@001a @#/ /byA kar NaM mai treH pa ktra swa ra ya ka d+harma bya
gaNDi nA ma bihar ti smaH //

@#/ /lung ston byams pa'i dkar chag gdangs snyan chos kyi gaNDi
zhes bya ba bzhugs so/ /

@001b @#/ /pradznyenytsa kra b+ha batstshi ta shatsa raH kA ro No
dam band+ha tsA b+ha baH trai lo kya dwi sa ti gra ta lA g+ho/
bande se bal bard+ha dA sha d+hri ka

@#/ /shes rab 'khor los srid pa'i rgyu ba bcad/ /snying rje tha
gus srid min srid par bcings/ /bden gnyis gom pas 'jig rten gsum
gnon pa/ /stobs kyi 'jug pa bcu mnga' de la 'dud/

@002a @##/ /ye shes lnga yi cod pan gdengs ka'i 'od/ /gang gi spyi
bor bkod bzhin gsungs gi mchog /sbas don snying po'i mdzod brgya
phyag tu gtad/ /mi pham rgyal ba'i rgyal tshab rgyal  

gyur cig /las nyon na kras rab dkrugs srid pa'i mtsho/ /sdug
bsngal rlabs 'phreng srid rtser 'phyo ba las/ /sgrol ba'i ded
dpon gcig pur khyod bsten no/ /'phrin las gru gzings sbyor cig
thugs rje'i

gter/ /grags pa'i sgra brgya rol ba'i sprin dkar la/ /re ba'i
mig 'bur gtod pa'i mdongs mtha' yang/ /bsod nams 'du byed gar
dang lhan cig tu/ /snying la mngon dga' rgyas pa'i ca co 'chor/
/rgyal

gsung longs spyod rdzogs pa'i ngo bo nyid/ /ngag gi longs spyod
dbyangs can ngang mo'i gar/ /mgrin pa longs spyod 'khor lo'i 'o
mtsho ru/ /ci dgar longs spyod mgrin rnga 'di na brdung/ /mchog
gsum rten gyi

@002b ngo bo bzhengs pa'i tshul/ /phyag mchod skor ba bcas pa'i
phan yon rnams/ /mthong thos rnam grol lha yi rnga bo che/
/bsgrags zin zlos bur 'god pa'i ngal ba bskyungs/ /deng ni nyams
'gyur 'dab ma'i bkrag mdangs

dang/ /don gyi snying po dad pa sbrang rtsi'i bcud/ /zung du
gnyer ba'i blo gsal b+ha ma raH/ /dga' skyed me tog phon po 'ga'
tsam spel/ /gzhung lugs rnam mang thos pa'i dngos grub la/ /'dod
chung chog shes 'gram

pa mi ston par/ /legs bshad nor bu skyug pa'i ne'u le'i khar/
/rna ba'i yul go gtad de bzed par mdzod/ /de'ang rgyal ba rnams
kyis byin gyis rlobs pa'i tshe phyag g.yas pa spyi bor bzhag ste
byin rlabs zhugs pa'i

tshul mdo sde sa bcu pa dang yang gshegs/ rab zhi rnam nges sogs
du ma las gsungs shing/ khyad par du bshad rgyud rdo rje 'phreng
ba las/ de nas lung bstan thob don du/ /zhes pa nas/ g.yas pa
mi 'jigs

sbyin byas la/ /dbugs dbyung ba yi mchog bya ba/ /zhes byang
chub tu lung ston pa'i tshe phyag g.yas pa mi 'jigs pa skyabs
kyi sbyin pa'i phyag rgya bcas te lung bstan pa la dgos pa dang
rten 'brel khyad par can yod par

gsungs/ don de la dgongs te paN chen dge 'dun grub kyis kyang/
de tshe rgyal ba byams pa rab tu dgyes/ /phyag g.yas bdag gi mgo
la bzhag bzhin du/ /bla med byang chub mchog tu lung bstan nas/
/zhes gsungs

@003a @#/ /shing/ rje btsun ngag dbang byams pa'i ljags bkod kyi
bris thang mang por yang de bzhin 'byung bas/ rten 'brel gyi sgo
la bsams nas byang chub tu lung ston par mdzad pa'i byams

mgon kyi snang brnyan gsar bskrun bgyis te dkar chag mdo tsam
'god pa la/ rten bzhengs mchod kyi phan yon sogs ni mthong grol
chen mo'i dkar chag tu bshad zin pa las shes par bya zhing/ 'dir
gang gi phyir

bzhengs pa'i dgos pa/ gang gis bzhengs par byed pa'i bzo bo/
gang bzhengs pa'i rten gyi ngo bo/ /de ltar bzhengs pa'i dge ba
bsngo ba ste don tshan bzhi las/ dang po ni/ sngon sangs rgyas
'od srung gi bstan pa la thos

bsam gyis zhugs pa rnams bstan pa 'di la thog ma kho nar smin
cing grol ba'i tshul lung sde bzhi sogs las rgya cher 'byung ba
dang/ bstan pa 'di la bya ba cung zad byas pa rnams kyang ma
'ongs pa na byams mgon gyi gdul byar

'gyur bar ston pas mdo sde du ma las gsungs shing/ byams mgon
nyid kyis kyang rang gi 'dul skal du gzigs pas da lta nas bdag
gir mdzad pa ni byams chos lnga skyes su bskur te bdud rtsi'i
bgo skal snga mgyogs

su sbyin par mdzad pa 'di nyid kyis shes la/ kun mkhyen bla ma
sku snga phyi sogs dam pa gong ma rnams kyis kyang byams mgon
gyi sku re bzhengs te rjes 'jug rnams de la 'brel ba 'jog tu
'jug pa ni mdzad srol nges can lta

@003b bur snang ngas/ rang nyid kyis kyang de dag gi rnam thar
smon pa'i yul du byas te bya ba'i 'khor lo 'di nyid la zhugs pa
yin pas tshul de dbyangs kyis bsnyad na/ thub dbang rang gi bstan
la smin grol lam/ /bgrod pa ma rdzogs zhi ba'i mgron pa kun/ /

khyod kyis skyong zhes mgon dang gdul bya ru/ /phan tshun mtshams
sbyor bka' chems rim par bzhag /'od srung bstan la ches bra'i sa
bon yang/ /nyi ma'i gnyen gyis mod la smin pa'i tshul/ /sde
bzhi'i lung gi dus ston dar ba'i gtam/ /phyi ma'i

skal bzang mtshon pa'i mtshan ma mchog /rgyal bstan 'di la de lta
zhugs so cog /rgyal tshab nyid kyis slad nas 'dren pa'i brdar/
/rgyal yum dgongs 'grel mngon rtogs rgyan la sogs/ /rgyal ba'i
thugs bcud zab dgu skyes su

bskur/ /de lta'i ngo mtshar rno ldan kyo ba yis/ /drangs pa spro
ba'i yid kyi padmo'i kha/ /rgyal ba'i nyi ma gang gi rjes phyogs
las/ /rnam dkar 'du byed sbrang rtsi'i bcud du 'dus/ /lung chos
smra ba'i sgo la rmongs pa'i rgya/ /tshul bzhin sgrub

ba'i sgo la g.yeng ba'i rgya/ /bya ba las kyi sgo la ser sna'i
rgya/ /btab ste thang stong bstan la ci zhig bgyi/ /mkhas pa'i
rna bar legs bshad bdud rtsi'i rgyun/ /phal ba'i lag tu gtong
ba'i nor gyi rgyun/ /kun la rten mchog mig gi bdud

rtsi'i rgyun/ /lam gsum 'bab pas 'gro gsum dri ma 'khyud/ /spyi
bor bla ma'i zhabs rdul lhan skyes bzhin/ /mgrin par legs bshad
rol mo lhan skyes bzhin/ /snying la skyo ba'i 'du shes lhan
skyes bzhin/ /sgo gsum rnam dkar

@004a @#/ /bya ba lhan skyes bzhin/ /dkon mchog rgyal ba kun 'dus
kunda'i gnyen/ /'jigs med snang ba'i byin rlabs byin pa yis/
/yid dbang dad pa'i rgya mtsho rgya che ru/ /'phyur ba'i legs
byas rlabs chen

rlabs 'di 'phros/ /mtha' yas mchog gsum rten rnams byin rlabs
kyi/ /gter du mnyam yang khyad 'phags rten 'brel sgo/ /dam pas
legs phye'i srol bzhin byang chub tu/ /lung ston byams pa mgon
po'i sku 'di bsgrubs/ /bdog

ba'i snying po sdig med gtsang ma'i dngos/ /gtong ba'i rgyu
'bras nges sems spro bya yis/ /rtse gcig yid kyis blang dor mu
nor bar/ /bsgrubs pa 'di yang rgyal ba'i gzhung lam yin/ / !
gnyis pa gang gis bzhengs pa'i bzo

bo ni/ snga sor 'di 'dra'i rten bzhengs shig gi 'dun pa yod
kyang nye 'khor du de lta bu'i bzo bo med la/ thag ring zhig tu
btang na bkod pa sogs blo dang mthun pa zhig mi 'ong bas ji ltar
byed snyam du the tshom gyi ngang la gnas pa'i tshe bzo

bo 'di nyid glo bur du 'ongs te theg mchog 'khor lo bzhi la
brten nas re ba'i shing rta ji ltar smon pa'i lam du bgrod pa'i
rten 'brel rang 'grig tu gyur to/ /de'ang 'di'i skyes yul ni hor
rgyal po rnams kyis chos kyi rgyal srid rim par

bskyangs shing/ 'jam mgon sa paN dang karma bakshi sogs dam pa
mang pos byin gyis brlabs pa'i gnas lang gru'u sde bzhir grags
pa'i mkhar gyi nang dbul phyug bar ma'i khyim skyid de ba zhig
yin la/ der gza' tshang mi mthun pa

@004b sogs mi bde ba'i rkyen cing nga med kyang lo bcu drug bcu
bdun nas bzung yul du gtan mi 'khor bar mgar bslabs te phyogs
sna tshogs su 'khyams shing 'gro ba dang/ phyogs rer lo zla kha
shas rer bsdad de yon gyi 'phro sogs len pa lta ci/

rang gi lag cha sogs kyang bskyur te 'gro bas phal mo che rlung
sengs lta bur rtsi'ang/ de 'dra yin na slar dangs nas phyir
'khor dgos rgyu la blos gang bcad de las slar 'gyur ldog med bas
bsam bzhin du de ltar byas pa yin par snang/ phyogs

'dir yang sngar gtan nas 'dris med cing 'di na rgyus yod kyi mi
bsnyegs nas 'ongs gcig med kyang 'di phyogs su bsnyegs 'ongs pa
dang/ rang la'ang 'di bzo sogs ji ltar yin zhib cha rgyus med
bzhin du phan tshun blo mthun pas bya ba'i 'khor

lo rtsom rgyur song ba ni sngon gyi legs smon dang dkon mchog gi
thugs rjes rgyud bskul bar mngon/ bzo bo nyid kyi rang bzhin
yang 'phral la gzhan gyis ci zer ba'i rjes su mi rgyug par gyong
bo lta bu/ yun du 'grogs na ngang tshul bzang zhing

phan sems che bas 'grogs bde ba/ gnas skabs rgyu nor chol ba lta
bur snang yang 'phral gyi zas gos sgrig rten phran bu re byung
tshe dga' tshor che zhing/ nor che ba re byung tshe 'di 'dra ba
bzung nas gar 'gro rgyu yin zhes de tsam gyi 'dod pa med pa
dang/

nor gyi rin thang sogs blo la shin tu gsal yang tshong sogs kyi
tshem shes pa ltar byas te rgyal kha gzhan la ster zhing/ gzhan
sus kyang ma mthong bar byas nas dbul phongs ya sbyin ba gtong
ba sogs 'dod chung chog shes kyi spyod ba ya mtshan pa@005a @#/ /dang/ rin po che'i
rigs mang po rtsis gdab med par lag
tu bzhag kyang skyon med par ma zad phra legs pa re nyer spyang
lta bu la 'deb rgyu byin na'ang der gtong mi bra bar dkon mchog
gi rten la 'gro thabs byed/

gser gtong tshul rgya nag gi lugs 'di bzhin byas na 'gro sgo
chung zhes la las bshad par/ mthug na bzang zhes de'i tshig la mi
nyan zhing/ dbus bzo rnams gser byugs te bsreg ma thag btsod du
bcug pas mdog dmar sang nge ba 'ong tshul

bshad kyang/ gser ci yin rung rang mdog de gar bzhag na bzang
zhes mi nyan pa ni de rigs la 'dris chung ba'i stabs yin nam
snyam yang/ phyis su brtag tshe dkon mchog gi zhing la rgyu 'gro
gang che dang g.yo sgyu ma 'dres pa'i kun slong rnam dag

cig yin par mngon te/ bzo bo phal cher sku'i phyi nang rgyab
mdun la khyad 'byed kyang/ 'dis ni mthong mi mthong gis gang
la'ang zhib cha byed tshul tshod gcig kho nar snang ba ni las
'bras la yid ches pa'i mtshan mar mngon/ bsnyen gnas

kyi sdom pa zhig phog na snyam ste 'phros btang bar/ kho bo rab
byung zhig byas na snyam yang srung dka' bar snang/ ba za bla
ma'i mdun nas dge bsnyen gyi sdom pa zhig blangs yod zer te/
sdom pa len rgyur srung mtshams kyi mno bsams ngon du

gtong ba 'di ni deng dus kyi phal mo che dang mi 'dra ba'i blo
ldan gyi gtam du snang/ mdor na shA ri'i bus zhus pa las/ bzo
bo blo ldan gtsang sbra che/ /bstan bcos kun la bslab pa dang/
/nga rgyal chung zhing sgrub phod la/ /brtson zhing dge la sbro

@005b ba dang/ /shes rab che dang nan tan che/ /lhag par gso
sbyong bzung ba dang/ /bslab pa la gus chos brgyad spangs/ /nyin
mtshan kun tu mi g.yel bar/ /dge ba la ni brtson pa dang/ /bri
ba'i las mtha' rab tu byung/ /bram ze gtsang ma'i spyod pa

bzhin/ /khrus dang gtsang sbra dag la gnas/ /'dod pa chung zhing
chog shes pa/ /zhes sogs kyis mtshon mdo rgyud du ma las gsungs
pa ltar/ 'dod chung chog shes/ dkon mchog la dad pa/ las 'bras
la yid ches/ skyo ngal med pa'i brtson

'grus/ sgo gsum bag yod pa'i tshul khrims/ des shing gzu bor gnas
pa'i rang bzhin/ blang dor ma log pa'i shes rab sogs bzo po'i
mtshan nyid ji snyed cig gsungs pa rnams tshang zhing/ de'i ldog
phyogs kyi skyon mtha' dag dang bral

ba zhig ste/ sngon gyi lo rgyus la lar sprul pa'i bzo bo zhes
grags pa rnams kyang gnas skabs de'i mi rnams kyi snang tshul la
'di 'dra ba'i mi dkyus ma re yin zhing/ paN chen dge 'dun grub
kyis byams sku bzhengs pa'i tshe bzo bo glo bur du

lhags pa'i tshul ngo mtshar che bar gleng ba'ang 'di bzhin yin
pas/ rang gi ngos nas blo 'grel nus na dkon mchgo gi thugs rje
ni nyi 'od dang chu zla bzhin mchog dman kun la mnyam par 'jug
pa gdon mi za ba zhig go /de la 'di skad ces bya

ste/ mthun dgu rkyen du 'dzoms pa'i yu lta ljongs 'dir/ /yab rje
dma' pa'i mdzad srol brang pa'i tshe/ /ring nas legs smon gyis
bkug bzo bo yis/ /bsgrubs pa bsod nams mthu bzhin gegs med grub/
/chos nor sde bzhi'i dpal

@006a @#/ /gyis mngon mtho ba/ /lang gru'u sde bzhi'i grong khyer
ma la yar/ /skyes kyang sna tshogs yul grur legs byas kyi/ /khang
bzang sna tshogs 'degs pa'i ka bar gyur/ /sngar nas 'dris pa'i
'brel pa ma

mchis kyang/ /legs spyad mdun mar lhan cig tshogs pa yi/ /pho
nyar rang gi sdon dge'i rta zhon nas/ /mchog gsum thugs rje'i
khye'u dkyus so snyam/ /gtad med kun tu 'khyams pa riO dwags
bzhin/ /dam bca'i mtshams las

mi g.yo ri bo bzhin/ /su dang mi bstun gyong po'i shing skam
bzhin/ /'grogs na gshis bzang 'jam pa'i shing bal bzhin/ /sngon
rabs gtam du sprul pa'i bzo bo zhes/ /grags pa'i g.yer kha
'khrol ba de dag kyang/ /mkha' las rdol

min spyod dang rnam par bcas/ /de tshe snang bar 'di ko tsam du
bas/ /bzo bo bi shwa karma gnyis pa zhes/ /smras na kun gyis col
chung gtam du sems/ /lha yi zhal bzang jo shAka gnyis pa ru/
/mngon sum tshad mas grub la bsnyon du ci/

spyan zur mchu sgros brdzes pa'i 'dzum zhal tsam/ /bzo bo phal
gyi spyod yul lags na yang/ /bcu drug lang tsho gsar pa'i gzhon
nu'i nyams/ /'di nyid kho na'i sor mo'i 'phrul las byung/ /smra
ba rjes su bstan pa'i cho 'phrul gyis//

phan par dka' ba snyigs ma'i dus mtha' 'dir/ /mig gi bdud rtsir
'phrul pa'i 'dzum dkar gyi/ /ga pur thigs pu kunda'i dpyid du
gyur/ /thub pas legs bsngags 'dod chung chog shes dang/ /dad
brtson blo gros khrims kyi

@006b 'dab 'phreng can/ /bsod nams sbrang rtsi'i 'byung gnas
gsar pa zhig /legs byas dor mdzes pa'i rgyan du 'khrungs/ /!
gsum pa gang bzhengs pa'i rten gyi ngo bo la khyod sku dang nang
gi gzungs gzhug gnyis las/ dang po ni/ thog mar

rang gi lus tshad cig bzhengs rgya'i 'phen pa byas te lha bzo
skal bzang la brir bcug pa gzhal tshul gyis rim pas je cher song
ste rgyug mtho bcu bzhi lhag tsam du gyur pas dge tshogs gong
'phel gyi rten 'brel mngon par 'grigs/ ma phyi'ang 'du khang

phur bzhugs pa'i jo bo'i sku 'di ni sngon gzhung gi srid skyong
mi dbang bsod nams stobs rgyas kyis byas te bod kyi bzo grwa ma
nyams par yod pa'i dus lha sa'i jo bo rin po cher dpe blangs te
gzab nas bzhengs pa yin pas sngon chad phyogs 'dir bzo legS

pa'i tshad bzhag lta bu yin stabs de dang hor rgyal po'i dus kyi
sku brnyan byon legs 'ga' zhig la dpe byas pa yin na'ang/ rjes
sor grub pa'i tshe de dag las nyams ches khyad par du gyur ba jo
shAka rnam gnyis kyi sku nyams la 'gran bzod pa dang/ lhag par

zhal gyi gzhon nyams sogs jo bo mi bskyod rdo rje ji lta ba zhig
byung/ 'ga' zhig phyag tshad kyi gzhung bshad la mkhas kyang lag
tu blang ba'i tshe ji bzhin mi 'ong ba mang la/ 'dir gzhung tshig
gshar rgyu mi 'dug kyang cha mtha' dag zhib tu gzhal ba'i tshe
gzhung

don dang cung zad kyang mi 'gal bas/ ji tsam brtags kyang cha ma
snyoms pa lta bu'i skyon gdags rgyu med par mzad/ gzhan dang
bsdur te yun du bltas kyi na sku'i stod smad/ yan lag dang nying
lag thams cad skabs phyed la shin tu 'jam zhing gzhon

@007a @#/ /sha chags pa/ mdzes khyad sngar las lhag pa re bsnan
gyin shar 'ong ba lta bus yun ring por 'dris kyang nam bltas
pa'i tshe gsar mthong gi dus dang 'dra bar yid dang mig 'phrog
pas lta bas chog mi shes pa ste/ bstod

pa brgya lnga bcu pa las/ khyod kyi sku de gang gis ni/ /lan
brgyar mthong dang gang zhig gis/ /dang por mthong ba de gnyi ga
/'dra par mig ni mgu bar mdzad/ /ces pa ltar ro/ /der ma zad mdo
sde rnams las dbu gdugs ltar zlum pa/ dpal ba'i

dbyibs zla ba ltar rgyas pa/ spyan utpa la'i 'dab ma 'dra ba/
'gram ba zlum zhing rgyas pa/ mgrin pa dung 'dra ba/ ro stod
seng ge lta bu/ sked skabs ldem zhing 'khril pa/ sku'i kho lag
yangs pa sogs mtshan dpe'i khyad par gsungs pa rnams kyang

rgyun par 'ol spyi tsam las mi 'char yang/ 'dir sku'i steng du
bltas pa na gzhung nas bshad pa de 'di ga rang du 'dug snyam nas
nyams 'char tshul sngar dang mi 'dra bar blo ngor khrig ge ngo
'phrod pa zhig 'ong bar snang/ khyad par du phyag g.yas pa spyi
bor

bzhag ste lung ston pa'i rnam pa mdzad pa de'i steng du sku'i
cha thams cad bsgrims shing phyogs te dgongs pa gtad nas bzhugs
yod pa'i nyams shig mkhas blun thams cad la mthong tsam nyid nas
'char rgyu yod kyang/ de bzo tshul 'di'i stobs kyis

yin par 'dug ces smra rgyu dang/ rtsol bas byas pa'i nyams shigs
med par rang byon shugs 'byung gi nyams shig tu snang ba ni nges
par thugs rje'i spyan gyis gzigs pa'i mtshan ma dang/ ma 'ongs pa
na byang chub tu lung ston pa'i rten 'brel gyi sgo

@007b 'grigs pa yin nam snyam du dga' ba lhag par 'phel lo/
/phra rgyan yang dbu rgyan dbus ma'i dkyil du ma rgad phug ron
gyi sgong tsam zhig dang padma rA ga mtheb mgo tsam gcig/ rtse
mor margad mthe bong tsam gcig /dbu rgyan bar ma gnyis kyi rtser
su ganda

mdzub rtse tsam re/ mgul rgyan gyi gsham du pad rag mdzub rtse
tsam gcig /margad dang su ganda sran chen tsam re/ gzhan yang
g.yu byu ru mu tshig mu min spos shel sogs che chung sna tshogs
pa dang/ stod smad rgyab mdun gyi 'phreng ba gang dgos la

byu ru dang g.yu'i 'phreng ba spus legs grangs mtshungs kyi
'gram du gser gyi 'bur sgril yod pa/ phra rgyan ha cang spungs
che bas rdzob bor ma song zhing/ nyung bas thor bu'ang ma yin
la/ g.yas g.yon sogs cha mtshungs pas mdzes pa skyed pa sogs

mdor na phra rgyan gos 'khyud mdangs sogs gang thad nas phun sum
tshogs kyang/ gtso bor gyur pa ni spyan snga blo gros rgyal mtshan
gyis/ mkhas pa tshugs dang tshad la brtag /chags can rgyan dang na
bza' lta/ /blun po tshon dang mdangs brtag/ /

gsungs pa bzhin mkhas pa'i skye bo blo dang ldan pa rnams kyis
sku'i cha tshad dang sha tshugs la gtso bor byed dgos so/ /da lta
dus dbang gis bzo bo rnams kyang yon len pa'i thabs tsam las lag
len chad tshag slob pa dkon par snang na'ang/ ma

mtha' mig gis mngon sum du mthong ba 'di lta bu re la dpe bgyis
te 'bad na rab la skyed thon cing skal ldan dang ba 'dren pa
sogs don gnyis phun sum tshogs pa'i dmigs rkyen du 'gyur ro/
/de'ang 'di ltar/ grangs med tshogs gnyis ri mo yongS

@008a @#/ /smin pa/ /mi pham rgyal ba'i sku las rang 'dra zhig/
/skal ldan zhing la mngon mtho nges legs kyi/ /ko Ta ba dang sA
lu gdab pas brel/ /mu mtha' yas pa'i 'gro la brtse ba'i sbyin/
/mi mngon chos kyi dbyings nas

gzigs pa'i mdangs/ /me long dag par gzugs bzhin gsal ba yis/
/mos gus rtsol med 'dren 'di a ho rmad/ /yun du bltas kyin
mtshan dpe'i nyams rdzogs shing/ /yang yang brtags kyin cha tshad
'khrul pa med/ /gzhan dang bsdur kyin

cha kun snyoms shing mdzes/ /tshul 'di bsams kyin dga' dang sprob
skyes/ /mtshan dpe'i rang bzhin rkang pa drug pa'i glu/ /mkha' la
dri za'i 'jig rten rdzogs pa yang/ /rgyal sku'i snang brnyan
padma'i dga' tshal du/ /babs pas nges shes don gyi

zil ma bar myong/ /ma rgad padma rA ga su gandaH/ /mu tig g.yu
byur spos shel mu men shel/ /rin chen phra tshom sna tshogs me tog
gi/'phreng ba mdzes ldan gser bzang ljon pa bzhin/ /thog ma nyid
dang ring du 'dris pa'i mig/ mtshungs par

'phrog pa bsod nams tshogs kyi sku/ /snyigs ma'i mthar yang mngon
sum gyur pa ni/ /rgyal ba'i thugs rje gzugs can nyid du nges/
/brtse ba'i dgongs pa kun tu gtad pa yi/ /nyams 'gyur 'dzum dkar
'od kyis gsal ba 'dis/ /byang

chub snying po mchog tu lung ston pa'i/ /rten 'brel thog ma'i
sgo 'phar phyes so snyam/ /deng dus dus 'khor sngom 'byung la
sogs kyi/ /phyag tshad tshad ldan mkhas las ma bslab cing/ /bris
'bur man ngag ngag rgyun ma thos par/ /rmongs pa'i

@008b rang bzo bzo ba'i che bar rlom/ /a ho bzo rig las la
gzhol ba rnams/ /blo gros mig gis gzhung don blta ba'am/ /tha na
chu bur mig gis 'di 'dra la/ /bltas te dal ba don dang ldan par
gyis/ /nang rten rnam pa bzhi las/ chos sku'i ring bsrel

gzungs gzhug rgyas bsdus tshar bcu/ bde gsang 'jigs gsum gyi
rgyud tshar gnyis re/ mtshan brjod tshar gsum/ rdor gcod tshar lnga/
tshe mdo tshar bzhi/ sdud pa tshar gcig /byams chos lnga tshar gnyis
dang/ yang rgyan tshar gnyis/ sman chog

rgyas par tshar gnyis/ bsdus pa tshar gcig /'jug pa tshar gcig
/byams smon tshar bdun/ smon lam lnga tshar gnyis/ sher snying
tshar gsum/ gdugs dkar tshar gcig /dga' ldan lha brgya mtshar lnga/
byams pas dam bcas gzungs lnga khri

sum stong brgyad brgya/ mi 'khrugs pa'i gzungs dang tshul khrims
rnam dag gi gzungs sgril bcu gcig re/ sman bla'i gzungs sgril
gsum/ tshe gzungs sgril bzhi/ a ra pa tsa stong/ ma Ni sum khri
lnga stong/ dmigs brtse ma nyis stong/ gangs can

mkhas grub ma sum brgya/ sgrol dkar snying po nyis stong drug
brgya/ rnam rgyal gzungs ring brgyad brgya/ kun rig rtsa sngags
sgril gnyis/ yig brgya dgu brgya/ sku ba la dang sku gdung gi
ring bsrel yang smri ti'i phyag tshwa thub pa'i sku gcig /rje'i
phyag

tshwa'i 'od dpag med dang 'jigs byed/ rgyal ba 'jam dpal rgya
mtsho'i phur tshwa/ byams sku stong dang bdun brgya/ 'jam dbyangs
kyi sku bzhi brgya lnga bcu/ sangs rgyas byang sems kyi sku sna
tshogs sum brgya can tshar gnyis/ mi la'i sku sum brgya/

@009a @#/ /rje'i sku lnga brgya/ sgrol dkar gyi sku bzhib rgya
bdun cu/ dzam dkar gyi sku stong dang bdun brgya/ ston pa'i
'phel gdung/ chos 'phags kyi tshems kyi dum bu/ sangs rgyas glang
po'i gdung gi tshems kyi cha shas/ lha

sa'i nang rten sangs rgyas mtha' sku me long ma'i cha shas/ nag
po spyod pa'i rus rgyan/ te lo pa'i bzhugs gdan khri snyan sa
la'i pags pa/ ma cig grub pa'i rgyal mo'i tshems las grub pa'i
ril bu/ pha dam pa'i sgom thag /paN chen shAkya shrI'i sku

chos; srong btsan sgam po'i na bza' dang zhabs chag gi dum bu/
/bal po a su'i rdo rgyus kyi sgom thag/ rwa lo'i dbu lo dang
snam sbyar sogs ris med kyi rten sna tshogs/ /jo bo rje'i snam
sbyar gyi tshal bu/ 'brom ston pa'i dbu lo/ pu to pa'i dbu nab/

shar ba'i sku mtshal/ 'chad ka ba'i zhabs chag /mtsho sna pa'i
snam sbyar/ sangs rgyas sgom pa'i sku chos/ rgya ma sangs rgyas
dpon gyi snam sbyar/ mchims nam mkha' grags kyi sku chos/ gnyos
rgyal ba lha nang pa'i dbu lo/ lho brag grub

chen gyi dbu zhwa sogs bka' gdams gong ma'i skor/ sa paN gyi
zhun thigs/ rje btsun grags pa rgyal mtshan gyi sku bar/ bla ma
dam pa bsod nams rgyal mtshan gyi sku chos/ bo dong phyogs las
rnam rgyal gyi snam sbyar/ tshar chen gyi dbu

lo; bdag chen kun dga' blo gros kyi na bza' sogs sa skya'i rten/
mar pa'i sku per seng ge 'gying gnon/ sras dar ma mdo sde'i na
bza'/ mi la'i sgom thag /dwags po la rje'i na bzad/ phag mo gru
ba'i sku chos/ karma pakshi'i na bzal

@009b 'bri gung skyob pa rin po che'i na bza'/ thang stong rgyal
po'i sgom thag /rgyal ba g.ya' bzang ba'i na bza'/ 'brug pa bad
dkar gyi rta phying/ 'brug pa kun legs kyi dom gsham/ spyan snga
lha gzigs pa'i na bza'/ grub chen ye shes bzang po'i

sku chos/ rnal 'byor byang sems kyis nam sbyar sogs bka' rgyud
pa'i skor/ 'jam mgon tsong kha pa chen po'i dbu zhwa/ snam
sbyar/ phyag 'phreng rdog gcig /rgyal tshab rje'i tshom 'bras/
'dul 'dzin grags pa rgyal mtshan gyi gdung ras/ na

bza'/ mkhas grub rin po che'i bzhugs gdan/ rtogs ldan 'jam dpal
rgya mtsho'i snam sbyar/ gnas brtan bzang skyong ba'i snam sbyar/
byams chen chos rje'i gser theb kyi lung du/ bso chos kyi rgyal
mtshan gyi dbu lo/ gnas rnying

kun dga' bde legs kyi gding ba/ spyan snga blo gros rgyal mtshan
gyi sku chos/ rje dge 'dun grub kyi gdung rus/ mkhas grub nor
bzang pa'i snam sbyar/ 'jam dbyangs dga' blo'i snam sbyar/ rgyal
ba dge 'dun rgya mtsho'i na bza'/ paN chen

bsod grags kyi na bza'/ rgyal ba bsod nams rgya mtsho'i dbu lo/
rgyal ba dben sa pa'i dbu zhwa/ mkhas grub sangs rgyas ye shes
kyi dbu lo/ paN chen blo bzang chos rgyan gyi dbu lo/ rgyal ba
yon tan rgya mtsho'i na bza'/ 'khon ston gyi

dbu zhwa/ sku lnga pa'i dbu lo/ thang sham/ sku rags/ rdo rje
'dzin pa dkon mchog rgyal mtshan gyi dbu lo/ paN chen blo bzang
ye shes kyi dbu lo/ gtsang cha ba ril bu/ pad dkar 'dzin pa'i
sku mtshal/ ljags kyi cha shas/ rgyal ba tshangs
@010a @#/ /dbyangs pa'i dbu lo/ /rgyal ba bskal bzang rgya mtsho'i
dbu yo/ /sku chos/ rgyal ba 'jam dpal rgya mtsho'i dbu lo/ rje
'jam dbyangs bzhad pa'i dbu lo/ shangs phyis/ sbrul sku bsod
nams ye shes dbang po'i

dbu zhwa'i nang sha/ ger dka' bzhi sangs rgyas dbang phyug gi
sku chos/ rong po chos ba rin po che'i sku chos/ khri chen ngag
dbang mchog ldan gyi gdung rus/ dbu lo/ rje dge legs rgya mtsho'i
dbu zhwa/ 'phags pa lha 'jigs med dpal ldan

bstan pa'i mgon po'i dbu lo/ 'phags pa sangs rgyas kyi snam
sgyur/ 'phags pa lha rgyal brgya mtsho'i sku chos/ 'phags pa lha
chos kyi rgyal po'i dbu zhwa/ 'phags pa lha 'jigs med bstan pa'i
rgya mtsho'i dbu lo/ 'phags pa lha

mthong ba don ldan gyi na bza'/ ba so sprul sku ngag dbang dkon
mchog nyis ma'i DaM thar/ ba so sprul sku ngag dbang chos kyi
dbang phyug gi sku 'gag /ba so sbrul sku blo bzang dpal ldan
rgyal mtshan gyi dbu lo/ rgyal sras sbrul sku blo bzang dpal

ldan 'jam dpal rgya mtsho'i na bza'/ rgyal sras ye shes grags
pa'i na bza'/ rgyal sras skal bzang thur bstan 'jigs med rgya
mtsho'i dbu lo/ sku mtshal/ brag g.yab sbrul sku blo bzang rnam
rgyal gyi snam sbyar/ yongs 'dzin ye shes

rgyal mtshan dpal bzang po'i na bza'/ kun mkhyen 'jigs med dbang
po'i tshems/ dbu lo/ zhabs sen/ klong rdol grub dbang rin po
che'i gdung ras/ stag phu blo bzang bstan pa'i rgyal mtshan gyi
dbu lo/ stag phu blo bzang chos kyi

@010b dbang phyug gi dbu la/ thu'u bkwan rin po che blo bzang
chos kyi nyi ma'i gdung rus/ zhi bzang 'phags pa dge legs rgyal
mtshan gyi dbu lo/ /lcags rwa sbrul sku ngag dbang 'phrin las
dpal bzang gi dbu lo/ /mchog sprul rin po che blo bzang thub

bstan 'jigs med rgya mtsho'i na bza' sogs ri bo dge ldan pa'i
bstan 'dzin dam pa mdo dbus khyams su byon pa phal mo che'i byin
rten sna re tshang bar bzhugs so/ /gzhan yang bri sgrub tshul
bzhin byas pa'i don kun grub pa'i 'khor lo ril bu dang

bcas pa/ tshogs bdag dang gnod spyin 'khor lo tshar gsum re/ byang
chub shing gi dum bu/ ri bo gru 'dzin gyi lcags shing gi lo ma/
bsil ba tshal gyi rdo nag /sku 'bum tsandan yi ge can/ dga' ldan
chos rgyal gyi na bza'/ /ri bo rtse lnga'i

rdo'i ril bu dang ri lnga'i rdo/ kun bzang/ stag mo lus sbyin
gyis/ chu bo gang nga'i bye ma/ gangs te se'i bye ma/ tsa ri'i
gnas rdo/ lo kya tun dang a ra pa tsa'i sgrub phugs kyis/ go ma
sA la gand+ha dang bya rung kha shor gyi sku dkar/ brag dkar

dbum rta so/ gangs pu le sogs mi la'i sgrub gnas phal cher gyis
mtshon rgya bod kyi gnas chen phal mo che'i sa sna/ chos rje don
grub rin po che'i gdung gi bdud rtsi ril bu/ gtsang dbus kyi
rten bsdus/ skye bdun/ ma Ni/ bdud rtsi ril

pu sogs rten sna thor bu'ang bsam gyis mi khyab par bzhugs so/
/gong smos na bza' sogs bug tshang min yang cha shas 'khrul bral
kho na yin te/ de'ang rta tshag rje drung rin po che dang sgo
mang chos grwa lhan du 'grim skabs thugs yid gcig

@011a @#/ /'dres lta bur yod pas/ rjes sor khong nas gzhung gi
chos srid yongs kyi bdag po mdzad tshe zhus pa'i bzhin phyag tu
gang yod kyi rten sna cha tshang bar gnang bas gzhi byas/ gro
tshang dang mdzo mo mkhar/ thu'u bkwan bla brang

sogs kyi nang rten dang/ khri pa byams pa rgya mtsho'i nang rten
rnams rkang tsha'i snang lug tu yod pa dang/ khri chen dge 'dun
phun tshogs kyis rje'i gser gdung bzhengs dus nas yod pa'i rten
rnying sogs kun bsdoms pa las 'phags bod kyi byin rten

'dzom che ba 'di bzhin byung ba yin pas yid ches kyi gnas su
bzung ste phyag mchod gsol ba 'debs ba sogs kyi sgo nas mngon
mtho nges legs kyi sa bon bskrun par bya'o/ /e ma hoH bye ba
ther 'bum gzugs sku'i skar tshogs la/ /go 'byed

chos sku'i ring bsrel go la'i rlung/ /yid skyob gdangs su shar
ba'i gzungs kyi 'phreng/ /mu mtha' yas pa'i za ma tog tu grub/
/rab mang gzungs dang byin rlabs rten gyi tshogs/ /rab 'byams
rgyal pa'i chos sku ro gcig par/ /rab sgrub

cho ga lan grangs brgya phrag gis/ /rab tu brtan pa'i rdo rjer
byin gyis brlabs/ /'khor los mthil mdzes zhabs sen reg pa'i
rdul/ /sa gsum shes par bsgrubs pa shAkya'i tog /gzhan phan
thugs bskyed yongs grub rgyal pa'i

sras; ;'phags pa'i yul gyi paN grub phal mo che/ /khyad par lnga
brgya'i gtsug nor ati sha/ /lha chos bdun ldan jo bo bka' gdams
pa/ /gdan gsum tshar pa rdo rje 'dzin pa'i rje/ /sa skya'i bla
chen yab sras brgyud par bcas/ /mar mi

@011b dwags brgyud rig 'dzin ras dkar gyi/ /'dab ldan gol shor
mtha' spangs phyag rgya che'i/ /mkha' la lding ba'i rgod po bka'
brgyud sogs/ /sngon byon dam pa'i byin rten tshar du dang ra/
/brtan g.yo'i dngos kun kun mkhyen 'od kyis gsal/ /mtha'

yas 'gro rnams rnam kun brtsebs pas skyong/ /bdud sde'i dbung
tshogs tshogs gnyis stobs kyis bcom/ /phyogs las rnam rgyal rgyal
dbang grags pa'i dpal/ /sras mchog gnyis sogs dngos kyi zhal
slob dang/ paN chen snang mtha' bad

dkar 'chang ba'i mgon/ /kun mkhyen 'jam dbyangs bzhad pa'i rdo
rje sogs/ /'khrungs rabs bsam 'phel nor bu'i 'phreng bar bcas/
/cod pan gser 'od 'gyur ba'i bstan 'di la/ /bshad sgrub bya ba'i
ri mo cher bgyid pa'i/ /skyes

mchog tshad mar gyur pa ji snyed kyi/ /byin rlabs rigs brgya'i
dkyil 'khor yongs su rdzogs/ /sngo dang 'bru sman ril bo ma yin
gyi/ /sbyor ba tshang bas nad kyi gdung sel ltar/ /'khrul bral
dam pa'i ring bsrel na bza' sogs/ /rten

sna 'dzom rnams srid gsum rgud pa 'phrog /zag bcas bsod nams las
kyis 'du bgyis pa/ /dbang po'i gtsug nor reg pas ltar bsgyur na/
/tshogs gnyis rig sngags grub pa'i gser 'gyur rtsis/ /rig bas rin
chen mchog

'gyur smos ci 'tshal/ /bskal mang bsags pa'i las nyon mun pa'i
dbung/ /dmigs med dbyings su bskrad de rgyas 'debs pa/ /kun tu
bzang po'i 'od zer 'bum 'gyed pa'i/ /rten mchog rta 'dun rgyal
po'i gzi byin 'bar/ /

@012a @#/ /'phags bod mkhas grub phyogs brgya'i ri bo las/ /dal
gyis babs pa'i byin rlabs rten mang gi /klung brgya gcig tu
'khyil ba'i yid bzhin mtshor/ /dad ldan dang mo'i tshogs rnams gar
byos shig /de'ang

rten gyi rgyu mtshan mtha' dag snyan ngag gi tshigs su bcad bas
brjod na rig gnas la sbyangs pa rnams dga' ba skyed kyang phal
mo che'i don du 'gyur dka' bas/ brjod don dngos gzhi lhug pa'i
sgo nas brjod cing tshigs bcad rnams kyis kyang

de la dgos nus ci rigs kyis zur brgyan nas bkod pa yin pas/ dgos
pa'i gtso bo rten gyi yon tan mthong zhing mos gus bskyed nas
thar ba'i sa bon ci thebs byed dgos kyi/ tshig tsam la 'chel bar
mi bya ste/ deng dus blo gros cung

zad gsal ba rnams kyang snyan ngag gi tshigs bcad dam dum sbyor
ba la yon tan gyi mchog tu rlom nas gzhung chen mo la sbyang bar
mi byed pa ni zla ba'i sgron gsal las/ zla ba lta 'dod sor mo'i
rtsel blta dang mtshungs/ /gsungs pa bzhin

yin pas tshig la mi rton don la rton par byed dgos la/ brjod don
phun sum tshogs pa'i steng nas rjod byad kyang snyan tshig dang
'brel ba byung na phun sum tshogs pa'i yan lag tu 'gyur ba ni/
rin po che'i gtam gyi sbyor ba las gsungs pa

ltar yin bsam khas pa rnams kyis dgongs par bya'o/ /de'ang 'di
skad ces bya ste/ sgra don phun tshogs bcad lhug rgyud dang tog
/sprel bas smra ngan mu stegs klad 'gems shing/ /skal bzang skye
bo dge ba'i dus ston du/ /'bod pa'i chos

@012b kyi gaNDI 'di brdungs so/ /rgyan mang khur lci don gyi
bus pa dang/ don gyi gzhon nu phyogs kyi gos can rnams/ /rang
bzhin gsal byed mdzes pa'i rgyan gsum can/ /snyan ngag rgyal
po'i 'di yi 'bangs su rgyug /mngon brjod mkhas pa'i rna rgyan

sna tshogs su/ /spung zhing gsig pas rna btsha ba la/ /rgyan du
rlom min rna bar lhan skyes bzhin/ /'jar ba'i mu tshig rna lung
don dam rgyan/ /'on kyang thub bstan dbyar gyi dus ston yol/
/gzhung chen sgra brgya ba rnams sgra med gyur/ /gcam

bu'i snyan tshig bser bu g.yu 'brug bzhin/ /phyogs brgyar rgod
bas yid skyo'i spu long ldang/ /blo ldan dad brtson ra yig gnyis
pa'i tshogs/ /rjod byed dri bsung kho nas mngoms par/ /don zab
puND'rI ka'i bcud myang ste/ /rnam grol sbrang rtsi

gsog pa'i cho ga mdzod// ! bzhi bdge tshogs byang chub tu bsngo
bas rgyas gdab pa ni/ rnam dkar gyi phung po 'di'ang sde bzhi'i
dpal gyi rim pas thar pa bla na med pa'i rgyur 'gyur ba dang/
phan bde'i 'byung gnas rgyal ba'i bstan pa rgyas

shing/ 'jig rten khams sun dmug 'khrug rtsod sogs zhi nas bde
'byor nyams ba med bas 'tsho ba dang/ tshe rabs kun tu mi pham
mgon pos rjes su 'dzin cing byang chub tu lung bstan nas rgyal
sras kyi spyod ba mtha' dag la slob pa dang/ khyad

par du byams chos lnga so so'i brjod bya'i lus dang mthun par
lam gyi rim pa la bslab nas don gnyis phun sum tshogs pa'i rgyur
ba sngo ba ni/ shugs 'byung nor gyi shing sna 'brul sbyor gyis/
/dgos pa'i don chen gzings su bsgrubs pa 'dis//

@013a @#/ /rgyu 'bras chos tshul rgya mtsho'i 'jing brgal te/ /bla
med thar bya'i gling du phyin gyur cig /drang srong dza hU'i
zhal sgo las 'ongs shing/ /mdo sngags rlabs kyi 'khri shing
brgyas rtsen ma/ /bskal

pa'i mthar yang mi nyams 'phyur ba yis/ /sa gsum rgyud pa'i dri
ma 'khrud gyur cig /rtsub 'gyur tshal du zhi dul spyod pas mdzes/
phre ta bu rir 'byor ba'i rgyag glu len/ /snyigs ma'i mtha' la
rdzogs ldan dpal 'bar bas/ /srid gsum

zag med dga' bas rol gyur cig /rnam dag thos bsam sgom pa'i
rgyan mang can/ /dgu gnyis bsgril ba'i dal 'byor srad bu la/
/chad med bstar bskye ba'i bgrang 'phreng ni/ /ma pham thugs
rje'i phyag gis 'dren gyur cig /ma 'ongs tshe la

brgyad khri'i dus kyi tshe/ /ma pham bla mas dbgyes bzhin rjes
gzung ste/ /ma rnams mngon du byang chub sems bskyed nas/ /ma
lus theg mchog sbyod la slob gyur cig /'jam mnyen padma'i myu gu
gsar par bzhin/ /phegs pa'i brkyangs pa'i phyag

g.yas skyabs sbyin ni/ /spyi bor bzhag ste bla med byang chub
tu/ /lung bstan phyir mi ldog pa'i rtag thob shog /gang zhig
shes par bya ba kun mkhyen te/ /gang zhig sgrub par byed pa'i
sbyor ba chu/ /gang zhig zag med chos kun bsags

pa'i sa/ /gang gang ji ltar gsungs bzhin 'grub par shog /theg
mchog rigs kyis bon myu gur bcas/ /thos bsam sgom pa'i drod
gsher gyis bskyangs pas/ /rgyal sras sbyod pu yal ga'i phyogs
rdzogs te/ /spangs rtogs 'bras

@013b bu'i khur gyis dud par shog /chos kun mtshan nyid mtha'
bral dbu ma'i lam/ /mthong bsgrib byed rab rib kun sel ba'i/
/gnyen po de nyid rtogs pa'i mig sman gyis/ /bla med theg pa'i
'jug ngogs gsal byed shog /khyad par chos can rgya che kun

rdzob dang/ /tsho sA nyid sbros bral zab mo gnyis med don/ /ji
bzhin rtogs nas tshogs gnyis spyod pa yis/ /rgyal ba'i chos gzugs
sku gnyis 'grub par shog /mngor na mchog gsum thugs rje'i mthu
la brten/ /ma dag khams kyi dri ma

yongs sbyangs nas/ /byang chub snying po yon tan gter thob ste/
/'phrin las bzang pos bgro kun sgrol gyur cig/ /ces lung ston
byams ba'i dkar chag gdangs snyan chos kyi gaNDI zhes bya ba
'di ni gtsug lag lta ba'i blo mig yangs pa sngags ram pa dman
mtsher kun dgas bskul te/

7btsun pa dkon mchog bstan pa'i sgron mes sbyar ba'i yi ge ba
rang bskul ba po nyid kyis bgyis pa 'di'ang 'gro kun byams pa
mgon pos rjes su 'dzin pa'i rgyud gyur cig/ //