@001a @#/ /rje btsun dkon mchog 'jigs med dbang po'i gsang ba'i
rnam thar bzhugs so/

@001b /dang la ldan tshogs gnyis chu gter las 'khrungs shing/
/spangs rtogs yon tan dkyil 'khor yongs su rdzogs/ /gsang gsum
sgyu 'phrul dra ba'i 'od dkar can//

smra ba'i zla ba lus can gtsug na rgyal/ /mi mnyam thugs bskyed
dbyar gyi dpal mo'i byin/ /rgyal bstan nor 'dzin khyab par spro
ba yi/ /sprul pa'i zlos khar padma dkar po'i phreng/ bshad sgrub
sbrang rtsi'i

dga' ston ci yang rgyas/ mtha' klas 'gro ba'i khams kyi rdzing
bu ru/ /brtan g.yo rab 'byams bkod pa'i zla snang 'bum/ /cig
car sbro yang nyer zhi'i mkha' dbyings las/ mi g.yo sku bzhi'i
rgyal

thangs bla na med/ /stobs bcu'i 'jug pa srid zhi'i dngos kun
gyi/ /rjes 'gro ba 'byams rgyal gsung gsang ba'i mdzod/ /grags
pa gting yangs rol mtsho'i phyogs cha yang/ /dbyangs can dang mo

'bum gyi rtse dga'i gnas/ /'on kyang thugs rje ha ri tsandan
gyi/ /grib bsil dge ba'i lam du ngal bos ba/ /gang zhig de yi
ngo mtshar bsngags pa yi/ /gtam gyi gling bu bsgyur la spro bar
'dzin/ /

'dzam gling mkhas dang grub pa ma lus pa'i/ /ral ba'i cod ban
nor bu'i rkang stegs can/ /chos kyi rgyal po 'jam dbyangs bzhad
pa zhes/ /snyan pa'i sa dan srid pa gsum na g.yo/ /dpal ldan

@002a @#/ /bla ma'i zhabs la gsol ba 'debs/ /mchan 'dzin 'bo 'jig
g.yul pa las rgyal yang/ /'gro ba'i don slad sbrul ba'i zlos
par ni/ /rgya bod mtshams kyi ljongs

'dir bsgyur ro zhes/ /bka' lung 'gyur ba med pa'i zhal bzhes
mdzad/ /dpal ldan bla ma'i de nas gzigs pa lnga yis mkhyen bzhin
du/ /DA ki'i mtshan ldan yum gyi lhum zhugs tshe/ /chos kyi

rgyal po rgyal chen rnam sras sogs/ /chos srung rgya mtshos
g.yel med bya ra mdzad/ /dpal ldan x dge mtshan ltas dang bcas
te bltams ba na/ /'jig rten skyong rnams lha yi ges bzang phul/
/

tshul khrims phung po yongs su rdzogs pa yi/ /gos bzang dran shes
nor bu'i ska rags 'chang/ dpal ldan x lnga brgya'i gtsug rgyan
jo bo a ti sha /mngon sum gzigs pas dga' ba dpag med

'khrungs/ /paN chen du mar 'khrungs pa'i ngang tshul kyang/ rjes
dran rnam 'gyur rigs pa'i gad rgyangs bsgrags/ /dpal ldan x dge
ldan bstan la dbang bsgyur rten 'brel gyis/ /'jam dpal

snying po'i snang brnyad rnyed pa na/ /nyin mtshan kun tu phyag
mchod lhur mdzad pas/ /'jam dbyangs bla mas mngon sum rjes su
gzung/ /dpal ldan x bag med byis pa'i spyod pa kun spangs shing/

@002b gtsug lag rab 'byams 'bad med thugs su chud/ /don zab
snyan tshig spel la thogs med pas/ /blo chen rgan do rnams kyi
snyems 'phrogs/ /dpal ldan x cung zad snyung gyis brin tshe pha
dam pa/ /mngon sum byin nas gegs

sel bsrung ba mdzad/ /yum chen la bsgron dus nas lhan cig tu/
/thugs bskyed smon lam zab mos 'brel bar nges/ /dpal ldan x yi
dam chos srung du ma'i zhal gzigs shing/ /phyi nang rten 'brel
kun la dbang bsgyur

bas; ;ri mo'i 'phrul gyis gdon bgegs dpung bcom ste/ /zla grags
sgyu ma'i rol rtsed slar yang bstan/ dpal ldan x 'khrul bral dam
pa'i lung gis nges rnyed cing/ /sngon gnas rjes dran ngo mtshar
mdzad bzang gis/ /gzur

gnas mkhas pa kun gyi yid 'phros ste/ /chos kyi khri la zhabs
sen nye bar bkod/ /dpal ldan x yab gcig blo bzang rgyal ba'i
dbang po yis/ /gnas gsum byin rlabs zab mo'i brda thabs kyis/
/mdo sngags zab rgyas

chos tshul ma lus pa/ /ji bzhin nyams su len pa'i gdams par
bshad/ /dpal ldan x 'jam dbyangs gzhon nus mngon sum byin rlabs
shing/ /skyes thong blo gros lus rtsal rab rdzogs pas/ /rgyal
sras spyod brgya mtsho'i sgra

dbyangs kyis/ /smra ngan dpung bcom blo gsal dga' ba bskyed/
/dpal ldan x spyan ras gzigs dbang snang ston srin po'i skur/
/bzhengs pa myur mdzad ye shes mgon po yis/ /'du 'bral med par
rtag tu rjes 'brangs nas/ /'phrin

@003a @#/ /las g.yel med sgrub par zhal gyis bzhes/ /dpal ldan x
gnam sa'i khyon kun 'gengs pa 'jigs pa'i gzugs/ /'jam dpal bka'
sdod las kyi gshin rje yis/ /dge ldan chos kyi gsar

mdzod longs gtang nas/ /bgegs tshogs kun 'joms rdo rje'i g.yar
dam bcas/ /dpal ldan x rgyal dbang mchog dang paN chen thams cad
mkhyen/ /rol ba'i rdo rje dge 'dun rgya mtsho'i sde/ /me tri'i
zhabs sogs yongs 'dzin

mang bsten nas/ /sa steng gdams ba kun gyi bdag por gyur/ /dpal
ldan x khengs dang dregs pa'i bag chags ring spangs te/ /sangs
rgyas dngos su gzigs pa'i mos gus kyis/ /legs tshogs rtso bshes
gnyen bsten tshul

la; ;gangs ljongs 'di na 'gran par zla dang bral/ /dpal ldan x
ngag gi dpal ster 'jam dbyangs dkar po yis/ mngon sum rjes bzung
mkhyen pa'i klong rdol zhing/ /tshig don mtha' dag mi brjed
gzungs thob pas/ /mdo

rgyud man ngag kun gyi gter du gyur/ /dpal ldan x bstod tshig don
yod zhags pa'i 'khrul 'khro gyi/ /mngon sum mgron du bkug ba'i
dbyangs ldan ma/ /mgrin par 'khyud pas sngon med legs bshad kyi/
/dga' ston spel

po'i spobs ba bla na med/ /dpal ldan x spal ti 'dul bar 'dzin
pa'i gdan sa ru/ /kun mkhyen gong ma'i dus bzhin a caryas/ /sku
tshe'i tshad dang mdzad pa 'phrin las sogs/ /'byung 'gyur mtha'
dag mnor lung bstan mdzad/ /

@003b dpal ldan x dpal ldan 'bras spungs chos kyi sde chen nas/
/'jigs mdzad rdo rje'i dbang bskur mdzad pa'i tshe/ /yi dam lha
tshogs rten dang brten pa rnams/ mngon sum gzugs shing byin rlabs
dga' ston myong/ /dpal ldan x

rtag tu sbas pa'i brtul zhugs lhur mdzad kyang/ /thol byung chul
gyis 'byung 'gyur bslab bya sogs/ /gang stsal rgya mtsho'i rlabs
bzhin cung zad kyang/ /dus las mi yol sgrib med mkhyen pa'i
gter/ /dpal ldan x pha rol sems

kyi 'gyur ba sna tshogs dang/ /so ma nyi'i dra khang chud rnams
ma zhus kyang/ /gdul bya'i mos pa ji bzhin gzigs pa yis/ /gsal
bar 'doms mdzad thar ba'i sa mkhan mchog /dpal ldan x paN chen
mchog dang thugs yin gcig

'dres te/ /dgos dbang khyad 'phags gzigs pas yab sras gnyis/
/bka' gdams bstan pa'i 'byung gnas rwa sgreng du/ /zhal 'dzoms
dag pa'i snang ba 'byams su klas/ /dpal ldan x mdo smad yul gyi
byi gdan sa chen po kun

'khor lo gsum gyis skyong bar mdzad pa'i tshe/ /spyan ras gzigs
kyis lung bstan bskul ma mdzad/ /gzhan phan snying rje'i rol pa
kho nar nges/ /dpal ldan x grub pa'i zhing mchog dben gtan thar
ba rtser/ /zab gsang rdo rje'i rnal

'byor la gnas tshe/ /he ru ka dpal rten dang brten pa yi/ /dkyil
ã»'khor 'khor lo'i snang ba mngon sum gzigs/ /dpal ldan x 'dzam
gling che dgu'i snying stobs las 'das pa/ /bgrang yas 'khor
tshogs rims nad duH kha las/ /@004a @#/ /sgrol la 'jigs bral grub pa'i rnam dpyod kyis/
/paN
chen snang mtha'i 'phrin las ru mtshon bsgreng/ /dpal ldan thu
chu klung 'brugs pas 'dab 'brel grong khyer che/ /bcom pa'i
khrod nas nyid la

skyabs 'tshol rnams/ /nyar 'tshe las grol snod bcud rten 'brel la/
/mnga' bsgyur nam yang bslu med skyabs kyi mchog /dpal ldan
gzhan gyi rbad 'dre gdon bgegs nad rims dang/ gsad ser than pa
la sogs nyer 'tshe

kun; /spyan dmigs tsam dang bden tshig re res kyang/ /lhag med
zhi mdzad rnal 'byor dbang phyug che/ /dpal ldan x bo dong dgon
par 'dod khams dbang phyug ma/ /'ol khang lha chen 'o de gur
rgyal dang/ /rgyun gyi 'byon bzhud la

yang rma rgyal sogs/ /dkar phyogs skyong ba kun gyis nga su
skyel mdzad/ /dpal ldan x chos 'khor lha sar rje btsun 'jam
dbyangs dang/ /gdan sa chen por yab rje'i snang brnyan gyis/
/snyan shal bzhes shing dgyes pa'i 'dzum dkar

gyis; ;dge ldan bstan pa'i bdag por mnga' gsol ba/ /dpal ldan x
dbus gtsang gnyis dang mdo smad ljongs kun tu/ /dbang khrid man
ngag gdams pa ma lus pa/ /mkhas grub kun la lan brgyar spel ba
yis/ /gsang chen

bstan pa'i ma ro rmang nas gsos/ /dpal ldan x 'khor lo gsum gyi
mdzad 'phrin mtha' klas pas/ /sa steng kun tu khyab kyang rang
don la/ /sred pa'i 'dun pa cha tsam ma 'dres par/ /bden pa'i
tshig gis zhal bzhes thub pa mchog

@004b dpal ldan x 'chad rtsod rtsom pas mkhas kun gtsug gi
rgyan/ /mthu stobs nus pas grub rigs tshogs kyi rje/ /'phrin las
bzang pos 'jig rten kun gyi mgon/ /thub bstan yongs kyi mnga'
bdag drin can rje/ /dpal ldan x mtha' bral

de nyid mngon sum gzigs pa yis/ /dngos 'dzin 'ching ba'i dra ba
kun bcad cing/ /zab lam rim gnyis rnal 'byor mthar phyin pas/
/tha mal snang zhen dri ma ma lus sbyangs/ /dpal ldan x 'gro kun
mi pham mgon gyis rjes 'dzin

cing/ /nyid kyi zhal skyin la dgongs byams mgon gyi/ /snang
brnyan gsar bskrun rab gnas mdzad ba'i tshe/ /ye shes mngon sum
zhugs pa'i gzi byin 'bar/ /dpal ldan x 'brom rjes stong chen
thig le'i spro bsdu bzhin/ /gzugs sku'i

bkod pa dbyings su skud pa'i brdar/ /gre gugs a yig 'od kyi
rang bzhin can/ /skal ldan du ma'i mig la mngon sum bstan/ /dpal
ldan ma rab 'byams rgyal ba'i 'khor lo ma lus pa'i/ /gsang gsum
yon tan me tog sil ma'i phrang

tshom bur brdzus pa dkon mchog gsum gyi dngos/ /'jigs med dbang
po srid zhi'i gtsug gi rgyan/ /dpal ldan bla ma'i zhabs la gsol
ba 'debs/ /de ltar dpa'i yid kyi rba yab rtse/ /zab gsang yon
tan chu yi bung bo las/ /cha

tsam spel ba'i bdud rtsi zegs ma ni/ /bdag gzhan bsod nams myu
gu'i gsos su 'gres/ /de yi dge bas dal 'byor rten gyi gzings/
/thos bsam bsgom pa'i ba dan gyis mdzes pas/ /phra rags 'khor
ba'i rgya mtsho ba sgral gyi bar/

@005a @#/ /ded dpon mchog gis rtag tu skyong byung cig /srid la
rgyab kyi phyogs par nges 'byung dang/ /gzhan phan khur du
'khyer ba'i byang chub sems/ /rgyal ba dgyes byed yang dag lta
ba rnams/ /zung du 'brel

ba'i lam bzang mngon gyur shog /de nas gsang ba sngags kyi lam
zhugs te/ /dngos grub rin chen gter gyi sgo gcig pu/ /rnam dag
dam tshig sgom pa cha tsam yang/ /mi nyams srog dang bsngos te
bsrung bar shog /dag pa'i 'khor lo 'dab

brgyad phrol ba las/ /lhan skyes bde chen sbrang rtsis byos pa
yis/ /zung 'jug 'dab yang g.yo ba'i rkang drug gis/ /chos kyi
sgra dbyangs rtag tu sgrogs gyur cig// //ces dus gsum rgyal bdun
gyi zhal skyin/ rigs dang dkyil 'khor rgya mtsho'i

mnga' bdag /bka' drin mtshungs zla med brje btsun dkon mchog
'jigs med dbang po'i zhal snga nas kyi gsang ba'i rnam par thar
pa mdor bsdus pa 'di ni/ mdo dang sngags kyi gzhung lugs rgya
mtsho'i gnad la gzhan dring mi 'jog pa'i mkhyen rab kyi dbang
phyug dam brgyud pa dbon slob dkon mchog rgyal mtshan/

rdod ma bskal bzang dpal 'byor/ rab 'byams pa ngag dbang mchog
ldan/ /rab 'byams ba mtha' bas rgya mtsho/ dka' bcu 'jam dbyangs
nor bu/ dkon mchog dpal ldan/ sbyin pa rnam rgyal/ 'jam dbyangs
chos grags sogs don gnyer can du mas snga phyir bskul zhing/
gtso che rang nyid tshe

rabs kun tu rje btsun bla ma mchog gis 'bral sed rjes su 'dzin
ba'i phyir du dmigs te/ 7btsun pa dkon mchog bstan pa'i sgron
mes cho 'phrul zla ba'i yar tshes dge bar dpal ldan bkra shis
'khyil gyi 'du khang chen po'i yang rtser bris pa dge lengs
'phel//)

@005b blank page