@#/ /byang chub bde lam gyi dmigs skor cha tshang bar tshigs bcad
du bsdebs pa lar mchog snying po byas bya ba bzhugs so/ /

@001 @#/ /bde gshegs thugs rje mnga' ba shAkya'i tog /ma pham
'jam dbyangs shing rta che gnyis dang/ /jo 'brom rgyal ba gnyis
pa brgyud par bcas/ /byang chub bar du 'bral med mgon

mdzod cig /gsung rab kun gyi snying po gcig bsdus pa/ /che ba
bzhi ldan byang chub lam rim zhes/ /skal ldan thar 'dod yongs
kyi 'jug dogs der/ /sbyor dngos rjes gsum tshang ba'i nyams len

bya; (;de'ang gnas khang byi dor byas shing sku gsung thugs kyi
rten dgram/ mchod pa'i sprin gyi gzungs 'don bzhin du mchod pa
g.yo med cing bkod pa mdzes par bshams la de ma thag 'bru gsum
brjod de chab kyis bran pa'am/ dkon mchog gi

bden pas byin gyis brlab par bsam/ bde ba'i stan la spyod lam
tshul mthun gyis 'khod cing/ de dag kyang dgos don sems kyi
'khyer so dang bcas pa dgos pas tshigs bcad kyi don dran bzhin
pa'i sgo nas brjod/) ! chos

mthun sgrub gnas gtsang byas byams dga' bar/ /mchog gsum rten
gyi gzi 'od 'bar ba'i drung/ /bkod legs phul byung mchod sprin
bstar ba yis/ /gzhan don gzhir gyur rgyal ba'i zhing

sbyong bya/ /spyod lam dag pas lus kyi skyon sbyangs shing/ /kun
slong mi dge'i skyon gyis ma sbags par/ dge sems khyad par can
sgyis zin pa yis/ /rnam dag sgom sgrub rtsa ba tshugs par@002a @##/ /bya/ /mdun du
seng khri pad zla nyi ma'i steng/ /rtsa
ba'i bla ma thub dbang rdo rje 'chang/ /dngos brgyud bla ma ltar
bcas dkon mchog gsum/ /bdag sogs mgon du dgyes

bzhin bzhugs par gyur/ /thog ma med nas srid 'dir ches mnar
yang/ /da dung sdug bsngal gting mtha' mi mngon pas/ /da ni bslu
med mchog gsum la brten te/ /cis kyang btsan sa zin par byed

dgos pas/ ! /rje btsun bla ma rnams la skyabs su mchi/ /ston pa
sangs rgyas rnams la skyabs su mchi/ /skyob pa dam chos rnams la
skyabs su mchi/ /'dren pa dge 'dun rnams la skyabs

su mchi/ /yi dam lha tshogs rnams la skyabs su mchi/ /dam can
chos srung rnams la skyabs su mchi/ (/lan gsum/) nyam thag ma
rgan 'gro rnams bsgral ba'i phyir/ /bdag gis byang chub

mchog tu sems bskyed cing/ /zab mo bla ma'i lam gyis srog bzung
ste/ /byang chub lam bzang myur du bsgrub par bya/ (/lan gsum/)
bla ma lha yi thugs rje'i 'od 'phros pas/ /'gro kun thub pa'i

dbang po'i skur bzhengs shing/ /de nas skyabs yul mtha' dag gcig
bsdus te/ /smin mtshams nas thim byin gyis brlab par gyur/ /slar
yang seng khri pad zla nyi ma'i steng/ /bla ma thub pa'i

@002b dbang po'i phyogs bzhi ru/ /brgyud pa gsum dang dngos kyi
bla ma'i tshogs/ /rgyud sde rnam bzhi'i yi dam dkyil 'khor lha/
/sangs rgyas byang sems nyan thos rang rgyal dang/ /dpa' bo
mkha' 'gro chos srung rgyal chen bzhi/ /'gog

lam rang bzhin gsung rab glegs bam bcas/ /dpag yas sprul pa'i
bkod pa spro bzhin bzhugs/ /so so'i gnas lngar yi ge lngas
brgyan pa'i/ /hUM gis spyan drangs rab 'byams lha'i 'khor lo/
/rdzogs par bstim pas spangs

rtogs dbyer med pas/ /skyabs gnas ma lus 'dus pa'i ngo bor gyur/
/de bzhin gshegs dang de yi sras rnams la/ /rin chen bum pa mang
po spos kyi chus/ /yid 'ong legs par bkang ba glu dang ni/ /rol
mor bcas pa du mas sku khrus

gsol/ /de dag sku la mtshungs pa med pa'i gos/ /gtsang la dri rab
bsgos pas sku dbyi'o/ /mchog gsum kun 'dus bla ma lha tshogs la/
/sgo gsum gus pa chen pos phyag 'tshal lo/ /thugs rje mnga' ba
rgyal ba sras bcas

la; ;bdag nyid bran du 'bul lo brtse bas bzhes/ /sngon chad bka'
dang 'ag ya rnams snying nas bshags/ /srid zhi'i dge ba kun la
rjes yi rang/ /nyam thag 'gro la phan bde'i lam ston phyir/
/'khor ba ma stongs bar du

bzhugs su gsol/ /bdag la dus gsum dge ba ci yod pa/ /ma rgan
rigs drug yongs la bsngos pa yis/ /rang rang sdug bsngal rgyu
bcas las grol te/ /bla med bde ba mchog la reg gyur cig /sa gzhi
spos kyis

@003a @#/ /byugs shing me tog bkram/ /ri rab gling bzhi nyi zlas
brgyan pa 'di/ /sangs rgyas zhing du dmigs te phul ba yis/ /'gro
kun rnam dag zhing la spyod par shog /dpal ldan rtsa ba'i bla ma
rin po che

bdag gi spyi bor pad zla'i steng bzhugs la/ /bka' drin chen po'i
sgo nas rjes bzung ste/ /sku gsung thugs kyi dngos grub stsal du
gsol/ /phun tshogs dge legs bye bas bskrun pa'i sku/ /mtha' yas
'gro ba'i re ba skong pa'i

gsung/ /ma lus shes bya ji bzhin gzigs pa'i thugs/ /rnam 'dren
shAkya seng ger gsol ba 'debs/ /byams pa thegs med dbyig gnyen
rnam grol ste/ /mchog sde dul ba'i sde dang grags pa'i sde/
/seng bzang ku sA li gnyis

gser gling pa/ /rgya chen spyod pa'i brgyud la gsol ba 'debs/
/'jam dbyangs yod med phyogs 'jig klu sgrub dang/ /zla ba grags
pa rig pa'i khu byug che/ /sangs rgyas dgongs sbyong 'phags pa
yab sras te/ /zab mo lta ba'i

brgyud la gsol ba 'debs/ /thugs rje chen po bde gshegs rdo rje
'chang/ /mchog gzigs te lo pa dang nA ro pa/ /dpal mchog DoM
b+hi pa dang a ti sha/ nyams len byin rlabs brgyud la gsol ba
'debs/ /lha chos bdun ldan

bka' gdams rim byon dang/ /khyad par rgyal ba gnyis pa yab sras
sogs/ /yang dag lam bzang ji bzhin gsal mdzad pa'i/ /dngos
brgyud bla ma rnams la gsol ba 'debs/ /bshes la mi gus dal 'byor
chud gzon zhing/ /

@003b 'chi ba mi dran tshe 'di'i bde thabs bsgrub/ /ngan 'gror mi
'jigs yang dag skyabs mi 'tshol/ /las 'bras mi sems blang dor log
par bsgrub/ /'khor ba 'der 'dzin de rgyu las nyon spel/ /thar
par mi spro bslab gsum sten mi

byed; ;ma rnams yal bor rang nyid gces par 'dzin/ /bdag tu mngon
zhen sngags la mi mos sogs/ /phyin ci log gi blo sna mtha' dag
rnams/ /myur du 'gag par byin gyi brlab tu gsol/ /bshes la dad
gus dal 'byor snying po

len; ;'chi ba rjes dran tshe 'di'i 'dun ma bsgyungs/ /ngan 'gro'i
'jigs dran dkon mchog skyabs su 'dzin/ /las 'bras bsams nas
blang dor tshul bzhin bsgrub/ /'khor ba'i skyon mthong las nyon
spong bar 'dod/ /thar pa don gnyer

rnam dag bslab gsum bsten/ /ma rnams gces 'dzin rang nyid yal
bar 'dor/ /bdag med don mthong sngags la mos pa sogs/ /phyin ci
ma log blo sna mtha' dag rnams/ /myur du skye bar byin gyis
brlab tu gsol/ /khyad par

byams dang snying rje sems bskyed dang/ /phyin drug la sogs rgya
chen spyod pa'i lam/ /snying po lam dus kun rdzob sgyu ma'i lus/
/yang snying 'bras bu'i dus kyi rdo rje'i sku/ /bdag med gnas
lugs ji bzhin mthong ba yi/ /zhi lhag gnyis

sogs zab mo lta ba'i lam/ /snying po dpe dang don gyi 'od gsal
gnyis/ /lam snying bde stong dbyer med chos sku ste/ /zab dang
rgya che'i lam bzang snying por bcas/ /myur du skye bar byin
gyis brlab tu gsol/ /(zhes bdud rtsi 'beb sbyang dang

@004a @#/ /(sprags te gsol 'debs bya/ spron khrus gsol gyi
'phror/ ji snyed su dag /ces sogs kyis yan lag bdun pa dang/
maNDal legs par gyis/ 'bru rnams dri bzang gis brlan la sngags
btab ste so bdun ma'am/ nyer gsum ma

rgyas par dbul/ lam mchog sgo 'byed dang byin rlabs spungs zhus
kyi steng nas gsol 'debs byas kyang legs so/ /de nas tshogs kyi
zhing rnams gtso bor thim/ /khyad par rdo rje 'chang dbang thugs
ka ru/ /spyan drangs sems dpa' gsum gyi bdag

nyid ni/ /slar yang rang gi spyi bor bzhugs par gyur/ /sgo gsum
gus pa chen pos phyag 'tshal lo/ /mchod tshogs kun 'bul sdig ltung
thams cad bshags/ /dge la yi rang bskul zhing gsol ba 'debs/
/'dis mtshon dge ba

byang chub chen por bsngo/ /bdag lus longs spyod dus gsum dge
tshogs bcas/ /rin chen maNDal kun bzang mchod sprin 'di/ /blo yis
blangs nas bla ma lha la 'bul/ /thugs rjes bzhes nas byin gyis
brlab tu gsol/ /bla ma yi

dam dkon mchog rnam gsum sogs/ /skyabs gnas ma lus 'dus pa'i ngo
bo nyid/ /mgon po khyod min re sa gzhan med pas/ /gsol ba 'debs
so bdag rgyud byin gyis rlobs/ /de ltar gsol ba btab pas sku lus
las/ /'od

dang bdud rtsi sna lnga'i rgyun bab pas/ /bdag sogs 'gro kun
nyes pa'i tshogs sbyangs nas/ /rtogs pa khyad 'phags rgyud la
skye bar gyur/ (/de dag ni sbyor ba'i rim ba'o/ / ! dngos gzhi
ni/) thub bas dus mthar tha mal tshul 'dzin

@004b par; ;gsungs bzhin skal ba mnyam pa'i skur bstan nas/
/bstan pa'i snying po rdzogs par 'doms mdzad pa/ /rgyal ba kun
las lhag pa'i bka' drin can/ /'di nyid kho na legs tshogs rtsa ba
ru/ /yid ches rnyed pas skyon rtog kun spangs

te; ;sems dgus bsten cing rnyed dang bkur sti dang/ /khyad par
bka' bzhin sgrub pas mnyes par bya/ /de ltar nus par bla ma lhag
pa'i lhas/ /thugs rje bdud rtsi'i chu yis byin gyis rlobs/ /mi
khom skyon bral mthun rkyen kun tshang ba'i/ /

dal 'byor 'dis ni mngon mtho nges legs kun/ /'grub pas yid bzhin
nor las don che la/ /rgyu dpe ngo bo gang nas bsam na yang/
/rnyed thabs med de bla ma'i drin las ni/ /lan gcig rnyed kyang
sngon chad don med 'das/ /da ni tshe lhag cung

zad gnas kyi bar/ /don ldan chos kyis snying po blang bar bya/
/de ltar nus par bla ma lhag pa'i lhas/ /thugs rje bdud rtsi'i
chu yis byin gyis rlobs/ /phyi rkyen bshes gnyen dam pa'i mgon
dang bcas/ /nang nas dal 'byor rnyed dka'i

lcag gis bskul/ /snying po len 'dod rnal ma skyes pa na/ /de yi
thabs tshul ma nor tshang ba gces/ /de yang blo stobs spel phyir
'og ma dang/ /thun mong lam la sngon du ma sbyangs par/ /gong
ma'i rtogs pa skye ba'i skabs med pas/ /dang

por tshe 'di'i snang shas bzlog par bya/ /de ltar nus par bla ma
lhag pa'i lhas/ /thugs rje bdud rtsi'i chu yis byin gyis rlobs/
/shin tu mi bzad stobs ldan 'chi bdag ni/ /glo bur steng du bab
cing zlog tu med/ /nyam rung spog gi mar me

@005a @#/ /rkyen mang gi /bu yug 'tshub bas nam gsod cha med la/
/skabs der tshe 'di'i phun tshogs mtha' dag gis/ /bslus nas shul
du bskyur te 'gro dgos shing/ /de tshe phan pa chos las gzhan med
pas/ /rnam

dag chos shig de ring nyid nas bya/ /de ltar nus par bla ma lhag
pa'i lhas/ /thugs rje bdud rtsi'i chu yis byin gyis rlobs/ /sgo
gsum sdig la gzhol ba'i ngang tshul 'dis/ /phyi ma'i skye gnas
ngan 'gror thag chod cing/ /da lta lus la me

thig phog ba'am/ /zhag 'ga' tsam gyi bkres skom mi bzod na/ /mi
lo dpag med btso bsreg dmyal ba dang/ /lo brgyar chu thigs mi
myong yi dwags gnas/ /gcig la gcig za glen lkug dud 'gro sogs/
/bzod thabs med pas

de rgyu spang bar bya/ /de ltar nus par bla ma lhag pa'i lhas/
/thugs rje bdud rtsi'i chu yis byin gyis rlobs/ /'jigs chen de
las skyob par byed pa ni/ /srid pa'i lha chen rnams kyang mi nus
bas/ /gang la brten na bslu ba

med pa ni/ /'jigs pa kun spangs gzhan sgrol thabs la mkhas/ /nye
ring mi mnga' skyabs gnas dkon mchog gsum/ /kho nar yid ches
skyabs 'gro la 'bad cing/ /de yi phan yon mthong bas yid drangs
te/ /gnang

bkag pa slab bya nyams pa med par bya/ /de ltar nus par bla ma
lhag pa'i lhas/ /thugs rje bdud rtsi'i chu yis byin gyis rlobs/
/bslab bya'i gtso dang 'jigs pa'i skyabs dngos ni/ /dkar nag las
kyi blang dor nyid yin pas/ /

@005b las 'bras 'chol med nges shing 'phel che bar/ /yid ches
rnyed pas mi dge bcu la sogs/ /che phra mtha' dag spong zhing
brgya lam na/ /sdig ltung phra mos gos kyang phyir bcos dang/
/stobs bzhi'i gnad tshang bshags pas myur sbyangs te/

rnam smin rten bzang 'grub pa'i gdeng thob bya/ /de ltar nus par
bla ma lhag ba'i lhas/ /thugs rje bdud rtsi'i chu yis byin gyis
rlobs/ /dge bcu'i lam gyis bde 'gro'i rten thob kyang/ /'khor ba
'di las gtan du ma thar na/ /btson

ra'i nang du yud tsam ngal bsos bzhin/ /yid brtan med par slar
yang 'khor ba 'dir/ /lam gsum zo chun 'phyan pa ltar 'khyams
nas/ /mtha' med ngan song sdug bsngal myong dgos pas/ /'du byed
sdug bsngal rang bzhin nyer len gyi/ /

srid las thar 'dod nges 'byung bskyed par bya/ /de ltar nus par
bla ma lhag pa'i lhas/ /thugs rje bdud rtsi'i chu yis byin gyis
rlobs/ /sdug bsngal de yang las nyon bdag 'dzin las rim par
'byung tshul lugs 'byung lugs ldog gi/

rten 'brel bsam nas srid rtsa gcod ba'i phyir/ /bden pa bzhi yi
blang dor la 'bad cing/ /khyad par gnyen po'i bslab pa gnyis kyi
rgyu/ /bstan pa'i gzhi ma lhag pa'i tshul khrims ni/ /dran shes
bag yod brtan pos legs bsrungs

te; ;nyes med thar pa'i rgyal mtshan tshugs par bya/ /de ltar nus
par bla ma lhag pa'i lhas/ /thugs rje bdud rtsi'i chu yis byin
gyis rlobs/ /chags sdang 'khrul pas dag gnyen phyogs ris su/
/bcad kyang khyad par med par 'gro

@006a @#/ /'di kun/ /thog med dus nas 'khor bar 'khyams pa'i tshe/
/yang dang yang du bdag gi ma byas te/ /gnod pa kun bsrungs phan
pa kun la sbyar/ /gzhal dka'i drin gyis bskyangs pa sha

stag yin/ /des na yal bar 'dor ba mi rigs pas/ /phan pa bsgrub
la drin du gzo bar bya/ de ltar nus par bla ma lhag pa'i lhas/
/thugs rje bdud rtsi'i chu yis byin gyis rlobs/ /'gro ba ma lus
sdug pa'i bu bzhin du/ /yid

'od rnam pa'i byams sems skyes pa na/ /de yi sdug bsngal mi bzod
gces pa'i bu/ /me 'ongs ltung la brtse ba'i ma bzhin du/ /shugs
drag snying rje chen po'i dbang gyur te/ /ma lus bde sgrub sdug
bsngal sel ba yi/ /khur

chen zhum pa med par rang steng du/ /blangs pas lhag bsam rnam
dag bskyed par bya/ /de ltar nus par bla ma lhag pa'i lhas/
/thugs rje bdud rtsi'i chu yis byin gyis rlobs/ /sdug bsngal mi
'dod bde bas mi ngoms pa/ /bdag

dang gzhan la khyad par yod min yang/ /rang gces 'dzin pas nyes
dmigs kun skyed la/ /ma rnams gces 'dzin legs tshogs rgyur mthong
nas/ /gtong len dmigs pas gzhan gyi sdig sdug kun/ /rang gi
steng du len zhing rang nyid

kyi/ /bde dge ma lus 'gro la gtong ba yi/ /thabs mkhas rlabs
chen spyod pa'i 'phrul 'degs bya/ /de ltar nus par bla ma lhag
pa'i lhas/ /thugs rje bdud rtsi'i chu yis byin gyis rlobs/ /de
yang bla med byang chub ma thob na/ /

@006b dman pa'i dgra bcom rnams kyang gzhan gyi don/ /lta ci
rang gi don yang ma rdzogs bas/ /'ching ba kun ldan bdag 'dra
smos ci 'tshal/ /des na 'bad rtsol med par lhun grub pa'i/ /sku
gsung thugs kyi mdzad pa'i cha res kyang/ /'gro

ba dpag med sgrol nus sangs rgyas kyi/ /go 'phang thob 'dod sems
mchog bskyed par bya/ /de ltar nus par bla ma lhag pa'i lhas/
/thugs rje bdud rtsi'i chu yis byin gyis rlobs/ (/de nas bla ma
thub pa'i dbang po'i rjes su zlos par dmigs nas/) sangs

rgyas byang chub sems dpa' kun/ /bdag la dgongs par mdzad du
gsol/ /ji ltar sngon gyi bde gshegs kyis/ /byang chub thugs ni
bskyed pa dang/ /byang chub sems dpa'i bslab pa la/ /rim pa
bzhin du gnas pa ltar/ /bdag

kyang 'gro la phan don du/ /byang chub sems ni bskyed bgyi
zhing/ /byang chub sems dpa'i bslab pa la/ /rim pa bzhin du
bslab par bgyi/ (/zhes pa lan gsum gyis smon 'jug mnyam du len
pa'am/ sangs rgyas chos tshogs mtshar gsum gyis sems bskyed

gzung la/) e ma long bas nor bu rnyed pa bzhin/ /rin chen sems
mchog rnyed 'di skal ba bzang/ /da ni pan yon bsam zhing dus
drug tu/ /sems bskyed bzung ste sems can blos mi spong/ /de nyid
'phel phyir dkon mchog mchod la

brtson/ /nag chos bzhi spangs dkar chos bzhi la slob/ /mdor na
ji ltar khas blangs bslab bya kun/ /srog dang bsngos te rtag tu
bsrung bar bya/ /de ltar nus par bla ma lhag pa'i lhas/ /thugs
rje bdud rtsi'i chu yis byin gyis rlobs/ /

@007a @#/ /zhing dang bsam sbyor rnam par dag pa yis/ /lus dang
longs spyod dge ba'i 'bras bur bcas/ /ma lus zhen pa med par
gtong ba'i sems/ /spel bas sbyin pa'i phar phyin rdzogs byed
cing/ /ngang

gis khas blangs sdom gsum bcas mtshams kyi/ /nyes ltung mtha' dag
sdom pa'i tshul khrims dang/ /dge ba chos sdud sems can don byed
kyi/ /tshul khrims rnams la tshul bzhin bslab par bya/ /de ltar
nus par bla ma lhag pa'i

lhas; ;thugs rje bdud rtsi'i chu yis byin gyis rlobs/ /gnod byed
kun la bzod pa'i go bgos te/ /sdug bsngal rkyen ngan mtha' dag
lam du slong/ /zab mo'i chos la mi skrag slob pa sogs/ /rnam
gsum bzod pa'i phar phyin sgom

byed cing/ /sems zhum bya ba ngan la zhen pa sogs/ /g.yeng ba
kun spangs snying stobs go 'gos te/ /dge chos sdud cing mkha'
mnyam 'gro ba'i don/ /sgrub pa lhur len brtson pa'i stobs bskyed
bya/ /de ltar nus par bla ma lhag pa'i

lhas/ /thugs rje bdud rtsi'i chu yis byin gyis rlobs/ /nyes pa
lnga spangs 'du byed brgyad kyi sgos/ /dmigs pa'i rten la g.yo
med ting 'dzin mchog /bying rgod skyon bral dwangs gsal dar?
dang bcas/ /shin sbyang stobs ldan

zhi gnas sgrub byed cing/ /dgag bya'i snang tshul myong bas ngos
bzung ste/ /dri med rigs pas spros pa'i mtha' bkag nas/ /zab
mo'i gnas lugs ji bzhin nges pa yi/ /so sor rtog pa'i lhag
mthong bskyed par bya/ /de ltar nus

@007b par bla ma lhag pa'i lhas/ /thugs rje bdud rtsi'i chu yis
byin gyis rlobs/ /'khrul snang rdzun pa'i rang ma tshang rig pa
yis/ /gdod ma'i dngos po rtag pa'i mtha'i 'gog cing/ /gdod nas
sdod byas chad pa'i mtha' bkag ste/ /snang tsam bya byed

bsnyon med 'grub nus pas/ /bden gnyis zung 'jug chos kun dgongs
pa'i mthil/ /klu sgrub lugs bzang ji bzhin nges byed cing/ /rang
gis ji ltar nyams su blangs pa bzhin/ /bsdu ba bzhi yis 'gro
rnams smin par bya/ /de ltar nus

par bla ma lhag pa'i lhas/ /thugs rje bdud rtsi'i chu yis byin
gyis rlobs/ /de ltar thun mong lam gyis rgyud spyangs te/ /de
nyid bcu ldan rdo rje slob dpon la/ /brten nas zab gsang rdo rje
theg pa yi/ /'jug sgo rnam dag dbang gis smin

byas te; ;bla ma lhar bcas dpang du legs bzhag nas/ /ji ltar
khas blang dam tshig sdom pa kun/ /srog dang bsdos te tshul bzhin
bsrung ba yis/ /dngos grub gnyis kyi rtsa ba tshug par bya/ /de
ltar nus par bla ma lhag pa'i lhas/ /

thugs rje bdud rtsi'i chu yis byin gyis rlobs/ /gzhi yi 'chi ba
bar do skye ba gsum/ /lam dang 'bras bu'i dus kyi sku gsum du/
/sgyur byed bskyed rim phra rags rnal 'byor gyis/ /tha mal snang
zhen dri ma kun sbyong zhing/ /rdo rje'i lus

la gnad du bsnun pa yis/ /zhugs gnas thim pa'i 'od gsal phyag
rgya che/ /kun rdzob sgyu ma'i sku dang zung 'jug pa'i/ /rdzogs
urim spyod dang bcas la bslab par bya/ /de ltar nus par bla ma
lhag pa'i ltas/ /thugs rje@008a @#/ /bdud rtsi'i chu yis byin gyis rlobs/ /mdor na bshes
gnyen dam pa'i ded dpon gyis/ /yongs bzung tshul khrims ngag
pa'i gru gzings mchog /gsung rab kun la phyogs rer ma gyur
pa'i/ /thos

bsam sgom pa'i dri bzhon gyis bskul te/ /myur ba myung bar sku
gsum go 'phang mchog /yid bzhin nor bu'i gling du phyin gyur
nas/ /mtha' yas 'gro ba srid mtsho las bsgral te/ /bde chen
thar pa'i sal 'god par bya/ /de ltar nus

par bla ma lhag pa'i lhas/ /thugs rje bdud rtsi'i chu las byin
gyis rlobs/ /zhes rim pa bzhin gyi tshig don dang bdud rtsi
'phebs sbyang gi dmigs rnam sogs bde lam gyi zhal shes ji lta
ba bzhin du ngal bu'i sgo nas blo 'byongs nges su bya/ mjug
tu/ dge 'dis mtshon

nas dus gsum dang 'brel ba'i/ /bdag gzhan dge ba'i rtsa ba ji
snyed pa/ /de dag thams cad skye zhing skye ba ru byang chub
mchog gi rjes su mi mthun pa'i/ /shes kyi de 'dod ba dang
grags ba dang/ /'khor dang longs spyod rnyed dang bkur

sti'i rgyur/ /skad cig tsam yang nam mi yang mi smin bar/ /bla
med byang chub kho na'i rgyur gyur cig /rgyal sras smon lam
gang+gA'i klung rnams ni/ /dam chos 'dzin pa'i smon lam nang
'dus par/ /gsungs phyir dge rtsa ji snyed pas gas ba ni/ /

kun kyang thub bstan rgyas pa'i rgyu bsde/ /bdag gis ji snyed
bsags pa'i dge ba 'dis/ /zhes sogs bsngo smon rnam bar dag pas
mtshams sbyar te rgyal ba'i bstan pa yongs su rdzogs ba la pag
chags ci thebs kyi wo nas dal ba'i rten la snying po blang bar
bya'o/ /

@008b smras pa/ gsung rab 'o ma'i rgya mtsho tshe/ /bsrubs pa'i
mar gyi nyung khu dang/ /man ngag gi sar bcud bsdus pa'i/
/snying bo sbrang rtsi'i thigs pa bzhin/ /byang chub lam gyi
rim pa yi/ /dmigs skor tshang zhing mdor bsdus pa/ /bsnyad

pa'i dge 'dis 'gro ba kun/ /yang dag lam la spyad gyur cig
/ces pa 'di ni sngar byang chub bde lam gyi don tshigs bcad du
bsdebs pa shin tu nyung du zhig bris yod pa de las cung zad
rgyas pa zhig dgos tshul/ ba ron su nyid shog nas dad brtson
blo gros kyi nor dang ldan zhing sgrub pa

la gzhol ba phu shri blo bzang dkon mchog gas bskul bltar/ don
tshan gal che ba du mas zur bskangs te/ 7 btsun pa dkon mchog
bstan pa'i sgron mes dben gnas yid dga' chos 'dzin du bris
pa'o// //