zhig 'byung ba la de'i rgyu mthun 'di 'dra zhig sngon
du 'gro ba med mi rung yin par 'dug snyam

pa'i go bskyed lugs khyad par bzhig yod par mngon no/ /rang res
dge ba gang byed blo'i mthu chung la mi mthun phyogs stobs che
bas sgyid lug par yang sangs rgyas kyi mthu bsam gyis mi khyab
bas mi 'grub pa ci'ang mi srid

@015b tshul 'di dang/ ci tsam las dang nyon mongs mthar gyur pa/
/bdag gi smon lam mtha' yang de tsam mo/ /zhes zhal gyis bzhes
pa sogs bsam na de la rgyab brten byar yod pas yid zhum mi dgos
par snying stobs dang spro ba 'phel bar

'gyur ro/ /dris lan 'di rnams bka' drin mtshungs med rje btsun
bla ma 'jam pa'i dbyangs nyid kyi zhal snga nas la phran sngags
rim par tna A nanta bdag gis grub mtha' bzhi'i 'dod tshul/ sems
sems byung gi rnam gzhag mdo

sngags la gzhol tshul sogs kyi rnam gzhag bdag lta bu'i blo dman
pha dag gi blo ngor 'dum bde zhing 'char sla ba'i legs bshad cig
cis kyang thugs rjes gzigs zhes yang yang gsol ba btab pa ltar
dgyes bzhin du thugs brtse ba

chen pos bka' stsal pa rnams gsung rim bzhin thad ka thad kar
zin ris su btab pa/ slar yang gong 'og bsdebs te yi ger bkod pa
'di'ang tshe rabs kyi 'phreng bar rje btsun bla ma 'jam pa'i
dbyangs kyis 'bral med dgyes bzhin

rjes su 'dzin pa'i myur gyur cig/ / ! //de'ang thun re bzhin kun
slong gi steng nas bstan pa yongs rdzogs kyi gnad tshang bar byed
tshul dgos zer ba la grwa pa thams cad ma lus par 'tshogs pa la
grwa tshang yongs

rdzogs zer ba bzhin so so bar song na rdzogs mtha' med pas nyams
len sna gcig la'ang thams cad rdzogs pa dgos/ 'o na dmigs skor
phyi ma rnams mi dgos sam snyam na ma yin te/ a gar so lnga
thun gcig la sbyor ba sna tshad@016a @#/ /yang rlung nad tshabs can de thun gcig
gis mi sel bar
mang po bstud nas 'thung dgos pa dang 'dra/ re re la'ang thams
cad tshang dgos ba'i rgyu mtshan ni/ bstan pa yongs su rdzogs ma
rdzogs

zhes pa gdul bya'i skyon mtha' dag spong ba'i thabs dang/ yon
tan mtha' dag sgrub pa'i thabs tshang ma tshang yin la/ skyon kun
zad yon tan kun rdzogs ni sangs rgyas kho na yin pas/ sangs
rgyas sgrub pa'i thabs rnal mar

'gro ba la bstan pa yongs su rdzogs dgos pa yin/ bsam sbyor de
'dra zhig byung na de la rnam kun rdzogs pa'i sbyor ba zer/ 'o
na sangs rgyas thob par bya'o snyam pa rang gis chog gam snyam
na/ de bsam tshul la thug

yod/ rgyu'i bsam mno ci yang med par 'bras bu sangs rgyas thob
na snyam pas mi chog /dbus su 'gro bar thag chod pa la lam dang
cha rkyen lam grogs thams cad kyi 'ding zhig yod dgos/ skas
gdangs? mang po 'jog

pa'i dus mtho dman gyi khyad yod kyang gom pa 'degs pa'i bya ba
dang/ khang thog tu 'gro 'dod kyi 'phen pa la khyad ci yang med
pa bzhin/ dngos gzhi'i dmigs skor la go rim yod kyang kun slong
gi bsam sbyor sna gcig

po des 'khyod dgos/ lha'i gos de bsgril na sen mo'i bar du tshud/
kha phye na lus kun khebs pa zhig yod zer ba bzhin/ sangs rgyas
thob par bya snyam pa'i kun slong de'ang rgyas bsdus byed tshul
shes dgos te/ sangs

@016b rgyas thob par bya zhes pa yon tan kun rdzogs par bya zhes
pa yin la/ de rdzogs pa la srang mda'i mthod man bzhin skyon kun
spong dgos/ skyon la sgo gsum du yod cing/ der yang phra rags
gnyis re yod bas/ rags

pa mdos sbyong zhing/ phra ba sngags kyis sbyong dgos la/ rags
pa ma sbyangs par dra ba sbyod tshul med bas sngon la mdo dang/
phra ba sngags la ma brten par sbyar mi nus pas sngags te gnyig
tshang dgos pa de yin/ rags

pa'ang lus ngag gi nyes spyod gtso bor sbyong zhing sdom byed so
thar yin la/ de'i rtsa ba chung 'bring ga lam gyis 'khor ba spyi
bye brag gi sdug bsngal bsams nas nges 'byung rnam dag skye ba
la thug yod/ yid kyi nyes pa'i rtsa

ba ngar 'dzin yin/ des rtsa ba byas te rang gzhan so sor bcad
nas chags sdang gis blang dor go log pas phung khrol thams cad
byas pa yin pas ngar 'dzin de don dam byang chub kyi sems kyis
sbyong/ blo ngan phyi ma thams

cad byams snying rje'i rtsa ba can kun rdzog byang chub kyi sems
kyis sbyong bas skyes bu chen bo'i lam thun mong ba der tshang/
skyon phra mo spong bar sngags kyis snon pa 'debs dgos la/
de'ang mtshan bcas kyis lus ngag

dang/ mtshan med kyis yid kyi nyes pa sbyong tshul yang shes dgos
la/ mthar gtugs na lus kyi nyes pa sbyos byed bskyed rim phra
rags/ ngag gi nyes pa sbyong byed kun rdzob sgyu ma'i rdzogs
rim/ yid kyi nyes pa sbyong

@017a @#/ /byed don dam 'od gsal gyi rdzogs rim yin/ zung 'jug ni
de gnyis tshogs pa la 'jog pas log na med/ de ltar sgo gsum gyi
skyon phra rags zad par spangs te sku gsung thugs rdo rje gsum
gyi

bdag nyid du gyur pa ni sku gsum dbyer mi phyed pa sangs rgyas
kyi go 'phang yin/ 'bras bu de 'dra ba zhig thob pa'i phyir de
dang rjes su mthun pa'i rgyu tshogs kyang ma tshang ba med pa zhig
bya'o snyam du mig rgyang bsrings/ yid rgya bskyed

de; shin tu goms ba'i lam srang la bsam mno btang ba bzhin dmigs
'og tu rug ge tshud pa zhig byung na kun slong rang la lam rim
tshang ba dang/ bstan pa'i gnad rdzogs pa bya ba de byung ba yin
no// ! //yig

chung skor la/ brkyang phyag ni mdo sde rnams su sdong po rtsab
nas bcad pa bzhin lus thams cad sa la phab pa'i phyag bya bar
gsungs pa de nyid yin pas/ ci nus sus la lus bsnyal du rung ste/
yongs 'dzin rin po che sogs

kyang de ltar mdzad kyi 'dug la/ sngon bla ma byams pa rin po
ches kyang phyag gi phan yon lus kyis gang non pa'i rdul grangs
dang mnyam pa 'byung tshul 'di tshol bltas na rkang lag da lta'i
'di las ring tsam yod na

snyam pa 'char gsung gi na yod 'dug pas/ lag pa shin tu brkyangs
te thal mo sbyar na rung/ 'di las skya'i bka' 'bum du yan lag
bdun gyi phyag tu'ang gsungs so// ! //spyir stong mchod dang

@017b brgyad brgya pa'i mchod pa sogs rnam rgyal ma'i gzungs
mdon gsal bas grags che la phyis su thu'u bkwan rin po ches sman
blar sbyar te gsungs 'dug pas/ bdag gis kyang thugs rje chen bor
sbyor tshul de nyid bris pa yin/ lha

gzhan la'ang de'i rigs pa sbyar mtshogs rgya chen gsog pa'i rkyen
du 'gro ba las dgag bya yod don mi 'dug /'on kyang sgrol ma la
maNDal bzhi ba lta bu rang rang gi lugs kyi mchod tshul mi 'dra
ba yod pa der de nyid gtso bor byas

na phyag bzhes kyi rgyun mi nyams shing dang ba 'dren pa'i khyad
yod/ ! sman bla'i mdo cho ga skabs bum chog med par 'od zer spro
bsdus rang gzhan gyi nyes pa thams cad sbyangs pa'i dmigs pa
byed pa mdo lugs sher phyin

fgyi glang gzhi'i skabs lta bu yin pas 'gal ba med/ ! nyi ma
sbas pa'i lugs kyi sgrol ma'i dbang ngam rjes gnang thob yod na
lugs gnyi ga'i sang ldeng nags sgrol gyi sku mdog phyag mtshan
sogs 'dra bas de gzhir bzhag

la bsnyen pa bla med ltar byas na legs/ ! /tha ma kha'i nyes pa
sbyong thabs rten la bdug spos gang legs 'bul ba/ khrus gsol
byed pa/ yig brgya dang tshul khrims rnam dag gi gzungs bzla ba
sogs bsam pa dag pas

byas na/ gang zhig sngon chad bag med gyur pa yang/ /phyi nas
bag dang ldan pa nyid gyur na/ /zla ba sprin bral lta bur rnam
mdzes/ gsungs pa de yin pas shin tu legs so// ! //srid ba'i rtsa
ba ma rig zhing

@018a @#/ /pa yis/ /las kyi sa bon rnam shes zhing du btab/ /sred
dang len pa'i chu lud kyis gsos pas/ /sa bon stobs rgyas srid
pa'i ngo bor 'phos/ /de las skye ba'i rang bzhin ming gzugs kyi/
/myu

gu 'bus shing skye mched sdong bur 'dril/ /reg pa'i me tog tshor
ba'i 'bras smin yang/ /rga shis brngas te slar yang srid par
'debs/ /ji srid bdag med me yis ma bcom pa/ /de srid skye shi'i
'khor lo bskor dgos

pas/ /gnas lugs zab mod bag chags ci thebs kyis/ /srid pa'i rtsa
ba drungs nas 'byin par shog /'di'ang mtshams kyi thun gseb zhig
tu rten 'brel yan lag bcu gnyis kyi rim pas 'khor bar 'khor tshul
las 'phros

te thol byung du gsungs pa phran ratna A nanta bdag gis 'phral
du yi ger bkod ba'o// ! //na mo gu ru ratna tra yA ya/ nangs
par mal las ldang ba na mdang ma shi bar lang rgyu byung ba bla
ma dkon mchog gi thugs rje yin/ spyir tshe

lhag gang yod dang khyad par de ring gi nyi ma 'dir sdig pas ma
gos shing dge ba 'bad nas chung zos su ma song ba byed snyam
pa'i 'phen pa dang/ de ltar 'ongs pa dkon mchog mkhyen snyam du
gsol ba 'debs/ skyabs 'gro byed pa la

mdun gyi nam mkhar mchod sprin 'khrigs pa'i dbus su bstan pa'i
bdag po thub pa'i dbang po dang ngo bo dbyer ma mchis pa'i 'jam
mgon bla mtsong kha pa chen po phyag gnyis chos 'khor gyi phyag
rgyas pad sdong gi steng du glegs ral

@018b bsnams pa/ chos gos rnam gsum dang paN zhwa gsol ba'i
thugs kar rje btsun byams mgon gser gyi mdog can chos 'khor gyi
phyag rgya mdzad pa/ dbu'i steng du bla ma thub dbang gi ngo bo
byang chub mchod rten yod pa/ rje bla ma'i mgrin

par spyan ras gzigs dang lte bar rje btsun sgrol ma mtha' skor
du dngos brgyud kyi bla ma yi dam mkha' 'gro chos srung dang
bcas pas bskor nas bzhugs pa/ thams cad rang la dgyes pa'i tshul
gyis gzigs par bsams/

rang gi mtha' skor du pha ma rigs drug gi sems can thams cad
gsal btab ste 'khor ba spyi bye brag gi sdug bsngal la 'jigs
shing skrag pa dang/ mdun gyi skyabs yul rnams la de las skyob
ba'i nus pa yod par yid ches

shing/ da res skyabs khyad par can rnams kyi zhabs nas lan gcig
zin pa'i dus 'dir gtan gyi bde ba'i blo gdeng yod pa zhig byed
dgos par 'dug snyam ste skyabs 'gro bya/ lus longs spyod dus
gsum gyi dge tshogs dang bcas

pa thams cad ri rab gling bzhi mkho dgu'i dpal 'byor dang bcas
pa'i rnam par sprul te phul bas zhing bdag gir bzhes nas de'i
sems can thams cad smin grol la bkod par bsams/ phyag bskor sogs
kyi tshe'ang skyabs yul

nam mkha' gang ba la rang dang sems can thams cad kyis lhan du
byas par bsams na de'i tshod kyi 'gyur che'o/ /mjug tu skyabs yul
rnams dbus kyi rje bla ma la bsdus te de rgyal ba kun gyi mkhyen
brtse nus pa'i ngo bo rigs

@019a @#/ /gsum gcig tu bsdus par bltas la bdud rtsi 'beb sbyang
gi dmigs pa dang bcas dmigs brtse ma 'don/ byams pas dam bca'i
gzungs bzla ba'i tshe de'i thugs ka'i byams mgon gyi

thugs kar maiM yig la gzungs kyis bskor ba las 'od zer 'phros/
rang gzhan sems can thams cad kyi sdig sgrib sbyangs/ sa lam gyi
rtogs pa khyad bar can skye bar byin gyis brlabs par bsams la
gzungs bzla/

mjug tu 'di nas 'pho ba'i tshe byams mgon gyi drung du skye ba
dang/ ma 'ongs pa na tshe lo brgyad khri'i dus byams mgon 'jig
rten du byon pa'i tshe sras kyi thu bor 'gyur ba'i smon lam dang
de ltar zhal gyis bzhes pa'i

dmigs pa bya/ maNi bzla ba'i tshe mgrin pa'i spyan ras gzigs kyi
thugs kar hrIHyig la sngags 'phreng gis bskor ba las 'od zer
'phros rigs drug so so'i gnas su song ste rang rang gi sdug
bsngal las thar

bar byas/ 'phags pa'i go 'phang la bkod de thams cad kyis mgrin
gcig tu gzungs 'ur sgrogs par bsams la bzla/ sgrol ma 'don tshe
lte bar bzhugs pa'i rje btsun sgrol ma'i thugs kar taM yig las
sgrol

mnyer gcig gi lha tshogs mar me'i 'phreng ba ltar byung zhing/
gzhan yang sprul pa'i bkod pa dpag tu med pa mkha' khyab tu
spros te rang gzhan sems can thams cad 'jigs pa chen po brgyad
sogs las bskyab/ mchog

@019b dang thun mong gi dngos grub stsal bar bsams la 'don/
khyad par du sho lo ka re re'i skabs sgrol ma de dang des thun
mod ma yin par byin gyis brlabs pa'i dmigs pa bya/ rgyun du'ang
skyabs yul de rnams yid ngor ma brjed par byas

la ci za ci 'thung gi phud 'bul ba sogs tshogs gsog ba'i zhing
dang sgo gsum blang dor gyi dpang por byed/ tshe gzungs bzla na
spyan ras gzigs kyi rigs bdag 'od dpag med de tshe dpag med du
bsgyur ba'i thugs ka'i

sngags 'phreng las 'chi med tshe'i bdud rtsi'i rgyun babs par
bsams nas bzla/ dga' ldan lta bur yid smon byed na gang du sdod
pa'i gnas de dga' ldan gyi zhing yin snyam pa dang/ gang du
'gro'ang dga' ldan du 'gro snyam

pa dang/ dge ba gang byas de'i rgyur bsngo la nyal ba'i tshe rje
bla ma'ang thugs ka'i byams mgon la bsdus te de'i zhabs la mgo
gtang nas dad pa'i ngang du gnyid la 'gro ba byed/ byams mgon
gyi 'pho ba sbyong na rje bla ma rang

gi spyi bor byon/ rang nyid de'i thugs ka'i byams mgon la yar
thim/ de dga' ldan du gshegs pa'i thugs ka nas phyir thon te
padma'i sbubs su skyes par bsams/ bde ba can du gtso bor 'phen
pa gtong na 'gro 'dug gi

dmigs pa bsngo ba'i kha bsgyur sogs 'dra la/ gnyid du 'gro khar
rje bla ma mgrin pa'i spyan ras gzigs la thim/ de rigs bdag 'od
dpag med la thim pa'i zhabs la mgo gtad pa'am/ spyan ras gzigs
kyi zhabs

@020a @#/ /la mgo gtad de bde ba can du 'khrid pa'i sa mkhan
mdzad du gsol snyam pa'i dad gdung drag po bsam gtan nyal sgom
gyi man ngag bzhin bya/ dge rtsa gang byas kyi mjug tu/ shes kyi
khe 'dod pa

fdang grags pa dang/ /zhes sogs don med ba'i 'khor ba'i phun
tshogs kyi rgyur mi 'gyur ba'i smon lam dang/ 'jam dpal dpa' bos
zhes sogs dang/ dus gsum gshegs ba'i zhes sogs rgyal bas bsngags
pa'i smon

gnas kun gyi rgyur 'gro ba'i smon lam dang/ mchog gsum bslu ba
med pa'i thugs rjes de bzhin du gyur cig snyam pas bden pa bdar
ba sogs bya'o/ /byams mgon thugs kar bsgom pa bka' gdams glegs
bam

dang lho brag pa'i gsung gis 'grub la/ spyan ras gzigs mgrin par
bsgom pa rigs gsum spyi sgrub kyi man ngag dang/ sgrol ma lte
bar bsgom pa bla med kyi rgyud du ma'i dgongs pa yin pas yid
ches pa'i gnas su bya'o/ /

zhes pa 'di ni dad brtson lhag bsam dang ldan pa ja sag thu
rgyal po'i sring mo dbang ldan dbang mo bu khrid kyis 'di rnams
'don thabs/ rgyun gyi nyams len/ 'go mjug tu kun slong 'chos
tshul sogs tshang zhing 'khyer bde ba

zhig dgos tshul bskul ma byung ba ltar/ 7btsun pa dkon mchog
bstan pa'i sgron mes 'phral du smras pa'i yi ge pa'ang spangs
ram pa dkon mchog kun dga'o// ! //lcags sbrul zla 11 tshe7 la gu
shri skal

@020b bzang gis sku zhabs rin po che'i 'khrungs rabs gsal 'debs
shig dbyangs nges pa bya dka'i mdzes rgyan gyis brtsams yod pa
gzigs nas de las 'phros te zhal rtsed kyi tshul du/ rgyal bas
yang yang bsngags mdzad grags

pa dang/ /thal rang tha dad mdzad pa sangs rgyas bskyangs/ /tshad
mas smra ngan tshal rab pham mdzad glang/ /mtha' bral lta ba gsal
mdzad zla ba grags/ /'jam dbyangs lhag lhar mdzad pa dgra las
rgyal/ /bka'

gdams bstan pa rgyas mdzad ratna gsal/ /'jam dbyangs bla mar
gdams mdzad panytsA sya/ /bstan dgra thal bar rlag mdzad rgyal
mtshan zhabs/ /lhag par zab gsang gdams pa rgyas mdzad 'phags/
/gzhan

la phan mdzad ratna sa ra dang/ /mtha' dag bstan la mnga' mdzad
'jam dbyangs bzhad/ /bdag cag lhag par bskyangs mdzad a b+ha ya/
/slar yang rgyas mdzad sar zhabs pad brtan/ /rang cag rnams la
zab rgyas

gdams pa stsal/ /sangs rgyas bstan pa pha mthar rab rgyas pas/
/las can dad ldan thams cad sa ma dzaH/ /bla ma rnams la bca'
lag gang bzang bstabs/ /grwa pa thams cad grwa dza mang dzas
brgyag /ja mar rtsam

pa mtha' dag char ltar babs/ /rtag brtan rang dbang ldan na dga'
ba la/ /zhes dang/ ! /yang/ zab rgyas man ngag mtha' yas rgya
gar nas/ /gangs can la spyan drangs dar ma grags/ /'jam

@021a @#/ /dbyangs bla mas bka' phab gsang sngags bstan/ /pha
mthar rgyas mdzad pradznya panytsa sya/ /slar yang 'jam dpal
dbyangs gang A sa nar/ /mnga' mdzad sang+g+ha gzhan phan zla
dang blang/ /

yang dag lam bzang gdams pa nyams blangs nas/ /gzhan la gsal
mdzad ngag dbang bstan rgyan zhabs/ /kha bshad mkhas pas ratna
shA sa na/ /gzhan la gsal yang rang rtsa gsal bar dka'/ /ngag

dbang skal bzang dbyangs gzhan spangs byas nas/ /'jam dbyangs
bla mar rnam thar brtsams pa la/ /bltas nas smras pa bshad bya
gzhan zab kyang/ /bshad thabs 'dra la mkhas rnams bltas na
gsal//

tha skad gtam la gang byas las sla yang/ /nang la sbyar na thams
cad dka' bar snang/ /sgra tshad snyan ngag bka' bstan rab 'byams
la/ /sbyangs kyang tha ma la bsam pa rang sar gnas/ /d+harma sa
mAna gang la d+hA

ra ya/ /mantas mAn ga tsam ta ra NaH/ /zhes pa gnyis 'phral du
ljags rtsom gnang/ !/'jam dbyangs bla ma 'gran bral zhal snga
nas/ /bkyal ka byas nas thal mar bka' stsal pa/ /gzhan rnams
bskal

par mAn ra brnag na yang/ /cha shas tsam yang 'char dka' dpyad
na gsal/ /zhes kyang smras so/ ! /'jam mgon smra ba'i zla bar
phyag bgyis te/ /zla zer phog pas rin chen 'byung gnas ni/ /

@021b 'phyur pa'i ngo mtshar rlabs 'phreng rtogs 'dod na/ /dang
po yi ge gcig la lci yang zung/ /gnyis bzhi gsum brgyad bzhi la
bcu drug dang/ /lta la so gnyis drug la re bzhi sogs/ /nyis
'gyur 'phel zhing de snyed

tshig rkyang dang/ /nyis 'gyur bzhi 'gyur tshul du lci yang dgos/
/gsum gyi gyen gshar gsum pa'i 'phred gral brgyad/ /ma ya ra sa
ta dza b+ha na ste/ /b+ha thog dza dbus sa mtha' ma kun lci/ /ya
thog ra dbus ta mtha' na kun

yang/ /yar bltas tha ma lci na phyed yan dang/ /gnyis lci de'i
stong gsum lci de yi'ang stod/ /mtha' yas smad de gnyis yang de
yi'ang smad/ /mtha' yas gnyis lci smad cha'i stod la sogs/ /gnas
kyi rim par yang

bas gong nas phab/ /gnas der lci na btang snyoms nyid du 'jog
/don 'di ma mthong ri mo'i rjes la 'ded pa/ /mun nang rtsig par
'khyud de song ba 'dra/ /re bzhi pa la dor bya'i gnas drug ste/
/so gnyis bcu drug brgyad

bzhi gnyis gcig go /dza sa'i mtha' ni so gnyis gnas yin la/ /lci
bes stod du shes kyi bgrang mi dgos/ /de gong gnyis pa bcu drug
gsum pa brgyad/ /bzhi pa bzhi yi gnas rnams yang bas na/ /thur
du phab ste nyer

brgyad gong du 'phud/ /gnyis gnas lcibs btang snyoms gcig gi
gnas/ /yang bas snga mar bsnan nas nyer dgu po/ /gong phud sum
cu pa yi steng du 'bab/ /ma ta'i mtha' ni yang bas sum cu gnyis/
/gong du phud de@022a @#/ /smad kyi grangs su shes/ /de gong bcu drug yan gyi
gnas lnga po/ /lci phyir dor du med pas so gsum mo/ /gal te ya
ta yin na gcig gi gnas/ /yang phyir gong du bsnan te so bzhir
'gyur/ /re

gcig byed na gcig dang gnyis kyi gnas/ /lci yi gzhan kun gong
phud ta na'o/ /pra star ci tsam mang yang kun lci ba'i/ /sngon
rol ta na byung na re gcig dang/ /mdzi'i brgyad gnas yang bas
zha gcig byed/ /bdun

sogs rim bzhin brgya dang nyer bzhi'i gnas/ /nyis brgya nga drug
lnga brgya bcu gnyis dang/ /chig stong nyer bzhi nyis stong zhe
brgyad kyi/ /gnas sogs 'dor len snga mas shes par bya/ /sde ba
legs nyung ngu'i tshig gis sdeb

sbyor kun/ /bsdebs tshul shes 'di rigs pa'i 'phrul gyis bsdebs/
/bsdebs pa'i dge bas blo gsal ngang mo brgya/ /bsdebs gcig rig
gnas rgya mtshor 'phur bar shog /ces dkon mchog bstan sgron gyis
'di skor blta

ma myong yang/ yi ge gsum pa'i pra star zhig gi steng nas dpyad
de bkod pa yin pas tha snyad mkhan po rnams kyis yang dag par
mdzod cig/ ! /ratna ka ras prastA ra/ /'god tshul ming sogs
bshad pa yi/ /zhar la

lci yang dper brjod kyang/ /bstan phyir ya mtshan che zhes grags/
/bod yig 'dogs med rkyang ba tsam/ /mang 'dus don ston mi nus
kyang/ /sngon rjes 'jug can lci dang gzhan/ /yang bar byas te
dper mtshon na/ /yig

@022b bdun mtha' nas ges brgyan cing/ /gzhan gnyis mas mtshan kun
lding bzhag/ /de'i ming dbyar rnga'i ming zhes bsgrags/ !/na ma
la ni re re ste/ /de ni rnga sgra che ru smra/ ! /mtha' yang ta
ste thog yang ya/ /de'i ming rdza rnga

zhes brjod bya/ ! /re re na dza dbus lci ga'ang/ /tha ma de la
dbyar rnga gdags/ ! /na je? ga yi dbus lci gang/ /dza ste ga ni
rjes ma yin/ ! /mtha' yang de rjes gnyis mnyam ta man/ /de'i
ming chu skyes bzhad pa'i ge sa ra//

! thog lci tha ma lci gnyis b+ha sa dag/ /'di la sha ba rgya bo'i
rwa co zer/ ! /lci yang go rim du spel dza ta'ang dza/ /de'i
ming dri za'i bu mo'i glu dbyangs so/ ! /rjes bzhi yang zhing
sngon lci ma tan/ /'thung ba'i gcod rgan lag gi DA

ma ru/ /kun lci'o mtha' ma lci zung mas dag /dkar gsal 'od kyi
rtse dga'i dra ba 'gyed/ /rtogs par sla phyir don chen min;
/mang por mkho phyir don chung min/ /bod skad byas phyir rgya
lugs min/ /sdeb sbyor byas phyir

bod lugs min/ /ci yang min pa'i rol rtsed 'di/ /gang yang min
pa'i sgom pas smras/ /zhes pa'ang ma mtshams kyi thun gseng zhig
tu sdeb sbyor gyi brjod bya zab mi zab kyi bka' mchid cig las
'phros te zhal rtsed kyi

tshul du stsal ba phran ratna A nantasa brjed du phangs nas yi
ger bkod ba'o// //

@#/ /bsdo? ba'i rgyal po bstan 'bar ma'i dgongs don rgya cher
'grel pa legs bshad bstan pa'i sgron mi zhes bya ba bzhugs so/ /