@001a @#/ /bde ba can gyi zhing gi yon tan sems pa dang sbrags te
smon lam 'debs tshul byin rlabs myur 'jug dang/ yid dga' chos
'dzin gyi zhing gi bsngags brjod bcas bzhugs so//

@001b @##/ /na mo gu ru a mi tongb+ha wA ya/ bla ma'i rnal 'byor
zhing mchog sgo 'byed dang 'brel bar zhing gi yon tan sems pa
dang sbrags te smon lam 'debs tshul ni/ bde smon gyi gong dam/
'pho ba'i dmigs

pa gtso bor byed na/ mdo las/ de la dad pa zhing der skye/ /zhes
zhing gang du 'pho'ang der skye ba'i 'dun pa de'i rgyu'i gtso
bor gsungs pas/ 'od dpag med spyi bor spyan drangs te rtsa dang
thig legs la btab zin nas gsol

'debs kyi gong der bya la/ de'ang g.yam la rgyug tsam ma yin
par blo gting nas 'khul ba'i gdung shugs dang bcas/ 'gro ba'i
mgon po shAkya seng ge yis/ /bslu med bden par gsung ba'i mdo
sde las/ /gang gis

phrar brdul snyed 'jig rten khams/ /bshig cing bshegs te rdul du
byas gyur pa/ /de bas mang ba'i 'jig rten khams kyi rnams/ /rin
chen bkang ste sbyin pa byin pas ni/ /gang gis dpag tu med pa'i
'od mtshan dang/

bde ba can gyi yon tan khyad 'phags rnams/ /thos nas dga' ste
thal mo sbyor byed pa/ /bsod nams 'di yi char yang 'gyur ma yin/
/de ltar bas na de bzhin gshegs de yi/ /yon tan thos nas mgu
dang dad skyed la/ /bde

ba can gyi 'jig rten khams mchog tu/ /'gro bar bya phyir mos pa
drag po skyed/ /gsungs phyir dus gsum dge tshogs ci mchis pa/
/gcig tu bsdoms te zhing mchog der skyes nas/ /'od dpag med mgon
gsung gi

@002a @#/ /bdud rtsi la/ /'dod dgur spyod pa'i rgyu ru bsngo bar
bya/ /mi mjed zhing nas nub kyi phyogs nyid du/ /bye ba khrag
khrig brgya stong sangs rgyas kyi/ /zhing khams rnams ni 'das
par gyur pa na/ /rmad byung

bde ba can zhes bya ba yod/ /de ni sa gzhi rin chen du mas
spras/ /shin tu nyams dga' lag mthil lta bur mnyam/ rin chen las
grub ri bo ma gtogs pa/ /nag po'i ri rnams kun gyis dben zhing
gtsang/ /mdzes shing

yid 'ong rnam dag zhing gi mtha'/ /rin chen bdun gyi chu shing
ljon pa dang/ /rin chen ta la'i shing gi 'phreng ba yis/ /yongs
su bskor bas skar mas zla ba bzhin/ /bdag sogs kun gyi rnam dkar
dge tshogs kyang/ /khyod

 kyi dge tshogs rgya mtsho dang 'dres mthus/ /mi gtsang sdug
bsngal nyes tshogs mthar bskrad de/ /lngon mdzes rin chen ri bos
bskor ba'i mthil/ /me long ngos ltar mnyam la dwangs shing gsal/
/phyogs mtshams kun tu

go skabs ches yangs pas/ /mig dang yid la spro ba'i mchog sbyin
pa/ /zhing mchog bde ba can der skye bar shog /gser dngul
baiDUryya dang shel dang sbug /mu tig dmar po rdo yi snying po
ste/ /rin chen bdun las grub

pa'i ljon pa la/ /yid la bsam dgu'i rgyan bzang dpag med
'phyang/ /shing gi rtsa ba sdong bu yal ga sogs/ /'jam zhing reg
na bde ster dri zhim ldan/ /dri yi bzhon pas bskyod tshe rnar
snyan pa'i/ /mnyan pas chog

@002b mi shes pa'i sgra rnams 'byung/ /dpag bsam ljon pa'i tshogs
kyis rtsol med du/ /byin pa'i lha yi gos dang rgyan gyis spras/
/me tog sil mar bkram byas 'dzin ma'i ngos/ /mnan na nem pas lus
sems bde dga' skyed/ /khyad par dri zhim rlung gis

bskul ba las/ /nor bu'i yal 'dab bskyod pa'i snyan 'gyur
dbyangs/ /rna ba'i bcud len zab mo'i don ldan pas/ /rtag tu chos
kyi 'du shes skyed gyur cig /dag pa'i sems can rnams kyi nyer
'tsho'i gzhi/ /yid 'dzin ta ma la dang a ka ru/ /rgya spos

tsandan sprul snying gis bsgos pa'i/ /nyal 'gro'i rgyun rnams
sgra snyan sgrog cing 'bab/ /dwangs bsil chab kyis dri ma kun
sbyong zhing/ /mu tig wu ba 'thor ba'i rlabs 'phreng dang/ 'jo
sgeg gar gyis rtsen pa'i bya tshogs kyang/ /gdangs snyan chos kyi
sgra

yis sim byed shog /rab 'byams smon lam stobs las 'ongs pa yi/
/rin chen padmos bskrun pa'i 'od zer rtser/ /dam chos sbrang
rtsi'i dga' ston 'gyed pa yi/ /sprul skus gdul bya'i bung ba
tshim par mdzad/ /dpag tshad du ma'i khyon 'gengs ba dang

ma'i rtser/ /phye ba brgya stong so drug grangs snyed kyi/
/rgyal rnams 'ja' tshon 'od phreng la gnas pas/ /dgyes pa'i zhal
bstan gsung gis dbugs 'byin shog /yid kyi re ba rdzogs byed
longs spyod rdzogs/ /phun tshogs 'byor bas sa dang bar snang

kun; ;mi mnyam med par yongs su dkrigs pa ni/ /gser gyi gzhi la
chu gter chen po bzhin/ /khang bzang gdan khri bla bre rnam bkra
zhing/ /mchod rdzas sna tshogs thogs ba'i lha mo'i tshogs/ /mkho
dgu'i dngos po ma tshang med bstabs pas/ /zag

@003a @#/ /med dga' bde'i dpal la rol gyur cig/ /dag pa'i sems
can las bzang gis sprul pa/ /mtshan dpe'i rgyan gyis lus ni rab
tu mdzes/ /yon tan du mas rgyud ni legs par gtams/ /gnas skabs
kun tu chos kyi dga'

bas 'tsho/ /glog bzhin 'khyug pa'i thogs med rdzu 'phrul gyis/
/zhing mang bgrod nas rgyal ba'i spyan snga ru/ /rab 'byams
tshogs gnyis bskrun nas slar yang ni/ /rang gi zhing du dga' bdes
rol par mdzad/ /de lta'i grogs mchog mngon shes lnga

ldan zhing/ /rgyal ba kun la bsod nams lhag par byas/ /gsung gi
bdud rtsi myang bas nyin re bzhin/ /bla med byang chub sa la
nyer 'gro ba/ /de dag rnams dang spyod tshul lta ba kun/ /mtshungs
par spyad de blo dar brtson pa'i shugs/ /nya gang zla ba'i

zer gyis reg pa yi/ /dbyar gyi chu gter ji bzhin rgyas gyur cig
/khyad par snang mtha' yas pa'i thugs kyi sras/ /phyag na padma
rdo rje'i 'dzin pa sogs/ /ye shes rgya mtsho sems can rgya mtsho'i
phyir/ /snying stobs rgya mtshos ma zhum go bgos shing/ /

rgyal brgya mtsho'i drung du thugs bskyed nas/ /thos brgya mtsho
tshol bas ngoms pa med/ /ma lus chos tshol tshul la rab tu mkhas/
/'jig rten 'das pa'i gtam gyi snying po rtogs/ /chos kyi gtam la
nam yang 'jigs pa med/ /rtag tu sems

can grol bar byed la brtson/ /de ni 'dren pa'i gtso bo 'od dpag
med/ /thub mchog de yi rigs su skyes gyur pa/ /rgyal ba'i gdung
'tsho ba grags ldan dpa' bo che/ /dag pa'i zhing gi rgyal sras
rnams yin no/ /brtse ldan de dag rnams kyis bu

@003b bzhin du/ /bskyangs pas mi mthun bdud las rnam rgyal
zhing/ /'dus pa gcig kyang bgrang gis mi lang ba'i/ /nyan thos
tshogs rnams mtha' dag zil mnan te/ /rab 'byams zhing du sprul
pa'i zlos gar gyis/ /lus can rmongs pa'i mun pa drungs phyin

pa'i; /mdo sngags zung 'jug chos kyi sgron me sbar/ /chos kyi
dung bus chos kyi rnga chen brdung/ /chos kyi rgyal mtshan srid
pa'i rtser bsgrengs te/ /rgyal ba kun gyi bzhed pa skong gyur
cig /zhing mchog de yi nor 'dzin lte ba na/ /sna tshogs nor bu'i

rgyan sgras dpag bsam shing/ /dpag tshad stong dang drug brgyar
mngon mtho zhig /yal 'dab khor yug rgyang grags lnga brgyar
khebs/ /lo 'bras me tog bzhad pa'i dri bsung rgyas/ /mthong thos
reg pas nyon mongs gdung sel ba/ /de yi rtsa bar yid

'phrog ma yU ras/ /btegs pa'i khri 'phang mngon mthor pad zla'i
steng/ /rgyal ba'i dbang po byi ru'i lhun po bzhin/ /mtshan dpe'i
dpal 'bar gzi byin lhang nge ba/ /yan lag drug cu'i dbyangs ldan
chos kyi char/ /mkhyen brtse'i sprin gyi phung po

las thon pas/ /rgyal sras slob mar bcas pa'i 'khor gyi tshogs/
/rab 'byams zhing nas lhags dang der bzhugs pa/ /mtha' dag smin
cing grol bar mdzad bzhin du/ /bgrang las bskal par 'tsho zhing
gzhes pa bzhugs/ /bde ba can gyi zhing

na 'gro ba'i skyabs/ /ljon pa'i dbang po'i drung na 'od dpag
med/ /rgya chen 'khor gyi dbus na brjid pa'i sku/ /mtha' yas
bsod nams phung po khyod la 'dud/ /'dren pa khyod kyi 'od kyi
tshogs/ /'jig rten khams su shong gyur ba/ /kye ma rgyal

@004a @#/ /ba'i zhing gi ni/ /rgya khyon khongs dag shin t yangs/
/rgyal ba kun gyi zhing gi yon tan rnams/ /khyod nyid gcig bus
bdag gir mdzad pas na/ /mi med zhing gi sems can 'di dag rnams/
/snyigs ma lnga

yi nyes pas sbags sam snyam/ /rab mtho ri yi dbang po de/ /rab
rgyas zla ba'i bzhin ldan zhing/ /rab mdzes utpal sngon po'i
mig /rab tu ldan na khyod dang mtshungs/ /mkhyen brtse'i yon tan
du ma'i dpal 'bar zhing/ /'khor tshogs dbus

su legs bshad dga' ston 'gyed/ /srid mtha'i bar du gzhan gyi don
bzhugs pa/ /gnas skabs kun tu khyod kyis 'gro kun skyongs/ /mgon
po khyod kyi mtshan tsam 'dzin pa yang/ /zhing khams gang du gnas
kyang mi bskyud par/ /bde

ldan zhing du 'dren par dam bcas pa/ /grub pa'i bden pa bdag la
bstan du gsol/ /khyod kyi thugs rje'i dri bzhon gyis bskul bas/
/bdag gi dge ba'i gru gzings 'dir brten nas/ /pha ma 'brel thogs
rigs drug 'gro kun kyang/ /bde

ldan nor bu'i gling der skyel bar shog /bgrang yang bskal par
bsags pa'i snod bcud kyi/ /'byor ba'i yon tan mkha' dang mnyam
pa der/ /bdag sogs lus can yongs kyis ci dga' ru/ /spyod pa'i
bgo skal bzang po myur thob

shog /de nas bla ma'i rnal 'byor gyi 'phro mthud la/ smon lam
gyi grangs su tshigs bcad kyi rim pa 'di dag bskyang bar byas
kyang rung ngo/ /zhes pa 'di ni dad brtson blo dang ldan pa rab
'byams pa dag dbang don grub dang dge slong

@004b dkon mchog chos grags gnyis kyis bskul ba'i ngor/ byin
rlabs kyi khyad kyis zhing gi yon tan phal cher rje'i gsung gi
tshigs bcad rang sor bzhag nas de dang mthun pa'i smon lam gyis
zur brgyan/ rje'i gsung gi tshig lhug pa nas kyang 'ga' zhig

kha bskang ste/ 7btsun pa dkon mchog bstan pa'i sgron mes sbyar
ba'i yi ge pa ni sngags ram pa ratna A nanta'o// //