@001 @##/ /rmad byung thugs rje chen po'i dbang gyur te/ /phyin
drug bsdu bzhi'i spyod pa mthar son pas/ /mi 'jigs bzhi ldan go
'phang mchog brnyes pa/ /ston pa mnyam med de

la ma gos phyag 'tshal/ /gang gis mtha' yas bskal par rab bsgrubs
pa/ /mkha' mnyam 'gro ba'i sdug bsngal mun sel zhing/ /mngon
mtho nges legs lam bzang gsal byed mchog /bstan pa

rin chen sgron me 'di kho na/ /de nyid ring du 'bar bar smon pa
ni/ /dus gsum rgyal ba'i bzhed dgongs mthar thug dang/ /rnam dag
smon pa'i chu bo ma lus pa/ /gcig tu 'khyil pa'i yid bzhin rgya

mtsho yin/ /de phyir lha mi'i ston pa mchog de yi/ /dpal gyi mgur
nas legs gsung smon tshig gi/ /dpag bsam myu gu don gyi yal ga'i
phyogs/ /rdzogs pa'i dge mtshan kun tu spro bar bya/ /de'ang

@002a @##/ /bskal bzang rnam 'dren bzhi pa mnyam med shAkya'i
rgyal po de nyid kyis bskal ba chen po grangs med pa du mar bya
dka' ba'i spyod pa dpag tu med pa nyams su

bzhes te/ bla na med pa'i byang chub kyi go 'phang mngon du
mdzad pa'ang/ nyan rang rnams kyis zhi bde bsgrubs pa bzhin du
rgyu dang 'bras bu'i gnas skabs gang du'ang rang don yid byed
kyi dri ma phra mo tsam

yang med par sems can gyi don 'ba' zhig yin la/ sems can gyi don
yang nyi tshe ba tsam gyis mi chog bas thabs kyi rnam pa yongs su
rdzogs pa ni rgyal ba'i sras po zhi bltas/ 'gro ba'i sdug bsngal
sman

gcig pu/ /bde ba thams cad 'byung ba'i gnas/ /bstan pa zhes
dang/ sngags rim chen mo las/ bstan pa kho na lhar bcas 'gro ba
yi/ /bde legs kun gyi rtsa bar yid ches nas/ /zhes

@002b gsungs ba ltar/ sangs rgyas kyi bstan pa kho na sems can
mtha' dag gi sdug bsngal ma lus pa sel ba'i thabs dang/ bde ba
ma lus pa sgrub pa'i thabs su gyur pa yin te/ 'gro ba rnams thog
med nas lhan skyes su goms pa ni dug

gsum gyi phyogs kho na yin pas/ de'i dbang gis sdug bsngal 'ba'
zhig las mi 'byung la/ 'bras bu bde ba'i cha thams cad ni rgyu
dge ba 'ba' zhig las 'byung zhing/ de'i sgrub tshul rang stobs
kyis shes

mi nus pas/ sangs rgyas kyi bstan pa 'ba' zhig la brten nas
blang dor gyi rnam dbye shes shing lag tu blang dgos pa'i phyir
ro/ /des na rgyal ba kun gyi dgongs bzhed mthar thug pa dang/
lus can kun

gyi 'dod don ma lus pa 'grub pa'i sgo gcig pur gyur pa thub pa'i
bstan pa rin po che yun du gnas pa'i phyir smon ba'i tshigs su
bcad pa bstan 'bar ma zhes yongs su grags ba 'di nyid kyi don
'chad pa la gsum/

rtogs ldan 'jug pa'i yan lag tu bsngo ba'i dgos pa bshad pa/
dgos pa de ldan gyi bsngo ba ji ltar mdzad tshul bshad ba/ bsngo
ba'i gzhung gi tshig don dngos bshad pa'o/ /dang po la bsngo ba
spyi'i dgos pa dang/ khyad par

du bstan pa rgyas ba'i phyir bsngo ba'i dgos pa bshad pa gnyis/
dang po ni/ brgyad stong 'grel chen las/ /yongs su bsngo ba ni
chud ma zos pa yin te/ chos kyi dbyings dang 'dra bar zad pa med
ba'i phyir ro/ /zhes

@003a @#/ /dang; 'grel chung don gsal las/ bsngo ba yid la byed
pas ni gser mgar gyis rgyan la sogs pa bzhin du/ bla na med pa
yang dag par rdzogs pa'i byang chub kyi yan

lag tu byed do/ /zhes dge ba'i rtsa ba chud mi za zhing gong du
'phel ba'i thabs bla na med par bsngags la/ mdo las kyang/ ji
ltar rgya mtsho che nang chu thigs lhung/ /rgya mtsho ma zad bar
du de mi 'dzad/ /

de bzhin byang chub yongs bsngos dge ba yang/ /byang chub ma
thob bar du de mi 'dzad/ /ces gsungs so/ /lung 'di nyid blo gros
rgya mtshos zhus pa'i mdo las 'byung bar grags che'ang/ bod du
'gyur

ba'i mdo der mi snang la/ blo gros mi zad pa'i mdor don de ji
lta ba tshig lhug tu 'byung bas brtag dgos/ spyir dge ba sgrub
tshul phyi rol pa'i gzhung du'ang bshad mod kyang/ sems can gyi
don du bsngo bas kha

bsgyur ba'i thabs mkhas 'di ni rgyal ba'i bstan pa 'ba' zhig gi
khyad chos yin te/ khyad par 'phags bstod las/ bsod nams zhes
pa'i tshogs dag ni/ /sems can rnams la yongs bsngo bar/ /bcom
ldan

khyod kyis gang gsungs pa/ /de gzhan bstan bcos las ma bshad/
/ces 'byung ba ltar ro/ /der ma zad rang don gyi 'khri ba med
par gzhan don 'ba' zhig tu bsngo ba ni theg chen kho na'i sgos
chos yin pas/ nyan thos theg pa de

@003b las ni/ /byang chub sems dpa'i smon lam dang/ /spyod pa
yongs bsngo ma bshad des/ /byang chub sems dpa' ga la 'gyur/
/zhes gsungs la/ spyod 'jug tu/ bdog pa thams cad 'bras bcas te/
/skye bo kun la btang sems kyis/ /sbyin

pa'i pha rol phyin gsungs te/ /zhes lus longs spyod gtong bar ma
zad/ de dag btang ba'i dge ba'ang gzhan don kho nar bsngos te
yid kyis sems can la gtong ba ni sbyin ba'i phar phyin yongs su
rdzogs pa'i sgo bla na med par bsngags pa'ang rtsa ba 'di

la thug go/ /'o na bsngo ba dang smon lam la khyad par ci yod/
'di dag gnyis kyi gang yin snyam na/ gtsang chung chos grags
sogs kyis/ gang gis bsngo ba'i rgyal po 'di thos nas/ /zhes sogs
la brten te de gnyis don gcig par 'dod

kyang/ dbus mtha' las/ mi zad ba dang rtag 'jug dang/ /zhes ba'i
thad kyi dbyig 'grel las/ yongs su bsngo bas sbyin sogs kyi dge
ba mi bzad par byed do/ /smon lam gyis ni sbyin sogs byed pa
dang mthun pa'i skye ba yongs su 'dzin pas

tshe rabs thams cad du sangs rgyas 'byung ba mnyes bar byed cing
sbyin sogs kyi bya ba la rtag tu 'jug pa 'thob bo/ /zhes bsngo
bas sngar byas kyi dge ba spel ba dang/ smon lam ni slar dge ba
la 'jug pa'i rgyur 'gyur bas byed las kyi sgo nas so

sor gsungs pa dang/ spyod 'jug dar TIka las/ bsngo ba dang smon
lam khyad par char med mod kyi/ 'dod bya'i 'bras bu don gnyer
gyi 'dun pas khyad par du byas ba smon lam dang/ rgyu'i dge ba
rnams 'bras bu de'i rgyur 'gyur

@004a @#/ /ba'i 'dun pas khyad par du byas pa bsngo ba'o/ /zhes
sogs khungs thub du mas smon lam la bsngo bya'i rdzas khyad
gzhir byas pas ma khyab cing/ bsngo ba la bsngo bya'i rdzas de
nyid khyad par gyi gzhir bzung nas/ /

de'i stobs kyis 'di dang 'di ltar gyur cig ces smon pa zhig dgos
pas/ smon lam dang bsngo ba gnyis spyi dang bye brag gi tshul lta
bur gsungs pa de dag gang ltar na'ang/ gzhung 'di ni bsngo smon
gnyi gar 'jog dgos par mngon no//

gnyis pa khyad par du bstan pa rgyas pa'i phyir bsngo ba'i dgos
ba ni/ bu mo dpal phreng gis zhus pa'i mdo las/ bcom ldan 'das
byang chub sems dpa'i smon lam gang+gA'i klung gi bye ma snyed
gang lags pa de thams cad kyang 'di ltar dam

pa'i chos yongs su gzung ba'i smon lam chen po gcig gi khongs su
'dus shing khongs su chud de/ bcom ldan 'das dam pa'i chos yongs
su 'dzin pa ni de ltar yul che ba lags so/ /zhes dang/ bcom ldan
'das dam pa'i

chos yongs su 'dzin pa ni chos kyi sgo brgyad khri bzhi stong
sdud pa lags so/ /zhes sogs gsungs pa ltar/ gang smon pa'i yul
du gyur pa de thams cad sangs rgyas kyi bstan pa lung dang rtogs
pa'i chos kho na la brten nas 'byung dgos

pas; rtsa ba de nyid rgyas pa'i don du bsngos na yan lag gzhan
thams cad 'grub pas/ don 'di la dgongs nas rje bdag nyid chen
pos kyang/ rgyal sras smon lam gang+gA'i klung rnams ni/ /dam
chos 'dzin pa'i smon lam nang 'dus

@004b par; ;gsungs phyir dge rtsa ji snyed bsags pa ni/ /kun
kyang thub bstan rgyas pa'i rgyu ru bsngos/ /zhes gsungs so/
/lung dang rtogs pa'i dam chos 'dzin pa ni de ltar don che ba'i
rgyu mtshan gyis phan yon yang dge ba'i rtsa ba gzhan thams cad
las lhag

par gsungs te/ de bzhin gshegs pa'i sku'i gsang ba'i mdo las/
sems can kun gyi bsod nams kyi/ /phung po ji snyed yongs bzung
ba/ /de snyed byang chub sems dpa'i yi/ /byang chub sems la rab
tu 'byung/ /byang chub

sems kyi bsod nams kyi/ /phung po ji snyed brjod pa bas/ /dam
pa'i chos ni yongs 'dzin na/ /de ni bsod nams ches mang ngo/
/dam chos 'dzin pa'i bsod nams ni/ /sangs rgyas kun gyis nan tan
du/ /bskal pa bye bar brjod mdzad kyang/ /mtha'

mar phyin par 'gyur ma lags/ /zhes phan yon tshad las 'das par
gsungs pa'i tshul la yid ches bskyed de 'dun pa shugs drag po'i
sgo nas smon pa tshun chad kyis de'i rjes su slob par bya dgos
so/ /gnyis pa dgos pa de ldan gyi bsngo ba ji

ltar mdzad pa'i tshul/ thub dbang thugs rje'i bdag nyid chen po
dang ldan pa de nyid kyis slob pa'i gnas skabs su tshogs gnyis
kyi spyod pa mtha' yas pa bsgrubs pa rnams bstan pa rgyas pa'i
phyir bsngos par ma zad/ ston pa rang nyid skye dgu tshe lo

brgya pa'i dus su byon na'ang/ dgung lo brgyad cu las ma bzhugs
par sku tshe'i lhag ma'ang bstan pa gnas pa'i rgyud byin gyis
brlabs nas de'i don du bstan 'bar ma gzungs dang bcas pa 'di
nyid gsungs pa yin te/ zla ba snying po'i mdor/ 'di nas

@005a @#/ /sangs rgyas zla ba zhes sogs kyis bstan pa'i gnas tshad
dang 'jig tshul sogs dris pa la/ nga la lhan cig tshogs nyon sa?
gsum ni/ /zhes sogs kyis dge sbyong khyim pa'i las la brtson pa
sogs bstan pa nyams pa dang/

de'i dang gis 'jig rten rgud bar 'gyur ba'i rgyu mang du gsungs
la/ mi bzad de yi tshe na ni/ /chos gnas zhibs bde 'gyur zhing/
/zhes ba nas/ byang chub myur du 'thob par 'gyur/ /zhes bstan pa
slar gso ba don che tshul dang/ byams pa

la sogs skal ba ni/ /zhes sogs kyis sems dba' chen po de dag gis
snyigs ma'i dus bstan pa slar gso ba dka' 'ang ci nus su spel
bar zhal gyis bzhes la/ slar yang bcom ldan 'das kyis/ snang ba
'dzin cing dpal gyur pa/ /zhes pa nas/

btang snyoms can dag 'gre bar 'gyur/ /zhes pa'i bar gyis spyir
bstan pa nyams pa'i rgyu du ma dang/ khyad par du kau sha mbi'i
rgyal po bzod dka' dang/ 'dzam gling gi rgyal po gzhan gsum
'thab pa'i rkyen gyis bstan pa nub tshul sogs

gsungs la/ de nas/ sngon gyi rgyal ba'i mdzad pa bzhin/ /nga yis
phyi dus bgos par bya/ /don du 'tsho ba btang byas nas/ /gzi ma
dangs gsum po bsring bar bya/ /nga yi tshe 'di'i cha gsum pa/
/sems can rgyur yang gtang bar

bya/ /zhes pa nas/ de phyir snod min snod 'gyur phyir/ /cha gsum
pa yi srog btang byas/ /de dag bde bar 'gyur ba dang/ lha dang
mi rnams 'phel gyur cig /ces pa'i bar gyis sku tshe'i lhag ma'ang
bstan pa'i 'phel rgyas kyi don du bsngos

@005b la; de nas/ sems can don du bdag gis sngon/ /zhes sogs
bstan 'bar ma yongs rdzogs sngags dang bcas pa gsungs te/ dang
po thugs bskyed pa nas bzung dka' ba spyad pa mtha' dag kyang
bstan pa rgyas pa'i rgyur bsngo bar mdzad do/ /'di ni sngon

pa'i mdzad pa thams cad kyi nang nas kyang ngo mtshar rmad du
byung ba'i khyad chos bla na med pa zhig yin te/ rtog ge 'bar ba
las/ chos kyi 'khor lo bskor ba dang/ yongs su mya ngan las 'das
pa chen po dang/ dam pa'i chos gnas pa la

sogs bskal ba dang ldan pa'i gdul bya rnams la ston par mdzad
do/ /zhes dang/ kun mkhyen 'jam dbyangs bzhad pa'i skabs brgyad
pa'i mtha' dpyod du/ 'dir shing drung du gshegs pa ma bgrang par
dam pa'i chos gnas ba mdzad

chen du bgrang ba'i/ zhes pa nas/ bstan 'bar ma dang bstan pa
'bar ba'i sngags gsungs pa'i phyir/ zhes 'byung ba ltar ro/ /'on
kyang rtog ge 'bar ba'i skabs gzhan du/ dka' ba spyad pa dang/
byang chub kyi snying por gshegs

ba dang/ bdud 'dul ba dang zhes lan du mar 'byung bas/ mtha'
gcig tu shing drung du gshegs pa mi 'dren par bzhed pa'ang min
par snang ste/ mdzad pa bcu gnyis kyi 'dren tshul la yongs grags
rgyud bla ma'i dngos zin ltar dang/ der

cung zad mi 'dra ba rin chen phreng ba las/ chos kyi 'khor lo
bskor ba dang/ /lha rnams kun las babs pa dang/ /de bzhin du ni
mya ngan las/ /'das pa ston pa'i mdzad pa yin/ /zhes lha las
babs pa gcig tu bgrang ba dang/ theg@006a @#/ /bsdus las/ bzo'i gnas la sbyangs pa
dang/ bdud 'dul ba
gnyis dngos sum bgrang bar/ mu stegs can gyi gan du gshegs pa
dang/ zhes de dag gi lta ba sun dbyung ba'i phyir mu stegs lhag
spyod sogs kyi drung du phebs

nas thar lam tshol ba'i tshul bstan pa gcig tu bgrang/ mdo 'ga'
zhig tu bstan pa gnas pa gcig tu bgrang la/ la lar bstan pa nub
pa'ang gcig tu bgrang ste/ bu ston chos 'byung las/ thabs la
mkhas pa zhes pa la sogs pa'i

mdo las/ dam pa'i chos nub bal mkhas pa zhes chos nub ba la'ang
mdzad pa gcig tu gsungs te/ chos don du mi 'gyur ba na nub par
bstan pas/ sems can la chos spong gi las mi 'byung bar bya ba'i
phyir yin te/ zhes pa lta bu ci

rigs yod cing/ mchog gi sprul sku so so la'ang rang rang gi
mdzad pa ston tshul mi 'dra ba du ma gsungs pas/ rnam pa gcig kho
nar kha tshon gcod mi dgos so/ /da lta bka' 'gyur gyi grangs su
bzhugs pa'i zla ba'i snying pos zhus pa'i mdo 'di ni

mgo mjug tu'ang/ zla ba'i snying pos zhus pa'i mdo las bstan pa
gnas pa dang 'jig pa'i tshul lung bstan pa zhes 'byung bas/ mdo
de'i nang nas bal? bur bton ba ma gtogs/ mdo yongs rdzogs min
par shes la/ 'dir

thung du zhig las med kyang/ bu ston chos 'byung du bam po gnyis
zhes 'byung bas/ sngar 'di las mang ba zhig kyang 'gyur yod par
snang ngo/ /jo bas mdo kun btus su mdo de'i lung bam po gcig
lhag pa'i chod tsam drangs yod pas/

@006b bstan 'bar ma sngags dang bcas pa de'i nang nas blangs pa
yin la/ rgyal po bzhis g.yul bkye tshul sogs phyogs tsam
'dra'ang mi mthun pa mang bar snang bas/ gnyis ka tshigs bcad
lhug sogs kyi 'gyur khyad tsam yin nam/ mdo mi

gcig pa gang yin dpyad dgos par snang ngo/ /gsum pa gzhung dngos
kyi don la/ dang por thugs bskyed pa'i skabs las brtsams te mdor
bstan pa/ bar du tshogs bsags pa'i skabs las brtsams te rgyas par
bshad pa/ mthar sangs rgyas

pa'i skabs las brtsam te don bsdu ba gsum/ dang po ni/ sems can
don du bdag gis sngon/ /dka' ba gang zhig spyad gyur dang/ /bdag
gi bde ba btang ba yis/ /bstan pa yun ring 'bar gyur cig /ces
byung/ de'ang sangs rgyas

bcom ldan 'das nyid kyis sngon slob pa'i gnas skabs su bskal pa
chen po grangs med pa du mar shin tu bya dka' zhing bzod glags
med pa'i gdung pa drag po du ma rang gi steng du blangs/ ches
yid du 'ong zhing nyams su bde ba'i zas nor longs spyod

gnyen 'khor 'bangs la sogs pa'i bde 'byor thams cad ltos pa med
par gzhan la gtong bar mdzad pa ni snying rje'i rtsa ba can gyi
byang chub kyi sems rin po che'i stobs yin te/ dad pa'i stobs
bskyed pa'i mdo las/ snying rje chen po ni

sems can thams cad yongs su smin par bya ba'i ched du sdug
bsngal skye ba mi len pa ci'ang med do/ /bde ba mi 'dor bci'ang
med do/ /zhes gsungs so/ /byang chub tu sems bskyed tshul gyi
nang nas kyang/ spyod 'jug las gsang ba'i dam

@007a @#/ /pa zhes byang sems dbang po yang rab kyi chos su
bsngags ba bdag gzhan mnyam brje'i bsam pa khyad par can gyi
byed las kho na yin te/ rje bdag nyid chen pos/ gang zag gzhan
phal mo ches snying thag pa nas rjes su yi rang

btsam yang bya bar dka' la/ 'jig rten thams cad dang mi mthun
pa'i gtam gyi gzhir gyur pa bdag pas gzhan gces pa'i byang chub
kyi sems zhes skabs du mar gsungs la/ mnyam med jo bo chen pos
kyang/ spyod pa'i mchog 'jig rten

dang mi mthun pa yin zhes gsungs te/ 'jig rten phal pa rnams
kyis gang don du gnyer byar byed pa'i bde dga' thams cad mchil
ma'i thal ba bzhin du 'dor zhing/ gzhan gyis thos na'ang skrag
pa skye ba'i dka' thub kyi spyod pa du mar

bung pa padma'i tshal la 'jug pa bzhin du dgyes dgur gzhol ba ni
bdag pas gzhan gces pa'i bsam pa khyad par can gyi gzhan dbang
du gyur pa 'ba' zhig gi mthu yin no/ /'on mdor bstan ni rgyas
bshad kyi don thams cad la khyab ba zhig dgos

la/ dang bor thugs bskyed pa de nyid grangs med gsum gyi tshogs
la sogs pas lam gong ma thams cad kyi sngon 'gro yin kyang khyab
byed ma yin pas mdor bstan du mi 'thad do snyam na skyon med de/
de theg chen lam gyi 'jug sgo yin kyang

thog mar 'jug pa'i sgo tsam du byas pas mi chog par/ lam gyi mgo
mjug thams cad du bsam pa khyad par can de nyid kho na gzhung
shing ngam gzhir byas nas 'gro dgos pas/ rje bla ma'i nyams mgur
las/ sems bskyed theg

@007b mchog lam gyi gzhung shing ste/ /zhes gsungs shing/ paN
chen thams cad mkhyen pas phyag chen rtsa ba las kyang/ 'jug
pa'i sgo dang gzhung shing phyir/ /zhes khyad par gnyis ka
gsungs so/ /des na mdor bstan rgyas bshad kyi tshul 'di

ltar sbyor ba rgyal ba byams pa'i man ngag yin te/ mdo sde rgyan
las/ gang phyir dang por nges par bya ba 'di dka' ste/ /de ni
bskal ba stong phrag du mar bsgrub par dka'/ /zhes dang po sems
bskyed kyi sa bon 'debs pa dang/ bar du

tshogs gnyis kyi spyod pas dang por btab pa'i sa bon de nyid smin
cing rgyas par byed par gsungs la/ mngon rtogs rgyan las kyang/
sems bskyed pa ni gzhan don phyir/ /yang dag rdzogs ba'i byang
chub 'dod/ /ces mdor bstan gyi skabs

su spyod pa'i rten gyi dbang du byas pa'i sems bskyed gsungs
kyang/ rgyas bshad kyi tshe slob mi slob kyi skabs thams cad
bsdus te 'grel pa don gsal las/ sems bskyed pa'i rab tu dbye ba
ni las dang po pa'i sa nas brtsams to sangs rgyas kyi

sa'i bar gyis bsdus pa yin no/ /zhes gsungs bltar ro/ /de ltar
thub pa sangs rgyas bcom ldan 'das nyid kyis dang por byang chub
tu thugs bskyed pa nas bzung bskal pa mtha' yas pa'i bar du rang
gi sdug bsngal khyad du bsad nas dka'

thub chen po nyams su bzhes/ rang bde'i zhen pa rtsad nas
phyungs te lus srog longs spyod thams cad gzhan la gtong bar
mdzad pa ni sems can rnams 'khor ba las sgrol ba'i thabs kho na
yin cing/ 'gro ba 'khor ba las

@008a @#/ /sgrol byed cho 'phrul gzhan gnyis ni gnas skabs su dad
pa bskyed pa'i smin byed tsam du 'gyur yang grol byed dngos
gzhir mi 'gro la/ grol byed dngos gzhi rjes su bstan pa'i cho
'phrul gyi

sgo nas gdul bya'i rgyud la yang dag pa'i lam khyad par can
skyed pa 'ba' zhig yin pas/ des na bskal pa du mar thugs la
brnag pa'i dgongs pa mthar thug pa gdul bya'i don sgrub pa'i
thabs kyi mchog srid pa'i 'ching ba dgrol byed lhag pa'i

bslab pa gsum dang/ de brjod byar byed pa sde snod gsum gyis
bsdus pa'i bstan pa rin po che 'di nyid 'khor ba ji srid gnas
kyi bar du rgyun chad med par 'bar zhing gnas par gyur cig /ces
dang por thugs bskyed pa'i tshul gyi bsam pa phun sum

tshogs pas bden pa bdar te smon lam mdzad cing shis par brjod pa
yin no/ /mkhas pa'i dbang po rin chen don grub kyis bstan 'bar
ma'i TIkkar rgya 'grel gyi lugs bzhin tshig re re nas gtor te
'bru gnyer ba'i bshad pa gnang 'dug

pas/ sems can ni rnam par rtog pas sems par byed cing de'i dbang
du gyur pa las btags so/ /zhes gsungs 'dug na'ang/ 'phags pa'i
nyi khri snang bar/ zhum pa'i bdag nyid can yin pas na sems can
no/ /zhes dang/ rgyan snang

las/ 'jigs pa'i bdag nyid can yin pas na sems can no/ /zhes
gsungs shing/ rgyud bla mar/ ma dag ma dag dag pa dang/ /shin tu
rnam dag go rim bzhin/ /sems can byang chub sems dpa' dang/ /de
bzhin gshegs pa

@008b zhes brjod do/ /zhes rigs kyi dri ma dag ma dag gi sgo nas
kyang sems can gyi sgra 'jug tshul zhig gsungs pas/ nges tshig gi
bshad pa du ma zhig byar yod par snang ngo/ /thub pa'i dbang po
nyid kyis thog mar thugs bskyed tshul yang/ bskal

bzang las rdza mkhan gyi khye'u snang byed du gyur pa'i tshe
sh'kya thub pa chen po'i drung du thugs bskyed pa dang/ phung po
gsum pa'i mdor tshong dpon gyi bu mngon dgar gyur ba'i tshe de
bzhin gshegs pa mdzes pa chen po'i drung du thugs bskyed pa
dang/ pad dkar las

bram ze rgya mtsho'i rdul du 'khrungs ba na sangs rgyas rin chen
snying po'i drung du thugs bskyed pa dang/ gsang ba bsam gyis mi
khyab par 'khor los sgyur ba yul 'khor srung gi sras don kun
grub par 'khrungs pa'i tshe de bzhin gshegs pa rin chen

sna tshogs bkod pa'i rgyal po'i drung du bskyed pa dang/ 'khri
shing las rgyal po rab gsal du gyur pa'i tshe thugs bskyed par
gsungs pa bzhin du a b+hyA ka ras kyang bshad pa sogs tshul mi
'dra ba du ma zhig 'byung ba dang/ thams cad la thun mong du

grags che ba ni drin lan bsab pa'i mdor dmyal ba'i shing rta
'dren pa'i gyang du 'khrungs pa na rang gi grogs sdug bsngal
gyis mnar ba ma bzod par/ de'i sdug bsngal gyi skal ba'ang rang
thog tu len bar dgongs pa'i sgo nas thugs bskyed par

bshad pa 'di nyid yin la/ de ni 'di'i dngos zin ltar sems can
gzhan don du dka' ba dang du len cing/ rang gi bde dga' de la
gtong ba bdag gzhan brje ba'i sgo nas sems bskyed tshul dang shin
tu 'brel lo/ /gnyis pa bar du tshogs

@009a @#/ /bsags pa'i skabs las brtsams te rgyas bar bshad pa la/
rang rgyud smin byed pha rol tu phyin pa drug la bslab tshul las
brtsams pa dang/ gzhan rgyud smin byed bsdu ba bzhi la bslab
tshul las brtsams pa gnyis/ dang po

phar phyin drug tu dbye ba'i rgyu mtshan la/ rgyal tshab byams pa
mgon pos/ mngon mtho la ltos pa'i grangs nges/ don gnyis sgrub
pa la ltos pa'i grangs nges/ gzhan don rnam pa thams cad la ltos
pa'i grangs nges/ theg chen mtha' dag

sdud pa la ltos pa'i grangs nges/ thabs kyi rnam pa yongs su
rdzogs pa la ltos pa'i grangs nges/ bslab pa gsum la ltos pa'i
grangs nges te drug gsungs pa re res kyang lam gyi gnad la nges
pa ster ba'i dgos pa chen po yod la/ de'i nang nas

skabs 'dir ni bslab pa gsum la ltos pa'i grangs nges kyi steng
nas bshad dgos te/ thub pa'i dbang po nyid kyis gang gi don du
bsngo ba mdzad pa'i bstan pa rin po che de'ang rtogs pa'i bstan
pa bslab pa gsum dang/ de brjod byar

byed pa sde snod gsum ste lung rtogs kyi dam chos de gnyis las
ma 'das pas/ rgyal ba nyid kyis sngon slob pa'i gnas skabs su
bslab pa gsum po de dag lan na tan du bslab pa'i rgyu 'bras rten
'byung gi bden pa mi bslu bas/ de dang

rjes su mthun par rjes 'jug gdul bya rnams kyi rgyud la'ang gtso
bo bslab pa gsum/ de brjod byar byed pa sde snod gsum dang bcas
pa'i lung rtogs kyi bstan pa rgyas pa'i phyir du bsngo ba mdzad
pa yin pa'i phyir ro/ /des na mdo sde rgyan las/

@009b bslab gsum dbang du mdzad nas ni/ /rgyal bas pha rol phyin
pa drug /yang dag bshad de dang po gsum/ /them gnyis na rnam pa
gnyis/ /gcig ni gsum char la yang gtogs/ /zhes pa ltar/ tshul
khrims kyi bslab pa'i khongs su bsdus

te phar phyin dang po gsum la bslab tshul/ bslab pa gsum gar
khyad med du gal che ba brtson 'grus la bslab tshul/ ting nge
'dzin gyi bslab pa'i ngo bo bsam gtan la bslab tshul/ shes rab
kyi bslab pa'i ngo bo shes rab kyi phar phyin

la bslab tshul dang bzhi/ dang po la tshul khrims kyi tshogs/ tshul
khrims kyi ngo bo/ /tshul khrims kyi 'khor ram grogs la bslab
tshul gsum du yod de/ rgyan gyi dbyig 'grel las/ lhag pa'i tshul
khrims kyi bslab pa ni pha rol

tu phyin pa dang po gsum ste/ tshogs dang bcas pa dang/ 'khor
dang bcas pa gzung ba'i phyir ro/ /zhes dang/ lam rim chen mo
las/ tshul khrims kyi bslab pa'i ngo bo ni tshul khrims yin la/
de'ang longs spyod la mi lta ba'i spyin pa yod

na yang dag bar len pas de ni tshul khrims kyi tshogs so/ /yang
dag par blangs pa'ang gshe ba la slar mi gshe ba la sogs pa'i
bzod pas bsrung bas de ni de'i 'khor ro/ /zhes gsungs so/ /rin
chen don grub kyi 'grel par tshul khrims

kyi tshogs kyi rjes su/ tshul bzhin sgrub ba'i rgyu thos pa dang
zhes thos pa btsal tshul gyis bcad de las logs su mdzad snang
yang/ 'dir de'i tshogs kyi khongs su byas na bde ste/ tshogs kyi
skad dod samb+har zhes pa yang dag par 'grub byed la 'jug cing/

@010a @#/ /spyin pa'i stobs kyis tshul khrims rnam par dag ba
'byung tshul gong du drangs pa bzhin yin la/ thos pa'i stobs kyis
tshul khrims rnam par dag ba 'byung tshul ni skyes rabs las/ thos
pas chos rnams

shes par 'gyur/ /thos pas sdig las bzlog bar 'gyur/ /thos pas
don ma yin pa spongs/ /thos pas mya ngan 'das pa 'thob/ /ces
gsungs pa bzhin/ bcas rang gi nyes pas mgos pa'i tshul khrims
rnam par dag pa 'byung ba la ltung ba'i sgo dang bo ni

mi shes pa yin pas/ de nyid thos pa'i sgron mes bsal te blang
dor gyi chos rnams legs par shes na sgo gsum mi dge ba'i phyogs
las bzlog cing/ spyod pa mtha' dag tshul dang mthun pa myang 'das
kyi rgyur 'gro ba zhig 'byung bas/ tshul

khrims kyi tshogs la sbyin pa las kyang thos pa gNo bo lta bu yin
te/ lhag bsam bskul ba'i mdo las/ mang du thos ba yongs su tshol
ba med pa de dag ni de bzhin gshegs pa'i bstan pa la rab tu
byung ba ma yin no/ /zhes dang/ rin po che sna bdun gyi

mchod rten dag gis stong gsum gyi stong chen po'i 'jig rten gyi
khams 'di bkang na des ni nga mnyes par bya ba ma yin/ ri mor
byas ba ma yin/ bkur stir byas pa ma yin gyi/ byams pa gal te
byang chub sems dpa' than pa rol tu

phyin pa drug dang ldan pa'i tshig bzhi pa'i tshigs su bcad pa
gcig tsam 'dzin tam/ 'chang ngam/ klog gam/ kun chub par byed
dam/ 'chang ba de ni nga la bkur stir byas/ bla mar byas/ ri mor
byas/ mchod par

@010b byas par 'gyur ro/ /de ci'i phyir zhe na/ byams pa de
bzhin gshegs pa rnams kyi byang chub ni mang du thos pa las
byung ba yin gyi/ dngos po yongs su 'dzin pa las byung ba ni ma
yin pa'i phyir ro/ /zhes nges par 'byung ba thar pa'i rgyu tshogs
la

sbyin pa las thos pa gtso bor gsungs pa'i shugs kyis ngos par
'byung ba'i tshogs la thos pa gtso che bar 'grub ste/ thos pa
gnad du 'gro ba zhig med na rab byung gi sdom pa sogs blangs
kyang rnam par dag pa zhig mi 'byung ba

gsal bar gsungs pa'i phyir ro/ /des na 'dir tshul khrims kyi
tshogs la gnyis/ sbyin pa la bslab tshul dang/ thos pa la bslab
tshul lo/ /dang bo la gnyis/ yul dman pa la spyin pa dang/ yul
khyad par can la mchod pa'i

tshul lo/ /dang po la'ang dman pa la lhag par brtseb bsam pa phun
sum tshogs pa'i tshul dang/ yod dgu mtha' dag gtong ba sbyor ba
phun sum tshogs pa'i tshul gnyis/ dang po ni/ ngas sngon nad pa'i
ched dag tu/ /rang gi 'tsho ba yongs

btang bas/ /sems can phongs pa bskyab pa'i phyir/ /bstan pa yun
ring 'bar gyur cig /ces byung/ de'ang spyin pa'i zhing khyad par
can du 'gyur tshul la/ 'gro dang sdug bsngal phan 'dogs dang/
/yon tan rnams kyi zhing khyad 'phags/

zhes dbye ba gnyis gsungs shing/ nyam thag pa'i zhing gi nang
nas kyang nad pa ni lhag par snying rje'i yul du gyur pa la
dgongs te/ 'dul ba'i mdor/ nad pa dang pha ma dag ni khyim pa
yin na yang ngo/ /zhes rten rab byung gis kyang bkur sti rim

@011a @#/ /gro bya ba'i yul du gsungs la/ 'od ldan las kyang/ nad
pa snying brtse 'khor na dag pa dang/ /zhes bla ma brtse ba'i
bdag nyid can du dpag byed kyi gtso bo nad par snying brtse ba
la gsungs so/ /khyad par byang chub

sems dpa'i sbyin pa ni yul gyi nang nas kyang gang nyam thag pa
de gtso bor byed pa zhig dgos kyi/ rnam smin mchog la re bas yul
gang bzang ba gtso bor byed pa ni rgyal sras kyi spyin pa'i mi
mthun phyogs su 'gyur te/ de ni pha rol po

la thabs kyis bu lon bkal pa dang 'dra bas/ bya shing rta mo'i
skyes rabs las/ de ste phan btags lan 'dod na/ /bu lon chags
byas phan ma btags/ /zhes dang/ bzhi brgya bar/ 'di byin ba yi
sbyin pa la/ /'bras

bu chen po 'byung 'gyur zhes/ /sbyin dang len bar byed ba ni/
tshong sogs bzhin du smad bar 'gyur/ /zhes gsungs la/ yon tan
mtha' yas par bstod pa las/ gang zhig skyeb dman dang phongs pa
re ba'i bsam ldan mthong na yang/

brtse med 'bras bu 'dod bas snod ldan yon tan dag dang ldan
'tshol ba/ /bsam brlag de ni spyin pa byed kyang slong bdag dang
mtshungs so zhes/ /de slad khyod ni thugs rjes slong ba rnams la
sbyin bar byed la zhugs/ /zhes

gsungs shing/ dpal ldan zla bas kyang/ snod dam snod min de dag
la/ /mnyam bar sems snyoms pas gtong ba'i/ /zhes gsungs so/
/byar sems kyi bslab byar yang/ nad ba'i rim gro bya ba spong/
/zhes nad kyis

@011b nyam thag pa yal bar dor na nyes blci bzhig 'byung gar
bshad la/ ston pa thugs rje can nyid kyis kyang dge slong bro
'tshal ba mi gtsang ba'i khrod du bying bya gzigs te rang gis
phyag bstar nas rim gro mdzad tshul 'dul ba lung sogs las 'byung
ngo//

sngon slob pa'i dus na'ang rgyal po ye shes stobs kyi sras mo ye
shes ldan du gyur ba'i tshe/ bstan pa'i tha ma la chos smra ba'i
mchog tu gyur ba dge slong yang dag blo gros bya ba zhig bzhugs
pa de 'brum bu me dpa' nag bo'i nad gso dka' bas thebs ba'i tshe/

rgyal bo'i rmi lam du mi'i sha gsar pa dang khrag gis sman byas
na 'tsho bar 'gyur ro zhes lhas lung bstan pa'i tshul 'khor gyi
tshogs su bsgrags kyang dang du len pa ma byung ba na/ ye shes
ldan gyis rang gi sha dang khrag 'phang pa med par btang ste dge
slong

gi nad gso bar mdzad ba dang/ tshong dbon gyi bu chu 'bebs su
gyur ba'i tsho rang gi pha'i drung nas gso rig bslab ste skye bo
dpag med nad las thar bar byas shing/ 'chi? la thug ba'i nya
khri phrag gcig gi srog bskyabs ba sogs sems can phongs ba las

bskyabs pa dang/ brgya byin mig bzad bya bar 'khrungs ba'i tshe
'dzam bu'i gling du nad kyi bskal ba chen bo byung nas mi rnams
sdug bsngal gyis gzir ba na/ brgyu byin gyis nam mkha' nas ku
ru'i grong dang nye bar srog chags des ba bya

ba yod bas/ de'i sha la sus zos ba de nad las thur bar 'gyur ro
zhes bsgrags nas rang nyid der bsam bzhin skye ba bzhes te/ smon
lam gyi dbang gis sku sha mi zad par byin gyis brlabs nas de dag
gi nad zhi bar byas ba dang/ gzhan@012a @#/ /yang seng ge ral pa can du 'khrungs
pa'i tshe tshong pa
lnga brgya dug sprul gyis bskor nas 'chi la thug pa'i srog
bskyabs pa sogs gang sdug bsngal gyis gzir ba/ mgon dang skyabs
med pa rnams kyi ched du

gi 'tsho ba'i dngos po srog dang/ de'i rten lus kyi sha khrag
/brten pa'i rkyen longs spyod 'khor g.yog la sogs pa mtha' dag
'phang ba med bar yongs su btang ste sems can rnams phongs pa
las bskyab par byas pa de'i bden pa'i stobs kyis

'gro bam lus pa'i phongs pa sel ba'i sman gcig pu bstan pa rin
po che 'phel zhing rgyas par smon lam mdzad pa yin no/ /yang na
rkang pa gsum pa'i don 'grel tshul/ nad pa sogs kyi don du rang
gi srog kyang gtong bar mdzad pa de'ang lan

dang rnam smin la re ba med bar sbyin yul de nyid kyis thog
drangs pa'i mkha' mnyam sems can thams cad phongs pa ma lus pa
las bskyab pa'i phyir du yin pas/ bdog pa 'bras bu dang bcas pa
gtong ba'i don du sbyar na legs te/ dpal

ldan zla bas/ brtse bas sbyin dang sbyin pa'i 'bras/ /gnyi gcig
car don gnyer la/ /gtong ba'i sbyin gang ser sna med/ /ces dang/
spyod 'jug las/ bdog pa thams cad 'bras bcas te/ /skye po kun la
btang sems

kyis; /zhes gsungs pa ltar ro/ /gnyis pa yod dgu mtha' dag gtong
ba sbyor ba phun sum tshogs ba'i tshul ni/ bu dang bu mo chung ma
dang/ /nor dang glang chen shing rta dang/ /rin chen byang chub
phyir btang bas/ /bstan pa yun ring

@012b 'bar gyur cig /ces byung/ de'ang thub pa'i dbang po nyid
rgyal bu thams cad sgrol du gyur pa na glang po'i mchog spyin
par btang zhing/ de'i rkyen gyis rgyal pos yul nas spyugs pa'i
lam du'ang shing rta dang/ mthar sras sras mo btsun mo'i bar du
slong

mkhan byung ba rnams la zhum pa med par de thams cad gang 'dod
du stsal ba dang/ 'khor los bsgyur ba nam mkha'i skye ba bzhes
pa'i tshe bang mdzod mtha' dag sras dang btsun mor bcas pa sbyin
par btang ba dang/ rgyal po dpal gyi sder gyur

pa'i tshe bram ze khye'us bslangs pa la btsun mo rgyal ba'i 'od
gnang zhing/ gzhan yang klu'i rgyal po gter ston du gyur pa'i
tshe lo bye ba khrag khrig 'bum phrag bdun cu rtsa bdun gyi bar
du rin po che'i gter dpag tu med pa sems can rnams

la byin nas dbul ba'i sdug bsngal bsal ba dang/ tshong dpon zil
gyis mi non par skyes pa'i tshe phyi nang gi nor rdzas rlabs che
ba thams cad sbyin par btang nas mthar thag pa gcig dang zor ba
gcig las ma lus kyang/ da dung zhum pa med par

nyin re bzhin rtswa brngas nas de'i rin sbyin par btang zhing/
ri bong du gyur pa'i tshe rtswa dang 'bras bu tshun chad sbyin par
btang bsogs bdog pa'i dngos po mchog dman gang la'ang kun 'dzin
gyi 'ching ba med par gzhan la gtong bar mdzad cing/

de ltar gtong ba'i dgos ba'ang sems can thams cad srid zhi'i
rgud pa ma lus pa las skyob pa'i don du bla na med ba'i byang
chub bsgrub pa'i phyir kho na yin te/ lung las/ bsod nams 'di
yis thams cad gzigs pa yi/ /go 'phang thob

@013a @#/ /nas skyon gyi dgra btul te/ /rga dang na dang 'chi
ba'i rlabs la 'khrugs pa'i/ /srid ba'i mtsho las 'gro bsgrol bar
shog /ces smon pa mdzad tshul yang yang 'byung ba bzhin yin no/
/byang chub kyi sgra don ni/

mdzod las/ zad dang mi skye shes pa ni/ /byang chub ces pa'i
dngos zin tsam zhig thun mong ba la sbyar du rung yang/ de'i
'dod tshul dngos gzhi ni 'grel pa don gsal las/ gang dag dngos po
'jigs pa'i bsam bas zad pa la

zad do snyam pa'i shes pa dang/ zhes pa nas/ byang chub kyang
zad pa dang mi skye ba shes pa yin par brjod pa de dag la zhes
pa'i phyogs snga ma yin pas rang lugs su mi rung ngo/ /des na
skabs 'di'i byang chub chen po dngos kyi don

ni; rgyud bla mar/ sangs rgyas nyid ni dbyer med ba/ /dag ba'i
chos kyis rab phye ba/ /nyi mkha' bzhin te ye shes dang/ /spangs
pa gnyis kyi mtshan nyid do/ /zhes dang/ de'i dar TIk las/ byang
chub nyid ni sangs rgyas

kyi yon tan thams cad dang rang gi ngo bo'i sgo nas dbyer med
pa'i ye shes dang rang bzhin gyis dag pa dang glo pur gyi dri
mas dag pa'i chos kyis rab tu phye ba ste/ spangs ba dang rtogs
ba zhes gsungs ba ltar/ mnyam rjes dbyer med

pas bden gnyis cig car mngon sum du gzigs pa rnam pa thams cad
mkhyen pa'i ye shes rtogs pa byang chub dang/ sgrib gnyis zad
par spangs pa'i dag pa gnyis ldan gyi dbyings spangs pa byang
chub gnyis su yod la/ sngam ni

@013b mngon rtogs rgyan las kyang/ dri ma zad dang mi skyo bas/
/ye shes byang chub ces brjod do/ /zhes gsal bar gsungs so/ /rdo
rje theg par de lta bu'i ye shes dang ngag pa'i sgyur ma'i sku
dbyer mi phyed pa la byang chub rdo rje zhes zung 'jug gi rnam
grangs su gsungs

pa sogs mang du yod kyang ma spros pas/ byang chub kyi rnam
bzhag 'di dag dpyis phyin par shes 'dod na rdo rje'i gnas lnga
pa byang chub kyi le'u'i thad kyi rgyud bla rtsa 'grel sogs las
shes par bya'o/ /de'ang sho lo ka snga ma'i skabs su/

sems can phongs pa bskyab pa'i phyir/ /zhes dgos pa'i gtso bo
gzhan don la dmigs par bstan cing/ gzhan don phun sum tshogs pa
sgrub pa la thog mar rang gis byang chub mngon du byed dgos pas/
'dir byang chub phyir btang zhes rang

don byang chub la dmigs par gsungs ba 'di gnyis ni gzhan thams
cad kyi skabs su'ang sbyor dgos so/ /de ltar gzhan don du byang
chub thob par 'dod pa'i bsam ba sems bskyed de nyid spyod pa
mtha' dag gi gzhi rten du 'byung bas/ de

la rten dam pa zhes theg bsdus su bshad cing/ 'gyur la lar gnas
dam ba zhes kyang 'byung ngo/ /bde dge mtha' dag 'bras bu dang
bcas te gtong ba ni theg bsdus las/ dngos bo dam pa yin te mtha'
dag kun tu gtong ba'i phyir ro/ /zhes

dam pa drug gi nang nas dngos bo dam pa'i don du gsungs la/ de
ni sbyin sogs phar phyin drug ldan du byed tshul gyi nang nas/
sbyin pa'i sbyin ba'i phar phyin nas/ sbyin pa'i sbyin ba'i go
sgrub kyi don yin te/ go sgrub kyi mdo las/ byang chen sher

@014a @#/ /phyin la spyod pa'i tshe spyin pa gang yongs su gtong
ba de dag rnam pa thams cad mkhyen pa nyid dang ldan pa'i yid la
bya bas yongs su gtong ste/ nas/ sbyin pa yongs su gtong ba'i
sbyin pa'i pha rol tu phyin pa'i go cha'o/ /zhes

gsungs pa ltar ro/ /gnyis pa yul khyad par can la mchog pa'i
tshul ni/ bdag gis sangs rgyas rang sangs rgyas/ /nyan thos pha
dang ma dang ni/ /drang srong dag la mchod byas pas/ /bstan pa
yun ring 'bar gyur cig /ces byung/ de'ang yul

khyad par can la sbyin pa mdzad pa'i rnam grangs mang yang/
'di'i dngos zin gyi go rim dang sbyar na/ bram ze khye'u sprin
du 'khrungs pa'i tshe sangs rgyas mar me mdzad la ral pa gdan du
bting ste bkur sti byas pa'i tshe byang chub tu lung

bstan cing mi skye ba'i chos la bzod pa thob pa dang/ bram ze
sgra rnam par grag par skyes pa'i tshe sangs rgyas sgrib med la
gser gyi khang brtsegs khyad du 'phags pa phul nas smon lam btab
pa dang/ bram ze zla dags sangs rgyas mya ngan

thams cad dang bral ba la mchod cing 'gro ba kun gyi don du smon
lam btab bas/ des 'od kyis stong gsum khyab par mdzad de/ sems
can dpag tu med pa byang chub las phyir mi ldog par mdzad pa
sogs mdor na/ rnam gzigs mar

pe rin chen gtsug /grangs med gsum gyi tha mar byung/ /zhes
mdzod las gsungs pa dang/ lung sman gyi gzhi las 'byung ba sogs
theg pa che chung gi sde snod kun las grangs med gsum du sangs
rgyas gang+ga'i klung gi bye ma snyed la rim gro byas tshul

@014b mtha' yas pa gsungs/ de bzhin du rgyal po gser mdog gis
bang mdzod mtha' dag sbyin par btang nas rang gis gsol rgyu bre
gang tsam lus pa'ang rang sangs rgyas la phul ba dang/ tshong
dpon sbyin pa la dpa' bas rang sangs rgyas la bsod snyoms dbul
ba'i

lam khar bdud kyis dmyal ba sprul nas bkag kyang bzlog ma nus
par de la phul blta bu rang sangs rgyas la bsnyen bkur byas ba
dang/ sangs rgyas nyan thos dang bcas pa la bsnyen bkur ba'i
rnam grangs lung las gsungs pa mang zhing/ dge sbyong bzhi la
zan

chang zhig phul bas rgyal srid kyi dpal 'byor thob ste sbyin pa
la dgyes pa'i tshul zan dron chang ba phul ba'i skyes rabs lta bu
dang/ tha na nyan thos kyi cha lugs 'dzin pa'i rngon pa la'ang
gus par byas tshul seng ge yi dam brtan pa'i skyes rabs ltar

yin la/ de bzhin du rgyal bu su sha de bar gyur ba'i tshe rang gi
lus kyi sha thams cad kyis pham la bsnyen bkur byas ba dang/ ri
bong du skyes pa'i tshe drang srong bsam gtan bsgom pa la mchod
pa'i don du rang gi lus btang ba sogs re re nas smos kyis mi

lang ngo/ /de ltar sangs rgyas bcom ldan 'das rnams dang/ bse ru
lta bu'am tshogs spyod che chung gi rang sangs rgyas/ zhugs gnas
brgyad kyis bsdus pa'i nyan thos sogs yon tan gyi zhing/ pha ma
sogs phan 'dogs ba'i zhing/ bden

tshig grub ba lha mi'i drang srong la sogs ba bsod nams kyi zhing
gong mar gyur pa rnams la sgo gsum gus pa'i sgo nas mchog cing/
de'ang gong du smos pa bzhin gzhan don dang byang chub la dmigs
pa'i bsam pa khyad par can gyi rtsis zin pa kho

@015a @#/ /na yin pas des na theg pa gsum dang 'jig rten gsum
sogs 'jig rten dang 'jig rten las 'das pa'i yon tan ma lus pa
'byung ba'i sgo gcig pu rgyal ba'i bstan pa rin po che 'phel
zhing rgyas par

smon pa sngar bzhin no/ /de dag so so'i sgra don cung zad bshad
na/ sangs rgyas bcom ldan 'das ni skyabs 'gro bdun cu pa las/
shes bya la ni blo rnam rgyas/ /rmongs pa'i zum ba bcom pas na/
/sangs rgyas padma ltar rnam

rgyas; /zhes dang/ gang zhig rnams ded sangs rgyas/ /skyes bu
gnyid sangs ji bzhin no/ /zhes ma rig pa bag chags dang bcas pa
zad par spangs pas na sangs pa dang/ mkhyen pa'i skad cig ma
gcig gis kyang ji lta ji snyed mtha' dag la khyab

pas na rgyas zhes bya'o/ /bcom ldan 'das ni rgyud brtag gnyis
las/ dbang phyug la sogs yon tan dang/ /ldan phyir bcom ldan
'das zhes bya/ /yang na nyon mongs la sogs bdud/ /bcom phyir
bcom ldan 'das zhes brjod/ /ces

bdud bzhi bcom pas na bcom zhes bya la/ dbang phyug sogs yon tan
drug dang ldan pas ldan zhes bshad de/ yon tan drug ni sambu Ta
las/ dbang phyug dang ni gzugs bzang dang/ /dpal dang grags dang
ye shes dang/ /brtson 'grus

phun sum tshogs ba ste/ /drug po rnams la skal zhes bya/ /zhes pa
ltar ro/ /'das zhes pa 'jig rten ba'i lha chen po dag las khyad
par du byas pa'i phyir lo tsA bas bla thabs su bsnan par grags
la/ tAr la nA thas tshe mdo'i TIkkar b+ha ga zhes

@015b ba'i gal yi ge bsnan nas/ ga ti zhes pa 'jig rten pa'i sa
las ring du song ba la 'jug pas 'das pa'i don yang yod par bshad
do/ /sdom gsum rab dbye las/ de nas tshig la 'khrul ba yi/ /rnam
dbye cung zad bshad kyis nyon/ /bcom

ldan 'das kyis bshad pa la/ /bzhi bcom drug ldan bshad pa dang/
/zhes bcom pa dang ldan pa'i don so sor bshad pa la dgag pa
mdzad cing/ mkhas 'jug tu'ang de'i skad dod b+ha ga wa na zhes ba
bdud bzhi bcom pa dang skal

ba drug dang ldan pa gnyi ga la 'jug kyang/ bod skad kyi ming ni
de gnyi gar mi 'jug la/ gal te 'jug na ming ril po gnyi ga la
'jug dgos kyi/ ming gtor nas so sor bshad pa ni sgra shes pa
zhig gis mthong na bzhad gad kyi

gnas su 'gyur zhes dgag pa mdzad 'dug na'ang/ bod skad la rgya
skad dang 'dra ba'i nus pa med pas tsheg gcig gis don gnyis ka go
mi thub la/ bcom pa zhes sam ldan pa zhes pa tsam zhig tu bsgyur
na nus pa chung bas/ b+ha ga wa na gyi sgra 'jug

pa'i don de gnyis ka go ba'i phyir ming gcig gi sgra zur nang du
gnyi ga'i sgra zur tshang ba byas te bcom ldan zhes bsdus nas
bsgyur ba lo baN gyi bkas bcad ltar yin pas 'gal ba med do/ /de
bzhin du budd+ha yang sangs pa dang rgyas gnyis

ka la 'jug pas lo paN rnams kyis mun pa sangs pa'am/ padma'i
'dab ma rgyas pa lta bu la budd+ha'i sgra byung ba'i tshe/ skabs
thob de nyid du sangs pa'am rgyas pa zhes so sor bsgyur kyang/
sangs rgyas la sgra 'di byung ba'i tshe de sangs pa

@016a @#/ /dang rgyas pa gang rung zhig kho nar bsgyur na go rgyu
chung zhing gzhan du nor sa 'byung bas/ nges tshig gi don gnyis
ka'i zur tshang ba byas nas sangs rgyas zhes bsgyur ba yin te/
gser 'phreng las/ sangs rgyas la de gnyis

ka'i sgra don bshad du yod ba rgyu mtshan du byas nas sangs rgyas
zhes bsdoms nas bsgyur ro/ /zhes gsungs pa'i phyir/ rang sangs
rgyas ni mdzod 'grel las/ lung med par bdag gcig pu'i phyir
sangs rgyas bas rang sangs rgyas

zhes gsungs pa bzhin/ lung la ma brten par bdag nyid gcig pu'i
phyir sangs rgyas pa ste/ de kho na nyid khong du chud pas na
rang sangs rgyas zhes bshad de/ de'i skad dod pra tye ka budd+ha
zhes ba'i budd+ha sangs rgyas dang de nyid khong

du chud pa/ de thams cad rtogs ba sogs du mar 'jug pas/ nyan
thos sangs rgyas 'bring rnams thub dbang skyes/ /zhes ba'ang
nyan thos de nyid rtogs 'bring zhes bsgyur na legs par gsungs pa
bzhin no/ /yang bra tye ka budd+ha zhes ba'i pra ti rkyen/ e

ka gcig /budd+ha rtogs pa la byas te/ dur khrod kyi rus gong lta
bu la dmigs nas rten 'brel lugs 'byung lugs ldog sogs kyis rkyen
rnams rtogs pas na rkyen rtogs zhes kyang gsungs te/ gzungs
rgyal gyis zhus pa'i mdo las/ rang sangs

rgyas rnams kyi rnam par grol ba ni rkyen khong du chud pa'o/
/zhes so/ /dgongs pa lung ston las/ rkyen dang nyan thos rnams
kyi dang/ /mdo dang gsang sngags spyod rnams kyi/ /zhes dang/
rkyen dang nyan thos kyis gzhig dka'i/ /badzra

@016b yang ni bzhi par 'gyur/ /zhes pa lta bu rang rgyal la
rkyen gyi sgra tsam sbyar nas gsungs pa'ang mang ngo/ /nyan thos
ni pad dkar las/ mgon po de ring bdag cag nyan thos gyur/ /byang
chub dam pa yang dag bsgrags par bgyi/ /byang chub pa yi sgra
yang

rab tu brjod/ /de bas bdag cag mi bzad nyan thos 'dra/ /zhes
byang chub mchog gi lam dang 'bras bu rnams sangs rgyas las nyan
nas rang gi ched du nyams su mi len par gzhan bsgrog par byed
pas thos sgrog gam nyan thos zhes gtso

bor lung la tshad du brten ba'i cha nas kyang btags pa yin te/
gzungs rgyal gyi mdo las/ nyan thos rnams kyi rnam grol sgra
phyir 'gro /zhes so/ /pham ni gang zag gzhan la zhing khyad par
can du mi 'gyur yang/ rang la chos sgrub pa'i

lus sbyin pa'i bka' drin gyi sgo nas zhing khyad par can du
'gyur te/ sngo bo sangs can gyi yal 'dab las/ dge ba'i gnas su
gyur ba lus dag gi /rgyur gyur pha ma dag ni mkhas rnams kyis/
/bla ma yis kyang mchod 'os zhe sar 'os/ /zhes ba ltar

ro; /drang srong ni spyir lung las/ drang srong gsungs ba'i lam
ni thob par 'gyur/ zhes dang/ rgyud bla ma ra/ drang srong rnams
kyi brda yi sku/ /pha rol phun sum tshogs pa'i gnas/ /zhes sangs
rgyas sogs theg pa gsum gyi 'phags pa

rnams la'ang drang srong gi sgra 'jug la/ de'i dbang du byas te
zla ba'i tshig gsal las/ don dam pa thugs su chud pas na drang
srong ngo/ /zhes gsungs kyang/ 'dir skabs thob kyi dbang gis
'jig rten ba'i drang srong bden tshig grub pa rnams

@017a @#/ /la bshad cing/ de'ang khyim gyi 'du 'dzi dang g.yeng
ba spangs te dpen par song nas ting nge 'dzin bsgoms pas bsam
gtan la sogs pa'i yon tan gong ma thob pa/ smon pa'i tshig gis
kyang gzhan gyi dgos pa sgrub nus

la; ngan pa'i spyod pa g.yo sgyur sogs med par shes rgyud drang
por srong bas na drang srong zhes bya ste/ ji skad du/ 'khor bas
skyo ste nags su song/ /bsam gtan thob ste mngon shes 'char/ /de
la mi yi drang srong zer/ /bsam gtan ma

thob grong du babs/ /snyan ngag sogs 'tsho bram ze'i rigs/ /zhes
'byung ba ltar ro/ /gnyis pa thos ba la bslab tshul ni/ bskal ba
bye ba du mar bdag /sdug bsngal sna tshogs myong gyur cing/
/byang chub don du thos btsal bas/ /bstan

pa yun ring 'bar gyur cig /ces byang/ de'ang sngon rgyal po kha
dog dam par gyur pa'i tshe tshigs bcad gcig gi don du sras dang
btsun mo la sogs pa btang ba dang/ rgyal pog na sha pa lir gyur
pa'i tshe tshigs bcad gcig gi don du sku la mar me

stong btsugs pa dang/ rgyal po byi ling gar li tar gyur pa'i tshe
tshigs bcad gcig gi don du sku la lcags gzer stong btab pa dang/
rgyal bu dam gam chos kyi don du me 'obs su mchong pa dang/
drang srong gi ston ba ut ta lis rang

gi bags las shog bu dang/ ru sangs smyu gu /khrag snag tshar byas
te chos nyan cing bris pa sogs dper na 'phags pa rtag dus kyang
shes phyin nyan pa'i don du rang gi sha khrag thams cad btang ba
sogs thos pa'i don du ches bya dka' ba'i

@017b spyod pa dpag tu med pa spyad tshul shes mdor 'byung blta
bu 'dul pa lung dang mdo sde mdzangs blon sogs las rgya cher
'byung la/ mdor na slob dpon dpa' bos skyes rabs phal cher gyi
don bsdus pa'i skabs su/ de ltar bcom ldan 'das des

bdag cag gi phyir bya dka' ba mang pos dam pa'i chos 'di bsgrubs
pa yin pas rim gro bskyed de dam pa'i chos mnyan par bya'o/
/zhes gsungs pa ltar/ byang chub sgrub pa la thos pa gtso che
bar dgongs nas bskal pa dpag tu med

par de'i don du dka' spyad mtha' yas ba zhig lhur bzhis shing/
thos don sgrub pa la sbyar bas nying dgos mthar thug pa mngon du
mdzad pa de'i bden pa'i stobs kyis kyang rjes 'jug gi gdul bya
rnams rnyed bkur snyan grags

sogs la re ba ma yin par/ theg pa gsum gyi byang chub don du
gnyer ba nges 'byung gi bsam pa khyad par can gyi rtsis zin pa'i
tshul khrims rnam par dag pa gzhir bzung/ thos bsam sgom gsum yam
bral bar byas te/ klog pa

thos bsam dang spong ba bsam gtan gnyis kyi sgo nas rgyal ba'i
bstan pa rin po che 'phel zhing rgyas par gyur cig ces smon pa
bmdzad ba yin no/ /de'ang 'di'i bskal ba ni bar bskal tsam la
byed pa ma yin gyi/ mngon pa mdzod las/ de ltar 'jig

rten chags pa 'di/ /bar gyi bskal pa nyi shur gnas/ /chags pa
dang ni 'jig pa dang/ /zhig nas 'dug pa dag mnyam mo/ /zhes pa
ltar/ gnas bskal la ya thogs ring mo/ ma thogs ring mo/ bar gyi
ukhug bco brgyad de@018a @#/ /bar bskal nyi shu 'byung ba bzhin/ 'chags bskal/ 'jig
bskal/ stong bskal re re la yang bar bskal nyi shu re ste/ bar
bskal brgyal cu po gcig tu bsdoms pa ni bskal chen

gcig yin no/ /de lta bu'i bskal chen bye ba du ma ste/ 'di'i bye
ba ni 'bum phrag brgya la bye bar byed pa de tsam ma yin gyi/
bye ba'i skar dod ko Ti zhes pa rab dang rtse mo sogs la 'jug
pas/ 'dir grangs kyi rtse mo'am

? mthar son pa grangs med la bya ste/ dper na nor ri na thang
'di tsam ri zhes tshad gzung du med pa la rgya gar na bye ba ri
zhes 'dogs par rna ba bye pa ri'i rtogs brjod las 'byung ba
bzhin no/ /sdug bsngal gyi sgra don ni bu sti dge bshes kyi

Tikkar/ sdug pa ni yid du 'ong ba dang/ bsngal ba ni ngal bar
byas pa ste chad pas gtugs pa'i don no/ /zhes 'byung la/ 'on
kyang sdug bsngal gyi skrad dod duHkha zhes pa'i dur ni ngan pa
thob pa sogs don lnga la 'jug par nyer

bsgyur nyi shu'i 'grel bar bshad cing/ tA ra rA thas bgrod
dka' sogs don dgu la 'jug par bshad/ kha ni kun mkhyen 'jam
dbyangs bzhad pa'i ka lA pa'i TI ka chen las/ / khadra 'che ba
la'os/ khdra bzhag /Ta byin/

Ta lang dpyi 'os Ti byis/ Tra yig de'i khyad don/ nyer bsgyur
dur sngon du bzhag /duH kha zhes 'tshe ba'am/ yongs su 'joms pa
dang/ myong ba'am za ba sogs la 'jug par gsungs pas/ de dag
bsdoms na duHkha

@018b zhes pa ngan pa ste/ mi 'dod pa'i gdung bas nye bar 'tsho
zhing yongs su 'joms pa'am/ ngan myong sta gdung ba nyams su
myong pa la 'jug go /des na bod skad kyi dbang du byas pa'i sgra
bshad tshul yang/ sdug ces pa sim gdung gnyis la bde sngag tu

bshad pa'i skabs bzhin byas te/ bsngal zhes pa gdung ba de nyid
kyis bcom zhing nyam thag par byas pa la sbyar na rgya skad kyi
nges tshig dang yang mthun pas legs sam snyam steng byad par
bya'o/ /dka' spyad kyi sdug bsngal khyad du bsad nas thos

ba btsal ba de'ang thos pa rnam dag tu 'gro mi 'gro rtsa ba'i
kun slong la rag las pas/ 'dir byang chub don du thos btsal zhes
gsungs pa den dang dgos pa shin tu che ste/ thog mar thos pa la
'jug pa'i tshul 'bras bu byang chub thob 'dod

kyi 'dun pa shugs drag po skye ba na/ de 'thob pa la de'i rgyu
kun byang gi blang dor phyin ci ma log pa shig byed dgos shing/
blang dor go ma log pa zhig 'byung ba'ang dkon brtsegs las// dge
ba dang ni sdug pa'i chos/ /thos pa med

bar shes mi 'gyur/ /zhes gsungs pa bzhin thos pa la rag las pas/
de lta bu'i sgrub pa lhur len gyi phyir du thos pa btsal dgos
kyi/ nang gi nyon mongs ba'i gnyen por cung zad kyang mi 'gro
bar rnyed bkur dang mkhas pa'i grags pa

tsam zhig gi phyir thos ba tshol ba ni btsal tshul phyin ci log
tu gyur pa yin zhing/ de lta bu'i sgo nas gzhung gi tshig ris
tsam shis kyang/ thos don rgyud la sbyar ba'i nyams len byed
rgyu zhig med na mang du thos pa'i don mtshang zhing/ de ni chos
shes pa dang

@019a @#/ /mkhas pa'i grangs su mi 'gro ste/ 'od srung gis zhugs
pa'i mdo las/ thos dang ldan yang tshul bzhin ma yin pa'i/ /nyon
mongs 'byung ba'i nad ni mi se lan/ /de yis thos la brtson pa
don med

yin; /zhes dang/ lang gshegs las/ mang du thos pa zhes bya ba ni
don la mkhas pa yin gyi/ tshig la mkhas pa ni ma yin no/ /zhes
dang/ chos thams cad 'byung ba med pa'i mdo las/ tshig dang smra
la mkhas shing mi

mkhas de/ /chos kyi rang bzhin yongs su ma shes na/ /tshig gi dag
pas byang chub 'tshang mi rgya/ /zhes gsungs la/ mdo sde rgyan
las kyang/ thos pas chog par 'dzin spong ba/ /de ni chos shes pa
zhes brjod/ /ces gzhung gi

tshig thos pa tsam gyis chos mi shes par/ gang thos ba de thams
cad byang chub sgrub pa'i yan lag tu nyams su len dgos par go ba
ni chos kyi gnad shes pa yin par gsungs so/ /tshul de lta bu zhig
byang na rgyal ba byams pa mgon pos/ 'di

na dang por thos la brten nas tshul bzhin yid la byed pa 'byung/
/tshul bzhin yid la byed las yang dag don yul ye shes 'byung/
/zhes dang/ skyes rabs las/ thos pa'i rjes 'jug sgrub pa snying
por byed/ /skye ba'i rdzong las tshegs

chung thar bar 'gyur/ /zhes sogs dang/ mkhas mchog dbyig gi
gnyen pos kyang/ tshul gnas thos dang bsam ldan pas/ /sgom pa la
ni rab tu sbyor/ /zhes gsungs pa ltar gyi rgyal ba'i bstan pa la
slob pa'i rim ba rgyal

@019b ba'i dgongs bam nor ba de byung ba yin la/ de'i nang nas
kyang mnyam med jo bo chen po dang/ rje bla ma'i man ngag gi
gnad bla na med pa'i thabs mkhas kyi 'phrul 'degs la brten nas
thos bsam sgom gsum cig car du sgrub ba zhig 'byung ste/ bka'
gdams

glegs bam las/ nga thos dus tshe na bsam sgom bsngo/ /nga bsam
dus tshe na thos sgom ba sdo/ /bsgom dus tshe na thos bsam bsdo/
/nga gcig tu ma lus bsdoms byas nas/ /chos lam du khyer nas 'gro
shes pa/ /nga bka' gdams phyogs

char ma lhung bas/ /don rgya 'bag bzhin du 'phrul shes pas/
/legs kun tu gtsogs te bka' gdams yin/ /zhes gsugns pa ltar/
gsum ga gdan thog gcig tu 'dril ba zhig 'byung bas/ kha cig thos
pa'i phyogs

tsam bzung ste sgom pa la blon sgom zhes smod pa dang/ la la
sgom pa'i phyogs tsam bzung ste thos pa la phyi'i go rgya gcod
pa tsam dang shag 'gyed smod pa sogs chos spong gi sgo khegs te
bstan pa thams cad gru bzhi lam gyis

'khyer shes pa zhig 'byung ngo/ /de dag gi don dril gyis dri lan
lam rim chen mo las/ sangs rgyas thob pa la 'thob byed kyi lam
la slob dgos/ slob pa la shes dgos/ shes pa la thos dgos zhes
thabs dang thabs byung du 'brel

ba'i tshul 'di mang du thos pa 'tshol ba rnams kyis snying la
'ching bar rigs so/ /gzhan yang gang la thos pa bya ba'i yul
dang/ ji ltar thos pa byed pa'i tshul sogs mtha' chod par shes
'dod na/ mdo sde rgyan gyi mos pa dang chos tshol ba/

@020a @#/ /chos bshad pa/ sgrub ba/ gdams ngag gi le'u lnga rtsa
'grel/ de'i thad kyi byang dang bcas ba/ rnam par bshad pa'i sgo
bsdu ba dang/ kun las btus ba tha ma/ rnam bshad rigs pa sogs
las shes

par bya'o/ /gnyis pa tshul khrims kyi ngo bo la bslab pa'i tshul
ni/ bdag gis tshul khrims brtul zhugs dang/ /dka' thub yun ring
bsten byas shing/ /phyogs bcu'i sangs rgyas pas mchod pas/
/bstan pa yun ring 'bar

gyur cig /ces byung/ de'ang tshul khrims kyi phar phyin la lhag
par bslab tshul ni srog gcod kyi las las gtan du log cing/ de'i
bden stobs kyis phyi nang gi gnod pa zhi ba/ legs par pha rol tu
phyin pa dang/ nya'i

rgyal po/ sreg pa'i phru gu sogs kyi skyes ba'i rabs dang/ brgya
byin du gyur ba'i tshe lha min gyi dpung gis bdas kyang/ shing
shal ma la'i steng gi mkha' lding gi phru gu la gnod kyis dogs
nas rang srog lam gzigs par phyir

log pa lta bu dang/ bram za'i slob dpon gyis rkub chos su bstan
kyang der gtan nas ma zhugs pa lta bu ma byin len spangs tshul/
log g.yem spangs tshul myos byed ma'i skyes rabs dang/ gzhan
yang khyim ni btson ra dang 'dra bar

gzigs te dang la 'byor mtha' dag mchil ma'i thal ba bzhin du
spangs nas tshangs par spyod pa'i brtul zhugs lhur bzhes pa'i
tshul/ ston ba lkug 'phye'i skyes rabs/ rgyal rigs phyug po'i
skyes rabs/ tshong dpon du skyes pa'i rabs

@020b sogs mtha' yas so/ /de ltar dus shin tu ring por dka'
spyad drag po bzod par byas te/ yang dag pa'i tshul khrims dang
brtul zhugs las cha tsam yang mi 'da' bar bsrungs nas/ sngon gyi
rgyal pa rnams mnyes par byas pa de'i stobs kyis sgo

gsum gyi nyes spyod sdom pa'i tshul khrims dang/ de brjod byar
byed pa 'dul ba'i sde snod la sogs pa lung rtogs kyi bstan pa
rgyas par smon lam mdzad pa'o/ /de'ang tshul khrims kyi sgra don
mdo sde rgyan gyi dbyig/ 'grel las/ bsil

'thob par byed pas na tshul khrims te/ de dang ldan pa la yul gyi
mtshan ma'i nyon mongs pas yongs su gdungs pa med pa'i phyir ro/
/zhes dang/ blo brtan gyi 'grel bshad las/ shI la zhes 'byung
ste/ shI ni bsil ba'i don la/ la ni

thob pa'am len pa'i don to/ /tshul khrims dang ldan pa rnams tshe
'dir yul la chags pa'i don du 'dod chags dang zhe sdang la sogs
pa'i rgyus lus dang ngag gi sgo nas bya ba sna tshogs kyi sdug
bsngal ba'i gdung bar byed pa mi 'thob par 'gyur ba dang/

de'i rgyus tsher rabs gzhan du'ang ngan song gi gnas su mi myong
zhing/ lha dang mi'i bsil ba'i bde ba 'thob par 'gyur ba dang/
mjug tu mya ngan las 'das pa'i bde ba'i bsil pa 'thob par byed
pas na tshul khrims bya'o/ /zhes so/ /

'di ni shI la zhes par yi ge bsnan pa'i des tshig gi bshad tshul
yin la/ bod skad ltar tshul dang khrims zhes so sor bshad na tshul
ni rnam bshad rigs pa las/ tshul gyi sgra ni bden pa dang/ /lam
dang 'brel 'byung rig pa dang/ /nges

@021a @#/ /'byed cha dang mya ngan 'das/ /thabs dang rigs pa nyid
la yod/ /ces pa ltar don brgyad dang/ smra sgo ltar don bcu la
'jug kyang/ 'dir gtso bo rgyud rdo rje rtse mo las/ tshul zhes
bya ba don ci yin/

gang du dri ma med gyur ba/ /de ni de yi tshul du brjod/ /ces dri
ma zad pa'i myang 'das kyi go 'phar sgrub pa dang rjes su mthun
pa'i spyod pa la tshul zhes bya ste/ mngon pa mdzod sogs su tshang
ba'i tshul zhes bshad pa dang don gcig go

khrims ni rgyal po'i bka' khrims las yul gyi skye bo rnams 'da'
mi nus pa bzhin/ thar pa don du gnyer pa rnams tshul de las 'dar
mi rung ba'i don no/ /brtul zhugs ni/ bra sti dge bshes kyi
Twikkar/ brtul pa ni bsdus pa

ste/ lus ngag gi 'jug ba gcig tu nges par byas pa'o/ /zhugs pa
ni de ltar nges par byas pa de nyid las mi 'da' bar zhugs pa'o/
/de'ang nang pa la grags pa ni tshul khrims dang/ phyi rol pa la
grags pa ni brtul zhugs zhes pa'o/ /

zhes gsungs pas/ sgra bshad de ltar byas chog kyang/ tshul khrims
brtul zhugs zhes pa phyi nang gnyis la so sor sbyar ba dpyad
dgos te/ dpung bzang gi rgyud las/ de yi brtul zhugs dang por
ngas bshad do/ /zhes dang/ de

bzhin phyag bcas bzlas dang brtul zhugs kyi/ /zhes pa lta bu
tshul khrims kyang brtul zhugs su bsdus nas gsungs pa dang/ mig
rnam par sbyong ba'i gzungs las/ tshul khrims kyi bden pa dang/
brtul zhugs kyi bden pa dang/ zhes so

@021b sor gsungs bdag/ bla ma lnga bcu bar/ brtul zhugs can gyis
kun bya ste/ /zhes pa lta bu nad pa'i gzhung las brtul zhugs kyi
sgras bston pa mtha' yas shing/ phyi rol pa'i gzhung mdzod 'grel
du drangs pa las/ gang dag skyes bu gang zag gang zhig ba lang
gi

tshul khrims dang/ ri dwags kyi tshul khrims dang/ bya gag gi tshul
khrims yang dag par blangs te gnas pa de ni/ zhes pa lta bu tshul
khrims kyi sgras bshad pa'ang mang bas brnga 'dogs tshul phyi pa
dang nang pa'i khyad min no/ /'o na tshul khrims

brtul zhugs zhes gnyis ka smos pa ci yin zhe na/ tshul khrims ni
sgo gsum gyi nyes spyod sdom pas spyi yin la/ brtul zhugs ni de
dang mthun par 'jug pa lus ngag gi kun spyod la gtso por byed
pas bye brag lta bu yin te/ dper na

tshul khrims brtul zhugs mchog 'dzin gyi lta ba zhes pa'i tshul
khrims de lus ngag yid gsum ga'i sgo nas lta ba dan pa'i rjes su
slob pa'i bsam sbyor gnyis ka dang/ brtul zhugs gtso bor lus
ngag gi kun spyod dang cha lugs sogs

la bzhag pa bzhin yin ba'i phyir/ kun btus dar TIk las/ lta
ngag gyis kun nas bslang ba'i tshul khrims dang/ tha mal pa'i
spyod pa spengs nas g.yang gzhi 'chang ba sogs lus ngag gi 'jug
pa nges par byed pa'i brtul

zhugs/ zhes so/ /dka' thub ces pa'i dka' ba bya dka' ba'i spyod
pa la byas te/ der 'jug phod cing sgrub nus pa thub pa'i don du
bshad pa'ang mi rung ba med kyang/ khyad par 'phags bstod kyi
'grel pa sogs sngon gyi gzhung

@022a @#/ /mang bo'i tshig gi nus par bstags na chags sdang sogs
nyon mongs skye ba'i rkyen drag pos gdungs te bzod dka' ba ni
'di'i dka' ba'i don dang/ de'i dbang du mi 'chor bas drang shes
bzhin bag yod dang

bzod pa la sogs pas de nyid phar zil gyis gnon pa ni thub pa'i
don du byas na legs te/ rje bla ma'i nyams mgur du/ nyon mongs
gdung ba'i dka' thub kun gyi phul/ /zhes lung las bzod pa dka'
thub kyi mchog tu

gsungs pa'i don de ltar bkral zhing/ sngon shAkya'i gzhon nu
rigs gzugs 'byor pas khengs pa'i gdug rtsub can gdul dka' ba
rnams gzhon nu don thams cad grub pas zil gyis mnan pas shAkya
thub par btags pa

bzhin no/ /de lta bu'i dka' thub kyi spyod pa de'ang dus nyi tshe
pa tsam ma yin par bskal pa chen po du ma'i bar gyi yun shin tu
ring por bsten bar byas shing phyogs bcu'i rgyal pa thams cad
mchod par mdzad do/ /'dir bsten

byas shing zhes pa'i don bra sti dge bshes kyi TIkkar/ shing
zhes bya ba ni sdud pa sogs dang/ lhan cig ba dang lhag bcas
sogs la 'jug pa las 'dir ni lhan cig pa'i don can te/ bsten par
byas pa dang lhan cig

tu'am/ bston par byas bzhin du zhes bya ba'o/ /zhes dper na 'gro
bzhin du kha ton byed ces pa lta bu/ bya ba ngo bo tha dad pa
gnyis lhan cig tu bsgrub pa la bshad cing/ mchog pa'ang bsnyen
bkur sogs la gtso bor

@022b bshad do/ /'di'ang cung zad dpyad dgos te/ rnyed pa dang
bkur stis mchod tshul ni/ go ba du/ bdag gis sangs rgyas rang
sangs rgyas/ /nyan thos ba dang ma dang ni/ /drang srong dag la
mchog byas pas/ /zhes sbyin pa'i skabs su

bshad zin pas 'dir sgrub pa'i mchog pa la byas na 'brel gyi/
snga ma dang khyad med na zlos skyon du 'gyur ro/ /sangs rgyas
la mchod ces smos tshad mchod pa'i pho byad cig phul ba kho nar
go mi dgos te/ mchod pa'i skad dod pU ja zhes pa mnyes bar byed
pa'i

don yin pas/ rgyal ba rnams kyi ji ltar gsungs pa bzhin du tshul
khrims yang dag par blangs nas nyams pa med par bsrung te rang
gi sems rgyud 'dul zhing byang chub kyi sbyor pa las lhag pa'i
mchod pa mid pa'i phyir te/ yab sras mjal

ba'i mdo las/ spyad pa spyod yul gang mos ba/ /de dag ston pa
mchod pa ste/ /mchod pa de ni bla ma med/ /ces dang/ bdud rtsi
gsang ba'i rgyud las/ mnyes pa'i don gyis mchog pa ste/ /spos
sogs phul bas mnyes ba med/ /rang sems las su

rung bdag /mnyes pa'i mchod pa chen po'o/ /zhes dang/ sems can
mgu bar byed pa'i bstod pa las/ des na sems can phan pa byas na
ngal mchod pa'i mchog /gang gi yid ni mgu bar byed pa mchod pa
yin pas so/ /zhes

sogs dang/ skyes rabs las kyang/ phan pa'i lan du mchog pa bya
ba ni/ /bsgo ba'i tshig bzhin nyams su len pa yin/ /zhes gsungs
pa ltar ro/ /des na tshul khrims bsrungs pa de nyid rkang pa gsum
pa'i skabs kyi mchog pa la 'dra

@023a @#/ /bzhag ste gnyis k? gcig tu byas na legs so/ /gsum pa
tshul khrims kyi 'khor ram grogs bzod pa la bslab tshul ni/ bzod
brtul rtag tu bsten byas shing/ /sems can nyon mongs snyigs ma
yi/ /

sems can ngan bzong byas gyur pas/ /bstan pa yun ring 'bar gyur
cing/ /ces byung/ de'ang thub pa'i dbang po nyid sngon drang
srong bzod par smra ba'i skye ba bzhes pa'i tshe rgyal po gdug
pas phyag zhabs thams cad rim pa bzhin btsad

kyang khro ba'i sems cung zad tsam yang ma skyes pa dang/ bram
ze'i rigs shig tu 'khrungs te dben par gshegs pa na sngon gyi
chung ma'ang rab tu byung nas rjes su 'brangs pa rgyal po zhig
gis phrogs te brnyas thabs du ma smras kyang khro ba'i sems ma
skyes

pa dang/ spre'u dang/ bya shing rta mo/ ri dwags sha ra b+ha/ ri
dwags ru ? rnams su gyur pa'i tshe rang gis phar bskyabs pa la
drin gzi med par gnod pa byed pa la'ang mi khro zhing/ phar gnod
lan du phan ba bsgrubs pa dang/ khyu

mchog tu 'khrungs pa'i tshe spre'u mi bsrun bas rtag tu na thob
rtsams kyang lan ye mi mdzad gsogs shin tu snyigs ma bde ba'i
dus kyi sems can spyod pa dan pa/ nyon mongs pa'i gdon gyis
brlams pa rnams kyis mi 'tsham pa'i bya ba du mas

sgo mtha' dag nas yang dang yang du gtses kyang bzod pa'i go cha
rtag tu bsten nas khro bskad cig kyang ma shor bar/ de thams cad
lam bu gcig pa lta bu'i byams pa'i thugs kyis dgongs par mdzad
ba de'i bden pa'i stobs kyis lus

@023b can yongs la phan pa ma lus pa 'byung ba'i sko gcig pu
bstan pa rin po che dar zhing rgyas par smon pa'o/ /de'ang
gzhung las bzod pa'i sngon 'dir brtson 'grus 'byung ba ni spyod
'jug las/ brtson gang dge la spro bo'o/ /zhes pa ltar

brtson 'grus kyi ngo bo dge ba la spro ba yin zhing/ sbyin sogs
gang la slob kyang de dang der sprong zhig med mi rung du dgos
pas/ gcig ni gsum char la yang gtogs/ /zhes pa ltar/ brtson
'grus ni de thams cad la khyab byed lta bur

'grwo ba la dgongs nas go rim 'chal te gsugns pa yin la/ spyir
phyir drug gi rim pa/ skye rim dang/ dman mchog /rags phra gsum
gyi sgo nas nges tshul rgyan las 'byung ba bzhin/ 'dir yang spyi
ba ba dang bstun nas bshad pa yin

pas skyon du mi 'gyur te/ dgos pa de 'dra yong na ltag 'og bsnor
nas 'chad du rung bar spyan ras gzigs brtul zhugs sogs kyis
bshad do/ /de'ang bzod brtul ni bzod pa'i brtul zhugs sam go cha
yin la/ de'ang gnod pa lan re tsam

bzod pa ma yin par rtag tu bzod pa'i go cha mi lhod pas na rtag
tu bsten byas zhes smos so/ /sems can nyon mongs snyigs ma yi/
/zhes pa ni/ nyon mongs shin tu rags shing rgyas pa'i sems can
na/ nyon mongs pa'i snyigs ma

bdo ba'i dus kyi sems can zhes pa yin la/ nyon mongs pa'i don ni
kun btus las/ chos gang 'byung ba na rab tu ma zhi ba'i mtshan
nyid du 'byung ste/ de byung bas sems kyi rgyud rab tu ma zhi
bar 'byung ba de nyon mongs pa'i mtshan nyid@024a @#/ /do; /zhes gsungs la/ ma zhi
bar byed tshul rgyas sras
ma las/ de'ang rnam ba drug ste/ 'di ltar rnam par g.yeng bas
rab tu ma zhi ba dang/ phyin ci log gis rab tu ma zhi ba dang/
rgod pas rab tu ma zhim

dang; rmugs pas rab tu ma zhi ba dang/ bag med pas rab tu ma zhi
ba dang/ 'dzem pa med pas rab tu ma zhi ba'o/ /zhes yang dag
pa'i lam la 'jug tu mi ster zhing/ phyin ci log gi yul la rang
dbang med par sbyor bas na sems

las su mi rung bar byed do/ /mdor na sems nyon mongs pa'i gzhan
dbang du song ba ni sdug bsngal gyi bden pa'i don yin zhing/
nyon mongs kyi rnyog pa dang bcas ba de nyid ma zhi ba'am 'khor
ba'i don yang yin la/ sems nyon mongs kyi

rnyog ba dang bral ba ni zhi ba'am thar pa dang 'gog pa'i bden
pa'i don yin te/ 'khor ba dang myang 'das zhes pa rang gi sems
'di nyid nyon mongs dang bral ma bral tsam la 'jog gi /gzhan
sde'i 'dod pa bzhin rtag pa rang byung gi

dbang phyug lta bu'i 'khor rtsa dang/ thar ba gzugs can lta bu
logs shig na med ba'i phyir/ rdo rje gur las/ rin chen sems las
phyir gyur ba'i/ /sems can med cing sangs rgyas med/ /ces dang/
sar ha sa/ sems

bcings na ni 'ching 'gyur te/ /de nyid grol na the tshom med/
/ces gsungs so/ /spyod 'jug las kyang/ gang gis chos kyi gtso bo
mchog /sems kyi gsang 'di ma shes na/ /bde 'thob sdug bsngal
gzhom 'dod kyang/ /

@024b de dag don med gyi nar 'khyams/ /zhes gsungs te/ de dag gi
dgongs pa'i gnad dril ba kun btus dang TIka las/ sems kyi rgyud
rab tu ma zhi bar byed pas rab tu phye ba'o/ /rgyud zhi pa ni
'gog bden yin la/ de byed pa ni lam bden

dang/ sems rgyud rab tu ma zhi ba ni sdug bsngal bden ba yin la/
de byed pa'i gtso bo ni nyon mongs so/ /zhes gsungs te logs
bshad bla na med par snang ngo/ /snyigs ma shes pa skabs thob
kyi dbang gis ches nyag phra ba la 'jug pa dang/ ches rags

shing lhag par bdo ba la 'jug tshul gnyis yod de/ pad dkar las/
bskal pa'i snyigs ma las byung ngam/ sems can gyi snyigs ma'am/
nyon mongs pa'i snyigs ma'am/ lta ba'i snyigs ma'am/ tshe'i
snyigs ma zhes snyigs ma lnga bshad

pas/ bskal pa'am dus kyi snyigs ma dang tsho'i snyigs ma ni dper
na chu mig skam pa'i lhag ma cung zad cig lus pa la snyigs ma
zer ba bzhin/ zad ba'i mthar lus pa la bshad/ nyon mongs pa dang
lta ba'i snyigs ma ni/ dper

na tshon btul ba'i nang nas rdo dang bye ma sogs rags pa bsal ba
la snyigs ma zer ba bzhin du shin tu rags shing lhag par bdo ba
la byed do/ /de dag so so'i khyad par ni slob dpon ma ti tsi
tra'i rtsod pa'i dus kyi gtam las/ bcud

rnams sas 'thung dngos rnams stobs chung lha rnams char ni 'bebs
mi byed/ /rlung rnams rab tu drag ldang lo tog rnams ni mi smin
skye mi 'gyur/ /skyes la ser 'babs rnams rtsod pa'i dus kyis
dbang bsgyur 'bras bu med/ /ces pa ltar

@025a @#/ /snod bcud mtha' dag gi bkrag mdangs dang bcud nyams
shing/ phyi nang gi nyer 'tshe du ma ru 'dzing bas dus kyi snyigs
ma dang/ yang de nyid las/ yon tan mkhas la mi bkur nor ldan
rnams ni mchod

bya min par mchod/ /skye rmongs mchod byed gshin rje'i 'jig rten
sdug bsngal nges 'khrid gang gis bzlog /ces pa ltar/ skye bo
rnams rang bzhin gyis dam pa ma yin pa'i phyogs la dga' zhing/
dam pa rnams kyi rjes su mi 'jug

par gdul dka' ba sems can snyigs ma'i don dang/ yang/ sdig la
dga' zhing stobs ldan g.yo can rnams kyis dam chos bsnub par
'gyur/ /zhes sogs ltar chags sdang g.yo sgyu phrag dog sogs
nyon mongs pa shin tu rags

pas sdig pa mi bzad pa la tsham tshom med bar 'jug pa nyon mongs
snyigs ma dang/ nyon mongs pa'i nang nas kyang bde legs thams
cad kyi rtsa ba gcod byed las 'bras la skur pa 'debs pa'i lta
ngan rgyas pa ni lta ba snyigs ma'i don

yin te/ spyir rtag chad kyi lta ba gnyis ka lta ngan yin kyang/
rtag ltas dge rtsa mi gcod par ma zad/ bzhi brgya par/ dam pa
min la bdag 'dzin mchog /ces pa ltar/ las 'bras la yid ches
bskyed pa dang/ dge ba'i las kyi

rkyen byed pa'ang srid cing/ chad lta ni mdzod las/ med bar lta
bas rtsa ba gcod/ /ces pa ltar/ dge rtsa gcod byed yin pas lta
ba'i snyigs ma'ang gtso bor de la 'jog dgos so/ /mkhan po bo d+hi
satwa'i zhal che mas la'ang/ snyigs ma lnga'i

@025b nang nas lta ba'i snyigs ma zhes bya ba stong nyid la dga'
ba yong bar mdo las gsungs/ zhes pa'ang/ stong nyid ces pa'i
sgra tsam la zhen nas 'khor 'das bcings grol mtha' dag ri bong
gi rwa bzhin gtan med du 'dzin cing/ tha snyad

pa'i shes pa thams cad 'khrul pa yin pas de'i dor yod pas yod go
mi chod par smra ba dang/ kha cig lta ba bsgom pa'i tshe ci yang
yid la mi byed bar stong sang had po tsam la 'jog cing/ de nyid
lta ba'i yang rtser rlom pa sogs spyod phyogs

ras su por nas lha ba ltar snang re tsam gtso bor byed pa dang
de'i rjes su mos pa mang du 'byung ba ni lta ba snyigs mar song
ba'i don yin no/ /tshe snyigs ma ni tshe lo mar 'grib pas mi rnams
tshe tshad thung zhing/ nad rims gdon bgegs la

sogs ba dus ma yin ba'i 'chi rkyen shin tu mang bas tshe tshad dor
yang sdod pa nyung ste/ ma ti tsi tras/ 'gro la nad 'phel ba ni
de dang de dag 'byung po rnams kyis btang/ /zhes dang/ sman
rnams gang yang nus med de bzhin khyad par

rnams ni rab tu nyams/ /kye hud sdug bsngal rtsod pa'i dus ni
nyer gnas bsod nams gnyer ba nags su song/ /zhes ba ltar ro/ /de
ltar rtsod ldan snyigs ma lnga bdo ba'i dus yin kyang/ rtsa ba
nyon mongs snyigs ma la thug bas/ 'dir

de nyid dngos su bstan te gzhan bzhi shugs la 'phangs so/ /sems
can ngan bzod ces pa ni/ ji ltar byas kyang mgu bar mi nus pa'i
sems can gdug pa'i rang bzhin shin tu byed pa ngan pa'am/ yang
na pha rol bo shin tu dman zhing

@026a @#/ /nyam chung pas rang la gnod pa bskyal ba na dka' tshegs
med bar phyir bzlog nus bzhin du dman cha blangs nas khur ba'i
don te/ shes rab sdong bu las/ mthu chen bcos su mi rlung la/
/bzod pa byed log

zhig yod/ /dul bzhi ba'i spyod pa la/ /bzod pa bya yang ci zhig
dgos/ /zhes dang/ ma he'i skyes rabs las/ mthu chen bcos su mi
rung la/ /bzod ba ci zhig byar yod mod/ /mthu chung 'khrul pa
dag la ni/ /mthu yid bzhin du

bzod na rung/ /zhes dang/ mthu stobs chur bas brnyas thabs byas
pa la/ /dang du len pa yon tan rnams kyi mchog /ces gsungs pa
ltar ro/ /gnyis pa bslab gsum gar khyad med du gal che ba brtson
'grus la bslab tshul

ni; bdag sngon brtson 'grus dang ldan pas/ /rtag tu brtan cing
pha rol gnon/ /sems can thams cad bsgral don du/ /bstan pa yun
ring 'bar gyur cig /ces byung/ de'ang dge slong grags pa'i 'od
du 'khrungs pa'i tshe

sangs rgyas don yod gshegs kyi spyan sngar tshigs su bcad pas
bstod bzhin du rang lus sgron mer byas nas phul ba dang/ yang
skye ba gcig gi tshe de bzhin gshegs pa skar rgyal me'i khams la
snyoms par zhugs pa mthong nas zhag bdun gyi

bar zhabs ye gcig gis 'greng ste/ skyes bu khyu mchog khyod 'dra
zhes sogs kyis bstod pa mdzad/ grub mtha' 'og ma rnams phyin
drug rim can du rdzogs par 'dod pas/ mdzod las/ skar rgyal bstod
pa'i brtson 'grus

@026b kyis/ /zhes de'i tshe brtson 'grus kyi phar phyin rdzogs
bar bshad do/ /gzhan yang mdo las ma pham pa bdag cag gi ston pa
las bskal pa drug cus thugs bskyed pa sda'ang/ ston ba nyid slob
pa'i gnas skabs su brtson 'grus ha cang shugs drag pas

de'i sngon du sangs rgyas par gsungs pa dang/ 'jam pa'i dbyangs
kyi bka' bzhin rje bla mas smon lam mdzad pa'i skabs su'ang/
rlabs po che'i brtson 'grus kyi sgo nas byang chub chen po
brnyes pa mnyam med shAkya'i rgyal po zhes/ slob pa'i

gnas skabs su rgyal sras kun gyi khrod na brtson 'grus khyad du
'phags pa'i dper mdzad pa bzhin no/ /de ltar bya ba ngan zhen
gyi le lo sogs spangs te rgyal sras kyi spyod pa rlabs po che la
'jug par spro ba'i brtson 'grus dang ldan zhing/ snying stobs
shin tu brtan

pa rdo rje rgyal mtshan gyi mdo las gsungs pa bzhin pha rol mi
mthun pa'i phyogs nyon mongs sogs zil gyis gnon pa'i nga rgyal
gyi gdeng dang ldan pas skad cig tsam yang sgyid lug dang zhum
pa med par bya dka' ba'i spyod pa mtha' dag la slob par mdzad
de/ de

thams cad kyang rang don yid byed kyis ma bslad par/ sems can
thams cad 'khor ba'i rgya mtsho las bsgral ba'i don 'ba' zhig tu
byas pa yin pas/ de'i bden pa'i stobs kyis thar ba'i gling du
bgrod pa'i gru gzhings bstan pa rin po che 'phel

zhing rgyas par smon pa'i/ /de'ang brtson 'grus kyi mi mthun
phyogs ni spyod 'jug las/ le lo ngan la zhen pa dang/ /sgyid lug
bdag nyid brnyas pa'o/ /zhes ba ltar bya ba ngan pa la zhen nas
yang dag pa'i sgrub ba la 'jug 'dod med ba dang/

@027a @#/ /der 'jug 'dod kyang bdag lta bus ga la nus snyam du
bdag nyid brnyas shing sgyid lug pa gnyis yin pas/ dang po'i
gnyen por dge ba la 'bad dgos pa'i rgyu mtshan sgo du mnas bsams
te de la

'jug par spro ba'i brtson 'grus bskyed dgos par gsungs ba rkang
ba dang po'i don dang gcig la/ de brtson 'grus bskyed pa'i thabs
su stobs bzhi gsungs pa'i nang nas dang po mos pa'i stobs yin
no/ /rkang pa gnyis pa'i skabs su zhum zhing

sgyid lug pa'i gnyen po brtan ba'i stobs kyi sgo nas sgrub pa
mthar 'byin tshul gsungs pa yin zhing/ stobs 'dir nga rgyal gyi
stobs zhes kyang bshad de/ ji skad du byang chub lam rim chen mo
las/ mos ba'i stobs kyis brtson 'grus ma

skyes pa bskyed cing/ skyes zin mi ldog ba'i rgyur brtan ba'i
stobs sam nga rgyal gyi stobs bsgrub nas zhes dang/ brtan pa'i
stobs ni gang la brtson 'grus brtsams ba de las mi ldog par
mthar 'byin ba'o/ /zhes dang/ dam bca' mthar phyin

par 'dod pas nga rgyal gsum bsgom par bya ste/ zhes gsungs so/
/'dir pha rol gnon zhes gsungs ba dang/ spyod 'jug dang lam rim
gyi nga rgyal bsgom par gsungs pa don gcig ste/ nga rgyal ni pha
rol zil gyis gnon pa khengs pa'i

rnam par 'jug la/ 'dir yang spyod ba bya dka' ba ci 'dra zhig
yin kyang bdag gis ci'i phyir mi nus snyam pa dang/ sems can
gzhan gyis ma nus kyang bdag gis nges par nus snyam pa dang/
nyon mongs sogs mi mthun pa'i phyogs mtha'

@027b dag kyang bdag gis ci'i phyir drungs nas 'byin mi nus
snyam du rang gis rang nyid gzengs bstod nas dpa' bskyed pa
skabs 'di'i pha rol gnon tshul dang nga rgyal sgom tshul yin pa'i
phyir te/ spyod 'jug las/ rdo rje rgyal mtshan cho ga yis/
/brtsams

nas nga rgyal bsgom par bya/ /las dang nyon mongs nas ba ste/
/gsum po dag la nga rgyal bya/ /zhes dang/ bdag gis kun las
rgyal bya ste/ /bdag las su yang rgyal mi bya/ /rgyal ba seng
ge'i sras bdag gi /nga rgyal 'di la gnas par bya/ /zhes dang/

lam rim las/ gzhan la re ba bkag nas rang gcig pus phyed par go
bgo /de'ang gzhan gyis rang ltar bya bar mi nus kyi/ rang gis
nus so snyam du gdeng 'cha'/ de ltar mthong nas sgrub ba'i tshe
'ang nyon mongs par la gzhom gyi/ des tshur la

nam yang 'joms mi nus bar byed pa'i blo'i brtan pa bskyed/ ces
so/ /de ltar rtsa ba'i tshig gi brtan pa zhes pas las dang nus
pa'i nga rgyal gnyis bstan/ pha rol gnon zhes pas nyon mongs las
nga rgyal ba bstan pa yin no/ /spyir brtson 'grus bskyed

tshul la stobs bzhi gsungs kyang/ 'dir mos pa dang brtan pa'i
stobs gnyis su bsdus nas gsungs ba yin te/ mngon rtogs rgyan
las/ ma zhen yongs su mi ngal dang/ /zhes sgrub pa mi nyams pa
dang 'phel ba'i rgyu gnyis su bsdus nas

gsungs ba bzhin no/ /pra sti dge bshes kyi TIkkar/ sems can
thams cad bsgral byas pas/ /zhes 'gyur bcos nas gsung snang
yang/ gong du/ sems can phongs pa bskyab pa'i phyir/ /zhes pa
dang 'dra bar kun slong gi khyad bar la

@028a @#/ /sbyar te/ bsgral don zhes pa rang sor bzhag na legs
sam snyam mo/ /gsum pa ting nge 'dzin gyi bslab pa'i ngo bo bsam
gtan la bslab tshul ni/ bsam gtan rnam thar gzugs med dang/ /ting
'dzin gang+gA'i

bye snyed pa/ /bsgoms pas de mthus bdag gi ni/ /bstan pa yun
ring 'bar gyur cig /ces byung/ de'ang sngon gyi gling bzhi dbang
ba'i rgyal po brtan pas byin zhes bya bar 'khrungs pa'i tshe/ de
bzhin gshegs pa gzi brjid tshogs kyi

rgyal po'i spyan sngar ting nge 'dzin rgyal po'i mdo thos nas
rgyal srid kyi 'byor ba rlabs po che spangs te rab tu byung nas
dben par bsam gtan bsgrubs pa dang/ stobs kyi 'khor los bsgyur
ba sgron ma snang byed dang/ rgyal po 'jig rten sna tshogs

la mngon par dga' ba sogs su gyur ba'i tshe'ang rgyal srid spangs
te dka' thub kyi nags su bsam gtan dang tshad med bzhi rnams
bsgoms pa dang/ rgyal po kun tu go byed du gyur pa'i tshe khyim
la gnas bzhin du'ang 'dod ba la 'dun pha sogs spangs

te; bud med brgyad khri'ang bsam gtan dang tshad med la bkod pa
dang/ bram ze gnag lhas skyes kyis rgyal po rgyal phran 'bangs
la sogs pa thams cad rim gyis bsdus te rab tu byung nas ting nge
'dzin bsgom pa la sbyar ba sogs mtha' yas so/ /de

ltar gzugs kyi khams kyi bsam gtan bzhi dang rnam bar thar pa
brgyad/ gzugs med pa'i snyoms par 'jug pa bzhi la sogs pa 'jig
rten dang 'jig rten las 'das pa'i ting nge 'dzin gang+gA'i
klung gi bye ma'i rdul grangs dang mnyam pa brjod

@028b kyis mi lang ba rang gis nyams su blangs nas goms par byas
shing/ gzhan dag kyang tshul de la 'god par mdzad ba de'i bden
pa'i stobs kyis khams gsum gyi nyon mongs mngon gyur dang sa bon
ci rigs par spong ba'i gnyen po lhag pa'i ting nge

'dzin dang/ de brjod byar byed pa mdo sde'i sde snod la sogs pa
lung rtogs kyi bstan pa 'phel zhing rgyas par smon pa'o/ /de'ang
bsam gtan gyi sgra don/ bod snga ma kha cig bsam pa brtan par
byed pas bsam gtan zhes zer ba ni/ yi ge'i don la'ang

ma zhugs par rje bdag nyid chen pos gsungs pa bzhin rtogs sla
la/ rin chen don grub kyi TIkkar bsam pa ni dmigs pa yid la
byed cing gtod pa'i sems dang/ gtan zhes pa rgyun la 'jug pas/
sems dmigs pa la gtad pa'i rgyun de nyid

las mi g.yel ba'o/ /zhes 'byung ba'ang dpyad par bya ba'i gnas
te/ 'di'i skad dod d+hyA ni zhes pa nges tshig dang byings sgrub
kyi bshad tshul gnyis yod pas/ snga ma ltar na/ d+ha la ra bsnan
pas d+hA ra 'dzin pa dang/ nal mgong du bsnan

bas mA na yid la 'jug pas/ yid 'dzin pas ni bsam gtan zhes
bshad dgos te/ blo gros brtan pa'i rgyan gyi 'grel bshad las/
bsam gtan gyi sgra rgya gar skad du d+hyAn zhes 'byung ste/ d+ha
la ya btags yod pa ra'i don du drangs na 'dzin

pa'i don du 'gro ste/ sems phyi rol tu g.yeng ba nang du 'dzin
par byed pas na bsam gtan zhes bya'o/ /zhes rgyan rtsa 'grel gyi
skabs su nges tshig gi bshad pa gtso bor mdzad do/ /byings sgrub
kyi dbang du mdzad na byings mdor/ d+hyai sems ba

@029a @#/ /la'o zhes pa ltar/ sems pa'i byings las sgrub pa'i
tshe/ 'dis sems par byed pa'am dran pa gtod bas na bsam gtan zhes
bshad dgos to/ nyams las/ dmigs pa la yang dag par gtod pa dang/
ngan

pa rtse gcig tu gtod pa'i phyir bsam gtan zhes bya'o/ /zhes
dang/ mdzod 'grel las/ bsam gtan zhes bya ba'i don ci zhe na/
'dis sems par byed pas na bsam gtan te/ zhes sku mched gnyis kas
gtso bor byings sgrub kyi

dbang du byas nas gsungs so/ /des na bsam gtan zhes pa rgyun la
byas nas bsam pa rgyun chags ba zhes bshad pa ni bshad tshul gang
dang yang mi 'brel bas/ gtan pa'am gzhi l byas na legs sa snyam
ste/ 'dul ba'i mdor

gos phyi rol tu mi ltung bar gang du bzhag nas dras shing drub
pa'i gzhi la de'i gtan pa dang/ sgo glegs kyi 'khor shing 'dzin
byed la 'khor gtan zhes btags pa ltar/ bsam pa'am yid phyi rol
tu mi g.yeng bar nang du 'dzin par

byad pa la byas na ngas tshig gi bshad tshul dang 'grig go /rnam
thar ni/ sprul pa'i lam gzugs can bzugs la lta ba/ gzugs med
gzugs la lta ba/ gzugs sdug pa'i rnam thar te gsum/ mthong chos
bde gnas kyi lam

gzugs med bzhi'i rnam thar bzhi/ 'gog pa'i rnam thar te brgyad
do/ /'di dag la rnam thar zhes ba ni rnam thar sgo gsum gyi sgra
don dang mi mtshungs te/ gser 'phreng las/ rang sa'i kun dkris
las thar zhing de dang mi 'dres ba'i cha nas rnam par du

@029b 'jog go /zhes pa ltar/ rang sa'i kun dkris kyi bslad pas
mgos pa tsam la byed do/ /gzugs med ni/ nam mkha' mtha' yas/
rnam shes mtha' yas/ ci yang med/ srid rtse'i snyoms 'jug rnams
so/ /ting nge 'dzin ni mngon pa gong 'og

gnyis kar sems rtse gcig pa zhes mthun par gsungs kyang/ kun
btus las/ shes pa'i rten byed pa'i las can no/ /zhes yang dag
pa'i shes rab 'dren byed dge sems kho na'i 'khor du 'byung bas
yul nges su gsungs la/ mdzod las dge mi

dge'i sems thams cad kyi 'khor du 'jug pas sems kyis mang du
gsungs so/ /'di'i sgra don ni/ /samA d+hiHzhes ba yang dag par
'dzin pa'i don yin la/ bra sti dge bshes kyi TIkkar/ ting nge
'dzin ni dmigs pa gcig sems

sbrengs chags su tshug ge 'dzin pa ste/ ting nge zhes bya ba ni
dmigs pa la sems gnas tshul gtan chags pa'i nyams kyi ming yin/
ting nge/ sbreng nge/ tshug ge zhes bya ba rnams rnam grangs yin
zhing/ don du dmigs pa de gar sdod pa'i ngang du star

chags pa dang/ rgyun chags pa dang/ bar ma chad pa zhes bya ba
yin no/ /zhes gsungs so/ /gang+gA'i ni rig byed kyi gzhung las
skal ldan zhing rtags tshangs ba dka' thub kyis mnyes par byas te
de'i ral pa nas phab par grags kyang/ dngos po la

mtsho ma dros ba nas babs pa ste/ de'ang rje btsun mi las gangs
te se ri bo gangs can dang/ mtsho ma pham ma dros pa yin par
gsungs shing/ bcom ral sogs kyis kyang de bzhin du bshad pa ltar
na/ yar chab gtsang po'i rgyun la gang+gAr@030a @#/ /byed dgos shing/ sa paN sogs
kyis der mdo las gsungs
pa'i khyad par rnams ma tshang ba dang/ gangs can dang te se la
skad dod kyang so sor 'byung bas mi 'thad ces dgag pa mdzad pa
gcig tu kha tshon

gcod dka' 'ang/ te se las gzhan spos dang ldang dang rgya mtsho'i
'gram tshun chad du ri bo gangs can gyi mtshan gzhi zhig ston rgyu
dka' bar snang ngo/ /de'i bye ma snyed gsungs pa ni mtha' yas
pa'i don te/ byang chub sems dpa'i ting nge

'dzin spyi tsam du ma zad/ bsam gzugs brgyad kyi nang nas re re
la brten pa'i ting nge 'dzin gyi sgo'ang mtha' yas pas/ nyan
rang sogs kyi blo yul las 'das pa'i phyir/ kun btus las/ bsam
gtan dang pos bsdus pa'i ting

nge 'dzin ji snyed pa sangs rgyas dang byang chub sems dpa'
rnams snyoms par 'jug pa de dag gi ming yang nyan thos dang rang
sangs rgyas rnams kyis mi shes so/ /bsam gtan dang pos bsdus pa
ji lta bar bsam gtan lhag ma rnams dang/ zhes pa nas de ni bsam

gtan gyi pha rol tu phyin pa la brten nas so/ /zhes gsungs pa'i
phyir/ de'i rgyu mtshan par phyin theg pa'i lugs kyi gzugs sku
sgrub pa la sems can gyi khams mtha' yas pa bzhin du de'i don
sgrub pa'i gzugs sku'i bkod pa'ang mtha' yas ba zhig

dgos la/ de dang rnam pa mthun pa mthun par rgyu bsod nams dang
ting nge 'dzin gyi sgo'ang mtha' yas ba zhig dgos pas/ de la
rgya che ba'i lam zhes bshad cing/ sku'i yon tan brjod pa
na'ang/ phun tshogs dge legs bye bas bskrun

@030b pa zhes mang tshig smos pa yin no/ /rdo rje theg pa'i skabs
su kha sbyor las/ de phyir de rgyas ci zhig bya/ /mdor bsdus bas
ni sangs rgyas nyid/ /ces pa ltar ting nge 'dzin gyi sgo de
snyed so sor bsgom pa lam ltos pa'i thabs mkhas kyi sgrub tshul
zhig yod par snang yang

skabs ma yin pas ma spros/ goms pa zhes pa ngang bsgom zhes pa
khyad par med de/ 'grel bshad tshig gsal las/ sgom par byed pa
zhes bya ba ni yid de'i skal pa can du byed pa'am/ de'i ngo bor
byed pa'o/ /zhes yid la 'dris par byed pa'i

don yin bas/ lo tswa pa rnams kyis res 'ga' bsgoms bal lam zhes
bsgyur cing/ mthong dang goms ba'i lam dag la/ /zhes pa lte bu
skabs le lor goms pa'i lam du'ang bsgyur ro/ /bzhi pa shes rab
kyi bslab pa'i ngo bo shes

rab kyi phar phyin la bslab tshul ni/ ye shes don du bdag gis
sngon/ /dka' thub nags dag bsten byas shing/ /bstan bcos du ma
nyer bsten pas/ /bdag gi bstan pa 'bar gyur cig /ces byung/
de'ang bram zo shes rab sna tshogs su gyur

pa'i tshe ji lta ji snyed kyi gnas la blo gros thogs pa med pas
'jig rten gyi bzo'i bstan bcos tshun chod nas/ mtha' bral gyi lta
ba'i bar rang gi thugs su chud cing gzhan la 'doms pas rjes su
bzung ba dang/ dge slob sde sbyin gyis shes rab phun

sum tshogs pa'i don du rang gi lag ba sgron mer sbar nas sangs
rgyas la phul bas chos kyi rang bzhin mnyam pa nyid kyi ting nge
'dzin thugs la 'khrungs pa dang/ drang srong phyi ma'i mtha'
sgrub pa la mkhas pas rten 'byung gi de kho na nyid rtogs te so

@031a @#/ /so'i skal pa bzhin du bstan pas/ sems can dpag tu med
pa mi skye ba'i chos la bzod pa thob pa dang/ gzhon nu zhi ba'i
blo gros kyis de bzhin gshegs pa khrid mdzad la stong pa nyid
kyi don las brtsams te

dri ba mang du zhus nas gtan la phab pas srog chags bye ba phrag
drug gis chos nyid zab mo khong du chud pa sogs yang dag pa'i
shes rab la bslab tshul gyi skyes pa'i rabs kyang rnam grangs
shin tu mang ngo/ /de ltar yang dag ba'i lta ba tshol ba'i

rgyu'ang/ lta ba la shes 'dod yod pa tsam gyis mes mno'i u
tshugs dang/ rtog ge'i rigs pas dpyad pa kho nas rtogs mi nus
pas/ de'i rgyu tshogs tshang bar bsgrubs ba sngon du gtong dgos/
tshogs kyi dbye ba mang du gsungs kyang

mdor bsdu na/ lhan cig byed rkyen dka' thub kyi nags su 'dod
chung chog shes bag yod pa'i brtul zhugs la gnas te tshogs gsog
sgrib sbyong la 'bad ba dang/ nyer len gyi rgyu zab mo'i lta ba
ston pa'i gsung rab dgongs 'grel dang

bcas bsog yang dag ba'i bstan bcos su ma la thos bsam tshul bzhin
du byed pa gnyis ya ma bral ba dgos pas/ thub pa'i dbang po nyid
kyis rgyu tshogs ma tshang ba med pa de lta bu'i sgo nas rtag chad
spros pa'i mtha' dang bral ba zab mo dbu

ma'i lta ba btsal te goms pa mthar phyin par mdzad pa de'i bden
pa'i stobs kyis lhag pa shes rab kyi bslab pa dang/ de brjod
byar byed pa mngon pa'i sde snod la sogs ba lung rtogs kyi bstan
pa dar zhing rgyas par smon pa'o/ /de'ang yi

@031b shes kyi sgra don ni/ bra sti dge bshes kyi TIkkar/ ye ni
thog ma dang gzhi dang ji lta ba'i don la 'jug go /shes ni ye
nas shes pa ste zhes gsungs la/ bod snga ma mang pos kyang de
ltar thog ma'am gdod ma'i shes pa la ye shes su bshad pas/ sngon

gsum rab dbyer/ ye shes kyi ni bshad pa la/ /gdod ma'i shes par
'chad pa dang/ /zhes tshig la 'khrul ba'i grangs su gsungs nas
dgag pa mdzad do/ /rgya shad du dznyA na zhes pa'i dznyA rtog
pa dang/ na dgag sgrar byas te rtog bral gyi rig par sgron gsal

las gsungs la/ lag smis dznyA rtog pa dang na dgag sgrar byas
kyang 'gog tshul de dang mi 'dra bar/ sems tsam pas 'dod pa'i ye
shes rang rig pa de 'dra med pa'i don du bshad par rjes rim pa
gnyis pa'i zin bris su gsungs te/ de ltar byas kyang ye dang

shes la so sor sbyar ba mi 'thob pas/ kun mkhyen 'jam dbyangs
bzhad pas ka TIka chen du ye shes kyi skad dod byings sgrub
mdzad par yang/ shes pa'i don gyi khong du chud pa tsam las/ ye
shes pa'i don zur ba ma byung la/ mkhas 'jug tu'ang

ye shes dang/ phyag rgya dang/ go rim la sogs ba la rgya gar na
ye dang/ phyag dang/ go la sogs pa'i sgra med kyang/ bod la tshig
sbyar ba bde ba'i don du bsnan nas bsgyur/ zhes gsungs/ rgyan
snang las/ yongs su shes ba'i ba

rol tu byin ba ni ye shes kyi pha rol tu phyin pa'o/ /zhes ma
lus pa'am rdzogs ba'i don du gsungs kyi/ gdod ma'i don du ma
gsungs pas/ sgra don gang 'thad blo ldan rnams kyis dpyad bar
bya'o/ /rgya skad la yi dang phyag sogs kyi skad

@032a @#/ /dong med na/ phyag chen thig le las/ phyag ni stong
pa'i ye shes te/ /rgya ni 'khor ba'i chos las grol/ /zhes 'byung
ba ci yin zhe na/ 'di dang rnam snang mngon byang las/ dkyil ni
snying po'o/ /'khor lo ni

len ba'o/ /zhes pa lta bu dag lo tsA ba rnams kyis go bde ba'i
thabs tsam du dgongs nas cung zad bsgyung ches par snang ste/
'di 'dra'i skabs/ mu ni stong ba'i ye shes te/ /dra ni 'khor
ba'i chos las grol/ /zhes dang/ maNDa ni snying

po'o/ /la ni len ba'o/ /zhes skad dod rang sor bzhag na tshig don
gnyi ga la 'grig par snang ngo/ /shes rab phun sum tshogs bsgrub
tshul gsungs pa'i skabs 'dir dka' thub kyi nags bsten pa dang/
mang du thos pa gnyis

gsungs ba'i rgyu mtshan ni/ 'bras bu lhag mthong sgrub pa la rgyu
de gnyis gtso che ba'i dbang gis yin te/ dper na lo tog phun sum
tshogs ba skye pa la/ tshwa sgo can dang gseg ma lta bu ma yin
pa'i zhing sa gshin pa dang/ chu lud

khrod gsher sogs kyi rkyen 'dzom pa/ dang sa bon grung po btab
pa gsum tshang dgos pa bzhin/ lhag mthong gi rtogs pa skye ba la
rnyed bkur 'du 'dzi sogs kyi g.yeng ba med pas sems las su rung
ba dang/ tshogs bsags

sgrib sbyong sogs gyi rkyen 'dzom pa/ zab mo'i don la thos bsam
gyis dpyad ba tshul bzhin du byed pa gsum dgos pas/ lhan cig byed
rkyen dang po gnyis ni dka' thub ces sogs kyis bstan cing/ gsum
ba nyer len gyi rgyu ni bstan

@032b bcos du ma zhes sogs kyis bstan to/ /dang po'i don bzhin
rje btsun 'jam dbyangs kyis rje bla mar gdams pa las kyang/ de
yi grogs rnams kun la 'bad/ /bse ru lta bur gnas bar bya/ /'du
'dzi dag kyang spangs par bya/ /nang du mnyam par bzhag

par bya/ /zhes gsungs shing/ bslab btus su'ang/ bzod bya thos pa
btsal bar bya/ /de nas nags su gnas bar bya/ /zhes gsungs te/
'di byung na sgom rim las bshad pa'i zhi gnas kyi tshogs drug
kyang tshang bar 'gyur la/ zhi gnas

kyi tshogs de dag ni lhag mthong gi skabs su'ang mi rung gi rgyu
yin no/ /nges don gyi bstan bcos rnams la thos bsam dang dpyad
pa mang du byed ba ni lta ba'i thun mong ma yin pa'i nyer len
yin pas/ de med par gnas lugs mthar thug gi

don rtogs par 'dod pa ni/ sa bon ma btab bar ston thog ra ba
bzhin phyin ci log kho na yin te/ bod 'dir de lta bu'i tshul gyis
lta ba tshol pa dang rnyed par rlom pa mang du byung ba rnams
'jam mgon bla mas rigs lam dri ma med pa brgya

phrag gi sgo nas dgag bar mdzad do/ /tshul 'di ni rgyal ba byams
pa mgon pos kyang gsal par gsungs te/ rgyud bla ma las/ gang
phyir sbyin pas longs spyod dag ni sgrub byed cing/ /khrims kyis
mtho ris bsgom pas nyon mongs spong byed la/ /shes rab nyon

mongs shes bya kun spong de yi phyir/ /'di mchog nyid de de yi
rgyu ni 'di thos yin/ /zhes dang/ shes rab mchog yin de gzhi ni/
/thos pa de phyir thos pa mchog /ces phyin drug dang/ gzhi gsum
dang/ bslab pa gsum sogs kyi nang nas mchog

@033a @#/ /dang gtso bor gyur pa shes rab yin la/ de'i rgyu'i
gtso bo thos pa yin par gsungs pa dang/ gzhung 'dir shes rab kyi
skabs su bstan bcos du ma la thos pa gtso bor gsungs pa gnyis
dgongs pa gcig tu

snang ngo/ /gnyis pa gzhan rgyud smin byed bsdu ba bzhi la bslab
tshul las brtsams te bsngo ba la gnyis/ bsdu ba bzhi so sor bslab
tshul dang/ bsdu ba bzhi'i sgo nas slob lam spyi'i don bsdu ba'o/
/dang po ni/ bsdu ba bzhi po 'di dag byang

chub sems dpas gzhan don sgrub tshul gyi thabs rmad du byung ba
yin te/ mdo sde rgyan las/ dang pos snod gyur dngos po ste/
/gnyis pa yis ni mos pa yin/ /gsum pa yis ni bsgrub ba ste/
/bzhi pas rnam par sbyong ba'o/ /zhes

thog mar sbyin pa'i g.yab mos 'khor du bsdus nas chos nyan pa'i
snod rung du byed/ snyan smras chos nyan pa sogs la mos par
byed/ don sbyod kyis nyan bshad byas pa'i chos bsgrub tu gzhug
/don mthun pas pha rol po la yid

ches bskyed de yun ring por sgrub pa las phyir mi ldog par 'bad
pas sgrub pa mthar phyin par byed do/ /chos yang dag par bsdus
pa las/ byang chub sems dpa' rnams kyis dga' bar byed pa'i chos
bzhi ste/ bzhi gang zhe na

lan du phan 'dogs pa la mi re ba'i sbyin pa dang/ sems can thams
cad la mnyam pa'i sems kyis snyan par smra ba dang/ sems can
thams cad kyi don ma lags pa sel cing don sgrub pas don spyod pa
dang/ sems can thams cad

@033b la dga' ba'i bdag nyid kyis don mthun pa ste/ bzhi po 'di
dag ni byang chub sems dpa' rnams kyis dga' bar bgyi ba'o/ /zhes
dga' bar byed pa'i chos su gsungs pa'ang bsdu ba'i don yin te/
rnam bshad rigs pa las bsdu ba'i sgra 'jug

tshul du ma zhig gsungs ba'i nang nas/ dga' ba la brdug pa bsdu
ba'i dngos po bzhi lta bur gsungs ba'i phyir ro/ /bsdu pa bzhi
po de'ang tshur bsdus na/ zang zing gis sdud pa dang/ chos kyis
sdud pa gnyis su 'du ste/ rgyan las/

zang zing dang ni chos kyis te/ /dmigs pas chos la sogs pa yi/
/bsdu ba gnyis kyi sgo nas ni/ /bsdu ba'i dngos po bzhir 'dod
do/ /zhes dang po zang zing gi sdud pa dang/ phyi ma gsum chos
kyis sdud tshul yin pas/ byang chub sems

dpas te gnyi ga'i sgo nas slob ma bsdu ba zhig dgos so/ 'on
kyang slob ma'i ngos nas chos kyis sdud pa gtso bor byed kyi/
zang zing gis sdud pa la cher mi ltos pa zhig dgos te/ rgyan
las/ de chos bgo skal la spyod yon tan ldan/ /bshes

gnyen rab tu sten byed zang zing min/ /zhes gsungs pa ltar ro/
/gong du rgyal sras kyi spyod pa thams cad phar phyin drug tu
bsdus par bshad pas/ bsdu ba bzhi logs su mi dgos snyam na skyon
med de/ /bsdu pa bzhi'ang phar phyin drug po der ma

'dus pa min pa'i phyir/ lam rim las/ bsdu bzhi'ang der 'du ste
sbyin pa 'dus ni sla la/ tshig snyan pa ni phyin drug las brtsams
te gdul bya la 'doms pa yin zhing/ don spyod pa ni gdams pa'i
don de la gzhan bkod pa yin la/

@034a @#/ /don mthun ba ni rang gis kyang gdul bya dang 'dra bar
sgrub pa yin pa'i phyir ro/ /zhes gsungs shing/ blo gros mi zad
pa'i mdor mkho ba sbyin pas bsdus/ snyan smra tshul khrims dang
bzod pas bsdus/

don spyod pa brtson 'grus kyis bsdus/ don mthun pa gzhan gnyis
kyis bsdus par yang gsungs so/ /'on kyang bsdus pa bzhi'i sa
bcad logs su khyed pa'i rgyu mtshan ni/ dper na gru gzings gcig
gis rang nyid chu bo las brgal

ba dang/ gzhan sgrol ba'i bya ba gnyis byed ba ltar/ lam gyi lus
gcig po de nyid kyis rang rgyud smin par byed tshul phar phyin
drug gi rims pas bstan la/ gzhan smin par byed tshul bsdu ba
bzhi'i rim pas bstan pa'i phyir te/

byang sa las/ pha rol tu phyin pa rnams kyis ni bdag gi sangs
rgyas kyi chos yongs su smin bar byed do/ /bsdu ba'i dngos po
rnams kyis ni sems can thams cad yongs su smin par byed do/
/zhes so/ /des na thog mar rang rgyud legs par btul ba'i sgo

nas gzhan rjes su 'dzin par 'dod pa rnams kyis gzhan don sgrub
pa'i thabs nyi tshe ba tsam ma yin par bsdu ba zhig ga tshang dgos
te/ rgyan gyi dbyig 'grel las/ 'khor sdud pa la zhugs pa de dag
thams cad kyis ni 'di lta ste/

bsdu ba'i dngos po bzhi'i thabs kho na la yang dag par brten te
'di ni thams cad kyi don kun 'grub par byed pa dang/ thabs bzang
po yin par sangs rgyas rnams kyis rab tu bsngags so/ /zhes
'byung ba bzhin no/ /des na bsdu ba'i

@034b dngos po la bslab pa'i tshul la bzhi las/ dang po ma so ba
sbyin pa ni/ brtse ba'i rgyu yis sha khrag dang/ /'tsho ba yongs
su btang gyur cig/ /yan lag gnyid lag btang ba yis/ /chos tshul
rnam par 'phel gyur cig /ces byung/ de'ang sngon 'khor

los bsgyur ba nor can du gyur pa'i tshe smon lam gyi mthus rang
gi sha khrag 'dzad med du byas nas lo khri'i bar du sems can
rnams la sbyin par btang ba dang/ 'khor sgyur dpal gyi sdes bram
ze la lus kyi khyed byin pa/ snying stobs chen

pos stag mo la lus byin pa/ rgyal po zla 'od kyis bram ze drag
po'i mig la dbu byin pa/ bsod nams stobs kyis rgyal po'i chad
pas phog ba'i mi 'ga' zhig la rang gi yan lag rnams bcad nas
gnang ste bden stobs kyis sbyor bar mdzad pa/

bram ze skar ma la dga' pas bram ze 'ga' zhig la rang gi mig
dang rna ba sogs stsal pa/ byams pa'i stobs kyis gnod sbyin la
sha khrag stsal pa/ glang po cher 'khrungs pa'i tshe lus sbyin
par btang ba sogs mtha' yas so/ /de ltar

'dod pa'i 'dam du bying zhing sdug bsngal gsum gyis mnar ba'i
'gro ba rnams la brtse ba snying rje chen po'i gzhan dbang du
gyur pa'i rgyu'am byed pa la brten nas rang gi lus kyi sha dang
khrag /'tsho ba'i dngos po srog dang/ de'i rkyen yo byad dang
bcas pa thams cad phangs

pa med par yongs su btang zhing/ than phyag zhabs la sogs pa'i
yan lag 'dod pa la yan lag /sor mo lta bu'i nying lag 'dod pa la
nying lag sogs gang 'dod du byin nas re ba tshim par mdzad de/
rang gi 'khor du bsdus nas zhi ba 'dod chags dang

@035a @#/ /bral ba'i chos la bkri bar mdzad pa'i rgyu phun sum
tshogs pa de'i bden pa'i stobs kyis 'bras dus su'ang chos kyi
tshul te/ lam srol bzang po phyogs dus kun tu mi nyams par 'phel
zhing rgyas par

smon pa'o/ /'dir brtse ba'i rgyu yis zhes smos pa ni/ rgyan las/
rtsa ba snying rje med gyur na/ /dka' spyad bzod ba nyid mi
'gyur/ /zhes pa ltar/ snying rje bzod glags med pa zhig med na
mgo dang rkang lag gtong pha lta bu'i dka'

sbyang la 'jug mi nus par shes pa dang/ kun slong gi gtso bo
ngos bzung ba'i phyir yang yin te/ spyir gtong sems kyi kun
slong la yon tan mthong pa'i dad pa dang/ bka' drin dran pa'i
gus pa/ phan yon la dmigs pa'i

'dun pa sogs du ma yod kyang/ byang chub sems dpa' rnams la
brtse bas kun nas bslang ba gtso che la/ de'i rgyu mtshan gyis
gang zag gzhan dang theg pa gzhan la ltos te dman pa'i zhing las
yon tan gyi zhing mchog tu bsngags kyang/

byang sems la de las bzlog ste gsungs pa'i phyir/ blo gros brtan
ba'i rgyan gyi 'grel bshad las/ nyan thos dang 'jig rten pa'i
tshul gyis ni slong ba'i zhing bas sdug bsngal gyi zhing dam pa
nas/ log par spyod pa'i zhing

pas yon tan dang ldan pa'i zhing dam par bzhag go /de lta mod
kyi byang chub sems dpa' ni slar bzlog pa ste/ yon tan dang ldan
pa'i zhing pas log par spyod pa'i zhing dam pa yin pa nas/ sdug
bsngal ba'i zhing pas kyang slob ba'i

@035b zhing dam pa yin te/ de bas na byang chub sems dpa' rnams
ni zhing gong ma bzhi po rnams la gtong bar byed do/ /gal te
gong ma bzhi po med na lnga pa ste yon tan gyi zhing la gtong
bar byed do/ /zhes gsungs so/ /'di'i skor gyi skyes rabs

rnams kyang slong ba'i zhing dang sdug bsngal gyi zhing la brten
pa shas che la/ mdo sde rgyan las tshad med kyi skabs su snying
rje dang sbyin pa gnyis mas cher sbyar nas gsungs pa'ang dgongs
pa 'di dang gcig par snang ngo/ /der ma zad 'dir

mkho ba sbyin pa'i skabs su rnying rje dang/ snyan smra'i skabs
su byams pa'ang bar yod par snang na'ang mang gis dogs pas dga'
ba tshad med dang/ rnams zhes pa'i mang tshig gi btang snyoms tshad
med

kyang don gyis 'thob pas/ 'di dag la tshad med bzhi'i bshad
pa'ang byar yod par snang na'ang mang gis dgos pas ma bris/
brtse ba'i sgra don rgyu skar de la gu ra Na zhes pa bde 'gog la
'jug pas thun mong dang thun mong ma yin pa'i bshad

tshul sna tshogs yod la/ skabs la lar bde sdom du'ang bshad do/
/bod skad sor bzhag gi tshe lcags sreg lta bur len mi bde bar
spyi g.ya' pa la sha brtse ba'am lus pa rtse ba zer ba bzhin/
sems can sdug bsngal gyis mnar

ba mthong ba na mi bzod ba skyes pa la sems snying brtse ba zhes
zer bar bshad do/ /ltag ma'i tshig don rnams ni go sla/ gnyis pa
snyan smra ni/ bdag sngon sdig pa'i sems can rnams/ /byams pas
gsal bar smin byas shing/ /zhes dang@036a @#/ /don spyod ba ston par/ theg pa gsum
la rab bkod pas/
/chos kyi mchod sbyin rgyas gyur cig /ces byung/ de'ang sngon
klu'i rgyal po rnga zhes bya bar 'khrungs pa'i tshe rang gi nu bo
nye rnga dang lhan cig tu

byon ba ni/ klu'i rgyal po rnga sgras yang dang yang du brnyas
smod dang tshig rtsub drag pos spyos pa nye rngas ma bzod bar de
dang 'khon par brtsams pa na/ rngas 'jam zhing yid du 'thad pa'i
tshig du mas gros btab nas zhi zhing dul bar byas pa dang/

rgyal bu zla bar gyur pa'i tshe srin po rkang khra zhes bya ba
skye bo stong phrag du ma'i srog 'phrog par byed pa shin tu rnga
ma zhing rtsub pa'i gdug ba can la'ang thabs mkhas kyi sgo nas
gsung gleng mdzad pas pha rol po blo sna 'gyur te/ sngar byas
kyi las la

'gyod pa drag po skyes nas chos kyi snod du gyur cing/ gsod pa'i
phyir go rar bcug pa'i rgyal rigs mang po'ang srog thar bar
mdzad pa lta bu thabs mkhas kyis snyan bar smra ba'i sgo nas
gdug ba can rnams smin bar byas ba'i rnam thar dang/ byang

chub sems dpa' dpa' ba'i stobs kyis bdud shugs 'chang rdzu
'phrul gyis btul te lha mi dpag tu med pa bla med byang chub la
bkod pa dang/ rgyal po bsod nams stobs kyis sems can bgrang las
'das pa dge ba bcu dang byang chub gsum la

bkod pa/ brgya byin legs par snang byed kyis gnod sbyin 'jigs su
rung bar sprul nas sprul ba'i mi sdig pa byed pa rnams za ba
sogs kyi 'jigs ba du ma bstan te 'dzam bu gling ba mtha' dag
btsan thabs su dge ba bcu la sbyor bar

@036b mdzad pa sogs don spyod ba'i rnam thar dang 'brel ba'i
skyes rabs mtha' yas so/ /de ltar bcom ldan 'das nyid kyis sngon
sdig pa mi dge ba'i phyogs la zhen pa'i sems can shin tu gdul
dka' ba rnams kyang rang rang gi khams dang mthun par thog mar
'jig rten

gyi gtam snyan po tshun chad kyi sgo nas blo brid de/ rang dang
sems mthun par gyur pa na thabs mkhas kyis rim pas chos kyi
phyogs su kha le bsgyur te/ don spyod pa dngos gzhi'i tshe so
so'i skal ba dang 'tsham par nyan rang byang sems kyi theg pa
gsum la

'god par mdzad pa de'i bden pa'i stobs kyis thar 'dod kun gyi re
ba tshim par byed pa'i chos kyi mchod sbyin dam pa rgyal ba'i
bstan pa rin po che dar zhing rgyas par smon pa'o/ /de'ang sdig
ba'i sems can zhes pa rin chen don grub kyi tIkkar sdig pa'i

lta ba la zhen ba'i sems can la bshad kyang/ rnam bshad rigs pa
las/ sdig pa ni tha chad kyi don gyis na nyes par spyad pa yin
te zhes pa ltar/ sgo gsum bag med pas nyes spyod la zhugs ba'i
sems can la byas na bde'am snyam/ byams pas

gsal bar smin zhes pa bde ba ldan 'dod kyi kun slong bstan la/
rnam ba gcig tu yid 'ong gi byams pa ni mas bu gcig pa mthong ba
bzhin sems can thams cad yid 'ong gi rnam bar lta ba yin zhing/
nang gi kun slong de'i rang mdangs kyis phyi'i rnam 'gyur

la'ang khro gnyer med par/ bzhin gyi mdangs gsal zhang 'dzum pa
zhig 'byung ba chos nyid? yin pas/ gzhan la gtam smra ba'i dus
kyi rnam pa'ang bstan pa yin te/ lam rim las/ snyan smra ni khro
gnyer med cing bzhin gyi mdangs

@037a @#/ /gsal bar? 'dzum pa sngon du btang ste/ zhes so/ /des
na gzhan dang gtam smra ba sogs kyi kun spyod kyang pha rol po'i
yid dang mthun zhing don du 'gyur ba zhig gal che bas/ gnas 'di
la gzab par bya dgos

te; sa skya'i legs bshad las/ rma gzhan mkhas na 'tsho srid kyi/
/nyes pa'i tsheg rma 'drud pa med/ /khwa yis 'ug pa dma' phab
pas/ /bskal pa'i bar du 'gras la ltos/ /zhes dang/ smra mang?
nyes pa 'dzin pa'i rgyu/ /mi smra nyes pa spong

ba'i gzhi/ /ne tso smra bas gzeb tu bcug /'dab chags lkug ba bde
bar rgyu/ /zhes pa ltar tshig ngan gyis don med par gzhan dang
'khon zhugs te dgrar sdang ba dang/ rang nyid la phyi mar rnam
smin lci zhing tshe 'dir yang sos mi bde ba sna

tshogs 'byung bas rang gzhan gnyis ka phung byed kyi rgyur
'gro'o/ /tshul 'di dag ni jo bo yab sras kyi zhus lan nor bu'i
'phreng ba'i le'u nyer gsum las/ ngag gi nyes pas dgra bo 'gug
/ngag gi nyes pas bshes dang 'bral/ /

ngag gi nyes pas lce dag la/ /rmo 'dor stong gis rmod ces thos/
/la la dag la bstod byas kyang/ /dogs pa bslad nas mtshang la
'phog /ces dang/ ku re'i tha ma 'thab mor 'gro /ngag gi tham lus

gnyis rtsod/ /lus kyi tham srog dang 'bral/ /srog gi tha ma ngan
'gror 'gro /zhes sogs kyis 'phral phugs kun tu nyes dmigs che
tshul dang/ gnyis pa gzhan la smra ba'i tshe/ /ngag de mgrin par
bskyil byas nas/ /de

@037b la re ltos 'dug mi 'dug /ces pa nas/ don dang ldan nam mi
ldan lta/ /'gron smra sgor btang bar bya/ /mi 'gro mgrin ba'i
AHla bstim/ /zhes dran tshad 'phral du khar mi 'don par tshig gi
skyon yon dang/ dgos pa yod

med sogs brtag nas smra dgos pa dang/ rnam g.yeng bdud kyis
byin brlabs nas/ /mang po'i nang du'ang lhang nger lab/ /der
'tshogs thams cad thugs khrel na'ang/ /'bral ni bzhad gad bslu
zhing bstod/ /ces 'ga' zhig mang po'i nang du col

gtam smras pa na/ pha rol po rnams zhe khrel yang 'phral la ngo
bstod dang bzhad gad theg ge byas pas/ khos gtam de lam du song
snyam nas nga rgyal skyes te/ phyir yang smra ba je mang gis
shin tu 'chal bar 'gyur ba srid pas/ de 'dra

la lhag par zon byed dgos pa sogs gtam smra tshul legs nyes kyi
rnam dbye shin tu zhib par gsungs/ spyod 'jug las kyang/ rtag tu
'dzum pa'i bzhin du gyis/ /khro gnyer ngo zum yongs thongs te/
/'gro ba'i bshes dang gsong bor gyis/ /

zhes dang/ sor mo'i brda ni mi bya ste/ /gus dang bcas pa'i
g.yas pa yi/ /lag pa dag ni kun gyis kyang/ /lam yang de ltar
bstan par bya/ /zhes gzhan dang phrad pa na rtag tu bzhin 'dzum
bag dang bcas shing/ pha rol po lam gar 'gro lta bu dris

pa la ston ba'i tshe'ang mdzub mo keng nas ston pa lta bu ma gus
pa'i rnam 'gyur mi byed par/ lag pa g.yas ba'i thal mo bkan te
gus pa'i rnam 'gyur dang bcas ston pa lta bu spyod lam gyi cha
mtha' dag nas gzhan gyi sems mgu ba zhig byed

@038a @#/ /dgos pa byang chub sems dpa' rnams kyi dam tshig yin
no/ /sems can sdud par byed pa'i thabs kyang zas nor sogs byin
nas kun gyi re ba skong ba shin tu dka' la/ snyan par smra ba ni
bya sla zhing don che bas thabs

mkhas rmad du rgyud? yin te/ sa baNDi tas/ byams pas khyab pa'i
tshig smra ba/ /bsgrub sla gzhan dga' sdud pa'i mchog /nor gyis
mgu bar su yis nus/ /lus srog btang yang phyed mi tshim/ /zhes
gsungs pa ltar ro/ /byams pas

gsal bar smin byas zhes pa la/ smin pa'i don dang smin pa brgyad
kyi dbye ba sogs rgyan gyi yongs su smin pa'i le'u las 'byung ba
der blta zhing/ 'dir skabs don ni chos nyan pa'i snod rung du
gyur pa la bya'o/ /theg pa gsum la

rab bkod ces pa'i theg pa'i sgra don ni/ 'ga' zhig gis theg mi
theg sgom pa ngo 'bra'i? stobs dang 'tsham pa'i khur che chung
lta bu zhig la bshad pa dang/ la la theg pa mchog dman gyi 'byed
byed mtha' bral rten 'byung gi de kho na nyid rtogs pa'i lta

pa go nus mi nus kyi sgo nas 'byed par 'dod pa mi 'thad de/ dang
po sgra don bshad tshul mi 'thad pa ni/ 'dul ba'i gos gzhi'i
skabs su theg ba zhes pa khyogs dang shing rta sogs la bshad/
thub dgongs las 'jug sgrub kyi thad du glang po che sogs la

bshad pa gang ltar yang de la zhon nas sgrod byed cig la 'jug
pas/ sdud pa las kyang/ dga' skyid bde ba mngon par thob byed
theg pa'i mchog /gang zhig zhon nas phyogs su 'gro ba dmigs su
med/ /ces dang/ spyod 'jug las/ byang chub

@038b sems kyi rta zhon nas/ /bde nas bde bar 'gro ba la/ /zhes
pa ltar/ theg bde la bar zhon nas rang gi byang chub tu sgrod
par byed dgos kyi/ tshur rang gis khur nas 'gro bar ma bshad do/
/des na sngags rim las/ theg pa ni 'dir 'dong ba

'bras bu dang/ 'dis 'dong ba rgyu'i theg pa ste bgrod pas na
theg pa'o/ /zhes gsal bar gsungs pa nyid tshad mar bya yi/ yod pa
bzhag nas med pa las btsal bar mi bya'o/ /theg pa'i 'byed chos
lta ba'i sgo nas bzhag pa'ang shin tu mi

'thad de/ dpal ldan zla bas lung bdun dang rigs pa gsum gyi sgo
nas theg pa gsum po gang gi'ang 'phags pa'i gang zag la rten
'byung gi de kho na nyid mngon sum du rtogs pas khyab par gsungs
pa ni rgyal ba'i dgongs pa mthar thug pa yin

pas; de theg pa chen por 'jog byed yin na nyan rang 'phags pa
thams cad kyang theg chen par 'gyur la/ de 'dod na theg dman
'phags pa mi srid pas/ theg pa gsum gyi dbye ba 'byed byed kyang
mi dgos bar 'gyur ro/ /des na lta bas 'byed ces pa ni

grub mtha'i rnam dbye yin pas/ grub mtha' dang theg pa'i rnam
dbye ma nor ba dgos te/ theg pa che chung gi dbye ba ni bsam pa
sems bskyed sogs thabs kyi sgo nas 'byed pa ma gtogs/ shes rab
lta ba'i sgo nas 'byed par tshad ldan sus kyang

ma bshad la/ khyad par du rje bla ma'i sngags rim las/ spyir
theg pa che chung stong pa nyid kyi shes rab kyis mi 'byed par
thabs kyis 'byed dgos la/ khyad par du theg pa chen po la gnyis
su phye ba'ang zab mo rtogs pa'i shes rab

@039a @#/ /kyis mi 'byed kyi/ thabs kyis dbye dgos shing/ zhes
gsungs pa'i phyir ro/ /chos kyi mchod sbyin rgyas gyur cig /ces
pa/ spyir mchod sbyin gyi sgra don yon tan gyi mgron la mchod pa
dang/ snying rje'i

mgron la sbyin par bshad pa ltar 'dir yang dam pa'i chos bshad
sgrub gnyis kyi sgo nas 'phel bas rgyal ba rnams la mchod pa
dang/ sems can la phan bde ster bas sbyin par 'gro ba la bshad
pa'ang mi rung ba med la/ rgyan snang

las/ rnam par gsal ba nyid du shes par bya bas na chos kyi mchod
sbyin sbyin pa'o/ /zhes pa ltar/ mchod sbyin rgya chen po'i tshe
nor bzang dgu thams cad ltug par gtong pa bzhin/ 'dir yang chos
kyi don zab cing rgya che ba mtha' dag ma

sbas shing dpe mkhyud med par snyan par smra ba'i sgo nas gdul
bya la gsal bar ston pa'i don du byas na skabs kyi don dang yang
'brel bas shin tu legs sam snyam/ bzhi pa don mthun pa ni/ bdag
sngon thabs shes gyur pa na/ /sems can

ltang na las bsgral cing/ /yang dag lta la bkod byas pas/ /chos
tshul rnam par 'phel gyur cig /ces byung/ bra sti dge bshes kyi
TIkkar/ theg pa gsum la rab bkod ces pa'ang snyan smra'i khongs
su bsdus nas sho lo ka 'di don spyod

pa la sbyar te/ don mthun pa shugs kyis 'thob ba las gzhung dang
dngos su sbyor rgyu med par gsungs/ spyir snyan smra la 'jig
rten dang ldan pa dang/ chos bstan pa dang ldan pa gnyis gsungs
pas theg pa gsum gyi chos ston pa snyan smra'i khongs su mi

@039b 'du ba min yang/ der theg pa gsum la bkod ces pa'i tshig gi
nus pa don spyod pa la sbyar na bde ba dang/ 'dir thabs shes
gyur pa na zhes pa'ang/ gzhan gyi don byed pa la thog mar don de
nyid rang gis bslab nas khong du chud pa'am mngon du

byas pa dgos pa'i don du gsal la/ de ni don mthun tshul yin pas
'di bzhin bshad par bya'o/ /de'ang sngon kun tu rgyu byang chub
tu gyur pa'i tshe rgyal po zhig gi mchod gnas su gyur nas rgyal
po de nyid chos la bcud pa sdig blo na rnams

kyis ma bzod par phra ma byas pa'i rkyen gyis rgyal po'i gus pa
lhod par gyur pa na/ de la khros pa min yang de dag 'dul ba la
thog mar rang nyid kyis yon tan khyad par can mngon du byed dgos
par gzigs nas yul dar ma bzhugs

par dpen par gshegs te bsam gtan bzhi dang mngon shes lnga
bsgrub par mdzad/ de nas dus la babs pa na sprul ba'i spre'u'i
pags pa gyon nas phebs par blon po rnams kyis smad pa'i tshe/
rkyen de nyid las brtsams te rigs pa sna

tshogs pa'i sgo nas rgyu med par smra ba dang/ dbang phyug rgyur
lta ba dang/ las kho na las byung bar lta ba dang/ rgyal rigs
kyi gzhung la brten pa sogs kyi lta ba ngan pa thams cad so sor
sun phyung te rgyal blon 'khor bcas yang dag

pa'i lta ba la bkod pa dang/ tshangs pa'i 'jig rten du lha'i
drang srong chen por 'khrungs pa'i tshe/ yul lus 'phags po'i
rgyal po yan lag sbyin zhes bya ba chad lta la zhugs nas sdig pa
sna tshogs spyod pa rdzu 'phrul gyis btul te lta ba phun

@040a @#/ /sum tshogs pa la sbyar pa dang/ 'phags pa shA ri'i bu
mu stegs kun tu rgyur gyur pa'i tshe/ thub pa'i sku tshe snga ma
zhig gis de lta ngan las bsgral par pad dkar las gsungs pa sogs
skye ba du mar

gdul bya rnams 'jig rten dang 'jig rten las 'das pa'i yang dag
pa'i lta ba la bkod tshul mdo sde rnams su rgya cher 'byung ngo/
/lta ngan 'gog pa dang lta ba rnam dag la 'god pa 'di ni tshad ma
rnam 'grel las/ thabs byung de rgyu lkog gyur pas

de 'chad pa ni dka' ba yin/ /zhes dang/ rang nyid nges shing
gzhan dag la/ /nges pa skyed par 'dod pa yi/ /zhes gsungs pa
bzhin/ sbyin gtong sogs dang mi 'dra bar/ don de nyid rang gis
legs par rtogs pa sngon du song ba'i sgo nas

gzhan la ston dgos pas/ 'dir yang/ bdag sngon thabs shes gyur pa
na/ /zhes gsungs te don mthun pa'i tshul dang shin tu mthun no/
/de ltar rigs pa bzhi sogs kyi sgo nas las rgyu 'bras dang/ rten
'byung gi rnam gzhag sogs yang dag

pa'i lta ba phra rags thams cad la the tshom med pa'i nges pa
rnyed cing/ ji ltar rtogs pa'i don de nyid yang dang yang du
goms par mdzad de/ rang gis ji ltar nges pa bzhin du gdul bya
rnams la bstan ba na lung dang rigs pa'i sgo nas nges pa rnyed

cing; lhag par slob dpon rang nyid kyis sgrub pa nan tan du byed
pa'i tshul mthong nas/ 'di las 'bras bu phun sum tshogs pa zhig
'byung bar gdon mi za'o snyam du yid ches rnyed de/ slob dpon
gyi rnam thar bzhin brtson ba rgyun

@040b chags su bsten pas de dag kyang smin cing grol bar gyur ba
de'i bden ba'i stobs kyis rgyal ba'i chos tshul phun sum tshogs pa
gong nas gong du 'phel zhing rgyas par gyur cig ces smon pa
mdzad pa'o/ /de'ang thabs shes zhes pa ni/ thabs de nyid

tshad ma'i sgo nas shes pa kho na la mi byed de/ rgyan las skyabs
'gro'i thun mong ma yin pa'i khyad chos bzhi'i nang nas rtogs
pa'i don sa gong ma gong ma la rim gyis bgrod pa la gsungs pa
dang/ rnam 'grel du'ang/ gshegs pa rtogs

pa'i don phyir zhes lam gong ma mngon du mdzad pa la rtogs pa'i
sgra 'jug par gsungs pa bzhin/ skabs 'di'i shes zhes pa'ang
thabs khyad par can de dag mngon du mdzad pa la'ang byar rung
ngo/ /de ltar na sbyin sogs kyi

spyod pa la bslab tshul de thams cad don mthun ba'i rnam thar yin
te/ yon tan mtha' yas par bstod pa las/ 'ga' zhig rang nyid ma
dul bzhin du rigs par ldan ba'i tshig smra yang/ /rang gi tshig
dang 'gal bar byed

ngas gzhan dag 'dul bar mi nus zhes/ /khyod kyis dgongs nas de
slad 'gro ba mtha' dag thugs la bzhag mdzad nas/ /re zhig bdag
nyid ma dul ba nyid 'dul bar mdzad phyir rtsom pa lags/ /zhes
rang rgyud 'dul bar

mdzad pa de nyid don mthun pa'i gtso bor gsungs pas/ ser sna
spangs te sbyin pa gtong bar mdzad pa ni gzhan sbyin pa la 'god
ba'i skabs kyi don mthun pa dang/ nyes spyod spangs nas tshul
khrims bsrung ba ni gzhan tshul khrims la 'god pa'i

@041a @#/ /skabs kyi don mthun pa yin pa sogs kun la 'dra ba'i
phyir ro/ /'di'i skabs kyi lta ngan ni las rgyu 'bras sogs la
skur pa 'debs pa'i chad lta la gtso bor byed cing/ yang dag pa'i
lta ba'ang de dang

'dzin stangs dngos su 'gal ba las 'bras kyi rnam gzhag sogs nges
pa'i lta ba la bya'o/ /kha cig yang dag pa'i lta ba byas chos
stong nyid kyi lta ba kho na la byed pa mi 'thad de/ bshes
spring sa las/ gal te mtho ris thar pa mngon

bzhed na/ /yang dag lta la goms pa nyid du mdzod/ /gang zag log
par lta ba dge spyad kyang/ /thams cad rnam par smin pa mi bzang
ldan/ /zhes mtho ris thob pa la yang dag pa'i lta ba med mi rung
du gsungs shing/ de la stong

nyid kyi lta ba dgos pa ha cang thal bas/ las 'bras la yid ches
kyi dad pa dang mtshungs par ldan pa'i lta ba la bya'o/ /red mda'
ba'i bshes springs TIkka las kyang/ 'dir yang dag pa'i lta ba
ni gnyis te/ kun rdzob kyi yul can

dang/ don dam pa'i yul can no/ /dang po ni phyi mar las dang
'bras bu'i 'brel pa la yid ches pa'o/ /gnyis pa ni chos rnams
kyi de kho na nyid stong pa nyid rtogs pa'i shes rab bo/ /yang
dag pa'i lta ba dang po ni mtho ris kyi rgyu yin

la; gnyis pa ni thar pa'i rgyu yin no/ /zhes gsungs shing/ der
ma zad 'dul ba'i mdor tshul khrims dang chog dang lta ba phun sum
tshogs pa zhes pa'i lta ba'ang/ las dang 'bras bu'i 'brel ba la
yid ches pa la byed pas/

@041b de med par tshul khrims rnam par dag pa'ang 'byung thabs
med de/ 'jam dpal rtsa rgyud las/ ji ltar yang dag ba'i lta ba
med pa la sdom brtson med pa dang zhes gsungs pa bzhin no/ /des
na 'dir yang dag ba'i lta ba tshul khrims kyi rgyu'i

gtso bor bshad ba dang/ bshes springs las mtho ris kyi rgyu'i
gtso bor bshad pa gnad gcig tu snang ngo/ /gdul bya la yang dag
pa'i lta ba ston pa'i tshe lung rigs kyis bsgrub nas nges pa
rnyed par byar yod kyang/ da dung rang nyid kyis nan tan du

goms par mdzad pa ni gdul bya la yid ches bskyed pa'i thabs
dang/ sgrub pa la skul byed kyi mchog tu gyur pa yin te/ ched du
brjod pa'i tshoms las/ bdag nyid dang por rigs par gnas byas nas/
/phyi nas bdag bzhin gzhan dag gdul

bar bya/ /bdag nyid dang por rigs par gnas byas na/ /phyi dus
'dul tshe mkhas pa nyon mi mongs/ /zhes dang/ lam rim chen mo
las/ de'ang rang gis ma bsgrub na gzhan la 'jug ldog 'di ltar
bya dgos so zhes bshad pa na/ khyod rang yang don

de ma sgrub na gzhan la de sgrub ces ci'i phyir sbra/ khyod
kyang da dung gzhan gyis bcos dgos so zhes zer nas bsgrub tu mi
nyan la/ rang gis bsgrubs pa zhig yin na bdag cag gang la btsud
pa'i dge ba de la khong rang yang gnas par byed pas na/

'di bsgrubs na bdag cag la phan pa dang bde bar 'gyur nges snyam
nas gsar du 'jug cing/ zhugs zin pa rnams kyang mi ldog par
brtan par 'gyur zhes gsungs te/ gong du drangs pa bzhin mdo sde
rgyan gyi/ bzhi pas rnam par spyod@042a @#/ /ba'o; /zhes pa'i spyod tshul yang de yin
no/ /bo to ba
chen po'i zhal nas kyang/ ngas da lta ri rtse ya kyi na gser gyi
khron pa rdol nas yod kyi/ khyed rang len du song byas kyang
nga'i ngag 'khyal du

go nas khyed 'gror mi nyan nga rang gis rings par phyin na khyod
tsho nga'i gzhug na yar dril yong/ de bzhin du bla ma rang chos
bzhin mi byed par gzhan la chos bshad kyang lag len byed mkhan
mi yong la/ bla ma rang gis chos bzhin

byas na gzhan yang rjes su slob pa bag re yong/ zhes gsungs pas/
chos ston pa po'i dge ba'i bshes gnyen du 'jog pa'ang ngag gis
bshad pa kho na la mi byed par/ lag len du 'debs pa bzang po'i
mig ltos kyi yul du 'gro

ba zhig gal che ste/ mdo myang 'das las/ bdag byang chub la nan
tan du byed pas gzhan yang byang chub la nan tan byed du 'jug pa
ste/ de bas na dge ba'i bshes gnyen zhes bya'o/ /zhes gsungs
pa'i phyir/ de ltar don

mthun pa'i sgo nas gdul bya rnams chos sgrub pa'i phan yon la
yid ches bskyed pa de nyid skabs 'dir gang la 'god rgyu'i yang
dag pa'i lta ba'i gtso bo yin no/ /gnyis pa bsdu ba bzhi'i sgo
nas slob lam spyi'i don bsdu ba ni/ bdag

gis sems can bsdu dngos bzhis/ /nyon mongs me las thar byas
shing/ /bdag gis 'phel sdig ram byas pas/ /bdag 'khor yun ring
gnas gyur cig /ces byung/ de'ang skyes ba'i rabs kyi mtshan gzhi
gong du smos pa rnams dang/

@042b gzhan yang mdo sde dang 'dul ba'i sde snod dag las rgya
cher 'byung ba bskal pa chen po grangs med pa du mar snying rje
dang/ smon lam dang/ ting nge 'dzin dang/ dbang 'byor pa sogs
kyi sgo nas skye ba'i phreng ba dpag tu med pa bzhes te/

rgyal sras kyi spyod ba ma lus pa'i spyi sdom chen po pha rol tu
phyin pa drug la legs par bslab pas rang rgyud smin par byas/
rang gis gang la bslab par byas pa de dang don mthun par gdul
bya rnams kyang spyod du gzhug pa'i phyir thog mar

sbyin pas 'khor du bsdus te so so'i skal ba dang 'tsham pa'i chos
kyi bdud rtsis de dag gi rgyud kyi nyon mongs pa'i me dpung
mngon gyur shugs drag po dang/ ches stobs 'phal ba'i sdig spyod
tshan po che bzlog dka' ba rnams nyams smad/

de nas rnam par mi rtog pa'i ye shes skye ba'i snod rung du
sgrub pa smin byed kyi lam dang/ las dang nyon mongs pa de dag
sa bon dang bcas te spong ba grol byed kyi lam la rim ba bzhin
bkod de/ gzhan don rnam pa thams cad ma tshang ba med par bsgrub

pa de'i bden pa'i stobs kyis gang zhig smin grol gyi lam la bkod
pa'i gdul bya de dag gis thos bsam sgom pa'i bya ba rnams gegs
med du mthar phyin cing/ de dag gis kyang gdul bya gzhan dang
gzhan smin grol gyi lam la bkod de/

ston pa'i rjes su slob pa'i gdul bya'i brgyud pa 'khor ba ma
stongs kyi bar yun du gnas shing 'phel bar gyur cig ces smon pa
mdzad pa'o/ /bsdu ba bzhi'i rim pas sems can rnams 'khor du
bsdus nas smin cing grol bar byed pa ni slob pa'i lam

@043a @#/ /gyi bya ba thams cad mdor bsdus pa'i sdom yang yin te/
sher phyin gyi mdor/ de dag gi lam gyi bya ba'ang bya la zhes
pa'i thad kyi 'grel chung las/ 'bras bu sems can ma bsdus pa
sdud ba can zhes

dang; gser 'phreng las/ ma bsdus pa sdud pa dang/ sogs pas bsdus
pa smin pa dang/ smin pa grol ba dang/ grol ba mthar phyin par
byed pa can no/ /zhes gsungs pa'i phyir/ lam rim las kyang/
byang sems kyi spyod pa

la mtha' yas kyang sdom che ba ni phar phyin dang bsdu bzhi yin
te/ byang sems la rang gi rgyu tshogs smon par bya ba dang/ sems
can gyi rgyud smin par bya ba gnyis las med la/ de gnyis phar
phyin dang bsdu bas bsgrub pa'i phyir/

zhes so/ /de gnyis ka rgyal sras kyi spyod pa'i sdoms su gsungs
pa'ang/ gong ma'i snyoms 'jug rnams bsam gtan bzhi dang gzugs
med bzhis bsdus zhes pa lta bu don so so ba'i sde tshan gnyis ma
yin gyi/ gnyigs kyang phan tshun gcig

gis gcig bsdus so/ /bsdu bzhi phyin drug gis bsdus tshul gong du
bshad ba bzhin yin la/ phyin drug bsdu bzhis bsdu tshul ni/ blo
gros mi zad pa'i mdo las bsdu ba bzhi mi zad pa'i skabs su sbyin
pa'i bsam sbyor sogs de'i nyams len mtha'

dag bsdu ba bzhi las ma 'das tshul rnam grangs du mar gsungs ba
de phar phyin gzhan lnga la'ang 'dra'o/ /nyon mongs pa med dang
dpe sbyar ba ni/ bye brag khong khro lta bu la sbyar ba'i tshe
dge rtsa sreg pa sogs kyi cha nas yin la/ 'di ni

@043b nyon mongs spyi la sbyor tshul dper na me dang nye bar gnas
na de'i 'od kyis gdungs te mi bzod pa bzhin/ chags sdang sogs
kyi nyon mongs pa gang mngon du gyur kyang/ des shes rgyud
gdungs shing mi bzod par byed pas me dang 'dra la/ sangs rgyas

kyi gsung ni gdung ba de thams cad sel ba'i chu lta bur bshad
de/ dbu ma snying po las/ tsan dan bas lhag gsung gi chus/ /lus
can yid kyi nyon mongs mes/ /rab tu gdungs bzhi bar byed/ /ces
dang/ rtog ge 'bar ba

las; bde bar gshegs pa'i gsung gis shin tu zhi bar byas pas nyon
mongs pa'i me'i gdung ba ni gtan mi 'byung pa'i chos can du
'gyur te/ zhes gsungs ba ltar ro/ /rkang pa gsum par/ bdag gis
'phel sdig pham zhes pa'i sdig

pa'ang/ dge sdig gnyis su bye ba'i sdig pa kho na la byed mi
dgos kyi/ 'khor bar 'phen pa'i zag bcas kyi las dge mi dge thams
cad la byar rung ste/ dper na/ thub rnams sdig pa chu yis mi
'khru zhing/ /zhes sogs rkang ba bzhis sdug kun spong

tshul dang/ 'gog lam mngon du bya tshul rim bzhin bstan par gsungs
pa lta bu/ 'bras bu sdug bsngal ba'i rang bzhin can gyi 'khor ba
'grub par byed pa'i rgyu rnams la sdig pa dang mi dge ba'i sgras
bstan pa'i skabs mang la/ der ma zad 'khor ba

rang nyid la'ang mi dge ba'i sgra 'jug pa'i phyir te/ mdzod
'grel las/ 'khor ba ni sdug bsngal thams cad 'jug pa'i bdag nyid
kyis mchog tu mi bde ba'i phyir don dam par mi dge ba yin no/
/zhes gsungs pa'i phyir/ de ltar kun

@044a @#/ /'byung bden pa spyi la byas na de'i 'phel ba pham par
byas tshul yang rkang ba snga ma'i nyon mongs me las thar byas
zhes pa dang shin tu 'grig ste/ mdzod las/ de bzhin shun ba
bzhin du 'dod/ /las ni

shun bcas 'bras dang 'dra/ /zhes nyon mongs pa shun pa dang/ las
ni de'i nang gi 'bras dang 'dra bas/ 'bras shun pa dang ma bral
na skye zhing 'bel bar nus la/ de dang bral na 'bel mi nus pa
bzhin/ las kyang nyon mongs dang ma bral na

'phel zhing skye srid 'phen par nus la/ grogs nyon mongs dang
bral na de ltar mi nus pa'i phyir te/ mdzod 'grel las/ nyon
mongs thob pa'i shun ba dang bcas pa'i las skye ba gzhan du skye
bar nus kyi/ 'ba' zhig ni ma yin no/ /zhes dang/

rnam 'grel las/ srid pa'i sred las rnam brgal ba'i/ /las gzhan
'phel nus ma yin te/ /lhan cig byed pa zad phyir ro/ /zhes
gsungs pa'i phyir/ gsum pa mthar sangs rgyas pa'i skabs las
brtsams te don bsdu ba ni/ bdag  

gis mu stegs can gzhan dag /lta ba'i chu las bsgral byas shing/
/yang dag lta la bkod byas pas/ /bdag 'khor rtag tu gus gyur cig
/yun ring bstan pa 'bar gyur cig /ces byung/ de'ang ches snyigs
ma bod zhing khyad par du lta

ba'i snyegs mar gyur te/ mu stegs kyi ston pa drug la sogs pas
sta ngan sna tshogs pa bzung nas skye bo rnams lam ma yin pa la
sbyar te shin tu gdul dka' bar gyur pa'i dus su/ lha'i bu dam pa
tog dkar po 'dzam gling du 'byon par

@044b brtsams pa'i tshe/ lha rnams kyi sad lta 'dzam bu gling na
mi mthun pa'i lta ngan sna tshogs pa bzung ste shin tu gdul dka'
bas 'byon pa'i dus min zhes bshol btab pa la/ ji ltar dung gi
sgras rol mo gzhan thams cad zil gyis gnon pa ltar/

smra ba ngan pa de dag thams cad bam par bya'o zhes 'jigs pa med
pa seng ge'i sgra bsgrags te/ 'jig rten du byon nas ji ltar zhal
gyis bzhes pa de bzhin du mi 'jigs par zhi'i sgo nas chos kyi
'khor lo rang dbang du bskor te/ mu stegs

can la sogs pa'i lta ba ngan pa thams cad pham par mdzad cing/
so so'i skal pa dang 'tsham par gang zag dang chos kyi bdag med
pa'i lta ba phra rags rnams la rim pa bzhin du 'god par mdzad/
'khor bar 'ching byed kyi las dang nyon mongs

pa'i dri ba yang dag pa'i ye shes kyi ral gris bcad nas/ sngon
bskal ba chen po grangs med pa ji snyed cig tu 'gro ba rnams
'khor ba'i rgya mtsho las bsgral bar bya'o zhes dam bcas shing/
thugs la ba rnag pa'i don de nyid ji ltar dgongs pa bzhin du

bsgrub par mdzad pa de'i bden pa'i mthus thub pa'i dbang po nyid
kyi rjes su slob pa'i 'khor rnams lta ba'i dbang gis mi mthun pa
med par/ ston pa dang bstan pa gcig tu yid ches ba'i sgo nas/
ston pas ji ltar gsungs pa bzhin du

gus pas bsgrub pa dang/ de la brten nas bstan pa rin po che yun
ring du gnas par smon pa'o/ /mdo rang la sho lo ka 'di'i mthar
yun ring bstan pa zhes sogs med kyang/ dgos pa'i gtso bo yin pas
dgongs pa blangs te dam

@045a @#/ /pa rnams kyis sbyor bar mdzad pa bzhin byas pa legs
so/ /rin chen don grub kyi TIkkar/ lta ba'i mu dang thar pa'i
stegs sam/ yang dag pa'i lta ba'i stegs la gnas pas na mu stegs
zhes

pa'ang 'thad pa 'dra'o/ /zhes bshad pa dang/ stag lo'i grub
mtha' kun shes kyi rang 'grel las/ thar pa'i mu dang stegs la
gnas pas mu stegs zhes bya bas na 'jig rten phal pa las ni ches
mchog tu gyur te/ zhes bshad

pa rnams kyi khungs rten sa ni/ khyad par 'phags bstod kyi 'grel
pa las/ mu stegs ni thar pa dang mtho ris kyi lam ste/ de ston
par byed pa'i bstan bcos la mu stegs zhes bya la/ de byed pas na
mu stegs byed do zhes pa 'di nyid

yin snang yang/ de ni shes byed du mi 'gro ste/ des 'jug ngogs
su khrus byed pa sogs thar pa'i lam yin par bstan pa ma yin gyi/
de dag gis de thar pa'i lam du byed pa'am khas len par bstan pa
yin la/ de thar lam

du byed mkhan yod pas thar lam yin dgos pa ha cang thal ba'i
phyir dang/ thar pa'i rgyar 'dod ces pa'i thar pa'ang nyon mongs
zad pa'i thar pa dngos gnas pa kho na la byed mi dgos kyi/ lang
gshegs las gzhan sde

rnams kyis thar pa 'jog tshul rigs mang po zhig gsungs pa bzhin/
bde 'gro'i rgyur 'gro ba la bsam nas thar pa'i rgyu zhes bshad
pa'ang yod pa'i phyir/ grub mtha' chen mo las/ der zhugs pa thar
pa ste bde 'gro'i rgyur smra

@045b bde byed pas mu stegs byed ces bya yi/ zhes gsungs pa'i
phyir/ 'dir smra ba zhes pas/ khyad par 'phags bston kyi 'grel
par/ de byed pas mu stegs zhes pa de'i don gsal bar mdzad pa yin
no/ /'di ltar byas na gzhi 'grel las/

gang dag la chu klung du 'jug pa'i thar lam yod pa 'di dag ni mu
stegs can no/ /zhes dang/ spyan ras gzigs brtul zhugs kyis/ mu
stegs byed ces bya ba ni/ gang dag chos kyi phyir 'jug dogs su
'jug par byed pa ste/

zhes gsungs pa sogs kyi dgongs pa'ang chu klung du 'jug pa la
thar lam yod par smra ba dang/ de ni d+harmA zhes pa myang 'das
sam/ thar pa dang bsod nams sogs gang du'ang sbyar chog pas ma
phye bar chos kyi rgyur smra ba zhes bshad pa yin te/

dgongs ba shin tu mthun no/ /yang kha cig de thar par 'jug pa'i
stegs min na/ sgra sbyor ba ma gnyis las/ tI rtha ka ni/
tIn+yaM bi dya te tIrtha kaH zhes bya ste/ mtsho'i 'gram ni
mtshor 'jug pa'i stegs 'cha' ba dang 'dra bar/ dka' thub dang

rnal 'byor sogs sna tshogs spyod cing myang 'das kyi rgya mtshor
'jug pa'i stegs 'cha' bas na mu stegs can zhes bya/ zhes gsungs
pa ji ltar drang zhe na/ de ni thun mong gi grags pa dang sgo
bstun pa'i sgra bshad tsam yin pas/ sgra bshad pa'i tshe de ltar

bshad kyang don ngo bo la de bzhin khas len mi rung ba du ma yod
pa'i phyir/ tshangs pa la byed po dang/ 'phrog byed la khyab 'jug
ces bsgra bshad pa'i tshe 'jig rten gyi byed pa po yin pa dang/
snod bcud thams cad la khyab pa zhes bshad kyang

@046a @#/ /ngo bo la de ltar ma yin pa bzhin no/ /'o na stag lo
dang 'di gnyis kyis bshad tshul yang sgra bshad tsam yin mod
snyam na/ de ma yin te/ yang dag pa'i lta ba go ba'i dbang gis/
'jig rten las

pa las khyad par du gyur ces dang/ phal pa las ni ches mchog tu
gyur te/ shes bya'i gnas lugs la dpyod pa la sogs pas so/ /zhes
thar pa'i stegs su 'gyur ba'i rgyu mtshan dang bcas bsgrubs pas
kho rang rnams rang lugs su

bzhed par mngon no/ /yang phyi rol ba'i lta ba dag yang dag pa'i
lta ba go ba'i stegs su mi 'gyur na/ mdo dang bstan bcos rnams
su de'i tshul mang du gsungs pa dgos med du thal lo zhe na skyon
med de/ las nyon rnams thar par bgrod pa'i

grogs min yang thar par sgrod tshul ston pa la spang bya de dag
sngon du bshad dgos pa ltar/ phyi ba'i lta ba rang gi ngo bo'i
sgo nas de'i stegs min yang/ yang dag pa'i lta bar 'jug pa la
gol sa de dag ngo shes par byas nas spangs te/ lam yang

dag pa 'tshol dgos pa'i rgyu mtshan gyis mang du gsungs pa yin
pa'i phyir/ kun mkhyen 'jigs med dbang po'i grub mtha' rin chen
phreng ba las/ lta ba ngan pa'i mu la stegs 'cha' ba'i/ /phyi
rol grub mtha'i rang bzhin ma

lus pa/ /legs par shes te spong bar byed pa ni/ /thar pa'i grong
du 'jug pa'i them skas so/ /zhes dang/ rje btsun blo bzang chos
kyi nyi ma'i grub mtha' shel gyi me long las/ de phyir lta ngan
mu la stegs 'cha' ba'i/ /phyi rol

@046b grub mtha'i rnam gzhag legs shes nas/ /spong bar byed par
thar ba'i grong khyer du/ /'jug pa'i them skas nyid ces mkhas
rnams gsungs/ /zhes pa ltar ro/ /der ma zad chos kyi de nyid
'byed pa'i rnam dpyod can rnams kyis gzhan sde'i gzhung la ji

tsam dpyad pa bzhin gyis mi gtsang ba'i khron pa rlog pa ltar
zhen pa ldog cing/ sangs rgyas kyi bstan pa la gus par 'gyur te/
khyad par 'phags bstod las/ mu stegs gzhan gyi gzhung lugs la/
/ji lta ji ltar rnam bsam pa/ /de lta de ltar

mgon khyod la/ /bdag gi sems 'di dad par gyur/ /ces so/ /de
bzhin du rje bla ma'i gsung dang mi mthun ba rnams la bltas pa
na/ blo gros phul tu phyin pa zhig yod tshe rje'i gsung la lhag
par yid ches skye bas gzhan la 'gram chu mi ldang ba zhig

'byung yang/ da lta thams cad gzugs brnyan kho nar song bas chos
kyi che ba 'don tshul kun byang gi 'jug ldog las brtsams te dpyad
pa gsum dang rigs pa bzhi'i rnam dbye ci yang mi dgos par/ bshad
pa bos nga'i 'di zab mo khyad chos can

zhig yin no zhes dam bcas pa kho nas chog pa dag la lung rigs
rnam dag gis dgos pa ci yang sgrub tu med do/ /yang rin chen don
grub kyi TIkkar sho lo ka 'di'ang slob ba'i gnas skabs dang/
de'i nang nas kyang bsdu bzhi'i don spyod

la sbyar bas gong du/ bdag sngon thabs shes gyur pa na/ /sems
can lta ngan las bsgral ces pa de nyid myon spyod par sbyar yod
pa dang zlos kyis dogs nas/ zlos spong du lnga ma ni grub mtha'
lam zhugs pa'i 'jig rten phal ba'i rgyud kyi lta ngan

@047a @#/ /las bskyab pa dang/ phyi ma mu stegs kyi grub mthas
bslad pa'i lta ngan las bskyab pa la bshad do/ /de ni bshad pa'i
rim pa dang/ don gyi rim pa gang byas kyang mi 'thad de/ bshad
tshul sngar bsdu bzhi so sor rgyas

par bshad pa/ mjug don bsdu ba dang bcas song zin nas/ yang
rgyas bshad la 'jug na gong 'og 'chol ba yin pa'i phyir dang/
don gyi dbang du byas na'ang mu stegs kyi grub mthas bslad pa'i
bdag tu lta ba ni gnas skabs su sgro btags ba tsam

yin pas spong sla la spang bya kun btags dang mthong spang yin/
grub mthas btags pa la ma ltos par 'jig rten rang dga' ba la
'byung ba'i bdag lha ni lhan skyes 'khor ba'i rtsa ba mthar thug
yin pas spong dka' zhing sgom spang yin pa'i phyir/ 'jug pa

las/ gang dag dud 'grong bskal mang bskyal gyur pa/ /des kyang
ma skyes rtag 'di ma mthong la/ /dar 'dzin de dag la yang 'jug
mthong ste/ /zhes pa rtsa 'grel thams cad dang/ lam rim las/ kun
btags kyi ma rig pa ni grub mtha' smra ba de

dag kho na la yod pas 'khor ba'i rtsa bar mi rigs/ zhes gsungs
pa'i phyir/ des na sngar kun btags las bskyabs nas/ de rjes lhan
skyes las skyob dgos kyi/ go rim bzlog mi rigs so/ /rang lugs
snga ma slob pa'i skabs dang/ phyi ma

sangs rgyas nas kyang lnga dan thams cad zil gyis mnan pa la
sbyar te/ gnyis kar kun btags lhan skyes thams cad bzhag chog
pas zlos spong gi ngal ba mi dgos so/ /khong gis/ mu stegs can
gzhan dag ces pa'i gzhan gyi sgras sems can phal

@047b pa las gzhan du bstan gsungs pa'ang/ khong dus phyis yi
ge'i rnam dbye sogs la rtsod med kyi paNDi tar byed kyi na 'dug
bas go tshul gcig yod las che'ang/ gzhung sbyi skad du mu stegs
can la gzhan dang gzhan sde sogs su bshad pa de/ nang

pa la ltos te gzhan du bzhag pa las sems can phal pa la ltos te
gzhan du bzhag pa zhig ma mthong bar mdzad/ phal ba la ltos te
gzhan du 'jog na dam par 'gyur ram yang snyam mo/ /yang kha cig
'di skad ces/ 'di sangs rgyas kyi mdzad pa dang sbyor na/ sangs

rgyas kyi mdzad pa la mdzad pa bcu gnyis sogs mang du yod pas/
gzhan ma smos par mu stegs sogs kyi lta ba ngan pa las bskyab pa
kho na ci'i phyir smos she na/ 'di gnad shin tu che ste/ bsngo
ba 'di'i lus yongs su rdzogs ba'i brjod don ni bstan pa rgyas pa
kho

na'i phyir yin la/ bstan pa de nyid bstan pa skyon med 'gyur
ba'i rtsa ba ston pa po la rag las shing/ ston pa'ang ston par
'jog pa bstan pa'i srol thog mar phye ba de'i sgo nas 'jog dgos
pa'i phyir/ ston pa'i ming gis btags pa ni bdag cag gi ston pa

gcig bu ma yin gyi/ bdag lta'i zhen yul sgrub pa'i steng nas
rang gi rjes 'jug la thar lam ltar snang ston pa mu stegs pa'i
ston pa dang/ bdag lta'i zhen yul 'gog pa'i sgo nas so so'i skal
ba dang 'tsham par bden pa bzhi dang stong pa rten

'byung sogs kyi thar lam ston pa bdag cag gi ston pa gnyis su
yod kyang/ bdag cag gi ston bas mi 'jigs pa bzhi'i sgo nas dam
pa'i chos kyi seng ge'i sgra bsgrags pa na/ mu stegs kyi ston
pas bshad pa thams cad byis pa'i rdol gtam@048a @#/ /bzhin snying po med pa dang
ma 'brel ba kho nar gyur
te/ nyi ma'i 'od kyis mi khyer bzhin du smra ba ngan pa'i lta ba
thams cad zil gyis gnon pas na bdag cag gi rten pa gcig pungs pa
don gyi ston pa dang/ tshad ma'i skyes bu/ smra

ba'i dam ba sogs su 'grub la/ de grub na de'i bstan pa kho nar
thar 'dod kyi 'jug ngogs su 'grub pa'i phyir/ rtsa she las/
rdzogs pa'i sangs rgyas skya rnams kyi/ /dam pa zhes dang/
budd+ha pA li ta las/ bcom ldan 'das kyis phyi rol pa bas kyi
rgol

ba thams cad kyis pa bslu ba dang 'dra bar thugs su chud nas/
zhes pa nas/ smra ba rnams kyi dam pa zhes dang/ tshig gsal las/
de bzhin gshegs pa nyag gcig don phyin ci ma log par gsungs pa
nyid du gzigs shing/ pha rol po'i

smra ba thams cad byis pa'i rdol thabs smra ba dang 'dra bar
zhes sogs dang/ rigs pa drug cu pa'i 'brel par yang/ sangs rgyas
bcom ldan 'das nyid ni rten cing 'brel bar 'byung ba gsung pa
nyid la rgyu yin cing/ rten cing 'brel bar 'byung ba

gsung pa nyid ni sangs rgyas bcom ldan 'das nyid la rgyu yin te/
zhes gsungs shing/ de dag gi don bsdus nas rje bla mas/ ston pa
zhes bya khyod nyid de/ /wa skyes la ni seng ge bzhin/ /mu stegs
can la'ang gcam bu'i tshig /ces gsungs

la; mdo dang rnam 'grel gyis kyang lugs 'byung lugs ldog gnyis
kyis bden bzhi'i blang dor rang dbang du ston pa'i sgo nas gdul
bya la bdag pa'i lam ma nor bar la 'khrid pa kho na ston pa tshad
ma'i skyes bu mthar thug par 'jog

@048b byed du gsungs so/ /'dis mdzad pa gzhan rnams ma bsdus
pa'i skyon med do/ smra ngan mtha' dag zil gyis gnon pa'i chos
'khor bskor ba'i mdzad pa bstan pa na/ byang chub pa'i mdzad pa
yan chad ni chos 'khor bskor ba'i sbyor ba yin pa'i phyir dang/

mdzad pa thams cad las mchog dang gtso bor gyur pa gsung gi
mdzad pa yin pa'i phyir ro/ /mu stegs kyi lta ba'i dbye ba'ang
legs ldan che chung sogs kyis bshad pa lngar lta ba lnga brgya
bdun cu dang/ sum brgya drug cu rtsa gsum/ lta ba'i rtsa

ba brgya rtsa bcu/ ya mtshan gyi lta ba go drug/ lta ngan re
gnyis/ dam pa ma yin pa'i lta ba nyer brgyad/ 'jig lta nyi shu
'jig rten pha rol smra ba bcu drug /lung ma bstan gyi lta ba bcu
bzhi la sogs pa rnam grangs shin tu mang yang/ de thams cad

lam log par zhugs pa'i dpung gis 'khor ba'i rgya mtshor la 'khyer
byed yin pas chu bo zhes bshad de/ kun btus las/ chu bo ni bzhi
ste/ 'dod pa'i chu bo dang/ srid pa'i chu bo dang/ lta ba'i chu
bo dang/ ma rig pa'i chu bo'o/ /zhes pa nas/

log bas tshangs bar spyod pa tshol ba la zhugs pa ni tha ma gnyis
te/ zhes dang/ mdzod rang 'grel las/ 'khyer bar byed pa'i chu bo
dag yin no/ /zhes gsungs pa'i phyir/ de ltar lta ba ngan pa'i
chu bo bsgral nas gang la 'god par bya ba yang dag pa'i lta

ba'i gtso bo ni stong pa rten 'byung dang/ rten 'byung stong
pa'i don du mthong brtag chad spros pa'i mtha' brgyad dang bral
ba'i dbu ma'i lta ba mthar thug pa yin kyang/ thog ma kho na nas
de la bkod pa mo yin gyi/ so so'i blo tshod dang sbyar te/ rin
chen 'phreng ba las/

@049a @#/ /brda sprod pa dag ji lta bur/ /yi ge phyi mo klog 'jug
ltar/ /de bzhin sangs rgyas sems can la/ /ci tsam bzod pa'i chos
ston to/ /kha cig la ni sdig pa las/ /rnam par bzlog phyir chos
ston

te/ /kha cig bsod nams 'grub bya'i phyir/ /kha cig la ni gnyis
bsten pa/ /kha cig la ni gnyis mi bsten/ /zab mo khu 'khrig can
'jig pa/ /stong nyid snying rje'i snying po can/ /byang chub
sgrub pa kha cig la'o/ /zhes dang/ bzhi

brgya ba las/ bsod nams min pa dang por bzlog /bar du bdag ni
bzlog pa dang/ /tha ma lta zhig kun bzlog pa/ /zhes sogs kyi don
bsdus te kun mkhyen 'jam dbyangs bzhad pas/ dang por las 'bras
sogs kyis bsod min

bzlog /bar du mi rtag sogs kyis bdag gnyis bzlog /tha mar de
nyid mngon du gyur rim gyis/ /lta kun dri bcas 'joms par mdo
sngags bzhed/ /ces gsungs pa ltar yin pas/ de bzhin byas na yang
dag pa'i lta ba la 'god par gsungs pa'i

khongs 'dir dgongs 'grel ltar na 'khor lo gsum dang/ gzugs rgyal
gyi mdo las nor bu sbyong ba'i dbes gdul bya bkri ba'i rim pa
gsum du bshad pa ltar/ chos kyi phung po ji snyed cig gsungs pa
thams cad brdzus te bstan pa yin no/ /bcom ldan

'das kyi gzhan la phan pa'i mdzad pa cho 'phrul rnams pa gsum
gyis bsdus pa mtha' yas pa zhig yod kyang/ snying por gyur ba ni
'gro ba rnams kyi srid pa'i zug rdum lus pa rgyun gcod byed kyi
yang dag pa'i lta ba 'di nyid yin la/ ston par 'jog byed kyi
gtso

@049b bo'ang 'di yin pas/ gdul bya gang la ltar ba de nyid legs
par bstan pa na/ de la ston pa'i bya ba byas zin pa yin te/ mdo
las/ srid pa'i zug rdu gcod byed lam/ /ras nas khyid cag rnams
la bstan/ /khyed cag rnams kyis bsgrub bya ste/ /de bzhin

gshegs pa ston mdzad yin/ /zhes so/ /de ltar ston pa thugs rje
can gyis thugs brtse ba'i sgo nas ston pa'i bya ba mdzad pa de'i
rten 'brel lam bden pas/ rjes 'jug rnams slob ma'i bya ba des
gsungs pa'i chos tshul bzhin du sgrub

par smon pa ni/ bdag la 'khor rtag tu gus gyur cig /ces so/ /dad
pa dang gus pa ni lag pa thal mo sbyar te mig zim zim byas pa
tsam la mi 'jog gi /dad gus rnal ma skyes pa'i tshad ni rkyen ci
'dra zhig thog tu babs kyang chos mi gtong ba

zhig dgos pa'i phyir te/ rin chen 'phreng ba las/ 'dun dang zhe
sdang 'jigs pa dang/ /rmongs pas gang zhig chos mi 'da'/ /de ni
dad pa can zhes bya/ /zhes 'gro ba bzhis chos las mi 'da' ba
dang/ theg chen ltar na ci byas gzhan don du 'gro ba zhig

byung ba'i tshe sangs rgyas la mchog tu gus pa'i tshad yin te/
byang chub sems dpa'i sde snod du gnas brtan bcu drug la sangs
rgyas kyis bka' bstsal pa rnams kyi don mgon po klu sgrub kyis
mdor bsdus pa sems can mgu bar byed pa'i bstod pa

las; nga la gus pa sems can don te gus pa gzhan dag min/ /gang
gis snying rje ma btang de yis nga la gus pa ste/ /zhes gsungs
pa bzhin no/ /de ltar ston pa dang bstan pa la gcig tu gus shing
yid ches par gyur pa na/ lta ba dang

@050a @#/ /spyod pa mi mthun pa med par dge 'dun zhes bya ba'i
mtshan dang don mthun pa zhig 'byung zhing/ de la brten nas bshad
sgrub kyi bstan pa'i bya ba rnams gong du 'phel ba dang/ de'i
stobs kyis

skye dgu'i phan bde lus brgyas par 'gyur ba ni/ so sor thar pa'i
mdo las/ dge 'dun mthun pa bde ba ste/ /mthun pa rnams kyi dka'
thub bde/ /zhes dang/ mkhas grub smra ba'i nyi mas/ skye dgu
rnams kyi

phan bde ni/ /ma lus rgyal ba'i bstan las 'byung/ /bstan pa'i
chu bo 'phel ba'i gzhi/ /dge 'dun chu gter chen po ste/ /zhes
gsungs pa ltar ro/ /de lta bu'i dge 'dun rnams thugs mthun zhing
bar chad med par 'khor lo gsum

gyi bya ba la brtson pa ni legs tshogs kun gyi bzhi rten yin pa
la dgongs te/ rgyal sras zhi ba lhas kyang/ gtsug lag khang
rnams klog pa dang/ /kha ton gyis rgyas legs gnas shog /rtag tu
dge 'dun mthun pa dang/ /dge

'dun don yang 'grub par shog /ces gsungs so/ /smras pa/ bstan
pa'i bdag po ston pa rdzogs sangs rgyas/ /bstan pa'i bdag nyid
lung rtogs dam pa'i chos/ /bstan pa'i srol 'dzin 'phags pa'i dge
'dun rnams/ /bstan 'gro'i dge

legs spel ba'i shis ba stsol/ /rgyal bas gang la bstan pa gtad
pa'i yul/ /sprul pa'i dgra bcom 'phags pa'i gnas brtan rnams/
/bstan 'di 'dzin skyong spel ba'i thabs mkhas kyi/ /'phrin las
sgo brgya dgye ba'i dus la babs/ /thub pa'i

@050b nyi ma dngos kyi gdul bya'i mtha'/ /rdzogs pas chos
dbyings nub rir gzhol ba na/ /snyigs ma'i 'gro la rjes chags
phyi bzhin du/ /gzigs pa'i gsung gi 'od dmar 'di spros so/
/bsngo ba'i rgyal bo 'di ni phyogs kun tu/ /rlung ltar

grags pas thos pa don ldan yang/ /brjod don legs par sems pa
dang bcas na/ /lhag par bsod nams mi zad gter du 'gyur/ /de
phyir bdag gis 'dir 'bad dge ba'i mthus/ /mkha' mnyam 'gro ba'i
ma rig mun sel zhing/

mngon mtho nges legs lam bzang snang byed pa/ /bstan pa'i sgron
me yun du gsal gyur cig /bstan pa'i bdag po rgyal ba yab sras
kyi/ /phul byung mdzad 'phrin grags pas sa khyab cing/ /skyes
sprul mtha' dag dam pa'i mtshan don

dang/ /mthun par spyod pas sa steng mdzes gyur cig /mtha' dbus
phyogs kyi dge 'dun sde rnams kun/ /bag yod chos mthun 'tsho bas
chog shes shing/ /gegs med bshad sgrub las la gzhol ba yis/
/lhag bsam rnam dpyod 'gran

bzhin 'phel bar shog /bdag kyang ma 'ongs skye ba'i 'phreng ba
ru/ /dkor rdzas gzhal ba'i srang du mi 'gyur bar/ /'khor lo gsum
gyis rgyal bstan 'dzin bzod pa/ /kun mkhyen bla ma'i rnam thar
skyong gyur cig /dus mtha' 'dir yang thub bstan

rdzogs pa'i khur/ /rang nyid gcig pus 'khyer la mi ngal ba/ /yab
rjo 'jigs med dbang por snying nas 'dud/ /brtse ldan de yi bzhed
pa 'grub gyur cig /ces bsngo ba'i rgyal po bstan 'bar ma'i
dgongs don rgya cher 'grel pa legs bshad bstan

@051a @#/ /ba'i sgron me zhes bya ba 'di ni/ snga sor dgon pa'i
khrir sdod skabs kun mkhyen mchog gi bkas bcad ltar lo re bzhin
gling bsre'i skabs su bka' pod lnga'i steng nas bshad pa byed
dgos pas/ lo dang bor sa bcad chi ba

rgyas; gnyis pa dang lnga par dka' gnad dogs gcod dang bcas pa'i
gzab bshad/ gsum par bka' bod so so'i chos 'byung dang sgrags
pa/ bzhi par bka' bod lnga ka lam gyi lus gcig tu dril ba/ drug
par bstan 'bar ma'i brjod don bslab

pa gsum du bsdus shing/ de ston pa mdo 'dul gnyis dang lung gi
mngon pa gong 'og rigs pa'i mngon pa ste bka' bod lngar 'gyur
tshul gyi steng nas bshad pa byas par brten/ rnam dpyod can 'ga'
zhig gis de'i nang nas bstan par ma

rang rkyang gi bshad pa rnams logs su bkol ba'i TIkka zhig dgos
zhes bskul ma byung yang rim 'gyangs su lus pa nye char pa ron
su nyid shog nas gzhung brgya smra ba'i dbang po rdo ram pa ngag
dbang rab brtan dang/ hal ha dar han bai li'i

shog nas lhag bsam dang rnam dpyod phul du byung ba tA bla ma
dkon mchog chos 'dzin gnyis kyis nan tan du bskul ba'i ngor/
dbus 'gyur bstan pa'i srog shing snyan brgyud man ngag gi mdzod
'dzin pa dmigs pa med pa'i thugs rje

can lnga btsun ye shes rgyal mtshan dpal bzang po dang/ mdo smad
srin po'i yul lta bu 'dir yang thugs bskyed kyi go cha btsan po
bgos te thub bstan yongs su rdzogs pa 'khor lo gsum gyi sgo nas
'dzin skyong spel bar byed pa la sa'i steng

@051b na 'gran pa'i zla dang bral ba nges pa don gyi thams cad
mkhyen pa chen po rje btsun dkon mchog 'jigs med dbang pa rnam
gnyis kyi zhabs rdul spyi bor bsten pa'i btsun pa dkon mchog
bstan pa'i sgron mes rab byung bcu bzhi ba'i bgrang bya

gnyis pa sa lo 'brug gi lo khrums stod kyi zla bar dben gnas yid
dga' chos 'dzin nas mtshams kyi thun gseng du sbyar ba'i yi ge pa
ni gtsug lag lta ba'i blo mig dang ldan pa dge slong dkon mchog
kun dgas bgyis pa 'dis kyang bstan pa rin po che yun

ring du 'bar bar gyur cig /dge'o/ //