@001a @#/ /dpal ldan rig pa 'dzin pa'i 'khor los bsgyur ba chen
po sde khri rin po che blo bzang don grub pa'i zhal snga nas kyi
rnam par thar pa gsang chen chos kyis bsngags pa'i rol mo zhes
bya ba bzhugs so/ /

@001b @##/ /rgyal ba'i 'khor lo rab 'byams gsang ba'i mdzod/ /rin
chen 'byung gnas mthu yi rta gdong me/ /bdud rigs mthar byed
'jigs pa'i tsham tham can/ /grub

pa'i dpa' bo bde ba'i rdo rje rgyal/ /gshin rje'i gshed dang
mnyam sbyor ro langs ma/ /mi sdug drag mo chen mo'i skur bstan
yang/ /rgyal gsungs dbyangs kyi rang gdangs tshangs sras mar/
/nges

pas lan brgyag 'dud do ngag stsol cig /dpal ldan rig pa 'dzin
pa'i 'khor los bsgyur/ /zab lam rdo rje'i rnal 'byor dbang phyug
che/ /dkyil 'khor 'khor lo'i bdag bo gang gi gtam/ /gsang chen

chos kyis bsngags pa'i rol mo'ang yin/ /don bzang sbrang rtsi
gsar ba'i ro bda' ba/ /snyan 'gyur yan lag brgyad ldan chus
bgrungs te/ /smra ba'i ljags yangs rtse mos rig tsam gyis/ /yid
rab

@002a @##/ /'phrog pa'i mdo la btung 'os 'dis/ /rnam dpyod gser
sbyangs dag pa'i khams las grub/ /rnam bkra rigs pa'i dar gyi
mgul ching can/ /bdag blo rin chen

bum bzang las 'ongs pa/ /blo gsal gzhon nus dad pa'i snyim par
longs/ /de la 'dir mkhyen rab mtshungs zla med pa'i rnam dpyod
kyi gru gzings la brten nas gzhung lugs rgya mtsho'i pha rol tu
son

cing/ brtse ba snying rje chen po'i gzhan dbang du gyur te bstan
'gro'i phan bde'i khur chen 'khyer ba la nam yang mi ngal ba/
mthu stobs nus pa'i dpung gis nag phyogs bdud rigs kyi g.yul
ngo mtha' dag ming

gi lhag mar byas te mi nub bstan pa'i rgyal mtshan srid pa'i rtse
mor sgrengs par byed pa'i rje btsun bla ma dam ba grub pa'i
dbang phyug chen po blo bzang don grub pa'i zhal snga nas kyi
rnam par thar pa rgya mtsho lta bu

@002b las/ thun mong du grags ba mdor bsdus tsam zhig gtam du
bsnyad par bya ba la/ dang por mkhyen pa'i yon tan las brtsams
te rigs phun sum tshogs par skyes nas thos bsam ji ltar mdzad
pa'i tshul/ bar du

brtse ba'i yon tan las brtsams te bstan 'gro'i don sgo du ma nas
khur du bzhes pa'i tshul/ /tha mar nus pa'i yon tan las brtsams
te bdud rigs kyi nyer 'tshe rmeg med du bcom nas bstan pa'i rgyal
mtshan

bsgrongs pas bzhed dgongs lhun gyis grub pa'i tshul gsum gyi sgo
nas shes par bya'o/ /dang po ni/ kun mkhyen 'jam dbyangs bzhad
pa'i rdo rje'i 'phrin las gser gyi shing rta'i kha lo bsgyur
ba'i thugs

bskyed dus babs kyi dbang gis kun mkhyen bla ma dgung lo nyer
drug la phebs pa'i chu glang gi lor rje 'di mdo khams smad kyi
sa'i cha rgya bod kyi so mtshams khri kha'i yul phyogs su yab bla
dwags dge bsnyen bya ba'i

sras su bsam bzhin skye ba bzhes/ 'khrungs tsam nyid nas sngon
goms bzang po'i bag chags yongs su mad pa'i dbang gis bag med
pa'i ngang tshul ring du dor te/ spyod lam du la zhing sku byin
chags pas skye bo

kun gyis mthong na dga' ba mig gi bdud rtsi gsar blta bur gyur/
cung zad nar son pa nas dam pa'i spyod ba shugs 'byung du gnas
pa'i dbang gis gzhan gyis bslab pa la mi ltos par dman mchog gi
zhing la brten nas

@003a @#/ /bsod nams kyi myu gu bskrun pa dang/ sdug bsngal gyis
gzir ba'i skye bo mthong ba na shas mi bzod pa'i snying rje
skyes te de'i don la brtson pa dang/ 'bu srin phra mo la yang
gnod 'tshe spong ba

sogs blang dor phyin ci ma log par mdzad pas yul mi rnams kyang
'di lta bu'i byis pa ya rabs zhes ya mtshan pa'i dper byed ba
byung/ dgung lo drug gi thog la mo bde chen du khu bo rab 'byams
pa zhig yod pa'i rtsar

klog slob tu phyin pas dka' tshegs med par thugs su chud/ khu bo
rab 'byams pa yang shin tu yid mgu nas mig gi 'bras bu bzhin du
gces par bskyangs/ cho ga chos spyod sogs kyi dpe mang du phul
te

gzigs su bcug pa rnams la lan re gnyis tsam bklags pas 'dzin
thub pa dang/ gang bzung thams cad ma bsnyel ba byas te skyor
sbyang la yang brtson pa khur du bzhes/ khyad par du yi dam
'jigs byed dang gsang

bdag /chos skyong chos rgyal dang lha mo rnams la tshe rabs du
mar 'brel ba'i bag chags kyi dbang gis thugs zhen che bas bdag
gir bzhes te mngon rtogs gtor chog bzlas pa sogs chag med nan
tan che bar mdzad

rab byung dang dge tshul gyi sdom pa bzhes pa nas bzung blang
'das mo drug gis mtshon pa'i bcas rang gi ltung ba phra rags
thams cad la shin tu mdzem zhing/ sgo gsum ba g.yod pa'i brtul
zhugs la gnas te

@003b yon tan thams cad kyi gzhi rten tshul khrims rnam par dag
pa'i rmad gzhi tshugs par mdzad/ tshul gnas thos dang bsam ldan
pas/ /sgom pa la ni rab tu sbyor/ /zhes gsungs pa ltar/ /gzhi
tshul khrims gtsang ma'i steng der thos bsam

sgom gsum yam bral ba zhig dgos pa'i dbang gis/ gnas chung sprul
pa'i chos rgyal chen pos/ lha ldan sprul pa'i gtsug lag khang
dang/ ser 'bras sogs kyi bkod pa rmi lam du bstan pa'i rkyen
gyis gsan sbyong la dbus gtsang

phyogs su phebs 'dod thun mong ma yin pa 'khrungs/ sngon gzhan
phan rlabs po che bsgrubs pa'i bsod nams kyi rgyu mthun las
thugs bzhed gang yin bde blag tu 'grub ba zhig yod cing/ dam can
chos srung rgya mtsho'i tshogs

kyis kyang 'phrin las sdongs grogs mdzad pa'i dbang gis mthun
rkyen phun sum tshogs par 'grigs te dgung lo bcu drug pa la dbus
'gyur chos kyi 'dun sa chen por phebs/ jo sh'ka rnam gnyis rang
byon lnga ldan sogs la snyan shal phul te

thos bsam sgom pa'i bya ba mthar phyin pa'i gsol 'debs dang smon
lam shugs drag gnang bar legs pa'i mtshan ma shar/ gangs can
bstan pa'i 'byung khungs dpal ldan 'bras spungs phyogs thams cad
las rnam par rgyal ba'i gling gi grwa

tshang bzhi'i ya gyal/ gur dkar po'i tog lta bu/ mkhas grub bye
ba'i bsti gnas bkra shis sgo mang gi chos grwar zhugs/ bdag nyid
chen po dpon slob don grub rgya mtsho'i zhabs drung nas bsdus
grwa'i rtsi bzhag thog mar gsan/ yongs kyi dge

@004a @#/ /ba'i bshes gnyen bya bral dge 'dun phun tshogs dge rgan
du bsten nas rtsi bzhag dang sbyor brtsi ba sogs la chig dril du
'bad bas ring po ma lon par rigs lam gyi sgo phye ste rtsod grwa
shin tu dmar ba

byung; lo gcig gnyis kyi khungs su bsdus grwar grags pa tshad ma
rnam 'grel gyi rigs pa'i sgo du ma phyogs gcig tu dril pa dang/
blo rtags sogs rtog ge'i gsang tshig ma lus pa thugs su chud/
dpon slob rin po che nas dgyes gzigs

shin tu che zhing/ smra ba'i spobs pa bla na med pa'i grags pa
dang bcas 'dzin grwa thed rgyal gyis gzhung gsar du phebs/ rgyan
rtsa 'grel/ rnam bshad/ gser 'phreng/ kun mkhyen chos 'byung gi
yig cha rgyas bsdus sogs rgya bod kyi gzhung du ma

blo 'dzin dang dpe klog ci rigs kyis go nas nges par byas te/
thams cad gung bsgrigs nas dpyad pa zhib mor gnang bas shes rab
kyi pha rol tu phyin pa'i sbas don mngon par rtogs pa'i rim pa
mtha' dag la nges shes gting tshugs

ba rnyed/ phar phyin gyi rtsod pa ji tsam 'phel ba bzhin gyi de
thams cad gzhan dang shag 'gyed pa'i thabs tsam ma yin par/
byang chub lam gyi rim pa'i nyams len gyi man ngag kho nar gzigs
te chos kyi mde'u sne nang du bskor ba'i

dbang gis thugs rgyud rje dul dang/ bsags sbyangs sogs kyi nyams
len la brtson pa je cher song/ bya ba gang la yang dang por
thugs kyi 'phen pa gnang bde'i steng nas rdo la ri mo bris pa
bzhin 'da' bar mi mdzad pas/

@004b shas cher nyin mtshan khong yug tu thugs dam gtsor 'don
dang/ chos mtshams kyi nyin kha shas re la rtsi bzhag thugs 'dzin
zhag kha shas re'i mtshams su rtsi bzhag mtshan skyong gis bcad
gnang ba'i dus thog der kha char bu yug sogs rkyen

ci byung yang de'i dbang du mi gtong bas brtsams pa mthar 'don
ba mdzad/ 'on kyang thugs rab che zhing brjed ngas chung bas
thal 'phreng zur bkol rje yab sras kyi gsung skabs su gang babs
sogs skyor rgya shin tu che ba la/ grwa thog den sus kyang 'gran

du med par grags/ de nas dbon slob kun dga' 'od zer gyi drung
nas dbu mdzod 'dul ba gsum la gsan sbyong mdzad/ lhag par dbu
ma'i skabs su gnas lugs stong pa nyid kyi lta ba'i gnad 'tshol ba
la 'phags pa rtag tu du lta bu'i don

gnyer gyi 'dun pa ha cang shugs drag pa'i stobs kyis rnam bshad
dgongs pa rab gsal/ stag lung grags pa'i dbu ma/ dbu ma'i rnam
bshad theg chen rgya mtshor 'jug pa'i gru rdzing sogs yig cha mi
'gra ba bdun gzung ste skyor

sbyangs mdzad/ 'di 'dra ba mtshan nyid pa'i ston chen gzhan su la
byung ba'i sgros tsam yang dkon par snang/ mdzod kyi skabs su
yang chos mngon dang/ thar lam gsal byed sogs yig cha du ma
'dzin skyor dang/ rtsod pa rdo rus thug pa

gnang bas gzhi lnga'i rang spyi'i mtshan nyid ji lta ba bzhin
'byed pa la/ slob dpon rgyal ba'i sras dang mtshungs pa'i mkhyen
rab kyi lus rtsal yongs su rdzogs/ khyad par du chos mngon rin
chen 'dren pa'i shing rta nyin bdun la rdzogs par
@005a @#/ /thugs 'dzin mdzad pas/ thams cad kyis 'di ni gzungs
thob ba'i gang zag cig tu the tshom mi 'dug ces bsngags ba'i rol
mo 'khrol/ 'dul ba'i yig cha thugs la gzung ste/ lung sde bzhi/
mdo rtsa 'grel/ gleng

'bum sogs la zhib tu sbyangs pas dgag sgrub gnang gsum gyi bcas
mtshams ma lus pa thugs su chud/ kun mkhyen bla ma 'jam dbyangs
bzhad ba'i rdo rje'i zhal snga nas las bsnyen rdzogs kyi sdom pa
mnos te spong bdun 'khor bcas

kyi tshul khrims rnam par dag pa'i bdud rtsis thugs kyi bum bzang
yongs su btams/ rung chu 'debs pa tshun chad kyi bcas mtshams phra
zhing bra ba rnams kyang phyag len la btab ste/ tshig don gnyis
ka'i cha nas nges pa don gyi 'dul

'dzin chen por gyur/ de ltar sbyangs yun thung yad skyes sbyang
gi shos rab thogs pa med pa'i rnam dpyod kyi gru bo che/ rtag
sbyor gus sbyor gyi brtson 'grus mthun ba'i rlu nga gis bskul ba
la brten nas/ rang gzhan gyi grub mtha' rgya mtsho'i pha

rol tu son te bka' po ta chen po lnga'i dgongs don nor bu'i
mdzod la 'dod dgur dbang 'byor/ de dang mthun par dpon slob rin
po che nas kyang smon lam grwa skor byed dgos kyi bka' phebs pa
ltar dgung lo nyer lnga pa me glang gi lo lha

ldan smon lam chen mo'i thog jo bo shAkya mu ne'i mdun sar gdan
sa gsum gyi mkhas mad rgya mtsho lta bu tshogs ba'i dbus su dam
bca' bzhag ste legs par bshad pa'i dga' ston kun tu bzang bo'i
mchod sprin rgya cher spros/ rgyun

@005b par nyams len gso bod gnang zhing/ rtsod tshe yang gzhung
gi dka' gnad gang zab kyi steng nas go don tshol ba gtsang 'don
mdzad pas/ gnad ma rtogs pa kha cig gis rigs? pa'i brdang? shad
tse mchod mad snyam pa'i log rtog dang rang lta mchog

'dzin gyi mngon rlom mtho ba'i dbang gis rigs lam gya gyu'i
sgrub byed sna tshogs btang bar/ rgya mtsho bzhin du zab cing ku
sha'i rtse ltar ma 'dres pa'i mkhyen dbyod kyis rim par bzhin so
sor bye nas lan mdzad bas/ pha rol po dag sbobs pa

yongs su gtugs te mi smra ba'i brtul zhugs la gnas dgos ba
byung/ de'i tshe grwas phan tshun gyi mkhas pa'i dbang po gzu bor
gnas pa thams cad kyi 'di lta bu'i na tshod gzhon nu la yon tan
gyi gting zin ba zhes bstod bsngags me tog dkar bos

mngon par mchod/ lha sa brnams kyang sku'i bab dang/ lan sgra
dag gsal gsum gyi sgo nas myur bor mdzad pa'i gsung gi gdangs
sogs la brten te 'di 'dra ba'i dge bshes rnam dpyod dod pa zhes
ngo mtshar ba'i tshad du byed pa byung/

sngar kun mkhyen bla ma mchog nas ri po dge 'phel du byang chub
lam gyi rim pa'i nyams khrid smin rgyas lo ltar yang yang gnang
ba'i gdams pa'i nying khu ma lus pa thugs kyi dpal be'u rad
chang zhing/ dngul yang 'di lta bu'i dge ba'i

bshes gnyen rnyed par dka' bas/ mdo sngags zab rgyas kyi gdams
pa mtshang ba med pa zhig zhus te/ dgra med gnyen med kyi bas
mtha' zhig tu tshe dang sgrub bsnyoms? ba'i nyams len len gtang
sang re ba/ gtan gyi btsan sa zin bzhig

@006a @#/ /bya snyam ba'i 'dun ba shugs drag nar mar 'khrungs te/
ji skad du/ rnam smin yon tan 'dab brgyad padmo'i dbus/ /rnam
dag tshul khrims dmar seng ges ra/ /rnam 'dren gsung gsang nyi
'od kyis bzung bas/ /rnam mang

thos ba sbrang rtsi'i zil dngar rgyas/ /'on kyang lhag bsam dag
pa'i gzhan dbang du gyur te bstan 'gro'i don khur du bzhes pa'i
chul ni/ de nas lo gnyis kyis mtshams su kun mkhyen bla ma sgo
mang gi chos khrir bzhugs dgos byung zhing/ de

sngon bla gnyar sbrag mar byed srol yod pa 'jig rten gyi g.yeng
ba'i khur che bas 'chad nyan gyi sad du 'gyur ba dang/ da 'dra'i
steng nas bla slob kyi dam tshig la yang gnod srid ba'i dgag bya
dang dgos pa mang du gzigs te kun mkhyen

bla ma mchog nas/ nged kyis chos 'jig rten gnyis ka'i khur 'dzin
mi nus par 'dug pas/ khyod kyis sgo mang sde pa byed dgos gsungs
par/ gcig tu bla ma'i bka' bsgrub pa las lhag ba'i rang gi nyams
len med par bkal gdam

gong ma rnams kyi gsung sgras dang rnam thar las 'byung la/
gnyis su bstan pa'i gzhim dge 'dun gyi sde 'di lta bur skabs 'di
'dra la zhabs 'degs rnal ma zhig zhu rgyu byung na/ bstan 'gro'i
don yang de las lhag re mi 'dug dgongs te/ mngon

rlom gyi 'khang ra dang/ mdzes lam gyi dgongs khrol sogs gang
yang ma zhugs par bka' spyi bor blangs/ deng dus 'ga' zhig /de
skabs spyi gnyer mdzad brgyu mtshan du byas nas chos dang mi
mthun pa lta bu mdogs pa byed pa ni/ ?

@006b rang dang rigs mthun pa'i skye bo col chung kha drag dpal
'byor cung zad tsam gyis dbyen spyos te bag med ba'i las la dga'
mgyur 'jug ba dag gi spyod ngan gyi dpe/ bdag nyid chen po rnams
la yang 'os med kyi rigs pas rgyas bkab

par snang ste/ sngon dgra bcom pa zag ba zad ba rnams kyis kyang
dge 'dun gyi zas gos gnas mal la sogs ba'i gnyer mdzad ba dang/
klu sgrub kyis dge 'dun gyi gnyer mdzad skabs gser 'gyur la
brten nas 'tsho ba sbyar ba'i lo rgyus dang

jo bo chen pos kyang lha rten yo byad dang bcas ba'i gnyer mdzad
de lte mig sku rked 'khor ba tsam bsnams dgos byung ba'i lo
rgyus sogs mang pas/ bsam sbyor rmad du byung ba de lta bus
gnyer gyi las khur bzung ba yang theg ba mchog gi lam gyi nyams

len zab mong 'grol/ kun slong ngan na/ paN chen blo bzang chos
kyi rgyal mtshan gyis/ rang don kho nar nor dang tshe sgrub/
/dbang sdud drag po mngon spyod la sogs/ /ngan song sgrub ba'i
myur lam yin zhes/ /mdo rgyud kun las gsung ba min nam/ zhes

gsungs pa ltar/ sgom sgrub dang 'dag sbyar sogs ji tsam byas
kyang 'khor ba'i 'khor lo bskor ba las ma 'das pas/ chos dang
chos ma yin pa rang sems dpang por byas nas 'jog dgos kyi/ ming
tsam la snying po ci yang

med do/ /gnyer gyi skabs der yang dge 'dun gyi spyi rdzas rang
don du cung zad tsam yang mi spyod par jo bo'i rnam thar bzhin
mdzad de/ dang bo grwa khang steng du spo skabs phyag g.yog bas
gdan gcig dang/ na bza' khur nas song ba/? rjes su

@007a @#/ /phyir phebs skabs kyang de ma gtogs ci yang med pa'i
lo rgyus da lta yang grags che/ dge 'dun rnams kyang log 'tshol
sbyor mi rung bar dgongs te/ kha bsag /gzhog slong/ rnyed ps
rnyed pa 'tshol ba

sogs g.yo 'phrul mi mdzad cing/ gzhan gyis dad 'bul dang rgyun
gyi yong 'bab gang yod til 'bru tsam yang chud zos su ma btang
bar dge 'dun gyi cha rkyen du 'gro nges gnang bas nar ma'i mthun
rkyen phul du byin pa byung/ der

ma zad sngar grwa tshang la mchod gzhis sogs de tsam rgya che ba
med kyang/ skabs der kun mkhyen bla ma mchog gi thugs bskyed
bsam 'phel dbang gi rgyal po rje de'i thabs mkhas mdzad bzang
rgyal mtshan gyi rtse mor bkod pa la

brten nas/ mchod gzhis gsar ba du ma sogs bzhed don lhun gyis
grub pas dge 'dun rnams srid kyi ngos nas chos bsgrub pa'i mthun
rkyen gyis phongs pa med par byas/ grwa bgres blo kha mtho ba
rnams la rang re'i grwa tshang 'chad nyan

kyi bshad ra 'gran zla med ba 'di lta bu zhig gzhan gyi yig cha
la brten dgos pa dge mtshan chung zhing/ phyin chad 'di lta bu'i
bla ma 'byung dka' bas mdzod 'dul gnyis kyi yig cha bka' rtsom
zhus te po ti lnga cha tshang zhig byung na legs tshul gyi 'char

bstan pa bzhin/ thams cad mgrin gcig gis gsol ba btab pas/ don
smin byung ste chos kyi ngos nas kyang gzhan la 'gram chu sdang
mi dgos pa zhig byung ba'i bka' drin 'di shar phyogs rgya mtsho'i
mtha'i bar gyi dgon ma lag dang

@007b bcas pas gzhal bar dka' ba zhig go /de skabs gtong sgo che
phra bstan srid kyi las don sogs thugs khur che yang/ de la
snyad btags nas bag yangs mi mdzad par/ sde par bzhugs ring la
yang bka' 'gyur tshar bzhi gsungs

zhing thugs dmang zlas brjod la chag med dang/ mdo sngags kyi
gzhung mang po thugs 'dzin gnang/ khyad par dbu ma lung rigs
gter mdzod cha tshang gzung ste dpyad pa zhib mo dang bcas skyor
sbyangs rgyun ring mdzad pas sngar yig cha mang du

bzung ba las da res blo skyed che bar byung gsungs/ thugs shin
tu sgam ba gsung zur de tsam las ma byung yang/ rtsod dus kyi
rig 'gros phra mo tsam ma yin par lta ba'i gnad la nges pa gting
phyin brnyed par gdon mi za'o/ /rgyal

po lha bzang gis sngar nas kun mkhyen bla ma rigs kyi chod pan
du bkur zhing/ rje 'dir yang las don 'gang che ba'i gros kyi blo
phugs gtad de thugs nang nye ba'i dbang gis phyis bod kyi bstan
srid mtha' dag khong gi phyag tu 'byor ba'i tshe dod

'bul sogs ma dgos par stong lung gas po zer ba yang grwa tshang
gi phog thebs su gnang/ sngar gzhis ka'i yong sdud sogs la ngo
tshab gtong bzhin pa yin na'ang/ rta zhang gas po gnyis la rang
nyid phebs 'dun skyes shing

der rta zhang chos rje'i gzim khang 'thor zhig tu song ba gzigs
nas thugs shin tu skyo ba zhig byung/ phyir phebs pa'i tshe kun
mkhyen mchog nas/ khyod kyi khang pa ga 'dra 'dug gsung par/
nga'i khang pa gang yin zhus pas/ rta

@008a @#/ /zhang chos rje'i khang pa ma mthong ngam/ sngon 'jam
dbyangs chos rje'i bu chen khong gi sku tshab byas te rgya nag
sogs su song nas chos srid kyi 'phrin las rlabs bo che spel
mkhan lung dang las kas

mtho ba'i rta zhang chos rje zer ba zhig byung bde khyod kyi
skye ba snga ma yin gsungs/ skabs der gong mchen po nas rgyal
mtshangs dbyangs rgya mtsho smad la phebs dgos kyi bka' babs bas
grwas phan tshun gyi che drag rnams dgo skyon sna tshogs bas

drogs gzhi bslang bar kun mkhyen bla ma mchog nas/ gong ma'i
bka' dang 'gal na 'phral phugs gnyis kar gnod tshul zhib bkrol
gyis gsungs kyang/ bstan ba'i gegs chag lta bus/ gzhan phal cher
kha 'cham ste

zing cha bslang bas/ gnas skabs rgyal ba phabs rgyu bshol ma
thub pa'i steng du dgon pa rnams chags 'jig la gya ba lta bu'i
chos srid gnyis ka'i cha nas shin tu lod pa byung de'i tshe rje
'di dga' ldan pho brang du che gnyan thams

cad tshogs ba'i sar bos nas tsha 'jun gtong rtsis byas kyang/
btsan brjid brling ba'i gsung lan skabs su gang bab thogs med du
gnang bas/ shes ldan phal cher la go blo skyes shing dmang ma
yang 'jigs chum gyis song nas glags

ma rnyed/ de ltar rje 'dis kun mkhyen bla ma'i gsung rting mnan
ba'i stobs kyis sgo mang pas rang tsho zin ba byung ste/ phyi'i
rgyal khams bskal pa zhig pa lta bu'i tshe yang grwa tshang 'di
mtsho la dar chags pa bzhin bde 'jags su gnas pa

@008b byung ba'i bka' drin gyi phung po bla na med par gyur;
sngon ston pa thub ba'i dbang po de nyid kyis cho 'phrul bsam
gyis mi khyab pa'i bkod pa bstan te/ mu stegs ston pa drug la
sogs pa'i smra ba ngan pa thams cad pham par mdzad pa'i tshe yang
dngos

su dbal gsang ba'i bdag po phyag na rdo rjes de dag btul ba
bzhin du kun mkhyen bla ma nyid kyi 'phrin las zhi drag gi byed
po yang rje 'di la bka' bab par gzigs te/ nyin gcig mdun du 'bod
ba gnang nas/ da lta mi tsho tshab

tshub che bar 'dug /khyod la gnas skabs gnyer gyi las khur lci ba
'dug rung shin tu bsgrims dgos pa'i dus yin pas/ de'i steng du
dge bskos yang byed dgos ba 'dug /der mzad slar nged rnams
phyogs gang du 'gro dgos kyi

tshod kyang mi theng bas nga'i bsam don thams cad khyod kyis
sgrub dgos zhes nang sbyar gyi rgyu mtshan zhib lhugs su gsungs
pas bka' dang du blang ste/ dge gnyer sbrag ma mdzad/ phyis su
rje nyid kyi gsol 'debs bka' rtsom mar/

'jam dpal zhi khro dgyes bzhad rdo rje yi/ /bzhed don sgrub la
myur mdzad mgon po sogs/ /bstan srung du mas lung bstan chos kyi
rje/ /zhes gsungs ba'i lung bstan tshul ji ltar yin zhus pa la/
zhib cha ma gnang yang rdzun du ma

song tsam yod ces zhal bzhes mdzad pa yang de dus byung ba yin
nam zhes dpyod ldan 'ga' zhig gleng/ dge bskos kyi skabs su yang
thabs mkhas bas sgo mtha' dag nas/ sgrig lam gyi steng gnon tsha
ran snyoms shing le shor

@009a @#/ /med pa mdzad pas/ gra tshang gzhan rnams su re dogs sna
tshogs bas sdug smras dang/ gyod bdal gyi gtam las/ chos kyi sgra
mi grag ba lta bu'i tshe sde 'dir 'chad nyan me ltar 'bar bar
gyur nyin

gcig kun mkhyen bla ma mchog nas/ de ring jo mjal du 'gro gsungs
rje 'di sogs zhabs 'bring 'ga' dang bcas phebs mchod mjal gyi
tshe sku zhabs chos rgyal lha khang du phebs skabs rje 'di cung
zad rjes su lus nas

phyin pas nang na gcig gis sngon klu mes dus nas zer ba'i rgyu
mtshan mang po zhig bshad kyin 'dug pa su yin dgongs te nang du
phebs bas srong btsan gyi sku de zhal mer mar 'dzum zhing bzhugs
pa gzigs/ slar phebs nas ma

mkhyen pa ltar mdzad de de nas mang po zhig gsung gin 'dug pa ci
yin zhus bas/ 'di da res tsam min/ srong btsan gyi sku 'dis ngan
ma mjal res kyis gsung 'byon gin yod gsung/ 'dis mtshon te sangs
rgyas byang sems

paN grub chos srung du ma'i gzigs snang thun mong ba yang mang
du yod la/ kun mkhyen mchog nas kyang/ de 'dra'i gzigs snang
dang sku 'phreng snga phyi sogs gsang ba'i rnam thar gyi rigs
rje 'di la cung zad kyang spa gsang mi mdzad pa ni/ rgyal ba

kun gyi gsang ba'i mdzod 'dzin pa'i chos kyi bdag bor nges pa'i
gtan tshigs 'khrul pa med pa'o/ /nyin der mdo smad du 'byon
rgyu'i bskul ma dang bstan 'gro'i don gyi lung bstan du ma stsal
ba yin snang ste/ de nas ma 'gyang bar

@009b yul mdo smad kyis pa'i tshangs ba chen po dga' ldan er ti
ni ju nang gis mi sna gtos che ba mngags pa rnams 'byor/ kun
mkhyen bla ma mchog mdo smad kyi bstan 'gro'i spyi dpal dam bar
phebs dgos kyi zhu ba nan can phul bar lo rjes mar phebs rgyu'i
zhal bzhes

mdzad/ rje 'di la sngar nas gsung zur yang yang gnang ba ltar
phyag phyir 'byon dgos kyi bka' phebs shing/ de skor gyi nyer
bsdogs 'gang che'i rigs rnams khong la gtad de kun mkhyen bla ma
nyid nas dgun gyi ring lam gyi gegs sel

dang/ dgon pa gsar 'debs kyi don la dmigs pa'i thugs dam bcad
rgya gnang/ 'byon kha'i tshe phyag mdzod rab 'byams pa nga dbang
glo bur du grongs ba'i rkyen gyis rje 'di phyag mdzod du bskos
te phyi nang bstan srid kyi bya ba thams

cad phyag tu gtad/ nyid kyi dgongs bas gang bcad la kun mkhyen
mchog nas kyang bsgyur bkod gtan mi mdzad cing/ bkod khyab gang
gnang gi mtshams las drag zhan su yang 'da' mi nus bas/ las don
che phra thams cad gra 'gri gcing

bab chags pa mtha' rjes gtsang bas rang skyid gzhan smon gyi
gnas kho nar gyur/ phebs khar byang rtse mkhan rin po che dge
'dun phun tshogs nas nyid la ja gral dang phebs rdzongs grur du
bstar te/ kun mkhyen bla ma 'di ni nges par sangs

rgyas 'jig rten du byon pa'am/ rje tsong kha bslar phebs pa dang
khyad par med mod kyang/ 'khor phun sum tshogs pa gal che/ mdo
smad du phebs na yul lugs dang bstun ba'i 'jig rten gyi mthun
'jug /sbyin bdag gi ngo 'dzin 'jam

@010a @#/ /sar 'jam [pa/ rtsub sar rtsub pa/ bya ba gang la yang
mtha' rjes thon pa zhig byed dgos/ lhag bar phebs don gyi gtso
bo mchod yon thams cad shugs lang yod pa'i thog 'dir rje bla
ma'i bstan pa yongs rdzogs

kyi bshad sgrub tshang ba'i dgon sde khyad par can zhig gi rmang
gzhi myur du zin pa gal che/ zhabs 'bring mang yang gtso cher
khyed rang la thug yod pas/ sgrims dgos zhes bslab bya rus pa
can mang du stsal/ spyir yang mkhan rin po che 'di ni chos

phyogs la 'jam ba'i dbangs dang zhal mi gnyis par ma zad/ 'jig
rten la yang mes po tshangs pa'i blo gros dang 'dra ba'i spyan
ltos kyis rje 'di yang thams cad la mkhyen pa ha cang rgyas pa
yin zhes ngag rgyun la zer/ lam nas bod skyong

lha bzang han gyis kun mkhyen bla mar phebs rdzong gi 'phul ba
rgya cher bteg cing/ rje 'di la sger du rdzong cha gya nom pa
mdzad/ sog chu khar phebs pa'i tshe chu shin tu brub nas/ 'ab
mthod bar yod pa la/ kun mkhyen mchog

nas phyag rdo gnang zhing rje 'di la/ khyod nus pa che bas chu
la rdo rgyab gsung pa ltar nyid kyis rdo kha shas chu nang du
'phangs pas/ de ma thag 'dom gang tsam bri nas bde bar brgal
thub ba byung bas thams cad ngo mtshar dang dad pa'i sa la

bkod/ rim gyis phebs nas rtse gzhung du 'byor ma thag /sa mo
glang gi lo 'di rje rin po ches dga' ldan phyag 'debs gnang ba'i
lo yin/ rten 'brel gyi gnad kyis lo 'dir dgon pa 'debs rgyu'i
skar 'dzin tsam byed dgos/

@010b khyed rang rnams rgya sgar dang tog hi sogs gnas bzang
bzhig tu song la bkra shis gso sbyong dangs brtag bslang sogs
gyis zhes rje 'di sogs dge ba'i bshes gnyen chen po kha shas
gtong bar mdzad/ de'i tshe so thar gyi mdo 'don pa po yang

rje 'di la dmigs kyis bsal nas bka' phebs pa ni bstan pa'i rmang
gzhi 'dzin pa'i smon lam gyi mthu grub ba'i dge mtshan du mngon/
der ma zad rgyun du bsgrub bya du mar bsnyen rdzogs gnang ba'i
tshe yang zhabs 'bring du dge ba'i

bshes gnyen ci tsam yod kyang/ rje 'di la las slob byed du bcug
pa ni bstan pa'i rtsa ba chos 'dul ba'i nyams len dang/ cho ga
phyag len bshad pa'i rgyun sogs cha thams cad nas bla ma'i thugs
zin pa'i rnam par thar pa shin tu

'gang che ba zhig go /de'i rjes ma so brgyad pa lcags stag la
bkra shis 'khyil du dgon gnas gzigs par phebs skabs kyang sngon
ma cig yum sras kyi bag chags sar pas/ rang khyim la sleb pa lta
bu'i spro nyams deng bag phebs

pa byung ste/ 'di'i gnas lugs bshes gnyen chen po rje ngag dbang
bkra shis dang lkog tu gsung 'phros kyang byung bar snang/ de
nas kun mkhyen bla ma'i grags snyan lha'i rnga bo che'i sgra
dbyangs kyis sa steng kun tu khyab pa'i dbang gis phyogs

ris med nas bla ma dge bshes dpon che chung sogs dbyar gyi chang
sprin bzhin du 'dus ba thams cad la 'os bstun gyi gzhis len/ bla
brang 'du khang sogs kyi ar po'i bkod khyab dang gnang cha/
grwa tshang gsar tshugs kyi bsgrig la@011a @#/ /gong du snyan sgron dang las sne
rnams kyi steng gnon
zhi drag 'os 'gab sogs mdor na lugs gnyis char dang 'brel ba'i
phyi nang gi bya byed thams cad kyi gzhung bsrang ste thabs kyi
sgo gang zab nas bsgrubs bsam

'gyang bar dgon gnas mchod gzhis dang bcas pa'i rkang tshugs pa
byung/ de ltar zhabs 'degs kyi las don gtso che ba rnams re zhig
tshogs su tshud cing/ sku khams cung zad ma bde ba dang bcas phyag
mdzod kyi khur phog ste/ lo

mang po'i bar du sku mtshams gnang nas/ byang chub lam gyi rim pa
dang rim gnyis zab mo'i rnal 'byor la nyin mtshan khor yug tu
gzhol par mdzad cing/ lha tshogs du ma'i ljags pa snyen yang phal
ba'i blo yul las 'das pa

lta bu gnang/ de skabs su yang kun mkhyen mchog nas sku don gzhi
che ba'i rigs mi ched mang gas kyis dris gnang ste dgongs pa'i
gtad so mdzad pas 'phrin las gdugs dkar gyi yu ba lta bur yod/
de nas kun mkhyen bla ma dag

pa'i zhing du dgongs pa gtad mtshams su grwa slob rnams ci bya
gtol med lta bur gyur pa thugs kyis ma bzod bas dgongs rdzogs
sgrub tshul sogs kyi bkod khyab dang 'gan khur che bar bzhes/ sku
gdung yid bzhin gyi nor bu'i

mdun du mchod pa rgya chen po phul te bla ma dang dkyil 'khor
gyi gtso po tha mi dad pa la dbang bzhi'i phyin rlabs zhu ba
dang/ thugs rje bskul ba'i gsol 'debs nan tan mdzad/ der zhag
lnga'i mtshams su mnal lam la mi mang po zhig gis sku

@011b zhabs rin po che phebs kyin 'dug ces 'ur la bas/ nyid
kyang 'byon par brtsams pa na sdig par tsa zhig zhabs la 'tham
byung ba rdog rdzis byas nas bsad de gzim chung phug la phebs ba
na sku zhabs mi bzhugs bar rgyal mtshan gsar pa

zhig 'dug pa brtan por byas te snyan shal zhig phul nas 'jog
rmis/ 'di ni slar nga ma si'i bar chad sogs kyi dbang da mi
gtong par mchog sprul gdan sar phebs pa'i khur bzhes dgos pa'i
ltas su gsal/ de'i rjes su yag ?

dgon pa'i spyi don gal che skabs re gnyis ma gtogs lo grangs bcu
skor tsam gyi ring dgon pa'i nang dang dpen pa'o ri sul du mar
bcad rgya 'ba' zhig mdzad/ zab lam rdo rje'i rnal 'byor phul tu
phyin pas yi dam gyi lha dum zhal

gzigs shing dam can rgya mtsho'i tshogs kyis 'phrin las g.yel med
sgrub pa'i g.yar dam phul/ skabs shig mtsho sngon nang zhig gi
stabs kyis dpon ju nang rgya nag tu phebs/ bstan 'dzin wang gi
dmag 'ongs nas ju nang gi sde ba

dgon pa'i mchod gzhis dang bcas pa la rgyab pa'i don du/ khri
rin po che dag dbang bkra shis/ rje 'di dang bcas pa phebs te
bstan 'dzin wang dang phrad/ wang nas khyed tsho ju nang gi mdzod
dang su rug gi bdag po yin bdug ces ma

rangs pa'i gtam dang dgon par dmag 'ong rgyu'i tshig zur btang
bas/ rje 'dis 'o na khyod bstan 'dzin gal yin/ bstan pa bshig
rgyu red mod/ nged rnams ju nang phebs pa'i rjes la 'gro ma thub
kyang de'i shang su rug la bdag byed pa bab 'brel

@012a @#/ /yin; gnyed tsho'i mi sde sogs phyir sprod dgos zhes dom
bsrung bar/ gzhung bzang po'i drang gtam thal byung du gsungs
pas/ wang gis kyang rje 'di'i sku dang gsung gi zil ma bzod pas/
lan tsha drag zhum

spob par slar gros byed ces lhod byin/ dgung der wang la shangs
khrag rdol zhing/ je sang gdug pa can 'ga' zhig gzer thung gis
zin pas khong rnams kyang som nyi'i dra bar chud de phyi nyin
nas bab phul zhing/ ru sde der yod thams

cad phyir sprad de mi mthun pa'i g.yul las rgyal pa'i grub pa'i
mtshan ma mngon du bstan/ bstan 'dzin wang nas gus 'dud lhur
blangs pa na/ 'ga' zhig gis bka' shog cig kyang blang na zhus
par kho rang cho gar 'gro ci

shes gsungs nas rtsol bam mdzad pa ni 'byung 'gyur rjen par
gzigs pa'i gsung du mngon/ de rjes tsam la rgyan kya paNDitas
kyang dgra bsdong lag sprel gyi rnam pas/ dgon pa'i gnas kyi don
du rtsod pa bslang ste rgya'i dpon chen zhig

kyang bab bar/ rje 'dis zab cing brling ba'i bden gtam yid la
'bab pa gcig gnyis re tsam gyis pha rol po'i spobs par meg med
du byas te mi'u thung gom pa gsum gyis stobs ldan 'dzin ma'i 'og
tu bcing pa bzhin mdzad/

sku zhabs zhal mi bzhugs shing spyin bdag rnams dus zing gis
'thor te gtad so ci yang med la 'gal rkyen ru 'dzing ba byung
yang khri rin po che sogs bla slob thams cad kyis 'chad nyan
gcor 'don las phyi nang gi bstan srid gang la

@012b yang thugs g.yeng mi dgos par/ rje 'di la blo phugs gtad
chog pas bsrung pa khor yug rdo rje'i ri bo bzhin du bzhugs/ sde
gzir 'jag mtshams su ju nang la/ ho shod chin wang gi thob dang/
mi sde mnga' 'tshan du bsgrigs te dngul srang khri

nas rgya bye khri phrag bcas kyi phog yong skabs/ rgya dpon
rnams kyis/ dgon pas kyang blang cho ga byas pas/ phal cher nor
gyi sred pas dngos grub lta bur rtsi yang rje 'dis lam ngan grog
mor 'gro nyen gyi dgag bya che bar gzigs

nas len du ma bcug /lo der nam dus ngan zhing thams cad re ba
che bas nas bre lnga brgya tsam blang nas phog gnang ste/ de
yang rin sprod len gyi yi ge sogs rjes gtsang mdzad/ de skabs
phog blang pa'i dgon pa rnams deng dus

phog 'ja' lus su gyur kyang/ de la brten pa'i khral 'khri ri
dwags rgyar tshud pa lta bu'i sos mi bde ba mthong tshe rjes 'jug
rnams kyis bka' drin brjed dka' bar gda'/ skabs snga phyi'i
mdzad spyod de dag ni/ lho brag grab chen gyis/

gdong thug drag pos g.yul ngo mi bzlog /rang 'dod che bas gnyen
mi 'khyod/ ser sna che bas nor mi sog pas/ 'dun ma rlabs kyis
chod/ thabs dang blo khog skyed/ theg pas gzhi ltar che ba gyis/
dgongs pa mkha' dang

mnyam par gyis/ kun phan nyi zla ltar gyis/ mi 'gyur ri bo ltar
gyis/ mi 'khrugs ba rgya mtsho ltar gyis/ zhes nyid kyis gang
gsungs phyag don du bkal bar snang ngo/ /zla dang bral la mtshon
cha mi ldan yang/ /rnam dpyod

@013a @#/ /rdzogs pa'i dpung pa chig rkyang de/ /rgyal bstan
'dzin byed mi 'gyur ka ba dang/ /bdud sde'i g.yul la mthar byed
rta babs yin/ /dgung long dgu bzhes blcags phag gi lo/ rgyud pa
dpon

slob dge bdun rgyal mtshan zhi bar gshegs pas bla ma bsko bzhag
gi mtshams la/ khri rin po che nas gros btab pa ltar rgyud grwa
thams cad mgrin gcig gi sgo nas gsol ba btab par ngas 'gro 'dug
gang yang mi nus pa

thams cad la rgyus yad bzhin du de ltar zer lugs med gsungs nas
zhal bzhes ma mdzad/ 'o na gsung chos nyan par ded rnams gzims
khang ra bar yong chog /da res khrir ma bzhugs na grwa tshang
thugs kyis dor ba yin zhes

u tshugs mthar skyel zhus pas ngo ma bzlog par rgyud grwa'i khri
la zhabs sen nye bar bkod/ de yang dgon pa 'di bstan pa nam gnas
kyi bar du chos kyi 'byung khungs byed dgos pas/ srol ngan pa
'dzug mi rung gsung ste sku lus kyis lcogs mi

lcogs lam gzigs par 'chad nyan shin tu dmar ba mdzad/ sngar
'grel pa bzhi sbrags ma gsan pas de mthag khri rin po cher zhus
te/ rgyud sde stong phrag sum cu rtsa gnyis kyi snying po dpal
gsang ba 'dus pa'i rtsa rgyud kyi dgongs pa

bsdus don sel ge'i lta stangs kyis sbyi'i khog phub/ dkyus mchan
rus spal 'gros kyis tshig don zhib par bshad/ zur mchan dang
mtha' dpyod kyi mtshams mtshams nas tshig don gyi cha la dogs slong
dgag sgrub kyi brdar sha

@013b bcad de 'chad pa'i tshul rje bla ma'i dgongs pa dang mthun
pa'i 'chad nyan gnad smin cha tshang ba lo re bzhin rdzogs par
mdzad pas/ gdul bya'i yid gyi zhing sar rgyud don rim gnyis kyis
bon zung po thebs nges pa byung/ rje bdag nyid chen

pos 'phros gang yod nas g.yab ste bshad pa don chung par gsungs
pa bzhin/ ma bshad log bshad ha cang bshad pa gsum po skyon yin
gsung nas 'byams bshad thug med kyi spros pa mi mdzad kyang/
dka' gnas kyi 'gag

sdom gang che sar bshad pa go bde la 'dus che ba re mdzad pas/
bya brgya 'ur rdo gcig gi dpe bzhin gong 'og thams cad la nges
pa ster phul che zhing/ gang gsung yid la 'jags pas skye po blo
glos kyi nor can rnams lhag

par yid 'phrog ste chos kyi rjes su 'brang ba'i mi ldog pa'i dad
pa brtan po thob/ sngar bas bres la brten pa'i bdag 'jug tsam
las med kyang/ rdul tshon gyi dkyil 'khor bzhengs pa bye ma snyed
kyi bsod nams 'thob par rgyud sde

las gsungs pas phan yon che ba dang/ dkyil 'khor bri ba'i las la
mkhas par 'gyur pa'i gsang sngags nyams len gyi rtsa ba zhig tu
dgong ste smad rgyud ltar gyis thig chog dang bcas pa'i phyag
len rnam par dag pa'i sgo nas rdul

tshon gyi dkyil 'khor bzhengs te mi bskyod rdo rje lha so gnyis
dang/ 'jigs byed bcu gsum ma gnyis kyi sgrub mchod bdun phrag re
re ston chos gnyis pa'i steng 'char can du byed dgos pa'i srol
btsugs/ sgrub mchod sogs kyi gteng

@014a @#/ /sgo che phra thams cad shin tu spam mtho zhing dngos
gtsang ba byas bas chos dang zang zing gnyis ga'i dga' ston gyi
yo lang 'gran pa bzhin du gyur/ 'on kyang rje btsun 'jam pa'i
dbyangs kyis rje bdag nyid chen

por gsungs pa'i tshen yang/ 'bras bu zung 'jug gi go 'phang mngon
du byed pa la/ rgyu thabs shes kyi nyams len zung du 'brel pa
dang/ sgrub pa par chad kyi dbang dum song ba dgos pas/ yid ma
bde gsang 'jigs gsum ya ma bral ba dgos

par gsungs la sngar bde mchog gi bshad sgrub gang yang mtshungs
par 'dug pa thugs kyis ma bzod par/ thabs mkhas kyi sgo nas
gling bsre'i bshad pa'i skabs su/ don dam 'od gsal gyi rim pa
gtso par ston pa rnal 'byor mar gyung spyi'i

cheb/ rnal 'byor ma rgyud bye ba phrag bcu drug gi nag nas rgyal
mtshan gyi tog lta bu 'khor lo sdom pa yin tshul/ de yang gnas ri
rab kyi rtse mor zhal rang re lho gling 'dir phyogs nas bzhugs
pas dus mtha' 'dir lha gzhan las byin

rlabs 'jug sla ba'i myur khyad/ lhag par gnas nyer bzhi'i dpa'
bo dpa' mo rnams dang sgrub pa po'i lus kyi cha nyer bzhi'i rtsa
khams rnams ngo bo dbyer med du sgrub tshul/ de'i dbang gyis gnas
gsum gyi mkha' 'gro ma rnams

padma'i mtshol bung ba bzhin du 'du bas dngos grub char ltar
'bebs shing rtsa khams rnams byin gyis brlabs pas bde stong gi
ye shes 'char slab sogs kyi phan yon dang/ rtsa rgyud dngos kyi
dgongs don de nyid bcu bzhi dang sbyar te

@014b lam gyi rim bar bsgrig tshul gyi bshad pa mdor 'dril ba/
lha so so'i cha lugs kyi khyad par/ lag mchod dang rdo rje'i glu
sogs kyi thun mong ma yin pa'i zab gnad du ma dang bcas legs
bshad nor gyi'i sgo brgya phyebs thams cad ngo mtshar du

gyur te bla ma 'khor lo bde mchog dngos su mthong pa'i mos gus
dad rang rang gis kyang chos zab mo 'di lta bu nyams su len rgyu
byung na snyam pa'i 'dun pa shugs drag lus kyi bspu g.yo ba
byung/ rkyen de nyid kyis mtshams byar te rting bskul sogs

kha cher ma stos par lo phyi ma'i dpyid chos gnyis pa nas bde
mchog tshogs 'don du legs par tshugs/ de nas bde mchog bsgyed rim
gyi rtsi bzhag gnang zhing/ rgyud don mngon du gyur pa'i bla ma
gong ma gcig nas gcig tu brgyud pa'i

gdams pa mkha' 'gro'i kha rlangs thol le ba/ rje btsun bla ma
rang nyid kyi thugs nyams su bstar ba'i myong grub kyi man ngag
du ma lhug par stsal te rnal 'byor gsang mtha'i rgyud kyi bstan
pa rin po che mi nub pa'i rgyal mtshan bsgreng par mdzad/

der ma zad du ston thams cad mkhyen pas zhwa lur dkyil 'khor mi
'dra gsum cu skor gyi cho ga grwa dang/ rje bla mas dga' ldan du
sgrub mchod mang po mnyam du btsugs pa'i phyag bzhes pa zhin/
rgyud khang steng du dus 'khro 'jam rdor

'khor chen sogs kyi cho ga grwa yang khungs btsun 'dzug par
mdzad pa ni/ bstan pa yongs su rdzogs pa'i khur bzhes pa'i rnam
thar bla na med pa'o/ /kun mkhyen gong ma'i dus nas thugs bskyed
lhan cig pa'i rten 'brel shin tu zab pas

@015a @#/ /khri chen dge 'dun phun tshogs kyi sprul sku dbus nas
gdan 'dren zhu dgos zhes dpon tshang la gsung nan stsal te de
skor kyi sbyor pa thams cad kyang rje 'dis thugs khur mdzad pa
yin snang/ rgyud khang snga ma dngos zhan cing go

yul dog pas gsar bskrun gyi thugs bzhed byung yang/ cha rkyen me
dpas the tshom gyi ngang du bzhugs skabs/ dag pa'i snang bar
bzhed don 'grub pa'i lung bstan byang ba bzhin las mgo brtsams/
thig 'debs pa'i sar ri 'bur zhig yong

pas 'ga' zhig 'dis lag ru 'gog ces gleng par ngas blo rtse gtod
sa 'di ka yin gsung/ slad nas 'du khang gi yang sa than ka rdo
tshun chad gter rdol ba bzhin de'i khung nas lhag lus med par
'grigs pas las byed rnams shin tu ngo

mtshar skyes/ shing cha yongs rdzogs dad 'bul gyis 'grigs shing/
mi tshang stobs ldan zhig gis gzhis stong pa'i nor rdzas gang yod
nyid la phul te mthun pa'i yo byad kyis phongs pa med par gyur/
rmi lam gsal po can la las yul gyi

gzhi bdag thams cad bla ma sde bas rgyud khang 'phug pa'i grog
sla 'gro dgos zer ba rmis te don la gnas pa'i rtags ya mtshan pa
mang du byung 'dug kyang brir ma lang/ 'du khang grub par nye
ba'i skabs shig slen pad kyi 'og nas ser ka

byung ba 'phral du je cher song ste shod kyi rkyed tsam la sleb
pas thams cad blo ma bde par snyan 'bul zhus pa na/ phebs nas
de'i mtsham su phyag gis reg /srub 'dam gyis gcod du bcug nas da
skyon med gsungs pa bzhin phyis 'du khang

@015b yongs rdzogs bskyod kyi bar du sor gang tsam yang khyad ma
zhugs pa ni bden tshig grub pa'i mtshan mar snang/ de ltar thog
ma'i dus kyi lung bstan bzhin chos srung rnams kyis rgyud bskul
te mi dang mi ma yin mtha' dag gis mthun sgrub lhur

blang bas/ ma 'gyang bar 'du khang ka ba nyi shu'i steng shod
yongs rdzogs dang sgo 'phyor/ phug kyis gtsang khang bzhi thog
spen bad dang bcas pa/ nang du 'jigs byed mgon chos rnams kyi
ldem sku thog tshad/ thub dbang gi sku de mtshungs la

rigs lnga yum bzhis bskor ba rnams phyag tshad dang ldan zhing
ring bsrel rnam bzhis phyur bur gtams pa dang/ gzhan yang rgyal
pa'i bka' 'gyur ro cog sogs sku gsung thugs kyi rten/ mdo phugs
gnyis kar gang dgos kyi mchod

dzas yo byad cha tshan ba tshon rtsi ldeb ris dang bcas pa khyad
du 'phags pa nye zho med par grub/ spyan dbye'i cho ga rgyas par
byas te dam ye dbyer med du bsgrubs pas byin rlabs kyi gzi 'od
'bum phrag du mas 'jig rten kun tu khyab par

mdzad; nyin gcig chos rgyal gyi sku rim pas mdun du bsgur nas
'ong bas mgon khang ba rnams stab stab por gyur te 'phral du
zhus par/ de ma thag phebs nas 'phrin bcol mdzad cing lcags thag
gis brtod de/ ngas 'di la 'bras spungs

gyi chos rgyal lcags thag ma 'dra bzhig 'ong du ro bas 'dod don
'grub pa yin gsungs dgyes tshor dpe med mdzad/ mchod mjal zhig gi
tshe lha mo'i ldeb ris la snyan shal phul pa phyag gis bzhes/
phyis lo grangs bdun cu skor gyi mtshams

@016a @#/ /nas gtsang khang zhig gsos kyi skabs snyan shal de
thog mar shing sogs kyis bsgul bskyod byas kyang ma lon 'dug pa/
rjes sor nged cag rnams kyis ar ga'i chog byas grub pa'i mtshams
shig la rkyen ci yang

med par mchod khri'i steng du lhung snang bas thams cad lhag par
yid ches pa byung/ grwa khang rten brten pa sogs bya ba las kyi
'khor lo rlabs po che'i skabs der yang thugs dam rgyun 'khyer/
chos 'chad nyan/ bsrigs lam gyi

rting non/ don gnyer can so so'i mos pa bzhin gyi chos bka' du
ma sogs bstan pa'i bya ba sgo thams cad nas bsgrubs shing/ khyad
par skabs shig nas bzung khri rin po che sku bsnyun gyis zin pas
lo ngo gnyis tsam smon lam

gsung chos gso sbyong gtor rgyag sogs tshogs chen bla ma'i gnang
sgo phal cher yang nyid nas mdzad dgos byung/ sbyir kun mkhyen
bla ma'i 'phrin las dang gdan sa 'di'i chos srid mtha' dag la
bka' drin bsam las 'das

shing/ lhag par yang gsang chen bstan pa'i bka' bab kyi dbang
gis rgyud grwas ngar myu gu thon tsam las med pa sdong por long
ba ni rje 'di kho na'i bka' drin yin no/ /gang thugs dkyil 'khor
bye ba spro bsdu'i sgo/ /

mgrin pa lung rigs sgra snyan chos gyi sgo/ /phyag ni mi zad
gtong pa yangs pa'i sgo/ /sgo gsum phye ba bstan pa'i lha khang
yin/ /rgyal byed tshal gyi 'dzin mar btab pa'i thig /rgyal tshab
mgon gyi mdun sar snang ba bzhin/ /rig 'dzin

@016b 'du ba'i dga' tshal bskrun pa yis/ /rigs kun bdag po'i
gzhal yas mngon par grub/ /de nas khri rin po che sku 'da' khar
yang/ rje 'di la khyed kyi sku'i lcog ring rgyas pa'i gtor sgrub
dang/ lcags mkhar gnyis mchag pa gyis

zhes de rjes khrir bzhugs rgyu gzhir bzhag nas gsungs/ 'ga' zhig
gis zhugs pa la yang/ ded las lhag pa a lag bla ma tshad yin
mod/ khong la gsol pa btab na khyed tsho thams cad legs po 'od
gsungs/ 'o na kyang dud kyi

gnyen du gyur pa'i skye bo srin bya gos ser can 'ga' zhig gis/
dpal ldan gsang ba'i bdag bo'i mthu stobs nyi ma 'bar ba'i
gdengs ka mngon du 'char ba ma bzod par don med pa'i 'chal gtam
than skad lug pa'i hung sgra sna tshogs

bsgrags pa na/ khri rin po che yang thugs shin tu skyo ste/ ngas
lugs gnyis kyis de tsam bskyangs pa'i drin gzo med kyang/ skabs
'di la thug nas sems rtsad krugs pa dang zhes gting nas zhen pa
yog ste dag pa'i zhing du gshegs

'on kyang dge 'dun mang gis khri rin po che'i gsung steng bzhin
'dun pa chig dril gyis gsol pa yang yang btab cing/ mi'i dbang
mo rnam rgyal sgrol ma ched gtad kyis phebs nas zhu ba nan cher
phul bas zhal bzhes mdzad/ dgung lo

re drug pas rta'i dbyar chos kyi thog /rgyal ba'i lung gis zin
pa'i chos grwa ? 'di nyid kyi chos khrir mnga' gsol te 'dus
brgya mtsho'i mgon du gyur/ spyi sger mtha' dag gis legs 'bul
rgya che ba bstar/ rgyud pa'i@017a @#/ /bla ma gnang skabs chos grwa'i lam nas
yang yang sku
ngal gso dgos pa zhig yod kyang/ phyis zor yang du song ste
tshogs chos grwa gang la yang phebs bzhud thogs pa med pas/ thams
cad kyis skyes bu

dam pa thugs kyi 'phen bam gtogs dgung lo sogs la ltos pa med
nges su 'dug ces ya mtshan du gyur/ rje 'di'i lugs gnyis kyi
mdzad pa gang la yang mgo mjug mtshungs shing ba bsnyoms ba zhig
snang ba ni rang bzhin lta bu yin pas

rtsi bzhag 'chag med gnang yang/ mang nyung rgyas bsdus 'tsham pa
mdzad par 'ga' zhig gis khri rin po che'i rtsi bzhag lta bu mi
'ong 'dug zer ba gsan nas/ chos thog gcig la 'dzin grwa bcu
gnyis po re re la shog bu

bzhi bcu skor re btang bas phal cher gyis rjes zin dka' bar
song/ lam rim gyi gsung bshad sogs kyang/ blo gros ldan la zab
rgya che/ /blo chung go sla bzung bde ba/ /zhes pa ltar 'chad
tshul mkhas pa'i dbang gis blo mtho

dman kun gyis go bde zhing/ don gyi zab gnad tshang bas go ba
ster phul che ba/ tshig gi na yam tsam ma yin par myong steng du
bskor te gnang bas thams cad blo sna bsgyur thub pa byung/ skabs
der grwa tshogs 'phel rgyas che

zhing/ 'chad nyan yang nyin skyed zhag skyed lta bu byung bas/
sngar cal rgyug gi rjes su 'brang nas mi gus pa phal cher la
yang dad pa thun mong ma yin pa skyes/ mdo sngags gang la dogs
pa zhus kyang dka' gnas rnams lhag par

@017b gsal cha mdzad pas/ mkhas rlom gyi skye bo su yang rje
'di'i drung du sleb pa'i tshe smra ba'i mgo 'phang bstod nus pa
'ga' yang med do/ /rigs grwas mtshon pa'i gtong sgo che phra
thams cad kyang cha mtshungs shing dge 'dun gyi cha rkyen du 'gro
nges mdzad

de lugs gnyis char nas bka' drin zla med pa bskyangs/ de ltar
sku na shin tu smin yang 'chad nyan gtong sgo sogs chos srid
mtha' dag gi khur 'dzin pa la skyong la med pa ni thugs rje'i
gzhan dbang du gyur pa'i rnam bar thar pa yin la/

nus pa'i yon tan chos skyong bran du bkrol ba'i tshul sogs thor
bu gong du song zin cing/ gzhan yang 'chi nad kyis thebs te mo
sman mtha' dag gis bor nas nyid la skyabs btsal ba 'ga' zhig la
khyod da res 'chir mi 'jug ces thog

mnas zhal gyis bzhes te phyag don du bkal ba dang/ klu gdon gdug
pa can zhig gis gtses nas mi mang du shi ba'i sar phebs te/ rim
gro mdzad pas gzugs dngos su bstan cing dam la btags pas shi kha
chod/ pha rol nus ldan

'ga' zhig gis rbad bas gza' bdud gzugs dngos su bstan nas 'ongs
te gzim khang nye 'khor du zhag gcig bsdad kyang gnod pa ma
theng bar slar log /gtor rgya gzhig gi tshe 'tshul ba ltas kyi
rnam pas mdun nas me lce tshur log

pas sku rgya ba ngos kyi thag ring por yod pa'i dngos po du ma
bsreg kyang/ sku dngos la me'i dkyil nas gnod pa cung zad ma
byung/ gling bsre'i skabs bzhugs khri mthon po'i steng nas gsol
dkar rdo mthil gyi steng du brdab pa thing sgra

@018a @#/ /dang bcas rgyad ring bor song yang snad ma zhugs par
rdo la rjes gsal bar bab pa sogs grub pa'i mtshan mches mang yang
zhib tu bri bar ma ya/ gtso bor gyur ba nag phyogs bdud rigs kyi
g.yul ngo bcom

ste bstan pa'i rgyal mtshan bsgrang ba'i tshul ni/ kun mkhyen
mchog gi sprul sku'i skor la/ yid srub kyis rgyud brlam pa mang
pos 'then 'khyer sna tshogs kyis zing cha bslang ste/ grwa rigs
phyogs gnyis su chad cing/ yul dus la ltos

pa'i kha drag tu ma yang mi mthun pa'i phyogs su 'khor te/ bdud
las kyi le'u nas 'byung ba'i sbyor ngan mtha' dag lhag dang bcas
lag len du btab pas 'gal rkyen ru 'dzing ba lta bu byung/ gzhan
zhig yin na mchog sprul gdan 'dren lta zhog

dgon gnas chag 'jig gi tshod du song yang/ grub pa'i dbang phyug
nyid nas cung zad kyang bag tsha ba med par rang tshugs bzung ste/
zhal nas kyang khyod re gnyis smon lam log par btab nas 'ong ba
yin 'dug ste/ nga yang khyed cag gi

gnyen por smon lam btab nas 'ong ba yin/ dgon sde 'di slar bstan
pa'i 'byung khyungs byed dgos pas nga lo ji tsam rgas kyang 'dil
bstan pa'i bdag po zhig gi phyag tu ma sprad par du 'chi rgyu
min/ khyod tsho sna tshogs shig bsam 'dug kyang mi

'gyang bar chos srung dam can rnams kyis rtags bstan yong zhes/
btsan brjid rling ba'i tshogs gtam kha shas gnang ste nag phyogs
pas bkong zhing gzur gnas rnams la spro ba bskyed/ tshogs gtam re
gnang rgyu'i sna dgung pha rol

@018b po kha cig la bud med dre'u zhon pas bsdigs pa dang/ glang
sngon po 'jigs su rung bas bdas pa sogs des can du rmi ba 'byung
bas re dogs dang som nyi'i dra bar tshud kyang/ las kyi dug chus
myos pas rang gi 'di phyi gnyis ka gtan brlag ma byas

bar du sbyor ba ngan pa'i 'phrom btang bar snang/ de mthun sprul
sku'i skor dbus su lha dang bla mar lung zhus mngags pa yang
phyir 'byor bas lung bstan thams cad dgongs pa mthun zhing/ lhag
par gnas chung dang/ dga' gdong gnyis

nas gangs can 'gro ba'i mgon po bstan pa thams cad kyi bdag po
myur du gdan sar pheb cig /khyod mi mthun par byed mkhan tshol la
chu srin gyi sder mo btab yong zhes grub pa'i dbang phyug gi
gsung rting dngos su mnan pas thams cad 'jigs chu ma

gyis song/ lar deng dus shin tu snyigs mar song ba'i dbang gis
yongs grags hang 'gros dang bstun pa'i bsgrigs ma 'ba' zhig gi
steng nas 'gro bar 'dug kyang de skabs chos skyong gnyis nas
rgyal dbang thams cad mkhyen pa lta bu'i che brjod

mdzad pa ni/ nges pa'i don du bstan pa'i bdag por 'gyur bar
dgongs pa'i gsung du snang/ de nas lung zhus kyi yi ge rdo rje
bcal chen mor khrom bsgrags su byas pa'i zhag gcig po de'i
khongs su dkrugs shing byed mkhan gtso pho rnams gnas

nas phyung/ de'i rjes su phyogs pa rnams la yang bsgyur sbyangs
gnad thog tu 'phrod pa btang zhing chad las 'os 'gab kyi sgo nas
slad kyi bsdam ra rjes gtsang mdzad de rtsod pa chos phyogs su
zhi bas dkar 'jam yug gcig tu btang/ yul mdo smad kyi

@019a @#/ /ma gad+ha bzang mo rnam rgyal sgrol ma sku 'das shing/
de nas ma cig gi lung bstan ltar mthun rkyen res mos kyi tshul du
gyur pas dpon blon phan cher rang 'dod mar gyi bshos bu re bsram
ba yang rje

'di'i mthu stobs nus pa'i me 'od kyis gdugs pas dgongs bzhed mar
me'i kong bu gcig tu 'khyil dgos pa byung/ skyabs mgon mchog gi
sprul sku gdan 'dren skabs su phyogs so sor brda' 'grem gyis mdo
smad lho rgyud na gnas

pa'i che dgu mtha' dag bsdus te bsu ba'i bkod pa dang/ tsha bab
zhag bab sogs kyi grwa sgrigs/ phebs lam bcos rgyu sogs phyogs
'dir sngar ma grags pa lta bu'i bkod khyab chen po'i lugs srol
dang mthun par mdzad/ 'khrungs yul gyi

skyel ma rnams la zur phog lta bur rta pho lnga bcu sogs gnang
cha spam mtho ba dang/ gzhi byes kun la dga' ston rgya gang che
bstar/ skyabs mgon mchog gi sprul pa'i sku nas kyang bka' chos
sogs mdzad pa mtha' dag bsam gyis mi khyab

pa kun mkhyen gong ma ji lta ba bzhin bstan pas skye bo thams
cad dad pa'i sa la bkod/ de'i dbang gis rje 'di la lhag par yid
ches kyi dad pa dang/ bka' drin dran pa'i gus pa lhur byed pa
byung ba ni rnam 'byod can rnams kyi spyi srol

dang mthun no/ /nyid nas kyang kun mkhyen 'jam dbyangs bzhad
pa'i rdo rje de nyid sku'i rnam pa tsam brjes te phebs pa la
chos srid mtha' dag grwa mnyams par 'bul rgyu byung bas 'dod don
thams cad grub pa yin zhes dgyes tshor bla na

@019b med pa mdzad/ dgung lo don gnyis pa la da ni mchog sprul
rin po che'i mdzad 'phrin la mjal kha zhus te lo gnyis gsum zhig
sos bder sdod rgyu yin gsung nas khri'i dgongs pa zhus te zur
bzhugs mdzad/ de nas shas cher bcad rgya gnang ste zab

gsang rdo rje'i rnal 'byor la gcig tu gzhol bas rim gnyis kyi
dga' ston mchog la yongs su gzhol/ mtshams mtshams su skyabs mgon
mchog gi drung du phebs nas/ chos kyi gsung gleng mdzad cing
bstan 'gro'i don rgya che ba gnang

tshul gyi zhal gdams gnang che ba du ma snyam sgron phul/ skyabs
mgon mchog nas kyang rje 'di'i gang gsung tshad mar mdzad de/
phyis dus 'khor grwa tshang gsar 'debs dang 'cham chen 'dzug
skabs sogs 'gang che ba du ma sde khri rin

po che'i zhal bkod yin zhes dogs la che bar gnang/ gsung 'phros
gzhan la bsnyad nas shar phyogs rgya mtsho'i mtha'i bar gyis
steng kun tu 'phrin las kyis khyab par lung bstan pa sogs kyang
phyi nas rim pa bzhin rgya mtsho'i rlabs ltar

cung zad yol ba med par don steng du khel bas blo gros can rnams
lhag par yid ches pa byung ste bdang yid chen po 'di ni 'byung
'gyur mtha' dag rjen par gzigs pa'i ye shes kyi spyan mnga' ba
zhig tu the tshom mi 'dug ces bsngags

pa'i rgyud mangs bsgreng pa la brtson par gyur/ mdor na kun
mkhyen bla ma'i sku 'phreng snga phyi gnyis ka'i 'phrin las kyi
byed po yin na'ang/ lhag par sku 'phreng phyi ma skyabs mgon rdo
rje 'chang dkon mchog 'jigs med dbang po'i zhal

@020a @#/ /snga nas kyi thog mtha' bar gsum ga'i mdzad bzang
thams cad kyi rtsa ba gcig pur gyur pa ni/ sngon nas thugs
bskyed lhan cig pa'i legs smon gyis lu gu rgyud du 'brel ba'i
rten 'brel gyi dbang khyad par can

zhig yin te/ ma cig gi lung bstan du/ stong sde ngag gi dbang
phyug dang grol sde rgyal ba'i 'byung gnas gnyis ni ra dang khi
zhes bya ba'i yul du 'byung bar gsungs pas ra zhes pa snang rar
ngos bzung ste skyabs mgon rdo rje 'chang nyid stong sde

ngag gi dbang phyug gi skye bar 'khrungs rabs bka' rtsom du zhal
gyis bzhes shing/ grol sde rgyal ba'i 'byung gnas ni rje 'di yin
la/ khri zhes pa khri kar ngos 'dzin dgos zhes tshad ldan gis dam
pa'i gsung rgyun las 'byung ngo/ /blo chung

'ga' zhig 'o na kun mkhyen gong ma bu mo bsod nams rgyan dang
thugs rgyud gcig par gsungs pas/ sku snga phyi'i 'khrungs rabs
ma 'brel bar 'gyur snyam na/ skyon med de rigs gsum mgon po
thugs brgyud gcig kyang so so'i sprul pa so

sor ngos 'dzin rgyu yod pa ltar/ sprul pa po gnyis rgyud gcig
cing/ sprul pa gnyis ka yang rgyud gcig la/ 'on kyang gtso bor
de dang des sprul zhes tha dad du 'byed pa ni gdul bya'i mos pa
mi 'dra ba'i 'brel 'jog tshul dang/ 'phrin

las 'jug tshul mi 'dra ba'i dbang gis yin pas/ bdag nyid chen po
rnams kyi gsang ba'i rnam par thar pa de lta bum shes par/ rang
cag so so skye bo rten tha dad pa tsam gyi rgyud 'brel med du
'grub pa'i rigs 'gros sbyor ba don ma

@020b yin no/ /der ma zad rje 'di ni lho brag grub chen las kyi
rdo rje'i rnam 'phrul du/ rdo rje 'chang mkhan chen dge 'dun
rgya mtsho sogs skyes mchog tshad mar gyur pa du mas gsungs la/ de
ltar na rgyal ba kun gyi mthu stobs nus pa'i rang gzugs dpal

gsang ba'i bdag po phyag na rdo rje dur smrig 'chang ba'i zol la
brten par yang 'grub bo/ /gzhan yang lnga brgya tha ma'i mtshams
su bstan pa byang nas byang du dar bar gsung pa'i dus kyi thog
ma 'dir mdo khams smad kyi ljongs 'dir

bstan pa'i rmang gzhi gsar du 'dzug pa ma bzod pas gnod byed
phra mo tsam ma yin par/ 'dod pa'i khams kyi bdag po dga' rab
dbang phyug dpung dang bcas pas gnod pa ci tsam brtsams kyang/
me lce la bud shing bsnan pa ltar

gzi byin lhag par rgyas pa ni snga ma'i lung gi bstan don 'khrul
med du nges pa ster ba'i 'bras bu'i gtan tshigs yin no/ /de nas
sku tshe de'i ngo skal gyi bstan 'gro'i don dang/ dngos kyi gdul
bya'i mtha' rdzogs te dag pa'i zhing du dgongs

pa gtad pas cung zad bsnyun tshul bstan/ thugs dam rgyun 'khyer
sogs sngar rgyun dang khyad par med kyang/ mdzad spyod dang
gsung zur sogs thugs sna bstung ba'i rnam pa dang/ go rgyu can
mang du gsungs pas/ sku 'khor rnams the

tshom du gyur te zhabs brtan rgya gang che zhig sgrub rtsis byas
par/ nged kyi lus lan tsha mngon can ci yang med pas de 'dra mi
dgos gsungs nas byed du ma bcug /de nas dgung lo don bzhi pa me
pho stag gi lo chu stod kyi zla ba'i dmar phyogs

@021a @#/ /kyi rdzogs pa dang po'i nyin rtag 'dzin gyi 'ching ba
dam pos bcings pa'i skye bo rnams chos la bskul ba'i phyir gzugs
sku rags pa'i bkod pa bsdus te/ yid kyi lus byang phyogs lcang
lo can gyi pho brang du

gshegs so/ /sku 'das ma thag gi tshe dbu cung zad mdun la gug nas
yod pa/ khrus gsol sogs byas ba dang rim gyis je drang du song
bas lhag par yid ches shing/ gdung zhugs 'bul gyi tshe dbu'i rus
bcung zad kyang ma

grug par byon pa grwa mang la mjal kha btang/ tshems ba grang bas
bzhi bcu khrig ge byung ste thams cad yid ches dang dad pa'i sa
la bkod/ gzhan yang ngo mtshar ba'i ltas dang gdung rtags ya
mtshan pa du ma byung/ zhabs 'bring

rnams kyis gtong ba'i sgo 'phar phye ste dgongs rdzogs rgya cher
bsgrubs shing/ grwa slob thams cad kyis bla ma dang dkyil 'khor
gyi gtso bo tha mi dad du byas te dbang bzhi len pa dang/ khrus
gsol smon lam/ mchog sprul myur

du 'byon pa'i gsol 'debs sogs rnam dkar la chig dril du 'bad pa
lhur blangs te dgongs pa rdzogs par byas/ ma 'gyang bar sprul
pa'i sku mkhan chen dge 'dun rgya mtsho'i sku tshar 'khrungs/
skyabs mgon mchog la chos

srung du mas mnal lam du bskul ma byung zhing/ brtag sgril byas
par dang po snga phyi cung zad las ma dod/ yang bskyar byas bas
cha mnyam du bsdad pa dang/ der dge bshes rin chen chos bzang
zhabs phyir yod ba khong gis/ snga mas 'thus

@021b pa la zhes smras ma thag /rkyen ci yang med bar gcig
rgyangs kyis thon pa phye bas mnal lam dang mthun par byung/
skyabs mgon mchog dbus su phebs khar sprul sku gdan sar bkod nas
rab tu byung ste mtshan 'jigs med lung rigs rgya mtshor btags/ sku

tshe der mdo sngags gnyis kar gsan sbyong mthar phyin gnang ste
mkhas btsun bzang po'i brtul zhugs rmad du byung ba'i rnam thar
rdzogs par bskyangs/ dgon po'i khrir bzhugs nas gdan sar chos
srid kyi 'dzin skyong yang dag pa mdzad/ de'i sku tshe rjes ma

sog yul du 'khrungs pa yang skyabs mgon mchog nas bdag gnang ste
ngos 'dzin dang rten 'brel gyi dbang gis snga ma'i skabs ltar
skyabs mgon mchog dbus phebs rjes ma'i phebs kha dngos gzhi der
gdan sar bkod de rab tu byung nas mtshan

pa 'di lags so/ /smras pa/ gsang chen chos kyi nor bu'i mdzod
'dzin pa/ /gsang ba'i bdag po mi yi zlos gar mkhan/ /gsang 'dzin
grub dbang mchog gi thun mong dang/ /gsang ba'i rnam par thar pa
mdor bsdus pa/ /

'grig 'grig rdzun gyi phreng bsam bslad cing/ /snyan snyan gcam
bu'i zol ba stod ma yin bar/ /yang yang dpyad de 'khrul bral
snying po'i don/ /gsal gsal tshig gi sbyor bas mtshon par byas/
/'di yi dge bas mkha' khyab

@022a @#/ /'gro ba kun/ /rtag tu dam pa'i mgon gyis rjes 'dzin
cing/ /zab gsang rdo rje'i rnal 'byor mthar phyin nas/ /zung
'jug dang bo'i mgon po nyid gyur cig/ (//ces

dpal ldan rig pa 'dzin pa'i 'khor los bsgyur ba chen po sde khri
rin po che blo bzang don grub pa'i zhal snga nas kyi rnam par
thar pa gsang chen chos kyis bsngags pa'i rol mo zhes bya ba 'di
ni rnam dpyod mchog tu yangs pa skad tsha dga' bcu 'jigs med
rgyal mtshan gyis thang yang bskul pa'i ngor/ btsun

ba dkon mchog bstan pa'i sgron mes chos grwa chen po bkra shis
'khyil du sbyar ba'i yi ge pa ni b+hik+Shu ratna sAnata'o/ /

@022b blank page