@001a @#/ /dga' ldan lta brgya ma'i gzhung bsrangs te mdo sngags
cha tshang bar nyams su len tshul dga' ldan zhing du bgrod pa'i
nor bu'i them skas zhes bya ba bzhugs so/ /

@001b @##/ /chos kun de nyid 'byed pa'i blo gros nyin byed 'od
kyis gdungs pa las/ /'gro la rjes chags kun bzang thugs rje
gangs kyi ri bo bzhus pa'i rgyun/ /gzugs sku

dbang phyug yan lag brgyad ldan grags pa'i rlabs 'phreng rol pa
can/ /snyigs ma'i 'gro ba dug can tshogs kyi dag byed gcig bu de
la 'dud/ /srid zhi'i 'jigs sgrol bla ma lhag pa'i lha/ /dngos

grub 'dod yan lag brgyad ldan grags pa'i rlabs 'phreng rol pa
can/ /snyigs ma'i 'gro ba dug can tshogs kyi dag byed gcig bu de
la 'dud/ /srid zhi'i 'jigs sgrol bla ma lhag pa'i lha/ /dngos

grub 'dod pa 'jo ba'i yi dam ste/ /bar gcod g.yul las skyob
pa'i chos srung sogs/ /skyabs ma'i 'gro ba dug can tshogs kyi dag
byed gcig pu de la 'dud/ /srid zhi'i 'jigs sgrol bla ma lhag
pi' lha/ /dngos

srid zhi'i rgud pa'i rgya mtsho las/ /brgal te zung 'jug nor bu'i
grong khyer du/ /'jug par rigs so blo ldan skal bzang tshogs/
(/de yang rang cag gser mdog cod pan 'chang ba kun gyi lhag pa'i
lha skal gcig pur

gyur pa 'jam mgon bla ma tsong kha pa chen po la brten pa'i zab
lam bla ma'i rnal 'byor ji snyed cig yod pa rnams kyi nang nas
ches mchog tu gyur pa 'jam mgon snyan brgyud kyi man ngag zab mo
dga' ldan lha brgya ma zhes rgya mtsho'i mthas gtugs par 'phrin
las khyab gdal

du che ba 'di nyid kyi gzhung bsrangs te de'i khongs su mdo
sngags gnyi ga'i nyams len dang bsag spyang gi gnad cha tshang
bar byas te lag tu blang ba'i tshul ni/ bla ma'i rnal 'byor 'di
ga'i lugs ltar gyi zhing bkod thang ka'am/ rje bla ma'i sku
brnyan bris 'bur ci rigs

@002a @##/ (/gtso bor gyur pa'i sku gsung thugs kyi rten legs par
bkram/ de'i mdun du gtsang zhing gya nom ba'i mchod pa yid du
'ong ba bsham/ rang nyid stan bde ba la rnam snang gi chos bdun
ldan du 'khod de rang rgyud la dge ba dang

mi dge ba'i phyogs gang che brtag la/ dge bar song 'dug na rlung
nang du rdub/ mi dge ba shas chen rlung phyir 'bud pa dang mnyam
du nag phung de phyir thon pa'i mos pa bya/ de nas skyabs 'gro'i
yul gyi tshogs zhing gsal gdab pa ni/) ! /mdun du

kun bzang mchod sprin rgya mtsho'i dbus/ /rin chen las grub yangs
pa'i khri steng du/ /rgyab la nye bar 'od 'bar nor bu'i khri/
/sna tshogs padma nyi zla'i gdan bcas steng/ /rtsa ba'i bla ma
'jam

dpal snying po dang/ /dbyer med thub dbang btso ma'i gser gyi
mdog /gtsug tor mdzes ldems gnon mnyam gzhag mdzad/ /zhabs gnyis
rdo rje skyil krung tshul gyis bzhugs/ /gur kum

mdangs ldan chos gos rnam gsum gsol/ /nyin byed las lhag 'od zer
phyogs bcur 'phro/ /mtshan dang dpe byad gsal la rab rdzogs pa'i/
/mdzes pa'i sku ni blta bas chog mi shes/ /yan

lag drug cu'i dbyangs dang ldan pa yi/ /snyan pa'i gsung ni thos
pas ngoms pa med/ /mkhyen dang brtse ba'i gter du gyur pa yi/
/zab yangs thugs ni gting mtha' gzhal las 'das/ /nyes

@002b pa'i dri bral legs pa'i yon tan rdzogs/ /dran pa tsam gyis
srid zhi'i gdung bsel/ /rab 'byams zhing du bcu gnyis mdzad pa
sogs/ /gang 'dul ngo mtshar sprul pa sna tshogs ston/ /de yi
g.yas g.yon padma nyi zla'i

gdan/ /bla ma brgyud pa'i grangs snyed tshar du dngar/ /steng du
g.yas su rgya chen spyod rgyud dang/ /g.yon du zab mo lta
rgyud tshogs rnams bzhugs/ /thub dbang mdun du gdan khri phun
tshogs steng/ /rtsa ba'i bla ma

mjal dus rnam pa can/ /chos 'brel mnos pa'i dngos kyi bla ma
rnams/ /padma nyi zla'i gdan la bzhugs pas bskor/ /thub pa'i
dbang po'i rgyab kyi steng gi char/ /dpal ldan rigs brgya'i
khyab bdag rdo rje 'chang/ /

byin rlabs brgyud pa'i bla ma mchog rnams kyis/ /bskor ba pad
nyi zla ba'i gdan la bzhugs/ /thub dbang gtso 'khor rnams kyi
phyogs bzhi ru/ /gsang 'dus 'jigs mdzad dus 'khor he ru ka'i/
/dkyil 'khor lha

tshogs rnams dang de dag mthar/ /yi dam sangs rgyas byang sems
nyan rang dang/ /dpa' bo mkha' 'gro chos skyong srung mar bcas/
/zhi khro rab 'byams rang rang gdan la bzhugs/ /rdo rje 'chang
dbang gtso

'khor rnams kyi mthar/ /'dul mngon mdo dang dbang bshad man ngag
gi/ /brgyud pa'i bla ma dpag tu med pa rnams/ /pad nyi zla ba'i
gdan la mdzes par bzhugs/ /de dag rnams kyi mdun du rang rang
gis/

@003a @#/ /gsungs pa'i dam chos 'od kyi rang bzhin gyi/ /bo ti'i
rnam par gdan khri bzang po'i steng/ /bzhugs pa'i skyabs yul nam
mkha' gang ba rnams/ /dpag yas 'od zer spro bsdur

rol pa yis/ /rab 'byams zhing du 'gro ba'i don mdzad cing/ /rang
la dgyes pa'i nyams kyis bzhugs par gyur/ /rang dang mtha' skor
rigs drug 'gro pa kun/ /thog med nas bzung srid pa'i rgya mtsho
'dir/ /

bzod dka' yun ring sdug bsngal gyis mnar yang/ /da dung gting
mtha' mngon par mi snang bas/ /de yi skyabs shig da lan btsal
dgos shing/ /de yang dkon mchog rin chen rnam gsum la/ /blo 'gel

nus na nam yang mi bslu bas/ /gdung shugs drag pos skyabs su
'gro bar bya/ /bdag dang 'gro ba nam mkha'i mtha' dang mnyam
pa'i sems can thams cad dpal ldan bla ma dam pa rnams la skyabs
su mchi'o/ /

sangs rgyas bcom ldan 'das rnams la skyabs su mchi'o/ /dam pa'i
chos rnams la skyabs su mchi'o/ /'phags pa'i dge 'dun rnams la
skyabs su mchi'o/ /khyad par khams gsum chos kyi rgyal po tsong
kha pa chen

po yab sras brgyud pa dang bcas pa rnams la skyabs su mchi'o/
/chos skyong srung ma ye shes kyi spyan dang ldan pa rnams la
skyabs su mchi'o/ (/zhes lan gang mang brjod pa'i mthar/) skyabs
yul rnams las bdud rtsi'i rgyun

@003b babs pa/ /bdag sogs kun gyi spyi bo nas zhugs pas/ /de dag
la brten nyes pa'i tshogs byang zhing/ /byin rlabs ma lus rgyud
la zhugs par gyur/ (/ces lan gcig /'bras skyabs su gyur pa'i
dkon mchog gsum la gtso bor

dmigs nas sems can thams cad kyi don du de thob byar byed pa
theg chen thun mong ma yin pa'i skyabs 'gro dang sems bskyed kyi
dmigs rnam gsal btab la/) sangs rgyas chos dang tshogs kyi mchog
rnams la/ (/nas/) sangs rgyas 'grub par shog (/ces lan gang mang

brjod de byang chub tu sems bskyed cing spyod pa phyin drug sogs
rgyal sras kyi spyod pa mtha' dag la bslab par bya'o snyam pa'i
'dun pa shugs drag po gsal gdab/) mdun gyi bla ma thub pa'i
dbang po las/ /rang 'dra chad de thim pas bdag nyid ni/ /thub
dbang skur

gyur de yi 'od zer gyis/ /'gro kun byang chub mchog la bkod par
gyur/ (/ces sems bskyed 'bras bu lam byed kyi tshul du bsgom pa
lan gcig bya/) nye ring ris su ma chad ma rgan rnams/ /sdug
bsngal rgyu bcas las grol bde thob

cing/ /zag med dga' bas rol na ci ma rung/ /de bzhin gyur cig de
ltar bdag gis bya/ /de bsgrub nus par bla ma lhag pa'i lhas/
/byin gyis rlobs zhes gsol ba btab pa na/ /byin rlabs bdud
rtsi'i rgyun gyi

char babs pas/ /'gro kun tshad med bzhi la gnas par gyur/ (/ces
tshad med bzhi bsgom pa lan gsum sogs bya/) nam mkha'i dbyings su
sprin phung zhi ba bzhin/ /tshogs zhing mtha' dag thub pa'i dbang
po la/ /bsdus te de

@004a @#/ /yang rang gi smin mtshams nas/ /thim pas byin rlabs ma
lus thob par gyur/ (/ces tshogs zhing bsdu/) nam mkha'i mthas
gtugs sems can kun don du/ /bde chen dang po'i mgon po bla

bla ma lha'i/ /go 'phang myur ba myur bar thob bya'i phyir/ /zab
mo bla ma'i rnal 'byor bsgom par bya/ (/zhes khyad par gyi sems
bskyed lan gang mang bya/ 'og nas 'byung ba bzhin sngags kyi
nyams len dang 'brel bar byed pa la rang lha'i nga rgyal la

gnas shing de'i sgo nas mchod pa sogs byin gyis rlob byar byed
dgos pas 'di ltar/) rang bzhin rnam dag spros bral chos dbyings
las/ /rang nyid rdo rje 'jigs byed skur bzhengs pa'i/ /gnas gsum
yi ge gsum mtshan hUM yig gi /

'od kyis snod bcud mchod rdzas dang bcas pa'i/ /ma dag 'khrul
snang nyes pa kun sbyangs nas/ /dag pa'i rten dang brten par
legs 'char zhing/ /mchod rdzas mtha' dag khyad par gsum ldan
gyi/ /kun

bzang mchod ba'i sprin gyi phung por gyur/ (/ces mchod ba byin
gyis brlab/ de nas tshogs zhing gsal gdab pa ni/) mdun du kun
bzang mchod sprin rgya mtsho'i dbus/ /rin chen las grub yangs
pa'i khri steng du/ /rgyab la

nye bar 'od 'bar nor bu'i khri/ /sna tshogs padma nyi zla'i gdan
dang bcas/ /gsum gyi dbus ma cung zad mtho ba'i steng/ /'jam
mgon chos kyi rgyal po tsong kha pa/ /phyag gnyis chos 'khor
phyag rgyas utpa la/ /

@004b bsnams pa'i g.yas na shes rab ral gri dang/ /g.yon pa'i
steng du sher phyin glegs bam bsnams/ /gur kum mdangs ldan chos
gos gsum gsol zhing/ /btso ma'i gser mdog paN zhwas dbu la
mdzes/ /zhabs

gnyis rdo rje skyil krung tshul gyis bzhugs/ /g.yas su sras
mchog dar ma rin chen dang/ /g.yon na smra ba'i nyi ma dge legs
dpal/ /chos gos gsum gsol paN zhwas gtsug mdzes shing/ /chos
'chad mnyam gzhag

phyag rgyas glegs bam bsnams/ /yab sras gsum char mtshan dpe'i
dpal rdzogs pas/ /mdzes pa'i sku ni blta bas chog mi shes/
(/zhes pa nas/ gzhan rnams gong ltar la/) yab rje'i mdun du gdan
khri phun tshogs steng/ /

zhes pa dang/ 'jam mgon bla ma'i rgyab kyi steng gi char/ (/zhes
pa dang/) 'jam mgon 'khor bcas rnams kyi phyogs bzhi ru/ (/zhes
pa rnams tshig bsgyur dgos/ de nas/) rab 'byams zhing khams du
'gro ba'i don mdzad cing/ /rang la

dgyes pa'i nyams kyis bzhugs par gyur/ /de dag rnams kyi gnas
lngar yi ge lngar/ /legs mtshan thugs ka'i hUM las 'od zer
'phros/ /rab 'byams phyogs bcu'i zhing khams thams cad nas/ /bla
ma yi dam

rgyal ba sras bcas dang/ /khyad par steng phyogs dga' ldan lha
gnas las/ /grong dang dgon pa'i tshul du byas pa yi/ /zhing mchog
dam pa yid dga' chos 'dzin zhes/ /ma pham mgon po'i thugs bskyed
las grub pa/ /srid

@005a @#/ /pa'i sdug bsngal ming yang mi grags shing/ /dag ba'i
zhing gi snod bcud 'byor pa'i dpal/ /ma tshang med par lhun gyis
grub pa'i dbus/ /nyi ma stong phrag 'od kyi gdengs ka can/ /chos

kyi pho brang rgyal mtshan mthon po ru/ /rgyal sras rgya mtsho'i
tshogs kyis bskor ba'i dbus/ /mi 'jigs gdong lngas btegs pa'i nor
bu'i khrir/ /bzang po'i bzhugs stangs tshul gyis 'khod pa yi/
/dga' ldan lha

brgya'i mgon gyi thugs ka nas/ /rab dkar zho gsar spungs 'dra'i
chu 'dzin rtser/ /chos kyi rgyal po kun mkhyen blo bzang grags/
/sras dang bcas pa gnas 'dir gshegs su gsol /rnam dag chos kyi
dbyings

las ma g.yos kyang/ /thugs rjes tshad med 'gro la phyogs bcur
gzigs/ /rgyal ba kun gyi 'phrin las rgyas mdzad pa/ /dus gsum
bla ma 'khor bcas gnas 'dir gshegs/ /dzaHhUM baM hoH ye shes pa
rnams rang

rang gi dam tshig pa so so la thim par gyur/ mdun gyi nam mkhar
seng khri pad zla'i steng/ /rje btsun bla ma dgyes pa'i 'dzum
dkar can/ /bdag blo dad pa'i bsod nams zhing mchog tu/ /bstan pa
rgyas phyir bskal brgyar

bzhugs su gsol/ /bstan pa'i bdag po ston pa bcom ldan 'das/
/rgyal ba'i dbang po blo bzang grags pa'i dpal/ /bka' drin mnyam
med yongs 'dzin rin po che/ /dbyer med zhabs kyi padmor phyag
'tshal lo/ /

@005b shes bya'i khyon kun 'jal ba'i blo gros thugs/ /skal bzang
rna ba'i rgyan gyur legs bshad gsung/ /grags pa'i dpal gyis lham
mer mdzes pa'i sku/ /mthong thos dran pa don ldan la phyag
'tshal/ /khyod kyi ngo mtshar sprul pa'i

zlos gar las/ /byung ba'i dngos brgyud bla ma yi dam lha/ /sangs
rgyas byang sems nyan rang srung mar bcas/ /zhi khro rab 'byams
rnams la phyag 'tshal lo/ /yid 'ong mchod yon sna tshogs me tog
dang/ /dri zhim bdug

spos snang gsal dri chab sogs/ /dngos bshams yid sprul mchod
sprin rgya mtsho 'di/ /bsod nams zhing mchog khyed la mchod par
'bul/ /mchod pa gang rnams bla med rgya che ba/ /de dag rgyal ba
thams cad la yang mos/ /

bzang po spyod la dad pa'i stobs dag gis/ /rgyal ba kun la phyag
'tshal mchod par bgyi/ /rnam dkar bshad sgrub bslab gsum rim
gnyis sogs/ /rang gzhan kun gyi rnam dkar dge tshogs kyang/ /yid
'ong mchod pa'i sprin

du legs bstar na/ /bzhes shing zad mi shes par byin gyis rlobs/
/rigs lnga yum bzhi'i rang bzhin dam rdzas rnams/ /rdo rje gsum
gyi 'od zer spro bsdu yis/ /sbyangs rtogs spar byas bdud rtsi'i
rgya mtsho ches/ /mchog

tu sim zhing dgyes pa bskyed gyur cig /zhing sngags lhan skyes
phyag rgya'i tshogs spros te/ /rdo rje 'chang dbang yum la thim
pa na/ /de dang snyoms 'jug dga' ba'i rol pa yis/ /'khor bcas
zag med dga' bas tshim gyur@006a @#/ /cig /chos kun spros bral nam mkha' lta bu'i
dang/
/gzugs sku'i 'ja' tshon cir yang 'char bzod pa/ /sku thugs zung
'jug lhan skyes bde ba che/ /byang chub rdo rje'i mchod pas
dgyes par

mdzod/ /mdor na phyi nang nyer spyong 'dod yon dang/ /dbang
bzhi dang 'brel mchod pa'i maNDal/ /blo yis blangs te gus pas
'bul lags na/ /thugs rje che ldan nyid kyi mthus bzhes shig
/rab rmongs bdag sogs 'gro drug

sems can rnams/ /ring nas gdul dka' sems kyis dbang bsgyur
zhing/ /sems nyid rmongs pas bran du bzung ba'i mthus/ /dpag
yas sgo gsum sdig pa ci bgyis pa/ /gnong zhing 'gyod pa drag
pos mthol bgyid na//

btsam ldan thugs rje mnga' ba khyed rnams kyis/ /byin rlabs mi
zad bdud rtsi'i chu rgyun gyis/ /lhag med byang zhing dag par
byin gyis rlobs/ (/zhes thugs rje bskul ba'i dmigs ba dang
bcas ltung bshags dang bla ma rdor 'dzin ma/ mjug tu/) gang

zhig thog med dus nas bsags pa yi/ /lus ngag yid kyis mi dge
ci bgyis dang/ /khyad par sdom pa gsum gyi mi mthun phyogs/
/snying nas 'gyod pa drag pos so sor bshags/ (/zhes ba lan
gsum sogs bya/ de nas/) snyigs ma'i

dus 'dar mang thos sgrub la brtson/ /chos brgyad spangs pas
dal 'byor don yod byas/ /mgon po khyod kyi rlabs chen mdzad pa
la/ /bdag cag bsam pa thag pas yi rang ngo/ /rje btsun bla ma
dam pa khyed rnams kyis/ /chos

@006b sku'i mkha' la mkhyen brtse'i chu 'dzin 'khrigs/ /ji
ltar 'tsham pa'i gdul bya'i 'dzin ma la/ /lhun 'grub chos kya
char pad bab tu gsol/ /bdag gis ji snyed bsags pa'i dge ba
'dis/ /bstan dang 'gro ba kun la

gang phan dang/ /khyad par rje btsun blo bzang grags pa yi/
/bsten pa'i snying po ring du gsal byed shog /zhing khams 'bul
bar zhu/ /oM badzra b+hu mi AH hUM/ (zhes pa nas/) zhing
khrams rnam par dag pa 'di nyid khams gsum chos kyi

rgyal po tsong kha pa yab sras la sogs pa rtsa brgyud kyi bla
ma yi dam sangs rgyas byang sems dpa' bo mkha' 'gro nyan rang
chos skyong srung ma rnams la dbul bar bgyi'o/ /thugs rjes
'gro ba'i don du bzhes su gsol/ bzhes

nas mchog dang thun mong gi dngos grub ma lus pa stsal du
gsel/ sa gzhi spos kyis (sogs dang/) bdag gzhan lus ngag (ma
sogs brjod de/) rab 'byams gsung rab kun la blta ba'i mig /X X
gsal mdzad bshes gnyen

rnams la gsol ba 'debs/ /sgrub pa po la bu ltar gzigs mdzad
cing/ /X X yid dam lha tshogs rnams la gsol ba 'debs/ /rlabs
chen tshogs gnyis spyod pa yongs rdzogs shing/ /nyes kun bag
chags bcas pa drungs

phyung ste/ /mkha' mnyam 'gro ba kun gyi don mdzad pa/ /rgyal
ba sras bcas kun la gsol ba 'debs/ /bshes la mi gus dal 'byor
chud gzon zhing/ /'chi ba mi dran tshe 'di'i bde thabs bsgrub/
/ngan 'gror mi

@007a @#/ /'jigs rnam dag skyabs mi 'tshol/ /las 'bras mi sems
blang dor log par bsgrub/ /'khor ba bder 'dzin de rgyu las
nyon spel/ /thar par mi spro bslab gsum bsten mi byed/ /ma

rnams yal bor rang nyid gces par 'dzin/ /bdag tu mngon zhen
sngags la mi mos sogs/ /phyin ci log gi blo sna mtha' dag
rnams/ /myur du 'gag par byin gyis brlab tu gsol/ /bshes la
dad gus dal

'byor snying po len/ /'chi ba rjes dran tshe 'di'i 'dun ma
bskyungs/ /ngan 'gro'i 'jigs dran dkon mchog skyabs su 'dzin/
/las 'bras bsams nas blang dor tshul bzhin bsgrub/ /'khor ba'i
skyon mthong las

nyon spong bar 'dod/ /thar pa don gnyer rnam dag bslab gsum
bsten/ /ma rnams gces 'dzin rang nyid yal bar dor/ /bdag med
don mthong sngags la mos pa sogs/ /phyin ci ma log blo sna
mtha' dag rnams//

myur du skye bar byin gyis brlab tu gsol/ /khyad par byams
dang snying rje sems bskyed dang/ /phyin drug la sogs rgya
chen spyod pa'i lam/ /snying po lam dus kun rdzob sgyu ma'i
lus/ /yang snying 'bras bu'i dus

kyi rdo rje'i sku/ /bdag med gnas lugs ji bzhin mthong ba yi/
/zhi lhag gnyis sogs zab mo lta ba'i lam/ /snying po dpe dang
don gyi 'od gsal gnyis/ /yang snying bde stong dbyer med chos
sku ste/ /zab dang rgya

@007b che'i lam bzang snying por bcas/ /myur du skye bar byin
gyis brlab tu gsol/ /'jam dbyangs bla ma'i thugs ka'i hUM yig
las/ /'od 'phros rgyab kyi rdo rje 'chang la phog /de yi thugs
ka'i hUM gi 'od zer gyis/ /tshogs

zhing gzhan rnams bsdus nas der thim zhing/ /de nyid yab rje'i
spyi bo nas zhugs te/ /ye shes sems dpa'i tshul gyis bzhugs par
gyur/ (/de nyid la slar yang/) lus ngag yid gsum gus pas phyag
'tshal lo/ /dngos

bshams yid sprul mchod pa ma lus 'bul/ /thog med nas bsags
sdig ltung thams cad bshags/ /skye 'phags dge ba rnams la rjes
yi rang/ /'khor ba ma stongs bar du legs bzhugs nas/ /'gro la
chos

'khor ma lus bsgor du gsol/ /bdag gzhan dge rnams byang chub
chen por bsngo/ (/zhes yan lag bdun pa mdor bsdus dang/ sa
gzhims maNDal phul/) sku bzhi'i bdag nyid bla ma lhag pa'i
lha/ /thub dbang rdo rje 'chang la

gsol pa 'debs/ /sgrib bral chos sku'i bdag nyid bla ma lha/
/thub dbang X/ /bde chen longs sku'i bdag nyid bla ma lha/
/thub dbang X/ /sna tshogs sprul sku'i bdag nyid bla ma lha/
/thub dbang X/ /bla ma kun

'dus bla ma lhag pa'i lha/ /thub dbang X/ /yi dam kun 'dus X/
/thub dbang X/ /sangs rgyas kun 'dus X/ /thub dbang X/ /dam
chos kun 'dusX/ /thub dbangX/ /dge 'dun kun 'dus X/ /thub
dbang X

@008a @#/ /mkha' 'gro kun 'dus/ /thub dbang X/ /chos skyong kun
'dus X/ /thub dbang/ /skyabs gnas kun 'dus bla ma lhag pa'i
lha/ /thub dbang rdo rje 'chang la gsol ba 'debs/ /khyad

par rgyal sras kun las rigs gsum mgon/ /mkhyen brtse nus pas
khyad par 'phags pa bzhin/ /gangs can mkhas kun gtsug gi rgyan
gyur pa/ /'jam mgon bla ma'i zhabs la gsol ba 'debs/ /mkhyen

brtse'i gter dang mthu chen thob bzhin du/ /mkhyen pa'i ye
shes brtse ba'i thugs rje dang/ /skyob pa'i nus mthu mtshungs
zla ma mchis pa/ /'jam mgon bla ma'i zhabs la gsol ba 'debs/
/nges pa'i don du 'phags pa

rigs gsum mgon/ /dur smrig 'chang ba'i sku yi rnam rol te/
/rgyal ba'i bstan pa nyi ltar gsal mdzad pa/ /'jam mgon bla
ma'i zhabs la gsol ba 'debs/ /mar gyur 'gro la rjes chags
snying rje dang/ /mtha' bral

gnas lugs rtogs pa'i shes rab mchog /phyi nang bdud sde 'joms
pa'i nus pa rnams/ /bdag sogs rgyud la skye bar byin gyis
rlobs/ (/zhes phyi nang gsang ba'i yon tan dran par byas te
dmigs brtse ma yongs grags ltar ram/) dngos

grub kun 'byung thub dbang rdo rje 'chang/ /dmigs med brtse
ba'i gter chen spyan ras gzigs/ /dri med mkhyen pa'i dbang po
'jam pa'i dbyangs/ /bdud dpung ma lus 'joms mdzad gsang ba'i
bdag /'jam dpal khros

@008b pa'i zlos gar gshin rje'i gshed/ /gangs can mkhas pa'i
gtsug rgyan tsong kha pa/ /blo bzang grags pa'i zhabs la gsol
ba 'debs/ (/zhes sogs ltar gyi lnga skor drug skor sogs bya/)
'jam mgon yab sras gsum gyi thugs ka nas/ /

thon pa'i 'od kyi slu gu'i lam brgyud de/ /bdud rtsi'i rgyun
babs spyi bo nas zhugs pas/ /mi shes rmongs pa'i dri ma
sbyangs par gyur/ (/zhes ma dag pa 'khrud pa'i dmigs pa sngon
du btang la/) bdud rtsi'i rdul rnams 'jam

dpal zhi khro yi/ /sku yi rnam par gnas pas lus gang ste/ /rab
'byams gzhung don 'byed la thogs med pa'i/ /rlabs chen shes
rab thob par byin gyis rlobs/ /bdud rtsi'i rdul rnams X/
/sngags kyi rnam par

gnas pas lus gang ste/ /dka' gnad phra zhib ma 'dres 'byed pa
yi/ /shes rab gsal ba thob par byin X/ /bdud rtsi'i rdul rnams
X/ /sa bon rnam par gnas pas lus gang ste/ /the tshom 'ching ba
'phral du

gcod pa yi/ /shes rab myur ba thob par X/ /bdud rtsi'i rdul
rnams X/ /phyag mtshan rnam par gnas pas lus gang ste/ /zab
mo'i don gyi gting mtha' dpog pa yi/ /shes rab zab mo thob
parX/ /bdud rtsi'i

rdul rnams gang zhig bshad bya yi/ /glegs bam rnam par gnas
pas lus gang ste/ /tshig don kun la nges pa mchog ster ba/
/'chad pa'i shes rab thob par X/ /bdud rtsi'i rdul rnams shes
rab ral gri yi/ /

@009a @#/ /'khor lo'i rnam par gnas pas lus gang ste/ /smra
ngan tshogs kyi spobs pa 'phrog pa yi/ /rtsod pa'i shes rab/
/bdud rtsi'i rdul rnams gzhung gi glegs bam dang/ /ral gri'i

rnam par gnas pas lus gang ste/ /sgra don phun tshogs blo gsal
dga' skyed pa'i/ /rtsom pa'i shes rab thob par byin gyis
rlobs/ (/zhes dmigs skor bdun po re re'i mtshams su dmigs brtse
ma grangs ji ltar 'tsham pa re bzlas te/

yang ma dag pa 'khrud pa'i dmigs pa dang sbrags nas rjes ma
rjes ma byed pa'am/ yang na ma dag pa 'khrud pa tshar gcig gi
mjug tu dmigs skor bdun gyi tshigs bcad rnams dkyus gcig la
brjod de dmigs brtse ma bzla ba gang mos bya/ de nas/) yon tan
kun gyi gzhir gyur drin can

rje; ;zhes sogs kyis lam yongs rdzogs la gshar sgom bya zhing/
rkang pa tha ma lan gnyis gnyis su brjod pas dang po'i tshe de
dang de'i rtogs bskye ba la gegs byed kyi dri ma sbyangs pa
dang/ gnyis pa'i tshe de dang de'i rtogs pa skyes pa'i dmigs pa
bya/) bde blag nyid du 'jug par byin

gyis rlobs/ (/zhes pa'i 'phror/) sangs rgyas byang chub sems
dpa' kun/ (/zhes sogs kyis sdom pa bzung la/ de nas/) khyod ni
bla ma khyod ni yi dam khyod ni mkha' 'gro chos skyong ste/
/XXX bar gcod srungs/ (/zhes pa lan gsum

gyis phur tshugs su gsol ba btab pas/ rje yab sras gsum ka dang
khyad par du rje bla ma'i thugs ka'i rdo rje 'chang gi gnas
gsum las bdud rtsi'i rgyun babs pa rang gi gnas rnams su thim
pas dbang bzhi'i rtogs pa skyes bar bsams la/) rje btsun bla
ma rdo rje 'chang dbang gi /spyi

@009b bo'i oM las bdud rtsi'i rgyun babs pas/ /lus kyi sgrib
sbyangs bskyed rim bsgom pa dang/ /'bras bu sprul sku 'grub
pa'i nus pa thob/ /mgrin pa'i AH yig las byung bdud rtsi'i
chus/ /ngag gi sgrib sbyangs sgyu lus bsgom

pa dang/ /'bras bu longs sku 'grub pa'i nus pa thob/ /thugs
ka'i hUM yig 'od dang bdud rtsi'i chus/ /yid kyi sgrib
sbyangs 'od gsal bsgom pa dang/ /'bras bu chos sku 'grub pa'i
nus pa bzhag /slar yang

gnas gsum las byung bdud rtsi'i chus/ /sgo gsum sgrib sbyangs
zung 'jug bsgom pa dang/ /rdo rje 'chang dbang go 'phang 'grub
pa yi/ /nus pa bzhag ste dbang bzhi thob par gyur/ /de tshe
dngos grub rnam gnyis

'grub pa'i gzhi/ /zhes pa nas/ rdo rje 'chang gi go 'phang
myur thob shog /de ltar gdung shugs drag pos rtse gcig tu/
/gsol ba btab pas sras kyi tho bo gnyis/ /rje la thim zhing de
nyid tshur byon te/ /rang lus

dngus kyi d+hU tI'i stod yangs pa'i/ /yar sna thal gyis phye
ba'i nang nas zhugs/ /snying ga'i padma'i dbus su rang sems
dang/ /dbyer med tshul gyis brtan par bzhugs par gyur/ /dpal
ldan rtsa ba'i bla ma zhes

sogs dang/ deng nas ji srid byang chub snying po'i bar/ /skad
cig tsam yang 'bral med rjes bzung ste/ /phyin ci log gi blo
sna kun bkag nas/ /yang dag lam bzang skye bar byin gyis
rlobs/ /'di snang

@010a @#/ /'gag tshe dga' ldan zhing mchog tu/ /ma pham mgon
dang 'jam dpal snying po sogs/ /yab sras kun gyis dgyes bzhin
rjes bzung ste/ /lam bzang dga' ston myong bar byin gyis
rlobs/ /

mgon khyod rmad byung bkod pa'i zhing khams su/ /seng ge'i nga
ror 'tshang rgya'i tshul bstan tshe/ /'khor du skyes nas zab mo'i
lta ba dang/ /gsang chen lam bzang bgrod par byin gyis rlobs/
/mdor na dus dang gnas

skabs gang du yang/ /bla ma yi dam dkon mchog gsum gyi dngos/
/'dren pa khyod min skyabs gzhan mi 'tshol bas/ /'du 'bral med
par byin gyis brlab tu gsol/ /de ltar gsol ba btab pas dgyes
bzhin

du; ;snying dbus bzhugs shing de yi 'dab ma rnams/ /zum pa'i
phyi nang sngags kyis bsdams pa'i rtser/ /mi phyed rdo rje'i
rgya yis mtshan par gyur/ /dus gsum dge tshogs gcig tu bsdoms
pa'i mthus/ /skye

zhing skye bar 'jam mgon bla ma dang/ /'bral med bsam dang
sbyor bas legs bsten nas/ /bde chen mgon po'i go 'phang myur
thob shog/ (//thun mtshams rnams su yang snying gar rje bla ma
bzhugs yod snyam pa'i mos pa

byas te zas gos gnas mal sogs la longs spyod pan snying ga'i
rje bla ma la phul ba'i dmigs pa byas pas dkor sgrib sbyong
zhing tshogs rlabs pa che zhar byung du rdzogs par 'gyur ba
dang/ sgo gsum gyi spyod pa gang la'ang de nyid dbang po'i
tshul du bzhugs bar bsams pas nyes spyod las

@010b (ldog cing dge tshogs 'phel ba dang lha rjes su dran pa'i
rnal 'byor mchog tu 'gyur la/ tshe rabs thams cad du rje bla ma
dang mi 'bral zhing gsang sngags zab mo'i smin byed du 'gyur
ba'i gnad khyad par can yod do/ /thun rjes ma rnams kyi
tshe'ang dga' ldan nas spyan 'dren pa sogs sngar dang 'dral/
dpal ldan

rtsa ba'i bla ma zhes sogs kyi skabs snying padma bum sku'i
rnam pa de nyid cung zad kha phye ba'i mtshams nas mar phabs te
sngar bzhugs pa'i rje bla ma de nyid la bstim pa'i dmigs pa
byas la/ slar yang sngags 'phreng gis bsngams pa sogs gong
bzhin byas pas byin rlabs brtan pa sogs dgos pa shin tu
che'o/) /smras

pa; ming tsam lhag mar gyur pa thub pa'i bstan/ /nyi ltar gsal
mdzad 'jam dpal snying po zhes/ /snyan pa 'jig rten gsum na
grags pa yi/ /mgon de ma pham rgyal ba'i drung na bzhugs/ /de
yis legs gsungs

bstan pa'i snying po la/ /mos pa'i blo can yab rje'i mdun sa
ru/ /bsnyegs 'dod de dag nor bu'i them skas 'dir/ /dad brtson
zung 'brel gom pa 'dor bar rigs/ /tshul 'dir 'bad las thob pa'i

rnam dkar mthus/ /ma nor bstan pa'i snying po dar ba dang/
/zogs kyi sa ma bslad bstan 'dzin gtsang ma yis/ /bstan pa'i
bya ba gegs med mthar phyin shog/ (//ces dga' ldan lha brgya
mar grags pa'i bla ma'i rnal

'byor gyi gzhung bsrangs te mdo sngags cha tshang bar nyams su
len pa'i tshul dga' ldan zhing du bgrod pa'i nor bu'i them skas
zhes bya ba 'di ni phul du byang ba'i lhag bsam rnam dpyod
dang ldan pa tA bla ma rab 'byams pa kun dga' rnam rgyal
dang/ chos tshul 'byed pa'i blo mig mchog tu yangs pa ku shrI

@011a @#/ /bkra shis rab brtan gnyis kyis bskul ngor/ btsun pa
dkon mchog bstan pa'i sgron mes sbyar ba'i ye gi pa ni bik+Shu
rak+Sha ratna Ananta'o//