@001a @#/ /no ra dzA k+ShA ti pa dma tra tsai bai ta no/ bi
k+ShA no bi k+Sha shI ya bi mA b+hA ma Ne/

@#/ /sgrib med sbyan ras zur tsam btsa' bas kyang/ /phra zhi ba
blang dor gnas kun 'khrul med du/

@002a @#/ /de sha ka prA ti b+hA na sya d+hi ya dzi kaM/ ma nydzu
nA tha stha tsa kra shshu b+haM ya tstsa tu/

/smra ba'i blo dang spobs pa'i mchog sbyin pa/ /'jam mgon brtan
pa'i 'khor los shis pa stsol/

@002b blo bzang rgyal bstan nyin mor byed pa la/ /thugs bskyed
dar bab 'phrin las 'od stong gis/ /phan bde sbrang rtse'i dga'
ston rgyas mdzad pa/ /mtshungs bral 'gro ba'i mgon po rgyal gyur
cig /rdo rje rnon po'i gsang gsum

sgyu 'phrul gar/ /sras bcas rgyal ba'i longs spyod 'khor yo ru/
/bskal ba'i phyi mthar bkram yang gtugs min ba/ /blo chung
sgrang bu'i 'dab mas ji ltar gzhal/ /gser ldan khor yug yangs
ba'i nor spyin phyogs//

thub bstan dbyar gyi lang tshos zin pan/ /mkhas dang grub pa'i
skyes mchog padma'i 'phreng/ /kun kyang ljongs der rgyan du
lhags pa bzhin/ /snang mtha' spyan ras gzigs bcas sprul pa'i
gar/ /rgyal dbang yab

sras rdo rje'i bka' lung gis/ /bstan pa'i nyi ma rim brgyud skye
ba'i 'phreng/ /sbangs ba'i mandar bci yang 'thor/ /utpal 'dab
ltar yangs pa mkhyen pa'i spyan/ /ldan pa gang dag mdzad pa'i
sgo gcig nas/ /rgyan gyi

'khor lo'i bkod pa rdzogs pa'i tshul/ /mngon par tshub bas mos gus
spu long g.yo/ /'on te lkog gyur gnas la tshad ma'i lung/ /dbang
du byas te tshu rol mthong bas kyang/ /mngon par dmigs pa'i mdzad
pa thun mong

ba; ;'ga' tsam dad pa'i gsos su spel bar bya/ /dge legs rnam par
rgyal ba'i khang bzang ge /rmang gzhi dad pa'i rtsa ba rab ba
brtan cing/ /tshul bzhin dpyod pa'i blo gros yangs pa rnams/
/phyogs lhung dor te

@003a @#/ /gus pas bsten par mdzod/ /de'ang 'jam dpal rtsa rgyud
las/ yi ge ha bya dge dang ldan/ /zhes ri bo dge ldan pa'i lugs
bzang byang nas byang gi phyogs mthar dar bar lung

bstan pa bzhin gyi dus la babs pa na/ dpal 'phreng seng ge nga
ro'i mdo las rgyal sras kyi smon lam mtha' yas pa thams cad smon
lam chen po gcig gi nang du 'dus shing chub pa ni dam pa'i chos
'dzin pa'i smon

lam du gsungs pa dang/ lung gzhan las kyang/ de tshe grags chen
rgyal sras rnams/ /phyogs der bstan pa 'dzin par smon/ /zhes
gsungs pa ltar/ rgyal sras bdag nyid chen po rnams ni yul dang
dus

gang na sangs rgyas kyi bstan pa dar ba der bsam bzhin skye ba
bzhes nas gdul bya'i skal ba dang 'tshal par theg pa gsum gyi
byang chub tu bkri bar mdzad pa ni rgya mtsho'i rlabs bzhin dus
las yol ba nam yang

mi srid pas/ rgyal sras bdag nyid chen po/ lung dang rtogs pa'i
yon tan gyi gter mdzod/ byang phyogs kyi skye 'gro rnams mtho
ris dang thar par 'khrid pa'i 'dren pa bla na ma mchis pa/ 'jam
mgon bstan pa'i

rtsa lag blo bzang bstan pa dar rgyas zhes yongs su grags pa 'di
nyid rlabs po che'i thugs bskyed rta ljang shing rta bdun gyis
drangs te/ skal bzang gdul bya'i bsod nams yangs pa'i lha lam
ros la yang yang

@003b mngon par shar nas/ skye dgu'i legs byas kyi bad tshal cir
yang bshad par mdzad pa'i tshul kun gzigs rgyal ba'i dbang bos
mdzad pa'i 'khrungs rabs bdun ma dang/ paN chen thams cad mkhyen
pas mdzad pa'i 'khrungs rabs bcu gsum ma

sogs yid chos pa'i lung gis gsal bar bstan pa ltar yin la/ de'i
nang nas 'dir 'ga' tsam smos na/ stobs bcu mnga' ba'i mdun sar
khye'u snang bas bsam gyis mi khyab par 'khrungs te sems bskyed
pa ni mtshan pa tsam yin te/ bdag

cag gi ston pas thugs bskyed chul la'ang drin lan bsab pa/ mdo
sde bskal bzang/ pad dkar/ myang 'das/ rab gsal gyi rtogs brjod
sogs las mi 'dra ba sna tshogs gsungs pa ltar/ dam pa 'di 'ang
rdzog legs pa'i shes rab kyi skye

bar gsungs la/ de ni jo bo yab sras dang sku 'phreng du mar
'brel te rgyal sras kyi spyod pa la bslab tshul bka' gdams glegs
bam las 'byung ba ltar ro/ /der ma zad khu rngog 'brom gsum
'phags pa rigs gsum mgon po dang sbyar ba'i tshe

rngog 'jam dpal gyi rnam 'phrul du gsungs la/ de ltar na zla bas
'jug 'grel du/ 'phags pa 'jam dpal byang chub sems dpar gyur pa
nyid kyis de bzhin gshegs pa shAkya thub pa la sogs pa sems
bskyed pa 'dzin du gzhug par 'don pa

yin no/ /zhes bshad pa ltar rgyal bkun gyi yab tu gyur pa dang/
rgyal ba kun gyi sras kyi thu bo'i tshul 'dzin pa sogs gsang babs
ma gyis mi khyab pa'i gnas ni smra bsam gyi rab las 'das so/
/thun mong ba ltar na'ang lho chos bdun ldan gyi

@004a @#/ /bka' gdams nor bu'i phreng ba'i bdag por gyur te/ man
ngag byin rlabs kyi brgyud pa'i rtsa ba 'di nyid la thug go/ de
bzhin du shar chen ye shes rgyal mtshan yang mkhyen brtse nus pa
mngon shes rdzu

'phrul sogs la dbang 'byor cing/ dor chen sogs skabs de'i sa
skya'i bstan 'dzin kun gyis gtsug rgyan du bkur te gsung ngag
lag 'bras kyi gdams pa'i bdag por gyur pa dang/ de nas khri thog
bcu drug pa rgyar gur pa chos skyod rgya

mtsho'ang rje bla ma'i mdo sngags kyi chos tshul mtha' dag thugs
su chud de byang rtse dang dga' ldan gyi khrir phebs/ thub pa'i
gos sku chen mo bzhengs pa sogs mdzad pa rlabs che zhing/ smad
rgyud kyi khri chen brgyad kyang 'di nyid kyis mdzad de

dge ldan bstan pa'i bdag por gyur pa sogs rgya bod kun tu mkhas
grub kyi skye 'phreng du ma bzhes nas bstan pa'i srog bzung ba
yin la/ de nas dus kyi rim pas byang phyogs chen po hor gyi yul
du blo bzang rgyal ba'i bstan pa spel ba'i thugs

bskyed 'phrin las kyi dus la babs pa na/ thugs rje dang mkhyen
pa zung du 'jug pas 'gro kun thar ba'i lam du bkri ba la 'phrin
las nam mkha' dang mnyam pa 'gro mgon bstan pa'i nyi ma dang/
de'i yang srid lus can mtha' dag la brtse ba'i

gzhan dbang du gyur pa bdag nyid chen po rje btsun bstan pa'i
rgyal mtshan sogs sku 'phreng gong ma so so'i rnam thar rgyas pa
gzhan las shes par bya yi 'dir dpyod pa'i sgo tsam bstan pa yin
no/ /dri bral dwangs ba'i shes gyi me long ni/ /tshon

@004b brgyar 'grogs pa'i mdangs su gsal ba bzhin/ /gang la gang
'tsham gdul bya'i skal ba dang/ /mthun par bstan pa'i bkod pa
bsam mi khyab/ /rgyal ba'i chos kyi gsang mdzod 'phags lam gyi/
/yan lag brgyad ldan klung chen 'bab pa'i

phyogs/ /de na thabs shes gshog yangs gom pa yis/ /rgyal sras
chu skyar tshogs rnams lding zhing rtsen/ /de nas skye ba'i
'phreng ba 'di nyid bzhes te bstan 'gro'i mgon mdzad pa'i tshul
ni/ bya ra'i lung o nam pa la jing zhes pa'i lung chen

gyi 'gram du rgad po tshe dbang bya ba dang rgan mo dge 'phel bya
ba rigs rgyud med cing longs spyod kyis dbul bas shin tu nyam
thag pa gnyis yod par brtse bas dgongs shing rjes su 'dzin pa'i
skal bcan du dgongs te byon pa yin no/ /de'ang

rab byung bcu gsum pa'i 'grang bya bcu gcig pa stod 'grel ltar
na i shwar ste dbang phyug/ ci na'i skad du khang tshe'u/ dbang
thang bstun pa me mo glang gi lo 'bras ldan gyi dus su rgan ma
de nyid lci ba 'thu bar song ba'i tshe chu 'gram gyi gad rtsa
zhig tu

bdag pa med por byis pa shin tu chung ngu zhig 'dug pa mthong
tsam nas yid du 'ong ba'i dga' ba chen po dang bu'i 'du shes
skyes nas blangs te/ 'di ni ched du brjod pa'i tshom las/ gang na
dam pa bzhugs pa yi/ sa de yid du'ong ba yin/ /zhes

ba ltar byams pa goms pa'i bdag 'bras dang las 'brel gyi mthun
mngon no/ /slob dpon padma rdzus skyes su grags pa'i rtsa ba'ang
'di 'dra zhig la brten pa'i lo rgyus yod la/ rje btsun tA ra
nA thas mdzad pa'i slob dpon gyi rnam thar rgya gar

@005a @#/ /lugs las yab yum gyi ming dang bcas pa gsungs so/ /de
nas khong gnyis kyis bu bzhin gces par bskyangs pas rdzing gi
padma bzhin du lang tsho 'phel zhing/ de phyin chad khong gnyis
kyang sngar dang mi 'dra bar

'tsho chas sogs rnyed sla bas dga' spro dang ldan par gyur/ rgan
mo rang bzhin gyis drang zhing snying rje che ba zhig yin pa'i
steng du dam pa 'di nyid phebs pa'i byin rlabs kyis dkon mchog
la shin tu gus shing/ gang 'byor gyi spyin pa la spro ba

rgyas te/ rgyus yod med lam ltos par thar ring gi mgron po ngal
du ba gyis gdungs pa rnams la 'tsho ba stob pa sogs rnam dkar la
brtson par gyur/ byis pa de'ang tha mal gyi byis pa gzhan dang
mi 'dra bar rtsed mo byed pa'i tshe'ang sa rdo shing

sogs la sangs rgyas dang chos mchod rten/ bla ma dgon pa sogs
kyi ming btags nas bsgrigs te chos bshad pa dang dgon 'debs pa
sogs legs pa'i rten 'brel du 'gyur ba khon mdzad/ skye bas thob
pa'i yon tan gyis dkon mchog la

mchod pa dang/ gzungs sngags bzlus brjod la brtson ba/ 'gro ba
la snying brtse ba/ mngon shes dang nus mthu ldan ba ste/ ma
rgan gyi mig na ba'i tshe bsang shing gis 'dug pa'i rnam pa byas
pas myur du bde ba dang/ mig la ling tog byung ba

'ga' zhag la phyag gis byug pas nad zhi ba dang/ la lar khyod
kyi nad lo zla 'di tsam na sos yong zhes gsungs pa de kho na
bzhin gyur pas ngo mtshar gyi gnas la bkod de/ lam sgron las/
mngon shes ldan pa'i nyin mtshan gyi/ /bsod nams dag ni

@005b gang yin te/ /mngon shes dag dang bral gyur la/ /skye ba
bgyur yang yod ma yin/ /gsungs ba ltar gzhan don rlabs po che
'grub pa'i rgyu la dbang 'byor ba'i rnam thar ro/ /skabs shig ro
grib kyis gsung ngag mi gsal ba zhig byung yang rim gyis je
dangs

su song/ dgung lo bdun pa'i tshe yab yum gnyis rgyal po'i khral
gyis hob te zhes pa'i sa char 'ongs/ snga phyi'i mdzad pa ya
mtshan pa rnams la brten nas yab yum gnyis dogs pa skyes shing/
dpyod ldan gyi skyes bu gzhan rnams kyang

'di rang dga' ba zhig min par 'dug ces gleng ba byung ba'i thog/
nyin gcig glo bur du nged yil gogs na hu thog thu yin zhes gsal
bar gsungs/ dgung lo bcu pa'i skabs rmi lam du mdun gyi nam
mkha' la maM yig kha dog dmar po

'od 'tsher ba zhig 'dug pa'i 'od kyis 'dzam gling gi snod bcud
thams cad gsal bar byed pa byung ba ni byams mgon gyis rjes su
'dzin pa dang 'phrin las phyogs mthar rgyas pa'i ltas su mngon/
dgung lo bcu gnyis pa'i tshe yab rgan dus

chos su gyur par ci 'byor gyi dge ba bsgrubs/ de nas gzhan las
bza' btung sogs bslangs te rgen mo rang gi ma dang 'dra bar drin
che bar dgongs nas shin tu bkur zhing gso bar mdzad pa'ang dam
pa'i ngang tshul yin te/ dpag bsam

'khri shing las/ de skad ma yi sri zhu ni/ /chos kyi mchog tu
bcom ldan gsung/ /zhes pa ltar ro/ /phyogs gzhan la 'tsho ba
slong bar phyin nas phyir ldog pa'i lam du bya khyi ltog pa mang
po gzigs nas gang rnyed de dag la byin te phyir lag stongs

@006a @#/ /du 'ong ba'i dus mang la/ res 'ga' phyag na ster
rgyu'i zas med pa'i tshe btsan thabs kyis bskyugs te de dag la
byin nas tshim par mdzad/ 'di'ang byang chub sems dpa'i sde snod
las sbyin pa la phyi dang nang dang

gnyi ga'i spyin pa gsum du byas pa'i phyi mar gsungs te/ snying
rjes rang dbang med par bskul ba'i mdzad pa ngo mtshar rmad du
gyur pa'o/ /dbu ma 'jug par/ rang sha ster la'ang gus par byas
pa yis/ /snang du mi rung dpog pa'i rgyur yang

'gyur/ /zhes pa ltar spyin pa la lhag par dgyes pa ni nang gi
byams pa dang snying rje'i nus pa rjes su dpog pa'i mtshan ma yin
te/ khwa ta dang skya ga sogs bya rnams kyang mi skrag par sku
drung du bsnyen pa ni/ sngon rnal 'byor pa chen po'i drung du

ri bong gi phrug gu zhig 'ongs nas rtse ba dang/ wa zhig na bza'
la snyom zhing phyi bzhin 'brang ba sogs byams pa goms pa'i
'bras rtags su gsungs pa bzhin no/ /'byor ba chung yang rang
bzhin bzang zhing 'grogs na bde ba/ mgron

gyi bsten bkur sogs la 'bad pa'i dbang gis skye bo drag gzhan
sna tshogs 'du ba zhig yod pas/ nyin gcig mi bcu gsum 'ongs par
ma la bza' btung spyin rgyu'i skul ma byas pa na ci'ang med pas
thabs mi 'dug zer ba la/ mchod

ba'i lhag ro khre dang 'o ma phor chung gang re tsam 'dug pa 'di
btsos nas byin byas par/ 'dis ci'ang mi 'deng bas dgos pa med
byas kyang ngas shes zhes nan gyis 'tshod du bcug ste byin pas
thams cad 'grang yang dngung mi zad pa'i rdzu@006b 'phrul lta bu bstan nas
thams cad ngo mtshar la bkod/ lan
cig mi tshang gzhan zhig gi khyim du gzims pa'i tshe khyim gyi
nang thams cad 'od kyis gang ste yo byang chub du rnams kyang
gsal bar mthong ba na/ de'i bza' mi gnyis kas byis pa

'di'i mthu yin par shes nas gus 'dud byas/ gnas brtan 'dul ba
'dzin pa blo bzang rin chen dpal bzang po las rab tu byung nas
mtshan blo bzang bstan pa dar rgyas su gsol zhing dkyus gcig la
dge tshul gyi sdom pa'ang bzhes te bslab

pa'i gzhi bcus bsdus pa'i tshul khrims legs bar bsrung zhing thos
bsam la'ang skabs gang yod du 'bad pa lhur bzhes pas rgan mo'i
ba de zhes ya rabs tshul bzang gi dper byed pa byung/ longs spyod
kha drag ci'ang med pas gnad

ma go ba rnams brnyas thabs lta bu byed/ dam pa nyid nas nged
kyis slar hob to'i mkhan po byed dgos/ ar dar zer ba'i sa 'dir
yang dgon ba zhig 'debs dgos zhes 'byung 'gyur rjen par gzigs
pa'i gsung drang por phebs na'ang/

skabs de'i snang tshod la de 'dra zhig yod tshul shes byar mi srid
pa lta bu dang/ yid kyi dgu na'ang med pa zhig yin stabs phal mo
che bzhad gad du byed de/ 'jam mgon sa paN gyis/ nang du yon tan
kun ldan yang/ /cha lugs ngan

na kun gyis brnyas/ /gsungs pa'i dper snang ngo/ /'on kyang
'khri shing las/ sprin gyis long yang gza' nang na/ /ku mud ldan
la zla ba sdug /ces gsungs pa bzhin bla ma blo bzang rin chen
dpal bzang po de nyid nas bum nang gi mar me

@007a @#/ /bzhin dam pa 'di nyid nang du nyams rtogs kyi yon tan
la mnga' 'byor ba mkhyen te/ 'di ni skyes bu phal pa zhig min
zhes mthong gzos che bar mdzad cing spyan gyi 'bras bu bzhin du
bskyangs/ dam pa 'di nyid

drung nas dbang rdo rje 'phreng ba zhes rdo rje rnal 'byor mas
a b+hyA kA ra la dngos su stsal ba rgyud sde bzhi'i dkyil
'khor gyi 'khor lo hrag bsdus kyi smin byed dbang gi rim pa
darpan gyi kri ya dang sbrags pa yongs su rdzogs par gsan/ gsang
chen

rgyud sde'i rgya mtshor zhugs nas dngos grub kyi rtsa ba dam tshig
spyi dang bye brag mtha' dag mig gi 'bras bu bzhin du bsrungs/
skabs shig nas u la ya su tha'i mkhar gyi nye 'khor du byon nas
der bzhugs/ dgung lo nyer brgyad kyi skabs nub cig

mnal lam du tshes gsum gyi zla tshes lta bu mang du brtsegs te lha
lam yongs su gang ba'i dbus na dpal rdo rje 'jigs byed kyi phyag
mtshan dgra sta yu ba dmar po rtse mor sna tshogs rdo rje dang
rtsa bar rdo rje rtse lnga pas mtshan pa zhig rmis pa dang/ nyer

dgu'i skabs lug thug dmar po zhes pa'i ri'i g.yon zur du gur
che ba bzhi yod pa'i mdun ma'i nang du dngul dkar las grub pa'i
thab shin tu che zhing brtan la yid du 'ong ba zhig na sol ba
kha shas yod pa rnams dor nas thab de blangs 'ong ba zhig

rmis pa sogs nas bzung snyan grags rgyas te yul mi rnams gus pa
je che dang 'phrin las rje rgyas su song snang bas rnal lam
de'ang bcom ldan 'das gshin rje'i gshed kyi 'phrin las la brten
nas nag phyogs kyi bdud sde pham bar byas te gzhan phan

@007b 'phrin las kyi 'od snang dkar po yar tshes kyi zla ba bzhin
gong 'phel du 'gro ba/ zang zing gi 'byor pa ji tsam rgyas kyang
dkor sgrib kyi rgyur mi 'gyur bar rnam dkar rlabs po che sgrubs
pa thebs su 'khyer bas dad ldan sbyin bdag rnams kyi sdig ltung
lhag med du

bsreg pa sogs kyi mtshon don zhig yin nam snyam/ de nas mkhan po
gru shri chos rje dang/ dben par sgrub pa la gzhol bgu shri mthu
stobs rnam gnyis kyi drung nas lhag lha du ma'i rjes gnang sogs
'dod chos mang du gsan/ dgung lo so gsum gyi

dus rgyal ba'i bstan pa yongs la gzhan dring mi 'jog pa'i
mkhyen pa can nam chi gu shri dpal rdo rje las bcom ldan 'das
rdo rje 'jigs byed/ rta mgrin yang gsang/ spyan ras gzigs sogs
kyi dbang dang/ sgrub thabs rin 'byung gi rjes gnang

yongs su rdzogs pa gsan/ 'di dag gi skabs snga phyi kun tu chos
gsan pa/ dpe cha 'dzin skyor/ thugs dam bzlas brjod/ phyag dang
mchod pa sogs chos spyod rnam bcu ya ma bral bar mdzad pas/ bka'
gdams glegs bam du/ nga thos dus tsa na bsam bsgom bsngo

bsam dus tsan thos sgom bsngo/ /gsungs pa bzhin thos bsam sgom
gsum lhan du mdzad pas gzhung lugs rgya mtsho'i don la mkhyen rab
kyi klong rdol zhing nyams rtogs kyi yon tan dbyar mtsho bzhin du
rgyas/ gdul bya 'phrin las kyang cher rgyas te

dad ldan gyi gra slob sprin bzhin 'dus/ nad pa nyam thag 'ga'
zhig sogs mgon med pa rnams kyi mgon mdzad cing/ legs nyes kyi
blang dor sogs gsal bar lung bstan pas grags snyan gyi rol mo
phyogs kun tu khyab bo/ /khyad bar du dgur lo

@008a @#/ /so drug pa chu byi'i lor byang phyogs skye dgu'i 'dren
mchog rje btsun dam pa'i zhabs la mjal bar dgyes pa'i bka' mchid
mang du gnang zhing brtse gzigs che bar mdzad/ bstan pa'i btsas
su dgongs te

gdan lnga brtsegs rgyab yol dang bcas pa'i gzos sgo dang/ er ti
ni yil gog san mer gen paNDi ta zhes pa'i cho lo gnang/ dngul
dem sogs zang zing gi gnang cha'ang spam mtho bstsal/ rje btsun
dam pa'i bka' lung de la brten

nas phyogs nye ring kun tu yil gogs na ge gen zhes mtshan gyis
khyab par gyur/ chos kyi gdan khrir bzhugs pa'i bla ma che chung
dang/ sde 'bangs stobs 'byor lung las sogs kyis mtho ba'i dpon
khag mang po/ chos don du

gnyer ba'i tshul mthun gyi gra slob/ nad gdon gyis gzir ba'i 'gro
ba nyam thag pa sogs mchog dman kun gyis gtsug rgyan du bkur te
'di phyi'i re sa dang bsod nams kyi zhing sa dam par gyur to/
/sku snga ma'i dus sogs su

7 gong ma bdag po chen pos mi mkhyen kyang skabs 'dir thob tu'i
dmag gi 'go ba am ban tshe dpag zer bas dam pa 'di nyid kyi
mdzad phrin sogs mthong nas gus par yod pa'i thog /kun tu bde
ba'i lha khang gi mkhan pon ro paN

chen ho thog thu 'phos nas de'i tshab cig bsko dgos byung ba'i
tshe am ban gyis gong mchen por/ dam pa 'di nyid sangs rgyas kyi
bstan pa la phan che zhing yul phyogs kyi skye bo thams cad shin
tu gus pa zhig 'dug pas kun tu

@008b bde ba'i lha khang gi mkhan por bskos na e chog ces gre
tsi phul bar dgyes pa'i bka' babs te/ dgung lo zhe drug pa rgan
chen zhes pa chu pho khyi'i lo ston zla ra ba'i yar tshes kyi
dga' ba dang por kun tu bde ba'i lha khang gi mkhan por mnga'
gsol/

sngar nyid nas mkhan sa 'dir bzhugs rgyu'i gsung phebs thog tu
khel bas/ de dus brnyas thabs byed pa rnams kyang 'gyod pa skyes
nas zhabs spyi bor blangs te sangs rgyas dngos kyi 'du shes
skyes/ dgon 'di'i mkhan po snga ma rnams

7 gong ma chen po'i mjal zhu ma nus kyang/ nyid nas zhus bar
dgyes pa'i spyan bskyangs dang gser gyi bka' bzang po babs/
mkhan sa 'dir bzhugs pa nas bzung dur bde/ ja ha ching/ thor
god/ u ri yan has sogs thams cad

kyis bla mar bkur/ ji skad du lung las/ dam pa'i mgon bcas bde
dang chos ldan zhing/ /de yi grags pa phyogs su rgyas par 'gyur/
/zhes gsungs pa bzhin/ bla ma'i thugs rje la brten nas yul
phyogs de rnams su 'ang nad

'khrug mu ge sogs med par bde zhing skyid ba dang rnam dkar dge
ba'i las la brtson par gyur/ tshang mas mgrin gcig tu dam pa 'di
nyid la gsol ba 'debs shing bsngags pa brjod pa lhur byed do/
/sngar nyid kyi sbyin bdag hal ha g.yas

ru'i rA gnyis kyis gtsos pa'i dpon khag rnams nas kun mkhyen
rgyal ba'i dbang po mchog la rje 'di'i 'khrul rabs kyi bka'
rtsom zhus pas 'khrungs rabs bdun tsam gyi gsol 'debs shig gsung
yod na'ang/ skabs 'dir gung

@009a @#/ /tshe brtan rdo rje dang chos mdzad blo bzang bstan
'dzin gnyis kyis paN chen thams cad mkhyen par zhus nas 'khrungs
rabs bcu gsum gyi gsol 'debs rgyas pa zhig bka' rtsom dang/ nyid
la 'bob lcag cha

sogs kyi gnang cha dang bcas gzengs bstod mdzad/ skabs shig har
sha ta'i thor god kyi dpon po bstan skyong dbang rgyal gyi yul
phyogs su 'brum nag mched tshab che bas skye bo mang po sdug
bsngal bar gyur pa'i mgon skyabs la

dam pa nyid phebs dgos par 7gong ma chen po'i gser gyi bka' bab
bzhin phyogs der phebs/ skye bo brgya phrag du ma dus kyi 'jigs
pa las bskyabs te phan bde'i lam la bkod/ so so nas kyang gser
dngul gos dar rkang

'gro sogs bdog pa'i dngos po yod dgu'i mchod sprin rdzogs ldan
gyi sprin bzhin du gtibs/ 'on kyang sangs rgyas bcom ldan 'das
kyi las kyi rnam par smin pa ni ma gtogs so/ /zhes las kyi 'bras
bu dus su smin na sangs

rgyas kyis kyang skyob pa'i thabs med par gsungs pa bzhin dpon
po de nyid sngon gyi 'phen pa zad pa'i las dbang bzlog tu med
par gzigs nas 'di'i srog nged kyis skyob mi nus par 'dug ces
gsal bar gsungs shing/ des yon

phul ba rnams kyang lan gyi tshul du phyir slog ste bdag gir
mdzad/ nyid rang yul du phyir chibs bsgyur phral dpon po de'ang
dus kyi chos nyid du gyur pas thams cad sngar gyi gsung la yid
ches lhag par skyes/ yang skabs shig gong

@009b ma chen po'i bka' phebs te ho pags ra'i thor god kyis char
byon nas de phyogs kyi rje blon sde 'bangs mtha' dag mngon mtho
nges legs kyi lam la sbyar/ dgung lo nga lnga pa lcags mo lug gi
lo 7 gong ma'i gser zhal mjal skabs bstan

'gro la phan 'dog che bar dgongs nas dgyes pa chen pos gser gyi
bka' lung bzang po dang/ gos chen ser po/ byu ru'i rgyan
'phreng/ shing rta ljang gu sogs gnang ste bka' drin tshad med
pas bskyangs/ 'jam dbyangs mi rje'i rnam par rol pa

7 gong ma bdag po chen po zhabs pad bskal pa khri phrag khr
phrag gi bar du brtan pa'i ched dgon pa zhig gsar bzhengs kyi
'phen pa gnang ste/ u yi ya su tha'i mkhar gyi jang jun am
'ban brgyud nas 7 gong du gre'i tsi phul bar bka' lan 'dod pa

bzhin babs pas chu sprel nas bzung las mgo brtsams te/ lha khang
che ba gcig chung ba lnga/ 'du khang sgo khang bcas brgyad ka
rtsig pa shing cha sogs sra zhing brtan pa/ bkod pas thon zhing
gser tshon bzang pos shin tu mdzes pa rnam par rgyal

pa'i khang bzang lta bu dang/ khor yug lcags ri rgya chen po/
lha khang che ba'i nang du dus gsum sangs rgyas kyi sku brnyan
shin tu byon legs/ sangs rgyas 'od srung gi 'phel gdung dang rje
bla ma'i dbu lo sogs ring bsrel rnam bzhis yongs su

gtams pas byin rlabs kyi gzi 'od 'bar ba/ seng khri rgyab yol
sogs kyang gser 'od 'bar zhing rin po che'i phra tshom gyis spa
ba dang/ 'khor nye ba'i sras brgyad/ gnas brtan bcu drug sogs
kyi sku brnyan grangs mtshungs/ ldeb ris la

@010a @#/ /sangs rgyas stong sku/ tshe lha rnam gsum dang sgrol
ljang bzhi'i sku brgya phrag re/ 'du khang nang du rgyal ba rigs
lnga'i sku dang bka' 'gyur cha tshang/ steng gi gnam rgyan la tshe
dpag stong/ chos skyong mang po'i

sku thang sogs dang/ lha khang gzhan rnams la gsang bde 'jigs
gsum sogs yi dam lhag pa'i lha mang po dang/ myur mdzad ye shes
kyi mgon po sogs dam can chos srung mang po sku brnyan rngam
brdzid dang ldan zhing byin rlabs kyi gzi 'od 'bar ba

rnams bzhengs/ zhi rgyas dbang drag gi nyams dang ldan pa'i
rgyal chen bzhi sogs sku thams cad kyang mdo rgyud nas gsungs
pa'i chag tshad dang ldan zhing gzi 'od 'bar bas mig gi bdud rtsi
lta bur bskrun/ lha khang thams cad du mdzod gos gser

ma sogs kyi bla bre dang/ phye 'phur rgyal mtshan ka 'phan sogs
kyis mngon par bkra ba 'ja' 'od 'khyug pa lta bu/ dbyibs legs
'od 'bar rgyu bzo sogs khyad du 'phags pa'i mchod pa'i yo byad
du mtshar du dngar/ phyi ngos kyi ldeb ris la nye

sras brgyad/ grub chen brgyad cu/ nyid kyi 'khrungs rabs bcu
gsum ma/ mchod pa'i lha mo mang po dang bcas go mtshams med par
bris pa sogs mthong thos dran reg don ldan du 'gyur ba'i bkod pa
bla na med pa gnang ste nye zho med par thugs kyi

bzhed pa bzhin grub/ rten brten ba kun gyi rgyu song dang/ las
byed kun la yon sogs gang 'os yid tshim par stsal ba bcas rags
rim phyogs bsdoms bgyis pa dngul srang khri phrag lnga tsam song
bas dad ldan rnams kyis phul ba'i bdog pa mtha'

@010b dag byang chub snying po mchog gi mthas gtugs par smin
pa'i bsod nams mi zad pa'i gter du bsgrubs te 'brel tshad don
dang ldan par mdzad/ na tshod ldan zhes pa shing mo phag gi lo
ston zla 'bring po'i yar ngo gza' skar 'phrod sbyor phun sum
tshogs

dus tshes dge ba la dge 'dun rig pa 'dzin pa'i tshogs dang bcas
pas spyan dbye'i cho ga smin rgyas phyag len rnam par dag pa'i
sgo nas legs par bsgrubs te dam ye dbyer med du brtan par byas/
mjug tu 'cham dang byams pa gling skor sogs

byas pa'i tshe me tog gi 'dab ma'i rnam pa gsal ba'i kha ba cung
zad bab pas sa steng dkar 'jam du byas/ de 'phral nam mkha'
yongs su dangs shing nyi 'od gsal bas bag dro zhing byin chags
pa sogs rten 'brel rang 'grig tu byung/ de nas

hal ha/ dur bde/ ja ha cing/ thor god/ u re yan has sogs kyi
sbyin bdag ser skya drag zhan mang du 'dus pa thams cad kyis lha
khang rnams la phyag mchod/ dge 'dun la bsnyen bkur sogs lha
mchod mi mchod rgya chen po dang/ rje btsun

bla ma dam pa nyid lan bza' nyer spyad/ dngul srang stong rwa
can sogs kyi mchod sprin spros te zhabs pad yul brtan gyi gsol
'debs zhus/ byin rten dang dngos po'i gnang cha sogs gang 'tsham
du stsal te mgu bar mdzad do/ /de ltar bstan

'grol sman pa'i thugs bskyed rlabs po che'i sa bon dus su smin
pa'i 'phrin las kyi yal ga phyogs brgyar rgyas/ zab mo rdo rje'i
rnal 'byor las g.yo ba med pa'i nyams rtogs kyi 'bras bu g.yur
du za/ snyan par grags pa'i dri bsung mngar

@011a @#/ /po byang phyogs kyi 'dzin ma'i khor yug khyab par
'phro/ thabs mkhas thugs rje'i grib bsil snum pos nyam thag 'gro
ba kun la phan bde'i mchog sbyin stsol bzhin par blo bzang rgyal
bstan yangs pa'i dga'

tshal mdzes pa'i rgyan du 'tsho zhing gzhes par bzhugs te/ srid
zhi'i rnam dkar gyi legs tshogs ma lus pa dar zhing rgyas pa'i
skabs su gnas bzhin pa lags so/ /smras pa/ nan cher bskul ba'i
nor rgyas kyis drangs pa/ /bdag blo'i

rin chen ri bo manda ras/ /dam pa'i yon tan chu gser bsrubs pa
las/ /rtogs brjod gsar ba'i zla ba 'di 'khrungs so/ /legs bshad
rdzing bur 'khyil ba phyogs dang mtshams/ /gang du drangs kyang
chil chil 'bab pa las/ /ngo mtshar

lbu ba dkar po'i 'phreng dkrigs pa/ /ched du brjod pa'i nyal
'gro'i rgyun 'di babs/ /rnam pa gsum gyis bskal pa'i bshul ring
lam/ /yid ches lung dang bden tshig mkhar ba la/ /brten nas sdeb
legs gom stabs bskyod pa 'dir/ /

nongs pa mchis gang mkhas pa'i tshogs la 'chags/ /rlabs chen
thugs bskyed yu ba rab brtan cing/ /des legs dbang gi rgyal po'i
tog mdzes pa/ /bshes gnyen dam pa'i mdzad bzang gdugs dkar po'i/
/bsil bar byang phyogs skye dgus

ngal gso mdzod/ /gnam sa'i khor yug 'gengs par gdangs pa'i zhal/
/srid gsum dgra bgegs kham du byed pa yi/ /srung ma ye shes
spyan ldan tshogs rnams kyis/ /bstan dang bstan 'dzin skyong ba'i
byar mdzod/ /'dren

@011b mchog zhabs pad rdo rje'i gshis su brtan/ /mdzad 'phrin
'od snang sa gsum kun tu khyab/ /'jam dpal snying po'i ring lugs
phyogs mthar rgyas/ /rdzogs ldan gsar pa'i dga' ston 'phel gyur
cig /rtse gcig gus pa lhur len slob ma'i

tshogs/ /rgyal blon 'bangs bcas tshe rabs 'phreng ba ru/ /bla ma
mchog gis 'bral med rjes bzung ste/ /yang dag lam gyi bgrod pa
mthar phyin shog /ces byang phyogs bstan 'gro'i phan bde'i rtsa
lag dam par gyur pa yi la gog san er ti ni

mer gan paNDita ho thog thu blo bzang bstan pa dar rgyas kyi
rnam par thar pa nor bu'i me long zhes bya ba 'di ni bstan pa'i
gsal byed dpa' ris zhabs drung er ti ni mkhan po ngag dbang
mkhyen brtse sogs thur chen dgon thos bsam dar rgyas gling

gi bla spyi thun mong nas snga phyir yang yang bskul zhing/ chos
rje blo bzang dkon mchog ngo g.yog ched gtad kyis 'ongs te
bskul ba bzhin/ 7btsun pa dkon mchog bstan pa'i sgron mes rgyal
ba'i lung gis zin pa'i chos grwa chen po bshad

sgrub bstan pa'i 'byung gnas dpal ldan bkra shis 'khyil du sbyar
ba'i yi ge pa ni sngags ram pa ratNa A nantasa bgyis pa 'dis
kyang sarba pra dza kA le Shu shri yaH shu b+ha mastuH//