@#/ /shes rab kyi pha rol tu phyin pa'i mtha' dpyod nor bu'i
'phreng mdzes las skabs gnyis pa'i dka' gnas rnams gsal bar
byed pa skal bzang 'jug ngogs zhes bya ba bzhugs so/ /

@001a @##/ /'gro dus snying stogs rdzogs pa'i sems bskyed cing/
/lam gyi rnam pa'i tshogs kun rab bzhes pas/ /sku bzhi'i go
'phang mthor 'dzeg 'gro 'dren pa'i/ /pad dka' ltar

bsngags nyi ma'i gnyen la 'dud/ /ngag dbang lha mo mgrin mtshor
zhugs pa yis/ /brtson 'grus rlabs chen brtson pa'i rnam dpyod
kyis/ /mkhas grub yongs kyi gtsug tu mnga' gsol ba/ /yang sras

brgyud par bcas la phyag byas te/ /srid zhi'i dug rdul sel
byed pa'i/ /lam gsum shes la myang 'das bzhin/ /rol mdzad
rgyal sras 'jug ngogs mchog /rab de rgyal tshab gsung bzhin
'god/

'jig rten 'du 'dzi'i zol sbyor dang/ /dman pa'i bde la ma
chags par/ /ngal ba rgyas dub cing rgas gyur kyang/ /sems kyis
gzhung don 'byed la spro/ /'dir rnam mkhyen der bgrod pa'i lam
shes

@002a @##/ /rgyas par bshad pa la/ /skyed tshal mkhan po kun dga'
chos bzang dang/ bsod grags pa sogs/ lam shes skabs gnyis pa'i
bstan bya'i gtso bo'i lam shes yin

zer ba mi 'thad de/ de la rgyu lam shas dgos pa'i phyir te/
rgyan snang las/ de nyid las rgyu tsam zhig dang sa nas zhes
gsungs pa'i phyir zer bar/ yig char rnam mkhyen skabs dang
po'i bstan

bya'i gtso bo dang/ 'bras bu chos sku skabs brgyad pa'i bstan
bya'i gtso bo yin pa'i phyir/ /zhes pa gung ru ltar bkod pa
las/ rang lugs min te/ bzhi pa'i mtha' dpyod las/ rnam rdzogs

sbyor ba bzhi pa'i bstan bya'i gtso bo min par gsungs pa'i
phyir/ des na sbyor bzhi dang chos sku skabs phyi ma lnga'i
bstan pa'i gtso bo min kyang/ mkhyen gsum dang po gsum gyi
bstan bya'i gtso bo

@002b yin te/ mchod brjod kyis de gsum la gtso bor bstod cing/
rgyas bshad kyis de gtso bor bstan pa'i phyir dang/ de gsum
rigs nges byang sems kyi bsgom bya'i yul du gtso bor bstan
pa'i phyir/ yig char/ gser phreng las kyang/

'di'i lugs tsam bshad do/ /zhes pas lam shes tshogs lam nas
bzhag pa gser phreng gi dgongs pa min par bstan to/ /'dir
rgyu'i ldog cha nas bshad pa'i dgos pa/ rnam mkhyen thob pa la
stong nyid gcig bu sgom pas

chog snyam pa dang/ mchog gsum la yid ches kyi dad pa tsam
gyis chog snyam pa dang/ mi rtag sdug bsngal sogs sgom pa
'khor bar skyo ba'i rgyu yin pas byang sems gzhan don du 'khor
bar gnas pas mi sgom snyam pa'i log rtog

gsum ldog ched yin par rnam bshad las gsungs pas/ snga ma ni
shes rab tsam gyis dang/ gnyis pa ni thabs tsam gyis rnam
mkhyen thob par 'dod pa yin no/ /gsum pa ni/ byang sa las/
byang chub sems dpa' rnams

ni/ sems can gyi khams na sdug bsngal rnam pa brgya rtsa bcu
mthong bas sems can rnams la snying rje sgom par byed do/
/zhes sdug bsngal brgya rtsa bcu byang sems kyi sgom byar
gsungs pa dang 'gal la/ brgya rtsa bcu ni/

byang sar/ gcig tshan/ nas/ bcu tshan gyi bar snga mang lnga
dang/ nga lnga pa phyi ma/ sdug bsngal dgur bsdus te/ sdug
bsngal thams cad pa la sngon dang da ltar gyi rgyu las byung
ba gnyis dang/ sdug bsngal chen po la bzhi dang/

@003a @#/ /thams cad kyi sgo nas sdug bsngal bzhi/ log par
zhugs pa'i sdug bsngal la lnga dang/ 'jug pa'i sdug bsngal la
drug dang/ mi 'dod pa'i byas pa'i sdug bsngal la bdun dang/
phongs pa'i sdug bsngal

la drug dang/ rjes 'brel las byung ba'i sdug bsngal la dgu
dang/ rnam pa thams cad pa'i sdug bsngal la bcu zhes 'jam
dbyangs bzhad pa'i grangs 'dren 'ga' zhig las gsungs kyang/ de
ltar na nga gsum las med pas/

log par zhugs pa'i sdug bsngal la dbye na bdun/ zhes de la
bdun byas nas/ sgo gsum nyes spyod phyi ma'i sdug bsngal
myong/ /zhes pa sgo gsum gyi nyes spyod las phyi mar sdug
bsngal myong ba gsum byas nas/ byang sa las/

lus ngag ngag dang yid kyi nyes par spyod pa shes che bas phyi
ma la ngan song ba'i sdug bsngal nyams su myong bar 'gyur
ba'o/ /zhes pa dang 'grig gam dpyad/ 'dir lam shes kyi yan lag
la sems dpa'i yon tan dgos par

bshad pa sogs gung ru ltar byas pa dngos bstan la dgongs la/
don bdun cur/ lam shes rdzogs byed kyi cha shas su gyur pa'i
yon tan mtshan nyid du bzhag nas/ rje btsun pa dang bsod grags
pa sogs ltar theg chen gyi

rigs sad pa nas sangs rgyas kyi sa'i bar bzhag pa ni/ rnam
bshad las/ byed las rnams kyis lam shes kyi rgyu dang ngo bo
dang 'bras bu rnams bshad do/ /zhes pa'i dgongs pa'o/ /mthar
thug theg gcig 'dod pa'i lugs la/

@003b mthar thug theg gsum gsungs pa'i dgongs gzhi/ gnas skabs
khams dang/ mos pa dang/ sgrub pa byed tshul mi 'dra ba gsum
dang/ dgos pa/ phyi rol don stong tsam las bden med rtogs mi
rung ba'i sems tsam pa kha cig theg

chen la drangs ched dang/ dman pa'i rigs can rnams re zhig
ngal gso ba'i don dang/ sgras zin la gnod byed/ dbu ma pas
chos thams cad bden med du sgrub pa'i rigs pa dang/ thal 'gyur
bas chos thams cad rang ngos

nas med par sgrub pa'i rigs pa mchog dang/ 'dod sems rigs pa'i
rjes 'brang rnams kyis/ rnam 'grel las/ rtag nyid phyir ram
thabs med phyir/ zhes sogs dri ma sems kyi rang bzhin lam
zhugs par 'bral rung du sgrub

pa'i rigs pa dang/ gzhan dgra bcom skye ba len pa dang/ 'og gi
'khor mtha' med pa 'gog pa'i rigs pa rnams dang/ lung lang
gshegs sogs so/ /kho na re/ 'phags pa thogs med kyis mtha'
thug theg gcig mi bzhed par  thal/ rgyan snang las/ 'phags pa
thogs med kyi zhal snga nas dang/ de'i gzhung gi rjes su
'brang ba theg pa sna tshogs su smra ba rnams ni/ gzhan du
'chad de/ zhes gsungs pa'i phyir na ma khyab ste/ rnam bshad
las/ slob dpon thogs

med nyid sems tsam par bzhed pa ni ma yin te/ slob dpon thogs
med kyis rgyud bla ma'i don 'grel pa na/ mthar thug theg pa
gcig tu bsgrubs pa dang/ zhes pa ltar yin la/ snga ma de'i
rjes 'brang sems tsam pa rnams mthar thug theg pa

@004a @#/ /gsum du 'chad pa'i don no/ /dbu ma snyid por/ rang
gi lugs kyis mngon rlom gyis/ /zhes gsungs pas/ legs ldan gyis
thogs med kyi dgongs pa rgyud bla ltar ma 'dod dam dpyad gzhi
cung yod/ snga ma

rigs pa'i 'phul yin nam dpyad/ sems tsam pa'i lugs la theg
gcig gsungs pa'i dgongs gzhi bdun ni/ mdo rgyan ltar la/ de'i
lnga pa bsam gnyis thob pa'i don/ sangs rgyas kyis bdag gis
sngon byang sems kyi spyod

pa spyad pas sangs rgyas so/ /zhes gsungs pa na/ byang sems
lam nas ltung ba'i nyan thos 'ga' zhig la yang bdag gis kyang
sngon byang sems kyi spyod pa spyad pas bdag kyang 'tshang rgya
bar 'gyur ro snyam pa'i bsam pa mtshungs pa thang

gcig tsam skye ba/ zhes pa'i nyan thos de/ rigs nges zhib
bgrod pa gcig pu pa yin par thal/ gser phreng las/ nyan thos
su rigs nges pa kha cig ri shig byang sems kyi spyad pa spyod
pa na de btang nas/ zhes dang/ rnam bshad las/

nyan thos rigs nges pa kha cig re shig /ces gsungs pa'i phyir
na ma khyab ste/ bsdu ba las/ dman pa'i rigs can nyid yin pa
dang/ zhes pa ltar/ rigs nges zhi bgrod pa dang po nas rigs
gzhan du mi 'gyur ba dgos pa'i phyir/

'di'i rigs nges pa zhes pa nyan thos kyi byang chub thob par
nges pa'i don yin te/ theg chen nas ltung ba'i nyan thos drod
rtse sogs nas slar theg chen du 'jug pa med pa'i phyir te/ de
dag gzhan don la skrag nas rang don du thar ba

@004b 'tshol bas ring po ma lon par dgra bcom thob 'gro ba'i
phyir/ de byang chub yongs 'gyur ba ma yin par thal/ gser
phreng rnam bshad sogs las/ bsam pa mtshungs pa thang gcig tsam
rnyed pa dang/ zhes gsungs pa gang zhig /

de la 'od dpag med sogs kyis bskul nas bsam pa de yun ring
skye ba'i phyir zer na/ des ma bskul ba'i sngon du thang gcig
tsam skye pa la byed dam dpyad/ dgos pa yongs 'gyur ba kha cig
theg chen la drangs pa'i phyir dang/ gzhan byang

sems rnams la theg dman du lhung na theg chen du mi 'jug ces
theg chen las mi ldog pa'i ched du yin no/ /dngos la gnod byed
ni/ lung dgong sa 'grel las/ zhi ba 'grod pa gcig bu pa ni/
sangs rgyas thams cad brtson pa dang ldan par

gyur kyang byang chub kyi snying po la bzhag ste bla med byang
chub thob par mi nus so/ /zhes sogs dang/ rigs pa ni/ gzhan
dbang yongs grub bden par grub pas 'khor 'das gnyis bden par
grub la/ des na de dag 'grub byed kyi sa bon

bden par grub pas/ rigs chad lta bu la/ mdo sde rgyan las/
rgyu dang bral/ zhes pa ltar/ thar pa'i sa bon thog ma nas
gtan med pa dang/ zhi bgrod pa la sangs rgyas kyi rigs sam sa
bon med pas rim pa bzhin de dag gis thar

pa dang thams cad mkhyen pa thob pa'i thabs med par sgrub pa'i
rigs pa rnams yin pas mthar thug theg gsum 'dod pa'i rtsa ba
gzhan dbang bden grub dang/ theg gcig gi rtsa ba gzhan dbang
bden med la thug go /sa sde'i rjes 'brang gi

@005a @#/ /sems tsam pas rigs chad sogs kyi sgrib pa de dag
sems kyi rang bzhin la ma zhugs kyang/ kho rang gis spang mi
rung yang rgyud tha dad pas dmigs pa'i tshul gyis spang rung
ngo/ /de spong tshul ni/ theg chen rigs

nges lta bus rigs chang sogs kyi rgyud kyis chos kyi bdag
'dzin skor dgu'i dang po dang dmigs rnam phra rags mtshungs
pa'i de'i rgyud kyi bdag 'dzin dang po de la dmigs pa'i bdag
'dzin dang po rang dang rgyud gcig pa'i rgyud la yod pa spangs

pas 'jog ste/ de tshe rigs chad pa'i rgyud kyi bdag 'dzin dang
po des sems rgyud la ji ltar sgrib pa'i tshod tsam de spangs
pa'i phyir ro/ /'khor mtha' yod med la/ kho na re/ mtha' med
rang lugs yin par thal/ gser 'phreng

las/ spyi mtshan la mtha' med kyi grub mtha' sgyang bde bar
bzhed pa ltar khas blang la/ zhes gsungs pa'i phyir na ma
khyab ste/ de ni nya Ti ka las/ de ltar gnyis las spyir mtha'
med/ bye brag 'ga' la mtha' yod pa 'thad de/

zhes pa de bkod tsam las rang lugs ma byas pa'i phyir te/ gong
du/ slob dpon 'di ni phyogs phyi ma bzhed par mngon no/ /zhes
gsungs pa'i phyir/ rtsa bar 'dod na/ gser phreng du slob dpon
gyi lugs bkag par thal lo/ /

yang kho na re/ gser phreng du mtha' med rang lugs byas par
thal/ nya Ti ka tu/ de'i sgrub byed du/ thog ma dang tha ma
med pa stong pa nyid kyi stong gzhi 'khor ba yin pa sogs kyis
bsgrub pa la/ de bzhin du mtha' med la yang

@005b gsungs pas de ni sgrub byed du yang mi che'o zhes sgrub
byed de tsam bkag la/ 'khor ba la mtha' yod pa'i sgrub byed
mthar thug pa ni/ dri ma glo bur pa dang sems kyi rang bzhin
'od gsal ba yin pas/ rkyen dang phrad na sgrib pa spang rung
gnyen po

skye rung tsam zhig yin la/ de tsam gyis 'khor ba la mtha' yod
par sgrub mi nus te/ 'bras bu 'byung rung 'byung nges la
'khrul ba'i phyir/ zhes gsungs pa'i phyir na ma khyab ste/ nya
Ti ka gi mtha' med kyi don/ sdud par/ ma rig 'khrul

'khor 'di la zad med 'phel ba med/ ces pa ltar/ sangs rgyas re
res sems can du ma zhig sangs rgyas su bkod kyang 'khor ba
stong sa bar gyur te tshad song ba dang/ sems can nyung ngur
'gro rgyu med pa'i don yin pas/ de 'dra'i mtha'

yod par sgrub mi nus pa'i don yin la/ thogs med kyis/ thog med
gyur kyang tha ma dang ldan pa/ /zhes pa'i mdo sems can thams
cad la khyad par med par rnam par dag rung yod pa la dgongs pa
yin par bshad pa bzhin no/ /zhes rang

lugs kyi mtha' yod tshul gsungs pa'i phyir/ rnam bshad dang yig
cha'i gzhan lugs dgag pa'i phyogs snga'i gtso bo red mda' pa
dang rong ston yin gyi/ nyad yon min te/ des mtha' yod sgrub
byed kyi rigs pa des sems can thams cad

'tshang rgya rung bar sgrub nus kyi 'tshang rgya nges su sgrub
mi thub par 'dod pa'i phyir te/ gser phreng las/ 'bras bu
'byung rung 'byung nges la 'khrul ba'i phyir/ zhes gsungs pa'i
phyir/ red mda' ba'i nyi zer las/ phyi ma slob dpon 'di'i 
@006a @#/ /bzhed pa yin no zer ba ni mi 'thad de/ nas/ phyi ma'i
sgrub byed 'di ni/ rnam 'grel las/ 'grib dang phul byung rten pa
kun/ /mi mthun phyogs dang bcas nyid phyir/ /de goms pa las bdag
'gyur ba/ /la la zag

pa zad par 'gyur/ /zhes pa'i don yin pas/ 'di ni 'ga' zhig gis
rgyud la chags sogs nyes pa zad pa/ srid pa tsam zhig sgrub pa
yin la/ de tsam gyi sa 'khod ba mtha' yod du mi 'grub po/ /mtha'
yod la sems can thams cad

sangs rgyas nges su sgrub dgos na de yang mi grub ste/ sems can
kun la sangs rgyas kyi ye shes skye rung tsam yang sgrub par mi
nus na skye des lta zhog go /re shig 'bras bu skye rung tsam
yang rgyu tshogs pa tshang pas sgrub dgos kyi ma tshang bsam

yin te/ zhes gsungs pas de sogs yin no/ /de la rnam 'grel las/
rgyu tshogs pa las 'bras skye bar/ zhes pas rgyu tshogs tshang na
'bras bu skye rung bas khyab par sgrub kyi/ 'bras bu skye rung
na rgyu tshogs tshang bas khyab pa sgrub pa ma yin te/

bang mdzod kyi nas ska ma yar ba rang 'bras myu gu skye rung yin
pa'i phyir/ gzhan yang/ nyan rang rnams chos can/ sangs rgyas
kyi rgyu tshogs tshang bar thal/ 'tshang rgya rung dang rgya nges
yin pa'i phyir te/ 'brel par/ skye bo thams cad

bla na med pa zhes sogs gsungs pa'i phyir/ de'i don/ nyi zer
las/ de'i rgyu mtshan yang theg pa gsum la zhugs pa'i skye bo
thams cad ces so/ /zhes dang/ rnam bshad las/ mthar thug theg pa
gcig tu sgrub pa'i don yang lam

@006b zhugs kyi sems can thams cad 'tshang rgya ba'i don yin no/
/zhes gsungs pa yang/ zhes gsungs pa'i phyir/ 'dod na/ khyod
'tshang rgya ba la gegs byed med par thal lo/ /rong TIka pas/
sems can thams cad 'tshang rgya yang sems can thams

cad sangs rgyas pa mi srid zer ba la/ der thal/ sems can thams
cad rgyun mtha'i bar chad med lam nam thob pa na 'tshang rgya
ba'i phyir/ zhes sems can thams cad rgyun mtha'i bar chad med
lam nam thob pa na 'tshang rgya bar 'dod pa bzhin du/

sems can thams cad/ de skad cig gnyis pa'i mi slob lam nam thob
pa na sangs rgyas pa'i phyir/ zhes sems can thams cad sangs
rgyas pa'i dus srid par sgrub la/ phyogs sngas de srid na de
phan chad du sems can med ces pa'i dum

srid dgos par 'dod pas/ dngos po med pa'i dus mi srid par 'dod
pa la/ 'di phan chad du sngon po med pa'i dus srid par thal bas
bkag cing/ sems can thams cad 'tshang rgya yang 'tshang rgya nges
min te de 'tshang rgya ba la gegs

byed yod pa'i phyir khyab ste/ rnam 'grel las/ ma nges pa ni
nyid yin te/ /gegs byed pa dag srid phyir ro/ /zhes gsungs pa'i
phyir zer bar khyod kyi rgyud kyi rgyud kyi sems can thams cad
'tshang rgya rgya'o snyam pa'i dpyad shes re don mthun yin

na/ de dang de 'dren byed kyi tshad mas nges dgos pa'i phyir
dang/ sgrib pa spang nges dang de 'joms byed kyi gnyen po skye
nges su/ rnam 'grel las/ rtag nyid phyir ram thabs med phyir/
/yang na thabs ni mi shes phyir/ /skyon rnams mi zad

@007a @#/ /pa nyid ces/ /bya bar yongs su rtog grang na/ /zhes
pas dang/ rtag pa min tshul/ de nyid las/ rgyu yod phyir dang/
zhes dang/ gnyis pa thabs med min tshul/ rgyu yi ni/ /gnyen po
goms pa'i zad phyir dang//

zhes dang/ gsum pa de shes mkhan med pa min pa/ /rgyu yi rang
bzhin shes pa yis/ /de shes pa yang grub pa yin/ /zhes dang/
bzhi pa de ston mkhan med pa min la/ /thugs brtse ldan phyir
rtsom kun yang/ /gzhan gyi don du sbyor phyir ro//

zhes dang/ lnga ba de don du gnyer mkhan med pa min pa/ /mi shes
ston par byed pa la/ /'khrul par dogs pa can rnams kyis/ /des
bshad nan tan bya ba'i phyir/ /shes ldan 'ga' zhig tshol bar
byed/ /ces pa ltar gsungs so/ /yig

char/ gsum pa ni/ kha cig na re/ zhes dang/ gsum pa 'khor ba la
mtha' yod med dpyad pa la zhes/ gsum pa gnyis byas pa/ rnam
bshad du gsum pa la/ gzhan gyi lugs dgag pa dang/ rang gi lags
bzhag pa gnyis byas pas de so

sor byas pa yin nam dpyad/ kho na re/ sems tsam pa'i lugs la/
rigs chad sogs 'tshang rgya rung yin par thal/ de'i rgyud kyi dri
ma sems kyi rang bzhin lam zhugs pas 'thal rung yin pa'i phyir
na ma khyab ste/ kho rang gi sa de spong

byed kyi gnyen po don du gnyer mi srid pas de spang rung ma yin
pa'i phyir/ de'i sems dri ma dang 'bral rung yin min dpyad/ kho
na re/ yongs 'gyur ba sbrul pa'i lus kyis gzhan ngor lhag med du
'da' tshul ston tshe snga ma'i lus sbyangs pa dang/

@007b lhag med du 'da' zer na/ gser phreng las/ 'da' tshul bstan
nas/ zhes tshul sbyar ba dang/ lus snga ma lha rnams kyis kyang
mi mthong bar dben par gnas te zhes lus snga ma dben par bzhag
par gsungs pa'i phyir dang/ phar phyin zin

bris las/ sangs ma rgyas bar du lhag med du mi 'pho la zhes
gsungs pa'i phyir/ de ltar na sangs rgyas kha ma'i lus 'khor ba
yin min dpyad/ shA ri'i bu la lhag med du 'da' tshul bstan nas
tshe 'dir theg chen du zhugs pa gcig dang/

mchog zung nang gi de dang rgyud tha dad pa sprul pa'i nyan thos
shig kyang yod pas/ dbu ma'i yig cha sogs dang 'gal snyam pa'i
blo gu dogs mi dgos so/ /phar phyin zin bris las/ sems can re
res nyon sgrib shes sgrib spangs nas de'i mthar

phyin pa na 'khor ba'i phyi mtha' la phyin pa yang yin la/ 'khor
ba'i phyi mtha' yod ces pa'i don yang de yin no/ /zhes pa ltar
sems can yin na/ khyod kyis 'khor ba phra rags thams cad spangs
te/ phar 'gram la gnas pa'i dus srid

pas khyab pa sa yin no/ /yig char sgrib pa rgyud la mi ldan pa'i
gang zag yin na/ sgrib pa'i dngos gnyen rgyud la thob myong yin
dgos zer na/ sems can thams cad chos can/ zhes pa/ gang zag gang
gi sgrib pa rgyud la mi ldan na zer

dgos te/ sems can thams cad kyi rgyud la sgrib pa mi ldan kyang/
de sgrib pa rgyud la mi ldan pa'i gang zag ma yin pa'i phyir/
dang po grub ste/ rgyun mtha' ba'i rgyud la sgrib pa mi ldan
pa'i phyir/ gnyis pa grub ste/ so skye sgrib pa rgyud la mi

@008a @#/ /ldan pa'i gang zag ma yin pa'i phyir/ phar phyin zin
bris las/ sgo mang pa'i khas len la/ lam gang zag gi rgyud na
yod la gang zag gi rgyud na lam med par 'dod/ blo gsal gling bas
gang zag gi rgyud na lam yod

par 'dod/ nas/ rang re'i yig cha 'dir blo gsal gling pa'i khas
len dang mthun par bshad/ ces sems can gyi rgyud la sgrib pa
ldan kyang/ de rgyud ldan gyi gang zag min no/ /rje btsun pa'i
spyi don mtha' dpyod gnyis kang/

sems can thams cad sangs rgyas pa'i dus na byang sems 'phags pa
yod par thal/ 'dod pa'i phyir na ma khyab ces par/ de dus na
'gro ba rigs drug med na 'khor pa'i gnas stongs par thal ba
dang/ dngos po med pa'i dus

su bum pa med par thal lo/ /bsod grags pa'i mtha' dpyod las/
de'i dus su de 'phags pa'i gang zag ma yin pa'i phyir/ der thal/
de'i dus su de gang zag ma yin pa'i phyir na ma khyab/ ces/ sems
can sangs rgyas

pa'i dus su sems can gang zag ma yin par gsungs pa la/ nyan thos
sbyor lam pa mthong lam thob pa na gang zag dang nyan thos ma
yin par 'gyur bar thal ba sogs yod do/ /nyan rang dgra bcom theg
chen lam du gang nas 'jug

mchan 'grel du bshad zin la/ kha cig /rtog ge 'bar ba las/ nyon
mongs pa med pa'i shes bya'i sgrib pa spangs pa'i phyir/ sangs
rgyas rnams kyis bskul ba na rab tu sbyor ba byed de de sa dang
por lhag pa'i bsam pa dag pa'i sa

@008b nas nye bar bzung nas zhes par brten nas theg chen mthong
lam nas 'jug zer bar/ yig char/ thog mar 'jug tshul min la/ bden
'dzin spang pa'i thog ma bstan pa yin zhes pa tshig zin ltar yin
la/ rgyu 'bras bdun gyi lhag

bsam la sbyar yang lam rim dang sgom rim kun kyang mthun pas
shin tu legs/ zhes pa sangs rgyas rnams kyis bskul nas dang por
snying rje lhag bsam la sbyor zhes bshad na lam rim sogs dang
mthun zhes pa yin no/ /tshogs

lam nas 'jug pa'i sgrub byed/ 'grel bshad tshig gsal las/ sems
bskyed pa thog ma dang gnyis pa dang gsum pa dang por byas nas/
zhes pa nyan rang lhag med pa theg chen du zhugs tshos gser zla
ba lta bu'i sems bskyed gsum

gcig car thob pa'i don min gyi/ skabs bzhi pa'i thar cha bskyed
de grangs med gsum gyi tshogs kyi 'go tsam pa la de gsum thob
dgos zhes pa yin la/ de tshogs lam gang gi skabs yin dpyad/ byang
chub tu sems bskyed pa ni/

zhes sogs kyi mi spong rgyu'i nyon mongs la/ skyed tshal mkhan
po'i phar phyin las/ nyon mongs pa'i sgra 'jug pa'i yul de la
mngon gyur sa bon bag chags gsum yod/ nas/ gsum pa'i steng nas
'jog /de la'ang

thabs mkhas khyad par can gyis ma zin pa'i byang chub kyi gegs
byed pa'i nyon mongs pa'i bag chags dang snying rje la sogs pa
thabs khyad par can gyis zin pa'i sgo nas byang chub sgrub pa'i
grogs su gyur pa'i nyon mongs pa'i

@009a @#/ /bag chags gnyis las/ dang po 'dir bstan gyi nyon mongs
pa ma yin te/ de byang sems 'phags pas ched du gnyer nas spong
pa'i phyir/ cig char nyon mongs pa dang shes bya'i sgrib pa
spong zhes gsungs pa'i

phyir/ gnyis pa 'dir bstan gyi nyon mongs pa yin te/ de byang
sems 'phags pas gzhan don du tshogs bsog pa'i yan lag tu ched du
gnyer nas 'dzin pa'i phyir te/ zhes/ 'ong stad le'u dang/ blo
gros rgya mtshos

zhus pa/ theg bsdus rnams kyis sgrubs nas/ 'bre ar sogs kyis
snying rje sogs dge ba la 'dod pa/ 'grel chen las/ 'dod srid
kyis bag la nyal mi 'jom te bsam bzhin du srid par skye ba len
pa'i phyir zhes

pa dang 'gal zhes bkag nas/ legs bshad gser phreng ba na re/
'dir bstan gyi nyon mongs de nyon mongs btags pa pa yin te/
byang sems 'phags pa 'khor bar skye ba len pa'i skye ba la de'i
ming gis btags nas bstan

pa'i phyir zer/ dar TIka pa na re/ 'dir bstan gyi nyon mongs
mtshan nyid pa de nyon mongs pa'i bag chags la 'dod pa'i zhes
sogs kyis gser phreng rnam bshad gnyis ka'i bshad pa bkod nas/
dang po la 'grel ba che

chung gnyis kyi rtags 'brel med du thal/ 'dir bstan nyon mongs
pa de byang 'phags gzhan don du 'khor bar skye ba len pa'i rgyu
ma yin pa'i phyir te/ de des 'khor bar skye ba blangs pa'i skye
ba la 'jog pa'i phyir/ zhes dang/

@009b gnyis par nyon mongs pa'i bag chags ni nyon sgrib spangs
pa'i dgra bcom pa'i rgyud la yang yod pa'i phyir/ zhes bkag pa
ni phyogs snga'i 'dod pa ngos ma zin pa'i dgag pa yin te/ gser
phreng las/ nyon mongs kyi 'bras

bu srid pa la skrag nas de blos 'dor pa nyan thos ltar ma yin
par gzhan don du srid par nyid mtshams sbyor ba don du gnyer ba
la bsams nas nyon mongs mi spong par bshad de/ /zhes pa mthong
nas mdor na de'i 'bras

bu dang 'dra ba'i srid pa mi spong ba la de mi spong bar btags
pa tsam mo zhes pa dang/ gzhan yang byang sems kyis thabs shes
kyis nyon mongs la dbang du byas pas nyes pa mi skye cing lam
sgrub pa'i thabs su yang 'gyur bas nyan thos ltar mtha'

gcig tu mi mthun par bzung nas mi spong pa yang nyon mongs mi
spong ba'i don yin no/ /zhes pa ma mthong ba'am mthong yang ma
des pa yin te/ snga mas mi spong rgyu'i nyon mongs dngos la byas
nas de'i 'bras bu 'khor ba'i skye ba dang 'dra ba'i gzhan don du

'khor ba'i gnas su skye ba mi spong ba la rgyu 'dod sred de mi
spong bar btags tsam yin pa dang/ phyi mas byang sems kyis nyon
mongs lam sgrub pa'i grogs su bsgyur bas nyan thos ltar ched du
gnyer nas mi spong zhes nyon mongs dngos la byas pa'i phyir
dang/

rnam bshad du/ de nyon mongs kyi bag chags su yang gsungs pa'i
phyir/ yang de ltar bshad de bag la nyal kyi nyon mongs su bshad
pa'i phyir zer na ma khyab ste/ khyod rang sa skya ba rnams kyis
bag la nyal gyi de bag chags dang shes sgrib tu 'dod pa

@010a @#/ /sngar bkag zin pa'i phyir/ gzhan yang/ khyod 'dod pa'i
mi spong rgyu'i bag chags sangs rgyas sa na yod par thal/ de
spong byed kyi gnyen po byang sems la med pa'i phyir/ rtags
khas/ kha cig na re/ gzhan don sgrub pa'i yan lag

tu gyur pa'i ma rig pa dang lta ba'i bag la nyal yod par thal/
de 'dra'i 'dod chags dang mtshungs ldan gyi de yod pa'i phyir na
ma khyab ste/ de rang grogs chags pa'i dbang gis byung yang
gzhan don sgrub pa'i yan lag tu mi 'gyur bar snang ba gnyis kar

gsungs pa'i phyir/ ! mdor don rnam so gsum shes par bya rgyu
dang/ rten byang sems kyis sems bskyed ba sngo ba sher phyin
gsum gyis zin pa'i sgo nas rnam pa de dag yid la byed pa shes
tshul la sbyar zhing/ rgyan 'dir don rnams

de dag rtogs pa'i nyan thos kyi rtogs rigs rnams shes bya nyan
thos kyi lam dang/ chos gsum gyi zin pa'i sgo nas lam de dag gi
dmigs rnam ji bzhin bsgom pa'am rtogs pa shes tshul la sbyar ba/
sbas don nyan thos kyi lam shes pa'i lam

shes yin pas mi 'gal bar ma zad gang zag gis shes bya nyan thos
kyi lam gyi ngo bo shes pa la de'i dmigs rnam shes dgos pas
kyang yin no/ /kho na re/ 'dir rnam pa sum cu dang/ nyer drug tu
dbye ba mi rung bar thal/ yig char/ nyi snang

dang 'grel chen gnyis dang mi mthun pas mi 'thad pa'i phyir/
zhes gsungs pa'i phyir zer na ma khyab ste/ de gser phreng ltar
gser gling ba dang sher 'byung gis skabs 'di'i rgyas par dbye
tshul du byas pa mi 'thad ces pa yin gyi/ spyir 'gog bden

@010b gyi rnam pa bdun bsdus nas bzhir dbye rung ba gang zhig
sdug kun thun mong gi rnam pa bdun du dbye rung ba'i phyir te/
gser phreng las/ de nas bzhis nges 'byung gi rnam pa bstan te/
zhes dang/ mdo nas gsungs pa'i rnam pa bco lnga po de/ zhes sdug
kun

gyi rnam pa bco lnga byas pas pa'i phyir ro/ /bstan tshul 'di dag
dka' gnas yin kyang ser 'bras sogs kyi yig cha gzhan du mthon
no/ /rong TIka pa dang skyed tshal mkhan po sogs kyis nyan thos
kyi lam shes pa'i lam shes la stong nyid mngon

sum du rtogs pa dgos par/ rnam pa mi dmigs sgo nas ni/ /zhes pas
sgrub la/ 'dis nyan thos kyi lam shes pa'i lam shes theg chen
rtogs rigs su mi 'dod kyang/ shes bya nyan thos kyi lam theg
dman la bzhag go /bdag med gnyis

ka rtogs pa'i theg chen mthong lam theg pa gnyis ka'i rtogs rigs
su skyed tshal mkhan po'i phar phyin du bshad pas/ slob lam na
mnyam rjes ngo bo gcig tu gyur pa'i ye shes yod par thal ba
'phangs pa de 'dras yin nam dpyad/ nyan thos kyi lam shes pa'i
lam shes yin na/ nyan thos kyis

shes rab kyi rtogs rigs yin pas khyab zer mkhan bsod grags pa
yin te/ de nyid kyi mtha' dpyod las/ gang zag gi bdag 'dzin
spangs pa'i spangs pa don gnyer gyi theg chen mthong lam de/
mtshan nyid de gang zhig /mtshon bya de ma yin pa'i

phyir/ nas/ phyi ma der thal/ de nyan thos kyi shes rab kyi
rtogs rigs su mi gnas pa'i phyir/ zhes gsungs pa'i phyir/ nyan
rang gi lam shes pa'i gnyis kyi gzhi mthun 'dod pa rje btsun pa
yin te/ rol mtsho las/ kha cig /nyan thos

@011a @#/ /kyi lam shes pa'i lam shes dang rang rgyal gyi lam
shes pa'i lam shes gnyis 'gal zer na/ byang 'phags kyi rgyud kyi
gang zag gi bdag med mngon sum du rtogs pa'i mkhyen pa chos can/
zhes gsungs pa'i phyir/ kho na re/

nyan rang gnyis ka'i lam shes pa'i lam shes kyi gzhi mthun yod
par thal/ byang 'phags kyi rgyud kyi theg dman slob pa rnams
kyis thar ba thob 'dod kyi blo de yin pa'i phyir/ der thal/ thar
pa de/ nyan rang gnyis ka'i thob bya'i gtso bo yin pa'i

phyir te/ de rang rgyal gyi thob bya'i gtso bo yin pa'i phyir/
der thal/ yig char/ thar pa de'i thob bya'i gtso bo yin pa'i
phyir na ma khyab ste/ zhes gsungs pa'i phyir dang/ rang rgyal
rigs des slob pa rnams rang kho na'i don du thar pa gtso bor don
du

gnyer ba'i gang zag yin pa'i phyir zer na/ byang 'phags kyi gang
zag gi bdag med rtogs pa'i ye shes gnyis kar 'dod pa 'gog ched
yin gyi yin pa yod zer ram/ yang na phyi ma rang rgyal gyi thar
pa de'i thob bya'i gtso bo yin pa'i don zer ram

dpyad/ yig char/ rigs gnas smos pas thabs kyi de sdud/ ces
gsungs pas/ shes par bya ba'i mngon rtogs la shes rab kyi cha
dgos na/ shes bskyed bya rgyu'i de la dgos par thal bas/ skabs
'dir dngos su bstan pa'i shes

par bya ba'i mngon rtogs kyi rigs gnas la dgongs sam dpyad/ slob
lam na bden gnyis mngon sum du rtogs pa'i ye shes kyi yin pa med
na/ bden gnyis dngos su 'dzin pa'i rtog pa'i yin pa yod med dang
bden gnyis 'dzin

@011b pa'i rtog pas bden gnyis dngos su rtogs ma rtogs sogs tshig
gi 'khri tshul mang la/ de mi rtag sogs bcu drug la yang sbyar
ro/ /mi rtag sogs bcu drug gtso bor sgom pa'i byang sems sgom
lam pa med kyang/ de gtso bor sgom pa'i byang

sems sgom lam med na/ de sgom pa'i byang sems sgom lam gyis gang
gtso bor sgom sogs dpyad gzhi cung zad yod do/ /bden bzhi'i
khyad chos bcu drug las so gsum phye tshul/ gung bus sdug bden
gyi rnam pa dang po gnyis kyang ngo bo dang

rnam grangs kyi sgo nas bshad/ kun 'byung gi rnam pa dang po
gnyis kyang rnam grangs kyi sgo nas bshad/ nas/ dang po grub
ste/ 'jig pa/ g.yo ba/ 'jig pa gsum mi rtag pa'i rnam grangs
dang/ gzhan bzhi sdug bsngal gyi rnam grangs su

bshad pa'i phyir/ gnyis pa grub ste/ 'jig pa'i chos can dang
'jig pa gnyis rgyu'i rnam grangs/ gzhan lnga rkyen gyi rnam
grangs yin pa'i phyir/ zhes pa/ rgyan snang las/ theg pa chen
por rnam pa la la ni rnam grangs kyis zhes sogs kyi dgongs

pa'o/ ! nyi snang sogs ltar gser phreng du/ bse ru'i mtshon pa'i
rang rgyal srid pa tha ma yan gyi ye shes chos can/ shes pa zad
pa yin te/ gzhan gyis bstan pa la ma ltos par mnyam bzhag tu
bdag nyid kyi rkyen stobs

kyis thob pa'i phyir/ ma brjod pa zab pa yin te/ snga mar ma zad
gzhan gyis ngag gi 'bras rtags las dpog mi thub pa'i phyir/ zhes
rkang pa dang po gnyis rtags dang/ gsum pa chos can/ bzhi pa
sgrub bya'i chos dang sbyar la/ 'grel ba che

@012a @#/ /chung gnyis dang rnam bshad sogs ltar na/ rang byung
gi dgra bcom pa chos can/ srid pa tha ma'i tshe gzhan gyis bstan
mi dgos te/ bdag nyid kyis byang chub thob pa'i phyir/ bse ru
lta bu'i ye shes chos can/ nyan thos kyi

togs pa las thab ste/ ngag gi 'bras rtags las mi rtogs pa'i
phyir/ zhes dang po gnyis shes pa zab pa dang/ phyi ma gnyis ma
brjod pa zab par sbyar ro/ /rdog TI ka las/ zab pa snga ma la
ni phyi mas khyab la/ phyi ma la ni snga mas

kyang ma khyab po/ /zhes gsungs pa'i don/ chos rje dpal ldan
pas/ sangs rgyas las gdams ngag thos pa'i tshe de la gnas pa'i
dang rgyal 'phags pa'i ye shes ni/ ma brjod pa zab pa yin la/
shes pa zab pa ma yin pa dang/ zhes pa gong

'og 'gal te/ gong du ngag gi 'bras rtags las gzhan gyis dgag
dka' ba ma brjod pa zab pa'i don du bshad pa gang zhig /sangs
rgyas las chos nyan pa'i rang rgyal gyis gzhan la chos bshad pa
dang 'dri ba'i phyir ci'i phyir mi dpog zab pa

phyi ma ngag gis chos mi ston pa la sbyar dgos pa'i phyir te/
rnam bshad las/ nyan thos las chos ston tshul gyis khyad zhugs pa
gnyis pa yin no/ /zhes gsungs pa'i phyir dang/ zab pa gnyis srid
pa tha ma man chad la sbyor

dgos pa'i phyir/ rngog TIka las/ de yang rtogs pa zab pa ni
mnyam bzhag gi shes pa'o/ /ma brjod pa zab pa ni rjes thob gyi
shes pa'o/ /zhes dang/ gser phreng las/ de'i don yang mnyam
bzhag tu brjod pa'i yul ma yin pa'i don

@012b rtogs pa ni shes pa zab pa ste gzhan gyis rang la bstan mi
dgos pa'o/ /rjes thob tu ngag gi 'bras rtags las gzhan gyis mi
rtogs pa ni ma brjod pa thab pa ste/ rtsa ba'i yang sgras bsdus
pa gzhan la rang gis bstan mi dgos pa'o/ /zhes pa ltar

snga ma mnyam bzhag pa'i rgyud kyis ye shes dgos la phyi ma ngag
gi 'bras rtags las gzhan gyis mi rtogs pa la byed pas mnyam rjes
gnyis ka yod pas snga mas ma khyab ces pa'o/ /rngog TIka las/
de gnyis mnyam rjes so sor sbyar ba dang/ phyi ma la snga

mas ma khyab par gsungs pa de gtso bo la dgongs kyi mdo dang
rtsa 'grel thams cad las tshe der gzhan gyis gdams ngag bstan pa
la ma ltos par thob pa la byas pas srid pa tha ma pa dang dgra
bcom pa'i lam thams cad zab pa gnyis ka yin nam

snyam mo/ /nyan thos dgra bcom rang rgyal lam du 'jug pa yod pa
rje btsun pa dang bsod grags pa gnyis ka sa bkag kyang rang lugs
la rtogs rigs gsum dang spang bya gsum byas pa rgyud rim gyis
sbyong ba'i phyir yin pas/ nyan thos dgra bcom phal

cher rang rgyal tshogs lam nas 'jug dgos la/ shA ri'i bu lta bu
'ga' re nyan thos dgra bcom nas theg chen du 'jug pa yin no/
/kho na re/ rten phyis bse ru lta bu/ zhes pa'i rten la gang zag
dang chos nyid gnyis yod par thal/ gser phreng las/

rten gyi khyad par la gnyis/ sgrub pa po'i rten gyi gang zag
dang/ sgrub pa'i dmigs pa chos nyid kyi rten no/ /zhes gsungs
pa'i phyir na ma khyab ste/ gong du rten rigs kyi khyad par gsum
gyis/ zhes dang/ rnam bshad las/ rigs la brten

@013a @#/ /pa'i rten gyis khyab par zhes dang/ brten pa'i chos
kyi chos nyid rigs la brten pa'i zhes dang/ nyi zer las/ sngar
rigs kyi skabs su byang chub sems dpa'i tshig gi don med cing mi
dmigs so/ /zhes pa'i don

gsal bar byed do/ /de bas na sngar gyi phyir mi ldog pa la sogs
pa'i rang rgyal gyi rigs la gnas pa'i gang zag gsum po de nyid
don dam par rang bzhin med pa'i chos nyid rang rgyal gyi rigs su
bstan to/ /des na snga rabs pa dag lam

pa gang zag gi rten dang chos nyid rigs kyi rten gnyis su 'byed
pa ni 'dir dgongs pa ma yin te 'di'i skabs kyi rten ni rigs yin
te/ /nyi snang las/ rtogs pa'i rten rigs kyi dbang du mdzad nas
gsungs/ /zhes 'byung ba'i phyir

dang/ rigs kyang chos nyid kho na yin gyi gang zag rigs su mi
'thad pa'i phyir ro/ /'o na 'dir gang zag de dag bstan pas ri
bya zhe na/ chos gang yang rung ba'i chos nyid rigs ma yin gyi
rang rgyal gyi theg pa pa'i sems kyi chos nyid de'i

rigs yin no zhes shes par bya ba'i phyir gang zag smos so/ /zhes
pa 'di gser phreng sogs kyi rten sa yin la/ de snang ba gnyis
kyi dgongs pa yin te/ rgyan snang las/ 'di dag la rigs ji lta bu
dang ldan pa'i gang zag su ngag

yang dag par 'dzin par 'gyur/ zhes dang/ nyi snang sngar drangs
pa de'i phyir/ ! kho na re/ mdo las shA ri'i bu shes rab kyi
pha rol tu phyi nas/ nas/ btsal bar bya'o/ /zhes pa mthong lam
gyi mdor byas pa mi

@013b 'thad par thal/ gser phreng las/ mdo'i 'grel ni/ nas/ rab
'byor gyi le'u las btsal bar gsungs pa las 'phros nas gsungs so/
/zhes 'phros sab byas pa'i phyir na ma khyab ste/ de nyi snang
ltar rnam pa rgyas bshad kyi mdo'i 'phros sa

yin pa'i don yin pa'i phyir te/ rgyan snang las/ shes rab kyi
pha rol tu phyin pa zhes bya ba ni/ byang chub sems dpa' rnams
kyi mthong ba'i lam zhes bya ba'i tha tshig go /zhes pa ltar rnam
bshad du sbyar ba'i phyir/ rong TIka pas/ theg chen mthor

lam gzhan stobs kyi dbang du byas nang na song gi rten la skye
bar za ma tog bkod pa'i mdo las/ yi dwangs mang po bden pa la
bkod pa drangs pa/ rang lugs sems bskyed la bkod par gsungs
shing/ yig char/ de'i tshe yi dwags kyi lus 'gyur bar

bshad pa'i phyir gsungs pa dpyad sems rten/ bsam bstan sa drug
gang rung dgos zhes pa/ dngos bstan bzod shes bcu drug las/
spyir mthong lam pa'i rgyud kyi lam las bcu gcig yod pa'i phyir/
rnam bshad las/ de'i rjes su rnam pa bcu drug

mngon sum du rtogs pa'i 'da' bar bya ba'i mthong lam mngon gyur
du skye ba yin no/ /zhes par brten nas/ bsod grags pa dang bstan
dar bas shes pa yin na mngon sum du gyur pa yin pas khyab pas
'da' bya'i mthong lam rjes thob nas thob zed/

dngos po yin na mngon gyur pa yin pas khyab zer ram dpyad/ 'grel
chen du bkod pa'i lugs sum gyi dang po 'dod pa po/ /chos srung
sde ba sogs yin par gang spel dang/ gnyis pa mang ston pas ston
pa sogs yin par rtog ge 'bar ba dang/

@014a @#/ /sde pa tha dad klags pa'i 'khor lo dang/ gsum pa bye
smra'i sde pa 'gal zhig yin par rtog ge 'bar ba dang rigs pa
drug cu pa'i 'grel bas sgrub pa/ yig cha 'di'i legs bshad kho na
yin te/ mdzod mtha' dpyod las/ bod kyi

mngon pa pa dang dbu phar dag las bya ba'i mngon rtogs so sor
rtogs pa'i mngon rtogs skad cig ma gcig yin pa'i 'dod mkhan
dang/ 'dod tshul ma thon pa mang yang dgag bzhag gi dpyad pa ma
spros so/ /zhes gsungs pa'i phyir/ lugs dang pos

bden bzhi la shes spangs mngon sgom cig char byed pas de bzhi la
bya ba dus gcig tu byed pa'am de bzhi sgom pa'i 'bras bu dus
gcig tu grub pas bya ba'i 'bras bu'i mngon rtogs chos bzad kyis
bden bzhi'i chos nyid mthong tshe cig char grub la/ bden

gzhi'i rnam pa la log rtog rim gyis sel bas shes bzod bcu drug
rim can kho nar skye bas zhugs gnas 'thad zer/ gnyis pas bya bar
ma zad so sor rtogs pa'i mngon rtogs kyang skad cig ma gcig yin
zer/ gsum pas bcu drug mnyam bzhag

thun gcig la skye bas skad cig ma gcig tu bshad la/ log rtog sel
tshul du ma yod pas de la ltos ta ldog cha nas bzod pa brgyad
dang/ shes pa brgyad de bcu drug tu phye zhes pas/ lugs dang po
gnyis ka lhan cig bkag nas gsum pa rigs

pa drug cu brtsa 'grel ltar sde pa de dag gi 'dod pa rang lugs
su byas so/ dpal ldan pas rnam bshad la zur za byas nas/ gser
phreng dang rtogs snang gi tshig zin ltar byas pa ni/ zhib dpyod
ma byas pa'i rtags yin te/ de dag ni bu nya sogs

@014b kyis rgyan snang las/ sdug bsngal la chos shes pa'i rjes
thogs la sdug bsngal la chos shes pa'i bzod pa dang/ sdug bsngal
la chos shes pa la 'di ni 'phags pa'i chos rnams kyi rjes su
'gro ba yin no/ /zhes so so rang gi mngon sum du nyams su

myong ba'i shes pa zag pa med pa gang yin pa de ni sdug bsngal
la rjes su shes pa'i bzod pa zhes bya'o/ /zhes sogs la brten
nas/ slob dpon rang lugs la bzod shes bcu drug rim can du skye
bar 'dod pas/ de'i bzhed pa bkod tsam las rgyan snang

dang rje'i dgongs pa ma yin pa'i phyir te/ rgyan snang gi lung
des nges shes bcu drug rim can du skye bar gsungs kyi/ bcu drug
rim can kho nar skye bar ma gsungs pa'i phyir te/ sdug bsngal
chos bzod sdug bsngal mthong spang gi dngos gnyen dang/ chos
shes

de las grol pa'i rnam grol lam du gsungs pa'i phyir dang/ rjes
bzod rjes shes de gnyis gang yang min par gsungs par thal lo/
/gser phreng las/ de ltar na phyi ma'i bzhed pa sngar bshad pa'i
slob dpon gyi dgongs pa dang gcig tu byas nas khas

blangs na re zhig la bskyang bde'o/ /zhes re zhig smos pas sngar
bshad pa de rgyan snang gi dgongs pa min par gsungs pa'i phyir/
lugs dang pos 'gog pa mngon du phyed ces pa 'gog bden thob pa'i
bya ba byed pa'i don yin/ zhes pa dang/ gnyis

pas de skad cig ma gcig gi yun tshad du 'dod na/ zla bas kyang de
ltar 'dod dgos zer ba sogs ni rtogs ldan gyi dogs gnas min pas
dgag par ma byas so/ /kho na re/ lugs dang po la zhugs gnas mi
rung bar thal/ mthong lam thob ma thag

@015a @#/ /pas kun 'byung spong de spangs pa'i 'gog bden thob
pa'i phyir te/ rgyan snang las/ sdug bsngal mthong bas spang bar
bya ba'i dus su kun 'byung spong ngo/ /de nyid kyis nas 'gog pa
mngon du byed do/ /zhes gsungs pa'i

phyir/ des bcu drug gang gi tshe 'bras gnas su 'gyur pa dang/
zhugs pa gang 'jog sogs dpyad/ lugs dang po gnyis kas mthong lam
thob ma thag mthong spang spang bar 'dod la/ dang pos bden bzhi
bdag med du cig car rtogs la rnam pa

rnams rim can dang/ gnyis pas rnam 'grel gyi lugs ltar rnam pa
yang cig car rtogs par 'dod do/ /lugs gsum pas mthong spang bden
'dzin med na/ 'bras bu dang so sor rtogs pa'i mngon rtogs skad
cig ma gcig pa de ltar

'gyur ba zhig na/ rnam 'grel las/ gzugs chos mthun pa mthong ba
las/ zhes sogs kyis sgras la yon tan rtag par 'dzin pa med na
sgra 'dzin dbang mngon dang sgra mi rtag par rtogs pa'i rjes
dpag cig car skye bar 'gyur ba zhig na/ nya phyis

dngul dang dkar por kha dog mthun pa las dngul du 'khrul pa
ltar/ sgra la rtag par sgro 'dogs pa yod pas ma de gnyis cig car
du mi skye ba bzhin du/ mthong lam la spang bya bden par sgro
'dogs pa yod pa'i phyir/ de drungs nas 'byin byed

bzod pa brgyad dang/ drungs nas phyung zin shes pa brgyad rim
can du phyung bas brgyad pa sogs zhugs gnas kyi mid can 'thad
lo/ /bcu drug mnyam bzhag thun gcig la skye pas skad cig ma gcig
dang/ nges shes 'dren tshul sogs kyi ldog

@015b cha nas bcu drug tu bshad do/ /bcu drug po de chos thams
cad kyi chos nyid rtogs par 'dra na/ bar chad med lam dang rnam
grol lam du ji ltar bzhag ce na/ cha gang la goms pa gsal pa
chos shes pa de gegs sgrib pa de sel bas gzhi gnyen

tshang ma yin gyi/ gzhan stobs chud pa chos bzod ni gzhi gnyen ma
yin te/ dper na sgra 'dzin dbang shes kyis sgra rtag 'dzin sel
mi nus pa bzhin no/ /'o na de so skye dbang shes dang khyad par
med dam zhen/ des chos nyid gsal bar rtogs pas

'khrul ba de bral byed kyi dngos gnyen byed pas khyad par 'phags
pa'i phyir/ zhes bshad pas dang po gnyis car bkag pa'i phyir/ bu
nya g.yags gzhon sogs kyis dang pos skad cig ma bcu drug rim can
skye bar bshad pa rang lugs byas kyi/

'bras bu'i mngon rtogs skad cig gcig tu byas nas bden bzhi la
shes spang mngon sgom dus gcig tu bshad pa rang lugs su ma byas
pas/ dang po rang lugs su byas pa min no/ /nges shes bcu drug
rim gyi 'dren tshul yig cha rnying pa las/

shes bzod skad cig ma bcu drug gis rjes thob kyi gnas skabs su
sngar mnyam baM zhig gi tshen yul can rang nyid skye bar dran
pa'i dran shes bcu drug 'dren pa de skabs 'dir nges shes mi 'dra
ba bcu drug 'dren pa'i don yin pa'i phyir/ zhes dang/ chos

bzod kyi drangs nas skyes pa'i tshe chos bzod dran pa'i dran shes
des yul can chos bzod rang nyid yod pa dran pa/ yul can chos
bzod kyi gzhal bya chos nyid yod pa dran pa/ yul can chos bzod
la yul chos nyid snang ba'i cha gsum dran par
@016a @#/ /stong thun gyis sgrub bo/ /mthong lam skad cig ma bzhi
dang/ brgyad dang/ dgu dang/ bcu gnyis 'dod pa'i sde pa bzhi kas
shes bzod gnyis ka 'dod snyam ste/ yig char brgyad kyi skabs su
bzod pa zur du mi 'dod

pa'i phyir/ zhes dang/ gser phreng las/ dgu'i skabs su shes pa
yod pas bcu drug gi rnam bzhag go /zhes pas bzhi dang/ bcu gnyis
yang mtshon snyam la/ de dag gis bzod shes gnyis ngo bo gcig tha
dad gang du 'dod dang/ zhugs gnas

'jog tshul sogs dpyad/ dgu 'dod pa theg dman pa yin pa'i tshig zur
med par gsungs shing/ mdzod du yang ma bkod pas nyan thos sde pa
min nam dpyad/ bzod shes bcu drug rdzas gcig yin kyang rdzas
gcig kho na min par gsungs so/ /

'jug ba'i 'grel bshad du/ rgyan snang ba'i don zhib tu 'grel nas
skad cig ma gcig la de kho na nyid mngon sum du byas pas so sor
rtogs pa'i mngon par rtogs pa'i dbang du byas na mthong ba'i lam
skad cig ma gcig kho na yin pa de bden mod kyi/

'on kyang sgro 'dogs pa'i rnam pa gzhan bsal ba'i sgo nas nges
pa la ltos te skad cig ma bcu drug gi rnam bzhag byed pa yin no/
/zhes sogs kyi lugs gsum pa sres nas bshad cing/ bzed pa brgyad
gong 'og gi gnyen po so sor bshad la/

gser phreng las/ 'jug Tika tu bkod pa ni 'di'i bzhed pa ma nor
bar bshad la zhes pa dpyad/ ! 'dir sgom lam gyi byed pa'i 'phros
sbyor dngos su gsungs pas mos bsngo sogs kyi 'phros sogs mtshon
la/ nang zhi ba dang zhes pa

@016b gser phreng las/ nang du sems dul bas phyi rol tu gzhan la
'dung pa dang/ zhes pa ltar/ nang du sems zhib tshig sdud byas pa
yin pas/ nad zhi zer pa min no/ /drug pa gser phreng las/ gzhan
rgyud du gtogs zhes pa/ gzhan

gyis sgom lam pa rang dang rang gnas pa'i sa phyogs la mchod
pa'i yon tan 'jog gi /byed pa mchod yul gyi rgyud la 'jog par
gsungs pa min te/ sgom lam pa de'i yon tan yin pa'i phyir te/
brgyad stong pa las/ des tshe 'di la phan

yon 'di dag kyang yongs su 'dzin to/ /zhes gsungs pa'i phyir/
rje btsun pas/ dang thob byed kyi thabs su gyur pa'i theg chen
sgom lam bsgoms stobs kyis thob pa'i phan yon te/ theg chen sgom
lam gyi byed pa'i mtshan nyid du gsungs nas/

theg chen sgom lam thob byed kyi thabs su gyur pa'i theg chen
sgom lam med kyang/ de'i rgyur gyur pa'i de yod pa'i phyir zer
na ma khyab ces par/ theg chen sgom lam thob byed dang skye byed
kyi thabs su gyur pa'i sangs rgyas dang bstan bcos yod med

sogs mang ngo/ /gung dus theg chen gyi sgom lam bsgoms stobs
kyis thob pa'i phan yon mtshan nyid du bzhag nas/ sa mtshams lam
ma zhugs nas sangs rgyas kyi sa'i bar du yod ces pa/ gser phreng
las/ sgom lam gyi byed pa ni/

sgom lam gyi 'bras bur gyur pa'i yon tan te/ zhes sogs dang
dngos su 'gal la/ mtshan nyid rnam bshad sogs su de ltar bzhag
pa/ yig char skabs 'dir sgom lam sgom tshul rang rgyud la skyed
nas bsgom pa zhig dgos pa'i phyir/

@017a @#/ /zhes pa ltar sgom lam rang rgyud la skyed nas sgom
stobs kyis thob pa'i yon tan la byed kyi/ sgom lam sgom stobs
kyis thob pa tsam la mi bya'o/ /des na yig char ba sod grags pa
sogs ltar theg chen sgom

lam thob myong ba'i gang zag gi rgyud kyi theg chen sgom lam
bsgoms stobs kyis thob pa'i yon tan de/ de'i mtshan nyid du
gsungs so/ /de la kho na re/ lam ma zhugs pa'i rgyud kyi theg
chen sgom lam bsgoms stobs kyis thob pa'i

yon tan chos can/ theg chen sgom lam thob myong ba'i gang zag gi
rgyud kyi theg chen sgom lam bsgoms stobs kyis thob pa'i yon tan
yin par thal/ theg chen sgom lam pa'i rgyud kyis theg chen sgom
lam bsgoms stobs kyis

thob pa'i yon tan yin pa'i phyir te/ de'i bsgom bya la theg chen
sgom lam pa'i rgyud kyi sgom lam 'jog dgos pa'i phyir na ma
khyab/ khyab ste/ de theg chen sgom lam pa'i rgyud kyi sgom lam
de bsgoms stobs kyis thob pa'i yon tan yin pa'i phyir na yang ma

khyab/ yang kho na re/ de chos can/ lam ma zhugs pa'i rgyud kyi
theg chen sgom lam bsgom stobs kyis thob pa'i yon tan ma yin par
thal/ de'i rgyud kyi theg chen sgom lam med pa'i phyir na ma
khyab/ 'di sangs 'phags kyi rgyud kyi

rnam mkhyen du 'gyur nges kyi sgom lam yod med dang/ rgyud kyis
ma bsdus pa'i stong nyid rtogs pa'i blo yod med sogs la khas len
song tshul ltar gyi rigs lam nang 'gal med pa'i phra zhib gal
che'o/ /nang du phrag tog sogs

@017b zhi bas sems rang dbang du gyur pa dang/ de'i rang mdangs
phyi rol tu skye bo thams cad la 'dud pa dang/ nang du nyon
mongs kun zil gyis gnon pas de las rgyal ba dang/ de'i rang
mdangs phyi'i dug mtshon sogs kyi gnod pas mi brdzi ba dang/

nang du sgom lam gyis rdzogs pa'i byang chub bsgrub pa dang/
de'i rang mdangs bzhugs pa'i gnas sogs byin gyis brlabs te der
sus bsgom na yon tan skye sla ba sogs sgom lam gyi byed las sam
'bras bu drug gsungs pas theg chen gyi

mthong lam sogs gzhan yang mtshon no/ /de'i dang po la sgom lam
skad cig gnyis pa phyin chad kyi nga rgyal sogs zhi ba'i lam
dang re zhi ba'i cha dang 'gog bden sogs sna tshogs 'jog dgos
pas/ sher sgron du lnga pa byang chub tu nye ba la bshad pa ltar

drug gdon gcig byas chog gam dpyad/ yig char/ dge ba yin par
thal/ 'dod pa'i phyir/ zhes rnam dkar gyi yon tan dge bas khyab
par gsungs pa phyogs sngas khyab par 'dod pas yin gyi spyir
sangs rgyas kyi 'phrin las la rnam dkar gyi yon

tan gyis khyab pa'i phyir ro/ /gser phreng du/ sa mtshams sa
gnyis pa nas bzhag pa ni sgom spang skor dgu dang sa dgu'i sgom
lam spang gnyen du sbyor ched yin la/ rnam bshad du sa dang po
nas bzhag pa ni 'grel chen ltar sgom spang chen po'i chen po rag

pa de nas spangs pas rang lugs byas so// ! rol mtshor gong ma'i
rten la theg chen sgom lam gsar skye med par mdzod kyis sgrub
pa/ bstan dar pa dang bsod grags pas bkag pa ltar yin no/ /sems
rten ni/ 'grel chen las/

@018a @#/ /'dod pa'i khams dang gzugs kyi khams dang gzugs med
pa'i khams zhes smos pa ni 'dod pa la sogs pa'i sa dgu bsgom
pa'i lam bzung bar bya'o/ /zhes pa ltar sa dang po nas sa bcu
gcig la brten

no/ /yig char/ de mi 'thad par thal/ 'di'i zag bcas la spang
byas khyab pa'i phyir/ zhes pa'i phyogs snga ar sogs yin te/
rnam bshad las/ 'di dag zag bcas su bzhag pa ni/ zhes sogs kyi
phyogs snga ar sogs

yin par rol mtsho las gsungs pa'i phyir/ bu nya gnyis kyis gzung
'dzin gnyis snang gi rtog pa'i zag pa yod med la byas pas de
yang yin pa 'dra la/ de gnyis kyis de dag sgra don 'dres rung du
'dzin pa'i rtog par 'dod mi 'dod dpyad/

rtogs snang las/ zag pa gang gi dbang du byas pa yin/ zhe na/
shes sgrib kyi zag bcas yin zhing/ zhes bden snang yod pas shes
sgrib kyi sa bon la byas pa bu nya ltar byas sam dpyad la/ spyir
de dag sgra don 'dzin pa'i rtog pa yin par

gsungs so/ /skabs 'di'i zag pa rtog pa la byas kyang/ spyir zag
bcas zhes pa'i zag pa ma rig pa dang de'i bag chags la byed pas
spang bya yin no/ /rol mtshor/ sa gnyis pa'i zag med ye shes bden
'dzin dang nyon mongs dang

bcas par de bden 'dzin dang bral ba min pa dang/ sa gnyis pa ba
bden 'dzin dang bcas pas sgrub kyang/ zag pa dang bcas na zag
bcas yin pas ma khyab la/ dgra bcom rtogs pa sngon song gi mos
pa sgom lam zag bcas yin kyang/

@018b zag pa dang bcas pa ma yin par/ dgra bcom pa zag pa sogs
kyis zag pa la nyon sgrib dgos par bshad/ ces pa rnams mi 'thad
de/ gang zag bden 'dzin sogs dang bcas pa'i don rgyud la yod pa
dang/ shes pa rnams

bden 'dzin sogs dang bcas pa'i don de dang 'dres pa la byed pa'i
phyir/ phyi ma gnyis dang sgra bsdus ma bsdus kyi khyad tsam yin
pa'i phyir ro/ /bden stong sgyu ma lta bur gsal bar snang ba'i
sgom lam la bden snang yod par bshad pa'ang

mi 'thad de/ rnal 'byor mngon sum la gang snang des dgos par
thal 'gyur ba ma gtogs pa'i 'dod pa'i phyir dang/ bden snang yod
na ma rig bag chags kyi bslad pa zhugs dgos pa'i phyir ro/
/rgyun mtha' ba'i rgyud gyi mos pa sgom lam

gyis sgra don 'dres rung du 'dzin ba don spyi don du 'dzin mi
'dzin dpyad gzhi cung yod do/ /yig char/ mos pa sgom lam gyi
mtshan nyid la/ mos tshul de la de ltar du nges par 'dzin pa de
yin/ zhes pa/ gser phreng ltar tshig sdud

byas pa yin la/ rang res don bdun cur yum don gsum gyi 'byung
gnas su/ zhes pa/ rnam bshad ltar go thub byas la/ zhib cha byas
na gung ru dang ser ra gnyis ltar yum don gsum gang rung gi
'byung gnas su yid ches pa'i

theg chen gyi rjes la mngon rtogs rtog bcas de de'i mtshan nyid
du 'jog dgos te/ mos tshul de la de ltar du nges par 'dzin pa'i
rnam mkhyen sogs yod pa'i phyir dang/ mos pa sgom lam yin na yum
don gsum gyi 'byung gnas

@019a @#/ /su yid ches pas ma khyab pa'i phyir/ der thal/ mos pa
sgom lam gsum dmigs yul lam dmigs tshul gyis phye pa'i phyir te/
'grel pa khas/ bang dang gnyis ka dang gzhan gyi don la dmigs pa
nyid/

ces dang/ de'i thad kyi gser phreng rnam bshad sogs kyis 'grub
pa'i phyir/ bsod grags pas rnam bshad kyi mtshan nyid sogs la
brten nas mos pa gsum ldog cha nas phyi zer/ bstan dar bas kha
cig mos pa sgom lam gsum

yin khyab mnyam du bzhed pa mi 'thad de/ rnam bshad las/ gsum po
de ma dag sa bdun dang/ dag pas brgyad pa dang sa dgu pa gnyis
dang/ sa bcu pa la gtso che chung du bzhag par gsungs pa dang
'gal ba'i phyir/ zhes pa legs la/

yum rang don gyi 'byung gnas su 'dzin na gzhan don gyi 'byung
gnas su 'dzin pas ma khyab pa'i phyir ro/ /ror Tik bas/ rang don
mos pa ma dag sa bdun gyis bsdus te/ der nyon yid ma spangs pas
nga rgyal phra mo 'byung zhes rgyan snang

khungs su byas pa/ kho rang gis sa dang por nyan rang gi spangs
rtogs rdzogs par bshad pa dang nang 'gal bstan no/ /de'i rjes
'brang skyes tshal mkhan pos/ /spyir nyon yid spong tshul/ de la
ngo bo sa bon dang bcas pa spangs pa/

de'i bag nyal rags pa spangs pa/ de'i bag la nyal phra ba spangs
pa gsum yod pas/ dang po sa dang po/ /gnyis pas brgyad pa/ gsum
pa sangs rgyas kyi sar thob pas/ gnyis pa yin zer/ de la phyi ma
gnyis nyon yid

@019b spangs tshul ma yin par thal/ de'i bag chags shes sgrib
spangs tshul yin pa'i phyir/ rtags khas/ sgrib gnyis spangs tshul
gcig tu ma bsres shig /kho na re/ mos pa gsum gyis mtshams de
ltar 'jog dgos par

thal/ rgyan snad las/ bdag tu nga rgyal gyi sa bon ma zad pa
nyid kyi sa dang po kho nar rang gi don mos pa rnam dgu bstan
nas/ zhes dang/ rang dang gzhan mnyam pa nyid kyis rang dang
gzhan gyi don gyi mos pa rnam pa dgu ste/ zhes dang/

'dir ni gzhan gyi don lhur len pa'o/ bzhes bya ba khyad par yin
no/ /zhes dang/ nyi snang las/ rang gi don gyi mos pa ni gang
gis rang gi don nyid sgrub par byed cing gzhan gyi don yang ched
du bya ba'i rang bzhin gyis gyis byed pa'o/ /

rang dang gzhan gyi don gyi gang gis gnyis ka'i don sgrub par
byed pa'o/ /gzhan gyi don ni gang gis gzhan kho na'i don du
'gyur ba ste/ zhes dang/ rang gi don la mos pa ni gzhan gyi don
ched du bya bar 'gyur la/ gnyis pa ni/ sbyor ba

bar chad dang bcas pa/ gsum pa la ni spyi bo bar chad med pa yin
no/ /zhes snang pa gnyis kar gsungs pa'i phyir na ma khyab ste/
rnam bshad las/ gzhag pa ltar snang yang gtso che ba'i dbang du
byas pa yin gyi/ sgom lam

dgu ga'i rjes thob na yod par bzhag pa la 'gal ba med do/ /zhes
de dag gtso bo la dgongs par gsungs pa'i phyir dang/ gzhan du na
rang don mos pa nga rgyal ma spangs pa'i rgyud kyis bsdus pa
dang/ rang don nyid sgrub pa'i byed las

@020a @#/ /can dang/ gzhan don mos pa gzhan don kho na sgrub byed
dang/ gnyis don mos pa sbyor ba rgyun ldan du mi 'jug pas khyab
par thal lo/ /'dod na/ de gsum re re la sgom lam skor

dbu'i ngo bor gyur pa'i mos pa skor dgu med par thal lo/ /'dod
na/ rtsa bar de yang ni/ nas rnam pa nyi shu bdun du 'dod/ ces
pa rtsa 'grel dang 'gal lo/ /de la skyes tshal mkhan po sogs na
re/ mos pa skor

dgu phye pa mtshon byed dpe'i sgo nas yin gyi/ snga phyi skye rim
gyi min te/ gang zag gcig gi rgyud la dgu g.yod pa'i phyir zer
na/ de mi 'thad par thal/ des gong nas gong du gyur ba bzhin du
mos pa dgu yang mi mthun phyogs chen po'i

chen po la sogs pa dgu'i gnyen po'i sgo nas sgom lam skor dgu'i
gnas skabs su rim gyis skye pa'i phyir te/ nyi snang las/ des
gong nas gong du gyur pas gang dang gang bstan pa de dang de'i
rjes su 'brangs nas/ chen po'i

chen po la sogs pa bzlog pa mi mthun pa'i phyogs su shes par
bya'o zhes dang/ rgyan snang las/ rang gi don gyi mos pa'i rnam
pa chung ngu'i chung ngu la sogs pa gnyen po'i phyogs kyi bdag
nyid thams cad la yang chen po'i chen

po la sogs pa mi mthun pa'i phyogs su don gyi sa bstan pa yin
no/ /zhes gsungs pa'i phyir/ 'dis bstan dar bas/ kha cig /mos pa
sgom lam chen po'i chen po la theg chen gyi sgom lam chen po'i
chen pos khyab par

@020b bzhed pa sogs ni mi 'thad de/ sa dang po'i ngo bor gyur
pa'i rang don mos pa sgom lam chen po'i chen po de sgom lam chen
po chen po ma yin pa'i phyir zhes pa dang/ dpal ldan pas rgyal
tshang rin po ches sa dang po'i sgom lam

yod par bzhed pas sa dgu ga'i rjes thob na yod ces pa ni yi ge
nor ram/ zhes pa'ang khegs te/ sa dgu ga'i zhes gsungs pa yang
med pa'i phyir ro/ /des na rang don mos pa dgu dang bstong pa
dgu sa bcu pa'i sgoM laM skob dgu'i

skabs la so sor 'jog pas nang phan tshun 'gal ba yin no/ /rol
mtsho las/ yum don gsum po gang rung gi 'byung gnas su mos shing
yid ches pa'i theg chen gyi rjes la mngon rtogs de mos pa sgom
lam gyi mtshan nyid

ces par/ yul don gsum gang rung gi 'byung gnas su mngon sum du
rtogs pa'i theg chen sgom lam chos can/ mtshon bya der thal/
mtshan nyid de'i phyir/ kho na re/ de la mos shing zhes pas mos
sgom thabs kyi cha

dgos zer na/ gser phreng las/ zag bcas sgom lam gang yum yon tan
can yin pa la de ltar nges pa'i tshul gyis 'dzin pa'o/ /zhes de
ltar 'dzin pa'i mos pa gtso bor gsungs pa'i phyir/ 'on kyang
phyin drug don

gsum gyi 'byung gnas su mos nas de la slob 'dod kyi sems bskyed
yod pas de la yang mos pa sgom lam yod dam dpyad/ kha che ku ma
ra dang a b+hya dang dri med bshes gnyen rnams dgag tshul mtshan
'grel du bshad zin to/ /
@021a @#/ /mos pa sgom lam gsum gang rung sgom pa'i byang sems la
sangs rgyas byang sems gong ma rnams thugs dgyes pa'i cha dang
de'i don gnas kyi yon tan brjod pa'i cha gang rung gis bsdus
pa'i yon tan te/

mos pa sgom lam gyi phan yon bstod ba bkur bsngags gsum gang
rung gis bsdus pa'i phan yon gyi mtshan nyid du 'jog ste/ rnam
bshad las/ bstod bkur bsngags pa gsum ni/ sangs rgyas dang byang
sems gong ma

rnams mos pa gsum sgom pa'i byang sems la thugs dgyes pa'i cha
dang dngos gnas kyi yon tan brjod pa'i cha gang rung ngo/ /zhes
pa ltar/ gser phreng du gsungs pa'i phyir ro/ /de la kho na re/
skabs 'di'i phan yon

la mos pa gsum sgom pa'i byang sems la dgyes pa'i cha sogs dang/
bstod bkur bsngags gsum gyis bsdus pa'i phan yon gyis khyab par
thal/ rnam bshad sogs dang don bdun cu'i mtshan nyid de'i phyir
zer na ma khyab ste/

de don thob yin gyi/ yig cha ltar gnyis ka la gang rung sbyar
dgos pa'i phyir te/ rang don mos pa sgom pa'i byang sems la
dgyes pa'i cha la gnyis don mos pa sgom pa'i byang sems la dgyes
pa'i cha yin mi dgos pa'i phyir/

der thal/ rang don mos pa sgom pa'i byang sems la thugs dgyes
pa'i cha de'i 'dir bstan bstod bkur bsngags gsum gyi dang po yin
gyi phyi ma gnyis ma yin pa'i phyir te/ 'grel ba las so sor
rnams pa dgus bstod pa dang/

@021b zhes dang/ le'u brgyad ma las/ bstod pa tsam dgu pa yin
te/ 'di dag gis bstod pa ni bstod pa gsungs so/ /zhes tsam sgra
sbyar ba'i phyir dang/ de bzhin du gnyis pa la bkur ba gsum pa
la bsngags pa rnams

sbyar ro/ zhes gsungs pa'i phyir/ des na de la bstod bkur
bsngags gsum gyis bsdus pas ma khyab pa yang shes so/ /kho na
re/ de 'dra'i phan yon la ldan min dgos par thal/ de 'dra'i cha
ldan min yin pa'i phyir na ma khyab ste/

nyi snang las/ cha ni yan lag ste cha shas zhes bya ba'i don to/
/zhes don ji lta ba bzhin rtogs rgyu'i cha shas mos bsgom stobs
kyis gong 'phel du song ba'i lam sogs rtogs pa'i cha la 'jog par
gsungs pa'i phyir dang/ de nyid las/

cha dgu pa'i rtogs pa'i mtshan nyid bsngags pa yin no/ /zhes
dang/ 'grel ba las/ gong nas gong du mngon par dga' bar byed
cing/ zhes gong nas gong du 'phel ba la gsungs pa'i phyir/ rol
mtsho las/ rang thob byed kyi

thabs su gyur pa'i mos pa sgoms stobs kyi sa thob pa'i yon tan
te/ mos pa sgom lam gyi phan yon gyi mtshan nyid/ ces pa dang/ sa
mtshams mos pa sgom lam sgom pa'i skad cig gnyis pa nas sangs
rgyas kyi sa'i bar du yod

ces pa spyir de'i phan yon tsam yin na rung yang/ skabs 'di'i
bstod bkur bsngags gsum gang rung gis bsdus pa'i phan yon gyi
don yin na mi 'thad de/ de ni sangs rgyas kyi sa na med pa'i
phyir te/ mos pa sgom lam sgom pa'i

@022a @#/ /gnas skabs la 'jog dgos pa'i phyir/ rtags grub ste/
rtsa bar/ mos pa'i gnas skabs rnams la ni/ /dgu tshan gsum gyi/
zhes dang/ 'grel ba las/ gnas skabs dgu dus so

sor rnam pa dgus go rim bzhin du/ zhes rim bzhin bstod pa skor
dgu rang don mos pa dgu'i gnas skabs la bzhag pa'i phyir/ de'i
rgyu mtshan gyis gser phreng las/ mos pa nas 'di yi bar gyi sa
mtshams ni sa gnyis

pa nas bcu pa'i bar ro/ /zhes mos pa nas yi rang bar sa mtshams
gcig par gsungs pa'i phyir dang/ rnam bshad las/ sa mtshams ma
gsungs pa mos pas mtshon nus pas yin pa'i phyir/ rang res don
bdun

cur sa mtshams mos dang 'dra gsungs pa legs bshad yin no/ /rigs
pas kyang 'grub ste/ mos pa de sgom pa'i byang sems la thugs
dgyes pa'i cha dgyes yum gyi rgyud la yod pa byang sems de'i
rgyud la 'jog dgos pa'i phyir te/

gdul bya tshogs lam la bkod pa'i 'phrin las yul la yod pa tshogs
lam pa'i rgyud la 'jog dgos pa bzhin yin pa'i phyir/ kho na re/
mos pa sgom lam thob ma thag pa'i rgyud la de'i phan yon bstod
sogs gsum med par thal/

skabs bzhi pa'i bsdus don las/ phan yon gsungs phyir 'bras bu'o/
/zhes pa ltar phan yon 'bras bu la byed pa'i phyir na mi 'dra
ste/ 'dir brten pa la phan yon du byas pa'i phyir/ gzhan du na
rgyun mtha' ba'i rgyud kyi

@022b mos pa sgom lam chen po'i chen po'i phan yon bstod bkur
bsngags gsum med par thal lo/ /de la kho na re/ de'i phan yon
bstod sogs gsum sangs rgyas kyi sa na yod par thal/ mos pa gsum
sgom pa'i byang

sems la thugs dgyes pa'i cha sogs sangs rgyas rgyud na yod pa'i
phyir na ma khyab ste/ sangs rgyas kyi rgyud kyi sa de bstod
sogs gsum gang rung yin kyang/ skabs 'di'i bstod sogs gsum gang
rung gis bsdus pa'i

yon tan la bstod yul gyi rgyud kyi sa de dgos pa'i phyir/ der
thal/ de la mos pa'i phan yon dgos pa'i phyir/ ma khyab na rigs
ma nges pa'i rgyud kyi mos pa'i phan yon rigs nges rgyud na yod
par thal lo/ /kho na re/

de la ngag yod par thal/ gser phreng las/ shantis ni ngag tu
'dod de/ zhes gsungs pa'i phyir na ma khyab ste/ bstod pa'i cha
la 'dod pa'i don yin pa'i phyir te/ ngag yin na brjod pa po'i
rgyud la 'jog dgos pa'i

phyir/ des na mos pa sgom lam chung ngu'i chung ngu gsum gang
zag gcig gi rgyud la ldan pas de dag gi phan yon bstod bkur
bsngags gsum yang mi 'gal lam dpyad/ ! bsngo ba sgom lam la
bstan dar pas

bsngo rdzas bsngos ched du bya ba grogs ngo bo dgos pa bsngo
smon gyi khyad par dang bdun bshad pa'i/ dang po ni/ phal chen
las/ 'gro kun dge ba la ji snyed yod pa dang/ /zhes pa ltar la/
bu ston rin po ches/ dge ba la

@023a @#/ /'dus ma byas 'jog par dbus mthas sgrub cing/ bang lugs
la mi 'thad do/ /bstan dar pas/ rang gzhan gyi dge rtsa thams
cad skabs 'di'i bsngo rdzas la bzhag kyang 'khor bas

bsdus pa'i dge ba dang rang gzhan gyi dge ba 'jog mi 'jog dpyad
de/ de la yi rang byas pa'i dge ba rdzogs byang du bsngos ba la
gzhan rgyud kyi dge ba rdzogs byang du bsngos/ zhes btags par
bshad pa'i phyir te/ gser phreng las/

phrag dog med par yi rang byas pa na byed pa po dang mtshungs par
thob pa'i dge ba de nyid bsngo ba la btags sam snyam mo/ /zhes
dang/ mdo las/ sems can thams cad kyi sbyin pa las byung pa'i/
nas/ bsgoms pa las

byung ba'i bsod nams bya ba'i dngos po gang yin pa de dag las/
byang chub sems dpa' sems dpa' chen po'i rjes su yi rang ba
yongs su bsngo ba dang ldan pa'i bsod nams bya ba'i dngos po 'di
nyid mchog ces bya'o/ /zhes

gsungs pa'i phyir/ 'o na rnam bshad las/ rang gzhan gyi dge rtsa
thams cad byang chub kyi yan lag tu bsgyur bar byed pa'i bla na
med pa'i bsngo ba yin pa'i phyir/ /zhes dang/ mtshan nyid la yang
rang gzhan gyi dge rtsa sbyar ba

dang/ bdag dang gzhan gyi dus gsum dang/ /'brel ba'i tshogs
gnyis/ zhes gzhan gyi dge ba bsngo rdzas la bzhag pa ci zhe na/
de dag la yi rang byas pa la dgongs kyi bsngo rdzas la rgyud
gcig pa'i rgyud kyi dge ba dgos te/ /dge ba

@023b cung zad bdag gis ci bsags pa/ /zhes bdag sgra sbyar ba'i
phyir/ zhes pa dang/ yang na gzhan rgyud kyi dge ba sogs pa sngo
rdzas su bzhag nas bsngo ba sgom lam de dag byang chub kyi yan
lag tu sgyur byed yin kyang/ de dag byang chub

kyi yan lag tu bsgyur mi dgos te/ de rang gi dus gsum du bsags
pa'i dge ba thams cad byang chub kyi yan lag tu sgyur byed yin
kyang/ de dag thams cad der bsgyur mi thub pa'i phyir te/ de la
sngar 'khor ba'i rgyur bsngos ba dang/

nyan rang gi byang chub kyi yan lag tu bsgyur zin pa sogs yod
pa'i phyir/ zhes pa gang ba de gzung bar bya'o/ /gzhan gyi dge
ba bla ma dge 'dun sogs la phul nas bsngo smon zhu pa ci ltar
zhe na/ de ni dge ba byed pa pos bla ma dge

'dun sogs kyis ci ltar bsngos ba ltar bdag gis bsngo snyam pa'i
'dun pa yod pas/ dge 'dun gyis bsngo ba'i dbang po byas te/ bla
ma sogs kyis bsngo sa gang du bsngos pa ltar gyi yan lag tu
'gyur ba zhu ba po'i 'dun stobs kyis

yin pa 'jam dpal dpa' bo sogs ltar ro/ /bsngo sa bla med byang
chub dang/ ched du bya ba bstan pa rgyas pa dang/ sems can gyi
don dang grogs thabs shes khyad par can no/ /bla med byang chub
tu sgyur byed 'dun sems mdo

rgyan ltar ro/ /dgos pa 'bras bu phyung bas mi zad pa'i ched
du'o/ /mdo las/ ji ltar chu thigs rgya mtsho che nang lhung/ zhes
sogs kyang de yin gyi khong khros 'joms mi nus pa'i don min te/
theg chen gyi lam yin na/ bla

@024a @#/ /med byang chub tu bsngo bas zin pas khyab pa'i phyir
te/ sems bskyed kyis zin pas khyab pa'i phyir/ bsngo smon gyi
khyad par/ bsngo rdzas de la brten nas don de sgrub na snyam
pa'i 'dun pa bsngo ba dang/

rdzas med par de ltar gyur cig snyam pa'i 'dun pa smon lam tsam
yin pas/ snga ma la phyi mas khyab bo/ /yig char/ gzhan don du
dge ba rdzogs byang du bsngo bar byed pa'i zag bcas sgom lam/
bsngo ba sgom lam gyi mtshan

nyid du bzhag pa gser phreng ltar la/ bsngo ba sgom lam bcu
gnyis yin khyad mnyam yin pa/ rgyan sngon las/ bsngo ba yid la
byed pa gcig kho na nas/ dbye ba bcu gnyis su byas pa yin la/
zhes pa ltar ro/ mos

pas bsod nams mang po mngon par bsags tshul/ mdo las/ bsam mi
khyab la dad byas pas/ /rnam par smin pa bsam mi khyab/ /ces pa
ltar/ yon tan thams cad kyi 'byung khungs yum don gsum gyi
'byung

gnas su yid ches pa'i dad pas dge rtsa mang du bsags pa sa yin
te spyir nyams len gang la'ang de ston pa'i gzhung sogs la yid
ches kyi dad gus gal che ba'i phyir te/ gser gyi 'byung khungs
nas gser mang po rnyed pa bzhin no/ /de bla med

byang chub sogs gang du bsgyur ba/ bsngo ba la rag las te gser
de rna rgyan sogs gang du bsgyur mgar ba la ltos pa bzhin du dge
ba de 'khor ba dang nyan rang gi thar ba'i yan lag tu bsngos na
'bras bu de phyung ba na zad la bla med byang chub tu

@024b bsngos na de bar du mi zad pa'i phyir ro/ /yi rang gis
bsod nams mnyam pa nyid 'thob pa nyi zer dang/ rtogs snang du sa
thob kyi dbang du byas par gsungs la/ bsod grags pa dang bstan
dar bas/ blo mnyam pas mnyam pa thob

na rang gi dge bar rang gi yi rang byas na dge rtsa bsags ma
bsags khyad med du 'gyur zer ba mi 'thad de/ rang gi dge ba de
la rang gis yi rang byas na dge ba de dang mnyam pa'i yi rang gi
dge ba zhig logs su thob pa'i phyir/ bu nya gnyis ltar blo mnyam

pa'i dge rtsa la yi rang byas na mnyam pa thob pa'i don yin te/
rang byed blo dma' na chung la mthon che ba thob po/ /zhes pa
ltar/ sems can gyis sangs rgyas kyi dge rtsa la yi rang byas na
chung pa las mnyam pa thob mi srid pa'i phyir dang/

nyan rang gi dge ba la yi rang ba'i theg chen sgom lam yod pa'i
phyir ro/ /des na rang cag rnams kyis kyang dge ba gang bya
na'ang 'go skyabs 'gro sems bskyed dang/ dngos gzhi dmigs med
kyi sa rgyas gang ba mos pa tshun chad kyis dang/

mjug bsngo ba dang yi rang la 'bad na ci byas theg chen gyi chos
su 'gyur ro/ /kun rdzob dang don dam yul can gyi yi rang sgom
lam gnyis kyang don gcig yin te/ rim bzhin kun rdzob tu dge rtsa
rnams sgyu ma lta bur rtogs pa'i thabs dang/

don dam par mi dmigs par rtogs pa'i shes rab kyis zin pas bzhag
pa'i phyir te/ gser phreng las/ zhes sbyar bas don dam dang kun
rdzob yul can gyi yi rang gnyis su 'gyur te/ zhes gsungs pa'i
phyir/ ! zag med

@025a @#/ /sgom lam gnyis rim bzhin rtogs pa dang spangs par 'dod
pa 'bum phrag gsum pa dang/ bar chad med lam dang rnam grol lam
du 'dod pa bu nya g.yags gzhon sogs mang ngo/ /spyir spangs

rtogs mtha' thug gi lag rjes 'jog phyed zer mkhan bsod grags pa
yin no/ /lo chen gyis gzhan dbang sgyu ma lta bur rtogs pa'i
rjes thob dang/ yongs grub mngon du byed pas nam mkha' lta bur
rtogs pa zer/

de'i dang po ni yon tan mngon par sgrub pa'i lam yin la/ gnyis
pa ni nyes pa sel ba'i lam yin no/ /zhes pa rang lugs yin pas/
yig char/ mnyam bzhag gcig la rtogs tshul gyi sgo nas sgrub pa
dang/ spang

bya 'joms tshul gyi sgo nas rnam dag gi de zhes ldog pas gnyis
'byed pa'i phyir/ zhes pa ltar don gcig yin no/ /dngos bstan
gtso bo mnyam bzhag ye shes yin kyang/ phar phyin lam bsgrigs
las/ sgrub pa sgom lam rjes

thob kyi skabs su 'byung ba yin kyang/ myu gu bden stong sgyu
lta bur mngon sum du rtogs pa'i blo sgra don 'dres rung du 'dzin
pa'i rtogs bral lo/ /zhes pa ltar/ theg chen gyi zag med sgom
lam thams cad 'jog

dgos pa gnyis ka'i mtshan nyid kyis kyang shes so/ /sgrub pa sgom
lam lnga yang khyad par so sos bzhag pa las don gcig gam/ dang
po gsum la stong nyid rtogs pa dgos dpyad/ kho na re/ yig char/
yang gzugs

@025b rnam par dag pa stobs bcu rnam par dag sogs kyis sangs
rgyas kyi rnam dag de bstan no/ /zhes pa mi 'thad par thal/ gser
phreng las/ rnam dag 'di la nyi khri'i 'grel ba bzhi dang brgyad
stong pa'i 'grel ba gsum po gang

nas mdo sbyar ba med la zhes pa ltar/ de dag tu ma sbyar ba'i
phyir zer na/ rtags ma grub ste/ brgyad stong par/ rab 'byor
gzhan yang gzugs rnam par dag pa gang yin pa de ni thams cad
mkhyen pa nyid rnam par dag pa zhes

sogs/ rnam dag bzhi ka'i mdo yin pa'i phyir te/ rgyan snang las/
khyad par du bstan pa'i phyir/ rab 'byor gzhan yang zhes bya ba
la sogs pa gsungs te/ thams cad mkhyen pa nyid rnam par dag pa
zhes bya ba ni thams

cad mkhyen pa nyid gsum rnam par dag pa zhes bya ba'i tha tshig
go /nas/ shin tu rnam par dag pa chos kyi dbyings las byung ba
nyid ni rnam pa thams cad mkhyen pa nyid kyi rnam par dag pa yin
no/ /zhes brjod pa yin no/ /

zhes bzhi ka la sbyar ba'i phyir dang/ nyi khri sogs las zur du
ma sbyar ba byang sems kyi rnam dag gi mdo las zur du med pas
yin pa'i phyir te/ gzungs kyi sgo rnam par dag bas de bzhin
gshegs pa'i stobs bcu rnam par dag pa

zhes sogs/ byang sems kyis de dag nyams su len dgos pas byang
sems la sbyar ba'i phyir te/ gser phreng las/ rnam byang gi
'gres thams cad la rnam dag gsungs la/ byang sems kyis kyang
rnam byang ma lus pa

@026a @#/ /sgoms pas de bstan par mngon no/ /zhes pa'i kyang
sgras don yod pa'i phyir/ stobs bcu sogs sangs rgyas kyi rnam
dag gi gzhir 'jog par ma zad byang sems kyis kyang zer dgos pa'i
phyir/

gzhan du na rkang pa bzhi pa mdo 'grel ma yin par thal lo/ /des
na gser phreng gi de snga ma gsum gyi mdo las zur pa ma sbyar
ba'i don no/ /'dir 'di la sbyar rgyu'i mdo zur du bkar ba yin
no/ /yig char/ gzugs zhes pa ma

dag gzungs rnam par dag pas zhes pa yin no/ /'di'i rnam dag la
bu ston mkhyen gsum bzhag pa dang/ nyas 'gog lam gnyis dang/
g.yags pa sogs sa skyas rnam grol lam dgos par 'dod pa mi 'thad
de/ mdo las/

gnyis su med cing gnyis su byar med/ /ces yul dang yul can lam
don zhen dang 'bral ba'i cha gcig nyid ldog pas phye ba yin gyi
ngo bo tha dad pa dang rigs tha dad pa med par gsungs pa'i phyir
dang 'phags seng gnyis

kas bdag tu mngon par zhen pa la sogs pa dang bral bas rab tu
phye ba nyid ces pa ltar/ gser phreng las/ 'dir yang gro bur dri
bral nyid bstan pas so/ /zhes nya Tika tu rnam dag spyir bstan
gyis rang bzhin rnam dag bstan

par 'dod pa bkag pa'i phyir dang/ yul rnam dag la gzhi shes sogs
'jog tshul med pa'i phyir ro/ /des na 'gog bden gcig nyid 'bras
bu rnam grol lam dang/ yul gzugs sogs kyi rnam dag tu 'jog tshul/
snga

@026b ma rang 'dren byed par chad med lam gyi ngos skal gyi
sgrib pa dang bral ba'i cha dang/ phyi ma sgrib pa des kho rang
gi gnas lugs snang tshul la sgrib pa dag pa'i cha yin pas 'jog gi
/dpal ldan pa ltar de'i tshe dri ma med pas de ri bong rwa

ltar gtan med du song bas min te/ de ltar na par chad med lam
gyi tshe ngos skal gyi spang bya de dang bral ba'i rnam dag thob
la/ de'i tshe spang bya de gtan med du gyur ba'i phyir/ rtags
khyab khas/ 'di'i dag tshul dag bya de spangs

pa kha byed kyis/ yod med la mi byed pas/ dpe'i don yang mi
mtshungs so/ /yul dag tshul de ltar yin te/ gser phreng las/ sems
dag pa na de'i snang ba yang dag pa yin pas/ snang ba ma dag pa
ni 'phags pa rnams kyi ngos

nas mi bzhag gi sems can gyi ngos nas so/ /zhes dang/ rnam bshad
sogs mchan 'grel du drangs zin to/ /des na mthong lam rnam grol
lam lta bu thob pa na stong nyid dang yul sgyu ma lta bu sogs
sngar las je gsal du 'gro ba

yang dag ba'i don no/ /gung ru sogs ser 'bras kyi yig cha rnams
su/ nyan thos kyi 'gog bden la nyan thos kyi rnam dag gis khyab
par gsungs pa byang sems kyi rnam dag gi rigs pa sbyar ba yin
la/ yig cha 'dir/ nyan thos kyi

'gog bden yin pa'i phyir na ma khyab/ gsungs pa rje yab sras
gsum ga'i gzhung du nyan rang dgra bcom pa zhes sbyar ba dang/
byang sems kyi rnam dag la/ rnam bshad las gsum ci rigs spangs
pa'i/ zhes dang/ rtogs snang las/

@027a @#/ /rang gi ngo skal gyi sgrib pa zhes sbyar la/ nyan rang
lam sbyar ba'i rgyu mtshan gyis yin pa'i phyir dang/ byang sems
la rang 'dren byed bar chad med lam gyi ngo skal gyi spang byar
gyur pa'i sgrib pa gsum ci rigs

ma sbyar na/ gsum ga spangs pa rnam dag shin tu ba yin pa'i
phyir dang/ ngo skal ma sbyar na sgrib pa gsum ci rigs spangs pa
la yang sangs rgyas dgos pa'i phyir ro/ /kho na re/ mi slob lam
thob pa na de'i yul gzugs

sgrib pa thams cad kyis dag par thal/ de dag pa'i rnam dag thob
pa'i phyir ma khyab/ rnam dag shin tu pa'i don sgrib pa kun
spangs pa tsam gyis 'jog tshul dang/ dus kyi mtha'i bar du mi zad
pas 'jog tshul gnyis yod de/ nyi snang las/

de ni rnam pa gnyis te/ dngos po'i mtha' dang dus kyi mtha' 'o/
/de la shes bya'i sgrib pa spangs pa'i tshul gyis dngos po'i
mtha' las 'das pa'i phyir dang/ rtag tu chos kyi sku brnyes pas
dus kyi mtha' las 'das pa yin

pa'i phyir te/ zhes gsungs pa'i phyir/ smras pa/ nges 'byung
byang chub sems kyis rgyud bskul nas/ /rigs can gsum don sgrub
byed lam shes la/ /slob tshul 'jam dbyangs bla ma'i dgongs pa
bzhin/ /bshad pas 'gro

rnams lam 'dis myur bgrod shog /(ces shes rab kyi pha rol tu
phyin pa'i mtha' dpyod nor bu'i 'phreng mdzes las skabs gnyis
pa'i dka' gnas rnams cung zad bkrol zin to)// //