@#/ /'jam dbyangs bla ma mchog gi phar phyin mtha' dpyod rin chen
sgron me kyi dgongs don gsal bar byed pa skal bzang 'jug ngogs
las skabs brgyad pa zhes bya ba bzhugs so/ /

@001a @##/ /rgyal kun bskyed cing nyon mongs dug chen kyang/
/'joms mdzad mkhyen gter phyi nang gsang gsum dang/ /dbyer med
rgyal pa gnyis pa yab sras bcas/

pradznya'i zhabs sogs dngos brgyud bla mar 'dud/ /gsang las ches
gsang sku bzhi'i dka' gnad la/ /ma rtogs log par rtog pa'i skyon
bsal nas/ /'jam dbyangs bla ma'i

dgongs pa ji bzhin du/ /'byed la mthu ldan tshogs kyis dge legs
stsol/ /'dir skabs kyi mtshams sbyar gyi gzhung la/ mtha' dpyod
nor bu'i phreng mdzes su/ skad cig ma

gcig pa'i/ nas/ rnam pa bzhi yin pas/ zhes pa'i bar bzhag pa ni/
rnam bshad kyi tshig zin ltar yin la/ de yang bu nya gnyis ltar
yin no/ /brgyad pa'i mtha' dpyod gang+ga'i

@002a @##/ /chu rgyun las/ dang po 'chad par/ skad cig ma/ nas/
byang chub pa yin te/ zhes byung/ zhes dang/ de ngo bo 'am dbye
ba'i sgo bzhir 'chad/ ces

mtshams sbyar gyi sgo nas 'chad par 'grel bar/ de yang ngo bo
nyid kyi sku zhes sogs byung ba'i phyir te/ de skad du 'di'i
thad kyi legs bshad gser phreng las/ gnyis pa ni/ chos

sku de yang ngo bo nyid kyi sku la sogs pa'i dbye bas rnam pa
bzhi yin pas de dag ston to/ /'di la gnyis/ sku dang mdzad pa'o/
/zhes gsungs pa'i phyir/ zhes dang/ bye brag tu sku

dang po'i 'brel ston par/ 'grel bar dang po ngo bo nyid kyi sku/
zhes dang/ zhes 'og 'dir mtshams sbyar gsum byas pa red mda' ba'i
nyi zer dang/ gser phreng rtogs snang sogs

@002b kyi dgongs pa yin la/ gsum pa la 'dir/ de yang ngo bo nyid
kyi sku zhes pa ma dag go /'o na kyang rnam bshad sogs las de
yang sogs spyi'i mtshams sbyar dang lhan cig byas pa/ 'di nyid
las/ tshogs chung ngur dgongs pa

tsam yin pa'i phyir/ zhes gsungs pas/ spyir skabs kyi mtshams
sbyar min no/ /de yang ngo bo nyid/ ces pa'i de sgra skad cig ma
gnyis pa la chos kyi skur zhes pa'i dngos bstan gyi chos sku
spyi la snyegs rigs kyang/ de'i

dngos bstan gtso bo'i chos skur sbyar mi rigs te/ de la rgyun
mtha'i skad cig gnyis par thob pa'i de dgos pa'i phyir/ yang
sgras chos sku 'grub dus de ltar yin par ma zad dbye ba yang
bzhi yod ces pa yin no/ /des na

skabs kyi mtshams sbyar gzhung gis dngos bstan gtso bo bdun pa'i
rjes su brgyad pa 'chad pa'i rgyu mtshan dngos dang/ phal bar
chos sku 'grub dus bstan te/ de rtags su bkod pa'i phyir te/ chu
rgyun las/ de rtags su

bkod nas skabs snga phyi gnyis kyi 'brel bsgrub pa'i phyir/ zhes
gsungs pa'i phyir/ des na bu Tika sogs su skad cig sbyor gyi dus
gnyis par chos sku 'grub ste/ de dus sku bzhi 'grub pa'i phyir/
zhes pa mtshams sbyar gyi

dngos bstan gtso bo'i sbyor bar bzhag pa yang mi 'thad do/ /yig
cha rnying bar/ rnam mkhyen de la dbye na/ chos dbyings ye shes/
me long lta bu'i ye shes/ mnyam pa nyid kyi ye shes/ bya ba grub
pa'i ye shes/ so sor rtog

@003a @#/ /pa'i ye shes lnga yod/ chos nyid la slar mi ldang ba'i
tshul gyis mnyam par bzhag pa'i ye shes de dang bo'i mtshan nyid/
chos rnams me long nang gi gzugs brnyan bzhin du gsal bar mngon
sum du

gzigs pa mthar thug pa'i ye shes de/ gnyis pa'i mtshan nyid/ chos
thams cad bden stong mnyam pa nyid du mngon sum du gzigs pa
mthar thug pa'i ye shes de gsum pa'i mtshan nyid/ rang gzhan gyi
bya ba mthar phyin

nus pa'i byed las mthar phyin pa'i mthar thug gi ye shes de bzhi
pa'i mtshan nyid/ chos rnams kyi don dam dang kun rdzob kyi gnas
lugs so sor ma 'dres bar mngon sum du gzigs pa mthar thug pa'i
mkhyen pa de lnga pa'i

mtshan nyid/ de rnam yin khyab mnyam yin/ zhes dang/ bsod grags
ba'i spyi don las/ sangs rgyas kyi ye shes la de lnga kas khyab
par sems so/ /zhes gsungs pas/ rnam mkhyen la de lnga kas khyab
kyang/ chos

dbyings ye shes kyis chos nyid la mnyam par bzhag pa las slar mi
ldang ba'i lag rjes 'jog /me long ye shes kyis dus kun tu chos
thams cad thogs med du mngon sum du rtogs pa'i lag rjes dang/
mnyam nyid ye

shes kyis sems can kun byams brtses skyongs shing mya ngan las
mi 'da' ba'i lag rjes dang/ sor rtog gis shes bya kun la chags
thogs med cing chos kyi char 'bebs pa'i lag rjes 'jog pas/ de
gsum gtso bo

@003b longs sku'i bdag rkyen byed pas longs skur btags la/ khams
kun tu sprul pa dpag med ston ba bya sgrub ye shes kyis lag rjes
yin pas de sprul sku'i bdag rkyen gtso bo yin pas sprul skur
btags pa tsam mo/ /mdo sde

rgyan sogs kyi don mchan 'grel du bshad zin to/ /theg bsdus las/
theg pa chen po'i chos 'dres pa la dmigs pa/ zhes gsungs pas/ ma
'dres pa min la/ rjes la thob pa'i ye shes rnam pa lnga/ zhes pa
ngo bo nyid

med pa'i bshad sbyar las rnam pa lnga ni skad cig re re la gnas
ngan len gyi gnas thams cad 'jig par byed pa dang/ sna tshogs
pa'i 'du shes dang bral te chos kun dga' la dga' ba thob pa
dang/ chos kyi snang ba thams cad

du chad pa med cing rnam pa yongs su ma chad pa de yang dag par
shes pa dang/ rnam par dag pa'i cha dang mthun pa'i mtshan ma
rnam par brtags pa ma yin pa rnams de la kun tu 'byung ba dang/
chos kyi sku yongs su rdzogs pa

dang/ yongs su grub par bya ba'i phyir gong ma nas ches gong
ma'i rgyu yongs su 'dzin par byed pa'o/ /zhes pa ltar ro/ /dbang
'byor ba lnga ni/ theg ba sdus las/ rnam pa lngas 'thob ste/
gzugs kyi phung po gyur ba'i phyir/ /

zhing dang lus dang mtshan dang dpe byad bzang po dang dbyangs
mtha' yas pa dang sbyig ltar mi mthong ba la dbang 'byor ba
dang/ tshor ba'i phung po gyur ba'i kha na ma tho ba med cing
tshad med la rgya che ba'i bde bar gnas pa la

@004a @#/ /dbang 'byor ba dbang/ 'du shes kyi phung po gyur pa'i
phyir/ ming gi tshogs tshig gi tshogs thams cad kyis bstan pa la
dbang 'byor ba dang/ 'du byed kyi phung po gyur pa'i phyir/

sprul pa dang/ bsgyur pa dang/ 'khor bsdu pa dang/ dkar po'i
chos bsdu ba la dbang 'byor ba dang/ rnam par shes pa'i phung po
gnas gyur pa'i phyir/ me long lta bu dang/ mnyam pa nyid dang/
so sor rtog

pa dang/ bya ba sgrub pa'i ye shes la dbang 'byor bas dbang
'byor 'thob bo/ /zhes gzugs sna tshogs ston pa dang/ bde pa rgya
chen po la gnas pa dang/ rtag tu skad skad sna tshogs kyis chos
ston pa dang/ sprul bsgyur

dang 'khor bsdu ba sogs dang ye shes bzhi mngon du byed pa la
dbang 'byor ba lnga'o/ /yig char/ de 'dzam gling 'dir phebs par
nye ba na rang gi rnam smin gyi lus bzhag nas 'og min du phyin
nas 'tshang rgya zer zhes pa

des byams pa lta bu 'og min du phebs pa dga' ldan gyi rten la
sangs rgyas zer de/ sgrub tshul gyis shes pa'i phyir/ sangs rgyas
kha ma 'og min rten can dgos pa/ mdo las/ 'dod pa'i khams dang
gzugs med na/ /

sangs rgyas rnams par 'tshang mi rgya/ /zhes sogs mang la/ rgyud
bla ma las/ chos kyi sku las ma g.yos par/ /zhes sogs kyis
mchog gi sprul sku thams cad kyi mdzad pa bcu gnyis bstan pa yin
pas/ rgyan rtsom

@004b pa po'i byams pa'i mdzad pa yang bstan la/ des rgyan rtsom
pa po chos kyi sku las ma g.yos par dga' ldan du skyes par
bstan pas des sngon du sangs rgyas par bstan pa'i lung yin no/
/de bzhin du rgyan stug po

bkod pa las sangs rgyas thams cad 'og min du/ /sangs rgyas ma
gyur 'dod khams su/ /sangs rgyas mdzad pa mi mdzad do/ /zhes
sogs mang ngo/ /bstan dar ba'i spyi don las/ kha cig /rgyan
mtha'i bar chad

med lam pa de rang dus skad cig gnyis pa'i dus su rnam mkhyen
skad cig dang po thob pa dang 'tshang rgya ba dus mnyam pa yin
zer na/ de mi 'thad par thal/ de dus su sangs rgyas zin pa'i
phyir/ der thal/ de dus su chos

sku mngon du byas zin pa'i phyir/ zhes pa yig char/ byang sems
rgyun mtha' pa dus nam du'ang 'tshang mi rgya bar thal/ de rang
dus su 'tshang mi rgya ba gang zhig /rang dus skad cig gnyis par
yang 'tshang mi rgya ba'i

phyir/ rtags gnyis pa dngos/ dang po grub ste/ sems can gyi dus
su 'tshang rgya ba'i gang zag med pa'i phyir/ dus 'khor Tika chen
las/ lam gyi gnas skabs de thams cad byang sems de 'tshang rgya
dus su bzhag

pa min pa bzhin no/ /zhes gsungs pa'i phyir/ yig char/ byas pa
la kho na re/ de rang dus skad cig gnyis par 'tshang rgya dgos ma
yin par thal/ de rang dus skad cig gnyis par sangs rgyas tshar
ba'i phyir te/ de'i

@005a @#/ /dus su de'i phyir na rnam pa gcig tu ma khyab/ 'dod mi
nus te/ rang skad cig gnyis par 'tshang rgya dgos yin pa'i phyir
zer na/ bum pa chos can/ rang dus skad cig gnyis par 'jig

dgos ma yin par thal/ rang dus skad cig gnyis par zhig tshar ba'i
phyir te/ de'i dus su de'i phyir/ khyab pa 'grig /rtags grub
ste/ de'i dus su zhig tshar rgyu zhig yod pa'i phyir/ rtsa bar
'dod mi nus te/ rang

dus gnyis par 'jig dgos yod pa'i phyir/ 'khor gsum/ zhes bum pa
de rang dus skad cig gnyis par 'jig dgos yin pas/ rang dus skad
cig gnyis par zhig tshar ba min kyang/ /rang dus su skad cig
gnyis

pa'i dus su zhig tshar zer dgos pa bzhin du/ rgyan mtha' pa rang
dus skad cig gnyis par 'tshang rgya dgos yin pas/ de rang dus
skad cig gnyis par sangs rgyas tshar ba min kyang rang dus skad
cig gnyis pa'i dus su

sangs rgyas tshar zer dgos so/ /rgyud bla ma las/ shes rab ye
shes rnam grol rnams/ /gsal dang 'phro dang dag phyir dang/ /tha
dad med phyir 'od dang zer/ /nyi ma'i dkyil 'khor rnams dang
mtshungs/ /zhes sangs

rgyas kyi ye shes gcig nyid ji lta ba la rtag tu mnyam par bzhag
pa'i sgrib mun sel bas 'od gsal ba dang/ ji snyed ba thams cad
la gnyis snang dang bcas par gzigs pas rjes thob ye shes 'od
'phro ba dang mtshungs

@005b pas mnyam rjes ngo bo gcig par gsungs pas/ sangs rgyas la
sems sems byung gi rgyu ba med zer ba dang/ thang sag pa dang
stag tshang pas sangs rgyas kyi ye shes la kun rdzob kyi snang ba
mi 'char zer ba dang/ bod dag

sangs rgyas dang snang la kun rdzob pa dang bden snang sogs mi
snang zer ba rnams khegs so/ /'on kyang lam rim ltar sangs rgyas
rang nges nas chos rnams bden par snang ba mi snang bar bden med
dang sgyu ma lta bur snang ngo/ /

yig cha/ gzhan rnams kyis ji lta ba rtogs pa'i rnam mkhyen gyis
ji lta ba gzigs pa'i gzigs ngor ji snyed pa ma gzigs pa/ sdud
par/ gzugs rnams mi mthong sogs dang/ mdo las/ ma mthong ba ni
mthong ba dam pa'o/ /

zhes ba'i don yin zer ba yig char/ rnam mkhyen gyis ji lta ba
gzigs pa chos can/ khyod kyi gzigs ngo zhig gam gzigs rgyu zhig
med par thal/ khyod yul gang yang mi 'dzin pa'i chos yin pa'i
phyir/ 'khor gsum/ 'di la tshig 'khri ? zer na/

'o na rnam mkhyen gyis gzigs pa'i bum pa'i gzigs pa yod pa don
thob yin par thal lo/ /zhes dang/ gsum pa grub ste/ rnam mkhyen
gyis ji lta ba la gzigs pa'i ngor ji snyed pa la ma gzigs byas
pa 'dis chog

pa'i phyir/ nas/ gnyis smos na/ rnam mkhyen gyi yul gyi yul byas
pa bzhin du 'brel med yin par dgongs pa'i phyir/ zhes bka'
brgyud pa'i blu na sgom mang pos/ lta bas yul yid la mi byed zer
bzhin
@006a @#/ /du yul chab la hab pa dang/ had de med zhes pa lta bu
'brel med bris zhes bkag go /rnam bshad las/ shes bya ji lta ba
la gnyis snang nub nas chu la chu bzhag tu song ba de'i gzigs
pa'i

dor/ shes bya ji snyed pa thams cad lag mthil tu skyu ru ra
bzhag pa ltar mngon sum du gzigs zhes pa/ rnam mkhyen skad cig
dang po'i gzigs ngor shes bya ji snyed pa gzigs zhes pa yin gyi/
nges

ji lta ba la chu la chu bzhag tu song ba'i ngor ji snyed pa
gzigs zhes pa min te/ de'i gzigs pa'i zhes de'i dor sbyar ba'i
don yod pa'i phyir/ yig char/ chos nyid la blos gzigs pa'i dor
dngos po sogs chos can kun

rdzob pa ma gzigs par chos nyid 'ba' zhig dang/ /chos nyid kho
nar gzigs nas zhes pa/ 'jug 'grel las/ dngos po byas pa can la
ma reg par zhes sogs kyi don du gsungs pas/ yod pa ji lta ba
rtogs

pa'i rnam mkhyen gyis ji lta ba gzigs pa'i ngor med kyang/ de'i
ngor yod pa yod zer dgos pa sogs mang ngo/ /rje btsun pas/ sbyor
bzhi'i sngon du grub pa'i rnam mkhyen sbyor bzhi sgom stobs kyis
thob ma yin par

bshad kyang/ sbyor bzhi'i sngon du grub pa'i sbyor bzhi sgom
pa'i blo med par thal lo/ /longs sku chos can/ chos sku yin par
thal/ 'bras bu chos sku yin pa'i phyir na ma khyab/ ces gsungs
so/ /sgra sgrub d+hr-i nya

@006b 'dzin pa la'o/ /zhes pa'i d+hr-i srog gi r-i 'phel ba ar
byas ma rkyen byin mtshams sbyar bas d+harma chos dang/ tsi nya
gsog pa la'o/ /zhes pa'i tshi'i i 'phel ba ai dang/ ai A yar
bsgyur te tsa kar byas mtshams sbyor

ba'i kA ya/ sku sogs la 'jug /kai sgra la'o zhes pa'i kai srog
gi ai A yar byas sbyar bas/ kA ya sde skrog pas na sku'o/
/sgra bshad bden gnyis las gsum gsungs pa'i dang po/ /chos rnams
kun gyi lus yin phyir/

zhes 'gro ba rnams bden pa'i stong pa mthar thug pa ngo bo nyid
sku yin zhing des thams cad la khyab pas yin te/ bden gnyis dar
Tika las/ sku'i don lus su byas nas yan lag thams cad la khyab
pa la lus zhes brjod

pa ste/ de ba'i chos nyid bden stong 'gro ba thams cad la khyab
pas sku'i don lus la bshad pa'o/ /zhes gsungs pa'i phyir/ gnyis
pa/ yon tan bsam las kun rten phyir zhes rgyu'i yon tan thams
cad rgya mtsho la chu

bo dag bzhin du 'dus shing tshogs pa'i rten byed pas yin te/ dar
Tika de ni sku'i tshogs pa'am bsags pa la bshad pa yin te/ /yon
tan gyi chos ma lus pa bsags pas na sku zhes bya'o/ /zhes gsungs
pa'i phyir/

'di tsi nya'i bsgrub tshul yin no/ /gsum pa/ rigs pa'i rjes
'brang ngo bo'i phyir/ /skyob pa rnams kyi chos skur 'dod/ /ces
pa/ dar Tika las/ sangs rgyas kyi thugs rgyud kyi zag pa med
pa'i ye shes sde tshan nyer

@007a @#/ /gcig bden pas stong ba'i tsha de mthar thug dpyod pa'i
rigs shes kyis rnyed pas rigs pa'i rjes su 'brang ba'i ngo bo
yin pa'i phyir/ sku'i don ngo bo'i don du bshad pa ste/ zhes
gtso bo rang

bzhin rnam dag gi sku la bshad cing/ gzugs sku gnyis lta bus
chos nyid de rigs pa dang ldan par sgrog pas sku zhes bya ste/
bden gnyis dka' 'grel las/ ngo bo nyid de nyid rigs pa dang ldan
pa'i phyir/ de lta

bas na 'dis ni/ chos zhes bya ba'i sgra ni rigs par brjod pa
yin/ sku zhes bya ba'i sgra ni ngo bo nyid du brjod pa yin no
zhes dang/ mtha' dpyod las/ 'di kai las sgrub pa'i bshad pa'o/
/zhes gsungs pa'i phyir/

sku'i dbye ba mchan 'grel du bshad zin to/ /kho na re/ bar chad
med lam gyi dus su ngos skal gyi spang bya de skye mi rung ba'i
chos can du byas par thal/ skabs dang po'i mtha' dpyod las/ bar
chad med lam gyi dus su

ngos skal gyi spang bya de med cing skye bar mi rung ba'i chos
can yin te/ nas/ rnam bshad las/ bar chad med lam gyi dus na
ngos skal gyi spang bya de med cing skye bar mi rung ba'i chos
can yin yang/ zhes dang/

de'i dus su ngos skal gyi spang bya spangs zin pa'i phyir/ der
thal/ de'i dus su ngos skal gyi spang bya de skye mi rung ba'i
chos can du byas pa'i phyir na ma khyab/ ces gsungs pa'i phyir
zer na/ yig cha/ 'dir byas pa

@007b la kho na re/ bar chad med lam dus na lag rjes grub tshar
bar thal/ bar chad med lam gyi dus nas de gtan nas skyer mi rung
byas zin pa'i phyir te/ rnam bshad las/ ngos skal gyi spang bya
de med cing skyer mi rung ba'i

chos can yin yang/ zhes gsungs pa'i phyir na ma khyab ste/ de
dus na med cing de phyin chad skye mi srid kyang/ zhes pa'i don
yin la de tsam la skye mi rung ba'i chos can du byas pas ma
khyab pa'i phyir/ ma grub na/ theg chen

rigs nges kyis sbyor lam bzod pa nas ngan song du skye ba'i yan
lag skye mi rung gi chos can du byas par thal/ de nas der de'i
dbang gis skye mi srid pa'i phyir/ 'dod na/ de mthong spang ma
yin par thal lo/ /zhes snga ma

phyin chad skye mi srid pa'i don yin par gsungs pa'i phyir/
skabs 'dir ngan 'gro'i skye ba dang ngan 'gro'i yan lag bcu
gnyis mthong spang yin kying/ sbyor lam bzod pa nas brtags min
gyi 'gog pa thob po/ /des na spang

bya de dag skye mi rung ba'i chos can du byas pa la 'gog bden
thob dgos pa/ rnam bshad las/ dngos gnyen gyis lag rjes bzhag
pa'i cha nas skye mi rung ba'i chos can du song ba'i lam ma thob
pa'i phyir/ zhes pa'i don no/ /

yig char/ kun mkhyen rong pos kyang/ mthong lam la 'gag 'gyur
dang/ rgyun mthar skye 'gyur gyis spang tshul bshad ces pa/
mthong lam skye 'gyur dang zhes ldog nas sbyar dgos te/ rnam
bshad las/ kha cig /mthong

@008a @#/ /lam bar chad med lam dus na dngos kyi gnod bya med par
khas blangs nas/ rgyun mtha'i bar chad med lam gyi dus na gnas
ngan len gyi dri ma phra mo yod par 'dod pa ni/ skye 'gyur gyis
spong

pa dang/ 'gag 'gyur gyis spong pa'i grub mtha' phyogs gcig tu
sdud pa yin la/ zhes pa de yin pa'i phyir dang/ rgyun mtha'i
tshe'i kun slong gi rtog pa yod pas yin pa'i phyir ro/ /bsod
grags pa'i skabs gnyis

pa'i mtha' dpyod las/ mdo las/ sems can rnams kyi rnam par shes
pa'i rgyun re re ba kho na'o/ /zhes gsungs pa mi 'thad par thal/
zhes sems can gcig gi rgyud la yid kyi rnam shes rdzas tha dad
pa gnyis

cig car mi skye ba dang/ dbang po'i rnam shes drug cig car skye
bar rnam 'grel gyis sgrub cing blo la mngon gyur bas khyab par
rigs pas sgrub pas/ mthong lam bar chad med lam pa'i rgyud la
sems bskyed dang mi

rtag sogs rtogs pa'i blo med la/ theg chen 'phags pa la stong
nyid mngon sum du rtogs pa mnyams dgos kyang/ mngon sum du rtog
pa'i blo rgyud la yod pas ma khyab pa med zer/ la las par chad
med lam lta

bu res rtog bral dang rdzes thob lta bu'i tshe sgra don 'dzin
pa'i zhen rig tu 'gyur zer bar/ yig char/ stong nyid mngon sum
du rtog pa'i ye shes slar rtog par 'gyur na/ rnam mkhyen kyang
slar rtog par 'gyur dgos pa'i

@008b phyir te/ rtog pa gnas 'gyur gyi rnal 'byor mngon sum tsam
du mtshungs pa'i phyir te/ gang zag de'i rgyud la rtog pa gcig
kyang med na/ phyin chad de'i rgyud la mi 'byung bas khyab pa'i
phyir/ nas/ rnam 'grel las/ brda

yi rgyu dang bral ba'i phyir/ /de ni phyis kyang mi 'gyur ro/
/zhes gsungs pa'i phyir/ de dus kyi ye shes rtog med cig slar
rtog par 'gyur na/ de dus kyi dbang shes rtog med kyang/ slar
rtog par 'gyur dgos te mtshungs

pa'i phyir/ zhes 'chad par/ rnam 'grel las/ yid yod des na de
'dod na/ /de bzhin dbang skyes la yang mtshungs/ /zhes gsungs
pa'i phyir/ de 'dra ba'i ngo tshar rang thar lam gsal byed la
ltos na shes

bas dor cig /ces dang/ /Tika chen las kyang/ byis blo rtog med
du sgrub pa'i rigs pa'i phyogs chos dgag pa ni/ byis pa de ni
phyis nar son nas kyang brda la byang bar mi 'gyur ro skyes tsam
nas brda'i rgyu dang bral ba'i

phyir/ gal te byis pa'i rgyud la brda la ma byang ba'i yid rtog
med yod pa des na des phyis brda 'dzin par 'dod ce na/ byis ba'i
yid shes da lta rtog med yin kyang phyis rtog bcas su 'gyur ba
de bzhin du byis pa'i dbang

skyes la yang da lta rtog med yin kyang phyis rtog bcas su 'gyur
bar mtshungs so/ /zhes gsungs pas/ 'di ltar na rtogs med kyi blo
slar rtog par gyur ba med dam/ gzhung gzhan las/ mngon sum rtog
par gyur

@009a @#/ /pa yod par yang gsungs pas/ rtog med yid mngon lta bu
bag chags su gyur nas slar rtog pa'i ngo bor sad rgyu yod kyang/
rtog med kyi blo skad cig gnyis par rtog par 'gyur ba med

pa'i don yin/ byas na/ phyogs sngas de'i sems de res sgra don
'dzin pa'i zhen rigs dang/ zhes sogs dang/ 'grig gam snyam la/
rnal 'byor mngon sum rtog par 'gyur med de/ de rgyud ldan gyi
gang zag yul de

rtogs pa las/ nyams pa med pas so/ /yig char/ dper na/ mi gcig
bu des rkun po phyir phyung bar ma zad sgo yang bcad zin nas
slar 'ong mi thub par byas pa bzhin du/ de'i gnyen po bar chad
med lam

gyis sgrib pa slar skye mi rung gi chos can du byas pa'i lag
rjes kyi rnam grol skyes pa'i dus yin pa'i phyir te/ zhes dpe de
bzhin du bar chad med lam gyi stobs kyis spang bya skye mi rung
ba'i chos can du byas te zad pa

dang/ de'i lag rjes sgo bcad pa lta bu'i 'gog bden thob pa rnam
grol lam gyi dus yin par gsungs pas/ sgo 'phar bcad pa rnam grol
lam la sbyar dgos so/ /des na rkun po phyung ba dang sgo 'phar
bcad pa

bar chad med lam rang dus su spang bya 'gag pa dang/ de spong
ba'i brtags min thob pa la sbyar tshul dang gnyis yod snyam ste/
yig char/ dpe de gnyis ka bar chad med lam rang dus su dang de'i
rjes su rang gi lag

@009b rjes kyi dpe yin gyi/ zhes gsungs pa'i phyir/ spyir rtog
pa zhes pa la sgra don snang ba'i rtog pa dang/ gnyis snang gi
'khrul rtog dang/ gzhan 'gyur gyi rtog pa dang/ tshes rnams la so
sor dpyod pa'i sor rtog gi

rtog pa dang/ kun slong zhib tu rtog pa'i 'phags lam yan lag gi
rtog pa rnams las/ dang po gnyis sangs rgyas la med kyang/ tha
ma gsum yod de/ 'di ni las dkar po'o nag po'o snyam pa'i mngon
sum yod pa'i

phyir/ rgyun mtha' pa la kun slong gi rtog pa yod pas dang po
yod la/ 'khrul rtog med de/ 'khrul byed kyi dri ma med pa'i
phyir/ yig char/ 'di'i dus su 'khrul ba'i rtog pa'i ngo bo 'gag
nas de'i rtog med du

'gyur nye yang mngon gyur du skye ma thub pa tsam yin te/ zhes
de'i rgyud kyi rnam mkhyen 'dzin pa'i blo mngon gyur skye ma
thub pa kun slong gi rtog pa yod pas yin la/ de la rnam mkhyen
du snang ba don spyi yin pas de snang

la de rnam mkhyen du mi snang bas 'khrul rtog min no/ /ngo bo
nyid sku'i mtshan nyid dag pa gnyis ldan gyi 'dus ma byas kyi sku
'jog pas mtha' dpyod nor bu'i phreng mdzes su gsungs la/ /mtha'
dpyod ganggA'i chu rgyun

las/ dag pa gnyis ldan gyi dbyings de ngo bo nyid sku'i mtshan
nyid/ ces pa dang/ kho na re/ dag pa gnyis ldan gyi 'dus ma byas
kyi sku de'i mtshan nyid zer na/ 'bras bu chos sku chos can/ nas/
sku bzhir

@010a @#/ /phye ba'i ya gyal du thal lo/ /'dod mi nus te/ sku
bzhir phye ba'i dbye gzhi yin pa'i phyir/ zhes pa/ yig cha
rnying pa ltar bkod tsam las rang lugs min te/ sku bzhir phye
pa'i

dbye gzhi yin na ngo bo nyid sku ma yin pas khyab na/ bden gnyis
kyi dbye gzhi yin na kun rdzob bden pa ma yin pas khyab pa sogs
mtha' yas so/ /rje btsun pa dang/ gung rus dbyings la chos
dbyings

mi dgos par/ rnam bshad las/ 'dir ni khyab pa/ 'du byed kyi sdug
bsngal nye bar zhi ba'i zhi ba'i dbyings de nyid yin la/ zhes
par brten kyang/ rnam bshad las/ dag pa gnyis ldan gyi dbyings
su gyur

pa'i ngo bo nyid sku dang/ zhes pa/ gtso bo rang bzhin rnam dag
la dgongs kyi 'gog bden dbyings su bshad pa min no/ /rang bzhin
rnam dag gi ngo bo nyid sku la bdag gsum gyis dben pa'i ngo bo
nyid sku gsum yod/

ces pa/ rnam mkhyen gnyis stong lta bu rang bzhin rnam dag gi
sku yin te/ rang bzhin yin pa gang zhig /sgrib pa'i dag pa'i sku
yin pa'i phyir/ dang po grub ste/ yig char/ rang bzhin yin na
chos nyid yin mi

dgos pa'i phyir/ zhes dang/ bdag gsum gyis dben pa'i rang bzhin
rnam dag gi sku re yod pa'i phyir/ gnyis pa grub ste/ yig char/
rang bzhin dbe dag pa med kyang rang bzhin sgrib pa sogs kyis
dag pa yod pa'i

@010b phyir/ zhes rang bzhin sgrib pa sogs kyis dag pa'i cha
rang bzhin rnam dag gi skur gsungs pa'i phyir/ ngo bo nyid sku
la rang bzhin rnam dag dang glo bur rnam dag gi sku gang rung
gis ma khyab ste/ rnam mkhyen yod pa dang rtag stong

lta bu gang yang ma yin pa'i phyir/ rol mtsho las/ sems can gyi
rgyud la sangs rgyas bden stong yod pa'i phyir te/ de'i rgyud la
de bden grub med pa'i phyir/ kho na re/ sangs rgyas kyi chos
nyid yin na/ ngo bo nyid

sku yin dgos par thal/ de ngo bo nyid sku yin pa'i phyir zer na
ma khyab ste/ sangs rgyas kyi chos nyid yin na sems can gyi
rgyud la med pas khyab par thal/ sems can gyi rgyud la de med
pa'i phyir/ khyab pa khyas/ rtags sla/

'dod na/ sangs rgyas bden stong chos can/ der thal/ de'i phyir/
zhes pa ltar/ gung ru sogs ser 'bras kyi yig cha thams cad kyis
sems can gyi rgyud la sangs rgyas bden stong yod/ ces sogs zhib
cha mang po

byas te/ gnas gzhi dang 'brel sgra sogs dang/ khyod sgra dang
tshig phrad gong 'og tu sbyor tshul gyi zhib cha ma thon pa rnam
'grel dang 'gal ba mang ngo/ /bzhi brgya ba las/ gang phyir dben
pa dben gyur las/ /tha mi dad pa nyid du

'dod/ /ces pa ltar/ bden grub kyi dben pa'i stong nyid dben gyur
stong gzhi de dag dang ngo bo tha mi dad cing/ sku lhag ma gsum
po kun rdzob tu snang tshul dang mos pa tha dad pas bzhag ste/
/ye shes chos sku sangs
@011a @#/ /rgyas nang phan tshun kho nas mngon sum gyi spyod yul
dang/ longs sku byang 'phags kyi mngon sum gyi spyod yul dang/
mchog sprul nyan thos sogs lam ma zhugs kyi so skye las dag dang

bcas pa'i mngon sum gyi spyod yul du rtogs par byas pa'i ched
yin/ zhes gsungs nas/ mchog sprul mngon sum du mthong ba la so
skye las dag yan chad mi dgos par/ mu stegs ston pa drug dang
lhas byin

legs skar sogs kyis ma nges tshul/ yig cha gzhan ltar sgrub la
rol mtsho las skyon med de/ skabs 'di'i las dag pa de/ mchog gi
sprul sku mngon sum du mthong ba la sgrib byed kyi las sgrib
mngon gyur pas

dag pa la byed pa'i phyir/ gsungs pa legs pa ltar snang yang/
yig char/ 'di yang thun mong gi dbang du byas pa yin no/ /zhes
gsungs pas/ de dag gis bdag cag gi ston pa mchog sprul dang ston
par mthong na/

zag po 'ba' zhig tu mthong tshul med pa'i phyir te/ dung dkar ser
por snang ba'i dbang shes gyis dung dkar ma mthong ba'i phyir/
gzhan yang/ de dag gis mngon sum gyis spyod yul ma yin te de dag
gi rgyud na de mngon suM du rtogs

pa'i mngon sum gang yang med pa'i phyir te/ de dag gi rgyud na
mchog sprul du rtogs pa'i tshad ma tsam yang med pa'i phyir te/
de mchog sprul ma yin par 'dzin pa'i sgro 'dogs mchod pa'i
phyir/ yig cha/ gzhan rnams kyis sems

@011b can gyi rgyud kyis rnam mkhyen mi rtag pa mngon sum du
rtogs pa'i blo la rnam mkhyen mngon sum du snang ma snang dogs
pa tsam las med kyang/ yig char/ de ltar mthong ba la 'khrul
byed dang sgrib byed med na de rnams dang rdzas

gcig pa rnams cig car du mngon sum du rtogs kyang/ de la sgrib
byed yod na rdzas gcig kyang mngon sum du cig car mi rtogs pa'i
phyir/ nas/ gzhan yang/ rnam 'grel las/ 'khrul rgyu med na de
yis ni/ /ngo bo nyid

kyis rang dang ni/ /rjes su mthun pa'i blo skyed byed/ /ces pa'i
lung don ma grub par thal/ gzugs mi rtag par mngon sum du mthong
ba la 'khrul byed dam sgrib byed med na/ gzugs des rang de dang
rang mi rtag pa grub pa de

rdzas gcig yin pas cig car mngon sum du rtogs pa'i blo skyed pa
ni/ de yis ni/ ngo bo nyid kyis rang dang ni/ /rjes su mthun
pa'i blo skyed byed/ /ces gsungs pa'i don dang/ 'khrul byed yod
na/ de ltar mi skyed pa/

'khrul rgyu med na/ zhes pa'i des gzung gis don yin pa'i phyir/
rnam mkhyen gyis rang dang rang mi rtag par mngon sum du rtogs
pa'i blo de ltar skyed pa de ma yin pa'i phyir te/ khyod kyi dam
bca' 'thad pa'i phyir/ 'dis ni

rnam mkhyen byang 'phags kyi mngon sum gyi spyod yul sogs khegs
so/ /zhes dang/ grub bde rdzas gcig dang de dbyer med kyi rdzas
gcig gi khyad par chen po yod pas shes par gyis/ zhes pa/ sngon
med legs bshad

@012a @#/ /do/ /yig char/ kho na re/ sangs rgyas nang phan tshun
gyi mngon sum gyi spyod yul med par thal/ sangs rgyas rtag pa
yin pa'i phyir zer na/ ca co yin/ zhes pa sangs rgyas kyi mkhyen
zhes pa

sangs rgyas spyi ldog la mi byed par sangs rgyas 'phags par go
dgos pa sogs/ khas len song tshul ma shes pa yin pas sangs rgyas
chos can khyod kyi rtogs bya med par thal/ khyod rtag pa yin
pa'i phyir na/

de sgra sbyar nas lan byed pa sogs kyi zhib cha ma nges pa yin
no/ /ngo bo nyid sku zhes pa'i ngo bo nyid ni rgyu rkyen gyis ma
byas pa la bya ste/ nyi snang las/ bcos ma ma yin pa'i don gyis
na bcom ldan 'das kyi ngo bo

nyid kyi sku yin par shes par bya ste/ zhes dang/ 'grel bar/
bcos ma ma yin pa'i don gyis/ zhes gsungs pa'i phyir/ khyad par
gsum ni ldan pa'i khyad par zag med yon tan nyer gcig dang ldan
pa/

bral ba'i khyad par sgrib kun rnam par dag pa/ ngo bo'i khyad
par ye shes de dag bden par med pa dang ngo bo dbyer med pa'o/
gser phreng las yon tan phyi ma 'di gnyis dang mtshan nyid gsum
pas ni 'di slob lam dang

lam ma zhugs na yod pa'ang bkag go /zhes pa'i mtshan nyid gsum pa
gser phreng las/ gzung 'dzin gnyis med pa dang zhes pa gzung
'dzin gyi rtog pa gnyis spangs pa'i don yin nam dpyad la/ dar
Tika

@012b las/ sgro 'dogs dang skur 'debs kyi mtha' gnyis dag ni
rnam par spangs pa dang/ zhes pa ltar yig char ro// ! //gnyis pa
ye shes chos sku ni/ mdo las/ rab 'byor gyis gsol ba/ bcom

ldan 'das zag pa med pa'i/ nas/ byang chen sher phyin la bslab
par bya'o/ /zhes pa'i bar/ nyi snang dang le brgyad mar ngo bo
nyid sku la sbyar zhing/ slob dpon gyis 'grel pa che chung gnyis
su sku bzhir byas

nas/ 'di ye shes chos sku la sgyar ro/ /rol mtsho las/ ji lta ba
dang ji snyed pa la ltos nas gzigs pa mthar thug pa'i ye shes
de/ ye shes chos sku'i mtshan nyid/ de dang sangs rgyas kyi sa'i
shes pa don

gcig zer bar/ ganggA'i chu rgyun las/ sangs rgyas 'phags pa'i
mig shes sogs dbang shes lnga re re nas chos can/ ye shes chos
sku yin par thal/ nas/ 'dod mi nus te/ dbang shes yin pa'i
phyir/

'di thun mong ba'i dbang du byas la/ thun mong ma yin pa ltar na
sangs rgyas 'phags pa'i dbang shes kyis snyom par 'jug nus sum/
mi nus/ de nus na dbang shes yid shes ngo bo tha dad dka' la/ mi
nus

na slob pa dang khyad med du thal ba sogs 'gog dka' 'am snyam
pas dpyod/ ces dang/ nor bu'i phreng mdzes las sangs 'phags kyi
mig shes chos can/ ye shes chos sku yin par thal/ nas/ rtsa bar/

@013a @#/ /'dod mi nus te/ dbang shes yin pa'i phyir na rnam pa
gcig tu ma khyab ste/ sangs rgyas kyi sar bem po med pas dbang
shes yid shes ngo bo gcig tu gyur pa'i phyir/ thub dgongs

las/ mi shes pa'i rang bzhin gyi dbang po sangs rgyas kyis sangs
rgyas nyid kyi gnas skabs na spangs pas na yid kyi blo bzhin du
dbang po'i blo rnams kyis yul yongs su gcod pas/ zhes gsungs
pa'i phyir/

'dis ni sangs rgyas kyi sar dbang shes kyis kyang snyoms 'jug
byed pa bstan to/ /zhes dogs pa gnang nas 'og tu/ 'o na/ de
dbang shes ma yin par thal/ ye shes nyid gzugs skur shar ba yin
pa'i phyir na ma

khyab ste/ ye shes kyi rang bzhin de ltar yin kyang dbang po'i
blor sngon gyi tha snyad kyi rjes su 'brang ba yin pa'i phyir/
mdo de nyid las/ rab 'byams thams cad du gzigs so/ /de lta
na'ang dbang po'i blor sngon

gyi rjes su 'brang bas rnam par bzhag go /zhes gsungs pa'i
phyir/ zhes sangs rgyas kyi rgyud kyis 'dus byas thams cad ye
shes kyi rang bzhin yin pas/ sangs rgyas kyi sa'i shes pa thams
cad kyis chos thams

cad mngon sum du rtogs shing/ dbu skra sogs 'das byas gzhan
rnams kyis chos thams cad gzigs kyang mkhyen pa dang rtogs mi
zer bas yul can min pa dang/ dbang shes su 'jog pa sngon gyi
slob pa'i dus

@013b kyi rdzas rgyun gyis 'jog par gsungs la/ 'og tu yang de
nyid las sangs rgyas kyi ting nge 'dzin gcig gis snyoms 'jug dgu
la snyoms 'jug yang byed par thal/ 'dod pa'i phyir/ 'dod na/ de
'dra'i ting nge

'dzin gcig po de snyoms 'jug dgu ka yang yin par thal/ 'dod pa'i
phyir na ma khyab ste/ sangs rgyas kyi ting nge 'dzin gcig
snyoms 'jug dgu la 'jug kyang snyoms 'jug dgu dang ma 'dres par
gnas pa'i phyir/

'jug 'grel du mdo drangs pa las/ ting nge 'dzin ni snyoms par
'jug par ston snyoms par 'jug pa ting nge 'dzin du ston kyang/
de bzhin gshegs pa'i ting nge 'dzin kha 'dres pa gang yang med
cing/ zhes gsungs

pa'i phyir/ zhes/ sangs rgyas kyi ting nge 'dzin gcig po de
snyoms 'jug dgu la 'jug kyang/ de dgu gang yang min par gsungs
pa ltar/ sangs rgyas kyis sa'i dbang shes rnams snyoms 'jug dgu
la snyoms

par 'jug kyang snyoms 'jug dgu dang lam dang ye shes chos sku
sogs gang yang min te/ dang po yin na mdo 'di dang 'gal zhing/
snyoms 'jug dgu kar thal ba'i phyir dang/ de dgu mi 'gal bar
thal lo/ /gnyis pa

lam la dge ba dgos shing/ sangs rgyas sa'i rang rig dge ba bzhi
gang rung min te/ sems sems byung gang yang min pas ngo bo nyid
kyi dge ba dang/ 'brel ba'i dge ba min la/ gzhan gnyis la dogs
pa med pa'i phyir dang/

@014a @#/ /dbang shes 'khor du sems byung du 'byung sogs dang
'gal lo/ /gsum pa ye shes chos sku la rdzas spyi sogs chod na
sems sems byung gang rung dgos pa'i phyir te/ de la khyad par
gsum ldan dgos

pa'i phyir/ gser phreng las/ khyad par gsum ni ngo bo'i khyad
par gzung 'dzin gnyis su med pa'i sems dang sems las byung ba'o/
/spangs pa'i khyad par dri bcas gnas yongs su gyur pa dri ma
mtha' dag dang bral

bar gyur pa'o/ /byed las kyi khyad par rnal 'byor pa'i kun rdzob
rjes thob tu don khyad par can gzugs sku gnyis su snang ba skyed
pa'i sgo nas gdul bya la chos ston pa dang sogs pas 'od 'gyed
pa'i don gyi bya ba mdzad pa'o//

zhes pa ltar/ 'grel ba sogs las gsungs so/ /dbang shes kyis
snyoms 'jug bya tshul/ sangs rgyas sa'i dbang shes rnams kyis
snyoms 'jug rnams kyi yul de dag gi spyod tshul ji lta ba bzhin
spyod pas yin te/

thub dgongs las/ yid kyi blo bzhin du dbang po'i blo rnams kyis
yul yongs su gcod pas/ zhes gsungs pa'i phyir/ des na dus mnyam
pa'i snyoms 'jug dgu sogs phan tshun snyoms par 'jug gam dpyad/
zag

med ye shes sde tshan dang po bzhi ni/ gser phreng las/ byang
phyogs la sogs bzhi ni sngar rnam kun dang rnam mkhyen du bshad
pa ltar gzung zhing/ zhes pa ltar la/ mthar gnas kyi don ni dgu
po gsar du skyed tshe mthar chags

@014b su thob dgos pas yin par/ gser phreng las gsungs so/ /lnga
pa zad par la/ ngo bo dbye ba sogs dgu mtshan 'grel du bshad zin
la/ ngo bo bsam gtan gyi dngos gzhi la sems rten byas nas rang
gi dmigs yul sa sa ji

ltar 'dod pa khyab par spro nus pa'i ting nge 'dzin sogs dang
mtshungs ldan ci rigs zad par sa'i ting nge 'dzin gyi mtshan nyid/
tha ma gnyis la sems rten gzugs med kyi dngos gzhi dang po gnyis
sbyor ba ma gtogs 'dra'o/ /

zad par me la rang gi mes khyab par spro ba lta bu che chung ji
ltar 'dod pa spro'o/ /zad par te ma lus par khyad tshul de'i phal
bas sa chu sogs gser du mos yang bsgyur mi nus pa sa de'i yul
gyi gser sogs/ rnam 'grel las

mi sdug zad par sa la sogs/ /yang dag min pa mthong bar 'gyur/
zhes pa ltar/ log pa'i kun rdzob yin la/ byang 'phags kyi zad
par gyis sa dang gser du bsgyur ba'i de/ gser phreng las/ de
dang de'i bya ba byed nus

par bshad do/ /zhes pa ltar/ yang dag kun rdzob yin no/ /zad par
dang po brgyad kyi yul mdzod lugs la/ rang 'grel las/ 'dod pa na
spyod pa'i gzugs kyi skye mched yin no/ /zhes pa ltar/ gzugs kyi
skye mched

gtso bo yin te/ gang spel las/ sa la sogs pa rnams kyang kha dog
dang dbyibs kyi bdag nyid yin pas de rnams gzugs kyi skye mched
kyi yul can nyid du mi 'gal lo/ /zhes dang/ mdzod mtha' dpyod
bzhed don kun gsal

@015a @#/ /las/ 'di'i sa sogs kyang sngar gnas dang por/ 'jig
rten gyi ni tha snyad du/ /kha dog dbyibs las zhes brjod/ /chu
me yang ngo/ /zhes gsungs pa ltar/ kha dog dbyibs kyis sprul ba
de yin

pa'i phyir/ zhes gsungs pa'i phyir/ gangga'i chu rgyun las/
gzugs kyi bsdus pa'i skye mched la brgyad 'jog kyang gzugs kyi
skye mched la brgyad 'jog mi thub pa'i phyir/ sngon po sogs
gzugs kyi skye mched la 'jog

sa sogs bzhi reg bya'i skye mched la 'jog pa'i phyir te/ sngo
sogs bzhi kha dog dang gzugs kyi skye mched dang sa sogs bzhi
'byung ba dang reg bya'i skye mched yin pa'i phyir/ zhes dang/
nor bu'i 'phreng mdzes las/ zad par

sa la gzugs kyi skye mched kyis khyab par bud/ ces dang po bzhi
'byung bzhi mtshan nyid par byas pa/ nyi snang gi dgongs pa yab
sras gsum gyis bkral ba ltar yin te/ gser phreng las/ 'dir ltar
chu klung sogs su

chu mthong ba tsam las 'bad pa ma byas par zad par chu'i ting
nge 'dzin 'byung ngo/ /de bzhin du nags kyi me 'bar zhing du ba
'thul ba rnams su dang/ zhes sogs dang/ rnam bshad las/ zad par
'di dag ni skye mched bcu

gnyis las bzhi kho na la bzhag ste/ gzugs kyi skye mched la kha
dog bzhi dang/ reg bya'i skye mched la 'byung ba bzhi dang/ chos
kyi skye mched la nam mkha' dang/ yid kyi skye mched la rnam
shes so/ /zhes dang/ rtogs snang

@015b las/ sa'i ma bshad cing gzhan rnams kyi rim pa ltar/ snod
chu gtsang mas bkang ba dang/ me spar bar ba dang/ rlung lus la
phog pa dang/ zhes dang/ byed las ni/ rim pa ltar chu sar sprul
nas goms pa 'dor ba

sogs dang/ sa chur sprul ba sogs dang/ phung po sbyong ba sogs
dang/ rlung ltar mgyogs par 'gro ba dang/ zhes gsungs pa'i
phyir/ yig char/ zad par gyi skye mched kyi dmigs pa'i rlung
chos can/ de gnyis ka ma

yin par thal/ zad par gyi skye mched yin pa'i phyir/ khyab pa
khas/ 'dod mi nus te/ de gnyis ka yin pa'i phyir/ zhes pa zad
par rlung gi dmigs pa la gzugs dang/ reg bya'i skye mched gnyis
ka yod pa'i don

yin gyi/ de gnyis ka'i yin pa mi srid do/ /de bzhin du gong 'og
gnyis ka'i lugs la/ 'byung bzhi'i zad par gyi dmigs pa la gzugs
de ga gnyis ka yod kyang/ 'og mas sa sogs kyi kha dog gis khyab
par spros

nas yul la chags pa 'gog ched gtso bo dang/ gong mas sa gser du
bsgyur ba sogs rdzu 'phrul gyis gzhan don bsgrub pa'i byed las
sgos gtso bor gsungs te/ mdzod las/ brgyad ma chags/ zhes dang/
nyi snang

las/ nam mkha' chu las sar sprul nas rkang pa gnyis kyis 'gro ba
la sogs pa dang/ zhes pa nas/ zad par rlung gi dbang gis ni
rlung ltar mgyogs par 'gro ba dang rlung gi char rab tu 'bebs pa
la sogs pa'o//
@016a @#/ /zhes dang/ rnam bshad las/ byed las ni gzugs can la
dmigs pa brgyad kyis sprul pa dang/ bsgyur ba'i rdzu 'phrul
bsgrub pa dang/ zad par nam mkha' la brten nas nam mkha' la 'gro
'ong

byed pa dang/ zad par rnam shes la brten nas nyon mongs pa spong
ba dang/ so so yang dag par rig pa bzhi la sogs pa'i yon tan
bsgrub pa'o/ /zhes sa chu sogs la dmigs nas de gser du bsgyur ba
dang/ me'i tsha ba la dmigs

nas des lus sogs bsreg pa dang/ rlung la dmigs nas de ltar
mgyogs par 'gro ba sogs byed las yin pas/ sa sogs dngos la dmigs
nas de ltar byed par gsungs pa'i phyir/ 'on kyang gser du bsgyur
ba'i gser

dang lus bsreg pa sogs la dmigs pa min te/ zad par ser po'i
dbang gis sa gser du bsgyur ba dang/ rnam shes zad par phyi
dbang gis mig gis yul snang ba dang/ nam mkha' zad par gyi dbang
gis sa dang ri bo sogs kyi nang na

nam mkha' sprul nas spyod lam byed par nyi snang las gsungs
kyang/ de dag de'i dmigs par mi 'jog pa'i phyir te/ 'jog na zad
par ser po'i dmigs par reg bya yod par thal lo/ /nyi snang las/
rgyun mi 'chad par khyab par spro ba

zad par gyi skye mched do/ /zhes pa'i don/ rnam bshad las/ gang
la de'i rigs yod pa de la nges khyab par nus la/ snod kyi gzugs
la dbang po lnga'i rigs med pa'i phyir dang/ gzugs khams kyi
gzugs la dri ro'i rigs med pa'i

@016b phyir dang/ sgra la rigs 'dra'i rgyun med pas khyab par
spro mi nus pa'i phyir/ zad par ma bzhag go /zhes par/ 'o na/
rnam shes snod la med cing nam mkha' rtag par byas tshe rigs
'dra'i rgyun med pas de las zad par bzhag pa 'gal

zhen/ rnam bshad kyi de gzugs can gyi dbang du byas la/ nyi
snang gi don dang tha ma gnyis la 'jog tshul/ sa mang po pa las/
gzugs med dag na ni nam mkha' thams cad du 'gro ba yin pas na
de'i phyir de'i zad par gyi skye mched bzhag

go /rnam par shes pa yang yul thad par gyi spyod yul can yin
pa'i phyir ro/ /zhes sa sder bshad pa ltar yin/ zhes yig char
gsungs pa'i phyir// ! //rnam thar dang po gnyis kyi 'bras bu
nang gzugs dang gzugs mod par 'du shes

pa dag gis bcud kyi gzugs chung du dang snod kyi gzugs chen po
rnams la de las kyang rnam pa chung 'bring chen po dgur blta
zhing rang bzhin pa'i tshad sogs mi snang bar byas te/ dbyibs
tshad zil gyis gnon pa bzhi dang/ sdug pa'i

rnam thar gyi 'bras bu nang gzugs med par 'du shes pas/ phyi rol
gyi gzugs sngon po spyi dang/ kha dog sngon po lhan skyes dang/
sngon po lta bur ston pa sbyar byung dang/ 'od sngon po 'byung
ba lhan skyes dang sbyar byung gnyis kar 'od

gsal ba yod pa dang/ me tog ni lhan skyes dang/ ras ni sbyar
byung gi dpe'o/ /de bzhin du kha dog ser dmar dkar po gsum la
yang rang bzhin pa de mi snang bar byas pa'am/ rje bos bran la
dbang bsgyur ba ltar/ 'od chung ba sogs zil

@017a @#/ /gyis mnan nas/ zhi gnas kyis shes shing/ lhag mthong
gis mthong bar byas pas kha dog zil gyis gnon pa bzhi ste brgyad
dang/ gzugs med la zil gnon med dam snyam pa'i dogs pa bzlog
phyir/ khri

brgyad stong bar nang gzugs dang gzugs med par 'du shes pas phyi
rol gyi gzugs che chung zil gyis gnon pa gnyis dang/ kha dog zil
gnon bzhi dang/ nam mkha' dang rnam shes zil gnon gyi skye mched
gnyis te brgyad byas

pa/ gnod 'joms chung bur gsungs kyang/ spyir snga ma brgyad
'dren pa rnam bshad ltar ro/ /rnam thar gyis rang bzhin pa'i
zugs chung ngu la sogs par sprul te gzugs kyi rnam pa gzhan du
mos pas chags sogs bzlog par

byed la/ zil gnon gyis de yang mi snang bar byas nas de bas
chung ba sogs su bsgyur nas dbang byed pa'i snga ma de yang zil
gyis gnon par byed/ zad par gyis bsgyur ba'i yul de dag gis gang
'dod du khyab par sprul bas rang gzhan

gyi don bsgrub pas/ de gsum gyi snga ma snga ma rgyu dang phyi
ma phyi ma 'bras bur gsungs so/ /zil gnon gyi sems rten la/ bsam
gtan gyi dngos gzhi bzhi gzugs med dang po gnyis las mi bzhag
gam snyam ste/ bu Tika las/

gzugs med ci yang med pa dang/ /srid rtse gnyis la zad par mi
bzhag ste/ sems nang du bsdus shing mi gsal ba'i phyir ro/ /zhes
pa ltar yin pas/ de la zil gnon kyang med dam dpyad/ lus rten
yig char/ lhag ma

@017b lung las skye dgos shing lha sogs la lung med pas mi'i
rten kho nar nges pa'i phyir/ rtsa bar/ lhag ma mi la skye/ zhes
dang/ zhes gang spel sogs drangs pa bye smra'i lugs dang/ theg
dman gyi dbang du byas la/ theg chen lugs

la/ gzugs kyi rten can yod pa'i phyir/ dol mtsho las/ sa mtshams
lam ma zhugs nas yod do/ zhes zil gnon la gsungs pas rnam thar
dang po gsum dang/ zad par yang mtshon nam snyam/ nyan thos sogs
kyi nyon mongs

med pa'i ting nge 'dzin ni/ grong sogs su 'gro ba na rang la
dmigs nas mi rnams kyis nyon mongs pa skye bar ma gyur cig snyam
pa yin la/ sangs rgyas kyis de ni grong sogs su phebs nas de dag
gi nyon mongs sogs rgyun gcod

pa'i ye shes so/ /theg dman gyi smon gnas shes pa ni bsam gtan
la brten nas 'di shes par gyur cig snyam pa'i smon lam grub pa
na shes bya gang mkhyen par 'dod pa 'di shes par bya'o snyam du
smon te bsam gtan la zhugs

te langs pa na smon pa'i don te rig par gyur pa'i ye shes dang/
sangs rgyas kyi de ngang gis 'jug pa dang/ rgyun mi 'chad pa
dang/ shes bya thams cad la zhugs pa dang/ rtag tu mnyam par
bzhag pa dang/ zhus lan thams cad

'debs pa ste khyad par lnga ldan gyi ye shes dang/ mngon shes
dang so rig skabs dang po dang bzhi bar bshad la/ bcu gcig pa
yongs dag ni/ rten lus dang/ dmigs pa sprul bsgyur dang/ thugs
ting nge 'dzin dang/ ye

@018a @#/ /shes gzungs kyi sgo dag pa bzhi dang/ dbang bcu ni tshe
ji 'dod dang/ sems ting 'dzin la 'jug pa dang/ yo byad ji 'dod
dang/ lus ngag gi las kyi 'bras bu bzo sogs ston pa dang/ gang
'dod du

skye ba dang/ sa sogs gser du mos pa bzhin bsgyur ba dang/ smon
lam 'grub pa dang/ rdzu 'phrul dang shes bya thogs med du mkhyen
pa'i ye shes dang/ chos kyi tshig don ston pa la dbang ba ste
dbang bcu dang/ stobs dang/

mi 'jigs pa rnam kun tu bshad pa ltar la/ sku gsungs thugs gsum
ched du bsrung mi dgos par dag pa'i ye shes gsum dang/ chos ston
pa na gus pa la chags pa dang/ ma gus par khong khro ba med pa
dang/ de gnyis kar

btang snyom pa'i dran nye gsum dang/ sems can gyi don mdzad pa'i
dus las mi 'da' ba'i ye shes dang/ sgrib gnyis kyi bag chags
bcom pa'i ye shes dang/ thugs rje chen po dang/ ma 'dres pa bzhi
par bshad zin to/ /

mkhyen pa gsum ste sde tshan nyer gcig dang/ so so phye na/ brgya
zhe drug yod/ 'di dag phal cher thabs kyi cha gtso che ste/
'grel pa las/ ye shes kyi bdag nyid gnas yongs su gyur pas gyur
pa thams cad kyang/ zhes pa ltar/

gser phreng las/ byang phyogs la sogs slob lam gyi sems sems
byung gnas yongs su gyur pas mthar phyin pa'i lam du gyur pa/
zhes de dag slob lam gyi rdzas rgyun gyis 'jog par gsungs pa
gang zhig /slob lam de dag

@018b phal cher thabs kyi cha yin pa'i phyir ro/ /byang sa las
gsungs pa'i ma 'dres pa brgya dang bzhi bcu dang/ de bzhin
gshegs pa bcu pa'i mdo rtog ge 'phar bar drangs pa las gsungs
pa'i ma 'dres pa sum brgya sogs de dag tu

blta bar bya'o/ /'phags seng sogs sku'i grangs la mi rtsod de/
sku gsum dang bzhi'i grangs nges 'dod mnyam yin pa'i phyir/
rgyan 'dir sku dang po gnyis dang/ khyad par ye shes chos sku'i
bstan tshul dang/ de'i rnam bzhag gtso

bor ston pa'i gzhung la rtsod pa yin no/ /brtsad tshul ni/ 'grel
bar/ byang chub kyi phyogs dang/ nas/ chos kyi sku mngon par
brjod pa yin/ zhes bya ba ni kha cig gi'o/ /zhes par/ 'phags pa
dang btsun pa sogs gzhan dag ni

rgyas bshad kyis/ /thub pa'i ngo bo nyid sku ni/ zhes pas zag
med kyi chos rnams bden par med pa ngo bo nyid skur bstan pas
de'i khyad par gsum gyi zag med kyi chos de dag gang zhe na/
byang chub phyogs mthun tshad med dang/

zhes sogs kyis rgyas par bshad pas bstan bshad sbyor la/ chos
kyi sku zhes brjod pa yin/ zhes pa/ d+harma tA kA ya zhes pa
las/ ngo bo'i rkyen tA mi mngon par byas nas/ d+harma kA ya
zhes sdeb sbyor sla ched du byas pas ye shes

chos sku la sbyar ba mi 'thad pa'i phyir/ zhes rtsod par/ slob
dpon sogs gzhan dag na re/ khyad par gsum ldan gyi sangs rgyas
kyi ye shes rgyan 'dir sangs rgyas sas bsdus par ma brtan par
thal/ sku gzhan gsum gang

@019a @#/ /gis kyang ma bsdus pa'i phyir zer/ 'phags pa sogs kyis
chos can ye shes chos sku chos nyid ngo bo nyid skus bsdus zer
bar/ 'o na longs sprul gnyis kyang logs su bstan mi dgos la/
stong

gzhir mtshungs ba'i phyir/ zhes par 'phags pa sogs kyis de
mtshungs kyang de gnyis logs su bshad dgos te/ rgyud bla thogs
med klu sgrub sogs kyi gsung la rab las/ logs su brjod pa'i
phyir zer na/ slob dpon

sogs kyis 'o na/ 'dir ye shes chos sku zur du byas na sku bzhir
bshad rigs par thal/ mdo dang dgongs 'grel tshad ldan mang pos ye
shes chos sku zur du byas nas sku bzhir bstan pa'i phyir/ rtsod
tshul 'di

zhes pa'i sgra mi 'byung bas bstan nas/ logs shig tu bstan par
'gyur ro/ /zhes pas bstan no/ /'di yan rgyas bshad dang/ 'di man
lus rnam bzhag la rtsod pa'o/ /de yang 'phags

pa sogs kha cig na re/ chos sku mdzad pa dang bcas pa/ zhes pa'i
chos sku/ zhes pa/ bstan bshad sbyor ba'i tshig yin pa'i phyir
dang/ ngo bo nyid ces pa'i mjug thogs su chos kyi sku zhes pa'i
sgra mi 'byung bas bstan

bshad go rim mi mthun par 'byung ba'i phyir sku gsum tsam bstan
zer bar/ lan slob dpon gyis bstan bshad go rim mi mthun kyang
dgos pa yod na skyon med pa/ dper na/ yongs 'dzin dang rtog pa
bzhin yin la/

@019b ye shes chos sku mdzad pa dang sbyar nas bshad pa la dgos
pa gsum yod de/ sngar bshad zin ltar khyad par gsum ldan gyi ye
shes kyi sku de gsum las gzhan pa'i chos skur khas len dgos pa
ston ched dang/ chos sku zhes pa chos

sku'i bstan bshad dang/ ye shes kyi sku gnyis kar go bas tshig
bcad sbyar sla ba'i ched dang/ ye shes kyi sku kho na dang mdzad
pa sbyar bas de ye shes chos sku'i bdag rkyen las byung bar
rtogs pa'i ched yin pa'i phyir/ dang po ni/ rgyan snang

las nye bar bstan zin pa'i dgos pa'i dbang gis dang/ zhes pa'i
don no/ /phyi ma gnyis 'grel pa gnyis kar gsungs so/ /rnam bshad
kyis 'grel pa'i de tsam las ma thon bas yig char rnam bshad kyi
de'i phyogs gcig tsam mo

gsungs so/ /de'i phyir phyogs gzhan sngags kyi gser 'od/ de nyid
bsdus ba rtsa 'grel dus 'khor sogs pas sku bzhi gsungs pa rnams
kyi don dang mi 'gal zhing mthun no/ /sngar ltar sku la gnyis
nas lnga'i par gyi grangs nges

bzhi po thams cad kyang/ de las mang mi dgos nyung na mi 'du
pa'i grangs nges yin kyang/ dper na/ sku gsum du dbye pa de rang
don dang gzhan don gyi sku gnyis su sdud ma thub par dbye ba min
gyi/ gzugs sku gnyis kyi yon tan so

sor shes ched yin pa bzhin du/ bzhir dbye ba ye shes kyi sku
khyad par gsum ldan shes ched dang/ lngar dbye pa sprul sku la
mchog sprul dang skyes sprul sogs kyi khyad par shes ched dgos
pa'i dbang gis dbye ba yin no/ /sdud tshul yang

@020a @#/ /sngar gyi gnyis lta bur rang yin pa'i tshul gyis dang/
gzhan gsum gyis chos can dang khyad chos sogs ci rigs su bsdus
te/ yig char nges na gnyis su grangs nges byas tshe'ang gsum bzhi
lnga sogs

kyi ya gyal khas ma blangs pa ma yin pa'i phyir te/ de'i nang du
bsdus nas/ dbye chog pa'i tshul gyis khas blangs pa'i phyir/ 'di
ltar shes na sngar grangs nges kyi rtsod lan rnams la zhib cha
dang lan thebs so/ /sngar gyi de

la zhib cha 'di'o/ /zhes gsungs pa'i phyir/ 'di gong du yig
char/ smras tsho lan zhing po gcig dgos 'dug go /zhes dang/ smras
tsho rnam dpyod gsar ba'i lan gcig dgos so/ /zhes pa'i lan no/
/slob dpon gyis

rgyan snang gi smon lam skabs chos sku dang longs sprul gsum la
sku gsum dang/ le'u brgyad mar/ ngo bo nyid dang gsum la 'phags
pa ltar byas pas/ bstan tshul kyang 'phags pa'i de mtha' gcig tu
mi 'thad par

mi bzhed dam dpyad/ yig char/ rnam mkhyen nyi snang las 'dod
tshul bzhi bshad nas tha ma legs gsung zhing/ zhes pa/ kha cig
bden bzhi la dmigs nas mi rtog sogs bcu drug mkhyen pa dang
gzhan dag ngo bo nyid

med pa sogs lnga mkhyen pa dang/ gzhan dag yid bzhin gyi nor bu
ltar sems can gyi don 'bad med du sgrub pa dang/ gzhan dag sgrib
pa thams cad spangs pa'i gzhi kun gzhi sogs shes bya'i gnas bcu
mkhyen pas

@020b bzhag pas tha ma legs par gsungs so/ /'di'i tha ma'i kun
gzhi zhes pa stong nyid yin nam snyam ste/ nyi snang las/ yongs
su grub pa la dmigs pas so/ /zhes par chad med rtse'i mdo drangs
pas so/ ! /

gsum pa longs spyod rdzogs pa'i sku ni/ 'do las/ rab 'byor gzhan
yang/ zhes pa nas/ shes phyin la bslab par bya'o/ /zhes pas
bstan par le'u brgyad mar gsungs la/ gser phreng sogs su byang

sems kyis de la bslab tshul ma grangs so/ /de'i don/ mtshan ni sum
cu rtsa gnyis dang/ zhes sogs kyis lus dkyus ma mtshan nyid kyis
sgo nas mngor bstan/ phyag zhabs 'khor lo'i/ sogs kyis lus kyi

'phros don mtshan so gnyis dang/ 'di la mtshan ni/ sogs kyis rgyu
'bras kyi 'brel pa dang/ bla ma skyel la/ sogs kyis rgyu rnams
mdo las gsungs pa dang/ thub pa'i sen mo/ sogs kyis dpe byad
gsungs la/

'grel pa'i mtshan gyi skabs tshigs snga ma rnams kyi rgyu dang
phyi ma so gnyis kyis mtshan gyis ngo bo bstan la/ dpe byang
skabs tshigs snga ma rnams kyis phal cher nang gi yon tan dang
phyi ma rnams de gsal byed phyi'i yon tan

dang sbyar la/ kha cig rgyu 'bras su sbyar bar gser phreng las
gsungs so/ /de la kha cig na re/ nges pa lnga ldan gyi gzugs sku
mthar thug longs sku'i mtshan nyid du 'jog pa mi 'thad par thal/
gser phreng las/ 'di la
@021a @#/ /nges pa lnga ldan du smra ba la ni/ don bsdus sgron
mer/ nges pa bzhi ste 'khor dang ni/ /gnas dang ston pa chos su
ste/ /zhes pa tsam las ma mthong la 'dis ni khungs mi thub cing/
der ma zad theg

bsdus ltar na de la gnod pa yang snang bas dpyad par bya'o/
/zhes dang/ mtha' dpyod gangga'i chu rgyun las/ de ltar nges pa
lnga ldan de longs sku'i mtshan nyid du 'jog pa mi 'thad par
thal/ nas/ rje'i phyi rtsom 'jug Tika sogs

su longs sku la de 'dra'i tha snyad zur tsam yang ma gsungs pas
dpyad par bya dgos pa kho na'o/ /zhes gsungs pa'i phyir na ma
khyab ste/ de ni mdo dang rgya gzhung gi gsung rab khungs thub
las longs sku la nges pa lnga'i tha snyad dngos

su ma sbyar ba'i don dang/ g.yags pa'i rin chen bang mdzod las/
longs spyod rdzogs pa'i sku'i nges pa lnga ni sku nges pa rtag
tu mtshan dpes brgyan pha/ dus nges pa rtag tu rgyun mi 'chad pa/
'khor nges pa sa bcu'i byang sems

kho nas bskor ba/ chos nges pa theg chen gyi chos kho na ston
pa/ gnas nges pa 'og min kho nar bzhugs pa'o/ /zhes pa ltar/ sa
skya pa sogs kyis spyir nges pa lnga ldan dang/ la las gdul bya
gcig la ltos te nges pa lnga

ldan zer ba sogs la gnod byed yod pas don yin gyi/ mdo dang rnam
bshad sogs las gsungs pa'i nges pa lnga mi 'thad ces pa ma yin
pa'i phyir/ rtags dang po grub ste/ rol mtsho las/ nges pa lnga'i
tha snyad byed pa yang

@021b mdo dang bstan bcos rnams su phyogs re tsam bstan pa sna
bsdus nas byas pa yin gyi/ de rnams phyogs gcig tu bsdoms nas
ston pa'i tshad ldan gyi gzhung med de/ legs bshad gser phreng
las/ zhes sngar gyi de drangs pa'i

phyir dang/ gangga'i chu rgyun las/ yang kha cig na re/ mdo dang
rgya gzhung gi gsung rab las longs sku la nges pa lnga'i tha
snyad dngos su ma bshad par thal/ legs bshad gser phreng las/
'di la nges pa lnga/ zhes sogs kyi don grub

pa'i phyir/ 'dod na/ longs sku la de lnga'i tha snyad 'dogs mi
thub par thal/ 'dod pa'i phyir na ma khyab ste/ de la nges pa
lnga'i tha snyad ma sbyar kyang don tshang ba'i phyir/ nas/ des
na yab sras kyi gzhung don mi 'gal te/ gser

phreng gi gsung rab na nges pa lnga'i tha snyad ma bshad pa
dang/ bod kyi sbyor lugs la skyon bstan cing/ rnam bshad las don
bshad rung tsam la dgongs pa'i phyir ro/ /zhes gsungs pa'i
phyir/ rtags gnyis pa grub ste/ gangga'i chu

rgyun las/ gzhan yang de 'dra'i nges pa lnga mi 'thad par thal/
de sku ma nges pa sna tshogs su snang ba dang/ gsung yang theg pa
gsum ka'i gdul bya gdul byed kyi thabs sna tshogs gsungs pa dang/
'khor yang nges pa byang sems 'phags

pa sha stag gis bskor ba ma yin pa'i phyir/ zhes de gsum mdo las
gsung tshul/ stug po bkod pa'i mdo las/ dri med stug na rnal
'byor ldan/ /zla ba bzhin du 'gro la snang/ /sna tshogs 'gro ba
gang shes kyi/ /sna tshogs gzugs

@022a @#/ /su mdzad pa ni/ /zhes dang/ thub pa rnal 'byor mkhas
pa'i snod/ /gzugs kyi rnam pa sna tshogs kyang/ /stug po'i dkyil
na rnam bzhugs shing/ /zhes sku dang/ tshul gyi gtsug lag ston
par yang/

ci bzhin rigs par rab ston cing/ /zhes gsung dang/ sprul pa dag
dang thabs gcig rol/ /zhes dang/ de bzhin gshegs pa rnams dag
gis/ /rnam grol rnal 'byor can rnams dang/ /de na bcom ldan
thabs gcig bzhugs//

stug po'i dkyil bzhugs bsam gtan bzhugs/ /zhes 'khor ma nges par
gsungs la/ /rje btsun byams pa'i rgyud bla ma las/ /brjod ston
mdzad rgyun mi 'chad dang/ /mngon bar 'du byed med pa dang/ /de
yi ngo bor min

ston la/ /'dir ni sna tshogs rnam lngar brjod/ /ces gsung drang
nges don sna tshogs brjod pa dang/ sku bem lus sogs sna tshogs
ston pa dang/ thugs mdzad pa rgyun mi 'chad pa dang/ de dag la
kun slong gi rtog pa'i

'du byed pa med pa'i lhun grub dang/ sku gsung mdzad pa de dag
du mar ston kyang rang bzhin du ma grub pa'i yon tan lngas sku
dang/ gsung sna tshogs su gsungs pa dang/ shing rta chen po thogs
med kyi theg bsdus las/ longs

spyod rdzogs pa'i sku ci'i phyir ngo bo nyid kyi sku ma yin zhe
na/ rgyu drug gi phyir te/ de gzugs kyi skur snang ba dang/
sangs rgyas kyi 'khor gyi dkyil 'khor tshad med pa dag na tha dad
par snang ba dang/ mos pa ji lta ba bzhin du mthong

@022b bsam nges pa'i ngo bo nyid du snang ba dang/ gzhan dang
gzhan du snang bas g.yo ba'i ngo bo nyid du snang ba dang/
byang chub sems dpa' dang nyan thos dang lha la sogs pa 'khor
sna tshogs kyis 'dres pas 'dres par snang ba dang/

kun gzhi rnam par shes pa dang 'jug pa'i rnam par shes pa gnyis
gnas gyur pa mi rigs par snang ba'i phyir longs spyod pa nyid
ngo bo nyid kyi skur mi rigs sro/ /zhes dang po gnyis kyis rtsa
ba'i mdo ltar sangs rgyas rnams dang

lhan cig gzugs sku gtso 'khor sna tshogs su snang ba dang/ gsum
pas kha dog sogs gdul bya'i mos pa bzhin mthong bas ma nges par
snang ba dang/ bzhi pas gdul bya gcig la 'ja' tshon bzhin gzhan
dang gzhan du snang

bas g.yo bar snang ba dang/ lnga pas 'khor byang sems nyan thos
lha sogs sna tshogs 'dres par snang ba dang/ ngo bo nyid med pa'i
bshad sbyar las/ ngo bo nyid ni gzugs kyi skur snang ba ma yin
no/ /nas/ ngo bo nyid la ni

'dres par mi rung ngo/ /gnas gyur pa mi rigs par snang ba'i
phyir ro/ /zhes pa la/ kun gzhi rnam par shes pa gyur pa ni ngo
bo nyid do/ /'jug pa'i rnam par shes pa gyur pa ni longs spyod
rdzogs pa'o/ /zhes pa ltar/ stug

po'i mdo dang/ lang gshegs sogs la brten nas longs sku'i khyad
par drug sogs gsungs pas/ gser phreng las/ theg bsdus ltar na de
la gnod byed kyang snang bas zhes gsungs so/ /klu sgrub kyis sku
gsum la

@023a @#/ /bstod par yang/ rang gi 'byor ba 'jig rten 'das pa
bsam gyis mi khyab rigs mdzad brgya yi 'bras bu ni/ /blo can
rnams kyi dga' ba bskyed phyir 'khor gyi nang du sna tshogs rgyas
par ston mdzad cing/ /

rtag tu dam pa'i chos kyi sgra skad rgya chen 'jig rten kun tu
'phro bar mdzad pa'o/ /longs spyod rdzogs sku chos kyi rgyal
srid gnas pa gang yin de la phyag 'tshal lo/ /zhes pa'i rkang pa
dang pos spyir mdzad pa sna tshogs sten

pa dang/ gnyis pas 'khor sna tshogs pa'i nang du sku'i mdzad pa
sna tshogs ston pa dang/ gsum pas theg pa gsum gyi chos sna tshogs
'jig rten kun khyab par gsungs tshul dang/ bzhi pas de dag gi
longs sku la bstod par

gsungs pa'i phyir/ mdo sde rgyan las/ longs spyod rdzogs pa
khams kun tu/ /'khor yongs sdud dang zhing dang mtshan/ /sku dang
chos rdzogs longs spyod dang/ /mdzad pa dag gis tha dad do/
/zhes pa ltar/ dbyig 'grel

dang/ 'grel bshad du longs sku rnams tshogs dang smon lam dbang
gis 'khor byang sems sogs sna tshogs dang/ zhing shel sogs tha
dad dang/ mtshan 'od dpag med dang snang mdzad sogs dang/ sku kha
dog dang che

chung sna tshogs dang/ chos theg pa che chung tha dad pa dang/
mdzad pa gdul bya'i bsam pa ltar tha dad pa ste/ khyad par drug
bshad pa'i phyir/ mtha' dpyod nor bu'i phreng mdzes su/ khyad
par bdun gsungs pa/ gong du kha

@023b cig snyoms 'jug cig zer bas snyoms 'jug tha dad pa dang
bdun byas pas/ 'og tu so sor sgrub skabs lnga pa ma gsungs so/
/de nyid las/ longs sku chos can/ 'og min gyi gnas kho nar
bzhugs par thal/ khyod kyi

gnas nges tshul 'thad pa'i phyir/ 'dod na/ 'og min gyis gzhi kho
nar gnas par thal/ 'og min gyi gnas kho nar gnas pa'i phyir/
'dod na/ de 'og min gyi gzhal yas khang du gnas pa ma yin par
thal/ 'dod pa'i phyir/

zhes gnas nges pa 'og min kho nar gzhugs par skyon brjod pa'i
phyir/ des na sngar gyi gzhung de dag gis long sku'i sku dkyus
ma mtshan dpes brgyan pas 'byur mi srid kyang de gdul bya la ltos
te mtshan dpes brgyan pa sogs su

mi snang bar bem lus sogs su snang bas ma nges pa dang/ gsung
yang theg chen kho nar ma nges par theg dman gyi chos kyang
gsungs pa dang/ 'khor byang 'phags kho nar ma nges par sangs
rgyas dang nyan thos tshangs pa chen

po sogs lha phal ba yang yod par gsungs pas/ yig cha gzhan rnams
kyis sku nges pa mtshan dpes spras pa/ gnas nges pa 'og min kho
nar bzhugs pa/ 'khor nges pa byang 'phags shag stag gis bskor
ba/ chos

nges pa theg chen gyi chos 'ba' zhig gsungs pa/ dus nges pa
'khor ba ma stong gi bar du bzhugs pa/ zhes nges pa lnga drangs
pa'ang bkag go /chos bshes kyi tshig gsal las/ theg pa chen po la
dad pa rab tu bsgom pa'i

@024a @#/ /mdo las/ de'i 'khor du lha dang klu dang gnod sbyin
dang mi'am ci la sogs pa bstan par mdzad do/ /zhes zer ro/ /de
ni mi rigs te/ de dag gis ni sprul pa'i sku nyid la longs spyod
rdzogs

pa'o/ /zhes mthong ba brtsan par byas pa'o/ /zhes pa ltar/ bod
dag gis de longs sku dang ba dang sprul sku yin zer ba mi 'thad
de/ /de theg bsdus su longs sku'i 'khor bshad pa'i khungs yin
pa'i phyir te/

gangga'i chu rgyun las/ thogs med kyi theg bsdus su de ltar
bshad pa de mdo 'di dang theg pa chen po la dad pa sgom pa'i mdo
lang gshegs sogs la brten nas de ltar bshad pa'i phyir/ zhes
dang/ tshangs pa chen

po sogs kyang rang mthus 'gro mi thub par bshad kyang/ rnal
'byor mnga' ba lha yi lha'i/ /mthu yis rnal 'byor mkhyen rnams
kyis/ /pho brang stug po der 'gro 'am/ /nas/ sangs rgyas kyi
mthus gang zag de dag

lta ci smos/ sangs rgyas kyi mthus khams gsum po thams cad kyang
ba spu'i khung bu re re mngon sum 'god thub pa'i phyir/ zhes
gsungs pa'i phyir/ rtsa rtags gsum pa grub ste/ spyir nges pa
lnga ldan gyi longs sku

'thad pa'i phyir te/ gangga'i chu rgyun las/ longs sku de nges
pa lnga ldan mtshan nyid lnga ldan yon tan lnga rnams dang ldan
pa yin pa'i phyir te/ rnam bshad las/ chos sku thob pa'i tshe
mtshan nyid lnga ldan dang/ yon tan

@024b lnga ldan dang/ nges pa lnga ldan gyi longs spyod rdzogs
pa'i sku 'grub la/ zhes gsungs pa'i phyir/ zhes dang/ rgyud sde
spyi rnam ltar na gnas nges pa 'og min dkyus ma'i gong gi 'og
min/ zhes dang/ sku la'ang rdzu 'phrul

sogs kyis kha dog sogs ma nges kyang dkyus ma'i sku mtshan dpes
brgyan pa de 'gyur mi srid/ 'khor tsam la byang 'phags sum nges
kyang rtsa ba'i gdul bya'i 'khor la sa bcu'i byang sems su nges/
zhes dang/ gdul bya'i

gtso bo la ltos te chos nges pa theg chen gyi chos la rdzogs par
longs spyod pa/ dus nges pa 'khor ba ma stong gi bar bzhugs pa
rnams yin pa de'i phyir/ zhes dang/ rtsa ba'i mtshan nyid 'chad
pa'i skabs su ngo bo nges pa/

chos nges pa/ 'khor nges pa gsum gyi don dngos su bstan cing/
gnyis kyi don shug la bstan pa'i phyir/ rtsa bar/ mtshan ni sum
cu rtsa gnyis dang/ /dpe byad brgyad cu'i bdag nyid 'di/ zhes
ngo bo nges pa'i don

bstan/ theg chen nye bar longs spyod phyir/ zhes pas chos nges
pa'i don dang 'khor nges pa'i don dngos su bstan pa'i phyir te/
zhes pa nas/ dus nges pa dang/ gnas nges pa gnyis kyi don kyang
'dir dngos su bstan pa'i

phyir te/ rtsa bar/ de nyid zad pa med pa'i phyir/ /rtag pa zhes
pas dus nges pa dang 'phrin las kyi skabs su/ rtsa bar/ sangs
rgyas zhing rnams dag pa dang/ /zhes sogs kyis gnas nges pa
bstan pa'i phyir/

@025a @#/ /de gnyis kyi dang pos longs sprul gnyis ka'i dus kyi
khyad par bshad/ gnyis pas sa bcu ba pa rang nyid gang du 'tshang
rgya ba'i sangs rgyas kyi zhing dang der 'god kyi 'phrin las
bshad pa'i phyir/

ro/ /zhes nges pa lnga 'jog tshul dang/ de rgyan las bstan tshul
gsungs pa ltar/ nor bu'i 'phreng mdzes su/ nges pa lnga ldan gyi
gzugs sku mthar thug longs sku'i mtshan nyid du gsungs shing der
drangs pa'i nges

pa lnga yang de ltar bya'o/ /rnam 'grel le'u dang po'i mthar
dpyod las/ de 'dra'i rnam shes chos can/ gzhan don gzugs sku yin
par thal/ longs sku yin pa'i phyir na ma khyab/ ces dang/ khyod
kyi 'khor du

gyur pa'i byang 'phags yod par thal/ longs sku yin pa'i phyir
zer na sbyor lugs skyon can te/ zhes pa ltar/ nges pa lnga ldan
yin par thal sogs la yang de ltar bya'o/ /gangga'i chu rgyun
las/ sgrib bcas kyi

byang sems de dag gi btags don btsal na 'jog rgyu yod pa'i
phyir/ gsungs par 'dir rung/ spyir mi rung/ zhes pa/ byang sems
kyi yid kyi rnam shes de/ byang sems de dag gi btags don btsal
nas 'jog rgyu

yin kyang/ spyir byang sems su mi rung zhes pa'o/ /yang de nyid
las/ gdul bya gzhugs ched du de'i tshad gdul bya'i blo ngor bzung
ba tsam yin pa'i phyir te/ rin chen phreng ba'i dar Tika las/ de
ltar sangs rgyas kyi

@025b yon tan 'grub pa'i bsod nams tshad med kyang ji ltar 'jig
rten pa'i bsod nams phyogs bcur sgres pa ma lus pa brjod pa ltar
sangs rgyas kyi yon tan tshad bzung bar mi nus kyang/ gdul bya'i
bsam ngor

gdul bya gzhugs pa'i ched du tshad dang ldan par bag tsam brjod
pa'o/ /zhes gsungs pa'i phyir dang/ mdo dang 'jug pa sogs du ma
las kyang/ thub pa'i ba spu'i khung bu re res kyang bsod nams
kyi tshad gzung

mi nus par gsungs pa'i phyir/ zhes rin chen 'phreng ba las/
sangs rgyas kyi ba spu'i khung bu thams cad skyed pa'i bsod nams
brgyu 'gyur gyis dpe byad bzang po gcig dang/ dpe byad brgyad cu
'grub pa'i

bsod nams brgya 'gyur gyis mtshan bzang gcig 'grub pa sogs rgyu
tshogs che chung gsungs pa gdul bya gzhugs ched du de'i bsam ngor
yin gyi/ spyir de dag re re bsod nams tshad med pas sgrub dgos
par

gsungs pa'i phyir/ de dag 'grub byed kyi rgyu che chung med de
tshad med par gsungs pa'i phyir dang/ byang sems kyi lam yin na/
khyod kyi 'bras bu gyur pa'i mtshan dpe thams cad yod pas khyab
bo/ /kho na re/

longs sku'i gnas 'og min dang/ sangs rgyas kyi ba spu'i khung
bur ngan 'gro pa dang khams gsum sogs yod par thal/ gangga'i chu
rgyun las/ sangs rgyas rdzu 'phrul mtha' yas pas skabs 'gar 'jig
rten gyi
@026a @#/ /khams mtha' yas pa rang gi ba spu'i khung pur 'jog na/
gdul bya tsam lta ci smos pa'i phyir dang/ blor mi shong yang
sangs rgyas kyi mdzad pa bsam gyis mi khyab par bshad pa'i
phyir/ zhes

gsungs pa'i phyir zer na/ 'og tu sangs rgyas kyi mthus mi 'gal
yang rang dbang du 'ong mi nus/ de nus par thal/ theg chen la
dad pa sgom pa'i mdo las/ lha klu sogs yod par bshad pa'i phyir
na 'dir ma khyab ste/

de lha klu'i rnam pa can gyi byang 'phags la dgongs zhes chog
pa'i phyir/ zhes mdo de las longs sku'i 'khor du lha klu sogs
rang dbang gis 'ong ba de'i rnam can gyi byang 'phags yin byas
pa yin te/ de nus par thal/ zhes

gsungs pa'i phyir/ sangs rgyas mthus de'i ba spu'i khung bur
khams gsum 'jog kyang/ de'i ba spu'i khung bur de dag med de/
de'i ba spu'i khung bur 'dod pa'i gnas med pa'i phyir te/ gzhan
du na 'og min na 'dod pa'i

gnas yod par thal lo/ /'on kyang/ gang+ga'i chu rgyun las/ de'i
'khor 'dod rten can gyi byang 'phags rnams kyi mig shes kyis
de'i gzugs mngon sum du mthong bar thal/ nas/ de 'dra ba'i byang
'phags kyis gong

ma'i mig dang de'i shes pa la brten nas mthong ba yin/ zhes pa/
der 'dod pa'i rten can yod kyang/ 'dod pa'i mig shes dang mig
med zer ram dpyad de/ de ltar na mchog gi sprul sku'i rgyud na
'dod pa'i mig sogs med na/

@026b 'dod pa'i lus med par thal lo/ /'og tu de nyid las/ de
khams gsum gang rung yin kyang/ 'khor ba'i bsdus pa'i khams gsum
gang rung ma yin pa'i khyad par 'thad pa'i phyir te/ sa sde las/
gzugs kyi khams ni gnas

gzhan bco brgyad de/ zhes gsungs pa'i phyir dang/ gzugs khams
kyi rten la 'tshang rgya tshul bsam dgos so/ zhes pa ltar/ khams
'og ma gnyis la zag med 'jog dgos la/ de ltar na 'dod pa'i mig
dang mig shes sangs rgyas

la yod pas/ sngar gyi de sems can gyi rgyud kyi 'dod pa'i mig
dang mig shes la byas chog gam snyam/ yang de nyid las/ des na
dbu sems kun 'di ltar mthun pas na/ mdzod las/ pho mo'i dbang
dang sdug bsngal dag/ /ma

gtogs gzugs gtogs/ zhes gsungs pas kyang mi gnod de/ des ni
gzugs khams gnas rigs bcu bdun gyi lha la/ pho mo'i dbang po med
par bstan tsam yin pa'i phyir te/ de'i lugs la gzugs khams la

gnas rigs bcu bdun gyi 'og min las mtho ba'i gzugs khams ma
bshad cing ma grags pa'i phyir ro/ /zhes pa pho dbang sogs la
gzugs kyi sas bsdus yod pa'i don yin na/ sna lce rnam shes sogs
la yang de yod par

'gyur bas/ rgyud la yod pa'i don yin nam dpyad/ kho na re/ rgyun
mtha' pa de rang dus su rang gi sprul pa'i 'khor gyis bskor bar
thal/ mtha' dpyod las/ rgyun mtha'i bar chad med lam pa la rang
dus su de ltar bskor

@027a @#/ /ba ma yin pa'i phyir te/ de'i rang dus skad cig gnyis
pa la gtso bo de longs sku dang/ rang gi sprul pa'i 'khor rnams
sprul skur 'gyur ba ma yin pa'i phyir te/ longs sku'i 'khor dus
gyur pa'i rang

gi sprul sku med pa'i phyir/ zhes gsungs pa'i phyir na ma khyab
ste/ de ni rgyun mtha'i bar chad med lam gyi sbyor ba la gnas
pa'i rjes thob pas sprul pa'i rang gi 'khor rnams/ rang dang
rgyud gcig pa'i rgyud mtha'i skad

cig gnyis pa la/ gtso bo de longs sku dang/ rang gi sprul pa'i
'khor rnams sprul skur 'gyur pa'i don yin pa'i phyir te/ de'i
gong du de nyid las/ gtan yang/ sa bcu'i rjes thob sa bcu'i yon
tan phrag bcu gnyis brgya

dang stong sogs gong nas gong du 'phel ba ma yin par thal/ nas/
rgyun mtha'i bar chad med lam gyi sbyor ba la gnas pa'i 'og min
gyi rten can gyi byang sems de la rdul de snyed kyi grangs dang
mnyam pa'i 'khor gyis bskor

ba ma yin pa'i phyir/ zhes pa ltar/ sprul pa sogs yon tan phrag
bcu gnyis rjes thob skabs ma gtogs slob pa'i mnyam bzhag dus su
med pa'i phyir/ rgyun mtha'i dus su sprul pa de dag bsdus kyang

skad cig ma gcig yin pas mi mngon pa yin nam snyam/ theg bsdus
las/ chos kyi sku'o/ /mdor bsdu na mtshan nyid lngar rigs par bya
ste/ zhes pa'i mtshan nyid lnga ldan ni/ gnas gyur pa'i mtshan
nyid/

@027b dkar po'i chos kyi rang bzhin gyi mtshan nyid/ gnyis su med
pa'i mtshan nyid/ rgyun gyis rtag pa'i mtshan nyid/ bsam gyis mi
khyab pa'i mtshan nyid de/ dang po ni sgrib bcas kyi gzhan dbang
log nas rnam

byang gi gzhan dbang du gyur ba dang/ gnyis pa ni phyin drug
rdzogs nas dbang bcu thob pa ste/ sbyin par rdzogs nas tshe dang/
sems dang/ yo byad la dbang ba gsum dang/ tshul phar gyis las
dang/ skye ba la

dbang ba gnyis dang/ bzod phar gyis mos pa la dbang ba dang/
brtson phar gyis smon lam la dbang ba dang/ bsam gtan gyis rdzu
'phrul la dbang ba dang/ shes rab kyis ye shes dang/ chos la
dbang ba gnyis

thob pa'i phyir/ gsum pa la chos rnams dngos por med pas yod
pa'i mtshan nyid ma yin pa dang/ phyi don gyi stong pas med pa'i
mtshan nyid ma yin pa ste yod med gnyis su med pa'i mtshan nyid
dang/ las

nyon gyis 'dus ma byas pa dang 'dus byas su snang ba yang yang
ston pas 'dus byas dang 'dus ma byas gnyis su med pa'i mtshan
nyid dang/ sangs rgyas thams cad chos skur gcig pas tha dad ma
yin pa dang rgyud tshad

med par byang chub pas gcig pa ma yin pa ste gcig dang tha dad
gnyis su med pa'i mtshan nyid de gsum dang/ bzhi pa ni de bzhin
nyid rnam par dag pa'i mtshan nyid yin pa dang/ sngon sems can
gyi don du smon lam

@028a @#/ /btab pa'i shugs dang sems can gyi don bya ba rdzogs pa
med pas rgyun gyis rtag par gnas pa'o/ /lnga pa ni de bzhin nyid
so sor rang rig pa'i ye shes kyis rig par bya ba dang/ 'jig rten

na dpe med pa dang rtog ge ba'i spyod yul ma yin pa'o/
/gang+ga'i chu rgyun las/ 'di longs sprul kun la yod/ ces gsungs
pas longs sku kho na la min no/ /yang de nyid las/ de chos can/
dbang

'byor lnga dang gnas 'gyur lnga'i yon tan dang ldan de/ zhes pa
ni/ theg bsdus las/ yang dbang 'byor ba rnam pa dus chos kyi sku
dbang 'byor ba 'thob ces na/ mdor bsdu na rnam pa lngas 'thob
ste/

zhes sogs ltar/ gzugs phung gnas gyur pas sangs rgyas kyi zhing
lus mtshan dpe gsung dbyangs spyi gtsug ltar mi mthong ba la
dbang 'byor ba dang/ tshor phung gnas gyur pas nyon mongs med
cing sna tshogs

pa khams gsum las 'das pa'i bde bar gnas pa la dbang 'byor ba
dang/ 'du shes kyi phung po gnas gyur pas ming gi tshogs la sogs
pas tha snyad sna tshogs kyis bstan pa la dbang 'byor ba dang/
'du byed kyi

phung po gnas gyur bas ji ltar 'dod pa bzhin sprul pa dang/ sa
sogs bsgyur ba dang 'khor bsdu ba dang dkar po'i chos zag med
mngon du byed pa la dbang 'byor ba dang/ rnam shes kyi phung po
gnas gyur pas me long lta

@028b bu mnyam nyid sor rtog bya sgrub ye shes bzhi la dbang
'byor ba lnga'o/ /rol mtsho las/ mtshan dpe de rnams la gzugs kyi
skye mched kyis bsdus pa dang/ sgra dang/ dri dang/ reg bya'i
skye mched kyis bsdus pa

yang yod pa'i phyir/ dang po sla/ gnyis pa grub ste/ gsung
tshangs dbyangs kyi mtshan bzang de de yin pa'i phyir/ rtag sla/
gsum pa grub ste/ dbu skra dri zhim po skyes bu'i yid 'phrogs
par byed pa'i

mtshan bzang yod pa'i phyir/ bzhi pa grub ste/ dbu skra 'jam pa'i
mtshan bzang yod pa'i phyir/ des na gong du kun btus kyi lung
drangs pa ltar shes pa yod par bzhed na/ 'di la ro mi zhim pa ro
mchog snang/

zhes pa'i mtshan bzang de shes pa yin par bzhed dam snyam mo/
/nas/ ro mchog snang ba'i mtshan ni ldan min 'du byed du 'dod
dgos sam dpyad par bya'o/ /zhes gsungs shing/ kun btus kyi lung
ni/

mtshan dang dpe byad bzang po gang zhe na/ bsam gtan la brten nas
mtshan dang dpe byad bzang pos brgyan pa'i sku ston pa dang/ yang
dag par 'byor ba'i ting nge 'dzin dang shes rab gang yin pa
dang/ de dag

dang mtshungs par ldan pa'i sems dang sems las byung ba'i chos
rnams dang de dag las byung ba'i rnam par smin pa'o/ /zhes pa de
yin la/ de ni red 'da' ba'i kun btus 'grel ba las/ ngo bo ting
nge 'dzin dang

@029a @#/ /shes rab tu bshad pa ni de'i rgyu la de'i ming gis
btags pa yin la/ gdul bya la snang ba'i mtshan dpe rnams ni de
las byung ba'i rnam par smin pa'i rang bzhin yin no/ /zhes
gsungs pa'i

phyir/ shes pa bzhag pa ma yin no/ /gser phreng las/ ro mi zhim
pa la'ang ro mchog bro bar mkhyen pa ste snang ba ni/ rlung
'khris bad kan gyis ljags ma nyams par ro bro ba so sor myang ba
dang mthun

pa'i rnam shes skye pa'o/ /zhes dang/ nyi snang las/ ro bro ba
mkhyen pa zhes bya ba ni/ bcom ldan 'das kyi rnam par smin pas
thob pa nyid kyis ljags kyi dbang bo 'di 'dra bar gyur pa yin
te/ dbang po dang

ro ngan pa phrad du zin kyang ro bro ba mchog nyid du yang dag
par myong bar mdzad pa ste/ zhes gsungs pas/ ro ngan pa dang
phrad pa na de mchog tu gyur pa'i myong byed ljags 'jog pa dang/
gzigs ba sgrib med dag

pa la yang gzigs pa rab rib dang bral ba'i spyan 'jog ste/ tshig
gsal las/ spyan mdzes par 'dzums pa/ zhes dang/ spyan gnyis ni
rang bzhin gyis sha 'dzer sogs med pas dag /ces gsungs pa'i
phyir

dang/ mtshan dpe 'di dag phyi'i yon tan du gsungs pas shes par
'jog tshul med pa'i phyir te/ gang+ga'i chu rgyun las/ kho na re/
sprul sku'i mtshan dpe chos can/ gzugs skur thal/ gzugs gang

@029b zhig sku yin pa'i phyir na ma khyab/ ces gsungs pa'i
phyir/ ! 'grel pa las/ sangs rgyas la sogs pa'i ye shes la sogs
pa/ zhes pa'i ye shes me long ye shes la byas nas sogs khong nas
mnyam

nyid dang sor rtog ye shes la ltos nas long sku dang/ bya grub
ye shes la ltos nas sprul skur rab tu brtags/ zhes bu nya gnyis
kyis bshad pa dang/ byang chub ye shes kyis ye shes chos sku
dang/ sogs

khong nas long sku'i snang ba dang/ sprul sku'i snang ba/ gnyis
ba skyed pa'i nus pa gnyis la sbyor zer ba dang/ byang yes/
bsgom bya ngo bo nyid skur byas pa dang/ sngar sku bzhi bshad
nas 'di sku gsum

bshad zin gyi mtshams sbyor du byed mi 'thad/ ces bkag nas 'di
sku gsum gyi 'jug bsdud byas nas de'i ye shes sde tshan nyer gcig
dang sogs khong nas longs sprul bstan zer ba rnams/ rnam bshad
las/

sangs rgyas kho na'i mngon sum gyi spyod yul du gyur pa'i ye
shes chos kyi sku rang rgyu ye shes kyi tshogs bsags pa la ltos
nas byung ba/ la sogs pa'i byang sems 'phags pa yan chad kyi
mngon sum gyi spyod

yul nyid du gyur pa'i longs spyod rdzogs pa'i sku ni la sogs pa
rang rgyu bsod nams kyi tshogs bsags pa la ltos nas byung zhing/
mchog gi sprul sku ni tshogs gnyis ka'i cha bsags pa las byung
ba'i phyir/

@030a @#/ /zhes pa ltar/ sangs rgyas kho na'i mngon sum gyi spyod
yul chos sku rang rgyu ye shes kyi tshogs las byung bar gsungs
nas/ sogs pa snga mas khong nas sku lhag ma gnyis byang

'phags dang so skye las dag yan gyi yul du dang/ sogs pa phyi
ma'i khong nas de gnyis rang rgyu bsod nams kyi tshogs dang tshogs
gnyis char las byung bar rgyan snang las gsungs pas bkag la/ 'di
gsum

pa gser phreng las zhing yes gsungs so rgyas par mchan 'grel du
bshad zin to/ /rigs pa drug cu pa las/ bsod nams ye shes las
byung ba'i/ /dam pa gnyis ni thob/ ces pa ltar/ mtha' dpyod

las/ ye shes kyi tshogs kyi lag rjes gtso bor chos sku byung/
bsod nams kyi tshogs kyi lag rjes gtso bor longs sku'i mtshan dpe
dang longs sku'i pho brang 'byor ba rnams 'byung/ longs sku'i ye
shes kyi

cha las mchog sprul gyi thugs dang/ bsod nams kyi cha las mchog
sprul gyi mtshan dpe sogs 'byung ba'i phyir/ zhes tshogs gnyis kyi
lag rjes gtso bo snga ma gnyis dang/ sprul sku de gnyis kyi
sprul par

gsungs so/ /mdzad pa bcu gnyis 'dren tshul la/ dgongs 'grel las/
mngal du 'jug pa/ btsas pa/ skye pa/ 'dod pa la longs spyod pa/
mngon byung/ dka' ba spyad pa/ de sangs rgyas rnams kyis

@030b bskul nas btags pa/ sangs rgyas pa/ chos 'khor bskor ba
dgu dngos su dang/ bdud btul ba/ 'pho ba/ mya 'das gsum shugs la
bstan no/ /theg bsdus las/ dga' ldan gnas pa/ 'pho ba/ bltams
pa/

'dod spyad/ mngon 'byung/ mu stegs kyi kan du gshegs pa/ dka'
spyad/ byang chub pa/ chos 'khor bskor ba/ myang 'das bcu gsungs
la/ sgyu rtsal 'gran ba dang/ bdud bcom gnyis bsnan dgos gsungs/

kun btus las/ dang po dgu byang sems kyi tshul bstan pa'i mdzad
pa dang/ phyi ma gsum sangs rgyas tshul bstan rjes kyi mdzad par
gsungs pa ma gtogs thams cad sangs rgyas kyi mdzad par gsungs
te/

mtha' dpyod las/ sangs rgyas pa'i tshul ma bstan gong byang sems
kyi tshul bstan pa de'i spyod pa dang/ lhag ma sangs rgyas kyi
mdzad par bshad pa'i phyir/ zhes dang/ dar Tika las/ mchog gi
sprul sku'i dbang du

byas pa yin/ zhes mchog sprul gyi mdzad par gsungs pa'i phyir/
des na sems tsam pa spyi'i 'di ltar 'dod la/ sems tsam pa la
dang po dgu byang sems kyi mdzad par 'dod pa yod pa sngar bshad
pa ltar ro/ /'dren

tshul theg bsdus ltar ro/ /rtog ge 'bar ba las/ dga' ldan na gnas
pa/ 'pho pa/ bltams pa/ bzo gnas/ btsun mo'i 'khor na bzhugs pa/
mngon byung/ dka' spyang/ bdud 'dul/ byang chub pa/ chos 'khor
@031a @#/ /bskor ba/ myang 'das/ dam pa'i chos gnas pa ste/ zla
ba'i snying po'i mdo ltar/ 'khor gyi dbus su bstan 'bar ma dang
de'i sngags gsungs pa 'grang ngo/ /rin chen 'phreng bar/ lha
babs dang/ thabs

la mkhas pa'i mdor chos spong gi gnyen por chos nub pa 'dren pa
bshad zin to/ /rgyud bla ma'i mdzad pa bcu gnyis kyi dang po la
dar Tik tu gnyis gsungs pas/ byams gzhung du dga' ldan du skyes
pa dang por byas shing/

'dir 'pho ba dang por byas so/ /dga' ldan du skye ba dang gnas
pa dang por byed na/ lhums su zhugs pa dang bltams pa gcig bya
la/ 'dir so sor bya'o/ /thun mong ba ltar na/ sangs rgyas 'od
srung gi drung du ma 'ongs

pan byang chub thong pa'i smon lam btab cing tshangs par spyod pa
spyad nas/ dam pa tog dkar du skyes te/ dga' ldan gyi tshe tshad
lo bye ba lnga bcu rtsa bdun dang sa ya drug tu gnas nas lha
rnams kyi don mdzad pa

yin la/ de yang thun mong ba ltar na/ dgongs 'grel las/ stong
gsum gyi stong chen por sangs rgyas kyi zhing thams cad du zhes
sogs ltar/ zhing bye ba phrag brgya dang/ theg chen thun mong
min pa/

mdo phal bo che las/ de bzhin gshegs pas phyogs bcu'i 'jig rten
gyi khams chos kyi dbyings kyi klas pa nam mkha'i khams gyi
mtha'i gtugs pa rab 'byams rgya mtsho thams cad du 'jig rten gyi
khams re re dang gling re re

@031b dang skra'i khyon tsam re rer/ dga' ldan gyi gnas nas shi
'pho ba dang/ /lhums su 'jug pa dang/ zhes pa ltar/ 'jig rten
gyi khams rab 'byams rgya mtshor dga' ldan nas 'pho ba rab 'byams
rgya mtsho ston pa de yin la/

'di theg dman pa ltar na/ mi pham pa'i dbur co paN bcings pa nas
'jog gam 'chi srid nas 'jog dbyad/ gnyis pa lhums su zhugs pa ni
de tshe rgyal po'i khyim du tsher ma sogs med par mnyam pa dang/
khang steng du

byas skad snyan 'byin pa dang/ nags tshal sogs su me tog rgyas pa
dang/ rdzi dbu rnams me tog gis khebs pa dang/ mar dang sha kher
sogs mi zad pa dang/ rnga sogs rol mo rnams kyi sgra rang grags
pa dang khyim du rin po che

gter kha phye ba dang/ nyi zla'i 'od zil gyis gnon cing lus sems
dga' bar byed pa'i 'od 'byung pa ste/ ltas brgyad dang bcas te/
zhing 'dir zin gnon me pho rta'i lo sa ga zla ba shol bcas kyi
snga ma'i sa ga'i nya la skar ma

rgyal gyi dus su yum gso spyod la gnas pa'i rim du glo g.yas
nas glang chen thal dkar mche ba drug ldan zhugs par rmis pa
dang mnyam du zhing bye ba phrag brgya dang/ zhing rab 'byams
thams cad du lhums zhugs cig car

mdzad de/ lhums na rin po che'i khang pa'i nang phyi gsal nang
gsal gyi tshul du zla ba bcu'i bar du bzhugs pa yin te/ rgya cher
rol pa las/ ma'i glo g.yas pa nas zhugs so/ /zhes dang/ lha
dang bcas pa'i 'jig rten na

@032a @#/ /de'i dbyibs dang kha dog 'dra ba gang yang med do/
/nas/ gser bzhin du khang pa brtsegs pa de rnam par mdzes so/
/zhes gsungs pa'i phyir/ zhing bye ba phrag brgya dang rab
'byams rgya mtshor

ston pa 'og ma rnams la yang sbyar ro/ /gsum pa sku bltams pa
ni/ zil gnon me rta'i lo sa ga'i nya la lhums su zhugs shing
de'i chu stod zla ba shol dang bcas pa'i zla ba bcu rdzogs pa/
me pho rta lo de nyid

kyi dgun zla tha chung mchu zla 'am rta zla'i nya dang skar ma
rgyal 'dzom pa'i snga dro sku bltams tshe/ tshangs pa dang/ brgya
byin gnyis kyis lha'i gos kyis blangs te/ khri la bzhugs te/
klu'i rgyal po dga' bo dang nyer dga' bos

sku lus bkrus/ de tshe lha rnams kyis spos chu me tog 'thor gdugs
sogs byung/ sus bstan pa med par/ dge rtsa thams cad kyi sngon
du 'gro bar bya'o/ /zhes shar du gom pa bdun por/ de bzhin du
lha mi'i

sbyin gnas su bya zhes lho dang/ nga ni 'jig rten na phul du
phyin pa'o/ /'di ni nga'i skye rga na 'chi'i tha mar dbyung ngo
zhes nub dang/ sems can thams cad kyi nang na bla na med par
bya'o/ /bdud dang bdud kyi sde gzhom

par bya'o zhes byang phyogs su gom pa bdun re bor ba na/ padma
bdun re skyes shing sengge sgra grags so/ /bstan rtsis las/ tshes
bdun gyi snga dro sku bltams pa dang sa ga la shol byung bar
gsungs so/ /bzhi pa bzo

@032b gnas sogs la sbyangs tshul ni/ 'jig rten pa'i bstan bcos
gang yod dang grangs dang yig rigs drug cu rtsa bzhi dang/ rtsis
dang/ sgyu rtsa la drug cu rtsa bzhi dang/ 'jig rten pa'i bzo
sogs ma bslab par mkhyen

cing/ byis pa/ bri phrag dang lhan cig r-i l-i bzhi dor ba'i
dbyangs bcu gnyis dang gsal byed ka sogs so bzhi brjod pa na/ a
brjod pas 'dus byas thams cad mi rtag pa'i sgra byung ba sogs
chos kyi sgo grangs med

ba byung bas yi ge'i gra nas byis pa sum khri nyi sa stong bla
med byang chub thob pa'i skal ldan du byas pa sogs yin no/
/'dzam bu bri k+Sha'i grib mar skyil krung gis bsam gtan bzhi
ba'i bar mngon du byas te/ phyi dro'i dus su

yang 'dzam bu'i grib mas sku la khyab par gnas pas yab sogs mang
pos phyag byas shing bstod pa mdzad do/ /lnga pa btsun mo'i
'khor gyis rol ba'i tshul ni/ gzhon nu cher skyes pa na shA kya
rgan po rnams kyis yab

rgyal po la gzhon nu don grub 'di ltas mkhan dang lha rnams kyis
rab tu byung na rdzogs pa'i sangs rgyas su 'gyur zhing/ khyim na
gnas na 'khor lo'i sgyur ba'i rgyal po rgyal srid sna bdun dang
ldan par bshad pas/

btsun mo blangs par bya/ zhes zhus nas shA kya lag na be con
gyi bu mo dgos smras/ de sgyu rtsal mi shes pa la mi gtong zer
bar/ mes po seng ge 'gram gyi gzhu blangs pas shAkya gzhan gyis
brdung ma nus pa byang sems

@033a @#/ /des blangs te skyil krung bcas te lag pa g.yon pas
blangs te g.yas pas sor mo gcig gi brdungs te gzhu'i sgra byas
pas ser skya'i grong khyer thams cad skrag par gyur te/ 'di ci'i
zer

bar/ gzhon nu don grub kyi mes po'i gnam ru'i sgra'o zer bas/
lha mi brgya stong a la la zer zhing/ rgyang grags bcu'i pha
rol tu 'ben rim pa mang po bzhag pa thams cad phud de mda' gting
du zug pa'i

shul khron pa'i khung bu byung ba mda'i khron par grags shing/
sgyu rtsa la go drug la sbyangs pas 'jig rten pa thams cad las
khyad par 'phags par gyur/ de nas nyer lnga pa lcags rta la 'jig
rten pa dang mthun

par bstan pa'i ched du sa 'tsho ma sogs btsun mo brgyad khri bzhi
stong gi nang du bzhugs te rtse dgas rol ba na/ lha klu rnams
kyis dga' ba'i sgra 'byin cing/ de nas nyer brgyad pa chu bya'i
bar lo bzhir khab tu bzhugs

so/ /drug pa nges par 'byung ba ni/ nyer dgu pa dngos pos zhes
pa shing khyi la rol mo'i sgra sogs kyis sgo bzhir phebs pa na/
shar sgor rgas khog /lho sgor nad pa dmu rdzi can/ nub sgor mi
shi ba 'khyogs

kyis btegs nye du ngu ba gzigs pas shin tu skyo tshul bstan/
byang sgor lha'i sprul pa'i dge slong gzigs pas dad pa skyes pas
rab tu 'byung bar bzhed pas/ grong khyer kyi sgo bzhir dpung gi
tshogs yan lag

@033b bzhis bsrung nas yod par lha'i bu zhi ba'i blo gros kyis
ser skye'i mi rnams gnyid par byas/ nam phyed skar ma rgyal
'char ba'i dus su 'dun pa las rta rgyan ldan blangs te brgya
byin gyis sgo phye/ rgya chen bzhis chibs

kyi rkang lag btegs nas shAkya'i yul nas dpag tshad drug tu
phyin pa na nam langs rgyan dang na bza' chibs la bkal nas 'dun
pa phyir log sar 'dun pa slar log gi mchod rten brtsegs/ de nas
gtsug phud ral

gris bcad de bar snang la 'khod pa sum cu rtsa gsum pas khyer
nas gtsug phud kyi dus ston byas la/ der gtsug phud blangs ba'i
mchod rten brtsigs/ gos ngur smig man bas te/ rab byung mdzad/
der ngur smig

blangs pa'i mchod rten byas/ de nas rgyal pos khab kyi mu steg
rang sa byed kyi bu lhag spyod las bsam gtan bzhi pa man thob
tshul dang/ de nas yangs pa can du sgyu ma shes kyi bu ring 'phur
las gzugs med kyi

snyoms 'jug bzhi thob tshul bstan no/ /bdun pa dka' ba spyod tshul
ni/ lta ngan sum brgya dang drug cu sogs bzlog phyir/ shing
khyi'i lo'i dgun zla nga ba'i tshes brgyad kyi nub mo nas chu bo
ne ran dza na'i 'gram du bsam

gtan bzhi pa'i mkha' khyab ting nge 'dzin la zhugs shing/ dang
por rgya shugs 'bru gcig bzhes pas mdog sngo sang du gyur/ de
nas 'bras 'bru gcig kho na bzhes pas mdog sngo sang nya ming ku
ta'i mdog tu gyur/ de nas

@034a @#/ /til 'bru gcig kho na bzhes pas sdar ltar las/ de nas
zas ci yang mi za bar bzhugs pas sku skam shing rid pa ris pa
pags pa sngon pos g.yogs pa ltar gyur cing bdud

kyis zlog kyang ma gsan par lo drug gi bar du dka' ba spyad pas/
lha mi khrag khrig bcu gnyis theg pa gsum la smin par byas so/
/ngas bsod nams kyi mtha' spangs shing/ dka' spyad kyi mthar
sangs

rgyas na nga'i 'khor rnams ngal du ba kyi mthar ltung snyam nas/
stan las bzhengs te bran mo grub ma shi ba'i ro ras bsten pa'i
grags pa 'og min par grags/ de nas sa ga zla ba'i bcu bzhi'i
snga dro sham

thabs chos gos bzhes grong du rgyu bar bu mo legs skyes mas dang
po dka' spyad kyi dus nas nyin gcig bzhin du bram ze brgyad
brgya la zas ster cing de'i mthus rgyal bu sangs rgyas par shog
cig /

ces smon lam btab pas/ grong mi dga' byed kyis legs skyes mar
bskul bas/ g.yog mo gong mas byang sems spyan drangs te legs
skyes ma'i khyim du ba stong gi 'o ma lan bdun du nyid khur byas

pa'i 'o mar 'bras blug pa btsas par bkra shis rtags sogs shar
ba'i 'o thug sbrang rtsi can gser snod bkang ba phul/ byang sems
kyis de thogs te lteng rgyas grong nas byung ste dro la bab pa
na/ ne ran

@034b dza na'i klu'i bu mos yid las byung ba'i seng ge'i khri la
bzhugs te bzhes nas/ gser snod chur bor ba klu'i rgyal po rgya
mtshos khyer ba brgya byi na mkha' lding du sprul nas 'phrog par
brtsams kyang ma lon par/ brgya

byin rang gzugs kyis blangs nas sum cu rtsa gsum du khyer te/ sa
ga zla ba'i bcu bzhi la dge 'dun gyis snod chen po'i dus ston
dang/ sum cu rtsa gsum na'ang lo re bzhin dus ston byed/ zas des
byang

sems kyi sku'i stobs dang shes rab rgyas shing sku gser 'od 'bar
ro/ /brgyad pa byang chub snying por gshegs tshul ni/ sangs rgyas
pa'i tshul bstan pa de rdo rje gdan ma gtogs sa gzhan gyis 'degs

mi nus pas/ der phebs lam nas rtsa tshong bkra shis las dur ba
bzhes nas der byang chub kyi shing drung du rtsa btang bar rin
po che'i khri la bzhugs so/ /mtha' dpyod las/ thun mong ba'i
snang dor de

yod de/ lo lnga pa lcags 'brug gi lo'i sa ga zla ba'i tshes bco
lnga'i srod la byang chub shing drung du rtsa'i stan la bzhugs
te bdud btul pa'i bar mdzad pa'i phyir/ zhes pa lo so lnga ba
zhes so lnga la sangs

rgyas par 'dod pa'i lugs bkod dam snyam/ dgu pa bdud sde bcom
tshul ni/ bla med byang chub ma thob bar du stan 'di las mi ldad
bar dam bcas te/ mdzod spu nas bdud 'joms pa'i 'od zer spros

@035a @#/ /pas/ bdud kyi gnas g.yos sa yang g.yos pas/ bdud dam
ga mgo gcig sogs mtshon cha thogs pa dpag tshad brgyad cu khor yug
khengs pa mthod ba na/ bdud dpung

byang sems kha'i nang du zhugs pa mthong du cug pas bros/ sdig
can slar log ste mtshon cha sna tshogs 'phangs pa me tog sogs su
gyur/ de nas sdig can gyis long la sod sa shig khyod kyi bsod

nams 'di tsam gyi thar ba mi thob smras par/ byang sems kyis
khyod kyis gtan pa med pa'i mchod sbyin gcig gis 'dod pa'i bdag
po thob na/ ngas mchod sbyin grangs med pas ci'i phyir mi thob

gsung par/ bdud kyis nga'i mchod sbyin gyi dbang por khyod yod
na/ khyod kyi mchod sbyin dbang po su yin zhes par/ sa 'di bdag
gi dbang po yin no zhes phyag gis sa la reg ma thag sa g.yos
te/ sa'i lha mo

'khor bcas sa nas thon te thal mo sbyar te/ de de bzhin te/ 'di
ni bdag gis mngon sum mo/ zhes smras pas pros so/ /bud med rnams
kyis 'dzum sogs bstan pa yang btul lo/ /bcu pa mngon par byang

chub pa ni/ so drug pa khyu mchog lcags sbrul gyi sa ga zla ba'i
tshes lnga'i srod la bdud btul/ nam gyi thun dang po la bsam gtan
bzhi dang mig gi mngon shes/ gung la sngon gnas rjes dran/ skya
rengs shar dus zag zad

@035b mngon shes mngon du byas te/ sangs rgyas tshul bstan no/
/mtha' dpyod las/ so lnga dang so bdun la sangs rgyas pa mi
'thad pa kho na 'o/ /zhes pa ltar yin te/ de nyid las/ zil gnod
me rtar 'khrungs pa'i

sangs rgyas pa'i lo'i 'dod tshul yod de/ so lnga pa lcags 'brug
la sangs rgyas par kun rdor sogs dang/ so bdun pa chu rta la
sangs rgyas par mkhas pa g.yung chos sogs dang/ so drug pa
lcags sbrul la

sangs rgyas par mkhas mchog spyan snga don grub dpal dang/ khri
rin po che 'od zer gyi 'dod tshul gsum yod pas/ phyi ma so drug
pa lcags sbrul la sangs rgyas par 'dod pa legs pa'i phyir/ so
lnga ma yin te/

sangs rgyas nas lo zhe drug dgos pas lo gcig lhag cing/ so bdun
la yin na sangs rgyas nas zhe bzhir 'gyur pas lo gcig chad pa'i
phyir/ der thal/ sangs rgyas nas zhe lda yin par bye brag bshad
pa dang/

slob dpon legs ldan gnyis mthun par byung ba'i phyir/ zhes
gsungs pa'i phyir/ bcu gcig pa chos 'khor bskor tshul yod de/
thun mong ma yin par bdun phrag dang por dgra nag sogs kyi sgo
nas bdud

btul ba dang/ bdun gnyis par gzhan 'phrul dbang byed du mdo sde
sa bcu pa gsungs la/ thun mong ba ltar na rgya rol ltar bdun
phrag dang por byang chub shing drung du bzhugs/ gnyis par stong
gsum du 'chag
@036a @#/ /par mdzad/ gsum par byang chub shing la spyan mi 'dzum
par gzigs/ bzhi par shar nub kyi rgya mtsho'i bar 'chag /bdud
kyis myang ngan 'da' bar zhus kyang 'jig rten du mchog gsum gyi
sgra

chen po dang byang sems dpag med lung ma bstan par mi 'da'
gsungs/ lnga par yul ngan byung nas btang bzung gi gnas su phebs
pa'i klu rnams kyis sku bkra shis/ drug par shing mya kro b+ha'i
drung du kun tu rgyu gnyis

kyis khams dris pa'i lan gsungs/ bdun par tshod pa ka ko na dang
bzang po gnyis kyis sbrang rtsi phul tshe rgya chen bzhis gser
sogs rin po che lhung bzed phul ba dge slong gi cha min par
dgongs nas ma bzhes

par/ rdo'i lhung bzed bzhi phul ba gcig tu bsgyur nas sbrang
rtsi blangs shis brjod lung bstan mdzad/ de nas shing sgrol
rgyu'i drung na chos 'khor bskor ba'i thugs las chung bar bzhugs
par/ brgya byin gyis zhus

kyang ma gsung/ tshangs pas gser gyi 'khor lo rtsi bas stong dang
ldan pa phul ste/ ma ga d+ha 'dir sngon chad chos gsungs pa/ dag
pa ma lags dri mar bcas pa byung/ khyod kyis chos kyi sgo mo
phyi mdzod la/ chos

rnams thams cad dri ma med pa gsung/ zhes gsol ba btab pas/
sngon gyi slob dpon gnyis 'dul snyam pa na/ lhag spyod shi nas
zhag bdun dang/ ring 'phur shi nas zhag gsum lon par mkhyen
cing/ wa ra

@036b na sir lnga sde la khyod dag gau ta ma lhod sogs ma bsam
sam/ dge slong dag de skad ma zer smras pas/ de dag dge slong du
gyur te/ dad gus skyes/ de dag la chu stod zla ba'i tshes bzhir
bden bzhi'i chos 'khor bskor

bas/ lnga sdes dgra bcom dang lha brgyad khris bden pa mthong
ngo/ /de nas chu klung ne dandza na'i 'gram du steng rgyas 'od
srung 'khor lnga brgya/ chu klung 'od srung gnyis 'khor nyis
brgya lnga bcu re te stong gis dgra

bcom thob/ de rjes shA ri'i bu dang mo'u 'gal gyi bu gnyis
'khor gnyis brgya lnga bcu bcas dgra bcom thob/ de tshe sangs
rgyas dge slong brgya phrag phyed dang bcu gsum dang bcas shing/
sangs rgyas te zla ba bcu gnyis pa chu

rta'i nag zla'i nya la dpal ldan 'bras dpung mchod rten du/
rgyal po zla bzang 'khor dgu khri drug stong dang bcas par dus
'khor rtsa rgyud gsung pa dang/ dus mnyam du bya thong phung
po'i rir sher phyin sku gcig gis dus mnyam

par gsungs par mdzad/ gzhan phyogs pa dag /rgyud las/ mya ngan
las 'das nas lo drug brgya lon pa na/ sham b+ha la'i yul du shA
kya'i rigs la/ zhes gsungs pas/ mya ngan las 'das lo de nas rtsi
zir ba

min te/ des myang 'das zhes sangs rgyas dus la sbyor ba'i phyir
te/ dus 'khor 'grel chen du/ sems tsam pa man gyis lhag bcas
myang 'das dang/ dbu ma pas lhag med myang 'das thob pa sbyar
bar gsungs pa'i phyir/

@037a @#/ /sems tsam pa de ltar 'dod pa yod dam dpyad/ dgung lo
so dgu pa shing sprel la yum gyi don du lha yul du byon te/ zla
ba gsum dbyar zhal bzhes mdzad nas/ yul ka shir hor zla dgu pa
tha skar zla ba'i

nyer gnyis la lha yul nas phebs pa yin la/ mtha' dpyod du/ nya
la gsungs pa dpyad/ de nas yul so sor gdul bya rnams la mdo
sngags kyi chos 'khor rgya cher bskor ro/ /bcu gnyis pa mya ngan
las 'das

pa'i mdzad pa mdzad tshul yod de/ sangs rgyas nas lo zhe lnga pa
shing glang 'das nas zad pa me stag gis ga zla ba'i nya'i nam
phyed la gyad yul rtsa mchog gi shing sa la zung gi drung du
gshegs par mdzad do/ /de ltar thun

mong pa ltar na zhing bye ba phrag brgyar chos 'khor bskor ba
sogs cig car dang/ mdzad pa bcu gnyis rim char mdzad la thun
mong min par/ mdo sde'i rgyan las/ de ni cig char la lar sgo
mang brgya nas chos kyi 'khor lo dang/

la lar skye ba mi mnga' la lar skye ba'i sbyod pa sna tshogs
dang/ la lar byang chub dang ni la lar de ni mya ngan las 'das
ston kyang/ /de las kyang ni rnam par g.yo mi mnga' la thams
cad mdzad/ ces pa ltar zhing rab 'byams thams

cad du mdzad pa bcu gnyis cig car ston pa yin no/ /gangga'i chu
rgyun las/ sangs rgyas ma thag pa'i rgyal ba chos can/ khyod kyi
gdul bya la de ltar 'dul dgos yod par thal/ khyod gang la gang
'dul gyi smon lam dang

@037b longs sprul gyi zhing sbyangs mngon du byas pa'i sangs
rgyas 'phags pa yin pa'i phyir te/ khyod sangs 'phags yin pa'i
phyir/ don thob gyis gsungs pa/ 'og tu sangs 'phags yin na/ rang
gi gdul bya tsam la

rigs can gsum ka yod pas ma khyab pa'i phyir/ ma grub na/ longs
sku'i sku dngos chos can/ der thal/ de'i phyir/ zhes dang/ mchog
sprul yin na/ rang gi dngos kyi gdul bya theg pa gsum gyi gang
zag la/ theg pa gsum

gyi chos 'khor skor ba'i khyab zer na/ rje btsun 'jam dbyangs
mngon par rdzogs par sangs rgyas pa'i rgyal ba kun gzigs dang/
rgyal ba mig mi 'dzum re re nas chos can/ der thal/ de'i phyir/
'dod mi nus te/ dang po'i

rang gi sku dngos kyi gdul bya la nyan rang med pa'i phyir dang/
phyi mas rang gi sku dngos kyi gdul bya la rang gi zhal gyis
chos ma bstan par yang bshad pa'i phyir/ zhes gsungs pas don
thob las ma khyab zer dgos pa'i don no/

smon lam gyi dbang gis sems can myang 'das la 'dun par byed pa
dang/ de nas theg chen la smin pa dang/ de grol par byed pa gsum
byed pa'i ched du snod bcud gang rung gi rnam par sprul pa'i
gzugs sku de sprul sku'i mtshan

nyid/ dbye na/ bzo ba sprul sku skye ba sprul sku mchog gi sprul
sku gsum/ dang po ni/ sangs rgyas kyi sprul pa'i bi shwa karma
lta bu/ mchog sprul ma yin pa'i sprul sku la gnyis pas khyab
ste/ de nyid las/ gdul bya rnams

@038a @#/ /gang la gang gis 'dul ba'i rnam pa de dang de bstan
pa'i sku'i cha la skye ba sprul skur 'jog dgos pa'i phyir te/
zhes gsungs pa'i phyir/ gsum pa ni/ bdag cag gi ston pa lta bu
mdzad pa bcu gnyis ston pa

la bya'o/ /'dir mdzad pa bcu gnyis bshad pa ston pa 'di'i dbang
du byas kyi gzhan la rigs 'dra'i sbyar ro/ /tshes bzhir chos
'khor skor bar gsungs pa/ hor zla bzhi pa lnga pa gnyis ka la
zhag mi thub mdor bar zhe dgu'i

nyin de'am/ sa ga'i bco lnga nas rtsi dpyad/ kho na re/ bdag cag
gi ston pa shAkya thub pa bye mdo'i lugs la sprul pa yin par
thal/ gangga'i chu rgyun las/ yang kha cig bye mdo'i lugs la
de'i sprul pa tsam yang ma yin

zer na/ nas/ des de rnams phan tshun gcig gcig gi sprul par khas
ma len pa'i phyir te/ des na sprul par mi 'dod pa'i phyir/ zhes
dang/ phan tshun sprul bya sprul byed yin pa mi srid par thal/
'dod pa'i phyir/

zhes gsungs pa'i phyir/ zer na/ ston pa gling 'dir bzhugs tshe
gzhan gyi de rnams 'di'i sprul pa dang/ gzhan na bzhugs tshe
'di'i ston pa de dag gi sprul pa yin pa'i don du byas na mdzod
sogs dang mthun no/ /yang na rang gi snga rol gyi

rgyal ba de'i sprul sku yin zer na/ zhes rang gi snga rol zhes
pa dang/ sgrub tshul la ltos na longs sku'i sprul par mi 'dod
kyang sprul par 'dod zer ram dpyad/ ! 'phags pa ltar na/ de
bzhin zhes pa'i de sgra sprul sku la sbyor ba/ gser

@038b phreng las/ 'phags pa ltar na/ nas/ nyi snang las tshigs
bcad 'di sprul sku dang 'jug pa gcig tu mdzad pa'i 'og tu 'phrin
las la mtshams sbyar bas so/ /zhes pas sgrub pa las/ nyi snang du
mi gsal lo/ de'i de sgra 'phags

pas gtso bo sprul sku dang/ slob dpon gyis gtso bo ye shes chos
sku dang sbyar kyang/ de kho nar gnyis kas mi sbyar te/ gnyis
kas 'di'i dngos bstan gyi 'phrin las chos longs sprul sku gsum
kar sbyar te/ nyi snang las/ yang chos

sku'i 'phrin las rnam pa du zhig yin zhe na/ zhes dang/ gser
phreng las/ de bzhin du rnam 'grel dang dag ldan du'ang de ltar
'byung zhing de gsum kas sku gsum ka la chos skur byas nas de'i
'phrin las su 'dod do/ /zhes dang/ 'grel ba las/

kun rdzob tu ye shes kho na longs spyod rdzogs pa'i sku la sogs
par snang ba bskyed pa'i sgo nas don bya ba mdzad pas na/ gdul
bya'i skye bo'i snang ba la brten pa'i las do'i bdag po la brten
nas byung ba rnams ni/ zhes gsungs pa'i phyir

des na slob dpon gyis lus rnam bzhag gi chos sku zhes pa bstan
bshad sbyar ba dang/ ye shes chos sku ston pa gnyis kar byas nas
mdzad pa/ zhes pas 'phrin las zhar la bstan par 'dod la/ 'phags
pas chos sku zhes pa bstan

bshad sbyar ba kho nar byas nas ngo bo nyid sku longs sprul
gnyis mdzad pa dang bzhid byas so/ /gser phreng las/ rigs byin
ni sku bzhi ga'i mdzad par 'dod do/ /zhes pa ltar gser gling pas
de ltar 'dod kyang/ rang lugs gser phreng las/

@039a @#/ /'phrin las sku lhag ma gsum dang las las can du 'brel
gyi/ sku dang po dang ma yin pa la dgongs nas sku gsum/ zhes
gsungs so/ /zhes pa ltar/ 'dus ma byas la las dang las can gang
yang

med do/ /'grel pa las/ ye shes kho na la longs spyod rdzogs pa'i
sku la sogs par snang ba bskyed pa'i sgo nas don bya ba mdzad
pas/ zhes pa ltar/ 'phrin las la ye shes chos sku'i 'phrin las
kyis khyab ste/ khri ngag bkra

shis pa'i 'phrin las kyi rnam bzhag las/ ye shes chos sku'i bdag
rkyen las byung ba'i mdzad pa'am 'phrin las yin na/ ye shes chos
sku'i 'phrin las yin pas khyab pa'i phyir/ zhes gsungs pa'i
phyir/ 'grel pa

dang gser phreng sogs la brten nas/ rang re'i don bdun cu dang/
yig cha gzhan thams cad kyis/ rang rgyu rnam mkhyen nam ye shes
chos sku'i bdag rkyen las byung ba'i rnam dkar gyi yon tan de/
ye shes chos sku'i

'phrin las kyi mtshan nyid du/ gsungs la/ gangga'i chu rgyun las/
yang kha cig /rang rgyu ye shes chos sku las byung ba'i rnam
dkar gyi yon tan te/ ye shes chos sku'i 'phrin las kyi mtshan
nyid/ de bzhin du sprul sku la'ang

sbyor zer na/ 'o na/ rang rgyu ye shes chos sku de las byung
ba'i rnam dkar gyi yon tan yin pa de/ rang ye shes chos sku de'i
'phrin las yin pa'i mtshan nyid du 'jog rigs par thal/ mtshan nyid
la rang sgra sbyor ba'i rgyu

@039b mtshan yod pa'i phyir/ sprul sku la'ang rigs 'dra sbyor
tshul kha spos tsam yin pa'i phyir/ 'dod na/ rang ye shes chos
sku de'i 'phrin las yin na/ rang ye shes chos sku de'i rjes su
byung ba'i khyab par thal/ 'dod pa'i phyir/

'dod na sngar ltar/ longs sprul gang la sbyar kyang 'dra/ zhes
pa sku gsum rang rang gi 'phrin las yin kyang/ rang rang las
byung ba min pas yin la/ rang rgyu ye shes chos sku de/ rang
rgyu ye shes chos sku de'i 'phrin las yin

min dang/ rang rgyu ye shes chos sku yod med sogs khas len song
tshul dang sbyar na dpyad bya mang bas yin la/ mtha' gcig tu mi
'thad par gsungs pa min te/ don bdun cur de ltar gsungs pa'i
phyir ro/ /rang rgyu ye shes chos

sku dang rang rgyu ye shes chos sku de las byung ba med kyang/
rang rgyu ye shes chos sku las byung ba yod zer ba sogs bsdus
grwa ltar bya'o/ /de bzhin du sku gsum gyi 'phrin las yang yin
khyab mnyam yin te/ rang rgyu sku gsum gyi bdag rkyen

las ma byung ba'i 'phrin las med pa'i phyir te/ 'jug pa las/ de
yi longs spyod rdzogs sku bsod nams kyis/ /zin dang sprul pa
mkha' gzhan las de'i mthus/ /sgra gang chos kyi de nyid ston
'byung ba/ de las 'jig rten gyis kyang de nyid

rigs/ /zhes longs sku de bsod nams kyi tshogs kyis zin cing/
longs sku des sprul pa sprul nas mdzad pa mdzad dgos par gsungs
pa'i phyir dang/ 'grel par/ de'i bdag po la brten nas byung ba
rnams ni/ zhes pas longs sprul

@040a @#/ /gnyis kyi 'phrin las kyi don bstan pa'i phyir/ yig
char/ tshogs sbyor man chad kyi 'phrin las la sprul sku'i 'phrin
las gtso dgos pa'i phyir te/ de man chad 'jug yul gyi bstan pa
la sprul sku'i bstan pa'i

khyab pa'i phyir/ zhes pas tshogs sbyor na longs sku'i 'phrin las
med par bstan pa min te/ gtso bo smos pa'i don yod pa'i phyir/
phyi ma yang longs sku'i sku dngos kyi gdul byar byas nas des
bstan pa'i chos la mi 'jug pa'i don

yin gyi/ spyir so skyes sogs la chos ston par sngar bsgrub zin
pa'i phyir/ rang lugs la/ chos sku'i yon tan dang de'i dbang gis
byung ba gang rung gis bsdus pa'i rnam dkar gyi yon tan de/ chos
sku'i 'phrin las gyi mtshan

nyid/ sprul sku'i yon tan dang de'i dbang gis byung ba gang rung
gis bsdus pa'i rnam dkar gyi yon tan de sprul sku'i 'phrin las
gyi mtshan nyid/ chos sku'i yon tan dang/ zhes pas chos sku dang
chos sku rang dang dus mnyam

pa'i yon tan rnams bsdus pas sku de'i 'phrin las la sku de'i
dbang gis byung ba mi dgos par bstan/ rnam dkar gyi yon tan zhes
pas dge ba mi dgos kyang 'bras bu bde pa 'gyur ba zhig dgos par
bstan kyang/ rje btsun

pa'i mtha' dpyod las/ sangs rgyas 'phags pa'i rgyud kyi 'gog
bden chos can/ nas/ dge ba yin par thal/ rnam dkar gyi yon tan
yin pa'i phyir/ zhes sangs rgyas kyi 'phrin las la dge bas khyab
par gsungs shing/

@040b rol mtshor/ gdul bya lam gyi rten la 'god pa'i 'phrin las
nas/ zhes gsungs pa gdul bya lam gyi rten la 'god pa dge bar
yang 'jog gam dpyad/ rang res skabs gnyis pa'i mtha' dpyod las/
thub dbang gi sen mo

thangs mdog chos can/ nas/ rnam dkar gyi yon tan yin par thal/
'dod pa'i phyir/ 'dod na/ dge ba yin par thal/ 'dod pa'i phyir/
zhes pa yang 'di 'dra'i phyogs snga'i dbang gis yin nam snyam/
'phrin las gyi rnam bzhag

las/ rnam dkar gyi yon tan yin na dge ba yin mi dgos te/ ma
sgrib lung ma bstan yin na/ rnam dkar gyi yon tan yin dgos pa'i
phyir/ bstan bcos las/ chos dkar po rnams gang zhe na/ dge ba'i
chos rnams dang ma

sgrib la lung ma bstan rnams yin no/ /zhes gsungs pa'i phyir/
zhes pas ma sgrib lung ma bstan rnams nyon mongs dang ma 'dres
pas dkar nag gnyis kyi nang nas dkar por bstan gyi rnam dkar gyi
yon tan du bstan pa min te/ yin na

'dus ma byas kyi chos rnams dang/ ngan song gi gnas dang de'i
rten rnams kyang rnam dkar gyi yon tan du thal lo/ /des ma sgrib
lung ma bstan la rnam dkar yon tan yod par bstan gyi/ khyab par
bstan pa min te/ rtsa bar 'dod

na/ de bzhin gshegs pa'i mthong ba 'dren pa'i 'od zer chos can/
der thal/ de'i phyir/ zhes sogs kyis ma sgrib lung ma bstan yod
par sgrub pa'i phyir/ dbye ba la sku gsung thugs kyi 'phrin las
gsum/ rgyud bla ma las
@041a @#/ /dang po gnyis/ ji ltar tshangs pa tshangs pa yi/ /gnas
nas 'pho ba med bzhin du/ /lha yi gnas ni thams cad du/ /snang
ba 'bad med ston pa ltar/ /zhes sogs kyis tshangs pa 'di dbes
dang/ ji ltar

nyi ma rtog med pa/ /rang 'od cig car spros pa yis/ /bad sogs
rgyas par byed pa dang/ /gzhan dag smin par byed pa ltar/ /zhes
sogs kyis nyi ma'i dbes thugs kyi 'phrin las bstan pas/ sku'i
'phrin las ni/ 'phrin

las kyi rnam bzhag las/ sku'i 'phrin las la sprul pa'i sku dang/
'od dang/ goms pa 'dor ba dang/ spyan 'byed pa sogs yod pa'i
phyir/ zhes pa ltar/ sprul sku thams cad dang/ dkon mchog sgron
me mdo ltar/ mthong ba

tsam gyis bla med byang chub kyis bon 'jog pa'i 'od zer lha'i
'od zil gyis gnon pa'i dang/ 'od zer gyis reg pas gdul bya srid
mtsho las sgrol ba'i 'od zer sogs dang/ kha dog dang sku'i bkod
pa dang/ spyod lam sna tshogs pa

thams cad dang/ gsung gi 'phrin las la/ mdzad pa kun las gsung
gi ni/ mdzad pa mchog yin/ zhes pa ltar dang/ de'i nang nas
kyang/ chos nyid bden pa bstan pas grol bar mdzad/ zhes stong
nyid ston pa mchog

yin la/ de dag gi khyad par gdul ba'i blo dang 'tshams par 'doms
pa dang/ bag yod pa'i gnas la sbyor ba dang/ nyer 'tshe dang sdug
bsngal las skyobs pa sogs kyang gsung gi 'phrin las yin no/
/thugs kyi 'phrin las ni/

@041b 'phrin las kyi rnam bzhag las/ rgyal ba'i thugs rje 'od
zer zhing khams kun tu khyab par spro pa dang/ gdul bya la ji
lta ji snyed kyi chos ston pa dang/ ma rig pa dang/ sdug bsngal
ma lus 'joms pa dang/ sangs rgyas pho brang du gshegs pa'i tshe
skye bo

mig dang mi ldan pa dag gis gzugs mthong ba dang/ mngon mtho
dang/ des legs kyi thabs mthong ba dang/ srid pa'i mtshor lhung
zhing mthar 'dzin gyi lta bas ba sgrib pa rnams mngon mtho khyad
par ba dang/ thar pa dang thams cad mkhyen pa'i

go 'phang thob par mdzad pa thams cad thugs kyi 'phrin las yin
te/ zhes rgyud bla ma ltar gsungs la/ rgyal ba'i byams pa dang
snying rje sogs kyang thugs kyi 'phrin las yin te/ zhes rnam
bshad kyis sgrubs so/ /gzungs rgyal kyi mdo las/

de bzhin gshegs pa'i las sum cu rtsa gnyis 'di dag go /zhes
stobs bcu mi 'jigs pa bzhi ma 'dres pa bco brgyad de so gnyis
kyi 'phrin las so gnyis gsungs pa byed pa pos phye bas/ 'phrin
las la des khyab pa ma snyam ste/ de la

ye shes chos sku'i 'phrin las kyis khyab pa'i phyir ro/ /mdo sde
rgyan las bshad pa'i 'phrin las bcu ni/ dbyig 'grel las 'phrin
las zab pa ni/ byang chub kyi phyogs la sogs pa rin po che'i
gnas kyi 'phrin las dang/ sems can

yongs su smin par mdzad pa'i 'phrin las dang/ mthar thug par
gshegs pa'i 'phrin las dang/ chos ston pa'i 'phrin las dang/
sprul pa la sogs pa mdzad pa'i 'phrin las dang/ ye shes 'jug
pa'i 'phrin las dang/

@042a @#/ /rnam par mi rtog pa'i 'phrin las dang/ ye shes rnam pa
sna tshogs pa'i 'phrin las dang/ ye shes mi 'jug pa'i 'phrin las
dang/ rnam par grol bar 'dra ba las ye shes khyad par du 'phags
pa'i 'phrin

las las brtsams te bshad do/ /zhes pa'i deb po ni/ mdo sde rgyan
las/ stobs sogs sangs rgyas chos rnams la/ /byang chub rin chen
'byung gnas 'dra/ /zhes/ stobs sogs sangs rgyas kyi zag med

ye shes rnams 'byung ba'i 'phrin las dpe'i rin po che'i 'byung
gnas las rin po che rnams 'byung ba dang/ gnyis pa ni/ 'gro ba'i
dge ba'i lo tog tu/ /sprin chen dang yang 'dra par 'dod/ ces
rgyal ba'i ye shes

kyis gdul bya'i rgyud kyi dge ba'i lo tog 'phel na des sprin las
char bab nas lo tog smin pa dang/ gsum pa ni/ bsod nams ye shes
rab rdzogs phyir/ /zla ba nya ba lta bur 'dod/ /ces chos sku'i
tshe tshogs gnyis

rdzogs pa tshang pa dpe'i zla ba nya tshe dkyil 'khor rdzogs pa
dang/ bzhi pa ni/ ye shes snang ba byed pa'i phyir/ /nyi ma chen
po 'dra bar 'dod/ /ces ye shes de'i bdag rkyen byas nas chos
bshad pas 'gro ba'i mi shes pa

bsal ba dpe'i nyi ma'i 'od kyis mun pa sel ba dang/ lnga pa ni/
ji ltar nyi ma'i dkyil 'khor gyi/ /'od zer dpag tu med 'dres
shing/ /rtag tu bya ba gcig la 'jug /'jig rten la yang snang bar
byed/ /de bzhin zag

@042b med dbyangs na yang/ /sangs rgyas dpag tu med 'dres shing/
/mdzed pa gcig ni mdzad pa la/ /ye shes snang ba mdzad par 'dod/
/ces nyi ma'i dkyil 'khor gyi 'od zer dpag med 'dres shing/
thams cad kyi bya ba brlan skems pa

dang lo tog smin pa 'jig rten snang ba'i bya ba byed par gcig pa
bzhin du/ zag med dbyangs na sangs rgyas ji snyed bzhugs pa de
dag thams cad kyis sprul pa gcig car sprul nas de thams cad kyis
gdul bya'i nyon mongs kyi brlan skems par byed

cing/ dge ba'i lo tog smin par byed pa'i phyir/ drug pa ni/ dper
na nyi ma'i 'od zer gcig /byung na 'od zer kun 'byung ba/ /de
bzhin sangs rgyas rnams kyi yang/ /ye shes 'byung bar shes par
bya/ /zhes/ dper na/ nyi

ma'i 'od zer gcig byung na thams cad 'byung zhing 'od kyis 'jig
rten snang bar byed pa bzhin du/ sangs rgyas gcig gi ye shes
kyis shes bya kun khyab cing sprul pas sems can gyi don mdzad
tshe sangs rgyas gzhan gyis kyang mdzad pa de

ltar 'byung ba'i phyir ro/ /bdun pa ni/ ji ltar nyi ma'i 'od zer
dag /'jug la bdag gir bya ba med/ /de bzhin sangs rgyas ye shes
kyang/ /'jug la bdag gir mdzad mi mnga'/ /zhes dper na nyi ma'i
'od zer gyis

thams cad snang bar byas kyang 'di byas so snyam pa'i rnam rtog
med pa bzhin du/ rgyal ba'i ye shes kyang sems can thams cad la
'jug pa na rnam rtog med pa'o/ /brgyad pa ni/ nyi ma'i 'od zer
gcig btang bas/ /'gro

@043a @#/ /ba snang bar byed pa ltar/ /de bzhin shes bya thams
cad la/ /sangs rgyas ye shes cig car snang/ /zhes dper na nyi
ma'i 'od zer btang bas 'gro ba thams cad snang bar byed pa ltar/
shes bya sna tshogs

pa thams cad sangs rgyas kyi ye shes kyis cig car 'jal ba'i
phyir/ dgu pa ni/ ji ltar nyi ma'i 'od zer rnams/ /sprin la sogs
pas sgrib par 'dod/ /de bzhin sangs rgyas ye shes rnams/ /sems
can gyi ni nyes pas sgrib//

ces nyi mas 'od zer btang yang sprin gyis sgribs nas 'ga' zhig
tu mi 'bab pa bzhin du/ sangs rgyas kyis ye shes chos sku'i
'phrin las kyang sems can gyi tsha dang dus dang sems can dang
lta ba dang nyon mongs pa'i snyigs ma ste lnga shas che

ba'i stobs kyis bsgribs pa'i sems can de dag la mi 'jug pa'i bya
ba de 'di'i 'phrin las yin te/ 'phrin las kyi rnam bzhag las/ ye
shes de'i 'phrin las sems can de dag la mi 'jug pa'i bya ba de'i
mdzad pa yin pa'i phyir/

dper na/ sku dngos kyi gdul bya med na mya ngan 'da' tshul bstan
pa sangs rgyas de'i mdzad pa yin pa bzhin no/ /zhes gsungs pa'i
phyir/ bcu pa ni/ ji ltar mdung pa'i dbang gis ni/ /go sa la
tshon bkra mi bkra pa/ /

de bzhin 'phen pa'i dbang gis na/ /grol ba'i ye shes bkra mi
bkra/ /zhes dper na gos dkar po la/ tshos byed tshe ma dud ba por
sar tshos mi 'gro la gzhan la 'gro ba bzhin du/ sangs rgyas rnams
kyi ye shes lnga dang/

@043b rnam grol sogs mtshungs kyang sprul pa dang mdzad pa mi
'dra ba sna tshogs 'byung ba/ gdul bya'i las kyi 'phen pa'i dbang
gis yin pas sprul pa sna tshogs pa 'byung ba bcun 'jog pa ltar
gzhan la'ang shes par bya'o/ /'di dag kyang byed pa

po'i 'phrin las yul la 'jug tshul gyis bzhag go /mngon rtogs
rgyan 'dir nyer bdun gsungs pa gtso bo bya ba yul la yod pa'i
'phrin las kyis phye pas/ de la 'phags pa'i lugs dang/ slob dpon
gyis lugs bshad pa

gnyis las/ dang po la/ tshogs lam la gsum/ sbyor lam la bzhi/
mthong lam la gcig /sgom lam la bco brgyad/ 'bras bu la 'god pa
gcig byas la/ de'i sgom lam la 'god pa bco brgyad ni sa gnyis pa

dang gsum par gcig /sa bzhi pa lnga pa drug pa gsum la gcig sa
bdun par gcig /sa brgyad par bzhi/ sa dgu pa la gnyis/ sa bcu pa
la dgu par rnam bshad las gsungs pa/ rdog lo'i Tika chung du
bkod pa

ltar las/ nyi snang na lam so sor sbyar rgyu'i tshigs gsal po med
do/ gnyis pa/ slob dpon gyi lugs la/ tshogs lam la drug /'di'i
phyi ma gsum 'phags pas sgom byung la sbyar snyam/ sbyor lam la
gcig /mthong

lam la gcig 'di gnyis ka mthun/ sgom lam la bco brgyad ni/ sa
gnyis ba nas lnga'i bar la gcig  /sa drug pa la gcig /sa bdun
par gcig 'di mthun/ sa brgyad par gnyis/ sa dgu par gcig /sa bcu
par bcu

@044a @#/ /gnyis la/ sa bcu pa thob ma thag pa la gcig /skye ba
gcig thog gi gsum/ srid pa tha ma la 'god pa brgyad/ 'bras bu la
'god pa gcig byas pa/ gtso bo bya ba yul la yod pas 'jog ste/
yig

char/ ltag ma nyer drug lam la bkod pa'i 'phrin las yin pa'i
phyir/ zhes nyer drug lam zhugs kho nar bzhag pa'i phyir/ de yul
gyi dbang du byas pa las 'god byed kyi 'phrin las nyer bdun lam
ma zhugs na yod pa'i phyir te/

brgyad stong pa nyer bdun po yin pa'i phyir te/ 'phrin las rnam
bzhag las/ yang kha cig /brgyad stong pa de 'phrin las nyer bdun
po min zer na/ de yin par thal/ de gdul bya du ma lam gyi rten
la 'god par byed pa'i 'phrin

las nas sangs rgyas kyi sa la 'god par byed pa'i 'phrin las kyi
bar yin pa'i phyir/ zhes gsungs pa'i phyir/ gong gi 'phrin las
de dag la byed pa po la yod pa'i 'phrin las dang/ bya ba yul la
yod pa'i 'phrin las gnyis

re yod kyang/ de gang rung gis khyab po/ /'phrin las nyer bdun
la 'god pa po la lam ma zhugs kyang yod pa'i byed pa po la yod
pa'i '[phrin las yang de ltar 'jog la/ bya ba yul la yod pa'i
'phrin las yang sangs rgyas kyi

sa'i bar 'jog ste/ thabs sangs rgyas kyi sar yod pa'i phyir/ ye
shes chos sku dang sprul sku dang bka' lta bu byed pa po la yod
pa'i 'phrin las nyer bdun dang bya ba yul la yod pa'i 'phrin las
yin te/ gdul bya rnams de

@044b 'god pa po dang/ rang rgyud ldan gyi gang zag de dang 'god
mkhan la ltos te yul la yod pa'i de yin pa'i phyir/ sangs rgyas
kyi rgyud kyis gdul bya tshogs lam la bkod pa'i cha lta bu 'god
byed kyi 'phrin las kho na dang/ de'i rgyud

kyi rang gis myang 'das thob pa'i cha lta bu bya ba yul la yod
pa'i 'phrin las kho nar bzhag na/ yig char/ bya ba yul la yod
pa'i 'phrin las dus gcig kyang 'gal na'ang/ de dag 'god byed kyi
'phrin las mi 'gal ba ma yin

pa'i phyir te/ zhes gsungs pa dang 'grig gam dpyad/ spyir dge ba
thams cad dang mngon mtho dang nges legs kyis bsdus pa'i 'dus
byas thams cad sangs rgyas kyi 'phrin las yin te/ spyod 'jug
las/ de bzhin sangs

rgyas mthu yis brgya lam na/ /'jig rten bsod nams blo gros thad
'ga' 'byung/ zhes dang/ rnam 'grel Tika chen las/ gdul bya rnams
kyi rgyud kyi mngon par mtho ba dang/ nges par legs pa'i rang
bzhin gyis dge legs

ni 'phrin las kyi ngo bo yin no/ zhes gsungs pa'i phyir/ khyad
par du 'gro ba rnams kyi sdug bsngal ma lus pa sel pa'i sman
dang bde dge thams cad 'byung ba'i gnas yid bzhin gyi nor bu rin
po che lta bu'i rgyal ba'i gsung rab rnams

'phrin las mchog yin te/ rje bdag nyid chen pos/ mdzad pa kun
las gsung gi ni/ /mdzad pa mchog yin de yang ni/ /'di nyid yin
phyir mkhas pa yis/ /'di las sangs rgyas rjes dran byos/ /zhes
dang/ spyod

@045a @#/ /'jug las/ 'gro ba'i sdug bsngal sman gcig bu/ /bde ba
thams cad 'byung ba'i gnas/ /bstan ba rnyed dang bkur sti dang/
/bcas te yun ring gnas gyur cig /ces sogs legs bshad rgya

mtsho dag las grub bo/ /'dir smras pa/ phyi ru mtshan dpe gsal
rdzogs gur gum gzugs/ /nang du mkhyen brtse nus pa'i mtshar sdug
ngoms/ /gsang ba bde stong rnam par rtag rol pa/ /mkhyen gter
rnam gsum dus

kun snying dbus bzhugs/ /rgyal yum rgyan gyi dgongs don armi
ta/ /rgyal sras dpa' bos ji ltar spyod pa'i tshul/ /rgyal ba'i
dgongs pa ji bzhin 'grel pa la/ /rgyal ba gnyis pa yab sras zla
yi dben/ /de yi legs

bshad gser phreng rnam bshad kyi/ /dgongs don mkhas dbang so sos
bkral ba'i don/ /bzhad pa'i rdo rje gzhung mchog ke ta ke sa/
/dwangs snyugs so sor phye ba'i dka' gnas rnams/ /dam pa'i bzhed
srol yun ring gnas

pa'i phyir/ /lhag pa'i lha la dang gus sbyangs pa dang/ /mkhan
chen bra dznya'i mtshan can yab sras lnga/ /la sogs bshes rnams
brtson pas bstan pa'i mthus/ /ha sa badzra yab sras dgongs pa'i
mthil/ /bdag blor 'ongs spyi

tsam zhig shar ba'i don/ /mi brjed skal mnyam gzhan la'ang phan
pa'i phyir/ /dri med lung dang rigs pa'i lam nas drangs/ /nongs
pa gang mchis gzur gnas mkhas lA chags/ /legs cha kun mkhyen
bla ma yab sras dang/ /

@045b de yi dgongs pa ji bzhin tshol 'dod pa'i/ /rigs smra tshogs
rnams dgyis pa'i mchod par 'bul/ /dge 'dis mkhas grub smra ba'i
nyi ma yis/ /dum bu bcu gnyis chos kyis skyongs pa'i tsho/ /bdag
sogs 'khor gyi thog

mar rjes bzung ste/ /sku bzhi'i gong 'phad thob pa'i rgyu ru
bsngo// //zhes 'jam dbyangs bla ma mchog gi phar phyin mtha'
dpyod rin chen sgron me dang/ rje di bam mtshan can gyi mchan
'grel gnyis kyi dgongs

don gsal bar byed pa skal bzang 'jug dogs zhes bya ba 'di ni/
dam pa'i skye 'phreng rim par brgyud pa stag ge sprul pa'i sku
ngag dbang chos grags rgya mtsho dang mdo sngags rigs gnas mtha'
dag la sbyangs pa phul du

phyin pa/ rngo rams pa chos 'phel rgya mtsho rnam gnyis kyis phar
phyin mtha' dpyod dang/ mchan 'grel rtsom 'phro gnyis kyi dka'
gnas rnams la dam pa snga ma rnams kyi gsung rgyun ltar zur
phyin pa'i zhib cha dang/

lung rigs kyi sgrub byed gsal ba dgos/ zhes snga mo nas bskul
zhing phyis po rad a go'i dgon pa'i khri pa/ mkhas grub gnyis
ldan rdo rams pa dbang 'phel dang/ gcig tu gsung rab kyi dgongs
don 'tshol ba

la dogs pa med pa bka' bcu blo bzang dpal ldan sogs/ bshes gnyen
'gas rin chen gnyis pa srang 'ga' bri shog bcas nad tan chen pos
bskul ngor// ~ //dbang lung man ngag thams cad kyi mnga'

@046a @#/ /bdag /sdom gsum gyi bcas pa phra mo tsam yang mig gi
'bras bu bzhin du bsrung pa'i nye bar 'khor gyi mched zla/ bka'
bod lnga'i mtshon pa'i mdo sngags mtha' dag lung rigs kyi

lam nas smra ba la rigs pa'i dbang phyug rnam gnyis kyi gdung
'tshob bdag gi mkhan rin po che rje btsun shes rab rgya mtsho dpal
bzang po yab sras lnga las dbang lung man ngag mang du thos
shing/ rang gi blos dpag tshod

kyis bka' bod lnga sogs la dogs gcod kyang kha yar zhus pa'i/
gyi na pa btsun gzugs mi ta sa ras rang gis brjed byang dang/
gzhan la'ang cung zad phan na snyam pas kun nas bslangs to/ rab
byung bco

lnga pa'i bgrang bya tha ma me stag lo 'di bo zla'i yar tshes bcu
gcig la rdzogs par bris pa/ 'dis kyang bkra shis 'khyil gyi sde
chen po 'dis mtshon pa'i phyogs dus kun tu gzhung shes rab kyi
pha rol tu phyin pa'i

'chad nyan dar zhing rgyas la yun ring du gnas par gyur cig  /
//dge legs 'phel//