!rtsa ba'i bla ma dang rje bla ma dbyer
med kyi bla ma'i rnal 'byor bzhugs so/ /mdun gyi nam mkhar

seng khri bad zla'i steng/ /bka' drin gsum ldan rje btsun bla ma
mchog /dgyes 'dzum chos 'khor phyag rgyas glegs ral bsnams/
/gnas gsum yi ge gsum gyis mtshan par gyur/ /dga' ldan lha
brgya'i mgon gyi thugs ka nas/ /rab dkar zho

gsar sbungs 'dra'i chu 'dzin rtser/ /chos kyi rgyal po kun
mkhyen blo bzang grags/ /sras dang bcas pa gnas 'drir gshags su
gsol/ /mkha' dbyings bzhugs pa'i rje btsun bla ma dang/ /gsang
gsum sgyu 'phrul ngo bo dbyer med par/

bdag blo dad ba'i bsod nams zhing mchog tu/ /bstan pa rgyas
phyir bskal brgyar bzhugs su gsol/ /shes bya'i khyon kun yangs
pa'i blo gros thugs/ /skal bzang rna ba'i rgyan gyur legs bshad
gsung/ /grags ba'i dpal gyis lham

mer mdzes ba'i sku/ /mthong thos dran ba don ldan la phyag
'tshal/ /yid 'ong mchod yon sna tshogs me tog dang/ /dri zhim bdug
spos snang gsal dri chab sogs/ /dngos bshams yid sprul mchod
sprin rgya mtsho 'di/ /bsod nams

zhing mchog khyed la mchod pa 'bul/ /gang zhig thog med dus nas
bsags pa yi/ /lus ngag yid kyis mi dge bcu bgyis dang/ /khyad
bar sdom pa gsum gyi mi mthun phyogs/ /snying nas 'gyod pa drag
pos so sor bshags/ /snyigs

@007b ma'i dus 'dir mang thos sgrub la brtson/ /chos brgyad
spangs pas dal 'byor don yod byed/ /mgon po khyod kyi rlabs chen
mdzad pa la/ /bdag cag bsam pa thag pas yi rang ngo/ /rje btsun
bla ma dam ba khyed rnams kyi/ /chos sku'i mkha' la

mkhyen brtse'i chu 'dzin 'khrigs/ /ji ltar 'tshams pa'i gdul
bya'i 'dzin ma la/ /lhun grub chos kyi char pa dbab du gsol/
/bdag gis ji snyed bsags pa'i dge ba 'dis/ /bstan dang 'gro ba
kun la gang phan dang/ /khyad par rje btsun blo bzang

grags pa yi/ /bstan ba'i snying po ring du gsal byed shog /sa
gzhi spos kyis ? spyod par shog /skyabs gnas kun 'dus bla ma rin
po che/ khyod min re sa gzhan na ma mchis pas/ /srid dang zhi
ba'i rgud pa kun sel zhing/ /

don gnyis lhun gyis grub bar byin gyis rlobs/ /de nas dmigs
brtse ma dang/ dkon mchog rnam gsum thugs rje me shel khams/
/mdo sngags bstan pa'i 'dab brgya bzhad ba'i gnyen/ /thar 'dod
snying gi mun sel sgron me mchog /rje

btsun bla ma'i zhabs la gsol ba 'debs/ /zhes ba lta bu grangs
bsags te rje bdag nyid chen po dang rang gi drin can rtsa ba'i
bla ma dbyer med du byas te gsol ba 'debs/ de nas/ dpal ldan
rtsa ba'i bla ma rin po che/ /bdag gi snying gar/ zhes sogs
dang/ mi rtag 'chi ba

dran pas rgyud bskul te/ /skyabs 'gro las 'gras bden bzhi'i
blang dor dang/ /theg mchog sems bskyed spyod dang bcas pa la/
/gegs med tshul bzhin slob bar byin gyis rlobs/ /yang dag lta
dang nyer 'brel sngags kyi lam/ /rim

@008a @#/ /ba gnyis kyi bgrod ba mthar phyin cing/ /mdor na khyod
kyis 'pral med rjes bzung ste/ /zung 'jug go 'phang bde blag
thob gyur cig /ces ba 'di ni dang ldan dge slong tshul khrims
dang rgyas kyis bskul dor/ bcun

pa dkon mchog bstan ba'i sgron mes bris pa'o// //! bla ma mchog
gsum chos dbyings bden pa'i mthus/ /'dis mtshon sde 'dir rnam
dkar ci bgyis dang/ /dus gsum dge tshogs gcig tu bsdom byas nas/
/mkha' mnyam bstan

'gro'i dpal du 'gyur ba dang/ /khyad par dkon mchog gsum la
skyabs 'tshol ba'i/ /dmigs yul de nyid rtag tu dal 'byor thob/
/rnam dag bslab gsum rab brtan 'dzin pa'i gzhir/ /nges legs thar
ba'i 'bras bzang smin gyur

cig /ces pa 'di ni dgon 'dir drin shin tu che ba dpon po dkon
mchog rab brtan gyi ched du dge slong tshul khrims dar rgyas kyis
bskul ngor/ ! btsun ba dkon mchog bstan pa'i skron mes bris
pa'o// //@#/ /rgyal kun yab gcig mkhyen gter dkar po dang//

dbyer med thugs rje'i bdag nyid bla ma mchog /byang chub bar du
bdag gi mgon mdzad de/ /mchog thun dngos grub ma lus stsal du
gsol/ /sdig ltung rmongs pa'i dri ma kun byang zhing/ /zab gsal
myur ba'i shes rab rgyas pa dang/ /

sa dang lam gyi rtogs pa mthar son de/ /bla med byang chub thob
par byin gyis rlobs/ /skye ba kun tu zhes sogs bya/ zhes pa 'di
yang dad brtson ldan ba dkon mchog dar rgyas kyis bskul ngor/
btsun pa dkon mchog brtan ba'i sgron mes bris pa'o//