()8()

@001a @#/ /byang chub lam gyi rim pa'i sngon 'gro sbyor ba'i chos
drug lag tu len tshul gsal bar bkod ba lam bzang sgrub pa'i 'jug
ngogs zhes bya ba bzhugs so//

@001b @##/ /yang dag lam gyi bgrod pa mthar phyin te/ /dpal ldan
sku bzhi'i go 'phang mchog brnyes nas/ /lam bzang de nyid 'gro
la gsal mdzad pa/ /bla ma thub dbang brgyud par

bcas la 'dud/ /zab rgyas nyams len bkod pa sna tshogs ba'i/
/khang bzang kun la rmang gzhi brtan po bzhin/ /med mi rung gi
sngon 'gro sbyor ba'i chos/ /lag tu blang ba'i rim pa 'dir bshad

bya; ;de'ang dpal chos kyi grags pas/ rgyu tshogs pa las 'bras
skye bar/ /rjes su dbag pa gang yin te/ /don gzhan la ni mi ltos
phyir/ /de ni rang bzhin yin par brjod/ /ces

gsungs pa ltar rgyu tshogs ma tshang ba med ba zhig bsgrubs na
'bras bu de nyid mi 'grub ba'i thabs med pa zhig yin gyi/ rgyu
ma bsgrubs par 'bras bu 'dod kyang don med de/ dper na ston gyi
lo

@002a @##/ /tog phun sum tshogs pa zhig 'dod phyin dpyid dus nas
rmos glang gso ba dang chu lud 'dren pa sogs la 'bad dgos kyi/
de dag gal chung du byas nas yal bar dor te lo

tog rtsis su byas kyang skye ba'i thabs med pa bzhin no/ /des na
spyir nyams len mtha' dag dang/ khyad par byang chub lam gyi rim
pa'i nyams len byed par 'dod pa rnams kyis sngon 'gro sbyor ba'i

chos drug gis rmang gzhi zin ba zhig nges par bya dgos te/ yon
tan rin po che sdud pa las/ /rgyu rnam bzhi yis byang chub sems
dpa' mkhas stobs ldan/ /bdud bzhis thub par dka' zhing

bskyod par mi nus te/ /stong par gnas dang sems can yongs su mi
gtong dang/ /ji skad smras bzhin byed dang bde gshegs byin rlabs
can/ /zhes rdzogs pa'i byang chub sgrub pa'i rgyu'i

@002b gtso bo bzhi gsungs pas/ dngos gzhi ni stong par gnas zhes
don dam byang chub kyi sems dang/ sems can mi gtong zhes pas kun
rdzob byang chub kyi sems gnyis zung du 'jug pa'i skyes bu chen
bo'i lam rnams bstan/

ji skad smras bzhin byed ces pas lam gyi rtsa ba bshes gnyen
tshul bzhin du bsten nas des ji skad gsungs ba bzhin du rim gyis
slob tshul dang/ bde gshegs byin rlabs can zhes pas zhing khyad

par can la brten nas tshogs gsog sgrib sbyong sogs byas te/ lam
gyi rtogs pa skye ba'i snod rung du sgrub pa'i sngon 'gro sbyor
ba'i chos 'di dag bstan pa yin no/ /don de nyid gsal bar byed pa
la bstan bcos

mngon bar rtogs pa'i rgyan las/ sangs rgyas sogs dmigs dad pa
dang/ /zhes sogs kyis lam gyi rim pa thams cad dad sogs lngar
bsdus te bstan pas/ rkang pa dang po'i tshe 'khor ba spyi bye

brag gi sdug bsngal la 'jigs nas skyabs su 'gro ba'i chung
'bring thun mong gi lam bstan pa yin la/ skyabs 'gro sems bskyed
dang tshogs zhing gsal btab ste yan lag bdun pa 'bul ba sogs
sngon

'gro'i chos kyang bstan pa yin te/ brgyad stong 'grel chen las
byang chub sems dpa' phyogs gtsang mar skyil mo krung bcas te
sangs rgyas dang byang chub sems dpa' thams cad la dmigs pa
sngon du 'gro

@003a @#/ /bas; zhes sogs kyis de'i dgongs pa bkral ba yin zhing/
der phyogs gtsang mar zhes pas gnas khang byi dor byas shing sku
gsung rten gyi rten dgram/ mchod pa

legs bar bshams nas dang ba 'dren pa zhig byed dgos pa de bstan/
skyil mo krung bcas zhes pas lus gnad lhag ma rnams dang kun
slong la brtag tshul bstan/ lhag mas skyabs 'gro sems bskyed

dang tshogs gsog tshul sogs bstan pa shin tu gsal ba'i phyir ro/
/des na sngon 'gro sbyor ba'i chos drug po 'di dag ni sher phyin
gyi mdo'i don mngon par rtogs ba'i rgyan gyi man ngag byang chub

lam gyi rim pa las gsal bar byas pa'i nyams len gyi spyi sdoms
chen po yin ba shes par bya'o/ /des na 'di la drug /gnas khang
byi dor byas shing sku gsung thugs kyi rten dgra ma pa/ mchod pa
g.yo med cing

bkod pa mdzes par bsham pa/ bde ba'i stan la spyod lam tshul
mthun gyis 'khod de skyabs 'gro sems bskyed bya ba/ tshogs zhing
gsal gdab ba/ yan lag bdun pa 'bul ba/ 'dod pa'i don la

gsol ba gdab ba'o/ /dang po ni/ gnas khang byi dor byed pa'ang
mdzes chos tsam ma yin bar der tshogs zhing rnams spyan 'dren
ba'i don du bkur sti'i bsam pa dang/ spyod yul yongs su dag pa'i
mdo las

@003b 'byung ba ltar rang gzhan gyi rgyud kyi sgrib pa'i nyal
nyil rnams bsal bar mos pa dang/ rgyal sras kyi spyod pa'i sdom
chen po rdzogs smin sbyang gsum gyi ya gyal sangs rgyas kyi
zhing sbyong ba'i rgyur dmigs ba sogs kun slong ji tsam rgya che
ba bzhin

phyags ma re re brgyab pa la'ang phan yon tshad med pa 'byung
ste/ rtag dus chos 'phags la bkur sti bya ba'i phyir sa rdul
gnon byed la rang gi lus kyi rtsa bo che rnams gter nas khrag
gis chag chag byas pa dang/ lam chung bas rdul phyis dri ma
phyis

zhes pa'i tshig gnyis bo brjod bzhin du phyag bdar byas te bden
pa mthong ba'i lo rgyus bzhin no/ /phyag bdar byed tshul yang chu
gtsang gis chag chag legs par gdab la rdul mi ldang ba byed
cing/ dug gsum gyi rdul dang des bskyed pa'i las

sgrib kyi dri ma'am/ yang na des bsgos pa'i bag chags shes sgrib
kyis bsdus pa rnams bsal bar mos nas ngag tu'ang tshig de gnyi ga
brjod bzhin par phyag bdar byas na rten 'brel gyi sgo yod par
rje btsun ye shes rgyal mtshan dpal bzang pos

gsungs so/ /sku gsung thugs rten dgram tshul ni/ rgyu'i bzang
ngan dang gsar rnying sogs gtso bor mi byed par bstan pa'i bdag
po dang rang gi drin can rtsa ba'i bla ma rje bdag nyid chen po
sogs kyi sku rnams dbus dang gong du 'bab par

byas; yi dam sangs rgyas byang sems chos srung sogs kyang go rim
bzhin du bsgrig /sdud ba yan chad sher mdo re med mi rung yin
zhing/ rgyud sde dang theg pa'i go rim bzhin bzhugs stabs bde na
de bzhin byed la/ lta grub mi mthun ba'i dpe

@004a @#/ /sogs de'i grangs su mi gzhug /thugs kyi rten yang sa
tstsha yan chad ci 'byor re nges bar dgos so/ /gal te sku gsung
thugs rten gyi rigs ci'ang ma 'byor na shing ngam g.yam pa lta
bu'i maNDal gyi steng du dri

bzang gi chus phyugs la tshom bu lnga sogs bkod de/ de'i steng du
skyabs yul rnams bzhugs par mos ba byas na chog pas 'di la sgrub
pa'i maNDal zhes zer ro/ /khrid yig snga ma 'ga' zhig tu tshom bu
lnga'i dbus mar bla ma/ shar du yi dam/

lhor sangs rgyas/ nub tu byang sems nyan rang/ byang du mkha'
'gro chos srung rnams gsal 'debs par bshad pa bzhin byas kyang
chog/ /'og gi tshogs zhing gsal 'debs tshul dang go rim mi mtshungs
kyang skyon med de/ 'di ni sku gsung thugs

rten dgra ma rgyu'i 'dod dang mtshon byed tsam yin pas thad ka
thad kar ji bzhin 'grig mi dgos so/ /gnyis pa ni/ mchod ba'i kun
slong khe 'dod grags 'dod tshe 'di'i bde skyid sogs kyi ched du
dmigs na kun slong g.yo can yin

bas de las bzlog ste thar pa dang thams cad mkhyen pa'i rgyur
dmigs pa dang/ bsham tshul yon chab lta bu la mtshon na rgyal po
chen po'i gsol dpon bzhin thog mthar phral bar du sbom pa kha
mtho dman ran pa zhig dgos kyi/ bo na tshul

khrims 'chal ba/ ma gang na longs spyod dbul ba/ ya yor song na
lam log par gol ba/ rgyu gang ngan la byas na rang gi phun tshogs
thams cad 'grib ba sogs nyan shin tu che bas/ long bas mig ldan
la mgo bskor gtong ba

@004b lta bu byar mi rung bar gsungs so/ /mchod pa 'bul ba'i
tshe/ oM na mo b+ha ga wa te/ badzra sA ra pra mard+ha ni/ ta
thA ga tA ya/ arha tye sa myaka saM budd+ha ya/ tadya thA/
oM badzre badzre mahA badzre/ mahA te dza badzre/ mahA
bidyA badzre/ mhA bo d+hi tsitta badzre/ mahA bod+hi maNDo ba
saM kra

maN badzre/ sarba karmma a wa ra NA bi sho d+ha na badzre swA
hA/ zhes de bzhin gshegs pa rdo rje rab 'joms kyi gzungs sam
mchod pa'i sprin gyi gzungs brjod bzhin bar phul na phyogs bcu'i
sangs rgyas thams cad kyi spyan sngar mchod pa'i sprin gyi phung
po nam

mkha' gang ba 'byung bar gsungs pas gal shin tu che'o/ /gsum pa
na/ yun ring por sgom sgrub byed pa la rlan sogs kyis mi gnod
pa'i phyir rlung rgyu tshul yod ba'i khri drwa ba can/ de'i 'og
tu sa dkar gyis g.yung drung g.yas skor du bris/ steng du
rtswa

dur ba rtse mo dbus dang rtsa ba phyir bstan nas dgra ma/ nyung
du las med na rtse mo mdun dang rtsa ba rgyab tu bstan pas chog
cing/ dgun dus lta bur ma rnyed na de'i rtsa ba brkos ba bting
bas kyang chog par gsungs so/ /de'i steng du 'bol gdan mdun dma'

la rgyab cung zad mthob bting/ phyed skyil byed tshul ni rkang pa
g.yon pa nang dang g.yas pa phyir byas la gnyi ga'i rkang mgo
gcig gcig gi 'og tu shong ba lta bu ma yin par gsang gnas kyi
tshad du sleb pa bya/ lag pa lte 'og sor bzhi tsam na g.yas pa

steng dang g.yon pa 'og tu byas te mthe bong gnyis kyi rtse
cung zad sbyar ba mnyam gzhag gi phyag rgya bya/ rked pa drang
por bsrang/ mgrin pa cung zad dgug /so dang mchu rang lugs su
bzhag /lce rtse rkan la cung zad sbyar/ mgo ma yo bar thad kar

@005a @#/ /bzung/ mig ha cang mi dbye ha cang mi zum pa sna rtse
dang lte ba'i bar gyi nam mkha' la gtad/ phrag pa gnyis mtho
dman med par bya/ 'di 'dun dang 'og nas 'byung ba'i rlung cha ma
la 'beb pa ste rnam snang gi

chos brgyad dang ldan par bya/ de'ang lus kyi spyod lam tshul
mthun byung na rtsa rnams rang sor gnas shing de la brten pas
rlung drang por rgyu ba'i stobs kyis sems gsal zhing brtan pa
'byung ngo/ /sgra bsgyur mar pas bod kyi mnang gzab zab thams
cad

bsdoms kyang nga'i sdod tshul gcig pur mi do zhes gsungs pa'i
rgyu mtshan yang de yin la/ lus gnad der yang phyi nang gsar ba'i
dgos pa gsum gsum yod tshul sogs 'jam mgon sa paN gyis gsungs so/
/de nas kha nang du

bskor la kun slong 'chos pa gal che ste/ mnyam med jo bo chen
pos/ rtsa ba sman yin na yal ga dang lo mo'ang sman yin/ rtsa
bdug yin na yal ga dang lo ma'ang dug yin gsungs pa bzhin/ 'og
gi dge sbyor mtha' dag gnad du 'gro mi

'gro thog ma'i kun slong 'chos tshul gyi legs nyes 'di kho na la
ltos yod pas/ chos kyi dbu'i rgya gar skad bzhin du sgom gyi
thog ma'i mgo 'dzugs 'di nas rten 'brel ma 'phyug pa zhig dgos
bar paN chen thams cad mkhyen pas gsungs

so; ;des na ble kha nang du phyogs te rang rgyud la brtag pa'i
tshe tshe 'di'i bde skyid snyan grags la sogs pa don du gnyer ba'i
bsam pa mngon du gyur na kun slong ma dag pa yin/ phyi mar bde
'gro lha mi'i mngon mtho tsam zhig dang/ rang kho na'i ched du

@005b dman pa'i myang 'das don du gnyer ba'i bsam pa yod na
de'ang kun slong ma dag pa yin pas/ rlung 'gro 'ong la brten nas
kun slong ma dag pa de sbyang bar bya'o/ /de'i tshul ni sna bug
nas rlung phyir btang ba'i tshe kun slong gi rtog pa ngan pa
mtha' dag du ba nag

po'i rnam par phyir thon nas nam mkha'i dbyings su yal song
snyam du bsam pa dang/ nang du rdub pa'i tshe bla ma sangs rgyas
sras dang bcas pa'i mkhyen brtse nus gsum gyi yon tan thams cad
'od dkar po'i rnam par rang gi sna bu gnas zhugs te snying

gar thim pas dge sems khyad par can mngon du gyur pa'i mos pa
bya/ de'ang rlung sna bug g.yas na sad la bus rdub ste g.yon
nas dal bus phyir gtong ba lan gsum/ g.yon nas rdub ste g.yas
nas 'bud pa gsum/ gnyi ga nas rdub ste gnyi ga

nas phyir gtong ba gsum bya/ 'di la rlung ro dgu phrugs su bsal
ba zer/ de nas sna bug gnyi gnas rlung nang du rdub pa dang
phyir gtong ba'i khug pa nyer gcig 'grang ngo/ /de nas 'khor
ba'i rgya mtsho gting dang mtha' med pa 'dir thog ma med pa zhig
gnas

yun ring la shugs drag pa'i sdug bsngal sna tshogs pas mnar
zhing/ da dung yang ji tsam zhig myong dgos ba'i mtha' mi zin
la/ de bzhin du sems can thams cad kyang sdug bsngal mtha' yas
bas mnar tshul dang sdug bsngal can gyi sems

can de dag kyang rang la 'brel med ba zhig ma yin par yang nas
yang du mar gyur te gnod pa thams cad las bskyabs/ phan pa thams
cad la sbyar ba'i drin mo che sha stag yin/ des na de dag gi
sdug bsngal sel ba'i khur bdag la babs kyang da lta ni@006a @#/ /nus pa ci'ang med/
de thams cad kyi don byed nus pa
rdzogs pa'i sangs rgyas nyag cig yin pas/ bdag gis 'di dag gi
phyir du sangs rgyas kyi go 'phang rin po che ci nas kyang thob
par bya snyam du bsams la skyabs

yul gsal gdab pa ni/ rang gi smin mtshams kyi thad kyi mdun gyi
nam mkhar seng ge chen po brgyad kyis bteg pa'i rin po che'i
khri mtho zhing yangs pa'i steng khar sna tshogs pad zla nyi ma'i
dkyil 'khor gyi gdan la/ ngo bo rang gi drin can rtsa ba'i

bla ma yin pa la rnam pa rgyal ba shAkya thub pa sku mdog gser
bcom lta bu dbu gtsug tor dang ldan pa/ zhal gcig phyag gnyis
g.yas sa gnon/ g.yon mnyam gzhag gi steng na bdud rtsis gang
ba'i lhung bzed bsnams pa/ sku la

chos gos dur smrig gi mdog can gsol ba/ mtshan dpes brgyan pa'i
dwangs gsal 'od kyi rang bzhin can/ sku las skyes pa'i 'od kyi
phung po'i dbus na zhabs gnyis rdo rje skyil krung gis bzhugs
pa/ de nyid kyi mtha' skor du dngos dang

brgyud pa'i bla ma yi dam sangs rgyas byang sems dpa' bo mkha'
'gro chos skyong srung ma'i tshogs kyis bskor nas bzhugs pa/ de
dag rang rang gi mdun na gdan khri phun sum tshogs pa la rang
rang gis gsungs pa'i lung gi chos rnams 'od kyi

rang bzhin can gyi po ti'i rnam pa brag ri brtsigs pa bzhin du
khra che ma me yod pa/ rang gi mtha' skor du pha ma rigs drug gi
sems can sa'i dreg pa bzhin smug shig ge yod pa thams cad kyang
'khor ba'i sdug bsngal la 'jigs pa dang/ dkon

@006b mchog gsum gyi yon tan mthong nas blo lings kyis khel ba'i
dad pa shugs drag po skyes par bsams la/ bdag dang 'gro ba nam
mkha'i mtha' dang mnyam pa'i sems can thams cad dus 'di nas
bzung ste byang chub snying po la mchis kyi par

du dpal ldan bla ma dam pa rnams la skyabs su mchi'o/ /sangs
rgyas bcom ldan 'das rnams la skyabs su mchi'o/ /dam pa'i chos
rnams la skyabs su mchi'o/ /'phags pa'i dge 'dun rnams la skyabs
su mchi'o/ /zhes brgya stong sogs

brjod; de'i tshe dngos brgyud kyi bla ma rnams dang/ yi dam sangs
rgyas rnams dang/ chos po ti rnams dang/ byang sems nyan rang
mkha' 'gro chos srung rnams kyi sku las bdud rtsi sna lnga 'od
zer dang bcas pa'i rgyun babs rang gzhan thams

cad kyi lus sems la zhugs pas thog med nas bsags pa'i sdig sgrig
spyi dang/ khyad par du bla ma'i sku la bsngos pa dang gsung
bcag pa thugs dkrugs pa sogs bla ma la brten pa dang/ de bzhin
gshegs pa'i sku brnyan bshig pa sogs

sangs rgyas la brten pa dang/ chos spong gi las sogs chos la
brten pa dang/ dge 'dun gyi dbyen byas pa sogs dge 'dun la brten
pa'i nyes pa thams cad sbyangs te de dang de'i byin rlabs zhugs
nas skyabs 'og tu chud song snyam pa'i mos

pha rim bzhin byed/ de nas/ sangs rgyas chos dang tshogs kyi
mchog rnams la/ /byang chub bar du bdag ni skyabs su mchi/ /zhes
lan gang mang brjod cing dmigs pa ni/ tshogs zhing thams cad kyi
sku'i cha las bdud rtsi sna lnga'i rgyun

@007a @#/ /babs/ dkon mchog gsum la brten pa'i sdig sgrib thams
cad sbyangs te gsum ga'i byin rlabs ma lus pa thob pa'i dmigs pa
byed/ de rjes/ bdag gis sbyin sogs bgyis pa'i bsod nams kyis/ /

'gro la phan phyir sangs rgyas 'grub par shog /ces lan gang mang
brjod cing dmigs pa ni/ sbyin pa las byung ba dang/ tshul khrims
las byung ba dang/ bsgoms pa sogs las byung ba'i dge ba'i rtsa
ba 'di la brten nas bdag gis

sems can thams cad kyi don du myur ba myur bar yang dag par
rdzogs pa'i sangs rgyas kyi go 'phang thob par shog cig /bdag
gis ma sems can thams cad kyi don du myur ba myur bar yang dag
par rdzogs pa'i sangs rgyas kyi go 'phang rin po che

ci nas kyang thob par bya/ de'i phyir du sbyin sogs pha rol tu
phyin pa drug dang bsdu ba'i dngos po bzhi la sogs pa'i rgyal
sras kyi spyod pa mtha' dag la tshul bzhin du bslab par bya'o
snyam du smon 'jug gi sems bskyed shugs drag bsgoms

pas bla ma thub pa'i dbang po las rang 'dra gnyis pa zhig chad
nas rang nyid la thim pas/ rang nyid kyang bla ma thub pa'i
dbang po'i skur lam gyis gyur/ rang thub pa'i dbang por gsal
ba'i sku las 'od zer 'phros/ mtha' skor na yod pa'i sems can
thams cad la

phog pas sems can thams cad kyang thub pa'i dbang po'i go 'phang
la bkod par gyur pa'i mos pa byas te sems bskyed 'bras bu lam
khyer gyi tshul du bsgom/ de nas tshad med bzhi bsgom pa ni/ sems
can thams cad nye ring chags sdang dang bral ba'i

@007b btang snyoms la gnas par gyur cig snyam du btang snyoms
tshad med dang/ bde ba dang bde ba'i rgyu dang ldan par gyur cig
snyam du byams pa tshad med dang/ sdug bsngal dang sdug bsngal
gyi rgyu dang bral bar gyur cig ces snying rje tshad med dang/
sdug

bsngal med pa'i bde ba dang mi 'bral bar gyur cig snyam du dga'
ba tshad med bsgoms la/ de re re'i skabs su'ang de ltar gyur na
ci ma rung snyam pa dang/ de ltar gyur cig snyam pa dang/ de
ltar bdag gis bya'o snyam pa dang/ de ltar byed nus par bla

ma lhas byin gyis brlab tu gsol snyam pa ste khyad par bzhi bzhi
tshang bar bya zhing bdud rtsi 'beb sbyang gi dmigs pas rang
gzhan sems can thams cad tshad med bzhi la gnas par gyur song
snyam du mos pa brtan po byed/ de nas khyad par gyi sems

bskyed ni/ ma sems can thams cad kyi don du myur ba myur bar
yang dag par rdzogs pa'i sangs rgyas kyi go 'phang rin po che ci
nas kyang thob par bya/ de'i phyir du lam zab mo bla ma lha'i
rnal 'byor gyi sgo nas byang chub lam gyi rim pa'i khrid bsgom
pa la

'jug par bya'o snyam pa lan mang du byas la tshogs zhing rnams
rim gyis bsdus te smin mtshams byin rlabs 'jug pa'i sgo nas thim
par bsam mo/ /'jam dpal zhal lung gi 'khrid lugs ltar na dal
'byor gyi chos skor man chad la ltos te

sbyor ba'i chos drug 'byung yang/ bshes gnyen bsten tshul gyi
dmigs skor gtso bor byed pa'i tshe sbyor ba'i chos snga ma de
gsum po tsam yin gyi/ mtshams 'di nas dngos gzhir 'jog dgos/ de'i
tshul yang bar 'dir ba shes gnyen

@008a @#/ /bsten pa'i phan yon/ ma bsten pa'i nyes dmigs/ rtsa ba
dad pa sbyangs shing bka' drin rjes su dran te bsam pas bsten
tshul gyi dmigs rnam legs par bskyabs la/ de nas sbyor bas bsten
tshul bkur sti

dang rim gro dang rnyed pa dbul ba sogs kyi tshab tu tshogs zhing
gsal btab nas phyag 'tshal ba/ sku khrus gsol ba/ mchod pa 'bul
ba sogs byas pa yin pas phyi ma gsum la sbyor ba'i tha snyad mi
'thob bo/ /de bzhin du bde lam gyi khrid rgyun

'di'i dbang du byas kyang sbyor ba'i chos drug tsam la thun gyi
dngos gzhi tshang bar byas te bskyangs na'ang rung bas/ de 'dra'i
skabs su'ang dang po gsum sbyor ba dang/ tshogs zhing gsal 'debs
pa man chad la dngos gzhir 'jog dgos so/ /de la

bzhi ba tshogs zhing gsal 'debs tshul ni/ snga ma bzhin rang gi
mdun gyi thad drang gi nam mkha'i gnas su seng ge chen po brgyad
kyis bteg pa'i rin po che'i khri mtho zhing yangs pa zhig gi
steng khar sna tshogs pad zla nyi ma'i dkyil 'khor

gyi gdan la/ ngo bo rang gi drin can rtsa ba'i bla ma yin pa la
rnam pa rgyal ba shAkya thub pa sku mdog gser bcom lta bu dbu
gtsug tor dang ldan pa/ zhal gcig phyag gnyis g.yas sa gnon/
g.yon mnyam gzhag gi steng na bdud rtsis gang ba'i

lhung bzed bsnams ba/ sku la chos gos dur smrig gi mdog can
mdzes par gsol ba/ mtshan dpes brgyan pa'i dwangs gsal 'od kyi
rang bzhin can/ sku las skyes pa'i 'od kyi phung po'i dkyil na
zhabs gnyis rdo rje skyil krung gis bzhugs

@008b pa; bla ma thub pa'i dbang po'i thugs ka nas 'od zer bla
ma'i grangs dang mnyam pa steng phyogs su 'phros pa'i sne mor
seng khri pad zla'i gdan la rgyal ba rdo rje 'chang la nyams len
byin rlabs brgyud pa'i bla ma rnams kyis bskor nas bzhugs pa/
g.yas

phyogs su 'od zer 'phros pa'i sne mor pad zla'i gdan la rje
btsun byams pa la rgya chen spyod brgyud kyi bla ma rnams kyis
bskor nas bzhugs pa/ g.yon phyogs su 'od zer 'phros pa'i sne
mor pad zla'i gdan la rje btsun 'jam dbyangs la zab mo lta
brgyud kyi bla

ma rnams kyis bskor nas bzhugs pa/ mdun phyogs su 'od zer 'phros
pa'i sne mor seng khri pad zla'i gdan la drin can rtsa ba'i bla
ma la rang la dngos su chos 'brel yod pa'i bla ma rnams kyis
bskor nas bzhugs par bsams la/ mdun

gyi rtsa ba'i bla ma de ni zhal mjal dus kyi rnam pa can du
byed/ tshogs zhing thams cad don ngo bo gcig kyang rten 'brel gyi
dbang gis rtsa ba'i bla ma'i rnam pa de nyid byin rlabs 'jug
pa'i yul gyi nye shos yin pas/ phyag mtshan yang shes rab rgyas

par 'dod na glegs ral/ tshe spel bar 'dod na bdud rtsis gang ba'i
bum pa/ longs spyod kyi don la bdud rtsis gang ba'i lhung bzed/
nad zhi ba'i don du bdud rtsi'i rgyun 'bebs bzhin pa'i a ru ra
gser mdog /ting nge 'dzin gtso bor bsgom na

mnyam gzhag /sngags kyi rtogs brtsal du 'don na rdor dril bsnams
pa sogs su bya zhing/ las so so la sku mdog kyang de mthun byar
rung ngo/ /de'i mthar gsal 'deb rgyu'i chos 'brel can gyi bla ma
zhal bzhugs pa rnams la gdan gos 'bol

@009a @#/ /brtsegs pa dang/ 'das pa rnams la pad zla'i gdan byed
cing/ tshigs bcad gcig gis 'brel thogs ba yan chad grangs brtsis
te ma chad pa shin tu gal che'o/ /bla ma rnams kyi phyi rol tu/
g.yas su gsang

'dus; g.yon du bde mchog /mdun du 'jigs byed/ rgyab tu dus
'khor/ mtshams rnams su rgyud sde bzhi'i yi dam gzhan rnams dang
de'i mtha' skor du bskal bzang gi sangs rgyas stong sogs longs
sprul rnams dang/ nye ba'i sras

brgyad sogs byang chub sems dpa' rnams dang/ rang rgyal bcu
gnyis/ gnas brtan bcu drug sogs nyan rang rnams legs par gsal
gdab/ de dag gi mdun du myur mdzad ye shes kyi mgon po phyag
drug pa rang la spyan hu re bar gzigs

nas bzhugs pa/ rgyab dang g.yas g.yon du chos skyong srung ma
ye shes pa rnams dang/ de dag gi phyogs bzhir rgyal chen bzhi
'khor dang bcas pa rnams bstan pa bsrung ba'i tshul du rang rang
gi gdan la bzhugs pa gsal gdab bo/ /

tshogs zhing de thams cad kyi thugs kar rgyal ba rdo rje 'chang
yum bcas/ de'i thugs kar hUM yig ste sems dpa' sum brtsegs can
du bsgoms na dgos pa shin tu che la/ sems dpa' sum brtsegs ma
byas kyang chad pa'i skyon du mi

'gyur ro/ /nyan rang sogs kyi thugs kar rdo rje 'chang bsgoms pa
ma 'brel snyam du bsam mi rigs te/ de thams cad rtsa ba'i bla ma
gcig pu'i rnam 'phrul yin pas spangs rtogs mchog dman med cing/
'og tu so so'i gnas lngar

@009b rigs lnga'i ngo bo 'bru lnga bsgom par gsungs pa dang yang
mtshungs pas so/ /de dag rang rang gi mdun na gdan khri phun sum
tshogs pa la rang rang gis gsungs pa'i lung gi chos rnams 'od kyi
rang bzhin can gyi po ti'i rnam par yod pa/ de

dag gi phyi rol tu gang la gang 'dul gyi sprul pa'i bkod pa bsam
gyis mi khyab pa phyogs bcur 'phro ba rgyal po chen po'i pho
nya'i 'gro 'ong bzhin bar mtshams med pa lta bur bsams ne me
'ongs pa'i dus su lhun gyis grub ba'i 'phrin las

mkha' khyab tu 'phro ba'i rten 'brel gyi sgo shin tu che'o/ /de
nas gtso 'khor de thams cad kyi spyi bor me long lta bu'i ye
shes dang rnam par snang mdzad kyi ngo bo oM dkar po/ mgrin par
so sor rtog pa'i ye shes dang 'od dpag med kyi ngo bo

AHdmar po/ thugs kar chos dbyings ye shes dang mi bskyod pa'i
ngo bo hUM sngon po/ lte bar mnyam nyid ye shes dang rin 'byung
gi ngo bo swA ser po/ gsang gnas su bya sgrub ye shes dang don
'grub kyi ngo bo hA ljang gus mtshan bar bsams/ /

de nas bla ma thub pa'i dbang po'i thugs ka'i hUM las 'od zer
'phros te/ rang bzhin gyi gnas nas bsgoms pa dang 'dra ba'i ye
shes bspyan drangs te bstim/ bla ma dam tshig pa la bla ma ye
shes pa dang/ gsang 'dus dam tshig ba la gsang 'dus

ye shes ba bstim pa tsam ma yin par/ tshogs zhing gi gtso bo'i
bla ma thub pa'i dbang po nas mtha'i rgyal chen bzhi'i par re re
la'ang tshogs zhing thams cad kyi ye shes pa cha tshang ba re
bstim pa yin te/ de ltar byas na gnas skabs de dag la

@010a @#/ /mchog dman du 'dzin ba'i 'du shes ldog ste bla ma gcig
pu'i rnam 'phrul du mthong nas dad pa dang/ rang nyid srid zhi'i
rgud ba las skyob pa'i phyir rnam pa mi 'dra ba sna tshogs pa
zhig bzung ba yin par go nas gus pa

je cher 'gro la/ lam dus su 'di ltar bskyangs pa'i stobs kyis
'bras bu'i dus na rigs re re la'ang rigs thams cad tshang ba'i
dam pa rigs brgya sogs 'byung ba yin no/ /ye shes pa spyan 'dren
pa'i tshe spro na/ ma lus sems can zhes/

sogs kyi tshigs bcad kyang brjod la/ de nas dzaHhUM baM hoHzhes
dgug gzhug bcing mnyes byas te dbyer med du bstim/ de'ang spyir
thog med nas bsags pa'i sdig ltung tshan che zhing/ khyad par
dkor sgrib sogs kyis non pa'i dbang

gis sgom sgrub la zhugs pa'i tshe nag thom gyis song nas sems mi
gsal ba la khrus gsol sogs byas na phan shin tu che bas/ de'i
byed tshul ni/ tshogs zhing rnams kyi mdun du khrus kyi khang pa
rin po che sna tshogs las grub cing/

rgya phib rim pa gsum dang ldan pa/ ne'u gsing me tog bkra bas
phyogs kun mdzes shing/ rin po che'i ljon shing rnam pa sna
tshogs pas yongs su bskor ba/ khang pa'i phyogs bzhir sgo re re
dang/ sgo so so'i mdun du khrus kyi rdzing bu gru

bzhi pa me tog sna tshogs pas brgyan cing/ 'og gzhi gser gyi phye
ma brdal ba/ phyogs rer rin po che'i them skas 'bab stegs kyi
rnam par yod pa/ nang du dri zhim po'i dad ldang ba'i sbos chus
yongs su gang ba re re yod pa/ khang

@010b pa'i dbus su seng khri sogs sngar lha ru gsal btab la/
khrus kyi khang pa shin tu dri zhim pa/ /zhis sogs brjod pas
tshogs zhing rnams na bza' med par khrus khang gi nang du khri
rnams la 'khod par bsam/ rang gi thugs ka nas lha mo bum pa
thogs

pa dpag tu med pa spro ba'am/ yang na rang lus lha grangs mnyam
par sprul nas thams cad kyis lag tu bum pa thogs te rdzing bu
rnams las chu blangs nas khrus gsol bas 'gro ba'i snang ngor dri
ma thams cad dag cing/ thugs rgyud la

bde stong gi ye shes khyad par can bskrun par bsams te tshigs
bcad rgyas bsdus ci rigs pas khrus gsol zhing/ de dag sku la
zhes sogs kyis sku dbyi ba spel mar bya/ de nas dri zhim po'i
lde gus sku lus la byugs par

mos shing/ stong gsum kun tu zhes sogs dang/ sprul sku rnams la
chos gos rnam gsum/ longs sku rnams la lha'i gos kyi stod
g.yogs smad g.yogs dang rin po che'i rgyan/ khro bo rnams la
stag sham rus rgyan sogs phul bar

bsams la/ srab 'jam yang pa zhes sogs dang/ rgyal ba mtshan dpe'i
zhes sogs brjod/ bdag dang 'gro la zhes pa nas bzhugs su gsol
zhes brjod pa dang mnyam du tshogs zhing rnams bya khyu 'phur ba
bzhin 'ur dir gyis byon pa

sngar gyi rang rang gi khri la bzhugs shing/ khrus khang mi
dmigs par gyur par bsam/ khrus gsol 'di brel dus ma byas kyang
chog pa yin no/ /de nas lnga pa bsag sbyang gi gnad bsdus pa yan
lag bdun pa maNDal dang bcas pa 'bul pa la

@011a @#/ /phyag 'tshal ba ni/ sangs rgyas thams cad 'dus pa'i
sku/ /rdo rje 'dzin pa'i ngo bo nyid/ /dkon mchog gsum gyi rtsa
ba ste/ /bla ma rnams la phyag 'tshal lo/ /phun tshogs dge legs
bye bas

bskrun pa'i sku/ /mtha' yas 'gro ba'i re ba skor ba'i gsung/ /ma
lus shes bya ji bzhin gzigs pa'i thugs/ /shAkya'i gtso bo de la
phyag 'tshal lo/ /byams pa thogs med dbyig gnyen rnam grol sde/
/mchog sde dul

ba'i sde dang grags pa'i sde/ /seng bzang ku sA li gnyis gser
gling pa/ /rgya chen spyod pa'i brgyud la phyag 'tshal lo/ /'jam
dbyangs yod med phyogs 'jig klu sgrub dang/ /zla ba grags pa
rigs pa'i khu byug che/ /sangs

rgyas dgongs skyong 'phags pa yab sras te/ /zab mo lta ba'i
brgyud la phyag 'tshal lo/ /thugs rje chen po bde gshegs rdo rje
'chang/ /mchog gzigs te lo pa dang nA ro pa/ /dpal mchog DoM
b+hi pa dang a ti sha/ /nyams len

byin rlabs brgyud la phyag 'tshal lo/ /zhes sogs lam rim bla ma
brgyud pa dang/ sangs rgyas byang sems rnams la phyag 'tshal gang
'grub bya/ rgyas par byed na lam mchog sgo 'byed kyi gsol ba
'debs zhes pa phyag 'tshal du

bsgyur cing/ tshigs bcad gzhan yang ci rigs pa bsnan te phyag
dngos su 'tshal na thog mar/ na mo manydzu shri ye/ namHsu shri
ye/ na maHsu shri ye/ na mo utta ma shri ye swAhA/ zhes phyag
stong 'gyur gyi sngags 'di'ang lan gsum tsam brjod na

@011b legs so/ /phyag 'tshal tshul ni lus thams cad sa la phang
pa'i brgyad phyag tu grags pa'am/ yang na yan lag lnga'i phyag
bya ste/ de'ang rkang pa gnyis gshib/ thal mo rab spyi bor/
'bring mgrin par/ tha ma snying gar sbyar/ de'ang

bcar bcar por sbyar ba mu stegs kyi lugs yin pa dang/ sangs
rgyas mi bzhugs pa'i zhing du skye bar 'gyur bas de lta bu ma
yin par mdzub rtse rnams sbyar lag pa'i mthil ma sbyar ba bya/
phan yon spyi gtsug ba ltar mi mngon pa 'grub/

de nas brkyang phyag dang bskum phyag gang yang rung ste yan lag
lngas la phab nas btsal dgos kyi/ mgo sa la mi thug par sgur
tsam byas na dmyal ba mgo 'phyangs su skye zhing thar nas kyang
sgur skyon can du 'gyur/ tshul mthun du phyag btsal

ba'i phan yon lus kyis ji tsam non pa'i rdul gyi grangs dang
mnyam par 'khor sgyur du skye bar gsungs pas sla chos sum song
bar tshul dang mthun pa byed dgos so/ /de nas rang gi lus grangs
med pa sogs su sprul par mos la/ ji

snyed su dag ces sogs gdon zhing/ mchod pa'i skabs su gzhan nas
'byung ba'i chu gnyis nyer sbyod 'dod yon rgyal srid sna bdun
sogs kyi mchod 'phreng ci rigs pa'ang bsnan nas byas chog la/
bla mchod sogs nas 'byung ba lta bu

phyi nang gsang ba de kho na nyid kyi mchod pa cha tshang bar
byas na'ang phun sum tshogs pa'i yan lag tu 'gyur ro/ /sngags kyi
skabs kun bzang mchod sprin zhes ba bde stong dbyer med kyi ye
shes de nyid mchod pa'i yo byad mtha' yas pa'i@012a @#/ /rnam par shar ba la zer
zhing/ mdo lugs kyi kun tu
bzang po'i mchod pa 'bul tshul ni padma 'dab ma stong dang ldan
pa'i lte bar rang nyid kun tu bzang pho/ 'dab ma stong la kun tu
bzang po stong/ de thams

cad kyi lag pa thal mo sbyar ba'i bar du nor bu rin po che re
re/ de dag las mchod pa'i sprin phung bsam gyis mi khyab pa
'bros pas sangs rgyas kyi zhing rang 'byams 'gengs par bsams nas
'bul ba la byed do/ /las dang po phal 'di

phan shin tu che'o/ /sdig pa bshags pa'i skabs ltung bshags dang
spyi bshags sogs byas na legs la/ de'ang gtso bor stobs bzhi
tshang dgos phas rten gyi stobs ni sngar tshogs zhing gsal btab pa
des 'grub la/

rnam par sun 'byin pa'i stobs ni tshe thog ma med pa nas sdig
ltung dpag tu med pa bsags pa rgyal po'i gan mdzod bzhin du sna
re re la bltas na'ang 'god pa thog med nas 'di kho na bsags par
'dug snyam pa'i tshod lta bu bsam las

'das pa zhig yod cing/ skye ba 'dir yang sdom pa gsum sogs khas
blang rgya che la bsrung ba sna gcig kyang sems la 'rgon? rgyu
med pas dbugs ? ba 'di chad ma thag 'gros dmyal ba las med pa
rang gi myong thog nas thag chod par

'dug //bsang tsam la shi yod nad tshod dmyal ba'i lcags khang du
med mangUr ru ru sdug bsngal gyi tshong lhang lhang 'dabs bzhin
par yod pas bya thabs med kyang/ da dung ma shi ba 'di kha rje
che bas 'jigs pa de las skyob pa'i skyabs

@012b shig myur ba myur bar ma btsal ba'i thabs rang mi 'dug
snyam du bsam/ gnyen po kun tu spyod pa'i stobs bslab btus las
mang du gsungs pas/ thun mtshams sogs ci rigs par de thams cad
lag len du thebs pa dgos kyang/ dngos

gzhi'i skabs 'dir ltung bshags sogs gang byed pa de'i tshe rnam
smin la 'jigs pa dang/ 'on kyang gnyen po des de sel nus par yid
ches pa sogs blo 'khul nges pa dgos so/ /nyes pa las slar ldog
pa'i stobs ni/ sngar byas pa'i sdig

pa la 'gyod pa'i sgo nas phyin chad srog la bab kyang mi byed
snyam pa'i sdom sems drag po bya la/ phyin chad spong 'dod med
pa'ang yod kyang lag len la mi 'gel bzhin du phyin chad sdom mo
zhes khas len pa ni nyes pa mi 'dag pa'i steng du rdzun

gyi nyes bar 'gyur bas/ sdig ltung 'phral du spong thub pa rnams
ni ngos zin ma thag spong sdom tshul bzhin du bya la/ gal te
'bral du slong mi nus pa rnams kyang ji mi snyam par mi 'jog par
lo zla ba'i bar ram nyin zhag re'i bar du mi byed snyam du

sdom sems bya zhing lag tu blangs pa dang/ bdag gis myur du 'di
lta bu spong nus par shog cig snyam du smon pa sogs byas nas rim
gyis goms par byas na skabs shig dngos su spong thub

pa nges par 'byung ngo/ /der ma zad blo'i gting na spong thub
snyam pa med kyang skabs der blo bcos nas spong thub snyam pa
tsam byas na'ang ltung thun byin rlabs byas pas las la mi
bsgribs pa ltar sdig pa dag pa la phan che bas thabs ma byung na
'di tsam re yin kyang bya dgos par skyabs mgon rdo rje

@013a @#/ /'chang chen pos gsungs so/ /bshags pa'i skabs 'dir
sngar byas kyi nyes pa la nyes bar mthong ba'i rnam par sun
'byin pa dang/ phyin chad sdom pa slar ldog pa'i stobs gnyis po
'di gal che ba'i dbang gis

bshags pa phal cher kyis kun tu mthong sdom dris pa yin pas don
'di go pa'ang gnad shin tu che'o/ /kha cig 'khor ba thog ma med
pa nas sdig pa bsags pa la mtha' med pas bshags bsdams phran
tshogs res go mi chod snyam pa

ni las 'bras pas ma tshul min gyi/ gnyen po la yid ma ches pa'i
skur 'debs yin pas nyes dmigs lhag par che ste/ nyes dmigs
'byung bar yang sangs rgyas kyis gsungs pa yin la/ bshags na
'dog par yang des gsungs

pa yin pas yid ches byed na gnyi ga la byed dgos tshul pe'u bum
sngon me'i 'grel par gsungs pa bzhin no/ /de nas rjes su yi rang
ni tshogs myur du rdzogs pa'i thabs mkhas khyad par can yin te/
'grel chung don gsal las/ rjes su yi rang yid

la byed pas ni rang gzhan gyis dge ba byas pa mnyam pa nyid
'thob bo/ /zhes gzhan gyi dka' spyad drag po'i sgo nas lo dang
bskal pa mang por bsgrubs pa'i dge ba dang/ de la snying thag pa
nas rjes su yi rang byas pa'i tshe blo'i 'gyu ba gcig

gis de dang mnyam pa'i bsod nams 'thob nus pas bya sla zhing
don che la/ der ma zad yon tan rin po che sdud pa las nyan rang
sogs kyi dge rtsa mtha' dag byang chub sems dpa'i rjes su yi
rang gcig gis zil gyis gnon par gsungs te/ 'di

@013b la dgongs nas dbus mtha' rnam 'byed du dam pa bcu gnyis
kyi nang nas rjes su yi rang la tshegs med pa dam pa zhes gsungs
so/ /des na rang cag byang chub sgrub par khas 'che ba rnams
kyis gzhan gyi dge ba la phrag dog med par rjes su yi rang

bsgom dgos te/ dper na mu ge'i tshe pha gcig gis bu ma bzhig gso
dgos pa la/ de'i nang nas gcig gis rang stobs kyis 'tsho ba rnyed
na 'dis rang mgo thon pa 'ong bar 'dug snyam du rang gis rnyed
pa las kyang dga' ba lhag par skye ba

bzhin no/ /des na gnas ma yin pa dmag 'khrug dang g.yo sgyu'i
spyod pa sogs la rjes su yi rang go log byas te don med par rang
rgyud sdig pas gang ba mi byed cing/ dge ba chung ngu zhig la mi
brnyas par rjes su yi rang byed dgos tshul rnams bsam

ste; phyogs bcu'i rgyal ba kun dang zhes sogs brjod/ de nas
dngos su maNDal gyi steng du tshom bu 'khor lo rtsibs brgyad ba
lta bu dgod la/ yid kyis rang nyid tshangs pa chen por mos te
gser gyi 'khor lo rtsibs stong dang ldan pa phul nas/

chos 'khor bskor bar bskul zhing zhal gyis pa zhes par bsams la/
gang rnams phyogs bcu'i zhes sogs dang/ yang maNDal kha gsos te
lag tu thogs la seng ges bteg pa'i rin po che'i khri sna tshogs
rdo rjes mtshan pa phul bar bsam zhing mya ngan

las mi 'da' bar gsol ba btab nas zhal gyis bzhes pa'i dmigs rnam
dang bcas/ mya ngan 'da' ston zhes sogs dang/ gnas skabs su
bsgrub bzhin pa'i dge rtsa 'dis mtshon dus gsum gyi dge tshogs
mtha' dge chud mi za zhing 'bras

@014a @#/ /bu dman pa'i rgyur mi 'gyur bar mkha' mnyam sems can
thams cad kyi don du bla med byang chub kho na'i rgyur bsngo
ba'i 'dun pa drag po dang bcas/ phyag 'tshal ba dang zhes sogs
bya/ de'ang yan lag bdun

po 'di'i nang nas phyag 'tshal ba nga rgyal gyi gnyen po/ mchod
pa ser sna'i/ bshags pa dug gsum gyi/ rjes su yi rang phrag dog
gi /chos 'khor bskor bar bskul ba chos spong gi/ mya ngan las mi
'da' bar gsol ba 'debs pa

bla ma'i thugs dkrug pa sogs kyi/ bsngo ba log lta'i gnyen por
'gro ba sogs rang rang gi thun mong ma yin pa'i spang gnyen
sbyor lugs dang dgos pa sgrub tshul 'gang che ba re yod la/ rgyal
sras kyi spyod pa thams cad kyang yan lag bdun po 'dir

ma 'dus pa med par rje ngag dbang byams pa'i gsung zin bris su
'byung ba ltar yin pas cha thams cad nas nan tan snying por bya
dgos so/ /drug pa 'dod pa'i don la gsol ba gdab pa ni/ dper na
yul gyi rgyal po sogs la zhu don gal

che ba zhig byed ba'i tshe gsol ston sogs drangs zin pa'i rjes su
rang gi snying nor gces ba zhig phul te zhu ba byed pa bzhin/
'dir yang 'dod don la gsol ba 'debs pa'i thog mar maNDal 'bul ba
la/ rgyu ni gser dngul zangs sogs rin po che

dang; ma 'byor na shing rdo sogs las byas pa che chung gi tshad
rang gis rgyun du 'bul rgyu la khru gang sogs chen po byung na
legs/ de lta bu'i steng du ba byung gis byugs/ rang gi ma theb
srin gyi dri bzang gi chu blangs la mthe bong dbus su

@014b bzhag ste srin lag gis shar lho nas nub byang gi bar dang/
de nas srin lag dbus su bzhag ste mthe bos nub byang nas shar
lho'i bar bskor/ maNDal gyi dbus stong bar bzhag na sangs rgyas
mi bzhugs pa'i zhing du skye bar gsungs pas/ de

ma thag dbus su tshom bu gcig bzhag /de nas oM badzra b+hu mi
zhes sogs kyi skabs su tshig ris bzhin gser dkyil lcags ri dang
bcas pa'i dbus su ri rab/ steng du nyi zla/ phyogs su gling dang
gling phran/ rgyal srid sna bdun/ gzhan yang lus

longs spyod dge rtsa dang bcas pa gcig tu bsdoms nas phul bas
dgyes bzhin bzhes te zhing khams rnams su sprul pa'i bkod pa
ston par bsam/ maNDal nyer gsum ma 'di ni 'dus pa'i rtsa rgyud
le'u brgyad pa las gsungs pa yin zhing/ yongs

grags ltar sgeg sogs lha mo rnams bsnan pa 'di 'gro mgon 'phags
pa'i dus mdzad pa yin la/ blos lcogs na spyod 'jug tu/ nam mkha'
rab 'byams khams kyi mthas gtugs pa/ /zhes gsungs pa ltar zhing
khams mtha' yas pa blos blangs

te phul na de'i tshed kyi bsod nams kyi tshogs rdzogs tshabs che
la/ phyi nang gsang ba de kho na nyid kyi maNDal tshang bar byas
na shin tu'ang legs so/ /de nas/ dpal ldan rtsa ba'i bla ma nas/
stsal tu gsol/ /zhes brjod pas/ mdun gyi rtsa ba'i bla ma las
rang 'dra

gnyis pa chad de spyi bor byon/ rang dang kha lta phyogs mthun
par bzhugs pa'i sku las bdud rtsi'i rgyun babs pas bla ma la
brten pa'i nyes tshogs sbyangs/ rkang pa phyi ma lan gnyis pa
brjod pas de'i byin rlabs zhugs shing/ de nas tshogs zhing rnams

@015a @#/ /la nga'i bu 'di brtse bas rjes su zungs shig ces ngo
chen byed par bsam zhing/ 'dren pa mnyam med ston pa bcom ldan
'das/ /rgyal tshab dam pa rje btsun ma pha ma mgon/ /rgyal bas
lung bstan 'phags pa thogs

med zhabs/ /sangs rgyas byang sems gsum la gsol ba 'debs/ /sangs
rgyas byang sems gsum la gsol ba 'debs/ /zhes rkang pa phyi ma
lan gnyis su brjod pas dang po'i tshe tshogs zhing spyi dang khyad
par du de gsum ga'i sku las bdud rtsi'i rgyun

babs pas thog med nas bsags pa'i nyes ltung sdig sgrib thams cad
dang/ khyad par du byams snying rje byang chub kyi sems sogs
rgya che ba'i lam gyi rim pa rgyud la skye ba la gegs byed kyi
dri ma thams cad sbyangs/ lan gnyis pa'i tshe de gsum las

rang 'dra gnyis pa re chad de rang la thim pas rgya che ba'i lam
gyi rim pa de dang de skye ba'i snod rung du byin gyis brlabs
byung snyam du bsam/ de bzhin du rtsa ba'i bla ma'i bar rang gis
thob tshul gyi brgyud rim ltar gyi gsol 'debs byed cing/ zab mo
lta

brgyud kyi skabs su bdag gnyis su mtshan mar 'dzin pa sogs zab
mo'i lam gyi gegs byed sbyangs pa'i dmigs pa byed pa tsam ma
gtogs 'dra'o/ /de nas byin rlabs spungs zhus kyi tshe 'ang/ gus
pa chen pos bsten par byin gyis rlobs/ /zhes

pa lan gnyis brjod pa na/ dang po'i skabs su bshes gnyen lam gus
pa sogs kyi nyes ltung rnams sbyangs shing/ gnyis pa'i tshe dge
ba'i bshes gnyen bsam sbyor gnyis kyi sgo nas tshul bzhin du
bsten nus pa'i rtogs pa khyad par can

@015b skyes par bsam/ des mtshon te chos skor 'og ma rnams la'ang
de dang de'i gegs byed sbyangs shing/ de dang de'i rtogs pa skye
rung du byin gyis brlabs par bsgom tshul gyi dmigs phyed dgos so/
/thun mong lam sbyangs snod du gyur pa na/ /zhes sogs

kyi skabs su dmigs rnam skyong tshul ni/ sngar tshogs zhing thams
cad sems dpa' sum brtsegs su gsal btab yod na des 'thus shing/
med na nyams len byin rlabs brgyud pa'i bla ma rnams rdo rje
'chang la thim/ de thub dbang gi spyi gtsug

nas mar byon te thugs kar ye shes sems dpa'i tshul du bzhugs pa/
de'i thugs kar yi dam gang yang rung ba'i rten brten ba'i dkyil
'khor gsal gdab/ bla ma'i phung khams skye mched sogs kyang bla
mchod ltar rigs lnga yum bzhi sogs kyi ngo bor

bsams la/ de nas ting nge 'dzin gyi dbang bzhi len tshul la rgyas
bsdus gnyis las/ dang po ni/ slar yang yan lag bdun pa dang
maNDal mdor bsdus dbul/ byang sdom dang sngags sdom gzung/ de
nas tshogs zhing rnams kyis dbang bskur ba'i

dgongs pa mdzad/ bla ma thub dbang dbyer med pa'i thugs ka nas
lha mo bdud rtsis gang ba'i bum pa thogs pa dpag tu med pa spros
pa rnams kyis bum pa'i chus rang gi spyi bo nas dbang bskur bas
lus kyi nang thams cad gang/ sdig sgrib thams cad dag /

bum pa'i dbang thob/ gtso bo'i thugs ka'i rdo rje 'chang yab yum
snyoms par zhugs pa'i byang sems dkar dmar rang gi lce thog tu
bzhag pa myang bas rgyud la bde stong gi ye shes khyad par can
skyes/ rang nyid skad cig gis rgyal ba shAkya thub pa

@016a @#/ /sems dpa' sum brtsegs can du gyur pas gsang ba'i dbang
thob/ gtso bos thugs ka'i rdo rje 'chang gi thugs ka nas rig ma
spros te/ rang gi snying ga'i rdo rje 'chang gi yum la thim rdo
rje 'chang yab yum snyoms

par zhugs pas byang chub kyi sems spyi bo mgrin pa snying ga lte
ba gsang gnas rnams su sleb pas dga' ba bzhi dang/ khyad par du
bde stong dbyer med lhan skyes kyi dga' ba khyad par can rgyud
la skyes te shes rab ye shes kyi dbang thob/ de

nas bla ma shAkya thub pa'i zhal nas/ khyod kyis dbang gsum pa
thob pa'i skabs su rang dang rig ma gnyis kyi lus 'dod lha yab
yum du snang bzhin pa'i dus na sems lhan cig skyes pa'i dga' bas
de kho na nyid kyi don nges pa gnyis mnyam du

yod pa de bzhin du/ don 'di goms par byas pa las mthar rlung
sems tsam la sgrub pa'i longs spyod rdzogs pa'i ye shes kyi sku
rang snang gi rig ma dang kha sbyor ba'i lus can dang/ de'i dus
nyid na thugs lhan cig skyes pa'i dga' ba dang stong pa

nyid gnyis ro gcig tu zhugs pa'i 'od gsal thams cad stong pa
gnyis ngo bo dbyer mi byed pa'i gnyis su med pa'i ye shes zung
'jug gi go 'phang mngon du byed de/ de ni thob bya don gyi dbang
bzhi pa yin no zhes zung 'jug gi don gdams pa na rang

gi rgyud la go ba legs par skyes te tshig dbang thob pa'i mos pa
byed dbang bzhi len tshul bsdus pa byed na sdom bzung mi dgos
shing/ bla ma'i spyi bo'i oM las 'od dang bdud rtsi dkar po'i
tshogs byung/ rang gi spyi bor thim pas lus kyi sgrib

@016b pa dag nas bum dbang thob/ lus lhar bsgoms pa la dbang bar
byas shing sprul sku 'grub pa'i nus pa bzhag /mgrin pa'i AHlas
'od dang 'dud rtsi dmar po'i tshogs byung/ rang gi mgrin par thim
pas ngag gi sgrib pa dag nas gsang dbang

thob/ sngags bzla ba la dbang bar byas shing longs sku 'grub
pa'i nus pa bzhag /thugs ka'i hUM las 'od dang bdud rtsi sngon
po'i tshogs byung/ rang gi snying gar thim pas yid kyi sgrib bdag
nas sher dbang thob/ ting nge 'dzin bsgom pa

la dbang zhing chos sku 'grub pa'i nus pa bzhag /de'i gnas gsum
las 'od zer dkar dmar mthing gsum cig car byung/ rang gi gnas
gsum du thim pas sgo gsum gyi sgrib pa dag nas dbang bzhi pa
thob/ 'bras bu zung 'jug 'grub pa'i

nus pa bzhag par bsam/ de ltar lam bzang zhes sogs kyi skab su
chos srung rnams las rang 'dra'i sprul pa che chung dpag med
spros te zhal nas rigs kyi bu khyod kyi 'gal rkyen thams cad
ngas sel/ mthun rkyen thams cad pas sgrub ces

gsung lhar lhar bron nad gdon sogs sha khrag gi rnam bar zhal du
gsol/ rang gi gnas lngar thim pas bar chad gang gis kyang mi
tshugs par byin gyis brlabs byung snyam du nga rgyal brtan po
byed/ mtshon chal bdud rtsir zhu bar bsam/ de nas

skye ba kun tu zhes sogs kyis don bsdus nas smon pas rgyas 'debs
bya/ de rjes tshogs zhing bsdu ba ni/ bla ma thub pa'i dbang po'i
thugs ka nas 'od zer 'phros te mtha' skor na bzhugs pa'i zhi
khro rab 'byams thams cad la phog pas mtha'

@017a @#/ /nas rim gyis 'od du zhu ste/ rgya chen spyod brgyud
dang/ zab mo lta brgyud dang/ nyams len byin rlabs brgyud dang/
chos 'brel dngos thob kyi bla ma rnams la thim/ de rnams kyang
'og ma 'og ma nas rim gyis

zhu ste/ rgya chen spyod brgyud byams ba dang/ zab mo lta brgyud
'jam dbyangs la thim/ nyams len byin rlabs brgyud pa'i bla ma
rnams kyang rdo rje 'chang la thim/ chos 'brel dngos thob kyi
bla ma rnams kyang drin can rtsa ba'i bla ma la thim/ byams

'jam dbyangs gnyis thub dang ngal thim zhing/ gdan med zla gnyis
kyang thub pa'i seng khri la thim/ drin can rtsa ba'i bla ma'ang
thub pa'i dbang po'i thugs kar thim/ rdo rje 'chang thub pa'i
dbang po'i spyi bo nas byon/ thugs kar ye shes sems

dpa' rdo rje 'chang sngar bzhugs pa la thim/ thub pa'i dbang
po'i seng khri bar zla la thim/ mthar thub po'i dbang po'ang
rang gi spyi bo'i drin can rtsa ba'i bla ma la thim pas/ rang gi
spyi bor seng khri pad zla nyi ma'i dkyil 'khor gyi gdan la/ ngo
bo rang

gi drin can rtsa ba'i bla ma yin ba la/ rnam pa rgyal ba shAkya
thub la sku mdor gser btsom lta bu x rdo rje skyil krung gis
bzhugs par mos la/ phun tshogs dge legs x mgos phyag 'tshal/ dngos
bshams nyid sprul mchod pa ma lus

'bul; ;thog med nas bsags sdig ltung thams cad bshags/ /skyi
'phags dge ba rnams la rjes yi rang/ /'khor ba ma stongs bar du
legs bzhugs nas/ /'gro la chos kyi 'khor lo bskor ba dang/ /bdag
gzhan dge rnam byang chub

@017b chen por bsngo/ /gling bzhi nyi zla ri rab rin chen bdun/
/rin chen maNDal kun bzang mchod pa'i tshogs/ /bla ma yi dam dkon
mchog gsum la 'bul/ /thugs rjes bzhes nas byin gyis brlab tu
gsol/ /zhes yan lag bdun pa maNDal dang

bcas pa phul te phur tshugs gsol 'debs bya ba mi/ sku bzhi'i bdag
nyid bla ma lhag pa'i lha/ /thub dbang rdo rje 'chang la gsol ba
'debs/ /sgrib bla chos sku'i bdag nyid bla ma lha/ /thub dbang x
bde chen longs sku'i bdag nyid x x sna

tshogs sprul sku'i x x bla ma kun 'dus bla ma lhag pa'i x x yi
dam kun 'dus la x sangs rgyas kun 'dus x x dam chos kun 'dus x x
dge 'dun kun 'dus x x mkha' 'gro kun 'dus x x chos skyong kun
'dus x x

skabs gnas kun 'dus bla ma lhag pa'i lha/ /thub dbang rdo rje
'chang la gsol ba 'debs/ /bdag dang ma sems can thams cad 'khor
bar skyes nas yun ring la shugs drag pa'i sdug bsngal sna tshogs
pa zhig myong ba 'di dge ba'i bshes

gnyen? bsam sbyor gnyis kyi sgo nas tshul bzhin du ma bsten pas
lan par 'dug pas/ da bdag dang ma sems can thams cad kyis dge
ba'i bshes gnyen bsam sbyor gnyis kyi sgo nas tshul bzhin du
bsten nas par bla ma lha sbyin gyis brlab tu

gsol/ zhes gsol ba btab pas spyi bo'i bla ma lha'i sku'i cha las
bdud rtsi sna lnga x khyad par dge ba'i bshes gnyen bsam sbyor
gnyis kyis tshul bzhin tu bsten pa la gegs byed kyi sdig sgrib
gnad gdon dang bcas pa thams cad byang zhin@018a @#/ /dag /lus dwangs gsal x
khyad par du'ang dge ba'i bshes
gnyen bsam sbyor gnyis kyi sgo nas tshul bzhin du bsten nus pa'i
rtogs pa khyad par can rang gzhan sems can thams cad kyi rgyud
la skyes par

bsam/ 'di ni bshes gnyen bsten tshul gyi sngon 'gro sbyor ba'i
dbang du byas pa yin la/ dmigs skor bye brag tu ma bcad par lam
rim spyi tsam gyi sngon 'gror byed pa'am/ re zhig chos drug po
'di tsam skyong ba yin na/ bdag dang ma sems

can zhes pa nas/ sna tshogs pa zhig myong ba 'di lam gyi rim pa'i
rtogs pa tshul bzhin du ma skyes pas lan par 'dug pas/ de bdag
dang ma sems can thams cad kyi rgyud la byang chub lam gyi rim
pa'i rtogs pa mtha' dag tshul bzhin du skyed

nus par bla ma lhas byin gyis brlab tu gsol/ zhes gsol ba btab
pas spyi bo'i bla ma lha'i sku'i cha las bdud rtsi sna lnga 'od
zer dang bcas pa'i rgyun babs/ rang gzhan sems can thams cad kyi
lus sems la zhugs pas thog med

nas bsags pa'i sdig sgrib thams cad dang/ khyad par du lam gyi
rim pa'i rtogs pa skye ba la gegs byed kyi sdig sgrib nad gdon
dang bcas pa thams cad byad zhing dag /lus dwangs gsal 'od kyi
rang bzhin can du gyur/ tshe dang bsod nams la sogs

pa'i yon tan thams cad 'phel zhing rgyas/ dge ba'i bshes gnyen
sangs rgyas dngos su mthong ba nas zung 'jug gi bar gyi lam gyi
rtogs pa mtha' dag rang gzhan sems can thams cad kyi rgyud la
skyes rang bsam mo/ /de nas bla ma rgyal ba shAkya thub

@018b pa la phyag 'tshal lo mchod do skyabs su mchi'o/ /zhes lan
mang du gsol ba btab pas bla ma thub pa'i dbang po'i sku las
rang 'dra gnyis pa zhig chad nas rang nyid la thim pas rang thub
pa'i dbang po'i skur lam gyis gyur/ /rang thub pa'i dbang por

gsal ba'i sku las 'od zer 'phros mtha' skor na yod pa'i sems can
thams cad la phog pas sems can thams cad kyang thub pa'i dbang
po'i go 'phang la bkod/ rang dang sems can thams cad thub pa'i
dbang por gsal ba'i thugs kar zla ba'i

dkyil 'khor gyi steng du a dkar po hUM ser pos mtshan pa'i
mtha' skor du oM mu ne mu ne mahA mu na ye swAhA/ zhes pas
bskor ba la dmigs nas bzlas pa ci mang bya/ mjug tu/ dge ba 'di
yis myur du bdag /bla ma sangs rgyas 'grub gyur

nas; ;'gro ba gcig kyang ma lus pa/ /de yis la 'god par shog
/ces sogs bsngo smon gyis mtshams sbyar bar bya'o/ /thun mtshams
su'ang dngos gzhi'i skabs kyi dmigs rnam gyi rtsi ma yal bar bya
zhing lam rim che chung sogs

la blta ba dang/ dran shes bzhin dang ldan pas sgo gsum bag yod
par byas te/ slar yang thun rjes ma la zhugs na lan re bzhin gyi
skyed thon pas nyams rtogs gong du 'phel te dal 'byor don dang
ldan par 'gyur ro/ /zab rgyas

gdams pa'i chu bo 'dus pa'i bcud/ /lam bzang tshul bzhin sgrub
pa'i 'jug ngogs mchog /sgrub par sla zhing shin tu don che ba/
/sbyor ba'i chos drug lag tu bstar ba'i tshul/ /zhal shes man
ngag du mas rab brgyan te/ /shin tu gsal

@019a @#/ /bar bkod pa'i dge ba 'dis/ /bdag sogs 'gro kun byang
chub lam bzang du/ /zhugs nas sgrub pa'i rgyal mtshan zin par
shog /ces byang chub lam gyi rim pa'i sngon 'gro sbyor ba'i chos
drug lag

tu len tshul gsal bar bkod pa lam bzang sgrub pa'i 'jug ngogs
zhes bya ba 'di ni hal ha khu re chen mo'i grwa rigs dad ldan
dge slong dkon mchog sangs rgyas kyis bskul ngor/ btsun ba dkon
mchog bstan pa'i sgron mes 'phral du

sbyar ba'i yi ge pa ni sngags ram pa dkon mchog kun dga'o// //

@019b blank page