@001a @#/ /bde bar gshegs ba'i sku gsung thugs kyi rten bzhengs
pa dang phyag mchod skor ba'i phan yon bstan pa rnam dkar las la
skul byed dkar chag lha'i rnga chen zhes bya ba bzhugs so/

@001b @##/ /sugta kA ya wA ktsi ta sya ni shra yaH sthi ta tsa
na mraH pU dza pra da k+Sha shaMs ni rde shaH

/bde bar gshegs pa'i sku gsung thugs kyi rten bzhengs pa dang
phyag mchod skor ba'i phan yon bstan pa/

@002a @#/ /ku sha karma NaM tsunda pa kTa ya de ba sya b+he ri nA
ma/ na mo gu ru b+he TTa ra ke b+hyaH

@#/ /rnam dkar las la skul byed dkar chag lha'i rnga chen zhes
bya ba/ rje btsun bla ma rnams la phyag 'tshal lo/ /

@002b kun bzang sgrib med sems kyi rdo rje'i bdag /bde chen
mtshan dpe'i lang tshor yongs smin las/ /mtha' yas 'gro la phan
bde'i dpyid 'jo ba'i/ /'byung gnas bde gshegs chos kyi sku la
'dud/ /skal

bzang lha lam yangs pa'i me long ngos/ /thugs bskyed tshon gyis
legs bris drug phrag zung/ /mdzad bzang gar gyi ri mo yongs smin
pa/ /ston pa mnyam med gang de gtsug gis mchod/ /de yi bstan pa

'gro gsum dag byed rgyun/ /grol lam yan lag brgyad ldan lha yi
chab/ /bshad sgrub rlabs phreng brgya yi 'jo sgeg gis/ /rtsen
bzhin yid kyi rol mtsho'i klong du sim/ /bslab gsum rim gnyis yal
ga'i phyogs rdzogs shing/ /bgegs 'joms grub pa mchog sbyin yongs
'du'i phreng/ /theg gsum 'phags tshogs mkha' 'gro chos srung gi/
/zol brten dge 'dun 'dus pas rtag tu skyongs/ /dkon

mchog gsum char bsdus pa skyabs kyi phul/ /srid pa'i 'jigs
'phrog 'dren ba zla med pa/ /thub dbang gnyis pa chos kyi rgyal
po des/ /byang chub bar du dgyes bzhin rjes su zungs/ /byin
rlabs 'od

brgya'i dpal mnga' de yi mthus/ /bdag blo 'dab brgya'i phreng ba
bzhad pa las/ /gtsug lag lugs brgya'i ngo mtshar snying po 'di/
/skal bzang lha brgya'i dga' tshal rgyan du 'khrungs/ /rnam 'dren
thub pa

@003a @#/ /rnams ni chos kyi sku/ /zhi ba 'du ma byas pas rab tu
phye/ /'on kyang stobs sogs bstan du rung ba yi/ /rnam par
'phrul 'di bsod nams 'jug ngogs yin/ /sgo gsum

legs byas srol du btsud pa'i rgyun/ /rtag gus sbyor ba'i brtan
pam snyigs pas/ /bsod nams phung po rnam 'gyur dang bcas bzhin/
/grub 'di byed po'i ri mo yongs su smin/ /sngon rabs bzang po'i

dus su dge ba'i sar/ /rlabs chen bsod nams snang ba ci yang
srid/ /de dang rjes mthun shas kyi lhag ma 'di/ /cher snyigs yul
dus mtshams las brgal ba bzhin/ /mdo smad rgyal khab yangs pa'i

bsod nams zong/ /legs smon byed pos bsgyur ba dpal gyi nor/
/'gro ba byin rlabs snang ba'i bgo skal gyis/ /mi pham mchod
sdong nam mkha'i nor bu bzhin/ /brnyan pa'i longs spyod 'dzam bu
prik+Sha'i

'bras; ;zhing mchog ma dros klong du son pa yi/ /bsod nams gser
gyi gar bur grub pa 'di/ /mthong tshe ser sna'i spar mo dang gis
lhod/ /dbang med khrims kyis bsdus pa'i dpya khral dang/ /bun

skyed bsdos bsgyur la sogs khram ba'i zas/ /ma yin sdig dang ma
'dres rgyu sbyor gyis/ /bya ba las kyi 'khor lo che 'di bsgrubs/
/dad ldan dad pa'i sbyin rdzas yin mod kyang/ /chud gzan ma gyur@003b rgyal ba'i
bka' bzhin du/ /bsod nams mi zad gter du
bsgrubs pa yis/ /rang gzhan gnyis kar sman yon bgyis so snyam/
/sen mo'i dkar dmar shas kyi dad zas 'di/ /gnyen 'khor dga'
'du'i tshogs nas longs spyod pa/ /'phral

snang skyid kyang phyi ma'i g.yangs cher/ /mdzo sbrel bzhin du
ltung ba ya reng/ /de slad dngos 'dzin lcags kyi dra ba'i sbubs/
/dum bur bshig pa mthon po'i 'du kyis ci/ /'on kyang 'di snang
dres ma'i thag pa yis/ /ma bcings phyi mar

phan pa'i don du bsam/ /rlabs chen byang chub sems kyis kha
bsgyur ba/ /sras bcas rgyal ba'i thugs rje bskul la rag /'on te
rang yang ngal bso thub bstan ljon/ /phan bde'i grib bsil yun du
gnas par smon/ /sde dgon phyogs ris

tsam gyi bstan pa dang/ /zhwa yi kha dog tsam gyi grub ba'i
mtha'/ /ming dang gyon pa tsam gyi skya ser la/ /snying po ma
mchis ri mo'i stag g.yag bzhin/ /des na thub ba chos kyi gangs
ri las/ /tshad med 'phags bod rim par babs pa'i rgyun/ /mdo

sngags gzung 'jug chos kyi nyid khu 'di/ /legs byas gshong bur
'khyil na ci ma rung/ /mchog tu mos dge phun tshogs blo gros kyi/
/rnam dpyod dpung ba'i ka ba la brten nas/ /rgyu 'bras chos kyi
phung po mchod sdong du/ /bsgrubs pa'i ngo mtshar

bcos ma min 'di spro/ /phyogs phyogs 'dab stong bzhad pa'i pad
tshal las/ /legs legs ges ra yi bcud bsdus pa/ /mngar mngar
sprang rtsi'i dog pa rgya chen 'di/ /yang yang myong ba'i dga'
ston dus la babs/ /lus can kun la phan pa

@004a @#/ /ga bur du/ /'dzag ba'i zla ba gsar ba 'ongs so kye/
/dad brtson 'dab ma grol ba'i ku mu da/ /phyag mchod ge sar ldem
ba'i gar byos shig/ ces bya ba ni gleng bslang ba'i skabs te/ de
nas gnyis brten bzhengs

pa'i lo rgyus/ /gsum brten ji ltar bzhugs pa'i mtshan byang/ bzhi
pa rten bzhengs pa'i phan yon/ /lnga pa rten la phyag mchod byas
pa'i phan yon/ drug pa skor ba'i phan yon skor ba byed tshul dang
bcas pa/ bdun pa bsngo smon gyis rgyas gdab pa

ste don tshan bdun gyi sgo nas bshad par bya'o/ /de la gnyis
brten bzhengs pa'i lo rgyus ni/ sbyir sku gsung thugs kyi rten
byung tshul la/ ston pa zhal bzhugs pa'i tshe lha chen po rnams
kyis jo shA ka sogs thub pa'i sku che chung du ma bzhengs pa
lta bu

'bur sku dang/ 'od zer ma dang chu len mar grags pa sogs bris
sku byung tshul mang du yod la/ gsung rten lha'i dbang pos gsar
gyi glegs bu la baiTU rya zhun mas sher mdo bris pa dang/ klu
rnams kyis gsung rab mtha' yas ba'i glegs bam bris

te klu yul du spyan drangs pa'i lo rgyus mang ngo/ mchod rten ni
de las kyang sngon du byung ste sku bltams ba dang/ gtsug phud
breg pa sogs kyi tshe de dag tu mchod rten brtsigs par 'dul ba
lung las gsungs/ der ma zad sangs rgyas kyi

bstan ba gang du dar ba der sku gsung thugs kyi rten yang nges
can du 'byung ste/ sngon sangs rgyas 'khor ba 'jig gi sku gdung
la rgyal po mdzes pas mchod rten bzhengs par las brgya pa las
gsungs pa dang/ sangs rgyas 'od srung gi dus sku gsung

@004b thugs rten du ma rgyal po kri kri sogs kyis bzhengs shing
rab tu gnas pa'i lo rgyus shin tu mang ngo/ /'dir skabs su babs
pa mchod rten ni/ chos longs sbrul gsum gyi rten du phye bas
chos sku'i rten dang/ sku gsung thugs gsum du phye bas thugs
rten

yin te/ nag po spyod pas/ chos kyi sku mi bdag nyid can/ /mchog
gi yon tan gzugs can gyi/ /mchod rten rin chen/ zhes dang/ mdo
rtsa'i TI ka las/ mchod rten ni chos kyi sku yin pa'i phyir ro/
/zhes dang/ lung zhu ba'i 'grel pa las/

mchod rten gyi gnas ni chos kyi sku ste de bzhin gshegs pa'i
chos kyi sku'i bdag nyid dran pa nye bar bzhag pa dang/ rdzu
'phrul gyi rkang ba dang/ dbang po dang/ stobs lnga dang/ byang
chub kyi yan lag dang/ mkhyen pa dang/ stobs dang/ thugs rje

chen po la sogs pa'i yon tan rnams kyi gzugs brnyan nyid du
bslab pa yin pa'i phyir ro/ /zhes thugs zag pa med pa ye shes
chos kyi sku'i mtshon byed du gsal bar gsungs so/ /sangs rgyas
sogs kyis chos sku'i rten yin pas sku'i rten du 'jog

dgos tshul dang/ blos bslang de gsum du phye ba'i thugs kyi rten
du bshad pa rgyab 'gal kho na ste/ rang don chos sku gzhan don
gzugs skur byas shing/ gzhan don gzugs sku bzhugs gnas dang bcas
pa rang don chos skur byas pa'i phyir ro/ /des

na rgyud bla ma las/ rang don gzhan don don dam sku dang ni/ /de
la brten pa kun rdzob sku nyid do/ /zhes gsungs pa ltar/ kun na
rdzob pa'i sku longs sprul gnyis sogs gzhan don phun tshogs nyi
ma'i 'od zer 'phro ba la/ de'i gzhir gyur pa nyi ma'i dkyil

@005a @#/ /'khor lta bu ni rang don phun tshogs don dam chos kyi
sku yin pas de nyid gtso bor gyur pa la dgongs nas mdo rgyud
rnams su rten bzhengs pa'i phan yon gsungs pa'i skabs su shas
cher mchod rten la sbyar nas gsungs so/ /de

lta bu'i mchod rten gyi dbye ba yang/ kun gzigs lnga ba'i gzungs
gzhug 'khrul sbong las/ rang bzhin lhun grub kyi mchod rten/ bla
na med pa'i mchod rten/ byin gyis brlabs pa'i mchod rten/ dngos
grub 'byung ba'i mchod rten/ theg pa so so'i

mchod rten dang lngar gsungs pa'i dang po ni/ dus kyi 'khor lo'i
rgyud las/ de ltar ces par 'jig rten khams ni mtha' dag rgyal
ba'i sku ste 'khor lo mchod rten rang bzhin no/ /zhes dang/ dri
med 'od las/ lhun po dang 'jig rten gyi khams ni mtha'

ngag rgyal ba'i sku ste mchod rten gyi dngos po/ zhes sogs kyis
snod bcud gnyis kar sbyar bal brten pa yin cing/ 'di skor dgongs
'dus sogs snga 'gyur la shin tu mang ngo/ /gnyis pa ni/ thig le
dbang gi rgyud las/ shar du byams pa

rdo rje brtsegs/ /lho ru snying rje rin chen brtsegs/ /nub tu
dga' ba padma brtsegs/ /byang du btang snyoms rgya gram brtsegs/
/zhes tshad med bzhis rigs bzhi grub tshul dang sbyar nas bshad pa
la brten pa'o/ /gsum pa ni/ 'khor lo 'byung ba'i rgyud

las/ byin rlabs sku gdung cha brgyad gling bzhir snang/ /zhes
sogs kyis byin ldan snyoms gter sogs brgyad gling bzhi so sor
bzhugs par bshad pa'i rjes su 'brang bar snang yang/ lung phran
tshegs las/ de'i tshe 'dzam bu'i gling du sku gdung gi mchod rten
brgyad

@005b dang/ bum pa'i mchod rten dang dgu gsol ba'i mchod rten
dang bcur gyur to/ /zhes brgyad ka 'dzam gling du bzhugs par
gsungs la/ dang po de ltar yin kyang phyis sgra sgrog pa'i skal
ba klus khyer te cha bdun 'dzam gling du bzhugs par yang gsungs
so/ /

bzhi pa ni/ sngon he ru kas drag po btul pa'i tshe/ yul brgyad
kyi dur khrod du kyai rdor lha mo brgyad kyi dngos grub 'byung
ba'i mchod rten brgyad byung bar bdud rtsi chen po mchog gi
rgyud bam po so bzhi pa las bshad pa la brten pa ste/ 'di la kun
mkhyen

'jam dbyangs bzhad pas 'khrul spong gi snying po bsdus par/ yul
brgyad kyi dur khrod du mchod rten brgyad ces gsang sngags kyi
theg pa gzhan la 'byung la/ yongs grags la sangs rgyas kyis
mdzad pa khyad par can re mdzad pa'i tshe mchod rten re

bzhengs pa'i mchod rten brgyad ces gsungs so/ /rgyud der/ dur
khrod chen bo bal yul yin/ /ma mo chen mo bug si/ /mchod rten
kha sho bya rung gnas/ /zhes sogs kyis rnam pa gzhan du bshad
bsad lta yongs grags kyi lo rgyus dang mi mthun no/ /

lnga pa ni/ 'dul ba'i sde snod dang mdo myang 'das sogs las nyan
rang byang sems sangs rgyas rnams dang/ 'khor los bsgyur ba tshun
chad kyi mchod rten byed tshul tha dad par gsungs pa la brten pa
ste/ de yang mdo rtsa ba las/ mchod rten ni rnam pa

gnyis te/ gtsang khang can nyid dang/ ka ba lta bu nyid do/ /de
rab tu byung ba rnams la 'os pa nyid do/ /gal te dge ba yin
na'o/ /sangs rgyas rnams kyi ni rnam pa thams cad do/ /rnam pa
ni bang rim bzhi dang/ 'dab ma dang/ bum pa dang/ /

@006a @#/ /bu shu dang/ srog shing dang/ gdugs bcu gsum dang char
khebs dag go /rang sangs rgyas rnams kyi ni char khebs med ba'o/
/nyan thos rnams kyi 'bras bu'i tshad kyis de'i gdugs gcig lhag
pa'o/ /so so skye bo

rnams kyi ni byi bo'o/ /zhes theg pa gsum gyi gang zag la mchod
rten bya tshul so sor gsungs pas/ nyan thos kyi mchod rten ni
stag los chos gos bzhi lta ba byas pa'i steng du lhung bzed kha
sbubs la mkhar gsil btsug pa lta bu zhes zer yang/ nyan

thos so skyes byi bo dang/ rgyun zhugs la chos 'khor ram 'dul
ba'i brda chad ltar gdugs gnyis las mi 'byung bas mkhar bsil
btsug pa'i 'dra chos sbyar du med do/ 'bras bu bzhi la gdugs
gnyis gsum bzhi lnga byed par nyid kyi

rnam bshad dang rgya cher 'grel du drangs pa'i lung las gsungs
la/ phran tshogs dang ma mor dgra bcom la gdugs bzhi bya ba sogs
su gsungs pa khungs mi 'dra bas/ mdo rtsa'i dgongs ba snga ma
gtso bor byas pa'o/ /bse ru lta bu'i dgra

bcom la char khebs med cing/ sangs rgyas kyi de la thams cad
tshang bar yod do/ /slob dpon klu sgrub kyis lhung bzed kha sbubs
pa lta bu'i mchod rten/ khang bu brtsegs pa'i mchod rten/ rgyal
mtshan bsgreng ba lta bu'i mchod rten gsum

gsungs pa stag los theg chen kho na la sbyar yang/ mdo rtsa'i
gtsang khang can dang 'di'i khang bu brtsegs pa 'dra zhing shA
ri'i bu la de lta bu byas par gleng gzhi'i skabs su 'byung bas
de gsum mchod rten sbyi'i dbye bar byas na legs te/ da lta

@006b rgya gar nas byung ba khang pa rim pa mang po brtsegs pa'i
rnam ba zur bzhi'am brgyad 'dug par yongs grags gando la'i bkod
pa zhes zer ba dang/ de mthun rgya nag phyogs su mchod rten zhes
zer yang/ bod la grags tshod 'di dang phyogs tsam yang mi

mthun pa'i khang pa thog mang du brtsegs pa zhig yod pa 'di
rnams kyang de gsum gyi grangs yin par skyabs mgon rdo rje
'chang chen pos gsungs so/ /mdo myang 'das las sangs rgyas la
bang rim bcu gsum 'phad lo dang bcas pa/ rang sangs rgyas

la bang rim bcu gnyis sogs su gsungs la/ kri yas munytsar/ bcu
gsum ni rdzogs pa'i sangs rgyas dang rdo rje 'dzin pa rnams
kyi'o/ /dgu dang bdun ni nyan thos dang rang sangs rgyas kyi'o/
/zhes snga ma rnams dang mi 'dra bar bshad do/ /de dag

las sangs rgyas kyi mchod rten la nang gses kyi dbye ba mang
yang gtso bo mchod rten brgyad du 'du la/ de'i thog ma sku
bltams pa'i tshe gter lnga brgya sogs bkra shis pa'i sgo mang du
phye bas bkra shis sgo mang nas 'dren par bzhed pa mang yang/
rang lugs

bltams mthag phyogs so sor gom ba bdun bdun por ba las padma
skyes ba dang/ padma 'dam las skyes kyang 'dam gyis mgos bas
'khor bar skyes kyang skyon gyis ma gos pa'i mtshon byed padma
spungs pa dang po dang/ gnyis pa sku bzhi mngon par byang

chub pa'i mchod rten/ gsum ba chos 'khor bskor ba'i tshe bden
bzhi rnam thar brgyad sogs mtshon byed sgo bcu drug nas brgya
rtsa brgyad sogs yod pa bkra shis sgo mang/ bzhi ba mu stegs
ston pa drug sogs btul te gzhan las khyad par du 'phags

@007a @#/ /pas glo 'bur can gyi cho 'phrul mchod rten/ lnga pa
gzhan don du 'byon pa mtshon byed them skas can gyi lha babs
mchod rten/ drug pa dge 'dun gyi dbyen bzlums pa'i tshe de'i rgyu
dug gsum lta ba dang bzhi bcad de

rnam thar brgyad la gnas pa mtshon phyed bang rim gyi gru bzhi
bcad de zur brgyad du yod par dbyen bzlums mchod rten/ bdun pa
sku tshe zla ba gsum du byin gyis brlabs pa'i tshe bang rim zlum
po gsum pa 'chi bdag las rnam par rgyal ba'i mchod rten/

brgyad pa 'khor ba'i sbros ba dang bral ba mtshon byed bang rim
med pa'i myang 'das mchod rten rnams so/ /dbye ba 'di rnams dge
ba'i rtsa ba yongs su 'dzin pa'i mdo 'og tu 'byung ba dang/ li
yul lung bstan pa/ klu sgrub kyis mchod rten brgyad la bstod

pa; dri med 'grel pa rnams su 'byung la/ 'on kyang dri med bgrel
par sku gdung cha brgyad du bgos pa'i mchod rten brgyad zas
gtsang dang gsal rgyal sogs kyis sbyin bdag byas nas bzhengs par
bshad pa khas blangs mi rung ste/ dus tshod mi 'grig

pas de ni sbyir btang gi sh'ka thub mchod rten brgyad dang/ sku
gdung gi mchod rten brgyad 'dres pa'i yig skyon zhig byung bar
mngon/ de ltar sangs rgyas zhal bzhugs dus mdzad pa khyad bar
can re bstan pa'i sar dad ldan rnams kyis de rjes su dran

pa'i mtshon byed mchod rten re bzhengs te dus ston btsugs/ mya
ngan las 'das pa'i rjes su yang so so'i gdung skal la mchod rten
dpag tu med pa bzhengs te bsong nams zad mi shes pa'i gter gyi
sgo brgya phye/ de rjes rgyal ba nyid kyis lung

@007b bstan pa bzhin chos rgyal mya ngan med kyis mchod rten bye
ba bzhengs te sa steng mdzes par byas/ mgon po klu sgrub kyis
kyang rdo rje gdan du mchod rten du ma bzhengs pa sogs rgya gar
na dar shos shin tu che la/ bod gangs can 'dir yang chos rgyal
kyi

dus bsam yas dang lha sar mchod rten 'ga' zhig bzhengs/ phyis su
chos rgyal kun bzang pas rgyal rtser mchod rten chen mo dang/ jo
nang bas rtag brtan du sku 'bum chen mo/ thon mi'i gdung rabs
bcu gsum pa rgyal chen gling pa'i zhal ngo

yar rgyab dbon po bsod nams rnam rgyal dang lha rje bsod nams
rgya mtsho gnyis kyis byams ba gling du mchod rten khyad du
'phags pa bzhengs pa rnams yul dus gnyis ka bzang zhing khong
rnams sde 'bangs dang chos srid kyi 'byor pa shin tu che

bas de'i lag rjes lta bu ga la yong/ 'on kyang rang 'byor dang
bstan pa'i rten bzhengs byas tshul gyi lo rgyus cung zad brjod
na/ bdag rang lo bdun pa'i steng du gdan sa 'dir 'ongs/ skyabs
mgon thams cad gzigs pa chen po rje btsun dkon

mchog 'jigs med dbang po'i zhabs drung nas bstan pa'i sgor btsud
cing de nas bzung ste chos kyi bka' drin bsam gyis mi khyab par
mnos/ de skabs skyabs mgon mchog nas rjes tshang smyung gnas par
dgon 'di nang du mchod rten chen

po zhig byung na legs 'dug pas khyod kyis e thub ces gsung tshul
khong gi ngag nas yang yang thos pas/ bla ma'i bka' drin bsab
byed 'di 'dra re byed rgyu byung na snyam pa'i 'dun pa yang yang
skyes/ rang lo bcu bdun pa la dbus su song ste

@008a @#/ /sgo mang chos grwa lo brgyad 'grim pa'i ring slob
gnyer kho na'i 'dun par gcig dril gyis gzhan ma'i bya byed thams
cad rgyad bskyar byas te lo nyer lnga'i thog sbrul ba'i dam bca'
ma yin par grwa skor tshul bzhin

bgyis/ de'i tshe rje btsun ye shes rgyal mtshan dpal bzang pos
bong ba gser gzigs kyi tshul du snyan brgyud man ngag gang dgos
stsol ba'i zhal bzhes sogs bka' drin shin tu che bar yod pa lo
shas sdod 'dun yod kyang/ skyabs mgon

rdo rje 'chang dbus phebs phyi ma'i skabs yin pas dgongs pa ma
khrol bar rang yul ldog dgos byung/ thos don nyams len zhig e
yong gi re bas lo shas 'bad khul byas kyang dge sbyor re'i mgo
brtsams pan 'du phung mi bde ba kho na gcig rjes

gcig non lta bur byung ste de ka'i bsam sbyor thams cad than
pa'i dus kyi sprin bzhin dngos med du gyur/ rang lo nyer dgu pa
la skyabs mgon mchog nas mkhan chen ngag dbang grags pa'i gdan
sa da tshad dgon pa'i 'dzin skyong byed dgos kyi bka'

nan phebs te der phyin/ da gzod dge sbyor rnam dag cig mi 'ong
bar 'gro 'dug sogs byed dgos pa la gzhan don du ming btags nas
dkor zas sdug bsog byas kyang mthar chud zos las med pas rang
gzhan gnyis ka bslu bar 'dug/ des na

dkon mchog gi zhing sar 'gro nges dang lhag par sngon dus kyi
kun slong bzhin rten bzhengs shig e thub snyam pa shar/ 'on
kyang rang lo sum cur sleb pa lcags phag lo'i dgun thog skyabs
mgon rdo rje 'chang dag pa'i zhing du dgongs pa gtad par
@008b brten byi ba'i lo nas bzung dgon pa'i chos srid thams cad
kyi khur rang dbang med par thog tu lhung bas/ 'chad nyan bsgrig
lam gtong sgo sogs kyi sems khur la brten nas rten bzhengs sogs
yid kyis bor/ lhag par rang lo so lnga nas rkyen 'ga'

zhig la brten dgon lung byams pa gling gi khri yang 'dzin dgos
byung ste lo gsum gyi ring gdan sa gnyis ka zung 'brel du
bskyangs/ so bdun pa la skyabs mgon mchog gi sprul pa'i sku rin
po che blo bzang thub bstan 'jigs med rgya mtsho gdan

sar bkod/ phyogs mtha' chod pa dka' yang dgon pa'i nang 'di'i
gra 'tshogs 'chad nyan bsgrig lam sogs zur cung zad kyang ma
nyams par phyag tu sprod rgyu byung ba'i dga' spro'i thog nas
khri'i dgongs ba zhus/ khri'i skabs der yang rigs

grwa snga phyi kun la srang khrir nye ba'i tshod song yang de'i
zhar la 'cham chen skabs bkram rgyu'i chos rgyal gyi gos thang
chen mo/ bla ma khri pas bsten rgyur gnas chung gi gser sku/
byams mdun du dngul gyi maNDal tshom bu bdun ma dngul srang lnga
brgya

las grub pa rang ming spel ba'i smon tshig 'bur dod can/ srang
nyis brgya skor gyi ka 'phan gser mgo ma bzhi/ ka bar dgu khebs
pa'i gos kyi bla bre rnams dang/ snga sor dbus nas 'ongs skabs
gser gyi rgyal mtshan cha sogs gang dgos kyi

'jog pa phran tshogs lan mang tsam byas rung/ da dung yid tshim ba
zhig ma byung bar da ni bdag cag rnams kyi me tog phog pa'i lha
skal lta bu skyabs mgon rdo rje 'chang sku 'phreng rim byon yin
pas 'khrungs rabs lha khang zhig byas snyam yang/ 'di nas

@009a @#/ /bzo bo sogs mi 'grig stabs bstan pa'i sbyin bdag chen
po tho yon rab rgyas la sku brnyan bzhengs rgyu'i sbyin bdag
bskul/ 'di nas dge rtsa mtha' dag chud mi za ba'i phyir smon lam
gyi dus mchod gtong rgyu'i

grwa bsgrigs te/ rang lo bzhi bcu pa lcags bya'i lo srang bdun
stong brgal ba'i zong gis cho 'phrul dus mchod nyin ltar gyi
phog sogs lha mchod mi mchod rgya cher byas/ de'i steng du srang
nyis stong lhag las bsgrubs pa'i 'khrungs rabs kyi sku yang cha

tshang par 'byor pa la gzungs gzhug/ mchod khri/ ka 'phan/ bla
bre/ mchod ting sogs gang dgos thams cad gsar du bsgrigs te
'khrungs rabs lha khang byas/ dang por rten bzhag de kas 'thus
pa dang/ rgyu nor gang yod lam gyi gongs

su 'gro ba byed rtsis yin kyang/ dkon mchog gi thugs rjes mthun
rkyen 'dzoms che ba lta bus da dung dad rdzas kyi dngos po lhag
lus dga' rab 'dug pa dang/ mtshams der g.yeng ba'i 'phro btsan
chod byed rgyu yang rkyen du ma zhig gis gra mi

'grig par 'dug la/ chung du'i dus nas rang gis yang yang yid la
blangs pa'i dam bca' lta bu yin stabs/ mchod rten mthong grol
chen mo 'di nyid bzhengs pa'i sbyor ba brtsams/ chos 'khor dang
sgo khyim sogs bzhengs rgyur 'di nas srang

stong phrag lhag tsam dang/ sbyin bdag skul byed snam phrug byin
rten sogs phon mi chung ba bcas mi sna mtsho bdun du mngags/ rang
lo zhe gcig la sleb pa rnga chen zhes pa chu pho khyi'i los ga
zla ba'i yar tshes bzang por las mgo btsugs te lo

@009b gsum gyi ring zla ba bdun re tsam la las mi nyung skabs
dgu bcu skor dang/ mang skabs brgya dang bzhi bcu skor gyis bar
ma chad par byas pa thams cad kyis g.yo zol med par hur skyed
'bad pa dang blang gis las 'gro che zhing/ de'i ring mi

gcig la yang na tsha sogs kyis las ka 'chag dgos pa zhig ma byung
ba dkon mchog gi thugs rjer snang/ dngul 'di nas khyer ba'i
steng du su nyid kyi grwa rgyun bgres gzhon thams cad nas lhag
bsam dag pas zhal 'debs gang legs byas pas gzhi gzung

nes man/ u cu mu chin/ a ba ga/ ha la ha sogs nas kyang grogs
ldan byed mkhan kha shas byung ba bcas kyi steng nas chos 'khor
za ra tshag nyi zla tog bcas kyi dpangs gzhu 'dom lnga lhag pa
dang/ sgo khyim thog tshad lhag pa/ sku brnyan mi tshad

long ma long dum dang/ dbu rgyan che chung kha shas ganjir dang/
mtha' 'khor du 'jog rgyu'i rnam bcu dbang ldan cha du ma/ 'khor
lo dang ri rwags pho mo sogs phal cher cha tshang par grub ste/
lam skabs sogs su 'gal rkyen gyi rigs cung zad kyang

med par nam dgos pa'i dus thog tu 'byor/ rgya bod kyi yul tha
dad nas bzos kyang slar bsgrigs pa'i tshe mi gcig gis thig btab
pa bzhin chad lhag dang che chung 'dzol skyon med par 'grigs pa
bskyabs mgon thugs rje can gyi byin brlab tu nges pa

rnyed; de ltar rgyan gnas gdan drangs pa rnams kyi rgyu song
dang/ 'di nas bzo bo'i yon gyi nang du song ba/ gser tshon dang
'khor shog sogs kyi rin/ dngul gyi mchod cha gsang bzos sogs kun
bsngoms bar dngul rgyang srang stong phrag gsum

@010a @#/ /dang nyis brgya skor/ gzhan ma lha bris pa/ 'bag bzo/
gser mgar/ lcags mgar/ lcags skud sla mkhan/ gos bzo ba/ rdo
rtsig pa/ gyang rdung/ rdo 'khur/ gyo bzo/ gras rdo bzo mi/
shing

bzo sogs kyi dbon g.yog thams cad la rgyun gyi lto chas/ gla
phog gang gzab/ 'dzug sgang grol gsum gyi ston mo/ go babs dang
bstun ba'i ster sbyin sogs gang thad nas khral chos lta bu ma
yin par/ rgyu song gi 'bras bu la bsam

ste yid tshim nges byas pas/ lo snga phyir rta nor gos phrug/ zam
ras/ kha btags/ gyon pa/ dong tse/ ja mar nas rtsam phye 'bras
sogs gang song tho rags rim tsam 'dug pa dang/ steng 'og gi lha
khang kun tu mchod cha yongs rdzogs

gsar bsgrigs/ ka bar bzhi bcu skor phal cher khebs pa'i gos kyi
bla bre nang sha dang bcas ba/ 'khor lo dang gzungs gzhugs gi
skor/ rgya nag tu 'gro chas dang sbyin bdag kun la mtshams rten/
me mda' sum cu skor sogs lcags

khal brgya lhag/ go sa'i khang pa kha shas dang shing cha sogs
kyi rin/ 'phral gyi cha rkyen gang dgos rnams su song ba lam
tsam bsngoms par/ ri gong dngul srang stong phrag lnga dang bdun
cu'i skor thob/ shing byi zla ba dgu ba'i nang du las

mjug grub ste/ lha babs kyi dus chen la rang nyid dang rdo rje
slob dpon 'ga' bcas kyis rab gnas mdor bsdus tsam byas/ shing
glang zla ba dang po cho 'phrul gyi dus chen dang bstun te/
skyabs mgon thams cad gzigs pa chen po'i

@010b mchog sprul rin po che blo bzang thub bstan 'jigs med rgya
mcho'i zhal snga nas kyis dbu mdzad/ khri chen dpal ldan grags
pa'i sprul pa'i sku/ sde khri sprul pa'i sku/ sgo mang mkhan zur
blo bzang chos dar/ sgo mang mkhan po sangs rgyas rdo rje'i
sprul

sku sogs chog grwa pa dang bcas pas nyin gnyis kyi ring bkra
shis snye ma'i steng nas spyan dbye'i cho ga rgyas bar mdzad de
byin rlabs kyi gter chen por bsgrubs/ gong sa rin po cher dngos
'bul spus gtsang dang/ bla ma rnams la tshan grangs/ gzhan thams

cad la 'gyed sogs 'tshem med du byas/ tshogs ba sum stong du nyer
bar ja bar khag re dang bsod btags re phul zhing bstan 'bar ma
sogs gsung nas me tog gi char phab/ rab gnas skor gyi 'gro sgo
bsdoms par srang stong dang brgyad brgya nyi shu'i

rtsis song ba bcas/ snga phyi thams cad khyon dri lan dngul
srang khri phrag gcig dang dgu bcu'i skor song/ spyir khams sog
gi mis rang bzhin gyis rtsis zhib cha mi 'ong 'dug pas/ gser
khang chen mo'i byams chen thog tshad bzhi ba gtsug lag

khang 'gran zla med pa dang bcas pa/ bzo bo yang dbus nas blangs
pas gla phog thams cad gang 'dod lta bur byas stabs 'gro sgo
bsam gyis mi khyab kyang/ tho nang du sum khri lnga stong gi
tshod las ma thebs 'dug cing/ lha sa'i dkyil 'khor rting

gi byams sku thog tshad gnyis pa der gtsang khang sogs zur du bzo
mi dgos ba'i sku rkyang la yang sum khri sum stong tsam song
tshul dkar chag tu 'dug pa ltar na bod pa'i zhib rtsis de 'dra
byas tshe gser khang lta bur srang 'bum phrag brgal ba 'gro
zhing/

@011a @#/ /rten bzhengs 'di la yang de cha lngar byas pa'i gcig
tsam ma mtha' 'gro ba'i tshod du snang mod kyang/ mtho 'dzin byas
pa dgos ba mi 'dug pas gnas skabs tho nang du gang thebs phyogs
bsgrigs byas pa yin no//

de yang byang chub kyi sems rnam ba gnyis kyi rtsis zin pa sogs
bdag lta bu la dka' mod kyang/ bsam pa'i khyad par spyir phan
bde'i 'byung gnas sangs rgyas kyi bstan pa dar zhing rgyas pa
dang/ khyad par bstan pa byang nas byang du dar bar lung

bstan pa chos sde 'di nyid yin par klong rdol bla ma rin po che
sogs tshad ma'i skyes bu du mas gsungs bas/ dgon sde 'dir mdo
sngags bshad sgrub kyi bstan pa dar zhing rgyas pa dang/ rang
nyid kyang tshe rabs kun tu bstan ba'i snying po

mchog la thos bsam sgom pas tshul bzhin du 'jug cing/ khyad par
rang nyid kyis thog drangs rang la 'brel thogs kyi 'gro ba mi
dang mi min thams cad ma 'ongs pa na rje btsun byams pa mgon
po'i 'khor gyi thog mar gyur te yang dag pa'i lam

gyis btsa nas zin pa'i phyir du dmigs te bzhengs par bla ma yi
dam chos srung rnams kyang thugs brtse bas nye bar dgongs te
rjes su bzung ba'i 'bras rtags su bya ba'i thog mtha' bar gsum
thams cad la 'gal rkyen gyi cha phra mo tsam

yang med par/ yid kyis smon pa bzhin du 'gro ba ma lus pa'i bsod
nams kyi zhing sa dam par lhun gyis grub ste/ rgyal bo khri
srong lde btsan gyis/ /zing mor bsags pa las ni nor 'byung
zhing/ /nyin mtshan bsam pa las ni blo

@011b 'byung ste/ /ya rabs mdzangs pa las ni phyag ris 'byung/
/rgyal po khri song lde btsan nga re dga'/ /zhes sogs dang/ nga
yi dbu rtse rigs gsum 'di/ /rin chen sna las grub pa ste/ /rtsig
pa mi 'dra skyes pa 'dra/ /nga yi lha khang ngo mtshar che/

mthong ba tsam gyis nyams re dga'/ /de phyir bsam gyin blo re
bde/ /zhes sogs dga' glu bcu gsum dang/ /gzhan yang rgyal po
'khor bcas kyi seng ge 'gyang rtsen/ g.yu mtsho 'khyil ba/
dbyangs ring khug pa/ skyid ba'i glu ring/ drang shing

dkar po/ stag ri dgu brtsegs sogs dga' skyil kyi glu gar mang du
byas pa ltar/ rang 'khos kyi legs tshogs shin tu che bar byung
ngo/ /rten bzhengs grub ba'i lo der zi ling aM b+han yUs ta
zhin/ mtsho sngon po'i sa skor la 'gro ba'i

zhor gyis dgon bar 'ongs nas mchod rten la mjal te ya mtshan che
bar byed cing de nas phyir zi ling du ldog pa'i lam khar gre tsi
zhig 'byor bar/ mdo smad du dgon ba dang lha khang sogs ci 'dra
yod bka' 'dri gnang ba dus 'grig ba'i

stabs kyi aM b+han nas dgon so so'i gnas tshul dang/ lhag par
'jam dbyangs hU thog thu'i dgon du gong ma chen po'i zhabs
brtan la mchod rten khyad 'phags shig bzhengs 'dug tshul zhus
pas/ yang bskyar rgya dbangs sogs kyi tshad dang

nang du lha khang ci 'dra yod bka' 'dri phebs shing/ de nas ma
'gyang bar gong ma rang gi phyag gis bris ba'i tsi ben tshe ring
gnam gyi she mong gi bka' rtags phyag rgya'i re kha can stsal pa
ni chos kyi dbang du byas na/ ljongs 'dir bstan pa nam gnas

@012a @#/ /bar du gong ma'i gdan sar yang 'jam dbyangs kyi sprul
pa rim can 'byon par gsungs pas byin rlabs kyi tshan kha shin tu
che/ 'jig rten gyi lugs dang bstun tshe/ stobs kyi 'khor los
bsgyur ba chen po'i

bdag rkyen 'di 'dra gang byung gis 'bad rtsol ci tsam byas kyang
'ong dka' bzhig rtsol ba phra mo tsam yang ma byas par gnam babs
kyi tshul du byung ba ya mtshan che zhing/ yi ge rnams kyi don bod
skad du bsgyur na/ dkon mchog thugs rje'i 'od kyis

'dzam gling kun khyab/ ces ba lta bu zhig tu snang bas rten
'brel gyi che ba yang rmad du byung bar snang ngo/ /zhes bya ba
ni gnyis pa rten bzhengs pa'i lo rgyus kyi skabs so// ! gsum ba
rten ji ltar bzhugs pa'i mtshan byang ni/ phyi rten

dang nang bzhugs kyi skor gnyis las/ dang po ni/ shod kyi mdun
ngos su rigs lnga'i lha khang ka ring gnyis ma/ steng phyogs su
skyabs mgon rdo rje 'chang gi 'dra sku gser zangs las grub pa
dang/ dbus su seng ge'i khri la rnam snang/

shar du glang chen gyi khri la mi bskyod ba/ lhor rta mchog gi
khril rin 'byung/ nub tu rma bya'i khri la 'od dpag med/ byang
du mkha' lding gi khri la don grub rnams sku tshad byis pha lo
bcu gsum pa'i tshod tsam/ rnam snang gi g.yas g.yon du rgya

nag li ma'i byams pa khru tshad dang de mtshungs 'jam dbyangs kyi
sku gnyis khri rgyab yol dang bcas/ gsung rab po ti brgyad brgya
skor/ ldeb ris la tshe dpag med/ don yod zhags pa/ sgrol ma dkar
ljang/ rta ma phrin dmar chung

@012b dang phyag rdor/ mgon chos lha mo rnam sras gnas chung
sogs dang/ rgyal chen bzhi/ g.yas kun gzigs lha khang du/ 'jam
dbyangs kun gzigs kyi snang brnyan khri rgyab yol dang bcas par
thog tshad gnyis pa/ gnas chen du ma'i sa sna dang byin

rten phon che ba sman 'dam sogs kyi rgyu las grub cing gser
zangs kyi dbu rgyan dang rin po che 'gang che ba du ma'i phra
rgyan sogs rgyu bzo shin tu legs shing byin rlabs kyi gzi 'od
'bar ba/ g.yas g.yon du gser zangs las grub pa'i rgyal

ba seng ge'i nga ro dang byams mgon gyi sku mi tshad tsam pa khri
rgyab yol can gnyis/ gtso bo'i rgyab yol gyi rtser tsan dan las
grub pa'i rje'i sku khru gang ba/ g.yas g.yon gyi nam mkhar
sprin la bzhugs pa'i spyan ras gzigs dang phyag

rdor gyi sman sku khru tshad re/ g.yas g.yon gyi grar gsung rab
po ti brgyad brgya nyi shu skor/ ldeb bris la/ rje bla ma/ rgyal
tshab/ mkhas grub/ rtogs ldan 'jam dpal rgya mtsho/ /'dul 'dzin/
'jam dbyangs chos rje/ byams

chen chos rje/ rje shes rab seng ge/ dge 'dun grub/ tsha kho ngag
dbang grags pa/ paN chen bsod grags/ rgyal ba dben sa pa/ paN
chen chos rgyan/ rgyal dbang lnga pa/ rgyud chen dkon mchog yar
'phel/ grub chen skal ldan

rgya mtsho/ kun mkhyen 'jam dbyangs bzhad pa/ khri chen dge 'dun
phun tshogs/ khya dge blo gros rgya mtsho/ lcang skya rol pa'i rdo
rje/ skyabs mgon rdo rje 'chang/ thu'u kwan rin po che sogs gser
mdog cod pan 'chang ba'i bstan pa

@013a @#/ /'di la bka' drin lhag bar che ba'i bla ma rags bsdus
dang/ steng gi cha la thang ga'i rnam par 'jam dbyangs dang rdo
rje 'jigs byed/ shing rta chen po gnyis rnams bzhugs/ phugs kyi

gsung rab lha khang du/ bo ti bzhi re tsam lhan du pot re re
byas te rgyal ba'i bka' 'gyur ro cog tshar du ma sogs ka bar gsum
gyi rim ba'i thog so gnyis khrigs kyi khengs par brtsegs pa la
dkyus ma'i tshad kyi po ti bzhi

stong lhag pa bzhugs shing/ g.yas g.yon gyi grwar po ta brgyad
brgya ma long tsam/ ldeb ris la ston pa thub pa'i dbang po mchog
zung bcas dang/ gnas brtan chen po bcu drug/ ha shang dang dge
bsnyen d+harma/ gtad rabs bdun/ chos

'phags dang rtag dus sher phyin 'chad ba'i bkod pa bcas bzhugs/
g.yon gyi kun rig lha khang du/ kun dga' rab thog tshad gnyis
par gtso sku mi tshad dang/ gzhan ma'i rtsa lha so drug/ rnam
snang mngon byang/ rdor dbyings/

seng ge'i sgra/ dzam lha rnams khru re/ thams cad gser ljib thum
khri rgyab yol dang bcas pa/ de dag gi steng gi bang rim la/
khru tshad ma'i thub dbang/ 'od dpag med/ byams pa/ sgrol ma sogs
gser ljib thum dang/ birba pa/

pha dam pa/ rje btsun mi la/ phag mo grub/ bu ston/ paN chen
chos rgyan/ kun gzigs lnga pa/ rje 'jam dbyangs bzhad pa/ yongs
'dzin ye shes rgyal mtshan/ lcang skya rol ba'i rdo rje sogs kyi
sman sku khru tshad gser tshon gyis@013b mdzes pa shin tu byon legs/ dngul gyi
gdung rten gnyis
dang/ gzhan mchod rten che ba brgyad/ sman sku byin can gsar
rnying nyi shu skor sogs dang/ 'gram gnyis la gsung rab po ti
bdun brgya brgyad cu tsam/

ldeb ris la jo bo rje/ khu rngog 'phrom gsum/ nag tsho/ lta bla
ma/ khu dpon rnams dang/ steng phyogs su rgyal po indra bo d+hi/
zla ba bzang po/ la lIta/ lU nag dril gsum/ g.yas g.yon du
mkhan slob chos gsum /bla chen dgongs ba rab

gsal bu tog mar pa /la bsgron /bu mo bsod nams rgyan/ 'jam mgon
sa paN /bu ston /phya pa chos seng/ karma rol pa'i rdo rje sogs
ris med kyi skyes chen dam pa bstan pa'i rtsa lag bka' drin can
rnams kyi sku bcas bzhugs/ bar thog gi phyogs bzhir

zhal ras lha khang lcags khra bcas dang/ dbus mi bskyod pa/ shar
rnam snang/ lho rin 'byung/ nub 'od dpag med/ byang don grub kyi
lha khang du so so'i sku brgya skor re phyogs mdog tu byas pa la
de dang cha 'grig pa'i bzhugs gnas grwa

mig dang bcas pa/ thog so gsum pa'i khor yug tu bskal bzang
sangs rgyas stong gi sman sku mtho gang re can gseng ldib thum/
bzhugs gnas grwa mig mchod shom dang bcas pa cha 'grig /bum pa'i
nang bde ba can gyi zhing bkod du byas pa'i

phur gser zangs las grub pa'i 'od dpag med kyi sku khru lnga pa/
rma byas bteg pa'i khri rgyab yol dang bcas pa/ mdun du sras kyi
thu bo gnyis kyi gser sku pad sdong la bzhugs pa/ g.yas g.yon
du khang bzang gi bkod ba rim brtsegs kyi

@014a @#/ /dbus su 'od dpag med kyi khru tshad re re/ steng du
rgya bod kyi li ma'i 'od dpag med dang spyan ras gzigs kyi sku
bcu skor/ 'gram so sor gser zangs las grub pa'i sku khru tshad ma
kha shas/ ldeb ris la bde

ba can gyi zhing gi snod bcud kyi 'byor pa phun sum tshogs pa'i
bkod pa ngo mtshar ba bcas bzhugs so/ /seng khri'i phyi rol gyi
g.yab khor yug tu ka bar re la 'khor lo bzhi re bzhag bas 'khor
lo che ba brgya dang brgyad/ sgo khang gi 'gram

dang nang du yang 'khor lo kha shas/ ldeb ris mdun ngos su ltung
bshags kyi lha tshogs dang sman bla ma ched brgyad bzhugs shing/
phyogs gzhan gsum la 'khor lo re re'i steng du yi dam gyi lha re
'bab ba byas te/ rdor phreng mi tra

rgya rgyas sogs kyi rgyud sde bzhi'i lha gtso rags bsdus tsam
bzhugs pa/ g.yas kyi gru nas brtsams te rigs lnga yab yum/
gsang 'dus mi bskyod pa/ 'jam rdor/ 'jig rten dbang phyug/ bde
mchog rigs bzhi/ dmar nag

'jigs gsum gdong drug/ dus 'khor/ dus 'khor lhan skyes/ kyai
rdor thod pa can/ kyai rdor mtshon cha can/ phag mo don grub/
phag dkar/ ku ru kulle/ mahA ma ya/ sangs rgyas thod pa/ rnal
'byor nam mkha'/ spyan ras

gzigs rgyal brgya mtsho/ 'khor chen sogs bla med dang/ nub kyi
gru nas rnal 'byor rgyud rnam snang/ rdor dbyings/ gtsug dgu/
chos dbyings gsung dbang/ bya spyod la rnam snang mngon byang/
mi ru shi Sha/ tshe dpag med dkar

@014b po; thogs med kyis zhal gzigs pa'i byams pa/ brtan pa'i
'khor lo/ 'jam dbyangs/ seng ge'i sgra/ a ra ba tsan/ 'jam dpal
nag po/ don zhags/ nam mkha' rgyal po/ ha ri ha ri la zhon/ sems
nyid ngal gso// sa snying/ sgrib

sel/ kun bzang/ nam snying/ bdud rtsi thigs pa/ phyag rdor mdo
lugs/ rnam 'joms/ khyung gsham can/ rgyud phyi ma'i rta mgrin/
shwa na bzhi skor/ lcags ral/ mi g.yo ba/ stobs po che/ bgegs
mthar byed/ bdud

rtsi 'khyil ba/ nA ga raksha/ ngan song las sgrol ba'i sgrol
ma/ nor sbyin sgrol ma/ 'chi ba bslu ba'i sgrol ma/ sna tshogs
yum/ sher phyin ma/ 'od zer can ma/ lo gyon ma ser ljang gnyis/
rnam rgyal ma/ gdugs dkar/ sor 'brang/

spyan ma/ dbyangs can ma dkar dmar gnyis/ nor rgyun ma/ dug sel
ma/ tsunda/ 'chi med rdo rje lha mo/ ral gcig ma/ gza' yum/ seng
gdong ma/ dzam dkar/ dzam dmar/ rnam sras tshe 'phel rnams
bzhugs/ steng 'og gi mthong

skor rim pa gsum la rgyang ring bo nas mthong bar ma Ni che
'khor yug tu brkos/ sgo khang gong 'og sogs kyi gdung la gzungs
sngags du ma lanytsa dang bod yig gis bris pa sogs phyin pa
thams cad mthong thos dran reg don ldan du byed pa'i sku gsung

thugs rten gyis go mtshams med par gtams so/ sgo khang gi thog
sor rang gi ngag rtsom 'ga' zhig dang/ gzhan yang nyer mkho'i
par mang tsam bzhugs/ nang bzhugs kyi rim pa yang/ 'phags pa 'od
zer dri med rnam dag 'od kyi gzungs

@015a @#/ /las/ bcom ldan 'das kyis bka' stsal ba/ bram ze chen
po khyod song la/ grong khyer ser skya'i las kyi sum mdo na
mchod rten ring bsrel can rnying pa ral ba zhig yod pa de slar
brtsigs te mchod

rten gyi rtse mor srog shing btsugs la/ gsang sngags yi ger bris
pa de'i nang du bcug ste mchod pa byas nas gsang sngags lan bdun
bton na/ khyod kyi tshe'ang phyir nur te 'phel bar 'gyur la/ 'chi
ba'i dus byas kyang bde 'gro mtho ris kyi

gnas longs spyod che ba rnams su skyes te bskal pa stong phrag
brgya'i bar du bde ba'i longs spyod kyang phyir 'phel zhing
rgyas par 'gyur/ de nas kyang de bzhin gshegs pa mi 'khrugs pa'i
sangs rgyas kyi zhing yongs su dag par skye bar 'gyur te

bskal pa brgya stong du mar bde ba chen po myong bar 'gyur ro/
/de nas kyang shi 'phos te rgyal chen rigs bzhi'i lha rnams kyi
gnas su skye bar 'gyur te/ de yang bskal pa chen po stong phrag
brgya'i bar du bde ba'i longs spyod mi zad pa myong bar

'gyur/ tshe rabs gang du skyes pa'i gnas kun tu'ang yid gzhung
zhing tshe'i bar chad med pa dang/ las kyi sgrib pa thams cad zad
nas dus nam du yang sems can dmyal bar lhung bar mi 'gyur ro/
/rtag tu yang dag par rdzogs pa'i sangs rgyas

'byung ba rnams dang 'phrad cing/ rjes su dgongs bar mdzad do/
/zhes ring bsrel gyi snying po can du byas na phan yon bsam gyis
mi khyab bar gsungs pas/ ring bsrel yang gang la byed na/ rgyud
sde spyi rnam las/ byang chub rgyan 'bum da lta bod

@015b na tshang ba mi bzhugs/ sngon gyi mkhas pa dag gis de
drangs bar de bzhin gshegs pa'i chos sku'i ring bsrel/ sku gdung
gi ring bsrel/ sku gdung gi ring bsrel/ sku bal gyi ring bsrel
rnams mchod rten du gzhug bar gsungs te/ chos sku'i ring 'srel
gzungs rnams so//

sku gdung gi ring bsrel ni sku gdung las byung ba'i ring bsrel
yungs 'bru tsam mo/ /sku bal gyi ring bsrel ni sku gzugs te/ de
dag rim pa ltar mchog dang/ 'bring dang/ tha mar gsungs so/
/zhes ring bsrel gsum du bsdus shing/ phyi ma sku brnyan

sogs la gsungs ba shin tu gnad che ste/ bka' chems bka' 'khor
mar/ ci ste sangs rgyas byin rlabs de/ /so so skye bos shes mi
'gyur/ /de phyir sangs rgyas ma byon pa'i/ /zhing na sku gzugs
yod min zhing/ /mtha' khob kla klo rnams na

med; ;bstan ba nub na yod min zhing/ /mu stegs byol song sogs mi
mthong/ /de phyir sku gzugs sprul pa yin/ /zhes gsungs pa bzhin
sangs rgyas kyi bstan pa dar sar lha bzo mkhas pa 'byung la/ mu
steg dar tshe lhag bzo ngan pa dang/ kla klo dar tshe

lha bzo gtan nub par bshad pa bzhin 'di dag sangs rgyas kyi sku
dngos kyi dod lta bur sprul pa'i ring bsrel du bzhag pa/ thugs
bde stong ye shes kyi dod gzungs la de'i ring bsrel du bzhag pa
dang go don 'dra'o/ /'on kyang da lta grags che ba ring

bsrel bzhir byas te/ chos sku'i ring bsrel sngar ltar dang/
yungs 'bru lta bu yongs grags kyi ring bsrel/ sku gdung gi ring
bsrel gdung rus sogs dang/ sku bal gyi ring bsrel dbu skra na
bza' sogs la gsungs pa dang bstun te 'god pa la/

@016a @#/ /steng 'og gi sku brnyan kun gyi nang du bzhugs pa
bsdoms par gzungs gzhug rgyas bsdus cha tshang ba sum brgya dang
bdun cu skor/ zur du gzungs sngags 'bum phrag du ma/ gdugs dkar
sogs kyi

'khor lo sna tshogs/ mdo phran che chung bzhi bcu/ yongs 'dzin ye
shes rgyal mtshan dpal bzang po'i rgyun gyi gzigs dpe lam rim
chen mo/ smon la mchos spyod brgya lhag bzhugs la/ spyir phyi
rten du bkod pa'i gsung rab rnams kyang mchod

rten gyi nang bzhugs su gtogs ba'i rgyal ba'i bka' 'gyur ro cog
cha tshang gnyis/ cung zad ma tshang ba kha shas/ gser 'bum gsum/
dngul 'bum bdun cu skor gyis gtsos pa'i 'bum cha tshang brgya
dang gya lnga/ gser gyi brgyad stong pa bcu

bdun sogs brgyad stong pa tshar nyis brgya dang lnga/ dkon
brtsegs sum cu skor dang/ phal chen bzhi bcur nye ba/ bskal
bzang brgya dang bzhi bcu zhe brgyad/ thar mdo nyis brgya sum cu
skor/ rdor gcod stong dang dgu brgya lhag/ gzhan yang

mdo rgyud sna tshogs kyi pota stong phrag du ma sogs khyon bsdoms
par gsung rab po ti khri phrag tsam bzhugs pa dang/ 'khor lo'i
nang du yig drug bye chen bdun tsam dang/ kaMka ni/ yig brgya
sogs gzungs sngags 'bum phrag du ma bzhugs pa

thams cad kyang nang rten chos sku'i ring bsrel gyi khongs su
gtogs so/ /yungs 'bru lta bu'i ring bsrel yang/ sangs rgyas 'od
srung gi 'phel gdung sprul pa'i dge slong a kar ma tis gdan
drangs pa'i nang tshan dpal sdeb nas brgyud de gzhung sar

@016b bzhugs ba de las 'phel ba'i ring bsrel gcig/ bdag cag gi
ston pa'i 'phel gdung ma skyes dgra'i skal ba gter du sbas pa
mya ngan med kyis bton pa'i nang tshan bya sgong tsam zhig rgya
nag tu phebs pa/ des 'gro mgon 'phags bar phul zhing/ phyis

rgyal rtse dang bsam rtse sogs brgyud de gzhung sar bzhugs pa
las 'phel ba rdog che ba gcig dang chung ba lnga/ jo bo rje'i
'phel gdung gcig/ dga' ldan gser gdung chen mo nas babs pa'i
'phel gdung gcig/ mtshan byang mi gsal brten rnying khrod

kyi 'phel gdung che chung gsum rnams bzhugs/ gzhan yang shA
ri'i bu'i tshems las grub pa'i ril bu/ grub chen nag po spyod
pa'i rus rgyan/ dpal nA ro ba'i rgyan drug/ ma cig grub pa'i
rgyal mo'i tshems kyi ril du/ kha che paN chen gyi snam sbyar/
srong

btsan sgam po'i zhabs lhwam/ rje btsun mi la'i sgom thag/ phag
mo gru ba'i dbu zhwa dang gzims phying/ rje btsun grags pa'i
phyag ting/ sa paN gyi zhun thig las phebs pa'i 'jam dbyangs/
'gro mgon 'phags pa'i spyan ra/ lho brag grub chen gyi tshems

las grub pa'i ril bu/ chos rje don grub rin po che'i phyag Da
ma/ rje bdag nyid chen po'i ni bza' dang dbu lo tshems las grub
pa'i ril bu/ mkhas grub rje dang byams chen chos rje'i tshems kyi
dum bu/ paN chen dge 'dun grub kyi zhun thig/ mkhas grub nor

bzang rgya mtsho'i phyag rjes/ 'jam dbyangs legs pa chos 'byor
gyi snam sbyar/ rgyal ba dge 'dun rgya mtsho'i tshems kyi cha
shas/ rgyal ba bsod nams rgya mtsho'i sku rags/ paN chen blo
bzang chos rgyan gyi tshems kyi dum bu/ rgyal ba yon tan rgya
mtsho'i

@017a @#/ /na bza' dang dbu lo/ rgyal dbang lnga pa'i na bza'
dang dbu skra rnams cha tshang ba min yang dum bu re'ang ril bur
bsgril ba 'khrul med kho na yin pas byams chen mthong ba don
ldan gyi gzungs gzhug skabs yang cha

shas re phul yod/ da lta 'di 'dra'i rten 'dzoms che ba lag tu mi
'ong yang/ sngar khri chen dge 'dun phun tshogs pas dga' ldan
gser gdung chen mo bzhengs skabs dang/ phyis gzhung sa'i chos
srid kyi 'dzin skyong gnang skabs phyag tu

byung bas gsum na rnyed par dka' ba'i rten khyad 'phags kho na
yin no/ gsar du 'byor pa yang 'phel gdung bzhi/ jo bo rje'i
phyag tshwa gnyis/ smri ti'i phyag tshwa gcig/ rje rin po che'i
phyag phreng rdog gcig/ rje'i phyag tshwa 'od dpag med kyi sku
bzhi dang

'jigs byed kyi sku gcig/ rje'i sku 'od zer ma gcig/ 'jam dbyangs
chos rje'i phyag tshwa gnyis/ rgyal ba bskal bzang rgya mtsho'i
zhabs chag bubs/ de'i bur tshwa/ phyag rjes/ paN chen dang dpal
ldan ye shes kyi na bza'/ phyag tshwa kha shas/

phyag nas/ rgyal pa 'jam dpal rgya mtsho'i na bza'/ kun mkhyen
'jam dbyangs bzhad pa'i na bza'/ dbu lo/ gdung ras/ phur tshwa/
grub chen skal ldan rgya mtsho'i dol bu/ sku gzan zheng/ rje
btsun ye shes rgyal mtshan gyi na bza'/ dbu skra/

mkhar bsil gyi shing/ dam rdzas ril bu/ gdung ras/ lcang skya
rol pa'i rdo rje'i na bza'/ skyabs mgon rdo rje 'chang chen po'i
dbu lo bubs/ phyag phreng/ sku gzan phyed/ sku lcug shangs
mtshal/ gdung ras/ phur tshwa/ phyag nas/ klong rdol

@017b bla ma rin po che'i gdung ras/ thub kwan rin po che blo
bzang chos kyi nyi ma'i gdung rus/ grub dbang blo bzang don grub
pa'i dbu skra/ gtsang dbus gyi rten bsdus/ skye bdun/ bdud rtsi/
gtsang chab/ rin chen sogs ril bu sne mang/ lha sa'i jo bo'i
zhal gser dang phyag

bar; dga' ldan chos rgyal gyi na bza'/ dga' ldan gyi 'jigs byed
par ma/ 'jam dbyangs kyi sku stong dang drug brgya/ don zhags
brgya dang lnga bcu/ me la'i sku sum brgya sogs bla ma yi dam
sangs rgyas byang sems nyan rang chos srung sogs kyi sku brnyan

par ma dang bris ma nyis stong lnga brgya skor/ bal yul gyi ston
pa'i bzhugs khri'i sa dang/ stag mo lus sbyin gyis/ mchod rten
bya rung kha shor dang go ma sa la gand+ha'i sku dkar/ mtshem pham
gyi bye ma/ ra la'i za 'og phugs/ zhur mo'i gangs/ brag

dkar dbu ma rta so sogs mi la'i sgrub phugs rnams kyis sna/
g.ya' bzang/ ri bo mdangs can/ lhas/ bsam yas/ pha bong kha/
rwa sgreng/ yer pa sogs kyi gnas sa/ ri bo gru 'dzin gyi rtsa/
ri bo rtse lnga'i rdo'i ril bu dang kun bzang/ sku

'bum gyi tsan dan/ dmar tshang dan tig yang tig lo kya tun sogs
kyi gnas rdos mtshon pa'i rgya bod kyi byin rten dang sa sna sogs
cha shas re ma tshang ba med pa lta bu yin no/ /de yang shod
khang mtha' skor gyi g.yab dang bcas pa seng khri'i khungs
dang/ de'i steng

gi thog so gnyis la sked bar sleb pa'i so phag gi pu shus bskor
ba bang rim bzhi dge bcu dang bcas pa'i rnam pa/ de steng bum
gdan la bum pa nang du ka ba bzhi dpangs thog so gcig gi tshad/
de steng bre yan chod thog so gnyis lhag tsam ste dpangs thog

@018a @#/ /so drug brgal ba dang/ rgya khyon seng khri'i mthar
ngos re la ka bar dgu re 'byung bas/ da lta yongs grags kyi
mchod rten chung du rnams dang tshad mi mtshungs kyang skyon med
de/ sku gzugs kyi cha tshang tA ra nA thas mdzad pa

las; mchod rten la cha tshad nges pa can gsung ba nyung zhing/
sku gzugs la mdo rgyud gnyis ka nan tan du gsungs bas/ gnas
skabs phal cher du tshad dang mi 'gal ba la nan tan du bya'o/
/zhes gsungs pa ltar/ sku brnyan ni gang bzhengs rgyu'i

sku de dang rnam pa mthun dgos pas tshad las bdas na nyes dmigs
che bar sdom 'byung sogs las yang yang gsungs kyang/ mchod rten
ni nang gi spangs rtogs sogs mtshon byed tsam las de dang dbyibs
bstun rgyu med pas snga ma dang mi 'dra bar ma

zad; dus kyi 'khor lo las mgrin thung mchod rten/ dri med 'grel
ba'i mgrin ring mchod rten bshad pa shin tu mi 'dra la/ bu ston
dang stag lo/ brag nag pa/ sprul sku 'phrang kha sogs kyis
gsungs ba rnams kyang rig pas dpyad de mdzes btsal

bas rgya dpangs sogs mi 'dra ba kho nar 'byung/ grags che bar
mchod rten gyi dbangs la rgya nyis 'gyur lta bu byed kyang/ shin
tu che ba rnams de ltar byas tshe mi brtan pas/ dpangs la rgya'i
phyed du byas kyang chog ste/ stag lo'i dpal 'byor rgya mtsho
las/ rgyar

dpag tshad tsam la 'phangs su de byed pa bshad na/ zhes pa nas/
rgya ches grags pas 'phang du de'i phyed las slong mi thub pa la
dgongs/ zhes gsungs pa ltar ro/ /der ma zad sngon gyi dam pa
rnams kyis bzhengs pa'i mchod rten chen mo phal cher yang dpangs@018b tshad
las rgya che ba sha stag yin te/ dper na shrId+ha na
ka Ta ka'am/ dpal ldan 'bras spungs kyi mchod rten yang rgyar
ngos re la dus 'khor lugs kyi rgyang grags bcu ste 'dom khri
phrag de yod kyang/ dbangs sngon rgyal bo bal mi tras ras yug
'dom bzhi brgya pa zhig rtse mo nas brkyangs

pa bang rim steng ma'i khar sleb bar bshad pas/ rgya khyon gyi
khungs su song ba'i shul nas de yan gyi dpangs la 'dom brgya
skor lhag mi lus pa'i tshod du snang ste/ de'i 'dra bshus la bu
ston gyis zhal byang btab pa las/ rgya che zhing dbangs mi mtho
ba rtse nas ras yug

'dom bzhi brgya yod pa brkyangs bas bang rim gong ma la sleb pa
tsam bzhugs/ zhes pa ltar te/ gzhan yang bya rung kha shor/
rgyal rtse'i mchod rten chen mo sogs dbangs las rgya che ba'i
khungs thub mang ngo/ /de bzhin du bum pa yang yongs grags stod
che la smad phra bar byed kyang/ stag los/

sal bzhengs na bum pa dang bre gdong bskyung zhing gzhan rnams
bskyed/ ces gsungs pa ltar/ 'di 'dra la dmigs bsal gyis de mi
dgos shing/ gzhung gzhan las dril bu'i cung gang lta bur gsungs
pas/ da lta bka' gdams gdung rten du grags pa thams cad kyang
dbyibs de ltar

'byung ngo/ gal te tshad dbyibs gcig kho nar ma byas kyang nyes
bar mi 'gyur na chag tshad bshad ba dgos med du 'gyur ro snyam na
ma yin te/ de ni gzhan gyi dgag bya dgos pa sogs med tshe chag
tshad cig lam brten na rtog bzo kho na mched pas skabs shig nas
rnam ba ci

yang min pa zhig tu 'gro ba 'gog ba'i ched yin no/ /tshad kyi
mtshan nyid bshad pa yod phyin de dang ma mthun pa nyes pa kho
nar 'gyur na/ yi ge la yang rdzab chen rdzab chung/ 'bru chen
'bru chung/ nang gses kyi li lugs/ ldan lcags sogs kyi mtshan
nyid so sor bshad pa mang

@019a @#/ /zhing; khyad par rtsa ba lta bu rdzab chen gyi rnam
bzhag thu mi'i dgongs pa ska ba dpal brtsegs kyi lugs bzhin
khyung po g.yu khris thig ris su btab pa sum pa gnod sbyin sogs
kyis dar rgyas su byas pa ltar/ mchos nyer gcig/ bu chos

drug; spyi chos gsum/ gces so brgyad/ yi ge rang rang la sgos
kyi thig 'debs lugs sogs mang yang deng sang de ji lta ba bzhin
byas pa mi srid na'ang/ gsung rab bzhengs pa dgag bya med pa
bzhin no/ /yang mchod rten 'di gong du mchod rten gyi dbye ba
mang du bshad pa

de las gang du gtogs snyam na/ khang bu brtsegs pa'am gtsang
khang can du grags ba de nyid yin no/ /mchod rten brgyad kyi
nang nas gang du gtogs she na/ dus 'khor TIka chen gyi kha
skong zhang zhung bas mdzad pa'i ye shes le'ur/ spyir mchod rten
gyi dbye ba mtha' yas bas de brgyad gang rung du 'du

ba'i nges ba med kyang/ khyad chos phyogs mthun re'i sgo nas
gang yang rung bar bsdus chog par gsungs ba ltar na 'di la glo
'bur dang thes skas pad spungs sogs med pas gzhan du dogs pa mi
dgos shing/ 'di'i bang rim la sgo kha shas yod kyang bang rim
bzhi kar

cha mnyam du med pas byang chub chen por gtogs pa byas na legs
so/ /zhes bya ba ni gsum pa rten ji ltar bzhugs pa'i mtshan byang
gi skabs so// ! //bzhi brten bzhengs ba'i phan yon brjod pa la/
de yang dpal ldan zla bas/ sangs rgyas chos dang dge 'dun ni/
/thar pa 'dod pa

rnams kyi skyabs/ /zhes gsungs pa ltar/ srid zhi'i 'jigs pa
mtha' dag sgrol ba'i mgon skyabs gcig pur gyur ba ni dkon mchog
rin po che rnam pa gsum las gzhan na med pas /thar pa 'dod pa
rnams kyis de nyid gtsug rgyan du bzung nas bkur sti

@019b rim gro bya dgos te/ chos thams cad kyi rgyal po'i mdo
las/ lha dang bcas pa'i 'jig rten na/ /dkon mchog gsum po ma
gtogs pa/ /yon gyi gnas 'ga' yod ma yin/ /zhes gsungs so/ /bkur
sti bya ba'i tshul yang ston pa bzhugs

ba'i dus nas mdzad pa khyad par can gang bstan pa'i sa der mchod
rten brtsigs nas de la phyag mchod sogs kyi dge ba rlabs po che
bsgrub pa'i srol bzang byung ba bzhin/ rab mchod rten dang/ tha
na sangs rgyas rjes su dran pa'i thabs kyi mtshon byed ci rig

byas pas rang gzhan gyi don mchog tu 'gyur te/ dge ba'i rtsa ba
yongs su 'dzin pa'i mdo las/ lam po che'i bzhi mdo skye bo mang
po 'du ba'i sar mchod rten dang khang pa brtsegs pa'am/ rdo ba'i
ka ba'am/ de bzhin gshegs pa'i sku'am/ de bzhin

gshegs ba'i yon tan rjes su dran pa gang yang rung ba byed de/
zhes spyir bstan nas/ 'di lta ste dper na/ chos kyi 'khor lo
bskor ba'am/ mngon par 'byung ba'am/ byang chub kyi shing drung
du bdud 'joms pa'am/ de bzhin gshegs pa'i cho

'phrul chen po'am/ de bzhin gshegs pa yongs su mya ngan las 'das
pa chen po yang dag par bstan pa'am/ lha las babs pa'am/ lha yul
du mngon bar 'dzegs par byed pa'i de bzhin gshegs pa'i mchod
rten brtsigs par byed

pa yin zhes mchod rten gtso bor gsungs/ khyad bar du mdo dran pa
nyer bzhag las/ rten dang brten pa legs bskrun dang/ dge 'dun
gnas mal bca' ba sogs/ /dge nas dge bar rtag tu 'gyur/ /bskal pa
bye ba stong du yang//

@020a @#/ /dge ba yongs su chud mi za/ /zhes brten pa sku gzugs
sogs dang rten khang pa/ de'i yo byad sogs gang bsgrub kyang
phan yon mtha' yas pa 'byung bar gsungs la/ 'di ni lung zhu ba'i
'grel pa dge legs bshes gnyen

gyis mdzad pa las/ mchod rten de nyid gnas yin te/ bsod nams
mtha' yas pa 'du ba'i sgo rgyas par byed pa'i gnas yin pa'i
phyir ro/ /zhes dang/ khyad bar dpal gsang ba 'dus ba las/ mchod
rten sangs rgyas thams cad kyi/ /bzhugs

gnas pho brang yin par bshad/ /ces pa spyi don du bshad pa ltar/
rten du 'gro bar ma zad dngos su yang rten lha khang dang/ nang
du sku gsung thugs rten/ phyi dbyibs mchod rten gyi rnam par yod
pa kun gyi sgo nas rten dang brten pa thams

cad bzhengs par yang 'gro bas/ de'i phan yon ni me tog brtsegs
ba'i mdo las/ gang gis de bzhin gshegs pa mthong ste sems dang
bas mchod pa dang/ gang gis de bzhin gshegs pa yongs su mya ngan
las 'das pa'i ring bsrel

yungs 'bru tsam la mchod pa byed ba ni rnam par smin pa mnyam
par shes par bya ste/ bye brag gam tha dad med do/ /zhes dang/
dkon mchog brtsegs pa las/ gang la la zhig bcom ldan 'das yongs
su mya ngan las 'das pa dang/ da lta /

bzhugs pa la mchod pa byed pa de'i phan yon rnams ni mtshungs/
mnyam zhing 'dra'o zhes nga 'chad do/ /de ci'i phyir zhe na/ de
bzhin gshegs pa rnams ni chos kyi sku'i rab tu phye ba yin gyi/
gzugs kyi sku'i rab tu phye ba ma yin pa'i phyir ro/ /zhes

@020b sangs rgyas dngos su mchod pa dang khyad par med par
gsungs te/ de'i rgyu mtshan gyis a b+hya ka ras thub pa dgongs
rgyan las/ 'dir sangs rgyas ni gnyis te/ don dam pa ni sku gsum
gyis yang dag par bsdus pa'o/ /tha snyad pa ni sku gdung gi

mchod rten dang sku gzugs dang/ zhes pa nas/ mnyam par sems rab
tu dwangs pa'i rnam par smin pa mnyam par gsungs so/ /zhes dang/
kun mkhyen 'jam dbyangs bzhad pas/ sku 'dra dang sku gdung de
min kyang mchod sogs sangs rgyas dang

mnyam pas sangs rgyas kyi tha snyad byas/ zhes gsungs pa ltar
ro/ /de ltar na nyan rang dgra bcom sogs la bsnyen bkur ba lta
bu'i dge rtsa thams cad las 'di nyid ches khyad par du 'phags
te/ rmad du byung pa'i mdo las/ 'dzam bu'i gling dpag

tshad bdun stong yod pa dang/ lus 'phags pa'i gling dpag tshad
brgyad stong yod pa dang/ ba lang spyod dpag tshad dgu stong pa
dang/ sgra mi snyan dpag tshad stong phrag bcu pa dang/ lha'i
dbang po'i khang bzang rnam par rgyal ba'i rgyal byed rnams rin
po che sna bdun gyi

rang bzhin du byas te /dad pas rigs kyi bu'am rigs kyi bu mo
gang la la zhig gis rgyun du zhugs pa dang/ lan gcig phyir 'ong
ba rnams dang/ phyir mi 'ong ba rnams dang/ dgra bcom pa rnams
dang/ rang sangs rgyas rnams dang/ phyogs bcu'i dge slong gi dge

'dun 'phul ba bas/ gang gis de bzhin gshegs pa dgra bcom pa yang
dag par rdzogs pa'i sangs rgyas yongs su mya ngan las 'das pa'i
mchod rten 'jim pa las skyu ru ra'i 'bru tsam byas la/ kha ba
tsam gyi srog shing btsugs te/ rgya shugs

@021a @#/ /gi lo ma tsam gyi gdugs gsol nas/ nas 'bru tsam gyi
sku gzugs byas la/ yungs 'bru tsam gyi ring bsrel bcug na de ni
de bas bsod nams che'o zhes da smra'o/ /zhes dang/ sa'i snying
po 'khor lo bcu pa las

kyang/ stong gsum gang ba'i dgra bcom pa rnams kyi bcings pa
bkrol te bsnyen bskur ba bas/ sangs rgyas kyi ring bsrel gyi
phyir mchod rten brtsigs pa bsod nams mang bar gsungs/ las rnam
par 'byed pa'i mdor rgyal po'i rigs su skye ba nas mya ngan las

'das pa'i bar gyi phan yon bco brgyad gsungs la/ gsal rgyal gyis
zhus pa las/ thub pa'i dbang po'i mchod rten bzhengs pa yis/
/mya ngan rnam bsal lus kun rgyas pa dang/ /gtso bor gyur pa rin
chen mdzod mang dang/ /sa steng dgra yi tshogs las rgyal

bar 'gyur/ /zhes sogs gnas skabs kyi phan yon du ma dang/ dkon
mchog ta la las/ gzugs rnams sbyong ba'i 'od zer rnam gtong
zhing/ /mi dbang rnams kyis bsam yas sku mthong ste/ /sku gzugs
ri mo sna tshogs mang po dang/ /mchod rten byas

pas gzugs spyod 'od 'grub bo/ /zhes gzugs sku 'grub pa'i mthar
thug gi phan yon bstan la/ mdor na gsal rgyal gyis zhus pa las/
bcom ldan 'das kyi mchod rten rnams dang ni/ /sku gzugs rnam pa
rdul phran ci song ba/ /de yi grangs

snyid de byed mi rnams kyis/ /lha yul sa steng nges par rgyal
srid 'thob/ /gzugs dang gzugs med khams kyi ting nge 'dzin/
/phun sum tshogs pa'i sa mchog kun myang nas/ /tha mar skye dang
rgal sogs pa yi/ /sdug bsngal med pa'i sangs rgyas

@021b go 'phang 'thob/ /ces gsungs pa bzhin/ mchod rten rdzogs
par bzhengs pa dang de'i grogs byed pa rnams la gnas skabs dang
mthar thug gi phan yon bsam gyis mi khyab par ma zad/ de'i nang
du 'jim gong tsam zhig 'jog pa yang phan yon shin tu che

ba'i tshul/ lung gzhi las/ gang zhig rab dwangs sems kyis sangs
rgyas kyi/ /mchod rten la ni 'jim gong 'jog byed na/ /dzambu chu
bo'i gser gyi gar bu ni/ /stong phrag brgyas kyang de dang mnyam
pa min/ /zhes gsungs la/ der ma zad dam chos pad dkar

las/ byis pas rtsed mos de dang de dag tu/ /gang gi rgyal ba de
phyir mchod rten dang/ /bye ma las ni phung po byas pa yang/ /de
rnams kyis kyang byang chub thob par 'gyur/ /zhes dang/ 'phags
pa sangs rgyas kyi stobs bskyed ba'i cho 'phrul bstan pa las/

gang gis de bzhin gshegs pa la mchod pa'i phyir bzhad gad dam/
ku re'am byis pa'i kyal ka'am/ rtsed mor byed pas 'jim ba las
mchod rten byed na/ de dag thams cad sdug bsngal mthar byas nas
bla na med pa yang dag par rdzogs pa'i

byang chub tu mngon par 'tshang rgya bar 'gyur/ zhes rtsed mo
tshun chad la mchod rten gyi rnam pa bzhengs ba yang zhing gi
mthus thar pa'i rgyur 'gro bar gsungs na/ dad pa'i kun slong
rnam dag gi sgo nas de'i bya ba la brtson pa lta ci smos te/
slob dpon ma ti tsi

tras/ gtsug lag khang gi don du ni/ /tshig gis rab tu bskul ba
dang/ /tshogs pa yi ni grogs byed cing/ /nges par kun tu 'gro
byed pa/ /gnyid log pa'am langs pa na/ bsod nams rgyun ni tshad
med 'phel/ /zhes gsungs shing /tha na rten

@022a @#/ /bzhengs pa de'i bza' btung gi cha byad bsgrub pa dang/
de'i rkyen gyis rkang 'og tu shi ba'i 'bu srin phra mo tshun chad
kyang 'khor ba mtha' can du 'gyur ba'i tshul/ paNDi ta nags kyi
rin chen gyi gsung rgyal dbang bdun

pas rten deb tu drangs pa las/ sku gsung thugs kyi rten bzhugs
pa'i dri gtsang khang dang gtsug lag khang dang gnas mal bzhengs
pa lta ci smos/ tha na de rnams kyi sgo khyams dang/ g.yos mal
byed pa'i khang phran tsam bzhengs pa'i ched du gom pa

bdun brgyab na yang ngan song du mi 'gro zhing lha lus 'thob
bo// dkon mchog gsum bzhugs pa'i gnas gzhi bzo ba de la dmigs
pa'i bza' btung gi sbyor ba'i du ba phog pa'i sems can dang/ las
mi'i rkang 'og tu srog chags shi ba rnams

kyang ngan song gsum gyi gnas su mi ltung/ pha la pha la/ zhes
gsungs pa yang rgyal ba'i bka' tshad mar gyur pa'i khungs dang
ldan pa gzhir bcas shing/ 'di dag sangs rgyas kyi mthu bsam gyis
mi khyab pa'i gnas yin pas phal pa'i blor shong

dka' yang don bslu ba med de/ dper na khyim bdag dpal skyes
sngon srin bur skyes pa chus khyer te mchod rten la skor ba zhig
byas pas thar ba'i sa bon bzhag nas ston pa'i drung du dgra bcom
thob par lung las gsungs pa bzhin no/ /sku gzugs

bzhengs ba'i phan yon yang phal cher mchod rten dang phyogs
mtshungs lta bur gsungs mod/ 'on kyang sgos chos khyad par 'du ma
yod pas zur tsam smos na/ bde mchog sdom 'byung las/ sngags pa
las ni dang po pas/ /gzugs brnyan

@022b la sogs bya ba ste/ /bris sku sgrub na myur bar ni/ /dngos
grub rgya chen thob par 'gyur/ /zhes ting 'dzin sgrub pa'i dmigs
rten du bsngags shing/ de bzhin gshegs pa'i sku gzugs kyi le'u
las/ gal te mtshams med pa lnga byas su zin

kyang/ de bzhin gshegs pa la dad ba rnyed de sku gzugs byas na/
las des sems can dmyal ba myong ba chung ngu myong ste theg pa
gsum gang yang rung bas nges par 'byung bar 'gyur ro/ zhes sogs
kyis sdig ltung 'dag pa dang/ dkon mchog sprin

las; byang chub sems dpa' chos bcu dang ldan na/ mngal gyi dri
mas mgos par skye'o/ /bcu gang zhen 'di lta ste/ de bzhin gshegs
pa'i sku gzugs bzhengs pa dang/ mchod rten zhig pa gso ba dang/
pha ma la lus kyis rim gro byed pa dang/

mkhan po dang slob dpon la lus kyis rim gro byed pa dang/ zhes
sogs kyis mngal du mi skye bar gsungs pas mtshon te skye sgo dman
pa thams cad khegs par 'gyur ba dang/ spyan ras gzigs kyi mdo
las/ 'dren ba'i gzugs sku rab tu mdzes

byas na/ /de ni mchog gyur skyes bu mang mchod 'os/ /blo ldan
phyug cing che nyid rgya cher ldan/ /dbang ldan 'khor los bsgyur
ba'i rgyal por 'gyur/ /zhes sogs gnas skabs kyi phan yon du ma
gsungs la/ gtso bor gyur ba ni/ ting nge 'dzin rgyal

po las/ de bzhin gser dag dang ni dngul dag dang/ tsanda gyis ni
sku gzugs bzang po dag /mdzes shing shin tu lta na sdug pa
bgyis/ /ring por mi thogs ting 'dzin mchog 'di 'thob/ /'jim pa
dang ni de bzhin rngo ba dang/ /shing dang ri mor

@023a @#/ /bris pa'i sku gzugs dang/ /shin tu mdzes shing lta na
sdug bar bgyis/ /ring por mi thogs ting 'dzin mchog 'di 'thob/
/ces myur du yang dag pa'i lam bzang mngon du 'gyur ba dang/ don
rnam

nges pa'i mdor/ de bzhin gshegs pa'i sku sred med kyi bu chen po
lta bur kun tu mdzes pa 'di ni sngon de bzhin gshegs pa'i sku
gzugs byas pa dang/ mchod rten zhig pa bcos pa dang/ gzhan dag
'jigs pa dbugs dbyung pa

byas pas 'grub/ ces mthar thug rgyal ba'i gzugs sku 'grub pas
theg dman gyi dge rtsa kun las lhag pa yang/ dad pa'i stobs
bskyed pa'i mdo las/ 'jig rten gyi khams thams cad kyi rdul
snyed kyi rang sangs rgyas dag la nyin

gcig bzhin du lha'i zhal zas ro brgya dang ldan pa byin pa dang/
de bzhin du lha'i gos rnams sbyin pa bas/ 'jam dpal/ rigs kyi
bu'am rigs kyi bu mo gang zhig sangs rgyas kyi sku gzugs gcig ri
mor bris pa 'di ni bsod nams grangs

med pa bskyed do/ /zhes yul sangs rgyas la brten pa'i dge ba ni
ngo bo che chung gang yin kyang 'bras bu zad pa med ba'i bla med
byang chub kyi rgyu kho nar 'gro bar gsungs te/ dam chos padma
dkar po'i thabs mkhas pa'i le'u gnyis pa las kyang/

gang gi rtsig ngos gzugs kyi ri mo dang/ /bsod nams rgyal mtshan
ayongs su rdzogs ba'i sku/ /bdag gis bris sam 'dri ru bcug kyang
rung/ /de dag thams cad byang chub thob par 'gyur/ /zhes bsam pa
thag pas bzhengs pa dang/ der@023b ma zad/ gang dag de la de ni slob pa'i tshe/
/rtsed mo dag
dang gsar pa byed pa na/ /rtsig ngos son mos shing bus gzugs
bris pa/ /de dag thams cad byang chub thob par 'gyur/ /zhes
rtsed mo tshun chod du byas na rang byang chub kyi sa bon bskrun
pa ni/

mthong thos dran reg don ldan du 'gyur ba'i smon lam gyi pha rol
tu phyin pa yongs su rdzogs pa dang/ smon gnas mkhyen pa'i ting
nge 'dzin gyi byed pa bla na med pa min to/ /gzhan yang phan yon
mtha' yas pa'i tshul mkhas mchog dpa' bo'i sku gzugs kyi

gtam sogs las 'byung yang ma spros so/ /de nas gsung rten
bzhengs pa'i phan yon yang mdo rgyud rang rang gi nang du de
nyid bri klog 'dzin cing chub pa dang/ don sems pa'i phan yon mi
'dra bar gsungs pa smos kyis mi lang la/ cha shas tsam

mtshon na; rgyal ba byams pas/ yi ge 'dri mchod sbyin pa dang/
/nyan dang klog dang len pa dang/ /'chad dang kha ton byed pa
dang/ /de sems pa dang bsgom pa ste/ /spyod pa 'di bcu'i bdag
nyid kyi/ /bsod nams phung po gzhal du med/ /ces

chos spyod bcu'i bsod nams gzhal du med par gsungs pa'i rtsa ba
'di la rag las shing/ gzhan yang gnas skabs kyi dbang du byas
na/ rdo rje snying po'i gzungs kyi mdo las/ yi ger 'dri ba dang/
gzhan dag la yang rgya cher ston pa de la tshe 'di

la yon tan ji snyed cig mchis par 'chol bar bgyi/ bcom ldan 'das
kyis bka' stsal pa/ de la lha dang/ klu dang/ gnod sbyin dang/
dri za rnams bsrung bar shes par bya'o/ /de chos thams cad la
the chom med par shes par bya'o/ /zhes

@024a @#/ /dang/ dkon mchog ta la las/ chos kyi rnam grangs 'di
yi ger 'dri ba de ni mig na bar mi 'gyur/ /zhes sogs mthong ba'i
chos las nad gdon sogs kyi nyer 'tsho zhi ba dang/ sgo mtha' yas
par sgrub pa'i gzungs las/ bla

med byang chub la reg bar du yang/ /de ni ting nge 'dzin dang
mngon shes dang/ /gzungs rnams dang ni gzugs dang longs spyod
dang/ /sangs rgyas mthong las nyams par yong mi 'gyur/ /zhes tshe
rabs kun tu rten bzang rnam par dag pa

thob cing/ sangs rgyas mthong ba dang mi 'bral bas gzungs spobs
sogs kyi yon tan thams cad bde blag tu thob par gsungs la/ mdor
na gzungs de nyid las/ mdo sde thos nas rjes su yi rang dang/ yi
ger bris dang gzung dang bklags

pa yi; ;bsod nams phung po ji tsam bskyed pa ni/ /sems can kun
gyis shes par yong mi nus/ /de ni tshe rabs kun tu rgyal ba
mthong/ /de dag la yang dang ba bsam yas rnyed/ /mdo sde zab
mo'i tshul yang shes par 'gyur/ /de ni

myur du byang chub mchog 'tshang rgya/ /zhes mthar thug mngon par
'tshang rgya ba'i bar gyi phan yon tshad med pa 'byung bar gsungs
so/ /khyad par du theg pa chen po'i sde snod rnams ni rigs can
gsum gyis bsdus pa'i 'gro ba kun gyi phan bde ma

lus pa'i 'byung gnas yin pas de la brten pa'i bsod nams ni gzhan
gyi dge rtsa thams cad las khyad par du 'phags te/ sdud pa las/
la las gang+gA'i klung gi ji snyed zhing rnams na/ /sems can ji
snyed 'khod kun dgra bcom gyis

@024b btul bas/ /gang gis shes rab pha rol phyin 'di yig bris
te/ /sems can mchog la glegs byin bsod nams khyad par 'phags/
/zhes dang/ 'phags pa sangs rgyas kyi stobs bskyed pa'i cho
'phrul bstan pa las/ dzambu'i gling gi

sems can thams cad 'phags pa'i lam yan lag brgyad pa la 'jog
cing/ bzhag nas kyang lha'i lo stong du yo byad thams cad kyis
mchod pa bas/ gang gis chos kyi rnam grangs 'di las tshig bzhi
pa'i tshigs su bcad pa gcig tsam yang

nyan pa dang/ 'chang ba dang/ 'dri ba dang/ /'drir 'jug pa dang/
gzhan la rgyas par byed na 'di ches bsod nams mang du 'phel lo/
/zhes gsungs te/ de'i rgyu mtshan yang/ spyod 'jug las/ sems can
khams ni tshad med la/ /phan

'dod de ni de 'dra'o/ /zhes pa ltar/ dmigs pa dang ched du bya
ba thams cad nam mkha' dang mnyam pas/ phan yon yang de ltar
'byung ngo/ /tshul de lta bu'i sgo nas theg pa chen po'i mdo
rgyud de dag cha tshang ba lta zhog/ nang gi mtshan re re 'dzin

pa la yang byin rlabs bsam gyis mi khyab ste/ chos thams cad kyi
yon tan bkod pa'i mdo las/ bcom ldan 'das/ spyan ras gzigs dbang
phyug gi ming tsam la rtogs pa gang lags pa de yang bsam pa
thams cad yongs su rdzogs par

'gyur na/ yi ger 'dri ba dang/ gos dang rgyun gyi mchod pa chen
po dag gis mchod pa bgyid pa dang/ yi ger 'drir stsol ba lta ci
smos/ zhes dang/ bde mchog rtsa rgyud las/ de bzhin shrI he ru
ka'i/ /mtshan gyis sdig pa 'jig par

@025a @#/ /'gyur; ;bsam gtan bsam pa tsam gyis sam/ /klog cig kha
ton bris pa yis/ /mtho ris longs spyod thob 'gyur la/ /yang na
'khor los bsgyur ba 'thob/ /ces sogs gzungs dang mtshan gyi phan
yon bstan

ba shin tu mang ngo/ /phan yon de ltar gsungs pa sngon gyi dus
bzang po la dgongs kyi/ snyigs dus de ltar mi 'ong snyam na shin
tu mi rigs te/ snying rje pad dkar las/ ma 'ongs pa'i dus lnga
brgya pa na/ tha na bris te 'chang bar byed na/

de bsod nams ches mang du bskyed bar 'gyur gyi/ byang chub sems
dpa' gang dag bskal pa chen po bcu'i bar du pha rol tu phyin pa
drug la spyod pa'i bsod nams kyi phung po ni de lta ma yin no/
/zhes snyigs ma'i dus tshul khrims sna re bsrung ba/

thos bsam sna re byas pa tshun chad lhag par phan yon che bar
gsungs pas/ paN chen thams cad mkhyen pa blo bzang ye shes kyi
myur lam du las stobs che chung gsungs pa'i tshe dus kyi stobs
zhes bsnan nas gsungs pa'i rgyu mtshan de yin

no; /zhes bya ba ni bzhi brten bzhengs pa'i phan yon gyi skabs
so/ / ! lnga pa rten la phyag mchod byas pa'i phan yon bshad pa
la/ sa'i snying po 'khor lo bcu pa'i mdo las/ 'jig rten dag na
bde zhing skyid

pa; /de kun dkon mchog mchod las 'byung bas/ /de bas bde zhing
skyid pa 'dod pas/ /dkon mchog mchod la rtag tu brtson bya/
/zhes spyir srid zhi'i legs tshogs thams cad dkon mchog mchod
pa'i 'bras bur gsungs

@025b la; khyad par du mchod pa'i bye brag mi 'dra ba du mas
bsnyen bskur ba las phan yon rnam pa tha dad pa so sor 'byung
ba'i tshul/ rnam 'dren stobs bcu mnga' ba nyid kyis tshangs ba'i
dbyangs su bsgrags pa ni 'di ltar/ rgyal po gsal rgyal la

gdams pa las/ mchod rten mchog la gdugs brtsegs phul ba yis/
/lha dang mi yi nang du skye ba dang/ /sred med bu yi lus 'dra
lus kun brtan/ /bkur sti byas pa'i yon tan ldan par 'gyur/ /thub
dbang mchod rten rdo thal byugs pa

yis; ;lha mi'i 'jig rten dag na tshe ring zhing/ /lus sems nad
dang mya ngan me spangs te/ /rtag tu skyed cing nor gyis phyug
par 'gyur/ /gser dngul spa ba'i gleg mas g.yogs pa yi/ /thub
pa'i dbang po'i mchod rten byas pa yis/ /

mi rnams srid pa'i khyad par gzhan dag tu/ /lus mkhregs 'od
kyang 'bar zhing mdzes par 'gyur/ /su dag la mchod rten sku
gzugs la/ /dad pa'i sems kyis bla re 'bul byed pa/ /de dag sa
steng rgya mtsho'i mtha' klas pa/ /ma lus

gnon byed rgyal gcig dbang byed 'gyur/ /bde gshegs mchod rten
dag la dga' bzhin du/ /rnam mang rgya chen gdugs ni btags pa
yis/ /lha mi'i 'jig rten dag na gdugs 'dra bar/ /lha dang mi yi
dbang po lta bur 'gyur/ /

mi rnams su dag sku gdung snying po can/ /dri med bsod nams
'byung gnas 'gyur ba las/ /bdan mdzes pa sna tshogs 'dogs pa dag
/mthu dang ldan zhing srid gsum mchod gnas 'gyur/ /bde gshegs
mchod rten cod pan btags

@026a @#/ /ba yis; ;mi dbang dpal dang lha dbang dpal thob cing/
/bde ba'i mchog kyang nyams su myong gyur nas/ /rnam par grol
ba'i cod pan khyad par 'thob/ /rgyal ba'i mchod rten dag la dri
phul bas/ /tshig

btsan grags pa chen po dag dang ldan/ /tshangs pa'i sgra dbyangs
yid 'ong skye ba dran/ /de dag gis ni rgyan rnams sna tshogs
'thob/ /mkhas pa su dag bde gshegs mchod rten la/ /dad pa'i sems
kyis phreng ba 'dogs byed pa/ /gser

phreng rin chen mang pos legs spras pa/ /bsod nams las ldan de
yi mgo la thogs/ /ston pa'i mchod rten dag la rgyan 'phreng
'dogs/ /de dag do shal rgyan ldan nor bu dang/ /gdu bu dag dang
dbung rgyan mchog rnams kyis/ /lus

brgyan 'jig rten dag na rgyu bar 'gyur/ /su dag bde bar gshegs
pa'i mchod rten la/ /sa dang lcibs nyug pa de dag ni/ /lha dang
mir skye lus mdog sdug pa dang/ /rnam dag rma med bde dang ldan
par 'gyur/ /thub dbang mchod rten

phyi dor byas pa yis/ /shin tu ltan sdug cing mig tu mdzes/
/byed bzhin bzang zhing padma'i mdog dang ldan/ /srid pa'i skyon
rnams dang yang bral yang 'gyur/ /su dag spros mchog sbar ba'i
'bru mar gyis/ /bde bar gshegs pa'i

mchod rten nyug byed pa/ /de dag spos kyis mchod cing tsananda
gyis/ /lus byugs nyi ma'i 'od dang 'dra bar 'gyur/ /mi rnams
gang dag thub dbang mchod rten la/ /spos chu drangs shing gtsang
bas khrus gsol ba/ /de dag lus

@026b la dri ma med pa dang/ /gdung ba med cing mdog 'jam mya
ngan med/ /su zhig sangs rgyas mchod rten sku gzugs khang/ /tshon
rtsi sna tshogs rnams kyis mdzes byed pa/ /de ni bde gshegs mnga'
ba'i yon tan rnams/ /sna tshogs ldan pa kun gyis

brtsegs par 'gyur/ /zhes dang/ las rnams par 'byed pa'i mdor/
bram ze'i khye'u ne tsol bka' stsal ba/ bram ze'i khye'u de
bzhin gshegs pa'i mchod rten la thal mo sbyar ba'i phan yon bcu
'di dag ste/ bcu gang zhe na/ rgyal po chen po'i khyim du

skye ba 'thob pa dang/ rgya che ba'i gzugs dang/ rgya che ba'i
g.yog 'khor dang/ rgya che ba'i mchod pa dang bkur sti dang/
rgya che ba'i nor dang/ rgya che ba'i thos pa dang/ rgya che
ba'i dad pa dang/ rgya che ba'i dran pa dang/ rgya che ba'i shes
rab dang/ rgya che

ba'i rtogs pa 'thob ste/ de dag ni de bzhin gshegs pa'i mchod
rten la thal mo sbyar ba'i phan yon no/ /phyag 'tshal ba'i phan
yon bcu ste/ bcu gang zhe na/ gzugs bzang la mdog gser gyi kha
dog lta bur 'gyur ba dang/ mdzes shing mig tu

sdug par 'gyur ba dang/ skad snyan zhing smra ba snyan par bzung
ba'i tshig tu 'gyur ba dang/ bag tshab med par 'khor gyi nang du
'gro ba dang/ lha dang mi rnams dga' bar 'gyur ba dang/ gzi
brjid chen por 'gyur ba dang/ gang zag ni 'di lta ste/

sangs rgyas bcom ldan 'das rnams dang/ byang chub sems dpa'
rnams dang/ sangs rgyas kyi nyan thos rnams dang 'grogs par
'gyur ba dang/ longs spyod che bar 'gyur ba dang/ mtho ris su
skye bar 'gyur ba dang/ myur du yongs su mya ngan

@027a @#/ /las 'da' ba ste/ de dag ni de bzhin gshegs pa'i mchod
rten la phyag 'tshal ba'i phan yon no/ /phyag dar byas pa'i phan
yon bcu ste/ bcu gang zhe na/ gzugs bzang ba dang/ blta na sdug
par 'gyur ba dang

mdzes par 'gyur ba dang/ skad snyan par 'gyur ba dang/ de'i 'dod
chags dang zhe sdang dang gti mug srab par 'gyur ba dang/ lam du
'gro na rtswa dang/ gseg ma dang/ gyo mo rnams med par 'gyur ba
dang/ btsun pa'i rigs su skye bar 'gyur ba

dang/ longs spyod che bar 'gyur ba dang/ mtho ris su skye bar
'gyur ba dang/ myur du yongs su myang ngan las 'da' ba ste/ bcu
po de dag ni de bzhin gshegs pa'i mchod rten la phyag dar byas
pa'i phan yon no/ /me tog phul ba'i phan yon bcu ste/ bcu gang
zhe na/

'jig rten me tog lta bur 'gyur ba dang/ sna'i dbang po nam yang
nyams par mi 'gyur ba dang/ lus kyi dring ba rnam par dag par
'gyur ba dang/ dri zhim po 'byung bar 'gyur ba dang/ phyogs dang
phyogs mtshams su de'i tshul khrims kyi dri ngad ldang bar 'gyur
ba dang/

'jig rten gyis mngon du 'gro bar 'gyur ba dang/ sdug pa'i chos
rnams thob par 'gyur ba dang/ longs spyod che bar 'gyur ba dang/
mtho ris su skye bar 'gyur ba dang/ myur du yongs su mya ngan
las 'da' ba ste/ de dag ni de bzhin gshegs pa'i

mchod rten la me tog phul ba'i phan yon no/ /mar me phul ba'i
phan yon bcu ste/ bcu gang zhe na/ 'jig rten na mar me lta bur
'gyur ba dang/ sha'i mig rnam par dag par 'gyur ba dang/ lha'i
mig 'thob par 'gyur ba dang/ dge ba

@027b dang mi dge ba'i chos rnams la shes rab 'byung bar 'gyur
ba dang/ ma rig pa dang gti mug gi mun pa sel ba dang/ shes rab
kyi snang ba thob par 'gyur ba dang/ de 'khor ba na 'khor ba'i
tshe nam du yang mun pa na gnas par mi 'gyur ba dang/

longs spyod che bar 'gyur ba dang/ mtho ris su skye bar 'gyur ba
dang/ myur du yongs su mya ngan las 'da' ba ste/ de dag ni de
bzhin gshegs pa'i mchod rten la mar mo phul ba'i phan yon no/
/spos phul ba'i phan yon bcu ste/ bcu gang zhe na/ 'jig rten na
spos lta bur 'gyur ba

dang/ sna'i dbang po rnam par dag par 'gyur ba dang/ lus kyi dri
mi zhim pa rnams par dag par 'gyur ba dang/ rtag tu dri zhim pa
'gyur ba dang/ 'jig rten gyis mngon du 'gro bar bya bar 'gyur ba
dang/ longs spyod che bar 'gyur ba dang/ mtho

ris su skye bar 'gyur ba dang/ sdug pa'i chos rnams thob par
'gyur ba dang/ myur du yongs su mya ngan las 'da' ba ste/ de dag
ni de bzhin gshegs pa'i mchod rten la spos phul ba'i phan yon
no/ /zhes sogs mchod pa'i khyad par rang rang gi thun

mong ma yin pa'i lag rjes su 'grub tshul so sor gsungs la/ thun
mong du bstan pa yang/ 'phags pa byams pa'i mdo las/ mar me
stong phrag gcig gam/ me tog phul ba stong phrag gcig gam/
utpal sngon po stong phrag gcig gis

mchod pa byed pa dang/ mchod rten de dag gi tog byed pa dang sku
gzugs byed pa de dag ni byams pa sangs rgyas pa de'i tshe de'i
drung du skye zhing dang po'i chos thob par 'gyur ro/ /zhes pa
nas/ me tog snyim gang tsam mam/ mar me gcig

@028a @#/ /tsam 'bul ba'am/ gzhan dag bsod nams byed pa la rjes
su yi rang ba ste/ dge ba 'di dag byed pa'i lha dang mi rnams
kyis yang dag par rdzogs pa'i sangs rgyas byams pa mthong bar
'gyur ro/ /zhes bstan pa 'di

la de lta bu'i dge rtsa bsgrubs pa rnams skabs 'dir ma grol
yang/ byams pa'i 'khor gyi thog mar skyes nas smin cing grol bar
gsungs pa dang/ gzhan yang 'jam dpal rtsa rgyud las/ spos dang
dri dang byug pa yis/ /mchod bya bsnyen

bkur bya ba dang/ /rnam pa sna tshogs gos mchog dang/ /gzhan yang
nor bu'i gdub kor rgyan/ /rnam pa sna tshogs bca' dang bza'/
/yang dag sbyar ba dbul bar bya/ /rnam pa sna tshogs phun sum
tshogs/ /ci 'dod kha zas byas pal/ /de bzhin

sngags ni bzlas byas dbul/ /sems can dge ba'i skye gnas 'gyur/
/dam pa'i 'gro ba'i skye gnas su/ /grong mchog dag tu skye bar
'gyur/ /mthar ni byang chub gzhol 'gyur zhing/ /phyis ni zhi bar
yang dag 'gro /zhes dang/ rin chen

phreng ba las/ gser dang rin chen dra bdag /nyid kyis mchod rten
rnams la thogs/ /gser dang dngul gyi me tog dang/ /rdo rje byu
ru mu tig dag /anDa rnyil dang baiDUrya/ /mthon ka chen pos
mchod rten mchod/ /ces dang/ yang de nyid las/

mchod rten mar me phreng ba dang/ /mun khang dag tu sgron me
dang/ /mar me 'bru mar byin pa yis/ /lha yi mig ni thob par
'gyur/ /mchod rten mchod par rol mo dang/ /dril bu dag ni phul
ba dang/ /dung dang rnga ni rab phul bas/ /lha yi rnab thob@028b par 'gyur/ /zhes
sogs mdo rgyud bstan bcos du ma nas
gsungs pa bsam gyis mi khyab la/ khyad par dwangs shing bsil
ba'i yon chab gtsang ma phul na shes rgyud kyi ldig ltung
sbyangs te sa lam gyi rtogs pa skye ba'i dgos pa che zhing
bsgrub sla

la; ser sna sogs kyi nyes pa mi 'jug bas bla ma gong ma rnams
kyis gtso bor mdzad/ de bzhin du khrus gsol byed pa yang dkor
dang las sgrib sogs kyis shes rgyud rnyog pa'i dbang gis nyams
len tshul bzhin mi 'ong bsel pa'i thabs la mchog

tu bsngags te/ dpal ldan dba' bos/ khrus gsol gang zhig mchod
byed na/ /de dag rnyog pa thams cad kyi/ /dri ma bkrus nas thar
pa 'thob/ /ces dang/ gsal rgyal gyi mdo las/ mi rnams gang dag
thub dbang mchod rten la/ /spos chu gtsang

zhing dwangs bas khrus gsol ba/ /de dag lus la dri ma med pa
dang/ /gdung ba med cing mdog 'jam mya ngan med/ /ces gsungs pa
ltar ro/ /de bzhin du spyan ras gzigs kyi mdo las/ 'jig rten
mgon po skyob pa la/ /dar gyi dbul ba phul

byas nas/ /lha yi dag dang mi rnams kyi/ /don rnams thams cad
'grub bar 'gyur/ /zhes snyan shal dang/ zam tog lta bu'i gtam
las/ maNDal me tog bcas byed pa/ /'gro ba'i bdag po tshe ring
zhing/ /sna tshogs nad kyi 'jigs las sgrol/ /

gang yin de yis skad cig 'thob/ /bde gshegs maNDal byed de dag/
pha rol phyin dag thob 'gyur te/ /chu dang sa bsres btang spyin
pa/ /grog ma sogs sel tshul khrims te/ /bsres nas nyed pa bzod pa
yin/ /'bad pa byed pa brtson 'grus

@029a @#/ /yin; ;skad cig de la rtse gcig tu/ /sems 'dzin byed pa
bsam gtan yin/ /legs par gzob pa shes rab bo/ /zhes maNDal phul
ba'i phan yon bshad la/ gsang 'dus rtsa rgyud las/ zhing 'dir
rin chen zhes

sogs dang/ spyod 'jug las/ nam mkha' rab 'byams zhes sogs kun
gyis bstun cing/ bla ma lnga bcu par dus drug tu 'bul dgos par
gsungs pa sogs shin tu mang/ khyad par du mar me 'bul ba ni
tshogs rdzogs shing byin rlabs myur du

'jug pa'i rten 'brel gyi sgo khyad par can yin pas/ bde mchog
rtsa rgyud le'u gnyis par/ gal te dngos grub mchog 'dod na/ /mar
me brgya ni dbul bar bya/ /zhes dang/ de'i 'og tu yang/ gal te
dngos grub mchog 'dod na/ /dri dang

me tog de bzhin spos/ /chog bzhin du de bzhin mchod/ /mar me
brgya yang 'bul bya zhing/ /zhes mar me brgya snga phyir lan
gnyis gsungs pa phyi nang gi khyad dam/ mar me gtso che ba'i don
du sbas don kun gsal las gsungs te/ da lta brgya

mchod du grags pa yang khungs 'di 'dra la brten par mngon no/
/de dag gis mtshon te gdugs rgyan bla bre bdan rnga yab dril bur
bdug spos zhal zas la sogs pa phul ba dang/ de'i steng gi brgya
bsal ba/ zhig ral bcos pa/ phyag dar byas pa/ rdo

thal byugs pa/ chag chag btab pa sogs so so'i rnam smin 'byin
tshul zhib tu shes par 'dod na spyan ras gzigs kyi mdo/ gsal
rgyal gyi mdo/ dkon mchog ta la sogs su blta'o/ /phyag 'tshal
ba'i phan yon bcu gong du bshad pa de

@029b min la/ gzhan yang 'dul ba lung las/ dge slong dag /dge
slong 'dis 'di ltar skra dang sen mo'i mchod rten la yan lag
thams cad kyis phyag 'tshal te sems dang bar byed pa la ltos/
btsun pa de lta lags so/ /dge slong dag /dge slong

'dis sa ji tsam non pa'i 'od dpag tshad brgyad khri bzhi stong na
gser gyi 'khor lo la thug gi bar na bye ma ji snyed yod ba de
snyed du/ dge slong 'dis 'khor los bsgyur ba'i rgyal srid stong
'gyur du longs spyod par 'gyur ro/ /zhes dang/ sman mdo

brgyad brgya pa las/ bcom ldan 'das de bzhin gshegs ba sman gyi
bla baiDUr+ya'i 'od de la phyag 'tshal zhing mchod ba sna tshogs
byed na/ de dag ngan song gsum gyi sdug bsngal med par shes par
bya'o/ /zhes sogs rgya cher gsungs so/ /'on kyang phan

yon mdo rgyud nas bshad pa ji lta ba bzhin 'byung ba la phyag
'tshal tshul gyi kun slong kun spyod tshul ldan dgos shing/ de yang
mdo sde rnams su sdong po rtsa ba nas bcad pa bzhin lus thams
cad sa la phab ste phyag bya bar gsungs pa da lta'i brkyang
phyag

tu grags pa 'di yin pas/ de byung na mchog dang/ yang na mdo
rtsa ba las/ phyag ni rnam pa gnyis te/ yan lag ljas phyag btsal
ba dang/ sgyid pa la 'khyud pas btsal ba'o/ /zhes gsungs pa'i
phyi ma bod 'dir cher mdar kyang/ snga ma

byed pa la lag ba'i mthil gnyis/ pus mo'i lhang gnyis/ dpral ba
ste lnga ka sa la reg pa dgos pas/ phyag gcig btsal na yang gnad
du 'gro nges shig gal che/ de yang rnam smin rgya che chung
dang/ dus myur bul shin tu mi 'drab ma gtogs/

@030a @#/ /zhing gi mthu la brten pa'i stobs kyis gus pa'i rnam
'gyur cung zad tsam zhig byas pa dang/ ngag nas g.yam la rgyug
pa lta bus phyag 'tshal lo zhes brjod pa tshun chad gyis shes
rgyud la thar pa'i sa bon bzhag nas 'khor

ba mtha' can du byed pa yin te/ mdo sde pad dkar las/ mchod rten
de la gang gi thal mo sbyar/ /yongs su tshang ba'am thal mo ya
gcig gam/ yang na mgo bo skad cig 'dud pa dang/ /de bzhin lan
cig lus kyang 'dud pa dang/ /gang gi ring bsrel

gnas pa de dag la/ /g.yeng ba'i sems kyis sangs rgyas phyag
'tshal zhes/ /tshig gcig lan 'ga' brjod par byas pa yang/ /de dag
kun gyis byang chub mchog 'di 'thob/ /ces gsungs shing/ tha na
lta ba log pa 'dzin pa'i gang zag

lta bus de mthong ba la brten nas mi dga' ba skyes na de'i 'bras
bu sdug bsngal drag po myong yang/ zhar la 'brel bzhag pa des
nam zhig na rjes su 'dzin pa'i rgyur 'gyur ba dper na bzod par
smra ba'i yan lag bcad pa'i lo rgyus sogs skyes rabs rnams su

'byung ba bzhin yin te/ sku gsung thugs kyi rten 'di dag sangs
rgyas kyi 'phrin las kyis bskrun pa sha stag yin pas dgos pa de
lta bu zhig med na de dag la ston par mi 'gyur zhing/ mngon
rtogs rgyan las/ grong sogs su de'i nyon mongs rnams/ /

rgyun gcod rgyal ba'i nyon mongs med/ /ces nyon mongs med pa'i
khyad par gsungs pas kyang 'grub bo/ /'di dag rtog ge'i blo yul
du shong dka' ba'i gnas yin kyang/ pad dkar las/ bde gshegs
gzugs ni rtsig ngos bris pa la/ /'khrugs

@030b bzhin pa yi sems kyis bltas na yang/ /de dag rim gyis
sangs rgyas bye ba mthong/ /zhes dang/ snying rje pad dkar las/
kun dga' bo gang dag tha na rmi lam du de bzhin gshegs pa'i
mchod rten mthong nas sems dang bar byed na/ kun dga'

bo dge ba'i rtsa ba de'i 'bras bu mya ngan las 'das pa yin te/
mya ngan las 'das pa klas shing mya ngan las 'das pa'i mthas
gtugs par 'gyur bar nga smra'o/ /zhes tshad mar gyur pa'i lung
las gsungs pas/ bsam mi khyab kyi gnas la bsam mi khyab

de nyid rgyu mtshan du byas nas yid ches par byed dgos te/ 'chi
med rnga sgra'i gzungs las/ bsam mi khyab la dad byas na/ /rnam
par smin pa'ang bsam mi khyab/ /ces gsungs shing/ de bzhin du
spyan ras gzigs kyi mdo las/ de ci'i phyir

zhe na/ de bzhin gshegs pa'i sangs rgyas kyi chos thams cad tshad
med pa de bzhin du/ de bzhin gshegs pa la yon phul ba yang tshad
med do/ /mtha' yas so/ bsam gyis mi khyab bo/ /mtshungs pa med
do/ /dpag tu med do/ /grangs med do/ /zhes

dang; lung phran tshogs las/ zla bskar mar bcas bas lhungs kyang
srid/ /sa 'di ri dang nags tshal mkha' la 'gro yang srid/ /rgya
mtsho chen po'i chu ni skam par 'gyur srid kyi/ /drang srong chen
po rdzun gsung 'gyur bsrid pa min/ /zhes gsungs

pa rnams yid la bcings te bde legs thams cad kyi rtsa ba las
'bras la yid ches kyi dad pa dang/ dkon mchog rin po che rnam pa
gsum gyi thugs rje byin rlabs la mos pa drag po bskyed de lo zla
zhag shas kyi g.yar po lta bu'i lus dang longs spyod

@031a @#/ /kyi steng nas zhing sa khyad par can la sa bon ci
thebs kyi snying po blangs pa'i phyir nyin mtshan kun tu 'bad par
bya'o/ /zhes bya ba ni lnga pa phyag dang mchod pa'i phan yon
gyi skabs so// ! //drug pa bskor ba

byed tshul phan yon dang bcas te bshad pa la/ thog mar bskor ba
bya ba 'di dgos ched ci zhig tu gtogs ba yin shes dgos pas/ de
ni blo gros bstan pa'i rgyan gyi 'grel bshad las/ de bzhin
gshegs pa mchod pa la rnam pa gnyis te/

zang zing gis mchod pa dang/ sgrub pas mchod pa'o/ /zang zing
gis mchod pa la yang rnam pa gnyis te/ rnyed pas mchod pa dang/
bkur stis mchod pa'o/ /de la chos gos dang lhung bzhed la sogs
pa phul ba ni rnyed pas mchod pa'o/ /phyag

'tshal ba dang bskor ba byed pa la sogs pa ni bkur stis mchod
pa'o/ /zhes skyabs yul rnams la bkur sti bya ba'i yan lag tu
gsungs so/ /de la phan yon ji ltar 'byung ba'i tshul ni/ mchod
rten bskor ba zhes bya bas mdo las/

mchod rten bskor ba byas pas ni/ /mi khom brgyud rnams spong bar
'gyur/ /lha dang de bzhin mi rnams kyi/ /tshe ring ba yang de yis
'thob/ /sha za dang ni srin rnams kyis/ /de la gnod par mi 'gyur
ro/ /bskal pa brgyar yang de dag

rnams/ /zhar dang grum por yongs mi 'gyur/ /mchod rten bskor pa
byas pas ni/ /stobs dang brtson 'grus phun sum tshogs/ /de ni le
lo med pa dang/ /shin tu sgrub pa thob par 'gyur/ /mchod rten
bskor ba byas pas ni/ /mngon shes drug

@031b ldan zag pa med/ /nyon mongs thams cad spangs pa yi/ /dgra
bcom rdzu 'phrul chen por 'gyur/ /mchod rten bskor ba byas pas
ni/ /'jig rten dag tu de bzhin gshegs/ /mtshan rnams kyis ni
brgyan pa dang/ /gser gyi sku mdog thob

par 'gyur/ /zhes sogs dang/ spyan ras gzigs kyi mdo las/ 'jig
rten mgon gyi mchod rten la/ /su zhig bskor ba byed pa ni/ /tshe
rabs dag ni thams cad du/ /byang chub spyad pa spyod pa'i tshe/
/dran dang ldan zhing blo gros ldan/ /bsod

nams ldan zhing 'jigs med 'gyur/ /mchod rten bskor ba byas na
ni/ /tshe rabs dag ni thams cad du/ /lha dang klu dang gnod sbyin
dang/ /srin po rnams kyis mtshod par 'gyur/ /ngas ni gang dag
bstan pa yi/ /mi khom brgyad po de dag spong

'jig rten sgron ma mnyes byas nas/ /yang dang yang du bsti stang
byed/ /bdag med stong pa'i chos thos na/ /de ni chos la rmongs
mi 'gyur/ /myur du dad pa thob 'gyur zhing/ /chos don ji bzhin
mkhas par 'gyur/ /'jig rten mgon gyi mchod rten

la; ;mi gang bskor ba byed pa yi/ /bsngags ba bskal ba bye bar
yang/ /brjod pas zad par bya mi nus/ /zhes dang/ gsal rgyal la
gdams pa las/ su zhig dad pas thub pa'i mchod rten nam/ /sku
gzugs dag la bskor ba byed pa de/

phyi ma'i tshe na dgra chen rnams kyis btud/ /bzang po'i snod
gyur yon tan rnams dang ldan/ /mi rnams du dag dga' zhing gus pa
yis/ bla med mchod rten rnams dang sku gzugs la/ /lus gyi las
rnams byed pa de dag ni/ /srid pa kun tu

@032a @#/ /mdzod rnams shin tu rgyas/ /zhes sogs gnas skabs dang
mthar thug gi phan yon bsam gyis mi khyab pa gsungs la/ khyad
par sgrib sbyong gi mchog tu gyur pas ngan 'gro'i skye sgo khegs
tshul/ me tog

brtsegs pa'i gzungs las/ dga' ba'i sems kyis gom pa'i gar stabs
'ga' bor te/ sangs rgyas bcom ldan 'das la phyag 'tshal lo/ /zhes
smra bde dag ni bskal pa'am/ bskal pa brgya'am/ bskal pa stong
ngam/ bskal pa brgya

phrag stong du yang ngan 'gro log par ltung ba'i gnas med do/
/zhes dang/ gsang ba ring bsrel gyi za mtog las/ sems can gang
dag mchod rten de la bskor ba gcig gam/ phyag 'tshal ba gcig gis
mnar med pa la thug pa'i bar la

sogs pa rnams las yongs su thar bar 'gyur zhing/ bla na med pa
yang dag par rdzogs pa'i byang chub las phyir mi ldog par 'gyur
ro/ /zhes gsungs so/ /de yang sgo gsum bag med pa'i 'phyar
g.yeng dang ngag kyal mi dge ba'i rnam rtog sogs

kyi dbang du 'gro bzhin par bskor ba byas kyang phan yon de tsam
mi 'byung la/ lus kyi spyod lam/ ngag gi bzlas brjod/ yid kyi
dad gus gsum ga tshogs pa'i sgo nas byas na lus ngag yid gsum
ga'i dge sbyor tshang bas don shin tu che ste/ mchod

rten bskor ba'i mdo las/ lus kyi las kyang bskor ba yin/ /ngag
gi las kyang bskor ba yin/ /yid kyi las kyang bskor ba yin/
/smon lam bta' pa'ang bskor ba yin/ /zhes gsungs/ de la dgongs
te sngon jo bo a ti sha rgyun du

@032b bskor ba mdzad pa la/ dge bshes ston pa rin po ches/ dge
sbyor bzhugs nas mi mdzad par bskor ba nyi tshe mdzad pa ji ltar
lags zhus pas/ khyod kyis mgo ba yin/ 'di la lus ngag yid gsum
ga'i las yod pa yin/ bsgom ba la gcig/

las med/ 'di las las 'khos che ba med gsungs pa dang/ yang 'du
byas kyi dge rtsa la bskor ba las bsod nams che ba med/ lus ngag
yid gsum gyi las gsum gas bskor ba yin/ rgya gar na grong khyer
chen po la bskor ba byas pas dngos grub thob pa

dang; gtsug lag khang la bskor ba byas pas dngos grub thob pa
dang/ /khas rba Ni'i lha khang la bskor ba byas pas dngos grub
thob cing nad sos pa sogs kyi gtam rgyud mang du yod gsung/ de'i
stobs kyis bka' gdams pa la bskor ba'i srol dar shos che zhing/
'brom rin po che yang rgyun du bskor ba

mdzad do/ /phyis zhabs kyi mi lcogs ban khyogs nas kyang bskor
ba gsum gsum ma chag bar mdzad ces bka' gdams gong ma'i gsung
sgros las 'byung/ des na sems yeng ma yeng du ma song bar yid
kyis dad pa'i kun slong shugs drag po gsal 'debs pa ni rtsa

ba yin te/ 'dul ba lung gzhi las/ mkhas pa gang zhig rab tu sems
dang bas/ /sangs rgyas mchod rten la ni go ma 'dor na/ /dzambu'i
chu bo'i gser gyi srang tshad ni/ /stong phrag brgya yang de dang
mnyam ba yin/ /zhes so/ /de'i tshe ngag gis

bzlas brjod sogs la 'bad dgos pa yang/ kun nas sgor 'jug pa'i
'od zer gtsug tor dri med las/ tshes brgyad dang bcu bzhi'am/ bco
lnga la yid bzhin gyi nor bu rin po che'i gzungs sngags 'di
gnyis lan brgya rtsa brgyad

@033a @#/ /bzlas brjod byas shing ring bsrel dang bcas ba'i mchod
rten la bskor ba byas na 'phral du sdrig pa'i dri ma dang nyon
mongs pa thams cad/ 'dod chags dang/ zhe sdang dang/ gti mug gi
dri ma dang/ ser sna dang

phrag dog dang bral bar 'gyur ro/ /zhes dang/ de bzhin gshegs
pa'i ring bsrel gyi snying po can gyi mchod rten la bskor ba
bya'o/ /yid bzhin gyi nor bu rin po che 'di gnyis kyang dus gcig
tu dran par bya'o/ /de ni gang+gA'i klung bya ba

phrag khrig khrag 'bum gyi bye ma snyed kyi de bzhin gshegs pa
la dge ba'i rtsa ba bskyed par 'gyur ro/ /bsod nams chen po dang
ldan par 'gyur ro/ /mtshams med pa lnga'i las kyi sgrib pa rnams
yongs su byang bar 'gyur ro/ /sems can dmyal

ba dang/ dud 'gro'i skye gnas dang/ gshin rje'i 'jig rten gyi
ngan song rnams las yongs su thar bar 'gyur ro/ tshe ring por
'gyur ro/ /sbrul gyi pags pa brjes pa bzhin du lus bor nas 'jig
rten gyi khams bde ba can

du 'gro bar 'gyur ro/ /zhes gsungs la/ 'dir bstan pa'i gzungs
gnyis ni/ oM na ma strai ya d+hI kA nAM/ sarba ta thA ga ta
hr-i da ya garb+he dzwa la dzwa la/ d+harmA d+ha tu garb+he saM b+ha
ra ma ma a yuH saM sho d+hA ya saM shod+hA ya sarba bA ba
sarba ta thA ga ta santoShni Sha bim la bi

shudd+he/ hUM hUM hUM hUM/ aM baM saM dza swAhA/ zhes
dang/ na maHsarba ta thA ga ta NAM/ mahA tsintA ma Ni dzwa
la zhes sogs kyi gzungs ring gnyis yin zhing/ gzhan yang de
bzhin gshegs pa rin chen rgyal mtshan gyi mtshan dang/ na mo b+ha
ga wa te/ ratna@033b ke tu rA dzA ya/ ta thA ga tA ya/ arta te samkyaksaM
budd+hA ya/ tatya thA/ oM ra ten raten mhA rten/ dten bi dza
ye swA hA/ zhes dang/ oMn mod sha dik traM kA las rba ratna
tra yA ya/ na maH pra dk+Sha su pra dak+Sha/ sarba pA paM pa bi
sho b+ha na swA hA/ zhes pa'i gzungs

'di gnyis gyis kyang skor ba stong 'gyur du 'gro ba sogs phan
yon mtha' yas par gsungs/ gzhan yang bka' gdams gong ma'i man
ngag las bskor brten bcas rten med gnyis gsungs pas/ rten bcas
'di lta bu la mtshan na 'dir bzhugs

pa'i sku brnyan rnams kyi mdzod spu dang/ glegs bam gyi yig 'bru
mchod rten gyi bum pa sogs nas 'od zer 'phros/ bla ma yi dam
sangs rgyas byang sems nyan rang chos srung phyogs gzhan gyi sku
bsung thugs rten la sogs pa thams cad spyan drangs

te rten 'di rnams la thim par mos shing/ rang gi lus brgya stong
khri 'bum sogs su sbrul bar mos/ ngag tu gzungs de rnams brjod
bzhin bar song na ban yog bsam gyis mi khyab cing/ gnas chen
thams cad bskor ba byas par 'gro'o/ /rten med

ni sku gsung thugs rten dngos su med pa'i thang stong lta bur
yang skor ba byed 'dod na/ b+hrUM ser po las byung ba'i dpag
bsam gyi shing yangs shing rgya che ba'i steng du skyabs yul
thams cad bzhugs par mos la bzlas pa sogs sngam bzhin du byas

pas bsod nams rlabs po che 'thob bo/ /gzungs de dag blor mi zin
na gzungs sngags zab mo gang shes kyis rung la/ khyad par rang
cag kha ba ri ba'i lha skal spyan ras gzigs kyi gzungs la 'bad
na byin rlabs myur pas shin tu legs te/

@034a @#/ /chos rgyal srong btsan sgam po'i bka' 'bum las/ bskor
ba'i rnal 'byor ni/ thugs rje chen po'i sku gcig la/ phyi ltar
nas sangs rgyas dang byang chub sems dpa' thams cad dang/ nang
ltar nad rgyud ba'i bla ma thams cad/

gsang ba ltar na yid dam mkha' 'gro thams cad bstim la/ oM ma
Ni padme hUM/ zhes bzlas shing bskor ba bya'o/ /rten las 'od
byung nas rang la phog bas sdig sgrib thams cad byang bar bsam
la bskor ba bya'o/ /zhes gsungs pa lta bu re ma mtha' yang

dgos so/ /kha cig phyag mchod bskor ba la sogs ba 'di dag chos
zab mo nyams len mi shes ba'i phal ba rnams la bsngags ba yin
gyi/ blo'i nus pa shin tu che ba rnams la 'di mi dgos snyam pa
gtan nas mi rung ste/ mdo sdes bcu pa las/

de bzhin gshegs pa la mchod ba dang rim gro bya ba 'od shin tu
gsal ba zhes bya ba byed de/ mchod pa dang rim gro byed ba de/
sems dang po bskyed pa yan chad/ sa dgu pa thob pa'i bar dag gis
de bzhin gshegs pa la mchod pa dang rim pro

byas ba'i brgya'i char yang nye bar mi 'gro/ zhes sogs kyis sa
gong ma gong ma'i skabs su lus ngag gi dge sbyor yang ches gong
'phel du 'gro bar gsungs shing/ byangs las kyang/ byang chub
sems dpa' de de bzhin gshegs ba'am/ de bzhin

gshegs pa'i mchod rten la na bza' dang/ zhal zas dang/ gzims
chas dang/ gdan dang/ bsnyun gyi gsos sman dang/ yo byad rnams
dang/ gus par smra ba dang/ phyag 'tshal ba dang/ sngon du lngang
ba dang/ thal mo sbyar ba dang/

@034b zhes ba nas/ byang chub sems dpa'i mchod pa rnam pa bdun
rgya chen po zhes bya'o/ /zhes phyag mchod bskor ba sogs rgyal
sras kyi nyams len rmad du byung bar gsungs so/ /la la rgyud kyi
rdo rje'i tshig 'ga' zhig gis dgongs pha ma phyed par gsang
sngags

bas 'di 'dra mi dgos par smra ba yang log par rtog pa yin te/
rje mi las/ nga res 'ga' 'gro zhing 'gro zhing bsgom/ /'gro
zhing 'gro zhing bsgom tsa na/ /'gro 'dug bskor bar shes pa'i
gdams ngag yod/ /ces gsungs pa lta bu grub chen du mas

gsungs tshul dang lo rgyus mang du yod la/ mhA ra ta zhes sogs
kyi sngags don ltar sngags rang lam la bskor ba byed tshul thun
mong ba las kyang ches zab tu btang nas byed dgos pa yin no/
/bskor tshad ni rgyal dbang bdun ba'i gsung las/

bskor ba'i chad ji tsam du bya ba ni mtha' gcig tu nges pa bzung
du ma mchis kyang/ deng sang skor 'bum du grags pa ltar gyis
gzhal na/ zhes gsungs pa ltar/ rang rang gi 'bad pas nus tshad du
byed pa las grangs kyi nges bzung la cher mi ltos/

'on kyang sngon 'gro khrid chen bzhi'i skabs su phyag 'bum
maNDal 'bum/ yig brgya 'bum sogs gsungs pa'i rigs 'gre sbyar te
rten gtso gang la gzhal ba der grangs 'bum phrag gcig 'gro ba'i
tshod la skor tshad du grags pa ltar na/ rten gtso

'od dpag med kyi bad gdan la gzhal te/ de nyer lnga'i 'gyur gyis
seng khri'i 'gram 'khor bas/ mchod rten rang la bskor ba bzhi
stong byas tshe gtso bo la 'bum phrag gcig gi tshod 'khrol dang
bcas te 'gro'o/ /de ltar phyag mchod

@035a @#/ /bskor ba sogs kyi dge ba'i cha shas phra mo re la yang
phan yon mtha' yas de lta bu 'byung ba ni mngon pha kun btus su
bsam mi khyab kyi gnas bzhi gsungs ba las/ las dang 'bras bu'i
'brel pa

bsam gyis mi khyab pa de nyid yin bas/ skye bo blo gros mchog tu
gyur pa'i dbang rnon rnams chos nyid kyi rigs pa'i sgo nas legs
par nges pa drangs te chos kyi rjes su 'brang ba'i dad pa phyir
mi ldog ba bskyed na byin rlabs dang dngos grub

shin tu myur ro/ /'on kyang dbang bo rno bar rlom pa rigs lam
'char rkyen pa ltar snang yang/ don gyi gting me dpogs par rtog
ge'i rigs pa ltar snang du mas g.yeng ste zab mo'i chos la yid
mi ches pa ni/ rgyan gyi 'grel ba rnams su

spob pa myur ba'i sbyor skyon bshad pa bzhin shes rab 'chal byed
dang dngos grub kyi gegs yin pas/ de las dbang po rtul po'i lugs
kyi yid ches pa'i lung gi rjes su 'brang ste dad pa bskyed na
byin rlabs myur te/ gshin rje'i gshed kyi

rgyud rtog ba gsum pa las/ chos nyid bsam gyis mi khyab ba'i/
/don la the tshom med pa yi/ /mkhas pa la ni dngos grub myur/
/yang na blun po dad ba brtan/ /de la sbyor ba'i dngos grub nye/
/rtog cing dpyod pa'i rtog ge ba/ /de la sbyor ba'i dngos grub

ring; ;zhes dang/ ting nge 'dzin rgyal po las/ ri dang nags bcas
sa 'di gas 'gyur zhing/ /rgya mtsho'i chu dag de bzhin 'pho 'gyur
la/ /zla ba nyi ma sa la lhung gyur kyang/ /rgyal bas bshad pa
rnam pa gzhan mi 'gyur/ /zhes gsungs ba

@035b bzhin rgyal ba'i bka' dri ma med pa rnams nas lan gcig ma
yin par yang dang yang du gsungs pa la the tshom med pa'i dad pa
rtse gcig tu bskyed de/ des kun nas bslang ba'i phyag dang mchod
pa/ gsol 'debs bzlas brjed bskor ba sogs

la 'bad na ji skad du rgyal dbang bdun ba bskal bzang rgya
mchos/ gnas skabs mthar thug don gnyis mukti ka/ /'bad med ster
ba'i legs byas bskor ba'i las/ /dge tshogs rnam dkar nya lci ba
khog yangs bor/ /bkang ba'i 'gro rnams

'di dang phyi mar 'tshengs/ /zhes gsungs pa ltar/ 'di phyi kun
gyi legs tshogs ma lus par lhun gyis grub pa zhig 'byung ngo/
/zhes bya ba ni drug pa bskor ba byed tshul phan yon dang bcas
pa'i skabs so// ! //bdun pa dge ba'i

dngos po rdzogs pa'i byang chub tu bsngo bas rgyas gdab ba ni/
oM swa sti/ bden tshig grub pa'i 'khor lo rtsibs stong gis/
/phun tshogs gser ldan yongs la dbang 'byor pa/ /rgyal dang rgyal
sras nyan rang rig ba 'dzin/ /mtha' dag

legs smon 'grub pa'i mgon mdzod cig /bsam sbyor mi dman brtson
pa'i chu po brgya/ /legs byas rdzid bur gcig tu 'khyil ba gang/
/mngon mtho nges par legs pa'i phyogs gang du/ /bgrod pa bsngo
ba'i 'jug ngogs srol la brten/ /

gser sbyangs gar bu gcig gi cha shas las/ /rnam ba tha dad
bsgrub ba'i bzo bo bzhin/ /dge ba dman 'bring mchog gi 'bras
ldan du/ /bsgyur ba'i mnga' bdag 'gron gzhan yod min/ /de phyir
bdag sogs mkha' mnyam 'gro ba'i las//

@036a @#/ /rnam bar dka' ba'i phyogs su snang ngo cog /don med
'khor ba'i lam du mi ltung bar/ /rnam grol rgyu yi srad bur
bstan gyur cig /mdo rgyud 'khrul bral gser sbyangs khams las
grub/ /bslab

gsum bcud ldan bstan pa'i kA la sha /sri zhu'i mgul chings
g.yo ba dang bcas bas/ /'gro kun gtsug tor rtse nas dbang sbyin
shog /khyad par dge ldan ring lugs gser gyi rnga/ /khor yug srid
du brdung ba'i sgra po ches/ /ma

rtogs log rtog 'khrul ba'i dpung tshogs las/ /rnam par rgyal ba'i
dga' ba mtshon gyur cig /brjod ba mnor rkyen dang rnam 'gyur gyi/
/'phang 'gro'i lto bar spel legs sdeb sbyor du/ /drangs ba'i
snyan tshig rgyud stong 'khrol

ba las/ /sgra rig dbyangs kyi dkyil 'khor rdzogs gyur cig
/phyogs glang grags pa'i gzhung lugs 'od ma'i gzhu/ /rnam dbyod
'dom gyis nyer gzhal rigs pa'i mangs/ /rgol ngan lta ba log ba'i
'ben bshig pa/ /gtan tshigs

rig pa'i lus rtsal 'byongs gyur cig /lus bzo kun phan las kyi
grub char 'phebs/ /ngag bzo 'degs 'jog 'gyur khug sgra brgya
rgod/ /yid bzo rnam dpyong 'phrul gyi glog 'gyur ba'i/ /bzo rig
sprin sngon phung po 'khrigs gyur cig/

chags sdang rmongs ba'i mun nag ched tshing nas/ /gdungs ba'i dug
rlangs mi bzad spro ba yi/ /rlung mkhris bad kan nad rims gdug
pa'i sprul/ /gso rig mkha' lding dpung pas gzhom gyur cig /las
nyon bag chags nag po brtsegs

@036b pa yis; ;yongs su zin ba'i gdung ba rab bcil te/ /rnam
grol zag med dga' ba'i mchog sbyin pa/ /nang don rig pa'i bdud
rtsi myong gyur cig/ /'chad mkhas tshig don cha shas yongs gang
zhing/ /rtsod ngag dri med rigs pa'i 'od

dkar spo/ /rtsom pa'i nyams 'gyur ri dwags mtshan ma can/ /smra
ba'i zla ba tshar du dngar bar shog /tshul khrims yon tan tshogs
kyi chu 'dzin klong/ /ting 'dzin glog 'phreng dra ba 'jug cing
lngar/ /shes rab zab mo'i 'brug sgra rol ba

yi; ;grub dbang bye bas thub bstan mkha' khyab shog /rang khyim
gsal ba'i me khyer tsam min par/ /ris med 'khor lo gsum gyi 'od
snang can/ /rgyal bstan spyi la dgongs pa'i bstan 'dzin rnams/
/bzhed pa'i snye ma 'bras bus

gang gyur cig /blo bzang chos tshul thub bstan chu bo brgya/
/'jigs med rnam dbyod hub kyis nyer gzhal te/ /slar yang sa gsum
skye dgu'i nyer 'tsho ru/ /legs gsung bdud rtsi'i rgya mtshor
'bebs gyur cig /lung rigs sgra dbyangs

chos kyi shugs 'chang ba/ /bkra shis ri mo g.yas su 'khyil ba'i
dung/ /skye dgu'i bsod nams spo mthor bzhad pa'i sgras/ /sa gsum
rgud pa ming gi mthar byed shog /zhi ngul tshangs spyod spu sdug
gos kyis klubs/ /legs

bshad snyan 'gyur gtam gyis mgrin pa gang/ /bgrang yas blo gsal
thar 'dod ko ki las/ /thub bstan dbyid kyi dga' tshal mdzes gyur
cig /drin du mi bgrang dad ba'i kha lo yis/ /bstan la bkur sti
rim gro lhur byed

@037a @#/ /rnams; ;de dang rjes mthun tshe dpal bsod nams sogs/
/legs pa'i dpal gyis phyir yang bsti bar shog /rlabs chen bsod
nams gzhir gyur maNDal lar/ /gser dngul rkang 'gro

nor 'bru rdo shing sogs/ /rgyu sbyor lhag bsam tshom bur dgod pa
kun/ /mngon mtho nges legs dga' ba'i dpa' thob shog /mthong thos
dran reg gdul bya gling bzhi'i mkhar/ /rnam 'gro las bon rnam
bzhi'i mdangs 'phro ba/ /ngo

mtshar mchod sdong rin chen lhun po 'di/ /thub bstan rol mtsho'i
rgyan du gnas gyur cig /sad ser nad rim 'khrug pas ma rnyogs
shing/ /bde 'byor lbu ba dkar po'i phreng dkrigs pa/ /dus kyi
rgyal mo'i chu bo rnam bzhi yang/ /'chol

med legs byas rgya mtshor 'jug gyur cig /rab gtum srin po khros
pa'i lto ba na/ /bag med rtsen pa byis pa'i blo can rnams/ /bden
don chos kyi glu yis rgyud bskul te/ /zhi ba'i go 'phang sgrub
la gzhol bar shog /sgo gsum dge

bar bsgyur ba'i go ma stabs kyang/ /chos brgyad 'og 'gyu'i gdon
gyis ma bslad bas/ /yon bor ma yin chos lam drang po ru/ /zhugs
te yang dag lam bzang myur bgrod shog /phung khrol kun gyi byed
po nang gi dgra/ /de yi rang

mdangs phyi rol nyer 'tshe sogs/ /bar du gcod pa'i ming yang mi
grags shing/ /mthun ba'i dngos kun lhun gyis 'grub par shog /ma
'ongs tshe rabs badma dkar po'i phred/ /bshes gnyen nyin byed 'od
kyis mi gtong zhing/ /tshul

@037b gnas thos bsam sgom pa sbrang rtsi'i bcud/ /yid kyi bung
ba'i nyer 'tshor smin gyur cig /mi zad nor gyis gang zhing legs
par bsdams/ /nyer 'tshes mi tshugs mthun ba'i rlung gis bskyod/
/rab tu brtan pa'i shes rab grub bo ches//

ches; ;phra rags srid pa'i mtsho las brgal gyur cig /dbyings kyi
mkha' la kun rtog las nyon lus/ /'byung ba rim brtsegs srid pa'i
'jig rten 'di/ /me gsum las 'das lta ba'i byin za yis/ /phyis
'byung med pa nyid du sbyong gyur

cig /mkho ba sbyin ba'i dring da phyogs su ldang/ /snyan smra
rab myos bung ba'i sgra lngan pa/ /don mthun yon tan sbrang
rtsi'i 'byung gnas gyis/ /skal bzang skye bo'i rgyan gyi don
spyod shog /gdod nas dag pa ma lus 'gro ba'i khams/ /glo bur

dri ma sbyangs pa'i byang chub mchog /stobs sogs yon tan yongs
su rdzogs pa yi/ /kun bzang 'phrin las snang ba 'bar gyur cig
/bdag sogs dge ba'i bsam sbyor sa bon ni/ /bde gshegs thugs
rje'i rlan gsher gyis smin

cing; ;bslu med rten 'byung dus su phyin pa las/ /gang btab smon
pa'i 'bras bu smin gyur cig /ltar snang dge la dman ba'i kun
slong gis/ /'bras bu'i rnam pa gzhan du bsgyur ba kun/ /sras
bcas rgyal ba'i bsod nams dang 'dres

te; ;phul byung rnam bar sma ni pa'i rgyur gyur cing/ /rnam dkar
don ldan las kyi don mthun rnams/ khro sogs mi bzang chom pos mi
'phrog phyir/ /thugs rje mnga' ba'i thugs bskyed btsan rdzob du/
/rtag tu zhugs nas rtag pa'i dpal

@038a @#/ /thob shog /blo chung dge ba'i chu thigs nyam chung
yang/ /mthu chen rgyal sras sbyod pa'i rlabs chen mtshor/ /gcig
tu 'dres te gtan tu mi zad ba/ /kun bzang sman pa'i 'bras bzang
smin gyur cig /ces

bde bar gshegs ba'i sku gsung thugs kyi rten bzhengs ba dang
phyag mchod bskor ba'i phan yon bstan pa mchod rten mthong grol
chen mo'i dkar chag lha'i rnga chen zhes bya ba 'di ni/ spyir
bstan pa'i gnas tshad mdo snge bsal bzang/ /snying rje

pad dkar/ zla ba snying po'i mdo/ blo gros mi zad ba'i mdo
'grel/ thub dgongs/ yum gsum gnod 'joms sogs su lo sto ba dang/
nyis stong/ phyed sum stong/ lnga stong sogs bshad tshul mi 'dra
ba mang bas/ phyi ma sgra ji

bzhin par byas shing/ de la yang 'das lo rtsi tshul mang nyung gi
lugs gnyis las/ mang ba'i phyogs ltar na dgra bcom/ phyir mi
'ongs/ rgyun zhugs te 'bras bu'i le'u gsum/ shes rab/ ting
'dzin/ tshul khrims te sgrub pa'i

le'u gsum/ lung mngon pa'i le'u dang/ mdo sde'i ye'u'i nang nas
bzhi brgya go drug rnams song zin ba'i bdun ba yin zhing/ thub
bstan rin po cha lo zla rer yang gnas na cim rung snyam du smon
pas 'das lo nyung ba ltar byed tshe/ de la yang

ston pa'i 'khrungs lo sogs mi 'dra ba'i dbang gis bshad tshul sna
tshogs yod kyang/ mkhas grub thams cad mkhyen ba'i dus 'khor
TIka chen gzhir bzhag na/ bstan pa lo nyis stong drug brgya
bzhi bcu ste/ tshul khrims le'u'i steng nas@038b brgya bzhi bcu pa dang/ dus 'khor
rgyud 'grel gyi bstan
pa'i gnas tshang dus bzhir gsungs pa las/ rdzogs ldan/ gsum ldan/
gnyis ldan rnams 'das nas/ rtsod ldan gyi yang nyis brgya re
lngar sleb cing/ rje bdag nyid chen/

pos rab byung bdun pa'i sa glang la ri bo dge ldan btab nas sum
brgya go bdun dang/ lnga brgya tha ma tshugs te lo grangs bcu
lhag gi rjes la kun mkhyen 'jam dbyangs bzhad pa 'khrungs shing/
rje de nyid kyis rab byung bcu gnyis pa'i sa glang

la bkra shis 'khyil btab nas/ go bdun pa rab byung bcu gsum pa'i
mjug gi cha/ khro bo zhes pa shing mo glang gi lo/ 7btsun pa
dkon mchog bstan pa'i sgron mes mchod sdong gsar bzhengs kyi
bgyi ba legs par grub ste/ rang gzhan

gyi dge rtsa spel ba'i phyir dkar chag cig kyang bsgrig 'dun yod
pa'i thog /dad brtson ldan pa dkon mchog bde chen gyis 'di'i
dkar chag /mchod rten gyi rnam bzhag dang bcas pa zhig dgos tshul
yang yang bskul zhing/ sprul sku 'jigs med mkhas mchog /

dus 'khor dpon slob don yod tshul khrims/ sman pa dpon slob blo
bzang rgyal mtshan rnams nas kyang/ rten gyi dkar chag dang/
phyag mchod bskor ba'i phan yon/ bskor tshang la sogs pa shin tu
rgyas pa mdo rgyud kyi khungs dang bcas pa zhig bri dgos tshul
gyi

bskul ma gnang ba bzhin 'phral du bsgrigs pa'i yi ge pa ni dge
slong dkon mchog kun dags bgyis pa 'di yang legs byas kyi dge
mtshan phyogs brgyar 'phel zhing/ thub bstan rin po che'i gsos
sman dam par yun du gnas pa'i rgyur gyur cig/ /

@039a @#/ /dkon mchog thugs rje'i bden mthus legs bshad pa 'di/
/bstan pa'i sgron mer yun du gnas pa dang/ /'brel thogs 'gro kun
gnas skabs dga' bdes 'tsho/ /mthar thug rnam mkhyen rgyal ba'i/ /

thob shog /ces pa 'di'ang su nyid shog nas rnam dpyod yangs ba
rab 'byams pa kun dga' rnam rgyal gyis 'di ga'i ngag rtsom par
du ma 'khod brtsam brko dgos tshul thebs dang bcas te bsku lar
bzhin bsgrubs pa'i tshe bris pa'o//