@#/ /shes rab kyi pha rol tu phyin pa'i mtha' dpyod nor bu'i
'phreng mdzes las skabs gsum pa'i dka' gnas rnams gsal bar byed
pa skal bzang 'jug ngogs zhes bya ba bzhugs so/ /

@001a @##/ /rgyal kun mkhyen pa'i rang gzugs pradznya'i mtshan/
/yab sras lnga la gus pas phyag bgyid kyi/ /srid zhi'i rgud pa
ma lus gtan bcom pa'i/ /sku gsum go 'phang myur

stsol bu rnams la'o/ /skabs gsum pa'i mdo la 'phags seng gis
spyod pa khyad par can gyi le'u zhes gsungs pa ni rgyal sras kyi
spyod pa khyad par can srid zhi'i mtha' gnyis 'gog byed kyi lam

gtso bor gsungs pas yin no/ /des na ye shes zhabs kyi gzhung la
brten nas/ tshigs gsal las/ 'dir gzhi thams cad yongs su shes pa
ni mi mthun pa'i phyogs yin te/ de med

par lam legs par yongs su shes pa med pas/ zhes pa ltar bu nya
sogs kyis lam shes kyi spang bya theg dman gyi gzhi shes gtso
bor dngos su bstan par bshad pa/ gser phreng tshig zin la

@002a @##/ /bkod pa ni mi mthad do/ /sher 'byang gi bsdus don las/
lam thams cad skye pa'i rgyu gzhi thams cad rtogs pa thams cad
shes pa'i rang gi ngo bo dang/ zhes

pa ltar/ rnam bshad du lam shes dag byed kyi gzhi shes dngos
bstan gtso bor bstan par gsungs pa ltar/ rtogs snang du yang
bstan no/ /mi mthun phyogs kyi gzhi shes skabs gsum

pa'i bstan bya'i gtso bo min/ zhes pa/ dngos bstan bstan bya'i
gtso bo min pa'i don yin gyi/ bstan bya'i gtso bo yin te/ de'i
shugs bstan bstan bya'i gtso bo yin pa'i phyir/

ma khyab zer na/ sbas don mngon rtogs kyi rim pa/ sher mdo'i
bstan bya'i gtso bo ma yin par thal lo/ /bden zhen gyis sher
phyin la slob na/ tshe 'dir sher phyin dor nas theg dman du

@002b lhung ba dang/ phyi mar sher phyin rnyed dka' bas/ 'dor ba
dang ring ba gnyis smos so/ /kho na re/ rtogs snang du 'bras
bu'i sher phyin la nye bar bshad pa mi 'thad par thal/ gser
phreng las/ 'dir nye ring du 'gyur ba'i yum 'bras yum la 'dod pa
ni

rgya chung ste/ zhes gsungs pa'i phyir/ na ma khyab ste/ yig
char kho na sbyar pa'i phyir dang/ 'bras yum la nye ring gi gzhi
shes zer dgos pa'i phyir/ de la byang sems kyi yum yod pa/ 'grel
bar/ sangs rgyas dang byang chub sems

dpa' rnams la nye bar 'gyur bar 'dod pa'i/ zhes dang/ mdo las/
'dor bar gsungs pas 'grub pa'i phyir/ lang gshegs las/ /dper na
shing ni rgya mtsho ru/ /sogs kyis shing rgya mtshor mi bying ba
ltar nyan thos dgra bcom

'khor bar mi bying ba dang/ de rba rlabs kyis g.yeng ba ltar
bden med ma rtogs pas srid zhi'i rgud pas g.yeng bar bstan no/
/'dir mtha'i don/ nas/ gsum la byed ces ba'i dang po gnyis ni/
de'i 'khor mthar ltung zhes pa'i

mtha' yin gyi 'khor mtha' min te/ 'khor ba ma yin pa'i phyir/
'khor ba la mtha' gcig tu dor byar zhen nas de zad pa'am de'i
mjug gi mthar thar ba thob na snyam pa 'dir bstan 'khor mthar
ltung tshad yin pa'i phyir/ spyir srid zhi

gnyis ka'i mtha'i don smad pa la bya'o/ /'dir mtha'i don lnga
byas pa'i mjug cha la byas pa mjug gi cha lta bu'i cha shas la
byas pas yin nam dpyad/ 'dir bstan srid zhi bar gsum gyi mtha'
'gog byed so sor byas nas 'gal ba lta bur

@003a @#/ /gsungs pa lag rjes mtha' gsum so sor 'gog pa'i dbang
du byas pa las/ spyir byang sems kyi lam rnams gnyis ka 'gog
byed yin no/ /kho na re/ yig char srid mtha' 'gog pa'i bdag med
rtogs

pa'i shes rab dang bral zhes pa mi 'thad par thal/ 'og tu don
dam dpyod byed kyi rigs shes kyis 'khor ba'i skyon mthong bar
thal lo/ /zhes pa dang 'gal ba'i phyir zer na/ rtags ma grub
ste/ snga mas 'khor ba'i skyon mthong ba'i phyir

te/ gang zag gi bdag 'dzin gyi skyon mthong ba'i phyir/ der
thal/ de rnam par sun 'byin pa'i gnyen po yin pa'i phyir/ bzhi
ba'i bsdus don las/ gang gang skyon mthong rnam par sun 'byin
gnyen/ /zhes gsungs pa'i phyir/

'o na/ des 'khor ba'i skyon rtogs par thal/ 'khor ba'i skyon
mthong ba'i phyir na ma khyab/ khyab par thal/ rnam 'grel las/
blo gros chen po mthong nyid las/ /rnam pa thams cad nges par
byed/ /ces gsungs pa'i phyir na/

yang ma khyab ste/ des mthong ba snang ba la byed pa'i phyir/
khyod rang la/ sdug bden mi rtag pa rtogs pa'i ye shes kyis
'khor ba'i skyon ma mthong bar thal/ des de ma rtogs pa'i phyir/
ma grub na/ 'khor ba'i skyon de'i gzhal bya yin

bar thal lo/ /rtsa bar 'dod na/ rnam bshad sogs su mi rtag sogs
bcu drug rtogs pa'i ye shes 'dir bstan srid mtha' 'gog byed du
bshad pa dang 'gal lo/ /des 'gog lam gyi khyad chos brgyad rtogs
pa'i ye shes kyis kyang

@003b 'khor ba'i skyon mthong bar 'grub pas/ sgo mang yig cha
rnying ba dang/ ser smad yig char yang de dag gis 'khor ba'i
skyon ma mthong bar bshad pa khegs so/ thal 'gyur ba'i lugs la
bden 'dzin nyon sgrib yin pas don dam dpyod byed

kyis kyang 'khor pa'i skyon mthong ngo/ /rnam bshad las/ stong
ba nyid rtogs pa'i shes rab dang bral ba dang/ rgyu mtshan snga
ma gnyis go ldog nas sbyor ba ni gzhung 'di'i don min par rje
nyid kyi gsung las 'byung ba'o/ /zhes pa/ yig

char kho na re/ rnam bshad kyi lung gi don ni/ shes rab dang
bral bas srid mthar gnas pa dang/ snying rje dang bral bas zhi
mthar gnas par bshad pa gzhung gi don min zhes pa yin zer na/
nas/ dngos po dang dngos med dang 'khor ba dang

myang 'das gnyis bshad pa'i go rim bzlog pa gzhung don ma yin
par bshad pa ma yin par thal/ khyod kyi bshad tshul de'i phyir/
zhes par/ dpal ldan pas 'di mkhas pa snga ma'i bshad rgyun bkod
pa yin nam ma gtogs khas len

du mi rung ngo/ /zhes pa log rtog gis bsgribs pas yin te/ de ni
bu Ti ka las/ rang bzhin gang yang med rtogs kyi shes rab dang
bral ba'i phyir ro/ /rtags grub ste/ mya ngan las 'das pa la
rtag pa dang phan pa don dam pa'i dngos

po dang/ 'khor ba ni mi rtag pa la sogs pa'i tshul gyis dngos po
med par dmigs pa'i/ zhes bu nya gnyis kyis gser gling ba ltar
bshad pa 'gog pa yin pa'i phyir dang/ dgag tshul de ni rje'i
gsung gser phreng las 'byung zhes pa

@004a @#/ /yin pa'i phyir/ kho na re/ de min te/ gser phreng gis
de'i shes rab rang bzhin med rtogs kyi shes rab la byas pa'i
phyir/ zer na/ de gong 'og bsgrig ma shes pa yin te/ gser phreng
las/

gong du der mtha' gcig tu gnas pa'i nyes dmigs mthong ba dang/
zhes rgyan snang ltar 'khor ba'i skyon mthong ba dgos par gsungs
pa'i phyir/ 'di'i tshig 'grel skabs rang bzhin med rtogs zhes pa
bu nya ltar 'grel ba'am yang

na/ rang bzhin med rtogs kyi shes rab kyis zin pa'i mi rtag sogs
rtogs pa'i shes rab la bya'o/ /kho na re/ rgyu mtshan gnyis po de
snying rje shes rab gnyis la byed par thal/ de gser phreng gis
go ldog kyang rnam bshad du ma ldog

pa'i phyir na ma khyab ste/ gser phreng rnam bshad gnyis kyi de
sbyar sa mi 'dra ba'i phyir te/ gser phreng gi de rtsa ba'i
dngos bstan gyi mtha' gnyis 'gog byed de la byas nas gong gi
'grel ba ltar bzlog dgos par bshad la/ rnam

bshad du/ 'grel bar dngos po med par dmigs pa nyid kyis/ zhes
gsungs pas/ mtha' gnyis 'gog byed lam sbyar bar/ 'dir bstan srid
zhi'i mthar ltung ba 'gog byed la sbyar ba tshig la gsal ba'i
phyir/ des na las nyon du ma zad

snying rje dang smon lam gyis skye ba 'gog pa/ snying rje dang
bral bas yin la/ srid par skye ba chad tsam gyi myang 'das thob
byar dmigs pa/ srid par skyes nas myang 'das slub pa'i thabs
shes pa'i shes rab dang bral bas yin pas/ go bzlog mi

@004b dgos pa'i phyir/ khyod ltar rnam bshad kyis gser 'phreng
la dgag pa byas pa yin na/ rgyal tshab kyis gser phreng gi dgongs
pa ma mkhyen par 'gyur la/ khyod rang ltar na de gnyis gang rung
gcig mi 'thad par thal lo/ /bstan dar ba dang/ bsod

grags pa'i yig char yang snying rje dang shes rab go ma bzlog
par rnam bshad ltar sbyar kyang/ rnam bshad kyi rgyu mtshan snga
ma gnyis snying rje dang shes rab yin zhes spyi mtha' dpyod gang
na'ang med do/ /'khor ba yin na 'khor mtha' yin pas khyab kyang/

'dir bstan 'khor mtha' yin pas ma khyab ste/ rnam bshad las/
rgyun ring bor 'jug pa'i don yin gyi zhes gsungs pa gang zhig
/de la yun ring bor 'jug pas ma khyab pa'i phyir te/ byang sems
rnams ngan 'gror skyes na myur du thar la/ bde 'gror

las nyon gyis skye na'ang gzhan don med na myur du thar pa ngan
'gro bzhin yin pa'i phyir dang/ gzhan don du lus ngag yid gsum
yun ring du 'khor bar gnas kyang/ sems 'khor bar mi gnas par
skabs gnyis pa'i mtha' dpyod du gsungs pa'i phyir/ 'di ni

sems 'khor pa'i sdug bsngal gyis non bzhin yun ring du 'jug pa'i
don yin gyi/ sngon nas yun ring du 'khor ba'i don min no/ /zhi
mtha' dang 'dir bstan zhi mtha' don gcig ste/ gnyis ka las nyon
gyi skye bar ma zad snying rje dang smon lam gyi skye

ba chad tsam gyi myang 'das la byed pa'i phyir/ srid zhi'i mtha'
de gnyis bden par grub pa don dam la ltos pa'i srid zhi'i mthar
'jog go /rje btsun pa dang gung rus kun rdzob la ltos pa'i srid
zhi'i mtha' 'jog tshul 'di dang 'dra la 'dir bstan yang

@005a @#/ /de ltar byas so/ /rje btsun pas don dam la ltos pa'i
srid zhi'i mtha' yang 'dra la/ gung rus thabs shes khyed par can
dang bral ba'i sgo nas mtha' gnyis blang dor du bden par 'dzin
pa'i bden 'dzin bzhag go /

bstan dar pa dang bsod grags pas kun rdzob la ltos pa'i srid
zhi'i mtha' gnyis rje btsun pa dang 'dra la/ don dam la ltos
pa'i mtha' gnyis snga mas gung ru ltar bshad la/ phyi mas de dag
brtag pa mtha' bzung gis bden par grub pa bzhag

nas/ lam bsgrigs las/ de dag blang dor du bden par zhen pa bzhag
par gsungs so/ /de gnyis kas 'dir bstan byang sems lam la ltos
pa'i srid zhi'i mtha' gnyis la/ rim bzhin srid par skye ba la
mtha' gcig tu dor

byar zhen pa dang/ chad pa'i myang 'das la mtha' gcig tu blang
byar zhen pa bzhag nas/ de der ltung tshad kyang yin par bshad
do/ /spyir kun rdzob la ltos pa'i srid zhi'i mthar ltung tshad
ni/ phar phyin lam bsgrigs las/ srid zhi'i

mtha' la kun rdzob la ltos pa dang/ don dam la ltos pa gnyis
las/ dang po ni las nyon gyi dbang gis srid par nyir 'tshams
sbyar pa srid pa'i mthar ltung ba yin la/ srid par skye ba tsam
chad pa las thob pa'i myang 'das zhi

mtha' dang de thob pa ni/ zhi ba'i mthar ltung ba zhes bya'o/
/zhes par brten nas rje btsun pa dang bstan dar ba dang bsod
grags pa rnams kyis mtha' de rgyud la yod med kyis bzhag la/
gung rus 'dir bstan srid zhi'i mthar ltung tshad

@005b dang/ spyir gyi de gcig tu byas nas khyi rgan rgya bo kun
rdzob la ltos pa'i srid mtha' la mi gnas par bshad/ don dam la
ltos pa'i srid zhi'i mthar ltung tshad ni/ lam ba sgrigs las/ don
dam pa la ltos pa'i srid zhi'i mthar ltung ba ni/

srid zhi la dor bya dang blang byar bden par 'dzin pa yin la/
zhes pa ltar stong nyid ma rtogs pas 'jog pa thams cad mthun no/
/rang lugs la/ spyir srid mthar ltung tshad/ las nyon gyis rang
dbang med par 'khor bar yun ring du

gnas 'cha' ba la byed de/ dbu ma snying po las/ skyon mthong
phyir na srid par min/ /zhes pa'i rang 'grel rtog ge 'bar ba
las/ skyon dang nyes dmigs mang po mthong ba'i phyir/ /srid par
gnas 'cha' bar mi byed la/ zhes gsungs

pa'i phyir/ lam ba sgrigs kyi don yang de yin gyi/ 'khor mtha'
rgyud la yod pa tsam gyis ma yin pa'i phyir te/ de byang sems
kyi rgyud la yod pa'i phyir/ ma khyab zer na/ byang sems rnams
srid mtha' la mi gnas te/ mdo las/ tshur rol

gyi mtha' ma lags/ zhes dang/ rtsa bar/ tshul rol pha rol mtha'
la min/ /zhes gsungs pa'i phyir/ kho na re/ de khyod rang gi
'dod pa'i 'dir bstan srid mtha' la mi gnas par bshad kyi spyir
min zer na/ de tsam ma yin par thal/ rgyan snang las/

'di ni tshur rol gyi 'gram 'khor bar ma yin te/ shes rab kyis
nyes dmigs mthong ba'i phyir ro/ /zhes pa ltar/ gser phreng las/
der mtha' gcig tu gnas pa'i nyes dmigs mthong ba dang/ zhes
dang/ rnam bshad las/ 'khor
@006a @#/ /ba'i rtsa ba 'joms par byed pa'i phyir/ zhes spyir gyi
'khor mthar ltung ba 'gog byed la sbyar ba'i phyir/ khyab ste/
rgyan snang gi rtags de spyir 'khor mthar mi gnas pa'i sgrub
byed du 'grigs kyi/ 'dir bstan

la sbyar na/ rang don du 'khor ba la dor byar zhen pa 'gog byed
yin te/ 'khor ba'i nyes dmigs mthong ba'i phyir/ zhes pa'i rtags
chos ji ltar 'brel te/ nyes dmigs mthong nas dor byar zhen pa
yin pa'i phyir ro/ /des na mdo dang rtsa bas/

dngos su spyir kyi srid zhi'i mthar ltung ba 'gog pa'i gzhi shes
dang/ lam shes bstan nas/ shugs la 'dir bstan nam theg chen gyi
dbang du byas pa'i srid zhi'i mthar ltung ba'i nyan rang gi gzhi
shes bstan no/ /'dir bstan kun rdzob la

ltos pa'i srid zhi'i mthar ltung tshad ni/ thabs shes khyad par
can dang bral zhing srid par las nyon du ma zad snying rje dang
smon lam gyi skye ba la yang mtha' gcig tu dor byar zhen pa
dang/ de dang bral bas rang gcig bu'i don du srid par skye

ba chad tsam gyi myang 'das la mtha' gcig tu blang byar zhen pa
'jog la/ zhi mthar ltung tshad spyir yang 'di ltar ro/ /don dam
la ltos pa'i srid zhi'i mthar ltung tshad thabs shes med cing
rang gcig bu'i don du de gnyis la mtha' gcig tu blang

dor du bden par zhen pa 'jog par/ gser phreng las/ nyi tshe ba'i
yum ni 'khor 'das la zhen nas gnas pa yin par shes par bya'o/
/zhes pas sgrub po/ /kun rdzob la ltos pa'i srid mtha' 'gog byed
kyi lam la thabs kyis zin pa'i mi

@006b rtag sogs rtogs pa'i shes rab ces pa/ 'dir bstan srid
mtha' 'gog byed kyi dbang du byas kyi/ spyir srid mtha' 'gog
byed la thabs khyad par can gyis zin pa mi dgos pa'i phyir te/
lam bsgrigs las/ srid mtha' de nyid rigs can

gsum ka sa 'gog la/ zhi ba'i mtha' de ni byang chub sems dpa'
'ba' zhig gis spong ste/ zhes gsungs pa'i phyir/ 'di'i 'dir
bstan srid mtha' 'gog tshul/ snying rje dang smon lam gyis 'khor
ba'i gnas su skyes kyang/ 'khor ba'i skyon gyis mi

gos pa 'dis 'khor pa'i nyes dmigs mthong bas yin pas bzhag ste/
sgom rim las/ ye shes kyi tshogs kyi stobs kyis nyon mongs pa
mtha' dag spangs pas 'khor bar yang mi ltung/ zhes dang/ rnam
bshad las/ srid par skye ba blangs

pa la brten nas myang 'das sgrub pa'i thabs shes pa'i/ zhes pa'i
thabs kyang de yin pa'i phyir/ zhi mtha' 'gog byed snying rje
lhag bsam bzhag pa ni/ rtsa bar/ snying rje zhi la sogs dang/
sgom rim las/ sems can thams cad la lta bas

bsod nams kyi tshogs zhes sogs kyis yin la/ don dam la ltos pa'i
srid zhi'i mtha' 'gog byed la byang sems kyi thabs khyad par can
gyis zin pa'i/ zhes pa rgyan snang las/ shin tu rnam par dag
pa'i phyir ro/ /zhes bya ba ni shes rab dang

snying rje dag yang dag par rtogs pas/ 'khor ba dang/ mya ngan
las 'das pa gnyis kar dmigs pa dang bral ba'i phyir ro/ /zhes pa
ltar 'dir bstan gyi de yin gyi/ spyir stong nyid rtogs pa'i shes
rab 'jog dgos te/ stong nyid rtogs

@007a @#/ /ba'i nyan rang don dam pa'i srid zhi'i mthar ma ltung
ba'i phyir te/ yig char/ thal 'gyur bas kyang/ nas/ nyan rang
'phags pa don dam la ltos pa'i mthar ltung ba mi 'dod kyang nyan
rang so skye rtul

po ltung par 'dod dgos so/ /zhes gsungs pa'i phyir/ des na stong
nyid ma rtogs pa'i byang sems don dam la ltos pa'i srid zhi'i
mthar ma ltung ste/ yig char/ kun rdzob don dam gang gi yang
srid mthar mi gnas pa'i gang zag

yin pa'i phyir/ khyab ste/ mi rtag sogs rtogs pa'i shes rab dang
thabs snying rje chen po gnyis zung 'brel du rgyud la ldan pa'i
gang zag yin pa'i phyir/ der thal/ shes pas srid la mi gnas
shing/ /zhes sogs gsungs pa'i

phyir/ zhes gsungs pa'i phyir/ snga ma de dag gis 'khor 'das
bden grub don dam pa'i mtha' la ma sbyar bar/ de gnyis spang
blang du bden par zhen pa/ don dam la ltos pa'i mtha' dang/ der
ltung tshad gnyis kar bzhag pa nor ba

chen po yin te/ gang du ltung sa'i yul dang/ der ltung pa'i bya
ba'am tshad/ gzhi gcig la mi 'thad pa'i phyir te/ ltung sa'i ngan
'gro dang/ der ltung ba'i bya ba mi gcig pa bzhin no/ /nyan rang
lhag med pa spyir 'khor mthar

mi gnas te/ srid pa par gnas 'cha' bar mi byed pa'i phyir/ skyes
bu 'bring yin na/ 'dir bstan srid zhi'i mthar ltung bas khyab
kyang/ sngar srid par ched du gnyer nas 'dzin pa'i gang zag ma
yin par thal lo/ /zhes pa phyogs

@007b sngas mtha' gcig tu dor byar zhen zhes pa ci la thug kyang
don du mi gnyer ba'i zer ba 'gog ched yin la/ 'dir ni rang gzhan
gang gi don du srid par skye ba la me 'ob ltar 'jigs pa'i don
yin pa'i phyir ro/ /spyir zhi mtha' yang 'dir bstan

dang khyad par med pas/ ltung tshad kyang rgyud la yod pas mi
'jog ste/ 'grel bar/ dngos po dang dngos po med par dmigs pa
nyid kyis zhes dang/ sgom rim las/ gcig tu mya ngan las 'das pa
la gzhol bar 'gyur ro/ /

zhes nyan rang slob pa ltung bar gsungs pa'i phyir/ des na yig
char/ der ltung ba dang gnas pa blo'i dbang gis yin te/ zhes
gsungs so/ /yig char/ nyan rang 'phags rgyud kyi stong nyid
mngon sum du rtogs pa'i ye shes lta

bu rnams/ gzhi shes su bshad pa'i phyir/ zhes pa/ ser 'bras yig
cha gzhan thams cad kyis de ltar bshad ces/ dgra bcom rtogs pa
sngon song gi byang sems tshogs lam pa'i sems bskyed sogs mkhyen
gsum gang rung ma

yin par gsungs pa'i zhar la/ gzhan gyi 'dod pa bkod pa yin te/
ma yin pa'i phyir ma gsungs par ma bshad pa'i phyir/ zhes gsungs
zhing/ gong du theg dman gyi rtogs rigs su gnas pa'i cha nas
bzhag pa'i 'phags rgyud kyi

mkhyen pa de/ gzhi shes kyi mtshan nyid/ ces cha bzhag sbyar ba'i
phyir dang/ nyan rang gi 'phags lam la gzhi shes kyis khyab pa'i
phyir/ rtags grub ste/ nyan rang gi slob lam rnams gang zag gi
bdag med mngon sum du rtogs

@008a @#/ /pa'i shes rab kyis zin pa'i cha nas/ 'bras bu sdug kun
rags pa nye bar zhi ba'i nyer zhir 'khrid byed yin pas/ gzhi
shes su bzhag pa'i phyir te/ yum bar ma las/ rab 'byor thams cad
shes

pa nyid ni/ zhes pa nas/ de'i phyir nyan thos dang rang sangs
rgyas rnams kyi ni thams cad nyes pa nyid ces bya'o/ /zhes dang/
rtsa bar nyan thos zhib/ zhes sogs dang/ gser phreng las/ de'i
phyir nyan rang rnams

kyi mngon rtogs ni thams cad shes pa nyid ces bya ste/ zhes
dang/ rnam bshad las kyang gsungs pa'i phyir/ khyab ste/ mdo des
theg gsum gang rung gi 'phags lam la mkhyen gsum gang rung gis
khyab par bstar pa'i

phyir te/ 'grel pa las/ thams cad mkhyen pa nyid gsum gyi sa
mngon par rtogs pa mtha' dag bsdus pas na/ zhes dang/ rnam bshad
las/ 'phags pa'i mngon rtogs mtha' dag gtan la 'bebs 'dod pas/
zhes gsungs pa'i phyir/

gzhan yang/ gzhi shes la theg chen rtogs rigs yod par thal/ nyan
rang 'phags rgyud kyi thog mtha' bar gsum gyi dge ba mtshan 'dzin
gyis bcings bzhin rdzogs byang du bsngo ba mi mthun phyogs gyi
gzhi shes yin pa'i phyir te/ mdo las/

dge ba'i rtsa ba gang ji snyed bde dag thams cad mtshan mar yid
la byed cing yid la byas nas bla na med pa yang dag par rdzogs
pa'i byang chub tu yongs su bsngo na/ nas/ de tsam du chags
pa'o/ /zhes dang/ 'grel bar/ de bzhin gshegs

@008b pa la sogs pa la phyag 'tshal ba la sogs pa ni bsod nams
kyi rgyu yin pa nyid kyi gnyen po yin mod kyi/ chags pa phra
mo'i ngo bo nyid kyis rnam pa thams cad du ma yin pas mi mthun
pa'i phyogs yin no/ /zhes dang/ gser phreng las/

mchod pa dang byang chub tu bsngo ba ni chags pa phra mo ste/
zhes gsungs pa'i phyir ro/ /des na gzhi shes la theg chen rtogs
rigs bzhag pa sgo mang yig cha'i khyad chos yin no/ /yig cha
gzhan thams cad kyis srid mtha' la mi gnas pa'i lam

shes zer yang/ yig cha gsar pa 'dir gzhi shes zer ba yang/ 'grel
bar kun shes pa nyid kyi skabs las/ zhes dang/ rnam bshad las/
byang chub sems dpa'i rgyud kyi kun shes pa skabs 'dir dngos su
bstan pa/ zhes gsungs

pas yin no/ /'bras yuM la nye ba'i gzhi shes theg chen lam du
'jug kha'i lhag bsam nas zhes pa/ 'jug pa la nye ba'i don yin
gyi 'jug kha ma mi dgos so/ /yig char/ bden 'dzin gtso bor mi
spong bar rgyud la ldan pa'i gang zag gi rgyud

kyi gzhi shes yin zhing de des bcings pa'i don yin pa'i phyir/
zhes gsungs pas/ theg dman gyi lam yin na mtshan 'dzin gyis
bcings pas khyab bo/ /yig char/ gzhi shes 'di gnyis 'dod pa'i
sems tsam pa dang rang rgyud pa'i

slob dpon mang gsungs pa/ bden 'dzin gyis bcings ma bcings gyis
bzhag pa de yin gyi/ spyir thal 'gyur bas kyang/ de gnyis 'dod
dgos te/ gzhi shes mtshon byed kyi chos dgu 'dod dgos pa'i phyir/
rang gces 'dzin gyis bcing

@009a @#/ /ba la byed dam dpyad de/ des na mdo don dka' bar snang
ngo/ /nyan rang gis de bzhin nyid mngon sum du rtogs/ zhes pa/
gang zag gi bdag med pa'i de yin pa 'og gi bsgrub tshul gyis shes
so/ /srid mtha'

la mi gnas pa'i gzhi shes kyi mtshan nyid dang/ sa mtshams mtha'
dpyod du ma gsungs kyang/ 'bras yum la nye pa'i gzhi shes dang
'dra 'am snyam/ rje btsun pas 'bras yum la nye ba'i gzhi shes
kyi sa mtshams rang res don bdun

bcu ltar byas pa/ rtsa ba'i dngos bstan la dgongs zer ram dpyad/
snying rjes zhi la mi gnas pa'i lam shes la/ theg chen 'phags
rgyud kyi theg chen rtogs rigs su gyur pa'i thabs kyi cha thams
cad 'jog pa/ don bdun bcur/

sems bskyed sogs yod ces pas 'grub po/ ! gzugs sogs de mi rtag
sogs dang/ /zhes sogs kyis zin byed dang zin bya'i sbyor ba
gnyis ka dngos su bstan te/ rnam bshad las/ mi rtag sogs bcu
drug gi rnam pa

can gyi lam de nyid byang chub sems dpas sbyor lam skabs su bden
'dzin bkag nas bsgom par dngos su bstan pa'i/ zhes gsungs pa'i
phyir/ des na yig cha gzhan rnams kyis zin bya'i sbyor ba shugs
bstan yin zer ba mi 'thad

la/ rnam bshad las/ 'dir bshad par bya ba'i gtso bo gzhi shes
kyi sbyor ba ni/ zhes par brten nas rje btsun pa dang bsod grags
pas/ 'di'i bstan bya'i gtso bo'i sbyor ba la shugs bstan zin
bya'i sbyor pas khyab par

@009b gsungs pa/ yig char/ dngos bstan gtso bo theg chen rtogs
rigs kyi sems dpa'i rnal 'byor yin la zhes/ rnam bshad las/
stong nyid kyi rnam can gyi sbyor lam ni/ zhes sogs drangs nas
bkag la/ rtsa bar/ spyod pa

bkag pa'i sbyor ba dang/ /zhes pas kyang zin byed gtso bor dngos
su bstan par 'grub po/ /rnam bshad kyi don/ 'dir bstan bshad
bya'i gzhi shes sbyor ba'i gtso bo byang sems kyi de yin pa'i
don no/ /'dir bstan zin byed sbyor ba bcu ni/ /

gser phreng las/ mdo'i tshig zin ltar gzugs sogs bden med du
rtogs pa nas/ don dam par med kyang tha snyad du 'bras bu yod pa
la bden zhen bkag pa dang/ byang chub gzhan la rag ma las pa la
bden zhen bkag pa dang/ shes byed

snang ba rnam bdun la bden zhen bkag pa'i sbyor ba zhes thams
cad don dam rnam can du byas pa ltar/ rang res don bdun cur yang
gsungs la/ mtha' dpyod las/ lhag ma kun rdzob la dmigs pa rtogs
sla ba'i phyir/ zhes rnam bshad

ltar/ gzugs sogs don dam par med kyang tha snyad du khyad par
gyi gzhir yod par rtogs pa dang/ khyad chos mi rtag sogs don dam
par med kyang tha snyad du de dag gi khyad chos su dang/ de dag
gi steng gi mtshan nyid gsum don dam par

med kyang tha snyad du yon tan gyi rten du rdzogs ma rdzogs
dang/ de dag gi gzhir yod par dang/ shes phyin don dam par 'phel
'grib med kyang tha snyad du yod par dang/ chos nyid la don dam
par khro chags sogs byed pa bo med kyang tha

@010a @#/ /snyad du yod par dang/ rnam mkhyen don dam par ched du
bya bar med kyang tha snyad du ched du bya bar dang/ rgyu lam
shes tha snyad du rnam mkhyen gyi rgyu'i sbyor bar dang/ gzhi
shes tha snyad du gzhan rjes su 'dzin pa'i

thabs kyi byed pa dang ldan par dang/ zin bya gzhi shes sbyor ba
gdul bya'i skal ba bzhin 'bras bu thob pas mi stong bar dang/
des bsrung skyob sogs rang gi nus pas gzhan rkyen gyis mi 'gro
bar dang/ tha snyad du yul rnams snang ba rnam bdun

ltar rtogs pa/ zhes kun rdzob rnam can 'jog pa/ rnam bshad du
bya dka' rnam gsum la dngos su sbyar bas shes la/ rjes thob gtso
che tshul yang/ rnam bshad las/ 'dir bshad par bya ba'i gtso bo'i
gzhi shes sbyor ba ni/

mthong lam gyi skabs su byang chub sems dpa'i rgyud kyi 'da' bar
bya ba'i mngon rtogs de'i rgyu mi rtag sogs bcu drug gi rnam pa
can gyi byang sems kyi sbyor lam de nyid yin la/ nas/ sbyor lam
skabs su bden 'dzin bkag nas bsgom

pa dngos su bstan pa'i/ zhes pa ltar/ 'da' bya'i mthong lam gyi
rgyu gzhi shes sbyor ba gtso bor sgom tshul gsungs la/ de gtso
bor bsgom pa rjes thob kyi skabs yin pa'i phyir/ des na 'di'i
zin byed kyang sngar song la mi byed par

grogs la sbyar dgos pa'i phyir/ zin byed bcu yang gtso bo rjes
thob kyi skabs la 'jog dgos so/ /don 'di la dgongs nas gser
phreng du yang/ bu nya sogs kyis rnam par mi rtog pa kha 'jug pa
drangs nas gtso cher/ dang po dgu

@010b mnyam bzhag dang/ bcu pa rjes thob zer ba/ dgag ched du
sbyor ba bcu po 'di rjes thob gtso che ste/ zhes de dag gis
gzungs de drangs nas mnyam rjes so sor sbyar ba mi 'thad pa'i
phyir te/ slob dpon gyis tha ma yang bden zhen 'gog pa'i

don dam rnam can du bshad pa'i phyir/ des na tha ma yang kun
rdzob rnam can du byas na mi 'grig pa ltar snang yang/ mdo nas/
byang chen sher phyin la spyod pas chos thams cad rmi lam lta
bu/ nas/ sprul pa ltar chos thams cad yongs su

shes par 'gyur pa yin/ zhes byang sems kyis sbyor ba snga ma
rnams kyis chos shes tshul gsungs shing/ de slob dpon gyis kyang
bzhed dgos pas tha ma rjes thob la sbyar ba legs bshad du snang
la/ des na tha ma 'di sbyor ba snga ma rnams

kyis rang yul tha snyad du'am rjes thob tu sbas don gzhi shes
sbyor bas yul shes tshul gyi dpe yin pa'i phyir ro/ /slob dpon
gyis yul bcu bden zhen 'gog pa'i sbyor ba'i yul du mdzad pa ni
tha snyad du rtogs rgyu'i chos de dag la bden

bar zhen na/ de dag bden stong sgyu ma lta bu'am bden med rtogs
pas dgag dgos pa la dgongs pas mi 'gal lo/ /zhes rnam bshad ltar
yang gsungs pas/ rang res don bdun cur rnam bshad dang tshig mi
mthun kyang gser phreng dang dang nyi

snang ltar yin pas don mthun no/ /zhes pas mthun tshul de yin no/
/yig char dang po gsum la kun rdzob rnam can yod pa'i sgrub byed
du/ rnam bshad drangs pa yang de 'dras yin gyi dmigs pa rnam par
'khrul ba ga la yin/

@011a @#/ /des na legs bshad la log bshad du ma 'dzin cig /rang
lugs la/ sbyor ba'i 'dzin stangs mnyam nyid/ sbyor ba la byed pa
yin te/ don bdun cur/ gzhi shes sbyor ba sgom pa'i rnam pa gang
yul dang

yul can du rlom pa 'gog byed de/ sbyor ba de'i 'dzin stangs
mnyam nyid kyi mtshan nyid ces/ gzhi shes sbyor ba'i mnyam nyid
la 'gog byed sbyar ba dang/ yig char/ gzhi'i dbye ba dang mtshan
mtshon dang yul can la bden zhen 'gog pa/

sbyor ba de'i 'dzin stangs mnyam nyid kyi mtshan nyid/ ces dngos
bstan zin byed sbyor ba'i 'dzin stangs mnyam nyid kyi mtshan nyid
du/ rnam bshad ltar bzhag par 'khrul nas/ yul la 'dod mkhan yod
kyang/ de yang 'gog pa zhes

pa/ 'gog byed sbyor ba la bya dgos te/ rnam bshad las/ gzugs la
sogs pa'i ngo bo dang mtshan ma dang dbye ba dang yul can la bden
par rlom pa med pa'i sbyor ba rnam pa bzhi yod pa'i phyir/ zhes
dang/ sbyor ba'i yul

yul can bden med du rtogs par mnyam pa nyid yin pas sbyor ba'i
mnyam pa nyid yin no/ /zhes gsungs pa'i phyir dang/ phar phyin
zin bris las/ gzugs la sogs pa'i ngo bo la/ nas/ yul cun du rtog
pa'i

bden par rlom pa rnams rnam pa thams cad du mi dmigs pas na/
sbyor ba la byed ces ston par/ gzugs la sogs la rlom med pa/
/zhes gsungs pa'i phyir/ des na gser phreng las/ mnyam nyid ni
sbyor ba'i sgom tshul la

@011b gsungs/ zhes pa dang/ rnam bshad las/ mnyam nyid 'dzin
stangs so/ /zhes pa dang/ rtogs snang las/ 'dzin stangs yin pas
mnyam nyid yin no/ /zhes pa rnams kyi don ni/ yul yul can de dag
bden stong du mnyam

pa nyid du 'dzin stangs kyi yul du byas nas rtogs pa'am yul yul
can gnyis bsgom byar mnyam pa nyid du bsgom pas sbyor ba de dag
/mnyam nyid du 'jog gsungs pa yin gyi ? nge 'dzin yul dang de
dag sgom pa sogs 'jog ces

pa min no/ /mdor bsdu na/ 'dzin stangs dang sgom tshul gyi/ sbyor
ba'i rang bzhin nam dbye ba bzhi byas pa'o/ /rje btsun pa dang
bsod grags pas/ dngos bstan sbyor ba'i mnyam nyid kyis mtshan
nyid la/ rnam bshad ltar

gzhi'i ngo bo/ nas/ bden zhen 'gog pa'i sems dpa'i rnal 'byor/
zhes gsungs nas/ yang gzhi shes sbyor ba'i mnyam nyid yin pa'i
phyir te/ gzhi shes sbyor ba'i 'dzin stangs yin pa'i phyir/ zhes
dang/

bsod grags pa'i mtha' dpyod las/ de yin na/ de 'dzin stangs yin
dgos pa'i phyir/ zhes mnyam nyid dang 'dzin stangs don gcig tu
gsungs pa la/ nang 'gal ston ched du/ yig char/ de 'dra'i sems
dpa'i

rnal 'byor chos can/ gzhi shes sbyor ba'i 'dzin stangs yin par
thal/ de'i 'dzin stangs mnyam nyid yin pa'i phyir/ 'dod zer bar/
de chos can/ dngos po ma yin par thal/ stong nyid yin pa'i phyir
te/

@012a @#/ /dngos bstan sbyor ba'i 'dzin stangs yin pa'i phyir/
kho na re/ 'dzin stangs ni yul la mi byed sbyor ba la byed ces
par/ 'o na/ bden 'dzin gyi 'dzin stangs bden 'dzin la byed par
thal/

sbyor ba la de'i phyir/ 'dod zer na/ bden 'dzin chos can/ khyod
kyi 'dzin stangs med pa don dam rnam can gyi ye shes kyi rnyed
don yin par thal/ khyod de dang dmigs pa gcig la dmigs nas 'dzin
stangs dngos 'gal du zhugs

ba'i blo yin pa'i phyir/ zhes de dag bkag pa yin gyi/ rang lugs
la dngos bstan sbyor ba'i mnyam nyid la de'i yul dang stong nyid
dgos par sgrub pa min te/ 'khor gsum dang/ rtags khas/ zhes
gsungs pa'i phyir/

gzhi shes sbyor ba'i zhes pa tshig sdud byas pa las zin byed la
byed dgos pa/ de gzhi shes sbyor ba'i zin byed sems dpa'i bden
'dzin 'gog pa'i sbyor ba'i zhem pas shes so/ /gzhi shes sbyor
bar yul yul can du rlom pa 'gog byed/

ces pa yul yul can phyin ci log tu yid la byed pa'i rlom pa 'gog
pa'i don yin pas/ thabs kyi cha la'ang bzhag chog ste/ yul yul
can mnyam pa nyid du bsgom pas bzhag pa'i phyir ro/ ! /yig cha
gzhan rnams

kyis skabs 'dir dngos su bstan pa'i mthong lam la dman lam gang
rung dgos la/ 'da' bya'i mthong lam shugs bstan yin zer/ gang
rung dgos la/ 'da' bya'i mthong lam shugs bstan yin zer/ gung
rus dman lam sngon du ma

@012b song ba mi dgos zer/ yig char rtags grub ste/ 'da' bya'i
mthong lam yin pa'i phyir/ zhes dang/ der thal/ 'da' byed kyi
theg chen gyi bden pa mngon rtogs yin pa'i phyir/ zhes/ theg
chen mthong lam yin na/

'dir dngos su bstan pa'i mthong lam yin pas khyab par gsungs pa/
gser phreng las/ nad thams cad mi skye zhing lha du ma phyi
bzhin du 'phrang ba la sogs pa/ zhes dang/ bde 'gror skye ba
'dzin pa dang/ rnam par byang

ba'i chos kun gyi rgyu byed pa ste/ zhes 'gog bden gyi rnam pa
tha ma dang lam bden gyi rnam pa dang po gnyis phan yon gyi sgo
nas bstan pas/ de'i phan yon bde 'gror skye ba dang skye byed
kyi rgyu snying rje sogs kyang dngos su bstan pas yin la/

rnam bshad las/ 'da' bar bya ba dang shugs la bstan pa'i mthong
pa'i lam yin no/ /zhes/ 'da' bya shugs bstan las zur du bkar bas
yin no/ /yig cha gzhan gyis/ 'da' bya dang shugs bstan gnyis kar
bzhag snyam nas/

bsod grags pa'i spyi don las/ gzhung 'di'i bstan bya'i gtso bor
gyur pa'i theg chen gyi mthong lam yin na/ theg dman gyi rtogs
rigs su gnas pas khyab pa dang/ gzhung 'di'i dngos bstan gyi
theg chen gyi mthong lam yin na/

theg chen gyi rtogs rigs su gnas pas khyab pa yin te/ zhes
gsungs so/ /rtsa bar/ kun shes nyid/ ces pas/ mdor 'da' byed bcu
drug gis shugs la 'phangs pa'i sbas don gyi mthong lam dngos su
bstan pa'i phyir/

@013a @#/ /dngos bstan gtso bo theg chen gyi bzod shes bcu drug
'jog go /kho na re/ sgro 'dogs so gnyis dang bral ba'i bden pa
mngon rtogs mthong lam gyi mtshan nyid du gsungs pa mi 'thad par
thal/ theg

dman gyi mthong lam de ma yin pa'i phyir te/ gser phreng las/
nyan thos dang rang sangs rgyas rnams kyi sgro 'dogs so gnyis
dang bral bde las bzlog pa/ zhes gsungs pa'i phyir/ na ma khyab
ste/ de ni mnyam bzhag

spros bral gyi ngor sdug bden rtag pa dang/ mi rtag par 'dzin pa
nas lam bden nges 'byin dang nges 'byin ma yin pa de'i ngor yod
par 'dzin pa'i bar gyi mthong spang bden 'dzin so gnyis dang
bral ba las bzlog pa'i don yin pa/

rnam bshad las/ don dam mngon sum du rtogs pa'i gzigs ngor sgras
brjod pa ltar mi snang zhing gnyis snang nub pa'i don yin no/
/gong ma rnams la yul gyi gnas tshod dang mthun par bshad pa ni/
go sla bas de ltar

byas kyi/ don ni 'dir bshad pa ltar kun la sbyar bar bya'o/
/zhes pas shes so/ /don bdun cu'i de ni/ rang gi bral bya'i sgro
'dogs so gnyis dang bral ba'i don yin te/ 'da' bya'i bzlog zla/
sdug bden rtag par rang

rkya ba'i bdag tu 'thad do snyam du 'dzin pa nas/ lam bden nges
'byin ma yin pa'i rang rkya bar 'thad do snyam du 'dzin pa'i
sgro 'dogs so gnyis dang bral ba'i phyir/ thub dgongs dang/
gnyal zhig 'jam dpal rdo rje dang/

@013b bu ston sogs kyis 'dir mi ston rgyu'i sgom lam nyan rang
gi sgom lam kho nar 'dod pa dgag tshul/ gser phreng ltar yig char
gsal la/ rol mtshong/ sgom lam yin na/ skabs 'dir dngos su mi
ston rgyu'i sgom

lam yin pas khyab ste/ de yin na skabs 'dir dngos su ma bstan
pa'i sgom lam yin dgos pa'i phyir/ zhes pa/ yig char/ nyan thos
kyi sgom lam chos can/ der thal/ nas/ 'dod mi nus te/ byang chub

sems dpa'i rang rgyud la shes bskyed bya rgyu'i de ma yin pa'i
phyir/ zhes dngos su mi ston rgyu'i sgom lam la/ byang sems kyi
'da' bya'i sgom lam gyis khyab par gsungs pa/ snang ba gnyis
dang/ 'grel ba 'dir/ dngos

su mi ston pa'i rgyu mtshan shes mthong gis bltas nas 'da' ba
bkod pas yin la/ gong du/ 'di'i mi ston rgyu'i sgom lam la theg
chen gyi sgom lam zhig dang/ theg dman gyi sgom lam gnyis med
par thal/ zhes pa/

rgyan snang du zhar la nyan rang gi sgom lam mi ston pa'i rgyu
mtshan gsungs la/ 'grel bar shugs la bstan pas de 'dir mi ston
rgyu'i sgom lam yin kyang dngos su mi ston rgyu'i de min no/
/des na rang lugs skabs/

'di'i mi ston rgyu'i sgom lam yin na zhes pa/ dngos su mi ston
rgyu'i zer dgos pa 'dis shes pa dang/ kha cig na re/ skabs 'dir
dngos su bstan pa'i sgom lam yin na/ zhes pa/ dngos su ma bstan
pa'i zhes pa'i ma

@014a @#/ /chad pa yin pa yig char 'og gi sgrub byed gyis shes
so/ /gwa chung ba ltar gung rus kyang/ rnam bshad kyi tshig zin
la brten nas/ 'di'i mi ston rgyu'i sgom lam la yod bas ma khyab/
med pas

ma khyab zer ba gnyis ka bkag la/ phyi ma la 'dir mi ston rgyu'i
yod pa yin na yod pas ma khyab par thal lo/ /kho na re/ dgas
pa'i rgyud kyi 'bras yum la nye ba'i gzhi shes chos can/ skabs
gsum pa 'dir dngos su bstan

pa'i sgom lam yin par thal/ gsum pa 'dir dngos su bstan pa'i
sgom lam pa'i rgyud kyi lam yin pa'i phyir na ma khyab/ theg
chen rtogs rigs kyi byang sems sgom lam ni gnyis par rgyas par
bstan zin la/ gzhi shes su

gyur pa'i byang sems sgom lam ni goms pa lhur len mi byed pas
logs su ma bstan pa yin no/ /smras pa/ phyogs re'i yon tan
rdzogs pa'i rin chen phreng/ /zil gnon lha yi nor bu'i phreng
mdzes yang/ /

'ching bu'i phung por 'khrul ba'i blo can dag /gzhung don btang
snyoms bzhag legs nyes pa med/ /ces shes rab kyi pha rol tu
phyin pa'i mtha' dpyod nor bu'i 'phreng mdzes las skabs gsum
pa'i dka' gnas rnams cung zad bkrol zin to// //