@001a @#/ /tshe gcig gi nyams len bya tshul rnams khrig chags su
bsdebs pa chos spyod gsal ba'i sgron me zhes bya ba bzhugs so/ /

@001b @##/ /na mo gu ru mu ni indra ya/ mtha' yas 'gro 'di ji
ltar drangs bya zhes/ /bskal pa du mar rab dgongs phan pa'i lam/
/brtse bas 'doms mdzad lha mi'i ston pa

mchog /shAkya seng brgyud par bcas la spyi pos 'dud/ /rgyal
bstan ming gi lhag mar gyur ba na/ /rgyal ba dgyes pa'i lam
bzang ma lus pa/ /rgyal ba'i dgongs pa ji bzhin gsal mdzad pa'i/
/

rgyal ba gnyis pa yab sras gtsug na mdzes/ /gang gi thugs rje'i
zla zer gyis/ /bdag blo'i ku mud kha 'byed pa/ /yab rje 'jigs
med dbang po yis/ /'bral med byang chub bar du skyongs/ /gang
dag

thos pa'i blo mig rab gsal zhing/ /nges 'byung brtson pa'i lcag
gi bskul ma can/ /rnam grol don gnyer skal bzang skye bo yis/
/chos spyod bya ba'i rim pa 'dir bshad bya/ /de yang skye dgu'i
phan@002a @##/ /bde'i rtsa ba ni rgyal ba'i bstan pa nyag cig yin
kyang/ da lta ches nyag phra bar gyur te/ gsung rab kyi don la
tshig spyi tsam gyi go ba chags pa'ang shin tu dkon la/ /

thos don sgrub la gzhol ba ni nyin mo'i skar ma ltar gyur cing/
cung zad sgrub pa la 'jug bar 'dod pa dag kyang gdams pa'i gnad
ngos ma zin par rang gi nad gdon zhi ba dang gzhan gyis nus ldan
du

mthong ba tsam zhig gi phyir sngags kyi grangs gsog ba tsam la
nyams len zab mor 'khrul nas shes rgyud la lta ba'i go yul tsam
yang med pa dang/ la la yul phyogs mang po zhig bskor ba la tshe
blos

btang bar rlom pa lta bu'i dbang gis mdo rgyud bstan bcos dang
mthun pa'i nyams len sna gcig kyang med la/ nyes ltung gi sgo re
re tsam yang mi khegs par chos pa'i gzugs kyis chos min kho na'i
ngang la

@002b mi tshe 'da' ba mang bar snang bas/ blo gros dang ldan pa
rnams kyis de lta bu'i skyon mtha' dag ring du dor te tshe gcig
gi nyams len/ nyin zhag phrugs gcig la bsdus pa 'di ltar nyams
su blangs par bya'o/ /

de yang gsang sngags zab mo'i nyams len skyong ba rnams dang por
bzhengs pa'i tshe yang zhu ba glu sa bskul te chos sku bde ba
chen po'i ngang las gzugs skur bzhengs pa sogs kyi rnal 'byor
rang gi gzhung las

'byung ba ltar bya la/ rgyun par yang nam gyi sum cha lus pa'i
tshod tsam la bzhengs te/ nyal stabs su mi gnas par rig pa hur
bskyed de gnyid legs par dwangs su bcug /ga re ma dang ma shi
par da nang

lang rgyu byung ba 'di bla ma lha'i bka' drin yin/ da spyir ma
shi tshun dang khyad par de ring gi nyi ma 'di chud zos su mi
gtong bar bcas rang gi nyes bsam gos pa'i ngang nas zab rgyas
kyi nyams len la 'bad de

dal 'byor thob pa don dang ldan pa zhig bya dgos snyam du 'phen
pa gtong/ oM samb+ha ra samb+har/ bim nas ra mahA dza ba hUM/
oM smar smar bim na skar mahA dza ba hUM/ zhes pa'i 'gyur
sngags lan bdun brjod/

oM ru tsi ra ma Ni bra warta ya hUM/ zhes phreng sngags lan
bdun bzlas te phreng ba la btab/ de nas ngag byin gyis brlab pa
ni/ rang nyid rdo rje sems dpar gyur/ rang gi lce'i steng du
AHlas zla ba'i dkyil

@003a @#/ /'khor nya gang ba/ de'i dbus su chu las chu bur rdol
ba'i tshul du oM yig dkar po zhig thol gyis byung/ de'i mtha'
skor du mdun nas brtsams te g.yas skor du/ oM a

A zhes pa nas a aHswAhA/ zhes pa'i bar gyi A li tshar
gcig gis bskor ba kha dog dkar po/ de'i phyir ka kha ga g+hang/
zhes pa nas k+Sha swA hA'i bar gyi kA li kha dog dmar po
g.yon skor du gnas pa/ sngags

phreng de gnyis kyi phyi rol tu/ ye d+harmA he tu zhes pa nas
shra ma NaHye swAhA/ zhes pas g.yas skor du bskor ba/ kha dog
sngon po dwangs shing gsal ba 'od kyi rang bzhin can zhig gsal
gdab/ de nas rang gi yi dam

gyi lha gang yin de'i snying po dang/ rten 'brel dbyangs gsal
dang bcas pa lan bdun nam/ gsum mam/ nyer gcig gang rung brjod
pa dang dus mnyam du/ sngags phreng gsum oM dang bcas pa las
'od zer

'phros pas phyogs bcu'i rgyal ba sras dang bcas pa thams cad A
li kA li dang rten 'brel snying po'i rnam pa can dpag tu med pa
bkug nas oM sngags phreng dang bcas pa la bstim/ de bzhin du
'jig rten dang 'jig

rten las 'das pa'i phun sum tshogs pa thams cad rgyal srid sna
bdun bkra shis rtags brgyad la sogs pa'i rnam pa dang/ gzhan
yang drang srong bden tshig grub pa dang/ grub pa thob pa'i rnal
'byor pa rnams

@003b kyi ngag nus byin rlabs thams cad dbyabs gsal dang rten
'brel snying po'i rnam par bkug nas sngags 'phreng 'od dang bcas
pa la thim pas/ byin rlabs nus mthu thams cad gcig tu bsdus pa'i
bdag nyid can du mos pa'i mthar/

oM yig las 'od zer 'phros/ rten 'brel snying po dbyangs gsal
dang bcas pa la phog pas/ de rnams 'od dang bdud rtsi'i rang
bzhin du ltem gyis zhu ba oM la thim/ oM yang 'od dang bdud
rtsi'i rang bzhin du zhu ba zla ba'i dkyil 'khor

la thim/ zla ba'i dkyil 'khor de nyid 'od du zhu ba ar gyur/ a
de yang bdud rtsi dkar dmar gyi rnam par rang gi lce la thim
pas/ lce rdo rje'i rang bzhin du gyur cing/ rgyal ba sras bcas
thams cad dang drang srong grub pa thob pa rnams kyi

ngag nus thams cad rang gi ngag la zhugs pas/ ngag nus pa phun
sum tshogs pa dang ldan par byin gyis brlabs par gyur par bsam/
de rjes dal 'byor don che rnyed dka'/ 'chi ba mi rtag pa/ las
dang 'bras bu'i gnas tshul/

'khor ba spyi dang bye brag gi sdug bsngal drag tu bsams nas/
rang nyams la dpag ste mar gyur sems can thams cad la byams pa
dang snying rjes kun nas bslangs pa'i byang chub kyi sems kyis
skyabs 'gro sems bskyed tshad med bzhin rnams kha

tsam tshig tsam ma yin par rang rgyud dang 'dres nges rgyun ring
la shugs drag pa bsgom bzhin pas skyabs 'gro bya/ de nas tshig
don rnams dran bzhin du bla ma mchod pa'i cho ga byas pas thun
drug gi rnal 'byor kyang der 'thus shing lam gyi

@004a @#/ /lus yongs rdzogs la shar sgom kyang de'i sgo nas nan
tan tu bya/ de nas rang gi bla ma'am bstan 'dzin gyi skyes bu
rnams zhabs pad brtan pa'i phyir du tshe lha ci rigs pa'i bzlas
pa cung zad byas na rang

gi tshe sgrub la yang de las lhag pa med par gsungs/ de nas nam
langs pa dang lha la dbang bskur ba ltar khrus chab blangs la/
'bral spangs thub dbang gi sku'i mdun du phyag gsum byas nas
'greng ste 'dud pa dang bcas pas/

ston pa thugs rje chen po dang ldan pa bdag la dgongs su gsol/
de ring gi gnas skabs su/ chos ldan gyi bya ba dang gzhan gyi
don du glu gar dang rol mo la sogs pa byed dam byed du gzhug pa
dang/ me la reg pa dang/ reg tu

gzhug pa dang/ rin po che la reg pa dang/ reg tu gzhug pa dang/
sa bon bcom pa dang/ bcom du gzhug pa dang/ skyes pa gcod pa
dang/ gcod du gzhug pa dang/ lag nya dang/ mtshams btsos dang/
zhag lon dang/

rjen btsos dang/ gsog 'jog byas pa za ba dang/ byin len ma byas
par za ba dang/ bsnyen par ma rdzogs pa dang lhan cig tu 'don pa
la sogs pa/ mdor na dge slong gi khrims nyis brgya lnga bcu rtsa
gsum las/ dus dran bsten du rung

ba rnams la ston pa thugs rje can gyis gnang ba mdzad du gsol/
zhes dus dran bsten/ ltung bshags kyi lha so lnga sogs sangs
rgyas rnams dang/ byang chub sems dpa' nam mkha'i snying po sogs
rgyal sras kyi tshogs/ gzhan yang

@004b skyabs yul dpag tu med pa rnams yid kyis bsams te/ oM na
mo manydzu shri ye/ na maH su shri ye/ na mo uttam shri ye
swAhA/ zhes phyag stong 'gyur gyi sngags dang sbrags pas
brkyang phyag gsum gyis thog drangs ltung bshags gcig gam/ gsum
la sogs pa'i sgos phyag 'tshal/ de nas/ na mo ratna tra yA ya/
oM na mo b+ha ga wa te/ badzra sA ra pra marda ne/ ta thA ga
tA ya/ arha te samyakSaM pud d+hA ya/ tadya thA/ oM badzre
badzre/ mahA te dza badzre/ mahA bidya badzre/ mahA bo d+hi
tsitta

badzre/ mahA bo d+hi maNDo pa saM kra ma Na badzre/ sarba karma
A war Na bi sho d+ha na badzre swAhA/ zhes mchod pa'i sprin
gyi gzungs brjod bzhin du/ chu gtsang sogs kyis mchod pa dbul/
me tog 'bul rgyu yod na/ oM na mo b+ha ga wa te puShpe ke

tu rA dzA ya/ ta thA ga tA ya/ arha te samyakSaM bud d+hA
ya/ tadya thA/ oM puShpe puShpe swAhA/ puShpe su puShpe/ su
puShpe ud b+ha we/ puShpe a wa ka ri Ne swAhA/ zhes pa brjod
cing sngags 'di lan bdun bzlas te maNDal gyi 'brul btab na yang

bye bar 'gyur bar gsungs/ de nas stan la 'khod de thun drug gi
rnal 'byor skyong ba ni/ sangs rgyas chos dang tshogs kyi mchog
rnams la/ /byang chub bar du bdag ni skyabs su mchi/ /bdag gis
sbyin sogs bgyis pa'i bsod nams kyis/ /

'gro la phan phyir sangs rgyas 'grub par shog /ces skyabs 'gro
/sems can thams cad nye ring chags sdang dang/ /bral nas khyad
par 'phags pa'i bde ba thob/ /bzod dka'i sdug bsngal rgya mtsho
las bsgral te/ /thar pa dam pa'i bde dang

@005a @#/ /'bral ma gyur/ /ces tshad med bzhi bsgom/ byams pa dang
mi 'jigs pa'i spyin pa'ang des 'grub/ 'gro kun srid zhi'i 'jigs
pa las sgrol phyir/ /rdzogs pa'i byang chub thob par 'dod pa'i

sems/ /deng nas bzung ste sangs rgyas ma thob par/ /srog gi
phyir yang mi btang bzung bar bgyi/ /ji ltar sngon gyi bde
gshegs kyis/ /byang chub thugs ni bskyed pa dang/ /byang chub
sems dpa'i bslab pa la/ /de dag rim bzhin gnas

pa ltar/ /bdag kyang 'gro la phan don du/ /byang chub sems ni
bskyed bgyi zhing/ /byang chub sems dpa'i bslab pa la/ /rim pa
bzhin du bslab par bgyi/ /zhes smon 'jug gnyis cho ga'i sgos
blangs/ deng dus bdag tshe 'bras bu

yod/ /mi yi srid pa legs par thob/ /de ring sangs rgyas rigs su
skyes/ /sangs rgyas sras su da gyur to/ /da ni bdag gis ci nas
kyang/ /rigs dang mthun pa'i las brtsams te/ /skyon med btsun
pa'i rigs 'di la/ /rnyog par

mi 'gyur de lta bya/ /long bas phyag dar phung po las/ /ji ltar
rin chen rnyed pa ltar/ /de bzhin ci zhig ltar stes ni/ /byang
chub sems 'di bdag la skyes/ /bdag gis de ring skyob pa thams
cad kyi/ /spyan sngar 'gro ba bde gshegs

nyid dang ni/ /bar du bde la mgron du bos zin gyis/ /lha dang
lha min la sogs dga' bar gyis/ /zhes sems bskyed rgyas pa'i
phyir mjug gi cho ga dga' ba bsgom pa rnams byas la/ de nas/
mdun gyi nam mkhar yid 'phrog rin

@005b chen khri/ /chu skyes nyi zla rgyas pa'i dkyil 'khor
steng/ /rtsa ba'i bla ma khyab bdag rdo rje 'chang/ /sku mdog
sngon po zhal gcig phyag gnyis kyis/ /rdor dril bzung nas rang
'dra'i yum la 'byud/ /mtshan dpe'i gzi 'bar rin chen rgyan mang
mdzes/ /

yid 'phrog lha rdzas gos kyin bza' can/ /dran pa tsam gyis gdung
ba kun sel cing/ /skyabs mchog ma lus 'dus pa'i bdag nyid du/
/skyil krung tshul gyis bzhugs pa'i gnas gsum du/ /yi ge gsum
mtshan hUM gi 'od zer gyis/ /rang

bzhin gnas nas bla ma rdo rje 'chang/ /dzaHhUM baM hoH gnyis su
med par gyur/ /gang gi drin gyis bde chen nyid/ /skad cig nyid
la 'char ba gang/ /bla ma rin chen lta bu yi/ /rdo rje can zhabs
pad la 'dud/ /bdag pos bzung dang ma bzung

dang/ /dngos bshams yid kyis sprul pa las/ /byung ba phyi nang
gsang ba yi/ /sna tshogs mchod sprin rgya mtshos mchod/ /bdag
gzhan lus ngag yid gsum longs spyod dus gsum dge tshogs bcas/
/rin chen maNDal bzang po kun bzang

mchod pa'i tshogs bcas pa/ /blo yis blangs nas bla ma yi dam dkon
mchog gsum la 'bul/ /thugs rje'i dbang gis bzhes nas bdag la
byin gyis brlab tu gsol/ /dus gsum phyogs bcu'i bde gshegs ma
lus pa/ /gang 'dul ji

bzhin dur smrig rnam rol gyis/ /grangs med zhing du rgyal ba'i
mdzad pa can/ /bla ma rin po che la gsol ba 'debs/ /rdo rje
'chang gis blo dman bsam pa'i ngor/ /rab 'byams rgyal ba'i 'khor
lo mtha' dag las/ /lhag pa'i zhing gi dam

@006a @#/ /par legs bsngags pa'i/ /bla ma X /mchog dang thun mong
dngos grub ma lus kun/ /mgon khyod tshul bzhin bsten pa'i rjes
'gro bar/ /mthong nas lus dang srog kyang yongs btang ste/
/khyod mnyes

kho na sgrub par byin gyis rlobs/ /de ltar gsol ba btab pas bla
ma mchog /rang gi spyi bo'i gtsug tu sa ma dzaH/ /slar yang
dgyes bzhin rang dang ro gcig gyur/ /ces bla ma'i rnal 'byor
bskyangs/ de nas stong pa nyid kyi don cung zad bsgom

zhing/ de'i ngang las lha'i skur ldang ba ni/ snod bcud mtha'
dag sgyu ma rmi lam dang/ /chu zla bzhin du ngo bo nyid kyis
stong/ /bden par med kyang ming brdas phar btags kyi/ /snang ba
chu las chu bur rdol ba bzhin/ /bdag nyid rdo rje sems dpa'i

skur bzhengs te/ /lhan skyes bde chen gsang ba'i rdo rje dang/
/rang bzhin spros bral gsang ba'i g+haNDa yi/ /mtshon byed bzung
nas bcom ldan 'das mar 'khyud/ /ces rdor dril phyag rgya'i dam
tshig dran par bya/ bdag gi lus dang de bzhin

longs spyod dang/ /dus gsum dge tshogs phung po ci mchis pa/ /mar
gyur sems can kun gyi don gyi phyir/ /deng nas 'phangs pa med
par btang bar bya/ /zhes chos dang zang zing gi sbyin pa gtong/
de nas sdom pa gsum la bsngo bgrangs bya

ba ni; bla ma lha yi spyan snga ru/ /sdom gsum bsrung bar khas
blangs pa'i/ /dang po so sor thar pa yi/ /bslab pa'i mi mthun
phyogs gyur pa/ /pham pa bzhi dang lhag ma ni/ /bcu gsum spang
ltung sum cu dang/ /ltung byed 'ba' zhig dgu

@006b bcu dang/ /sor bshags bzhi dang nyes byas ni/ /brgya rtsa
bcu gnyis bsdoms pa yis/ /nyis brgya lnga bcu rtsa gsum dang/
/gzhan yang gzhis bsdus ltung ba sogs/ /bshags shing slan chad
sdom par bgyi/ /de bzhin byang chub sems dpa' yi/ /

sdom pa'i mi mthun phyogs gyur pa/ /rtsa ba'i ltung ba bco
brgyad dang/ /nyes byas zhe drug la sogs pa/ /tshul khrims gsum
dang phyin drug gi /mi mthun phyogs gyur nyes pa kun/ /bshags
shing slan chad sdom par bgyi/ /rdo rje theg pa'i 'dul ba

las/ /rnam snang rigs kyi dam tshig drug /mi bskyod rin 'byung
bzhi bzhi dang/ /'od dpag med gsum don grub kyi/ /gnyis te so
so'i bcu dgu dang/ /rigs lnga spyi yi dam tshig ni/ /rtsa ltung
bcu bzhi bsrung ba dang/ /spong bsten bza'

ba'i dam tshig las/ /'das dang sbom po brgyad la sogs/ /bshags
shing slan chad sdom par bgyi/ /so thar byang sems rdo rje theg
pa yi/ /rnam dag bcas pa'i bslab pa phra mo las/ /rmi lam du
yang 'da' bar mi byed par/ /rgyal ba'i bka'

bzhin bdag gis bsgrub par bya/ /shin tu bsdus pa bya ba'i tshe
tshigs bcad phyi ma 'di gcig pus chog /theg pa gsum dang rgyud
sde bzhis bsdus pa'i/ /lung dang rtogs pa'i dam chos ma lus pa/
/rgyal ba'i dgongs pa ji bzhin legs bzung

ste; ;gang 'tsham thabs kyis 'gro ba yongs su sgrol/ /zhes dam
chos 'dzin pa dang sems can don byed la bslab bo/ /de dag gis
sdom pa so so'i skabs sogs su thun drug dang gsum la sogs pa bya
dgos pa mang po zhig yod pa thams cad bsdus

@007a @#/ /pa'i tshul mkhas grub thams cad mkhyen pa'i gsung du
blta bar bya'o/ /de nas khrid yig rgyas bsdus ci rigs sam/ ma
mtha' yang byin rlabs spungs zhus lta bu'i steng nas lam rim
yongs rdzogs la

shar sgom dang/ skabs thob kyi dmigs skor re re rgyas par
skyongs/ gtor ma brgya rtsa sogs kyang byed na thun 'di'i mthar
bya/ de nas dros kyi tsha bzhes grub nas gnas khang phyi dor legs
par byas/ mchod pa gtsang ma phul/ thun drug gi

rnal 'byor dang lam rim gyi dmigs rnam sngar bzhin bskyangs/
'jigs byed sogs kyi cho ga yang spro na skabs 'dir bya/ chos
ston gyi tshe/ dkon mchog rjes su dran bzhin pas/ kha zas sman
dang 'dra bar rig pa yis/ /'dod chagS

zhe sdang med par bsten bgyi ste/ /rgyags phyir ma lags snyems
pa'i phyir ma lags/ /'tshag phyir ma lags lus gnas 'ba' zhig
phyir/ /ces brjod cing/ de'i don sems pa 'dul ba dang/ yang lus
kyi srin bu da lta zang

zing gis bsdus nas ma 'ongs pa na chos kyis bsdu/ sems can thams
cad kyi don du rdzogs pa'i sangs rgyas kyi go 'phang bsgrubs/
de'i phyir du bza' btung la longs spyod par bya'o snyam pa phar
phyin theg pa dang/ sngags bla med

ltar na nang mchod dang/ rgyud sde 'og ma ltar na gtor ma byin
rlabs ltar ram/ oM AHhUM gis bdud rtsir byin gyis brlabs la/
oM gu ru badzra nai widyA AHhUM gis bla ma dang/ oM sarba
bud d+hA bod+hi satwA b+hyo badzra nai wIdyA AHhUM gis

@007b sangs rgyas byang sems thams cad dang/ oM de waDA ki nI
shrI d+harma pA la sa pa ri wA ra badzrA nai wi dyA AHhUM
gis yi dam mkha' 'gro chos skyong dang bcas pa la 'bul/ oM a
gra piNDa a shi b+hyaHswAhA/ zhes pas phud la dbang ba'i
'byung po la

changS bu gcig dang/ oM ha ri te swAhA/ oM ha ri te mahA
badzra yak+Shi Niha ra ha ra sarba pA paM mak+ShiM swAhA/ zhes
pas 'phrog ma bu dang bcas pa la changS bu gnyis byas nas nang
gi sbyin sreg gi sgo nas longs spyad de zas kyi tshod rig par
bya/

mjug tu lhag la dbang ba'i 'byung po la changs bu gcig /oM
utstshi Shgra piNDa a shi b+hyaHswAhA/ zhes pas bsngo/ bcom
ldan 'das de bzhin gshegs pa dgra bcom pa yang dag par rdzogs
pa'i sangs rgyas rin chen 'od kyi rgyal po me 'od rab tu gsal

pa la phyag 'tshal lo/ /na maHsamanta pra b+hA rA dzA ya/ ta
thA ga tA ya/ arha te samyakSaM bud d+hA ya/ na mo manydzu
shri ye/ ku mA ra b+hu tA ya bo d+hi satwa ya mahA satwa ya/
mahA ka ru Ni kA ya/ tatya tha/ oM ni ra lamb+he ni rA b+hA
se dza ye dza ya la b+he mahA ma te

dak+She dak+Shi NAM me pa ri sho d+hA ya swAhA/ gzungs 'dis
dkor gyi phung po ri rab tsam yang 'byong bar gsungs so/ /de nas
mdo btan pa dang smon lam gyis chos gdab/ nyin snga ma nas sta
gon byas pa'i 'dzim pa las sAtstsha gsum mam bdun sogs

gdab/ skor rten dngos sam bsgom pa ci rigs gsal btab la bcom
ldan 'das de bzhin gshegs pa dgra bcom pa yang dag par rdzogs
pa'i sangs rgyas rin chen rgyal mtshan la phyag 'tshal lo/ /na mo
b+ha ga wa te/ ratu ke tu rA dzA ya ta thA@008a @#/ /ga tA ya/ arha te samyaksaM
bud d+hA ya/ tadya thA/
oM ratne ratne ma hA ratnE ratna bi dza ye swAhA/ 'di bskor
bar ma zad phyag stong 'gyur du yang gsungs so/ /yang skor ba'i
sngags/ na mo da sha dik+Shi kA la sarba ratna

tra yA ya/ na maHpra dak+Sha su pra dak+Sha sarba pA paM bi sho
d+ha ni swAhA/ zhes pa 'di yang phan yon che bas brjod/ de ltar
skor ba mang nyung 'tsham pa zhig byas nas/ mdo sde mdzangs blun/
las brgya pa/ 'dul ba lung/ rtogs brjod 'dun legs

ma sogs dam pa'i rnam thar dang/ rgyal sras kyi spyod pa ston pa
sdong po bkod pa sogs ci tsam ran pa re bklag /slar yang thun
drug gi rnal 'byor sogs skabs dang bstun pa'i dge sbyor mos pa
ltar ci rigs byas la/ thun mtshams su lam rim

che chung/ rtsa ltung rnam bshad/ bla ma lnga bcu pa rtsa 'grel/
byang chub gzhung lam/ gnam rtse ldeng ma sogs sdom pa gsum gyi
bslab bya rgyas bsdus ci rigs la nan tan tu blta/ bsod nams kyi
tshogs chen po bde blag tu gsog pa'i thabs

zags pa rgyun gtor la yang brtson par bya ste/ 'di ltar mchil ma
la/ oM AHshleShma A ha re b+hyaHswA hA/ lud pa la/ oM
AHkhre ta A ha re b+hyaHswAhA/ snabs la/ oM AHpig+hi na
A ha re b+hyaHswAhA/ lus kyi dri ma la/ oM AHma la Aha

re b+hyaHswAhA/ dri chen la/ oM AHbiTa A ha re
b+hyaHswAhA/ dri chu la/ oM AHmU dra A ha re
b+hyaHswAhA/ zhes pa rnams kyis bsngo'o/ /dro'i thun la thun
drug gi rnal 'byor sngar bzhin byas la/ sdom gsum bsngo bgrangs
kyi tshe paN chen

@008b thams cad mkhyen pa'i gsung gi sdom tshigs sam/ de las cung
bsdus pa byed na 'di lta ste/ gang gi bka' bzhin bsgrub byas na/
/'di phyi'i don rnams ma lus pa/ /bde blag nyid du stsol mdzad
pa'i/ /thub pa'i dbang po la phyag 'tshal/ /rnyed dka'

dal ba'i rten thob cing/ /rgyal ba'i bstan pa la zhugs nas/ /dge
slong sdom pa thob rnams kyis/ /bslab pa bsrung ba'i thabs 'ga'
zhig /lung las gsungs pa bzhin du bri/ /legs tshogs rtsa ba zla
med pa/ /bla ma mchog la brten

byas nas/ /bya ba thams cad zhu byed cing/ /chos mthun bka' las
'da' mi bya/ /dran dang shes bzhin bag yod dang/ /ngo tsha khrel
yod ldan pa yis/ /bslab la yid ches dad gus bya/ /so thar bcas
mtshams ston pa yi/ /'dul pa'i

gzhung la tshul bzhin sbyangs/ /tshul khrims rnam par dag pa la/
/phan yon bsam las 'das pa dang/ /tshul khrims nyams par gyur na
ni/ /mnar med 'gro zhing kun nas phongs/ /de phyir phan yon nyes
dmigs la/ /nges pa drangs

te yang yang bsam/ /mi mthun phyogs rnams ma shes na/ /bslab pa
srung tshul mi shes pas/ /rang gis ji ltar khas blangs las/ /'das
pa'i ltung ba mtha' yas kyang/ /sdom gyis bsdus pa sde lnga ste/
/pham pa dang ni lhag ma dang/ /ltung

byed dang ni sor bshags dang/ /nyes byas kyi ni sde rnams so/
/dang po pham pa'i sde tshan ni/ /mi tshangs spyod dang gzhan nor
brku/ /mi'am mir chags gsod pa dang/ /mi chos bla ma'i rdzun
smra ste/ /pham pa bzhi ru rgyal bas gsungs/ /gnyis pa

@009a @#/ /lhag ma'i sde tshan ni/ /khu ba 'byin par byed ba dang/
/bud med dag la reg pa dang/ /yul der 'khrig tshig smra ba dang/
/'khrig pa'i bsnyen bkur bsngags pa dang/ /pho mo gnyis sprad
smyan byed

dang/ /ma gsol tshad 'das ma dag gzhir/ /khang brtsig par byed pa
dang/ /gnas der khang chen rtsig pa dang/ /dge slong rnam par
dag pa la/ /pham pas skur pa 'debs pa dang/ /de la bag tsam skur
'debs dang/ /dge 'dun

dbyen ni byed pa dang/ /de 'dra'i rjes su phyogs pa dang/ /bag
med spyod pa sna tshogs kyis/ /khyim sun 'byin par byed pa dang/
/bka' blo mi bde'i lhag ma ste/ /lhag ma'i ltung bcu gsum mo/
/gsum pa ltung byed sde tshan la/ /tshad las

dang 'brel spang ltung dang/ /ltung byed 'ba' zhig pa gnyis so/
/dang po spang pa'i ltung ba ni/ /byin gyis ma rlabs chos gos
sogs/ /zhag bcu las 'das 'chang ba dang/ /chos gos rnam gsum
byin rlabs can/ /zhag tu 'bral bar byed pa

dang/ /kha skong re ba dang bcas pa'i/ /gos ni zla gcig 'jog pa
dang/ /tha snyad brgyad ldan dge slong mar/ /gos rnying 'khru ru
'jug pa dang/ /gos kyis phongs pa ma yin par/ /dge slong ma las
gos len dang/ /phongs pa min par khyim pa las/ /

gos ni slong bar byed pa dang/ /chos gos med tshe slong rigs
kyang/ /stod g.yogs smad g.yogs zung las lhag /'dod pas slong
bar byed pa dang/ /khyim pas rang la bsngos pa'i gos/ /'bul long
med par len pa dang/ /sbyin bdag pho mo so

@009b so nas/ /rang la ster bar bsngags pa'i gos/ /'bul long med
pas len pa dang/ /bskur ba yi ni spang pa dang/ /yul der dkon
zhing rin che ba'i/ /srin bal las ni stan byed dang/ /bal nag
'ba' zhig las byed dang/ /de cha gnyis bsres stan

byed dang/ /stan bshams spyad bzod yod bzhin du/ /lo drug nang
du gnyis byed dang/ /gding ba gsar ba byed pa'i tshe/ /gding ba
rnying pa de nyid nas/ /bde gshegs mtho gang ma glan dang/ /bal
khur rgyang grags lhag khyer dang/ /mtshan nyid

brgyad ldan dge slong mar/ /bal ni rmel du 'jug pa dang/ /byin
rlabs ma byas rin po cher/ /reg gam reg tu 'jug pa dang/ /skyed
khe 'dod nas bun byed dang/ /de 'dod nyo tshong byed pa dang/
/lhung bzed byin gyis ma brlabs bar/ /zhag bcu

las 'das 'chang ba dang/ /lhung bzed spyad bzod yod bzhin du/
/lhung bzed gnyis pa btsal ba dang/ /gla rngan mi ster 'thag
'jug dang/ /'dod pas 'thag pa bskyed pa dang/ /gos sogs phyin pa
'phrog pa dang/ /dgon pa 'jigs pa che ba'i

sar/ /snam sbyar zhag drug 'bral gnang bar/ /snyad nas zhag bdun
'bral ba dang/ /dbyar gyi char khebs ras chen ni/ /btsal sngas
sbed ba 'phyis pa dang/ /dbyar rnyed bdag gir byed 'dod nas/
/bgo sngas sbed pa 'phyis pa dang/ /dge 'dun

rnams la bsngos pa'i rdzas/ /gang zag bdag nyid la bsgyur dang/
/sman bzhi byin len ma bshig par/ /thun mtshams 'das pa gsog 'jog
ste/ /spang ba'i ltung ba sum cu'o/ /gnyis pa ltung byed 'ba'
zhig ni/ /rdzun gyi tshig ni smra ba dang/ /dge

@010a @#/ /slong gzhan la skyon brjod dang/ /dbye phyir phra ma
byed pa dang/ /rtsod pa spor 'dod skyo sngogs dang/ /nye du min
pa'i bud med la/ /khrims grogs med par chos ston dang/ /ma
rdzogs lhan cig 'don pa dang/

gzhan gyi pham lhag gnas ngan len/ /ma rdzogs pa la brjod pa
dang/ /mi chos bla ma dgos med du/ /ma rdzogs 'phags min smra ba
dang/ /zhal ta ba la dge 'dun gyis/ /rnyed pa rigs par bsngos pa
la/ /bshes ngor byas zhes skur 'debs

dang; ;so sor thar pa'i bcas mtshams la/ /brnyas thabs kyis ni
khyad gsod dang/ /sa bon skye ba 'joms pa dang/ /drang po'i dge
'dun zhal ta bar/ /nye ring byas zhes 'phya ba dang/ /bsgo ba
rnal gzon pa dang/ /chud 'dza'i gnas sum la

bshams dang/ /rtswa dang lo ma'i gdan bting ba/ /ma bsdus ma
bcol 'gro ba dang/ /sngar gnas dge slong skrod pa dang/ /de la
phyis gnon byed pa dang/ /rtsa ba 'byung la 'dug pa dang/ /srog
chag dang bcas chur spyod dang/ /rim gsum las lhag

khang byed dang/ /nye du min pa'i dge slong mar/ /ma bskos dam
chos ston pa dang/ /bskos kyang nub par ston pa dang/ /dam chos
tshul bzhin ston pa la/ /zas phyir ston ces smra ba dang/ /dge
slong ma yi gos bzo dang/ /de la chos gos ster pa dang/ /

dge slong ma dang lhan cig tu/ /grogs med rgyang grags 'gro ba
dang/ /dge slong ma dang lhan cig tu/ /grur zhugs rgyang grags
'da' ba dang/ /dben par 'dom gang nang nyid du/ /dge slong ma
dang lhan cig tu/ /'dug pa dang ni 'greng ba dang/ /

@010b dge slong ma yis bsngags brjod nas/ /sbyor bcug zas ni za
ba dang/ /dgos med yang yang za ba dang/ /mu stegs khyim du zhag
gcig tu/ /'dug ste zas gnyis za ba dang/ /ci bder bstab pa ma
yin par/ /lhung bzed do lhag phyed len dang/

dus rung zas spangs yang za dang/ /spangs la bza' bca' stob pa
dang/ /dge slong bzhir long 'dus za dang/ /dus min kha zas za ba
dang/ /gsog 'jog byas pa za ba dang/ /byin len ma byas mid pa
dang/ /nye dang ci bder min pa la/ /kha zas

bsod pa slong ba dang/ /srog chags bcas par spyod pa dang/
/khyim ba pho mo nyal gshom sar/ /shes bzhin 'dug par byed pa
dang/ /de bzhin gnas der 'greng ba dang/ /gcer bu pho mor zas
phyin dang/ /dmag la lta bar byed pa dang/ /

dmag nang zhag gnyis 'dug pa dang/ /g.yul bshoms dkrug par byed
pa dang/ /dge slong gzhan la brdeg pa dang/ /de la brdeg par
gzas pa dang/ /gzhan gyi pham lhag gnas ngan len/ /shes bzhin
dgos med bcabs pa dang/ /dge

slong gzhan gyi zas gcod dang/ /mer reg reg tu 'jug pa dang/
/'dun pa phul ba slar len dang/ /ma rdzogs lhan cig nyal ba
dang/ /sdig lta gtong bar mi byed dang/ /de 'dra bskrad la gtam
smra dang/ /dge tshul bsnyil bsdud pa dang/ /kha

dog ma bskyar gos gyon dang/ /rin po che yi rigs sogs la/ /reg
cing reg tu 'jug pa dang/ /zla phyed nang du khrus byed dang/
/bsam bzhin dud 'gro gsod pa dang/ /gzhan la 'gyod pa bskyed pa
dang/ /g.ya' 'od dag gtshil byed dang/ /

@011a @#/ /chu la rtse bar byed pa dang/ /khrims grogs med par
bud med dang/ /lhan cig nyal bar byed pa dang/ /dge slong
dngangs par byed pa dang/ /gzhan gyi gos sogs sbed pa dang/ /dge
slong gzhan la byin pa'i

gos/ /gdeng med rang gis longs spyod dang/ /gzhi med lhag ma'i
skur 'debs dang/ /khrims grogs med par bud med dang/ /'grogs nas
'gro bar byed pa dang/ /rkun ma la sogs ngan pa dang/ /bsdebs
nas 'gro bar byed pa dang/ /lo

grangs nyi shu ma lon pa'i/ /bsgrub byar bsnyen rdzogs byed pa
dang/ /sa brko brkoru 'jug pa dang/ /mgron du gnyer las rang
'dug dang/ /bslab phyir bgo ba bzlog pa dang/ /rtsod sems nyan
rna byed pa dang/ /dge 'dun las la 'dus byas

nas/ /ma rjogs ma smras 'gro ba dang/ /dge 'dun sogs kyi chos
ldan bkar/ /ma gus bsam pas 'gal byed dang/ /myos par 'gyur ba
'thung ba dang/ /dus min grong du 'gro ba dang/ /mngags bzhin
dge 'dun spyan drangs pa/ /

dus las ma yol brims shig ces/ /ma brjod grong gzhan rgyu ba
dang/ /rgyal po'i pho brang mtshan 'gro dang/ /bslab gzhi khyad
du gsod pa dang/ /bso rus pa rwa rnams kyi/ /khab ral byas sam
byed 'jug dang/ /tshad lhag khri rkang byed

pa dang/ /dge 'dun dbang pa'i gnas mal la/ /shing bal gyis ni
bdal ba dang/ /gding ba tshad las lhag byed dang/ /g.yan pa dgab
pa tshad lhag dang/ /de bzhin dbyar gyi gos ras chen/ /tshad las
lhag pa byed pa dang/ /bde

@011b gshegs chos gos byed pa ste/ /ltung byed 'ba' zhig dgu
bcu'o/ /so sor bshags pa'i sde tshan ni/ /skye bo'i rgyun lugs
grong lam du/ /dge slong ma las zas len dang/ /bsko bshams log
byed dge slong ma/ /ma bzlog grong der zas za

dang/ /dge 'dun rnams kyi thugs brtse bas/ /bsdams pa'i khyim
las zas len dang/ /'jigs bcas ma bsal khyim pa las/ /blangs te
'jigs sar za ba ste/ /so sor bshags pa bzhi dag go /bslab bya
nyes byas sde tshan ni/ /

mthang gos zlum por ma bgos dang/ /rtsengs dang 'jol dang nar ba
dang/ /ltebs dang phur dang 'phyang ba dang/ /stod g.yogs zlum
por ma bgos dang/ /ha cang rtsengs dang 'jol ba dang/ /khyim
pa'i khyim du 'gro ba'i tshe/ /lus ngag legs par

ma bsdams dang/ /chos gos tshul bzhin ma bgos dang/ /ca co dang
ni g.yang lta dang/ /'dom gang las lhag lta ba'am/ /'dom gang
tsam du 'ang mi lta dang/ /ras la sogs pas mgo g.yogs dang/
/'doms ni snang bar gos brjes dang/ /phrag

pa gnyis kar gos gzar dang/ /lag gnyis gnya' gong bsnol ba dang/
/lag gnyis ltag par bsnol ba dang/ /mchong ba dang ni brkyang
bskums dang/ /tsog pus 'gro dang brang 'gro dang/ /gru mo
brgyangs te 'gro ba dang/ /lus ni gcu

zhing 'gro ba dang/ /lag pa g.yug cing 'gro ba dang/ /mgo bo
bsgyur zhing 'gro ba dang/ /phrag pa sprad de 'gro ba dang/ /lag
pa sprel te 'gro ba dang/ /khyim pas ma bskos stan 'dug dang/
/ma brtags 'dug dang lcid phab dang/ /rkang pa bsnol

@012a @#/ /dang brla bsnol dang/ /long steng long bu bzhag pa
dang/ /khri 'og rkang pa dgug pa dang/ /rkang ba so sor brkyangs
pa dang/ /'doms ni snang bar 'dug pa dang/ /zas ni legs par ma
blangs dang/ /khad

chad du blang bar dang/ /'bras chan dang ni tshod ma dag /mnyam
po nyid du blangs pa dang/ /mthar chags su ni ma blangs pa dang/
/yid ma gtad par blangs pa dang/ /bza' ba dang ni bca' ba rnams/
/ma 'ongs lhung bzed bzed pa dang/ /'bras

chan tshod ma ci rigs pa/ /lhag 'dod phan tshun 'gebs pa dang/
/zas steng lhung bzed bzed pa dang/ /kha zas tshul mthun ma zos
dang/ /kham ni ha cang chung ba dang/ /kham ni shin tu che ba
dang/ /kham ni ran par ma zos dang/ /zas ma

'ongs par kha gdangs dang/ /kha ni bkang ste smra ba dang/ /tsug
tsug dang ni cag cag dang/ /hu hu dang ni phu phu dang/ /lce
phyir phyung ste za ba dang/ /'bru ni re rer bza' ba dang/ /kha
zas la ni 'phya ba dang/ /mkhur ba g.yas g.yon spo ba

dang/ /rkan sgra gtogs par byed pa dang/ /kham 'phro bcad nas za
ba dang/ /lag pa ldag par byed pa dang/ /lhung bzed ser mos
'phyog pa dang/ /lag par zas zos sprug pa dang/ /zas bcas lhung
bzed skyom pa dang/ /zas la

mchod rten gzugs byas te/ /gzhom par byed cing zab dang/ /gzhan
gyi lhung bzed la 'phya dang/ /lag pa zas kyis gos pa yis/ /chu
snod dag la reg pa dang/ /'bag chus dge slong la 'thor dang/
/khyim bdag dag la ma dris par/ /

@012b 'bag chu ci bder 'dor ba dang/ /zas lhag lhung bzed nang
ldugs dang/ /lhung bzed gzhi med 'jog pa dang/ /lhung bzed gad
khar 'jog pa dang/ /lhung bzed g.yang sar 'jog pa dang/ /lhung
bzed dkan gzar 'jog pa dang/ /'greng ste

lhung bzed bkru ba dang/ /lhung bzed gad khar bkru ba dang/
/lhung bzed g.yang sar bkru ba dang/ /lhung bzed dkan gzar bkru
ba dang/ /lhung bzed kyis ni 'bab chu'i rgyun/ /bzlog ste chu ni
gcu ba dang/ /nyan pa po ni 'dug pa la/ /'greng ste chos ni

'chad pa dang/ /nyal la 'dug ste 'chad pa dang/ /nyan po stan ni
mthon po'am/ /bzang po dag la 'dug pa la/ /stan ni dma' ba'am
ngan pa la/ /'dug ste chos ni 'chad pa dang/ /nyan po mdun nas
'gro ba la/ /phyi nas 'gro zhing chos 'chad

dang/ /nyan po lam nas 'gro ba la/ /lam gyi 'gram nas chos 'chad
dang/ /mgo g.yogs pa la chos 'chad dang/ /gos ni brdzes te 'dug
pa dang/ /phrag pa gnyis kar gos gzar dang/ /lag gnyis gnya' bar
bsnol ba dang/ /lag

gnyis ltag par bsnol ba dang/ /do ker can dang zhwa gyon dang/
/mgo la cod pan bcings pa dang/ /phreng ba bcing dang thod dkris
dang/ /glang po che la zhon pa dang/ /rta la zhon zhing nyan pa
dang/ /khyogs kyi nang na 'dug pa dang/ /bzhon

pa'i steng na 'dug pa dang/ /mchil lham gyon te 'dug pa dang/
/lag na mkhar ba thogs pa dang/ /lag na gdugs ni thogs pa dang/
/lag na mtshon cha thogs pa dang/ /lag na ral gri thogs pa dang/
/lag na dgra cha thogs pa dang//

@013a @#/ /go cha gyon zhing nyan pa ste/ /de dag rnams la chos
bshad dang/ /'greng ste bshang gci byed pa dang/ /bshang gci
mchil snabs skyugs pa sogs/ /chu yi nang du 'dor ba dang/ /rtswa
sngon skyes pa'i sa dag tu/ /

bshang gci la sogs 'dor ba dang/ /dgos med 'dom gang las mtho
ba'i/ /shing la 'dzeg par byed pa ste/ /nyes byas brgya dang bcu
gnyis so/ /de ltar bslab pa'i mi mthun phyogs/ /thams cad legs
par shes byas nas/ /bag yod

pa dang gus pa dang/ /ngo tsha shes dang khrel yod dang/ /dran
dang shes bzhin bsten pa dang/ /don nyung ba dang bya ba nyung/
/rtse gcig dben pa bsten pa yi/ /srog bzhin gces par bsrung bar
bya/ (/zhes so thar gyi sdom pa'i mi mthun phyogs rnams dran
shing

sdom sems bya/ de nas/) gzhan yang rgyal ba sras bcas kyi/
/spyan sngar khas blangs dam bcas pa'i/ /rgyal sras sdom pa'i mi
mthun phyogs/ /rtsa ba'i ltung ba bco brgyad ni/ /rnyed dang
bkur stis chags pa yis/ /bdag bstod gzhan la smod pa

dang/ /sdug bsngal mgon med gyur pa la/ /ser sna'i chos nor mi
ster dang/ /gzhan gyis bshags kyang mi nyan par/ /khros nas
gzhan la 'tshog pa dang/ /theg pa chen po spang byed cing/ /dam
chos 'drar snang ston pa'o/ /dkon mchog

gsum gyi dkor 'phrog dang/ /dam pa'i chos ni spong byed pa/
/tshul khrims 'chal ba'i dge slong la'ang/ /dur smrig 'phrog dang
brdeg pa dang/ /btson rar 'jug par byed pa dang/ /rab tu byung
las phab pa dang/ /mtshams med lnga po byed pa

@013b dang/ /log par lta ba 'dzin pa dang/ /grong la sogs pa
'jig pa dang/ /blo sbyang ma byas sems can la/ /stong pa nyid ni
brjod pa dang/ /sangs rgyas nyid la zhugs pa dag /rdzogs pa'i
byang chub bzlog pa dang/ /so sor thar pa yongs spangs te/ /

theg pa che la sbyor ba dang/ /slob pa'i theg pas chags la sogs/
/spong bar 'gyur ba min zhes 'dzin/ /pha rol dag kyang 'dzin
'jug dang/ /rang gi yon tan brjod pa dang/ /rnyed pa dang ni
bkur sti dang/ /tshigs bcad rgyu yis gzhan smod dang/ /

bdag ni zab mo bzod pa'o zhes/ /log pa nyid ni smra ba dang/
/dge sbyong chad pas gcod 'jug dang/ /dkon mchog gsum gyi sbyin
byed dang/ /sbyin pa len par byed pa dang/ /zhi gnas 'dor bar
byed pa dang/ /yang dag 'jig gi longs spyod

rnams/ /kha ton byed la sbyin pa dang/ /byang chub sems gnyis
spangs pa sogs/ /rtsa ltung kun dang nyes byas kyang/ /dkon
mchog gsum la gsum mi mchod/ /'dod pa'i sems kyi rjes su 'jug
/rgan pa rnams la gus mi byed/ /dris pa la ni

lan mi 'debs/ /mgon bos bdag gir mi byed dang/ /gser la sogs pa
len mi byed/ /chos 'dod pa la sbyin mi byed/ /tshul khrims 'chal
rnams yal bar 'dor/ /pha rol dad phyir slob mi byed/ /sems can
don la bya ba chung/ /snying

brtser bcas par ma byas dang/ /'tsho ba log pa dang du len/
/'phyar nas rab tu rgod la sogs/ /'khor bar gcig pu bgrod par
sems/ /grags pa ma yin mi spong dang/ /nyon mongs bcas kyang
'chos mi byed/ /gshe la lan du gshel@014a @#/ /sogs/ /khros pa rnams ni yal bar 'dor/
/pha rol shad
kyis chags pa spong/ /khro ba'i sems kyi rjes su 'jug /rnyed
bkur 'dod phyir 'khor rnams sdud/ /le lo la sogs sel mi byed/
/chags

pas bre mo'i gtam la brten/ /ting nge 'dzin gyi don mi 'tshol/
/bsam gtan sgrib pa spong mi byed/ /bsam gtan rol yon tan lta/
/nyan thos theg ba spong bar byed/ /rang tshul yod bzhin de la
brtson/ /brtson min phyi rol bstan bcos brtson/ /

brtson par byas kyang de la dga'/ /theg pa chen po spong par
byed/ /bdag la bstod cing gzhan la smod/ /chos kyi don du 'gro
mi byed/ /de la smod dang yi ge rten/ /dgos pa'i grogs su 'gro
mi byed/ /nad pa'i rim gro bya ba spong/ /sdug bsngal sel bar

mi byed dang/ /bag med rnams la rigs mi ston/ /byas la lan du
phan mi 'dogs/ /gzhan gyi mya ngan sel mi byed/ /nor 'dod pa la
sbyin mi byed/ /'khor rnams kyi ni don mi byed/ /gzhan gyi blo
dang mthun mi 'jug /yon tan bsngags pa smra mi byed//

rkyen du 'tsham par tshar mi gcod/ /rdzu 'phrul sdigs sogs ma byas
dang/ /gzhan la chos dang zang zing gis/ /skyong bar 'os pa ma
bskyangs dang/ /gzhan gyis gnod pa kho na 'dzin zhing/ /ris su
bcad nas chags sdang byed/ /dam lam bsten

thos bas mdor/ /zas gos sogs la spyod pa'i tshe/ /gzhan don bsam
pas ma zin dang/ /chos spyod kun la sems bskyed kyis/ /ma zin
nag chos ma spang zhing/ /dkar chos bzhi lam bslab dang/ /gzhan
don brtson par ma byas sogs/ /

@014b 'gro kun mgron du gnyer ba las/ /bslus pa'i nyes ltung
mtha' yas pa/ /sngon byas mtha' dag mthol zhing bshags/ /da ni
srog dang bsdos te bsrung/ /zhes byang sems dang/ dkyil 'khor
lha tshogs spyan snga ru/ /khas blang dam tshig sdom

pa zhes/ /dngos grub kun gyi gzhir gyur pa/ /de dang 'gal byas
ltung pa ni/ /dpal ldan bla ma dam pa la/ /nyin re bzhin du dus
drug tu/ /maNDal me tog bcas phul nas/ /phyag ni 'tshal bar ma
byas dang/ /dpon slob 'brel ba ma brtags par/ /

chos la nyan bshad byas pa dang/ /bla ma la brnyas smad pa dang/
/bla ma'i thugs ni dkrugs pa dang/ /yid 'ong yon ni ma phul
dang/ /rtag tu dam tshig ma bsrungs dang/ /rtag tu bde gshegs ma
mchod dang/ /rtag tu bla ma ma mchod dang/ /bla ma

dang ni rdo rje 'dzin/ /tha dad par ni bsam pa dang/ /bla ma'i
grib ma lham dang stan/ /bzhon pa sogs la 'goms pa dang/ /bka'
bsgo gus bsam nyan dang/ /mi nus shad sbyang 'os pa la/ /shad
sbyang dag ni ma byas dang/ /bla ma'i rdzas la srog

bzhin dang/ /'khor la gnyen bzhin ma bsam dang/ /drung du mal
stan la 'dug dang/ /bsgo bam thob sngon 'gro dang/ /bla ma las
sngar stan gyi steng/ /rkang ba 'jog pa gru rgyangs byed/ /bla
ma bzhengs tshe nyal dang 'dug /bzhugs pa dag na

nyal ba dang/ /bla ma'i drung du mchil ma sogs/ /dor dang rkang
pa rkyong ba dang/ /'chag dang kha stobs 'gyed pa dang/ /yan lag
mnye dang gar dag dang/ /glu dang rol mo byas pa dang/ /bre mo'i
gtam rnams smras pa dang/ /ldang 'dug gus par ma

@015a @#/ /byas dang/ /bla ma'i drung du lus gcu dang/ /ka ba
sogs la brten pa dang/ /sor mo'i tshigs ni 'then pa dang/ /dril
phyi sku mnye la sogs la/ /thog mthar phyag ni ma byas dang/
/zhal sngar ldan pa ma sbyar bar/ /

bla ma'i mtshan nas smos pa dang/ /gzhan dag gus par bya ba'i
phyir/ /khyad par can gyi tshig ma brjod/ /rgod dang lud pa la
sogs la/ /lag pas kha ni ma bkab dang/ /bya ba zin nas 'jam pa
yi/ /tshig gi brda ni ma sbyar dang/ /mdun du dul bas mi

'dug dang/ /gos sogs tshul ni ma bsdams dang/ /gsang sngags dam
chos nyan pa'i tshe/ /pus btsugs thal mo sbyar byas nas/ /gsol ba
lan gsum ma btab dang/ /nga rgyal sgeg chos kun spangs nas/ /dul
zhing bag yod ma bsten dang/ /bla mas

gnang ba ma thob par/ /bla ma gnas pa'i sa phyogs der/ /rab gnas
dkyil 'khor sbyin sreg dang/ /slob ma sdud dang 'chad pa dang/
bla ma'i slob ma slob mar byas/ /spyan 'byed sogs la ci thob pa/
/de kun bla mar ma phul dang/ /de yis bstabs pa

blangs nas ni/ /gzhan la ci bder ma byas dang/ /slob dpon la ni
gang phul dang/ /bla mas kyang ni gang stsal ba/ /de la btud de
lag gnyis kyis/ /len pa sogs ni ma byas dang/ /bla ma'i drung du
gzhan dag gis/ /phyag sogs byed pa ma bzlog

dang/ /rang gi kun spyod la brtson pas/ /spun gyi rang spyod las
'das pa/ /dga' bas phan tshun ma bzlog dang/ /bde gshegs bla ma'i
bka' 'das dang/ /spun la khros nas skyon smras dang/ /spun gyi
chos ldan ngag bcag dang/ /sems can

@015b rnams la byams pa spangs/ /sems can la ni khros pa dang/
/byang chub sems gnyis spangs pa dang/ /rang gzhan grub mtha' la
snang dang/ /ma smin pa la gsang ba bsgrags/ /phung po la brnyas
smad pa dang/ /stong ba nyid ni spangs pa dang/ /gdug pa can la

byams par byas/ /sgyu yis byams pa bsten ba dang/ /rgyun par
stong nyid ma bsgoms dang/ /bde ba chen po'i gdams ngag dang/
/stong nyid tshol bar ma byas dang/ /dad ldan sun par byas pa
dang/ /rnal 'byor pa yi skyon smras dang/ /dam rdzas tshul

bzhin ma bsten dang/ /bud med la ni smod ba sogs/ /rtsa ltung
bcu bzhi bsdus pa dang/ /shes rab stobs kyis len pa dang/ /de yi
bdud rtsi stobs kyis len/ /snod min la ni mi gsang dang/ /tshogs
kyi nang du rtsod pa dang/ /dad ldan la gzhan chos

ston dang/ /nyan thos nang du zhag bdun gnas/ /rdzun gyis rnal
'byor nga rgyal byed/ /dad pa med la chos ston dang/ /sbyor ba
legs par ma byas par/ /skal min gsang ba ston pa dang/ /bsnyen
sogs dag par ma byas par/ /dkyil 'khor las

la 'jug pa dang/ /sdom pa gnyis kyi bcas pa las/ /dgos pa med
par 'das pa dang/ /rtsa ltung sbom po'i ltung ba la/ /sdom sems
dus drug ma btang dang/ /tshul khrims gsum dang 'gal ba dang/
/skyabs 'gro dus drug ma grub dang/ /rdo rje

dril bu phyag rgya yi/ /dam tshig bsten bar ma byas dang/ /slob
dpon dus drug ma mchod dang/ /zang zing mi 'jigs chos dang
byams/ /sbyin pa dus drug ma byin dang/ /phyi dang gsang ba theg
pa gsum/ /dam chos 'dzin 'dod ma bskyed dang/ /sdom pa

@016a @#/ /dang ni mchod pa la/ /dus drug brtson par ma byas
dang/ /sems can 'dul phyir ma gtogs par/ /bya ba ma yin ma
spangs dang/ /rnal 'byor pa rnams ma mchod dang/ /dge bcu sgrub
la mi brtson

dang/ /theg pa dman la 'dod byas dang/ /sems can don la rgyab
phyogs dang/ /'khor ba dag kyang spangs pa dang/ /rtag tu mya
ngan 'das chags dang/ /lha dang lha min gsang ba pa/ /de dag
rnams la brnyas pa dang/ /phyag rgya bzhon pa mtshon

cha dang/ /mtshan ma 'goms dang zos pa dang/ /de bzhin dman ma
lha yi grib/ /rkang pa dag gis brdzis pa sogs/ /sbom po'i gzhi
las gyur pa dang/ /rigs lnga so so'i dam tshig las/ /'das par
gyur pa la sogs pa/ /mdor na rdo rje theg

pa yi/ /'dul ba dang 'gal nyes ba kun/ /khong par song ba'i dug
bzhin du/ /'gyod ba drag pos bshags bar bgyi/ /bla ma yi dam
dkon mchog gsum/ /thugs rje byin rlabs chu rgyun gyis/ /bdag gi
sgo gsum nyes ltung kun/ /byang

zhing dag bar byin gyis rlobs/ /zhes sngags sdom gyi ltung ba'i
bsngo bgrang rnams dal bus byed cing/ /rang la nyin der byung ma
byung brtags nas/ byung 'dug na phyir bcos dang ltung ba spyi
bshags sogs bya la sngags kyi rtsa ltung sbyang ba'i

phyir bdag 'jug blang ba sogs kyang nan tan du bya/ /khyad par
du da lta bstan pa'i gzugs brnyan kho nar song ba'i dbang gis
dge slong du khas 'che ba phal mo che zhig chos gos dang ma bral
ba tsam las lhag pa'i bsrung bya gzhan med pa lta bur

@016b go snang la/ mthang gos sogs dang 'bral spangs yod ba'i
gtam tsam yang mtshor 'dug pas/ /de'i shan la brten nas bla gos
kyi byin rlabs kyang rmeg med du song ste/ spang ltung 'ba' zhig
gi phung por 'gyur zhing/ 'chad spang sogs

la yang yid zon byed pa mi snang mod/ /sbyir ltung ba dang zhag
tu mi 'grogs pa gal che la/ khyad par du dus nges pa'i mtha' can
rnams la gzab par ma byas na/ /ltung ba dngos dang de'i shan
yang 'phel kha sogs rim gyis nags lam

mched pa ltar bzlog dka' bas/ nyin der rang la mo byad gsar pa
byung ma byung brtag ste/ mkho ba'i yo byad du byin gyis brlabs
pa'i dngos po ni/ /'tsho ba'i yo byad dang lhag pa'i yo byad
gnyis las gzhan pa zong gos su nges pa dang/

ma nges pa gnyis gang yang rung ba/ /chos ldan gyi dgos pa'i
phyir yin pa/ khru gang yan chad du longs pa sogs bzung ste/ cho
ga ni lha dgongs su gsol/ /gos 'di bdag dang tshangs pa mtshungs
par spyod pa la mkho ba'i yo byad kyi gos su

byin gyis brlab bo/ /zhes lan gsum/ 'di ni dkar po dang/ kha
tshar can la sogs pa la yang byin rlabs 'chags so/ 'tsho ba'i yo
byad phran tshegs ni/ zhwa dang ska rags dang stan la sogs pa
khru gang du longs ba rnams/ bdag ming 'di

zhes bgyi ba'i gos 'di zhwar byin gyis brlab bo/ /zhes lan gsum
brjod gzhan rnams la yang 'dis rigs bsgre bar bya'o/ /khru gang
du ma longs pa rnams la rang rang gi ming du lan gcig sems
bskyed cing/ zhen pa med par bcang ngo/ /

@017a @#/ /lhag pa'i yo byad gdong phyis la sogs pa khrur ma
longs pa rnams ni yid kyis brtag ste bcang ngo/ /mkho ba'i yo
byad phran tshogs ni rang gzhan gyi chos ldan gyi dgos pa'i ched
du 'chang ba'i khru gang

du ma longs pa'i gos zong gos su nges pa dang/ ma nges pa rnams
yin pas yid kyis brtag pa byas la bcang ngo/ /bsam pa ni 'tsho
ba'i yo byad la rang gi dang/ lhag pa'i yo byad la gzhan gyi
dang/ mkho ba'i yo byad la rang gzhan gnyis

ka'i blos bcang ngo/ /mi rung ba'i dngos po la/ lha dgongs su
gsol/ /bdag dge slong ming 'di zhes bgyi bas dngos po rung bam
lags pa 'di rnyed de/ bdag dge slong ming 'di zhes bgyi bas
dngos po rung ba ma lags pa 'di byin

gyis brlab bo/ /dngos po rung ba ma lags pa 'dis dngos po rung
ba bsgrub par bgyi'o/ /zhes lan gsum brjod/ /sman dang shes pa
chung ngu'i rung khang byin rlabs sogs kyang gal che la 'dir ma
bris pas/ 'dul 'dzin gyi gzhi

gsum cho ga dang/ rje btsun ye shes rgyal mtshan gyi gzhi gsum
gsal byed sogs su blta'o/ /gal te 'di dag gis gos na yo byad
rnams spangs te ltung ba ming rigs mthun bsam gos pa'i dge slong
gi mdun du phyir bcos byas

nas slar yang byin rlabs bya/ /de nas thun gyi mthar bzang po
spyod pa sogs smon lam rgyas pa'am/ de'i don bsdus pa/ 'jam dpal
dpa' bo zhes sogs sho lo ka gnyis dang/ lam rim smon lam dang
bstan 'bar ma'am/ bsdun/

@017b rgyal sras smon lam gang+ga'i klung rnams ni/ /dam chos
'dzin pa'i smon lam nang 'dus par/ /gsungs phyir dge rtsa ji
snyed bsags pa rnams/ /kun kyang thub bstan rgyas pa'i rgyu ru
bsngo/ /zhes dang/ shes kyi khe 'dod pa dang grags pa dang/
/'khor

dang longs spyod rnyed dang bkur sti'i rgyur/ /skad cig tsam
yang nam yang mi smin par/ /bla med byang chub kho na'i rgyur
gyur cig /ces sogs dang/ bde ba can nam dga' ldan lta bur 'phen
pa byed na yang de'i smon tshig ci rigs sbyor/ /sngar gyi

dge sbyor la sdong grogs mdzad pa'i gtang rag dang/ sang phan
chad kyi 'phrin las bcol ba'i phyir skyes bu gsum gyi lam gyi
chos skyong sogs la gtor 'bul rgyas bsdus ci rigs bya/ /nam gung
gi thun la ldang nus na legs kyang/ ma lcogs na de'i

dod du nyal khar slar yang thun drug gi rnal 'byor shin tu bsdus
pa tshar gcig bya/ de nas sang 'di tsam gyi dus su langs la dge
sbyor la brtson par byed snyam pa'i 'phen pa btang nas/ /rab
gnyid dus kyi bsre ba dang/ gzhan dge ba'i dran shes

dang ldan pas nyal bar bya ste/ mgon po klu'i zhabs kyis/ rigs
pa'i bdag nyid nyin par mtha' dag dang/ /mtshan mo'ang thun gyi
stod smad 'das nas ni/ /mnal tshe'ang 'bras bu med par mi 'gyur
bar/ /dran dang ldan par de dag bar

du mnol/ /zhes gsungs pa ltar ro/ /smras pa/ tshul khrims rnam
par dag pa'i lus mdzes shing/ /thos bsam 'dab zung g.yo ba'i
b+hram raH/ /rnam g.yeng 'du 'dzis dben pa'i skyed tshal du/
/nges 'byung glu dbyangs len de skyid ba'i

@018a @#/ /mchog /de lta'i bsod nams bsags pa'i skal bzang gis/
/chos spyod ji ltar bya ba drang po'i lam/ /gsal bar byed pa'i
legs bshad sgron ma 'dis/ /lam gol rmongs ba'i mun pa sangs par

gyis/ /snyigs dus skye bo'i tshe la long med cing/ /srid pa'i
phun tshogs nyes mang mnog chung bas/ /grogs dag 'bras med spun
pa ma 'phyar bar/ /gtan gyi 'dun ma bsgrubs na mi legs sam/
/sdug bsngal chu gter che las sgrol ba'i

gru; ;dal brgyad 'byor bcu ldan pa'i rten thob nas/ bag med
gnyid dang le los dus 'da' ba/ /ngan song gnas su lhung tshe mi
'gyod dan/ /zas nor bsags pa kun gyi mtha' mdzad cing/ /gnyen
mang du ma 'dus kyang so sor 'bral/ /

mthon po'i mtha' rgud skyes pa kun 'chin/ /zon med bde bar sdod
pa khyod khom mam/ /de bas nam mjug 'chad ka'i bung ba dang/
/long med dgun nyi lta bu'i tshe thung 'di/ /bde dang sdug bsngal
ji ltar gyur kyang sla/ /brtson bas byang

chub dam pa bsgrubs na legs/ /'dir 'bad dge bas thub bstan mkha'
dbyings su/ /sgrub rgyud bstan pa'i nyi ma rab gsal zhing/ /theg
gsum rigs can rigs kyi 'dab brgya pa/ /rnam grol ge sar snying
pos mdzes gyur cig /

ces tshe gcig gi nyams len rnams nyin zhag phrugs gcig la sbyar
te lag tu bstar ba'i tshul chos spyod gsal ba'i sgron me zhes bya
ba 'di ni rgyal pa'i gsung rab la thos bsam tshul bzhin du byas
brdo ram pa tshangs dbyangs rgyal mtshan

@018b gyis thos don sgrub pa la sbyar ba'i ched du dben pa'i ri
khrod du 'gro bar chas pa'i tshe 'di lta bu zhig dgos zhes nan
tan du bskul bar brten thun drug gi rnal 'byor dang sdom pa gsum
gyi bsngo bgrang sogs la nyams len gyi mthil du byed pa ni

rgyal ba'i dgongs pa mthar thug pa dang mnyam med ri bo dge ldan
pa'i khyad chos bla na med pa yin pas de rnams gtso bor bzung/
byin rlabs kyi khyad nas rje yab sras dang paN chen thams cad
mkhyen pa'i gsung gi tshig ris rnams rang sor

bzhag /bar mtshams su tshig sbyor cung zad snon dgos pa rnams
bsnan te/ 7btsun pa dkon mchog bstan pa'i sgron mes dpal ldan
bkra shis 'khyil gyi 'du khang chen mo'i yang rtser sbyar ba
'dis kyang 'jam mgon bstan pa'i snying po phyogs

dus kun tu rgyas par gyur cig / //