@001a @#/ /zab lam bla ma'i rnal 'byor dga' ldan lha brgya ma'i
zab gnad yongs su rdzogs pa tho tsam du bkod pa bzhugs so/ /

@001b @##/ /dga' ldan gnas su phyi bzhin bkri ba'i phyir/ /'jug
ngogs ston mdzad 'jam dpal snying po la/ /btud nas tshul de rgya
cher gnas pa las/ /gsang ba'i snying po mdo ru bri bar

bya; ;de'ang yon tan kun gyi gzhi rten zab lam bla ma'i rnal
'byor ji snyed cig yod pa las/ rgyal mtshan gyi tog ltar mtho ba
dga' ldan lha brgya mar grags pa ni/ res 'ga' gsol 'debs dbyangs
kyi

gzugs/ /zhes dmigs brtsem la gsungs pa dang 'dra bar mkhyen gter
gzhon nu'i ye shes kyi sgyu 'phrul sngags su shar ba sprul ba'i
glegs bam las byung ba'i man ngag 'dul nag pa sogs kyi dus sbas
chos

su mdzad kyang/ rgyud chen sangs rgyas rgya mtshos khyab brdal du
spel ba yin la/ de'ang rje bla ma ni lho brag grub chen gyis
byams mgon du gzigs shing phyag na rdo rjes de ltar lung bstan
pa dang/ rjes 'jug sngags

dang dbu ma'i lta ba la zung 'brel du slob dbang po rno shos
rnams rmad byung bkod pa sogs su smon pa gtso bor byed kyang/
gzhi tshul khrims rnam par dag pa dang byams snying rje sogs la
rtsa la du 'don pa'i bka'

gdams kyi rnam thar 'dzin pa byings kyis rgyu de dang mthun par
dga' ldan du skye ba gtso bor byed dgos ba'i rten 'brel gyis
dgon pa'i ming dga' ldan du btags shing/ de grub mtha' spyi
la'ang thogs pa@002a @#/ /mdo'i lung bstan dang mthun no/ /bka' gdams gong ma
rnams kyang jo bo yab sras dga' ldan du bzhugs yod pas der smon
pa mdzad tshul gyi lo rgyus mang ba ltar na de dag

la'ang dga' ldan pa zer dgos pa'i tshod du yod pas/ bka' gdams
glegs bam du yan lag gi ming de ma mol btags na legs gsungs te/
yan lag ni bka' gdams phyi ma dang/ ma mo bka' gdams

snga ma la byed dgos so/ /des na 'di nyid nyams su len par 'dod
pas 'di'i gnang ltar gyi zhing bkod dam/ rje bla ma'i sku brnyan
bris 'bur ci rigs sogs bkram pa'i mdun du mchod pa gtsang mar
bsham/ spyod

lam tshul mthun gyis 'khod/ rang rgyud la legs par brtags te kun
slong rnam par dag pa gal che la/ de'ang bA la ha'i rtogs brjod
ltar tshe 'di'i lus longs spyod la chags pa ni dag ba'i zhing du
bgrod pa'i

gegs kyi gtso bo bya 'phur ba'i gshog par rde btags ba lta bu
yin bsam zh?? zhing sdig pa du ma'i rgyur 'gyur ba dang mi ring
bar 'dor dgos pa'i tshul bsams te zhen pa bcad/ zhing gi yon tan
mthong ste der

skye 'dod kyi 'dun pa sbyong ba ni zhing sbyong ba'i rgyal sras
kyi spyod pa khyad par can yin la/ khyad par du zhing dar skye
ba'i rgyu med mi rung yin pas yid 'khul ba dgos so/ /de'ang
zhing gi spyi ma shar bar mi 'phyung bas 'jig

@002b rten spyi'i chags tshul mngon pa gong 'og ltar dang/ khyad
par sa bla'i gnas 'thab bral gyi steng du dga' ldan yod tshul/
de'i phyogs gcig na grong las dgon pa'i tshul du byams mgon gyi
zhing khams/ dbus su pho brang rgyal mtshan

mthon po/ mdun na chos ston pa'i gnas yid dga' chos 'dzin/ der
seng ge'i khril rje btsun byams mgon bzang po'i bzhugs stangs
mdzad cing nam mkha' dri ma med pa dang sras 'jam dpal snying po
sogs 'khor tshogs grangs med

pa la chos ston bzhin par bzhugs pa sogs dag po'i zhing gi snod
bcud kyi 'byor pa phun sum tshogs pa spyi 'gro'i bkod pa mdo sde
rnams las ji ltar 'byung ba bzhin bsams te ma brjed pa'i dran
pas gang du 'gro'ang gnas der 'gro ba yin

snyam pa dang/ gnas lus longs spyod kun kyang zhing de'i khyad
par du blta ba/ mtshan mo mgo byang du bltas te nyal ba'i tshe'ang
byams mgon gyi zhabs la mgo gtad de rang sems de'i thugs dang
dbyer med du bsres pa'i ngang nas gnyid du 'gro

ba sogs byas na dgos pa snga ma'i steng sngags kyi theg pa'i
smin byed dang 'pho ba'i sbyong thabs su'ang 'gyur ro/ /de ltar
yun du goms pas blo de'i ngor hril gyis 'gro ba zhig byas na
thun la 'jug khar gsal thebs sla zhing dge rtsa kun des zin pa

'byung ngo/ /thun la 'jug khar mdun du pad sdong yangs shing
rgya che ba'i lte bar rang gi rtsa ba'i bla ma dang dbyer med
kyi rje yab sras gsum la skyabs yul ma tshang ba med pas bskor ba
dang/ rang gi mthar pha ma rigs drug gi 'gro ba kun tshogs

@003a @#/ /par bsams la/ 'khor ba spyi bye brag gi sdug bsngal
bsams nas 'jigs shing skrag pa dang/ dkon mchog la de las skyob
pa'i nus pa mod tshul gyi yon tan bsams te skyabs 'gro gang mang
dang/ rang gis

bla ma lha'i go 'phang mngon du byas te mrgan rnams sgrol bar
'dod pa'i sems bskyed shugs drag po tshad med bzhi'i tshul gyis
bsgom/ dngos gzhi la spyan 'dren pa/ tshogs gsog pa/ gsol ba
'debs pa gsum las/ dang po ni/ dga'

ldan lha brgya'i zhes sogs tshigs bcad brjod pa na byams mgon gyi
thugs mtshan dpal gyi be'u khra seng nge ba'i nang nas rje yab
sras gsum ka sprin dkar po zhig thol gyis byung ba'i steng du
bzhugs te yud kyis byon par mos/ spyir chos gzugs kyi skus

kun tu khyab pas mos pa'i rkyen tsam las 'gro 'od lam ltos pa
dus kyi khams lta bu dang/ me long dwangs pa zla bar bstan pas
skad cig de nyid la nang du 'char ba the tshom med pa ltar rang
gis mos pa byas tsam na byon yod pa the tshom med snyam du thab

chod bzhig blo 'khul ba la med mi rung yin no/ /'on kyang 'di
ltar spyan 'dren pa'ang longs sku la gzugs skur bzhengs pa dang/
stong pa bde bar shar ba'i chu 'dzin dang rlung gi nyer len las
lha'i skur ldang zhing 'gro ba'i don du 'byon pa'i

rten 'brel du 'gyur la de'i smin byed kyi rgyur yang gzhol ba
yin no/ /gnyis ba tshogs gsog pa ni yan lag bdun las/ dang por
nad pa nyam thag sman pa la gdung ba ltar logs tshogs kun gyi
rtsa ba bla ma kho nar thug pa shes nas de dang mi

@003b 'bral ba kho na gal che bar mthong ba'i shugs kyis mya
ngan las mi 'da' bar gsol ba 'debs pa sngon du byas te/ mdun gyi
nam mkhar zhes sogs brjod cing/ smin mtshams mda' gang gi thad
kyi nam mkhar seng khri pad zla dang bcas pa che

chung gsum gyi dbus mar rje bla ma sku mdog thabs shes zung du
'jug pa'i rang 'od kyis dkar la dmar ba'i mdangs chags pa/ rgyu
dang 'bras bu'i theg pa dang stong pa dang rten 'byung gi chos
tshul phyogs re ba ma yin par lu gu rgyud du 'brel bar ston

pa'i chos kyi 'khor lo'i phyag rgya can/ 'gro ba rnams la mnyes
gshin pa'i byams pa dang snying rje utpal la brten te ye shes
kyi ral gris mi shes pa'i 'tshing ba gcod la/ glegs bam gyis yang
dag pa'i lam bgrod tshul mnor bar ston pa/ tshul

khrims kyi phung po yongs su rdzogs par mtshon ba'i chos gos rnam
gsum gsol zhing/ rgyal ba'i dgongs pa mtha' dag bsregs bcad bcar
ba bzhin dpyad pa gsum gyis gtan la 'bebs par mtshon pa'i gser
mdog can gyi paN zhwa gong na

med pa lta ba'i dbyings su bsnyegs pas rtse mo rno zhing mtho
ba/ /skyil krung rnam ba bzhi'i tshul gyis zung 'jug mngon du
mdzad pas rdo rje skyil mo krung gis bzhugs pa/ gdul bya'i skal
ba ji lta bar spro zhing spud pa'i 'od kyi dkyil 'khor can/

dmigs pa med pa'i snying rjes 'dzum pa'i nyams dang ldan pa/
g.yas su rgyal tshab rje yar bgres zhi dul gyi rnam pa/ g.yon
du mkhas grub rje dar la bab cing mkhas pa'i 'gying bag can/
gnyi ga chos 'chad glegs bam/ glegs bam rnams gsung

@004a @#/ /rab kun gyi rtse mo sher mdo'am/ gnas skabs gang la
nyams len lhur bya ba der mos na rten 'brel gyi khyad che'o/
/phyag 'tshal ba ni/ shes bya'i khyon kun sogs te/ rnam grangs
mang po zhig mkhyen pa las

sangs rgyas su bzhag pa min gyi/ gzhi gcig la'ang ji lta ji
snyed kyi rang bzhin gnyis 'byung ba de nyid mngon par byang
chub pa'i don du mdo las gsungs pas/ sangs rgyas nya gcig gi ma
'dres pa'i chos yin no/ /ston pa po chos kyi mnga'

bdag tu gyur kyang gdul bya'i skal ba gtso che bas/ mdo sngags
zung du 'jug pa rgyal ba'i dgongs pa yongs su rdzogs pa la spyod
pa'i gdul bya blo mchog rnams dang snod bcud 'tsham pas rna ba'i
rgyan du gyur pa gsung gi yon tan/ sgo gang nas kyang

zhum par mi 'gyur ba grags pa'i gzi byin gyis kun las mngon phar
'phags pa sku yon tan te/ 'di'i go rim ni mgon po 'jam dbyangs
rgyal ba kun gyi thugs ye shes kyi ngo bor gyur pa'i cha nas de
gtso bor byas te/ 'jam dpal gshin

rje'i gshed la'ang thugs kyi mchod pa sngon du byas pa dang
thugs rdo rje'i lha tshogs sngar bstim pa bzhin te/ byin rlabs
'jug pa'ang chos don rtogs shing de'i 'chad pa sogs la dbang
'byor pa dang de las gzi byin rgyas par 'gyur ro/ /

de gsum ni chos kyi skus rab tu phye bas mas rim bzhin mthong
thos dran pa don ldan du 'gyur te/ de ltar sems pa dang sgo gsum
gyi phyag gis rdo rje gsum yang 'grub par 'gyur ro/ /yid 'ong
mchod yon sogs kyis mchod pa dngos su

@004b bshams shing yid kyis sprul pa bla na med pa nam mkha'i
mthas gtugs pa de dang/ kun tu bzang por sprul zhing de'i smon
pa'i mthu las byung ba/ kun tu bzang po'i sems kyis zin pa'i
mchod pa'i sprin 'khor gsum yongs su dag pa dbul zhing/

'di'i man ngag thun mong ma yin pa ni bla ma thub dbang rdo rje
'chang zhes sems dpa' sum brtsegs su bsams pa la mchod pa'ang
kun tu bzang po bde stong dbyer mi phyed pa'i bdag nyid phyi
nang gsang ba de kho na nyid bzhi char gyi mchod pa phul nas

dbang lam 'bras bu'i rten 'brel kun 'grigs shing dam tshig mchog
tu 'gyur ro/ /gang zhig thog med sogs kyis bshags pa bya ste/ mi
bcus dug zos pa rim par ldang ba na 'ga' 'ang sdod mi tshugs pa
bzhin/ mnar med sogs su

rang dang mtshungs par spyod pa du mas gzir ba'i tshul dang srog
dbugs kyi 'gyur ba mi brtan pa'i rang bzhin/ thog med nas sdig
pa'i sgo mtha' yes pas sna re re la'ang rgyal po'i mdzod du
bltas ba bzhin bskal ba kun tu de kho na bsags pa ltar yod

tshul/ de'i klong nas bde 'gror sleb tshul med pa la ji ltar phyin
snyam dgra mi sha bos bdas bltar 'jigs skrag dang 'gyod pa drag
pos phyin chad srog la babs kyang mi byed snyam pa'i sgo nas
zhing khyad par can mdun na bzhugs pa'i mthu kho nas sbyong

dgos par 'dug snyam ste bshags shing/ khyad par du sdom pa gsum
dang 'gal ba'i nyes ba ni sdig pa dang ltung ba'i sgo gnyis nas
rnam smin mi bzad cing lam gyi rtogs pa phyir bsring bar byed
pas nyes pa'i gting rdor bsams te bshags

@005a @#/ /shing/ gnyen por yid mi ches pa'ang log par lta ba yin
pas zhing gi mthus lhag med du ngag song snyam du yid ches dang
dga' ba skyed la/ sdig ltung mi dmigs par lta ba'ang sbyong ba'i
thabs kyi mchog

tu mdo las gsungs so/ /thugs ka'i rdo rje 'chang de nyid zhi ba
rdo rje sems dpa' 'gro bsnyeng du bsgyur te spyi bor byon pa'i
sbyor mtshams nas bab pa'i bdud rtsi'i rgyun gyis rim pas sgrib
bzhi dag cing lam gyi nus ba 'dzeg pa dang/ sgrib pa

lus pa byang ba rang yon tan rdzogs pas mda'i mtho dman bzhin
lhan cig pas sku bzhi thob par mos te sngags sdom gso ba'i thabs
mchgo tu 'gyur ro/ /'dir sngags sdom gso ba gsungs pa 'dis skabs
gzhan rnams kyang

sngags dang 'brel ba mtshon dgos so/ /rjes su yi rang ba ni/
snyigs ma'i dus 'dir zhes sogs te/ mi dge ba'i rtsa ba can gyi
chos brgyad ni lta ci smos la/ rang gces 'dzin dang bcas pa'i
chos brgyad khra bo'ang med cing/

dngos por zhen pa'i bag chags kyi gnas med pas tha ma chos
brgyad dkar po'ang spangs te mthun snang du'ang thos bsam sbgo
gsum gcig tu dril ba dang/ de thams cad ka rI ka nas 'dus ma'i
bar lung rtogs kyi bstan pa mtha' dag la phan

pa mtshang ba med par 'gyur bas rlabs che ba/ gang la ltos na
gzhan mtha' dag phyogs re la kho nar 'gro ba de lta bu'i tshul la
rnam par thar pa thun mong ma yin par shes pas rjes su yi rang
ba ste/ 'gro ba'ang ljongs 'di tsam ma yin par

@005b shamb+ha la dang 'gro lding ba sogs su spyod pa mtha' yas
par ston la/ nam mkha'i mthas gtugs par 'gro ba'i don spyod pa'i
tshul yang gsung las 'byung ba ltar ro/ /chos 'khor bskor bar
bskul ba ni/ rje btsun bla ma sogs te/ tshes sku'i

nam mkhar bdag po'i rkyen mkhyen brtse'i chu 'dzin 'khrigs pa
las so so'i skal ba bzhin chos char phab ste ring nas dam bcas
pa dgos pa sgrub par gsol zhing/ yang sgrib pa ma lus par dag pa
chos kyi sku'i dbyings su mkhyen pa stong pa'i ye

shes dang brtse ba bde chen gyi thabs dbyer mi phyed pa chu
'dzin gyi bzhin dkyil 'khor gyi 'khor lo mtha' yas par dkrigs
pa'i klong du gdul bya dbang gis smin par byed cing/ zab pa
mtshan ma med pa dang rgya che ba lha'i 'khor lo gsal

ba'am; zag pa bcos min gyi rdzogs pa'i rim pa dang/ thabs rgya
che ba ston pa'i gzugs can bskyed pa'i rim pa/ yang na zab pa
'od gsal gyi ye shes dang/ rgya che ba sgyu ma'i sku zung du
'jug pa dang bcas pa'i gdams pa'i char gyis sring

pa'i rtsa ba gnyis kyi tsha gdung dang dbul ba sel bar gsol ba
gdab bo/ /gser gyi 'khor lo rtsibs stong sogs phul te gsol ba
btab par mos la tshangs pa'i gzugs su mos kyang rung ste/ skul ba
po dang sdud pa por ston pa'i rkyen 'brel du'ang

'gyur ro/ /bsngo ba ni/ bdag gis ji snyed sogs te/ dge tshogs
chud mi za zhing khyad par byang chub mchog gi yan lag tu sgyur
byed bsngo ba yin pas nang pa'i bstan pa dang theg chen gyi
khyad chos su'ang gsungs so/ /bsngo ba'i sdoms chen

@006a @#/ /pod mchos 'dzin par bsngo ba yin la/ 'dir de'i nang
nas kyang bskal ba dpag med du dam bcas pa bzhin rgyu 'bras kyi
theg pa zung du 'jug pa'i tshes tshul snying po'i don cha tshang ba
'di nyid rgyas par

smon pa yin te/ da lta nyid nas kyang bkod pa mtha' yas pas
zhing rab 'byams su spel bar mdzad pa dang/ dge ba'i dngos po de
lta bu'i sgyu 'phrul sna tshogs su snang bar mos pa'ang thabs
mkhas kyis go bla na med pa'o/ /gsol ba gdab

pa ni/ phyi nang gsang ba'i rnam thar gdon zhing gsol ba gdab pa
dang/ mtshan sngags bzlas te gsol ba gdab pa sogs las/ 'dir dmigs
brtse ma'i sgo nas gtso bor byed na/ mkhyen brtse nus gsum la
'phags pa rigs

gsum ches lhag pa bzhin/ gangs can mkhas pa kun las ches lhag
par mtshungs chos sbyar ba phyi dang/ de gsum gyi mkhyen brtse
nus gsum ji lta ba thugs la ldan par blta ba nang dang/ de gsum
ngo bo gcig par sgrub pa'i glegs bam

gyi lung dang gsang rnam gyi lo rgyus/ 'gro ba'i skyabs su 'gyur
ba'i rgyu'i gtso bo gsum ya mi 'bral ba'i rigs pas kyang de gsum
dang ngo bo dbyer mi phyed par bltu ba gsang ba ste/ de la'ang
rgyud so so'i rigs gsum gyi dbye bas nang gses

kyi phyi nang gsang ba'i sgrub tshul gyi rim pa mtha' yas par
'byung ngo/ /de la brten pa'i las sbyor yang ches mang ba sngar
snyan brgyud du 'byung la/ da lta'ang las tshogs thor bu 'ga'
tsam yod kyang 'dir bka' bab kyi 'drin las chos rab

@006b tu rnam 'byed kyi shes rab sgrub pa gtso bo'i dbang du
byas te/ ma dag 'khrud cing mi shes bsal/ /sku yis che zhing
gsung gis gsal/ /sa bon myur ba phyag mtshan zab/ /glegs bam ral
gri glegs ral gyis/ /'chad dang rtsod dang rtsom pa'o/ /

zhes pa ltar la/ 'ga' zhig tu ma dag pa 'khrud pa sbyor ba dang/
mi shes pa bsal ba dngos gzhir byas te phyi ma bdun de'i dbye ba
mdzad pa dang/ la lar bdud rtsi 'od zer dang bcas bsam dag pa
bkrus te gsal sang der gyur pa

bsgoms pas dang po gnyis dmigs skor gcig tu mdzad kyang/ dgongs
pa'i mthil ni las dang po bsam dag pa bkrus te phyir 'don pa'i
dmigs pa gtso bo dang/ rtogs pa gong mar gzhol ba rnams sgron
mes mun pa bsal ba bzhin rang

sar dag pa gtso bor bya la/ log rtog gi dra ba skra shad lta bu
rnams phye mar 'thag ste ma rig pa gcod pa zhes gsum du mdzad
do/ /sgom tshul dngos ni yab sras gsum ka'i thugs gnas 'od kyi
sbu gu sba lcag tsam la gsum thon pa mtshams shig

nas gcig tu 'dres te rang gi spyi bor zhugs/ de brgyud de bdud
rtsi 'od zer dang bcas pa'i rgyun byung bas dngos gzhi'i rtogs
pa de dang de'i gegs byed kyi blo ngan rnams gtso bor sbyangs
pa'i dmigs pa bya/ zhi ba dkar po pad dkar 'dzin/ /

mchog sbyin skyabs sbyin phyag rgya can/ /bum chu me long la
sogs te/ /zhes sogs rdo rje'i tshig sbram bzhin kha dog sogs kyi
dbye bas las bzhi sgrub tshul dang/ mar khu'i mdog dang dkar
sngon bsil drod sogs kyi mos pas rlung mkhris

@007a @#/ /bad kan gyi nad sel ba sogs dgos pa du ma zhar byung
du sgrub nus so/ /dngos gzhi'i tshe bdud rtsi'i tshogs pa'i rdul
phra rab tshun chad 'jam dbyangs zhi khro dang rje bla ma'i sku/
de dag gi sngags dang gsol

ba 'debs kyi snying po/ d+hIHhUM sogs sa bon dang/ khyad par du
'jam dpal rtsa rgyud las lung bstan pa bzhin gyi ma la thig les
brgyan te hUM gi klad kor du 'god pa thun mong ma yin pa'i man
ngag gi sa bon yin la/ de'i mthar dmigs brtse

?? sems kyis bskor ba las 'od kyi spro bsdus snod bcud sgyur
sbyang sogs sngags kyi bzlas pa ji lta ba bzhin byas na legs/
phyag mtshan ni glegs ral gri gug sogs dang/ 'chad pa'i dus kyi
glegs bam ni gang bshad bya de nyid kyi rtsa

'khral? sogs gtso bor bya/ ral gri tshig rkyang ngam gyen 'grong
gi yu ba'i sgo ngar ral gri drug sogs kyi rtsa ba zug pa'i 'khor
lo mu khyud med pa bya/ phyir spros te phyir rgol byi log rtog
gcod pa'am spobs pa gzhom pa'i dmigs pa zhi drag dgos

pa dang? 'od tshul shes dgos/ brtsam bya'i don la rmongs pa ral
gris bcad de/ tshig don phun sum tshogs pa'i spobs pa glegs bam
gyis bskyed par mos pa ste/ skabs thong kyis re re gtso bor byas
pas chog gi /bdun ka mthar

? su dgos pa'i sems pa med do/ /'od kyi spro bsdu tsam zhig sher
phyin gyi gleng gzhir yang 'byung bas bdud rtsi 'bebs sbyang ni
sngags kyi lugs yin la/ 'dis thun mong dang thun mong ma yin
pa'i snying rje mtshon zhing 'grub pa dang 'od zer gyis

@007b 'od gsal la 'grub la/ gzhi lam 'bras bu'i skabs kun tu
'byur pa lnga'i khams dang dug lnga sbyong zhing ldog pas phye
ba'i ye shes lnga dang rigs lnga 'grub pa sogs kyi don du 'od
dang bdud rtsi thams cad sna lnga par byas pa yin no/ /rigs so

so'i rnam pa sgom par 'dod pas kyang gnas gsum du bsams la rang
rang gi sa bon sngags 'phreng dang bcas pa'i dmigs pa skyong
zhing/ rang rang gi rigs gzhi khro sna tshogs su bsgyur bsas las
sbyor ji snyed pa'ang byar rung ngo/ /de nas sras kyi thub bo

gnyis gtso bo la bsdus pa rang gi spyi bor spyan 'dren/ 'pho ba
sbyong bar 'dod pas thugs ka'i sa bon la bltas te mos 'dun rag
po dang bcas 'od kyi lcags kyu ngar rlung gi mnga' gzhu'i sbyor
bas rang nyid dgen du sbar ba dang gnas su 'debs

pa sogs kyi dmigs la mtshams 'dir bya/ byams mgon dang rje bla ma
dbyer med mi phyed pa'i nges shes kyis de'i zhing du 'pho 'dun
drag pos thugs rje bskul phyir byams pas dam bca'i gzungs bzlas
na legs/ de nas de'i gdan gyi padma snying ga'i

rtsa 'dab dang/ zla nyi'am mngon byang bzhin du zla ba gcig pur
yang tshang du rung bas de mi shigs pa'i thig le dkar dmar la
thim pa'i rgyu dang rkyen las gdan rdzogs par bsams/ der dbu
ma'i lam nas spyan 'dren pa'ang snying dbu ma'i

phyi rol tu bsams na mthar rlung thim pa la mi phan pas/ dbu ma
phra'ang khab mig tu ri mthong ba ltar snying de'i nang du chud
pa bsgom par gsung/ snying gar byon pa rang gi shin tu phra ba'i
rlung sems dang dbyer med du 'dres pa srog 'dzin gyi@011a @#/ /mdog can du blta
la/ phyag rgya chen po bsgom par 'dod
na bla ma snying gar thim pa'i tshe mos gus gdung sems kyi mthus
skom pas bdud rtsi myang ba bzhin doms shing bde cham gyis 'gro
pa de'i ngang

las phra mo'i shes pas sems kyi rang bzhin la blta ba sogs
gzhung bzhin du byed/ gnas dang dmigs rten gyi nus pas ji tsam
bsgom pa bzhin rlung thim phul che zhing/ de'i mthus dga' bzhi
dang stong bzhi rim par 'char bas 'od

gsal mngon du 'gyur zhing/ de las sgyu ma'i skur ldang ba sogs
rdzogs rim zab mo'i gnad thams cad kyang sgyu 'phrul 'dis bde
blag tu 'grub nus la/ 'di la zab gnad 'di ltar yod pa ni/ dpal
ldan rtsa ba'i bla ma rin po che/ /bdag gi

snying gar padma'i gdan bzhugs la/ /zhes bla med kyi thun mong
ma yin pa'i chos skad dang bsres nas yod pa 'di nyid yin pas blo
gros can rnams kyis zhib mor dpyad na rtogs par 'gyur ro/ /mthar
snying ga'i padma blu pa'i phyi rol nas

'od zer 'phreng thag dang/ skad gnyis ci rigs pa'i dmigs brtse
ma/ 'jam dpal zhi khro'i sngags sogs 'phreng rdog gi rnam par
gnas pas bsdams par bsams/ nam yang gshegs gsol mi bya bar nyin
rjes ma rnams

su'ang spyan 'dren pa sogs tshang bar byas pa'i mjug tu sngar yod
la bstim pas byin rlabs brtan par 'gyur zhing srung ba chen por
'gro ba dang/ lha rjes su dran pa dang mi 'bral bas bag yod par
'gyur zhing/ zas gos gnas mal

@011b la gang spyad mchod par bsgyur bas dkor sgrib byang zhing
tshogs rdzogs pa dang/ dge ba'i bya ba gang la'ang des 'ogs 'byin
zhing/ mdor na tshor bas kun tu mi 'bral par rjes su 'dzin pas
myur ba las kyang kyang ches myur bar byang chub 'thob

nus so/ /kun tu khyab cing grags na yang/ /bltar dka' sems kyi
rdo rje bzhin/ /gyur pa'i zab gnad 'di dkrol ba/ /bstan dang
'gro ba'i dpal gyur cig (/ces zab las bla ma'i rnal 'byor dga'
ldan lha brgya ma'i zab gnad yongs su rdzogs pa the tsam du bkod

pa 'di ni rnam dpyod yangs pa u cu mu chin gu shir dge slong
dkon mchog mkhas grub kyis nan cher bskul zhing/ snga sor bstan
pa'i gsal byed thu med lo tsA ba zhabs drung dkon mchog dge
legs rgya mtsho dang/ mkhas pa'i dbeng po bla ma dbu mdzad tshul
khrims rgya mtsho gnyis nas kyang sngags kyi zab gnad dang 'brel
ba

zhig dgos zhes bskul ma bgyis yod pa bzhin/ 7btsun pa dkon mchog
bstan pa'i sgron mes sbyar ba'i yi ge pa ni sngags ram pa dkon
mchog kun dga'o//)