@001a @#/ /bdag gzhan mnyam brje sgom tshul bzhugs se/ /

@001b @#/ /na mo gu ru b+hyaH bdag gzhan mnyam brje bsgom pa la/
mnyam pa bsgom ba/ brje ba bsgom pa gnyis/ dang po ni/ rang
gces par bzung/ gzhan yal bar dor te rang gzhan

gnyis gces mi gces mi mnyam pa 'di mi rigs te/ rang dang sems
can thams cad rmi lam tshun chad du bde ba 'dod bar mnyam/ sdug
bsngal mi 'dod par mnyam pa'i phyir/ bdag 'dzin na re/ de ltar
'dod ba

mnyam na'ang so so'i bde ba rang rang gis bsgrub dgos kyi/
rgyud tha dad yin pas rang gis sems can thams cad la phan pa
byed don med zer na/ rgyud tha dad yin kyang gzhan gyi gnod pa
sel ba dang bde ba sgrub

dgos pa yod de/ ma bu gnyis rgyud tha dad yin kyang gcig gi
don gcig shes kyis sgrub dgos pa bzhin no/ /bdag 'dzin na re/
de gnyis phan tshun gces pa'i dbang gis yin pas/ sems can gzhan
la de

ltar byed don med zer na/ sems can thams cad kyis sngon 'khor
ba thog ma med par skye ba'i ya mtha' thug pa med pa blangs
pa'i dus sum lan grangs dpag tu med pa zhig byas te/ da lta'i
mas ji ltar drin gyis

bskyangs ba bzhin du phan ba thams cad la sbyor/ gnod pa thams
cad las bskyabs/ rang srog las kyang gces par byas te/ than nu
zho 'thungs ba'ang rgya mtsho'i chu las lhag pa zhig btung yod
pas da lta'i ma

@002a @##/ /bzhin du gces par byed dgos so/ /bdag 'dzin na re/
de'i dus su gces yod kyang da lta phan tshud ngo mi shos la/
der ma zad 'ga' zhig gis dgrar bzung nas gnod bci

'khyol byed pas gces pa'i 'os med do zer na/ sngon gyi dus
ring po mu mtha' yas pa zhig tu gces par bskyangs pa'i rtsis
ming bar da lta'i yud tsam zhig gi dga' mi dga'i rkyen phran
tshegs la khon du 'dzin pa ma

rabs kyi spyod pa yin te/ ma bu tshe hril bor phan tshun shin tu
gces kyang/ rgas dus nyin gcig nad dang gdon gyis 'khrul te
tshig ngan sogs gnod 'tshe byed na'ang bu des lhag par gces
spras byed dgos kyi/

de ring bdag la mi gces par 'dug ces yal bar bor na 'jig rten
thams cad kyis gal che ba'i dus phan mi thogs pa'i bu ngan
zhes khrel med du brtsi ba bzhin no/ /bdag 'dzin na re/ gal te
gces ba'i

dbang du btang yang des pha rol la phan thogs rgyu med pas
rang gi sems ngal ba tsam du zad do zer na/ phan sems bskyed
pa tsam gyis chu sa sgom sod pa bzhin 'phral du ngoms rgyu med
kyang spyir mi phan pa min

te; sngar phan sems kyi sgo ma dod pas su la'ang phan ma thogs
pa yin/ phan sems sbyong thub na legs nyes thams cad sems kyi
rjes su 'brang yod pas/ sems de'i stobs kyis nus pa'ang je
cher

@002b 'gro/ bsam sbyor gnyis gcig grogs su gcig song nas stobs
rgyas te nam zhig dus skad cig ma gcig la sku'i 'od zer re res
kyang sems can dpag tu med ba la phan 'dogs nus pa zhig
'byung/ da lta 'gro ba kun gyi skyabs gnas su gyur

pa'i sangs rgyas bcom ldan 'das rnams kyang sngon rang cag
dang skal ba mnyam pa 'ching ba kun ldan nus bci yang med ba
res blo sbyangs nas don gnyis lhun gyis grub pa 'di lta bur
gyur pa yin no/ /bdag 'dzin na re/ de ltar sbyangs na mtha'

zhig tu phan rgyu yod srid kyang de'i bar du 'gro thub ba'i
gdeng med/ gnas skabs phan sems byas pa tsam gyis pha rol po'i
lus sems gang la'ang phan thogs rgyu med pas byed mi sbro zer
na/ gnas skabs su'ang phan rgyu yod de/ rang la dpal

'byor phun sum tshogs pa byung bar mi gzhan zhig dga' bar byas
na rang gi sems la phan pa bzhin/ sems can thams cad bde ba la
rang gis dga' ba bsgom na des sems can thams cad mgu bar 'gyur
zhing/ sems dga' ba de'ang

phan btags ba yin pa'i phyir/ bdag 'dzin na re/ rang gis phan
sems byas kyang sems can gyis de mi shes pas dga' ba'ang mi
skye'o zer na/ dkar phyogs skyong ba'i lha sogs de shes mkhan
yang grangs med ba zhig yod la/

dngos sum shes kyang rten 'brel gyi che bas byams pa bsgoms
pa'i gang zag de mthong tsam nyid nas mi ma yin gdug pa can
rnams kyang dga' ba skye ba'i lo rgyus mang la/ sprul gdug
phas gnod pa ma byas byar mthong tsam nas mi

@003a @#/ /dga' ba nang gi khong khro'i stobs yin pa bzhin no/
/yang bdag 'dzin khyod kyis pha na sems des lus sems gang
la'ang phan rgyu med pas byed don med zer ba bden na/ tshig
rtsub la sogs

pas lus la gnod rgyu med cing/ sems gzugs can ma yin pa la de
las kyang gnod rgyu med pas de la khong khro bya don mi 'dug
snyam du sngon la bsam dgos so/ /bdag 'dzin na re/ phan sems
kyis lus sems gang la'ang

gnas skabs phan rgyu med pa dang/ tshig rtsub kyis gnod rgyu
med pa gnyi ga mgo mtshungs pas gnyi ga btang snyoms su byos
shig zer na/ de gnyis mi mtshungs te/ gnod pa la khon du bzung
ba'i rnam smin dang rgyu mthun

gyis sdug bsngal kho na 'dren la/ phan sems kyis dga' ba
brgyud mar 'phel bas bde ba 'dod cing sdug bsngal mi 'dod na
rang gces pa bzhin du gzhan la gces par bzung ste phan sems
sbyong dgos so/ /! gnyis

pa brje ba bsgom pa ni/ rang gzhan gnyis gces par mnyam pa
tsam gyis mi chog ste/ sngar rang kho na gces par bzung/ gzhan
yal bar dor bas 'khor ba'i nyes dmigs 'di thams cad byung ba
yin/ gzod 'khor

ba phra rags kyi nyes dmigs zad par spangs pa'i bla med byang
chub 'thob pa la srang mda'i mgo mjug gnyis mtho dman go bzlog
pa bzhin/ sngar gces par 'dzin rgyu dang yal bar 'dor rgyu'i
bsam tshul de gnyis gos brjes

@003b nas; rang yal bar dor zhing gzhan kho na gces par 'dzin
dgos so/ /rang gces par bzung nas rang bde ba'i thabs sgrub
mod/ des sdug bsngal thams cad ji ltar skyed snyam na/ gces
zhing phan pa'i zol gyis/ gnod pa kho na

sgrub pa yin te/ rang gces 'dzin gyi dbang gis rang gi lus
longs spyod/ gnyen mdza' bshes/ g.yog 'khor yul khams sogs
thams cad la zhen chags skyed/ de ji tsam rgya che ba bzhin de
dag la gnod pa dang gnod kyis

dogs pa'i zhe sdang phrag dog g.yo sgyu sogs nyon mongs pa
mtha' dag 'dren zhing/ las ngan ba sna tshogs bsags te 'khor
ba'i sdug bsngal thams cad skyed pa yin/ /stong gsum gyi skye
bo thams cad dgrar langs kyang dmyal ba'i

me nang du 'phen mi nus/ dmyal ba'i me nang du 'khrid mkhan
yang rang gces 'dzin 'di nyid yin te/ dang por de'i dbang gis
las bsags par ma zad/ 'chi kha'i tshe'ang grang ba'i snang ba
byung ste rang gces 'dzin gyis dro bar 'dod

nas dmyal ba'i me nang du 'jug tshul mdo sde las gsugns pa
bzhin no/ /der ma zad rang gces 'dzin mngon gyur shugs drag po
zhig skyes phyin phung khrol chen po zhig nges par skyed pas/
bka' gdams gong ma rnams rang gces

'dzin la phung byed 'ug ba'i mgo can zhes ltas ngan gyi mthar
thug tu brtsi zhing/ blo sbyong mtshon cha 'khor lo las kyang/
phung byed rtog ba'i mgo la chems se chem/ /dgra bdag gshed
ma'i snying la mA ra ya/ /zhes phan bde'i srog

@004a @#/ /la rgol ba'i gshed ma rang gces 'dzin yin par gsungs
so/ /gzhan gces 'dzin gyi yon tan bsam pa la sngon du las
'bras la yid ches rnyed dgos pas/ de'i tshul ni/ sbyin pas

longs spyod khrims kyis bde/ /zhes sogs lta bu'i lung gis
kyang sgrub tu yod mod/ lung tsam ma gtogs dpyad pas nges pa
ma rnyed na yid ches brtan po mi 'byung bas/ da lta mthong ba
mngon gyur la'ang dpyid sa bon phar ma btab

na ston lo tog tshur sdud rgyu mi yong ba dang/ sa bon ma tshig
ma rul ba dgos la/ de'ang nas btab pa las nas/ gro btab pa las
gro 'byung ba ma gtogs 'chol nas mi skye pa bzhin du/ gzhan la
sbyin ba btang ba las longs spyod  

'byung ba dang/ tshul khrims bsrungs te rang gi sgo gsum gtsang
mar byas pas bde 'gro'i rten gtsang ma thob pa dang/ bzod pa
bsgoms te sems can la gnod 'tshe spangs pas sems can gyi yid du
'ong ba'i gzugs mdzes pa

'grub pa sogs rgyu sngon song las de dang rjes su mthun pa'i
'bras bu 'byung ste/ 'di rang sde thams cad dang/ chad smra
rgyang 'phen pa ma gtogs pa'i gzhan sde rnams kyang kha mthun
no/ /de ltar na sbyin pa'i sa bon 'deb pa la zhing

sa lta bu gtong yul gyi sems can la ltos shing/ de bzhin du
tshul khrims kyis gzhan gnod gzhi bcas las ldog pa dang/ bzod
bas dge sbyong gi chos bzhi dang du len pa sogs phyin drug
dang tshogs gnyis kyi spyod pa thams

@004b cad gzhi sems can la brten nas 'grub dgos pas/ 'bras bu
chos gzugs kyi sku gnyis kyang sems can gyi bka' drin la brten
nas 'thob dgos par shes so/ /mdor na ston pa sh'kya'i rgyal po
dang rang cag rnams gdong ma nas

mchog dman du grub ba zhig ma yin par/ sngon 'khor ba thog ma
med pa'i dus nas khyad med du 'khor bar 'khyams te/ res 'ga'
rang cag rnams rgyal po dang khong de'i bran bzhon pa tshun
chad du gyur/ res 'ga' de las go bzlog ste chu

khol ba bzhin bla 'og yang yang brjes pa'i mtshams shig nas
khong theg pa chen po'i rigs sad de gzhan gces 'dzin gyi blo
skyes/ khyad par du rang gi zla bos dmyal bar me'i shing rta
'dren ma nus par yod pa de brtse bas ma bzod par

rang gi steng du len par brtsams pas sdig pa zad de mtho ris
su skyes/ de nas bzung bde nas bde bar 'gro ba'i mgo tshugs te
da lta don gnyis lhun gyis grub pa ma lus 'gro ba'i mgon
skyabs gcig pur gyur pa 'di byung ba yin/

rang cag rnams rang gces 'dzin gyi dbang du gyur te 'jig rten
khams na zas nor longs spyod mnga' thang snyan grags sogs phun
sum tshogs pa mig gis mthong tshad dang rna bas thos tshad thams
cad rang gcig pus thob na snyam ste de

kho na 'dod kyang/ bde skyid thams cad 'ja' tshon bsnyegs pa
bzhin je ring du song/ sdig sdug thams cad nyi rgas kyi grib
so bzhin tshur 'dus/ sdug bsngal mngon gyur pa dang sdug bsngal
gyi bag la nyal sna tshogs ba'i khur

@005a @#/ /gyis non cing gar 'gro'i gtol med pa 'khor ba'i
gting rdor gyur nas shin tu nyam thag pa 'di byung ba yin/ de
ltar na rang gces par bzung ba dang gzhan gces par bzung ba
gnyis kyi gdam gam

nor ba gang yin dang/ skyon yon gyi khyad par rdzogs pa'i
sangs rgyas rnams dang rang cag la mchog dman gyi khyad ci
tsam dod yod pa 'dis shes so/ /mngon par rdzogs par sangs
rgyas zhes pa'ang nyi ma'i 'od dang 'ja' tshon bzhin gsal

lam me ba/ 'od lhang de ba zhig tu song nas nam mkha'i dkyil
na 'ja' gur 'khyil le bzhugs yod pa lta bu zhig tu phal cher
gyis go 'dug pa don med/ gzhan phan gyi bsam pa yongs su
rdzogs pa rang la sangs rgyas su bzhag pa yin  

te/ sdud pa las/ de bzhin byang chub ched du byang chub mchog
zhugs pa/ /'gro ba kun la bran gyur bzhin du gnas par bya/
/zhes 'gro ba'i don kho nar gzhol ba'i rgyal sras kyi spyod pa
mthar thug pa la skad cig ma'i sbyor bar

gsungs shing/ bdag gi bde ba btang nas re ba med sems kyis/
/sems can gzhan gyi dgos la nyin mtshan mngon par brtson/ /bu
gcig pa la ma ni rim gro byed pa ltar/ /bsam pa thag pas rnam
par skyo med gnas par

bya/ /zhes brgyad pa chos sku'i don yang gtong len mthar phyin
te 'khor ba ma stongs bar du lhun gyis grub pa'i 'phrin las
kyi sgo nas 'gro ba'i don la skyo ba med par bzhugs pa gtsang
bde rtag bdag dam pa'i pha rol tu phyin ba la

@005b gsungs so/ /sdud 'grel gzhan la sna tshogs yod kyang/
skabs phyi ma gnyis mtshams 'byed tshul slob dpon gyis 'di ltar
mdzad pa shin tu ngo mtshar che'o/ /de ltar rang gces 'dzin
rgud pa kun gyi 'byung gnas dang/ gzhan

gces 'dzin yon tan kun gyi gter du mthong bzhin du thar pa'i
dga' tshal la rgyab kyis phyogs nas dmyal ba'i me 'obs su
mchong na gdon gyis brlabs te smyos pa dang snying la bdud
zhugs pa yin pas/ rgyal ba sras dang bcas pa la

gdung dbyangs drag pos 'o dod kyis bos te/ bdag rnams kun tu
bung bar byed pa'i dgra bo gdug pa can 'di thal bar brlag par
mdzod cig ces gsol ba btab pa na/ de dag gi mkhyen brtse nus
gsum gyi sprin phung 'khrigs pa

las don dam pa byang chub kyi sems stong nyid rtogs pa'i ye
shes kyi ngo bo gnam lcags 'bar ba'i thog mda' brgyud mar
spros te bdag 'dzin 'gong po thal ba'i rdul phran bzhin du
brlag /yang kun rdzob byang chub kyi sems byams snying

rje'i rang bzhin gyi bdud rtsi'i rgyu na bab ste rang gi shes
rgyud la zhugs pas bdag gzhan brje ba byang chub kyi sems kyi
ngo bor lhan gyis song/ de dag gi thugs rje byin rlabs dang
rang gi rlung sems dbyer med du 'dres pas gtong len

sogs ji ltar 'dod pa bzhin byed pa la las su rung zhing/ nam
mkha'i mtha' khyab tu spros nas sems can thams cad kyi don
sgrub pa'i nus pa can du gyur te/ rang gi bde dge thams cad
sems can so so la don du gang 'gyur gyi 
@006a @#/ /zas gos gnas mal/ grogs mdza' bshes/ chos ston pa'i
slob dpon sogs rnam pa sna tshogs su gyur nas mngon mtho nges
legs kyi bde ba la bkod/ de dag gi sdig sdug las nyon

bag chags dang bcas pa dbugs rdub pa dang lhan du tshur drangs te
rang gi sems steng du spung pa'i dmigs pa sogs gtong len gnyis
po spel mar bya'o/ /'di ni hal ha khu re chen mo'i grwa pa dad
brtson ldan pa dge slong dkon mchog sangs

rgyas kyis bdag gzhan mnyam brje sgom tshul zhig dgos zer bar/
spyod 'jug gi bsam gtan gyi le'u bzhin lus bya khyi'i zas la
gces par byed don med pas gru'i blo bzhag ste snying po len tshul
dang/ rang gi phun tshogs la

phrag dog 'gran sems sgom tshul sogs dmigs skor mi 'dra ba mang
zhing/ sang gi sdug bsngal de ring la len pa sogs blo sbyor ba'i
man ngag gi skyong tshul du ma yod kyang/ 'di ni shar sgom thun
gcig gi skyong tshul tsam

zhig gyu ru lugs su/ 7btsun pa dkon mchog bstan pa'i sgron mes
'phral du sbyar ba'i yi ge pa ni sngags ram pa dkon mchog kun
dga'o// //

@006b blank pages