@#/ /dbu ma'i mtha' dpyod lung rigs gter mdzod kyi dgongs don gsal bar byed pa'i nyin byed snang ba zab lam lta ba'i mig 'byed ces bya ba bzhugs so/ / @001a @#/ /zab lam rnam par 'byed pa'i 1 shes rab 2 kyis/ /skal bzang 'gro la thubO bstanO rgya 3 mtsho'i 4 bcud/ /sbyin mdzad smra ba'i dbang phyug yab sras zung; ;bdag snying chu skyes rol la dus kun skyongs/ /rten 'byung mkha' dbyings pha mtha' yangs pa nas/ /zab don tsha ba'i zer gyi snang ba brgyas/ /smra ngan mun pa drung nas 'byin mdzad pa/ /thub dbang bstan pa'i nyi ma bla na 'bar/ /mi pham 'jam dpal dbyangs dang nA ga'i mtshan/ /yab sras lnga sogs 'phags yul mkhas rnams dang; ;rnam snang mdzad dang jo 'brom rnam gnyis sogs/ /ljongs 'dir dbu ma'i lugs bzang spel rnams rgyal/ /dri bral bstan pa'i rgyal mtshan srid pa'i rtser/ / @002a @##/ /bsgrengs mdzad rgyal kun rang gzugs tsong kha pa/ /de yi lugs mchog 'dzin la mtshungs med rje/ /bzhad pa'i rdo rje rnam gnyis rgyal ba'i zla/ /de dag gzhung la brten nas dbu ma'i lam/ /gsal byed 'jam dbyangs bla ma'i thugs kyi bcud/ /lung rigs gter gyi sgo brgya dbye ba la/ /bdag gi yid ni kun nas spro bar gyur/ 7 /de la 'dir dbu ma'i mtha' dpyod chen mo'i dka' gnas rnams brjed byang du bkod pa la/ spyir dbu ma la stong nyid dgos kyang/ sgras brjod kyis dbu ma brjod bya'i gtso bor ston pa'i gzhung dbu ma dang/ stong nyid dngos su rtogs pa'i slob lam lam dbu ma dang/ 'bras bu chos sku 'bras bu dbu ma ste/ gsum @002b mam; chos thams cad rtag chad kyi mtha' gnyis dang bral ba'i dbus yin pas gzhi dbu ma ste/ gzhi lam 'bras bu'i dbu ma gsum du dbyer yod la/ klong rdol bla ma rin po che'i dbu ma'i ming gi rnam grangs las/ lam dbu ma ni; thabs shes khyad par can gnyis kyis zin pa'am/ sems bskyed bsngo ba stong nyid rtogs pa'i blos zin pa'i tshogs lam/ sbyor lam/ mthong lam/ sgom lam/ mi slob lam lnga'o/ /zhes dang/ 'bras bu'i dbu ma ni/ mi slob lam phar phyin bcu'i tha ma ye shes kyi phar phyin te ji lta ba rtogs pa'i rnam mkhyen yin no/ /zhes tha ma yul gyis dang/ lam dbu ma srid zhi'i mtha' dang bral bas bzhag gam dpyad/ gong ma ni gung ru chos kyi 'byung gnas bzhed pa yin la/ yig char/ yang kho na re/ gzhi lam 'bras bu'i dbu ma gsum po gang rung yin na/ dbu ma yin dgos par thal/ gzhi grub na mtha' gnyis dang bral ba'i dbus yin dgos pa'i phyir na ma khyab/ ces yig cha rnying pa sor bzhag gnang ba'i phyir dang/ gzhung du mar zab mo'i lam dang dbu ma'i lam khyad med byas pa'i phyir snga ma 'thad dam snyam mo/ /ma d+hya ma dbu ma dang/ ka ni byings mdo las/ kai kai re sgra la'o/ /zhes skad dam sgrogs pa'i byings las sgrub na dbu ma de sgrogs pa'i bstan bcos la 'jug la/ de yang rtsa shes kho na la byed par rang 'grel gyi lung 'dren tshul gyis shes pas/ 'grel bshad las/ rtsa ba shes rab la @003a @#/ /sogs pa'i bstan bcos rnams 'di'i 'jug bya yin pa'i phyir/ zhes sogs sgra sbyar ba sogs mi 'thad la/ yig cha rnying par kha cig/ rtsa shes rab byed dang po 'di'i 'jug bya'i dbu ma yin par thal/ rtsa shes de yin pa'i phyir/ khyab ste/ de yin na/ rtsa shes dang gcig yin pas ma khyab pa'i phyir na ma khyab/ nas; de'i tshigs bcad re re nas de yin par thal lo/ zhes pa rnam bshad dang mthun no/ / de la kho na re/ rtsa shes las/ rdzogs sangs rgyas rnams ma byung zhing/ zhes pa'i gzhung chos can/ 'di'i 'jug bya'i dbu ma yin par thal/ rang 'grel las/ de khungs su mdzad pa na dbu ma las/ zhes gsungs pa'i phyir na ma khyab ste/ de 'jug bya'i dbu ma'i gzhung tshig yin pas de ltar gsungs pa yin pa'i phyir/ bsod grags pa'i mtha' dpyod las/ dbu ma la 'jug pa zhes pa'i gzhung gi skabs nas dngos su bstan pa'i dbu ma yin na/ rtsa shes yin dgos pas ma khyab pa 'dra ste/ 'jug pa rang 'grel 'di'i skabs nas dngos su bstan pa'i dbu ma yin pa'i phyir te/ de de'i skabs nas dngos su bstan pa'i 'jug byed dbu ma yin pa'i phyir/ zhes gsungs pa'ang 'thad dka' ste/ de 'jug pa zhes pa'i dngos bstan yin gyi dbu ma la zhes pa'i dngos bstan ma yin pa'i phyir dang/ 'jug byed la dbu ma'i tha snyad 'jug pa 'dir ma gsungs pa'i phyir/ kha cig rtsa @003b shes las bden gnyis rang ldog rgyas par ma bstan zer ba dang/ bsod grags pas/ 'grel bshad kyi lugs phyogs sngar bkod pa mi 'thad par thal/ rang lugs la yang rtsa shes kun rdzob dang don dam pa'i rang bzhin rgyas par ma bstan pa dang/ 'jug pas de gnyis rgyas par bstan pa'i khyad par 'thad pa'i phyir zhe na ma khyab ste/ zhes pa ni tshig gsal las/ bden pa de gnyis kyi rnam par dbye ba ni/ rgyas par dbu ma la 'jug pa las nges par bya'o/ /zhes pa'i don du bsams na/ de ni bden gnyis kyi mtshan nyid dang/ dbye ba tsam zhal 'phangs mdzad pa yin te/ rtsa shes TIka chen las/ gnyis pa la lnga/ gang zhig ma rtogs pa'i bden gnyis kyi ngo bo dang/ zhes pa nas/ dang po la gnyis/ rtsa bar bstan pa'i tshig don dang/ 'grel bar kha 'phangs pa'i don nges par bya ba'o/ /zhes zur gcig tsam la sbyar ba'i phyir dang/ tshig gsal las/ slob dpon gyis gzhan gyi gsung rab kyi don log par rtogs pa bzlog par bya ba'i phyir/ re zhig bcom ldan 'das kyis gsung rab las bstan pa'i bden gnyis phyin ci ma log par bzhag pa'i dbang du mdzad nas/ sangs rgyas rnams kyis chos bstan pa/ /zhes sogs gsungs pa'i phyir dang/ 'jug par sa bcad phyi ma bzhi sogs med pa mngon sum gyis grub pa'i phyir ro/ /rje btsun pa'i dbu ma'i spyi don skal bzang mgul rgyan las/ rgyal tshab chos rje'i lugs dang @004a @#/ /mkhas pa gzhan gyi lugs gnyis las/ nas; re zhig lugs phyi ma'i rjes su 'brangs nas bshad par bya ste/ rtsa shes rgya che ba'i lam gyi rim pa ma bstan te/ zhes dang/ rje drung shes rab dbang po'i dbu ma las/ rtsa sher rgya che ba'i lam ma bstan pa rje'i dgongs pa yin cing/ de nyid rang 'grel gyi dgongs pa yin te/ rang 'grel las/ chos kyi bdag med pa gsal bar bya ba'i phyir/ theg pa chen po bstan pa yang rigs pa de nyid kyis rgyas par bstan par brjod par 'dod pa'i phyir ro/ /zhes pa nas/ rin chen phreng ba'i rnam bshad kyi don yang khyed ltar min gyi rtsa sher theg chen gyi zab mo'i lam gyi rim pa rgyas par shugs la bstan zhes pa'i don yin te/ zhes dang/ bsod grags pa'i dbu ma'i spyi don las/ rtsa sher rgya che ba'i lam gyi rim pa rgyas par ma bstan pa/ zhes dang/ des theg chen gyi slob lam dngos su bstan pa gang zhig/ mi slob lam yang dngos su bstan pa'i phyir zhe na/ rtags dang po ma grub/ zhes mi slob lam dngos su bstan par 'dod la/ de nyid kyi mtha' dpyod las/ rtsa shes chos thams cad brten nas btags tshul rgyas par ma bstan pa'i phyir te/ nas; tshig gsal las/ chos thams cad brten nas btags pa'i tshul ni dbu ma la 'jug pa las shes par bya'o/ /zhes gsungs pa'i phyir/ zhes gsungs la gsum gas rgya che ba'i lam rim ma bstan pa/ lung @004b rtsa 'jug gi rnam bshad gnyis dang/ rigs pa gzhung rnams su rtsa shes theg chen thun mong ma yin pa'i bstan bcos su 'jog tshul chos kyi bdag med rigs pa'i rnam grangs mtha' yas par gsungs pas bzhag gi/ rgya che ba'i rim pa ston pas ma bzhag pas bsgrub bo/ /rnam bshad gnyis kyi don yig cha rnying par/ rtsa shes las/ rgya che ba'i theg chen gyi khyad chos dngos su ma bstan kyang/ zhes pa'i don yin pa'i phyir/ gsungs la/ rang lugs la mtha' dpyod las/ de dag gtso bor dngos su ma bstan zhes pa'i don yin pa'i phyir ro/ /zhes dang/ des na rtsa shes las 'di rgyas par dngos su bstan kyang bstan bya'i gtso bor byas nas ma bstan pa'i phyi; zhes gsungs nas rgya che ba rgyas par bstan par/ rin chen phreng ba'i dar TIka dang/ rtsa shes las/ gang la stong pa nyid rung ba/ /sogs rtsa 'grel gyis bsgrub po/ /de ni mdor bsdu na rnam bshad kyi don de ltar ma yin te/ rnam bshad las/ gzhung der bstan pa'i lam la theg pa chen po'i rgya che ba'i lam gzhan 'phags pa'i man ngag gis zhes gsungs pa'i phyir/ de zab mo'i lam la byed zer na/ rgya che ba'i lam gzhan zhes smos mi dgos par thal/ de la rgya che ba'i lam 'phags pa'i man ngag gi zhes pas chog pa'i phyir/ mtha' dpyod las/ 'o na; rnam bshad la nang 'gal yod par thal/ zhes pa de'o/ /gzhan yang/ rtsa @005a @#/ /shes rab byed nyer bzhi bas rgya che ba gzhi lam 'bras gsum re re phye nas rgyas par bstan par thal/ rtsa she Tika chen las/ pha rol pos lugs de la 'jig rten dang 'jig rten las 'das pa'i rnam bzhag gang yang byar med par 'gyur ro/ /zhes rtsod pa yin la/ zhes pa nas/ rang lugs la skyon de dag med par ma zad rnam bzhag thams cad ches shin tu 'thad par ni rab byed 'dis gtso bor ston no/ / zhes dang/ rang bzhin gyis stong pa la de dag thams cad 'thad gyi mi stong pa la mi 'thad do/ /zhes bden pa brtag pa gsungs te/ 'di rang bzhin 'gog pa'i rab byed re re'i mthar sbyar rgyu yin no/ /zhes gsungs pa'i phyir/ yig char/ le'u 'di gnyis le'u snga ma thams cad kyi zhes pa 'di nyid zer dgos kyi gnyis zhes pa ma dag/ khyab ste/ le'u 'di rab byed dang po rkyen brtag pa lta bur sbyar na rang bzhin gyis ma grub pa la rgyu 'bras 'thad pa sogs/ 'jig rten dang 'jig rten las 'das pa'i rnam bzhag thams cad 'thad tshul rgyas par gsungs pa'i phyir te/ budd+ha pA li ta las/ gang ngo bo nyid stong pa nyid rung ba de la 'jig rten pa dang 'jig rten las 'das pa thams cad rung bar 'gyur ro/ /zhes gsungs pa'i phyir/ de'i 'jig rten las 'das pa la spyod pa phyin drug sogs theg chen gyi lam 'bras kun yod de/ dbu ma las/ @005b khyod kyi sangs rgyas byang chub la/ /ma brten par yang thal bar 'gyur/ /nas; sangs rgyas min pa gang yin des/ /byang chub spyod la byang chub phyir/ /bstsal yang byang chub 'thob mi 'gyur/ /zhes gsungs pa'i phyir/ khyab ste/ des thams cad mkhyen pa'i ye shes chos can/ rang bzhin gyis stong ste/ sangs rgyas la brten nas grub pa'i phyir/ sangs rgyas min pa'i gang zag chos can/ rang bzhin gyis med de/ bla med byang chub thob phyir du byang chub kyi spyod pa la bslab na de thob par 'gyur ba'i phyir/ zhes pa'i sbyor ngag dag gi rtags chos don gsum dngos su bstan pa'i phyir/ ma grub na/ rtsa she las/ bden med sgrub byed kyi thal ba'i rtags gsal rtsod gzhi gsum rgyas par ma bstan par thal ba dang/ yang na/ des bden med rigs pa'i rnam grangs mtha' yas pas bsgrub ces pa'i sgrub byed kyi rtags sogs la phyin drug sogs rgya che pa'i lam dang/ bde bzhi skyabs gsum sogs gzhi lam 'bras gsum mtha' yas pa ma gsungs par thal lo/ /de 'dod na dngos su 'gal la/ /'di 'dra la dgongs nas mtha' dpyod las/ rtsa she'i tshig 'di dag don chen po can yin pas stong gzhi phal ba'i tshul du dngos bstan la rung ba'i phyir/ gsungs so/ /gzhan yang/ rtsa she'i ched du bya ba'i gdul byas rtsa she la brten nas yum don zab @006a @#/ /rgyas gnyis tshogs nyams su len mi nus par thal/ rtsa shes de ma bstan pa'i phyir/ 'dod na/ rtsa she dang 'jug pa'i gdul bya dbang po rno rtul med par thal lo/ /gzhan yang/ 'jug pa'i gdul byas rtsa she'i don yid la byed pa na 'jug pa nas gsungs pa'i zab rgyas gnyis tshogs yid la byed pa de/ rtsa she'i dgongs don ma yin par thal/ rtsa shes de dag ma bstan pa'i phyir/ 'dod na/ 'jug pa las zab rgyas kyi lam gnyis rgyas par bshad pa de rtsa she kyi don 'grel ba yin par thal/ rnam bshad las/ de'i phyir rtsa she'i don yid la byed pa'i tshe 'jug pa las gsungs pa 'di rnams dran nas/ zhes dang/ rin chen phreng ba'i dar TIka las/ gtan la 'bebs pa'i gtso bo'i dbang du byas kyi gzhan du na rtsa ba shes rab kyis theg pa chen po'i lam gyi rim pa rgyas par bstan par dbu ma la 'jug pas bsgrub pa'i phyir/ zhes dang/ yig cha rnying pa las/ 'jug pas rtsa shes nas bshad pa'i zab pa'i lam nyams len gyi rim pa dang/ rgya che ba'i lam nyams len gyi rim pa gnyis tshogs su nyams su len pa rtsa shes dgongs pa mthar thug tu 'grel ba de/ de la rgya che ba'i sgo nas 'jug tshul yin pa'i phyir/ zhes gsungs pa'i phyir/ des na rtsa shes rgya che ba'i lam dang brten nas btags pa'i tshul rgyas par bstan kyang/ bstan bya'i gtso bo @006b dang gsal bar ma gsungs pa 'phags pa'i man ngag rigs pa drug cu pa dang rin chen phreng ba sogs la brten nas bstan bya'i gtso bo dang gsal bar kha bskang te 'jug pas 'grel ba yin no/ /red mda' pa sogs kyis theg pa thun mong gi bstan bcos su 'dod pa la/ rnam bshad gnyis kyis chos kyi bdag med rgyas par bstan pas lan btab pa ni/ rgya che ba ma bstan pas min gyi/ theg pa mchog dman chos kyi bdag med rdzogs par bsgom pa yod med kyis 'byed pa shes phyir yin pas skyon de yang mi 'jug go /'jug 'grel las/ lugs 'di ni thun mong ma yin pa'o/ /zhes pa'i don rnam bshad las/ kun gzhi rang rig rang rgyud kyi sbyor ba mi bzhed pa ste/ khas mi len pa gsum dang phyi don dang nyan rang la chos rang bzhin med pa mngon sum du rtogs pa yod pa bden 'dzin nyon sgrib dang/ zhig pa dngos po dang/ dus gsum gyi 'jog tshul thun mong ma yin pa ste khas len pa lnga dang brgyad gsungs la/ dka' gnas brgyad kyi zin bris las/ ^ snga ma gsum gyi steng du rang mtshan mi 'dod pa ste khas mi len pa bzhi dang/ tha ma gnyis kun gzhi 'gog pa'i 'phros don yin pas dor nas sangs rgyas kyis ji snyed pa mkhyen tshul dang/ khas len pa'i phyogs bzhi ste/ dka' gnas brgyad byas zhing/ grub mtha' rtsa 'grel las khyad par chen po zung @007a @#/ /brgyad sogs gsungs pa ni/ rnam bshad las/ 'phags pa'i gzhung 'grel tshul la rang gi mtshan nyid kyis grub pa rdul tsam yang med kyang bya byed thams cad bzhag pas chog pa'i zhes pa'i dgongs pa ltar/ rtsa bar/ rang mtshan tha snyad du yang mi bzhed phyir/ /zhes dang/ 'grel par/ spyir phyi don yod pa dang/ kun gzhi med pa sogs thun mong ma yin pa min yang rang mtshan mi bzhed pas ming rkyang btags yod la de dang de khas len pa ni thun mong ma yin pa yin te/ zhes rang mtshan gyis ma grub pa'i rgyu mtshan gyis zhes thams cad la sbyar dgos la/ rang rang gi rgyu mtshan tha snyad dpyod blos mi khegs pa dang mi 'grub pas phyi don yod la/ kun gzhi med pa dang/ dngos po'i 'du shes can la thar pa med par gsungs pas bden 'dzin nyon sgrib dang/ de nyon sgrib yin pas bdag med gnyis phra rags mtshungs pa dang/ byis shes kun ma rig pas bslad pas 'khrul shes yin pa dang/ btags don btsal nas gsar rtogs mi rung bas bcad shes tshad mar 'grub pa dang/ kun rdzob rnam can gyi tshor ba yid mngon du gsungs pas mngon sum la rtog pa yod pa dang/ rags pa'i bden rnam bcu drug mngon sum du rtogs pa la 'phags pa mi dgos pas de dag mngon sum du rtogs pa'i so skye yod pa dang/ stong nyid la lhag mthong thob pa @007b sbyor lam thob pa dus mnyam pas rags pa'i mi rtag sogs bcu drug mngon sum du rtogs pa la sbyor lam thob mi dgos pa dang/ zhig pa dngos po yin pas dus gsum yang dngos por 'dod pa dang/ zhig pa dngos po dang 'bras bu 'thad pa de'i snga ma'i 'phros yin pas dor la/ btags don dpyad na mi rnyed pas rang rgyud med pa dang/ shes pa'i btags don dpyad na mi rnyed pas rang rig med pa dang/ dbang yul phan tshun ltos tshe mngon sum dngos yul dang/ 'gog bden stong nyid yin pa dang/ lhag bcas lhag med kyi khyad par 'gog bden las 'phros shing/ sgrib gnyis spangs tshul dang/ mtha' gnyis sel tshul te brgyad dang/ rtsa bar/ de sogs thun mong min mang zhes pa'i sogs sgras 'gog snyoms kyi khyad par sogs gsungs so/ /klong rdol bla ma rin po ches/ khyad par nyi shu gsungs pa'ang phal cher de las phye ba yin no/ ^ /de dag thams cad rang rgyud pa dang thun mong ma yin pa yin min dang/ rang rgyud pa dang sems tsam pa dang thun mong ma yin pa'i 'jug tshul 'dra mi 'dra sogs dpyad bya mang ngo/ /rje btsun pa'i spyi don las/ kha cig/ mngon pa gong 'og gnyis mngon pa'i bstan bcos rnam dag yin zer na/ mngon pa kun btus chos can/ don dam pa'i chos mngon pa bstan bya'i gtso bor byed par thal/ mngon pa'i bstan bcos rnam dag yin pa'i phyir/ zhes dang/ @008a @#/ /bdag gi bla ma mkhas pa kha cig stong nyid mngon sum du rtogs pa'i zag med kyi shes rab don dam pa'i chos mngon pa yin te/ dper na/ mdzod las/ chos mngon shes rab dri med rjes 'brang bcas/ /nas/ zab mo stong pa nyid la don dam pa'i chos mngon par 'jog pa gang bde bar bya'o/ /zhes mngon pa'i bstan bcos kyi don chos mngon pa brjod byar byed pas bzhag la/ de sher sgron 'grel bar drangs nas bkag cing/ de nyid las/ mngon pa'i sde snod dang mngon pa khyad med byas la/ mdo sde rgyan las kyang/ mngon pa'i sde snod brjod bya ston tshul gyi sgo nas bzhag gi brjod byas ma bzhag pas brjod bya la mngon pa'i tha snyad med dam dpyad/ ! //bcom ldan 'das la thub dbang zhes brjod pa'i rgyu mtshan yig cha gzhan thams cad las gnyis gsungs la/ yig char/ rtags zur gsum rim bzhin zhes sku gsung thugs gsum gyi dbang phyug thob pa zur du bgrang ba ni/ rang 'grel las/ de la gong na med pa'i chos kyi dbang phyug phun sum tshogs pa mnga' bas zhes de tha ma gnyis kyi sgrub byed lta bu gsungs pa'i dgongs pa yin pas/ rtags zur gsum snga ma snga ma phyi ma phyi ma'i rgyu mtshan du byas na'ang legs so/ /lam zhugs la thub pa yin pas khyab ste/ yig cha rnying bar sgo gsum mi @008b mthun phyogs ci rigs thub pa ste/ zhes gsungs pa'i phyir/ rang gi lam bgrod byed kyi gdams ngag gzhan las nyan nas dgra bcom thob tshe de gzhan la thos par byed pas nyan thos dang/ theg chen gyi 'bras bu mchog gam de thob byed kyi lam sangs rgyas sogs las thos nas rang gis nyams su mi len par gzhan la sgrogs pas thos sgrogs zhes bshad pas snga ma la theg dman dang phyi ma la theg chen gyi gdams ngag dgos pas/ 'grel bshad mkhan pos pad dkar gyi lung rkang pa gsum pa la dam pa'i sgra med pas theg dman gyi byang chub la sbyar ba mi 'thad do/ /yig cha rnying par/ nyan thos kyi sgra dngos ming du 'jug pa'i gzhi yin na/ de'i sgra bshad du yod pas ma khyab par thal/ de'i sgra bshad du yod na de dngos ming du 'jug pas kyang ma khyab pa'i phyir/ zhes dang/ byang sems tshogs lam pa chos can/ nyan thos kyi sgra 'jug tu yod par thal/ de'i sgra bshad du yod pa'i phyir/ zhes gsungs pas/ des nyan thos kyi gdams ngag nyan thos gzhan las thos pa la byed dam dpyad/ rnam bshad las/ rgyu mtshan 'di gnyis byang chub sems dpa' la ni nyan thos dang 'dra ba'i rgyu mtshan yin la/ zhes gsungs pas/ thos sgrogs kyi sgra bshad du med de don de rang gi nyams su len pa'i phyir/ 'di'i rgyu mtshan gnyis ni sangs rgyas kyi byang chub dang/ der bgrod pa'i lam gnyis gzhan la sgrogs pa'o/ /nyi snang gi @009a @#/ /byang sems sha ri'i bu de mchog zung nang gi de'i ming can gcig yin par rtog ge 'bar ba'i lung gis bsgrub pas pad dkar nas lung bstan pa'i de la mchog zung nang gi de dang rgyud tha dad pa sangs rgyas sogs kyis sprul pa'i nyan thos sogs dang mchog zung nang gi de yang yod dgos te/ mdo sde rgyan las/ bsam gnyis thob phyir sprul ba'i phyir/ /zhes dang/ mdo des nyan thos dngos gnas pa rnams lung bstan pas mthar thug theg gcig bsgrub pa'i phyir ro/ /shA ri'i bu tshe 'di la theg chen du zhugs par yang gsungs pas/ khri chen ngag dbang bkra shis pa'i dbu ma'i zin bris las/ shA ri'i bu dang kun dga' bo la nyan thos dgra bcom pa dang rgyun zhugs kyis khyab la rgyun zhugs dang/ dgra bcom ma thob gong gi de dag chos can zhe na/ dus sbyar ma yin pas khyab pa med do/ /zhes pa ltar 'di la'ang 'dra'o// lang gshegs ltar na lhag med nas kyang 'jug pa yod gsungs pa rigs pa'i rjes 'brang la byed dgos pa'ang zin bris der gsungs so/ /des na nyi snang gi byang sems shA ri'i bu la yang mchog zung de dang rgyud gcig pa'ang yod dam dpyad/ pra ti so so'am rkyen e ka gcig bud d+ha de nyid khong du chud pa la 'jug pas srid pa tha ma'i tshe so so ste gzhan la ma brten par gcig pur gnas te/ rus gong sogs mthong ba'i rkyen gyis @009b de nyid khong du chud pa'i rtogs pa dran pas rang sangs rgyas sam de nyid rtogs pa'am rkyen rtogs dang bskal ba brgyar bsod nams dang ye shes goms pas nyan thos las lhag la/ tshogs gnyis dang gzhan don khur 'khyer gyi snying rje med pa dang/ rang lam du thams cad mkhyen pa thob pa med pa gsum gyis sangs rgyas las dman pas 'bring ste/ de nyid rtogs pa 'bring zhes bya yi/ da lta'i rtsa ba'i 'gyur ltar byas na nyan thos sangs rgyas chung ngur thal ba dang/ sangs rgyas che chung gi tha snyad rung na longs sku chung ba rang rgyal las kyang chung bar thal bas 'gyur mi legs par gsungs so/ /de'i tshig zur gyi bud d+ha sangs rgyas su bsgyur mi chog na rang sangs rgyas zhes pa'ang mi legs sam dpyad/ /'grel bshad las/ gzung 'dzin gyi rtog pa spong mi spong gis 'bring gsungs pa/ de nyid las/ ji ltar nyan thos la sogs pa la yang chos kyi bdag med pa la sogs pa shes pa yod pas zhes sogs kyis nang 'gal bstan pas/ de'i lugs la gzung rtog chos can/ nyan thos dgra bcom pas spangs par thal/ nyon sgrib yin pa'i phyir zer na/ kho rang gi nang 'gal yin pas lan gyis bzlog par mi nus pa yin no/ /de bzhin du de nyid las/ snying rje chen po la bcom ldan 'das zhes brjod pa'i rgyu mtshan yod de/ zhe sdang gi dgra bcom pa'i rgyu mtshan gyis de ltar brjod @010a @#/ /pa'i phyir/ snying rje chen po la rdzogs pa'i sangs rgyas kyi rgyu dang po zhes brjod pa'i rgyu mtshan yod de/ snying rje chen po rdzogs pa'i sangs rgyas kyi dang po'i rgyu yin la/ stong nyid rtogs pa'i shes rab dang gzhan don du rdzogs pa'i byang chub thob par 'dod pa'i blo gnyis po de rdzogs pa'i sangs rgyas kyi dang po'i rgyu min pa'i rgyu mtshan gyis de ltar bstod pa'i phyir/ zhes sogs dgag tshul rje btsun pa sogs kyis gsungs kyang sla'o/ /lung med par gcig pus byang chub thob pa'am thob par 'dod pas rang rgyal stong nyid ma rtogs pa rnams de nyid rtogs 'bring min par gsungs pas snga ma sgra bshad tsam mo/ /bsod grags pa'i mtha' dpyod las/ stong nyid rtogs pa'i blo rgyud la mi ldan pa'i byang 'phags yod pa'i phyir/ der thal/ bden 'dzin mngon gyur pa rgyud ldan gyi byang 'phags de yin pa'i phyir/ der thal/ de'i rgyud la stong nyid rtogs pa'i blo med pa'i phyir te/ de'i rgyud la de mngon gyur du med pa gang zhig blo yin na mngon gyur pa yin dgos pa'i phyir/ zhes pa dang/ bden 'dzin mngon gyur pa rgyud ldan gyi sgom lam rjes thob la gnas pa'i sems dpa'i rgyud la lam yod pa'i phyir te/ de'i rgyud la theg chen sems bskyed yod pa'i phyir/ zhes pa gnyis nang 'gal lo/ /rje btsun pa'i spyi don las/ tshogs spyod kyi rang rgyal dgra @010b bcom pa'i 'bras bu 'thob pa la bskal pa brgyar lam la bslab mi dgos pa'i phyir/ rtags khas/ 'dod na/ TIka chen dang 'gal lo/ /zhes dang/ rang rgyal tshogs lam pa la dang po nas rang rgyal du rigs nges pas khyab pa 'jug pa las/ rang byang chub la bdag nyid nges rnams dang/ zhes dang/ bzhi brgya pa las/ de nyid shes pas gal te 'dir/ /zhes sogs kyis bsgrub nas/ des na tshogs spyod pa la nyan thos kyi rtogs pa sngon du 'gro dgos par bshad pa dang/ rang rgyal gsum tshogs kyi khyad par mi mtshungs pa sogs rnam bshad snying po rgyan las gsungs pa ni rang rgyud pa man chad kyi lugs yin gyi skabs 'dir khas mi blang ngo/ /zhes gsungs pa drin lan bsab pa'i mdo las/ rang sangs rgyas rnams ni bskal pa chen po brgyas tshar phyin par 'gyur ro/ /zhes pa'i don du rje drung shes rab dbang po yang bzhed pa ni/ mtha' dpyod las/ de ltar rang rgyal gyi myang 'das mngon du byed pa med cing/ nyan thos kyi myang 'das mngon du byed pa yod pa'i phyir/ der thal/ rang rgyal ma nges pa'i rigs can de 'dra byed pa yod pa'i phyir te/ rnam bshad las/ rang rgyal gyi rigs can kha cig ces pa'i rnam bcad dang yongs gcod re yod pa'i phyir/ zhes dang/ gcig char pa dang rgyud gcig pa'i rang rgyal yod pa budd+ha pA li ta las/ brgya la rdzogs pa'i sangs rgyas rnams ma byung ba'am/ @011a @#/ /nyan thos rnams kyang zad par gyur ste/ sogs dang/ tshig gsal las/ ji ste ji zhig ltar rdzogs sangs rgyas rnams ma byung zhing/ zhes sogs kyis bsgrub cing/ de dag gis srid mtha' tsam mam ltos dbang gis slob dpon dang ma phrad na rang rgyal du 'gyur bar gsungs pa'i shugs kyis sangs rgyas dang nyan thos sogs dang phrad na rang rgyal 'ga' zhig nyan thos su 'gyur ba yang bstan par gsungs so/ /des na mtha' dpyod las/ ji lta ji zhig ltar na zhes pa ma dag go/ de nyid rje rin po che'i dgongs pa yin gyi/ rtsa she TIka chen las/ nyan thos chos kyi de kho na'i bdud rtsi 'di la thos bsam bsgom pa'i rim gyi rab tu zhugs pa rnams kyis ni/ zhes pa nas/ gal te skye ba gzhan du de kho na nyid ston pa po'i rkyen dang phrad na de ltar yin tu chug kyang de dang phrad pa'i nges pa med pas skye ba gzhan du myang 'das 'thob par ma nges so snyam na/ ci ste yang skye ba gzhan du sad byed kyi rkyen rdzogs pa'i sangs rgyas rnams 'jig rten du ma byung zhing/ nyan thos rnams na zad par gyur pa yin kyang/ rang sangs rgyas kyi ye shes ni 'du 'dzi dang bsten pa med pa'am dge ba'i bshes gnyen tshol ba'i bsten pa med pa tsam las rab tu skye bas myang 'das nges pa kho nar 'thob bo/ /zhes gsungs pa'i phyir/ rang rgyal kha cig srid pa tha ma'i tshe slob dpon dang @011b phrad na nyan thos dgra bcom dang nyan thos kha cig ma phrad na rang rgyal dgra bcom thob pa rtsa she'i dgongs pa'ang yin no/ /kho na re/ rang 'grel las/ gal te yang kha cig ces pa nyan rang gnyis kyi nang nas rang rgyal kha cig ces pa'i don yin zer na/ de'i nang nas rang rgyal rnams zhes sbyor rigs kyi/ kha cig ces sbyor mi rigs pa'i phyir ro/ /grub mtha' chen mo las/ ma nges pa bskal pa brgyar tshogs bsags pa'i nges pa med pas gtsug tor sogs yod pa'i nges pa med pa'i phyir te/ zhes dang/ rang rgyal ma nges pa la yang bskal chen brgya la tshogs bsog mi bsog gnyis yod de/ nas/ 'grub pa gsum gyi dang po bse ru rigs nges dang/ phyi ma gnyis ma nges pa tshogs spyod bskal chen brgya'i tshogs bsags pa yin pas so/ /zhes nyan thos 'phags lam nas zhugs pa 'grub pa gsum gang rung min par gsungs pas/ mdzod lugs ma gtogs gzhan thams cad kyis de tshogs spyod gnyis gang rung du mi 'dod do/ /gser phreng las/ drin lan bsab pa las/ rang sangs rgyas rnams ni bskal pa chen po brgyas tshar phyin par 'gyur ro/ /zhes spyir gsungs pas thams cad kyang dus mtshungs gsungs pa ltar 'thad do/ /gsungs pa yang 'grub pa gsum pa yin no/ /des na gzugs med pa srid pa tha ma bas kyang slob dpon dang ma phrad na rang rgyal du @012a @#/ /'gyur dgos pas de 'dod pa sogs su yongs dus khams gsum gang rung ma yin pa'i rten can yin zhes grags kyang/ de ltar na de'i gzugs dbang po sogs kyang khams gsum gang rung ma yin pa'i sas bsdus su 'gyur bas de la dmigs pa'i nyon mongs nam spangs sogs dka' bas/ ri bong rnam can gyi sprul sku'i kha dog dbyibs sogs sas bsdus su 'jog na 'dod pa'i sas bsdus su 'jog dgos pa bzhin du 'dis kyang 'dod pa'i rnam pa bzung na 'dod pa'i sas bsdus sogs su 'gyur ram snyam la/ kho rang la dmigs pa'i 'jig lta yang rdo rje lta bu'i ting nge 'dzin gyis spong dgos pas 'dod par yongs pa'i de de dus phung po lnga dang ldan yang spyir phung po lnga ldan gyi gang zag min zhes sngar ltar dus sbyar nas lan btab e chog dpyad/ grub mtha' gong ma'i lugs la rdzu 'phrul gyi mngon shes kyis sprul kyang chog la/ bye smra'i lugs la shin tu dka' bar yod do/ /rje drung pa'i dbu ma las/ 'grel ba'i don ni tshogs bsgrub la dgongs la/ phyi ma gnyis kyang theg chen gyi tshogs gnyis la dpyod pa'i skabs yin pa'i phyir/ zhes gsungs pa ltar/ rje btsun pa dang bsod grags pas kyang gsungs nas nyan rang la tshogs gnyis mtshan nyid pa yod par bzhed pa/ yig char/ nyan rang la tshogs mtshan nyid pa med @012b par rin chen phreng ba/ 'jug pa/ blo gros mi zad pa'i mdo'i 'grel ba sogs kyi lung gis dgag pa la lung don bshad kyang lan mi thebs te/ tshogs kyi skad dod saM b+ha ra'i saM yang dag dang b+ha las byang chub chen po dang/ ra las de 'dzin pa thob pa gang zhig /de theg chen gyi tshogs tsam gyi skad dod ma yin pa'i phyir dang/ de dag la tshogs kyi lag rjes gtsug tor sogs mtshan nyid pa yod par thal lo/ nyan rang la tshogs mtshan nyid pa med pa ni/ rang 'grel las/ de dag ni bsod nams dang ye shes gong du 'phel ba'i khyad par gyis zhes de la tshogs kyi sgra ma sbyar la phyi mar sbyar ba'i dgongs pa'o/ /des na rang rgyal gyi rgyud kyi tshogs gnyis yod kyang de'i rgyud la tshogs gnyis med zer dgos so/ /la mo blo bzang bkra shis pa'i dbu ma'i mtha' dpyod lung rigs bang mdzod las/ rang rgyal dgra bcom pa chos can/ grub mtha' smra ba bzhi po gang rung yin par thal/ dbu ma pa'i grub mtha' smra ba'i gang zag yin pa'i phyir/ der thal/ dbu ma pa yin pa'i phyir na ma khyab snga ma gsungs pa mi 'thad de/ mnyam bzhag pa la grub mtha' smra ba yod pa'i phyir ro/ / ! /mtha' dpyod sogs las khye'u snang byed dang/ rgyal po rab gsal dang/ nga las nus sogs byang sems su gsungs pa theg pa thun mong gi lugs yin gyi/ nga las nu byang sems min te/ @013a @#/ /ston pa shAkya thub pa bskal pa dpag med gyi sngon nas sangs rgyas pa'i phyir ro/ /yig cha rnying par/ rgyal ba dang rgyud gcig tu gyur pa'i byang chub sems dpa' chos can/ rgyal ba'i sras yin par thal/ rgyal sras yin pa'i phyir na ma khyab/ nas/ rgyal ba'i gsung las skyes pa'i nyan thos dgra bcom pa chos can/ rgyal sras yin par thal/ rgyal ba'i sras yin pa'i phyir na ma khyab/ zhes pa ltar bsod grags pa sogs kyang bzhed pa la/ rje btsun pa yab sras kyis rgyal ba'i sras gcig med par thal/ tshogs lam ba de ma yin pa nas/ sa bcu pa de ma yin pa'i phyir/ zhes bkag pa'i phyi ma yig char khyab pa ma grub pas bkag cing/ snga ma ni mdo sde rgyan dang/ 'jug par rgyal ba'i sras dang/ rgyal sras khyad med du gsungs pas bkag nas/ byang sems rnams rang rgyu rgyal ba las 'khrungs yang/ rgyal ba las 'khrungs pa min la/ rgyal ba'i sras su 'jog tshul mtha' dpyod las/ rgyal sras zhes pa kun rdzob byang chub kyi sems kyi sgo nas 'jog dgos pa'i phyir/ zhes rgyal ba'i gsung las skyes pa'i sras la rgyal ba'i sras kyis ma khyab par gsungs pa'i phyir/ des na rang 'grel las/ byang sems rnams rgyal ba 'ga' zhig gi gsung las skyes pa'i sras yin pa la bden kha @013b byin gyi/ de'i sgos rgyal ba'i sras su 'jog pa la min no/ /kho na re/ rgyal ba dang rgyud gcig pa'i byang sems da lta med par thal/ bdag cag gi ston pa dang rgyud gcig pa'i byang sems da lta med pa'i phyir na ma khyab ste/ rgyal ba'i snga logs su byung ba da lta yod pa'i phyir/ der thal/ dngos po'i rgyu da ltar yod pa'i phyir ro/ /bdag cag gi ston pa dang rgyud gcig pa'i gang zag gi rgyud kyis bsdus pa'i chos rnams phan tshun rgyud gcig yin te/ de dag shes rgyud gcig gis bsdus pa'i phyir/ ces na/ rang dang rgyud gcig pa'i rnam mkhyen thob pa dang/ spangs bya spangs pa sogs dang 'grig gam dpyad/ 'di dag ni rnam bshad las/ rgyal ba 'ga' zhig gi sras yin pa ni bden mod kyi/ zhes dang/ sangs rgyas dang rgyud gcig pa'i brgyud pa'i zhes pa'i zhib cha 'don tshul yin no/ /sangs rgyas byang sems las 'khrungs par lung rigs gnyis kyis bsgrub tshul dang/ byang sems la bsngags pa'i dgos pa bzhi sogs mtha' dpyod sogs su gsal lo/ /lung 'di ni tshig rkang dang po gnyis kyi khungs yin no// ! //mtha' dpyod las/ yang sgra ni rtsa ba'i dang sgra gnyis kyi 'grel ba yin te/ zhes pa ltar 'grel tshe byang sems de dag la snying rje dang gnyis med kyi blo dang sems bskyed de rgyu'i gtso bo gsum yod ce na zer dgos pas snga 'grel du @014a @#/ /'gyur ro/ /rje btsun pa'i dbu ma las/ skabs 'dir bstan gyi chos gsum po de byang sems las dang po pa'i rgyur 'jog pa 'di 'phags pa klu sgrub kyi dgongs pa yin te/ zhes dang/ skabs 'dir bstan gyi snying rje dang 'bras dus kyi snying rje'i gzhi mthun yod pa'i phyir/ 'dod na/ rang 'grel las/ byang chub sems dpa' de dag ci'i rgyu can zhig yin zhe na/ snying rje sems dang gnyis su med blo dang/ /zhes sogs bshad pa mi 'thad par thal/ 'dod pa'i phyir/ zhes 'dir bstan chos gsum gang rung la byang sems las dang po pa'i sngon du 'gro rgyus khyab par gsungs nas/ 'grel bshad las/ byang chub sems dpa' de rnams kyi snying rje dang ldan pa'i sems dang don dam pa'i byang chub tu sems bskyed pa'i rang bzhin gnyis su med pa'i blo dang brda' las byung ba'i byang chub tu sems bskyed pa ni rgyu yin/ zhes pa'o/ /zhes 'grel bshad mkhan pos 'dir bstan sems bskyed rags pa brda' las byung bar 'dod pa yang ma bkag la/ rang 'grel las/ de la snying rje ni brtse ba ste/ 'di nyid du 'chad par 'gyur ba'i rnam pa dang ngo bo can no/ /zhes pa'i don snying rje chen po de thog mtha' bar gsum du gal che ba'i snying rje yin pas de 'dir bstan snying rje yin pa la dgongs zer ba 'dra ste/ de nyid kyi dbu ma las/ @014b byang sems las dang po pa'i sngon du 'gro ba'i snying rje yin na/ lam ma zhugs gang zag gi rgyud kyi snying rje yin dgos par thal/ thal 'gyur de la 'brel yod pa'i phyir/ 'dod na/ snying rje chen po chos can/ der thal/ de'i phyir/ rtags grub ste/ de theg chen sems bskyed kyi sngon du 'gro ba'i phyir/ zhes gsungs pa'i phyir/ de ltar rje btsun pa yab sras kyis rgyal sras rnams kyi rgyu zhes pa'i rgyal sras kyang las dang po pa kho nar 'dod dgos so/ /rang lugs la mtha' dpyod las/ de la thub dbang rang las dngos su 'khrungs pa'i byang sems bcu pa ba gcig kyang yod pa'i phyir/ zhes pa ltar/ rang 'grel las/ gnas skabs kyi khyad par dang/ yang dag par 'dzin du 'jug pa las so/ /zhes pa'i dngos bstan gyi byang sems 'phags pa 'jam dpal sogs yod dgos te/ de dag ci'i rgyu can zhig yin zhe na/ zhes pa'i de sgra bsnyegs pa yod pa'i phyir/ yang mtha' dpyod las/ sa mtshams yod de/ lam ma zhugs nas sangs rgyas kyi sa'i bar du yod pa'i phyir te/ 'dir bstan snying rje la de ltar yod pa skabs 'dir bstan cing/ zhes pa ltar rtsa bar 'dir bstan snying rje rgyu gzhan gnyis kyi rtsa bar 'jog tshul thog mtha' bar gsum du gal che bas bzhag pa gang zhig /snying rje chen po spyi tsam de tha mar @015a @#/ /gal che ba'i snying rje ma yin pa'i phyir te/ de la de yin min gnyis yod pa'i phyir/ sangs rgyas sa na yod par 'grub bo/ /snying rje so so'i skabs sems bskyed re bshad pa'i phyir zhes pa ltar/ rang 'grel las/ 'di ltar snying rje can ni zhes pa nas/ sangs rgyas nyid la nges par sbyar bar bya'o snyam du nges par sems bskyed par byed do/ /zhes thog mtha' bar gsum du gal che ba'i snying rje gsum dang/ dam pa'i chos kyi bdud rtsi zhes pa nas/ sangs rgyas nyid yang dag par thob par 'dod pa yin no/ /zhes dmigs yul gyis phye ba'i snying rje gsum gyi mjug tu gsungs pa de dag thams cad kyi skabs kyi 'dir bstan sems bskyed re yod pa de dag gi rtsa bar 'gyur tshul gsungs pas sems bskyed de ltar yod par 'grub la/ rang 'grel las/ de yi rtsa ba byang chub sems/ /ri dbang rgyal po ltar brtan dang/ /zhes pa drangs pas kyang sems bskyed dngos yod par 'grub bo/ /rnam bshad las/ gnyis su med pa'i blo zhes pas thog mar zhugs pa'i byang sems kyi rgyu shes rab kyang ston dgos so zhes pa'i kyang sgra smos pa/ rang 'grel las/ gnyis la mi brten ye shes lags/ /zhes pa drangs pas de la stong nyid rtogs pa'i ye shes yod par shes pas byang sems kyi lam @015b yod par 'grub bo/ /mtha' dpyod las/ kyang sgras byang sems kyi sngon 'gro'i de gtso bor bstan par ma zad/ byang sems skye 'phags dus kyi de yang bstan zhes bshad dgos pa'i phyir/ gsungs pas/ kyang sgras byang chub sems ni zhes pas sems bskyed bsgom pa'i skabs kyi de dang sems bskyed dngos gnyis bstan par ma zad gnyis su med blo zhes pas kyang byang sems kyi sngon 'gro'i de gtso bor bstan par ma zad byang sems skye 'phags dus kyi de yang bstan dgos te/ rtsa 'grel 'dir/ gnyis la mi brten ye shes lags/ /zhes pas dngos shugs gnyis ka'i don bshad pa'i phyir/ zhes 'grel dgos sam dpyad/ de ltar rnam bshad kyi tshig de bod kha cig gis/ 'dir bstan sems bskyed dang/ gnyis med kyi blo gnyis byang sems kyi sngon du song ba mi 'thad ces pa dang/ kha cig/ gnyis med kyi blo gzung 'dzin gnyis su snang ba med par 'dod pa dang/ 'grel bshad mkhan po dang gsum ka'i dgag par 'gro'o/ /tshig rkang gnyis kyis byang sems dbang rnon gyis chos gsum thog mar skye tshul gtso bor gsungs shing/ 'grel bar sangs rgyas sa'i bar gyi chos gsum gyi ngo bo spyir bshad pas 'dir bstan chos gsum sangs rgyas sa'i bar yod par lung rigs kyis bsgrub pa ni sngon med legs bshad yin no/ /go shAka @016a @#/ /sogs kyis 'dir bstan sems bskyed la sems bskyed mtshan nyid pa dang/ 'dir bstan byang sems la byang 'phags dgos par 'dod pa dang/ yig cha rnying pa dang/ bsod grags pas; snying rje dang sems bskyed la myong ba khyad par can skyes pa 'di la sgom byung gi myong ba thon dgos par 'dod pa rnams/ lhag bsam bskul ba las/ ji ltar shun pa de bzhin smra ba ste/ zhes pas lam ma zhugs pa'i sems bskyed de shun pa lta bu'i thos byung dang/ tshig la mi ltos par yul mthong tshe goms pas sems de ngam ngam shugs kyis skyes 'ong tshe bsam byung gi skabs dang/ sems bskyed mtshan nyid pa ro lta bu ni 'di la don sems yin zhes pas bsgrub pa ni/ don la bsam nas nges pa rnyed pa bsam byung du gsungs pa dang/ ngan 'gro'i rten la sems bskyed skyes pa sogs kyis 'grub bo/ /lud zhing la thog mar skyel gyi nyin re bzhin chu ltar mi dgos pas dpe don mi 'grig zhes pa dang/ snying rje chen po de snying rje sems dang/ zhes pa'i dngos bstan gyi snying rje sems su 'dod pa dgag pa ni/ yig cha rnying pa yin te/ de las chu lud yang yang bran pa med na myu gu skam pas zhes dang/ de de'i dngos bstan gyi snying rje'i sems ma yin par thal/ de'i dngos bstan gyi snying rje sems byung yin pa'i phyir te/ @016b de de'i dngos bstan gyi snying rje dang sems byung gi gzhi mthun yin pa'i phyir na ma khyab/ ces gsungs pa'i phyir/ yig cha rnying pa dang paN chen bsod grags pas/ theg chen rigs can dbang rnon gyis gzhan don khur 'khyer gyi snying rje chen po'i sngon nas stong nyid rtogs dgos par 'dod de/ yig cha rnying pa las/ de 'dra'i dbang rnon des dang por stong nyid rtogs pa'i lta ba rang rgyud la bskyed/ de'i rjes su snying rje chen po dang/ byang chub kyi sems rgyud la bskyed ces dang/ dbu ma rgyan las bshad tshul yod de/ zhes pa nas/ yang dag pa'i de kho na nyid shes pa 'tshol ba sngon du btang ste/ don dam pa'i bden pa lung rigs gnyis kyis legs par gtan la phab ste/ tshad mas nges par byas nas de'i rjes su lta ba ngan pa'i mun pas thibs pa'i gnas su gyur pa'i sems can thams cad la sdug bsngal dang bral 'dod kyi snying rje chen po kun du bskyed par bya ba la brten nas zhes dang/ bsod grags pa'i spyi don las/ gdul bya des snying rje chen po bskyed pa'i snga rol du stong nyid rtogs pa'i lta ba des par bskyed pa'i phyir te/ des thar pa don gnyer gyi blo bcos ma ma yin pa'i snga rol tu lta ba de bskyed par rgyud bla TIka chen du gsal bar gsungs pa'i phyir/ de ltar na yang sngar bshad pa dang mi 'gal te/ stong nyid rtogs zin bsgom pa'i @017a @#/ /dbang du mdzad pa'i phyir/ zhes dang/ de'i mtha' dpyod las/ des stong nyid rtogs pa'i shes rab sngon du btsal nas de'i rjes su snying rje chen po bskyed pa'i phyir te/ yang dag shes 'tshol sngon btang ste/ /zhes sogs gsungs pa'i phyir/ zhes gsungs pa'i phyir/ de dag la mtha' dpyod 'dir yang kho na re/ theg chen gyi rigs can dbang rnon gyis thar pa don gnyer gyi blo skyed pa'i snga rol nas stong nyid rtogs dgos par thal/ des thar pa thob par dam bca' pa'i snga rol tu stong nyid rtogs dgos pa'i phyir na ma khyab cing/ zhes dang/ rtsa bar 'dod mi nus te/ las rgyu 'bras dang thar pa'i phan yon 'khor ba'i nyes dmigs gang yang ma bstan par stong nyid ston mi rung ba'i phyir te/ zhes rigs pa drug cu pa drangs nas dgag tshul ni/ sngon du las 'bras dang/ 'khor ba'i nyes dmigs bstan pa las las 'bras la yid ches dang/ sdug bden gyi nyes dmigs mthong nas 'khor ba la btson ra lta bu'i blo skyes te/ de las thar bar 'dod pa na/ stong nyid ston pa yin gyi/ de'i sngon du bstan na rgyud brlag par 'gyur pa'i phyir te/ rigs pa drug cu pa'i dar TIka las/ rim pa dngos dang/ de las 'das pa'i nyes dmigs/ de'i gnyen po'o/ /dang po ni/ de nyid 'tshol @017b la zhes sogs drangs nas/ thog ma kho nar ni phung po dang/ khams dang/ skye mched thams cad yod do/ /zhes brjod par bya'o/ /zhes pa nas/ 'khor ba la chags pa dor bar 'dod pa bdag la chags pa la sogs pas/ chags pa med par 'gyur ba'i gang zag la dus phyis ni rnam par dben pa zab mo stong nyid bstan par bya'i/ snga rol du ni ma yin no/ /gnyis pa ni/ rnam par dben don mi shes la; ;thos pa tsam la 'jug byed cing/ /gang dag bsod nams mi byed pa/ /skyes bu tha shal de dag brlag /ces dang/ gsum pa ni/ las rnams 'bras bu sogs drangs nas rkang pa dang po gnyis kyis sdug kun dang/ phyi ma gnyis kyis 'gog lam bstan to/ /zhes dang/ rgyal tshab kyi de'i zin bris las kyang gsungs pa'i phyir dang/ de ltar bstan pas de'i sngon du 'khor ba la btson ra lta bu'i blo skyes na de las thar pa'i thar pa don du gnyer dgos pa'i phyir te/ dper na 'jig rten na rig pa can zhig btson rar bcug na de las thar pa'i thabs sgo sna tshogs nas byed pa bzhin yin pa'i phyir te/ lam rim las de thob par 'dod pa ni thar ba don du gnyer ba'i blo'o/ /zhes dang/ ci ltar btson ni btson ra las/ /zhes sogs sngar drangs pa ltar me 'bar ba'i khyim du chud pa dang/ btson rar chud pa'i btson gnas @018a @#/ /de mi 'dod cing de dag nas thar bar 'dod pa'i blo ji tsam skyes pa de lta bu'i blo'i tshod du bskyed par bya zhing/ zhes gsungs pa'i phyir/ des na lam sgron 'grel ba phul byung dgyes pa'i mchod sprin las/ thar pa don gnyer gyi blo dang/ nges 'byung gi bsam pa la snga phyi'i khyad par yod dam med/ yod na/ nyin mtshan kun tu thar pa don gnyer blo/ /byung na de'i tshe nges 'byung skyes pa lags/ zhes pa ji ltar drangs/ med na kun mkhyen bla ma'i phar phyin gyi yig char/ thar pa don gnyer gyi blo mtshan nyid tshang ba skye ba la bdag med rtogs dgos par gsungs pa dang/ dbu ma'i yig char/ dbang rnon gyis thar pa don gnyer gyi blo skye ba la stong nyid rtogs dgos par gsungs pa ji ltar yin zhe na/ 'khor ba mtha' dag me mur gyi 'obs ltar mthong nas 'di las thar pa zhig ji ltar yongs na snyam pa'i skyo shas nyin mtshan kun tu rtsol med du skyes pa na nges 'byung gi bsam pa skyes pa yin kyang/ thar pa thob pa zhig bdag gis bya'o/ zhes dam bca' thag bcad pa'i tshul gyis don du ma gnyer bar du thar pa don gnyer gyi blo skyes pa ma yin la/ zhes pa dang/ rang rgyud pa'i lugs la rje'i tshad ma'i lam sgrig drangs nas thar pa don gnyer gyi blo skye ba la stong bdag med rtogs dgos par bsgrub pa rnams @018b kyang 'di dang 'gal snyam ste/ dbu ma'i yig char spyi don skabs su rgyud bla'i rnam bshad las/ don 'di la dpag nas dbang rnon thar pa tsam don gnyer gyi blo skye ba la yang stong nyid rtogs pa sngon du song ba dgos par shes par gyis/ zhes gsungs pa'i phyir/ gsungs nas/ rtsod spong skabs de la zhib cha phye ba drangs ma thag pa de'i phyir dang/ phar phyir yig char yang/ thar pa don gnyer gyi blo mtshan nyid tshang ba skye ba la stong bdag med gnyis rtogs dgos par lam sgrigs kyis bsgrub pa yin gyi thar pa don gnyer gyi blo tsam la ma yin pa'i phyir te/ rang kho na'i don du thar pa don du gnyer ba skyes bu 'bring gi mtshan nyid du gsungs nas/ lam sgron las/ gang zhig rang zhi tsam don gnyer/ /zhes pa drangs pa'i phyir dang/ bdag med ma rtogs pa'i nyan rang tshogs lam pa la thar pa don gnyer gyi blo ma skyes na thar ba don gnyer gyi blo dang thar par bgrod pa'i lam go bzlog nas skye bar 'gyur ba'i phyir/ des na nyams mgur las/ 'khor bar gang gis bcings pa shes pa gces/ /zhes pa ltar thar pa don gnyer gyi blo mtshan nyid tshang ba skye ba la 'khor ba'i rtsa ba ma rig par shes nas de la zhen pa ngang gis log ste/ de gcod byed kyi thar lam dang thar pa don du gnyer dgos la/ thar pa tsam don du gnyer ba la sdug @019a @#/ /bden gyi nyes dmigs mthong bas chog gi snga ma ltar mi dgos pa'i phyir te/ nyams mgur las/ sdug bden nyes dmigs bsam la ma 'bad na/ /thar pa don gnyer ji bzhin mi skye zhing/ /zhes gsungs pa'i phyir/ dper na/ nad kyi rgyu ngos ma zin par nad las thar pa'i thabs dang/ btson rar chud pa'i rgyu ngos ma zin par de las thar pa'i thabs don du gnyer ba bzhin no/ / des na rigs nges dbang rnon gyis sdug bden gyi khyad chos mi rtag sdug bsngal sogs nges nas thar pa don gnyer gyi blo sogs 'bring dang thun mong ba'i lam la blo sbyangs nas rang nyams la dpag ste rgyu 'bras man ngag dang po bzhi sngon du btang/ sems can thams cad sdug bsngal mtha' dag las skyobs 'dod khur du 'khyer pa'i snying rje skyes/ de nas khur de rang gis nus mi nus sems dri ma dang bral rung mi rung la thug par shes nas lta ba 'tshol te/ sems don dam par med kyang dri ma dang 'bral rung bar nges pa na de dag gi don du rdzogs byang thob par dam bca' ba yin no/ /de ltar min na 'og tu rdor gcod dang/ brgyad stong pa rtsa shes gsum gyi ched du bya ba'i gdul bya dbang rnon stong nyid rtogs ma thag pa bzhag pa gang zhig/ de theg chen rigs can yin pas gzhan don khur 'khyer gyi snying rje chen @019b po yod dgos pa'i phyir/ yig cha rnying ba'i dbu ma rgyan gyi 'grel legs pa lta bur snang yang/ de ni stong nyid nges nas snying rjes kun nas bslang ste sems bskyed pa'i don yin gyi/ de'i rjes su snying rje gsar du skyes par gsungs pa yin no/ /yang lam sgron 'grel ba 'dir/ dbu ma'i yig char skyes bu chen po'i snying rje chen po'i sa mtshams lhag bsam gyi snga rol nas bzhag pa dang/ phar phyin yig char/ skyes bu chen po'i ma mtha' theg chen lam ma zhugs kyi lhag bsam nas bzhag pa dang/ 'bring gi ya mtha' snying rje chen po lhag bsam skye kha'i bar du bzhag pa gnyis kyi dgongs pa byams pa lhag bsam dang snying rje lhag bsam gnyis dang por skyes dus gcig dngos su skyes na cig shos shugs la skyes pa yin zhing/ lhag bsam rnam dag ni/ sems can bde ba dang ldan pa dang/ sdug bsngal dang bral ba gnyis ka bdag gis bya'o/ /zhes khur 'khyer gnyis ka blo gcig la dngos su tshang ba yin pas/ skyes bu chen po'i sa mtshams ni/ lhag bsam rnam dag gi snga rol snying rje lhag bsam rgyud la skye ba nas bzhag na dbu phar gnyis ka gung 'grig pa'i zhib cha thon pa yin zhes gsung rab gdams ngag tu shar ba'i rigs pa'i dbang phyug bdag gi bla ma bsod nams dbang gi @020a @#/ /rgyal po'i sdes gsungs so/ /zhes lhag bsam rnam dag dang/ lhag bsam tsam la khyad phye ba legs kyang blo gcig la gnyis ka tshang gsungs pa/ blo gcig la gnyis ka shar ba la byed na/ yig char/ rnam rtog gcig la 'dzin stangs de 'dra gsum mi rung ba'i phyir/ zhes sdug bsngal dang bral na snyam pa dang/ bral bar gyur cig snyam pa dang/ bral bar bya'o snyam pa gsum rtog pa gcig la mi 'char gsungs pa'i 'di la'ang 'dra ba'i phyir dang/ blo gcig po de lhag bsam gnyis kar 'gyur ba'i phyir/ de 'dod na/ tshad med bzhi sems gcig gi 'khor na yod par thal lo/ /des na rje bstan pa'i sgron me'i gsungs rgyun la tshong thag bcad pa dang rin byin pa lta bur gsungs pas/ sdug bsngal dang bral ba bdag gis bya'o/ /zhes khur 'khyer gyi bsam pa skyes pa dang/ 'di ltar byas na sdug bsngal las 'don nus so snyam nas 'don pa'i bya ba la 'jug pa'i blo la byas na chog gam snyam ste/ dper na bu gcig pu dong du lhung ba na phas de 'don pa dang du blangs pa dang/ de 'don pa'i phyir dong nang du babs de 'don pa'i bya ba byed pa'i bsam pa bzhin no/ /de ltar byas na blo gros rgya mtshos zhus pa'i mdo las/ khyi'u de'am phyogs der song ste/ zhes @020b pa nas/ brtabs pa'i tshul gyis bu gcig pu de 'don pa'i blos sred par byas te skyug bro ba med par mi gtsang ba'i dong der babs te bu gcig pu phyung bar gyur to/ /zhes 'don pa'i blos sred par byas pa dang/ dong der babs te phyung ba la so sor sbyar na legs so/ /snying rje sems dang zhes pa'i sems de 'og gi sems bskyed du 'gyur rgyur gsungs pas sems bskyed dang mtshungs ldan gyi snying rje 'jog gam 'jog na/ de skyobs 'dod rnam can dang/ byang chub thob 'dod kyi rnam can gnyis kar thal ba sogs dpyad bya mang yang re zhig de tsam mo/ /zhi lhag ma thob pa'i byang sems kyi snying rje chen po de tshad med min par gsungs pas/ snying rje tshad med kyi sems rten mdzod ltar sa drug la brten par mngon no/ /byang 'phags rgyud kyi snying rje tshad med de gnyis ka yin pa'i mu yin gsungs pa la/ kho na re/ de snying rje chen po ma yin par thal/ de la 'phen byed las dang mtshungs ldan yod pa'i phyir te/ tshangs pa'i gnas bzhi re re la de yod pa'i phyir zhe na/ byang 'phags rgyud la shes par gyur pa'i 'phen byed las med zer ram/ yang na de la gnyis ka yin pa yod pa'i don yin la/ de bzhin du sems can thams cad sdug bsngal dang bral na dang bral bar gyur cig snyam pa'i snying rje sangs rgyas kyi @021a @#/ /sa'i bar du 'jog pa sems can thams cad sangs rgyas kyis la bkod na snyam pa'i blo der yod pa sogs kyis 'grub pas/ skyes bu chen po'i rgyud kyi snying rje chen po la skyes bu chen po'i snying rje chen po mi dgos/ zhes bshad chog gam dpyad/ /nyan rang la snying rje chen po phal pa tsam yang med la/ tshogs gnyis mtshan nyid pa yod par 'dod pa bsod grags pa dang rje drung shes rab dbang sogs yin te/ snga ma'i dbu ma'i mtha' dpyod las/ nyan rang gi rgyud la snying rje chen po med pa'i phyir te/ de'i rgyud la lhag bsam rnam dag med pa'i phyir dang/ rnam 'grel las/ snying rje dman pa nyid phyir dang/ /zhes dang/ don gsal las/ snying brtse ba dang bral ba'i phyir/ zhes sogs gsungs pa'i phyir/ rgyud bla'i TIka chen las/ de yod par bshad pas 'gog mi rigs so zhe na/ 'gog rigs par thal/ rje yab sras kyi TIka chen gzhan rnams las bkag cing ma bshad pa dang/ zhes pa nas/ gal te gsal na'ang/ de nyid las/ shes sgrib kun btags bshad pa khas mi len pa dang mtshungs par drang don du bkral chog pa'i zhes dang/ rje drung pa'i dbu ma las/ nyan rang gi snying rje dang khyad par shin tu che de/ nyan rang gi rgyud la snying rje chen po tsam yang med pa'i @021b phyir/ zhes gsungs pa'i phyir/ 'di dag gis nyan rang la sems can tshad med pa la dmigs pa yod kyang/ sems can thams cad la dmigs pa'i snying rje med par 'dod de/ snga ma'i dbu ma'i spyi don las/ nyan rang gi snying rje tshad med lta bu snying rje chen por mi 'gyur te/ dmigs pa sems can tshad med pa la dmigs kyang sems can thams cad la dmigs pa ma yin pa'i phyir/ zhes gsungs pa'i phyir/ 'di dag gis snying rje chen po dang 'dir bstan snying rje chen po la khyad par med par yang 'dod de/ rnam bshad las/ nyan rang gi snying rje dang khyad par shin tu che'o/ /zhes pa la brten pa'i phyir/ des na yig char/ nyan rang la snying rje chen po yod par sgom rim gnyis dang/ lam rim gnyis kyis bsgrub pa ni rje dang ston pa'i dgongs pa yin te/ blo gros rgya mtshos zhus pa las/ khye'u de'i ma dang gnyen gyis khye'u de mi gtsang ba'i dong du lhung ba de mthong la mthong nas kyang cho nges chen pos 'debs shing mya ngan byed la smre sngags 'don te/ mi gtsang ba'i dong der zhugs nas khye'u de 'don par mi byed do/ /zhes pa nas/ gdon par nus pa ni med pa nyan thos dang/ rang sangs rgyas kyi theg pa pa'i gang zag rnams kyi tshig bla dwags so/ /zhes dang/ lam rim las/ ma dang gnyen ni @022a @#/ /sems can 'khor bar ltung ba mthong nas mya ngan dang smre sngags 'don gyi gdon par nus pa med pa nyan rang dang tshong dpon dang khyim bdag ni byang chub sems dpa' dang dpe don du sbyar nas gsungs te/ zhes gsungs pa'i phyir/ der sems can tsam las thams cad ma gsungs pas so zhe na/ de'i gong du lam rim las/ des na sems can thams cad bdeb dang phrad na dang/ sdug bsngal dang bral na snyam pas mi chog gi/ rang gis de dag bsgrub pa'i khur snying thag pa nas 'khyer dgos pas khyad par rnams phye bar bya ste/ blo gros rgya mtshos zhus pa las/ zhes gsungs pa'i phyir/ 'dir chos dang dmigs med la dmigs pa'i snying rje'i mtshan nyid kyi zur du rnam pa sdug bsngal las skyob 'dod kyi brtse ba gsungs pa sems can tsam la dmigs pa'i snying rje'i skabs ltar skyes bu chen po'i zhes sbyar dgos te/ spyir de la skyob 'dod rnam can mi dgos pa'i phyir te/ rnam 'grel le'u gnyis pa'i mtha' dpyod las/ rang gi dmigs yul du gyur pa'i sems can la dmigs nas sdug bsngal dang bral bar 'dod pa'i sdang med kyi dge rtsa de snying rje'i mtshan nyid/ dbye na/ sems can la dmigs pa'i snying rje/ chos la dmigs pa'i snying rje/ dmigs med kyi snying rje gsum yod/ @022b zhes dang/ mtshan gzhi nyan rang slob pa'i mi rtag sogs kyi rnam pas drangs pa'i snying rje dang/ zhes gsungs pa'i phyir/ des na de gsum la snying rje chen po yang mi dgos sam snyam ste/ mtshan nyid skabs rang gi dmigs yul du gyur pa'i sems can la dmigs nas zhes gsungs pa'i phyir ro/ /'dir sdang med kyi dge rtsa gsungs pa/ mdzod las/ zhe sdang med byams snying rje yang/ /zhes pa ltar la/ yig char/ mi 'tshe ba yin par thal/ 'dod pa'i phyir/ zhes phung po lnga'i rab byed drangs pas mngon pa gong 'og gi khyad yin nam/ dbu ma'i zin bris las/ snying rje chen po la zhe sdang med pa dang/ rnam par mi 'tshe ba gnyis kyi dbye ba yod pas na dngos zin la de gnyis su ngos bzung ba'am/ yang na/ snying rje chen po de rnam par mi 'tshe ba la ngos bzung nas/ zhes sdang med pa'i dge rtsa'i nge ber 'phos pas na/ de'i ngo bo ngos 'dzin tshul yig char de ltar bshad pa'i tshod red/ ces gsungs pas dpyad/ yig char/ yan lag bcu gnyis kyis 'khor ba'i nyon mongs las sdug bsngal gyi lam gsum gyi go rim ma nges pa dang/ zhes pa rtsa 'grel dag gis yan lag bcu gnyis 'khor ba yin par 'grub pas 'khor byed dang 'khor ba so sor 'jog pa mi 'thad do/ /chos la dmigs pa'i snying rje'i sgra don chos tsam la @023a @#/ /btags pa'i sems can la dmigs zhes pa/ ser ra'i yig char/ sems can mi rtag par nges na rtag gcig rang dbang can gyi sems can med par nges nus/ de nges pa na de la brten nas phung po las ngo bo tha dad pa'i sems can med par nges pa'i sgo nas sems can phung sogs kyi chos tsam la brten nas btags par khong du chud nus pa'i phyir/ gsungs kyang/ rtag gcig rang dbang can gyi rtag pa grangs can pas tshe 'di'i bdag ma 'gag par phyi mar 'gro bar 'dod pa lta bu rgyun gyis mi 'jigs pa'i rtag pa la byed pas/ des stong pa skyes bu chung dus kyang rtogs la/ phung po las ngo bo tha dad pa'i sems can med par rtogs pa la rang skya thub pa'i bdag gis stong pa rtogs dgos snyam ste 'chad par 'gyur ro/ /kho na re/ de 'thad par thal/ rnam bshad las/ sems can skad cig gis 'jigs par nges pa na rtag gcig rang dbang can gyi sems can yod pa blo ngo der khegs pas/ phung po las ngo bo tha dad pa'i sems can med par nges par nus so/ /de'i tshe sems can ni phung po'i tshogs tsam la btags par khong du chud pas/ phung sogs kyi chos tsam la btags pa'i sems can dmigs par 'gro bas/ zhes gsungs pa'i phyir zhe na/ de ni rang @023b sde kun gyis 'dod pa'i rang dbang gi bdag med de min par/ skad cig gis 'jig pa med pa'i rtag pa dang/ las nyon sogs kyis g.yo ba'i cha med pa'i gcig pu dang/ gdags gzhi'i phung sogs skye 'jigs byed pa la mi ltos pa'i rang dbang can gyi sems can yod pa blo ngor khegs pas/ phung po skye 'jig byed pa na de las ngo bo tha dad pa skye 'jig mi byed pa'i sems can dmigs par 'gro/ zhes bshad na gong du sems can skye 'jig ni phung po skye 'jig la btags pa'am rag las par khong du chud pas/ gdags chos tsam 'jig pa'i dbang gis 'jigs pa'i sems can dmigs par 'gro/ zhes bshad na gong du skad cig re re la 'jig pa'i 'du byed kyi sdug bsngal thog tu 'bab pa dang/ rang 'grel las/ tshul bzhin ma yin pa'i rnam par rtog pa'i rlung gis rab tu bskyod pa'i nang na gnas pa zhes sogs rtsa 'grel dang 'grig snyam la/ rje pra dznyA'i zhabs kyi lam rim zin bris las/ skye ba len pa las las rang la rang dbang med par rtogs pas rtag gcig rang dbang can gyi zur gyi rang dbang ba bcad/ rgyun gyis mi rtag pa rtogs pas/ rtag pa bcad/ de gnyis khegs pas gcig pu'ang khegs 'gro bas chung dus rtag gcig rang dbang can gyi bdag med kyang rtogs rung dam/ zhes gsungs pas spyir rtag gcig rang dbang @024a @#/ /can gyi don de ltar ro/ /yang rnam bshad las/ snying rje dang po 'dis rtag gcig rang dbang can gyi sems can la dmigs dgos par 'dod pa ni mi rigs par smra ba ste/ zhes pa nas/ gang zag gi bdag med thun mong ba dang/ de kho na nyid kyi lta ba rnyed pa'i rgyud la yang/ zhes de'i stong pa rags pa'i bdag med du 'jog rgyur gsungs pa la/ yig cha rnying pa dang/ kha rgya'i dogs slong du yang rnam bshad kyi lung de ser ra'i yig cha ltar gsungs pas rtag gcig rang dbang can gyi bdag gi stong tshul gnyis 'byed dam dpyad/ /'dir bden 'dzin gyis dmigs pa'i gtad so dang/ de'i zhen sa dang/ de'i zhen yul don gcig gsungs pa/ mthar 'dzin dmigs gtad thams cad 'jig byed pa/ /zhes pa ltar gang la zhen pa de'i rnam par skyes pa'i don de la zhen sa zhes bshad la/ rnam 'grel skabs zhen sa ni/ snang ba don du med pa de nyid yin la/ zhes snang yul la gsungs pa gang shar nas rtog pa'i zhen sa dang/ sgras ba rda' sbyor sa la byed pas mi 'gal la/ dbu ma'i zin bris las/ ngar 'dzin gyi zhes yul de'i zhen sa zhes bshad gyi/ spyir bden 'dzin gyi zhen sa dang/ de'i snang yul gnyis don gcig par blo rig yig cha ltar khas len dgos so/ / @024b gsungs/ de bzhin du dmigs pa'ang rnam pa dang/ dmigs yul la byas pa'i skabs gnyis yod do/ /snying rje phyi ma gnyis la mi rtag pa sogs kyi rnam pa shar yang mi rtag pa de'i yul min pas de'i rnam can min no/ /rje btsun pa'i dbu ma las/ bdag med phra rags gang yang ma rtogs pa'i gang zag gi rgyud la snying rje dang po kho na yod/ phyi ma gnyis med/ bdag med rags pa rtogs/ phra mo ma rtogs pa'i gang zag gi rgyud la snying rje dang po gnyis yod kyangs gsum pa med/ bdag med phra mo rtogs pa'i lam ma zhugs nas sa bcu'i bar du snying rje gsum ka yod/ snying rje phyi ma gnyis lam ma zhugs nas sangs rgyas kyi sa'i bar na yod/ zhes dang/ rje drung pas kyang de ltar gsungs pas/ yig char/ mkhas pa de'i rjes su byung ba la la na re/ gsungs pa de dag yin 'dra bas/ dag sar snying rje dang po yod par bshad do zer dgos snyam la/ gnyis pa'i the tshom de yang bsal lo/ /zhes pa yang rje drung pa'i dbu ma las/ sems can mi rtag par ma rtogs pa'i gang zag gi rgyud la mi rtag pa dang rang bzhin med pa'i khyad par du byas pa'i sems can la dmigs pa'i snying rje dang/ zhes pa nas/ sems can rang bzhin med par ma rtogs pa'i gang zag gi rgyud la yang snying rje de dag yod @025a @#/ /bas ma nges so/ /zhes dang/ de dang rje btsun pa'i yig cha gnyis kar/ sems can mi rtag par tshad mas grub pa'i gang zag gi rgyud kyi snying rje gang zhig /ces mi rtag pa sogs ma rtogs pa'i gang zag gi rgyud la mi rtag pa sogs kyi khyad par du byas pa'i sems can la dmigs pa'i snying rje yod snyam pa'i dogs pa de yang rgyu sogs la mi ltos par de'i khyad par du byas pa mi 'char par bsgrub pa 'dis bsal/ zhes pa'o/ /lugs gnyis pa la yang sogs ni rje btsun pas/ rgyun mtha'i bar chad med lam pa'i rgyud la snying rje chen po med pa ni rigs pa dang 'gal bas mi 'thad la/ yod na de sems can tsam la dmigs pa'i snying rje las 'os med pa'i phyir/ zhes dang/ sa brgyad pa pa'i rgyud kyi snying rje yin na/ bden med rtogs pa'i shes rab kyis dngos su zin pas khyab par thal/ de yin na dmigs med la dmigs pa'i snying rje yin dgos pa'i phyir/ 'dod na/ de yin na/ bden med rtogs pa'i shes rab mngon du gyur pa'i rgyud la ldan pas khyab pa dang/ de'i rgyud kyi snying rje yin na de'i rgyud la mngon gyur du yod pas khyab par thal/ 'dod pa'i phyir/ zhes dngos su zin pa la zin bya zin byed mngon gyur pa dgos par 'dod pa la dmigs med la dmigs pa'i @025b snying rje lkog gyur pa yod par kho rang gi yig char/ 'dis bar chad med lam la gnas pa'i sems dpa'i rgyud la kun rdzob sems bskyed yod pa yang thon 'dug go /zhes sems bskyed lkog gyur pa 'dod pa'i phyir/ zhes bsgrub cing/ sa brgyad pa'i mnyam bzhag pa'i rgyud kyi de lta bas dngos su zin par 'dod mi nus te/ de'i tshe gang zhag de'i ngor te rgyud la snying rje sogs gnyis snang can gyi blo mtha' dag mngon gyur pa log pa'i phyir te/ slob pa mnyam bzhag pa yin pa'i phyir/ khyod rang ltar na/ mngon gyur pa min na dngos su ma zin pas khyab pa yang yod de/ sngar gyi lung de'i phyir dang/ lung de'i mjug tu zhib tu ngag las shes par bya'o/ /zhes pa ltar/ rigs pa de'i rgyud kyi blo yin na/ des dngos su zin pas ma khyab pa'i phyir te/ khyab na/ nyan thos mthod lam mnyam bzhag pa'i rgyud kyi nyon mongs sogs kyang dngos su zin par thal ba 'phangs pa'i phyir/ zhes phyogs snga'i 'dod pa bkag pa yin gyi rang lugs la mnyam bzhag pa'i rgyud kyi de lta bas dngos sum zin par gsungs pa min no/ /'dir dbang shes rnams zhes pa spyir slob pa'i dbang shes rnams lam bsgom pa sogs la mi ltos pas des zin pa med pa shes ched du gsungs kyi mnyam bzhag pa'i rgyud kyi dbang shes min no/ /'di la snying rje@026a @#/ /gnyis ka bdag med rags pa rtogs pa nas bzhag pas mi rtag pa dang bdag med rags pa dus mnyam du rtogs par 'dod do/ /yig cha rnying par/ snying rje gsum gyi bdag rkyen gsum 'dzin stangs kyi dmigs pa'i sgo nas 'jog pa'i don yin gyi zhes dang/ 'gro ba rnams skad cig gis g.yo zhing 'jig par rtogs pa'i blos thun mong ma yin par drangs nas zhes sogs gsungs pas; yig char/ phyis kyi mkhas pa gzhan dag gsungs pa de yin la/ lugs snga ma 'thad pa 'dra zhig byas zhes pa yang/ de nyid las/ rang bzhin med pa'i khyad par du byas pa'i sems can la dmigs pa'i snying rje de/ dmigs med la dmigs pa'i snying rje'i mtshan nyid zer na/ mi 'thang par thal/ sems can la dmigs pa'i snying rje yin na/ rang bzhin med pa'i khyad par du byas pa'i sems can la dmigs pa'i snying rje yin dgos pa'i phyir te/ sems can rtogs pa'i tshad ma yin na/ rang bzhin med pas khyad par du byas pa'i sems can rtogs pa'i tshad ma yin dgos pa'i phyir/ zhes pa nas/ sems tsam pas mdo sde pa'i phyi rol don du 'dod pa'i gzugs gzhal bya/ zhes pa nas/ shes pa'i bdag nyid du gyur pa'i gzugs dngos su rtogs pa'i tshad @026b ma 'bras bur byas pa'i tshad 'bras kyi rnam bzhag de tshad 'bras kyi rnam bzhag 'thad ldan du khas len pa'i phyir/ zhes sogs gsungs pas yin la/ khyad par du byas nas zhes pa yang mi 'thad par gsungs pas/ snga ma ji bzhin min no/ /yig char/ lta ba des snying rje de dngos su zin na lta ba de snying rje de'i dngos rgyu yin dgos par thal/ zhes pa dang/ de yin na/ de'i sngon de ma thag tu dgos par ston pa ma yin pa'i phyir/ gsungs pas de yang bkag pa yin no/ /de dgag pa'i lung rigs yig char gsal la/ byed pa po sogs la ma ltos par bden med kyi khyad par du byas nas yod par thal/ gsungs pa gnad che ste/ rgyu'am rgyu mtshan sogs dang/ gang zag gis bstan pa dang/ sgras brjod pa dang/ blos bden med du bzung ba gang rung la brten nas blo gzhan la don sgra lta bu bden med dang 'dres par shar ba'i snang cha'i sgra lta bu la bden med kyis khyad par du byas pa'i sgra zhes pa yin gyi de 'dra la ma ltos par sgra bden med yin pa tsam gyis mi 'jog /ces pa'o/ /phyogs sda thams cad kyis de ma mkhyen pas nong ngo/ /de'i rgyu mtshan gyis mi rtag pas khyad par du byas pa'i sgra sgra mi rtag par sgrub pa'i bsgrub byar bzhag ste/ de ni sgra de mi rtag pa'i @027a @#/ /khyad par dang ldan tshul bsgrub pa yin la/ de 'char tshul de yin pa'i phyir ro/ /des na yid shes rnams la yul de dpyad nas 'char dgos pas/ mi rtag pas khyad par du byas pa'i sgra 'char tshe des khyad par du byas nas 'char dgos la/ dbang shes de ltar min pas de 'char tshe khyad par du byas nas 'char mi dgos la/ de'i rgyu mtshan gyis grangs can rgyud kyi dbang shes la bden med kyi khyad par du byas pa'i sgra snang yang grangs can pa la mi snang ngo/ /de dag ltar na grangs can pas mi rtag par gyur pa'i sgra mi rtag par gyur pa'i sgra yin par rtogs dgos pas sgra mi rtag par rtogs par thal ba sogs las 'os med pas rigs pa'i gnod byed kyang mi zad pa 'ong pa'i phyir/ gsungs pa yin no/ /tshad 'bras kyis mi gnod de/ de ni mdo sde pa la khyod kyis phyi don gyi gzugs gzhal bya zer na yang/ gzugs rtogs pa'i tshad mas don la shes pa'i bdag nyid yin pa'i gzugs zhig rtogs dgos zer ba yin gyi shes pa'i bdag nyid du gyur pa'i gzugs rang ldog ma yin pa'i phyir/ bsod grags pa'i dbu ma'i mtha' dpyod las/ bden med kyis khyad par du byas nas sems can la ma dmigs par mi rtag pa'i khyad par du @027b byas te zhes snying rje gnyis pa'i mtshan nyid la sbyar nas/ sa bdun pa'i rjes thob par du snying rje gsum ga dang/ sa brgyad pa thob pa nas dmigs med la dmigs pa'i snying rje gcig pu yod do/ / gsungs pas/ yig char/ 'di gnyis 'gal ba'i lung rigs ci yang med do/ /zhes pa yan gyis de yang bkag go /dbu ma'i zin bris las/ mi rtag pa'i khyad par du byas pa'i sems can chos can/ snying rje gsum ga'i dmigs yul yin par thal/ zhe na/ skyon can no/ /gsungs kyang/ yig char/ snying rje gsum gyi dmigs yul yin khyab mnyam ma yin par gsungs pas/ bden med ma rtogs pa'i gang zag gi rgyud la bden med kyi khyad par du byas pa'i sems can la dmigs pa'i nyon mongs yod kyang thabs kyi cha med zer dgos par 'gyur ro/ /'o na/ sems can tsam la dmigs pa'i snying rjes sems can thams cad la ma dmigs par thal/ de la ma dmigs pa'i phyir na ma khyab ste/ de 'dra'i sems can dang ldog chas phye ba'i sems can la dmigs pas sems can lhag lus yod par mi 'gyur ro/ khyad par gnyis kyis khyad par du ma byas pa'i sems can chos can/ snying rje phyi ma gnyis kyi dmigs pa yin par thal/ sangs rgyas 'phags pa'i rgyud kyi @028a @#/ /snying rje'i dmigs pa yin pa'i phyir te/ rnam mkhyen gyi dmigs pa yin pa'i phyir/ der thal/ gzhi grub pa'i phyir na/ zin bris ltar skyon can zer ram/ ma khyab zer na/ sangs rgyas 'phags pa'i rgyud kyi snying rje de sems can tsam la dmigs pa'i snying rje yin par thal/ de la dmigs pa'i phyir/ ma khyab na/ snying rje phyi ma gnyis kyis de la dmigs na ci skyon/ yang de snying rje phyi ma gnyis kyis dmigs par thal/ de gnyis kyis khyod mi rtag pa dang bden med kyi khyad par byas nas dmigs pa'i phyir te/ khyod khyad par gnyis kyi khyad par du byas nas dmigs pa'i blo yod pa'i phyir te/ khyad par gnyis kyi khyad par du byas pa'i khyod yod pa'i phyir/ sogs spro bya mang yang re zhig de tsam mo// ! //rnam bshad ltar 'dir yang klu sgrub kyi gzhung gsum dang/ bzhi brgya ba'i lam gyi rim pa ji bzhin gsungs pas snying rje dang po gnyis kyi skabs su chung 'bring thun mong gi lam rim yang bstan par byas na shin tu legs so/ /stag tshang pas/ thal rang gi sgom tsam yang mi mthun par 'dod ces pa thal 'gyur pa'i lugs la spyod phyogs ci yang yid la mi byed par sgom pa stong nyid sgom pa yin zer ba de yin la/ thal rang gi gzhung de dag gi de nyid tshol tshul sogs mthun par go na khegs zhes pa'o/ /rnam @028b bshad snying po rgyan las/ sngam kha cig gis/ sa bcu'i mnyam bzhag la chos nyid mthong ba la khyad par med kyang/ chos sku mthong ba la khyad par yod do zhes zer ba ni/ 'gog bden don dam bden par 'dod na 'di ltar rigs mod kyang/ zhes pa'ang chos dbyings bstod pa ltar yin la/ byang chub sems dpa'i sde snod dang/ gsang ba bsam gyis mi khyab pa'i mdo las gsungs pa'i chos sku ni rdo rje lus la byed pas/ de byang chub sems dpa'i rgyud kyi chos sku yod pa'i sgrub byed tsam mo/ /de brtan pa mi shig pa gsungs pas/ de la khams gsum gang rung gi lus med la/ de'i byad gzugs can yod med sogs dpyad gzhi mang ngo/ / 'dir sa dang po'i sgom lam yod pa rgyud bla dar TIka las/ sa dang po'i skad cig dang po shes bzod skad cig ma bcu drug gis bsdus pa mthong ba'i lam yin yang/ sa dang po ni bskal ba du ma'i yun gyis rdzogs dgos pas sgom lam gyis bsdus pa yang yod par shes par bya'o/ /zhes pa ltar gsungs nas gsung 'di la dpyad rgyu yod kyang re zhig 'di gzhir byas/ zhes dang/ 'og tu yang dpyad gzhi che ba kho nar snang/ zhes gsungs pas rang lugs su ma byas te/ gong du sa dang por mthong spang spong nus la/ gnyis par sgom spang chen po'i chen po spong nus pa sogs zhes rnam bshad las/ sgom spang gi nyon mongs lhan @029a @#/ /skyes che 'bring drug sa gnyis pa nas bdun pa'i bar gyis spong bas sa 'di'i spangs bya la dgongs so/ /zhes gsungs pa'i phyir/ des na rgyal tshab kyi dgongs pa byang sa sogs la brten nas rang rgyud pa'i rigs pa des sa dang po'i sgom lam bsgrub pa'i don yin yang/ rang lugs 'dir yun ring thung ji 'dra yang mthong spang spangs pa'i rjes su slar yang spang bya'i dngos gnyen gyi mngon rtogs skyes pa nas rjes la mngon rtogs zer zhes bshad na chog gam dpyad/ rje btsun pa yab sras kyis dar TIka sogs ltar sa dang po'i sgom lam 'dod kyang/ dar TIka gi rigs pas de la gnod de/ sa gnyis pa thob kha'i bar du sgom lam ma bzhag pa'i phyir te/ rje btsun pa'i dbu ma las/ sa dang po'i skad cig tha mar skyes pa'i sa dang po'i bar chad med lam yod pa'i phyir te/ zhes pa nas/ sa dang pos sa dang po'i ngo skal gyi spang bya spangs pa dang/ des gnyis par 'phos pa dus mnyam par thal/ sa bcu pa pas sa bcu pa'i ngo skal gyi spang bya spangs pa dang/ de sangs rgyas kyi sar 'pho ba dus mnyam pa'i phyir/ zhes dang/ rje drung pas/ sa so so'i yongs sbyong gi chos so sor ji srid ma rdzogs pa de srid du sa de yin cing/ yongs su rdzogs nas sa gzhan du 'phos par bshad pa'i phyir/ 'grel chen las/ de yang sa gang @029b gis yongs su sbyong bar 'gyur ba'i chos gang yin pa rnams ji srid ma rdzogs par de srid du ni sa de yin la/ yongs su rdzogs nas ni sa gzhan yin par shes par bya'o/ /zhes gsungs pa'i phyir/ zhes lung rigs de dag la brten nas sa gnyis pa yan gyi rnam grol lam thob pas de thob pa dus mnyam par 'dod do/ /rang lugs la sa la 'jug pa las/ rab dga' la sogs sa bcu gcig /rmongs gnyis gnas ngan len gcig pa/ /mi mthun phyogs te tha dad 'dod/ /ces pa ltar/ sa rang rang la sgrib pa'i dri ma de dang bral ba nas der 'jug pa yin te/ gser phreng las/ sa snga ma na yod pa'i spang bya rnams sa phyi ma rnams ma skyes na rgyun ldan du 'jug pas sa phyi ma skyes stobs kyis sa phyi ma'i skabs 'dir skyes pa'i go ma rnyed pa las phyi ma'i spang byar bzhag pa'i zhes gsungs pa'i phyir/ khyab ste/ sgom spang dang po de sa dang po'i spang byar 'jog na sa de skyes stobs kyis skye ba'i gom rnyed pa ma yin pa'i phyir dang/ sa gnyis pa'i spang bya yang ma yin te/ sa gnyis pa'i bar du rgyun ldan du mi 'jug pa'i phyir te/ sa gnyis pa thob kha'i tshe dngos gnyen skyes zin pa'i phyir/ gzhan yang/ sa de thob pa la de la sgrib pa spangs dgos na kun rmongs dang po gnyis kyi dngos gnyen sbyor lam nas skyes par thal lo/ /des stong nyid @030a @#/ /mngon sum du ma rtogs pas mi 'dra zer na/ sangs rgyas dang yang mi 'dra ste/ sangs rgyas sar spangs pa mtha' dag rdzogs dgos pas so/ /rgyan snang gi lung dang khyod rang 'gal te/ des sa de'i spang bya spangs pa'i yongs sbyong gi chos sogs rdzogs nas gong mar 'pho bar gsungs la/ sgom spang dang po spangs ba'i yongs sbyong de sa dang po'i yongs sbyod ma yin pa'i phyir te/ rnam bshad snying po rgyan las/ sa dang po pa'i rgyud kyi yon tan de chos can/ sa dang po'i yongs sbyong yin te/ de'i mi mthun phyogs 'joms shing/ yon tan rdzogs par byed pa'i sa dang po ba'i rgyud kyi yon tan yin pa'i phyir/ zhes gsungs pa'i phyir dang/ sa lnga ba'i spang bya bcu dang bdun pa'i spang bya nyi shu sogs dang bral ba'i sa de'i yongs sbyong de'i thog ma nas med par thal lo/ /des na sa de'i spang bya dang bral ba'i gnyen po yongs sbyong gi chos rdzogs nas sa gong ma'i spang bya'i dngos gnyen skyes pa nas de'i yongs skyong gi chos la slob pa sa dang po bzhin no/ /'di dag gis sa bcu la sgrib pa'i kun rmongs mi 'jog gam snyam ste/ rje drung pa'i dbu ma las/ theg dman dgra bcom pa'i rtogs pa sngon song la sa brgyad pa'i bar mnyam rjes res 'jog sogs yod kyang/ bar chad med lam dang/ rnam grol lam gyi rnam bzhag mi rigs @030b pa'i phyir/ zhes gsungs pa'i phyir ro/ /skabs 'dir 'grel bshad du zag bcas kyi don dang/ nyan thos kyis nyon mongs spangs tshul sogs mdzod ltar dang/ theg chen gyis spangs tshul a b+hya ka ra ltar byas nas zhugs gnas brgyad yang bzhag pa sogs nor ba mang la/ sems bskyed nyer gnyis mi zad pa brgyad bcu dang sbyar tshul sogs legs pa'i cha yang shin tu mang ngo/ /yig char/ de la dmigs nas bden 'dzin skye ba yod pa'i phyir/ gsungs pas/ gzhi grub na zag pa rgyas rung yin pas khyab zer dgos so/ /yig char/ zag med du thal/ de drug gang rung dang bral ba'i phyir/ khyab pa khas/ rtags grub ste/ nyon mongs spangs pa'i gang zag yin pa'i phyir/ gsungs pa/ yig cha rnying par/ kha cig na re/ zag bcas zag med kyi don yod de/ nyon mongs la zag par byas nas zag pa'i sgo drug gang rung dang 'brel ba zag bcas dang/ zhes pa ltar pha rol ba'i khas len bkag pa yin gyi dgra bcom sogs zag pa'i sgo drug dang bral bar gsungs pa min no/ /ma rig pa dang bag chags gang rung gis bslad tshul shes pa rnams snang tshul la bslad pas 'khrul shes yin pas 'jog pa rang rgyud pa ltar chos can mthun snang ba med pa'i rgyu mtshan yod pa'i phyir/ zhes pa ltar yin pas rgyun mtha' ba'i rgyud kyi rnam mkhyen rtogs pa'i blo ma 'khrul ba'i @031a @#/ /tshad mar 'jog gam dpyad de rnam 'grel le'u gnyis pa'i mtha' dpyod du yang 'khrul shes yin par thal/ rgyun mtha'i snga logs kyi rtog pa yin pa'i phyir/ zhes gsungs pa'i phyir/ de dang rgyun mtha'i sems bskyed la don spyi snang yang de don du mi snang zer dgos pa 'dra yang/ de ltar na de dag la shes pa gzhan la don de dang gcig ma yin bzhin du gcig lta bur snang ba'i cha snang zer ram dpyad/ /gang zag dang gzugs sogs bslad tshul des bskyed pas 'jog dgos pas/ zag bcas kyi gang zag rgyun mtha'i snga logs man thams cad 'jog de/ de dag ma rig bag chags kyi sas bskyed pa'i rten can sha stag yin pa'i phyir te/ brtag gnyis TrIk chen las/ phar phyin theg pa pas kyang/ ma rig bag chags kyi sa dang zag pa med pa'i las kyi rkyen gyis yid kyi rang bzhin gyi lus mtshan dpes brgyan pa'i rnam pa can du grub nas sa bcu srid pa tha ma'i bar du je bzang gis 'gro bar 'dod kyang/ zhes gsungs pa'i phyir dang/ skye ba len pa ma rig pa dang bag chags gang rung la nges par brten dgos pa'i phyir te/ sangs rgyas 'phags pa la skye 'chi med pa'i rgyu mtshan yod pa'i phyir dang/ snying rje dang smon lam gyi skye 'chi yang spangs bya yin pa'i phyir te/ 'chi ba phra mo 'chi bdag gi bdud yin @031b pa'i phyir ro/ /'o na/ rgyun mtha' ba yang der thal/ zer na/ mi 'dra ste/ gang tshe chos dkar thams cad kyi/ /zhes pa ltar zag pa thams cad dang bral bas sku lus der yang bag chags kyis bskyed pa ma yin par gyur pa'i phyir te/ rnam bshad snying po rgyan las/ rnam par smin pa'i chos nyid kyi gnas skabs dri ma thams cad dang bral bas dkar ba'i ngo bo nyid du skyes pas/ zhes gsungs pa'i phyir/ 'dir rgyun mtha' ba'i rgyud kyi sems bskyed lta bu ma yin pa gsungs pa'ang/ des yin la rtog par 'jog pa rtog pa gnas gyur ma thob pas yin no/ /zag med kyi gzugs ni/ zag med sdom pa mthong lam nas yod kyang/ zag med kyi lus ni dag sa'i rdo rje'i lus 'jog ste/ yig char/ 'byung bzhi rags pa dang bral ba'i chos sku 'chi 'pho dang bral ba thob pa'i phyir/ zhes dang/ rang lus bden med du rtag tu rtogs pas khyad par du byas pa dang/ zhes 'chi 'pho dang bral ba dang/ zag med ye shes dang ngo bo gcig tu gsungs pa'i phyir/ der drangs pa'i mdos kyang shes so/ /blo gros rgya mtshos zhus pa'i gsungs pa'i rgyu brgyad byang sems skye ba len pa'i rgyu tsam yin kyang/ de dang mi rtog ye shes kyi rnam smin la longs sprul 'khor du skyes nas chos nyan pa sogs 'jog gi skye ba rang ldog mi 'jog la/ gser phreng las/ sngar bstan pa brgyad @032a @#/ /lta bur mngon/ gsungs pa'ang zag med las ni/ rgyu brgyad ltar nyon mongs dang ma 'dres pa srid par skyes pa'i rgyur gyur pa la 'jog gsungs pa las de brgyad zag med las su 'jog gsungs pa min no/ /des kha rgya'i dogs slong gi dogs pa sel lo/ /kun 'byung phra mo la sangs rgya rung yod pa srid pa tha ma ba'i lus sogs kyis shes so/ /rang rgyud pa man chad kyi zag med du 'dod tshul dang mi mthun gsungs pa/ zag med kyi don 'dra yang/ mtshan gzhi rnal 'byor mngon sum thams cad zag med du mi 'dod pas yin no/ /de dag gi 'khrul ba dang po gsum gyi zhes sogs kyi don nyan rang byang 'phags sangs rgyas kyi zag med ye shes bzhis dang po gsum gyi dmigs rnam khyab mnyam zhing/ bzhi po thams cad kyi yang ngo bo dri mas ma bslad kyang 'khrul pa spangs ma spangs kyi khyad yod ces pa'o/ /yig cha rnying bar/ stong nyid la gnyis snang nub pa'i blo yin pa'i phyir te/ stong nyid mngon sum du rtogs pa'i ye shes yin pa'i phyir na ma khyab snyam/ zhes rjes thob pa'i de zag bcas su gsungs kyang/ rang lugs la/ de don dam pa'i sa yin pas zag med yin la/ de mnyam bzhag mi rtog ye shes yin kyang/ mnyam bzhag ye shes dang slob pa'i rjes thob kyi shes pa min @032b zer ro/ /de nas bzung ste de ni thob par gyur pa yi/ /sogs la bsten nas kha cig so skye la byang sems ma yin pas khyab zer ba/ yig char mdo lngas bkag cing/ don dam pa'i byang chub sems dpa' zhes pa'i tshig zur gyi byang chub don dam la byed pa/ rab rtsal rnam gnon gyis zhus pas bsgrub nas/ de'i don byang chub khong du chud pa la byas nas 'di khong du chud pa dang/ 'dis khong du chud pa gnyis la sbyar dgos par snang ba'i phyir/ gsungs pa/ mdo de las/ byang chub ni rnam par ma brtags pa'o/ /sogs kyis byang chub don dam pa 'di khong du chud pa na byang chub ces pa dang/ yang de las/ yang byang chub ni/ mtshan nyid med pa ste/ mtshan nyid kyi rang bzhin dang bral ba'o/ /gang gis 'di ltar rjes su rtogs pa de ni byang chub ces bya yi/ zhes pa ltar byang sems 'dis de khong du chud pas byang chub ces sbyar tshul gnyis gsungs zhes pa yin te/ phyir te ma dmigs pa dang/ mtshan nyid med pa la bshad pa'i phyir/ zhes gsungs pa'i phyir/ rnam bshad las/ 'dir ni sa bon gnyen pos bcom pa yin la/ kun las btus las kyang/ ngan 'gro'i phung khams sogs mthod spang du bshad do/ /gsungs pa/ las 'bras med par 'dzin pa'i ma rig pa'i dbang gis byung ba'i ngan 'gro'i yan lag bcu gnyis @033a @#/ /skyes bu chung pa'i bsgom pa de yin gyi spyir ngan 'gro'i 'phen byed kyi las dang nyon mongs la sgom spang yang yod pa'i phyir zer kyang dpyad/ /byams pa'i rnam thar gyi mdo las/ byang chub tu sems dang po bskyod pa zhes pa'i sems bskyed de/ 'grol bshad mkhan pos rags pa brda' las byung ba'i sems bskyed la 'dod gsungs pa thos byung gi de min te/ 'grel bshad las/ 'dir byang chub kyi sems ni gnyis te/ brda' las byung ba dang/ don dam pa'i 'o/ /de la brda' las byung ba ni/ so so skye bo'i sa'i smon pa dang 'jug pa'i rang bzhin can no/ /don dam pa ni sa dang po ba'i chos nyid kyis thob pa'o/ /zhes gsungs pa'i phyir dang/ rnam bshad las kyang/ rags pa ma gsungs pas rags pa sbyar ba gang la brten dpyad/ /de skabs rnam bshad las/ lung de gnyis kyi don zhes pa'i lung gnyis ni/ byams pa'i rnam thar gyi lung gong du drangs pa de yin la/ lung snga phyi gnyis ka ni zhes pa'i lung gnyis ni/ rje btsun pa'i dbu ma las/ byams pa'i rnam par thar ba'i mdo las gsungs pa'i lhag pa'i bsam pa yongs su dag pa'i mig gi yon tan gang yin pa de ni zhes pa'i lhag pa'i bsam pa sa dang po'i sems bskyed la byed rigs pa'i phyir te/ sa bcu pa'i mdo las @033b sems bskyed ma thag tu lhag pa'i bsam pa'i che ba nyid kyis zhes pa'i lhag pa'i bsam pa sa dang po ba'i sems bskyed la byed rigs pa'i phyir/ rtags khas/ zhes dang/ rje drung ba'i dbu ma las/ skabs 'dir drangs pa'i byams pa'i rnam par thar pa'i mdo dang/ rang song du drangs pa'i sa bcu ba'i mdo yi zil gyis gnon byed kyi sems bskyed gnyis dpe so so ma gtogs don gcig pa'i phyir te/ mdo snga phyi gnyis ka/ rdzogs pa'i byang chub sems lta dang po la gnas kyang/ /zhes sogs kyi tshig rkang gsum gyi bshad bya'i mdo yin pa'i phyir/ zhes pa ltar na sa bcu pa'i mdo phyi mar byas kyang/ lung snga phyi de gnyis la byas pa yig char sa bcu ba snga mar byas nas sngar zhes pa'i sgra don mi 'byor pa'i phyir ro/ /gsungs pa/ rnam bshad las/ sngar de bzhin gshegs pa'i rigs su skyes pa sa dang po nas yin par gsungs pa dang/ lung snga phyi gnyis ka ni gsungs pas sngar zhes pa sa bcu pa 'jog dgos te/ sngar zhes pa byams pa'i rnam thar gyi sngar zer dgos pa'i phyir/ de ltar na sgra don mi 'byor te/ sa bcu pa'i lung de 'jug 'grel du rjes su byung ba'i phyir/ zhes pa'o/ /der byams pa'i rnam thar gyi lung spyi las/ dpe phyi ma'i mdo tsam yin pa'i gsal kha med kyang/ yig char/ phyi ma byams pa'i rnam thar gyi nam @034a @#/ /mkha' lding gi phrug gu sogs la 'chad gsungs pa'ang/ de la mdo gnyis ka'i dpe so so ba ma yin par thal/ gnyis kar rgyal po'i bu dper byas pa'i phyir zhe na/ lung phyi ma tsam yin zer na/ yang mi 'thad par thal/ rnam bshad las/ 'grel bshad las lung de gnyis kyi don brda' las byung ba'i sems bskyed la 'chad mod kyang/ las dang po pa dang/ sems bskyed nas ring du ma lon pa zhes gsungs pa ni/ zhes lung gnyis ka gsungs pa'i phyir dang/ las dang po pa dang sogs lung dang po'i tshig yin gyi phyi ma ma yin pa'i phyir/ phyogs snga'i nam ma langs pa'o/ /gzhan yang; dpe gnyis la/ mkha' lding gi phrug gu dang/ rgyal po'i bu gnyis dang don la lhag bsam dag pa'i sems bskyed bzhag pa'ang mi 'thad de/ dpe de gnyis sa dang po thob nas ring po ma lon pa'i dpe yin gyi sems bskyed kyi dpe ma yin pa'i phyir dang/ de'i sems bskyed kyi dpe la gshog pa'i stobs dang/ rgyal po'i byin 'jog dgos pa'i phyir/ dkyus na gsal lo/ /gzhan yang/ rnam bshad las; rtsa ba'i tshig rkang gsum gyi don yang mdo de'i don bsdus par snang pa'i phyir dang/ zhes pa snga ma'i rtags sgrub tu byas nas/ mdo de'i zhes pa'i mdo sa bcu pa la byas pa'ang ma 'brel te/ rtsa tshig @034b gis byams pa'i rnam thar gyi don bsdus pa gang zhig/ /rtsa tshig gis sa dang po'i yon tan bstan pa'i phyir/ zhes pa 'grel bshad la nang 'gal ston pa'i rtags yin gyi/ snga ma'i rtags sgrub ma yin pa'i phyir; zhes pa'i sgrub byed de dag khungs 'don pa'i tshig sdud yin no/ /rje drung pas/ lhag bsam dag pa'i snying rje'i mig yongs su dag pa'i yon tan ni/ zhes dang/ bsod grags pa'i spyi don las/ snying rje chen po nyid la bya dgos gsungs kyang/ lung rigs sgron me las/ mig yongs su dag pa dab 'dra ba'i thabs khyad par can gyis zin pa'i don dam byang chub kyi sems kyi yon tan gsungs la/ yig char/ sems bskyed pa'i gshog stobs dang lhag bsam dag pa'i snying rje'i mig gi yon tan des bskal ba brgya stong du nges par 'byung ba'i nyan rang rnams zil gyis gnon pa'i phyir/ zhes snga ma gnyis ltar gsungs pa mdo snga mar byang chub kyi sems dang snying rje'i dbang gis zhes pa'i dgongs pa ste/ min na sa dang po pa'i thabs kyis zin pa'i don dam sems bskyed kyis nyan rang zil gyis gnon thub par thal lo/ /snying rjes sems can re re'i sdug bsngal so so la dmigs pas so/ /byams pa'i rnam thar las/ rdo rje rin po che ni sogs kyi sems bskyed phar phyin mtha' dpyod du smon sems su gsungs pa 'di ltar gtso bo la dgongs @035a @#/ /kyi 'di ltar 'jug sdom shor ba'i 'jug sems yod do/ /bsod grags pas skabs 'dir smon sems tshogs lam kho nar 'jog pa lam rim las gsungs/ kun rdzob sems bskyed dang don dam sems bskyed 'gal gsungs so// ! //yig char/ 'di sa bcu pa'i don bkod tsam min gyi legs ldan 'gog pa'i ched du yin gsungs pa sngon med legs bshad yin te/ yig cha gzhan thams cad kyis skabs 'di'i rnam bshad kyi tshig zin ltar 'dir sa bdun pa'i yon tan gsungs pa/ sa dang por nyan rang blo stobs kyis zil gyis gnon mi nus na/ sa gang las nus snyam pa'i dogs sel du gsungs zer ba tsam las med pa'i phyir/ 'dir de'i dgos pa'i gtso bo legs ldan sogs kyis nyan rang la stong nyid mngon sum du rtogs pa med par 'dod pa dgag ched du rtsa ba de gsungs pa yin te/ rang 'grel las/ lung 'di las ni zhes pa nas/ rigs pa dang/ lung dang 'gal bar rtogs so/ /zhes pas rtsa ba'i don khungs na yod pa gsal bar gsungs pa'i phyir te/ rnam bshad las/ de ltar gsungs pas grub pa'i don bshad pa'o/ /zhes dang/ 'gal bar rtogs so zhes pa'i phyogs snga ma smra ba ni slob dpon legs ldan @035b yin te/ zhes dang/ yig char/ 'di zhib par 'og tu 'chad do gsungs pa yang grub don gyi rtsod spong skabs su gsungs pa'i phyir ro/ /rnam bshad las/ 'grel bshad mkhan po'i 'dod tshul bkag pa'i don rje btsun pa'i dbu ma las/ 'o na TIk chen las/ 'di la de kho na nyid rtogs pa'i steng nas khyad par bzhag dgos par snang ngo/ /zhes sogs dgag pa 'grel bshad mkhan po la mi 'jug par thal/ 'grel bshad kyi lugs la yangs bdun par nyan rang dgra bcom blo'i stobs kyis gnon nus tshul de kho na nyid rtogs tshul kho na'i steng nas 'jog pa'i phyir/ zhes pa nas kho bos bshad par bya ste/ 'grel bshad mkhan po na re/ sa bdun par byang phyogs so bdun dang/ bden bzhi dang rten 'brel la sogs pa'i lam mngon du byed kyang/ mdo sde la sogs pa'i lung la ltos med du rang gi shes rab kyi stobs kyis lam de mngon du byed nus la/ sa drug pa man chad du de ltar mi nus pas/ sa bdun pa pas nyan rang dgra bcom blo'i stobs kyis zil gyis gnon nus pa yin zer zhing/ zhes dang/ rje drung pas kyang/ 'di 'gog pa la TIk chen las/ 'di la zhes pa nas/ snang ngo/ /zhes gsungs pa'i don ni/ 'grel bshad kyi lugs de mi 'thad de/ sa bdun pa nas nyan rang dgra bcom blo'i stobs kyis zil gyis gnon pa de chos @036a @#/ /nyid la mngon sum du 'jug ldang byed tshul gyi sgo nas 'jog rigs pa'i phyir/ zhes 'grel bshad mkhan pos de'i nyan rang zil gnon gyi blo kun rdzob rnam can kho nar 'dod pa la/ rnam bshad kyis de la chos nyid rtogs dgos zhes bkag par gsungs pa la/ yig char/ 'grel bshad mkhan pos kyang/ blo stobs kyi blo la stong nyid rtogs pa'i blo gcig 'dod de/ zhes pa nas/ mnyam bzhag ye shes gcig kyang bstan no/ /zhes pas khyod kyis bshad tshul de mi 'thad par thal/ 'grel bshad mkhan pos de'i blo de la stong nyid rtogs pa'i blo dgos par 'dod pa'i phyir/ zhes kho rang gi med pa'i sgrub byed du drangs pa'i lung rang gi blos rnam par dpyad pas kyang/ zhes bya ba ni shes rab kyis rang bzhin med par shes pa'i sgo nas so/ /zhes pa'i don no/ zhes pa dang/ lung phyi ma la don dam pa'i byang chub kyi sems la zhes pas mnyam bzhag ye shes kyang bstan pa'i phyir zhes pa la/ lung phyi ma'i mjug tu 'phags pa sa bcu pa las/ zhes bya ba la sogs pa smos te/ sa bcu'i gnas skabs yin pa'i phyir/ don dam pa kho na gsungs pa yin no/ /zhes dang/ blo ni rtogs pa'o/ /yang zhes pa ni bsod nams 'ba' zhig gis lhag pa ma yin gyi/ 'on kyang ye shes kyis kyang ngo/ @036b nas; 'di'i don ni 'di'i nyan thos dang/ rang sangs rgyas dang/ byang chub sems dpa' rnams la chos kyi bdag med rtogs pa mtshungs pa yod du zin kyang zhes stong nyid rtogs pa kho na gsungs pa'i phyir/ kho na re/ 'grel bshad mkhan pos lhag rgyu'i blo stong nyid rtogs pa kho nar 'dod pa mi 'thad par thal/ yig char 'grel bshad kyi 'dod pa bkod skabs 'grel bshad las/ ring du song ba zhes bya ba ni sa 'dir byang chub kyi phyogs dang/ bden pa bzhi dang/ rten cing 'brel bar 'byung ba la sogs pa dmigs pa'i mtshan ma med pa la gnas nas rtsol bas 'jug pa'i phyir/ ring du song ba zhes bya ste zhes pa drangs pa'i phyir dang/ 'dod pa 'gog skabs des na 'grel bshad kyi bshad tshul de mi 'thad par thal/ dpal ldan zla bas/ blo yang lhag ces pa la stong nyid rtogs pa'i blo gcig dgos pa'i phyir/ zhes pa 'brel med du 'gyur ba'i phyir zer na/ skyon med de/ 'grel bshad kyi lung de lhag pa'i don mtshan med rtsol bcas la 'dod pa'i sgrub byed du drangs pa yin gyi phyogs snga ltar kun rdzob rnam can yod pa'i sgrub byed du drangs pa ma yin pa'i phyir te/ yin na 'og tu yang 'grel bshad mkhan po dang/ phyis kyi mkhas pa mang po yang gzhung gi dngos bstan gyi blo'i yul la de bzhin nyid spyi tsam gyis chog par 'dod pa @037a @#/ /yang mi 'thad par thal/ zhes pa dang nang 'gal du 'gyur ba'i phyir dang/ 'di ni 'grel bshad las/ lhag rgyu'i blo don dam sems bskyed tsam dang/ phyis kyi mkhas pa'i gzhung sngar drangs pa chos nyid la mngon sum du 'jug ldang byed tshul gyis zhes pa de yin pa'i phyir/ 'gog skabs kyi des mi gnod de/ de ni khyod kyi lhag rgyu'i blo la stong nyid rtogs pa dgos par 'dod bzhin du lhag pa'i don spyir lam la 'jug pa'i mtshan ma yod med kyis bshad pa de mi 'thad par thal/ blo yang lhag ces pa'i dngos bstan gtso bo'i lhag pa'i don stong nyid rtogs pa'i blo gcig la dus thung ngur 'jug ldang byed tshul gyis bzhag dgos pa'i phyir/ zhes pa yin pa'i phyir te/ des na zhes pa stong nyid rtogs dgos pa des na zhes pa'i don yin pa'i phyir dang/ 'og tu mtshan ma med pa de ting nge 'dzin la myur du snyoms par 'jug pa'i rgyu mtshan gyi cha shas su song yang/ myur du ldang thub pa la ci yang mi phan pa'i phyir/ zhes pa nas/ smra rigs pa'i phyir/ zhes khyod kyi bshad tshul de lhag pa'i don gyi phyogs gcig myur du 'jug pa'i rgyu mtshan gyi cha shas su song yang myur du ldang thub pa'i don ci yang med ces bkag nas rang lugs la/ myur du 'jug ldang thub pa thabs shes kyi phar phyin @037b gnyis lhag pas yin par gsungs pa'i phyir/ don 'di la dgongs nas yig char/ 'di dag phyogs la'ang ma song la don la bcar ba'i 'grel bshad sogs kyi lugs dpyad na/ zhes pa tshab rjes 'brang sogs kyi 'dod tshul gsum lhag pa'i don gyi phyogs su ma song 'grel bshad kyi de don la bcar gsungs so/ /yig char gzhan yang/ 'di'i dngos bstan gyi blo de 'gog pa'i snyoms 'jug la mi byed par thal/ de stong nyid mngon sum du rtogs pa'i mnyam bzhag tsam las bshad rgyu khyod la mi snang ba de'i phyir/ gsungs pa'ang 'grel bshad la yin te/ de las 'gog par 'jug ces pa'i don chos nyid tsam la bzhag pa'i phyir te/ de nyid las/ stong pa nyid la 'gog pa zhes brjod pa'i rgyu mtshan bstan par bya ba'i phyir/ 'dir spros pa thams cad 'gog par 'gyur ba'i phyir ro/ /zhes gsungs pa'i phyir/ gzhan yang/ rnam bshad kyi don yang de la chos nyid rtogs pa dgos zhes bkar 'dod pa'ang mi 'thad par thal/ de ltar na 'di la de kho na nyid rtogs pa dgos par snang ngo/ /zhes gsungs rigs pa la de ltar ma gsungs par steng nas khyad par bzhag ces pa'i don yod pa'i phyir/ yig char/ yang kha cig /gzhung 'di'i dngos bstan la ma sbyar yang nyan rang byang phyogs @038a @#/ /sogs blo kun rdzob pa'i snyoms par 'jug ldang sgo nas zil gyis mi gnon par 'dod na/ mi 'thad par thal/ gsungs pa'ang rje btsun pa yab sras yin te/ de dag gis dngos bstan ma sbyar bar spyir bkag pa'i phyir/ sngar drangs pas shes so/ /yig char/ de'i rgyu mtshan yod de/ bya rdzogs kyi thung mtha'i skad cig ma gcig gi yun la de bzhin nyid la snyoms par 'jug ldang gnyis thub pa'i phyir/ zhes pa rje btsun pa dang bsod grags pa gnyis ka yin la/ skad cig thang cig ces pa'i skad cig dus mtha' la 'dod cing de la bya ba thub pa'i sems can med zer ba rje btsun pa dang/ de bya rdzogs kyi thung mthar byas nas dus mthar bya ba thub pa'i sems can med zer ba dang/ skabs 'di'i skad cig kyang skad cig thang cig ces pa'i skad cig de la byed cing/ de bya rdzogs kyi thung mthar 'jog go /zer ba bsod grags pa yin la/ gnyis kas skad cig thang cig yud tsam gsum gyi tha snyad gang bshad mdzod ltar 'dod de/ rje btsun pa'i dbu ma las; dus mtha'i skad cig ma gcig la chos nyid la snyoms par 'jug ldang byed nus pa'i sems can med pa'i phyir/ rang lugs 'di'i skad cig ma bya rdzogs kyi thung mtha'i skad cig ma gcig la byed/ @038b ces dang/ skyes bu dar ma gcig gis se gol gtogs pa'i yun la skad cig ma drug cu rtsa lnga 'das pa'i skad cig ma gcig la dus mtha'i skad cig mar 'jog cing/ dus mtha'i skad cig ma brgya nyi shu la de'i skad cig ces pa nas/ chos mngon pa'i rnam bzhag 'di dbu mthal 'gyur pas khas len gyi/ de las ldog pa'i 'jog tshul ma bshad pa'i phyir/ zhes dang/ rje drung pas/ dus mtha'i skad cig ma la stong nyid la mngon sum du snyoms par 'jug pa'i rjes de ma thag nas ldang bar nus pa'i sems can mi srid pa'i phyir/ zhes dang/ des na shes pa cha med mi srid kyang/ shes pa skad cig cha med 'dod dgos pa 'dra'o yang gsungs la/ bsod grags pa'i spyi don las/ skad cig ma zhes pa bya rdzogs kyi skad cig ma yin zhing/ zhes pa nas/ skad cig ma de'i ring mtha' dang/ dus mtha'i skad cig ma la go bar mi bya ste/ zhes gsungs pa'i phyir/ yig cha rnying pa las/ de skyes bu stobs dang ldan pa'i se gol gtogs pa'i yun la/ cha drug cu rtsa lngar phye ba'i cha gcig la byed pa'i phyir/ zhes skabs 'di'i skad cig de la byas so/ /de dag 'gog tshul rgyas par mtha' dpyod du gsal la/ mdor bsdus na skabs 'di'i skad cig ni mdzod ltar gyi dus mtha'i skad cig ma gcig la rnal @039a @#/ /'byor ba'i nus pas bye ba khrag khrig 'bum du bgos pa'i cha gcig 'jog pas phyogs snga'i 'dod pa'i dus mtha' nga min la/ skad cig la zlos sgra yod pas de'i cha gcig la snyoms par 'jug cing/ gcig la ldang ba yin gyi gcig la 'jug ldang gnyis ka byed pa min no/ /spyir skad cig thang cig sogs la 'jog tshul mang yang/ rang 'grel las/ skad cig thang cig yung tsam gcig la ting nge 'dzin brgya rab tu thob po/ /ces pa'i skad cig sogs mdzad ltar thun mong ba zla ba'i bzhi brgya pa'i 'grel bar/ skyes bu stobs dang ldan pas se gol gtogs pa tsam gyis yun la skad cig drug cu rtsa lngar 'da' ste/ zhes pa de yin kyang spyir lugs 'di'i thun mong ma yin pa lam bsgrigs ltar de'i yun la sum brgya re lnga dang/ phar phyin 'grel bshad tshigs gsal ltar sum brgya brgyad kyang 'dod par gsungs so/ /kho na re/ skad cig thang cig yud tsam gsum gyi skad cig gi yun la mig 'dzum bcu yod par thal/ 'jam dpal rtsa rgyud las/ mig ni 'byed 'dzum bcu la ni/ /skad cig tsam du rab tu brtags zhes gsungs pa'i phyir zer na ma khyab ste/ spyir de gsum mdzod ltar yin kyang/ 'jog tshul gzhan med zer ba dgag ched du bkod pa tsam yin pas bshad tshul de 'dra yod pa'i don no/ /yang kho na re/ @039b se gol gcig gi yun la sum brgya re brgyad phye ba'i cha gcig las dus thung ba yod par thal/ de'i cha gcig la thog mtha' bar gsum gyi cha dang ldan pa'i phyir/ 'dod na/ se gol gcig gi yun la skad cig snga phyi bye ba khrag khrig 'bum yang yod par thal lo/ dar TIka las/ ji ltar skad cig ma de la rang gi cha shas su gyur pa'i phyi mtha' khas len dgos la/ phyi mtha' yod pa de bzhin du thog ma dang dbus yod par brtag cing khas len dgos te/ zhes gsungs pas/ de la thog ma nas 'dir 'ong ba'i cha dang/ 'di nas phyi mar 'gro ba'i cha dang/ de'i bar gyi cha gsum dang ldan pa'i don yin gyi/ kho rang la skad cig snga phyi bar gsum phye rgyu med ces na/ yig char/ ji srid skad cig ma'i rnam pa snang gi bar du cha gsum ldan par khas len dgos shing/ dus mtha'i skad cig ma bsil na skad cig ma'i snang ba 'gag 'gro ba'i phyir/ zhes pa'i dgongs par e 'gro dpyad/ /yang de yod par thal/ sa bdun pa pas skad cig la khrag khrig 'bum du bgos pa'i cha gcig la snyoms par zhugs pa'i lam de yin pa'i phyir na/ rtags ma grub ste/ de bya rdzogs kyi skad cig ma yin pa'i phyir te/ des skad cig bskal bar byin gyis brlab pa'i bskal pa de bskal ba yin pa'i phyir/ des na skad cig gcig la bye ba khrag khrig 'bum du bgos pa'i cha gcig sa bdun @040a @#/ /pa pa'i ngor med kyang/ sa bdun pa pa'i ngor de 'dra'i cha gcig yod zer dgos so/ /yang kho na re/ sa drug pa ba ltar gyi yon tan bye ba 'bum phrag bcu gnyis thob pa'i nyan thos yod par thal/ de ting nge 'dzin bye ba 'bum la snyoms par 'jug ldang byed pa'i de yod pa'i phyir te/ yig char/ sa drug pa'i yun tshad gyi skad cig de la ting nge 'dzin la snyoms par 'jug ldang byed thub pa'i nyan rang yod dam zhe na/ yod par mngon te/ zhes gsungs pa'i phyir/ 'dod na/ de thob pa'i sa dang po pa yod par thal/ de 'dra'i nyan rang yod pa'i phyir/ 'dod na/ yon tan gyi grangs dang 'gal lo/ zer na/ sa dang po pa sogs la srid tsam yod kyang/ phar phyin lhag stobs sogs kyis thams cad la med pas mi 'dra zer ram dpyad/ /don spyi brgyud pa la ltos tshul ni sa drug pa man chad du bar du stong nyid sgom pa'i rtog pa med par zag med ye shes la rgyun ring por gnas mi thub pas dang/ sa bdun par de mi dgos pas yin te/ mtha' dpyod las/ sa drug pa man chad du stong nyid sgom pa'i tshe don spyi dgos pas mngon du 'gyur ba shin tu thung pas/ zhes gsungs pa'i phyir/ dbu ma'i zin bris las/ mthar gnas snyoms 'jug dgu dang rnam thar brgyad kyi 'dzin stangs kyi yul la bden pa gnyis ka yod pa rang rgyud pa man chad kyis @040b 'dod la gsungs pa mi 'dod la gsungs pa yin te/ de man gyis 'gog snyoms kyis yul la med pa'i phyir ro// ! //rigs pa gsum 'grel ba'i dngos bstan thal 'gyur yin la/ des shugs la 'phang pa'i sbyor ba yod med dpyad dgos te/ yod na/ sa drug pa man chad kyis nyan rang blos zil gyis gnon mi nus par rtogs nas/ nyan rang la rang bzhin med pa mngon sum rtogs pa yod med the tshom za ba yod dgos pa'i phyir/ de ltar the tshom za ba med par thal/ de man gyis gnon mi nus par rtogs pa la/ nyan rang la de 'dra'i rtogs pa yod par nges dgos pa'i phyir te/ gnon mi nus tshul nges dgos ba'i phyir ro/ /kho na re/ de 'dra'i sbyor ba yod par thal/ rang 'grel las/ lung 'di ni zhes pa nas/ gsal bar nges te/ zhes sbyor dag gsungs pa'i phyir te/ de la yig char/ rgyal sras ma zad nyan rang rnams la yang chos thams cad rang bzhin med par rtogs pa yod de/ sa bcu pa'i mdo las sa bdun pa man chad du nyan rang blo stobs kyis zil gyis mi gnon par bshad pa'i phyir/ zhes gsungs pa'i phyir zer na ma khyab ste/ sa bcu par gnon nus par bshad par rtogs na gnon mi nus tshul rtogs mi dgos pa'i phyir/ thal ba dang po de sa bcu pa dang 'gal ba brjod pas 'gal brjod kyi thal 'gyur tsam yin ces chog @041a @#/ /gam snyam la/ legs ldan sogs kyis sa drug man gyis nyan rang blo stobs kyis mi gnon par 'dod na/ kun rdzob sems bskyed kyis kyang mi gnon par 'dod dgos pas de dang nang 'gal la/ gnon na sa bcu pa'i don de dag gis ji ltar 'grel dpyad/ rigs pa phyi ma gnyis la rang rgyud pa man gyis ma khyab zer bas/ rang 'grel las/ lung lnga dang/ tshig gsal las lung bzhi ste lung 'gal dgu brjod pa yang gtso cher rigs pa gnyis pa'i khyab sgrub yin pas/ de las bsam gtan dpe mkhyud ka ta ya na la gdams pa rin phreng gi lung rnams rang rgyud pas 'grel tshul dka' bar snang ngo/ /rnam bshad las/ lugs 'di dang zhi ba lha'i gzhung la brten pa rnams kyis kyang legs par mi shod snang bas/ zhes rigs pa gnyis pa'i don la dogs pa dang/ lan gsungs pa 'khor lo dang po las mi rtag sogs bcu drug gi lam gyis 'khor ba las grol bar gsungs pa lugs 'dis ji ltar 'grel tshul 'jug pa dang/ zhi ba lha'i gzhung la brten pa rnams kyis ma shod gsungs kyi/ rang rgyud pa sogs kyis de ltar brtsad pa'i lan ma shod gsungs pa min no/ /rten brtan pa zhes pa/ dbu ma'i zin bris las/ dbang shes kyis yul la mngon sum du lan 'gar 'dzin kyang yang yang lkog tu gyur 'gro @041b bas rten mi brtan la/ yid shes thog ma med pa nas sangs rgyas kyi bar du shes pa yin bzhin par rgyun mi 'chad pas rten brtan par 'jog gsungs so/ /zin bris de las/ gzungs rgyal gyi mdo las/ bar ba rnam thar sgo gsum gsungs pa bzhi brgya ba'i bar du bdag ni bzlog pa dang sbyar dgos pas/ rags pa'i bdag med la byed gsungs pa sher mdog nyis par bzhag pa dang 'gal dogs so/ /spyod 'jug gi phyogs snga ltar rang rgyud pas khas len pas lan gyi lung rnams rang lugs su 'grel tshul med mod/ phar phyin mchan las dogs pa gnang ba/ nyon mongs med kyang zhes pa 'grel tshul yod na gzhan rnams kyang yod dam zhes dogs pa tsam gnang ba'o/ /bsod grags pa'i mtha' dpyod las/ mngon pa nas bshad pa'i dgra bcom pa yin na/ dgra bcom ma yin dgos pa'i phyir/ de la kho na re/ ston pa shAkya thub pa chos can/ dgra bcom pa ma yin par thal/ mngon pa nas bshad pa'i dgra bcom yin pa'i phyir/ der thal/ mngon pa nas bshad pa gang zhig dgra bcom yin pa'i phyir zer na 'dir ma khyab/ ces gsungs la/ de la de chos can/ mngon pa nas bshad pa'i 'phags pa ma yin par thal/ 'dod pa'i phyir/ 'dod na/ mngon pa nas bshad pa'i sangs rgyas 'phags pa ma yin par thal lo/ /gzhan yang/ @042a @#/ /de mngon pa nas bshad pa'i theg chen dgra bcom pa ma yin par thal ba dang/ de nas bshad pa'i dgra bcom yin na/ de nas bshad pa'i theg dman dgra bcom yin pas khyab pa dang/ de nas bshad pa'i mi slob lam yin na/ mi slob lam ma yin pas khyab par thal ba sogs mtha' yas so/ /des na yig char/ mngon pa gong 'og nas bshad pa'i thun mong ma yin pa'i dgra bcom de dgra bcom ma yin zhing/ nyon mongs ma spangs te/ de ltar du mdo dang spyod 'jug sogs du mas grub pa'i phyir/ zhes pa ltar/ bsam gtan dpe mkhyud las/ bdag ni dgra bcom par gyur to/ zhes bya bar ni bdag nyid shes so/ /de 'chi ba'i tshe bdag nyid skye bar mthong nas de sangs rgyas kyi byang chub la the tshom dang/ som nyir 'gyur ro/ /zhes dang/ spyod 'jug las/ bden pa mthong bas grol 'gyur gyi/ /zhes pa rnam 'grel las/ stong nyid lta bas grol 'gyur gyi/ /zhes dang/ mdzod las/ bden pa mthong dang sgom pa las /nyon mongs spangs pa zhes bshad pa/ zhes rang rkya thub pa'i bdag gis stong pa dang/ rags pa'i mi rtag sogs bcu drug tsam rtogs pa'i lam goms pa las srid rtse man gyi nyon mongs mngon gyur pa nyams par byas pa mngon pa gnyis las dgra @042b bcom par bshad pa de dgra bcom ma yin par gsungs pa yin gyi/ thun mong du bshad pa ston pa dang mchog zung lta bu dgra bcom min par bshad du mi rung ba'i phyir/ gzhan yang/ de dag lung sde bzhi nas bshad pa'i dgra bcom ma yin par thal ba dang/ mngon pa nas bshad pa'i 'phags pa brgyad pa sa dang po ba'i dper mi rung bar thal lo/ /des na thun mong ma yin pa'i dgra bcom de la stong nyid ma rtogs pa'i tshogs lam pa zhig dgos te/ tshig gsal las/ bdag yang dag par lta ba mkhregs pa bya srad bu shin tu ring bas brtod pa ltar shin tu ring por phyin yang khams gsum las shin tu 'das nas mya ngan las 'das pa'i grong khyer zhi bar 'gro bar mi nus pa zhes dang/ yig char/ bdag yang dag par lta ba mkhregs pa zhes pas bden 'dzin gyi 'jig lta sra bar bstan bya nas ring por phyin yang zhes mngon pa'i dgra bcom lta bu bstan cing/ zhes bden zhen che bar gsungs la/ dbu ma'i zin bris las/ thal 'gyur ba'i lugs 'dir mngon pa nas bshad pa'i dgra bcom pa sangs rgyas la the tshom skyes nas/ dmyal bar skyes par bshad pa'i dgra bcom pa de thar pa don gnyer la bcos min gyi myong ba thon pas na tshogs lam pa yin la/ zhes dang/ grags rgan pa'i dbu ma dang lung rigs sgron me gnyis kar/ de nas bshad pa'i nges 'byung @043a @#/ /gi bsam pa nges 'byung gi bsam pa yin pa'i phyir/ zhes gsungs pa'i phyir/ de la kho na re/ de la 'phags pa yod par thal/ de 'dra'i chags bral ma nyams par phyir mi 'ong thob pa yod la/ mthong lam rjes thob skabs su de 'dra'i lam gyis gsar du chags bral byas pa yod pa'i phyir zer na/ snga ma ni/ stong nyid mthong bas ci zhig bya/ /zhes pa ltar stong nyid rtogs pa nas thun mong ma yin pa'i de ma yin la/ phyi ma med de/ tshogs lam skabs su lam de 'dra goms pas mngon sum du rtogs pa zhig yin na/ de skabs su chags bral byed la/ stong nyid kyi lta ba rnyed nas de la gcig dril byed pa dgos pa med pa'i phyir te/ de ltar byed pa 'jig lta lhod byed yin pa'i phyir te/ tshig gsal las/ 'jig tshogs la lta bar mngon par zhen pa lhod par bya ba'i phyir dang/ zhes gsungs pa'i phyir/ yang kho na re/ mngon pa nas bshad pa'i thar pa don gnyer gyi blo thar pa don gnyer gyi blo yin par thal/ nges 'byung gi bsam pa la de'i phyir na ma khyab zer ram/ 'dod mi nus ste/ de nas bshad pa'i thar pa thar pa ma yin pa'i phyir ro/ /gzhan yang/ de nas bshad pa'i 'khor ba las nges par 'byung 'dod skyes na/ bden 'dzin gyis bskyed pa'i 'khor ba las nges par 'byung 'dod skyes pas khyab pa dang/ de nas @043b bshad pa'i nyon mongs spong 'dod skyes na/ bden 'dzin spong 'dod skyes pas khyab pa yod med sogs dpyad bya mang yang/ mngon pa nas bshad pa'i dgra bcom la thar ba don gnyer gyi blo dang nges 'byung gi bsam pa skyes te/ tshig gsal las/ mya ngan las 'das pa la 'dun ba skyed bar bya ba'i phyir ni zhes gsungs pa'i phyir/ de nas bshad pa'i thar pa thar pa min kyang/ de nas bshad pa'i nyon mongs spangs pa'i thar pa thar ba yin zer dgos pa sogs zhib cha mang ngo/ /de nas bshad pa'i dgra bcom pa dmyal bar skyes dus sangs rgyas la the tshom skyes pas chags bral las nyams pas rnal 'byor mngon sum nyams par ma zad nges 'byung kyang nyams nas lam ma zhugs du gyur pa'ang yod par mngon no/ /rnam bshad las/ sems tsam pas rdul cha med dang de bsags pa'i phyi don dang/ de las rdzas tha dad pa'i 'dzin pa gnyis bkag pa yang/ zhes pa'i don rje btsun pa'i dbu ma las/ rdul phran cha med kyis brtsams pa'i rags pa dang/ de 'dzin pa'i tshad ma rdzas gzhan gyis stong pa'i stong nyid 'di sems tsam pa rang gi lugs gzhir bzhag nas smra ba'i tshe don dam pa yin zhes mi smra yang/ thal 'gyur pas gzhal ba'i tshe sems tsam pas de don dam par khas blangs par song zhes phul ba yin no gsungs pa mi 'thad de/ de ni rdul cha @044a @#/ /med bsags pa'i bzung pa phyi dro na bkag pa dang/ de las bzung ba dang rdzas tha dad pa'i 'dzin pa bkag pa zer dgos pa'i phyir te/ rin chen phreng ba las/ kha cig la ni gnyis mi brten/ / zhes dang/ 'jug pa las/ gzugs la shin tu chags gang de dag la/ /gzugs bzlog pa ste de yang drang don nyid/ /zhes drang don du bkral ba de yin pa'i phyir/ khyab ste/ de dag gi skabs su khyod kyis cha med bsags pa'i rags pa rang 'dzin tshad ma dang rdzas gzhan bkag pa mi 'thad ces zur tsam ma byung ba'i phyir/ der ma zad rdul phra rab dang rdul phran khyad med byas pa yang mi 'thad de/ nu la phran cha med 'dod pa'i rang sde su yang med pa'i phyir te/ mdzod las/ phra rab rdul dang ni/ /rdul phran dang ni nas/ gong bdun bsgyur/ /zhes dang/ mdo rtsa bar snga ma drug la phyi ma'o/ /zhes gsungs pa'i phyir/ des na yig char sems tsam pas bshad pa ltar gnyis stong rtogs pa'i zhes gsungs pa ltar bya'o/ /yig cha rnying par/ ngar 'dzin pa'i 'jig lta'i zhen yul sun phyin pa'i gang zag yin na/ phung po bden 'dzin gyi zhen yul sun phyin bas ma khyab pa'i phyir na ma khyab ste/ de'i don ni rin chen phreng ba'i tshig rkang gnyis kyis phung po bden 'dzin rang rgyud la yod pa de srid du 'jig lta lhan skyes rgyud la 'byung bar bstan zhes dang/ @044b rje btsun pa'i dbu ma las/ de'i don ni/ gang zag gi gdags gzhi phung po sogs kyi chos bden grub tu khas len pa de srid du ngar 'dzin lhan skyes kyi zhen yul sun ma phyung par yod do/ /zhes pa'i don yin gyi/ chos kyi bdag 'dzin gyi zhen yul sun ma phyung bar yod pa de srid du ngar 'dzin lhan skyes kyi zhen yul sun ma phyung bar yod ces pa'i don ma yin te/ de ltar na gang zag gi bdag med tshad mas rtogs pa'i gang zag yin na/ chos kyi bdag med tshad mas rtogs pa'i gang zag yin pas khyab par thal ba'i skyon yod pa'i phyir gsungs/ de yig char/ rtsa shes/ tshig gsal/ lam rim/ rnam bshad/ stong thun rnams kyi lung dang rigs pas bkag pa ni/ de dag gi dgongs pa 'khrul med yin te/ dngos smra bas bdag rang bzhin med par rtogs tshe phung po bden grub kyi dam bca' dor ba'i phyir ma khyab na/ de'i tshe phung po bden grub kyi dam bca' sun phyung bar thal/ de'i tshe dam bca' de dor ba'i phyir/ khyab ste/ des dngos smra ba'i grub mtha' sun ma byung bar dbu mar mi 'jug pa'i phyir/ 'dod na/ de'i tshe phung po bden par dam bca' ba'i yid kyi dam bca' sun phyung par thal/ de'i tshe de 'dra'i dam bca' sun phyung ba'i phyir/ 'dod na/ de'i rgyud kyi phung po bden par 'thad do snyam pa'i blo sun phyung bar thal/ 'dod pa'i phyir/ gzhan @045a @#/ /yang/ byas na mi rtag pas khyab pa 'jal ba'i tshad mas sgra rtag par mtha' gcig 'dzin gyi sgro 'dogs ma bcad par thal/ de'i zhen yul sun ma phyung ba'i phyir te/ de'i zhen yul med pa ma rtogs pa'i phyir/ rtags khyab khas/ 'dod na/ rnam 'grel gyi gzhung du mar 'gal lo/ /des na rnam bshad kyi tshig zin ltar de'i tshe phung po bden grub la gnod byed mthong nas phung po bden grub kyi dam bca' dor bas zhen yul sun phyung ba yin la/ gang zag bden stong rtogs pa'i blo des phung po bden stong stobs shugs kyis rtogs pas phung po bden par 'dzin pa'i sgro 'dogs gcod ces pa tha snyad rags pa'i dbang du byas kyi sgro 'dogs bcad pa min pas khyad phye ba yig cha 'di'i khyad chos so/ /lam rim chung ba las/ sngon du gang zag gi bdag med kyi lta ba bskyed nas/ de'i 'og tu chos kyi bdag med rtogs pa'i lta ba bskyed dgos so/ /zhes pa khyab mtha' bzung bar dgongs nas rje btsun pa'i dbu ma las/ chos dang gang zag gnyis su phye ba'i chos gcig bden med du rtogs pa tsam la chos kyi bdag med rtogs par mi 'jog pa'i phyir te/ gang zag gi gdags gzhi'i phung po bden med du nam rtogs pa'i tshe chos kyi bdag med rtogs par 'jog pa'i phyir/ gsungs pa la/ rje drung pas/ rten 'brel gyi rtags kyis gang zag bden med du @045b sgrub pa'i phyi rgol yang dag chos can/ khyod kyis bdag med phra mo tshad mas ma nges par thal/ bdag med phra mo la chos kyi bdag med phra mo dang/ gang zag gi bdag med phra mo gnyis su grangs nges pa gang zhig / khyod kyis chos kyi bdag med phra mo ma nges/ gang zag gi bdag med phra mo yang ma nges pa'i phyir/ gsungs pa legs te/ des chos kyi bdag 'dzin gyi zhen yul med par ma rtogs par thal ba dang/ de'i zhen yul med pa phung po kho na'i steng du 'jog par thal ba'i phyir/ gzhan yang/ bdag med gtan la 'beb tshe thog mar gang zag gi bdag med gtan la 'bebs bas ma khyab ste/ mngon rtogs rgyan gyi ched du bya ba'i gdul bya dbang rnon gyis gcig du bral lta bu'i rigs pa la brten nas thog mar gzhi lam rnam gsum gyi steng du chos kyi bdag med gtan la 'beb pa seng bzang gi dgongs pa yin pa'i phyir dang/ min na de'i gcig bral gyi rigs pa dang/ rtsa shes las/ bdag las ma yin sogs kyi rigs pa rnams chos kyi bdag med sgrub byed kyi rigs pam yin par thal lo/ /der ma zad gang zag gi bdag med rtogs pa'i gang zag yin na/ chos kyi bdag med rtogs pas khyab ste/ gang zag bden grub kyi gcig bral rtogs pa'i gang zag yin na/ bden grub kyi gcig bral bden grub kyi gcig bral tu rtogs pas khyab pa'i phyir/ @046a @#/ /de 'dra la dgongs nas yig char/ 'di dag gis rim gyis rtogs par bshad pa dngos su rtogs tshul gtso bor byas so/ /zhes gsungs so/ /kho na re/ de mi 'thad par thal/ yig char khyab zer ba bkag pa'i phyir na/ rtags ma grub ste/ de ni gang zag bden med rtogs na phung po bden med rtogs pas khyab zer ba bkag pa yin pa sgrub byed dang/ phyogs snga'i dogs gzhis shes pa'i phyir/ mdo dang lam rim sogs las/ thog mar gang zag gi bdag med nas 'jug par gsungs pa/ nyon mongs skyon rnams ma lus 'jig tshogs la/ /zhes sogs ltar 'khor ba'i gzhi rtsa mthar thug gi zhen yul 'gog pa dang/ dgag bya de ngos zin sla ba sogs dgos pa du ma yod pas/ thog mar gang zag gi bdag dngos su 'gog pa'i rigs pa bkod nas gang zag gi bdag med dngos su rtogs pa'i lta ba skyed dgos gsungs kyi/ de'i zhar la chos kyi bdag med rtogs 'gro bas khyab mtha' bzung ba min zhes sngar gyi don bsdus rdo rje tshig 'di gsungs pa yin no/ /de ni phung po bden med stobs shugs kyis rtogs pas phung po bden 'dzin sun phyung ba la'ang sbyar du rung ngo/ /rnam bshad las/ zla ba'i zhabs la bod rnams kyis skyon bzung ba 'ga' zhig snang gsungs pa'i dgongs pa stong @046b thun du rgyas pa yig char zhal 'phangs mdzad pa ni/ kun mkhyen bu ston sogs kyis rang 'grel gyi rigs pa gsum pa la/ chos kyi bdag med ma rtogs na gang zag gi bdag med mi rtogs pa mi rigs te/ mdo sde pas gang zag gi bdag med nges pa'i phyir/ btags chos rang bzhin med par nges pa la gdags gzhi rang bzhin med par nges pas ma khyab ste/ gnas ma bu'i sde pas bum pa btags yod du rtogs kyang bum pa'i gdags gzhi'i rdul rdzas yod du sgro 'dogs pa'i phyir/ zhes pa gnyis la brtag pa mang po byas kyang/ mdo sde pas gang zag rang bzhin gyis med pa ma rtogs pa'i phyir dang/ gnas ma bus bum pa btags yod du ma nges te/ bum pa ming gis btags tsam du ma rtogs pa'i phyir/ zhes bkag la/ rigs pa dang po gnyis la nyan thos dgra bcom gyis chos kyi bdag med rtogs pa bden 'dzin la nyon sgrib kyis khyab cing ? thos dgra bcom kyi nyon mongs ma lus par spangs pa dang/ sa bdun par nyon mongs ma spangs shing chos kyi bdag med rtogs pa'i blos nyan thos dgra bcom zil gyis gnon pa nang 'gal ste/ de ltar na sa bdun pa pas nyan thos dgra bcom blos zil gyis mi gnon par thal/ snga mas blo stobs kyis nyon mongs ma spangs la phyi mas spangs pa'i phyir/ zhes rgyal po'i bu nar son pan @047a @#/ /dgra sde 'joms pa'i blo nus che ba bzhin/ 'di la yang spang bya 'joms pa'i nus pas gnon dgos dgongs so/ /yang nyan thos dgra bcom gyis mthong lam rtse sbyor thob par thal/ mthong spangs gzung rtog spangs pa'i phyir/ zhes yum gyi mdo las/ mthong sgom rtse sbyor gnyis gzung 'dzin gyi rtog pa'i gnyen po'i sgo nas gsungs pa'i phyir/ snyam du dgongs so/ /phung po bden 'dzin yod na rim gyis las bsags nas 'khor bar skye bas khyab pa mi 'thad de/ rgyun zhugs mthong chos zhis bden 'dzin ma spangs kyang/ 'khor bar skye ba mi len pas so/ /sa bcu pa'i mdo don/ sa drug pa man chad du bdag med rtogs pa'i stobs kyis bag la nyal gyi nyon sgrib spang pa'i nus pa phul byung ma thob pas/ nyan thos dgra bcom blos gnon mi nus la/ sa bdun par thob pas nus so/ / gsungs/ bden 'dzin bag la nyal gyi nyon sgrib du byas nas nyan thos dgra bcom pas 'khor bar 'ching ba'i nyon mongs spangs kyang de ma spangs par 'dod do/ /rin phreng gi don phung po bden 'dzin shas che na ngar 'dzin shas che ba 'byung la/ nas/ las las 'khor bar skye ba 'byung ba shas che bas yin zer/ de dgag par/ sa dang po pas nyan thos dgra bcom blo stobs kyis @047b gnon nus par thal/ des mthong spang bden 'dzin spong nus/ cig shos kyis mi nus pa'i phyir dang/ yon tan brgya phrag bcu gnyis sogs kyi nus pa yod pa'i phyir/ sa bdun pa pas bag la nyal gyi nyon mongs spangs nus zer ba mi 'thad par thal de ltar na theg chen sbyor lam chos mchog dus su mthong spang spangs nus par thal lo/ /nyan thos dgra bcom pas nyon sgrib ma spangs par grub mtha' bzhi'i gzhung tshad ldan gang nas kyang ma bshad la/ de ltar bshad pa byang sems kyi sdom ldan yin na rtsa ltung byung ba'i phyir/ mngon rtogs rgyan las gzung rtogs sogs bshad pa ltar skabs 'dir khas mi len zhes bkag la/ yig char/ kun gyis kyang nas/ bzhad gad kyang byed pa'i phyir/ gsungs pa zla ba'i zhabs la bzhad gad byas pa mi 'thad kyang des nang 'gal ston bzhed yin la/ de ni bu TA ki lung snye las/ 'dzin pa bden smra'i rang rgyal dang/ gzung 'dzin gnyis mang don dam du smra ba'i rnam rig pa'i grub pa'i mtha' mtshungs par shes pa'i mkhas pa mtshar/ zhes rang rgyal dgra bcom gyis gzung rtog spangs shing 'dzin pa bden grub tu smra bar 'dod pa'i phyir te/ de'i gong du 'dzin rtog spangs par thal/ gzung rtogs spangs pa'i phyir/ khyab pa yod de/ gzung ba med na der 'dzin med pas so zhe na ma nges te/ gzung ba med pa la der @048a @#/ /'dzin med pas khyab kyis/ gzung med rtogs pa la 'dzin med rtogs pas ma khyab po/ /gsungs pas/ de la rang rgyal dgra bcom gyis mthong lam rtse sbyor thob par thal/ mthong spang gzung rtog spangs pa'i phyir/ zhes nang 'gal ston bzhed pa yin no/ /phung po bden 'dzin yod na 'khor bar skye bas khyab pa khas ma blangs pas rtsod pa gzhi med yin la/ khyod rang gi rin phreng gi lung don phung po bden 'dzin shas che na ngar 'dzin shas cher 'byung ba sogs gsungs pa la/ rgyun zhugs mthong chos zhi 'khor bar skye ba len pa shes che bar thal/ phung po bden 'dzin shas che ba'i phyir/ zhes sogs dgag pa rgyas par mdzad nas mtshan mo'i mgon po ra ri dang bral bar byas so/ /stong thun las/ phung po bden 'dzin yod na ngar 'dzin yod pas khyab par ma smras pa'i phyir/ gsungs pa/ dar 'dzin gyi thog ma'i ma rig pa yod pas khyab par ma smras zhes pa yin nam snyam/ rje btsun pa'i dbu ma las/ deng sang gi dbu ma pa thams cad zhal 'tsham par sangs rgyas bskyangs kyi rab byed bdun pa'i 'grel bar theg dman gyi sde snod du chos kyi bdag med bstan par bshad pa la/ slob dpon legs ldan 'byed na re/ theg chen bstan pa don med par thal/ theg dman gyi sde snod las chos kyi bdag med bstan pa'i phyir zer na/ de'i lan 'chad pa la gang zhig gal te zhes @048b sogs kyi rang 'grel gsungs pa yin zer ba ni/ TIka chen gyi dgongs pa gtan nas ma yin te/ slob dpon legs ldan 'byed de theg dman gyi sde snod las chos kyi bdag med bstan par bzhed pa'i phyir/ zhes dang/ spyod pa yongs bsngo ma bshad des/ /zhes sogs kyi don yang theg dman thun mong ma yin pa'i sde snod las byang sems kyi spyod pa nyams len sogs ma bshad ces pa'i don yin gyi nyan thos kyi sde snod las byang sems kyi spyod pa nyams len ma bshad ces pa'i don ma yin pa'i phyir te/ 'dul ba lung las/ thams cad sgrol gyi skyes rab sogs brgya phrag mang po bshad pa'i sgo nas byang chub sems dpa'i spyod pa nyams len mang du gsungs pa'i phyir/ zhes dang/ rang 'grel dang/ TrIka chen du de ltar sgrub pa nyan thos sde ba'i ngor sgrub pa'i phyir te/ theg pa che las skye med bstan/ /zhes sogs kyis theg dman gyi mdo las stong nyid bstan par sgrub pa de nyan thos sde ba'i ngor sgrub pa'i phyir/ zhes dang/ de'i don ni slob dpon sangs rgyas bskyangs kyi rabs byed bdun pa'i 'grel bar/ theg dman thun mong ma yin pa'i sde snod las chos kyi bdag med bstan par bshad pa la/ slob dpon legs ldan 'byed na re/ theg chen bstan pa don med par thal/ theg dman thun mong ma yin pa'i sde snod las chos kyi bdag med bstan pa'i phyir/ zhes zer/ de'i lan 'chad pa la bshad ma @049a @#/ /thag pa'i rang 'grel de byung/ zhes gsungs pa la yig char/ 'grel ba'i don la zhes sogs kyis dgag pa rgyas par mdzad nas dman mdor stong nyid bstan pa'i sgrub byed sher sgron gyi lung nyan thos kyi theg pa las kyang/ zhes sogs nyan thos kyi sde snod kyi gzhung tshig yin pa'i don yin gyi/ nyan thos kyi sde snod min zhes des na stong nyid ston pa'i mdo yin phyin legs ldan sogs kyi lugs la theg chen gyi mdor 'grub po/ /zhes pas bstan la/ gzhan yang/ theg pa che las skye med bstan/ /zhes sogs dman mdor stong nyid bstan par nyan thos sde ba'i ngor sgrub pas rang 'grel gyi de nyan thos sde ba ma yin par 'grub ste/ rang 'grel las/ lung de sgrub byed du drangs pa'i phyir/ de nyan thos sde ba la sgrub byed du drangs pa min na/ khyod kyis de'i mjug tu/ 'o na rang 'grel las/ ji skad du/ rin chen phreng ba las/ ji srid phung po 'dzin yod pa/ /zhes sogs drangs pa yang nyan thos sde ba'i ngor drangs ji ltar rigs zhe na/ zhes yang sgra'i don yod pa'i phyir dang/ de rang rgyud pa'i ngor 'dren pa yin zhes zhib cha phye don yod pa'i phyir/ 'di'i sgrub yul nyan thos sde ba med de/ rang 'grel las/ lung 'di las ni sa bcu ba'i lung gis sgrub cing/ khungs yang rin phreng dang/ rtsa she drangs la/ rtsod spong gi lan gyi skabs su yang/ rin phreng dang bstod @049b pa drangs pa'i phyir dang/ rnam bshad dang stong thun las/ phyogs snga smra ba ni slob dpon legs ldan yin te/ gsungs kyi yod de ma gsungs pa'i phyir/ thun mong ma yin pa'i khyad par sbyar ba thal rang gi gzhung na zur tsam yang med la/ thun mong ba'i don yang brjod byas 'jog gam gdul byas 'jog /khyod kyis drangs pa'i mdo tshan gsum po de la brjod bya theg pa gnyis ka'i thun mong du nyams su blangs bya med la/ gdul byed la ched du brten nas de don nyams su len pa'i theg dman pa med pa'i phyir ro/ /theg dman gyi mdo'i gzhung tshig dang theg dman gyi mdo khyad ma phye bas nongs so/ /rang 'grel las/ de dag la chos kyi bdag med pa yongs su rdzogs par sgom pa med de nas/ gang zag gi bdag med pa ma lus par sgom pa ni yod par rnam par bzhag go /zhes pa'i don rje btsun pa'i dbu ma las/ don yod de/ nyan rang 'phags pas nyon sgrib kyi gnyen po rdzogs par sgom zhing/ shes sgrib kyi gnyen po rdzogs par mi sgom pa'i phyir/ zhes pa yin gsungs nas/ des chos kyi bdag med rdzogs par sgom te/ des chos kyi bdag 'dzin rdzogs par spong nus pa'i phyir/ gsungs/ yig cha rnying par/ chos kyi bdag med phra mo ma lus par sgom pa dang/ rdzogs par sgom pa'i don de rigs ba'i rnam grangs mtha' yas pa'i sgo nas sgom pa la byed pas phyir na ma khyab ste/ gang zag gi @050a @#/ /bdag med ma lus par sgom pa'i don de nyon mongs kyi sa bon gyi gnyen po rdzogs par bsgom pa la byed ces dang/ nyan rang la chos kyi bdag med rdzogs par sgom pa yod par thal/ de la gang zag gi bdag med rdzogs par sgom pa yod pa'i phyir na ma khyab/ ces gnyis kas ma lus par sgom pa dang rdzogs par sgom pa khyad med byas so/ /snga ma'i de TIka chen gyi dgongs par ma song ste/ rnam bshad las/ nyon mongs kyi sa bon gyi gnyen po rdzogs par sgom pa yod la/ shes bya'i sgrib pa'i gnyen po rdzogs par sgom pa ni med do/ /gsungs pa sgrub byed yin gyi bsgrub bya ma yin pa'i phyir te/ de ni de dag la chos kyi bdag med rdzogs par ste/ rigs pa'i rnam grangs mtha' yas pas sgom pa med de/ nyon mongs tsam las shes sgrib kyi gnyen po rdzogs par sgom pa med pa'i phyir/ gang zag gi bdag med rdzogs par te/ rigs pa'i med rdzogs par ste/ rigs pa'i rnam grangs mtha' yas pas sgom pa med de/ nyon mongs tsam las shes sgrib kyi gnyen po rdzogs par sgom pa med pa'i phyir/ gang zag gi bdag med rdzogs par te/ rigs pa'i rnam grangs mtha' yas pas mi sgom kyang ma lus par sgom dgos te/ nyon sgrib kyi gnyen po rdzogs par sgom dgos pa'i phyir te/ rnam bshad las/ chos kyi bdag med rnam grangs dang dus kyi sgo nas yongs su rdzogs par sgom pa med pa ste/ 'on kyang khams gsum gyi nyon mongs kyi sa bon spong pa'i thabs tsam zhig yod do/ /zhes tsam sgras shes sgrib kyi gnyen po sgom pa med pa'i sgrub byed bstan la/ thabs tsam yod ces pas @050b gang zag gi bdag med ma lus par sgom pa'i sgrub byed bstan pa'i phyir dang/ rnam grangs dang dus smos pa'i don yod pa'i phyir/ yig char/ de gnyis ka bkag nas/ des na bdag med gnyis ma lus par sgom pa yod kyang/ bdag med gnyis rdzogs par sgom pa'i don ma yin te/ chos thams cad kyi stong nyid bdag med gnyis su bsdus nas sgom pa yod pa'i phyir/ gsungs pa ltar ma lus pa chos thams cad kyi stong nyid sgom pa dang/ rdzogs pa dus dang rnam grangs mtha' yas pas sgom pa la bya'o/ /yig cha rnying par/ rnam bshad las/ slob dpon chen po sengge bzang po yang 'phags pa grol sde dang mthun par bzhed do/ /zhes gsungs pa mi 'thad par thal/ zhes pa nas/ de gnyis dgongs pa thal 'gyur du gnas pa ma yin pa'i phyir/ zhes gsungs la/ bsod grags pa'i spyi don las/ rgyan rtsa ba'i dgongs pa thal 'gyur du gnas kyang/ 'grel ba gnyis kyis rang rgyud du bkral ba la 'gal ba gtan med do/ /zhes dang/ de'i mtha' dpyod las/ lugs 'di'i dbang du byas na slob dpon dbyig gnyen gyi dngos slob so skyes slob dpon grol sde la 'phags pa'i ming gis bsnyad par khas len pa'i phyir/ zhes dang/ stong thun gyi gsungs de drang don du 'grel ba'i phyir/ gsungs la/ de bzhin du rje drung ba'i dbu ma las kyang/ 'phags seng gi 'grel ba'i dgongs pa rang rgyud du gnas pa'i phyir @051a @#/ /zer na/ 'di la mkhas grub rjes ni 'phags seng gi 'grel ba'i dgongs pa rang rgyud du gnas kyang/ rang rgyud pa'i lugs la'ang 'phags pa la stong nyid rtogs pas khyab bo/ /gsungs kyang rang lugs ni/ rang rgyud pa'i lugs la'ang theg pa gsum gyi 'phags pa'i gang zag thams cad kyis stong nyid rtogs par khas len kyang/ 'phags pa yin na stong nyid rtogs pas khyab pa khas len mi dgos pa'i phyir/ dper na/ 'grel chung las/ 'phags pa'i gang zag thams cad kyi rgyud la 'byung ba'i bsam gtan bzhi dang/ zhes gsungs pa sgra ji bzhin par khas len kyang/ 'phags pa yin na/ bsam gtan bzhi rgyud ldan yin mi dgos pa bzhin no/ /gsungs/ 'di la kha cig /rang lugs la yang/ rnam bshad las/ gnyis pa ltar 'dod pa ni slob dpon sengge bzang po la sogs pa'i 'grel ba'i lugs yin pas/ zhes dang/ stong thun las/ 'phags seng gi lugs la/ gang zag phung po dang mtshan nyid mi mthun pa'i rang rkya thub pa'i rdzas yod med par rtogs pa nyid/ gang zag gi bdag med mtshan nyid rdzogs par rtogs par 'dod kyi/ nyan rang gis chos kyi bdag med rtogs pa yod par 'dod kyang/ gang zag gi bdag med mtshan nyid rdzogs par rtogs pa'i don/ gang zag bden par grub pas stong pa rtogs pa la mi 'dod @051b la/ zhes gsungs pas phyi ma gnyis ltar yin te/ min na/ gzung don rtog pa spong phyir dang/ /zhes pa ltar rtogs rigs gsum khas len pa'i rang rgyud pa'i mtshan gzhi mi rnyed pa'i phyir zer na/ rtags ma grub ste/ de'i mtshan gzhi zhi 'tsho yab sras bzhag chog pa'i phyir dang/ rnam bshad dang stong thun gyi don spyir 'phags seng gi 'grel ba gnyis dgongs pa de ltar gnas gsungs pa yin gyi/ thal 'gyur pa'i lugs la ma yin pa'i phyir/ des na rje drung bas/ rang lugs la rtsa ba'i tshul gnyis dang/ 'phags seng gis 'grel ba'i tshul gnyis don mi gcig ste/ zhes rtsa ba'i tshul dang po 'phags pa la chos kyi bdag med rtogs pas khyab tshul dang/ 'grel ba'i dang po nyan rang 'phags pas chos kyi bdag med rtogs pa yod par bshad pa yin zhes pa mi 'thad de/ rtsa ba'i tshul dang po'i sgrub byed du/ nyi snang las/ de la rtog pa dang sogs rigs gyi rtsod lan drangs la/ gzhan yang/ nyi khri snang ba dang/ brgyad stong 'grel chen gnyis kar zhes pa nas/ bzhag pa'i phyir/ zhes pa'o/ /de'i phyir lugs 'di dang mngon rtogs rgyan gnyis 'gal ba ma yin no/ / des na rgyan gyi 'grel mdzad de dag gi lugs la yang tshul gnyis shes par bya'o/ /zhes 'grel chen gnyis kyi lung gis mngon rgyan gyi dgongs pa thal 'gyur du gnas par sgrub nas/ des na 'grel mdzad de dag gi @052a @#/ /lugs la yang tshul gnyis shes par bya/ zhes gsungs pa'i phyir/ de dag gi lung zhes pa las gzhung med pa'i phyir zer na/ gzhung yin te/ stong thun las/ de'i don ni rab tu phye zhes pa bshad pa'i gzhir bya'o/ /gang na/ 'phags pa'i gang zag thams cad ni'o/ /gang las na/ so so skye bo thams cad las so/ /gang gis na/ 'dus ma byas chos kyi dbyings mngon sum du rtogs pa'i sgo nas so/ zhes pa ste/ zhes pa nas/ de ltar ston tshul gnyis yod par 'phags seng yang bzhed par ston pa yin no/ /zhes gsungs pa'i phyir/ des na stong thun las 'phags seng lugs la 'phags pa la stong nyid rtogs pas khyab pa lta bur gsungs pa yang skabs 'dir khyab par gsungs pa'i don no/ /des na rnam 'grel las phyi don yod med kyi lugs gnyis gsungs pa bzhin du skabs 'dir 'grel chen gnyis kyis thal rang gnyis ka'i lugs gsungs kyang/ skabs 'dir dgongs pa thal 'gyur du gnas zer dgos te/ yig char/ byas pa la kho na re/ phar phyin skabs su 'dir bstan yang dag mtha' de bzhin nyid la byed rigs par thal/ 'phags seng gis kyang 'gog bden don dam bden par bzhed pa'i phyir na ma khyab ste/ zhes dang/ phar phyin mtha' dpyod las/ yang kho na re/ gzhung de thal 'gyur ba'i de yin par thal/ dgongs pa rab gsal dang/ stong @052b thun skal bzang mig 'byed du slob dpon 'phags seng gi dgongs pa thal 'gyur du bkral ba'i phyir na ma khyab ste/ thal 'gyur ba'i skabs yin pas de bshad la/ zhes dang/ 'grel ba'i zin bris las/ rnam bshad dgongs pa rab gsal/ stong thun sogs su rigs kyi rtsod lan gyi gzhung 'di la brten nas 'phags seng gnyis thal 'gyur ba dang/ mngon rtogs rgyan gyi rtsa ba'i dgongs pa mthar thug thal 'gyur ba'i lugs su gnas par bsgrubs nas/ zhes gsungs pa'i phyir/ rang rgyud pas rtsod lan de 'grel tshul gang yin zhe na/ 'grel ba'i zin bris las/ rang rgyud pa'i lugs la sems bden stong de skyon spong ba dang/ yon tan 'byung ba'i gzhir yong ba'i stobs kyis de gzhi'am rten du byas nas nyan thos kyis gang zag gi bdag med dang/ rang rgyal gyis gzung 'dzin gnyis med dang/ byang sems kyis bden stong la dmigs te bsgoms pas nyon sgrib spong bar byed pa la khyad par med pa'i phyir ram/ sbyir gnas pa de/ de ltar byed pa de gsum ga'i thun mong gi chos yin pa'i phyir na/ rigs kyi dbye ba mi 'thad do zhes rtsod tshul gcig dang/ rang rgyud pa'i lugs la sems bden stong de skyon spong ba dang yon tan 'byung ba'i gzhir yod pa'i stobs kyis de gzhi 'am rten du byas nas/ nyan thos kyis gang zag gi bdag med dang/ rang rgyal gyi gzung 'dzin gnyis med dang/ @053a @#/ /byang sems kyis bden stong la dmigs te bsgoms pas rang gi byang chub thob par 'gyur la/ de ltar sems bden stong de byang chub gsum gyi rten du spyir gnas pa'am thun mong du yod pa'i phyir na/ rigs la gsum du dbye ba mi 'thad ces pa'i rtsod pa gcig dang/ gnyis bkod nas zhes pa'i don mdor bsdus na/ theg pa gsum gyi rigs can gsum so sor ma nges par thal/ sems bden stong de de gsum ga'i skyon spong ba dang yon tan 'byung ba'i gzhir spyir gnas pa ste thun mong du yod pa'i phyir/ de gsum gyi rigs tha dad pa gsum mi rung bar thal/ de gsum gyi skyon spong ba dang yon tan 'byung ba'i gzhi 'am rgyu'i chos dbyings dbyer med pa ste khyad par med pa'i phyir/ zhes rtsod pa la/ ma khyab ste/ 'bras bu 'am brten pa sgrub pa mchog 'bring dman gsum gyi sgo nas rigs can gsum dang/ rigs gsum so sor 'jog ces lan btab ste/ nyi snang las/ ji ltar dmigs pa na 'phags pa'i chos rnams kyi rgyur 'gyur ba de ltar rigs yin par brjod pa des na/ zhes 'phags chos spang bya spong ba dang yon tan gyi gzhi 'am rgyur 'gyur tshul gyis gsungs pa'i phyir/ rgyan snang las/ yon tan sgrol ba'i don gyis na chos kyi dbyings la rigs zhes bya ste/ de las yon tan de dag skye zhing 'byung ba yin no/ /zhes bya ba'i tha tshig go /de'i @053b 'phags pa'i gang zag thams cad ni sogs gsungs pas/ skabs 'dir 'dus ma byas kyis rab tu phye ba'i don yang/ rigs gzhir byas nas spang bya spong ba sogs kyis so skye las rab tu phye na chog gam snyam/ nyi snang las/ ji ltar dmigs pa na zhes pa'i rten byed tshul ni/ rnam bshad gnyis kar rten ni 'dir dmigs pa dang/ brten pa ni dmigs byed yin la/ zhes pa dang/ snying po rgyan las/ skabs 'dir bdag med phra rags la dmigs pa'i khyad par gyis 'byed pa ni/ rtsod pa'i lan gyi skabs don las nyams pa'o/ /zhes pa dang 'gal lo zhe na/ de ni rgyan gyi gzhung 'di'i dgongs pa mthar thug thal 'gyur ba'i lugs su gnas pas de'i dbang du byas kyi/ sngar ltar yang gsungs te/ 'grel chung las/ brten pa'i chos theg pa gsum gyis bsdus pas rtogs par bya ba tha dad pa nyid kyis rten tha dad pa nyid do/ /zhes pa snying po rgyan las/ rtogs shing thob par bya ba'i lam tha dad pa nyid kyis rten rigs tha dad pa nyid do/ /zhes dang/ mtshan nyid/ chos dbyings gang zhig /theg chen sgrub pa'i rten gzhi byed pa zhes gsungs la/ gser phreng las kyang de bzhin gsungs pa'i phyir/ khyab ste/ rten gzhi byed tshul thal 'gyur ba ltar dmigs par byas na/ sangs rgyas kyi sems bden stong gis ma nges pa phar phyin mtha' dpyod ltar yin pa'i phyir/ de ltar @054a @#/ /min par dmigs byed kyis 'jog na theg dman rigs des gnyis la sbyar du med pas skabs don nyams pa'i phyir ro/ /rang rgyud pa'i lugs la stong nyid mngon sum rtogs pa'i nyan rang yod dam med ce na/ rang re'i phar phyin yig char tshul gnyis gsungs la/ skabs lnga bar rang gzhan mang pos de ltar bris 'dug pas de mthun byas kyang rang lugs 'thad ldan byas pa min no/ /gsungs pa'i de sgra gang la snyeg kyang chog pas des med pa mi 'grub mod/ yod na/ rnam bshad las/ stong nyid la dmigs pa'i sgom byung skyes pa'i thog ma bshad pa la zhes pa dang/ stong nyid rtogs pa'i zhi lhag zung 'brel thog mar skyes pa na spyod lam drod skye ba zhes bya la zhes pa dang/ 'grel chung las/ rnam par rtog pa bzhi dang mi ldan par 'byung ngo/ /zhes sogs dang 'gal zhing/ chos nyid la snang ba thob pa'i ting nge 'dzin sogs yod par thal ba sogs mang la/ med na rnam bshad dang stong thun gyi don theg dman rang lam du goms na mngon sum du rtogs pa 'ong ba'i don yin la/ rang lam du de ltar mi sgom zer na dgongs par e 'gro dpyad/ /gzhan yang/ mngon rtogs rgyan gyi dgongs pa thal 'gyur ba'i lugs su gnas tshul skabs dang po'i sa bdun pa dang brgyad pa'i yongs sbyongs dang/ gsum pa'i nye rang gi gzhi shes skabs dang/ bzhi pa'i sgom lam gyi rtsod @054b lan sogs kyis bsgrub tshul zhang zhung chos dbang grags pa'i rgyan gyi lta ba thal 'gyur du 'grel tshul las shes par bya'o/ /de ltar na rgyan dang 'gal spong gsungs pa ni/ bu ston rin po che dang/ bcom ldan rigs ral sogs kyi thal 'gyur ba'i lugs la bden 'dzin nyan rang dgra bcom gyis spangs na/ rgyan las/ gzung don rtog pa spong phyir dang/ /sogs kyis rang rgyal gyi lam gyis gzung ba bden 'dzin spong nus 'dzin pa bden 'dzin spong mi nus par gsungs pa dang 'gal/ zhes pa'i rtsod spong du rje thams cad mkhyen pas mdzad la/ rgyud bla rtsa 'grel la zhal 'phangs mdzad pa mkhas grub rin po ches/ rgyud bla ma las/ nyi ma'i dkyil 'khor 'ong 'bar ba/ /sogs kyis nyan rang la stong nyid rtogs pa med par bstan na/ byang sems lam du zhugs ma thag pa la yang med par ston dgos zhes bkag nas/ rang byung rnams kyi don dam de/ /dad pa nyid kyis rtogs bya yin/ /sogs kyis bsgrub pas de gnyis thal 'gyur ba'i rang gzhung yin no/ /bsod gras pas/ rgyud blar/ 'khor gsum rnam par rtog pa gang/ /de ni shes bya'i sgrib par 'dod/ /ces pas bden 'dzin shes sgrib tu bstan par gsungs kyang skabs 'dir mi 'thad de/ rgyud bla dar TIka las/ 'khor gsum bden par rnam par rtog pa'i bag chags gang yin pa de ni shes bya'i sgrib par 'dod do/ /zhes @055a @#/ /gsungs pa'i phyir/ phyi rgol rgyud smin ma smin gyi don mthun dpe gzhan gyi steng gi stong nyid rtogs ma rtogs la byed tshul lam rim chen mo las/ de ltar yin na'ang rang bzhin med pa'i dper rung lugs ni gang du snang ba de'i dngos pos stong bas/ gang du snang ba med pa mngon sum gyis grub pas de nyid dper byed pa yin no/ /zhes pas dngos smra ba lta bu rgyud ma smin pa gzugs brnyan byad bzhin du snang ba ltar ma grub pa dper bkod na de snang ba ltar ma grub kyang yod par 'jog thub pas/ de la brten nas gzugs sgra sogs snang ba ltar ma grub kyang yod par 'jog thub pa 'ong bas/ don dam par med pa dang/ tha snyad du yod pa gnyis ka'i dper rung la/ dpe steng gi stong nyid rtogs pa'i rgyud smin pa la ni/ lam rim chung ba las/ 'jig rten na rdzun par grags pa'i dpe 'di rnams thog mar rang bzhin med par rtogs su bcug nas zhes pa ltar/ gzugs brnyan rang bzhin med par rtogs yod pas/ de la gzugs brnyan rang bzhin med pa dper bkod pas snga mas dpe steng du rtags chos kyi 'brel ba ma rtogs kyang/ phyi mas rtogs so/ / yig char/ rgyu mtshan de ltar mi shes par zhes pa nas/ snying por zungs shig /ces pa de yin no// ! //bzhi brgya ba las/ 'chi dang chos dang srid pa gzhan/ /sbyin pa'i sgra yis @055b gsal byed pa/ /de phyir byang chub sems dpa' la/ /sbyin pa'i sgra ni rtag tu snyan/ /zhes sbyin pa'i sgra de dag la 'jug tshul ni/ byings mdo las/ do ni gtub ba la'o/ /ngA ba la'o/ /zhes pa gnyis las snga ma'i o phyis yu byin de a nar byas g+ha nya byin Ti'i a phyis nya 'gro ba la 'os/ 'phel ba byas mtshams sbyar bas dA na skye ba gtub pa'i 'chi ba dang/ phyi ma'i ba phyis yu byin de a nar byas sbyar bas chog gam/ yang na A dang ba phyis nas sngar ltar sbyar ram dpyad la/ skye ba rtsa rnga ba bzhin byas pa'i 'chi ba go ba yin te/ zla ba'i de'i 'grel ba las/ skad kyi byings gnyis po der sbyin pa'i sgra bye brag tu 'chad pa ni/ nges 'chi ba gsal bar byed pa ste/ de'i phyir skyo ba dang rjes su mthun pa'i phyir/ byang chub sems dpa' rnams la sbyin pa'i sgra snyan no/ &/zhes gsungs pa'i phyir/ Tu dA nyra dang/ da na sbyin pa la'o/ /zhes pa gnyis sgrub tshul yig char gsal la/ des sbyin pa gsum bstan pas chos sgrub tshul go ba yin te/ 'grel ba las/ da na ni sbyin pa la'o/ /zhes pa nas/ de'i tshe ni gtong ba'i rjod par byed pa yin pa/ de'i phyir chos bsnyad do/ /gtong pa yang rnam pa gsum ste/ zang zing dang/ mi 'jigs pa dang/ chos kyi sbyin pa'i dbye bas so/ /de la zang zing gi sbyin pa ni sbyin pa'i pha rol tu phyin pa'o/ /zhes pa nas/ de ltar chos rjod par byed pa yin pas sbyin pa'i sgra ni @056a @#/ /snyan no/ /zhes gsungs pa'i phyir/ der ni srung pa la'o/ /de la ni sbyong ba la'o/ /zhes pa gnyis kyi eng gnyis dang/ e ba gnyis phyis te gong gi do gtub pa sgrub tshul ltar byas pas dA na tshe 'dir sgo gsum bsrung ba dang/ sgo gsum gyi nyes pa sbyong pas ji ltar 'dod pa'i skyes pa gzhan 'grub pa go bas yin te/ /'grel ba las/ skad phyi byings gnyis po der sbyin pa'i sgra bye brag tu 'chad pa de'i tshe ni tshe 'di nyid du yul dag la lus dang ngag dang yid bsrung ba'i phyir dang/ de yongs su dag pas ji ltar 'dod pa bzhin srid pa gzhan mngon par sgrub pa'i phyir na/ srid pa gzhan gsal bar byed pas sbyin pa'i sgra byang chub sems dpa' rnams la snyan no/ /zhes gsungs pa'i phyir/ des na de la drug pa'i ngas byin ngas sya byas pas dA na sya sbyin pa'i dang/ pha rol pr-i skyongs pa la bos sgrub pa ni/ rang 'grel las/ 'khor ba'i rgya mtsho'i phar 'gram dang/ zhes pa nas/ sangs rgyas nyid do zhes pa ltar 'gro kun nye ring med par skyongs pa'i mthar thug pa la pha rol tu byas pa yin la/ yig char/ 'phel ba byas pas pA ra sgrub ste/ zhes ru srog med byas pa ma dag ste/ g+ha nya'i a yod pa'i phyir dang/ 'og tu Ti'i a phyis zhes pa'i a phyi rgyu med par 'gyur pa'i phyir/ de ltar byas pas pAra grub ste de la tu'i don du gnyis pa'i gcig tshig a ma byin Ti'i a phyis ru a la drangs pa'i pU ra ma grub pa'i phyir ro/ /phyin pa 'gro @056b ba'i byings i Na la 'os sgrub pa ni pha rol der 'gro byed dang 'gro ba gnyis ka la phyin sgra 'jug pas yin la/ de la rkyen kta phyin Na dang ka phyis pas i ta grub pa la dang po'i gcig tshig ka swa ste ka lab dang/ dbyangs can gyi mdo gnyis ltar na si dang/ pa tsan te pa Ni pa dang tsandra pa gnyis ltar na su byin dang po ltar na i phyi ma ltar na u phyis sa rnam bcad byas dA na sya pA ra mi taH grub/ 'grel bshad ltar na 'di rtsod gzhi byas par mngon gsungs pa 'grel bshad las/ rgya gar skad la pA ra zhes bya ba dang i ta zhes bya ba'i tshig yod la zhes pa nas/ a mra dang su mi mngon par 'gyur ba yin pas/ zhes gsungs pas pA ra ma'i ma a ma ma phyis par yod pa 'di kho na phyi nang gnyis kyi skabs 'di'i rtsod gzhir mngon/ zhes pa yin la/ rang lugs la de'i mra a ma gyi ma kho na min pa lan gnyis pas shes so/ /yig char/ mo rtags ma yin par gsal te su tshig sdud par du ma phyis pas so/ / zhes pa dpyad/ /'dir da da 'dor ba la 'jug pa'i phyin te/ gsungs pa da phyi ma nar 'gyur rgyu yin nam/ phar phyin mtha' dpyod du na pa sel ba ste gsungs so/ /yig char/ 'di 'grel bshad kyi yang yin no/ / gsungs pa rnam bshad kyi skabs 'di rnams 'grel bshad kyi bshad pa yin zhes rtsod gzhi dang lan gnyis pa ma gtogs 'grel bshad ltar byas chog pa'i don te 'dir rtsod gzhi dA na pA ra mi ta byas pas so/ /phyi rol @057a @#/ /brda sprod pas/ de la pA re ta zer dgos pa la rnam dbye am ma bsdus pa mi 'thad par pa Ni pa sogs kyis sgrub pa la/ zla ba'i zhabs kyis/ tshig 'phro mtshams sbyor rgyu yod tshe/ tshu rol gsal byed kyi mtha' mid byi bar sgra gzhung gis sgrub pas/ de ltar na a ma ma bsdus pa yin la/ yang na yi ge gzugs mdzes sam sgra ci legs kyi ched du br-i Sho da ra'i ci mdzes kyi bsdu ba byas tshe mchog tu phyin pa zhes bshad pa ltar/ dam pa'am mchog gi skad dod pA ra ma'i srog gi a phyis ma'i mtha' can byas gyi am ma bsdus pa min zhes lan gnyis gsungs pas gnyis ka yod do/ /pr-i Sho dar la sogs zhes pa'i sogs khong nas bton pa ka tsan gyi 'grel ba gnyis dang/ 'chi med mdzod rtsa 'grel las gsungs pa yang/ yi ge bsgyur nyams sogs kyi ci mdzes su 'du la/ yi ge bsgyur ba'i ci mdzes ni/ ma hI la am byin dbyangs la A ya byas drangs pas ma hya ma ro ti la hI yur bsgyur te rnam dbye sogs phyis pa dang/ mA u khi'i u yur bsgyur ba dang/ sha ba sya sha ya na ma'i ba ma byas pas bsgyur ba dang/ sya ya ma gsum byis pas nyams pa ste/ shA shA na lta bu gnyis ka'i dang glo bur ba snga ma'i shul tu yi ge gzhan bzhag pa dang/ bsnol ba gong 'og brjes pa'o/ /yig char/ 'khrul ba dgag pa ni/ rnam @057b bshad las/ bod kha cig /ces pa nas/ mtshams sbyar ba'i tshe i yig gi gi gu ma la byin a phyis pas mi tA ra song zer gsungs pa de yin la gsung rgyun de las rtsod pa bkod tshul rang lugs byas nas legs zhes gsungs la/ lung gnyis ni rang 'grel du drangs pa'i tshig phyi ma yod na sogs dang/ pr-i Sho dar sogs yin la/ de dang bya zhing ba gnyis kyis 'jug 'grel gyis sgra gzhung gi lung phyi ma drangs ba'i sgrub tshul ma dgongs nas pr-i sha skem pa dang u d+ha ra lto ba yin pas 'di'i sgrub byed 'brel med ces rang 'grel la zur za la/ yig char/ pri Sho dar lto skem dang 'brel med gnyis ka ma yin par thal/ zhes bkag pa ni 'brel med min pa lan gnyis pa 'debs tshul gyis shes la/ pri Sha ta ri dwags khra bo sogs la 'jug pa las lto skem la mi 'jug ces pa'o/ /i la a i so sor 'byed rgyu med pas de lo chen gyi min par sgrub po/ /kun mkhyen go bos/ a ma gyi a brjod don yin pas phyis nas ma srog med yar sbyar te/ ra'i klad gor du phyin nas ma'i mtha' can du byas pa pr-i Sho da ra'i bsdu par byas pa la/ a ma gyi a brjod don yin na/ mtshams sbyor rgyu med dgos pa la de yod pa 'jam dpal grags pa'i si sogs kyi bya ba las dngos su gsungs pa dang/ dbyangs can las/ gsal byed mthar si 'jig dmigs kyis bkar ba @058a @#/ /gnyis kyis bkag la/ bsgyur bsnol sogs gang yang med pas de de'i bsdu bar mi 'thad de/ de la dper na/ pr-i Sha la a ti byin u i phyis mtshams sbyar bas pr-i Sha ta dang/ r-i la a tsa byin r-i a ru byas de'i sngon du nye bsgyur uta bzhag ta gnyis dar bsgyur te sbyar bas pr-i Sha du dar grub de 'du'i srog gi u phral da phyis a u la o byas sbyar bas/ pr-i Sho dar nyams bsgyur gyis bsdus pa lta bu dgos zhes bkag go /pr-i Sho da ra sogs ci mdzes thams cad de'i bsdu ba ma yin pa'i phyir/ gsungs pa ma'i mtha' can byas pa tsam ci mdzes yin gyi bsdu ba min ces pa'o/ /de la kho na re/ pri Sho da ras ma mtha' can byas pa am bzhag pa yin par thal/ rnam bshad las/ am gyi a phyis ma bkag pa la i byin pas mi tA ra song zhes pa'o/ /zhes gsungs pa'i phyir zer na ma khyab ste/ de ni gong du mi mngon par mi bya'o/ /zhes bshad de zhes 'grel bshad drangs pa'i 'grel tsam yin gyi des lan gnyis pa rang lugs su mi rung ba'i phyir/ des na rnam bshad las/ pNTi ta'i bshad pa sngar bkod pa nyid legs so/ /gsungs pa yang lan dang po yin no/ /rnam bshad las/ dang po'i tshig su ni ma dag pa 'dra bas si yin nam dpyad do/ /gsungs pa yang/ 'grel bshad las/ dang po'i tshig su byin te zhes pa'i su yin la/ de ni rgya gar na @058b 'ga' zhig gis/ dang po'i gcig tshig su mi legs si legs te/ i mtha' las si'o/ /zhes smras tshe bdun pa'i sub dang mi nor/ su'o smras tshe de dang nor dogs yod pa'i phyir/ zhes pa'i rtsod lan 'jam dpal grags pas bkod pa ltar si 'dod pa'i lugs la su pa dang nor dogs yod pa dang/ rtsod lan de dag shes ched yin gyi ke tsan gyi dang po'i ku ma mkhyen pa min zhes dpal ldan zla ba'i zhabs dang/ rje thams cad mkhyen pa'i dgongs pa gsal bar byas so/ /smras pa/ rgyu skar bdag po'i gzhung zab wa ra'i kha/ /sngon byon mkhas mang legs bshad tsha zer gyis/ /ma phyes g.yas 'jog byas ba rgod pa'i thabs/ /lus phra'i 'gram chang 'di las gzhan na gang// ! 'dir thun mong ma yin pa'i lta ba dag pa rang bzhin med par rtogs pa'i lta ba ldan pa la byed pa 'od srung le'u dang rtsa ba ltar dang/ spyir lta ba dag pa 'dul ba lung ltar/ lta ngan re gnyis gang dang mi ldan pa yin no/ /yig cha rnying bar/ de tshul khrims kyi 'khor gsum rang bzhin gyis grub par lta ba'i gang zag yin pa gang zhig/ de byang sems kyi tshul 'chal yin pa'i phyir/ gsungs pa yig char bkag nas/ byang sems kyi sdom pa'i tshul khrims 'chal ba rtsa ltung byung ba dang/ byang sems kyi tshul khrims 'chal ba sems bskyed nyams pa la gsungs te/ kha cig byang @059a @#/ /sems kyi sdom pa'i tshul khrims 'chal na/ byang sems kyi tshul khrims 'chal bas khyab zer na/ 'o na rtsa ltung bco brgyad po gang rung byung la smon sems ma nyams pa'i byang sems chos can/ zhes gsungs pa'i phyir/ rang 'grel las/ de yang spong ba bdun gyi mtshan nyid can no/ /gsungs pa byang sems kyi sdom pa'i tshul khrims lus ngag gi las gtso che bas yin gyi/ de'i rtsa ltung la yid las yod pa bzhin du sdom pa la yang yod pas skabs 'di'i tshul khrims la gzugs mi dgos la/ dge ba'i sems thams cad tshul khrims yin nam dpyad/ sa bcu pa'i mdo dang rang 'grel rnam bshad rnams kyis/ de tshul phun tshogs yon tan dag ldan phyir/ /zhes pa'i tshul khrims phun tshogs 'bras bu dang/ yon tan dag pa rgyur byas nas so sor gsungs pa yig cha 'di kho nas gsal bar byas so/ /rang bzhin gyis grub par lta na 'jig rten las 'das pa'i tshul khrims dag par mi 'gyur ba dang/ spyir des tshul 'chal gyi rgyu byed pa gnyis ka rtsa ba dang 'od srung le'u'i don no/ /dge mtshan dang bkra shis ni/ 'grel bshad las/ dge mtshan dang zhes bya ba ni rtsis byed pa ste/ des ma 'ongs pa yongs su shes pa'i phyir ro/ /bkra shis zhes bya ba ni lam du 'jug pa la sogs mtshan ma bzang po lta ba gang yin pa'o/ /zhes pa ltar dbu ma'i zin bris las/ @059b sdom pa len pa la skar ma rtsis pas dge mtshan dang/ nye ston la bkra shis brjod pa dag las 'bras la yid ma ches pa'i bkra shis log lta yin gsungs pa ltar ro/ /yid kyi gsum gyi gzugs brnyan tsam gnang ba ni/ gzhan don du brnab sems che ba ltar nor sogs len pa/ phan sems kyis bu slob la 'phral la gnod pa byed pa 'ga' zhig gi ngor tshul khrims la smod pa lta bu'o/ /mngon rtogs rgyan las/ rtag tu tshangs par spyod nyid dang/ /zhes dang/ phar phyin mtha' dpyod las/ byang 'phags la tshul khrims 'chal ba mi srid pa'i phyir/ zhes gsungs pas sa dang po la 'chal tshul med kyang bcas 'gal gyi ltung ba yod med dpyad de/ sgo gsum gyi kun spyod dag pa sa gnyis pa'i yon tan du gsungs pa dang/ dbang po'i sgo sdom pa'i zhi ba sogs sa dang po las lhag par gsungs pa'i phyir/ de bzhin du byang 'phags kyi rgyud la mi dge ba'i las yod med dpyad bya mang ngo// ! //zla ba'i 'jug 'grel las/ 'jam dpal rnam rol gyi mdo don byang sems stobs che bas chung bar khros par mdo kun btus su byams pa sengge sgra'i mdo dang/ de gnyis dkyus gcig tu drangs pas yin par rnam bshad las gsungs la/ mdo de las/ brgyad pa dang/ zhes pa lam rim las brgyad bkag ces pa yin la de brda bkrol las/ chos brgyad kyi brgyad pa'am/ bstod @060a @#/ /pa bkag pa'am/ smad pa ste bsdig pa dang/ brnyas pa sogs la yang 'jug gsungs pa ltar ro/ /mdo 'di las rma byang zhing rmas par mi 'gyur gyi zhes byang sems kyis byang sems ma yin pa la khros na/ dge rtsa mi 'joms par gsungs pa spyir btang dang/ rgyud las/ snying nas slob dpon smod pa dag /bsgrub kyang ci yang mi 'grub po/ /zhes pa dang/ nam snying gi mdo las/ rtsa ltung rnams kyis sngon bskyed pa'i dge rtsa 'jom par gsungs pa/ dmigs bsal du gsungs pas/ sngags dang byang sems kyi rtsa ltung gsum pa sogs kyi khro yul la rab byung yin min du ma yod pas/ yig char/ rab byung sogs gsungs la/ de bzhin du byang sems stobs che bas byang sems chung ba la khros na rtsa ba ltar bskal ba brgya'i de 'joms kyang/ des dmyal bar skye ba dang/ lam la gzhi nas go bgo mi dgos pa dang/ byang sems chung bas che ba lung bstan thob pa la khros na sdud pa dang/ byams pa sengge sgra'i mdo ltar khro sems kyi grangs ltar bskal bar lam la gzhi nas go bgo ba dang/ dmyal bar bskal ba gcig gnas pa gnyis ka dang/ sdud par/ de dmigs kyis bkar bas lung bstan ma thob pa chung dus lung bstan ma thob pa chen po dang/ byang sems mnyam pas mnyam pa la khros na khro sems kyi grangs bzhin dmyal bar bskal ba @060b gcig gnas pa dang/ bskal pa du ma'i dge rtsa 'joms pa las lam la gzhi nas go bgo mi dgos la/ mnyam pa la de ltar yin pa yig char/ spyod 'jug dang rab zhi rnam nges kyi mdos sgrub nas snga ma rnam bshad las/ gong gi sa bcad dang/ 'og tu sgrub byed mdo sdud pa dang/ spyod 'jug rim par drangs pas sgrub cing/ phyi mar yul rten la khyad par ma spyar pas sgrub nas/ de las gzhan du na dogs pa de ltar bkod pa 'brel med du 'gro ste/ zhes rje'i dgongs pa gsal par byas pa lta bu sngon ma byung ngo/ /de yang yig cha rnying pa dang ser ra'i yig cha sogs su mnyam pas mnyam pa la khros pa lung la brten nas shes zhes pa tsam las med la/ bsod grags pas/ mnyam pas mnyam pa la khros na bskal ba brgya las lhag pa dang/ stobs chung bas che ba la khros na de bos kyang lhag pa'i dge rtsa 'joms par shes nas pa'i phyir/ zhes rtsa ba'i tshig gis sgrub pa sogs dgongs par ma song bas/ rje'i mdo sngags kyi gsung rab zhes pa nas/ the tshom can gyi skyon yod pa'i phyir ro/ /gsungs so/ /yul rten gnyis byang sems ma yin pas khros na dge rtsa 'joms tshul nye bar 'khor gyi mdo dang/ ting 'dzin rgyal po ltar/ 'di nas gser gyi sa gzhi la thug pa'i bar gyi bya ma de snyed du 'khor bsgyur gyi rgyal srid stong 'gyur du longs spyod pa'i dge rtsa 'joms par @061a @#/ /gsungs pa rnams spyir btang yin gyi khyab mtha' bzung ba min te/ yig char/ 'dir mtshan gzhi yin gyi khyab mtha' ma nges te/ yul gyi che chung gi khyad par dang/ khro sems kyi che chung gi khyad par mtha' yas pa'i phyir ro/ /zhes dang/ dmigs bsal mtha' brtsan la de'i rnam dbye shin tu gal che ba'i phyir te/ zhes pa nas/ de la bskal pa du ma'i dge rtsa 'joms mi 'joms kyi khyad par yod la/ de gnyis dmyal ba mi gcig la dmyal ba gcig kyang/ lus che chung sogs kyis sdug bsngal che chung shin tu mi 'dra ba'i phyir/ zhes dang/ rgyal po dpa' byin gyis me tog zla mdzes 'grongs pa'i rnam smin rab zhi'i mdo las/ bskal pa bye ba stong rnams dang/ /brgya dang khrag khrig rnams su yang/ /mnar med par ni sdug bsngal rnyed/ /ces pa drangs pa'i phyir ro/ /bcom bya'i dge rtsa la/ rtsa bar/ sbyin dang khrims byung gsungs pas/ sgom byung med la/ 'grel bar bsod nams kyi tshogs gsungs pas ye shes kyi tshogs med la/ bcom pa'i don spyir des de'i 'bras bu 'byin pa'i nus pa la gnod pa byas pa dang/ de la rnam smin gyi 'bras bu la gnod pa dang/ lam sogs skye myur ba'i nus pa bcom pa gnyis re re la bcom pa rab 'bring tha gsum rnam smin ma lus par zad pa dang/ lam la gzhi nas go bgo ba chen po dang/ rnam smin chung du las ma lus @061b pa dang/ lam la bskal par go bgo dgos pa 'bring dang/ rnam smin chung du dang yun thung ngur btang ba dang/ skye ba 'ga' 'am tshe 'dir slar skye mi rung bar byas pa tha mar 'jog pa/ mdo las/ bsrabs pa dang/ yongs su byang ba dang/ yongs su zad par 'gyur ro/ /zhes pa'i don yin gyi/ rje btsun pas/ dge rtsa'i 'bras bu yid 'ong 'byin pa'i nus pa phal cher bcom pa ni yongs su byung ba ste/ zad pa chen po dang zhes pa mdo dang don gnyis ka nor ste/ chen po la gtan zad dgos pa'i phyir ro/ /de bzhin du stobs bzhi tshang ba'i dge rtsa'i sdig pa mi dge ba 'joms pa la yang rab 'bring tha gsum lam rim las gsungs pas/ yig char/ de ltar na dge mi dge'i 'joms tshul shes par byas nas bshags sdom dang/ byang chub kyi sems sbyong ba dang/ stong nyid bsgom pa sogs byas na sdig pa shin tu dag sla ste/ zhes gsungs pa ltar khong khro dang rtsa ltung rnams la srog bsdos byas te stobs bzhi tshang ba'i bshags bsdom dang/ khyad par du byang chub kyi sems gnyis bcos ma tshun chad la 'thad par 'tshal lo// ! //'dod chags zhe sngar yongs su zad par 'gyur/ /zhes pa'i zad pa la/ mdo las/ 'ching ba thams cad ces sogs kyis mngon pa nas bshad pa'i dug gsum chags bral kyis thad pa dang/ log pa'i 'dod chags sogs kyis sa @062a @#/ /gsum par rang gi spang bya nyon mongs chen po'i 'bring gi sa bon zad pa la gsungs pas gnyis yod de/ /dbu ma'i zin bris las/ theg chen sbyor mthong la gnas pa'i byang sems kyi rgyud kyi lam chos can/ phyir mi ldog pa'i sa yin par thal/ phyir mi ldog pa'i lam yin pa'i phyir na ma khyab gsungs so/ /yig char/ snyoms 'jug gi sgrib pa yin na/ sgrib pa ma yin pas khyad par thal/ cig shos la de'i phyir/ zhes las sgrib la sgrib pa ma yin pas khyab pa lta bur gsungs pa phyogs snga ma'i khas blangs pas yin gyi/ rang lugs min te/ rtags khas/ zhes gsungs pa'i phyir/ 'ga' zhig gis/ mtshams med las lta bus dbang gis sgom byung skye mi rung ba'i cha bzhag pa las dang/ des sgrib tshul so sor ma byas pa yin te/ mdzod rtsa 'grel lam rim sogs las mtshams med lnga bzhag pa'i phyir ro/ /bying rgod gnyis chos can/ gsungs pa phar phyin yig char/ der gyur pa'i bying rgod gsungs pa ltar yin te/ spyir bying phra dge ba yin pa'i phyir/ bying ba rags pa dang rgod pa gnyis yin byas chog go /rje btsun pa dang bsod grags pa sogs kyis sgrib pa la sgrib gnyis gang rung gis khyab par 'dod dam snyam ste/ dgra bcom rtogs pa sngon song gi mdag sa bdun gyi bar chad med lam dang rnam grol la ma med pa'i sgrub byed du de'i ngos skal gyi spang bya'i shes sgrib dang nyon sgrib gang yang @062b med pa bkod pa'i phyir/ yig cha rnying par/ de'i ngos skal gyi spang byar gyur pa'i bden gnyis ngo bo tha dad du 'dzin pa'i dri ma dang/ der gyur pa'i las 'bras gyi 'brel ba la rmongs pa'i ma rig pa lta bu/ de'i ngos skal gyi spang byar 'dzin par bya'o/ /zhes gsungs pa'ang mi 'thad de/ de gnyis 'og tu shes par gyur pa'i shes sgrib tu bshad pa dang nang 'gal ba'i phyir ro/ /yig char/ de mi 'thad par thal/ dgongs 'grel las/ kun rmongs nyer gnyis gnas ngan len bcu gcig gsungs pas sgrub nas/ de'i dang po bcu gnyis theg chen dgra bcom pas spangs pa na/ des sa de dag thob par thal ba 'phang ba rje btsun pa la yin te/ de'i dbu mar/ gsum pa grub ste/ de la de spangs zin pa'i phyir/ zhes yon tan brgya phrag bcu gnyis thob pa la gegs byed kyi sgrib pa spangs par gsungs pa'i phyir/ bsod grags pa'i mtha' dpyod las/ sa gnyis pa thob pa la bar du gcod byed kyi sgrib pa de rgyun mtha'i bar chad med lam gyis dngos su spong dgos pa'i phyir/ der thal/ de thob pa la bar du gcod byed kyi shes sgrib phra zhing phra ba de rgyun mtha'i bar chad med lam gyis dngos su spong dgos pa'i phyir/ zhes gsungs pas/ de bcu gnyis shes sgrib du 'dod dam snyam/ bar du gcod pa'i don sa de thob pa la kho 'gag dgos pas yin te/ byang sems tshogs lam pas sbyor lam thob pa la bar du gcod byed kyi sgrib pa dper dkod pa'i phyir/ rang @063a @#/ /lugs la de yod na lam skad cig re re la bar du gcod byed 'jog dgos pa dang/ tshad ldan gyi gzhung las ma gsungs pas med zer ram/ yang na/ de la spong gnyen med pas mi 'dra zer ram dpyad/ shes sgrib las dang po thob pa la bar du gcod byed yod na/ de la thar pa thob pa la bar du gcod byed yod par thal ba dang/ gnas ngan len bcu gcig phal cher sa bon la 'jog pas de skyes 'gyur gyis spangs pa ma yin par thal ba dang/ shes par gyur pa'i shes sgrib med pa dang nang 'gal lo/ /bsod grags pas/ shes par gyur ba'i shes sgrib med pa'i phyir te/ nas/ bden 'dzin gyi bag chags de nyon mongs can ma yin pa'i ma rig pa yin pa'i phyir/ zhes dang/ 'di rtogs na lo tstsha ba shes rin pas/ nyon mongs can min ma rig yod pa dang/ /shes par gyur pa'i shes sgrib med pa 'gal/ /zhes smra ba'i lan lon bar 'gyur ro/ /zhes dang/ rje btsun pas/ kho na re/ shes par gyur ba'i shes sgrib yod par thal/ ma rig par gyur pa'i shes sgrib yod pa'i phyir na ma khyab/ zhes shes sgrib kyi ma rig pa la bag chags bzhag nas/ ma rig pa nyon mongs kho na dang/ phyi mas khyab ste/ TIka chen las/ de'i phyir nyon mongs can gyi ma rig pa ni bdag med pa'i de kho na nyid rig pa'i mi mthun phyogs dang/ zhes pa nas/ zhes gsungs pa'i phyir/ 'dod na/ bden 'dzin @063b yin par thal/ 'dod pa'i phyir/ zhes de la bden 'dzin dgos par gsungs pa/ yig char/ shes pa yod pa 'jug 'grel dang/ skyabs 'gro bdun cu bas/ mi shes nyon mongs min spangs phyir/ /zhes dang/ ma rig nyon mongs min yod pas/ zhes pas sgrub cing/ de bag chags yin zer na/ las 'bras gyi 'brel ba shin tu phra ba la rmongs pa'i ma rig pa shes pa ma yin par thal/ de shes sgrib yin pa'i phyir/ ma grub na/ der thal/ mo'u 'gal gyi bus/ rang gi ma dmyal bar skyes pa ma shes pa'i ma rig pa de/ ma rig pa dang shes sgrib gnyis ka yin pa'i phyir/ dang po grub de/ /tshan ma mdo'i dar TIka las/ yul de dang de min mtha' gcig tu gnas don rtogs shing 'dzin pas stong pa'i shes pa ma rtogs pa'i blo yin la/ dbye na gsum yod de/ tshig tsam thos kyang de'i don la blo kha ma phyogs pa ma zhugs pa dang/ zhugs kyang dpyad pa ma rdzogs pa dang/ rdzogs kyang gnas don ma rnyed pa rnams su yod pa'i phyir/ zhes pa'i gsum pa bsam ngor dpyad pa rdzogs kyang/ gnas don ma rnyed pa'i rmongs pa yin pa'i phyir te/ de'i gsum pa dgra bcom pa la yang yod pa'i phyir/ rtags grub ste/ mdo las/ rma bya'i mdongs ni gcig pu yi/ /nas/ kun mkhyen min pas shes bya min/ /zhes sogs ltar mdzad kyi mi shes pa bzhi rgyud ldan gyi de yod pa'i phyir dang/ stong thun las/ sems kyi gnas ngan len ni/ zhes pa nas/ @064a @#/ /yun ring du bltas kyang ma rtogs par gsungs pa lta bu ste/ de ni shes bya yongs su gcod pa'i gegs su 'du ba yin no/ /zhes gsungs pa'i phyir/ gzhan yang/ bag chags ma rig par bshad par 'dod pa mi 'thad par thal/ de la gnyen po'i dgag sgras min/ smad pa'i dgag sgras bshad pa ma yin pa'i phyir/ gzhan du na shes sgrib thams cad nyon mongs can mi ma rig par thal lo/ /ma rig pa bden 'dzin dgos par 'dod pa/ yig char/ 'jug 'grel du mdo drangs pa las/ ma rig pa'i 'ching ba bsrabs par 'gyur ro/ /zhes pa dang/ rnam bshad las/ 'ching ba yang mngon pa nas bshad par mngon no/ /zhes mdo'i de mngon pa nas bshad pa'i nyon mongs su gsungs pas bsgrub nas/ rnam bshad kyi de 'di bas thun mong ma yin pa'i nyon mongs dang ma rig par gsungs pa/ stong thun las de ltar na thun mong dang thun mong ma yin pa'i nyon mongs pa de dag ces gsungs pa'i yang dgongs pa'o/ /gzhan yang/ rig pa ye shes yin na/ bdag med phra mo rtogs pa'i rig pa yin dgos par thal ba sogs skyon mang gsungs pas/ shes par gyur pa'i shes sgrib kyang 'grub ste/ mo'u 'gal gyi bu'i rgyud na rang gi ma gar skyes rtogs pa'i rig pa ye shes gyi 'gal zla'i rmongs pa yod pa'i phyir ro/ /yig char/ 'jig rten bden par yod 'dzin dang tha snyad du med @064b 'dzin gyi lta ba gnyis ka ma rig par bshad pa mi 'thad par thal/ zhes gsungs pas/ rten 'brel lung rigs bang mdzod las/ mthar lta sogs bzhi yang ma rig pa yin par thal/ 'jig lta la de'i phyir zer na/ tshad ldan gyi gzhung gang nas kyang de dag ma rig par ma bshad pas re zhig ma khyab/ gsungs pa yang bzhi ka ma rig par dngos su gsungs pa med pa'i don yin gyi/ mtha' gcig tu ma yin par gsungs pa min te/ re zhig gsungs pa'i phyir dang/ bdag 'dzin gyi lta ba la ma rig pas khyab pa'i sgrub byed du rang stobs kyis log par 'dzin pa shes 'chal kho na la sbyar ba'i phyir/ zhes gsungs pa'i phyir/ de ltar byas na rig pa ye shes kyi 'gal zla'i gtso bo ma rig par 'jog dgos pa dang 'grig snyam ste dpyad/ yig char/ byang sems kyi lam tshe yang bden 'dzin chung ngu'i 'bring dang/ chung du gnyis ka'i skabs su mngon gyur du 'byung zer/ zhes pa/ yig cha rnying par/ mkhas pa manyadzu shri zhes pa'i gsung na re/ sa brgyad pa'i skabs su chung du skor gsum rim char spong bar 'dod pa gsungs pa de yin 'dra la/ sangs rgyas thob 'dod gyi blo la rnam grangs kyi nyon mongs zhes pa sems rgyud g.yo bas yin nam snyam/ rje btsun pas/ rigs nges sa brgyad pa'i rnam grol lam pa dgra bcom min par/ theg pa gnyis gang gi dgra bcom min pas bsgrub nas/ dgra bcom pa la de gnyis gang rung dang mi slob pas khyab par gsungs pa @065a @#/ /rang res yig char bkag pa ltar la/ lung skyabs 'gro bdun cu bas sgrub cing/ rang 'grel las/ de de nyid kyi tshe yongs su mya ngan las 'da' bar 'gyur te/ zhes pa dang/ 'dod chags dang ma bral ba la mya ngan las 'das pa thob pa srid pa med pa'i phyir ro/ /zhes pa rnams de skabs su dgra bcom thob pa'i sgrub byed yin kyang/ rtsod spong skabs su min pa lta bur gsungs pa 'di dgra bcom par mi 'dod pa mang pa'i lugs byas la/ zhes gsungs pa ltar de'i lugs dang shugs la/ rgyal ba rnams kyis 'gog pa las slong ba de'i tshe myang 'das mngon du ma byed ces gdams pa yin gyi/ thob pa bkag pa min par bstan pa yin te/ gal te dgra bcom par 'dod tshe myang 'das thob kyang nyan rang ltar de mngon du byed pa bkag byas na legs so/ zhes gsungs pa'i phyir/ sgrib gnyis mngon gyur dang sa bon pa'i don dmigs rnam 'dzin mi 'dzin la gsungs pa kho rang gi stobs kyis rang rgyud ldan gyi gang zag gis rang gi dmigs rnam 'dzin mi 'dzin la byed gsungs pa ltar yin te/ 'dir sa bon pa la chags bral ba'i rgyud kyi 'dod pa'i dug gsum dang/ shes sgrib mngon gyur la dgra bcom dang/ dag sa pa'i rgyud kyi ma rig pa bzhag pa'i phyir/ bden snang gi cha mngon gyur par bzhag pa/ yul kun rdzob pa rnams rang 'dzin pa'i sems can gyi blo la snang tshe bden par snang ba las/ rang @065b steng gi chos nyid dang dbyer med pa'i bden med du 'char ba la rmongs pa'i dri ma la byed ces na/ bden gnyis ngo bo tha dang du 'dzin pa'i dri ma shes par gyur pa'i shes sgrib tu bzhag pa dang/ stong thun las/ yul rang gi mtshan nyid kyis grub pa ltar snang ba'i gnyis snang 'khrul ba'i cha/ zhes shes sgrib mngon gyur kyi mtshan nyid kyi zur du smos pa sogs kyi dgongs par e 'gro snyam mo/ /lus ngag yid gsum gyi bag chags gnas ngan len phra mor gsungs pa dgra bcom pa spre'u ltar 'phyong ba dang/ gzhan la rmangs mo sogs zer byed kyi nyon mongs kyi bag chags la bya yi 'phyong ba sogs min no/ /kun rmongs phyi ma brgyad kyang shes sgrib rjes mthun pa las dngos min te/ de dag gtso bor sa de thob pa la bar du gcod kyi blo gcig gis bden gnyis mngon sum du rtogs pa la gtso bor bar du gcod pa ma yin pa'i phyir te/ de bzhin du snyoms 'jug gi sgrib pa yang gtso bor snyoms 'jug de dag ba? bar du gcod pa rtsig pa lta bu yin pas sgrib gnyis gang rung min no/ /'gog snyoms thob tshe snyoms 'jug gi sgrib pa spangs par gsungs pa sa bon spangs pa yin na de spongs pa'i 'gog bden thob dgos pas slar nyams rgyu med par 'gyur la/ legs bshad snying po'i mtshan ltar chags bral gyis spangs pa'am 'gag pa la byed na shes sgrib ma yin par 'thog tshul chags bral gyis spangs pa'i phyir mi 'ong yod pas yin zer @066a @#/ /na; yig char/ de sa bon ba de'i bag chags sam lus sems kyi gnas ngan len 'gog snyoms la sngar ltar sgrib pa lta bu gsungs pas/ bag chags chags bral gyis spangs tshul gang/ des na mngon gyur tsam la zer ram/ gzhan yang/ der gyur pa'i rgod pa la rgod pa thams cad 'jog na srid rtse'i bden 'dzin gyi rgod pa phyir mi 'ong gis chags bral mi thub la/ theg dman gyi bar chad ched lam thams cad kyi ngos skal gyi snyoms 'jug gi sgrib pa yod par thal ba dang/ sgrib gnyis gang rung min pa'i de la spyi ldog las bzhag tu med pa dang/ mtshan nyid du gtso bor 'gog snyoms la zhes pa'i don kyang dga' bas dpyad par bya'o/ /yig char/ 'di'i phyi ma gnyis dman sgrib yin no/ /zhes pa rang rgyud pa phar phyin mtha' dpyod las/ nyan rang gi de zhen tshul mi gcig pa ma gtogs phal cher bden 'dzin du shas che ba'i phyir/ gsungs pa ltar don dam pa rang gcig bu zhi bde don gnyer sogs yin la/ 'dir 'di 'dra'nga yod kyang dgra bcom sogs la rang don tsam las gzhan don la skrag par byed pa'i bag chags dang/ rmongs pa yod pas de 'jog gam snyam ste/ rje btsun ba sogs kyis rang gcig bu zhe bde don gnyer gyi blo bzhag pa phar phyin yig char bkag pa'i phyir ro/ /dman sgrib la de gnyis gang rung @066b dgos mi dgos dpyad/ yig cha rnying pa dang rje btsun pa sogs kyis/ shes sgrib spong thebs gsum byas nas dag sa gsum la sbyar kyang/ yig char bzhi byas nas sa bcu par thog mtha' byas pa sngar bshad pa'i kun rmongs nyer gnyis dang/ gnas ngan len bcu gcig gis 'grub po/ /yig cha rnying par sa bcu pa'i rnam grol lam med par thal pa'i skyon kyang yod do/ /stong thun las/ kun gzhi khas mi len pa'i dbu ma rang rgyud pa dag ltar na/ zhes pa nas/ de'i tshe spang bya de dag rgyud la med kyang/ spang bya de dag spangs pa ma yin no/ /zhes zer ro/ /gsungs pa ltar/ rje btsun pas rang rgyud pa'i lugs la mthong lam mnyam bzhag pa'i rgyud la rnam shes gnyis yod na rgyud gnyis su 'gyur pas/ de'i rgyud la spang bya'i sa bon med zer ba mi 'thad de/ de ltar na/ de'i rgyud na/ sgrib pa med par thal ba dang/ rnam shes lkog gyur pa med par thal ba dang/ rnam shes thams cad gang zag gi mtshan gzhi bzhag pas rgyun gcig pa dang thams cad kyi rgyun sangs rgyas kyi sa na yod par thal ba dang/ yan lag bcu gnyis sa mtshungs ma yin par thal ba dang/ de tshe rdzas rgyun chad pas slar mi skye bar thal ba sogs skyon mang ngo/ /yig char/ zur tsam yang med la/ kun gzhi khas mi len pa'i zhes dang/ zhes zer ro/ /gsungs @067a @#/ /lugs la bltas na gzhan 'dod bkod dam/ yang na mngon gyur pa'i steng na med pa'i don yin nam dpyad// ! //yig char/ phung po dang mtshan nyid mthun pa'i rang rgya bar 'dzin pa bdag 'dzin rags pa lhan skyes dang/ phung po dang mtshan nyid mi mthun pa'i rang rkya bar 'dzin pa kun btags su/ rnam bshad las/ gang zag rang rgya thub pa'i rdzas yod du 'dzin pa ni grub mthas blo ma bsgyur ba la yang yod mod kyang/ phung po dang mtshan nyid mi mthun pa'i gzhan du yod par 'dzin pa ni grub mthas blo ma bsgyur ba la med do/ /zhes pas sgrub cing/ phyi ma de rang sde gzhan gyis lhan skyes su 'dod pa dang/ 'di pas mi 'dod pa legs bshad snying po las/ gang zag gi bdag med ni rang sde theg pa che chung grub mtha' smra ba gzhan gyi ltar na gang zag phung po dang mtshan nyid mi mthun pa'i rang rkya thub pa'i rdzas su med pa tsam la 'dod de/ zhes sogs kyis sgrub ste/ rang sde kun gyis kun btags su 'dod pa dang gsum gyi khyad par gsal bar gsungs pa ni kun mkhyen kho na'i khyad chos yin te/ yig cha rnying par/ des gang zag dang gang zag gi phung po mtshan nyid mi mthun pa'i rdzas gzhan du mi 'dzin pa'i phyir te/ zhes pa nas/ rang rgyud pas phra ba'i bden 'dzin lhan skyes su 'jog kyang/ bden 'dzin lhan skyes rags pa yin gyi phra mo ma yin zhes @067b pa'i don yin pa'i phyir/ zhes legs bshad snying por kun btags su gsungs pa rags par bkral nas rang rgyud pas 'dod pa'i bdag 'dzin gnyis ka la blo lhan skyes yod par gsungs la/ bsod grags pas/ gang zag phung po dang mtshan nyid mi mthun par 'dzin pa'i don/ gang zag rtag gcig rang dbang can du 'dzin pa la byed rigs pa'i phyir/ zhes de gnyis gcig tu byas/ gang zag dbang bsgyur ba po dang/ phung po dbang bsgyur byar 'dzin pa'i bdag 'dzin lhan skyes de skabs 'di'i 'jig lta rags par 'jog ces mtshan nyid mi mthun par 'dzin pa rje kho la ltar dbang sgyur byed du 'dzin pa la ma bzhag la/ gang zag rtag 'dzin gyi blo lhan skyes kyang med par gsungs pa'i phyir ro/ /des na dang po gnyis kyi zhen yum med pa rtogs dka' sla yod dam dpyad/ lugs 'dis rang rgyud pa'i 'dod pa'i bden 'dzin dang/ gang zag gi bdag 'dzin gnyis blo kun btags kho nar 'dod pas/ gang zag bden par 'dzin pa'i blo dang/ rang rkya thub par 'dzin pa'i blo rang rgyud pa'i 'dod pa'i de min dgos so// ! /'phags pa'i bden pa'i sgra don la rtsod tshul/ nyan las/ 'phags pa rnams kyis bden pa de dag de kho na ltar yin par bden pas/ zhes pa ltar rang rgyud pa man gyis 'phags pas gzigs pa ltar bden pas 'phags pa'i bden par bzhag pas/ @068a @#/ /lugs 'dis 'khor 'das gnyis byis pa'i blo ngor 'jog gi 'phags pa'i blo zag med kyi ngor mi 'jig par gsungs pa la/ 'og ma rnams kyis 'phags pa'i bden pa'i bzhi mi 'thad par thal/ de dag 'phags pas gzigs pa ltar mi bden pa'i phyir dang/ chos mthong ba sogs 'phags pa'i tha snyad brgyad kyang ji ltar rigs te mi rigs so/ /zhes rtsod pa la/ zla ba'i zhabs kyis/ de skabs kyi 'phags pa'i sgra 'phags pa'i gang zag kho na la byed pa min te/ 'jig rten gyi ngo bo ste kun rdzogs pa'i ngo bo'i gnas tshul de las ma 'das par khyad par du phye nas gnas pa de'i sgos 'phags pa zhes bshad pa/ Arya zhes pa rigs khyad par ba rje rigs sam jo bo dang skad khyad par ba legs sbyar gyi skad dang 'jig rten pa'i sa las ring du 'phags pa'i gang zag gsum la 'jug pa las/ dang po gnyis ltar 'jig rten pa'i tha snyad kyis bzhag pa dang phyi ma ltar 'phags pa'i gang zag la byas kyang/ gang la dmigs nas goms na 'phags par byed pa dang/ 'phags pas bstan pa ltar yod pas 'phags pa'i bden pa zhes bshad ces lan btab pa yin no/ /rje btsun pa yab sras gyis/ sdug bden gyi khyad chos mi rtag pa la phra rags gnyis mi 'gyed par gnyis ka phra ba'i mi rtag pa yin pa'i phyir/ gsungs pa/ yig char/ nyan thos sde par @068b gyur pa'i mngon pa nas bshad pa'i dgra bcom pas phra ba'i mi rtag pa ma rtogs pas bkag nas/ rang lugs la de lta bu'i tshul kyis zhes rang rgyu bden 'dzin sogs kyis dbang gis thung mtha'i skad cig la 'jig pa'i mi rtag pa dang/ de'i phyir/ zhes de'i dbang gis skad cig re re 'gyur 'gro bas sdug bsngal ba dang/ de bden stong dang/ de rang dbang pa'i bdag tu med pa bzhi khyad chos phra mor bzhag nas/ 'di dag gi shes byed rgyud bla dang rtsa shes las/ gal te de kun mi stong na/ /zhes pa nas/ shes dgos so/ /zhes rgyud bla ma las/ las dang nyon mongs chu las ni/ /phung po skye mched khams rnams 'byung/ /de 'jig pa dang chags pa ltar/ /skye dang 'jig par 'gyur ba yin/ /zhes sogs ltar bden 'dzin gyi dbang gis skye 'jig dang 'khor bar 'khor tshul/ de spangs pa'i 'gog bden dang/ de thob byed kyi lam bsgom pa sogs gsungs pas/ thun mong ma yin pa'i khyad chos bcu drug bsgrub po/ /'di ltar na sdug bden gyi khyad chos phra mo bzhi bden 'dzin gyi dbang gis 'khor bar 'khor tshul tsam la sbyar ba ltar snang yang/ phar phyin lam bsgrigs las/ se gol gtogs pa'i yun la'ang skad cig ma sum brgya drug cu re lnga 'da' ba'i tshul bsam nas yid brtan du rung ba cung zad kyang med pa'i mi rtag pa'i 'du shis bsgom par @069a @#/ /bya'o/ /zhes gsungs pas de'i yun la 'jig pa'i mi rtag pa dang/ de'i yun la 'gyur pa'i sdug bsngal ba la byas na chog gam snyam la/ khyad chos phra mo bzhi phra ba'i sdug bden ma yin pa'i steng du mi 'jog pa phyi ma bcu gnyis dang 'dra'o/ /sdug bden phra mo rang skya thub pa'i rdzas su med par rtogs pa la de khas len mi dgos la/ de mi rtag par rtogs pa la phra mo de khas len dgos pa de mi rtag par khas len na yod par khas len dgos pas yin la/ sdug bden phra mo mngon pa nas bshad pa ltar gyi mi rtag par rtogs na mi rtag par rtogs pas khyab ba ma/ khyab na/ de dang khyad chos phra mo gnyis la khyad 'byed dgos so/ /sdug bden phra mo dang de'i khyad chos phra mo rtogs pa la bden med rtogs mi dgos kyang/ bden 'dzin gyi zhen yul med pa dang/ de'i dbang gis 'khor bar 'khor tshul la tshig spyi tsam gyi go ba ma mtha' dgos so/ /de la kho na re/ rang skya thub pa'i rdzas su med pa'i rtags kyis sdug bden phra mo mi rtag par bsgrub pa'i phyir rgol yang dag yod par thal/ dngos smra ba sdug bden phra mo rdzas yod kyis stong bar sgrub pa'i phyir rgol yang dag tu gyur ma thag pas de mi rtag pa ma rtogs pa'i phyir na ma khyab ste/ de rjes su rtags sbyor la mi ltos par blo kha phyogs tsam gyis rtogs zer dgos pa'i phyir te/ dngos smra ba myu gu bden med du sgrub pa'i phyir @069b rgol yang dag tu gyur ma thag pas/ myu gu rang rgyud pa'i 'dod pa'i chos bdag gis stong bar rtogs pa rtags sbyor la mi ltos pa bzhin yin pa'i phyir/ 'di 'dra mang ngo/ /yang kho na re/ sdug kun phra rags gnyis kyi yin pa yod par thal/ las kyi kun 'byung phra rags gnyis kyis lus gcig 'phangs pa yod pa'i phyir dang/ bdag 'bras thun mong pa'i snod yod pa'i phyir zer na ma khyab ste/ 'bras bu gnyis ldog cha nas 'byed cing spyi ldog te phra mor 'jog dgos pa'i phyir te/ de gnyis ka'i 'bras bur rtogs pa la phra mo'i 'bras bur rtogs dgos pa'i phyir ro/ /bden bzhi rnam bzhag sogs las thal 'gyur pas ni dngos yin par ma zad gtso bor 'dod de gsungs pa/ bden 'dzin dang des bskyed pa'i sdug kun phra mo yin gyi/ spyir sdug kun phra mo spangs pa la sangs rgyas dgos pa'i phyir te/ rgyud bla ma las/ yid kyi rang bzhin phung po dang/ /de rgyu log phyir bde ba nyid/ /ces gsungs pa'i phyir/ rang thob byed kyi thabs su gyur pa'i bar chad med pam gyi ngos skal gyi sgrib pa spangs pa'i chos nyid so sor brtags 'gog de/ 'gog bden gyi mtshan nyid du bzhag na phar phyin mtha' dpyod dang mthun no/ /'dir gsungs pa gzhung gi bstan tshod dang go thob tsam las khyab pa ma nges te/ rang bzhin rnam dag gi ngo bo nyid sku dang/ mthong lam steng gi 'gog bden sogs kyis ma nges @070a @#/ /pa'i phyir ro/ /bden bzhi rags pa la mngon pa nas bshad pa'i de gang rung dgos pa/ yig char/ bden bzhi so so la mngon pa nas bshad pa ltar gyi bden bzhi so sos khyab par thal/ dam bca' 'thad pa'i phyir/ zhes pas 'grub la/ phung po dang mtshan nyid mthun pa'i rang skya bar 'dzin pa dang/ de'i zhen yul med pa mngon sum du rtogs pa'i ye shes gnyis mngon pa nas bshad pa'i sdug kun dang lam bden yin te/ dngos smras 'dod pa'i de yin kyang/ bden bzhi'i chos 'khor nas bshad pa'i de yin pa'i phyir ro/ /dbu ma'i zin bris las/ 'gog lam gyi bden pa rags pa mngon pa nas bshad pa de zhes pa nas/ 'phags rgyud kyi de gnyis 'gog lam gyi bden par 'jog gsungs pa mi 'thad de/ 'gog bden rags pa la stong nyid ma yin pas khyab pa'i phyir dang/ lung rigs sgron me las/ nyon mongs mngon gyur pa re zhig spangs pa'i spangs pa/ zhes gsungs pa'i phyir/ lam bden yang rang skya thub pa'i rdzas yod du grub pa'i stong pa tsam mngon sum du rtogs pa'i zhes tsam sgra sbyar bas/ stong nyid rtogs pa'i rgyud la mi 'jog gam dpyad/ /sa bcu pa'i mdo nas gsungs pa'i bden pa bcu bden gnyis su 'du tshul ni/ dang po kun rdzob bden pa dang/ gnyis pa don dam bden pa dang/ gsum pa mtshan nyid kyi bden pa'i @070b rang mtshan dang spyi mtshan mi rtag sogs kun rdzob dang/ spyi mtshan bden med don dam bden pa dang/ bzhi pa rnam par dbye ba'i bden pa zag pa yod med 'dus byas ma byas sogs kyi dbye ba/ lnga pa phye te rtog pa'i bden pa phung po khams skye mched sogs su phye ba/ drug pa dngos po'i bden pa dngos po la bden par zhen pa/ bdun pa rab tu skye ba'i bden pa 'gro ba so sor skye ba/ brgyad pa zad mi skye shes pa'i bden pa zad mi skye ye shes/ dgu pa mal shes pa la 'jug pa'i bden pa stong nyid mngon sum du rtogs pa nas zag med lam la 'jug shes pa/ bcu pa byang sems kyis nas sangs rgyas kyi sa'i bar rim gyis 'byung ba'i bden pa ste/ bdun kun rdzob bden par 'du'o/ /smras pa/ phyin drug dpag bsam 'dab brgya bar/ /sar gnas dpa' po rnam pa lngas/ snying rje'i chu yis bran pa'i tshul/ /brjod pa'ang bla ma lha la 'bul// ! / snang stod sgyu ma'i rnam rol yab yum zung/ /tsintA ma nI sim pa'i gar bsgyur la/ /mtha' 'dzin mun pa drung nas 'byin byed kyi/ /che zab myur gsal snang ba deng 'dir stsol/ /shes rab gnas pas 'gog pa thob par 'gyur/ /zhes pa la/ rje btsun pa yab sras kyis/ sa drug pa man chad du 'gog snyoms thob pa yod par/ yum mdo las/ de rnam par thar pa brgyad po de dag dang/ sogs kyis bsgrub cing/ yar song @071a @#/ /gi thod rgal gyi spel gzhi'i bsam gzugs brgyad 'gog pa'i snyoms 'jug mtshan nyid pa dang/ spel chos 'gog pa brgyad thun mong ba'i 'gog snyoms su 'dod dgos pa'i phyir/ gsungs nas rigs nges theg chen mthong lam skad cig gnyis pa nas bzhag ste/ spyir thun mong yin min gyi don thal 'gyur ba kho nas 'gog snyoms su 'dod pa dang/ rang rgyud pa man gyi 'dod pas bzhag kyang/ thun mong ba de ltar 'jog pa'i sgrub byed du theg pa thun mong ba'i mdo dang bstan bcos rnams su 'gog snyoms su bshad pas thun mong pa'i 'gog snyoms zhes brjod pa'i phyir/ gsungs/ 'dir bstan 'gog snyoms thun mong yin min gyi don sa drug pa yan dang/ sa lnga pa man dang thun mong yin min gyis bzhag nas 'dis thun mong min pa sa drug pa'i skad cig gnyis pa nas bzhag ste/ de mtshungs ldan 'du byed kyi phung po ma yin pa'i phyir te/ sems byung ma yin pa'i phyir/ gsungs nas ldan min 'du byed du gsungs so/ /de la bsod grags pas thun mong ba'i 'gog snyoms ldan min de/ 'gog snyoms yin par yum mdos bsgrub cing/ mthar gnas snyoms 'jug dgu'i nang gi de ldan min yin gsungs/ rang ngos nas ma grub pa'i de rang rgyud pa man gyis khas mi len pas snga ma mthun mong yin min gyi @071b don bkag go/ yig cha rnying bas kyang/ ldan min de 'gog snyoms su 'grel chung gis sgrub cing/ gnyis kas sher phyin lhag pas thob pa'i stong nyid mngon sum du rtogs pa'i ye shes thun mong ma yin pa'i 'gog snyoms kyi mtshan nyid du bzhag go /yig char/ yum mdo'i don 'gog snyoms rjes mthun ba tsam la dgongs pa blangs pas thun mong ba yang mi zer la/ 'gog snyoms dgra bcom rtogs pa sngon song min pa'i byang sems kyis sa drug pa man chad du mi thob par/ rang 'grel dang rin phreng sa bcu pa rnams kyis sgrub cing/ gzhan du na 'phags pa yab sras dang sa bcu pa sogs dang 'gal/ zhes pa nas/ sngar bshad zin to/ /zhes pas rje btsun pa bkag go /de yin te/ rab 'grel gyi de rnam bshad ltar lugs 'di'i thun mong ma yin pa'i 'gog snyoms yin gyi/ khyod ltar na/ shes rab lhag par gyur pa med pa'i phyir/ zhes sogs bsgrub bya sgrub byed du bkod par 'gyur ba'i phyir dang/ gong du drangs pa'i mdo dag gis snyoms 'jug dgu'i nang gi de stong nyid rtogs par gsungs pas spel chos dang snyoms 'jug dgu'i nang gi de ldan min du 'dod pa yang mi 'thad la/ mdo las/ ldan min du gsungs pa med kyang 'og mas der bkral ba tsam yin pas/ sgrub byed mdo du mas bshad zer ba'ang mi 'thad do/ 'gog snyoms ldan min yin na/ shes pa dang tshad ma sogs kyang ldan min du thal bas/ mngon pa gong 'og @072a @#/ /du ma dang 'gal lo/ /de yang srid rtse la brten nas/ stong nyid mngon sum du rtogs pa tsam gyis mi chog par/ rang gi yul chos nyid kyi steng du tshor 'du rags pa bkag pa'i chos nyid la mnyam par bzhag pa zhig dgos par/ chos yang dag par sdud pa'i mdo las/ gang la 'du shes med 'du shes med min de la dga' ba ci zhig yod snyam nas blo de las gong du bskyed do/ /de blo de las gong du bskyed nas/ skye ba med pa dang/ 'gog pa med pa'i chos mngon du 'gyur te/ zhes dang/ rang bzhin gyis stong ba rang bzhin gyis dben par shes pa 'di ni 'gog pa zhes bya'o/ /zhes dang/ dkon mchog sprin las/ de'i gong na gang sems kyi mtshan ma med pa/ rgyu ba thams cad 'gog pa/ sgrib pa thams cad dang bral ba 'di ni 'gog pa zhes bya ste zhes dang/ rang 'grel las/ 'gog pa la snyoms par 'jug pa ni yang dag pa'i mtha' la snyoms par 'jug pa yin pas/ de bzhin nyid la 'gog pa zhes brjod do/ /'dir spros pa thams cad 'gag par 'gyur ba'i phyir ro/ /zhes pas sgrub nas/ don bsdur/ des na thal 'gyur pa'i lugs kyi 'gog snyoms ni/ srid rtse las kyang gyen du bskyod pa'i ting nge 'dzin yul 'gog pa yang dag pa'i mtha' la snyoms par 'jug pa gcig dgos te/ skabs 'dir mthar gnas kyi 'gog pa dang/ rnam thar gyi 'gog pa la de ltar dgos pa'i phyir/ zhes dang/ @072b 'dis ni thal 'gyur pas kyang 'gog snyoms la kun rdzob pa tshor 'du bkag tsam gcig 'dod snyam pa yang bkag pa shes par gyis zhes pas 'dod tshul phyi ma gnyis bkag go /de yang dbu ma'i zin bris las/ nang gi ste rang gi sems kyi chos nyid 'gog bden du gyur pa la mnyam par gzhag pa'i sgo nas sher phyin lhag pas 'gog snyoms thob par bzhag zhes pa nas/ sa drug pa'i 'gog snyoms ni de'i bar chad med lam gyi rjes thob tu langs pa nas thob kyi bar chad med lam dang dus mnyam du thob pa ma yin no/ /zhes pa ltar sa drug pa bas rang rgyud kyi sa drug pa man gyi spang bya spangs pa'i 'gog bden gyi steng du tshor 'du rags pa bkag pa'i de bzhin nyid khyad par ba la mnyam par bzhag pa na 'gog snyoms thob cing/ de 'gog snyoms pa yang yin dgos pas/ 'gog pa lus kyis mngon du byas gsungs pa'ang rang rgyud la srid rtse man gyi tshor 'du rags pa bkag ste/ sems med pa lta bur byas pas sems kyis mngon du byas mi zer bar lus kho nas zer ro/ /gzhan mnyam bzhag gi ngor bkag pa tsam gyis mi chog ste/ yig char/ de bzhin khyad par ba 'gog pa'i snyoms par 'jug pa zhes de la snyoms par 'jug pa ma gsungs par 'gog pa'i zhes pa mdo ltar srid rtse las je phrar song ste rgyu ba rags pa 'gag pa la byed dgos pa'i phyir ro/ /des na rjes thob pa la med dam/ yang na sangs rgyas sar rdzas rgyun gyis bzhag pa ltar @073a @#/ /rgyun phyi ma snyoms 'jug gi sgrib pas nyams par ma byas pa 'jog dpyad/ /de bzhin du theg chen la yang spang bya ci rigs spangs pa'i 'gog bden gyi steng du tshor 'du rags pa bkag pa'i chos nyid la mnyam par bzhag /ces sbyar ro/ /byang sems rnams de shes ched tsam las de la dga' nas mi 'jug pas ting nge 'dzin gyi rtsal rgyas te sher phyin lhag pa ma thob par mi thob la/ nyan rang rnams zhi bde ltar de la dga' nas ched du gnyer bas yin te/ dkon mchog sprin las de ni shes par bya'o snyam nas byang chub sems dpa' snyoms par 'jug gi /de la mngon par dga' ba'i rten gyi gnas mi skyed de/ / zhes gsungs pa'i phyir dang/ mdo las 'gog pa mngon du byas na theg dman du ltung bar gsungs pa'i phyir ro/ /'gog snyoms rjes mthun pa thob pa'i so skye yang yod de/ mngon pa nas bshad pa'i lus mngon byed la de yod pa'i phyir ro/ /rin chen phreng ba dgongs lo lnga brgya lon pa'i rjes su rgyal po bde spyod la gsungs kyang/ chos sgra gnyis pa lo lnga brgya'i bar bsgrags par gsungs pas/ de ltar ram/ yang na rtsa she brtsams dus shing rta'i srol phye zhing klu sgrub ces mtshan yang thob la/ rigs tshogs gzhan rnams de'i yan lag lta bu yin pas cig car brtsam kyang chog gam dpyad la/ de dus mtshan thob tshul nA ga klu la rgya mtshor gnas pa nor @073b gyi mdzod ldan pa/ kha nas dug gi mes bud shing bsreg cing/ gzhan gsal ba gsum yod pa bzhin slob dpon la mtha' gnyis spangs pa'i blo la gnas pa/ chos zab mo'i mdzod ldan pa/ lta ngan gyi bud shing bsreg cing yid kyi mun pa sel ba gsum dang/ a rdzu na srid sgrub la rgyal srid bskyangs pa dang/ dgra 'dul ba gnyis yod pa bzhin chos kyi rgyal srid bskyangs pa dang/ 'khor ba'i dgra sde 'joms pas yin pa tshig gsal gyi dgongs par gsungs pas/ mdo las/ de bzhin gshegs pa dang ming mthun gsungs pa de yin no/ /mnyam nyid bcu'i dang po gnyis chos thams cad rig ngo'i bden med dang/ rang mtshan gyis med pa spyir gsungs pas khyab che la/ phyi ma brgyad chos kun ma 'ongs pa na dang dus gzhan gyi dus dang/ de gnyis kar rang mtshan gyis dben pa sogs khyad par bye brag pa la sbyar bas khyab chung zhes gsungs kyi stong gzhi 'dra'o/ /yig char/ bdun pa dang po dang/ gsum pa gnyis pa dang/ lhag ma bzhi gnyis ka'i khyad par la sbyar ba mdo'i dngos bstan dang/ spyir brgyad ka gnyis ka la sbyor bar lung rigs sgron me las gsungs pa/ rnam bshad las/ sgra dang rnam rtog gis spro bar mi nus pa la ni gnyis pa'i skabs kyi khyad par sbyar ro/ /brgyad pa la yang khyad par de ltar sbyar ro/ /zhes bdun brgyad gnyis la gnyis sbyar ba'i dgongs pa'o/ /byang sa'i phyi ma brgyad kyang yongs grub bdag nyid dang/ rgyu las kyang @074a @#/ /ma skyes pa dang/ de gnyis las ma skyes pas gzod ma nas dang/ chos kyi bdag 'dzin gyi spros pa med pa dang/ gang zag gi blang dor du mngon par zhen pa ltar med pa dang/ gang zag de nyon mongs sogs dang bral ba ni de'i dben pa dang/ gang zag gis brtags pa ltar med pa sgyu ma lta bu dang/ mi rtog ye shes kyi ngor gnyis su med par mnyam pa nyid ces dang/ mdo 'grel las/ dang po spyi dang/ mtshan ma dgu ni rang mtshan gyis grub pa sogs bzhag nas de'i rgyu mtshan gyis sgra rtog gi zhin gzhir rang mtshan gyis grub par 'dzin pa sogs kyi gnyen por de'i gzhir rang gi mtshan nyid dang/ 'byung ba med par mnyam nyid sogs bzhag gam snyam la/ de ltar na bzhi ba dang tha ma gsum gang zag dang/ lhag ma chos la sbyar ro/ /ces na dgongs par e 'gro dpyad// ! dgag bya ngos 'dzin la/ dgag bya khyab che ba 'dod pa hwa shang sogs yin la/ de yang klu sgrub kyi rdzes su 'brang bar 'dod nas chos thams cad dgag bya yin pa/ rigs shes kyi dpyad bzod med pa dang/ yod med sogs mtha' bzhir med par gsungs pa dang/ ting 'dzin rgyal po las/ mig dang rna ba sna yang tshad ma min/ /sogs gsungs pas skye sogs tshad mas ma grub pa dang/ dngos smra sogs 'gog skabs bdag skyes sogs bzhir kha tshod bcad nas @074b bkag pa dang/ don dam du med pas med go mi chod na rton pa phyi ma gnyis go bzlog par thal ba lngas bsgrub pa la/ dgag tshul mdor bsdu na/ stong thun las/ bya byed 'thad pa nyid kyi rgyu mtshan gyis rang bzhin med pa dang; rang bzhin gyis grub pa med pa'i rgyu mtshan gyis bya byed bzhag tu rung bar nges pa drangs te/ zhes pa nas/ tshul 'di ni thal 'gyur ba'i thun mong ma yin pa'i khyad chos kyi gtso bo yin no/ /zhes gsungs pas khyad chos de rgyu 'bras sogs kyi bya byed gzhan ngo tsam las tshad mas ma grub cis pa sogs bkag nas/ gal te 'di dag kun stong na/ /'byung ba med cing 'jig pa med/ /ces sogs skyon 'phang ba la 'dod lan btab par rigs zhes bkag la/ sgrub byed rnams la rigs shes kyis dpyad mi bzod kyang/ med par nges mi dgos pa sgra mig shes kyis med par ma nges pa bzhin dang/ yod pa min/ zhes pas med par smras shing/ yang de med pa min zhes sogs khas blangs 'gal te/ de min na dngos smra pa la yang khas blangs nang 'gal med par thal ba sogs dang/ de dag gis mig shes sogs chos nyid la tshad ma yin na/ 'phags lam don med par gsungs kyi/ mig shes tshad ma yin na 'phags lam don med du ga la 'gyur/ sogs dang/ dngos smras skye ba la bzhir kha tshod bcad pa dang/ don dam du skye na de bzhi gang rung du nges pas sgrub gyi/ rang lugs la de @075a @#/ /bzhir kha tshod ma chod pa dang/ 'phags pa'i ye shes kyis gzugs sogs med par ma gzigs pas skyon med la/ khyod rang ltar na/ chos thams cad yod pa min pas/ rton pa bzhi ka go bzlog par thal/ zhes bkag pa stong thun ltar la/ lam rim chen mor dang po bzhi gsungs so/ /de'i lugs la las 'bras yod mi da sogs 'phang na lan gyis bzlog par mi nus zer dgos pa mang du yod pa kho rang gi nang 'gal yin no/ khyab chung pa 'dod pa btsan sde snga phyi sogs yin la/ de dag gis/ rtsa she las/ rang bzhin rgyu dang rkyen las ni/ /'byung bar rigs pa ma yin dang/ /rang bzhin dag ni bcos min dang/ / gzhan la ltos pa med pa yin/ /zhes pa la brten nas/ ngo bo rgyu rkyen gyis ma skyed pa gnas skabs gzhan du mi 'gyur ba rnam 'jog gzhan la mi ltos pa ste/ dgag bya khyad par gsum ldan du byas pa gsum ldan gyi bdag lta bu zhig dgag byar bzhag pa la/ dngos po rnams des stong pa dngos smra bas rtogs pa dang/ de ltar 'dzin pa blo kun btags tsam yin la/ rtsa she gyi de chos nyid la byed pas sgrub byed du mi 'gro'o/ /zhes stong thun lam rim sogs las gsungs pas/ yig char/ /sla gsungs pa der ltos na sla ba'i don no/ /de dag las/ bcos min dang ltos med ni/ me tsha ba de chu'i tsha ba la ltos te me'i rang bzhin dang/ me bden stong @075b la ltos te me'i rang bzhin min pa ltar ltos sa ltos 'jog tsam min par/ me bden med me'i rang bzhin las 'dar med pa'o/ /yig char/ sngon gyi bod rgan mang po na re/ gsungs pa bka' brgyud sa skya rnying ma rnams yin gsungs la; de dag gi 'dod tshul rje'i bstod 'grel las/ bka' brgyud pa rnams sa ra ha sogs kyi man ngag la khungs bcol te/ rgyu rkyen gyis gsar du bsgrubs pa ma yin par gnyug ma lhan cig skyes pa'i gshis su grub pa sems me bcos pa'i sems nyid 'od gsal phyag rgya chen po gnas lugs mthar thug tu 'dod pa dang/ rnying ma ba rnams slob dpon padma'i man ngag la khungs bcos te snang stong dbyer mi phyed pa mkhyen cha nang du gsal ba'i gzhon nu bum sku ga dag ste skyon rnams ye nas dag cing yon tan kyi chos ye nas rdzogs pa'i lhun grub rang gi rig pa chos sku kun tu bzang po'i rang zhal gnas lugs mthar thug tu 'dod pa dang/ sa skya ba rnams par wa ba'i man ngag la khungs bcos te sems rang gi ngo bor grub tsam nas gsal ba mi 'dor bas gsal ba sems kyi mtshan nyid/ gsal ba de dbyibs kha dog sogs gang du btsal kyang mi rnyed pas stong ba sems kyi rang bzhin de lta bu'i gsal ba'i dus nyid na stong zhing/ stong pa'i dus nyid na gsal bas gsal stong dbyer med zung 'jug brjod bral bcos ma ma yin pa'i sems kyi ngo bo gnas lugs mthar thug tu 'dod pa rnams zhes pa nas/ gnas tshul de dan @076a @#/ /mthun par blos kyang cir yang mi 'dzin par had de cham me 'jog dgos zer ba la thams cad mgrin gcig tu 'bab pa ni/ zhes stong thun las yul cir yang ma grub pa la blos cir yang mi 'dzin par 'jog zer ba 'dir kha 'cham nas 'ongs/ zhes dang/ grub mtha' mi mthun pa'i khyad ji tsam phye'ang lta pa gtan la 'beb pa'i dus khyad phye ba ltar mi sgom par bsgom dus ci yang yid la mi byed par bsgom pa la khyad bar med pas/ zhes pa drangs nas gsungs pa ltar yin la/ de yang mar me dang/ slob dpon padma sa skya gong ma rnams la lta ba rnam dag yod kyang gzhung rtsom dang gzhan la gsungs dus rje rin po che ltar gsal par gsungs pa med pas/ rjes 'jug rnams kyis dgag bya khyad che ba'i de dang khyad med byas so/ /des na bka' brgyud sogs kyi lta ba dngos gang yin la dpyad gzhi cung zad yod do/ /phyag chen rtsa ba las/ nyams myong can gyi rnal 'byor bas/ /dpyad na dgongs pa gcig tu 'bab/ /gsungs pa yang phyag chen zin bris bdud rtsi'i thig phreng las/ rtsa 'grel gang du'ang dgongs pa gcig lugs 'di yin zhes ma gsungs pas dag snang sbyangs nas gsungs pa yin nam/ dngos gnas la de dag bsgom te rlung dbu mar bcug nas bde stong sbyar te lam gong mar bgrod tshul zhig yod pa yin dpyad dka' bas/ skyabs @076b mgon thams cad mkhyen par blo bzang dpal ldan ye shes dpal bzang pos sku 'bum du gnang skabs kyang/ ku re tshul du paN chen da skabs mi bzhugs pa ma gtogs/ bzhugs na dgongs pa gcig lugs 'di cig 'dri dgos pa 'dug /gzhan phyogs pa tshos stong nyid ma yin dgag tu 'dod/ rang lugs la med dgag yin pas ma yin dgag dang med dgag gnyis ji ltar gcig ces gsungs so/ /zhes pa ltar 'di dag gi chos nyid sems kyi rang bzhin ma yin dgag dang/ bsgom tshe dgag bya bkag tsam dang ma shar ba tsam gyis lta ba rnyed par bzhag pas/ yig char/ bden grub 'gag pa'i med dgag yin pa'i phyir/ zhes sogs kyis sngon du dgag bya'i spyi ma shar bar ma yin dgag shar ba dang/ dgag bya bkag tsam gyis de bkag pa'i med dgag mi 'char zhes bkag la/ rgyang phan gyis/ skye ba snga phyi med par lta ba'ang rnam dag tu thal lo/ /bud+hA bA li ta las/ cig shos ni shes pa sngon du btang pa yin gsungs pa 'og tu mi gcig rkun mar ngo shes ma shes gsungs pa ltar dgag bya nges pa sngon du btang ba yin la/ tshig gsal las/ rten cing 'brel bar 'byung ba'i phyir/ sogs kyis lta ba rnyed pa la tha snyad tshad grub dang/ stong ba gnyis ka 'char dgos par gsungs pas/ yig char/ lung snga phyi 'di gnyis kyis lta ba rtogs tshad kyang shes par gyis gsungs te/ de dag gis stong @077a @#/ /gzhi de 'dogs byed tshad mas grub pa la brten nas dgag bya des stong bar nges pa na lta ba de rnyed par gsungs pa'i phyir ro/ /lta ba ma rnyed par du rang bzhin med pa dang med pa'i khyad par mi phyed gsungs pa tshad mas yin gyi/ yid dpyod kyis phyed de/ rgyang phan kyis de las khyad par phyed tshul yod pa'i phyir te/ dbu ma'i zin bris las/ yod pa dang rang ngos nas med ba gnyis gcig gcig gi grogs su 'gro tshe stong nyid la nges shes 'drong la/ de 'dra'i 'gal dogs kyi mi bde ba'i blo med kyang da dung kho bo'i 'di stong nyid yin min gyi the tshom yod na yid dpyod la sleb yang stong nyid ma rtogs/ zhes gsungs pa'i phyir/ rgyad phan gyi skye ba snga phyi rang bzhin med par 'dzin pa'i blo de skye ba snga phyi med par 'dzin pa'i blo yin pas/ rang bzhin med par 'dzin pa'i blo min no/ /des na rgyang phan rgyud kyi skye ba snga phyi rang bzhin med par 'dzin pa'i blo yod kyang/ de'i rgyud na med zer dgos so/ /dbu ma'i zin bris las/ blun pos ni snga phyi gcig 'dzin gyi sgo nas rtag par 'dzin/ mkhas pa'i lugs kyi rtag pa ni/ rgyu rkyen gyis ma skyed pa dang/ 'jig rgyu med pa la byed/ ces gsungs pa ltar grub mthas btags pa'i rtag 'dzin la phyi ma ltar dgos pas/ yig char kho na sbyar ba yin no/ /rje btsun pa yab sras kyis/ myu gu med pa chos can/ med par thal/ rtags @077b yang dag gi dgag bya yin pa'i phyir/ rtags yang dag min pa chos can/ med par thal/ rtags yang dag gi dgag bya yin pa'i phyir/ sogs gsungs nas rigs pa yang dag dang rtags yang dag gi dgag bya gnyis don gcig kyang/ lam rim gyi de phyin ci log tu 'dzin pa dang/ de'i yul gnyis las phyi ma'i dbang du byas gsungs pas/ yig char/ sngon gyi kha cig na re/ nas/ rang lugs kyi 'gong de dgag pa yin la/ lam rim gyi lung des dgag bya 'di ni shes bya la med pa gcig dgos te/ gsungs pa phyi ma 'di la rten 'brel gyi rtags kyis gang zag rang ngos nas med par sgrub pa'i rtags yang dag gi dgag bya lta bu'i med pa gcig dgos te/ yod pa rtags yang dag gis dgag mi nus pa'i phyir ro/ /zhes pa yin pa'i phyir dang/ rigs pa yang dag la rigs shes rjes dpag dang/ des bden med du bzung ba sogs bzhag nas/ rnam 'grel las/ de gnod byed ni/ bdag med mthong ba 'gal ba yin/ /zhes pa ltar de'i bzlog phyogs la byed la/ rtags yang dag gi dgag bya ni/ dgag bya'i chos dang chos can gyi tshogs don la bya ste/ byas pa de sgra'i steng du rtag pa 'gog byed kyi rtags yang dag yin gyi/ sgra'i rtag 'dzin 'gog byed kyi de ma yin pa'i phyir/ gzhan yang/ myu gu med pa rtags yang dag gi dgag byar 'dod pa @078a @#/ /lam rim gyi phyi ma'i dbang du byas pa dang nang 'gal te/ de yin na de phyi mar 'jog dgos pa'i phyir dang/ de myu gu med par 'dzin pa'i blo'i 'dzin stangs kyi yul du thal lo/ /khyad gzhi yang dgag rigs par thal lo/ /gsungs pa/ des bdag yod pa dgag na bdag gi khyad gzhi phung po yang dgag rigs par thal lo// zhes pa'o/ /dbu ma'i zin bris las/ ri bong rwa rtags de'i dgag bya dang/ lam de'i dgag bya yin kyang/ rtags dang lam gyi ni ma yin no/ /gsungs pa lta bu'i zhib cha mang ngo/ /chos rnams rang gi 'dogs byed la ltos pa sogs ltos pa'i dang/ bum pa bden med 'thad pa yin kyang 'thad sgrub kyi rigs pa min la/ de bden med du bsgrub pa 'thad sgrub kyi dang/ mtshan mtshon yul yul can sogs kyi bya ba byed pa dang/ mes bud shing bsreg pa sogs bya ba byed pa'i dang/ chos nyid kyi rigs pa la dbu ma'i zin bris las/ 'jig rten la snang ba'i rigs pa/ bsam gyis mi khyab pa'i rigs pa/ gnas pa'i rigs pa gsum gsungs nas/ dang po la/ chu thur du 'gro ba me tsha ba sogs dang/ gnyis pa la/ sems can gyi las bsam gyis mi khyab pa/ rnal 'byor gyi nus pa bsam gyis mi khyab pa/ rigs sngags kyi nus pa bsam gyis mi khyab pa/ mkhyud spyad kyi @078b nus pa bsam gyis mi khyab pa bzhi dang/ gsum pa la/ bum pa bden med bum pa'i chos nyid du gnas pa bzhag nas sgrub byed gzhan med pas chos nyid kyi rten 'brel yin zhes bshad gsungs pas/ de thams cad dang/ tshad ma thams cad rigs pa yang dag yin pas dgag bya la yang yod med gnyis bzhag go/ /so skyes mi dge ba'i las byed pa mi rung pa yin kyang/ de las sdug bsngal bskyed pa bya ba byed pa'i dang/ ma bshags na 'bras bu sdug bsngal chud mi za ba chos nyid kyi rigs pa yin pas mi 'thad pa min no/ /bden 'dzin gyis bden par bzung ba yin pa 'thad pa yin te/ bum pa bden 'dzin gyis bden par bzung ba yin par sgrub pa'i 'thad sgrub kyi rigs pa yod pa'i phyir/ khyab ste/ yig char/ des na 'thad pa'i bzlog zla la rigs pa'i dgag byar bya ste/ rigs pa bzhi'i zlog zla mi rigs pa bzhi la dgag byar byed par rje yab sras kyi gsung rab kun go bsdur na thon pa de'i phyir/ zhes gsungs pa'i phyir/ lo chen gyis/ chos nyid shes bya min gsungs pa dang/ cha ba chos ser jo nang ba go shAg gAr ma mi bskyod rdo rje rnams kyis chos nyid bden grub tu 'dod pa de thams cad kyis dbu ma snang ba sogs la brten nas rigs shes kyi dpyad bzod dang rnyed don don gcig /ces pa yin la/ de'i khyad par ni/ grub mtha' rtsa @079a @#/ /par/ rigs shes rnyed don yod kyang des dpyad bzod/ /bden par bzod dgos bden grub la dpyad phyir/ /zhes gsungs pa ltar/ rigs shes des bden par yod med dpyad pa na/ btsal rgyu bden grub yin pas de rnyed na dpyad bzod dgos la/ de ltar med par stong cham gyis song ba na de tsam gyis mi chog par/ de med par nges pa na chos nyid nges pa yin te/ dper na mi zhig khang pa'i nang du btsal ba na der mi de ma mthong ba tsam gyis mi chog par der med do snyam pa skyes pa na de med par nges kyang/ btsal ba'i don ma grub pa bzhin no/ /dbu ma'i gzhung rnams las/ rigs shes la don dam du byas nas/ de'i ngor med pa don dam du med par gsungs pa mang bas snga ma rnams de ltar 'dod la/ thal rang gnyis ka'i lugs la dgag bya la don dam gyi khyad par sbyar ba'i don dam la gnyis yod pa shes na/ yum mdo las/ chos 'di dag thams cad ni 'jig rten gyi tha snyad la brten nas btags kyi don dam par ni ma yin no/ /zhes chos thams cad la khyad ma phye bar gsungs pa'i dgongs pa legs par 'grel nus shing/ sngar gyi log rtog rnams rang shigs par 'gyur bas/ rnam bshad las/ dgag bya la don dam gyi khyad par sbyar ba'i don dam la gnyis @079b shes dgos te/ zhes pa nas/ 'di legs par shes na gshis lugs la dang/ don dam du med zer ba dang/ yang chos nyid yod par 'dod cing de nyid gshis lugs dang don dam yin par smra ba mi 'gal ba'i gnad rnams shes par 'gyur ro/ /gsungs pa bod 'dir rje rin po che gcig bu'i khyad chos so/ /'o na de mar me sogs kyis mi mkhyen nam zhe na/ skyon med de/ rje'i bstod 'grel las/ dper na 'jig rten na mi gnyis la grong khyer zhig rgyus yod pa 'dra yang/ de'i lo rgyus gzhan ma bshad pa'i tshe brjod tshul mkhas mi mkhas kyi dbang gis go ba skyed lugs sna tshogs 'ongs pa ltar/ rang gis lta ba rnyed kyang gzhan la de'i go ba gyis phyin pa skyed mi thub pa'ang yod la/ yang na dam pa 'ga' zhig gnas skabs kyi gdul bya de'i rgyud tshod gzigs nas/ de'i thad ka'i gdams ngag re phog pa gdul bya gzhan dag gi rgyud la mi 'tsham pa dang/ skabs 'gar rang rang gi thugs la 'khrungs pa'i rtogs pa khyad par can gyi nyams myong dang/ rdzogs rim mthon po'i skabs kyi lam nyams su len tshul dmigs bsal can 'ga' zhig gsungs gsungs pa ltar yin pas/ mkhyen kyang de ltar gsungs pa med do/ /rje btsun pa'i dbu ma las/ ji ltar snang ba 'di kho na/ /kun rdzob gzhan ni @080a @#/ /gcig shos so/ /zhes dang/ ji ltar snang bzhin ngo bo'i phyir/ /'di la dpyad pa mi 'jug go /zhes sogs rang rgyud pa'i gzhung las ches gsal ba'i phyir/ zhes gsungs pas/ rje btsun pa yab sras blo gnod med la ji ltar snang ba 'di kho na kun rdzob tu grub tshad ces sogs 'grel bar snang la/ de ni bden gnyis dar TIka las/ ji ltar snang zhing mthong ba 'di kho na kun rdzob bden pa zhes te/ zhes pa nas/ cig shos don dam bden pa'i mtshan nyid yin zhes pa ste/ zhes dang/ gzugs la sogs pa kun rdzob pa 'di la don dam pa'i rigs pas dpyad mi bzod cing don dam pa'i dpyad pa mi 'jug go /zhes pa nas/ tha snyad pa'i shes pa la ji ltar snang ba bzhin grub pa'i ngo bo yin pa'i phyir/ zhes gsungs pas yig cha'i de dgongs pa'o/ /yig char/ de dag la yang dag pa'i skye ba lnga dang gsungs pa/ skye ba lnga'i gzhi ldog gzugs sogs lnga dbang shes la snang ba yang dag pa'i skye ba'am/ skye bI rang ldog mi snang ba'i don yin gsungs la/ dbu ma'i zin bris las/ skye ba lnga ni tha snyad skye ba lnga la byed do/ /gsungs pas/ gzugs skye ba snang yang/ skye bar mi snang zer ram dpyad la/ spyir skye ba dang mi rtag pa sogs dbang shes la mi snang bas yin pa 'dra'o/ / @080b 'di rigs ngo'i bden grub kyi dbang du byas pa yin te/ gsungs pa/ bden gnyis 'grel bar/ dgag bya bden pa dbang shes la mi snang bar bshad pa zhes pa'i dgag bya de yin pa/ legs bshad snying po'i lung gis shes la/ dbu ma snang ba'i nye bar bstan pa mthong zhes pa'i mthong rgyu ni lhan skyes kyi bden grub yin te/ de las byung ba'i phyir/ zhes lhan skyes kyi snang bar gsungs pa'i phyir/ 'o na/ snga ma phyi ma'i dngos bstan gyi mthong ba dbang shes min pa'i sgrub byed du ji ltar 'gro zhe na/ rnal 'byor spyod pa'i rang rgyud pa'i skabs 'dir yang dbang shes la bden snang yod pa gsal bar bshad pa med pa'i phyir/ zhes pa'o/ /'di 'dra'i dgag bya dbang shes la mi snang ste/ des grub pa'i don dam de gnas lugs la byed pa'i phyir ro/ /zhes dbang shes la gnas lugs mi snang bas rigs ngo'i dgag bya mi snang bar gsungs pas/ rigs ngo'i bden 'dzin la gnas lugs dang rigs ngo'i don dam snang ngam zhe na/ mi 'dra ste/ dbang shes dang skye bo rang dga' bas rigs ngor yod med dpyad pa mi byed pas mi snang la/ rnam bshad las/ de'i bden 'dzin la ni phyi ma'i yod 'dzin dgos so/ /zhes pa ltar/ rigs ngo'i bden 'dzin ni yul rang gi thun mong ma yin pa'i sdod lugs su grub par snang ba na grub mtha'i dbang gis de'i steng du rigs @081a @#/ /ngor yod med dpyad de/ der yod pa dang gshis lugs su snang la/ spyir rigs ngo'i don dam dang gshis lugs su mi 'char ro/ /rje drung pa'i dbu ma las/ rang rgyud pas ming du btags tsam gyis rang ngos nas grub pa mi 'gog la/ thal 'gyur bas de 'gog pa la/ dbu ma pa gnyis kyi dgag bya la blo ngor mi 'dra ba chen po 'od zhes gsungs pa'i don no/ /sogs gsungs pas/ yig char/ kha cig rang rgyud pas kyang chos thams cad rtog pas btags tsam du 'dod zer na/ sogs rje btsun pa yab sras sogs yin la/ de mi 'dod pa byang chub bla ma'i dris lan du gsal zhing/ rnam bshad las/ blo la snang ba'i dbang gis bzhag pa dang/ blo'i dbang gis bzhag pa la khyad par phye ba tshig la gsal bas phyi ma rtog pas bzhag par shes te/ rnam bshad las/ blo la snang ba'am blo'i dbang gis bzhag pa zhes spyir de gnyis khyad med byas pa'i phyir/ de gnyis kyis bzhag pa min pa'i sdod lugs la phra rags che bas/ dbu ma pa gnyis kyi dgag bya blo ngor mi 'dra gsungs la/ rigs pa'i rgya mtshor tha snyad kyi dbang gis zhes pa'i tha snyad kyang rtog pa yin pa'i phyir dang/ de mi 'dod pa'i rgyu mtshan gtso bo ni/ legs ldan dang zhi 'tsho yab sras kyis sems tsam pa'i kun btags rtog pas btags tsam du @081b 'dod pa bkag pa la thug cing/ de ltar na sems tsam pas kyang tsam sgras rang ngos nas grub pa mi gcod par 'dod mnyam yin la/ de'i rang mtshan bden grub dang khyad med pas dgag tu med la/ rang mtshan zhes pa'i ming tsam la rtsod pa yin na/ ming tsam las don la khyad med par thal ba dang/ ming sems tsam pa las dman par thal te/ des tsam sgras rang mtshan gyis grub pa gcod par 'dod cing/ 'dir de mi 'dod pa'i phyir ro/ /legs bshad snying po las/ sgra rtog gis btags pa tsam du zad pa'i don no/ /zhes pa don dam par yin pa gong du gsal lo/ /nyi khri rnam nges las gsungs pa dpyad/ rje btsun pas/ rde'u shing rta glang du snang ba yin par thal/ sgyu ma'i sprul gzhi'i rde'u shing rta glang du snang ba yin pa'i phyir zer na ma khyab par gsal lo gsungs/ dbu ma'i zin bris las/ rde'u shing rta glang du snang smig rgyu chur snang yang shes bya rta glang du mi snang ba spyir btang la khyab che chung gis yin no/ /gsungs/ de dag rnam bshad las/ spyir sprul gzhi rta glang du mi snang zhes byar mi rung gi gsungs pas yin kyang de ni gong du sgyu ma mkhan gyis rde'u sogs/ rta glang du sprul pa na zhes gsungs pas/ de ltar sprul pa na rta glang du snang ba'i don yin gyi/ spyir sprul gzhi rde'u shing rta glang du snang na thal 'gyur ba'i @082a @#/ /lugs la de snang ba ltar ma grub pa stong nyid ma yin par thal ba dang/ de 'jig rten pa'i brdzun par thal lo/ /des na smig rgyu chur snang yang sprul gzhi rde'u shing rta glang du mi snang zer dgos so/ /dbu ma'i zin bris las/ legs chos pas/ gang zag phung po dang bden grub kyi gcig tu ma grub pa dang tha dad du ma grub pa re re nas stong nyid min kyang/ de phung po dang bden grub kyi gcig dang du ma gang rung dang bral ba stong nyid yin zhes bshad tshod red/ zhes gsungs kyang/ yig char/ gang zag phung po dang bden grub kyi gcig dang du ma gang rung du ma grub pa de gang zag bden med kyi don yin par thal/ zhes sogs 'phang tshul la bltas na de stong nyid du mi 'dod dam snyam ste/ dngos smras de gnyis ka dang bral ba rtogs nas gang rung dang bral ba ma rtogs zer mi rung ba'i phyir dang/ phung po dang gcig ma yin par rtogs nas bden grub kyi gcig yin min la the tshom za ba mi srid snyam pa'i phyir dang/ spyir gcig bden par med pa stong nyid yin kyang bden grub kyi gcig med pa stong nyid min zhes 'dod pa'i phyir/ yig char/ mnyam bzhag zag med kyi ngor tha dad med pa sogs kyis sgrub pa ni bdag phung gnyis tha dad du rtogs kyang rang ngos nas sam gnas lugs kyi tha dad @082b yin min ma rtogs pa de tha dad pa kho rang gi gnas lugs sam gshis lugs su ma rtogs pas yin pa de bzhin du gcig la yang 'dra'o/ /lung rigs sgron me las/ nam mkha' rang ngos nas ma grub pa de nam mkha'i gnas lugs su grub tshad du 'dod gsungs pa/ yig char/ rang ngos nas grub pa gsungs pa ltar yin te/ nam mkha' gnas lugs su grub tshad la/ zhes gsungs pa'i phyir/ des na nam mkha'i zhes pa'ang ma dag go /dbu ma'i zin bris las/ bum pa bden med nges na de kwa ba dang/ nam mkha' dang/ gang zag sogs kyi bden grub kyis kyang stong bar nges pas khyab la/ bum pa kwa ba'i bden grub kyis stong ba bum pa'i chos nyid yin pa'i tshod du gsungs so/ /zhes pa bum pa bden grub yul dus gzhi gang gi steng du yang med par nges pas yin no/ /'o na bum pa bden grub kyi gcig dang du ma gang rung dang bral bar rtogs tshe de ltar nges par thal/ de'i tshe de ltar stong cham gyi songs pa'i phyir na ma khyab ste/ dbu ma rgyan rang 'grel las/ gtan tshigs 'di la nas shes pa dang sgra'i tha snyad rnams sgrub pa'i phyir te/ gsungs pa ltar bden med don gyis rtogs kyang des tha snyad tsam sgrub tshul phar phyin mchan ltar ro/ /dbu ma'i zin bris las/ bum pa kwa bas @083a @#/ /stong pa'i gzhan stong de dang/ bum pa bden stong la rang stong du gser phreng las bshad pa lta bu'i rang stong gzhan stong gi tha snyad ni/ klu sgrub lugs la 'thad gsungs pas tha snyad de tsam 'dod do/ /rang rgyud pas blo gnod med la snang ba de ka yul de'i kun rdzob pa'i sdod lugs su 'dod la/ tshad ma gnyis kyis gzhal bya gzhal ba de de gnyis kyis bzhag pa'i don yin pas mi 'dra la/ yig char/ 'di dag gis byis pa yan chad la gzugs sogs snang ba ltar grub par 'dod la gsungs pa/ phar phyin mchan ltar gzugs gzugs su snang ba ltar grub pa'i don yin gyi yul gyi rang mtshan la ma 'khrul pas mi 'jog kyang/ de ltar grub pa yang gdags gzhi'i ngos nas gzugs zhig rnyed dgos pa'i rgyu mtshan gyis yin pas rang mtshan la thug go /de'i rgyu mtshan gyis rnal 'byor spyod pa'i rang rgyud pa'i lugs la/ rang rgyal rigs nges kyis sngon 'dzin mig shes 'khrul shes dang/ sngon po phyi don du snang ba ltar ma grub pa rtogs kyang/ de dang gzugs brnyan sogs snang ba ltar ma grub pa ma rtogs pa de dag blo gnod med la snang ba'i dbang gis bzhag pa min pa'i sdod lugs su grub par snang bas stong par rtogs pa la ltos pa'i phyir te/ de dag snang ba ltar mi grub par @083b rtogs na blo de'i byed pa la ltos nas snang tshul dang gnas tshul mi mthun par rtogs dgos pa'i phyir/ des sngon 'dzin mig shes 'khrul shes su rtogs te/ gzugs brnyan byad bzhin du snang ba ltar ma grub pa rtogs na/ de byad bzhin du 'dzin pa'i blo 'khrul shes su rtogs dgos pa'i phyir/ thal 'gyur ba'i lugs kyi dgag bya ngos zin tshad ni/ dris lan snying gi mun sel las/ gang zag rang ngos nas yod zer ba dang rang ngos nas med zer ba'i yod med kyi tshad thig pa la zer ba yin la zhes pa ltar de'i tshad thig pa de 'jog la/ de dper na rang gzhan la stod smad byed tshe mtho dman du phyed rgyu'i nga zhig gdags gzhi gdags chos 'o chu 'dres pa lta bu'i ngos nas ling nge yod pa lta bur 'char ba de ngar 'dzin lhan skyes yin la/ de shugs bskyed nas blos zur gcig gis brtags pa'i tshe de'i 'dzin tshul 'di'o/ /snyam du rtogs pa na dgag bya ngos zin pa yin la/ de bzhin du lus sems ka bum sogs la yang gdags gzhi khyad gzhi sogs dang dbyer med pa'i ngos nas 'char tshul 'dra'o/ /de yang bla ma mchog gsum la dad gus dang tshogs bsags sgrib sbyong gis rgyab khyog par byas te/ snang phyogs la nges pa ma dor na lam du 'gro @084a @#/ /yi; de ltar ma byas na grub mtha' 'og ma ltar rtag mtha' dang/ yang na bod snga ma ltar chad mtha' dang/ yang na da lta'i gzhan phyogs pa 'ga' zhig ltar de la sems ngo mthong ba'am chos sku'i rang zhal dang chos nyid mthong bar rlom te/ gnad gzhan rnams dor nas tsom 'jog byas pas rnam rtog cung zad 'gog pa na sgom mchog tu 'dod pa sogs 'byung ngo/ /blo lhan skyes la gdags gzhi phung khams ngar snang ba'am des nga zhes ming rkyang phar btags tsam de gang zag dang/ de'i snang ngo'i nga leng po de dgag bya dang/ de la de ma yin pa las log par snang ba de don spyi yin no/ /yig char/ ming gis btags tsam ma yin par zhen na/ bden 'dzin du 'gyur gsungs pa ming gis btags tsam las gzhan du zhen pa la bya ste/ de las med pa de dag gi gnas lugs su gsungs pa'i phyir dang/ ming gis btags tsam ma yin par 'dzin pa skur 'debs yin pa'i phyir ro/ /ming rkyang btags yod la yod dgos pa rkyang zhes pa med rkyang zhes pas de las rang ngos nas med pa dang/ btags yod ces pas ming tsam po de gdags gzhi la phar btags pa'i yod pa zhes snga mas rtag mtha' dang/ phyi mas chad mtha' sel bas yin no/ /de 'dra'i dgag bya de nges pa la/ kun @084b mkhyen bla ma'i mtha' bral sgrub pa'i gter mdzod ltar/ thog mar gzhung chen mo la thos bsam byas te/ phyi rol pas 'dod pa'i khyad par gsum mam lnga ldan gyi bdag gdags gzhi khang pa dang bdag khang bdag ltar nang na dbang bsgyur ba po'i tshul du yod pa dang/ de nas rang rgyud pa man chad ltar phung po'i tshogs pa na phung po dang mtshan nyid mi mthun par phyug dang phyug rdzi ltar dbang bsgyur ba por yod pa dang/ de nas blo lhan skyes kyis lag pa na ba na nga na ba dang/ lag pas bzung ba na ngas bzung zhes tshong pa dang tshong dpon ltar lag pa sogs dang/ rigs mthun pa'i de la dbang bsgyur ba po'i bdag de dang ngo bo tha dad pa dang/ de nas sems tsam pa ltar nang gi sems kyi sa bon smin pa sogs la ma ltos par phyi rol gyi rdul cha med sogs gdags gzhi la brten nas grub pa dang/ de nas rang rgyud pa ltar blo gnod med de yul kho rang gi rang mtshan 'jal ba'i tshad ma la snang bas dbang gis bzhag tsam ma yin par yul rang gi sdod lugs de gnas tshul ltar yod pa sogs dgag bya rags pa rnams ngos zin par byas te/ de dag gis stong pa rtogs pa sngon du song na/ rang lugs kyi dgag bya phra mo nor ba med pa ngos zin sla ba 'ongs yang de thams cad sngon du song bas ma khyab pa sngar bshad zin to/ /de'i bar ba ma @085a @#/ /gtogs thog mtha' bzhi ltar 'dzin pa grub mthas blo ma bsgyur ba la mi 'ong ngo/ /des na lhan skyes kyi bdag 'dzin rags pa ni gdags gzhi dang ngo bo tha dad pa'i tshul gyis dbang bsgyur ba por 'dzin pa yin la/ phra mo ni gdags gzhi dang dbyer med 'o chu 'dres pa lta bu'i gdags chos ling nge ba'am tshugs se ba sgra rtog la ma ltos par 'dzin pa yin no/ /de rjes 'og nas 'byung ba'i rigs pa skabs su gad babs kyis dpyad de/ dgag bya des stong par nges pa na/ rkun khags bkal ba lta bu'i bsnyon pa'i gzhi med pas dga' snang dang/ rang gces 'dzin gyi gzhi sogs med song bas 'jigs snang gnyis 'byung la/ de'i sngon du thos bsam gyi stobs kyis tha snyad tshad grub la goms pas de ma thag dpyad pa na ming dang rtog pas gsar du bzhag pa lta bu'i snang ba 'byung bas/ snang stong sgyu ma lta bu'i rten 'byung la yid je cher song ste/ dgra gnyen la chags sdang sogs 'go gnon par 'gyur la/ nyes spyod la 'dzem pa sogs sngar dang mi 'dra ba 'byung ste/ dbu ma'i zin bris las/ nges pa 'drongs pa'i rtags su mi gzhan la dud 'gro sogs kyi ming 'dogs pa na zhe gting nas 'dzem pa zhig 'byung la/ zhes pa nas/ de ltar smras pa na de ma thag tu dud 'gror gyur 'gro snyam pa dang/ de ltar @085b smra ba la kha 'dar ba rnams 'byung ba ni/ stong nyid rtogs pa las 'bras nges pa'i grogs su 'gro bar byed pa yin no/ /zhes gsungs pa'i phyir/ shed bu ser skya dang phug ron gyi rkang rjes ltar rgyu 'bras bslu ba med pas yid bskyod pa'o/ ! //'jug pa 'dir chos kyi bdag med sgrub pa'i rigs pa sngon du gsungs pa ni/ rin chen phreng ba las/ ji srid phung po 'dzin yod pa/ /zhes pa ltar chos kyi bdag 'dzin gyis gang zag gi bdag 'dzin gyi rtsa ba byas pas yin la/ lam rim sogs las/ gang zag gi bdag med sgrub pa'i rigs pa dang por gsungs pa ni/ mdo las/ ji ltar khyod kyis bdag gi 'du shes ni/ /zhes sogs ltar bdag med gnyis nges dka' sla'i rim pas yin no/ /'dir thal 'gyur lnga las gsum pa ni/ grangs can gyis ba spyi rang gi gsal ba du ma la ma khyab par mi 'dod pas 'dod pa sgrub par ma bzhag la/ skyes zin slar yang skye ba don med 'dod pas bzhi ba 'dod pa sgrub par bzhag gam dpyad/ /lam rim sogs su 'gal brjod las 'dod pa sgrub pa zur du med do/ /sgrub byed bsgrub bya dang mtshungs pa'i thal 'gyur yang dag yin min dang/ gzugs tshor gnyis rang bzhin gyis sgrub pa gnyis sgrub pa gnyis dka' sla'i khyad med par @086a @#/ /rtogs pa la stong nyid rtogs dgos mi dgos sogs dpyad gzhi cung zad yod do/ /myu gu rang mtshan gyis grub pa'i rgyu las skye ba med par rtogs nas/ rang bzhin gyi skye ba med pa ma rtogs pa yod de/ gzhan skye med pa rtogs nas/ de rang bzhin gyis mi skye ba ma rtogs pa yod pa'i phyir/ yod med skye 'gog la/ stong thun las/ kha cig yod pa yang mi skye/ med pa yang mi skye zhes sbyor ba shin tu mi rigs te/ gsungs pa ni/ shes bya dang med nges rgyu las skye bar khas len pa'i rgol ba su yang med do/ /gsungs pas/ yod pa dang med pa'i rang ldog dang/ kha cig rgyu dus na yod pa skye'am/ med pa skye zhes brtag pa byed pa de dang 'dra ste/ zhes pa yang de gnyis rang ldog yin la/ des na yod pa'i myu gu skye 'am med pa'i myu gu skye zhes dpyod gsungs pa'i don/ bden par yod na rgyu dus na'ang yod dgos pas/ de dus yod pa rgyus skyed mi dgos la/ rgyu dus na med pa bden na dus thams cad du med dgos pas/ de rgyus skyed mi nus pa'i phyir/ zhes pa yin la/ de ltar bkod na shes 'dod med nas ma grub par 'gyur bas brjod 'dod kyis don de 'dra go ched/ phar phyin mtha' dpyod ltar yod zin na'ang zhes pa dang/ 'dir rang gi rgyu @086b dus su yod pa yang zhes pa'i 'ang dang yang bsdu tshig tsam min par khyad par de lta bu'i 'byed chos ston par byas na/ stong thun dang phar phyin mchan gyi dgongs par 'gro'o/ /mu bzhi skye 'gog la/ 'di dang grub mtha' chen mor bzhi kar rang bzhin sbyar kyang/ phar phyin mtha' dpyod du/ du mas du ma dang gcig gis gcig kho na la sbyar la/ du mas gcig kho na dang/ gcig kho na du ma la ma sbyar kyang/ stong thun dang bden gnyis dar Tika du phyogs chos sgrub pa rkyen gsum la sbyar te/ mig dbang gis mig dbang ngam mig shes gcig pu skyed na 'gro ba thams cad long bar thal ba dang/ gcig kho nas du ma dang/ du mas gcig kho na skyed na rkyen gsum don med par thal bas sgrub pas ma sbyar kyang chog la/ du mas du ma la nges par sbyor dgos so/ /rtsa she las/ brten pa phyi nang gi dngos po gang dag yul dus grub mtha' gang na yang/ rten gzhi mtha' bzhi'i skye ba nam yang yod pa ma yin zhes mtha' bzhi'i skye ba med pa'i dam bca' dngos su bstan nas/ rang bzhin gyis skye ba med pa'i dam bca' shugs la bstan pa ltar/ rtsa ba 'dis kyang de ltar bstan pas/ rnam bshad las/ rang bzhin gyis skye ba med pa'i dam bca' bzhag pa dang/ zhes gsungs so/ yig @087a @#/ /char/ rnam pa gcig tu na 'dod rung ba gzhan skye la bsam na chog pa ltar snang yang/ zhes pa dang/ bden grub lta bu'i rigs gcig dang/ thogs reg lta bu'i rigs gcig dgos par shes pa'i ched du dgag bya rigs gcig smos pa'i phyir/ zhes gsungs pa la brten nas/ dbu ma'i zin bris su mtha' bzhi'i skye med stong nyid yin te/ rang bzhin med pa dang de gnyis dgag bya rigs gcig bkag pa yin par bshad cing/ de sgrub kyi tha snyad 'ba' zhig sgrub tu bshad pa'i phyir/ 'o na mtha' bzhi gang rung du skye bar 'dzin pa bden 'dzin du thal lo/ zhe na/ 'dod pa yin te/ de bzhi re re nas 'dzin pa bden 'dzin min kyang/ gang rung du 'dzin pa rnam bdun rnam lnga gang rung dang/ zhes pa nas/ dgag bya phra mor 'jog kyang re re nas mi 'jog /mtha' bzhi'i skye med kyi dam bca' de rang bzhin med pa'i dngos kyi dam bca' de yin na/ de de sgrub kyi rtags su mi rung bas shugs kyi dam bca' yin par gsungs/ gzhan skye med pa la bsam na/ dngos kyi dam bca' yin no/ /zhes gsungs pa ltar mtha' bzhi dang/ de gang rung du skye ba med pa stong nyid yin te/ rang bzhin med pa dang dgag bya rigs gcig bkag tsam gyi med dgag yin pa'i @087b phyir/ rtags yig cha dang rnam bshad kyis 'grub bo/ /de la kho na re/ de 'dra'i dam bca' de rang bzhin med pa'i dam bca' yin par thal/ de stong nyid yin pa'i phyir na ma khyab/ yang kho na re/ bdag skye med par rtogs na/ mtha' bzhi'i skye bar 'dzin pa'i dam bca' 'dor mi dgos par thal/ zer na 'dod pa yin te/ de bzhi re re nas 'dzin pa'i dam bca' ldog kyang/ gang rung du 'dzin pa mi ldog pa'i phyir ro/ /yig char/ grub mtha'i don gsum gsungs pa ma dag/ /grub pa'i don gsum zer dgos pa rnam bshad ltar ro/ /dang po bdag skye ni/ grangs can pas/ nas myug lta bu'i 'bras bu thams cad kyang/ rang gi rgyu rkyen thams cad la rang bzhin cha med gcig phar yin tshur yin gyi rjes su 'gro ba med na 'bras bu thun mong ba mi rung bas/ myu gu de rang gi rgyu'i rang bzhin cha med myu gu mi gsal ba rang gi rgyu dus na yod pa de las skye bas na bdag skye zer ro/ /de 'dra'i spyi'am rang bzhin ni/ grub mtha' rtsa bar/ byed po rtag gcig yul dang khyab/ /mi gsal yon tan mnyam 'dod ces pa ltar khyad par bdun ldan du 'dod pas/ de'i mi gsal ba ni spyan ras gzigs brtul zhugs kyis/ gtso bo de yang bram ze ser skyas mngon sum du yang ma yin @088a @#/ /te/ de dag gi gzhung las/ bram ze ser skyas tshangs pa skye ba ni mthong gi/ de'i gtso bo de ni ma mthong ngo zhes pa ltar/ rgyu dus kyi 'bras bu mi gsal ba la nas myug lta bu'i rgyu thams cad kyi rang bzhin cha med de 'jog la/ 'o na de'i lugs la spyi de chos can/ mi gsal ba'i myu gu yin par thal/ myu gu mi gsal ba yin pa'i phyir te/ de'i spyi yin pa'i phyir/ 'dod na/ de myu gu yin par thal/ mi gsal ba'i myu gu yin pa'i phyir/ 'dod na/ dbang phyug nag po'i rgyud las/ rgyu ldan mi rtag ma khyab pa/ /byed bcas du ma brten pa 'gro/ /cha shas dang bcas gzhan dbang gsal/ /bzlog pa dang ni mi gsal ba'o/ /zhes de tsam lnga sogs 'bras bu rnams gsal ba sogs su bshad pa dang 'gal te/ myu gu yin na/ de tsam lnga gang rung yin dgos pa'i phyir ro/ /des na mngon par mi gsal ba'i myu gu med kyang/ rgyu dus su mngon par mi gsal ba'i myu gu yod de/ nas myug de yin pa'i phyir te/ de rang rgyu'i dus na rang bzhin gyi ngo bor yod pa'i phyir zer na/ de chos can/ rang rgyu'i dus su gsal ba yin par thal/ de dus su nas yin pa'i phyir/ ma grub na/ glang chen de rang @088b rgyu rta'i dus su rta ma yin par thal lo/ de'i dus su rta'i ngo bor gsal ba yin kyang/ glang chen gyi ngo bor mi gsal ba yin zer na/ de dus su rta dang glang chen gnyis kar thal/ de rgyu dus su med na bdag skye nyams so/ /gzhan yang/ rgyu dus na mngon par mi gsal ba'i myu gu chos can/ mi gsal ba dang/ ma skyes pa yin par thal/ slar yang skye ba don bcas yin pa'i phyir/ rtags thal 'gyur dang pos 'grub bo/ /de myu gu yin na/ gsal ba slar mi skye ba'i phyogs nyams la/ yig char/ de rtsod gzhir bzung bas myu gu slar yang skye bar mi 'dod snyam/ slar yang skye ba ni/ rgyu dus su mi gsal bar yod pa gsal bar skye ba la bya yi rta lta bu slar yang rtar skye ba la mi bya'i/ /de nas rgyu dus su mi gsal ba'i myu gu mi gsal ba yin kyang mi gsal ba'i myu gu min zer ram/ rta pha ma sogs las skye bar 'dod pas de shes bya nyer lnga gang yin dang/ de la spyi bdag gnyis yod med dang/ bdag dang gang zag don gcig yin min sogs dpyad/ /gsal ba la bdag skyes khyab kyang/ gsal ba rang rgyu'i dus su med pas bdag skye min zer ba dang/ myu gu sa bon gyi dus su sa bon yin kyang gsal ba min pa dang/ gsal ba rnams rgyu'i dus su @089a @#/ /yod kyang/ rgyu dus kyi myu gu sogs gsal ba min pa dang/ gsal ba shar shugs rang bzhin tha dad yin kyang/ shing spyi de gnyis ka'i rang bzhin du khas blangs pa sogs ni/ rnam 'grel las/ de yis ji ltar kun btags pa/ /sogs ltar nang 'gal 'ba' zhig yin pas kho rang gi lugs bzhir bzhag byas na lan gyis bzlog par mi nus ze rang dgos pa mang ngo/ /'dir bdag skye dgag pa la/ rtsa she las dam bca' tsam las ma gsungs pa/ sangs rgyas bskyangs kyi 'grel bar thal 'gyur gnyis kyis bkag pa ltar/ 'jug pa 'dir de'i nyes spong dang rtsa she'i rigs pa sogs bstan nas rgyas par bkag pas/ tshig gsal du yang dbu mal 'jug pa la sogs pa'i sgo nas nges par bya'o/ /zhes zhal 'phangs mdzad la/ 'dir sangs rgyas bskyangs kyi rigs pa la rgyas par kha bskang tshul ni/ 'grel ba'i rigs pa dang po bkod nas/ de'i khyab sgrub du skyes zin slar yang skye na sa bon kho na las myu gu skye ba'i skabs mi rnyed pa dang/ de la grangs can gyis sa bon 'gag nas myu gu skye'o zer ba la/ myu gus sa bon 'jig par mi byed de/ de gnyis rang bzhin gcig pa'i phyir/ zhes nyes spong bkag @089b cing/ rgyu 'bras ngo bo gcig na/ sa myug gnyis la kha dog ro nus sogs tha dad med par thal ba dang/ rgyu'i ngo bo bsal nas 'bras bur 'pho mi rigs pa dang/ rgyu 'bras gnyis ka gnas skabs gang du yod na yod mnyam du thal ba dang/ sa myug rang bzhin gcig pa 'jig rten grags pa'i gnod pa bzhis bkag pas tha ma ma gtogs pas grangs can la nang 'gal bstan pas/ yig char/ grub mtha' mkhan gyi lugs dgag pa zhes gsungs la/ rtsa bar/ de nyid dang ni zhes gsungs pas/ de kho na nyid du bdag skyes dgag pa dang/ tha ma la 'jig rten tha snyad du dgag pa zhes gsungs pas/ yig char/ grub mtha' pa ma yin pa'i gsungs/ rtsa she las/ gal te shing de me yin na/ /byed pa po dang las gcig 'gyur/ /zhes dang/ rang byed nyi shu ba las/ rgyu dang 'bras bu gcig nyid na/ / bskyed dang skyed pa gcig tu 'gyur/ /zhes pa'i rigs pa bdag skye la kha spos nas dgag pa rnams yin la/ rtsa ba'i tshig don zhib par mchan du 'god zin to/ /'dir tshig gsal gyi dgongs pa rdzogs par bkral te gsungs tshul la gsum dang po sangs rgyas bskyangs kyis bdag skya dgag tshul la gsum las dang po ni/ tshig gsal las/ slob dpon sangs rgyas bskyangs kyis kyang/ dngos po rnams bdag las skye ba med de zhes pas/ bdag skye med pa'i dam bca' bzhag nas/ rgyu @090a @#/ /dus na mi gsal ba'i tshul gyis yod par 'dod pa'i dngos po de dag chos can/ slar yang skye ba don med par thal/ rang gi bdag nyid thob zin pa'i phyir/ zhes bkod pa'i 'di gnyis pa mdor bstan gyis de dag gi/ zhes pa dang/ gsum ba rgyas bshad kyis/ dngos po bdag gi bdag nyid du yod pa rnams la ni zhes pas chos can dang/ rtags bstan la/ mdor bstan gyis skye ba don med pa nyid du 'gyur zhes pa dang/ rgyas bshad kyis/ yang skye ba la dgos pa med do/ zhes pas thal chos bstan la/ grangs can gyis ma khyab zer ba la ci ste/ de ltar na/ de chos can/ khyod kyi skye ba la thug pa med par thal/ rgyu dus na grub zin kyang slar yang skye ba la dgos pa yod pa'i phyir/ zhes pa'i thal chos mdor bstan gyis/ shin tu thal bar 'gyur/ zhes pa dang/ rgyas bshad kyis nam yang mi skye bar mi 'gyur ro/ /zhes pas bstan la/ rtags dang chos can mdor bstan gyis/ de dag gi zhes pa dang/ rgyas bshad kyis/ dngos po zhes sogs kyis chos can dang/ ci ste yod kyang skye na zhes pas rtags bstan pa stong thun ltar ro/ /de la grangs can gyis gsal zin nas slar mi skye bas ma khyab zer ba la/ gsal ba chos can/ slar yang/ @090b khyod kyi ngo bor mi skye bar thal/ khyod rgyu dus na yod pa'i phyir zer ba la rtags ma grub na/ skye ldan thams cad rang rgyu'i dus na yod par 'dod pa dang 'gal la/ ma khyab zer na/ de'i ngo bor slar skyes ma dgos la/ de'i ngo bor sngar nas yod kyang/ skye na thug med kyi skyon so na gnas zhes Tika chen las gsungs pa 'grel ba'i bstan don gtso bo yin no/ /grangs can gyis gsal ba rang rgyu'i dus su mi gsal ba'i ngo bor yod kyang/ gsal ba'i ngo bor med zer ba dang/ nas myug rang rgyu'i dus su sngon po'i ngo bor yod zer ba nang 'gal yin no/ /de la kho na re/ grangs can gyis skyes zin slar yang skyes par 'dod par thal/ slar yang skye ba don bcas 'dod pa'i phyir nam khyab ste/ de'i don rang gi rgyu'i dus na yod pa slar skye ba'i don yin gyi rang rgyu'i dus su skye bar mi 'dod pa'i phyir te/ de dus su gsal bar mi 'dod pa'i phyir/ khyab ste/ grub mtha' rtsa bar/ skyes pa'i tshul/ /sngar yod gsal 'gyur zhes gsungs pa'i phyir/ 'jug par/ skyes zin slar yang skye bar zhes sogs kyi don yang de yin no/ /kho na re/ thal 'gyur dang po'i rtags la rang gi rgyu'i dus na yod pa dang/ de dus su grub zin pa re re nas 'jog par thal/ snga ma yig cha dang/ phyi ma gung ru dang @091a @#/ /bsod grags pa sogs kyis gsungs pa'i phyir nam khyab ste/ phyogs sngas de ltar 'dod pa'i spyi bshad tsam yin gyi/ zhib cha 'og gi mtha' dpyod ltar rang gi bdag nyid du thob zin pa 'jog dgos pa'i phyir te/ 'og gi gzhan grags kyi sbyor ba'i rtags dang 'dra dgos pa'i phyir/ chos can yang/ mi gsal bar 'dod pa'i de tsam ma yin par skye ldan gyi dngos po rnams 'jog pa 'og tu ma nges pa'i skyon spang pas shes so/ /yig cha rnying bar/ thal 'gyur dang po de'i rtags slob dpon sangs rgyas bskyangs dang grangs can gnyis kyi nang nas grangs can kho nas khas len pa dang/ zhes rang gi bdag nyid du grub zin rtags su mi rung/ stong thun sogs kyi de bshad zor yangs pa'i dbang du byas gsungs/ thal 'gyur gnyis pa'i rtags gsal gnyis tshad mas ma grub pas skabs 'dir sgrub byed mi 'phen pa'i thal 'gyur yang dag la rtags gsal gnyis yod mi dgos sam snyam/ yang dag min na sgrub byed yang dag kyang min par 'gyur ro/ /de la rta glang gnyis chos can/ slar yang skye ba yod par thal/ slar yang skye ba blangs pa yod pa'i phyir/ rang rgyu'i dus su skye bar thal/ rang rgyu'i dus su 'khor bar skye ba'i @091b phyir; sogs tshig gi 'khri tshul yang mang ngo/ /gnyis pa de la legs ldan gyi skyon brjod tshul la gnyis/ dang po skyon brjod pa po ngos bzung ba ni/ kha cig gis/ zhes byung/ gnyis pa brjod tshul dngos la gnyis/ dang po bsgrub bya'i chos ni/ de ni rigs pa ma yin te/ zhes byung/ gnyis pa rtags la gsum/ dang po ni/ gtan tshigs dang dpe ma brjod pa'i phyir dang/ zhes pa khyod kyis tshig zin la skye ba don med thug med bkod kyang/ bsam tshod la bzlog nas don bcas thug bcas bkod kyang shes 'dod med pas dam bca' rtags su bkod pa lta bur song bas bdag skyes med pa sgrub mi thub pa'i phyir/ zhes pa'o/ /lung rigs sgron me sogs las/ gzhi rtags kyi 'brel ba med nas ma grub pa dang/ skye ba don med du chos mtshungs med pas dpe med gsungs pa tshig zin ltar na mi 'thad ces phyogs gcig tsam yin gyi dngos su skyon brjod kyi gzhi ni dgongs tshod kyi sbyor ba la yin te/ snga ma mdor bstan gyi don du mi 'dod pa gang zhig /bstan don la skyon brjod dgos pa'i phyir/ des yig char/ bsam tshod la don bcas dang thug bcas yin pa'i phyir/ zhes bkod pa de'i phyir/ rtags sla/ khyab ste/ de ltar na dam bca' tsam du zad gyi zhes pa/ rigs pa'i rgya mtsho las/ dam bca' tsam du @092a @#/ /zad pa'i phyir/ zhes pa'i dgongs pa'o/ /dpe med pa ni/ gzhi gcig gi steng du skye ba don bcas dang bdag skye med pa rim char du nges pa'i dpe med pa'o/ /rtags gnyis pa ni; gzhan gyis smras pa'i nyes pa ma bsal ba'i phyir/ zhes pa bdag las skye ba med de zhes pa grangs can gyis 'bras bu mngon gsal gyi bdag nyid las zer na/ grub zin sgrub pa dang/ rgyu mi gsal ba'i bdag nyid zer na/ 'gal khyab yin no/ /zhes pa'i skyon ma bsal zhes dgongs tshod gyi sbyor ba'i dam bca' la skyon brjod pa'o/ /rtags gsum pa la gnyis/ dang po rtags kyi ngo bo mdor bstan gyi gzhung 'di chos mthun gyi rgol bas klags yod pa'am ha cang thal ba 'jug pa'i tshig yin pa'i phyir/ zhes pa ni/ sher sgron las/ glags yod pa'i tshig yin pa'i phyir/ zhes dang tshig gsal las/ thal bar 'gyur ba'i tshig yin pa'i phyir/ zhes pas bstan no/ /gnyis pa glags yod tshul rgyas par bshad pa ni/ rgol bas glags yod de/ skabs don tshig zin las bzlog pa'i phyir/ khyab ste/ dngos zin gyi bsgrub par bya ba bzlog pas/ dngos po rnams gzhan skye dngos su ma bkod kyang/ shugs la 'phangs par 'gyur ba dang/ bsgrub bya de'i khyad @092b chos sam phyogs gtan tshigs bzlog pas skye ba 'bras bu'i don bcas dang thug bcas su 'gyur ba'i phyir/ zhes rtags su bkod pa sangs rgyas bskyangs kyi dgongs par mngon pas/ de ltar na bdag skye med par sgrub pa'i shugs la gzhan skye 'phang ba/ mtshan ma la mi byod ces pa'i mdo dang/ klu sgrub kyi gzhung sogs grub pa'i mtha' dang 'gal ba'i phyir/ zhes pa'i rtags sgrub ston par/ tshig gsal las/ skabs don las bzlog pas zhes dang/ khyab sgrub ston par/ de nyid las/ bsgrub par bya ba dang/ de'i chos bzlog pa'i don mngon pas dngos po rnams gzhan las skye bar 'gyur ba dang/ skye ba 'bras bu dang bcas pa nyid du 'gyur ba dang/ skye ba thug pa yod par 'gyur ba'i phyir/ grub pa'i mtha' dang 'gal bar 'gyur ro/ /zhes skyon smra ste/ zhes byung/ 'di dag sher sgron gyi lung yin pas/ yig char/ skabs kyi don las bzlog par 'gyur ba dang/ zhes pa don thob yin nam/ bsgrub bya bzlog pa chad pas ma dag pa yin nam dbyad/ /gung ru rgyan bzang bas/ rtsa she TIka chen la yang dgag pa byas nas/ dgag yul la mdor bstan rgyas bshad gnyis ka 'jog ste/ zla bas/ gnyis ka bkod pa'i phyir dang/ dgag tshul yang/ rang rgyud yin na skyon dang po @093a @#/ /gnyis 'jug pas/ 'di sgrub byed 'phen pa'i thal 'gyur la skyon 'phang ba yin te/ tshig gsal las/ thal bar 'gyur ba'i tshig yin pa'i phyir/ zhes gsungs pa'i phyir dang; slar yang gi don dgongs te/ de la zla bas/ bzlog don slar yang skye ba don bcas grangs can gyis khas blangs kyi kho bos ma blangs zhes lan smra ba'i phyir dang/ 'di'i chos la slar yang skye ba don bcas thug bcas dang/ don dam par gzhan skye rnams bzhag nas/ de dag klu sgrub yab sras mi bzhed pas de'i grub mtha' dang 'gal lo/ /zhes pa yin te/ sher sgron las/ bzlog pa'i don mngon zhes pa nas/ grub pa'i mtha' dang 'gal bar 'gyur ro/ zhes gsungs pa'i phyir dang/ Tika chen las/ dngos kyi rtags bzlog na dam bca' bzlog dgos gsungs pa mi 'thad de/ sbyor ngag de'i rtags bzlog na bsgrub bya bzlog dgos zhes legs ldan lta bu'i mkhas pas mi gsungs gsungs/ de la stong thun las/ de ltar na 'di la rtags ma grub pa dang khyab pa 'gal khyab tu song zhes skyon brjod rigs kyi de 'dra'i skyon che ba dor nas slar yang skye ba don bcas mi bzhed pas grub mtha' dang 'gal zhes mkhas pas mi smra/ zhes gsungs la/ yig char gsungs pa ltar tshig gsal du rgyas @093b bshad drangs pa rgyas bshad la don gyis dgag par 'gro bas yin la/ gtso bo rang lugs kyi bdag skye 'gog byed ngos bzung ba'i ched du yin te/ Tik chen las/ rang gi lugs bzhag pa dang/ zhes gsungs pa'i phyir/ sangs rgyas bskyangs kyis bdag skye 'gog tshul ston pa'i ched kyang yin te/ tshig gsal las/ slob dpon sangs rgyas bskyangs kyis kyang/ zhes gsungs pa'i phyir/ rgyas bshad la skyon brjod dngos su ma mdzad de/ shes rab sgron me las/ 'di la gzhan gyi dngos po rnams bdag gi bdag nyid las skye ba med de/ de dag gi skye ba don med pa nyid du 'gyur ba'i phyir dang/ thug pa med par 'gyur ba'i phyir ro/ /zhes rnam par 'chad par byed do/ /de ni rigs pa ma yin te/ zhes rgyal bshad ma drangs pa'i phyir dang/ tshig gsal las/ thal bar 'gyur ba bzlog pa'i don dang yang pha rol po nyid 'grel gyi/ gsungs pa legs ldan gyis dngos zin gyi bzlog don rang gis khas len dgos zer ba la/ 'di 'gal brjod tsam yin pas khas mi len zhes pa yin gyi/ legs ldan kho rang gis 'dod pa'i bzlog don khas mi len zhes pa ma yin pa'i phyir dang/ skye ba 'bras bu skye ba nyid du 'gyur ba dang/ zhes slar yang gi sgra ma sbyar ba'i phyir dang/ 'grel bshad las kyang ma sbyar @094a @#/ /ba'i phyir ro/ /thal 'gyur gyi bzlog don yin te/ tshig gsal las/ thal bar 'gyur/ zhes pas mdor bstan dang/ dgongs tshod kyi sbyor dag la rgol pa'i klags yod pas ha cang thal bar 'gyur zhes pa yin pa'i phyir te/ sher sgron las/ klags yod par 'gyur ba'i phyir dang/ sangs rgyas bskyangs rang rgyud par 'dod pas thal 'gyur gyis bsgrub bar mi 'dod pa'i phyir dang/ 'di dang sher sgron gnyis kar bsgrub par bya ba bzlog pa'i don mngon pas/ zhes dang/ spyan ras gzigs brtul zhugs las/ bsgrub par bya ba zhes bya ba ni/ dngos po rnams bdag gi bdag nyid las skye ba med de/ zhes bsgrub par bya ba'o/ /zhes gsungs pa'i phyir/ skye ba don bcas thug bcas su gyur pa gzhan las skye bar 'gyur ba rnams rgyu mtshan du byas nas mtha' bzhi'i skye ba 'gog skabs ma yin dgag shugs la 'phang ba 'gal chos yin gyi/ de'i bsgrub byed 'gal chos su mi rung ba'i phyir dang/ spyir gzhan skye mi bzhed pa'i grub mtha' dang 'gal ba min te/ legs ldan lugs la slon dpon 'phags pa yab sras kyis gzhan skye bzhed pa'i phyir te/ legs bshad snying po las/ sangs rgyas bskyangs dang rang nyid rang rgyud khas len mi len mi mthun snyam pa @094b mi 'dug ces gsungs pa'i phyir/ gzhan skye sgrub bya'i chos su ma bkod kyang/ shugs la 'phang bar 'dod pa'i 'khrul gzhi ni/ sangs rgyas bskyangs kyi 'grel bar/ re zhig skye ba brjod pa tha snyad tsam yin pa de ltar rab tu ston cig bshad pa/ zhes dang/ skye bar brjod pa ni/ tha snyad tsam yin no/ /zhes mtha' bzhi'i skye ba 'gog skabs skye ba tha snyad pa sgrub 'dod yod la/ 'dir rtags skye ba don bcas dang tshogs pas skye ba la bdag skye gzhan skye gnyis su kha tshod chod pas gzhan skye 'phang snyam pa yin gyi/ spyir sbyor ba'i rtags bzlog na bsgrub bya bzlog dgos gsungs pa min pas/ rgyan bzang bas/ skyon rnams mi 'jug la/ mtha' bzhi'i skye ba 'gog skabs 'dir bzlog dgos zhes zhib cha 'byed tshul yang de yin no/ /'gal chos yang sngar ltar yin te/ sher sgron las/ ma yin par dgag pa yongs su bzung na ni de sgrub pa gtso che ba'i phyir/ chos rnams ma skyes so/ /zhes pa sgrubs nas skye ba med pa nyid ston pa'i mdzad pa'i mtha' dang 'gal te/ lung las/ gzugs kyi skye ba med pa la spyod na shes rab kyi pha rol tu phyin pa la spyod pa ma yin no/ /zhes gsungs pa'i phyir/ des spyan ras gzigs brtul zhugs kyis slob dpon gyis lung las/ gzhan skye dang skye ba don dang thug @095a @#/ /bcas mi bzhed pa'i grub mtha' dang 'gal/ zhes pas gzhan skye mi bzhed par 'dod pa 'gog la/ skye ba don dang thug bcas 'phags pa yab sras mi bzhed gsungs pa de pas mi 'thad do/ /rgyan bzang pas 'di la brten par snang ngo/ /de la kho na re/ legs ldan lugs la/ mdor bstan gyi gzhung de bstan bcos rnam dag ma yin par thal/ skyon gsum dang bcas pa'i phyir/ khyab ste/ de yin na brjod byed tshig skyon med pa'i 'brel chags pa yin dgos pa'i phyir na ma khyab ste/ de thar lam ston tshul la yin pa'i phyir/ kho na re/ mdor bstan gyis bdag skyes 'gog nus kyi gtan tshigs brjod par thal/ dngos po rnams chos can/ bdag las skye ba med de/ skye ba don bcas yin pa'i phyir/ zhes pa'i sbyor ba 'di sbyor ba yang dag yin pa'i phyir te/ de dbang rtul 'ga' zhig la sbyor ba yang dag du song ba'i phyir te/ yig char/ dbang rtul 'dra ba ma gtogs dbang rnon la de de sgrub kyi rtags yang dag tu mi rung ba'i phyir/ zhes gsungs pa'i phyir/ zhe na/ de brtags pa mtha' bzung yin te/ skye ba don dang bcas pa'i don rtogs pa na rang rgyu'i dus su med par sgrub zin pa'i phyir/ zhes gsungs pa'i phyir ro/ / @095b yang kho na re/ mdor bstan gyi sbyor ngag des gzhan skyes shugs la 'phang bar thal/ 'dod pa'i phyir/ 'dod na/ de ma 'phangs par thal/ de dgag rtags kyi sbyor ba yin pa'i phyir te/ bdag skye med pa bsgrub bya'i chos su bzung ba'i sbyor ba yin pa'i phyir zhe na/ 'jam dbyangs dga' blo'i rtsa shes gzhung 'grel las/ slob dpon legs ldan gyis sangs rgyas bskyangs la khyed kyi sbyor ngag de bzlog pas gzhan skye don la 'phangs so/ zhes gsungs pa ma yin gyi/ de ltar 'phen pa khyod rang gis khas len dgos so/ /zhes 'phul pa yin pas 'chad po dag mgo ma rmongs shig/ ces pa ltar ram/ rigs pa'i rgya mtsho las/ de la rtags bzlog pa ltar byar med pas bdag skye rnam par bcad tsam ma yin pa bzlog pa'i don no/ zhes dang/ stong thun las/ bzlog pa'i don ma yin dgag bsgrub byar 'gyur te/ zhes gsungs pas na bdag skye bkag pa'i ma yin dgag bsgrub byar 'jog ste/ sgra rnams brjod 'dod kyi don ston la/ sangs rgyas bskyangs la gzhan skye ba sgrub 'dod yod pas de ston dgos pa'i phyir/ des na bkod tshod song tshong kyi bsgrub bya gnyis 'jog gam dpyad/ yang kho na re/ thal 'gyur ba'i lugs la legs ldan gyis mdor bstan la skyon ma brjod par thal/ @096a @#/ /de'i dngos bstan gyi sbyor ba dang thal 'gyur gang la yang skyon ma brjod pa'i phyir te/ de gang yang ngos ma zin pa'i phyir na ma khyab ste/ 'di ltar bstan na skyon yod ces brjod pas skyon brjod par 'dod dgos pa'i phyir/ 'o na/ legs ldan gyis skyon brjod yul gyi sbyor ba med par thal/ 'dod pa'i phyir/ 'dod mi nus te/ tshig gsal las/ bsgrub par bya ba dang; de'i chos bzlog pa'i don mngon pas/ zhes gsungs pa'i phyir/ yong na sbyor ba de sangs rgyas bskyangs kyis bkod pa min/ legs ldan gyis bkod pa ma yin pa'i phyir/ dang po sla/ gnyis pa ma grub na/ rang nyid kyis rang la skyon brjod par thal 'dod pa'i phyir na ma khyab ste/ rang nyid kyis de'i dgongs pa blangs nas bkod pa la skyon brjod tsam yin pa'i phyir/ des na thal 'gyur ba'i lugs la legs ldan dgongs tshod kyi sbyor ba zer dgos so/ /sangs rgyas bskyangs la skyon de mi 'jug par zla bas bshad tshul la gnyis/ dang po skyon med tshul dngos la gnyis/ dang po skyon med pa'i dam bca' bzhag nas bsgrub byed 'dri ba ni/ de nyid las/ skyon de dag thams cad ni rigs pa ma yin par kho bo cag gi mthong ngo/ /ji ltar zhe na/ zhes byung skyon med @096b pa kho bos tshad mas mthong zhing sgrub byed ji ltar yod ce na/ zhes pa'o/ /gnyis pa skyon med pa'i sgrub byed la gnyis las/ dang po skyon dang po gnyis mi 'jug tshul la gnyis/ dang po rang rgyud kyi dbang du bya ba'i skyon med tshul la gnyis/ dang po rang rgyud ma bkod pa'i tshul la gnyis/ dang po rang rgyud kyi rtags dpe mi rigs pa'i dam bca' bzhag nas sgrub byed 'dri ba ni/ de la re zhig gtan tshigs dang dpe ma brjod pa'i phyir dang/ zhes gang smras pa de ni mi rigs so/ /ci'i phyir zhe na/ zhes byung/ de la ste de'i nang nas re zhig gam/ bye brag tu rang rgyud kyi rtags dpe ma brjod ces legs ldan khyod kyis smras pa mi rigs zhes pa'o/ /gnyis pa rang rgyud mi rigs pa'i sgrub byed la gsum/ dang po rang rgyud la dgos pa med pa ni/ rang rgyud kyi rtags dpe bkod pa la dgos pa med par thal/ legs ldan khyod kyi gzhung gang las/ rtags dpe bkod pa'i 'bras bu 'am dgos par 'gyur ba pha rol grangs can pas bdag skye med par rtogs pa sangs rgyas bskyangs kyis bkod pa'i thal 'gyur tsam kyis byed thub pa'i phyir/ zhes pa'i sgrub chos mi rigs so/ /zhes pas bstan la/ rtags ni/ de nyid las/ gang las gtan tshigs dang dpe bkod pa 'bras bu dang bcas par 'gyur ba 'di @097a @#/ /dag tsam zhig gis brtsad pa na ci pha rol po khas len par mi byed dam/ zhes pas bstan la/ rtags ma grub ces pa la/ rtags grub pa'i rgyu mtshan gang gi phyir na/ grangs can gyi bdag las skyes pa'i don ni/ 'bras bu rnams rgyu'i dus na yod pa de nyid las skye zhes smras pa la/ slar yang skye ba don dang thug pa med par mthong pa gnyis kyis nang 'gal bstan zhing/ bstan pa ltar grangs can gyis skyes zin slar yang skye ba dang thug med du mi 'dod la/ de'i phyir grangs can khyod kyis bdag skye la rtsod pa rigs pa dang bral ba dang/ skyes zin slar skye ba sogs mi 'dod pa dang/ skye ldan thams cad rang rgyu'i dus na yod pa las skye bar 'dod pa dang khas blangs 'gal ba yin no/ /zhes grangs can la 'dri bar byed pa na/ lan mi thebs pa'i phyir/ zhes pa'i rtags dang po 'chad par/ de nyid las/ gang gi phyir bdag las zhes bya ba ni/ yod pa rgyud nyid dang de nyid skye'o/ /zhes smras pa yin la/ yod pa ni yang skye ba la dgos pa mthong zhing thug pa med par yang mthong la/ zhes byung/ yig char/ bdag las zhes pa chad la ma mthong zhes pa ma dag/ gnyis pa 'chad par/ de nyid las/ khyod kyis skye ba slar yang skye bar mi 'dod cing @097b thug pa med par yang mi 'dod do/ /zhes byung/ gsum pa 'chad par/ de nyid las/ de'i phyir khyed cag gi rtsod pa ni 'thad pa dang bral ba dang/ rang gi khas blangs pa dang 'gal ba yin no/ /zhes pha rol po bdag las skyes par 'dod pa la 'dri bar byed pa yin te/ zhes byung/ 'di dag gis tshad ma pa dang mi 'dra bar thal 'gyur tsam gyis bsgrub bya rtogs thub par gsungs so/ /gnyis pa rang rgyud bkod kyang nus pa med pa ni/ legs ldan sogs kyis thal 'gyur gyis nang 'gal mthong yang/ dam bca' 'dor mi nus zer ba ni/ de nyid las/ 'on te pha rol po rang gi khas blangs pa dang 'gal bas brtsad pas kyang mi ldog ces byung/ de lta na de la rang rgyud bkod kyang nus pa med par thal/ phyi rgol ngo tsha med pas skyon mthong yang bsnyon par byed pa'i phyir/ khyab ste/ kho bo skabs babs min pa la mi rtsod la/ legs ldan khyod/ de la rjes dpag gam gtan tshigs 'tshang ga byed pa ni/ rang nyid rang rgyud kyi rjes dpag la dga' ba ston byed tsam yin pa'i phyir/ zhes pa'i gsal pa ni/ de nyid las/ gtan tshigs dang dpe gnyis kyis kyang ldog par mi 'gyur ba nyid do/ /zhes pa dang/ rtags ni/ de'i tshe ngo tsha med pa nyid kyis bsmyon pa dang/ zhes pa dang/ @098a @#/ /khyab sgrub ni/ kho bo cag bsnyon pa dang lhan cig rtsod pa yang ma yin no/ /de'i phyir/ slob dpon ni/ gnas ma yin par yang rjes su dpag par 'tshang bar byed pa ni bdag nyid rjes su dpag pa la dga' ba nyid mngon par byed pa yin no/ /zhes pas ston to/ /'dis sbyor ngag la thal 'gyur las nus pa lhag pa med par bstan pas/ tshad ma pa spyir bkag go/ gsum pa rang rgyud khas len mi rigs pa la gnyis/ dang po dngos ni/ mtha' thams cad bkag pa'i dbu ma pa yin phyin tshul gsum rang ngos nas grub pa'i rang rgyud kyi rjes dpag gam sbyor ba bya mi rigs par thal/ dbu ma pa la/ rang ngos nas yod pa'i yod mtha' dang/ gtan nas med pa'i med mtha' dang/ rang bzhin gyis skye nas rang bzhin gyis 'jig pa'i yod med gnyis ka'i mtha' dang/ yod med kyi mtha' spangs pa'i stong pa bden grub kyi mtha' ste phyogs sam/ bsgrub bya gzhan gang yang khas blangs pa med pa'i phyir/ zhes pas gsal ba dang rtags rim bzhin ston par/ de nyid las/ dbu ma pa yin na ni/ rang rgyud kyi rjes su dpag par bya ba rigs pa ma yin te/ phyogs gzhan khas blangs pa med pa'i phyir ro/ /zhes byung/ gnyis pa de'i khungs @098b 'god pa ni/ de nyid las/ ji skad du yang/ 'phags pa lhas/ yod dang med dang yod med ces/ /gang la phyogs ni yod min pa/ /de la yun ring po na'ang/ /klan ka brjod par nus ma yin/ zhes bshad do/ /rtsod pa bzlog pa las kyang/ gal te ngas dam bcas 'ga' yod/ /des na nga la skyon de yod/ /nga la dam bca' med pas na/ /nga ni skyon med kho na yin/ /gal te mngon sum la sogs pa'i/ /don gyis 'ga' zhig dmigs na ni/ /sgrub pa'am bzlog par bya na de/ /med phyir nga la klan ka med/ /ces gsungs so/ /zhes byung/ de las yun ring po zhes pa dam bca' bzhi po de la dngos smra ba khyod kyis yun ci tsam bsgrub kyang sun 'byin mi nus/ /zhes pa'o/ /dngos smras khyod khyod kyis rang bzhin med par sgrub byed kyi tshig rnams kyis/ dngos po rnams kyi rang bzhin bzlog mi nus te/ tshig de rang bzhin gyis med pa'i phyir/ zer ba la/ de la rang bzhin gyis grub pa'i dam bca' yod na skyon de 'jug na'ang nga la dam bca' de med pas/ skyon de mi 'jug pa'i phyir te/ gal te mngon sum gyi tshad ma la sogs pa tshad ma rnams kyis dgag sgrub kyi don 'ga' zhig dmigs na ni/ rang ngos nas grub pa'am/ rang bzhin med pa'i dam bca' las bzlog nas @099a @#/ /khas len bya rigs na'ang de tshad mas dmigs pa med pa'i phyir/ zhes pa rtsod bzlog gi don no/ /dbu ma pa yin na/ rang rgyud bya mi rigs pas khyab kyang/ khas mi len pas ma khyab pa/ legs bshad snying po'i dgongs pa'o/ /'di dag la brten nas gangs gnyal sogs bod snga ma phal cher gyis dbu ma pa la dam bca' med zer ba dgag tshul de ltar na/ dam bca' med pa'i khas len de yang med dgos pa sogs rgyas par lhag mthong chen mor gsal lo/ /gnyis pa rang rgyud la gzhan gyis smras pa'i nyes pa sel mi dgos tshul ni/ sangs rgyas bskyangs kyis de 'dra'i nyes pa sel ba'i lan ma brjod pa'i skyon med par thal/ gang gi tshe ste gang gi phyir na sngar bshad pa de ltar/ sangs rgyas bskyangs kyis rgol ba gnyis la mthun snang du grub pa'i rang rgyud tsam yang ma brjod pa'i phyir/ zhes pa'i rtags gsal ni rim bzhin/ de nyid las/ gang gi tshe de ltar dbu ma bas rang gi rjes su dpag pa mi brjod pa nyid yin pa de'i tshe/ zhes pa dang/ slob dpon sangs rgyas bskyangs kyis de'i lan brjod par bya ba ma yin no/ /zhes pas bstan la/ rtags khyab gnyis ka grub par thal/ khyod kyis dam bca'i bsgrub @099b bya'i don gang yin ci bdag las zhes pa 'bras bu gsal ba'i bdag nyid las sam/ rgyu mi gsal ba'i bdag nyid las yin grang de las gang yin/ gal te dang po yin na ni/ gsal zin las mi skye bar kho bos grub pas grub zin sgrub pa yin la/ gnyis pa yin na ni/ khyab pa 'gal bar 'gyur te/ skye ldan thams cad de las skye ba'i phyir/ zhes bsgrub bya gang la grangs can gyis phyir bzlog par 'gyur ba'i/ rang rgyud kyi dam bca' legs ldan khyod ltar/ nang gi skye mched rnams bdag las skye ba med de/ zhes pa lta bu ga la yod de ma bkod la/ der ma zad dbu ma pa kho bo cag la rtags la brtags nas gang zhig 'bras bu gsal ba'i dus su yod pa zer na/ grub zin sgrub pa dang/ rgyu'i bdag nyid du yod pa zer na/ khyab 'gal du 'gyur zhes pa'i skyon gnyis spang phyir 'bad dgos pa'i rtags yod pa'i phyir/ zhes pa'i gtan tshigs kyang ma bkod pa de'i phyir/ zhes pa'i rtags gsal rim bzhin de nyid las/ gzhan gyis smras pa'i nyes par thal bar mi 'gyur ba nyid kyi phyir/ zhes pa dang/ dam bca' ba'i don 'di gang yin/ ci bdag las zhes bya ba 'bras bu'i bdag nyid las sam/ 'on te rgya'i bdag nyid las yin grang/ de las ci 'gyur/ gal te 'bras bu'i bdag nyid las yin na ni/ grub pa la sgrub pa yin @100a @#/ /la; rgyu'i bdag nyid las yin na ni/ 'gal ba'i don nyid du 'gyur te/ skye ldan thams cad ni rgyu'i bdag nyid du yod pa kho na skye ba'i phyir ro/ /zhes bya bar gang la grangs can pa dag gis phyir bzlog par byed par 'gyur ba/ nang gi skye mched rnams bdag las skye ba med de/ zhes bya ba rang rgyud kyi dam bca' ba ltag la yod/ ces pas rtags dang po dam bca' la nyes pa med pa dang/ kho bo cag la ni gang zhig grub pa la sgrub pa nyid dam/ 'gal ba'i don nyid du 'gyur zhing/ grub pa la sgrub pa nyid gang yin pa dang/ 'gal ba'i don nyid gang yin pa de spangs par bya ba'i phyir/ 'bad pa byed par 'gyur ba yod pa'i phyir/ zhes bya ba'i gtan tshigs kyang ga la yod/ de'i phyir zhes pas rtags la nyes pa med pa bstan no/ /'di ltar tshig gsal gyi gzhung 'di dag rtags chos la smra ba'i nyes pa med tshul so sor sbyar ba 'di snga ma sus kyang ma thon te/ rje btsun pa dang bsod grags pa sogs kyis gzhan grags la nyes pa med tshul tsam las ma gsungs la/ gung ru dang sgom sde sogs kyis lung phyi ma de dam bca' la skyon med pa'i sgrub byed du gsungs pa'i phyir ro/ /phyi mas/ rang rgyud kyi dam bca' ste rang rgyud kyi gtan tshigs ga la yod/ ces gsungs pas dam bca' dang gtan tshigs gcig tu byas pa lta bu yang @100b snang ngo/ /de la kho na re/ legs ldan lugs la/ kho rang gis bkod pa'i sbyor ba la yang gzhan gyis smras pa'i nyes pa ma bsal ba'i skyon yod par thal/ sangs rgyas bskyangs kyis bkod pa'i sbyor ba la skyon de sel tshul yod pa'i phyir/ khyab ste/ mig sogs bdag las skye ba med de/ zhes pa'i dam bca' khyad par med pa gang zhig /khyod kyis de'i steng du yod pa'i phyir/ zhes pa'i rtags kyang bkod pa'i phyir zhe na/ grangs can gyis mig sogs nang gi skye mched rnams bdag las skye bar 'dod pas grub zin sgrub pa med/ yod na bdag las skye bas ma khyab pas/ 'gal khyab kyang med la/ dngos po rnams spyir rtsod gzhir bzung na gsal ba rang gi bdag nyid las mi skye bas skyon dang po dang/ skye ba don bcas thug bcas rtags su bkod na/ de la bdag skye kyis khyab par 'dod pas gnyis pa yod pas mi 'dra zer ram dpyad/ /grangs can lugs la gsal ba chos can/ rang gi bdag nyid las skye bar thal/ skye ldan gyi dngos po yin pa'i phyir zer na/ lan gyis bzlog mi nus sam snyam/ de la 'ga' zhig gis/ 'bras bu gsal ba'i bdag nyid las skye ba med kyang/ gsal ba rang gi bdag nyid las skye te/ 'bras bu rnams bdag skyir 'dod pa'i phyir zer na/ mi 'thad par thal/ 'bras bu chos can/ rang gi bdag nyid las @101a @#/ /skye bar thal/ 'bras bu yin pa'i phyir/ zhes pa'i thal 'gyur gyi gsal ba la 'dod lan btab pas/ 'bras bu 'bras bu'i bdag nyid las skye bar 'dod ces rtsi rigs pa yin pa'i phyir te/ rang re'i bsdus gzhung las/ bum pa chos can/ bdag skye yin par thal/ dngos po yin pa'i phyir/ zhes pa'i thal 'gyur gyi gsal ba la 'dod lan btab pa'i bum pa bum pa las skye ba yin bar 'dod ces rtsi rigs pa yin pa'i phyir/ zhes gsungs pa'i phyir/ 'o na/ de'i lugs la myu gu chos can/ bdag skye ma yin par thal/ dngos po yin pa'i phyir na/ 'dod lan btab nas dris 'phang gi khyad phye dgos so/ /yang kho na re/ gsal ba rang gi bdag nyid las skye bar thal/ gsal ba rang gi bdag nyid mi gsal ba las skye ba'i phyir te/ rang gi rang bzhin mi gsal ba las skye pa'i phyir/ der thal/ gsal ba'i spyi de de'i bdag nyid dam rang bzhin gang zhig/ de las skye ba'i phyir/ gzhan yang/ 'bras bu mngon gsal gyi bdag nyid las skye ba 'dod par thal/ gsal ba de tsam lnga las 'byung ba lnga skye bar 'dod pa'i phyir na ma khyab ste/ 'bras bu'i bdag nyid las mi skye zhes pa/ myu gu gsal ba de myu gu gsal zin de las mi skye ba'i don yin gyi/ gsal ba de rang gi @101b rgyu mi gsal ba dang/ rang gi rgyur gyur pa'i gsal ba sogs las mi skye bar 'dod pa ma yin pa'i phyir te/ gsal ba bdag skyer 'dod pa'i phyir/ de bzhin du 'bras bu gsal ba'i dus su yod pa zer na/ grub zin sgrub par 'gyur gsungs pa yang/ 'bras bu gsal ba rgyu dus su med pa kho bos grub zin zhes pa yin gyi/ 'bras bu gsal ba'i dus su yod pa bdag skye min par sgrub zin zhes pa min no/ /kho na re/ mig sogs chos can/ bdag las skye ba med de/ yod pa'i phyir/ zhes pa'i sbyor ba yang dag rang lugs la med par thal/ de la legs ldan ltar nyes pa sel dgos par yig char gsungs pa'i phyir na ma khyab ste/ nyes pa de sel na sbyor ba yang dag tu 'gyur ba'i phyir te/ yig char/ de 'dra'i gzhan grags kyi rjes dpag yod pa'i phyir/ zhes gsungs pa'i phyir/ des na rje btsun pa'i yig char/ don bsdu na/ myu gu chos can/ slar yang skye ba don med par thal/ yod pa'i phyir/ zhes pa mdor bstan gyi thal 'gyur dang po de ltar bkod pa yang mi 'thad de/ tshig gsal las/ yod pa'i phyir/ zhes bya ba'i gtan tshigs kyang ga la yod/ ces gsungs pa'i phyir/ gzhan yang/ grangs can gyis myu gu skye ba don bcas su ma rtogs na myu gu sa bon las skyes par rtogs ma rtogs/ skye ldan gyi dngos po dang byas pa rtogs @102a @#/ /ma rtogs sogs spro bya mang yang yi ge mang dogs so/ /gnyis pa gzhan grags kyi dbang du byas pa'i skyon dang po gnyis med tshul la gnyis/ dang po legs ldan gyis dngos su ma bkod kyang dogs slong gi rtsod pa ni/ legs ldan na re/ da dung skyon spong mi thub par thal/ zla grags khyod kyis bdag skye 'gog pa'i rang rgyud kyi dam bca' ba'i don sgrub pa dang/ rgol ba gnyis ka la thun mong du sgrub pa'i rjes dpag ste rtags kyis/ gzhan grangs can gyi dam bca' gsal bar mi 'gyur bar thal/ rang rgyud kyi rjes dpag mi brjod pa'i phyir te/ dbu ma pa ltar na phyogs rtags dpe rnams rang bzhin gyis ma grub pa'i phyir/ zhes rang rgyud kyi skyon spong mod kyang/ gzhan grangs can gyi dam bca' la grangs can rang la grags pa'i rtags kyis 'gal ba brjod dgos pa'i phyir te/ grangs can rang nyid la phyogs te bdag skye dam bca' la sogs 'gog pa na de la grags pa'i phyogs rtags dpe rnams skyon dang bral ba yod pa de'i phyir/ des na de ma brjod pa'i phyir dang/ de'i nyes pa ma bsal pa'i phyir/ zhes pa'i gsal ba ni de nyid las/ nyes pa de nyid du 'gyur ro snyam na/ zhes pa dang/ rtags dang po ni/ ci ste yang dbu ma pa rnams kyis ltar na/ phyogs dang gtan tshigs dang dpe @102b dag ma grub pas rang gi rgyud kyi rjes su dpog pa mi brjod pa nyid kyis phyir/ bdag las skye ba dgag pa'i dam bca' ba'i don sgrub pa dang/ gnyis ka la grub pa'i rjes su dpag pas gzhan gyi dam bca' ba bsal bar ma gyur mod/ ces pa dang/ rtags gnyis pa ni/ gzhan gyi dam bca' la rang gi rjes su dpag pas 'gal ba brjod par ni bya dgos pas/ rang nyid la phyogs la sogs pa phyogs dang gtan tshigs dang dpe skyon dang bral ba dag yod par bya dgos so/ /de'i phyir de ma brjod pa'i phyir dang/ de'i nyes pa ma bsal ba'i phyir/ zhes pas bstan to/ /gnyis pa de'i lan la gnyis/ dang po rtags dpe ma brjod pa'i skyon med tshul la gnyis/ dang po rgyas par bshad pa la gnyis/ dang po 'dir gzhan grags gtso bor bshad pa'i rgyu mtshan ni/ phyi rgol kun la gzhan grags nges par brjod dgos pa de ltar ma yin par thal/ sngar bshad pa ltar/ thal 'gyur tsam gyis kyang dgos pa thams cad 'grub pas na/ nges par gzhan grags kyi gtan tshigs kyis gnod pa brjod pa'i dag dod dgos pa lhag po ci yang med pa'i phyir/ zhes pa'i gsal ba ni/ de nyid las/ bshad par bya ste/ de ni de ltar ma yin no/ zhes pas bstan la/ ci'i phyir zhe na/ zhes pas rgyu mtshan dris so/ /rtags ni/ @103a @#/ /'dir rjes su dpag pas gnod pa brjod pa la dgos pa go ci zhig yod/ ces pas bstan to/ /rtags grub ste/ mdor bstan gyi thal 'gyur gnyis kyis byed pa la brten nas// grangs can gyis rang gis bdag skye khas blangs pa'i phyogs 'di ni 'thad pa dang bral bas bdag nyid bslu bar byed pa las sgrub byed rnams kyis gzhan sangs rgyas pa la nges pa skyed mi nus so/ /zhes gang gis rang gi bdag skye dam bca' ba'i don gyi sgrub byed la nus pa med par nges pa 'di nyid grangs can 'di'i sun 'byin gsal shos yin pa'i phyir/ zhes pa 'thad pa dang bral ba'i phyogs khas blangs pas 'di ni bdag nyid kho na la bslu bar byed pas gzhan la nges pa bskyed par mi nus so/ /zhes bya bar gang rang gi dam bca' ba'i don gyi sgrub par byed pa la nus pa med pa 'di nyid sun 'byin pa ches gsal pa yin te/ zhes pas bstan pas/ yig char/ mi nus so/ /zhes dang/ zhes pa ma dag go /rtags grub ste/ spyir dgos pa gang gi phyir bsgrub bya'i don gang zhig /rgol ba gang gis dam bcas pa rgol ba des rang nyid kyis nges bzhin du phyi rgol la nges pa bskyed par 'dod pa'i bsam pas/ bsgrub bya'i don 'di'i sgrub byed gang gi sgo nas rang gis nges pa'i sgrub byed de nyid phyi rgol la @103b bsnyad dgos pa de'i phyir/ phyir rgol kyang sun 'byin ma thub na/ rang gi khas blangs pa'i don sgrub byed pha rol po phyi rgol des 'god pa ni re zhig ste rigs smra spyi'i lugs yin pa gang zhig /grangs can kyang thal 'gyur gnyis kyis sun ma phyung na/ phyir ldog nas sgrub byed yang dag 'god dgos pa la/ grangs can gyis rgyud dus na mi gsal ba'i myu gu chos can/ bdag las skye ste/ med pa mi skye ba'i phyir dang/ rgyu so sor nges pa'i phyir dang/ thams cad mi skye ba'i phyir dang/ nus pa nus can byed pa'i phyir dang/ rgyu yod pa'i phyir na/ 'bras bu skye ba'i phyir/ zhes pa 'di ni/ gzhan dbu ma la dam bca' ma grub par ma zad gtan tshigs kyang ma grub ste/ de'i tshe de'i rtags dpe yang dag med pas/ sgrub byed de ni grangs can rang gi khas blangs pa'i rjes 'brang tsam yin pas phyir/ zhes pa'i rtags zur dang po ni/ gang gi phyir don gang zhig /gang gis dam bca' pa des ni/ rang nyid kyis nges pa bzhin du gzhan dag la nges pa bskyed par 'dod pas/ don 'di'i 'thad pa gang gi sgo nas khong du chud pa'i 'thad pa de nyid gzhan la bsnyad par bya dgos so/ /de rang gis khas blangs pa'i dam bca' ba'i don gyi sgrub par byed pa ni/ pha rol po kho nas nye bar 'god par bya ba gang yin pa de ni re zhig lugs yin na/ zhes pa dang/ rtags gnyis pa @104a @#/ /ni/ 'di ni gzhan la gtan tshigs kyang ma yin no/ /gtan tshigs dang/ dpe med pa'i phyir/ rang gi dam bcas pa'i don gyi sgrub par byed pa ni/ khas 'ches pa'i rjes su 'brang ba 'ba' zhig nye bar bkod pa yin te/ de'i phyir/ zhes pas bstan la/ 'dir de'i phyir zhes pa'i tshig la brten nas de ltar byas kyi/ yig cha ltar gsum ga rtsa ba'i rtags sgrub tu byas kyang rung ngo/ grangs can gyis bdag skye sgrub byed kyi rtags lnga po de tshad ma'i de nyid bsdus pa'i dka' 'grel du gsungs pa drangs nas/ grub mtha' chen mor/ gtan tshigs gsum gyis sgrub par ka shis bshad do/ /gsungs pa/ dbye bsdu zhig yod dam dpyad/ lhag mthong chen mo las/ gangs ri'i khrod kyi phyi dar gyi mkhas pa rnams dbu ma pa la thal 'gyur ba dang rang rgyud pa gnyis kyi tha snyad byed pa ni/ tshig gsal dang mthun pas rang bzor mi bsam mo/ /zhes pa'i tshig gsal gyi gzhung ni 'di dag yin no/ /gnyis pa gzhan grags brjod dgos na'ang phal ba'i tshul du brjod tshul la gnyis/ dang po rtsod pa ni/ legs ldan na re/ skabs 'dir yang gzhan la grags pa'am phyir rgol rang la grags pa'i rjes dpag gis 'gal ba nges par brjod dgos par thal/ mdo dang klu sgrub kyi gzhung na'ang phyi rgol gzhan @104b la grags pa'i sbyor ngag du ma yod pa'i phyir/ zhes pa ni de nyid las/ ci ste yang rang gi rjes su dpag pas 'gal ba gdon mi za bar brjod par bya ba yin no/ /zhe na/ zhes pas bstan no/ /legs ldan gyis skabs 'dir dngos su ma bkod kyang spyir tshad ma'i gzhung sogs na yod do/ /gnyis pa ni/ gzhan grags de yang rgol ba dbang rtul lta bu la brjod dgos na sangs rgyas bskyangs kyis brjod par thal/ ji ltar ste/ gang gis brjod na/ dgos pa de 'dra'i phyir/ slob dpon des ni dngos po rnams bdag las skye ba med de/ de dag gi skye ba don med pa nyid du 'gyur ba'i phyir dang/ zhes bshad pa'i phyir/ zhes pa'i rtags gsal ni/ de yang slob dpon sangs rgyas bskyangs kyis brjod pa yin no/ /ji ltar zhe na/ gang gi phyir des ni de skad du bshad pa yin te/ dngos po rnams bdag las skye ba med de/ de dag gi skye ba don med pa nyid du 'gyur ba'i phyir dang/ zhes bshad pa'i phyir/ zhes pas bstan no/ /de la khyab pa yod par thal/ mdor bstan gyis de dag gi zhes pas/ rgyu dus na mi gsal bar 'dod pa'i dngos po rnams chos can/ slar yang skye ba don med de/ rang gi bdag nyid du yod pa'i phyir/ dper na mngon gsal gyi bum pa bzhin/ zhes pas sbyor ba'i rtags dpe chos can @105a @#/ /gsum bstan/ skye ba don med pa nyid du 'gyur ba'i phyir dang/ zhes pas sgrub bya'i chos bstan la/ bsdoms pas bsgrub ngag yan lag lnga ldan can bstan pa'i phyir/ rtags dang po grub ste/ rang gi bdag nyid du yod pa dag la ni yang skye ba la dgos pa med do/ /zhes pas phyir rgol la grags pa'i bsgrub par bya ba ste/ sgrub bya'i chos dang/ sgrub byed kyi chos ste rtags chos gnyis ldan gyi mthun dpe dang/ chos can bstan la/ rang gi bdag nyid du yod pa zhes pas rtags bstan pa gang zhig /tshig de de dag gi zhes pa'i 'grel ba yin pa'i phyir/ zhes pa'i rtsa rtags ni/ de la de dag gi ces bya ba 'dis ni rang gi bdag nyid du yod pa 'dzin pa yin no/ zhes pas bstan la/ ci'i phyir zhe na/ zhes pas/ de'i rgyu mtshan dris la/ bstan tshul 'di ltar yin zhes/ rang gi bdag nyid du yod pa dag la ni yang skye ba la dgos pa med do/ /zhes bya ba ni mdor bzhag pa'i ngag de'i 'grel ba'i ngag yin la/ ngag 'dis ni/ chos mthun pa'i dpe gzhan la rab tu grags pa bsgrub par bya ba dang sgrub par byed pa chos dang ldan pa nye bar bzung ba yin no/ /de la rang gi bdag nyid du yod pa zhes bya ba 'dis ni gtan tshigs 'dzin pa yin no/ /zhes pas rtags @105b sgrub bstan la/ de bstan tshul go bde bar brjod na/ de dag gi grangs can gyis dngos po la rgyu dus na gsal mi gsal gnyis 'dod pas/ dag ces pas de gnyis so sor byas nas snga ma dpe dang phyi ma chos can du bstan la/ gis zhes byed tshig sbyar bas de gnyis rang gi bdag nyid du yod pa de rdzogs par sgrub zin par 'dra bas mi gsal ba slar skye ba don med ces pa yin pas/ gtan tshigs ston tshul yang de ltar ro/ /rtsa rtags gnyis pa ni/ skye ba don med pa nyid du 'gyur ba'i phyir dang/ zhes bya ba 'dis ni sgrub par bya ba'i chos 'dzin pa yin no/ /zhes pas bstan to/ /rtsa rtags gsum pa ni/ gzhung de la ste des sgrub ngag ji ltar bstan zhe na/ dper na/ sgra mi rtag ste/ byas pa mi rtag pa'i phyir ro/ /byas pa ni mi rtag par mthong ste/ dper na bum pa bzhin no/ /de bzhin du sgra yang byas pa yin te/ de'i phyir byas pa nyid kyi phyir/ mi rtag pa yin no/ /zhes 'dir nyer bar sbyar bas gsal bar byas pa'i byas pa gtan tshigs yin pa de bzhin du/ zhes pas 'di ltar yan lag lnga sbyar bas byas pa de sgrub kyi rtags su go ba bzhin zhes dpe bstan/ sangs rgyas bskyangs kyi 'grel ba'i skabs 'dir yang/ dngos po rnams bdag las skye ba med de/ zhes pas dngos po rnams slar yang skye ba don@106a @#/ /med de/ zhes pa'i dam bca' shugs la bstan/ rang gi bdag nyid du yod pa la yang skye ba don med pa nyid du 'gyur pa'i phyir ro/ /zhes pas khyab pa'am rtags dang/ 'di na ji ltar bum pa la sogs pa mdun na gnas shing gsal ba rang gi bdag nyid du yod pa ni yang skye ba la mi ltos par mthong ba/ zhes pas dpe 'am dpe la khyab pa bstan pa dang/ de bzhin du 'jim pa'i gong bu la sogs pa'i gnas skabs na yang gal te rang gi bdag nyid du yod pa'i bum pa la sogs pa yod do snyam du sems na ni/ zhes pas dpe don nyer sbyar/ de'i tshe yang rang gi bdag nyid du yod pa de la skye ba yod pa ma yin no/ /zhes pas 'jug sdud bstan to/ /yan lag gnyis pa rtags la sbyar ba ni/ byas pa mi rtag pa'i phyir ro/ /zhes pa tsam dang sbyar bas/ byas pa ni/ mi rtag par mthong ste/ zhes pa mar sbyar bas/ dpe la khyab pa bstan pa zhes bshad pa don gyi skabs dang yang 'grig pas shin du legs te/ gsungs la/ rje btsun pas/ phyogs chos brjod pa mi 'thad de/ khyab pa brjod ba chad pa'i phyir/ gsungs pa gnyis ba rtags dang/ gsum pa dpe brjod pa zhes bshad na skyon de yod la spyir min te/ gsum pas bstan pa'i phyir/ gung ru'i yig char/ dam bca' @106b la myu gu bdag skye med pa 'jog rgyu byas pa/ tshig gsal las/ yang skye ba la mi ltos par mthong ba zhes sogs dang 'gal lo/ /'on kyang rnam 'grel skabs phyogs chos dang dpe brjod pa zhes drangs nas khyab pa brjod pa chad par gsungs pa 'god tshul mi 'dra bas yin no/ /lugs 'dir yan lag lnga ldan kyang sgrub ngag yang dag yin par thal/ sangs rgyas bskyangs kyis grangs can la bkod pa'i phyir zhe na/ rnam 'grel ltar lan 'debs sam yin zer dpyad/ /gnyis pa don bsdu ba ni/ legs ldan khyod kyis 'grel ngag 'di ni mi rigs te/ gtan tshigs dang dpe ma brjod pa'i phyir/ zhes brjod mi rigs par thal/ de ltar mdor bstan rgyas bshad nye bar sbyar bas gtan tshigs gsal bar byas par rang gi bdag nyid du yod pa'i rtags kyis slar yang skye ba dgag pa la 'khrul ba med ba'i grangs can rang la grags pa'i gtan tshigs kyis 'gal ba brjod pa'i phyir/ zhes pa/ de ltar na gtan tshigs nye bar sbyar bas gsal bar byas pa/ yang skye ba dgag pa la mi 'khrul ba rang gi bdag nyid du yod pa nyid kyis/ grangs can la rang nyid kyis rjes su dpag pas 'gal ba brjod pa yin te/ des na de ni rigs pa ma yin te/ gtan tshigs dang dpe ma brjod pa'i phyir dang/ zhes @107a @#/ /ci ste brjod par byed ces pas bstan to/ /gnyis pa gzhan gyis smras pa'i nyes pa ma bsal ba'i skyon med tshul la gnyis/ dang po nyes pa ma bsal ba'i skyon med tshul dngos ni/ sangs rgyas bskyangs la gzhan grags kyi dbang du byas pa'i rtags dpe ma brjod pa'i skyon med par ma zad/ smras pa'i nyes pa bsal ba'i skyon yang med par thal/ rgyu dus na mi gsal par 'dod pa'i rdza bum sogs chos can/ slar yang skye ba don med de/ rang gi bdag nyid du grub zin yod pa'i phyir/ dper na mngon gsal gyi bum pa bzhin zhes bkod pa la/ grub zin sgrub pa dang 'gal ma nges dogs pa'i nyes pa med pa'i phyir/ zhes pa'i gsal ba ni/ de nyid las/ gtan tshigs dang dpe ma brjod pa ma yin pa 'ba' zhig tu ma zad kyi/ gzhan gyis smras pa'i nyes pa ma bsal ba yang ma yin no/ /zhes pas bstan la/ ci ltar zhe na/ zhes pas rgyu mtshan dris pa'am rtags ma grub ce na/ rtags grub par thal/ sbyor ba de la grub zin dang 'gal dogs med pa gang zhig/ brtag pa mtha' bzung gi ma nges pa'i dogs pa med/ dogs pa de dag med pa dpe sgo nas kyang shes pa'i phyir/ zhes rtsa ba'i rtags 'di'i gsal ba byas nas ston par sun 'byin @107b pa 'di dag ni 'brel ba med pa nyid do/ /zhes shes par bya'o/ /zhes byung/ 'di'i rtags ni/ rang gi rjes su dpag pas 'gal ba brjod pa na yang ji skad smras pa'i nyes pa brjod pa med pa'i phyir/ gzhan gyis smras pa'i nyes pa ma bsal ba med pa nyid de/ de'i phyir zhes pas bstan to/ /gzhung 'di dag rtags zur tha ma gnyis gong na yod kyang/ de gnyis dang po'i 'phros don lta bu yin pas shugs bstan no/ /de la rtags dang po grub par thal/ de la grub zin gyi dogs pa med pa gang zhig/ 'gal khyab kyi dogs pa med pa'i phyir/ zhes pa'i rtags ni/ grub pa la sgrub pa'i phyogs kyi skyon nyid du dogs pa'am/ gtan tshigs 'gal ba'i don nyid du dogs pa ga la yod de'i phyir/ zhes bas bstan la/ dang po grub ste/ grangs can pas mdun na gnas pa'i gsal zin pa'i bum pa slar yang skye bar mi 'dod kyang/ de 'dir mthun dper bstan pas/ de slar yang mi skye bar bsgrub snyam pa skye don med pa'i phyir/ zhes pa ni grangs can pa dag mdun na gnas pa'i bum pa mngon par gsal ba'i rang bzhin can ni yang mngon par gsal bar mi 'dod kyang/ de nyid 'dir dpe nyid du grub pa'i ngo bo yin pa'i phyir la/ zhes pas bstan/ gnyis pa grub ste/ rgyu dus su nus pa'i ngo bor @108a @#/ /rdzogs par grub cing/ mi gsal ba'i rdza bum sogs slar yang skye ba bkag pa ste/ don med du gsal zin dper bkod nas bsgrub pa'i phyir/ zhes pa/ nus pa'i ngo bor gyur cing mngon par gsal ba'i rang bzhin ma yin pa skye ba bkag pa'i khyad par du byas pa ni/ bsgrub par bya ba yin pa nyid kyi phyir/ zhes pas bstan to/ /gong gi rtags gnyis pa'i ma nges pa'i dogs pa legs ldan gyis ma bkod kyang/ brtag pa mtha' bzung nas/ zla grags khyod kyis bum pa tsam las ma smras pas/ skye ldan thams cad slar yang skye ba don med pas khyab pa ma nges te/ snam bu sogs der nges mi nus pa'i phyir/ zhe na/ zhes pa'i dogs pa khong nas bsus te/ snam bu sogs kyis ma nges pa med par thal/ bum pa la sogs pa zhes pa'i sogs sgras grangs can pas skye bar 'dod pa'am/ rgyu dus su yod par 'dod pa'i dngos po thams cad rtsod gzhir brjod pa'i phyir/ zhes bum pa la sogs pa zhes bya ba la sogs pa'i sgras ni skye bar 'dod pa'i dngos po ma lus pa bsdu bar brjod par 'dod pa'i phyir/ snam bu la sogs pa dag gis ma nges par 'gyur ba yang ma yin no/ /zhes pas bstan no/ /gong gi rtags gsum pa grub ste/ mdor bstan gyi sbyor ba der ma @108b zad der bstan pa'i sbyor ba gzhan bdag skye smra ba'i grangs can gyis 'dod pa'i skyes bu las gzhan pa'i dngos po rnams chos can/ bdag nyid las skye ba med de/ rang gi bdag nyid du yod pa'i phyir/ skyes bu bzhin zhes pa'i sbyor ngag legs ldan khyod kyis kyang bkod pa la/ skyon de dag med pa bzhin yin pa'i phyir/ zhes pa/ yang na sbyor ba 'di ni tshul gzhan yin te/ rang las skye bar smras pa skyes bu las tha dad pa'i don rnams ni bdag nyid las skye ba med de/ rang gi bdag nyid du yod pa'i phyir/ skyes bu bzhin no/ /zhes dper brjod pa 'di nyid dper brjod par bya'o/ /zhes pas bstan to/ /gnyis pa de la rtsod pa spang pa la gnyis/ dang po slar yang skye ba don med du bsgrub pas/ bdag las skye bar mi 'dod par gsal bar 'dod pa'i khegs par thal/ des slar yang skye ba mi 'dod pa'i phyir/ zhes pa'i rtsod pa ni/ de nyid las/ gal te yang skye ba bkag pas mngon par gsal bar smra ba la gnod par byed pa ma yin pa de lta na zhes pas bstan nas/ lan ni/ de la gnod pa ma yin pa ma yin par thal/ yang skye ba don med ces pa'i sgras slar yang mngon par gsal ba don med pa de bsdus nas ba stan pa'i phyir te/ skye ba dang gsal ba gnyis sngon rgyu dus na mi dmigs pa dang/ phyi ma 'bras bu'i dus na @109a @#/ /dmigs par chos mthun pa'i phyir/ zhes pa'i gsal ba ni/ 'di bkag pas gnod par byed pa ma yin pa ma yin no/ zhes pa dang/ rtags ni/ skye ba'i sgras mngon par gsal ba nyid brjod pa'i phyir/ zhes pa dang/ rtags sgrub ni/ yang skye ba'i sgra mngon par gsal ba la btags nas sngon dang phyi mar ma dmigs pa dang/ dmigs par chos mthun pas zhes pas bstan to/ /gnyis pa bstan tshul 'di dag zla ba'i rang bzor thal ba'i rtsod spong ni/ brtag pa mtha' bzung byas nas/ legs ldan rjes 'brang na re/ zla ba khyod kyis gzhan grags bstan tshul rnam par bshad pa 'di mi 'thad par thal/ sangs rgyas bskyangs kyi gzhung 'dir khyod kyis smras pa'i don de 'dra rjod byed kyi tshig med pa'i phyir/ zhes pa'i rtsod pa ni/ de nyid las/ yang ji skad du smra ba'i don rjod par byed pa med par rnam par dpyod pa 'di lta bu ji ltar brjod ce na/ zhes pas bstan nas lan ni/ mdor rgyas kyi gzhung 'dir de dag ma bstan pa cung zad kyang med par thal/ gzhung des kho bos ji skad smras pa'i don de dag bsdus nas bstan la/ de dag kyang rgyas par bshad na/ tshig gsal 'dir ji skad smras pa'i don gyi bdag nyid rtags dpe de @109b khong nas 'byin par byed pa yin pa'i phyir te/ don ldan gyi ngag mdor rgyas kyi gzhung 'di dag don rgya chen po can yin pa'i phyir/ zhes pa'i gsal ba ni/ 'dir ma bstan pa cung zad kyang mi srid ngo/ zhes ba dang/ rtags ni ji skad smras pa'i don bsdus nas 'jug pa yin la/ de dag kyang bshad na ji skad smras pa'i don gyi bdag nyid 'byin par byed pa yin pas/ zhes pa dang/ rtags sgrub ni/ don gyi ngag 'di dag ni don chen po can yin pas zhes pas bstan to/ /ma nges pa sogs gsum po 'di 'phros don gyi rtsod spong yin no/ /gnyis pa skyon gsum pa bzlog don khas len dgos pa'i skyon med tshul la bzhi/ dang po mdor bstan pa ni/ sangs rgyas bskyangs kho bo cag la bzlog don khas blangs pas grub mtha' dang 'gal ba'i skyon med par thal/ thal 'gyur gnyis kyi bzlog don pha rol grangs can kho nar 'brel gyi/ sangs rgyas bskyangs la min te/ slar yang skye ba don bcas sogs dam bca' ste khas len med pa'i phyir/ zhes pa de nyid las/ thal bar 'gyur ba bzlog pa'i don dang yang pha rol po nyid 'brel gyi/ kho bo cag la ni ma yin te/ rang la dam bca' ba med pa'i phyir ro/ de'i phyir/ kho bo cag la grub ba'i mtha' dang 'gal ba ga la yod ces pas bstan no/ gnyis pa rgyas bshad @110a @#/ /la rtags zur gsum so sor sgrub pa ni/ bzlog don grangs can dang 'brel bar kho bo cag gi thal 'gyur gnyis kyis pha rol po khas blangs las bzlog pa bsgrub pas kho rang la khas blangs 'gal ba sogs nyes pa mang bo mthong bar 'gyur ba de tsam kho na 'dod nas sgrub pa yin pa'i phyir/ zhes pa thal ba las bzlog pa bsgrub pas/ pha rol po la nyes pa mang po ci tsam du 'gyur ba de tsam kho bo cag mngon par 'dod pa kho na yin pas/ zhes pas bstan la/ rtags zur gnyis pa thal 'gyur gnyis kyi bzlog don sangs rgyas bskyangs rang gis khas blangs dgos pa'i don du 'gyur pa ma yin par thal/ de ltar bsgrub pa ni pha rol grangs can gyis bdag skye dam bca' 'gog pa tsam gyi 'bras bu ste dgos pa can yin pa'i phyir/ khyab ste/ sgra rnams ni dbyug pa can sogs bzhin du smra ba po rang dbang med par mi byed par brjod don ston pa'i nus pa yod na smra ba po brjod pa'i rjes su 'brang ba'i phyir na/ rang bzhin med par smra pa sangs rgyas bskyangs kyis rang bzhin bcas smra grangs can la thal bas bsgrubs pa na bzlog don 'phen mi dgos pa'i phyir/ zhes pa'i thal chos ni/ thal ba las bzlog pa'i don du 'gyur pa yod pa ma yin no/ /zhes pa dang/ rtags ni/ thal ba @110b bsgrub pa ni/ pha rol po'i dam bca' 'gog pa tsam gyi 'bras bu can yin pa'i phyir/ zhes pa dang/ khyab bsgrub ni/ rang bzhin med par smra bas rang bzhin dang bcas par smra ba la thal ba bsgrubs pa na thal ba las bzlog pa'i don can du thal bar ga la 'gyur te/ sgra rnams ni dbyug pa can dang/ zhags pa can bzhin du smra ba po rang dbang med par byed pa ma yin no/ /'o na ci zhe na/ nus pa yod na smra ba po'i brjod par 'dod pa'i rjes su byed pa yin no/ /zhes pas bstan to/ /gsum pa ni/ rgyu mtshan gang las gzhung 'di la bzlog don dam bcas pas gzhan gyis klags rnyed par 'gyur ba ma yin par thal/ klu sgrub kyi lugs phyin ci ma log pa'i rjes 'brang sangs rgyas bskyangs la klags bcas kyi tshig gsungs pa ga la yod de/ med pa'i phyir/ zhes pa gang las 'di la gzhan gyis kyang klags rnyed par 'gyur ba slob dpon klu sgrub kyi lugs phyin ci ma log pa'i rjes su 'brang ba slob dpon sangs rgyas bskyangs la klags dang bcas pa'i tshig gsung pa nyid ga la yong/ ces pas bstan to/ /gsum pa de 'phags pa'i dgongs par bstan pa ni/ de nyid las/ de ltar yang slob dpon ni/ nam mkha'i mtshan nyid snga rol na/ /nam mkha' cung zad yod ma yin/ /gal te @111a @#/ /mtshan las sngar gyur na/ /mtshan nyid med par thal bar 'gyur/ /zhes bya ba dang/ de bzhin du/ gzugs kyi rgyu ni ma gtogs par/ /gzugs na gzugs kyi rgyu med par// thal bar gyur te don gang yang/ /rgyu med pa ni gang na'ang med/ /ces bya ba dang/ de bzhin du/ mya ngan 'das pa dngos po min/ /rga shi'i mtshan nyid thal bar 'gyur/ /rga dang 'chi ba med pa yi/ /dngos po yod pa ma yin no/ /zhes bya ba la sogs pa phal cher thal ba bsgrub pa kho na'i sgo nas gzhan gyi phyogs sel bar mdzad do/ zhes gsungs so/ /mtshan nyid thogs reg med pa nam mkha' la rang bzhin gyis mi 'jug par thal/ de'i snga rol nas nam mkha' med pa'i phyir dang/ sngar yod na de la mtshan nyid med par thal lo/ /zhes dang/ gzugs kyi rgyur ma gtogs pa'i gzugs rang bzhin gyis yod na/ gzugs kyi rgyu med par thal te/ don gang rgyu med na gang yang med pa'i phyir/ zhes dang/ bye smras myang 'das dngos por khas blangs pa la/ de dngos po ma yin par thal/ yin na rga shi'i mtshan nyid can du thal/ rga shi med pa'i dngos po yod pa ma yin pa'i phyir/ zhes pa rnams rim bzhin no/ /rgyas par TIka chen ltos/ /bzhi ba rtsod spong la gnyis/ dang po rtsod pa ni/ slob dpon @111b klu sgrub kyi gzhung rnams don chen po can yin pas sbyor ngag du ma gsungs na/ sangs rgyas bskyangs kyis sbyor ngag ci'i phyir ma gsung nges par gsung dgos te/ sbyor ngag rgyas par brjod pa 'grel ba mkhan po rnams gyi lugs yin pa'i phyir/ zhes de nyid las/ ci ste slob dpon gyi ngag rnams ni don gyi ngag yin pa'i phyir/ don chen po nyid yin pas/ sbyor ba du ma'i rgyu nyid du rtog na ni/ slob dpon sangs rgyas bskyangs kyis ngag dag kyang ci'i phyir de ltar yongs su mi rtog /'on te sbyor ba'i ngag rgyas par brjod par byed pa gang yin pa 'di ni 'grel ba mkhan po rnams kyi lugs yin no/ /zhes na/ zhes pas gsungs la; gnyis pa la ni/ sbyor ngag nges par brjod dgos pa ma yin par thal/ rtsod bzlog rang 'grel las sbyor ngag ma gsungs pa'i phyir/ zhes pa de yang yod pa ma yin te/ rtsod pa bzlog pa'i 'grel ba mdzad pa na/ slob dpon gyis kyang sbyor ba'i ngag ma gsungs pa'i phyir ro/ /zhes pas bstan to/ /'di ni tshig zin ltar las don thob yig cha ltar rtsa ba'i rtags zur bzhi byas kyang chog go /skabs 'di'i rang rgyud ni/ rang ngos nas grub pa la byed kyang/ de la thal 'gyur ba yin na/ rang rgyud kyi sbyor ba khas mi len pas khyab par thal/ zhes 'phang na rang rig sogs ltar ram/ khas len song tshul ltar gang @112a @#/ /byas kyang rigs lam mang ngo/ /kho na re/ skabs 'di'i gzhan grags kyi sbyor ba'i chos can la myu gu sogs spyi tsam 'jog par thal/ thal 'gyur gnyis kyi rtsod gzhi myu gu spyi tsam bzung ba'i phyir/ zhe na/ yig char/ myu gu chos can/ zhes gsungs pa yig cha snga ma rnams kyi tshig zin ltar bkod pa las don stong thun ltar grangs can gyi rgyu dus na mi gsal bar yod par 'dod pa'i dngos po rnams 'jog ste/ gsal ba slar yang skye bar grangs can gyis mi 'dod pa'i phyir ro/ /legs ldan lugs la spyi tsam yin te/ gzhan gyis smras pa'i nyes pa ma bsal ba'i skyon yod pa'i phyir ro/ /yang kho na re/ de sbyor ba yang dag ma yin par thal/ grangs can gyis rgyu dus na yod par 'dod pa'i dngos po med pa'i phyir te/ grangs can gyis 'dod pa'i gtso bo dang bdag skye sogs med pa'i phyir te/ de skabs 'di'i 'gog rgyu'i gtso bor gong du gsungs pa la/ gong du rtsa shes las nyan thos sde gnyis kyis 'dod pa'i bden dngos gtso bor 'gog cing/ zhes gsungs pa'i phyir/ zhe na ma khyab ste; grangs can gyi myu gu sogs rang rgyu'i dus na yod par 'dod pa dang bdag skyes su 'dod pa dang/ dngos smras 'dod pa'i bden dngos 'gog kyang/ grangs can gyis bdag skye dang/ dngos smras bden @112b grub du 'dod pa'i dngos po yod pa'i phyir te/ myu gu de yin pa'i phyir/ dngos smras drang don gyi mdor 'dod pa'i 'dir bstan 'khor lo bar pa med par thal lo/ /grangs can gyis rgyu dus na mi gsal ba'i myu gu de rang gi bdag nyid thob zin pa ste rdzogs par grub zin cing skye bar mi 'dod pas rang ldog gtso bo dang myu gu gnyis ka 'dod kyang bdag las skye bar mi 'dod de/ skye bar mi 'dod pa'i phyir te/ mi gsal bar 'dod pa'i phyir/ 'o na grangs can gyis thal ngag de dag la brten nas bdag skye dam bca' dor ba na chos can de'i steng du dam bca' dor ba ma yin par thal/ de bdag skyes su dam ma bcas pa'i phyir zhe na/ de ltar bsgrub pa na rgyu dus na mi gsal ba'i dngos po yod par dam bca' ba 'dor la/ des dngos po rnams rgyu dus su yod pa'i dam bca' dor bas rgyu dus na yod pa'i gzhi ldog myu gu lta bu'i steng du bdag skye med par nges pa yin no/ /kho na re/ sbyor ba phyi ma yang yang dag ma yin par thal/ skyes bu las gzhan pa'i shes bya nyer bzhi chos can du bzung na gzhi rtags kyi 'brel ba ma grub la/ mig sogs nang gi skye mched tsam bzung na gong gi ma nges pa'i skyon yod pa'i phyir te/ blo sogs kyi steng du bdag skye med pa mi khegs pa'i phyir/ dpe yang shes rig gi skyes bu bzhag na rtags chos gnyis ldan ma yin pa'i phyir/ @113a @#/ /min na chos can la skyes bu las gzhan smras pa'i dgos pa med pa'i phyir zhe na/ yig cha ltar grangs can gyi ngor skyes bu las gzhan pa'i dngos po rnams dang/ de'i ngor skyes bu bzhin zhes bkod pa yin pas skyon med do/ /de'i ngor skyes bu chos can/ shes pa ma yin par thal/ rtag pa yin pa'i phyir na/ lan gyis bzlog par mi nus zer ba dang/ de'i ngor ma khyab zer ba gnyis yod pa khas len song tshul la rag las so/ /grangs cang yis gsal zin slar yang skye ba don med dang bdag las mi skye bar rtogs par thal/ de la grub zin sgrub par 'gyur tshul yod pa'i phyir na ma khyab ste; khas len gyis grub zin pa'i don yin gyi/ tshad mas grub zin pa min te/ nge skye bar ma rtogs pa'i phyir ro/ /'gal ba'i skyon ni/ grangs can gyis skye ba don bcas yin na/ bdag las skye bas khyab zer bas 'gal khyab zer ba yin la/ ma nges pa'i skyon ni/ bum pa tsam chos can du bzung na/ snam bu sogs kyi steng du nges mi thub pa'i don yin gyi/ khyab pa ma nges zhes pa min no/ /'grel ba'i tha snyad tsam yin pa zhes pas skye ba tha snyad pa bsgrub pa min gyi tsam sgras tha snyad tsam las rang bzhin med pa ston zhes pa yin no/ /rnam 'grel las/ de sbyar med par brjod 'dod la/ /zhes sogs kyi don dngos ni @113b mi ldan rnam bcad sogs la kho na lta bu'i tshig phrad dngos su sbyar ba med kyang/ smra ba po'i brjod 'dod sogs kyi dbang las don de dag rtogs par 'gyur ba/ dper na/ skya bsang bu nag pa 'phongs skyen nam zhes dri ba na/ de 'phongs skyen zhes pas de go ba dang/ srid sgrub las 'phongs skyen pa mchog yod dam med ces dri ba na/ de 'phongs skyen zhes pas de las mchog med pa go ba bzhin/ zhes pa yin la/ 'dir sgrub byed du 'gro tshul ni/ sgra de'i don de ston pa skabs babs la nag pa 'phongs skyen pa sogs yid dpyod kyis nges te/ rtogs kha ma zhig yod pa bzhin du myu gu bden med bsgrub pa skabs babs la yang yod dgos/ zhes pa'o/ /kho na re/ myu gu bden med du sgrub pa skabs babs la bden zhen che ba med par thal/ yig char/ bden zhen shin tu che ba dang/ bden med rtogs zin pa dag de sgrub kyi skabs babs kyi phyi rgol du mi rung ba'i phyir/ zhes gsungs pa'i phyir na ma khyab ste/ de rtags sbyor 'god pa skabs babs yin pa'i phyir te/ yig char/ de 'dra rtags yang dag 'god pa skabs babs kyi gang zag de la; zhes dang/ lam rim las/ dang po nas phyi rgol la gzhan grags de ltar bkod pa ma yin no/ /zhes gsungs pa'i phyir/ rtsa bar 'dod mi nus ste/ yig char/ de 'dra'i thal 'gyur 'god pa skabs @114a @#/ /babs la stong nyid rtogs rung yin kyang/ bden zhen gyis dam bca' ba gcig dang/ zhes dang/ de 'dra'i thal 'gyur thal 'gyur yang dag tu 'gro kha ma dang song ma thag pa la myu gu bden zhen gyis 'dod pas khyab pa'i phyir/ zhes gsungs pa'i phyir/ 'o na de 'dra'i dngos smra bas/ rten 'brel la bden grub kyis khyab par dam mi bca' bar thal/ rtags khyab la lan mi 'debs shing mi thebs par mthong pa'i phyir na ma khyab ste/ de 'dra'i dam bca' ma dor yang gnod pa mthong bas bsnyon 'ding nas lan mi 'debs pas stong nyid rtogs pa'i snod rung du song bar 'jog pa'i phyir/ myu gu bden med rtogs kha ma'i dngos smra'i rgyud la/ myu gu bden med 'dzin pa'i yid du dpyod ma skyes par thal/ 'dod na/ de 'dzin pa'i thos bsam gnyis rim can du ma skyes par thal lo// zer na/ 'dod pa yin te/ yig char/ rtsa bar 'dod mi nus te/ nas/ myu gu bden zhen gyis 'dod pas khyab pa'i phyir/ zhes myu gu bden zhen gyis 'dod na/ de yid dpyod kyis nges pa dang/ de la the tshom can ma yin pas khyab par gsungs pa'i phyir dang/ rigs pas kyang 'grub ste/ de bden med du mtha' gcig tu 'dzin bzhin du de bden grub du dam bca' tshul med pa'i phyir te/ yod na de 'dra thal 'gyur thal 'gyur yang @114b dag tu song ma thag pa la yod chog pa'i phyir/ des na de 'dra'i dngos smras/ myu gu'i steng du rten 'brel la bden med kyis khyab pa dang/ myu gu bden med gnyis thal 'gyur de'i byed pa la brten nas gcig car du nges pa dngos smra'i grub mtha' btang ba dus mnyam pas na gzhan grags kyi sbyor ba'i tshul gsum dang bsgrub bya gcig char du rtogs pas sbyor ngag 'god mi dgos shing gzhan grags las thal 'gyur bzang ba des shes so/ /'og ma rnams kyis thal 'gyur tsam gyis mi nus gsungs pa sgrub byed brtag don btsal che ba dang/ rang ngos nas grub pa la thug go /de la kho na re/ de 'dra'i thal 'gyur thal 'gyur yang dag tu 'gro kha ma'i thal 'gyur ba med par thal/ de la myu gu bden par 'dod pas khyab pa'i phyir/ 'dod na/ de 'dra'i thal 'gyur la brten nas stong nyid rtogs dgos kyi thal 'gyur ba med par thal lo zer na ma khyab ste/ de 'dra'i thal 'gyur yang dag tu song bkod gyi dus so sor yod pas de thal 'gyur ba'i grub mthar ma zhugs pa'i sngon nas thal 'gyur yang dag tu song kyang bkod pa ma yin la/ phyis stong nyid rtogs pa'i snod rung du song ste/ thal 'gyur bkod tshe de thal 'gyur yang dag tu song kyang song ma thag pa ma yin pa'i phyir te/ de la de 'dzin pa'i yid dpyod sogs skyes rjes su bkod pa'i phyir ro/ /gong 'og su'i lugs la dngos smra'i rgyud @115a @#/ /la stong nyid 'dzin pa'i yid dpyod 'jog mi nyan pas/ de'i rgyud kyi stong nyid rtogs pa'i blor gyur kha ma bag chags yin nam dpyad/ /gnyis pa legs ldan gyi lugs dgag pa la gnyis dang po rang rgyud 'gog pa'i rigs pa mdor bstna pa ni/ sangs rgyas bskyangs la skyon mi 'jug par ma zad khyod kyis rang rtog ge'i gzhung la mkhas pa tsam bstan 'dod nas dbu ma'i lta ba khas len bzhin du rang rgyud kyi sbyor ba mang po bkod pa de ni chos can/ nyes pa du ma'i gnas su thal/ de la sbyor ba du ma'i nang nas re zhig bdag skye 'gog pa'i sbyor ba don dam par nang gi zhes sogs smras pa'i phyir; zhes pa'i chos can ni/ de nyid las/ gzhan yang/ rtog ge pa 'dis bdag nyid rtog ge pa'i bstan bcos la shin tu mkhas pa tsam zhig bstan par 'dod pas/ dbu ma'i lta ba khas len bzhin du yang rang rgyud kyi sbyor ba'i ngag brjod pa gang yin pa de ni/ zhes pa dang/ thal chos ni/ chos shin tu nyes pa du ma'i tshogs kyi gnas su rtogs te/ zhes pa dang/ ji ltar zhe na zhes pa nyes pa ji ltar yod ce na zhes rgyas bshad kyi dri bar sbyar kyang chog la/ sbyor ngag ji ltar bkod pa la zhe na/ de la re zhig gang 'di skad du 'dir sbyor ba'i tshig tu 'gyur ba ni/ don dam bar nang gi skye mched rnams bdag @115b las skye ba med par nges te/ yod pa'i phyir/ dper na shes pa yod pa nyid bzhin no/ zhes smras pa yin no/ /zhes pas rtags bstan to/ /de'i nang nas gang gis 'di skad du bdag skye 'gog pa'i skabs 'dir bkod pa'i sbyor ba'i tshig la nyes pa du mar 'gyur ba'i phyir te/ de la don dam gyi khyad par sogs sbyar nas smras pa'i phyir/ zhes don dam man rtags sgrub tu byas na yig char 'brel lo/ /gnyis pa rgyas bshad la lnga/ dang po phyogs sogs ma grub pas bdag skye 'gog pa'i rang rgyud 'gog pa la gnyis/ dang po don dam gyi khyad par sbyar ba don med par bshad pa la gnyis/ dang po dri ba ni/ legs ldan khyod kyis bdag skye 'gog skabs kyis sbyor ba 'di mi 'thad par thal/ 'dir don dam pa'i khyad par dgos pa ci'i phyir yul gang la sbyar yang mi 'thad pa'i phyir/ zhes pa 'dir don dam par zhes bya ba'i khyad par ci'i phyir nye bar bkod pa yin zhes pas bstan to/ /de'i lan dgag pa la gnyis/ dang po chos la sbyar ba'i lan dgag pa la gnyis/ dang po lan ni/ gal te 'jig rten gyi kun rdzob tu skye bar khas blangs pa dgag par bya ba ma yin pa'i phyir dang/ 'gog na yang khas blangs pas gnod par thal bar 'gyur ba'i phyir ro zhe na/ zhes pa de bsgrub chos la sbyar te/ 'jig rten gyi kun rdzob tu skye bar khas blangs pa dgag mi nus pa' @116a @#/ /phyir te/ de 'gog na khas blangs pas gnod pa'i phyir/ zhes legs ldan gyis zer na zhes pa'o/ /gnyis pa de dgag pa la dang po rgyas bshad la gsum/ dang po don dam gyi khyad par de dbu ma pa rang la ltos te mi dgos pa ni/ de sbyar ba'i dgos pa de rigs pa ma yin par thal/ dbu ma pas skye ba kun rdzob tu khas blangs kyang bdag skye kun rdzob tu yang khas ma blangs pa'i phyir/ khyab ste/ ston pas mtha' bzhi'i skye ba 'gog skabs don dam pa'i khyad par ma sbyar ba bzhin klu sgrub kyis kyang ma mdzad pa'i phyir/ zhes pa'i thal chos ni/ 'di ni rigs pa ma yin te/ zhes pa dang/ rtags ni/ bdag las skye ba ni kun rdzob tu yang khas ma blangs pa'i phyir ro/ /zhes pa dang/ khyab sgrub ni/ ji skad du mdo las/ sa bon gyi rgyu las byung ba'i myu gu de yang skye ba na/ bdag gis ma byas/ gzhan gyis ma byas/ gnyis kas ma byas/ dbang phyug gis ma byas/ dus kyis ma bsgyur/ rdul phra rab las ma byung/ rang bzhin las ma byung/ ngo bo nyid las ma byung/ rgyu med pa las ma skye/ zhes gsungs pa dang/ de bzhin du/ sa bon yod na myu gu ji bzhin te/ /sa bon gang yin myu gu de nyid min/ /de las gzhan min de yang ma yin te/ /de ltar rtag min chad min chos nyid do/ /zhes gsungs pa dang/ 'di nyid las @116b kyang/ gang la brten te gang 'byung ba/ /de ni re zhig de nyid min/ /de las gzhan pa'ang ma yin phyir/ /de phyir chad min rtag ma yin/ /zhes 'chad do/ zhes pas bstan la/ dang po'i ngo bo nyid las ma byung ba rgyu la ma ltos par ma byung ba dang/ rgya cher rol ba dang rtsa shes gnyis kyi rkang pa dang pos ltos grub dang/ bar ba gnyis kyis bdag gzhan las skye ba min pa dang/ tha mas nges na mtha' gnyis dang bral bar bstan la/ de dag gi bdag gzhan gang la'ang don dam ma sbyar/ zhes pa'o/ /gnyis pa gzhan grangs can pa la ltos te mi dgos pa la gnyis/ dang po rigs pas dgag tshul ni/ grangs can gyis bdag skye khas blangs pas de la ltos te khyad par sbyar zer na yang mi rigs par thal/ grangs can dag gi lugs bzhag pa kun rdzob tu yang khas blangs mi rigs pa'i phyir te/ bden gnyis las nyams pa'i lugs de kun rdzob don dam gnyis kar bkag na legs pa'i phyir/ zhes pa gzhan gyi lugs la ltos te khyad par du byas so/ /zhe na/ de yang rigs pa ma yin te/ de dag gi rnam par bzhag pa ni kun rdzob tu yang khas blangs pa med pa'i phyir ro/ /bden pa gnyis phyin ci ma log par mthong ba las nyams pa'i mu stegs pa dag ni/ ji srid du gnyis ka'i sgo nas 'gog pa de srid du yon tan nyid yin par rtogs so/ /zhes @117a @#/ /bas thal chos rim bzhin bstan to/ /gnyis pa grub don ni/ de ltar na gzhan gyi gzhung la ltos te/ khyad par brjod pa yang rigs pa ma yin no/ /zhes pa ste go sla'o/ /gsum pa 'jig rten rang dga' ba la ltos te/ mi dgos pa ni/ gzhung gang las don dam sbyar ba de la 'jig rten rang dga' ba la ltos nas kyang dgos pa med par thal/ 'jig rten pas kyang bdag skye mi 'dod pa'i phyir te/ des mtha' bzhi gang las skye dpyod pa med par rgyu las 'bras bu 'byung ba tsam khas len pas slob dpon 'phags pas kyang mdo ltar 'jig rten pa'i rnam bzhag de ltar mdzad pa'i phyir/ zhes pa'i thal chos ni/ gang las de la ltos nas kyang/ khyad par 'bras bu dang bcas par 'gyur ba/ zhes pa dang/ rtags ni 'jig rten pas kyang bdag las skye bar mi rtogs te/ zhes pa dang/ rtags sgrub ni/ 'jig rten pas ni/ bdag dang gzhan las zhes bya ba de lta bu la sogs pa'i rnam par spyod pa 'jug pa med par byas nas rgyu las 'bras bu 'byung ngo/ /zhes bya ba 'di tsam zhig rtogs pa yin no/ /slob dpon yang de ltar rnam par bzhag pa mdzad pa yin te/ zhes pas bstan to/ /gnyis pa grub don ni/ de'i phyir rnam pa thams cad du khyad par don med pa nyid do/ /zhes bya bar nges so/ /zhes te sla'o/ / @117b gnyis pa chos can la sbyar ba dgag pa la gnyis/ dang po phyogs snga'i lan ni/ legs ldan na re/ grangs can gyis don dam du 'dod pa'i mig sogs la kun rdzob tu skye ba dgag 'dod nas chos can la sbyor zer na/ zhes pa'i lan gzhan yang/ gal te kun rdzob tu skye ba dgag par 'dod nas khyad par 'di 'god par byed na zhes pas bstan to/ /gnyis pa de dgag pa la gnyis/ dang po legs ldan rang la ltos te mi 'thad pa ni/ de'i tshe legs ldan rang la ltos nas chos can med pa'i phyogs chos kyi nyes pa'am/ gzhi rtags kyi 'brel ba med pa'i rtags kyi skyon du 'gyur bar thal/ rang gi don dam pa'i mig sogs khas ma blangs pa'i phyir/ zhes pa'i thal rtags rim bzhin/ de'i tshe rang la gzhi ma grub pa'i phyogs kyi nyes pa'am/ gzhi ma grub pa'i gtan tshigs kyi skyon du 'gyur te/ rang gis don dam par mig la sogs pa'i skye mched rnams khas ma blangs pa'i phyir ro/ /zhes pas bstan to/ /gnyis pa de'i skyon spong dgag pa la gnyis/ dang po mig sogs kun rdzob pa rtsod gzhir 'dzin pa'i skyon spong dgag pa la gnyis/ dang po nyes spong ni/ skyon de dag med par thal/ kun rdzob pa'i mig yod la de rtsod gzhir 'dzin pa'i phyir/ zhes pa'i thal chos ni/ nyes pa med do zhe na/ zhes dang/ rtags ni/ gal te @118a @#/ /kun rdzob tu mig la sogs pa yod pa'i phyir/ zhes pas so/ /gnyis pa de dgag pa ni/ 'o na khyod kyis don dam par zhes pa don med par thal/ 'di chos dang chos can gang gi khyad par ma yin pa'i phyir/ zhes pa'i thal rtags/ 'o na don dam par zhes bya ba zhes pa dang/ 'di gang gi khyad par yin zhes pas so/ /gnyis pa de la skyon slong dgag pa la gnyis/ dang po skyon spong ni/ khyad par de sgrub bya'i chos skye ba la sbyar te/ mig sogs kun rdzob pa rtsod gzhir byas nas de don dam par skye ba 'gog pa'i phyir/ zhes pa gal te mig la sogs pa kun rdzob pa rnams don dam par skye ba 'gog pa'i phyir/ don dam pa smos pa ni/ skye ba 'gog pa'i khyad par yin zhe na/ zhes pas rtags chos rim bzhin no/ /gnyis pa de dgag pa ni/ de mi rigs par thal/ de lta na khyod kyis kun rdzob pa'i mig sogs chos can/ don dam par skye ba med de/ zhes brjod dgos pa la de skad ma smras pa gang zhig/ smras na yang gzhan phyi rgol la ltos nas chos can ma grub pa'i skyon yod ba'i phyir/ gnyis pa grub ste/ grangs can dag gis mig sogs dbu ma pa'i 'dod pa ltar gyi rdzas sam don dam du 'dod kyi/ btags yod du mi 'dod pa'i phyir/ zhes pa'i thal chos ni/ 'di ni mi @118b rigs so/ zhes pa dang/ rtags ni/ de lta na ni 'o na mig la sogs pa kun rdzob pa don dam par skye ba yod pa ma yin te/ zhes de skad brjod par bya bar 'gyur na/ de skad du yang ma smras so/ /smras na yang gzhan la gzhi ma grub pa'i phyogs kyi skyon du 'gyur bas zhes pa dang/ rtags sgrub ni/ pha rol bo dag zhes mig la sogs pa rnams rdzas su yod pa nyid du khas blangs pa'i phyir dang/ btags par yod par khas ma blangs pa'i phyir/ zhes pas so/ /de la legs ldan lugs la sher sgron dngos bstan gyi bdag skye 'gog byed kyi sbyor bar don dam gyi khyad par chos la sbyar ba yin te/ mchod brjod las 'phros te mnyam bzhag gi ngo'i mtha' bzhi'i skye med sgrub pa'i skabs yin pa'i phyir/ 'o na de'i lugs la sbyor ba de bdag skye 'gog byed kyi sbyor ba ma yin par thal/ grangs can sogs la mnyam bzhag gi ngor bdag skye med pa sgrub don med pa'i phyir dang/ bdag skye tha snyad du yang med par/ mnyam bzhag gi ngor dgag pa la dgos pa med pa'i phyir/ zhe na/ dgos pa mnyam bzhag gi de'i skye ba 'gog pa la mtha' gcod pa'i yan lag tu bkod pas/ bdag skye 'gag pa la spyir khyad par mi sbyor te/ dbu ma snying po rtsa 'grel du ma sbyar bar bkod pa'i phyir ro/ /des na sher sgron tshig zin gyi de dgos pa de'i phyir @119a @#/ /yin la/ 'on kyang de'i dngos bstan la/ bdag las skyes pa med de/ zhes rtags sogs sngar ltar bkod pa'i bdag skye 'gog pa'i sbyor ba yod ces na/ sangs rgyas bskyangs la skyon brjod tshul dang/ chos can mthun snang ba dgos tshul sogs dang 'grig gam snyam ste dpyad/ kho na re/ chos la sbyar ba yin na/ yig char/ sgrub chos la don dam sbyar zer na zhes brtag pa mtha' bzung ba ni/ zhes pa dang/ tshig gsal las/ chos can la sbyar ba'i nyes spong rnams legs ldan kyis byas pa ma yin par thal lo/ zhe na/ yig char/ des na dgos pa de'i ched du zhes gsungs pas/ tshig gsal las/ skye ba kun rdzob tu 'gog mi rung pas dgos pa de'i phyir chos la sbyar zhe na/ zhes phyogs snga bslang ba brtag pa mtha' bzung yin gsungs pa yin pa'i phyir dang/ des 'og gi grangs can la ltos te zer ba dang/ chos can la sbyar ba'i dogs pa thams cad mtha' gcod phyir brtag pa mtha' bzung bar go ched yin te/ gong du mtha' bzhi'i skye ba yang de'i don med tshul bshad 'dod nas zhes gsungs pa'i phyir/ 'di dag la sgom sde rin po ches/ chos la sbyar ba gsum la grub mthas kha ma bsgyur ba'i 'jig rten pa dang/ kha bsgyur pa'i grangs can pa dang/ nang pa la ltos @119b pa'i dgos med ces sa bcad blangs pa ni/ legs bshad snying po las/ rang la ltos nas sbyar mi dgos la/ gzhan la ltos te yin na zhes pa nas/ 'jig rten gyi tha snyad du bdag skye 'dod pa dgag mi rigs pas de la ltos nas khyad par sbyor ba yang mi rigs te/ zhes pa dang 'gal la/ yig cha yang 'di la brten to/ /chos can la sbyar ba dang/ chos can spyi tsam 'dzin pa rnams dbu ma pa la ltos te don med pa zhes gsungs nas/ tshig gsal las/ gal te mig la sogs pa kun rdzob pa nas/ 'di ni mi rigs so/ /zhes pa phyi rgol grangs can la ltos te dgos pa med pa zhes gsungs pa dbu ma par sbyar ba dang nang 'gal la/ de snga ma'i nyes spong ma khyus par rtsa ba'i sa bcad byas pa yang/ tshig gsal las/ 'di gang gi khyad par yin/ gal te mig la sogs zhes pa'i tshig gi 'brel dang 'gal snyam mo/ /kho na re/ rang rgyud kyi sbyor ba yod par thal/ legs ldan gyis de bkod pa la nyes pa du ma yod pa'i phyir zer na ma khyab ste/ legs ldan gyis rang rgyud kyi sbyor bar byas nas bkod pa la'am/ rang rgyud kyi sbyor ba 'dod pa la skyon yod ces pa yin no/ /bdag skye med pa rtogs pa la don dam par bdag skye med pa rtogs dgos mi dgos dpyad gzhir cung zad yod kyang ma spros/ ! /gnyis pa chos @120a @#/ /can spyi tsam 'dzin pa'i lan dgag pa la gnyis/ dang po 'dod pa brjod pa la gnyis/ dang po dpe brjod pa la gnyis/ dang po dpe mdor bstan pa ni/ ci ste ji ltar ram yang dper na sgra mi rtag par sgrub pa lta bu la chos dang chos can rgol ba gnyis ka la grub tshul mthun snang ba spyi tsam bzung gyi rgol so so'i 'dod pa'i khyad par sbyor mi rigs te/ grub mtha' rang rang gi 'dod pa'i khyad par sbyar na dpag byed rtags dang dpag bya bsgrub bya'i chos kyi tha snyad med par 'gyur ba'i phyir/ zhes pa ci ste ji ltar sgra mi rtag ces bya ba la chos dang/ chos can gnyis spyi nyid bzung ba yin gyi/ khyad par 'dzin na ni rjes su dpag pa dang rjes su dpag par bya ba'i tha snyad med par 'gyur ro/ /zhes pas so/ /gnyis pa dpe rgyas bshad la gnyis/ dang po chos can gyi dpe ni/ chos can la khyad par dor dgos te/ 'di lta de/ dper na/ sangs rgyas pas/ bye brag pa la rtsod tshe 'byung 'gyur gyi sgra rtsod gzhir 'dzin na pha rol la ma grub/ nam mkha'i yon tan gyi sgra 'dzin na rang la ma grub pa dang/ bye brag pas/ gcer bu par rtsod tshe byas pa'i sgra 'dzin na gcer bu pa dang sngar yod rkyen gsal gyi sgra 'dzin na/ bye brag pa rang la ma grub pa'i phyir/ zhes pa 'di ltar gal te 'byung ba chen po bzhi las gyur pa'i @120b sgra 'dzin na ni de pha rol po la ma grub po/ /'on te nam mkha'i yon tan 'dzin na ni/ de rang nyid sangs rgyas pa la ma grub pa yin no/ /de bzhin du bye brag pas/ sgra mi rtag par dam bca' ba na'ang byas pa'i sgra 'dzin na ni/ de gzhan la ma grub po/ /'on te mngon par gsal bar byas pa yin na ni/ de rang la ma grub pa yin no/ /zhes pas so/ /gnyis pa chos kyi dpe ni/ dpag bya sgrub bya'i chos la yang khyad par dor dgos te/ sangs rgyas pas bye brag pa la sgra mi rtag par sgrub tshe chos can bzhin du 'jig pa phyis 'byung gi rgyu dang bcas pa'i mi rtag pa chos su 'dzin na ci rigs par ste gnas ma bu ma gtogs pa'i sangs rgyas pa rang la ma grub/ de 'dra'i rgyu med pa'i mi rtag pa 'dzin na/ bye brag par ma grub pa'i phyir/ zhes pa de bzhin du ci rigs par 'jig pa yang gal te rgyu dang bcas pa yin na ni/ de sangs rgyas pa rang la ma grub pa yin la/ 'on te rgyu med pa yin na ni/ de pha rol po la ma grub pa yin no/ /zhes pas so/ /thal chos gnyis mdor bstan gyis bstan to/ /gnyis pa don bdag skye sogs la sbyar pa ni/ legs ldan na re/ don dam par zhes pa mchod brjod las 'phros pas/ de bshad kyi grangs can sogs dang rtsod tshe skabs 'dir yang kun rdzob dang don dam sogs kyi khyad par dor ba'i mig @121a @#/ /sogs mthun snang ba spyi tsam chos can du 'dzin pas skyon de dag med par thal/ dpe la brjod pa'i rgyu mtshan de'i phyir/ dpe mi rtag pa'i skabs 'dir chos dang chos can spyi tsam 'dzin dgos pa bzhin yin pa'i phyir/ rtags chos rim bzhin de'i phyir/ ji ltar 'dir chos dang chos can spyi tsam zhig 'dzin pa de bzhin du/ 'dir yang khyad par dor ba'i chos can tsam zhig 'dzin par 'gyur ro zhe na/ zhes pas so/ /gnyis pa de dgag ba la gnyis/ dang po don mi 'thad pa la gsum/ dang po mdor bstan ni/ legs ldan khyed kyis chos can mthun snang ba tsam 'dzin par 'dod pa de ni/ de ltar yang 'thad pa ma yin par thal/ rgyu mtshan 'di ltar skabs 'dir rigs ngo'i de kho nar skye ba bkag pa bsgrub bya'i chos su 'dod tshe de'i chos can mig sogs phyin ci log 'khrul shes tsam gyis rang gi ngo bo rnyed pa yin pa la de ni nyams par byas nas ma 'khrul bas rnyed par legs ldan 'dis khas blangs pa gang zhig/ ma 'khrul ba'i rnyed don la rdzun pa med de/ 'khrul ba'i yul phyin ci log rdzun pa dang/ ma 'khrul ba'i yul phyin ci ma log pa bden pa gnyis 'gal ba'i phyir/ zhes pa de ni de ltar yang ma yin te/ 'di ltar gang gi tshe 'dir skye ba bkag pa bsgrub bya'i chos su 'dod pa de'i tshe de kho nar @121b de'i rten chos can phyin ci log tsam gyis bdag gi ngo bo rnyed pa ni/ nyams par gyur pa 'dis rang nyid kyis khas blangs pa nyid do/ /phyin ci log dang phyin ci ma log pa dag ni tha dad pa yin no/ /zhes pas so/ /'di ni yig char legs bshad snying po ltar gsungs tshul yin la/ lhag mthong chen mo dang stong thun ltar na/ de ltar 'thad pa ma yin te/ bsgrub bya'i chos kyi rten chos can rnams phyin ci log 'khrul shes tsam gyis rnyed par legs ldan rang gis khas blangs pa'i phyir te/ de kho nar nyams pa ste ma grub par khas len pa'i phyir te/ gang gi tshe skabs 'dir mnyam bzhag gi ngor skye ba bkag pa sgrub bya'i chos su 'dod pa de'i tshe ste de'i phyir/ khyab ste/ mig sogs grangs can gyis ma 'khrul pa'i rnyed don dang/ rang cag dbu ma pas 'khrul pa'i rnyed don du 'dod pa la/ de gnyis ka'i rnyed don 'gal ba'i phyir/ zhes pa'i de'i rten chos can phyin ci log tsam gyis bdag gi ngo bo rnyed pa ni/ rang nyid kyis khas blangs pa nyid do/ /zhes dang/ de'i rtags sgrub ni/ de kho nar nyams par 'gyur ba 'dis rang nyid kyis khas blangs pa nyid do/ /zhes dang/ de'i rtags sgrub ni/ gang gi tshe nas 'dod pa de'i tshe zhes pas bstan la/ khyab sgrub lhag mas so/ /de ltar stong thun na gsal bas/ 'jam dbyangs dga' blos/ stong thun legs bshad snying po dang mthun par @122a @#/ /gsungs pa mi 'thad do/ /'di ni yig char/ lam rim las kyang bshad tshul 'og tu 'chad do/ /zhes dang/ 'og tu 'on rten chos can ma grub pa'i nyes pa blo 'khrul bas ma rnyed pa kho na la sbyar dgos sam zhe na/ de mi dgos par thal/ rten chos can phyin ci log gi rnyed pa rnams de kho na nyid du nyams pa ste ma grub ces bshad chog pa'i phyir/ der thal/ legs ldan gyi dbu ma snying po las/ mnyam bzhag zag med kyi ngo na 'khrul ba thams cad bzlog par bshad pas de la sbyar nas bshad chog pa'i phyir/ legs bshad snying po las/ rten chos can de kho nar grub pa nyams bar khas blangs pa'i steng nas kyang gzhan du bshad pa dang tshul 'di gnyis mi mthun kyang/ rang rgyud 'gog pa'i grub mtha' mi mthun pa ma yin no/ /zhes so gsungs pa'i don no/ /don bsdu na/ snga ma ni khyod kyis mig sogs yul can phyin ci log gis 'jog mi nus pas rang mtshan la ma 'khrul pa'i rnyed don du 'dod pa mi 'thad par thal/ ma 'khrul ba'i rnyed don la yul phyin ci log rdzun pa mi yong pa'i phyir te/ tshad ma gnyis kyi yul phyin ci log ma log dngos 'gal yin pa'i phyir/ zhes chos can mthun snang ba'i don yul gang la tshad mar song na de'i rang mtshan la tshad mar 'gro dgos par @122b 'dod pa bkag la/ rje btsun pa yab sras kyis/ phyin ci log ma log gi shes pa'i zhes gsungs pa 'gog ched/ yig char/ 'di'i phyin ci log yul can la bya rigs te rnyed mkhan gyi phyogs nas bshad pa'i phyir/ 'di'i phyin ci log ma log yul la 'thad kyi yul can la mi rung ste/ dngos 'gal du bshad pa'i phyir ro/ /zhes legs bshad snying por/ phyin ci log ma log tha dad pa ste dngos 'gal yin pa la sogs pa'i rigs pa bstan nas bkag go zhes gsungs pas na/ phyin ci log tsam gyis rnyed pa zhes pa'i de yul can dang phyi ma gnyis yul bden rdzun gnyis la byed ces gsungs so/ /de la 'o na lam rim las/ phyin ci log 'khrul shes dang/ phyin ci ma log pa ma 'khrul ba'i shes pa gnyis zhes dang/ stong thun las/ phyin ci log gi shes pas rnyed pa'i don dang zhes gsungs pa mi 'thad par thal/ yul can la mi rung ste/ zhes gsungs pa'i phyir na ma khyab ste/ legs bshad snying po ltar na mi rung zhes pa yin pa rtags kyis shes pa'i phyir dang/ spyir yul can la byas chog pa/ tshig gsal las/ rgyas bshad skabs phyin ci log gi/ zhes dang/ phyin ci ma log pas zhes 'dzin mkhan gyi phyogs nas gsungs pa bzhin/ yig char yang shes pa 'khrul @123a @#/ /ba ngos bzung nas zhes sogs gsungs pa'i phyir ro/ /phyi ma ni khyod kyis mig sogs mnyam bzhag ma 'khrul ba'i ngor med par sgrub pas 'khrul shes gyi rnyed don du khas blangs la/ grangs can sogs kyis ma 'khrul ba'i rnyed don du khas blangs pas mthun snang ba med de/ shes pa de gnyis kyi rnyed don 'gal ba'i phyir/ zhes de dag rigs ngo'i don dam du med par sgrub pa dang/ de rtogs pa la de'i rang mtshan la tshad mar 'gro dgos pa gnyis la nang 'gal bstan nas bkag go /gnyis pa rgyas bshad la gsum/ dang po 'khrul ba'i shes pa rang mtshan la tshad mar ma song bar sgrub pa ni/ yul gnyis 'gal ba de'i phyir/ zhes spyir bstan nas shes pa phyin ci log gis mig sogs rang bzhin gyis yod pa'i don cha tsam rtogs par ga la 'gyur te/ mi 'gyur bar thal/ de la rang mtshan gyis yod pa ma yin pa yod par 'dzin pa ste/ snang ba de'i tshe ste de'i phyir/ dper na gang gi tshe rab rib can gyi shes pas skra shad ma grub pa bzhin/ zhes pa'i dpe ni/ gang gi tshe rab rib can gyis skra shad la sogs pa ltar/ zhes dang/ phyin ci log gis yod pa ma yin pa yod pa nyid du 'dzin pa de'i tshe ni/ zhes dang/ rtags ni/ phyin ci log gis yod par 'gyur ba'i don cha tsam yang dmigs par ga la 'gyur/ zhes @123b pas so/ /gnyis ba ma 'khrul ba yang de la tshad mar ma song ba ni/ phyin ci ma log pa'i shes pas mig sogs rang ngos nas med par rtogs pa de'i tshe kun rdzob tu gyur pa rang mtshan gyis yod pa ma yin pa'i don mig sogs cha tsam yang rtogs par mi 'gyur bar thal/ des yang nas med par rtogs pa de'i tshe kun rdzob tu gyur pa rang mtshan 'dogs pa'i phyir/ dper na/ gang gi tshe rab rib can ma yin pa'i shes pas skra shad mi grub pa bzhin/ zhes pa gang gi tshe rab rib can ma yin pas skra shad la sogs pa ltar phyin ci ma log pas yang dag pa ma yin pa sgro mi 'dogs pa de'i tshe na yang gang gis na de'i tshe kun rdzob tu gyur pa yod pa ma yin par gyur pa'i don cha tsam yang dmigs par ga la yod/ zhes pas so/ /gsum pa de klu sgrub kyi dgongs par bstan pa ni/ rang mtshan rtogs pa'i tshad ma med pa de nyid kyi phyir/ slob dpon gyi zhal snga nas kyis/ gal te mngon sum la sogs pa'i/ /don gyis 'ga' zhig dmigs na ni/ /sgrub pa'am bzlog par bya ba ste/ /med phyir nga la klan ka med/ /ces gsungs so/ /zhes pas so/ / gsum pa don bsdu ba ni/ khyod kyi rang rgyud kyi sbyor ba la chos can mthun snang ba ma grub pa'i phyogs kyi skyon dang/ de ma grub pas phyogs chos ma grub pa'i rtags kyi skyon ldog mi nus pas lan mi thebs par @124a @#/ /thal/ chos can mthun snang ba'i mig ga la yod de med pa'i phyir te/ yul can phyin ci ma log pa'i dor yul phyin ci log med pa'i phyir te/ rgyu mtshan gang gi phyir na sngar ltar yul can tshad ma gnyis kyi yul 'gal ba'am yul phyin ci log ma log gnyis 'gal ba'i phyir/ zhes pa'i thal rtags sogs ni/ gzhi ma grub pa'i phyogs kyi skyon dang/ gzhi ma grub pa'i gtan tshigs kyi skyon ldog pa med pa nyid pas 'di lan ma yin no dang/ gang zhig chos can nyid du gyur pa mig kun rdzob pa lta ga la yod de'i phyir dang/ phyin ci ma log pa'i gnas skabs na phyin ci log yod pa ma yin pa'i phyir na dang/ gang gi phyir de ltar phyin ci log pa dang/ phyin ci ma log pa dag tha dad pa de'i phyir/ zhes pas so/ gnyis pa dpe dang mi 'dra bar bstan pa ni/ khyod kyis bkod pa'i dpe dang yang mi 'dra ste/ rang bzhin yod par smra ba'i sangs rgyas pa dang/ bye brag pa sogs rtsod tshe 'byung 'gyur dang nam mkha'i yon tan gyi cha la tshad mar ma song kyang rang mtshan gyis grub pa'i sgra dang mi rtag pa spyi tsam la tshad mar song pa gnyis kas 'dod kyang/ mig la 'khrul ma 'khrul gyi tshad ma gang du yang ma song kyang mig spyi tsam la tshad mar song ba rang bzhin stong smra thal 'gyur ba dang/ rang bzhin yod par smra ba'i dngos smra ba @124b gnyis kas kun rdzob dang don dam gang du yang khas ma blangs pas/ dpe dang yang gtan mi 'dra ba'i phyir/ zhes pa dpe la yang 'dra ba yod pa ma yin no/ /de ni sgra'i spyi dang mi rtag pa nyid kyi spyi khyad par brjod par mi 'dod pa gnyis ka la yang yod na/ de bzhin du mig gi spyi ni stong pa nyid dang stong pa nyid ma yin par smra ba dag gis kun rdzob tu khas ma blangs la/ don dam par yang ma yin pas dpe la yang 'dra ba yod pa ma yin no/ /zhes pas so/ /gnyis pa rtags ma grub par thal ba legs ldan gyis khas len tshul la gnyis/ dang po rtags ma grub pa'i skyon ni/ rgol ba gnyis la chos dang chos can gyi tshogs don phyogs mthun snang gzhi ma grub pa'i skyon de khyod kyis yod pa'i phyir/ zhes pa'i rang rgyud kyi rtags la'ang tshad ma gnyis kyi rnyed don thun mong ba mi yod tshul sngar ltar yin pa'i phyir/ zhes pa'i rtags ni/ yang sbyar bar bya'o/ /zhes pa dang/ gzhi ma grub pa'i phyogs kyi nyes pa brjod pa'i tshul gang yin pa 'di nyid ni/ yod pa'i phyir zhes bya ba'i gtan tshigs 'di la ma grub pa'i skyon brjod pa la/ zhes pas thal chos bstan to/ /'di 'jam dbyangs dga' blos sa bcad gong ma'i mjug tu sbyar kyang/ 'di ltar byed dgos pa lam rim gyi dgongs pa'o/ /gnyis pa skyon de legs ldan @125a @#/ /gyis khas blangs tshul ni/ rang rgyud kyi sbyor ba la phyogs rtags ma grub pa'i skyon de lta bu de ni 'dir bkod pa ltar yod pa yin te/ rgyu mtshan gang gi phyir na ji skad brjod pa'i skyon 'di ni legs ldan rang nyid kyis dngos su khas ma blangs kyang blangs par song ba'i phyir/ de khas blangs dgos par ji ltar shes rtags ma grub ces zer na/ de khas len dgos par thal/ khyod kyis sher sgron las/ nang gi skye mched rnams chos can/ rgyu yod pa kho na yin te/ de ltar de bzhin gshegs pas gsungs pa'i phyir dang/ des ji skad gsungs pa bzhin yin dgos te/ dper na mya ngan las 'das pa zhi ba'o/ /zhes gsungs pa bzhin no/ /zhes sde pa gzhan dngos smras bkod pa la/ khyod kyi rtags kyi don gang kun rdzob pa'am don dam par gsungs/ dang po ltar na snga rgol rang la ma grub la/ gnyis pa ltar na/ rtsa she las/ gang tshe chos ni yod pa dang/ /med dang yod med mi 'grub pas/ /zhes de'i tshe 'bras bu'i chos rgyu dus na yod pa med pa de gnyis ka don dam par rkyen gyis skyed pa bsal ba'i phyir dang/ ji ltar sgrub byed chu zhes bya/ de ltar yin na/ mi rigs so/ /zhes 'bras bu de sgrub byed don dam par rgyu'i mtshan nyid ma yin zhes pa'i dag don de'i phyir/ don @125b dam par bsgrub bya sgrub byed ma grub pas/ kho bo la ltos te/ rtags ma grub dang nang 'gal ba'i skyon yod ces smras pa gang zhig/ de legs ldan rang gi bdag skye 'gog pa'i rang rgyud la mtshungs pa'i phyir/ zhes pa'i chos ni/ de lta bu de ni 'di ltar yin te/ zhes dang/ rtags ni/ gang gi phyir ji skad bsnyad pa'i don 'di ni rtog gi ba 'dis rang nyid kyis khas blangs pa yin no/ /zhes dang/ ji ltar zhe na/ zhes pas sgrub byed dris nas/ nang gi skye mched rnams skyed par byed pa rgyu la sogs pa ni yod pa kho na yin te/ de ltar de bzhin gshegs pas gsungs pa'i phyir ro/ /gang de bzhin gshegs pas ji skad gsungs pa de ni de bzhin te/ dper na/ mya ngan las 'das pa ni zhi ba'o/ /zhes bya ba bzhin no/ /zhes bya ba gzhan gyis bkod pa'i sgrub byed 'di la 'dir khyod kyi gtan tshigs kyi don du 'dod pa gang yin/ de bzhin gshegs pas kun rdzob tu de skad gsungs pa'i phyir ram/ 'on te/ don dam par gsungs pa'i phyir/ gal te kun rdzob tu na ni rang la gtan tshigs kyi don ma grub pa nyid do/ /'on te/ don dam par na ni/ gang tshe chos ni yod pa dang/ /med dang yod med ma 'grub pas/ /de'i tshe 'bras bu yod pa dang/ med pa dang gnyis ka'i bdag nyid kyi rkyen bsal ba'i phyir/ ji ltar sgrub byed du zhes bya/ @126a @#/ /de ltar yin na mi rigs so/ de ni sgrub par byed pa'i rgyu ma yin pa kho na'o zhes bya ba ni ngag gi don to/ /de'i phyir don dam par sgrub par bya ba dang/ sgrub par byed pa nyid ma grub pa'i phyir/ gtan tshigs ma grub pa'i don nyid dang 'gal ba'i don nyid do/ /zhes 'dis skyon 'di smras pa yin no/ /zhes par rtags sgrub bstan no/ /tshig gsal gyi lung lhag ma sla bas ma bris gsungs pa 'di yin no/ /'di la yig char/ gzhan mang po zhig 'khrul snang ngo/ /zhes pa/ lam rim las/ 'ga' zhig gis sa don dam par sra ba ma yin te/ 'byung ba yin pa'i phyir/ zhes rtog ge 'bar bar bkod pa la/ don dam par 'byung ba bkod na rang dang kun rdzob tu 'byung ba bkod na phyi rgol la ma grub ces brtag par 'dod pa dang/ kha cig/ 'byung ba tsam bkod na rigs shes kyis ma grub pas 'gog zer ba sogs yin la/ de dag 'gog tshul lam rim las 'byung ba yin pa'i phyir/ zhes bkod pa na rtags su bkod pa'i 'byung ba de bden gnyis gang yin zhes dris na snga ma dang 'dra ba yin gyi bden gnyis kyi 'byung ba gang rtags su bkod ces smra na phyogs snga gtan ma go ba'o/ /zhes gsungs so/ /gsum pa rang rgyud kyi sbyor ba gzhan la'ang ma grub pa'i skyon la gnyis/ dang po mdor @126b bstan ni legs ldan gyis/ tshad grub mthun snang ba'i dngos po rtags su bkod pa'i rjes dpag ste sbyor ba thams cad la chos can/ sngar ltar rtags sogs ma grub pas sgrub byed 'jig pa'i skyon yod bar thal/ sngar gyi rgyu mtshan 'dis rtags sogs ma grub par khas blangs song ba de'i phyir/ zhes pa'i rtsod gzhi ni/ dngos po'i chos gtan tshigs su bkod pa'i rjes su dpag pa thams cad la dang/ chos ni gtan tshigs la sogs pa rang la ma grub pa'i phyir/ sgrub par byed pa thams cad rnam par 'jig par 'gyur ro dang/ rtags ni/ gang gi phyir de ltar 'dis rang nyid kyis tshul 'dis gtan tshigs ma grub par khas blangs pa de'i phyir/ zhes pas bstan to/ /gnyis pa rgyas bshad ni/ sbyor ba gsum pa'i rtags mig sogs kyi yul dang ldan pa'i tha snyad skye ba dang/ 'gro ba khyad par can byed pa de don dam par ste yul ji lta ba bzhin mthong ba'i mnyam bzhag ma 'khrul pa'i shes rab kyi rnyed don du mdor bsgrub pa ste grub na rang la ma grub ste/ don dam par de bkag pa'i phyir/ zhes dngos su gsungs nas/ gong 'og gi sbyor ba lnga la yang sbyar bar gsungs pa ni/ 'di lta ste/ don dam par nang gi skye mched rnams de dag gi rkyen gzhan dag las skye ba med de/ gzhan yin pa'i @127a @#/ /phyir/ dper na/ bum pa bzhin no/ /yang na don dam par gzhan gyis brjod par 'dod pa mig la sogs pa'i nang gi skye mched 'grub par byed pa dag rkyen ma yin par nges te/ gzhan yin pa'i phyir/ dper na/ snal ma la sogs pa bzhin no/ /zhes bya ba 'dir gzhan nyid ces bya ba la sogs pa rang nyid la ma grub pa yin no/ /ji ltar 'dis nang gi skye mched rnams skye ba kho na yin te/ de dag gi yul dang ldan pa'i tha snyad khyad par can byed pa'i phyir ro/ /zhes gzhan gyis brjod pa'i gtan tshigs 'di la ma grub par brjod par 'dod pas/ 'di skad du 'on te/ don dam par rnal 'byor ba mnyam par bzhag pa'i shes rab kyi mig gis dngos po rnams kyi yang dag pa ji lta ba bzhin nyid mthong ba'i skye ba dang 'gro ba la sogs pa dag yod par bsgrub na ni/ de'i tshe de dag gi yul dang ldan pa'i tha snyad khyad par can byed pa'i phyir ro/ /zhes bya ba'i gtan tshigs ma grub pa'i don nyid de/ 'gro ba yang skye ba bkag pa kho nas bkag pa'i phyir ro/ /zhes smras pa yin te/ de bzhin du rang gi byas pa'i sgrub byed byed pa yang don dam par ma song ba la 'gro ba med de/ lam yin pa'i phyir/ song ba'i lam bzhin no/ /zhes bya ba'i gtan tshigs lam nyid rang la ma grub @127b pa'i don nyid du sbyar bar bya ba la/ don dam par brten pa dang bcas pa'i mig ni gzugs la blta bar mi byed de/ mig gi dbang po yin pa'i phyir/ dper na de dang mtshungs pa bzhin no/ /zhes bya ba dang/ de bzhin du mig ni gzugs la blta bar mi byed de/ 'byung ba las gyur ba nyid kyi phyir/ dper na gzugs bzhin no/ /zhes bya ba dang/ sa ni sra ba'i ngo bo ma yin te/ 'byung ba yin pa'i phyir/ dper na rlung bzhin no/ /zhes bya ba la sogs pa dag tu yang gtan tshigs la sogs pa rang nyid la ma grub pa sbyar bar bya'o/ /zhes gsungs te sla'o/ /bzhi ba rtags ma nges pa'i skyon ni/ legs ldan khyed kyi sbyor ba 'di la pha rol grangs can la ltos nas ma nges pa'i skyon yod par thal/ yod pa'i phyir zhes pa shes pa bzhin bdag las mi skye ba'am/ bum pa bzhin bdag las skye ba zhig yin/ ma nges pa'i phyir/ zhes pa'i rtags ni/ yod pa'i phyir/ zhes bya ba'i gtan tshigs 'di yang pha rol pa'i ltar na/ ci nang gi skye mched rnams yod pa'i phyir/ shes pa yod pa ltar bdag las mi skye ba zhig gam/ 'on te bum pa la sogs pa bzhin du bdag las skye ba zhig yin zhes ma nges pa yin no/ /zhes pas bstan la/ de la legs ldan gal te bum pa yang bsgrub bya'i chos can du bzung bas dogs pa phyi ma @128a @#/ /med pas skyon med zer na/ zhes pa gal te bum pa la sogs pa yang bsgrub byar mtshungs pa'i phyir ma nges pa nyid ma yin no/ /zhe na/ zhes pas bstan la/ bum pa chos can du ma bzung ste/ khyod kyis de skad ma smras pa'i phyir/ zhes pa de ni de ltar ma yin te/ de skad du yang ma smras pa'i phyir ro/ /zhes pas so/ /lnga pa skyon de rang la mi mtshungs pa la gnyis/ dang po rtsod pa ni/ legs ldan na re/ zla ba khyod kyis skyon brjod 'di dag mi rigs par thal/ gzhan kho bo'i rang rgyud kyi sbyor ba la skyon smras pa de khyod kyi rang grags la yang nyes par thal bas rang gzhan gnyis kar skyon du 'gyur ba kho bo gcig bu la brgal mi rigs pa'i phyir/ zhes pa gal te gzhan gyi rjes su dpag pa dag la skyon ji skad du smras pa de bzhin du rang gi rjes su dpag pa la yang ji skad smras pa'i nyes par thal bas gzhi ma grub pa dang/ gtan tshigs ma grub pa la sogs pa'i skyon de nyid du 'gyur ba ma yin nam/ de'i phyir gang gnyis ka la skyon du 'gyur ba des ni gcig la brgal par mi bya ste/ des na skyon 'di dag thams cad mi rigs par 'gyur ro zhe na/ zhes pas so/ /gnyis pa lan la lnga/ dang po mdor bstan pa ni/ legs ldan khyod kyi rang rgyud kyi skyon kho bo'i sbyor @128b pa la med tshul khyod la brjod par bya bar thal/ tshul gsum mthun snang ba'i sbyor ba la nyes pa yod kyang kho bos de mi sbyor la/ gzhan grags ni/ gzhan phyi rgol gyi dam bca' 'gog pa tsam yin pa'i phyir/ zhes pa brjod par bya ste/ rang gi rgyud kyi rjes su dpag pa smra ba dag la nyes pa 'dir 'gyur gyi/ kho bo cag ni/ rang rgyud kyi rjes su dpag pa mi sbyor te/ rjes su dpag pa dag ni gzhan gyi dam bca' 'gog pa tsam gyi 'bras bu can yin pa'i phyir ro/ /zhes pas so/ /gnyis pa rgyas bshad la gnyis/ dang po rtags dpe sogs phyi rgol la bsgrub mi dgos pa ni/ 'di ltar gzhan mig lta'o/ / zhes bya bar rtog pa de ni mig la rang gi bdag nyid mi lta ba'i chos kyang 'dod la zhes gzhan grags kyi dam bca' 'gog tshul 'di ltar ram/ skyon med tshul 'di ltar zhes dang/ kyang sgras des dbu ma pa rang la mi lta ba bsdu la/ de dag phyi rgol gyis 'dod pas bsgrub mi dgos pa'o/ /gnyis pa khyab pa des par byed tshul la gnyis/ dang po rjes khyab nges tshul la gnyis/ dang po ldog khyab pha rol pos khas blangs tshul ni/ gzhan gzugs sogs la rang gi ngo bo nyid kyis lta ba'i khyad chos shig med na/ de la yul la lta ba mi 'byung bas khyab pa khas blangs zhes pa gzhan la lta ba'i chos med na mi 'byung ba nyid du yang @129a @#/ /khas blangs pa yin te/ zhes pas so/ /gnyis pa rjes khyab ni/ khas blangs pa de'i phyir lta ba po gang dang gang la rang gi bdag nyid dam rang gi ngo bo nyid la lta ba med na yul gzhan la rang gi ngos nas lta ba med pas khyab ste/ dper na bum pa bzhin/ zhes pa de'i phyir gang dang gang la rang gi bdag nyid lta ba med pa de dang de la ni gzhan la lta ba yang yod pa ma yin te/ dper na bum pa bzhin no/ /zhes pas so/ /gnyis pa skabs don la sbyar ba ni/ mig chos can/ gzhan gzugs la'ang ngo bo nyid kyis mi lta ste/ bdag la mi lta ba'i phyir/ zhes pa'i khyab rtags sogs grub pa de'i phyir rang la mi lta ba dang 'gal bar 'gyur ba sngon po sogs la rang ngos nas lta ba ni phyi rgol rang la grags pa'i sbyor ba 'di dang 'gal lo/ /zhes dngos smra ba rang la grub pa'i sbyor bas log rtog sel te/ lta ba bskyed par byed ces pa/ mig la yang rang gi bdag nyid la mi lta ba yod pa yin te/ de'i phyir gzhan la lta ba yang 'di la med do/ /de'i phyir rang gi bdag nyid mi lta ba dang 'gal bar sngon bo la sogs pa gzhan la lta ba rang la grags pa'i rjes su dpag pa dang 'gal ba yin no/ /zhes de la grub pa'i rjes su dpag pas sel bar byed pa yin no/ /zhes pas bstan la/ 'di dag ni budd+ha @129b bA li tar/ sna ma'i me tog gi dri dang gos gyi dpe gsungs pas dgongs pa'o/ /de yang ngo bo nyid kyis lta na rgyu sogs la ma ltos par lta dgos pas rang la mi lta la gzhan gzugs sogs la lta ba'i rgyu mtshan med pas kyang yin no/ /gsum pa don bsdu ba ni/ rang rgyud dang nyes pa mtshungs pa kho bo'i gzhan grags la skyon de dag mi 'jug par thal/ rgyu mtshan gang gi phyir na gzhan grags kyi sbyor ba dag gis rtags dpe sogs mthun snang ba ma grub kyang/ phyi rgol gyi 'dod pa tsam zhig brjod pa'i phyir/ rtags chos ni/ gang gi phyir rjes su dpag pa dag gis 'di tsam zhig brjod par bya ba yin pas/ zhes dang/ gang la nyes pa mtshungs par 'gyur ba kho bo cag gi phyogs la ji skad bsnyad pa'i skyon 'jug pa ga la yod/ ces bas so/ /bzh ba rtsod sbong la gnyis/ dang po rtsod pa ni/ legs ldan na re/ chos can mthun snang ba med par rgol phyir rgol gang rung la tshad mas grub pas kyang gnod byed du 'gyur ba yod par thal/ lan de'i phyir/ zhes pa yang ci gang yang rung ba la grub pa'i rjes su dpag pa'i sgo nas kyang rjes su dpag pa'i gnod pa yod dam zhe na/ zhes pas so/ /gnyis pa lan ni/ de yod par thal/ phyir rgol rang la sgrub pa'i rtags kyis gnod kyi/ gzhan snga rgol kyis grub pas ma yin @130a @#/ /pa'i phyir te/ 'jig rten na res 'ga' dbang po'i tshig dang res 'ga' rgol ba rang rang gi rgyal pham du 'gyur gyi/ gzhan gyis tshig gis ma yin pa'i phyir/ khyab ste/ 'jig rten ltar bstan bcos la skabs su babs pa sangs rgyas kyi dgongs pa yin pa'i phyir/ zhes pa'i chos ni/ yod de/ zhes dang/ rtags ni/ de yang rang nyid la grub pa'i gtan tshigs nyid kyis yin gyi/ gzhan la grub pas ni ma yin te/ zhes dang/ rtags sgrub ni/ 'jig rten nyid du mthong ba'i phyir ro/ /'jig rten na ni res 'ga' dbang po'i rgol ba dang phyir rgol gnyis kyis tshad mar byas pa'i tshig gis rgyal ba'am pham par 'gyur la/ res 'ga' ni rang gi tshig kho nas 'gyur gyi gzhan gyi tshig gis ni rgyal ba'am pham par 'gyur ba ma yin no/ /zhes dang/ khyab sgrub ni/ 'jig rten na ji ltar yin pa de bzhin du rigs pa la yang yin te/ 'jig rten pa'i tha snyad kho na rigs pa'i bstan bcos su skabs su babs pa'i phyir ro/ /zhes pas so/ /lnga ba 'phros don la gnyis/ dang po rtog ge pa rnams gzhan grags khas blangs dgos par gdams pa ni/ rgyu mtshan de'i phyir na dbyig gnyen sogs 'ga' zhig gzhan grags kyis gnod pa rdzogs par ston pa ma yin te/ gzhan @130b gyi khas blangs dgag tsam yin pa'i phyir zer ba dang/ phyogs glang sogs rgol phyir rgol gnyis ka la bsgrub pa'i sgrub ngag dang sun 'byin yang dag yin gyi/ gang rung la grub pa'am/ the tshom za ba dag ma yin snyam pa de dag chos can/ 'jig rten tha snyad la brten nas gzhan grags kyi tshul 'di khas len rigs par thal/ dper na bzlog pa lung gis gnod pa la gnyis ka la grub mi dgos pa bzhin du/ rang don rjes dpag la ni/ phyir rgol rang la grags pa zab pa yin gyi/ gnyis ka la sgrub mi dgos pa'i phyir/ zhes pa'i chos can ni/ de nyid kyi phyir 'ga' zhig gis gzhan la grags pa'i dbang gis ni rjes su dpag pa'i gnod pa ma yin te/ gzhan la grags pa nyid dgag par 'dod pa'i phyir ro/ /zhes bshad do/ /gang zhig gang gnyis ka la nges par brjod pa de ni sgrub pa'am sun 'byin pa yin gyi/ gang yang rung ba la grub pa 'am the tshom za ba smra ba ni ma yin no snyam du sems pa des kyang zhes dang/ chos ni/ 'jig rten gyi tha snyad kyi rnam par bzhag pa la brten nas rjes su dpag pa la ji skad smras pa'i tshul 'di nyid khas blangs par bya'o/ /zhes dang/ rtags ni/ 'di ltar lung gis gnod pa ni gnyis ka la grub pa'i lung kho na'i sgo nas ma yin te/ ci zhe na/ rang la grub pa'i sgo nas kyang yin no/ / @131a @#/ /rang gi don gyi rjes su dpag pa ni thams cad du rang la grub pa nyid brling pa yin gyi gnyis ka la grub pa ni ma yin no/ /zhes pas so/ /gnyis pa chos can mthun snang ba sogs don med pa ni/ sngar gyi rgyu mtshan de'i phyir rtog ge ste gtan tshigs kyi mtshan nyid dam don la rgol ba gnyis ka'i mthun grub dang/ thal 'gyur tsam gyis rjes dpag skyed mi thub pa sogs brjod pa don med par thal/ sangs rgyas rnams 'jig rten pa rang la grags pa'i rtags kyis rmongs pa'i skye bo rnams la phan btags pa'i phyir/ zhes pa de nyid kyi phyir rtog ge pa'i mtshan nyid brjod pa ni dgos pa med pa yin te/ sangs rgyas rnams kyis rang la ji ltar grags pa'i 'thad pas de kho na mi shes pa'i gdul bya'i skye bo la phan btags pa'i phyir ro/ /zhes pas bstan to/ /de la kho na re/ khyod kyi dpe la 'dra ba med tshul de mi 'thad par thal/ de'i sangs rgyas pa la thal 'gyur pa yang bzhag nas 'byung 'gyur sogs khyad par la tshad mar ma song kyang sgra spyi nges pa gnyis ka'i lugs la yod pa la byed dgos pa'i phyir te/ lam rim las/ gang rung gi khyad par du ma byas par sgra yod par nges pa ni rgol ba gnyis po de dag gi lugs la byar yod la/ zhes dang/ legs bshad snying po @131b las/ sangs rgyas pas bye brag pa la zhes pa nas/ nam mkha'i yon tan chos can 'jal ba'i tshad mas ma grub kyang gang la tshad mar song ba'i sgra tsam zhig gi don 'di'o zhes ston rgyu yod la/ zhes gsungs pa'i phyir na ma khyab ste/ lung snga mas rang mtshan gyis grub pa'i sgra nges pa dang/ phyi mas mthun snang ba'i sgra tsam zhig ces pa yin pa'i phyir te/ snga ma'i mtshan du stong thun drangs pa las/ sangs rgyas pas zhes pa nas/ rang gi mtshan nyid kyis grub pa'i sgra tsam la tshad mar song ba rgol ba de gnyis ka'i lugs la yod pas tshad ma de'i rnyed don du gyur pa'i sgra tsam zhig chos can du 'dzin pa rgol ba de gnyis ga'i zhe 'dod yin la/ zhes dang/ legs bshad snying po las/ de gnyis kyi lugs kyi khyad par gnyis kyis khyad par du byas nas ma grub kyang sgra sgrub pa yod ces ston pa yin gyi de gnyis kyi sgra 'jal ba'i tshad ma sgra'i don 'di 'dra zhig la tshad mar song zhes smras pa ltar gyi tshad ma ni med do/ /de ni snga rgol rang gi ngo bos yod par khas len pa'i dbang du byas la/ zhes gsungs pa'i phyir/ snga rgol thal 'gyur ba yin na de'i 'dod pa'i sgra'i don 'jal ba'i tshad ma med pa dang/ rang mtshan gyis grub pa'i sgra ji ltar 'thad/ de'i rgyu mtshan gyis tshig gsal las/ dpe skabs sangs rgyas pa la ma grub ces dang/ @132a @#/ /don gyi skabs stong pa nyid dang stong pa nyid ma yin par smra ba dag gis zhes so sor gsungs pa yin no/ /rje btsun pa yab sras dang/ sgom sde sogs kyis de ltar mi 'thad par ma zad don la yang bden rdzun nam/ bden pa dang bden med gang rung gis khyad par du ma byas par mig spyi tsam la tshad mar song bar bden stong smra ba'i legs ldan dang/ dngos smras khas ma blangs gsungs pa'ang mi 'thad de/ de'i stong nyid smra ba la legs ldan mi 'jog pa'i phyir te/ lam rim dang legs bshad snying po gnyis kar rang bzhin gyis stong bar smra ba dang/ zhes dang/ yig char/ thal 'gyur ba dang/ zhes pa yang de 'gog ched yin pa'i phyir dang/ khyad par du ma byas gsungs pa'ang lam rim dad stong thun ltar 'khrul ma 'khrul gyi tshad ma gnyis kyi rnyed don la tshad mar song tshul la dgongs pa yin na legs kyang/ dpe la rtag mi rtag gang gi khyad par du ma byas zhes pa de gnyis gang rung ma yin pa'i sgra mi srid pa'i phyir dang/ legs ldan gyis 'byung 'gyur sogs las rtag mi rtag la ma gsungs pa'i phyir/ tshig zin ltar na de gang rung gi khyad par du ma byas pa'i don dang/ ma byas par tshad mar song ba gnyis ka'i lugs la yod pa'i phyir ro/ /de la dgongs nas yig char/ 'di'i @132b khyad par legs ldan gyis smras tshul ltar 'byung 'gyur sogs thun mong ma yin pa yin rtag mi rtag la ma yin te/ de srid pa'i phyir ro/ /gsungs so/ /bsod grags pas/ phyi ma dpe'i skabs su kun rdzob dpyod pa yin pas zhes pa nas/ don gyi skabs su ni don dam la dpyod pa yin pas de 'dra'i chos can mthun snang du grub pa bzhag dka' ba'i phyir/ zhes kun rdzob dang don dam dpyod skabs chos can mthun snang ba yod med mi 'dra bas lan btab pa legs ldan gyis don dam par na zhes pa la/ dgongs na yang thal rang su'i lugs la yang don dam dpyod skabs min pa sngar ltar ro/ /kho na re/ de'i stong nyid smra ba la legs ldan 'jog par thal/ des mig sogs bdag skye med par sgrub pa'i sbyor ba'i chos can mthun snang ba med pa dpe dang mi 'dra zhes pa yin pa'i phyir na ma khyab ste/ don bsdu na khyed rang bzhin smra ba rnams kyis gang la tshang mar song na yul de'i rang mtshan la tshad mar 'gro dgos pa dang/ rang mtshan la ma 'khrul ba'i tshad mas rnyed dgos par 'dod pas/ tshad ma mdo las/ gnyis ka la yang grub pa nyid/ /sgrub pa dang ni sun 'byin yin/ /zhes ba ltar sgra mi rtag par sgrub tshe nang phan tshun chos can sogs mthun snang ba 'dod kyang/ kho bo rang bzhin med par smra bas de 'dra'i @133a @#/ /tshad grub dang/ tshad ma gtan mi 'dod cing/ 'khrul ma 'khrul gyi tshad ma'i rnyed don yang 'gal bar 'dod pas/ mig sogs bdag skye med par sgrub pa'i chos can sogs mthun snang ba mi 'dod pas mi 'dra zhes pa yin pa'i phyir/ yang kho na re/ thal 'gyur pa'i lugs la chos can mthun snang ba yod par thal/ thal 'gyur ba nang phan tshun rtsod tshe yod pa'i phyir te/ kun mkhyen gyi lam rim mchan las/ 'di phyir rgol dngos smra la yin thal 'gyur ba la ma yin no/ zhes dang/ 'jam dbyangs dga' blos/ rang rgyud pa dang grangs can sogs la chos can mthun snang ba yod par 'dod dgos so/ zhes pa ltar/ de la chos can mthun snang ba yod pa'i phyir/ dpe dang mi 'dra tshul de'i phyir na snga mar ma khyab ste/ de'i don ni kun rdzob rnams 'khrul ba'i tshad ma dang/ don dam rnams ma 'khrul ba'i tshad mas grub tshul mthun snang ba tsam yin la/ spyir chos can mthun snang ba ni/ rang mtshan la ma 'khrul ba'i tshad mas rnyed pa'am/ grub tshul mthun snang ba la byed pa'i phyir te/ legs bshad snying po las/ zla bas de 'dra ba de rang gi ngo bo yod par song la de nyid don dam par yod pa'i don yin pas/ de khyad @133b gzhir bzung ba'i chos can tsam po ga la srid snyam du dgongs nas/ zhes gsungs pa'i phyir/ phyi ma rtags ma grub ste/ dris lan snying gi mun sel las/ de yang rgol ba de gnyis ka'i lugs la chos can mthun snang ba yod par zla bas bzhed kyang/ de gnyis ka'i lugs kyi chos can mthun snang ba de yod par zla bas mi bzhed de/ de gnyis kyi lugs kyi rang gi mtshan nyid kyis grub pa'i sgra la tshad mar song ba'i tshad ma de'i gzhal bya zla bas mi bzhed pa'i phyir/ zhes gsungs pa ltar gyi zhib cha dgos pa'i phyir te/ de dag gi lugs kyi blo gnod med med pa'i phyir ro/ /kho na re/ yig char/ de ltar de bzhin gshegs pas gsungs pa'i phyir/ zhes par/ legs ldan gyis brtag pa byas tshul don dam par grub na dbu ma pa la ma grub/ kun rdzob tsam du zer na dngos smra ba la ma grub ces gsungs pa mi 'thad par thal/ kun rdzob tu grub na dngos smra ba la ma grub dgos na/ gzhi grub na dngos smra ba la ma grub pa'i khyab par thal ba'i phyir te/ lam rim las/ de ltar bden gnyis gang yin dris nas don dam yin na rang la ma grub pa yin kyang/ kun rdzob pa yin na gzhan la ma grub ces ji ltar brjod du rung ste/ de ltar ma yin na chos can du bzhag pa'i nang gi skye mched kyang kun rdzob @134a @#/ /du yod pa'i phyir/ phyir rgol de dag gis ma grub par 'gyur ro/ /zhes gsungs pa'i phyir/ de rgyu rkyen don dam par yod pa'i sgrub byed du mi rung bar gsungs kyi/ rtags ma grub pa'i skyon med zer na/ gtan tshigs ma grub pa'i skyon yod par thal/ tshig gsal las/ gal te kun rdzob tu na ni rang la gtan tshigs kyi don ma grub pa nyid do/ /zhes pa nas/ gtan tshigs ma grub pa'i don nyid dang 'gal ba'i don nyid do/ /zhes 'dis skyon 'di smras pa yin no/ /zhes gsungs pa'i phyir dang/ lam rim stong thun sogs thams cad dang 'gal lo/ /yig cha'i de stong thun gyi tshig zin ltar bkod pa yin pas go bde bar brjod na legs ldan gyis rtags su song tshod kyi don de khyod kyis bsam tshod la don gang don dam dang/ kun rdzob gang yang ma yin pa mi srid pas de gang du gsungs par 'dod/ don dam par de bzhin gshegs pas gsungs zhes pa yin na/ kho bo la ma grub/ kun rdzob tsam du gsungs zhes pa yin na/ dngos smra rang la ma grub pas rgol ba gnyis ka la ma grub pa'i skyon yod ces bshad pas/ zla bas de ltar na/ legs ldan khyod kyi rang rgyud du bkod pa'i sbyor ba la ma grub pa'i skyon yod par thal/ 'khrul ma 'khrul gyi @134b tshad ma gnyis gang gi yang rnyed don min pa mi srid la/ khyod kyis dngos smra ba la bkod pa'i rtags sogs kyang ma 'khrul pa'i tshad ma'i rnyed don yin na/ dbu ma ba la ma grub/ 'khrul pa'i tshad ma'i rnyed don yin na/ dngos smra ba la ma grub pa'i skyon yod par dngos su khas ma blangs kyang len dgos pa'i phyir/ min na snga ma dang nang 'gal zhes tshig gsal dang stong thun gyi dgongs pa rdzogs par gsungs so/ / lam rim gyi don sngar bshad zin la/ yig char lung 'dis rtags su song tshod ces pa'i don shes dgos so/ /zhes pas rtags su song tshod po de don dam sogs su brtag pa bya yi/ rtags de kun rdzob yin na dang/ kun rdzob pa'i 'byung ba yin pa'i phyir zhes rtags su bkod ces sogs su 'dod pa ltag chod yin pas de 'gog ched yin pa shes dgos zhes pa yin pas 'gal spong byas tshar pa'i phyir ro/ / des na legs bshad snying po las/ rtags la bden gnyis kyi brtag pa gnyis las ma mdzad pa ltar na rtags kyi don gang yin zhes dri dgos gsungs pa lam rim gyis stong thun du gsungs pa ltar song tshod kyi don la brtags pa sngar gyi de yin la/ de gnyis gang gis khyad par ma byas pa'i tsam po dang bcas pa'i brtags pa gsum byas pa'i skabs su rtags su gang 'dod ces dri dgos gsungs pa legs ldan @135a @#/ /gyis dngos smra ba la don dam du'am kun rdzob tu rgyu yod par gsungs pa'i phyir/ zhes pa'am spyir rgyu tsam yod par gsungs pa'i phyir/ zhes rtags su 'god/ dang po gnyis ltar na rtags ma grub la/ gsum pa ltar na khyab pa ma grub ces pa dang/ zla bas legs ldan la yod pa'i phyir zhes pa 'khrul pa'i 'am/ ma 'khrul ba'i tshad ma'i rnyed don gyi yod pa'am/ gang yang ma yin pa'i yod pa tsam po 'god/ phyi ma gnyis ltar na/ rtags ma grub par 'gyur zhes brtags pa byas na ltag chod du mi 'gyur la/ stong thun las/ ltag chod du gsungs pa tsam po med par dang po gnyis tsam byas na mtha' ma chod pas yin pas 'gal ba med do/ /kho na re/ legs ldan lugs la dngos smras bkod pa'i sbyor ba de'i rtags ma grub par thal/ zla ba'i lugs la legs ldan gyis bkod pa'i sbyor ba de'i rtags ma grub pa'i phyir na ma khyab ste/ legs ldan gyis rang rgyud sgrub phyir mthun snang ba'i rtags sogs bkod 'dod pas song tshod kyi rtags la de 'dra dgos la/ dngos smras rgyu las skye ba'i rgyu mtshan gyi don dam par grub par sgrub pas/ snga rgol gyi zhen 'dod kyi dbang gis rgyu yod par gsungs pa tsam bkod 'dod na song bkod so sor med pas rtags grub ces tshog @135b ste; brjod 'dod la rag las pa'i phyir/ min na grub mtha' 'og mas bkod pa'i sbyor ba yang dag med par thal lo/ /legs ldan gyis bkod pa'i sbyor ba thams cad kyi rtags ma grub par thal/ rang rgyud kyi sbyor ba gzhan la'ang ma grub pa'i skyon zhes gsungs pa'i phyir na ma khyab ste/ rang rgyud kyi sbyor ba zhes gsungs pas mthun snang ba rtags sogs su bkod pa la byed pa'i phyir/ yang kho na re/ gcig du bral gyi rtags kyis myu gu bden med du bsgrub pa'i rtags mthun snang ba yod par thal/ rtags de dngos smra dang dbu ma ba gnyis ka'i ma 'khrul ba'i tshad ma'i rnyed don du 'dod pa'i phyir na ma khyab ste/ de gnyis ka'i ma 'khrul ba'i tshad mar song tshul dang/ grub tshul gtan mi 'dra ba'i phyir dang/ mdor bsdu na bden grub kyi gcig bral lta bu yang dag tu 'jog pa rgol ba'i bsam pa dang chos can chos sogs tshogs tsam gyis 'jog pa las/ kho rang gi ngos nas rgol ba gnyis ka'i tshad ma'i yul dang/ rtags sogs su 'jog byed mthun snang ba med pa dang/ tshad ma gnyis la'ang yul sogs la ltos tsam las kho rang gi yul 'jal ba'i bya ba mthun snang ba med pas rgol ba gnyis kyis sngar ltar brtags nas btsal na chos can sogs gang yang rnyed rgyu med pa 'di chos can mthun snang ba med pa'i rtsa ba yin te/ legs @136a @#/ /bshad snying po las/ zla bas de 'dra ba de rang gi ngos nas yod par song la de nyid don dam par yod pa'i don yin pas/ de khyad gzhir bzung ba'i chos can tsam po ga la srid snyam du dgongs nas khyad par dor ba'i spyi chos can du 'dzin pa 'gog go /zhes dang/ 'og ma'i 'dod tshul yang/ bden gnyis las/ rgol ba gnyis ka'i shes pa la/ /ji tsam snang ba'i cha yod pa/ /de tsam de la brten nas ni/ /chos can chos la sogs par rtog /ces pa ltar rgol ba gnyis kas btsal na mthun snang du rnyed rgyu zhig dgos pa'i phyir/ des rang rgyud kyi sbyor ba rnams la ma grub pa la sogs pa'i skyon yod la/ thal 'gyur la brten nas nang 'gal lta bu'i gnod pa mthong ba las sgrub byed mi rnyed pas bsgrub bya rtogs mi thub par 'dod la/ zla bas pha rol po'i gnod byed mthong ba las lhag pa'i sgrub byed mthun snang ba rnyed rgyu med pas/ thal 'gyur las lhag pa'i bsgrub bya rtogs thabs med la/ gzhan grags kyang pha rol po'i dam bca' 'gog pa tsam gyi dgos pa can min pas mthun snang ba'i brtag pa byas pa'i skyon de mi 'jug /ces gsungs so/ /des na mtha' bzhi'i skye med dang/ gcig du bral gyi rtags kyis bden med sgrub pa'i thal 'gyur dngos smra ba la bkod pa na/ spyir @136b yod na gcig dang du ma gang rung du yod pas spyi nges pa la brten nas rtags khyab la lan mi thebs par mthong nas thal 'gyur yang dag tu song ste/ rtags khyab bsgrub bya gsum cig char du nges nas 'og ma'i grub mtha' btang te/ dbu mar zhugs pa yin te/ de la rjes su rdo rje'i gzegs ma sogs kyi gzhan grags mi dgos pa'i rgyu mtshan yod pa'i phyir/ des na thal 'gyur de yang dag tu song ma thag pa la rtags de khas len gyis grub pa mi dgos te/ res 'ga' dbang po'i tshig gis rgyal pham byed pa ltar yin pa'i phyir/ dbang rtul 'gas rtags khyab nges kyang da dung bsgrub bya ma nges pa la gzhan grags bkod pa yin no/ /yig cha gzhan du sangs rgyas bskyangs kyis gzhan skye dang rgyu med las skye ba thal 'gyur gyis bkag pa de la legs ldan gyis skyon brjod tshul zla bas skyon de mi 'jug par gsungs tshul tshig gsal ltar bkod kyang/ legs ldan gyis sngar smras pa'i skyon du 'gyur ba'i phyir/ zhes dang/ zla bas kyang/ sngar lan btab zin pa'i phyir/ zhes bdag skye skabs las zur pa med pas yig char ma gsungs la/ gzhung 'di ni thal rang gi grub mtha'i gting dpog byed shin tu brling bas kun mkhyen gyis rdzogs par drangs nas sngon med pa'i legs bshad kyi gter bton zin na'ang da lta de yang @137a @#/ /dka' bar yod pas tshig rdzogs par drangs nas bsdus don tsam byas so/ /zla ba las byung legs bshad 'od dkar gyis/ /thub bstan ku mud dga' tshal bzhad pa dang/ /lhan cig mkhas rlom rgyu skar snang ba yang/ /rang gi de nyid gsal ba tsam du 'gyur/ ! //gnyis pa gzhan skye dgag pa la spyir dgag pa dang/ sems tsam pa'i lugs bye brag tu dgag pa gnyis gsungs pa'i dang po'i skabs su rang rgyud pa man chad thun mong du bkag pas/ skabs 'gar rang rgyud pa dang/ 'gar dngos smra ba sogs kyis rtsod pa dang/ de dag gang phyogs sngar blangs pa shes ba gal che bas des bcad kyi steng nas shes dgos so/ /dang po gzhan skye dgag pa dngos la spyir thams cad la thun mong du/ me lce las kyang mun pa 'byung bar thal/ rang mtshan gyis rgyu las rang mtshan gyis 'bras bu 'byung ba'i phyir/ rgyu yin min thams cad las thams cad skye bar thal/ rgyu 'bras thams cad rang bzhin gyis gzhan du mtshungs pa'i phyir/ zhes ha cang thal ba gnyis kyis bkag pa la/ thams cad kyis de'i skyon med par thal/ rgyu 'bras bskyed bya skyed byed kyi nus pa dang ldan pa dang/ rgyud gcig pa dang rigs 'dra snga ma sogs khyad par bzhi ldan las skye yi thams cad @137b las ma yin pa'i phyir zer ba la/ nas sogs la sa lu'i myu gu'i rgyu'i khyad par bzhi ma tshang ba bzhin du sa lu'i sa bon la yang ma tshang bar thal/ de sa lu'i myu gu dang rang bzhin gyis gzhan yin pa'i phyir zhes skyon spong bkag cing/ bye brag tu/ sa myug rang bzhin gyis gzhan yin na/ dus nam yang ldog pa med pas myu gu'i dus su yang sa bon yod dgos pa la de med pa'i phyir/ zhes rgyu 'bras snga phyi ba yin pas rtags kyis bkag pa la/ sa lu ljang ba'i mdo las/ srang mda'i mtho dman gyi tshul du skad cig gang kho na la sa bon 'gag pa de nyid la myu gu skye'o/ /zhes pa ltar srang mda'i dpe bzhin du sa bon 'gag pa dang/ myu gu skye ba'i bya ba dus gcig pas sa myug dus mnyam na'ang ci skyon zhes don smra bas rtsod pa la/ dpe mi 'dra ste/ srang mda'i mtho dman gyi bya ba gnyis dus gcig na'ang sa myug gi bya ba gnyis dus gcig tu med par thal/ sa bon gyi dus su myu gu skye ba la mngon du phyogs pas yod pa ma yin pa'i phyir/ zhes bkag go /'di rnam bshad las/ chos las bya ba don gzhan du khas ma blangs pa'i phyir/ gsungs pas bye smra ba'o/ /rang 'grel las/ rang lugs la de gnyis skye 'gag gi bya ba dus mnyam yang phyogs sngar mi rung ba rten brten pa rang bzhin gyis grub pas zhes gsungs so/ / @138a @#/ /bye smra dag rgyu 'bras dus mi mnyam pas skyon med de/ mig gi rnam shes la mtshungs ldan gyi rgyu 'du shes sogs dang/ lhan cig 'byung rgyu mig sogs yod pa'i phyir zer ba la/ mig blo de dag las skye ba la dgos pa med par thal/ de dag gi dus su yod pa'i phyir dang/ med na snga phyi ba la nyes pa bshad zin pa'i phyir/ zhes rgyu 'bras dus mnyam pa la gzhan skye bkag go /de nas 'bras bu la mu bzhi dpyad nas mtha' bzhi'i skye 'gog gis dgag pa ni thams cad la yin no// ! gnyis pa de la 'jig rten gyis gnod pa spangs pa ni/ legs ldan sogs kyis gzhan skye 'jig rten pa rnams kyis mngon sum du mthong bas/ de rigs pas bsgrub mi dgos zer ba la/ lan du bden gnyis dang/ 'jig rten shes ngo'i yang log gi dbye ba dang/ yul can log pa yid shes rnams kyi zhen yul med pa nges dka' bas zur du gsungs nas/ skabs don rtsod pa'i lan la sbyor tshul dper na rab rib can gyi mig shes kyis mthong bas/ rab rib med pa'i mig shes kyi mthong ba la mi gnod pa bzhin du/ 'jig rten gyi gzhan skye mthong ba'i blo 'khrul bas/ gzhan skye med pa mthong ba'i blo ma 'khrul ba la mi gnod pa bden gnyis 'jog tshul gyis shes zhes pa yin la/ @138b 'o na de dag 'jog tshul ji ltar yin zhe na/ gti mug rang bzhin sogs kyis so so'i ngo bo gsungs nas/ 'jig rten gyi mthong ba chos rnams kyi rang bzhin nam de kho na nyid la tshad ma yin na/ 'phags pa dang de'i lam 'tshol ba don med/ ces pha rol po la gnod pa bstan nas/ 'jig rten na grags pas 'jig rten na grags pa'i don bum pa rdzas sam yo byad ma yin pa lta bu la gnod kyi de kho na nyid la mi gnod la/ de ma zad 'jig rten gyi tha snyad la yang gzhan skye med de/ 'jig rten na bu dang shing gi sa bon tsam btab nas 'di bdag gis skyed do btsugs so/ /zhes smra bar byed pa'i phyir/ zhes bkag go /de la kho na re/ 'jig rten na grags pa'i gzhan skye yod par thal/ de khas blangs nas zhes gsungs pa'i phyir na ma khyab ste/ de ni 'jig rten pa'i shes pas rang mtshan gyis grub pa'i rgyu las rang mtshan gyis grub pa'i 'bras bu skye bar mthong ba la byed pa lan gyis shes pa'i phyir dang/ 'jig rten rang 'ga' bas gzhan skye mi 'dod pa/ rtsa bar/ 'jig rten las kyang med/ ces dang/ tshig gsal las/ des bdag las sam gzhan skye zhes brtag par mi byed par gsungs pa'i phyir dang/ rnam bshad las/ thal 'gyur ba'i lugs kyis ni tha snyad gdags pas ma tshim par myu gu skye @139a @#/ /zhes pa lta bu la de ltar btags pa'i btags don bdag gam gzhan las skye zhes tshol ba nas de kho na nyid la dpyod par 'jog go /nas/ rang rgyud pa rnams kyis ni de tsam gyis de kho na nyid la dpyod par mi 'jog gi /sngar bshad pa bzhin shes pa la snang ba'i dbang gis yod par bzhag gam/ de'i dbang gis bzhag pa min pa'i don gyi sdod lugs nas grub pa yin dpyod pa nas de kho na nyid la dpyod par 'gro ste/ zhes gsungs pa'i phyir/ rdog los/ don dam bden pa shes bya min pa dang/ snang tsam bden gnyis kyi dbye gzhir bzhag pa ni/ mdo las/ shes bar bya ba min pa dang/ snang tsam du gsungs pa yin la/ thang sag pas/ chos rnams kyi ngo bo bzhag pa 'jug pa la brten no/ /bod rnams kyis sgro btags tsam min par yul kho rang ngos yod pa zhig bzhag gam dpyad/ stag los/ shes bya ma btags ma dpyad pa'i do tsam du bden gnyis kyi dbye gzhir gsungs pa la rigs pas 'phul byas pa phar phyin mchan ltar ro/ /stod lung bas; don dam bden pa blo'i yul min te/ blo'i yul la kun rdzob bden pas khyab pa'i phyir/ zhes spyod 'jug gi rkang pa tha ma gnyis bsgrub bya sgrub byed du sbyar ba dgag tshul yig char @139b gsal la/ spyod 'jug gi lung des bden gnyis kyi mtshan nyid 'jog tshul ni/ yab sras 'jal ba'i mdo ltar yin par rnam bshad ltar yig char gsungs la/ 'jug pa 'dir rigs shes gnyis kyis rnyed don bden gnyis so so'i mtshan nyid du bzhag pa ni/ 'jug 'grel du bden gnyis la 'jug pa'i mdo drangs pa las/ lha'i bu gal te don dam par na/ don dam pa'i bden pa ni lus dang ngag dang; yid kyi yul gyi rang bzhin du 'gyur na ni/ de don dam pa'i bden pa zhes bya ba'i grangs su mi 'gro ste/ kun rdzob gyi bden pa nyid du 'gyur ro/ /zhes don dam pa gzigs pa'i ngor don dam bden pa las kun rdzob med par gsungs shing/ phung sogs lus ngag gi spyod yul dang/ yid kyi yul du 'gyur ba ltar spros bcas kyi yul du 'gyur na kun rdzob bden par 'gyur bar gsungs pa la brten pas/ rten gzhi mi 'dra yang don gcig go /de la gung ru rje btsun pa bsod grags pa sogs kyis/ shes bya chos can/ don dam bden pa yin par thal/ mthar thug dpyod pa'i rigs shes kyi rnyed don yin pa'i phyir te/ mthar thug dpyod pa'i rnam mkhyen gyi rnyed don yin pa'i phyir/ gsungs pa/ yig char/ sangs 'phags kyi mig shes kyis bzung byar mig shes kyis bzung @140a @#/ /bya mi dgos pas bkag la/ rje btsun pas/ bden med kyi don spyi chos can/ nas/ der thal/ bden med rtogs pa'i rigs shes rjes dpag gi rnyed don yin pa'i phyir te; de'i gzhal bya yin pa'i phyir/ zhes dang/ theg chen mthong lam bar chad med lam chos can/ mtshon bya der thal/ mtshan nyid de'i phyir/ der thal/ theg chen mthong lam bar chad med lam gyi rnyed don yin pa'i phyir/ ma grub na/ der thal/ des khyod rtogs pa'i phyir/ der thal/ nges theg chen mthong lam bar chad med lam la snang ba de rtogs pa'i phyir/ zhes sogs gsungs pa rnyed pa la blo la rnam pa 'char dgos pa/ lam rim las/ dmigs rten rnyed pa'i tshad ni zhes pa nas/ yan lag rags pa rnams cha byed tsam 'char thub pa byung na zhes dmigs rten rnyed pa rnam pa 'char ba la dang/ bden gnyis las/ blo la snang ba 'di kho na/ /kun rdzob gzhan ni cig shos so/ /zhes tha snyad pa'i tshad ma la snang mi snang gis rnyed don yin min du gsungs pa dang/ rang 'grel las/ 'dir yang rang bzhin ni ma rig pa dang ldan pa rnams la rnam pa thams cad du mi snang ngo/ /zhes pa lta bu mang zhing/ bden gnyis dar TIka @140b las; rigs shes kyis ma rnyed pa ni kun rdzob bden pa'i mtshan nyid do/ /de las gzhan rigs shes kyis rnyed pa'i don ni cig shos don dam bden pa'i mtshan nyid yin/ zhes pa ltar skabs 'dir rigs shes gnyis kyis rnyed don bden pa so sor bshad pa de'i phyir/ zhes bkag cing/ bar chad med lam gyi snang ba bar chad med lam du bshad pa la/ de'i snang yul don dam bden pa yin par thal/ bar chad med lam de'i dngos gzhal yin pa'i phyir/ zhes bkag nas/ de'i snang ba'i snang cha kun rdzob dang snang ba stong nyid du gsungs nas/ bar chad med lam gyi ngor spros pa thams cad log par gsungs pas/ bar chad med lam rang nyid kyi gzhal byar 'dod pa la yang bkag go /de la skyon gzhan yang/ tshig gsal las/ phyin ci log pa dang/ phyin ci ma log pa dag ni tha dad pa yin no; ;zhes pa'i don lam rim ltar yul can la byas nas de gnyis kyi yul 'gal bar gong du gsungs pa dang nang 'gal la/ shes bya chos can/ ma 'khrul ba'i tshad ma'i rnyed don yin par thal/ ma 'khrul ba'i rnam mkhyen gyis rnyed don yin pa'i phyir/ theg chen mthong lam bar chad med lam chos can/ der thal/ bar chad med lam gyi rnyed don yin pa'i phyir/ rtags khyab khas/ @141a @#/ /bar chad med lam des 'khrul ba'i tshad mar song bar thal lo/ /khyed kyis thugs rtse gtad sa'i rnam bshad kyi lung 'bras bu'i skabs su de'i phyir/ sangs rgyas kyi mkhyen tshul yang bsdus pa'i dbang du byed na ni/ zhes pa dang yang 'gal te/ des slob pa'i rigs shes gnyis kyi rnyed don 'gal bar bstan pa'i phyir/ kho na re/ rang lugs la yang rigs shes gnyis kyi rnyed don dang gzhal bya don gcig par thal/ kun rdzob bden pa'i mtshan nyid la tha snyad pa'i tshad mar song ba'i rnyed don/ zhes sbyar ba'i dgos pa yod pa'i phyir/ khyab ste/ yig char/ rang rgyud pa man chad gyis 'khrul shes rnams kyi snang yul shes pa de'i gzhal byar mi 'jog kyang/ 'dir de der 'dod pa'i phyir/ khyab ste/ de ltar na tshad ma gnyis po yul de la tha snyad pa'i tshad ma dang/ yul de la don dam pa'i tshad mar song ba'i rnyed don zhes khyad par sbyar dgos pa'i phyir/ lam rim dang rnam bshad gnyis las de ltar sbyar ba'i rgyu mtshan yod pa'i phyir/ zhes gsungs pa'i phyir na ma khyab ste/ de ni phyogs snga de dag la lam rim dang rnam bshad las khyad par sbyar ba rnyed don dang gzhal bya don gcig pa'i rgyu mtshan gyis yin na/ tshad ma der song ba'i @141b rnyed don zhes sbyar dgos kyi/ khyod rang gis rigs shes so so'i rnyed don gang zhig/ zhes mtshan nyid du sbyar ba mi legs zhes pa yin gyi/ rang lugs kyi rgyu mtshan ma yin pa'i phyir te/ de ltar na zhes dang/ gong du tha snyad tshad ma dang/ rigs shes kyi rnyed don dang gzhal bya tsam don gcig byas nas bden gnyis so so'i mtshan nyid du skabs 'dir yang 'jog pa mi 'thad par thal/ zhes gsungs pa'i phyir dang/ rang lugs la de ltar sbyar ba'i dgos pa 'og tu yang/ rigs shes spyi dang rnam mkhyen thun mong gi sgo nas don dam bden pa'i mtshan nyid kyang yod de/ zhes rnam mkhyen gyis bden gnyis gzigs tshul so sor shes ched du khyad par de sbyar bar gsungs pa'i phyir/ spyir mtshan nyid la khyad par de sbyar mi dgos te/ rnam bshad las/ de yang ji lta ba 'jal ba'i ye shes kyis rnyed pa'o/ /zhes dang/ rdzun pa mthong ba'i stobs las bdag gi ngo bo yod pa rnyed pa yin te/ zhes dang/ bden gnyis kyi mtshan nyid sngar bshad pa ni sbyir btang la dgongs la/ zhes gsungs pa'i phyir/ des na thal rang gnyis ka'i mtshan nyid 'jog tshul 'dra bas phar phyin mtha' dpyod du 'jug pa drangs pa yin no/ /gung rus 'di spyir btang dang/ @142a @#/ /mtshan nyid cig shos dmigs bsal du gsungs pas/ dmigs bsal gtso ba'i phyir/ sogs gsungs kyang/ 'di'i dmigs bsal ni dgos pa khyad par ba la bya'o/ / la las/ sangs rgyas 'phags pa'i rgyud kyi don dam dpyod pa'i rigs shes kyi rnyed don yin na/ don dam bden pa yin pas ma khyab zer na/ de khyab par thal/ de sangs rgyas 'phags pa'i rgyud kyi don dam bden pa'i mtshan nyid yin pa'i phyir te/ rgyud kyis bsdus pa'i tshad mas dmigs pa rgyud kyis bsdus pa'i yod pa'i mtshan nyid yin pa'i phyir/ de'i rgyu mtshan gyis yig char/ sangs 'phags kyi mig shes kyis bzung bya zhes gsungs kyi/ rgyud kyis ma gsungs so/ /'o na sangs rgyas 'phags pa'i rgyud kyi ji lta ba rtogs pa'i rnam mkhyen gyi rnyed don yin na/ don dam bden pa yin pas khyab par thal zhe na/ mi mtshungs te/ gzhi grub na de'i rnyed don yin pas khyab pa'i phyir ro/ /'o na/ sangs 'phags rgyud kyi don dam dpyod byed kyi rigs shes chos can/ khyod kyi rnyed don yin na/ don dam bden pa yin pas ma khyab par thal/ gzhi grub na khyod kyi rnyed don yin pas khyab pa'i phyir/ zhe na/ de sgra sbyar nas 'dod zer dgos so/ /'di 'dra'i khas @142b len song tshul shes na gung rus/ kun rdzob bden pa yin par grub na kun rdzob bden par grub pas ma khyab ste/ don dam bden pa yin par grub na/ don dam bden par grub bas ma khyab pa'i phyir te/ don dam pa yin par grub na/ don dam par grub pas ma khyab pa dang/ zhes pa ltar rje btsun pas kyang gsungs nas yang/ yod pa chos can/ gnas lugs yin par thal/ rgyun mtha'i bar chad med lam gyis chos nyid gzigs pa'i gzigs ngor gnas lugs yin pa'i phyir/ khyab pa 'grig gsungs pa dang/ bsod grags pas/ rnam mkhyen gyis de ring gi dus su kha sang sogs mi mkhyen yang/ de ring gi dus mkhyen pa'i rnam mkhyen gyis de ring kha sang sang nyin gsum ka mkhyen pa rnam bshad kyi don du gsungs pa sogs kyang mi 'thad pa shes ste/ kun rdzob bden par rtogs na/ kun rdzob de bden par rtogs mi dgos pa'i phyir te/ de gzhi de ma rig pa'i ngo tsam du bden par rtogs pa'i don yin pa'i phyir te/ yig char/ kun rdzob bden par rtogs pa la ma rig pa'i ngo tsam du bden pa rtogs dgos/ zhes gsungs pa'i phyir/ don dam pa yin par grub na don dam par grub mi dgos kyang/ don dam pa rtogs pa'i blos de don dam par dang/ bden par rtogs kyang mi 'gal te/ bden bar tshad mas grub na bden @143a @#/ /par grub mi dgos pa'i phyir ro/ /gnyis pa yang yig char/ gzugs med pa chos can/ gzugs kyi gnas lugs yin par thal/ bar chad med lam gyi ngor khyod gzugs kyi gnas lugs yin pa'i phyir na/ sbyor lugs skyon can yin kyang ma khyab/ gsungs pa ltar/ khyod sgra rjes su yod na ma khyab zer la/ snga ma ltar na yod pa de'i ngor gnas lugs yin par rtags ma grub zer dgos so/ /gsum pa/ phar phyin mtha' dpyod las/ 'das pa'i byung tshul thams cad kyang dus de dang der byung tshul da lta skad cig la mkhyen kyang/ de ltar byung bar mkhyen pa ma yin la/ nas/ cig char mkhyen pa gnyis ka yin pa'i phyir/ zhes dang/ yig char/ tshur kha'i ri'i steng gi gang zag gis phar kha'i ri mthong yang/ phar kha'i ri tshur kha'i mthong sa na yod mi dgos pa bzhin yin pa'i phyir/ zhes gsungs pa ltar/ rnam mkhyen gyis de ring gi dus su kha sang mkhyen kyang/ de ring gi dus su yod par ma rtogs la/ kha sad chos can/ de ring gi dus su rnam mkhyen gyi gzhal bya yin par thal/ de dus su rnam mkhyen gyis rtogs pa'i phyir na ma khyab bo/ /gzhan du na/ de ring gi dus su kha sang gi bya ba mi dran par thal lo/ /yig char/ mang po zhig @143b bden gnyis kyi dbye gzhi dbye tshul sogs la rtog dpyod med par gsungs pa'ang/ rje btsun pa yin nam dpyad/ shes bya la kun rdzob bden pa don dam bden pa kun rdzob tsam dang gsum/ gsungs pa dza ya a nanta yin nam snyam ste/ 'grel bshad las/ kun rdzob kyi dbye ba ni/ kun rdzob kyi bden pa dang/ kun rdzob tsam mo/ kun rdzob tsam la yang gnyis te/ 'jig rten la ltos pa'i kun rdzob dang/ 'phags pa la ltos pa'i kun rdzob bo/ /zhes rang 'grel las/ de'i phyir de dang/ gang zhig kun rdzob tu rdzun pa ni kun rdzob kyi bden pa ni ma yin no/ /zhes pa la brten nas gzugs brnyan sogs 'jig rten rang dga' ba'i rdzun pa rtogs pa dang/ nyan rang dgra bcom dag sa'i byang sems kyis bden par mi 'dzin pas de la snang ba rnams kun rdzob tsam du gsungs pa rnam bshad du bkag pas so/ /don dam dri bcas su thal gsungs pa don dam la dri ma yod par thal/ zhes pa yin gyi dri bcas kyi de bzhin nyid ni dri mas sgrib pa la byed pas mi 'dra'o/ /bden gnyis gcig tha dad la ngo po ldog pa bden grub kyi gcig tha dad sogs skabs thob kyis 'byed dgos so/ /stag los/ rang 'grel gyi tshig tsam la 'khrul nas gsungs tshul yig cha ltar la/ dgag tshul ma rig pas bzhag @144a @#/ /pa mi srid pas/ rang 'grel gyi don de'i tshig zur gyi bden pa ma rig pa'i ngo tsam du 'jog pa'i don dang/ yang rang 'grel las/ de'i phyir de dang gang zhig kun rdzob tu yang rdzun pa ni/ kun rdzob kyi bden pa ma yin no/ /zhes pa'i de dang zhes pa gong du rang bzhin ma rig pa dang ldan pa rnams la rnam pa thams cad du mi snang ngo/ /zhes gsungs pas/ rang bzhin stong nyid dang/ gang zhig kun rdzob tu rdzun pa ni zhes pas/ gzugs brnyan sogs 'jig rten rang dga' ba la ltos pa'i rdzun pa ni/ snga ma spyir min pa dang/ phyi ma brda byang gi blo de'i dor mi bden pas/ de'i dor kun rdzob bden pa min/ zhes pa yin la/ de la phung sogs dgra bcom gnyis sogs kyi rjes thob kyi ngor kun rdzob bden pa ma yin par thal/ de'i dor mi bden pa'i phyir te/ rang 'grel las de yang nyan thos dang/ zhes pa nas/ bcos ma'i rang bzhi nyin gyi bden pa ni ma yin te/ bden par mdon par rlom pa med pa'i phyir/ zhes dang/ de las gzhan pa rnams la ni/ nas/ kun rdzob tsam du 'gyur ba'i phyir ro// zhes gsungs pa'i phyir na ma khyab ste/ lung de dag gi don ni gang zag gsum po de dag gi blo ngor kun rdzob tsam las bden pa min te/ bden 'dzin spangs pa'i phyir/ zhes pa @144b yin la/ sangs rgyas kyis sems can rnams kyis phung sogs bden par snang tshul gzigs nas chos ston par mdo las gsungs pa ltar/ gang zag gsum gyis gzhan sems shes pa'i mngon shes sogs kyis sgo nas so skye bden 'dzin gyi dor bden par snang tshul dang/ de'i ngo tsam du bden tshul rtogs pas de'i rjes thob kyi ngor kun rdzob bden pa yin pas/ de kun rdzob bden pa 'jog byed kyang yin la/ shes sgrib kyi dbang gis bden par snang yang/ des stong par rtogs pas de la ltos pa'i kun rdzob tsam du gsungs pa la/ 'o na/ sangs rgyas la yang bden par snang ngam zhen/ sangs rgyas kyis chos thams cad thugs su chud cing sems dang sems las byung ba'i rnam rtog rgyu rlung gi rgyu ba gtan log pas mi snang gsungs kyi kun rdzob kyi snang ba log pa'i don min/ zhes rang 'grel gyi don rdzogs par bkral nas dgag pa/ mdor bsdus tsam gsungs pa grub mthar rgyas par yin no/ /lo kaH s-i pr-ita/ satya zhes pa'i lo kaH 'jig rten yin pas 'di'i 'jug rten la gang zhag thams cad dang gnyis snang can gyi shes pa thams cad 'jog pa/ mdo las/ dmigs pa ni/ tha snyad kyi bden pas bsdus pa nyid kyis 'jig rten pa nyid yin pa'i phyir ro/ /zhes pas 'grub la/ kun rdzob bden pa thams cad mi 'jig ste/ mdo las/ @145a @#/ /ku rdzob ni 'jig rten gyi spyod par zhes dang/ yig char/ 'jig rten des kun rdzob la longs spyod tshul zhes yul can du gsungs pa'i phyir/ des na/ gang zag rnams/ /'jig rten phung por rab grags pa/ /zhes pa ltar gdags gzhi'i phung po la brten pas dang/ gnyis snang can gyi shes pa rnams yul snang tshul gnas lugs su ma song bas yin te/ tshig gsal las/ 'di ni dngos po ji ltar gnas pa rjes su brjod pa yin gyi/ zhes gsungs pa'i phyir/ saM pr-ita kun rdzob ces pa yin la/ de lam rim chung dus tshig gsal gyi dgongs pa bkral ba ltar kun rdzob kyi sgra don gsum gsungs pa'i dang po ni/ kun rdzob bden pa zhes pa'i tshig zur gyi kun rdzob dang/ phyi ma gnyis kun rdzob tu yod ces pa'i tshig zur gyi kun rdzob du 'jog tshul dang sgra don yin la/ grub mtha' chen mo las/ 'jig rten pa'i phan tshun brten pa la kun rdzob ces bya la phan tshun brten pa nyid kyis yod pas na kun rdzob bden pa dang/ 'jig rten pa'i brjod bya brjod byed dang/ 'jig rten ba'i shes pa dang/ shes bya 'jig rten pa'i brda' 'am tha snyad yin pas de la kun rdzob ces bya la/ 'jig rten pa'i brda' 'am tha snyad la snang tshul dang/ gnas tshul mthun pas kun rdzob bden pa zhes bya ste/ tshig gsal las/ @145b 'jig rten gyi kun rdzob tu ba den pa ni/ 'jig rten kun rdzob bden pa ste/ brjod bya rjod byed dang/ shes pa dang shes bya la sogs pa'i tha snyad ma lus ba de dag thams cad ni 'jig rten gyi kun rdzob bden pa zhes bya'o/ /zhes so/ /zhes gnyis ka kun rdzob bden pa'i sgra bshad du yang gsungs pa ltar/ yig char/ phan tshun brten pa tsam du ji ltar gnas pas na de tsam gyis bden zhes tha snyad byas pa'i phyir/ zhes dang/ tha snyad pa'i yul du don gyis mi stong ba'am/ yod pa la tha snyad bden pa zhes bden tshul de ltar dgos pa'i phyir/ zhes gnyis pa bden pa'i tha snyad tsam dang/ gsum pa tha snyad bden pa'i don du byas nas bden pa'i skad dod satya 'chi med mdzod las/ bden dang legs dang yod pa dang/ /bsngags pa mchod 'os rnams las ta/ /ces pa drangs nas gnyis pa bden pa'i sgra don zhes pa yig char chad/ zhes gsungs pa de ltar sgra bshad pa tsam las spyir kun rdzob bden pa zhes pa'i bden pa ni/ bden 'dzin gyi ngor bden pa tsam la bya'o/ /rje btsun pas/ kun zhes pa sna tshogs pa dang/ rdzob ces brdzun pa'i don no/ /zhes pa'ang kun dang rdzob kyi sgra don nmin pas bkag go /gsum pa 'jig rten tha snyad kun rdzob ces pa'i rjod byed dang/ shes pa tha snyad pa ni kun rdzob rnams brjod pa'i sgra dang/ de @146a @#/ /'dzin pa'i shes pa dang/ brjod bya shes bya de dag gi yul la byed pa/ yig char/ tha snyad pa zhes pas khyab che ba'ang sel ba'i phyir/ zhes dang/ 'o na rtog pa yin na/ tha snyad pa'i blo yin dgos par thal/ sogs kyis 'grub po/ /des na yig char/ phan tshun brten par rtogs na rdzun par rtogs dgos kyi/ gzhan gnyis rtogs na rdzun par rtogs pas ma khyab pa'i phyir/ zhes pa/ shes pa tha snyad pa'i yul du rtogs pa dang/ bden 'dzin gyis chos nyid la sgrib par rtogs na de dag rdzun par rtogs mi dgos pas yin no/ /kho na re/ 'jig rten shes ngo la ltos te yang dag med par thal/ yig char/ byas pa la kho na re/ gzugs sogs lnga 'jig rten shes ngo la ltos te yang dag yin par thal/ de lnga 'jig rten nyid las zhes pa'i dngos bstan gyi 'jig rten shes ngo la ltos te yang dag yin pa'i phyir na shin tu ma khyab ste ces gsungs pa'i phyir na ma khyab/ 'di ni tha snyad pa'i shes pas kun rdzob dang/ log par rtogs pas de'i dor yang dag min pa'i don yin pa sgrub byed kyis shes pas/ spyir lam rim dang stong thun ltar yin zhes bshad kyang chog la/ yig char/ skabs 'di'i zhes mang du gsungs la/ grub mtha' chen mo las/ 'jig rten pa'i shes pa lhan skyes rags pa'i do bo la ltos @146b te zhes zhib cha gnang bas/ 'jig rten pa'i blo rang dga' ba'i ngo la ltos te yang log gnyis yod kyi/ spyir gzugs sogs 'jig rten shes ngo la ltos te yang dag ma yin par thal/ de la ltos te log pa yin pa'i phyir te/ de la ltos te rdzun pa yin pa'i phyir/ der thal/ 'jig rten pa'i shes pas de kun rdzob dang/ log par rtogs pa'i phyir te/ stong thun las/ de ltar na kun rdzob bden pa'i rnam bzhag kyang rang lugs la byar mi rung bar thal/ de byed pa 'jig rten gyi shes ngo la ltos nas byed dgos pa'i phyir ro/ /zhes dang/ mdo las/ kun rdzob ni 'jig rten gyi spyod par de bzhin gshegs pas gzigs so/ /zhes dang/ 'jig rten kun rdzob pa zhes pa'i don sngar bshad zin pa de'i phyir/ de la dgongs nas yig char/ skabs 'di'i gang gi ngor yang dag 'jog pa'i shes pa la 'jig rten rang dga' ba'i shes pa tshad min gcig dang/ gang gi ngor log par 'jog pa'i shes pa la tshad mas khyab kyang/ lam rim las/ 'jig rten pa'am tha snyad tshad ma nyid la ltos nas zhes dang/ rnam bshad las/ 'jig rten pa'i blo rang dga' bas kyang rtogs mod kyang zhes pa nas/ gtso bo sogs yin la/ de dag phyin ci log tu 'jig rten pa'i blo rang dga' bas mi rtogs kyang/ de kho na nyid la mngon du ma phyogs pa'i tha snyad pa'i tshad mas @147a @#/ /log par rtogs na 'jig rten pa'i shes pas log par rtogs pa yin no/ /zhes pa ltar de la 'jig rten rang dga' ba'i tshad ma dang/ de ma yin pa stong nyid la blo kha ma phyogs pa'i tshad ma rags pa'i bdag med rtogs pa lta bu gnyis gsungs pa/ 'jig rten pa'i shes pa tsam la mi byed pa dang/ stong thun las/ byad bzhin ni cha gang gi sgo nas kyang snang ba ltar ma grub par 'jig rten rang dga' ba dag gis rtogs mi nus pas/ 'jig rten rang dga' ba'i shes ngo na de gnyis la snang ba ltar grub ma grub kyi khyad par yod la/ zhes 'jig rten rang dga' ba kho na la sbyar ba gtso bo la dgongs pa sogs shes ched yin no/ /des na 'jig rten pa'i shes pa rang dga' ba'am blo lhan skyes ni de kho na nyid la blo kha ma phyogs pa'i shes pa la byed pas 'phags rgyud na'ang yod la/ 'jig rten rang dga' pa ni/ phyi nang gi grub mtha' sogs la dpyad pa ma zhugs pa la byed pas/ de'i shes pa dang snga ma gnyis gzhung na'ang khyad 'byed dgos pa mang po yod pa shes pa gal che'o/ /'jig rten rang dga' ba'i tshad mas nges dor dbang phyug gi bris sku dbang phyug tu bden par med kyang bden pa'i tha snyad yod pas dpe de bzhin du 'jig rten pa'i shes pa rang dga' ba'i ngo na snang ba ltar ma grub kyang/ de'i ngo na snang @147b pa dang rjes su mthun pa'i don yod med kyis yang log 'jog tshul 'jug pa dang mi 'dra ba zhig gsungs pa/ sangs rgyas bskyangs kyi dgongs pa yin tshul/ de nyid las/ 'jig rten gyi tha snyad kyi dbang gis 'di ni yang dag pa nyid do/ /'di ni yang dag pa ma yin no/ /zhes pa'i dpe'i sgos shes sla la/ rigs pa drug cu pa'i 'grel bar/ dngos po de kun rdzob tu bdag nyid der yod pa nyid kyi phyir ro/ /zhes kun rdzob tu zhes pas gsal la/ spyod 'jug las/ 'jig rten la ltos de nyid mthong/ /zhes pa 'jig rten na chos de snang ba dang rjes su mthun pa'i don tshad mas rtogs pa na chos de'i de nyid mthong zer ba lta bu'o/ /'di ltar na gnyis ka 'jig rten pa'i shes pa rang dga' ba'i ngor snang ba dang mthun pa'i don yang dag par grags ma grags kyis bzhag pas/ gang gi ngor yang dag 'jog pa'i blo la tshad min dgos la cig shos la tshad ma dgos so/ /des na yig char/ gzhan yang/ skabs 'di'i 'jig rten shes ngo la zhes pa 'jog tshul gzhan yang thal 'gyur ba'i skabs 'dir zhes pa yin gyi/ 'jug pa'i skabs 'dir gsungs pa min no/ /'di la dgongs nas dbu ma'i zin bris las/ rigs pa drug cu ba'i 'grel bar rang rgyud pa ltar snang ba ltar grub ma grub kyis yang log gi kun rdzob bshad pa ltar lam rim du yang @148a @#/ /bshad la/ 'di dus phyis min mgo/ zhes gsungs so/ /'on kyang 'jog tshul mi 'dra ba ma gtogs don gcig yin no/ /gung ru rje btsun pa bsod grags pa sogs/ stong thun las/ 'jig rten gyi shes ngo na yang dag kun rdzob dang/ log pa'i kun rdzob gnyis kyi dbye ba yod dam/ zhes dpal ldan zla bas gang du yang ma gsungs la/ bdag gi bla ma mi bzhed cing/ zhes pa la brten nas bum sogs 'jig rten shes ngo'i kun rdzob yin par thal/ de la ltos te yang dag kun rdzob yin pa'i phyir zer ba la/ yig char/ sngar ltar 'jig rten pa'i shes pa spyi la sbyar na 'dod zer rung yang/ rang lugs/ stong thun dang mthun ched skabs 'dir sbyar na ma khyab gsungs pa/ lam rim che ba las/ de las gzhan pa'i dbang shes gnod med rnams yang dag kun rdzob yin no/ / zhes pa'i dgongs pa yin pas zhib cha stong thun gyi de skabs 'di'i 'jig rten pa'i blo gcig po de'i ngor kun rdzob dang yang dag gnyis ka min pa'i don dang/ lam rim kyi de skabs 'di'i shes ngor yang dag dang/ spyir kun rdzob gnyis ka yin pas bzhag ste/ yig char/ blo gcig po de'i ngo na zhes dang/ 'og tu 'jig rten shes ngo la ltos te log pa yin pa gang zhig/ kun rdzob yin pa'i phyir/ nas/ @148b gnyis 'grub ste/ kun rdzob yin par ma zad/ kun rdzob bden pa yin pa'i phyir/ zhes phyi ma spyir gsungs pa'i phyir ro/ /ma zad ces pas med pa rnams kyang 'di'i kun rdzob tu bstan to/ /des na rje btsun pa dang bsod grags pa sogs kyis log pa'i kun rdzob la skabs 'di'i log pa'i kun rdzob kyis khyab par rnam bshad sogs kyis bsgrub pa'ang/ yig char/ de dag tha snyad tshad ma'i ngo na yang log gnyis ka yin par thal/ de dag shes pa tha snyad pa'i ngo na yang dag gang zhig /de dag shes pa tha snyad pa'i ngo na log pa yin pa'i phyir na ma khyab/ ces lam rim las/ tha snyad du 'khrul ba'i tha snyad dang/ shes ba gang la ltos nas phyin ci ma log par bzhag pa'i tha snyad pa'i shes pa gnyis gcig yin na 'gal ba yin yang tha snyad de gnyis ni so so ba yin pas zhes pas bsgrub pa'ang gzugs sogs gang gi ngor log pa'i kun rdzob tu 'jog byed de dag rdzun par rtogs pa'i tshad ma dang/ gang gi ngor yang dag 'jog byed bden 'dzin yin pas/ shes pa gcig gi ngo bor yang log gnyis ka min yang so so la ltos na so sor 'jog tshul yod la/ de las kyang tshad ma'i ngor log pa'i kun rdzob yin pas/ log pa'i kun rdzob tu bsgrub po/ /kho na re/ skabs 'di'i gang gi ngor yang dag 'jog pa'i shes pa la bden 'dzin gyis ma khyab par @149a @#/ /thal/ gzugs kyi rang mtshan la ma 'khrul ba'i mig shes ma 'khrul bar 'dzin pa'i shes pa de de yin pa'i phyir na ma khyab ste/ de bden 'dzin yin pa'i phyir te/ de 'dra'i mig shes ma 'khrul ba dgag bya'i bdag yin pa'i phyir/ der thal/ de yod pa dgag bya'i bdag yin pa'i phyir ro/ /de ma zad snang ba ltar grub par 'dzin pa'ang yin te/ ma 'khrul bar 'dzin pa'i phyir ro/ / des na yig char/ de la snang ba de ltar du grub par 'dzin pa gcig dgos kyi bden 'dzin tsam gyis mi chog pa'i phyir/ zhes pa ltar ro/ /'on kyang thal 'gyur ba'i skabs 'di'i 'jig rten shes ngo'i yang dag gang gi ngor yang dag tu 'jog pa'i shes pa la de mi dgos pa bshad zin pa ltar ro/ /yang kho na re/ skabs 'di'i yang dag 'jog pa'i shes pa la bden 'dzin 'jog par thal/ gang gi ngor yang dag 'jog pa'i shes pa la de 'jog pa'i phyir na ma khyab ste/ rnam bshad las/ bden 'dzin des bzhag pa ni/ rang gi tha snyad du yang mi srid par bzhed pa'i phyir ro/ /zhes gsungs pa'i phyir dang/ de la der rtogs pa'i tshad ma 'jog dgos pa'i phyir ro/ /kho na re/ 'di'i yang log gi mtshan nyid mi mthun par thal/ yul can yang log gang rung la yul can dang/ cig shos @149b la yul kyis ma khyab pa'i phyir zhen ma khyab ste/ yig char/ 'di go ba'i dbang du byas la/ gzhan rtogs sla zhes gsungs pas/ skabs 'di'i yul yin na sogs sbyor dgos pa'i don yin te/ gzhi grub na yul yin pas khyab pa'i phyir dang/ gang zag dang brjod byed kyi sgra sogs yul can du ma yod pa'i phyir/ de la dgongs nas phar phyin mchan du yul can la zhib cha gyis gsungs so/ / bar chad med lam dang sgyu ma lta bu'i gzugs sogs 'jig rten pa'i blo rang dga' ba la mi snang bas 'di'i yul du ma bzhag go /'di'i yul can log pa la skabs 'di'i 'khrul rgyu'i bslad pa dgos kyang 'phral gyi 'khrul rgyus bslad pa mi dgos te/ gtsang bde sogs su 'dzin pa'i blo lhan skyes rnams skabs 'di'i 'khrul rgyu yin pa'i phyir te/ yig char/ /skabs 'di'i 'khrul rgyu'i sogs sgra dang bcas pa legs par nges mi nus pa'i skyon yang med de/ lhan skyes kun btags sam zhes pa nas/ de kho na nyid la mi dpyod pa'i tha snyad dpyod byed kyi 'jig rten pa'i tshad mas rtogs nus kyi 'khrul rgyu de 'jog pa'i phyir/ zhes gsungs pa'i phyir/ don dam bden pa'i skad dod pAr mArtha stya zhes pa'i pA ra mA dgos don mchog gam dam pa dang/ a rtha zag med ye shes kyi rnyed don la byas nas bden pa @150a @#/ /dang/ gsum ga yul la bya yi/ rang rgyud pa ltar mi 'jog ste/ rtsa shes TIk chen las/ gzhan dag dam pa mnyam bzhag zag med ye shes dang/ don dam de'i yul la 'chad ba ltar mi bzhed kyi/ zhes gsungs pa'i phyir/ rnam grangs dang/ rnam grangs ma yin pa'i don dam rang rgyud pa ltar 'jog pas/ zag med ye shes don dam du 'dod do/ /stong thun las/ chos nyid mngon sum du rtogs pa'i ye shes lta bu kun rdzob kyi sgra 'jug gzhi yin kyang sgra bshad gzhi min la/ chos nyid lta bu bden 'dzin lhan skyes kyi ngo na bden kyang/ kun rdzob bden pa yin mi dgos te/ zhes par brten nas phar phyin yig char/ kun rdzob bden pa yin la/ gang gi ngor bden pa'i kun rdzob kyi sgra bshad du med pa kun rdzob bden pa'i sgra bshad du yod la/ de ma yin pa gnyis gsungs nas/ des don dam gnyis la'ang rigs 'dra zhes gnas lugs gsal byed la don dam du byas pa'i don dam gyi sgra bshad du med kyang/ don dam yin pa chos nyid dang/ don dam gyi sgra bshad du yod kyang don dam bden pa ma yin pa zag med ye shes gnyis kyang 'dra/ zhes pa yin la/ stong thun gyi tshig 'di dang phar phyin yig char/ gnas lugs gsal byed yin pa'i phyir/ zhes dang/ phar phyin mchan @150b las/ ye shes dam pa'i don la don dam zhes yul la sbyar ba grags che la/ zhes pa nas/ don dam bden pa rnams gnas lugs su 'jog pa'i yul can la don dam du bshad pa yang zhes gsungs pas 'grub po/ /hal ha bla mas/ don dam rjes mthun pa gnyis la de gnyis kyi sgra bshad yod kyang de gnyis dngos min zhes pa yin zer ba snga ma dang rigs mi 'dra ba'i phyir dang/ yig cha 'dir/ rigs shes rjes dpag gi yul myu gu bden med de yul mthun pa'i don dam dang/ don dam dngos gnas pa dang/ zhes dang/ lam rim las/ spyir don dam dngos min zer ba min no/ /zhes gsungs pa dang 'gal ba'i phyir ro/ /phar phyin yig char/ du mar mi snang ba'i gnyis snang mi rung ba'i phyir/ gsungs pa/ mchan du gnyis snang gi rnam par zhes dang/ zhib cha dgos zhes pa ltar/ yig cha 'dir yang gnyis su snang bar thal/ 'dod pa'i phyir na ma khyab/ 'dod mi nus te/ gcig tu snang ba'i phyir/ gsungs so/ /lam rim las/ tha snyad du 'jog pa'i don rnams tha snyad pa'i tshad mas grub dgos kyang/ rang bzhin yod med tshul bzhin du dpyod pa'i rigs pa'i shes pas ni rnam pa thams cad du mi gnod pa nges par dgos kyi zhes dang/ ci yang yid la mi byed pa dang/ j @151a @#/ /nang ba'i gzhan stong bsgom pas bdag 'dzin la mi gnod par gsungs pa sogs kyis bden med rtogs pa'i shes rab kyis bden 'dzin yod pa la mi gnod pa dang/ bden 'dzin la gnod par gsungs so/ /'jam dpal zhal lung las gsungs/ zhes pa de nyid las/ rta glang dang sgyu ma'i rta glang tha snyad tsam du 'dra bar byas na nas/ kun rdzob la skur pa btab par 'gro zhing/ zhes snang phyogs la rtsis byed dgos par gsungs so/ /de ltar snang phyogs dor na las 'bras la rtsis med pas ngan 'gro'i las bsags te/ bde 'gro tsam yang thob dka' pas bden gnyis ma shes pa'i nyes dmigs la kun rdzob 'jog ma shes na thar pa lta ci smos/ bde 'gro yang mi 'thob pa'i phyir/ gsungs la/ bden gnyis ngo bo gcig la ldog pa tha dad 'jog ma shes na lam la thabs shes zung 'brel sogs 'jog mi shes pas sngags dang sher mdo sogs kyi dgongs pa don smra sde gnyis kyi lugs su bkral tshul med pa dang/ sangs rgyas kyi gzugs phung sdug bden dang bem rig rgyun chad pa sogs byung la/ sems tsam pas/ bden gnyis ngo bo gcig zer kyang/ stong ba rten 'byung gi don du 'jog ma shes pas rigs bden grub sogs bzhag pa snang stong la nye ring byas @151b pas yin la/ rang rgyud pas kyang bden gnyis phan tshun grogs su 'gro bar 'dod kyang ngo bo rang ngos nas so so bar bzhag pas snang bas yod mtha' sel ma nus pas bden gnyis kyi rnam dbye dang sdog pa tha dad sogs ji bzhin 'jog ma shes pas 'khor ba'i rtsa ba ma log par 'khor ba las grol ba sogs bzhag la/ lugs 'di'i bden gnyis kyi rnam dbye la sgra spyi tsam gyi go ba chags na'ang las 'bras la rtsis je cher 'gro zhing/ srid pa hrul por byed par 'gyur/ /zhes pa ltar thar ba'i sa bon khyad par can 'jog pas/ 'dir phan yon dang nyes dmigs gsungs pa'i dgos pa ni de'o/ /rje'i bu chen so so'i bzhed tshul yig cha gzhan rnams kyis spyod 'jug dar Tik dang stong thun gyi tshig zin ltar/ rgyal tshab mkhas grub rnam gnyis kyis bzhed pa yin kyang mi 'thad par byas/ rnam bshad kyi dgongs par byas nas/ ji lta ba rtogs pa'i rnam mkhyen gyis ji lta ba gzigs pa'i gzigs ngor ji lta ba gzigs kyang ji snyed pa ma gzigs/ zhes zhal 'cham pa la phar phyin skabs brgyad pa'i mtha' dpyod du khyed cag gis/ rnam mkhyen gyi ji lta ba gzigs pa'i gzigs ngor ji snyed pa yod med brtsad pa'i don med par thal/ gzigs pa'i gzigs ngor zhes smos ba don chung ba'i phyir/ der thal/ des ji lta ba la gzigs pas gzigs @152a @#/ /blank page @152b blank page @153a @#/ /pas/ de yin na snyoms 'jug dgu sogs la lugs mthun dang lugs mi mthun du 'jug pa'i ye shes yin pas khyab bo/ /sems can gyi rgyud kyi mtshungs ldan gyi sems sems byung lta bu phan tshun snyoms 'jug byed kyang gzhan gyis mi byed pa rtog pa yod pas yin no/ /'dir yab sras gsum bzhed pa mthun tshul dang/ zhi ba lha dang sangs rgyas bskyangs zla ba'i rigs pa drug cu ba'i 'grel ba gsum gyis yang log 'jog tshul dang/ kun rdzob kyi sgra bshad gsum sogs rje'i dgongs pa gsal bar byas pa kun mkhyen kho na'i khyad chos su snang ngo/ /e ma sngon med u taM wa ra'i kha/ lhug par rgod pa ci dgar mi spyod par/ /pad tshal phal par ngal ba'i rkang drug ltar/ /ma byed dal 'byor 'chi ba som la bsgrim// ! /gsum pa gzhan skye bkag pa'i yon tan dang/ bzhi pa rang bzhin gyis skye ba 'gar yang med par bstan pa gnyis/ yig cha 'dir gong du gsungs nas skabs 'dir ma gsungs pa ni/ mtha' dpyad rgyu zur ba med pas yin la/ 'dir 'jug pa'i gzhung nges ched du bsdus don tsam 'god pa la/ de ltar bkag pa'i yon tan ni/ gang phyir myu gu sa bon las gzhan min/ /sogs tshigs rkang bzhis myu gu lta bu sa bon las rang bzhin gyis gzhan @153b min pas 'bras bu'i dus su rgyu zhig ste rgyun chad pa med pas chad mtha' spangs la/ rgyu 'bras rang bzhin gyis gcig min pas 'bras bu'i dus su rgyu zhig nas med pas mi 'jig pa'i rtag mtha' spangs pa'i yon tan dang ldan zhes pa'o/ /'di rang 'grel du rgya cher rol ba'i dgongs par gsungs so/ /bzhi pa la/ rang bzhin gyis yod par 'dod pa dgag pa dang/ de la rtsod spang gnyis/ dang po la/ 'phags pa'i mnyam bzhag dngos po'i 'jig rgyur thal ba/ tha snyad bden pa rigs pa'i dpyad bzod du thal ba/ don dam pa'i skye ba mi khegs par thal ba gsum gyis bkag pa'i dang po ni/ gal te rang gi mtshan nyid brten gyur na/ /sogs tshig rkang bzhis 'phags pa'i mnyam bzhag gis/ dngos po rnams rang mtshan gyis rgyu la rten pa la skur ba btab pa'i tshul gyis med par gzigs pas de'i tshe de dag 'jig pa'i rgyur thal/ de'i sngon du de dag rang mtshan gyis rgyu la brten pa'i phyir/ de'i phyir rang mtshan gyis yod pa min no/ /zhes bkag go/ 'di gsum gyis gtso cher legs ldan bkag kyang/ 'dir rang 'grel las/ dkon brtsegs las/ stong pa nyid kyis chos rnams stong par mi byed sogs drangs pa'i mjug tu/ gang zhig gzhan gyi dbang gi ngo bo khas blangs pa sogs kyis sems tsam pa bkag go /gnyis pa ni/ gang phyir @154a @#/ /dngos po 'di dag rnam dpyad na/ /sogs tshig rkang bzhis/ snga ma la legs ldan gyis mnyam bzhag gis don dam pa'i skye ba med par gzigs pa yin gyi/ rang mtshan gyis skye ba med par gzigs na dngos po skye ba med pas kun rdzob bden pa med par bden pa gcig kho nar 'gyur/ zhes pa la bden pa mi bslu ba gcig las med par mdo las gsungs la/ khyod kyis tha snyad bden pa la bdag gzhan las skye ba'i dpyad pa byed mi rung bar thal/ tha snyad pa la de kho nyid kyi rigs pas dpyad na tshul rol kun rdzob kyi gnas tshul mi rnyed la/ gal te rnyed na rigs pas dpyad bzod du 'gyur ba'i phyir/ zhes bkag bo/ /gsum pa ni/ de nyid skabs su rigs pa gang zhig gis/ /sogs tshig rkang bzhis 'ching grol gyi rgyur sems rang bzhin gyis grub pa yod dgos so zer ba la/ khyod kyis rang bzhin gyis skye ba tshad ma gang gis rnyed par mi 'gyur bar thal/ de kho na nyid la dpyod skabs bdag gzhan las skye ba rigs pa min pa bzhin du tha snyad du yang rigs pa des mi rnyed pa'i phyir/ gal te rnyed na don dam pa'i skye bar 'gyur ro/ /zhes bkag go /'dir rang 'grel las/ slob dpon klu sgrub kyi zhal snga nas kyis/ zhes sogs klu sgrub kyi dgongs pa sems tsam du bkral ba dgag pa ni/ slob dpon @154b chos skyong yin par rnam bshad las gsungs so/ /gnyis pa ni/ dngos po stong pa gzugs brnyan la sogs pa/ /sogs tshig rkang drug gis legs ldan sogs kyis gzugs sogs rang bzhin gyis yod par thal/ rang 'dzin mig shes sogs kyis dmigs pa'i phyir/ zhes rtsod pa la/ gzugs brnyan sogs 'jig rten grags pa'i rdzun pa byad bzhin gyis stong pa las rgyu rkyen tshogs pa'i dbang gis byad bzhin du 'dzin pa'i blo skye ba ltar rang mtshan gyis stong ba'i gzugs sogs las rang 'dzin mig shes sogs skye zhes gsungs so/ 'di gzugs brnyan sogs gzugs kyi skye mched sogs su bzhed pa'i khungs so//! //lnga pa bden pa gnyis char du rang bzhin gyis skye ba bkag pa'i yon tan la rtag chad kyi lta ba spangs sla ba'i yon tan/ las 'bras kyi 'brel ba shin tu 'thad pa'i yon tan gnyis las/ dang po ni/ bden pa sogs kyis dngos po rnams rang bzhin gyis skye ba'i rtag pa dang/ rang bzhin gyis skye nas rang bzhin gyis 'jig pa'i chad mtha' dang bral bar thal/ bden pa gnyis char du rang bzhin gyis med pa'i phyir/ /gsungs so/ /gnyis pa la/ kun gzhi sogs khas blangs mi dgos pa/ las 'gag pa las 'bras bu 'byung ba'i dpe/ de la rtsod pa @155a @#/ /spong pa gsum/ dang po ni/ gang phyir sogs kyis/ gal te smin pa'i dus par du/ /gnas na las de rtag par 'gyur/ /gal te 'gag na 'gag 'gyur bas/ /'bras bu ji ltar skye bar 'gyur/ /zhes gzhan rnams kyis brtsad pa la/ sems tsam pas kun gzhi dang/ bye smra 'gas bu lon gyi dbang rgya 'dra ba'i chud mi zab dang/ la las/ las las skye ba'i thob pa dang/ la las/ rnam shes kyi rgyun sogs bzhag la/ 'dir las 'gag nas yun ring lon kyang 'bras bu 'byung ste/ kun bzhi sogs med kyang/ las zhig pa las 'bras bu 'byung ba'i phyir te/ las rang bzhin gyis mi 'gag pa'i phyir/ gsungs so/ /gnyis pa dpe ni/ rmi lam sogs kyis/ dper na/ rmi lam du bud med yid du 'ong ba mthong nas snang tshe mi lam gyi bud med 'gag pa las blun po chags pa skye ba bzhin/ zhes pa 'o/ /'di rang 'grel du srid pa 'pho ba'i mdos ba sgrubs so/ /gsum pa la gnyis las/ rnam smin thug med du 'byin pa'i rtsod spong ni/ ji ltar sogs kyis/ rang snge 'og ma rnams kyis/ 'o na/ las smin zin pa las kyang slar rnam smin 'byung bar thal/ las rang bzhin gyis zad pa med pa'i phyir/ zhes rtsod pa la/ dper na/ skra shad dang bong bu'i rwa gnyis med par mtshungs @155b kyang rab rib can gyis mig gis snga ma mthong yang phyi ma mi mthong ba bzhin du las smin ma smin gnyis ka rang bzhin gyis med kyang/ smin zin rgyu tshogs ma tshangs pas slar mi smin la/ de bzhin du dge mi dge las kyi rnam smin kyang tha snyad du so sor nges shing/ de dag rang bzhin med par rtogs pa'i blo can rnams 'khor ba las thar bar 'gyur bas/ sangs rgyas kyis/ las kyi rnam par smin pa bsam mi khyab/ / ces lung la ma brten par las 'bras la dpyad pa dgag pa mdzad pa'i phyir/ zhes las 'bras la rtsis byed dgos par gsungs so/ /de la dgongs nas rnam bshad las/ gzhung 'dir de 'dra ba'i sgo mang po nas las 'bras kyi nges pa stor du dogs nas sgo du ma nas las 'bras kyi nges pa skyed thabs mdzad pa 'di shes par gyis la/ stong pa nyid kyi lta ba bas kyang de'i nges pa brtan pa'i grogs byas pa'i steng nas/ da res rin po che'i gling du phyin pa stong log du mi 'gro ba la 'bad par byos shig /ces gdams pa thugs la bcing dgos so/ /rtsod spong gnyis ba kun gzhi gsungs pa'i lung dang 'gal ba'i rtsod spong ni/ kun gzhi yod sogs kyis/ sems tsam pa rnams kyis/ kun gzhi med par las 'bras 'jog na/ lang gshegs sogs las phyi nang gi dngos po thams cad skye ba'i rgyur kun gzhi gsungs pa dang 'gal @156a @#/ /lo/ /zhes pa la/ lan du/ kun gzhi tha snyad du yod pa dang der ma zad gang zag rang skya ba'i rdzas yod dang/ phung po bden par yod par gsungs pa rnams zab don ston pa'i snod du ma gyur pa rnams la/ re zhig las 'bras kyi rten du dgos dbang gis gsungs zhes bstan nas/ dgongs gzhi stong nyid la dgongs zhes 'grel ba'i kha bskang ngo/ /de'i zhar la nyan thos sde pas dgongs te gsungs pa khas mi len pas/ de'i ched du dgongs te gsung pa'i dpe sangs rgyas kyis 'jig lta spangs kyang/ 'jig rten pa la phan phyir nga dang nga'i rdzas zhes gsungs pa bzhin du/ phung po rang bzhin gyis med kyang yod par bstan pa'ang 'jig rten pa'i ched yin pas drang don yin zhes gsungs la/ rang 'grel du nyan thos sde ba rang la grags pa'i shar ri'i sde ba'i lung gis dgongs te rang bzhin med par gsungs pa bsgrubs so/ /'di dag gi skabs su dus gsum 'jog tshul ni/ rtsa shes Tik chen las/ bye brag tu smra ba rnams myu gu la sogs pa re re la dus gsum gsum 'jog pas myu gu ma 'ongs pa dang 'das pa'i dus su yang myu gur yod par 'dod de/ dngos po gzhan la yang de ltar 'dod do/ /zhes pa ltar/ dngos po rang nyid bya ba sogs kyis dus so sor @156b bzhag pa la yod na ci'i phyir ma skyes zhig zhes dgag tshul mdzod ltar la/ dbus mtha' las/ 'bras bu rgyu rnams spyad zin dang/ /de bzhin ma spyad gzhan yin no/ /zhes pa ltar 'bras bu myu gu dang de'i rgyu gnyis kas bya ba byas zin min pas rgyu 'bras gnyis ka ma spyad pa ste/ myu gu ma skyes pa'i cha la ma 'ongs pa dang/ rgyu 'bras de gnyis spyad zin pa ste de gnyis ka ma rang gi bya ba byas nas zhig pa la 'das pa dang/ rang gi rgyu 'gag la 'bras bu myu gu rang nyid ma 'gag pas rgyu spyad zin la 'bras bu spyad ma zin pa da ltar bar 'jog pa dang/ de ltar ba rang gi ngo bo skyes pa dang ma zhig pas 'jog pas gtso bo dang/ gzhan gnyis kyi ngo bo da ltar ba la bltos pas phal ba dang/ dus gsum gang zag la gcig gi rnam pa 'char ba la gzhan gnyis kyang 'char dgos pa tsam 'dra bas/ yig char de ltar 'dod pa la/ bye brag smra ba ma gtogs grub mtha' gzhan gsum mthun la/ zhes dang/ de tsam zhig mdo sems dbu ma pa kun mthun pa'i phyir ro/ /gsungs so/ /'og ma rnams kyis gang zhig ma 'ongs pa myu gu lta bu gang du ma 'ongs pa'i dus der ma skyes pa'i cha tsam yin pas dang/ myu gu zhig pa yang myu gu zhig pa tsam las dngos po gzhan ma thob pa la byed pas gnyis ka med dgag tu 'dod la/ thal 'gyur pas/ myu gu ma 'ongs pa'i sgras kho rang myu gu skye ba'i rkyen ma tshang ba las @157a @#/ /byung ba dang/ rkyen tshang na myu gu skye ba'ang 'phang bas ma 'ongs pa med dgag min pa dang/ dngos por bsgrub te/ tshig gsal las/ de la 'o na ni/ rkyen ma tshang ba ma 'ongs pa mi skye ba la rgyur gnas te/ gal te rkyen ma tshang bar ma gyur na ni de nges par skye bar 'gyur ro/ /zhes gsungs pa'i phyir/ de bzhin du ma 'ongs pa des ma 'ongs pa sogs thams cad rang rang gi rigs 'dra phyi ma de skye ba'i rkyen ma tshang ba las byung bar 'dra bas/ TIk chen las/ ma 'ongs pa'i rigs 'dra ji snyed cig byung yang dngos po gzhan gcig ma skyes pa kho nas sgo nas rang gi ngo bo bzhag dgos pas/ zhes gsungs so/ / zhig pa dngos por sgrub tshul yig char/ rgyas par Tik chen lta dgos gsungs pas/ de ltar na tshig gsal las gsungs pa dang/ rigs pa drug cu ba'i 'grel ba las gsungs pa gnyis las/ dang po la lung gis sgrub pa ni yig cha ltar/ sa bcu pa'i mdo las/ shi ba skye ba'i 'bras bu dang/ 'chi ba ma rig pa'i rgyur gsungs pas/ zhig pa rgyu 'bras gnyis gar sgrub la/ rigs pa dang po skye 'jig 'dus byas kyi mtshan nyid du mi 'thad par thal ba ni/ tshig gsal las/ gang zhig 'jig pa rgyu med pa nyid du khas blangs nas 'dus byas rnams skad cig ma smra ba de'i ltar na/ zhes phyogs snga bkod @157b nas; dngos po rnams chos can/ skad cig ma dang 'dus byas su mi 'gyur bar thal/ de'i mtshan nyid 'jig pa'i bya ba dang bral ba'i phyir/ rtags grub ste/ 'jig pa'i bya ba'i gtso bo zhig pa la rgyu med pa'i phyir; zhes pa de nyid las/ rgyu med pas 'jig pa med pa'i phyir/ dngos po skad cig ma nyid dang/ 'jog pa dang bral ba rnams 'dus byas nyid du'ang 'grub par ga la 'gyur de'i phyir/ de thams cad mi 'jig pa nyid du 'gyur ro/ /zhes dang/ des dngos po 'jig bzhin pa dang/ 'jig pa gnyis kas zhig pa skyed par bsgrub po/ /gang yang rgyu las mi skye bar thal ba'i/ zhig pa dngos po zhig nas med pa'i cha yin pas rgyu med ces pa/ de nyid las/ ci ste 'jig pa zhes bya ba 'di zhes pa nas/ de'i phyir 'jig pa rgyu med pa yin no snyam na/ zhes byung/ 'o na/ thams cad la rgyu med par thal/ dngos po la yang rgyu med pa'i phyir te/ dngos po skyes zin pa rgyus byed rgyu med pa'i phyir/ zhes pa de nyid las/ dngos po thams cad la yang rgyu med par thal bar 'gyur ba ma yin nam/ zhes pa nas/ ci zhig yod de/ skyes zin pa la ni yang bskyed du med do/ /de'i phyir thams cad tu rgyu med par thal bar 'gyur bas 'di ni mi rigs so/ /zhes so/ /de las 'phros te/ sngon po zhig pa dag dod de zhig zin nas rgyus byed rgyu med @158a @#/ /kyang; sngon po gnas rkyen ma tshang bas zhig pa bskyed pa yin zhes pa dang/ rang la ltos te dngos po dang/ sngon po la ltos te dngos med dam zhig pa yin zhes sogs gsungs so/ sngar med gsar skye ba'i rigs pa ni/ myu gu zhig pa rgyu dang bcas par thal/ sngar myu gu'i dus su med pa gsar du byung ba'i phyir/ skye ba sngar med la phyis byung bas rgyu dang bcas pa yin pa bzhin zhes pa de nyid las/ gzhan yang ji ltar sngar med pa'i phyir dang/ phyis yod pa'i phyir/ skye ba rgyu dang bcas pa yin pa de bzhin du 'jig pa yin par 'dod par bya'o/ /zhes so/ /yig char don thob bsgrub pa yin no/ /rigs pa drug cu ba'i 'grel ba'i gsungs tshul ni/ rigs pa drug cu pa las/ rgyu zad nyid las zhi ba ni/ /zad ces bya bar dmigs pa ste/ /zhes pa ltar/ zhig pa rgyus skyed pa 'jig rten grags pas 'grub par thal/ 'jig rten na chu med pas 'bru ba rlag pa dang/ zas med pas bu shi zhes grags pa ltar/ de gnyis zhig pa chu dang zas med pas skyed pa la mi gnod pa'i phyir/ de ltar bya yi 'jig rten pas mthong ba tsam gyis sgrub mi nus te/ yig char/ rgya che chung yod pas zhib cha du ma shes dgos so/ /zhes mi'i gzugs mthong ba la mi de mthong ba tha snyad rang dga' ba yin kyang/ mi'i @158b gzugs mi min pa dang/ gzugs sogs sgyu ma lta bu rang dga' ba la grags pa ltar min kyang/ 'jig rten tha snyad la mi 'gal bar gsungs pa'i phyir ro/ /rigs pa 'dis ma 'ongs pa yang dngos por 'grub ste/ TIk chen las; myu gu skye 'gyur da lta ma skyes pa'i ma 'ongs pa'i rgyu yang rkyen sngar yod zad nas ma tshang ba la bzhed de/ myu gu zhig pa dngos por 'jog pa la ma 'ongs pa la yang 'di 'dra cig bzhed dgos so/ /zhes gsungs ba'i phyir/ dngos po yin na/ skyes la ma 'gag pas khyab kyang/ skyes la ma 'gag pa yin pas ma khyab ste/ myu gu zhig pa de skyes la 'gag pa yin pa'i phyir te/ yig char/ rang nyid skyes la rang nyid ma 'gag na rang nyid skyes la ma 'gag pa yin pas ma khyab pa'i phyir ro/ /zhes gsungs pa'i phyir dang/ de 'gag dgos dang 'gag pa gnyis kar bzhag pa'i phyir ro/ /kho na re/ gang zag gang la da ltar ba'i rnam pa 'char ba la dus gzhan gnyis 'char dgos pa mi 'thad par thal/ @159a @#/ /yig cha thams cad kyis stong thun tshig zin ltar byas nas gtso phal yang ltos mi ltos kyis bzhag pa/ yig char/ brgya ba'i 'grel ba las/ gnyis gnyis la ma ltos par re re med pa'i phyir ro/ /zhes pa dang/ TIk chen las/ de las ma brgal ba'am ma 'das pa la da ltar ba bzhag dgos pas zhes pa drangs nas/ skyes la zhes pas ma 'ongs pa dang/ ma 'gag ces pas 'das pa gcod pa zla ba'i dgongs par gsungs pa ni sngon sus kyang ma thon no/ /brgya ba las/ ma 'ongs bum la da ltar ba'i/ /bum yong ma yin 'das pa med/ /ces pa la brten nas ma 'ongs pa'i bum pa dang/ 'das pa'i bum bzhes gsungs pa/ dbu ma'i zin bris las/ rdza bum gyi rgyu dus su rdza bum min yang dus der bum par grub dgos kyi rdzu bum de ma 'ongs pa'i bum pa yin/ bum pa zhig dus su zhig pa'i bum pa 'das pa'i bum pa yin no/ /srog dbang dang mi ldan pa'i mi med kyang 'das pa'i mi dang shi ba'i mi yod/ ces gsungs pa la/ bum pa zhig dus su zhig pa'i bum pa chos can/ 'das pa dang bum pa gnyis ka yin par thal/ 'dod pa'i phyir/ 'dod na/ bum pa'i 'das pa yin par thal/ 'dod pa'i phyir/ @159b 'dod na/ de dus su bum pa ma zhig par thal/ de de dus su bum pa yin pa'i phyir/ yang de chos can/ 'das pa'i bum pa ma yin par thal/ de ltar ba'i bum pa yin pa'i phyir te/ da ltar ba'i bum pa de bum ba zhig dus su zhig pa'i bum pa yin pa'i phyir te/ de ring gi dus su zhig pa'i kha sang de kha sang yod kyi de ring med pa'i phyir/ zin bris cig shos las/ bum pa de bum pa'i rgyu las skye rgyu'i bum pa yin kyang ma 'ongs pa'i bum pa ma yin la/ ma 'ongs pa'i bum pa gcig 'jog na 'di ltar 'jog dgos te/ zhes pa nas/ shi zin pa'i gnas skabs su shi ba'i mi de 'das pa'i mi la 'jog gam dpyad/ gsungs pas/ snga ma ni dus der 'das pa'i mi dang; ma 'ongs pa'i bum pa 'jog tshul yin la/ phar phyin yig cha sogs su 'das pa'i mi med par gsungs pas/ yig char/ ma 'ongs pa'i bum pa la 'jog pa la 'das pa dang/ da ltar ba'i bum pa gnyis la ltos mi dgos par thal/ gsungs pa bzhi brgya ba rtsa 'grel gyi tshig zin ltar gsungs pa las/ don bum pa'i 'das ma 'ongs la byed de/ brgya ba'i de ni rigs byed pas dus rtag par khas blangs pa la bum pa ma 'ongs pa la bum pa da ltar ba dang 'das pa gnyis yod par thal ba 'phangs pa yin pa'i phyir te/ brgya ba'i dar TIk las/ gal te bum pa zhig pa ma 'ongs pa'i bum pa'i dus der ma 'ongs pa'i ngo bor ma 'ongs pa la yod na 'das @160a @#/ /pa'i bum pa de ma 'ongs par thal/ ma 'ongs pa'i bum pa'i dus su ma 'ongs par ngo bo nyid kyis grub pa'i phyir/ zhes bum pa zhig pa dang/ 'das pa'i bum pa khyad med byas pa'i phyir/ de ring gi dus su ma 'ongs pa yin na/ de ring gi dus su med pas ma khyab ste/ sang nyin skye bzhin pa de de ring gi dus su ma 'ongs pa yin pa'i phyir te/ de rang dus su ma 'ongs pa yin pa'i phyir te/ yig char/ myu gu skye bzhin pa chos can/ nas; rang dus su ma 'ongs pa yin pa'i phyir na ma khyab/ ces gsungs pa'i phyir/ de yin na/ de ring gi dus su yod pas ma khyab ste/ sang nyin de ring gi dus su ma 'ongs pa yin pa'i phyir te/ de rang gi 'bras bu yin pa'i phyir ro/ /dbu ma'i zin bris las/ 'das pa dang de'i dus gnyis mi 'dra gsungs pa/ bum pa 'das pa'i dus yin na/ bum pa 'das pa yin pas ma khyab zhes pa yin gyi/ spyir 'das pa'i dus dang 'das pa sogs yin khyab mnyam yin te/ de'i 'og tu bum pa'i ma 'ongs pa de ma 'ongs pa'i dus dang bum pa da ltar ba'i dus yin no/ /zhes dang/ TIk chen las/ myu gu zhig pa ni myu gu 'das pa'i dus dang/ myu gu ma skyes pa ni myu gu ma 'ongs pa'i dus dang/ myu gu grub nas ma zhig pa ni myu gu da ltar ba'i dus yin pas/ zhes gsungs pa'i phyir/ zin bris der dus gsum gcig gcig la 'gyur du yod par gsungs pas/ @160b sa bon gyi steng gi myu gu skye bzhin pa nus pa tsam yin pas myu gu'i rdzas rgyun dang/ gser bum zhig pa la rgyun gyi rdzas rgyun yod chog gam dpyad/ yang der myu gu'i dngos rgyu'i dus dang/ skad cig dang po'i dus gnyis ka myu gu skye dus la/ skabs bzhi bar bshad pa sku phyogs la zhus pas/ de sgra'i lugs kyi bshad pa red/ byed pa dang bya ba gnyis yod rgyu yin gsungs/ zhes pa/ rgyus de skye ba'i bya ba byed dus dngos rgyu'i dus dang/ myu gu rang gi skye ba'i bya ba byed dus skad cig dang po'i dus yin gsungs pa'o/ /kho na re/ lhas sbyin zhig pa lhas sbyin gyi rang dus su yod par thal/ de 'chi ba dang shi ba de dus su yod pa'i phyir/ khyab ste/ de gnyis de zhig pa yin pa'i phyir te/ yig char/ 'gro ba shi ba ni de zhig pa yin la/ zhes dang/ zhig pa rgyu 'bras gnyis kar lung gis sgrub tshul yod pa'i phyir zer na/ shi ba 'chi srid grub pa nas yod pa srid pa bzhi'i go rim gyis shes la/ mdo las/ 'du byed 'jig par byed pa dang/ /zhes gsungs pa'i phyir/ de dus su zhig pa yod de/ de shi ba grub na shi tshar bas ma khyab pa'i phyir te/ khang pa zhig pa grub na zhig tshar bas ma khyab pa'i phyir; yang de la 'o na/ de dus su lhas sbyin med par thal/ de de'i 'bras bu'i dus yin pa'i phyir te/ zhig pa grub dus yin pa'i phyir/ de la shi ba gang yin min gyi tshe de'i srog dbang 'gag ma thag pa'i shi ba @161a @#/ /de 'jog zer na/ de'i rgyud na skye ba'i rkyen gyis rga shi'o/ /zhes pa'i shi ba gzhi ma grub pa'i phyir te/ de snga ma'i 'phang 'bras yin pa'i phyir/ lhas sbyin 'gag tshad kyang 'chi srid phra mo grub pa nas lus rags pa dor bas de nas yin te/ mi yin pa'i cha dor ba'i phyir te/ mir chags pa mi min tshul yod pa'i phyir/ des na 'jig rten grags pa ltar/ de nas 'di'i shi ba dang/ zhig pa bzhag chog gam dpyad/ zhig pa shi ma thag yang 'jog dgos pas/ shi ba'i rten 'brel dang mi 'dra'o/ /yang kho na re/ mtshan mo rgya mtshor me med pa med dgag ma yin par thal/ chu med pa la de'i phyir na ma khyab ste/ der me med pa gtan med dang/ med tsam la go bas med dgag dang/ 'di'i chu med pa rkyen ma tshang ba la go bas mi 'dra la/ spyir chu med pa la dpyad gzhi cung zad yod de/ /rnam bshad las/ de'i tshe yid kyi shes pa gnyis snang 'khrul ba'i bag chags kyis ma bslad pa'i zag med yin pas/ zhes pa la brten nas bsod grags pas/ mnyam bzhag pa'i rgyud na rtog pa med par gsungs kyang/ yig char/ de'i tshe shes pa mngon gyur pa dang/ zhes gsungs so/ /yig char/ thog med nas bsags pa'i bag chags sgo gzhi la ngar 'dzin lhan skyes kyi dmigs yul dgos gsungs pa/ dgos kyang khyab mtha' @161b bzung ba min te/ 'og tu bag chags bsgo gzhi'i sems rgyud la res 'gar bsgo gzhis khyab par thal/ rnam bshad kyi lung de'i phyir na ma khyab/ ces dang/ gzhan yang/ gang zag gi gdags gzhi'i sems rgyud la thog med nas 'ongs pa med par thal/ thog med nas bag chags bsgos pa'i sems med kyang sems kyi rgyud yod pa'i khyad par mi 'thad pa'i phyir/ zhes dang/ Tik chen las/ de'i shes rgyud bag chags bsgo ba'i gzhi yin pa dang/ de la btags pa'i gang zag bag chags kyi gzhir 'jog pa mi 'gal ba'i phyir ro/ /zhes gsungs pa'i phyir/ yig char/ sems yod kyang sems kyi rgyud med pa'i zhes pa ma dag pa yin te/ khyab ste/ gdags gzhi la de mi srid na btags chos la yang de mi ldan pas khyab pa'i phyir/ zhes gdags gzhi sems rgyud la gtan gyi bag chags bsgo gzhi med na/ de la btags pa'i gang zag yang med dgos pa Tik chen gyi don yin pa'i phyir dang/ rnam shes rgyun chad ma myong ba ma yin par thal ba dang/ zhes rnam shes kyi rigs 'dra rgyun 'chad ma myong bas rgyud dam rgyun la bsgos chog la/ sems gcig thog med nas shes pa yin bzhin par 'ongs pa med pas gtan gyi bsgo gzhir mi rung bar gsungs pa yin pa'i phyir te/ dbu ma'i zin bris las/ sems kyi rgyun la rgyud du byas na thog med nas yod la/ @162a @#/ /thog ma med pa nas da bar du bag chags kyi ngo bor 'pho ma myong ba'i sems zhig skabs 'dir mi 'dod do/ /zhes dang/ la mo blo bzang bkra shis pa'i dbu mar de'i thad du thog med nas bag chags bsgo ba'i sems med kyang sems kyi rgyud yod pa'i khyad par mi 'thad pa'i phyir/ 'dod na/ nam shes rgyun chad ma myong ba ma yin par thal/ zhes gsungs pa'i phyir/ sems can de dang/ de'i rgyud 'tshang rgya nus zer ba de'i steng du de 'dra'i nus pa yod pas yin pa'i phyir ro/ /dbu ma'i zin bris las/ dge mi dge'i lus ngag gi las kyi zhig pa la de'i lus ngag gi rnam par rig byed ma yin pa'i gzugs gnyis 'jog la/ zhes pa/ yig char/ rnam smin ma zad pa'i las dag pa'i zhig pa dge ba/ de ma zad pa'i mi dge ba'i zhig pa mi dge ba yin pa'i phyir/ zhes pa nas/ gnyis ka la yang dge ba'i las lus ngag gi rnam par rig byed ma yin pa'i gzugs yod pa yin pa'i phyir/ zhes sogs kyi dgongs par byas sam snyam la/ de ni dper na zhes gsungs bas lus las lta bu 'gag kyang bag chags mi dge ba yod pa dang/ rig byed 'gag kyang rig min yod par gsungs pa las/ zhig pa las yin na/ las 'gag ces sogs dang e 'grig dpyad/ /rje btsun pa'i dbu mar/ @162b sangs 'phags kyi rgyud la mi dge ba'i las kyi zhig pa med par thal/ mi dge ba'i las kyi zhig pa de mi dge ba'i las skad cig gnyis pa na yod kyi/ de phyin chad med pa'i phyir/ zhes lan 'debs pa'am/ dge ba'i las kyi zhig pa dang mi dge ba'i las kyi zhig pa rim pa bzhin du dge ba dang mi dge bar gsungs pa'i don ni/ rang 'bras rnam smin phyung ma zin pa'i dge ba'i las kyi zhig pa de/ dge ba dang/ de 'dra'i mi dge ba'i las kyi zhig pa mi dge bar gsungs pa yin gyi/ dge mi dge las kyi zhig pa gang yin thams cad dge ba dang/ mi dge bar mi 'jog pa'i phyir/ gsungs pa ltar/ gung rus kyang de'i rgyud la de zhig pa'i phyir/ sogs gsungs nas/ sangs 'phags kyi rgyud la yod par 'dod pa la/ yig char/ shes sgrib la sbyar nas bkag ste/ 'das ma 'ongs su 'jog pa la gtan med dang/ gtan brlag ma yin pa zhig dgos zhes bkag nas/ sangs 'phags kyi rgyud la shes sgrib zhig pa med par gsungs pas mi dge ba'i zhig pa med par 'grub la/ rnam smin phyung zin pa'i dge mi dge ba'i zhig pa lung ma bstan du 'dod pa mi 'thad de/ de ltar na rnam smin thug med du thal ba 'phangs pa la/ rnam par smin zin pa'i las kyi zhig pa lung ma bstan yin pas lan btab na bzang pa'i phyir/ dbu ma'i zin bris las/ rgyun @163a @#/ /gtan brlag min pa zhig dgos zhes pa yang/ dge mi dge sogs dngos po de'i rgyun yod gyi bar du de'i 'das ma 'ongs yod ces bshad kyi/ mar me skad cig tha ma sogs rgyun 'chad kha ma la rang 'bras zhig pa med ces pa lung de'i don du don grub 'dod kyang/ gzhung rnams dang yig cha dang 'gal bas de ltar mi rung ngo/ /shes sgrib skad cig tha ma zhig pa de phyi'i rten 'brel zer na ma gtogs rgyun mtha' ba'i rgyud na med pas na/ de rgyud ldan gyi gang zag la su zhig 'jog /ces gsungs pa legs te/ lus las lta bu 'gag nas bag chags su gyur pa na/ bag chags de'i steng du las de zhig pa'i cha 'jog gi bag chags kyang zad pa na de'i zhig pa 'jog pa'i gzhi med pa'i phyir/ dper na/ khang pa zhig pa'i kyang shul lta bu yod pa na de'i steng du khang pa zhig pa yod kyi/ de'i shul du khang ba gsar ba byas nas shul mi mngon pa na khang ba zhig pa de zhig pa yin pa'i phyir/ don grub kyis/ rgyun 'chad kha ma la rang 'bras zhig pa med zer ba mi 'thad de/ de ltar na mar me skad cig tha ma 'dus byas ma yin par 'gyur ba'i phyir te/ de'i 'jig pa'i bya ba'i gtso bo zhig pa med pa'i phyir/ rigs pa dang po dang 'gal la/ /rje btsun pa'i lan dang po/ mi dge ba'i las zhig pa las de 'gog pa'i @163b skad cig gnyis pa phyin chad med pa mi 'thad par thal/ rtsa bar/ la lar las 'gag yun ring lon nas kyang/ /zhes las 'gag nas yun ring lon kyang/ zhig pas rnam smin 'byin par gsungs pa'i phyir/ de zhig pa'i zhig pa sogs la dgongs zer na/ sangs rgyas kyi rgyud na zhig pa'i zhig pa sogs kyang med par thal/ de mi dge ba yin pa'i phyir ro/ /gnyis pa ltar na sangs rgyas kyi rgyud la rang 'bras rnam smin phyung ma zin pa'i mi dge ba'i zhig pa yod par thal/ de'i rgyud la de zhig pa yin pa'i phyir te/ de'i rgyud la de 'gag pa yin pa'i phyir ro/ /rtags khyab khas/ rnam smin 'byin nges kyi las kyi zhig pa rnam smin phyung kha'i bar du 'jog gi /skad cig ma gcig gi yun tshad can mi dgos so// ! //gnyis pa sems tsam pa'i lugs bye brag tu dgag pa la/ phyi don med pa'i shes pa rang bzhin gyis grub pa dgag /gzhan dbang rang bzhin gyis grub pa'i sgrub byed dgag /sems tsam du gsungs pa'i tsam sgras phyi don mi 'gog tshul dang gsum/ dang po la/ 'dod pa brjod pa dang/ de dgag pa gnyis/ dang po ni/ gzung ba med par 'dzin pa ma mthong zhing/ /nas/ yod dang spros kun yul min rang bzhin yod/ /ces pa'i bar tshig bcad gsum gyis/ byang sar mnyam nyid bcus sa drug par 'jug tshul @164a @#/ /skabs/ sa drug pa bas gzung 'dzin rdzas gzhan med par srid gsum sems kyi bdag nyid du rtogs par gsungs pa kun gzhi'i steng gi kun byang gis bzhag pa'i bag chags smin pa las don snang gi shes pa ma dag pa'i gzhan dbang rang bzhin gyis grub pa 'byung bas de ni kun btags 'dogs pa'i rgyu ste gzhi yin la/ de phyi don med par 'byung ba rang bzhin gyis yod pa/ don dam par sgra rtog gi spros pa'i yul min pa ste/ khyad par gsum dang ldan pa mdo las/ gang la gang med pa sogs kyi don yin zhes sems tsam pa'i 'dod pa brjod nas/ de rgyas par dgag pa/ mjug bsdu ba gnyis byas nas/ dang po la gsum byas te/ dang po la/ sems tsam pa khyod kyis phyi don med par sems rang bzhin gyis yod pa'i dpe gang yin dris pa ni/ phyi rol med sems dpe ni gang du yod/ / ces pa yin pas/ 'di dpe gnyis ka'i dri ba yin no/ /de la sems tsam pas/ dpe dang po rmi lam du khang chung nang du glang chen med kyang/ de mthong ba'i sems rang bzhin gyis skye ba bzhin zhes par/ dpe de ma grub par thal/ rmi lam na sems rang bzhin gyis med pa'i phyir/ zhes par/ phyogs sngas de rang bzhin gyis yod par thal/ sad tshe de dran pa'i phyir zer/ 'o na/ phyi don yang rang @164b bzhin gyis yod par thal/ de yang ngas mthong snyam du dran pa yod pa'i phyir/ zhes de bsam bya/ /nas; de 'dra phyi rol la yang yod pa yin/ /zhes pas dpe des shes pa rang bzhin gyis yod pa mi 'grub par bstan la/ gal te gnyid na sogs bzhis/ gnyid na mig shes med pas yul phyi don med par yid shes kho nas phyi don du zhen pa bzhin sad pa'i tshe yang phyi don snang yang med pa 'dra'o/ / zhes par/ ji ltar khyod kyi sogs lngas/ khyod kyis rmi lam du yul phyi don ma skye ba bzhin du der yid kyang rang bzhin gyis ma skyes par thal/ rmi lam gyi ngo'i mig sogs lnga'i yul dbang rnam shes gsum po thams cad rdzun pa yin pas rang bzhin gyis med pa'i phyir/ zhes dpe phyi don gtan med par mi 'grub ces pa'o/ /'dir rang 'grel du/ legs ldan gyi de la rmi lam du de'i yul chos kyi skye mched pa'i gzugs zhig rang ngos nas yod pa las skye bas/ yul med par shes pa rang bzhin gyis yod pa min/ zhes sems tsam pa la lan btab pa yang/ rmi lam rdzun pa'i dpe ma yin par thal bas bkag go /rmi lam ji lta de bzhin sogs bdun gyis/ yul dbang rnam shes gsum rang bzhin gyis med par thal/ rmi lam bzhin sad skabs kyi dngos po rnams rdzun pa yin pa'i phyir te/ @165a @#/ /'jig rten na tha mal ba'i gnyid sad pa'i ngor yul dbang rnam shes gsum yod pa bzhin/ ma sad pa'i rmi lam gyi shes ngor mig sogs gsum po yod la/ sad pa na med par shes pa ltar de gsum gti mug gi ngor rang bzhin gyis yod kyang gti mug gi gnyid sad pa'i zag med pa'i ngor med pa'i phyir/ rang 'grel du mdo drangs nas rang bzhin med pa'i rdzun par bsgrubs so/ /legs bshad snying po las/ theg bsdus su rmi lam dang/ gzugs brnyan la sogs pa'i rigs pa dang/ zhes pa ltar dpe mang pos bsgrub pa las/ 'dir dpe gnyis dgag pas gzhan kyang 'grub pas/ phyi rol med par shes pa rang bzhin gyis skye bar thal/ rab rib can gyis yod pa ma yin pa'i sgra shad mthong ba'i phyir/ zer ba la/ de 'dra'i blo rang bzhin gyis med par thal/ rab rib can gyi blo ngor sgra shad dang/ de mthong ba'i blo gnyis ka bden la/ rab rib med pa'i blo ngor gnyis ka rdzun pa yin pa'i phyir/ de 'dra'i blo rang bzhin gyis med par thal/ shes bya yul med par blo rang bzhin gyis yod na/ rgyu la mi ltos par yul de la mig gtad pa tsam gyis rab rib med pa'ang sgra shad 'dzag snang gi blo skye bar 'gyur ba'i phyir/ zhes dbang po rab rib bcas pa sogs brgyad kyis thal ba gnyis kyis bkag go /gnyis pa don dgag pa @165b la gsum byas nas/ dang po bag chags smin ma smin gyis don snang gi rnam shes skye mi skye dgag pa ni/ sngar thal ba phyi ma la sems tsam pas rab rib med pa la/ shes bya skra shad med pas de 'dzin pa'i blo mi skye ba ma yin te/ blo de skye ba'i nus pa ma smin pas ma skye ba yin pa'i phyir zhes/ gang phyir mthong ba dag la sogs gsum gyis phyogs snga bkod nas/ nus te med ces pa'i rkang ba gcig gis/ des blo 'di mi 'grub par thal nus pa rang bzhin gyis med pa'i phyir/ zhes mdor bstan/ rang 'grel ltar na/ skyes la nus pa sogs rkang ba gnyis kyis rnam shes da ltar ba la nus pa rang bzhin gyis yod dam/ ma skyes pa 'das ma 'ongs la yod ces dris nas/ da ltar ba la nus pa yod par 'dod na nus pa dang rnam shes dus mnyam pas/ nus pa'i rnam shes 'byung zhes drug sgra byas na rnam shes las rdzas tha dad pa'i rgyu med par 'gyur la/ nus pa las 'byung zhes rnam dbye lnga pa yin na/ rnam shes rgyu nus pa'i dus na yod pas/ des bskyed mi dgos pa'i phyir/ zhes 'grel bas kha bskang ngo/ /rnam shes ma 'ongs pa la nus pa rang bzhin gyis med par thal/ da lta ma 'ongs pa'i rnam shes med pas/ khyad gzhi nus pa yod pa ma yin pa'i phyir te/ khyad chos med par khyad gzhi yod na/ mo gsham gyi bu la'ang nus pa de yod par thal lo/ /zhes khyad par med par sogs rkang ba @166a @#/ /gnyis kyis bkag pa la/ phyogs sngas 'bras 'tshod pa la 'bras can tshos shig dang/ snal ma la ras yug 'thog /ces dang/ mdzod las/ mngal du 'jug pa gsum dag ste/ / 'khor los bsgyur dang zhes 'byung 'gyur gyi 'khor bsgyur la bsams nas de mngal du 'jug gsungs pa ltar/ 'byung 'gyur gyi rnam shes skyed pa'i nus pa la de'i nus pa zhes bsnyad ces/ gal te 'byung bar zhes rkang pa gcig gis nyes spong byas pa la/ nus pa med par zhes pa'i rkang ba gcig gis rang bzhin gyis grub pa'i nus pa med pas de las 'byung 'gyur gyi rnam shes kyang rang bzhin gyis med ces bkag go; ;yang phyogs sngas rnam shes dang nus pa phan tshun ltos pas skyon med ces zer ba la/ 'o na de rang bzhin gyis ma grub par thal/ ltos grub rnams rang bzhin gyis ma grub par dam pa rnams gsungs pa'i phyir zhes/ phan tshun don la zhes pa'i rkang pa gnyis kyis bkag go /'dir 'grel bar rtsa shes dang bzhi brgya pa drangs so/ /gal te 'gag pa'i zhes pa'i rkang ba gcig gis rnam shes 'gag pa'i nus pa smin pas rnam shes phyi ma 'byung zhes phyogs sngas 'dod pa brjod pa la/ dngos po thams cad rgyu yin min kun las skye bar thal/ rang bzhin gyis yod pa gzhan gyi nus pa las 'bras bu gzhan 'byung ba'i phyir te/ rgyun can snga phyi rang bzhin @166b gyis tha dad du yod pa'i phyir/ zhes/ gzhan gyi nus pa sogs rkang pa gsum gyis bkag par/ phyogs sngas skyon de med de/ snga phyi de dag rang bzhin gyis tha dad kyang/ rang bzhin gyis rdzas rgyun tha dad med pa'i phyir/ zhes; gal te der ni sogs rkang pa phyed dang gsum gyis nyes spong gsungs so/ /'di ni gzhan skye 'dod pa rnams kyi nyes spong mthar thug go /khyod kyi rgyun gcig pa 'di rang 'dod kyi dam bca' tsam las ma grub par thal/ rang bzhin gyis tha dad pa la rgyun gcig pa'i go skabs med pa'i phyir te/ byams pa dang/ nyer sbas gnyis bzhin du rang mtshan gyis so so ba la rgyud gcig pa mi rigs pa'i phyir/ zhes 'di ni bsgrub bya zhig / sogs rkang pa phyed dang bdun gyis bkag go /gnyis pa slar yang phyi don med par shes pa yod pa dgag pa la phyogs sngas phyi don gyi dbang po med de/ dbang blo rnams rang skye ba'i nus pa las skye ba'i nus pa las skye zhing nus pa de ldan pa'i cha la dbang po zhes brtags pa'i phyir zhes mig blo skye ba sogs bzhi dang/ phyi don gyi bzung ba yul yang med de/ shing la btags pa'i nor bu'i gzugs chur shar ba na/ der yod par snang ba ltar/ 'jig rten 'di na dbang shes lnga phyi yul med par rang gi sa bon las sngo sogs snang ba 'byung ba ma rtogs par sems la snang ba de phyi don gyi gzung bar zhen pa tsam yin pa'i phyir/ zhes; 'di na dbang po sogs bzhi dang/ rmi lam @167a @#/ /bzhin du sad tshe yang phyi yul med par yid rang bzhin gyis yod ces/ rmi lam na ni sogs bzhi ste tshig bcad gsum gyis 'dod pa brjod nas/ de la 'o na/ long ba la yang sa bon smin pa las sngo sogs snang ba'i blo skye bar thal/ mig sogs med par rmi lam du rang nus smin pa las sngo sogs snang ba'i blo rang bzhin gyis 'byung ba gang zhig /mig med par mtshungs pa'i phyir zhes/ ji ltar mig med sogs bzhi dang/ de la sems tsam pas long ba mi skye ba mig med pas min gyi sa bon ma smin pas yin la/ gnyid kyi rkyen gyis rmi lam na sa bon smin no zhes nyes spong byas pa la/ long ba la sngo sogs mthong ba'i drug pa yid shes kyi nus pa smin pa med pa med pa ltar/ rmi lam na yang med ces bya rigs par thal/ mig med pa sad pa'i long ba la don snang gi nus pa smin pa'i rgyu min pa ltar/ rmi lam du gnyid ni de'i rgyu ma yin pa'i phyir te; rang bzhin gyis yod na rgyu la mi ltos pa'i phyir zhes/ gal te khyod ltar sogs drug gis nyes spong bkag go /'dis long ba'i kun gzhi'i dmigs par gzugs kyi skye mched med par 'grub bo/ /des na rmi lam du sad pa'i skabs lta bu'i gzugs sogs mig gis mthong ba lta bu'i shes pa rdzun pa'i rgyur nus pa rdzun pa khas blang bar rigs par thal/ gnyis ka rang bzhin gyis med pa'i phyir zhes/ de phyir rmi @167b lam sogs gnyis kyis so/ /de'i phyir sems tsam pa 'dis nyes spong gi lan btab pa thams cad rtsa ba'i dam bca' rang bzhin yod phyi don med zer ba dang mtshungs par sgrub byed rnam dag med pas sel byed sla'o/ zhes 'di yis lan ni sogs rkang pa phyed dang gsum byung/ 'dir 'grel bar dpe ma grub pa'i sbyor ba gnyis dang/ rang bzhin med pa dang med pa'i khyad ma phye ba'i sbyor ba gcig gsungs pa rnam bshad du gsal lo/ /sangs rgyas rnams kyis ni/ sogs rkang ba phyed dang gnyis kyis gsum pa sems tsam pa 'gog pa la lung gis mi gnod par ma zad rang bzhin yod par ma bstan zhes 'grel bar lang gshegs kyi lung gis bsgrubs nas/ de'i dgongs pa sems tsam pas gzung 'dzin gnyis stong la byas pa/ de nyid las/ gcig la gcig med pa stong nyid kyi tha shal du gsungs pa dang/ rigs pa ba lang rtar yod pa ma yin pas ba lang yod pa la mi gnod pa ltar/ gzhan dbang phyi don gyis stong ba re bsgom pas 'khor rtsal mi gnod pas bsgrub la/ yab sras 'jal ba'i mdos kyang bsgrub/ gsum pa/ sems tsam pas/ phyi don med par shes pa rang bzhin gyis yod par thal/ rnal 'byor bas bla ma'i man ngag la ltos nas keng rus med par sa gzhi keng rus kyis khyab par mthong ba'i blo skye ba'i phyir zer bar/ rnal 'byor ba yis @168a @#/ /sogs bzhis rnal 'byor bas de mthong tshe yul dbang rnam shes gsum rang bzhin gyis mi skye bar thal/ ting nge 'dzin de log pa ste mos pa yid byed du mdo las gsungs pa'i phyir/ ces dang/ khyod kyi dbang blo'i sogs bzhis/ 'o na; ting nge 'dzin de rdzun par mi 'gyur bar thal/ khyod kyi gar sogs la lta ba'i tshe gcig gis mthong ba cig shes kyis mthong ba ltar/ rnal 'byor bas keng rus mthong tshe/ rnal 'byor ba min pas kyang de la blo gtad na mthong bar 'gyur ba'i phyir te/ rang bzhin gyis grub na man ngag sogs la mi ltos pa'i phyir/ zhes thal ba gnyis kyis bkag nas/ de bzhin du theg bsdus las/ yi dwags dud 'gro mi rnams dang/ /zhes chu klung rnag tu snang ba sogs kyang/ phyi don med par shes pa rang bzhin gyis yod pa'i dper mi rung zhes/ rab rib dang ldan sogs gnyis kyis gsungs so/ /shes bya phyi don rang bzhin gyis med pa bzhin du blo yang rang bzhin med pa shes par gyis/ zhes mdor na sogs gnyis kyis mjug bsdus so/ /rigs tshogs gsungs dus don smra sde gnyis grags che bas de gtso bor dgag la/ zla pa'i dus sa sde dang pra ka ra Na sde brgyad sogs gsungs nas sems tsam pa grags che bas de bye brag tu dgag la/ de yang 'di yan gyis dam bca' dang man gyis sgrub byed gtso bor dgag pas rtsa 'jug bzhi @168b gsum gyi skabs su dgag bya'i khyad par sbyar tshul gal che ste/ de ma shes na rmi lam gyi mi dang mi sogs la bden rdzun med pa sogs 'byung la/ shes na snga rabs pa dang gzhan phyogs pa'i 'dod tshul thams cad 'dir bkag pa'ang shes par 'gyur ro/ /des na 'chad rtsod sogs kyi tshe phyogs sngas nyes spong sogs kyi rigs pa bkod tshul/ de thal 'gyur gnyis dang gsum gyis dgag tshul zhes sa bcad kyi steng nas so sor byas na blor 'jags pa dang zhib cha thon pa la khyad che zhing lta ba la go ba rnam dag skye'o/ ! //bye smra'i lugs la chos kyi skye mched pa'i gzugs lnga mi 'dod dam snyam ste/ rdul phra rab thogs bcas yin pa'i phyir dang/ gzugs kyi dbye ba bcu gcig byas nas thogs med la rig min las ma gsungs pa'i phyir ro/ /des na rmi lam gyi glang po dang/ mi sdug pa'i mos ngo'i keng rus sogs ldan min du 'jog gam/ yang na phyi mas phyi rol gyi yul des khyab par mos pa yin pas spyir gyi keng rus 'jog gam dpyad/ sgyu ma'i rta sogs dbang shes kyi snang ba thogs bcas su 'dod de/ gzugs brnyan me long gi ngos la grub par/ mdzod las/ gzugs brnyan ma grub phyir ba dang/ /sogs rtsa 'grel du gsal ba'i phyir/ rang sde gzhan rnams kyis rdul phra rab rags pa bsil ba las byung bas na bsdus pa las gyur pa'i gzugs dang/ @169a @#/ /yid shes kho na la snang ba'i bar snang skya sengs mngon par skabs yod dang/ rmi lam gyi rta glang dang sa gzhi keng rus kyis khyab par snang ba sogs don dngos la ma grub pas kun btags pa'i dang/ dgra bcom dang dag sa bas dngos su keng rus kyis khyab par sprul pa dbang 'byor ba'i gzugs su bzhag nas de dag gzugs su 'dod kyang/ yang dag par blangs pa las byung ba'i gzugs ni mdo sems rang rgyud pa gsum gyis shes pa la 'jog la/ bye smra dang thal 'gyur bas gzugs su 'dod do/ /sgyu ma'i rta bar ba gsum gyis kun btags pa'i gzugs yin kyang ldan min du 'dod la/ 'dir de gzugs kyi skye mched dang/ kun btags pa'i gzugs gnyis kar 'dod do/ /zad par sogs kyis dngos su sprul nas snang ba thogs med yin la/ des dngos su sprul ba'i chu sogs thogs bcas yin pas dbang 'byor ba'i gzugs la chos khams kyis ma khyab bo/ /dbu ma'i zin bris las/ thal 'gyur ba'i lugs la yid shes rtog pa la bar snang skya sengs snang ba don spyi yang yin la phyi don yang yin/ gzugs brnyan dang gangs ri sngon por snang ba'i dbang shes la/ gangs ri sngon por snang ba gzugs kyi skye mched dang phyi don yin no/ /zhes rmi lam gyi shes pa rtog med kyi snang ba gzugs dang/ rtog pa'i snang ba don spyi 'jog par gsungs pa/ @169b rtog pa la yul de'i don spyi snang ba don spyi dang/ gzugs sogs yul de snang ba yul der 'jog pa'i don yin nam snyam ste/ rtog pa la gzugs su snang tsam po de gzugs su 'jog pa'i phyir ro/ /rdul phra rab kyi kha dog dang dbyibs chos kyi skye mched du gsungs pas/ kha dog la skye mched gnyis dang/ dbyibs la gsum 'jog dgos so/ /legs ldan dang thal 'gyur ba'i lugs la zla gnyis dang/ skra shad du snang ba sogs gzugs kyi skye mched dang/ rang 'dzin mig shes kyi rgyur bzhag la/ sems tsam pas kyang mig shes kyi snang yul du mngon le'u Tikkar gsungs pas/ gzugs kyi skye mched du 'dod dgos la/ sgyu ma'i rta snang ba'i mig shes la de snang ba gzugs kyi skye mched du 'jog dgos pas sgyu ma'i rta min zer ba 'dra'o/ /de la kho na re/ sa gzhi keng rus kyis khyab par snang ba kun btags pa'i gzugs ma yin par thal/ de la dbang 'byor ba'i gzugs yod pa'i phyir na ma khyab ste/ gtso che chung gis yin pa'i phyir te/ stong thun las/ sa gzhi keng rus kyis khyab par snang ba'ang de dang 'dra'o/ /zhes gsungs pas/ 'jug pa'i dngos bstan gyi de/ las dang po pas snang tshul yin pa'i phyir ro/ /dag sa pas dngos su sprul pa'i snang ba de dbang shes kyi yul yin par thal/ de la snang zhing rtogs pa'i phyir na ma khyab ste/ de dang 'og nas 'byung ba'i chu rnag sogs @170a @#/ /kyang kho rang gi kha dog rtogs pa'i stobs kyis phal ba'i mig shes kyis mngon sum du rtogs kyang/ de'i 'dzin stangs kyi yul ma yin pa'i phyir te/ stong thun las/ gzugs brnyan byang bzhin du snang ba rnams ni gzugs kyi skye mched yin te/ dbang shes kyi yul du gyur pa'i gzugs yin pa'i phyir ro/ /zhes gsungs pa'i phyir dang/ dbang shes kyi spyod yul la mthong ba mngon gyur du gsungs pa ltar 'og mas kyang bshad pa'i phyir ro/ /des na bum pa med pa lta bu mig shes kyi shugs yul yin kyang yul min zer ram snyam/ theg bsdus rtsa 'grel sogs la brten nas do ha ba rnams kyis sems kyis gang bzos bzos yin zer ba sngar gyi dgag bya khyab che ba'i 'dod pa de 'dra yin pas/ las 'bras la skur 'debs su 'gyur zhes bkag nas/ de 'dra'i rnam smin ma byung gong du dge bas bzlog thub kyang/ rnam par smin zin pa la sangs rgyas kyis kyang bzlog dka' na zhes gsungs pas/ 'jug pa'i skabs 'dir grub mtha' gong 'og gi las smin tshul bshad pa la brten nas da lta phyi ma'i rnam smin bzlog pa'i thabs la 'bad dgos zhes gdams pa 'di snying la bcing nas thos bsam sogs la 'bad 'tshal/ /mkhas pa stag tshang ba dang/ gung ru rgyan bzang bas/ rab rib dang ldan dbang po can mtshungs pa/ /zhes gsungs pas/ yi dwags @170b kyis chu klung rnag du snang ba dang/ sgra shad snang ba yul yod med mtshungs par bshad pa dang/ nyi shu ba'i 'grel bshad las/ der rnag thig pa 'ga' yang med na/ zhes gsungs pa dang/ rigs pa yang/ de'i tshe mis chu'i steng gi rnag kyang mthong bar thal/ des spyir rnag sogs mthong ba'i phyir/ yang na de'i tshe mis rnag 'og gi chu mi mthong bar thal/ rnag de thogs bcas rags pa yin pa'i phyir/ ma khyab na/ thogs bcas gcig gis rang gi go sar thogs bcas gzhan 'byung ba'i go mi 'gog par thal bas/ chu phor gang la las can gsum gyis ltos tshe bdud rtsi dang rnag dngos gnas la med pas lha dang yi dwags kyi mig shes rang rang gi las kyis bslad pas tshad ma min zer ba rnam bshad dang/ stong thun ltar lung snga ma/ mdor na ji ltar shes bya med de bzhin/ /blo yang med ces pa ltar/ de'i shes pa gnyis rang bzhin med par mtshungs pa'i don dang/ phyi ma la/ sems tsam lugs la gzugs kyi skye mched med par thal/ gzugs sogs skye mched yod par ni/ /zhes de dgongs pa can du gsungs pa'i phyir/ zhes phyi don gyi rnag med pa la gsungs la/ rigs pa la/ 'o na/ de'i tshe mis yi dwags kyi gzugs mthong bar thal ba dang/ de'i 'og gi sa mi mthong bar thal bas bkag nas de dag las dbang gis yin par gsungs/ bum pa'i go sar kho rang gi mchu zhabs @171a @#/ /yod pa ltar/ rtsa ba'i brlan gsher phor gang gi go sar rang gi cha shas kyi chu rnag bdud rtsi gsum yod kyang/ gcig gcig gi go sar med la/ thogs bcas yin na/ rang gi go sar gzugs gzhan 'byung ba la bgegs byed pas ma khyab pa bar do'i lus kyis bsgrub/ las kyis bslad pas tshad ma min na/ 'gro ba gzhan la tshad ma med par thal ba dang/ mi'i mig shes kyang tshad ma min par thal bas bkag nas/ de'i tshe rnag sogs dngos gnas la yod pa mdo dang dpa' bo'i gzhung gis bsgrub cing/ srid pa'i 'khor lo bris pa'i gling gzhir mchog zung gis dmyal ba sogs kyi snang ba gzigs nas 'khor rnams la ston par gsungs pa sogs kyis bsgrub la/ de ltar snang ba'i dbang shes gsum tshad ma yin zer na/ zhes pa pha rol pos don gsum dngos gnas la yod na rtsa ba'i rlan gsher de gsum du thal bas 'gal ba la mi 'khrul ba'i tshad ma yod par 'gyur zer ba de yin pas dngos su khas blangs pa min no/ /de la kho na re/ rang lugs la yang de ltar snang ba'i dbang shes gsum tshad ma yin par thal/ de la tshad ma yod pa'i phyir na ma khyab ste/ de'i cha shas kyi rnag phor gang rtogs pa'i yi dwags kyi mig shes de rtsa ba'i rlan gsher phor gang rnag du snang ba'i blo dang/ de rtogs pa'i blo gnyis ka yin kyang/ rnag tu 'dzin pa'i @171b blo ma yin pa'i phyir te/ dbu ma'i zin bris las/ las can gyi lha mi yi dwags gsum la blta bya thun mong ba'i rlan gsher phor gang po de snang ba min na/ blta bya thun mong bar bshad pa dang 'gal bas/ de'i cha shas kyi chu rnag bdud rtsi phor gsum snang ba dang/ rtogs pa na de 'dra'i blta bya'i phor ba dang/ rlan gsher phor ba gad po de gnyis ka snang ba dang/ rtogs par 'dod dgos te/ zhes gsungs pa'i phyir dang/ min na de la rtsa ba'i rlan gsher phor gang rnag tu mi snang bar thal lo/ /des de rnag tu zhen pa'i log shes 'dren cing/ rtsa ba'i rlan gsher rnag tu 'dzin pa'i mig shes ni/ yi dwags kyis de mthong nas cha shas rnag tu ma skye ba'i skabs der skyes sam dpyad/ dwags po bkras rnam pa dang/ ko ram pas/ las can gyi lha mi yi dwags gsum gyis ltos tshe chu rnag bdud rtsi gsum grub kyang phan tshun las gzugs kyis bsgribs na/ skyes bu gcig gi gzugs la dgra gnyen gnyis kyis bltas tshe yid du 'ong cha gnyis su gnas kyang/ gnyis kas gnyis ka mi mthong ste/ phan tshun las gzugs kyis bsgribs pa'i phyir/ zhes pa rnam 'grel las/ gal te der yang mthong med la/ /zhes sogs kyis bkag pa'i phyir/ zhes smra ba'i lung rigs gnyis 'brel med tshul ni/ rnam 'grel gyi lung de sngon po lta bu nye ring gis gsal mi gsal las/ gzugs @172a @#/ /gsal mi gsal gyis yin par 'dod pa bkag gi/ skyes bu gcig gi gzugs mdzes mi mdzes la rtsod pa ma yin pa'i phyir/ zhes stong thun gyis bkag pa la/ phyogs sngas der de ltar ma bshad pa bden/ kho bo nor yang/ stong thun las/ skyes bu gcig gi gzugs yid du 'ong mi 'ong cha gnyis su gnas par sus kyang gang du'ang khas ma blangs gsungs pa mi 'thad par thal/ rnam 'grel las/ khas blangs na yang zhes phyogs sdas skyes bu gcig gi gzugs la yid du 'ong mi 'ong gnyis yod par khas blangs pa la/ tha dad par ni myong mi 'gyur/ /zhes thal ba 'phang ba la/ phyogs sngas ma mthong sgrib phyir min zhe na/ /zhes pas skyon med de/ de ma mthong ba la gzugs kyis sgrib pa'i phyir/ zhes bshad pa'i phyir zer ba la/ yig char/ khyod kyi lung nor bar ma zad rigs pa'ang nor bar thal/ rnam 'grel kyi lung gong ma/ phyi rol don ni yod na yang/ /zhes sogs kyi skabs su yang mdo sde ba sogs skyes bu gcig gi gzugs mdzes mi mdzes gnyis kar khas ma blangs la/ gzhung gong 'og gang du yang gzugs de las gzugs kyis sgrib par yang ma bshad pa'i phyir/ phyogs sngas yid du 'ong mi 'ong gnyis yod par khas blangs pa la thal ba 'phangs pa mi 'thad par thal/ rang lugs la yang skyes bu gcig gi gzugs la @172b yid du 'ong mi 'ong cha gnyis yod pa tsam dgra gnyen la khyad med par blo kha nang du phyogs na shes pa'i phyir/ 'di'i rtsod tshul TIka chen ltar na/ sems tsam pa'i lugs kyi gzhan rig gi tshad 'bral la mdo sde bas dogs pa gsum bkod pa'i dang po/ sngon po gzhal byar byas tshe/ rang gi bdag nyid du gyur ba'i sngon po rig pa 'bras bur mi 'thad de/ sngon po rang 'dzin mngon sum la phyi rol nas rang gi rnam pa gtod byed kyi de'i rgyu yin pa'i phyir zer ba la/ sems tsam pas mdo sde ba khyod kyis/ phyi don du 'dod pa'i sngo sogs gzhal byar yod na yang/ yul spyi ba ma de yid du 'ong mi 'ong ji ltar nyams su myong ba de/ de ltar nges pa'i dbang shes de'i bdag nyid yin gyi/ yul spyi bam pa rang gi ngo bos phyi rol nas gtad pa'i rnam pa ma yin te/ de yin na yul gcig bu des 'dod mi 'dod gnyis ka'i rnam pa gtad pas de du mar thal ba'i skyon yod pa'i phyir/ zhes rnam 'grel las/ phyi rol don ni yod na yang/ /ji ltar nyams su myong nyid de/ /nges pa'i bdag nyid rang ngo pos/ /ma yin du ma'i bdag skyon phyir/ /zhes pas yul de 'dod mi 'dod du mar thal/ zhes 'phangs pas phyogs snga dang rang lugs gnyis ka'i yid du 'ong mi 'ong gnyis kar khas ma blangs par shes so/ /de la bye brag pas/ de gnyis kar kho bos mi 'dod mod/ gal te gnyis kar khas blangs na yang skyon ci yod @173a @#/ /ces pa/ khas blangs na yang zhes pas bstan/ de la dgra gnyen gyi mig shes gnyis kyis 'dod mi 'dod so sor mi myong bar re re la gnyis ka 'char bar thal/ yul de gnyis kar grub cing rnam pa gtad la/ mig shes de de la ma 'khrul pa'i phyir/ zhes gnyis po dag/ tha dad par ni myong mi 'gyur/ /zhes pas bstan la/ de la pha rol pos re res gnyis ka mthong ba ma yin par thal/ dgra lta bus yid du 'ong ba ma mthong ba las kyis sgrib pa'i phyir/ zhes/ ma mthong sgrib phyir min zhe na/ /zhes pas nyes spong byas pas/ yig char/ ma khyab ste/ de las kyis sgrib pa yin gyi las gzugs la bshad na 'gal bar 'gyur ba'i phyir ro/ /gsungs so/ /de la don gyi dbang gis rtogs mi 'gyur/ /zhes pas yul de phyi rol nas rnam pa gtod pa'i dbang gis rtogs pa ma yin par thal/ yul de gnyis kar gnas kyang las kyis sgrib nas re re las mi mthong ba'i phyir/ gsungs so/ /yang/ du ma'i bdag nyid dngos de la/ /gcig gi bdag tu mthong byed pa/ /ma mthong ba de ci ltar na/ /don mthong byed par 'gyur ba yin/ / zhes pas ma mthong ba'i las des ji ltar phyi rol gyi don de mthong de mthong bar byed par mi 'gyur bar thal/ du ma'i bdag nyid du gnas pa'i yul de yid du 'ong ba lta bu gcig tsam gyi bdag nyid du mthong bar byed pa'i @173b phyir/ gsungs la/ mdo sde ba sogs 'dod mi 'dod du snang ba'i blo rtog pa yin gyi don snang mngon sum min no/ /zhes pa gal te 'dod dang mi 'dod dag /snang ba rtog yin don blo min/ /zhes pas bstan to/ / de la'ang 'chi ltas la sogs pa/ /mtshams sbyor med sems mthong ba yin/ /zhes pas de mi 'thad de/ lha'i khang pa lta bu sngar yid du 'ong bar snang ba 'chi ltas sogs kyis zin tshe yid du 'ong bar mtshams mi sbyor bar yid du mi 'ong bar dbang po'i sems kyis mthong ba'i phyir/ gsungs pas 'di dag ni gzugs gcig po de 'dod mi 'dod gnyis kar khas blangs na mi 'thad par thal ba 'phang ba yin gyi/ dwags po ba sogs ltar yid du 'ong mi 'ong gnyis yod par khas blangs pa la 'phangs pa min par shes so/ /TIk chen las/ khas blangs na yang zhes pa nas/ 'di'i bar mu stegs bye brag pa dag don rang ngos nas blo la snang zhing/ de lta na'ang ma mthong ba chos dang chos ma yin pa'i las kyi dbang gis 'dod mi 'dod nyi tshe bar snang ba yin no/ /zhes smras pa de 'gog pa yin gyi/ rang sde 'gog pa ma yin no/ /zhes gsungs pas/ yig char/ yang gal te/ mdo sde pa na re/ gsungs pa/ mdo sde pas de ltar 'dod pas yin gyi phyogs snga ma min zer ram dpyad la/ phyi rol don ni yod na yang/ /sogs kyis phyogs sngas gtso bo mdo sde pa yin @174a @#/ /par 'di dang thar lam gsal byed gnyis kar gsungs kyang/ spyir phyi don 'dod pa thams cad bkag pa yin no/ /las gzugs kyis sgrib lugs la/ kha cig gis/ ma mthong sgrib phyir min zhe na/ /sogs gzhan smra 'gog skabs las gzugs kyis sngon po sgrib par bye brag pas khas blangs na/ chos grags rtsod pa la mi mkhas par thal/ rjes su snang ba de yang cis mi gsal/ /zhes sogs kyis bsgribs ma bsgribs slar yang dris nas 'gog pa'i phyir zer ba dang/ la las/ las gzugs kyis sngon po lta bu'i yul kho na sgrib zer pa dag mi 'thad tshul bye smra sogs kyi rnam med 'dod pa bkag tshul bshad na shes tshul ni/ rnam 'grel las/ nye ring la sogs khyad par gyis/ /gsal dang mi gsal mi rung ngo/ /zhes pas thag nye ring nas bltas pa'i bum gzugs gsal mi gsal mi rung bar thal/ gnyis kas de rnam med du rig pa'i phyir/ zhes bkag pa la/ phyogs sngas nyes spong drug las/ dang po snang ba'i khyad par gyi nyes spong ni/ gal te snang khyad las de 'gyur/ /zhes bye smras snang ba gsal mi gsal las bum gzugs gsal mi gsal 'byung gi rnam pa las min no zer ba dgag pa ni/ de ni chod dang ma chod dag /mthong ngam mi mthong mtshungs par 'gyur/ /zhes snang bas don bum gzugs lta bu bar chod cing @174b sgrib na thag nye ring gnyis ka nas gsal bar mi mthong bar mtshungs par thal/ sgrib byed kyis sgrib cing rnam med du mtshungs pa'i phyir/ de bzhin du ma chod cing ma sgrib na gnyis ka gsal bar mthong bar mtshungs so/ /zhes thal ba gnyis kyis bkag go /gnyis pa nye ring gi de ni/ gal te snang ba mi gsal bas/ /de cha phra mo 'ga' zhig ni/ /ma mthong de phyir tha dang na/ /zhes pas gal te snang ba sgrib byed min kyang yul thag ring tshe snang ba mi gsal bas yul de'i cha phra mo 'ga' zhig ma mthong ba'i phyir/ nye ring gi yul gsal mi gsal tha dad du snang ngo zer ba la/ phyi rol don gcig mthong ba dang/ /mi mthong tha dad gang las yin/ /phra rdul du ma tha dad mthong mi mthong tha dad gang las yin/ /zhes pas phyi don cha can bum pa lta bu thag nye ring nas lta ba'i tshe gsal bar mthong mi mthong gi khyad par tha dad pa med par thal/ rnam med thug phrad du mthong bar khyad par med pa'i phyir/ yang de'i tshe bum pa'i cha shas phra rdul du ma tha dad du mthong mi mthong ba'i khyad par yang med par thal/ cha shas kyang rnam med thug phrad du snang bas bum pa snang nas cha shas mi snang mi srid pa'i phyir/ zhes bkag go /'di TIk chen du lha dbang blos/ phyi don rags pa cha med dang phra ba cha med bkag pa'i sgo nas phyi don 'gog pa'i rigs par byas pa mi 'thad par gsungs pas/ thar lam gsal byed las/ phyi don cha med bkag pas cha bcas @175a @#/ /kyang khegs par 'gyur bas zhes phyi don 'gog byed la sbyar ba lha dbang blo ltar yin te/ gong du phyi rol gyi don khas blangs pa dang don khas blangs pa dang don khas ma blangs pa'i gzhung gi gcod mtshams 'di dag ni lha dbang blo'i 'grel bas gsal bar phye ba bzhin tu bkod do/ /zhes dang/ TIka chen las/ mdo sde pas/ sngon po rags ba'i cha med gcig yin pa dang/ phra ba'i cha med du ma gnyis ka rang lugs kyi rigs pa yang dag gis khegs pa'i phyir dang/ bye brag smra ba yang/ sngon po de gnyis gang du yang mi 'dod pa'i phyir/ zhes don pa'i phyir/ zhes don smra gnyis kyis de mi 'dod par gsungs pa'i phyir ro/ /gsum pa snang ba gsal mi gsal gyis nyes spong ni/ gal te snang ba gsal mi gsal/ /khyad par gyis blo tha dad na/ /zhes pa dang po ltar la/ de la/ gzhan tha dad pas tha dad med/ /gang las tha dad snang bar 'gyur/ /snang ba de yang cis mi gsal/ /zhes pas snang ba'i khyad par gang las bum gzugs gsal mi gsal tha dad du snang bar mi 'gyur bar thal/ snang ba dang bum pa 'brel med don gzhan yin pas/ 'brel med kyi chos gzhan tha dad pas gzhan tha dad du 'gyur ba med pa'i phyir/ zhes bkag nas/ snang ba de yang thag ring ba'i tshe cis mi gsal/ zhes dris par/ bzhi pa sgrib rdul gyi khyad par gyis nyes spong ni/ sgrib phyir zhes du ba dang khug sna sogs kyi rdul gyis @175b snang ba'i rdul bsgrib pa'i phyir snang ba mi gsal ba yin no zer ba la/ de 'dir cis ma yin/ /zhes pas so/ /'o na de dag gis thag nye 'dir snang rdul sgrib byed ces ma yin/ zhes dris par/ bsrabs phyir zhes pas thag nye tshe bar gyi sgrib brdul srab cing nyung ba'i phyir zer ba la/ snang ba de lta nyid/ /gzhan du bsrabs min yod pa nyid/ /ces pas thag nye tshe snang ba'i rdul yang srab cing nyung ba de lta nyid du thal/ sgrib rdul srab pa dang rgyu mtshan mtshungs pa'i phyir/ 'dod na/ thag nye tshe snang ba ches mi gsal bar thal lo/ /yang gzhan thag ring por lta ba'i tshe snang rdul srab min mang po yod par thal/ sgrib rdul la de'i phyir/ 'dod na/ thag ring tshe snang ba ches gsal bar thal lo/ /zhes rgyu mtshan mtshungs pa 'go snyoms kyis bkag par/ pha rol pos gsal mi gsal thag nye rang gis yin zer bar/ shin tu nye la snang ba ni/ /cher gsal de yang snang bar 'gyur/ /zhes pas rdzi ma de yang mig shes la gsal bar snang bar thal/ de mig la shin tu nye bas snang ba cher gsal dgos pa'i phyir/ zhes bkag pas/ kha cig dang pos snang ba de yang cis mi gsal zhes sogs las gzugs la sbyar ba 'khrul bar shes so/ /lnga pa las gzugs khyad par gyis nyes spong ni/ gal te der yang mthong med la/ /brten nas gzugs su gzhan 'gyur na/ /zhes pas bum pa lta @176a @#/ /bu la nye ring nas lta ba'i tshe der lus dang dbang po'i bar du mthong med kyi las la brten nas de'i rnam smin gyi las gzugs gsal mi gsal gzhan 'byung ba mthong bas yin gyi/ rnam pas min no zer ba la/ des mi 'thad par thal/ las gzugs gsal mi gsal de dag phan tshun sgrib pa yang ma yin/ mi sgrib pa yang ma yin pa'i phyir/ zhes 'phang bar/ de dag rnams ni phan tshun du/ /sgrib 'gyur zhes rtags la lan 'debs na/ de la de phyir snang ba ni/ /sgrib byed de la gcig snang 'gyur/ /zhes pas nye ring nas blta ba'i skyes bu de gnyis ka la mi gsal ba'i las gzugs gcig bu snang bar thal/ nye ba'i skyes bu de la yang las gzugs mi gsal ba de mdun du gnas nas las gzugs gsal ba sgrib par byed pa'i phyir/ yang na gsal ba gcig bu snang bar thal/ des cig shos sgrib pa'i phyir zhes bkag la/ de mi sgrib na zhes phan tshun mi sgrib ces rtags lan byed na/ de la cig char ni/ /gsal dang mi gsal rang bzhin dag /mthong 'gyur zhes pas thag nye ring gang nas ltas kyang/ cig char las gzugs gsal mi gsal gnyis ka'i rang bzhin dag mthong bar thal/ gnyis kas gnyis ka ma sgrib par mthong rung du yod pa'i phyir/ de ni thar lam gsal byed dang yig cha'i gsungs tshul yin la/ Tik chen las/ de lta na sngon po dang las @176b gzugs de dag rnams ni phan tshun du bsgrib byed du 'gyur zhing/ zhes pa nas/ las gzugs gcig bu snang bar 'gyur gyi/ sngon po snang mi srid par 'gyur ro/ /zhes dang/ cig car du gsal ba'i rang bzhin gyi las gzugs dang/ sdon po so sor mthong bar 'gyur zhing/ nas/ de ltar so sor ma mthong ba'i phyir mi 'thad do/ zhes sngon po dang las gzugs phan tshun sgrib ma sgrib la sbyar nas/ de yang 'di ltar bye brag pa/ /gal te der yang mthong med la/ /brten nas gzugs gzhan 'byung 'gyur na/ /zhes smras pa'i don ni/ thag nye ba'i tshe las gzugs gsal ba gzhan 'byung la/ thag ring ba'i tshe las gzugs mi gsal ba gzhan yul dbang bar du 'byung ngo/ /zhes smras kyi thag nye ring nas blta ba gnyis ka'i tshe'ang yul dbang bar du las gzugs gnyis ka 'byung bar ma smos so/ /des na phyogs snga ma smra ba po'i 'dod pa de ltar yin pa la las gzugs gnyis phan tshun bsgribs sam ma sgribs zhes 'dri ba ni/ 'brel med gyi dri ba yin no/ /zhes sogs kyis snga ma rgyas par bkag go /yig char/ de ltar na las gzugs kyang yul sgrib par ma bshad pas zhes pha rol pos thar lam gsal byed sogs ltar 'dod pas/ de ltar bkod ces/ de ltar na zhes pas tshig gi nus pa 'don rgyu yod dam dpyad la/ gang ltar yang bye smra dang bye brag pa dag gis las gzugs gsal ba yul gsal ba mthong @177a @#/ /byed dang/ las gzugs mi gsal ba yul mi gsal ba mthong byed du 'dod kyi/ sgrib byed du mi 'dod pas/ yig char/ las gzugs gsal mi gsal gnyis ka yang sdon po'am bum pa mthong byed yin pa'i phyir/ zhes yul kho na sgrib par 'dod pa dgag tshul 'dis shes so/ /drug pa mthong med las kyi nyes spong ni/ mthong med kyis gcig sgrib/ /ces pa thar lam gsal byed ltar na/ thag nye ring lta bu'i tshe las gzugs gnyis ka mi mthong ba mthong med las dge mi dge las kyis sgrib nas nye tshe mi gsal ba dang/ ring tshe gsal ba mi mthong zer ba la/ gang gis don dang don min med/ /de la ma mthong bas ci byed/ /ces pas skyes bu de gnyis la ma mthong ba'i las kyis yul gsal mi gsal so sor mthong ba'i bya ba mi byed par thal/ las de'i byed pa gang gis de'i don yul la phan pa dang/ yul min pa la gnod pa med pa'i phyir/ zhes bkag go /nyes spong dang po dang gsum pa gnyis 'dra yang/ 'gog byed kyi rigs pa mi 'dra bas yin no/ /gsum pa grub don ni/ de phyir don rten skyes 'gyur ba'i/ myong ba ji lta'i rgyu bzhin du/ /rnam pa tha dad 'dzin byed de/ /lhag ma blo ngan lugs ngan yin/ /zhes pas ji skad bshad pa de'i phyir phyi don la brten nas skyes pa'i myong ba dbang shes rnams nye ring sogs ji ltar yod pa'i rgyu @177b bzhin du yul gsal mi gsal sogs kyi rnam pa tha dad par 'dzin par byed de lhag ma rnam med du 'dod pa ni/ blo gros ngan pas kun nas slang ba'i lugs ngan pa yin pa'i phyir/ gsungs so/ /yig char/ rnam 'grel gyi gzhung gong 'og gnyis rdzogs par drangs nas gsungs pa ni/ stong thun las/ skyes bu gcig gi gzugs yid du 'ong mi 'ong cha gnyis su gnas par sus kyang gang du'ang khas ma blangs shing sogs kyi dgongs pa gsal bar byas pa yin no/ /bye smra dang bye brag pa'i 'dod pa'i las gzugs ni/ las can gyi lha la yul dbang gis bar du dge ba'i las dbang gis bdud rtsi mthong byed kyi rnam smin gyi gzugs can gsal ba zhig skyes pa des bdud rtsi mthong par byed cing/ rnag sogs mthong mi 'os pa sgrib par 'dod la/ chos grags kyis de 'dra'i bar du las gzugs skyes pa bkag gi de'i tshe rnag yod pa lta bu ma bkag pas go bo sogs kyis phyogs tsam yang ma mthong gsungs so/ /des na rang lugs la las gzugs khas mi len pa 'dra'o/ /'di yan gyis rags pa'i gnas la 'khrul ba bcad nas/ /phra ba'i gnas la 'khrul ba sel tshul/ las can gyi lha mi yi dwags gsum gyis rtsa ba'i brlan gsher phor gang la cig car du ltas tshe rtsa ba'i rlan gsher phor gang gi go sar dus gcig tu rtsa ba'i rlan gsher phor gang dang tshad mtshungs kyi chu rnag bdud rtsi phor ba gsum med pa stong thun gyi don dang/ de'i tshe rtsa ba'i rlan @178a @#/ /gsher phor gang gi go sa na dus gcig tu de'i cha shas kyi chu rnag bdud rtsi phor ba gsum yod kyang dus mnyam du gcig gcig gi go sa na med pa dus 'khor TIk chen gyi don yin la der stong thun du bshad zin par yang gsungs pas/ kha cig gis/ mkhas grub rje TIk chen rtsom dus dam bca' 'gyur song zer ba mi 'thad do/ /rtsa ba'i rlan gsher phor gang gi go sa na tshad mtshungs kyi chu rnag bdud rtsi phor ba gsum yod de/ tshad mtshungs kyi de gsum gyis phor ba gcig bkang chog pa'i phyir dang/ de gsum gyi las dbang gis tshad mtshungs kyi/ de gsum dus gcig du grub chog pa'i phyir/ de'i go sa na rtsa ba'i rlan gsher phor gang dang tshad mtshungs pa'i chu rnag bdud rtsi phor ba gsum yang yod de/ de gsum so so'i longs spyod du dgos thob byas dus de yod pa'i phyir te/ thun mong du spyod tshe med kyang so sor spyod tshe yod pa'i phyir/ des na de'i cha shas kyi chu rnag bdud gyi phor ba gsum yang gcig gcig gi go sa na yod de/ dus gcig tu med kyang rim can du yod pa'i phyir ro/ /'o na chu bo gangga'i go sa na'ang gangga dang tshad mtshungs pa'i chu rnag bdud rtsi'i klung gsum yod par thal/ rlan gsher phor gang la de'i phyir na ma khyab ste/ de'i cha thams cad rnag tu 'gyur ba mi srid pa'i phyir ro/ /de bzhin du cha can lhun po gcig gi go sar dus 'khor gyi lhun po zlum po dang/ mngon pa'i lhun po gru bzhi gnyis yod pa'i @178b dper/ dgra bcom dang byang sems dbang thob pas phug pa khru lnga'i nang du 'khor bsgyur dpung dang bcas shong ba dang/ phug pa cher skyed mi dgos pa dus 'khor 'grel chen sogs las gsungs pa/ mkhas grub rin po che'i byang rnam grags pa'i dris lan las/ rnal 'byor ba'i rdzu 'phrul dang/ 'jig rten pa'i las gyi mthu gnyis nus pa bsam gyis khyab mi khyab gyi rnam dbye sangs rgyas kyis kyang dbye bar ga la nus gsungs pa ltar/ bsam gyis mi khyab pa'i dpe yin gyi/ cha can lhun po gcig gi go sar lhun po de gnyis shong kyang/ phug pa khru lnga'i nang du 'khor bsgyur dpung bcas mi shong zer dgos te/ shong na sngar ring song skabs ltar 'jig rten gyi rnam bzhag 'jig pa'i phyir/ de la phug pa khru lnga'i nang du 'khor bsgyur dpung bcas shong bar thal/ 'khor bsgyur dpung bcas der yod pa'i phyir te/ mi la g.yag rwa'i phug na yod pa'i phyir na ma khyab zer ram/ dbang thob pa dang zung 'jug gi yon tan yin pas skur 'debs su mi 'gyur ba gal che'o/ /kho na re/ dus 'khor lugs kyi lhun po zlum po dang/ mdzod kyi lhun po gru bzhi yin par thal/ 'dod pa'i phyir na ma khyab ste/ dus 'khor nas lhun po sogs 'jig rten gyi khams kyi tshad gzhal du med par gong gi dpe'i sgo nas gsungs pa'i phyir/ 'o na/ mdzod kyi lhun po la grub bzhis ma khyab par thal/ dus 'khor la de'i phyir na ma khyab ste/ yig char/ des na mngon pa mdzod @179a @#/ /kyi bye smra'i lugs la lhun po gnyis de ltar mi rung yang/ theg chen skabs dus 'khor lugs la lhun po gnyis de ltar mi 'dod pa ni dpe don gsal bar bshad pa dang dngos 'gal du shes par gyis zhes gsungs pa'i phyir/ des na mdzod lugs la lhun po zlum po med zer dgos pa 'dra'o/ /phug pa khru lnga'i nang du gnas pa'i 'khor bsgyur de la phug pa khru lnga'i tshad snang mi snang dpyad dgos te/ skad cig bskal bar byin gyis rlabs pa na gdul bya de la bskal ba snang gi skad cig mi snang ba'i phyir/ byin gyis rlob pa bo la gnyis ka snang ngo/ /'o na; las can gyi lha mi la'ang yi dwags kyi longs spyod bya'i rnag snang bar thal/ de la dbang thob pa'i sems dpa' yod pa'i phyir na rtags ma grub ste/ 'di'i las can ni phal ba'i dbang du byas pa'i phyir te/ phal ba'i las kyi nus pa bshad skabs yin pa'i phyir ro/ /phra ba'i gnas la 'khrul pa phra ba ni/ rje drung pas tsha ba'i reg bya yin na/ tsha reg yin pas ma khyab ste/ lcags gong me 'bar ba'i steng gi grang reg de tsha ba'i reg bya yin kyang/ tsha reg ma yin pa'i phyir/ de tsha ba'i reg bya yin te/ lcags gong dmar 'bar ba'i reg bya yin pa'i phyir/ zhes pa ltar rje btsun pas kyang gsungs la/ yig char/ de 'dra'i grang reg chos can/ tsha ba'i reg byar thal/ me'i reg bya yin pa'i phyir na ma khyab ces/ tsha ba'i reg bya dang me'i reg bya la khyad par phye @179b nas bkag pa ni/ rnam 'grel sogs las me'i rang bzhin la tsha ba gsal ba dmar 'bar ba gsum gsungs pa dang mthun te/ de 'dra'i lcags gong dmar 'bar ba'i kha dog de me'i kha dog yin pa gang zhig /des na de'i ro reg dag kyang me'i ro reg yin dgos pa'i phyir/ 'og nas 'byung ba ltar lcags gong dmar 'bar ba'i cha kun la de 'dra'i sngags btab na tsha ba'i reg bya thams cad grang reg tu bsgyur bas de la tsha ba'i reg bya med la/ lag pa tsam la btab na des gang la reg pa'i cha de la reg bzhin pa'i skabs su tsha ba'i reg bya med pa'i phyir te/ de'i tshe bsreg pa'i reg bya med pa'i phyir/ pha rol pos de'i tshe lcags gong dmar 'bar ba de me yin pas tsha ba yin la/ de'i reg bya yin pas tsha ba'i reg bya yin la/ reg bya des lag pa sogs mi sreg pas tsha reg min snyam pa yin te/ yig cha rnying bar/ des na tsha zhing sreg pa de'i reg bya dang/ grang reg gi gzhi mthun yod de/ /me'i reg bya dang grang reg gi gzhi mthun yod pa'i phyir/ tsha zhing sreg pa'i reg bya dang grang reg gi gzhi mthun med de/ tsha ba'i reg bya dang grang reg gi gzhi mthun yang med/ sreg pa'i reg bya dang grang reg gi gzhi mthun yang med pa'i phyir/ zhes lcags dmar 'bar ba de tsha ba yin pa'i dbang du byas nas bkag pa'i phyir/ rang lugs la sngags kyis btab pa'i cha de'i tsha ba nyams par byas pas tsha ba ma yin no/ /yig char/ de 'dra'i grang reg chos can/ @180a @#/ /grang ba ma yin par thal/ tsha ba yin pa'i phyir/ rtags song/ der thal/ me'i khams yin pa'i phyir/ gsungs pa/ lag pa tsam la sngags btab nas reg pa'i cha'i grang reg yin nam snyam ste/ de lag pas reg pa dang bral ba na tsha bar 'gyur bar phyogs sngas kyang 'dod pa'i phyir ro/ /'di dag gis bsod grags pas/ me'i reg bya yin na/ tsha ba'i reg bya yin dgos pa'i phyir te/ me yin na/ tsha zhing sreg pa yin dgos gsungs nas/ rnam bshad las/ lus shes kyis lcags de'i reg bya 'dzin kyang/ zhes pa'i don skyes bu de'i lus shes kyis myong ba'i lcags gong rang mtshan pa'i reg pa'i reg bya de rang rgyu lcags gong dmar 'bar ba'i reg bya las byung ba la dgongs kyi des lcags gong dmar 'bar ba'i reg bya ma myong zer ba'ang khegs so/ /de la kho na re/ me la tsha bas ma khyab par thal/ me'i reg bya la tsha ba'i reg byas ma khyab pa'i phyir na ma khyab ste/ dbu ma'i zin bris las/ de 'dra'i me chos can/ tsha zhing sreg pa yin par thal/ me yin pa'i phyir na/ rigs sngags kyi nus pa bsam gyis mi khyab pa yin pas na/ skyon can gyi lan 'debs/ zhes dang/ yig char/ de 'dra spyir btang la med kyang rigs sngags kyis de ltar byas pa yod pas na gsang sngags kyi nus mthu bsam gyis mi khyab par bshad pa'i phyir/ zhes dang/ 'o na me'i byed las la sreg pa'i byed las dang/ @180b smin par byed pa'i byed las dang/ mi sreg par dro bar byed pa'i byed las sogs du ma med par thal/ gzhi de la sreg pa'i bya ba med na gzhi de la me'i byed las mi ldan pas khyab pa'i phyir/ zhes gsungs pa'i phyir/ spro bya mang yang yi ge mang dogs so/ /mdzod mtha' dpyod las/ thig nag po 'debs mkhan sogs mdo sde pas 'byung bzhi'i khyad par la 'dod/ bye smras gang zag tu 'dod kyang/ mdo sde pa ltar dbu sems kyang 'dod la/ dmyal ba'i gshin rje ni gang zag tu thams cad kyis 'dod pa'i phyir/ gsungs pas dmyal srung rnams gzugs yin no/ /sangs rgyas byang sems sogs kyi dbang gi 'bras bus sems can gzhan gyi las ngan pa'i 'bras bu rims sogs bzlog pa longs spyod thob pa sogs 'byung ba yang/ sems can de dag gis dad pa dang/ tshogs bsags pa sogs rgyu bsgrub pa dgos te/ rtog ge 'bar ba las/ byang chub sems dpa'i smon lam las yongs su gyur pa'i nor gyi char bab par gyur kyang/ dge ba'i rtsa ba ma bsags pa'i sems can rnams kyi khams rnams la 'bab par mi 'gyur te/ nam mkha' nyid du med par 'gyur ba'am/ thog la sogs pa'i ngo bor gyur nas 'bab par 'gyur te/ zhes gsungs pa'i phyir/ 'di dag la brten nas kha phyir ltos su ma song ba'i thos bsam gsha' ma zhig byed dgos so// ! //gnyis pa @181a @#/ /gzhan dbang rang mtshan gyis grub pa'i sgrub byed dgag pa la bzhi/ dang po de'i sgrub byed rang rig dgag pa la/ dang po sgrub byed dris pa ni/ gal te gzung med 'dzin pa nyid bral zhing/ /sogs tshigs bcad gcig gis gzung 'dzin gnyis stong gi gzhan dbang rang bzhin gyis yod par gang gis shes te/ rang gis rang mi rig pa gtsug na rin chen gyi mdo ltar/ ral gris rang mi gcod pa sogs dpe lngas shes la/ rang dang rdzas tha dad pas shes na rnam rig tsam smra ba'i grub mtha' dang 'gal ba'i phyir/ des na tshad mas ma bzung bar yod ces byar mi rung ngo/ /zhes dris pa na/ rnam 'grel rjes 'brang sems tsam pas rang rig gis grub bo/ /zer ba la/ gnyis pa dgag pa'i rigs pa mdor bstan pa ni/ de nyid kyis de zhes sogs rkang pa gcig gis rang rig kho rang ma grub pas des de myong ba mi 'thad do/ /zhes bkag pa la/ sems tsam pa des mdo sde ba'i phyogs bzung nas mar mes rang dang yul gnyis ka gsal ba dang/ bum pa brjod pa'i sgras rang dang don gnyis ka 'dzin byed skyed pa bzhin rnam shes skye ba na'ang rang dang yul gnyis ka gsal dgos zhes dpe gnyis dang/ phyis yul can dran pa'i rtags kyis rang dus na rang myong byed yod par bsgrubs nas/ rang dus sam rang gi mjug thogs su myong byed rdzas gzhan skye na/ myong byed thug med dang/ phyi rol gyi yul mi gcod @181b bar thal ba gnyis kyis bkag cing/ zhar la sna tshogs rim 'byung ba'i 'dod pa'ang bkod nas rang rig bsgrub tshul rnam 'grel ltar rang 'grel du gsungs nas de rgyas par dgag pa la rigs pa bzhi las/ dang po sgrub byed bsgrub bya dang mtshungs pa ni/ gal te phyi dus sogs rkang pa gsum gyis rang bzhin gyis grub pa'i dran pa ma grub pas de sgrub byed du mi rung ba dang/ tha snyad du rang rig gi 'bras bu yul can yan gar ba dran pa med pas des de bsgrub pa mig shes kyi gzung byas sgra mi rtag par bsgrub pa bzhin/ zhes dang/ gnyis pa rang rig grub tu chug kyang rang mtshan gyis gzhan la dran pa mi rung ba ni/ rang rig pa ni grub la sogs bzhis dran pas myong ba snga ma dran mi srid par thal/ de gnyis rang bzhin gyis gzhan yin pa'i phyir/ dper na/ nyer sbas kyis rang gis ma shes pa byams pas myong ba mi dran pa bzhin no/ /gtan tshigs 'dis rang bzhin gyis khyad par kun 'joms zhes dang/ gsum pa rang rig med kyang dran pa skye tshul ni/ gang phyir gang gis sogs bzhis rang rig med kyang sngar mig shes kyis yul mthong ba'i stobs kyis ngas yul 'di mthong snyam du yul yul can sbrags nas dran te/ yul myong dran pa rang bzhin gyis grub pa'am yul las gzhan yul can yan gar pa dran pa dbu ma pa'i lugs la med pa'i phyir dang/ de ltar dran pa 'jig rten gyi tshul lugs yin pa'i phyir/ zhes dang/ bzhi pa bya byed gcig tu thal @182a @#/ /pa ni/ de phyir rang rig sogs bzhis sems tsam pa khyod kyis gzhan dbang 'dzin byed rang rig med par thal/ de yod na bya byed las gsum gcig tu thal ba'i phyir te/ rang bzhin gyis rdzas gcig na gcig yin dgos pa'i phyir ro/ /zhes dang/ 'dir rang 'grel las/ lang gshegs las/ ji ltar ral gris rang gi so/ /sogs drangs nas lung gis kyang bsgrubs so/ /gsum pa gzhan dbang rang bzhin gyis grub pa mo gsham bu dang mtshungs pa ni/ gal te skye ba med cing sogs bzhis/ sems tsam pa khyod la mo gsham bus gnod pa ci zhig byas nas med par 'dod de yod par 'dod rigs par thal/ gzhan dbang mtha' gzhir skye ba med cing rang ngos nas tshad mas ma grub pa'i bdag nyid can rang bzhin gyis yod par 'dod pa'i phyir/ zhes dang/ gnyis pa sems tsam pa'i lugs bden gnyis las nyams par bstan pa ni/ gang tshe gzhan dbang sogs rkang pa gnyis kyis gzhan dbang rang bzhin gyis med pas/ kun rdzob pa kun btags kyi rgyu'am bdags gzhir rang mtshan gyis med ces rang ngos nas grub pas don dam las nyams pa dang/ gzhan gyi ltar na sogs gnyis kyis phyi rol med na 'gro 'dug sogs bya ba mi rung bas kun rdzob bden pa las nyams te/ gzhan dbang bden grub la chags pas de dag brlag pa'i phyir/ zhes dang/ gsum pa des @182b na klu sgrub kyi rjes su 'brang rigs pa ni/ slob dpon klu sgrub zhabs kyi sogs brgyad kyis klu sgrub kyi lam srol las phyi rol tu gyur pa la thar pa thob pa'i thabs kyi gtso bo med par thal/ de dag bden gnyis las nyams pas de ma btang bar thar pa mi 'thob pa'i phyir te/ bden gnyis thabs thabs byung du gyur pa sogs kyi rnam dbye mi shes pas log lam la zhugs pa'i phyir/ zhes dang/ 'dir rang 'grel las/ mdo drangs nas bden gnyis gtan la phabs te sems tsam pa sogs log lam la zhugs par bsgrubs nas bden gnyis thabs thabs byung du gyur tshul la ting 'dzin rgyal po dang rtsa shes drangs so/ /bzhi pa gzhan dbang rang bzhin gyis grub pa dang 'jig rten 'gog pa mi mtshungs pa ni/ sems tsam pas gzhan dbang rang bzhin gyis med na skye 'gag sogs mi rung bas khyod kyis 'jig rten na grags pa'i rgyu 'bras sogs bkag go zer ba la/ ji ltar khyod kyis sogs bzhis sems tsam pa khyod ltar gzhan dbang rang ngos nas yod par kun rdzob tu yang khas ma blangs la/ de kho na nyid rtogs pa'i 'bras bu la 'dzud pa'i phyir/ rgyu 'bras sogs rang bzhin gyis med kyang/ 'jig rten tha snyad du yod ces smra bas skyon med ces dang/ ji ltar phung po sogs bzhis phung po sogs dgra bcom lhag med pa'i mnyam bzhag gi ngor med pa bzhin du tha snyad pa'i tshad ma'i ngor yang rang bzhin gyis med na kho bos 'jig rten pa'i @183a @#/ /ngor yod ces mi smra zhes dang/ gal te khyod la sogs bzhis/ 'jig rten pa'i tshad mas grub pa'i don bkag pas khyod la mi gnod na/ khyod 'jig rten dang rtsod dang gang stobs dang ldan pa la bdag gis grogs bya'o/ /zhes pa'o/ /sngar phyi don med pa dang rnam shes rang bzhin gyis yod pa lung rigs kyis bkag nas/ 'di dag gis de'i sgrub byed bkag pa yin no/ /yig cha rnying bar/ lung gi rjes 'brang gi sems tsam pa na re/ zhes dang/ yig cha gzhan gyis mdo sems 'jog par gsungs pas/ yig char/ snga mas sde dang dbyig gnyen gyi gzhung las rang rig dngos sum bshad pas bkag la/ dgag yul la mdo sde ba yod pa dang/ gtso bo la sems tsam pa dgos pa/ rang 'grel las/ 'dir kha cig gis mdo sde pa'i phyogs khas blangs nas zhes pas 'grub ste/ rnam bshad las/ kha cig gis te sems tsam pas zhes dang/ mdo sde ba'i rigs pa blangs nas bsgrub pas/ de bkag na mdo sde ba yang bkag pa yin pa'i phyir ro/ /sems tsam pa skabs 'di'i phyogs snga min gsungs pa/ thogs med shing rta'i srol 'byed yin pas sems tsam pa spyi'i lugs sde'i rjes 'brang la byed gos pas yin no/ /sa sde rjes 'brang gi sems tsam pas rang rig mi 'dod gsungs pa/ sa sde nas dngos su ma gsungs pa'i don yin nam snyam ste/ rnal 'byor spyod pa'i @183b sa las mngon sum bzhi bshad pas sgrub nas/ de bzhin du dbyig gnyen gyi gzhung na'ang rang rig dngos su bshad pa mi snang ba'i phyir ro/ /zhes dngos su ma bshad pa sbyar ba'i phyir dang/ drang nges chen mo las/ kun zhes dang yid kyi rnam shes gnyis po zhes pa nas/ de gnyis chos gzhan dang yul can sgra rtog la ma ltos par rang gi ngo bo bzung du yod pa'i chos yin pa'i phyir te/ de ltar 'dzin pa'i slob pa'i rang rig yod pa'i phyir/ zhes kun btus las// dbang po'i spyod yul la brjod pa dang/ de las gzhan la mi ltos par dbang po'i spyod yul du gyur pa ni rdzas su yod pa'o/ /zhes pa rtsa 'grel drangs pa'i phyir/ de ma zad bsdu ba las/ de las gzhan pa dag la mi ltos shing/ /de las gzhan pa dag la mi brten par rang gi mtshan nyid 'dogs par byed pa de ni/ mdor na rdzas su yod par rig par bya'o/ /zhes dang/ rnam bshad rigs par las dang rnam smin yod la zhes pa'i don las dang rnam smin kun rdzob tu yod cing rdzas su yod la/ zhes dang/ rnam bshad dgongs pa rab gsal las/ gang zag rdzas su med par rtogs par 'dod kyang rnam shes gnyis po rdzas su med par rtog spar mi 'dod pas/ zhes gsungs pa'i phyir/ rang rig mi 'dod na de dag rdzas yod du 'jog byed med pa'i phyir ro/ /des na gzhung de dag gis rang rig shugs la bstan to/ /'og tu lung gi rjes 'brang kha cig dang/ zhes gsungs pas lung gi rjes 'brang kha cig gi lugs yin @184a @#/ /zer na/ bsdu ba sogs kyi lung de dag gis sems tsam pa'i lugs kyi rdzas btags ma gsungs par thal lo/ /'on kyang/ rang rig mi 'dod pa'i sems tsam pa yod de/ rang 'grel las/ bar 'dir lugs gsum bkod pa'i snga ma gnyis rang rig mi 'dod mkhan yin pa gang zhig /de la sems tsam pa yod pa yig char/ rang gi sde pa kha cig ces par/ mdo sems gnyis zhes mchan btab pa'i phyir/ de dag gis rang rig mi 'dod par thal/ mig shes myong byed la yang rang dang dus mnyam pa'i mig shes gzhan dang/ mig shes rang gis rang dang yul gnyis ka 'dzin par 'dod pa'i phyir/ de yang rang 'grel gyi gsungs tshul bshad na shes par 'gyur bas/ rang 'grel las/ shes pa yul gzhan yongs su mi gcod par yang 'gyur te/ rnam par shes pa'i rgyun lugs mtha' dag shes pa gzhan gyi yul can yin pa'i phyir dang/ zhes pas/ rnam 'grel las/ gal te snga blo de nyid na/ /yul gzhan la ni 'pho mi 'gyur/ /zhes pa ltar mdo sems kha cig gis mig shes skad cig gnyis pas mig shes skad cig dang po dang yul gnyis ka 'dzin pas myong byed rdzas gzhan yod zer ba la/ 'o na/ de'i rdzas rgyun phyi ma mtha' dag gis phyi'i yul sngon po sogs mi gcod par thal/ nang shes pa snga ma rnams kyi yul can yin pa'i phyir/ zhes bkag ste/ rnam @184b bshad las/ shes pa snga ma snga ma shes pa phyi ma phyi mas yongs su gcod don/ snga ma de gzung don du byas nas phyi ma de skye dgos la/ de'i tshe nang gi yan lag gi nye ba'i gzung don bor nas ring ba'i phyi rol la mi 'jug pa'i phyir ro/ / zhes gsungs pa'i phyir/ des na yig char/ la las/ sngon 'dzin mig shes gcig bus yul sngon po dang mig shes gnyis ka 'dzin zer/ gsungs pa sngon 'dzin phyi ma rnams las skad cig dang po min no/ /rnam 'grel las/ gcig gis gnyis shes ma yin te/ /dbang po'i sems ni nges phyir dang/ /zhes mig shes kyis de gnyis shes pa bkag la/ mngon pa nas khams bcu gsum yid shes kho na'i yul du gsungs pas/ yig char/ mngon pa dang 'gal lo/ /gsungs so/ /rang 'grel las/ sems can rnams rnam par shes pa'i rgyud cig yin pa'i phyir ro/ /zhes pas/ mdo sems kha cig gis/ sngon 'dzin mig shes dang dus mnyam du mig shes de 'dzin pa'i mig shes gzhan gcig skye bas yul gzhan la mi 'pho ba'i skyon med zer ba sems tsam thad kyi dbu ma rgyan rang 'grel las/ gang dag bde ba la sogs pa ltar sngon po la sogs pa'i rnam pa rnams kyang myong ba'i bdag nyid kho na ste/ shes pa de dag kyang mang la de dag kyang rigs mthun pa sha stag ste/ zhes pa ltar te/ rigs pa can pa sogs kyis bde ba dang gzugs gnyis mig shes kyis myong bar 'dod pa ltar/ 'dis don shes gnyis rigs mthun gyi @185a @#/ /mig shes du mas myong bar 'dod pas so/ /de la dbu ma rgyan rang 'grel las/ smra ba de dag gis ni/ gang snga phyi med par zhes pa nas/ go skabs med do/ /zhes bya ba dang/ de bzhin du sems can thams cad ni rnam par shes pa'i rgyud gcig pa'o/ /zhes bya ba'i lung dang 'gal ba bzlog par dka'o/ /zhes pa ltar bkag pa yin te/ rnam bshad las/ gal te sngon 'dzin gyi shes pa snga ma gcod pa'i sngo 'dzin gyi rnam shes phyi ma dang sngon po gcod pa'i sngo 'dzin gyi rnam shes gnyis dus gcig tu skye bas yul gzhan la mi 'pho ba'i skyon med do snyam na/ de ltar na mig gi rnam shes rigs mthun rdzas tha dad pa gnyis dus gcig tu gang zag gcig gi rgyud la skye bar 'gyur la/ de 'dod na/ sems can rnams rnam par shes pa'i rgyun gcig pa ste/ re re ba'o// zhes gsungs pa dang 'gal bar 'gyur ro/ /zhes gsungs pa'i phyir/ 'dis kyang sngon 'dzin skad cig dang po 'dzin pa'i mig shes dang/ sngon 'dzin mig shes skad cig gnyis pa gnyis mnyam du skye bar 'dod do/ /rgyan rang 'grel gyi de sems tsam pa yin pa yang/ de nyid las/ rnam par smin pa'i rnam par shes pa'i dbang du mdzad de/ de skad gsungs par 'dod do zhe na/ zhes pa nas/ tha dad par thal bar 'gyur gyi gnod pa ni ci yang mi skyed do/ /zhes pas phyogs sngas mdo don kun gzhi gcig @185b las med pa dang/ mi mthun phyogs dang gnyen po'i sems gnyis lhan cig mi 'byung ba dang/ phyi don gyis stong pa'i sems 'ba' zhig las med pa la dgongs zer bas sems tsam par 'grub la/ de dag gi tshul yang chos grags kyis/ de dag rnams las rigs mthun pa'i/ /nas; rim gyis 'byung bar yang dag rtogs/ /zhes pa'i lung dang 'gal ba dang/ dbus mtha' sogs las kun gzhi la lus longs spyod gnas sogs du ma snang bar bshad pas du ma lhan cig skyed par thal/ yul du ma yod pas rnam shes rigs mthun du ma cig char skyes pa'i phyir/ zhes rnam 'grel dang 'gal ba brjod pas kun gzhi 'dod mkhan phyi ma zhig yin par 'grub po// rnam bshad ni don chen po can yin pas/ rnam par shes pa utpala'i sogs kyi don 'grel bshad kyi bkral ba 'gog skabs rnam 'grel gyi lung 'di drangs pa skabs 'di'i rang rig sgrub mkhan chos grags kyis mdo lung gnyis kyi don bkral tshul shes ched dang/ lugs gnyis pas mdo don bkral tshul dang/ dgag tshul sogs rgyan rang 'grel 'di blta dgos pa'i don yin zhes/ yig char/ rnam bshad las kyang lung 'di drangs pa'i rgyu mtshan yang 'grel ba 'di blta dgos pa'i don yin la/ mdo lung gnyis kyi don chos grags kyis bkral tshul shes pa'i ched sogs yin no/ /gsungs pa rdo rje'i tshig tu snang ngo/ /des na lugs de gnyis kyis myong byed rdzas @186a @#/ /gzhan bzhag pas rang rig mi 'dod par 'grub po/ /de dag gi lugs la shes pa rnams rdzas yod du 'jog tshul rang myong byed kyis sgra don sogs la ma brten par rang gi yul myong stobs kyis 'dzin pas 'jog gam/ de ltar na rtog pa rnams la ji ltar yin/ yang na de dag rdzas yod du mi 'dod dam khungs gsal po ma mthong bas dpyad par 'tshal/ /rgyan rang 'grel gyi lung 'di dag grub mtha' chen mor shAkya blo'i 'dod tshul la sbyar bas/ rnam shes rigs mthun cig char skye bar 'dod pa rnams dgag pa yin no/ /lugs gsum pa rang 'grel las/ rnam par shes pa utpala'i 'dab ma brgya 'big pa ltar rim gyis 'byung ba rnams 'jug pa myur bas cig car tu 'jug pa lta bur mngon pa yin no/ /zhes pa 'grel bshad las/ rnam shes rigs mi mthun du ma gcig car mi skye zhes pa'i lan du sbyar ba dang/ bod mang pos/ khra bo la blta ba'i tshe de'i dkar dmar sogs 'dzin pa'i shes pa du ma cig car mi skye zhes pa'i lan du rim gyis 'byung yang 'jug pa myur bas cig car skye bar snang ngo/ /zhes gnyis kas skabs 'di'i rang rig sgrub mkhan rnam 'grel rjes 'brang gi lugs su bzhag pas/ snga ma rnam bshad ltar rnam 'grel las/ cig car rigs mi mthun skye yang/ /zhes sogs dang/ de rnams rigs mthun pa nyid las/ /nus pa nges par 'gyur ba yin/ /zhes pa drangs @186b nas; rigs mi mthun cig car skye ba dang/ mdo don rigs mthun la dgongs par gsungs pa dang 'gal bas bkag la/ gnyis pa la rnam bshad las/ skyon gsum brjod pa ltar/ kun 'gro lnga cig car mi skye bar thal ba/ / rnam shes gcig gis yul du ma mi 'dzin par thal ba/ khra 'dzin mig shes med par thal ba gsum gyis bkag cing/ 'jug pa myur ba cig car snang ba'i rgyur rnam 'grel du bkag pas mi 'thad tshul yang/ rnam 'grel las/ rtog bcas rtog pa med pa'i yid/ /sogs drangs nas bkag la/ de rig pa can pas/ mig shes la gzugs snang ba na 'di gzugs so zhes brda' sbyor byed kyi rtog pa dang/ mig shes so sor ma mthong bas/ de gnyis gcig pas mthong rtog gcig tu bsgrub pa'i lan du blun po dag mthong rtog so sor ma mthong bar gcig tu zhen pa'i rgyu mtshan yod de/ yul gcig la cig car 'jug pa'i phyir dang/ rim gyis byung yang 'jug pa myur ba'i phyir/ zhes rtog bcas rtog pa med pa'i yid/ /cig car du ni 'jug phyir ram/ /'jug pa myur phyir blun po dag /de dag la ni gcig tu zhen/ /gsungs/ de la rigs pa can pas/ mthong rtog rim gyis 'byung na rtog pas bar bcad pas/ mthong ba rgyun chad par 'gyur zhes pa/ gal te rnam rtog gis bcad na/ /mthong ba rgyun chad 'gyur zhe na/ /gsungs so/ /de la/ gzhan la'ang rigs ni tha dad pa'i/ /rnam @187a @#/ /par rtog tshe ji ltar min/ /zhes gzhan khyod rang gi lugs la'ang/ mig shes kyis gzugs mthong zhing gzugs dang rigs tha dad pa'i 'das pa'i sgra sogs rtog pas dran tshe des mig shes snga phyi'i bar gcod pa ji ltar min te yin par thal lo/ zhes par/ gal te mgal me mthong ba bzhin/ /dngos phyogs stobs dang ldan 'dod na/ /zhes rig pa can pas/ mgal me snga phyi bar bcad kyang 'jug pa myur pas rtog pas par ma chad du mtshams sbyar bas 'khor lo'i rnam par mthong ba bzhin du mig shes lta bu da lta dngos por yod pa 'dzin pa'i phyogs ni 'das sogs 'dzin pa'i rtog pa las stobs dang ldan pas nges par bcad kyang dbang shes 'jug pa myur bas bar ma chad par snang ba yin no/ /zer bar/ don dgag pa ni/ yi ge'ang cig car thos par 'gyur/ /zhes pas/ yi ge sarH dang/ ra saH zhes smros tshe sa dang ra gnyis snga phyi med par cig car thos par thal/ yi ge de dag 'jug pa myur ba'i phyir/ 'dod na/ snga ma'i sa sngon dang ra rjes su thos par rgya mtsho go ba dang/ phyi ma'i ra sngon dang sa rjes su thos pas ro go ba me yin par thal lo/ / zhes dang/ dpe dgag pa ni/ mgal me la sogs myur 'jug pa'i/ /rjes su 'gro bas gnod pa can/ /mig las 'khor lor 'khrul skyes yi/ /de mthong mtshams sbyor las ma yin/ /zhes pas mgal @187b mi 'khor lor mthong ba rtog pas me'i cha shas snga phyi mtshams sbyor ba las min te/ mgal me sogs myur du 'jug pa'i rjes su 'gro bas gnod pa byas pa can gyi mig dbang bslad pa las 'khor lor 'khrul pa'i dbang shes skye ba'i phyir; zhes 'jug pa myur ba dbang shes cig car 'khrul pa'i rgyur 'dod pa'i dpe don gnyis ka bkag pas/ rnam 'grel rang lugs su mi rung la/ 'o na/ lugs gsum pa 'di gang gis 'dod ce na/ de ni gzung 'dzin grangs mnyam rim 'byung ba gnyis kyis 'dod pa yin te/ zhi 'tshos zla ba'i rjes su 'brang nas/ dbu ma rgyan las/ dkar po dag la sogs pa yi/ /shes pa de ni rim 'byung ste/ /mgyogs par 'byung phyir blun po dag /gcig cha'o snyam du shes pa yin/ /zhes dang/ de'i rang 'grel las/ me tog utpala'i 'dab ma brgya 'bigs pa bzhin du shin tu myur ba'i phyir rim gyis dngos po la gcig cha'o snyam du shes so/ /zhes 'dzer te/ zhes gsungs pa'i phyir/ de zla ba'i rjes su 'brang ba yin te/ rang 'grel ma gtogs rnam 'grel du mgal me 'khor lo dper bkod pa las/ 'di bkod pa ma gsungs la/ de gnyis lugs tha dad yin pa dbu ma rgyan rang 'grel las/ lugs snga ma'i mjug tu 'dzer to/ /dper na mgal me 'khor lor mthong ba bzhin te/ mthong ba de ni myur du bskor ba'i phyir ro/ /zhes zer ro/ zhes lugs de dper bkod pa'i phyir/ kho na re/ de mdo sde ba'i skabs yin pas @188a @#/ /sems tsam pa yod pa mi 'grub ste/ grub mtha' chen mo las/ 'di rnam 'grel gyi'ang phyogs sngar byas pas lung gi mdo sde pa kho na'o/ /zhes gsungs pa'i phyir na ma khyab ste/ de 'dra'i mdo sde pa rigs pa'i rjes 'brang med pa'i don yin pa'i phyir te/ sems tsam skabs de nyid las/ gzung 'dzin grangs mnyam 'dod pa la mdo sde ba'i skabs kyi gzung 'dzin rim 'byung ba lta bur 'dod pa'i sems tsam rnam bden pa yang yod par mngon te/ sems tsam rnam bden 'gog pa'i skabs su 'thad ldan che ba las/ dus tha dad pa yang ma yin te/ cig char nyams su myong ba'i phyir/ myur du 'jug pa las cig car snang bar 'khrul pa'ang min te/ shes pa thams cad skad cig ma nyid kyis myur bar khyad par med pa'i phyir/ zhes gsungs pa'i phyir/ lung gi mdo sde ba kho na'o/ /zhes pa mgal me dper byed mkhan yin te/ dpe 'di 'god mkhan rang rig 'dod mkhan yin pa'i phyir te/ yig char/ 'di yang rang rig 'dod mkhan yin par rang 'grel las bshad pa'i phyir te/ zhes pa nas/ bar der lugs gsum bshad nas gzhan gnyis rang rig 'dod mkhan gyis bkag la/ gsum pa ma bkag cing/ grub don mthun par de'i zhes pa man chad kyis bshad pa'i phyir/ zhes rang rig 'dod pas der ma bkag pa sogs kyis sgrub pa'i phyir dang/ rnam 'grel du bkag pas na zhes de'i rjes 'brang rang @188b rig sgrub mkhan dmigs kyis ba kar bas kyang sgrub bo/ /de la kho na re/ 'jug pa myur ba gcig tu snang ba'i rgyu yin pa rnam 'grel du ma bkag par thal/ 'jug pa myur phyin blun po dag /de dag la ni zhen zhes dang/ thar lam gsal byed las/ mthong rtog gcig tu zhen pa'i rgyu mtshan dang/ zhes pa nas/ 'jug pa myur bas gcig tu zhen pa'i phyir/ zhes dang/ TIka chen las/ mthong rtog gcig tu 'khrul pa'i rgyu de yang 'di ltar zhes rigs pa can pa'i lan du byas pa'i phyir na ma khyab ste/ lha dbang blos/ de rnam shes du ma cig car skye mi srid par 'dod pa'i lugs dang/ rkang pa snga ma ni rang lugs kyi lan du byas nas snga ma rang lugs min par 'dod la/ rgyan mkhan pos/ rig pa can pa khyod kyi lugs la blo du ma rim gyis 'byung yang 'jug pa myur bas gcig tu zhen pa bzhin/ nged kyi lugs la cig car 'jug par blun po dag gcig tu zhen zhes dper byas nas 'chad pa gnyis TIka chen du bkag nas/ yi ge'ang cig car thos par 'gyur/ zhes sogs kyis 'jug pa myur bas gcig tu 'khrul pa 'gog pa ma yin nam zhe na/ de ni 'jug pa myur ba mngon sum gyis gcig tu mthong ba'i rgyur smra ba 'gog pa yin gyi/ gcig tu 'khrul ba'i rgyur smra ba 'gog pa ga la yin/ de gnyis ma phye bas nongs pa yin no/ /zhes pa ltar mthong rtog rim gyis 'byung ba cig car du 'khrul ba'i rgyur 'dod kyang/ rig pa can pas mig shes par ma chad par @189a @#/ /zhen pas/ 'khrul rgyur 'jug pa myur ba bkod par khyab pa ma nges pas/ de de'i 'khrul rgyur mi rung ngo/ /zhes bkag pas/ 'jug pa myur ba spyir cig car 'khrul pa'i rgyu yin pa bkag go /yig char yang khad par de dag shes ched du/ rtog bcas rtog pa mid pa'i yid/ /sogs drangs pa yin pas bka' drin shes par gyis/ /rgya dpe ma dag pa'i skyon yin nam zhes pa'i don da lta'i rang 'grel 'dir lugs gsum pa'i rtsod tshul dang/ rang rig gzhan myong gang 'dod pa la bzhag pa mi gsal ba dang/ gong gi rang rig sgrub mkhan dang gcig pa ltar gsungs pa ni/ zhi mtsho'i gsungs tshul dang/ rnam 'grel sogs ltar na 'di'i ma dpe bsgyur gzhi'i rgya dpe ma dag pa dang 'gyur skyon gang rung du mngon zhes grub mthas 'dod tshul dang/ zhi mtsho'i rigs pa la brten nas bshad pa ni kun mkhyen nyid kyi khyad chos bla na med pa'o/ /phyogs sngas rang rig sgrub tshul gong ltar la/ dgag tshul lnga gsungs pa'i dang po rtsod zlog dang rtsa shes las/ mes rang gzhan gnyis ka gsal bar byed na rang bsreg pa dang/ mun pas rang sgrib par thal ba'i rigs pas/ gtso bo dpe dgag nas/ me la bsal bya'i mun pa med pas rang gsal ba min par gsungs so/ /gnyis pa zhib mo rnam 'thag gis/ rang las ma grub pa'i phyir ro/ /zhes rang gis rang rig na gnyis su 'gyur/ /zhes don dang/ dpe dang/ dpe dang 'gal @189b ba'i phyir/ sogs kyis mar me'i dpes sngar ltar dgag la/ gsum pa legs ldan yab sras kyis/ khyed kyis rang rig tu 'dod pa'i gsal rig tsam chos can/ khyod la rang nyid yan gar ba mngon sum du rtogs pa'i rang rig gi don med de/ rang yan gar ba'i rnam pas stong pa'i phyir/ dper na gzhan rig gi shes pa bzhen/ rtags ma grub na/ rang nyid yan gar ba rang dang yul yul can tha dang du snang ba la ma 'khrul bas tha dad du thal lo/ zhes bkag la/ yan gar bsgyur na/ yig char/ yan gar zhes khyad par sbyar ba gzhir bzhag la sogs dang 'grig go /rnam mkhyen la rnam mkhyen gyi gdags gzhi chos thams cad mkhyen pa'i cha sogs shar te/ mkhyen pas yan gar ba mkhyen pa min pa ltar/ shes pa gzhan gyis rang nyid rig na'ang rang nyid yan gar ba rig pa min no/ /ha cang thal ba ma rig pas kyang thams cad rig par thal/ rig pa'i ngo bo nyid yin pa'i phyir/ zhes pas kyang bkag go /bzhi pa mdo dang spyod 'jug gi rigs pa ni/ khyod ltar brtags don btsal te dpyad na rang rig med par thal/ de ltar dpyad na sems mthong ba po mi rnyed pa'i phyir te/ dper na ral gris rang mi gcod pa sor mos rang gi rtser mi rig pa rang gi phrag par zhon mi thub pa mig gis rang la mi lta ba bzhin zhes/ gtsug na rin chen gyis zhus pa'i mdor gsungs pa ltar/ spyod 'jug tu yan gsungs so/ /lnga pa zla bas dgag @190a @#/ /tshul bshad zin to/ /rang lugs la rang myong gzhan myong gang yang med kyang/ myong pa yod tshul sogs ni/ gnyis snang can gyi shes pa rnams kyis rang yul snang ba na rang gi yul dang rang gnyis rgyang chad tha dad du yod par snang la snang ba de la tshad mar yang song bas/ des rang dang rang yul gnyis yod par rtogs pa'ang 'grub ste/ tha dad du rtogs pa'i phyir/ de ni tshig gsal las/ gzhal bya'i rnam pa'i rjes su byed pa tsam gyis rang gi ngo bo yod par rnyed pa'i tshad ma dag gis rang gi ngo bo rnam par 'jog pa'i phyir/ zhes pa'i don yin la/ rang gis ngo bo 'jog pa'i don yang rang yod par rtogs pas rang 'dzin pa'i dran shes 'dren nus pas yin gyi/ rang rtogs pa ma yin te/ rnam bshad las/ de'i tshe yul can rang gis rang ma myong ba ni/ dmugs pa'i tshe dug ma myong ba dang 'dra'o/ /zhes gsungs pa'i phyir dang/ rang dus su rang myong byed med par thal; rang 'dzin tshad ma'i rgyu yin pa'i phyir ro/ /'di la bsod grags pas/ rnam mkhyen de sngon 'dzin dbang sngon gyi dus su sngon 'dzin dbang sngon 'grub byed kyi tshad ma yin pa'i phyir/ gsungs kyang/ de la dngos po'i rgyu dus su dngos po yod par thal/ dngos po'i rgyu de dus su dngos po yin pa'i phyir/ khyab pa 'grig /rang dus su de ltar rtogs pa'i stobs kyis dus phyis yul de ngas mthong ngo snyam du dran pa na yid mngon tshad ma @190b gcig gis 'di zhes yul dang/ mthong zhes yul can gnyis cig car dran pa'i shes pa de 'jog byed dang/ myong byed tsam yin no/ /rnam bshad las/ sngon 'dzin ni gzhan lugs ltar rang rig gis mi 'grub kyi/ dbang po'i mngon su tshad mas 'grub par bstan te/ de yod pa ni sngon 'dzin gyis gzhal bya grub pa de nyid kyis rtogs pa'i phyir ro/ /de'i phyir tshad ma gang yin thams cad rang gi gzhal bya grub pa de nyid kyis 'grub bo/ /zhes pa'i 'grub tshul de ltar yin gyi/ rje btsun pas/ de rtogs byed kyi blo dang/ de myong byed kyi blo don mi gcig ste/ sngo snang dbang shes de rang nyid rtogs byed kyi blo yin yang/ rang myong byed ma yin pa'i phyir/ zhes rang nyid shugs la rtogs pa rnam bshad kyi don du byas nas bar chad med lam gyis kyang rang nyid shugs la rtogs par 'dod pa ltar min no/ /'di la kha cig gis/ mig shes kyis rang yod par rtogs pa dang/ sems rang gis rang mthong ba sogs tha snyad rags pa khas blangs na/ stong thun las/ rang rig 'gog byed bya byed las gsum gcig tu thal ba'i rigs pas gnod par gsungs pa dang 'gal lo zer ba dang/ kha cig /rtsa shes TIka chen dang/ stong thun du tha snyad rags pa de ma gsungs la/ rnam bshad 'dir dbang po'i mngon sum tshad mas 'grub ces rang gis rang rtogs par yang bshad pas de gnyis mi mthun zer ba dgag tshul lhan cig bshad na/ stong @191a @#/ /thun las/ sngar mig shes nges mthong ba'i don dang/ phyis dran shes des dran pa'i don gnyis don gcig pa'i zhes snga phyi gnyis kyi yul gcig par bshad pa rags pa dang/ rnam bshad du/ de'i tshe yul can rang gis rang ma myong ba ni/ dmugs pa'i tshe zhes pas phra mo stong thun ltar gsungs par mi mthun pa min pa sla la/ tha snyad rags pa dang phra ba gnyis ka khas blangs dgos tshul sngar bden gnyis su blo lhan skyes rang 'ga' ba'i ngo'i yang dag dang/ 'jig rten shes ngo'i yang dag gi khyad par sogs bshad zin pas shes la/ 'dir brgya ba'i 'grel bar/ mig shes kyis 'dzin pa la mig gis gzugs mthong zhes pa dang/ lam rim du sems ma g.yeng par dmigs pa la sems de la dmigs par bshad pa dang/ bshes spring las/ nyi zla'i dkyil 'khor gyi 'od la nyi zla'i 'od du bshad pa sogs 'jig rten pa'i tha snyad rags pa khas len dgos pa dang/ sngon po nyi ma snga phyir mthong ba gnyis la ngas 'di kha sang mthong zhes gcig pa lta bu'i tha snyad byed pa'ang khas blangs dgos la/ de la 'di kha sang mthong ba ma yin par thal/ 'di kha sang med pa'i phyir dang/ kha sang gi sngon po'i 'bras bu yin pa'i phyir na/ tha snyad rags pa'i dpang du byas na rtags ma grub ste/ blo lhan skyes rags pa'i ngo bor gcig yin pa'i phyir/ tha snyad phra ba'i dbang du byas na 'dod pa yin kyang lus rten mthong bas gang zag mthong @191b par 'jog pa ltar tha snyad tsam 'thad do/ /ngas 'di kha sang mthong ngo snyam pa'i dran shes kyi yul la kha sang gi sngon po sngo 'dzin gnyis dang/ de ring gi sngon po gsum ga dang/ de'i mig shes kyi yul la de ring gi sngon po gcig pu 'jog pa tha snyad phra ba gtso che bas yin no/ /dbu ma'i zin bris las/ slob dpon legs ldan gyis/ bar chad med lam gyi dus bar chad med lam de rtogs pa'i gzhan myong yod par 'dod la/ de ltar 'dod pa la thug med kyi skyon mi 'byung tshul ni/ bar chad med lam rtogs pa'i gzhan myong des rang nyid dang/ bar chad med lam dang/ de'i yul stong nyid gsum ga rtogs par 'dod la/ gsungs pas rang yul dran pa'i shes pas myong ba min te/ 'dir tshad ma la gsar rtogs dgos pa'i phyir ro/ /slob pa'i mnyam bzhag zag med kyis rang nyid yul bcas yod pa ma rtogs kyang/ blo kha phyogs tsam gyis de rtogs pa'i dran pa rang stobs kyis 'dren pas stobs shugs kyis rtogs par gsungs so/ /yig char/ bden med rtogs pa'i rjes dpag gnyis kyis kyang rang nyid yul bcas yod pa gnyis stobs shugs kyis rtogs par khas len dgos zhes dang/ dbu ma'i zin bris las/ stong nyid rtogs pa'i rigs shes rjes su dpag gis stong nyid yod pa dang rang nyid yod par ma rtogs la/ de'i stobs shugs kyis de gnyis rtogs zhes zhib cha zhig dgos pa 'dra zhes gsungs pas/ @192a @#/ /yig char/ gnyis snang can gyi tshad ma yin na/ rang gi ngo bo yod par rnyed tshul de ltar byed pas khyab pa'i phyir/ gsungs pa sogs shugs la rtogs pa dang stobs shugs kyis rtogs pa gang rung gis khyab ces zhib cha dgos pa'i don yin te/ rang gi 'dzin stangs yul gyi med dgag rtogs pa'i blo rnams kyis rang yul bcas yod pa shugs la rtogs na yul de ma yin dgag tu 'gyur ba'i phyir te/ yig char shugs la rtogs na yul de ma yin dgag tu 'gyur ba'i phyir/ zhes dang/ rtsa shes TIka chen las/ de'i phyir dgag bya bcad tsam ma yin pa'i chos gzhan shugs la 'phang pa'ang ma yin dgag yin pas med dgag yin pa nyams so/ /zhes gsungs pa'i phyir/ gnyis snang can gyi shes pa yang gnyis snang can gyi shes pa yod par rtogs pa'i blo ma yin te/ de rgyud ldan gyi gang zag yin na/ gnyis snang can yod par rtogs pa'i gang zag yin pas ma khyab pa'i phyir/ de yod pa shin lkog tu song ba'i gang zag yod pa'i phyir/ 'di la dgongs nas/ yig char/ sngon 'dzin sogs gnyis snang can gyi shes pas de ltar rtogs pas khyab pa'i phyir na/ rnam pa gcig tu rtags ma grub pa yang yod kyang/ zhes gsungs so// ! //thal 'gyur ba'i tshad ma'i rnam bzhag la/ mdo dang klu sgrub yab sras @192b gnyis kyi dgongs pa dpal ldan zla bas/ bzhi brgya pa dang/ rigs pa drug cu ba'i 'grel par gsungs shing/ de dag gi kha skong lta bur tshig gsal las/ 'dir 'ga' zhig dag rgol bar byed de/ zhes pa nas/ spros pas chog go /zhes pa'i bar gyis rang rgyud pa man chad kyi rtog ge ba rnams kyis dngos po rang bzhin med pa nges byed kyi tshad ma yod med kyi rtsod lan/ de dag gi lugs kyi tshad ma dgag pa/ rang lugs kyi tshad ma'i rnam bzhag thun mong ma yin pa ste sa bcad gsum gyis rgyas par 'chad tshul rje yab sras kyi gzhung du'ang mdor bsdus tsam las med pa kun mkhyen gyis tshig gsal stong thun gyi tshad ma'i rnam bshad zab rgyas kun gsal du tshig yongs rdzogs drangs nas zhib tu bkral bas der nges par blta dgos la/ de nyid las/ gnyis pa dka' gnas kyi mtha' dpyad pa ni/ dbu ma'i mtha' dpyod du 'chad par 'gyur bas der ltos shig /ces gsungs pas mtha' dpyod 'di dang sbyar nas blta dgos so/ /bod rgan 'ga' zhig gis/ jo bo'i bden gnyis la brten nas tshad ma'i rnam bzhag mu stegs kyi rgol ba bzlog byed tsam yin zer ba dang/ stag los/ tshad ma med kyang chos thams cad 'jog thub zer ba la/ bden gnyis kyi don/ rnam 'grel las/ gzhal bya gnyis phyir tshad ma gnyis/ /zhes sogs ltar rang mtshan nam don dam par grub pa snang yul du byas pa'i mngon @193a @#/ /sum dang/ spyi mtshan snang yul du byas pa'i rjes dpag gnyis gsungs pa/ dbu ma snang bar/ thams cad kyis de kho na nyid mthong bar thal ba/ de kho na nyid la rtsod pa med par thal ba/ tshad ma'i gzhung byed pa don med par thal ba gsum gyis bkag pa/ de 'dra'i tshad ma dgos pa med/ ces pa yin gyi spyir min pa rtsod zlog las/ 'on te tshad ma med par yang/ /de rnams grub na smra ba nyams/ /zhes sogs kyis bkag go /sgra don pra mA Na'i pra 'og ma rnams dang po dang thog ma la byas nas gsar du'i don du byas pa/ rtsod zlog las/ de yang dang po 'grub min la/ /bar pa ma yin tha ma min/ /zhes pa ltar dpyad na dngos po gang gi thog mtha' dang rang rig gzhan rig sogs mi rnyed pas/ 'og ma ltar gyi gsar rtogs dang gzhan rig sogs mi 'thad de/ de dag gi skad cig dang po tsam tshad mar bzhag pa brtags don btsal nas bzhag pa'i phyir ro/ /rang lugs la/ blo gros mi zad pa'i mdo las/ chos rnams rab tu shes pa ni shes rab bo/ nas/ shes rab ni tshad mar gyur pa'o/ /zhes dang/ chos yang dag par sdud pa las/ mngon par rtogs pa shes pa/ shes bya la mi bslu ba ste/ zhes gsungs pas/ 'jig rten na pra'i don pra Ni d+ha byas na rab dang phul dang gtso bo zhes pa yin la/ des na mA Na 'jal ba rtogs pa shes pa @193b sogs la 'jug pas rab tu 'jal ba'am rang gi gzhal bya'i gtso bo la mi sgru bas tshad ma zhes pra'i don yul phyin ci ma log par gzhal tshul dang gzhal bya'i gtso bo gnyis ka la byas so/ /brgya pa'i 'grel ba las/ mi slu ba'i shes pa ni 'jig rten na tshad ma nyid du mthong na zhes pas/ 'jig rten rang 'ga' ba ltar btags don ma btsal bar mi slu ba'i shes pa tshad ma'i mtshan nyid du 'jog par gsungs pas/ stag tshang bas/ tshad ma bzhi 'jig rten pa'i blo lhan skyes rang dga' bas 'jog zer ba dang/ rgyan bzang bas/ tshig gsal las/ zla ba gnyis la sogs pa nas/ mngon sum nyid kho na'o/ /zhes sogs la brten nas shes pa la tshad ma dgos zer ba dang/ rang phyogs pa kha cig /rnam bshad las/ bdag 'dzin gnyis tshad ma min par gsungs pas rtog min log shes tshad ma yin zer ba rnams khegs la/ gnyis pa brgya pa'i 'grel bar/ de ltar gyur pa ni/ nas; rnam par shes pa thams cad kyang tshad ma nyid du thal ba'i phyir ro/ /zhes rang mtshan la tshad mar song na shes pa thams cad tshad mar thal ba 'phang bas kyang 'gag go /kha cig /rang gi gzhal bya la mi slu ba'i shes pa tshad ma'i mtshan nyid zer ba/ tshig gsal las/ 'jig rten na yod na ni/ thams cad mngon sum du dmigs par bya ba yin pa'i phyir/ zhes pas 'gog tshul/ zab rgyas kun gsal las/ 'jig @194a @#/ /rten na zhes pas 'jig rten pa'i shes pa'i ngo na zhes bstan/ yod na ni/ zhes pas shes ngo de na yul de'am de'i rnam pa yod na ni/ zhes bshad cing/ lhag mas yul yul can gnyis ltos 'jog gis mngon sum dngos btags su bshad pa'i phyir/ zhes ba ltar/ gnyis snang can 'jig rten pa'i shes pa rnams rang gi snang ba la mi slu bar gsungs pas yin no/ /de la bden snang can rnams mi slu ba min par brgya pa'i 'grel ba las/ de ni mi slu ba ma yin te/ rnam pa gzhan du gnas pa'i dngos po la rnam pa gzhan du snang ba'i phyir ro/ /zhes pas sgrub pa la/ de ni de nyid las/ smras pa/ shes pa mngon sum yin no/ /shes pa ji 'dra ba zhig gang rtog pa dang bral ba'o/ /zhes dang/ rang gi mtshan nyid brjod du med pa tsam zhig la 'jug pa'i phyir/ zhes dang/ dbang po dang dbang po la gnas pa'i phyir ro/ /zhes dngos smras mngon sum khyad par gsum ldan du bzhed pa'i gnyis pa rang mtshan la mi slu ba min zhes sngar ltar shes pa thams cad tshad mar thal bas bkag pas de yin gyi/ mi slu ba tsam min no/ /de la dngos smra'i 'dod tshul ni/ bzhi brgya pa las/ gzugs mthong tshe na bum pa ni/ /sogs ltar bum pa rang gi mtshan nyid bstan du med pas mngon sum min la/ dbang shes lnga mngon sum yin te/ rtog pa dang bral zhing @194b yul gyi rang mtshan sgra rtog gis brjod du med pa tsam la 'jug pa'i mi bslu ba'i shes pa yin pa'i phyir dang/ de dag la mngon sum gyi sgra bshad du yod de/ pra tyak+Sha zhes pa'i pra ti so so dang ak+Sha dbang po yin pas rten dbang po snga phyi gnyis la brten nas gnas pa'i phyir zer ro/ /'du shes g.yer po ni/ kun gsal las/ g.yer po ni mkhas pa ste yul gyi spu ris 'byed pa la rtog pa mkhas par bstan to/ /gsungs so/ /khyad par dang po 'gog pa tshig gsal las gsungs tshul/ des 'jig rten pa'i tha snyad byed pa med pa'i phyir ro/ /zhes pas rtog bral dgos na 'jig rten na mngon sum gyis yul gcod tshul dbang mngon ltar rtog bral gyis 'dzin stangs gsal bar shar nas cod pa dang/ de ltar ma shar kyang tshor ba ltar myong stobs kyis gcod pa gnyis las/ phyi ma'i tha snyad ma byas pa'i phyir/ zhes dang/ 'jig rten pa'i tshad ma dang nas/ mngon sum tshad ma nyid du rtogs pa ni don med pa nyid du 'gyur ro/ /zhes pas 'jig rten na yul la mngon sum dngos dang/ shes pa la tha snyad btags par bshad pa dang/ rtog bral gyi shes pa nyid mngon sum du sgrub 'dod na yang/ rtog bral log shes dang bcad shes rnams tshad min du khas blangs pas rtog bral sbyar ba don med ces dang/ lung las/ mig gi rnam par shes pa dang ldan pas sngon po shes kyi sngon po'o snyam du ni ma yin no/ / @195a @#/ /zhes pa dang 'gal ba brjod pa la lung yang mngon sum gyi nas/ 'di ni mi rigs so/ /zhes pas lung de mngon sum gyi mtshan nyid ston pa'i skabs min pa'i phyir dang/ de dbang shes lnga 'du shes g.yer po dang bral bas blun par ston pa tsam yin pa'i phyir/ lung des mngon sum rtog bral du gsungs par mi rigs so/ /zhes bkag go /gsum pa dgag tshul brgya ba'i 'grel par/ dbang po'i rnam par shes pa skad cig ma gcig sogs dang/ tshig gsal las/ zlos pa'i don med pa'i phyir/ sogs kyis dbang shes skad cig ma gcig la bdag rkyen dbang po gcig las med pas ma khyab pa'i skyon brjod la; de dag la 'thad ldan las/ dbang po la brten pa nyid sgra bshad pa'i rgyu mtshan yin no/ /sgra 'jug pa'i rgyu mtshan gyi don ni/ rang bzhin mngon du byed pa yin te/ don mngon du byed pa'i shes pa nyid ni/ mngon sum du grags pa yin no/ /zhes sgra bshad de ltar yin kyang/ don mngon sum du byed pas mngon sum zhes pa la/ tshig gsal las/ thun mong ma yin pa'i rgyus bstan pa la dgos pa cung zad kyang ma mthong ngo/ zhes bdag rkyen dbang po'i sgo nas sgra bshad pa dgos pa med ces bkag nas/ rang lugs la/ tshig gsal las/ gzhan yang mngon sum gyi sgra ni lkog tu ma gyur ba'i don gyis brjod par byed pa yin pa'i phyir/ @195b dbang po'i mngon du phyogs pa'i don ni mngon sum yin no/ /zhes mngon sum gyi skad dod pra ti ak+Sha zhes pa'i pra ti zlos pa sogs dang/ ak+Sha dbang po la 'jog pa gong 'og mthun pas dbang po'i sgos bshad dgos la/ de yang dbang po'i yul gyi skad dod aintri ya kaM zhes pa'i aintra dbang po i ya ka yul la byas nas dbang po'i yul sogs la 'jog tshul zab rgyas kun gsal tu gsal la/ rje 'jam dbyangs thub bstan rgya mtshos/ pra ti rten 'brel la 'jug pas dbang po la brten pa ste dbang po la mngon du gyur pas mngon sum zhes gsungs gsung ba shin tu legs so/ /tshig gsal las/ de yongs su gcod par byed pa'i shes pa ni/ rtswa dang sog me'i me bzhin du mngon sum gyi rgyu can yin pa'i phyir/ mngon sum nyid du brjod par byed do/ /zhes gsungs pas/ gung ru sogs yul can mngon sum yin pas mngon sum du 'jog gi /mngon gyur dang mngon sum don mi gcig gsungs pa mi 'thad de/ rtswa'i me rtswa ma yin pa'i phyir ro/ /'o na/ yul can mngon sum la mngon sum ma yin pas khyab par thal/ lung de'i phyir na ma khyab ste/ de dag yul mthong tshul gyis mngon sum du mi 'jog ces pa'i don yin pa'i phyir/ spyir dbang shes lnga lta bu'i 'jig rten pa'i shes pa dang/ gang zag phal cher mngon sum yin te/ zab rgyas kun gsal las/ kha cig /yul gzugs sogs kho na mngon @196a @#/ /sum yin gyi yul can mig sogs dang/ gang zag sogs mngon sum ma yin par smra ba mi rigs te/ 'jig rten pa'i rnam shes la de kun mngon sum yin par mtshungs pa'i phyir/ brgya pa'i 'grel ba las/ 'jig rten pa'i shes pa la ni bum pa mngon sum yin zhing/ mig la sogs pa dag kyang mngon sum yin la/ de'i nye bar len pa can rnams kyang mngon sum yin pas nyes pa med do/ /zhes gsungs pa'i phyir/ khyab ste/ de'i nye bar len pa can zhes pas/ mig sogs de'i nye bar len pa can gang zag bstan pa'i phyir/ zhes pa nas/ des na gzhung tshan 'dir tshig zin la shes pa med kyang/ skabs gzhan la brten nas mngon sum dang mngon gyur du 'grub bo/ /'on kyang skabs 'dir dbang po lkog gyur yin kyang/ dbang rten lnga mngon gyur yin pa mi 'gal bar shes par gyis/ zhes mig sogs dbang rten la dgongs pa blangs nas gang zag yin par sgrub pa'i phyir dang/ shes pa skabs gzhan la brten nas 'grub tshul/ de phyir nga yis mthong snyam dran 'gyur te/ /zhes pa'i skabs su 'di sngar ngas mthong snyam du dran pas sngar gyi mig shes lta bus yul myong stobs kyis rtogs par gsungs pa gang zhig /myong stobs kyis rtogs par bya dgos pa'i chos mngon gyur gyi mtshan nyid yin pa'i phyir/ des sngon po mthong ba'i gang zag kyang 'grub ste/ legs @196b bshad snying po las/ sngon 'dzin gyi shes pas sngon po mthong ba dran pa la brten nas ngas sngar sngon po mthong ngo/ /zhes gang zag dran pa des sngon 'dzin gyi shes pa dran pa yang ci zhig 'gal/ zhes dang/ dbu ma'i zin bris las/ de ltar dran pa ni nga zer ba'i mig shes dang nga gnyis gcig char du dran la/ ngas mig shes kyis mthong ba na ngas mthong bar 'jog pa la grub mtha' kun mthun pa'i phyir/ zhes dran pa des yul shes gang zag gsum ga rtogs par gsungs pa'i phyir/ brgya ba'i 'grel ba'i dgongs pa'o/ /gnyis snang can gyi shes pa phal cher rang gi snang ba la mngon sum gyi tshad ma yin pas/ bden 'dzin la bden par snang ba ma rtogs pa'i gang zag med pas de yang mngon gyur yin te/ kun gsal las/ 'jig rten pa'i dbang po drug po gang rung la brten pa'i mngon sum tshad ma gang rung gi dngos gzhal de mngon gyur gyi mtshan nyid/ ces gsungs pa ltar/ de bden 'dzin gyis drangs pa'i dran shes kyi dngos gzhal yin pa'i phyir/ bden 'dzin yod pa'ang mngon gyur yin nam snyam ste/ nga la bden par snang snyam du dran pa na snang byed yod pa dang snang mkhan gang zag kyang dran pa'i phyir snyam ste dpyad/ /'on kyang bden 'dzin dang bden stong sgyu ma lta bu'i mig shes sogs mngon gyur min te/ rang gis drangs pa'i dran pas rtogs mi thub par rgyu mtshan sogs @197a @#/ /la brten nas rtogs dgos pa'i phyir te/ de gnyis rtogs na stong nyid rtogs dgos pa'i phyir ro/ /de gnyis chos can/ dbang po drug gang rung gi yul yin par thal/ yid dbang gi yul yin pa'i phyir te/ yid kyi rnam par shes pa'i yul yin pa'i phyir zer na/ ma khyab zer dgos pa 'dra ste/ dbang po drug ni 'jig rten pa'i dbang po drug la byas pa'i phyir ro/ /bum pa dang de 'dzin mig shes yod pa'ang mngon gyur yin te/ kho rang rtogs na kho rang yod pa'ang rtogs dgos pa'i phyir/ yod pa bsgrub bya'i chos su bzung ba'i sbyor ba yang dag ji ltar 'god dpyad/ /rje 'jam dbyangs mtshan can gyis/ gangs ri sngon por snang ba'i dbang shes la gangs ri sngon por snang ba bya byed gnyis kyi steng nas 'jog dgos pas nang gi chos kyang yod dam/ yang na sngon po 'dzin pa'i mig shes la sngon po snang tsam po sngon por 'jog pas rang ldog phyi'i chos can yin nam/ de yin na/ gangs ri sngon por snang ba sngon po yin nam/ yang na/ de la reg pas gangs ri la reg pa sogs kyi bya ba thub pas gangs ri yin nam dpyad la/ phyi'i chos su byas na bum pa bden par sgro btags pa bum pa'i kun btags su gsungs pa dang 'grig gam snyam la/ bum pa'i steng gi chos la nang gi chos yod med kyang dpyad/ /gsungs la/ phyis dpyad na rnam bshad las/ @197b byed pa 'dis tshor ba dang/ 'di 'dra ba zhig tshor ba zhes sogs ltar byed pa 'dis snang ba shes pa dang/ 'di 'dra ba zhig snang ba yul la byas nas 'di ni yul yin pas phyi'i chos yin la/ sngon po sngon 'dzin mig shes la sngon por snang ba tsam dang mi 'dra bar 'di 'phral kyis 'khrul rgyus bslad pas sngon por 'jog pa la tshad mas gnod pas sngon po min la/ de la gangs rim snang bas gangs ri min kyang/ 'khrul snang gi gzugs tsam zhig yin snyam mo/ /stong nyid dang bar chad med lam sogs dran pas myong stobs kyis rtogs kyang de'i sngon du rtags sogs la brten pas mi 'dra'o/ /'og mas/ gzhal bya rang spyi gnyis kyis tshad ma gnyis 'jog pa 'gog tshul/ tshig gsal las/ ci mtshan nyid de gnyis zhes sogs kyis mtshan nyid de gnyis lam tshan gzhi'am mtshon bya gzhan yod na gzhal bya la gnyis su grangs ma nges la/ med na mtshon bya med pas mtshan nyid mi srid pas des tshad ma gnyis su dbye mi thub bo/ /de'i phyir khyod ltar gyi mtshan nyid gnyis kun rdzob tu ma grub la/ don dam par de bas kyang ma grub pa'i phyir/ zhes bkag la/ rgyas par zab rgyas kun gsal du gsal lo/ /yid mngon phal cher 'og ma'i 'dod pa'i spyi mtshan bzung yul du byas pa'i rtog par brgya ba'i 'grel bar gsungs pa dang/ rjes dpag rang gi snang ba la mngon sum gyi tshad ma yin pas @198a @#/ /mngon sum tshad mar 'gro ba la/ khyod ltar gyi rang mtshan dngos po mi dgos la/ gzhal bya rang spyi gnyis med kyang gzhal bya mngon lkog gnyis sogs kyi dbang gis tshad ma la mngon rjes gnyis su dbye bar ma zad/ gzhal bya'i dbang gis khyod la ma grags pa'i lung gi tshad ma dang/ dpes nyer 'jal sogs bzhi yang rung ba'i phyir/ zhes tshig gsal ltar bkag go /stong thun las/ rang rgyud pa man chad gyi lugs la rjes dpag tshad ma rnams snang yul la 'khrul zhing/ zhen yul la ma 'khrul bar 'dod kyang/ 'dir ni de khas blang du mi rung ste/ zhes sogs la brten nas/ rje btsun pa dang/ gung ru sogs sgra mi rtag par rtogs pa'i rjes dpag rang gi zhen yul la 'khrul ba'i shes par bzhed pa ltar/ kun gsal las/ rigs shes rjes dpag gi zhen tshul 'khrul ba'i phyir/ der thal/ de zhen yul la 'khrul ba'i phyir na stong thun ltar na ma khyab/ der thal/ sgra mi rtag rtogs kyi de zhen yul la 'khrul ba'i phyir/ zhes stong thun ltar na zhen yul la 'khrul bar gsungs nas/ yang lam rim chen mo las/ 'di ltar phung po mi rtag sogs su 'dzin pa'i rtog pa ni snang yul la 'khrul yang/ nges pa'i 'dzin stangs la tshad ma'i gnod pa med pas phyin ci ma log pa'am ma 'khrul ba zhes bya la/ dbang po'i shes @198b pa rnams ni snang yul la 'khrul zhing ma 'khrul ba'i cha gzhan yang med pas ma 'khrul ba zhes mi bya'o/ /zhes pa drangs nas/ 'dir yab sras gnyis kyi gsungs gnyis mi mthun na ma dpyad dgos gsungs kyang/ yig char/ rtsa bar 'dod mi nus te/ stong nyid rtogs pa'i rjes dpag gi snang ngor gnyis snang gi spros pa ma bcad kyang stong nyid nges pa'i nges ngor spros pa mtha' dag bcad par stong thun dang/ dus 'khor TIka chen las bshad pa'i phyir/ de 'dra stong thun gyi don min la/ sgra mi rtag pa la 'khrul la de'i zhen yul yang yin pas/ de'i zhen yul la snang ba'i sgo nas 'khrul zhes pa yin pas lam rim dang shin tu mthun no/ /zhes gsungs pas/ phyi rtsom 'di ltar byas na rigs pa drug cu pa'i 'grel ba dang tshig gsal sogs dang 'grig go /kun gsal las/ 'og mas mngon lkog yin khyab mnyam du bsgrubs pa ltar byas na mngon lkog gi btags don btsal bar 'gro bas zhes pa ltar/ tshad rang gnyis kyis gzhi grub na/ mngon rjes gnyis ka'i gzhal bya yin pas khyab pas mngon lkog gnyis kyang don gcig tu 'dod la/ rang lugs la/ 'chi med mdzod las/ mngon sum dang ni dbang po'i yul/ /lkog tu gyur dang mngon sum min/ /zhes pa ltar/ btags don ma btsal bar 'jig rten grags pa dang bstun nas mngon lkog gnyis 'gal bas tshad ma @199a @#/ /gnyis kyi gzhal bya 'gal bar 'dod do/ /rje btsun pas stong thun la brten nas rang gi 'dzin stangs kyi yul du gyur pa'i gzhal bya mngon gyur pa la mi slu ba'i shes pa/ mngon sum tshad ma'i mtshan nyid zer bar/ mngon sum tshad ma dang de khyab mnyam min la/ rang sgra rjes dpag gi mtshan nyid la'ang yod la/ kun gsal du mngon sum la yang rang sgra sbyar kyang tshig 'khri chod pa'i zhib cha byas/ 'di ltar rang sgra dor na legs so/ /'di 'dra gzhung gzhan na'ang mang ngo/ /skyon gtso bor bar chad med lam chos can/ zhes sogs ltar stong nyid de de'i yul du gyur pa'i gzhal bya lkog gyur pa yin pa'i phyir te/ de'i yul du gyur pa'i gzhal bya cung zad lkog gyur yin pa'i phyir te/ de'i yul du gyur pa'i lkog gyur yin pa'i phyir/ zhes bkag chog go rgyan bzang pas/ rnal 'byor mngon sum bdag rkyen bsam gtan gyi dngos gzhi la brten dgos zer ba dgag sla la/ kha cig /sbyor lam drod nas stong nyid rtogs pa'i zhi lhag zung 'brel gyi mngon sum thob pas rnal 'byor mngon sum la rtog bral dgos zer pa 'gog tshul/ yig char/ rtsa bar 'dod mi nus te/ rnal 'byor mngon sum rigs pa drug cu ba'i 'grel bar rgyas la/ der yang mngon sum gyur rgyu dang/ gyur tshul gzhan bkag kyang rtog bral ma bkag cing/ mdo dag kyang de ltar @199b 'brel che ba'i phyir/ zhes 'grel ba der 'og mas rnal 'byor mngon sum gyis tshul gzhan bkag nas rtog bral ma bkag pa dang/ mdo dag gi don yang rtog bral du 'brel che bas bkag go /rigs pa drug cu pa'i 'grel bar/ de'i phyir/ 'jig rten gyi kun rdzob tu mi dmigs pa'i shes pa mngon sum nyid du 'gal ba med do/ /zhes sogs kyis bdag med gnyis rang mngon sum du rtogs pa'i ye shes la ltos nas mngon sum yin pas/ yul gyi sgo nas mngon sum du bzhag chog pa sogs rgyas par gsungs la/ de nyid las/ gal te rang spyi mtshan nyid du mi 'tha dad par khas blangs pa'i phyir/ sgom pa'i sbyor ba spyi'i rnam pa can rdzogs pa'i ngo bo ni rang gi mtshan nyid kyi yul can nyid du mi 'thad pas/ de'i tshig 'di ni nges par brtags na 'brel ba med pa kho na ste ha cang thal bar 'gyur ba'i phyir ro/ /zhes pas kun btus las/ rnal 'byor rnams kyi bla mas bstan/ /ma 'dres pa yi don tsam mthong/ /zhes mdo sde pas bdag med don spyi'i sgos rtogs pa'i blo goms pas de dang ma 'dres pa'i rang mtshan zhig mngon du gyur par 'dod pa la/ 'o na/ gang zag des ma bsgom pa'i chos kun mngon du gyur par thal/ spyi mtshan bsgoms kyang ma bsgom pa'i rang mtshan mngon du gyur ba'i phyir/ zhes mngon du gyur rgyu'i rang mtshan dang/ bdag med @200a @#/ /bsgom pas mngon du gyur tshul bkag la/ rtog bral ma bkag par ma zad/ de nyid las/ de'i phyir gsung rab las sdug bsngal mi skye ba shes pa yang mngon sum nyid du zhal gyis bzhes pa'i phyir/ zhes sdug bden sogs mngon sum du rtogs pa zhig rnal 'byor mngon sum du mdo las gsungs par bshad pa'i phyir ro/ /rje btsun pas/ tshor ba yid mngon du gsungs pa/ bdag med phra rags gang yang ma rtogs pa'i rtog par gyur pa'i tshor bar dgongs gsungs nas rjes dpag dang yid mngon mi 'gal la/ bde ba la tshor ba'i dngos po dgos par 'dod pa/ tshig gsal las/ tshad ma'i grangs 'jug pa gzhal bya gzhan gyi dbang yin pas zhes pa ltar mngon lkog gnyis 'gal bas myong stobs dang rtags stobs kyis rtogs pa'i blo gnyis kyang 'gal dgos pas bkag nas/ bzhi brgya ba'i 'grel ba'i don dus gsum lkog gyur yin pas dus 'jog pa bum pa sogs dang/ rtags la ma brten par mngon sum tshad mas myong stobs kyis rtogs mi nus par bstan tsam yin la/ rjes dpag tu gyur pa'i tshor bas yul myong ba'i sgo nas rtogs kyang myong stobs kyis ma rtogs zhes zhib cha gnang ngo/ /de ltar min na/ rjes dpag thams cad yid mngon du thal/ sems sems byung gzhan rnams kyis kyang grogs stobs kyis myong ba'i phyir ro/ / @200b bde ba la yul can mi dgos pa/ lam rim las/ de yang tshor ba bde ba kho na min gyi/ de dang mtshungs par ldan pa'i sems sems byung gzhan rnams dang gang la dmigs nas skyes pa'i yul zag bcas rnams kyang 'gyur ba'i sdug bsngal lo/ /zhes pa dang/ dga' bo mngal 'jug gi mdo sogs kyis/ stong nyid yid du 'ong ba zhi ba sogs bde bar bsgrubs nas/ bar chad med lam gyi tshor ba 'de bas stong nyid la bde bar mnyam par bzhag pa dang/ bde ba'i tshul gyis rtogs kyang bde ba yin par ma rtogs pa'i zhib cha byas nas tshor bas rang la shar ba'i rnam pa myong bas rang gis rang myong bar chos yang dag par sdud pas sgrub pas/ de'i myong bya la de'i yul mi dgos so/ /'dis gung ru yang bzhag go /des na dbang mngon dang rjes dpag gang rung ma yin pa'i tshad ma thams cad yid mngon yin kyang/ brgya ba'i 'grel bar tshor ba la sogs pa ltar zhes tshor ba zur du bkar ba ni/ rnam bshad las/ mngon gyur du 'jal ba la dbang shes kyis gzugs sogs gcod pa lta bu dang/ tshor ba bde sdug la sogs pa ltar nang du nyams myong gis yongs su gcod pa gnyis gsungs so/ /nas/ yid kyi mngon sum du bzhag ste/ zhes pa ltar/ rtog pa'i yid mngon rnams kyis dbang shes ltar mngon sum du ma rtogs kyang/ 'dzin stangs kyi yul myong stobs kyis rtogs pas @201a @#/ /yid mngon du 'jog pa'i dper gsungs pa yin la/ rje 'jam dbyangs mtshan can gyis/ yid mngon rnams myong stobs kyis nges pas bzhag la/ myong byed gtso bo tshor ba yin pas sam; yang na dran shes rnams yid mngon du 'jog byed gtso bo tshor ba yin pa la dgongs sam dpyad/ kun gsal las/ dran shes thams cad yid mngon ma yin te/ bdag med dang mi rtag pa sogs lkog gyur pa'i yul rtogs pa'i rjes dpag gis drangs pa'i dran shes du ma yod pa'i phyir/ zhes pa bum pa bden med rtogs pa'i bcad shes phyi'i rgyu mtshan la brten nas kwa ba bden med rtogs pa'i bcad shes su gyur na/ rgyu mtshan la brten pas yid mngon min zhes pa yin nam/ yig char/ stong nyid rtogs pa'i bcad shes la yid mngon bzhag yod tshod yin/ lung de'i mjug tu/ des na tshad ma rnams mngon rjes bzhir 'du yang de gang rung yin mi dgos la/ rtog pa'i yid mngon gyi 'dzin stangs kyi yul la gzhal bya mngon gyur pa zhig med na/ mngon sum tshad mar mi 'gyur te/ 'di yul mngon sum pa kho nas mngon sum du bzhag pa'i phyir/ zhes pas/ tshad ma bzhi yang mngon sum gsum dang/ rjes dpag dang bzhi la byas nas lkog gyur rtogs pa'i dran shes rnams mngon sum gsum du phye ba'i yid mngon min zhes pa'i don yin ces na/ dbu mar/ de 'dra'i @201b sbyor lam gsum du phye ba'i yid mngon min par gsungs pa dang mthun nam/ de ltar na gsum du phye ba'i de'i mtshan nyid la rang gi 'dzin stangs kyi yul du gyur pa'i gzhal bya mngon sum pa sbyar dgos pas dpyad gsungs so; /de la bum pa bden med rtogs pa'i bcad shes kyis kwa ba bden med rgyu mtshan la brten nas rtogs pa med de/ bum pa bden med rtogs pa'i rjes dpag gis kwa ba bden med stobs shugs kyis rtogs pas des drangs pa'i dran shes kyis tshad ma gzhan dang rgyu mtshan sogs la ma brten par blo kha phyogs tsam gyis rtogs pa'i phyir te/ stobs shugs kyi don yod pa'i phyir dang/ rgyu mtshan la brten na de rjes dpag tu thal ba'i phyir te/ de gsum du phye ba'i yid mngon min par gsungs pa yin te/ de'i gong du ting nge 'dzin la ma ltos par rgyal sras mang po la smon lam sogs kyi ma thus 'di ltar dran pa'i dran shes yod pas yid mngon 'grub bo/ /zhes ting nge 'dzin la ma ltos par gsungs la/ gsum du phye ba'i de 'chad pa'i skabs yin pa'i phyir/ yig char/ 'dod mi nus te/ yid kyi mngon sum yin pa'i phyir/ zhes sbyor lam mnyam bzhag yid mngon du gsungs nas bdag rkyen zhi lhag zung 'brel la brten pas gsum du phye ba'i de min par gsungs la/ kun gsal las kyang/ rang gi thun mong ma yin pa'i bdag rkyen yid dbang @202a @#/ /tsam la dngos su brten cing/ zhi lhag sogs ting nge 'dzin la ma brten par rang gi 'dzin stangs kyi yul gyi gzhal bya mngon sum pa la mi slu ba'i shes pa yid kyi mngon sum tshad ma'i mtshan nyid/ ces gsungs pas/ gsum du phye ba'i yid mngon la lkog gyur rtogs pa yod pa 'grub pas/ 'di stong thun sogs kyi tshig zin ltar gzhan 'dod zhig bkod dam dpyad/ gong du des na rtog pa yin kyang rang gi yul mngon sum du gzhal ba lugs 'di la mi 'gal tshul dang gsungs pa'ang/ rang gi snang ba la byed dam mngon gyur du gzhal ba la byed dpyad/ tshig gsal las/ gal te mtshan gzhi'am nas/ mngon sum nyid du rnam par bzhag go/ /zhes pas/ mngon sum tshad ma spyi dang dbye ba gsum gyi mtshan nyid dang/ gnyis snang can rnams rang gi snang ba la mngon sum tshad mar 'gro tshul mngon sum dngos btags kyi khyad par bcas bstan pas/ de'i dngos bstan gyi rang spyi la yang/ rtsa shes TIk chen las/ tsha ba mo dang/ mi rtag pa 'dus byas kyi gshis yin pa tha snyad du yang med kyang/ thun mong yin min gyi mtshan nyid las/ rang gi mtshan nyid dang/ spyi'i mtshan nyid du mngon pa las gsungs pa ltar tha snyad du yod pa rang lugs so/ /zhes pa ltar bdag med sogs spyi mtshan dang/ mtshan nyid la rang mtshan du byas pa'i rang lugs kyi de @202b la byed pa rnam bshad kyis/ rang spyi gnyis gang la sogs kyis 'grub pas/ stong thun las/ dngos smras rang spyi gang du khas blangs pa'i chos yin kyang/ zhes pa/ yod med gang yin kyang/ 'jig rten pa gnyis snang can gyi shes pa la snang ba de shes pa de la mngon gyur dang/ shes pa de la mngon sum tshad mar 'gro dgos par bstan tsam yin gsungs la/ des na yig char/ mdor bsdus na zhes pa nas/ dri med yin no/ /zhes pas lung des don rnam bshad las/ shes pa gang la gang gi rnam pa snang ba thams cad shes pa de'i yul mngon sum yin na/ zhes sogs ltar rang gi 'dzin stangs yul dang rang gi snang ba thams cad myong stobs kyis rtogs na yul de la mngon gyur dang yul can de la mngon sum tshad ma yin pas khyab ces pa yin pa/ zla ba dang rje'i dgongs pa yin zhes pa yin no/ /bden gnyis skabs yig char/ rnam bshad tshad 'gog dang mthun nam snyam ste 'chad par 'gyur ro/ /gsungs pa yang 'di yin te/ rnam mkhyen gyis rang nyid myong stobs kyis rtogs pas de'i rnam pa 'char dgos pa'i phyir ro/ /rje btsun pas/ phra ba'i mi rtag pa mngon sum du ma rtogs pa'i rgyud kyis thung mtha'i skad cig mar gyur pa'i bum 'dzin rtog pa rang gi snang ba la mngon sum tshad ma min pa rang yul gtan la 'bebs mi nus pas sgrub pa la/ tshad ma dang bden 'dzin sogs kyis skad cig @203a @#/ /so sor phye na shes pa min par mar me'i dpe yis sgrub pas/ so skye rgyud la dus mtha'i skad cig ma gyur ba'i shes pa med dam snyam ste/ yod na phal bas de'i yun la yul rtogs pa'i bya ba thub par 'gyur ba'i phyir/ gal te yod na 'dzin stangs la nges pa 'dren mi nus zer ram dpyad/ des gung rus/ rjes dpag la rang dus gsum du phye ba'i gnyis pa rjes dpag zer ba'ang khegs so/ / dgongs 'grel las/ yongs su dag pa'i mtshan nyid lngas tshad ma bzhi bstan tshul ni/ de mngon sum du dmigs pa'i mtshan nyid dang/ zhes pas mngon sum dang/ de la gnas pa mngon sum du dmigs pa'i mtshan nyid dang/ zhes pas rjes dpag dang/ rang gi rigs kyi dpe nye bar sbyar ba'i mtshan nyid dang/ zhes pas nyer 'jal dang/ lung shin tu rnam par dag pa gtan la phab pa'i mtshan nyid ces pas lung gi tshed ma'i yul dang/ yongs su grub pa'i mtshan nyid dang/ zhes pas tshad ma dang po gsum gyis yul grub tshul bstan par kun gsal las so/ /rjes dpag gi mtshan nyid/ rgyu mtshan bsgrub bya la mi 'gal ba la dngos su brten nas rang gi 'dzin stangs kyi yul gyi gzhal bya lkog gyur pa la mi slu ba'i shes pa/ zhes pas/ rje btsun pa dang/ bsod grags pas/ rang gi rten rtags yang ngag la dngos su brten nas zhes pa dang/ 'dzin stangs kyi @203b yul du gyur pa'i zhes sbyar ba dang/ bsod grags pas/ thal 'gyur tsam gyis bsgrub bya rtogs pa'i rjes dpag skye mi thub par stong thun sogs kyis sgrub pa dgag ched yin te/ gong du sgra chos can/ gang la yang ma ltos par thal/ bden par grub pa'i phyir/ zhes pa'i thal 'gyur tsam la brten nas bsgrub bya rtogs pa'i rjes dpag skye tshul tshig gsal sogs kyis bsgrub cing/ 'dzin stangs kyi yul du gyur pa'i zhes pa sgyu ma'i rta yin na/ sgyu mar gyur pa'i rta yin mi dgos pa sogs kyis bkag pa'i phyir dang/ bdag skye 'gog pa'i thal 'gyur gnyis pa'i rtags de yang yang dag min la/ shugs la 'phang ba'i sbyor ba'ang med pa'i phyir na/ rgyu mtshan bsam pa'am dpyad stobs kyis zhes gsungs so/ /dngos su zhes pas rjes dpag skad cig gnyis pa lta bu rgyu mtshan sogs la rgyud nas brten kyang/ yul rtogs pa tshad ma snga mas myong stobs kyis rtogs pas rgyu mtshan la ma brten par bstan to/ /sgra bshad gtso bo rtags can rjes dpag la sbyar ba 'thad ldan ltar la/ a nu rjes su dang mA na 'jal ba'am dpog pa la 'jug pas rgyu mtshan bsam pa'i rjes su don de dpog pa la byas kyang chog gam snyam mo/ /rjes dpag la bsam byung gis khyab pa bsam gzugs sogs las gsungs pas/ gzhan don skabs kyi rtags la brten pa sogs thos bsam gnyis ka yin kyang @204a @#/ /gsum du phye ba'i thos byung min no/ /tshig gsal las/ lkog tu gyur ba'i yul can nas/ rjes su dpog pa'o/ /zhes pas dngos stobs rjes dpag bstan pas rgyu mtshan yang dag la brten nas 'dzin stangs kyi yul gyi gzhal bya cung zad lkog gyur gyi yul can zhes pa'o/ /yang de nyid las/ dbang po las 'das pa'i don zhes pas 'dzin stangs kyi yul gyi gzhal bya dbang po drug sogs kyi yul las 'das pa'i shin tu lkog gyur pa'i don dang/ mngon sum du rig cing yid ches par gyur pa dag gis tshig gang yin pa de ni lung ngo/ /zhes pas rang gi bstan don la don de mngon sum du rig pa'i mngon sum dang; dngos stobs kyi rigs pa dang/ 'jig rten grags pa dang/ lung rang gi dngos shugs dang gong 'og 'gal mi 'gal dpyad pa'i dpyad pa gsum gyis dag pa'i yid ches pa'i tshig lung tshad ma la brten nas skyes pa yid ches rjes dpag tu bstan to/ /sgra bshad Aka ma pra mA na zhes pa'i ag ma/ sgra gzhung las glo bur bal bshad cing/ rab byed bco lnga pa'i tshig gsal du don gsum gyis lung du gsungs pas nyes zad bcom ldan 'das las brgyud nas 'ong ba dang/ de kho na nying go bar byed pa dang/ 'jig rten pa rnams myang 'das su 'gro byed yin pas lung tshad ma zhes bya la/ de la brten nas don rab tu 'jal bas lung gi tshad ma zhes bshad @204b do; ;rje 'jam dbyangs mtshan can gyis/ spyir lung gi tshang ma'i gzhal bya'i gtso bo shin lkog yin pa ni/ rnam 'grel las/ gnas gsum par ni 'phos pa na/ /sogs ltar dbu sems kun mthun kyang/ dbu sems su'i lugs la yang/ bum ba lta bu ming mi 'dra ba dang/ yul dus sogs kyi dbang gis shin lkog tu song ba'i gang zag gis lung la brten nas rtogs dgos kyi dngos stobs kyi rigs pa sogs kyis rtogs mi thub pas/ de'i rgyud la bum pa rtogs pa'i yid ches rjes dpag 'jog dgos pa yin/ phar phyin mchan dang mi 'gal te/ de ni bum pa mi rtag pa lta bu dngos stobs kyis bsgrub rung gi gang zag la dngos stobs kyi dpyad pa mi 'jug pa de srid du bsgrub pa skabs su ma babs pa'i don yin/ snga ma la lung gis ma sgrub par rtogs thabs med gsung/ drang nges chen mor/ sgra ji bzhin pa'i mdo yin dgos pa'i phyir te/ nas/ bden bzhi'i blang dor dngos su ston pa'i mdo de dpyad gsum gyis dag pa'i lung gi rtags kyis gzhal bya shin tu lkog gyur ston pa'i mdo rang gis bstan bya'i don la mi bslu bar sgrub par byed pa'i rtags chos gnyis ldan gyi mthun dpe yang dag yin pa'i phyir/ zhes gsungs pas/ dpyad gsum gyis dag pa'i lung la sgra ji bzhin pas khyab zer mkhan yod kyang/ dbu ma rgyas spar lung tshad ma dang/ dpyad gsum gyis dag pa'i lung don gcig ces pa/ 'dir sgra bshad kyis shes gsungs/ @205a @#/ /yig char/ rang nyid shin tu lkog gyur du yul dus rnam pa ci rigs sgo nas song ba'i gang zag yod pa'i phyir/ yang khyab pa khas/ der thal/ gzhi grub pa'i phyir/ zhes gsungs pa ltar 'dir gnas kyi phal bas bde ba can gyi zhing gi dbyibs bkod sogs/ zhing mdo la brten nas rtogs pa yod pa dbu sems kun mthun pa'i phyir dang/ spyir zhing de'i bkod pa mngon sum tshad mas yul yin pas dpyad pa dang pos ma dag la/ mkhyen gsum gyi yon tan dngos stobs kyi yul yin pas dpyad pa gnyis pas ma dag pas lung gis sgrub pa don med pa phar phyin mtshan gyi don yin pa'i phyir te/ spyir btang dmigs gsal yod pa'i phyir/ de la kho na re/ bden 'dzin la bden par snang ba dang/ yod pa gnyis chos can/ khyod shin lkog tu song ba yod par thal/ gzhi grub pa'i phyir/ 'dod mi nus te/ gang zag yin na/ de gnyis rtogs pas khyab pa'i phyir te/ snga ma bshad zin la/ gang zag yin na/ rang rgyud kyi shes pa gang yang rung ba zhig gis rang yod pa rtogs pas khyab pa'i phyir na ma khyab ste/ mchod sbyin gyi bden 'dzin la bden par snang ba dang; de'i rgyud kyi shes pa yod pa lta bu shin lkog tu song ba yod pas 'jog pas rang ldog tsam zer na/ shin lkog tu song ba'i gang zag yod kyang yin pa med ces chog go /tshig gsal las/ 'dra ba las nyams @205b su myong ba'i don rtogs pa ni nye bar 'jal ba ste/ dper na ba min ni ba lang dang 'dra'o/ snyam pa lta bu'o/ /zhes pas nyer 'jal gyi skad dod u ba mA na'i u ba nye ba dang 'dra ba dang dpe la 'jug pas 'dra ba'am dpe rtogs zin pa la brten nas rang la lkog gyur gyi don de dpe de dang 'dra bar rtogs pas dpe nyer 'jal gyi rjes dpag ces gsungs pas/ rje btsun pa gung ru sogs kyis dpe ba lang la brten nas pa min mi rtag par rtogs pa lta bu bzhag pa ni 'dra'o snyam pa lta bu'o zhes pa dang 'gal la/ snga ma gnyis las zur du bkar bas dgos pa med pa'i phyir/ de'i phyir/ yig char/ 'di la dpe don 'drar 'dzin zhig dgos pa'i phyir zhes dang/ kun gsal las/ 'di'i dper brod las kyang 'dra'o snyam pa lta bu zhes 'dzin stangs la 'dra chos bzhag la/ don tsam ma bzhag pa'i phyir/ gsungs so/ /'dra chos 'dzin tshul gyis zur du bkar ba tsam las/ snga ma gnyis su 'du ste; yig char/ myu gu ni mi bden pa zhes pa nas/ stong nyid ston pa'i mdo lta bu'o/ /zhes dngos stobs dang yid ches kyi rtags la sbyar ba'i phyir ro/ /shes pa yin na/ rang dang snang tshul 'gal ba'i tshad ma med pas khyab kyang/ rang dang 'dzin stangs 'gal ba'i tshad ma yod pa'i shes pa log shes kyi mtshan nyid du 'jog pa stong thun ltar la/ yid dpyod dang snang la ma nges pa'i blo sogs 'dzin stangs kyi yul yod kyang de ma nges pas tshad @206a @#/ /ma min no/ /mi'i mig gis gong ma'i gzugs mi mthong yang/ de'i shas mig khyad par can gyis mthong ba mi 'gal lo/ /glo bur ba'i rtags la brten pa'i thos byung ni/ gzhan gyis phyogs der du ba yod ces pa'i tshig la brten nas der mi yod par rtogs pa la/ zin bris su gsungs so/ ! //gsum pa sgrub byed kyi lung gis dgag pa la/ zhes gsungs pa sa bcu pa dang lang gshegs sogs kyis sems tsam du gsungs pas/ phyi don med pa dang/ dgongs 'grel sogs kyis gzhan dbang rang bzhin gyis yod pa dang/ kun gzhi yod pa sogs mi 'grub par lung gis sgrub pas/ gnad che'o/ /rnam bshad sogs las/ sems tsam du gsungs pa'i tsam sgras phyi don mi 'gog par bstan pa zhes pa/ 'jug 'grel las/ sems tsam pas phyi don med pa sa bcu pa dang/ lang gshegs sogs las sems tsam du gsungs pa'i lung gis bsgrub pa'i lan du gsungs pas yin pas 'gal ba med la/ yig cha'i 'di la/ de ltar lung gi lo rgyus zhes sogs kyang dngos su thon no/ /de la gsum/ dang po sa bcu pas sems tsam du gsungs pas phyi don 'gog par 'dod pa lung gis dgag pa la/ mngon gyur mngon phyogs sogs bzhis/ sa bcu pa las/ sa drug pa bas khams gsum sems tsam du @206b rtogs par gsungs pa'i tsam sgras rtag pa'i bdag sogs byed pa por bkag par sa bcu pa'i lung gis sgrub po/ /de phyir blo ldan sogs brgyad kyis/ lang gshegs las/ gang zag rgyun dang sogs kyis mu stegs pas bdag gtso bo sogs dang/ rang sde'i dngos smras kun gzhi dang phung po'i rgyun sogs byed pa por rang gi gzhung las bshad pa ltar rgyal bas ma gzigs nas sa bcu bar sems tsam byed por gsungs/ zhes mdo gzhan gyis bkag go /rang 'grel du rang sde'i 'og ma rnams mu stegs pa dang mtshungs par rin phreng drangs nas sgrub po/ /de nyid rgyas la sangs rgyas sogs bcu gnyis kyis/ de nyid la blo rgyas pa la sangs rgyas zhes sgrib pa spangs pa mi mngon par byas pa bzhin/ don sems gnyis las sems gtso bo la gtso bo mi mngon par byas nas sems tsam gsungs kyi/ phyi don bkag nas sems rang bzhin gyis yod par gsungs pa ma yin par thal/ gal te sems tsam pa ltar na slar yang/ sa bcu pa las/ yan lag bcu gnyis snga ma las phyi ma 'byung bar bshad pa dang 'gal ba'i phyir te/ rang bzhin gyis grub na gzhan la mi ltos pa'i phyir/ zhes rang 'grel du sa bcu pa drangs la/ sems gtso bo yin te/ sems kyis snod bcud kyi 'jig rten skyed pa'i phyir te/ de thams cad las las skyes par gsungs la/ sems med na las med pa'i phyir/ phyi don @207a @#/ /yod med kyi sems byed po yin pas/ mdo las/ sems las gzhan pa'i byed po dgag gi phyi don bkag pa min no/ /rang 'grel las/ gzugs byed pa po yin pa'ang dgag mi dgos par dpe'i sgo nas gsungs so/ /gnyis pa don sems yod med mtshungs pa lung rigs kyis sgrub pa ni/ 'jig rten pa yi de nyid sogs bcu gnyis kyis don sems gnyis gcig yod la gcig med par khyod kyis 'dzin mi rung bar thal/ phung po lnga char 'jig rten tha snyad du yod mnyam dang/ zag med ye shes gyi dor med mnyam yin pa'i phyir/ zhes rigs pa dang/ sher mdo las/ don dam par med mnyam dang/ chos mngon pa'i mdo las/ rang spyi sogs tha snyad du yod mnyam du gsungs pa'i phyir/ zhes lung gis sgrub po/ /sems tsam pa khyod kyis mdo'i bden gnyis kyi rnam bzhag gshig kyang bden grub lung rigs kyis bkag pas mi 'grub pas/ dngos po rnams don dam du ma skyes shing tha snyad du skyes par rig par gyis/ zhes gsungs so/ /gsum pa lang gshegs las sems tsam du gsungs pa'i dgongs pa bshad pa la gnyis/ dang po sems tsam bas phyi don med par lang gshegs kyi lung gis sgrub pas/ lan du lung de drang don du lung rigs gnyis kyis sgrub pa'i dang po ni/ mdo sde gang las sogs drug gis dang bo @207b gnyis kyis lung ngos bzung nas/ de nas gnyis kyis gzugs la chags pa bzlog pa dgos par dngos su bstan nas dgongs gzhi sems kyis bzhag tsam yin pa shugs la bstan to/ /ji ltar nad pa sogs kyi lung gis drang don du gsungs shing/ 'og nas 'byung ba'i rigs pas kyang 'grub ces pa'o/ /rnam pa de lta'i mdo sde sogs gnyis kyis sems tsam pas nges don du 'dod pa'i mdo gzhan/ dgongs 'grel las mtshan nyid gsum la cha phye ba kun gzhi phyi don med pa theg gsum ston pa bzhi drang don du bkral zhing/ rang 'grel du tha ma gnyis sogs sgras bsdus shing/ tha ma mdo btus las gsungs pas/ dang po gsum drang don du 'grel tshul dngos su gsungs so/ /gnyis pa rigs pa ni/ shes bya med na shes pa bsal ba ni/ sogs bzhis shes bya phyi don rang bzhin med par grub na shes pa rang bzhin med pa 'grub slabs/ dang po phyi don rang bzhin gyi yod pa dgag pa yin par thal/ sangs rgyas kyis de ltar gsungs pa'i phyir/ zhes pa'o/ /gnyis pa mdo'i drang nges rtogs thabs ni/ de ltar lung gi lo rgyus sogs bzhis nge kho na nyid dngos su mi ston pa drang don dang/ de dngos su ston pa nges don yin pas lung gi rnam bzhag shes par gyis/ zhes pa'o/ /rang 'grel du ting 'dzin rgyal po dang 'jig rten 'das bstod drangs nas blo gros mi zad par zhal 'phang @208a @#/ /missing page @208b dgongs las/ kun rdzob tu ni rnam par shes pa bzhin du phyi'i don yang gnas te/ zhes sogs ltar a b+has yang kun gzhi mi bzhed la/ mdo rgyud las/ rnam shes tshogs brgyad sogs gsungs pa 'ga' zhig legs ldan ltar kun gzhi stong nyid dang/ nyon yid ngar 'dzin pa'i sems la 'jog pa 'ga' zhig ye shes rdo rje kun las btus kyi rnam bshad ltar 'grel dgos pa sogs sna tshogs yod de/ stong nyid la yang kun la khyab pas kun gzhi dang/ yul rnam par shes par bya ba yin pas/ rnam shes sogs kyi tha snyad btags pa dang/ rlung sems la btags pa yang yod pa'i phyir ro/ /gung rus de mdo sde dgongs 'grel gyi mdo tshig la byed dgos pa gang zhig ces pa ltar rje btsun pa sogs kyis kyang/ rnam pa de lta'i sogs kyis drang don du 'grel rgyu'i mdo la dgongs 'grel gyi lung bzhi gang rung gis khyab par 'dod la/ gung rus stong thun chen mo'i lung de spyir drang don du sgrub dgos pa'i mdo lnga yod par bstan/ zhes dang/ sher dbang pas/ 'grel bar rtag brtan snying po yod par ston pa'i mdo drang don du bkral nas/ zhes gsungs pas rtsa 'grel la khyad 'byed dam dpyad la/ thams cad kyis gzhir nges pa/ rang 'grel las/ rnam par shes par smra ba rnams kyis nges pa'i don nyid du khas blangs pa zhes sogs 'dren pa zhal mthun no/ / @209a @#/ /de dag yig cha dang grub mtha' chen mor/ rnam bshad las/ lugs 'dis ni sngar bshad pa'i don tshan gzhi ka drang don du 'grel gyi zhes pas don tshan de brjod don sgo nas sems tsam 'gog pa'i skabs 'dir dngos su smos pa gsum dang/ mdo btus nas lung gis bkag pa'i mthar thug theg gsum ston pa sogs sgras bsdus kyang drang don du 'grel byed dngos su ma gsungs pa dang bzhi gtso bor bshad tsam yin gyi/ rjod byed la dgongs 'grel gyi lung bzhir nges pa ma yin te/ de bzhi re re ston pa'i lang gshegs dgongs 'grel rgyan stug sogs dbye sgos phye na mang po yod pa'i phyir/ de dag drang don du 'grel byed la yang mdo btus su theg gcig gi sgrub byed du dam chos pad dkar sogs yig char drangs pa brgyad gsungs pas bzhir ma nges pa'i phyir/ yig char/ snying rje pad dkar dang gsungs pa ma dgag ma dpyad/ legs bshad snying por/ bzhi drang don du 'chad do/ /gsungs pa yang gtso bo tsam mo/ /spyir 'dir drang don du 'grel rgyu'i mdo la don tshan bzhi gang rung brjod byar ston pa'i mdos ma khyab par thal/ dgongs 'grel las/ mdon par brjod pa ni dngos po med pa can ma yin no/ /zhes sogs sems kyis dag pa rang bzhin gyis grub pa zhig so so rang rig gi spyod yul du ston pa'i @209b mdo sems tsam pas nges don du 'dod pa gang zhig /de snga ma bzhi gang rung ma yin pa'i phyir/ zhes de sems tsam pas nges don du 'dod par sems 'grel du bkag pa dang/ rtsa bar/ gang tshe zhi ba sogs kyis/ sems tsam pas chos nyid rang bzhin gyis med na de la sangs rgyas kyi ye shes mi 'jug par brtsad pa'i khungs yin tshul/ dbu ma snang ba las/ 'phags pa rnams kyis so so rang rig par bya ba don dam pa'i dngos po ni gdon mi za bar yod do/ /gzhan du na 'phags pa dgongs pa nges par 'grel ba las/ brjod pa ni dngos po med pa can ma yin no/ /zhes pa nas/ 'di dang 'gal bar 'gyur ro/ /zhes pa'i sems tsam gyi 'dod pa dgag tshul lung de lang gshegs kyis drang don du 'grel bar sgrub pa drangs par/ dbu ma snang ba las/ 'phags pa lang kar gshegs pa las kyang mngon par rtogs pa'i rigs lngar nye bar bstan to/ /zhes pa ltar/ gtan nas rigs chad ston pa'i mdo sogs kyang 'dir drang don du 'grel rgyu'i mdo yin te/ de dag gis sems tsam pa'i thun mong ma yin pa'i 'dod pa ston zhing/ des nges don du 'dod pa'i mdo yin pa'i phyir/ khyab ste/ rang 'grel las/ rnam par shes pa smra ba rnams kyis nges pa'i don nyid du khas blangs pa thams cad drang ba'i don nyid yin par lung 'dis gsal bar byas nas/ zhes gsungs @210a @#/ /ba'i phyir/ gung ru sogs kyis snying po rtag brtan rang bzhin gnas rigs la byas nas yod par 'dod la/ sems can thams cad la mtshan dpe gsal rdzogs kyi bden grub yod par ston pa'i mdo sems tsam pas nges don du mi 'dod pas min par rang 'grel gyi lung gis sgrub par/ yig char/ lhas sbyin mi yin byas pas mi lhas sbyin yin smras par 'gyur ro/ /zhes sgrub byed dgag la/ lung 'dis gsal bar byed ces pa'i drang don du bshad rgyu tsam yang ma yin pa'i phyir/ gsungs pa rnam bshad dang stong thun gyi dgongs pa rma med pa yin te/ rang 'grel las/ lang gshegs kyi lung gis rtag brtan ston pa drang don du 'grel nas de dang kun gzhi ston pa gnyis dgongs gzhi gcig pas de yang drang don du sgrub pa'i phyir te/ rang 'grel las/ de bzhin du zhes pa rnam bshad du 'grel bshad las/ rtag brtan drang don yin pa bzhin du sems tsam smra ba drang don zer ba bkag nas/ sems tsam smra ba drang don yin pa bzhin du rtag brtan gsungs pa drang don yin zhes pa yin par gsungs pa ltar dang/ de'i phyir de ltar na rnam pa de lta bu'i mdo sde zhes pa kun gzhi ston pa la sbyar na lang gshegs las/ rtag brtan ston pa dgongs gzhi dgos pa dngos la gnod byed gsum gyis drang don du bkral ba de'i phyir/ rgyan stug las/ sa rnams sna tshogs @210b kun gzhi ste/ /sogs dang/ lang gshegs las/ de bzhin gshegs pa'i snying po kun gzhi'i rnam par shes par bsgrags pa zhes pa ltar/ de dang kun gzhi ston pa dgongs gzhi gcig pas des de drang don du gsal bar byas zhes pa yin pa'i phyir te/ legs bshad snying po las/ snying po drang don du gsungs pa'i rgyu mtshan gyis rnam bde lta bu'i mdo sde sems tsam pas nges don du khas blangs pa drang don du bsgrubs pas/ zhes dang/ de la thog mar snying po bstan pa sgra ji bzhin pa min par shes dgos pas/ zhes dang/ stong thun las/ bde gshegs snying po yod pa drang don yin pas kun gzhi drang don du ji ltar 'grub ce na/ zhes pa nas/ gnyis ka'ang dgongs gzhi gcig pa dang/ gnyis ka'ang dgos pa mu stegs kyi lta ba la zhen pa dag skrag pa spangs pa dang/ sgras zin ltar grub na gnyis ka la'ang/ mu stegs kyi bdag dang khyab par med par thal pa'i gnod pa 'bab par mtshungs pas/ de'i phyir bde gshegs snying po drang don du ston pa'i lung des kun gzhi gsungs pa'ang drang don du 'grub pa yin no/ /zhes gsungs pa'i phyir/ ma khyab na/ lu 'dis gsal bar byed pa rtsa 'grel gyis lung de dag gis gnod tshul ma gsungs par thal lo/ /des na rnam pa de lta'i mdo sde gzhan yang ni/ /zhes pa'i mdo sde la sems tsam pa'i thun mong ma yin pa'i @211a @#/ /'dod pa ston pa dgos pa sa bcad dang yang sgras shes la/ rtag brtan ston pa ni/ lung 'dis gsal bar byed/ /ces pas drang don du 'grel nas lung des snga ma sgrub pas/ yig char tshig rkang gnyis ka drangs nas/ ces pa'i drang don du 'grel rgyu'i zhes dang/ lung 'dis gsal byed/ /ces pa'i drang don du bshad rgyu tsam yang ma yin pa'i phyir/ zhes gsungs pas/ skabs 'dir drang don du 'grel rgyu lnga yod pa stong thun sogs kyi dgongs pa dang/ gzhan gyis sems tsam pas des don du 'dod pa dgos par gsungs pa/ rkang pa dang pos dngos bstan gyi drang don du 'grel rgyu la thugs rtse gtad pa yin zhes yig cha rnams kyi dgongs pa 'grel na legs kyi/ stong thun dang/ kun mkhyen gyis gsungs pa snying po rtag brtan drang don du bshad pa'i lung gis kun gzhi ston pa drang don du 'grel ba la dgongs zer ba sogs 'brel med smra ba'i rjes su 'brang bar mi bya'o/ /grub mtha' rtsa bar/ lang gshegs dgongs 'grel rgyan stug mdo tshan lngas/ /zhes pa'i 'grel bar sems tsam dang/ phyi don med pa dang; zhes so sor byas nas mtshan nyid gsum la cha phye ba ma bgrang ba ma dag ste/ rtsa ba dang 'gal ba'i phyir/ tshig TIka ltar sems tsam las phyi don med pa zhes gcig tu byas nas mtshan nyid @211b gsum bzhi par byas na legs so/ /de dag drang don du 'grel byed kyi mdo yang lung 'dis zhes pa'i rang 'grel du/ lang gshegs las/ ji ltar nad pa sogs dang/ rtag brtan drang don du gsungs pa dang; blo gros chen po stong pa nyid dang sogs cha phye ba drang don du 'grel byed dang gsum gsungs la/ gung rus/ de'i steng du mdo btus las theg gsum drang don du 'grel ba dang bzhir nges par gsungs kyang/ legs bshad snying po sogs las/ rgyan stug las/ sa rnams sna tshogs kun gzhi ste/ /sogs dang/ grub mtha' chen mor/ mtshan nyid gsum ston pa de ltar lung gi lo rgyus sogs ltar/ blo gros mi zad pa sogs kyis sgrub par gsungs pas bzhir ma nges so/ /rang 'grel gyi mtshan nyid gsum bstan pa ni/ grub mthar/ byis par kun btags rgyal la yongs grub bzhed/ /ces pa ltar so skye la gzhan dbang gshis lugs su snang ba kun btags dang/ sangs rgyas la gshis lugs su snang ba yongs grub tu gsungs so/ /gung ru dang rje btsun pas/ phyi don du gyur pa'i dgongs 'grel gyi tshig len pa'i rnam par shes pa zhes sogs sems tsam pas nges don du mi 'dod gsungs pa/ gong gi de dang nang 'gal yang yin la/ de'i sgras zin 'thad ldan du khas len pa'i grub mtha' smra ba med par thal ba dang/ de'i dngos bstan la sems tsam @212a @#/ /pa'i bsam ngo'i kun gzhi mi 'jog par thal ba dang/ rang bzhin gyis med pa rtogs pa'i rnam mkhyen gyi gzhal byar gyur pa'i sems tsam pa'i grub mtha' khas len pa'i rang sde med par thal lo/ / sems tsam pas nges don du 'dod mi 'dod sgras zin khas len mi len gyis 'jog pas de'i sgras zin du gyur pa'i kun gzhi khas len pa'i phyir de des don du 'dod kyang/ mdor mi 'dod ces kyang chog pa sogs khas len song tshul gyi dbang gis sna tshogs yod do/ /nyi khri'i byams zhus kyis/ kun btags rdzas su med pa gzhan dbang gi gshis lugs su med pa dang/ gzhan dbang rdzas su yod pa rnam rtog gis bzhag pa'i yod pa dang/ yongs grub rdzas su yod med gnyis ka min pa kun btags kyi ngo bor yod pa min pa gnas lugs su med pa min pa'o/ /shAnti pas 'khrul gzhi ni/ chos thams cad ming gis btags tsam du/ ming gi snga rol blo med phyir/ /zhes pa ltar gyi rigs pas bsgrub pas so/ /legs ldan gyis mdo bzhi sgra ji bzhin par byas nas/ don dam par phyi don med pa dang/ snang ba yod min zhes pa rnam med du snang ba med pa dang/ gnas sogs kyi rnam pa sems la shar ba'i don dang/ kun gzhi sngar ltar la/ mtshan nyid gsum don dam par med pa dang/ re zhig theg pa gsum so sor nges pa sogs su gsungs @212b nas sems tsam pa'i grub mtha' thun mong ma yin pa rnams mdo don min par gsungs so// ! gcer bu pa ni phyi'i chos bum pa lta bu rang gi rgyun snga ma 'jim pa sogs las skyes pas bdag dang rdza mkhan dang/ 'khor lo sogs las skye bas gzhan skye dang/ nang gi chos mi lta bu srog gi bdag nyid las skye bas bdag dang/ pha ma dang chos min sogs tshig don gzhan las skye bas gzhan skye gnyis kar 'dod pas bdag gzhan re re kho na las skye ba'i skyon mi 'jug zer ro/ /rang 'grel las/ de la srog dang srog ma yin pa dang/ bsod nams dang sdig pa dang/ zag pa dang sdom pa la sogs pa tshig gi don dgu ni zhes pa'i sogs sgras rnam bshad las/ bde ba dang/ sdug bsngal ba dang/ shes pa las skyes shing shes pa'i rgyur gyur pa'i 'du bya'i shugs te/ zhes pa ltar gsum ste/ dgu ni/ grub mtha'i rtsa bar gsungs pa'i shamb+ha la dang/ 'phags yul gyi mchod 'os lugs gnyis gang dang mi mthun kyang 'phags yul la 'dod tshul sna tshogs shig yod par snang ngo/ /grub mtha' chen mor/ rang 'grel las/ spong pa dkar po pa la sogs pa zhes pa'i spong ba dkar po pa phyi rol ba'i ltar snang mang yang zhes pa'i grangs lta bur byas ba 'grel bshad ltar gsungs pa las/ rang lugs min te/ rnam bshad las/ 'grel bshad kyi 'gyur las/ dge slong skya @213a @#/ /bsing la sogs pa zhes 'byung la/ de'i don gcer bu ba'i dge slong la 'chad do/ /spong ba pa ni/ bsam gtan pa'i ming yin pas bsam gtan pa dkar po zhes pa'i rang sde phung po rdzas yod byed pa por smra ba zhig go/ zhes gsungs pa'i phyir/ gsum pa gnyis ka las skye bar 'dod pa de dgag pa ni/ gnyis las skye ba'ang sogs bzhis de mi rigs par thal/ bdag las skye na skye ba don med sogs dang/ gzhan las skye na ha cang thal ba sogs kyi skyon 'byung ba'i phyir/ des na gnyis ka las skye ba tha snyad du med la/ don dam par yang med de/ re re las skye ba med pas tshogs pa'ang mi srid pa'i phyir/ dper na bye ma gcig la mar med pas mang po la med pa bzhin zhes rang 'grel las so/ /bzhi pa ni/ rgyang phan pas ni rgyu las skye na nyes pa de dag yod pas/ rgyu med las skye bas skyon med do/ /de yin te/ phyi'i dngos po padma'i 'dab ma sogs kyi 'jam rtsub dang kha dog sna tshogs pa sus kyang ma byas pa dang/ nang gi chos rma bya sogs 'ga' zhig gis bzung nas kha dog sogs 'gong pa ma mthong ba'i phyir/ ngo bo nyid las 'byung ba kho na'o/ /zer ro; /de la rgyu 'bras sogs 'dod mi 'dod gnyis las/ 'di ni skye ba snga phyi dang rgyu 'bras mi 'dod pa'i 'jig rten mig gi rjes 'brang yin pa/ rang 'grel las/ bu mos 'jig rten pha rol med par rtogs par 'dod @213b nas smra ba yin no/ /zhes pas 'grub bo/ /de dgag pa la bzhi/ dang po 'gal ba brjod pa ni/ gal te rgyu med kho nar sogs bzhis/ rma bya'i mdongs bya rog la yod pa sogs thams cad las thams cad skye ba dang; dgun dus su lo tog skye ba sogs dus rtag tu skye ba dang/ 'jig rten na lo tog gi ched du sa bon sdud pa sogs byed par mi 'gyur bar thal ba ste/ rigs pa dang 'gal ba gnyis dang/ mthong ba dang 'gal ba ste/ gsum gyis bkag go /gnyis pa rgyu las skye bar sgrub pa ni/ gal te 'gro ba rgyu yi stong sogs bzhis rgyang phan rang gi sngo 'dzin gyi blo sngon po sogs las skye bar 'dod pa bzhin 'jig rten rnams /rgyu las skye bar 'dod rigs par thal/ 'gro ba rnams rgyus stong na/ nam mkha'i utpal bzhin/ tshad mas bzung du med dgos na de 'jig rten na chos bkra bas tshad mas 'dzin pa'i phyir/ zhes sgrub po/ rgyan rang 'grel las/ de nyid ni bzhi kho na ste/ zhes pa ltar/ padma dang/ rma bya'i mdongs dang blo sogs ngo bo nyid 'byung bzhi'i rgyur gyur pa las skye bar 'dod de/ grub mtha' chen mo las/ rgyu 'bras khas mi len zer mkhan des kyang sems 'bras bu dang 'byung bzhi las/ thams cad skye bar rgyang phan kun 'dod la/ zhes dang/ rang 'grel las/ phyi rol dang nang gi dngos po rnams ni/ 'jig rten na 'di'i rgyu las 'byung ba kho na yin gyi/ gang du @214a @#/ /byas pa'i las kyi rnam par smin pa 'dir ram/ 'dir byas pa'i las kyi rnam par smin pa 'jig rten gzhan du 'byung ba 'jig rten pha rol dag yong pa nyid ni ma yin no snyam du sems so/ /zhes gsungs pa'i phyir/ rgyu 'bras med pa skye ba snga phyi rgyu 'bras med pa'i don no/ /rgyang phan gyis 'jig rten pha rol med de/ mngon sum du ma mthong ba'i phyir/ zer bar/ rang 'grel du de med pa mngon sum du mthong ngam ma mthong/ mthong na dngos po med pa mngon sum du mthong bas dngos po med par mi 'gyur la/ ma mthong na de med pa tshad mas ma bzung bar thal te/ bzod mo mang thos gang smra ba/ /de ni spyang ki'i rjes dang 'dra/ /zhes rjes dpag med par bshad pa'i phyir/ zhes bkag go /spyang ka'i rje'i gtam rgyud 'grel bshad du gsal lo/ /gsum pa rgyang phan gyis pha rol ma mthong ba'i rgyu mtshan ni/ 'byung ba de dag bdag nyid sogs bzhis khyod kyis 'jig rten pha rol shin tu phra ba mthong bar mi 'gyur bar thal/ /khyod kyis rang gzhung nas bshad pa'i 'byung ba de dag gi bdag nyid ji bzhin blo'i yul du byed mi nus par rags pa de la sgrib pa'i yid kyi mun pa 'thug po dang ldan pa'i phyir/ bzhi pa 'jig rten pha rol med par lta ba phyi ci log tu bstan pa ni/ 'jig rten pha rol 'gog par sogs bzhis de dus su rgyang phan rang nyid kyis de ltar lta ba phyin ci log tu lta ba yin te/ 'jig @214b rten pha rol la skur pa 'debs pa'i lta ba'i rnam pa gnas pa'i rgyur mtshungs pa'i lus rten dang ldan pa'i phyir/ dper na/ 'byung ba bden par khas len pa'i khog pa dang ldan tshe bzhin/ zhes so/ /'di ni sems lus kyi 'byung ba las bar 'dod pas yin no/ /'byung ba de dag ji ltar sogs bzhis 'byung ba bden par lta ba phyin ci log min pas/ nges bsgrub bya'i chos kyis stong la/ mi stong na/ 'byung ba bden med 'dir bsgrub dgos so zer bar/ gong du mtha' bzhi'i skye ba thun mong du bkag zin pa'i phyir/ der ma bkag pa'i 'byung ba bden pa med ces brtsod spong ngo/ /rang 'grel las/ kun mkhyen med pa dang/ rang bzhin yong par smra ba sogs rang gzhan gyi sde ba'i lta ba phyin log tu sgrub tshul/ rdzogs pa'i sangs rgyas 'gog par byed pa'i dus su bdag nyid ni/ /zhes rkang pa dang po bsgyur nas gsungs pa dang/ rang lugs la mi mtshungs tshul/ 'jig rten gzhan gtogs yod pa nyid du rtogs pa'i dus su bdag /phye ba'i rang bzhin dam pa'i don ni lta bar rtogs bya ste/ /bdag gi lta ba'i rnam pa'i rten mtshungs lus dang ldan nyid phyir/ /gang gi tshe na bdag med rtogs par khas len de tshe bzhin/ /zhes sogs gzhan lugs 'gog tshul ya mtshan pa gsungs so/ /gsum pa mtha' bzhi bkag pa'i grub don/ gang gi phyir na sogs gnyis kyis rdo rje gzegs ma'i sbyor ba gsungs te sla'o/ / @215a @#/ /gnyis pa mtha' bzhi'i skye ba bkag pa'i rtsod spong la/ sngo sogs blos bzung ba mi 'thad pa dang/ rang bzhin med na tha snyad du yang med pa'i rtsod spong/ don bsdu gsum/ dang po ni/ gang gi sprin tshogs sogs drug gis/ rang rgyud pa man gyis mig shes kyis sngo sogs ma rtogs par thal/ de'i rang mtshan la tshad mar ma song ba'i phyir zer bar/ blo de la rang mtshan du snang ba gti mug gi dbang gis yin te/ char sprin dang mtshungs pa'i gti mug 'thug po rgyud la yod pas yul rnams log par snang ba'i phyir/ dper na 'ga' zhig la rab rib kyi mthus sgra shad sogs snang ba bzhin no/ /zhes dang/ gal te gti mug sogs bzhis mi mkhas pa dag 'phen byed las bsags pa gti mug de'i dbang gis yin par gor ma chag ste/ stong nyid rtogs pa'i blo bzang po'i nyi mas ma rig pa'i mun pa bsal nas 'khor ba las grol bar 'gyur ba'i phyir/ zhes so/ /gnyis pa ni/ gal te dngos rnams sogs bzhis dngos po rnams rang bzhin gyis yod de/ med na tha snyad du yang mo gsham bu bzhin med par 'gyur ba'i phyir zer par/ rigs pa gsum gyis bkag pa'i dang po/ gang dag rab rib sogs bzhis/ khyod kyi dang por rab rib can la khyod kyis skra shad mthong la mo gsham bu mi mthong ba mi rigs par thal/ khyod kyis yul du gyur ba'i skra shad ma @215b skyes pa'i phyir/ zhes rtsod la/ phyi nas ma rig pa'i snang tshul la rtsod ces so/ /gnyis pa/ gal te rmi lam sogs bzhis/ khyod kyis rang la ji ltar rmi lam gyi khang khyim mthong la mo gsham bu mi mthong bar mi rig pa par thal/ de gnyis yod pa min par mtshungs pa'i phyir/ zhes dang por rang la brtsad nas/ phyis thal 'gyur ba kho bo brgal rigs zhes gnyis ka mgo mtshungs kyi rigs pa'o/ /gsum pa ni/ de nyid du 'di sogs bzhis/ khyod kyis rang bzhin gyis med pas tha snyad du med par bsgrub pa khyab pa ma nges pa'i gtan tshigs yin par thal/ dngos po 'di dag de kho nar med kyang/ tha snyad du mo gsham bu ltar med pa ma yin pa'i phyir/ zhes so/ /gnyis pa don bsdu ni/ mo gsham bu la sogs bcu gnyis kyis dngos po rnams bden pa gnyis char du rang bzhin gyis ma skyes pa mo gsham bu bzhin yin par thal/ ston pas/ dkon mchog sbrin las/ gdod nas zhi zhing ma skyes pa/ /rang bzhin mya ngan 'das pa yi/ /zhes gsungs pa'i phyir/ rang bzhin gyis skye ba med la/ de dag tha snyad du mo gsham bu dang mi mtshungs te/ dngos po thams cad gzhan du 'gyur ba'i phyir/ zhes so/ /'dir rang 'grel du bye smras/ gdags chos bum pa de ltar yin kyang/ gdags gzhi phra rab brgyad don dam du med na tha snyad du med pa mo gsham bu dang mtshungs so zer bar/ gdags chos btags yod la @216a @#/ /gdags gzhi rdzas yod mi rung bar bzhi brgya pa sogs kyis sgrub pa de nas gsungs pa'i rigs pas bsgrub bam dpyad/ gsum pa rten 'byung gi skye bas mthar 'dzin 'gog tshul/ gang phyir rgyu med pa dang sogs bcu gnyis kyis dang po bzhis mtha' bzhi'i skye ba med na kun rdzob pa'i skye ba mi 'thad par 'gyur ro/ /zer bar/ de med kyang tha snyad du rgyu rkyen la brten nas skye zhes lan btab/ rang 'grel du rten 'brel gyi mdo sogs kyis sgrub bo/ /de nas bzhis rten 'byung gi rigs pa lta ngan mtha' dag gcod byed du thal/ nge rtogs pas mthar 'dzin gyi rtog pas gnod mi nus pa'i phyir/ zhes so/ /rang 'grel du ma dros pas zhus pa sogs drangs so/ /de nas bzhis sngar gyi rigs pas dngos po rang bzhin med par dpyad zin la/ mthar 'dzin 'byung mi 'byung bden 'dzin la ltos pa me bud shing la ltos pa bzhin/ zhes so/ / lnga ba rigs pas dpyad pa byas pa'i 'bras bu ngos bzung ba la/ so so skye bo rnams ni sogs bcu gnyis kyi dang po drug gis/ bstan bcos las de kho na nyid la dpyad brtsod pa la chags pa'i phyir min gyi/ 'khor ba las grol phyir de nyid bstan te/ so skye rnams mthar 'dzin kyi rtog pas bcings la/ 'phags pa dag de las grol bar 'gyur bas na rtog pa de dag log pa bstan bcos las de kho na nyid la dpyad pa'i 'bras bur mkhas pa rnams @216b gsungs pa'i phyir/ zhes dang/ de la dbu ma la 'jug pa ni/ rtsod phyir yin gyi grol phyir min te/ 'dir phyogs sngas brtags pa mang po bkod nas bkag pa'i phyir/ zhes par drug gis/ zas 'tshod phyir me bus pa na zhar la bud shing sreg pa ltar gzhan gzhung stobs chung bas zhar la 'jig pa la nyes pa med do/ /rang phyogs la chags pa dang gzhan phyogs la sdang ba ni/ 'ching byed kyi rtog pa yin pas/ de dag bsal ste/ de kho na nyid la rnam par dpyod pa myur du grol bar 'gyur ro/ /zhes so/ /des na thos bsam sogs gang gi skabs su yang dang po rang rgyud la brtags te chags sdang dang ma 'dres pa'i kun slong rnam dag gcig dang/ mjug tu bsngo smon gyis rgyas btab pa gnyis med du mi rung ba'i yan lag yin pas/ rang 'grel du mdo bstan bcos mang po drangs so/ /'di dag yig char sa bcad tsam yang med pa thal bzlog gi skabs su dpyad zin pas yin no/ ! gnyis pa gang zag gi bdag med rigs pas sgrub pa la gsum/ dang po thar 'dod kyis thog mar bdag rang bzhin gyis grub pa dgag dgos par bstan pa ni/ nyon mongs skyon rnams sogs bzhis nyon mongs thams cad kyi rtsa ba 'jig lta yin pas/ thog mar de'i zhen yul 'gog dgos par gsungs so/ /gnyis pa bdag dang bdag gi ba rang bzhin gyis grub pa 'gog tshul la gnyis/ dang po la gnyis/ dang po gzhan sdes btags pa'i phung @217a @#/ /po dang ngo bo tha dad pa'i bdag dgag pa la gnyis/ dang po phyogs snga brjod pa ni/ za bo rtag dngos sogs bzhis rkang pa dang po gnyis kyis/ grangs can gyis bdag khyad par lnga ldan 'jog tshul dang/ phyi ma gnyis kyis bye brag pa sogs de las phye tshul sogs bstan la/ 'grel bar/ grangs can lugs kyi rang bzhin gyis rnam 'gyur rnams bskyed de 'khor bar 'khor tshul de shes nas bsam gtan bsgom pas thar pa thob tshul shes bya nyer lnga'i ngo bo skye tshul/ bye brag pa'i lugs kyi yon tan dgu'i ngo bo de bdag la 'du tshe 'khor bar 'khor zhing/ dor tshe thar ba thob tshul sogs rgyas par gsungs so/ /gnyis pa de dgag pa la/ mo gsham bu ltar skye ba dang bral phyir/ /sogs tshig bcad bzhi'i dang pos/ mu stegs pa'i btags pa'i bdag te des btags pa ltar med pa dang/ ngar 'dzin gyi dmigs yul min pa dang/ kun rdzob tu yang med ces bdag gi ngo bo dgag la/ gnyis pa grangs can dang bye brag pas bdag gi khyad par lnga bshad pa la kho rang la grags pa'i ma skyes pa'i gtan tshigs kyis gnod ces bdag gi khyad par dgag la/ tshig bcad phyi ma gnyis kyis phung po las ngo bo tha dad du 'dod pa dgag pas/ rkang pa dang po gnyis kyis phung po la ma brten par bzung du med pas phung po las ngo bo tha dad pa med pa dang/ rkang pa phyi ma gnyis kyis de ngar 'dzin @217b lhan skyes kyi dmigs par mi 'thad pa dang/ tshig bcad phyi mas de la ma dmigs kyang ngar 'dzin lhan skyes skyes par bsgrub nas bkag go /gnyis pa rang sdes btags pa'i phung po nyid bdag tu 'dod pa dgag pa la lnga/ dang po phung po bdag tu 'dod pa la gnod byed bstan pas/ phung po las gzhan bdag grub med pa'i phyir/ /sogs tshig rkang bco lnga'i dang po gnyis kyis/ mang bkur bas phung po'i tshogs pa bdag tu bzhag pa dang de nas gnyis kyis/ mdo las/ phung po lnga po 'di kho na yang dag par rjes su lta'o/ /zhes pa la brten nas mang bkur ba 'ga' zhig gis phung po lnga char bzhag pa dang/ yang mdo las/ sems 'dul ba ni legs pa ste/ zhes sogs la brten nas mang bkur ba kha cig sems gcig pu bzhag pa sogs kyi 'dod pa brjod la/ rnam bshad du legs ldan dang sems tsam pa sogs kyi 'dod pa'ang gsungs so/ gal te phung po bdag sogs bzhis bdag mang ba dang/ rdzas su yod pa dang/ 'jig lta log shes ma yin par thal ba gsum gyis bkag la/ 'grel bar rdzas su yod pa la lung 'gal brjod do/ /mya ngan 'das tshe sogs bzhis lhag med kyi tshe bdag rgyun chad pa dang/ de'i sngon du bdag rang bzhin gyis skye 'jig byed pa dang/ des na las dang 'bras bu 'brel ba med pa dang/ las byas pa chud za bar 'gyur bab zhis bkag pa la/ de nyid du rgyud yod na skyon med ces @218a @#/ /pas/ rang rgyud pa sogs kyis skad cig snga phyi rang bzhin gyis gzhan yin kyang/ rgyud gcig yod pas skyon med zer ba la/ sngar rnam dpyad tshe sogs gnyis kyis/ sngar byams pa nyer sbas la brten chos rnams ni/ /sogs kyis rang bzhin gyis tha dad pa la rgyud gcig rung ba la nyes pa bshad zin pas phung po sogs bdag tu mi rigs zhes skyon spong bkag go /'di dag la rang 'grel du rtsa shes khungs su drangs so/ /gnyis pa phung po bdag tu 'dod mi rigs pa'i sgrub byed ni/ 'jig rten mtha' ldan la sogs med phyir ro/ /zhes pa'i rkang pa gcig gis phung po bdag yin na/ dri ba bcu bzhi'i lan lung ston rigs pa la de bstan pa med pa'i phyir/ zhes bstan la/ rang 'grel du lta bcu bzhi rang sde thams cad kyis 'dod tshul dang ngo bo khungs sogs rgyas par gsungs so/ /'on kyang gnas ma bus mi 'dod de gnyis min 'dod pa'i phyir/ phal che ba la dgongs sam dpyad/ gsum pa phung po bdag tu 'dod pa la gnod byed gzhan bstan pa ni/ khyod kyi rnal 'byor bdag med mthong ba la/ /zhes sogs tshigs bcad gnyis kyi rkang pa dang po gnyis kyis/ khyod ltar na/ bdag med mngon sum du mthong tshe phung po med par nges par thal/ zhes bkag pa la mang bkur bas/ las 'bras 'jog pa'i rten gyi bdag phung po dang bdag med par mthong ba'i bdag gi sgra @218b phung po las ngo bo tha dad pa'i skyes bu la 'jug pas skyon med zer ba la/ rtag bdag spong na sogs gnyis kyis bdag gi sgra phung po kho na la mi 'jug par thal/ rtag bdag la yang 'jug pa'i phyir/ zhes skyon spong bkag la/ tshigs bcad phyi mas bdag med mthong tshe rtag bdag med par mthong ba yin na/ de tshe gzugs sogs kyi chos nyid ma rtogs pa dang/ de la dmigs pa'i chags pa mngon gyur skye bar 'gyur/ /zhes bkag go /bzhi pa phung po bdag tu gsungs pa sogs kyi dgongs pa bshad pa la lnga/ dang po bdag tu lta ba thams cad phung po kho na la lta bar gsungs pa'i don bshad pa ni/ gang phyir ston pas phung po bdag go zhes/ /zhes sogs tshigs rkang bcu gnyis dang po bzhis phyogs sngas/ mdo las de ltar gsungs pa'i phyir zer bar/ mdo des phung po las ngo bo tha dad pa'i bdag 'gog gi phung po bdag tu ston pa min te/ mdo gzhan las/ gzugs sogs bdag min par gsungs pa'i phyir/ des na phung po bdag tu ston pa min no/ /zhes bstan la/ phung po bdag ces sogs gnyis kyis phyogs sngas bsgrub phyogs nas phung po'i tshogs pa bdag tu ston gyi phung po re re'i ngo bo min no/ /zer bar/ mgon min sogs gnyis kyis tshogs pa bdag min te/ mdo las/ bdag nyid bdag gi mgon yin sogs kyi don ma tshang ba'i phyir te/ rdzas su med pa'i phyir/ zhes bkag go /de la phyogs sngas tshogs pa dang tshogs pa/ @219a @#/ /can ngo bo gcig pas/ tshogs pa mgon sogs su 'gyur ro zer bar/ de tshe de yi sogs gnyis kyis shing rta'i yan lag tshogs pa lhan cig gnas pa shing rtar thal/ de gnyis mtshungs pa'i phyir zhes bkag go /gnyis pa 'dus tsam bdag min pa ni/ mdo las phung po sogs rkang pa gnyis kyis mdo las phung po tshogs pa la brten nas btags par gsungs pas dang/ gsum pa tshogs pa'i dbyibs kyi bkod pa bdag min pa ni/ dbyibs zhe na zhes pas/ legs ldan sogs kyis phung po tshogs pa'i dbyibs bkod khyad par ba bdag tu 'dod pa'i phyogs snga bkod nas/ de gzugs can la yod phyir/ /sogs rkang pa phyed dang bzhis gzugs can las phung po phyi ma bzhi la bdag gdags su mi rung bar thal bas bkag go /bzhi pa phung po'i tshogs tsam bdag tu 'dod pa la gnod byed gzhan bstan pa ni/ len po rang nyer sogs rkang pa bzhi'i dang po gnyis kyis/ tshogs tsam bdag yin na/ bya byed gcig tu gyur zhes bkag pa la/ byed po med las sogs rkang pa gnyis kyis/ sems tsam pa sogs kyi mdo las/ las dang rnam smin ni yod la byed pa po ni mi dmigs so/ /zhes pa la brten nas tshogs tsam gyi bdag ni rang bzhin nam rdzas su med kyang/ las su bya ba phung po rdzas su yod snyam na mi 'thad de/ de gnyis rang bzhin gyis med par mtshungs pa'i phyir/ zhes @219b bkag go /rang 'grel du u pa tra la lU Ta'i rkyen byin na nye bar len pas na nyer len zhes pa yin kyang/ sgra gzhung las/ kri ta dang lU Ta ni phal cher ro/ /zhes gsungs pas lU Ta byin nas nye bar blang bya la'ang 'jug par gsungs pas/ phan tshun brten par yang sgrub la/ mdo don byed pa po rang bzhin gyis med pa dang/ las sogs tha snyad du yod par bkral lo/ /lnga pa thub pas/ bdag khams drug sogs la btags par bstan pa ni/ gang phyir thub pas bdag de sogs tshigs bcad gnyis kyis phung po re re ba dang/ tshogs pa ngar 'dzin gyi dmigs pa min te/ bdag min pa'i phyir te/ de dag la btags pas na de dag gdags gzhir gsungs pa'i phyir/ zhes gsungs so/ /lnga pa gzhan gyi lugs 'brel med du bstan pa ni/ bdag med rtogs tshe rtag pa'i sogs tshigs bcad gnyis kyi dang pos/ rtag bdag ngar 'dzin gyi yul min pas/ de med par rtogs pas bdag lta spang ba ngo mtshar bar gsungs la/ gnyis pas dpe'i sgo nas bzhad gang byas so/ /gsum pa rnam lnga'i rtags zur dang po gnyis kyi lhag ma gsum dgag pa ni/ phung por bdag yong ma yin sogs tshigs bcad bzhi'i dang pos bdag phung po dang rang bzhin gyis gzhan min pas/ rang bzhin gyis rten brten par 'dod pa phyin ci log tu bstan la/ gnyis pas/ bdag phung po las rang bzhin gyis gcig tha dad gang du yang med pas/ bdag phung po @220a @#/ /dang gzhan dang gzhan min gyi ldan pa'i don du sbyor ba rang bzhin gyis med par bstan/ gsum pas sngar rnam lnga'i dpyad pas bkag pa'i don bsdus te ngo bo tha dad pa ma gtogs pa bzhi 'jig lta nyi shur bsdus te bstan la/ rang 'grel las/ mdo las/ nyi shu byas pa'i dgos pa phung po la ma brten par 'jig ltas bdag tu 'dzin mi nus pas ngo bo tha dad pa dor la/ rtsa shes las/ de gsungs pa mu stegs pa'i lugs dgag ched yin par gsungs so/ /phung po la bdag rang bzhin gyis brten par yod pa dang/ bdag la phung po rang bzhin gyis rten du yod pa ni tha dad pa'i phyogs yin kyang/ rang sde phal cher de ltar 'dod pas mi 'dra'o/ /bzhi pas/ mdo las 'jig lta nyi shu rgyun zhugs kyis spangs par gsungs pa'i don rtsa ba'i 'jig lta kun btags dang lhan cig gnas pa'i rtse mo mtho ba nyi shu bo 'di dag go zhes bstan to/ /bzhi pa brjod med kyi bdag rdzas yod 'dod pa dgag pa ni/ kha cig de nyid gzhan nyid sogs tshigs bcad bzhi'i dang pos/ mang bkur pa kha cig /bdag phung rang bzhin gyis gcig dang tha dad la/ bdag mang bar thal ba dang/ phung po la ma brten par bdag 'dzin pa med pa sogs kyis gnod pas/ gcig tha dad sogs gang du'ang brjod du med la/ las byed pa po sogs su yod pas rdzas yod kyi bdag 'dod la/ mig gis gzugs mthong ba la @220b brten nas gang zag mthong ba na mig gi rnam shes kyi shes bya sogs su mdzod 'grel las gsungs pa ltar/ de rnam shes drug gi shes bya dang/ ngar 'dzin gyi dmigs yul yin zhes phyogs snga'i 'dod pa brjod nas/ gang phyir sogs gnyis pas bdag rdzas su grub na sems ltar brjod med du mi 'gyur bar thal/ gzugs las sems de nyid sogs su brjod med min pa ltar rdzas yod la de 'dod pa'i phyir/ zhes rdzas yod bkag la/ gang phyir khyod bum sogs gsum pas/ mang bkur ba khyod kyis bum pa rang skya ba'i rdzas su med pas rang gi cha shas gzugs sogs las rdzas der brjod du med cing/ de la btags nas yod pa bzhin du bdag kyang rdzas su med kyang/ phung po la btags nas yod ces btags yod du sgrub bo/ /khyod kyi rnam shes sogs bzhi bas/ rdzas su yod na phung po sogs las de nyid dang gzhan gang rung du yong dgos la/ bdag ni de dang bral bas rdzas su med de/ dper na rnam shes rang gi bdag nyid las gzhan min la/ gzugs las gzhan yin pa bzhin zhes bkag go /lnga pa bdag brten nas btags pa tsam du bzhag pa dpe dang bcas pa la bzhi las/ dang po bdag mtha' bdun du med kyang rten nas btags pa shing rta dang 'dra bar bstan pa ni/ de phyir ngar 'dzin rten ni sogs tshigs bcad gnyis kyi rkang pa dang po gsum gyis rang bzhin gyis grub pa'i bdag ngar 'dzin gyi dmigs @221a @#/ /yul du mi rung bar rtsa shes ltar rnam lngas sgrub nas/ rkang pa bzhi pas rgyu mtshan des bdag phung po la brten nas btags tsam du bstan no/ /tshigs bcad gnyis pas bdag mtha' bdun du med pa shing rta'i dpes bstan no/ /gnyis pa sngar rnam lngas bdab rang bzhin gyis grub pa dgag pa'i lhag ma 'dus tsam dang dbyibs bdag tu bzhag pa dgag pa ni/ gal te tshogs tsam shing rtar sogs tshigs bcad drug gi dang pos tshogs pa shing rtar 'jog na shing rta bshig pa'i yan lag sil bur gnas pa la yang shing rta yod par 'gyur la/ phyogs sngas tshogs pa min pa'i yan lag can shing rtar mi 'dod pas/ shing rta med na de'i yan lag med pas/ yan lag gi dbyibs tsam dang/ tshogs pa shing rtar mi rung zhes tshogs pa bkag la/ gnyis pa/ khyod dbyibs sogs kyis shing rta bshig pa'i yan lag la shing rta med pa ltar phyis bsgrigs pa la yang med de de gnyis ka'i dbyibs khyad par med pa'i phyir/ sngar ma bsgrigs pa'i dus kyi dbyibs dang khyad par med pa'i de shing rta min zhes bkag gsum pa/ da lta gal te sogs kyis ma bsgrigs pa'i dbyibs dang mi 'dra pa'i dbyibs yang min te/ da lta shing rta'i dus su 'phang lo sogs la sngar dang mi 'dra ba'i dbyibs bzung du med pa'i phyir/ zhes bkag bzhi pas/ tshogs pa'i dbyibs shing rtar mi rung ste/ tshogs pa dbyibs kyi @221b gdags gzhir mi rung ba'i phyir te/ gdags gzhi rdzas yod kho nar khyod kyis khas blangs pa'i phyir/ zhes tshogs pa'i dbyibs bkag nas/ de la phyogs sngas tshogs pa btags yod rdzun pa la dbyibs rdzun pa btags so zer bar/ lnga pa/ khyod kyis 'di ni sogs kyis khyod kyis de ltar mi bden pa'i rgyu las 'bras bu skye ba sogs thams cad rang bzhin med par shes par gyis/ zhes bstan la/ rang 'grel du grib ma'i ri dwags kyi sha za mi nus pa dang sbyar ro/ /drug pa'i/ 'dis ni gzugs sogs zhes pa'i rkang pa gnyis kyis shing rta'i dpe 'dis rang sde kha cig bum pa'i rdul brgyad tshogs pa la bum pa'o snyam pa'i blo skye bar 'dod pa khegs par gsungs la/ phyi ma gnyis kyis rang bzhin gyis skye ba med pas/ yan lag gi dbyibs tsam bum sogs min par bstan pas tshigs bcad phyi ma gnyis rigs pa de gzhan la kha spo bar gsungs so/ /gsum pa phyogs sdas shing rta rnam pa bdun gang rung du med na shing rta'i tha snyad mi 'thad par rtsod pa spang ba ni/ de ni de nyid du'am sogs tshigs bcad gcig gis rnam bdun gyi dpyad pa ltar don dam kun rdzob gang du yang med kyang tha snyad du yan lag la btags tsam du yod ces gsungs so/ /bzhi pa ming gi tha snyad kyi don gzhan grub par bstan pa ni/ de nyid yan lag zhes sogs tshigs bcad gcig gis tha snyad du yan lag la ltos nas yan lag can sogs 'grub @222a @#/ /pas 'jig rten na grags pa'i kun rdzob ma brlag ces dngos smra ba la gdams so/ /drug pa de ltar ltos nas bzhag pa la mthar 'dzin spang sla ba'i yon tan ni/ rnam bdun gyis med sogs tshigs bcad lnga'i dang pos/ rnam bdun gyis btsal tshe shing rta'i yod pa mi rnyed pas/ skabs 'dir tha snyad tsam du grub par 'dod par bya ste/ grub tshul des kun rdzob ma zad de kho na nyid la'ang bde blag tu 'jug par 'gyur ba'i phyir/ zhes gsungs/ gnyis pa phyogs sngas shing rta rang bzhin gyis med kyang yan lag tshogs tsam rang bzhin gyis yod de/ shing rta zhig kyang 'phang lo sogs yod pa'i phyir/ zhes pa'i rtsod spong ni/ shing rta yod nyid min na sogs tshigs bcad gcig gis yan lag can med na yan lag med dgos te/ stong nyid rtogs pa'i blo'i mes yan lag can rang bzhin gyis grub pa bsregs na yan lag der grub pa sdod mi nus pa'i phyir te/ shing rta tshigs na yan lag tshigs pa bzhin no/ /zhes gsungs/ gsum pa/ de bzhin 'jig rten sogs kyis (shing rta bzhin du bdag dang) phung po sogs nye bar len byed blang bya dang/ las dang byed pa por tha snyad du 'thad ces bstan to/ /bzhi pa/ dngos yod min phyir sogs kyis phung po sogs la brten nas brtags pa'i bdag 'di ni brtan mi brtan sogs su rang bzhin med de/ rang bzhin gyis med pa'i phyir/ zhes bdag @222b btags yod kyi yon tan bstan to/ /rang 'grel du rtsa shes dang mdo las mi zad pa'i chos bzhi bstan pa khungs su drangs so/ /lnga pa/ gang la rtag tu 'gro rnams sogs kyis nga dang nga yir 'dzin pa'i blo 'byung ba'i dmigs yul gyi bdag de ni ma brtags pa grags pa'i gti mug gi 'khrul snang tsam du grub bo/ /zhes bdag ngos bzung ngo/ /gnyis pa bdag gi ba rang bzhin gyis grub pa dgag pa ni/ gang phyir byed po med kyang sogs tshigs bcad gcig gis/ byed pa po med par las med pa bzhin du bdag rang bzhin gyis med par bdag gi ba rang bzhin med pas/ rang bzhin gyis stong bar lta ba'i rnal 'byor pa 'khor ba las grol bar 'gyur ro/ / gsungs so/ /gsum pa bdag dang shing rta'i dpyad pa dngos po gzhan la bsgre bar bstan pa la gsum/ dang po bum snam sogs la bsgre ba ni/ bum pa snam bu sogs tshigs bcad gnyis kyis dang pos bum snam sogs kyi dngos po gang dag 'jig rten pas tha snyad btags pa tsam du rtogs te/ dkon brtsegs las/ 'jig rten nga dang lhan cig rtsod kyi/ nga ni 'jig rten dang mi rtsod do/ /zhes gsungs pa'i phyir/ zhes de tha snyad btags tsam du lung gis sgrub nas/ gnyis pas/ 'jig rten gyis tha snyad ji ltar 'dogs zhen yan lag dang yan lag can sogs rnam pa bdun du med kyang 'jig rten tha snyad du yod ces bstan to/ /gnyis pa rgyu 'bras sogs @223a @#/ /la bsgre ba ni/ gal te rgyu yis bskyed par bya skyed sogs tshigs bcad gsum gyi rkang pa dang po gsum gyi rgyu 'bras rjes su 'gro ldog gi phan tshun ltos par mdor bstan/ lhag mas rgyas par bshad pa'i/ gang las gang zhig ces pa'i rkang pa gcig gis/ dngos smras rgyu 'bras rang bzhin gyis grub par 'dod pa la/ phan tshun mi ltos pas rgyu 'bras gang sngar grub brtags nas dgag /gal te khyod kyi sogs tshigs bcad gcig gis phrad nas skyed na nus pa gcig pas rgyu 'bras ngo bo gcig tu 'gyur la/ ma phrad na rang bzhin gyis so so ba yin pas rgyu yin min thams cad kyis skyed par 'gyur la/ rgyu 'bras rang bzhin gyis grub pa la rtog pa gsum pa yod pa ma yin/ zhes phrad ma phrad brags nas dgag /ci ste khyod kyi sogs rkang pa gnyis kyis rgyus 'bras bu rang ngos nas mi skyed pas 'bras bu rang bzhin med par sgrub nas/ de med pas rgyu yang rang bzhin gyis med par sgrub pas phyogs snga bkag cing/ gang phyir 'di dag sogs rkang pa gnyis kyis dbu ma rang lugs la skyon de dag med de/ rgyu 'bras gnyis sogs sgyu ma ltar tha snyad tsam du yod par 'dod pa'i phyir/ zhes rang lugs bzhag go /gsum pa rtsod spong la gnyis/ dang po rtsod pa ni/ sun 'byin 'dis sun sogs tshigs bcad gnyis kyi dang pos/ rang bzhin 'gog @223b pa'i sun 'byin 'dis sun dbyung bya dang phrad nas sam ma phrad pa'i sun 'byin zhes pa'i nyes pa khyod la yod pas/ sun 'byin ltar snang de skad smra zhing des khyod rang gi phyogs 'joms pas/ khyod kyis gzhan lugs sun dbyung mi nus zhes dang/ gang phyir rang gi tshigs la sogs rkang pa gsum gyis/ dbu ma pa khyod ni skye bo dam pas 'dod bya min te/ khyod kyis rigs pa med par ltag chod tsam gyis dngos po'i rang bzhin la skur ba 'debs pa'i phyir/ zhes brtsad la/ rang 'grel las/ khab len gyis ma phrad pa'i lcags 'dren pa dang/ mig gis ma phrad pa'i gzugs mthong yang ma phrad pa thams cad min pa bzhin du rgyus 'bras bu ma phrad pa rung ba kho na skyed pas rang bzhin la skur 'debs su gsungs so/ /rkang pa tha mas/ khyod sun ci phyin du rgol ba yin te/ rang phyogs med par gzhan phyogs sun 'byin pa tsam la zhugs pa'i phyir/ zhes rtsod pa gsum bkod do/ / gnyis pa lan la bzhi/ dang po rang la sun 'byin dang sgrub pa 'thad tshul ni/ sun 'byin pas sun sogs tshogs bcad gsum gyi dang pos/ dngos smra khyod kyis phrad ma phrad brtag pa'i thal bar 'gyur ba 'di ni rang bzhin gyis grub par dam bca' ba'i phyogs la skyon du 'gyur gyi/ bdag la dam bca' de med pas min no/ /zhes gzhan phyogs sun 'byin tshul dang/ rang 'grel las yum mdo khungs su drangs so/ /ji ltar @224a @#/ /khyod kyis nas/ de ni yod pa ji ltar zhes pa'i bar gyis nyi ma'i dkyil 'khor gyi khyad par rnams gzugs brnyan la brten nas gzas bzung ba sogs kyi tshe mthong la/ de gnyis phrad ma phrad par skye btags don btsaL na skye ba mi rigs kyang/ tha snyad du nyi ma las gzugs brnyan 'byung la/ de mi bden kyang/ rang gi byad bzhin mdzes par bsgrub pa'i nus pa yod pa ltar zhes dpe bstan la/ de bzhin 'dir yang zhes sogs rkang pa phyed dang gsum gyis dpe de bzhin du gdong dang 'dra ba'i shes rab sgrib pa'i dri ma sbyang ba'i nus ldan gyi gtan tshigs ni rang bzhin gyis sgrub pa'i 'thad pa dang bral yang tha snyad du bsgrub bya rtogs byed du shes par bya/ zhes rang lugs la rtags kyis bsgrub bya sgrub pa dang/ sgrib pa sbyang ba 'thad par gsungs la/ rang 'grel du legs ldan gyis/ rtsa shes la/ phrad ma phrad brtag pa skyed byed kyi rgyu la yin kyi/ gsal byed kyi rgyu gtan tshigs sogs la min zhes sngar gyi rtsod par lan btab pa la/ de ltar na gsal byed sun 'byin sogs la zlags 'jug na rtsod pa de bzlog mi nus pas thal 'gyur ba'i lugs kho na mdzes gsungs so/ /gnyis pa gzhan dngos smra ba sogs kyi thal ba yid chad pa'i gnas su bstan pa ni/ gal te rang gi bsgrub bya sogs rkang pa bzhis/ khyod kyis bkod pa'i sun 'byin ni/ yid 'byung ba'i gnas yin @224b te/ bsgrub bya sgrub byed rang bzhin gyis yod na/ phrad pa sogs rigs pa de 'jug na'ang/ de rang bzhin gyis med pa'i phyir/ zhes gsungs pa/ rang 'grel du rab rib can gyis dmigs pa'i skyon rab rib med par mi 'jug ba bzhin du khab len dang mig sogs ma phrad pa'i dpe yang/ rang ngos nas grub na rung mi rung med pas/ ma phrad pa thams cad 'dren pa dang mthong bar thal bas rang gi rtogs bzos sbyar ba'i lam dan pa'i ci bya gsungs so/ / gsum pa rang bzhin med par sgrub nus pa ltar bzlog ste mi nus pa ni/ dngos rnams mtha' dag sogs rkang pa bzhis/ dngos po rang bzhin med pa sgyu ma sogs kyi dpes sgrub sla ba ltar rang bzhin yod pa sgrub pa'i dpe med pas sgrub mi nus so/ /mi nus bzhin du dngos smra khyod la su zhig gis bcol nas 'gro ba rnams log 'dzin kun btags kyis 'ching bar byed/ gsungs la/ rang 'grel du dar gyi srin bus rang gi byas pa'i srad bus btub pa'i steng du srad bu gzhan bres pa dang sbyar ro/ /bzhi pa/ 'dir chos dang gang zag gi bdag rgyas par 'gog pa'i rigs pa rgyas par bshad pa'i lhag ma rgyu 'bras phrad ma phrad brtags pa shes par byed tshul ni sun 'byin lhag ma sogs rkang pa bzhis dngos smra la sun 'byin brjod pa'i lhag ma gong du bstan pa rgyu 'bras phrad ma phrad brtag pa shes par byas nas/ de bkag pa'i lan gyi ched du rang la sun 'byin 'thad pa sogs @225a @#/ /btang bar bya la/ rang phyogs tha snyad du bzhag cing don dam par med par 'dod pas/ sun ci phyin du rgol ba'ang min no/ /de ltar rang phyogs bzhag pas sngar bshad pa'i sun 'byin lhag ma de rtogs par bya'o/ /gsungs so/ /rgyan bzang ba'i stong thun chung bar/ 'khor ba'i rtsa ba la gnyis/ las 'bras la rmongs pa'i ma rig pa dang/ de kho na nyid la rmongs pa'i ma rig pa'o/ /dang bo ni/ skye ba snga phyi dang las 'bras sogs med par 'dzin pa'o/ /gnyis pa ni/ bdag med rtogs pa'i shes rab kyi yul gyi 'gal zla 'dzin pa'i blo'o/ /de la gzang zag gi bdag 'dzin dang chos kyi bdag 'dzin gnyis/ dang po la/ kun btags dang lhan skyes so/ /dang po ni/ rang rgyud pa man chad kyis 'dong pa'i gang zag gi bdag 'dzin no/ /zhes pa/ yig char/ rnam par thar ba'i sgo stong pa nyid las gzhan pa'i zhi sgo gnyis pa med par mdo dang bzhi brgya bar gsungs pas bkag pas/ bdag 'dzin rags pa bdag 'dzin min pa'ang grub la/ 'khor rtsa la bdag 'dzin dgos par yang bstan to/ /gung ru dang rje btsun pas/ rang rgyud pa man chad kyi 'dod pa'i gang zag gi bdag 'dzin la lhan skyes yod pa/ rang skya thub pa'i rdzas yod du 'dzin pa lhan skyes yod pas sgrub pa yig cha'i sems bskyed bzhi bar bkag zin to/ /rgyan bzang bas/ gang zag gi bdag @225b med rigs pa rtogs pa'i blo bdag med rtogs pa'i blor yang bzhag pa 'dra'o/ /yig char/ bdag 'dzin yin la/ 'jig lta min pa dang/ zhes sogs yi ge nor bas/ bdag 'dzin min la 'jig lta yin pa zhes sbyar dgos pa mtshan gzhis shes la/ rgyan bzang bas/ mu dang po dang gsum pa la/ nga yi ba dang/ nga rang mtshan gyis grub par 'dzin pa'i blo 'jog pa/ de 'dra'i sems dang/ gzhan rgyud kyi de dag 'dzin pa'i blos ma nges par gsungs nas/ kho rang gi 'khrul gzhi rnam bshad las/ nga dang nga yi ba rang gi mtshan nyid kyis grub par 'dzin pa gnyis 'jig ltar 'jog gsungs pa/ 'jig lta la nga dang nga yi'o snyam du de ltar 'dzin pa'i blo dgos pa'i don yin par/ rang 'grel las/ 'jig tshogs la lta ba ni nga dang nga yi snyam pa de lta bu'i rnam par zhugs pa/ zhes pa dang/ lam rim rtsa shes TIka chen rnams kyis sgrub la/ kha cig gis/ nga yi ba rang ldog gang zag dang gzhi ldog gang zag min par 'dod pa/ rje btsun pas/ gang zag ma yin par thal/ lhas sbyin gyi mig dbang de khyod yin pa'i phyir/ zhes dang/ sher dbang pos/ lhas sbyin gyi nga yi ba de chos dang gang zag gnyis su phye ba'i chos yin par thal/ de gang zag ma yin pa'i phyir na ma khyab/ ces dang/ bsod grags pas/ nga yi ba gang zag tu mi 'dod cing/ chos dang gang zag gnyis su phye ba'i @226a @#/ /chos kyang ma yin te/ zhes bkag nas/ de gnyis su phye ba'i chos dang gang zag yang min la/ nga yi pa la dmigs nas rang mtshan gyis grub par 'dzin pa 'jig ltar/ rtsa shes TIk chen las/ nga yi ba la dmigs nas rnam par nga gi mtshan nyid kyis grub par 'dzin pa ni nga yi bar 'dzin pa'i 'jig lta lhan skyes dang zhes pa dang/ stong thun sogs kyis sgrub pas/ yig char/ sna tshogs smra mod/ ces gsungs la/ de dag thams cad kyis tshig gsal las/ bdag la phan pa ni bdag gi ste/ bdag gi ba'i phung po lnga zhes bya ba'i don to/ /zhes dang/ rnam bshad las/ bdag gi ba'i mtshan gzhi mig sogs dmigs par ston pa min te/ zhes dang/ stong thun las/ rang rgyud kyis bsdus pa'i mig rna sogs ni nga yi ba'i mtshan gzhi gang zag dang chos gnyis su phye ba'i ya gyal gyi chos kyi mtshan gzhi gnyis ka yin la zhes pa rnams la thugs rtse gtang de/ mig rna sogs nga yi bar bzhag pas de 'dra gsungs dgos byung la/ de la gung rus/ nga yi ba'i rang ldog rtag pa yin par/ rang gi ldog pa rtag pa yin pas sgrub pa ni/ spyod 'jug dar Tik las/ 'jig lta lhan skyes kyi dmigs rnam gnyis kyi dmigs pa ni las 'bras kyi rten du gyur ba'i nga tsam dang/ nga yi ba'i rang ldog tsam yin la/ zhes pa dang 'gal pas/ rang ldog zhes pa spyi ldog @226b la bya'o/ /gzhan yang/ nga yi ba chos can/ chos dang gang zag gnyis su phye ba'i chos yin par thal/ chos gang zhig /gang zag ma yin pa'i phyir/ rtags phyi mkhas/ zhes dang/ nga yi ba chos can/ gang zag yin par thal/ gang zag gi bdag 'dzin lhan skyes kyi dmigs rnam gnyis su phye ba'i dmigs pa yin pa'i phyir/ zhes pa nas/ TIka chen las/ bdag 'dzin gnyis dmigs pas so sor 'byed kyis 'dzin stangs kyi rnam pa mi 'dra ba med de/ zhes gsungs pa'i phyir/ zhes sogs kyis bkag nas/ gzhung 'di dag gis bdag gir bzung ba'i dngos po'i mtshan gzhi bstan pa tsam yin pa'i phyir/ zhes gsungs pa ltar/ yig char/ de dag nga yi bas nga yir byed rgyu'i mtshan gzhir bstan pa tsam yin gyi nga yi pa rang nyid yin par ma bstan pa'i phyir/ zhes dang/ nga yir 'dzin pas nga yi pa la dmigs zhes pa'i dmigs yul nga yi ba la/ mig rna sogs 'jog par thal/ 'dod pa'i phyir/ zhes de'i dmigs yul nga yi pa'i mtshan gzhi yin pas/ de'i dmigs yul nga yi bar 'jog dgos zhes rang ldog gzhi ldog phye ba bkag la/ rigs pa'i rgya mtsho las/ nga yi ba la dmigs zhes pa ni/ de dag la dmigs pa ma yin no/ /zhes gsal bar gsungs zhes pas/ 'jig lta'i dmigs yul la gang zag gis khyab pa gsal bar bstan zhes nga yi pa gang zag min pa'ang bkag la/ @227a @#/ /de chos can/ khyod nga yi ba ma yin par thal/ khyod nga yi pa'i gdags gzhi yin pa'i phyir/ zhes pa nas/ khyod nga'i yin rgyu'i gzhi dang/ khyod bdag de'i yin pa la brten nas bdag gi pa'am bdag gi can zhes bzhag pa'i phyir/ dper na/ nor can la nor ba dang/ rta can la rta ba bzhin no/ /zhes rigs pa'i rgya mtsho las/ nga yi ba'i gzhi mig rna sogs zhes/ nga yi ba'i gdags gzhir gsungs bas nga yi bar mi 'jog gsungs pa ni/ 'jug par/ mdo las phung po brten nas yin gsungs pa/ /de phyir phung po 'dus tsam bdag ma yin/ /zhes pa ltar gdags gzhi gdags chos su mi rung bas sgrub la/ gzhan yang/ nga yi ba rang bzhin gyis stong ba bdag med phra mo gnyis gang yang ma yin par thal ba dang/ gang zag gi bdag med sgrub byed kyi rigs pa la bdag dang bdag gi ba rang bzhin gyis grub pa dgag pa gnyis gsungs pa mi 'thad par thal ba dang/ 'jig lta'i dmigs yul la gang zag ma yin pa yod par thal ba dang/ gzhi grub na bdag med phra mo gnyis po gang rung gi stong gzhi yin pas ma khyab par thal lo/ yig char/ nga yi ba ni rang rgyud kyi mig rna sogs blo lhan skyes la nga yi bar snang ba'am/ de dag blo lhan skyes la nga yi ba'i rnam par shar ba de la byed cing/ zhes pa stong thun las/ de dag blo lhan skyes @227b la yul gyi rang ngos nas grub pa'i nga yi bar snang zhing/ zhes pa'i don dang/ de rang mtshan gyis grub par 'dzin pa'i lta ba nga yi par 'dzin pa'i 'jig lta yin pa'i phyir/ zhes pa/ de 'dra'i nga yi pa la dmigs nas rang gi mtshan nyid kyis grub par zhen pa ni nga yir 'dzin pa lhan skyes yin/ zhes pa'i don yin pas/ nga tsam la gdags gzhi'i phung po la blos ngar btags tsam dang/ phung po la ngar snang ba tsam 'jog pa ltar/ nga yi ba la yang/ gdags gzhi phung po la phar nga yi bar btags tsam dang/ de la nga yi par snang tsam 'jog la/ stong thun las/ nga yi par snang zhing de 'dra'i nga yi ba zhes dang/ de dag nga yi par snang ba'i nga yi ba rang gi mtshan nyid kyis grub par 'dzin pa ni/ nga yi par 'dzin pa yin gyi/ zhes pas/ de dag la nga yi bar snang ba nga yir 'dzin pa'i 'jig lta'i dmigs pa dang/ mig rna sogs de'i dmigs pa min par gsungs pa ltar/ rigs pa'i rgya mtsho las kyang/ nga yi pa la dmigs nas sogs gsal bar gsungs so/ /dbu ma'i zin bris las/ sku phyogs kyis mig rna sogs nga yi pas nga yir byed rgyu'i mtshan gzhir bstan pa yin gyi/ nga yi par gsungs pa min gsungs pa legs bshad zla med pa yin te/ de ltar min na/ nga'i bu chung ma sa cha gnas khang sogs nga yir 'dzin pas na/ rgyud tha dad pa la 'jig ltas dmigs par 'gyur ro/ /zhes pa ltar/ lhas sbyin @228a @#/ /lta bu'i nga yi ba la bu dang chung ma rta glang sa zhing sogs yod par thal lo/ /de nga yir byed rgya la byed pas du ma yod zer na/ de la rang rgyud kyi nga yir 'dzin pa'i 'jig lta'i dmigs yul zhig med par thal/ de la rgyud snga phyi la mi dmigs par 'dod pa gang zhig /rang rgyud kyi nga la rang gis nga yir byed rgyu gzhi ma grub pa'i phyir te/ nga yir byed mkhan dang byed rgyu gcig tu 'gyur ba'i phyir ro/ /mdor bsdu na/ nga yi mig ces pa'i tshe mig nga yir byed rgyu dang mig la brten nas de ldan pa can gyi nga yi bar snang tsam de nga yi sa'am nga yir byed pa por 'jog pa'i phyir te/ nga yi pa zhes pa'i pa bdag po'i sgra yin pa'i phyir/ min na mig nga yi ba yin na/ mig mig gi yin par 'gyur ba dang/ mig nga yi ba'i gdags gzhi min pa'am gdags gzhi gdags chos su thal lo/ /de la grub mtha' chen mor/ phung po nga ma yin par ma zad phung po ngar snang ba yang nga min te/ zhes phung po ngar snang ba nga ma yin par gsungs pa ci zhe na/ de ni phung po nga yin par snang ba sogs la byed la/ 'di ni de nyid las/ phung po la ngar snang ba dang/ phung po la brten nas ngar snang ba nga yin kyang/ zhes pa ltar/ phung po la brten nas ngar snang ba la phung po la ngar snang zhes tshig sdud byas pa de yin pa'i phyir ro/ /rje drung pas/ sems can gyi rgyud la sangs 'phags kyi nga dang nga yi ba la dmigs nas 'di nga dang @228b nga'o snyam pa'i blo dang gi skye ba med pa'i phyir/ zhes pa ltar/ gung ru rje btsun pa bsod nams grags pa sogs kyis nga'o snyam pa'i blo lhan skyes dang 'jig lta la rang rgyud ldan gyi gang zag de kho na la dmigs pas khyab zer ba la/ yig char/ de mi dgos par lhas byin gyis tshe rabs dran pa'i mngon shes la brten nas sngon gyi lha dang mi de nga 'o snyam du dran pa'i blo skye bar rigs pa'i rgya mtsho las/ lhas byin gyis sngon gyi skye ba dran pa na/ zhes pa nas/ lhas byin gyis gang la dmigs nas nga'o snyam pa skye ba'i dmigs par gyur pa'i bdag ni tshe rabs snga ma rnams su yang yod pas/ zhes pa dang/ skye ba phyi mar las 'di'i 'bras su myong ba po nga'o snyam du bde ba sogs skye ba myong bas grub pas skye ba snga phyi sogs la nga'o snyam pa skye ba yod par/ rigs pa'i rgya mtsho las/ nga'o snyam pa'i nga tsam zhig der yang rjes su 'gro bas zhes dang/ lhas byin gyis nga'o snyam pa skye ba'i dmigs yul gyi nga tsam thog med nas yod pa yang/ rigs pa'i rgya mtsho las/ lhas byin gyis dus snga phyi so sor ma phye bar nga'o snyam pa'i dmigs pa'i gzhir gyur ba'i bdag ni thog ma med pa nas zhugs pa'i nga tsam yin pas/ zhes pas sgrub nas/ 'di yang tha snyad tshad ma yin kyang/ 'jig lta gnyis kar sbyar tshul shes par bya/ zhes lung 'di dag gis lhas byin lta bus rang gi skye ba snga phyi la nga'o snyam pa'i tha snyad tshad ma skye bar 'grub la/ de skye na/ @229a @#/ /de la rang mtshan gyis grub pa'i nga'o snyam pa'i 'jig lta dang/ nga'o snyam pa'i nga rgyal skye chog par gsungs so/ /de yin te/ lo zla dang nyin snga phyi'i nga la dmigs nas nga bzang ngo snyam pa'i nga rgyal dang/ nga ngan no snyam pa'i zhum pa sogs skye ba myong bas grub pa'i phyir dang/ tha mal ba'i rgyud la snga phyi gcig 'dzin yod pa'i phyir dang/ 'jug par/ gang phyir 'jig rten sa bon tsam btab nas/ /bdag gi bu 'di bskyed ces smra byed cig /shing yang btsugs so snyam du rtog des na/ /zhes pa ltar/ de gnyis bskyed pa'o phyis nga'o snyam pa skye ba'i phyir ro/ /rang lugs ni/ 'jig lta'i mtshan nyid yod de/ rang rgyud kyi gang zag la dmigs nas gsungs pa dang mi 'gal te/ skye ba phyi ma la dmigs pa'i 'jig lta des rang rgyud kyi gang zag la dmigs te/ lhas byin gyi rgyud kyi rang gi skye ba snga mar dmigs pa'i 'jig ltas de'i skye ba snga ma dang/ lhas byin rgyud kyi nga gnyis ka la dmigs pa'i phyir te/ dbu ma'i zin bris las/ lhas byin gyis mngon shes la brten nas tshe rabs snga ma'i lha la dmigs pa'i 'jig lta des lha de dang lhas byin gyi rgyud kyi nga gnyis ka la dmigs pa dang/ ston pas nga sngon rtswa 'tshong ba'i bu bkra shis su gyur pa dran tshe sngon gyi dbul po de dang sangs 'phags rang rgyud kyi nga gnyis ka la dmigs pa'i dran pa skye ba lta bu yin pas de shes dgos so/ / @229b zhes gsungs pa'i phyir/ de'i rgyu mtshan gyis lhas byin gyi rgyud kyi nga thog med nas yod de/ de'i rgyud kyi nga thog med nas nga yin bzhin par 'ongs pa yin pa'i phyir/ khyab ste/ de'i rgyud kyi nga'o snyam pa skye ba'i gzhi'i nga thog med nas yod pa sngar gyi lung de dag gis 'grub pa'i phyir/ de la dgongs nas yig char/ lha sogs chos can/ khyod kyi rgyud kyi nga tsam gyi thog ma med par thal/ khyod thog med nas 'gro ba sna tshogs su 'khor ba'i 'gro ba yin pa'i phyir/ der thal/ 'gro ba yin pa'i phyir/ khyab ste/ thog med gyur kyang tha ma dang ldan pa/ /zhes gsungs pa'i phyir/ zhes dang/ dbu ma'i zin bris las/ mi thog med nas med kyang mi'i rgyud kyi nga thog med nas yod pa mi 'gal ba ni/ thog med nas mi yin bzhin par 'ong ba med la/ nga yin bzhin nas yongs pa yod de/ /zhes dang/ dge slong gi rgyud kyi nga dge slong gi dus su dge slong yin la/ spyir de mi dang dge slong min no/ /zhes gsungs pa'i phyir/ de la kho na re/ kun dga' po'i nga'o snyam pa skye ba'i gzhi'i nga yin na/ kun dga' bo'i rgyud kyi nga yin pas khyab par thal/ lung de dag gis skrub tshul 'thad pa'i phyir na ma khyab ste/ de dang rgyud gcig pa'i nga dang mi de de 'dra'i nga dang mi thams cad kyi gdags gzhi thun mong gi nga yin pas de dag 'jog gi /de dang rgyun gcig pa'i lha dang so skye sogs de'i rgyud la yod pa ma yin pa'i phyir/ der khyab pa @230a @#/ /med do/ TIk chen las/ lhas sbyin dang de'i bdag gnyis ngo bo nyid kyis grub pa'i phyogs la so so ba mi 'dod pas ngo bo gcig tu 'dod la/ zhes pa'i don kun gzhi'i mtha' dpyod las/ de'i don lhas sbyin gyi gdags gzhir gyur pa'i nga de thog med nas yong par thal 'gyur bas 'dod kyang/ gzhan gyis mi 'dod pa'i don yin pa'i phyir/ gsungs pa la/ 'ga' zhig gis/ lhas sbyin gyi gdags gzhi 'gro ba rigs drug ka'i rgyud la yod pa dang/ gdags gzhi gdags chos ngo bo tha dad sogs su gyur bas dpyad gzhi che zer ba ni/ nge nyid las/ skye 'phags kyi gdags gzhi'i yin pa yod med sogs ma spros kyang de lta'i rigs smra rnams kyis dgongs par 'gyur ro/ /gsungs pa ltar tshig tsam la 'khri ba yin gyi don phyin ci ma log par go na skyon med de/ 'dir gdags gzhi thun mong ba'i nga zhes pa/ TIk chen las/ tha snyad 'dogs mkhan gyi mi dang/ tha snyad btags pa'i gzhi bdag gnyis khyab mnyam du mi bzung bar mi de bdag de'i cha gcig yin par shes par byos shig /ces pa ltar mi lhas sbyin lta bus gang la nga zhes 'dogs pa'i gzhi la bya yi/ yongs grags kyi gdags gzhi ma yin pa'i phyir te/ mtha' dpyod de nyid las/ skye ba snga phyi gnyis ka la nga zhes pa'i tha snyad thun mong du 'jug cing/ thal 'gyur @230b ba'i lugs la tha snyad de tsam gyis nga 'jog thub pas gnyis ka'i gdags gzhir gyur pa'i nga thun mong ba ming gis btags pa tsam zhig yod kyang/ zhes skye ba snga phyi gnyis kas nga zhes tha snyad 'dogs pa thun mong ba la gsungs pa'i phyir/ khyab ste/ nga zhes tha snyad 'dogs pa'i gzhi de la kho rang gi gdags gzhi mi dgos pa'i phyir/ de dgos na lhas sbyin lus sbyin gyi gdags gzhir thal lo/ /des na de 'dra'i nga tsam sogs skye ba snga phyi gnyis ka'i gdags gzhir gyur pa'i nga thun mong ba'am gdags gzhi thun mong ba'i nga yin kyang/ gang gi yang gdags gzhi min te/ de gnyis dang rgyud gcig pa'i gdags chos nga yin pa'i phyir ro/ / lhas byin dang lhas byin gyi skye ba snga phyi bar gsum ga'i nga la thun mong du rjes su 'gro ba'i bdag gi gzhi ldog gnyis ngo bo tha dad par thal 'gyur bas khas blangs par 'dod pa mthun zer ba phyogs snga'i nam ma lang ba yin te/ mtha' dpyod de nyid las/ dper na gser bum zangs bum gnyis bum pa'i bye brag yin pas/ de gnyis kyi spyir gyur ba'i bum pa zhig yod dgos kyang/ gser bum gyi spyi de zangs bum gyi spyi min la/ de gnyis kyi spyir gyur pa'i bum pa de de gnyis las go sa logs na'ang bstan tu med par zhes pa mthong bzhin du ngo bo tha dad du 'dod ces bsnyon btsugs pa'i phyir te/ skye ba snga phyi sogs nga de'i bye brag tu gsungs pa'i phyir/ nga de thog med @231a @#/ /nas yod par gsungs pas ngo bo tha dad du bstan snyam na/ lhas sbyin de mi rtag pa dang yang ngo bo tha dad du thal lo/ /TIk chen las/ ngo bo gcig tu 'dod gsungs ba'i don dngos smras lhas sbyin gyi nga de lhas sbyin gyi gdags gzhi'i phung po'i tshogs pa nas rnyed dgos pas/ skye ba snga phyi so so la mi 'jog par lhas sbyin dang tshogs pa gcig tu 'jog la/ thal 'gyur bas/ gdags gzhi'i ngos nas rnyed rgyu med pas skye ba snga phyi so so'i rgyud na yod par 'dod pa'i don yin pa gong bsgrig na shes pa'i phyir/ rang bzhin gyis grub pa'i ngo bo gcig yin na/ ldog pa gcig yin dgos pa'i rigs pa'i gsang tshig ma dgongs par mngon no/ /kun dga' bo'i rgyud kyi mi de de dang rgyud gcig pa'i mi thams cad kyi rgyud la yod kyang/ de'i rgyud kyi tshe de'i nga tshe de'i skye ba blang ba nas dang/ tshe de'i mi skye mched drug dod pa nas 'jog ste/ dbu ma'i zin bris las/ skye mched drug dod nas mi yin par grub la rgyal bo dang/ dge slong bya ba dang sdom ba grub pa nas 'jog /ces pa nas/ mi'i rgyud kyi nga dang/ mi'i rgyud kyi tshe 'di'i nga gnyis mi 'dra bar byed ces gsungs pa'i phyir dang/ mi sogs lus la brten nas 'jog pas skabs so so dang/ nga sems rgyud la brten nas 'jog pas thog med nas yod pas/ 'jam dpal zhal lung las/ res lus kyi steng na yod pa 'dra ba/ res sems @231b kyi steng na yod pa 'dra ba/ zhes gsungs pa'i phyir/ dbu ma'i zin bris las/ ston pas nga sngon de dang der gyur zhes dran gyi sangs rgyas zin pa des thub pa chen po la 'jam gang phul ba yang ma yin pas des phul bar mi dran no/ /zhes sangs rgyas dus kyi ngas phul bar mi dran yang ston pa'i rgyud kyi nga'am ston pa'i ngas phul bar rtogs pa'i phyir/ 'o na de nyid las/ sangs 'phags kyi nga dang/ sangs 'phags rgyud kyi nga gnyis mi 'dra de nga'o snyam pa skye ba'i nga dang de'i nga gnyis don gcig /sangs 'phags kyi rgyud kyi nga yin na/ sangs rgyas yin pas khyab gsungs pa ci zhe na/ de ni sangs 'phags kyi rgyud kyis bsdus pa'i nga la bya ste/ yig char/ de'i rgyud kyi nga zhes pa de'i rgyud kyi nga'o snyam pa skye ba'i gzhi'i nga zhes pa tshig sdud byas pa sgrub byed TIk chen gyi lung rnams kyis shes pa'i phyir dang/ zin bris de nyid las/ ngag dbang rdo rjes khas len de rnams sku phyogs la zhus pas thub na yig cha ltar gyis/ mi thub na dge slong gi rgyud kyi mi yin pa'i cha dang rgyal po yin pa'i cha dang nga yin pa'i cha yin khyab mnyam min zhes khas blang ngo gsungs so/ / zhes gsungs pa'i phyir/ yig cha'i dgongs ba ni/ ston pas nga sngon der gyur zhes dran tshe rang rgyud kyi nga der gyur par dran zhing dran pa ltar rang rgyud kyi nga yang de dus du yong dgos/ med na dran pa don mthun du mi 'gyur bas @232a @#/ /yin no/ /nga dang nga yi ba'i khyad par ni/ phung po sogs la brten nas nga dang lha sogs su snang ba nga dang/ lha sogs dang/ nga'i yin rgyu'i phung po sogs kyi khyad par du byas pa'i nga yi bar snang ba nga yi bar 'jog ste/ grub mtha' chen mo las/ phung po la brten nas ngar snang ba dang/ bdag dang/ sems can dang lha sogs su snang ba ni nga dang bdag dang sems can dang lha sogs yin la/ zhes pa nas/ bdag gi yin rgyu mig sogs bdag gi yin pas khyad par du byas pa'i bdag gir byed pa po de bdag gi ba dang/ zhes gsungs pa'i phyir/ des na yig char/ theg chen sems bskyed kyi bag chags bsgo gzhi'i mi yin pa'i cha chos can/ zhes pa nas/ khyod gtan du mi ldog par thal/ khyod gtan gyi bag chags bsgos shing 'dzin pa'i de yin pa'i phyir/ 'khor gsum/ 'dod na/ khyod 'gro ba gzhan du skye mi srid par thal/ khyod mi yin pa gtam du mi ldog pa'i phyir/ 'di TIk chen gyi dgongs pa yin tshul 'chad par 'gyur ro/ /zhes pa ltar TIk chen gyi lung sngar drangs pa de dag gi dgongs pa/ lhas sbyin rgyud kyi nga thog med nas yod pa min na/ de'i rgyud kyi gtan gyi bag chags bsgo gzhi'i yin pa med par 'gyur ro/ /lung rigs sgron me las/ de kho na nyid rtogs pa'i rig pa ye shes kyi 'gal zla mi mthun phyogs su gyur pa'i rmongs pa de dang po'i mtshan nyid/ @232b ces de nyon mongs can gyi ma rig pa'i mtshan nyid du gsungs pa/ yig cha rnying bar/ stong thun las/ 'dir nyon mongs can gyi ma rig pa ni bdag med pa'i de kho na nyid rtogs pa'i rig pa ye shes kyi mi mthun phyogs yin la/ zhes pa la brten nas de ltar gsungs pa'i bshad pa bkod tsam las/ rang lugs su mi rung ste/ kun mkhyen gyi rten 'brel lung rigs gter mdzod las/ kha cig /bdag med rtogs pa'i rig pa ye shes kyi 'gal zla mi mthun phyogs de ma rig pa'i mtshan nyid zer na/ 'o na/ las 'bras kyi 'brel ba la rmongs pa'i ma rig pa dang/ rgyu dge ba las 'bras bu bde ba mi 'byung bar 'dzin pa'i ma rig pa re re nas chos can/ mtshan nyid der thal/ ma rig pa yin pa'i phyir dang/ de dag de'i 'gal zlar 'jog tshul med pa'i phyir ro/ /stong thun gyi don/ thal 'gyur ba'i thun mong ma yin pa'i 'dod pa'i nyon mongs can gyi ma rig pa gsungs pa yin te/ lung de'i de ma thag tu de yang rig pa de mid tsam dang/ de las gzhan pa tsam la mi byed kyi/ de'i 'gal zla mi mthun phyogs gang zag dang chos rang bzhin gyis grub par sgro 'dogs pa'i bden 'dzin no/ /zhes dang/ de ltar na thun mong dang thun mong ma yin pa'i nyon mongs de dag ces gsungs pa'i phyir ro/ /sngon po sngon 'dzin tshad mas bzhag tsam ma yin par rang ngos nas grub par 'dzin pa'i blo dang/ don smra gnyis kyis 'dod pa'i rdul phran cha med @233a @#/ /bsags pa'i gzugs dang/ de 'dzin pa'i tshad ma gnyis rdzas gzhan du grub par 'dzin pa'i blo gnyis chos kyi bdag 'dzin rags pa lhan skyes su gsungs pa'ang yig cha rnying pa ltar yin la/ de'i dang po sngar bshad pa ltar rang rgyud pas 'dod pa'i tshad mas bzhag tsam min par sdod lugs kyi ngos nas grub pa la bya ste/ min na tshad mas bzhag tsam min par rang ngos nas grub par 'dzin pa'i blo bden 'dzin yin pa'i phyir ro/ /rang rgyud pa'i de kun btags yin pa legs bshad snying po las/ rang rgyud pa'i bshad pa'i chos kyi bdag 'dzin lhan skyes su 'dod pa yang kun btags su bya'o/ /zhes pas 'grub la/ don smra gnyis kyis 'dod pa'i rdul phran cha med med pa'i phyir te/ rdul phran cha med 'dod pa'i rang sde med pa'i phyir dang/ rdul phra rab cha med bsags pa'i gzugs dang/ de 'dzin tshad ma gnyis rdzas gzhan du grub par 'dzin pa'i blo grub mthas blo ma bsgyur ba la med pa phra rab cha med du 'dzin pa kun btags su gsungs pas 'grub pa'i phyir/ /gnyis pa rang lugs/ zhes pa nas/ dpag ste shes par bya'o/ /zhes pa'i bar ni kun mkhyen gyi yig char zur tsam yang med par/ yig cha rnying pa sor bzhag bkod par snang ngo/ /gzhan sde thams cad kyis khyad par gsum ldan gyi bdag 'dod pas/ phyi nang gi grub mtha'i khyad par kyang des 'byed pa/ mdo ting 'dzin rgyal po @233b las/ 'jig rten pa dag ting 'dzin sgom byed kyang/ /de ni bdag tu 'du shes 'jig mi byed/ /de ni nyon mongs phyir yang rab 'khrug ste/ /lhag spyod kyis ni ting 'dzin 'dir bsgom bzhin/ /zhes dang/ dus 'khor 'grel chen las/ 'on kyang stong pa de kho na nyid ni so so'i khyad par ste/ des na bdag med pa zhes pa la sogs pa/ zhes dang/ 'ong ldan las/ phyag rgya gsum dang yang dag ldan/ /zhes mi rtag sdug bsngal gnyis gcig tu byas nas gsum gsungs pa rnams kyis grub bo/ /mu stegs rnams kyis bdag 'dod tshul/ yig char/ gzhan du bshad pas der blta'o/ /zhes grub mtha' chen mor zhal 'phang mdzad pa'i don phal cher lung rigs sgron mer gsungs pa ltar la/ grangs can lugs gyi bdag gi khyad par lnga ni/ 'jug pa ltar la/ bye brag pa ni rang 'grel las/ bdag de yang rtag pa dang/ byed pa po dang/ zab po dang/ yon tan dang bcas pa dang/ khyab pa'i phyir na bya ba med par yang smra'o/ /zhes pa ltar dge mi dge byed pa po dang/ yon tan dgu ldan du 'dod la/ gzhan gsum snga mar 'dra'o/ /bdag la de lnga ldan bas ma khyab ste/ rang 'grel las/ yon tan dgu po de dag ji srid du bdag la 'du zhing yod pa de srid du de dag gis sbyar ba'i dge ba dang mi dge ba'i las sgrub pa'i phyir/ 'khor bar 'gyur la zhes sogs kyi yon tan dang bral tshe thar ba thob par @234a @#/ / @234b @235a @#/ /lta ba rgyang phan la sbyar ba dang/ log shes su gsungs pa dang/ rang 'grel las/ de'i tshe phung po rnams skye ba dang/ 'jig pa nyid kyis mi rtag pa'i phyir 'jig rten mi rtag pa nyid ces bya bar yang lung bstan par 'gyur la/ zhes phung po rang bzhin gyis 'jig na de'i tshe rgyun 'chad pas mi rtag par lung ston rigs par gsungs pa'i phyir ro/ /'jug pa'i don thal 'gyur ba ltar rang skya ba'i rdzas yod khas blangs par song tshul phung bo la ma brten pa'i bdag bden grub khas blangs pas yin gyis bden grub tsam khas blangs pas min pa/ gal te bdag 'ga' dngos por grub gyur na/ /zhes sogs kyis bdag bden par grub na gzugs dang sems ltar gdags gzhi las de nyid dang/ gzhan du don dam par brjod du med pa'i rdzas su mi rung ba dang/ brjod du med na btags yod du 'gyur bar bsgrub bas shes pa'i phyir dang/ bden par grub na phung po sogs dang bden grub kyis gcig tha dad gang rung du grub dgos pa'i phyir ro/ /rnam bshad las/ khyod kyi ltar na bum pa rang skya thub pa'i dngos por ma grub pa'i ngo bo de rang gi yan lag gi gzugs sogs las de nyid de gcig dang ngo bo tha dad du brjod du med par 'gyur bar 'dod pas/ zhes pa ltar gnas ma bus bum sogs rang gi yan lag rnams dang gcig dang ngo bo tha dad gang du yang brjod du med kyang brjod med kyi @235b bdag dang gang zag don gcig pas der mi 'dod zer dgos pa 'dra la/ 'di'i lugs la ngo bo gcig pa la gcig dgos mi dgos chos la khams bco brgyad gang rung dang/ 'dus byas la phung po lnga gang rung gis khyab ma khyab sogs dpyad bya mang ngo/ /kho na re/ mang bkur ba kha cig gis/ phung po lnga bdag tu 'dod pa mi 'thad par thal/ yig char/ yang kha cig /mang bkur ba kha cig gis phung po lnga ka dang de re re nas 'jig lha'i dmigs pa dang bdag tu 'dod par thal/ zhes gsungs pa'i phyir na ma khyab ste/ yig char/ rang gi phung po lnga tshogs pa dang bsdoms pa 'dod kyi re re tsam la mi 'dod par bshad pa'i phyir/ zhes lda ka bsdoms pa bdag du 'dod par gsungs pa'i phyir/ phung po re re ba bdag tu mi 'dod de/ de la phung po bdag yin na/ de la lnga yod pa bzhin du bdag kyang lnga yod par thal zhes bkag pa gang zhig /re re ba bdag tu 'dod na bdag ngo bo tha dad pa du ma rgyud gcig la dus gcig du yod par khas blangs bas mang bar thal ba 'phen mi rigs pa'i phyir dang/ re re ba bdag lta'i dmigs par 'jog na/ de 'dra'i bdag la 'jig tshogs la lta ba zhes pa'i tshogs pa'i don ma tshang ba'i phyir/ de la dgongs nas yig char/ de ltar shes pa'i ched du bdag lta la 'jig tshogs la lta ba zhes pa nas/ bdag du mar thal ba 'phangs pa yin no/ @236a @#/ /zhes gsungs pa'i phyir/ dngos smra bas mdo so so la brten nas phung po lnga ka'am tshogs pa dang/ sems gcig pu dang/ lus kyi dbyibs bkod khyad par ba la 'dod pa sna tshogs byung zhing/ mdo lung de dag la brten nas legs ldan gyis srid pa'i len po dang/ dug gsum gyi rten gyi bdag la sems dang/ lha mi sogs 'gro ba drug la rang gi phung po'i dbyibs bkod khyad par ba dang/ phung po'i tshogs tsam 'jog ste/ rtog ge 'bar ba las/ rnam par shes pa ni srid pa len pa'i phyir/ bdag yin no/ /zhes lus dang dbang po'i tshogs dag la bdag nye bar 'dogs pa'i phyir/ zhes dang/ 'dod chags dang lhan cig skyes pa'i sems la chags pa zhes tha snyad gdags pa yin na zhes pa rnams kyi don yig char 'grel tshul dang/ gzugs med pa yang lus rags pa med pas bzhag pa'i phyir dang/ 'gro ba so so dang skal ba mnyam par skye tshul yod pa'i phyir/ zhes pa rnams kyis shes pa'i phyir dang/ grub mtha' chen mo las kyang/ rang sde dngos smra dang/ rang rgyud pa kha cig skye ba snga phyi len mkhan gyi bdag sems la dngos su 'jog cing/ lha dang mi las kyi phung po'i bkod pa khyad par ba zhig gis 'jog pa'i phyir/ phung po'i bkod pa khyad par ba de bdag tu smra ste/ de 'gog pa'i phyir du tshogs tsam bdag min pa dang/ dbyibs bdag min pa'i @236b rtags zur gnyis bsnan te/ zhes gsungs pa'i phyir/ des na rnam bdun gyi rtags zur phyi ma gnyis kyis 'gog yul gtso bo legs ldan yin pa 'dra ste/ yig char/ 'di yang phung po la bdag tu 'dod tshul gyi khyad par zhig yin/ gzhan las zhib par yod do/ /zhes gsungs pa'i phyir/ de dag gis mdo las/ de bzhin phung po rnams brten nas/ /zhes pa'i don gdags gzhi phung po'i ngos nas bdag zhig ma bzhag na/ de la mi ltos pa thal bas yin la/ 'di bas lag pa la reg pas bdag la reg par 'char gyi lag pa bdag go snyam pa mi 'char ba dang/ nad sos tsa na'ang bdag na ba dang sos par 'char gyi/ nad sos pa'i cha bdag go snyam du mi 'char ba bzhin du phung po'i tshogs pa la brten nas nga'o snyam pa dang/ lus sogs kyi dbyibs bkod khyad par ba la brten nas mi'o snyam pa'i nga dang mi ni bdag lta'i dmigs yul gyi nga dang/ de dag gi steng na nga yo re ba'am tshugs se bar 'char ba ni bdag lta'i 'dzin stangs kyi nga yin pas 'og mas nga 'jog tshul dgag byar song ba yin no/ /gung ru'i yig char/ des na de sgrub kyi gzhan grags kyi gtan tshigs yin na/ de sgrub kyi gtan tshigs yang dag yin pas ma khyab ste/ zhes gzhan grags yang dag la rtags chos don gsum yod dgos pa lam rim sogs kyi dgongs par 'dod pa 'gog tshul yig char gsal lo/ /bdag 'gog byed kyi @237a @#/ /rigs pa rtsa shes las/ rnam lnga'i rigs pas bkag pa'i dang po/ bdag phung bden par gcig pa la skyon bdun phar phyin mchan du gsungs pa ni/ lam rim chen mo la brtan par snang ste/ kun mkhyen gyi mchan las/ dang po la rtags zur bdun gyis dang po la phan tshun spangs 'gal gyi dngos 'gal spyir bstan pa dang gcig tu grub pa gnod byed drug gis 'gog pa gnyis/ zhes gsungs pas/ dang po ni/ spyir yod pa la gcig dang du ma gang rung du kha tshon chod pas/ bdag phung lta bu rang bzhin gyis yod pa la yang/ der gcig dang du ma gang rung du yod dgos pas khyab pa sgrub pa dang/ de gnyis ka'i skyon yin cing sa bcad kyi dbang gis yin nam snyam/ gzhan drug ni/ lam rim las/ de ltar na bdag phung po dang gcig yin na/ bdag tu khas blangs pa don med pa dang/ bdag mang por gyur pa dang/ bya ba dang byed pa po gcig tu gyur pa dang/ las byas pa chud zos pa dang/ ma byas pa dang phrad pa dang/ skye ba dran pa'i tshig gsungs pa mi 'thad pa ste/ drug yod pas gcig tu khas blangs par mi bya'o/ /zhes gsungs pa ltar la/ dang po ni/ rab byed nyer bdun pa las/ nye bar len pa ma gtogs pa'i/ /bdag yod ma yin byas pa'i tshe/ /nye bar len pa bdag yin na/ /khyod kyi bdag ni med pa yin/ /zhes nye bar blangs bya dang gcig yin @237b pas len pa po'i bdag gi don med ces pa'o/ /gnyis pa 'jug par gsungs pa bshad zin to/ /gsum pa ni/ rab byed bcu pa las/ bud shing gang de me yin na/ /byed pa po dang las gcig 'gyur/ /zhes sogs gyis rang bzhin gyis gcig na gcig yin dgos pas de ltar gsungs la/ 'jug par/ len po rang nyer sogs kyang 'di dang dang po gnyis kar sbyar ro/ /'di lam rim gyis rgyas bshad du drug par byas so/ /phyi ma gsum ni/ rab byed bco brgyad pa las/ gal te phung po bdag yin na/ /skye dang 'jig pa can du 'gyur/ /zhes pas bdag rang bzhin gyis skye 'jig can du thal ba 'phangs pa la/ dngos smras de yin na skyon ci yod zer ba la/ skyon gsum po de brjod pa'i dang po skye ba dran pa mi 'thad pa ni/ rab byed nyer bdun pa las/ 'das pa'i dus na byung gyur zhes/ /bya ba de ni mi 'thad do/ /sngon tshe rnams su gang byung ba/ /de nyid 'di ni ma yin no/ /zhes sogs kyis bdag tshe rabs snga mar rang bzhin gyis byung ba mi 'thad de/ de nyid tshe 'di'i bdag ma yin pa'i phyir/ zhes pas shugs kyis rang bzhin gyis so so ba yin na/ rgyud gcig kyang mi rung bas skye ba dran pa mi rung bar gsungs pas/ 'jug par/ sder rnam dpyad tshe rgyud la nyes bshad zin/ /zhes rigs pa 'di gsum gar sbyar chog go /gnyis pa dang gsum pa ni/ rab byed nyer bdun pa las/ gal te 'di ni gzhan 'gyur na/ @238a @#/ /zhes pa nas/ chad dang las rnams chud za dang/ /gzhan gyis byas pa'i las rnams ni/ /gzhan gyis so sor myong ba dang/ /de la sogs par thal bar 'gyur/ /zhes pas dngos su tshe snga phyi'i bdag ngo bo nyid kyis gzhan du 'dod pa bkag kyang/ bdag phung rang bzhin gyis gcig na tshe snga phyi'i phung po bzhin du bdag kyang rang bzhin gyis tha dad dang/ rang bzhin gyis 'jig na rgyun chad dgos pas/ las byas pa chud za ba dang/ ma byas pa dang phrad par thal bar sbyar nas/ 'jug par/ mya ngan 'das tshe des par bdag chad 'gyur/ /sogs gsungs so/ /'jug par rigs pa'i rtsa ba bcus bkag te/ bdag mang ba dang/ phung po rdzas su yod pas bdag rdzas yod dang/ des na bdag 'dzin phyin ci ma log pa dang/ lhag med kyi tshe bdag chad pa dang/ de'i sngon du skad cig la rang bzhin gyis skye 'jig sogs byed pa dang/ skye 'jig byed pa dang/ lhag med tshe chad pas/ mi rtag pa dang/ mtha' ldan grong phan chad du mi 'byung ba sogs kyis lan lung ston rigs pa dang/ rnal 'byor pas bdag med mthong tshe phung po med par nges par thal ba dang/ de'i tshe gzugs sogs kyi chos nyid ma rtogs par thal ba dang/ de'i tshe chags sogs 'phel bar thal pa ste 'di gsum rang sde kho na la brjod pas/ lam rim las/ 'jug par skyon gzhan gsum yang gsungs mod gsungs pa'ang 'di yin la/ bdag @238b med rtogs pas bdag lta spong mi nus pa rnams lung rigs sgron mer gsungs pa'i phyir ro/ /tha dad pa la skyon gnyis ni/ rtsa shes TIk chen las/ de bzhin gshegs pa phung po lnga las rang mtshan gyis gzhan pa min te/ gzhan du na bcu par bshad pa ltar phung po med par yang 'byung ba dang/ bco brgyad par bshad pa ltar phung po 'du byas su mtshon pa'i mtshan nyid dam phung po'i mtshan nyid las rdzas tha dad du 'gyur ba'i phyir ro/ /zhes pa ltar/ lam rim mchan las/ tha dad na phung po'i mtshan nyid dang mi ldan par thal ba ni/ zhes dang/ phung po'i mtshan nyid las gzhan du bdag tu 'dzin par thal ba las de ltar mi 'dzin par bshad pa ni/ zhes gsungs pas/ dang po ni/ rab byed bco brgyad pa las/ gal te phung po rnams las gzhan/ /phung po mtshan nyid med par 'gyur/ /zhes pa tshig gsal ltar na/ bdag de ngar 'dzin gyi dmigs yul du med de/ 'dus ma byas yin pa'i phyir/ dper na/ nam mkha'i me tog dang myang 'das bzhin/ zhes skye 'jig med na ngar 'dzin gyi dmigs yul du mi rung ba dang/ budd+ha bA li ta las/ ci ste yang/ bdag phung po rnams las gzhan yin par 'gyur na/ de ltar na phung po'i mtshan nyid ma yin par 'gyur te/ phung po rnams ni skye ba dang 'jig pa'i mtshan nyid yin pas/ des na bdag phung po rnams las gzhan yin pa'i phyir/ skye @239a @#/ /pa dang 'jig pa'i mtshan nyid ma yin par 'gyur ro/ /de ltar na rtag par 'gyur te/ bdag rtag pa yin na/ rtsom pa thams cad don med pa nyid du 'gyur te/ 'di ltar rtag pa mi 'gyur ba pas ni ci zhig byar yod/ de ltar na yang bdag yod par rtogs pa don med pa nyid du 'gyur te/ de la cung zad kyang 'jug pa'am rtogs par mi 'gyur ro/ /zhes bdag la skye 'jig med na rtag par 'gyur la/ de la ci yang byar med pas blangs dor byed pa po'i bdag btags pa don med ces pa'o/ /rje rin po ches/ 'grel ba'i tshig 'di'i mtshams gzigs pas lta ba rnyed pa'i tshul mdzad pas rjes 'jug rnams kyis 'di kha don byas na rten 'brel gyi gnad khyad par can yod ces dam pa rnams gsungs so/ /'jug par/ mo gsham bu ltar sogs kyis bdag gi ngo bo dang khyad par dgag pa'i rigs pa bzhi gsungs pa 'di yin no/ /rigs pa gnyis pa ni/ rab byed bcu pa las/ gal te shing las me gzhan na/ /shing med par yang 'byung bar 'gyur/ /zhes dang/ rab byed nyer bdun pa las/ bdag ni nye bar len pa las/ /gzhan du 'thad pa nyid ma yin/ /gal te gzhan na len med par/ /gzung yod rigs na gzung du med/ /ces pa'i don 'jug par/ phung po ma gtogs de 'dzin ma grub phyir/ /zhes pa'i 'grel sngar bshad pa ltar ro/ /rtsa shes TIk chen las/ @239b phyogs lhag ma gsum dang po gnyis su ci rigs par 'du bas gcig dang tha dad kyi phyogs gnyis su 'du mod/ 'jig ltas 'dzin tshul gyis 'jug pa la ltos nas 'di dang bcu bar phyogs lha gsungs so/ /zhes pa ltar/ 'jug par yang rigs pa zur ba ma gsungs la/ tshogs tsam bdag yin pa yang gcig pa'i nang du 'du bas/ 'jug par/ tshogs pa rdzas su med pas mgon sogs min pa dang/ shing rta'i yan lag tsam shing rta min pa sogs kyis sgrub la/ dbyibs kyang gcig par 'du bas gzugs can kho na la yod par thal ba dang/ gnyis ka'ang bya byed gcig tu thal bas bkag go /des na rnam lnga rnam bdun sogs gcig du bral gyi zur je rgyas su btang ba yin pas/ zur dang po gnyis la sgrub byed rtsod dus kyi yam yam de ma yin par rang gi blo ngor 'phrod ngos pa zhig btsal dgos te/ lam rim las/ gcig pa dang tha dad pa'i phyogs 'di gnyis la gnod byed kyi nges pa rnam dag ma 'drongs na gang zag rang bzhin med par thag bcad kyang dam bca' tsam du 'gro bas lta ba rnam dag mi rnyed pa'i phyir ro/ /zhes gsungs pa'i phyir/ de'i nang nas kyang gcig bral la nges pa btsal dgos pas de'i tshul ni/ dbu ma'i zin bris las/ phung po'i tshogs tsam nga yin par rang rgyud pa man chad kyis 'dod/ tshogs pa dbyibs khyad par can de nga yin par 'gog sla la/ grub mtha' 'am kun gyis btags pa'i nang nas rnam shes nga yin @240a @#/ /pa 'gog dka' bar lcang skya tshang gis sku phyogs la gsungs pas/ sku phyogs yang rnam shes nga yin pa 'gog dka' gsungs so/ /zhes pa nas/ dka' don ni/ skye ba snga phyir 'gro 'ong byed mkhan la rnam shes gcig pu las med pas skabs 'dir rnam shes nga min na/ de las gzhan na nga med pas/ nga med par 'gyur ro/ /snyam pa dgag dka' la/ rnam shes kyi phung po snga ma las mar las spu bton pa ltar thon nas sha khrag gi phung po phyi ma dang tshogs tshe lha mi sogs grub par 'jog go /rnam shes nga yin pa dgag tshul ni/ nga zas gos med pas grang ba sogs mi rung ba dang/ gzugs med du skye tshe bkres skom yod par thal ba sogs kyis dgag ces dang/ ngas legs ldan gyi rgyu mtshan mtshungs pa 'go snyoms kyi rigs pa'i steng nas nges pa rnyed pa yin kyang/ rang rang gi sngon gyi bag chags dang blo'i 'char lugs kyi gcig la sla ba gang zag kun la sla ba'i nges pa med pas/ rigs pa rang blor gang 'char sla ba nges dpyad pa dang/ de ltar ma shar na gsol ba yang yang 'debs dgos so/ /zhes pa ltar ro/ /yang de nyid las/ 'gro ba rigs drug lus sems gnyis ka'am phung po bzhi 'am lnga tshogs pa'i sgo nas 'byed kyi/ lus kho nas mi 'byed de/ ngan 'gro'i lus rten can gyi @240b byang sems ngan 'gro ba min la/ ngan 'gro ba'i sems rten can gyi gang zag la ngan 'gro bas khyab par/ yig cha gsar rnying gnyis kas bshad pa'i phyir dang/ 'pho khrid gser gyi sgo 'byed du 'gro ba rigs drug gi sems kyi khyud par bshad pa dang/ zhes dang/ phung po'i tshogs pa snga ma nas kyang ma 'ongs phyi mar yang mi 'gro ba dang/ zhes pa 'di gnyis tshogs pa dang dbyibs 'gog pa la phan che'o/ /de la kho na re/ rnam bdun gyi zur dang po gnyis la rang bzhin gyi khyad par mi sbyor bar thal/ rtsa 'jug gnyis su de skabs su phung po bdag yin pa dang/ de las ngo bo tha dad pa'i bdag 'dod ba la skyon brjod kyi/ rang bzhin ma sbyar ba'i phyir dang/ de la yig char/ bdag de gdags gzhi'i phung po yang min la/ bdag phung po las zur du gzhan yang min/ zhes gsungs la/ bar ba gsum la ngo bo nyid kyis zhes sbyar nas/ tha ma gnyis la yang ma sbyar ba dpe don gnyis ka 'dra ba bzhin gzhung phal cher gyis gsungs pa'i phyir na/ mi 'thad de/ sangs rgyas bskyangs dang zla ba'i zhabs gnyis kyis/ gcig du bral gyi dpyad pa gnyis su 'du bar gsungs pa gang zhig/ rje yab sras sogs kyis sbyar ba'i phyir/ dang po grub ste/ budd+ha pA li ta las/ de dag thams cad kyang gzhan dang gzhan min pa nyid du smra ba dag kho nar 'dus ste/ gnyis ka ltar yang mi @241a @#/ /'thad do/ /zhes dang/ tshig gsal las/ dngos su phyogs lnga po de dag de nyid dang/ gzhan nyid kyi phyogs nyid kyis nang du 'du mod kyi/ 'jig tshogs kyi lta ba'i 'jug pa la ltos pas phyogs lnga bo slob dpon gyis gsungs so/ zhes shes par bya'o/ /zhes phyogs lnga po 'jig lta'i 'dzin tshul gyis phye bar gsungs pa'i phyir/ gnyis pa grub ste/ rtsa shes TIka chen las/ de bzhin gshegs pa ni phung po lnga dang rang gi mtshan nyid kyis gcig min te/ zhes dang/ de bzhin gshegs pa dang phung po rang bzhin gyis tha dad du ma grub pa'i phyir/ zhes dang/ lam rim las/ ci bdag 'di phung po dang ngo bos grub pa'i gcig yin nam/ ngo ngos grub pa'i tha dad yin snyam du dpyad par bya'o/ /zhes dang/ bdag dang phung po gnyis rang bzhin gcig tu grub na gnod pa ci zhig yod/ ces dang/ rang bzhin tha dad bar 'dod na skyon ci yod snyam na/ zhes dang/ kun mkhyen gyi mchan las/ bdag phung rang bzhin gcig pa 'gog pa la/ zhes dang/ de gnyis ngo bo nyid kyis tha dad na/ zhes dang/ stong thun las/ nge thog mar shing rta nyid rnam pa bdun gyis btsal nas rang bzhin med par gtan la 'bebs pa'i tshul mdo tsam brjod na/ 'di ltar shing rta rang bzhin gyis yod na rang gi yan lag rnams dang rang bzhin gyis gcig dang tha dad gang du yod/ dang po @241b ltar na/ yan lag rnams du ma yin pa ltar shing rta yang du mar 'gyur ro/ /zhes gsungs pa'i phyir/ des na kun mkhyen gyis phar phyin mthar dpyod du bdun ga la bden pa'i sgra sbyar ba ltar 'dir yang rang bzhin nam ngo bo nyid sbyar dgos so/ /de la dgongs nas/ dbu ma'i zin bris las/ paN chen bsod grags pa/ rnam bdun gyi dpyad mthar ma grub pa stong nyid yin kyang/ rnam bdun gang rung du ma grub pa stong nyid ma yin par bshad/ sku phyogs yig chas/ rnam bdun gang rung du ma grub pa stong nyid yin pa ni/ bden grub kyi gcig dang du ma gang rung du ma grub pa stong nyid yin pa la thug pas/ thugs rtse legs so/ /zhes gsungs la/ bsod grags pa'i spyi don las/ kha cig bdag mtha' bdun du btsal ba'i tshe ma rnyed pa de bdag gi gnas lugs yin zer ba mi 'thad de zhes dang/ mtha' dpyod las/ shing rta rang bzhin gyis tha dad ma yin pa de gnas lugs yin par thal/ shing rta mtha' bdun du btsal ba'i tshe ma rnyed pa de gnas lugs yin pa'i phyir nas/ 'dod mi nus te/ sems tsam pas rtogs pa'i phyir/ zhes gsungs pas dpyad/ /rtsa 'jug sogs tshig zin la phung po bdag yin pa dang/ phung po las ngo bo tha dad pa bkag pa ni/ rang rgyud pa man gyis gdags gzhi'i ngos nas sam/ de dang rang bzhin gyis ngo bo gcig pa'i gdags chos ma bzhag na @242a @#/ /gdags gzhi gdags chos kyi don med snya ma nas gdags gzhi'i nang nas sems dang tshogs pa sogs bzhag pas de dang/ phyi rol pas/ gdags gzhi dang rang bzhin gyis ngo bo tha dad pa rang skya ba'i bdag sogs bdag du bzhag pa la/ dang por khyod kyis rang ngos nas bdag tu bzhag pa'i mtshan gzhi de mi 'thad ces bkag pa yin la/ gnyis pa la/ rang bzhin gyis tha dad na rta glang ltar ngo bo tha dad yin dgos pas de ltar bkag pa yin te/ 'jug par/ rnam bdun gyis med gang de ji lta bur/ /yod ces rnal 'byor bas 'di'i yod mi rnyed/ /ces gsungs pa'i phyir dang/ phyogs sngas shing rta'i yan lag shing rtar khas ma blangs pa'i phyir dang/ de thams cad phyogs chos sgrub byed yin pa'i phyir ro/ /yang kho na re/ rnam lnga'i zur dang po la phung po bdag ma yin pa sogs 'jog par thal/ rnam lnga'i don bsdu skabs 'jug par/ gzugs bdag ma yin zhes sogs kyis 'jig lta nyi shu gsungs pa gang zhig /de'i dang po gzugs bdag tu lta ba 'jog pa'i phyir te/ rnam bshad las/ gzugs ni bdag ma yin pa la bdag tu lta ba dang/ zhes dang/ yig char/ rtsa shes las/ gzugs la bdag yin par lta ba dang/ zhes dang/ rang 'grel las/ bstan @242b bcos las/ lta ba gzhan pa nyid kyi phyogs gsungs pa ni/ mu stegs pa'i lugs dgag pa'i phyir ro/ /zhes bya bar shes par bya'o/ /zhes rtsa shes las/ phung min phung po las gzhan min/ /zhes sogs kyis gzugs sogs las ngo bo tha dad par lta ba'i 'jig lta lnga bsnan nas nyer lnga bshad pa'i 'gal spong du 'dir nyi shu bshad pa mdo las gsungs zhing/ phung po ma bzung bar 'jig tshogs la lta bas bdag tu zhen mi nus pas yin la/ rtsa shes don mu stegs pa dgag phyir bshad par gsungs pa'i phyir zhe na/ skyon med de/ de'i 'jig lta nyi shu dang nyer lnga gang rung la bden 'dzin yin min gnyis yod pas/ gzugs bdag min zhes pa'i lta ba la zur dang po'i sgrub byed kyi bzlog phyogs 'dzin pa'ang yod pa'i phyir dang/ de thams cad zur dang po'i bzlog phyogs ma yin pa'i phyir dang/ dang po grub ste/ de la kun 'dus las gzugs bdag yin pa dang/ bdag gzugs dang ldan pa dang/ gzugs bdag gi yin pa dang/ gzugs la bdag gnas pa dang/ zhes pa'i don rten 'brel lung rigs bang mdzod du gsungs pa ltar gzugs rang skya ba'i bdag du lta ba dang/ rang skya ba'i bdag la gzugs ldan par lta ba dang/ gzugs rang skya ba'i bdag gi dbang bsgrub byar lta ba dang/ gzugs la rang skya ba'i bdag rjes su zhugs nas gnas par lta ba @243a @#/ /sogs 'jig lta rags pa nyi shu yang yod/ bden 'dzin nyi shu yang yod pa'i phyir/ dang po grub ste/ 'jug par/ rtse mo mtho bar gyur pa 'di dag go /zhes pa'i rtse mo'i de yod pa'i phyir/ gnyis pa grub ste/ yig cha rnying par/ gzugs kyi phung po bdag ma yin pa la bdag tu rang gi mtshan nyid kyis sgrub par lta ba dang/ zhes pa ltar rnam lnga'i zur bzhi'i log phyogs 'dzin pa'i bden 'dzin nyi shu yang yod pa'i phyir te/ rang 'grel las/ da ni bkag zin pa'i phyogs rnams bsdoms te bstan pas 'jig tshogs la lta ba dmigs pa dang rnam pa log pa la 'jug par grangs kyi sgo nas bstan pa'i phyir bshad pa/ zhes rnam lnga'i don bsdur gsungs pa'i phyir/ lugs 'dir yang rags pa rang skya ba'i bdag la ma sbyar na/ rnam bshad las/ bdag ni gzugs dang ngo bo nyid kyis ldan pa min pa la/ der lta ba dang gzugs la bdag dang bdag la gzugs rang bzhin gyis yod pa min pa la der lta ba/ zhes pa rnams bden 'dzin yin pas rags par mi 'thad pa'i phyir/ 'on kyang dang po la gzugs bdag tu lta ba bzhag chog ste/ yig char/ phung po'i tshogs tsam bdag tu lta ba dang/ phung po'i bkod pa'i khyad par bdag tu 'dzin pa'i 'jig lta rags pa chos can/ zhes gsungs pa'i phyir/ des na rnam bdun gyis dpyad pa'i 'jig lta rags pa nyer brgyad dang @243b so lnga yang yod par mngon no/ /de 'dra'i bden 'dzin gyi lta ba so lnga la rtsa ba'i 'jig lta zer mi zer dang/ rtsa ba'i 'jig lta la 'jig lta dgos mi dgos sogs dpyad/ kho na re/ tshor sogs la rnam bdun gyis dpyad pas rang bzhin med par sgrub pa mi 'thad par thal/ de'i cha shas sogs la dbyibs med pa'i phyir nam khyab ste/ bum pa du mar med kyang/ rang bzhin gyi grub pa'i du mar med pa stong nyid yin pa'i phyir/ rje btsun pas/ de bum pa'i steng du stong nyid ma yin pa'i phyir te/ mdo sde bas bum pa bden grub kyi tha dad ma yin par rtogs pa'i phyir/ zhes pa ltar bsod grags pa sogs yig cha gzhan phal cher gyis gsungs/ yig cha rnying bar/ phung po bdag tu rang bzhin gyis grub par 'dzin pa sogs 'jig lta rags par bzhag pa ltar phal cher gyis 'dod par snang ste/ phung po bdag min par rtogs tshe de'i zhen yul med par rtogs par 'dod pa'i phyir/ rang lugs la/ dbu ma'i zin bris las/ sgra rtag stong du nges na sgra bum pa dang ka ba dang nam mkha' sogs gang gi rtag stong du nges dgos la/ de'i rgyu mtshan ni/ sgra de bu ma sogs chos gang gi yang rtag pa yin snyam pa'i the tshom chod pa'i rgyu mtshan gyis yin no/ /sgra bden stong dang gang zag bden stong nges na'ang de ltar dgos la/ gang zag gi steng du bum pa bden grub kyis stong ba yod med dang/ de gang zag gi steng gi @244a @#/ /yin min rnams des shes par gyis gsung/ don la gang zag gi steng gi stong nyid yin gsung rgyu red/ ces pa ltar bum pa bden stong nges pa na bum pa de chos gang gi yang bden grub yin snyam pa'i sgro 'dogs chod pas/ de ltar nges pa'i blo des bum pa de du ma bden grub kyis stong ba'am bden grub kyis du mar med pa'ang nges la/ de bum pa'i stong nyid kyang yin pa'i phyir/ dang po grub ste/ bum pa la bden stong gis khyab pa des pa'i tshad mas bum pa'i steng du du ma sogs chos gang gi yang bden stong nges par thal/ thar lam gsal byed las/ rjes khyab nges pa'i tshad ma des khyad gzhi byas pa'i steng du sgra'i rtag pas stong par grub kyang/ sgra khyad gzhir bzung ba la rtag pa ma khegs pa'i phyir/ zhes gsungs pa'i phyir dang/ rigs pa'i rgya mtsho las/ shugs kyis zhes bshad kyang shugs rtogs ma yin pa dang 'dra'o/ /zhes pa'i stobs shugs kyis rtogs tshul yod pa'i phyir/ gnyis pa grub ste/ bum pa chos thams cad kyi steng gi bden grub kyis stong pa bum pa'i stong nyid yin pa'i phyir te/ bum pa dgag bya bden grub thams cad kyis stong pa bum pa'i stong nyid yin pa'i phyir/ don 'di 'dra la dgongs nas kun mkhyen gyis/ dbu phar rnam 'grel gyi yig cha gsum gar/ rjes khyab nges pa'i tshad mas sgro 'dogs gcod tshul la rnam bshad gnyis la 'gal spong byas pa'i phyir/ @244b gzhan yang/ bum pa du mar med pa rtogs na de bden grub kyis du mar med pa dang/ nam mkha' skye ba med par rtogs na de bden grub kyi skye ba med par rtogs dgos par bshad pa'ang mi 'thad de/ bum pa bden grub kyis du mar med pa rtogs pa la/ ba den grub kyis du mar grub tshul gang zag de la 'char dgos pa'i phyir te/ spyod 'jug pas/ brtags pa'i dngos la ma reg par/ /de yi dngos med 'dzin ma yin/ /zhes gsungs pa'i phyir dang/ spyir bden grub kyis du mar med pa stong nyid du khas blangs pa'i phyir/ nam mkha' bden grub kyis skye ba med pa stong nyid yin par thal/ mdo las/ chos thams cad ngo bo nyid med pa/ ma skyes pa/ ma 'gag pa/ zhes pas chos thams cad la rnam thar sgo gsum spyir tshul yod pa'i phyir/ don bsdu na phyogs sngas bum pa tha dad ma yin par nges na/ tha dad yin par gyur pa'i chos dang/ mi rtag pa yin min la the tshom chod pas yin la/ rang lugs kyis de ltar dpyad tshe tha dad yin min dpyad gzhi'i gtso bo yin pas de tshe tha dad du gyur pa'i chos dang bden grub sogs la the tshom med la/ bden grub kyi du ma dang/ du ma bden grub kyis stong mi stong dpyad tshe dgag bya bden grub dpyad gzhi'i gtso bo yin pas/ bum pa du mar med pa nges tsam gyis mi chog par dgag bya bden grub kyis spyi shar nas der yod med dpyad dgos pa sngar gyi lung de dag gi don du ma zad bum pa sgyu ma lta bu'i rtag @245a @#/ /stong du nges pa la sgyu ma lta bur 'char dgos pa dang/ dmigs med la dmigs pa'i snying rje'i sa mtshams kyis kyang shes la/ rigs pa yang bum pa dgag bya bden grub thams cad kyis stong pa stong nyid yin pa gang zhig /bden grub kyis du ma dang/ du ma bden grub re re nas dgag bya'i bdag yin pa'i phyir/ ma grub na/ bum pa'i steng du dgag bya de dag gis stong pa kun rdzob bden par thal lo/ de la 'o na/ bum pa tha dad du gyur pa'i bden grub kyis stong pa stong nyid yin par thal/ tha dad du gyur ba'i bden grub dgag bya'i bdag phra mo yin pa'i phyir zer na/ rtags ma grub ste/ rtag dngos gnyis yin par gyur pa'i bden grub dgag bya phra mo ma yin pa'i phyir te/ gzhi gcig rtag dngos min par nges nas de yin min la the tshom za ba med pa'i phyir dang/ bum pa tha dad du gyur ba'i bden grub kyis stong yang/ de'i stong pa ma yin pa'i phyir/ gzhan du na gcig dang tha dad gnyis ka yin par gyur pa'i bden grub gyis stong pa yin par thal lo/ /'dod na/ rtag pa de dngos por gyur pa'i med pa yin par thal lo/ /gzhan yang bden grub kyi tha dad du med pa stong nyid yin pa dang/ bum pa der med pa stong nyid min pa nang 'gal te/ spyir tha dad du med par nges nas bden grub kyi tha dad du med par ma nges pa med par thal/ spyir tha dad ma yin pa'i phyir/ rtags khyab @245b khas/ nam mkha' bden grub kyis skye med sogs la rigs 'dra/ kha cig /shing rta'i yan lag tshogs tsam bden par shing rta ma yin pa dang/ de'i dbyibs bden par shing rta ma yin pa gnyis shing rta bden med du sgrub pa'i phyogs chos ma yin par thal/ de gnyis shing rta'i steng du ma grub pa'i phyir te/ dang po yan lag tshogs pa'i steng gi stong nyid yin pa'i phyir te/ de'i yan lag tshogs tsam bden par med pa de'i tshogs pa'i stong nyid yin pa'i phyir zer na/ de la song bkod kyi khyad par yod dam snyam ste/ song tshod la shing rta'i yan lag tshogs tsam kyis ngos nas shing rtar ma grub pa dang/ dbyibs kyi ngos nas ma grub pa la byed dgos pas shing rta'i steng gi stong nyid yin zer dgos te/ shing rta'i brtags don rnam pa bdun gyis btsal tshe de'i yan lag tshogs tsam bden par shing rta ma yin pa shing rta'i stong nyid yin la/ yan lag tshogs tsam la dpyad tshe/ de bden par shing rta ma yin pa tshogs tsam gyi stong nyid yin pa/ 'jug par/ yan lag yon tan 'dod chags mtshan nyid dang ni zhes sogs kyi don yin pa'i phyir/ yang kho na re/ bum pa bden grub kyis stong pa chos can/ chos gyi bdag med phra mo ma yin par thal/ khyod gang zag gi steng du'ang yod pa'i phyir te/ gang zag gi steng du khyod gang zag gi stong nyid yin pa zin bris kyi don yin pa'i phyir zer na ma ma khyab ste/ de gang zag gi steng du med kyang/ @246a @#/ /gang zag gi steng du de yod pa thar lam gsal byed kyis 'grub pa'i phyir/ 'di 'dra la dbu tshad zung 'brel gyi rigs pa dgos pas/ tshul gsum dka' gnad 'grel tshe chos grags kyis/ /'jigs med dam bca'i seng khrir khyod sdod la/ /rigs pa'i chos kyi rgyal rnga khyod kyis sgrogs/ kho bo mkha' spyod 'gro zhes dbugs dbyung bzhin/ /zhes gsungs so/ /dbu ma'i zin bris las/ nyan thos mthong lam par chad med lam pas chos re re'i bden grub kyis stong pa ma nges la/ chos re re'i steng gi bden grub kyi don spyi de la ma shar kyang gzhi skye mched chos thams cad kyi bden grub kyis stong par rtogs so/ /zhes pa nas/ chos thams cad ma nges pas chos thams cad kyi stong nyid ma nges kyang zhes gsungs pa yang nyan rang gis stong nyid la dpyad tshe/ gzhi phung po lnga dang skye mched bcu gnyis lta bur bsdus te rigs pa yang mdor bsdus las/ theg chen pa ltar gzhi re re'i steng rigs pa'i rnam grangs mtha' yas pas mi dpyod par gsungs pa ltar/ stong gzhi re re bkar te khyad gzhir bzung nas de'i steng gi stong nyid ma rtogs par chos thams cad skye mched bcu gnyis lta bur bsdus nas 'di dag thams cad rang bzhin gyis stong ngo/ 'di'i nang na rang bzhin gyis grub pa gcig med do/ /zhes chos thams cad bden stong du rtogs pa dang/ rten 'brel la bden stong gis khyab par rtogs pa'i rjes dpag gis @246b chos thams cad spyi 'gro'i tshul gyis bden par 'dzin pa'i sgro 'dogs gcod pa dang cha 'dra bas de ltar gsungs kyi/ tshig zin ltar na chos de'i stong nyid rtogs na chos de ngos zin dgos pas sha za lta bu'i steng gi stong nyid ma rtogs pa'i nyan thos 'phags pa yod par thal lo/ /'o na rten 'brel la bden stong gis khyab par rtogs pa'i blos kyang chos thams cad bden stong du rtogs par thal zer na/ mi 'dra ste/ de'i rten 'brel kho na dpyad gzhir byas la; snga mas chos thams cad bsdus nas bden par yod med dpyad pas chos thams cad khyad gzhir bzung ba yin pa'i phyir ro/ ! /rigs pa de dag gi grub don stong nyid kyi rab dbye la/ gser phreng las/ 'di yang stong pa'i gzhi/ stong pa'i tshul stong pa'i tha snyad/ tha snyad kyi rgyu mtshan dang bzhis bstan to/ zhes mdo las gsungs par bshad pa ltar 'jug pa 'dir yang gsungs pa/ nyi shu'i dang po nang stong pa nyid lta bu la sbyar na mig ni zhes dang/ de bzhin rna ba sna dang lce/ /lus dang yid kyang bsnyad par bya/ /zhes pa'i stong gzhi dang/ gang phyir de'i rang bzhin de/ /yin phyir zhes dang/ ther zug gnas pa ma yin dang/ /'jig pa ma yin nyid kyis phyir/ /zhes pas don dam par ther zug ste rtag tu gnas pa min la/ don dam par sngar skyes nas 'jig pa min pa dang/ de yi rang bzhin bden stong de yin pa'i phyir/ zhes pa'i rgyu mtshan gnyis kyis @247a @#/ /mig gis stong/ /zhes mig gis rang ngos nas stong bar sgrub pas stong tshul gsungs la/ rgyu mtshan gnyis lhag ma phal cher la go sla bas dngos su ma sbyar ro/ /de ni nang stong nyid du 'dod ces pas stong pa'i tha snyad dang/ /mig la sogs ba drug po yi/ /rang bzhin med nyid gang yin pa/ /zhes pas stong gzhi'i sgo nas tha snyad 'dogs pa'i rgyu mtshan gsungs pas lhag ma'i ston tshul kyang des shes par bya'o; /'on kyang/ stong nyid dngos po'i blo can gyi/ /'dzin par zlog phyir gsungs pa yin/ /zhes pa lta bu 'ga' zhig la logs su byas pa'i dgos pa'ang gsungs so/ /rang gi mtshan nyid stong pa nyid kyi stong gzhi gzhi lam 'bras gsum la sbyar nas rgyas par gsungs pa'i rang gi mtshan nyid ni/ rnam bshad las/ rang gi mtshan nyid 'di rnams don ldog yin pa'i nges pa med par rang rang gi rang bzhin mtshon pa'i gtso bo smos so/ / zhes gsungs pa ltar mtshan nyid dngos yin mi dgos pa 'khor bas bsdus pa'i phung khams skye mched kyi skabs sdug bsngal ba phung po'i mtshan nyid du gsungs pa lta bu yin pas rang rang gi 'jog byed gtso bo zhig dgos so/ /rang 'grel du stong nyid dang po'i skabs rang bzhin las khen tshul gyi rtsod spong rgyas par gsungs pa rnam bshad du gsal lo/ /gser phreng las/ chos can bzhi pa 'di'i 'dzin tshul ni/ dbus mtha' brgyad stong don bsdus @247b rtsa 'grel dang/ slob dpon dang 'phags pa rnams mthun no/ /zhes dbus mtha' las/ de yang ji ltar gang gis mthong/ /zhes pa ltar/ stong pa nyid stong pa nyid kyi stong gzhi stong nyid rtogs pa'i ye shes 'jog pa mthun gsungs pa/ nya Tik sogs dang mthun par byas tsam las rang lugs min te/ rnam bshad snying po rgyan las/ bden pas stong pa'i dngos po bden pas stong pa stong pa nyid dang/ zhes dang/ nyi snang las chos thams cad stong pa nyid kyis stong pa nyid yin pas stong pa nyid stong pa nyid de zhes gsungs pa'i phyir/ kho na re/ de ma yin par thal/ lung 'di'i mjug tu chos thams cad stong pa nyid du shes pa ni 'dir chos thams cad stong pa nyid yin la/ des kyang stong pa nyid stong pa nyid de/ der 'dzin pa'i rnam par rtogs pa spang ba'i phyir ro/ /zhes gsungs pa'i phyir zer na ma khyab ste/ de'i don ni stong nyid bden pas stong pa stong pa nyid stong ba nyid yin te/ stong nyid rtogs pa'i shes pas stong nyid bden par 'dzin pa'i rnam rtog spong pa'i phyir/ zhes pa'o/ /des na 'phags seng gnyis ni 'di dang mthun no/ /mtha' las 'das pa stong pa nyid kyi stong gzhi la/ dbus mtha' las/ rtag tu sems can phan pa'i phyir/ /zhes pa ltar longs sku skad cig brgyud pas rtag pa min la/ rtag tu bzhugs pas chad pa min pas de 'jog par dza ya a nand shanti pa sogs 'dod do/ /dor ba med pa 'dir theg chen dang/ dbus @248a @#/ /mthar dge ba mi zad bya ba'i phyir/ /zhes pa ltar zla 'od du dge phyogs dang/ gnod 'joms sogs su lhag med myang 'das dang/ byang phyogs blang dor sogs 'jog tshul mang ngo/ /rang gi mtshan nyid stong ba nyid dang/ 'bras bu'i skabs su 'jug 'grel las/ ma 'dres pa bco brgyad stobs bcu la gzungs rgyal gyi mdo drangs nas rgyas par gsungs pa der shes par bya'o/ /dbye ba'i dgos pa stong gzhi de dag la bden par zhen tshul mi 'dra ba dag bzlog ched yin la/ zlos spong ni 'dus byas ma byas dang/ dngos po dngos med dbye ba rgyas ba dang 'bring gis yin la/ stong pa nyid stong ba nyid dang/ rang bzhin dang/ rang gi ngo bo dang/ gzhan gyi ngo bo stong pa nyid bzhi ni stong nyid de don dam dpyod pa'i rigs shes kyi rnyed don yin pas bden par grub snyam pa dang/ sus ma byas par gshis su grub pas bden par grub snyam pa dang/ chos gzhan bden grub bkag pa'i cha yin bas rang gi ngo bo bden par grub pa ma snyam pa dang/ rtag tu yod pa dang/ 'khor ba les 'das pa'i pha rol yin pa dang/ zag med ye shes sogs byed po gzhan gyis byas pa'i bden par grub pam snyam pa bzlog ched de/ de ltar blo gros zer gyis zhes sogs kyis mkhyen brtse nus ba 'bras bu'i yon tan bzhi brjod pa'i sgo nas mjug bsdus te/ rkang pa bzhi dang gnyis dang gnyis dang bzhis rim bzhin @248b bstan tshul sla'o// ! ring du song 'dir sogs kyis bden 'dzin gyi mtshan ma mngon gyur pa med cing/ 'bad rtsol rags pa dang bcas pa'i sa ring du song bar bya rdzogs kyi skad cig ma gcig bye ba phrag khrig 'bum phrag stong du bgos pa'i skad cig gcig gi yun la 'gog pa yang dag pa'i mtha' la 'jug ldang byed kyang 'gog pa mngon du mi byed pa thabs mkhas kyi phar phyin lhag pas yin par gsungs la/ de'i thabs mkhas la byang sar/ nang sangs rgyas kyi chos 'grub pa dang/ phyi'i sems can smin par bya ba las brtsams pa'i thabs mkhas drug drug ste bcu gnyis gsungs pa rnam bshad du gsal lo/ /'dir rang 'grel las/ shes rab nyid rnam pa khyad par can du zhugs pa la thabs dang/ smon lam dang/ stobs dang/ ye shes zhes shes par bya ste/ zhes pa'i don kha cig gis/ 'di bzhi gtso bor sher phyin gyi grogs su 'jog zer ba sogs yig char dgongs 'grel gyi lung gis bkag nas/ thabs mkhas phar phyin dang po gsum gyi dang/ phyi ma gsum rim bzhin phar phyin phyi ma gsum la sbyar ba'i dang po ni/ thabs mkhas bcu gnyis kyi phyi ma drug gis gtso bo chos kyi sbyin pa sogs kyi grogs dang/ dang po drug rang don yid byed bsrung ba'i tshul khrims dang/ bstan pa la zhe 'gres bas khong khro sel ba sogs bzod pa'i grogs byed pa'i phyir/ phyi ma gsum yang @249a @#/ /skabs der brtson pas sgrub mi nus pa smon pa'i yul du goms na 'grub pa dang/ bsam gtan ji bzhin mi nus pa thub dgongs kyi stobs bcu sogs brten na bsgrub pa dang/ ji snyed pa mi rtag sogs rtogs pa'i ye shes las ji lta ba rtogs pa'i shes rab 'byung ba'i phyir ro/ /shes rab nyid rnam pa khyad zhugs pas 'jog tshul/ dus thung dur 'jug ldang byed pa'i thabs mkhas dang/ srid zhi ro mnyam du rtogs pa'i smron lam phal cher 'grub pa dang/ mi mthun phyogs zil gyis gnon pa dang/ mdo sde dgongs pa can thams cad kyi don ji bzhin rtogs pa shes rab kyi rang bzhin nam byed las kyis bzhag pa'i phyir ro/ /mtshan ma dang 'bad rtsol rags pas mi g.yo ba'i sa brgyad pa ni/ yang yang sngar dge sogs rkang ba gsum gyis rgya mchor phyin pa'i gru rlung gis bskyod pa ltar rtsol ba rags pa zhi bas sa bdun pa pas de thob phyir brtson pa dang/ de nas gnyis kyis smon lam chen po bcu sogs la ngang gis 'jug pas smon phar lhag kyang phyir mi ldog pa'i thog ma gzhon nu'i sa yin pas 'gog pa las bslang ba dang/ de nas bzhis nyon mongs zad kyang sangs rgyas kyi yon tan rnams ma thob par bstan/ de nas gnyis kyis nyon mongs zad na sangs rgyas thob phyir lus sna tshogs ston pa sogs ji ltar byed ces pa'i lan du dbang bcus byed par bstan to/ /de yang tshe yun ring rlob @249b pas tshe la dang/ ting nge 'dzin mang por 'jug pas sems la dang/ rgyan sogs mang por rlob pas yo byad la dang/ las kyi rnam smin khams dang 'gro ba gzhan du myong 'gyur gzhan du bsgyur bas las la dang/ skye ba sna tshogs ston pas skye ba la dang/ smon pa ltar rang gzhan gyi don byed pas smon lam la dang/ sa chur bsgyur ba sogs mos pa la dang/ rdzu 'phrul tshad med pas rdzu 'phrul la dang/ sangs rgyas kyi ye shes rnams ston pas ye shes la dang/ mdo sde chos kyi rnam grangs mang po ston pas chos la dbang ba thob po/ /sa dgu ba ni/ dgu pa la ni sogs kyis stobs kyi phar phyin lhag cing so rig rjes mthun pa bzhi thob par bstan la/ rnam bshad las/ stobs bcu zhes gsungs kyang thub dgongs su bcu gsum yod pa dang po gnyis bsam pa'i stobs/ zhes gcig tu dang/ gzungs spobs gnyis gcig dang/ byams snying rje gnyis gcig byas sam dpyad/ /'di'i chos so rig chos rnams kyi rang gi mtshan nyid dam thun mong ma yin pa'i mtshan nyid shes pa dang/ don so rig mi rtag bdag med sogs spyi mtshan dang/ nges tshig so rig chos rnams kyi yul gyi skad dang/ nges tshig ma 'dres par dang/ spobs pa sgo rig chos rnams kyi btags par yod pa sogs kyi rab dbye ston pa'i sgo nas chos ston pa rgyun chad med par shes pa la rang 'grel las gsungs pas/ gzhung gzhan gyi so rig @250a @#/ /dang mi 'dra par 'grel bshad dang rnam bshad las gsungs so/ /sa bcu pa ni/ bcu pa'i sa la sogs rkang ba gnyis kyis rtogs pa'i yon tan 'od zer chen pos dbang bskur ba dang/ de la brten nas ji snyed pa thams cad mkhyen pa'i ye shes kyi phar phyin lhag par thob pa bstan la/ de nas gnyis kyis 'phrin las kyi yon tan chos ston pa sangs rgyas dang cha 'dra ba dpe'i sgo nas bstan to/ /'di'i dbang bskur ba rjes thob tu yin pa bskur tshul gyis shes pas sa bcu ba thob ma thag pas ma thob po/ ! //sa bcu'i yon tan sde tshan bcu gnyis ni/ sa dang po lta bu la skad cig thang cig yud tsam zhig la sangs rgyas brgya mthong ba dang brgya pos byin rlab rang gis rtogs pa/ tshe tshad bskal ba brgyar gnas pa/ bskal pa brgyu'i sngon dang phyi mtha'i bar gyi sems can rnams kyi dge sdig gi mtha' shes nas lung ston pa/ sngar gyi skad cig de la ting nge 'dzin brgya la snyoms par 'jug ldang byed pa/ 'jig rten gyi khams brgya g.yo bar byed pa/ 'jig rten khams brgya snang bar nus pa/ sems can brgya phrag dus gcig la smin par byed pa/ skad cig la sangs rgyas kyi zhing brgyar 'gro bar byed pa/ skad cig la sngar ma shes pa'i chos sgo brgya 'byed pa/ skad cig la rang gi lus brgyar ston pa ste sprul ba/ lus brgya po re re la 'khor byang sems brgya phrag dang @250b ldan par ston pa ste/ bcu gnyis thob la/ de bzhin du sa gnyis par yon tan de dag stong/ gsum par 'bum/ bzhi par bye ba phrag brgya/ lnga bar bye ba phrag stong/ drug par bye ba phrag 'bum/ bdun par bye ba phrag khrig 'bum dang/ dag sa'i yon tan bye ba la sogs pa'i grangs kyis mi chod pas rdul phra rab kyis bstan pas/ brgyad pa la stong gsum gyi 'jig rten gyi khams 'bum gyi rdul phra rab gyi grangs mnyam dang/ dgu bar/ stong gsum gyi 'jig rten gyi khams grangs med 'bum phrag bcu'i rdul snyed dang/ bcu bar/ dag gis bgrang du med pa'i 'jig rten gyi khams kyi rdul snyed dang/ de'i mthu'i khyad par rang gi ba spu'i khung bu re rer sangs rgyas kyi sku grangs las 'das pa dang/ de re rer 'khor byang sems nyan rang 'jig rten pa rnams dang/ 'gro ba lnga'i 'khor ba rnams kyang ma 'dres par skad cig re re la ston tshul rnams/ de tshe 'di ni nas/ ston par nus/ /zhes pa'i bar gyis bstan la/ ! /'bras bu'i sa ni/ gang phyir nam mkha' sogs rkang ba bzhis sa bcu pa ba des nam mkha' dri med la zla zer gyis gzugs rnams gsal ba ltar/ dri ma phra mo sbyong ba na byang chub thob nus par mkhyen pas gnas 'og min du sangs rgyas par bstan la/ der sangs rgya tshul ji ltar zhe na/ ji ltar snod kyi sogs bzhis chos thams cad kyi chos nyid ro gcig pa dpe yis bstan te/ de la mnyam par bzhag bzhin du @251a @#/ /shes bya thams cad skad cig la mkhyen zhes bstan pa la/ phyogs sngas rang bzhin med pa chos nyid yin na/ kho rang med pas de shes par 'gal la/ des na mkhyen pa po med pas/ de shes pa'i kun slong med par gzhan la ji ltar ston zhes pa'i rtsod pa/ gang tshe zhi ba sogs bzhis bstan/ gang tshe sogs bzhis sems yul de'i rnam par skyes pa na de shes pa ltar yul yul can gnyis rang bzhin med kyang tha snyad du rig pa 'thad/ ces rtsod pa dang po'i lan dang/ de'i sogs bzhis gzugs sku gnyis kyis rtag tu mnyam par bzhag kyang kun slong gi rtog pa med par ston par ma zad de dag gi mthus nam mkha' sogs las de nyid ston pa'i sgra byung nas gdul byas de nyid rtogs nus zhes bstan la/ de nyid dpe'i sgo nas sgrub pa la/ ji ltar rdza mkhan sogs rkang pa brgyad byung ngo/ /sku'i rnam bzhag la/ shes bya'i bud shing sogs bzhis ngo bo nyid sku de dri ma dang bral ba dang/ skye 'gag dang bral ba dang/ rnam rtog gi rgyu ba zhi ba'i khyad par gsum gyis dang/ ye shes chos sku yang rang bzhin gyis skye 'gag med pa'i rnam par zhugs pa ste/ gsum gyis bstan to/ /de nas zhi sku sogs bzhis longs sku de rnam rtog zhi ba/ sems can gyi don mdzad pa'i nus pa gsal ba/ rtag tu bzhugs pa gdul bya byang 'phags kho na la snang ba ste khyad par bzhis bstan la @251b chos longs gnyis kyi rgyu mthun pa'i 'bras bu'am/ de gnyis las gzhan pa'i sprul sku ni/ thub dbang sogs bzhis sku gcig la dus gcig tu rang gi 'khor ba thog ma med pa nas kyi skye ba sogs ston pa dang/ sangs rgyas zhes sogs rkang pa phyed dang bcu gcig gis/ rang nyid sngon spyod pa phyin drug la spyod tshul de dus kyi zhing sangs rgyas de'i spyod pa mthu stobs/ 'khor de dag gi gzugs sogs/ des chos bstan pa/ rang gi rigs sogs gang dang gang 'drar gyur pa/ mtha' dag sku gcig la ston pa dang/ nyid spyod pa kun zhes sogs phyed dang gnyis kyis der ma zad de dag thams cad ba spu'i khung bu re re yang ston zhes 'di lan gyis rang gi spyod pa kun ston tshul dang; der ma zad gzhan gyi spyod pa kun yang der ston zhes/ sangs rgyas gang dag sogs brgyad kyis gzhan dus gsum gyi sangs rgyas rnams kyis chos gsungs nas 'gro ba drangs ba/ thugs bskyed pa nas sangs rgyas pa'i bar gyi spyod pa kun mig 'phrul bzhin rang bzhin med par gzigs nas der ston pa dang/ de bzhin sogs bzhis/ de bzhin du/ gzhan dus gsum gyi byang sems nyan rang so skye thams cad kyi spyod pa kun der dus gcig tu ston par bstan to/ /de nas/ dag pa 'di ni sogs bzhis rdul phra rab gcig gi khyon la 'jig rten gyi khams thams cad chud pa dang/ de thams cad rdul gcig gis khyab par ston kyang rdul che ba dang/ 'jig rten phra bar mi 'gyur ba @252a @#/ /yul gyi dbang du byas pa dang/ rnam rtog mi mnga' sogs bzhis/ srid mtha'i bar skad cig re re'i yun la sngar gyi spyod pa de snyed ston pas/ dus gcig gi spyod pa'i grangs 'jig rten gyi rdul ma lus pas gzhal du med ces dus kyi dbang du byas pa'i bzhed pa 'jug pa'i yon tan gnyis bstan nas/ 'di yan gyis sprul sku spyi'i rnam bzhag gsungs so/ /de nas/ gnas dang sogs gyis stobs kyi yon tan mdor rgyas gnyis kyis bstan la/ de la gnas min mkhyen pa'i stobs ni/ ser sna las longs spyod 'byung ba gnas min par rtogs pa la rtsa 'grel mdo dang bcas pas gsungs la/ las dang rnam smin mkhyen pa'i las la zag med las kyang gsungs la/ rang 'grel las/ zag pa med pa dang/ rnam pa gsum po de'i rnam par smin pa zhes pa/ 'grel bshad las/ zag pa med pa'i las ni srid pa'i chus ma bran pas rnam par smin pa med pa'i phyir/ rnam pa gsum po zhes bya'o/ gsungs pa yin no/ /zhes dge mi dge de gnyis 'dres ma gsum la byas kyang/ rnam bshad las/ las de'i rnam smin zhes gong gi las thams cad kyi rnam smin la sbyar zhing/ 'dres ma rtsa ba'i mdor dge mi dge las logs su ma gsungs la/ mdo las/ las yang dag par blangs pa gang nyan thos nyid kyi rgyu 'byin pa dang/ gang rang sangs rgyas nyid dang/ gang sangs rgyas kyi byang chub kyi rgyu 'byin pa de yang de bzhin gshegs pas @252b rab tu shes so/ /zhes pa zag med las la sbyar dgos pas rnam pa gsum dge mi dge zag med gsum la byed dam dpyad/ /sangs rgyas kyi yon tan kun rdzogs par brjod mi nus tshul/ rang 'grel las/ sangs rgyas rang nyid kyang dus bskal bar brjod kyang mi rdzogs par gsungs la/ nam mkha' med pa sogs bzhis mkha' lding gi dpe sgo nas rdzogs par brjod mi nus tshul bstan la/ de phyir sogs bzhis dang po gnyis kyis dogs pa bsdus nas/ phyi ma gnyis kyis dogs spang byas so/ /de nas zab mo sogs bzhis yon tan gyi rigs gnyis su bsdus nas de shes pas phan yon bstan to/ /de nas slar yang sogs bzhis/ sangs rgyas nas slar yang mchog gi sprul skus mdzad pa bcu gnyis kyis nyon mongs pa'i bcings pa rnams thar par khrid pa mchog gi sprul sku'i khyad par gyi mdzad pa bstan la/ de nas gang phyir sogs bzhis chos rnams kyis chos nyid ro gcig pa bzhin de rtogs pa'i ye shes dri ma mtha' dag zad par byed pa la yang rnam pa mi 'dra ba'i dbye ba med pas mthar thug theg pa gcig tu sgrub la/ rang 'grel las/ theg pa chen po zhes pa la chen po ni sangs rgyas bcom ldan 'das rnams te/ zhes sogs kyis theg chen gyi sgra bshad de rnams kyi theg pa zhes gang gi theg pa de thob byed kyi lam la bshad pa dang/ yang na theg pa yang de yin la chen po yang de yin zhes/ gang du theg pa sangs rgyas kyi lam la byas nas de theg chen du 'jog pa'i rgyu @253a @#/ /mtshan gsum gsungs te/ sangs rgyas bsam mi khyab pa'i ye shes mnga' ba der bzhugs pa dang/ shes bya thams cad la khyab pa'i ye shes yin pa dang/ dri ma mtha' dag spangs pa ste/ 'grel bshad du dpe rim bzhin rgyal po'i pho brang la chen po zhes pa dang/ nam mkha' thams cad la khyab pas chen po/ dgra stobs ldan las rgyal ba la chen po zhes pa gsum gsungs so/ /mthar thug theg pa gcig yin na/ nyan rang gi theg pa ci'i phyir bstan zhe na/ sems can lus kyi tshad chung ba/ bskal ba char che chung mi snyoms pa/ nyon mongs cher bod pa/ lta ba ngan pa shas che ba/ tshe thung ba ste snyigs ma lnga ba do ba'i 'gro ba rnams chos nyid zab mo la 'jug mi nus pa rnams kyang sangs rgyas kyis dkrol bar zhal gyis bzhes shing de ltar mdzad pa'i mkhyen brtse gyi thabs mkhas mnga' bas ded dpon mkhas pas ngal gso ba'i grong khyer sprul pa ltar ri zhig pa'i theg pa bstan nas phyis nyon mongs kyis dben can theg chen gsungs/ zhes mthar thug theg pa gsum gsungs pa dgongs pa can du ston par/ gang phyir 'gro la sogs sho lo ka gnyis byung/ bde bar gshegs pa sogs bzhis/ sangs rgyas slar yang sprul pa'i skus 'tshang rgya tshul ston pa'i grangs phyogs bcu'i zhing gi rdul ma lus pa'i grangs kyis gzhal mi nus zhes mngon par byang chub pa'i tshul ston pa'i dus gsungs la/ sbyor TIka las/ sngar chos kyi sku brnyes pa'i thog @253b ma'i dus mtha' yas te/ zhes sngon dus la sbyar ba spyi la dgongs sam dpyad/ /'grel bshad kyi gsungs tshul rnam bshad dang yig char bkag pa ltar ro/ /rgyal ba ji srid sogs bzhis/ sher phyin gyi yum gyis bskyed cing; thugs rje'i ma mas tshul bzhin brkyangs pas 'gro ba rnams myang 'das la ma bkod par dang/ nam mkha' gnas kyi bar bzhugs zhes bzhugs pa'i dus bstan la/ de ltar bzhugs pa'i rgyu thugs rje ci 'dra zhig yin zhe na/ gti mug gi dbang gis 'dod yon gyi kha zas sdug bsngal 'dren pas dug can la spyod pa rnams la rang gi nang mi ltar brtse ba'i tshad ni/ dug zos nas 'gre ldog byed pa'i bu la mas sdug bsngal mi bskyed ces/ gti mug sogs bzhis bstan la/ gang gi phyir na sogs bzhis/ chos nyid la mi mkhas pa dngos po bden zhen can bde 'gror skyes nas skye rga na 'chi dang sdug pa dang bral ba mi sdug pa dang phrad pa'i sdug bsngal dngos po med par zhen pa'i log lta can ngan 'gror skyes nas sdug bsngal de dag myong ba rnams khyod kyi thugs brtse yul du song bas de rnams btang nas/ zhi ba phyogs gcig dang mi 'jug ces/ gzhan don rgyun mi 'chad par rtag tu zhugs par bstan no/ /bstan bcos ji ltar brtsams tshul ni/ lugs 'di sogs sho lo ga gnyis kyis/ 'di rang bzo min par nges don gyi lung dang/ klu sgrub kyi man ngag bzhin bshad pas lugs 'di las gzhan na chos nyid phyin ci ma log par bshad pa med ces/ @254a @#/ /lugs 'di thun mongs ma yin par gsungs la/ rang 'grel las/ mdo sde ba dang bye smras don dam du 'dod pa kun rdzob tu yang mi 'dod gsungs pa/ sher dbang pas/ mdo sde bas don dam bden par 'dod pa rang mtshan kun rdzob tu yod pa dang/ bye smras don dam par 'dod pa'i bcom bsal gang rung gi 'dor du mi rung ba'i rang ngos nas grub pa la gsungs kyang/ rnam bshad las/ rang gi mtshan nyid kyis grub pa kho na'i steng nas zhes sogs gsungs pas/ de dag gis rang ngos nas yod par 'dod pa thams cad dbu ma bas kun rdzob tu 'dod do snyam pa mi 'thad ces pa'o/ /de sgrub byed/ rang 'grel las/ 'jig rten las 'das pa'i chos ni 'jig rten pa'i chos dang chos mtshungs par mi rigs pa'i phyir/ zhes gsungs pa'i don 'grel bshad las/ 'jig rten las 'das pa'i chos zhes bya ba ni bye brag tu smra ba dang mdo sde pas don dam par brtags pa gang yin pa'o/ /zhes pa nas/ 'jig rten pa'i chos rnams ni 'jig rten pa'i rjes su 'brangs nas grub pa yin gyi/ zhes gsungs pa/ rnam bshad las/ yi ge tsam nges pas 'jigs par gyur pa rnams kyis 'jig rten las 'das pa'i chos 'di spangs pas zhes rang 'grel du gsungs pas 'ga' ba brjod nas/ bzlog ste bya dgos la/ 'jig rten pa dang de las 'das pa'i don ni/ de kho na nyid ji bzhin ma rtogs pa dang/ rtogs pa'i lugs so/ /zhes pa ltar te lung phyi ma'i 'jig rten las @254b 'das pa'i chos 'grel bshad las kyang chos nyid bstan pa la byas so/ /dgos pa gang gi phyir brtsams pa ni/ klu sgrub blo mtsho sogs bzhis/ klu sgrub blo mtsho rgya che gting zab pas kha dog lta bu'i rigs tshogs kyi tshig tsam thos pas 'jigs nas/ dngos smra'i slob dpon dbyig gnyen la sogs pas kyang lugs bzang 'di spangs mod/ de'i gzhung tshig rang rgyud dang sems tsam sogs la gnod byed gsal bar ma bstan pas me tog kha 'bus pa lta bu zla ba'i gsung zer 'dis kha phye bas de'i nang gi bden gnyis kyi chus gdul bya'i re ba skong zhes/ dbu ma'i bstan bcos kyi dgongs pa gsal phyin yin zhes bstan to/ kho na/ sngon gyi slob dpon de dag gis zab don 'di spangs na 'di su zhig gis rtogs zhe na/ de nyid bshad zin sogs bzhis/ de ni sngon tshe las du mar zab mo la lhag par mos pa'i bag chags goms pas rtogs par 'gyur gyi gzhan dngos smra'i slob dpon rnams gsung rab gsan rgya che yang rtogs par mi 'gyur bas/ mu stegs pa'i gzhung ltar slob dpon de dag gis rang 'dod tsam gyis sbyar ba'i gzhung rnams la dga' ba'i blo dor la lugs 'di kho na bstan zhes gsungs so/ /de nas slob dpon sogs bzhis/ brtsams pa'i dge ba sems can thams cad kyis stong nyid rtogs nas sangs rgyas thob pa'i rgyur bsngos so/ /yig char/ mchog gi sbrul sku la rang dbang ba'i mkhyen pa med par dgongs 'grel gyi lung gis sgrub pa ni/ de'i mkhyen pa la longs skus @255a @#/ /sprul pa ma yin pa med pas yin pa/ des na sprul sku'i rgyud kyi chos thams cad sprul par bzhag chog ste/ mdo sde rgyan las/ sku dang gsung dang thugs sprul pa'i/ /sbyor ba'i thabs kyi las can te/ / zhes gsungs pa'i phyir/ byang sems kyi sprul pa'i rgyud kyi lam rnams sprul pa yin kyang/ nyon mongs sogs bag chags kyis bskyed pas sprul pa min no/ /yig char/ skyabs mthar thug ma yin pa rtags su ma bkod cing/ bzlog nas ma bshad pa'i phyir/ zhes rgyun mtha' ba 'jigs bcas kyi skyabs min pa lta bur gsungs pa/ rang rgyud kyi shes sgrib kyi 'jigs pa med pas yin bsgrub tshul gyis shes la/ spyir 'jigs bcas kyi skyabs yin pa phar phyin mtha' dpyod ltar yin te/ thogs 'grel las/ nges par 'byung ba tshol ba zhes pa ltar shes sgrib las nges par 'byung ba don du gnyer ba'i phyir/ khyab ste/ de la 'jigs nas de las thar pa don du gnyer ba'i phyir ro/ /kho na re/ de ring gi rnam mkhyen gyis de ring gi dus su de ring gi snga nyin phyi nyin gnyis ma rtogs par thal/ rnam bshad las/ nyi ma de ring lta bu'i dus da lta ba 'di'i dus su de la ltos pa'i 'das ma 'ongs gnyis med pas/ dus de bde gnyis ma gzhal yang/ de ring gi dus mkhyen pa'i ye shes de nyid kyis 'das ma 'ongs thams cad mkhyen pa mi 'gal te/ zhes gsungs pa'i phyir/ khyab ste/ de ring gi dus su de gnyis rnam mkhyen gyis gzhan bya ma yin pa'i @255b phyir dang/ de ring gi dus su de gnyis yod par yang rtogs par thal lo/ /zer na ma khyab ste/ lung de'i don de ring gi dus su de gnyis yod par ma rtogs pa'am/ de ring gi dus kyi de gnyis ma rtogs pa'i don yin pa dpe bkod pas shes pa'i phyir te/ rnam bshad las/ dper na sa bon gyi dus kyi myu gu de sa bon gyis mi skyod kyang sa bon gyis myu gu skyed pa mi 'gal ba bzhin no/ /zhes sa bon gyi dus gyi myu gu zhes gsungs pa'i phyir/ kho na re/ longs sku byang 'phags man la mi snang bar thal/ 'di ni spros dang bral la snang bar 'gyur/ /zhes dang/ 'grel bar/ spros pa dang bcas pa rnams la ni ma yin no/ /zhes gsungs pa'i phyir na ma khyab ste/ theg bsdus las/ nyan thos dang lha la sogs pa 'khor sna tshogs dang 'dres pas 'dres par snang ba zhes gsungs pa'i phyir/ 'khor gtso bo la dgongs so/ /der ma zad 'dod pa na'ang yod de/ mkhyen pas gar khyab na yod pa'i phyir/ gzhan du na de med pa'i sa phyogs yod par thal lo/ /kho na re/ bdag cag gi ston pa'i ba spu'i khung du na 'khor ba thog med nas kyi rang gi skye ba snga ma gnas dang bcas pa yod par thal/ nyid spyod pa kun/ /sku yi ba spu'i khung bur gsal bar ston/ /zhes gsungs pa'i phyir na ma khyab ste/ de dag dang de'i dus su 'das ma 'ongs kyi sangs rgyas sogs ston pa sprul pa tsam yin pa'i phyir dang/ da ltar kyi sangs rgyas 'khor bcas dang/ snod bcud kyi 'jig @256a @#/ /rten thams cad khung bu re re'i dngos su skad cig re re la ston pa/ thams cad ba spu'i khung bur gcig tshe ston/ /zhes dang/ skad cig de re re la spyod sna tshogs/ /zhes bzhed pa 'jug pa'i yon tan yin pa'i phyir/ spyir rdul gcig gi khyon la 'jig rten khams mtha' yas pa mi shong yang sangs rgyas kyi ba spu'i khung bu gcig la thams cad shong ste/ ba spu'i khung bu gcig gis zhing khams thams cad khyab cing/ de thams cad ba spu'i khung bu gcig la snang ba'i phyir/ 'di sngags ltar na zung 'jug gi yon tan/ mdo ltar na/ ye shes ji snyed khyab gyur ba/ /zhes pa ltar ye shes kyi rang bzhin yin pas so/ /'di skyabs 'gro byed pa dang/ lha sgom pa sogs la nges par shes dgos so/ /dpal phreng gi mdo las 'chi ba gnyis bshad pa ni/ de nyid las/ 'chi 'pho ba ni gnyis te/ sems can rnams kyi rnam par chad pa'i 'chi 'pho ba dang/ zhes pa nas/ bsam gyis mi khyab pa yongs su bsngo bar 'gyur ba'i 'chi 'pho ba yod par 'gyur ba yin no/ /zhes pa de yin la/ snga ma ni 'grel bshad las/ rnam par chad pa'i 'chi 'pho ba ni sngar gyi 'gro bas bsdus pas bdag gi dngos po chang pas so/ /zhes pa ltar/ las nyon gyi 'chi ba dang/ phyi ma ma rig bag chags kyi sa dang zag med las kyis 'chi ba yin la/ phyi ma yig char/ tshul bstan yin gsungs pa dag sa pa'i de yin gyi nyan rang dgra @256b bcom gyi de min te/ mdo de las/ nga'i skye ba zad do/ zhes pa sogs drang don du 'grel nas/ de rnams la skye ba ma zad pa nyid yod de/ zhes gsungs pa'i phyir dang/ de dag gi de'i tshe snga ma'i lus sems rten brten pa'i 'brel ba phra mo yang chad pa'i phyir dang/ de'i rgyu mtshan gyis/ yig char/ sa brgyad pa yan dmigs kyis bkar nas rdo rje sku thob pas sgrubs pa'i phyir ro/ /de la kho na re/ sa bcu bar skye ba gcig thogs pa gsungs pa mi 'thad par thal/ sa brgyad pa nas 'chi 'pho ba med pa'i phyir na ma khyab ste/ 'chi 'pho ni/ snga ma'i lus sems rten brten pa'i 'brel ba chad pa dang/ skye ba len pa ni/ snga ma'i lus rags pa dor nas phyi ma len pa la byed pa'i phyir/ mi 'dra ste/ rten de la 'tshang rgya mi rgya rten rags pa la byed pa'i phyir ro/ /de ltar blangs dor gyi chos rnams rang bzhin med par rtogs pa'i zab mo'i lam la brten nas sems can gyi don dang/ byang chub sgrub pa'i byams snying rje byang chub kyi sems spel ba dang/ rgya che ba'i lam de dag la brten nas sgrib gnyis kyi gnyen po zab lam goms pa la ches cher brtson pas/ 'bras bu'i yon tan zad pa med pa de dag 'thob par 'gyur te/ rtsa bar/ zab dang rgya che'i tshul shes pas/ /yon tan 'di dag 'thob par 'gyur/ /zhes gsungs pa'i phyir// ! smras pa/ rgyal kun mkhyen pa'i ye shesO mtsher sdug kun/ /rabO mdzes li khri'i rdul brtsegs yab yum @257a @#/ /zung/ /man ngag rgya mtsho'i gter du shar ba gang/ /snying la sim pas byang chub bar du skyongs/ /klu sgrub lugs bzang gting zab rngam gra nag pa/ /'phags yul paN chen du mas 'jigs shing ngor/ /sangs rgyas bskyangs kyis bkral ba ji bzhin du/ /zla ba'i zer gyis che cher 'phel bar byas/ /ljongs 'dir lugs 'di smra 'dod phal cher ming tsam brjes las ci yang med par zhal yang 'cham/ /la las lugs 'di yal bar dor nas gzhan stong la sogs rtag lta'i ri bo stug po brtsegs/ /rgyal ba'i lung ltar rgyal ba gnyis pas zab mo'i zla zer rgya che mtshan ma rnam bkra ba'i/ /dbu ma'i lugs 'di legs par bshad pa'i me long gis ni dri kun bsal te yang snying ngoms/ /de yi dgongs don rab tu 'grel ba'i spyi dang mtha' dpyod mang pos ljongs 'di gang mod kyang/ /ha sa'i mtshan gyis lam rim gnyis dang rnam bshad gnyis sogs rgya 'grel rnams dang gong bsgrigs nas/ /lung dang rigs pa'i sgo brgya gsal bar snang ba'i legs bshad 'od stong bdag po shar ri'i rtser/ /'phags tshe bstan bcos nya rgyas ra ri can rnams nub phyogs chu lha'i bang bar nub pa dang/ /lhan cig dge ldan lugs mchog kun dga'i tshal du klu sgrub dgongs bzhed zab rgyas 'dab brgya bzhad/ /de yi lung dang rigs pa'i gter sgo legs par phye de zab don sbrang rtsi 'thung ba'i slad/ /gzhung @257b 'di byas mod bdag blo rmongs pas nyes bshad gang bgyis mkhas dbang tshogs la snying nas bshags/ /legs par bshad pa'i bsod nams mthu yis bdag sog 'gro kun zab mo'i lam gyi grur zhugs nas/ /phra rags 'khor ba'i rgya mtsho brgal te sku gsum nor bu'i gling du myur du phyin gyur cig /ces kun mkhyen 'jam dbyangs bzhad pa'i rdo rjes mdzad pa'i dbu ma la 'jug pa'i mtha' dpyod lung rigs gter mdzod kyi dgongs don gsal bar byed pa'i nyin byed snang ba zab lam lta ba'i mig 'byed ces bya ba 'di ni/ mdo sngags rab 'byams la sbyangs pa phul du phyin par byas te/ de don sgrub pa la gcig tu gzhol ba'i spong ba pa rdo rams pa thos bsam rgya mtshos lha dar srid du ring ba dang bcas dbu ma rgyas pa'i tshig don gsal krol zhib cha dang bcas pa zhig dgos zhes bskul ba dang/ po rang phyogs kyi gzhung brgya smra ba dge bshes dbyig gnyen gyis kyang dngul srang 'ga' dang byur phreng bris shog dang bcas bskul ba dang/ rang nyid kyang gzhung mchog 'di la bag chags khyad par can 'jog pa sogs kyi ched du 'di'i lung khungs rnams la zhib tu dpyad de/ rang byung bco lnga pa'i chu byi'i lo'i zla ba dang po'i yar tshe la rdzogs par sbyar ba'o/ /'dis kyang dge ldan bstan pa'i snying po zab rgyas kyi lam bzang 'di nyid dar zhing rgyas la yun ring du gnas par gyur cig / //ngag gi dbang phyug 'jam dbyangs bla ma yis/ /bstan pa'i snying po zab mo dbu ma'i lam/ /rings nas goms pa'i brtson 'grus chu rgyun gyis/ /sngon med lung rigs gter gyi mdzod 'di bskrun/ /gzhung 'di'i dgongs don phra zhing brling ba rnams/ /gsal byed nyin mor byed pa'i snang ba 'di/ /bkra shis g.yas su 'khyil ba'i gling mchog nas/ /chos sbyin zad pa med pa'i par du bsgrub/ /de yi mthus las dbu ma'i lam @258a @#/ /bzang por/ /thos bsam sgom pas 'dzin ma'i khyon bkang ste/ /dge ldan bstan pa'i nyi ma 'od po ches/ /mthar 'dzin mun pa drungs nas 'byin par shog/ /'di yi rkyen sbyor dam pa nyid kyis gtsos/ /'brel thogs kun kyang deng nas byang chub par/ /mtha' bral dbu ma'i rigs pa'i mtshon rnon gyis/ /mi mthun g.yul las rgyal ba'i rgyur gyur cig /ces dge ldan bstan pa'i gsal byed dam par gyur pa zhal lu sprul pa'i sku rin po che 'jam dbyangs thub bstan rgya mtsho dpal bzang pos gzhung 'di'i par gyi cha rkyen sbyar te par du bskrun pa'i thugs khur gnang skabs dpar byang smon tshig cig dgos zhes bka' stsal gnang ba ltar snyoms las pa dge slong blo gros rgya mtshos bris pa'o// //lung rtogs yon tan gyi mnga' bdag bshes gnyen chen po blo gros rgya mtshos mdzad pa'i dbu ma'i bstan bcos 'di'i dpe rgyun sngar bod gangs ljongs su bzhugs so cog rgya dmar kla klos nyams chag tu btang zhing/ rgya gar 'phags yul 'dir yang phyag dpe chig rkyang tsam las mi bzhugs par mngon pas rtsa che'i dpe rgyun de ka chud zos su mi 'gro ba'i phyir/ 'bras sgo mang ba a ca rya skal bzang zabs mkhas kyis rgyu 'gro gang byung rtsol sgrub dang/ ma dper mthun pa'i zhu dag sogs gang ci'i khur len zhus thog /bod rgyal lo gnyis stong chig brgya dang phyi lo gcig stong dgu brgya bdun cu don gsum nang ob sed Te'i 'phrul par las dpe po ta grangs brgya thams pa par bkrun bgyis pa 'dis kyang gangs can bod kyi ljongs su rgyal bstan rin po che dar rgyas snga sor chud pa dang/ sa chen 'dzam gling yangs pa'i khyon la 'tshe med zhi ba'i lam ston ^ rnam 'dren sha'kya seng ge'i ring lugs sgo kun nas dar bas 'gro kun gtan bde'i dpal la gzhol bar gyur cig / //