@001a @#/ /pha ma'i drin gzo tshul dang gshin por ma Ni bskul ba'i
mgur dbyangs bzhugs so/ /

@001b @##/ /pha rol phyin dang gsang sngags lam bzang gis/ /pha ma
rigs drug sems can ma lus pa/ /pha mtha' mi mngon 'khor ba'i
rgya mtsho yi/ /pha rol 'dren mdzad bshes gnyen rnams la 'dud/ /

ma lus spangs rtogs mthar son rdzogs sangs rgyas/ /ma rig mun
sel sgron me dam pa'i chos/ /ma nor lam gyi grogs mchog dge 'dun
bcas/ /ma lus 'gro ba'i mgon dang skyabs mdzod cig /ya mtha'
gtugs pa

med pa'i dus shig nas/ /srid pa'i gnas 'dir zo chun bzhin du
'khor/ /pha ma ma byas sems can 'ga' yang med/ /de tshe rang srog
las kyang gces par byas/ /phan pa tshad med drin lan ji ltar
'jal/ /de yi drin

lan chos kyis 'khor bar shog /skyabs gnas bslu med bla ma dkon
mchog mkhyen/ /yi dam rgyud sde bzhi yi lha tshogs mkhyen/ /'od
dpag med dang spyan ras gzigs mgon mkhyen/ /dmigs yul thar pa'i
gnas

su drang du gsol/ /zla ngo bcu yi bar du lus la bzung/ /btsas
nas nyin mtshan sha yi drod la sbyar/ /snyan par pos shing brtse
ba'i 'dzum gyis bsus/ /sor bcu'i rtse la g.yengs te nu zhos
gsos/ /gnyid dang lto

bcag yid bzhin nor ltar bsrungs/ /de yi drin lan chos kyis 'khor
bar shog /skyabs gnas bslu med bla ma dkon mchog mkhyen/ /yi dam
rgyud sde bzhi yi lha tshogs mkhyen/ /'od dpag med dang spyan
ras gzigs@002a @#/ /mgon mkhyen/ /dmigs yul thar ba'i gnas su drang du
gsol/ /na na bdag las kho rang na ba 'dam/ /'chin bdag las kho
rang 'chi ba 'dam/ /dpral ba'i mig dang khong pa'i snying

bzhin du/ /gces pa tshad med bzod pa'i glags ma mchis/ /bu phrug
rgyag pas gces ngo ga la shes/ /de yi drin lan chos kyis 'khor
bar shog /skyabs gnas bslu med bla ma dkon mchog mkhyen/ /yi dam
rgyud sde bzhi

yi lha tshogs mkhyen/ /'od dpag med dang spyan ras gzigs mgon
mkhyen/ /dmigs yul thar pa'i gnas su drang du gsol/ /nyam chung
srin 'bu 'dra ba mi ru byas/ /dam chos sgrub pa'i dal 'byor rten
bzang byin//

mtshan ldan bla ma dam pa'i drung du bskyal/ /phan bde'i 'byung
gnas bstan pa'i sgo ru bcug /'di phyi'i bde legs kun gyi rtsa ba
btsugs/ /de yi drin lan chos kyis 'khor bar shog /skyabs gnas
bslu med bla ma

dkon mchog mkhyen/ /yi dam rgyud sde bzhi yi lha tshogs mkhyen/
/'od dpag med dang spyan ras gzigs mgon mkhyen/ /dmigs yul thar
pa'i gnas su drang du gsol/ /sdig dang sdug bsngal gzhan gyi
gtam ngan

sogs; ;khyad du bsad nas 'bad pas sha thang du/ /bsgrubs pa'i
rgyu nor longs spyod yod do cog /lhag ma med par bdag la gtad pa
na/ /gtan gyi 'dun ma 'grub bzhin dga' bskyes/ /de yi drin lan
chos

@002b kyis 'khor bar shog /skyabs gnas bslu med bla ma dkon
mchog mkhyen/ /yi dam rgyud sde bzhi yi lha tshogs mkhyen/ /'od
dpag med dang spyan ras gzigs mgon mkhyen/ /dmigs yul thar pa'i
gnas su drang du gsol/ /bsgrubs pa'i nor

rdzas bdag cag la bzhag kyang/ /bsags pa'i sdig ltung pha ma
rang gis khur/ /da lta rigs drug bar do'i gnas gang na/ /skyid
sdug ji 'dra myong ba su yis shes/ /zas nor skal ba rjes su
skyel lugs med/ /de yi drin lan chos kyis 'khor

bar shog /skyabs gnas bslu med bla ma dkon mchog mkhyen/ /yi dam
rgyud sde bzhi yi lha tshogs mkhyen/ /'od dpag med dang spyan ras
gzigs mgon mkhyen/ /dmigs yul thar pa'i gnas su drang du gsol/
/lhan cig 'tshogs nas rtse rgod longs spyod rgyas//

gtan du 'grogs shing phan par re ba la/ /glo bur 'chi bdag gshin
rjes kha phral nas/ /rgyus med bar do'i 'phrang du gcig pur
khrid/ /dkar po dge ba ma gtogs ra mda' med/ /de yi drin lan
chos kyis 'khor bar shog /skyabs gnas bslu med bla ma dkon

mchog mkhyen/ /yi dam rgyud sde bzhi yi lha tshogs mkhyen/ /'od
dpag med dang spyan ras gzigs mgon mkhyen/ /dmigs yul thar pa'i
gnas su drang du gsol/ /lan du phan 'dogs nus pa dkon na yang/
/srid par yang yang 'khyams pa'i bag chags

kyis; ;bya dang ri dwags gcan gzan tshun chad kyang/ /rang gi bu
la byams pa ngang gis skye/ /tshul des lan grangs dpag med drin
gyis bskyangs/ /de yi drin lan chos kyis 'khor bar shog /skyabs
gnas bslu med bla ma dkon mchog mkhyen/ /yi dam

@003a @#/ /rgyud sde bzhi yi lha tshogs mkhyen/ /'od dpag med dang
spyan ras gzigs mgon mkhyen/ /dmigs yul thar pa'i gnas su drang
du gsol/ /skye shi thog mtha' med pa'i 'khor ba 'dir/ /sems can
re res rang gi

ma byas te/ /nu zho 'thung ba lhan cig bsags byas na/ /rgya mtsho
chen po'i chu las lhag go zhes/ /kun mkhyen thub pas gzigs nas
bden par gsungs/ /de yi drin lan chos kyis 'khor bar shog
/skyabs gnas bslu med bla ma dkon mchog mkhyen//

yi dam rgyud sde bzhi yi lha tshogs mkhyen/ /'od dpag med dang
spyan ras gzigs mgon mkhyen/ /dmigs yul thar pa'i gnas su drang
du gsol/ /rnyed dka' dal 'byor mi lus thob na yang/ /bdag cag
don du mi tshe sdig la gzad/ /rgyu nor spyod pa'i bde

ba ma myong zhing/ /dam chos sgrub pa'i go skabs ma rnyed de/
/phan lan sgrub pa'i re mos bdag la babs/ /de yi drin lan chos
kyis 'khor bar shog /skyabs gnas bslu med bla ma dkon mchog
mkhyen/ /yi dam rgyud sde bzhi yi lha tshogs mkhyen/ /'od

dpag med dang spyan ras gzigs mgon mkhyen/ /dmigs yul thar pa'i
gnas su drang du gsol/ /sku gsung thugs rten bzhengs shing mchod
pa phul/ /bla ma dge 'dun sde la bsnyen bkur zhus/ /cho ga bzlas
brjod mdo sde klog pa dang/ /phyag

skor srog blu dbul por sbyin gtong sogs/ /dge ba gang byas de yi
don du bsngo/ /de yi drin lan chos kyis 'khor bar shog /skyabs
gnas bslu med bla ma dkon mchog mkhyen/ /yi dam rgyud sde bzhi
yi lha tshogs mkhyen/ /'od dpag med dang spyan

@003b ras gzigs mgon mkhyen/ /dmigs yul thar pa'i gnas su drang
du gsol/ /tshul khrims rnam dag mang thos zhings bzang/ /sdig
dang ma 'dres sa bon dngos po gtsang/ /ming dang grags 'dod min
par phan sems kyis/ /bsgrubs pa'i 'khor gsum rnam

dag dge ba'i 'bras/ /pha ma rigs drug 'gro ba'i don du bsngo/
/de yi drin lan chos kyis 'khor bar shog /skyabs gnas bslu med
bla ma dkon mchog mkhyen/ /yi dam rgyud sde bzhi yi lha tshogs
mkhyen/ /'od dpag med dang spyan ras gzigs mgon mkhyen//

dmigs yul thar pa'i gnas su drang du gsol/ /khams gsum 'khor
ba'i khun tshogs gang la yang/ /snying po ma mchis rmi lam dga'
ston bzhin/ /mchog gsum thugs rje'i bden pa chen po'i mthus/
/ngan song 'khor ba'i skye sgo bcad du gsol/ /dmigs

yul nyam thag 'gro la thugs rjes gzigs/ /de yi drin lan chos
kyis 'khor bar shog /skyabs gnas bslu med bla ma dkon mchog
mkhyen/ /yi dam rgyud sde bzhi yi lha tshogs mkhyen/ /'od dpag
med dang spyan ras gzigs mgon mkhyen/ /dmigs yul thar

ba'i gnas su drang du gsol/ /zhes pa 'di ni dad brtson ldan pa
rab 'byams pa dkon mchog bsam 'grub kyis pha ma'i drin lan gtso
tshul zhig dgos zer ba/ spyir rang gis chos rnam dag cig bsgrubs
na lus bskyed pa'i pha ma la drin gtso'i mchog de yin kyang/
de'i rnam pa dran ched dang/ gshon bor maNi bskul ba sogs kyi
tshe blo 'khul byed

'di lta zhig byung na phan par mthong nas btsun pa dkon mchog
bstan pa'i sgron mes 'phral du smras pa'i yi ge pa ni sngags ram
pa dkon mchog kun dga'o//)