@001a @#/ /nges pa don gyi mkhas grub chen po mkhas grub bstan
'dzin pa'i rtogs pa brjod pa legs tshogs sgo ba byed ces khyab
bzhugs so/ /

@001 @##/ /mtshan dpe'i dpal gyi cha shas yongs gang phyag rgya'i
ri dwags gzugs kyis mdzes/ /dmigs med mkha' la bde chen snying
rje'i sgyu 'phrul rlung gi bgrod pa brten/ /rnam pa kun

tu 'phel 'grib snang bas 'gog pa med par rtag 'chang ba/ /rdo
rje 'chang dbang zhabs skyes kunda dad pa'i zur phud rgyan du
rol/ /de nyid dur smrig 'chang ba'i zol brten pa/ /'jam dbyangs
bstan pa'i padma bzhad

pa'i gnyen/ /'jigs med dbang po srid zhi'i gtsug gi rgyan/ /deng
nas byang chub bar gyi mgon mdzod cig /yon tan kun gyi gzhir
gyur drin can rje/ /tshul bzhin bsten pa lam gyi rtsa ba ru/
/legs par

mthong nas 'bad pa du ma yis/ /gus pa chen pos tshul bzhin bsten
pa las/ /de yi 'bras bu rgyal ba'i dgongs pa bzhin/ /thun mong
lam gyi gtso bo rnam gsum dang/ /gsang chen rim gnyis rnal 'byor

@002a @##/ /mthar son pas/ /mkhas pas shing grub bsnyes bstan
'dzin mchog der 'dud/ /khengs dreg 'dod pa'i phyogs sum lhung
bas/ /nor bzang ba ched zlar gyur pa de yi gtam/ /rang bzhin

gsong por brjod pa'i bden tshig gis/ /thar 'dod 'jug ngogs ma nor
dbye bar bya/ /de yang sngon rgya gang 'phags pa'i yul du mkhas
shing grub pa'i skyes bu bsam gyis mi khyab pa byon pa rnams
bstan pa'i byung rim lta bu

spyi'i lo rgyus kyi khongs su thor bu thor bur byung ba'am/ rnam
thar dang 'brel ba'i bstod pa nyung shas re dang/ gdams pa'i
brgyud rim lta bur byung ba rnams khog bsgrigs te/ rnam thar gyi
ngag rgyun tsam byung ba

las paN grub re re bzhin gyi rnam thar so sor bsgrigs pa'i srol
ma byung ngo/ /'on kyang de'i tshe gdul bya rnams dbang po rno
bas phyogs re re tsam gyi sgo nas kyang bla ma'i yon tan dpog
nus shing/ skyes bu dam pa de dag gis

@002b kyang rgyal ba'i bstan pa 'chad rtsod rtsom gsum gyi sgo
nas spel ba'i bshad rgyun dang/ zab mo'i rtogs pa mngon du gyur
pa'i grub 'bras sogs bstan pa la phyag rjes rgya cher bzhag pa
dang/ de la brten pa'i grags snyan 'jig

rten kun la ri mor bris pa bzhin du gnas pas rnam thar gyi yi ge
logs su bkod pa lam ltos so/ /de nas dus kyi lang tsho rim gyis
snyigs ma'i mtha' la gzhol bas/ dam pa dang dam pa ma yin pa'i
bye brag byed pa nyung bar

gyur pa na/ skyes bu dam pa rnams kyis de'i dbye ba shes pa
dang/ bshes gnyen la dad pa 'phel zhing de'i mdzad pa'i rjes su
slob pa'i phyir bla ma so so'i rnam thar re bsgrigs pa'i srol
phye ba yin par snang/ de las kyang da dung

ches shin tu snyigs mar gyur pa na skye bo rnams blang dor 'byed
pa'i blo'i nus pa chung zhing/ chags sdang gi kun rtog g.yo
ba'i phyogs su lhung ste dgra 'dul gnyen sbyong dang/ zang zing
gi 'du 'gong tsam la snying por byed

pa'i ngan rtog 'dod pa'i phugs su 'tshang ba'i rang mdangs kyis
bla ma'i rnam thar sgrig tshul sogs kyang srid kyi khe grags kho
na rtsal du bton pa'i gtam gyi sbyor ba mang du spro bar snang
ba ni blo gzu bor gnas shing blo gros kyi rtsal

dang ldan pa rnams mgu bskyed pa'i thabs su mi 'gyur te/ paN
chen thams cad mkhyen pa blo bzang chos kyi rgyal mtshan gyis/
skyon mang dug gi tsher ma'i tshogs 'khrigs kyang/ /yon tan yongs
'du'i tshul bzhin

@003a @#/ /sgro btags te/ /dbyar skyes rnga gsang stong ltar cher
sgrogs ba'i/ /rnam thar tshul la kho bo yid mches/ /dam pa'i
snying la 'jigs pa sbyin byed pa/ /dug gsum chang gis

rab tu myos pa yi/ /zlos gar mngon par bsgyur kyang tshul bstan
zhes/ /yol ba'i phag tu 'chel la'ang bdag mi dad/ /mdo rgyud dam
pa'i gzhung dang bstun pa na/ /mngon mtho'i 'bras bzang bskrun

pa'i sa bon kyang/ /rnam par myags mdo 'on kyang kun mkhyen du/
/rlom zhing gsal bar sgrogs la'ang bdag mi mgu/ /gti mug mun pas
yid bslad ngo tsha bral/ /bag med smyon pa'i rnam

'gyur sna tshogs kyang/ /theg mchog gsang ba'i rnal 'byor spyod
pa zhes/ /gya gu'i rnam thar tshul la'ang bdag mi mos/ /chags
sdang ba rling po'i thugs rgyud zho 'thung bu'i/ /rus par 'gran
kyang

gsung 'jam zhi dul tsan/ /dur smrig gis mdzes tsher ma dar gtum
can/ /'phyon ma'i rnam thar tshul la'ang bdag mi dga'/ /zhes
gsungs ba ltar ro/ /des na sngon gyi dam pa rnams kyi mdzad pa

rnam thar ni/ 'ga' zhig gis dal 'byor rnyed dka'i chos skor la
rtsal du bton pa'i khungs nas sa lam gyi rtogs pa gzhan thams
cad rdol blta bu/ la las mi rtag pa kho na gtso bor bsgom pas/
de la myong ba

@003b thon pa na des sna drabs tshe lam gyi rtogs pa gzhan thams
cad rtsol ba med par skyes ba lta bu/ 'ga' zhig la rang gi sems
nyid ngo sprad pa na de'i shugs kyis sgro 'dog thams cad lhag ma
med par chod de grub pa'i go 'phang 'thon por gyur pa sogs gdams
pa rang

rang gi bka' babs mi 'dra ba'i lo rgyus sna tshogs yod la/ dpal
nA ro ba/ mnyam med jo bo chen po/ /'brom ston rgyal ba'i
'byung gnas/ mi la bzhad pa'i rdo rje sogs phal cher bshes gnyen
dam pa dka' ba brgya phrag gi sgo nas bsam sbyor gnyis kyis tshul
bzhin

du bsten pa kho na lam gyi srog tu byas pa'i stobs kyis lung
dang rtogs pa'i yon tan ma lus pa'i gter du gyur cing/ rnam par
dkar ba'i 'phrin las sa steng kun tu khyab pa byung ngo/ /des na
theg pa che chung mdo sngags gang gi dbang du byas kyang yang
dag pa'i lam gyi

rtogs pa khyad par can skye ba la de'i rmang gzhi lta bu lam gyi
rtsa ba bshes gnyen bsten tshul 'di nyid la chig dril du 'bad
dgos pa ni rgyal ba'i dgongs pa mthar thug yin te/ chos yang dag
par sdud pa las/ sangs rgyas chos rnams dge ba'i bshes la bsten
to

zhes; ;yon tan kun gyi mchog mnga' rgyal ba de skad gsungs/
/zhes ston pa yang dag par rdzogs pa'i sangs rgyas kyis kyang
thog mar rgyu bshes gnyen bsten tshul phyin ci ma log par nyams
su bstar ba de'i 'bras bu rang rgyud la spangs rtogs kyi yon tan
mthar phyin

pa brnyes te/ rang gis ji ltar mngon du mdzad pa'i thabs kyi rim
pa de nyid gdul bya rnams la ston pa mdzad pa yin no/ /sngon
byon dam pa'i skye bo de dag gi rnam par thar pa ji lta ba bzhin
du bdag nyid chen po 'dis kyang da lta'i skye bo yang dag pa'i

@004a @#/ /lam gyi rmang gzhi 'gram rtsa zad pa'i khang rul bzhin
du gyur pa la ci yang mi sems par man ngag zab zab mo kho na la
mtho snyegs su byed pa'i lugs dor te/ thog ma kho nar mgo bshes
gnyen bsten tshul 'di la rten 'brel

gyi cha phra mo tsam yang ma 'chug bar gzhon nu nor bzang gi
rnam thar las 'byung ba bzhin du phyag len la 'debs par mdzad pa
ni/ rnam par thar pa gzhan thams cad kyi rtsa ba dang snying po
lta bur snang bas/ de'i gnas tshul gyi gzhung bsrings zhing/

de la brten nas lung rtogs kyi yon tan brnyes tshul dang/ bstan
'gror phan pa rlabs po che mdzad pa sogs yan lag gi tshul du byas
te 'god par bya'o/ /de la gang du 'khrungs pa'i gnas ni mdo smad
lho rgyud kyi sa'i cha mdzod dge smad du grags pa'i

nang tshan ru stod ma'i shog tu yab mdzod bsgom pa rgyal dang/
yum 'brug mo skyid gnyis kyi sras su chu mo phag gi lor sku
'khrungs/ yab yum gnyis ka yang rang bzhin gyis chos la dkar
zhing gyis chos la dkar zhing sdig spyod la 'dzem pa sogs ya
rabs kyi ngang

tshul can gnyis yin la/ 'byor pa ha cang mi che yang dbul pas
nyam thag pa yang ma yin pas bar mar gnas pa zhig ste/ de yang
'dul ba lung las/ ha cang phyug po'i khyim dang ni/ /dbul ba'i
khyim du mi bskye bar/ /bar ma'i khyim du skye

'gyur zhing/ /rtag tu rab byung mang bar shog /ces mtha' gnyis
kra mi gnas pa'i khyim de lta bur skyes pa ni rab tu byung zhing
chos sgrub pa dang rjes su mthun par sangs rgyas bcom ldan 'das
kyis bsngags par mdzad do/ /lhums su gnas

@004b skabs yum gyi rmi lam du dge slong dbang phyug seng+ge zer
bas gser gyi rdo rje 'od 'tsher ba zhig gtad de 'di la gtsang
spra legs par gyis zhes zer ba dang/ yul mi gzhan 'ga' zhig la
yang rmi ltas ngo mtshar ba ci rigs byung zhing/ khyad par sku

'khrungs pa'i mtshan mo der khu bo rgyal mtshan zer ba'i dge slong
ba sgres po rje btsun ma sgrol ma yi dam gyi lhar bzung ste
rgyun du bsnyen sgrub la 'bad pas/ byin rlabs kyi rtags mtshan ci
rigs thob pa zhig yod pa de'i rmi lam du sgom brgyal tshang gi

khyim gyi phun ston pa'i gser sku zhig bzhugs pa la mi mang pos
mjal zhing/ rgya mo'i cha byad can gyi bu mo 'ga' zhig gis khrus
gsol byed pa rmis te/ phyir nyin zhog ka de'i gnas tshul bshad
bzhin pa'i thog tu sgom ba rgyal 'ongs te/ nged la bu

chung zhig skyes yod pas der khrus shig byed dgos byas par/
khong yang ya mtshan du gyur te/ de ma thag dga' bzhin du song
nas rdo rje rnam par 'joms pa'i gzung chus khrus dang mnol bsang
bdug pa sogs byas/ pha ma gnyis la yang gtsang sbra

gal che tshul nan tan gyis bshad/ rmi lam rjes ma 'di ni 'byung
'gyur dang mthun pa'i mtshan ma don chen po dang ldan pa zhig tu
mngon te/ lung rnam 'byed las/ rgyal ba ston pa de yi bstan bcos
ni/ /mdo dang chos mngon yin gsungs 'dul ba ni/ /

ston dang bstan pa nyid yin/ /zhes dang/ so sor thar pa'i mdo
las/ nga ni mya ngan 'das 'og na/ /'di ni khyod kyi ston pa
zhes/ /rang byung nyid kyis gus bcad par/ /nan tan dge slong
tshogs mdun bstod/ /ces rjod byed 'dul ba'i

@005a @#/ /sde snod dang/ /brjod bya lhag pa'i tshul khrims gnyis
ni bstan pa'i gzhi dang ston pa'i dod du gsungs la/ de'i rgyu
mtshan gyis 'dul ba 'dzin pa chen po dag la mnyam med thub pa rin
po che'i chos kyi rgyal tshab tu dbang bskur

ba zhes 'dul ba'i sde snod kun tu bsngags pa rgya cher mdzad
cing/ khyad par du gso sbyong gi gzhi las/ 'dul ba 'dzin pa
dang/ mdo sde 'dzin pa dang/ ma mo 'dzin pa/ zhes pa nas/ ston
ba 'das pas de'i bstan pa la 'di ni ston pa dang/

'di ni rten yin te/ zhes thub pas sangs rgyas bcom ldan 'das kyi
gdung 'tshob tu gsungs pa dang/ sku brnyan yang kun rdzob pa'i
sangs rgyas zhes sangs rgyas kyi snod du byas pa 'brel shin tu
mtshungs so/ /yum gyi rmi lam yang skabs der yul

phyogs su bu tshong cher ma dan ba'i dus yin pas rmis pa bden
nges yin la/ de lta na rje'i rnam thar sogs su'ang 'byung ba
ltar don shin tu che'o/ /chung du'i dus nas byis pa phal ba dang
mi 'dra bar sbyor ba gtsang zhing mthong na yid du 'thad pa zhig
yod

pas; thams cad kyis kyang 'di chos kyi bag chags can zhig tu
'dug ces gleng ba byung/ rim gyis skyed bsrings te cung zad nar
son pa na ne'u ldang rnams dang lhan cig rtsed mo byed pa'i ste
yang g.yam pa sgor mo'i steng du dkar gong spungs bas maNDal

'bul ba sogs skabs der mthong 'dris 'ong don med pa'i chos mthun
gyi rtsed mo sna tshogs byed pa byung/ 'di ni sngar sgrub pa la
gzhol ba dang/ sku tshe 'dir yang sgrub pa'i rgyal mtshan bsgrengs
par 'gyur ba'i rten 'brel gnad can zhig ste/
@005b kha cig nga la rta 'di 'dra yod/ /gnyer pa 'di 'dra yod
zer ba dag las bag chags gong mar gyur pa zhig go/ /dgung lo
brgyad pa lcags rta'i lor bar ma rab byung gi tshul khrims bzhes
shing mtshan bstan 'dzin seng ge btags/ /skabs den bsrung bya'i

mtshams sogs dri ba'i yul 'phral du mi rnyed pas thugs 'tshor
zhing la las 'di ltar byed mi rung zer bar byung bar/ de ma thag
nas dga' bzhin du de'i tshig dang du blangs te sbong ci thub
mdzad/ 'di ni skye ba'i phreng bar 'chal tshul spong ba la goms
pa ngang du gyur pa'i

rnam thar te/ da lta 'dul ba'i gzhung lugs rgya chen po la
sbyangs pa mthar son du rlom pa mang po yang/ gang na gnang ba'i
cha zhig yod snyam du yang cha 'ba' zhig gi sgrub byed tshol ba
ni phugs rul ba'i rtags yin pas/ lag len dogs mtha' nas byed

dgos par kun mkhyen mtsho sna ba dang/ rje yab sras kyis gsungs
so/ /klog slob phan yang klog gi slob dpon de la gus pa che
zhing/ des gang gsungs thams cad do gal chen pos thugs la bcings
te brtson pa lhur mdzad pas/ ma 'gyang bar phral

klog sbyar klog kun la byang zhing/ de'i zhar byung la yul
phyogs su dar cha che ba'i chos spyod sogs kyang phal cher thugs
la chud par mdzad/ klog gi slob dpon de nyid rjes sor 'das pa'i
skabs su gnas der bzhugs med kyang/ gsan ma thag tu phebs

nas gdung gi zhabs la 'jus te/ mchi ma'i rgyun bcad par dka'
ba'i gdung shugs drag po dang bcas smon lam dang gsol ba btab/
phyogs dpen par gdung gi cha thams cad dri bzang gi chus legs
par bkrus te gnas yig 'god pa sogs bkur sti'i rim

@006a @#/ /gro phal pa'i blor mi shong ba lta bu mdzad/ da lta
mtha' dbus kun tu klog gi slob dpon la bla mar brtsi ba shin tu
dkon pas/ chos la 'jug pa'i thog ma rang nas de'i rten 'brel
rnam pa gzhan du 'gro ba mang yang/ dam

pa 'di ni gzhan gyis bcos pa la ma ltos par/ de la yang bla mar
'dzin pa zhig shugs 'byung du yod pa ni/ skye bo col chung bkra
shis dang dge mtshan gyi lta ba la goms pa 'ga' zhig /chu zom re
dang phrad btsam la rten 'brel 'grig par sgrogs

pa lta bum yin par rje bla mas gsungs pa bzhin/ de ni 'di phyi'i
legs tshogs ji snyed pa'i rten 'brel legs par 'grigs pa kho na
yin no/ /des na bdag legs su 'dod pa rnams kyis klog slob pa'i
slob dpon la yang shin tu gus par bya dgos te/ slob

dpon a nus/ bslab pa kun gyi gzhi 'dzin cing/ /rig byed smra ba
rnams kyi rgyu/ /ming tshig brjod pa kun gyi gzhi/ /yi ge'i sbyor
ba bshad par bya/ /gsungs pa bzhin thos bsam sgom pa mtha' dag
'di'i steng nas byed dgos pas bka'

drin ngos zin par gyis shig /klog pher ba tsam ma yin par sum
rtags la yang zhib thigs su sbyangs pas/ sngon 'jug rjes 'jug
pho mo ma ning gi dbye ba sogs gtsug lag gi gnad la go ba gting
tshugs ba byung/ byis pa chung ngu'i dus

nas snga ma'i las 'brel gyi dbang gis rje btsun 'jam pa'i
dbyangs la lhag par dad pa che ba zhig yod pas/ lan cig sman pa
zhig gis sman 'thu bar mngags pa na/ gzer 'joms me tog kha dog
dmar ser can gyis ri klung thams cad gang ba'i

@006b phyogs gcig gzigs pa'i rkyen gyis rje btsun 'jam dbyangs
kyi sku'i rnam pa dang/ de'i zhing khams sogs rjes su dran pa'i
dad gus kyis bsu g.yo ba byung/ 'di ni sngon bcom ldan 'das kyi
dus na tshogs su me tog sngon po brims pa snang ba'i rkyen gyis

snga ma'i bag chags sad de zad par sngon po'i ting nge 'dzin
grub pa'i byung ba dang cha 'dra'o/ /na tshod gzhon nu'i skabs
der yang res 'ga' rje btsun 'jam dbyangs kyi sku'i rnam pa yid
la byas pa na phyogs mtshams thams cad 'jam dbyangs kyi sku che
chung sna tshogs kyis

go mtshams med par gang nas bzhugs pa'i nyams dang/ yang spyan
ras gzigs kyi sku'i rnam pa yid la byas pa na/ snga ma'i snang
ba gnas gyur te spyan ras gzigs kyi sku de lta bus gtams pa
dang/ de bzhin du phyag rdor gyi sku de 'dra bas yongs su gang

ba sogs phal mo che zhig zhal gzigs su sgrogs pa'i tshod kyi
snang ba de 'dra ba nar mar 'byung ba zhig yod kyang/ dam pa 'di
ni thugs shin tu sgam pas de la mtshar du mi 'dzin par/ dper na
rgyang ring po'i grong la sogs pa'i bkod pa yid ngor lam gyis

shar ba dang 'dra bar nyams dang don spyi'i snang ba tsam yin
pas/ gtad pa cher med dgongs te btang snyoms su 'jog pa gnang/
dgung lo bco brgyad pa lcags 'brug gi lo/ /mkhas pa dang grub pa
ma lus pa'i gtsug gi nor bu/ /khams gsum

chos kyi rgyal po skyabs mgon rdo rje 'chang rje btsun dkon
mchog 'jigs med dbang po mdzod dge'i dgon par chibs kyi kha lo
bsgyur ba'i tshe zhal gyi dkyil 'khor mjal pa na/ lan gcig ma yin
par rigs kyi bdag por gyur pa'i bag chags kyis tshad med pa'i

@007a @#/ /mos gus drag pos yid rang dbang med par g.yos te dad
pa'i mchim 'khrug cing lus kyi ba sbu g.yo ba byung/ dam pa
nyid kyi zhal nas kyang/ de skabs skyabs mgon rin po che'i zhal
mjal ma thag tshe 'di

snang gi shes pa 'gag 'gro ba lta bu'i dad pa skyes shing/ de
nas bzung ste nyin mtshan thams cad du kun mkhyen 'jam dbyangs
bzhad pa brjed ma myong zhes gsungs 'dug pa ni rnam dpyod can
zhig gis bltas na ngo mthar ba'i rnam thar chen

po yin te/ 'di'i dad pa skye tshul yang/ da lta'i skye bo rgod
pa'i kha la bltas na rgod bre zhing/ ngu ba'i kha la bltas na
ngu bro ba rnams kyi dad pa g.yam la rgyug gi dga' lhang lhang
ba de tsam ma yin par/ slob dpon 'phags pa

lhas; gzur gnas blo ldan don gnyer ba/ /zhes gsungs pa ltar/ blo
gzu bor gnas pas tshe 'di snang gi bya byed sogs rang gi 'dod
dbang thams cad rbad chod byas te/ sgo gsum gyi bya ba mtha' dag
bla ma'i dbang du bzhag nas

bdag nyid bran du dbul zhing de'i rjes su 'jug pa/ ci gsung gi
mtshams las mi 'da' ba ni snod ldan slob ma'i mtshan nyid kyi gtso
bo/ yon tan thams cad bsrung zhing 'phel bar byed pa'i rmang
gzhi'i dad pa rnal ma'i skye tshul yin no/ /der

ma zad nyin mtshan kun tu bla ma brjed ma myong gsung pa yang dam
pa'i rang rtags bla na med pa yin te/ dper na bka' gdams kyi dge
ba'i bshes gnyen rmog lcog pa'i zhal nas/ spyan ras gzigs dkar
na dkar/ kyai rdo rje sngon sngo/ rje

@007b btsun ma rang dmar na dmar/ da ni gang du gnas kyang bla
ma'i snang ba dang 'bral ma myong bas tshe gcig gi sangs rgyas de
da yong ba 'dra zhes gsungs pa bzhin no/ /de nas mdzod ge'i dgon
pa spyis gsol ba btab pa bzhin skyabs mgon rdo rje

'chang rje btsun 'jigs med dbang po nyid dkyil 'khor gyi 'khor
lo'i bdag por bzhengs te/ bcom ldan 'das dpal rdo rje 'jigs
mdzad lha bcu gsum ma'i smin byed dbang gi rim pa sta gon dang
bcas rgyas par stsal ba'i dbang gral du

bzhugs nas legs par gsan/ de skabs ban gzhon dkyus ma'i gras yin
pas mtha' gral tsam las ma thob kyang legs par bsgrims te gsan
pas dbang brda ji bzhin par 'phrod/ bla ma 'di lta bu dang sa
khyad nye ba 'di nas da bar du ma

mjal bar sa 'og du bsdad pa e yin snyam gdung ba drag po dang/
gsung bshad phyag len kun gyis yid gting nas phrogs pas mos gus
spel mas mchi ma yang yang 'chor 'byung/ chos nyan pa bla dpon
che dgu mang po yod kyang/ sgra ba sgyur mar

pas; mgron gyi gtso bo a po mthu chen yin gsungs pa dang/ skyo
ston bsod nams bla mas/ don gyi dbang de la bsgron gyis thob
song/ tshig gi dbang de khyed rang rnams nyon gsungs pa ltar/
dbang gi rtogs pa rnam ma skyes pa'i rdo rje

slob ma mchog tu gyur pa ni 'di nyid yin pa slar rim pas gsal
bar gyur pa de yin no/ /de nas dgung lo nyi shu tsam la yongs
kyi dge ba'i bshes gnyin 'dul ba 'dzin pa chen po mkhas grub rin
chen pa'i zhal snga nas kyi drung nas 'og ma rnams bskyar

@008a @#/ /bsgrub kyi thog tshigs snga ma dge tshul gyi sdom pa
yang dag par bzhes te mtshan mkhas grub bstan 'dzin du btags/
dngos blangs las 'das pa'i pham 'dra dang bshags bya'i nyes byas
rnams dang/ blangs pa'i

phyogs mthun gyi bsdam bya'i nyes byas/ ltung med so so'i dmigs
bsal sogs/ /mdor na gzhi bcu las gyur pa'i gnang bkag gi bcas
mtshams phra zhing phra ba mtha' dag dri gtug zhib tu byas te
phyag len la btab/ chos mthun gyi

spyod pa rnam par dag pa la bshes gnyen pa yang thugs shin tu
dgyes te spyan gyi 'bras bu bzhin du bskyangs/ dam pa de nyid
kyi drung du bzhugs te lo mtshams mdzad nas nyin re bzhin tsha
rting khar byang chub bde lam gyi steng nas khrid dmigs gang

'tsham re gsan/ de'i nyams rtogs go bsdur gyis gegs sel bogs
'byin gyi sgo nas rgyud dang 'byor nges gnang ste/ yang khrid
kyi 'phro skyong ba sogs mdor na 'jam dpal zhal lung las/ blo
gsar ba la dge rgan gyis sbyor gzhung

mdzub khrid byed pa lta bu'i bcas bde sla chos sum song ba dgos
par gsungs pa ltar/ bshad lung la khrid du btags pa tsam ma yin
par sman pa mkhas pas lag len ngo sbrod byed pa lta bu dmar
khrid kyi lugs su gsan cing skyong bar mdzad/

rdor sems sgom bzlas dang 'brel pa'i yig brgya 'bum phrag sogs
sngon 'gro'i chos bzhi la nan tan mdzad cing/ khyad par bshags
sbyang la 'grus bar mdzad/ thun mtshams su bka' gdams pha chos bu
chos sogs dam pa gong ma bdag po'i rnam

@008b thar la gzigs rtogs dang/ srod tho rangs gnyis su yig drug
gi rnal 'byor gtso bor byas/ ri bo dge ldan pa'i bstan 'dzin
chen po mtha' dag gi rnam thar phyag bzhes la zung 'jug ngor
bu'i gling du bgrod pa'i lam gyi ded dpon lta bur

dpal rdo rje 'jigs byed chen pa'i bsnyen sgrub rnam par dag pa
re sgrub pa'i sngon 'gro lta bur byed dgos pas/ lo mtshams kyi
mjug gi cha la de'i bsnyen pa kha skong gi sbyin sreg dang bcas
grangs bsags pa tsam ma yin pas gnad du 'gro nges pa

gnang; mtshams grol nas rang yul du phebs te lo shas dgun gyi
ring la sku mtshams dang/ ston dbyid kyang zla mtshams re lta bu
mchag par byes/ skabs shig tu skyabs mgon rdo rje 'chang chen
por mjal rgyu'i don la ched gtad kyis bkra shis

'khyil du phebs/ mtshan mo rmi lam du 'jam dbyangs dmar ser gyi
sku shin tu byon legs 'od zer 'phro ba zhig dang mjal bar rmis/
phyi nyin mjal khar phebs pa na gzims 'gag pa rnams kyis gzhan
ma'i mjal ba che phra rnams nang du mngags

kyang; 'di ba yun ring por bkag ste nang du ma btang/ thabs
mkhas kyi zhu ba nan tan byas kyang tshig rtsub mos spyo ba sogs
'o brgyal shin tu che bar byung/ 'on kyang sdong po bkod pa las/
'di ni bdag gi dge bshes chos smra ba/ /chos kun

yon tan yongs su ston byed de/ /byang chub sems dpa'i spyod lam
yongs ston pa/ /yin zhes sems gcig bsam nas 'dir 'ongs so/ /'di
dag bskyed pas bdag gi ma lta bu/ /yon tan 'o ma ldud pas ma ma
'dra/ /byang chub yan lag yongs

@009a @#/ /su sbyong ba yin/ /dge bshes 'di dag gnod pa rnam par
bzlog /rga shi thar byed sman pa lta bu ste/ /bdud rtsi'i char
'bebs lha dbang brgya byin 'dra/ /zla nya lta bur dkar po'i chos
kyis rgyas/ /zhi

ba'i phyogs ston nyi ma gsal ba 'dra/ /dgra dang grogs la ri bo
'dra ba ste/ /rgya mtsho bzhin du mi 'khrugs sems dang ldan/
/yongs su skyong dang mnyan pa 'dra ba zhes/ /de 'dra'i sems
kyis nor bzang 'dir 'ongs so/ /byang

chub sems dpa' bdag gi blo skyed pa/ /sangs rgyas sras po byang
chub skyed byed pa/ /'di dag bdag bshes sangs rgyas bsngags pa
zhes/ /de ltar dge ba'i sems kyis 'dir 'ongs so/ /zhes gsungs
pa'i don bzhin dge ba'i

bshes gnyen dang mjal ba'i phan yon sgo du ma nas gzigs pas
thugs drangs te/ de dag gi byed spyod sogs la thugs snang ci
yang med par bla ma dang nam zhig mjal snyam pa'i 'dun pa rtse
gcig gis yun ring por sgug sdod byas/

mtshams shig la gzhan gyi mjal ba mang po zhig nang du btang song
ba'i rjes la zhan nas phebs pas bka' chos shig gnang rgyur chos
nyan pa mang du 'tshogs yod pa de'i phyi mtha'i sgo 'gram zhig tu
bzhugs pa na/ skyabs mgon rdo rje 'chang

nas gzigs te sku mdun pa zhig la bka' phebs nas nang du bos te
chos nyan pa'i mdun gral zhig tu 'jog par mdzad/ 'jam dbyangs
dmar ser gyi rjes gnang zhig gnang byung bas bla ma 'jam pa'i
dbyangs dngos su mthong ba'i mos gus dang

@009b dga' skyo 'dres ma'i nyams kyis snang ba bun long du gyur
te/ yab sras mjal ba'i rtogs pa brjod pa'i 'khri shing las/ ku
bai ra sogs smin ma g.yo ldan pas/ /der ni mngon par 'jug 'dod
bzlog gyur pa/ /bzhin ni mdzes bral brjod pa

'khrug gyur pa'i/ /sa bdag mchog tu gzi byin med par gyur/
/rgyal ba'i bka' yis de dag rnams kyis btang/ /ci zhig ltar stes
de mdun sa gzhi thob/ /zas gtsang spyi bos de la phyag 'tshal
nas/ /de yi mdun na rab dang sems

kyis gnas/ /zhes gsungs pa lta bu zhig byung/ tshul 'di ni sngon
khyad dge'i dpon slob rin po che kun mkhyen 'jam dbyangs bzhad
pa mjal bar phebs skabs gshin rje'i gshed dmar po dang mjal ba
zhig rmis pas/ rjes sor mi tra'i dbang gi

mgo de nas brtsams te gnang ba dang 'grig pa ltar/ nges pa'i don
du bla ma dang gtso bo tha mi dad pa las gsang sngags zab mo
nyan pa'i rdo rje slob ma mchog tu sgrub pa'i gtan tshigs 'khrul
pa med pa'o/ /de phyin chad kyang skyabs mgon mchog dang

nam mjal res kyis 'jam pa'i dbyangs rmi lam du 'byung ba zhig
yod la/ bka' chos kyi thog ma yang 'jam dpal gshin rje'i gshed
kyi dbang nas brtsams pa sogs blo'i nor can rnams kyis brtags na
gung bsgrig rgyu mang du yod dam snyam/

de nas nyams mgur gyi khrid/ sman chog bsdus pa'i lung sogs chos
bka' gzhan yang ci rigs gsan te phyir phebs/ rtsa ba'i bla ma
dgon li mkhas mchog rin po che yun ring por bsnyung tshul bzhes
skabs nyin mtshan med par bsnyung g.yog gang

@010a @#/ /drag sus kyang do zla mi thub ba zhig gnang/ sngar
tshogs bsags sgrib sbyang ji tsam 'bad pa las kyang da res kyi
bsnyun g.yog byas pa de sgrib pa dag tshab dang/ byin rlabs 'jug
tshab bla lhag tu che ba'i rtags mtshan mang du byung ba na/

bla mas 'di ltar gnang ba 'di bdag gi sgrib pa 'dag pa'i thabs
kho nar 'dug dgongs te lhag par dad pa je 'phel dang/ dka' spyad
la sbro nyams tsha bas gdung ba'i glang chen ba da mtshor 'jug pa
lta bur gyur/ bla ma yang rgyun par jo bo bka' gdams pa'i

rnam thar bzhin yon tan thams cad bum nang gi mar me ltar sbas
pa kho na mdzad kyang/ skabs der slob ma'i rgyud shin tu dag par
gzigs pa'i dgos dbang dang/ ha cang mnyes pa'i stobs kyis gsang
ba'i rnam par thar pa du ma lhug par gsungs shing 'byung 'gyur

gyi don la bslab bya mang po yang lung bstan gyi tshul du stsal/
khyad par du khyod la phyis su byams sku zhig bzhengs pa'i khur
'bab rgyu yin pas/ de dus brtson 'grus chen po byas na dgos pa
khyad par can zhig yong gsungs pa dang/ yang nga jo bo a ti sha
lta

bu zhig yin na khyod 'brom ston pa lta bu zhig red/ nged gnyis
skye ba snga ma mang por 'brel yod 'dug cing/ da dung yang mi
'bral ba zhig 'ong zhes zhal gyis bzhes/ de dang mthun par bla
ma sku 'das nas zhag bdun song ba'i mtshams su dam pa 'di'i mnal

lam la/ bla ma phebs nas tshe 'di dang bar do'i sgom nyams las
kyang/ phyi ma'i sgom gyi nyams brgya 'gyur gyis lhag par 'dug
gsungs pa dang/ yang bla ma nyid kyis chibs dkar po zhig bcibs/
khong yang chibs kyi 'phong la bzhag ste bde ba can dang@010b dga' ldan sogs
dag zhing mang por phebs/ der shing lngon
pa zhig gi steng nas shing thog ser bo dri dang kha dog phun sum
tshogs pa zhig phyag tu lhung byung ba bzhes pas thugs rgyud la
smra mi shes pa'i dga' bde'i nyams khyad par can skyes pa'i mnal
ltas ya mtshan pa byung

bla ma'i dgongs rdzogs kyi bya byed mtha' dag kyang nyid nas
gtso bor 'gan khur bzhes te/ rgya che la dngos dag pa sbyor
dngos thams cad gra 'grig pa'i bkod khyab dang/ rang gi bdog
pa'i dngos po phran tshegs yod pa'i nang nas cung drag thams cad
kyang de'i

khongs su btang/ de ltar 'das mchod kyi skor mtha' dag par tshags
su tshud pa na/ sngar bla ma dam pa nyid nas phyogs 'di na khyed
rang gi rgyun du bsten pa'i bla ma zhig la/ khyad dge'i sgom
chen rin po che'i dngos slob/ kha gro'i ri khrod pa'i gnas brtan

pa 'di bshes gnyen mtshan nyid dang ldan pa zhig yin pas de la
brten na legs gsungs yod pa'i don bzhin/ kha gron nang par grags
pa'i 'dul 'dzin chen po de nyid kyi drung du byon/ gzims khang
gad bdar dang sku gsung thugs rten dgram tshul/

mchod shom rgya che la bkong pas thon pa gzi 'od 'bar zhing khor
yug tu dri bzang gi ngad 'thul ba zhig byas yod pa gzigs ma thag
'di 'dra'i byi dor legs po dang zhus pa na/ 'o byi dor dang
mchod shom 'di ltar byed pa jo bo bka' gdams pa'i phyags len yin

gsungs pas/ las 'brel gyi dbang gis gsung de tsam la brten nas
kyang dad pa lhag par g.yo ba zhig byung/ bde lam gyi khrid cig
zhus pa de lan gnang rgyur ma song bas/ slar yang bskyar gyis
phebs te gsan pa shin tu rgyud la 'byor pas blo 'khul che

@011a @#/ /ba byung/ dgung lo nyer brgyad pa sa stag lo/ be ri
dbon slob rin po che'i mdun nas bde lam gyi khrid/ dga' ldan lha
brgya ma'i khrid/ 'pho khrid sogs khrid dmigs du ma dang/ gsang
'dus 'khor

chen gnyis kyi dbang/ lhag pa'i lha dang chos skyong du ma'i
rjes gnang sogs chos bka' mang du gsan/ sangs rgyas rnams ni
rgyu med par 'gro ba kun la mnyes gshin pa ltar/ skye bo ma rabs
rnams rgyu med par dam pa dag la sdang

zhing khon du 'dzin pa chos nyid yin pas/ dam pa 'dis kyang
mdzad pa mtha' dag chos bzhin du byas pa de rang rang gi spyod
pa ngan pa de la sun 'byin lta bur song ba ma bzod pa'i skye bo
ngan pa 'ga' zhig gis sgo du ma nas snyad btags te shin tu thugs

sos mi bde bar byas/ 'on kyang gshe ba'i len du slar gshe ba
sogs dge sbyong gi chos bzhi dang 'gal ba'i bya ba cung zad tsam
yang mi mdzad par ma zad/ rkyen ngan lam du khyer bas dge sbyor
gyi bskul mar song/ 'on kyang de dag dang khang nye

bar bzhugs nas las ngan rnams kyis sdig pa bsog nyin che bar
dgongs te/ de rnams la brtse ba'i sems kyis ri bo rtse lnga lta
bu thag ring ba'i gnas nges med cig tu 'byon rtsis gnang yang/
be ri dpon slob sogs bla ma rnams kyis sa 'dir

bzhugs na phugs su bstan pa la phan che bar gzigs nas bshol
'debs kyi gsung nan tan gnang bas bla ma'i bka' bzlog ma nus par
bzhugs/ mi bsrun pa'i 'gro ba de dag gi khrod nas 'ga' zhig
phyis su dge ba'i las 'phro sad di rang gi nyes pa

@011b la nyes par mthong/ dam pa 'di nyid kyi mdzad pa skyon
cung zad kyang ma 'dres par mthong ste bdog pa'i dngos po yod
'bul lta bu byas nas bka' bzhin sgrub pa'i slob mar gyur te/
gang zhig sngon chad bag med gyur pa yang/ /phyi nas bag dang
ldan

pa nyid gyur nas/ /zla ba sprin bral lta bur rnam mdzes kyi dper
song ba yang yod do/ /dgung lo nyer dgu pa'i skabs su kha gron
nang pa'i drung nas gser phreng ma gtogs pa rje'i gsung 'bum
yongs rdzogs kyi lung/ lam rim dang blo sbyong du ma'i lung

khrid; nam mkha' sgo 'byed kyi dbang sogs chos bka' mang du
gsan/ de'i ston ka legs bshad gser phreng gi lung grub dbang blo
bzang shes rab kyi drung du gsan te kha bskang/ dgun dpyid phal
cher sku mtshams mdzad de la mthun mong dang thun mong

ma yin pa'i nyams bzhes zab mo'i rgyun bskyangs/ de'i phyi lo be
ri dpon slob rin po che'i drung nas rdo rje phreng ba'i dbang
yongs rdzogs/ 'jigs byed dpa' bo gcig pa'i dbang/ 'jam dbyangs
chos skor gyi rjes gnang sogs gsang sngags kyi zab chos

du ma dang/ 'bum khang ri khrod nas sgrub pa'i rgyal mtshan 'dzin
pa blo bzang sbyin ba'i drung du paN chen blo bzang chos rgyan
gyi gsung 'bum yongs rdzogs/ lcang skya'i gsung 'bum phal cher
sogs kyi lung/ gnas brtan 'dul ba 'dzin pa chen po kha

gron nang pa'i zhabs pad nas yum 'bum pa/ lho brag bka' 'bum/
dben sa bka' 'bum/ mi la'i rnam mgur gnyis/ khya dge dpon slob
rin po che'i gsung 'bum/ grub chen skal ldan rgya mtsho'i mgur
'bum/ blo sbyong mtshon cha 'khor lo/

@012a @#/ /tshig rkang brgyad ma/ blo sbyong don bdun ma/ blo
sbyong nyi ma'i 'od zer/ bla mchod TIkka sogs dam pa'i chos kyi
bdud rtsi'i bgo skal rgya cher bzhes/ yul gyi lha bzo mkhas pa
'ga' zhig bos te skyes rabs so bzhi

ba'i bris thang shin tu byon legs mdo rgyud nas gsungs pa'i chag
tshad dang ldan zhing/ gsar tshon gong gsham zhal khebs sogs cha
mtha' dag nas phun sum tshogs pas mig gi bdud rtsir gyur pa zhig
gsar du bzhengs/ bzo bo las byed

mtha' dag kyang gtang rag gi yon rgya chen po gnang ste yid tshim
bar byas/ sku tshe 'dir rten bzhengs rlabs che ba mdzad pa'i thog
ma 'di nyid yin 'dug pa ni/ ji skad du/ du ba las ni mer shes
dang/ /chu skyar las ni chung shes bzhin/ /

byang chub sems dpa' blo ldan gyi/ /rigs ni mtshan ma dag las
shes/ /zhes gsungs pa ltar/ ston pa thub pa'i dbang po'i rnam
par thar pa dmigs rkyen du byas te/ de'i rjes su zhugs nas rgyal
sras kyi spyod pa rlabs po che la slob par 'dod

pa'i nang gi lhag bsam rjes su dbogs ba'i mtshan mar gdon mi
za'o/ /dgung lo so gcig pa'i dpyid kha gron nang pa'i drung nas
'jigs byed bskyed rdzogs kyi khrid smin rgyas su gsan cing/
dkyil 'khor gyi thig rtsa sogs la'ang zhib tu sbyangs/

de'i ston ka be ri tshang nas kha phron? nang pa gdan drangs te
sgrub thabs rin 'byung gi rjes gnang zhus pa lhan du gsan/ de'i
zhar la be ri tshang gi drung nas kyang mgon po bka' bcu gsum
dang/ rnam sras bka' chen bco lnga'i rjes gnang rdzogs par

@012b mnos; de nas lo 'gar bkra shis 'khyil du yang yang phebs
te skyabs mgon rdo rje 'chang gi zhabs bas nas/ rgyud sde gzhan
dang bshad srol mi 'dra ba dpal dus kyi 'khor lo'i byis pa 'jug
pa'i dbang bdun/ gong ma gong chen rdo rje slob dpon bdag

po chen po'i dbang dang bcas rje bla ma yab sras kyi dka' srol
thun mong ma yin pa'i phyag bzhes TIka chen dang sgrub thabs
pad dkar zhal lung/ dbang chog dgongs pa rab gsal sogs kyi
dgongs don ji lta ba bzhin gyi phyag len phra zhib/ gsung bshad

zab cing rgya che ba bcas stsal ba legs par gsan/ gzhan yang
grub chen lU i ba'i lugs kyi 'khor lo sdom pa'i dbang/ gdugs
dkar lha bcu bdun ma'i dbang/ thugs rje chen po'i dbang sogs
dbang rjes gnang du ma dang/ kun gzigs lnga pa

chen po'i gsung gi snying po 'jam dpal zhal lung gi khrid shin
tu rgyas pa/ rten 'brel bstod ba'i bshad lung/ skyabs mgon rdo
rje 'chang nyid kyi gsung 'bum shas che ba'i lung sogs chos kyi
bdud rtsi'i dga' ston doms pa med par spyad/ der ma zad

skabs shig tu dam pa 'di nyid nas khur len byas te skyabs mgon
rdo rje 'chang mdzo dge smad du gdan drangs nas/ grub chen ril
bu pa'i lugs kyi 'khor lo bde mchgo phyi dkyil lha lnga dang/
lus dkyil lha drug cu rtsa gnyis kyi dbang/ 'jigs byed

sngags btu'i rjes gnang sogs zab chos mang du zhus/ bde lam gyi
lugs ltar smon 'dzug stabs gcig ba'i sems bskyed kyi cho ga
mdzad/ bsnyen bkur 'bul nod sogs kyang nus pa rtsal sprugs kyis
gang drag bsgrubs/ bkra shis 'khyil nas

@013a @#/ /rgyal sras chen po khri pa blo bzang snyan grags/ grub
pa'i dbang phyug khri pa bsod nams grags pa/ mkhas pa'i gtsug
rgyan khri pa bsod nams dbang rgyal rnams kyi sku drung du yang
mdo sngags kyi chos mang du gsan/ khyad par

du khri rin po che bsod nams dbang rgyal ba'i drung du yang yang
gtugs te lam rin chen mo'i bshad lung/ lam sgron dang lam gtso/
be'u bum sngon po/ blo sbyong don bdun ma/ tshig rkang bzhi pa
rnams kyi khrid/ bka' gdams gzhung drug gi lung/

bde lam gyi zhal shes dang zhi khro sbrags sgrub kyi khrid lan
kha shas sogs snyan brgyud man ngag gi gnad shin tu mang po mnog
chos su gsan/ khri rin po che 'di nyid thugs rgyud zhi zhing dul
bas gzhan la skyon brjod smad ra sogs gtan mi mdzad

kyang; de skabs se 'bras dge gsum na 'gran zla med pa'i mkhas
pa'i yang rtse yin pas/ thugs khengs pa zhig sus kyang yong dka'
na'ang/ dam pa 'di la thugs gting nas mgu ste/ mdzo dge'i dge
tshul tshang de grwa sar ma sbyangs pa zhig la/ gzhung

chen mo'i go ba gting tshugs pa de 'dra ya mtshan zhes yang yang
bsngags brjod mdzad pa bdag gis dngos su thos/ chos gsan pa de
thams cad kyang nyan lo/ thob lo/ shes lo zhes bya ba'i rnam
grangs bsags pa tsam ma yin par khrid rnams rim pa

bzhin bskyangs te rgyud 'khul nges pa dang/ dbang rjes gnang
rnams 'bras bu lam byed kyi bag chags thebs nges su mdzad/ lung
rnams kyang legs par rab tu nyon la yid la zungs shig /ces dang/
sems thams cad kyis nyan par gsungs pa

@013b bzhin; tshig gcig kyang mchad par rna ba legs bar gtod
cing/ gzhung gi le'u dang mdo rgyas kyi mtshams phyed la/ don gyi
spyi'i khogs phub pa sogs chos rgyun gyi ting nge 'dzin myur du
'grub pa'i rgyur 'gro nges su byas te gsan pa kho na yin bar
snang/

lo snga phyi ci rigs su snga ma'i slob dpon sbyin chung ba dang/
be ri dbon slob rin po che rnam pa gnyis ka zhing gshegs par sku
gdung gi bya byed dang/ dgongs rdzogs kyi rnam dkar sgrub rgyu
thams cad kyi skabs su yang gzhan gyi ngo bsrung tsam ma yin
par/ bka'

gdams gong ma rnams 'du byas kyi dge rtsa zhig la bla ma'i 'das
mchod las lhag pa med par gsungs pa'i don thugs la bcings te/
rgyu bsam sbyor mtha' dag gi sgo nas bla ma'i dgongs ba yongs su
rdzogs pa'i thabs la 'bad ba lhur bzhes/ kun mkhyen 'jam dbyangs

bzhad pa'i gsung nas 'byung ba ltar gyi rje bla ma'i rnam thar
shin tu rgyas pa'i zhal thang mdzes tshon spel ba tsam ma yin pa
lo rgyus zhing bkod du thon nges kha byang dang bcas pa nyi shu
rtsa gnyis gsar du bzhengs te/ bzang gos sna tshogs kyi gong
gsham sogs rgyu yon 'gro

gang che'i sgo nas 'khor gsum yongs su dag par bsgrub/ zhal
thang de rnams kyang rjes sor zhig skyabs mgon rdo rje 'chang la
phul 'dug /mdor na nor rdzas phyag tu gang byung thams cad gtso
cher bla ma la phul zhing/ lhag mas sku gsung thugs rten bzhengs
pa dang/

dkon mchog gi mchod pa bsam las 'das pa gnang/ sku gsung thugs
rten bzhengs tshul yang gzhan gyi mig sngar gang mdzes dang/
ngoms che ba'i rigs mi gnang bar rgyu gang bzang rnams de'i
khengs su 'gro thabs kho na gtsor 'don gnang ste/ zhal thang
rnams la yang

@014a @#/ /gong gsham tsam ma yin par/ rgyab mdun gnyis kar khyad
med du gos chen bzang po rim pa du ma dang/ manydzi tshos 'don
sogs kyi zhal khebs brtsegs ma mang po na bza'i tshul du 'bul bar
mdzad/ rten bzhengs pa de dag

kyang nor gyi 'du shes lta bus gcig bsogs gnyis bsogs mi gnang
bar re zhig bar du mchod pa rgya chen po re phul nas/ de rjes
chos 'brel gang thob kyi bla ma rnams la rim bzhin 'bul bar
mdzad de/ da lta'i lha rten bsgrig mkhan gyi bla ma rnam

pa'i phyag len dang shin tu mi mthun no/ /dgung lo so bzhi pa'i
steng du lo hril por bcad rgya gnang ste/ thugs dam zab mo'i
nyams bzhes kyi rgyun bskyangs pas nyams rtogs kyi klong rdol ba
byung/ skabs 'di nas bzung sku tshe hril por lo re

bzhin bstan pa bstan 'dzin spyi dang/ khyad par skyabs mgon rdo
rje 'chang sogs kyi zhabs brtan du dmigs te lo re bzhin ma mtha'
mar rgya ma bzhi brgya lhag re tsam gyis mchod me sogs mchod
pa'i sprin phung bsam gyis mi khyab pa 'bul bar

mdzad; sku mtshams grol rjes rkang tsha'i sgrar nas don gnyer can
'ga' zhig la rje'i gsung 'bum po ti bcu skor gyi lung dang/ zam
tsha chos 'khor phyogs kyi du mas gdan drangs te gsol ba btab ba
bzhin rje'i gsung 'bum yongs rdzogs kyi

lung gnang/ 'dul 'dzin chen po ye shes rgya mtsho'i drung du
brgyad stong ba'i lung gsan cing/ khong gi thugs bzhed bzhin
phar la yang ting nge 'dzin rgyal bo'i lung sogs chos bka' ci
rigs phul/ nga lung ri khrod du yang khung khrid sogs kyi

@014b bka' drin zhu mkhan mang du byung ba so so'i ra ba bskang/
sngar mdzod dge'i phyogs su sku par sogs gtan med pa la/ co ne
nas 'jam dbyangs kyi sku par gcig phyag tu 'byor ba bsnams te
zhabs thang la ka chur phebs nas/ de la ma phyi byas te sku par
mang

du blugs/ dgung lo sa lnga nas lo kha shas kyi ring nyid kyis
gtso mdzad de rje btsun 'jam dbyangs kyi sku 'bum phrag bcu lhag
pa bzhengs/ de thams cad kyang grangs gang 'gro tsam ma yin par/
rgyu'i 'jam pa byin gyis brlabs pa sogs nas bzung rgyud sde'i

dgongs pa dang mthun zhing sla chos su ma song bar dri gtsang
khang yid du 'ong ba so sor legs par bsgrigs nas dri bzang gi
bsgos pa'i phye mas bar gtams te/ re re tsam yang dbu zhabs ma
log ba'i lag len shin tu dngos gtsang bar byas/ de'i snying po'i
tshul

du mchod rten sku tshad ma lnga bzhengs shing snga phyi kun la
paN chen thams cad mkhyen pa'i phyag bzhes ltar gyi srog shing
gter 'khor gzungs gzhug sogs gang rgyas dang/ gzungs kyi na bza'
yang gos chen 'ba' zhig las byas ba sogs rgyu 'gros che bar

gnang; bshes gnyen dam pa kha gron nang ba dang/ brag sgom pa
rnams gnyis kyis rgyal ba mi pham mgon po'i snang brnyan che ba
re bzhengs rgyu'i thugs 'dun gtad kyang bzo bo mkhas pa zhig yul
phyogs nas ma rnyed par/ de'i don la dam pa 'di nyid

re bkong phyogs su zhabs thang la phebs/ lha bzo dge slong bstan
ba rgya mtsho zer bas bzhengs pa rnams byon legs par gzigs nas/
de nyid bos te lhan tu phyir phebs/ lha bzo'i grogs ldan gang
dgos kyi rigs thams cad nyid nas bran bzhin

@015a @#/ /du bsgrubs/ nang gi sku brnyan che chung du ma dang/
phyi'i gtsug lag khang rten brten pa mtha' dag gi las khur nyid
gcig pus gzhung bzung ste mthar phyin pa bsgrubs pas/ bla ma
yang thugs dgyes pa'i rtser son

par gyur/ dgung lo so bdun pas mo phag gi lo'i ston ka de nyid
du tshul khrims kyi phung po yongs su rdzogs pa'i gnas brtan 'dul
pa 'dzin pa chen po brtan mkhas kyi yon tan gnyis dang ldan pa'i
bshes gnyen dam pa kha gron nang ba blo bzang bstan

'dzin dpal bzang po'i zhal snga nas kyis mkhan slob sbrags ma
mdzad cing/ kha skong gi dge 'dun grangs tshang ba'i dbus su
bstan pa'i gzhi ma lhag pa'i tshul khrims kyi gtso bo bslab gzhi
yongs su rdzogs pa'i dge slong gi sdom pa bzhes ti/

ngur smrig gi rgyal mtshan 'chang ba'i rje bo dam par gyur/ de ma
thag lung sde bzhi mtha' dag gi dgongs don la gzhan dring mi
'jog pa'i rnam dpyod kyi rtsal dang ldan pa 'dul 'dzin chen po
ye shes rgya mtsho'i drung nas 'dul ba'i bslab bya lag len dang
bcas

pa zhib tu gsan te/ dgag sgrub gnang gsum gyi bcas mtshams phra
rags thams cad thugs su chud par mdzad do/ /tshul 'di lta bu ni
sngon thub pa'i bstan pa yang ldan gyi dus bzang por byon pa'i
skyes mchog rnams kyi phyag bzhes bla na med pa yin

te; dam pa de dag gi rnam thar du dge tshul gyi sdom pa bzhes ma
thag kA ri kA lnga bcu pa rtsa 'brel lam/ sum brgya ba rtsa
l'grel lta bu de nges par gsan/ bsnyen pa rdzogs ma thag tu 'dul
gzhung che ba re gsan cing/ de yang snga ma 'ga' zhig med@015b tog phreng
rgyud gtsor 'don gnang la/ kun mkhyen mtsho sna
pa yab sras rje bdag nyid chen po yab sras sogs kyis mdo rtsa ba
rgya cher 'grel dang bcas pa gtso bor mdzad pas/ de 'dra re nges
par gnang ba'i srol yod kyang/ da lta bstan pa'i tha ma

shin tu snyigs mar son pa'i dbang gis sdom ba len pa'i gzugs
brnyan tsam yod kyang/ blangs pa'i de ma thag nas bsrung dgos pa
dang/ bsrung tshul gyi bslab bya nyan dgos pa'i gtam tsam yang mi
grags pa ni/ rje ngag dbang byams

pa'i zhal nas/ so thar byang sems dang rig 'dzin/ /sngon gsum
lon tshad du blangs nas/ /dran tshad lag len du 'debs ba'i/ /smyon
ba rang phung la gzigs dang/ /zhes gsungs pa ltar phung khrol
gyi gzhi che shos yin pas/ bdag legs

su 'dod pa rnams kyis dam ba'i rnam par thar ba 'di lta bu la
kha mig yar lta ba gal che'o/ /kha dron nang pa'i gsung gis
bskul ba ltar de ka'i ri khrod pa rnams la byang chub bde lam
gyi khrid myong ba la bskor bas rgyud 'khul zhing/ lung rigs

kyis brdar sha chod pa mjug tu sems bskyed mchod pa dang bcas
bla ma'i phyag bzhes ma nyams ba dang/ be'u bum sngon mo'i lung
sogs chos kyi bdud rtsi'i sgo 'bar phyes/ ri khrod ji srid nam
gnas kyi bar sbyor ba'i chos drug 'chag med kyi

srol bzang po btsugs/ byi ba'i lo paN chen thams cad mkhyen pa
rgya nag phyogs su chibs bsgyur gnang bar gzhan thams cad sprod
dga' che bar byed kyang/ dam pa 'di nyid thugs shin tu ma bde
bar nyin mtshan khor mo yug tu zhabs brtan

@016a @#/ /bsgrubs shing/ gzhan ri khrod ba mang bo la yang rgyu
yon sogs sbyar nas rim gro phon che ba bsgrub tu bcug /sgrol
dkar yid bzhin 'khor lo'i sku yang 'bum phrag du ma bzhengs
shing/ snga phyir sku par 'debs

pa sogs kyi skabs su las byed mtha' dag nas so so'i gzungs
sngags bzla ba dang/ bstan 'gro mtha' dag gi don du 'gyur ba'i
smon tshig nyid kyis gsar bsgrigs gnang ste/ 'don bzhin du las
byed pa sogs cha mtha' dag nas don chen por

'gyur nges 'ba' zhig mdzad/ skabs der skyabs mgon rdo rje 'chang
nas mdzo dge smad 'dir sbyin bdag gi ngos nas mthun rkyen 'dzom
par 'dug kyang/ mdo sngags gang gi yang 'chad nyan phyag len
sogs sems la 'dzin rgyu zhig med pa mi

legs par dgongs te/ yul phyogs kyi skye bo rnams bsod nams
rdzogs pa'i ched dang/ rang rang gi yon sbyong/ thub bstan rin
po che'i zhabs 'degs su yang cung zad 'gyur bar gzigs nas rgyud
grwa gsar 'dzug gnang pa'i tshe lus

longs spyod mtha' dag ltos pa med par bla ma'i zhabs tog tu
bkol/ khyad par du bla ma brgyud pa rags rim dang/ yi dam chos
srung du ma'i zhal thang da lta'i dus la ltos bas ri mo 'gran
zla med pa lta bu/ mdzod gos khyad 'phags 'pa' zhig

gi gong gsham can shin tu che legs grangs mtshungs mang po yang
gsar du bsgrubs te tshogs khang du 'grem rgyur phul/ de skabs
g.yo dge sman pa la kun mkhyen 'jam dbyangs bzhad pa 'di rang
gis dag snang sbyangs pa tsam ma yin par rje btsun

@016b 'jam dbyangs dngos yin/ skabs 'dir bla ma'i thugs rje la
brten nas phyogs 'dir smad rgyud kyi 'chad nyan sogs bstan pa'i
srol gtsang ma zhig tshugs 'dug mong kyang/ 'di na bdud rigs kyi
mi 'ga' zhig yod pas mtha' ci 'dra

'ong mi shes/ 'on kyang khyed rang tshos 'jus 'chang sa bla ma
'di la byas na las dkar po'i mtha' bzang bas gtan 'dun ma 'chug
pa zhig yong gsungs/ khong gis kyang bsam sbyor mtha' dag gi sgo
nas bla ma'i zhabs tog bsgrubs shing/

snga sor paN chen thams cad mkhyen pa rgya nag tu phebs skabs
sku phebs kyi sgo nas sku don mang po'i zhabs 'degs zhus pa'i
gtang rag tu bcad ldan dmar po rgyu rnying 'gang che ba zhig lha
chas kyi don du stsal ba yang bla ma la phul te thang kha'i gong
gsham

gyi rgyur 'gro ba byas/ rjes sor zhig nyid kyi mdun du sku phebs
zhus ba'i tshe/ chos skyong chen po nyid nas/ nga pe har rgyal po
la sangs rgyas snang ba mtha' yas kyis gyon par gnang ba'i gos
de khyed gnyis kyis gzhan du bkol ba ci yin/

phyir khyer yong dgos gsungs pa na/ nyid nas med tshul zhus par
thugs shin tu khros te/ zhal gyi rnam pa yang rgyun gyi lha khog
gi nyams cung zad med par srin po khros pa lta bu dog dmar nag
/spyan rtsa dmar zhing shin tu zlum la khro gnyer dpral bar

bsdus pa/ drag sku bzhengs pa rnams las kyang brgya 'gyur gyis
lhag pa'i 'jigs rngams can blta bar mi bzod ba zhig tu gyur te/
drag po'i nga ro dang bcas cis kyang khyer yong dgos gsungs pa
na/ gos ni ji ltar byas kyang 'bul ba'i thabs med/

@017a @#/ /khyed snang srid kun gyi bdag po yin pas nged rang gi
snying khrag phul ba yin zhes thugs thag pa nas zhus pas/ de ma
thag chos skyong thugs zhum pa lta bus yud tsam dgongs pa la
bzhugs/ skad cig nyid la sngar gyi rnam

pa thams cad gnas gyur te/ shin tu zhi zhing dul ba'i tshul gyis/
'o na nged lha khog dang bcas pa byang chub snying po'i bar du
dam pa nyid nas thugs la 'dzin dgos zhes gus pa lhur blangs/ der
ma zad rjes sor zhig sku rten la khog zhugs kyi tshe

lus sems shin tu ngal ba zhig yod bas/ slar mi 'bab pa'i thabs
shig gnang dgos zhes yang yang nan gyis zhus ngor/ chos skyong
la yang de lugs kyi bka' bsgos pa phyin chad ma babs pa sogs
snang srid dregs pa'i sde dpon chen po nyid kyang dam

pa 'di'i bka' las mi 'da' ba'i mtshan ma snga phyir mang du yod
do/ /de skabs gsungs pa bzhin lo grangs nyi shu tsam gyi rjes su
skyabs mgon rdo rje 'chang dam pa 'di nyid dang bcas pas yul
phyogs kyi skye 'gro thams cad la phan thabs kho nar dgongs pa'i

mdzad pa skyon med pa yang a ma 'drer mthong gi skye bo smon
lam log par thebs pa 'ga' zhig gi yid la zug rdur gyur te/ dge
'dun gyi dbyen bslabs nas rgyud grwa ji bzhin gnas ma thub pa
na/ dme po dpon bo dkon mchog rab brtan gyis 'dun pa rtse gcig

gis sbyin bdag byas te/ sngar gyi rgyud grwa'i phyag bzhes ma
nyams pa'i dgon ba zur du gsar 'debs byas pa'i tshe/ thang ga
rnams kyang der gdan drangs te da lta rten gtsor bzhugs pa 'di
yin no/ /lcags glang dang chu stag gi lo gnyis kar bde lam gyi

@017b khrid sems bskyed mchod pa dang bcas shin tu rgyas pa re
gnang/ stag tshang lha mo nas kirti sprul ba'i sku'i yongs 'dzin
du phebs dgos tshul zhus pa na/ rang ngos nas de 'dra la thugs
bzhed med kyang/ rong pa ljags nag ba rje bla ma'i dngos slob tu
gyur pa

dang; de phyin gyi skye rgyud thams cad kyang gzhan phan 'phrin
las che bar snang bas/ sku tshe 'dir yang rje'i bstan pa'i zhabs
'degs su 'gyur ba zhig e yod dgongs te de phyogs su phebs/
/chos lung 'ga' zhig gnang zhing bstan ba'i dmigs rkyen la phan
pa'i

thos bsam mdzad tshul sogs kyi bslab bya mdzad pa rnams sprul
pa'i sku nyid nas dam pa'i rang rtags kyis dang du bzhes pa
byung/ gnas de nyid du rdo rje 'jigs byed bsnyen ba gnang skabs
shig mi lam du dkyil 'khor mtshan nyid yongs su rdzogs pa'i gtso
bo'i go sar skyabs mgon

rdo rje 'chang dang/ 'khor rnams kyi go sar ral gri re yod pa
zhig rmis pa ni/ bla ma dang dkyil 'khor gyi gtso bo tha mi dad
pa'i mos gus mthar phyin pa'i rtags su mngon la/ dpyad gzhi
'gang che ba gzhan yang yod dam snyam/ yang shing ljon ba shin
tu

mtho zhing yal 'dab rgyas pa zhig gi rtse mor phebs nas gzigs
pan 'dzam gling thams cad mthong ba zhig byung ste/ 'di thams
cad du rje bla ma'i bstan pa rgyas pa zhig byung na snyam pa'i
'dun pa drag po dang/ de'i don du rje btsun ma sgrol ma la gsol

ba 'debs dgos pa 'dug snyam ba shar te/ bslu med bla ma yi dam
dkon mchog gi /'phrin las lha mo'i gzugs su shar ba yi/ /brtse
ldan rje btsun bcom ldan 'das ma la/ /shugs drag dang ba'i yid
kyis gsol ba 'debs/ /skye

@018a @#/ /rgu'i phan bde ma lus 'byung ba'i gnas/ /dus gsum
rgyal ba'i lung rtogs bstan pa'i bcud/ /rje btsun 'jam dpal
snying po'i mdo sngags kyi/ /bstan pa phyogs bcur 'phel bar byin
gyis rlobs/ /

zhes pa'i tshigs bcad 'di gnyis thol byung du brtsams nas gsol ba
'debs pa zhig rmis/ tha na rmi lam tshun chad du yang bstan pa
kho na thugs la bcings te/ de'i don ma gtogs dgongs rgyu med pa
'di lta bu ni nges pa don gyi bstan pa

'dzin pa'i skyes bu'i khyad chos bla na med pa yin te/ da lta
bstan 'dzin chen por sgrogs shing rlom pa'i khrod na/ phyogs
lhung tsam gyi sde dgon re bskyangs te/ chags sdang gi 'khor lo
bskor ba la bstan pa bzung bar ming btags pa ma gtogs/

bstan pa spyi la dmigs nas 'di rgyas pa zhig byung na snyam pa'i
'dun pa thugs rgyud la lan re tsam yang skye ma myong bar sku
tshe hril gyis 'das ba shin tu mang bar snang ngo/ /yang lan cig
lha mo'i gnas khang gi nang du phebs nas bdun mtshams

shig mdzad pa'i tshe/ bud med mang pos rin po che'i snod mi 'dra
ba sna tshogs zas du mas bkang ste 'dren pa'i nyams snang dang/
rmi lam du gnas khang gi sgo na dpag bsam gyi ljon pa yangs
shing rgya che ba zhig yod ba'i rtsa bar phebs pa na/

bud med 'ga' zhig gis 'di'i rtse mor song zhes zer ba bzhin du
byon par skyabs mgon rdo rje 'chang sogs lam rim brgyud pa'i bla
ma mang po bzhugs 'dug par phyag dbang zhus te phyir phebs pa
na/ bud med shing lo gyon pa zhig 'dug pa

@018b des sdong po 'di'i steng na rin po che gang yod thams cad
khyod kyi bla ma mchod ba'i kho na yin pas gzhan lam gtod zer ba
zhig rmis/ rjes sor yang gzhan 'ga' zhig la de rmi lam yin na
yang don chen po can zhig yin 'dug bas/ ngas zas

nor cung zad re rnyed tshad thams cad bla ma mchod ba'i phyogs la
btang ba yin zhes gsungs snang bas/ mnal ltas de dag ni rang
dga' ba tsam ma yin par dngos gnas la bla ma dang lhag pa'i lhas
byin gyis brlabs shing lung bstan pa 'ba' zhig yin

pa gor mchog go /gnas der gzhan gyi yang chos mthun don gnyer
can nyams khrid sogs zhu mkhan 'ga' zhig byung ba so so'i re ba
bskangs/ phyir phebs te yos bu'i lo yang lam rim gyi bka' chos
sngar bzhin gnang/ gzhan yang snga phyi ci

rigs bar bka' gdams gzhung dug /rigs tshogs dang byams chos/ dben
sa bka' 'bum sogs gang la gang 'dul gyi chos sbyin rgya cher
stsal/ shing 'brug lo skyabs mgon rdo rje 'chang dbus su phebs
rgyu'i zhabs brtan du dmigs te zhi khro

sbrags sgrub kyi sgo nas a ra pa tsa dang/ rtsa sngags snying
po rnams rgyun ring bor bsgrubs nas zhi rgyas dbang gsum gyi
sbyin sreg bsam gyis mi khyab pa gnang/ de rjes bka' sdod dam
can chos kyi rgyal po'i bskang ba 'bum ther gnyis bsgrubs shing
drug cu

ma stong phrag lhag pa bsngos/ dam gtsang gi slob ma ri khrod pa
mang po la yang cha rkyen gnang nas chos rgyal bskang ba bsgrub
tu bcug /de skabs gzhan gyi ri khrod pa zhig gi rmi lam la
'phags shing sku'i mkhar na gong ma'i rgyal khab tshun chad

@019a @#/ /mthong ba'i khang bzang mthol yangs pa phur 'jam
dbyangs smra seng gi sku bzhugs pa gcig tu khong rnams chos
rgyal gyi bskang bskul gtong bzhin par yod pa'i bskul ba'i nang
gi gshin rje mo bzhi'i bskul gyi

mtshams der dbu mdzad kyis skad gdangs drag po dang bcas/ mdo
smad byang phyogs yul khams kyi/ /yangs pa'i grong khyer rgyal
khab na/ /'jam dbyangs smra ba'i seng ge bzhugs/ /khyod kyi
thugs dam dus la babs/ /zhes 'don

pa rmis/ phyi nyin zhog ka snga bar grang zhig 'ongs te bla ma
rin po che mdang glo bur du phebs te dbu mdzad kyi nang du
bzhugs yod pas/ khyed rang der shog gsung gi zhes bshad pas kho
gting nas ya mtshan par gyur la/ ya mtshan che bar

yang snang ngo/ /gzhan yang skyabs mgon rin po che'i zhabs brtan
du sher snying/ sgrol ma/ rnam sras bskang ba rnams 'bum phrag
re/ sgrol ma maNDal bzhi pa khri lhag /yig brgya 'bum ther du ma
bcas bsgrubs/ gang bsgrubs thams cad

kyang khral chos lta bu grangs 'gro thabs dang/ 'ol tshod kyis
'di tsam song yod ces grangs mtho 'dzin byas pa ma yin par/
sgrub pa po rnams la bsnyen bkur phul du phyin pa rkyen theg
nges ba dang/ nor rdzas gang bzang gis yon gzab rgyas zhus/

zhal 'don dal brel snyoms la tshig re re yang chad lhag tu mi
'gro bas dngos dag pa byed du bcug /thams cad kyi skabs su mchod
pa bsam gyis mi khyab pa phal ba'i blor mi shong ba lta bu sogs
cha thams cad nas gnad du 'gro nges pa byas/ skyabs mgon

@019b rin po che dbus nas phyir phebs ring gi le gcig gnyis shig
tu gnyan chen sogs yul lha rnams la bsang shing rgya ba khal du
ma dang/ ka ra bu ram sbrang rtsi thud sogs bsang rtsi mi khur
mang pos bsang mchod shin tu rgyas ba lan mang sdu gnang/ mtshams

shig tu de'i rigs rbad chod gnang bas/ 'ga' zhig gis bsangs
mchod rgyun ma bcad tsam gnang e dgos zhus par/ da de dag bla
yul las 'das song gsungs nas ma gnang/ tshul 'di ni bka' gdams
gong ma rnams kyis/ 'jig rten pa'i lha la

brten pa des/ ma mgu na gnod la/ mgu na yang gnod gsungs pa bzhin/
cung zad tsam la khros pas nyer 'tshe du ma byed pa dang/ kho
mgu na grogs byas te bya byed lam du 'gro zhing nus mthu che che
'dra ba byung bas rim gyis blo kha de phyogs su bsgyur

te; mthar skyabs 'gro tshun chad gtong bas phung tshabs shin tu
chen po 'byung ba de lta bu la dgongs pa'am/ yang na chos skyong
bran du 'khol bas las bzhi'i 'phrin las gang dgos de dag gis
thogs pa med par bsgrubs te/ 'jig rten pa rnams

la cung zad kyang ltos mi dgos ba'i gdeng thob pa gang rung zhig
tu sems so/ /yang zhabs brtan la dmigs te mthing shog bzang por
gser gang 'drong gis sher phyin stong phrag brgyad pa yig gzugs
shin tu che bas po ti bzhir long pa zhig bris

te; pota re re la yang bzang gos kyi thum bzhi bzhi phul/ bris
pa rnams kyang rta sga 'khor/ gyon pa cha tshang sogs yon gyis
mgu bar byas/ mdor na 'brug lo nas bzung lo gsum gyi ring 'dir
'char can gyi bka' chos 'chag med rnams

@020a @#/ /dang; dmigs bsal re gnyis ma gtogs nyin mtshan khor mo
yug tu bla ma'i zhabs brtan bsgrub rgyu kho na la gzhol bar
mdzad/ rta'i lo'i dgun skyabs mgon thams cad mkhyen pa phyir
gdan sar phebs

pa'i tshe/ rgya bod sogs gsum gyi bla dpon ched gu/ dgon lag du
mdang bcas pa'i bsu ba gzab 'phyor can stong phrag brgal bas rim
bar bsus ba na/ dam pa 'di nyid sgrub sde'i dge slong gi tshogs
dang bcas zhabs thang la bsu bar

phebs te/ khyung rtse'i thang du chos gos rnam gsum gyon nas
dmigs brtse ma'i gdangs dbyangs dang bcas g.yas bskor gyi tshul
gyis bsus pa na rang dbang med par yid la dang ba 'dren zhing/
ri klung thams cad gang ba'i bsu ba'i khrom chen po

smug chil le bde thams cad kyang zil gyis gnon pa lta bu byung/
skyabs mgon mchog nas gtsang dbus gnyis kar chos rgyun nyag phra
ba mang po sor chud par mdzad tshul dang/ gtong sgo gnang tshul
sogs sku don gyi bka' mchid zhib

tu gnang/ dbus phebs kyi sku don rnams la khyed kyis sku rim
bsgrub pa de gnad du 'gro ba byung/ dngung byams chen bzhengs
rgyu la 'tshub cha che bar snang bas sku rim sngar rgyun bzhin mo
lhod pa byed dgos gsung/ spyir skyabs mgon nyid

nas gnang skyes dang/ legs so dbugs dbyung tshun chad re ltos yod
pa'i rigs rnams la so so'i khams dang mthun par gang la gang 'os
kyi bdag rkyen bka' drin skyong bzhig yod kyang/ dam pa 'dis
rang gi rgyu nor thams cad phangs med du btang ste/@020b lo zla mang po'i bar
du sbrel nas zhabs brtan kho na
bsgrub pa la yang gnang sbyin lta zhog /sku rim gnad du song
'dug gsung ba tsam ma gtogs/ tshig gi gtang rag cig kyang ma
mdzad pa ni pha rol po'i kun slong la chos brgyad kyi snang shas
cung zad kyang ma

'dres pa mngon sum du gzigs pas bla slob gnyis ka'i che ba rmad
du byung bar snang ste/ dper na sngon mnyam med jo bo chen pos
lha btsun bo d+hi rA dzA la zhes dang bkur ste chen po gnang
nas/ byang chub 'od la de 'dra cung zad tsam yang ma gnang ba'i
tshe/

kho'i sems la byang chub 'od las khyed rigs dang bsod nams kyis
khyad du 'phags tshul zhig gsung du re nas jo bo la nyid kyis
bdag la bkur sti chen po mdzad kyang/ byang chub 'od la mi mdzad
pa ci yin zhus par/ byang chub 'od nga'i slob ma yin

gsungs; kho kha skyengs te 'o na bdag slob ma lags sam zhus par/
slob ma lags lags gsungs pa'i dpe bzhin/ da lta phal cher bla
mas tshur la ngo dkar nag 'tsho dgos pa 'di slob ma'i rgyud rul
ba'i rtags yin no/ /de nas yang

phyir phebs te chos rgyal dang rnam sras kyi bskang ba 'bum
phrag re/ sgrol ma maNDal bzhi pa khri tshar bcas bsgrubs/ nyin
gcig maNDal bzhi pa zhig sgrub rtsis kyis sgrub grogs 'ga' dang
bcas skyabs 'gro nas brtsams te gsung bzhin pa'i

skabs; dge slong byams pa'i nyams snang la tsong kha brgyad cu'i
zhal thang zhig gi k+She tra pa las gnod byed bsgral ba'i rnam pa
lta bu de'i zur nas ma he 'jigs su rung ba zhig thon ba lta bu'i
nyams shar te lus kyi ba spu gzeng zhing 'jigs chum me ba

@021a @#/ /zhig byung/ mtshams der khong rin po che nas snga ma'i
'don pa 'phro bzhag ste/ glo bur du brkyangs bskums ma zhig gi
dbu bskul nas gsung song ba la/ rjes sor de'i rgyu mtshan zhus
par/ de 'don dgos pa

zhig 'dug gsungs ba ma gtogs gsal kha ma mdzad kyang/ skabs der
dam can chos kyi rgyal po'i gzigs snang zhig byung bar the tshom
med do/ /lug lo skyabs mgon mchog nas bkra shis 'khyil du tshogs
mang la bskyed rim

dngos grub rgya mtsho dang/ rdzogs rim rim lnga gsal sgron gyi
bshad lung rgyas bar stsal skabs phebs nas gsan cing/ de'i zhar
la skyes rabs kyi bshad lung sger du zhus/ rong phyogs kyi dgon
lag rnams nas skyabs mgon

thams cad mkhyen pa gdan drangs te mdzo dge smad du phebs skabs
bsnyen bkur gang dgos zhus shing/ de'i rgyud grwa dang lhan du
dpal gsang ba 'dus pa'i dbang gsan/ rgyun par zhabs brtan bsgrub
rgyu rtsal 'don gnang/ de'i phyi

lo bla brang du phebs te skyabs mgon mchog gi zhabs drung nas
ngo mtshar ba'i rnam thar bco brgyad dang ldan pa'i grub chen mi
tra dzo ki la 'phags mchog rgyal ba rgya mtshos dngos su stsal ba
mi tra brgya rtsar grags ba' dbang rnams yongs su

rdzogs par gsan/ nyin bzhin phyi dro'i chal rong po rgyud ba'i
bla ma mkhan chen drung yig blo bzang rgya mtsho sogs du ma la
sgra bsgyur mar pa lotstsha'i rnam thar sogs chos lung mang du
gnang/ de skabs skyabs mgon mchog

@021b nas byams chen mthong ba don ldan gyi gzungs gzhug sgrub
rgyu'i khur len byed dgos pa'i bka' phebs/ gzungs gzhug bri
sgrub dang dril tshul gyi phyag len sogs paN chen thams cad
mkhyen pa'i phyag bzhes gzhir bzung/ kun

gzigs lnga pa chen po'i gsung 'ga' zhig gis zur brgyan te lag tu
len tshul gyi bkod khyab dang/ khyad bar du dam pa 'di nyid bcom
ldan 'das ma 'phags ma rig byed ma'i byin rlabs kyi bka' bab tu
gzigs nas/ de'i smin byed kyi

rim pa chos skor gyi lung dang lag len/ don kun 'grub pa'i 'khor
lo sgrub tshul sogs kyi zhal shes man ngag du ma dang bcas gdams
ngag cha tshang bar gnang/ phyir phebs te gzungs gzhug gi shog bu
dang gser shog /mtshal snag /gzungs

kyi na bza'i rgyu'i gos rnams sgrub pa'i phyir rang nyid co ne'i
phyogs su phebs te/ rin thang sogs la ma gtsigs par spus ga'
gtsang phon che bar bsgrubs/ gzungs gzhug rgyas bsdus so so nas
'byung ba dang/ gzhan yang rgyud 'bum sogs

su bzhugs pa'i gzungs sngags shin tu mang bo rnams phal cher
gser bzang po 'ba' zhig gis bris shing/ gzhan yang rin po che
sna tshogs btul ba'i phye ma dang mtshal sogs kyis gzungs re re
yang brgya stong mang po bris/ khyad par du byams

'jam dbyangs sgrol ma dkar sngon dmar gsum gyi sngags rnams re
re bzhin bris ma dang par ma bye ba phrag mang po bzhengs/ rin
po che'i rigs dang sman sna tshogs kha che'i dri bzang sogs kyis
bsgos pa'i shog bu la bla ma yi dam sna tshogs kyi sku brnyan
gser/

@022a @#/ /tshon gyis bris pa dang/ bar ma bsdoms pas 'bum phrag
lngar nye ba dang/ gzhi de lta bu la rin po che'i phye ma dang
sbyar ba'i rgya snag bzang bos gzungs dang mdo phran yang stong
phrag mang bo par/ gnas so sor 'bul rgyu'i gzungs

rnams kyi mjug tu smon tshig tha dad pa nyid nas gsar bsgrigs
gnang ste gser mtshal sogs kyis bris pa dang phar ma khri phrag
mang bo so sor sbyar/ paN chen dang rgyal dbang so so'i bzhed pa
ltar gyi gnod sbyin 'khor lo rgyas bsdus tshan pa

mang po dang/ tshogs bdag 'khor lo tshar mang po tshon gyis legs
par bris te/ thugs ka'i sngags 'phreng dang mtha'i mu khyud kyi
sngags rnams gser 'ba' zhig gis bris/ gzungs gzhug thams cad la
re re bzhin du gos

chen ser po sha stag gi na bza' phul te/ dar skud ser pos legs
par dkris/ de nas dam tshig gtsang ma'i dpon slob bcu bdun tsam
gyis zla ba gnyis dang zhag gsum gyi bar du thun bzhir bcad de
gzungs gzhug de dag legs par

bsgrubs; mjug tu mar rgya ma stong dang lnga brgya tsam dang/
de'i tshod kyis rdzas chen gzhan rnams kyang 'dzom gang ches
sbyin sreg nyin bcu'i bar du phul/ gzhan yang de'i yan lag tu
zla ba gnyis dang zhag bcu'i ring sgrol ma

dkar sngon gnyis/ 'phags ma rig byed ma/ phyag rdor gos sngon
can/ 'jam dkar/ mgon chos sogs kyi bsnyen pa yang kha skong gi
sbyin sreg dang bcas tshad dang ldan pa gnang/ lo 'di nas bzung
sku tshe hril por lo re bzhin skyabs

@022b mgon thams cad mkhyen pa'i sku don du dmigs nas sgrol ma
dkar sngon dmar gsum gyi sbyin sreg la so sor mar rgya ma brgya
re/ yam shing rgyang khal re/ 'bru rnams 'jag re/ khyad par du
sgrol ma dmar mo la khron sum cu re'i rin gyi slan dang rin

po che gos dar sogs chag med du 'bul ba gnang/ lo ltar gyi zla
ba dang po'i tshes gcig nas bzhi pa'i bco lnga'i bar la mar rgyam
lnga brgya re'i mchod me yang nges can du 'bul ba rnams 'char
can yin kyang/ gzhan gyis mthong na mi legs gsungs

nas shin tu sbas pa kho na mdzad/ slar yang zla ba gcig gi ring
gnod sbyin 'khor lo dang gter bum rnams bsgrubs te rnams ras
g.yang 'bod mang po dang bcas rten rnams la byin phabs/ 'di
skabs kyi sgrub grogs rnams dang/ phyi'i las byed mtha'

dag gi cha rkyen dang yon/ sbyin sreg gi dgos chas dang/ lo
'khor du mar rgya ma stong phrag du mas mchod me phul ba sogs
kyi rgyu 'gros gzhan rnams lta zhog /gzungs gzhug gi na bza'i
gos dang/ gser tshon shog bu rnams kyi rin kho na la

yang dong rtse khron che ba stong phrag gnyis brgal ba song 'dug
la/ mdor na de'i gong du zhabs brtan bsgrub rgyu'i khongs der
phyag rdzas gang yod btang ba lta bu yin kyang/ 'di res kyang
gzungs gzhug skor gyi las don shin tu rlabs che ba bsgrub rgyu

rnams cung zad tsam yang phyag ma thogs par thugs bzhed bzhin
lhun gyis grub pa ni/ 'dul ba lung las/ rgyal po rnams ni tshig
gis 'grub/ /lha rnams bsam pas 'grub pa ste/ /tshul khrims ldan
pa smon pas 'grub/ /ces gsungs

@023a @#/ /pa ltar/ tshul khrims rnam par dag ba dang/ thugs
bskyed rmad du byung ba kho na'i nus mthur sems so/ /khyad bar
du 'phags ma rig byed ma ni sku tshe du mar 'brel ba'i lhag pa'i
lha yin pas/ skyabs

mgon mchog gi bka' babs pa ltar de'i bsnyen sgrub gnang ba na/
byin rlabs kyi 'jug pa mngon mtshan che ba mi ring bar byung/
de'i sgrub pa gnang tshul rgyus med pa'i slob ma zhig gi rmi lam
du yang/ nyid nas dbu rgyan zhig bzhes yod

pa'i steng du bcom ldan 'das ma'i sku lnga yod pa rmis ba dang/
yang phyis su slob ma zhig gi nyams snang la dam pa nyid lha
mchog de'i rnam par bzhengs pa'i sku lus shel sgong ltar dwangs
shing gsal ba/ de'i thugs ka'i sa bon gyi go sar

skyabs mgon mchog gi yang srid rin po che bzhugs pa'i snang ba
shar ba sogs snga phyir rtags ya mtshan che ba mang du snang ngo/
/de ltar lo gnyis ring gzungs gzhug bzhengs rgyu dang sgrub rgyu
sogs tshags su tshud par byas te/ lcags khyi'i lo

gzungs gzhug rgyab khal sum cu tsam yod pa de thams cad tshon
gyis spras pa'i sgam mang por bzhugs su bcug nas bla brang du
gdan drangs/ 'bul ba'i tshe yang nyid kyis phyag bstar te gzungs
re re tsam yang dbu zhabs ma log cing/ srub cung zad

re tsam la yang dri bzang gi phye ma gos dar gyi nang du thum
bur byas bas bkang ste/ bar stong cung zad tsam yang med pa sogs
phyag len shin tu ngos dag ba gzhan 'gran med pa lta bu byung
bas skyabs mgon mchog kyang thugs shin tu dgyes/ spyir sngon

@023b gyi dus bzang po rnams su bzhengs pa 'ga' zhig ma gtogs/
phyis kyi rten gsar bzhengs la byams chen rten dang brten pa 'di
lta bu phyogs gang du yang med cing/ khyad par du nang gi gzungs
gzhug la 'di 'dra ba'i gzungs sngags sogs 'dzom che zhing/

bri sgrub thams cad dngos dag ba dang/ gzhan gyi mig gis mi
mthong ba'i sar yang rgyu gang bzang gi 'gros shin tu rgya chen
po byas pa 'di 'dra ba gang du yang mi srid ba lta bu yin la/ de
ltar 'byung ba'i rgyu mtshan ni/ bde legs thams cad kyi rtsa ba
las 'bras

la yid ches gting tshugs pa'i stobs kyis yin par snang bas/ skye
bo bsod nams gsog par 'dod pa rnams kyis rang gi sgrub lugs
kyang dam pa'i rnam thar 'di dag dang bsdur te/ ngom chos tsam
ma yin par chos rnam dag tu 'gro ba zhig byed pa

gal che'o/ /de yang sngon gyi dam pa gong ma rnams 'di phyi'i
legs tshogs thams cad kyi rten 'brel bla ma la brten nas 'grig pa
dgos pas/ gnas pa tshe'i rten 'brel bla ma la brten nas bsgrigs
pas ra ha lta bu/ rnam 'byed shes rab kyi rten 'brel bla ma

la bsgrigs pa shA ri'i bu lta bu/ bgo ba gos kyi rten 'brel bla
ma la bsgrigs pa thag li lta bu/ bza' bzas kyi rten 'brel bla ma
la bsgrigs pa rdeng ge blta bu/ spyad pa nong gyi rten 'brel bla
ma la bsgrigs pa ma taM gi lta bu/ rgyan 'dod lon gyi rten 'brel

bla ma la bsgrigs pa indra bo d+hi lta bu/ 'dul ba 'khor gyi
rten 'brel bla ma la bsgrigs pa surya d+harma lta bu/ snyan pa
grags ba'i rten 'brel bla ma la bsgrigs ba tsandra go mi lta bu/
nad zhi ba'i rten 'brel bla ma la bsgrigs pa khri rding garwa
lta bu dgos par gsungs pa bzhin/

@024a @#/ /bdag nyid chen po 'di la yang zas gos yo byad/ nor
'bru rkang 'gro rin po che la sogs pa'i longs spyod ji snyed cig
byung na yang 'khor ba'i bde 'byor thams cad chu shing bzhin du
snying po cung zad tsam yang med par gzigs pas/

rang don du de la zhen chags cung zad tsam yang mi mdzad cing/
rang gzhan gnyis ka'i bsod nams kyi tshogs rdzogs pa'i phyir/ pha
rol po rnams kyis dad pas sbyin pa cung zad tsam yang chud zos
su mi gtong bar bla ma'i sku don gyi phyogs gang

yang rung ba zhig tu 'gro nges pa dang/ sgo gsum gyi bya ba
mtha' dag kyang rang don yid byed kyis ma bslad par bla ma'i
zhabs 'debs su 'gyur nges pa kho na mdzad/ nor rdzas lta bu rang
nyid kyis bla ma la phul zin pa na/ des chos dang srid kyi bya
ba ci

'dra zhig tu bkol yang/ de nyid mkha' khyab kyi bstan pa dang
'gro ba ma lus pa'i don yin par the tshom med pa'i stobs kyis
rjes su yi rang 'ba' zhig tu 'gyur la/ da lta 'ga' zhig rang gis
phul ba'i rdzas de bla mas srid skyong gi phyogs lta bur btang
na

chud zos su song snyam du 'gyod pa byed pa ni mdzad pa de yang
dgos dbang gis de ltar bstan pa don chen po chen yin pa ma shes
par/ 'jig rten rang dga' ba'i bya ba lta bur bzung ba'i skyon
yin la/ gang zag gcig gi spyod par sangs rgyas kyi mdzad pa yin

min gyi cha gnyis 'byung tshul med pas/ kha nas/ bla ma sangs
rgyas bla ma chos/ /zhes ci tsam smras kyang/ don la de nyid
rang dang skal ba mnyam pa'i 'jig rten pa dang/ mdzad pa mtha'
dag 'jig rten pa'i spyod par bzung ba'i rang mtshang phyir bstan

@024b pa kho na yin te/ sgra bsgyur mar bas nor rdzas gang yod
gser du bsgyur nas nA ro pa la phul ba na/ des nam mkha' la
gtor yang slob ma'i tshogs rdzogs par bshad kyi/ chud zos su song
bar ma gsungs so/ /'di'i lo sba phyi ci rigs par chos bzhin

du spyod pa'i slob mdon gnyer can 'ga' zhig gis gsol ba btab pa
ltar/ 'jam mgon bla ma'i gsung gi snying po byang chub lam gyi
rim pa chen mo'i bshad lung zhig kyang stsal la/ gzhan yang chos
bka' thor bu ba 'ga' zhig gnang/ phag lo'i ston skyabs

mgon thams cad mkhyen pa sku khams ma bde ba'i skabs zhabs brtan
gtos che ba nyin mtshan med bar bsgrubs/ skabs shig tu zhabs
'bring ba 'ga' zhig la nga'i rmi lam mdun ma mkha' na rje btsun
'jam dbyangs kyi sku zhig 'dug pa rim gyis je mtho je mthor

song ste/ mthar nam mkha'i dbyings su mi mngon par thim song ba
zhig rmis/ bstan pa'i gegs chag dang snyigs ma'i skye bo bsod
nams zad pa'i stobs kyis gsol ba thebs pa zhig mi yod pa 'dra
gsungs/ bcu gcig pa'i tshes la rdo rje 'chang chen po dag

ba'i zhing du dgongs pa gtad pa'i gnas tshul gsan ma thag bla ma
dang dkyil 'khor gyi gtso bo dbyer med du byas te phyi nang
gsang ba de kho na nyid kyi mchod pa bsam gyis mi khyab pa phul/
rjes 'jug thams cad la yang zhal ta gnang ste/ da rang re rnams
mya

ngan byas pa kho nas go mi chod/ bla ma thugs rje can des dus
nyin mtshan kun tu thugs la bcings rgyu ni sangs rgyas kyi bstan
pa kho na yin/ bstan pa spyi khyab kyi don la rang re lta bus
smon lam re 'debs ba ma gtogs sa chod chen po mi yong yang/ rang
rang

@025a @#/ /gi steng la babs ba'i bstan pa'i bya ba re yod pa de
ma shor ba byed dgos/ de'i yang rtsa ba lta bu rang gis khas
blangs pa'i tshul khrims rnam par dag pa bsrung rgyu 'di yin/ de
byas na bla ma'i dgongs pa yang rdzogs/ rang

gi don yang 'grub pas bsgrim dgos zhes sogs zhal ta rus pa can
mang du gnang ste/ mngon mtshan chung las chod che ba'i dgongs
rdzogs bla na med pa bsgrubs/ byi ba'i lo mgor bla brang zhabs
sdod rnams gros mthun gyis bla ma'i sku don ma

gtogs bsam rgyu med pa la khong las lhag pa mi rnyed pas/ skyabs
mgon mchog gi yang srid myur phebs kyi rim gro gtso cher nyid
nas 'gan khur bzhes dgos tshul zhus te bla brang du gdan drangs/
'on kyang mchod pa'i yo byad bsam gyis

mi khyab ba sogs shas cher nyid kyi phyag rdzas steng nas bton
te sgrol ma maNDal bzhi ba'i cho ga mang du bsgrubs/ lo der sku
gdung gi mchod rten chen po bzhengs bzhin par yod pas/ de'i
gzungs gzhug kyang sngar rgyun ltar nyid nas bkod khyab

bka' drin skyong dgos/ da lan cha rkyen gang dgos bla brang gi
phyag rdzas nang nas 'gro ba zhig byed dgos zhus par/ sku gdung
mchod rten gyi zhabs 'degs zhu rgyu byung ba rang skal ba bzang
bas cis kyang khur len byed/ cha rkyen 'phral du mi

dgos pas slar rim gyis zhus chog pa byed gsungs kyang/ phyis su
nang nas cung zad kyang ma bzhes par rang gi phyag rdzas kho
na'i steng nas sngar bzhin gzungs gzhug thams cad bri sgrub sogs
lo gcig bu'i khongs der chags su tshud nges mdzad nas@025b klang gi lo mgor 'bul
ba gnang/ ma cig lab sgron gyis
gnang ba'i dgon gnas 'di'i skor gyi ma 'ongs lung bstan zhig tu/
klu bdud phyogs su mchod rten rtsigs/ /zhes pa'i lung bstan dus
babs kyis dgon pa'i byang shar ngos su mchod rten

zhig bzhengs dgos byung ba'i tshe/ kho bo cag tshogs 'du mang dang
bcas nas mchod rten gyi phyi'i chag tshad nang gi gzungs gzhug
thams cad kyang tshad dang ldan pa gnad du 'gro nges shig dgos
'dug pas/ nyid nas thugs khur bka' brin skyong dgos

zhus par dgyes bzhin zhal gyis bzhes/ lngags bkod zhib mo mdzad
de rgyun tu bcar sdod kyi do dam dge slong mkhas mchog gis bgyis
shing/ gzungs gzhug rnams nyid kyis thugs khur bzhes te phul du
phyin pa bsgrubs/ mchod rten las

mgo tshugs ma thag lhong gi rnam pas 'tshub che tsam byung yang/
legs par grub pa nas bzung dgon pa'i chos srid kyi bya ba mtha'
dag la phan pa shin tu che bas bka' drin bla na med par gyur/
skyabs mgon mchog sbrul rin po che'i zhabs brtan du mdo

sde bskal bzang shog bu re la gser shog stong bam re 'gro nges
byas pa gcig dang/ gser dngul spel mas bris pa tshar gcig /sgrol
dkar gyi bstod pa 'khor ba las sgrol ma tshar re la sngags tshar
re btags pa stong phrag gcig rnams yig gzugs

legs shing dag thon par byas te bris/ gzhan yang mchog sprul
myur gsal gyi don du gser thang du ma dang/ mdo rgyud gsung rab
mang du bzhengs yod 'dug kyang zhib cha ma nges/ de skabs rgyud
gra dang 'bum khang ri khrod gnyis sku gsung thugs

@026a @#/ /rten mang bas yul gyi bcud lta bu dang/ cho ga phyag
len rnam bar dag pas gson gshin kun gyi don la bsod nams kyi
zhing sar 'gyur nges pa/ yul phyogs gzhan kun kyang yid smon
'cha' ba'i gnas

su yod pa la/ yul mi'i bsod nams kyis ma 'chun pa dang/ phyi
nang nas bdud rigs du ma dpung bsgril te rang gi phan bde'i rtsa
ba rang gis bshig par ma zad dam pa 'di'i sku la bsngo ba'i bsam
sbyor ngan pa mang du brtsams

pa na/ smra tshang bka' bcus dam nyams 'di dag gi snying gdon
phyis brlams nas ci byed mi 'dug pas gzhan zhig tu byol na zhes
snying thag pa nas nan zhus byas par/ khyed sems mi bde mi dgos/
nga la yang skyabs mgon de

nyid kyi byin rlabs cung zad zhugs yod pas/ 'di tsho 'dra ba zhig
gis thub mi yong gsungs/ rgyun bar sbas ba'i brtul zhugs kho na
mdzad kyang/ de'i tshe kho shin tu sems ma bde ba la snying rje
nas gdeng tshad kyi gsung phebs

par snang/ da lta grub ba'i dbang por grags pa phal cher/ kha
ngoms/ lto 'grang/ sos dal ba'i tshe mngon shes dang grub rtags
yod yod 'dra yang/ gal la thug pa'i tshe gtad so med par u thug
nas sdod par snang bas/

de lta bu'i rkyen ngan ru 'dzing gi tshe cung zad tsam yang bag
tsha ba med par/ bla ma la blo khel ba'i gdeng thub pa ni grub
pa'i rnam thar ngo mtshar ba zhig go/ /spyir bla ma de nyid sangs
rgyas yin kyang/ de'i tshod kyi byin rlabs 'byung ba la slob

@026b mas de sangs rgyas dngos su mthong dgos shing/ byang sems
su mthong na de'i tshod kyi byin rlabs dang/ so skye phal bar
mthong na byin rlabs gtan mi 'jug pas/ byin rlabs che chung
slong ma rang nyid la rag las pa yin te/ sngon 'bri

gung 'jig rten mgon pos phag mo gru pa bla mar bsten te/ mos gus
kho na bsgoms pas rtogs ba klong du gyur te rnal 'byor gyi dbang
phyug chen bor song ba na/ phag gru'i slob ma tsa ri ba zer bas/
ded gnyis bla ma mi gcig bar snang/

kho'i bla ma sangs rgyas su 'dug /nga'i bla ma dge bshes khams
pa yin zhes bshad pa'i dper snang ngo/ /skyabs mgon nyid la
yang/ bod yul gyi rdo rje gdan dpal gyi sa skya man chod nas/
shar rgya mtsho'i mtha' tshun chad du mkhas grub kyi

slob mnam mkha'i skar tshogs lta bu yod kyang/ mos gus kyi rtser
son pa ni skyes mchog 'di nyid yin pas/ thar brtser mjal skabs
shig tu yang/ dad pa can gyi sgom khang na/ /bla ma sgo nyal
byed kyin yod/ /ces mi 'bral ba'i zhal

bzhes mdzad pa 'di 'dra gzhan su la yang gsung ba mi snang ngo/
/de nas snyigs ma'i dus kyi dgon sgrub sde sogs kyang re gnyis
tsam ma gtogs phal cher bstan ba'i zhabs 'degs su 'gyur ba las
zhabs 'dren du 'gro ba mang zhing/ skye bo skal

dman rnams kyis sdig pa gsog pa'i rgyur 'gro ba sogs dgag bya
mang du gzigs pas thugs skyo nas/ 'di 'dra'i rigs kyi 'dzin bdag
mi byed par dgongs pa na/ bu slob rnams kyis dgon gnas shig
'debs dgos pa'i zhu ba nan tan du

@027a @#/ /phul kyang ma gsan/ de nas nyid kyi rtsa ba'i bla ma
kha gron nang ba dang/ reb tsha'i brag sgom pa/ 'dul 'dzin ye
shes rgya mtsho rnams kyis kyang dngos dang gsung 'phrin ci rigs
kyi sgo nas bstan pa'i tha ma 'dir

sems can re re tsam la yang phan pa'i phyir/ snying stobs skyed
dgos pa'i dus yin bas ci nas kyang dgon pa zhig 'debs dgos tshul
nan che ba'i gsung ma bzlog pa dang/ gtso cher da dung yang dmu
rgod kyi sa'i mtha'i 'dir skyabs mgon

mchog gi 'phrin las bdud rtsi'i chab rgyun 'dren pa'i 'bab stegs
su dgongs te zhal gyis bzhes/ de nas ru stod ma'i ser skya thams
cad mgrin gcig gis khong tsho'i sa der 'debs dgos par zhus pa
bzhin du thugs thag bcad/ de'i stod

smad kyis gnas kha shas la brtag pa gnang bar da lha'i dgon gnas
'dir babs pas/ zhal slob 'ga' zhig gis de ha cang dgra jag gi
sar song bas mi 'thad tshul zhus pa na/ 'on dpe mo zhig 'debs
gsungs nas rig khyed ma'i chos skor gyi

mtshams shig nas zhal phyes par/ gzhan sde'i mtshon 'gog go cha ma
bgos shing/ /pha rol gzhom ba'i dpung tshogs grogs med par/
/khams gsum gnas pa'i che btsan stobs ldan gyi/ /g.yul las rnam
rgyal rig byed lha khyod dpa'/ /

zhes babs 'dug pa gzigs te/ 'o 'di 'dra zhig babs yong snyam pa
yod gsungs par/ thams cad yid ches skyes nas snga ma'i gsung
steng du bzhag /de nas dgung lo nga bzhi ba me pho 'brug gi lo
ston pas sher phyin gyi mdo dang dus 'khor rtsa rgyud

@027b gsungs ba'i dus chen khyad par can nag zla'i nya la gnas
der phebs nas bkra shis gso sbyong dang/ sher phyin stong phrag
brgya pa'i lung gi dbu btsugs/ thog mar sa 'dul gyi skabs su bud
med dar dmar po'i stod g.yogs can zhig la thog mar

sa brkor bcug pa sogs rten 'brel gyi bcos pa ngo mtshar ba 'ga'
zhig gnang ba ni dgongs gzhi khyad par can zhig yod par mngon
te/ de'i sngon tsam la ru stod ma'i mi tshang re re'i sgor bud
med mnga' dar bzung ba re re yod ba dang/ gnas de'i

ri klung thams cad 'char ka'i mtshams sprin gsar ba lta bu'i 'od
kyis khyab pa sogs mnal ltas ngo mtshar ba mang du byung snang
ngo/ /gnas der don gnyer can du ma la byang chub lam rim chen mo
mchan sum sbrags kyi steng nas bshad lung shin tu rgyas

pa dri ma med pa'i rigs pa dang/ shes byed kyi lung/ gsal byed
kyi dpe/ dam pa gong ma du ma'i bshad rgyun sogs kyis brgyan pas
shin tu 'byams klas shing/ de yang phyi nas phar mda' sgron pa
bzhin nan gyis sbyar ba de 'dra ma yin par/ snye

mnang nas 'bus pa bzhin nyams myong gi khog nas 'ongs pa'i gang
gsungs mtha' dag go rgyu gting zab cing/ nyams len kho nar 'bab
pa/ sems ngo la lhan gyis 'byar 'gro ba zhig gnang bas nyan pa
po mtha' dag blo shin tu 'khul ba byung/ bshad lung

gnang rgyu'i thog mar rje btsun 'jam dbyangs kyi rjes gnang zhig
stsal 'dug pa yang dgos pa khyad par ba zhig yod par sems/ nyin
gcig de dang ha cang thag mi ring ba'i sa zhig nas 'thab 'dzing
zhig byung ste 'ga' zhig dgon pa'i nang du bros

@028a @#/ /yong ba na/ pha rol po de dag gi rjes bsnyegs nas
'ongs te/ khong dpon slob rnams kyis phyir bshol ba la yang tshig
ngan sna tshogs smras/ mtshan mo der brag mgon po'i mdun re'i rtse
nas 'ja' dkar bo

'od dang ldan ba zhig byung ba dgon ba'i rgyab ri'i ngos su zug
ba byung bas/ phyi nyin bka' chos kyi skabs su kha sang nged
rnams la ngan smras byas pa der yul lha dkar phyogs pa rnams ma
dgyes 'dug /'on kyang rang gzhan su la yang

gnod 'tshe ma byung na legs pas/ thams cad kyis de thugs la bzung
nas 'phrin las bcol dgos gsungs te/ dkar gtor bsngo ba sogs
mdzad kyang zlog ma thub bar de phyogs su ser ba drag po babs
shing/ nad 'khrug sogs nyer 'tshe sna

tshogs brgyud mar byung/ da lta rang don la babs ba'i tshe mig gi
lta lugs legs nyes tsam yang mi bzod kyang/ bla ma'i sku dgra
dang bstan pa'i spyi dgra sogs la byams snying rje kho na sgom
ba'i byang sems rnams dang/ dam pa 'di'i mdzad spyod gnyis

'gal ba ltag sprod kho nang snang bas/ gdug la rtag tu byams
byed pa/ /zhes pa'i rtsa ltung gi ngos 'dzin ma 'dra ba yin nam
snyam/ nyid nas gsung bkod gnang ste lo gnyis kyi ring gzims
khang dang gra gshag drug cu skor sogs legs par

bsgrubs; de'i zhar la phyogs so sor phebs te don gnyer can rnams
la rang rang gi mos pa ltar gyi 'dod chos mtha' yas pa gnang ba
dang/ bla brang du yang lan mang por phebs nas yang srid rin po
che'i sku don gyi rim gro rgya gang che lo re bzhin gyi dkyus

@028b ma dang/ skabs thob kyi rim gro 'phar ma mang du bsgrubs/
lan gcig bla brang chen mor rnam sras bsnyen sgrub cig gnang
ba'i skabs/ mtsho chen po yid du 'ong ba me tog gis brgyan ba
zhig tu pa dmar po gnyis 'gro 'ong byed pa'i snang ba dang

mnal ltas ya mtshan pa 'ga' zhig rmis shing/ dge slong byams ba
sogs sku 'khor 'ga' zhig la yang rmi lam ngo mtshar can sna tshogs
byung snang/ sprul lo'i ston mjug gnas chung gi sku rten zhig la
yang srid rin po che'i don gyi dri ba gnang

ba'i tshe/ khyed skyes bu dam pa yin/ skyabs mgon rin po che'i
yang srid gang yin nged kyis bshad mi dgos/ khyed kyi thugs na
yod ba de yin mod/ /ces gsungs 'dug /sku rten de la nged kyis
dris ba'i tshe yang srid 'khrul med rong bo'i

sha bi nang na yod ba de yin zhing/ kha sang zla ba brgyad ba'i
nang du thag yang bcad tshar yod zer byung/ slar rtsad bcad pa na
de gong tsam la dge slong byams pas skyabs mgon rin po che'i
yang srid 'di la yang dgos gnas mang po yod ba dang/ deng sar

bstan pa'i gegs 'tshub kyang shin tu che ba'i stabs kyis 'khrul
med cig lag tu 'ong mi'ong ci 'dra yin zhes sems khral byas pan/
khong rin po che nas khyod sems khral byed mi dgos/ da dung
sangs rgyas kyi bstan pa 'di de tsam gyi tshod lam sleb bas skyes

bu dam ba'i thugs bskyed kyis bslus mi yong/ skyabs mgon mchog
gi yang srid kyang phal cher rong bo sha bi nang gi de yin 'gro
mod gsungs 'dug pas/ snga phyi thams cad khog gcig tu 'bab par
snang/ dgung long drug bas rta'i lo bla brang du phebs nas

@029a @#/ /skyabs mgon mchog gi sprul pa'i sku gdan sar phebs
rgyu'i don la dmigs bsal gyi sku rim mang po bsgrubs/ khri 'don
gyi legs 'bul bteg pa na/ mchog sprul rin po che nas kyang gzhan
dang mi 'dra ba'i dgyes

nyams che ba mdzad cing/ nyid la yang dag ba'i gzigs snang khyad
du 'phags pa zhig byung 'dug /dme bo'i dgon gsar gyi yang bya
byed mtha' dag gi mgo 'dren bkod khyab nyid nas mdzad cing/ snga
phyir mchod rdzas sogs gang dgos

kyi gnang cha yang spam mtho ba stsal/ dgon 'debs rgyu'i don la
brtag pa gnang ba'i che/ gsang ba 'dus ba'i lhag mes 'od gsal du
sdud ba'i rim pa de nyid ji lta ba bzhin rmi lam du 'char ba
zhig byung gsungs ba ni/ nam mkha'i

dbyings kyi dbus gnas bar/ /sangs rgyas dkyil 'khor bsgom par
bya/ /zhes gsungs pa bzhin 'od gsal de nyid lha'i 'khor lo mtha'
dag gi 'byung gnas yin bas/ de dag gi rnal 'byor sgrub pa po
'dus pa'i dge 'dun dkon

mchog dam ba rig ba 'dzin ba'i sde zhig 'chag rgyu'i mtshan ma
yin nam snyam/ gzhan yang snang ba de lta bu rang dga' bas nyin
mo nan tan tu gsal btab kyang mi 'char ba zhig /dam pa 'dir rmi
lam na yang ji lta ba bzhin 'char ba

ni; bsre 'po'i man ngag gi sgo nas go 'phang mthon por slebs
pa'i khyad chos mkhas pas ya mtshan gyi gnas zhig go /'du khang
gi shing cha 'dren skabs shog pa'i nang du 'then 'khyer cung zad
byung skabs zhabs phyi 'ga' zhig gis skyon

@029b yod med zhus par/ ra ba 'dir dam can chos rgyal gyis gar
byed ba zhig rmis pas skyon med gsungs pa bzhin/ ma 'gyang bar
'dums te thams cad 'dun brtse gcig tu gyur/ skabs der yang zhal
slob gcig gi rmi lam du yang

khong la dad mi dad kyi skye bo tshan gsum tshogs pa'i mdun ngos
na ma he brjid chags ba zhig yod ba de'i 'chan khung nas smug ba
zhig chad de/ mi dad ba'i skye bo de dag gi steng khyab bar
g.yogs pa sogs dge ldan bstan ba'i bka' drung chen po

nyid kyis thun mong ma yin par bdag tu mdzad nas 'phrin las
bsgrub pa'i gtan tshigs shin tu mang ngo/ /lug gi lo 'du khang gi
rtsig gzhi 'dzin skabs/ gnas kyi shar lho'i mtshams na brag mgon
po zer ba zhig yod pa de nas rdo chen

bcu gsum mchod rol sogs bsu ba'i bkod pa dang bcas thog mar
blangs te rtsig gzhir bkod/ de'i che brag mgon bo'i rtse nas bya
rog cig 'phur yong ba gzhan gyis bkag kyang ma khogs par dgon
gnas su lha bsang chen po btang yod

pa'i thog tu babs ba la dpag na/ nyid la de'i tshe chos srung gi
gzigs snang sogs mang po byung yod tshod du 'dug kyang zhal nas
su la yang ma gsung 'dug /grwa ba rdo 'khur mkhan rnams la yang
kun gzigs kyi zhing gi bkod pa'i mdo dang/ /

de'i smon lam sogs 'don bzhin par byed rgyu'i lngags bkod stsal/
'du khang gi shing bzo rnams kyang rje btsun 'jam dbyangs su
bskyed nas mchod pa'i rnam pa mdzad cing/ las byed kun la gla mi
zhig dang mi 'dra ba'i bza' btung gang bzang

@030a @#/ /gis bsnyen bkur/ thob thang gi yon 'bab nges kyi thog
tu gzhan gyis ma shes pa byas te lkog nas kyang dngul gos ngar
sogs bdag rkyen tshad med ba gtong ba po la ser sna'i dri ma med
kyang len pa pos len

mi spobs pa lta bu gnang/ de skabs kyi mdzad chul de ni theg pa
chen po'i lam gyi gnad shes pa gcig gis bltas na rgyal sras kyi
spyod pa'i spyi sdom chen po rdzogs smin sbyangs gsum gyi nang
nas sangs rgyas kyi zhing spyong ba'i nyams

len kho nar 'gro ba zhig gnang yod 'dug pas/ dkyus ma'i mkhar
las shig dang mi 'dra bar ma zad/ 'dul ba rkyang ba'i phyag len
lag gi bla bsko ba sogs sbyor dngos thams cad bstan ba'i dmigs
rkyen du 'gyur bar byas pa'i rnam thar

las kyang lhag ba zhig go /las byed rnams kyang yon gyis mgu bar
ma zad; bla ma'i rnam thar la dad ba bcos min skyes te rang rang
gis gang shes kyi las ka mtha' dag g.yo zol med par dga' bzhin
dang du blangs pas las 'gro che la sra

zhing brtan pa/ bzo bkod shin tu legs bas yul phyogs na sngar
yod kyi lha khang 'du khang thams cad las ches khyad bar du
'phags pa zhig byung/ spre'u'i lo skya bzo mtha' dag grub cing/
gnas der phyogs 'dus kyi chos nyan pa shin

tu mang po la ba ri brgya rtsa dang snar thang brgya rtsa'i rjes
gnang sogs chos kyi bdud rtsi'i dga' ston rgya cher stsal/ rnga
rgod sprul sku dang the bo sprul sku sogs bsgrub bya du ma la
bsnyen rdzogs kyi sdom pa gnang ste bslab ba yongs su rdzogs
ba'i
@029b gzhi la bkod/ /bstan ba'i gzhi ma yin pas 'dul ba'i bcas
mtshams la nyams len snying por byed dgos kyi bslab bya nan tan
du stsal/ de'i lo rjes mar co ne'i phyogs nas lha bzo mkhas pa
'ga' zhig bos te 'du khang gi shing brkos

phal cher la gser ljib thum sogs shing rtsi ldeb ris mtha' dag
tshon rtsi gang bzang gis rgyu 'gros tshad med pa'i sgo nas
mdzes shing 'od 'bar ba rnam par rgyal ba'i khang bzang lta
bur bsgrubs/ phyogs ris med kyi bla ma sku skye sogs chos nyan

pa mang du 'dus par sgrub thabs rin 'byung gi rjes gnang yongs
su rdzogs ba dang/ 'jam dbyangs chos skor nang gi lha so so'i
rjes gnang/ gzhan yang zur bka'i rjes gnang mang po dang/ de'i
gseng bar du so so'i 'dod ba ltar gyi lung

khrid mtha' yas pa sogs chos dka' dpag tu med pa zla ba mang
po'i bar rgyun mi 'chad du gnang/ rin 'byung nang gi lha mo'i
thun mong ma yin pa'i rjes gnang byed rgyu'i zhog ka der/ de'i
bca' gzhi sogs byed mi dgos gsungs kyang/ mchod

dpon gyis rjes gnang ma tshang dogs pas/ de'i mchod gtor sogs
bshams nas bzhag pa'i stabs kyis thad der mi gnang ba'i thabs
med pa zhig byung/ de'i tshe glo bur du 'jigs shing skyi g.ya'
ba'i zil chen po zhig dang 'ur chen po zhig dang 'ur chom gyi
sgra chen

po rgyun mi 'chad ba/ mchod shom sogs kyang 'dar sil sil byed
pa zhig byung ba na/ nyid nas gsung 'phro bzhag ste dmigs pa
gtad nas bzhugs pas re zhig gi mchams nas 'o 'jam du song/
skabs der gang nas yong med par 'du khang nang du

@031a @#/ /'tshub ma chen po zhig kyang yun ring por 'khyug ste
mtshams shig rgya mthong khar thon nas song ba sogs 'tshub dang
dngos grub gang yang med par rjes gnang skur nyag gcig pa
rnams dang mi 'dra ba'i rtags mtshan re nges

par 'byung gin yod 'dug /bla brang nas gdan drangs te skyabs
mgon mchog sprul rin po che'i zhabs brtan rgya che ba yun ring
por bsgrubs/ de skabs nyin gcig nged kyi rtsar phebs te/ rgyal
dbang 'jam dpal rgya mtsho thog mar gdan

sar 'god rgyu'i sngon der bod kyi mi chen so so'i 'dod dbang
gis 'then 'khyer sna tshogs pas lam rgyugs dka' bar byung ba
la/ paN chen thams cad mkhyen pa dpal ldan ye shes kyis rig
byed ma'i bstod pa zhig mdzad de thugs rgyud

bskul bas 'phrin las kyi sgo phye ba yin par 'dug /bcom ldan
'das ma la bstod pa mang yang de nyid gzhan thams cad las
khyad par du 'phags pa zhig snang/ da lan yang skyabs mgon
mchog sprul rin po che 'di'i mdzad

'phrin kho nar dmigs te/ bstod pa de nyid 'grel ba tshig gi
'bru gzhon tsam ma yin par/ ma rgyud kyi lam gyi 'gros dang
sbyar ba'i shin tu rgyas ba po tir longs pa zhig rtsom dgos
zhes bskul ma gnang byung bar/ rang nyid sngar glob

ma phyogs pa lta bus sngags phyogs la 'dris cha chung zhing/
bstod pa de yang don shin tu brling ba zhig yin 'dug pa bri ba
rngo mi thogs tshul zhus kyang/ dam pa nyid bya ba gang brtsams
de nyid ldog tu med par mthar 'don pa zhig yin

@031b 'dug pas ci nas kyang 'dri dgos zhes gsung nan ha cang
che ba ma bzlog par bstod 'grel rdo rje gsum gyi snang ba 'di
nyid bras pa yin la/ da lta dus kyi tha mar song ste legs
bshad la legs bshad du shes pa dkon pas gzhan la phan thogs/ /

dka' yang/ rang rgyud la bag chags cun zad 'jog pa'i rkyen du
song bas bka' drin bla na med par gyur/ deng dus phal mo tshe
zas nor zhig ma phyin par gtam bzang po tsam gyis mi mgu ba'i
rang dpe lha la bkab ste/ dngos grub zhu ba

la yang mchod gtor gal che ba las/ gzhung rtsom pa lta bu de'i
rgyur 'gro snyam pa mi snang bas/ dgongs tshul 'di tsam yang
bstan pa'i gnad mkhyen pa'i rang rtags su gsal lo/ /lo tshigs
snga phyi ci rigs par phyogs phan tshun du ma nas

dbang rjes gnang lung khrid man ngag sogs chos bka' bsam gyis
mi khyab pa gnang 'dug pas rags rim tsam phyogs sngoms su bkod
na/ co na'i dgon chen nas rje bla ma'i thun mong ma yin pa'i
yi dam lnga'i ya gyal dbang gi che ba dpal phyag

na rdo rje 'khor lo chen po dang/ kun rig rnam par snang
mdzad/ rdo rje mi 'khrugs pa/ gtsug tor rnam rgyal bzhi'i
dbang chen/ sgrub thabs rin 'byung/ snar thang brgya rtsa/
'jam dbyangs chos skor/ mgon po bka' bcu gsum/

'jigs byed sngags btu/ rta phyag khyung gsum sogs kyi rjes
gnang/ khrid dang lung thor bu ba mang po/ chags phyogs nas
dbu ma lung rigs sgron me dang/ grub mtha' rin chen 'phreng ba
sogs kyi lung/ 'jam dbyangs chos skor/

@032a @#/ /rdor sems/ 'jam dkar sogs kyi rjes gnang/ dgon li
dang brag dkar ri khrod gnyis nas 'phags pa thugs rje chen po
zhal bcu gcig pa'i dbang/ dgon li sprul sku la bsnyen rdzogs
kyi sngom pa

phog cing/ lam rim gyi khrid/ lung sna tshogs dang zur bka'i
rjes gnang mang po/ rkang tsha'i phyogs nas lam rim chen mo'i
bshad lung tshar gnyis/ yum 'bum pa/ be'u bum sngon mo/ chos
spyod rab gsal sogs kyi lung/

snar thang brgya rtsa dang 'jam dbyangs chos skor gyi rjes
gnang/ rnga rgod sgang nas 'jigs byed bcu gsum ma/ 'jigs byed
dpa' bo gcig pa/ kun rig /bcu gcig zhal rnams kyi dbang chen/
lha 'dris ri khrod nas bde

gsang gnyis gyi dbang/ chos 'khor gla rim mgo phyogs nas byang
chub bde lam gyi khrid/ dbang dang rjes gnang 'ga' zhig sogs
gang la gang 'dod kyi chos sbyin rgya cher stsal/ phyogs nye
ring du ma nas tshul khrims kyi bdud rtsi

don du gnyer ba'i phyir 'ongs ba rnams la tshigs snga phyi'i
sdom pa phog pa thams cad kyang thugs rje dang byin rlabs kyi
mthus bsrung sdom la brtson pa lhur byed pa kho na byung/ re
gcig pa chu phag gi lo phyogs yas mas nas reb cha bka'

'gyur ba'i sprul sku/ rnga rgod sgrul sku sogs dam pa'i skye
rgyud 'dzin pa'i sbrul sku du ma dang/ sgrub pa la gcig tu
gzhol ba'i ri khrod pa mang po/ dka' ram dge bshes du ma sogs
don gnyer can brgya phrag du ma 'dus pa la mi tra

@032b brgya rtsa'i dbang chen yongs su rdzogs pa/ rgyud sde so
so'i skabs kyi sogs chos mi 'dra ba'i khyad par sogs lag len
phra zhing zhib pa 'khor lo'i mgon po skyabs mgon rdo rje
'chang chen po'i phyag bzhes ji lta ba bzhin du stsal te/

snod ldan slob ma mtha' dag gi rgyud la nges legs sku bzhi'i
go 'phang 'grub pa'i sa bon grung po 'debs par mdzad/ dbang gi
mjug tu skyabs mgon rdo rje 'chang nas bla brang du dbang 'di
gnang skabs sku na mtho yang/ bstan pa thugs

la bcings te sku tsheg la ma gzigs par phyag len zhib mo'i sgo
nas dbang yongs su rdzogs par gnang/ sngon gyi dam pa rnams
kyi rnam thar gsan yig sogs la bltas na deng sang zur bka'i
dbang tsho phal cher chad song ba lta bu red/ yin

kyang dus shin tu snyigs pa'i stobs kyis chos rgyun zab mo nub
ba la snang rung byed mkhan su yang mi 'dug /khyed bstan 'dzin
dam pa rnams kyis bstan pa thugs la bzhag ste/ dbang rgyun 'di
dag ma nub par spel dgos zhes bka' phebs  

tshul gsungs pas bla ma'i yon tan dran pa'i gdung shugs kyis
mchi mas brnangs te/ re zhig gsung mi thon pa byung bas chos
nyan pa rnams kyang dad pa dang skyo bas sems blong blong por
gyur/ gzhan yang nam mkha' sgo 'byed kyi dbang

sogs zhu ba po so so'i mos ba ltar gyi zab chos dum lhug par
stsal/ ri mo'i las la byang chub pa'i pir thogs dbang po 'ga'
zhig bos te thub pa'i dbang po rgya gar lugs kyi gnas brtan
bcu drug dang bcas pa'i sku thang shin tu legs pa nyer gsum/

@033a @#/ 19/bsgrim btag gi hor gos sngon po nor bu cha bdun
ma'i gong gsham can/ bzang gos kyi rgyab sha dang zhal khebs
sogs khyad du 'phags pa grangs mtshungs su bsgrubs/ de bzhin du
yi dam chos skyong so so'i zhal

thang lnga mdzod gos kyi gong gsham dang bcas pa lang gsar du
bzhengs/ so sor phyi nang du nang mdzod kha dog sna tshogs
dang/ bzang gos dmar ser manydzi spus gtsang sogs kyi na bza'
rtsegs lnga bcu skor re dang/ phyag mtshan

go khrab sogs kyi spyan gzigs bsam las 'das pa phul/ sku thang
snga phyir bzhengs skabs dang/ 'du khang gi tshon gtong skabs
sogs su bzo bo rnams la yon tshad las 'das pa bstar yang/ mngon
chung kho na mdzad de zhabs 'bring ba rnams

kyis rgyu song gi tho re bsgrigs pa la yang thugs mi dgyes
par/ nged kyis rten bzhengs cung zad re byas pa 'di rnams chos
brgyad kyi bsam pas byed ma myong bas de 'dra gtan mi dgos
gsungs te/ de phyin chad las byed rnams la gnang sbyin

mdzad rgyu sogs de dag la sbas nas lkog tu sbyin par mdzad/
de'i stobs kyis rgyu song zhib cha ma nges kyang/ rags rtsis
tsam la gnas bcu'i zhal thang rnams kyi rgyu yon kho nar yang
dngul srang bzhi brgya lhag ba song ba'i chod du snang/

bka' chos gang gnang ba thams cad kyang dbul pos gzhan gyi nor
bgrang ba lta bu rang la nyams myong med pa'i kha bshad tsam
ma yin par/ dang po bshes gnyen mtshan nyid dang ldan pa bsam
sbyor gnyis kyis tshul bzhin du bsten te/

@033b des dgyes bzhin stsal ba'i gdams pa zab mo legs par
gsan/ gsan pa'i de ma thag nas bshes gnyen bar ma chad pa las
rim par brgyud pa'i gdams pa byin rlabs kyi drod ma yal ba de
nyid rang gi rgyud la sbyar nas nyams myong skye nges su

byas te sbyangs/ de rjes gzhan la 'chad pa na dam chos zol du
'grem pa lta bu chos brgyad kyis bslad ba cung zad kyang med
par slob ma la snying brtse ba dang/ tshul de la brten nas thub
bstan rin po che ring du gnas par 'dod pa'i lhag bsam sngon

du btang ste/ bshad pa'i tshul yang ma bshad log bshad ha cang
bshad pa sogs kyi skyon dang bral bar/ slob ma'i rgyud tshod la
sbyar ba'i bshad pa rgyas bsdus 'tsham zhing/ tshig nyung du res
kyang don rgya chen po ston pa dang/ brjod

bya mdo rgyud kyi zab gnad tshang bas shin tu brling yang/
rdzod tshul slob ma'i rnam bar skyel mkhas pa'i dbang gis blo
mchog dman mtha' dag gis go bde ba/ go ba skye tshul yang
gzhung de dang des de ltar bshad pa red zer ba tsam gyis shes
bya

mang po'i rnam grangs tsam ma yin bar/ rang gi rgyud thog tu
phabs te 'di dang 'di ltar byed dgos pa 'dug snyam du chos min
gyi spyod pas gnong zhing/ nyams len la spro ba dang gis 'phel
ba sogs gang gsungs thams cad rgyud 'khul ba'i thabs

'ba' zhig tu mdzad/ khyad par gsang sngags kyi dbang rjes
gnang sogs mdzad ba'i tshe/ bsnyen sogs dag pa sngon du 'gro
ba'i sgo nas/ phyag len gyi cha phra mo tsam yang sla chos su
ma song bar byas te/ stsol ba

@034a @#/ /dang/ lhag par rgyud rje gong ma'i dbang sogs kyi
mjug tu/ bla ma lnga bcu bar/ de nas sngags sogs byin pa yis/
/dam chos snod du byas nas su/ /rtsa ba'i ltung ba bcu bzhi
ni/ /klag dang

'dzin pa nyid du bya/ /zhes gsungs pa ltar/ rtsa ba dang yan
lag gi dam tshig so so'i ngos 'dzin go bde ba re dang bcas te/
dam sngom tshul bzhin du bsrung tshul gyi bslab bya nan tan du
rdo rus thug pa gnang/ khrid sogs kyi tshe byis pa chung

du thang la 'khyams pa ltar gtad so med par gang zin nas bshad
pa de 'dra ma yin par/ nyams len sbyor dngos rjes kyi rim pa
cha tshang la/ blo dor 'dum bde ba skabs su gang babs kyi gegs
sel bogs 'don/ khrid dmigs 'og

ma 'og ma nas gong mar 'jug tshul sogs kyi gnad mtha' dag myong
steng nas man ngag lag bcangs lta bur gnang/ dam pa nyid kyis
gsungs pa'i skabs su yang byang chub lam gyi rim pa 'di jo
bo'i man ngag yin tshul dper na/ bung bas

me tog gi bcud bsdus pa de rang gi lto bar bsags nas ro bcud
phun sum tshogs par song ba de sbrang sgam du bsags pa la gzhan
gyis sbrang rtsi zhes longs spyad du yod pa ltar/ jo bo chen
pos rgyal ba'i gsung rab mtha' dag thos bsam gyis

gtan la phab/ bsgom pas nyams su bzhes te/ myong ba khyad par
can 'khrungs pa na rang gi thugs rgyud la nyams rtogs ji ltar
skyes pa'i rim pa bzhin du/ lam sgron gyi skabs nas de thams
cad skyes bu gsum gyi lam gyi rim par bsgrigs te

@034b rjes 'jug rnams kyis gzhung nyung du de'i sgo nas gsungs
rab mtha' dag nyams su blang du yod pa zhig mdzad pa 'di jo
bo'i man ngag tu 'jog tshul yin gsungs pa bzhin/ nyid kyis
kyang phyag len du thebs nges pa kho nar mdzad/ khyad par du
byang

chub lam gyi rim pa'i don rang gis nyams su len pa dang/ gzhan
la 'chad pa thams cad la mgo bshes gnyen bsten tshul zhes rlung
lta ra grags kyang/ rang steng du bskor ba na mdo ting nge
'dzin rgyal po las/ de bzhin rnal 'byor mi

brtson pa/ /tshul khrims bsngags pas 'tsho ba dag /phyi ma'i dus
na 'byung 'gyur te/ /de dag la ni tshul khrims med/ /gsungs pa
bzhin rtsa ba bla ma'i dam tshig gi rmang gzhi zad de/ nyams
len gyi mgo tshes gcig lta bu nas

'tshugs pas/ lhag ma rnams cha 'dra tsam yang skye ba'i go
skabs nam yang mi srid la/ bdag nyid chen po 'dis ni byang
chub lam gyi rim pa che chung du dge ba'i bshes gnyen bsten
ba'i chos skor 'di rnams ni gang las kyang gal che ba gtan

gyi 'dun ma'i rtsa bar snang/ zhes gsungs pa thugs la bzhag
ste/ nyams len gyi snying po 'di nyid la chig dril du byas pas
rtogs pa gong ma thams cad kyang thugs rgyud la spungs pa
bzhin du 'khrungs/ dam pa nyid kyi zhal nas kyang/

nged kyis bla ma mang du bsten pa gcig la yang dam tshig gi sel
'jug ma myong/ thams cad kyi nang nas kyang skyabs mgon thams
cad mkhyen pa la dad pa lhag pa thun mong ma yin pa zhig yod/
de'i rgyu mtshan khong gi mdzad sbyor thams

@035a @#/ /cad sangs rgyas kyi bstan pa'i don kho na las ma
'das pa/ skyid sdug legs nyes ci 'dra zhig byung yang de la mi
gzigs par bzod pa'i go cha gyon nas rgyal ba'i bstan ba 'dzin
skyong spel gsum gyi don la

brtson pa skad cig tsam yang mi 'dor ba 'di yin/ khyed rang
rnams kyang bla ma'i yon tan dpyis phyin par mthong ste/ dad
pa mi ldog pa'i gdeb zhig med na bdud kyi ga+yo skyon kha bar
lag bar nas rgyud la zhugs te skyon rtog sna tshogs

ba zhig skyes yong/ de'i rgyu mtshan gyis dus rgyun par rang
sems la bya ra byas te/ bla ma'i mdzad pa la skyon rtog zhugs
ma zhugs brtag dgos gsungs pa dang/ yang kun mkhyen 'jam
dbyangs bzhad pa 'di rje btsun 'jam pa'i

dbyangs dngos yin/ nga'i chu bur gyi mig gis bla ma sangs
rgyas su ma mthong yang/ mos gus kyi mig gis bla ma sangs
rgyas su mthong byas na rdzu na du mi 'gro/ don 'di la lcags
longs byas kyang yang ba med gsungs/ gsung

'di'i don phal cher zhig gis go tshul la bla ma'i gzugs sku
mtshan dpe sogs kyis brgyan pa'i sangs rgyas kyi sku'i rnam pa
lta bur ma mthong yang/ yid kyis de ltar bsgom ba'i mos ngor
gsal snang thob pa lta bu la go ba ni don gyi

phyogs tsam du yang ma song zhing/ deng dus bshes gnyen bsten
tshul gyi dmigs skor skyong bar 'dod pa phal cher yang/ bla ma
sangs rgyas su sgom tshul de tsam gyi steng nas byed pa dmigs
pa'i gnad ma shes pa yin pas/ gsung@035b de'i don cung zad bshad na 'di yin te/
spyir gsang ba 'dus
pa las/ byang chub kyi sems rdo rje bzhin du blta bar bgyi'o/
/zhes pa dang/ lag na rdo rje dbang bskur ba'i rgyud las/ slob
dpon la slob mas ji ltar blta bar bya zhe na/

sangs rgyas bcom ldan 'das la ji lta ba de bzhin du'o/ /zhes
sangs rgyas dang 'dra ba blta dgos zhes gsungs pa rnams/ ngo bo
skyon kun zang yon tan kun ldan yin pa sangs rgyas dang 'dra
ba'i don yin gyi/ rnam pa mtshan dpes brgyan

pa sangs rgyas dang 'dra ba'i don ma yin pas/ dogs pa de nyid
sel ba'i phyir du rje bla mas byang chub lam gyi rim pa las/ de
dag gi don ni/ ji ltar sangs rgyas yin par shes pa na/ de la
skyon rtog pa'i blo mi 'byung zhing yon tan

sems pa'i blo 'byung ba ltar/ bla ma la yang ched du byas te
skyon rtog pa rnam pa thams cad du 'dor zhing yon tan rtog pa'i
blo sbyong ba'o/ /zhes gsungs so/ /gnad 'di mgo bar rnam pa
mtshan dpes brgyan pa'i sku can du bsgom pas gsal

snang skyes kyang skyon rtog khegs pa'i nges pa med do/ /lha
sbyin legs skar sogs kyis thub pa'i sku mtshan dpes brgyan pa
dngos su mthong yang/ skyon rtog ma khegs par ma zad rang gi lag
bar lcags sreg gis 'khor lo 'bri ba sogs 'gran bla byed pa

lta bu yin pas/ don 'di la dgongs te lag na rdo rje dbang bskur
ba'i rgyud las/ slob dpon gyi ni yon tan bzung/ /skyon ni nam
yang bzung mi bya/ /zhes gong du sangs rgyas su blta bar gsungs
pa de'i dgongs pa rang nyid kyis bkral ba

@036a @#/ /bzhin no/ /ngo bo skyon kun zad du mthong ste ci mdzad
thams cad la dag snang skye ba zhig byung na/ rnam pa rang cag
dang skal ba mnyam par bstan pas tha mal gyi rnam pa 'di lta bur
snang ba la skyon mi 'byung zhing/

de ltar du bsgom dgos pa'i skabs kyang mang po yod la/ der ma
zad rdo rje 'jigs byed lta bu yang ngo bo rgyal ba kun gyi ye
shes dang snying rje'i rang gzugs su blta dgos pa las/ rnam pa
shin tu khros pa'i rnam par bsgom yang skyon rtog tu mi

'gro ba bzhin no/ /des na chu bur gyi mig gis sangs rgyas su ma
mthong zhes pa ni sku mtshan dpe gsal rdzogs kyi rnam pa can du
mthong ba dgos pa'i gtso bo min pas de ltar ma mthong ba dang/
mos gus kyi mig gis sangs rgyas su mthong zhes

ba ni mdzad pa mtha' dag yon tan 'ba' zhig tu mthong ste skyon
rtog cung zad kyang ma zhugs pa'i don yin pas/ rjes 'jug bla
ma'i rnam thar bzhin du slob bar 'dod pa dag gis kyang gnad 'di
shes par gyis shig /rje btsun dam pa nyid

nas sbas pa'i brtul zhugs kho na lhur mdzad de/ rang gi yon tan
rnams gzhan la cung zad tsam yang sgrog par mi byed kyang/ bshes
gnyen bsten tshul 'di dag ma sbas par lhug par gsungs pa ni/ da
lta dus kyi dbang gis chos

shes par rlom pa rnams kyang/ legs tshogs kyi rtsa ba 'di la zon
mi byed pa'i mig ltos ngan pa nyams smad pa dang/ bla ma bsten
pa la yon tan du mthong ba dkon pas/ tshul de gsungs kyang yon
tan bsgrags pa la mi 'gro bar dgongs pa

@036b yin te/ nyid la 'brel thogs pa'i sbyin bdag sogs rgyus yod
phal cher rnam thar lo rgyus gleng ba'i tshe 'phral phugs kyi
legs nyes sogs lung bstan pa ji lta ba bzhin thog tu khel ba
dang/ nad gdon sogs kyi nyer 'tshe drag po zla sngags nus

pa can gzhan sus kyang phan ma thogs pa rnams nyid nas spyan
dmigs rim gro cung zad re tsam mdzad pas zhi ba dang/ 'go ba'i
nad rims can gyi sar gdan drangs ba'i tshe/ la lar gzhan rnams ma
'gro gsungs nas nyid gcig bu

phebs shing/ 'ga' zhig tu 'dzem mi dgos gsung ba bzhin thams cad
song ba la/ nyes skyon cung zad kyang ma byung zhing/ phal cher
de 'dra'i rigs gang du phebs pa nas bzung ste nad rims rgyun
chad pa dang/ sbyin 'dag 'ga'

zhig mdun du 'ongs ba'i khrod nas gcig cung zad ma bde yang sbas
nas yod pa mkhyen te/ khyed tsho'i khrod na cung zad re mi bde
mkhan yod tshe tshad rims yin 'gro bas/ sems chung byas pa dga'
gsungs ba bzhin ma 'gyang bar mngon du

thon pa sogs mngon shes dang grub rtags yod tshul gyi rnam thar
re brjod rgyu rgyus yod mtha' dag la yod pa las/ bla ma sangs
rgyas su mthong ba de rnam thar du shes mkhan dang brjod mkhan
dkon par snang ngo/ /shing byi'i dgun skyabs

mgon mchog sprul rin po che rong phyogs kyi dgon lag so sos gdan
drangs bar phebs pa'i tshe dgon gsar du spyan drangs/ bsu ba'i
bkod pa dang gsol ston sogs gzab rgyas kyis bkur sti rim gro bla
na med pa zhus/ dgon gsar rten

@037a @#/ /dang brten par bcas pa thams cad phul te/ ji srid nam
gnas bar bla brang gi dgon lag byed rgyu'i yi ge nyid nas bkod
pa gnang nas bris te/ dpon po rgan po mtha' dag la mi 'gyur ba'i
thel rtags

'jog tu bcug /rgyu nor gyi 'bul ba yang stabs gcig tu byas nas
cha chung ba'i skyon gyis ngom chos lta bur 'gyur du dogs nas/
lan snga phyir nyid kyi gzims khang dang 'du kheng/ 'brog gi mi
rtsi'i khyim sogs so so nas phul

ba bsdoms par/ rta nor brgya skor dang/ dngul dong tse gos
phrugs sogs bsdoms pa srang bdun brgya'i skor zhig phul/ bla ma
lnga bcu par/ bla ma'i rdzas ni srog ji bzhin/ /de yi sdug
pa'ang bla ma bzhin/ /bla ma'i 'khor ni

gnyen bzhin du/ /mnyam par bzhag pas rtag tu bsam/ /zhes gsungs
pa'i don thugs la bzhag ste zhabs 'bring ba rnams la yang bsnyen
bkur dang yon gya nom pa bstar te ches shin tu mgu bar byas/ de
nas bzung ste gsung 'phros

sogs kyi skabs du mar nged rang gis nyin mtshan med par bla ma'i
'phrin las 'ba' zhig la bsams te dka' las byas nas 'bad pa bzhin
bstan pa'i bdag po la 'bul rgyu byung bas/ da ni rang gi bsam pa
rdzogs pa yin gsungs te thugs sna

bstungs ba'i rnam pa yang yang mdzad/ khyad par shing glang lo'i
lnga pa'i nang du nyin gcig g.yo dge sku rten la/ nged kyi mi
tshe gcig gi bsam don la 'di ma 'grub bya ba gcig kyang med/ da
lo phan la mi sdod gsungs nas rjes kyi bya ba 'gal

@037b zhig gi zhal bkod gnang/ sku rten gyis zhabs pad brtan
dgos pa'i gsol 'debs na zhus byas pas/ ngas bshad pa 'di sems la
zungs la gtam gzhan la ma 'khyar ba gyis gsung/ de nas cher ma
'gyang bar sku khams ma bde yang/ zhabs

brtan sogs sgrub tu bcug par ma zad/ chos bka' gnang rgyu dang
'byon bzhud sogs sngar rgyun bzhin mdzad nas so so'i re ba
bskangs/ 'on kyang sku nyams rim gyis je ngan ru 'gro ba sogs
babs 1 lci ba zhig tu yod ba'i gnas tshul gsan te/

bla brang nas dar han ched mngags kyis btang bas/ brgyad pa'i
bcu gsum la brtan bzhugs phul bar rten 'brel la dgongs bas zhal
bzhes bzang po gnang/ zhabs brtan sgrub rgyu'i thebs phul ba'i
steng nas rim gro yang gal chung du ma song ba mdzad

dgos tshul nan zhus byas pas 'dun pa ltar bsgrub tu bcug /de'i
bco brgyad nas sku khams kyang cung zad je dwangs su song ste/
phyogs 'dus kyi chos nyan pa rnams la lam rim gyi bshad lung
gnang ba'i dbu tshugs/ de skabs bzhes ba cung zad

tsam yang ma gnang bas sku nyams la bltas na bzhengs bzhugs tsam
yang dka' ba'i tshod yin kyang/ khri khar phebs te gsung chos kyi
mgo tshugs ba nas sku'i gzi mdangs je gsal du song/ gsung gi
gdangs mtho zhing gsung bshad shin tu rgyas la

zab cing brling ba thogs med du stsal bas chos nyan pa phal cher
gyi sems la/ sku khams mi bde ba cung zad kyang mi 'dug snyam
ba'i tshod lta bu byung/ sku 'khor 'ga' zhig gis nyid sku khams
ngan yang bka' chos gnang tshe gzi mdangs je rgyas su 'gro

@038a @#/ /ba zhig 'dug pa ci yin zhus par/ de mdo bton pa'i
stabs red gsungs pa ni/ brgyad stong 'grel chen sogs su/ shes
rab kyi pha rol tu phyin pa la rnal 'byor byed pa der dkar
phyogs skyong ba'i lha rnams

kyis lus ngag yid gsum la mdangs dang sngobs ba sogs bsgrub par
gsungs pa de lta bu zhig yin par mngon/ bka' chos kyi mthar
sngon skyabs mgon skyabs mgon rdo rje 'chang nas 'di'i bshad
lung gnang ba'i dus su brtse ba'i blta stangs kyis 'khor gyi

tshogs deng yang yang gzigs pas/ thugs kyi dgongs pa la brtags na
rje bla ma'i gsung gi snying po gsung rab mtha' dag gi bcud
bsdus pa 'dir 'chad nyan tshul bzhin du byed mkhan re byung na
dgongs par 'dug pas/ 'di'i

'chad nyan lan bdun byed rgyu'i dam bca' byas te sngar lan drug
song/ rjes ma 'di mi thub pa e yin snyam yang/ da lan bla ma'i
thugs rje la brten nas legs par 'grub pa byung bas/ dam bca'
mthar phyin pa yin/ ma 'ongs

pa'i skye ba thams cad du yang nged rang dpon slob rnams rje bla
ma'i bstan pa 'di dang mi 'bral bar 'dzin skyong spel gsum byed
rgyu'i 'dun pa tshang mas thugs la 'dzin dgos zhes yang yang
gsungs shing/ nyid nas thugs dmigs rgya chen

pho nan tan mdzad/ dgu pa'i tshes gsum la bka' chos rdzogs par
grub/ tshes lnga nas slar yang sku 'khrugs par zhabs phyi ba
rnams dang/ sku rten sogs kyis sman dang rim gro byed dgos tshul
zhus pa na/ nga de 'dra'i dus

@038b tshod min/ sku rten khyod la lnga pa'i bcu bdun gyi nyin
ngas bshad yod bde yin/ lo snga ma zhig nas rlung gi rgyu tshul
dang nyams snang ba sogs la dbags na rang gi tshe'i 'phen ba'i
dus tshod dngos la slebs pa yin gsungs nas gsan bzhes ma

mdzad; de nas sku khams rim lod du song ba na sku 'khor nang ma
rnams kyis gal ted lan zhing gzhan du dgongs pa gtad pa zlog tu
med pa zhig yin tshe/ slar yang nged cag gi mgon du yang srid
'khrul pa med pa zhig phebs dgos zhus

par; skyes chen dam pa snying rje'i gzhan dbang du gyur pa rnams
la sprul sku 'byung ba ma gtogs/ ngeng lta bu la sprul sku
'byung ba ltas ngan yin pas sku skye med/ thugs dam la sdod pa'i
rgyu tshogs med pa ro tsog pur bzhag nas

gdung mjal dang mchod 'bul sogs chos brgyad kyis bslad pa'i tshul
'chos kyi rigs ma byed/ zhag gsum gyi bar du phung po bsgul
bskyod ma byad/ sngar lo bcu gsum gyi steng nas ru stod ma'i sa
cha'i ri zhig gi ngos nas rang gi

lus bya rgod la sbyin pa'i 'phen pa btang yong pas zhag gsum
ba'i mtshan mo/ dge slong mkhas mchog /don grub/ bstan 'dzin gsum
gyis sngar nged kyis bstan yod pa'i ri der skyol la re zhig
gzhan sus kyang mtshor ba byed dgos

'di nged rang gi bsam pa dang mthun pa'i dge rtsa yin pas bar
chad byed mi nyan zhes dam tshig la bkar ba'i gsung nan gnang/
chung ngu'i dus nas rang gi lus gzhan la bsngos te gtong sems
goms par mdzad pa'i tshul 'di ni theg pa chen

@039a @#/ /po'i lam gyi gnad shes pa zhig gis brtags na rnam par
thar pa bsam gyis mi khyab pa'i gnas yin te/ skye bo phal cher
lus sha khrag gi phung po mi ring bar 'dor dgos pa 'di la gtan
du bar bzung ste/

'dun ma gang byas thams cade 'di'i 'tsho skyong gi thabs 'ba'
zhig tu byas na yang/ nam zhig 'chi bdag gi pho nyas zin te phyi
mar 'gro ba na/ shul du bskyur dgos pas bya ba thams cad chud
zos su song/ der ma zad lus la gces

par bzung ba'i dbang gis dal brten bas gnyen 'tshegs pa dang/
dgra la sdang ba sogs phung khrol mtha' dag bskyed pa yin la/
bdag nyid chen po 'dis ni rang gi lus kyang brnyan po lta bur
gzigs te zhen pa med pa'i stobs kyis

de la brten pa'i chags sdang sogs skye ba'i gnas med cing/ gnas
skabs chos sgrub pa'i yan lag tsam du lus zungs brten pa tsam
gyi 'tsho ba dang/ gzab 'phyor gyi rigs su mi 'gyur la/ ha cang
hrul pa yang ma yin pa mtha'

gnyis su ma lhung ba'i gos tsam gyis chog shes par mdzad pa'i
steng nas lus de nyid cung zad tsam yang bag ?sa su mi 'jog par
chu bo brgal ba'i gru gzings bzhin du chos sgrub pa'i rgyu 'ba'
zhig tu bkal bar mdzad pa ni/ spyod 'jug las/ bdag

gis lus can thams cad la/ /lus 'di ci bder byin zin gyis/ /rtag
tu gsod dang smod pa'am/ /brdeg sogs ci dgar byed la rag /bdag
gi lus la rtse byad dam/ /co 'drig zha'i rgyu byed kyang/ /bdag
gi lus 'di byin zin gyis/ /'di

@039b yi khra tas ci zhig bya/ /zhes dang/ lus 'di bsnyod kyang
gzhan 'gro na/ /khyod ko ci ste sha thang gso/ /'di la gla rngan
byin nas ni/ /phan pa med pa 'di la ni/ /thams cad sbyin par mi
bya'o/ /'gro dang 'ong ba'i rten tsam du/ /lus la gru yi blo

bzhag ste/ /sems can rnams don sgrub ba'i phyir/ /yid bzhin gyi
ni lus su bsgyur/ /zhes ba'i dgongs pa ji lta ba bzhin mdzad de/
lhan cig skyes pa'i lus la yang zhen pa cung zad kyang skye pa'i
go skabs med par mdzad na/ longs spyod la zhen pa

med pa lta ci smos/ dam pa nyid kyi zhal nas kyang deng phyogs
phan tshun mang por song ba 'di bla ma'i 'phrin las la phan pa
zhig e yong ma gtogs rang don zhig e 'grub snyam pa min/ dngos
po phran tshogs shig kyang lag tu byung ma thag nas bla ma la

bsngos te snying bo blangs zin pa yin/ de las lhag pa 'khor ba'i
longs spyod kho rang la snying po gzhi nas ma grub pa'i stobs
kyis len tshul med gsungs pas kyang shes so/ /de ltar lus dang
longs spyod gtong bar ma zad/ dge rtsa yang gzhan

don kho nar gtong bar mdzad de/ sku 'da' kha'i tshe/ bdag gi sha
khrag bya khyil/ /bsam pa thag pas byin pa yi/ /dge ba gang des
'gro ba kun/ /byang chub spyod la 'jug par shog/ /ces rkang pa
dang po gnyis bsgyur nas/ des thog

drangs te spyod 'jug smon lam cha tshang bar yang yang gsungs
shing thugs smon nan tan mdzad/ rjes su rnam dkar bsgrub pa'i
tshe yang de ltar byed dgos kyi bkod khyab mdzad pas dpogs nus
so/ /de ltar bslab pa kun las btus par gsungs pa

@040a @#/ /bzhin; lus longs spyod dge rtsa gsum char la btang
bsrung dag spel bzhi bzhi'i sgo nas slob ba ni/ rgyal sras kyi
spyod pa rmad du byung ba yin no/ /sprul sku 'byung ba la bkag
cha nan tan du mdzad pa

yang; kun gzigs lnga pa chen bos/ slob dpon bsten dang brtson pa
ma dgos par/ /chos kun ma lus mkhyen bar khas 'che ba'i/ /skye
rgu'i 'dren par rlom pa'i tshul bden na/ /mdo las rgyu 'bras
gsungs pa gtam du

zad; ;tshe rabs snga phyi med pa'i 'gro ba dag /med phyir skye ba
tsam la su zhig mtshar/ /rmongs rtul rigs mthun dbus na chen po'i
gar/ /'gying ba yis kyang thub bstan ches cher smad/ /gsungs pa
bzhin/ dam pa re'i

ming tsam gyi phag tu 'chel nas thos bsam sgom pa gang yang mi
nus par dkor zas 'ba' zhig la spyod bas rang nyid phung bar byed
cing/ chen po'i go sar 'khod de chos min gyi bya ba la zhugs pas
bstan pa'i dbu 'phangs smod pa sogs

mig ltos la gnod pa dang/ lhag par deng dus de las kyang ches
snyigs mar gyur te/ lcang skya rol pa'i rdo rje'i zhal nas/
'byor ldan grwa ba bcu lhag yod phyin chad/ /shi nas 'dzam bu'i
gling du skye nges shing/ /de yang

sngon gyi nye rigs sbyin bdag la/ /cis kyang rang dbang med bar
skye dgos ba'i/ /deng dus sku skyes rnams la thugs rjes gzigs/
/gsungs pa bzhin/ byis pa de nyid skye srid du nying mtshams ma
sbyar ba'i snga rol nas gnyen@040b bshes grwa rigs so so'i 'dod dbang gis zol
sbyor sna tshogs
pas rang gzhan gnyis ka bslu ba'i g.yo sgyu'i mdzad 'phrin gyi
mgo tshugs te/ rten 'brel thog ma nas nyes pa grong pas gnyen
bsgrigs pa lta bu mang du 'byung ba la thugs khrel bar

'dug pa shin tu med par snang ngo/ /'on kyang skyes bu dam pa
'jig rten du 'byung ba ni gtso bo gdul bya'i skal ba la ltos
shing/ dam pa nyid nas kyang sku skye yin zer ba zhig mi 'byung
zhes nan tan mdzad pa las/ sku'i skye ba tsam zhig gang

du bzhes pa kha tshon gcod dka' ba'i gsung zur du ma zhig stsal
'dug ste/ sku rten gyis nged cag phyi mar rje nyid dang gang nas
mjal ba'i smon lam 'debs dgos zhus pa la/ shamb+ha lar skye ba'i
smon lam thob gsungs pas/ go khrab

bzang po zhig phul te smon lam btab/ 'di'i rgyu mtshan ni lan
gcig dam pa nyid kyi mnal lam du shamb+ha lar 'byon rtsis mdzad
pa na/ thugs la kun slong zhig bcos dgos pa 'dug snyam nas/ rje
bla ma'i bstan pa dar zhing rgyas pa

zhig byed dgos snyam pa'i 'phen pa khyad bar can zhig btang ste
phebs pa rmis la/ paN chen thams cad mkhyen pa dpal ldan ye shes
kyis/ rje'i gsung rab rnams grub pa'i dbang po dang/ mkha' 'gro
ma rnams kyis shamb+ha lar gdan

drangs te/ da lta rang re'i dge lugs pa rnams la dar ba las
kyang de na bshad sgrub kyi 'phel rgyas chen po yod gsungs pa
sogs gung 'grig par snang ngo/ /yang thugs zin gyi slob ma 'ga'
zhig la/ skyabs mgon thams cad mkhyen

@041a @#/ /ba de nyid kyis rang re rnams la byams pa'i gzungs
bzhug sgrub rgyu gtad de 'brel dga' po zhig 'jog rgyu byung ba
dang/ dgon li rin po che'i gsung gcig kyang yod pas/ dga' ldan
du smon lam btab na

dga' po e 'byung gsung/ yang skabs gcig tu nged rang la dbang
yod na kun mkhyen bla ma'i legs bshad dang 'dzad 'phrin gang du
dar ba'i phyogs gcig tu smon lam 'debs kyin yod/ 'on kyang sku
skye yin zer ba zhig mi 'byung/

mi mngon bar btsun chung tsho'i khrod nas zhugs te thos bsam sgom
gsum zhig byed rgyu byung na de legs gsungs pa rnams 'phel kha
bsgrigs pa'i tshe/ rje bdag nyid chen pos/ dag pa'i zhing du
skyes nas kyang brtse ba shugs drag pos kun nas

bslang ste/ thogs pa med pa'i rdzu 'phrul gyis gtso bor ma dag
pa'i zhing du phyin nas/ zhes sogs lta bu zhig dgongs pa'i mthil
yin par mngon/ dgon pa'i don dang rjes kyi rnam dkar sgrub tshul
ji ltar byed zhus pa la/ dgon pa skyabs

mgon rin po cher phul zin pa de yin pas/ bla ma len tshul sogs
'di ltar gyis zhes zhal bkod mdor bsdus dang/ gtso cher thub
pa'i dbang po mya ngan las 'da' khar 'phags pa'i gnas brtan chen
po bcu drug la bstan pa gtad pa

bzhin du nged rang gis kyang/ ston pa'i rnam thar rjes 'jug gis
nyams len du 'khyer ba'i khul byas te/ thub dbang gnas brtan bcu
drug dang bcas pa'i zhal thang 'di rnams bzhengs pa yin pas/
dgon pa'i rten gtsor bstsas

@041b ste phyag mchod dang gsol 'debs gang drag byed thub na/
byin rlabs kyi mtshan ma khyad par can zhig kyang yod pas nged
cag dpon slob rnams gnas brtan chen po rnams kyis rjes su 'dzin
cing/ dgon pa yang dga' rab gnas pa zhig yong

'gro; dge rtsa'i don du skyabs mgon thams cad mkhyen pa gdan
'dren zhig zhus te khang pa dang cha byad sogs shul na gang yod
'di thams cad phul na nged rang gi bsam pa ltar gyi dge rtsa de
yin/ dgon sgrub sde sogs la mang 'gyed byas na

mi them zhing/ nged kyis sngar yang byed ma myong ste/ mchod pa
thams cad yongs spangs nas/ /bla ma mchod pa yang dag brtsams/
/zhes gsungs pa de lag len du btab pa'i khul yin gsungs/ spyir
dkon mchog gsum gyi nang

nas dge 'dun bsod nams kyi zhing du bsngags kyang/ bla ma ni
mchog gsum ma lus pa 'dus pa'i bdag nyid yin pas de las kyang
bsod nams kyi zhing du 'gyur che la/ phal cher de las dge 'dun
gtso bor byed pa ni mi mang gi kha chod pa'i gtam

'dod pa dang/ bla ma gcig pu la blo ma khel bar dge 'dun mang
po'i khrod du sangs rgyas byang sems re yod 'gro snyam pa'i blo
skyon zhugs ba shas che bar snang/ gdung mjal byed pa sogs kyang
nan tan du bkag pa ni/ mnyam med jo bo chen pos/

kho bo mi chen po min/ sems chen po yin/ gsungs ba ltar/ dam pa
nyid yon tan gyi tshogs kyis mngon par mtho yang/ 'jig rten lugs
kyi mthon po'i che tshugs sogs la mi dgyis pas tshul 'chos kyi
rigs de 'gog ched yin par snang/

@042a @#/ /de nas skyes rabs kyi stag mo lus sbyin dang/ /ded
dpon snying rje chen po'i zhal thang gnyis bkram du bcug nas
mchod shom rgya chen po gnang ste thugs smon nan tan mdzad/
rgyal sras zhi ba lhas/ snga nas shi

dang 'drar brtsis nas/ /shi na'ang mya ngan byed pa med/ /drung
na 'khod pa su dag kyang/ /mya ngan gnod pa byed med pas/ /'di
yis sangs rgyas rjes dran sogs/ /sus kyang g.yeng bar 'gyur ba
med/ /gsungs pa bzhin/ snga mo

nas sku 'da' tshul sogs 'byung 'gyur thams cad byu ru lugs su
yang yang gsungs pas/ sku 'khor rnams kyang blo thag chod zin pa
dang/ bla ma'i gdams ngag gis yid gsos pas mya ngan gyi rnam pa
sogs ma byas par gang gsungs

bzhin dpon slob lhan cig pas smon lam gyi mtshams sbyor sogs nan
tan mdzad/ de'i tshe thub pa'i dbang po'i rnam thar gyi rjes su
slob ba'i 'dun pa sbyangs pa na snying stobs kyi shugs lhag par
'phel te/ sku lus da lta rang gtong snyam

du thugs shin tu rang par gyur nas dge slong mkhas mchog la/
gzhan la mi mngon l ami mngon par byas te nged do nub lta bu
zhig la bskyal btang na gsungs bar/ sems kyis ma bzod paS phyag
'tshal te zhu ba nan cher byas nas bshol thub med par sa thams
cad smug shig ge byed cing/ shul na gdung rus cung zad tsam dang
dbu skra nyag ma gcig

tsam byung/ dge ba'i bshes gnyen phu chung ba'i zhal nas/ des na
shes pa che chung/ sgo drag zhan/ 'dun ma mkhas mi mkhas thams
cad dus der gsal ba yin/ rang 'chi ba'i tshe dga' ya le/ brod su
re ba cig byung na shes che

@042b sgo drag /'dun ma mkhas/ rang mgo thon pa zhes bya/ gsungs
pa dang/ paN chen blo bzang chos rgyan gyis/ tshe ring du gnas na
rnam dkar gyi/ /lam bzang po sgrub po shi yang bde/ /las bag
chags bzang po'i ngang du 'chi/ /a la

la gson shi sems la snyoms/ /tshe sgrub kun ji ltar dgyes dgyes
mdzod/ /gsungs pa bzhin du 'chi ba la mi 'jigs par ma zad/ 'ga'
ba lhag par skyes pa 'di lta bu ni chos pa rab kyi rnam par thar
pa rjes 'jug la spro ba skyed pa'i gnas

ngo mtshar can zhig go /skabs der dge slong byams pa gzhan zhig
tu mngags bar slar mjal e thub snyam the tshom du gyur pa'i tshe/
dus tshod cig bzung ste 'di la phyir 'byor ba gyis dang skyon med
gsung ba yang de kho na bzhin du gyur/ de nas

mi mang gi gtam la cha bzhag med/ nged rang bar skabs su bla
ma'i sku don la 'gro bsdad mang tsam byed dgos byung bas rta re
zhon pa ma gtogs/ sngar gyi ru stod ma'i dge tshul dbyug ba bzung
nas 'gro mkhan de yin pas/ da dgon dang

khang gzhis thams cad bla ma la phul te/ nged rang sngon gyi
'phro de dang mtshams sbyar te/ bka' gdams gong ma rnams kyis/
blo phugs chos la gtad/ chos phugs sbrang la gtad/ sprang phugs
shi la gtad/ shi phugs brog

stong zhig la gtad/ gsungs pa ltar gyi gtad pa bzhi po de rang
gi smon pa'i mthil rang yin pas/ de la bsgyur bkod ma byed
gsungs te zhal bkod gnang ba mi 'gyur ba'i ched du yi ger bkod
cing/ tha na bu slob rnams kyis bdun tshigs

@043a @#/ /kyi ring la zhal 'don gnang rgyu'i rim pa yang thun
bzhir bcad de/ chos spyod 'ga' zhig yan lag bdun pa maNDal dang
bcas pa/ rdor sems bsgom bzlas/ chos rgyal gyi gtor 'bul/ lam
rim smon

lam dang/ bstan 'bar ma/ rkang pa dang po gnyis bsgyur te spyod
'jug smon lam gsung tshul sogs 'don sgrigs kyi yi ge tshun chad
kyang gnang nas/ bu pha khyim du 'gro ba bzhin spro dga'i gdeng
dang bcas te gzugs sku'i bkod

pa nye bar bsdus so/ /snga ma'i zhal bkod bzhin gdung zhag gsum
du bzhugs pa de'i ring la rlung bser bu phra mo tsam yang mi
ldang ba dang/ sku gdung ri khar gdan drangs skabs dgon pa'i
mdun ngos nas 'ja' kha dog sna lnga pa zhig dang

rgyab nas 'ja' dkar po zhig shar ba gnyis ka'i sne gcig tu 'dres
te shar nub tu zug pa'i ltas ya mtshan pa byung/ de nas zhag
gnyis kyi mtshams su dbu skra dang gdung rus kyi lhag ma re e
yod snyam du bltar phyin pa'i tshe/ sngar ri klung

thams cad kha ba 'thug pos no nyod pa la/ gdung bzhugs pa'i khor
yug rgya khyon che tsam zhig tshun chad du kha ba cung zad kyang
med par sa thams cad smug shig ge byed cing/ shul na gdung rus
cung zad tsam dang dbu skra nyag ma gcig

kyang mi 'dug par/ mi gzhan re yong ba e yin snyam nas/ mtha'
'khor du bltas pa'i tshe/ kha ba'i nang du kho rang rnams phar
'gro tshur 'gro'i rjes ma gtogs med pa'i rgyu mtshan blo'i ra ba
las 'das par gyur/ de skabs bdag gi rmi

@043b lam du shar phyogs nas nyi ma'i dkyil 'khor bsgribs pa
dang/ shul der zla ba dkar zhing gsal ba zhig 'char ba rmis te
khong la lta ba e yin snyam yang/ zhag shas kyi 'phror sku
khams legs par bde 'dug ces pa'i gtam zhig thos pas/

rmi ltas de ci yin snyam the tshom du gyur na yang de skabs gsang
rgya byas pa yin 'dug pas/ rjes sor dris tshe zhing brjes pa'i
dus tshod dang rmi lam gnyis ji bzhin par 'grig snang ngo/ /de
nas bu slob rnams kyis zhal chems bzhin/ skyabs mgon

mchog gi sprul pa'i sku gdan drangs te nor rdzas kyi snying po
gang yod phul/ skyabs mgon mchog nas kyang dam pa nyid kyi bstan
'gror sman pa'i thugs kyi bzhed dgongs rnams ji bzhin 'grub pa'i
spyan dmigs kyi mtshams sbyor nan tan bka'

drin bskyangs/ rjes 'jug bu slob thams cad kyis kyang bla ma'i
bka' drin rjes su dran pa'i mos gus shugs drag pos rgyud bskul
te/ bla ma'i thugs kyi dgongs pa rdzogs pa'i phyir rang gi sgo
gsum dge ba sbyor ba'i brtson pa lhur blangs/

der ma zad skabs der yul phyogs der chos don du gnyer ba'i skye
bo ya rab dam pa'i rnam thar gyi rjes su blo kha yar phyogs pa'i
rigs la nyid kyi slob ma dang/ sbyin bdag tu ma gyur pa med pa
lta bu yin pas/ so so nas gdung 'bul

sogs kyi spros pa rgya chen po byed 'dod kyang zhal chems kyi
stabs kyis byed rgyu ma byung bas/ rang rang gi sa nas dad pa
rtse gcig pa'i gsol 'debs/ phyag mchod bzlas brjod sogs dge
sbyor la chig dril du 'bad pa kho na byung bas zang

@044a @#/ /zing med pa'i dge tshogs shin tu dngos gtsang ba/ 'bur
chung yang don shin tu chen po dang ldan pa kho nar gyur pas dam
pa rnams kyi thabs la mkhas pa'i mdzad pa ni 'di lta bu'o snyam
du lhag par yang rjes su ye

rang ba'i gnas su gyur to/ /gong du smos pa de dag gi snying po
mdor bsdu na/ lam gyi rtsa ba bshes gnyen bsten pa'i tshul la
bsam sbyor gnyis las/ dang po la rtsa ba dad pa sbyangs pa dang/
bka' drin rjes su dran pas gus par

bya ba zhes yongs su grags pa de nyid tshig gi na yam tsam du ma
song bar bla ma sangs rgyas su mthong ba'i mos gus bcos min gyis
thugs rgyud rang dbang med par bskul ba dang/ sbyor bas bsten
tshul la spyir bsam pa khyad par can gyi sgo

nas/ bla ma'i bsnyen bkur kho na byas pa yang sgrub pa'i mchog
tu 'gyur te/ jo bo chen po'i dus su 'brom gyis lotstsha mdzad
cing/ a mes kyis phyag g.yog kho na mdzad/ dgon pa bas rtse
gcig tu ting nge 'dzin bsgoms kyang rtogs

pa snga ma gnyis mtho bar byung ba bla ma'i byin rlabs yin par
gsungs pa dang/ bya yul pas spyan snga ba'i phyag g.yog kho na
zhus par/ 'ga' zhig gis 'di dad pa dang shes rab can zhig 'dug
pa la/ mi tshe g.yog tu btang ba ma legs

zhes bshad pa'i tshe/ nga'i bla ma'i phyag g.yog zhus pa de chos
yin pa khong tshos ma shes par 'dug gsung nas rgyun par rten dge
tshul du bzhugs te/ me 'bud thal 'phyags tshun chad kyis g.yog
gang dgos zhus pas/ nyin gcig

@044b gzigs khang gdab dar byas pa'i snyigs ma phyir 'phod du
song ba'i sa nas de kho na nyid kyi don mngon du gyur par gsungs
pa bzhin no/ /'on kyang ngo bo'i sgo nas phye na mdo sde rgyan
las/ bkur sti rnyed pa dag dang rim gro dang/ /sgrub pa'i

sgo nas bshes gnyen bsten par bya/ /zhes zang zing gi mchod pa/
bkur sti'i mchod pa/ sgrub pa'i mchod pa gsum du dbye bar mdzad
pa de dag las re re ba tsam ma yin pa cha tshang ba nyams su
bzhes te/ zas nor longs spyod gang rnyed

mtha' dag bu sa la'i 'dab ma tsam yang rang don du mi 'chang bar
bla ma la phul bzang zing gi mchod pa/ bla mas sku gsung thugs
kyi rten bzhengs pa dang/ dge 'dun gyi sde 'dzugs pa sogs kyi
zhabs 'degs la skyo ngal gyi 'du shes cung zad kyan


med par dka' spyad rgyan du song brtag tu ngu'i rnam thar la
'gran bzod pa'i sgo nas bkur sti'i mchod pa dang/ bla mas ji
ltar gdams pa bzhin gyi lam thun mong dang thun mong ma yin pa'i
nyams len la rtse gcig tu gzhol ba'i sgo nas rjes

'jug rnams kyang der 'khrid par mdzad de/ bshad sgrub zung 'brel
gyi sgo nas bstan pa'i snying po dri ma med pa phyogs mthar spel
ba sgrub ba'i mchod pa ste/ snyigs ma'i dus 'dir gsum ga re re'i
cha la yang/ gzhan gyis 'gran mi

bzod pa de lta bu zhig mdzad de/ bshes gnyen bsten tshul gyi chos
skor yongs su rdzogs pa'i dpag bsam gyi ljon pa chen po nye bar
'khrungs pa las/ lung dang rtogs pa'i yon tan gyi yal ga phyogs
bcur rgyas shing/ rnam par dkar

@045a @#/ /pa'i mdzad 'phrin gyi me tog mngon bar bzhad pas grags
snyan gyi dri bsung phyogs kyi 'khor lo kun tu khyab par gyur
to/ /zhes bya ba ni rnam par thar ba'i snying po mdor bsdus pa'i
don gyi de kho na nyid yin no/ /smras pa/ thub pa

kun gyi ye shes gcig gyur 'jam dbyangs nyin mor byed pa'i 'od/
/ris su mchad 'jig rten kun la snang ba'i go 'phang mchog sbyin
yang/ /dang sems 'dab brgya bzhad pa'i tshal du lhag par 'gyur
ba'i rol rtsed kyis/ /yon tan sgrang rtsi'i dog pa rgya chen

grags pa'i bsung dang lhan cig rgyas/ /rtsa ba dam tshig rmad
byung sdong bu las/ /dngos grub rnam gnyis yal ga brgyar bres
pa'i/ /ngo mtshar byang chub rdo rjes rab bsngags te/ /gzhan gyis
ched du brjod la ltos ci 'tshal/ /'on kyang phra rags srid pa'i

mtsho brgal te/ /sku gsum nor bu'i gling du bgrod pa'i thabs/
/bla ma'i lam gyi gru gzings mtshon pa'i phyir/ /khyod kyi rtogs
pa brjod pa 'di byas so/ /bla ma'i bla mar gyur pa mthon po'i
spor/ /byin rlabs chu bo gyen du mi 'drongs pas/ /mos

gus thugs kyi gshong bur 'khyil ba las/ /nyams dang rtogs pa'i
rtsi bcud dang por 'khrungs/ /'phral snang dam par bcos pa'i yon
tan tshogs/ /dbyar gyi shwa 'od rdol 'dra mang na yang/ /bshes
gnyen gangs kyi ri las dal 'bab rgyun/ /ma dros

klung du 'khyil ba khyod nyid tsam/ /mos gus gdengs can dbang
po'i srub thag gis/ /bla ma'i byin rlabs ri bo manpAr/ /mdo
sngags chos kyi rgya mtshor bsgril pa las/ /mkhas dang grub pa'i
snang byed zung du shar/ /lung dang rtogs pa'i bdag@045b nyid ston pa'i chos/ /de
nyid smra dang sgrub bas 'dzin na
yang/ /gdugs dang gling bu'i gar 'cham mi ldan pas/ /bstan 'dzin
chen po min zhes su zhig smra/ /sgro gdugs zlum por bskor ba'i
ma yU ra/ /rang skad gling bu bsgyur ba gzhan gyis

gsos; ;stag rnga brdebs pa nags kyi shwa nas kyang/ /snyigs dus
chen po dag la 'phya ba bzhin/ /mtha' yas yon tan tshogs kyis nor
'dzin khyon/ /zab mo bla ma'i lam gyi gom gcig gis/ /rnam gnon
spas pa'i brtul zhugs mi'u thung

'dis; ;cher rlom dregs pa'i stobs ldan 'og tu bcings/ /lhag bsam
rtse gcig snying stobs go bgos te/ /dpang po gnyis kyi gtso bo
nyer bzung nas/ /rdo rje gsum gyi mtshams las mi 'da' bas/ /gtad
pa bzhi yi dgongs pa mtha' ru 'khyol/

lha gcig dI paM kA ra'i bzhed dgos bzhin/ /lha chos bdun ldan
bka' gdams srol 'dzin ba/ /lha mi'i mgon zhig 'di na mchis so
zhes/ /lha yul na yang snyan pa'i rol mo 'khrol/ /e ma tshul
khrims pad ma'i sbubs ltar gtsang/ /mang du

mkhyen pa nam mkha'i mtha' ltar yangs/ /gzhan phan lhag bsam zla
ba ltar dkar ba/ /dam pa'i rnam thar bsam gyin rjes yi rang/ /de
phyir phyogs lhung nyi zlas phyed min par/ /gzur gnas rnam par
dpyod pa'i 'gram chang gis/ /phye ba'i rtogs

brjod sinhu wa ra'i phreng/ /thar 'dod yongs kyi mgul pa'i rgyan
du mdzod/ /ngan song sdug bsngal rba klong 'khrugs pa yi/ /srid
pa'i rgya mtshor bying ba'i nyam thag 'gro/ /rnam grol thar pa'i
gling du 'jug 'dod rnams/ /bshes gnyen gru gzings

@o46a @#/ /mchog dang 'phrad gyur cig /don gnyis lhun grub sbrang
rtsi'i snying po can/ /tshogs gnyis 'dab brgya'i phreng ba bzhad
pa yi/ /theg mchog rnal 'byor spyod pa pad mo'i tshal/ /bshes
gnyen nyin byed 'od dang

'grogs gyur cig /gang la brten na bde chen ye shes kyi/ /rang
'od dag pa rab 'byams brtan g.yo'i khams/ /kun la dbang bsgyur
rgyal po'i gnas 'thob pa/ /bshes gnyen dkyil 'khor bdag pos
skyong gyur cig /ces mkhas pa dang

grub pa zung du 'jug pa'i sgo nas rgyal ba'i bstan pa 'dzin
skyong spel bar byed pas mtshan dang don mthun pa'i skyes mchog
dam pa gang gi rtogs pa brjod pa legs tshogs sgo 'byed ces bya ba
'di ni/ dam pa nyid kyi gsung gi bdud rtsis 'tsho ba'i gla slob
du ma dang/ khyad par dad brtson blo dang ldan

pa rab 'byams pa dpal ldan grags bas yang yang nan gyis bskul
ba'i ngor/ 7btsun pa dkon mchog bstan pa'i sgron mes dben gnas
yid dga' chos 'dzin du sbyar ba'i yi ge pa ni dge slong dkon
mchog kun dags bgyis pa 'di yang/ thar 'dod rnams lam gyi rtsa
ba bshes gnyen

bsten tshul gyi thog ma'i rten 'brel legs par 'grig pa'i rgyur
gyur cig / //