@001a @#/ /abadanamaNikaDthakanAmabuTa
b+haTTarakottamashIlashAsa nas+yasUrlashrIb+hadrobiharatismaH
/ /

@#/ /rje btsun bla ma dam pa tshul khrims bstan ba'i nyi ma dpal
bzang po'i rnam par thar pa nor bu'i do shal zhes bya ba bzhugs
so/ //

@001b @#/ /na mo gu ru budd+ha bo d+hi sa twa sa ra b+hya/ sarba lo
ka su kha su khiHkA ra ku ru maM// budd+ha spU rNa ko sho tra
te ga me ruH

@#/ /bla ma dang sangs rgyas byang chub sems dpa' rnams la phyag
'tshal lo/ /'jig rten kun tu bde skyid 'byung bar mdzad du gsol/
/spang rtogs spo mtho'i lhun po rdzogs sangs rgyas/

@002a @#/ /sad+harmmasyAbit+sUryyanAshayAnd+hasadg+horatnakAra
stabidyamuktiHbod+hyantikAruNTrishsharANapAtuM//

@#/ /ma rig mun sel nyi ma dam pa'i chos/ /rig grol rin chen
'byung gnas dge 'dun te/ /skyabs gsum thugs rjes byang chub bar
du skyongs/ /

@002b rgyal ba'i chos tshul yongs la mnga' 'byor cing/ /khrims
ldan dge 'dun 'dus pa'i gtsug gi rgyan/ /lung rtogs bstan pa'i
pad tshal rgyas mdzad pa/ /smra ba'i nyi ma lus can gtsug na
rgyal/ /yon tan sgrol

ba'i dbyings kyi sa bon snying rje'i rlan gyis bsgos pa las/
/rin chen sems kyi sdong bu dar drag tshogs gnyis yal ga'i khyon
yangs shing/ /phyin drug bsdu bzhi'i me tog rnam bkra bde chen
sku bzhi'i

'bras bu smin/ /lhun grub 'phrin las grib bsil snum pos 'gro la
phan bde ci yang stsol/ /zla shel gcig las yangs pa'i 'jig rten
du/ /rang 'dra rgya mtsho'i rdul rnyed 'char ba bzhin/ /mi bzad

rgyun gyi 'khor lo'i gsang gsum gyi/ /rol ba yid kyi rwa ba las
'das kyang/ /dus mthar thun mong gdul bya'i mos ngo dang/ /'tsham
bar bstan pa skye ba'i zlos gar la/ /tshul gnas thos bsam sgom
pa'i rim pa

yis/ /don gnyis lhun gyis grub pa'i rtogs pa ni/ /sdom gsum tshul
khrims rmang gzhi rab brtan lhag bsam shel gyi rwa bas bskor/
/mdo sngags bstan ba'i gzhal med khang chen bshad sgrub ka ba
'bum

ldan zhing/ /'phrin las nyi ma stong gi gzi 'bar gser gyi rgya
phib mngon mtho ba/ /skal bzang lha brgya'i bsdi gnas de 'dir
dga' dad spro ba'i 'jug ngogs yin/ /mkha' dang 'dzin ma'i dkyil
'khor

@003a @#/ /dbyar gyi lang tshos bsten pa na/ /yid 'ong mdongs
mtha'i rgyal mo 'jo sgeg nyams kyis rol pa bzhin/ /rgyal bstan
'dzin skyong spel ba'i yon tan lhun gyis rdzogs mthong tshe/
/mdzangs

shing des pa rnams ni bstod bkur bsngags la spro ba 'dzin/ /lce
rkan gtsub shing brdar ba'i mod nyid la/ /chags sdang du ba
'thul ba'i gshis min par/ /dam pa'i yon tan zla shel dang 'grogs
pas/ /

legs byas bdud rtsi'i rgyun 'bebs chu shel dngos/ /mkhas btsun
bzang po'i rnam thar thar 'dod bung ba'i nyer 'tsho mchog /phyogs
lhung skyon gyi tsher ma ma 'dres nye bar zhi ba'i gtam/ /snyan
tshig 'dab

'phreng sdeb legs legs bshad padma'i dga' tshal 'dir/ /gzu bor
gnas pa'i mkhas kun kun dga'i gar gyis rtsen par byos/ /de'ang
sgo gsum bag yod pa'i brtul zhugs la gnas pas nyes ltung gi dri
ma

ring du spangs te tshul khrims rnam par dag pa'i bdud rtsis thugs
rgyud yongs su gtams pa'i gnas brtan 'dul ba 'dzin pa/ rtag
sbyor gus sbyor gyi brtson pa dang skyes thob sbyangs thob kyi
shes rab zung du 'jug

pa'i gru gzings kyis mdo sngags rig gnas rgya mtsho'i pha rol tu
son pa'i smra ba'i khyu mchog /bdag pas gzhan gces pa'i byang
chub kyi sems rin po che'i go cha bgos ste tshul khrims gsum gyis
bsdus pa'i

@003b spyod pa bya dka' ba mtha' dag la zhum pa med par slob
pa'i rgyal sras dpa' bo/ dkyil 'khor rgya mtsho'i bsnyen sgrub
mthar son cing mtshan bcas mtshan med dang rim gnyis zab mo'i
rtogs pa klong du gyur pa'i rnal 'byor gyi dbang phyug dpal

ldan bla ma dam pa tshul khrims bstan pa'i nyi ma dpal bzang po'i
rnam par thar pa che long tsam zhig bsnyad bar bya ba ni/ sku
tshe snga mar grub pa'i 'khor los sgyur ba chen po spyod 'chang
dbang po'am nag po pa zhes mgon po mngon

'byung gi rgyud las gang du 'khrungs pa'i yul dang mdzad pa/ bu
chen bzang po'i zhabs dang dge tshul tshems bu pa sogs 'ja' lus
rdo rje'i sku brnyes pa'i slob ma drug dang bcas pa lung bstan
cing/ dus 'khor gyi rgyud phyi ma 'gyur rnying

las kyang mtshan sgra gsal bar lung bstan pa de nyid dang/ rje
bla ma'i thugs sras 'phrin las nam mkha' dang mnyam pa bdun gyi
nang tshan 'jam dbyangs chos kyi rje bkra shis dpal ldan pa zhes
gzhung chen brgya dang sum cu thugs la bzung ste bshad pa

gnang zhing/ dpal ldan 'bras spungs kyi chos sde chen po phyag
btab pas dge ldan ring lugs mi nub pa'i rgyal mtshan 'dzug par
mdzad pa de nyid sogs rgya bod gnyis kar mkhas pa dang grub pa'i
skye 'phreng nam mkha'i nyi zla lta bu du ma rim par brgyud

pa'i tshul/ rje bla ma'i snyan brgyud man ngag gi bdag po ba so
chos kyi rgyal mtshan gyi skye mtha' rta tshag rje drung ye shes
blo bzang bstan pa'i mgon pos mdzad pa'i 'khrungs rabs su gsal
ba dang/ gzhan yang 'khrul bral ye shes kyi spyan@004a @#/ /dang ldan ba'i lha bla
ma du ma'i lung gis zin pa ltar
ro/ /'o na tA ra nA tha yan gyi sku 'phreng gong ma rnams rje
btsun dam pa'i 'khrungs rabs su'ang bzhugs pas 'di dang mi 'brel
snyam pa ni blo gros

dman zhing mthong rgya chung ba'i skyon te/ mkhan chen ngag
dbang grags pa dang zhwa lu ba legs pa rgyal mtshan lta bu dam pa
so so'i 'khrungs rabs na yod pa shin tu mang zhing 'khrungs rabs
che ba phal cher gyi phugs rigs gsum mgon po gang rung la

thug cing/ rigs gsum mgon po ngo bo gcig par bka' gdams glegs
bam las 'byung ba dang/ khyad par du theg pa chen po mdo sde
rgyan las/ ji ltar nyi ma'i dkyil 'khor gyi/ /'od zer dpag tu
med 'dres shing/ /rtag tu

bya ba gcig la 'jug /'jig rten la yang snang ba byed/ /de bzhin
zag med dbyings na yang/ /sangs rgyas dpag tu med 'dres shing/
/mdzad pa gcig ni mdzad pa la/ /ye shes snang bar mdzad par
'dod/ /ces nyi ma'i cha shas kun

gyi 'od zer 'dres nas 'jig rten snang bar byed pa dang/ yang/
klung dag sa yi 'og tu ma song ba/ /zhes ba nas/ rgya mtshor song
bar gyur na thams cad kyang/ /gnas rnams gcig cing chu yang che
la gcig /bya ba gcig cing chu

la gnas pa yi/ /srog chags mang po'i rtag tu nyer spyad che/
/sangs rgyas nyid du ma zhugs brtan pa rnams/ /rten kyang tha
dad blo gros tha dad cing/ /rtogs chung rang gi bya ba tha dad
la/ /sems can nyung don rtag tu nyer spyad

@004b 'gyur; /sangs rgyas nyid du zhugs na de dag kun/ /rten
kyang gcig cing rtogs pa che la gcig /mdzad pa gcig tu 'dres
shing rtag par yang/ /sems can tshogs che'i nye bar spyad pa che/
/zhes chu klung mtha' dag rgya mtshor 'dres na ro

gcig tu 'gyur ba bzhin/ sangs rgyas pa na nga'o snyam pas phye
bas rgyud tha dad kyi rnam gzhag med la/ gdul bya'i sngon gyi
'brel ba'i dbang gis tha dad snang rgyu'ang yod pa mi 'gal bas/
de nyid las/ zag med dbyings na sangs

rgyas rnams/ /mkha' ltar lus ni med phyir dang/ /sngon gyi lus
rjes 'brang ba'i phyir/ /gcig min mang po nyid ma yin/ /zhes
dang/ rigs tha dad phyir don yod phyir/ /rdzogs phyir thog ma
med ba'i phyir/ /sangs rgyas gcig min dri

med gnas/ /tha dad med phyir mang po'ang min/ /zhes gsungs so/
/'di ni mngon pa kun btus las bsam mi khyab bzhir gsungs ba'i
nang nas kyang/ mi mnyam pa nam mkha' dang mnyam pa'i bsam mi
khyab kyi mthar thug tu gsungs

pas blor shong dka'ang/ dam pa'i gsungs la yid ches kyi dad pa
bskyed na phan yon shin tu che ba ni/ 'chi med rnga sgra'i
gzungs las/ bsam mi khyab la dad byas na/ /rnam par smin pa'ang
bsam mi khyab/ /ces gsungs pa ltar ro/ /

der ma zad sa dang por sprul pa brgya 'gyed pa nas bzung gong ma
gong mar stong gsum 'bum phrag du ma'i rdul snyed kyi sprul pa
ston par gsungs ba rang gis khas len cing/ de'i sgo nas bsngags
pa brjod bzhin du phyogs gnyis nas sprul pa gnyis

@005a @#/ /byung na 'gal bar rtsi ba ni rang tshig dngos su 'gal
ba yin pas/ don med ba'i gnas la rtog ge'i rigs pa 'tshang ste
log rtog gi 'phreng ba mi spel bar/ rang rang la gang 'tsham du
bstan cing gdams pa'i ngo

skal de nyid bdag gir byas te mos gus sbyangs na sman yon du
'gyur ro/ /tshon brgya'i mdangs dang 'grogs pa'i dwangs shel
bzhin/ /mtha' yas gdul bya'i skal ba'i rjes 'gro ba/ /gcig min
gzhan min ye shes 'byung lnga'i

mdangs/ /gzugs sku'i 'ja' tshon ri mo cir yang snang/ /lha bu nyi
ma dngos sam gzhal yas su/ /rtsod par mi ltos grags pa'i gdung
sel bzhin/ /rtog ge'i 'phrul par mi 'phyan gang 'dul gyi/ /bkod
par mos pas smin cing grol ba

'thob; /de'ang sku 'phreng gong ma de dag las 'ga' zhig la rnam
thar lo rgyus rgyas kyang cha tshang ba zhig ma rnyed pas re zhig
btang snyoms su bzhag /gdan sa 'di nyid kyi dbang du byas pa'i
sku gong ma rje mi nyag blo gros dar rgyas dpal bzang po

nas brtsams te gleng pa la/ rje gong ma de nyid gang du 'khrungs
pa'i yul ni/ rje tsong kha pa chen po sku bltams pa'i gnas khyad
par can dang mi ring pa'i sa'i cha bum par rte'u chung zhes par
rab byung bcu gcig pa'i shing yos la ngo mtshar ba'i ltas

du ma dang bcas te sku 'khrungs/ de nas ring po ma lon ban sngon
gyi bag chags yongs su sad pas khyim gyi gnas ni dug sbrul gyi
tshang lta bur gzigs te/ sku 'bum du byon nas rgyud ba bla ma
snye kyA dge legs dpal ldan las yongs rdzogs

@005b dge bsnyen gyi sdom pa dang rab byung gi tshul khrims yang
dag par blangs nas klog pa dang thos bsam sogs la brtson par
mdzad/ ring por ma lon par dbus gtsang dag pa'i zhing du phebs
nas dpal ldan 'bras spungs bkra shis sgo mang gi chos grwar

zhugs te rgyal dbang yab sras sogs skyes chen dam pa du ma'i
zhabs la bsten/ khyad par mkhas grub kun gyi gtsug rgyan kun
mkhyen 'jam dbyangs bzhad pa'i rdo rje'i zhabs la gtugs nas mdo
sngags kyi gdams pa mtha' yas pa

gsan; bka' bod chen po rnams la sbyang pa mthil phyin ba mdzad/
gsang phur phebs nas dka' bcu'i ming btags gnang/ gsang chen
gdams pa'i gter mdzod brag dkar sngags ram pa sogs dge ba'i
bshes gnyen du

ma bsten nas dbang rjes gnang khrid man ngag sogs zab chos mang
du gsan pa dang/ jo shAka sogs la mchod 'bul phyag skor/ dbus
gtsang kun tu gnas mjal sogs dbus phebs kyi dgos don mtha' dag
lhun gyis grub nas slar mdo smad du

phebs; mkhas btsun bzang po'i snyan grags che zhing sngon gyi
las 'brel gyis bskul nas kun gyis bla mar bkur te/ mtsho sngon
phyogs kyi wa nga pe li ja sag sogs bla dbon phal cher sbyin
bdag tu gyur pas de dag la 'dod mos bzhin chos

kyi char phab/ nyid kyi sku gong ma'i 'khrungs yul khrig gser mo
ljongs su bstan 'gro'i phan bder dmigs bod kha/ ske ba zhes
grags ba'i sar dgon pa dga' ldan dar rgyas gling dang/ khri ga'i
mkhar gyi thag nyer sngon rje btsun sgrol ba'i

@006a @#/ /mgon po'i sku tshe rjes mar sngags chen 'phrin las 'bum
du skye ba bzhes skabs sgrub ba byed pa'i gnas der gsang sngags
bde chen chos 'phel gling dang bkra shis chos gling zhes ba'i ri
khrod gnyis btab/ hor kyA'i grwa tshang

bsam gtan rab rgyas gling zhes pa'ang bdebs par mdzad de bshad
sgrub rnam par dag pa'i dge 'dun gyi sde mang du btsugs/ gsang
sngags bde chen chos 'phel gling der yun ring bo'i bar du sgrub
pa nan tan gnang/ rgya bod hor sog

gis mtshon phyogs mtha' dag nas yong ba'i dad ldan ser skya drag
zhan mang po la rang rang gi skal ba dang 'tsham bar dam pa'i
chos kyi bdud rtsis yid tshim bar mdzad/ de nas sku 'bum chos sde
chen por phebs skabs las sne thun mong nas bstan

pa spyi dang/ lhag bar dgon pa 'di'i bshad sgrub kyi bya ba
'phel ba la bar du gcod pa'i gegs sel ba'i ched du zhabs brtan
rim gro zhig sgrub dgos tshul zhus pa bzhin rgyud grwa'i 'du
khang gi 'phyam rar rje nyid sgrub grags dge 'dun gyi tshogs

dang bcas pas 'jigs byed kyi bsnyen ba rgyun ring gnang ste mjug
tu zhi ba'i sbyin sreg mdzad bas dge ba'i bshes gnyen rnams dang
mjal ba ser skya mtha' dag la ngo mtshar ba'i mthong snang mi
'dra ba sna tshogs byung/ de dag la brten

nas skye bo kun lhag bar dad de 'di ni nges par mkhas shing grub
pa brnyes pa'i rnal 'byor pa chen po zhig go zhes phyogs kun tu
grags/ de nas rgyud pa'i seng khrir bzhugs nas sngags kyi 'chad
nyin la thugs khur che bzhes mdzad/ grwa ba

@006b chos 'grim pa rnams la sgo du ma nas chos la sbyor ba'i
rting bskul gang drag gnang/ lhag par rgyud grwa 'dir sngar paN
chen thams cad mkhyen pa'i gtor chog mtshon cha 'bar ba'i 'khrul
'khor ltar gyi lcags mkhar zur bcu drug pa ma gtogs lcags

mkhar zur dgu pa'i phyag len ma dar bas/ rje 'dis lcags mkhar
zur dgu pa'i phyag len btsugs/ snga ma 'ga' zhig bu ston gyi
gsung zin sogs la brten nas drug cu pa brtsegs pa'i sngo tshul mi
'thad par smra ba byung yang/ 'di

ni rtog bdun gyi rtog pa gnyis pa/ bshad rgyud rtog gsum gyi
rtog pa dang bo dang gsum pa sogs 'phrul 'khor gyi rnam gzhag
ston pa'i gshed skor kun gyi dgongs pa gtor ma la brten pa'i
'phrul 'khor yin zhing/ lhag par zung

dgu pa 'di ni rwa lo'i gtor chog las/ drug cu rtsa bzhi brtsig
tshul ni/ /phyi yi zur dgu nyis brtsegs dang/ /zhes sogs kyis
'jigs byed dpa' bo gcig pa dang las gshin sbrags sgrub la brten
pa'i lcags mkhar zur dgu pa'i rnam

gzhag gsungs pa kun gzigs lnga pa chen pos gtor chog srid gsum
rnam rgyal du gsal bar mdzad pa yin pas/ sngags 'chang rnams
kyis bstan pa srung ba'i lag cha rmad du byung bar gzigs nas
bstan pa'i lcags ri lta bur btsugs pa yin la/

grwa pa rnams sngar rgyus med pa'i thig dang brtsigs tshul sogs
sbyor dngos rjes kyi phyag len cha tshang ba nyid nas zhib khrid
mdzad/ de'i ngag 'don dang kun spyod sogs kyi rim pa yi ger bkod
nas mkhar thabs gnyis po lo re bzhin nges

@007a @#/ /mos kyis sgrub pa'i srol bcugs nas thugs bskyed kyi
dbang gis da lta'i bar gong 'phel du gnas/ de nas rgyud khri'i
dgongs pa zhus te slar yang khri kar phebs nas thugs dam la
gzhol bar mdzad/ skabs shig tu sbyin bdag

cig gis gdan drangs pa bzhin phebs pa dang lam du chibs pa 'drog
ste chibs gong nas bskyur bas/ zhabs gras pa rnams la 'dir khal
phog ste ras gur phub ces gsung/ de nas nyid ras gur du bzhugs
te khyed tsho thag ring la song/ ngas

brda ma byas bar du sdod cig ces gsung/ yun ring tsam song pa
dang zhabs gras pa rnams la bos nas mdun du song bas/ sems can
la gnod pa byed mkhan gyi mi ma yin ma rung ba gsum 'dug pas
bzung ba yin kyang gnyis shor song/

gcig 'di'o zhes the'u rang rkang gcig gi gzugs shig mdun na 'dug
pa bstan pas zhabs gras pa rnams kyang ya mtshan par gyur/ rje
nyid lad 'dis ci byed zhus pas/ byed rgyu gzhan med srung ma'i
spyan gzigs la phul gsung ste/ deng sang yang

kun gyis mngon sum du reg rgyu dang mthong rgyu yod do/ /rab
byung bcu gsum pa'i sa sprul lor rgyal ba gnyis pa'i gdan sa sku
'bum chos sde chen po'i khri la bzhugs te dge 'dun 'dus pa rgya
mtshor zab cing rgya che ba'i dam pa'i chos kyi char

phab; lo der skyabs mgon dam pa lcang skya rol pa'i rdo rje rgya
nag nas mdo smad du byon skabs rje'i gser gdung sogs mjal bzhed
kyis gdan sa sku 'bum chos sde 'dir phebs/ gdan sa pa dam ba 'di
nyid rje rol pa'i rdo rje'i drung du phyag dbang zhu bar phebs

@007b skabs/ rje lcang skya rin po che thugs shin tu dgyes pa'i
sgo nas mdo sngags kyi dri ba mang du gnang zhing/ khyad par zab
mo dbu ma'i lta ba'i skor nas dka' gnas kyi dri ba mang du mdzad
pas/ zhu lan lung rigs kyis mtha' chod pa thogs med du phul

bas; lcang skya thams cad mkhyen pa thugs gting nas tshim pas
phyag thal mo sbyar te bsngags brjod mdzad/ rje 'di la phyag
chen gyi khrid cig gnang rgyu'i snyan gsan phul yang/ lcang skya
rin po che'i zhabs phyi la rgya mi'i dpon po che drag mang po
yong

nas sku la bcar sdod byas yod pas gdan sa 'dir gnang stabs ma
'grig par brten/ rje lcang skya rin po che dang rje 'di pa gnyis
zhabs gras nyung dur byas nas chos sde chen po bya khyung du
phebs te der dga' ldan phyag rgya chen po'i khrid lung

rigs kyi lam nas drangs pa'i legs bshad kyi dga' ston gzhan las
khyad du 'phags pa'i gsung bshad shin tu rgyas par phul cing/
lhag par lta ba'i skor la bod kyi lta sgom mi 'dra ba so so
dang/ de las rje bla ma'i rang lugs 'di

khyad par 'phags tshul sogs ma 'dres par phye ste zhib tu bkrol
bas rje lcang skya rin po che'i thugs shin tu 'phrog ste rje 'di
la gus pa cher mdzad cing bsngags brjod yang yang gnang ba'i
stobs kyis mkhas pa'i grags pa mtha' dbus kyi

phyogs kun tu khyab par gyur/ de'i skabs su gdan sa 'dir bzhugs
kyi dge ba'i bshes gnyen sum cu lhag gis kyang bka' chos mang du
zhus shing mdo sngags kyi dka' gnas las brtsams te dri ba mang
du zhugs bar bka' lan thogs

@008a @#/ /med du gnang/ rje lcang skya rin po che 'di gnas phebs
khar nyid la rje tsong kha pa'i 'khrungs gnas khyad par can 'dir
rje nyid dang dge ba'i bshes gnyen dam pa 'di rnams dang lhan
rgyas su 'dug 'dod

che'ang/ 7 gong ma'i bka' bzhin 'phral du bskyod dgos par/ slar
mjal nas chos kyi dga' ston myong ba'i 'dun pa byed ces thugs
'phreng ba'i rnam pa mdzad/ lcags rta'i lo rgya yag mkhan po er
ti ni chag na hu thog thus rje rin po che'i

gser sku che ba zhig gdan drangs te tshogs chen gyi 'du khang
chen mor bzhugs su bcug nas rje 'di pas rab gnas mdzad pas legs
tshogs rten 'brel che ba byung/ dge ba'i bshes gnyen mang po dang
don gnyer pa rnams la bde

gsang 'jigs gsum/ spyan ras gzigs/ tshe dpag med sogs kyi dbang
dang/ snar thang brgya rtsa'i rjes gnang/ lam rim dang sngags
rim chen mo/ paN chen gsung 'bum/ lcang skya rin po che'i gsung
'bum sogs kyi lung

bcas zab pa dang rgya che ba'i mdo sngags kyi chos mang du stsal
nas kun gyi yid tshim bar byas/ de'i skabs su gzur gnas bu slob
rnams kyis mi nyag rdo rje 'chang zhes bsngags brjod kyi rol mo
'khrol ba la brten nas phyogs kun tu'ang rje 'di'i

mtshan la mi nyag rdo rje 'chang zhes grags pa byung/ skyes rabs
so bzhi ba'i stod cha la 'grel pa zhig mdzad pa'ang tshig don gyi
cha mtha' dag nas mkhas pa kun gyi yid 'phrog pas bsngags brjod
kyi gnas su gyur/ sa sbrul nas bzung

@008b chu sprel gyi lo'i bar du smon lam gsung chos skabs snga
dro'i cha la sangs rgyas kyi skyes rabs dang lam rim gnyis res
mos kyis 'chad pa dang/ phyi dro'i char smon lam la chag med du
phebs te bstan pa rgyas ba'i thugs smon lam tan mdzad/

smon lam dus der phyogs kun nas 'dus pa'i dad ldan ser skya che
phra rnams la'ang so so'i 'dod pa bzhin phyag dbang dang dbang
lung rjes gnang sogs lhug par stsal/ rgyun du gdan sa 'di ga'i
'chad nyan la gzigs rtog star chags

su mdzad de/ chos thog skabs brtsi bzhag rgyun par stsal cing/
tshig rgyug dang don rgyug res mos kyis bzhes/ grwa pa chos 'grim
pa rnams la gzengs bstod gsol ras sogs bdag rkyen gnang ba dang/
gzhan rnams la'ang chags

zhen du ma song ba'i 'di dang phyi ma'i dgos don gtsor 'don gyi
rting bskul gnang bas mkhas blun kun yi rang bar gyur te nyin
mtshan khor yug tu thos bsam chig dril du mdzad cing/ lhag par
chos gra pa rnams kyis rje 'di pa'i gsung dang

du blangs te/ rgyal ba gnyis pa'i gsung sogs yig cha khungs thub
rnams tshad mar bzung nas rtsod pa'i dus su chig 'khri tsam min
par/ rgyal ba'i dgongs pa phyin ci ma log pa rang gi rgyud steng
du go rgyu zhig byung na snyam pa'i bsam pa 'tha'

zhig gis slob gnyer la brtson pa dang/ nga rgyal dang phrag dog
sogs ye mi byed par gzhan yon tan can la shin tu gus pas ya rabs
kyi ngang tshul la gnas pa sha stag byung/ rgyun ring bsten nas
zhal slob tu gyur par ma zad rje 'di'i@009a @#/ /zhal mthong nas chos tshigs su bcad
ba bzhi tsam nyan
bas kyang shes rgyud je 'jam du 'gro zhing gzhan la gus pa dang/
rtag tu bag yod la gnas pa byung tshul kun la mthun par grags/
sprel lor khri'i dgongs

pa zhus nas rje chu bzang rin po che ngag dbang thub bstan dbang
phyug gdan sa 'di'i khrir bsko bzhag mdzad/ de nas sku bsnyun
bzhes pa'i tshul gnang skabs/ phyag gnyer sogs kyis zhabs brtan
phon cher bsgrubs/ gdan sa 'di'i rgyud

sman bla ma gnyis dang tshogs chen zhal ngos gtsos pa'i las sne'i
rigs dang dge ba'i bshes gnyen rnams kyis gzhi bzung dge 'dun
'dus tshogs yongs nas zhabs brtan phul bar/ bka' lan du da res
skyon cher mi 'dug mod/ 'on

kyang lo ha cang rgas pas nges pa ci mchis/ de bas bdag gi chos
ldan gyi bgyi ba rnams bsam pa bzhin 'grub pa'i skyabs 'jug dge
'dun 'dus tshogs yongs nas thugs brtse bas gzigs pa mkhyen mkhyen
mkhyen zhes zhu ba mdzad/ 'phral

du sku'i khams dwangs shing khri ga'i phyogs su chibs bsgyur
gnang/ phebs kha'i tshe rje nyid kyi thugs sras 'ga' zhig dang
rig pa'i gnas la mkhas pa'i paNDi ta chen po che shos lha bzo
bas gtsos dge ba'i bshes gnyen mang por chos srid

kyi bslab ston stsal cing/ khyad par khyod tshos rang rang gi blo
nus dang mthun par rgyal bstan yongs rdzogs la bag chags ci
thebs gyi dge sbyor la rem rem gyis/ da phyis su nged rang rnams
yang bskyar thug mi thub pa 'dra zhes gsung/

@009b de ltar mdo smad dang mtsho sngon phyogs kyi dpon 'bangs
che phra phal cher dang/ rma chu'i 'gram gyi rgya bod ma lus pa
sbyin bdag tu gyur cing/ de dag la thugs brtse bas nye bar
dgongs te mthong thos dran reg gi 'brel ba thogs par mdzad nas
sku

dngos kyi gdul bya rdzogs pa na khri ka'i mchod rten bla brang
du dgung lo bdun cu rtsa dgu pa chu bya lo'i hor zla brgyad pa'i
tshes brgyad kyi nyin mya ngan las 'das pa'i tshul bstan/ thugs
dam la rgyun ring tsam bzhugs shing thugs dam grol

rtags su shangs bug g.yas g.yon nas byang sems gnyis kyi rgyun
babs pa sogs rgyud sde nas bshad pa ltar gyi ngo mtshar ba'i ltas
mang du byung/ zhabs gras pa rnams kyis gdan sa 'dis mtshon
phyogs so so'i dge 'dun gyi sde la mchod

'bul dang/ nyid kyi bla brang du'ang mchod tshogs rgya chen po
bstar te sde snod 'dzin pa dums gcos dge 'dun brgya phrag gnyis
lhag gis bde gsang 'jigs gsum sogs rgyud sde gong 'og gi bdag
'jug bzhes pa rnams la mang 'gyed

gya nom ba dang/ dbul phongs la sbyin pa sogs rnam dkar gyi
phung po gang rgyas sgrub par byas so/ /'phrinO lasO snang ba
'bumO gyi rtse dga' can/ /bloO grosO 'od brgyas rgya mtsho'i gos
can 'dir/ /bgrang yas dge 'dun sbrang rtsi'i rgyalO mtshanO
tshogs/

skyong ba'i nyin byed rim par shar ba las/ /rgyaX chen mdo
sngags gzhung lugs rgyaX mtsho'i don/ /rnamX par 'byed pa'i bloO
grosO rnamX bkra zhing/ /rgyalX kun thugs bcud blo bzang rgyalX
ba'i bstan/ /darOX zhing rgyas mdzad 'phrin las darX

@010a @#/ /la bdas/ /zhes bya ba ni/ bar skabs kyi tshigs su bcad
pa'o// ! //dam pa de nyid slar yang ljongs 'dir gdul bya rnams
la thugs brtse ba chen pos nye bar dgongs te yang srid gsar pa'i
zlos gar

mngon par bskyur ba ni/ 'jam mgon bstan ba'i srog shing mtshungs
zla ma mchis pa dkyil 'khor rgya mtsho'i mnga' bdag dpal ldan bla
ma dam pa tshul khrims bstan pa'i nyi ma dpal bzang po 'di nyid
yin la/ mgon po 'di nyid 'khrungs

pa'i yul ni/ 'jam mgon tsong kha pa chen po sku bltams pa'i gnas
khyad par can mkhas grub bye ba'i rol mtsho chos sde chen po sku
'bum byams pa gling gi nub phyogs ha cang mi ring ba'i yul mtsho
sngon gyi sa'i char/ dge mtshan

du mas mngon par spras shing phyogs kun nas ri dang brag sogs
gus ba'i tshul gyis mngon par 'dud pa'i rnam pa can gyi dbus ri
chen po um tsos e bo zhes 'bod pa/ gzhi bdag dkar phyogs
skyong ba'i lha mthu rtsal can

gnas shing/ g.yas g.yon nas mu tu zer ba'i lung pa gnyis kyi
gshar chu ri de'i mdun du 'dres nas yon chab kyi tshul du 'khyil
ba sogs dpal 'byor 'du ba'i sa dpyad can gyi gnas khyad par can
zhig yin par snang/ gdung

brgyud ni/ badzra pANi'i sprul pa'i rgyal po zhig /ces sogs
gter gzhung du ma dang/ 'jam dpal rtsa rgyud las/ yi ge ha ming
slar log nas/ /kla klo'i rgyal pos rab tu mchod/ /yi ge ha bya
dge dang ldan/ /zhes gsungs te/

@010b os lod rnams ke ken han zhes zer la/ yongs grags kau shi
han zhes zer ba'i mtshan sgra dang ri bo dga' ldan pa'i sbyin
bdag gi rtsa bar 'gyur bar lung bstan la/ rgyal brgyud rnams
kyang chab srid yar ldan gyi rten 'brel ma 'chug pa'i

ring la zhwa ser gyi sbyin bdag thun mong ma yin par gyur pa'i
gdung brgyud kyi dpon khag du ma mchis pa las/ bstan pa'i sbyin
bdag sa skyong mi dbang dam pa wang dkon mchog bkra shis kyi
chab 'og tu gtogs pa ta le'i hung the ji zer

ba'i skye rgyud yin zhing/ gso rig rgyud bzhi'i srol 'byed chen
po g.yu thog yon tan mgon po gnyis pa dar mo sman ram pa'ang
gdung brgyud 'di nyid yin par grags so/ /rigs phun sum tshogs pa
ni rnam smin gyi yon tan brgyad kyi gtso

bo zhig yin bas/ mdo las/ ya rabs rigs ldan gus shing bag yod
spyod/ /ngang tshul bzang la gtsang zhing des par 'gyur/ /zhes
yon tan du ma gsungs shing/ rgyan las kyang/ rigs dang rus dang
cho 'brang dang/ /zhes

sa'i yongs sbyong gi skabs su gsungs so/ /sman mdo brgyad brgya
par/ rgyal rigs shing sA la chen po lta bu'i khyim dag tu skye
bar 'gyur/ bram ze shing sA la chen po lta bu'i khyim dag tu
skye bar 'gyur/ khyim bdag shing sA la chen po lta bu'i khyim
dang

nor dang/ 'bru dang/ mdzod dang/ bang ba mang po 'byor pa'i
khyim du skye bar 'gyur/ zhes rigs bzang ba'i steng du 'byor pa
che ba la bsngags pa ni sbyin pa'i rgyu dang 'bras bu'i dbang du
byas pa yin la/ pang nas skyes dang nye rgyal

@011a @#/ /gyi byung ba'i thad kyi 'dul ba lung las/ ha cang
phyug po'i khyim dang ni/ /dbul po'i khyim du mi skye bar/ /bar
ma'i khyim du skye 'gyur zhing/ /rtag tu rab byung mang bar shog
/ces bsngags pa rab tu 'byung slab

dang tshul khrims kyi dbang du byas pa yin zhing/ 'di ni gnyis po
gang gi dbang du byas kyang chog pa zhig go /yab bsod nams dar
rgyas zer ba rang bzhin bzang ba/ bla ma mchog gsum la dad gus
che zhing tha na lhan pa ser po yan chad la

skyabs kyi 'du shes 'dzin pa/ snying rje che zhing sbyin gtong
la dga' ba/ kha ton dge sbyor dang phyag skor sogs dam ba'i lha
chos sgrub pa la gzhol ba/ 'dod chung chog shes bsten cing dus
rtag tu bag dang ldan pa zhig go zhes kun la

grags; yum ni sgrol ma skyid bya ba bud med kyi rten la g.yo
sgyu med cing dad pa dang gtsang sbra che ba/ sgrol dkar ljang
ma Ni sogs kha ton la rgyun du 'bad cing/ nye ring med par kun
la phan ci thogs byed pa zhig go zhes gleng/ yab yum

de gnyis la sras sras mo gsum yod pa'i dang po ni co ne chos rje
blo bzang nyi ma'i sprul sku dang/ gnyis pa ni rje 'di nyid yin
la/ de'ang dam pa 'di nyid lhums su zhugs pa nas ji srid skum
bltams kyi bar du yum gyi lus lhag par bde zhing/

shes rgyud sngar las je 'jam je gsal du 'gro ba dang/ rmi lam
dang nyams snang ci rigs par 'ja' tshon shar ba sogs ngo mtshar ba
mang du byung/ lhag par yab kyi rmi lam du rje tsong kha ba'i
gser sku che ba zhig la rang nyid kyis mchod ba phul

@011b nas phyag 'tshal ba dang/ gzhan dge tshul slong mang po gral
bsgrigs nas dung 'bud cing mchod pa'i yo byad sna tshogs kyis
mchod pa byed pa sogs rmi ltas ya mtshan pa sna tshogs byung/ rab
byung bcu gsum pa'i bgrang bya dgu pa bde mchog stod

'grel ltar na na tshod ldan dang/ mahA tsa ni'i yul du yi ha'i
zhes grags shing/ spor thang dang bstun pa shing mo phag gi lor
rgyal phur 'dzom zhing 'phrod sbyor phun sum tshogs ba'i nyin
zhig nyin byed dbang po shar ri'i rtser mngon par

'phags pa dang dus mtshungs par gzhon nu mdangs gsal zhing/ yan
lag dang nying lag rnam par 'byes pa/ skye bo kun gyi mig gi
bdud rtsi lta bu zhig yum la gnod pa med par mngon du bltams so/
/de'ang sku 'khrungs ma thag nas sngon gyi

bag chags bzang po'i mthu nye bar sad de ngu ba dang 'tsheg pa
sogs byis pa'i rgyud pa ring du spangs te/ su mthong yang dgyes
pa'i rnam 'gyur gyis 'dzum pa mdzad pas yul mi rnams bu chung
mthong na dga' ba ang zhes gleng ba byung/ yab

yum gnyis kyis kyang bab la brtags te gzhon nu 'di phal pa zhig
min nges snyam nas dus rgyun gtsang sbra dang/ rnam 'joms byabs
khrus sogs byed du bcug ste bskyed bsrings/ gsung phye ma thag
mi mi zhes zlos pa zhig byung ba skabs der

dpyad ma shes kyang/ rjes nas dpyod ldan rnams de mi nyag pa yin
gsung 'dod par 'dug ces zer ba don la gnas par mngon/ skabs der
sku gong ma'i phyag gnyer mi rtsa sogs dang/ mtsho sngon shog gi
sa skyong dam pa wang dkon

@012a @#/ /mchog bkra shis/ bai zi tshe ring rnam rgyal/ ja sag
sogs dpon khag mang po bcas nas dam pa de'i yang srid la phyogs
kun tu ang nyan byas shing phal cher 'di ba e yin snyam pa'i
dogs pa yod thog

7gong sa rgyal ba yab sras dang 'bras spungs gnas chung sogs la
brtag zhus phul ba'i bka' lan phyir 'byor te gung bsgrigs nas
bltas pas thams cad las dgongs ba gcig gis 'di bar babs/ rnam
'joms byabs khrus

dang sgrol ma rgyun 'don sogs rim gro mang du babs ba'ang gnad
smin bsgrubs te/ dgung lo gsum pa'i skabs su phyag gnyer dang mi
rtsa 'brug rtse sogs zhabs gras pa rnams kyis sku gong ma'i
phyag tu rgyun par bsnams ba'i

'phreng ba dang de dang rigs 'dra'i phreng ba kha shas/ phyag
Dar dang yang de mtshungs kyi Da ma ru kha shas khyer nas ngos
'dzin zhus pas tsham tshom med bar sku gong ma'i phyag phreng ngo
ma de phyag gis 'then nas blangs/ phyag Dar yang ngo

thog gi lung bu 'then nas tab tob ces DA ma ru'i skad kyi rnam
pa dang 'don pa mang po 'don tshul mdzad ba sogs ngos 'dzin yang
'khrul med byung bas grwa slob sbyin bdag thams cad yid ches
lhag par skyes nas rje gong ma de dang

dngos su mjal ba lta bu'i spro dga' tshad med pa rnyed do/ /tshulO
bzang rgyal po'i khrimsO kyis non pa'i yul/ /zhwa ser bstanO
pa'iO sbyin bdag gtsang ma'i rigs/ /bsodX namsX bde skyidX dpal
'dzom shar ri'i rtser/ /

@012b mchog sprul nyiO maO gzhon nu mngon par shar/ /dam pa'i
rang bzhin padmo kha 'bus pas/ /ngo mtshar ltas kyi dri bzang
'thul ba na/ /dge legs sbrang rtsi re ba'i b+hra ma raH/ /rab
dga'i mu cor dri za'i dbyangs su sgrogs/ /de tshe dkar

phyogs skyong ba'i lha rnams kyang/ /nor 'dzin dpal mo'i bcud
kyis bltams so zhes/ /dga' ba'i 'phrin yig springs pa 'og min
na/ /sras bcas rgyal ba mchod pa'i rol mor gyur/ /ces dge ldan
bstan pa'i rtsa lag

mkhas shing grub pa'i dbang phyug rje btsun bla ma dam pa tshul
khrims bstan pa'i nyi ma dpal bzang po'i rnam par thar pa nor
bu'i do shal las sku bltams pa'i tshul gyi dra ba phyed pa ste
dang po'o// //dgung lo

drug pa rnam gnon zhes pa lcags 'brug lo'i ston ga gza' skar
legs pa'i nyin mtsho sngon wang dkon mchog bkra shis/ pai zi rnam
rgyal tshe ring/ ja sag /thu sa lakni sogs dpon khag mang po
dang/ gzhan ho sho'u

so so'i sbyin bdag rnams dang/ sku 'bum byams pa gling nas bla
ma las sne'i rigs/ tsho drug gi rgan pa/ gzhan grwa rgan rnams
dang bcas pas bsu skyel gyi bkod pa rgya chen po dang bcas te
sku 'bum chos sde chen po'i rang sgar du 'jigs

bral gdong lngas bteg pa'i khri 'phang mthon por zhabs pad mngon
par bkod nas bde dga'i dga' ston gsar 'dzum gyi mgo tshugs par
mdzad/ phe kyA shog gi dge ba'i bshes gnyen chen po blo gros
mchog ldan dge rgan du bsten te ka kha

@013a @#/ /dang klog rnams thog mar slob tu bcug pas ring por
mthogs par klog rab tu byang ba byung/ de'i zhar la rgyun gyi
spyod lam/ na bza' mnab tshul/ bzhes pa bzhes lugs/ phebs tshul
bzhugs

tshul sogs chos dang mthun ba'i dang ba 'dren pa dgos tshul yang
yang bslab ste ma mdzangs kyis bu skyong ba bzhin byas pas bshes
gnyen pa de bka' drin shin tu che zhes rje nyid kyis yang dang
yang du gsungs tshul sku 'khor rnams gleng ba ni/ deng

dus sku skyes kyi ming re btags te/ gces phrug gos dar gyis btum
zhing chung dus nas lang shor la btang bas bstan pa'i mig ltos
bslad pa rnams 'gog ched kyi dgongs gzhi zab par snang/ dgung lo
bdun pa khyu mchog ces pa lcags sbul

lo'i sa ga zla ba'i yar ngo'i dus chen gsum 'dzom gyi nyin brtan
mkhas kyi yon tan gnyis dang ldan pa'i gnas brtan 'dul ba 'dzin
pa chen po rje btsun bla ma bum par tshul khrims rgya mtsho'i
drung nas rab byung dang tshigs snga ma dge tshul gyi sdom pa

bzhes pas mtshan la tshul khrims bstan ba'i nyi ma zhes 'dogs par
mdzad/ sku tshe yun ring brtan ba'i rten 'brel du dgongs te bka'
chos kyi thog mar ma cig grub rgyal lugs kyi tshe dbang dang
sgrol dkar yid bzhin 'khor lo'i rjes gnang sogs

bka' drin du stsal/ de nas brtsams te bzhi bcus bsdus ba'i bslab
bya'i bsrung mtshams rnams legs par rtsad bcad de mig gi 'bras bu
bzhin du bsrung bar mdzad do/ /'dul 'dzin chen po tshulO khrimsO
rgya mtsho yis/ /rnam dag chogs

@013b bstan pa'iO sgor bcug ste/ /ston pa nyiO ma'iO gnyen gyi
gdung 'tshob tu/ /dbang bskur thar pa'i rgyal mtshan srid rtser
bsgrengs/ /tshul khrimsO dag kyang rgyal ba'i bstanO pa la/ /thos
dang bsam ba'iO rtsol ba ma brtan na/ /som nyiO rmongs pa'i dri
maO mi

sel bas/ /klog pa thos bsam sbyor ba la zhugs so/ /de nas chos
sbyod kyi rim pa/ smon lam/ gdugs sher sgrol ma sogs dang/ mngon
rtogs rgyan/ dbum 'jug pa/ spyod 'jug /gtor ma brgya rtsa/ kun
rig gi cho ga /'jigs

byed mngon rtogs bskang gso sogs thugs 'dzin gnang ste/ dpe
'dzin sogs kyi zhabs bskul gang zhus dang du bzhes pas dge rgan
thugs mnyes/ rgyun gyi zhal 'don gnang lugs kyang thog mar phyag
mchod kyi rim pa dga' ldan lha brgya

ma; rgyan 'jug /bstod sprin rgya mtsho/ bla mchod/ 'jigs byed lha
bcu gsum ma/ gser zhun ma/ brgya rtsa sogs chag med kyi bkod pa
mdzad pa bzhin nyams su bzhes/ dgung lo dgu pa nyi ma zhes pa
lcags lug lor 'jam mgon rgyal ba

gnyis pa'i gdan sa sku 'bum chos kyi sde chen por mang bskol
sogs kyi dga' ston dang bcas ba'i sgo nas chos grwar zhugs/
bsdus grwa'i rtsi bzhag thugs la gzung ste dge rgyan gyi drung
nas dpe khrid kyang tshul bzhin gnang nas bslab sbyang la brtson

bas chos thog gcig gnyis tsam gyi ring la bsdus grwa'i rtags
gsal legs bar chags/ grwa tshang dge bskos nas bsdus grwa'i chogs
gleng phul ba bzhin tshogs chen gyi dge 'dun 'dus ba rgya mtsho'i
dbus su 'gro gleng mdzad pas/ thal skad dang rnam@014a @#/ /'gyur/ rtsod pa'i spobs
ba/ lung rigs kyi ngar sogs
gzhan las ches khyad bar du 'phags ba zhig byung bas/ dge bshes
rgan gzhon du ma nas sprul sku 'di pa rdo rje 'chang gong ma de
nyid kyi sku

yon ma brjed par 'dug ces gleng ba byung/ lo kha shas kyi ring
bsdus gzhung rnams la tshul bzhin du sbyang ba mthar phyin par
mdzad/ de nas 'dzin grwa gzhung du phebs pa na nya kyA shog gi
dge ba'i bshes gnyen gzhung brgya smra ba'i dbang po

rgyal mtshan dpal 'byor yang bskyar dge rgan du bsten te/ rje
'jam dbyangs bzhad pa'i blo rtags dang/ rgyas ba'i bstan bcos
tshad ma rnam 'grel/ de'i dgongs 'grel rgyal tshab rjes mdzad pa'i
rnam bshad thar lam gsal byed

rnams thugs la bzung zhing/ zhar byung du de'i skor gyi gzhung
'grel sogs la dpe gzigs dang mdzub khrid kyi sgo nas dka' gnas
rnams la ring du 'dris par byas/ mkhas mang 'dus pa'i dbus su
rtsod pa'i brdar sha bcad nas

mtha' chod bar sbyangs shing/ gzhung de rnams kyi tshogs rgyug
kyang 'bul bar mdzad/ phar phyin gyi skabs chos 'byung gi phar
phyin skabs dang po zur bkol bcas dang/ rje 'jam dbyangs bzhad
pa'i phar phyin skabs dang po nas brgyad pa'i bar zur

bkol gsum dang bcas cha tshang/ legs bshad gser 'phreng/ dbu ma'i
skabs ser rje btsun chos kyi rgyal mtshan gyi dbu ma dang rnam
bshad dgongs pa rab gsal/ mdzod la rgyal dbang rin po che'i
mdzod sogs thugs la gzung ste gshar

@014b sbyangs thang lhad? mad pa chu bo'i rgyun bzhin gnang/
dbyar dang ston dus skabs 'gar gshar sbyang gis mtshan phud
ba'ang lan mang po mdzad/ po ti so so'i rtsa ba dang phyogs
gtogs rgya bod kyi gzhung mtha' dag dang gung bsgrig nas gzigs
rtog

mdzad de rtsod pa'i thog tu blo skyed thon pa byas/ dgung lo nyi
shu pa rgyal ba zhes pa shing pho rta'i lor thub bstan yongs
rdzogs kyi mngar bdag rje dag dbang thub bstan dbang phyug dpal
bzang pos mkhan slob sbrags ma mdzad/ kha skong

gi chos rnams tshang ba'i dad pa'i dge 'dun grangs tshang ba'i
dbus su bstan pa'i rtsa ba yongs su rdzogs pa'i dge slong gi
dngos po yang dag par bzhes te/ tshul khrims kyi phung po mtshang
ba med pa'i yid bzhin nor bus thugs kyi bang mdzod phyur

bur gtams/ ltung ba snga lnga so so'i bsrung mtshams zin bar byas
te 'dul ba'i phyag len gyi cha phra mo rnams kyang nyams bzhes
su thebs par gnang/ brgya la rkyen dang nga gis nyes pa phra mo
re'i dogs pa byung tshe 'phral du phyir bcos sogs kyis sbyong

bar mdzad/ 'tsho ba'i yo byad/ lhag pa'i yo byad/ mkho ba'i yo
byad rnams so sor byin gyis rlobs pa dang rnam brtag byas te
'chang lugs zas la byin len bya tshul/ rung chu 'deb lugs tshun
chod kyi 'chas mtshams phra zhing zhib par bsrung

ba nyid sgrub pa nyams len gyi gtso bor gnang ba ni lung gzhi
las/ gang na las kyang yod/ nan tan byed pa'ang yod pa de ni dam
pa'i chos gnas pa zhes bya'o/ /gang na las kyang med/ nan tan
byed pa'ang med pa de ni dam pa'i chos zhig

@015a @#/ /ba zhes bya'o/ /zhes bstan ba gnas mi gnas chos 'dul
ba yod med kyi rjes su 'gro bar gsungs pa sogs bstan ba'i gnad
mkhyen pa'i rnam par thar pa ste rje bla mas kyang/ bstan pa'i
rtsa ba so sor thar

pa la/ /sgrub pa snying por byed par byin gyis rlobs/ /zhes
gsungs pa'i dgongs pa'o/ /de nas dkyil 'khor rgya mtsho'i mnga'
bdag rdo rje 'chang chen po rje chu bzang rin po che'i zhal snga
nas gtsug tor gdugs dkar lha bcu bdun

ma'i dbang byad grol dang bcas pa/ dbal rdo rje 'jigs byed dpa'
bo gcig pa bdud las rnam rgyal gyi dbang bzhi yongs rdzogs dang
bcas pa gsan te/ gsang sngags rdo rje theg pa'i sgor smin par
mdzad/ dbang bka' sogs

thob pa tsam gyis chog shes mi mdzad par dbang dus su khas
blangs pa'i dam tshig dang sdom pa rnam bar dag pa gal che bar
dgongs te rtsa ba dang yan lag gi dam tshig mtha' dag tshul bzhin
du bsrung bar mdzad/ kun mkhyen 'jam dbyangs

bzhad pa'i 'dul ba gzhi stod smad cha tshang bar thugs la gzung
ste rtsod pas sgro 'dogs bcad cing/ gtso bor lag len gyi dbang
du mdzad de dgag sgrub gnang gsum gyi gnad mtha' dag ji lta ba
bzhin du gtan la phab/ yig cha thugs

'dzin gyi skabs nyin re bzhin shog bu mda' tshad ma bdun re tsam
ma chad par thugs la 'dzin thub ces nye gnas rnams dang grwa
thog mnyam pa'i grwa rgan phal cher gyis rgyun par gleng/ skabs
shig mkhas mang 'dus pa rgya mtsho'i

@015b dbus su sgrub pa'i mchod sprin dam par dmigs te tshogs
rgyug lo phyed dang gnyis kyi ring la bar mchad bar phul bas
mtshon snga phyir gzhung chen mo thugs la gzung bde thams cad
sgra dag gsal gsum gyi sgo nas tshogs rgyug 'bul bar mdzad pa ni/
sku'i

gsang ba'i mdo las/ dam chos 'dzin pa'i bsod nams ni/ /sangs
rgyas kun gyis nan tan tu/ /bskal pa bye bar brjod mdzad kyang/
/tha mar phyin par 'gyur ma lags/ /zhes gsungs pa dang/ bu mo
dpal phreng gis zhus pa bzhin dam

chos 'dzin pa'i phan yon gyis thugs phrogs te/ byang chub sems
dpa' rtag tu du gzhon nu nor bzang ltar chos tshol ba la ngoms pa
med pa'i rnam par thar pa thar 'dod kun gyi smon pa'i gnas shig
yin pas snyigs dus kyi skye

sprul mtho dman kun kyang rnam thar 'di dag gi rjes su spyan mig
yar gzigs na/ gzhung chen 'di snyed 'dzin skyor mdzad pa yangO/
/yangO dag don gyi rnam thar zla med deO/ /deO ni 'jam dbyangs
chos rje'i rnam thar nyidO/ /nyidO kyis slar yang

bdag gir mdzad par nges/ /kye maO maO las skyes pas sku skyes
rnams/ /bla maO maO bcos lhun grub yin mod kyang/ /snga maO maO
brjed bzhugs pa tsung dka' bas/ /slob maO maO bslu dang por thos
pa mdzod/ /tshul 'di 'dra la dgongs nas

skyabs mchog thu'u bkan rin po che blo bzang chos kyi nyi ma'i
zhal nas/ deng dus dam pa'i skyes sprul 'di dag ni/ /sngon
sbyangs yon tan snyigs dus gzung dka' bar/ /dgongs nas dag zhing
bcol te sku rkyang gis/ /phyin pa sha stag phyir

@016a @#/ /na thugs las chung/ /khyod ni da lta'i ngang tshul 'dir
dpag na/ /lung rtogs nor la ha cang sred drag pas/ /snga ma'i
dus kyi gsang mdzod god med da/ /bsnams nas byon pa'i ngo mtshar
can du nges/ /zhes

gsungs te 'phral nyams mtshar lta bu la phugs go rgyu chen po
zhig 'dug go /dgung lo nyer gnyis pa gdong ngan zhes pa me sprel
lor gdan sa'i mkhan rin po che dang grwa tshang thun mngons? smon
lam grwa skor gyi mtshan btags phul ba

bzhin dgun chos chen mor grwa tshang rang gi dam bca' dang/ dgung
lo nyer gsum pa gser 'phyang zhes pa me bya'i lo'i cho 'phrul
smon lam gyi dam bca' mdzad de legs bshad gtam gyi dga' ston
spel bas dge ba'i bshes

gnyen mtha' dag shin tu mgu nas bsngags pa'i me tog gis mngon
par mchod par gyur to/ /de nas skyabs mgon rdo rje 'chang chen
po rje btsun dkon mchog 'jigs med dbang po'i zhabs drung nas bde
gsang 'jigs gsum

gyi dbang sta gon dang bcas pa/ 'jigs byed dang bde mchog sngags
btu'i rjes gnang/ bla mchod dang dga' ldan lha brgya ma'i khrid
sogs gsan/ skyabs mgon de nyid nas/ khyed kyis mdo phyogs gsan
sbyong legs po byung

'dug 'tshang rgya ba la mdo sngags ya ma bral ba dgos bas/ da ni
sngags la sbyang pa hur thag cig cis kyang mdzod/ ces bka' nan
cher phebs par brten gsang sngags rig pa 'dzin ba'i 'dus sde
rgyud pa grwa tshang du phebs/ lo kha shas kyi ring

@016b la dpal gsang ba 'dus pa'i bskyed rdzogs dang/ legs par
bshad pa'i rgyal po 'grel pa bzhi sbrags/ rim lnga gsal sgron
sogs la sbyangs bas gsang chen rgyud sde rgya mtsho'i gnad la
nges pa bde blag tu rnyed/ rgyud ba'i chos thog shog la

khebs skabs su grwa rkyang gi lugs bzhin dman cha bzung ste 'dus
sde'i bsgrig lam dang mthun par rang gi bla gos snam sbyar/ sho
ka li/ lhung bzed/ zhwa zlam sogs nyer mkho'i yo byad rnams rang
nyid kyis khur nas phebs pas thams cad ngo mtshar zhing

dpyod ldan rnams rjes su yi rang bar gyur/ rgyud grwa'i rgan
gzhon mtha' dag nas kyang sprul sku rin po che'i na bza' ngas
'khur ngas 'khur zhes hab thob kyis rtsod pa byas pas de mi dgos
gsungs kyang nan gyis 'khyer ba sogs dad gus rmad du byung bas
bkur sti

je cher 'gro ba zhig yod ces ngag rgyun da lta'ang 'dug pa ni
rgyu mthun pa'i 'bras bu ste/ bud bsnyegs thob gsum mam/ dman sa
bzung bas rgyal sa thob pa'i dpe dam pa rnams kyi ngang tshul
rmad du byung ba'o/ /ngang tshul bzang pos 'dus sde'i

bca' khrimsO kun/ /bkur ba'i rnam thar bstanO pa'i mdzes rgyan
te/ /me khyer nyiO ma'iO 'od kyi nga rgyal can/ /snyigs dus cher
rlom rnams la 'phya ba bzhin/ /dgung lo nyer lnga pa sgyur byed
ces pas phag lor baN chen thams cad mkhyen pa chen po rje

btsun blo bzang dpal ldan ye shes dpal bzang po gser gyi rgyal
khab tu chibs kyi kha lo bsgyur ba'i lam zhor du sku 'bum chos
sde chen po 'dir phyag phebs nas dgun gyi ring bzhugs pa'i skabs
lam rim bde lam gyi khrid shin tu zab cing

@017a @#/ /rgyas pa/ mjug tu sems bskyed kyi cho ga dang bcas pa/
rgyan 'jug gnyis/ spyod 'jug sogs kyi lung du ma dang bcas bka'
chos mang du gsan/ gnas lnga rig ba'i dbang phyug dge ba'i

bshes gnyen ngag dbang nyi ma'i spyan sngar 'phags bod kyi skad
rigs sgyur tshul/ sgra dang snyan ngag /ming gi mngon brjod/
rtsis dkar nag sogs la sbyangs bas dka' tsheg med bar mkhyen/
gzur gnas blo dang ldan pa rnams rje mi nyag

rin po che'i sprul sku 'di pa mdo sngags kyi yon tan ma lus pa
rdzogs 'dug pas/ rje rin po che'i bstan pa la phan nges shig
'ong bar 'dug ces dga' ba'i ca co sgrogs pa byung/ dam pa nyid
nas kyang gong smos ltar gyi theg pa chen

po'i dge ba'i bshes gnyen de rnams rigs kyi cod ban du bzhes te
yon tan rnams thugs su chud pas dga' dad spro gsum byi sgo nas
rang gi rtogs pa mgur du bzhes pa ni/ rje bla ma rnams la gus
btud de/ /dus da res thob pa'i dal

'byor la/ /don chen po sgrub pa'i gtam snyan gyi/ /dril chung de
cung zad dkrol bar bya/ /sngon bsags pa'i rnam dkar las kyi
dbang/ /deng dal 'byor tshang ba'i rten bzang thob/ /mchog rgyal
ba'i bstan gyi sgor zhugs nas/ /sdom tshul khrims

yang dag rab tu blangs/ /'di bsam na kho bo skal ldan yin/
/mtshan ldan gyi bshes gnyen legs bsten nas/ /bshad sgrub kyi bya
bar blo gzhol te/ /chung 'bring dang chen po'i rigs lam la/
/gang thub tshod sbyangs pa'i skal ldan yin/ /

@017b gzhung phar phyin dbu ma la sogs pa/ /nang bltas kyis blo
yis gang nus skyor/ /de rnams kyi dam bca'i khur yang bzung/
/chos gtan tshigs rig pa'i bag chags bzhag /de bsam na kho bo
skal ldan yin/ /mchog gsang sngags rig

'dzin 'dus pa yi/ /grwar zhugs te sngags lam la brten nas/
/'tshang rgya bar sla ba'i smon lam btab/ /de tshul bzhin bsam na
bdag skal ldan/ /mchog dam pa'i don de rtogs pa'i phyir/ /tha
snyad ba'i rig gnas kun la yang/ /blos gzhal

tshul tsam gyis sbyang ba'i tshul/ /'di bsam na nyam chung bdag
skal ldan/ /dad gus dang spro ba rnam gsum gyis/ /dus nam yang
bdag yid rab 'gengs shing/ /nyam chung zhing zhi dul chog shes
pa/ /'di mtshan ldan gyi bla ma'i byin rlabs yin/ /'di

bsam na kho bo skal ldan yin/ /mchog dge ba'i bshes kyis rjes
bzung nas/ /mchog dam pa'i mtshan gyis byin brlabs shing/ /mchog
thar pa'i lam bzang ston mdzad pa/ /'di bsam na kho bo mchog
skal ldan/ /skyes sbyangs pa'i rnam dpyod rab

dman kyang/ /mgon dge ba'i bshes kyi drin las ni/ /'chad rtsod
dang rtsom pa'i khur lcib/ /'degs nus pa 'di yang skal ba ldan/
/deng 'khor ba'i gnas su rab lhung yang/ /mchog dge ba'i snying
stobs cher bskyed de/ /blo'i gtad so

chos la bgyis pa 'di/ /dus kun tu bsam na skal ba ldan/ /tshe 'di
yi dal 'byor don ldan gyur/ /tshe phyi mar dge ba'i skal ldan
gyur/ /mchog dge ba'i bshes dang 'bral med gyur/ /mchog rgyal
ba'i go 'phang thob gyur cig /ces rang

@018a @#/ /bstod skal ldan bcu'i glu snyan dbyangs can phang
'gro'i sring mo'i rna ba'i bcud len zhes bya ba 'di'ang bshes
gnyen du ma'i zhabs rdul spyi bos bsten pa'i shAka btsun mi
nyag sku skye shI la shA san su rllas? dad

gdung spro gsum gyi sgo nas sku 'bum du rang lo nyer lnga'i thog
sbyar ba dzayantu/ /zhes gsungs te legs par brtags na don zab la
go bde zhing 'dus che bar snang ngo/ /de nas mtsho sngon shog nas
dad stobs kyi dbang phyug wang dkon mchog

bkra shis kyis mkhas grub bye ba'i gtsug rgyan rje 'jam dbyangs
bzhad pa dkon mchog 'jigs med dbang po'i zhal snga nas gdan
drangs te bka' chos zhus skabs/ wang de nyid kyis rje 'di pa'ang
gdan drangs nas dbang gral la bzhugs su

bcug pas/ rje 'jam dbyangs bzhad pa rin po che'i drung nas ngo
mtshar ba'i rnam thar bco brgyad dam nyi shu dang ldan pa grub
chen mi tra dzo ki la 'phags mchog rgyal ba rgya mtshos dngos su
gnang ba'i mi tra brgya rtsa'i dbang/ slob dpon a b+hyA kA ra

la rdo rje rnal 'byor mas dngos su stsal ba rdo rje 'phreng ba'i
dbang/ dus kyi 'khor lo'i byis pa 'jug pa'i dbang bdun gong ma
gong chen dang bcas pa/ thugs rje chen po bcu gcig zhal gyi
dbang/ gcod nam mkha' sgo 'byed kyi

dbang; 'jigs byed dpa' gcig gi rjes gnang/ chos rgyal phyi nang
gsang gsum dang seng gdong ma'i rjes gnang/ man ngag lhan thabs
kyi lung/ thang sag pa'i 'jigs byed bskyed rdzogs dang dwags
po'i bskyed rdzogs gnyis kyi

@018b lung; 'pho khrid/ tshe dpag grub rgyal ma'i rjes gnang sogs
mdo sngags zab rgyas kyi gdams pa zad mi shes pa'i bka' drin nod
par mdzad/ de nas snga phyir gsan pa'i bka' chos thams cad la
yang bskyar gzigs rtogs

mdzad de dbang rjes gnang sogs kyi sgrub dkyil mngon rtogs/ rjes
gnang gi chings mi 'dra ba sogs gang gi steng nas gnang ba dang
gnang tshul rgyas bsdus kyi phyag len/ de dag la nye bar mkho
ba'i tsaka li thig gdan sogs kyis mtshon gang dgos

pa'i yo byad sla chos su ma song ba'i tshad ldan yang gra sgrig
mdzad/ chu rgyu kha pa rje btsun bstan pa dar rgyas kyi drung
nas mgon po bka' bcu gsum gyi rjes gnang/ rje dge 'dun rgya
mtsho'i yi dam sgrub skor gyi rjes gnang/ lho brag bka' 'bum

gyi lung/ rta mgrin gsang sgrub kyi dbang bzhi yongs su rdzogs
pa/ g.yu thog snying thig gi chos skor dbang chog bde chen
klong yangs kyi steng nas thob pa sogs bka' chos kyi rim pa
mtha' yas pa gsan/ skabs skabs su zla re tsam

la bcad rgya dam po gnang nas yi dam lha'i ljags bsnyen kha
skong gi sbyin sreg dang bcas pa la 'grus par mdzad/ rgyun
du'ang yan lag bdun pa sogs dang thun drug gi rnal 'byor 'jigs
byed bcas la zhal 'don gtso bor mdzad/

de'ang rje nyid dang akyA rin po che rnams gnyis sku 'phreng
snga ma rnams nas bzung da lta'i bar chos dam tshig gi 'brel zab
cing gtsang bar brten/ 'jam mgon bstan pa'i rtsa lag dam pa
akyA rin po che 7'jam dbyangs gong ma'i@019a @#/ /bka' bzhin pho brang du nye
bar 'byon dgos pas rje
nyid la nyer mkho'i rjes gnang lung khrid mang po zhus pa rnams
thugs kyi bzhed pa bzhin gnang/ mdo sngags kyi bka' gnas rnams
la dri ba mang du zhu bar yang

dogs lan nor 'khrul med par rje yab sras kyi gsungs la khungs
gtugs te zhib rgyas su phul nas bzhed pa'i yol go phyur bur
bkang/ A kyA rin po che sku 'bum nas pho brang du phebs nyin
nyid dang mjal phrad gnang ste skyabs 'jug zhus

skabs kyang zhal nas/ khyed kyi sku gong ma de nyid byang chub
kyi thugs 'byongs shing sku yon yang shin tu zab la bstan 'gror
phan pa tshad las 'das pa zhig yin/ khyad par nged rang la bka'
drin shin tu che/ da lam khyed nyid kyang mkhyen

rgya yangs shing rgyal ba'i gsung rab la thos bsam sogs kyis
sgro 'dogs chod pa 'di gzhir byas nas/ da dung smad phyogs su
phebs na'ang lugs gnyis kyi sku don rgya chen po 'ong yang gtso
bor gzhung lugs thams cad

gdams par shar ba'i nyams len dang gar phebs kyi sar 'jam mgon
bla ma'i mdo sngags kyi ring lugs spel ba'i thabs mkhas gang
cher gnang ba dang/ dad ldan skye bo mchog dman mtha' dag la/
gang la gang 'tsham

gyi 'phral phugs su phan pa'i mdzad ba rlabs chen pos dam pa
gong ma'i rnam thar bdag gir bzhes pa gal che/ nged kyis kyang
nyid kyi thugs bzhed ji bzhin 'grub ched du mchog gsum gyi thugs
rje bskul te gsol 'debs dang chos

@019b srung la 'phrin bcol sogs phyed/ ces sogs kyis mtshon zhal
ta mang du gnang/ skabs shig mtsho sngon ching wang bsod nams rdo
rje dang/ bai zi mi 'gyur sogs dpon khag du mas gdan drangs pa
bzhin de phyogs su phebs/ wang

gis zhus ngor sgrol dkar ljang sogs kyi rjes gnang/ sgrol dkar
gyi tshe sgrub sogs gnang zhing phyogs 'dus kyi dad ldan mchog
dman mtha' dag la khrus dbang bka' bsgo sogs 'dod mos bzhin
stsal/ de nas bai zi mi 'gyur gyi

u rger phebs te dpon po'i mos 'dun bzhin sman bla'i lung/ dga'
ldan lha brgya ma'i khrid 'pho khrid sogs dang/ sde 'bangs nas
kyang so so'i 'dod mos kyi bka' chos mang po zhus pa rnams stsal
te dad ldan kun gyi rgyud la thar pa'i

sa bon khyad par can bskrun par mdzad/ slar sku 'bum du phebs te
skyabs mgon dam pa chu bzang rin po che'i drung nas lcang skya
ngag dbang blo bzang chos ldan gyi gsung 'bum/ chos chung brgya
rtsa sogs kyi lung mang po dang/

snar thang brgya rtsa'i rjes gnang/ gdugs dkar gyi dbang legs
ldan mched gsum gyi rjes gnang dang bcas pa/ che dpag grub rgyal
ma'i rjes gnang/ thugs rje chen po dang bka' gdams thig le bcu
drug gi dbang/

'jigs byed sngags btu'i rjes gnang sogs zab cing rgya che ba'i
bka' chos kyi rim pa zla ba gnyis kyi ring la legs par gsan/
chos yon du bdog pa'i mchod sprin gzab rgyas zhus/ de nas khri
ka gser mo ljongs kyi ser skya kun nas

@020a @#/ /gsol ba btab pa bzhin/ de ka'i chos sde thos bsam dar
rgyas gling gi khrir bzhugs/ dgon ba'i bsgrig lam kun spyod kyi
rim ba gong mas ji ltar tshugs pa bzhin cung zad kyang grwa ma
nyams

par bskyangs/ dgon pa rang gi grwa pa rnams dang phyogs nas
kyang ser skya mchog dman du ma lhags pa rnams la dbang lung
rjes gnang sogs lhug bar stsal te zhu mkhan thams cad kyi re ba
skong bar mdzad/ spyir rgyal bstan rin po cher

gus 'dud bkur sti sogs la brtson pa dang/ lhag par rang rang
thad ka'i dge sbyor la 'grus shing dge bcu ci lcog sgrub pa/ yig
drug dang smyung gnas sogs la 'bad na yul phyogs su dge mtshan
'byung zhing/ rang rang so so'i 'di phyi'i

dgos don 'grub pas de dag la 'bad ba gal che tshul sogs so so'i
khams dang 'tsham pa'i zhal ta mdzad nas skye bo mchog dman thams
cad phan bde'i lam la spyar/ nyid kyi thugs rje dang 'phrin las
kyi lcags kyus lus can kun gyi yid rang dbang med par

'phrog pas dgon de nyid la mang 'gyed sogs sngar las ches lhag
pa byung bas/ dge 'dun rnams bshad sgrub yar ldan du song ba'i
zhar la chos sgrub pa'i mthun rkyen yang 'dod dgur 'byor/ 'phral
dang yun gyi legs tshogs lhun gyis grub ste/ sa paNDi tas

dam pa dpon du bskos gyur na/ /don grub ba dang bde skyid 'thob/
/nor bu rgyal mtshan rtser mchod na/ /yul phyogs dge zhes mkhas
rnams sgrogs/ /zhes pa'i ngang tshul mngon du gyur to/ /re zhig
nas de'i khri khur bzhag ste mchod rten mi nyag grwa

@020b tshang bkra shis chos 'phel gling gi bla brang du lo phyed
tsam gyi ring zab lam rdo rje'i rnal 'byor la nyin mtshan 'khor
mo yug tu gzhol te yi dam gyi lha du ma'i ljags bsnyen/ mjug tu
sbyin sreg tshogs 'khor sogs gang rgyas gnang/ de nas sgo

me'i shog gi mchod rten sked ces grags ba'i dgon gyi khrir
bzhugs te chos 'grim pa rnams la rtsi bzhag rgyun par thugs nas
gnang zhing tshig don gnyis kyi rgyug zhib mor bzhes/ 'chad nyan
gyi rting bskul dang bsgrig lam kun spyod sogs

bla ma gong mas btsugs pa'i phyag srol bzhin bskyang bar mdzad/
thams cad spro ba skyes te grwa pa rgan gzhon gang sa nas bslab
sbyang sogs la brtson mkhan kha mig yar lta ba mang du byung bas
bstan pa'i dmigs rkyen la shin tu phan pa byung/

der bzhugs ring dgon pa'i grwa pa rnams dang mchod gzhi'i ser
skya bcas la mdo sngags kyi lung khrid/ dbang rjes gnang sogs
'dod mos bzhin stsal te rgyud smin par mdzad/ khri mthar phyin
nas sku 'bum du phebs/ kun mkhyen chen po rje

'jam dbyangs bzhad pa dkon mchog 'jigs med dbang po'i zhal snga
nas kyi spyan sngar/ lho brag grub chen las kyi rdo rje ni nges
pa'i don du gsang ba'i bdag po dang ngo bo dbyer med kyang/
rgyud brtag pa gnyis par/ 'chad pa po nga chos

kyang nga/ /rang gi tshogs ldan nyan bo nga/ /zhes pa ltar thun
mong gdul bya'i ngo bor de nyid yi dam gyi lhar brten nas rtse
gcig tu bsgrubs pas zhal dngos su bstan te stsal ba'i snyan
brgyud kyi man ngag don dam sems bskyed kyi rjes gnang

@021a @#/ /ngam ston pa nye sras dang bcas pa'i rjes gnang/ tshe
dpag med dang rnam 'joms kyi dbang/ phyag rdor sku lnga'i rjes
gnang/ phyag rdor sems dpa' sum brtsegs kyi rjes gnang/ phyag
rdor bdud rtsi thigs

pa; phyag rdor gtum po me 'bar drag po/ drag po sum dril sogs
snyan brgyud kyi dbang dang rjes gnang cha tshang ba/ phyag rdor
'khor chen gyi dbang dang mi 'khrugs pa lha dgu'i dbang/ sgrub
thabs rin 'byung gi rjes gnang rigs

gtad sgom lung sogs bsdoms pa sum brgya dang gcig /de'i gzhung
gi lung dang bcas pa/ mkhas grub rin po che'i gsung thor bu'i
lung/ dmigs brtse ma'i las tshogs kyi lung/ rgyan 'jug gnyis kyi
lung/ sgrol dkar

ljang bla med rdor sems/ seng gdong ma gtso 'khor gsum/ 'jam
dpal nA ga raksha /'jam dkar/ rnam sras/ mgon dkar/ phyag rdor
gos sngon can sogs kyi rjes gnang/ nA ro mkha' spyod ma'i dbang
sogs dang/

gzhan yang lung khrid man ngag zhal shes kyi rigs mtha' yas pa
gsan te/ ded dpon nor bu'i gling du son pa bzhin thugs rgyud zab
rgyas kyi gdams bas phyug par mdzad/ de nas yang phal cher bcad
rgya mdzad nas yi dam gyi lha de rnams kyi

bsnyen pa dang/ kha skong sbyin sreg sogs kyang rgyas par gnang
ste gsan pa'i dgos don phyag len du thebs par mdzad/ de'i bar
mtshams rnams su phyogs so so nas yong ba'i mchog dman don gnyer
can rnams 'dod chos kyis tshim par byas shing/

@021b las kyi chog rnam par dag pa'i sgo nas bsgrub bya nyis
brgya lhag la dge bsnyen/ dge tshul/ dge slong gi sdom pa sogs
stsal te thar pa'i sa bon grung po 'debs par mdzad/ wang bsod
nams rdo rjes/ rje 'jam dbyangs bzhad pa rin po cher dus 'khor
gyi dbang

zhus skabs der phebs te dus 'khor gyi dbang dang/ lha mo shra ma
Na/ rta mgrin gsang sgrub/ mi g.yo ba dkar bo/ ma ti lugs kyi
'jam dkar/ khro bo sme brtsegs/ lha mo/ klu dbang rgyal po/
phyag rdor gtum chung/ sor 'brang/

gtsug tor rnam rgyal lha dgu /lo ma gyon ma sogs lhag lha mang
bo'i rjes gnang/ rdo rje phag mo shes rab gsal byed ma'i sgrub
thabs kyi lung/ mgon po'i bskang bshags kyi lung/ gso dpyad
rgyud bzhi'i lung/ 'jam dbyangs chos skor gyi

lung dang de las gsungs pa'i rjes gnang gi rim pa phal cher/
bsnyung gnas cho ga'i lung/ 'dul ba rgya mtsho'i snying po/ dge
slong gi bslab bya/ sngags byang sems kyi bslab bya/ sgrol dkar
mngon rtogs dang de'i sbyin sreg /mkha' spyod ma'i

mngon rtogs/ dam can mngon rtogs/ bde gsang gnyis kyi rgyud/
dwags po bskyed rim/ 'jam dkar sbyin sreg /'jam dbyangs dmar ser
gyi mngon rtogs/ bcu gcig zhal gyi mngon rtogs sogs kyi lung
dang gzhan bka' chos kyi rim pa

thor bu'ang mtha' yas gsan/ de nas sku 'bum du phebs te slar
yang rje de nyid kyi zhabs drung nas nyid kyi gsung 'bum gyi
skor dang/ gzhan 'pho khrid sogs khrid 'ga' zhig /lam rim gyi
khrid sogs bka' chos kyi rim pa spyi sger la gang gnang ba

@022a @#/ /thams cad la ma lus par phebs te gsan/ res 'ga' gzhan
gyis zhus pa ma gsan par lus pa'i tshe/ rje 'jam dbyangs bzhad pa
rin po ches gzigs pa che bzhes kyis 'di pa bos nas bzhugs su

bcug pas bka' drin shin tu che ba byung tshul dam pa nyid nas
kyang yang yang gsung tshul rgyus yod rnams gleng/ rje btsun bla
ma dam pa sku zhabs thu'u bkwan rin po che'i spyan sngar rje de
nyid kyi gsung 'bum skor po ti bdun lhag dang/ gzhan

chos tshan mang po'i lung gsan/ rgyar rtsang sgom chen rin po che
blo bzang rgyal mtshan gyi drung nas kyang lam rim gyi khrid dang
lung kha shas gsan/ sgom chen rin po che dang rje 'di pa gnyis
zhabs thang la mar tshang bla chen du mjal bar

phebs; rten la mchod pa gang rgyas phul te nyin kha shas kyi
ring bzhugs nas skyabs sems/ thun drug gi rnal 'byor yan lag
bdun ba/ spyan 'dren khrus gsol/ bstan pa rgyas pa'i thugs smon
sogs nan tan gnad du smin ba mdzad/ phyag

skor yang grangs tshad long nges byas/ de ltar dge ba'i bshes
gnyen du ma dang/ khyad par rje 'jam dbyangs bzhad pa rin po
che/ rje chu bzang rin po che/ chu rgyu kha ba rin po che sogs
rigs kyi cod pan du bzhes te mdo sngags kyi gsan sbyongs rgya
cher

mdzad pas mdo sngags rig gnas/ dbang lung khrid man ngag sogs
gdams ba zad mi shes pa'i gter du gyur cing 'phrin las kyi sgo
brgya phye nas phan tshun gyi dgon sde du mar 'dzin skyong dang
chos kyi mchod sbyin 'dod dgur stsal ba'i grags snyan gyi

@022b rda sgras phyogs kun tu khyab par gyur te/ /bshes gnyen
gangs kyi ri po'i 'phreng ba las/ /dal 'bab chos kyi klung brgya
chabs gcig tu/ /'khyil ba'i gdams pa mi zad chu bo'i gter/ /thar
'dod ngang pa'i rol gnas gcig bur gyur/ /

tshul mthun bag yod khrimsM ldan 'dus sde sogs/ /dad ldan gdul
bya'i bsod nams mkha' dbyings nas/ /zab rgyas gdams pa'i 'od zer
'bum 'gyed pa/ /bshes gnyen bstan pa'iM nyiM maM 'od po che/
/phyogs kyi 'khor lo'i gling dang gling phran

du; /gang 'tsham chos kyi snang ba'i mchog byin te/ /slar yang
sku 'bum chos sde padma'i mtshor/ /'phrin las gser zhun khub bcud
du 'khyil/ /zhes dge ldan bstan ba'i rtsa lag mkhas shing grub
pa'i dbang phyug rje btsun bla ma dam pa tshul khrims bstan

pa'i nyi ma dpal bzang po'i rnam par thar pa nor bu'i do shal
las bstan pa'i sgor zhugs shing mang du thos pa rgya cher btsal
ba'i tshul gyi dra bste gnyis ba'o// //dgung lo so gnyis pa zil
gnon zhes pa me pho rta'i lor sku 'bum sman

ba grwa tshang gi khrir bzhugs/ grwa tshang rang gi 'chad nyan la
rting bskul/ lam rim sogs bka' chos kyi rim pa/ chos thog skabs
kyi brtsi bzhag rnams chag med du stsal/ dus bzang so sor yang
chag med phebs shing 'don pa'i dal brel dbyangs rta

sogs bsgrig lam gyi rim ba mtha' dag la zhi drag gang 'os kyi do
dam gang drag dang tshogs gtam bslab bya dang 'brel ba legs nyes
skyon yon gyi shan phyed pa'i rgyu mtshan yid la 'bab nges bcas
skyong la med par yang yang gnang/ grwa ba chos

@023a @#/ /'grim pa rnams la thad ka thad ka'i yig cha'i rgyug
blangs te 'chad nyan la 'grus par mdzad pas kun gyis gsung dang
blang gis thos bsam sogs la 'bad pa lhur blangs pas chos thog re
re las re rer skyed thon te 'chad

nyan yar tshes kyi zla ba ltar 'phel/ grwa tshang 'dir lo re bzhin
dbyar chos kyi skabs kun rig gi sgrub mchod ras bris kyi dkyil
'khor steng nas gnang gin yod pas de la rdul tshon gyi dkyil
'khor bzhengs rgyu zhig tshugs na snyam pa'i thugs bzhed yod

pa'i thog /rje 'jam dbyangs bzhad ba rin po che nas skabs la bab
par gzigs te rje 'di par khyed kyis khri khur 'dzin bzhin pa'i
thog rdul tshon gyi dkyil 'khor bzhengs rgyu'i rgyun 'dzug thub
na bstan pa'i zhabs 'degs la shin tu phan

nges pas myur du btsug na legs gsung pa'i bka' stsal me tog gi
'phreng ba spyi bor bcings te rdul tshon gyi dkyil 'khor phyag
len rnams rgyud sde'i dgongs ba dang mthun par cha lag tshang ma
btsugs te sgrub mchod mdzad pas dge 'dun gyi chos

kyi 'phrin las rgyas pa'i rten 'brel ngo mtshar ba'i mtshan ma
mang du byung/ de'ang grub chen dril bu pas/ ri mor bris pa'i
las dang ni/ /thig las tshon dgye'i rim pa dang/ /'gro ba 'di dag
rang bzhin gyi/ /grub pa'i dkyil 'khor gnyis

med pa'o/ /bcos ma gnyis kyi ngo bo gang/ /de ni gdul bya'i
dbang las 'dod/ /ces ma bcos pa lus dkyil so ??? bcos ma'i dkyil
'khor dgos pa dang/ de'ang ri mor bris ba zhes ras bris dang/
thig las tshon dkye

@023b zhes rdul tshon gnyis su phye ba gdul bya'i dbang gis yin
par gsungs la/ de yin tshul ni rdo rje mkha' 'gro las/ dkyil
'khor la sogs las gang ni/ /bcos ma'i sems kyis gang byed pa/
phyi rol las rnams gsal byed pas/

dang po'i las can rnams la bsngags/ /zhes gsungs te rang gis
bsgom ba la dkyil 'khor gyi mtshan nyid shes dgos shing/ rdo rje
slob dpon byed pa la de nyid bcu'i nang du/ dkyil 'khor bri ba'i
las la mkhas/ /zhes nan

tan tu gsungs pa dang/ rdul tshon gyi phye ma'i grangs snyed kyi
bsod nams tshad med thob pas slob ma'i tshogs rdzogs tshang che ba
sogs rdul tshon gyi srol btsugs pa 'di la dgongs gzhi dang/ dgos
pa bsam las 'das pa zhig yod snang ste/ dbang

don de nyid rab gsal las/ a b+hya kA ra la sogs bas ras bris
kyi dkyil 'khor gyi cho ga'ang bshad pas thog ma'i dbang la
de'ang rung mod kyang slob dpon gyi mtshan nyid du dkyil 'khor
bri ba'i las la mkhas ba mang du gsungs shing/

slob ma'i ngos nas dkyil 'khor gyi phyogs su zang zing gtong
ba'i sgo mang la des kyang rgyud snod rung du sgrub ba la khyad
bar shin tu che bas/ rgyud dang grub chen gyi gzhung rnams nas
rdul tshon gyi cho ga bsngags pas 'di ni gtso bo'o/ /zhes gsungs
pa

ltar re/ /rgyal ba'i dam chos 'dzin pa'i thugs bskyed smon lam
grub ba'i dbang gis dus de nas bzung da lta'i bar la rdul tshon
gyi dkyil 'khor bzhengs pa'i phyag len mtha' dag mnyams par dar
rgyas su bzhugs so/ /dam pa nyid nas@024a @#/ /tshad ldan skyes chen du ma'i zhabs
la bsten te gsan
rgya che ba chos kyi mdzod lta bur bzhugs pa'i dbang gis phyogs
mtha' dag nas bla ma dge ba'i bshas gnyen/ dpon po che chung ser
skya drag zhan mtha' yas pa

padma'i tshal la bung ba bzhin du 'dus nas bka' chos gang dgos
zhus pa rnams la so so'i 'dod mos bzhin chos kyi char phab/
dgung lo so lnga bas byi'i lor skyabs mgon thams cad gzigs pa
chen po rje btsun 'jam dbyangs bzhad

ba'i rdo rje'i spyan sngar khams gsum chos kyi rgyal po tsong
kha pa chen po'i bka' 'bum yongs rdzogs kyi lung rje thu'u bkwan
rin po che nas zhus te khong dang 'di ba rnam gnyis kyis gtsos
grwa slob thun mong nas gsan skabs der/ ston ba dang 'khor

dang gnas dus sogs phun sum tshogs pa lnga ldan du gyur pas spro
dga' dang skyo shas spel ma'i nyams kyis thugs g.yos te/ skyabs
mgon thu'u bkwan rin po che dang rje 'di pa gnyis kyis slob dpon
dpa' bo dang phyogs glang gi spel mar bstod pa'i lugs bzhin

gsung sbrags nas smon tshig nyams mgur du bzhes pa rje 'dis phyag
bris su mdzad pa ni/ !rje thu'u bkwan rin po che'i gsung padma
kho dri bsung che dang gcig /bung ba rnams mang ra dad che dang
gnyis/ /dus tshod de dbyar la sleb dang gsum//

de gsum po 'dzom pa'i dus tshod na/ /rkang drug kun tshogs pa chos
nyid yin/ /sbrang rtsi yi dga' ston rgyas gyur cig /bla ma rje
byin rlabs che dang gcig /slob ma rnams dad pa bzang dang gnyis/
/las smon gyi dus la sleb dang gsum/ /de gsum po

@024b 'dzom pa'i dus tshod na/ /skal ldan kun tshogs pa chos nyid
yin/ /dam chos kyi dga' ston rgyas gyur cig /slob bu mi nyag
zhabs drung gis/ spyir rgyal ba'i bstan la mjal dang gcig /sogs
nang bltas shes rgyud drang dang gnyis/ /mgon dge ba'i

bshes gnyen bsten dang gsum/ /de gsum po 'dzom pa'i dus tshod na/
/legs lam kun grub pa chos nyid yin/ /skye kun tu chos la spyod
gyur cig /mchog mkhas btsun bzang po'i rnam par thar/ /sogs
bstan pa'i gnad du legs rtogs

te; /yid dma' pa'i mal du bag pheb pa'i/ /skal bzang po rtag tu
'dzom gyur na/ /las gang smon grub pa chos nyid yin/ /dgra gnyen
gyis bslu ba med gyur cig /rje thu'u bkwan rin po che'i gsung/
dgung sngon gyi nam mkha' drangs dang gcig /

khri gdugs kyi nyi ma shar dang gnyis/ /'od zer gyis phyogs kun
gsal dang gsum/ /de gsum po 'dzom pa'i dus tshod na/ /mun pa la
mi sangs rang dbang med/ /snang ba la phyogs kun spyod gyur cig
/bla ma dang dkon mchog mthu dang gcig/ /

rang cag gi lhag bsam stobs dang gnyis/ /'gyur med kyi chos
dbyings bden pa gsum/ /de gsum po gcig tu tshogs gyur na/ /gang
smon la mi 'grub rang dbang med/ /bkra shis kyi dge mtshan rgyas
gyur cig /slob bu mi nyag zhabs drung gis/ tshul de

lta'i smon tshig 'od stong can/ /bdag dga' dad spro ba'i rta bdun
gyis/ /las mkha' dbyings dag par nyer drangs te/ /lam bzang po'i
nyin mo rtsom pha yis/ /mchog dge legs dpal dang ldan gyur cig
/ces pa 'di ni sa bya lor skyabs

@025a @#/ /mgon dam pa 'jam dbyangs bzhad pa'i drung nas/ rje rin
po che'i bka' 'bum gyi lung grwa slob thun mong nas gsan dus
phun sum tshogs pa lnga ldan du gyur tshul gyis yid drangs te/
mtshungs bral thu'u bkwan

rin po che nas mgo brtsams/ nyam chung mi nyag sku skyes kyis
mtshams sbyar te dge legs kyi bya ba 'dis thog drangs nas bskal
ba'i bar du bla slob chos dang 'brel ba'i rgyun lha chu'i tshul
ltar gnas pa'i rten 'byung gi smon tshig tu bgyis pa'o//

zhes gsungs/ de skabs skyabs mgon mchog nas zhing khams gzhan du
dgongs pa gtang par nye ba'i dbang gis dus rgyun dang mi 'dra
bar bu slob rnams la bstan pa'i khur bzhes dgos tshul yang yang
gsungs shing/ lhag par nyin

gcig rje 'di nyid gcig pur mdun du byon pa'i tshe/ 'o/ deng sang
sangs rgyas kyi bstan pa 'di shin tu nyams dmas 'dug /chos rgyun
thams cad kyang nyag je phrar 'gro gi 'dug kyang sus nyams mi
'jog par snang/ khyed kyis thugs stobs

bskyed nas bla ma dge ba'i bshes gnyen rnams kyi spyan sngar
dbang lung khrid rjes gnang sogs gang thob pa thams cad dang/
ngos kyi rtsa nas kyang mdo sngags kyi chos mang du thob yod pas
spel gang thub kyis ngas bshad pa don ldan

du 'gyur ba zhig mdzad dgos/ lhag par da lan brel ba che bzhag
chung bzhag gis brtson pa bskyed nas rje bla ma'i bka' 'bum gyi
lung phul ba 'di brgyud pa khungs dag cing btsun pa yin/ chos
bdag por 'phrod pa yin pas

@025b thugs la bcings te phyogs mtha' dag nas don gnyer ba mang
po byung na khyed nyid nas dka' tshegs med par spel ci thub gyis/
'jam mgon bla ma'i bstan pa sprin bar gyi nyi ma lta bu 'di
thabs sna tshogs kyi sgo nas dar rgyas su 'gro ba'i thugs stobs

cher bskyed dgos zhes sogs phyi nang gsang ba'i gsung gi lung
bstan mang du gnang/ lung gsan mkhan gyi khrod de nas rgyun mang
du spel mkhan nyid lta bu ma byung ba 'og tu gsal bas gsung
de'ang 'byung 'gyur mngon sum du gzigs pa'i

'bras rtags su snang ngo/ /de'i skabs su rje 'jam dbyangs bzhad
pa rin po ches 'di par khyed lo kha shas kyi ring la nga'i dgon
pa bkra shis 'khyil du phebs nas bzhugs dgos tshul mang du gsungs
te dgongs gzhi khyad par can zhig yod

par snang/ yang khyed kyi sku gong mas mdzad pa'i skyes rabs kyi
'grel pa rtsom 'phro ma de ha cang 'gang che bas/ 'phro 'di
khyed la skal bar bzhag pa lta bu yin pas mjug rdzogs pa zhig
byung na legs gsung/ gzhan sprul sku che phra du ma dang/ dbang

phyogs kyi tA ra'i gang ga'i mer gan baNDi ta bla ma sogs mang
pos kyang rtsom 'phro bskul ma mdzad 'dug kyang dus la ma sleb
pa lta bus gnang rgyur ma song snang/ sman pa bla ma mdzad mkhan
phal cher mdo sngags kyi sku yon bzang yang sman la

'dris chung bas lam rim sogs chos bka' spyi 'gro tsam las mi
'ong la/ rje nyid gso rig la'ang mkhyen pa rgyas par grwa khrod
nas sman gyi lag len gsha' ma slob 'dod pa rnams la so so'i blo
dang 'tsham par tshe'i rig byed kyi gnad

@026a @#/ /mtha' dag gnas drug tu bsdus te ston pa dpa' bo'i yan
lag brgyad pa dang/ dpal ldan rgyud bzhi rtsa 'grel gsum sogs
sman gyi gzhung che ba rnams dang/ cha lag bco brgyad/ nyams yig
/bye ba ring

bsrel/ lag len bdud rtsi'i bum ba che chung sogs gzhung mang po
gung bsgrigs te dogs slong dang dmar khrid lag len du 'deb tshul
gyi blo skyed mang du gnang bas phan thogs bla na med pa byung/
de ltar chos srid zung 'brel gyi 'dzin skyong

gzhan 'gran med pa'i ngang nas lo drug gi rim par gso rig grwa
tshang gi bya ba gang rgyas mdzad de/ dgung lo so bdun pa 'gal
byed ces pa lcags phag lor khri'i dgongs pa zhus nas zur bzhugs
mdzad/ cha har shog gi dar han rab 'byams pa

ngag dbang chos dar gyis gtsos ser skya nyi shu lhag gis/ 'jam
dkar/ dzaM b+ha la/ thugs rje chen po phyag bzhi pa'i rjes gnang
zhus pa bzhin stsal/ rab 'byams pa de'i mos 'dun ltar bstan
srung 'ga' zhig la mchod gtor

'bul tshul dngos grub gter mdzod ces bya ba'ang ljags rtsom
gnang/ grong pa'i skye bo 'ga' zhig la bsnyen gnas dang/ bsgrub
bya du mar dge tshul slong gi sdom pa stsal/ la kyA zhabs drung
ngo g.yog nas gsol ba rtse gcig tu btab ste

rje rin po che'i gsung 'bum gyi lung zhus pa ltar khong dpon
g.yog dang gdan sa'i dge ba'i bshes gnyen mang po gzhan ser
skya sum brgya lhag tsam dang bcas la ljags lung cha tshang bar
stsal/ de nas chos kyi rje don grub rin po che'i gdan sa bya

@026b khyung dgon par phebs/ bla grwa thun mong nas tshogs chen
gyi chos khrir gdan drangs nas gsol ba btab ba bzhin 'dus tshogs
yongs la/ lam gyi gtso bo rnam gsum gyi khrid mdo rgyud bstan
bcos kyi lung gi khungs dang bcas pa shin tu rgyas pa zhig

stsal; chos sder mang 'gyed kyi bsnyen bkur zhus shing/ nang
rten sogs la mchod 'bul gya nom ba dang bcas skyabs sems thun
drug gi rnal 'byor sogs dang spyan 'dren khrus gsol/ bstan ba
rgyas pa'i smon lam sogs spyan dmigs nan tan

gyi sgo nas gang rgyas mdzad/ der yun ring por bcad rgya gang
dam gnang nas yi dam lha'i ljags bsnyen dang gtso bor bsag
sbyang la 'grus par mdzad/ dgung lo so dgu pa bra mA dI zhas
pa chu glang gnam lo gsar bzhad kyi zla ba dang po'i tshes bcu

gnyis kyi nyin sku 'bum chos sde chen por dpal ldan smad rgyud
grwa tshang gi seng khrir bzhugs/ de skabs mtsho sngon gyi ching
wang bsod nams rdo rje dang pai zi mi 'gyur sogs che drag mang
so/ smad phyogs kyi spyin bdag che phra du ma/ khri ka'i

phyogs nas ser skya brgya phrag lhag bcas kyis spos 'dren khri
dar dngos 'bul sogs bteg nas khri khar gdan drangs te rten 'brel
gang legs bsgrigs/ rgyud grwa'i 'dus tshogs su bka' chos stsal
cing mang 'gyed kyi bsnyen bkur

dang/ tshogs chen gyi dge 'dun sum stong brgya phrag drug lhag
la'ang mang 'gyed sogs rgya cher phul/ de nas lo re bzhin grwa
tshang rang gi thun mong ma yin pa'i sgrig lam bzhin bla ma rgyud
mchod sngon du 'gro ba'i sgo nas rgyud thams

@027a @#/ /cad kyi rgyal po dbal gsang ba 'dus pa'i rtsa rgyud
kyi dgongs don mtha' drug tshul bzhis rgyas btab ba'i gnad rnams
bshad rgyud chen po drug gi sgo nas legs par bshad pa'i lam srol
chen po dpal ldan zla

ba'i 'grel pa sgron gsal dang bcas pa/ rje rin po ches mdzad
pa'i bsdus don/ zur mchan/ dkyus mchan/ mtha' dpyod rnams sbrags
nas gtan la 'bebs pa'i bshad rgyun dri ma med pa 'jam mgon tsong
kha ba chen po

nas rim par brgyud pa dpal ldan smad rgyud pa'i srol ji lta ba
bzhin la/ rje'i gsung rab gzhan rnams dang rgya bod kyi mkhas pa
du ma'i gzhung khungs thub mang po gung bsgrigs pa'i bshad pa
dang/ dka' ba'i gnas mtha'

dag la dgag gzhag bskyangs te dogs pa'i mtha' chod nges su mdzad
pas/ dge ba'i bshes gnyen rnams rgyud sde rgya mtsho'i yang
snying gsang ba bla na med pa'i bdud rtsis ngoms par gyur te/
rgyud don lam gyi rim par bsgrig tshul gyi

gnad la nges pa gting tshugs pa byung/ mtha' drug tshul bzhis
rgyas btab rgyud don bshad rgyud kyis dgrol bka' khriMs bzhin/
/gsang chen bstanO pa'iO snying po gsal byed dpal ldan zla pa
grags pa'i gzhung/ /gnam laO nyi zla rnam

gnyis sa la gsal ba gnyis zhes grags pa las/ /sgron ma rab tu
gsal ba'i dgongs don yid bzhin nor bu'i gter mdzod phyes/ /gzhan
la'ang phyin ci ma log par 'chad thub pa'i dge bshes mang du
thon pas bstod bsngags kyi rol mo

@027b skal bzang rna ba'i rgyan du gyur/ su nyid phyogs nas
'ongs pa mkhyen dpyod yangs pa zhabs drung skal bzang bstan pa'i
sgron mes zhus ngor 'jigs byed kyi dbang dang thugs rje chen
po'i dbang sta gon bcas tshe dpag med grub rgyal ma'i rjes gnang/
sgrol ma'i rjes

gnang/ gsang 'dus rtsa rgyud kyi lung/ lam rim gyi khrid/ sman
chog rgyas bsdus kyi lung sogs bka' chos du ma stsal/ kho rang
gi 'dod mos bzhin lam rim gyi dmigs rnam cha tshang bar skyong
tshul dang 'brel ba'i gsol 'debs mgur

dbyangs su byas pa zhig ljags rtsom mdzad/ dge bsnyen gyi sngom
pa zhu ba 'ga' zhig byung ba'i 'dun pa bskangs/ tshogs chen gyi
smon lam gsung chos sogs la chag med du phebs te bstan pa rgyas
pa'i thugs smon gang legs mdzad cing bdag gzhan gnyis

char gyi dge ba rdzogs byang du bsngo ba gnang/ dgon pa'i nang
dang phyogs gzhan nas 'ong ba'i bsgrub bya brgya dang lnga bcu
lhag la dge tshul slong gi sdom pa phog ste lhag pa tshul khrims
kyi bslab pa'i bdud rtsis yid kyi bum bzang gang bar mdzad/ chos

mtshams phal cher bcad rgyar bzhugs nas yid ma lha du ma'i ljags
bsnyen mdzad/ rgyud pa grwa tshang nas lo re bzhin zla zad skabs
bstan pa spyi'i rim gror dmigs nas chos rgyal lcags mkhar zur
dgu pa dang bcu drug pa gnyis res mos

kyis sgrub srol nyid kyi sku gong ma'i dus btsugs ba mnyams par
gnas bas lo snga phyir gnyi ga'i tshogs dbur bzhugs te sgrub pa
tshad ldan byas nas mjug tu gtor rgyag skabs rgyud pa'i gtor
rgyag dang sbrags te grwa tshang phan tshun gyi gtor ma'ang sdeb
pa'i srol

@028a @#/ /bzhin; rje 'di bas grwa tshang so so'i gtor ma dang
sogs kyi rgyud pa'i zor dang lcags mkhar rim par brdab pa'i tshe
rlung kha phar ldog cing me lce du ma bu dum bur chad nas 'gro
ba sogs zil che ba tsham rnga ma

dkyus dang mi 'dra bar shin tu 'jigs pa byung/ gnam lo gsar tshes
kyi nyin rgyud pa'i bla brang gi srol bzhin dpal ldan 'dod khams
dbang mo'i gtor skyong mnga' gsol sogs phyag len ltar gnang/
smad rgyud grwa tshar gi bla ma dbu mdzad ske rgya zhabs

drung/ dge bskos bka' bcu blo bzang dar rgyas/ bying 'dren shes
rab rig 'dzin/ spyi gnyer rab 'byams pa bstan 'dzin rnams rgyal/
dge slong blo gros mchog ldan/ dge rgan dka' bcu blo bzang bkra
shis/ sngags ram ba

'jigs byed rnam rgyal/ sngags ram pa tshul khrims bzang po sogs
grwa tshang rang gi las sne'i rigs dang/ tshogs chen zhal ngo rab
'byams pa yon tan dar rgyas sogs las sne thun mong nas dpal rdo
rje 'jigs byed kyi gtor

chen lcags mkhar zur bcu drug par nye bar mkho ba'i zhal 'don
gyi rim pa 'ga' zhig dang/ las rim rnams dgos zhes bskul ba
bzhi/ dpal rdo rje 'jigs byed kyi gtor chog 'khrul 'khor gyi
lugs su byas pa lcags mkhar

zur bcu drug ba la nye bar mkho ba'i las rim drag po pho nya
bzhad pa'i sgra dbyangs zhes pa dang/ yang zur dgu pa'i skabs su
nye bar mkho ba'i las rim zhal 'don gyi rim ba 'ga' zhig dang/
kun spyod kyi go rim lag tu blang

@028b bde ba yi ger bkod pa dngos grub kun 'byung zhes bya ba
sogs ljags rtsom mdzad/ grwa tshang gi thun mong ma yin pa'i
bsgrig lam kun spyod kyi rim pa 'ga' zhig cung zad bag yangs su
song yod pa je dam du btang ste/ chos 'dul ba'i dgongs

pa bzhin bca' yig gi steng nas cung zad kyang ma 'das pa dang/
lhag par 'chad nyan gyi rting bskul nan tan mdzad pa la brten
nas grwa ba rgan gzhon mtha' dag 'dun pa je cher song ste/
bskyed rdzogs kyi rim pa blo la gzung zhing rje nyir

la rgyug phul nas khrid sogs zhu mkhan dang/ 'grel pa bzhi
sbrags kyi skor nas dogs gcod zhu mkhan ches mang po byung bas/
so so'i dogs lan zhib mor bkrol bas blo gsal rnams sngon med
legs bshad kyis tshim par gyur te dad

pa'i snyim pa spyi bo'i rgyan du bkod cing bsngags pa'i me tog
gis mchod pa lhur len ba byung bas bsgrig lam 'chad nyan gnyi ga
'gran pa bzhin gong 'phel du gyur to/ /rgyun gyi spyod lam tshogs
chos 'grim tshul sogs/ /'dul ba'i bcas khrimsO

mtshams las mi 'da' bas/ /bstanO pa'iO dmigs rkyen kho nar phan
pa'i thabs/ /nyiO maO re re bzhin yang brtson par mdzad/ /de
ltar tshul khrims gtsang ma'i ka lA sha/ /bstanO ba'i bya ba
bshad sgrub bdud rtsi'i chus/ /yongs su

bkang ste 'gro rnams tshim mdzad pa/ /kun mkhyen nyi ma'iO gnyen
gyi gdung 'tshob gyur/ /skabs shig ar tsha thu'i dgon dga' ldan
bkra shis chos gling gi grwa pa dge slong ngag dbang snyan grags
kyis phyogs de'i gzhi bdag la gsol mchod cig@029a @#/ /zhus pa'ang rtsom pa mdzad/
cha har phyogs kyi chos
spyan yangs pa'i bka' 'gyur ba chos rje blo bzang bkra shis/ dad
ldan blo bzang nyi ma ngo g.yog bcas la 'jigs byed kyi dbang/
sgrol dkar dang

rta mgrin gyi rjes gnang sogs stsal/ chos rje blo bzang bkra
shis kyis bskul ngor skyes bu chen po dam can rdo rje legs pa
dang sku lnga'i gsol mchod bya tshul legs tshogs 'phrin las dpal
'bar zhes bya ba ljags rtsom mdzad/

grwa tshang dang lhan du dbyar zhal bzhes gnang ste dbyar grol
rjes bstan pa'i gsal byed a kyA rin po che blo bzang 'jam
dbyangs rgya mtsho dbus gtsang nas phyir phebs pas/ rje 'di bar
bka' chos mang po'i snyan gsan phul ba

bzhin ba ri brgya rtsa dang/ sgrub thabs rgya mtsho sogs kyi rjes
gnang dang/ gzhan lung khrid mang po bcas stsal te bzhed pa
yongs su bskangs/ dge tshul slong gi sdom pa zhu mkhan brgya lhag
tsam byung ba rnams so sor bslab pa'i gzhi la

bkod; dgung lo zhe gcig pa srin po zhes pa shing yos lor dpyar
kha than chen byung nas bla sngags mang pos char 'beb lan mang
po byas kyang gtan ma bab pas mi phyugs lo tog sogs la gnod
tshabs che bar brten tshogs chen zhal ngo

sogs las sne thun mong nas chos skyong la lung bstan zhus pas
rgyud pa dpon slob kyis gtsos dge 'dun pa nyi shu rtsa gcig gis
chu mig sbal kha'i chu mgor phebs te char 'beb byed dgos tshul
babs pa bzhin nyin bdun gyi ring la dmigs

@029b brtse ma'i las tshogs nang gi char 'beb tshul de bzhin
bsgrubs pa na char rgyun 'jam po nyin zhag drug tu ma chad par
babs te lo tog rnams legs par gsos shing mi phyugs kun dbugs
phung ste bde dga'i dpal la bkod/ rgya bod mtha' dag nas

da res spyir dkon mchog gi bka' drin dang/ lhag par rje 'di pa'i
thugs rje kho na yin par the tshom med/ de min na mi phyugs kun
la nyam nyes chen po zhig yong thag chod du 'dug ces bka' drin
rjes su dran pa byung/ sher gal dag tho yon

nas rje rin po che'i gsung 'bum gyi lung zhus pa bzhin dge 'dun
brgya lhag tsam la ljags lung tshang bar stsal te dge ldan rang
lugs rgyas pa'i rgyur bsngo ba'i mtshams sbyar shugs drag mdzad/
dam pa 'di nyid nas grwa tshang gi

'dzin skyong gnang tshul sa bcad ma stongs tsam gyis khrir bzhugs
pa'i ming len thabs ma yin par rgyal bstan rin po che'i yang
snying rje tsong kha pa'i bstan pa dri ma med pa 'di nyid thugs
la dgongs te chos srid gang gi thad nas kyang

thugs khur tshad med pa bzhes te thabs mkhas kyi sgo du ma nas
bskyangs pas chos 'byor rdzogs ldan gyi dpal la reg par gyur/
dgung lo zhe gnyis pa me 'brug lor dpyid ka rgyud pa'i khri'i
las khur gyi dgongs pa zhus te/ re zhig bcad

rgya dam pos lam gyi gtso bo rnam gsum gyi nyams len dang lhag
lha du ma'i bsnyen pa la brtson par mdzad/ skabs shig mtsho sngon
gyi ching wang bsod nams rdo rje/ pai zi mi 'gyur sogs kyis gdan
drangs ba bzhin de phyogs su phebs/ wang

@030a @#/ /la tshe dbag grub rgyal ma'i rjes gnang stsal cing zhag
shas tshe sgrub gnang/ 'jigs byed kyi bsnyen pa rgyun ring sngon
du btang ste zhi ba'i sbyin sreg mdzad/ phyogs kun nas lhags
pa'i mjal ba mang por

khrus dbang/ ljags bsngo/ bka' bsgo sogs chos sbyin stsal/ rab
byung dang dge tshul slong gi dngos po don du gnyer mkhan bzhi
bcu lhag la sdom pa stsal/ de nas pai zi'i ur ger phebs te dpon
po'i mos 'dun bzhin sgrol dkar gyi

tshe sgrub dang yi dam chos srung la gsol mchod zhus shing/ kun
rig /tshe dpag med/ thugs rje chen po rnams kyi dbang sta gon
dang bcas pa stsal/ bsgrub bya sum cu tsam la dge tshul slong gi
sdom pa gnang/ de nas sku 'bum du

phebs; smad sog pa dge slong ngag dbang brtson 'grus ngo g.yog
nas zhus pa bzhin 'jigs byed kyi dbang/ seng gdong ma'i rjes
gnang/ mgon po bar chad kun sel gyi rjes gnang/ gzhan lung thor
bu sna tshogs bcas stsal/ des

bskul ngor rdo rje rnam 'joms kyi sgrub thabs dngos grub kun
'byung zhes pa ljags rtsom mdzad/ de nas khri ga'i phyogs su
phebs te mchod rten gyi bla brang rang du yun ring po'i bar sku
mtshams la bzhug nas zab lam rdo rje'i rnal 'byor skyon? bar

mdzad; bde gsang 'jigs gsum gyi bdag 'jug lan mang du bzhes
shing bsag sbyang la'ang shin tu 'grus par mdzad/ khri ka'i rten
gyi gtso bo gren bru'i lha khang zhes grags par dkar chag cig
dgos zhes rong po dge slong don grub

@030b rgyal mtshan gyis gtsos dpyod ldan 'ga' zhig gis zhus ngor
ljags rtsom mdzad/ de nas grwa tshang thos bsam dar rgyas gling
du phebs nas grwa pa lnga brgya lhag la kun rig dang gsang 'dus
gnyis kyi dbang sta go na dang bcas pa/ sman chog rgyas pa

dang bla mchod kyi lung sogs stsal/ slar sku 'bum du phebs/ che
shos rin po che'i yab sngags chen gyis zhus nas rta mgrin gsal
sgrub dang yang gsang gi dbang sogs gnang/ che shos ngag dbang
bstan pa'i sprul sku rin po che'i gtsug

phud bzhes te rab byung dang dge tshul gyi sdom pa stsal nas
mtshan ngag dbang bshad sgrub nyi ma zhes 'dogs par mdzad/ su
nyid g.yas ru'i mkhan po bla mas sangs rgyas bkra shis kyis
rje'i gsung 'bum gyi lung zhus par/ kun mkhyen bla ma

mchog la sgrub pa'i mchod bar dgongs te skyo ngal med par dgyes
bzhin pa'i sgo nas lung cha tshang ba dge 'dun pa sum brgya lhag
la stsal/ cho 'phrul smon lam gyi dus su phyogs kun nas yong
pa'i dad ldan rgya bod hor sogs la thugs rje chen

po'i dbang sta gon dang bcas pa/ rnam 'joms kyi rjes gnang bya
bas bsrung bcas dang/ ma Ni dang dmigs brtse ma'i bzlas lung
sogs gnang ste yid tshim par mdzad/ bsgrub gya nyis brgya dang
drug cu lhag la dge tshul dang dge slong

gi sdom pa stsal te thar pa'i rgyal mtshan srid rtser bsgrengs/
de rjes zla ba kha shas kyi ring sku mtshams la bzhugs nas bsnyen
pa dang bsag sbyang lhur bzhes/ rje btsun rdo rje rnal 'byor
ma'i bdag 'jug kyang lan mang du bzhes te rnal 'byor gsang

@031a @#/ /mtha'i lam gyi nyams len bskyangs/ de nas mtsho sngon
pai li ye shes 'jigs med kyis gdan drangs pa bzhin phebs/ dpon
pos bstan pa dang yang sogs nged ltos bcas la phyi nang gegs
'tshub che stabs/ /

de dag sel phyir du cis kyang chos rgyal gyi gtor sgrub cig
mdzad dgos zhes nan tan gsol ba bzhin sgrub grogs dge 'dun dang
bcas pas gnad smin bsgrub te gtor rgyag byas pas/ gegs 'tshub
sogs zhi ba'i ltas mig mthong lag bzung lta bu

byung/ slar sku 'bum du phebs te zla lhag tsam la 'jigs byed kyi
bsnyen pa tshad ldan kha skong zhi ba'i sbyin sreg dang bcas pa
mdzad/ mkhas grub chen po rje btsun bla ma a rig dge bshes
rgyal mtshan 'od zer gyi zhabs drung du phebs te lam

gyi gtso bo rnam gsum gyi khrid rgyas par gsan/ dgung lo zhe
brgyad la phebs pa stod 'grel lugs kyi rnga chen te legs par
sbyar ba saM skr-i ta'i skad du dundu b+hiH mahA tsa ni'i skad
kyis zhing zu'i zhes 'bod pa/ spor thang dang bstun pa chu

pho khyi lo hor zla gnyis pa chu shel dbang po don thams cad
'bras bur byed pas phalgu nI ste rgyu skar gyi lha mo dbos nya
ba'i tshes gsum rgyal ba dang po'i nyin/ sku 'bum chos sde chen
po'i dpal ldan smad rgyud dpon slob lha rams pa bsod nams

bstan 'dzin dang sman pa dpon slob gnyis kyis gtsos tshogs chen
zhal ngo/ bla brang phyag mdzod/ spyi gnyer/ sku rten chos rje/
tsho pa drug gi rgan pa/ sgar pa khag dang bcas nas gdan sa chen
po'i chos khrir phebs dgos kyi

@031b gsol ba btab bar/ rje rin po che'i 'khrungs gnas khyad par
can 'dir 'chad nyan byed rgyu byung na shin tu skal ba bzang
tshul dang bcas zhal bzhes mdzad pas/ dpon slob rnam gnyis dang
las sne thun mong nas dga' dar bkra shis lha rdzas

maNDal bcas phul/ ser khrir bzhugs rgyu'i sngar nyin rgya mi'i
dpon po zi ling shAn dgon par 'ongs nas rje 'di par thug skabs/
khyed dgon pa 'di'i khri la gsar du bzhugs rgyu yin zer ba bden
nam zhus par/ yin tshul gsung pas/ shin

tu dga' ba'i rnam pas khyed bla ma yag po red/ khyed kyis dgon
pa 'di la do dam yag po gyis/ khyod kyi gsung mi nyan mkhan de
'dra yod tshe dpon po nga la sprod/ khyed bla ma chos byed mkhan
yin/ ded dpon po tshos chos dang mi mthun pa'i bya

ba byed mkhan tshar gcod pa po yin/ dper na bstan pa srung ba'i
chos skyong lta bu yin zhes zhus te srung mas rgyud bskul ba'i
rten 'brel can gyi gtam du snang/ de nas hor zla gsum btsaitri
kaHste nag pa can gyi zla ba zhes ston pas bya rgod phung

po'i rir sher mdo dang dpal ldan 'bras spungs su dang po'i sangs
rgyas dus kyi 'khor lo'i rgyud gsungs pa'i dus chen khyad par
can gyi yar tshes gsum pa gza' skar 'phrod sbyor thams cad phun
sum tshogs pa'i nyin/ nyi ma shar ri'i rtser mngon par

'phags pa dang dus mtshungs su tshogs chen zhal ngo sogs las sne
thun mong nas chen por 'os pa'i yo byad mchod rdzas kyi bye brag
du ma bsgrengs pa dang bcas pa'i sgo nas chos kyi khri 'phang
mthon por mnga' gsol bar mdzad pas dge legs kyi 'od snang

@032a @#/ /'jig rten kun tu khyab par gyur to/ /snod bcud dpal
'byor bde skyid lha dang tshul mtshungs mdo smad tsong kha'i yul/
/rgyal khrims rwa ba btsan bos bskor bas 'thab rtsod rgud pa'i
ming yang med/ /blo

bzang bstan pa'i nyi 'od cher gsal sku 'bum chos kyi sde chen
por/ /'jigs bral tshos kyi khri la dbang bskur dpal ldan bla maO
rgyal gyur cig /nyin 'dir tshogs chen gyi dge 'dun sum stong
brgyad brgya brgal ba la phyag dbang dang/ lam

rim chen mo'i mgo nas chos thun gcig gnang ste mjug tu bstan
'bar ma gsung nas rgyal bstan rin po che rgyal pa'i thugs smon
dang phan bde'i legs tshogs 'phel ba'i rten 'brel yang dag
bsgrigs/ gdan sa rang gi bla spyi thun mong dang/

dgon lung nas skyabs mgon thu'u bkwan rin po ches ched mngags
kyi mi sna sogs phyogs gzhan gyi dgon pa dang spyin bdag du mas
khri 'bul rgya che ba rim par bteg /smad rgyud dpon slob ser
byes lha rams pa bsod nams bstan 'dzin gyis

skyes rabs dang 'brel ba'i che brjod/ bstan pa rgyas shing 'gro
ba la dge mtshan 'byung ba dang/ zab gsang chos 'khor bskor nas
brtan par bzhugs dgos tshul sogs zhu 'bul rgyas shing snyan 'jeb
'brel chags pa zhus/ khri ston du

tshogs chen la mang 'gyed dang tshwa sbra sogs kyi bsnyen bkur
rgyas ba zhus/ zi ling shAna sku mdun du yong nas legs dar
dang/ rin chen gnyis pa srang 'ga' phul te gus pa cher byas/
gza' skar legs pa'i nyin nas brtsams chos grwar brtsi

@032b bzhag chag med thugs thog nas gnang bas blo gsal don gnyer
ba rnams ngang ba'i khyu tshogs yid bzhin gyi mtsho la slebs pa
bzhin dga' dad spro gsum gyis mgrin pa'i rdza rnga brdung ba la
brtson par gyur to/ /de nas sa ga zla ba'i smon lam skabs

snga dro gsung chos la rgyud 'khul nges pa'i gsung bshad rgyas
pa dang phyi dro'i char smon lam la chag med du phebs nas thugs
smon rgya chen po mdzad/ lo sngon ma rnams su mtsho sngon dang
nang logs rnams la dgra ngag gi gnod pa cher byung bar brten
rgya'i

dmag chen bud de rma chu pha rir 'gro ba'i skabs yin pas/ lan
ju'i tsun tu/ tshin tshe'i tA zhin/ zi ling am b+han/ to 'u ye/
shAn sogs rgya'i dpon po ches dregs pa mang po lam zhor la sku
'bum du phebs par/ dgon ba'i nye 'dab

tu rje'i gdan sa pa 'di pas gtsos dge 'dun mang mas bsu ba byed
skabs rje 'dis rgyang ring po nas chibs bshol te rgya'i lugs
srol gyis bkur gzos byed rtsis gnang bar/ 7jam dbyangs gong ma'i
zhing sa gcig gi bdag po chen po lan ju'u

tsun tus 'di pa mthong ma thag 'gyog byang nas babs te kha dar
phul nas mjal phrad gnang/ khyed rta chibs nas gzims shag tu
phebs zhes bkur gzos chen po zhus/ am b+han chin tshe'i tA zhin
yang dgon par phebs 'phral kho bo khri pa bla ma la

thug rgyu yin gsung ste gzims chung du phebs/ zhabs phyi rnams
la khyod tshos khang pa logs shig tu yud tsam sdod/ nged gnyis po
'gol po byas nas gtam gleng rgyu yod ces bshad de/ dpon pos
skyes bu gsum gyi lam spyi khog dang/ lhag par

@033a @#/ /zhi lhag gi thad nas dka' gnas mang po dris par/ rje
'di pas byang chub lam rim chen mo khungs su mdzad nas dogs lan
mtha' chod cing go bde ba'i yid tshim nges pa thog med du stsal/
dpon po de sngon gyi bag

chags kyis chos la mkhas nges shig yin 'dug bas lhag par dad de
bsngags brjod cher mdzad cing/ khong rang bzhugs sar phebs
'phral dpon chung zhig btang ste/ mdzod gos dmar po yug /rin
chen gnyis pa thur srang bzhi bcu/ ja sbag

bzhi bcas chos kyi bka' drin zhus pa'i yon du phul/ de skabs sku
'bum gyi sa thog tu hos zi'am ho hu'u mang pos lha khang gsar pa
phub pa'i steng nas dgon pa dang ma 'grigs par rtsod gleng byed
'phro yin pas ho hu'u rnams lkog

gros kyis kha 'cham byas te/ da res rgyu ci shor yang lam bcos
te tsun tu la zhus nas rgyal kha e lon blta dgos zhes thag bcad
yod kyang tsun tu dang am b+han sogs nas bkur gzos chen po byas
pa mthong bas dpa' zhum zhing/ re

bstong par song bas kho thag chad de log pa'i bsam sbyor mtha'
dag bye ma'i changs bu'am sprul gyi mdud pa ltar rang zhig tu
gyur to/ /gnas tshul drang por spyod pa la/ /khrims kyi drang
thig yo med cing/ /bstan srung khros pa'i dpung

gis kyang/ /dgra sde nyi mas mun bzhin bcom/ /grwa pa rgan gzhon
kun nas mgrin gcig tu rje mi nyag rin po che 'di sku bsod chen
po ya mtshan red/ gzhan dpon po chen po de dag gis bkur sti 'di
'dra byed pa dka' zhes gleng pa byung

@033b rgya cher rol par/ bsod nams ldan ba'i mi yi bsam pa rnams
kyang 'grub/ /ces gsungs bas de'ang yin mod kyang/ gtso bor ni
ched du brjod ba'i tshom las/ rang gi don ni med pa la/ /'di ltar
gzhan rnams dga' 'gyur zhing/ /mthong ba'i chos la

bsngags pa dang/ /pha rol tu yang bde 'gror 'gyur/ /zhes pa ltar
bdag bas gzhan gces ba'i byang chub kyi sems rin po che'i mthu
yin no/ /de nas dbyar chos tshugs bar gung zhog gnyis kyi chos
grwar res mos kyis brtsi bzhag lhug par stsal bas rtsod

grwa med ltar 'bar ba byung/ drug pa'i smon lam skabs phyogs
gzhan gyi dad 'dus pa rnams dang/ dgon par rang nyid kyi dge
'dun 'dus pa rgya mtshor snga dro'i char skyes rabs dang lam rim
res mos kyis gsung bshad 'byams klas shing lung

rigs kyis brgyan bdon gyi snying po rgyud thog tu 'dril nges pa
dang/ smon lam la phebs te rgyal bstan rin po che'i yang snying
dge ldan lugs bzang rgyas pa'i thugs smon yang dag gnang/ mjal
bsum stong tsam la phyag dbang/ bka' bsgo/

bzlas lung sogs 'dod mos bzhin gnang ste yid tshim par byas/
dbyar gnas tshugs te gzhi gsum lag len phra zhib dag ther gnang
ste chos 'dul ba'i dgongs pa ji lta ba bzhin mdzad/ brtsi bzhag
chag med gnang ste 'phros pa mdzad

cing blo skyed kyi skyes stsol ba dang/ zhi drag gi sgo sna
tshogs pas 'chad nyan rting bskul ches cher mdzad/ skabs der
skyabs mgon dam pa thu'u bkwan rin po che gzugs sku chos dbyings
su bsdu tshul bstan pa gsan ma thag gces pa'i ma dang bral ba'i bu@034a @#/ /sdug
bzhin thugs ngal ched med pa gnang zhing/ kye ma
kye hud 'jam mgon bstan pa'i nyi man nub ste/ snyigs dus kyi
skye bo rnams mgon skyabs dang bral tshul 'di ci 'dra rang zhes
sogs thugs skyo ba'i

gsung mang du mdzad cing/ dngos bshams yid sprul gyi mchod pas
mchod pa dang/ khrus gsol smon lam sogs rje de nyid kyi thugs
kyi dgongs pa rdzogs te yang srid myur 'byon gyi smon pa mdzad/
myur 'byon gsol 'debs rtsom 'dun yod thog tshogs

chen zhal ngo dge bshes blo gros yar 'phel dang/ grwa tshang dge
bskos dka' bcu mkhas mchog gnyis dang/ phyogs gzhan nas kyang
zhu mkhan mang po byung bzhin ljags rtsom mdzad de mang 'gyed
sogs kyi bsnyen bkur dang bcas tshogs chen du

'dzug bar mdzad/ de nas ston chos kyi 'chad nyan/ dgu ba'i smon
lam gyi gsung chos smon lam sogs sngar rgyun bzhin mdzad/ smon
lam skabs stod smad kyi mjal ba mang po 'dus pa'ang 'dod chos
kyis tshim par byas/ dga' ldan lnga mchod chen mor

tshogs chen du ja thug tsha sbra sogs snga ma'i srol gang yod yar
rgyas kyi tshul du phul nas dge 'dun rnams mnyes pal bsgrubs/
de'i nyin nyid kyis gtsos dge ba'i bshes gnyen sum brgya tsam
gyis gser gdung chen mo'i drung du dngos bshams yid sprul gyi

mchod sprin spros te khrus gsol rgyas pa/ rnam dag gangs ri ma
sogs sku bstod kyi rim pa/ bstan 'bar ma sogs gsung ste spyi bye
brag gi bsngo bas rgyas btab/ dgun chos chen mor brtsi bzhag
chag med du stsal cing 'chad nyan la gzigs rtog zhib

@034b mor gnang/ sokyA chos rje ngag dbang phun tshogs dang sman
ram pa blo bzang yon tan bcas kyis gsol ba btab ba bzhin don
gnyer can du ma la 'jigs byed kyi dbang sta gon dang bcas pa/
mgon po bka' bcu gsum gyi rjes gnang/ dpal ldan sa skya'i

gser chos bcu gsum gyi rjes gnang sogs chos kyi mchod sbyin
bstar/ sbyin bdag 'ga' zhig gis lan du mar dga' ldan ril sgrub
tshogs chen du sgrub pa'i tshogs dbur gdan drangs nas 'bul nod
gzab rgyas zhus/ lo mjug tu grwa tshang gi

zhabs brtan nyin bdun gyi bsnyen bkur gang legs bstabs/ dgung lo
zhe dgu pa chu phag lo'i lo gsar dga' ston dang 'dod khams dbang
mo'i dus gtor sogs sngar 'khyud bzhin bsgrubs/ cho 'phrul smon
lam skabs gsung chos smon

lam sngar bzhin dang/ tshes bco lnga'i nyin rje'i mchod rten
drung du brgya mchod gang rgyas/ khrus gsol dang sku bstod kyi
rim pa bstan 'bar ma bcas gsung ste/ bstan pa rgyas pa'i thugs
smon mdzad/ dgon pa'i grwa pa dge tshul bsgrub

bya nyis brgya dang lnga bcu lhag /dge slong gi dngos po don du
gnyer ba sum brgya nyi shu skor bstan pa'i gzhi ma so thar gyi
sdom ba'i dpal la bkod de phan bde'i rtsa ba tshugs par mdzad do/
/dge tshul slong bsgrub bya brgya phrag mang/ /khrimsO nyis

brgya lnga bcu sogs la bkod/ /chos 'dul bstanO rgyas pa'i dge
mtshan ni/ /nyi 'od kyis reg pa'i bad maO bzhin/ /cha har gu lu
sha ra'i shog dga' ldan bkra shis chos 'phel gling gi sprul sku
gu shri mer gen paNTi ta bsod nams bstan

@035a @#/ /pa'i rgyal mtshan/ phyag mdzod dge bshes chos rje sogs
nas dbang lung rjes gsum/ khrid bcas mang du zhus pa rnams 'dun
pa bzhin stsal/ bla ma des bskul te bla ma rnams la gsol

ba 'debs tshul dang/ gzhi bdag spyi la bsang mchod bya tshul sogs
ljags rtsom mdzad/ gnas lnga mkhyen pa'i dbang phyug lcang lung
paNDi ta phebs nas bka' chos mang du zhus pa'i thugs 'dun
bskangs/ 'jam mgon bstan

pa'i rtsa lag a kyA no min han rin po che rgya nag nas mdo
smad rang yul du phyag phebs par bsu pa gnang zhing yab sras
zhal 'dzom pa'i dga' ston bstar/ a kyA rin po ches zhus nas
'jigs byed sogs kyi dbang dang lung khrid mang po

stsal; dpyid chos chen mor brtsi bzhag sngar ltar stsal cing
tshig rgyug sogs bzhes rtsis kyis tshul mthun spro ba bskyed cing
dmu rgod dba' bkong ba'i tshogs gtam btsan brjid brling zhing blo
'khul nges yang yang gnang bas 'chad nyan lhag par

'phel zhing/ grwa 'tshogs kyang tshogs chen la dge 'dun sum stong
dgu brgya lhag dang/ grwa tshang bshad sgrub gling rang la'ang
dge 'dun chig stong lnga rgyar nye ba byung ste 'dus tshogs shin
tu rgyas pas phyogs mtha' dag nas 'ongs pa'i

mchog dman thams cad yid khengs te gdan sa'i bsngags brjod
phyogs kun tu sgrogs pa byung/ rgyud pa'i khri pa snga mas
dgongs pa zhus te/ bum par tshul khrims rgya mtsho'i mchog sprul
rgyud pa'i dpon slob tu bsko bzhag dang/ sman pa'i

@035b dpon slob nas dgongs pa zhus par nya kyA dge bshes rgyal
mtshan nor bu sman pa'i khrir bskos te/ de'i tshab tu rgya rtsang
dge bshes rgyal mtshan nor bu bla ma gzhung las par bskos/ rgya
rtsang sgom chen rin po ches lam khrid sogs zhus pa ltar phul/
dpyid

chos rjes ma nas bzung dbyar chos sogs chos thog gi rigs la
brtsi bzhag dang rtsod gra'i rting bskul sogs chu lam zhugs kyi
tshul du gnang/ de skabs sku 'bum chos skyong chen mo'i gtsang
khang 'phyam ra gsar bzhengs grub zin pas/ zhal

ngo sogs las sne thun mong nas rab gnas kyi snyan gsan phul
ba'i/ yar tshes phun sum tshogs bar nyid kyis rdo rje slob dpon
mdzad de rgyud smad kyi dpon slob rnam gnyis dang bcas bshes
gnyen dam pa nyer gcig gi tshogs kyis rab gnas dge legs char

'bebs kyi sgo nas spyan dbye'i cho ga phyag len bzhin mdzad/ sku
gsung thugs rten thog mang byung tshul/ rab gnas dgos ba'i rgyu
mtshan/ de'i phan yon/ brtag gnyis kyi don rje btsun grags pas
bkral ba bzhin bzang po drug gi sgo nas byed tshul

sogs rab gnas kyi bshad pa zab la rgyas pa/ rab gnas kyi rgyud
sogs rgyud sda dang dgongs 'grel mang po'i lung gi rgyab brten
bcas snyan zhing 'jeb ba stsal bas/ mkhas pa legs bshad gtam
gyis mgu/ /gsungs pa bzhin gzur

gnas mkhas pa'i tshogs kyis bsngags brjod kyi me tog 'thor/
'phyam ra der dkar chag rgyas pa zhig dgos zhes bskul pa'ang
ljags rtsom bka' drin bskyangs/ dgu pa'i smon lam dang lnga
mchod chen mo sogs la chos srid kyi

@036a @#/ /mdzad sgo gang yod yar ldan du gnang/ rgya yag rin po
che'i sprul sku'i gtsug phud bzhes te/ mtshan blo bzang bstan
pa'i nyi ma zhes 'dogs par mdzad/ tA ri gang+gA'i mer gan
paNTi ta bla ma bstan 'dzin rgyal

mtshan gyis gtsos dpon g.yog rnams la sgrol dkar rjes gnang sogs
rjes gnang mang po dang/ lung khrid sogs kyang 'dod mos bzhin
stsal/ bla ma des bskul ngor dam can gyi sgrub thabs bskang gso
dang bcas pa ljags rtsom mdzad/ zla zad

skabs nyin kha shas kyi ring tshogs dbur phebs te chos srung
rnams la 'phrin bcol sogs gang drag gnang zhing/ 'dus tshogs su
nyin re bzhin ja thug dang/ 'gyed tshwa sbra sogs gang rgyas kyi
bsnyen bkur zhus/ dgung lo lnga bcu mig

dmar zhes pa shing byi'i lo gsar gyi nyin ma gcig 'dod khams
dbang phyug ma'i gtor skyong sogs rgyas par mdzad/ tshogs dbur
phebs nas phyag dbang stsal cing/ cho 'phrul smon lam skabs kyi
gsung chos smon lam sogs sngar bzhin gnang/ de

skabs phyogs nas yong ba dang dgon pa'i dge 'dun bcas bsgrub bya
brgya dang bcu gnyis dge tshul dang/ nyis brgya zhe lngar dge
slong gi sdom pa 'bog par mdzad/ dad 'dus kyi ser skya mang por
'dod mos bzhin bka' chos kyi char phab/ de ltar

smon lam gsung chos kyi skabs dang chos thog gi skabs kun tu
gtso cher 'chad nyan la rting bskul cher mdzad pas rtsod pa yar
zla bzhin 'phel zhing/ de min rgan gzhon kun la lam rim blo
sbyong dang mthun pa'i dge sbyor gyi bskul ma gnang

@036b bar kun gyis gsung dang blang gis nyin mtshan khor yug tu
bslab sbyang la brtson pas/ mtshan phud de brtsi bzhag skyor
mkhan ches mang ba dang/ rje nyid la rgyug 'bul mkhan dang/ dbu
phar tshogs rgyug 'bul mkhan mang po/ smon lam dang gling

bsre'i dam bca' bzhag nas ming btags byed mkhan ches mang po
byung ba sogs sgo gang thad nas nyin skyed zhag skyed thon ba
byung/ gser tog no min han rin po che'i sprul sku ye shes thub
bstan rgya mtsho la'ang rig gnas kyi skor 'ga' zhig 'khrid

par mdzad/ chos sde chen po 'di'i nang rten gyi gtso bo gser
gdung bzhugs pa'i lha khang chen mo rtsig pa sogs la skyon zhugs
te cung zad nyams chag tu song yod pas gsar bzhengs byas na legs
par dgongs te 'jam mgon bstan pa'i

rtsa lag a kyA rin bo cher/ nyid kyis gtsos tshogs chen gyi las
sne'i rigs/ tsho pa drug gi rgan pa sogs thun mong nas rgyu mtshan
zhus te gtad gnyer mdzad pas/ a kyA rin po ches/ kho bo la 'di
'dra'i kha stabs ma mchis rung bla ma rdo rje

'chang gi bka' las 'da' mi nyan pas/ gang yin kyang rten 'brel
gyi khyad du khas len byed/ bla ma grwa tshang gi zhal g.yang
bzhin 'grub pa'i skyabs 'jug bla ma rdo rje 'chang nas mdzad
dgos gsung/ mgon po de nyid kyi 'phrin las nyin byed

snang bas bya ba las kyi 'khor lo'i pad tshal bzhad ba'i dge
mtshan dang por 'dren byed kyang rje 'di'i thugs bskyed rta ljang
shing rta kho na'i bka' drin yin no/ /de ltar legs byas sgo
brgya lhun gyis grub ste chos sde chen po'i seng khri'i dgongs

@037a @#/ /ba zhus nas bstan ba'i gsal byed dam pa ta la'i hu
thog thu bskal bzang thub bstan rab rgyas chos sde 'di'i khri la
bsko bzhag mdzad/ tshes grangs dge ba'i nyin grwa tshang bshad
sgrub gling dang/ tshogs chen gyi dge 'dun

'dus pa rgya mtshor phyag dbang dang chos ston sogs rgyas par
phul te/ phun tshogs 'dod pa 'jo ba'i rang sgra du zur bzhugs
mdzad do/ /mdor na kun mkhyen 'jigs med dbang po'i gsung las/
mdo smad tsong kha sprul pa'i sku 'bum

zhes; ;grags snyan rol mos gsum rna rgyan gyur/ /nor 'dzin thig
le gang der yab rje yi/ /thugs bskyed la brten bur smrig 'dzin
pa'i sde/ /tshar du dngar ba'i yid 'ong zur phud kyis/ /gus bas
btud pa'i mi 'jigs chos kyi khrir/ /

yongs 'dzin nor bu'i cod ban gtsug thogs nas/ /lung rtogs dbyig
'dzin khyon la dbang bsgyur ba/ /mtshungs bral smra ba'i rgyal po
khyod 'khod pas/ /dkar phyogs skyong rnams 'dzum dkar rgod pas
brel/ /zhes pa nas/ mdor na

chos sde chen po'i lugs gnyis kyi/ /'phel rgyas ji lta ji ltar
gnang 'os pa/ /de lta de ltar thugs khur lhur bzhes te/ /dbyar
gyi chu gter dpal la 'gran bar mdzod/ /ces gsungs pa dang tshul
mtshungs par khrir bzhugs nas

rnam pa kun tu bsgrig lam dang 'chad nyan kho na thugs la bcings
te rting bskul mdzad la/ mdzad tshul yang 'jig rten gyi kha 'dzin
lta bu ma yin par chos kho na dang mthun pa/ de'i nang nas kyang
bstan pa'i rtsa ba 'dul ba dang mthun ba

@037b zhig cis kyang nas byed dgos tshul/ gzhan phyogs lta grub
mi gtsang zhing spyod pa ma dag pa rnams kyi rjes su 'brang na
'di phyi'i legs tshogs stor nyen che lugs sogs skyon mtshang la
reg ba'i sha tsha'i bslab bya blo sna rang dbang med par bsgyur
nus pa'i gsung

nus pa can tshogs gtam gyi tshul du yang yang stsal bas/ dge ba'i
bshes gnyen rnams dang chos 'grim don gnyer pa rnams mgrin gcig
tu 'di las lhag pa'i bslab bya dang lam rim 'chad tshul med ces
gsung tshad mar bzung ste grwa pa rgan

gzhon mtha' dag rang rang gi blo nus dang mthun pa'i dam chos
sgrub pa la gcig tu gzhol bar gyur te/ jo bo bka' gdams pa rnams
kyi gsung sgros las/ bshes gnyen gyi mchog mtshang la rgol ba
yin/ zhes gsungs pa ltar

ro; ;gtong sgo'i skor yang zla zad skabs grwa tshang bshad sgrub
gling la nyi ma bdun gyi bsnyen bkur dang/ tshogs chen du dga'
ldan lnga mchod skabs dge 'dun gyi sder tsha sbra dang ja thug
/rnam bzhag /'gyed sogs kyi bsnyen bkur

yang yang phul ba sogs shin tu rgya che ba gnang 'dug pa ni/
'dul ba'i mdor gnas kyi slob dpon chos dang zang zing gnyi gas
sdud pa mchog tu bsngags pa ltar yin mod kyang/ gtso bo ni mdo
sde rgyan las/ de chos bgo skal la spyod zang zing min/ /

gsungs pa de dgos so/ /dam pa rnams la yon tan gyi mthus mthun
ba'i rkyen thams cad phun sum tshogs par 'gyur zhing/ de'i zhabs
la brten pa rnams kyang legs byas kyi dpal chen po 'thob pa ni
skyes rabs las/ de la 'khor

@038a @#/ /gsum rjes mthun yon tan tshogs/ /phan tshun 'gran ba
bzhin du gnas bar gyur/ /ces dang/ 'khri shing gi ser skya'i
rtogs pa brjod pa'i yal 'dab las/ mkhas pa'i yon tan khyad
'phags

kyis; ;bsgrubs ba'i dpal ni rnam par mdzes/ /zhes dang/ 'khrwi
shing yal 'dab bcu drug pa las kyang/ chen po nyid la brten pa'i
sbyor ba las/ /gang phyir thams cad chen po nyid du 'gyur/ /zhes
gsungs pa bzhin no/ /chos

srid zung gis tshul bzhin bskyangs pas khrimsO ldan 'dus sde
bgrang yas 'phel/ /bshad sgrub 'chad nyan bstan pa'iO bya ba
dbyar gyi chu gter bzhin du rgyas/ /yangs pa'i rgyal khams bkra
shis bde skyid phun sum tshogs pa'i dpal

la rol/ /rdzogs ldan slar yang 'ong snyam som nyiO la 'god e
maO skal ba bzang/ bsil ldan ljongs kyi lum bi nI yi tshal/ /mya
ngan med pa tsan dan ljon pa'i drung/ /lugs zung gom pa'i padma
bstar 'a yis/ /don kun grub pa'i mtshan

snyan dang gis bsgrags/ /rmad byung thugs bskyed yub drang zhing
ldem/ /rgyal bstan 'dzin skyong sham bu rim par bkra/ /bslab
gsum yid bzhin nor bu'i tog mdzes pa'i/ /bstan pa'i rgyal mtshan
srid pa'i rtse mor bsgrengs/ /zhes dge

ldan bstan pa'i rtsa lag mkhas shing grub pa'i dbang phyug rje
btsun bla ma dam pa tshul khrims bstan pa'i nyi ma dpal bzang
po'i rnam bar thar ba nor bu'i do shal las gdan sa chen po sku
'bum byams pa gling du grwa tshang spyi sgos kyi 'dzin skyong

@038b gtso bor mdzad tshul gyi dra ba ste gsum pa'o// //de nas
bcad rgya gnang ste nyams bzhes la rtse gcig tu gzhol bar mdzad
cing/ thun mtshams su rgya bod kyi mdo rgyud bstan bcos sogs la
gzigs rtog rgya cher gnang/ /

skabs shig tu bstan ba'i gsal byed ta le'i hu thog thu sku
bsnyun cung zad bzhes par rnam 'joms kyi rjes gnang byabs khrus
bcas zhus pa bzhin stsal bas sku khams 'phral du dwangs/ de nas
yi dam rdo rje 'jigs byed ljags

bsnyen kha skong gi sbyin sreg bcas mdzad/ a kyA rin po che'i
drung nas rgyal ba bskal bzang rgya mtsho'i gsung 'bum bo ti
'ga'i lung gsan/ dgung long gsum ba rab byung bcu bzhi pa'i thog
ma'i me yos lor nyid kyi gdan

sa dgon pa dga' ldan dar rgyas gling dang mi yag grwa tshang
gnyis bdag gir mdzad pa'i thog /mchod rten dkar po'i mi nyag
grwa tshang gi grwa pa rgan gzhon rnams dang/ mchod gzhis sogs
nas dad 'dus rtse gcig gis sa ga zla ba 'dir grwa tshang rang du
bzhi

pa'i smon lam gsar 'dzug gnang dgos tshul nan cher zhus pa ltar/
smon lam btsugs nas zhal 'don la gtan chags su kun rig gi sgrub
mchod dbyangs rta 'dur gsum sku 'bum sman pa grwa tshang gis
phyag len bzhin btsugs/ de nas dga' ldan

dar rgyas gling du phebs te smon lam sogs su byon nas bstan pa
rgyas ba'i thugs smon gang legs mdzad/ phyogs 'dus kyi mjal ba
rnams la phyag dbang/ ljags lung sogs kyis re 'bras smin par
byas/ a kyA rin po ches sgo me'i hor kya'i rang gzhin@039a @#/ /lhun grub rtser
gdan drangs pa bzhin phebs/ bstan pa'i
rtsa lag a kyA rin po che'i thugs bzhed bzhin khong gis dbu
mdzad pa'i ser skya sum brgya lhag tsam la gdugs dkar gyi dbang
chen dang/ rje'i gsung 'dug

nang gi le tshan 'ga' zhig gi lung sogs stsal/ gzhan dad ldan
rnams kyi mos 'dun ltar phyag dbang dang rig gsum mgon bo'i
bzlas lung/ bka' bsgo/ ljags bsngo sogs kyis yid tshim par byas/
sku 'bum du phebs te mkhas

pa'i dbang po a ba ga lha ram ba ngag dbang 'od zer la rta
mgrin gsang sgrub kyi dbang dang/ g.yu thog snying thig gi
dbang bcas bka' chos kyi skor mang du stsal/ bla ma des mchod
rten chen mo'i mdun du sngar blangs pa'i dge

slong gi sngom pa phul te/ 'di 'dul ba rang skad la cher med
kyang/ lo rgyus de 'dra mang du snang/ yang bskyar bsnyen rdzogs
kyi sdom pa len rgyu ra a kyA rin po che dang nyid rnam gnyis
la u tshugs kyis zhus pa bzhin/ rje rin po che'i gser gdung chen
mo'i mdun

du thub dbang gi sku byin rlabs can bzhugs su bcug ste/ rje a
kyA rin po ches mkhan po dang rje 'di pa'i las slob mdzad de
bsnyen rdzogs kyi sdom pa stsal/ rje 'jam dbyangs bzhad pa'i
mchog sprul rin po che sku 'bum du chibs bsgyur skabs/

nyid kyi bla brang du bla mchod dus bzang gi tshogs dbur gdan
drangs te/ lam gyi gtso bo rnam gsum gyi khrid gsan nas bla
mchod dang 'brel ba'i zhabs brtan gyi zhu ba gnad can phul/ rje
a kyA rin po ches rgyud pa'i 'du khang gsar bzhengs byas

@039b bar/ rgyud grwa'i las sne thun mong nas dkar chag rgyas pa
zhig dgos zhes rje nyid la bskul ma zhus pa ltar ljags rtsom
mdzad/ skyabs mgon chu bzang rin po che'i mchog sbrul sku 'bum
du phebs bar/ nyid kyi bla brang du gdan drangs nas chos 'brel

zhus te zhabs brtan zhu 'bul gang rgyas bstar/ mtsho sngon ching
wang bsod nams rdo rjes kho rang gi sde ba'i drug ba'i smon lam
la gdan drangs pa bzhin mtsho sngon tu lan gol gyi dgon par phebs
nas ta le hu thog thu dang rnam gnyis zhal 'dzom ste

smon lam sogs su byon nas dge ldan ring lugs rgyas pa'i thugs
smon mdzad/ mi rje wang der 'tshogs ser skya drag zhan kun nas
gsol ba btab ba bzhin thugs rje chen po bcu gcig zhal gyi dbang/
gsang 'dus kyi dbang/ gzhan lung sna tshogs

bcas ser skya chig stong dang brgya phrag gsum lhag la stsal/
nyin gcig gi ring dus 'khor gyi tshogs dbur bzhugs nas bstan ba
rgyas pa'i thugs smon mdzad/ de nas wang gi urger phebs/ dpon
tshang nas gsol ba bzhin then tsin brag dkar

gyi rdzong du dbang gi lha mo ku ru kulle'i bsnyen sgrub nyin
bdun gyi ring la mdzad de dbang gi sbyin sreg gnang bas rtags
mtshan dang rten 'brel sna tshogs rang 'grig tu byung/ wang chol
gzhan nas phyir phebs te rje 'di bar mjal dus/ lags da res

nged chol g+han la song bas don thams cad grub cing/ lhag par pha
rol gyi mi drag dbang che ba mang po tshur mgo sgur te dbang du
'dus byung ba rje nyid kyi byin rlabs yin zhus bar/ nga la byin
rlabs gan mchis/ dkon mchog gsum dang lhag pa'i lha'i byin

@040a @#/ /rlabs kho na yin gsung/ su ru tho li'i phyogs chibs
bsgyur gnang/ dad ldan rnams kyi 'dod mos ltar ser skya lnga
brgya skor la kun rig gi dbang lung sna tshogs bcas stsal/ gzhan
sbyin bdag so so'i 'dod

mos bzhin bka' bsgo/ ljags bsngo sogs kun gyi yid tshim pa gnang/
ul ci thu da'i ching rdo rje ja sag gis gdan drangs ba bzhin
phebs/ dpon bos zhus ngor 'jigs byed kyi bsnyen sgrub tshad ldan/
zhi ba'i sbyin sreg gnad smin

bcas bsgrubs/ 'jigs byed kyi dbang dang gzhan lung 'ga' zhig
zhus pa bzhin/ dpon bos ra mo ba nyis brgya lhag dang bcas la
stsal/ yang skyar wang gi ur ger phebs te wang yab sras kyi
zhabs brten du sgrol dkar tshe sgrub nyin

bdun gnang/ bum pa'i nang du ril bu sum nyis tsam blugs te tshe
sgrub grol nyin gang ste 'phyur byung bas wang thugs dgyes shing
dad pa cher skyes nas ma chod 'bul gzab rgyas zhus/ ur ge nas
phyir phebs skabs wang gis spyi sger gyi

skyabs 'jug zhus shing/ khyad par da ni nga rang lo'ang mtho bas
'chi ba la nges ba ci yod/ nga'i bu 'di thugs brtse bas ma bor
bar chos srid gang thad kyi bslab ston sba gsang med par lhug
stsol dgos zhes sogs kyi zhu ba mdzad/ de nas

pai zi mi 'gyur gyi urger phebs/ dpon po'i 'dod mos ltar yongs
rdzogs dge bsnyen gyi sdom pa stsal nas thar ba'i sa bon bskrun
par mdzad/ mi ring bar wang bsod nams rdo rje sku gshegs pa'i
sngas mgor gdan drangs pa bzhin phebs te/ bcom

@040b ldan 'das kun rig rnam par snang mdzad kyi cho ga rnam dag
sngon du 'gro ba'i sgo nas dbang bskur phyag len bzhin mdzad de
'khor ba spyi bye brag gi duHkha las bsgral nas mngon mtho nges
legs kyi dpal la bkod/ slar sku 'bum du phebs/ zla ba kha

shas kyi ring la bcad rgya bsdams nas rdo rje rnal 'byor ma'i
ldzags bsnyen mdzad cing/ mjug tu nyin nyi shu rtsa gcig gi ring
la bdag 'jug bzhes te tshogs kyi 'khor lor tshim pa drug ldan du
rol par mdzad/ byang phyogs kyi sbyin bdag

sogs dad ldan mang du 'dus pa rnams la dam pa'i chos kyi char
phab cing byang chub mchog gis bon bskrun par mdzad/ bsgrub bya
brgya dang bzhi bcu lhag la so thar gyi sdom pa stsal/ skabs
shig tu dbang phyogs kyi sbyin bdag sa yi dbang phyug

dam pa su nyid g.yas ru'i du'u rengs wang ratna sidd+hi'i sku
mched bstan pa'i gsal byed mkhan bo bla ma sangs rgyas bkra shis
nas byang phyogs su chibs sgyur gnang dgos tshul gyi snyan gsan
sngar nas nan cher yang yang phul yod pa ltar gdan 'dren

byed mi khal rta bcas 'byor/ dgung long lnga pa dkar po zhes pas
sbrul lo'i dpyid ka chos sde chen po sku 'bum byams pa gling nas
byang phyogs chen po hor gyi yul du chibs kyi kha lo bsgyur/
phebs lam du'ang dgon sde sgrub sde sogs kyis mtshon

dad ldan so so'i zhu 'bul ltar bsgrub bya 'dus thebs mang po la
dge tshul slong gi sdom pa stsal/ phyogs 'dus kyi dad ldan mtha'
yas pa la phyag dbang dang dam pa'i chos kyi char pa 'dod mos
ltar phab ste kun gyi yid tshim par byas/ de nas rim par

@041a @#/ /brgyud de su nyid dang dur bde gnyis kyis mtshams pA
yan zer ba'i sa nas gdan 'dren zhu mi gtso bo su nyid g.yas
ru'i wang ratna sidd+hi dang/ sku mched mkhan po bla ma sangs
rgyas bkra shis/ tA bla ma bsod nams nyi ma

sogs kyis gtsos 'bangs blon ser skya mang bos chibs bsu zhus/ ho
shos kyi dgon pa bde skyid gling du phebs te rten 'brel gyi thog
mar bkra shis gso sbyong mdzad/ don gnyer pa mang bor 'dod chos
gnang/ mkhan po bla ma'i dgon par

yang thog mar bkra shis gso sbyong mdzad/ rim bzhin dpon po
rnams kyis mchod sprin rgyas par phul/ bstan pa'i gsal byed
mkhan po bla ma sangs rgyas bkra shis/ du'u reng wang ratna
sidd+hi/ tA bla ma bsod nams nyi ma sogs sku mched rnams kyis

mgrin gcig tu bka' chos kyi snyan gsan phul/ de nas dgon pa bde
skyid gling du phebs te/ so so'i 'dod mos bzhin bla dpon ser
skya drag zhan sum stong drug brgya lhag par nyin bcu gcig gi
ring gsang bde 'jigs gsum kun rig rnams kyi dbang

sta gon dang bcas pa/ grub rgyal lugs kyi tshe dbang/ 'pho khrid/
gzhan lung sna tshogs bcas stsal nas dge mtshan gyi dpal la sbyor
bar mdzad/ bsgrub bya brgya dang lnga bcu dge tshul slong gi
dngos por bsgrubs/ cha gan o bo'i dgon pa dge

'dun dar rgyas gling du lam rim bsdus don/ dga' ldan lha ba rgya
ma/ bzlas lung mang bo/ dur bde sO ne'i dgon bar bla ma mchod
pa/ thog mtha' bar sogs rje'i gsung 'ga' zhig gi lung/ sngags
ram ba bla mas zhus ngor dmigs brtse

@041b ma'i 'pho khrid/ gdugs dkar gyi rjes gnang/ sgrol dkar
dang sku lnga'i rjes gnang/ rab 'byams pa blo bzang nyi mas zhus
ngor sgrol dkar gyi rjes gnang lung sna tshogs/ ki rti bla ma'i
'dod mos bzhin bde mchog dkar po dang sgrol ma'i rjes

gnang sogs gnang/ dur bde thu sa lakchi mergen tA ching nas
gdan drangs bar mi 'khrugs pa lha dgu'i dbang sta gon bcas/
thugs rje chen po'i dbang/ 'od dpag med kyi 'pho khrid bcas
stsal/ thus lakmis chos rgyal gtor sgrub cig byed

dgos nan tan zhus ba ltar bstan pa'i zhabs brtan la dmigs nas
gtor sgrub mdzad/ dpon po tshe dpag skyabs dang em chi chos rje
rnams kyis 'dod mos bzhin brgya rtsa'i lung sogs dang/ emchi
blo bzang tshul khrims kyis zhus ngor tshe

bdag mgon po dang phyag rdor sogs kyi rjes gnang/ seng gdong
ma'i gtor chog /'jigs byed bskyed rim sogs kyi lung/ dur bed ja
khi rog chi la/ sgrol dkar dang lha mo'i rjes gnang/ bla mchod
kyi lung/ cha har tsam pa ka nang so bcas

la grub rgyal lugs kyi tshe dbang/ sgrol ma dkar ljang gi lung/
so nyid bo d+hi ca khi rog chir tshe dpag gi rjes gnang/ rigs gsum
mgon po'i snying po'i bzlas lung bcas gnang/ yang sngar gyi so
nyid dgon pa bde skying gling du phebs/ bla ma mchod

ba'i dus bzang tshogs 'khor sogs cha lag tshang ba mdzad/ gu shrI
bla ma'i dgon pa bkra shis rab rgyas gling du phebs te sku skye
zhabs drung la lha mo'i rjes gnang/ nyid kyi gsung gi bla ma'i
rnal 'byor sogs kyi lung gnang/ de nas so nyid u

@042a @#/ /rdzing me rin gyis mchod ba'i grwa tshang la phebs/
'dus tshogs nyis brgya tsam la dga' ldan lha brgya ma'i khrid
lung stsal/ mtsho bdun du chibs kha bsgyur ba'i lam du'ang bla
dpon ser skya drag zhan

nyis stong brgal ba la phyag dbang dang/ so so'i mos pa ltar
dbang rjes gnang lung khrid sogs stsal te skye bo kun gyi yid
tshim bar byas nas mtsho bdun a kyA rin po che'i bla brang du
phyag phebs/ byang phyogs bstan pa'i mnga' bdag

chen po hal ha rje btsun dam pa dang bstan pa'i rtsa lag rje a
kyA no mon han rin po che rnam gnyis/ 7 'jam dbyangs gong ma
chen por mjal phrad gnang rgyur mtsho bdun brgyud nas phebs
skabs/ rje btsun dam pa rin po cher lha rdzas

dngul gyi maNDal/ sku gsung thugs rten/ dngul srang lnga bcu
sogs phul te mjal kha zhus shing/ nyid rnam pa gsum po nyin kha
shas kyi ring la lhan rgyas su bzhugs nas zab chos kyi gleng ba
rgya cher mdzad/ nyid la rje btsun dam pa rin po ches rnam

'joms kyi rjes gnang bya bas khrus dang bcas ba gnang dgos zhes
bka' phebs pa ltar rjes su gnang ba spyi'i chos bshad gang rgyas
kyis brgyan nas phul bas thugs shin tu dgyes te/ kho bo gtan
chag bar khyed nyid dang lhan rgyas su 'dug 'dod che

na'ang/ yul gyis bskal pa'i dbang gis bsam pa bzhin mi yong 'dug
/da res rang cag gi skye ba sngon ma'i smon lam rnam par dag
pa'i mthus dngos su phrad de dam pa'i chos kyi 'brel ba shin tu
zab pa byung bas/ dam ba nyid nas

@042b tshe rabs kun tu rjes su 'dzin pa'i skyabs 'jug ces gnas
tshul rnams zhib rgyas gsungs/ nyid nas kyang lha rdzas/ dngul
maN/ sku gsung thugs rten sogs phul te skyabs 'jug nan tan zhus/
de nas rje thams cad mkhyen ba lcang skya rol pa'i rdo rje'i

mchog sprul rin po cher mjal bar phebs pas/ lcang skya rin po
ches gzigs pa che bzhes kyis bka' mchid mang du stsal/ slar mtsho
bdun gyi a kyA bla brang du phebs nas yun ring tsam bzhugs/
bstan pa'i gsal byed lcang lung paNDi ta mjal bar

phebs pa la zab chos kyi bgro ba rgya cher mdzad/ ho'u chid
g.yas ru'i wang gis zhus pa bzhin dam can skyes bu chen po'i
rjes gnang dang/ or du sucUn gar tA be zil sgrol dkar gyi
rjes gnang stsal/ dur bde tA wang zhe hor la gong mar mjal du
phebs zhor

la rje 'di mjal bar byon nas phyag dbang dang chos 'brel zhus/
mtsho sngon dang smad phyogs kyi dbon po mang bos mjal bar 'dod
chos stsal/ mjal ba bla dpon ser skya drag zhan chig khri lnga
stong brgal ba la phyag dbang dang chos 'brel stsal cing/ lhag

bar rigs gsum mgon po'i bzlas lung ljags bsdo sogs gnang ste kun
gyi rgyud la thar pa'i sa bon bskrun/ a kyA rin po che'i zhabs
brtan du yid dam gyi bsnyen pa dang chos srung spyi la mchod
gtor gang rgyas 'phrin bcol sogs gnang/ hal ha rje

btsun dam pa rin po che dang/ a kyA rin po che rnam gnyis nas
7 'jam dbyangs gong mar mjal phrad grub nas yang skyar mtsho bdun
du phebs pas/ nyin kha shas kyi ring lhan du bzhugs nas mdo
sngags chos kyi bka' mchid mang du mdzad/ khyad par dka'

@043a @#/ /gnas mang po bkrol bas chos kyi dga' bas rol bar gyur/
skabs shig tu or du su cun gar tA pai zi'i sras mo gnyis la
gdon gyis zin te ci bya gtol med du gyur nas mgon skyabs su gdan
drangs pa bzhin

phebs/ phyag dbang bka' bsgo/ srung mdud sogs stsal bas bu mo
gnyis dran med du brgyal zhing/ brgyal sangs nas kho rang gnyis
kyi srog skyob dgos tshul gyi skyabs 'jug zhus pas nad las rim
gyis grol te dpon 'bangs tshang mas

nyin mtshan khor yug tu rje 'di la gsol ba 'debs ba byung/ dur
bde tA wang phun tshogs bsam 'grub 7 gong mar mjal nas rang yul
du ldog skabs lam du bsnyun gzhi drag po zhig gis thebs te/
gzhan gyi sa char mgon skyabs ye ma mchis par

bzhugs pas/ nyid la skyabs btsal nas gsol ba btab bar thugs
brtse bas nye bar gzigs te phyag sman dang bka' bsgo sogs stsal
cing rim gro 'ga' zhig bsgrubs pas/ zhag gcig nas sku bsnyun las
grol te dad ba lhag par skyes nas rta mgrin

gsang sgrub kyi rjes gnang zhus shing dbon po rang gi urger
gden 'dren kyi snyan gsan phul/ de nas ston mjug mtsho bdun nas
cha har gyi sde tsho brgyud de chibs kha yar bsgyur/ phebs lam du
dad ldan ser skya lnga stong brgal ba la phyag

dbang ma Ni'i bzlas lung sogs stsal nas kun gyi re ba bskang bar
mdzad de a to tshin ha ya gri wa'i dgon par phebs/ dge 'dun 'dus
tshogs yongs la dga' ldan lha brgya ma'i khrid lung/ 'pho ba'i
man ngag bcas ltsal/ de nas rim bar

@043b bstsad de glang chen dal 'gros kyis phebs pa'i lam zhor du
cha har ku lu o lAn shog gi dbon po bkra shis tsun tA mi sde
bcas la sgrol dkar dang sgrol ljang sogs kyi rjes gnang/ seng
gdong ma'i sgrub thabs kyi lung/ bzlas lung 'ga' zhig bcas

stsal; de nas cha har ku lu o lAn shog gi sngo nyig dgon ba
bstan pa dar rgyas gling du phebs/ dad ldan rnams la phyag dbang
sogs stsal/ der khal rta dang chibs pa rnams bzhag nas 'dzam
gling gi gnas chen/ shar ri bo rtse lnga/ lhor ri bo gru

'dzin; nub o Di ya na/ byang shamb+ha la/ dbus rdo rje gdan te
lngar gsungs pa'i nang nas/ rje btsun 'jam pa'i dbyangs kyi
zhing/ 'jam dpal rtsa rgyud/ mdo sde phal bo che/ yi ge brgyad
pa'i cho ga zhib mo sogs las lung bstan

pa gnas mchog ri bo rtse lngar mjal bar phebs/ rta zhon khal
bkal nas 'gro ba gzhan la gnod pa las ma log pas dkar nag 'dres
ma'i skyon gyis sbags te gnas mjal tshul mthun mi yong bar dgongs
nas rtag du chos 'phags

mjal bar phebs tshul bzhin dpon g.yog thams cad zhabs thang la
phebs/ lam du yin gru'u mkhar gyi lha khang mchod rten mar mchod
mjal gnang/ ri bo dwangs bsil gyi ri lnga las don yod grub ba
'phrin las kyi gnas byang ri'i rtse mor bzhugs

pa'i lha khang gi rten rnams dang/ ri'i phyogs phyogs su yod pa
'jam dbal dang gnas brtan gyi khri/ brtul zhugs spyod ba'i mchod
/rten sogs la mjal te/ stung bshags/ skyabs sems/ yan lag bdun
pa maNDal bcas/ thun drug@044a @#/ /gi rnal 'byor sogs lam thun mong dang thun
mong ma yin
pa'i nyams bzhes cha tshang ba/ mjug tu smon lam rnam lnga bstan
'bar ma sogs gsung ste bstan 'gro'i don du bsngo ba'i spyan
dmigs nan tan mdzad cing phyag

mchod skor pa sogs gang rgyas gnang/ de nas dun the'am wang he
spung zhes thugs mi bskyod pa'i gnas shar ri'i rtser byon/ rten
rnams la mchod mjal gnang zhib phyag mchod zhal 'don gyi rim pa
thams cad gong bzhin spyan dmigs shugs

drag po'i sgo nas gnang ste/ mjal lo tsam ma yin par rten che ba
thams cad kyi drung du de dag chag med du phyag len la 'debs par
mdzad/ sred med kyi bu'i phugs dang/ tshag zhwa'i mchod rten/
spyan ras gzigs kyi khri/ sdong bo bkod pa'i phugs

sogs zhib mjal dang bsag sbyangs gang rgyas gong bzhin gnang/
rgya gar gyi slob dpon bdun phebs nas ting nge 'dzin la zhugs te
ma lngas pa'i steng du bzhengs pa sangs rgyas rabs bdun gyi lha
khang du phyag bteg bsag sbyang rgyas pa sngar ltar mdzad/

de nas 7'jam dbyangs gong ma'i ba yar gyi nyin dang dus 'dzoms
par/ 7gong ma'i gzim chung la mchod mjal rgyal pa zhus hwa shang
gi lha khang mang po brgyud de lcang skya thams cad mkhyen pa'i
gzim chung dang/ dpal ldan rigs brgya'i

khyab bdag rje btsun rol pa'i rdo rje'i sku gdung mchod rten la
mjal/ nyer spyod kyi mchod pa dang mchod me brgya phrag mang po
phul te/ ltung bshags/ skyabs sems/ yan lag bdun pa maNDal bcas/
thun drug gi rnal 'byor sogs dkyus ma'i

@044b steng du bla mchod dang khrus gsol sogs bsnan te smon lam
rnams dang bstan 'bar ma bcas gsung zhing bstan pa rgyas pa'i
thugs smon rgya cher mdzad/ dpon bo tem mchi bla ma dang grwa
rigs rnams kyi 'dod mos bzhin dga' ldan lha brgya ma dang

rigs gsum mgon po'i snying po'i lung sogs stsal/ jing he zi zer
pa'i lha khang dang/ khyud sa ri'i mchod rten che ba dang/ gzhan
yang mchod rten 'ga' zhig bcas par mchod 'bul zhus/ de nas hwa
shang gi lha khang/ 7gong ma'i gzims

chung; gnam gang gi zla ba mthong ba'i chu mig ming ywe The zer
ba bcas la mjal/ de'i mdun gyi mchod rten dang/ de'i gsham gyi
hwa shang gi lha khang bcas la mjal/ de nas chu'i tshur kha'i hwa
shang chin ye sen gyi lha khang sogs la mchod

mjal zhus/ de nas chin ho dun zer ba'i lha khang dang/ brag gi
phugs mig sogs la mjal/ de nas lho ri yongs grags nan the zer
zhing kyin? she'u phung ste mdog bzang bkra ba'i spa zhes grags
pa'i rtser bzhugs pa'i kun bzang mchod rten dang lha khang

ching lang shi ste mdo las gsungs pa'i dwangs bsil rdo dang der
yod pa'i hwa shang gi dgon rnams mjal/ de nas lo han dun/ gu chi
leng/ cin ga lin/ gru rin zi/ tshi phong ma ban shu zi zer ba
rnams dang mchod rten sngon po ri mo can rnams la

mjal; de nas ching legs cho zer ba'i zam brgyud de zhag bab kyi
sar lha khang zhig tu rgya'i chin ye sen zer ba'i hwa shang zhen
can/ hwa shang thung shun hwa shang zhin min te hwa shang gsum
bzhugs yod pa de gsum gyis kho rang tsho'i 'dug sa'i khang ba la
byi

@045a @#/ 29 /dor legs par byas nas rje 'di pa gdan drangs te
bzhugs su bcug /de'i mtshan gyi ring yongs rdzogs la rje nyid
dang hwa shang gsum ga lhan du bzhugs/ zhabs gras rnams khang pa
logs shig tu bzhag ste/ rnam

pa bzhi pos chos kyi bgro ba 'ba' zhig gis dus 'da' bar mdzad/
skabs la lar rnam pa bzhi gas rgya skad kyi ma Ni gsung gin 'dug
pa 'ga' zhig gis thos nas ya mtshan te mdun du song bas/ zhal
ta'i mtshams bcad de rje 'di pas rang ga'i

zhal 'don zhig dang/ hwa shang gsum pos rgya skad kyi ma Ni
gsung pa'i tshul tsam las gzhan rnams sbas pa'i tshul gnang/ sang
zhogs gsol dpon dge slong bstan 'dzin chos 'phel gyis gsol ja
khyer dus rnam pa bzhi ga sngar dgung ji ltar

bzhugs pa'i tshul de las cung zad kyang ma g.yos bar bzhugs 'dug
pas kho shin tu ngo mtshar skyes/ 'on kyang de nas phebs kar ha
cang dgyes drag pa'i nyams kyis zhabs phyi nang ma 'ga' zhig la
zhal rtsed kyi tshul du mdangs rje btsun 'jam

dbyangs kyi sprul pa hwa shang gsum dang zhag gcig lhan du bsdad
pas skal ba shin tu bzang zhes gsung/ de'i tshe mgur gyi tshul du/
zla 10 tshes 8 bzang nyin 'jam dbyangs kyi/ /gnas mchog ri bo
rtse lnga yi/ /ching ling cho rur 'jam dbyangs kyi/ /sprul ba

hwa shang gsum dang phrad/ /btsun pa mi nyag sprul ming bdag
/'jam dbyang go 'phang mnyam thob shog /ces tshigs bcad 'ga'
'then pa zhabs gras pa shes ldan zhig gis thos te dgongs gzhi
can gyi gsung yin par go nas shin tu dad de tshigs

@045b bcad de dag shin tu bsgrim nas blor gzung ste brjed thor
bris/ de nas phebs te gom pa lnga bcu tsam song dus grwa pa zhig
gis kha ton gyi dpe lus pa dran nas phyir len rgyur song tshe hwa
shang gsum ga mi 'dug par ma zad bsdad shul song rjes ci yang
med par

khang stong du snang zhes tshur 'ong nas bshad pas/ grwa pa thams
cad kyis gzhi bzung nas gtan chags su bsdad yod pa'i rnam pa las
'phral du chas nas 'gro ba'i tshod min/ 'gro na'ang bar der long
yod sa med pas nges par 'jam dbyangs kyi sprul pa yin par

gor mchag go zhes mgrin gcig tu gleng/ de nas kwa ywe'i spung
ngam yongs grags zhi the zer ba nub ri'i rtser phebs/ khro sku
dang mchod rten chen po zhig la mchod mjal zhus/ de nas grub the
zer pa'i dbus ri mtshar sdug lhun po'i rtser phebs/ mchod rten
che chung lnga dang yang

mchod rten che ba zhig dang rdo'i sku che ba bcas la mchod mjal
gnang/ de nas dgra bcom pa lnga brgya'i lha khang du phebs te
brgya mchod dang snyan shal gang rgyas phul/ ltung bshags sogs
sngar bzhin mdzad/ de nas dbyar gnas kyi lha khang dang/ 'jam

dbyangs bgres pa'i lha khang/ sgrol ma'i lha khang rnams su byon
nas phyag mchod rgyas par mdzad cing/ nang rten du sgrol ma'i
bris thang zhig gdan drangs par mdzad/ slar sangs rgyas rabs
bdun du phyag bteg /rim par bde mchog lha khang dang/ rje

lcang skya rin po che'i ri khrod dang bla brang/ rdo rje'i phugs
sogs la mchod mjal rgyas par byas nas bya rgod phung po'i ri
dang mtshungs par gsungs pa phus ting zer ba dang/ lo ho thi zer
ba gnyis kyi rten rnams zhib mjal bar/ grwa tshang du mang ja
sogs

@046a @#/ /kyis bsnyen bkur zhus/ de nas rgyab kyi 'jam dbyangs
rang byon gyi lha khang 'jam dpal sde chen zer ba dang/ phus
ting gi mdun na chos rgyal mya ngan med kyis bzhengs par dgra
bcom pa ma ting gis lung bstan pa gnas chen

'di'i lte ba dang rten gtso nor bu chen po'i mchod rten bya ba'i
mchod rten dkar po chen po bcas la mjal nas skor phyag mchod pa
zhal 'don sogs gang rgyas gnang/ sog skad kyis khu ri la su mi
zhes 'bod pa zangs kyis bzhengs pa'i lha

khang dang/ lcang skya thams cad mkhyen pas bzhengs pa'i mchod
rten dkar po chung ba dang/ nor bzang phugs/ 'jam dbyangs rigs
lnga'i lha khang/ 'jam dbyangs kyi sgrub khang brag sogs la
mchod 'jam zhus/ de nas spyan ras gzigs kyi

sgrub phugs su mjal zhing dar rgyas no mon han gyi lha khang du
phyag btegs so/ /mdor na gong gsal gyi rten rnams dang byang
ri'i rtse nas g.yas skor du mjal skabs tha na lam du yod pa'i
rdo dang bong ba yan chad la 'jam dbyangs dngos kyi 'du shes

kyis dag snang sbyangs ba las hab rgyug mi mdzad/ rten gang
gzigs kyi rtsar ltung bshags sogs dang 'brel ba'i phyag gang
mang/ skyabs sems/ yan lag bdun pa maNDal bcas dang/ thun drug
gi rnal 'byor/ bla ma mchod pa/ smon lam

rnam lnga/ bstan 'bar ma sogs gsungs shing thugs smon gang drag
mdzad/ lam thag ring ba sogs kyis ji tsam brel dgos pa yod kyang
zhal 'don khral rgyug tu ma song ba'i dal bur spyan dmigs gtad
nas gsung/ so so'i dkon

@046b gnyer la mchod sgron thebs dang/ mchod pa thams cad shin
tu gtsang sbra thon nges dang mgo mjug snyoms pa rgya gang che
bstar/ gnas der bzhugs pa'i grwa tshang che phra so sor mang ja'i
dod dngul srang bcu yan chad kyis bsnyen bkur zhus/ de nas

7'jam dbyangs gong ma'i gser gyi rgyal khab chen por phebs yung
hwa gung gi a kyA bla brang du bzhugs gnas mdzad/ nang rten
tsan dan jo bo/ gdugs dkar lha khang/ bde ba can/ mchod rten
dkar po/ yung hwA gung gi lha rten sogs la mchod sgron rgyas

phar phul te so so'i mdun du bsag sbyang gi rim ba rgya chen po
snga ma bzhin sngar chags su mdzad/ de nas lcang skya thams cad
mkhyen pa'i mchod spurl rin po che dang/ khri chen rgya nag pa'i
mchog sprul rin po che/ zam tsha gser khri rin po che rnams la
rim

bzhin mjal phrad zhus/ pho brang du bzhugs pa'i sgrub sde so sor
mang ja'i bsnyen bkur mdzad/ slar yang ri bo rtse lngar phebs/
zhabs grwa pa mang mang cha har la btang ste/ rje nyid gsol dpon
dang dge bshes gnyis bcas dpon g.yog bzhi bkwa'

yin dun zer ba spyan ras gzigs kyi sgrub khang zhes grags bar
byon te/ bla mchod dus bzang tshogs 'khor bcas cho ga'i yan lag
tshang bar mdzad/ yun ring tsam bcad rgya bsngams nas yid ma
lha'i ljags bsnyen mdzad skabs nyams rtogs

khyad par can 'khrungs nas thugs spro ba'i tshul gyi nyams mgur
bzhes pa ni/ !dus gsum rgyal ba kun gyi bdag nyid/ /bla ma
'phags pa spyan ras gzigs dbang/ /bde chen 'khor lor 'bral med
bzhugs la/ /lus ngag yid gsum

@047a @#/ /byin gyis rlobs shig /bdag ni thag ring yul gyis bskal
yang/ /sngon bsags dge ba'i rlung gis bskyod de/ /phyi dang nang
gi nyer 'tshe med par/ /zhing mchog 'di ru bde bar 'byor ro/ /a
la la dga'

ba'i skyid glu len no/ /brtse ba'i gter chen thugs rje las
'ongs/ /yan lag brgyad ldan bdud rtsi'i bcud can/ bkra shis dge
mtshan chags ba'i gnas su/ /lam bzang sgrub ba'i go skabs rnyed
do/ /a la la g.yeng ba'i dran pa

nang du bkug nas/ /khyod gsung snying po yig drug bgrang bas/
/rang gi shes rgyud 'dul dang chabs cig /rigs drug sdug bsngal
kun kyang sbyangs so/ /a la la x brgyad ldan chu la bskol pa'i
ja ni/ /yang yang btung yang ro zhim

ldan pas/ /yid kyi bu chung tshim dang ldan cig /dran shes am
brtan par chags song/ /a la la x yid 'ong blta na sdug pa'i
brag rir/ /dri ldan rtsi shing tho res brgyan cing/ /sna tshogs
bya skad snyan par sgrogs par/ /dmu rgod sems rta kha lo bsgyur

song; /a la la x sa bkra bzang zhing mtho khyad dbang gis/
/rang gi sems kyi gzengs kyang mtho zhing/ /zhe sun zhum pa ci
yang med par/ /yid ni dge lam chog tu sbyor song/ /a la la x
mthon po'i gnas las kun tu bltas tshe/ /bzang

ngan sna tshogs mthong ba ji bzhin/ /nang bltas shes pas rgyud la
bltas na/ /bdag tu 'dzin pas bslad pa mthong ngo/ /a la la x
rdo yi 'gram dang chu la brgal te/ /gnas 'dir gyen du 'grod pa
bzhin du/ /srid bde 'dod pa'i chu las

@047b brgal te/ /thar pa'i them skas mchog tu 'jog go /a la la
x nang gi sems dang phyi yi gnas kyi/ /khyad par mthun pa de lta
lags na/ /mgon khyod thugs rje cir yang 'gyu bas/ /'gro rgyud
smin par mdzad pa yin no/ /a la la x

bdag gi sngon bsags las smon bzang zhing/ deng 'dir mos gus kha
zhe med ba/ /gnas kyi khyad par phyi nang mthun pas/ /ngo mtshar
dge sbyor yid la sman no/ /a la la x brtse ldan 'phags mchog
thugs rje'i sprin las/ /byin rlabs

gru char 'dod ba 'jo bas/ /bdag rgyud zhing sa brlan par mdzad
de/ /dge sems myu gu 'khrungs par byas so/ /a la la x spyir na
gangs can yongs kyi lha skal/ /sgos su nyam chung bdag gi skyabs
gcig /bshes gnyen bla ma'i rnam par

byon te/ /gtan bde'i lam bzang gsal bar ston cig /a la la x bla
ma lha la gsol ba 'debs pa/ /'dis mtshon dge tshogs rgya mtsho ci
mchis/ /mkha' mnyam mar gyur 'gro ba kun kyang/ bla med byang
chen 'thob ba'i rgyur bsngo/ /

a la la dga' ba'i skyid glu len no/ /tshul bzhin sgrub pa'i dge
ba 'dis kyang/ /bstan 'dzin dam pa'i mdzad 'phrin rgyas shing/
/rgyal bstan dbyar mtsho bzhin du 'phel ngos/ /'jig rten khams su
dge mtshan khyab gyur/ /ces nyams

mgur 'di ni gnas mchog ri bo rtse lnga'i spyan ras gzigs kyi
sgrub phugs su mi nyag tshul khrims bstan pa'i nyi mas dga' ba'i
skyid glur blangs pa'o/ /zhes pa ste dpyod shes pa zhig gis
dpyad na rnams thar zhig la/ rang gi shes rgyud 'dul dang chabs

@048a @#/ /cig /rigs drug sdug bsngal kun kyang sbyangs so/ /zhes
pa 'di gcig pus chog pa lta bur snang/ byang chub mchog tu gzhol
ba'i rgyud gcig pu/ /nyams mgur dri za'i 'phang 'gro brdung ba'i
sgras/ /srid zhi'i

mtha' la brten pa'i gru gzings ni/ /dum bur gzhig pa'i ngang
tshul e ma rmad/ /ces kyang gtam du bya'o/ /yang 'di skad gsungs
te/ zhing rab 'byams rgyal brgya mtsho'i bdag /lha snying rje'i
gter chen spyan ras gzigs/ /gnas

spyi bor zhabs zung padma dkar/ /dus rtag tu 'bral med bzhad
bzhin bzhugs/ /bdag phan chung yul gyis bskal gyur kyang/ /sngon
dge ba'i 'phags pa'i rlung shugs kyis/ /zhing dam pa dge legs
'byung gnas 'dir/ /phyi nang gi nyer 'tshe med

par 'byor/ /sgos lha khyod thugs rjes byin brlabs shing/ /'gro
shes rgyud dri ma mngon bkrus phyir/ /chu yan lag brgyad ldan
dngos ston pa/ /gnas bkra shis dge mtshan 'khyil ba 'dir/ /yid
dge la sbyor 'dra'i brtson pa yis/ /lam

bzang po sgrub skal zhag 'ga' rnyed/ /mgon thugs rje'i 'od snang
'bum 'gyed pas/ /bdag ma rig 'khrul pa cung sangs te/ /lar rang
gi spyod tshul brtags pa na/ /blo bdag 'dzin 'di yis tshas bslad
mthong/ /da sgo gsum nyes

spyod ci bgyis pa/ /mgon thugs rje nyin bzhin mngon mthong nas/
/spyir 'dus byas thams cad mi rtag cing/ /sgos rang nyid myur du
'chi ba'i tshul/ /dus nyin mtshan med par bsam pa'i ngos/ /mchog
lam bzang sgrub la bskul bar mdzad/ /skyabs

@048b bslu ba med pa'i thugs rje dang/ /bdag lhag bsam dag pa'i
mos tshogs las/ /lha thugs rje chen po'i byin rlabs rgyun/ /bdag
yid la 'bral med chags gyur cig /ces pa 'di ni gnas mchog ri bo
rtse lngar spyan ras gzigs kyi sgrub khang du zhag

'ga' bsdad skabs bris pa'o/ /zhes gsungs/ yang skabs shig thugs
la bzod glags med pa'i skyo shas kyi nyams chen po byung ste
skyo mgur bzhes pa ni/ gnas spyi gtsugs seng khri pad zla'i
steng/ /skyabs kun 'dus bla ma 'jam pa'i dbyangs/ /dus rtag

tu 'bral med dgyes bzhugs la/ /nyam thag pa'i gdung dbyangs 'di
la gson/ /bdag thag ring yul gyi bskal na yang/ /sngon bsags
pa'i rnam dkar las kyi dbang/ /zhing mchog 'dir nye zho med bar
'byor/ /dge yud tsam sgrub pa'i go

skabs rnyed/ /lar rang gi spyod tshul brtags pa na/ /skyabs dam
pa'i drung na ya rang/ /na gzhon nu'i dus nas skyes chen gyi/
/ming grags snyan lang tshos mdzes na yang/ /nang yon tan dam pa
ma byung bas/ /bstan 'gro la phan bsam ngo re gnong/ /

mgon bshes gnyen du ma'i zhabs la gtugs/ /zab rgyas kyi gdams pa
mang bstan kyang/ /don nyams len gnad du ma khel bas/ /rgyud tha
mal du lus pa 'di la gzigs/ /mtshan ldan gyi mkhan slob dam pa'i
drung/ /so thar sogs sdom gsum

legs mnos kyang/ /dam tshig dang sdom khrims yal bor bas/ /nyes
ltung gi gong bu bdag la gzigs/ /thos bsam sgom 'bad lo byas
legs kyang/ /bdag 'dzin gyi 'khri bas dam du bcings/ /rgyud chos
las gol yang chos bshad mkhan/ /phyi bla ma'i@049a @#/ /gzugs brnyan bdag la
gzigs/ /don sgra spyir song ba'i
dge sbyor gyis/ /rang gzhan la phan bar re na yang/ /rang rgyud
la nyams myong ma mchis bas/ /nang bla ma rul ba 'di la gzigs/
/skyes mtho mnyam dman ba

su la yang/ /yid dag snang skad cig tsam ma 'byongs/ /rang cher
rlom 'gran sems nga rgyal gyis/ /rgyud rul bar byas pa 'di la
gzigs/ /skyon sna mang rang la mchis ba dag /mgon khyod la re
rer ngo pa grangs te/ /snying khong nas gsol ba

btab lags na/ /bdag blo kha chos la myur du sgyur/ /tshe mjug 'di
chos su gtong ba yis/ /skyabs smon 'dun snying nas btsal byed
na/ /mgon thugs rje bslu ba mi mnga' bas/ /bdag thar lam sgrub
bar byin gyis rlobs/ /zhing dam

pa ri bo rtse lnga yi/ /gnas ting 'dzin rol pa zhes bya bar/
/nga mi nyag ban rgan spyod tshul dbyangs/ /mgon 'jam pa'i
dbyangs kyi drung du len/ /zhes pa'o/ /nyams dang rtogs ba'i chu
bo nang nas rdol/ /longs spyod 'khor lo'i mdud ba rang sar

grol; /zab rgyas gdams pa'i glu dbyangs len pa de/ /mi la bzhad
ba'i rdo rje ma yin nam/ /de nas lcang skya thams cad mkhyen
pa'i ri khrod du phebs/ gso sbyong bla ma blo bzang dar rgyas
kyis gtsos ri khrod ba rnams la bla mchod sogs khrid lung mang

po; gcod nam mkha' sgo 'byed kyi dbang sogs stsal nas dge ba'i
sa bon khyad par can bskrun bar mdzad/ gso sbyong bla mas bskul
ngor rje btsun 'jam dbyangs dang 'brel ba'i bla ma'i rnal 'byor
nyams su len tshul dngos grub kun 'byung/

@049b ri khrod pa dge slong blo bzang rin chen gyis bskul ngor
ma cig la bsgron la brten ba'i bla ma'i rnal 'byor/ hal ha blo
bzang dang rgyas kyis bskul dor rje nyid kyi mtshan sngags bzla
tshul/ pa ring dpon po rin chen phun tshogs kyis bskul ngor lha
mo'i gsol

mchod rnams ljags rtsom mdzad/ gzhan yang der 'dus ba'i dad ldan
ser skya drag zhan thams cad la so so'i 'dod mos bzhin dam pa'i
chos kyi char bab ste kun gyi yid tshim bar byas/ de nas dgun
mjug tu sngar gyi cha har so nyig dgon pa bstan pa

dar rgyas gling du byon/ lcags rta'i gnam lo gsar bzhad kyi tho
rangs dpal ldan dmag zor rgyal mo'i chos gtor phyag len bzhin
mdzad/ dgon pa de'i bdag po sprul sku la rab byung gi sdom pa
stsal te mtshan blo bzang tshul khrims nyi ma zhes btags/ sprul

ba'i sku dang tA bla ma dam chos bzang po/ dge rgan rab 'byams
pha blo bzang dngos grub rnams kyis gtsos 'dus tshogs yongs nas
gsol ba btab ba bzhin bla grwa nyis brgya lhag la 'jigs byed
sngags btu/ rta mgrin gsang sgrub/ sgrol dkar/

dbyangs can ma dkar dmar/ nor rgyun ma/ sman bla sogs kyi rjes
gnang/ gnas brtan cho ga /rje rin po ches mdzad pa'i bstod chen
bzhi/ 'jam dpal mtshan brjod/ tshe dpag gi cho ga /rdo rje gcod
pa/ sman chog /'jigs byed

kyi mngon rtogs za ma tog /de'i bskyed rim gyi lung bcas stsal/
yang dgon ba de'i bla ma dge 'dun bcas dang mchod gzhi thun mong
nas zhus ngor ser skya brgyad brgya skor la thugs rje chen po
bcu gcig zhal/ rdo rje rnam 'joms sogs kyi rjes gnang/ 'od dbag

@050a @#/ /med kyi 'pho ba'i khrid lung sogs stsal/ phyogs gzhan
nas dad ldan ser skya nyis stong lhag 'dus par so so'i 'dod mos
bzhin phyag dbang/ bklag lung/ ljags bsngo sogs stsal te kun gyi
yid tshim par mdzad/ rab

byung/ dge tshul/ dge slong bcas bsgrub bya bcu phrag gnyis la
sdom ba phog /de nas cha har gu lu o lan gyi al than bu si'i
dgon par gdan drangs pa ltar phebs/ ther gun tA bla ma/ dge
bskos d+harma rin chen/ dge bskos shes rab/ spyi

gnyer sogs las sne'i rigs dang 'dus tshogs yongs nas zhus pa
bzhin ser skya stong phrag lhag la rnam 'joms kyi dbang rjes
gnang gnyis/ thugs rje chen po bcu gcig zhal gyi dbang/ lung
thor bu sna tshogs bcas stsal/ dge bskos bla ma lnga

ba'i lam du song bar brtse bas dgongs te bsngo smon gyi rgyas
'deb nan tan mdzad/ dge 'dun spyi nas bla mchod kyi khrid zhus
par nyin kha shas kyi ring la gzab bshad nyams myong gis brgyan
pa rgyas par stsal/ or du su shog gi gu shri chos

rje bla ma ye shes dbal ldan gyis zhus ngor ser skya lnga brgya
tsam la tshe lha rnam gsum gyi rjes gnang/ sman bla ring po'i
lung bcas stsal/ bla ma de'i 'dod mos bzhin phyag rdor gtum chen
gyi mngon rtogs dmigs rim bcas ljags rtsom mdzad/

tsun tA bkra shis yar 'phel gyi mos 'dun ltar sgrol dkar gyi
rjes gnang dang/ 7'jam dbyangs gong ma'i zhabs brtan sogs ljags
rtsom mdzad/ sor ga su tu'i dgon par byon te zla dpon ser skya
thun mong nas zhus pa bzhin sgrol dkar dang gtsug tor

@050b rnam rgyal gyi rjes gnang/ lung 'ga' zhig bcas stsal/ cha
gan chos rje bla ma dge 'dun bkra shis kyi dad mos ltar nam
mkha' sgo 'byed kyi dbang/ gsang 'dus smon lam gyi lung/ nyid
kyi ljags rtsom 'jam dbyangs bla ma'i rnal 'byor gyi lung sogs

gnang; cha har gu lu shara'i ja lan dbang mchog la gtsug gtor
rnam rgyal ma'i rjes gnang/ gdugs dkar gyi lung/ dad ldan rang
rang gi yul phyogs kyi gzhi bdag sogs la gsang mchod 'phrin
bcol/ g.yang 'bod sogs ljags rtsom thor bu

mang po zhus pa'i re ba bskangs/ mdzo dge phyogs kyi zhabs drung
zhig gis dzaM dkar lha lnga sogs rjes gnang 'ga' zhig /dzaM dkar
mngon rtogs kyi lung sogs zhus pa ltar gnang/ de nas bsgrub bya
bsnyen gnas drug /rab byung bco lnga/ dge tshul nyi

shu lhag /dge slong nyi shu rtsa bzhi bcas so thar gyi sdom pa'i
dbal la bkod de thar ba'i rgyal mtshan bsgrengs/ or du su tsun
gar tA pai zi'i sras chung ba dkon mchog mjal du 'ongs te
gzhi'i gsung brtag zhus pa'i lan stsal/ kho ring phyogs

su gdan 'dren gyi snyan gsan yang phul/ de nas cha har gu lu u
lan gyi dgon pa bde ldan bkod pa gling gi 'dus spyi nas tA bla
ma blo bzang chos grags ngo g.yog ched mngags btang ste dgon
par gdan drangs ba ltar phebs/ er ti ni mer gan slob dpon ta'i
ching

chos rje bla ma hu thog thu blo bzang bstan pa'i rgyal mtshan
gyis gtsos rab 'byams pa blo bzang dbang rgyal/ kun pe lig thu
tA bla ma blo bzang chos grags/ er ti ni chos rje blo bzang
'jigs med/ er ti ni me gen nang so dge bskos/ slob dbon

@051a @#/ /gu shri bde legs nyi ma sogs dge bshes mang po bcas
'dus tshogs nas mkhas grub sangs rgyas ye shes kyi bka' 'bum
dang/ paN chen blo bzang chos kyi rgyal mtshan gyi gsung 'bum gyi
lung/ bla mchod kyi khrid

sogs zhus pa ltar/ bla ma las snes gtsos 'dus tshogs yongs la
smin rgyas su stsal/ yang bla ma blo bzang bstan pa'i rgyal
mtshan nas 'jigs byed ro langs brgyad skor dang zhe dgu ma gnyis
kyi dbang zhus pas/ bla ma de nyid dang chos rje blo bzang

'jigs med/ gu shri bde legs nyi ma/ rje nyid kyi mchod dpon
drung yig pa dge slong tshul khrims bstan 'dzin bcas slob ma bzhi
la 'gol po byas nas bka' drin du stsal/ yang bla ma de nyid kyis
gtsos pa'i 'dus tshogs yongs la rta mgrin

gsang sgrub kyi dbang sta gon dang bcas pa/ dga' ldan phyag rgya
chen po'i khrid rgyas pa/ sems bskyed cho ga cha lag tshang ma/
dad 'dus kyi ser skya stong phrag lhag la grub rgyal lugs kyi
tshe dbang/ rigs gsum mgon po'i snying bo'i bzlas

lung bcas chos sbyin mi zad pa'i gter gyi sgo 'phar phye ste de
thams cad dga' mgu rang pa'i dpal la bkod/ grwa tshang 'dus spyi
nas bla ma mchod pa'i dus bzang zhig gsar 'dzug gnang dgos tshul
nan cher zhus pa ltar/ gdan sa chen bo sku 'bum byams

pa gling gi bla ma mchod pa'i dus bzang gi phyag len ji lta ba
bzhin dang/ rje btsun bla ma dam ba yongs 'dzin rin po ches
mdzad pa'i bla mchod khrid yig rgyas ba'i nang ltar 'dzug rgyu'i
zhal bzhes mdzad/ nye gan sa ba gsol dpon dge slong blo bzang
nyi mas dbyangs

@051b rta 'dur gsum legs par khrid de bstan 'gro'i phan bde'i
gsos su dmigs nas btsug /bkra shis gso sbyong sogs kyang rgyun
gyi phyag len ltar mdzad/ bsgrub bya lnga bcu lhag la rab byung/
dge tshul/ dge slong gi sngom pa bcas stsal/ dgon ba

de'i bshad sgrub gyi bya ba 'phel rgyas su dmigs te/ sgrol ma
maNDal bzhi chog /yi dam chos srung rnams la gtor 'bul brin bcol
sogs gnad smin/ chos rgyal gyi drug cu pa/ lha mo'i gshegs gtor
sogs bsngo bar mdzad cing/ klu bum yang

tshad ldan bsgrubs nas gnang/ cha har khu be thu u lan gyi rtsis
ram pa bla ma'i dgon ba'i mchog sbrul bsnyun bzhes pa'i don du
gdan drangs ba bzhin phebs/ khro bo sme brtsegs kyi byabs khrus/
rnam 'joms kyi byabs khrus bcas stsal/ yi dam chos srung

la gtor 'bul phrin bcol gnang/ bsgrub bya sum cu tsam la dge
tshul slong gi sdom ba stsal/ cha har ha ya gri wa'i dgon pa'i
bka' bcu ye shes rgyal mtshan la sku lnga'i rjes gnang dang lung
kha shas/ cha har gu lu u lan shog gi dpon bo blo bzang dbang
po

la sgrol dkar gyi rjes gnang/ al than bu si'i dgon ba'i bla ma
tho yon hu thog thu la tshogs bdag dmar po dang dbyangs can ma
dmar mo sogs kyi rjes gnang/ gu lu khu kho'i dzang gi dbang
'phel la seng gdong ma dang gdugs dkar gyi rjes gnang/ 'chi

med dzang gi la sgrol dkar dang rnam 'joms kyi rjes gnang/ tsun
tA dpon po mgon po la rnam 'joms kyi rjes gnang sogs rang rang
gi 'dun pa ltar gnang/ u lan dge bskos blo bzang gi rten la rab
gnas bsdus pa dang klu gtor btang zhing sgrol dkar

@052a @#/ /gyi rjes gnang stsal/ su nyid slob dpon bla ma'i sgar
thog tu phebs te dge mtshan spel ba'i cho ga gsung par mdzad/ de
nas slar yang su nyid dus reng wang sku mched kyi thog tu phebs/
wang gi thugs 'dun

ltar yi dam chos srung la gtor 'bul phrin bcol sogs gzab rgyas
mdzad cing mjug tu g.yang 'bod byas/ tshe dpag grub rgyal ma'i
rjes gnang stsal/ hu thog thu bla ma skal bzang bsod nams kyis
zhus te sgrol dkar dang rta mgrin gsang sgrub kyi

rjes gnang/ lam rim bde lam bla mchod sogs kyi lung stsal/ cha
har a do chi shog gi rab 'byams ba nyi ma rdo rje la rjes gnang
dang lung 'ga' zhig dang/ tho go chi tsun ta la'ang 'dod chos ci
rigs stsal cing g.yang 'bod gnang/ su nyid

mkhan po bla mas ma cig grub rgyal lugs kyi rjes gnang zhus pa'i
re ba bskangs/ su nyid su mi thu thA bla ma'i dgon par gdan
drangs pa ltar phebs/ bla ma las sne sogs tshogs yongs nas dgon
de'i 'du khang rten dang brten par bcas pa la rab

gnas bka' drin skyong dgos tshul nang cher zhus pa ltar/ nyin
gsum gyi ring la rab gnas dge legs rgya mtsho'i char 'bebs kyi
dgongs don bzhin spyan dbye'i cho ga shin tu rgyas pa/ lha tshim
par byed brgyas pa'i sbyin sreg dang/ nyams chag

skong ba zhi ba'i sbyin sreg bcas dam pa gong ma'i phyag bzhes
cung zad kyang ma nyams par gnang ste yul phyogs mtha' dag dge
mtshan gyi snang bas khyab par mdzad/ de nas dur bed tA wang
phun tshogs bsam 'grub kyis sngar gdan 'dren gyi snyan

@052b gsan phul yod ba'i rting gnon ched mngags kyi mi sna 'byor
bas der chibs kha bsgyur/ dpon pos rta mgrin gtor zlog nan sgrub
dgos tshul nan che ba ltar mdzad/ de nas ho shus dgon pa bde ldan
gling gi 'du khang logs ris bcas gsar

bzhengs la rab gnas dgos tshul zhus bar snga ma bzhin dge legs
char 'bebs kyi steng nas rgyas par mdzad de dam ye dbyer mi
phyed ba'i byin rlabs kyi gzi 'od 'bar bar mdzad/ rab gnas kyi
bshad pa rgyab brten mdo rgyud bstan bcos kyi lung

dang bcas pa don zab cing go bde ba mkhas pa'i yid 'phrog pa
zhig gnang/ rta mgrin gsang sgrub dang gdugs dkar gyi dbang sogs
kyang 'dus tshegs yongs la stsal/ mgon dkar gyi nor sgrub byed
dgos tshul zhus pa'i re ba'ang bskangs/ de

nas thus lag chi me rgen tA ching bkra shis rnam rgyal gyis
gdan drangs da bzhin phebs/ kho rang gis tshogs gsog ba'i zhing
du dge 'dun gyi sde gdan drangs nas bka' 'gyur gsung du bcug
cing smon lam yang 'tshogs 'dug par/ de'i dbur spyan drangs ba
ltar

byon te dge ldan lugs bzang rgyas pa'i thugs smon gang rgyas
mdzad/ bka' chos kyang mang du gnang/ the'i ji tshe dpag skyabs
kyi mos pa bzhin sgrol dkar gyi rjes gnang stsal/ u rdzing thu
sa lag chi dang/ bu bkra shis rnam rgyal sogs kyi dor

sgrol dkar tshe sgrub dang/ spyan ras gzigs phyag bzhi pa'i rjes
gnang yang scal/ dur bed sman ram pa ngag dbang 'od zer gyis
gdan drangs thog /kho rang gi grwa tshang gi smon lam tshogs dbur
gdan drangs te gsung chos smon lam sogs phyag len

@053a @#/ /ltar gnang/ bla ma de dang 'dus tshogs yongs la gdugs
dkar gyi dbang sta gon dang bka' srung legs ldan mched gsum gyi
rjes gnang dang bcas pa/ lung sna tshogs bcas stsal/ bsgrub bya
drug cu skor la dge tshul

slong gi sdom pa phog ste tshangs spyod kyi brtul zhugs yongs su
rdzogs ba la bkod/ dur bed shog gi chos sde chen po bkra shis
phan bde gling gi dgon bar gdan drangs te/ tshogs chen gyi seng
khrir phebs nas phyag dbang dang lam gtso'i khrid

rgyas par stsal/ mtshan nyid grwa tshang gi tshogs dbur phebs/ bod
kyi lhar ma pa zhig dang grwa pa gzhan zhig dang gnyigs dam bca'
bzhag /nyid kyi zhabs phyi slob gnyer ba kha shas kyis bgro
gleng byas te chos kyi 'bel gtam zab rgyas bstan

pa'i la rgyar phan nges/ skal ldan dang pa 'dren ba'i dmigs
rkyen du 'gyur ba byed du bcug /nyid nas mtshan nyid grwa tshang
la brtsi bzhag stsal/ bla ma las sne thun mong gis mtshan nyid
grwa tshang la mtshan dgos tshul zhus ba bzhin/ thos bsam dar rgyas
gling

zhes 'dogs par mdzad/ 'dus tshogs yongs nas zhus ngor dge 'dun
lnga brgya skor la dbal gsang ba 'dus pa'i dbang sta gon dang
bcas pa dbang don de nyid yang gsal gyi dgongs pa ltar la zhal
shes nyams myong gi man ngag du mas brgyan ba'i bshad

pa sngags lam gyi gnad mtha' dag thon pa'i 'gran zla med pa
dang/ gcod nam mkha' sgo 'byed kyi dbang sogs stsal bas mkhas pa
mtha' dag mgrin gcig tu pa sngags pa brjod cing gsol 'debs la
brtson par gyur/ tA bla ma blo bzang bsod

@053b nams/ mtshan nyid bla zur ngag dbang mchog ldan/ rgyud pa
bla zur tshul khrims yon tan sogs la 'jigs byed sngags btu'i rjes
gnang sogs stsal/ rgyud ba'i tshogs dbur phebs te nyin gcig gi
ring yi dam chos srung la gtor 'bul phrin bcol gang drag

mdzad/ 'du khang chen mo'i nang rten gyi mdun du sgrol ma maNDal
bzhi chog mchod sprin rgya chen po dang bcas bsgrubs/ tshogs
yongs la mang ja sogs kyi bsnyen bkur zhus shing grwa tshang so
sor sbyi 'jog gtos che ba stsal/ er ti ni dar han mkhan

po'i sprul pa'i sku'i gtsug phud bzhes te mtshan ngag dbang thub
bstan nyi ma zhes 'dogs pa gnang/ bla ma de'i zhabs brtan gsol
'debs shig dgos tshul 'dus spyi nas bskul ba ltar ljags rtsom
mdzad/ phyogs 'dus kyi ser skya nyis stong

brgal bar 'dod chos ci rigs stsal te yid tshim bar byas/ de nas
dgon ba dga' ldan dar rgyas gling du phebs/ 'dus tshogs yongs nas
zhus ngor ser skya bdun brgya lhag la sgrol dkar gyi rjes gnang/
bla mchod/ smon lam sogs kyi lung gnang/ bai

thung tA tshe ring rdo rje la sman bla'i rjes gnang stsal/ de
nas dur bed tA wang gi urger yang bskyar gyis phebs/ dpon yum
sras nas bka' chos 'ga' zhig zhus pa bka' drin stsal/ bla mchod
dus bzang tshogs 'khor bcas phyag len ltar mdzad/ de nas sngar

kyi sbyin bdag su nyid du'u ring wang gi sku mched mkhan po bla
ma'i dgon du phebs/ zla ba gcig gi ring la bcad rgya dam bo
gnang nas rdo rje'i rnal 'byor brtan pos yi dam gyi ljags bsnyen
mdzad/ skabs shig tu bla mchod dus bzang gi ngag 'don@064a [missing page]

@064b 'dus pa'i dang ldan ser skya mang por phyag dbang dang
bka' chos kyi skor rnams 'dod mos bzhin stsal/ skabs shig rje
nyid sku bsnyun cung zad bzhes par/ wang sku mched nas dge 'dun
gyi sder bka' 'gyur/ gdugs sher sgro lam sogs gsung du

bcug cing zhabs brtan yang phul/ phyag gnyer sogs kyis zhabs
brtan rgya cher bsgrubs shing/ ngur bed sman pa blo bzang tshul
khrims kyis phyag rtsa zhus sman phul bas sku bsnyun legs par
dwangs/ tho yon dge slong chos dar gyi 'dod mos ltar

g.yang 'bod dang/ rten la rab gnas mdzad cing sgrol dkar gyi
rjes gnang stsal/ a ro hor chin gu shri dge slong dkon mchog
yar 'phel gyis 'dul ba'i skor nas dri ba 'ga' zhus par/ dris lan
dogs pa chos nges su stsal/ mdo smad

khri ka'i phyogs nas rje rang gi gdan sa dga' ldan dar rgyas
gling dang/ mi nyag grwa tshang bkra shis chos gling gnyis nas
ched mngags kyi mi sna rab 'byams pa dag dbang nyi ma/ gnyer
shes rab nyi ma ngo g.yog bcas sleb par 'byor phyag

stsal; rang yul du gdan 'dren gyi zhu bnan tan gyis phul/ ti yan
chi bla ma'i dgon par phebs/ bla ma las sne sogs 'dus tshogs
yongs nas zhus pa ltar bkra shis gso sbyong mdzad cing/ sgrol ma
maNDal bzhi chog /bla mchod dus

bzang sogs phyag len bzhin gsung/ sman bla'i rjes gnang/ skyabs
'gro'i khrid/ lung mang po bcas stsal/ dur bed thu sa legchi
bkra shis rnam rgyal dus chos su gyur par/ de'i sras tha'i je
blo bzang don grub kyi 'dod mos bzhin phebs/

@065a [missing page]

@065b mched nas zhus pa ltar sa bcud dang klu bum sogs phyag len
bzhin bsgrubs te 'ga' zhig gnas gtsang sar gter du sbas/ pe har
khog zhugs kyi chos skyong zhig gis rje 'di pa'i gsang rnam lung
ston rgyu mang po yod zer bas zhabs gras rnams kyis lkog tu

zhus par ya mtshan che ba mang po gsung/ cha har khu be thu o
lan gyi dgon pa bshad sgrub dar rgyas gling gi chos rje blo
bzang lhun grub kyis gcod khrid zhus pa rgyas par stsal/ mgon
po'i gtor chog bsdus pa zhig kyang ljags rtsom zhus/ mdo

sngags kyi dri ba mang du zhus par dogs pa'i mtha' sal nges
stsal te tshim par byas/ cha har gu lu u lan gyi sprul pa'i sku
tshul khrims nyi mas zhus ngor 'jam dbyangs la brten pa'i bla
ma'i rnal 'byor ljags rtsom mdzad/ de nas ta ri gang ga'i

shog gi mergen paNDi ta bla ma bstan 'dzin rgyal mtshan gyis gdan
'dren zhus nas der chibs bsgyur ba'i lam zhor du dar han pai
li'i ho'u shos dang/ su nyid g.yon ru sogs kyi dad ldan ser
skya bzhi stong lhag la phyag dbang/ bzlas lung sogs

yid tshim par stsal/ paNDi ta bla ma'i sgar thog tu 'byor nas hal
ha ju nang pa ze'i nu bo tho yon blo bzang rang grol gyis sku
lnga dang lcam sring sogs kyi rjes gnang zhus pa stsal/ gzhan
brgyad stong sogs lung mang po gnang/ de'i shog gi ul jus jo

rig thu bla ma blo bzang rin chen la sgrol ljang/ spyan ras
gzigs phyag bzhi pa/ mi 'khrugs pa sogs kyi rjes gnang paNDi ta
bla ma nyid nas thugs rje chen po bcu gcig zhal/ tshe dpag /mi
'khrugs pa bcas kyi dbang zhus pa rnams ser skya

@066a [missing page]

@066b zhor du rang gi drin can rtsa ba'i bla ma rdo rje 'chang
gi zhal dngos su mjal nas chos bka' zhu rgyu mang po yod/ khyod
kyis ngas phul ba'i zhu yig dang rgyu mtshan rnams zhu dgos
gsungs/ mgron gnyer phyir 'byor 'phral sku mdun du mjal te rgyu
mtshan zhib

rgyas zhus shing zhu yig rnams spyan lam du bstar/ ta ri
gang+ga'i bA thur ga li tA sgrol ma skyabs la grub rgyal lugs
kyi tshe dbang/ rta mgrin gsang sgrub kyi rjes gnang/ 'pho khrid
sogs dang/ dge slong d+harma la mgon po'i rjes gnang bcas stsal/
tA

bla ma ngag dbang yon tan gyi 'dod pa ltar g.yang 'bod gnang/
de nas pA shing thu'i dgon par phebs/ 'dus tshogs yongs nas sman
chog dang smon lam sogs kyi lung zhus ba'i 'dun pa bskangs/ hor
tu ti yan chi bla ma'i sprul sku blo bzang

mkhas mchog grags pa la bka' chos 'ga' zhig stsal/ on po tA
bla ma chos rje thub bstan ngag dbang gis gdan drangs pa'i 'dod
mos bzhin rten la rab gnas bsdus pa mdzad/ 'jigs byed kyi ljags
bsnyen sngon du 'gro bas zhi ba'i sbyin

sreg mdzad/ sgrol ma'i rjes gnang yang stsal/ po dar g+ha na'i
dgon par phebs/ 'dus tshogs yongs nas zhus pa ltar spyan ras
gzigs kyi rjes gnang sogs chos bka' mang du stsal/ de nas paNDi
ta bla ma'i sgar thog tu/ nyid kyis dbu mdzad/

paNDi ta bla ma/ sprul sku blo bzang mkhas mchog /khri pa mgon
po shes rab sogs grwa pa mang pos bla mchod dus bzang phyag len
bzhin gsungs/ dge bsnyen/ dge tshul slong gi sdom pa zhu mkhan
bdun cu lhag cig bslab pa'i gzhi so sor

@067a [missing page]

@067b nas skyabs 'jug zhus te so sor phebs/ rje nyid slar yang
su nyid wang sku mched kyi sgar thog tu phebs/ mkhan po bla ma'i
dgon par rje tsong kha pa'i dus mchod kyi nyin mchod sprin bla
med spros te ltung bshags phyag dang 'brel ba/ yan lag bdun pa/

thun drug rnal 'byor/ bstan 'bar ma sogs gsung ste rgyal ba
gnyis pa'i bstan pa phyogs mthar rgyas pa'i thugs smon mdzad/
wang gi sras mo la dge bsnyen ma'i sdom pa stsal ming lha btsun
nyi ma zhes btags/ de nas su nyid wang sku mched

so so'i sgar thog tu gdan drangs pas so so la 'dod chos lhug par
stsal/ wang gi dpon mo u dumba ris bskul nas rjes 'dzin smon
tshig dang/ mkhan po bla ma/ dus reng wang/ tA bla ma/ thus
lagchi pa thu sogs sku mched nas bskul ba ltar/ dgra

lha chen po mched dgu'i gsol mchod rgyas pa zhig ljags rtsom
mdzad/ de nas dgun bla 'bring po'i yar tshes dge ba'i nyin so
nyid g.yas ru nas sku 'bum chos sde chen por chibs kyi kha lo
mngon par bsgyur/ lam zhor du dang 'dus kyi ser skya

bdun stong brgya phrag gnyis lhag dang/ or du su tsUn gar tA
pai zi'i sras dang sras mo sogs kyang mjal bar phyag dbang 'dod
chos sogs kyis tshim par mdzad do/ /de ltar byang phyogs chen po
hor gyi yul du byon te gdul bya so so'i khams dang

bsam pa dang bag la nyal dang mos pa ji lta ba bzhin gzigs te/
la la ni so thar gyi bslab pa'i gzhi ci rigs la bkod de thar
pa'i sa bon bskrun/ la la ni byang chub lam gyi rim pa'i khrid
dang sems bskyed cho ga sogs kyi sgo nas theg chen

@068a [missing page]

@068b spel/ /gnas chen rnams su sgrub pa'i rgyal mtshan btsugs/
/mchog gsum rten la mchod pa'i bya ba ste/ /'khor lo gsum gyi
rol gar cig car bsgyur/ /zhes dge ldan bstan ba'i rtsa lag mkhas
shing grub pa'i dbang phyug rje btsun bla ma dam pa tshul

khrims bstan ba'i nyi ma dpal bzang po'i rnam par thar pa nor
bu'i do shal las byang phyogs chen po hor gyi yul du bstan
'gro'i don mdzad tshul gyi dra ba ste bzhi ba'o// //dgung lo lnga
bcu rtsa brgyad pa ang+gir zhes pa chu sbrel lo'i dbyid zla
dang

por rgyal ba'i gdan sa chen po sku 'bum chos sde'i rgyud sman
dpon slob dang/ tshogs chen zhal ngo spyi gnyer sogs las sne'i
rigs dang chen po'i yo byad rnams sgrengs te dge 'dun sum stong
lhag gi ser sbreng dang bcas phun tshogs 'dod pa 'jo

pa'i rang sgar du seng khrir gdan drangs te chos ston rgyas bar
byas so/ /de nas sku 'bum tshogs chen du dge 'dun sum stong
brgyad brgya lhag la zho lnga re'i sku 'gyed dang mang ja rnam
bzhag /gser sdong chen mo'i lha khang gsar bzhengs su dmigs te

dngul rta rmig ma zung bcas phul/ bshad sgrub gling dang/ rgyud
sman grwa tshang so sor/ sku 'gyed zho gang phun re bcas phul/
mchod rten mthong ba don ldan gyi mdun du stong mchod dang/
gzhan lha khang so sor mchod sgron gang rgyas bstar/ de

nas chu bzang sprul ba'i sku rin po cher mjal bar phyag bteg ste
lha rdzas maNDal/ sku gsung thugs rten/ mdzod gos yug /dngul rta
rmig ma sogs phyag rten du phul/ chu bzang dgon par mang 'gyed
btang dgon lung du byon te mang ja sogs@059a @#/ /kyi bsnyen bkur dang/ tho'u
bkwan sprul pa'i sku rin
po cher lha rdzas/ dngul maN/ sku gsung thugs rten/ mdzod gos
sprin ris ma yug /dngul rdo tshad sogs byag rten du phul/ tho'u
bkwan rin po che'i

sku gdung mchod rten gyi drung du mchod sgron gang rgyas phul te
skyabs sems/ yan lag bdun pa maNDal bcas/ thun drug rnal 'byor
khrus gsol sogs byas shing/ smon lam bstan 'bar ma bcas gsung
ste gsol ba shugs drag tu

btab nas bsngo smon byi mtshams sbyar/ de nas khri ka ser mo
ljongs su phebs/ mchod rten bla brang rang du bzhugs nas bcad
rgya gnang/ sku mtshams grol nas mchod rten mi nyag grwa tshang
dang dga' ldan dar rgyas gling gi bzhi pa'i smon lam

la res mos kyis phebs/ grwa tshang 'di gnyis la mang 'gyed gang
rgyas dang spyi 'jog dngul rdo tshad re gnang/ gsol dpon nyi ma'i
a khu gshegs sar phebs nas bsngo smon gyi mtshams sbyor gnang/
khri ka'i phyogs kyi sgrub sde rnams la

bsnyen bkur gya nom pa mdzad/ de nas dbyar thog mtsho sngon du
phebs/ smad nas cung zad 'gyang bar yul lha 'phreng ba'i rnam pa
zhig byung stabs/ nyid kyi 'khrungs sa ul chus o bo zhes 'bod
pa'i lab rtse bstod de gzhi bdag la bsang

mchod sogs gang rgyas gnang bas char chen po zhig bab nas rten
'brel rang 'grig tu byung/ wang tshe ring don grub kyi urger
phebs/ lha srung la gsol mchod 'dod chos sogs stsal/ pai zi
ratna sidd+hi'i urger phebs/ mgon po phyag drug pa'i

@059b mchod gtor gang rgyas mdzad/ ul cus thu da'i ching ja sag
gi u rger phebs/ yid mchos skyong sogs la gtor 'bul dang/ ho
shu'i drug pa'i smon lam chogs par smon lam grol bar du bzhugs
nas gsung chos smon lam gyi dbur phebs te bstan

pa rgyas pa'i thugs smon mdzad/ 'dus tshogs la dga' ldan lha
brgya ma'i khrid dang lung 'ga' zhig kyang stsal/ de nas pai li
'jam dpal gyi urger phebs/ dpon sras bcas la chos bka' dang
gtong 'bul g.yang 'bod kyang byas/ slar sku 'bum du

phebs/ or du su tho do thus lakchis zhus ngor/ bstan pa'i gsal
byed tshe shos sphrul pa'i sku ngag dbang bshad sgrub bstan pa'i
nyi ma/ bya btang sgom pa ngag dbang smon lam sogs dge 'dun lnga
brgya skor la rta mgrin gsang sgrub kyi dbang sta gon dang bcas
pa/

lha mo dang seng gdong ma sogs kyi rjes gnang bcas stsal/ de nas
khri ka ser mo ljongs su byon/ yul phyogs de'i rten byin rlabs
can mchod rten dkar por grags pa zhig ral du song yod pas/ rje
nyid kyis phyag mdzod chos rje la zhig gsos gsar

bzhengs lta bu zhig byed dgos zhes bka' phebs pa ltar grub nas
rtser dngul srang nyis brgya dang lnga bcu las grub pa'i gser
zangs kyi nyi zla mchod rten de la ran pa gzi 'od 'phro zhing
thig tshad dang ldan pa phul/ nang du gzungs dang rten sna du ma
sogs

gzung gzhug rgyas par bzhag nas/ nyid dpal rdo rje 'jigs byed
kyi skur bzhengs te sgrub grogs dang bcas pas rab gnas rgyas pa
mdzad/ de nas phyag mdzod che ching chos rje/ mgron gnyer rab
'byams pa ngag dbang bstan 'dzin/ so kyA rab 'byams

@060a @#/ /ba dge legs rgya mtsho/ dbu mdzad blo bzang don grub/
drung yig /gsol dbon sogs nas/ rje nyid kyi sku gong ma sngags
chen 'phrin las 'bum gyi sgrub khang gsang sngags bde chen chos
'phel gling gi

gzims chung ha cang rnying par brten mthun rkyen so so'i 'byor
pa dang bstun par sgrub rgyur khas blangs nas/ de mchi gnyer ba
dge slong shes rab nyi mas las dpon byas te/ sa las dang tshon
rtsi sogs gang legs dka' tshegs med par bzhengs

grub nas las dpon gyis rje nyid gdan drangs te lha rdzas maNDal
sku gsung thugs rten sogs rten 'brel gyi zhabs brtan phul zhing
chos ston rgyas par zhus/ de nas sku 'bum du phebs/ yun ring
po'i bar du thugs dam bcas rgya dam pos rje btsun rdo

rje rnal 'byor ma'i ljags bsnyen mdzad cing bdag 'jug kyang mang
du bzhes/ bde gsang 'jigs gsum gyi dkyil 'khor bsgrubs shing
bdag 'jug bzhes/ smad phyogs kyi bla dpon du mas gtsos ser skya
mang po la kun ring/ /tshe dpag /

thugs rje chen po bcu gcig zhal gyi dbang sta gon bcas stsal/
bla brang nyid du seng gdong ma'i gtor zlog kyang sgrub pa
mdzad/ de nas zla ba kha shas kyi ring la 'jigs byed kyi ljags
bsnyen la gcig tu 'grub par mdzad/ yang khri ka'i phyogs su

phebs/ mchod rten bla brang du bcad rgya'i ngang du bzhugs/ khri
ka'i yul gyi rten gtso gron gru'i lha khangs skya paN chen gyis
bzhengs bar grags ba de'i nang rten du sman 'dam las grub pa'i
thub dbang gi sku shin tu che ba zhig bzhugs pa la/

@060b gser zangs las grub pa'i dbu rgyan spus gtsang rin thang
can zhig 'bul dgongs te 'phrod lam yod med yul lha'i drung du
mtshan dang mo btab par gang legs chud cing/ chos srung 'ga' zhig
la lung bstan zhus pa'ang yul lha'i lung dang mthun

bar babs pas/ 'jam mgon bla mas jo bor dbu rgyan phul ba'i rnam
thar bzhin/ gza' skar phun sum tshogs bar thub dbang rin po cher
dbu rgyan phul te mchod sgron gang rgyas spel/ spyan 'dren khrus
gsol sogs dang/ thub bstan yang snying

dge ldan ring lugs phyogs mthar rgyas shing/ skye 'gro yongs la
bde skyid 'byung ba'i thugs smon gang drag mdzad pas/ yul phyogs
su bkra shis pa'i dge mtshan du ma mngon sum du byung/ de nas
dbus gtsang la phebs rgyu'i thugs bzhed

snga mo nas yod thog /lha bla ma sogs la lung zhus phul bar chos
kyi mdzad 'phrin nyid kyi thugs 'dun ltar 'grub tshul dang/ chos
skyong rnams kyis grogs mdzad bar zhal gyis bzhes pas pheb rgyur
thugs thag bcad de/ phyag mdzod lam 'gyad

par dbus gtsang la 'gro rgyu yin/ der ma zad song nas chos nyan
dang gnas mjal sogs bya ba mang po yod pas lo kha shas kyi ring
la 'dug dgos zhes gsung phebs par/ phyag mdzod che ching chos
rje rab 'byams pa tshul khrims chos 'dzin

rang gi bsam bar yang mdo smad dang sog yul gyi dad ldan sbyin
bdag rnams kyis phul ba'i phyag rdzas kyi skor 'di chud mzos bar
chos phyogs gtong rgyu zhig byung na snyam pa'i 'phen pa yod
pa'i thog tu bab nas dga' dad spro gsum gyis sbyir dbus la

@061a @#/ /phebs rgyu bka' drin che/ phebs chas sogs myur du gra
'grig pa byed/ 'on kyang der yun ring bzhugs rgyu'i thugs dgongs
gnang mi nyan/ dgung lo nyung pa'i skabs yin na thugs gnyer gyi
ched la bzhugs dgos mod/

da lta nyid dgung lo mtho bas yun ring bzhugs nas chu sogs mi
'phrod pas mjal skor gtong sgo sogs grub phral rang yul la phebs
dgos zhes nan cher zhus/ de nas phyag mdzod chos rjes rje nyid
kyi gsung dang blang gis/ jo shAk rnam gnyis sogs rten la

mchod 'bul dang/ rgyal ba yab sras kyi 'bul ba/ ser 'bras dga'
gsum bkras lhun te gdan sa chen po bzhis mtshon chos sde che phra
thams cad la mang 'gyed gang rgyas 'deng nges gra sgrig gang
legs byas te/ dgung lo lnga bcu rtsa dgu ba dpal gdong zhes ba

chu bya'i lo'i ston ka'i dus gza' skar phun tshogs kyi nyin/ gdan
sa chen po sku 'bum nas dbus gtsang dag pa'i zhing du chibs kyi
kha lo sgyur bar mdzad/ lam zhor du bstan pa'i sbyin bdag wang
tshe ring don grub/ pai li 'jam dpal/ pai zi ratna sidd+hi/ ja sag

da'i ching rdo rje/ tshwa 'dam dza sag eng khi pI yar/ dzas ga
rab brtan so sos ung+ger gdan drangs/ dad ldan kun la phyag
dbang ljags bsngo/ 'dod chos ci rigs kyis re ba bskangs/ byang
lam rim par brgyud nye zho med par byon te dgun

zla dang po'i nang/ thog mar 'brom ston rgyal ba'i 'byung gnas
kyi gdan sa byang rwa sgreng rgyal ba'i dben gnas su phebs/ jo
bo dbu yon ma sogs rten la mchod sgron gang rgyas phul te/ ltung
bshags phyag dang sgrags pa/ skyabs sems/ thun drug

@061b gi rnal 'byor/ bstan 'bar ma sogs gsung ste bstan pa rgyas
pa'i thugs smon mdzad/ dge 'dun gyi sder mang ja dang 'gyed skar
lnga re phul/ de nas lha sar phebs/ jo shAka rnam gnyis sogs la
mchod mjal gnang ste/ lha ldan sprul ba'i gtsug

lag khang gi 'khyam rwa'i thog tu rgyal dbang thams cad mkhyen
pa blo bzang bstan pa'i 'byung gnas ngag dbang lung rtogs rgya
mtsho dpal bzang por/ lha rdzas nang mdzod/ rgya dngul srang bcu
las grub ba'i maNDal dar tshon gyi sne 'dogs can/ sku rten

thub dbang gi sku tshag grub/ gsung rten tshe mdo gser bris/ thugs
rten rnam rgyal mchod rten/ byur dmar gyi phyag 'phreng gser gyi
bcu shad can/ dril gdan/ cod pan bcas thog ma'i phyag rten du
phul nas phyag dbang zhus par/ rgyal dbang

rin po ches thugs brtse gzigs chen phos lam skabs kyi bka' 'dri
sogs mang du phebs/ rgyal tshab de mo no min han rin po cher/ lha
rdzas nang mdzod/ srang lnga las grub pa'i maNDal dar gyis spras
pa/ sku gsung thugs rten/ dril gdan/

cod pan bcas phul nas mjal phrad mdzad/ bstan pa'i srog shing
dga' ldan khri rin po cher/ lha rdzas nang mdzod/ dngul gyi
maNDal/ dril gdan/ cod pan sogs phyag rten du phul nas mjal/
khri rin po ches khyed da lam dbus gtsang

'dir phebs pa bka' drin che/ nyid kyi sku tshe gong ma de nyid
kyi chos srid zung gi mdzad spyod phun sum tshogs pa gang yod bod
yul 'dir khyad par du 'phags pa zhig byung ba'i gnas tshul mtha'
yas pa gsungs/ de nas 'jam mgon bla ma'i dus mchod chen

@062a @#/ /mo'i nyin jo shAk rnam gnyis kyis gtsos rten thams
cad la zhal zas/ mchod me/ me tog /spos ring sogs stong tshar re
bcas stong mchod rgyas par phul te spyan 'dren khrus gsol/ rnam
dag gangs rim/ smon

lam bstan 'bar ma bcas gsung ste thub bstan rin po che'i yang
snying blo bzang 'jam dpal snying bo'i ring lugs rnam bar dag pa
phyogs mtha' dag tu rgyas pa'i thugs smon shugs drag bo mdzad/
po ta lar phebs te rgyal dbang thams cad mkhyen

par lha rdzas nang mdzod/ dngul srang nyi shu'i maNDal/ sku
gsung thugs rten/ gos tshon bsgrigs pa'i rten khebs che ba spus
gtsang/ mdzod gos dmar po sprin ris ma yug /rgya dngul rta rmig
ma/ o tu su'i me yol/ chibs chen rta dang/

dre'u/ shing thog a mra sgam gang/ shel dkar rta so ma sgam
gang sogs kyi dngos 'bul bteg nas phyag dbang zhus par/ rgyal
ba'i zhal nas/ sngon 'jam mgon bla ma tsong kha pa chen po mdo
smad nas gangs ri'i ljongs 'dir phebs te sangs rgyas kyi

bstan pa dar mdzad ba bzhin da res kyang mdo smad kyi rje bla
ma'i gdan sa chen po rje'i sku 'bum gyi mkhan zur mi nyag hu
thog thu nyid yul gyis bskal yang sngon gyi thugs bskyed smon
lam bzang po'i mthus bde bar 'di phyogs su byon nas/ rang

cag lhan cig tu 'dzom bskal ba bzang zhes sogs kyi bka' mang du
phebs te thugs brtse bas gzigs pa che bzhes gnang/ yongs 'dzin
dga' ldan khri rin po che po ta lar bzhugs pa la lha rdzas nang
mdzod dngul maN/ sku gsung thugs

@062b rten; gos mtshal kha yug /gos kyi zhabs chag /bkwa' min
sgam gang bcas phul/ de nas bstan rgyas gling du rgyal tshab de
mo no mon han rin po cher lha rdzas nang mdzod/ dngul maN/ sku
gsung thugs rten/ mdzod gos smyug mdog yug /rgya dngul

rta rmig ma/ o tu su'i me yol bcas sger 'bul bteg /rtse mgron
dpal mgon la lha rdzas bar mdzod/ bu la g+ha ra sa bcas gnang/
rwa sgreng khri chen rdo rje 'chang rin po cher lha rdzas nang
mdzod/ dngul maN/ dril gdan cod pan sogs phul

nas mjal/ rje 'di pa 'jig rten gyi 'ra bur zang zing dang tshe
'di'i grags 'dod sogs ye mi mnga' ba'i stabs ngo g.yog nyung
shas dang bcas nas nyam chung gnas mjal ba'i tshul byas te u lA
sogs ma zhus par lha sar 'byor nas mjal kha

zhus rjis gzhung sa nas mkhyen te che drag mang pos khyed 'dra
ba'i bla chen nyam chung ba gnas mjal ba'i tshul du phebs ba
mdzes bo ma red ces zhus shing/ phyag gnyer sogs la khyed rang
tshos gzhung sa la zhus na srol bzhin u lA sogs gnad chog
/sngar

ci lam zhus pa yin zer nas bkyon par/ phyag gnyer sogs nas rje
'di pa 'jig rten gyi spros pa thugs lam bzhed ba'i stabs sngon
la rgyu mtshan ma zhus ba'i gnas tshul bshad/ gzhung sa rang nas
gzigs ba che bzhes kyis phog sogs rgya gang che bka' drin

stsal bar de 'dra gnang mi nyan zhes zhus kyang nan tan gyis
gnang ste bzhes dgos ba byung/ chos sde chen po dbal ldan 'bras
spungs su phebs/ rten kun la mchod sgron gang rgyas phul te
mchod mjal zhus shing bstan pa rgyas pa'i thugs smon mdzad/
tshogs chen du

@063a @#/ /dge 'dun drug stong nye ba la mang ja kha shas/ sku
'gyed dngul skar lnga re phul/ dpal ldan bkra shis sgo mang la
grwa ja dang sku 'gyed dngul Tam re bcas pas bsnyen bkur zhus/
so sor spyi 'jog kyang gzab

rgyas gnang/ sngags pa grwa tshang gi 'jigs byed kyi mdun du
brgya mchod dang/ sngar rgyun zhal 'don gyi rim pa/ 'jigs byed
smon lam/ bstan 'bar ma bcas gsung nas thun mong ma yin pa'i
gsol 'debs thugs smon sogs gdung ba

shugs drag gis mdzad/ de nas bo ta lar phebs/ rgyal dbang thams
cad mkhyen pa la lha ldan smon lam gyi tshogs dbur gdan 'dren gyi
snyan gsan phul/ gtsang du phebs rgyu'i gnas tshul zhus par rgyal
dbang rin po ches gzigs pa che bzhes kyis

bka' khyab stsal/ rgyal tshab rin po cher yang lha ldan smon lam
gyi mang 'gyed 'bul rgyu'i gnas tshul dang tshogs dbur gdan 'dren
gyi snyan gsan phul/ de nas gzhung gi mi sna dang phyag gnyer
gyis gtsos zhabs zhu ba nang ma rnams nas lhas smon lam

gyi ja thug gi thebs dang/ sku 'gyed rgyu'i rgya dngul rnams
bstan gling dza sag la sprad nas bod dngul la brjes/ de nas
gtsang bkra shis lhun por phyag bteg /phebs lam du snye thang/
rgyal rtse dpal 'khor chos sde sogs la mchod mjal zhib rgyas
dang

mang 'gyed sogs kyang phul/ bkra shis lhun por 'byor nas paN
chen thams cad mkhyen par lha rdzas nang mdzod/ dngul srang bco
lnga las grub pa'i maNDal/ sku gsung thugs rten/ gos chen ser po
yug /dril gdan/ cod pan/ ri

@063b bo dwangs bsil gyi rtsad pa'i 'phreng ba/ rgya dngul rta
rmig ma/ chi bas chen sogs phul nas mjal kha zhus par thugs
brtse bas nyer bar gzigs te bka' mchid mtha' yas pa stsal/ phyag
mdzod chen mor/ lha rdzas bar mdzod/ mdzod gos yug /

zhabs lham spus gtsang bcas phul/ paN chen gong ma gsum ga'i sku
gdung mchod rten rnams la mchod sgron gang rgyas phul te/ zhal
'don gyi rim pa cha tshang bar mdzad/ de nas 'du khang chen mo'i
steng gi nang rten thams cad la rten mjal zhus shing

mchod sprin gang rgyas nas thugs smon sogs sngar ltar gnang nas
phebs pa dang dus mtshungs su tshogs dung bus bas rten 'brel legs
po byung gsung/ de nas paN chen thams cad mkhyen pa gso sbyong
gi mgon du phebs pa'i zhabs phyir byon te las dang gdams

ngag nyams su myong bar mdzad/ de nas paN chen thams cad mkhyen
pa tshogs dbur spyan 'dren gyi snyan gsan phul bar dgyes gzigs
kyis nyi skar sogs kyang gong nas bkod khyab stsal/ gza' skar
phun sum tshogs pa'i nyin der tshogs chen gyi dge

'dun sum stong brgyad brgya lhag la mang ja kha shas/ sku 'gyed
dngul skar phyed brgyad re dang spyi 'jog bcas kyi bsnyen bkur
zhus thog /baN chen thams cad mkhyen pa tshogs dbur spyan drangs
te/ nyid nas dngul srang nyi shu las grub pa'i maNDal dar tshon
gyi sne 'dogs

can; nang mdzod ser bo srid du 'do ma do lhag pa phyag tu bsnams
te/ shis brjod kyi sdun bsus nas skyes rabs kyi preng ba'i rtogs
brjod/ lhag par paN chen gong ma thams cad mkhyen ba blo bzang
dpal ldan ye shes dpal bzang po/ 'jam dbyangs gong ma'i rgyal@064a @#/ /khab tu
chibs kha bsgyur ba'i lam zhor du 'jam mgon
rgyal ba gnyis ba'i 'khrungs gnas chos sde chen po sku 'bum
byams pa gling gi chos khrir zla ba kha shas kyi ring la bzhugs
te dge 'dun gyi sdel 'chad nyan mdzad/ phyogs

mtha' dag nas yong ba'i bla dbon ser skya bgrang las 'das pal
chos 'khor rkya cher bskor ba'i tshul rnams zhib rgyas dang/ sku
tshe 'di'i yang sku gsung thugs kyi yon tan rnams rgyas bar zhus
pa'i thog /zhabs brtan gyi rten 'byung du/ chos dung dkar po

dar tshon gyis brgyan pa/ sku'i rten rgyal ba cho mtha' yas ba'i
sku brnyan/ gsung rten tshe mdo gser bris/ thugs rten gser zangs
kyi byang chub mchod rten/ dngul srang bcu las grub pa'i tshe bum
phra ldan kha rgyan bcas/ dngul gyi 'khor lo dpangs kha gang

ba; dung dkar dngul gshog ma cha/ bkra shis rdzas brgyad/ dngul
srang nyer gcig las grub pa'i rgyal srid sna bdun pad 'dab can/
sku'i nyer spyad mi 'dra ba bcu gsum/ rdor dril sogs mchod rdzas
sna tshogs/ gos tshas grub ma'i dril

gdan cod pan/ theg chen glang po'i mche ga nor bu bse ru'i rwa/
byur 'phreng cheb mu tig gi bcu shad sum ldan can/ mu tig gi
'phreng ba/ ri bo dwangs bsil gyi 'phreng ser nyi shu/ rgya
dngul rta rmig ma bcu/ mdzod dgos sna tshogs spus gtsang

yug chen bcu gsum/ rgya zam bcu/ sa gdan mthing ga me tog gi ri
mo can gcig /gos ljang gu'i sa gdan me tog ma gcig /khe bi su'i
sga khebs dmar khra dang/ gdan rdo rje rgya gram gyi ri mo can/
ja bag dang shing thog sgam kha shas/ snam

@064b dkar yug bcas rnam grangs drug brgya dang lnga bcu lhag
phul te/ dgos don gyi gtso bo rgyal bstan rin po che'i yang
snying rje tsong kha pa'i bstan pa rgyas shing 'gro ba yongs la
bde skyid 'byung ba dang/ de'i rtsa ba rgyal ba yab sras nas
bstan pa phyogs dus kun

tu rgyas pa'i thugs bskyed dang 'phrin las rgya gang che mdzad
rgyu la rag las tshul mdo rgyud kyi lung khungs su drangs nas
zhus shing/ zhar byung nyid 'brel thogs dang bcas pa'i 'phral
yun gyi skyabs 'jug zhus par/ paN chen mchog thugs shin tu dgyes
te 'du khang

gi rab gsal du paN chen gong ma'i sku bzhugs pa la yang yang
gzigs te/ rje 'di par khyed kyis paN chen dpal ldan ye shes kyi
rnam thar sku gsung thugs kyi bstod tshogs gzhan las khyad 'phags
brjod byung zhes sogs kyi bka' lung rgya cher stsal/ der tshogs

mkhas ba rnams kyang rje 'di'i sku yon mthong ste de las brtsams
pa'i bsngags brjod phyogs kun tu sgrogs ba byung/ paN chen rin
po che'i drung nas grub rgyal lugs kyi tshe dbang dang shamb+ha
la'i smon lam gyi lung gsan/ snar thang du phebs/ sgrol ma

gsung 'byon ma/ 'brom gyi shel gyi mkhar ba/ gnas bcu'i zhabs
chag sogs rten la mchod mjal zhib rgyas/ tshogs la mang 'gyed kyi
dod rgya dngul srang nyi shu lhag phul/ mchod dod rgya dngul
srang bdun phul/ bkras lhun du phebs/

rje'i gsung 'bum yongs rdzogs/ rgyal tshab mkhas grub rnam gnyis
kyi gsung 'bum/ paN chen sku tshe na rim gyi gsung 'bum/ mi la
bzhad ba'i rdo rje'i rnam mgur sogs phyag dpe pu ti brgya lhag
tsam gdan drangs/ de nas sku 'bum chos sde chen po'i

@065a @#/ /chos srid rgyas ba'i don la dmigs paN chen rin po cher
lung bstan zhus par bka' lan du/ 'dus tshogs spyil bslab bya
dang/ dge 'dun gyi sde rgyas shing bshad sgrub 'phel ched du
zhabs brtan gang rgyas

stsal/ rje 'di pas phyis su'ang gongs nas thugs brtse bas nye
bar gzigs te gang ci'i bka'i bslab bya lhug par stsal rgyu'i
zhub phul bar thugs dgyes pa'i zhal bzhes gnang/ paN chen rin po
che thon phyag zhus bar tshe mtha' yas pa'i sku brnyan

bkra shis lim/ spyan ras gzigs kyi zhing bkod/ ston pa'i bris
thang/ paN chen sku snga phyi rnams kyi gsung 'bum cha tshang/
paN zhwa sne ring/ sku'i nyer spyad yongs rdzogs/ chen po'i nyer
spyad dbu gdugs ser po/ rta dar cha/

bka' shog tham ga gru sgor bcas gnang/ thugs dgyes pa chen pos
'phral phugs kyi bka' mchid rgyas par stsal cing lhag par mdo
smad du bstan 'gro'i bya ba la sngar ltar g.yel med mdzad dgos
tshul gsung ste thugs brtse bas gzigs pa che

bzhes gnang/ phyag mdzod chen mos/ lha rdzas/ spyan ras gzigs
kyi sku brnyan bod li/ snam yug spus gtsang chos sna tshogs bcas
gnang/ de nas rgyal ba dben sa pa'i gdan sar mjal phyir phyag
bteg /'dus tshogs nas rje 'di

pa'i snyan pa gsan te ser spreng bcas bsu ba mdzad/ rgyal ba
dben sa pa'i mchod rten/ mkhas grub sangs rgyas ye shes kyi 'dra
sku/ ston pa'i tshems bzhugs pa'i mchod rten sogs rten rnams la
mchod mjal dang skyabs sems sogs

@065b zhal 'don gyi rim pa sngar rgyun ltar mdzad/ 'dus tshogs su
mang ja sku 'gyed sogs kyi bsnyen bkur zhus/ de nas rong byams
chen du phebs/ mchod dod la rgya dngul srang lnga phul te zhal
'don mchod mjal sogs sngar rgyun ltar gnar/ dur smrig ces

par sgrol ma maNDal bzhi chog gsung/ de nas lcags zam chu bo
ri'i dben gnas dang rten kun la mchod mjal/ mang ja sogs kyi dod
rgya dngul srang bcu phul/ rwa ba stod du byon/ rten la mchod
sgron phul nas mchod mjal zhus/ tshogs

su mang ja sku 'gyed dngul skar re phul/ sgrol ma'i zhabs rjes
mjal/ sems bskyed sogs sngar bzhin mdzad/ rje btsun bla ma kleng
rdol rin po che'i gzims chung du rje de'i 'dra sku bzhugs par
mjal/ mchod sgron gang rgyas phul te skyabs sems sogs

dkyus kyi phyag bzhes star chags thugs smon rgya gang che bcas
gnang/ ri khrod pa rnams la mang 'gyed dod rgya dngul srang bdun
phul/ de nas lha ldan du 'byor rjes se ra'i phur mjal zhus/ po
ta lar phebs/ yang bskyar rgyal dbang thams cad mkhyen pa lha

ldan smon lam gyi tshogs dbur gdan 'dren byed rgyu'i snyan gsan
phul bas zhal bzhes dang/ thugs brtse ba'i bka' stsal mang du
gnang/ de nas rten thams cad la mchod mjal zhus shing/ rgyun par
lha ldan gtsug lag khang la phyag skor mdzad/

de nas dban zla tha ma'i nyer dgu'i nyin po ta lar phebs/ rnam
rgyal grwa tshang gi 'cham dang gtor rgyag sogs la gzigs par
mdzad/ dgung lo drug cu dngos po zhes pa shing khyi gnam lo gsar
bzhad kyi nyin tho rangs yi dam chos srung la mchod gtor phul
zhing

@066a @#/ /'phrin bcol mdzad nas jo shAk rnam gnyis sogs rten
rnams la mchod mjal gnang/ nyi ma rtse shar la 'phags mchog
phyag na bad dkar 'chang ba'i pho brang po ta lar phebs/ rgyal
dbang rin po cher nang mdzod ser

po; dril bdan cod ban sogs phul te lo gsar gyi mjal kha zhus/
bzhugs gral gyi gsol ston rgyas pa'i thog gral 'phros dang tshogs
gleng gar phrug 'khrab pa sogs la gzigs pa mdzad/ rgyal tshab rin
po cher/ nang mdzod/ dril

gdan; cod pan bcas phul nas mjal/ yongs 'dzin khri rin po cher
yang lha rdzas nang mdzod/ bzhugs gdan bcas phul nas phyag dbang
zhus/ phyi nyin po ta lar rgyal po lo gsar du grags pa'i bzhugs
gral la yang bskyar phebs te rgyal

dbang thams cad mkhyen par phyag dbang zhus pas/ rgyal ba'i zhal
nas/ sku 'bum mkhan zur mi nyag ho thog thu bdag gi nye sar
bzhugs dgos gsung ste khri'i mdun du bzhugs gdan brgyab nas der
bzhugs su bcug ste dpe med pa'i dgyes

nyams mdzad/ gsol ston gang rgyas thog rin chen rgyan cha ba
dang gar mchod sogs la gzigs pa gnang/ gsol ston grol nas rgyal
dbang rin po ches rje 'di pa'i phyag nas bzung ste khrid nas
gzims chung du phebs par der tshogs kun ya

mtshan par gyur/ nyin re bzhin lha sa'i gling skor dang/ lha ldan
gtsug lag khang gi skor ba la res mos kyis byon zhing brgya
phyag mchod 'bul sogs kyis dus 'da' bar mdzad/ de nas cho 'phrul
smon lam gyi bco lnga'i nyin skyabs mgon phyag na

@066b pad dkar 'chang ba lung rtogs rgya mtsho nas/ bod yul du
ser 'bras dga' gsum sogs la bka' chos thog mar stsal skabs/ rje
'di bas tshe rabs kyi phreng bar zhing khams gang du byon ba'i
'khor gyi dang po dang/ gsung gi gsang ba 'dzin pa'i sras

kyi thu bor 'gyur ba'i rten 'brel du/ gsung chos rwa ba nas lha
rdzas nang mdzod ser po/ rgya dngul srang nyis brgya las grub
pa'i maNDal che ba dbus su ri rab dang gling bzhi gling phran
dang bcas tshom bur bkod pa bzo khyad can/ sku'i rten gser zangs
las grub

pa'i rje'i sku brnyan/ gsung rten thar mdo gser bris gos ser
po'i na bza' can/ thugs rten 'chi bdag gi bdud las rnam bar
rgyal ba'i mchod rten/ rin chen dang po srang lnga las grub pa'i
chos kyi 'khor lo/ rgya dngul srang bcu bdun las grub

pa'i rgyal srid sna bdun par 'dab can/ dril gdan/ cod pan bcas
phul/ de nas nyid kyis spos 'dren byas te rgyal dbang thams cad
mkhyen pa tshogs dbur gdan drangs/ rje 'di pas yan lag lnga ldan
gyi gus phyag sngon du btang ste/ lha rdzas nang mdzod ser

po srid du 'dom pa gsum lhag yod pa dang/ rgya dngul srang nyer
lnga las grub pa'i maNDal ri rab gling bzhi nyi zla dang bcas
pa'i tshom bu can dar tshon sna lngas brgyan pa phyag tu bsnams
nas/ snyan dang gas kyi lam nas drangs pa'i bden tshig dang
bsngags brjod

kyis zhu lam yangs por byas te/ spyan ras gzigs dbang sprul pa'i
zlos gar nam mkha'i mtha' klas ba'i skyes rabs kyi phreng ba
dang 'brel ba'i rtogs brjod dang khyad par rgyal dbang thams cad
mkhyen pa gong ma sku na rim gyis 'jam mgon bla ma'i mdo

@067a @#/ /sngags zung 'brel gyi bstan pa khon bdag gir mdzad
cing/ yang sogs rje tsong kha pa'i 'khrungs gnas sku 'bum chos
sde chen por phebs nas bshad sgrub chos kyi mdzad pa rlabs che
ba gnang tshul gyi bka' drin brjod pa

dang; skabs don sku phreng 'di nyid du'ang bstan 'gro'i mgon du
zhabs zung padmo 'jigs bral gdong lngas bteg pa'i khri 'phang
mthon por bskal ba rgya mtsho'i bar du lhun chags te zab rgyas
chos 'khor skor dgos tshul rnams rgyas par zhus te rten 'byung du

sku'i rten gser zangs kyi tshe mtha' yas pa'i sku brnyan khru
gang lhag /gsung gi rten tshe mdo gser bris/ thugs rten gser
zangs kyi byang chub mchod rten kha gang lhag /sku'i nyer spyad
kyi skor cha tshang/ rgya rnga dbyug bcas/ nor bu bse ru'i rwa/
khyu

mchog ma he'i rwa cha/ theg chen glang po'i mche ba/ khri snyan
sa la'i pags pa rwa bcas/ stag lpags sder bzhi cha tshang/ dngul
srang bcu dgu lhag las grub pa'i tshe bum zhabs stegs tsha gser
ma/ kha rgyan gyi dkyil du tshe mtha' yas pa'i

sku brnyan bzhugs pa/ me dam tsha gser can nang du dngul las grub
pa'i me tog srang gsum re can cha/ tsha gser gyi rdo rje rtse
lnga pa/ dngul srang bdun re yod pa'i dngul skong cha dngul
srang bzhi bcu las grub pa'i rgya gling phra ldan cha/ dzab ya'i

mchod zhal che ba nang du dngul shan dbus su byu ru'i phra yod
pa/ b+he da'i mchod zhal byur bur jus bskos ma nang du dngul shan
can/ dngul srang bco lnga las grub pa'i gsol ltir nang du ri bo
dwangs bsil gyi me tog gis bgang ba/ byur dmar gyi

@067b phreng ba che ba gser gyi bcu shad sum ldan/ g.yang Di'i
phreng bam na hus brgyan pa khyung rgya smug gi bcu shad sum
ldan/ ri bo rtse lnga'i phreng ser nyi shu/ rgya dngul rta rmig
ma nyi shu la srang chig stong lhag tsam/ mdzod gos mang nug
bcas gos chen sna

tshogs yug bcu dgu/ jus chen sna tshogs yug nyer lnga/ gos spu ma
tshon ris can kha gsum re yod pa gnyis/ gos chen lcags sgrog ma'i
sog lwa ling sngon gyi nang sha can spus legs/ rigs lnga dkyil
du rigs lnga'i sa bon yod pa mtha' skor

gyi pa tra rnams dngul las 'bur mar bcos pa/ gtsug tor tog tsha
gser me dngul skud dang byu rus brgyan pa/ gos tshon gyis grub
pa'i stod g.yogs dang smad g.yogs/ dril gdan che legs/ cod pan
cha/ 'go snam skyab gyon 'deng/ sman

rnying yug /bu la gan bzhi/ wa dmar spus gtsang/ bul gta ri bub
bcu/ tA dkar yug drug cu/ rgya zam lnga bcu/ khe bi su'i sa
gdan legs pa gsum dang khri sho'u tse gcig /khe bi su'i mal stan
sbus legs gcig /shel dkar

rta som sgam gang/ bye kar sgam gnyis/ rgun 'brum dkar po sgam
gnyis/ sog po rgun 'brum sgam bzhi/ a mra sgam gang/ go ra sgam
gang/ chi ba ga ltang gsum/ wa ko bzhi/ zing sbag sgam bdun/
'bru dkar ltang

gcig ;snam dkar yug bcas rnam grangs chig stong nyis brgya dang
bcu gcig gi 'bul lam zhus te rmug 'dzin bar mdzod phye ba bzhin
rgya che la dngos gtsang zhing gya nom pa'i bdog pa dngos 'byor
gyi steng rnam dkar dge tshogs dang bcas pa blos

@068a @#/ /blangs te kun tu bzang bo'i mchod sprin nam mkha'i
mtha' klas pa'i phyogs bcu'i rgyal ba kun dang lhan cig dgyes pa
skyed par mdzad/ tshwa dor no mon sogs kyi dus rgyal tshab la
rgyal ba'i 'bul ba'i sum cha'am

bzhi cha las mi dgos kyang/ de mo gong ma'i sku dus hal ha 'ga'
zhig gis rgyal ba las che bar byed pa'ang byung bas/ 'di skabs
phyed chag byed kyi na 'dug pa'i yul lugs dang bstun te/ rgyal
tshab de mo no min han rin po cher

lha rdzas nang mdzod/ dngul srang bco lnga las grub ba'i maNDal/
sku gsung thugs rten/ sku'i nyer spyad yongs rdzogs/ tsha gser
gyi 'khor lo/ rgya dngul srang lnga brgya/ mdzod gos mang lhug
dang 'jam ris sna tshogs yug chen lnga/

jus chen sna tshogs yug bcu/ rgyan bzhi sngon po'i sog gas nang
sha can/ dril gdan cha/ cod ban cha/ ri bo rtse lnga'i phreng
ser bcu/ tA dkar yug bzhi/ rgya zam yug bco lnga/ bu la gan
bub/ wang dmar skya bub/ bul ha ri drug /

khe bi su'i sa stan dang mA khrang tsi/ khe bi su'i mal stan/
shel kar rta so ma dang bye kar sgam cha/ rgun dkar sgam gang/
sog rgun sgam gnyis/ chib ga ltang cha/ rgun nag ltang ya/ zing
sbags sgam cha/ gos dkar yug bcas rnam

grangs lnga brgyad pe gya dgu'i mchod sprin spros shing/ lha
sa'i smon lam gyi dge 'dun nyi khri sum stong lhag la lag 'don
mang ja dang thug pa/ dngul TaM re re'i sku 'gyed bcas phul/
gong sa rgyal dbang thams cad mkhyen pa yab sras bstan 'gro'i
mgon

@068b du zhabs pad brtan cing chos srid kyi 'phrin las phyogs
bcur rgyas pa dang/ 'jig rten gyi khams kun tu dge mtshan rdzogs
ldan bzhin 'byung zhing/ khyad par phran mi nyag ho thog thu'i
sgo gsum gyi bgyi ba mtha' dag rje'i bstan pa 'ba' zhig gi zhabs

'degs su 'gyur ba sogs kyi skyabs 'jug dang zhu 'bul rnams mdo
rgyud kyi lung gi rgyab brten bcas zhus pa na/ rgyal dbang mchog
nas thugs shin tu dgyes te/ khyed nyid nas 'brom ston rgyal ba'i
'byung gnas kyi rtogs brdzod gang rgyas brjod byung/

zhes sogs kyi bka' lung stsal/ smon lam gyi tshogs su byon pas
ser 'bras dga' gsum sogs kyi mkhan po rnams dang dge ba'i bshes
gnyen mkhas pa mang nas mgrin gcig tu/ sku 'bum mkhan zur mi
nyag hu thog thu'i zhu 'bul tshig snyan la don

zab pa rgyas bsdus ran pa bshad pa 'gang chen zer nas ngo mtshar
du rtsi zhing/ de'i sgo nas sku yon zab cing brling ba'i mkhas
pa chen po red ces bsngags brjod kyi dbyangs snyan sgrogs pa
byung ste/ sa paNDi tas/ mkhas pa mkhas pa'i

drung na mdzes/ /blun pos mkhas pa ji ltar go /zhes gsungs pa'i
dpe'o/ /de nas rgyal dbang thams cad mkhyen pa gzim chung du
byon nas rje 'di par lha rdzas nang mdzod/ tsan dan las grub
pa'i ngo bo lo ki shwa ra'i sku brnyan/ rin ril sogs

rnyed dka'i rten gyi skor dang/ chos kyi gaNDi gaN g.yog dang
bcas pa/ sku'i nyer spyad bla chas skor cha tshang sogs kyis srid
lugs dang mthun pa'i bdag rkyen stsal te thugs mnyes pa'i tshul
gyis/ kye sku 'bum mkhan zar zhes mdun du bos nas@069a @#/ /deng nged cag lhan
rgyas nas smon lam la 'gro gsung pa
sogs thugs brtse ba'i gsung lhug bar gnang/ rgyal ba'i mdun der
rje 'di pal rgyal tshab rin po che dang/ bka' blon rnams dang/
sku mdun mkhan

po sogs mi drag thams cad nas chos ldan gyi thugs bzhed grub
pa'i rten 'brel du lha rdzas mdzed btags re stsal/ de nas rgyal
dbang thams cad mkhyen pa'i zhabs phyi zhus nas smon lam la
phebs/ thub bstan rin po che'i yang snying 'jam mgon

snyan brgyad kyi man ngag rnams phyogs kun tu rgyas pa'i thugs
smon mdzad/ smon lam grol nas rgyal dbang mchog nas rje 'di ba'i
phyag nas bzung ste/ sku na ha cang phra ba'i nyams kyis da 'gro
'gro zhes 'khrid pa'i rnam pa mdzad de jo bo shAkya mu ne dang

nye skor rten rnams la mchod mjal gnang/ mchod mjal grub pa
dang/ rgyal dbang rin po che'i zhal nas/ khyed dgung lo bgres
pas gzims shag tu phebs la bde bar bzhugs zhes brtse ba'i bka'
stsal te rtse drung gcig la 'di pa skyel du bcug /de

nas; gsang ba spyi rgyud las/ nyi ma zla ba gzas zin dang/ /ya
mtshan che ltas byung ba dang/ /cho 'phrul gyi ni zla ba la/
/bsgrims te dkyil 'khor bsgrub par bya/ /gsungs kyang/ maNDa
snying po dang/ la len pa'i don yin pas 'gyur khyad kyis

shin tu snying po len dgos pa'i dus su gzigs nas skyo ngal gyi
rnam pa phra mo tsam yang mi mdzad par gnyid dang snyom las
mtha' dag rgyang ring du spangs te long skabs gang byung thams
cad la dus rgyun du jo shAka rnam gnyis la phyag skor mdzad
cing/ rgyal dbang

@069b rin po che'i zhal nyin ltar mjal/ lha ldan smon lam gyi
mchod pa dang/ gtor rgyag /bang rtsal 'gran pa sogs kyi ltad mo
sna tshogs la'ang gzigs/ rgyal dbang thams cad mkhyen pa po ta
lar chibs kha bsgyur dus chibs skyel du phabs rtsis byas par/

khyed dgung lo bgres pas 'o brgyal bar 'dug /bskyod mi dgos zhes
bka' nan phebs/ de nas se ra theg chen gling du phebs/ 'dus
tshogs su mang ja 'gyed sogs gang rgyas dang/ rten rnams la mchod
'bul zhus/ gling skor la byon zhor

du; rje bla mas dbyar zhal bzhes kyi khungs nas rtsa shes TIka
chen bka' rtsom mdzad pa'i gnas se ra chos sdings su phebs/
skyabs sems/ thun drug gi rnal 'byor/ bstan 'bar ma sogs gsung
ste rgyal ba'i yum pha rol tu phyin pa'i dngos

bstan sbas don gyi rtogs pa rnams rgyud la skye ba'i gsol 'debs
dang/ bstan pa'i snying po de nyid rgyas pa'i thugs smon nan
cher mdzad/ de nas 'bras spungs kyi dben gnas dge 'phel du
phebs/ bdun phrag du mar bcad rgya bsdams nas yid ma lha'i ljags

bsnyen mdzad/ thun mtshams rnams su rje bla mas mdzad pa'i thog
mtha' bar du dge ba'i smon lam gyi 'don thabs thar pa'i lam ston
zhes bya ba ljags rtsom mdzad/ de nas dga' ldan rnam par rgyal
ba'i gling du byon/ rje rin po che'i sku gdung mchod rten yid

bzhin gyi nor bu'i drung du mchod sprin sna tshogs spros te nyin
gsum gyi ring la zhal 'don bshags sbyang sogs gang rgyas mdzad
de rje'i bstan pa phyogs mthar rgyas pa'i thugs smon gnang/
gling skor la byon skabs klu 'bum khams tshan gyi grwa rgan

@070a @#/ /dge bshes shig zhabs phyir song bas skor lam gyi sangs
rgyas byang sems mang po'i sku rang byon dang/ phyag zhabs kyi
rjes sogs 'dug pa'i rgyu mtshan zhus pa ltar gyi tho yig dang lo
rgyus phyag bris su mdzad/ 'dus

tshogs su mang ja kha shas dang sku 'gyed dngul skar phyed brgyad
re phul/ byang rtse grwa tshang dang shar rtse grwa tshang so sor
yang mang ja'i bsnyen bkur zhus/ nang rten thams cad la mchod pa
snyan shal bcas phul te mjal kha zhus/ chos rgyal gyi

mdun du brgya mchod phul/ brkyang bskum ma sogs gsung ste rdo
rje'i g.yar dam bskul ba'i phrin bcol mdzad/ de nas bde chen
rdzong du byon/ gsang sngags mkhar gyi nang rten mgon po la mjal
rgyu yin byas par/ dkon gnyer des

sog po bla ma ga ri byed ki yin zer ba sogs brnyas thabs kyi
rnam pa dang bcas dal gyis song ste sgo phye bar mjal kha zhus
nas mgon po'i mdun du mchod sgron rgya cher phul te/ skyabs
sems/ yan lag bdun pa/ myur mdzad ma sogs gsung

zhing; bla ma mgon po dbyer mi phyed pa'i gdung shugs drag po
dang bcas phrin bcol mdzad pa na/ dkon gnyer gyi mthong snang la
mgon po'i sku brnyan des spyan rje 'di pa gar phebs la gzigs
pa'i nyams shig shar te/ dkon gnyer skrag nas

sngar ma gus pa byas pa la 'gyod nas mthol bshags dang/ khyed
nyid skyes bu dam pa 'gang chen red ces skyabs 'jug kyang nan
gyis zhus pa byung/ de nas brag yir ba'i dgon bar phebs te sgrub
phugs so so dang/ byams pa lo ke shwa ra sogs

@070b la rten mjal mdzad/ 'dus tshogs la sku 'gyed dang mang ja'i
dod phul/ de nas lha sar byon/ yongs 'dzin dga' ldan khri rin po
che mkhas grub bye ba'i gtsug rgyan dam pa bstan ba'i srog shing
rje ngag dbang snyan grags zhal snga nas kyi

drung nas lam rim mchan bzhi ma'i khrid nyin nyi shu lhag tsam
gyi ring la gsan/ yang gsang 'dus dang bde mchog sngags btu
gnyis kyi rjes gnang/ yongs 'dzin ye shes rgyal mtshan dpal bzang
pos mdzad pa'i rigs gsum spyi sgrub kyi

khrid; sa bcud bum sgrub kyi lung bcas gsan nas bka' drin gsob
byed du/ nang mdzod ser po/ dngul maN/ sku gsung thugs rten/ na
bza'i rgyu'i gos chen rgyu bzang yug kha shas/ rgya dngul rta
rmig ma zung/ gzhan dngos po gya nom

pa'i 'bul ba sna tshogs bcas phul/ de nas yongs 'dzin khri rin po
che dang/ stag lung dge bshes dpon g.yog gnyis kyis rje 'di
pa'i drung nas nyin kha shas la gtor chen zur dgu pa'i gtor chog
/rje rang gis mdzad pa'i thog mtha' bar gyi

'don thabs sogs bka' chos kyi skor mang tsam gsan/ tshogs mchod
tshugs nas rten mjal tshogs mjal phyag skor sogs la 'grus par
mdzad/ ser sbreng gi mchod pa dang gar mchod sogs la'ang zhib
gzigs gnang/ slong mo pa nyis stong

lhag la ja mar gyi sbyin pa btang nas yid dga' bar byas/ po ta
la'i rnam rgyal grwa tshang gi dus 'khor sgrub mchod tshugs rgyur
sngon 'gro jul tshon gyi dkyil 'khor bzhengs rgyu'i sa thig chog
skabs kyi gar thig sogs phyag len phra zhib kun la legs

@071a @#/ /par gzigs rtog mdzad/ dkyil 'khor bzhengs grub nas
sgrub mchod dngos gzhi'i nyin gcig rgyal dbang thams cad mkhyen
pa tshogs dbur phebs skabs rje 'di bas sbos sna byas te phebs
pas/ rgyal ba'i dbang po

mchog gis kye sku 'bum mkhan zur zhes 'bod pa gnang zhing/ 'di
pa'i phyag nas khrid de brtse ba'i gsung mang du byon zhing
mthar/ ded cag lhan du smon lam 'debs gsung ste tshogs gral gyi
mgor bzhugs su bcug /yongs 'dzin khri

rin po che'ang phebs pas/ rgyal dbang thams cad gzigs pa chen
bos dbu mdzad/ yongs 'dzin khri rin po che/ rje 'di pa/ rig pa
'dzin pa'i dge 'dun 'dus tshogs ngang bcas pas nyin 'khyong gi
ring la zhal 'don dang thugs

smon rgya gang che mdzad/ tshogs grol nas/ rgyal dbang rin po che
gzims khang du phebs khar rje 'di pa mdun du bos te phyag g.yas
kyis rje 'di pa'i phyag g.yas nas bzung ste/ 'o; mdo smad rje
tsong kha pa'i 'khrungs gnas gdan sa chen

po sku 'bum byams ba gling nas bod yul 'dir byon pa'i bla ma
khyed ni rje rin po che'i rnam 'phrul dngos yin zhing/ nged
la'ang sku drin shin tu che/ deng 'dir nged cag lhan cig tu smon
lam legs par btab pa yin pas/ phyis su'ang khyed

kyis nga rang thugs nas ma brjed ces gsung gi gsang ba ches cher
stsal bas gzhal bar dka' ba'i gnas su gyur/ spyir 'di pa dgung
lo smin pas lo rjes mar dbyar 'gros kyis bde bar phebs chog rgyu
la/ de ltar byas tshe phag lo'i smon

@071b lam tshogs dbu sogs byed dgos pas dga' ston mthar phyin pa
zhig mi 'ong zhing/ lhag par nag zla'i dus chen la gnyis med dus
kyi 'khor lo'i sgrub mchod dang 'brel ba'i thugs smon rlabs chen
'di tsho mdzad rgyu'i steng du mi khel bas/ dgun dus

tsha drag gis mi snga mi 'phyi bar dus thog 'di rang la phebs pa
dang/ rgyal dbang mchog nas kyang skye ba'i 'phreng ba/ ming go
sa/ stobs 'byor snyan grags can gyi 'dzam gling gi bla chen ji
snyed cig mdun du byon pa la 'di'i bcu cha tsam yang gnang

ba'i bgros med pa/ ba bu phrad pa lta bu'i dgyes gzigs tshad med
pa dang nang sbyar gyi gsung lhag pa stsol tshul/ chos kyi mdzad
'phrin lhan cig gnang ba/ gtso che'i mtha' ma dus kyi 'khor lo'i
sgrub pa'i thog tu bab pa sogs sgo du ma nas dpyad

na; kun mkhyen rgyal ba'i dbang po sku 'phreng 'di nyid kyi thun
mong ma yin pa'i dngos skal du gyur pa'i sngon gyi rten 'brel
zhig dang/ drag po 'khor lo can tshun chad phyi ma'i rten 'brel
bya sgo du ma zhig yod par snang ngo/ /rgya mtsho'i rlabs bzhin
mi yol thugs

bskyed mtha'/ /dus su smin pa yongs 'du'i sa bon las/ /dge legs
dpag bsam srid pa'i rtser bsnyegs pa/ /phal pa'i 'khri shing
tshogs kyi mtshon bya min/ /yab sras zung gi 'phrin las 'dab ma'i
gar/ /rnam kun mchog ldan dbyings su

bsgyur ba yi/ /dmigs med bde pa'i rdza rnga bzhad ba'i sgras/
/kun rmongs gnyid kyi go skabs 'phrog gyur cig /de nas rje nyid
gzims shag tu byon te zhabs phyi pa rnams la de ring rgyal dbang
thams cad mkhyen pa thugs rje can dang/ yongs

@072a @#/ /'dzin khri rin po che/ dge 'dun 'dus pa'i tshogs dang
lhan cig tu nged rang gis kyang smon lam legs par btab/ der ma
zad rgyal dbang rin po ches thugs mnyes ba'i gsung rdo rje'i
tshig bsam gyis mi khyab

ba lhug par stsal bas bka' drin ni 'khor mtha' ma mchis pa
byung/ rang gi 'byor tshod kyis jo shAka rnam gnyis sogs rten
kun la mchod pa/ rgyal ba yab sras la 'bul ba/ ser 'bras dga'
gsum bkra shis lhun po bcas

dgon sgrub sde che phra thams cad la bsnyen bkur legs bar grub
tshar ba yin kyang/ rab byung na sngon gyi skyes bu dam ba rnams
kyi rnam thar bzang po smon ba'i yul du byas te/ tshe lhag 'di
don dang ldan pa zhig e yong snyam pa'i 'phen ba yod/ gal te

de ltar ma byung yang bka' chos kyi sko ra du ma nyan rgyu sogs
chos kyi bya ba mang po yod bas nged rang grwa pa gsum tsam byas
te/ bod chos yul 'dir lo kha shes kyi ring la ces kyang 'dug
rgyu yin gsung bar/ phyag gnyer dang drung gsol ngo g.yog bcas

nas snga sor chos rjes kyang zhus yod pa bzhin sku na mtho bas
yun ring bzhugs nas chu sogs i 'phrod mi shes stabs nged cag gi
blos mi long la/ nged cag kyang long ba thang skur bzhin du
gnang lugs med par ma zad/ mdo smad kyi grwa slob sbyin bdag

rnams kyang thugs kyis 'dor mi rung bas cis kyang 'di lo phyir
phebs dgos zhes phyag mang du btsal te du ngag gis gsol ba yang
yang btab pas dka' dka' zhig la mthar snying rje'i gzhan dbang
du gyur pas ngo ma chog par phebs rgyu'i zhal

@072b bzhes gnang/ gnas tshul de thos nas dpyod ldan mang pos/
khong mdo smad du chos srid rlabs chen de 'dra la thugs kyis
rbad chod mdzad de/ rdo rje gsum dang gtad pa bzhi bud bsnyegs
thob gsum gyi rnam thar bka' gdams gong ma'i mdzad srol gyi

bzhed pa de 'dra byung ba 'ching ba nang nas grol ba'i khyad
chos su 'dug ces chos kyi rjes su 'brang ba'i bsngags pa'i tshig
gi me tog kun tu 'thor ba byung/ rgyu mtshan de gsan nas yongs
'dzin khri rin po ches kyang/ rje 'di pa bod yul du lo kha shas

la bzhugs rgyu byung na bstan pa la phan rgyu red ces mang po la
gsung snang ngo/ /rgyal tshab de mo no mon han blo bzang 'jigs
med rgya mtsho'i drung nas 'chi med rdo rje'i srog shing gi rjes
gnang sogs gsan/ 'bras spungs su phebs te/ klu 'bum khams

tshan gyi dge 'dun rnams nas bka' chos zhus par/ skyabs 'gro'i
khrid shin tu rgyas pa stsal/ khams tshan la tshom ja dang 'gyed
spyi 'jog sogs gang rgyas kyis bsnyen bkur zhus/ rgyal dbang
thams cad mkhyen pa'i zhabs pad nas gsang bde

'jigs gsum gyi smon lam gyi lung dang/ yongs 'dzin rin po che'i
drung nas dga' ldan lha brgya ma'i khrid lung/ rgyal ba'i yongs
'dzin chung ba shar pa chos rje'i drung nas kyang dga' ldan lha
brgya ma'i khrid bsdus pa zhig gsan/ ser 'bras

kyi dge bshes nyi shu lhag la skyabs 'gro dang dga' ldan lha
brgya ma'i khrid/ lam rim bde lam sogs lung gi skor mang po
stsal/ de nas po ta lar rgyal ba rin po cher thon phyag zhus
bar/ thub dbang gi sku brnyan bod li lha rdzas nang mdzod

@073a @#/ /bcas srid na rnyed dka'i rten gyi skor phal cher/
rgyal ba'i yum rgyas pa dum ba bcu gnyis/ dga' ldan bstan pa'i
gsal byed sha cin sa rig chi er ti ni mkhan pa zhes gzengs
bstod kyi cho lo dang bka' shog tham

gi gru sgor dang bcas/ chen po'i nyer spyad rta dar cha sogs
dang/ na bza'i skor cha tshang bcas bdag rkyen spam mtho ba
stsal/ rgyal dbang rin po ches gsol 'phro shel kar rta so ma
gsol phor gang gnang ste thugs 'phreng ba'i rnam bas nang lugs

kyi gsung gnad can mang du phebs/ sku 'bum chos sde chen por
skabs skabs su me skyon sogs bkra mi shis ba'i mtshan ma phran
tshogs 'byung ba zhig 'dug pas/ de dag sel zhing bshad sgrub zung
gi bya ba gong 'phel du rgyas phyir dang/ dge

'dun gyi sde 'phel rgyas su 'gro ba'i ched du brtag zhus phul ba
sogs spyi sogs kyi lung bstan gyi skor rnams kyi lan zhib rgyas
su stsal/ sku 'bum spyi la rten zhig gnang dgos zhus ba ltar
thub dbang gi sku khyad 'phags shig gnang/ yongs 'dzin khri

rin po cher thon phyag zhus bar/ nyid kyi dbu zhwa dang sku gzan
ser po bcas stsal te 'phral phugs kyi gsung yang mang du phebs/
rgyal tshab rin po che'i drung nas kyang srid lugs kyi bdag rkyen
rgya chen dang phyi nang gsang ba'i bka' lhug bar gnang/ rje

nyid bod yul du bzhugs ring der dad ldan rnams nas chos 'brel
zhu ba dang brtag zhus/ skyabs 'jug zhu mkhan sogs ches mang po
byung bas so so'i 'dod pa tshim par byas/ rgyud stod smad gnyis
la mang ja dang sku 'gyed sogs kyi bsnyen bkur zhus/

@073b mdo smad du gdan 'dren byed rgyu'i thugs bzhed bzhin
'phags yul gyi bstan bcos bod du 'gyur ro cog cha tshang ba snag
shog spus legs/ sku'i rten ston pa thugs rje can gyi rtogs brjod
dpag bsam 'khri shing gi bris thang bco lnga gos chen khyad
mtshar gyi

gong gsham bcas/ rgyal dbang thams cad mkhyen pa'i skyes rabs
zhal thang bcu lhag gong mtshungs/ rje gling 'phul ma'i sku
brnyan kha shas/ thub pa rdor gdan ma rgya gar li mkha shas/ jo
bo rje sogs rten rnying gi skor rnam pa mang po/

gzhan yang 'jigs byed sogs yi dam gyi skor dang chos skyong du
ma/ bla sku ci rigs/ sgrol dkar ljang sogs bris 'bur gyi rten
mtha' yas pa gdan drangs/ de nas dpyid zla dang po'i nang du
gza' skar dge ba'i nyin gzhung sa nas lugs srol dang

mthun pa'i skyel mi sne shan pa dang rta 'ul sogs lha sa nas nag
chu'i bar stsal te mdo smad du chibs kyi kha lo sgyur bar mdzad
do/ /rmug 'dzin gter kha phye ba'i tshul gyi khrimsO ldan 'dus pa
rgya mtsho dang/ /bstanO pa'iO rtsa lag rgyal dbang yab sras

dpag yas mchod pa'i sprin gyis mchod/ /sa yi nyiM zla jo shAka
gnyis sogs rten la phyag mchod skor bar bcas/ /bya dka'i tshogs
gnyis spyod pa maO lus phyogs can 'ga' yis rdzogs par mdzad/
/deng dus thabs mkhas thugs ka'i 'od zer

gyis; /phyogs bcu'i dpal 'byor longs spyod kun bsdus te/ /snying
gar phyag rgya bzhi yis rgyas 'debs pa/ /de dag rnam thar khyod
kyis ring du spangs/ /zang zing dngos po tshogs gnyis snying por
bsgrubs/ /legs bshad dga' ston phan tshun skyes su@074a @#/ /spel/ /sras bcas rgyal ba'i
'khor lo bsnyen pa yis/
/dngos grub gnyis kyi dga' ston mgron du khugs/ /zhes dge ldan
bstan pa'i rtsa lag mkhas shing grub ba'i dbang phyug rje btsun
bla ma dam pa tshul khrims

bstan ba'i nyi ma dpal bzang po'i rnam par thar pa nor bu'i do
shal las/ dngus 'gyur gyi ljongs su bstan 'gro'i don mdzad tshul
gyi dra ba ste lda ba'o// //de nas nag chu ldang la sogs rim par
brgyud de dud bu rer slebs pa na bsam sbyor log

bar 'chang ba'i 'phrog bcom byed mi mgo log dang/ ske rtsi ri
shor ba mi grangs nyis brgya dang sum bcu lhag tsam gyis me mda'
sogs mtshon cha'i rigs brdar te tsham rngam gyi rnam pa dang bcas
tshur gzas nas 'ongs pa na/ zhabs phyi pa rnams kyis

'thab ya zhig byed dgos rgyu red snyam ste mtshon cha sta gon
byas bar/ rje nyid nas grwa ba rnams la de 'dra byed mi dgos
skyon med/ ngas chos srung la phrin bcol byed/ spyir 'phrog bcom
byed mi 'di tsho rgyag ches pa ma red/ rang rang gi kha ma sos
bas

sdug thug cing las kyi mnar ba yin bas snying re rje/ bza' btung
sogs kyi gsol ras zhe tshim ba zhig ster dgos gsung ste dmu rgod
kyi spyod tshul de gzigs bas lhag par snying rje ba ni/ bzhi
brgya pa las/ nad thebs bu la gdung 'gyur ba/ /

de bzhin byang chub sems dpa'i brtse/ /dam pa min la khyad par
du'o/ /zhes dang/ dpal sbas kyi rtogs pa brjod ba'i yal 'dab
las/ bsam pa rigs ba rnams kyi thugs dang ni/ /gnod ba byed pa
la yang snying rje rgyas/ /drag bor gyur ba

@074b la yang 'dab ltar mnyan/ /zhe sdang tsha gdung la yang shin
tu bsil/ /zhes gsungs pa bzhin no/ /'on kyang chos srung rnams
kyi mthus skad cig de nyid du nam mkha' g.ya' dag pa la glo bur
du rlung dmar drag po 'tshub pa dang lhan cig par sprin shin tu

mdog nag cing mi sdug pa 'khrigs nas mun sros pa bzhin gyur/
'brug sgra bzod dka' ba sgrogs shing phyogs kun tu glog gi ka ba
zug nas thog 'phen pa dang/ ser ba drag po rgyun ring tsam babs
pas jag mi rnams 'jigs shing dpa'

zhum ste lus sems gnyi ga bag 'khum nas tshur 'phrog bcom byed
rgyu lta zhog /rang rang gar 'gro'i gtol yang med pas/ dbag bsam
'khri shing las/ skabs der gnod sbyin lag na rdo rjes zad byed
pa rnams ni/ /bdag nyid kun gyis rtag

tu bcom ldan 'das kyi mi mthun phyogs/ /yin par shes nas drag
bo'i rlung gis dkris pa'i char dag spros/ /rnam par rmongs nas
sa yi khung bur skyabs pa dag tu byas/ /zhes pa'i dang tshul de
kho na bzhin du gyur/ de'i mtshams su kho rang

tsho'i nang phan tshun la'ang don med par gcig gis snyad btsal te
nang 'khrug byung nas 'thab res byas/ srung mas rgyud bskul bas
bsam shes 'ga' zhig la dogs pa skyes te/ nga tshol bar 'dir don
med bar mi 'grig pa kho na yong ba 'di'i

rkyen da res kyi 'grul pa 'di reg mi nyan ba zhig yin tshod red
byas pa kun gyis blor bab ste thams cad kyis khyed rang tsho bde
bar song/ khyed rnams la gnod 'tshe'i rigs mi byed ces zhus shing
mna' bskyal nas phyir log ste nyer 'tshe ci yang ma byung ba

@075a @#/ /ni byang chub kyi sems rin po che'i gzi byin yin te/
byang chub chen po'i skyes pa'i rabs las/ bsod nams gzhi las
'bar pa'i yon tan rnams/ /nan tan sgrub pa'i byin gyis dga' bar
'gyur/ /dgra yang

rang gi grags ba bsrung ba'i phyir/ /lhag par bkur sti byed pa
nyid du gyur/ /ces gsungs pa bzhin no/ /pha rol gyi gnod pa
brtsam pa'ang grogs su 'khyer nus pa'i bdag nyid chen po rnams
ni blo sbyong rtsa tshig las/ yid bde 'ba'

zhig rgyun du bsgom/ gsungs pa ltar ci byas rgyan du 'gro bas
nam yang gnod pas brdzi ba'i go skabs med de/ 'khri shing las/
rnam sdang skyon gyi dug gis yid ni sun phyud gyur rnams kyis/
/dam pa dag la gnod pa sgrub la 'bad par ba rno

gang; /de nyid gal te de yi yon tan rab 'bar rjes byed par/
/gyur na srid 'dir su zhig rgya cher gnod dang ldan par 'gyur/
/zhes gsungs pa ltar ro/ /rtse mgron shad sde mkhan po ngag
dbang mgron gnyer dang/ zhabs gras rnams

nas nged tsho ngo g.yog nyi shu rtsa bdun las med/ kho rang tsho
grangs nyis brgya lhag 'dug pas/ da lam skyabs rje dam pa sku
zhabs rin po che'i thugs rje kho na la brten nas nged rnams la
gnod pa ma byung ba ma gtogs/ rgyu nor phar bzhag

srog kyang thar dga' ba 'dug ces zhe thag pa nas bka' drin dang
thugs rje dran pa'i legs sos ched du brjod pa dang gsol ba 'debs
pas dus 'da' ba byung/ de nas rim par brgyud de nye zho cung zad
kyang med par tshwa 'dam rab brtan dza sag

@075b gi u ger 'byor phyogs de'i dad ldan rnams la phyag dbang
dang byin rlabs sogs mos ba bzhin stsal/ de nas bu ha'i chu khar
byon dus phyag mdzod che ching chos rje rab 'byams pa tshul
khrims chos 'dzin ngo g.yog rnams bsu bar 'byor te gzhi byes

zhal 'dzom pa'i dga' ston mngon du gyur/ de nas wang tshe ring
don grub/ pai zi ratna sidd+hi/ dza sag da'i ching rdo rje bcas
kyi urge rnams nas phebs lam gyi zhor la ja 'dren zhus par byon
nas 'dod chos kyang stsal/ ston zla 'bring po'i yar

tshes bcu gsum 'phrod sbyor dge ba'i nyin bstan pa'i gsal byed
che shos sprul pa'i sku dag dbang bshad sgrub bstan pa'i nyi mas
gtsos sku 'bum bla spyi thun mong nas rta bsu dang/ bstan ba'i
snang byed stag mtsher sprul pa'i sku blo bzang mkhas

grub nyi ma ser sbreng gi mgor bzhugs shing/ tshogs chen zhal
ngo/ bla brang phyag mdzod/ sku rten chos rje/ spyi gnyer tsho pa
drug gi rgan pa sogs las sne'i rigs dang chen po'i yo byad
bsgrengs pa'i mchod rdzas 'dzin pa rnams dang/ dge 'dun

sum stong lhag gi ser sbreng dang bcas chos sde chen po sku 'bum
byams pa gling gi phun tshogs 'dod pa 'jo ba'i rang sgar du 'jigs
bral gdong sngas bteg pa'i khri 'phang mthon por zhabs sen bkod/
sku 'bum spyi nas 'du khang chen mor tshogs chen

gyi tshogs dbur gdan drangs/ dge 'dun sum stong brgyad brgya lhag
la phyag dbang dang lam gtso'i khrid rgyas pa zhig stsal/ bstan
pa'i sgron me rgyud pa bla zur che shos sprul ba'i sku rin po
ches maNDal bshad pa 'bul ba dang bcas 'dus tshogs

@076a @#/ /yongs nas brtan bzhugs bul/ nyid nas sku 'bum 'dus
spyi'i rten du rgyal dbang thams cad mkhyen bar zhus nas gdan
drangs ba'i thub dbang gi sku brnyan 'du khang chen mor bzhugs
su bcug /paN chen

rin po cher zhus nas 'dus spyir bslab bya gnang ba'ang dge 'dun
mang gi snyan lam du sgrogs su bcug /de nas khri ka'i phyogs su
byon te rten la mchod 'bul dang/ chos srung rnams la dbus phebs
kyi 'phrin las tshul bzhin sgrub pa'i

bka' drin gtang rag gi mchod sgron slad kyi'ang 'phrin las bcol/
mchod rten dkar bo'i bla brang du zla ba gcig gi ring la bzhugs
te sku ngal bso zhing nyams bzhes kyi rgyun bskyangs/ de nas sku
'bum du phebs/ or du su'i shog

gi tho yon ngo g.yog bcas nas zhus pa bzhin dge 'dun lnga brgya
lhag tsam la gsang 'dus kyi dbang sta gon dang bcas pa/ 'jam
dbyangs nag po/ shra ma Na/ seng gdong ma nag mo gtso 'khor gsum
ba dang dmar mo gnyis/ gtsug

tor rnam rgyal/ dzamb+ha la ser po? sogs kyi rjes gnang/ byang
chub bde lam gyi lung khrid bcas stsal/ rje rin po che'i dus
mchod dga' ldan lnga mchod chen mo'i skabs nyin bdun gyi ring la
tshogs chen 'du khang gi rab gsal du bla mchod dus

bzang gi tshogs mgor phebs te bstan 'gro mtha' dag la dgongs pa'i
thugs kyi dgongs pa gang legs mdzad/ de nas 'jam mgon bstan ba'i
rtsa lag dam ba a kyA no min han rin po che rgyal khab bai
cing nas mdo smad du byon pa'i bsu ba la

@076b phebs te sri? ling du mjal phrad gnang zhing sku 'bum chos
sder lhan du phebs/ de skabs rje 'di ba'i sku cung zhig bsnyung
tshul bstan par brten a kyA bla brang nyid du rje 'di ba gdan
drangs nas a kyA rin po ches bla mchod dus bzang dang 'brel
ba'i zhabs

brtan gnad smin phul bas rten 'brel gyi zhal bzhes bzang po
gnang/ yang bskyar a kyA bla brang nas tshogs chen 'du khang gi
rab gsal du rje rin po che gsung 'byon ma'i mdun la rje 'di pa
bla mchod dus bzang gi tshogs dbur gdan drangs ba bzhin

phebs te bstan ba rgyas ba'i thugs smon mdzad/ a kyA rin po
ches rje 'di ba'i mdzad spyod dang gsung 'byon lugs sogs sngar
las ches 'gyur 'dug cing/ khyad par 'khor ba la skyo ba'i tshul
gnang ste thugs kyi bzhed ba zhing gzhan la

gtad pa mkhyen nas 'phral du gsol dbon 'jam dbyangs nyi ma la
lha rdzas mdzod btags dri ma med pa srid du ring ba zhig gnang
nas rje 'di pa'i sku mdun du mngags te snyigs ma'i dang tshul la
skyo ngal gyi rnam pa mi mdzad par bstan 'gro'i

mgon du rlabs chen thugs bskyed kyi go cha lhag par bgos te
zhabs pad yun ring brtan pa'i zhal bzhes bzang po sems la 'dzin
rgyu yod pa zhig cis kyang nas gnang dgos tshul sku phreng snga
phyi'i thugs 'brel dam tshig tshun chad la dkar ba'i zhu ba

dmar 'byin u tshugs mthar skyel gyis zhib rgyas su zhus par/
nyid nas gsol dpon la thun mong gi gsung lan rgyas pa zhig stsal
cing/ nang sbyar thun mong ma yin pa'i dgongs gzhi dgos pa/ 'on
kyang nyid kyi thugs thag bas gsung nan mdzad

@077a @#/ /pa zlog tshul med bas lo kha shas la bzhugs rgyu'i gnas
tshul rnams rang nyid kyis phyag bris mdzad de rgyas btab nas
mgron gnyer rab 'byams ba ngag dbang bstan 'dzin la gnang ste/
rje a kyA rin po che'i drung du phul

bar; khong gis gzigs te phyag thal mo sbyar nas pha bla ma rdo
rje 'chang chen bo zhabs bad brtan par bzhugs pa'i zhal bzhes
blo gdeng thub ba'i gsung rdo rje'i chig 'di 'dra stsal ba ni
bka' drin nges par bsam gyis mi khyab 'dug 'di rmi lam

min nam gsung ste/ dang por mdzad sbyod la yid ma ches pas blo
'khul byung tshul/ de nas gdung shugs kyis gsol ba btab pas brtse
bas gzigs te zhal bzhes yid tshim pa gnang ba la spro dga' tshad
med pa skyes pa'i ched du brjod ba

rnams mgur dbyangs kyi tshul du zhus pa ni/ rje dus gsum gyi
sangs rgyas 'dus ba'i sku/ /pha drin can gyi bla ma rdo rje
'chang/ /'bangs dad gdung gi shugs kyis gsol 'debs na/ /pha
brtse chen gyi ngang nas yud tsam dgongs/ /mgon rdo

rje 'chang chen rang gshis la/ /bgres rgud kyi spro ba ma mchis
kyang/ /deng rang re snyigs dus slob 'bangs kyi/ /chu bur gyi
mig gi snang ngo la/ /sku bgres shing bsnyun pa'i tshul zhig
mdzad/ /tshul 'dis kyang cung zad yid ma ches/ /gsung tshangs

dbyangs 'gag pa ma mchis kyang/ /gsung zhan cing gre bab snyung
tshul bstan/ /yongs 'brel gtam nyung zhing skyo tshig mang/ /tshul
'dis kyang cung zad yid ma ches/ /thugs rnam kun mkhyen pa'i ye
shes la/ /skyo 'khrul dang rnam rtog mi srid

@077b mod; /yongs skyo shas kho nas 'da' bar mdzad/ /tshul 'dis
kyang cung zad yid ma ches/ /don de slad slob bu'i tha shal bdag
/sems las kyi khur pos non na yang/ /ci byed kyi blo lhus ma
things par/ /zhag shas shig 'gyang zhing thal

bar gyur/ /de rjes su dben pa'i ri sul 'dir/ /gcig pu rang mno
bsam btang ba'i tshe/ /'dzem med du zhu dgos spob pa skyes/ /ring
'dris kyi nye gnas nyi ma la/ /snying gtam gyi tshig gsum rjen
'bul zhus/ /phrin las kyi byed po

rnams la yang/ /nang nyams kyi drang gtam lhug par smras/ /gang
zhus kyi don 'dir brtser dgongs nas/ /skyo ngal gyi thugs 'dun
rgyang bsrings te/ /bstan 'gro yi phan bde rlabs po che/ /yun
mdzad kyi rdo rje'i bka' bzhes dang/ /bden

gtam gyi phyag ris spyi bor 'byor/ /tshul 'di lta'i rab dga'i bde
ba 'di/ /mngon sum mam 'on te rmi lam lags/ /yongs rmi lam lags
kyang mi sad snyam/ /don 'gyur med kyi rdo rje'i tha tshig 'dis/
/bdag snying la bde dga'

mngon du byin/ /dad gdung gi rlabs kyis cher bskyod de/ /zhu
tshig gi snying po dgung du 'phyur/ /phyag zung gi snyim pas
bzung nas kyang/ /zab brling gi rgya mtshor sim pa mkhyen/ /zhes
thol byung du gsol ba 'debs pa'i zhu tshig dad gus kyi snying po
mu

tig gi phreng ba zhes pa 'di zla11 tshes21 dge ba'i nyi dros la
dben pa'i ri sul seng ge'i ri khrod nas slob bu'i tha shal snang
mdzad dgyes bzhad rdo rjes bkra shis pa'i lha rdzas/ bkra shis
ri mos spras pa'i Dam rdzar/ 'gyur med rdo rjes mtshan pa'i

@078a @#/ /rten kheb bcas gus phyag dang bcas gsol ba btab pa
lags/ zhes pa'o/ /khyi phag gnyis kyi lo gsar rnying gi mtshams
'dir lhag par thugs sna bstung ba'i rnam pa mdzad pa ni/ rjes
ma'i lo mgor yang dbus

nas rgyal dbang thams cad mkhyen pa dag zhing du phebs 'dug pas
dus tshed de 'dra zhig la rje 'di 'ang zhing khams gzhan du 'byor
rgyu'i dgongs bzhed yin 'dug na'ang/ sngon ston pas sku tshe'i
'du byed btang ba'i rjes su/ gsol ba btab pas zla

ba gsum du sku tshe'i 'du byed byin gyis brlabs nas bzhugs pa
bzhin/ a kyA rin po ches zhu nan ha cang che ba'i zhal ngo ma
bzlog par khong bzhugs ring gi lo cha shas la nyid kyis kyang
thugs 'phen phyir bsnur ba yin par gdon mi za'o/ /

lo mjug la sku'i khams ha cang seng dwangs shig med kyang de la
thugs snang mi mdzad par bcad rgya dam po'i sgo nas yi dam gyi
ljags bsnyen mdzad cing/ rje btsun rdo rje rnal 'byor ma'i dkyil
'khor bsgrub pa dang dbang len pa sogs kyang gnad

smin mdzad/ de nas dgung lo re gcig pa na tshod ldan zhes ba
shing phag gi gnam lo gsar bzhad kyi nyin sku tsha zhabs drung
skal bzang bstan 'dzin rgya mtsho dang/ phyag mdzod che ching
chos rje gnyis kyis gtsos pa'i grwa rigs thun mong nas mkha'

'gro'i brtan bzhugs dang 'brel ba'i sgo nas zhabs brtan phul/
rgyar rtsang sgom chen a kya bla ma dge legs kyi sprul sku'i
gtsug phud bzhes nas/ mtshan blo bzang dge legs nyi ma zhes 'dogs
par mdzad/ rje a kyA rin po che byon nas lo gsar gyi

@078b mjal kha zhus shing brtan bzhugs rgyas ba phul/ de nas
rnam pa gnyig dben gnas dga' ldan chos sdings su phebs te zhag
kha shas bzhugs/ de'i ring la a kyA rin po cher nA ro mkha'
spyod ma'i dbang dang gzhan bka' chos mang po thugs kyi

bzhed pa bzhin du stsal/ a kyA rin po chas slar yang bla mchod
kyi dus bzang dang 'brel ba'i zhabs brtan zhig kyang 'bul bar
mdzad/ a kyA bla brang du lha mo'i rten mdos bzhengs rgyur
rdzas dang bcas shom sogs ji ltar byed dgos pa thams

cad la nyid nas ljags bkod zhib mo bka' drin skyong dgos tshul
zhus ba ltar khur bzhes kyis bkod khyab mdzad nas bzhengs te
nang rten du bzhugs su bcug par rab gnas sogs kyang mdzad/ dus
rgyun bar yang a kyA rin po ches chos srid kyi sku don

gal che ba gang gi thad du'ang rje 'di par dgongs bstun gyis
gnang ba ma gtogs/ bka' gros med bar nyid kyi thugs bzhed kyang
pa ltar ye mi mdzad pas/ de'i rgyu mtshan a kyA rin po che nyid
kyi zhal nas/ bdag gi bya ba thams cad rje mi nyag rdo rje
'chang

chen por zhus nas sgrub na bla ma'i gsung gi byin rlabs dang
thugs rjes las don de dka' tshegs med par 'grub yong bar 'dug
gsung/ phyin chad kyang blo gtad sa skyabs mgon nyid las gzhan
ma mchis bas thugs la 'dzin dgos zhes yang nas yang du

zhu ba gnang/ de nas rje a kyA rin po che rgya nag tu 'byon
khar/ rdze 'di bas lha rdzas nang mdzod/ maNDal/ sku gsung thugs
rten/ sku'i nyer sbyad cha tshang/ rnam ther bu bdum sogs kyi
dngos 'bul dang bcas brtan bzhugs phul/ rje a kyA rin po ches@079a @#/ /nyid la
'phral phugs kyi gnas tshul rnams zhib tu zhus
shing tshe rabs kyis phreng bar 'bral med rjes 'dzin gyi skyabs
'jug zhus/ rje 'di pas dam pa nyid kyi sku tshe mdzad phrin sogs
kyi ched du dmigs te dkon mchog la

gsol 'debs dang chos srung la phrin bcol sogs byed/ rgan bu nga
la'ang tshe rabs kun tu thugs nas ma bor ba'i skyabs 'jug gnang
dgos zhes phan tshun skyabs 'jug zhu res mdzad de a kyA rin po
che rgya nag tu chibs kha bsgyur/ de rjes nyid

a kyA bla brang du byon te nang rten sgrol ma gsum gyi sku
brnyan la gzungs 'bul nyid kyis gnang dgos pa'i rgyu mtshan sngar
zhus yod pa ltar ring bsrel rnam bzhis bsdus pa'i gzungs gzhug
rgyud sde'i dgongs pa bzhin legs par phul te rab gnas

kyang mdzad/ or du su shog gi sman pa bla ma dkon mchog rab
rgyas kyis zhus pa ltar/ ma Ni bka' 'bum/ rgyud bzhi/ man ngag
bka' rgya ma sogs kyi lung dge 'dun brgya lhag tsam la stsal/ de
nas gser sku che chung mang po dang zhal thang mang bo/

bka' 'gyur cha tshang/ rje yab sras kyi bka' 'bum sogs glegs bam
brgya dang dgu bcu lhag /bka' gdams mchod rten sogs sku gsung
thugs rten du ma sku 'bum mi nyag bla brang nas khri ka'i mchod
rten mi nyag bla brang du mchod pa'i rten la gdan

drangs; dbyar zla 'bring po'i nang du hal ha'i phyogs kyi bla ma
'ga' zhig gis zhus pa ltar/ rje thu'i bkwan rin po che'i gsung
'bum pu ti brgyad tsam gyi lung dge 'dun lnga bcu skor la stsal/
ri khrod pa dkon mchog snyan grags kyis gtor ma

@079b brgya rtsa'i khrid zhus bltar lag len dmigs rnam phan yon
dang bcas gsung bshad zhib rgyas su stsal bas/ lha rdzas/ bka'
gdams maNDal/ sku brnyan/ lam rim/ blo sbyong/ 'dul ba'i skor
dang/ bde lam zin bris sogs gsung rab pu ti

bcur nye ba/ thugs rten/ 'tsho ba'i yo byad lhung bzed sogs bdog
pa ci 'byor yod 'bul lta bu byas te snying khung rus pas zhabs
brtan gyi zhu ba rnam dag phul/ skye zhing skye bar rje nyid
dang mi 'bral ba'i skyabs 'jug kyang nan tan zhus par brtse ba'i

zhal bzhes bzang po gnang/ 'jam mgon bstan pa'i gsal byed che
shos sprul pa'i sku rin po ches kun rig rgyud don gsal pa'i
steng nas phyag rgya'i skor dang dka' gnad kyi dogs gnas ci rigs
zhus pa rnams zhib tu khrid pa gnang/ sku 'bum

rgyud grwa'i 'du khang 'phyam gyi logs ris ston pa'i skyes rabs
kyi bkod pa rnams bgres skyon cher zhugs pa la/ bstan pa'i srog
shing a kyA rin po ches gsar bzhengs kyi mthun rkyen stsal
te/ phyag mdzod chi ching chos rjer ba 'byams pa tshul

khrims chos 'dzin dang bying 'dren zur ba dge slong shes rab rig
'dzin gnyis las dpon du bskos nas/ bzhengs lugs kyi sa bcad go
rim sogs nyid kyis zhal bkod gnang dgos zhes zhus pa ltar lha
bzo ba rnams la sngar rgyun dang bstun

pa'i go rim ma 'chol zhing sku'i bab tshon gyi mdangs sogs thig
ldan gang mdzos dgos pa'i bkod khyab stsal te bzhengs su bcug
/gtso sku che ba rnams la kha byang gsol 'debs kyi tshigs bcad
kyang ljags rtsom mdzad/ dbyar zla tha ma nas ston zla 'bring

@080a @#/ /po'i bar than ba me 'bar ba lha bus mi phyugs dang lo
tog kun la gnod tshab che ba byung bas/ tshogs chen zhal ngo sogs
las sne'i rigs nas chos skyong la lung zhus byas pa ltar/ rgyud
sman gnyis kyi dpon slob

las thog ba dang zur pa sogs dge 'dun nyer gcig re bcas lan du
mar lha khang chen mo'i nang dang chu mgo sogs su byon nas dmigs
brtse ma'i las tshogs nang gi char 'bebs kyi sgrub pa byas shing/
dge 'dun sum stong brgal bas kyang

rgyab skyor gyi rim gro dang/ spyan 'dren khrus gsol/ dmigs
brtse ma sogs rgya cher bsgrubs na'ang sems can spyi mthun gyi
las dbang btsan pas char ma babs shing/ tsha bas gdungs pas ri
klung thams cad dmar hang nge ba ser skya'i

grong lta bur gyur bas/ rje nyid nas kyang than pa 'dis lo
phyugs kun la gnod pa che bar 'dug /char 'bebs shig byas na
dgongs pa'i thog tu/ tshogs chen zhal ngo dang bla spyi'i phyag
gnyer sogs nas yang bskyar chos skyong la lung zhus

byas bar/ rje 'di bas char 'beb gnang dgos lung bstan stsal ba
ltar/ thams cad 'dun pa chig dril gyis nyid la char 'bebs kyi
snyan gsan phul nas gsol ba btab pas 'phral rang la tshogs chen
'du khang gi rab gsal du rje gsung

'byon ma'i mdun du phebs/ sgrub grogs dge bshes bzhi dang bcas/
skyabs sems yan lag bdun pa maNDal dang bcas pa/ thun drug gi
rnal 'byor/ bla ma'i rnal 'byor sogs kyis thog drangs yi dam rdo
rje 'jigs byed kyi mngon rtogs

@080b bzlas pa dang bcas bsngon du 'gro bas dam can chos kyi
rgyal bo'i bskang bshags tshar kha shas gsung nas phyogs bzhir
drug cu pa bsngos/ gzhi bdag la bsang dang gtor bsngo gnang/
dngos gzhi dmigs brtse ma'i las tshogs ltar dang/

rgyab chos gtor ma brgya rtsa/ klu gtor/ 'byung gzhi gtor ma
bcas nyin gsum gyi ring la bsgrubs pas char gyi rgyun 'jam po
zad mi shes pa nyin mtshan khor yug tu babs nas mi 'jigs pa
skyabs kyi spyin pas mi phyugs lo tog sogs kun gyi dbugs

gsos par mdzad de thugs rje dang bka' drin gzhal bar dka' ba'i
gnas su gyur/ da nas yun ring po'i bar du bcad rgya dam bos lam
thun mong dang thun mong ma yin pa'i nyams bzhes ting 'dzin bdud
rtsi'i zil mngar la gcig tu rol par mdzad/

dgun zla dang bor rje rin po che'i dus mchod skabs lo ltar 'char
can gyi phyag bzhes bzhin tshogs chen 'du khang gi rab gsal du
rje gsung 'byon ma'i mdun du bla mchod dus bzang gi tshogs dbur
phebs te nyin kha shas kyi ring la bstan 'gror sman pa'i

thugs bskyed rlabs bo che gnang/ dgun zla 'bring bo'i yar ngo'i
tshes bcu nas mar ngo'i tshes bcu'i bar la rje btsun rdo rje rnal
'byor ma'i dkyil 'khor sgrub cing dbang blangs pa/ tshogs kyi
'khor lor tshim pa drug ldan du rol pas dam tshig skong zhing

gnas gsum dba' bo mkha' 'gro'i tshogs kun dgyes pa bskyed/ de nas
sku mtshams gnang ste thun dngos gzhir zab lam rdo rje'i rnal
'byor bskyangs shing/ thun mtshams su ltung bshags dang 'brel
ba'i phyag sbyang nan cher mdzad/ skabs/

@081a @#/ /shig sku bsnyung cung zad bzhes par phyag gnyer sogs
zhabs gras thun mong nas zhabs brtan ci 'dra sgrub rgyu rje nyid
la zhus par/ sman bla'i cho ga mchod pa gang rgyas kyi steng nas
tshogs chen du gsung na

legs zhes bka' phebs pa bzhin bsgrubs/ yang zhabs gras thun mong
nas sku 'bum chos skyong la lung bstan zhus par/ rnam rgyal ma'i
stong mchod gang mang dang sgrol dkar gyi tshe sgrub dgos zhes
stsal ba'ang gnad smin byas te bsgrub/ mtsho skyid pai

ze'i shog gi sman pa lo lon mkhas pa zhig 'dug pa gdan drangs
par khong gis phyag rtsa brtag nas sman phul bas sku khams cung
zhig dwangs pa byung/ zhabs gras thun mong nas zhabs pad brtan
pa'i snyan zhus nan tan du phul bar/ zhal nas/

da lta gang yin kyang bzang/ tshe 'dir dge ba'i bya ba gang bsam
yid smon ltar 'grub pas 'gyod pa med/ lo'ang rgas bas nges pa ci
yod ces gsung pas zhabs phyi pa rnams gsung de ci 'dra yin snyam
the tshom du gyur la/ da ni paN chen

blo bzang chos rgyan gyis/ tshe ring du gnas na rnam dkar gyi/
/las bzang po sgrub po shi yang sla/ /sems bag chags bzang po'i
ngang du 'chi/ /a la la gson shi sems la snyom/ /tshe sgrub kun
ji ltar dgyes dgyes mdzod/ /gsungs pa ltar

gdeng thob pa'i gsung zhar la go rgyu mang po can gnad zab mo
zhig go/ /ta ri gang+ga'i rab 'byams pa ngag dbang bstan 'dzin
nas/ lha rdzas/ maNDal/ sku gsung thugs rten/ gos kyi zhabs chag
sogs kyis thog drangs nas zhabs brtan

@081b phul te 'di'ang rten 'brel gyi dbang zhig tu thal bar
snang/ zhabs phyi ba dge tshul blo bzang don grub kyis kyang bdog
pa'i tshan grangs dang bcas zhabs brtan phul/ mer gen dka' bcu
smon lam rin chen dang/ dur bde thai ji blo bzang don grub kyi
bu chung bkra shis tshe

brtan; tho yon 'jigs med sogs nas phyag dbang zhus/ grub rgyal
lugs kyi tshe dbang dang gzhan chos bka' mang tsam gnang/ bsgrub
bya lnga bcu lhag dge tshul dang/ sum cu brgal ba la dge slong gi
sdom pa stsal/ de nas dgung lo re gnyis pa

'dzin byed ces pa byi ba'i gnam lo gsar tshes nyin sku tsha zhabs
drung dang phyag mdzod che ching chos rje gnyis kyis gtsos grwa
rigs thun mong nas mkha' 'gro'i bstun bzlog dang 'brel ba'i
zhabs brtan phul nas rten 'brel gang legs bsgrigs/ cho

'phrul smon lam la 'dus pa'i ser skya che phra chig stong brgal
ba la phyag dbang 'dod chos stsal nas yid tshim par byas/ phe
kyA zhabs drung go 'phang hu thog thus 'jigs byed dba' gcig
/gsang 'dus/ rta mgrin gsang sgrub sogs kyi dbang sta gon dang

bcas zhus par/ che shos sprul ba'i sku rin po ches gtsos sprul
sku'i rigs dang/ mtsho sngon mtsho skyes pai zi/ dur bde tho yon
'jigs med/ tha'i ji bkra shis tshe brtan/ dge bshes mang po bcas
dge 'dun drug brgya lhag la stsal/ bsgrub

bya brgya dang bdun cu lhag la dge tshul slong gi sdom pa stsal
te thar pa'i rgya mtshor 'jug pa'i gru gzings 'jug bar mdzad/
mergen bka' bcu smon lam rin chen la bka' shog dang gzengs bstod
kyis mergen baNDi ta'i tsho lo bcas stsal/ zla

@082a @#/ 53 /ba gcig gi ring la sku mtsham bsngams/ mtshams grol
rjes bstan pa'i sbyin bdag pai zir tan sidd+hi dang dza sag da'i
ching rdo rje gnyis nas lta rdzas maNDal/ sku gsung thugs rten
bcas zhabs brtan rim bzhin phul/ bai zis 'dod

mos bzhin yi dam chos srung la gtor bsngos phrin bcol mdzad/
skabs der nged kyis bris pa'i dga' ldan bstan pa rgyas pa'i smon
tshig gi dpe zhig phyag tu 'byor bas dgyes tshor cher mdzad cing/
sbyar byang gi thad du/ deng dus rje bla ma'i bstan pa 'di zungs

zad kyi nad ba sman pas bor ba bzhin bdag tu 'dzin pa mi 'dug
ces pa de shin tu bden par 'dug gsung nas thugs shin tu skyo bas
spyan chab bsil/ de skabs che shos sprul pa'i sku rin po che sku
'bum gyi mkhan khrir bzhugs rgyu'i sta gon gyi skabs yin

pas; khong la khyed khrir bzhugs rgyu dang smon tshig 'di 'byor
ba rten 'brel 'grig pas tshegs su btsugs na legs gsung ste/ rnam
pa gnyi ga dgongs mthun gyis tshogs chen dang bshad sgrub gling
gnyi gar btsugs/ de'i thugs dgongs ni khong

khri 'don la rten 'brel 'grig par mdzad/ nyid kyi sku tshe hril
por bstan pa'i bya ba kho na mdzad de rje bla mas/ dang bor rgya
chen thos pa mang du btsal/ /bar du gzhung lugs thams cad gdams
par shar/ /tha mar nyin mtshan kun tu nyams

su blangs/ /kun kyang bstan pa rgyas pa'i ched du bsngos/
/gsungs pa ltar bstan ba rgyas pa'i rgyu 'ba' zhig tu bsngo ba'i
thugs 'dun nar mar yod pa dang ngo 'phrod par mngon te/ nyid nas
bla mchod kyi dus bzang zhig sngar nas 'dzug par

@082b gnang yod ba de'i skabs su'ang smon tshig 'di chag med dgos
pa'i zhal ta nan cher stsal/ grwa pa bgres gzhon tshang mas kyang
thugs 'dun rtse gcig gis dang du bzhes pas rten 'brel legs tshogs
che ba byung/ de nas dpyid zla gsum par khri ka'i phyogs

su phyag bteg /nyid kyi dgon pa dga' ldan dar rgyas gling gi 'du
khang steng du tsha gser gyi gnyija ra che ba gzungs gzhug bcas
'jog pa gnang nas rab gnas kyang mdzad/ de nas mchod rten mi
nyag grwa tshang bkra shis chos gling du phebs/ rgya bod

sogs nas lo tog gi don du char 'bebs zhus bar nyin gsum gyi ring
la spyan 'dren khrus gsol/ brgya rtsa/ klu gtor/ 'byung bzhi
dang lan chags gtor ma sogs bsngo ba gnang bar brten nyin kha
shas la char gyi rgyun chen bo babs pas lus

can rnams kyi re ba bskangs/ re zhig phyi mtshams kyi khongs nas
rgya bod kyi mkhas grub paNDi ta rnams kyi gsung dang/ rje yab
sras kyi legs bshad sogs phyag dpe'i skor la gzigs rtog zhib
rgyas gnang/ de nas phyag gnyer sogs grwa rigs thun

mong nas sku gong ma'i sgrub gnas byin can gsang sngags bde chen
chos 'phel gling du dbyar gnas shig 'dzug rgyu'i gnas tshul nan
cher zhus shing/ rje nyid la'ang snga sor rgyal dbang thams cad
mkhyen pa nas dbyar gnas dang gso sbyong

byed rgyur dgongs nas gaNDi gnang 'dug pas/ da lam bstan 'gro'i
phan bder dmigs dbyar gnas shig 'dzug rgyu byung na dgongs yod
par brten/ dbyar zla drug pa nas rje 'di pas gtsos tshad ldan dge
ba'i bshes gnyen rnams kyis

@083a @#/ 53 /gzhi gsum kyi nyams len chos 'dul ba'i dgongs pha
ji lta ba bzhin phyag bzhes pa 'thebs nges byas te btsugs/ dus
rgyun gyi zhal 'don la mdo sngags zung gi nyams len gyi gnang
yongs su rdzogs pa bla

mchod cho ga'i ngag 'don gyi rim ba rnams ma lus bar mdzad srol
btod pas yul phyogs bkra shis pa'i rten 'brel sgo du ma nas
'grigs/ ston zla 'bring po nas sngar gyi khrag rlung gi bsnyun
gzhi cher 'phar te sku khams shin tu mi dwangs pa'i

tshul mdzad pas/ phyag gnyer sogs nas sku 'bum chos skyong rnam
gnyis kyis gtsos lha dang bla ma thams cad la lung bstan zhus
bar/ zhabs brtan rim gro rgya cher phab cing/ lung bstan rnams
su sku'i bsnyung gzhi dwangs mi dwangs gtso cher rje

nyid kyi dgongs pa la rag las tshul rjen par gsungs/ mi nyag grwa
tshang du sman bla gsung ba dang bka' 'gyur gsung sgrogs byas/
dga' ldan dar rgyas gling gi dge 'dun sum cu tsam gyis sman
bla'i cho ga dang chos rgyal gyi gtor sgrub btsugs/

bla ma a lag shes rab nas kyang rnam 'dzoms bum sgrub dang
byas khrus zhus/ bde chen dbon slob rin po ches kyang zhabs
brtan gyi skor mang du bsgrubs/ sku 'bum tshogs chen du sman
bla'i stong mchod tshar 'ga'/ bka' 'gyur/ gdugs dkar

sogs gsungs ba dang/ rgyud sman grwa tshang so sor zhabs brtan
gyi skor rnams rgya cher bsgrubs/ bla brang rang du gdugs dkar
zlog chen/ gtsug tor rnam rgyal ma'i stong mchod tshar lnga/
sgrol dkar gyi tshe sgrub sogs spyi sger kun nas zhabs brtan tshad

@083b med pa bsgrubs/ mu ri wang gi shog nas sman pa mkhas pa
zhig bos te sman phul yang phan cher ma thogs/ 'on kyang zhabs
gras thun mong nas sku'i rim gro rgya cher bsgrubs te zhabs
brtan gnad du smin pa zhig phul bas/ thugs rjes nye bar gzigs

te sku cung zad dwangs pa'i tshul gnang/ de nas sku 'bum du
phebs/ bsnyun gyi mjug ma dwangs bas sku khams sngar dang mi
'dra'ang snying rje'i go cha mi lhod pas don gnyer ba mang por
rnam rgyal lha dgu /'jam dbyangs dmar ser/ thub pa dam tshig gsum

bkod/ lha mo 'od zer can ma/ ri khrod lo ma gyon ma/ nor rgyun
ma/ sor 'brang sogs kyi rjes gnang dang/ bla mchod dang lam rim
bde lam sogs kyi lung bcas stsal te rang rang gi re ba yongs su
skong bar mdzad/ dgun zla 'bring bor chos sde

chen po'i gdan sa pa bstan pa'i gsal byed che shos mkhan rin po
ches gtso mdzad/ sman ba bla zur shakyA dge bshes rgyal mtshan
nor bu sogs bla mchod kyi dus bzang ba tshogs yongs nas gnas
brtan cho ga dang 'brel ba'i brtan bzhugs phul ba'i thog

che shos mkhan rin po ches dus kyi tha ma 'dir thub bstan 'dzin
skyong spel ba'i rgyu tshogs ma tshang ba med pa'i skyabs mgon
nyid lta bu zhabs pad brtan dgos tshul tshig gi na yam tsam ma yin
par thugs rje 'khul nus pa'i zhu 'bul gnad smin bcas phul

de nas bcad rgya bsngams nas yi dam rdo rje rnal 'byor ma'i
ljags bsnyen la rol zhing/ bdag 'jug gyang yun ring po'i bar du
bzhes par mdzad/ bcad rgya grol te gser sku li ma che chung lnga
bcu brgal ba la gzungs gzhug tshul bzhin du@084a @#/ /phul zhing nang rten gsar
rnying thams cad la rab gnas
mdzad/ dpal ldan smad rgyud gnyis pa gsang chen sngags kyi grwa
tshang gi dpon slob gro tshang zhabs drung skal bzang bkra shis
rgya mtshos gtsos dge 'dun 'dus

tshogs yongs nas bde mchog dkar bo'i tshe sgrub mdzad pa'i mjug tu
dpon slob rin po ches zhu 'bul gnang smin gyi sgo nas lha rdzas
maNDal/ tshe bum bcas phyag tu phul te rgyud pa grwa tshang 'dus
tshogs yongs nas zhabs brtan phul bar/ rje nyid

kyis phyag thal mo sbyar te gus pa chen pos bdag so so skye bo
'ching ba kun ldan la skyes chen dam pa rnams dang 'dra ba'i
rang dbang ni ga la mchis/ dam pa gong ma rje mi nyag rdo rje
'chang de nyid kyi mtshan rnam par dag pas byin gyis brlabs

pa'i phran bdag la/ deng dge ba'i nyin 'dir dpal ldan smad rgyud
kyi dpon slob rin po ches gtsos dge 'dun 'dus tshogs yongs nas
chos dam tshig gi 'brel ba zab mo thugs la dgongs te rten 'brel
gyi khyad de ltar gnang ba ni bka' drin

shin tu gzhal dka' ba'i gnas lags/ rdo rje 'chang dngos su phebs
nas 'chi med tshe'i dngos grub mngon gyur du gnang ba dang khyad
med/ gang yin kyang phran rang ngos nas tshe yun ring gnas ba'i
ched du zla med mchog gsum dam par

gsol 'debs bgyid/ dpon slob rin po che dang dge 'dun 'dus tshogs
yongs nas kyang bdag gi chos ldan gyi bgyi ba gegs med 'grub
pa'i skyabs 'jug dang shis brjod cig gnang bar zhu gsung/ de'i
phyi nyin nas sku khams sngar las

@084b cher dwangs shing zhal 'don gyi skor yang bsnyun med dus
ltar mdzad pas grwa slob rnams kyis skyes bu dam pa'i khyad chos
gzhan dang mi 'dra ba red/ kha sang rgyud pa grwa tshang byon nas
zhabs brtan phul bas sku bsnyun grol zhing mdzad spyod thams cad
sngar

ltar 'dug ces dga' ba'i ca co sgrogs par gyur/ de nas bstan ba'i
sbyin bdag mtsho sngon wang tshe ring don 'grub sku 'bum du phebs/
rje 'di bar mjal zhing sku mdun du nyin kha shas bzhugs skabs
dpon po la/ da ni nged rang lo'ang rgas shing

khrag rlung stod 'tshang lta bus 'byung bzhi cher mi snyoms pa
yang yang 'ong tshul la bltas na 'chi ba nas nam yong mi shes/
drin can rtsa ba'i bla ma rdo rje 'chang rje 'jam dbyangs bzhad
pa rin po che dang/ skyabs mgon chu bzang rin po che sogs kyi
sku gong

ma de dag zhing gzhan du gshegs nas bdag cag rnams mgon med du
gyur ba sogs bsams na'ang/ bdag lta bu'i so so skye bo lta ci
smos zhes sogs dus kyi 'pho 'gyur/ 'khor ba la yid brtan med
tshul sogs dang legs nyes kyi blang dor rnams mang du

gsungs/ lhag par nged sngon grwa rkyang yin dus su khyed kyis
yab mes sogs kyis mthun rkyen bsgrubs te chos sde 'di'i chos
grwar zhugs su bcug pa dang/ der ma zad kun mkhyen 'jam dbyangs
bzhad pa urger gdan drangs nas/ du lan gol gyi dgon bar

mi tra brgya rtsa'i dbang/ dus 'khor sogs kyi dbang gzhan mang
po/ rjes gnang mtha' yas pa sogs gnang dus/ wang nas mgo 'dren
byas te sde thog nas khal rta khyer 'ongs nas nged la dbang nyan
rgyur yong dgos gsung ste bka' chos kyi skor tshang mnyan

@085a @#/ /du bcug pa sogs gang thad nas bsam na'ang bdag la drin
can gyi pha ma las kyang drin shin tu che/ yab mes kyi 'brel ba
de tsho thugs la bzhag ste phyis su bdag gi chos ldan gyi bya ba
gang yod thams cad dpon

po nyid nas thugs la 'dzin dgos/ slar yang bskyar e thug mi
shes pas ngas gang zhus thams cad thugs nas ma brjed ces gsungs
pas/ dpon pos kyang rang gi drin can rtsa ba'i bla ma'i bka' las
'da' mi nyan ba'i tshul zhib rgyas zhus te/ gsung

ltar rang gis gang lcogs kyi zhabs 'degs byas chog ces zhus/
wang gis lha rdzas maNDal/ sku gsung thugs rten sogs kyi mchod
sprin dang bcas brtan bzhugs dang zhu 'bul rgyas pa phul/ dpon
po'i mnga' 'og gi sman pa mkhas pa byams

pa emchi la dpon rin po ches bka' phebs te sku mdun du 'dug tu
bcug nas des kyang sku khams dang bstun te sman phul/ de nas
bcad rgya'i ngang la phyag mchod yan lag bdun pa maNDal dang
bcas pa sogs gtsor 'don gyis yun ring po'i bar du

bzhugs/ bla brang rang nas zhabs brtan du rnam rgyal ma'i stong
mchod dang bka' 'gyur klog 'don sogs gnad smin bsgrub te yon
'bul yang gzabs/ dgung lo drug cu re gsum pa dbang phyug ces ba
me glang gnam lo gsar bzhad kyi nyin

zhabs drung dang phyag mdzod che ching chos rje gnyis kyis gtsos
grwa rigs thun mong nas mkha' 'gro'i brtan bzhugs dang 'brel bar
lha rdzas maNDal/ sku gsung thugs rten bcas phul te zhabs brtan
gyi rten 'brel legs par bsgrigs/ stod smad

@085b kyi sbyin bdag ser skya drag zhan lnga brgya brgal ba la
phyag dbang/ rjes gnang/ lung khrid sogs so so'i 'dod pa ltar
yid tshim nges pa bka' drin bskyang/ or du su shog gi zhabs
drung ngag dbang dpal ldan nyi ma sogs bsgrub bya sum cu lhag la

dge slong gi sdom pa stsal nas thar ba'i sa bon bskrun/ cha har
shog gi tho yon rnam rgyal zla ba dang/ ne man shog gi dge bshes
ngag dbang bstan 'dzin gnyis nas dbyangs can ma dkar dmar nor
rgyun ma sogs kyi rjes gnang zhus pa'i 'dun

pa bskangs/ drung yig mchod dpon dge slong tshul khrims bstan
'dzin gyis 'jam dbyangs dkar po'i rjes gnang dang de'i mngon
rtogs kyi lung zhus pa ltar bka' drin du stsal/ mtshan sgrogs
mkhan chen blo bzang dar rgyas kyi sprul sku la bsnyen rdzogs

kyi sdom pa gnang nas ngur smrig gi rgyal mtshan bsgrengs/ de nas
phyag dpe'i skor la yun ring du gzigs rtog rgya cher gnang zhing
'thor bsdebs chad bsab tho gsal sogs zhib tig mdzad/ tshogs chen
'du khang gsar bskrun gyi mkhar las la brten

tshogs chen rgyud grwa'i 'du khang du tshogs shing/ rgyud pa grwa
tshang gi dpyid chos rnams rje rang gi bla brang du btsugs pa la
bsnyen bkur gzab rgyas zhus/ dbyar zla dang po'i nang nas sngar
gyi bsnyun gzhi ches cher 'phar te phyag gnyer thun mong nas sku
'bum

chos skyong sogs lha bla ma thams cad la lung bstan zhus par/
gtso cher sku zhabs nyid kyi thugs bskyed la rag las tshul rjen
par gsung zhing zhabs brtan rim gro'ang rgya cher babs/ rje nyid
la zhus par/ nga la rim gro sman bla'i chog mchod pa

@086a @#/ /rgya gang che dang bcas gnad du 'gro nges pa ches mang
po bsgrub na des chog ces gsungs pas/ tshogs chen du gtsang zhing
gya nom pa'i mchod pa shin tu rgya chen po dang bcas sman bla'i
stong mchod tshar mang po

bsgrubs shing dge 'dun rnams la bsnyen bkur yang phul du phyin
pa zhus/ zhabs phyi ba rnams nas spyi bsdus kyis tshogs chen dang
grwa tshang so sor mang ja/ grwa ja/ spom bteg rgya gang che phul
te bka' 'gyur dang bstan 'gyur dag tshar/

gdugs sher sgrol ma sogs 'gro gang che dang/ bla brang rang du
rnam rgyal ma'i stong mchod tshar lnga tsam/ seng gdong ma'i gtor
zlog /gtsug tor zlog chen/ sgrol dkar gyi tshe sgrub/ sgrol ma
maNDal bzhi chog tshar brgya phrag

sogs zhabs brten gyi skor rgya chen po bsgrubs/ dar rgyas gung
gi sde thog nas sman pa mkhas pa zhig bos te sman phul yang phan
ma thogs pas/ nyid kyi zhal nas sman pa'i sman gyis phan mi
thogs/ de bas dkon mchog la blo bkal na skyon med

'gro gsung zhing sku khams cung zad bde nyams byung/ de'i mtshams
su hal ha'i phyogs kyi ri khrod pa tho yon tshe ring skyabs nas
gcod nam mkha' sgo 'byed kyi dbang zhus bar/ spyi'i chos bshad
mdo rgyud khung dang gzhung bshad dngos gzhi lam na

ngag zhal shes sogs rjen par stsal te dgyes nyams dang bcas
bshes gnyen bcu lhag tsam la gnang/ de dus sku bsnyun bzhes tshul
ye med par khams bde skabs bzhin du stsal bas bka' chos kyi tha
ma 'di yin 'dug la/ chos mjug

@086b 'dir khel brten 'brel gyi dbang zhig tu thal bar mngon/ de
nas rgyud pa grwa tshang gi dbyar gyi chos thog kyang 'di ga'i
bla brang du tshugs yod stabs/ nyid kyi thugs bzhed la grwa tshang
rin po che'i khrus dbang gsan 'dun byung ba ltar/ rgyud pa'i
dpon slob gser

tog no mon han rin po che'i sprul ba'i sku ye shes thub bstan
rgya mtsho'i zhal snga nas kyis dbu mdzad 'dus tshogs yongs la
nyin bdun gyi ring bsnyen bkur gya nom pa zhus ba'i steng nas
khrus dbang gsan/ zhal nas/ grwa tshang byin rlabs

can 'di 'dra ba'i drung nas khrus dbang nyan rgyu phar zhog yang
yang mjal rgyu'ang dka' bas da lan skal ba bzang zhes gsungs te/
skye bo rnams bsod nams kyi zhing la gus pa skyed pa'i thabs
mkhas dang dgongs gzhi gzhan yang yod par mngon/

dge ba'i bshes gnyen a lag shes rab kyis rnam 'joms bum sgrub
yun ring mdzad nas bkrus byabs srung ba'i rim pa sogs kyang yang
yang zhus/ de nas khri ga'i phyogs kyi rten gru'i lha khang yul
phyogs de'i dang ldan tshang mas khur blang gis gsar

bzhengs byas pa'i steng du rje nyid nas phun sum tshogs pa'i gzi
brjid kyi 'od zer phyogs thams cad du 'phro zhing/ bkra shis
pa'i dpal gyis kun nas lham mer byas pa rin po che sa le sbram
gyi ganyji? ra mtho khyad dang ldan pa gzungs 'bul rab gnas sogs

kyis byin rlabs mi zad pa'i gter du bsgrubs pa 'dzug par mdzad/
de'ang gnyidza ra zhes pa ni bod kyi skad du mdzod ldan zhes pa
yin pas/ chos srid dpal 'byor gyi bang mdzod zad mi shes pa'i
dga' ston la 'dod dgur longs spyod pa'i rten

@087a @#/ /'brel gyi sgo 'phar phye ba yin bar mngon/ legs byas
dge mtshan de nyid su bratiShtha badzra zhes rab tu brtan pa'i
rdo rje'i rang bzhin du bya ba'i phyir/ khri tshab dge ba'i bshes
gnyen shes rab dbang phyug la gsung yig

bskur te/ yang bskyar du'ang rab gnas sogs dge legs spel ba'i
cho ga rgya cher byed du bcug /de bzhin du bshad sgrub bstan
pa'i 'byung gnas chos grwa chen po sku 'bum byams pa gling gi
rig grol 'phags tshogs 'du ba'i bsti gnas 'du khang chen

mo gsar bskrun gyi steng du'ang gser gyi 'khor lo shin tu che ba
nyin byed gzhon nu'i gzi 'od mngon par 'phro zhing/ byin rlabs
rten gyis gtams bas mi shis rgud pa'i mun pa drung nas 'byin nus
pa/ g.yas g.yon du de las dma' ba'i

ri dwags pho mo'i gzugs dang bcas pa 'jog par mdzad/ 'di ni
dkyil 'khor gyi 'khor lo thams cad la 'byung zhing/ de'i rgyu
mtshan sangs rgyas bcom ldan 'das mi 'jigs pa bzhi la mnga'
brnyes te seng ge'i sgra bsgrags pa na smra

bdan pa'i ri skyes mtha' dag zil gyis gnon pa la bshad pa dang/
yang ri dwags rnams sgra la dga' bas chos kyi sgra dbyangs snyan
par bsgrags te thar 'dod kyi gdul bya ma lus pa mgron du 'gug pa
la bshad pa dang/ dngos gnas la'ang bcom

ldan 'das kyis wa rA NA sir chos kyi 'khor lo bskor ba'i tshe
ri dwags ru ru gser gyi mdog can gnyis der 'ong nas chos nyan
pa'i rten 'brel la bshad pa sogs gang ltar yang sku 'phreng phyi
ma rnams su gdan sa chen po 'dis mtshon yang pa'i

@087b 'jig rten kun tu chos kyi 'khor lo brgyud mar bskor te blo
bzang rgyal ba'i bstan pa la log par 'khu ba rnams zil gyis gnon
cing thar 'dod yongs kyi re ba skong ba'i rten 'brel rmad du
byung ba bsgrig par mdzad pa yin no/ /de'ang rnam par thar pa
spyi'i

khog 'bub lugs ni/ bka' gdams gong ma rnams bstan pa thams cad
'gal med dang/ gsung rab ma lus gdams par shar ba gcig la dra
phad du bal bcug pa re mig gang nas drangs kyang rdzogs par thon
pa bzhin rang gis nyams su len na'ang

dmigs skor gcig gi nang du sbyor ba'i bsgom bya'i rnam pa mtha'
dag ma tshang ba med par bsdus sgom du byas chos pa dang/ gzhan
la ston pa na'ang gang nas bshad kyang rung ba/ ci tsam bshad
kyang ran pa/ ji ltar bshad kyang 'brel ba zhig 'ong

bar gsung pa ltar/ dam pa'i rnam par thar pa'ang chen po bdun du
bsdus te bshad pa'am/ phar phyin drug tu bsdus te bshad pa'am/
stobs lngar bsdus te bshad pa'am/ bsdu ba'i dngos po bzhir bsdus
te bshad pa'am/ bslab pa gsum

du bsdus te bshad pa'am/ tshogs gnyis kyi spyod pa dang lam thun
mong dang thun mong ma yin pa'i nyams len gnyis su bsdus te
bshad pa'am/ byang chub lam gyi rim pa'i lus gcig tu dril te
bshad pa sogs gang byas kyang rnam thar thams cad de'i

khungs su 'du zhing 'brel chags pa zhig 'byung mod/ da lta yongs
su grags pa'i sa bcad len lugs mkhas btsun bzang gsum/ lta sgom
spyod gsum/ mkhyen brtse nus gsum/ bslab pa gsum sogs la sbyor
ba rnams gtso bor byed par snang

@088a @#/ /la; de rnams kyang tshad ma rnam 'grel las/ shes la yod
pa'i don de rnams/ /'di ltar ldog pa'i dngos po can/ /zhes dang/
byang chub sems 'grel las/ byas dang mi rtag dag bzhin no/ /zhes
pa ltar ldog pa

tha dad la ltos pa dang dgos nus kyis phye ba'i ldog cha tha dad
tsam gyi go ba ster lugs mi 'dra ba re yod kyang/ rje bla mas
byang chub lam rim chen mor bshes gnyen gyi mtshan nyid ston pa'i
rim pa thams cad las bstan pa spyi bab dang mthun pa'i rgyud
'dul

lugs shig gal che bas mdo sde rgyan gyis bslab pa gsum dang
sbyar ba'i rgyud 'dul tshul 'di gtso bor byed dgos par gsungs pa
bzhin yin te/ de'i rgyu mtshan ni sangs rgyas kyis chos phung ji
snyed cig gsungs pa thams cad gdul bya'i rgyud

'dul ba'i thabs su gsungs pa sha stag yin la/ rgyud 'dul tshul
nyon mongs pa'i 'ching ba drungs nas 'byin byed lhag pa'i shes
rab yin kyang/ de la sngon du mngon gyur ba mgo gnon pa'i ting
nge 'dzin/ de la nyes spyod rags pa bzlog pa'i tshul

khrims sngon du 'gro bas brjod bya rtogs pa'i bstan pa thams cad
bslab pa gsum du nges/ de'i rgyu mtshan gyis rjod byed lung gi
bstan pa thams cad sde snod gsum du 'du ba dang/ de la 'dzin
pa'i tshul yang bshad pa dang sgrub ba gnyis su kha tshon

chod par gsung ste/ mdzod las/ ston pa'i dam chos rnam gnyis te/
/lung dang rtogs pa'i bdag nyid do/ /de 'dzin byed ba smra byed
pa/ /sgrub par byed pa kho na yin/ /zhes gsungs so/ /de ltar
byas na don tshan gzhan rnams kyang 'di'i

@088b khongs su 'du ste/ mkhas btsun bzang gsum zhes pa'i mkhas
pa ni lhag pa shes rab kyi bslab pa'i yon tan dang/ btsun pa ni
lhag pa tshul khrims kyi bslab pa'i yon tan yin/ bzang po zhes pa
byang chub kyi sems dang des zin pa'i spyod pa'i

ming yin zhing/ thun mong ma yin pa'i ting nge 'dzin ni gtso bo
byang chub kyi sems la byed dgos pas spyod 'jug tu bsam gtan gyi
le'ur byang chub kyi sems bskyed tshul rgyas par gsungs pa dang/
rgyan snang las kyang/ theg pa gzhan dang ma 'dres pa'i

sems rtse gcig pa dang/ zhes bsam gtan gyis rtse gcig tu byed
tshul bying rgod khegs pa tsam la mi byed par nyan rang gi yid
byed sogs dang ma 'dres pa gal che bar gsungs pas shes so/ /lta
sgom spyod gsum ni bod kyi brda sbyor tshul tsam ma

gtogs/ lta ba shes rab sgom pa ting 'dzin/ spyod pa tshul khrims
las gzhan du med do/ /'chad rtsod rtsom gsum ni mkhas pa'i yon
tan shes rab kyi bslab pa'i khongs su bsdus so/ /mkhyen brtse
nus gsum yang/ mkhyen pa shes rab kyi

bslab pa dang/ brtse ba gong du snying rje'i snying po can gyi
byang chub kyi sems ting 'dzin gyi bslab pa'i gtso bor bshad pa
de bzhin yin la/ nus pa ni/ ting nge 'dzin las bsam pa'i don/
/'byor ba thams cad skye bar 'gyur/ /zhes mi 'dod

pa sel ba dang/ 'dod don sgrub pa'i nus pa thams cad ting nge
'dzin las 'byung bar gsungs pas der yang sbyar chog mod/ 'on
kyang gsang sngags kyi las rab 'byams 'grub pa'i nus pa 'byung
ba/ dang po tshul khrims kyi rtsa ba tshugs pa la rag las@089a @#/ /pa'i tshul dpung
bzang gi rgyud las/ sngags kyi rtsa ba
dang por tshul khrims te/ /zhes dang/ 'jam dpal rtsa rgyud las/
tshul khrims 'chal la thub dbang gis/ /sngags 'grub bar ni ma
gsungs te/ /zhes

gsungs pa'i phyir/ 'dir nus pa'i yon tan gtso bor tshul khrims
kyi lag rjes la sbyar nas bshad na 'brel che'o/ /des na dang po
lhag pa tshul khrims kyi bslab ba'i yon tan ni ston pa'i gdung
'tshong 'dul ba 'dzin pa chen po bum par tshul

khrims rgya mtsho dang/ dge ldan bstan pa'i mnga' bdag skyabs
mgon chu bzang rin po che rnams kyi drung nas so thar gyi tshigs
snga phyi'i sngom pa bzhes te bstan pa'i sgor zhugs/ rigs
brgya'i khyab bdag kun mkhyen 'jam dbyangs bzhad pa'i

rdo rje dang/ dpal ldan rdo rje 'dzin pa chen po chu ru kha ba
sogs phyi nang gi de nyid nyi shu dang ldan pa'i rdo rje slob
dpon du ma'i drung nas dbang bskur rnam par dag pas gsang ba
sngags kyi lam du smin par mdzad/ de nas bzung ste sgo gsum bag
med pa'i

dbang du skad cig tsam yang mi gtong bar/ dran shes kyi bya ra
g.yel ba med pas sdom pa gsum gyi bcas mtshams las cung zad
kyang mi 'da' bar mig gi 'bras bu bzhin du bsrung ba kho na
sgrub pa'i snying po dang nyams len gyi mthil du mdzad

par snang ste/ thugs dam bcad rgya mdzad pa'i skabs thams cad
la'ang dbang sdud tse sgrub sogs mi gnang bar lam thun mong dang
thun mong ma yin pa'i khrid dmigs skyong ba dang/ lhag bar bdag
nyid 'jug cing dbang blangs pa'i sgo nas dam tshig

@089b gsob rtsal 'don mdzad/ brgya la nyes pa phra mo res gos
na'ang ltung bshags dang sngom pa so so'i phyir bcos tshul bzhin
mdzad de rgya mtshor dang mi 'grogs pa ltar ltung ba dang zhag tu
mi 'grogs pa jo bo a ti sha'i rnam thar bskyangs/ rgyun

khyer chag med kyi thugs dam mdzad tshul yang/ dgung lo nyer gsum
gyi skabs nas bzung sku tshe hril por dus rgyun zhog ka snga bar
bzhengs nas ltung bshags dang spyi bshags tshar nyer gcig gi ring
la phyag sbyang mdzad ba'i mthar yan lag bdun pa maNDal

bcas pa phul te lam rim gyi khrid dmigs cha tshang brgyas bsdus
ci rigs dang/ dpal rdo rje 'jigs byed chen po'i bskyed rdzogs
kyi dmigs rim gtso bor gyur pa'i sngags kyi zab khrid mang po
skyong bar mdzad/ nang ja bzhes nas dros ja'i bar la/ bla ma'i

rnal 'byor dang rje'i gsung gi bstod chen bzhi/ sa gsum ma/
rgyan 'jug dang brgyad stong pa gang 'gro /bla mchod chog /phyag
chen rtsa ba sogs gsung ste zab rgyas kyi lam la shar sgom rtsal
'don gnang/ dus mtshams so sor thun drug gi rnal

'byor yol ba med bar skyong zhing skabs gang bder rje btsun rdo
rje rnal 'byor ma'i bskyed rim zab gnad tshang ba'i nyams bzhes
gtsor 'don gyi sgo nas oM gsum ma'i bzlas ba mang nyung gang
lcogs dang 'dus pa'i rtsa rgyud kyang zhal 'don mdzad/ phyi

dro'i char sgrol 'don rgyas bsdus ci rigs dang/ yi dam rdo rje
'jigs byed kyi bdag bskyed bzlas pa gang 'gro dang bcas pa'i
mthar chos srung spyi'i gtor 'bul gang rgyas dang gcod kyi nyams
bzhes/ gzim khar yang thun drug rnal 'byor gyi

@090a @#/ /khongs nas ltung ba'i bsngo bgrang dang phyir bcos
gnad smin sogs mdzad de nyin re bzhin brel g.yeng ji ltar byung
yang thugs dam zhal 'don gyi rigs de rnams chag med gnang/
phyogs gzhan du phebs ba'i

tshe'ang thub dbang gi sku brnyan li ma/ sgrol dkar ljang gnyis
kyi sku bod li/ sman 'dam las grub pa'i jo bo rje'i sku/ sku
'bum tsan dan las grub ba'i rje tsong kha pa'i sku dang rje
gling 'phur ma/ rje 'jam dbyangs bzhad pa rin po che dang skyabs
mgon

chu bzang rin po che rnam gnyis kyi 'khrungs rabs sku thang/
gsung gi rten brgyad stong pa/ mdo sde mdzangs blun/ rgyan 'jug
/'dul ba mdo rtsa/ byang chub lam sgron/ rje rin po che/ paN
chen blo bzang chos rgyan/ rje 'jam dbyangs bzhad pa

sku snga phyi/ yongs 'dzin ye shes rgyal mtshan dpal bzang po
rnams kyi gsung 'bum/ grub chen skal ldan rgya mtsho'i mgur 'bum/
lam rim mchan ma sogs glegs bam pu ri brgyad bcu tsam dang/
thugs rten bka' gdams mchod rten

rnams 'bral med bsnams nas gnas gar bzhugs su de dag bkod pa
gang mdzes su bkram pa'i mdun du phyag 'tshal ba mchod pa gang
rgyas maNDal dang bcas pa dbul ba/ nyes ltung phra mo tsam yang
btang snyoms su mi 'jog par bshags

shing sngom pa sogs jo bo chen pos 'bral spangs mchod rten gyi
drung du ji ltar mdzad pa bzhin gnang/ lhag par ston pa thugs
rje can gyi sku brnyan byin can chung ngu zhig dang/ sku gong
ma'i mgul phur zhig yod pa rgyun du sku la bsnams

@090b shing/ khams bsangs sogs kyi tshe gtsang sar 'jog /gzhan
yang yi dam gyi gsang thang/ rgyud kyi glegs bam/ rdor dril/ DA
ma ru/ kha TwaM ga /rgyan drug /ka pA la/ bum pa sogs dngos
dang tsa ka li ci rigs pa'i dam tshig gi rdzas rnams 'bral

spangs su mdzad cing/ de dag gzhan sus kyang lag mi brgyud pa
dang mthong yul du mi 'jog par ches sba ba gnang ste bsrung
bsten bza' ba'i dam tshig gi cha phra mo tsam las kyang mi 'da'
bas nges pa don gyi rig pa 'dzin pa'i rje bor gyur/ lha khang
chung ngu zhig

tu mchod mjal gnang na'ang bshags sbyang gtso bor gyur pa'i yan
lag bdun pa maNDal dang bcas pa phul te lam thun mong pa'i lus
yongs rdzogs/ thun drug rnal 'byor gyi sgo nas sngags kyi dam
tshig gtsang mar mdzad de lam thun mong ma yin pa'i nyams

len skyong ba las rigs 'dra mi 'dra mang po mi mdzad/ gzhan phan
'phrin las skyong ba'i dus dang tha na char 'bebs gcod cig tshun
chad kyi skabs su 'ang de'i dmigs bsal gyi zhal 'don re yod
kyang tshang ma'i sngon 'gro dang rmang gzhi lta bu la dam tshig
gso

ba'i rim pa sogs rgyun gyi 'char can de rnams chag med yin la/
der ma zad zab zab mo zhig rjes na yod mdog gis 'di rnams khral
rgyug lta bu'i sab sub brel dbang du mi gtong bar gang rgyas
gnad smin kho na mdzad pas/ sbyin bdag la la'i

bsam par khos zhus ba'i rim gro gal chen mi gnang bar khong rang
gi zhal 'don zhig gnang gi 'dug snyam pa 'char yang/ gnang shes
na nyams len dang log gnon thams cad gcig gis go chod par blo
sbyong rtsa tshig las gsungs pa bzhin/

@091a @#/ /gcig shes kun grol rnams kyis mdzad lugs 'di 'dra zhig
yin dgos te/ glang ri thang pas/ chos zab mi zab min/ blo zab mi
zab yin gsungs pa dang/ 'gro mgon sangs rgyas dbon gyis kyang/
mi rtag pa

rgyud lam skyes na/ /gsang ba 'dus pa mi zab ste/ /'chi ba mi
rtag dran pa na/ /skyabs 'gro tshig gsum zab pa yin/ /gsungs pa
ltar/ lam thun mong ba'i kun slong dang dam tshig rnam par dag
pas dngos grub gnyis kyi gter sgo phyes pa zhig la las gang

byed kyang 'grub sla la tshegs med pa chos nyid yin pas/ khyad
dge blo gros rgya mtshos/ chos nyams len shes na thams cad zab/
/lha sgrub tshul shes na thams cad myur/ gsungs pa ltar ro/ /spyi
mthun gyi las kyi bskyed pa'i than khyer chen po mtha'i

bskal pa mngon du 'ong ba lta bu'i skabs du mar yang gong smos
bzhin char 'bebs kyi rim pa re mdzad pa tsam gyis bde blag tu
babs pa na/ tshang mas 'don rgyu'i cho ga /bsags rgyu'i rdzas/
byed rgyu'i lag len thams cad 'dra'ang 'bras bu mi 'dra ba tshul

khrims kyi phung po yongs su rdzogs pa'i stobs mi 'dra ba'i
khyad yin te/ 'di 'dra la'ang tshul khrims gtsang pa kho gal che
ba blo sbyong mtshon cha 'khor lo las/ sad ser la sogs mi 'dod
byung ba'i tshe/ /dam tshig tshul khrims tshul bzhin ma bsrung

ba'i; /las ngan mtshon cha rang la 'khor ba yin/ /da ni tshul
khrims la sogs gtsang bar bya/ /zhes gsungs la/ 'dul ba lung
las/ tshul khrims ldan pa smon pas 'grub/ /gsungs pa bzhin tshul
khrims rnam par dag pa'i bden tshig

@091b brjod na shing skam la'ang me tog bdun re 'khrungs na/
char chu dus su 'bebs pa dang/ rab gnas sogs mdzad pa'i yul du
dge mtshan rgya chen po 'byung ba rnams de'i nus pa'i cha shas
phra mo tsam zhig yin par mngon no/ /deng dus phal mo che lam
thun mong ba

la sna mi phebs par sngags la mtho snyegs byed/ sngags kyi 'jug
sgo dbang dang dam tshig la rtsal du mi 'don par lag len la
rngams/ lag len yang bsnyen sgrub bzhag nas las sbyor la 'jug pa
ni shog bu'i me tog dang ri mo'i mar me bzhin dgos nus ci

yang med pa'i gzugs brnyan tsam du 'gyur ro/ /dam pa 'dis ni de
las bzlog ste bstod pa brgya lnga bcu pa las/ khyod ni yon tan
rgyu rnams la/ /mngon dgyes 'bras bu rnams la min/ /sgrub pa
bzang po 'di nyid kyis/ /khyod kyi yon tan phun sum tshogs/

gsungs pa bzhin/ 'bras bu de dang de 'grub ba la rgyu gang dang
gang gtso ba de nyid nan tan du bsgrubs te mchod rten gyi bang
rim bzhin mas rim nas brtan par byas pa'i mthus/ 'bras bu grub
pa'i tshe na zo chun gyi 'phrul 'khor bzhin du stabs gcig

la don thams cad phun tshogs par 'gyur te/ nad gdon sogs kyis
gtses pa'i shin tu nyam thag pa rnams srung mdud bum chu tsam
gyis zhi bar byas pa dang/ nor longs spyod kyi dbul bas gdungs
pa rnams zhal g.yang tsam gyis stobs 'byor rgyas pa dang/ skye

bo khengs dregs can du ma zhal mthong ba tsam gyis dbang du gyur
pa dang/ bstan pa la log par 'khu ba mang po thugs ma mnyes pa
tsam gyis nus pa zad de spa bkong ba'i tshul gong du zur tsam
smos pa dang/ gzhan yang nyid la log par 'khu ba'i bsam

@092a @#/ /sbyor can du ma zlog pa sogs ma mdzad kyang rang nyes
su song ba'i lo rgyus mang du yod par snang ngo/ /de ltar thugs
rje dang byin rlabs mngon tshan shin tu che ba'i dbang gis mthong
thos kyi skye bo rigs mi gcig pa tshang mas

bla mar bkur zhing zhabs kyis reg ba'i rdul tsam yang dad pa'i
rten du byed pa dang/ khengs dregs dor te nyid kyi slob ma dang
sbyin bdag gi grangs su e chud bltas nas padma'i mtsho la bung
ba 'du ba bzhin byed pa de thams cad kyang lhag pa'i tshul khrims

rnam par dag pa'i 'bras bu yin te/ phar phyin bsdus pa las/
rkang pas bkra shis gyur pa'i rdul dag kyang/ /phyag 'tshal mgos
gtugs thob pa kun tu 'khyer/ /zhes dang/ rje bdag nyid chen pos/
tshul khrims nyes spyod dri ma 'khrud pa'i

chu; /nyon mos tsha gdung sel ba'i zla ba'i 'od/ /skye dgu'i dbus
na lhun po lta bur brjid/ /stobs kyis bsdigs pa med par 'gro kun
'dud/ /ces gsungs pa bzhin no/ /gnyis pa lhag pa ting nge 'dzin
gyi bslab pa'i yon tan ni/ 'di la thu

mong bzhi lhag zung 'brel gyi ting nge 'dzin dang/ thun mong ma
yin pa phar phyin theg pa nas bshad pa gzhan don la rtse gcig
pa'i byang chub kyi sems dang mtshungs bar ldan ba'i ting nge
'dzin dang/ rdo rje theg pa nas bshad pa bde stong gi ting nge
'dzin gsum yod

bas; dang po mnga' tshul ni/ zhus lan nor bu'i phreng bar/ bdag
gi yon tan sba bya zhing/ /zhes pa ltar/ dam pa 'di ni yon tan
thams cad bum nang gi mar me ltar sbas pa bka' gdams gtsang ma'i
brtul zhugs khon lhur bzhes pas de tsam yang

@092b yod pa'i rnam pa zhal gyis mi bzhes mong/ 'on kyang de yod
par rgyu dang 'bras bu gnyis kyi sgo nas rjes su dpog nus te/
zhi gnas kyi tshogs la nyan sa dang sgom rim byang chub bzang po
jo bo'i ting nge 'dzin gyi tshegs kyi le'u gnyis sogs las ches
mang du gsungs na'ang

be'u bum sngon mo las/ ting 'dzin bskyed phyir yan lag la gnas/
/de yi gtso bo'i yan lag tshul khrims/ /zhes sogs ltar/ thams cad
kyi sdom dang rtsa ba lta bu tshul khrims rnam par dag pa dang
dran shes mi lhod pa gnyis yin pas/ dang po gong du

bsgrubs zin cing dran shes g.yo ba med pa'i tshul ni nyid kyi
nyams mgur las/ g.yeng ba'i dran pa nang du bkug nas/ /zhes
dang/ yid kyi bu chung tshim dang lhan cig /dran shes am brtan
par chags song/ /zhes sogs kyis go nus te/ tshogs kyi

skad dod samb+ha ra zhes pa yang dag par 'grub pa'i dngos po zhes
pa yin pas tshig gi nus pas kyang shes la/ tshad ma rnam 'grel las
kyang/ rgyu tshogs pa las 'bras skye bar/ /rjes su dpog pa gang
yin pa/ /don gzhan la ni mi ltos phyir/ /de ni rang bzhin

yin par brjod/ /ces gsungs so/ /'bras bu'i sgo nas kyang rjes su
dpog nus te/ byang sems kyi zhi gnas sgrub pa'i dgos pa'i gtso
bo gcig ni/ lam sgron las/ myur du rdzogs pa'i byang chub tshogs/
/yongs su rdzogs par 'dod gyur pa/

des ni 'bad byas mngon shes dag /'grub bar 'gyur gyi le los min/
/zhi gnas grub pa ma yin par/ /mngon shes 'byung bar mi 'gyur
la/ /zhes gzhan don rang rang gis skal ba bzhin byed pa la mngon
shes dgos pa dang/ mngon shes

@093a @#/ /mtshan nyid pa 'grub pa la zhi gnas sngon du 'gro dgos
bar gsungs so/ /bdag nyid chen po 'di ni snyigs dus kyi skyes
sprul la la ltar lha mthong 'dre mthong gi rnam pas yin min
thams cad phyogs gcig tu

bshad nas re re'i thog tu khel ba na mngon shes kyi kha po
sgrogs bde 'dra mi mdzad kyang/ rang la blo gtang pa'i grwa slob
yon bdag gi rigs la chos srid rnam dkar gyi bya ba gang bsgo bde
gsung bzhin du bsgrubs na rgya mtsho'i rlabs bzhin dus

las mi yol bar 'grub nges pa dang/ de 'dra ma byed ces bkag
pa'am/ dngos su ma bkag kyang dang po nas thugs la mi bzhed pa
rnams mi 'grub pa'am/ 'grub kyang skyon dang bcas par 'gro ba a
kyA rin po ches gsungs tshul gong du bkod pa des

mtshon te rgyus yod thams cad la mthun snang du grub pa ni mngon
shes kyi gzigs pa sgrib pa med pa'i 'bras rtags yang dag yin no/
/de'ang chos zab pa rgyu mtshan du byas pa'am/ /gang zag gcig la
phan pa rgyu mtshan du byas te thams cad par gcig

tu btab na gdul bya so so'i skal ba mchog dman/ dbang po rno
rtul/ khams dang mos ba mi 'dra bas mtha' gcig tu phan dka' la/
rje 'dis ni so sor gzigs te/ la la ni mdo sngags kyi lus yongs
su rdzogs pa'i zab gnad kyi sgrub pa la

sbyor; la la ni 'phags bod kyi gzhung chen mor mtha' rgya chod
pa'i thos bsam la sbyor/ la la ni bsag sbyang dang kha 'don
bzlas brjod sogs la sbyor/ la la ni sman rtsis sgra snyan ngag
sogs tha snyad rig gnas kyi bslab sbyang la sbyor/ la la ni gar
thig

@093b dbyangs gsum sogs cho ga phyag len gyi rim pa la sbyor/ la
la ni sum rtags dang gzab bshar gyi yi ge 'dri klog gtor ma'i
bca' bzo tshun chad slob tu bcug ste/ rang rang gi blo nus dang
mthun pa'i dgos don 'di 'grub snyam du sems la 'dzin rgyu

dang; de'i sgo nas bla ma'i bka' drin dran rgyu re nges can du
'ong rgyu yod bas/ mthong thos dran reg thams cad don dang ldan
zhing/ sgo mtha' dag nas 'gro ba'i rgud pa sel thabs dang/
'phral yun gyi phun tshogs 'grub pa'i thabs mtshang ba med par
'gyur pa

bsngags 'os bsngags bstod las/ khyod kyis gang las 'gro bdag /ma
drangs rgud pa de gang mchis/ /gang dang 'jig rten ma sprad
pa'i/ /phun tshogs de yang gang zhig mchis/ /zhes gsungs pa ltar
ro/ /gnyis pa byang chub sems dpa'i thun mong

ma yin pa'i bsam gtan gyi bslab pa'i gtso bo gzhan don la rtse
gcig tu gyur pa'i tshul ni/ ma brtag btang snyoms sogs kyi dbang
du cung zad tsam yang 'byung ba mi srid par gdul bya'i khams
dang dbang bo'i rim pa sngon dang phyi ma'i gnas skabs thams

cad gzigs nas gang phan gyi thabs la sbyor tshul bshad ma thag pa
de nyid byang chub kyi sems kyi byed pas gzhan don la rtse gcig
tu gzhol tshul yang yin te/ bu ston thams cad mkhyen pas/ gzhan
don chos kyi gtso bor gsungs pa yang/ /gdul bya'i dbang po

khams dang bag la nyal/ /tshogs dang sngon dang phyi ma'i mtha'
shes shing/ /rang don mchags gdul bya 'dul la dgongs/ /zhes so/
/der ma zad bsngob tshig bzhi pa gcig mdzad na'ang bstan 'gro
spyi'i don du bsngo tshul rnam thar gyi dkyus su yang       @094a @#/ /yang smos pa
de dag kyang/ dbu ma bzhi brgya par/
dbugs kyang sems can rnams la ni/ /sman slad kho nar 'byung/
gsungs pa bzhin spyod lam thams cad gzhan don kho nar gzhol ba'i
mtshan ma yin la/ sbyin bdag

las nor longs spyod sogs bsod pa la gzhan don gyi ming btags
ba'ang/ deng dus phal mo che tshol ba'i skabs su ming la gzhan
don zer yang/ lag tu tshud pa na rnam dkar phyogs su cung zad
kyang mi gtong bar/ gnyen bshes bdun rgyud tshun chad kyi don

la mdzod phugs su rgya rim pa bdun gyis btab nas 'jog pa rnams
ni gzhan don gyi dri mi bro bar ma zad/ legs par brtags na rang
gis rang bslus pa kho na yin pas rang don yang med de/ mkhas
grub thams cad mkhyen pas/ dbang khrid lung

gis zas nor tshol ba dang/ /lto phyir rdzun gyi chog byung rgyal
gyis/ /phan sems med bar grong chog brtson ba ni/ /bdag gzhan
bslu ba'i gzhan don gzugs brnyan yin/ /gsungs pa ltar ro/ /'di
bas gnas skabs der sbyin bdag gis phul ba

len pa'i rnam ba tsam mdzad kyang zhal ta ba'i 'du shes tsam
gyis de'i dad rdzas de cung zad tsam yang chud ma zos bar dkon
mchog gi rten bzhengs pa dang/ sde 'dis mtshon pa'i chos sde che
chung du mar bshad sgrub kyi rgyun skyong ba'i 'dzin thebs su

btong ba/ dbus kyi rgyal ba yab sras sogs dam pa rnams la dngos
'bul/ jo shAka sogs rten la mchod pa/ gdan sa chen po bzhis
mtshon pa'i dge 'dun la bsnyen bkur/ ri bo rtse lnga sogs rgya
bod kyi gnas chen kun la mchod 'bul

@094b dang gtong thebs sogs su sbyar te spyod rgyud tshe dpag med
kyi skabs las gsungs pa bzhin rnam dkar gong 'phel gyi tshogs su
'gro nges mdzad pa ni nges pa don gyi gzhan don yin no/ /rgyal
sras bdag nyid chen po rnams dben par ting nge 'dzin bsgrub pa

las kyang 'di bzhin mdzad na sgrub ba'i mchog tu 'gyur ba'i tshul
dang/ de nyid de'i dben pa'i don du 'gyur ba'i tshul/ nyi khri
las/ nyan thos dang/ rang sangs rgyas kyi yid la bya ba dang ma
'dres na/ byang chub sems dpa' chen po de ni dpen bar rnam par

spyod ba yin no/ /zhes gsungs ba'i don/ yon tan rin po che sdud
pa las/ gang zhig grong ngam 'on te dgon par gnas kyang rung/
/theg pa gnyis kyi sems bral byang chub mchog nges na/ /'di ni
'gro don zhugs pa rnams kyi dben pa ste/ /zhes dang/

dben pa 'di mi shes pa'i zhes sogs kyis rang don yid byed kyis
dben tshul 'di ma shes par ri sul stong bar lo brgya stong du
bsgoms kyang byang sems kyi dben pa'i don ma tshang bar gsungs/
rgyal dbang skal bzang rgya mtshos kyang/ don bya ba nyung ba

lhur byed pa/ /spyir dam bas bsngags 'os mchog yin kyang/ /khyed
sems dpa' chel mdzes ma yin/ /zhes gsungs so/ /gzhan yang sdud
pa las/ gal te byang chub sems dpa' ting 'dzin bsam gtan gnas/
/dgra bcom rang rgyal theg par

'dod ba'i blo skyed na/ /mnyam par ma bzhag rgod cing sems
g.yeng gyur ba ste/ /zhes byang sems kyi thun mong ma yin pa'i
ting nge 'dzin gyi bslab pa'i mi mthun phyogs spong ba la/ spyir
btang gi bying rgod dang rnam g.yeng bkag pa tsam gyis mi chog

@095a @#/ /par; nyan thos 'jig sred kyi sgrib pa dang/ rang rgyal
brtse med kyi sgrib pa sogs rang don yid byed kyi mtshan ma rnams
'di'i ldog zla'i rnam g.yeng gi gtso bo yin pas de spong dgos
bar gsungs te/ rnam g.yeng

gi gtso bo der ngos bzung ba'i shugs la bsam gtan gyi gtso bo
gzhan don kho nar gzhol ba'i byang chub kyi sems su go nus la/
bsam gtan gyi phar phyin dang byang sems kyi thun mong ma yin
pa'i ting nge 'dzin gyi bslab pa gnyis don gcig

pa theg pa chen bo'i spyi skad yin no/ /gsum pa bde stong dbyer
med kyi ting nge 'dzin brnyes tshul ni/ sku tshe khril por gtso bo
rdo rje 'jigs byed dang rjes btsun rnal 'byor ma'i rim gnyis
nyams len gyi mthil du mdzad de skyes sbyang gi shes rab/ rtag

sbyor gus sbyor gyi brtson pa/ dam tshig sdom pa'i bsrung mtshams/
lha sngags la yid ches sogs byang chub rdo rjes ji ltar gsungs
pa'i thabs kyi rnam pa ma tshang ba med par sgrub pa mdzad 'dug
pas 'bras bu rtogs pa khyad par can 'khrungs yod med la dgos

pa'i gnas tsam yang gal mchis/ 'on kyang sbas pa'i brtul zhugs
kyis dngos su zhal gyis 'ches bam mdzad pas rgya cher smra ba
dka'ang? zur tsam brjod na/ mtshan mo'i ring la gzim dang ting
nge 'dzin bsres nas dge sbyor skyong ba zhig yod ces

rgyus yod rnams gleng bas/ phal pa gnyid log pa bzhin lus sems
thams cad lhod lhod po dang shig shig por song ba de 'dra min
par/ sha tshugs kyi sgrim cha dang/ mdangs kyi gsal cha sogs gang
la bltas na'ang nang du ting nge 'dzin zhig la

@095b mnyam par bzhag yod pa'i nyams shes rgyu yod pa zhig yin
par snang/ de lta na gzim dang bsres nas skyong rgyu'i dge sbyor
yang dge sems gang yang rung ba tsam zhig ma yin par nges te/
khrus ldang kha zas kyi rnal 'byor sogs bla med kyi rgyud don
ltar rnam pa

kun tu mdzad bzhin pa mngon sum gyis grub pas/ de la dpag na
'di'i skabs su 'ang nyal ba gnyid kyi rnal 'byor zhes bya ba lho
brag mar pa'i thugs bcud/ bsre bskor dgu'i man ngag gi snying po
da nyid yin pa gor mchag go /de'i skyong tshul ni gnyid du 'gro

ba'i tshe sdud rim gyi dmigs pa bskyangs te/ stong bzhi rim par
shar ba'i 'od gsal gyi dus na de dang stong pa nyid sbyar ba'i
bde stong dbyer med kyi ting nge 'dzin la mnyam par 'jog pa gtso
bo yin la/ spyod bsdus las/ sa mthug gyur pas rab tu ring

gnying log /ces sogs kyis phal ba la 'ang rnam pa sna tshogs
'byung rgyu yod pa bzhin/ bdag nyid chen po rnams la tshogs rlabs
po che rdzogs par byed pa'i rjes thob kyi nyams len ngo mtshar ba
mang po'ang skyong rgyu yod par snang bas de 'dra zhig yin par

mngon no/ /gsum pa lhag ba shes rab kyi bslab pa'i yon tan ni/
gnas lugs rigs pa don dam rtogs pa'i shes rab/ gnas lnga rigs pa
kun rdzob rtogs pa'i shes rab/ sems can gyi don sna tshogs sgrub
tshul shes pa'i shes rab gsum

dang; yang na ji lta ba rigs pa/ ji snyed pa rigs pa/ gnas lnga
rig pa'i shes rab gsum zab pa myur ba gsal brgya che ba'i shes
rab bzhi/ 'chad rtsod rtsom pa'i shes rab/ skyes sbyang gi shes
rab gnyis/ thos bsam sgom pa'i shes rab gsum

@096a @#/ /sogs ji ltar du byas te bshad kyang rung mod/ 'dir
shes rab phun sum tshogs pa'i rgyu dang 'bras bu gnyis kyi dbang
du byas te brjod na/ dang po la lhan cig byed pa'i rkyen dge
ba'i bshes gnyen bsten pa'i tshul

dang; nyer len gyi rgyu tshul bzhin yid la byed pas gzhung lugs
rgya mtshor sbyangs tshungs gnyis/ dang po ni/ bstan pa spyi dang
bye brag gi sgor 'jug pa'i bshes gnyen gong du smos pa rnams
dang/ khyad par mdo sngags zab rgyas kyi gdams pa zad mi shes pa

rgya mtsho las chu bcu ba bzhin mnos te bstan pa'i gnad la nges
pa ster ba'i bka' drin mtshungs pa med pa ni kun mkhyen 'jam
dbyangs bzhad pa'i rdo rje yin la/ gzhan yang dge ldan bstan
pa'i srog shing dga' ldan khri rin po che/ dpal ldan rigs
brgya'i

khyab bdag rje thu'u bkwan rin po che/ chos brgyad kyi 'ching
brtsad nas chod pa kun spangs blo bzang rgyal mtshan/ rigs pa'i
dbang phyug ngag dbang nyi ma sogs bshes gnyen dam pa du ma rigs
kyi cod pan du bkur te/ gsung gi bdud rtsi mnos nas

god pa med par thugs rgyud la gtams pas yon tan mi zad pa'i gter
du gyur pa yin no/ /gnyis pa nyer len gyi rgyu gzhung lugs la
sbyang ba mdzad tshul yang rgyas par gong du brjod zin ba ltar
rgyal ba'i bstan pa 'dzin pa la thog mar mang du thos pa

gal che bar gzigs nas/ chen po'i ming dang gos sogs kyis chog
shes rlom sems ma mdzad par khengs dregs dor zhing dka' ba khyad
par du bsad de nyin mtshan khor mo yug tu dpe 'dzin skyor sbyang/
de'i don la dpyod pa/ brgal brtags kyis rcod pa/

@096b gzhung gi dpe khrid/ dka' gnad la dri rmed sogs phyogs
sgor mo nas gsan sbyong rdo rus thug pa mdzad/ khyad par du
gzhung chen mo po ti bcu phrag lhag pa 'dzin skyor gnang ste
tshogs rgyug phul tshul sogs sngar bshad zin la/ rgyud grwar phebs
nas mdo

sde kun gyi za mtog dang rgyud sde kun gyi rgyal po dpal gsang
ba 'dus ba'i rtsa ba'i rgyud kyi sbas pa'i gnang rnams bshad
rgyud chen po drug la brten nas 'grel tshul dpal ldan zla ba dang
rje bla ma'i legs bshad rnams kyis gtsos gsang chen rgyud sde
kun gyi gnad don

lam rim pa gnyis su bsdus nas nyams su len tshul/ zhal shes kyi
man ngag /cho ga phyag len sogs mtha' dag la sbyang ba mthil
phyin pa dang/ zhar byung rig gnas kun la'ang sbyangs tshul sogs
kyang gong du song zin pas bskyar mi dgos/ gnyis

brgyu rkyen de dag gi 'bras bu 'chad rtsod rtsom gsum la mtshungs
zla med pa'i mkhas pa'i go 'phang mngon du mdzad tshul la/ 'chad
pa'i yon tan ni/ rnam phar bshad pa'i sgo bsdu ba dang/ dbyig
gnyen gyi rnam bshad rigs pa sogs nas

byung ba ltar bshad tshul gyi skyon thams cad dang bral zhing/
yon tan tshang ba'i tshul brjod bya'i rnam grangs mang yang snying
po bsdus na/ dang bor chos ston pa'i kun slong byams snying rje
dang bstan pa ring du gnas ba'i 'du shes sogs kyi sgo

nas/ ston tshul brjod don gyi snying po mi gsal ba/ gong 'og
'khrugs pa/ ha cang rgya 'byams pas gnad du mi 'dril ba/ zer
zlos kyi rnam grangs mang pos nyi ma 'phul ba/ gzhan la bsnyad
'dogs zur za mang pos dri ma can du byed pa/ lung

@097a @#/ /rigs kyi gtad so med par tshod 'jog byed pa sogs kyi
skyon dang bral bar mdo rgyud bstan bcos tshad ma dang/ lhag par
rje yab sras kyi gsung dri ma med ba re gzhir bzhag ste/ 'brel
dang mtshams sbyor mdor rgyas sprod

tshul gyis go bde ba/ gnad 'gag gi spyi sdoms nas bzung ste gsung
bas 'dus che ba/ lung rigs kyi zur phyin pas nges shes brtan po
skyed pa/ rtogs sla'i dpe dang sbyar bas nyan spro ba/ khyad par
du gang gsung thams cad chos kyi mde'u sne nan

du bskor te rgyud 'dul thabs 'ba' zhig tu mdzad pas phan che ba
sogs khyad chos bsam las 'das pa zhig yod pa'i stobs kyis nyan
pa po ming dang go sas rlom pa/ rtog ga'i nga rgyal gyis dregs
pa/ stobs 'byor mnga' thang gis khengs ba/ rigs

rus gyis snyems pa thams cad kyang rta dmu rgod srab kyis kha lo
bsgyur ba bzhin blo sna rang dbang med par bsgyur thub pa dang/
slar yun ring 'gor yang de'i tshe 'di gsungs pa yin snyam du sems
la gzer btab pa bzhin mi brjed par 'dzin rgyu yod bas

yid dang rna bar skyel mkhas pa ste/ mdor na po to pa'i rnam
thar mdzes pa'i padmo las/ brgal lan sun 'byin chos dmag zer
mchu nyung/ /dbang za rang bzos bsdus don mi mdzad cing/ /don
gyi mtha' chod tshig nyung don kun go /mang thos

lung ldan don gyis mtshams phyed/ /grub mtha' ma 'dres chos skad
bzang la brten/ /ci bshad sgom don blo sna bsgyur la mkhas/
/nyams ba zur gso tshig 'bru dam pa bkrol/ /'khrugs pa kun bsdebs
'byams pa ngag tu 'dril/ /

@097b zhes gsungs ba ji lta ba bzhin chang do/ /de'i gnad kyis
chos don du gnyer ba'i mkhas pa gzu bor gnas pa thams cad slob
mar gyur te gsung las skyes pa'i bu slob kyis rgya bod hor gsum
gyi yul thams cad du khyab pa byung ba ni/ bstod pa brgya lnga
bcu pa

las; khyod kyi slob ma bzang po'i shing/ /dge ba'i me tog gis
brgyan pa/ /dpyid kyi shing ni me tog gis/ /brgyan pa lta bur
mdzes pa lags/ /zhes pa 'di'i tshig ris ltar byas na slob ma de
nyid yon tan gyi rgyan gyis mdzes pa'i don lta bur

'gro 'ang/ 'di slob ma bla ma'i rgyan du song nas che ba 'don
tshul yin pas/ 'gyur yang/ slob ma dge ba'i me tog gis/ /bzang
bo'i shing khyod brgyan gyur pa/ /dpyid kyi shing ni me tog gis/
/brgyan pa lta bur mdzes pa lags/ /byas na shing

las skyes ba'i me tog gis shing brgyan pa bzhin/ bla ma'i gsung
las skyes pa'i slob mas bla ma brgyan pa'i dpe don gnyis shin tu
'brel lo/ /sa paN gyis thub pa'i bstod pa las kyang/ khyod kyi
yon tan smos ci 'tshal/ /sras kyi yon tan mthong bas

khums/ /skya rengs shar ba'i gzi brjid kyis/ /padmo'i gnyen gyi
'od zer go /zhes gsungs ba ltar/ bla ma'i sku'i che ba 'don pa'i
mdzes rgyan yin kyang zhib par bgrang gis mi lang la/ rags rim
tsam zhig smos na/ nyid kyi bla ma'i khrod na

tshur yang chos gsan pa'i bla slob gnyi gar gyur pa dbus 'gyur
bstan pa'i srog shing dga' ldan khri rin po che dag dbang snyan
grags/ nges don gyi rnal 'byor dbang phyug rgya rtsang sgom chen
blo bzang rgyal mtshan rnam pa gnyis dang/ akyA rin po che'i
mdun nas

@098a @#/ /kyang chos lung 'ga' zhig gsan la/ 'on kyang bstan
pa'i rtsa lag a kya' rin po che blo bzang 'jam dbyangs rgya
mtsho ni rje 'di nying las mdo sngags zab rgyas kyi gdams pa'i
thugs bcud mtshang ba med bar bum pa gang

byo'i tshul du bzhes pa'i nang gi thugs sras gtso bo yin no/
/gzhan yang 'gro ba mtha' yas pa'i 'dren mchog mtshungs zla med
pa byang phyogs bstan pa'i mgon po hA ha rje btsun dam ba dbang
phyug 'jigs med rgya mtsho/ ha le'i hu thog thu

bskal bzang thub bstan rab rgyas/ dgon kya' dam chos bstan 'dzin
rgya mtsho/ gser tog sprul pa'i sku ye shes thub bstan rgya mtsho/
stag mtsher sprul pa'i sku blo bzang mkhas grub nyi ma/ tshe shos
sprul ba'i sku ngag dbang bshad sgrub bstan pa'i nyi ma/ gro

tshad rgyud pa bla zur skal bzang bkra shis rgya mtsho/ mtshan
sgrogs mkhan chen dge 'dun don grub kyi sprul sku/ rgya yag
sprul sku blo bzang bstan pa'i nyi ma/ ska kya' zhabs drung/
sgom chen rin po che'i sprul sku blo bzang dge legs nyi ma/ sman
pa bla zur

nya kyA rgyal mtshan nor bu/ sman pa bla zur gro tshang sprul
sku/ de'i bla zur so nyid ngag dbang dam chos/ sman pa'i khri pa
gro kyA bstan 'dzin rgya mtsho/ co ne zhabs drung skal bzang
bstan 'dzin rgya mtsho/ a rig zhabs drung bsod nams bstan pa'i
rgyal

mtshan; bstan ba'i gsal byed lcang lung paNDi ta/ mkhas dbang pA
rin tho yon blo bzang dge legs bstan 'dzin/ a bag lha ram pa
dag dbang yar 'phel/ dur bde e rti ni dar han mkhan bo'i sprul
sku ngag dbang thub bstan nyi ma/ ha re gadga'i

@098b paNDi ta bla bstan 'dzin/ hor tun tra yan chi'i sbrul sku
blo bzang mkhas mchod grags pa/ mur gu chig bde ldan bkod pa
glung ge mer gen ta'i ching chos rje blo bzang bstan pa'i rgyal
mtshan/ cha har khu be thu u lan gyi chos rje blo bzang dge
legs/ zhabs

drung 'jigs med bstan 'dzin nyi ma/ so nyig bstan pa dar rgyas
gling gi sprul sku blo bzang tshul khrims nyi ma/ mergen paDNi ta
chos rje bsod nams bstan pa'i rgyal mtshan/ su nyid g.yas ru'i
wang gi sku mched mkhan po bla ma sangs rgyas bkra shis rgya
mtsho/

su nyid g.yon ru ti le bi shri ru chos rje'i sprul sku blo
bzang dpal ldan chos 'byor/ a bag zhabs drung/ or du su er ti
ni chos rje'i zhabs drung ngag dbang dpal ldan nyi ma/ or du su
sman pa bla zur dkon mchog rab rgyas/ or du su hang gin

zhabs drung rin chen 'byung gnas/ gro kya' zhabs drung sogs dam
pa'i skye 'phreng 'dzin pa'i sprul sku dang chos kyi gdan khri
'dzin pa'i bla ma mang po dang/ gzhan yang or du su shog gi
sbas pa'i rnal 'byor pa chen po ngag dbang smon lam/ or du su
thang gi shog nas

sgrub pa'i rgyal mtshan 'dzin pa ri khrod pa dkon mchog snyan
grags/ or du su gling bsres bka' bcu mthu stobs/ u rad smon
ram pa dbal 'byor sogs gzhung lugs rgya ma tshor blo gros kyi
grub gzings 'dod dgur 'jug pa'i dge bshes/ chos brgyad kyi
mching

ba dor te spong ba bsam gtan la gcig tu gzhol ba'i ri khrod pa
sogs bgrang gis mi lang ngo/ /mchod cing bsnyen bkur ba'i spyin
bdag gi rim pa ni/ thog mtha' bar gsum du mdzad 'phrin gyi gdugs
dkar 'deg pa'i yu ba lta bu mi rje mtshungs pa med@099a @#/ /ga ching wang bsod
nams rdo rje/ de'i sras sa skyong
mi'i dbang phyug dam ba wang tshe ring don grub/ mu ring wang
phyag rdor/ bai li 'jigs med/ de'i sras bai li 'jam dpal/ bai yi
'phrin las dpal 'byor/ pe

zi mi 'gyur/ de'i sras pe zi ratna sidd+hi/ be zi mtsho skyes/ dar
rgyas gung/ ja sag ul cus thu da'i ching rdo rje/ sras ja sag
da'i tshing dbang chen don grub/ tshwa 'dam ja sag eng khi ba
yar/ ja sag bstan skyong/ de'i sras ja sag rab brtan

sogs mtsho sngon gyi sa'i char gtogs pa'i dpon rigs ches mang po
dang/ byang phyogs hor gyi yul nas sa skyong dam ba su nyid
g.yas ru'i du'i red wang ratna sidd+hi sku mched bcas/ dur bde
tA wang phun tshogs bsam 'grub/ ho'u ching wang/ or du su jun

gar tA be zi sogs dad ba'i lang tsho gtong ba'i rgyan gyis mdzes
pa'i dpon po che chung/ mi bzang se dod/ khyim bdag 'byor ldan
sogs mtha' yas so/ /dge tshul slong bsnyen gnas dge bsnyen sogs
kyi sdom pa mnos te byang chub gsum gyi khang bzang du

'jug pa'i nor bu'i them skas btsugs pa khri phrag las lhag la/
chos 'brel tsam mnos te mtho ris dang thar pa'i sa bon bskrun pa
tshun chad ni bgrang gis mi lang ngo/ /rtsod ba'i yon tan ni/
spyir da lta bshad sgrub kyi bstan pa'i bya ba kun gyi nang na

mdo dbus yongs la dar rgyas che brtsod pa yin par grags mod
kyang/ phal mo che zhig gis rtsod tshul ni/ mkhas grub thams cad
mkhyen pas/ rnyed bkur 'khor dang grags pa don gnyer ba'i/
/'gran sems phrag dog bdag bstod gzhan smod kyis/ /nges

@099b shes grangs dang shag sbyong lhur len pa/ /nyon mongs so
nam thos pa'i gzugs brnyan yin/ /gsungs pa lta bur song ba mang
la/ de min yang rkun bo sngar mnor la 'jab ba bzhin du rang gi
zhe 'dod pha rol pos shes kyis dogs pa'i tshig sub sub

pos ming zur re'i steng nas yin kyang mgo skor ci thub dang/
phyi rol gyi kha nor ba tsam la'ang dngos 'gal gyi rgyang 'bod
e thub lta ba sogs re dogs mang bo/ dpal chos kyi grags pa'i
rtsod rigs dang/ sa paN gyi mkhas 'jug sogs las rtsod pa rnam
dag gi

'gal ba zlar gsung ba kho na las/ chos kyi de nyid rigs pa gsum
gyis gtan la phab ste ma rtogs log rtog gi dri ma drungs nas
'byin pas rang gzhan gnyi gar sman pa de lta bu dkon yang/ dam
pa 'dis ni gzhung chen mo'i go don gzhir bzung ste rang gzhan

gnyi ga chos kyi gnad la nges pa sna re yin kyang skyed ci thub/
log rtog re re'ang sel ci thub kyi phan sems dang 'dun pa rnam
par dag pa las/ mkhas grags kyi re ba dang/ phyi rgol sma 'bab
kyi bsam pa sogs nam yang mi mdzad pas/ rtsod zla rnams

kyang ci tsam 'grogs pa bzhin rje gus su 'gro ba zhig yod pa
grwa thog mnyam pa'i rgyus yod rnams gleng ngo/ /rtsom pa'i yon
tan ni dkon mchog rjes dran gyi mdor/ don bzang po/ tshig 'bru
bzang bo/ ma 'dres pa/ yongs su rdzogs pa/ yongs su dag pa

zhes sogs dang/ mdo sde rgyan las/ gzugs rgyan rang bzhin yon
tan ldan pa me long nang song na/ /zhes sogs kyis rang bzhin gyi
rgyan zab rgyas kyi lus bzang po'ang rjod byed phun sum tshogs
pa'i gsal byed kyi rgyan gyis mdzes bar byed dgos

@100a @#/ /par gsungs la/ rje bla ma'i rin po che gsum gyi gtam
gyi sbyor bar yang de bzhin du gsungs te/ bstan bcos kyi spyi
khog shin tu bzang ba'i nang du'ang sbyor tshul nyes bar re re
byung na rgyan mang na chung sna bcad pa

bzhin du mdzes pa dman par byed par daNDis gsungs so/ /de ltar
tshig don phun sum tshogs pa 'byung ba lta snyan ngag gi gzhung
sogs la sbyang dgos par gzigs te tha snyad pa'i rig gnas rnams
la'ang thos bsam tshul bzhin du mdzad pa na skyes

sbyang gi blo gros phun sum tshogs bas dka' tshegs med par smra
ba'i dbang phyug tu gyur par nges te/ sngon kun mkhyen 'jam
dbyangs bzhad pa rin po che'i bkas bskul nas tha snyad rig gnas
rnams la sbyang ba mdzad pa'i tshe rje de nyid kyis stsal ba'i
chab

shog las/ yid 'phrog chu skyes lte bar 'jo sgeg mkhan/ /bai DUr
rgyud mangs sgra las chos phung kun/ /glur len smra mkhas 'dod
pa rnams kyi lha/ /tshangs pa'i bu mos dge legs stsol gyur cig
/tha snyad rig gnas shes bya'i thang chen du/ /blo gros

cang shes gom stabs bsgyur mkhas shing/ /legs bshad ngo mtshar
ltad mos tshim gyur pa/ /dam ba'i rang rtags gsal ba'i blo ldan
khyod/ /ces thugs shin tu mgu ba'i bka' phebs pa dang/ rje thu'u
bkwan rin po ches stsal ba'i chab shog las

kyang/ rmongs chen glang po'i mche ba nyer phyung nas/ /sna
tshogs rig gnas sgro mdangs mtshar sdug can/ /rgya chen thos pa'i
rma bya zhon nas su/ /mkhas mang 'chi med gral du nyer sleb ste/
/ma rig mun sel rig gzhung gser gyi sgron/ /rnam

@100b dpyod sug par thogs pas dus mtha' 'di'i/ /skye sprul bzang
rdzu'i mun khung 'dod sred kyi/ /gnyid du yur ba rnams la co
'dri zhing/ /zhes dang/ dar zab kyis dkris lder bzo'i rnam par
thar/ /'dzin min lngags mnyen glog gi gar bsgyur bas/

legs bshad sgra brgya sgrogs pa'i chos kyi sprin/ /khyod ko thub
bstan lha lam mdzes rgyan nyid/ /ces gcam bu tsam ma yin par
gnas tshul gyi rang bzhin drang por 'doms pa'i gsung gis bsngags
pa brjod pas shes so/ /'on kyang bar skabs shig

nas jo bo chen pos/ ngang pa'i chu las 'o ma len pa ltar/ /rang
gi 'dod pa dang du blang bar bya/ /zhes dang/ snying po nges par
bsdu ba las kyang gsungs pa ltar be'u bum sngon mor yang/ bsgoms
pas tshe 'di don yod byas la/ /rig pa'i gnas lnga

smon lam gyis sbyang/ /zhes gsungs pa bzhin nang du yang dag
'jog la rtse gcig tu gzhol bar gyur te/ de la ltos nas tha snyad
rig gnas kyi spros pa dang rtsom pa'i rnam grangs mang po
g.yeng ba'i rgyur gzigs nas cher ma mdzad kyang/ dad ldan

rnams kyis nan tan chen pos yang yang bskul te snga phyir gsung
rtsom thor bu gnang ba phyogs gcig tu bsdebs na po ti gcig lhag
tsam yod ba rnams ni/ don zab cing tshig sbyor legs ba/ go bde la
'dus che ba sogs mkhas pa mgu ba'i legs bshad 'ba'

zhig tu yod do/ /de ltar shes bya rig pa'i gnas lnga la mkhas
bas 'chad rtsod rtsom gsum la thogs pa med pa khyu mchog rlabs
po che'i gnas thob pa'i tshul de rnams kyang lhag ba shes rab kyi
bslab pa'i yon tan yin la/ 'on kyang mdo sde rnams las

@101a @#/ /lhag pa shes rab kyi bslab pa'i dbye ba gtso bor dngos
su gsungs pa ni/ rnam bshad dgongs pa rab gsal las/ lhag ba'i
shes rab kyi bslab pa gsum 'jog pa la/ sa 'dir byang phyogs so
bdun rags pa dang phra ba la

ches mkhas pa'i shes rab kyi bslab pa zhes sogs kyi don dbu ma
'jug par/ byang chub phyogs lhag bsgom pa las skyes pa'i/ /zhes
byang phyogs so bdun sogs lam la mkhas pa'i shes rab kyi bslab
pa dang/ bden rang bzhin/ zhib mor rtogs la'ang

shin tu mkhas pa 'thob/ /ces bden bzhi la mkhas pa'i lhag pa
shes rab kyi bslab pa dang/ 'di brten 'byung ba'i de nyid mthong
ba de/ /shes rab gnas pas 'gog pa thob par 'gyur/ /zhes rten
'byung gi de kho na nyid rtogs pa'i lhag pa shes rab

kyi bslab pa gsum du gsungs pa de dag thugs rgyud la 'khrungs
par tshul 'di nyid kyis shes dgos te/ nyid kyi rtogs brjod skal
ldan ma las/ gzhung phar phyin dbu ma la sogs pa/ /nang bltas
kyi blo yis gar nus spyor/ /zhes bka' bod chen po lnga

la sbyang ba mdzad pa de'ang kha phyir bltas kyi rtsod pa'i yan
lag tsam ma yin par thugs rgyud la nang du bskor te de dang de'i
don gyi rtogs pa khyad par can 'khrungs pa 'ba' zhig gi phyir du
mdzad nges pa dang/ de ltar na phar phyin gyi gzhung la sbyangs
pas gzhung pha rol

tu phyin ba'i sbas don mngon par rtogs pa mtha' dag /mtshan med
rab tu sbyin la sogs/ /zhes sogs kyis mdor bstan pa bzhin du
skyes bu gsum gyi lam gyi rim par bsdus te rnal 'byor pa gcig gi
nyams len gyi lus gcig tu 'dril bas lam phra rags

@101b kyi gnad thams cad la nges pa rnyed de lhag ba'i shes rab
dang po thugs la skyes par 'grub/ mngon pa mdzod la sbyangs
pa'ang gnas dang po gsum gyis khams kyi rab dbye mtha' yas dang
snod bcud kyi 'jig rten mtha' dag gis bsdus pa'i shes bya sdug
bsngal gyi bden pa gtan la

'bebs/ gnas bzhi ba lnga ba gnyis kyis las kyi dbye ba dang de'i
rtsa ba phra rgyas drug sogs spang bya kun 'byung gi bden pa
gtan la 'bebs/ gnas phyi ma gsum gyis 'gog lam gyi bden pa gtan
la 'bebs pas lhag pa'i shes rab gnyis pa thugs la 'khrungs bar

'grub/ dbu ma'i gzhung la nang du bskor te sbyangs bas srid pa'i
nad brgya sel ba'i sman mchog /nyes brgya'i 'ching ba gcod ba'i
ral gri /bstan pa'i snying po dpal mgon klu sgrub yab sras dang
'jam mgon tsong kha pa yab sras kyi thugs bcud zab mo rten

'byung gi de kho na nyid gzigs pas lhag pa'i shes rab gsum pa
thugs la 'khrungs par 'grub cing/ rnam 'grel ni dbu tshad seng ge
'jing bsnol zhes dbu ma'i lta ba gtan la 'bebs pa'i rigs par
ngar 'dogs byed kyi yan lag dang/ 'dul ba ni de

dag thams cad kyi gzhi rten du dgongs pas/ mdor na rgyu thos
bsam mdzad tshul tshig gi na yam dang shag 'gyed pa tsam du ma
song ba'i rnam par dag pa 'di nyid kyi sgo nas 'bras bu lhag
pa'i shes rab phun sum tshogs pa thugs rgyud la 'khrungs tshul
rjes su dpog

par byed dgos ba yin no/ /mdor na phyin drug bsdu bzhi sogs
rgyal sras kyi spyod pa mtha' dag la goms pa ngang du gyur pas
sku gsung thugs kyi mdzad pa mtha' dag bstan 'gro'i gsos sman du
'gyur zhing/ rang don yid byed kyis bslad pa cung zad kyang med

@102a @#/ /par de thams cad gzhan don 'ba' zhig tu bsngo bar
mdzad ba'i stabs kyis slad mar yang nam mkha' ji srid gnas kyi
bar du tshogs gnyis kyi spyod pa rlabs po che cung zad tsam yang
mi nyams par gong nas gong du 'phel

zhing; 'gro ba ma lus pa'i mgon dang skyabs su 'gyur ba sogs
gsang ba gsum gyi yon tan mi zad ba'i gter du gyur ba yin te/
mdo sde rgyan las/ thabs mchog shes pa gang zhig bsod nams yang
dag bsdus pa shin tu rgya chen kun/ /gzhan

dang thun mong byas nas nyin gcig bzhin du rdzogs pa'i byang
chub yongs bsngo zhing/ /bzang po'i gnas su skyes bas rtag tu
dge byed mngon shes yon tan rnams kyis rtse na/ /sangs rgyas
sras de kun gyi bla na 'dug pa yon tan gter du shes par bya/ /

zhes gsungs pa bzhin no/ /rnam dag tshul khrims chu gter las
'khrungs ting 'dzin shes rab 'od stong 'bar/ /mdo mngon 'dul
bstan cha shas yongs gang 'chad rtsod rtsom pa'i bsil zer 'gyed/
/bshad sgrub nyi zla zung du 'thug pas sa gsum

mun pa'i bla gos phrogs/ /dpal ldan bla ma mkhyen brtse'i bdag
nyid kun bzang spyod pa'i pha rol son/ /'brel med phye bsdus
bshad pas mgo skor dang/ /gnad don ma phig kha 'chal rtsod pa
dang/ /gzhan las brkus te rtsom pa'i khur 'dzin

rnams; /re zhig thugs ngal spangs te bde bar mnol/ /khyod gsung
tshad mar gyur pa tshangs pa'i thig /sde snod mtshams las mi 'da'
rgyal gsung kun/ /mdo dang sngags kyi lam bzang lus gcig tu/
/gnon pa'i rgyal thabs khyab 'jug gom pa

@102b bzhin; /gang ga yon tan nyi 'od gser zhun kyis/ /bris pa'i
yi ge bklag pas gang du rdzogs/ /'on kyang rmad byung rnam thar
bdud rtsi'i rgyun/ /ci tsam myang bas gdung sel bde ba ster/
/zhes dge ldan bstan pa'i rtsa lag mkhas shing grub pa'i dbang
phyug rje

btsun bla ma dam pa tshul khrims bstan pa'i nyi ma dpal bzang
po'i rnam par thar pa nor bu'i do shal las sku tshe'i mjug gi
mdzad pa rnam thar spyi'i don bsdu dang bcas pa'i dra ba ste
drug pa'o// //de nas sku bsnyun shin tu lci ba'i tshul bzhes
shing/ gsol

ba'ang cher mi mdzad par shas zer mnyam gzhag lta bu zhig gi
ngang du bzhugs pa na/ zhabs phyi pa nang ma rnams kyis da ni
bsnyun gzhi dang sku'i bab/ gsung gi shugs gang la dpyad na'ang
dgongs pa gzhan du gtad tshar 'dug snyam du kho thag chad pa'i

mya ngan gyi shugs dang bcas te 'phral phugs kyi gnas tshul du ma
dang/ lhag par spyir bstan 'gro dang/ sgos nged cag rnams kyi
mgo na du sprul pa'i sku dbangs gsal myur 'byon gyi bka' drin
dus las mi yol ba thugs rjes gzigs dgos tshul dang sku gdung ji

ltar byed rgyu'i skor rnams zhus par/ bla ma dang dkon mchog rin
po che'i thugs rje kho na la rag las gtso cher rim gro la 'bad
pa gal che/ khyod tshe rang rang so so nas legs nyes ci byung
yang mchog gsum dam par gsol 'debs legs po gyis zhes sogs

kyi bslab bya dang/ gdung zhugs 'bul byas na dngos gtsang ba
yong tshul sogs 'byung 'gyur gyi skor rnams brtse bas nye bar
gzigs te zhib rgyas su gsungs/ lha rten dang phyag dpe do dam
byed rgyu dang/ re zhig zhal 'don gi skor cha dgos te mdun

@103a @#/ /nas 'don rgyu sogs sku tsha zhabs drung skal bzang
bstan 'dzin rgya mtsho dang/ gzhan grwa pa gnyis la gtad ba gnang
bas khong rnams kyis bton pa'i tshe zhal 'don bgos skal gyi cha
shas re de'ang tshar dka' ba byung bas

lhag par ya mtshan du gyur/ zhabs phyi pa nang ma gnyis la nyin
re bzhin khrus gsol dang mnol bsang bdug rgyu'i bkod pa gnang ba
'da' ka ma'i thugs dam gsal ched yin par snang/ chos sde chen
po'i gdan sa pa che shos mkhan rin po che gtsos 'dus

spyi nas zhabs brtan 'bul rgyu'i snyan gsan zhus par/ bka' drin
'khor mtha' ma mchis ba lags/ 'on kyang dus tshod ston zla 'bring
po'i tshes mgo la phul na legs zhes rjes kyi rten 'brel du sgyur
bar mdzad do/ /de ltar dgung lo re gsum gyi

bar du bstan pa dang 'gro ba'i don bsam gyis mi khyab pa mdzad
de zhing 'di'i sku dngos kyi gdul bya rdzogs pas/ me mo glang gi
lo hor zla brgyad pa'i tshes gcig gi snga dro'i char/ zhal 'don
gyi skor rnams sngar rgyun ltar gsung zhing khams shin tu

dwangs pa/ bsnyun gyi tshul yang ye med par bzhugs pa la/ nyin
gung gi sngon tsam rta'i dus tshod la slebs pa na glo bur du
sngar bshams pa'i khri khar zhabs gnyis skyil krung/ phyag gnyis
bsdigs mdzub bsnol thabs su byas pa rdo rje 'chang gi phyag rgya

mdzad de gdul bya rtag 'dzin can rnams tshes la bskul ba'i phyir
du gzugs sku'i bkod pa chos dbyings su bsdus pa'i tshul bstan to/
/mi shigs rtag pa'i ngang tshul rdo rje'i sku/ /'pho 'jig dus kyi
bka' khrims las 'das kyang/ /zhing

@103b gzhan bstan 'gror phan pa yangs pa'i rlabs/ /gzigs pa'i
nyi ma nub ri'i phag tu 'chel/ /zhal bzang mthong ba tsam gyis
dngos grub kun/ /stsol mdzad nor bu dran pa'i yul du gyur/ /srid
zhi'i gdung ba ma lus sel ba yi/ /gsung snyan de yang thos pa'i
lam

las 'das/ /kye hud bus ba mya ngam thang bskyur bzhin/ /mgon med
skyabs med gyur pa'i gdul bya rnams/ /thugs rjes nam yang 'dor
ba mi rigs pas/ /slad kyang brtse bas rjes 'dzin bka' drin
mdzod/ /de'i mod la sku mdangs sngar las je gsal du song

zhing sku bong je chung dang gnyer ma sogs ye med bar gzhon sha
chags pa'i 'od phung gi rang bzhin can/ ya mtshan pa'i dris nye
skor kun la khyab pa byung/ nang gi rtogs pa'i rten 'brel gyis
phyi rol tu nam mkha'i dkyil shin tu g.ya' dag cing rgya

mthing bzang po ltar sngo ba dang/ mtha' skor gyi phyogs kun nas
mchod lha rnams kyis gdugs rgyal mtshan sogs mchod rdzas sna
tshogs thogs nas mchod pa phul ba'i rnam pa lta bu'i sprin dkar
gyi phreng ba nye bar 'khrigs/ rlung bser bu'i

rgyu ba phra mo tsam yang med pas nyin zhag gsum gyi bar du
gzims chung gi khyams su mchod pa sna tshogs dang/ khyad par du
mchod me stong phrag brgal ba phul ba re re'ang rlung gis mi
bskyod pa sogs ngo mtshar ba'i rtags mang du byung bas skye bo
rnams bshes gnyen dam

pa'i dmigs bu dang bral ba'i mya ngan gyis non bzhin du'ang ya
mtshan gyis ltas kyis yid 'phrog ste ched du brjod pa'ang byung
ngo/ /tshogs chen gyi dge 'dun tshang mas gdung mdun du khrus gsol
dang smon lam sogs gsungs te zhal mjal zhus shing@104a @#/ /bshad sgrub gling
sogs grwa tshang so so nas sger
du'ang khrus gsol dang smon lam bcas gsungs te tshe rabs rjes
'dzin dang yang srid myur 'byon sogs kyi gsol 'debs nan tan
zhus/ zhag gsum gyi mtshams

nas 'od gsal chos dbyings su bzhugs pa'i thugs dam grol ba'i
rtags shangs bug sogs nas byang sems dkar dmar gyi rgyun babs pa
sogs byung/ de nas slar yang tshad ldan gyi gzhung dang phyag
bzhes ji lta ba bzhin dri bzang gi chus

khrus gsol legs par byas shing gnas yig sbyor pa dang/ na bza'
dbu rgyan sogs phul nas bzhugs su bcug ste/ mchod pa'i yo byad
sna tshogs pa bkod pa gang mdzes kyis mtha' bskor/ phyogs nye
ring gi slob mche phra

mang po dang/ lhag par zhabs zhu ba rnams kyis nyin mtshan khor
yug tu bla mchod dang khrus gsol/ gsol 'debs mang po/ smon lam
gyi rigs phyag dang mchod pa ci 'byor yang yang bshams pa sogs
rje btsun bla ma dam pa de nyid

kyi thugs zag pa med pa'i dgongs pa yongs su rdzogs pa'i thabs
la sgo du ma nas gzhol bar gyur/ dge ba'i bshes gnyen dam pa kha
shas kyis gdung chog gnad smin gsungs/ che shos mkhan rin po
ches dbu mdzad bla ma mchod

pa'i dus bzang ba tshogs yongs nas nyin bco brgyad kyi ring la
dus bzang gi 'don chad kyus bzhin gsung/ gzhan chog grwa ba so
so nas gsang 'dus/ 'jigs byed/ bde mchog /dus 'khor/ kun rig
sogs rgyud

@104b sde so so'i dkyil 'khor bsgrubs shing dbang len mkhan gyi
dge 'dun khyon bsngoms lnga brgya lhag dang/ dpal ldan smad
rgyud nas kyang sku gdung gi mdun der bde gsang 'jigs gsum gyi
dkyil 'khor bsgrubs nas bdag 'jug bzhes

shing; sman pa grwa tshang nas kyang de bzhin gnang ba sogs dam
ba de nyid kyi thugs dgongs rdzogs pa'i dge ba rlabs chen zhag
zhe dgu'i bar du bsgrubs pa la phyag gnyer sogs nas khur blang
gis bsnyen bkur zhabs tog gya nom pas mnyes par byas/

sku 'bum chos sde chen po'i dge 'dun sum stong brgal ba la mang
ja bcu phrag lhag dang/ sku 'gyed zho do skar lnga/ bshad sgrub
gling sogs la sku 'gyed zho re/ smad rgyud grwa tshang la zho
lnga sogs 'tshem med du bul/ chu bzang/ gser

khog /dgon lung/ bkra shis 'khyil sogs dgon sde che chung mang
po la'ang mang 'gyed kyi bsnyen bkur phun sum tshogs pa zhus/ rje
chu bzang sprul pa'i sku rin po cher kha btags/ maNDal 'gyog
byang/ dngul gos sogs dang/ rje 'jam

dbyangs bzhad pa'i mchog sprul rin po che/ rje thu'u bkwan rin
po che'i sprul pa'i sku/ kho bo cag sogs la'ang lha rdzas mdzod
btags/ gos chen yug /dngul sogs bdog ba rgya cher bstar/ sku
'bum du bzhugs pa'i bla ma gdan zur/ sprul

sku che phra mtha' dag gcig kyang ma lus pa la phyag rten gya
nom pa phul/ rnye nyid kyi grwa tshang bkra shis chos gling/ dga'
ldan dar rgyas gling sogs kyis mtshon dgon sgrub sde rnams la
mang 'gyed gang rgyas bcas dgongs rdzogs kyi zhag grangs khongs
su phul

@105a @#/ /zhing slar rim pa bzhin/ dbus su paN chen thams cad
mkhyen par ljags bsngo zhu rten lha rdzas gos dar sogs phya nom
pa dang/ yongs 'dzin dga' ldan khri rin po cher lha rdzas gos
dar sogs rgya che ba phul/ lha

sa smon lam gyi tshogs la mang ja sogs kyi bsnyen bkur/ rgyal
tshab de mo no mon han sogs dbus gtsang gi sprul sku che phra
mang po dang/ mdo smad kyi bla ma gdan zur sprul sku'i rigs mang
po la'ang 'os bstun gyi phyag rten rim par bstar/ rje nyid la

dad pa thob pa'i bla dpon che phra dang ser skya mtha' dag gis
gdung 'bul gyi zhal 'debs kyang so so'i 'byor 'khos dang bstun
pa'i gang legs bgyis te skye ba'i phreng bar mnyes pa gsum gyis
mnyes par byed pa'i rten 'brel bsgrigs/ gza' tshes dge ba'i nyin

smad rgyud dpon slob gser tog sprul pa'i sku ye shes thub bstan
rgya mtsho dge 'dun rig pa 'dzin pa'i tshogs dang bcas bas dpal
rdo rje 'jigs byed kyi cho ga la brten nas sku gdung rin po che
zhugs 'bul mdzad/ de'i tshe nam mkha' g.ya' dag

cing/ nub phyogs byams pa lung pa zer ba nas 'ja' tshon zhig shar
te pur khang gi steng du zug pa mang pos mthong zhing/ du ba'i
mdog kyang lha bris mkhas pas tshon mdangs spel ba lta bur shin
tu bkra ba'i ya mtshan pa pur khang gi steng du yid

tsam 'khod nas thog mar nub byang dang/ de nas phyogs kun tu
song/ zhugs 'bul mdzad mkhan gyi bla ma dge 'dun rnams la yon
'bul dang zhabs tog gzab rgyas zhus/ pur khang la nyin zhag drug
gi ring mchod pa rgya cher phul te/ nang

@105b slob 'ga' zhig dang zhabs phyi pa rnams pur khang gi sgo
phye bar/ sa paN gyi sdom gsum rab dbye las/ 'phags pa gsum gyi
ring bsrel ni/ /yon tan stobs kyis byung ba ste/ /skye bo rnams
kyi bsod nams rten/ /zhes dang/ karma

chags med kyis/ dbu bum ri la ngung dkar gams 'khyil sogs/ /de
byung na mchog ste nor 'khrul med/ /ces pa ltar dbu thod ril por
bzhugs pa'i nang du thugs ljags spyan gsum babs shing/ ring
bsrel mang du byon pa der 'khod

thams cad kyis mngon sum du mjal bas lhag par dad pa'i gsos su
gyur/ gdung rus btu tshul dang shul du ji ltar bya ba rnams kyang
phyag len ltar byas/ sku tsha zhabs drung dang phyag mdzod che
chir chos rje sogs zhabs zhub rnams nas khur

blang bgyis te sku gdung rin po che bzhugs yul gyi mchod rten
phyag tshad dang ldan zhing gser mdangs gzi 'od 'bar ba/ rin po
che du ma'i phra tshom gyis mdzes pa'i bkod pa phun sum tshogs ba
che legs gnyis bsgrubs pa'i nang du thugs ljags spyan

gsum dang sku gdung gi ring bsrel rnams bzhugs su gsol/ gzhan
yang rten sna du ma dang gzungs gzhug cha tshang ba sogs dam pa
gong ma'i phyag len dang mthun par phul nas khri ka'i gdan sa
bkra shis chos gling gi bla brang dang/ sku 'bum

chos sde chen po'i nyid kyi bla brang phun tshogs 'dod pa 'jo
ba'i gzim chung gnyis su skye dbu'i bsod nams bsags pa'i zhing
sa dam par bzhugs pa la rab gnas kyi cho ga rgyas par byas te
byin rlabs kyi gzi 'od 'bar zhing dge mtshan gyi dpal

@106a @#/ /chen po brgyud ma nas brgyud mar 'byung ba'i rten
'brel phun sum tshogs pa du ma'ang lhun gyis grub par gyur to/
/dpag bsam shing dang rdzogs ldan sprin bzhin du/ /gtan pa med
pa'i

mchod spyin rlabs po ches/ /dpal ldan bla ma'i zag med dgongs pa
dang/ /gdul bya'i bsod nams tshogs chen lhan cig rdzogs/ /mya
ngan gdung ba'i rno rtsub chab rom yang/ /thugs rje'i 'od kyi
chu ru zhu ba las/ /rnam

dkar 'du byed ldu ba'i 'phreng bar bcas/ /rtag 'dzin rgyud kyi
zhing skam rlan par byed/ /ha ri tsan dan bcad gtubs bsregs pas
kyang/ /bsung zhim ngag kyi dri bzang 'thul ba ltar/ /kun bzang
spyod pa'i sgyu 'phrul ji ltar du/ /

bstan yang 'gro ba'i nyer 'tsho mchog tu 'gyur/ /zhes dge ldan
bstan pa'i rtsa lag mkhas shing grub pa'i dbang phyug rje btsun
bla ma dam pa tshul khrims bstan pa'i nyi ma dpal bzang po'i rnam
par thar pa nor bu'i do shal las sku mya ngan

las 'das pa'i mdzad pa dgongs rdzogs kyi rnam dkar sgrub tshul
dang bcas pa'i dra ba phyed pa ste bdun pa'o// //smras pa/ miO
'gyur lhan skyes bde chen

nyagO gcig gzugs sku'i gar rol rdo rje 'chang/ /slar yang tha
mal tshul gyis khrims ldan ngur smrig 'chang ba'i skur bzhengs
te/ /ma nor lam bzang ji bzhin bstan nas thar par 'khrid pa'i
ded dpon mchog /snying dbus nyi zla'i

@106b gdan la rtag bzhugs mtshog thun dngos grub maO lus stsol/
/mkha' mnyam sems can rgya mtsho bsgral ba'i phyir/ /phyogs bcu'i
zhing khams rgya mtshor dus kun tu/ /bya dka'i spyod pa rgya
mtshor bslab pa'i tshul/ /bgrang yas

bskal pa rgya mtshor brjod mi nus/ /'on kyang rgyal sras spyod
pa'i cha shas tsam/ /rnyog bral dwangs pa'i yid kyis bsngags pa
yang/ /bsod nams mi zad gter du 'doms pa yi/ /rgyal gsung tshad
mas yid ni spro bas drangs/ /

rga bas non pa'i mi sdug sprin nag las/ /dar bab lce yi 'khrul
'khor glog dmar gyi/ /rjes 'gro legs bshad snyan 'gyur 'brug gi
sgras/ /skal ldan mdongs mtha' dang pa'i gtos bzang 'dzin/
/rnyed bkur bung ba'i

glu dang mi 'grogs shing/ /phyogs lhung tsha ba'i gdung ba ring
du spangs/ /rnam dag dad pa'i chu gter rgyas byed pa/ /phul
byung rtogs pa brjod pa'i zla zer 'dis/ /khams gsum 'byor par
rngam pa'i kha gdangs shing/ /

chags sdang ris su gcod pa'i mche ba gtsigs/ /chos min ngar skad
mthon por sgrogs rnams kyi/ /zhal gyi padmo padmo bzhin du byed/
/rnam 'byed shes rab mig gis mthong ba'i lam/ /dad brtson gom
pas bgrod pa'i gzur

gnas rnams/ /ded dpon mchog gi bshul 'di ma bor bar/ /mi gnas
zhi ba'i grong khyer bsnyegs par mdzod/ /sgra don phun sum tshogs
pa'i rnam thar gyi/ /rgun 'brum yongs smin mngar ba'i ro bda'
ba/ /phyogs 'dzin

@107a @#/ /mchu dang bral ba'i mgron kun la/ /phan dang bde ba'i
dga' ston mchog tu spel/ /tshulO 'dir 'bad pa'i rnam dkar las
kyis mtshon/ /spyin dang khrims byung bsgom pa'i dge tshogs mthus/
/

bstan pa'i snying po nyi ltar gsal ba yis/ /maO lus 'gro la thar
lam mtshon gyur cig /slar yangO yangO srid 'khrul bral kun da'i
gnyen/ /ma lusO lusO can mgon du myur gsal zhing/ /legs gsung
gsung gi bsil zer 'bum

phrag gis/ /'gro kunO kunO dga'i dpal la sbyor gyur cig /bla ma
yi dam mchog gsum rgya mtsho'i mthus/ /bstan dang bstan 'dzin
bstan pa'i sbyin bdag kun/ /chos srid dpal 'byor rgyas pa'i dge
mtshan gyi/ /rdzogs ldan

snang bas rtag tu rtsen gyur cig /ces dge ldan bstan pa'i rtsa
lag mkhas shing grub pa'i dbang phyug rje btsun bla ma dam pa
tshul khrims bstan pa'i nyi ma dpal bzang po'i rnam par thar pa
nor bu'i do shal zhes bya ba 'di ni sku tsha co ne zhabs

drung skal bzang bstan 'dzin rgya mtsho/ bo kyu chos rje'i sprul
sku ngag dbang phun tshogs/ phyag mdzod rgan pa che ching chos
rje rab 'byams pa tshul khrims chos 'dzin/ khri 'tshab bla ma rab
'byams pa shes rab dbang phyug /

sgom pa ngag dbang smon lam/ phyag mdzod gzhon bdar han rab
'byams pa ngag dbang bstan 'dzin/ chos rje bstan 'dzin bzang po/
rab 'byams pa tshul khrims bstan 'dzin/ rab 'byams pa mi 'jigs

@107b rdo rje/ rab 'byams pa ngag dbang phun tshogs/ hor kyA'i
ri khrod pa grags pa don grub/ or du su dge slong dkon mchog
snyan grags/ dbu mdzad dge slong blo bzang don grub/ drung yig
dge slong tshul khrims bstan

'dzin/ gsol dpon dge slong blo bzang nyi ma/ de mchi dge slong
shes rab nyi ma/ dge tshul rgyal mtshan don grub/ dge tshul blo
bzang don grub/ dge tshul blo bzang tshul khrims/ dge tshul shes
rab dar rgyas/ dge tshul

rin chen zla bzang/ dge tshul blo bzang dpal 'byor/ dge tshul blo
bzang skal ldan/ bstan pa dar rgyas sogs zhal slob sku 'khor
thun mong nas gser gyi maNDal sogs bdog pa rgya chen po dang
bcas nan tan du bskul zhing/

nyid kyi rtsa ba'i sbyin bdag sa skyong mi'i dbang po wang tshe
ring don grub/ pai li 'jam dpal don grub/ pai ze ratna sidd+hi/
ja sag u la jos thu da'i ching rdo rje sogs nas kyang dngul gyi
maNDal/ gos chen yug kha shas sogs kyi skyes dang

bcas snga phyir bskul ba bzhin/ 7btsun pa dkon mchog bstan pa'i
sgron mes rtsom gdan gyi sa bon gsal zhing legs par 'dug pas de
nyid gzhir bzung/ ngag rgyun khungs dag 'ga' zhig rang gis thos
pa dang/ gong

'og bsgrigs te dpyad pas go brnyed pa rnams kyis zur brgyan gal
che ba rnams tshad ma'i lung dang sbyar te/ rab byung bcu bzhi
pa'i bgrang bya bcu gnyis song ba 'bru mang zhes pas pho stag gi
lor/ rgyal ba'i lung gis zin pa'i

@108a @#/ /chos grwa chen po bkra shis 'khyil du dgun mtshams kyi
skabs thun gseng la sug bris su bgyis pa las/ dpe shog tu 'bebs
pa po ni gtsug lag 'byed pa'i blo mig can sngags ram pa dkon

mchog kun dags bgyis pa 'dis kyang manydzu nA tha dwi tI ya
dza yasya shA sa na sarba dikkA lo da ya tsa puShTaM dI rg+ha
sthAntuH //

(@#/ /bstan pa'i rtsa lag yil gogs na er ti ni mer gen paNDi ta
tu thog thu blo bzang bstan pa dar rgyas kyi rnam thar nor bu'i
me long zhes bya ba bzhugs so/ /)