@001a @#/ /rje bla ma mngon par 'tshang rgya ba'i tshul dang 'brel
bar bstod pa rnam dag gang sri ma'i 'grel ba rmad byung bkod
pa'i 'jug ngogs zhes bya ba bzhugs so/ /

@001b @##/ /yab gcig 'jam dpal rdo rjes mdo sngags kyi/ /tshul
gnyis shing rta'i srol bzang dbye ba'i phyir/ /bslab gsum dur
smrig 'chang ba'i skur bstan pa/ /sku bzhi'i

bdag nyid tsong kha pa la 'dud/ /lnga phrag snyigs ma bdo ba'i
tshe thung 'dir/ /drug pa rdo rje 'chang dbang myur lam gyis/
/bdun ldan zung 'jug dpal la sbyor ba yi/ /brgyad khri bzhi
stong chos phung

snying por bsgil/ /skye dgu'i thar lam mtshon ba'i mig gcig bu/
/stobs bcu mnga' ba kun gyi gdung 'tshom de'i/ /brang yas yon tan
phung po'i cha shas tsa/ /bstod pa'i tshig gi dgongs

don 'grel la sbro/ /de'ang rgyal ba'i bstan pa la rgyal ba nyid
dang dbyer ma mtshis pa 'jam dgon chos kyi rgyal po tsong kha pa
chen po la gsung las skyes ba'i bu slob mkhas grub gnyis 'dzom
gyi dam

@002a @##/ /ba'i skyes bu nam mkha'i skar tshogs ltar shin tu mang
yang/ de'i khrod na 'dzam gling mkhas pa'i gtsug rgyan mkhas
grub smra ba nyi ma ni/ ji skad du rgyan las/

blon po chen po lta bur pha rol phyin la 'jug bya'i phyir/
/byang chub chen po'i phyogs mthun bad la rtag tu spyan byed
phyir/ /gsang ba'i gnas ni rnam gsum rtag tu yang dag 'dzin pa'i
phyir/ /zhes

sogs ltar/ rje bla ma'i rnam thar thun mong ba mkhas btsun bzang
gsum dang/ thun mong ma yin pa gsang ba gsum gyi sgrub 'phrul
dra ba mtha' dag la lkog tu ma gyur ba'i spyan mnga' ba'i nang
gi thugs

sras bla na med pa yin te/ de'i phyir rje bla ma rang gis kyang/
lhun po'i drung nas gser ri ji bzhin du/ /'gran zla med ba'i dge
legs khyod la sbyin/ /zhes gsungs so/ /smra ba'i nyi ma de nyid
kyis mdzad

@002b pa'i rje bla ma'i rnam thar thun mong dang thun mong ma
yin pa/ bstod pa'i rab byed 'ga' zung bcas bzhugs pa las/ 'dir
rje bla ma'i thugs bskyed thun mong ma yin pa'i go chab zhes
tshul las brtsams te gang du mngon

par 'tshang rgya ba'i bkod pa dang sbyar te bstod pa'i rab tu bye
dpa 'di nyid kyi don nyung du'i tshig gis 'gral ba la/ mdor bstan
pa/ rgyas bar bshad pa/ dge ba bsngo ba gsum/ dang po ni/ na mo
mnydzu b+ho ?ya/

rnam dag gangs ri'i 'phreng bas yongs bskor ba'i/ /phyogs 'dir
bdag cag mgon med rnams kyi mgon/ /blo dman bsam pa'i ngo dang
'tsham ba'i sku/ /ston mjad bla ma mchod la bdag phyag 'chal/
/zhes

gsungs/ de'ng don ngo bo rje btsun 'jam pa'i dbyangs dang dbyer
ma mchis pas/ /bla ma dang lhag pa'i lha dbyer med du byas te
mchod par brjod pa rgya gar gyi skad du mdzad do/ /de nas tshigs
bcad kyi ngo ?ni/

'jam dpal rtsa rbgyad las/ 'jig rten nga ni myang ngan 'das/ /sa
yi steng 'di stong gyur na/ /khyod nyid byis pa'i gzugs kyi sni/
/sangs rgyas mdzad ba byed par 'gyur/ /de tshad dkon chen rab
dga'/ /kha

pa can nang yod pa yin/ /zhes pa dang/ slob dpon padma/ 'jam
dbyangs sbrul pa gdul bya bstan pa'i 'dug/ /mdon sngags bstan
'dzin blo bzang grags pa 'byung/ /zhes dang/ ma cig gi yung
bstan@003a @#/ /las; 'phags pa 'jam dbyangs de nyid me mo bya la sku
'khrungs te/ sangs rgyas kyi bstan pa'i srol btod/ ces sogs
dang/ mkhas grub rje'i gsang rnam du/ rig

pa'i khu byug la dpal ldan zla bas/ rje btsun 'jam dgyangs mtha'
'khob tu dge slong gi rnam pas 'byon par 'dug pas/ khyod kyang
der skye ba long zhes bskul tshul sogs bka' bstan tshad mar gyur
pa du mas

'jam dbyangs kyi rnam 'phrul du bsten ba grags che la/ 'jam
dbyangs zhi khro don la gcig kyang tha dad pa'i ldog cha tsam
nas khro bo gshin rje'i gshed kyi sbrul bar bstan pa'ang/ khro
bo rnam bar rgyal ba'i

rtog pa las/ da ni lnga brgya tha ma'i tshe/ /nga yi bstan pa
'byung bar byed/ /bstan pa thams cad nub pa'i tshe/ /nga yi bstan
pa 'byung bar byed/ /las ngan mtshams med byed pa'i tshe/ /de tshe
nga yi bstan pa

'byung/ /zhes sogs rgyud lung rtsod med yin la/ skyo lugs nas
brgyud pa'i gtam rgyud kyi rtog pa de rwa pa dag mi bzhed kyang/
srad rgyud gong ma rnams tshad mar byed pa der/ lnga brgya dus
kyi tha ma la/ /nga yi

bstan pa 'byung ba'i tshe/ /rnal 'byor dam tshig ldan pa la/ /bka'
bsgos las rnams tshul bzhin gyis/ /zhes pa'ang chos rgyal lnga
brgya tha ma'i tshe gshin rje'i gshed rang nyid mi'i gzugs su
shar ba rje tsong kha

@003b pa'i bka' srol 'di'i bstan srung gi gtso bo byed dgos par
bka' bsgos pa yin zhes gsung rgyun la 'byung bas/ 'dis kyang rje
bla ma 'jam dpal khro bo'i rnam rol du 'grub bo/ /gzhan yang
chos rje don grub rin po che'i mnal lam du rdo rje 'jigs byad
kyis

sang phod da tsam lung pa 'di'i mda' ru yong gsungs pa'i phyi lo
dus tshod der 'khrungs pa dang/ mchims blo bzang grags pas chos
rje don rin pa la mdo smad du phebs na 'jigs byed dang mjal
tshul/ de'i tshe mtshan yang nged kyi ming 'di btags na

rten 'brel yod tshul lung bstan pa dang/ /than lhums su zhugs
pa'i tshe yab kyi rmi lam du ri bo rtse lnga nas yin zer ba'i
btsun ba me tog gi phreng bas brgyan cing glegs pam bsnams pa
zhig gis gnas g.yar dgos zer ba sogs snga phyi'i rtags

mtshan du mas kyang rje btsun 'jam dbyangs dang ngo bo gcig par
'grub po/ /der ma zad yum gyi rmi lam du lha dang lha mo du mas
spyan ras gzigs la bsu ba byed zer nas gser sku zhig nam mkha'
nas spyan drangs pa rang la thim par rmis pas

spyan ras gzigs dang/ yang kyis lcang lo can nas phyag na rdo
rjes 'phangs zer ba'i gser gyi rdo rje zhig yum la thim par rmis
pas phyag rdor du 'grub tshul rtogs ldan bas rnam thar zur 'debs
su gsungs/ sbyir 'jam dbyangs kyi sbrul

bar tshad ma'i lung gis bsgrubs pa de nyid kyis rigs gzhan gnyis
kyang shugs la 'grub ste/ bka' gdams glegs bam gyi lha'i rgyal
po'i skyes rabs las/ de yang rigs gsum mgon po las/ /tha dad
nyid du ga

@004a @#/ /la 'gyur/ /sems can kun la spyan ras gzigs/ /'di ni
snying rje byams pa'i rigs/ /nga ni snying rje chen po nyid/
/nga la spyan ras gzigs zhes grags/ /lus ngag yid gsum

zhi 'jam pas/ /'gro ba kun gyi dpal du gyur/ /'jam pa'i dpal du
'ang 'gal ba med/ /kun mkhyen shes rab che ba'i rigs/ /phyag
stong ren mi rtog pa'i/ /rdo rje dpa' bor bzung ste/ /gdul dka'
'dul ba nga yin na/ /phyag na rdo rjer

'gal ba med/ /de ni dpa' bo drag po'i rigs/ de gsum rigs gsum
mgon po nyid/ /phyogs sum zad dngos yin no/ /zhes rigs gsum mgon
po ni sku'i rnam pa tha dad pa tsam las dngos po'i gnas tshod
rgyal ba thams cad kyi

gzhan don sgrub pa'i thabs kyi gtso bo mkhyen pa'i ye shes/
brtse ba'i thugs rje/ skyob pa'i nus mthu gsum yin pas de gsum
ngo bo gcig tu tshogs pa las ya bral du 'gro ba nam yang mi srid
pa'i phyir ro/ /des na 'jam mgon rgyal

ba gnyis pa 'di ni sras bcas rgyal ba kun gyi mkhyen brtse nus
gsum gcig tu bsdus pa'i rang gzugs 'phags pa rigs gsum mgon po
dang ngo bo dbyer ma mchis kyang/ sku'i rnam bde nyid blo dang
skal ba dman pa'i gdul bya rnams kyis

mthong mi nus pas/ de dag gi skal ba dang 'tsham par byis pa'am
tha ma la ba'i sku'i rnam par bstan nas mdo sngags kyi bstan
pa'i snying po yongs su rdzogs pa la thos bsam gyis sgro 'dogs
bcad cing sgom pas nyams su bzhes/ de nyid

@004b gdul bya rnams la ji lta ba bzhin du 'doms par mdzad de/
sangs rgyas dngos su byon kyang de las lhag pa'i gdams pa ston
rgyu med pa de lta bu'i tshul gyis bstan pa rin po che lam rtogs
log rtog gi drim ma lus par bsal nas/ yang dag

pa'i lam bzang nyin mo bzhin du gsal bar mdzad pa'i stobs kyis
rje btsun byams pa mgon pos/ rigs kyi bu khyod kyis sangs rgyas
'jig rten du byon pa 'dra ba zhig 'ong bar shes par byos shig/
ces seng ge'i sgras dbugs dbyung zhing

rgyal ba rang nyid kyis kyang/ sangs rgyas mdzad pa byed par
'gyur/ /zhes lung bstan te/ des na mgon med rnams kyi mgon mdzad
tshul yang/ mkhas grub smra ba'i nyi mas/ tshig sbyi'i bshad sgrub
rtags kyi dge sbyong gis/ /thub bstan

ming tsam lhag mar gyur ba'i dus/ /bslab gsum lung rtogs rgyal
ba'i dam chos kun/ /khyod kyis nyin mor mdzad/ /ces bstan pa'i
snying po ming gi lhag ma tsam du gyur te/ rnam grol don du
gnyer ba rnams long ba long khrid med pa bzhin

'khyams ba na/ slar yang mdo sngags bshad sgrub kyi bstan pa'i
cha mtha' dag cung zad kyang nyams pa med par 'jigs rten kun tu
rgyas par mdzad pa 'di nyid yin te/ tshul de ni rgyan las/ dge
ba'i bshes kyi mgon bcas pa/ /zhes pa ltar

bshes gnyen dam pa'i mgon gyis yongs su 'dzin tshul yin no/ /'di
la dgongs te lus las kyang/ thub rnams sdig pa chu yis mi 'khru
zhing/ /'gro ba'i sdug bsngal phyag gis mi sel la/ /nyid kyi
rtogs pa gzhan la 'pho min te/ /

@005a @#/ /chos nyid bden pa bstan pas grol bar 'gyur/ /zhes
gsungs so/ /de ltar nges pa'i don du sngar nas sangs rgyas zin
kyang/ gdul bya'i skal ba bzhin ? lar gsar du thugs bskyed pa
dang/ la lar

spyod pa la slob pa/ la lar gsar du 'tshang rgyab/ la lar mya
ngan las 'da' ba sogs sprul pa'i bkod bchu zla dang gzugs brnyan
bzhin 'khor ba ji srid dbang du ston par mdzad do/ /zhes pa ni
'og ma kun gyi mdor bstan yin no//

gnyis brgyas par bshad pa la/ rgyal sras kyi spyod pa spyi la
bslab tshul/ khyad par du 'phags pa'i spyod pa thun mong ma yin
pa la bslab tshul/ bslab pa'i 'bras bu mngon par 'tshang rgya ba'i
tshul gsum/ dang po ni/ khyod ni sku tshe

du ma'i snga rol tu/ /rje btsun 'jam dbyangs sras kyi thu bor
gyur/ /ces sogs sho lo ka gcig byung/ de'ang yon tan rin po che
sdud pa las/ sangs rgyas chos rnams dge ba'i bshes la brten to
zhes/ /yon tan kun gyi mchog mnga'

rgyal ba de skad gsung/ /zhes ba ltar/ lam gyi rtsa ba bshes
gnyen bsten tshul la rag las par dgongs nas/ sku tshe du mar theg
ba mchog gi dge ba'i bshes gnyen mang po tshul bzhin du bsten/
khyad par du rje btsun 'jam dbyangs

rigs kyi cod pan du bzung sten ma yang 'bral ba med par gtsug tu
bsten nas bka' bzhin sgrub pa'i mchod pas mnyes par byas pas
sras kyi thu bor gyur te/ 'di tsam zhig ni rje bla ma rang gis
kyang/ dmar ser ral pa'i zur phud

@005b lngas mdzes pa'i/ /'jam dbyangs de yis tshe rabs kun tu
bdag /dgyes bzhin rjes su bzung ba'i drin las ni/ /zhes sogs
gzhung chen mo'i bka' rtsom phal che ba'i mgo mjug tu zhal gyis
bzhes pa mang ngo/ /de'i rgyu mtshan yang/

rje btsun 'jam dbyangs rang gi thun mong ma yin pa'i yongs 'dzin
du bstan par ma zad/ sbyir sangs rgyas thams cad slob pa'i gnas
skabs su rje btsun 'jam dbyangs la brten pa kho na yin par dpal
ldan zla bas 'jug 'grel

las gsungs shing/ gshin rje'i gshed dmar po'i rgyud las/ bcom
ldan 'das thams cad sangs rgyas pa na/ zhes sogs sangs rgyas
thams cad 'tshang rgya ba'i tshe bdud 'dul ba gshin rje'i gshed la
brten par

gsungs pa bzhin dgra nag las kyang gsungs shing/ mtshan brjod du/
srid pa'i ri bo chen bo 'joms/ /zhes pa'i don yang de dag mthun
par 'jam dpal grags pas bshad pas/ dus gsum gyi rgyal ba thams
cad sngar

'jam dpal zhi khro 'di dag la ma brten pa mi srid pa la dgongs
nas rgyal ba kun gyi yab gcig ces gsungs pa yin no/ /'o na gong
du rje btsun 'jam dbyangs dngos yin par nan tan tu bsgrubs pa ma
yin nam/ 'dir

de'i gdul byar bshad pa 'gal lo snyam na/ de ni thun mong dang
thun mong ma yin pa'i skabs ma phyed pa'i skyon yin pas/ gdul
bya thun mong ba la snang tshul rgyul tha dad dang gsul bya 'dul
byed gtso 'khor

@006a @#/ /sogs su snang yang/ gnas tshod la don ngo bo gcig pa du
ma yod pa'i phyir/ kyi rdo rje'i rgyud brtag pa phyi ma'i le'u
gnyis pa las/ 'chad pa po nga chos kyang nga/ /rang gi tshogs
ldan nyan bong/ /

'jig rten ston pa bsgrub byang/ /'jig rten 'jig rten 'das pa
nga/ /zhes gtso bor chos longs sbrul gsum ngo bo gcig pa'i don
yin kyang/ khungs thub du mas bla slob lta bu la'ang rgyud gcig
pa mi 'gal ba'i khungs su mdzad pa

dgongs par gnas dgos pas so/ /bshes gnyen de la brten nas lam la
bslab tshul yang/ gzungs sbobs mngon shes ting 'dzin du ma la/
dbang 'byor chos kun rnam dbyod sbyan gyis gzigs/ /zhes chos don
sngags kyi

gzungs la sogs pa'i sgo nas gsung rab kun gyi tshig don mi brjed
par 'dzin cing/ de nyid gzhan la thogs pa med par ston pa'i
spobs pa rnam par dag pa dang/ gdul bya'i dbang po dang skal pa
ji lta ba bzhin gzigs pa'i

gsum rig pa'i mngon shes dang/ dba' bar 'gro ba/ nam mkha'
mdzod/ dri ma med pa/ seng ge rnam bar rol ba sogs ting nge
'dzin gyi sgo mtha' yas pa la dbang 'byor bas rgyal sras kyi
spyod pa rgya mtsho'i pha rol tu phyin

to; /spyod pa phyin drug la bslab pa khyad par med kyang 'dir
chos rab tu rnam 'byed kyi cha nas smos pa ni/ sbyir de nyid
phyin drug gi gtso bo yin par ma zad/ 'jam dbyangs zhi khro
rnams la bstod pa sogs kyi skabs du mar thugs gtso

@006b bor byas pa dang rgyu mtshan mtshungs so/ /gnyis pa khyad
par du 'phags pa'i spyod pa thun mong ma yin pa la bslab tshul la
bzhi/ thog mar rgyal ba dbang bo'i tog dang mjal tshul/ des mdo
sngags zung 'brel gyi spyod pa la mchog tu bsngags

tshul/ de la brten nas lhag bsam thun mong ma yin pa 'khrungs te
dam bca' mdzad tshul/ de nas rgyal ba sras bcas kyis ched du
bsngags shing lung bstan tshul lo/ /dang po ni/ nam zhig de bzhin
gshegs pa dbang po'i tog /rnam mang

'kho bgyi dbus na theg ba mchog /ston mdzad mdun sa che der 'jam
pa'i dbyangs/ /rgyal sras rgya mtsho'i 'khor dang bcas te gshegs/
/zhes byung/ de la thog mar rgyal ba dbang po'i tog dus nam gyi
tsho byon pa dang/ zhing dang mdzad pa'i khyad par

sogs ji ltar yin snyam na/ de ni yab sras mjal ba'i mdo klu
sgrub kyis mdo kun btus su drangs pa las/ dge slong dag sngon
byung ba 'das pa'i dus bskal pa dpag tu med pa/ bgrang du med
pa/ bsam gyis mi khyab pa/ mtshungs pa med

pa/ gzhal du med pa/ brjod du med pa 'das pa de'i tshe de'i dus
na de bzhin gshegs pa dgra bcom pa yang dag par rdzogs pa'i
sangs rgyas dbang po'i tog ces bya ba 'jig rten du byung ste/ de
bzhin gshegs pa dbang po'i tog gi sangs

rgyas kyi zhing yang 'jig rten gyi khams gang+ga'i klung gi bye
ma snyed yas sangs rgyas kyi zhing gcig tu gyur to/ /sangs rgyas
gyi zhing de na 'khod pa'i sems can rnams kyang bde ba lnga thob
par gyur te/ 'di ltar/ la la ni 'dod pa'i bde ba dang

@007a @#/ /ldan bar gyur to/ /la la ni khyim nas 'byung ba'i bde
ba dang ldan par gyur to/ /la la ni bsam gtan gyi bde ba dang
ldan par gyur to/ /la la ni snyoms par 'jug ba'i bde ba dang
ldan bar gyur to/ /la la

ni bla na med pa yang dag par rdzogs pa'i byang chub kyi bde ba
dang ldan par gyur to/ /de dag bde bde la'ang spyod la/ de dag
la'ang mngon par zhen pa med par gyur to/ /'di lta ste dper na/
bung ba me tog gi khu bas nye bar 'tsho 'ang de la

mngon par zhen ba med do/ /de bzhin du sems can de dag kyang bde
ba la yongs su spyod kyang de la mngon par zhen pa med do/ /'di
lta ste dper na/ bar snang la rgyu ba'i bya ni bar snang la
rgyu'ang de la mngon par chag spa'ang med do/ /de bzhin

du sems can de dag kyang bde ba de la longs su spyod kyang de la
mngon par zhen pa med do/ /'jam dpal gyis gsol pa/ /de'i tshe
de'i dus na de bzhin gshegs pa dbang po'i tog ces bgyi bar gyur
pa de ni/ bcom ldan 'das nyid de'i tshe

de'i dus na de bzhin gshegs pa dbang po'i tog bgyi bar gyur ba
rang 'tshal to/ /zhes dus bskal ba dpag tu med pa'i snga rol
dang/ zhing gi bkod pa rgya khyon sogs bsam gyis mi khyab pa/
gdul bya thams cad kyang mtshan

'dzin gyi dmigs pa'i gtad so zhig ste yang dag pa'i lta ba rnyed
pa/ bde ba lnga ci rigs la gzhol ba sha stag yin par gsungs so/
/de'i tshe na'ang rje btsun gyi bkas bskul te bdag nyid chen po
'di la sogs pa 'khor gyi tshogs

@007b mtha' yas pa dang bcas rgyal ba dbang po'i tog gi spyan
sngar gshegs so/ /'di'ang rgyal ba dbang po'i tog dang mjal ba/
mdo sngags kyi bstan pa'i snying po spel ba sogs kun gyi rkyen
rje btsun gyis gnang ba shes pa'i phyir 'di ltar

gsungs pa yin gyi/ 'jam pa'i dbyangs zhes rje bla ma'i skye bar
bzung nas de nyid 'khor dang bcas te byon pa la bshad na skabs
dang ma 'brel zhing/ 'di'i rtsa ba rtogs ldan pa'i gsung du/ de
bzhin gshegs ba dbang po'i tog gi drung du rje

btsun dang 'khor mang po dang bcas byon to/ /zhes dang sgras
phye nas gsungs so/ /gnyis pa des mdo sngags zung 'brel gyi
spyod pa la mchog tu bsngags tshul ni/ de tshe rgyal bde yis
tshangs dbyangs kyis/ /rgyal sras dpa' bo lus dang srog la

yang/ /ltos pa med par ma dag zhing rnams su/ /rdo rje theg pa'i
lam bzang 'dab brgya ba/ /stong nyid gtam gyi dri bzang rdzogs
pa yis/ /yongs su 'gengs la zhugs pa gang yin pa/ /de ni byang
chub sems dpa'i spyod kun gyi/ /rab dang

phul zhes rgya cher bsngags pa las/ /zhes byung/ /don ni/ de'i
tshe rgyal ba dbang po'i tog de nyid kyis thun mong ma yin ba'i
ngos skal gyi gdul bya'i gtso bo bdag nyid chen po 'di la sogs
pa 'khor theg pa chen po'i rigs can dbang po rnon po

sha stag gis yongs su bskor bde dag gi khams dang/ bsam pa dang/
bag la nyal dang/ mos pa rjes su gzigs te yan lag lnga dang ldan
pa'i tshangs pa'i dbyangs kyi sgo nas 'di ltar/ bla na med pa'i
byang chub mchog gi rigs su

@008a @#/ /'khrungs pa rgyal ba'i sras po/ /mkha' khyab kyi 'gro
ba'i don khur du khyer te/ lus srog yal bar 'dor ba la'ang zhum
ba med pa'i dpa' bo rnams kyi bya dka' ba'i spyod pa mtha' dag
la ched du bsngags shing/ khyad par du byang

chub sems dpa'i spyod pa rgya mtsho lta bu kun gyi nang na rab
dang phul dang rtse mor gyur ba ni/ snyigs ma lnga shin tu bdo
ba'i ma dag ba'i zhing khams rnams su gsang chen rdo rje theg
pa'i lam bzang 'dab brgya pa ste padmo'i tshal chen po stong pa
nyid kyi gtam phyin ci ma log

par bstan nas brjod don yang dag pa'i lta ba'i dri bzang dang pa
chil le bas rnam pa thams cad du rdzogs par zin pa de lta bus
phyogs kyi 'khor lo yongs su 'gengs par byed pa 'di nyid yin no
zhes yang nas yang du bsngags brjod rgya cher mdzad do/ /'o na

rgyal ba'i sras kyi spyod pa phyin drug bsdu bzhi sogs mtha' yas
ba zhig yod pas/ de'i nang nas 'di tsam zhig gtso bor bsngags pa
ci yin snyam na/ 'di ni de'i nang nas phyogs re ba zhig min gyi/
phyin drug bsdu bzhi'i spyod pa thams cad bsdus

pa yin par ma zad/ mdo phyogs su bshad pa de las brgya 'gyur gyi
lhag dang bcas pa yin te/ snyim pa'i me tog las/ theg pa chen bo
ma lus pa bsdus pa ni pha rol tu phyin pa drug yin la/ de rnams
bsdus pa ni thabs dang shes rab yin zhing/

de dag kyang bsdus pa ro gcig pa de ni byang chub kyi sems yin
te/ de'ang rdo rje sems dpa'i ting nge 'dzin yin la/ de nyid ni
rdo rje yin no/ /rdo rje'ang de yin la theg pa'ang de yin pas
rdo rje theg pa ste zhes dang/ samb+hu Ta las/ de phyir de rgyas

@008b ci zhig bya/ /mdor bsdus pas ni sangs rgyas nyid/ /ces
sogs grangs med gsum gyi tshogs mtha' yas pa thams cad kyang 'dir
'dum sla bar gsungs so/ /rgyu mtshan de dag gi gnad kyis/ rnam
snang mngon byang las kyang/ theg pa chen po

cher 'byung ba/ /zhes sogs dang/ spyod mchog 'di la gang rnams
kyis/ /zhes rgyal bas gsungs pa'i spyod pa mtha' dag bsdus na/
dman pa la mos par chags bral gyi spyod pa/ rgya chen po la mos
par sa dang pha rol tu phyin pa'i spyod pa/

zab mo la mos par chags bcas gsang sngags kyi spyod pa gsum du
yod pa'i phyi ma ches mchog tu gsungs te/ mdo phyogs kyi sde
snod kun la sher mdo mchog tu bsngags pa yul stong nyid bstan
tshul gyis yin zhing/ sngags las de'i

steng du yul can khyad par can yang ma sbas bar ston pas bstan
pa'i yang rtse dang snying por 'grub la/ bstan pa ni lus can kun
gyi sdug bsngal sel ba'i sman gcig bur gsungs pa'i phyir ro/ /de
lta bu'i gsang sngags kyi nyams len de thams a cad med du mi
rung bar yang dag pa'i lta bas zin dgos pa'i rgyu mtshan yang/
rim lnga las/ rdo rje theg par rnal 'byor bas/ /de nyid gang
gang dmigs bya ba/ /de de sgyu mkho nar gsungs/ /zhes sngags kyi
zab khyad thams cad 'byung ba'ang

phar phyin theg par bshad pa'i yul stong pa nyid kyi don de legs
par khong du chud pa la rag las shing/ de la rnam 'grel las/
stong nyid lta bas grol 'gyur gyi/ /bskab pa lhag ma de don yin/
zhes sogs ltar/ /'gas pa'i mi rtag sdug@009a @#/ /bsngal tshun chad nges pa sngon du
'gro dgos pas lam
thun mong dang thun mong ma yin pa'i go rim/ mdo sngags yam bral
bas gsung rab ma lus gdams ngag tu 'khyer dgos pa sogs kyi rgyu
mtshan de yin te/

'grel chen dri med 'od las/ rdo rje sheg la ste sngags kyi tshul
dang pha rol tu phyin pa'i tshul 'bras bu dang rgyu'i bdag nyid
du 'dres par gyur pa'o/ /zhes sogs shin tu mang ngo/ /gsum pa de
la brten nas lhag bsam thun mong ma yin pa

'khrungs te dam bca' mdzad tshul ni/ bdag nyid che khyod snying
stobs 'o ma'i mtsho/ /ches cher bskyod pa'i rlabs phreng g.yos
pa yis/ /rgyal ba'i 'khor mang dbus nas myur bar langs/ /mzhum
shin tu mtho ba'i sgra dbyangs kyis/

bdag ni grangs med mdag zhing rnams su/ /stong nyid lta dang
nyer 'brel sngags kyi lam/ /lus dang srog la mi lta 'doms pa
yis/ /rgyal ba dgyes pa'i lam bzang rgyas bya zhes/ /dam bcas
smon lam btab pa'i mod nyid la/ /

zhes byung/ de'ang thog mar sems bskyed pa dang/ sems bskyed
gong du 'phel ba sogs kyi rgyu la mdo sde rgyan las stobs lnga
gsungs shing/ dbyangs rgyu bzhi rkyen bzhi sogs kyis kha bskangs
pa'ang phal cher tshang ste/ rgyal ba dang rje btsun gyi

mthu la brten nas sangs rgyas kyi yon tan/ theg pa mchog gi chos
zab ma'i khyad chos rnams mthong ba'i dad pa/ snyigs ma'i ngang
tshul/ bstan pa'i 'phel 'grib sogs la brten nas skyo shas dang
brtse ba lhag par 'phel bas/

@009b 'khor gyi tshogs rgya mtsho lta bu de'i dbus nas myur bar
bzhengs te/ rgyal ba sras dang bcas pa dbang du bzhag la/ bdag
gis deng nas brtsams te mdag pa'i zhing grangs med pa rnams su
zab mo dbu ma'i lam dang 'brel ba'i rdo rje theg pa'i lam

bzang 'di nyid gdul bya so so'i skal ba bzhin du bstan nas/ rang
gi lus srog la'ang ltos pa med par thabs tshul dka' ba brgya
phrag gi sgo nas/ rgyal ba dgyes pa'i lam bzang po 'di nyid 'jig
rten kun tu rgyas par bya'o zhes ldog pa

med pa'i dam bca' dang/ ji ltar dam bcas bzhin 'grub pa'i smon
lam nan tan tu mdzad do/ /'dir rgyal ba dgyes pa'i lam zhes pa/
spyir dkar po'i chos thams cad rgyal ba dgyes byed yin mod
kyang/ yang dag pa'i lta ba la gtso bor

'jug ste/ de ni rgyal ba dgyes pa'i lam la zhugs/ /zhes dang/
rgyal ba dgyes pa'i lam la yid rton pa/ /zhes sogs skabs du mar
stong nyid kyi lta ba kho na la sbyar ro/ /de'i rgyu mtshan yang/
sangs rgyas rnams kyis dang por thugs

bskyed pa nas bzung/ mthar 'jig rten du chos 'khor bskor ba
thams cad sems can rnams 'khor ba sdug bsngal gyi rgya mtshor
bying ba 'di gdon pa'i ched yin la/ stong nyid kyi lta ba ni
'khar ba la grol byed dngos yin pas/ de nam

rgyud la skyes pa na gang zag de la sangs rgyas 'jig rten du
byon pa'i dgos pa grub pa yin pas/ de'i phyir rgyal pa dgyes
pa'i lam zhes bshad pa yin no/ /de'i steng du gsang sngags kyi
zab khyad bsnan na lhag par yang rgyal ba dgyes pa'i

@010a @#/ /lam du 'gyur te/ spyir 'khor ba'i rtsab mdo phyogs su
bdag 'dzin gcig pu las ma bshad cing/ de spangs pas 'khor ba las
grol ba tsam 'byung yang/ 'khor ba phra rags kyi rgya mtsho'i pha
rol tu phyin

pa la sngags nas bshad pa'i 'khor rtsa thun mong ma yin pa spong
dgos te/ rim lnga gsal sgron las/ thun mong ba'i 'khor ba'i 'jug
rim shes na/ de'i rtsa bdag 'dzin ldog dgos par shes nas/ bdag
med pa'i lta ba phu thag chod pa

tshol ba zhig 'ong la/ thun mong ma yin pa'i rlung gi dbang dbang
gis 'khor bar 'jug rim shes na kun rtog g.yo ba'i rlung ldog
dgos par mthong nas/ de 'gog pa'i thabs lus la gnad du bsnun
pa'i gdams pa phu thag chod pa zhig 'ong/

zhes gsungs so/ /rlung gis 'khor rtsa byas te 'khor tshul rdor
phreng las/ las kyi rlung ni sna tshogs pa/ /zhes pa nas/ de ltar
'khor lo bskor ba 'dra/ /zhes sogs mang ste rgyud 'grel rnams su
blta'o/ /de ltar yang dag pa'i lta ba'i

sgo nas lus can mtha' dag 'khor ba las sgrol bar ma zad/ myur
lam gsang chen gyi theg pa 'di dang sbyar te dus shin tu nye bar
'khor ba'i rtsa ba mtha' dag drungs phyung nas bde chen sangs
rgyas kyi sa la 'god par gsungs pa ste/ rnam

dpyod can rnams la shes par bya ba mang du yod do/ /bzhi pa
rgyal ba sras bcas kyis ched du bsngags shing lung bstan pa'i
tshul ni/ rgyal ba dbang po'i tog dang phyogs bcu yi/ /rgyal ba
ma lus dbyangs dang mgrin gcig tu/ /legs

@010b so phyod ni snying stobs chen po zhes/ /zhes pa nas/ rgyal
ba sras bcas kun la mthun par grags/ /zhes pa'i bar byung/ don
ni/ de ltar gzhan phan gcig tu dkar ba'i rang bzhin snying stobs
mchog gi 'o mtsho gyen du 'gyur te/ nang gi rang bzhin

gsal bar byed pa'i dam bca' ba'i dbyangs kyi rlabs phreng chal
chil du g.yos pa'i mdo la/ rgyal ba dbang po'i tog la sogs pa'i
phyogs bcu'i rgyal ba thams cad kyis mgrin gcig dbyangs gcig gi
sgo nas/ legs so legs so//

rigs kyi bu phyod ni byang chub sems dpa' snying stobs chen po'o
zhes dbugs dbyung zhing mtshan gsol ba de nas bzung ste/ phyogs
bcu'i sangs rgyas kyi zhing thams cad du bdag nyid chen po 'di'i
mtshan byang chub sems dpa' snying stobs

chen po zhes grags so/ /khyad par byang chub mchog tu lung bstan
pa'i tshul ni/ de nas der ni bde gshegs dbang po'i tog /sku las
'od zer bye ba 'bum 'gyed cing/ /'dzum ldan zhal gyis bdag gi
dge ba'i bshes/ /snying stobs

che de 'di ltar lung bstan mdzad/ /ces gsungs/ de'ang byang chub
mchog tu lung ston pa'i tshe shas cher mchog gi sprul sku'i rnam
pas lung ston pa ni rten 'brel gyi che ba yin pas/ gsang sngags
kyi dbang bskur rnams la'ang lung bstan

dbugs dbyung gi tshe bla ma rgya la ba shAkya thub pa'i cha lugs
can gyis byed par bshad rgyud rdor phreng las gsungs pa ltar/
nyi shu pa dang zung 'jug gsal ba/ lo dril gyi dkyil chog gnyis
sogs thams cad mthun no/ /des 'od zer

@011a @#/ /dpag med 'gyed pa'ang/ 'dul ba lung sogs du mar ston
pas 'dzum pa mdzad cing sku las 'od zer bgye ste slar sku'i cha
stod smad du thi ma pa la dpag nas dri ba zhus pa na bzang ngan
so sor lung

bstan tshul mang du 'byung ba ltar/ 'di'ang bdag nyid chen po 'di
nyid bla na med pa'i byang chub tu lung ston par bzhed pa'i
mtshan ma yin no/ /lung bstan tshul dngos ni/ khyod ni deng nas
brtsams te ma dag pa'i/ /grangs med zhing

du rdo rje theg pa'i lam/ /zab mo dbu ma'i lta bas yongs bzung
ba/ /rgyas byed rlabs chen spyod pa rdzogs byas te/ sangs rgyas
zhing mang brgal ba'i byang shar mtshams/ /ngo mtshar rmad byung
bkod pa'i 'jig rten du/ /de bzhin gshegs

la seng ge'i nga ro zhes/ /mngon par rdzogs par myur du 'tshang
rgya 'gyur/ /zhes gsungs/ 'di'i don tshig gi dngos zin tsam go
bar sla'ang/ blo ldan chos kyi rjes su 'brang ba rnams gnas 'di
dag la rang re'i rje bla ma zhes rmongs

zhen cam ma yin par rgyu mtshan mthong ba'i yid ches kyi nges pa
brtan po rnyed nas dge ldan bka' rgyud kyi rang lugs la mos gus
gting tshugs pas gzhan la 'gram chu mi ldang ba zhig byed dgos
so/ /de la thog mar lung gis

sgrub pa ni/ lho brag grub chen las kyi rdo rje gsang ba'i bdag
po la rje bla ma'i sku tshe snga phyi/ rtogs pa'i mtho dman sogs
zhus par 'ga' zhig gsungs te/ 'tshang nam rgya 'jam dbyangs kyis
ston par 'gyur ro zhes gsungs

@011b pa na; shar pa rin po che'am gnas brtan rin chen rgyal
mtshan dang rgyal chab 'dul 'dzin sogs kyis bsal te rtogs ldan
'jam dpal rgya mtshor 'jam dbyangs la zhur bcug pas/ de nyid kyis
rje btsun la gsol ba yang

yang btab ste bka' stsal pa bzhin yos lo zla ba brgyad pa'i tshes
brgyad la yi ger bkod pa las/ snying stobs phul du phyin pa'i
sems dpa' chen po 'di nyid/ sngon tshe rje btsun 'jam dbyangs
kyis yang dang yang du theg pa chen po'i

dge ba'i bshes gnyen mdzad de/ phyi nang gi rig pa'i gnas rnams
la thogs med du smra ba'i spos pa'ang thob/ mngon par shes pa
lnga la mnga' brnyes/ de bzhin gshegs pa dbang po'i tog gi drung
du rje btsun dang 'khor mang po dang

bcas te byon/ de'i tshe de bzhin gshegs pa dbang po'i rtog gis
lus srog la mi blta bar lta ba rnam dag dang 'grel ba'i sngags
ma dag pa'i zhing rnams su rgyas par byed pa ni myur du 'tshang
rgya'o/ /zhes sogs kyis bsngags pa mang du

brjod/ de'i tshe sems dpa' chen po de nyid 'khor rgya mtsho lta
bu'i dbus nas bzhengs te/ ma dag pa'i zhing rnams su lta ba rnam
dag dang 'brel ba'i sngags lus srog la mi blta bar bdag gis
rgyas par byed nus par gyur cig /ces smon

lam btab pas/ de'i mdo la de bzhin gshegs pa dbang po'i tog dang
'khor byang chub sems dpa' rnams kyis kyang smon lam gnang/ de
bzhi'i gshegs pa de yi mthus phyogs bcu'i rgyal ba rnams kyis
kyang thugs kyis dgongs

@012a @#/ /te sngar bzhin mdzad/ de bzhin gshegs pa thams cad
kyis 'di la snying stobs phul du byung ba'i zhes mgrin gcig tu
brjod/ de'i tshe snying stobs phul du byung ba'i sems dpa' 'di
nying ni sangs rgyas

kyi zhing dpag tu med pa'i byang shar mtshams su ngo mtshar rmad
du byung ba'i bkod pa sna tshogs pas mdzes pa zhes bya ba'i zhing
du seng ge'i ngor zhes bya bar 'tshang rgya'o/ /zhes lung bstan
la/ zhes gsungs so/ /'di ni mkhas grub thams cad

mkhyen pas 'dir gsungs pa'i bshad bya rtsa ba lta bu yin la/
gzhan yang mdo sde gdams ngag 'bog pa'i rgyal po las/ dge zhes
bya ba'i dgon pa 'grebs/ /blo bzang zhes bya'i mtshan can 'byung/
/'khor ni rnam bzhi rab bsdus nas/ /ston

pa'i mdo bzhin gsung sgrogs pa/ /lha khang kwa ba shing lo can/
/nga yi sku gzugs rnam gnyis la/ /dbu rgyan 'bul zhing mchod par
byed/ /ngal gsol ba rab btab nas/ /bstan pa la stong bar du
gnas/ /'di nas 'phos nas byang shar gyi//

ngo mtshar bkod mdzos 'jig rten du/ /seng ge'i nga ro zhes byar
'gyur/ /de la dang byed zhing der skye/ /zhing mchog de ni khyad
par 'phags/ /zhes dang/ lab sgron gyi lung bstan las/ da lta
byang chub sems dpa' snying stobs che/ /snyigs

dus log spyod bod yul byung ba'i tshe/ /dge slong tshul 'dzin
grags pa'i mtshan thogs te/ /gang gi zhing du seng ge'i nga ror
grags/ /khrims 'chal log spyod spobs pa zil gnon pas/ /khrims
'chal pag med yang dag khrims la sbyer/

@012b rgyud sde rgya mtsho'i dgongs pa'i bcud phyung nas/ /gdul
byar gyur pa'i skal ldan tshim par mdzad/ /ces mdzad pa 'phrin
las dang bcas pa shin tu gsal bar gsungs so/ /'on kyang ma 'ongs
pa na de ltar 'tshang rgya bar lung bstan pa la yid ches rnal

ma skye mi skyed da lta mdo sngags kyi bstan pa gsal bar byed pa
sogs kyi lung bstan thog tu babs pa 'di dag la nges pa rnyed
dgos shing/ de la rje bla mas snga ma thams cad las khyad par du
'phags pa'i bstan pa'i 'dzin skyong bshad sgrub kyi sgo nas

dag ther mdzad tshul dge ldan rang lugs thun mong ma yin pa'i
khyad chos rnams shes na/ gzod bstan pa'i ngang tshul shes nas
ston pa la yid ches rnyed pa bya ba de 'byung ngo/ /'di ni bstan
pa dang ston pa tshad mar sgrub pa kun gyi spyi srol rmad du

byung ba yin te/ bzhi brgyab las/ sangs rgyas kyis gsungs lkog
gyur la/ /gang zhig the tshom skyes gyur pa/ /de yis stong ba
nyid brten te/ /de nyid kho nar yid ches bya/ /zhes dang/ tshad
ma rnam 'grel las/ blang dang dor bya'i de nyid ni//

thabs bcas rab tu nges pa yis/ /gtso bo'i don la mi bsla'i
phyir/ /gzhan la'ang rjes su dpag pa yin/ /zhes ma 'ongs pa'i
las kyi 'bras bu sogs shin lkog gi gnas gsungs pa rnams la the
tshom skyes pa'i tshe bden bzhi'i blang

dor dang chos nyid sogs ji ltar bstan pa la tshad ma'i gnod pa
'jug mi 'jug brtags te/ gtso bo'i don de dag 'khrul med du nges
na gzhan rnams kyang de la rjes su dpag nas 'khrul med du yid
ches bar gsungs so/ /'on kyang de lta

@013a @#/ /bu'i nges pa bskyed pa rje bla ma'i gsung rab rnams la
rtag sbyor gus sbyor gyi brtson pas yun ring du sbyangs pa la
skye dgos kyi/ legs bshad nams mkha'i skar tshogs lta bu de thams
cad brjod par

ga la nus/ /'dir zur tsam gyi kha byang lta bu zhig smos na/
de'ang bstan pa thams cad bsdus pa sde snod gsum gyi brjod don
bslab pa gsum mam/ bod kyi brda sbyor tshul ltar lta sgom spyod
gsum du gnas pa'i lta ba'i dbang du byang na bod

snga rabs pa kha cig /stong nyid kyi don gtan med du bzung nas
las 'bras sogs la bskur pa 'debs/ kha cig /stong nyid bden grub
dang de kun rdzob pa'i chos kyis stong pas gzhan stong gnas lugs
mthar thug zer/ kha cig ci byas kyang

rigs pa'i gnod byed ma khegs pas yod min med min zer/ kha cig
rang bzhin khyad par gsum ldan zhig dgag bya phra mor khas
blangs nas de tsam khegs pas stong nyid rtogs par 'dod/ kha cig
dpyad pa thams cad g.yeng pa yin pas/ ci

yang yid la mi byed par shes pa'i ngo bo so ma rang babs su
bzhag na chos nyid bsgom pa yin zer ba sogs dgag bya thal che
chung gi blos byas dang/ nyi tshe ba'i stong pa tsam las snang
stong 'gal med du 'jog mtshams ma shes pa rje bla mas klu sgrub

yab sras kyi gzhung la brten nas snang bas yod mtha' sel zhing/
stong pas med mtha' sel ba stong pa dang rten 'byung zung du
'jug pa dbu ma thal 'gyur ba'i khyad chos thun mong ma yin pa
'di nyid gsal bar mdzad/ ting nge 'dzin gyi bslab

@013b ba'i ngo bo sgom pa'i dbang du byas na/ bod kyi bsam gtan
pa phal cher bying rmug gi dbye ba ma byed cing/ pying ba dang
sgom rnam dag gi mtshams ma zin par glod rab la sgom rab ces
bying ba 'ba' zhig ba sog pa dang/ kha cig bris sku lta bu la
cer

bltas kyis ting nge 'dzin sgrub par rlom pa dang/ 'jog sgom kho
na las dpyad pa'i rigs ting 'dzin 'grub pa'i gegs su bzung ste
lhag mthong sgrub tshul gzhin sa ston pa sogs skyon mang du byung
ba la rje bla mas thog med sku ma rjed kyi gzhung la

brten nas stobs drug yid byed bzhi sogs kyis sgrub tshul/ bying
chod phra rags kyi mtshams/ dran shes skyong tshul/ /dpyad 'jog
zung du 'brel tshul sogs snga ma rnams kyis mthon pa'i gnad du ma
zhig gsal bar mdzad/ chung khim

kyi ngo bo spyod pa'i dbang du byas na bod kyi rtogs pa mthon
por rlom pa du ma zhig gis chang dang phyi dro'i kha zas sogs
bkag pa theg dman gyi dbang du byas pa yin pas/ theg pa gong ma
sems kyi rang ngo shes pa rnams de 'dra la 'dzem

mi dgos zer nas rab byung gi kun spyod dag la cir yang mi rtsi
zhing/ de'i rtags dang cha lugs tshun tshad kyang 'dor bar byed/
chung dus gnyen bshes sogs kyis btsun gral bcug pa khur du song
ba'i bsod chung 'dod pas gzir te/ bslab

pa bsgyur 'dod pa rnams chos la kha g.yar nas de'i rjes su
zhugs shing dam pa'i chos 'dul ba sun byung ste bstan pa'i gzugs
brnyan tsam du gyur pa na rje bla mas bstan pa gnas mi gnas 'dul
khrims yod med la ltos par bstan pa'i

@014a @#/ /bdag po sangs rgyas bcom ldan 'das rang gis gsungs pa
ltar/ bstan pa'i gzhi ma lhag pa tshul khrims kyi bslab pa la rag
las par gzigs nas dgag sgrub gnad gsum gyi bcas mtshams phra

zhing phra ba mtha' dag phyag len du btab/ sngags la 'jug pa'i
tshe'ang/ phyi ru nyan thos spyod bskyangs shing/ /nang du 'dus
pa la rab dga'/ /zhes rdo rje 'chang nyid kyis rgyud sde las
gsungs pa bzhin/ 'dul ba'i kun spyod la

gnas bzhin pa'i ngang nas rim gnyis kyi rnal 'byor la 'jug pa'i
srol bzang po phye ste/ blo mchog dman kun la sman gdags par
mdzad do/ /gzhung so so la mtshon na'ang/ rnam 'grel lta bu sngar
nang ba'i bstan bcos tsam du'ang

mge ba rje bla mas thar ba dang thams cad mkhyen par bgrod pa'i
lam dri ma med pa'i rigs pas gtan la 'bebs pa'i legs bshad 'gran
zla med pa yin tshul gsal bar mdzad de thar 'dod yongs kyi blo
mig phyes/ phar phyin de sngon nas

par rgyas che ba'i lugs yin 'dug kyang rje bla ma sku na phra
mo'i dus legs bshad gser phreng brtsams pas snga ma kun zil gyis
gnon nus pa byung ste/ stag tshang pas/ khyod blo'i nyi ma gzhon
nu'i dus kyi tshe/ /mdo dang rgyan gyi pad

tshal rgyas mthong nas/ /bdag blo khengs pa'i ku mud lhag par
zum/ /zhes bstod pa byas/ 'dul ba'ang snga sor me tog phreng
rgyud gtso bor byed kyang/ lung sde bzhi'i dgongs don mtha' chod
pa la mdo rtsa ba khyad par du 'phags tshul

@014b rje 'dis gsal bar phyas pas de phyin chad mdo rtsa'i 'chad
nyan lhag par rgyas/ dbu ma dang sngags gnyis rang gi thugs
bskyed kyi khur du bzhes pa'i phyag mtshan gtso bo yin zhing/ dbu
ma'i brjod don lta ba rnam dag gi gol phye tshul

gong du smos pa de yin la/ gzhung bshad kyi dbang du byas na'ang
karma dkon gzhon gyis tshogs gtam byas ba ltar/ dbu ma zhes pa'i
ming tsam yang cher ma grags pa re dma' ba dang rje 'di gnyis
kyis sa 'og gi gter bzhin bton te

'chad tan thang mar bad la/ gsang sngags kyi zab gnad phal cher
rje 'dis gsal bar mdzad pa kho na yin te/ stag tshang pas/ mdo
sngags mtha' dag khyad par rdo rje theg /rgyud sde mtha' dag
khyad par bla med don/ /rim gnyis mtha'

dag khyad par sku lus la/ /sngon med legs bshad gter chen khyod
la 'dud/ /ces gsungs pa bzhin te/ mdor na rtogs brjod 'dus legs
ma nas ji ltar 'byung ba bzhin rgyud sde bzhi so so'i rtsa bshad
kyi rgyud thams cad thos

bsam sgom gsum gyi sgo nas gtan la phab/ khyad par du gsang bde
'jigs gsum/ dus kyi 'khor lo sogs rang rang gi rtsa bshad sbyar
te rgyud kyi 'gang gshog tshul/ 'phags bod kyi bshad srol tha dad
pha ji snyed yod pa dang/

tha na 'gyur mi 'dra ba'i zur phra mo tshun la dag ther mdzad
tshul 'grel ba bzhi sbrags sogs su bltas pas shes/ don gyi gtso
che shos rags pha tsam mtshon na/ 'jug sgo dbang gi skabs su
dbang bzhi pa la snga ma rnams gtad so zhig@015a @#/ /ma byung ba rje 'dis zung
'jug gi don ngo sprad pa'i
sgo nas bskur tshul rgyud don rjen par bstan/ smin byed bskyed
rim gyi skabs su sdam mang pos lha'i rnal 'byor tsam dang bskyed
rim gyi dbye ba ma phyed

cing/ la las bskyed rim mchog 'grub pa'i rgyur mi 'gyur bar 'dod
pa sogs byung yang; sbyang gzhi mngal skyes kyi dbang du byas pa
dgos pa che tshul/ bskyed rim la gzhi lam 'bras bu kun dang rnam
pa mthun pa dgos shing/

lhag par rdzogs rim zab mo'i smin byed du 'gro tshul re med mi
rung du dgos par rje 'dis gsungs so/ /rdzogs rim gyi rim pa
gzhan rnams la'ang ma rtogs log rtog gi dri ma bsal ba mang
zhing/ lhag par sgyu lus kyi rnam bzhag

snga ma mang pos bdon stong sgyu ma lta bu zer ba dang/ lha sku
snang la rang bzhin med pa sgyu ma lta bu zer ba sogs phar phyin
theg pa dang rgyud sde 'og ma la grags pa'i spyi don gyi sgyu ma
tsam las/ sbas don dang mthar thug gi sgyu ma'i don ngos

ma zin pa rja bla ma 'ba' zhig gis rgyud dang 'phags pa yab sras
kyi dgongs pa bzhin gangs ri'i ljongs 'dir gsal bar mdzad de/
kun gzigs lnga pa chen pos/ sgyu lus sind+hu wa ra'i 'dab ma'i
kha/ /mkhas rlom nyi zla'i 'od

kyis phyed min pa/ /legs gsung sked med kha yi gzeg ma'i chang/
/'thor tshe 'dab brgya pa de rang dbang ci/ /zhes gsungs pa ltar
ro/ /zung 'jug kyang bde stong dbyer med kyi zung 'jug tsam las/
de nyid ya gyal gcig tu byas

@015b pa'i bden gnyis dpyer med kyi zung 'jug 'jog shes pa ma
byung ngo/ /mdor na sngags rim chen mor kyai rdor gyi skor sa
chen gong ma rnams kyi bzhed srol lam bshad pa dang log par
bshad pa'i dri ma bsal rgyu med pa ma gtogs/ rgyud

don pal cher la bod snga ma'i bshad rgyun gzhi nas dag ther byed
mi dgos pa ma byung bar gsungs mod/ kyai rdor la'ang bdag byin
brlab kyi skor brtag pa phyi ma'i gnyis pa dang/ gur gyi le'u
bzhi pa dang bcu pa zhi pa sogs rtsa bshad

gung bsgrig pa'i bshad srol gzhan gyis ma thon ba rje bla ma'i
bka' drin gyis mkhas grub smra ba'i nyi mas gsal bar byas pa yin
no/ /de ltar na mdo sngags bshad pa dang sgrub pa/ 'chad rtsod
rtsom gsum/ bslab gsum rim

gnyis kyi nyams len sogs bstan pa 'dzin skyong spel ba'i sgo
gang la'ang rje bla ma 'dis gzhan sus kyang de las lhag par byed
tshul med pa re ma mdzad pa gcig kyang med pas/ gangs can mkhas
pa'i gtsug rgyan tsong kha

pa; ;zhes ba de ni nges par rang bzhin brjod pa yin te/ lnga pa
chen pos mdzad pa'i dmigs brtse ma'i TIkka las/ de tsam gyis
mkhas pa thams cad kyi gtsug na mngon par mtho bar mi 'gyur te/
bka' gdams kyi sku mched

gsum dang/ glang shar sogs bdag pas gzhan gces 'dzin pa'i sems
dpa'/ lce 'brog mar mi sogs sku tshe de'am bar dor zung 'jug
brnyes pa'i grub thob/ rdog bu sogs gnas lnga rig pa mkhyen pa'i
bla ma mtha'

@016a @#/ /klas pa byung bas so zhe na/ rigs pa de ni 'jug pa ma
yin te/ bshad ma thag pa'i mkhas grub de dag phyogs gcig tu
bsdoms na dam pa 'di'i yon tan dang mtshangs na'ang/ re re bzhin
nas

dod mi snyoms pa'i rgyu mtshan/ bstan pa snga dar la lo paN rgyal
blon byang chub sems dpa' rnams dang/ phyi dar la bka' gdams
gong ma sogs rgyal ba'i sras po de rnams kyi byang chub kyi sems
las lhag pa 'di la mi mnga' 'ang

'di nyid kyi tha snyad dang gsang sngags yongs su rdzogs pa de
dag la med pas so/ /de bzhin du snga dar gyi rje 'bangs nyer
lnga dang/ phyi dar gyi lo chen 'brog mi/ dkar po rnam gsum/ mar
mi sogs grub pa'i dbang phyug de dag gi

bskyed rdzogs kyi yon tan gyi cha nas phan tshun snyoms na'ang/
so sor thar ba'i sdom ba gsum gyi tshul khrims dang/ grub mtha'
rnam bzhi'i bzhed gzhung/ sgra tshad sogs shes bya ji snyed pa'i
yon tan gyi cha nas mchog dman yod

do; ;de bzhin du rdog shong dbang bu ston sogs gnas lnga rig ba
mkhyen ba rnams kyis thos bsam la sgro 'dogs bcad pa'i cha nas
khyad par med kyang/ bla ma mgon po 'jam dpal dbyangs kyi bka'
drin la brten nas dpal mgon

'phags pa klu sgrub kyi thun mong ma yin pa'i bzhed pa dngos
bstan stong nyid kyi lta ba dang dpal gsang ba 'dus pa'i sgyu
lus sogs gnad gsang zab mo sngon chad mkhas pa dang grub ba
rnams kyi mkhyen pa'i yul du ma 'tshal pa/

@016b mtha' dag dam pa 'di nyid kyis gtan la phab ba mngon sum
gyis grub pa 'di'o/ /zhes grub mtha' ris med kyi gnas lugs
phyogs zhen tsam ma yin par bsregs bcad brdar ba'i gser bzhin
legs par khungs bcad de gsungs pa

yin no/ /der ma zad so so nas khyad par yod tshul zhib tu byed na
mkhas grub rjes mdzad pa'i lta khrid las/ sems dpa' chen po po
to pa dang spyan snga pa dang mchad kha ba'i gsung bgros la sogs
pa snga phyi dum dang/ dge bsnyen chen po kham

pa lung pa'i gsung gi rjes su 'brangs pa bshes gnyen chen po gro
lung ba'i bstan rin che chung la sogs pa de dag thams cad la'ang
rgyal ba dgyes pa'i lam gyi rim pa/ gsung rab chen mo dag gi
rjes su 'brang ba/ dam pa brgyud pa'i

gsung gis brgyan pa/ mkhas pa dga' bskyed pa'i 'jug ngogs rmad
du byung ba yod mod kyi/ de lta na'ang rje thams cad mkhyen pa
nyid kyi byang chub lam gyi rim ba che chung gi gdams pa'i gsung
rab glegs bam du mdzad pa 'di dag la ni/  

gsung rab dgongs 'grel dang bcas pa ma lus pa gang zag gcig
'tshang rgya ba'i cha rkyen du 'gro ba'i lam gyi lus yongs su
rdzogs pa'i grangs dang go rim la sogs pa dang/ da lta rgyud la
bskor ba'i dmigs rnam gyi rim pa myong thog tu

'khyer tshul sogs lam gyi lus spyi dang yan lag so so thams cad
la sngon chad gangs ri'i khrod 'dir sus kyang mthon pa'i thun
mong ma yin pa'i phul du byung ba'i khyad par bla na med pa'i
tshul la blo skyon ma zhugs pa'i dpyod pa zhib

@017a @#/ /par byas nas nges pa rnyed pa dang/ zhes byang chub
lam rim gyi khyad chos gsungs pas mtshon te rje'i legs bshad
rnams re re bzhin; gzhan las khyad par du 'phags tshul brjod par
bya ba mang

med kyang ma spros so/ /de dag gis mtshon nas sku tshe 'di la
rgyal ba'i bstan pa 'dzin tshul ji ltar lung bstan pa bzhin du
byung bar nges pa na/ de'i shugs kyis de dang rgyu mthun pa sku
tshe snga phyi rnams la'ang spyod pa phul du byung ba de lta

bur bslab tshul nas bzung ste mthar 'tshang rgya ba'i bar du lung
bstan pa thams cad la the tshom med pa'i nges pa bde blag tu
rnyed bar 'gyur ro/ /gsum pa bslab pa'i 'bras bu mngon par sangs
rgyas tshul ni/ zhes gsungs de ltar 'di nyid

sangs rgyas pa'i/ /rgyal ba seng ge'i nga ro'i sku tshe ni/
/bskal pa dpag med tha mal sku yi tshad/ /dpag tshad gcig pa ma
rgad mdog lta bu/ /dpag tshad du ma'i 'od ldan phyag g.yas ni/
/chos 'chad g.yon pa mnyam gzhag la gnas

pa/ /bdud rtsis gang ba'i lhung bzed de dbus nas/ /bdud rtsi'i
'od ldan mchod sdong cher 'phags shing/ /grangs med 'od zer
'gyed pa lhag ger gsal/ /zhing de'i gdul bya dbang po mchog
rnams kyis/ /mchod sdong de nyid mthong

ba'i mod tsam la/ /theg mchog lam bzang rgyud la mngon du byed/
/'bring dang tha ma'i gdul bya'ang rgyal ba des/ /sngags tshul
stong nyid gtam dang nyer 'brel pa/ /'doms pa'i gsung gi bdud
rtsi 'thungs tsam las/ /de yi

@017b mod la lam bzang mngon du byed/ /zhing de'i gdul bya kun
kyang sngags kyi tshul/ /zab mo dbu ma'i lta dang nyer 'brel ba/
/khong du chud pa'i mthu las srid pa gzhan/ /nying mtshams mi
sbyor rgyal sras sha stag go /zhes byung/ 'di la rgyal

ba de nyid kyi sku'i bkod pa'i khyad par dang/ de'i zhing gi
snod bcud kyi 'byor ba'i khyad par ji lta bu yin snyam na/ spyir
'di dag bsam gyis mi khyab ba'i gnas yin pas rnam pa gcig tu 'di
tsam yod cing/ de las lhag pa med do

zhes kha tshon gcod mi nus so/ /de'i rgyu mtshan yang/ dkon mchog
brtsegs pa'i chos kyi rnam grangs bco lnga pa 'jam dpal gyi
zhing gi bgod pa bstan pa las/ bcom ldan 'das kyis bka' stsal
pa/ rigs kyi bu mi de'i skra'i rtse mo brgyar

gshegs pa'i chas rgya mtsho chen po las chu'i thigs pa gcig
blangs pa de tsam du ni 'jig rten gyi khams bde ba can de bzhin
gshegs pa 'od dpag med kyi sangs rgyas kyi zhing gi yon tan bkod
par blta'o/ /rgya mtsho chen po na chu'i lhag ma

ji snyed cig yod pa de tsam du ni bcom ldan 'das de bzhin gshegs
pa dgra bcom pa yang dag par rdzogs pa'i sangs rgyas kun tu
gzigs pa'i sangs rgyas kyi zhing gi yon tan bkod par blta'o/
/zhes dang/ rigs kyi bu de bzhin

gshegs pa kun tu gzigs pa'i zhing gi yon tan bkod pa phun sum
tshogs par 'gyur ba gang yin pa dang/ da ltar bcom ldan 'das de
bzhin gshegs pa dgra bcom pa yang dag par rdzogs pa'i sangs
rgyas kun nas 'od zer yon tan

@018a @#/ /rtag tu mang ba rgya mtsho'i rgyal po'i sangs rgyas kyi
zhing gi yon tan bkod pa gang yin pa de gnyis mtshungs te lhag
chad med do/ /zhes gsungs la/ de bzhin gshegs pa de nyid dang
'khor byang chub sems dpa'

rnams kyi sku'i tshad sogs snod bcud kyi 'byor ba'i khyad par
yang/ de nyid las/ bcom ldan 'das de bzhin gshegs pa kun nas 'od
zer yon tan rtag tu mang brgya mtsho'i rgyal po de'ang sku tha
mal pa dpag tshad brgyad khri bzhi stong mnga' ba ste/

'dzam bu chu po'i gser gyi ri bo ltar mdzos shing lha ma me lhan
ne lhang nger bzhugs pa/ byang chub sems dpa' sems dpa' chen po
lus dpag tshad bzhi khri nyis stong tsam du gyur pa sha stag gis
bskor cing mdun gyis bas te/ byang chub kyi

shing yon tan bkod pa du mas rab tu brgyan pa'i drung na seng
ge'i khril bzhugs shing/ sgrul pa bye ba khrag khrig brgya stong
mngon par sprul pa mdzad de/ sprul pa de dag kyang phyogs bcu'i
'jig rten gyi khams bye ba khrag khrig brgya stong mang por dong

zhing sems can rnams la chos ston pa mthong ngo/ /zhes dang/
sangs rgyas kyi zhing de rin po che bye ba khrag khrig 'bum
phrag du mas gang zhing nor bu rin po che kun tu bstan pa dang
'dra la/ rin po che de dag kyang phyogs bcu'i jig rten na dkon

la sngan chad ma mthong zhing mi srid pa sha stag ste/ de dag gi
ming brjod na'ang lo bye ba brgya stong thogs par 'gyur ba de
lta bu'i nor bu rin po che dag gis sangs rgyas kyi zhing de
yongs su gang bar 'gyur te/ zhes sogs mtha' yas pa zhig

@018b gsungs la/ rje bla mas zhing mchog sgo 'byed kyi mjug tu
rang nyid gang du mngon bar 'tshad rgya ba'i zhing gi don du smon
lam mdzad pa las kun gzigs kyi zhing gi bkod pa rnams gsungs
pa'i mjug tu/ dag pa'i zhing du gzhan du ma las khyad

par du 'phags pa'i zhing de bas kyang ches shin tu tha gru che
ba/ ches shin tu yangs pa/ ches shin tu gya non pa/ zhing des
cha shas tsam du'ang bsgrun par mi nus pa'i zhing de lta bu zhig
tu gyur cig /ces smon lam mdzad pa'ang de bzhin du 'grub par
nges pas mtha' gcig tu brjod dka' 'ang/ 'dir gser mdog cod pa na
'chang ba'i ring lugs 'di la tshul bzhin bslab pa'i gdul bya thun
mong ba shas cher gyi skal ba dang 'tsham par/ sku dang zhing
khams mdzad pa sog ston tshul de'i dbang du

byas nas bkod par snang bas/ de ltar du dngos zin gyi don tsam
'grel na/ 'di nas byang shar mtshams su sangs rgyas kyi zhing ngo
mtshar rmad byung bkod pas mdzos pa zhes bya ba snod bcud kyi
'byor pa phun sum tshogs pa de'i dbus su byang chub kyi

ljon shing yal ga dang/ lo ma dang/ me tog dang/ 'bras bu g.yur
du za ba'i drung na rin po che'i rang bzhin gyi seng ge'i khri'i
steng du/ rgyal ba seng ge nga ro sku mdog ljang gu mar gad kyi
lhun po la mtshan dpes spras pa lta bu/ rgyun pa'i sku 'phad

du dpag tshad gcig pa/ zhal gyi dkyus rgyang grags tsam dang ldan
zhing/ sku las 'od kyi dra pa dpag tshad du ma'i khyon la phyogs
bcur 'phro ba/ sku tshe bskal ba dpag tu med par bzhugs pa/ phyag
g.yas chos 'chad/ g.yon mnyam

@019a @#/ /gzhag gi steng du lhung bzed bdud rtsis gang ba bsnams
pa'i dbus na mchod sdeng gru bzhi ba/ dbus mngon par mtho bas
lha ma mer 'phags shing/ mchog sdo 'de nyid las kyang bdud rtsi
kha dog lnga

ldan lta bu'i 'od zer sna lnga pa'i phreng ba dpag tu med pa
phyogs kun tu 'phrob/ zhing de'i gdul bya dbang po rab rnams
tshig gi lam nas chos ston mi dgos par mchod sdong de mthong ba'i
mod la lta ba rnam dag dang 'brel ba'i sngags kyi

lam mngon du byed/ dbang po 'bring dang tha ma rnams kyang gsung
gi bdud rtsi la brten nas mdo sngags kyi lam bzang mngon du byed
cing/ slar las nyon gyi dbang gis srid par nying mtshams mi sbyor
bar nges pa'i rgyal sras byang chub sems

dpa' sha stag yin no/ /'o na dga' ldan du byang chub sems dpa'
'jam dpal snying po zhes bya bar 'gyur bar bshad pa dang 'di mi
'gal lam snyam na skyon med de/ de ni gdul bya rigs mchog dman
thun mong la phan gdags pa'i phyir du

der byang sems kyi skye ba bzung ba yin la/ 'di ni mdo sngags
zung 'brel gyi nyams len tshul bzhin byas pas theg mchog rigs kyi
nus pa yongs su smin pa la ston tshul yin zhing/ der ma zad sangs
rgyas re re la thugs bskyed tshul

dang/ sangs rgyas tshul gyi bshad pa mi 'dra ba mang du 'byung ba
ltar/ rje bla ma sangs rgyas tshul la'ang seng ge'i nga rong
'tshang rgya ba dang/ yang 'jam dbyangs kyi lung bstan gcig tu de
bzhin gshegs pa ye shes dbang po zhes bya bar 'tshang

@019b rgya ba dang/ ma cig gis/ ma 'ongs bskal bzang sangs rgyas
bdun pa yin/ /zhes byams mgon nas bgrang ba'i bdun pa spyan legs
su 'tshang rgya bar gsungs pa sogs dang/ thun mong ma yin pa gong
du bshad pa ltar rje btsun 'jam

dbyangs dang ngo bo gcig pas bskal ba dpag med kyi sngon nas
sangs rgyas pa dang/ yang bskal ba dpag med kyi snga rol tu
dbang po'i tog gi spyan sngar mjal tshul 'di'i sgo nas bsgrubs
na'ang de'i dus nas bzung ste gsang sngags kyi myur lam  

la tshul bzhin du slob pa'i gdul bya shin tu dbang rnon zhig yin
pas bskal pa ches mang po'i sngar nas sangs rgyas zin par grub
pa'i phyir/ dge ldan bka' brgyud kyi rnam thar kha byang paN
chen chos rgyan gyis mdzad pa las/ rje bla ma 'di nyid bskal pa

mang po'i sngon nas bla na med pa'i byang chub mngon du mdzad
par nges te/ bde gshegs dbang po'i tog phyon pa'i dus bla med
kyi sngags lam la gnas par grub pa gang zhig /so skye rang bzhin
pa'ang dbang bzhi pa thob la dam tshig dang sdom pa ma nyams na

bsgom pa sogs ma byas kyang/ snyigs dus kyi skye ba bcu drug
tshun la nges par rdo rje 'chang gi go 'phang 'thob par rgyud sde
rnams su gsungs pas 'gyur med lung rigs kyis grub pa'i phyir/
zhes gsungs pa ltar ro/ /gsum pa dge ba bsngo ba ni/ de

ltar 'tshang rgya bdag cag rnams kyi skyabs/ /'dren mchog de yi
thugs kyi bcud phyung ba/ /rgyud sde rgya mtsho'i de nyid legs
rtogs nas/ /bka' bzhin sgrub pa snying por byed pa dang/ /skye
ba kun tu lus dang srog la yang/ /mi blta sngags kyi chos

@020a @#/ /tshul kun bzung nas/ /rgyal ba seng ge'i nga ror sangs
rgyas pa/ /de yi 'khor gyi dang por bdag gyur cig /ces byung/
de'ang rang cag rnams kyi me tog phog ba'i lha skal lta bu 'jam
mgon bla ma tsong kha pa chen po

yin pas/ de nyid gang du mngon par 'tshang rgya ba'i zhing der
skye ba zhig nges par don du gnyer dgos te/ spyir sangs rgyas
kyi zhing de dang der skye mi skye rang gi las 'brel yod med la
rag las pa dang/ rang cag rnams kyis thos bsam

sgom gsum che phra ci byas kyang rje bla ma'i bstan pa 'di'i
steng nas byed dgos pas gzhan thams cad las 'di la las 'brel che
ba mngon sum lta bur grub bo/ /'on kyang dge rtsa rnams smon pas
der kha bsgyur dgos te/ rtogs ldan pa la'ang

'jam dbyangs kyis zhing der skye 'dod na da lta nas zhing gi
rnam pa bsgom ste smon lam 'debs dgos gsungs pa bzhin/ khong gis
brtson pa drag po mdzad pas zhag bcu gcig tu rgyal ba seng ge
nga ro'i snang ba gsal bar byung zhes gsungs

shing; sngar drangs pa'i mdo lung du'ang/ seng ge nga ro zhes
byar 'gyur/ /de la dad byed zhing der skye/ /zhes pa gnad shin
tu che'o/ /des na paN chen gyi bla ma mchod pa'i cho gar yang/
phyag g.yas chos 'chad g.yon pa mnyam gzhag bdud

rtsis gang ba'i lhung bzed bsnams par byas pa 'di'ang/ rang gi
drin can rtsa ba'i bla ma de nyid rje bdag nyid chen po dang po
dbyer med du byed par ma zad/ rje bla ma gang du mngon par sangs
rgyas brgyal ba seng ge nga ro'i phyag mtshan can du byas

@020b te; ma 'ongs pa na zhing der skye ba sogs kyi rgyu la
sbyor ba'i thabs mkhas kyi gnad chen po yin par skyabs mgon rdo
rje 'chang chen po rje btsun dkon mchog 'jigs med dbang po'i
zhal snga nas kyis gsungs so/ /de'ang smon lam btab pa kho nas

chog pa ma yin par/ smon pas kha bsgyur rgyu'i rgyu tshogs rnam
dag cig bsgrub dgos/ rgyu'i gtso bo bla ma'i rnam thar dang
mthun par mdo sngags zang 'brel gyi lam bzang po rang rgyud la
nyams su lan zhing/ skal ldan gzhan la spel ba sogs kyi

spyod pa rnam par dag pa la skye ba du mar slob dgos/ skye ba
phyi ma rnams su de 'dra 'byung ba da lta'i skye ba 'dir lus
srog thed la bor te/ yang dag pa'i lam nyams su len tshul rje bla
mas ci gsung bka' bzhin du sgrub pa'i mchod pa'i sgo nas thugs

kyi bzhed ba skong ba zhig dgos te/ 'di dag snga ma snga ma yod
na phyi ma phyi ma 'byung la/ med na mi 'byung bas rjes su 'gro
ldog nges pa'i tshul bsam ste smon pa'i don tshig spyi tsam du ma
lus pa'i phyag len la thebs pa gal che'o/ /sbyar byang ni/ ces

rje btsun chos kyi rgyal po tsong kha ba chen po gang du mngon
par rdzogs par 'tshang rgya ba'i tshul ston pa'i sprul pa'i sku'i
bkod pa mtha' yas pa las phyogs gcig gi tshul las brtsams te mdor
bsdus par brjod nas smon lam du bya ba'i tshigs su

bcad pa go bde bar sbyar pa 'di ni rje rin po che de nyid la mi
phyed pa'i dad pa brtan po la sogs pa'i yon tan du mas nye bar
brgyan pa drung nam mkha' dpal 'byor ba'i gsung gis nye bar
bskul te btsun pa dge legs dpal bzang pos sbyar pa'o/ /

@021a @#/ /zhes gsungs te go sla'o/ /de ltar rje bla ma la bstod
pa'i rab byed kyi dgongs don 'brug non gyi lugs sum byas par
brjod don 'gang che ba'i gnad rnams nyung du'i tshig gis bkral ba
yin mod/ 'on kyang snga ras gsum

ma dang mi 'gyur mchog yangs ma'i TIkka/ khyad par du rtogs
brjod 'dun legs ma'i TIkka byams pa rin po ches mdzad pa sogs
legs bshad rmad du byung bar snang yang rjes su slob mkhan lta
zhog /dpe klog mkhan tsam yang dkon par snang la/

lhag par da lta kun gzigs lnga pa chen pos/ gur gum tshos kyis
btsos pa'i lwa ba'i zhwas/ /rang re'i bstan pa 'dzin na ches
legs kyi/ /pha mes lung dang rtogs pa'i khyad nor tshogs/ /rnam
g.yeng rkun por shor ba'i lag stong mang/ /gsungs

pa ltar/ dge ldan pa zhes pa'i rtags su zhwa ser tsam las pha
bla ma'i rang lugs 'di'i khyad chos rnams shes mkhan dang 'dzin
mkhan yong rigs mi 'dug pas/ bdag legs su 'dod pa rnams kyis
snying la rus pa bcug ste 'bad dgos

so; ;ston pa 'jig rten mig ni zum gyur cing/ /dbang gyur skye bo
phal cher zad pa na/ /de nyid ma mthong rang dgar gyur pa yi/
/ngan rtog rnams kyis bstan pa 'di dkrugs so/ /rang byung rang
byung bstan pa gces 'dzin rnams/ /mchog tu zhir

gshegs 'grom gon med pa na/ /'doms med yon tan 'joms par byed pa
yi/ /dri mas dga' mgur deng sang 'di na spyod/ /de ltar thub pa
dag gi bstan pa ni/ /lkog mar srog phyin 'dra dang drim rnams/
/stobs dang ldan pa'i dus su rig nas

@021b ni/ /thar pa 'dod pa dag gis bag yod gyis/ /lus med mtha'
thog rtsom pa deng gi dus/ /tshig bcad dam dum 'byor yang ma
khyas pa'i gsung/ /'di 'ang yid la brnag pas rang gzhan gyi/
/gtan 'dun 'phyug med mdzong cig grogs po dag /'dis

mtshon dge tshogs yongs 'du'i sa bon ni/ /rmad byung bkod pa'i
tshul du smin pa las/ /rlabs chen rgyal sras spyod pa'i khyon
yangs kyis/ /'gro la phan bde'i grib bsil sbyin gya cig /ces
rnam dag gangs ri mar grags pa'i 'gral pa rmad byung bkod

pa'i 'jug ngogs zhes bya ba 'di ni/ tsun so nyid shog nas rnam
dpyod yangs pa dka' bcu bsod nams dpal 'byor gyis yang yang
bsgul ba'i ngor/ 7btsun pa dkon mchog bstan pa'i sgron mes rgyal
ba'i lung gis zin pa'i chos grwa chen po bkra shis

'khyil du sbyar ba'i yi ge pa ni blo dang ldan pa dkon mchog kun
dga'o// /