@001a @#/ /mi rtag pa sgom tshul gyi bslab bya tshigs su bcad pa
bzhugs so//

@001b @##/ /dpal bde ba chen po'i mkha' dbyings ngos/ /sku gang
'dul bkod pa'i sprin dkrigs te/ /chos zab cing rgya che'i char
'bebs la/ /rje bla ma rnams la phyag 'tshal lo/ /dus lan

gcig rnyed pa'i dal 'byer 'di/ /don ma grub lag nas 'chor nyer
gda'/ /da thar pa'i lam sna brnyegs re ran/ /don de phyir skul
ma'i lcag 'di zungs/ /lo zla ba 'di la 'di snang gi /las bya
byed tshugs

su tshud byas nas/ /slar gtsang ma'i chos shig byed snyam pa/
/'di thams cad bslu ba'i phung 'dre yin/ /tshe 'di snang bya ba
chu mnyer 'dra/ /gcig 'das rjes gcig gis mnan nas 'ongs/ /de
bsgrub

kyin bsgrub kyin mang du 'gro /da btsan thabs su bcad na mi legs
sam/ /chos byed kyi sang nyin 'char gyi bar/ /'chi dus kyi de
ring slebs nyen che/ /da rang mgo rang gis ma bskor bar/ /chos
byed na de

ring nyid nas gyis/ /sngon byon gyi rgyal ba sras dang bcas/
/mdzad 'phrin gyis sa gsum khyab na yang/ /sku mi bzhugs mchan
tsam lhag mar lus/ /de kun kyang mi rtag slob dpon yin/ /stobs
'byor

gyis dregs pa'i rgyal blon tshogs/ /lo rgyus kyi phreng ba ngoms
che yang/ /ma brtag na yod yod 'dra ba la/ /khams gsum du 'thor
te shul na med/ /rang nyid dang sngar nas 'dris pa'i grogs/ /tshe
srog

@002a @##/ /dang stobs mtshungs phal cher yang/ /glo bur du 'chi
bdag dgras khyer na/ /da rang la mi 'jigs gdengs ci yod/ /ches
shin tu glen pa lug gis kyang/ /rang rigs rnams bshan

pas gsong mthong tshe/ /snying 'dar na gzhan dpe rang steng du/
/sbyor mi shes pa de phyugs las blun/ /nges med du 'chi ba gzugs
grub 'di/ /dngos stobs dang lung la ma ltos par/ /mngon sum du

mthong yang mi shes pa/ /de'i ming la ce re long zhes gsungs/
/gnyen nye du g.yog 'khor 'dus pa yang/ /rlung chen pos shing
lo sphungs pa 'dra/ /dar cig nas ri klung kun tu 'thor/ /slar mi
'dzom 'dus

pa'i tha ma yin/ /phyogs nges med 'dus pa'i khrom tshogs kyang/
/ston nam mjug 'chad kha'i sdang? bu 'dra/ /'dus tsam nas gyes
shing yal te 'gro /bsam shes na mi rtag slob dpon yin/ /phyi
'byung

ba'i snod lam mtshon na yang/ /dbyar dgun gyi ming btags bslu
brid kyis/ /zhag bcu grangs tsam nas ri klung kun/ /mdog 'gyur
zhing 'gro de mi rtag pa/ /chu sngon mo rlabs kyi gar mkhan ma/
/sgra lhung

lhung sgrog ba de yang ni/ /dgun 'khyag rom sbubs su tshud pa na/
/sgra shub bus smre sngags 'don pa bzhin/ /tshal yangs po skye
dgu dga' ba na/ /rkang drug gi phreng ldan 'dab brgya'i tshogs/
/ston pa

@002b mos bcom pa'i mya ngam brang/ /skyi ser gyis gdung bas
shugs glu len/ /nyin mtshan gyi byi ba dkar nag gnyis/ /tshe
'ching thag gi rtsa phung res kyis za/ /der ma zad skad cig re
res kyang/ /dgra 'chi bdag gi drung du bsnyegs nas

'gro; ;skra dkar zhing gzhu ltar gug pa yis/ /rgas 'khogs kyi
pha mas 'dar bzhin du/ /bu lang tsho can gyi dur 'dabs na/ /rgan
gzhon gyi rim pa su yis brtsi/ /nor longs spyod snye ma'i gang
bu yang/ /rkyen ngan gyi ser bas brdung ba na/

sngar rang gi gsos pa'i g.yog gi sgor/ /sprang zhu bas ang lan
khug par dka'/ /dus de ring yid gcug grogs po yang/ /tshig legs
nyes gcig la rnam rtog gis/ /sgro btags nas sang nyin dangs ma'i
dgra/ /nye ring gi 'dzin pa de nas

chod; ;byur dpal du rlom pa'i srid 'byor kun/ /bye leb la mar me
khang bzang bzhin/ /mdzes mdzes ltar snang ba'i bslu brid kyis/
/gtan bde ba'i srog rtsa gcod byed yin/ /don dril na myur du'ong
nges shing/ /dus nam zhig 'ong ba cha

med la/ /nam slebs tshe zlog tu med pa yin/ /dgra 'chi bdag bdud
kyi khar chud tshe/ /dus yun ring 'grogs pa'i lus 'di yang/ /mal
dron mor bzhag nas 'gro dgos na/ /nor longs spyod gnyen dang
'khor g.yog la/ /phyi mig kyang blta

ba'i go skabs med/ /tshe hril por ngal med bsgrub bsgrub pa'i/
/dgra 'dul dang gnyen skyong bya ba kun/ /'phro bshal le bzhag
ste dge sdig gi /khur bkur nas 'jig rten pha rol 'gro/ /lam
rgyus med bgrod dka' bar do'i 'phrang/@003a @#/ /dgra gshin rje'i dmag gis bkag pa'i
tshe/ /srid 'byor
pas dgos dus bslu ba yi/ /mtshang ston par shes te 'gyong kyang
'phyis/ /lam rgyus med kyis mkhan chos yin zhing/ /lam bshul
ring

gi lam rgya ga chos yin la/ /lam bgrod dka'i ded dpon chos yin
pas/ /dus da nas sgo gsum chos la sbyor/ /dbang rang la yod pa'i
gnas skabs 'dir/ /gtan bde ba'i btsan sa ma zin na/ /dbugs 'gro
'ong rgyu ba chad pa'i

tshe; ;rang ci bya gtol med dus shig 'ong/ /don de phyir mi rtags
sems pa 'di/ /dus thog ma bar dang tha ma ru/ /blo chos la bskul
bar byed pa yi/ /lam dbu ma snang sel chen por gsungs/ /sems de
ltar chos la 'khrul ba na/ /chos

zab mo'i sgra can mang na yang/ /mgon dus gsum rgyal ba'i thugs
kyi bcud/ /rje blo bzang rgyal ba'i ring lugs mchog /chos mdo
sngags bshad sgrub zung 'brel gyi/ /lam ngo bo grangs dang go
rim sogs/ /gnad tshang la ma

nor yongs rdzogs la/ /dus nyin bzhin bag chags ci thebs kyis/
/bshar sgo ma la nyams len dngos gzhir byas/ /de'i sbyor dang
mjug gi rim pa yang/ /rje bla ma'i bka' bzhin legs bsgrub ste/
/dal 'byor la snying po

len par 'tshal/ /tshul de ltar bsgrub pa'i dge tshogs mthus/ /bdag
rtag par 'dzin pa'i chom rkun dang/ /yul bden 'dzin gyi phyi
dpung bcom byas te/ /dpal 'chi ba med pa'i gnas thob shog (/ces
ba 'di ni sngon bzang bo'i bag chags/

@003b kyi mthu brtas pa'i zhabs brung ngag dbang grags pas
'phags ba bcu gcig zhal gyi dkyil 'khor stegs bu mchod cha dang
bcas cha 'grig/ bkra shis pa'i lha rdzas sogs kyi skyes dang
bcas mi rtag pa sgom tshul gyi bslab bya tshigs su bcad pa zhig
dgos tshul 'phrin yig gi lam nas bskul

ma byung bar brten/ 7 btsun pa dkon mchog bstan pa'i sgron mes
mchog dman kun gyis go bde ba'i phyir snyan ngag mngon brjod
sogs kyis ma bcing bar ngam pa gong ma'i gsung sgros la gzhi
byas te 'bol rtsom du bgyis pa 'di yang skye dgu rnams blo kha
chos la phyogs pa'i rgyur gyur cig/ //