@001a @#/ /phar byin spyi don skabs gnyis pa gsum pa'i zur mchan
rab gsal sgron me zhes bya ba bzhugs so//

@001b @##/ /sgo blo'i yig cha rnams su nga rgyal dang 'bral ba
dang/ yul nges pa dang/ khyab pa dang/ rang bzhin dang/ byed las
te khyad chos lnga'i mdo

sbyar tshul ni/ nyi snang le'u brgyad ma gser phreng rnams dang
mthun zhing/ khyad par du le'u brgyad mar/ de'i tshe yang stong
gsum gyi stong chen po'i/ zhes pa nas/ lha'i bu

rnams kyi rnam par smin pa las skyes pa'i lus kyi 'od gang yin
pa/ zhes pa nas/ gong ma'i yang gong ma zhas bya'o/ /zhes bya ba
ni lha rnams kyi 'od mog mog bor mdzad pa

yin no/ /zhes dang/ de nas lha rnams kyi dbang po brgya byin
gyis/ zhes pa nas/ shes rab kyi pha rol tu phyin pa ni gang yin/
zhes bya ba ni snod du rung bar bya ba yin no/ /

@002a @##/ /zhes mog mog por mdzad pa dang/ snod du rung bar bya
ba gnyis la mdo so sor sbyar zhing/ de skad ces smras pa dang/
zhes pa nas/ 'khor

ba'i rgyud kyi mtshams bcad pa'i phyir ro/ /zhes bya ba ni yul so
sor nges pa yin no/ /'on kyang yang gal te bla na med pa yang
dag par/ zhes pa nas/ rjes su yi rang

bar bya'o/ /zhes bya ba ni khyab pa yin no/ /kho bo ni de dag gi
dge ba'i phyogs la bar chad mi byed de/ zhes bya ba ni dang
bzhin yin no/ /khyad par du 'phags pa'i

chos rnams las mchog tu khyad par du 'phags pa'i chos rnams thob
par bya'o/ /zhes pa ni las yin no/ /zhes shin tu gsal bar gsungs
pa ltar yin no/ /

@002b rgyan snang du/ 'od zil gyis mnan pas snod du rung dang/
lha'i bu gang dag sems ma bskyed pa de dag sems bskyed par
gsungs pas yul nges dang/ yang dag pa nyid du nges pa la zhugs
pa ni

sems bskyed pa'i skal ba med pa dang/ de dag kyang sems bskyed
na rjes su yi rang ba dang/ de dag gi dge ba la bar chad mi byed
pa dang/ khyad par du 'phags pa'i chos rnams las zhes sogs

te mdo tshan bzhis khyab pa dang/ bcom ldan 'das bdag cag gis
bcom ldan 'das kyi bka' drin bzo bar bgyi ste/ zhes pa nas/
mngon par rdzogs par 'tshang rgya bar 'gyur ro/ /zhes pas

rang bzhin dang byed las bstan par gsungs te/ khyab pa'i mdo de
dag gi don ni/ ma nges pa'i rigs can rnams dang po nas theg chen
la drang ba dang/ zhugs zin pa rnams mi nyams par gzung

pa'i don du/ yang dag par nges pa rnams sems bskyed pa'i skal ba
med ces dgongs pa can gyi tshig gsungs shing/ 'on kyang gal te
nas rjes su yi rang bar bya'o zhes pas mdo snga ma drang don du

gsungs pa dang/ sngar sems bskyed pa'i skal ba med gsungs pa min
nam/ ji ltar rjes su yi rang zhe na/ kho bo ni zhes sogs kyis
sngar gdul bya'i dbang gis de ltar gsungs kyang/ nyan thos

@003a @#/ /chen po rnams kyi dge ba'i rtsa ba byang chub tu sems
bskyed nas 'tshang rgya bar 'gyur ba la de ltar byed mi nus zhes
bar chad mi byed do/ /'o na nyan thos chen po rnams kyis de ltar
'thob

par nus sam zhe na/ khyad par du 'phags pa'i zhes sogs kyis/
khyad par du 'phags pa'i chos bshes gnyen la sogs pa las ches
khyad par du 'phags pa byang chub kyi sems la sogs pa thob par
nus

so zhes bstan to/ /de ltar bshad tshul mi mthun pa byung ba ni/
le'u brgyad ma dang/ rgyan snang gnyis kyi brten gzhi mdo so so
pa dang/ brgyad stong ba dang nyi khri gnyis la lam shes kyi
rang bzhin dang byed las bstan

pa'i mdo logs su yod med kyi dbang gis yin nam snyam mo/ /rnam
bshad las lha'i bu gang dag gi zhes pa nas/ mtshams bcad pa'i
phyir ro/ /zhes pa tsam khyab pa'i mdor gsungs pa ni/ le'u
brgyad ma dang

rgyan snang gnyis ka dang mi mthun pas dpe dag ma dag dpyad par
bya'o/ ! /mdo dang po'i skabs su lam shes skye ba la nga rgyal
bcom dogs par gsungs pa ni/ de'i tshe 'khor du 'dus pa'i 'dod lha
drug dang gzugs

khams pa rnams la rim pa ltar 'jig rten skyong ba dang/ longs
spyod che ba dang/ lha ma yin dang 'thab mi dgos pa dang/ byams
pa bzhugs pa dang/ rang gi sbrul pa dang/ gzhan gyi sbrul ba la
longs spyod pa dang/

@003b bsam gtan thob pa la sogs pa'i rlom pa so so dang/ thun
mong du rang rang gi gzugs mdzes shing 'od dang ldan pas de la
brten pa'i nga rgyal yod pas de ltar gsungs kyi/ sbyir na lam
shes skye ba la nga rgyal dang zhum pa gnyis ka bsal

dgos pa ni mngon 'byung gi mdor rgyal po zas gtsang gis lam ji
ltar skyed pa lta bu ste/ 'di ni gleng 'bum chen mor blta bar
bya'o/ /des na nga rgyal ni mtshon pa yin gyi chags sogs nyon
mongs gang shas che ba spang dgos par gser

phreng las gsungs so/ ! /snying mchog tu yang dag par skyon med
par zhugs pa ni dman lam gyi myang 'das thob pa la bshad kyang
theg dman 'phags lam thob pa la byed dogs te/ rgyan snang las de
ltar gsungs pa'i phyir dang/ mdzod

las/ 'phags dang mtshams med byed pa dag /yang dag log pa nyid du
nges/ /zhes pa'i yang dag pa nyid du nges pa dang don gcig pa'i
phyir dang/ yang dag par skyon med pa ni mthong lam la sogs pa'i
'phags lam gyi ming yin

pa'i phyir/ ! /kha cig na re/ kho bo ni de dag gi dge ba'i
phyogs la bar chad mi byed/ ces pa'i mdo des 'khor ba mi 'dor
ba'i rang bzhin bstan pa ma yin par thal/ nyan thos chen po de
dag gi dge ba sems bskyed pa'i phyogs la skyed

mi nus zhes par chad mi byed ces bstan pa yin pa'i phyir zer na
ma khyab ste/ sgras zin la de ltar bstan kyang/ spas don la
gzhan don du 'khor bar skye ba mi spong ba'i rang bzhin bstan
pa'i phyir/ ! /drod dang rtse mo pa gnyis slob ma ste nyon thos

@004a @#/ /kyi rigs las log nas sangs rgyas su 'gyur ba yod la/
gzhan rang rgyal du 'gyur ba ni drod dang rtse mo dang bzod pa
sa gsum las kyang 'gyur ba yod do/ /zhes pa'o/ ! /spyi don 'dir/

'on kyang lhag bcas pa'i rten la gnas bzhin pa'i ngang nas theg
chen lam du 'jug pa min te/ des gzhan ngor lhag med du mya ngan
las 'das tshul bstan nas lus gzhan zhig blangs te/ dben par gnas

ba na sangs rgyas kyi gsung gis bskul nas theg chen lam du 'jug
pa'i phyir/ zhes pa ni/ gser phreng las/ lhag bcas nas ldog pa'i
tshul yang rdzu 'phrul gyi mthus tshe bsrings nas byang chub
bsgrub la/

rang gi lus mya ngan las mi 'da' bar byin gyis rlob cing/ sprul
pa'i lus kyis gzhan ngor lhag med du 'da' tshul bstan nas/ lus
snga ma lha rnams kyis kyang mi mthong bar dben par gnas te
tshigs yongs su

rdzogs par byed do/ /zhes gsungs pa'i don bkod par snang la/
gser phreng gi lung 'di ltar na/ lung gi rjes 'brang sems tsam
pa'i lugs la/ byang chub yongs 'gyur ba'i dgra bcom bas tshe 'pho
ba dang lus

gzhan len pa gang yang med de/ de nyid rten de la 'tshang rgya
bar nges pa'i phyir ro/ /'di la kha cig na re/ mchog zung nang
gi shA ri'i bu chos can/ byang chub yongs 'gyur ba'i dgra bcom
pa ma yin par thal/ de nyid

@004b nA len drar 'khor dgra bcom pa brgyad khri dang lhan cig
lhag med du 'da' bar lung las gsungs pa'i phyir nam khyab ste/
de ni gzhan dor lhag med du 'da' tshul bstan nas sbrul ba'i ring
bsrel bzhag pa yin pa'i phyir te/ gser

phreng las/ sbrul ba'i lus kyis gzhan dor lhag med du 'da' tshul
bstan nas/ zhes pa'i don de yin pa'i phyir ro/ /kha cig /lus
snga ma gnas bden par bzhag nas sprul pa'i lus bzung ste tshogs
rdzogs par byed zer pa mi

'thad de/ de ltar na shA ri'i bu'i ring bsrel la mchod rten
byas par gsungs pa mi 'thad par 'gyur ba'i phyir te/ snga ma'i
lus ni lha mi phal bas mi mthong la/ sbrul ba'i lus ni gson lus
su 'gyur bas ring bsrel du mi rung ba'i phyir/

shA ri'i bu byang chub yongs 'gyur ba'i dgra bcom pa ma yin par
'dod mi nus te/ des lhag bcas pa'i rten de la sems bskyed nas
lung bstan thob nges yin pa'i phyir te/ pad dkar las/ ma 'ongs
dus na shA ri'i bu khyod kyang/ /rgyal

ba de bzhin gshegs par 'byung 'gyur te/ /padma'i 'od ces bya ba
kun tu spyan/ /srog chags rgya ba stod dag rnams par 'dul/ /zhes
gsungs pa'i phyir/ des na spyi don gyi dgongs pa'ang gser phreng
dang mthun pa len dgos so/ /rtog

ge 'bar ba'i tshig zin tsam la brten nas 'jam dbyangs bzhad pa'i
dbu ma'i yig char pad dkar nas lung bstan pa'i shA ri'i bu de
mchog zung nang gi shA ri'i bu dang rgyud tha dad par bshad pa
lta bur snang yang/ de ltar na lung des mthar thug

@005a @#/ /theg pa gsum du sgrub par gser phreng sogs nas gsungs
pa 'brel med du 'gyur ba'i phyir khas len mi rung ngo/ ! /theg
pa gcig tu gsungs pa'i dgongs gzhi bdun ni/ bgrod bya'i theg pa

gang zag gsum gyi chos kyi dbyings nam mkha' ltar tha dad med
par mtshungs pa dang/ bgrod pa po'i theg pa gang zag gsum bdag
med par mtshungs pa dang/ gang gi ched du bgrod pa'i theg pa
'bras bu rnam grol rnams

mtshungs pa dang/ zhes sogs gser phreng las gsungs pa ni rgyan
'grel rnams dang shin tu mthun pas/ rnam bshad dang sgo blo'i
yig cha rnams su theg pa gsum ga'i gang zag rnams bdag med rtogs
par mtshungs pa zhes

pa ni yi ge nor ram snyam mo/ /dgongs gzhi lnga pa bsam gnyis
thob pa'i skabs su nyan thos su rigs nges pa kha cig re zhig
byang sems kyi spyad pa spyod pa yod par gsungs pa ni/ nyan thos
su rigs nges pa la theg chen

sems bskyed mtshan nyid pa skye mi rung yang sems bskyed bcos mas
kun nas bslangs te sbyin sogs la spyod pa zhig yod dam snyam mo/
/dgongs gzhi drug pa'i skabs su sbyi don 'dir shA ri'i bu sbrul
ba'i nyan thos su gsungs

pa dpyad bya ste/ thun mong min pa'i lugs ltar na/ shA ri'i bu
sgrib pa rnams sel gyi sbrul par bshad pa sogs yod kyang/ skabs
'dir spyod 'jug dar DIka nas byung ba ltar rigs ma nge pa'i
nyan thos su 'dod dgos pa lta

@005b bur snang ba'i phyir ro/ ! /'phags seng gi 'grel ba rnams
su rgyud bla rtsa 'grel gyi lung ma drangs pa'i rgyu mtshan yod
de/ der dus su rgyud bla ma'i dpe nub nas ma rnyed pa'i phyir
dang/ dus phyis mnga' bdag me tri pas mchod rten

zhig gi ser kha nas 'od yang yang 'phro ba gzigs nas/ de la zhig
gso dang bcas ci 'dug btsal bas tA la'i lo mar bris pa'i rgyud
bla ma dang chos dang chos nyid rnam 'byed gnyis kyi dpe rnyed
par gsungs pa'i phyir/ de'i phyir spyi don

'dir thogs med kyis rgyud bla ma dbu ma'i lugs su bkral bar slob
dpon yang bzhed par rnam bshad las gsungs pa ni don la gnas pa
la dgongs pa yin zhes dogs gcod mdzad do/ ! /gser phreng las
'khor ba'i phyi mtha' med

pa rang lugs su mdzad kyang/ rnam bshad las 'khor ba'i phyi
mtha' yod pa rang lugs su bshad de/ sgrub byed kyi rigs pa ni
rnam 'grel las/ 'grib dang phul byung bsten pa kun/ /mi mthun
phyogs dang bcas nyid phyir/ /de

goms pa las bdag 'gyur bas/ /la lar zag pa zad par 'gyur/ /zhes
nyes zad kyi skyes bu yod par sgrub pa de yin la/ /de yang mthar
gtugs na dre ma glo bur ba dang sems kyi rang bzhin 'od gsal ba
yin pas rkyen dang phrad na

sgrib pa spang rung dang gnyen po skye rung du sgrub pa de yin
no/ /'di la kha cig na re/ sems can thams cad sangs rgyas par
nges pa lta zhog /'tshang rgya bar rung tsam yang ma yin te/
'bras bu skye rung ba la rgyu tshogs tshang ba zhig dgos 
@006a @#/ /la/ sems can thams cad la sangs rgyas pa'i rgyu tshogs
mtshang ba'i phyir/ dang po grub ste/ rnam 'grel las/ rgyu tshogs
pa las 'bras skye bar/ /rjes su dpog pa gang yin pa/ /don gzhan
la ni mi ltos phyir/ /de ni rang bzhin yin par

brjod/ /ces nas kyi sa bon dang chu lud dro dag sher sogs dus
dang mtshams par tshogs pa'i zhing der rang phyogs chos su grub
pa'i gzhir rang 'bras nas myug skye rung bar sgrub pa'i rang
bzhin gyi rtags yang dag yin par gsungs pa'i phyir na

ma khyab ste/ 'di ni rgyu tshogs tshang na 'bras bu skye rung gis
khyab par gsungs pa yin gyi/ 'bras bu skye rung yin na rgyu
tshogs tshang bas khyab par ma gsungs pa'i phyir/ byas pa la kho
na re/ 'bras bu skye rung yin na rgyu tshogs tshang bas khyab par

thal/ de nyid las/ rgyu ma tshogs pas 'bras bu ni/ /rjes su dpog
pa gang yin de/ /lhag ma dang ldan nus med phyir/ /lus las 'dod
chags rjes dpog bzhin/ /zhes chu lung dang bral ba'i nas kyi sa
bon de rang phyogs chos su grub pa'i

gzhir rang 'bras nas myug skye rung du dpog pa'i lhag ldan gyi
gtan tshigs yin pas bsgrub bya sgrub pa'i nus pa med pa'i phyir/
dper na spyod pa ba sogs lus rgyas/ dbang po dangs/ blo gsal ba
tsam las 'dod chags rjes su

dpog ba bzhin yin par gsungs pa'i phyir zer na/ de la yang khyab
pa med de/ chu lud dang bral ba'i nas kyi sa bon yin na rang
'bras nas myug skye rung yin pas khyab pa med par gsungs pa yin
gyi/ de yin na rang 'bras nas myug skye mi rung

@006b bas khyab par ma gsungs pa'i phyir te/ de 'dra ba'i nas
kyi sa bon de la rang 'bras nas myug skye rung mi rung gnyis yod
pa'i phyir te/ chu lud drod gshed sogs kyi rkyen dang 'phrad par
'gyur ma 'gyur gnyis yod pa'i phyir te/ dper na lus rgyas/ dbang
po dangs/

blogs la ba de la tshul min yid byed kyi rkyen dang 'phrad par
'gyur ma 'gyur gnyis yod pas/ de las 'dod chags skye rung mi
rung gnyis yod pa bzhin yin pa'i phyir ro/ /kha cig na re/ sems
can yin na 'tshang rgya bar rung bas ma khyab ste/ de yin na
'tshang

rgya ba'i rkyen dang 'phrad par 'gyur pa yod pas ma khyab pa'i
phyir/ dper na nas kyi sa bon yin na chu lud drod gsher sogs kyi
rkyen dang 'phrad par 'gyur ba yod pas ma khyab pa bzhin yin
pa'i phyir zhe na/ de gnyis mi mtshungs te/ nas gyi sa bon de chu
lud drod gsher

sogs kyi rkyen dang ma 'phrad par rgyun chad pa yod la/ sems can
rgyun chad pa med cing/ sangs rgyas kyi 'phrin las kyang 'khor
pa ma stongs kyi bar du rgyun mi chad pas na sems can gang yin
kyang 'tshang rgya ba'i rkyen dang nges par 'phrad par 'gyur ba'i
phyir ro/ ! /rnam 'grel

las/ kha cig smra sogs phyir na skyon/ /zad min zhes zer 'di
ldog la/ /the tshom za pa de phyir 'khrul/ /zhes gsungs pa ltar/
rgyal dpogs pa sogs kha cig na re/ thub ba chos can/ skyon zad
pa min te/ dag smra ba'i phyir dang/ dbang po la sogs pa dang
ldan pa'i phyir/

lam po che'i skyes bu bzhin zhes zer ba la/ rtags 'di chos can/
khyab pa 'khrul pa yin te/ khyod kyi ldog pa la the tshom za ba
tsam zhig 'dren pa'i rtags yin pa de'i phyir/ zhes 'gog par byed
do/ /the tshom 'dren tshul ni/ sangs rgyas pas nyes zad kyi skyes
bu

@007a @#/ /rag smra ba yod par grub zin ma brjod pas de la the
tshom 'dren pa min gyi/ rgol ba rang gis nyes zad kyi skyes bur
ngag smra ba yod med gang la yang sgrub byed ma mthong bar smra
ba yin pas/ de la ldog khyab nges pa'i sgrub

byed dris pa na the tshom 'dren pa'i don no/ /dam bca' la mtha'
bcad nas 'gog pa ni/ rtag nyid phyir ram thabs med phyir/ /yang
na thabs ni mi shes phyir/ /skyon rnams mi zad pa nyid ces/
khyad par yongs su rtog grang na/ /zhes pa ltar/ nyes

pa zad pa mi srid pa'i rgyu mtshan chags sogs skyon rnams rtag pa
yin pa'i phyir ram/ mi rtag pa yin kyang spong byed kyi thabs
med pa'i phyir ram/ thabs yod kyang sus kyang mi shes pa'i phyir
ram/ bslabs na shes par nus kyang don du gnyar

ba med pa'i phyir ram/ don du gnyer ba yod kyang ston mkhan med
pa'i chags sogs skyon rnams mi zad pa yin zhes rtog gring na/
lan ni/ rgyu yod phyir rang rgyu yi ni/ gnyen po goms pa'i zad
phyir dang/ rgyu yi rang bzhin shes pa yis/ /de shes pa

yang grub pa yin/ /zhes pa ltar/ de dag rtag pa min te/ khyod
bskyed pa'i rgyu yod pa'i phyir dang/ spong thabs med pa ma yin
te/ khyod kyi rgyu bdag 'dzin gyi gnyen po goms pas zad nus pa'i
phyir dang/ spong thabs shes pa'ang med pa ma yin te/ rgyu bdag

'dzin gyi rang bzhin shes pas de'i gnyen po shes pa'ang grub
pa'i phyir dang/ don gnyer med pa ma yin te/ brtse ldan sdug
bsngal gzhom pa'i phyir/ /thabs rnams la ni mngon sbyor mdzad/
/ces sogs kyis don du gnyer ba yod par bsgrubs zin pa'i

@007b phyir dang/ ston mkhan med pa ma yin te/ skyob pa nyid
gzigs lam gsungs pa/ /'bras med phyir na brdzun mi gsung/ /thugs
brtse ldan phyir rtsom kun yang/ /gzhan gyi don du sbyor phyir
ro/ /zhes pa des sgrub par 'gyur ba'i

phyir ro/ /des na brtag pa phyi ma gnyis lan dang bcas pa don la
thob kyang bsgrubs zin pa dang sgrub par 'gyur ba yin pas na/
mtha' bcad nas 'gog pa'i skabs 'dir dngos su ma bkod pa yin no/
/rnam 'grel nas de ltar bshad pa

la spyi don 'dir brtag pa dang po lan dang bcas pa ma byung ba
ni yi ge chad dam snyam mo/ ! /blo gros rgya mtshos zhus pa'i mdo
nas gsungs pa'i byang sems 'khor bar skye ba len pa'i rgyu
brgyad po de lam shes kyi thabs kyi cha yongs su rdzogs pa yin

par rnam bshad las gsungs pa ltar spyi don 'dir yang bkod pa yin
la/ 'on kyang gser phreng las/ zag med kyi las ni nyon mongs
dang ma 'dres la srid pa'i rgyur gyur pa'i sems pa ste sngar
bstan pa brgyad po lta bur mngon no/ /zhes kun

'byung phra mo lta bur gsungs pas dpyad par bya'o/ ! /rnam bshad
las 'dir bstan rnam pa'i grangs gsal bar ma bshad pa yin zhing/
gser phreng las/ gang na sdug kun so so'i brgyad kun thun mong
du bcu bzhi/ 'gog pa'i bdun lam

gyi bzhi ste rnam pa so gsum/ zhes gsungs pa la/ spyi don 'dir
sdug kun thun mong gi bdun dang/ nges 'byung gi bzhi gcig tu
byas nas nyer gsum du bshad pa khas len rung mi rung dpyad bya
ste/ rtogs dkar nges 'byung gi bzhi

@008a @#/ /gcig tu byas pa dang/ sher 'byung gis sdug kun thun
mong gi rnam pa bdun du byas pa gnyis ka 'grel chen gnyis kyi
dgongs pa min par gser phreng las gsungs pa'i phyir ro/ ! /nyan

thos rnams sbyor lam gyi skabs su pha rol dgra lta bu dang 'jig
pa'i chos can gyi rnam pa gnyis kyi sgo nas sdug kun la yid
'byung ba'i phyir zhugs pa dang/ mthong lam gyi skabs su yid
'byung ba dang/ mthong lam dang tha ma

ma gtogs pa'i sgom lam gyi skabs su g.yo ba dang rab tu 'jig
pa'i rnam pa gnyis yi sgo nas sdug kun la 'dod chags dang bral
ba'i phyir zhugs pa dang/ sgom lam tha ma'i skabs su 'dod chags
dang bral ba dang/ lhag

bcas dgra bcom pa'i skabs su 'jig pa dang 'go ba'i nang lta bu
dang nye bar 'tshe ba'i rnam pa gsum gyi sgo nas sdug kun 'gog
pa'i phyir zhugs pa dang/ lhag med kyi dbyings su zhugs pa'i tshe
'gog pa yin zhes bshad na

gser phreng rnam bshad gnyis ka dang mthun no/ ! /rang rgyal
gsum gyi khyad par ni dbu ma snying po las/ 'ga' zhig bskal pa
brgyar sangs rgyas/ /'byung ba rnams la legs mchod cing/ /rang
rgyal byang chub phyir

brtsams nas/ /smin par byed do 1 gzhan dag ni/ /sangs rgyas
mnyes byas nges 'byed kyi/ /cha mthun bskyed pa rdzogs byed do/
/gzhan ni sangs rgyas 'byung la 'bras/ /thob byed dgra bcom
mngon mi byed/ /ces

@008b gsungs pa ltar rim bzhin sangs rgyas las chos thos pa'i
tshe rabs rnams su tshogs lam dang/ sbyar lam dang/ 'bras bu dang
po gnyis gang rung thob pa yod kyang/ rim bzhin sbyor lam dang/
mthong lam dang/ phyir mi 'ong yan

chad thob pa med la/ srid pa tha ma'i tshe rim bzhin sbyor lam
dang/ mthong lam dang/ phyir mi 'od yan chad mngon du byed par
gser phreng sogs las gsungs shing/ spyi don 'dir yang de ltar
bshad pas/ rnam bshad las rang/

rgyal gnyis tsam du phye nas/ phyi ma ni slob dpon gyi drung du
sbyor lam ma thob nas/ /phyi ma la mthong lam bskyed cing/ de'i
skye ba rteng ma la dgra bcom pa thob par bshad pa de la yi ge
chad lhag 'byung mi 'byung dpyad par bya'o/ ! /rang rgyal

rnams ni byang chub mngon du byed tshul gyi sgo nas nyan thos las
khyad par du 'phags te/ srid tha'i tshe gzhan gyis bstan pa lam
ltos par rang gi byang chub thob nus pa'i phyir/ chos ston tshul
gyi ston nas nyan thos las khyad par du 'phags

te/ gdul bya la sgra med par lus kyis chos ston nus pa'i phyir/
des na rang rgyal dgra bcom pa'i ye shes ni zab pa gnyis dang
ldan te/ shes pa zab pa dang ma brjod pa zab pa gnyis dang ldan
pa'i phyir te/ gser phreng las/ mnyam

gzhag tu brjod pa'i yul ma yin pa'i don rtogs pa ni shes pa zab
pa ste/ gzhan gyis rang la bstan mi dgos pa'o/ /rjes thob tu
ngag gi 'bras rtags las gzhan gyis mi rtogs pa ni ma brjod pa
zab pa ste/ rtsa ba'i yang sgras bsdus pa

@009a @#/ /gzhan la rang gis bstan mi dgos pa'o/ /zhes gsungs
pa'i phyir ro/ /nyan thos srid mtha' ba de sangs rgyas sogs las
gdams ngag thos pa ni gzhan la mngon gyur yin pas na/ thos pa la

sogs pa'i rgyu rkyen tshang ba'i rtags kyis nyon mongs spangs
ba'i ye shes skye rung bar dpog par sla ba yin kyang/ rang rgyal
ni srid mtha'i tshe gzhan las gdams dag ma thos par keng rus
mthong ba lta bu'i rkyen tsam la brten nas nyon

mongs spangs pa'i ye shes mngon du byed pa yin pas/ thos ba la
sogs pa'i rgyu rkyen tshang ba'i rtags kyis de 'dra ba'i ye shes
skye rung bar dbog bar dka' ba ni shes ba zab pa'i don yin nam
snyam mo/ /nyan thos dgra bcom pa ni

chos stan pa'i ngag gi 'bras rtags spyi dang khyad par du 'bras
bu thob tshe bdag gis bya ba byas so/ /'di las srid pa gzhan mi
shes so zhes sogs gzhan la sgrog par byed pas na dgra bcom thob
par gzhan gyis dpog par sla yang/ rang rgyal

gyi ye shes de de 'dra ba'i ngag gi 'bras rtags kyis dpog par
dka' ba ni ma brjod ba zab pa'i don yin no/ /'o na gser phreng
las/ zab pa snga ma la ni phyi mas kyang khyab la de la ni snga
mas ma khyab bo zhes gsungs pa ltar ro/ /zhes

shes ba zab pa yin nam brjod pa zab pa yin pas khyab pa dang/ ma
brjod pa zab pa yin na shes pa zab pa yin pas ma khyab bar
gsungs pa'i don gang yin zhe na/ sangs rgyas las gdams ngag thos
pa'i tshe de la gnas pa'i

@009b rang rgyal 'phags pa'i ye shes ni ma brjod pa zab pa yin
la shes pa zab pa ma yin pa dang/ rang rgyal dgra bcom pa'i ye
shes ni zab pa gnyis ka yin pa'i don yin nam snyam mo/ /'on
kyang rje'i gsung de rjes 'jug rnams kyis ma gzigs pa ltar

bzhag pa yin pas tshim mi snga bar dpyod cig /nyi snang le'u
brgyad ma gnyis dkar bstan mi dgos pa dang shes pa zab ba'i mdo
dang mdzod pa zab pa'i mdo gnyis sbyar bas/ de'i ltar na rtsa
ba'i rkang pa tha ma gnyis ye shes zab pa dang/ dang

po gnyis bstan mi dgos pa'i don can du 'chad cing/ 'grel ba 'di
ltar na rang la gzhan gyis bstan mi dgos pa rkang ba dang po
gnyis dang/ rang gis ston pa sgra la mi ltos pa tha ma gnyis
kyis bstan to zhes gser phreng las gsungs so/ !/

rtogs dka'i snang bar/ smon lam sogs kyis thus sangs rgyas rtog
med du chos ston nus bltar/ rang sangs rgyas kyang de'i mthus
sgra med du chos ston nus zhes dpe don sbyar ba yin gyi/ rang
sangs rgyas dang sangs rgyas sgra med du chos

ston par 'dra'o zhes sbyor ba ni min te/ gsung dbyangs yan lag
drug cu mi srid par thal ba'i phyir ro/ /rang sangs rgyas sgra
med du lus kyis chos ston zhes 'chad pa ni pa bcol te/ lus ngag
gi nam bar rig byed la kun slong dgos mi dgos

khyad par med pas/ ngag gis chos bstan pas shes pa'i rtsal rtogs
na lus kyis bstan pas kyang rtogs pa'i phyir ro/ /zhes pa nas/
yid kyis chos ston pa yin te/ zhes dang/ smon lam la sogs pa'i
mthus rang gi yid la

@010a @#/ /bsam pa tsam gyis gdul bya la don de go bar byed nus
pa'i phyir/ zhes gsungs kyang/ gser phreng rnam bshad gnyis kang
sangs rgyas kyis sgra med par chos ston pa yod par gsungs shing/
rab

rgyal gtso cher sgra med par lus kyis chos ston par gsungs pa ni
rgyud 'grel sgron gsal gyi dgongs pa yin no/ /yang rnam bshad
las/ kha cig dag gis chos ston pa dang lus kyi ston pa shes pa'i
rtsa la rtogs par byed pa la

khyad par med par 'dod pa mi rigs te/ lus kyis rdzu 'phrul bstan
pas gdul bya rnams kyis rdzu 'phrul dang ldan pa tsam zhig rtogs
nus kyi/ bdag med kyi rtogs pa dang ldan par rtogs mi nus pa'i
phyir dang/ ngag gi 'bras

dag las nus pa'i phyir ro/ /zhes gsungs kyang dpyad par bya ste/
gser phreng las/ sgrar brjod pa med pa'i chos ston pas gdul bya
gzhan dag mngon mtho'i lam dge ba bcu dang/ sogs pas nges legs
kyi lam

bdag med rtogs pa la 'jug par byed de/ zhes lus kyis chos bstan
pa la brten nas gdul byas bdag med rtogs pa yod par gsungs
shing/ rnam bshad rang las kyang de ltar gsungs pa/ lus kyis
chos bstan

pa la brten nas gdul byas bdag med rtogs nus kyang ston pa po la
bdag med kyi rtogs pa yod par rtogs mi nus zhes pa'i zhib cha
blo la 'char dka' ba'i phyir ro/ /yang rnam bshad las/ rdzu
'phrul bstan dgos snyam

@010b pa'i kun slong la nges par ltos na/ rang gis chos mi ston
pa'i rgyu mtshan ltar snang du 'gyur bas/ de 'dra'i kun slong la
mi ltos par rdzu 'phrul ston nus la/ de mthong ba la brten nas
gdul bya'i rgyud la mngon mtho des legs kyi rtogs pa

bskyed nus pa smon lam gyi 'bras bu yin pas so/ /zhes gsungs pa
yang dpyad bya ste/ gser phreng las/ sgra med kyang ji ltar
bstan 'dod kyi rnam pa'am tshul de kho na ltar ro/ /zhes lus kyis
chos bstan 'dod kyi kun slong

yod par gsungs pa'i phyir ro/ /mkhas pa kha cig /sgra med lus
kyi rnam 'gyur gyis ston pa'i gdams ngag yod kyang de gdams ngag
min gsungs pa'ang dpyad bya ste/ rang rgyal lus kyis chos ston
pa'i tshe gdul bya'i yid

kyi rnam par shes pa la chos kyi tshig don gnyis ka 'char ba'i
tshig de ni sgra med par lus kyis ston pa'i gdams ngag yin pa'i
phyir te/ dper na rgyan rtsom kha ma'i rje btsun byams pa'i
thugs la shar ba'i mngon rtogs rgyan bzhin

yin pa'i phyir dang/ gser phreng las kyang/ ngag gi sgra rang
mtshan pa la 'dod na yang/ ngag tu mthon na bstan bcos ma brtsams
pa dang/ bse ru lta bus kyang gdul bya la chos ma bstan par
'gyur ro/ /zhes lus

kyis stan pa'i bstan bcos de bstan bcos yin par gsungs pa'i
phyir ro/ ! /'dir bshad pa ltar gang zag bcu gnyis las/ rang
rgyal tshogs lam bar gyur ba'i gang zag gsum ni chos nyid kyis
thob pa'i rigs kyi gang zag

@011a @#/ /dang/ rang rgyal sbyor lam bar gyur ba'i gang zag gsum
ni yang dag par bsgrubs pa'i rigs kyi gang zag dang/ rang rgyal
'phags par gyur ba'i gang zag gsum ni rang rgyal du nges pa'i

rigs kyi gang zag yin par gser phreng las gsungs te/ rgyan snang
gi dgongs pa'o/ /nyi khri'i gang zag tha ma gnyis dang bsdud
pa'i tha ma gcig ste gsum ni kun la sbyar bar yang gser phreng
las gsungs so/ /

rtogs dka'i snang bar gang zag de dag byang chub sems dpa' dngos
yin par bshad kyang/ phyir mi ldog pa ni rang byang chub las mi
ldog pa dang/ de nyid rang gi byang chub 'dod pas byang chub
sems dpa' dang/ sangs

rgyas mi bzhugs pa'i zhing du lus kyis chos bstan nas sems can
gyi don byed par 'dod pas sems dpa' chen por rgyan snang las
bshad pa ltar gser phreng du yang gsungs so/ ! /mthong lam bar
chad med lam dang rnam grol lam

gyi sems rten la 'dod sems dang gzugs med kyi dngos gzhi med par
bshad pa yin gyi/ 'dod sems dang gzugs med kyi dngos gzhi sems
rten byas pa'i mthong lam med pa min te/ de dag gi ngo bor gyur
ba'i mthong

lam yod pa'i phyir ro/ ! /gser phreng las/ bsam gtan gyi dngos
gzhi la zhi rags kyi rnam pa can gang nas kyang ma bshad la/
rigs pas kyang mi 'thob ste/ sa gong 'og la zhi rags su lta ba
ni 'ogs las rgyal ba'i

@011b lam yin la/ dngos gzhi zag bcas na spong lam yin par 'gal
ba'i phyir/ zhes gsungs pa ma gtogs lam rim che bar de ltar
gsungs pa yod med pa tsal bar bya'o/ /'di la kha cig na re/ zhi
rags kyi rnam pa can gyi dngos gzhi yod de/ zhi rags ci

rigs kyi rnam pa can gyi dngos gzhi yod pa'i phyir te/ zhi ba'i
rnam pa can gyi de yod pa'i phyir te/ 'jig rten pa'i rnam grol
lam gyi ngo bor gyur pa'i de yod pa'i phyir/ khyab ste/ mdzod
las/ 'jig rten pa yi rnam grol lam/ /bar chad med lam go rim

bzhin/ /zhi sogs rags sogs rnam pa can/ /gong dang 'og ma'i
spyod yul can/ /zhes gsungs pa'i phyir zer na/ 'jig rten pa'i
rnam grol lam dgu pa ma gtogs pa'i dngos gzhil zhi rags ci rigs
kyi rnam can med pa ni gser phreng gi don yin

la/ rnam bshad las zhi rags rnam can gyi dngos gzhi yod par
gsungs pa ni dngos gzhi dag pa la ba la dgongs so/ ! /sgo blo'i
yig cha gnyis kar rnam bshad kyi rjes su 'brang nas 'grel chen
du bkod pa'i lugs gsum zhes bshad kyang dpyad

gzhi shin tu che ste/ rtogs ka'i snang bar lugs gnyis tsam bkod
nas/ lugs gnyis pa la bzhugs gnas mi rung ba'i skyon brjod cing/
lugs dang po seng bzang gis rang lugs yin par bshad la/ gser
phreng las kyang

lugs de gnyis tsam bkod nas lugs gnyis pa mi 'thad par bsgrubs
cing/ dang po la dgag pa ma mdzad bsag ser phreng dang rtogs
dka'i snang ba gnyis dgongs pa gcig mi gcig dpyod dgos la/ rnam
bshad las lugs gsum
@012a @#/ /bkod nas dang po gnyis mi 'thad par bsgrubs pa dang/
gsum ba seng bzang gi rang lugs su bshad kyang bshad tshul ni
'grel chen gyi sgras zin gyi tshod dang 'grig dka' bar snang ba'i
phyir ro/ /

des na 'grel chen gyi sgras zin gyi tshod ltar cung zad 'chad pa
la gnyis/ 'dod ba dgod pa dang/ de 'thad mi 'thad dbyad pa'o/
/dang po la gnyis las/ lugs dang po ni/ 'bras bu'i mngon rtogs
la ltos nas mthong

lam skad cig ma gcig yin la/ so sor rtogs pa'i mngon rtogs la
ltos nas skad cig ma bcu drug go zhes zer/ dang po'i don ni bden
bzhi la rim pa ltar shes spong mngon sgom gyi bya ba dus gcig tu
byad ba ste/ sdug bsngal

mthong ba'i tshe sdug bsngal mthong spang spong la/ de kun 'byung
yin pas kun 'byung yang spong/ de spangs pa 'gog pa yin pas 'gog
pa yang mngon du byed/ de yang lam sgom pa med na med pas de dag
dus gcig yin zhes pa'o//

kun 'byung sogs la yang de bzhin du sbyor bar rgyan snang las
bshad do/ /gnyis pa'i don ni bya ba byed pa'i mngon rtogs skad
cig ma gcig yin kyang/ bden pa re re la sgo 'dogs kyi rnam pa mi
'dra ba bcad nas rjes su nges pa skyes

ba'i rim pa la ltos nas bcu drug tu bzhag ces pa'o/ /spyi don
'dir lugs 'dis shes bzod skad cig ma bcu drug cig car skye bar
'dod par bshad kyang/ bden bzhin la bya ba byed tshu bzhi cig car
yin pa tsam la dgongs

@012b ba yin gyi/ sgras zin ltar khas len du mi rung ste/ lugs
'dis shes bzod skad cig ma bcu drug ra zam par 'gro ba ltar rim
can kho nar skye bar 'dod pa'i phyir ro/ /rnam bshad las lugs
'di la 'gog lam cig car thob pa dang/

bar chad med lam rnam grol lam cig car skye bar thal ba'i skyon
brjod kyang skyon de mi 'jug gam snyam ste/ de'i 'gog pa mngon
du byed ces pa 'gog bden thob pa'i bya ba byed pa'i don yin gyi/
'gog bden mngon du byas pa'i don ma yin pa'i

phyir te/ rgyan snang dang gser phreng las kyang lugs 'dil de
'dra ba'i skyon yod par ma gsungs pa'i phyir ro/ /lugs gnyis pa
ni/ bya ba byed pa'i mngon rtogs skad cig ma gcig yin par ma zad
so sor rtogs pa'i mngon rtogs kyang skad cig

ma gcig yin te/ chos thams cad dngos po med pa'o zhes bsgoms pas
sgom pa mthar son pa na/ don gyi rang gi ngo bo gcig /bdag nyid
mngon sum yin pa la/ /tshad ma rnams kyis brtag bya gang/ /ma
mthong cha gzhan ci zhig yod/ /ces

sgra 'dzin mngon sum gyis sgra'i don gyi rang gi ngo bo gcig po
de mngon sum du mthong ba na/ de dag rdzas cha so sor dbyer med
pa'i sgo nas de'i bdag nyid du gyur ba'i rdzas kun mngon sum du
mthong bas khyab pa'i phyir/ sgra 'dzin mngon sum gyis ma mthong

pa'i cha gzhan sgra'i byas mi rtag sogs tshad ma gzhan rnams kyis
brtag cing gzhal ba'i sgo nas mthong bar bya ba gang ci zhig yod
de med gsungs pa ltar/ bden bzhi'i de kho na nyid mngon sum du
rtogs pa'i zag med kyi ye shes skyes pa na/ slar yang

@013a @#/ /ma mthong ba mthong bar byar med pa'i phyir ro/ /spang
bya spong tshul yang 'jig lta dang chags sogs nyon mongs ni dngos
por mngon par zhen pas kun nas bslang la/ de las grol ba ni zhen
pa

ltar med par mthong ba las yin pa'i phyir de la yang rim pa med
do/ /zhes zer/ rnam bshad las lugs 'dis bar chad med la ma dang
rnam grol lam snga phyi rim can du mi skye bar 'dod par gsungs
kyang dpyad bya ste/

so sor rtogs pa'i mngon rtogs skad cig ma gcig yin zhes pa ni/
yul de bzhin nyid rtogs tshul mi mthun pa med pa rgyun gcig pa'i
don yin par gser phreng las gsungs pa ltar yin gyi/ so sor rtogs
pa'i mngon

rtogs skad cig ma gcig gi yun tshad can yin zhes pa'i don ma yin
pa'i phyir te/ gzhan du na slob dpon zla grags kyi lugs la yang
skyon de 'jug par 'gyur ba'i phyir te/ zla grags kyis bden pa
mngon rtogs skad cig

ma gcig tu bzhed pa ni lugs 'di dang mtshungs pa'i phyir te/ rigs
ba drug cu ba las/ chos shes pa yi mjug thogs su/ /'di la bye
brag yod na ni/ /zhes sogs kyi 'gril bar/ de ltar rten cing
'brel bar

'byung ba skye ba med pa dang 'gag pa med pa la dmigs pa'i chos
shes pas bden pa gsum rten cang 'brel bar 'byung ba ngo bo nyid
kyis ma skyes pas/ mya ngan las 'das pa lang de'i ngo bo nyid
yin par mthong bas mngon par rtogs pa

@013b gcig tu zad do/ /gal te de lta na mthong ba'i lam skad cig
ma bco lngar ji ltar bzhag /sde ba kha cig ni mthong ba'i lam
skad cig ma bco lngar mi 'dod kyi mngon par rtogs pa gcig tu zad
par 'dod de/ de dag gi 'dod pa dang bsang ba

'di mi 'gal lo/ /zhes gsungs pa'i phyir dang/ mthong lam bar
chad med lam dang rnam grol lam snga phyi rim can du mi skye bar
'dod na zla grags kyi bzhed ba dang mi 'gal bar mi 'gyur ba'i
phyir ro/ /gnyis pa ni/ slob dpon seng

bzang na re/ lugs phyi ma mi 'thad de/ de ltar na skad ma gcig
la mthong lam gyi rtogs bya'i rnam pa thams cad rdzogs pas/ rnam
pa lhag ma'i sgo nas mthong lam sgom pa med pa'i phyir mthong
lam la zhugs gnas kyi rnam gzhag

mi 'thad par 'gyur ba'i phyir/ skyon gzhan yang/ gzugs chos
mthun pa mthong ba las/ /nya phyis la dngul rnam pa ltar/ /gal
te 'khrul ba'i rgyu mtshan gyis/ /yon tan gzhan sbyor mi byed na/
/zhes sgra 'dzin mngon sum

gyis sgra dang grub bde dbyer med rdzas gcig pa thams cad mthong
na/ sgra mi rtag par sgrub pa'i rtags dang rjes dpag sogs 'jug
ba don med par 'gyur ro zhe na/ ji ltar gzugs kyi chos dkar po
la sogs pa mthun par mthong ba

las nya phyis la dngul gyi rnam par sgo 'dogs pa ltar/ gal te
'dra ba gzhan 'byung sogs 'khrul ba'i rgyu mtshan gyis sgra la
rtag pa sogs kyi yon tan te khyad chos gzhan sbyor zhing sgro
'dogs bar mi byed na/ sgra mi rtags par sgrub pa'i

@014a @#/ /rtag dang rjes dpag gzhan 'jug pa don med par 'gyur na
yang/ de ltar sgro 'dogs pa yod pas sgro 'dogs de bzlog pa'i
phyir rtags dang rjes dpag gzhan 'jug pa yin pas skyon de med
par

gsungs pa ltar/ bden bzhi'i de nyid mthong ba tsam gyis bzlog
phyogs su sgro 'dogs par mi byed na/ so sor rtogs pa'i mngon
rtogs skad cig ma gcig tu 'gyur yang/ gang gi tshe 'khrul ba'i
rgyu 'ga' zhig las

bzlog phyogs su sgro 'dogs pa'i rnam pa gzhan dag yod pa'i phyir
de drungs nas dbyung ba'i don du/ rnam pa gzhan dag gis sgom pa
gzhan yang yod pa'i phyir zhugs gnas kyi gnas skabs kyang 'thad
pa yin no/ /zhes bzhed

do/ /de'i don ni sdug bsngal chos bzod kyis bden bzhi'i de kho
na nyid mngon sum du mthong ba tsam gyis bden bzhi mthong spang
bzhi ga med par 'gyur na/ so sor rtogs pa'i mngon rtogs skad cig
ma gcig tu 'gyur

yang/ sdug bsngal chos bzod kyis sdug bsngal mthong spong spong
yang kun 'byung mthong spang sogs mi spong bas de dag spong
phyir du kun 'byung chos bzod sogs rnam pa gzhan dag gis mthong
lam sgom dgos

pa'i phyir 'phags pa brgyad pa la sogs pa'i gnas skabs kyang
'thad pa yin zhes pa'o/ /de bas na rnam par shes pas bden bzhi'i
de kho na nyid kyi rnam pa thams cad bzung yang/ cha gang la
goms pa gsal ba

@014b la sogs pa'i mthus sgro btags pa'i rnam pa sel nus pa de
nyid de'i gags su gyur pa'i sgrib pa sel bas de la tshad ma yin
gyi cha gzhan la ma yin te/ sngon po dang skad cig ma mthong bar
khyad par med kyang sngo min du sgro 'dogs

sel gyi rtag 'dzin sel mi nus pa bzhin no/ /mthong yang nges pa
mi 'dren na/ 'phags pa dang so skye la khyad par ci zhig yod ces
kyang brjod par mi bya ste/ rnam pa ci cim zhig gsal bas de dag
gi shes pa 'khrul ba'i rgyu dang

gtan bral ba des de dag khyad par du 'phags pa'i phyir ro/ /zhes
pa'i don ni/ sdug bsngal chos bzod kyis bden pa bzhi ga'i chos
nyid gsal bar mthong yang/ cha gang sdug bden gyi chos nyid la
goms pa gsal ba la sogs

ba'i mthus sdug bden bden par zhen pa'i blo kun btags sel nus
pa'i sdug bsngal chos bzod de nyid de'i gegs su gyur ba'i sgrib
pa ste sdug bsngal mthong spang spong bas sdug bden gyi chos
nyid de la tshad ma yin gyi/ cha gzhan bden

pa gzhan gsum gyi chos nyid la tshad ma ma yin te/ dper na sngon
'dzin dbang sngon gyis sngon po dang mi rtag pa gnyis ka mthong
bar khyad par med kyang sngo min du 'dzin pa'i sgro 'dogs sel
gyi rtag 'dzin sel mi nus ba bzhin no/ /

mthong yang nges pa mi 'dren na 'phags pa dang so skyel khyad
par ci yod ces brjod par mi bya ste/ rnam pa ci tsam zhig gsal
bas rang gi ngo skal gyi spang bya dang gtan bral ba des 'phags
pa rnams khyad par du 'phags pa'i phyir ro zhes

@015a @#/ /pa'o/ /gzhung 'di'i don 'di ltar 'chad rigs te/ rtogs
dka'i snang pa las/ de ltar skad cig bcu drug mnyam gzhag tu rim
can du skye yang/ rjes thob tu nges pa 'dren pa'i nus pa

bcu drug mnyam gzhag tu rims kyis thob pa'i sgo nas yin cing/
sdug bsngal la chos bzod kyi tshe bden pa gzhan rnams kyi chos
nyid mthong yang de dag la sgro 'dogs sel ba'i nus pa med na so
skye dang khyad ci yod ce na/ /

gang sel ba'i nus pa thob pa'i sgro 'dogs de'i sa bon spong mi
spong gi khyad par yod do/ /zhes 'grel chen las bshad do/ /zhes
gsungs shing/ bden bzhi la sgro 'dogs sel ba'i nus pa go rim de
ltar 'thob pa

yang; tshogs sbyor gyi skabs su go rim de ltar thos bsam gyis
gtan la phab zhing bsgom pa'i stobs kyis yin par yang bshad pa'i
phyir ro/ /'di la kha cig na re/ 'grel chen las/ de ltar bshad
pa de rjes thob

tu nges shes mi 'dra ba bcu drug rim can du skye ba'i don yin
gyi/ bzod shes bcu drug re re nas rim can du skye ba'i don ma
yin te/ gser phreng las/ 'di ltar na bden bzhi'i de kho na nyid
la cha med pas mthong ba'i

tshe mtha' dag mthong yang/ mthong ba la nges pa 'dren bas ma
khyab pa'i phyir sgro 'dogs sel zhing/ nges pa bskyed pa'i phyir
du rnam pa bcu drug gis mthong lam sgom par bzhed pas/ mnyam
gzhag la bzod shes

@015b bcu drug rim can du skye yang/ yul de bzhin nyid rtogs
tshul mi mthun pa med pa rgyun gcig yin pas skad cig gcig dang/
rtogs tshul mi 'dra bar bshad pa bcu drug ni rjes thob kyi nges
pa 'dren tshul la bzhag go /

zhes gsungs pa'i phyir na ma khyab ste/ skad cig gcig dang zhes
pa yan chad kyis sngar ltar bden bzhi'i de kho na nyid mthong
ba'i shes bzod skad cig ma bcu drug re re nas rim can du skye
tshul bshad nas/ lhag mas gzhung gzhan dang

mngon rtogs rgyan gyi skabs du mar dmigs rnam mi 'dra ba'i
mthong lam bcu drug bshad pa ni rjes thob kyi nges pa 'dren tshul
bzhag ces pa'i don yin pa'i phyir ro/ /byas pa la kho na re/ 'o
na slob dpon seng bzang gi rang lugs la/

bzod shes bcu drug ra za ma par 'gro ba ltar rim can kho nar
skye bar thal/ rgyan snang las de ltar bshad pa'i phyir na ma
khyabs te/ rgyan snang las bshad pa de bstan pa gnas pa'i ched
du gdul bya'i ngor bshad pa spros bcas kyi

rnam gzhag gi dbang du mdzad pa yin pas/ slob dpon gyi rang lugs
la de ltar bzhed pa'i nges pa med pa ni rje bdag nyid chen po'i
dgongs pa yin pa'i phyir te/ gser phreng du bzod pa brgyad cig
car skye bar gsungs pa'i slob dpon

zla grags kyi bzhed ba dang/ spros bcas kyi rnam gzhag ltar na
rim can dang spros med kyi rnam gzhag ltar na cig car skye bar
gsungs pa'i 'phags pa thogs med kyi bzhed pa gnyis bkod nas/
phyi ma'i bzhed pa sngar bshad pa'i

@016a @#/ /slob dpon gyi dgongs pa dang gcig tu byas nas khas
blangs na re zhig la bskyang bde'o/ /zhes gsungs pa'i phyir/
khyab ste/ rgyan snang du bshad pa de spros bcas kyi rnam gzhag
yin la/

slob dpon rang lugs kyi bzhed pa ni spros med ltar yin zhes khas
blangs na bde ba'i don yin pa'i phyir/ de ltar ma yin par rgyan
snang yang spros med ltar bshad pa yin na phyi ma'i bzhed pa
zhes dmigs kyis bsal

ba dgos med du 'gyur ba'i phyir dang/ rgyan snang gi bshad tshul
dang slob dpon rang lugs kyi bzhed pa gnyis ka spros med ltar
yin na snga ma zla grags kyi bzhed pa dang mthun par khas len
dgos pa'i phyir ro/ /rgyan snang

gi gzhung don rnam bshad du bkod pa de blo rmongs kho bo rnam
dpyod kyi gnas khang dog par mi shong ba'i dbang gis/ bshad tshul
gzhan bkod pa 'di la blo ldan rnams kyis thugs khrel ma mdzad
par gzu bo'i blos zhib tu

dpyad nas tshar gcod rjes 'dzin gang rigs mdzod cig ! /spyi don
'dir sdug bsngal chos bzod dang chos shes ni rim bzhin mthong
spangs kyi sa bon spangs pa'i sgo nas sdug bsngal gyi chos nyid
la tshad mar ma song ba dang

song ba'i khyad par bshad pa ni/ 'grel chen las/ cha gang la
goms pa gsal ba zhes sogs kyi don yin par dgongs kyang/ gzhung
don ni/ blo tha dad pa gnyis yul gcig la tshad ma yin min gyi
khyad par

@016b phyi ba min gyi/ blo gcig yul gyi cha gcig la tshad ma yin
kyang cha gzhan la tshad ma min zhes pa yin la/ sdug bsngal chos
shes ni dpyad shes yin par grags che zhing/ skabs 'dir dpyad
shes tshad mar mi 'dod pas spyi don 'di'i

tshig zin ltar khas len mi dgos so/ ! /theg chen gyi mthong lam
nas theg chen gyi sgom lam du 'pho ba'i tshe rjes thob nas mnyam
gzhag tu 'pho bar sems te/ zhes gsungs pa ni/ 'grel chen las/
bden pa rnams kyi

mngon par rtogs pa ni gcig pa'i phyir sa dang po'i skad cig ma
dang po ni mthong ba'i lam yin no/ /de las gzhan skad cig ma
gnyis pa la sogs pa nas rdo rje lta bu'i bar ni mchog gi don la
sogs par chos kyi dbyings so sor rtogs

ba'i phyir sgom pa'i lam yin par bshad do/ /zhes dang/ rnam
bshad las/ sngar bshad pa'i skad cig ma de rnams ni mnyam gzhag
gi dbang du byas pa yin gyi/ shes sgrib lhan skyes kyi sa bon
dngos su gzhom pa'i ched

du stong pa nyid la mngon sum du mnyam par mi 'jog pa de srid
tshun chad mthong lam gyis bsdus par shes par bya'o/ /zhes gsungs
pa la brten pa yin la/ 'grel chen gyi gzhung 'di'i dgongs par
bsam ste a b+hya ka ras/ sdug bsngal

bsngal chos bzod ni mthong lam mtshan nyid pa dang/ sdug bsngal
chos shes sogs skad cig ma phyi ma bco lnga ni mthong lam btags
pa pa dang sgom lam mtshan nyid par bshad do/ /rgyal tshab rin po
ches ni/ sa dang po'i mnyam

@017a @#/ /gzhag ye shes dang po dang de las langs pa'i rjes thob
dang bcas pa mthong lam dang/ sa dang po'i mnyam gzhag ye shes
gnyis pa nas bzung ste rdo rje lta bu'i ting nge 'dzin gyi bar
sgom lam yin

pa ni 'grel chen gyi gzhung 'di'i don yin par bsam ste/ sa dang
po'i sgom lam yod par bzhed do/ /paN chen 'dis kyang sa dang
po'i mnyam gzhag ye shes gnyis pa nas bzung ste sgom lam du 'jog
dgos pas/ sa

dang po'i sgom lam du 'pho kha ma'i ye shes de rjes thob ye shes
su bzhed par snang ngo/ /rje rin po ches/ 'grel chen gyi gzhung
de'i sgang cig ma gnyis pa la sogs pa nas/ zhes pa ni/ sa bcu'i
dbang du byas nas sa

gnyis pa nas gzung ba'i don yin par bzhed pa ni slob dpon seng
bzang gi dgongs pa mthar thug yin te/ de dag sgom lam yin pa'i
sgrub byed du/ mchog gi don la sogs par chos kyi dbyings so sor
rtogs pa'i phyir zhes

bkod pa gang zhig /sa dang po'i sgom lam yod na kun 'gro'i don
la sogs par zhes 'chad dgos kyi/ chog gi don nas thog ma'i
mtshams gzung mi rigs pa'i phyir te/ chos dbyings mchog gi don du
rtogs pa'i nges shes

'dren byed gyi sa dang po'i ye shes mi srid pa'i phyir ro/ /des
na sgo blo'i phar phyin gyi yig chang sa dang po'i sgom lam yod
par bshad pa ni/ rnam bshad kyi sgras zin tsam bkod pa yin gyi/
rang lugs la sa dang po'i sgom

@017b lam mi 'dod ces khas blangs na gzhung mang po dang mthun
par 'gyur bas legs so// ! /lam gyi skad cig ma gnyis pa'i skabs
su/ sangs rgyas rnams kyis srung la sogs/ /zhes sher phyin 'dzin
pa sogs la sangs rgyas kyis

rtag tu bsrung ba dang/ bskyab pa dang/ spab mdzad par gsungs pa
ni/ rim bzhin lhas byas pa dang/ 'byung ba las gyur ba dang/
nang gi bar chad sel ba'i don yin par 'chad do/ ! /'dir bstan
pa'i rnam pa bcu drug

ni gdul bya 'khor du nye ba la phan pa'i phyir bshad kyi/ gnas
tshod la rnam pa bcu drug rten 'brel du bstan pas de dag bden med
du goms pas mthong lam skye bar 'gyur te/ chos rnams thams cad
rgyu las 'byung/ /zhes sogs

bstan pas bden pa mthong ba bzhin no/ /skabs gzhan la yang de
bzhin du shes dgos par rgyan snang las 'chad do/ ! /sgom lam gyi
byed pa drug ni gnyis su 'du ste/ rang dang gzhan rgyud du gtogs
pa'i byed pa ste lnga dang gcig

go/ dang po la yang gnas skabs kyi byed pa bzhi dang mthar thug
gi gcig go /bzhi la yang nang du sems dul bas phyi rol tu gzhan
la 'dud pa dang/ nang du chags sogs zhibs phyi rol gyi gnod pas
mi rji ba'o/ /'di ltar

gser phreng las gsungs te/ rnam bshad las byed pa tham bdag
n'bras bu bshad pas/ de ltar na byang sems sgom lam pa gang du
gnas pa'i sa phyogs mchod pa'i rten du gyur ba ni byed pa tha ma
yin la/ gser phreng las byed pa tha@018a @#/ /ma gzhan rgyud du gtogs par gsungs
pa ltar na/ sa
phyogs mchod rten du gyur pa la sogs pas mchod pa byed pa ni
sgom lam gyi byed par 'dod dgos so/ ! /spyir zag bcas zag med

du 'jog lugs mang po yod do/ mdzod las/ dmigs mtshungs gang rung
gi sgo nas zag pa rgyas ma rgyas la bshad pa dang/ kun btus su/
zag pa'i sgo drug po gang rung du 'brel ma 'brel la bshad pa
dang/

theg chen sgrub pa'i dmigs pa'i skabs su/ zag pa'i gnyen po byed
mi byed la bshad pa dang/ skabs bzhi par gzhi shes kyi rnam pa
la/ mthong lam zag med bzhi dang sgom lam zag bcas lnga sogs

bshad pa ni/ mnyam gzhag rjes thob la byed pa dang/ yang gzhi
shes gyi rnam pa zag med dang lam shes kyi rnam pa zag bcas su
bshad pa ni/ nyon mongs spang bya'i gtso bor byed mi byed kyi
sgo nas 'jog pa dang/

skabs 'di'i sgom lam la zag bcas zag med gnyis su dbye ba ni/
rtog bcas rtog med kyis 'jog pa sogs yod pa'i phyir ro/ ! /gser
phreng las rang don mos pa sgom lam sa gnyis pa nas bdun pa'i
bar

dang/ gnyis don mos pa sgom lam sa brgyad pa dgu pa dang/ gzhan
don mos pa sgom lam sa bcu par bzhag cing/ bsngo ba dang rjes su
yi rang ba'i sgom lam ni sa dgu sa la bzhag par gsungs la/ rtags

@018b dka'i snang bar gzhan rnams 'dra zhing rang don mos pa ma
dag sa bdun na yod par bshad pa ni yi ge nor ba'am/ ma dag sa
bdun gyi phyi ma drug la yod ces dgongs pa len dgos te/ rje
mkhas grub rin po ches sa dang po'i sgom lam mi

bzhed pa'i phyir ro/ /mos pa sgom lam gyis mtshams de ltar bzhag
pa'i rgyun mtshan ni nyi snang las/ rang gi don gyi mos pa ni/
gang gis rang gi don nyid sgrub par byed cing gzhan gyi don lang
ched du bya ba'i rang bzhin gyis byed pa'o//

rang dang gzhan gyi don ni/ gang gi sa gnyis ka'i don sgrub par
byed pa'o/ /gzhan gyi don ni/ gang gis gzhan kho na'i don du
'gyur ba ste/ zhes bsam pa gzhan don dang ma bral ba ni 'dra
yang/ sbyor bas rang don gtso bo dang/ rang

gzhan gyi don cha mnyam pa dang/ gzhan don gtso bor byed pa'i
rgyun tshan gyis yin par gsungs so/ /rnam bshad las/ dbye ba ni
bdag tu nga rgyal ba ma spangs pa'i gnas skabs dang/ bdag gzhan
mnyam par rtogs pa'i gnas

skabs dang/ rnam pa thams cad du gzhan don kho na la 'jug pa'i
gnas skabs kyi dbang du byas na/ ma dag sa bdun dang/ sa brgyad
pa dgu pa gnyis dang/ sa bcu pa la bzhag pa ltar snang yang/
gtso che ba'i dbang du byas pa

yin gyi/ sgom lam dgu ga'i rjes thob na yod par bzhag pa la 'gal
ba med do/ /zhes rang don mos pa gtso cher ma dag sa bdun na yod
pa sogs yin kyang/ mos pa sgom lam gsum ga sa dgu gang yod pa la
'gal ba med par

@019a @#/ /bshad do/ /rgyal tshab rin po ches sa dang po'i sgom
lam yod par bzhed pas/ sa dgu ga'i rjes thob na yod ces pa ni yi
ge nor ram dpyad bya'o/ /spyi don 'dir mos pa sgom lam gsum ldog

chas phye bar bshad kyang/ sngar drangs pa'i nyi snang gi lung
don 'jog pa'i tshe/ rang don mos pa sgom lam gyis sher phyin gsum
rang don gyi 'byung gnas su mos par byed/ gnyis don mos pa sgom
lam gyis sher

phyin gsum rang gzhan gnyis ka'i don gyi 'byung gnas su mos par
byed/ gzhan don mos pa sgom lam gyis sher phyin gsum gzhan don
gyi 'byung gnas su mos par byed pa'i don yin par gsungs pa ni/
mos pa

sgom lam gsum don gcig la ldog pa tha dad tsam yin na ji ltar
'grig dpyod dgos la/ der ma zad de gsum don gcig na rang don mos
pa gtso cher ma dag sa bdun na yod pa sogs gtso che chung gi
khyad par yang 'jog

dka' la/ nyi snang las gnyis don mos pa sbyor ba bar chad dang
bcas pa dang/ gzhan don mos pa sbyor ba bar chad med par gsungs
pa'i khyad par yang 'jog dka' bar 'gyur bas dpyad par bya'o/ !
/'grel ba las/

rang dang gnyis ka dang gzhan gyi don la dmigs pa nyid ji ltar
mos pa bzhin mthong ba'i dge ba'i chos kyi rten yin na yang/
sgom pa'i lam gyi dbang du byas pa las dang por mngon du mi byed
pa'i ngo bo/ zhes pa'i don la

@019b 'chad tshul mang po yod pa las/ gser phreng ltar na/ yum la
mos pa ni don gsum gyi 'byung gnas su ji ltar mos pa bzhin du
don phun sum tshogs pa gsum thob pa'i rten te rgyu yin na yang/
dang por mos pa bsgom sa ma thag

tu don gsum mngon du mi byed de/ mos yul gyi yum la mos pa tsam
sgom pa'i rgyu'i lam gyi dbang du byas pa'i phyir/ zhes pa'i don
yin par gsungs la/ rnam bshad ltar na/ mos pa sgom lam ni mos
yul sher phyin gyi rten

yin na yang 'phags lam gyi dang por mngon du mi byed de/ rjes
thob dag pa 'jig rten pa'i sgom lam gyi dbang du byas pa'i
phyir/ zhes pa'i don yin par bshad cing/ rtogs dka'i snang pa
ltar na/ tshogs lam sogs kyi skabs

su sher phyin don gsum gyi 'byung gnas su mos pa yod pas de dag
kyang skabs 'di'i mos pa sgom lam du gzung ngam zhe na/ skabs
'di'i mos pa ni mnyam gzhag tu chos nyid mngon sum du mthong
ba'i rten na ma 'bras bur gyur ba'i sgom

lam gyi dbang du byas pa yin pas dang por tshogs lam sogs kyi
skabs su mngon du mi byed/ ces pa'i don yin par bshad cing/ rten
yin na yang zhes pa ni 'gyur ma dag ste/ 'grel chen du/ ji ltar
mos pa bzhin mthong ba'i dge ba'i

chos gyi rten can bsgom pa'i lam gyi dbang du byas pa yin pas/
zhes 'gyur ba ltar 'chad dgos pa'i phyir zhes pa ni mkhas grub
rje'i dgongs pa yin no/ ! /rang don mos pa'i gnas skabs dgu dag
tu/ sangs rgyas byang sems rnams

@020a @#/ /rnam pa dgus snga ma snga ma las lhag pa'i tshul du
mngon par dga' bar byed cing bstod pa dang/ gnyis don mos pa'i
gnas skabs dgu dag tu/ sangs rgyas byang sems rnams rnam pa dgus

snga ma snga ma las lhag pa'i tshul du mngon par dga' bar byed
cing bkur ba dang/ gzhan don mos pa'i gnas skabs dgu dag tu/
sangs rgyas byang sems rnams rnam pa dgus snga ma snga ma las
lhag pa'i tshul du mngon

par dga' bar byed cing bsngags par mdzad do zhes sbyar bar
bya'o/ /bstod bkur bsngags gsum gyi ngo bo la/ chos shes kyis/
sangs rgyas byang sems thugs dgyes pa kho na bstod pa la sogs pa
yin zer ba

dang; shAntis yon tan brjod pa kho na bstong pa la sogs pa yin
zer yang/ rang lugs la de gnyis ka yod par gser phreng las
gsungs so/ ! /rkang pa dang bos bsngo ba sgom lam gyi khyad par
dang/ gnyis pas de'i

byed pa dang/ rkang pa lhag ma rnams kyis de'i ngo bo ston te/
ngo bo la bcu gcig yod do/ /'di ni 'phags pa'i dgongs pa ste mdo
dang shin tu 'grig go zhes gser phreng las gsungs shing/ de'i
khyad par ni/ byang

sems kyis dge rtsa sems can thams cad dang thun mong du byas te
bla med byang chub tu bden par mi zhen pa'i tshul gyis bsngo ba
de yin la/ byed pa ni/ sems can rnams la theg pa gsum gyis nges
par 'byung ba'i lam ston

@020b pa'i rgyur gyur pa'o/ /slob dpon seng bzang sogs 'grel
byed gzhan rnams ni dang po yang bsngo ba gcig tu bgrangs nas
bcu gnyis su byed do/ /de yang bden zhen 'gog pa'i shes rab
dang/ sems can la lam ma nor bar

ston pa'i rgyu snying rje ste thabs shes gnyis kyis zin pa'i sgo
nas dge rtsa rnams rdzogs byang gi rgyur bsngo bar byed pa'i
sgom lam gcig nyid yin la/ yul bcu gnyis la bden par ma zhen
pa'i ldog cha nas bcu gnyis su phye ba

tsam gyi 'gal ba min la/ bsngo ba tha ma gsum yang dper bkod
pa'i dge ba chung 'bring che gsum gyi sgo nas bsngo ba chung
'bring che gsum du btags pa'o/ /bsngo rgyu ni bar gsum gyi dge
ba sogs rang gzhan gyi

dge ba thams cad yin par gsungs so/ /'on kyang mdo las 'di dag
dang por blos gcig tu bsdoms shing/ de nas rjes su yi rang bar
byas nas de'i dge ba bsngo bor gsungs pas/ gzhan gyi dge rtsa
bsngo bar

gsungs pas don ni/ phrag dog med pa'i yi rang byas pa na byed pa
po dang mtshungs par thob pa'i dge ba de nyid ba sngo ba la btags
sam snyam mo zhes gser phreng las gsungs so/ /bar gsum gyi dge
ba ni/ de bzhin gshegs

pa rnams dang por sems bskyed pa nas gzung ste sangs rgyas pa'i
bar gyi dge ba dang/ sangs rgyas pa nas bzung ste mya ngan las
'das pa'i bar gyi dge ba dang/ mya ngan las 'das pa nas bzung
ste dam pa'i chos nub pa'i bar

@021a @#/ /gyi dge ba gsum mo/ ! /rjes su yi rang bas rang dang
gzhan bsod nams mnyam par 'thob gsungs pa'i don la/ spyi don
'dir rang dang gzhan bsod nams 'thob par mtshungs pa'i

don yin gyi/ rjes su yi rang bas byed pa po dang bsod nams mnyam
par 'thob pa'i don min par bshad pa ni/ rjes su yi rang byas pa
la byed pa po dang bsod nams mnyam par thob bas ma khyab pa la
dgongs

par 'dod dgos kyi sgras zin ltar khas len mi rung ste/ rnam
bshad las kyang bsod nams mnyam par 'thob gsungs shing/ rtogs
dka'i snang bar yang de ltar gsungs pa'i rjes su/ byed pa po
dang bsod

nams mnyam par 'thob pa ni yi rang sgom pa pos thob pa'i dbang
du byas par bshad pa dang/ gser phreng las yi rang sgom pa po
dang dge ba sgrub pa po gnyis blo mnyam na mnyam par 'thob/ mi
mnyam na mi mnyam

par 'thob gsungs pas so/ /'di ni gnad shin tu che ste/ gzhan gyi
dge ba la rjes su yi rang byas pas ni/ byed pa po las bsod nams
chung du 'thob pa yang yod/ mnyam par 'thob pa yang yod/ lhag

par 'thob pa yang yod pa'i phyir te/ mnyam par 'thob pa yod par
'grel ba 'dir bshad la/ lhag par 'thob pa yod par 'dul ba lung
las kyang gsungs pa'i phyir ro/ ! /byang sems sgom lam ba'i
rgyud kyi stong

@021b nyid mngon sum du rtogs pa'i mnyam gzhag ye shes chos can/
sgrub pa sgom lam dang rnam dag sgom lam gnyis ka yin te/ yul
rtogs tshul gyi sgo nas thob bya 'grub par byed pa'i ldog cha nas
sgrub pa sgom lam dang/

spang bya 'joms tshul gyi sgo nas dri ma sel bar byed pa'i ldog
cha nas rnam dag sgom lam yin pa'i phyir/ gzugs la sogs pa'i
chos rnams kyi gnas lugs mngon sum du mthong ba ni/ sgrub pa
sgom lam gyi ngo bo nyid dang/ des

ma zin pa'i phar phyin gzhan nam zag bcas sgom lam gyis sangs
rgyas mi 'thob la des zin pa'i dbang gis 'thob pa ni/ de mchog
yin pa'i don dang/ des kun byang gi chos thams cad don dam par
skye 'jig med par rtogs nas

sgrub pa ni/ des kun la mngon par 'du mi byed pa'i don dang/ de
lta bu'i ngo bo nyid la sogs pa dang ldan pa'i lam gyi yon tan
sgom lam pa'i rgyud la skyed par byed pa ni/ des gtong bar byed
pa'i don dang/ 'bras bu chen po sangs

rgyas 'thob bar byed pa ni/ des don chen po nyid du byed pa'i
don no/ ! /'bras bu dag pa gzugs la sogs/ /zhes sogs kyi skabs
nas bstan pa'i rnam dag sgom lam gyi don 'chad pa la gsum ste/
chos can dag gzhi gsum

gyi ngo bo dang/ bsgrub bya dag pa gsum gcig yin pa'i don dang/
sgrub byed gnyis med sogs bzhir phye ba'i don bshad pa'o/ /dang
po la/ sher phyin ni sgom lam dang/ gzugs sogs ni de'i yul dang/
'bras bu ni de'i

@022a @#/ /'bras bu la bshad pa yod kyang/ nyi snang las 'bras bu
ni dge sbyong tshul gyi 'bras bu rnam grol la bshad pa'i rjes su
'brang ste slob dpon gyis 'bras bu dang sher phyin gnyis ngo bo
gcig tu bzhed do//

de ltar na ming gi sgo nas dag gzhi gsum du bshad kyang rdzas
kyi sgo nas gnyis su 'du'o/ /gnyis pa ni/ 'bras bu rnam par dag
pas gzugs sogs rnam par dag par bshad pa'i don yod de/ yul can
dge sbyong tshul gyi

'bras bu rnam grol lam rang gi ngo skal gyi spang bya'i dri mas
dag pa'i tshe na rnam grol lam de dang/ de'i dmigs yul gzugs la
sogs pa'i chos rnams ni/ rnam grol de'i ngo skal gyi spang bya'i
dri mas dag pa yin min du khyad par

med par gnyis ka dri mas nges dag pa'i don yin pa'i phyir te/
dper na dgag bya bum pa gcig gis dag pa'i shar nub kyi sa phyogs
gnyis bum pa gcig pu nges dag pa yin min du khyad par med pa
bzhin no/ /mkhas grub

rin po ches/ 'dir gang dag yul can rnam grol lam dri mas dag pa
na/ de'i yul gzugs sogs kyang dri ma des dag ces 'chad pa mi
'thad de/ de ltar na sangs rgyas kyi ye shes dri mas dag pa na
chos thams cad dri mas dag

dgos pas dri ma shes bya la mi srid par 'gyur ro/ /zhes skyon
brjod nas/ rang lugs 'jog pa na rnam grol lam rang gi ngo skal
gyi spang bya'i dri mas dag pa na/ rnam grol lam de rgyud ldan
gyi gang zag gi gzugs sogs phung po

@022b lnga'i chos nyid kyang dri ma des dag pa'i don yin par
'chad pa ni/ sgras zin ltar khas len mi rung ste/ gser phreng
rnam bshad gnyis kar sngar ltar gsungs pa'i phyir dang/ rnam
grol lam rang gi ngo skal gyi spang bya'i dri mas dben pa'i tshan
dri

ma de gtan med du gyur pa yin pas na de'i tshe chos thams cad dri
ma des dben par 'dod pa la skyon cung zad kyang med pa'i phyir
te/ chos thams cad ri bong rwas dben par 'dod pa la skyon med pa
bzhin yin pa'i phyir ro/ /sgrub byed gnyis med sogs bzhir

phye ba'i don yod de/ gnyis med ni gzung 'dzin gnyis su med pa
dang/ gnyis su byar med pa ni blos kyang gzung 'dzin gnyis su
byar mi nus pa dang/ tha mi dad pa ni rang bzhin mi 'dra ba du
ma med pa dang/ gcad du med pa ni cha shas du med pa'o/

yang na snga ma gnyis kyis bstan nas phyi ma gnyis kyis bshad
pa'o/ /mdo'i don de ltar yin par gser phreng las gsungs so/ /'on
kyang 'grel ba'i don 'chad skabs gser phreng las/ yul yul can de
dag gi rnam par dag pa de gnyis dag

bya'i dri ma gcig bu des dag pa yin min du rang gi mtshan nyid
rdzas la tha dad pa nyid ma yin zhing/ spyi'i mtshan nyid ldog pa
la yang tha dad par gcad du med pa nyid yin te/ zhes gsungs
shing/ yul dang yul can rnam dag gnyis ldog pa tha dad

yin kyang/ dag bya'i dri ma gcig pu des dag pa yin min du ldog
pa tha dad par 'jog lugs med de/ ldog pa gcig ni dri ma des dag
kyang gcig shos ni dri ma des ma dag ces pa'i khyad par mi srid
pa'i phyir ro/ /rnam bshad las rnam dag

@023a @#/ /de gnyis ngo bo nyid kyis tha mi dad cing/ tshad mas
rigs tha dad par gcad du med par bshad cing/ rtogs dka'i snang
bar/ de gnyis rang gi mtshan nyid glo bur dri bral dang/ spyi'i
mtshan nyid

rang bzhin rnam dag gang gi cha nas kyang rigs dang ngo bo tha
dad pa nyid min/ zhes bshad do/ ! /de la klan ka spangs pa yis/
/zhes sogs kyi don ni/ 'phags pa ltar na/ theg chen sgom lam gyi
sa shes pa dang shes bya

dag so sor ma grub par mnyam pa nyid du rtogs pa'i sgo nas khams
gsum gyis gom spang mtha' dag gi gnyen po byed par bstan pa de
la/ kha cig gis/ shes pa dang shes bya don dam par so sor ma
grub par mnyam pa nyid du bstan pa

mi 'thad de/ spang bya che rim nas 'gag pa dang gnyen po chung
rim nas skye ba'i rim pa 'thad pa'i phyir zhes pa'i klan ka de/
don dam par na rtags ma grub la/ tha snyad du na khyab pa ma
grub pa'i lam gyis spangs pa'i sgo nas sangs

rgyas kyi rnam dag shin tu bar sgrub ces pa'o/ /slob dpon ltar
na/ spang gnyen gyi rim pa sngar ltar bstan pa de la/ kha cig
gis/ spang bya tshe rim nas 'gag pa dang gnyen po chung rim nas
skye ba mi 'thad de/ spang bya

chen po gnyen po chen pos dang spang bya chung du gnyen po chung
dus gzhem dgos pa'i phyir zhes pa'i klan ka de/ khrus mkhan gyis
gos kyi dri ma 'khrud pa'i dpes spangs pa'i sgo nas sangs rgyas
kyi rnam dag shin tu bar sgrub cing/ sel

@023b byad kyil ma ji lta bu zhe na/ khams gsum gyi rnam pa can
gyi shes pa dang shes bya dag bden stong mnyam pa nyid du mngon
sum du rtogs pa de nyid dri ma mtha' dag gi gnyen po yin zhes
pa'o/ /lnga brgya tha mar thub pa'i lung rtogs kyi/ /bstan

ba 'grib par gsungs pa nges par rdzun/ /bden na rgya bod gzhung
don gsal byed pa'i/ /sngon med zur mtshan 'di 'dra ga la 'byung/
/zhes pa ni skabs gnyis pa'i zur mchan no// //

tshu rol pha rol mtha' la min/ /zhes pa'i tshigs bcad kyi don la
bshad tshul mi 'dra ba du ma yod de/ gser phreng ltar na/ rjes
'gro'i sgo nas bstan pa'i theg chen gyi gzhi shes ni/ srid pa
rang bzhin med par rtogs pa'i

shes rab kyi stobs kyis srid mthar mi gnas pa dang/ sems can
thams cad la dmigs pa'i snying rje chen po'i stobs kyis zhi
mthar mi gnas pa ni/ 'grel bar/ shes rab kyis tshu rol gyi mtha'
'khor ba dang/ snying rjes

pha rol gyi mtha' mya ngan las 'das pa ste/ zhes sogs kyi don
dang/ ldog pa'i sgo nas bstan pa'i theg dman gyi gzhi shes ni/
sngar bshad pa'i shes rab dang snying rje dang bral ba'i phyir/
'khor 'das la rim pa ltar dngos po dang

dngos med du zhen nas gnas pa ni/ 'grel bar/ snying brtsa ba
dang shes rab dang bral ba'i phyir/ dngos po dang dngos por med
par dmigs pa nyid kyis/ 'khor ba dang mya ngan las 'das pa la
gnas par yin par shes par bya'o//@024a @#/ /zhes pa'i don yin te/ snying brtse ba dang
bral ba
sngon la byung yang sde ba sbyor gyi ngor yin pas shes rab dang
bral ba dang por 'don dgos pa'i phyir te/ sngar byang sems srid
zhir mi gnas pa'i sgrub

byed du bkod pa'i rgyu mtshan gnyis go bzlog nas sbyor dgos pa'i
phyir ro/ /zhes bzhed do/ /rtogs dka'i snang ba ltar na gzhan
rnams sngar bzhin la/ dngos po dang dngos med du bden par dmigs
pa'i mtshan 'dzin gyis

bon gyis bcings pa nyid kyis 'khor 'das la gnas par bshad do/
/rnam bshad ltar na/ theg chen gyi gzhi shes ni/ mi rtag sogs
rtogs pa'i shes rab kyi stobs kyis srid mthar mi gnas pa dang/
snying rje chen

po'i stobs kyis zhi mthar mi gnas pa yin la/ theg dman gyi gzhi
shes ni/ gzhan don du 'khor bar skye ba'i rgyu snying brtse ba
dang bral ba'i phyir/ 'khor bar skye ba'i dngos po tsam la mtha'
gcig tu dor byar bzung ba

nyid kyis 'khor mthar gnas pa dang/ snying rje dang smon lam gyi
dbang gis 'khor bar skyes nas mi gnas pa'i myang 'das sgrub pa'i
thabs shes pa'i shes rab dang bral ba'i phyir/ srid par skye ba
tsam yang chad pa'i myang 'das

la mtha' dag gcig tu blang byar dmigs pa nyid kyis zhi mthar
gnas pa yin te/ shes rab dang bral zhes pa stod nyid rtogs pa'i
shes rab dang bral ba la 'chad pa dang/ sngar byang sems rnams
srid zhir mi gnas pa'i

@024b sgrub byed du bkod pa'i rgyu mtshan gnyis go bzlog nas
sbyor ba ni 'grel pa'i gzhung 'di'i don min par rje nyid kyi
gsung las 'byung ba'i phyir ro/ /zhes bzhed do/ /rje'i gsung las
'byung zhes pa'ang/ gser phreng las gsungs pa'i

pa'i don min gyi/ rje rin po ches ljags bshad gnang ba'i tshe
zhal nas 'byung ba'i don du paN chen 'di nyid kyis bshad pa ltar
yin no/ /'di ltar na 'grel pa'i gzhung snga ma'i shugs bstan gyi
srid zhi'i mthar ltung tshad dang

gzhung phyi ma'i dngos bstan gyi srid zhi'i mthar lhung tshad mi
'dra ba gnyis 'dod dgos la/ dang po'i dbang du byas pa'i srid
mthar lhung tshad ni/ 'khor ba'i phun tshogs la chags zhing zhen
pa lta bu la byed dogs pas/ de'i dbang du

byas nas lam rim chen mor srid mthar ma lhung ba theg dman
la'ang yod par gsungs pa dang/ phar phyin lam sgrigs las srid
mtha' rigs can gsum gas 'gog par bshad do/ /phyi ma'i dbang du
byas pa'i 'khor mthar

lhung tshad ni/ srid par skye ba'i dngos po tsam la mtha' gcig tu
dor byar zhen pa de yin pas/ de'i dbang du byas nas rtsa par/
srid dang zhi bar ltung ba'i phyir/ /rtogs pa dman pa nyid dang
ni/ /zhes nyan rang rnams srid zhi

gnyis ka'i mthar ltung bar bshad do/ /gzhan yang rtsa she'i TIk
chen las/ de dag la zhi ba'i mthar ltung ba yod kyang des dbu ma
ba yin pa la mi gnod de/ gzhan du na srid pa'i 'ching ba dang
zhi ba'i rgud pa las pa grol gyi bar

@025a @#/ /du dbu ma pa mi srid par 'gyur ro/ /zhes srid pa'i
'ching ba las ma grol pa ni srid mthar ltung tshad dang/ zhi ba'i
rgud pa las ma grol ba ni zhi mthar ltung tshad du bshad pa lta
bu yang yod pas thag

gcod mi snga par dpyod dgos shing/ 'di dag sgo blo'i yig cha
dang mthun nam mi mthun yang rung ste/ gzhung chen mo rnams kyi
bshad tshul yin pas blo ldan rnams kyi dpyad gzhir bkod pa'o/ !
/skabs 'dir rnam bshad las

'dir bstan sbyor ba rnams sbyor lam yin par bshad kyang/ lus
rnam gzhag gi skabs su/ 'dir khyad gzhi'i sgo nas sbyor lam dang
sbyar yang sa bcu pa'i bar du yod par bshad la/ gser phreng las/
sbyor ba'i lam

zhes pa yul de dang de la mi dmigs par sbyor ba'i rnal 'byor
tsam la zer gyi lam lnga'i ya gyal ni ma yin no/ /zhes gsungs pa
dang/ gzhi shes kyi sbyor ba 'di ni lta sgom spyod 'thas yul yul
can dang bcas pa la mtshan mar 'dzin

pa'i gnyen por sgom pa rtsa 'grel gyi dgongs pa yin pas/ ji srid
mtshan ma de dag skye ba de sred du sgom dgos pas tshogs lam nas
sa bcu ba'i bar la bzhag go /zhes gsungs so/ /rtogs dka'i snang
bar de dag

sbyor lam min zer ba ni/ 'phags seng gnyis kas bzlos spong gi
skabs su nges 'byed cha mthun du gsungs pa dang 'gal bar bshad
do/ /'dir bstan sbyor ba bcu 'dren tshul yod de/ gzugs sogs kyi
sbyor

@025b ba; gzugs sogs mi rtag pa sogs kyi sbyor ba/ gzugs sogs
rdzogs ma rdzogs kyi sbyor ba/ gzugs sogs chags bcas chags med
kyi sbyor ba/ gzhan du mi 'gyur ba'i sbyor ba/ byed pa po med
pa'i sbyor

pa; bya dka' rnam gsum gyi sbyor ba/ 'bras bu yod pa'i sbyor ba/
gzhan la rag ma las pa'i sbyor ba/ shes byed snang ba rnam bdun
gyi sbyor ba ste bcu yod pa'i phyir/ sbyor ba dang dang po ni
gzugs sogs chos thams

cad kyi ngo bo la bden zhen 'gog pa dang/ gnyis pa ni gzugs sogs
chos thams cad kyi khyad par la bden zhen 'gog pa dang/ gsum pa
ni gzugs sogs chos thams cad kyi mtshan nyid gsum la bden zhen
'gog pa

dang; bzhi pa ni gzugs sogs chags bcas chags med la bden zhen
'gog pa dang/ lnga pa ni tshig gis bstan ma bstan gyis 'phel
'grib kyi sgo nas gzhan du mi 'gyur ba'i shes phyin la bden zhen
'gog pa dang/

drug pa ni bsngags pa dang bsngags pa ma yin pa brjod pas rjes
su chags pa dang khong khro ba sogs su byed pa po med pa chos
rnams kyi chos nyid la bden zhen 'gog pa dang/ bdun pa ni ched
du bya ba bya dka' ba rnam mkhyen

dang; sbyor ba bya dka' ba lam shes dang/ las bya dka' ba gzhi
shes te mkhyen gsum la bden zhen 'gog pa dang/ brgyad pa ni sher
phyin la bslabs pas rang rang gi skal ba ji ltar ba bzhin du
'bras bu 'thob pa yod pa la

@026a @#/ /bden zhen 'gog pa dang/ dgu pa ni sher phyin gyi rnal
'byor la brtson pa'i gang zag la de nyid bsrung ba'i mchog yin
pas bsrung ba gzhan la rag ma las pa la bden zhen 'gog pa dang/
bcu pa

ni rmi lam la sogs pa'i snang ba bdun la bden zhen 'gog pa'o/
/sbyor ba gsum pa'i yul gzugs sogs ma rdzogs kyi don la bshad
tshul mi 'dra ba gnyis yod de/ rnam bshad ltar na/ yon tan gyi
rten du

rdzogs ma rdzogs la byed la/ de yang gzugs bden stong sgyu ma
lta bu rtogs pa ni yon tan gyi rten du rdzogs pa yin te/ de la
brten nas yon tan gong nas gong du 'phel ba'i phyir/ gzugs bden
par zhen pa ni yon tan

gyi rten du ma rdzogs pa yin te/ yon tan skye ba'i gegs byed
pa'i phyir/ zhes bzhed do/ /gser phreng ltar na/ rdzogs ma
rdzogs ni tshang ma tshang ste don la gnas mi gnas la byed pas/
btags pa'i gzugs

te gzugs bden par grub pa ni ma rdzogs pa ste/ don la mi gnas
pa'i phyir/ /chos nyid kyi gzugs ni rdzogs pa ste/ rang bzhin
gyis dag pa'i yon tan dbyer med par gnas pa'i phyir te/ rgyan
snang las/ mtshan

nyid kyis stong pa'i phyir btags pa'i gzugs ni yongs su ma
rdzogs pa'o/ /yon tan gyi tshogs dang ldan pa'i phyir chos nyid
kyi gzugs ni rab tu rdzogs pa'o/ /zhes pa'i don yin pa'i phyir/
zhes bzhed do/ /skabs

@026b 'di'i mdor kun brtags dang yongs grub gnyis kyis mtshon nas
gzhan dbang yang don gyis bstan pas na gzugs sogs kyi mtshan nyid
gsum la bden zhen 'gog par gsungs shing/ chags bcas chags med ni
mngon zhen gyi

dmigs pa yod med kyi don du gser phreng las gsungs so/ /sbyor ba
bcu g.yul gyi sgo nas phye bar gser phreng las gsungs pa ni/
'grel bar/ gzugs la sogs pa'i chos thams cad dang/ zhes pa nas/
shes pa la

snang ba bdun la sgrub pa'i yongs su shes pa bsal ba'i sgo nas/
byang chub sems dpa' rnams kyi de dang de la sbyor ba rnam pa
bcu/ zhes pa'i don yin par gsal bas/ rnam bshad las ngo bo'i sgo
nas gsum/ byed pa'i sgo nas

gnyis/ dpe'i sgo nas gcig tu bshad pa'i don gang yin dpyad dgos
shing/ khyad par du sbyor ba drug pa ni byed pa po la bden zhen
'gog par gsungs pa ni dpyad che ste/ 'grel ba dang gser phreng
sogs las byed pa po med pa la

bden zhen 'gog par gsungs pa'i phyir ro/ /bya dka' rnam gsum la
yang bshad tshul mang ste/ gser phreng ltar na/ gzhan don du rnam
mkhyen thob dgos kyang/ don dam par lam sgom pa khyad par du
'gror med cing tha snyad du sems

can mi zad pa'i phyir/ rnam mkhyen ni ched du bya ba'i sgo nas
bya dka' ba dang/ gzhan don du lam shes rgyud la bskyed dogs
kyang/ don dam par bskyed byar med cing tha snyad du sems can mi
zad pa'i phyir/ lam shes ni rgyud la sbyor

@027a @#/ /ba'i tshul gyis bya dka' dang/ gzhi shes kyis gdul ba'i
sems can la de shes par byas nas ston dgos kyang/ don dam par
bstan bya sogs med cing tha snyad du sems can mi zad pa'i phyir/
gzhi

shes ni ston par byed pa'i tshul gyis bya dka' ba nyid du gsungs
so/ /rtogs dka'i snang ba ltar na/ rnam mkhyen ni don dam par
med cing kun rdzob tu bskal ba grangs med gsum gyis thob dgos
pas ched du bya ba bya dka' ba dang/ lam

shes ni don dam par med cing kun rdzob tu lam gsum la slob kyang
rdzogs smin sbyangs gsum ma byas par yang dag mtha' mngon du mi
byed pas sbyor ba bya dka' ba dang/ gzhi shes ni de rang rgyud
la skyes nas nyan rang gi don byed kyang rang nyid nyon

mongs tsam spangs pa'i thar pa mngon du mi byed pas las su bya
ba bya dka' bar bshad do/ /rnam bshad ltar na/ rnam mkhyen don
dam par ched du bya bar ma dmigs kyang tha snyad du ched du bya
bar rtogs pa dang/ rgyu dus kyi lam shes don dam

par ma dmigs kyang tha snyad du rnam mkhyen gyi rgyu'i sbyor bar
rtogs pa dang/ gzhi shes don dam par ma dmigs kyang tha snyad du
gdul bya gzhan rjes su 'dzin pa'i thabs kyi byed pa dang ldan
par rtogs pa rnams kyi bya dka' ba gsum/ zhes gsungs

te; bya dka' ba ni rtogs par dka' ba'i don du bshad dam snyam
mo/ /rnam bshad ltar na/ chags med kyi sbyor ba ni don dam la
dmigs pa dang/ gzhan rnams kun rdzob la dmigs par 'dod dgos la/
rtogs dka'i snang ba

@027b ltar na/ mi 'gyur ba dang/ byed pa po med pa'i sbyor ba ni
don dam la dmigs pa dang/ gzhan rnams kun rdzob la dmigs par
'dod par bya zhing/ gser phreng ltar na/ byed pa po med pa'i
sbyor ba ni don dam la dmigs pa dang/ gzhan

rnams kun rdzob la dmigs par 'dod par bya'o/ /dmigs yul la bden
gnyis kyi dbye ba de ltar yod kyang 'dzin stangs la de ltar mi
'byed de/ 'grel pa'i tshig zin ltar na sbyor ba bcug don dam rnam
can dang/ mdo'i tshig zin ltar na

tha ma kun rdzob rnam can dang/ gzhan rnams don dam rnam can du
'dod dgos so/ /spyi don 'dir snang ba rnam bdun la sgra brnyan
bgrang rgyu yin pa de dor nas chu zla bgrangs pa ni/ rje yab
sras gsum ga'i bshad pa dang 'gal bas

dpe dag ma dag dpyad par bya'o/ /mdor gzugs brnyan zhes gsungs
pa la/ rgyan snang du mi g.yor zhes 'byung ste/ de yang rab rib
can la skra shad 'dzag par snang ba dang/ mgal mi myur du bskor
ba sogs la bshad pa

yod kyang/ rim lnga'i gsal sgron las mi g.yor te mi'i grib ma'i
lus lta bu zhes gsungs shing/ bskyed rim 'dod 'jo bar me g.yor
ni grib ma'i gzugs snang brnyan tsam zhes gsungs so/ ! /sbyor
ba'i mnyam nyid ni/ rnam

bshad ltar na/ mi rtag sogs bcu drug rtogs pa'i sems dpa'i gzhi
shes kyi sbyor ba'i zin byed yul yul can de kho nar ma grub par
rtogs pa'i sbyor ba gcig la ldog pa'i sgo nas mnyam nyid bzhir
phye bar bshad cing/ sbyi don 'dir

@028a @#/ /yang rnam bshad kyi rjes su 'brang ste sbyor ba yin
par bshad la/ rnam bshad kyi lus rnam gzhag gi skabs dang rtogs
dka'i snang bar sbyor ba'i 'dzin stangs yin par bshad pa la
brten nas/

sgo mang yig char sbyor ba'i 'dzin stangs kyi yul yin pa dang de
la bden pa gnyis yod par bshad kyang/ gser phreng las sbyor ba'i
mnyam nyid ni sbyor ba'i sgom tshul yin par gsungs pas/ sngar
bshad pa'i

sbyor ba bcus rang rang gi dmigs yul la bden zhen 'gog pa ni
sbyor ba'i mnyam nyid yin no/ /de yang bzhi ste/ mdo'i sgras zin
ltar na/ 'di gzugs so zhes dang/ gzugs 'dis dngos po

'di lta bu zhig sgrub po zhes dang/ gzugs 'di bdag gi'o zhes
dang/ gzugs 'di rtogs so zhes bden par zhen pa 'gog pa bzhi
dang/ 'grel pa'i sgras zin ltar na/ gzugs sogs la de dang

de'o zhes ngo bo dang/ gzugs la sogs pa'i tha snyad kyi gyu
mtshan ma dang/ gzugs la sogs pa'i dbye ba dang/ gzugs la sogs pa
la de dang de rtogs so zhes bden pa zhen pa 'gog pa bzhi

ste; sbyor ba bcu po re re la de ltar sbyor dgos pas mnyam nyid
bzhi bcur bshad do/ ! /skabs 'di'i dngos bstan gyi mthong lam de
sgro 'dogs so gnyis dang bral bar gsungs

@028b pa'i sgro 'dogs so gnyis ni/ rtag pa dang mi rtag par bden
par 'dzin pa nas  nges 'byin dang nges 'byin ma yin par/ bden
par 'dzin pa'i bar gnyis la byed do/ ! /skabs

'dir mi ston rgyu'i sgom lam la gnyis yod de/ mi rtag sogs bcu
drug mngon sum du rtogs pa'i theg chen gyi sgom lam dang/ de
'dra ba'i theg dman gyi sgom lam gnyis so/ /dang

po mi ston pa'i rgyu mtshan yod de/ nyan rang gi rtogs rigs ni
byang sems dpas shes mthong gis bltas nas 'da' bar bya ba'i
mngon rtogs yin gyi/ mngon du bya ba'i

mngon rtogs ma yin pa'i phyir/ gnyis pa mi ston pa'i rgyu mtshan
yod de/ go bar sla ba'i phyir zhes pa ni rgyan snang gi dgongs
pa'o/ nyi snang dang 'grel ba 'di gnyis kar phyi ma'i rgyu

mtshan ma bshad cing/ nyi snang las snga ma'i rgyu mtshan sngar
bshad pa de'i steng du nyan rang gi spangs rtogs kyi rigs mtha'
dag byang sems mthong lam sdug bsngal

chos bzod kyi byed par 'dus pa'i shes byed drangs so/ /gzhung
lugs dka' gnad 'dab brgya bzhad pa'i gnyen/ /bdag blo'i snang
ba'i mu khyud shar ba na/ /blun

@029a @#/ /rmongs rgyu skar dbus na 'od 'tsher ba'i/ /mkhas rlom
ri dwags mtshan mas ji ltar 'gran/ /zhes pa ni skabs gsum pa'i
zur mtshan no/ /