@#/ /shes rab kyi pha rol tu phyin pa'i mtha' dpyod nor bu'i
'phreng mdzes las skabs bzhi pa'i dka' gnas rnams gsal bar byed
pa skal bzang 'jug ngogs zhes bya ba bzhugs so/ /

@001a @##/ /rgyal kun yab gcig 'jam mgon tsong kha pa/ /spyi bo'i
rgyan du bzhugs la yum gyi don/ /rgyal sras spyod pa rgya mtsho'i
gting dang mtha'/ /ji bzhin 'byed pa'i blo gros snang ba stsol/
/

'dir mtshams sbyar gyis skabs dang po gsum du mkhyen gsum gyi
rnam pa thos bsam gyis shes bar byas te so sor sgom tshul bstan
par ma zad/ bzhi pa 'dir rnam pa ma lus pa goms pa la dbang thob

pa'i phyir du/ sbyor ba gcig gi 'dzin stangs kyi yul du bsdus
nas bstan/ zhes/ zlos spong dang dgos pa'i sgo nas mtshams sbyar
ro/ /mkhyen gsum gyi rnam pa brgya don gsum sbyor ba gcig gi
'dzin

stangs kyi yul du bsdus nas sgom pa bsdus sgom gyi sgra don yin
la/ de yang yig cha gzhan las nyams len du bsdus par gsungs pa
ltar/ stong nyid rtogs pa'i sbyor lam lta bus stong nyid sgom pa
na

@002a @##/ /yang rigs can gsum gyi don du theg chen gyi lam 'bras
yongs su rdzogs pa'i phyir bsgom pas yin te/ de gong du gsungs
pa ltar mkhyen gsum gyi nyams len yin kyang gzhi

shes kyi nyams len ma yin pa'i phyir ro/ /rngog TIka las/ de
ltar shes rab kyi pha rol tu phyin pa'i mtshan nyid thams cad
mkhyen pa gsum legs par rtogs nas/ rang gi rgyu la thob par byed
pa'i rnal

'byor nyams su len pa ni sbyor ba yin no/ /de la yang bzhi yod
pa las/ zhes gsungs pas/ dang po gsum gyi rang gzhan thams cad
kyi rgyud rgya mkhyen gsum gyi rnam pa thos bsam gyis rtogs pa
tsam dang/

sbyor bzhi'i skabs su rgyan gyi gdul bya rang gis thob bya'i
rnam pa sgom tshul tsam bstan/ zhes pa yin no/ /rnam pa brgya don
gsum stong nyid du bsdus nas sgom pa bsdus sgom gyi don du 'dod
pa la/ yig

@002b char lo bu sogs zhes pa/ bu TIka las/ sbyar sa rnam pa
brgya bdun cu rtsa gsum po gang zag de dag gis bsdus te bsgom pa
ni sbyor ba yin pas 'di gnyis te/ rang bzhin gyi sbyor ba lnga/
zhes mi gnas pa'i sbyor ba sogs kyi yul du bsdus

nas sgom pa la byas pas yin la/ rnam thar sgo gsum du bsdu tshul
sogs ma bshad pas/ rnam bshad kyi phyogs snga lo chen rkyang pa
yin nam snyam la/ lo chen gyis rnam pa brgya don gsum gyi gtso
bo yang de dag gi steng gi chos dbyings dang/

phal ba chos can rnams 'jog ste/ rngog TIka las/ yul ni thams
cad mkhyen pa nyid gsum gyi rnam pa ste gtso bor chos kyi
dbyings kyi rang bzhin du gyur pa bdag med pa gnyis kyi mtshan
nyid do/ /zhes dang/ de ltar gzhi shes dang lam shes kyi

rnam pa rnams dmigs pa bden pa bzhi'i sgo nas brjod nas/ rnam pa
thams cad mkhyen pa'i rnam pa brgya rtsa bcu po rnams dmigs par
byed pa ye shes nyid kyi sgo nas gsungs pa ni/ zhes gsungs pa
ni/ zhes gsungs pa'i phyir/ don

dam pa'i rnam pa don gcig byas pa yang lung phyi mas gzhi lam
gyi rnam pa bden bzhis phye ba dang/ rnam mkhyen gyi rnam pa ye
shes mkhyen gsum gyis phye bar gsungs la/ rnam thar dang spong
lam bden bzhi dang/ de bzhin nyid kyi shes rnam

stong nyid kyis bzhag pas yin te/ rnam bshad las bdag med pa'i
rnam pa can gyi bden pa'i rnam pa bdun cu rtsa gcig dang/ zhes
gsungs pa'i phyir/ lo chen gyi 'dod tshul dang de dag gtshul sogs
rgyas par bsdus don gyi 'grel par

@003a @#/ /bshad zin to/ /slob dpon la dgag pa 'brel med tshul
yang shes sla'o/ /zhes pa/ khyod ltar na slob dpon gyis lam la
de ni bco lngar bshad ces pa'i skabs su gzhi shes kyis rang
rgyal gyi mngon rtogs

bsdus par bshad pa ma yin par thal/ de'i skabs nas bstan pa'i
sbyor ba de dag theg chen rtogs rigs yin pa'i phyir/ khyod gyis
de dag bden pa dang po gsum bzhin du gzhi shes kyi dmigs par
bsdus par bshad pa'ang mi 'thad

par thal/ khyod ltar na de stong nyid rtogs pa'i sbyor ba'i
dmigs yul du bsdus par 'dod dgos pa'i phyir te/ khyod kyi bsdus
sgom gyi don 'thad pa'i phyir/ zhes rnam bshad las/ slob dpon
seng ge bzang po la gzhi shes kyis rang rgyal

'phags pa'i mngon rtogs bsdus par bshad pa la dgag pa byed pa mi
rigs pa'i phyir/ zhes bsdus sgom gyi don dang 'og gi slob dpon
dgag pa nad 'gal bar gsungs pa de yin te/ yig cha rnying par
gsal lo/ /mkhyen gsum gyi rnam

pa la dbang thob tshul/ de la dmigs pa'i zhi lhag zung 'brel thob
pas ci 'dod du 'jug nas pas yin no/ /cha bzhag smos pas ma nges
pa dang dbang rtul rnam pa ma lus pa mi shes pa'i rgyud kyi de
yang sdud/ ces pa rnam pa ma lus

pa sgom mi shes pa'i de sdud ces pa yin gyi/ rnam mkhyen mi shes
pa'i rgyud na de sgom pa'i blo yod de/ bye smra snga rabs par
gyur pa'i byang sems kyi rgyud la rnam mkhyen sgom pa'i blo yid
pa'i phyir te/ mkhyen gsum gyi rnam pa sgom pa'i

@003b shes rang yod pa'i phyir/ der thal/ de'i rgyud kyi sdug
bden mi rtag pa sgom pa'i sbyor ba de mkhyen gsum gyi sbyor ba
yin pa'i phyir/ der thal/ mkhyen gsum rtogs rigs kyis sgo nas
sgom pa'i sbyor ba yin pa'i phyir te/ yid char/

bzhi ba sgrub ste/ mkhyen gsum ma thob gong du byang sems kyis
de sgom pa lta bu yin pa'i phyir/ zhes gsungs pa'i phyir/ kho na
re/ byams snying rje sgom pa la ngo bor bskyed nas sgom dgos par
thal/ lam bsgrigs las/ byams pa

dang snying rje sgom pa yang ngo bor ma bskyed par sgro 'dogs
bcad par bya ba'i gzhir byas nas sgom pa la de dag sgom pa'i don
du khas len dgos pa sogs nyes pa du ma'i 'byung gnas su rtogs
pas/ zhes gsungs pa'i phyir na ma khyab ste/

de lam rim sogs su byams snying rje sgom tshul bshad pa ltar gyi
de yin na mi 'thad pa'i don yin gyi/ spyir theg chen mthong lam
du gyur pa'i byams pa 'dzin stangs kyi yul dang/ rjes mthun
dang/ rtogs rigs kyis sgom pa'i byang sems

sbyor lam de de 'dra'i byams pa sgom pa'i sbyor ba yin pa'i
phyir/ ma grub na/ der thal/ lam shes su gyur pa'i thabs kyi cha
sgom pa'i sbyor ba yin pa'i phyir te/ de lam shes sgom pa'i
sbyor ba yin tshul yod pa'i phyir/

rnam mkhyen sgom tshul drug gi nang nas ngo bor bskyed nas sgom
pa med de/ blo de'i bdag nyid du byas nas sgom pa med pa'i
phyir/ lam thams cad sgom tshul phyi ma bzhis sgom pa yod dgos
so/ /stong nyid dang bden bzhi sogs kyang mtshan

@004a @#/ /nyid rjes dpyod kyis sgom pa yod de/ stong nyid 'dzin
pa'i yid dpyod kyis de sgom pa yod pa'i phyir/ khyab ste/ des
stong nyid kyi mtshan nyid sogs la dpyad nas sgom pa'i phyir/
mdor bstan gyis

gtso bor dngos su bstan pa'i sbyor rnam la/ rang gi 'dzin stangs
kyi yul gyi rnam pa shar ba'i sgo nas rang gi mi mthun phyogs la
gnod byed kyi rig pa yin pas khyab ste/ rtsa bar/ gzhi shes pa
yi bye brag rnams/ zhes dang/

nyi snang las/ bye brag ni mi mthun pa'i phyogs gang gi gnyen
po'i mtshan nyid gang yin pa ste/ dper na/ rtag par 'dzin pa la
sogs pa bzhin no/ /zhes pa ltar/ 'grel pa che chung gnyis kar
gsungs pa'i phyir/

des na rnam mkhyen gyi rnam pa'i 'gog snyoms dang/ mi 'jigs pa
bzhi lta bu'i 'dir bstan gtso bo'i sbyor rnam la/ de dag gi
mtshan nyid dang dmigs rnam 'di lta bu'o snyam du rtogs pa'i
byang sems kyi sbyor ba dang/ de'i mi

mthun phyogs la de dag gi mtshan nyid sogs 'di'o zhes phyin ci
log tu 'dzin pa dang/ yig char/ mkhyen gsum gyi 'dzin stangs
brgya don gsum 'dzin stangs su byed pa'i byang sems kyi sbyor
ba'i shes rnam brgya dang don gsum la

rnam par byas pa ste/ zhes pas 'dzin stangs brgya don gsum yang/
'dir gtso bor bstan pa'i sbyor ba de dag gi 'dzin stangs kyi yul
la byas na/ don rnam brgya don gsum ma gsungs par 'dzin stangs
brgya don gsum zhes pa'i

@004b dgongs par 'gro snyam mo/ /rtogs snang las/ gsum pa ni/ ma
'ongs pa na rang rgyud la 'byung bar 'byung ba'i mngon par rtogs
pa de dang de'i mtshan nyid 'di dang 'di'o zhes yid la byed cing
so sor rtogs pa'i shes rab kyis dpyod par

byed pa'o/ /zhes dang/ pad dkar 'khri shing las/ thob bya'i chos
gong ma rnams kyi mtshan nyid 'di dang 'di'o/ /zhes so sor yid la
byed cing shes rab kyis rjes su dpyod pa ste/ zhes pa ltar/ so
skye rgyud kyi 'dir bstan

gtso bo'i rnam mkhyen gyi sbyor rnam phal cher mtshan nyid rjes
dpyod kyis sgom pa'i sbyor ba yin pa'i phyir/ kho na re/ de'i
'dzin stangs brgya don gsum la don rnam brgya don gsum 'jog zer
na/ 'dir bstan rnam mkhyen gyi sbyor

rnam brgya rtsa bcu'i 'dzin stangs kyi yul la rnam mkhyen dgos
par thal/ 'dod pa'i phyir/ 'dod na/ de la gzhi shes kyi sbyor
rnam so bdun med par thal lo/ /gtso bo'i sbyor rnam de 'dra yin
kyang/ spyir de dag gi sbyor rnam la

byang sems kyi rgyud kyi theg chen rtogs rigs kyi byang phyogs
so bdun dang rnam thar brgyad sogs 'jog ste/ de dag rjes mthun
gyi rnam pa'i sgom pa'i sbyor rnam yod pa'i phyir/ gzhi shes kyi
don rnam dang po bcu gnyis mdo las/ rnam

grangs dang zin byed sogs kyis bstan pas/ 'grel pa ltar sdug
bden mi rtag pa la sogs pa khyad chos dang po bcu gnyis 'dren
la/ lam bden gyi don rnam bco lnga la rnam bshad du mthong lam
zag med bzhi/ sgom lam zag

@005a @#/ /bcas lnga/ mthong lam zag med drug byas pa lo chen
ltar byas la/ de yang mdo las/ lam sgom par bya/ zhes pa ltar/
bsgom bya'i lam la don rnam du byas pa yin no/ /shes rnam la

byed pa po gang zag gi bdag med rtogs pa'i gzhi shes sogs 'jog/
/dpal ldan pas/ rnam bshad du nyon sgrib kyi gnyen po zag med
bzhi mthong lam du gsungs pa khungs med ces dgag pa mi 'thad de/
snang ba gnyis kar

shes sgrib kyi gnyen po zag med de mthong lam la sbyar ba dang/
skabs gsum par sgom lam dngos su mi ston pa'i rgyu mtshan rnams
de'i khungs yin pa'i phyir/ /dang po grub ste snang ba gnyis su
shes sgrib rags pa'i gnyen po

zag med mthong lam la sbyar ba'i rgyu mtshan yod pa'i phyir te/
spyir de'i gnyen po zag med la yang mthong sgom gnyis yod pa'i
phyir/ de'i rgyu mtshan gser phreng las/ mthong lam mnyam ba zhag
par ma chad dang sgom

lam dus ring bas rjes thob mngon gyur dang spel nas skye bas zag
med dang po dang/ zag bcas gnyis pa la bzhag go /zhes gsungs
pa'i phyir/ des na 'di yang mthong lam dang sbyar ba gser phreng
gi dgongs pa'ang yin

no/ /gnyis pa grub ste/ rnam bshad las/ lam 'di yang mthong lam
skabs nyid du sgom par byed gyi sgom lam gyi skabs su goms pa
lhung byed pa ni ma yin no/ /zhes nyan thos kyi lam shes pa'i
lam shes

@005b mthong lam du/ gtso bor sgom gyi sgom lam du goms ba lhur
len mi byed pa gsum par sgom lam dngos su mi ston pa'i rgyu
mtshan yin pa gang zhig /'dir yang mnyam bzhag zag med kyis goms
pa lhur byed pa'i skabs la sbyor dgos

pa'i phyir/ 'dir zag med gnyis mthong lam la sbyar ba'i rgyu
mtshan de yin no/ /rnam bshad dang/ ser 'bras kyi yig cha sogs la
khungs med zer ba ni/ de dag rtsom pa po rnams las gru mkhas
snyam pa'i 'khrul skad do/ /kho na re/

yul ma 'ongs pa la sred pa'i 'dun pa dang/ da ltar ba la mi
'brel bar 'dod pa'i 'dod chags gnyis mtshungs ldan yin par thal/
nyi snang las/ 'di dag ni dngos po phan tshun rjes su byed pa yin
te/ mtshungs par ldan pa'i phyir/

zhes gsungs pa'i phyir zer na/ 'o na nyi snang la nang 'gal yod
par thal/ de nyid las/ 'dod chags kyi skabs su dngos su 'jug
pa'i rgyu nyid yin pas 'dun pa gtso bo yin pa'i phyir/ zhes 'dun
pa 'dod chags kyi rgyur

bstan pa'i phyir/ kho na re/ de yin par thal/ gser phreng las/
des na yul nges kyi bdun pa la bya'o/ zhes gsungs pa'i phyir na
ma khyab ste/ des na zhes pa'i de sgra gong gi 'dun pa dang 'dod
chags gnyis mtshungs ldan du khas len na/

zhes par snyegs pas gzhan 'dod yin te/ gser phreng las/ dngos
'bras 'dod chags med pas de'i dngos rgyu 'dun pa med par ston pa
ste/ zhes/ mdo las/ de gnyis rgyu 'bras su bstan par gsungs pa'i
phyir/ nyi snang gi

@006a @#/ /don rjes su 'gro ldog mtshungs pa'i don no/ /des na 'di
la brten nas yul nges la dge bas ma khyab par sgrub pa ni gzhan
'dod yin pa ma nges pa'o/ /'grel par kun 'byung dang 'gog lam la
tshan pa gnyis

byas pa'i snga ma rnams rtags dang phyi ma rnams chos yin la/ de
la brten nas kha cig 'gog bden la brten pa'i sbyong rnam bcu
drug 'gog bden gyi rnam can yin zer bar bral ba'i rnam pa can
yin par thal lo/ /'dod pa'i phyir/

'dod na/ kun rdzob pa'i rnam pa can du thal lo/ /zhes 'gog bden
kun rdzob bden par gsungs pa ni/ stong thun las/ 'gog bden don
dam bden par 'dod pa ni thal 'gyur ba'i khyad chos ma yin gyi
dbu ma pa thal rang

gang gi lugs la'ang khyad par med de/ zhes de ltar min na rang
rgyud pa'i lugs la rnam grol lam gyis mthong spang spangs pa'i
'gog pa mngon du ma byas bar thal ba dang/ ngo bo nyid sku dang
'gog bden mthar thug rnam grangs su khas blangs

pa dang/ 'gal ba dang/ ngo bo nyid sku don dam pa'i skur mi rung
ba dang/ 'phags seng gi 'grel bar/ 'gog bden gyi rnam pa la
stong nyid bcu drug tu phye ba 'brel med du thal/ zhes 'phags
seng sogs kyis 'gog bden stong nyid du

'dod par gsungs pa thal 'gyur bas gzhal na stong nyid du 'dod
dgos pa'am/ yang na mngon rtogs rgyan gyi dgongs pa mthar thug
thal 'gyur ba'i lugs su gnas pa ltar/ gong du gzhan yang nyi
khri snang ba dang brgyad stong 'grel chen gnyis kar chos

@006b dbyings theg pa gsum ka'i rigs su 'jog pa'i shes byed du/
de'i phyir 'phags pa'i gang zag thams cad ni 'dus ma byas kyis
rab tu phye ba yin no/ /zhes brjod do/ /zhes gsungs la/ zhes pa
ltar 'phags seng gi 'grel ba sogs dgongs pa

mthar thug thal 'gyur ba'i lugs su gnas pas/ 'gog bden gyi rnam
pa bcu drug la'ang thal 'gyur ba ltar 'gog bden bcu drug dang de
stong nyid du 'jog ces pa yin gyi/ spyir rgyan du rtogs rigs
gsum gsungs pa ltar 'phags seng gi

lugs kyang de yin par/ stong thun las 'phags seng gnyis kyi
'grel ba'i lugs kyang de yin no/ /zhes pa ltar/ stong thun tshig
zin gyi de khas mi len pa shes ched yin no/ /kun 'byung gi rnam
pa la kun 'byung dang/ 'gog bden gyi

rnam pa la 'gog bden dgos pas/ rnam bshad las 'gog pa'i bden pa
la brten pa'i lam shes kyi rnam pa/ zhes gsungs so/ /kho na re/
'gog bden la brten pa'i don rnam bcu drug mi 'gal par thal/ de
dag gi stong gzhi 'gog

pa bcu drug mi 'gal pa'i phyir/ der thal/ nang gi chos bden par
'dzin pa'i mthong spang bden 'dzin sogs bcu drug spangs ba'i
'gog bden yin khyab mnyam yin pa'i phyir/ 'dod na/ stong gzhi
'gog pa lnga yin khyab mnyam yin par thal/

'dod pa'i phyir/ 'dod na/ dngos po 'gog pa dang sbyar ba'i don
rnam bcu drug yod par thal/ de dag yin khyab mnyam yin pa'i
phyir/ 'dod na/ 'grel ba las/ nang dang phyi dang gnyis ka'i
stong pa nyid kyi rnam pa ste gsum

@007a @#/ /dang/ zhes sogs mi 'thad par thal/ bcu drug go thams
cad la sbyar ba'i phyir zer na/ rtags ma grub ste/ dngos po 'gog
pa'i ngo bor gyur pa'i bcu drug yod kyang/ de dang sbyar ba'i
bcu

drug med pa'i phyir/ te sbyar ma sbyar gzhung gis sbyar ma sbyar
la byed pa'i phyir/ de bzhin du 'gog bden gyi khyad chos bzhi re
re ngo bor gyur pa'i 'gog pa bcu drug don gcig kyang/ don rnam
bcu drug gi stong gzhi bcu drug don mi gcig ste/

nang gi chos bden par 'dzin pa'i mthong spang bden 'dzin spangs
ba'i 'gog bden yin na/ don rnam dang po'i stong gzhi yin pas ma
khyab pa'i phyir te/ phyi'i chos bden par 'dzin pa'i mthong
spang bden 'dzin spangs pa'i

'gog bden de don rnam dang po'i stong gzhi ma yin pa'i phyir/ ma
grub na/ don rnam bcu drug 'gog pa lnga sogs dang sbyar ba dgos
pa med par thal lo/ stong gzhi la de'i ngo bor gyur pa'i nang gi
chos bden par 'dzin pa'i mthong

spang bden 'dzin spangs pa'i 'gog bden dang/ de bden pa'i stong
ba don rnam zhes khyad par sbyar dgos so/ /kho na re/ chos bshes
rang lugs la rnam mkhyen gyi rnam pa brgya rtsa bcu sangs rgyas
sa kho nar 'dod par thal/ gser phreng

las/ zhes bkod pa'i rang lugs ni snga ma dang mthun la/ zhes
gsungs pa'i phyir na ma khyab ste/ de gser phreng tshig zin la/
gzhi shes lam shes sangs rgyas la med par bshad pa dang mthun
par bshad tsam las gser phreng

@007b dang lugs dang mthun par gsungs pa'ang ma yin pa'i phyir/
rtags grub ste/ gser phring rang lugs la mkhyen pa gsum ka sangs
rgyas san yod pa'i phyir/ gser phring las/ rtsa ba'i dang zhes
bya ba'i sgras bsdus pa lam shes

pa nyid dang la sogs pas gzhi shes sngar bshad pa de dag kyang
'di'i yon tan gyi sde yin no/ /zhes dang/ mtha'i dang gis bsdus
pa'i mkhyen pa gnyis dang bcas pas brgya zhe drug la ye shes
chos kyi sku zhes mdo las don gyis brjod pa/

zhes gsungs pa'i phyir/ dpal ldan pas/ gser phreng ltar na so
bdun ni nyan thos kyi lam dang/ bar ba so bzhi ni byang sems kyi
lam gyis bsdus zer ba yang mi 'thad pa kho na'o/ /rtsa bar 'dod
mi nus te/ de'i rang lugs la

don rnam so bdun dang so bzhi rgyu'i rnam par bshad pa'i phyir/
de dud d+ha shri sogs gzhan gyi lugs bkod pa yin zer na/ de nyid
las rnam pa sum cu rtsa bdun ni tshogs kyi lam dang sbyor ba'i
lam dang mthong ba'i lam gyi mtshan gzhi rnams

kyi mtshan nyid des rang lugs byas pa'i phyir dang/ gser phreng
gi dgag tshul gyis kyang shes pa'i phyir ro/ /khon re/ gser
phreng ltar na so bdun nyan thos la 'jog par thal/ de nyid las/
nyan thos la yod pa'i so bdun dang/

zhes gsungs pa'i phyir na ma khyab ste/ de dag yul du byed pa'i
rnam mkhyen so bdun 'jog pa'i don yin pa'i phyir te/ gong du
sgras zin gang zag gsum so so la byas nas sangs rgyas sar de yul
du byed pa'i de dang rigs mthun gyi rnam

@008a @#/ /rnam pa gzung ngo/ /zhes gser gling pa dang sher
'byung ltar sangs rgyas sar bzhag pa'i phyir ro/ /kho na re/
byang sems rgyud kyi byang phyogs so bdun theg dman rtogs rigs
ma yin par thal/ mdo dang

'grel ba'i dngos bstan gyi byang phyogs so bdun theg dman rtogs
rigs ma yin pa'i phyir na ma khyab ste/ rnam bshad las/ byang
phyogs so bdun rten tha dad pa'i sgo nas mkhyen pa gsum tha dad
pa'i rnam dag byed pa'i tshe nyan thos kyi

rtogs rigs su bzhag par rigs pa yin na yang/ zhes spyir byang
phyogs so bdun theg dman gyi byang chub thob pa la yang nges par
dgos pas byang sems kyi de yang theg dman rtogs rigs dang nyan
thos la yod pa dang thun mong

bar gsungs la/ mdo dang 'grel ba'i rgyam bshad dngos bstan gyi
dan nye sogs bden med rtogs pa'i ye shes byang sems nyin gyis
tshogs lam sogs su bsgom tshul bstan pas de theg dman rtogs rigs
su mi rung ba'i

phyir ro/ /bye mdo gnyis kas byang phyogs sde tshan bdun gyi sa
mtshams mdzod ltar yin te/ yig char/ de byi mdo'i lugs tsam bshad
pa yin pa'i phyir/ zhes gsungs pa'i phyir/ rnam bshad las/ tshor
ba sdug

bsngal ba dang/ sems mi rtag pa dang/ chos bdag med pa rang gi
mtshan nyid dang/ zhes de dag rang mtshan la 'jog tshul/ mdzod las/
phyin ci log gi gnyen po bzhi/ zhes rang rang gi thun mong ma
yin pa'i log

@008b 'dzin gyi gnyen por sbyar bas yin nam/ des na rang mtshan
spyi mtshan gnyis kar sbyar dgos te/ de nyid las/ mi rtag sdug
bsngal stong bdag med dang/ bden pas stong pa spyi'i mtshan nyid
kyis/ zhes gsungs pa'i phyir/

gser phreng las/ yang dag spong bzhi'i dmigs pa rnam byang dang
kun nyon ma skyes pa dang skyes pa dang skyes pa bzhi bzhag pa
gtso bo'a mched du bya ba'i dmigs par bzhag gi dmigs yul des
phye pa min te/ lam yin na yang dag spong ba bzhi ka

yin pas khyab pa'i phyir/ spong gnyen la blang dor de ltar mi
byed pa'i lam med pa'i phyir/ yig char/ de tsam yang ma thob zer
na/ zhes pa'i don de yin pa'i phyir/ de bzhin du phyi ma bzhi la
yang yul bden bzhi bzhag pa gtso bo'o/ /

'phag lam yin na byang chub yan lag dang 'phags lam yan lag
gnyis ka yin pas khyab pas/ byang phyogs phyi ma bco lnga la
yang zag bcas zag med gnyis 'jog dgos so/ /'o na yang dag pa'i
ngag sogs gsum la zag med kyi

sdom pa mi dgos sam zhe na/ gser phreng rnam bshad sogs las/ dag
gi las dag pa'i yang dag pa'i ngag ces sogs las zag med dgos
pa'i gsal kha med pa'i phyir/ des na slob pa 'phags pa'i rgyud
kyi so thar gyi sdom pa

sogs kyang 'jog gam dphyod/ rin chen bang mdzod las theg chen pa
ltar na/ 'dod pa na thams cad yod du rung la zhes gsungs so/
/sangs rgyas sa'i so thar gyi sdom pa zag med kyi sdom pa yin
min dpyad/ kho na re/ mdo las/

@009a @#/ /'dun pa skyed do/ /'bad do/ /brtson 'grus rtsom mo/
/zhes pa'i 'bad pa dang brtson 'grus gnyis bying rgod srab 'thug
gi skabs la sbyor/ zer na mdo tshig go bzlog dgos par thal/ 'thug
pa'i gnyen

po sngon du bsgom dgos pa'i phyir/ khungs med pa'i rang bzo'o/
/mdo don ni sdig spong dge sgrub kyi rgyu de don gnyer gyi 'dun
pa skyed la/ dngos gzhi'i dus su rgyu mtshan rnam gsum yid la
byed pa la 'bad dgos/ gang gi don

du 'bad na bying rgod sel pa'i don du brtson 'grus rtsom dgos/
de'i 'og tu shes bzhin gyis bying na sems gzengs bstod de 'dzin
pa dang/ rgod na dmigs pa la 'jog par byed/ ces pa yin pa gser
phreng sogs su gsal lo/

kho na re/ yig char/ lta ba'i rgyu tshul min gyi mtshan 'dzin de
bsal ba zhes pa mi 'thad par thal/ gser phreng las/ 'jig lta'i
rgyu'i rnam rtog la byas na de zhes sgrib yin pas/ zhes gsungs
pa'i phyir na ma khyab ste/ de ni nyi snang

las/ lta ba'i rgyu mtshan can gyi rnam rtog ces pa ltar bu nya
sogs kyi 'bras bur sbyar bas yin la/ 'di ni rgyan snang las/ lte
ba'i rgyu can gyi zhes 'grel ba che chung gnyis kar gsungs pas
'jig lta'i rgyu rnam rtog gi kun nyon la

sbyar bas 'gal ba med de/ 'jig lta'i rgyu 'bras gnyis ka la nyon
sgrib yod pa'i phyir ro/ /deng mdo rgyan las bshad pa'i smon med
kyis bdag 'dzin sngo pa/ zhes pa gang zag gi bdag 'dzin dang
de'i rten nyer len gyi phung po tsam

@009b spong ba'i don no/ /rje btsun pa'i mtha' dpyod las/ rnam
thar sgo gsum gang rung la stong nyid kyis khyab par sgrub pa
kho rang gi rang lugs yin min dpyad dgos te/ yin na mi rtag sogs
bcu drug la sbyar ba'i rnam thar sgo gsum

gsungs pa sogs dang 'gal lo/ /bstan dar pa dang bsod grags pas
mdo rgyan las chos kyi sdom bzhi rnam thar sgo gsum gyi yul du
gsungs par bshad pa mi 'thad de/ de las ting nge 'dzin gyi rgyu
nyid du/ /zhes rgyud gsungs

pa'i phyir dang/ dang po gsum rtogs pa'i skyes bu chung ngu'ang
yod pa'i phyir ro/ /spyir rnam thar sgo gsum gyi nang gi stong
pa nyid dang steng nyid kyi ting nge 'dzin dang rnam par thar
pa'i sgo stong nyid gsum don gcig ste/ gsum ga

lam ma zhugs na yod pa'i phyir/ bye smra dang mi 'dra'o/ /sprul
pa'i lam gsum gyi lus rten sogs 'grel pa'i mchan 'grel du bshad
zin la/ snang ba gnyis kar rnam thar dang po'i skabs su bsam
gtan nam gzugs med pa zhes sems rten dang/

gzugs kha dog bzang po sogs yul gsungs pa gsum kar sbyor dgos
pas/ yig char sems rtan des zhes pas yul bzang ngan yang 'phangs
so/ /sprul tshul rnam thar dang po'i sgrul pa de la dmigs nas
sprul pa po rang

nyid gdul bya la snang bar byas te sprul gzhi'i gzugs de las che
ba'am chung ba dang de las bzang ngan sna tshogs su ji ltar 'dod
pa ltar sprul lo/ /gnyis pa'i tshe ring la ming bzhi'i phung po'i
'du shes bzhag nas rang mi snang bar byas te

@010a @#/ /sngar ltar sbrul la/ rtogs snang ltar gsum pa'i sbyor
ba'i dus su sdug mi sdug phan tshun ltos bcas dang bdag gcig pa'i
'du shes gnyis goms par byas te/ mthar ram dngos gzhi'i dus su
gzugs

thams cad sdug pa yid 'ong du mos te thams cad sdug pa yid 'ong
du sprul lo/ /'dis 'du shes dang po gnyis sbyor ba yin pa bzhin
du snga ma gnyis kyi rnal 'byor pa rang la gzugs kyi 'du shes
bzhag pa dang gzhig pa'i blo yang

sbyor ba yin te/ dngos gzhi'i dus su gzugs la dmigs pa las gang
zag la dmigs pa mngon du mi gyur ba'i phyir ro/ /nyi snang las/
bsam gtan dang po la sogs pa zhes pa ltar/ gser phreng las/ zad
par dang po

brgyad kyi sems rten la bsam gtan bzhi ka'i dngos gzhi yod par
gsungs pas rnam thar dang po gsum dang zil gnon brgyad kyi sems
rten la yang yod chog gam kun btus kyi der ma nges pa'i phyir/
yig char/ rnam thar phyi

ma lnga'i mngon du byed tshul yod de/ rten rnam thar dang po thob
cing sems rten dang yul 'dra zhing zhes pas rten rnam thar dang
po gsum thob pa dgos par gsungs pas/ sngar dang po gsum gyi rten
lus mngon byed

sogs bshad pa rang lugs min par 'gyur snyam ste/ rgyas par mchan
'grel du bshad zin to/ /sems rten rang sa'i dngos gzhi dang
sbyor ba'i tshe rang sa'i phung po la dmigs par 'dra zhing lta
tshul rnal 'byor pa rang la

@010b gzugs can ma yin pa nam mkha'i ming bzhi'i 'du shes bzhag
ste mos zhes pa/ dang po nam mkha' mtha' yas rnam thar gyi mos
tshul yin la/ de bzhin du lhag ma gsum la rang sa'i ming bzhi'i
phung po'i 'du shes bzhag ste/ rnam

shes mtha' yas so snyam du mos pa la sogs pa la mdzod ltar
gsungs pa yin no/ /des na de la zag med kyang yod pas dags la mi
dgos la/ mdzod ltar rang sa'i kun dkris dang ma 'dris bas mi
chog ste/ rnam thar dang po

gsum thob pa dgos pa'i phyir ro/ /mchan 'grel ba mkhan na re
'das lam dang po brgyad gang rung yin na/ zag med bden pa'i rnam
pa can gyis khyab par thal/ rnam bshad las/ rnam thar brgyad ni
byang 'phags rnams kyis 'das

lam gyi ngo bor bskyed nus pa dang/ zhes dang/ gser phreng las/
srid rtse la zag med med par mngon pa ba rnams 'dod kyang slob
dpon 'di zag med bzhed pas de brgyad kyi zag med kyi cha ni 'das
lam gyi ngo bo yin pas der

'jog la/ zhes gsungs pa'i phyir na ma khyab ste/ de gnyis ka nyi
snang las 'gog snyom 'das lam gyi stobs kyis thob ces pa'i 'das
lam la zag med dgos pa'i don yin gyi/ zag med bden pa'i rnam can
ma yin pa'i phyir

te/ mngon pa pas srid rtse la zag med bden pa'i rnam can bzhed
â¥pa mdzod sdom ltar yin pa'i phyir dang/ 'das lam zag bcas rnams
'das lam du 'jog pa rgyud dang zin byed kyi sa bzhag pa'i phyir/
gser phreng las
@011a @#/ /kyang gser phreng gi lung/ 'di dang/ 'grel pa'i tshig
'grel skabs 'dzin stangs mi gsal ba'i shes bar bzhed dam snyam
ste/ yig char/ gser phreng las/ mi gsal ba tshon 'du rags

pa bkag pa'i sems phra mor bshad pa ltar rnam bshad las kyang
bzhed pa'i phyir/ zhes 'grel bar zhi bar gnas pa'i lam gyi sogs
dang/ rnam bshad las/ tshor ba dang 'du shes rags pa zhi bas zhi
bar gnas pa'i lam

zhes sogs drangs la/ gong du rnam bshad las ldan min 'du byed
kyi khyad par la bzhed par gsal gyi zhes pa'i don slob dpon dang
'phags pas dgag gzhi yid kyi rnam shes kyi steng du tshor 'du
rags pa bkag pa'i ldan min gyi ngo

bor bskyed pa'i snyoms 'jug gi ting nge 'dzin la bzhed ces pa'i
don yin pa'i phyir te/ /zhes yig cha gzhan rnams kyis gser
phreng rnam bshad rtogs snang rnams kyi dgongs par byas nas/
'phags seng lugs la 'gog snyoms

ldan min yin zer ba bkag la/ de dag gis khyad par la zhes sbyar
ba'i zhib cham thon no/ /de'i sgrub byed yig char sde bdun rgyan
drangs pa ni/ des 'gog snyoms pa'i rgyud la sems mi gsal ba'i
cha pha mo yod par bstan la/

lugs 'dir kun gzhi med pas de 'gog snyoms las 'os med pas 'gog
snyoms ston byed du byas chog pas yin no/ /khyab ste/ 'di rje
rin po ches bzhed pa sras mchog zla bral gnyis la brtsal ba bkod
pa yin

@011b pa'i phyir/ zhes shes pa yin pa rje yab sras gsum ga'i
dgongs par gsungs so/ /yig char/ sgrub byed snga phyi pa sdom
pas rnam thar yin pas lam yin pa'i phyir/ zhes pa don gsang gis
'dod tshul dang po

dgag skabs rnam par thar pa brgyad dang ldan pa zhes pa dang/
gnyis pa dgag skabs ldan pa min pha rnams kyang bsal zhes pa
bsdom pas lam du bstan zhes pa yin la/ de gnyis kyis gsum pa'ang
bkag ste/ 'gog snyoms

shes par bshad pa rang rgyud pa'i lugs yin nam dpyad/ skabs 'dir
'gog snyoms pa'i rgyud kyi sems phra mo de 'gog snyoms yin la/
rigs pa'i rjes 'brang gi 'dod sems gnyis kyis lugs la/ de'i
rgyud kyi sems phre mo

de mtshan gzhi'i rnam shes yin na de tshor 'du rags pa bkag pa'i
cha la dmigs sam/ min na gang zag de'i tshor 'du rags pa bkag
pa'i cha la mnyam par bzhag ma bzhag dka' la/ yang na rang lugs
skabs su mdo sems

gnyis ldan min du bzhed par sa sde dang sdom gnyis su bshad
gsungs pas gong gi sde bdun rgyan gyis rigs pa'i rjes 'brang gi
lugs kyi 'gog snyoms shes par bstan nam dpyad par bya'o/ /rang
rgyud pa'i lugs yang de'i rgyud

kyi thabs shes gnyis dang bden 'dzin sogs kyang phra mor 'dod
dgos pas phra rags kyi khyab par gang gis 'byed dpyad/ thun mong
dang thun mong ma yin pa'i rnam mkhyen gyi rnam pa'i mtshan nyid
la cha bzhag ma sbyar na/ stobs bcu gang rung gi ngo bor

@012a @#/ /gyur pa'i dran nye bzhi chos can/ thun mong ba'i rnam
mkhyen gyi rnam pa yin par thal rang nyid gang gi sder gtogs
pa'i sde tshan mtshan nyid pa 'phags pa 'og ma'i rgyud la yod pa'i
mthar thug

gi mkhyen pa yin pa'i phyir/ rtags grub ste/ rang nyid gang gi
sder gtogs pa'i sde tshan mtshan nyid pa nyan thos la yod pa'i
phyir te/ rang nyid gang gi sder gtogs pa'i sde tshan la byang
phyogs kyi sde tshan 'jog pa'i

phyir/ ma grub na/ rnam mkhyen gyi ngo bor gyur pa'i dran nye
gang du gtogs pa'i sde tshan la byang phyogs kyi sde tshan mi 'jog
par thal lo/ /rtsa bar 'dod na/ de chos can/ thun mong ba'i rnam
mkhyen gyi rnam pa ma yin par

thal/ nyan thos dang thun mong ba'i de ma yin pa gang zhig
/byang sems dang thun mong ba'i rnam mkhyen gyi rnam pa ma yin
pa'i phyir/ dang po grub ste/ theg dman rtogs rigs ma yin pa'i
phyir/ gnyis pa la/

de chos can/ byang 'phags dang thun mong ba'i de yin par thal/
rang nyid gang gi sder gtogs pa'i sde tshan mtshan nyid pa byang
'phags la yod pa'i de yin pa'i phyir te/ byang phyogs kyi sde
tshan byang 'phags la yod

pa'i phyir na ma khyab ste/ byang sems la yod pa'i sde tshan la
rnam thar sgo gsum nas phar phyin bcu pa'i bar gyi sde tshan lnga
po de las mi 'jog sde/ 'di'i sde tshan/ zhes pa mkhyen gsum gyi
rnam par rang rang gi

@012b skabs kyi sde tshan la byed dgos pa'i phyir/ nyan thos dang
thun mong ba'i rnam mkhyen gyi rnam pa dang byang sems dang thun
mong ba'i rnam mkhyen gyi rnam pa gnyis mi 'gal te/ mi rtag sogs
bcu drug rtogs pa'i rnam

mkhyen de gnyis ka yin pa'i phyir/ gzhan du na gang yang ma yin
par thal lo/ /de gang du gtogs pa'i sde tshan la byang phyogs
dang rnam thar sgo gsum gnyis ka bzhag chog go /kho na re/ stobs
bcu gang rung du gyur

pa'i phar phyin bcu thun mong ma yin pa'i rnam mkhyen gyi rnam
pa yin par thal/ de'i ngo bor gyur pa'i dran nye thun mong ma
yin pa'i de'i phyir na ma khyab ste/ de byang sems la yod pa
dang thun mong ba'i rnam

mkhyen gyi rnam pa yin pa'i phyir/ der thal/ rnam mkhyen du gyur
pa'i phar phyin bcu byang sems la yod pa dang thun mong ba'i
rnam mkhyen gyi rnam pa yin pa'i phyir/ 'o na sangs rgyas sa'i
phar phyin bcu po gang

rung la thun mong ma yin pa'i rnam mkhyen gyi rnam pa med par
thal/ rnam mkhyen du gyur pa'i phar phyin bcu de ma yin pa'i
phyir na ma khyab ste/ sangs rgyas sa'i phar phyin bcu'i ngo bor
gyur pa'i gnas dang gnas

min mkhyen pa'i stobs sogs thun mong ma yin pa'i rnam mkhyen gyi
rnam pa yin pa'i phyir te/ mdo las/ sher phyin 'di ni sbyin pa'i
pha rol tu phyin pa'o/ /zhes dang/ 'di ni stobs bcu'i pha rol tu
phyir pa'o/ /

@013a @#/ /zhes gang du gtogs pa'i sde tshan gyi ming gis gsungs
pa'i phyir/ des na cha bzhag gis bsdu rgyu gcod rgyu gnyis yod
do/ /mi mthun phyogs kun las rgyal zhing/ /de dag gis brdzi mi

nus pa'i cha nas bzhag pa'i mkhyen pa 'dir bstan stobs kyi mtshan
nyid yin gyi/ stobs kyi mtshan nyid min la/ sangs rgyas kyi stobs
kyi mtshan nyid kyang min te/ rgyud blar sred med bu yi stobs
mnga' mkhregs pa'i sku/

zhes sku'i stobs dang/ mdo sde rgyan las/ bde gshegs gsungs ni
mtha' yas te/ yan lag drug cu bsam mi khyab/ ces gsung gi stobs
bstan par rol mtshor gsungs pa'i phyir/ dang po gnas dang gnas

min mkhyen pa'i stobs kyis bde 'gro dang ngan 'gror 'gro ba'i
thabs la bslu ba dang/ las dang rnam smin mkhyen pas ni 'jig
rten pa'i lha sogs lam log par ston pas skyabs su bslu ba dang/
bdun pa nyon mongs rnam byang mkhyen

pa'i stobs kyis zag bcas kyis dge ba la thar bar 'khrul ba'i
bslu ba dang/ mos pa sna tshogs mkhyen pa sogs bdun gyis theg
chen gyi nges par 'byung ba la bslu ba'i bdud 'joms shing zil
gyis gnon pas stobs su brjod de/

mdo sde rgyan las/ thabs dang skyabs dang dag pa dang/ /theg
chen nges par 'byung ba la/ /sems can rnams la rab bslu ba'i/
/bdud 'joms khyod la phyag 'tshal lo/ /zhes gsungs pa'i phyir ro/
/de bzhin du mi

@013b 'jigs pa dang/ so rig dang/ ma 'dres pa'i mtshan nyid la
yang cha bzhag med na rnam mkhyen thams cad der thal ba bsdus
don ltar ro/ /so rig gi 'chad bya 'chad byed ni/ /mdo sde rgyan
las/ rten dang brten pa bshad

bya dang/ /gsung dang mkhyen pa 'chad byed la/ /blo gros thag
thog mi mnga' ba/ /legs ston khyod la phyag 'tshal lo/ /zhes pa
ltar/ rten lung gi chos dang/ brten pa don gnyis bshad bya dang/
/'chad byed gsum nges

tshig dang mkhyen pa spobs pa gnyis la bya'o/ /rje btsun pa dang
bsod grags pa sogs na re/ so rig bzhi byang sems kyi rgyud la
yod par thal/ mdo sde rgyan las/ so so yang dag rig blo bzang/
/sa de legs pa'i blo gros

yin/ /zhes pa ltar/ rin chen phreng ba sogs su gsungs pa'i phyir
na ma khyab ste/ sangs rgyas kyi so rig bzhi gang du gtogs pa'i
sde tshan mtshan nyid pa 'phags pa 'og ma la med pa'i phyir te/
thun mong ma yin pa'i rnam

mkhyen gyi rnam pa yin pa'i phyir/ khyab ste/ 'grel pa las/ shin
tu phul du byung ba'i phyir/ thun mong ma yin pa'i lam gcig bu
kho na yin te/ zhes pa ltar/ snang ba gnyis kar gsungs la/ mdo
las/ thams

cad ye shes chags pa med pa dang thogs pa med pa nyid kyi phyir
ro/ /zhes gsungs pa'i phyir ro/ /ma 'dres pa'i ma 'dres sa gtso
bo nyan rang yin te/ mdo sde rgyan las/ nyan thos rang sangs
rgyas kun kyi bla ma/ zhes

@014a @#/ /dang/ nyi snang las/ nyan thos dang rang sangs rgyas
kyi chos thams cad las yang dag par 'das pa'i phyir ro/ /zhes
gsungs pa'i phyir/ des na 'grel ba'i zin bris las/ spyod

pa ma 'dres pa sogs 'di dag ni byang 'phags la'ang yod na sangs
rgyas la yod pa lta smos kyang ci zhes pa/ nyan rang dgra bcom
la yod pa'i ma brtags par sprul nag po rkang pas brdzis pa'i
gnod pa dang bag chags

goms pas dben par ca co 'don pa sogs byang 'phags la med pa'i
don yin gyi/ ma 'dres pa bco brgyad rigs 'dra tsam yang byang
sems la med de/ rtogs snang las/ spyod pa ma 'dres pa yin te/
khyod

kyi rigs sangs rgyas kho na la mnga' ba'i spyod pa yin pa'i
phyir/ zhes dang/ rtogs pa ma 'dres pa yin te/ khyod gyi rigs
sangs rgyas kho na la mnga' ba'i rtogs pa yin pa'i phyir/ zhes
gsungs pa'i

phyir/ byang 'phags kun slong gi rtog par ltos/ 'di ni kun slong
sogs la mi ltos par thams cad la mnga' bsgyur stongs kyis 'khrul
ba mi mnga' ba sogs la byed pa'i phyir/ kho na re/ rnam mkhyen
yin nam

'dres pa bco brgyad kyi dang po yin pas khyab par thal/ de yin
na sku 'khrul ba mi mnga' ba'i ye shes yin pas khyab pa'i phyir
na ma khyab/ rtags grub ste/ de yin na kun slong sogs lam ltos
par sku'i spyod

@014b lam thams cad ma 'khrul bar gzigs pa'i ye shes yin pas
khyab pa'i phyir/ des na de'i rang ldog slob lam du khus kyi
spyod lam 'khrul ba bsrung ba'i ye shes kyi rdzas rgyun yin pas
der bzhag gi de yin na ma khyab po/ /de bzhin du

rtogs pa ma 'dres pa drug gi dang po la yang slob lam du dus
rtag tu sems can gyi don mdzad 'dod dang byams sogs lam la rgyun
du 'jug 'dod kyi 'dun pa sogs kyi rgyun du gyur pa'i rnam mkhyen
'jog pa sogs lhag ma rnams kyang rang ldog

dang rdzas rgyun gyis 'jog tshul shes dgos so/ /dus gsum gyi 'jog
tshul/ bye smras bya ba byas zin 'das pa dang/ bya ba ma byas
pa'am ma skyes pa ma 'ongs pa dang/ bya ba byed bzhin pa da ltar
ba'i mtshan nyid du bzhag nas/

'das ma 'ongs gnyis rang gi ngo bo 'gag pa dang ma skyes par
'dod pa dang 'dod tshul bzhi yang don la khyad par med tshul sogs
chos mngon rin chen sgron me rab bshad zin to/ /mdo sems rang
rgyud pa gsum gyis dngos po gzhan zhig 'gag

pa'i cha dang/ dngos po gzhan zhig skye ba'i rgyu yod kyang re
zhig ma skye ba'i char gyur ba'i med dgag dang/ skye sa lam 'gag
pa gsum dang/ thal 'gyur bas dngos po gzhan zhig skyes zin zhig
pa'i cha dang/ dngos po gzhan ma 'ongs pa'i

cha gang yang min zhing skyes lam 'gag pa da ltar ba'i mtshan
nyid du byas nas/ dus gsum dngos por bzhed pas skyes lam 'gag pa
da ltar pa'i mtshan nyid du mi 'dod de/ stong thun las/ dus gsum
gyi mtshan nyid 'di

@015a @#/ /ltar du 'dod pa dang/ 'das ma 'ongs yin na/ dngos por
med pas khyab par khas len pa la mdo sde pa dang sems tsam pa
dang dbu ma rang rgyud pa gsum la khyad par med cing/ zhes dang/

dbu ma thal 'gyur ba ni dus gsum ga dngos por bzhed kyang myu gu
ma 'ongs pa dang myu gu 'das pa'i dus na myu gu yod par khas mi
len pas bye brag smra ba dang ma 'dra'o/ /zhes gsungs pa'i
phyir/ skyes la 'gag pa dang/ skye ba'i

rgyu yod kyang ma skyes pa med de skyes na ma 'gag pas khyab la/
rang skye ba'i rgyu yod na skyes pas khyab pa'i phyir/ gzhi la
sbyar ba dang mi 'dra'o/ /dngos po yin na/ rang dus cha gsum yod
pas khyab kyang/ rang dus skad

cig snga phyi bar gsum yod pas ma khyab zer ram dpyad/ kha cig
/dngos po yin na/ khyod kyi skye gnas 'jig gsum dus mnyam du
grub pas khyab zer na/ zhes pa skye dus gnas dus 'jig dus gsum
dus mnyam du grub

pas khyab zer na/ zhes pa yin te 'og tu 'dod na/ myu gu skye
pa'i dus yin na de 'jig pa dang gnas pa'i dus yin pas khyab par
thal/ de gsum dus gcig yin pa'i phyir/ zhes gsungs pa'i phyir
dang/ dngos po yin

na/ khyod kyi skye gnas 'jig gsum khyod dang grub bde rdzas gcig
yin pas khyab pa'i phyir ro/ /yig char/ dngos po la rang gi
dngos rgyu'i dus de rang gi skye dus dang/ rang grub pa'i dus de
rang gi gnas dus dang/ rang

@015b dus skad cig gnyis pa'i dus de rang gi 'jig dus yin pa'i
phyir/ zhes gsungs so/ /de la kho na re/ bsdus grwa'i mtha'
dpyod las/ myu gu skad cig dang po'i dus de myu gu skye dus yin
par thal/ /myu gu skad

cig dang po'i dus de sa bon 'gag dus yin pa'i phyir/ zhes pa mi
'thad par thal/ de myu gu'i rang dus yin pa'i phyir/ khyab ste/
yig char/ de rang dus skye dus ma yin pa'i phyir te/ rang dus su
skyes zin pa'i phyir/

zhes gsungs pa'i phyir zer na/ dbu ma'i zin bris nor bu'i phreng
mdzes las/ myu gu skye dus la myu gu'i dngos rgyu'i dus dang/
skad cig dang po'i dus gnyis ka myu gu skye dus la bshad pa sku
phyogs la zhus par de sgra'i lugs

kyi bshad pa gcig red byed pa dang bya ba gnyis yod rgyu yin
gsungs/ zhes pa ltar/ dang po byed pa po rgyus skye ba'i bya ba
byed dus dang/ gnyis pa bya ba 'bras bu rang dngos su skyes dus
la byed la/ bzhi pa 'dir dang po

gtso bor gsungs so/ /dbu ma'i zin bris las skye ba la bya byed
gnyis byas te/ myu gu skye dus la de'i rgyu dus dang rang dus
gnyis bshad pa ltar 'jig pa la yang bya byed gnyis bshad par
mngon te/ zhes pa ltar myu gu 'jig dus la

yang myu gu rang dus skad cig tha ma'i dus dang rang dus de las
skad cig gnyis pa'i dus gnyis ka 'jog ste/ bsdus chen las/ myu
gu chos can/ khyod skad cig snga phyi bar gsum phye ba'i tha
ma'i dus de khyod kyi 'bras bu skye
@016a @#/ /dus dang/ khyod 'jig dus gnyis ka yin par thal/ khyod
skad cig snga phyi du ma'i bdag nyid can gyi dngos po yin pa'i
phyir/ zhes gsungs pa'i phyir/ yig char/ rang gi 'gag dus dang

rang gi 'jig dus don gcig pa'i phyir/ zhes gsungs kyang/ rang gi
'gag dus dang zhig dus la 'bras bus dgos so/ /myu gu'i dus su
myu gu mi 'jig kyang de dus su mi 'jig pa min te/ 'jig pa yin
pa'i phyir ro/ 'di dag la mdo sems

dbu ma pa kun mthun no/ /thal 'gyur bas 'das pa bu shi ba dang
'brub rlag pa zas dang chu sogs zad pa las skyes shing bum pa ma
'ongs pa bum pa skye pa'i rkyen ma tshang ba las skyes pas 'dus
byas su bzhag nas/ dbu ma'i

yig char/ dngos po gzhan zhig rang nyid skye byed kyi rgyu yod
kyang rkyen ma tshang bas ma skyes pa'i cha ma 'ongs pa'i mtshan
nyid du bzhag pa la/ dpal ldan pas/ de rtsa shes TIka chen gyi
rab byed bcu dgu pa tsam las gong 'og ma bsgrigs

pas skyon yin/ zhes pa/ rab byed dgu pa'i Tika chen las/ mar
me'i skad cig tha mas nges rigs 'dra ma 'ongs pa skyed pa'i
rkyen ma tshang ba yin la zhes sogs dang/ rab byed nyer lnga pa'i
Tika chen las/ nyon mongs

la sogs pa'i rgyu rkyen rgyun chad pa las phyi ma'i rigs 'dra ma
skyes pa ni/ zhes sogs drangs nas mar me dang nyon mongs rgyun
chad pa las phyi ma'i rigs 'dra ma skyes pa gnyis po de gang ma
'ongs pa'i gzhi'i dngos po med pa'i phyir

@016b te/ de gang ma skyes pa'i gzhi la rgyun chad kha ma'i mar
me dang/ nyon mongs kyi phyi ma'i rigs 'dra 'jog dgos zer ba mi
'thad de/ de dag gi gang ma 'ongs pa'i gzhi la mar me dang nyon
mongs skad cig tha ma 'jog gi rigs 'dra phyi ma mi

'jog pa'i phyir/ rtags dang po grub ste/ snga ma'i snum sdong
dang phyi ma'i rgyu kho rang gi sa bon zad pas de dag gi ribs
'dra phyi ma ma skyes ba'am ma 'ongs par bzhag pa'i phyir te/
yig char/ mar sdong zad nas mar me'i rigs

'dra phyi ma skye pa'i rkyen ma tshang ba de mar me'i rigs 'dra
phyi ma ma 'ongs pa mi skye ba'i rgyu yin pa'i phyir/ nas/ rkyen
ma tshang na mi skye la tshang na skye rung dam skye rgyu de 'dus
byas yin pa'i phyir/ ji skad du rigs pa drug cu pa'i 'grel

pa las/ de la ni 'o na rkyen ma tshang ba ma 'ongs pa mi skye ba
la rgyur gnas te/ gal te rkyen ma tshang bar ma gyur na ni de
nges par skye par 'gyur ro/ /zhes gsungs pa'i phyir/ ma 'ongs pa
dngos por lung 'di las shes dgos

gzhan lung zhal gsal ba mi snang ngo/ /zhes gsungs pa'i phyir
dang/ mar me de rgyu snum sdong zad par ma gyur na phyi ma phan
chad nges par skye par 'gyur ba 'grel ba'i don yin pa'i phyir/
rab byed bcu dgu'i Tika chen tsam

las ma gzigs pa min pa las snang dag na shes sla'o/ /gnyis pa
grub ste/ gang zhig ma 'ongs pa'i gzhi la rgyu las skyes pa dgos
pa'i phyir te/ rtsa shes Tika chen las/ ma 'ongs pa'i rigs 'dra
ji snyed cig byung yang

@017a @#/ /dngos po gzhan gcig ma skyes pa kho na'i sgo nas rang
gi ngo bo bzhag dgos pas/ zhes dang/ mngon pa las/ rgyu yod
kyang ma byung ba zhes pa yang gang ma 'ongs pa'i gzhi de'i rgyu
yod pa la bya ste/

Tika chen las gang zhig ma 'ongs pa'i gzhi de nam yang 'byung
ba'i med pas ma phyin pa ni ma 'ongs pa ma yin no/ /zhes gsungs
pa'i phyir/ kho na re/ rgyu yod kyang ma byung zhes pa rgyun
'chad kha ma'i mar me dang nyon mongs

skye ba'i rgyu yod kyang zad nas ma skyes zhes sbyor dgos zer/
'o na yig cha'i de skyogs mi dgos par thal/ de dag gang ma skye
pa'i gzhi la rgyun 'chad kha ma'i mar me sogs bzhag na legs pa'i
phyir/ ma grub na/ de dag

gi rigs 'dra phyi ma med pa'am ma 'ongs pa chos can dngos po
gzhan zhig ma 'ongs pa'i cha ma yin par thal khyod grang ma
'ongs pa'i gzhi'i dngos po med pa'i phyir/ rtags khas/ 'dod na/
de chos can/ da ltar ba

yin par thal/ dngos po gzhan zhig ba'i cha dang dngos po gzhan
ma 'ongs pa'i cha gang yang ma yin zhing skyes lam 'gag pa yin
pa'i phyir/ da ltar ba'i mtshan nyid kyang bsrub zhig /ri bong
rwa dang rgyun 'chad kha ma'i mar

me'i rgyun phyi ma gnyis dang po nas rgyu rkyen yod med kyis de
dag ma skyes pa ma 'ongs pa yin min gyi khyad par phye ba mi
'thad par thal/ rgyun 'chad kha ma'i mar me'i rgyun phyi ma de
dang po nyid nas med pa yin pa'i phyir te/ dus thams cad du med

@017b pa yin pa'i phyir/ zas med pa rgyu min la zas zad nas med
pa rgyu yin zer ba mi 'thad par thal/ rigs pa drug cu pa'i 'grel
pa las/ 'jig rten na ni med pa yang rgyu nyid du yod de/ 'di
ltar chu med na nga'i 'bru ma rung

bar 'gyur ro/ /zas med pas nga'i bu shi'o/ /zhes de skad du 'bru
dang bu dag brlag pa chu dang zas med pas byas par smra'o/
/gzhan yang 'jig rten na grags pa'i don 'jig rten grags pa kho
nas bzhag par bya yi/ zhes

gsungs pa'i phyir dang/ ma la bu skye ba'i dang po nas zas med
pa dang/ gzhi der dang po nas chu med pa gnyis bu shi ba dang
'bru brlag pa'i rgyu yin pa 'jig rten phal bas kyang grub pa'i
phyir dang/ chu'i rgyu dus su chu med pa

rgyu yin pa gang zhig /de chu zad nas med pa ma yin pa'i phyir/
dang po grub ste/ de dus su chu ma skyes pa ma 'ongs pa yin pa'i
phyir dang/ de dus su chu med ces pa'i sgras de dus su chu skyes
pa'i rkyen ma tshang ba dang/ rkyen

tshang na skye ba 'phang pas 'og ma dang mi 'dra bar ma yin dgag
yin pa'i phyir te/ yig char/ myu gu ma 'ongs pa'i sgras myu gu
ma 'ongs pa la myu gu skye pa'i rkyen ma tshang bas re zhig ma
skyes la rkyen tshang na skye pa 'phen pa'i phyir ram/

yang na myu gu ma 'ongs pa'i sgras myu gu ma 'ongs pa la myu gu
skye pa'i rkyen ma tshang ba'i dngos pod 'phen pa 'di zla ba dang
rje'i dgongs par mdzad pa'i phyir/ zhes gsungs pa'i phyir/ des
na dug gsum med pa dge rtsa yin kyang dug

@018a @#/ /gsum med tsam med dgag yin zer dgos te/ dbu ma'i zin
bris las/ chu med pa dang zas med pa gnyis sogs dngos po gang
dang gang gi kho med pa 'bras bu gzhan zhig gi rgyu yin par

lung de dag gis bshad pas/ nas/ chu med pa rgyu yin zhes pa yang
chu med tsam de la mi byed par 'das ma 'ongs gnyis ma yin dgag
tu bshad pa ltar ma yin dgag gcig la byed/ ces gsungs pa'i
phyir/

rgyun 'chad kha ma'i mar me'i rgyun phyi ma ma skyes pa ma 'ongs
pa yin kyang de 'dra'i mar me'i rgyun phyi ma de ma 'ongs pa med
dgag yin te/ de de'i rgyun phyi ma bkag tsam gyi cha yin pa'i
phyir ro// ! yig char/ 'phros kyi

skabs dang po nyid thos pa dang phyi ma gsum bsam sgom la sbyar
ba/ rtsa bar mnyan pa yi snod yin no/ /zhes pas yin la/ bsdus
don las/ dang po gnyis thos par sbyar ba gnyis pa tshig blo la
'dzin pas bzhag pas

yin no/ /'og tu nyan pa'i snod gsum dang bsam sgom gyi snod dang
bzhi yod pa'i phyir/ zhes gsungs pas phyi ma gsum ga la bsam
pa'i snod 'jog dgos so/ /nyan thos sde pa'i byang sems sngar
bshad pa'i

dman sgrib la gnas zhes pa theg dman la zhen pa'i dbang gis theg
chen gyi chos la khong khro'i sgrib pa dang ldan pas yin pa
sgrub tshul gyis shes so/ /yig char/ kha cig na re/ phyi nang gi
bshes gnyen gnyis dang ldan pa'i

@018b byang sems de/ 'dir bstan sbyor ba bsgom pa'i rten gyi
gang zag gi mtshan nyid zer na/ gzhung snga ma'i bstan don phal
ba'i sems tsam pa'i byang sems tshogs lam pa chos can/ der thal/
de'i phyir/ rtags grub

ste/ sems ma tsam par gyur pa'i sher mdo'i gdul bya phal ba yod
pa'i phyir/ zhes pa/ rol mtsho las/ kho na re/ byang sems tshogs
lam pa yin na yul nyan pa'i snod yin dgos par thal/ sbyor ba
'thad

pa'i phyir na ma khyab/ 'dod na/ sems tsam par gyur pa'i byang
sems tshogs lam pa chos can/ der thal/ de'i phyir/ zhes zer/ des
na phyi nang gi bshes gnyen gnyis dang ldan pa'i skabs 'dir
dngos su

bstan pa'i sems dpa' skabs 'dir dngos su bstan pa'i sbyor ba
bsgom pa'i rten gyi gang zag gi mtshan nyid/ dbye na/ zhes pa
nas/ snod de bzhir yod/ sbyor ba sgom pa po'i gang zag yin na/
byang sems yin pas

ma khyab ste/ nyan thos tshogs lam pa de sbyor ba sgom pa po'i
gang zag yin pa'i phyir/ rnam rdzogs sbyor ba sgom pa'i lam ma
zhugs gyi gang zag med de/ de yin na byang chub sems dpa' yin
dgos pa'i phyir/ zhes bshes

gnyen gnyis ldan gyi 'dir dngos su bstan pa'i byang sems/ 'dir
dngos su bstan pa'i sbyor ba bsgom pa'i rten gyi gang zag gam
yum nyan pa'i snod du rung gi mtshan nyid du bzhag nas/ de la
stong nyid rtogs dgos par bshad

@019a @#/ /pa dgag ched yin pas/ 'dir dngos su bstan pa'i sbyor
ba bsgom pa'i rten nam sher phyin nyan pa'i snod rung yin par
thal/ 'dir dngos su bstan pa'i bshes gnyen gnyis ldan gyi byang
sems yin pa'i

phyir/ rtags grub ste/ 'dir dngos su bstan pa'i sher mdo'i gdul
bya phal bar gyur pa'i sems tsam pa yod pa'i phyir/ gzhan yang/
nyan pa'i snod rung gi nyan thos tshogs lam pa chos can/ byang
sems yin par

thal/ 'dir bstan sbyor ba bsgom pa'i snod rung yin pa'i phyir/
rtags grub ste/ 'dir bstan nyan thos kyi sbyor ba bsgom pa'i
gang zag yin pa'i phyir/ zhes pa yin no/ /bsod grags pas dngos
bstan de ltar 'dod

la/ yum nyan pa'i snod rung la stong nyid rtogs pa'i theg chen
rigs can dgos kyang lam ma zhugs yod zer pas de yang bkag go
/kha cig /sbyor ba'i snod rung la de gsum ga byas pas khyab zer
na/ zhes pa nyi snang las/

spong bar byed pa'i rgyu ni/ zhes spong byed dge rtsa chung ba
dang/ yongs su mi 'dri ba dang/ sngon spyad pa dang mi ldan pa
gsum gyi bzlog phyogs sangs rgyas la bsnyen bkur ba dang/ yongs
su 'dri ba dang/ sbyin sogs spyad pa gsum

ga byas pas khyab zer na/ de snod phyi ma gsum so so'i khyad par
yin pas thams cad la de gsum tshang mi dgos zhes pa yin no/
/khyad par gsum tshang ba'i 'dir bstan gdul bya 'dir bstan nyan
snod kyi mtshan nyid yin pa/ mdo

@019b rtsa 'grel kun gyi tshig la thon yod pas/ de la lam ma
zhugs dang nyan thos yod de/ sher mdo'i ched du bya ba'i gdul
bya lam ma zhugs pa dang/ rab 'byor kun dga' bo sogs sher phyin
nyan pa'i snod rung yin pa'i phyir/ snod rung

bzhi pa la nyan rang med de/ de la phyin drug la spyod pa dgos
pa'i phyir te/ rtsa bar/ sbyin dang tshil khrims sogs spyod pas/
/zhes dang/ nyi snang las/ pha rol tu phyin pa drug gi spyod pa
dang ldan pa ni/ zhes gsungs pa'i

phyir dang/ nyan thos rnams phyin drug ring gi nyams su mi len
par gzhan la bsgrags pa tsam yin pa'i phyir snyam ste dpyad/ de
re re la bzhi yod de/ zhes pa snod rung bzhi po re re la rang
rang gi khyad par re re sbyar ba sdom na bzhi yod

de dang po'i sangs rgyas la dge rtsa bskrun pa sngar sod zin pas
de dang/ sangs rgyas la bsnyen bkur ba dang/ don 'dri ba dang/
sbyin sogs bcu spyad pa bzhi po de yin pa'i phyir dang/ dge ba'i
bshes gnyes gyis byin gyis rlabs

pa bzhi sa mtha' dang/ sangs rgyas la bya ba byas pa dang por
sbyar bas rim bzhin du nyan 'dzin mi brjed tshul bzhin yid byed
kyi snod rung bzhi yod pa'i phyir te/ thog mtha' gnyis thams cad
la sbyar bas bzhi ka la rang rang gi khyad par

dang gsum tshang dgos pa'i phyir/ zhes pa yin pa sgrub byed kyis
shes pas gong 'og bsgrigs dgos so/ bsod grags pas/ skabs 'di'i
dngos bstan gtso bo'i sbyor ba yin na/ ji lta ba la dmigs pa'i
zhi lhag zung 'brel

@020a @#/ /gyi sbyor ba yin pas khyab zer ba dang/ rje btsun pa
sogs kyis de la de 'dra'i zhi lhag zung 'brel gyis zin pas khyab
zer zhing/ gnyis kas tshegs chen yun ring rtogs pa'i sbyor ba
skabs 'di'i dngos bstan

yin kyang/ gtso bo yin zer/ dman lam sngon song gi rgyud la
dngos bstan gtso bo'i sbyor ba med par/ mtshan med rab tu sbyin
la sogs/ /zhes pa'i dngos bstan gtso bo la de med pas sgrub pa
rnams/ yig char

'dir bstan byang sems tshogs lam chen po'i rgyud kyi stong nyid
rtogs pa'i zhi gnas chos can/ mtshan nyid der thal/ mtshon bya
de'i phyir/ zhes sogs kyis bkag pa yin te/ rnam bshad las/ zhi
gnas mtshan nyid pa

la mnyam par bzhag bzhin pa'i dus nyid na/ stong nyid la yang
dang yang du dpyod pa dang/ rtse gcig tu 'jog pa ni tshogs lam na
yang yod pas/ zhes pa drangs pa'i rgyu mtshan yod pa'i phyir/
tshegs chen yun ring rtogs

pa'i sbyor ba 'dir dngos bstan gtso bo'i sbyor ba yin pa'i phyir
te/ sbyor ba nyi shu bo skabs 'dir gtso bor dngos su bstan pa'i
phyir/ rtags grub ste/ stong nyid rtogs pa'i zhi lhag thob ma
thob gnyis ka'i sbyor ba rnams nyi shur

bsdus nas gtso bor dngos su bstan pa'i phyir te/ rnam bshad las/
'dir ni gnyis ka bsdus par rig par bya'o/ /zhes gsungs pa'i
phyir/ skabs 'dir gtso bor dngos su bstan pa'i sbyor ba dang
rnam pa byang sems

@020b rig nges ma nges thams cad kyi rgyud la yod de/ 'dir rnam
rdzogs sbyor ba spyi'i rnam bzhag bstan pas/ mtshan med rab tu
sbyin la sogs/ /zhes pa'i dngos bstan gtso bo dang mi 'dra ba'i
phyir te/ rnam bshad las/

tshogs lam la gnas pa'i sems dpa' dbang rtul gyi sbyor ba chos
can/ zhes sogs de skabs kyi lam spyi ldog bzung ba'i phyir dang/
de la dgongs nas yig char/ rnam bshad las skabs 'di'i lam sbyor
ba de yin par

sgrub pa dang/ yang sras dgongs pa gcig dbyangs gcig go zhes
gsungs pa'i phyir/ kho na re/ rnam bshad las/ sbyor ba lnga po
'di nyid gnas skabs dang dus kyi sgo nas lhag ma rnams su
dbye'o/ /zhes pa mi

'thad par thal/ yig char/ sbyor ba snga ma lnga'i gnas skabs bcu
bzhir thal lo/ /zhes gsungs pa'i phyir na ma khyab ste/ tshegs
chen sbyor ba dang po lnga'i gnas skabs la bzhag pa bkag tsam
yin pa'i phyir te/

khyad par ma phye bar gnas skabs bcu bzhir bshad pa'i phyir/
zhes gsungs pa'i phyir/ gzhan du bshad zin/ yig char/ de lnga'i
mi gnas pa'i sems dpa'i sbyor ba la yang thos byung bsam byung
sgom byung gsum

yod la/ de bzhin du gzhan bzhi la'ang yod pa'i phyir/ zhes pa/
gzhan don skabs kyi rtags la brten pa'i de 'jog gi gzhal bya med
pa mi 'jog go / ! //sbyor ba'i yon tan la/ sher 'byung gi
@021a @#/ /bsdus don las/ gsum pa skye ba'i rgyu brjod pa ni/
zhes yon tan rnams sbyor pa'i rgyu dang gser gling pa'i 'grel
bar/ don gyis 'phangs pa'i rgyur gyur pa'i yon tan ni grangs
bzhin du/ zhes

snga ma rnams 'bras bu dang/ phyi ma rnams rgyu'i yon tan du
byas pa ltar/ ar dang bu nya sogs mang pos bshad kyang/ nyi
snang las/ de'i phan yon brjod par byang yin pas/ zhes dang/
'grel bar snga ma rnams

kyi mthar yon tan sbyar nas/ phyi ma rnams kyi mthar ma sbyar
ba'i phyir mi 'thad la/ 'on kyang snga ma rnams 'bras bu dang/
phyi ma rnams rgyur sbyar dgos te/ sbyor ba sgom pa po chos can/
ma 'ongs pa na bdud kyi mthu

bcom pa sogs 'byung ste/ da ltar sangs rgyas kyis byin gyis
rlabs pa sogs thob pa'i phyir/ zhes sbyor dgos par rnam bshad
dang rtogs snang du gsungs pa'i phyir/ kho na re/ de mi 'thad
par thal/ 'grel bar/ 'byung

zhing 'thob pas/ zhes pa sgrub byed la sbyar dgos pa'i phyir te/
gser phreng las/ sbyor ba'i phan yon la de dag tu dbye bar yod
pa'i rgyu mtshan du sbyor ba sgom mkhan la byin gyis brlabs pa
sogs 'og ma bcu bzhi po de dag 'byung

bar gsungs te/ de dag phyin ci ma log pa'i sbyor ba la mngon par
dga' ba la 'byung zhing 'thob pas zhes pa ste/ zhes gsungs pa'i
phyir na ma khyab ste/ 'grel ba'i 'byung zhing 'thob ces pa
rtags la sbyar kyang/ rgyan snang las/

@021b sbyor ba sgom pa'i skabs su de bzhin gshegs pa rnams kyi
byin gyis rlabs thob pas zhes pa rtags dang/ bdud kyi mthu bcom
pa'i yon tan 'byung ba'i phyir/ zhes pa chos la sbyar ba sngar
ltar yin pa'i phyir te/

gser phreng las/ de ltar na rgyan snang du yang 'og ma rnams
thob pas gong ma'i yon tan 'byung zhing ldan par bshad pa la
yang tshul 'di rig par bya'o/ /zhes gsungs pa'i phyir/ kho na re/
phyi ma bcu bzhi rgyu'i yon

tan du byas pa mi 'thad par thal/ rigs byin sogs dgag tshul yod
pa'i phyir na ma khyab ste/ de dag gis 'dir bstan yon tan bcu
bzhi'i grangs la snga phyi gnyis so sor bgrang ba dang/ red mda'
bas gnyis

po gang rung bgrang ba dgag pa yin gyi/ phyi ma rgyu'i yon tan
yin pa'i phyir te/ nyi snang las/ sangs rgyas kyis dgongs shing
yongs su gzung ba ni bdud kyi bcom pa'i rgyu yin pa dang/ zhes
dang/ rnam bshad

las/ tshe 'dir shes rab kyi pha rol tu phyin pa'i tshig don tshang
bar rnyed pa'i zhes bya ba'i yon tan thob pas/ zhes dang/ rtogs
snang las/ 'bras bu dang rgyu grangs bzhin du sbyar nas/ zhes
gsungs pa'i phyir/

des na/ gnyis pa'i dgongs pa dang/ bzhi pa'i nye bar gyur pa lta
bu mang sbyor ba sgom pa'i skabs su 'byung ba'i yon tan dang/
snga ma rnams sbyor ba'i 'bras bur 'byung bas tshig 'dra yang don
mi 'dra ba'i phyir te/

@022a @#/ /gser phreng las/ rgyu mtshan ni sbyor ba sgom pa'i
skabs su zhes thams cad kyi 'gor sbyor ro/ /zhes dang/ rnam
bshad las/ thams cad la da ltar zhes sbyar ba'i phyir/ des na
phyi ma

rnams phan yon du ma bzhag go /kho na re/ yon tan dang po gsum
gang zag gcig gi rgyud la med par thal/ sbyor ba'i nus pa chung
'bring che gsum la sbyar ba'i phyir na ma khyab ste/ mdo'i dngos
bstan gtso bo la

dgongs pa'i phyir/ de gsum phyi ma la snga mas khyab bo/ /lnga
pa'i don che ba sangs rgyas dang mi 'bral ba dang phan yon che
ba ba'i 'gror skye ba gnyis tshogs lam nas dang/ 'bras bu che ba
sangs rgyas pa dang/ rnam smin che ba

gzhan don lhun grub tu byed pa gnyis sangs rgyas sar ro/ /yig
char/ rang thob byed kyi sbyor ba bsgom pa zhes pa/ rang thob
byed theg chen gyi sbyor ba zer dgos pa sgrub tshul gyis shes so/
/yang kha cig na re/ theg chen

gyi sbyor ba bsgom stobs kyis thob pa'i phan yon de/ theg chen
sbyor ba'i yon tan gyi mtshan nyid zer na/ theg chen sbyor ba
bsgom pa dang dus mnyam pa'i bdud kyi mthu bcom pa'i yon tan
chos can/ zhes pa'i bsgom

pa dang dus mnyam pa'i zhes pa chad pa 'dra ste/ 'og tu rtsa bar
'dod mi nus te de dang dus mnyam pa'i phyir/ zhes dang/ de la
kho na re/ byang sems tshogs lam chung du ba'i rgyud kyi sbyor ba
dang dus mnyam pa'i

@022b dang po bzhi chos can/ tshogs lam pa'i sbyor ba de'i 'bras
bu yin par thal/ sbyor ba bsgom pa'i 'bras bu yin pa'i phyir na
ma khyab ste/ lam ma zhugs nas sher phyir bsgom pa'i 'bras bu
tshogs lam thob ma thag

pa nas 'byung ba'i phyir/ der thal/ slob lam du rnam mkhyen sgom
pa'i 'bras bu rnam mkhyen thob par khas len pa'i phyir/ zhes
dang/ rtsod spang la kho na re/ theg chen gyi sbyor ba chos can/
theg chen sbyor ba'i yon

tan yin par thal/ mtshan nyid de'i phyir/ 'dod na/ khyod khyod
kyi yon tan ma yin par thal/ bdag med yin pa'i phyir na ma khyab
ste/ sbyong ba bsgom pa'i yon tan yin pa'i phyir/ tshig bsdus pa
mi shes pa'i

rmongs skad yin/ zhes skabs 'di'i sbyor ba'i yon tan zhes pa
sbyor ba bsgom pa'i yon tan zhes pa tshig sdud byas pa yin pas/
sbyor ba gsar bsgom dang dus mnyam pa'i bdud kyi mthu bcom pa
sogs sbyor ba'i yon

tan min la/ tshogs lam thob ma thag pa'i yon tan dang po bzhi
sbyor ba dang dus mnyam pas sbyor ba'i 'bras bu min kyang/ sbyor
ba bsgom pa'i 'bras bu yin pas skyon med ces pa yin pa'i phyir/
de ni rol mtsho las/

shes bya chos can/ tshogs lam skad cig dang po la gnas pa'i sems
dpa'i rgyud la theg chen gyi sbyor ba'i phan yon yod par thal/
de'i rgyud la de'i yon tan yod pa'i phyir/ 'dod na/ de'i rgyud
la de'i 'bras bu

@023a @#/ /yod par thal lo/ /zhes dang/ theg chen gyi tshogs lam
skad cig gnyis pa nas sangs rgyas kyi sa'i bar du yod do zhes pa
bkag pa yin no/ kho na re/ byang sems tshogs lam pa yin na sbyor


ba'i yon tan thob pas ma khyab par thal/ yig char/ mos spyod
kyis tshogs lam na'ang bcu bzhi dbang rnon la yod pa'i phyir/
zhes dang/ sa mtshams rigs nges kyis tshogs lam chung du'i de'i
phan yon bcu bzhi/

zhes dbang rnon dang rigs nges sbyar ba'i phyir na ma khyab ste/
de bcu bzhi po thob pa'i ma khyab pa'i don yin pa'i phyir te/
bdud kyi mthu bcom pa sogs re re nas mi ldan pa'i byang sems yod
pa'i phyir te/ nyams byed rgyu

bdun sogs rgyud ldan gyi tshogs lam pa yod pa'i phyir/ de la phal
cher mi ldan no/ /de la sbyor ba'i yon tan ldan te/ de'i rgyud
kyi tshogs lam te theg chen gyi sbyor ba bsgom stobs kyis thob
pa'i theg chen lam zhugs

rgyud kyi yon tan yin pa'i phyir/ rtags sla/ bstan pa'i gnas
tshang la/ dus 'khor TI ka chen las padma dkar po'i mdor phyed
dang nyis stob zla ba'i snying po'i mdor nyis stong dang/ blo
gros mi zad pas bstan pa'i

mdo'i 'grel bar lo stong dang/ rdo rje gcod pa'i 'grel bar lo
phyed dang sum stong du bstan pa gnas par gsungs shing/ de la
bod kyi mkhas pa rnams pa la cher mthun pr lnga stong du gsungs
pa sgra ji bzhin pa dang/

@023b mdo las tshul gzhan du gsungs pa dgongs pa can du bsha do/
/zhes pa ltar kun mkhyen gyis bstan rtses sogs su gsungs kyang
mang bas ma bris so// ! //skyon 'di dag mdo las/ bdud

kyi las su rig par bya'o/ /zhes thams cad bdud las su gsungs
kyang/ gser phred du gnod 'joms tshung ba ltar bdud dngos kyis
byas pa dang/ de dang cha 'dra ba dang/ bdud las dngos kyi rgyu
byed pa gsum

gsungs bas/ bdud kyis 'byed pa sogs gsum la bdud las dngos dgos
te/ mdor/ de dag la bdud dngos su 'ongs par gsungs pa'i phyir
dang/ sdig grogs sogs kyis 'byed pa la bdud kyis 'byed pa mi zer

ba'i phyir/ gzhan thams cad la gsum g.yod do/ /zhe drug po
thams cad la/ theg chen sbyor ba skye gnas gong 'phel gyi gegs
gsum yod de/ tshegs chen pos thob pa lta bu la de'i dbang gis
skye ste theg chen sbyor

ba skyed phyir sgom pa dor ba dang/ sngor skyes nyams par byed
pa dang ma nyams kyang zhum nas gong 'phel du 'gror mi 'jug pa'i
skyon gsum yod pa bzhin gzhan la'ang 'dra ba'i phyir/ nyams pa'i
rgyu bdun la/

bdag yul mdo las lung ma bstan snyam nas stan las langs te phyir
phyogs pa dang/ yum bor te dman lam las rnam mkhyen tshol 'dod
pa'i byar sems tshogs lam pa la/ rang don yid byed ma skyes na de
gong

@024a @#/ /'phel gyi gegs yin no/ /kho na re/ sher phyin dor nas
dman pa'i sde stod las 'jig pa sbyor ba'i skyon yin par thal/
nyams byed kyi rgyu de'i phyir/ 'dod na/ dman pa'i yid byed de
de yin

par thal/ 'dod pa'i phyir/ 'dod na/ theg dman gyi lam rnams theg
chen sbyor ba'i skyon yin par thal lo/ /'dod mi nus te/ theg
chen gyi sbyor ba bsgom pa'i skyon ma yin pa'i phyir te/ de la
theg chen

sbyor bsgom dus su byang ba dgos pa'i phyir te/ gser phreng las/
sbyor ba sgom ba'i dus su/ zhes thams cad kyi gong du sbyar ro/
/zhes gsungs pa'i phyir/ 'o na de la theg chen sbyor ba sgom pa
po'i rgyud kyi bsdus

pa dgos par thal/ de dus su byung ba dgos pa'i phyir na ma khyab
ste/ gzhan brten rnams gzhan gyi rgyud la'ang 'jog dgos pa'i
phyir te/ sbyor ba sgom pa'i dus su bdud kyis dbyen byas pa
dang/ yum ltar snang

ston pa sogs bdud kyi rgyud la 'jog dgos pa'i phyir dang/ de dus
su sgom pa po yum 'dri ba saugs la 'dun pa che yang 'chad pa po
le lo che bas 'chad mi 'dod pa'ang 'chad pa po'i rgyud la 'jog
la/ gnyis ka'i blo mi

mthun na mi nyan snyam pa dang mi 'chad snyam pa gnyis ka skyon
yin pa'i phyir/ des na sbyor skyon nyan thos kyi rgyud na yod
de/ 'di'i 'chad pa po la nyan thos kyang yod pa'i phyir ro/ /des
na theg chen gang zag gi rgyud la

@024b 'chad mi 'dod pa sogs kyi sbyor ba'i skyon yod kyang/
nyams pa'i rgyu sogs med de/ de dag rang brten yin pas sbyor ba
sgom pa po'i rgyud la 'jog dgos pa'i phyir/ kho na re/ sbyor
ba'i skyon la theg dman gyi lam yod

par thal/ sbyor sgom pa po sa yum bor nas theg dman lam du 'jug
'dod pa yod pa'i phyir na ma khyab ste/ de dman lam du lhung tshe
sbyor ba sgom pa po ma yin par gyur bas de'i rgyud kyis theg
dman gyi bsam pa sbyor

ba'i skyon ma yin pa'i phyir/ gzhan du mi 'dra tsam bris kyang
'di ltar bya'o/ /des na sbyor ba'i skyon la lam med dam snyam
la/ dgra bcom rtogs pa sngon song theg chen lam gyi skabs su
sngon goms pa'i dbang

gis bar bar du 'dir bstan yang dag mtha' la mnyam par bzhag pa'i
lam de theg chen sbyor ba gong 'phel gyi gegs min zer 'am dpyad/
kho na re/ theg chen las nyams pa'i rgyu dang/ de las g.yeng
ba'i

rgyu mi 'gal bar thal/ lam ma yin pa'i thabs mkhas tshol ba gnyis
ka yin pa'i phyir te/ gser phreng las yang na 'di yang theg chen
'dor ba'i rgyur byas nas brgyud du bya'o/ /zhes gsungs pa'i
phyir na ma

khyab ste/ de ni 'dud kyis bstan pa'i sde snod la brten nas yum
bor nas dman sde tshol na 'dor ba'i rgyur 'gyur ba la dgongs la/
gser phreng rnam bshad sogs su yum bor ma gsungs pas/ yum ma bor

@025a @#/ /bar 'dud kyis bstan pa'i don cung zad tshol ba g.yeng
ba'i rgyur gsungs pas mi 'gal lo/ /nyams byed rgyu bdun gang
rung rgyud ldan gyi byang sems la dman lam du ltung nges dgos
dpyad la/

theg chen las nyams nges dgos te/ de la theg chen gyi yum 'dor
nges dgos pa'i phyir/ de ltar bar chad mang pos mi thub tshul/
sdud pa las/ rgyu rnams bzhi yis byang chub sems dpa' mkhas
stobs ldan/ /bdud

bzhis thub par dka' zhing bskyod par mi nus te/ zhes sogs ltar/
stong nyid rtogs pa'i lta ba dang/ sems can mi gtong ba'i sems
bskyed dang/ sangs rgyas kyis ji skad smra ba bzhin byed pa
dang/ bde bar gshegs

pa'i byin gyis rlabs pas so/ /yon tan bcu bzhi dang/ skyon zhe
drug po 'di dag yum rgyas 'bring gi tshig zin la gsal bas/ rtsa
bar/ brangs tsam gsungs pa rnam bshad ltar ro// ! //gsum pa

sbyor ba'i mtshan nyid la/ gser phreng rnam bshad sogs su gzhan
lugs dang rang lugs gnyis byas pa'i dang po la/ gzhon nu dpal
gyis mkhyen gsum dang skyes bu chos can/ rang bzhin gyi rgyud
kyi ngo bo nyid mtshan

dpag bya/ mtshan nyid dang po gsum dpag byed du byas nas tshul
gsum so sor bzhag pa mi 'thad tshul bsdus don gyi 'grel bar bshad
zin to/ /yig char/ sher 'byung gi skabs bod kyi chen po zhes par
lo zhes pa lo

@025b chen min pas su yin dpyad/ sher 'byung dgag tshul yig char
gsal lo/ /kho na re/ tshig gsal las/ 'dir ni rang bzhin gyi mtshan
nyid bzung ngo zhes pa rang lugs yin par thal/ de nyid las/ rang
gi mtshan

nyid ni rang gi thun mong ma yin pa'i yan lag me la sogs pa'i
tsha ba la sogs pa/ zhes pa ltar rnam bshad sogs su gsungs pa'i
phyir na ma khyab ste/ tsha reg gis me mtshon pa dper byas pa rang
lugs su byas kyang kho rang gis mtshan

mtshon dngos kyi dper byas pa'i phyir te/ de nyid las/ mtshan nyid
ces bya ba ni rang gi mtshan nyid dang rnam par dbye ba'i mtshan
nyid do/ /zhes rnam par dbye ba ldog cha'i dbye ba'i mtshan nyid
min par gsungs pa'i phyir/ rgyu

mtshan des gser phreng du/ snga rabs pa 'bre ar ltar rnam par
bzhag 'jog gi mtshan nyid du byas na bkag zin la/ shes khyad byed
gsum ngo bo nyid mtshan nyid kyi ngo bor byas na/ mdo las/ shes
mtshan rnams sangs rgyas la

bzhag pa dang 'gal bar gsungs pa'i phyir/ tshig gsal du yum gyis
des bskyed pa sogs kyi che ba shes pa la gzhi shes kyis chog pas
gzhan gnyis mi dgos snyam pa la/ de shes par byed par mtshungs
kyang/ de gsum la

mchog dman gyi khyad par yod ces khyad mtshan gyis gzhi shes las
gzhan gnyis 'phags par ston zer nas/ gzhi shes kyi shes mtshan
bcu drug dang ngo bo nyid bzhi ste nyi shu nyan thos la bzhag pa
dang/ khyad mtshan gyis don ci byed snyam
@026a @#/ /pa la byed mtshan ston/ zhes byed mtshan khyad par gyis
byed par bshad pa sogs nor ba 'ba' zhig bshad pa'i rjes su
'brangs nas/ nya Tika las ngo bo nyid mtshan chos can/ mkhyen
gsum mam

de'i sbyor ba'i mtshan nyid yin te/ de'i thun mong min pa'i rang
bzhin gyi chos yin pas so/ /sdom gsum la'ang tshul de sbyar nas/
chos bshes sogs kyi dgongs pa'o/ /zhes mtshan nyid bzhi po re re
la mkhyen gsum dang/

sbyor ba'i mtshan nyid gnyis byas nas bzhi ka sangs rgyas sar
bzhag pa/ gser phreng las slob dpon 'dis nor ba 'ba' zhig tu
bshad pa la de'i rjes su 'brangs nas mtshan nyid 'di dag ji bzhin
du rtogs par 'dod pas ni

lha dga' bar byed pa 'ba' zhig go /zhes bkag la/ nya Tika las/
des na shes khyad byed pa chos can/ de gsum gyi byed sgrub kyi
mtshan nyid yin te/ rim pa bzhin du de'i rtogs pa dang/ khyad par
'phags pa'i

cha dang/ de'i mdzad pa mtshon par byed pas so/ /zhes snga ma
gsum mkhyen gsum gyi mtshan nyid du byas nas sangs rgyas sar
bzhag ste sbyor ba'i mtshan nyid min par bshad do/ /bu Tika las
de dag gi 'bras bu

shes pa khyad par byed pa rnams mtshan nyid yin no/ /zhes dang/
rtogs pa mthar thug la gsum ste shes pa khyad par ngo bo nyid
do/ /zhes mtshan nyid bzhi kas 'bras bus rgyu mtshon phar byas nas
sbyor ba'i mtshan nyid

@026b bzhag ste/ de nyid las/ mtshan nyid 'bras bu de dag gis
mtshan gzhi mkhyen gsum gyi sbyor ba de dag 'bras bu de dag
bskyed byed du mtshon pa yin no zhes gsungs pa'i phyir/ tshigs
gsal dang/ du ston sogs kyis khyad

mtshan gyis shes mtshan phyi ma gnyis snga ma gzhi shes kyi shes
mtshan las khyad par 'phags par bshad pa mi 'thad par thal/ gzhi
shes kyi shes mtshan bcu drug theg chen gyi lam du kho rang yang
'dod pa'i phyir/ mtshan nyid

nyi shu/ nyan thos la sbyor ba sogs kho rang gi nang 'gal lo/
/byed pa khyad mtshan gyis byed par sbyang ba mi 'thad de/ de la
gzhi shes kyi byed pa 'phags seng gnyis kas bzhed pa'i phyir/ bu
nya gnyis kyis ngo bo nyid

mtshan sangs rgyas sar bzhag pa mi 'thad de/ brgyad stong pa las/
bcom ldan 'das byang chen gang dag sher phyin zab mo 'di 'tshal
bar 'gyur ba de dag gi ngo bo nyid ji lta bu lags/ zhes ngo bo
nyid mtshan gyi ngo bo

zhus tshe byang sems kyi lam sher phyin zhus la lan du de gsungs
pa'i phyir te/ rgyan snang las/ lan btab pa ni/ rab 'byor byang
chub sems dpa' zhes bya ba la sogs pa/ gsungs pa yin no/ /zhes
dang/

gser phreng las/ bcu drug po 'di ni sbyor ba'i ngo bo nyid 'ba'
zhig tu bshad pas 'di sangs rgyas sar 'dod pa ni mi 'thad do/
/zhes gsungs pa'i phyir/ nyis mkhyen gsum gyi mtshan nyid dang
sbyor ba'i mtshan nyid

@027a @#/ /so sor byas nas sbyor ba'i mtshan nyid la sbyor ba dgos
par bshad pa yang mi 'thad de/ 'grel pa las/ byed par sgrub pas
'dis sbyor ba rnams mtshon par byed pas na/ zhes shes khyad byed
gsum sbyor

ba'i mtshan nyid du gsungs pa'i phyir dang/ gser phreng las/ tshig
gsal las/ sbyor ba sgom pa po'i mkhyen gsum de dag gi mtshan nyid
ces zer ba ni don ma yin no/ /zhes dang/ gang du na sbyor ba'i
mtshan nyid du'o/ /zhes

gsungs pa'i phyir dang/ sangs rgyas sa'i shes mtshan kyang sbyor
ba mtshon byed yin pa'i phyir/ bu ston sogs kyis shes khyad byed
gsum sangs rgyas kho nar bzhag pa/ bu Tika las/ mkhyen gsum
sbyor ba mtshan gzhi de

bzhin gshegs pa'i mkhyen pa'i rgyur mtshon/ de bskyed pa'i nus
ldan mtshan nyid de/ bu bskyed pa'i nus ldan gyis bu'i rgyur
mtshon pa bzhin no/ /zhes pa dang/ nang 'gal bar rtogs snang las
gsungs pa ltar/ de la

bskyed pa'i nus ldan rgyu'i mtshan nyid du byas pa'i phyir dang/
mdo las sangs rgyas sar bzhag pa'i phyir zer na/ rtogs snang las
mdo las de bzhin gshegs pa'i shes pa bcu drug pa phrag gsum
sgras zin la dngos su bstan

nas de'i shugs la rgyu byang sems kyi mkhyen pa'i shes pa bcu
drug pa phrag gsum sbas don gyi tshul du bstan pa yin zhing bstan
bcos su mdo'i sdas don mngon rtogs kyi rim ba gtso bor bstan pa
yin pas/ byang sems kyi mkhyen

@027b par gyur pa'i shes pa bcu drug pa phrag gsum bstan gyi de
bzhin gshegs pa'i mkhyen pa mtshan nyid du bstan pa ma yin no/
/zhes pa ltar ro/ lo chen gyi 'dod tshul rnam bshad du bkod pa'i
me sogs kyi dpe ni rdog gi Tika chung du med la/

de nyid las/ de yang shes pa dang khyad par dang byed pa ni
mtshan nyid dngos yin la/ zhes pa'i shes pa ni/ 'og tu shes pa'i
yul du byas pa'i rang bzhin ni shes pa'i mtshan nyid do/ /zhes
shes pa'i yul du gyur pa'i rtsa ba'i

dngos bstan bcu drug pa phrag gsum la gsungs gyi de'i yul can
shes mtshan dngos mtshan nyid du mi 'dod do ngo bo nyid ni/ mtshon
byed kyi ltos sa mtshon bya'i chos yin no/ /zhes mtshon bya dang/
de gzhan dang thun mong ma yin

pa'i chos ni khyad par gyi mtshan nyid do/ /khyad par can gyi don
sgrub pa ni byed pa'i mtshan nyid yin pas mtshan gzhi'i rang bzhin
du gyur pa nyid do zhes pas khyad byed gnyis kyis sbyor ba nyi
shu chos sku'i rgyu'i ngo bo nyid nyan rang dang thun mong

ma yin pa'i rang don dang gzhan don phun tshogs sgrub byed du
mtshon tshul bstan la/ sbyor ba nyi shu po 'di ni zhes sogs kyis
mtshan gzhi bstan no/ /de ltar rnal 'byor pas bsgom pa'i mthus
rjes thob kyi gnas skabs su skyes

pa'i blos ngo bo nyid kyis shes par bya ba ni shes pa'i mtshan
nyid ces pas sbyor ba'i ngo bo nyid kyis mtshon tshul shes pa shes
mtshan du gsungs so/ /dgag tshul rnam bshad ltar yig cha dang
bsdus don du gsal la/ yig char/

@028a @#/ /shes khyad byed gsum gyi mtshan nyid don brgyad ces pa
don lnga'i zer dgos la/ pha rol pos mtshan nyid phyi ma gsum
dngos su ma bstan par mi 'dod kyang yig char bzhi ka dngos su
bstan par sgrub

pa ni lo chen gyis khyad par byed pa gnyis tsam mtshan nyid du
'dod pa la/ rtsa 'grel du bzhi ka mtshan nyid du bstan nas mtshan
nyid go gcig tu byas pas sbyor pa nyi shu skabs 'di'i mtshan gzhi
dang/ ngo bo nyid bcu drug mtshan

nyid dang mtshan gzhi min par 'dod pa sogs mang po zhig dgag ched
yin te/ mtshan nyid bzhi'i bshad pa bsdom na mtshan nyid dgu bcu
rtsa gcig yod pa'i phyir/ zhes 'grel chung drangs pa'i phyir/
rnam bshad kyi don rdzogs

par bkral lo/ /de'i lugs la rtsa ba'i dngos bstan gyi yul zhe
brgyad mtshan nyid yin min dang shes mtshan zhe brgyad la gang
'dren sogs dpyad bya mang ngo/ /nyi zer las 'bre shes rab 'bar
dang/ ang byang chub ye shes kyi bzhed pa

tshig nyung ngur bsdus te/ zhes pa ltar/ 'bre ar gnyis kyis rang
bzhin gyi sbyor ba mtshan gzhi/ shes mtshan zhe brgyad sangs rgyas
sa'i mkhyen gsum gyi rtogs pa yin pas sbyor ba'i mtshan nyid min
la/ sbyor ba la yod

pa'i de dag bskyed pa'i nus pa la 'bras bu byed chos de dag gi
ming btags pa mtshan nyid dang/ khyad mtshan bsam mi khyab sogs
rtogs pa'i shes rab sbyor ba dang byed pa ni sbyor bas rang dang
mthun pa'i rtogs pa la gzhan 'god

@028b pa'i nus pa dang/ gsum mtshan nyid mtshon bya ni sbyor bas
sangs rgyas bskyed pa'i nus pa dang/ nus pa de ldan gyi ngo bo
nyid bcu drug bzhag go /mtshon tshul sbyor ba nyi shu chos can/
sangs rgyas bskyed pa'i nus pa yod de/

mkhyen gsum gyi rtogs pa bskyed pa'i nus pa dang ldan pa'i
phyir/ de chos can/ khyod kho na la sangs rgyas bskyed pa'i nus
pa ldan te/ bsam mi khyab rtogs pa sogs khyad par bcu drug dang
ldan pa'i phyir/ de chos can/

sangs rgyas kyi gzhan don khyad par can bskyed byed yin te/ da
ltar nga dang mthun pa'i rtogs pa la gzhan 'god pa'i byed pa
dang ldan pa'i phyir/ de'i dgos pa/ byang sems kyis gzhan don du
sangs rgyas thob pa'i thabs kho na tshol la/

mtshan nyid de dag gis thabs de theg chen sbyor ba kho na la yod
par shes pa'i phyir ro/ zer ba nyi zer du gsal lo/ /de gser
phreng du/ rtsa 'grel du shes pa bcu drug pa phra gsum mtshan
nyid du gsungs kyi de bskyed pa'i nus

pa mtshan nyid yin pa'i zur med pa dang/ nus pa tsam la bzhag na/
mdo'i dngos bstan gyi de sbyor ba'i rang bzhin min par 'gyur bas
bkag go /de bzhin du rnam bshad las/ 'phags seng gnyis ka'i
'grel ba'i tshig don la

mi gsal/ zhes dang/ rtogs snang las/ shes byed cung zad kyang
med ces gsungs pa'i phyir/ de la kho na re/ des mtshan nyid phyi
ma gsum gyi mtshon tshul rang lugs yin par thal/ gser phreng las/
mtshan nyid phyi

@029a @#/ /ma gsum gyi mtshon tshul ni rang lugs kyi skabs su 'chad
par 'gyur ro/ /zhes gsungs pa'i phyir na ma khyab ste/ de bar ba
gnyis kyis gzhan ldan rnam gcod dang/ gzhan don bskyed pa'i nus
ldan du mtshon

pa dang/ gsum pa sbyor ba'i ngo bo yin pa rang lugs dang 'dra
bas yin gyi/ rang lugs dang mi 'dra ste bar ba gnyis kas sangs
rgyas bskyed pa'i nus ldan du mtshon par bshad pa'i phyir dang/
byed mtshan la nus pa bzhag pa'i phyir/

ngo bo nyid mtshan mtshan nyid du ma bzhag pa'i phyir ro/ /rnam
bshad las/ gzhan don phun tshogs skyed byed yin yang tshul de ltar
mtshon pa min te/ lam sher phyin gyi rnal 'byor tsam dang/ mkhyen
pa gsum gyi sbyor ba tshad mas

des nas de'i rjes su rnam mkhyen gyi rgyur thag chod pa'i phyir/
zhes dang/ yig char/ de de skyed byed yin kyang mtshon tshul de
ltar mi mtshon pa'i phyir/ der thal/ de thog mar lam sher phyin
dang/ mkhyen gsum sbyor ba tshad mas

des rjes su de rnam mkhyen gyi rgyur nges pa'i phyir/ zhes gzhi
de lam sher phyin dang rnam mkhyen sbyor bar rtogs na sangs
rgyas bskyed byed du rtogs dgos pas/ sangs rgyas skyed byed du
dpag mi dgos so/ /nyi zer las/ de

la mtshan nyid bstan pas tha snyad 'jug pa'i rgyu mtshan shes par
byed la/ zhes pa/ rnam bshad las/ shes khyad byed pa gsum theg
chen sbyor ba'i tha snyad 'jug pa'i rgyu mtshan du mdzad pa sogs
kyang mtshan nyid bshad pa'i  @029b dgos pa gang yin dang/ de
ltar mtshon pa'i tshul la sogs pa bzhag par dga'o/ /zhes des na
sbyor ba'i tha snyad 'jug par shes pa dgos pa dang mtshan nyid
kyis sbyor ba'i tha snyad shes byed du mtshon par thal/ zhes bkag
nas

kyang sgras snga ma thams cad kyi dgos pa dang mtshon tshul bkag
go /yig cha rnying bar kha cig shes pa'i mtshan nyid dang/ shes
mtshan don gcig zer na/ zhes pa ltar skabs 'di'i shes pa'i mtshan
nyid dang shes mtshan don gcig kyang

spyir min no/ /rang lugs la rnam bshad ltar lnga las/ skabs
'di'i mtshan gzhi ni mtshon par bya ba'i gzhi la byas nas sbyor
ba'i ngo bo nyid bcu drug dang sbyor ba nyi shu 'jog la mtshon
sbyor gyi chos can yin pa tsam gyis mtshan gzhir

bzhag pa min te/ gser phreng las/ mtshon bya sbyor ba'i chos can
la mtshan gzhi'i tha snyad ma sbyor na legs so/ /zhes skabs 'di'i
mtshan gzhi chos can la mi byed par gsungs pa'i phyir/ mtshon bya
la spyi bye brag gnyis las yig tshar

spyi gsungs pa theg chen rigs can gyi thob bya'i dmigs pa 'bras
bu'i sher phyin yin la/ de thob pa la lam sher phyin nam theg
chen sbyor ba des dgos pas yin no/ /bye brag tu phyin shes mtshan
sogs bzhi'i mtshon bya rim bzhin mkhyen

gsum gyi sbyor ba dang/ de nyan rang gi lam las khyad par du
'phags pa dang/ de la gzhan don sgrub pa'i byed las khyad par ba
yod pa dang/ de ngo bo spangs rtogs ji lta bu dang ldan pa rnams
yin no/ /mdo las/ sher phyin/ zhes pa  @030a @#/ /stong nyid
rtogs pa'i lam sher phyin yin pas mtshan nyid la cha bzhag byas
la/ mdo 'dir mtshon sbyor dang bcas pa bshad do/ /spyir mtshan
nyid la du ma yod kyang/ 'dir rigs mi mthun nyan rang gi sbyor
ba la

yod pa sel ba dang/ lam sher phyin la ldog chas phye ba bzhi
dang/ de yang lam sher phyin yin na mtshan nyid bzhi ka yin pas
khyab ste/ don bdun cu las/ sbyor ba'i ngo bo'am ma nus pa'i cha
nas mtshon par byed pa'i sems dpa'i rnal

'byor de lam sher phyin gyi sbyor ba'i mtshan nyid/ ces gsungs
pa'i phyir/ mtshon tshul ni/ sbyir 'dir bstan mtshan nyid bzhi chos
can/ lam sher phyin gyi rnal 'byor yin te/ thabs shes khyad par
can gyi rigs rdzogs pas

? zin pa'i sems dpa'i ye shes yin pa'i phyir/ zhes dang/ bye
brag nyon mongs rtags sogs bzhi mngon gyur dang bral zhing de ba
'byung ba shes pa sogs gzhi shes kyi dmigs rnam bzhin dmigs pa'i
byang sems kyi sbyor ba

mtshan gzhi'am chos can byang sems kyi gzhi shes sbyor ba yin te/
de ba 'byung ba shes pa sogs gang rung gi rnam pa can gyi sems
dpa'i ye shes yin pa'i phyir/ zhes dang/ lam shes kyi ngo bo
nyid lnga'i khyad par du byas shing stong mtshan sogs

lam shes kyis rnam pa gang rung gi rnam can gyi byang sems kyi
sbyor ba chos can/ lam shes kyi sbyor ba yin te/ lam shes kyi
rnam pa gang rung gi rnam can gyi sems dpa'i ye shes yin pa'i
phyir/ zhes dang/ rnam mkhyen gyi ngo bo

@030b nyid bdun gang rung gis zin cing/ de ba de nyid kyi chos
la brten nas mthong chos la bde bar gnas pa shes pa sogs kyi
rnam pa can gyi byang sems kyi sbyor ba chos can/ rnam mkhyen
gyi sbyor ba yin te/ rnam mkhyen gyi

rnam pa gang rung gi dmigs rnam can gyi sems dpa'i ye shes yin
pa'i phyir/ zhes rtags de dag gis mkhyen gsum gyi sbyor bas yul
shes tshul mtshon pas shes mtshan no/ /ngo bo nyid bcu drug gang
rung gi ngo bor byas shing sdug

bden gyi chos nyid bsam mi khyab rtogs pa sogs byang sems kyi
sbyor ba bcu drug chos can/ nyan rang gi sbyor ba las khyad par
du 'phags pa'i sbyor ba yin te/ bsam mi khyab sogs kyi khyad par
du byas pa'i sems dpa'i ye

shes yin pa'i phyir zhes theg chen sbyor ba nyan rang las khyad
par 'phags par mtshon pas khyad mtshan no ngo bo nyid mtshan bcu
drug chos can/ gzhan don sgrub pa'i byed las khyad par can dang
ldan pa'i sbyor ba yin te/

phan bde skyo ba sogs kyi byed las khyad par can dang ldan pa'i
byang sems kyi ye shes yin pa'i phyir/ zhes theg chen sbyor bas
gzhan don byed pa'i las mtshon pas byed mtshan no/ /ngo bo nyid
mtshan bcu drug chos can/ ngo bo

spangs rtogs kyi yon tan khyad par pa dang ldan te/ nyon mongs
rtags sogs mngon gyur spong pa dang gzhan don du go cha bya dka'
ba gyon pa sogs thabs dang 'khor gsum mi dmigs par rtogs pa sogs
yshes rab khyad par can dang/
@031a @#/ /ldan pa'i sems dpa'i ye shes yin pa'i phyir/ zhes
sbyor ba'i ngo bo/ mtshon pas ngo bo nyid mtshan no/ /de las rgyas
par phyen gzhi shes sbyor ba'i yum la brten nas de bzhin gshegs
pa 'byung par rtogs pa'i

byang sems kyi sbyor ba chos can/ theg chen gyi gzhi shes sbyor
ba yin te/ phyi nang gi yongs 'dzin gnyis kyis zin pa'i sgo nas
gzhi shes sbyong ba'i yum las de pa 'byung bar rtogs pa'i sems
dpa'i ye shes yin pa'i phyir/

de chos can/ theg dman gyi sbyor ba las khyad par 'phags te/
phyi nang gi yongs 'dzin gnyis sam thabs shes khyad par can gyis
zin pa'i sbyor ba yin pa'i phyir/ de chos can/ gzhan don grub
pa'i byed las khyad par pa dang ldan nye/

phyi mang sdug bsngal mi myong ba'i phan pa thar pa la gdul bya
rnams 'god cing mthar mi gnas pa'i myang 'das sgrub pa'i phyir/
de chos can/ ngo bo nyid mtshan yin te/ chags sogs mngon gyur
gyis dben pa'i sems dpa'i sbyor ba yin

pa'i phyir/ zhes dang/ mdo'i dngos bstan gyi dbang du byas na/
gser phreng ltar sangs rgyas 'phags kyis rgyud kyi gzhi shes
sbyor ba'i yum la brten nas de bzhin gshegs pa'i stobs bcu
'byung bar rtogs pa'i mkhyen pa chos

can/ rang rgyu gzhi shes sbyor ba la khyod skyed pa'i nus pa yod
de/ khyod de nyer len du byas pa las de pa'i stobs bcu 'byung
bar rtogs pa'i mthar thug gi mkhyen pa yin pa'i phyir/ zhes sogs
shes byed gnyis la de ltar

@031b 'god de/ gser phreng las/ shes byed gnyis ni 'bras bus
rgyu mtshon pa ste/ zhes dang/ mdo las/ rab 'byor sher phyin zab
mo 'dis/ nas/ de bzhin gshegs pa zhes brjod/ zhes pas rtags
dang/ rab 'byor de bas

na/ nas/ bskyed do zhes pas bsgrub bya bstan pa'i phyir/ 'di dag
ni/ yig char/ mtshon tshul ni/ so so la mtshon sbyor re bya ste/
rtogs sla zhes pa'i don no de la kho na re/ rnam bshad las/
skabs 'di'i chos can

la/ mtshan gzhi zhes pa mi 'brad par thal/ sngar gser phreng gi
lung drangs pa de'i phyir na ma khyab ste/ gser phreng du 'bre
ar sogs kyis sbyor ba nyi shu mtshan gzhi chos can dang/ sangs
rgyas bskyed pa'i nus pa mtshon

byar 'dod pa bkag nas chos can la sangs rgyas sa'i shes byed
sogs bzhag pas yin la/ rnam bshad du skabs 'di'i mtshan mtshon
gzhi gsum gzhi gcig la ldog chas phye ba dang/ rnam par bzhag
'jog gi mtshon gzhi gsum

dang tha snyad 'dra bar go ched yin pas mi 'gal ba'i phyir/ dpal
ldan pas/ rtsa shes TI ka chen drangs nas/ gser phreng gi de la
'gal ba bstan pa yang khyad par 'di ma shes pas yin no/ /sa
mtshams tshogs lam nas

rgyun mtha'i bar bzhag nas sangs rgyas la med par gsungs pa rtsa
ba'i dngos bstan yin la/ shes byed sangs rgyas sar bzhag pa
mdo'i dngos bstan yin pas mi 'gal lo/ /dpal ldan pas/ gser
phreng gis mtshams

@032a @#/ /kyi don bshad pa sogs 'grel mchan du bkag zin to/ /de
la kho na re/ gzhi shes sbyor ba'i yum la rten nas de bzhin
gshegs pa 'byung bar rtogs pa'i ye shes theg chen rtogs rigs ma
yin par thal/ de la

brten nas stobs bcu thob par rtogs pa'i ye shes theg dman rtogs
rigs ma yin pa'i phyir na ma khyab ste/ stobs bcu 'byung ba theg
dman gyi sgom bya'i gtso bo yin kyang de thob pa theg dman gyi
sgom bya'i gtso bo ma yin pa'i phyir/

dang po grub ste/ stobs bcu skye ba theg dman gyi sgom bya'i
gtso bo yin pa'i phyir te/ de mi rtag pa de yin pa'i phyir/ gzhi
shes sbyor ba'i yum la brten nas/ zhes pa/ sangs rgyas sa'i
mtshan nyid rnams de'i nyer len byas

pa dang/ byang sems kyi de rnams de'i ngo bo byas pas bzhag na
rtogs rigs dang 'grig pas/ lam shes dang rnam mkhyen sbyor bar
yang 'dra ste/ mdo las/ sher phyin zhes pa phal cher sbyor ba
gsum la sbyar ro/ /'dir

bstan shes mtshan rnams shes rab kyi rtogs rigs dang gzhan gsum
la thabs kyi rtogs rigs kyang yod do/ /'dir 'phros lung ma bstan
gyi lta ba bcu bzhi bsdus don 'grel bar bshad zin pas ma spros
so/ ! /thar cha la

nyi snang las/ mo sbyor tshul gnyis byas ba'i mdo mtshams 'byed
tshul rdog Tika ki dgongs pa 'grel mchan du bshad zin la/ de la
kho na re/ nyi snang gi chung 'bring che gsum tshan pa gnyis ka
theg chen la byas par thal/

@032b gser phreng las/ nyi snang gi dgongs pas theg chen la
bzhed de/ de gsum la mdo sbyar zin pa'i mthar de dag gi rtags la
yum la mi skrag pa sogs gsungs pas so/ /grags cha dang slob dpon
mthun no/ /zhes 'phags seng

gnyis mi mthun par gsungs pa'i phyir na ma khyab ste/ de lo chen
ltar bkod pa/ tsam yin pa'i phyir te/ yig char/ khyab pa yod par
thal/ nyi snang las/ de ltar na 'o na nyan thos kyi theg pa pa
la sogs pa'i byang chub sems

dpa' rnam pa gsum med pa nyid kyis mi 'dod pa byang chub sems
dpa' gcig tu thal bar 'gyur bas/ zhes gsungs pa'i phyir na yang
ma khyab ste/ zhes red mda' pha sogs kyis rno 'bring rtul gsum
rigs can gsum gyi byang sems

tshogs lam pa la byed par nyi snang gi lung des sgrub pa'i phyir
na ma khyab ste/ nyi snang las/ bden pa dang gnas pa'i byang
chub sems dpa' gcig dang du mar khas mi len pa'i cha dang 'thad
pas 'bring yin par bshad par 'gyur ro/ /

zhes pas/ snga mas lan du bden pa ste don dam par byang sems
gcig dang du mar mi 'dod la/ kun rdzob tu yang de gsum byang
sems gcig dang du mar khas mi len par gsungs pa'i phyir te/ nyi
snang las/ de la bden pas

zhes bya ba ni don dam pa'i bden pas so/ /gnas pa zhes bya ba ni
btags pa'i gnas skabs su rnam par gnas pa'o/ /zhes gsungs pa'i
phyir/ de la kho na re/ nyi snang las/ de gsum gyi rtags gsum
bshad pa dang/ chung ngu'i

@033a @#/ /mdo rtsa ba'i rtul bo la sbyar ba mi 'thad par thal/
de'i thar cha chung du nyan thos kyi yin pa'i phyir/ zer na ma
khyab ste/ rtags gsum ni mdo sbyor tshul phyi ma'i chung 'bring
che gsum gyi rtags yin gyi snga

ma'i ma yin pa'i phyir te/ nyi snang las/ de la sbyin pa la sogs
pa mtshan mang mi byed par yang dag par bsgrub pas ni chung du
gsungs pa yin no/ /zhes pas de sgra bsnyegs yod pa'i phyir dang/
de rtags la mi

zhum pa chung ngu dang/ mi 'gong ba 'bring dang/ yid la 'gyod pa
med pa chen por gsungs pa'i go rim ltar dad sogs lnga'i mdo yan
gyis chos rnams mtshan mar mi byed pa/ tsam gsungs pas chung ngu
dang/ sngar

gyi chen po dang chung ngu ston pas/ gzugs nas rnam mkhyen par
so sor bden pa'i stong tshul snga ma las rgyas pas 'bring dang
gzugs sogs dang de'i de bzhin de las gzhan byang chub las don
dam par ldog pa

bkag pas sngar gyi 'bring gi mdo snga ma las kyang rgyas pas
chen por gsungs pa'i phyir/ sngar gyi che chung gi mdo gnyis
rtsa ba'i rno rtul la sbyar bder rdzogs byang thob dka' sla
gsungs pas sbyar gyi de'i bstan pa'i

thar cha che chung gnyis rgyan gyi gdul bya gnyis la sbyar ba ma
yin pa'i phyir/ yin na rgyan snang gis kyang mdo'i chung 'bring
che gsum rgyan gyi gdul byar sbyar bar thal/ rtsa ba dang sbyar
ba'i phyir/ des na chung 'bring

@033b gi mdos theg chen gyi thar cha bstan kyang de'i chung
'bring theg dman la byed dgos pa/ mdo'i mjug tu byang chub sems
dpa' nyan thos kyi theg pa ba dang/ rang sangs rgyas kyi theg pa
pa dang/ sangs rgyas kyi theg

pa pa dang/ byang chub sems dpa' gsum du 'dod dam/ zhes pas yin
la/ red mda' ba chen po'i rigs can gsum byang sems la bzhag
pa'ang des byas la/ rnam bshad las/ mdo'i sgras zin la

nyan thos la byang chub sems dpa' mid btags pa tsam la zhes pa
rje'i dgongs pa'o/ /rje btsun pas/ rnam mkhyen rang rgyud la
sgrub par mkhas pa'i sems dpa'i chos mngon rtogs skabs 'dir
dngos su bstan pa'i thar pa cha mthun gyi

mtshan nyid zer ba bsod grags pas bkag nas/ byang sems tshogs lam
pa yin na khyab par gsungs pa 'dir bkag nas thar cha yin na 'dir
bstan thar cha yin pas khyab par gsungs so/ /thams thad du shes
dgos/ zhes

pa rjes 'brang gnyis dad thob gnyis sogs la'ang dbang 'brid de
ltar bsdu dgos/ zhes pa'o/ /sems rten sems skyed dang 'dra
gsungs pas 'di las bcu gcig 'jog dgos pas/ sems skyed la yang sa
bcu gcig yod

dam/ yod na byams snying rje sogs la yang yod dgos pas de dag
nam thob dang/ med na gzugs med dngos gzhi la thabs kyi cha yod
med dang/ gzugs med pa'i rgyud kyi nges 'byung gi bsam pa sogs
la gzugs med dngos

@034a @#/ /gzhi 'jog dgos pa'i phyir dbyad bya mang ngo/ /mngon
rtogs rgyan la ched du brten nas yul lnga gang rung de rtogs pa
dang de rtogs dgos gang rung gi theg chen rigs can de/ rgyan gyi
ched du bya ba'i gdul bya'i mtshan nyid/

zhes pa yig cha'i tshig sdud byas so/ /yig char/ de yan chad na
'ang sogs kyi don ni/ 'phags lam na'ang sngar thob pa'i lam gyi
rtogs pa mi nyams pa dang ma thob pa gsar thob gang rung re'i
dbang du byas na ched du 'bad rtsol

gyis brten pa yod kyang/ spyir gdams ngag dang rjes bstan gyi
gzhung gnyis ka'i dbang du byas na ched du brten pa med de/ mdo
rgyan gyi lung de'i phyir/ zhes pa'o/ /spyir gzhung la ched du
brten tshul/ mdo rgyan las/ don

shes pa yis chos rnams kun/ /zhes sogs ltar/ bden bzhi'i blang
dor mngon sum du shes pa'i phyir ched du brten pa yin pas 'phags
pa med la/ sangs rgyas thob pa dang gzhan don du sangs rgyas
mang po las lung ched

du gnyer nas nyan pa yod pa sogs zhib cha du ma shes dgos so/
/kho na re/ theg chen rigs des dbang rnon gyis theg chen lam du
zhugs pa/ grangs med gsum gyi tshogs kyi 'go rtsom pa dus mnyam
ma yin par thal/ theg bsdus

las/ 'dun brtan khyad par 'gro ba yi/ /zhes lam khyad par du
song ba'i mtshams zhig nas 'jog par gsungs pa ltar/ 'grel ba'i
zin bris las/ gong nas gong 'phel du 'gro ba'i mtshams shig nas
grangs med gsum gyi

@034b tshogs kyi 'go rtsom par gsung pas/ sems bskyed ma thag nas
ma yin par/ gser lta bu'i sems skyed thob pa nas 'jog /ces
gsungs pa'i phyin na ma khyab ste/ de ni spyir sems skyed ma
thag nas mi 'jog pas don yin

la/ gser lta bu'i sems skyed thob pa nas 'jog /ces pas shes la/
rig pa des shin tu dbang rnon gyis sa gser lta bu gnyis mnyam du
thob pas 'go rtsom par 'grub pa'i phyir/ snga ma lam khyad par
du 'gro ba'i nus pa

thob pa nas 'jog gi khyad par du song ba'i rjes nas ma yin pa'i
phyir/ rnam bshad kyi dngos pa'o/ /rje btsun pas/ mngon rtogs
rgyan gyi ched du bya ba'i gdul bya byad sems dgos par 'grel bas
bsgrub pas sher mdo sogs kyi

ched du bya ba'i gdul bya ji ltar zer dpyad/ ! sbyor lam bcu
gnyis dmigs rnams gyis 'byed tshul yum gyi mdo ltar snang ba
gnyis su gsungs pa/ gser phreng ltar la/ rnam bshad du 'grel
chung dang bstun nas rtsa ba'i

tshig gi zin tshod tsam bkral lo/ /tshig gsal gyis 'grel ba'i
gzhung chung 'bring che gsum la sbyar ba bu nya sogs kyis rang
lugs byas pa/ gser phreng las snang ba gnyis dang/ rnam 'grel le
brgyad ma bzhi dang mi mthun par

gsungs la/ gser gling pa'i sbyar tshul 'gyur skyon du gsungs pa
ltar yin pas don rgyan snang ltar yin no/ /log rtog spangs tshul
la/ kha cig gzhung 'di zlos spong kho na la sbyor dgos par thal/
'grel chen las/ mngon par

@035a @#/ /rtogs pa re re la nges par 'byed pa'i cha dang mthun
pa ci'i phyir brjod ce na/ zhes pas skabs dang po drug tu sbyor
mthong sgom gsum yang yang bstan pa zlos te brjod bya khyad med
yang yang bstan pa'i phyir/ zhes

rtsod pa bkod pa'i phyir zer na/ rtags ma grub ste/ des mngon
rtogs re re la nges cha sogs gsum byas pa mi 'thad par thal/
skabs dang po'i rgyu 'bras don gyis rnam mkhyen sgom pa tshogs
sbyor dang/ lam shes sa

dang po drug dang/ gzhi shes bdun pa kho na/ rnam kun brgyad pa
kho na/ rtse mo dgu pa dang bcu pa'i dkyil stod man/ mthar sbyor
bcu pa'i dkyil smad kho nar sgom pa'i phyir zhes pa yin pa'i
phyir dang/ brjod bya khyad med

yang yang bstan pas zlos skyon yod snyam pa rtog ldan la mi
'char ba'i phyir te/ bden bzhi'i chos 'khor gyi zlos pa gsum la
zlos skyon med pa'i phyir dang/ yang dag mtha'i rtsod lan bshad
bya la mi sbyar ba'i rgyu mtshan

yod pa'i phyir/ de la dgongs nas/ rnam bshad las/ sdud 'grel nas
bshad pa de yang slob dpon rang gi bzhed pa ma yin par slob dpon
snga ma gzhan gyi 'dod pa bkod pa tsam zhig mdzad pa yin nam
snyam mo/ /de yang

lugs de la 'grel ba che chung gnyis su ched du dgag pa mdzad
pa'i phyir/ zhes gsungs pa'i phyir/ bu nya red mnga' pa sogs
rtsod pa sngar ltar byas nas/ gzhung 'di de'i lan du sbyor ba mi
'thad par thal/ rnam bshad

@135b las/ kha cig gzhung 'di zlos pa spang pa 'ba' zhig tu byas
nas 'di man chad kyis sbyor lam dang/ mthong lam dag pa sa'i ye
shes 'ba' zhig la btags par 'chad pa ni/ slob dpon gyi bzhed pa
sun 'byin pa'am/

zhes dang/ yig char/ 'dod tshul de cung zad kyang mi 'thad par
thal/ zhes thar cha'i rjes de ma thag sa brgyad pa'i ye shes
skye bar thal pa dang/ bzhi bas sbyor lam pa'i phyir mi ldog
pa'i rtags ma bshad par thal pa

dang/ bzhi ba'i chos mchog sbyor lam min na rgyan snang du de la
skad cig gsum yod pa gzhan don gyi dbang du byas zhes/ mdzod kyi
chos mchog dang 'gal spong byas pa mi rigs par thal ba sogs
gsungs pa'i phyir/ de bzhin du

lnga pa'i sbyor lam gyi rtags dang/ rnam 'phel sogs dgas nas
thob pa dang/ mthong spang gzung 'dzin gyi rtog pa'i dngos gnyen
sa bcu ba nas skye bar thal lo/ /rang lugs la/ zlos skyon med
pa'am lan drug bshad pa'i yongs

gcod kyi dgos pa bshad tshul la sbyar te/ dang po gsum gyi de
nyams su blang bya dang/ phyi ma gsum gyi de nyams su len byed
kyis dbang du byas la/ de yang snga ma gsum rnam pa dang lam
dang gzhi thams cad rnam par bsgom

pa'i dbye bas/ zhes pa ltar dang/ phyi ma gsum ni/ gser phreng
las/ phyi ma'i lam rnams ni dbang thob pa'i don du dang/ thob
pa'i tshul gyis dang/ slar 'dris par byed pa gsum gyi khyad par
yod/ zhes pa ltar dang/
@036a @#/ /rnam gcod gyi dgos pa lam rkyang pas skabs de dag tu
rgyun gcig la gcig car skye bar 'dod pa dgag pa yin par yig char
gsungs nas/ snga ma'i sgrub byed du rnam bshad las gzhung 'di
lam gsum

gyi zlos spong la yang cung zad sbyar du rung mod/ ces dang/
gser phreng las/ spyi dang so so'i zlos pa spangs pas chog pa'i
phyir phyogs 'di la 'phags pa'i rjes su 'brang bar bya'o/ /zhes
pa drangs pa yab sras

dgongs pa gcig tu sgrub byed yin pa'i phyir/ de la kho na re/ de
mi 'thad par thal/ gser phreng las/ bu nya sogs ltar bkral nas/
'og tu don 'di thugs la bzhag nas/ zhes pa nas/ sbyor ba gsum
gyi lam rnams

sngar ji ltar myong ba bzhin phyis khyad par lam du 'dris par
byed pa na/ sngar gyi de dang de'i ming gis btags pa'i gnas
skabs su mdzad pa ni slob dpon 'di'i thugs rtse gtan sa ru snang
zhing zhes gsungs pa'i phyir na ma khyab ste/

de dag gi skabs su bu nya sogs kyi bshad pa bkod pa yin pas/
slob dpon 'di'i thugs rtse gtad sa ru 'dod par snang yang/ zer
dgos te/ 'og tu gangs can gyi mkhas pa rnams kyis brtsad pa ni
shin tu lan gdab dka' ba

dang/ zhes pa'i gangs can pa'i brtsad tshul ngos 'dzin rgyu yod
pa'i phyir dang/ de man gyi rang lugs bzhag nas 'phags pa dang
mthun par gsungs pa'i phyir te/ 'grel ba'i tshig don skabs sbyor
mthong sgom gsum de

@036b dag mtshan nyid par bkral ba'i phyir dang/ yang na/ gser
phreng gi tshig don bkral tshul slob dpon gyi dgongs pa min par
'gyur ro/ /tshig don de ltar yin kyang slob dpon gyis zlos spong
gi gzhung 'di'i skabs phyi ma gsum gyi

lam gsum dag sa dang btags pa bar bshad de/ khyad par gyi lam
gyis bsdus pa'i ye shes zag pa med pa/ zhes dang/ nges bar 'byed
pa'i cha la sogs pa'i tha snyad du gsungs/ zhes gsungs pa'i
phyir na ma khyab ste/ snga ma

nyan rang gi lam las khyad zhugs pa dang/ 'dzin stangs la nyon
mongs kyi zag pa med pa dang/ sbyor mthong sogs kyi tha snyad
dngos su sbyar ba'i don yin pa'i phyir/ gzhan du na slob dpon la
nang 'gal yod par thal/ zlos

spong gi gzhung dang/ tshig don 'gal ba'i phyir/ gzhung gong 'og
bsgrigs dgos kyi gzhung gcig gi tshig zin tsam la brten nas gser
phreng rnam bshad sogs kyi dgongs pa 'di'o zhes du ma gcod byed
pa ni blun po'i rang mtshang ngo sdud

'grel du lam rkyang ba'i lugs bkod pa snga ma'i 'dod pa bkod
tsam yin te/ sdud 'grel gyi tshig don skabs yang sbyor mthong
sogs mtshan nyid par byas pa'i phyir/ bu nya sogs snga ma rnams
la nang 'gal yod de/ de dag

gis tshig don skabs sbyor lam sogs mtshan nyid par byas pa'i
phyir/ skyes tshal mkhan pos/ rnam bshad las gtso bo lam rkyang
ba'i log rtog 'gog byed yin gyi zlos spong gtso bo min gsungs
par lam rkyang ba'i rim pa

@037a @#/ /bkag nas khug bar rtsa bar bstan pas dgag mi dgos la/
zlos spong gi gzhung 'di ma bzhag na don gsal gyi gzhung tshig
med la/ rtsa 'grel gang rung gcig tu mdzad dgos/ zhes bkag la/
bla ma g.yags

pas sbyor ba khyad par can gyi skabs su bstan pa'i/ zhes sbyor
ba gsum la tsam po dang/ khyad par can gnyis byas nas khyad par
can gsum dag sa nas bzhag pas/ gzhung 'dis khyad par can gsum
gyi lam la sbyong

mthong sgom gyi ming gis bstan pa btags par bshad ces/ tshig don
gyi de dag rnam kun tsam po yin pas mtshan nyid par mi 'gal zer
bar/ dro ba rnams kyi dmigs pa 'dir/ zhes pa'i skabs nas dngos
su bstan

pa'i sbyor lam yin na/ sbyor lam yin pas ma khyab par thal/ rnam
rdzogs sbyor ba 'chad pa'i skabs nas bstan pa'i sbyor lam de la
mtshan btags gnyis su 'byed rigs pa'i phyir/ dag sa'i ye shes
chen po

de sgom lam btags pa par thal/ 'dir dag sa'i ye shes chung
'bring chen po gsum la sbyor mthong sgom gsum gyi ming gis btags
nas bstan pa de sgra ji bzhin du khas len rigs pa'i phyir/ zhes
bkag kyang/ phyi mas

dgu nang tshan du yod pa'i sgom lam btags pa yin zer ro/ /sbyor
ba gsum la tsam po ba khyad par can gnyis phye nas sbyor tshul bu
nya sogs kyang 'dod dam snyam ste/ gser phreng las/ de'i phyir
sbyor ba gsum la khyad

@037b par can yin min gnyis yod la khyad par can sa gsum pa nas
bzhag pas dang por thob pa'i sa mtshams bstan to/ /zhes gsungs
pa'i phyir/ des na de dag la yang skyes tshal pas skyon brjod
dang po de 'jug go /skyes tshal

pas de ltar byas nas/ 'grel ba'i gzhung 'di mkhan po rnam snang
mdzad kyi bzhed pa bkod pas/ gzhan 'dod yin gyi slob dpon rang
lugs min zer ba gong gi rnam bshad la skyon brjod pa rang gi mgo
thog tu blangs te/

de ltar na slob dpon gyis zlos spong gi gzhung ma mdzad pa'i
phyir/ rtags khas/ 'di'i don shin tu dka' bas/ yig char/ dka'
gnas legs par bshad yod do/ /zhes gsungs so// ! nyi khri pas/

byang chen phyir mi ldog pa'i/ nas/ byung rgyal du smra ba ma
yin/ zhes pa phyir mi ldog pa'i rtags spyir bstan gyi mdor le
brgyad mar gsungs pa/ nyi snang du sbyor lam gyi 'go rnam pa med
pa sogs nas bzung bas yin la/ rgyan snang du

'di'i thad kyi mdo sbyor lam gyi rtags dang por sbyar ba rtags
dang po la mdo zur ba med pas yin no/ /de bzhin nyid sogs kyi
mnyam bzhag dang/ de las langs te sogs kyi lus ngag gi rtags
gsungs so/ /bsod grags pa rje btsun

pa sogs phal cher gyi rtags lus ngag gi mtshan ma zer nas sbyor
lam thob ma thag pa sogs mnyam bzhag pa'i rgyud la med zer
shing/ rgyan snang la brten nas rang bzhin gyi rtags kyis dpog
dgos zer/ bu ston gyis chos bcu bar

@038a @#/ /du ba las ni mer shes dang/ /sogs drangs nas rtags zhe
bzhi po rdzogs byang las phyir mi ldog pa'i 'bras bur gsungs
nas/ bu Tika las/ mnyam bzhag gi 'bras bu lus ngag gi tha snyad
rnams rtags

yin la/ de mngon sum gyis grub pas so/ /zhes gsungs pas/ mnyam
bzhag pa phyir mi ldog par dpog byed du 'dod dam dpyad do/ min
na 'bras rtags su mi rung ba'i phyir ro/ /gser phreng las/ rtags
yang dag gi rnam

gzhag byar med pa ma rtogs par dngos po stobs shugs kyi rtags
bzhin du rnam bzhag byed pa ni rigs pa'i dbang phyug gi bzhed pa
ma go ba gsal bar byed pa'o/ /zhes sogs la brten nas mang po
zhig gis lung tsam las gtan

tshigs kyis dpog pa med zer/ de la mdo las/ rtags zhe bzhi re re
la rnam pa dang rtags dang mtshan ma gsum re gsungs pa dang/ nyi
snang las/ de la rnam pa ni gnyen po'i phyogs kyis bsdus pa'o/
/rtags ni rang la brten

pa'i mtshan mas bsdus pa'o/ /mtshan ma ni de yongs su longs spyod
pa'i rgyen du rtogs pa yin no/ /zhes dang/ /rgyan snang las/ nyi
snang gi de bkod nas yang na rnam pa ni lus kyi dga' ba'i khyad
par te ba spu ldang ba dang mchi ma

'dzag pa la sogs pa'o/ /rtags ni ngag gi khyad par te dga' bas
gsol ba 'debs pa la sogs pa'o/ /mtshan ma ni nyams sa len pa'i
khyad par te nyan pa dang 'dzin pa dang klog pa dang mchod pa la
sogs pa'o/ /yang na tshig

@038b 'di dag ni snga ma snga ma'i bshad par gyur pa yin no/
/zhes rnam pa ni mthong spang bden zhen mngon gyur ba dang/ rang
kho na'i don sgrub 'dod sogs kyi gnyen po 'am lus kyi rtags
dang/ /rtags ni rang rgyud kyi phyir mi ldog pa'i

mtshan ma'am ngag gi rtags dang/ /mtshan ma ni mtshan ma de dag gi
sgo nas longs spyod bya thabs shes khyad par nam gzhung don la
thos bsam sogs byed pa yid kyi rtags gsum gsungs pa mi 'thad par
thal/ yid kyi rtags

dang rang gi sa dang phyir mi ldog par dbog byed kyi rtags med
pa'i phyir/ gsum pa dang bzhi pa la/ rgyan snang las/ de ni rang
bzhin yin par brjod/ /ces pa'i tshul gyis dbog par bya'o/ /zhes
rang bzhin dang/ chos bcu'i mdo

sngar drangs pas 'bras rtags gsungs pa'i phyir/ gser phreng gi
don lung la ma brten par bum pa yod par sgrub pa ltar/ dngos
stobs kyi rtags tsam gyi rnam bzhag byed pa mi 'thad/ /ces pa
yin pa gong du gang zag gzhan gyis kyang

mdo nas bshad pa'i lus ngag gi kun spyod rnams dang ldan zhing/
zhes dang/ de phyir mi ldog par lung la brten nas dpog pa tsam
la/ zhes gsungs pa'i phyir/ kho na re/ des na lung rgyu mtshan du
byas nas dpog pa tsam yin gyi/

tshul gsum tshang ba'i rtags bkod pa min te/ de nyid las/ 'di dag
la tshul gsum tshad mas nges pa'i rtags kyi rnam bzhag ni byar mi
rung ste/ zhes gsungs pa'i phyir na ma khyab ste/ /de'i 'og tu
des na 'di dag gis sbyor ba'i don

@039a @#/ /gsum lung 'ba' zhig las 'grub cing/ zhes gsungs pa
gang zhig sbyor ba bkod pa med na lung 'ba' zhig las 'grub
rgyu'i sbyor ba'i rtags chos don gsum med dgos pa'i phyir dang/
rgyan snang las/

kyang rgyu tshogs pa las 'bras bu 'byung rung du sgrub pa'i rang
bzhin gyi rtags ltar bshad pa'i phyir ro/ /zhes gsungs pa'i
phyir ro/ /rnam bshad las/ thabs shes khyad par can de dag dang
ldan pa'i rtags las/ sngar

bshad pa'i bsam pa mngon gyur skye pa'i go skabs bcom pa'i sgo
nas rgyu nus pa mthu can gyis rdzogs pa'i byang chub 'byung rung
dpog pa yin no/ /zhes dang/ rtogs snang las/ sngar tshogs lam du
khyab 'brel thos bsam

gyis nges pa ma brjed par yod pa la phyis phyogs chos rang la
myong ba'i grub pa na/ kho bo rdzogs byang las phyir mi ldog par
'gyur ro snyam du nges shes skyes pa'i sgo nas slo bur ba'i
rtags yang dag tu 'gyur ba'ang srid do//

zhes dang/ tshig don skabs khyod de sgrub kyi rtags yang dag yin
pa'i phyir/ zhes gsungs pa'i phyir/ rnam bshad dang rtogs snang
dpal ldan pa rjes 'brang la sgrub byed du mi 'gro las ches yang
gzhan la tshad ldan no/ /

kho na re/ dbang rnon theg chen sbyor lam drod thob ma thag pa
yin na/ phyir mi ldog pa'i rtags thob pas ma khyab par thal/ de
'dra'i rtse mo thob ma thag pa yin na rtse mo'i rtags thob pas
ma khyab pa'i phyir/ zer na/ rtsa bar/

@039b byang chub sems dpa' gang dag gnas/ /zhes dbang rnon sbyor
lam nas dang/ dbang 'bring mthong lam nas dang/ dbang rtul sa
brgyad nas phyir mi ldog pa'i rtags thob par gsungs kyang khyab
ma khyab dpyad/ yig cha gzhan

rnams kyis byang sems kho rang phyir mi ldog par dpog byed kyi
rtags la/ kho rang gi rgyud kyi lus ngag gi tha snyad dgos par
'dod kyang/ rang lugs la rgyan snang las/ sa brgyad pa la ni
thams cad phyir mi ldog

par nges pa nyid du bzhag pa yin pa'i phyir nges pa med do/
/zhes dang/ gser phreng las/ bden zhen ldog pa'i shes rab kyis
mtshon pa'i snying rje chen po ste thabs shes rgyun shin tu brtan
pa gnyis ni rtags kyi gtso

bo yin la/ zhes dang/ rnam bshad las/ de 'dra'i skad cig bcu
drug gis bsdus pa'i thabs shes khyad par can dang des drangs
pa'i lus ngag gi tha snyad khyad par ni chos can/ blo ldan dbang
po 'bring po mthong ba'i

lam gnas kyi phyir mi ldog pa'i rtags dag yin te/ de sgrub kyi
tshul gsum tshang ba'i phyir/ zhes sogs la brten nas lus ngag gi
tha snyad mi dgos par gsungs so/ /kho na re/ yig char/ mthong
lam shes bzod

skad cig ma bcu drug phyir mi ldog pa'i rtags yin par thal/ nas/
ma khyab ste/ gzugs sogs 'du shes ldog pa nas chos kyi don du
srog gtong pa'i rjes thob kyi lus ngag gi bya ba bcu drug la
rgyu shes bzod bcu drug

@040a @#/ /gi ming btags pa gang zhig /zhes gsungs pa mi 'thad
par thal/ de bcu drug rtags yin pa'i phyir na ma khyab ste/ 'dir
bstan gtso bo'i de min zhes pa'i don yin pa'i phyir te/ de la
gzhan

la dpog dus kyi de dgos pa'i phyir te/ 'grel ba las/ so so rang
gis rig pa'i skad cig ma rnams ji ltar gzhan yid ches par byed
pa'i mtshan nyid dag yin/ zhes gsungs pa'i phyir/ gzhan la dpog
dus kyi rtags

la lus ngag gi tha snyad dgos te/ gser phreng las/ gang zag
gzhan gyis kyang mdo nas bshad pa'i lus ngag gi kun spyod rnams
dang ldan zhing de yang ring du 'dris kyang spyod lam brtag thub
par mthong ba na/ de las pha rol

po de phyir mi ldog par lung la brten nas dpog /ces dang/ rnam
bshad las/ stong pa nyid la sogs pa'i theg pa chen po'i lam gyi
rigs cher ba ston pa'i ngag gi tha snyad khyad par can dang ldan
pa'i rtags las shes rang

khyad par can yod par dpog la/ sems can gyi sdug bsngal shas mi
bzod pa'i lus kyi ba spu ldang ba dang/ mig nas mchi ma 'byung
ba la sogs pa'i lus kyi tha snyad khyad par can dang ldan pa
las/ /de ldan gyi gang

zag la theg pa chen po'i thabs khyad par can dang ldan par dpog
go /zhes gsungs pa'i phyir/ 'on kyang gzhan gyis dpog byed kyi
rtags la yin gyi rtags yod de/ rnam bshad las/ thabs shes khyad
par can de dag dang

@040b ldan pa'i rtags las sngar bshad pa'i bsam pa mngon gyur
skye ba'i go skabs bcom pa'i sgo nas rgyu nus pa mthu can gyis
rdzogs pa'i byang chub 'byung rung dpog pa yin no/ /zhes gsungs
pa'i phyir/ mthong lam gyi rtags la yid

kyi rtags med na sbyor lam la yang mtshungs so/ /'o na dbang
'bring mthong lam pa yin na mthong lam gyi rtags thob pas khyab
par thal/ de'i bzod shes bcu drug la rtags yod pa'i phyir na ma
khyab ste/ yig char/ des mthong

lam pa dang/ sgom lam pa yang shes so/ /zhes sbyor lam gyi rtags
thob la mthong lam gyi rtags ma thob pa yod par gsungs pas dbang
rnon mthong lam pa'i rgyud kyi bzod shes de dag gi sgo nas rang
gzhan ci rigs kyi mthong

lam pa de phyir mi ldog par ma dpog na/ mthong lam pa'i phyir mi
ldog pa'i rtags min zer dgos te/ rtse mo'i rtags drug la yid kyi
rtags yod kyang/ drod kyi rtags bcu gcig thob la rtse mo'i rtags
ma thob pa'i rtse mo thob ma

thag pa yod pa'i phyir dang/ mdo las/ phyir mi ldog par gzung
bar bya'o/ /zhes rang gzhan ci rigs kyis phyir mi ldog par dpog
byed dam de'i rgyun gcig dgos pa'i phyir/ dbang rnon dang rgyud
gcig pa'i sa dgu pa pa sogs kyi

sbyor mthong sgom gsum gyi rtags thob tshul kho rang gi rgyud kyi
lus ngag yid gsum ci rigs kyi rtags kyis kho rang dang rgyud
gcig pa'i sbyor lam pa sogs phyir mi ldog par dpog phyed gyi
rtags yin na ma snyam ste/ gzhan dag /de la
@041a @#/ /sbyor lam sogs ldan zer ba ltar na sangs rgyas 'phags
pa la 'khrul rtog dang kun slong gi rtog pa sogs kyang ldan par
'gyur ro/ /yig char/ dang po nyer gnyis sla zhes pa ma dag dbang
po nyer gnyis zer

ba yin/ dbang po tha ma gsum ni/ gser phreng las/ zag med kho
nar 'chad pa'i rjes su 'brangs nas nyi snang du yang de ltar ro/
/zhes gsungs pas/ 'phags pas zag med kho nar 'dod dam/ nyi khri
ltar byang sems

mos spyod la dang po/ /sa dang po nas dgu pa'i bar la gnyis pa/
sa bcu pa dang sangs rgyas la gsum pa 'jog dpyad la/ theg chen
pa phal cher gyis nyi khri ltar 'dod par snang ste bsdu ba'i
kyang de la brten pa'i phyir ro//

dang po tshogs lam nas bzhag gam dpyad/ kho na re/ rnam bshad
las/ mig sogs dbang po dang/ nas/ rnam par shes pa'i skyes bu la
sogs pa'i yul dang yul can bden par zhen pa spang bya dang/ de
dag bden

med du rtogs pa'i spang gnyen g.yul 'gyed pa la/ zhes dbang
sogs bzhi rjes shes kyi ngo bo ston par sbyar ba sogs mi 'thad
par thal/ gser phreng las/ dbang sogs bzhi 'gog pa ni rjes shes
kyi skabs su zag

bcas kyi rnam smin 'gog tshul bstan pas de'i byed las bstan gyi
'di bzhi 'gog pa la rjes shes kyi ngo bo ston pa dang/ 'di bzhi
la zhen pa'i spang bya dang gnyen po g.yul 'gyed pa/ zhes ni mi
sbyar te/ nyi snang las/

@041b spang gnyen g.yul 'gyed la sbyor ba bkag pa rjes shes
sngar bstan nas/ de'i 'og tu de lta bur gyur ba'i gnas skabs su
rang gi dbang gi kho nas rnam par smin pa 'gog pa rnam pa bzhi
yin te/ zhes mtshams sbyar nas

de bzhi 'gog pa'i mdo sbyar bas so/ /de bzhin du rgyan snang
rnam 'grel gnyis su yang 'byung zhing/ le brgyad mar yang g.yul
'gyed sngon la sbyar ro/ /zhes gsungs pa'i phyir/ zer na/ 'o na
rtsa bas kyang/ dbang

sogs bcas pa yi/ g.yul 'byed/ ces dbang sogs sngon du blangs pa
mi 'thad par thal/ 'grel bshad de dag gi bshad tshul de'i phyir/
de ni yum mdo'i dngos bstan ltar na mi sbyor ba'i don yin gyi/
rnam

bshad du rtsa ba dang 'grel chung ltar yum gyi sbas don bkral ba
yin pa'i phyir te/ rtsa bas dbang sogs sngon du blangs pa'i dgos
pa yod pa'i phyir dang/ dbang sogs la bden par zhen pa'i spang
gnyen g.yul

'gyed pa sogs spang gnyen thams cad la bden zhen bkag pa'i byed
las rnam smin dbang sogs 'gog pa 'byung pa'i phyir/ rtsa 'grel
bsgrigs dgos so// ! sgom lam phyir mi ldog pa'i rtags la sngon

du zab khyad sogs gsungs pa/ shes sgrib kyi gnyen po bskal chen
grangs med gnyis kyi yun la goms dgos pas yin pa/ mdo las/ bcom
ldan 'das byang chen sher phyin dang ldan pa'i gnas zab mo zab
mo

@042a @#/ /dag bstan du gsol/ zhes shes phyin sgom pa yongs su
rdzogs pa'i phyir/ zab mo rgyun ldan du yang yang bsgom tshul
zhus pas so/ /de yang rnam 'grel las/ khyad par dang ni khyad
par

gzhi/ /'brel dang 'jig rten gzhung lugs ni/ /bzung nas de dag
bsngoms byas te/ /de ltar rtogs kyi gzhan du min/ /zhes pa ltar/
khyad par ni sgom lam des yul zab mo stong pa nyid rgyun ldan du
yun ring goms

pa zab pa'i khyad par dang/ yul du stong nyid zab pa'i rgyu
mtshan/ stong nyid de rang gi chos can gzugs sogs dang ldog pa
gcig tu grub pa'am/ de'i gnas lugs su don dam par yod pa sgro
'dogs dang/ chos can de

dang ngo bo tha dad ngam/ tha snyad du de'i rang bzhin du med pa
skur 'degs kyi mtha' gnyis las grol ba'i phyir ro/ /reng mda' ba
ltar kha cig zab mo yul du ldan/ zhes sbyor ba mi 'thad de/ de
ltar na/ dngos po brjod du med pa

la/ zhes sogs kyi rtsod lan rnams 'brel med du 'gyur pas so
gsungs pa/ mdo'i sgras zin ltar yin kyang/ gser phreng rnam
bshad dag tu yul la sbyar ba ni/ rgyan snang las/ zab mo zab mo/
/zhes bzlas te brjod pa ni

yang nas yang du goms par bya ba'i lam yin par shes par bya ba'i
don yin no/ /zhes pa ltar/ nyi snang du yang gsungs pa'i dgongs
pa yin no/ /rang bzhin bden stong 'jog na chos thams cad la
khyab pas sgom lam gyi khyad

@042b par tsam du mi rung ba'i phyir/ des na 'grel pa'i zin bris
ltar yul can zab tshul dang sprel na legs so/ /dngos po brjod du
med pa/ sogs dngos smras chos thams cad bden par med na spang
gnyen mi rung zhes de rtogs pa

la rtsod pa'i phyir ro/ /sbyor mthong gi yul rnam pa brgya don
gsum sogs sa dang po nas bcu pa'i bar thos bsam sgom gsum gyis
goms pa khyad gzhi sgom lam gyi ngo bor gsungs pa/ gser phreng
las/ rigs pa bzhis sems

pa dang/ sems gnas dgus 'jal ba dang/ lhag mthong bzhis nges par
rtogs par gsungs pas/ sems gnas dgu yang sa bcu pa'i bar du yod
pa sngar ma rtogs pa'i don dang/ stong nyid lta bu rigs pa'i
rnam grangs

mi 'dra ba ci sgo nas rtogs pa yang yod dam snyam ste/ sangs
rgyas gzhan las stong nyid ston pa'i mdo la thos bsam byed pa
yod pa'i phyir/ bsam gzugs chen mo las/ de 'dra'i lhag mthong gi
sngon du ji lta ji snyed la dmigs

pa'i zhi gnas gang rung zhig sems gnas dgus bsgrub pa sngon du
song na de sa chog pa'i phyir/ zhes pa nges par bsgrub mi dgos
pa'i don no/ /de nyid las/ sems gnas dgu pa dang sgom lam bar
chad med lam gyi gzhi mthun

yod pa'i/ zhes gsungs pas/ sgom byung gi 'dod sems la des khyab
ste/ dbus mtha' las/ zhi tshe rnal du 'jug pa'o/ /zhes gsungs
pa'i phyir/ lam zhugs slob pa gcig la 'du byed brgyad/ mi ldan/
zhes pa

@043a @#/ /yang yul gcig la yin gyi/ 'phags pa la bying rgod
mngon du gyur pa yod pas de'i gnyen po rtsol ba yod dgos pa'i
phyir/ ya mtha' dpyad/ dbye ba dgu dbyig gnyen gyi mdo rgyun
'grel ba'i rjes su 'brang nas

'phags seng gis spang bya che rim dang gnyen po chung rim nas
sbyar te/ spang bya bden 'dzin skor dgu'i gnyen por khams gsum
sa dgu la brten pa'i sgom lam chung 'bring chen po sgor dgu thog
mtha' gnyis la gnyis byas nas bcu gcig sa

bcu dang sbyar la/ 'di'i mdor sher phyin dang bral ba mi mthun
phyogs sam spang bya dang/ sher phyin gyis zin pa gnyen po dang/
bsod rnams snga ma las 'phel bar gsungs pas/ thal 'gyur bas theg
chen sgom lam skor dgu

spang bya'am zin byed kyis 'byed dpyad/ grangs kyi rtsod pa/ nyi
snang du rkang pa dang po gnyis rtsod pa'i gzhung du byas nas/
sgom lam gyi 'bras bu grangs med sogs bstan pa mi 'thad de/ don
dam par med pa'i phyir/ zhes par

rkang pa phyi ma gnyis kyis/ tha snyad du thub pas thugs brtse
bas bzhed ces khyad med kyi lan byas pa/ mdo'i sgras zin yin la/
bsod nams gsum don dam par med pa de la bden zhen 'gog pa'i
phyir/ bsod nams gsum dang

rnam thar sgo gsum tha snyad du yod par bstan pa rngog Tika gi
don du/ gser phreng las gsungs so/ /'grel ba che chung gnyis su
'bras bu grangs med pa yod par gsungs pas/ rgyu sgom lam la yang
dgu la sa mang ba dbye rigs

@043b zhes rtsod par/ 'bras bu grangs med sogs gsungs pa rtog ge
ba khyod rang gi 'dod pa'i don dam mam rdzas su rigs pa min
kyang/ kun rdzob ldog pas bzhag pas sgom lam rdzas tha dad pa
dgur bzhag pa dang/ mdo bstan bcos

gnyis kar bstan pa rgyu 'bras kyi grangs la 'gal spong sbas don
yin la/ nyi snang ltar le brgyad mar bkod do/ /des na gser
phreng las/ 'dir bden gnyis su bshad pa de/ nas/ phyi ma bzhed
do/ /zhes pa 'grel bar bshad pa yin gyi

rtsa ba'i de la gnyis g.yod de/ nyi snang dang le brgyad mar
snga ma ltar bshad pa'i phyir ro/ /spyir sgom lam rdzas tha dad
pa dgu las mang ba yod kyang/ rdzas rigs dgu las mang ba med do/
/byed las kyi rtsod pa dang po/ /sgom lam

sogs don dam par med na spang bya spang ba dang/ gnyen po por
thob mi rung bar brtsad pa la/ rkang pa dang po gnyis kyis/
sngon byang chub kyi sems goms pa'i bla med byang chub pa'i ye
shes des tha snyad du gdul bya'i don byed pa dpe

de bzhin du theg chen sgom lam 'dis ni tha snyad du spang bya
nyams pa sogs 'dod pa'i don sgrub ces khyab pa ma ma nges pa
dang/ phyi ma gnyis kyis bla med byang chub bden stong gi mtshan
nyid can min pa de bzhin du sgom lam de yang bden

stong gi mtshan nyid can yin zhes rgyu mtshan dngos su bstan pas/
rgyu mtshan can don dam la ltos pa'i 'dod lan shugs la bstan no/
/lan de la tha snyad du rtsod pa spang ba ni/ bla med byang chub
kyis sems can gyi don sgrub pa byang

@044a @#/ /chub kyi sems gnyis goms stobs kyis yin pa mi 'thad
de/ byang chub kyi sems gnyis snga ma dang phyi ma dag phrad pa
med pas/ de re re tsam gyis mi thob ces/ nyi snang sogs su bkod
brtsod pa'i

mdo dang rtsa ba'i tshig zin ltar min la/ slob dpon gyis 'grel
par mang po gcig char dang/ rim gyis 'byung ba kha bskang ste
bzhir byas pa ni/ mtha' chod pa'i dogs pa bsu pa dang/ lan gyi
mdor bzhig gsungs pas yin

la/ de'i bzhi pa gser phreng las/ snga phyi mong po dus gcig tu
'tshogs pas mi thob pa bkod pa rtsod pa'i mdor snga phyi mi
'grogs par gsungs pas yin la/ rnam bshad rtogs snang sogs su
mang po rim gyis 'byung bas mi

thob pa bkod pa/ rgyan snang las sngar bshad pa'i phyogs mngon
par 'dod pa ma yin pa'i phyir/ phyogs phyi ma la rab tu grags
pa'i dpe'i tshul gyis lan gdab pa'i phyir/ zhes de la rtags ma
grub kyi lan byed par gsungs pa ltar

dang/ de'i sgrub byed snga phyi phrad pa med pa la khyab med kyi
lan byed pas/ gser phreng dang don gcig go /lan sdud pa/ chu
thig gis bum pa 'gengs pa dang/ 'bru mar gyi dpe gnyis ka gsungs
la/ nyi khri dang brgyad stong bar

phyi ma tsam gsungs pa/ des rtogs sla ba dang/ don dam sems
skyed kyis sgrib pa'i bu shing bsreg tshul sogs dgos pa mang pas/
rtsa bar/ de dper byas so/ /gser phreng du bzhi ga khyab pa ma
nges par byas pa/ de ni yang dag

@044b pa ma yin pas/ zhes pas sgrub cing/ rnam bshad ltar na
rtsod pa de yang dag min zhes pa'o/ /skad cig snga phyi mang po
ltos med du mi bsreg phan tshun ltos nas sreg pa'i bden pa'i
stong pa dang rten 'byung mi 'gal bar bstan pa

'dis/ tha snyad du sems skyed snga phyi phan tshun ltos te snga
mas phyi ma nus ldan du skyed pa'i sgo nas byang chub thob pa
dang/ zab mo brgyad kyang don dam par med kyang tha snyad du bya
ba byed tshul khong du chud par bya'o/ /bu nya sogs ji

skad man mtshams sbyar du byas brtsa ba dang 'gal lo/ /gser
phreng las/ chos zab mo rnam pa brgyad po de yul chos can gang
la yod pa yin zhen/ zhes pa ltar 'dus byas dang de bzhin nyid
dang yul yul can dang

spyod pa'i steng nas 'jog la/ rtags ni de dag zab tshul rtogs
pa'i sa brgyad pa'i ye shes dang/ de dang mthun pa'i lus ngag gi
tha snyad gnyis ka 'jog go /gser phreng las/ sbyor pa 'di gsum
sbyor lam nas bzhag go /zhes

sogs/ de dag sgom tshul las sa mtshams min te/ de'i gong du/ dge
'dun du gsungs pa dang/ rgyud bla'i 'grel bar dag sa gsum la
gnas pa la mthar thug pa'i sems su gsungs pas/ sa brgyad pa nas
bzung ngo/ /zhes

gsungs pa'i phyir ro/ /rang res don bdun cur/ rjes thob tu yang
bden 'dzin mngon gyur du skye ba'i go skabs bcom pa'i dag sa'i
sems dpa'i ye shes de/ srid zhi mnyam nyid kyi sbyor ba'i mtshan
nyid/ rang gang du 'tshang rgya 'gyur

@045a @#/ /gyi zhing khyad par can 'grub pa'i smon lam sogs kyi
dge rtsa mthu can gyi dag sa'i sems dpa'i ye shes de/ zhing dag
sbyor ba'i mtshan nyid/ 'bad rtsol rags pa zhi ba'i sgo nas
'phrin las lhun gyis grub pa'i dag

sa'i sems dpa'i ye shes de/ thabs mkhas sbyor ba'i mtshan nyid/
ces pa ltar rol mtshod gsungs la/ bsod grags pa dang/ bstan dar
pas de'i steng du gtso bo chos sku dang longs sku dang sprul
sku'i lag rjes 'jog

byed/ ces sbyar nas/ dang po dang phyi ma gnyis 'gal la/ phyi ma
gnyis yin khyad mnyam du bsod grags pa'i mtha' dpyod du gsungs
pa/ rnam bshad kyi sa bcad ltar byas la/ snga ma ni rnam bshad
las/ bden 'dzin gyi

sa bon zad par ma spangs kyang bden 'dzin mngon gyur skye ba'i
go skabs bcom bas srid zhi mnyam nyid kyi sbyor ba thob pa zhes
rnam par bzhag go /zhes srid zhi gnyis ka bden par 'dzin pa'i
bden 'dzin mngon gyur skye ba'i go

skabs bcom par mnyam pas bzhag gi /yul rtogs tshul gyis ma bzhag
pa dang/ thabs mkhas sbyor ba la rgyu 'bras ngo bo gsum la sbyar
ba'i yul rnam thar sgo gsum rtogs pa'i sbyor ba sogs bzhag pas
yin no/ /rab 'byor

gyis srid zhi bden stong du gsungs pa la/ gdul bya'i don du shA
ri'i bus dngos smra ba'i phyogs bzung nas klan ka dang rab 'byor
gyis dbu ma pa'i phyogs bzung nas lan mdzad pa'i klan ka dang po
ni/ nyin par dge sdig gi

@045b las bsags pa med par thal/ las 'bras don dam par med pa'i
phyir/ dper na/ rmi lam bzhin/ zhes pa yin la/ 'di'i mdo'i tshig
zin la rmi lam gyi las la 'phel 'grib yod dam/ zhes dri ba tsam
las med

kyang sngar rmi lam 'khrul ba dang sad pa 'khrul ba med pas
mtshon pa'i srid zhi bden med du bshad pas yin la/ lan du rmi lam
ltar/ don dam par 'phel 'grib med la/ rmi lam gyi de sad nas
rnam par rtog na yod ces pas kun rdzob tu khyab

pa ma nges pa dang/ dpe ma grub par gsungs so/ /klan ka gnyis pa
ni/ gser phreng las/ las 'bras don dam du thal ba/ zhes las
'bras don dam du grub par thal/ rmi lam gyi las kyang bri 'phel
du 'gyur pa'i phyir/

zhes pa rab 'byor gyis bkod par byas nas/ nyi khri'i ji skad
zer/ zhes pa yan rtsod pa dang/ de man lan du byas so/ /rnam
bshad du/ de rtsod pa'i skabs dbye pa'i gzhung dang/ smras pa
tshe ldan rab 'byor dmigs pa

med par sogs rtsod gzhung dang/ rab 'byor gyis smras pa sogs lan
du byas nas/ rmi lam na las rdzogs par thal ba zhes/ rmi lam na
las lam yongs su rdzogs par thal/ sad rmi mtshungs pa'i phyir/
zhes pa ltar/

da lta'i yig cha rnams su bkod nas/ gser phreng gi de ci yin mi
gsal yang/ yig char/ rtsod pa rnam bshad ltar bkod nas/ mdo
mtshams gser phreng ltar byas te/ mjug tu gser phreng drangs pa
ni/ gnyis ka
@046a @#/ /dgongs pa gcig tu bzhed pa yin te/ rtsod pa de nyi
khri'i gzhung de'i shugs bstan dang/ brgyad stong par shA ri'i
bus smras pa/ tshe dang ldan pa rab 'byor gal te skyes bu de sad
nas kyang 'di ltar rnam

par rtogs cing bsad pa'i 'du shes bskyed de/ a la la bsad do/
/legs par bsad do/ /nas/ 'du shes bskyed na de bzhin du las de
sog pa dang nye bar sog par 'gyur na/ zhes dngos su bstan pas/
yig char

de drangs pa'i phyir/ shA ri'i bu de de bzhin te/ zhes pa de
bzhin du zhes pa yi ge nor ram snyam/ yig char/ shA ri'i bu sa
'on kyang/ zhes rtsod pa shA ri'i bus bkod par byas pa ni/
brgyad stong pa ltar yin la/ de nyi khri'i shugs

bstan dang/ lan ni rab 'byor khyod kyis thal 'gyur de/ zhes lan
shA bus btab par byas nas/ nyi khri las rab 'byor las ni sogs
lan la sbyar/ gser phreng tshig zin ltar yin no/ /rmi lam gyi las
kyis sdom pa gtong

mi gtong ni/ rgyan snang las/ rmi lam la sogs pa'i gnas skabs su
yang las dang 'bras bu yod par 'dod pa yin pa'i phyir/ dge slong
ma yin pa la sogs pa gnyis pa yod par mi brjod de/ zhes sogs
bsdus so/ /

gser phreng gi rtsod lan ni/ nyi snang las/ gnyen po 'gal ba yin
yang rnam par rtog pa rjes su 'jug par thal bas de don dam pa
nyid du yang dag par ston pa'i don gyis de ltar brtsad pa yin
no/ /zhes dang/ rgyan snang

@046b las/ dmigs pa la nye bar dmigs pa med par gzhan dag gi yid
kyi las dang sems pa ci'i phyir mi 'jug ce na/ tshe dang ldan pa
shA ri'i bu/ zhes pa ltar/ yum mdo'i shugs bstan nam sbas don
gyi rtsod pa yin pa/ gser

phreng las/ shugs la rmi lam las la gnyen po 'gal ba/ nas/ zhes
brtsad pa'o/ /zhes pas grub la/ de brgyad stong pa dang bstun
tshe/ nyi khri'i rab 'byor dmigs pa med par las mi skye/ zhes
sogs rnam bshad ltar

rtsod pa'i gzhung la sbyar dgos pa/ gser phreng las/ brgyad
stong par ni rjes kyi yid ring gis gsos na/ nas/ sngar drangs
pa'i lan gnyis pa'i mdo 'byung ba de yang rab 'byor gyis bshad
kyi shA ri'i bus smras pa med do/ /zhes

pas shes so/ /de ltar rtsod tshul gnyis yod pa ltar shA bus
smras brtsod pa dang lan la sbyar tshul gnyis yod pa 'dir gsal
bar gsungs so/ /klan ka gnyis pa 'di shin tu dka' bas/ bu nya
sogs kyis bder gshegs las

sog kho na las/ nyi khri'i de med pas/ gser phreng las/ Tik byed
snga phyi rnams kyis ni 'di ma thon par de bzhin gshegs pa la
las sog pa pa yod par thal ba'i rtsod lan 'ba' zhig byed pa ni/
brgyad stong pa'i mdo dang le

brgyad ma gnyis kyi khyad par ma phyed pa dang/ nyi snang gi
'grel tshig de brling drags pas nongs so/ /zhes gsungs so/ /rtog
snang gi bshad pa mchan 'grel du nyi zer bkod pa ltar ro/ /lan
rnam bshad las/ de la 'dod lan thebs

@047a @#/ /pa'i phyir ro/ /zhes pa sdom tshig ltar gnod sems kyi
las lam yin gyi srog gcod kyi las lam min la/ 'on kyang dge ba'i
las lam bcu rdzogs pa yod do/ /klan ka gsum pa ni/ shA bus/

mdo las/ chos thams cad dben par gsungs pa mi 'thad par thal/
sad rmi gnyis kar las gsog pa yod pa'i phyir zer bar/ rab 'byor
gyis dben pa dang/ dmigs med don dam dang/ las sogs pa dmigs

bcas kun rdzob tu yin pas mi 'gal zer ro/ /klan ka bzhi pa ni/
shA bus rmi lam du phyin drug bsgom pa rdzogs byang du bsngos
na tshogs gnyis rdzogs par thal/ rmi lam du las lam rdzogs pa yod
pa'i phyir/

'dod na ha cang thal/ zhes par/ rab 'byor gyis sngar thal 'gyur
gnyis par sad rmi gnyis la stobs che chung yod par bshad pas lan
btab zin kyang/ byams par kha 'phangs shing byams pas kyang lan
dngos su ma

btab pa ni ma 'ongs pa'i sangs rgyas rnams kyis kyang gdul bya'i
dogs pa de sel dgos pa shes ched yin no/ /'grel bar ma yin nam/
zhes klan ka dang po tsam bkod pa ni rtsa ba ltar de shes na
bden gnyis 'gal

par rtsod pa thams cad shes pas rtsa bar sogs dang/ 'dir rnams
sbyar la/ lan ni/ dbu ma pas dper na don smra pa khyod kyi lugs
la srog 'gag pa phyis 'byung gi rgyu med par thal/ mdzod ltab
rang gi las las 'jig pa'i

@047b phyir na don dam pa blo ma 'khrul ba'i ngo bor ram skad
cig cha med tsam la gsad bya gsod byed sogs med la/ srog gi
rgyun yun ring 'jug pa dang 'gal ba mtshon bsnun pa sogs kyis
bskyed pa la kun rdzob pa rtog ngor srog

gcod sogs 'jog pa bzhin du/ dbu ma rang lugs la/ don dam par med
kyang kun rdzob tu las 'bras 'thad ces/ phyogs gzhan yum mdo
sogs las gsungs so/ /nyi shu par/ sad rmi la stobs che chung yod

par bshad pa dang/ don smra'i lugs la rmi lam las mngon zhen
gyis gsos na 'phel bsad bem grub ces/ lan dang po rgyas par
bshad do/ /rang rgyud pa man chad kyis rang rang gi gong ma
rnams la bden gnyis 'gal

bar rtsod tshul dang/ dbu sems kyis 'og ma rnams la lan byed tshul
des shes par bya'o/ /zhing dag sbyor ba ni/ dag sar 'bad rtsod
rags pa zhi ba'i sgo nas phyin drug gang sgom thams cad ma 'ongs
pa na/ rang gang du

'tshang rgya ba'i zhing gi snod bcud dag pa'i rgyur sgom pas 'jog
la/ thabs mkhas sbyor ba ni/ rnam thar sgo gsum dang byang
phyogs sde tshan bdun te yul bcu sogs rtag tu mngon du bya ba'i
dus dang/ de ma yin pa bsgom

pa'i dus shes par byas te nyams su len pas bzhag la/ de la bdud
bzhi rags pa las 'das pa'i thabs mkhas sbyor ba/ nas/ rtog pa
tshad med pa'i bar bcu byas pa/ gser phreng las/ de yang yul de
dag

@048a @#/ /sgrub tshul mi 'dra ba'i sgo nas bzhag gi /ngo bo tha
dad par ni ma nges so/ /zhes pa ltar byed las kyis bzhag pas/
'gal pa min la/ don gcig kyang min te/ rnam thar sgo gsum sogs
la gzhal

bya can dgos pa'i phyir ro/ /bdud bzhi la/ bu nya g.yags gzhon
sogs kyis phung po'i bdud la nyer len gyi phung po lnga dang/
nyon mongs pa'i bdud la nyon mongs rnams dang/ 'chi bdag gi bdud
la las nyon gyis

srog dbang 'gag pa dang/ de gsum las 'da' byed kyi dge rtsa la
bar du gcod byed lha'i bu'i bdud dga' rab dbang phyug 'khor bcas
la byas pa mthun la/ 'da' tshul bu nya gnyis kyis brgyad pa nas
bzhi ka las 'da' bar

gsungs la/ g.yags pas sa brgyad pa nas phung po'i bdud dang
gzhan gsum sa dang po nas bcom par bshad do/ /red mda' pas rang
lugs kyi bdud bzhi rags pa bcom tshul dang 'dra bar gsungs pas/
yig char/

yang kha cig /ces pas de dag phyogs sngar blangs nas bdud bzhi
bcom pa sangs rgyas pa dus mnyam par lung dang/ gser phreng rnam
bshad rnams kyis sgrub cing/ gzhan yang/ zhes sogs kyis nyan sa
dang bzhi bsdu

ba sogs nas bshad pa bdud bzhi rags pa yin gyi/ phra mo ma rig
bag chags kyis nyon mongs pa'i bdud dang/ de'i bskyed pa'i phung
po lnga phung po'i bdud du 'jog pa rgyud bla thogs 'grel drangs
shing/ de'i bskyed pa'i

@048b bsam gyis mi khyab pa'i 'chi 'pho 'chi bdag gi bdud du
'jog pa rgyud bla drangs nas sgrub pa gzhan gyis mthon no/ /lha
bu'i bdud phra mo la phra mo de gsum las 'da' ba'i bar chad kyi
bdud las 'jog pa/ gser phreng las/

lha'i bu'i bdud kyang de gsum la bar chad byed pas de gsum ji
srid 'jug pa de srid du yod do/ /zhes pas shes so/ /de dag rags
pa las 'da' tshul mtha' dpyod du gsal lo/ /yig char/ lha'i bu'i
bdud chos can/

spang bya yin par thal/ nas/ 'dod mi nus te/ 'tshang rgya dgos
pa'i phyir na ma khyab/ ces pa bdud sdig can rgyun 'chad par
'dod mi nus te/ 'tshang rgya dgos pa'i phyir na ma khyab ces pa
yin la/ de chos can/ 'tshang

rgya dgos ma yin par thal/ spang bya yin pa'i phyir na ma khyab/
rtags grub ste/ bdud bzhi gang rung yin pa'i phyir/ 'dod na/
bdud bzhi gang rung gi rgyun sangs rgyas sa na yod par thal/
de'i rgyun sangs rgyas sa na yod pa gang zhig /de bdud bzhi gang
rung yin pa'i phyir na

ma khyab zer ram dpyad/ sa dang po nas las nyon gyi 'chi ba
dang/ nyer len gyi phung po spangs pa'i phyir na ma khyab/ ces
pa sa dang po nas las nyon gyis dbang med du 'chi ba dang/ slar
las nyon gyi skye ba med pa'i don

yin pa rgyud bla'i lung gis shes so// //smras pa/ bsgom bya rnam
pa ma lus sbyor ba yi/ /yul du bsdus nas sgom pa'i byed las/
sogs/ /mtshan nyid bzhi yis mtshon tshul thar cha nas//

@049a @#/ /rgyud la skyes te sku gsum 'grub pa'i thabs/ /rgya bod
mkhas dbang 'ga' yi som nyi rgya/ /'jam dbyangs bla ma yang sras
legs bshad kyis/ /grol bar byas so gzur gnas blo ldan rnams/

phyogs 'dzin dor la kun gsal me long ltos/ /rgyal sras rgya
mtsho'i 'jug dogs rnam kun lam/ /rgyal yum rgya mtsho'i dgongs pa
ji bzhin du/ /sngas don rgya mtsho'i 'jings las rab brgal de/
/mthar thug

yon tan rgya mtsho mngon gyur shog /ces shes rab kyi pha rol tu
phyin pa'i mtha' dpyod nor bu'i 'phreng mdzes las skabs bzhi
pa'i dka' gnas rnams cung zad bkrol zin to// //