@001a @#/ /thun mong bsdus pa'i bsdoms tshig blo gsal dga' bskyed
ces bya ba zhugs so/ /

@001b @##/ /rab dkar chu skyes zla ba'i steng/ /'jam dpal gzhon nu
dpa' bo dang/ /yid 'ong lha mo dbyangs can ma/ /rtag par brtsel
phyag bgyi'o/ /shes bya'i ne'u gsing ngos

yangs la/ /rig lam me tog bkod pa can/ /skyes kyi blo gsal gzhon
nu rnams/ /'di na rtsed 'jo bya bar rigs/ /deng 'dir sdus rtsa
'chad pa la/ /chos can dbye gzhi bshad pa dang/ /chos

kyi dbye ba bstan pa dang/ /nges par bya ba'i rnam gzhag dang/
/nges byed thal 'gyur bshad pa dang/ /lta ba dbu mar 'jug pa'i
tshul/ /lnga po skabs 'di'i mdor bstan yin/ /shes bya

gzhal bya gzhi grub yod/ /chos dang gzhi dang rten 'brel dang/
dmigs pa chos can yul rnams ni/ /khyab mnyam dbye gzhi chos can
yin/ /dbye na dngos po rtag pa gnyis/ /dgag

@002a @#/ /sgrub mtshan mtshon mtshan gzhi gsum/ /byas dang ma byas
skyes ma skyes/ /'dus byas ma byas dngos dngos med/ /'jig dang
mi 'jig la sogs pa'o/ /dngos po la yang bem po dang/ /

shes pa ldan min 'du byed gsum/ /bem po la yang phyi nang gnyis/
/phyi don gzugs la sogs pa lnga/ /gzugs la kha dog dbyibs kyi
gnyis/ /rgyas par dbye na nyi shu ste/ /sngo ser dkar dang dmar
ba dang/ /snang

mun sprin dang du ba dang/ /rdul dang khug sna nyi ma dang/
/grib ma ring thung lham pa dang/ /zlum po mthon po dma' ba
dang/ /phya le phya le min pa 'o/ /sgra la rnam pa brgyad yod
de/ /zin pa'i 'byung ba la brten pa'i/ /sems

can ston dang mi ston la/ /yid 'ong mi 'ong gnyis re dbye/ /ma
zin pa la'ang de bzhin no/ /dri la zhim dang nga ba dang/ /mnyam
dang mi mnyam bzhi ru yod/ /ro ni mngar skyur kha dang ska/ /tsha
dang lan tsha rnam pa drug /reg bya

sa chu me rlung dang/ /'jam rtsub lci yang tsha grang dang/
/bkres dang skom pas bcu gnyis so/ /nang don mig la sogs pa
lnga/ /shes pa tshad ma tshad min gnyis/ /tshad ma la yang mngon
rjes gnyis/ /dbang yid rang rig

@002b rnal 'byor gyi/ /mngon sum rnam pa bzhi ru yod/ /rjes dpag
dngos stobs grags yid gsum/ /ma rtogs log rtog the tshom ste/
/tshad min blo yang gsum du 'gyur/ /ldan pa min pa'i 'du byed la/
/thob dang ma thob skal mnyam

dang/ /snyom 'jug gnyis dang srog dang ni/ /skye gnas mi rtag
rga ba dang/ /ming gi tshogs sogs bcu gsum yod/ /yang na shes
byar rnam dbye na/ /phung po khams dang skye mched do/ /phung po
gzugs tshor 'du shes dang/ /'du byed rnam

shes phung po lnga/ /mdzod las gzugs phung bcu gcig gsungs/ /mig
sogs 'dus te reg pa las/ /byung ba'i tshor sogs rnam pa drug /'du
shes la yang de bzhin drug /mtshungs ldan ldan min 'du byed
gnyis/ /mtshungs ldan la

yang lnga bcu bdun/ /ldan min 'du byed sngar bshad ltar/ /gang
zag kyang ni de yin te/ /de la yang ni srid pa gsum/ /ngan 'gro
dmyal ba sogs gsum dang/ /bde 'gro mi dang 'dod la drug /bcu po
'dod pa'i khams yin no/ /dmyal

ba tsha grang nye tshe dang/ /nye 'khor ba yi dbye bas bzhi/ /yi
dwags dngos dang 'thor bu gnyis/ /dud 'gro gnas dang kha 'thor
gnyis/ /mi la gling gi dbye bas bzhi/ /'dod la rgyal chen rigs
bzhi dang/ /gsum rtsen 'thab bral dga'

ldan dang/ /'phrul dga' gzhan 'phrul dbang byed do/ /gzugs khams
bsam gtan bzhi yin te/ /nang gses gnas rigs bcu bdun yod/ /gzugs
med nam mkha' mtha' yas dang/ /rnam shes mtha' yas mched@003a @#/ /dang/ /ci
yang med pa'i skye mched dang/ /'du shes yod
min med min bzhi/ /nyan rang byang chub sems dpa' yi/ /so skye
tshogs sbyor gnyis gnyis yod/ /nyan thos rgyun zhugs phyir 'ong
dang//

phyir mi 'ong dang dgra bcom pa/ /zhugs gnas dbye bas brgyad du
yod/ /rang rgyal bse ru tshogs spyod gnyis/ /byang 'phags bcu'i
dbang gis bcu/ /sgrib dang bcas pa sems can te/ /sgrib spangs
sangs rgyas 'phags

pa'o/ /rnam shes mig la sogs pa drug /phyi dang nang gi khams
bco brgyad/ /phyi yi gzugs la sogs pa drug /nang gi mig sogs
rnam pa drug /mig gi rnam shes khams sogs drug /skye mched rnam
pa bcu gnyis te/ /phyi

yi gzugs la sogs pa drug /nang gi mig sogs drug yin no/ /yang na
mtshan nyid gsum yod de/ /kun brtags gzhan dbang yongs grub bo/
/yang na kun rdzob don dam gnyis/ /gzhan yang rang mtshan spyi
mtshan

gnyis; ;sgra yi dngos yul yin min gnyis/ /'dra ba thun mong yin
min gnyis/ /zag bcas zag med gnyis sogs dbye/ /gzhan yang dge
sogs gsum yod de/ /rnam byang dge ba'i phyogs la yang/ /lus ngag
yid

kyi dge bcu dang/ /bsod nams bya ba rnams gsum dang/ /lam la
lnga gsum bco lnga dang/ /byang chub phyogs chos sum cu bdun/
/pha rol phyin pa drug dang bcu/ /'dres dang ma 'dres yon tan
dang/ /chos phung brgyad khri

@003b bzhi stong dang/ /gsung rab yan lag bcu gnyis dang/ /'dul
mngon mdo sde sde snod gsum/ /brjod bya lhag pa'i bslab pa gsum/
/bya spyod rnal 'byor bla med de/ /gsang sngags rgyud sde rnam
pa bzhi/ /smin byed bum pa'i dbang

sogs bzhi/ /grol byed bskyed rdzogs rim pa gnyis/ /'bras bu sku
bzhi ye shes lnga/ /gzhan yang 'gog lam bden pa gnyis/ /sku dang
ye shes 'phrin las so/ /lus ngag yid kyi mi dge bcu/ /nyon mongs
shes bya'i sgrib

pa gnyis/ /mthong dang sgom pa'i spang bya gnyis/ /de sogs kun
nyon mi dge'i phyogs/ /sgrib dang ma sgrib lung ma bstan/ /bye
brag so sor dbye ba na/ /rnam grangs grangs las 'das par gyur/ !
/nges par bya ba'i rnam gzhag

la; ;rdzas ldog 'gal 'brel spyi bye brag /mtshan mtshon rgyu 'bras
yod med rtogs/ /yin min log dang rjes 'gro ldog /dgag gzhi rtsi
lugs snga phyi btsan/ /skor 'beb la sogs nyer gnyis yod/ !
/rdzas chos de dang nye

dang bcas/ /khyod khyod khyod min khyod ma yin/ /rang yin ldog
chos nye dang bcas/ /khyod khyod khyod min khyod yin pa/ /rang
min ldog chos nye dang bcas/ /khyod khyod ma yin khyod min pa/
/khyod ma yin pa'i khyad chos gnas/ /

de gsum gang la mi nye ba/ /khyod khyod min zhing khyod ma yin/
/khyod yin so so'i sgrub byed ni/ /khyad chos de dag so so'i
steng/ /mtshan gzhi gang yin de'i ldog pa/ /de ma yin dang 'gal
ba'o/ /gzhi de yod na yod

@004a @#/ /rtogs dang/ /med na med rtogs tshad ma kun/ /dngos po
yin na rgyu 'bras kun/ /dgag gzhi can gyi chos la ni/ /khyab bya
'brel ba bltos pa kun/ /kho kho yin pa'i chos rnams kyi/ /ldog
pa

dang 'gal ma lus kun/ /med pa rnams dang ma 'brel ba/ /de dang
phan tshun tha mi dad/ /yod med kun dang tha dad du/ /gyur pa'i
sgrub pa thams cad dang/ /yod med kun gyi brjod byed sgra/ /de
rnams zhes brjod sgra

la sogs/ /rdzas chos yin pa'i chos rnams la/ /de min yod na de
dag kun/ /rdzas chos su ni nges pa yin/ /shes bya dngos po sgrub
pa sogs/ /rkyang pa slob dpon ngag las shes/ /yod pa rnams dang
tha dad dang/ /de

dang phan tshun tha dad dang/ /dgag gzhi med pa'i chos kyi steng/
/khyab bya khyab byed khyab mnyam 'brel/ /rang min ldog chos yin
rnams la/ /de min yod na de dag kun/ /rang yin ldog chos yin par
nges/ /rtag pa

bdag med la sogs la/ /rkyang pa slob dpon ngag las shes/ /yod pa
rnams kyi ldog pa'am gcig /phan tshun tha mi dad rnams dang/ /yin
pa yod pa'i chos rnams dang/ /khyab mnyam kun dang mtshan gzhi
la/ /

sbyar ba'i mtshan mtshon ma lus kun/ /yod pa kun dang tha mi dad/
/gyur pa'i dngos po thams cad dang/ /yod med kun dang dngos 'gal
dang/ /yin pa med pa'i chos kun dang/ /rang yin ldog chos yin
rnams la/ /

@004b de min yod na de dag kun/ /rang min ldog chos yin par
nges/ /mtshan nyid la sogs rkyang pa rnams/ /slob dpon ngag las
shes par bya/ /yod med kun dang tha dad dang/ /rdzas chos sgrub
pa gang rung gi /gzhi mthun

rnams dang rdzas chos la/ /nye ba'i ldog chos yin rnams la/ /de
min yod kun rdzas chos la/ /nye bar byed pa'i ldog chos yin/
/yod med kun dang tha dad dang/ /rang yin ldog chos min pa'am/
/rang min ldog chos ma

yin pa'i/ /gzhi mthun kun dang rang min la/ /nye ba'i ldog chos
yin rnams la/ /de min yod kun rang yin la/ /nye ba'i ldog chos
phung gsum yin/ yod med kun dang tha dad dang/ /rang min ldog
chos yin

pa'am/ /rang yin ldog chos yin pa yi/ /gzhi mthun kun dang rang
yin la/ /nye ba'i ldog chos yin rnams la/ /de min yod kun rang
min la/ /nye bar byed pa'i ldog chos yin/ /yod med kun dang tha
dad dang/ /dgag pa

yang gi gzhi mthun dang/ /khyod spyi yod na khyod spyi kun/
/chos gang de gsum mi nye ba/ /yin la ldog chos yin yod kun/ /de
gsum gang la mi nye ba'i/ /ldog chos phung gsum pa yin no/ !
/'gal dang mi 'gal

'di lta ste/ /lhan cig mi gnas phan tshun spang/ /bya rog 'ug pa
me chu bzhin/ /tshad ma'i gzhung lugs rnams las byung/ /deng sang
bsdus pa yongs grags la/ /'gal ba tsam mam rgyud 'gal la/ /'gal
khyab

@005a @#/ /dkyus ma sgo gnyis 'bud/ /ldog pa tha dad yin pa dgos/
/dngos 'gal yin na de gnyis steng/ /kha sbub gnyis dang sgo bzhi
'bud/ /khyod dang 'gal ba khyod dang ni/ /mi 'gal ba dang dngos
'gal dang/ /

sgrub pa yang gi gzhi mthun pa/ /yin te bdag med yin pa'i phyir/
/zhes pa 'di la khyab pa yod/ /khyod dang mi 'gal ba khyod dang/
/'gal ba dang ni dngos 'gal dang/ /dgag pa yang gi gzhi mthun
ni/ /yin te shes bya yin

pa'i phyir/ /zhes pa 'di la khyab pa yod/ /khyod rang khyod dang
mi 'gal te/ /gang zag gi ni bdag med phyir/ /'brel dang ma 'brel
'di lta ste/ /byas dang mi rtag lta bu la/ /bdag nyid gcig pa'i
'brel ba dang/ /me dang de

'bras du ba ni/ /de las byung ba'i 'brel pa zhes/ /tshad ma'i
gzhung lugs rnams las bshad/ /med na mi 'byung zhes pa yi/ /don
yang de byung 'brel la gnas/ /'on kyang bsdus pa yongs grags la/
/khyod

chos de dang 'brel bar thal/ /de dang tha dad yin gang zhig
/chos de ldog na khyod kyang ni/ /ldog par 'gyur ba'i phyir zhes
pa/ /'brel ba'i khyab pa 'cha' ba yin/ /khyod dang 'brel ba gang
yin te/ /ma 'brel ba dang

dngos 'gal dang/ /sgrub pa yang gi gzhi mthun ni/ /yin te shes
bya yin pa'i phyir/ /khyod ma 'brel ba khyod dang/ /'brel pa
dang ni dngos 'gal dang/ /dgag pa yang gi gzhi mthun ni/ /yin te
bdag med yin pa'i phyir/ /

@005b mi 'jig chos dang rtag pa la/ /bdag nyid gcig pa'i go ba
yod/ /rtag pa dngos po lta bu la/ /de yi go ba med mod kyang/
/deng sang yongs grags bdag gcig gi /'brel ba shes bya'i spyi
nor zer/ /de la med na mi 'byung gi /

'brel bshad tsam ni yod par mngon/ /de byung 'brel pa dngos po
la/ /yod kyi gzhan la med pa'o/ ! /spyi dang bye brag 'di lta
ste/ /bum pa shes bya'i bye brag dang/ /shes bya bum pa'i spyi
yin zhing/ /khas blangs sgrub byed bkod

pa'i tshe/ /bum pa shes bya'i bye brag ste/ /de yin de la bdag
gcig 'brel/ /bum pa min zhing de yin pa/ /du ma grub pa'i phyir
zhes 'god/ /du ma'i mtshan gzhi gnyis re 'dzin/ /de ltar spyi
dang bye brag 'jog /khyod

dang 'gal ba spyi yin zhing/ /khyod dang tha dad spyi yin te/
/bdag med yin pa'i phyir zhes pa/ /'di ni rdo rje'i brag ri yin/
/rdzas chos rang yin ldog chos ni/ /nye dang bcas la spyi yis
khyab/ /mtshan gzhi med rnams spyi ma

yin; ;dngos po lta bu gnyis ka yin/ ! /mtshan mtshon rnam gzhag
'di lta ste/ /mtshan nyid go byed yin pa yod/ /rdzas yod chos
gsum tshang ba'o/ /mtshon bya go byed yin pa yod/ /btags yod chos
gsum tshang ba'o/ /gzhung

lugs rnams las go bya la/ /go byed mi 'khrul ba ru 'jug /go cha
mtshan gzhi'i steng du ni/ /go byed kyis ni 'khrul med rtogs/
/mtshan mtshon gzhi gsum rnam gzhag gsungs/ /de yi tshul dang rjes
mthun par/ /bum pa mtshan gzhi

@006a @#/ /dngos por mtshon/ /don byed nus pa yin pa'o/ /zhes pa'i
mtshan mtshon sbyor ba 'thad/ /yongs grags khyab mnyam sgo gnyis
dang/ /ldog khyab gnyis dang sgo bzhi dgos/ /mtshan mtshon sgo
bzhi yin

zhes grags/ /mtshan bya mtshan gzhi'i steng du ni/ /mtshan nyid
kyis ni nges par byed/ /gzhi de mtshon bya yin pa'i steng/ /mtshan
nyid ji tsam brtsegs kyang yod/ /mtshon bya btags yod gnyis ka
med/ /gzhi de mtshan nyid yin

pa'i steng/ /btags yod ji tsam brtsegs kyang yod/ /mtshan nyid
rdzas yod gnyis ka med/ /yul gyi mtshan nyid blos rig sogs/ /rnam
grangs slob dpon ngag las shes/ ! /rgyu dang 'bras bu'i rnam
gzhag ni/ /sde bdun tshad ma'i

gzhung lugs las/ /rgyu la rang bzhin ji snyed cig /med na mi
'byung 'bras bu gsungs/ /me yi 'bras bu du ba ste/ /'bras bu'i
chos kyi rjes 'jug phyir/ /zhes pas rgyu 'bras 'brel pa bstan/
/skyed par byed pa rgyu'i mtshan nyid/ /

skyes par bya ba 'bras bu yi/ /mtshan nyid du ni 'thad pa yin/
/yang na phan 'dogs bya byed yin/ /kha cig sdug bsngal phan
thogs thal/ /mi 'dod rkyen yang rgyu'i phyir zer/ /mi rtag pa la
rgyu 'bras yod/ /rtag la rgyu 'bras yod

min te/ /de 'gal ba ni nyid yin phyir/ /dngos po thams cad rang
rgyu'i dus/ /ma 'ongs rang dus da ltar ba/ /rang 'bras dus su
'das par nges/ /rang gi rgyu las skyes pa ni/ /'dus byas kyi ni
mtshan nyid yin/ /rang la chos can

@006b 'tshangs na yang/ /skabs thob shes dgos 'di lta ste/ /bu pa
chos can du du bzung nas/ /rang gi rgyu las skyes par thal/
/'dod lan btab ste rtsis pa'i tshe/ /bum pa rang gi rgyu las
skyes/ /zhes pa'i rig pa 'dis mtshon nas/ /rang gi rgyu

yi 'bras bu dang/ /rang gi 'bras bu'i rgyu sogs 'gre/ /bum pa
chos can du bzung nas/ /rang gi rgyu ni yod par thal/ /'dod lan
btab ste rtsis pa'i tshe/ /bum pa'i rgyu ni yod ces zer/ /rang la
chos can 'tshangs pa'i tshul/ /khas

blangs snga phyi mi 'gal te/ /gong du chos can sbyar ba dang/
/phyi mar chos can 'tshangs pa ni/ /don gyis thob par mkhas pas
bshad/ /dper na rang mtshan rang rig dang/ /rang min ldog chos la
sogs kyi/ /rang la chos can mi 'jug pa/ /

dpyod ldan yongs la grags bzhin no/ ! /yod rtogs med rtogs 'di
lta ste/ /khyad gzhi yod pa bzhir bcas la/ /med rtogs cha yod ya
rnams med/ /yod rtogs ji tsam brtsegs kyang yod/ /yod rtogs med
rtogs spel gyur tshe/ /

yod rtogs gtso bas cha ya rtsi/ /khyad gzhi med pa gzhir bcas
la/ /med rtogs ya yod cha rnams med/ /yod rtogs ji tsam brtsegs
kyang med/ /yod rtogs med rtogs spel gyur tshe/ /med rtogs gtso
bas cha ya rtsi/ ! /yin log min

log 'di lta ste/ /khyad gzhi yin pa gzhir bcas la/ /yin log cha
yin ya rnams min/ /min log ji tsam brtsegs kyang yin/ /yin log
min log spel gyur tshe/ /min log gtso bas cha ya rtsi/ /khyad
gzhi min pa gzhir bcas la/ /

@007a @#/ /yin log ya yin cha rnams min/ /min log ji tsam brtsegs
kyang min/ /yin log min log spel gyur tshe/ /yin log gtso bas cha
la rtsi/ /yin par rtogs pa'i tshad ma'i yul/ /yin pa dang ni
khyab

mnyam yin/ /min par rtogs pa'i tshad ma'i yul/ /min pa dang ni
khyab mnyam yin/ ! /rjes su 'gro ldog 'di lta ste/ /phyogs kyi
glang po'i gzhung lugs las/ /rjes dpag bya dang de mtshungs la/
/yod dang med la med pa

zhes; ;gtan tshigs kyi ni tshul gsum gsungs/ /de yang spyi nas
tshul gsum ni/ /phyogs chos rjes khyab ldog khyab yin/ /des na
khyab pa'i dbye ba la/ /rjes khyab thur khyab ldog khyab dang/
/'gal khyab kha sbub lnga ru bshad//

de dag so sor ngos 'dzin na/ /rtags de yin na gsal ba de/ /yin
pas khyab pa rjes khyab yin/ /gsal ba yin na rtags de nyid/ /yin
pas khyab pa thur khyab yin/ /gsal ba min na rtags de nyid/ /min
pas khyab pa ldog

khyab yin/ /rtags de yin na gsal ba de/ /min pas khyab pa 'gal
khyab yin/ /rtags min gsal ba min pas khyab/ /kha sbub tu ni
shes par bya/ /phyin ci log gi 'bud tshul ni/ /gsal 'gyur rtags
mi 'gyur du

gnas; ;thur khyab rnal ma cha rnams dang/ /ldog khyab phyin ci
log nges pa'i/ /thur khyab phyin ci log nges dang/ /thur khyab
phyin ci log nges pa'i/ /thur khyab phyin ci log nges pa'i/
/thur khyab phyin ci log nges pa'i/ /thur khyab

@007b phyin ci log nges sogs/ /bzhi brgyad bcu gnyis bzhi tshan
dang/ /rjes khyab phyin ci log nges pa'i/ /rjes khyab phyin ci
log nges dang/ /ldog khyab phyin ci log nges pa'i/ /ldog khyab
phyin ci log nges pa'i/ /ldog khyab

phyin ci log nges pa'i/ /ldog khyab phyin ci log nges sogs/
/bzhi brgyad bcu gnyis bzhi tshan dang/ /rjes khyab du ma brtsegs
gyur kyang/ /rtsa ba'i rjes khyab steng du gnas/ /thur khyab
rnal ma ya rnams dang/ /ldog khyab phyin ci

log nges pa'i/ /thur khyab phyin ci log nges pa'i/ /thur khyab
rnal mar nges pa dang/ /ldog khyab phyin ci log nges pa'i/ /ldog
khyab phyin ci log nges pa'i/ /ldog khyab rnal mar nges pa dang/
/thur khyab phyin ci log nges pa'i/ /thur khyab phyin ci log
nges pa'i/ /ldog

khyab rnal mar nges pa dang/ /ldog khyab rnal mar nges pa yi/
/thur khyab rnal mar nges pa yi/ /ldog khyab rnal mar nges pa
dang/ /ldog khyab kha sbub ya rnams ni/ /rtsa ba'i thur khyab
steng du gnas/ /ldog khyab rnal ma ya rnams dang/ /ldog

khyab phyin ci log nges pa'i/ /thur khyab phyin ci log nges
pa'i/ /ldog khyab rnal mar nges pa dang/ /ldog khyab phyin ci
log nges pa'i/ /ldog khyab phyin ci log nges pa'i/ /thur khyab
rnal mar nges pa dang/ /thur khyab phyin ci log nges pa'i/ /

thur khyab phyin ci log nges pa'i/ /thur khyab rnal mar nges pa
dang/ /thur khyab rnal mar nges pa yi/ /ldog khyab rnal mar nges
pa yi/ /thur khyab rnal mar nges pa dang/ /ldog khyab rnal mar
nges pa yi/ /thur khyab rnal mar nges pa yi/ /@008a @#/ /thur khyab rnal mar nges
pa dang/ /thur khyab kha sbub
ya rnams ni/ /rtsa ba'i ldog khyab steng du gnas/ /rjes khyab
kha sbub ya rnams dang/ /ldog khyab phyin ci log nges pa'i/
/ldog khyab phyin ci log nges dang/ /

thur khyab phyin ci log nges pa'i/ /thur khyab phyin ci log nges
dang/ /ldog khyab rnal mar nges pa yi/ /thur khyab rnal mar nges
pa dang/ /thur khyab rnal mar nges pa yi/ /ldog khyab rnal mar
nges pa rnams/ /rjes khyab kha

sbub steng du gnas/ /'gal khyab ya rnams gang yin dang/ /ldog
khyab rnal mar nges pa yi/ /ldog khyab phyin ci log nges dang/
/thur khyab rnal mar nges pa yi/ /thur khyab phyin ci log nges
dang/ /ldog khyab phyin ci log nges

pa'i; ;thur khyab rnal mar nges pa dang/ /thur khyab phyin ci
log nges pa'i/ /ldog khyab rnal mar nges pa dang/ /rjes khyab
phyin ci log nges rnams/ /rtsa ba'i 'gal khyab steng du gnas/
/rtags gsal dngos 'gal bkod

pa'i tshe/ /thal 'gyur de yi rjes khyab dang/ /ldog khyab la ni
khyad par med/ /rtags gsal tha mi dad bkod tshe/ /thal 'gyur de
yi rjes khyab dang/ /thur khyab la ni khyad par med/ /yin bkod
kyi ni thur khyab dang/ /min bkod

kyi ni ldog khyab gcig /yin bkod kyi ni ldog khyab dang/ /min
bkod kyi ni thur khyab gcig /gang zhig la sogs rtags mang po/
/yod kyang song tshod khyer ba gnas/ /phyi ma grub pa'i rjes mi
'brangs/ /kha sbub yongs grags la

@008b med kyang/ /rtsa khyab bzhi por ma 'dus shing/ /rig pa'i
rnam grangs yin pa'i phyir/ /'dir bkod pa la 'gal ba med/ !
/dgag gzhi'i rnam gzhag 'di lta ste/ /spang len dmigs phur mtha'
skyor dang/ /rgyab khur ma ste rnam

bzhi dang/ /rnam grangs shong rdzong ma zhes grags/ /chos kyi
grags pa'i gzhung lugs las/ /tshad ma rnams ni mi 'jug pa/ /med
la mi 'jug 'bras bu can/ /gtan tshigs bye brag la bltos nas/
/'ga' zhig med shes 'bras bu

can; ;zhes pas snang rung mi snang ba/ /ma dmigs pa yi gtan
tshigs gsungs/ /dag pa'i sa phyogs med pa'i phyogs/ /tshad mas ma
dmigs pa yi phyogs/ /de rnams dgag gzhi'i don du mtshungs/ /spang
len ma yi rtsi tshul ni/ /bum pa

dag pa'i sa phyogs su/ /gser gyi bum pa med ces te/ /dgag gzhi'i
spang du dgag bya ni/ /khyad chos gzhan dang bcas pa len/ /dmigs
phur zhes pa dgag bya nyid/ /'dzin cing chos gzhan 'dor ba ste/
/gser gyi bum pa dag phyogs su//

bum pa yod ces brjod pa bzhin/ /dgag gzhis dgag bya khyad chos
dang/ /bcas pa'i mtha' nas skyor ba ni/ /mtha' skyor ba yi tshul
yin te/ /bum pa dag pa'i sa phyogs su/ /gser gyi bum pa bum pa
ni/ /dag pa'i sa phyogs su med bzhin/

rgyab khur ma yi rtsi tshul ni/ /dgag bya khyad chos dang bcas
pa/ /dgag gzhi yi ni rgyab tu khur/ /gser gyi bum pa bum pa ni/
/dag pa'i phyogs su med rtsi bzhin/ /dgag bya dngos dang khyad
chos ni/ /kun la dgag bzhi 'jug rtsi ba/ /shong rdzong

@009a @#/ /ma ru grags pa ste/ /bum pa dag pa'i sa phyogs su/
/gser gyi bum pa dag phyogs su/ /bum pa yod ces bya ba bzhin/
/don thob dmigs phur ma ru gnas/ /rnam grangs gzhan rnams shes
par

bya; ! ;rtsi lugs zhes pa'i rnam gzhag ni/ /khyod shul du ni
chos can 'tshangs/ /rdzas chos yin na khyod khyod rang/ /yin pas
khyab pa khas blangs par/ /bum pa khyod min khyod chos can/ /der
thal de'i phyir zhes

bkod par/ /'dod lan btab ste rtsis pa'i tshe/ /bum pa khyod min
khyod de ni/ /bum pa khyod min khyod yin zhes/ /rtsi ba lta bus
rigs 'gre nas/ /mang du brtsegs na phra zhing zhib/ /mi mchog
khyod la phyag 'tshal

lo; ;zhes pa lta bu'i gzhung tshig la/ /rtsi tshul skabs su bkag
pa med/ /gzhan du khyod shul 'dod pa bkag ! /snga btsan phyi
btsan rnam gzhag la/ /chos can gsal ba so so dang/ /lhan cig
sbyar ba'i rtsi tshul gnyis//

dang po la yang snga btsan dang/ /bar btsan phyi btsan gsum du
bshad/ /dang po snga btsan 'di lta ste/ /chos can du ma brtsegs
gyur kyang/ /chos can snga ma dbang btsan pas/ /lhag ma gsal bar
sbyar gnas su/ /rtags gsal khyab

pa 'khrul med rtsi/ /gnyis par bar btsan 'di lta ste/ /chos can
du ma brtsegs gyur kyang/ /ya rnams yod par gyur pa'i tshe/ /bar
btsan chos can ngos bzung nas/ /lhag ma gsal bar sbyar nas su/
/rtags gsal khyab pa 'khrul med

@009b rtsi; ;gsum pa phyi btsan 'di lta ste/ /chos can du ma
brtsegs gyur kyang/ /chos can phyi ma dbang btsan pa'i/ /rtags
gsal khyab pa 'khrul med rtsi/ /gsal ba la yang snga btsan dang/
/bar btsan phyi btsan gsum du dbye/ /dang

po snga btsan 'di lta ste/ /gsal ba du ma brtsegs gyur kyang/
/gsal ba snga ma dbang btsan cing/ /lhag ma rtags la sbyar nas
su/ /rtags gsal khyab pa 'khrul med rtsi/ /gnyis pa bar btsan
'di lta ste/ /gsal ba du ma brtsegs

gyur kyang/ /ya rnams yod par gyur pa'i tshe/ /bar btsan gsal ba
ngos bzung nas/ /lhag ma rtags la sbyar nas su/ /rtags gsal
khyab pa 'khrul med rtsi/ /gsum pa phyi btsan 'di lta ste/ /gsal
ba du ma brtsegs gyur kyang/ /gsal

ba phyi ma dbang btsan pa'i/ /rtags gsal khyab pa 'khrul med
rtsi/ /lhan cig sbyar ba'i rtsi lugs la/ /snga btsan bar btsan
phyi btsan gsum/ /dang po snga btsan 'di lta ste/ /chos can gsal
ba gnyis ka yang/ /du ma yod par gyur pa'i tshe/ /

chos can snga ma dbang btsan cing/ /chos can lha ma gzhan rnams
dang/ /gsal ba dang po tshun gsal ba/ /lhag ma rtags la sbyar nas
su/ /rtsib chos can gsal ba gnyis/ /snga btsan gyi ni lugs su
gsungs/ /gnyis po bar btsan 'di lta ste/ /

chos can gsal ba gnyis ka yang/ /du ma brtsegs par gyur pa na/
/ya rnams yod par gyur pa'i tshe/ /chos can bar ma dbang btsan
cing/ /chos can lhag ma gsal bar sbyar/ /gsal ba bar ma dbang
btsan pa'i/ /gsal ba phyi ma rtags la sbyar//

@010a @#/ /rtsi ba chos can gsal ba gnyis/ /bar btsan gyi ni lugs
su 'thad/ /gsum pa phyi btsan 'di lta ste/ /chos can gsal ba
gnyis ka yang/ /du ma brtsegs par gyur pa'i tshe/ /chos can phyi
btsan gsal ba yang/ /phyi

btsan byas te rtsi ba ni/ /gnyis ka phyi btsan dbang du byas/
/des mtshon chos can snga btsan dang/ /gsal ba bar btsan phyi
btsan sogs/ /gang 'os rig pas shes par bya/ ! /skor 'beb rnam
gzhag ces bya ba/ /thal 'gyur rtags

gsal du ma brtsegs/ /snga phyi btsan pa 'dir mi 'thad/ /rjes
'gro sogs dang spel yang rung/ /lag len slob dpon zhal la rag
/rnam gzhag zhib mo bshad zin to/ ! /khyab sgrog ces pa'i rnam
gzhag ni/ /de la de yis ma khyab dang/ /

khyab pa sogs la sgrub byed kyi/ /rigs pa du ma bkod pa dang/
/mu bzhi yod med la sogs pa/ /khyab sgrog che chung dag las
shes/ ! /chos de ma yi rnam gzhag ni/ /yod na chos de yod pa
dang/ /med dang rtag dang mi rtag dang/ /med na

chos de med sogs kyis/ /ma khyab ces so khyab gyur na/ /bum pa
chos can ri bong rwa/ /yod par thal ni yod pa'i phyir/ /khyab pa
chos de ma la khas/ /chos de ma la gar bzhag med/ /zhib pa dam
pa'i zhal las shes/ ! /gcig dang

tha dad rnam 'grel las/ /de phyir gang dang gang las don/ /ldog
pa de yi zhes sogs gsungs/ /don spyi gcig 'char gcig gi don/
/sgras brjod sgo nas rang ldog dang/ /ngo bo gcig dang rigs gcig
gsum/ /chos kun rang rang rang ldog

@010b dang; ;ngo bdag rang bzhin gsum don gcig /rigs la rdzas
rigs ldog rigs gnyis/ /nyer len gcig skyes rdzas rigs gcig /bem
shes ldan min 'du byed du/ /gyur pa'i rdzas rigs rnam pa gsum/
/sgrub dang dgag gyur ldog rigs

gnyis; ;mthong tsam nyid nas 'di dang 'di/ /'dra'o snyam pa
sgrub rigs gcig /de la bem shes ldan min ni/ /'du byed du gyur
ldog rigs gsum/ /dgag bya rigs gcig bkag tsam ni/ /dgag par gyur
pa'i ldog rigs gcig /tha

dad 'char rung tha dad don/ /rang ldog ngo rigs tha dad gsum/
/rang ldog tha dad tha dad gcig /ngo rang bdag nyid tha dad gcig
/rigs tha mi mthun rigs mi 'dra/ /rigs mi gcig rnams don gcig go
! /dus gsum rnam gzhag rnam 'grel las/ /

'das dang ma 'ongs zhes sogs gsungs/ /thal zin pa ni 'das pa
dang/ /ma slebs chas bsdus ma 'ongs pa/ /skyes la ma 'gags da
lta ba/ /de dang dngos po don gcig go /de gsum dngos kun steng
du yod/ /grub dus bum pa ltar mtshon na/ /

de 'das bum pa'i phyi logs grub/ /de dus 'das pa snga logs grub/
/de yi ma 'ongs snga logs grub/ /de dus ma 'ongs phyi logs grub/
/de yi da lta de'i dus su/ /da lta bum dang mnyam du grub/ /'das
pa dang ni shi ba yi/ /gang zag yod med

khyad par phye/ ! /drug sgra'i rnam gzhag rnam 'grel las/ /rnam
dbye tha dad ces sogs gsungs/ /rnam mkhyen chos can du bzung
nas/ /yod par 'jal ba'i tshad mar thal/ /tshad phyir ces par 'dod
rtsis pas/ /rnam mkhyen rnam mkhyen yod

@011a @#/ /'jal ba'i/ /tshad ma yin pa 'dod pa yin/ /shes bya chos
can yod 'jal ba'i/ /tshad ma'i khyab byar 'dod rtsis pas/ /shes
bya shes bya yod 'jal ba'i/ /tshad ma'i khyab byar khas slang
song/ /rnam

mkhyen chos can yod 'jal ba'i/ /tshad ma yod par thal ces par/
/rnam mkhyen yod par 'jal ba yi/ /tshad ma yod par 'dod ces zer/
/yin dang yod 'god khyad par che/ /rgyas pa drug sgra zung la
ltos/ ! /gzhan sel rnam gzhag rnam 'grel

las; ;ldog pa ngo bo zhes sogs gsungs/ /rtog pas dgag bya dngos
su bcad/ /tshul gyis rtogs bya gzhan sel don/ /ma yin dgag dang
med dgag gnyis/ /rang sgras dgag bya bkag shul du/ /chos gzhan
'phen pa ma yin dgag /de la blo dang don

gyi dbye/ /ma yin dgag gyur don byed ni/ /nus stong blo yi gzhan
sel don/ /bum 'dzin rtog par bum pa ni/ /min las log par snang
ba bzhin/ /der gyur don byed nus pa ni/ /don gyi gzhan sel yin
zhes grags/ /bum pa min las log

pa dang/ /rtag dngos kyis stong ka bum bzhin/ /des na dngos po
thams cad kyi/ /steng du gzhan gsel gsum rtsir yod/ /bum pa lta
bu la mtshon na/ /blo don sel ba bshad zin cing/ /bum pa bum pa
ma yin par/ /med pa bum pa'i med

dgag go /yang na dngos dang shugs dang ni/ /gnyis kar skabs
stobs 'phen dang bzhi/ /rim bzhin bum med sa phyogs dang/ /lhas
byin tshon po nyin mi za/ /de zas mi za rid min pa/ /ma nges bram
ze'i rigs min bzhin/ /rang sgras

@011b dgag bya dgag shul du/ /chos gzhan mi 'phen med dgag don/
/dgag bya shes byar srid pa dang/ /mi srid pa yi med dgag gnyis/
/rim bzhin bum pa med pa dang/ /ri bong rwa ni med pa bzhin/
/dgag dang gzhan sel don gcig go /

rtog pas dgag bya dngos su ni/ /ma bcad tshul rtogs sgrub pa'i
don/ /dgag rtog dang ni sgrub rtog 'gal/ /bye brag yul gyi sgo
nas phye/ ! /yul dang yul can rnam 'grel las/ /rang gi mtshan
nyid ces sogs gsungs/ /snang bzung zhen

'jug yul rnam bzhi/ /snang yul mtshan nyid blos snang ba/ /tsam
gyis rig par bya ba'o/ /rtog dang rtog med snang yul gnyis/
/rtog par snang ba tsam gyis ni/ /rig bya'i don byed nus stong
te/ /rtog pa'i snang yul gyi mtshan nyid/ /de dang spyi

mtshan don gcig go /rtog med shes par snang tsam gyi/ /sgo nas
rig par bya ba de/ /rtog med shes pa'i snang yul don/ /de dang
rang mtshan don gcig gsungs/ /rtog med log shes snang yul kun/
/rtog bral shes pa'i snang yul min/ /

snang yul bzung yul gnyis don gcig /bzung yul mtshan nyid blos
bzung ba/ /tsam gyis rig par bya ba'o/ /rtog dang rtog med gzung
yul gnyis/ /de dang des bzung tsam gyis 'jog /zhen yul mtshan
nyid bzlos zhen pa'i/ /tshul gyis

rig par bya ba'o/ /rtog dang rtog med zhen yul gnyis/ /de gnyis
khyad par de dang des/ /zhen pa'i tshul gyis rig par bya/ /chos
kun gnyis ka'i zhen yul yin/ /sgra rtag de 'dzin rtog pa yi/
/zhen yul yin yang zhen yul min/ /blang

@012a @#/ /dor bya phyir zhugs pa na/ /mi bslu'i chos de 'jug yul
don/ /gnas skabs mthar thug 'jug yul gnyis/ /de dang zhen yul
don gcig go /rang yul 'jug chos yul can don/ /sgra dang skyes bu
blo gsum yod//

sgra la ming tshig yi ge gsum/ /bdag nga gang zag skyes bu gcig
/blo rig gsal ba shes rnams gcig /rtog dang rtog med shes pa
sogs/ /rgyas par bla ma'i ngag las shes/ ! /mtshan nyid gsum gyi
rnam gzhag ni/ /rang 'dzin rtog pas

sgro btags tsam/ /kun btags don dang de la ni/ /mtshan nyid yongs
chad rnam grangs gnyis/ /snga ma med pa mtha' dag dang/ /phyi ma
dang ni kun btags gcig /rang gi rgyu rkyen las skyes pa/ /gzhan
dbang don dang der dbye na/ /dag dang ma dag

gzhan dbang gnyis/ /rim bzhin dag pa'i snod bcud dang/ /ma dag
snod bcud 'jig rten bzhin/ /dngos dang gzhan dbang don gcig
phyir/ /chos kun rang rang gzhan dbang ngo/ /mnyam gzhag dmigs
pa mthar thug pa/ /yongs grub de la sgras

brjod kyis/ /'gyur med phyin ci ma log gnyis/ /snga ma gang zag
bdag med bzhin/ /de dang yongs grub don gcig go /phyi ma mnyam
bzhag ye shes so/ /chos kun steng du mtshan nyid ni/ /gsum gyi
rnam gzhag rtsir yod do/ ! /bden gnyis

rnam gzhag rnam 'grel las/ /don dam don byed ces sogs gsum/ /don
dam tshad ma'i rnyed don du/ /dmigs pa don dam bden pa'i don/
/rang mtshan don dam bden pa dang/ /don yod mngon gyur dngos po
rdzas/ /'dus byas mi rtag byas pa rgyu/ /'bras

@012b dang bden grub don gcig go /kun rdzob tshad ma'i rnyed don
du/ /dmigs pa kun rdzob bden pa'i don/ /spyi mtshan kun rdzob
bden kun yod/ /ma byas bden med 'dus ma byas/ /rtag pa dngos med
chos rnams gcig /chos rnams rang 'dzin rtog pa'i gzhir/ /

rang mtshan nyid kyis grub pa dang/ /rang skya thub pa'i rdzas
yod ni/ /bkag pas gang zag bdag med do/ /'khor lo gsum las dang
po ni/ /nges don tha ma gnyis drang don/ /theg chen sems bskyed
rgyu 'bras bdun/ /lhag med tshe na rig pa yod/ /sgrib la

gnyis yod shes sgrib med/ /de la sogs pa'i mdo sde pa'i/ /grub
mtha'i tshul rnams shes par byos/ ! /rgyu 'bras che ba rnam 'grel
las/ /de phyir mig dang gzugs dag la/ /brten nas mig blo skye
zhes dang/ /mdzod las rgyu drug 'bras

lnga gsungs/ /grogs byed rkyen gyi 'jog byed dang/ /de la rgyu
rkyen bdag rkyen dang/ /dmigs rkyen de ma thag rkyen bzhi/
/dngos rnams dang po gsum yin zhing/ /shes kun de ma thag rkyen
no/ /dmigs dang de ma thag rkyen ni/ /yod pa'i dngos la shes

pas khyab/ /rnam ldan skyed byed dmigs rkyen dang/ /'dra rnam
gtod byed gzung don yin/ /de gnyis don gcig rnam grangs so/
/rang dbang skyed byed bdag rkyen don/ /thun mong yin min bdag
rkyen gnyis/ /byed rgyu lhan cig skal mnyam rgyu/ /

rnam smin kun 'gro mtshungs ldan drug /dngos dang snga ma gsum
don gcig /dge ba zag bcas mi dge kun/ /rnam smin rgyu ste de
gnyis gcig /nyon mongs kun 'gro kun rgyur nges/ /mtshungs rgyu
.gzhan rig shes dang gcig /rnam smin rgyu mthun skyes @013a @#/ /bu'i byed/ /bdag
'bras bral dang 'bras bu lnga/ /rnam
smin 'bras bu lung ma bstan/ /lung ma bstan la des ma khyab/
/'dus byas thams cad bdag 'bras dang/ /skyes bu'i byed pa'i
'bras bu 'o/ /zag med

dang po ma gtogs pa'i/ /'dus byas thams cad rgyu mthun 'bras/
/bral 'bras dgog bden gnyis don gcig ! /nges par byed pa'i thal
'gyur ni/ /dpal ldan grags pa'i gzhung lugs las/ /phyogs chos de
chas

khyab pa yi/ /gtan tshigs zhes dang gzhan du yang/ /gang du gsal
'ongs kyis brjod pa/ /zhes sogs gsungs pa'i don ltar du/ /shes
bar 'dod pa'i chos can dang/ /bsgrub bya'i chos su bzung bya
dang/ /shes byed kyi ni

gtan tshigs gsum/ /thal ngag 'god pa'i rgyu yin no/ /gzhung lugs
rnams las bshad ltar na/ /rang rgyud ngag dang thal ngag gnyis/
/dang po snyan bya chos can bzung/ /mi rtag yin te byas pa'i
phyir/ /zhes pa lta bu

sbyor ngag yin/ /gnyis pa chos can de nyid bzung/ /ma byas par
thal rtag pa'i phyir/ /zhes pa lta bu thal ngag yin/ /dang po
bsgrub bya'i dam bca' la/ /shes byed rtags su bkod pa yin/
/gnyis pa rgol ba'i pha

rol kyi/ /khas blangs rtags su bkod nas kyang/ /mi 'dod tshad
bsal thal bar 'phangs/ /tshad gsal 'di yi dbang byas nas/ /deng
sang bsal ba zhes par grags/ /'di lta'i 'god tshul gnyis ka yang/
/yongs

@013b grags rtags gsal zhes 'bod pa/ /des na lag tu blang bya
ni/ /rtags la ma sbyar gsal bar yang/ /dngos khyab nyid dang
ltog ste 'bud/ /chos can grub pa'i rjes mi 'brangs/ /bkod tshe
rtags gsal rjes su 'brangs/ /rtags

la sbyar ba yang yod de/ /chos la shes byas khyab ces bzhin/
/'di la la khyab go ba tshang/ /gzhan du 'thad pa min par go /'on
kyang byed mkhan shin tu mang/ /'dod rtags ma grub khyab pa med/
/khyab pa 'gal dang the

tshom za/ /lnga po lan zhes bya ba yin/ /yang na khyab lan gcig
tu bsdus/ /rnam par dag pa'i sgo bzhir grags/ ! /lta ba dbu mar
'jug tshul ni/ /phyi nang dngos po kun chos can/ /bdag med yin te
ci'i phyir na/ /

bdag med min pa'ang bdag med phyir/ /zhes pa'i gtan tshigs chen
po'i don/ /chos kun spros bral bdag med de/ /bdag med min pa'ang
bdag med do/ /zhes pa'i gnas tshul dbu mar gnas/ /gzhan yang
bsdus

pa'i rigs pa la/ /dpyad na thog mtha' mi snyed cing/ /dbus
su'ang gnas par mi 'gyur te/ /khas blangs thams cad 'jig par
'gyur/ /thog mtha' med cing dbus mi dmigs/ /khas blangs med cing
grub mtha'ang

med; ;de'i tshe dbu ma chen po'o/ /dal 'byor lus thob dbang po
rno/ /blo gsal gzhon nu shes 'dod rnams/ /rnam dag gzhung
brgya'i sgo 'byed pa'i/ /rigs tshul 'di la slob par rigs//
(//zhes pa 'di ni/ gdan sa)

@014a @#/ (/bkra shis lhun po'i chos grwa chos khrims pa'i ming
khur 'dzin pa gzhung brgya smra ba'i dbang phyug dka' chen byams
pa thub bstan lags kyis/ 7 kun mkhyen 'jam dbyangs shaNti pas
mdzad pa'i thun mong bsdus pa'i bsdom

tshigs blo gsal dga' bskyed kyi thog tu bsdus tshan tshang ba zhig
dgos zhes bskul don ltar/ 7gong sa 7skyabs mgon yid bzhin nor bu
mchog dang/ kun gzigs paN chen thams cad mkhyen pa mchog gi
gtsos bla ma dam pa rnams kyi zhal snga nas/ chos dang

zang zing gi bka' drin gyis rtag tu 'tsho ba/ mdo sngags grwa
tshang gi zur chen ming 'dzin dka' chen blo bzang bzod pas khyab
sgrog nas rgyu 'bras che ba'i bar gsar snon bgyis te/ 'phags yul
gdan sa chos grwar chen po bkra shis lhun po dpal gyi sde chen
phyogs thams cad las

rnam par rgyal ba'i gling du bgyis pa'o/ /dge 'dis blo gsar
rnams kyis gzhung chen rnam lnga bde blag tu rtogs par 'gyur
cig) /'di ltar par du bsgrubs 'bras ri'i snying po/ /rnam dag
bsngo ba'i 'gyur rtsis sbyangs pa las/ /rgyal ba'i dam chos kun

'dzin bden stobs kyi/ /gser 'od 'khor mtha' de srid 'bar gyur
cig / //(spyi lo 1974 bkras lhun bla spyi lhan khang gi gtso
'dzin sog bla bde ba'i ming can gyis par bskrun bgyis pa'o//)
//bkra shis/ /