@001a @#/ /gnyan rtse dpon slob rin po che'i bstod 'grel nor bu'i
do shal zhes bya ba bzhugs so/ /

@001a @#/ /rgya chen thos pas ngag gi dbang phyug brnyes/ /tshul
bzhin sgrub pas chos kyi de nyid gzigs/ /'phrin las bzang pos
rgyal bstan 'phel mdzad pa/ /dpal ldan bla ma'i

zhabs rdul spyi bos mchod/ /ngag dbang chos kyi chu gter 'phel
ba'i bcud/ /bstod dbyangs 'jigs bral 'chi med dbang po'i chab/
/bstan pa'i rjes 'jug dad pa'i srog zung du/ /'grel byed rin
chen

sgron mes gsal bar bya/ /de'ang mkhas btsun bzang po'i yon tan
yongs su rdzogs pas thub bstan rtsa lag dam par gyur pa 'jig
rten chos brgyad kyi 'khri ba rtsad nas chod pa'i kun spangs
chen po/ 'gro ba

mtha' dag yang dag pa'i lam bzang po la bkri ba'i theg pa mchog
gi dge ba'i bshes gnyen rje btsun bla ma dam pa ngag dbang chos
'phel ba'i zhal snga nas kyi gsol 'debs skyabs mgon rdo rje
'chang chen po kun mkhyen

'jigs med dbang po'i bka' rtsom 'di nyid kyi tshig don cung zad
tsam zhig 'chad pa la/ mdor bstan/ rgyas bshad/ mjug gi don dang
gsum/ dang po ni/ rgyal sras zhi ba lhas/ 'gro ba'i sdug bsngal
sman gcig

bu; /bde ba thams cad 'byung ba'i gnas/ /zhes gsungs ba ltar/
lus can yongs kyi phan bde ma lus pa'i 'byung gnas ni rgyal ba'i
bstan pa rin po che kho na yin zhing/ de'i dbang gis bstan pa
rin po che kho na yin zhing/ de'i dbang gis bstan pa de nyid
nges par

@002a @#/ /'dzin pa'i skyes bu dam pa rnams ni 'gro ba yongs la
bka' drin bsam gyis mi khyab bas bstod bkur bsngags ba'i zhing
bla na med pa yin no/ /'on kyang da lta ches shin tu snyigs mar
song

ste/ kha drag dbang che/ stobs 'byor go sa sogs kyi sgo nas
bstan 'dzin chen por btags pa la snying po ci yang med pas/
bstan pa 'dzin tshul dbyis phyin pa ni mkhas mchog dbyig gi gnyen
pos/ de 'dzin byed pa smra byed

ba; ; sgrub par byed pa kho na yin/ /zhes gsungs pa ltar/ lung
gi bstan pa bshad pa'i sgo nas 'dzin pa dang/ rtogs pa'i bstan
bsgrub pa'i sgo nas 'dzin pa gnyis las ma 'das pas/ rab byed
'dir yang de'i

dbang du mdzad de/ ngag gi dbang phyug rje btsun tsong kha pa'i/
/bshad sgrub chos kyi rgyal mtshan 'dzin pa la/ /lhag bsam mtsho
ltar 'phel ba'i sems dpa' mchog /rje btsun bla ma'i zhabs la
gsol ba 'debs//

zhes rgyal ba'i bstan pa spyi dang/ khyad par du'ang 'jam dpal
rtsa rgyud las/ khyod nyid byis pa'i gzugs kyis ni/ /sangs rgyas
mdzad pa byed par 'gyur/ /zhes lung bstan pa ltar/ ngag gi dbang
phyug brtan pa'i 'khor

lo gsum ldan ngur smig 'chang ba'i gar gyis rol ba rje btsun
chos kyi rgyal po tsong kha pa'i ring lugs dri ma med pa lta
sgom spyod 'bras gang gi cha la'ang 'khrul pa'i dri ma phra mo
tsam gyis kyang ma gos pas gser sbyangs

@002b btsom lta bu/ /lung gi bstan pa ka rIg lnga bcu pa nas
rgyud rgyal gsang ba 'dus pa'i bar dang/ rtogs pa'i bstan ba
rung chu bde bas btshun chod kyi bcas pa phra mo nas bden gnyis
dbyer med zung 'jug gi bar rnams bshad sgrub ya ma bral ba'i sgo
nas nyams

su bzhes te/ chos min gyi g.yul ngo pham bar mdzad cing chos
kyi rgyal mtshan srid rtse'i bar du bsgrengs te 'dzin pa la smon
lam rlabs po che'i mthu grub pas/ snyigs ma lnga shin tu bdo
ba'i dus 'dir yang zhum pa dang skyo ngal med par lhag bsam gyi

'jug pa dbyar gyi mtsho ltar 'phel ba'i snying stobs kyi go cha
btsan po'i sgo nas rgyal sras sems dpa' chen po rnams kyi khrod
na'ang rgyal mtshan gyi tog ltar mchog tu 'phyags pa rje btsun
bla ma'i zhabs la gsol ba 'cebs so zhes mdor bstan pa yin

no; ;gnyis pa rgyas par bshad pa la/ klog pa thos bsam gyi sgo
nas lung gi bstan pa bzung tshul/ spong ba bsam gtan gyi sgo nas
rtogs pa'i bstan pa bzung tshul/ bstan pa'i gnad rnams thugs la
'khrungs te skal ldan gzhan rjes su bzung

spyir srid zhi'i legs tshogs kyi rtsa ba bshes gnyen bsten tshul
yin la/ khyad bar du sdud pa las/ bla ma mkhas pa rnams la rtag
tu brten par bya/ /ci'i phyir zhe na mkhas pa'i yon tan de las
'byung/ /zhes gsungs pa ltar/ chos@003a @#/ /kyi rtsa ba bla ma la rag las par
dgongs te/ dka'
spyad dang brtson 'grus chen pos mdo dbus gnyis kar theg pa chen
po'i dge ba'i bshes gnyen gyi mtshan nyid tshang ba'i bla ma dam
pa du ma'i zhabs la gtugs/

bsam sbyor gnyis kyi tshul bzhin du bsten nas mnyes par byas/
de'i gsung gi bdud rtsi lam bslab pa rin po che gsum brjod bya'i
gtso bor ston pa mdo mngon 'dul ba'i sde snod gsum la rtag sbyor
dang gus sbyor gyi brtson pa shugs drag chu bo'i rgyun

lta bus legs par sbyangs par mdzad pa'i mthu yis gzhung lugs
rgya mtshor gzhan dring mi 'jog pa'i spobs pa brnyes te/ gzur
gnas mkhas pa'i skye bo thams cad kyis kyang 'di ni tshig gi na
yam tsam ma yin par gsung rab la nang byan tshud pa'i

smra ba'i dbang phyug bla na med ba'o zhes gcam bu dang zlo
bstod lta bu ma yin par/ don la gnas pa'i rnam dkar gyi grags
pa'i rgyal mtshan mthon po gdan sa gsum gyi mkhas pa'i khrod na
lhang nger 'phags pa mtshungs zla med pa'i mkhas pa'i dbang po

khyod la gsol ba 'debs zhes lung gi yon tan gyi cha nas bstod ba
mdzad do/ /gnyis ba la gnyis/ sgrub pa mdzad tshul dang/ grub
pa'i go 'phang brnyes tshul lo/ /dang bo ni/ rgyal ba'i bstan pa
mtha' dag nyams len du/ /gzhol ba'i tshul

'di dgongs nas dben pa ru/ /chos brgyad spangs te mang du thos
pa'i don/ /rtse gcig goms par mdzad la gsol ba 'debs/ zhes rgyal
ba'i bstan pa chos kyi phung po ji snyed cig bka' stsal ba thams
cad rnam bshad rigs pa las

@003b thos rtsod sgrub pa lhur len dang/ /zhes gsungs pa bzhin/
thos rtsod lhur len ba gzhan snge'i bstan bcos lta bu ma yin par
sgrub pa nyams len dang thos bsam sgom pa'i rim bas mthar rnam
grol gyi rgyu 'ba' zhig tu gzhol ba'i tshul rje bla mas/

zhi 'gyur min mdzad khyod la med/ /ces dang/ dpal ldan zla bas/
bstan bcos las dbyad rtsod la chags ba'i phyir/ /ma mdzad rnam
grol phyir ni 'di nyid bstan/ /ces dang/ mdo sde rgyan las
kyang/ de ni bag chags rtog cing zhi ba dang/ /rab

tu rtogs pas rnam par grol bar byed/ ces gsungs pa'i don bzhin
du dgongs nas nang rnam g.yeng las dben zhing/ phyi 'du 'dzis
dben pa sgrub ba'i bsti gnas du mar rnyed mi rnyed/ dga' mi
dga'/ snyan mi snyan/ bstod smad gnyis bcas

'jig rten chos brgyad kyi 'ching ba ring du spangs te/ tshe 'di
snang gi re dogs gang yang med bar ci tsam mang du thos pa'i don
de dag thams cad rang rgyud 'dul ba'i yan lag tu kha nang du
bskor nas rtse gcig tu goms par mdzad de/ bka' gdams

gong ma'i rnam thar lhur bzhes pa'i bdag nyid chen po khyod la
gsol ba 'debs zhes pa tshig don tsam yin la/ rgyas par na dben
pa'i ri sul du mar 'tsho ba dka' spyad drag po rje btsun mi la
lta bu'i snying rus bskyed chu la gyi rna mthar lo rgyus rnams

kyang 'di dang sbyar nas bshad na legs so/ /gnyis ba ni/ dran
dang shes bzhin lcags kyu rnon bo yis/ /gdul dka'i sems yi glang
po rab bsdus te/ /dul ba'i brtul zhugs rdzogs pa'i dpal yon can/
/tshul khrims mthar phyin

@004a @#/ /khyod la gsol ba 'debs/ /zhes gsungs don ni dbus mtha'
las/ dmigs pa brjed par ma gyur dang/ /bying dang rgod pa rtogs
pa dang/ /zhes gsungs pa bzhin/ rtsa ba'i dmigs pa la rgyun
chags

su gtod pa'i dran pa dang/ phyin ci log gi g.yeng ba 'gog pa'i
shes bzhin gyi lcags kyu rnon po de yis gdul bar dka' ba'i sems
kyi glang po che thog med nas dug gsum mi dge ba'i phyogs su
'khyams pa de nyid btsan thabs su log pa'i

lam las bzlog nas dbang du bsdus te/ zhi zhing dul ba'i tshang
spyod kyi brtul zhugs kha na ma thob med pa la bkod do/ /'di ni
so sor thar ba'i mdo las/ sems rta kha glan dka' ba la/ /mthun
pa'i gzer rnon brgya pa yi/ /srab ni so

sor thar 'di yin/ /zhes dang 'di ni lang tshos rnam 'phrul ba'i/
/rkang gnyis gzhon nu'i lcags kyu yin/ /zhes pa rnams kyi dgongs
pa yin zhing/ dbum snying bor/ yid kyi glang po log 'gro ba/
/dmigs pa'i ka ba brtan po la/ /dran pa'i

thag bas nges bcings nas/ /shes rab lcags kyus rim dbang bya/
/zhes pa'ang ting nge 'dzin sgrub tshul gyi skabs yin kyang/
bslab pa gsum gyi go rim sgrub ba'i skabs su ting nge 'dzin
sgrub tshul gyi mchog tshul khrims yin par bslab btus du

gsungs pas 'di dang don gcig go /de ltar lus ngag gi nyes spyod
sdom pa'i tshul khrims yongs su dag pa na/ rgyan las/ bshes gnyen
dul ba zhi ba nyer zhi ba/ /zhes gsungs pa ltar nyon mongs mngon
'gyur gnon pa'i ting nge 'dzin dang/

@004b sa pon spong pa'i shes rab kyi bslab ba'ang phun sum tshogs
par gyur te bslab gsum yongs su rdzogs pa'i dpal yon can du
'gyur ro/ /de'ang dpal gyi skad dod shrI la thun mong dang thun
mong ma yin pa'i bshad pa mang du 'jug kyang/ 'dir bslab pa

gsum gyi khongs su chos gzugs kyi sku gnyis 'grub pa'i rgyu
tshogs gnyis zung du 'jug pa'i don te/ de ltar na dngos su tshul
khrims mthar phyin zhes gsungs pa'ang u pa li bzhin chos 'dul
ba'i bka' bab lta bur gyur ba'i gnad kyi gtso bo

smos pa yin la/ don gyis de la brten pa'i yon tan lam thun mong
dang thun mong ma yin pa'i rtogs ba khyad par can rnams mngon du
mdzad de grub ba'i go 'phang mthon por gshegs pa'i tshul bstan pa
yin no/ /deng dus phal cher 'di 'dra ba la

grub pa brnyes pa'i rtags su mi 'dzin par mngon shes phran tshogs
re'am/ rdo la lag rjes bzhag pa lta bu la ches ya mtshan du byed
pa ni chos kyi gnad mgo ba yin te/ tshad ma rnam 'grel las/ tshur
shog bya rgod bsten par gyis/ /zhes

skyon brjod mdzad pa bzhin/ mngon shes phra mo dud 'gro la'ang
yod pa mang zhing/ mkha' la rgyu ba'i yi dwags rnams dang/ des
rgyud brlams pa phal cher la 'byung/ rdo la lag rjes 'jog pa lta
bu rtsa a wa zos pa'i ra lug yan chad kyis thub

kyang des phyi mar phan rgyu cung zad kyang med bas/ chos kyi
grub 'bras shastra zhes pa'i sha sa na ngas tshig gis bshad par/
nyon mongs dgra rnams ma lus 'chos ba dang/ /zhes gsungs pa
bzhin/ shes rgyud kyi nyon mongs la gnod thub pa

@005a @#/ /dgos te/ rgyal bas chos bstan pa mtha' dag kyang byis
pa'i rtsed mo lta bu de 'dra'i don du ma yin par sems rgyud 'dul
ba'i thabs kho nar gsungs pas so/ /gsum pa skal ldan gzhan rjes
su bzung ba'i tshul ni/

gang gi yon tan padmo'i skyed tshal du/ /'khor ba'i blo gsal bung
ba ma lus pa/ /legs bshad sbrang rtsi'i bcud kyis tshim mdzad pa/
/mtshungs med bla ma'i zhabs la gsol ba 'debs/ /zhes bshes gnyen
dam ba gang gi lung rtogs kyi yon tan

padmo'i dri bsung mngon par 'thul ba'i chos kyi skyed tshal du
dad pa'i shugs kyis nye bar 'khor ba'i thar 'dod blo gsal gyi
bung ba ma lus pa rang rang gi skal ba dang 'tsham par zab pa
dang rgya che ba'i legs bshad sbrang rtsi'i bcud kyis tshim par
mdzad pa

sku gsungs thugs kyi yon tan dang bka' drin gang gi cha nas
kyang mtshungs zla med pa'i dpal ldan bla ma dam pa'i zhabs la
gsol ba 'debs zhes pa yin la/ rgyas par na sgrub sde du ma phyag
'debs mdzad tshul gsungs las skyes pa'i bu chen rnams kyi

mtshan dang de dag gi yon tan brjod pa'ang bla ma'i che bar 'gyur
te/ bstod pa brgya lnga bcu pa las/ khyod kyi slob ma bzang po'i
shing/ /dge ba'i me tog cher rgyas pa/ /dpyid ka'i shing ni me
tog gis/ /brgyan pa lta bur mdzes pa lags/ /zhes

dang/ sa paN gyis/ dri ldan me tog rgyang ring yang/ /bung ba
sprin gyi tshogs bzhin sdud/ /ces gsungs pa ltar ro/ /gsum pa
mjug gi don la/ ji ltar brtsams pa'i tshul/ brtsams pa'i dge ba
bsdo ba/ sbyar byang gsum gyi dang po ni/

@005b de ltar bla ma'i rnam thar rgya mtsho las/ /chu thigs tsam
zhig spel ba'i/ zhes gsungs/ gnyis pa ni/ dge ba yis/ theg mchog
bshes gnyen khyod dang mi 'bral zhing/ /rnam 'dren rgyal ba'i go
'phang myur thob shog /ces gsungs/ don ni/ 'dir e

smos pa 'di nyid yon tan cha tshang bar bshad pa yin nam zhe na/
de ltar bstod pa byas pa 'di ni bla ma'i rnam thar thun mong
dang thun mong ma yin par rgya mtsho lta bu las/ yongs su grags
pa'i mdzad pa'i cha shas chu thigs tsam zhig tshigs bcad

du spel ba yin gyi/ cha tshang bar brjod par ga la nus/ 'on kyang
zhing khyad par can gyi mthu la brten pa'i dge ba 'di yis mkha'
mnyam 'gro ba mtha' dag tshe rabs kun tu theg pa mchog gi dge
ba'i bshes gnyen khyod dang skad cig tsam yang

mi 'bral zhing/ gsung gi bdud rtsi ngoms pa med par myong stes
lam gyi rtogs pa rim gyis bgrod nas rgyal ba'i go 'phang rin po
che myur ba nyid du thob par shog ces dge ba mi zad par byed pa
byang chub mchog tu bsngo bas rgyas btab bo/ /sbyar

byang ni/ ces 'khor ba'i bya ba mtha' dag chu shing ltar snying
po med par gzigs nas dben pa'i gnas su sgrub pa'i rgyal mtshan
'dzin par mdzad pa'i sems dpa' chen po gnyan rtse dpon slob ngag
dbang chos 'phel ba'i zhal snga nas kyi gsol

'debs 'di ni ri khrod pa dge slong bkra shis rgya mtshos bskul
ba'i ngor/ lung dang rigs pa smra ba 7 dkon mchog 'jigs med
dbang po'i sdes dben gnas bkra shis dge 'phel du sbyar ba'i yi
ge ba ni dge slong ngag dbang phun tshogs so//

@006a @#/ /zhes gsungs te go sla ba'i dbang du byas nas ma spros
so/ /smras pa/ yab rje'i dgongs pa zab mo'i sprin gyi klong/
/'grel byed snyan pa'i 'brug sgra rol ba yis/ /dga' dad gar gyis
rtse na pa'i mdongs

mtha' ma/ /rnam gro gtos bzang 'dzin pa'i sgeg gyur cing/ tseMs
pa 'di ni rdor zhar dag dbang chos 'dzin sogs don gnyer can 'ga'
zhig gi mos dor/ chos smra ba 7 dkon mchog bstan ba'i sgron mes
mdo smad bstan pa'i 'byung

gnas dpal ldan bkra shis 'khyil du sbyar ba'i yi ge pa ni dge
slong dkon mchog kun dga'o// //