@001a @#/ /phar phyin spyi don gsal pa'i sgron me'i skabs lnga pa
drug ba bdun pa brgyad pa sogs kyi zur mchan yum don rab gsal
skron ma zhes bya ba bzhugs so/ /

@001b @##/ /mdo las rtse sbyor thob pa'i rtags bcu gnyis kyi dang
po drug la rmi lam dang/ bdun pa la sad rmi gang rung sbyar nas
lhag ma lnga la de

gnyis gang gi yang tha snyad ma mdzad la/ gser phreng las dang
po drug rmi lam dang/ de nas gnyis pa sad rmi gnyis ka dang/ tha
ma bzhi sad pa'i rtags su

bzhed/ rnam bshad las dang po lnga rmi lam dang/ de nas gnyis pa
sad rmi gnyis ka dang/ tha ma lnga sad pa'i skabs dang sbyar/
rtogs dka'i snang bar

dang po drug rmi lam dang/ phyi ma drug sad pa'i rtags su
bshad/ 'grel bar dang po la rmi lam gyi gnas skabs na yang zhes
gsungs nas gzhan la sad rmi gang gi

@002a @##/ /yang khyad par ma sbyar pa la/ yang sgra'i nus bas sad
rmi gnyis ka dang/ de yang thog ma'i gsal byed yin par dgongs
nas spyi don 'dir rtags

bcu gnyis po re re la yang sad pa dang rmi lam gyi rtags gnyis
gnyis yod par bshad do/ /grong khyer sogs mes tshig pa bden tshig
gis zhi bar byed pa la phyir mi ldog pa yin min

gnyis dang de re re la me ma lus par zhi ma zhi gnyis re yod pas
mu bzhir 'gyur te/ phyir mi ldog la me ma lus par ma zhi ba
dang/ me ma lus par zhi la phyir mi ldog pa ma yin pa

dang; de gnyis ka yin pa dang/ de gnyis ka ma yin pa bzhi yod
pa'i phyir/ dang po ni bden tshig brjod pa po phyir mi ldog pa
yin kyang byang sems rang nyid dam yul gyi sems

@002b can gyi chos spong ba'i las kyi dbang gis me ma lus par ma
zhi pa'o/ /gnyis pa ni bden tshig brjod pa po phyir mi ldog pa ma
yin kyang bzung kyi mthus me ma lus par zhi pa'o/ /mu phyi ma
gnyis ni go sla'o/ /

mi ma yin pa'i gnod pa bden tshig gis zhi bar byed pa la yang mu
bzhi sngar ltar sbyar ro/ /rnam bshad las/ rmi lam na yang chos
rnams kun rmi lam lta bur zhi lhag zung 'brel gyi ting nge 'dzin
gyis lta ba

la sogs pa rnam pa bcu gnyis su mdo las bzhed/ ces gsungs pa
ltar khas len du mi rung dam snyam ste/ rmi lam gyi shes pa la
sgom byung med pa'i phyir/ paN chen gyis gong ma'i sas bsdus kyi

gnyid yod par bshad pa ltar na dpyad gzhir snang yang/ de ltar
'chad pa'i khungs med pas na yongs grags ltar gong ma'i sas
bsdus kyi gnyid mad par 'dod dgos so/ ! /rnam 'phel bcu drug ni
rtse mo

rtse sbyor kong nas gong du 'phel pa'i gnas skabs bcu drug gi
ming yin pas rim can kho nar skye ba yin la/ rnam 'phel dang
po'i skabs kyi 'dzam gling gi sems can gyi grangs ni nyi khri
dang de'i 'grel ba dag tu

mchod yul du mdzad cing/ brgyad stong pa dang de'i 'grel ba
rnams su mchod pa por bshad do zhes gser phreng las gsungs
shing/ 'grel ba 'dir yang mchod yul du mdzad par snang yang/
rnam bshad

@003a @#/ /dang rtogs dka'i snang ba gnyis kar mchod pa po la
byas nas/ mchod yul du mdzad pa'i mdo drangs pa ni ya mtshan na/
! /phyi gtso bor gyur ba'i bsod nams rnam pa brgyad dang/ nang
gtso

por gyur pa'i bsod nams rnam par brgyad ces gzhung mang bor
'byung yang/ phyi dang nang gtso bor 'gyur tshul de ltar yin zhes
gsal par bshad pa mi snang la/ rnam bshad las/ gang zag gzhan la
ltos mi ltos la

byed pa lta bur snang bas/ 'di ltar na brgyad tshan snga phyi
gnyis kyi skabs su lam nyams su len pa'i tshe rim bzhin gzhan gyi
gdams ngag sogs la gtso cher brten dgos pa dang mi dgos pa'i
khyad par yod dam

dbyod dgos so/ ! /byang sems bzhi'i dge rtsa thams cad la rtse
gcig tu yi rang ba'i ting nge 'dzin ni sems kun tu gnas pa'i
ting nge 'dzin yin par gser phreng las gsungs shing/ rtogs dka'i
snang par chos

mchog pas byang sems bzhi'i dge ba la yi rang ba'i bsod nams
mang por bstan pa nyid kyis sems kun tu gnas pa'i ting nge 'dzin
gyi bsod nams mang por mtshon la/ mtshon nus pa'i rgyu mtshan ni/
yi rang gi dge

dang ting nge 'dzin gnyis grogs dang grogs can yin pas so zhes
bshad la/ rnam bshad kyang 'di dang mthun par snang ngo/ /mdo
bsdud par/ mi ldog byang chub mchog la rab tu zhugs pa yi/ /sems

@003b bskyed pa la bsam pa thag bas yi rang ba/ /stong gsum ri
rab srang la gzhal bas tshad bzung rung/ /rjes su yi rang dge ba
de ni de lte min/ /zhes pas chos mchog rtse sbyor bstan par
budd+ha shrIs bshad pa ltar rje yab sras

gsum gas bzhed pas/ slob dbon gyi bsdud 'grel las gzhung 'dis
bzod pa dang/ dge ba don gnyer pa na 'dod sems can ji snyed pa/
/zhes sogs kyis chos mchog bstan par bshad pa'i dgongs pa btsal
par bya'o/ /

byang sems bzhi'i ngos 'dzin la lugs mi 'dra pa gsum yod pa ni
spyi don 'dir gsal par bkod pa ltar yin la/ 'on kyang lugs gsum
gyi dang po 'phags pa'i lugs ni/ nyi snang du/ rnam rtog bzhi'i
gnyen po mthong sgom gyi

rtogs pa bzhi la sbyar ba las gzhan pa so sor sbyar pa mi snang
yang/ sbyi don 'dir sa dang po sogs dang sbyar ba ni rtogs dka'i
snang bar 'phags pa'i dgongs pa de ltar yin par bshad pa'i rjes
su 'brang ba'o/ ! /rgyu phyin drug  

gis 'bras bu byang chen thob pa'i ngo bo nyid la sogs pa'i yul
dgu po gang rung la dmigs nas byang chub sems dpa'i 'jug bya'i
gzung bar bden par zhen pa'i blo kun btags de/ ngo bo nyid dang
rigs dang ni/ /zhes sogs kyi

skabs nas dngos su bstan pa'i 'jug pa gzung rtog gi mtshan nyid/
rtog pa dman pa la sogs pa'i yul dgu po gang rung la dmigs nas
byang chub sems dpa'i ldog bya'i gzung bar bdan bar zhen pa'i
blo kun btags de/ srid dang

@004a @#/ /zhi bar ltung ba'i phyir/ /zhes sogs kyi skabs nas
dngos su bstan pa'i ldog pa gzung rtog gi mtshan nyid/ yon tan
'dzin zhing skyon 'dor pa po la sogs pa'i yul dgu po gang rung
la dmigs

nas rdzas yod kyi longs spyod pa bor bden bar zhen pa'i blo kun
btags de/ 'dzin pa dang ni 'dor ba dang/ /zhes sogs kyi skabs
nas dngos su bstan pa'i rdzas 'dzin rtog pa'i mtshan nyid/ ched
du bya ba chen po gsum ji lta ba

bzhin du ngas bar mi 'byung ba'i skyes bu la sogs pa'i yul dgu
bo gang rung la dmigs nas btags yod kyi longs spyod pa por bden
par zhen pa'i blo kun btags de/ ched bzhin nges par mi 'byung
dang/ /zhes sogs kyi skabs

nas dngos su bstan pa'i btags 'dzin rtog pa'i mtshan nyid/ !
/gser phreng dang rtogs dka'i snang ba ltar na/ byang chub la
gzhan ston pa dang/ /zhes pa'i tshigs bcad kyi skabs nas bstan
pa'i chos gsum ni mthong lam

rtse sbyor gyi grogs dang byang chub chen po'i rgyud bshad la/
gnas skabs kyi byang chen gyi rgyur ma gsungs shing mi bzhed par
snang ngo/ /rnam bshad las/ mtha'i byang chen gyi rgyu yang ston
pa yin mod kyi/ gnas skabs

kyi byang chub chen po mthong lam rtse sbyor gyi rgyu ston pa la
nges par sbyar bar bya ba kho na'o/ /zhes sngar gyi chos gsum po
de gnas skabs kyi byang chen gyi rgyur bshad do/ ! /dri ma zad
dang mi skye pa'i/ /ye shes byang chub cas

@004b brjod de/ /zhes pa'i don ni/ bden par grub pa'i dri ma
gdod ma nas zad pa dang nam yang mi skye par mngon sum du rtogs
pa'i theg chen gyi ye shes gnyis ni/ 'dir bstan byang chub chen
po yin par brjod ces pa'o/ /bden par grub

pa'i dri ma gdong ma nas zad par mngon sum du rtogs pa'i ye shes
ni zad pa shes pa dang/ de 'dra ba'i dri ma nam yang mi skye par
mngon sum du rtogs pa'i ye shes ni mi skye ba shes pa yin gyi/
dngos por smra ba ltar don dam par skyes zin pa'i

drim lam gyis zad par byas pa la dri ma de dag bdag gi rgyud la
zad do snyam pa'i shes pa ni pad pa shes pa dang/ don dam par
skye 'gyur gyi drim lam gyis mi skye par byas pa la phyin chad
bdag gi rgyud la dri ma mi skye'o snyam pa'i shes pa ni mi skye
ba

shes par 'dod pa dang/ de 'dra pa'i shes pa gnyis byang chub
yin par 'dod pa ni mi rigs te/ bden par grub pa'i dri ma sngar
yod zad pa med pa dang sngar med skye ba med pa'i phyir ro zhes
'chad par/ zad med skye med phyir de dag/

go rim bzhin du shes par bya/ /zhes gsungs so/ /des ni dri ma
zad skye bden med du mngon sum du rtogs pa'i mthar thug gi ye
shes sam/ dri ma zad mi skye pa den med du mngon sum du rtogs
pa'i ma thar thug gi ye shes de byang chub

chen po'i ngo bor bshad pa ni/ dri ma zad dang mi skye ba'i/
/ye shes byang chub ces brjod de/ /zhes pa'i tshig don la 'grig
par mi snang ste/ zad pa shes pa la zad pa med pa dang/ mi skye
ba shes pa la mi skye ba med pa sbyar pa'i phyir ro/ 'di
@005a @#/ /ltar bshad pa ni zad med skye med phyir de dag ces
pa'i don yin snyam du dgongs kyang/ gzhung 'di zad mi skye shes
pa'i sgrub byed du bkod pa yin gyi/ zad dang mi skye'i don bshad

pa min te/ rtogs dka'i snang ba las/ dri ma zad pa dang mi skye
ba shes pa'i ye shes byang chub ba yin no zhes mdo las brjod de/
de'i don yang dngos smra ba dag kun 'byung bden pa ba gnyen po'i
stebs

kyis zang pa dang/ sdug bsngal bden pa ba gnyen po'i stobs kyis
sngar med mi skye bar byas pa la de ltar shas pa'i ye shes la
'dod kyang de nyid 'og nas 'gog la/ 'dir rang lugs la dri ma
bden pa ba

sngar yod zad par byar med cing sngar med skye ba med pa'i phyir
na gdod ma nas zad pa dang mi skye bar shes pa'i ye shes mthar
thug de dag go rim bzhin du zad mi skye shes pa'i ye shes yin
par shes par bya'o/ /zhes

gsal bar gsungs ba ltar ro/ ! /gser phreng dang rtogs dka'i
snang ba gnyis kar rnal 'byor gyi sa bzhir gsungs la/ de bzhin
ni gang zag gi bdag med rtogs ba dang/ gzung ba bden med du
rtogs

pa dang/ 'dzin pa bden med du rtogs pa dang/ rang rig bden med
du rtogs pa'i rnal 'byor gyi sa ste bzhir gser phreng las gsungs
so/ /de dag gi don ni rim bzhin phung sogs gang zag rang skya
thub pa'i

@005b rdzas yod kyis stong par rtogs pa dang/ sngo sogs phyi don
gyis stong par rtogs pa dang/ sngo sogs kyi rnam par skyes pa'i
gnyis snang can gyi mngon sum bden med du rtogs pa dang/ gnyis
snang dang bral ba'i rang rig

bden med du rtogs pa'i rnal 'byor gyis yin par rtogs dka'i snang
bar bshad de/ phyi ma gnyis ni dmigs yul gyi sgo nas phye ba ma
gtogs 'dzin stengs kyi yul ni 'dra bar bshad do/ /gser phreng
ltar na/ dang po

gnyis dang bzhi pa ni sngar bshad pa dang 'dra la/ gsum pa'i don
la/ 'dzin pa'i rnam pa'i mtshan nyid rnam par rig pa'am 'dzin pa
tsam du zhen pa de yang bsal te/ /zhes pa las gsal par ma gsungs
so/ /'di la kha cig

na re/ rnal 'byor gyi sa gnyis pas sngon po sngon 'dzin las
rdzas gzhan du med par rtogs/ rnal 'byor gyi sa gsum pas sngon
'dzin dbang mngon de sngon po las rdzas gzhan du med par rtogs
pa ni de gnyis kyi khyad par yin zer

na; de mi 'thad par thal/ 'jug pa'i TIka chen las/ phyi don med
par grub na de 'dzin pa'i shes pa gzung pa las rdzas tha dad pa
med par su dbang po rtul yang grub pas/ zhes gsungs pa ltar rnam
bshad las kyang/ sngon

po sngo snang shes pa las rdzas tha dad yin pa khegs nas/ sngo
snang shes pa sngon po las rdzas tha dad pa'i gzung 'dzin rdzas
gzhan ma khegs pa'i gang zag gi rim pa mi 'thad la/ zhes gsungs
pa gang zhig /'dir bstan rnal

@006a @#/ /'byor gyi sa bzhi la snga ma snga mas ma gsal pa'i
mngon zhen phyi ma phyi mas sel dgos pa'i mthod man gyi rim pa
yod par 'grel pa rang las shin tu gsal bar gsungs pa'i phyir te/
'grel bar/ de

la skye ba dang 'jig pas stong pa'i phyir bdag med do snyam du
bsgoms pas bdag tu mngon bar zhen pa bor nas/ des dben pa'i
phung po la sogs pa rten cing 'brel bar 'byung ba skye ba dang
'jig pa'i chos can la yang dag par dmigs

te/ zhes rnal 'byor gyis dang pos phung sogs gang zag gi bdag tu
mngon par zhen pa bsal yang chos kyi bdag tu mngon bar zhen pa
ma bsal ba dang/ sngon po dang de'i blo dag lhan cig dmigs pa
des pa'i phyir 'di ni

sems tsam kho na yin gyi phyi rol gyi don ni med do zhes bya ba
yid la byed cing/ 'dzin pa'i rnam pa can gyi sems la mngon par
zhen pa yongs su ma bor bas phyi rol gyi don du mngon par zhen
pa spangs te/ zhes rnal 'byor gyi sa

gnyis pas phyi rol gyi don du mngon par zhen pa bsal yang de
'dzin pa'i rnam pa can gyi sems la mngon par zhen pa ma bsal ba
dang/ gzung ba med na 'dzin pa med do snyam du des par sems pas
'dzin pa'i rnam pa'i mtshan

nyid rnam par rig pa tsam de yang bsal te/ ga nyis su med pa'i
ye shes 'ba' zhig yang dag par yod pa'i ngo bo yin no snyam du
nges par byas nas/ zhes rnal 'byor gyi sa gsum pas de 'dzin pa'i

@006b rnam pa can gyi sems la mngon par zhen pa bsal yang/ gnyis
snang dang bral ba'i rang rig la bden par zhan pa ma bsal ba
dang/ de yang rten cing 'brel bar 'byung ba yin pa'i phyir sgyu
ma bzhin du ngo bo nyid med pa ste/

zhes sogs kyis gnyis snang med pa'i rang rig bden par yod do
snyam du mngon par zhen pa bsal ba'i rnal 'byor gyis bzhi pa
bstan pa'i phyir ro/ /des na rnal 'byor gyi sa gsum pas ni rnam
ba den rdzun gyis bden

par yod med rtsod pa'i gzhi dbang shes kyi gzung rnam bden med
du rtogs pa yin te/ rnal 'byor gyi sa gnyis pa'i skabs su 'dzin
pa'i rnam pa can gyi sems la mngon par zhen pa yongs su ma bor
bas/ zhes pa'i

'dzin pa'i rnam pa dang/ rnal 'byor gyi sa gsum pa'i skabs su
'dzin pa'i rnam pa'i mtshan nyid rnam par rig pa tsam de yang
bsal te/ zhes pa'i 'dzin pa'i rnam pa gnyis ka shes pa'i gzung
rnam yin gyi/

gzung rnam 'dzin rnam gnyis su phye ba'i 'dzin rnam ma yin pa'i
phyir te/ gzhan du na rnal 'byor gyi sa gsum bas rang rig bden
med du rtogs par thal pa'i phyir ro/ /rnam bden pas sngon 'dzin
mig shes kyi gzung rnam de

gzung ba sngon po de 'dzin pa'i rnam pa yin par 'dod pas na
'dzin pa'i rnam pa zhes gsungs kyang/ rnam rdzun pas de sgro
btags dang dngos med du 'dod pa yin te/ sngon po'i rnam pa dang
sngon 'dzin mig shes kyi gzung rnam

@007a @#/ /ni don 'dra ba yin la/ de gnyis ka rnam bden pas dngos
po dang/ rnam rdzun pas dngos med du 'dod pa'i phyir/ rnam bden
rdzun gyi khyad par ni sngo ser la sogs pa'i rnam pa dngos

pa dang dngos med du 'dod pas 'byed pa ni legs bshad snying po'i
dgongs pa yin pa'i phyir ro/ /rnam bden pa'i lugs la sngon 'dzin
mig shes kyi gzung rnam zhes pa ni/ sngon 'dzin mig shes la
sngon

po'i rnam pa shar ba'i tsha dang myong ba gsal rig gi cha gnyis
yod pa'i dang po yin la/ mig shes la sngon po'i rnam pa shar
ba'i don lang mig shes de sngon po'i rnam par skyes pa de yin
gyi/ sngon po dang sngon

'dzin mig shes kyi bar na rnam pa rib ma lta bu yod pa min par
gsungs so/ /rnam pa shar ba'i don de ltar yin par mdo sde ba
dang rnam bden pa gnyis ka 'dod pa mthun la rnam rdzun pas de
ltar mi 'dod de/ sde bdun rgyan las/

rnam pa shar pa'i don kyang rang rgyu las rnam pa'i ngo bor
skyes pa yin no zhes bshad zin to/ /zhes dang/ rnam pa shar pa'i
don de ltar 'dod par mdo sems gnyis ga mthun kyang/ mdo sde pa
mig shes gzungs kyi rnam

ldan du rang rgyu phyi rol gyi gzungs las skyes bar 'dod la/
rnam rig pa bag chags kyi dbang gis rnam pa'i ngo bor skyes par
'dod pa khyad par yin la/ 'on kyang de ltar 'dod pa'i rnam rig
pa ni rnam bden pa'i dbang du byas

@007b so/ /zhes gsungs pas so/ /'dod tshul 'di dag ni snga mkhas
grub rin po che'i bzhed pa yin no/ /rje rgyal tshab rin po che'i
bzhed tshul ni 'og tu cung zad 'chad par 'gyur ro/ /gser phreng
ltar na/ lhan cig dmigs nges

kyi sbyor ba'i chos can gyi don ni/ don snang dang de snang ge
blo gnyis so/ /dam bca'i don ni de gnyis rdzas tha dad du med pa
ste/ de yang rnam rdzun pa ltar na tha dad bkag tsam yin gyi
rnam bden pa ltar na rdzas gcig tu sgrub par 'dod de/

rtags kyi don ni de gnyis dus ga cig pas na lhan cig /dmigs pa
ni rtogs pa/ des pa ni gcig rtogs pa la gcig shos rtogs pas
khyab pa'o/ /gal te 'di tsam zhig phyi don med pa'i don yin nam
na mdo sde bas kyang phyi

don med par 'dod par thal/ des sdor snang dang sngon 'dzin dbang
mngon gnyis rdzas gzhan min pa dang lhan cig dmigs des su 'dod
pa'i phyir na ma khyab ste/ de ltar 'dod pa tsam la mdo sems
mthun kyang/ mdo sde bas

sngon po'i rnam pa de phyi rol gyi sngon pos gtad par 'dod la/
sems tsam pas bag chags kyi mthus shas pa yul gyi rnam pa can du
skye bar 'dod pa'i phyir ro/ zhes bzhed la/ rje mkhas grub rin
po che'i bzhed pa ltar na/

dam bca'i don la rnam bden rdzun gyi khyad par phye ba de rnam
pa chos can du gzung ba'i lugs yin yang rnams chos can du 'dzin
pa mi 'thad de/ phyi rgol mdo sde pas sngon 'dzin mig shes la
shar ba'i sngon po'i rnam pa de sngon 'dzin

@008a @#/ /mig shes las rdzas gzhan ma yin par grub zin pa'i
phyir dang/ bye brag smra bas de 'dra ba'i rnam pa gzhi ma grub
par 'dod pa'i phyir ro/ /sngon 'dzin mig shes la sngon por snang
ba chos can du 'dzin na

bye brag smra pa'i ngor chos can mi 'grub ste/ bye brag smra bas
mig dbang gis gzugs mthong gi mig shes kyis gzugs mi mthong bar
'dod pa'i phyir te/ mdzod las/ mig gis gzugs rnams mthong brten
bcas/ /

de la brten pa'i rnam shes min/ /gang phyir bar du gcod pa yi/
/gzugs ni mthong ba min phyir lo/ /zhes gsungs pa'i phyir/ bye
smra'i lugs la sngon 'dzin mig shes kyis sngon po mi snang bas
de sngon po'i rnam

par mi skyes la/ dbang shes rnam med du 'dod pa'i don yang de
yin no/ /sde bdun rgyan du mig shes kyis yul mi 'dzin par gsungs
te/ de'i ltar na sngon 'dzin mig shes kyang med par 'gyur la/
gnyis kyis

rnam shes phyi yi lnga/ /zhes pa dang yang 'gal bar mi 'gyur ram
dpyod dgos so/ /rje rgyal tshab rin po che'i bzhed pa ltar na/
'dir bshad pa'i rnam pa bden pa dang rdzun pa'i don ni/ don byed
nus pa dang mi nus

pa dang dbu sems rtsod pa'i bden rdzun sogs la mi byed kyi/ rnam
bden rdzun gnyis kas sngon 'dzin mig shes la shar ba'i sngon
po'i rnam pa de dngos po dang/ bden grub dang/ sngon 'dzin mig
shes kyi gzung rnam

@008b yin par 'dod pa mthun pa'i phyir ro/ /dbang shes la sngo
ser sogs rags par snang ba dang/ kha dog gi rnam par snang ba
dang/ cha du ma 'dus pa'i gos gnon pa'i tshul du snang ba rnams
ni rnam bden rdzun rtsod pa'i gzhi yin la/

ma rig pas bslad pa'i dbang gis ma bzhag pa'i shes pa'i gzung
yul ni/ skabs 'di'i bden pa'i don dang/ ma rig pas bslad pa'i
dbang gis bzhag pa'i shes pa'i gzung yul ni/ skabs 'di'i rdzun
pa'i don yin gyi/

bden par grub ma grub ni skabs 'di'i bden rdzun gyi don min no/
/des na dbang shes la sngo ser sogs rags par snang ba rtsod
gzhir bzung nas ma rig pas ma bslad pa'i snang ba yin min la
rtsod pa ni/ rnam bden rdzun gyi

rtsod tshul yin gyi/ dbang shes la shar ba'i sngon po'i rnam pa
rtsod gzhir gzung nas dngos po yin min dang bden par grub ma
grub la rtsod pa gtan min par bshad la/ bshad tshul 'di ni/ rje
rin po che thams cad mkhyen

pa blo bzang grangs pa'i dpal bzang po'i zhal snga nas legs par
gsungs pa'i phyogs tsam bkod pa ste/ zhes kyang rnam nges dar
TIka las bshad do/ /'di la kha cig na re/ khyod kyi bshad tshul
'di mi 'thad par thal/

dbang shes la sngo ser sogs rags par snang ba de rnam pa den pas
bden grub dang/ rnam rdzun pas bden par ma grub par 'dod par dar
TIka de las bshad pa'i phyir/ dang po sla/ gnyis pa grub ste/
de nyid las/

@009a @#/ /slob dpon chos mchog gis kyang/ dbang shes la rags par
snang ba bden par grub pa bye brag pa 'dod pa'i yan lag can gyi
rdzas dang mtshung pas legs par bkag pa'i phyir dang/

lus can zhes bya ba dwa zed de ba med kyi zhes gsungs pa ni/
rags snang bden par grub na phyi rol gyi don med pa ming tsam du
gsungs pa'o/ /zhes gsungs pa'i phyir nam khyab ste/ rags snang
de skabs 'di'i bden grub

ma yin pa'i don yin gyi/ dbu sems yod med rtsod pa'i skabs kyi
bden grub min pa'i don ma yin pa'i phyir te/ skabs 'di'i bden
rdzun gyi don sngar bshad zin pa'i phyir/ gzhan du na dar TIka
de'i tshig snga phyi 'gal

par 'gyur pa'i phyir te/ de nyid las/ sems tsam rnam rdzun pa
rnams dbang bo'i mngon sum la rags pa gsal bar snang ba dang/
gsal bar snang ba de yang shes pa'i rdzas su bzhed pas dngos por
yod med sogs

skabs 'di'i bden rdzun gyi don ma yin pa shes par bya'o/ /zhes
gsungs pa'i phyir ro/ /kha cig /lhan cig dmigs nges yin na rdzas
gzhan ma yin pas ma khyab ste/ snang gzugs gnyis lhan cig dmigs

nges yin kyang rdzas gzhan yin pa'i phyir zer na/ de mi 'thad
par thal/ snang gzugs lhan cig dmigs nges ma yin pa'i phyir te/
gzugs gzhan mthong pa'i blo ma skyes par snang ba 'ba' zhig
mthong pa'i

@009b dbang shes skye ba yod pa'i phyir dang/ snang ba mthong
pa'i blo ma skyes par mun khung nang gi gzugs mthong ba'i byi
la'i mig shes yod pa'i phyir/ byas pa la kho na re/ lhan cig
dmigs nges su gyur ba'i snang gzugs med

par thal/ khyod kyi bshad tshul 'di 'thad pa'i phyir na ma khyab/
'dod mi nus te/ dbang shes gcig gi gzung yul du rung zhing gzugs
snang bar mchad pa'i snang gzugs ni lhan cig dmigs des yin par
rnam nges dar

TI ga las bshad pa'i phyir ro/ /yang kha cig na re/ sngon 'dzin
mig shes la sngon par snang ba de mdo sde pas shes pa'i rdzas su
'dod pa dang/ bye smras gzhi ma grub par 'dod pa'i khyad par yod
ces bshad pa mi 'thad

par thal/ nyan thos sde ba gnyis kas sngon 'dzin mig shes la
sngon por snang ba de sngon po dang phyi rol gyi don yin par
'dod pa'i phyir te/ rnam des dar TIka las/ kha cig sngon por
snang ba rtsod gzhir 'dzin pa mi rigs te/

nyes ba de dag yod pa'i phyir ro zer pa mi rigs te/ nyan thos
sde gnyis kas dbang shes ma 'khrul ba la sngon por snang ba
sngon po nyid du khas blangs pa'i phyir/ de ni sngon po snang ba
dang sngon por snang ba khyad ma phyed pa'i gtam mo/ /

zhes gsungs pa'i phyir zer na dpyad bya ste/ dar TIka 'di dang
sde bdun rgyan gnyis bshad tshul ches mi 'dra ba'i phyir ro/
/yang kha cig na re/ sngon po chos can/ sngon po ma yin par
thal/ khyod sngon 'dzin mig shes la

@010a @#/ /sngon por snang ba ltar ma grub pa'i phyir nam khyab/
rtags grub ste/ sngon 'dzin mig shes la sngon po sngon por snang
ba de 'khrul pa'i snang ba yin pa'i phyir/ der thal/ de ma rig
pas

bslad pa'i snang ba yin pa'i phyir te/ de 'dra ba'i snang ba de
rnam rdzun pas ma rig pas bslad par 'dod/ rnam bden pas des ma
bslad par 'dod pa'i phyir te/ rnam bden rdzun gyi don de yin
pa'i phyir ro/ /yang kha cig

na re/ sngo ser sogs rags pa ma yin par thal/ dbang shas la sngo
ser sogs rags par snang ba ltar ma grub pa'i phyir na mkhyab/ 'o
na khyod rang la/ ljon shing de yal 'dab can gyi shing ma yin
par thal/ ljon

shing 'gro bar snang ba'i dbang shes la khyod yal 'dab can gyi
shing du snang ba ltar ma grub pa'i phyir/ khyab pa 'grigs/ don
pa sdu na/ rnam bden rdzun gyi rnam pa ni/ dbang shes la sngo
ser sogs rags par snang ba

dang/ kha dog gi rnam par snang pa dang/ cha du ma 'dus pa'i go
sa gnon pa'i gzugs su snang ba rnams yin la/ skabs 'di'i bden
rdzun gyi don ni/ ma rig pas ma bslad pa'i ma 'khrul ba'i snang
ba ni skabs 'di'i

bden pa'i don dang/ des bslad pa'i 'khrul pa'i snang ba ni skabs
'di'i rdzun pa'i don no/ /dbang shes la sngo ser sogs rags par
snang ba de ma 'khrul ba'i snang ba yin par khas blangs pa'i
sems tsam pa ni sems

@010b tsam pa rnam bden pa dang/ de 'dra pa'i snang pa de 'khrul
ba'i snang ba yin par khas blangs pa'i sems tsam pa ni sems tsam
pa rnam rdzun pa yin te/ 'di dag ni rje rgyal tshab rin po che'i
bzhed pa ltar pa kod pa'o/ /des na rnal

'byor gyi sa gsum pas dbang shes la sngo ser sogs rags par snang
ba ltar ma grub pa rtogs par 'dod dgos so/ /'on kyang rnam bshad
las rnal 'byor gyi sa bzhir 'dod pa 'gags nas/ bar ba la rim pa
gnyis 'byung ba ni

mnyam gzhag dang rjes thob gyi rtogs tshul gyi rim pa bstan pa
yin gyi lta ba gong 'og gi rim pa bstan pa min par gsungs kyang
dpyad gzhi che ste/ 'dzin pa'i rnam ba can gyi sems la mdon par
zhen pa yongs su ma shor bas/ zhes

gnyis pa'i skabs su sel mi nus pa'i mngon zhen de/ 'dzin pa'i
rnam pa'i mtshan nyid rnam par rig pa tsam de yang bsal te/ zhes
gsum pa'i skabs su sel dgos par 'grel ba rang las gsal bar
gsungs pa la/ rnam bshad

las mngon zhen dang po la sems bden par 'dzin pa'i blo dang/
gnyis pa la gzung 'dzin rdzas tha dad du snang ba'i 'dzin pa ma
'khrul par zhen pa'i blo bzhag pa ni 'grig dka' bar snang ba'i
phyir ro/ /gzhan du na rnal 'byor gyi sa gnyis

pa'i mnyam gzhag gi tshe sems la bden zhen spong mi nus kyang
de'i rjes thob kyi tshe spong nus par 'dod dgos par 'gyur ba'i
phyir ro/ /des na rnam bshad las bar ba gnyis gcig tu bsdus nas
rnal 'byor gyi sa gsum du mdzad pa ni/@011a @#/ /bar ba gnyis dang rgyal gyi rtogs
rigs su 'dus pa la
dgongs pa yin gyi/ rnal 'byor gyi sa bzhi'i tha snyad gtan nas
khas len par mi rung ba ni min no/ /lhan cig dmigs nges kyi don
ni/ rnam

nges dar TIka dang thar lam gsal byed ltar na/ phan tshun gcig
rtogs na gcig shos rtogs pa dang grub pa de rdzas gcig tu skyes
bas khyab pa de'i don yin pa dang/ sde bdun rgyan ltar na/ phan
tshun gcig tshad mas

dmigs dus su gcig shos kyang tshad mas dmigs pas khyab pa de'i
don yin pa dang/ rigs rgyan ltar na/ phan tshun gcig dmigs na
gcig shas dmigs byed kyi ngo bor skyes pas khyab ba de'i don yin
no/ /

rigs rgyan las lhas byin mchod sbyin gnyis ka'i gzung bya thun
mong bar gyur ba'i sngon po gcig yod kyang/ de'i gcig la snang
ba'i cha de gcig shos la mi snang bar bshad/ sde bdun rgyan las
gcig la snang ba'i cha

de gcig shos la mi snang na gzung bya thun mong bar 'gal bsan/
de gnyis ka la snang ba'i sngon po gcig gi yin pa yod par bshad
do/ /de dag la spro bya shin tu mang yang yi ge mngas su dogs
nas ma bris so/ /seng ge

rnam par bskyangs pa'i ting nge 'dzin la gnyis yod de/ mthong
rtsel dbang ba'i phyir sgom pa'i de dang/ thod brgal sbyor ba'i
da gnyis yod pa'i phyir/ gser phreng ltar na/ drug tshan drug gi
mthong rtse de nyid dang po'i seng ge

@011b rnam bskyings yin pas/ de nas seng ge rnam bskyings pa'i/
/zhes pa'i de nas zhes pa ni/ drug tshan drug gi mthong rtsel
snyoms bar bzhugs nas de'i 'og tu seng ge rnam bskyings la
snyoms bar 'dug ces pa'i don min gyi/ drug tshan

drug gi mthong rtse'i ngo bor gyur ba'i seng gi rnam bskyings la
snyoms par zhugs nas de'i 'og tu rten 'brel yan lag bcu gnyis
'phrug bzhir sgom par byed ces pa'i don yin par bzhed de/ 'di
ltar na de nas zhes rkang pa'i thog mar 'byung

pa ni 'gyur skyon yin par 'dod dam dpyad par bya'o/ /rnam bshad
ltar na/ de nas zhes pa nges par snga phyi'i rim pa la sbyor mi
dgos shing/ sbyar na yang gzhung snga mas mthong lam bar chad
med lam dang/ phyi mas rnam grol lam

bstan pa la bya dgos kyi/ de nas zhes sogs kyis sgom lam bstan
par 'dod pa ni mi 'thad par gsungs so/ ! /bye smra'i lugs la/
shes pa skad cig ma gcig gi skye 'gag gnas gsum gyi yun la
rdzogs pa'i skad cig ma'i rten 'brel

yan lag bcu gnyis dang/ skyes nas myong 'gyur gyi las kyi dbang
gis blangs pa'i mngal skyes kyi tshe yongs rdzogs gsum gyi yun la
rdzogs pa'i gnas skabs pa'i rten 'brel yan lag bcu gnyis dang/
bshad ma thag pa'i rten 'brel

yan lag bcu gnyis la rgyun chags pa'i rten 'brel yan lag bcu
gnyis zhes kyang bya ba ste gsung yod pa de dag rde gung thang
pa'i rten 'brel gyi rnam gzhag tu nyung gsal bshad 'dug pas dar
blta bar bya'o/ /gnas skabs pa'i ma

@012a @#/ /rig pa'i rten 'brel yin na ma rig pa yin pas ma khyab
ste/ gtso bo'i phyir na yan lag btags/ /zhes thog ma'i ma rig pa
mngon du gyur dus kyi 'khor bas bsdus pa'i phung po lnga ga

gnas skabs pa'i ma rig pa'i rten 'brel du bzhag pa'i phyir/ des
yan lag lhag ma rnams kyang rigs bsgres/ gnas skabs ba'i rten
'brel yan lag bcu gnyis nang phan tshun 'gal ba ma yin te/ snga
ma'i

sred len phyi ma'i ma rig pa'i rten 'brel dang/ snga ma'i srid
pa phyi ma'i 'du byed dang/ snga ma'i skye ba phyi ma'i rnam
shes dang/ snga ma'i rga shi phyi ma'i ming gzugs nas tshor pa'i
rten 'brel gyi bar lnga bo gang rung yin pa'i

phyir/ de ltar las rang rang dang tshar gcig pa'i srid len sogs
las des rnam smin 'byin pa'i grogs su mi 'ong zhing/ skye rga
gnyis kyid las de'i rnam smin ma yin pas/ tshar gcig pa'i yan lag
bcu gnyis

kyi dang po gnyis rgyu dang/ de nas lnga 'bras bu dang/ sred
sogs gsum rgyu dang/ skye rga gnyis 'bras bur byas pa'i rgyu
'bras tshar re res kyang 'khor tshul cha tshang re rdzogs par 'dod
de/ mdzod las/ de ni

rten cing 'brel 'byung ba'i/ /yan lag bcu gnyis cha gsum mo/
/sngon dang phyi mthar gnyis gnyis dang/ /bar du brgyad yongs
rdzogs ldan la/ /zhes dang/ ma rig nyon mongs sngon gnas/ zhes
ma rig

@012b pa'i rten 'brel ni sngon tshe snga ma la nyon mongs te thog
ma'i ma rig pa mngon du gyur dus kyi 'khor bas bsdus pa'i phung
po lnga dang/ 'du byed dag ni sngon las kyi/ /zhes 'du byed kyi
de ni sngon tshe snga ma la 'phen byed kyi las gsog pa'i gnas/

skabs kyi de 'dra ba'i phung po la dang/ rnam shas mtshams sbyor
phung po yin/ /zhes rnam shes kyi de ni tshe 'dir rdzus skyes ma
gtogs pa'i skye gnas gzhan gsum du nyid mtshams sbyor dus kyi de
lnga dang/ ming dang gzugs ni de phan chad/ /

skye mched drug dod tshun chad do/ /zhes ming gzugs kyi de ni
nyid mtshams sbyor ba'i skad cig gnyis pa nas skye ma ched drug
ma dod kyi bar gyi de lnga dang/ de ni gsum 'dus tshun chad do/
/zhas skye mched kyi de ni skye mched drug

dod pa nas yul dbang rnam shes gsum ma 'dus pa'i bar gyi de lnga
dang/ reg pa bde sdug la sogs kyi/ /rgyu shes nus pa tshun chad
do/ /zhes rig pa'i de ni yul dbang rnam shes gsum 'dus pa nas
bde sdug gi

rgyu la blang ngor shes mi nus pa'i dus kyi de lnga dang/ tshor
'khrig tshun chad/ /ces tshor ba'i de ni bde sbug gi rgyu la blang
dor shes pa nas 'khrig pa la spyod mi nus pa'i skabs kyi de lnga
dang/ sred pa ni/ /longs spyod

'khrig pa chags can gyi/ /zhes sred pa'i de ni 'khrig pa spyod
nus pa nas yul tshol pa la ma zhugs pa'i skabs kyi de lnga dang/
nye bar len pa longs spyod rnams/ /thob par bye phyir yongs
rgyug ba'i/ /zhes nye

@013a @#/ /bar len ba'i de ni sred pa'i yul du gyur ba'i longs
spyod rnams chal pa la zhugs pa'i gnas skabs kyi de lnga dang/
de srid 'bras bu 'byung 'gyur ba'i/ /las byed de ni srid pa yin/
/zhes

srid pa'i de ni yang srid phyi ma'i skye ba 'phen byed kyi las
byed pa'i dus kyi de lnga dang/ nyid mtshams sbyor ba skye ba
yin/ /zhes skye ba 'di ni yang srid phyi mar nyid mtshams sbyor
ba'i skabs kyi de lnga dang/ tshor ba'i par ni

rga shi yin/ /zhes rga shi'i de ni yang srid phyi ma'i ming
gzugs nas tshor ba'i rten 'brel gyi bar bzhi ni rga shi ci rigs
kyi rten 'brel yin par gsungs pa'i phyir ro/ ! /spya don 'dir
thog ma'i ma rig pa la mthong spang sgom

spang gnyis ka yod par bshad la/ sgo mang yig char yang de ltar
bshad kyang/ don gsang mkhan pos de mthong spang kho nar 'dod
la/ gser phreng las de sgom spang kho nar bshad pa ltar bla ma
dam chos kyis

kyang de sgom spang kho nar 'dod do/ /sgo mang yig char yan lag
dang po'i ma rig pa la las 'bras la rmongs pa rang de kho na
nyid la rmongs pa gnyis yod par bshad kyang/ spyi don 'di ltar
na/ yan lag dang po'i ma rig

pa yin na de kho na nyid la rmongs pa'i ma rig pa yin pas khyab
ste/ dus kyi kun slong gi ma rig pa la de gnyis yod kyang/ dus
kyi kun slong gi ma rig gi ma rig pa ni yan lag bcu gnyis kyi
nang tshan du gyur pa'i ma rig

@013b ba ma yin par bshad pa'i phyir dang/ gser phreng las
kyang/ de ltar gsungs pa yang dus kyi kun slong la dgongs gyi
rgyu'i kun slong ni de kho na nyid la rmongs pa gcig pu ste
sngar bshad pa ltar ro/ /de'i phyir yan lag bcu gnyis

kyi dang po yang de kho na'o/ /zhes gsungs pa'i phyir/ ! kha cig
/thogs med sku ma ched kyi lugs la/ ma rig pa yin na rmongs cim
gyi ma rig pa yin pas khyab par thal/ lam rim las/ thogs med sku
mched ni/

yang dag pa'i don la phyin ci log tu 'dzin pa dang/ rmongs tsam
gnyis las phyi mar bzhed de/ zhes gsungs pa'i phyir na ma khyab
ste/ ma rig pa la rang stobs kyis rmongs tsam ma gtogs log rtog
med pa'i don yin pa'i phyir/

'dod mi nus te/ lta ba lnga dang mtshungs ldan gyi ma rig pa de
rang stabs kyis rmongs tsam yin kyang/ grogs lta ba'i dbang gis
log rtog tu gyur ba'i phyir ro/ ! /thog mA mi rig pa ni khyad
par gsum ldan yin te/ mthong lam

gyis ma bshig ba dang/ sgom lam gyis ma bcom pa dang/ bal la
nyal gyi rjes su 'brel ba ste khyad par gsum ldan yin pa'i
phyir/ ! /mdo 'grel las/ 'du byed rnams kyi rkyen nyid du/ /ma
rig bstan pa rnam gnyis te/ /

nyon mongs gzhan ldan spyi yi rkyen/ /de med pa ni gtso bo'i
rkyen/ /zhes pa'i don yod de/ dus kyi kun slong gi nyon mongs
yod na/ thog ma'i ma rig pa de 'du byed kyi las dang de'i dus
kyi kun slong gi nyon mongs gnyis ka'i spyi'i

@014a @#/ /rkyen dang gtso bo'i rkyen gnyis ka byed/ dus kyi kun
slong gi nyon mongs med na/ 'du byed kyi las de'i gtso ba'i
rkyen gcig bu byed ces pa'i don yin pa'i phyir/ 'on kyang thog
ma'i ma rig pa de

rang gi rigs 'dra phyi ma'i rkyen byed dgos pas zhi ba cha byed
dgos sam snyam mo/ ! /ma rig pa zhes pa'i dgag tshig ni/ yod pa
dag ni 'gog pa dang/ /gzhan pa nyid dang 'dra pa dang/ /smad
dang nyung dang bral don dang/ /gnyen

po dag la 'di yod do/ /zhes pa'i dgag sgra bdun gyi dang po drug
la mi byed par/ tha ma gnyen po ston pa'i dgag tshig yin par
gsungs kyang/ 'jig lta ma rig par 'dod pa'i lugs la smad pa tsam
la mi byed ces zhib

cha 'don dgos par bshad pa'ang yod do/ /ma rig pa zhes pa ni rig
pa ye shes kyi 'gal zla mi mthun phyogs la byed dgos kyi/ rig pa
med pa la mi byed de/ mdo las ma rig pa'i kun sbyor dang 'ching
ba dang phra rgyas dang

chu bo dang sbyor ba zhes ba'i tshig gis gsungs pa'i phyir ro/
/gal te dbu ma bas/ bu ngan pa la bu ma yin zhes brjod pa bzhin
du/ rig pa ngan pa la ma rig pa zhes brjod pa'ang yod de/ 'jig
lta de ma rig pa

yin pa'i phyir zer pa la/ bye smra sogs na re/ shes rab ngan pa
ste 'jig lta ma rig pa ma yin te/ lta ba yin pa'i phyir/ khyab
ste/ lta ba dang ma rig pa'i kun sbyor 'gal ba'i phyir/ gal te
lta ba

@014b las gzhan pa'i shes rab dan pa ni ma rig pa yin no zhe na/
de mi 'thad de/ lta ba ni ma rig pa de dang mtshungs ldan yin
pa'i phyir dang/ yang de las logs su shes rab kyi rdzas zhig
bzhag na rdzas mtshungs nyams

pa'i phyir/ shes rab dan pa ni ma rig pa ma yin te/ mdo las ma
rig pas nye bar nyon mongs pa can du gyur ba'i shes rab ni rnam
par mi 'dag go zhes ma rig pa ni shes rab nyon mongs bar byed pa
bo yin par gsungs ba'i phyir

ro; /zhes pa'i 'dod tshul 'chad par/ mdzod las/ rig pa'i mi mthun
phyogs chos gzhan/ /ma rig mi mdza' rdzun sogs bzhin/ /kun sbyor
sogs chig phyir gal te/ /shes rab dan pa'o min lta phyir/ /lta
ba

de dang mtshungs ldan phyir/ /shes rab nyon mongs bstan phyir ro/
/zhes 'byung ngo/ ! /spyir ma rig pa la dbye na sum cu yod de/
sngon dang phyi mtha'i dang gnyis ka la rmongs pa gsum dang/
nang dang phyi dang gnyis ka la rmongs

pa gsum dang/ las dang rnam smin dang gnyis ka la rmongs pa gsum
dang/ dkon mchog gsum la rmongs pa gsum dang/ bden pa bzhi la
rmongs pa bzhi dang/ kun byang la rmongs pa bcu gsum dang/ skye
mched drug la

rmongs pa gcig ste sum cu yod pa'i phyir/ sum cu po re re lam
rtogs log rtog the tshom dang mtshungs ldan gsum gsum ste dgu bcu
dang/ dgu bcu po re re la chung 'bring chen po gsum gsum ste
nyis brgya bdun cu dang/ de re re

@015a @#/ /la thos bsam sgom pa'i gegs gsum gsum ste brgyad brgya
dang bcu yod par gsungs te/ sa'i dngos gzhir kun byang gi bcu
gsum bsdoms na bcu dgur gsungs so/ /kun byang gi bcu

gsum ni/ kun byang gi rgyu dang/ yang dag par 'byung ba dang/
dge mi dge dang/ kha na ma tho ba dang bcas ma bcas dang/ bsten
bya yin min dang/ ngan pa dang byon ma dang/ nag po dang dkar po
dang/ rnam dbye dang

bcas pa la rmongs pa ste bcu gsum mo/ /yul de dag gi ngos 'dzin
ni/ kun nyon gyi dbang du byas na/ yan lag snga ma snga ma ni
rgyu dang/ phyi ma snga ma las 'byung ba ni 'byung ba dang/ rnam
byang gi dbang du byas na/ dam pa

bsten pa/ chos mnyan pa/ tshul bzhin yid la byed pa/ sngon goms
pa bzhi ni rgyu dang/ de dag las byang phyogs so bdun 'byung ba
ni yang dag par 'byung ba ste/ de dag gnyis su bya'o/ /dran nye
sogs sde tshan

bdun ni dge ba dang kha na ma tho ba dang ma bcas pa dang bsten
bya dang gya nom pa dang dkar po zhes bya la/ shes 'chal dang le
lo sogs mi mthun phyogs bdun ni mi dge ba dang kha na ma tho ba
dang bcas pa sogs lnga yin te/

de dag bcur bya'o/ /byang phyogs rnams ma dag sa bdun du mi
mthun phyogs dang 'dres par 'byung yang dag pa la de ltar ma yin
pa ni rnam dbye ste gcig go /yang mdo las/ mi shes pa dang mi
mthong ba dang mngon

@015b par mi rtogs pa dang rmongs pa dang kun tu rmongs pa dang
mun pa'i rnam pa zhes bya ba 'di ni ma rig pa zhes bya'o/ /zhes
gsungs te/ dang po gsum ni thos bsam sgom pa la gegs byed pa'i
ma rig pa gsum dang/ phyi ma gsum ni the

tshom log rtogs ma rtogs pa dang mtshungs ldan gsum dang/ chung
'bring che gsum dang/ gzugs med gzugs dang 'dod pa'i sas bsdus
gsum la yang sbyar ba'i sbyor tshul so so'i dbang du byas na 'gal
ba yin kyang/ spyir mi shes pa

sogs drug ni mi 'gal te/ rnam grangs yin pa'i phyir te/ mdo
'grel las/ sngon gyi mtha' la sogs pa ni dmigs pa'o/ /yi shes pa
la sogs pa ni rnam grangs so/ /zhes gsungs pa'i phyir ro/ ! /las
la dbye na/ sems

pa'i las dang bsam pa'i las gnyis yod la/ de la bye smras/ sems
pa'i las ni yid kyi las dang/ bsam pa'i las ni lus ngag gi las
la 'dod cing/ lus ngag gi las ni gzugs yin la/ re re la rig byed
dang rig

byed ma yin pa gnyis gnyis yod pa dang/ lus kyi rnam par rig
byed ni gzugs kyi skye mched dang/ ngag gi rnam par rig byed ni
sgra'i skye mched dang/ rnam par rig byed ma yin pa ni chos kyi
skye mched yin no/ /'di la kha cig na re/ lus

kyi rnam par rig byed yin na lus kyi las yin pas khyab/ ngag gi
rnam par rig byed yin na ngag gi las yin pas khyab par thal/
khyod kyi dam bca' 'thad pa'i phyir/ 'dod mi nus te/ ngag gi
rnam par rig byed du gyur pa'i lus kyi las yod/

@016a @#/ /lus kyi rnam par rig byed du gyur pa'i ngag gi las yod
pa'i phyir/ der thal; ngan sngags kyis srog gcod pa yod pa gang
zhig /rnam 'gyur gyis brdzun byas pa yod pa'i phyir zer ba la/
bye smra na re/

'di dag la khyab pa med de/ ngan sngags kyis srog gcod pa'i
skabs kyi ngag gi rnam par rig byed ni ngag gi las yin gyi srog
gcod pa'i las ma yin la/ ngan sdags kyis srog bcad pa'i las ni
rnam rig min pa'i gzugs yin

pa'i phyir zhes zer ram snyam ste dpyod dgos shing/ rnam 'gyur
gyis brdzun byas pa la yang rigs 'gre'o/ /thal 'gyur bas kyang
lus ngag gi las gzugs can du bzhed de/ rtsa she'i TIka chen
las/ gzhung gzhan las bye

brag tu smra pas lus ngag gi las gzugs can du 'dod pa bkag nas/
lus ngag gi bya ba la 'jug pa'i dus kyi sems pa la bshad mod
kyang zla bas gzugs can du bzhed do/ /zhes gsungs pa'i phyir/
'on kyang bye smra ltar

lus ngag gi las re re la rnam rig dang rnam rig ma yin pa gnyis
gnyis yod par 'dod dam rnam rig pa yin pa kho nar 'dod dpyod
dgos so/ /mdo sems rang rgyud pa gsum gas lus ngag gi las sems
par 'dod par bshad

la; mdo sde pas/ brnab sems gnod sems log lta gsum las yin par
'dod cing/ las nyon gnyis mi 'gal bar 'dod kyang/ gzhan gnyis
kyis de ltar mi 'dod pa'i khyad par yod do/ /sems par 'dod pa'i

@016b lugs la yang/ mkhas pa kha cig gis/ las yin na sems pa yin
pas khyab par bshad/ mkhas pa kha cig gis/ las yin na sems pa
yin pas ma khyab ste/ bcu ba srid pa ni las dang bag chags gnyis
ka yin pa'i phyir/

rten 'brel mdo 'grel las/ bag chags kyi gnas skabs na srid pa'i
ming thob pa yin no/ /zhes dang/ dbu ma rten 'brel snying po
las/ gnyis pa bcu pa las yin zhing/ /zhes gsungs pa'i phyir/
gzhan yang/ las la bag chags yod

de/ so thar gyi sdom pa la sa bon yod pa'i phyir te/ rje bdag
nyid chen pos/ spong ba'i sems pa rgyun chags pa/ /sa bon dang
bcas yin no zhes/ /zhes gsungs pa'i phyir/ las la bag chags yod
de/ dgra bcom pa rgyud la 'phen byed kyi

las yod pa gang zhig /de so skye'i gnas skabs nas bzung ste dgra
bcom pa'i par sems pa yin bzhin par 'go pa yin na/ grub mtha' so
sos las 'gag kyang 'bras bu 'byin nus pa'i skyon spong sna tshogs
mdzad pa 'brel med du 'gyur pa'i

phyir/ dang po grub ste/ lam rim las/ dgra bcom pa la sngon so
skye'i dus su bsags pa'i 'phen byed kyi las bgrang las 'das pa
yod kyang/ zhes gsungs pa'i phyir/ las la bag chags yod de/ srog
gcod gzhan la bcol

nas rang nyid dge sems mngon du gyur ba'i gnas skabs su srog
bcad pa'i las lam rdzogs pa yod pa'i phyir/ zhes zer ro/ /dkar
po dang nag po dang dkar nag 'dres ma'i las gsum la bshad tshul
gnyis yod pa las/ kun btus@017a @#/ /pa'i lugs kyi dkar nag 'dres ma'i las la gnyis
yod de/
zhe sdang gis kun nas bslangs te srog gcod pa'i phyir sbyin pa
btang pa'i las lta bu bsam pa nag la sbyor pa dkar ba'i

las dang/ ded dpon snying rje can gyis mi nag ma dung thung can
bsad pa'i las lta bu sbyor ba nag la bsam pa dkar ba'i las gnyis
yod pa'i phyir/ mdzod lugs ni/ mi dge gzugs dang 'dod gtogs

pa'i/ /dge ba rnams ni rim bzhin du/ /nag dang dkar dang gnyis
ka'i las/ /zhes mi dge ba'i las ni nag pa'i las dang/ gzugs kyi
sas bsdus kyi dge ba'i las ni dkar pa'i las dang/ 'dod pa'i

sas bsdus kyi dge ba'i las ni dkar nag 'dres ma'i las su bshad
do/ /des na kun btus nas bshad pa'i dkar pa'i las yin na mdzod
nas bshad pa'i dkar pa'i las yin pas ma khyab ste/ 'dod pa'i sas

bsdus kyi bsam sbyor gnyis ka dkar pa'i las de dang po yin la
gnyis pa ma yin pa'i phyir dang/ de gnyis la mu bzhi yod pa'i
phyir/ des mtshon nas de gnyis nas bshad pa'i nag pa'i las la mu
gsum dang/

dkar nag 'dres ma'i las la mu bzhi yod tshul shes par bya'o/
/mdzod las/ de yang nges dang ma nges dang/ /mthong ba'i chos la
sogs pa la/ /myong 'gyur phyir na nges rnam gsum/ /kha cig las
rnam lnga

@017b zhes zer/ gzhan dag mu ni bzhi zhes zer/ zhes pa ltar/ des
ba dang ma nges pa'i las gnyis dang/ dang po la mthong chos
myong 'gyur sogs gsum ste bzhi yod la/ sngon gyi slob dpon kha
cig ma nges pa la rnam smin ma nges pa

dang rnam smin nges kyang gnas skabs ma nges pa gnyis su phye
nas lngar 'dod pa dang/ sde ba gzhan dag gnas skabs nges la rnam
smin ma nges pa dang/ rnam smin nges la gnas skabs ma nges pa
dang/ gnyis ka nges pa dang/

gnyis ka ma nges pa ste bzhir 'dod pa'ang yod do/ /bye smras/
nges pa'i las yin rnam smin myong bar nges pas khyab ste/ nges
ba'i las stobs bzhis 'dag pa med pa'i phyir/ mdo las/ sngon gyi
las kyi rnam par smin pa ni

ma gtogs sa/ /zhes gsungs pa'i phyir/ zhes zer/ grub mtha' gong
mas/ des pa'i las yin na rnam smin myong nges yin pas ma khyab
ste/ nges pa'i las stobs bzhis 'dag pa yod pa'i phyir dang/

mdo'i don ni rnam smin grub zin pa'i (tshe) da ltar gyi gnyen pos
sbyang dka' ba'i don yin pa'i phyir dang/ rnam smin myong des de
nges pa'i las kyi don ma yin gyi/ byas bsags gnyis ka tshang ba
ni nges pa'i las kyi don yin par

sa'i dngos gzhir bshad pa ltar yin pa'i phyir/ /zhes bzhed do/
/srog gcod byas la ma bsags pa ni/ mi mkhas pas byas pa la sogs
pa bdan dang/ bsags la ma byas pa ni/ gsod sems yun

@018a @#/ /ring du brtsams kyang srog ma bcad pa lta bu dang/
byas la bsag pa ni/ byas bsags gnyis ka tshang ba'i srog bcad
pa'i las lta bu dang/ ma byas shing ma pa sags pa ni/ mu snga ma
gsum

po de ma gtogs pa'o/ /ma byin len nas ngag 'khyal gyi bar yang
de bzhin du ci rigs bar rig par bya la/ yid kyi gsum la mu gnyis
pa med cing/ mu dang bo la yang ched du ma byas ba dang gzhan
gyis byed du bcug pa yang med

do zhes lam rim las gsungs so/ /mkhas pa kha cig /rmi lam du mi
bsad par rmis nas mngon zhen gyis gsos ma btab pa'i las de srog
gcod byas la ma bsags ba'i las yin par bshad pa ni dpyad gzhi
che ste/

de ni srog gcod byas pa ma yin pa'i phyir dang/ rmi lam du srog
gcod byas pa ni rmi lam gyi skabs su gzhan la mtshon bsnun te
bsad ba lta bu la byed kyi/ gzhan ma bsad bzhin du bsad par rmis
pa la mi byed pa'i

phyir zhes kha cig zer te dpyod dgos so/ /rmi lam du byas pa
dang/ ma shes par byas pa dang/ bsam bzhin min par byas pa dang/
drag po min la rgyun chags min par byas pa dang/ nor bar byas

pa dang/ brjed par byas pa dang/ mi 'dod bzhin du byas pa dang/
rang bzhin gyis lung du ma bstan pa dang/ 'gyod pas bsal pa
dang/ gnyen pos bsal ba ste las rnam pa bcu ni ma bsags pa'i las

@018b dang; de bcu po ma gtogs pa'i las gzhan ni bsags pa'i las
yin par sa'i dngos gzhir bshad do/ /srog gcod byas la ma bsags
pa bdun ni/ bsdu ba las/ byis pa mi mkhas pas byas pa dang/ rmi

lam na byas pa dang/ ched du ma byas pa dang/ mi 'dod bzhin du
gzhan gyis byed du bcug pa dang/ lan cig kho na byas shing de
nas spong pa dang nyes dmigs kyi sems drag pos bcom nas spong
ba'i sdom pa

blangs nas shin tu srab mor byas pa dang/ rnam smin ma bskyed
par 'jig rten pa'i chags bral gyis sa bon nyams smad pa dang/
'jig rten las 'das pa'i spong lam gyis sa bon yang dag par bcom
pa'o/ /zhes

gsungs pa ltar ro/ /bsdu ba dang lam rim gnyis kar 'di tsam las
gzhan ma bshad pas na/ bsdu bar bshad pa'i srog gcod byas la ma
bsags pa'i las brgyad ces rten 'brel gyi yig cha du mar bshad pa
ni dpyad

byar snang ngo/ /kha cig /sa'i dngos gzhi nas bshad pa'i las bcu
po gang rung yin na bsdu ba nas bshad pa'i las bdun po gang rung
du bsdu bas khyab zer na/ rang bzhin gyis lung du ma bstan pa'i
las chos can/ der thal/

de'i phyir/ 'dod mi nus te/ srog bcod pa'i las ma yin pa'i
phyir/ khyab ste/ bsdu ba nas dngos su bstan pa'i las bdun po de
srog gcod byas lam bsags pa'i las yin pa'i phyir te/ sa'i dngos
gzhir bshad

@019a @#/ /pa'i las bcu ni spyir byas la ma bsags pa'i las kyi
dbye ba dang/ bsdu bar bshad pa'i las bdun ni srog gcod byas la
ma bsags pa'i las kyi dbye ba yin pa'i phyir/ gzhan yang de mi
'thad

par thal/ srog bcad pa'i las la rang bzhin gyis lung du ma bstan
med pa'i phyir/ byas pa kho na re/ srog bcad pa'i las la lung ma
bstan med par thal/ de la rang bzhin gyis lung ma bstan med pa'i
phyir na ma

khyab ste/ de la rang bzhin gyis lung ma bstan med kyang kun
slong gis lung ma bstan yod pa'i phyir/ der thal/ srog gcod pa
ni kun slong gi sgo nas dge mi dge lung ma bstan gsum du 'gyur
pa'i phyir snyam ste dpyad par

bya'o/ /dge ma dge lung ma bstan gsum la/ don dam pa'i dge sogs
gsum dang/ ngo bo nyid kyi de gsum dang/ mtshungs ldan gyi de
gsum dang/ sun slong gi de gsum gyi dgye ba rnams shes dgos
shing/ gzhan

yang dge sogs gsum gyi dbye ba mang po kun btus las shes dgos
so/ /'phen byed dge bas 'phangs pa la rdzogs byed dge bas rdzogs
pa dang mi dge bas rdzogs pa gnyis dang/ 'phen byed mi dge bas
'phangs pa la

rdzogs byed mi dge bas rdzogs pa dang dge bas rdzogs pa gnyis te
mu bzhi yod par gsungs la/ mdzod las/ gcig gi ba skye ba gcig
'phan no/ /zhes 'phen byed gyi las gcig gis skye ba gcig 'phen
gyi du ma

@019b mi 'phen la/ du mas kyang gcig mi 'phen par bshad kyang/
kun btus las las gcig gis lus gcig 'phen pa dang/ las gcig gis
lus du ma 'phen ba dang/ las du mas lus gcig 'phen pa dang/ las
du mas

lu se du ma 'phen ba bzhi yod par gsungs pa ltar 'thad de/ ma
'gags pa rtsa 'thun du gyur pa'i tshe/ rang sangs rgyas ster gnas
bsam shes la bsod nams gcig phul bas/ lhar lan bdun dang 'khor
bsgyur du lan bdun

skyes nas mthar shAkya'i rigs su skyes par lung las gsungs pa'i
phyir dang/ mi phal bar skye ba 'phen byed du ma gcig tu bsdoms
nas 'khor bsgyur du skyes pa yod pa'i phyir/ mthong chos myong
'gyur ni/ las de'i 'bras bu tshe

de nyid la smin par 'gyur pa'o/ /de la brgyad yod par lam rim
las gsungs so/ /skyes nas myong 'gyur ni/ tshe gnyis pa la 'bras
bu myong pa'o/ /lan grangs gzhan la myong 'gyur na/ tshe gsum pa
phan chad du smin par 'gyur

pa'o/ /de dag kyang tshe de dang de la 'bras bu myong ba'i mgo
rtsol pa'i don yin gyi/ tshe de dang de la 'bras bu rdzogs par
myong pa'i don ma yin te/ myong 'gyur gsum re re'i 'bras bu skye
ba du mar smin pa yod pa'i phyir zhes grub mtha' gong

mas 'dod do/ /de'i rgyu mtshan gyis mthong chos myong 'gyur la
yang 'phen byed kyi las yod pa dang/ tshe gcig la mtshams med du
ma bsags pa la/ de'i mtshams med thams cad 'phen byed du bzhag
chog par 'dod do/ /

@020a @#/ /bye smra ltar na/ las gcig gi 'bras bu skye ba du mar
smin pa mi srid pa'i rgyu mtshan gyis mthong chos myong 'gyur la
'phen byed kyi las med la/ tshe gcig la mtshams med gsum

bsags pa lta bu la/ mtshams med gcig ni 'phen byed dang gzhan
gnyis ni rdzogs byed du 'gyur bar 'dod de/ mdzod las/ gsum gyis
ris ni 'phen par byed/ /ces myong 'gyur phyi ma gnyis

dang ma des pa'i las te gsum gyis ris mthun 'phen par bshad la;
lhag pa'i gnod pa lhag par 'gyur/ /zhes mtshams med gnyis dang
gsum la sogs pa lhag par byas bas sdug bsngal yang nyis

'gyur la sogs pa lhag par myong ba'i sgo nas tshe gcig la rnam
smin rdzogs par 'dod pa'i phyir ro/ /mdo sde ba la sogs pa ni/
skyes nas myong 'gyur ni skye ba gnyis pa la rnam smin myong
ba'i

mgo rtsom pa la byed kyi tshe de la rnam smin rdzogs par myong mi
dgos pas/ mtshams med mang po byas pas dmyal bar yang yang skye
yang las de skyes nas myong 'gyur ma yin par mi 'gyur zhes 'dod

do; /dge mi dge'i las mang po rgyud la yod pa rnams gyi smin
tshul ni/ /mdzod 'grel du drangs pa las/ las kyis 'khor bar lci
gang dang/ /nye ba gang dang goms pa gang/ /sngon byas

@020b gang yin de las ni/ /sngam sngam rnam smin 'gyur/ /zhes
las gang lci ba de thog mar smin pa dang/ lci yang mnyam na 'chi
ba'i dus na gang mngon du gyur pa de thog mar smin pa dang/ de
yang 'dran gang goms ba shas che ba de dang/ de

yang 'dran gang thog mar byas pa de sngon la smin bar gsungs pa
ltar ro/ /sgo blo'i yig cha gnyis kar gnas gtsang ldar skye ba
'phen byed kyi las yod par bshad kyang/ mkhas pa kha cig gis/
gnas gtsang lngar skye ba

'phen byed kyi las med de/ 'bras bu che bar skye ba 'phen byed
kyi las de spel sgom gyi stobs kyis gnas gtsang du skye ba'i
rgyur bsgyur bshad kyi 'phen byed du bsgyur bar ma bshad pa'i
phyir zhes bshad pa ltar khas blangs na

lung dang mi 'gal zhing rigs pa'i gnod pa 'ang mi 'byung bar
snang ngo/ /'di la kha cig na re/ bshad tshul phyi ma 'di mi
'thad par thal/ gnas gtsang du skyes pa'i phyir mi 'od de 'phen
byed kyi las kyi dbang gis skye ba blangs ba

pa'i gang zag yin pa'i phyir dang/ de'i rgyud la 'phang 'bras
lnga yod pa'i phyir na ma khyab ste/ de 'dra ba'i phyir mi 'ong
de 'bras bu che bar skye ba 'phen byed kyi las kyi dbang gis
skye ba blangs pa'i gang zag yin par khas blangs kyang/

de dag sa gcig yin pas rnam smin sa gzhan du g.yo ba'i skyon
med pa'i phyir te/ dper na 'dod lhar skye ba 'phen byed kyi las
kyis mir skyes pa bzhin yin pa'i phyir ro/ /byas pa la kho na
re/ spel sgom gyi stobs kyis gnas

@021a @#/ /gtsang du skye ba'i rgyur bsgyur ma thag ba'i las de
yang 'bras bu che par skye ba 'phen byed kyi las yin par thal/
khyod kyi dam bca' 'thad pa'i phyir zer na/ 'dod pa yin te/ gnas
gtsang

du skye pa'i rgyur gyur pa'i 'bras bu che bar skya ba 'phen byed
kyi las yod pa'i phyir te/ mir skye ba'i rgyur gyur pa'i lhar
skye ba 'phen byed kyi las yod pa bzhin yin pa'i phyir ro/ /de
ltar ma yin par gnas gtsang

lngar skye ba 'phen byed kyi las yod par 'dod na/ de dag sags ma
thag pa'i gang zag ni 'phags par 'dod dgos pas/ 'phags pa'i rten
la 'phen byed kyi las gsar bsags yod par thal bar 'gyur ram

snyam mo/ /kha cig /'phen byed kyi las dang bcu pa srid pa 'gal
ba yin par thal/ lhas byin gyi skye ba 'phen byed kyi las dang
de'i skye ba 'grub byed kyi bcu bsrid pa gnyis 'gal ba yin pa'i
phyir nam khyab

'dod mi nus te/ 'phen byed kyi las dang bcu ba srid pa la mu
bzhi yod pa'i phyir te/ las gcig gis 'khor bsgyur stong 'phangs
pa la mtshon na/ bsags ma thag pa'i 'khor bsgyur stong gi skye ba
'phen

byed kyi las ni 'phen byed kyi las yin la bcu ba srid pa ma yin
pa dang/ 'khor bsgyur tha ma'i skye ba 'grub byed kyi bcu pa
srid pa ni gnyis pa yin la dang po ma yin pa dang/ 'khor bsgyur
dang po'i skye ba 'grub

@021b byed kyi bcu pa srid pa ni de gnyis ka yin pa'i phyir ro/
! /spyi don 'dir 'bras dus kyi rnam shes nyid mtshams sbyar ma
thag pa kho nar bzhag pa dang/ bzhi pa ming gzugs de'i skad cig
gnyis pa nas skye mched

drug rdzogs par ma dod pa'i bar du bzhag pa ni/ bye smra'i lugs
kyi gnas skabs pa'i rten 'brel gyi dbang du byas pa yin gyi/
grub mtha' gong 'og thams cad de ltar 'dod pa ma yin te/ rten
'brel mod 'grel sogs las

'bras dus kyi rnam shes dang bzhi pa ming gzugs dus mnyam du
grub nas ji srid ma shi'i bar du ma dung khyim gyi tshul du ba
'jug par gsungs pa'i phyir te/ mdo 'grel las/ nyid mtshams sbyor
ba'i rnam par shes pa dang bzhi

ming gzugs dus mnyam du grub cing/ zhes dang/ rnam par shes pa
gang yin pa de dang de las gzhan pa'i ming gzugs rnams rgyun
gyis 'jug ste/ nam ma shi'i bar du gcig la gcig brten pa'i rgyun
rjes su 'jug pa nyid

kyi/ zhes gsungs shing/ sa'i dngos gzhir yang/ rnam par shes
pa'i rkyen gyis ming dang gzugs zhes kyang bya/ ming dang gzugs
kyi rkyen gyis rnam par shes pa zhes kyang bya ste/ de ltar gyi
dus na che je

srid par mdung khyim gyi tshul du 'jug go /zhes gsungs pa'i
phyir/ bye smras rgyu dus kyi rnam shes khas ma blangs shing/
gsum rnam shes ni nyid mtshams sbyor pa'i rnam shes kho nar 'dod
pa'i rgyu mtshan gyis/ nyid mtshams

@022a @#/ /sbyor ba'i rnam shes dang ming gzugs rim can du grub
par 'dod de/ rnam shes dang ming gzugs rim can du 'grub par mdo
las gsungs pa'i phyir snyam du bsam mo/ /grub mtha' gong

mas/ rnam par shes pa'i rkyen gyis ming gzugs zhes pa dang/ 'du
byed kyi rkyen gyis rnam par shes pa zhes pa'i rnam shes gnyis
ka rgyu dus kyi rnam shes kho nar 'dod ba'i rgyu mtshan gyis
'bras dus kyi rnam shes

dang ming gzugs dus mnyam du grub par 'dod pa yin no/ /ming
gzugs kyi ming gi rten 'brel ni khams gsum gar yod la/ gzugs ni
'dod gzugs na yod cing/ gzugs khams na 'byung ba bzhi dang

'byung 'gyur gzugs reg gnyis yod la/ 'dod pa na 'byung ba bzhi
dang/ sgra ma gtogs pa'i 'byung 'gyur bzhi sogs yod par gsungs/
! lnga ba skye mched ni rdzus skyes la ming gzugs dang

dus mnyam du grub la/ skye gnas gzhan gsum la lus dang yid kyi
skye mched ni mid gzugs kyi dus nas yod kyang lnga skye mched
grub par mi 'jog cing/ lnga pa skye mched ni skye mched dang po
bzhi ci rigs

grub pa 'am de'i tshad du slebs nas 'jog phar gsungs so// bye
smra'i lugs la/ skye mched dang po bzhi rdzogs 'bras kho na yin
par gang spal las bshad kyang/ grub mtha' gong mas skye mched
drug po re re

@022b la 'phangs 'bras yod par 'dod do// ! yid kyi 'drus te reg
pa ni skyed srid du nyid mtshams sbyar ma thag pa nas yod kyang/
drug pa reg pa ni lnga pa'i skye mched dang de'i yul dang rnam
shes gsum 'dus pa nas 'jog go /

'phen byed bsod nams dang bsod nams ma yin pa'i las kyi 'phangs
'bras su gyur ba'i reg pa drug ka yod la/ bsam gtan dang por
skye ba 'phen phyed kyi las kyi 'phangs 'bras bu gyur ba'i reg
pa bzhi dang/ bsam

gtan gnyis pa yan chad na 'phangs 'bras su gyur ba'i reg pa gcig
tsam yod de/ gong ma'i sas bsdus kyi sna lce'i rnam shes med
cing/ bsam gtan gnyis pa yan chad kyis sa bsdus pa'i dbang shes
med pa'i

phyir/ 'on kyang mdo sde bas bsam gtan dang po gsum ga'o sas
bsdus kyi dbang shes yod pas 'dod pas na/ de'i lugs la sngar
bshad pa ltar mi 'dod pa'i khyad par yod la/ bye smras kyang
sngar bshad pa ltar mi

'dod de/ mi dge ba'i ni lus kyi yin/ /zhes mi dge ba'i rnam smin
pdu gyur pa'i tshor ba yin na lus tshor yin pas khyab par bshad
pas na/ der gyur ba'i reg pa yang dbang shes kho nar 'dod dgos
pa'i phyir/ 'on

kyang 'di la dpyad gzhi yod do/ ! sbyir tshor ba tsam dang po nas
yod kyang bdun po tshor bzhi rang dang tshar gcig pa'i drug pa reg
pa'i rkyen gyis 'byung ba dang/ reg pa des yongs su bcad pa'i
yul gsum myong ba zhi@023a @#/ /dgos so// 'di la bde sdug btang snyoms gsum dang/
de
re re la drug drug ste bco brgyad yod la/ 'phen byed bsod nams
ma yin pa'i las kyi 'phangs 'bras su gyur ba'i tshor ba

sdug bsngal dang btang snyoms drug drug ste bcu gnyis dang/
'phen byed bsod nams kyi 'phangs 'bras su gyur pa'i tshor ba bde
ba dang/ btang snyoms drug drug ste bcu gnyis dang/ bsam gtan
dang por skye ba

'phen byed kyi las kyi 'phangs 'bras su gyur pa'i tshor ba brgyad
dang/ bsam gtan gnyis pa dang/ gsum pa'i gnyis gnyis dang/ bsam
gtan bzhi pa yan chad na sems tshor btang snyoms kho na yod

pa'i khyad par dang/ de dag la bye mdo gnyis kyi 'dod tshul mi
mthun pa'i khyad par rnams reg pa'i skabs su bshad pa des rigs
bsgre'o/ /'di la kha cig na re/ bye smra'i lugs la/ 'phen byed
mi dge ba'i

las dang tshar gcig ba'i reg tshor la drug drug med par thal/ de'i
'phangs 'bras su gyur pa'i rig pa drug dang tshor ba drug med
pa'i phyir na ma khyab ste/ de dang tshar gcig pa'i drug pa reg
pa dang bdun pa tshor ba

re re la drug drug yod kyang de'i 'phangs 'bras su gyur pa'i de
drug med pa'i khyad par 'thad pa'i phyir te/ grub mtha' gong
mas/ 'bras dus kyi rnam shes nas tshor ba'i lnga bo gang rung la
'phangs 'bras

@023b yin pas khyab par 'dod pa dang/ bye smras de dag gi gnas
skabs kyi 'khor bas bsdus pa'i phung po lnga ga 'jog pas mi 'dra
ba'i phyir ro/ ! /spyi don 'dir tshor ba gsum gang rung nyams su
myong ba na de la srid pa'i 'dod chags de

brgyad pa sred pa'i ngo bo yin par bshad pa la zhib cha byed
dgos te/ sdug bsngal la dmigs nas 'brel bar 'dod pa'i sred pa de
sdug bsngal de la sred pa ma yin pa'i phyir ro/ /brgyad pa sred
pa la 'dod sred 'jig sred srid

gsum yod par bshad pa yang dpyad gzhi che ste/ brgyad pa sred pa
yin na sring sred ma yin pas khyab pa'i phyir te/ chos mngon par
'dod pa'i sred pa ni 'dod sred/ gzugs gzugs med kyi sred pa ni
srid sred/ phung po

rgyun chad par sred pa ni 'jig sred ces 'chad kyang/ lugs 'dir
rnam 'grel ltar bde ba thob 'dod kyi 'dod sred sdug bsngal 'bral
'dod kyi 'jig sred/ skye gnas kyi lus sogs 'dod pa'i srid sred
ces 'dod dgos pa'i

phyir/ de ltar na dang po gnyis la brgyad pa sred pa yod kyang
tha ma la de med de/ brgyad pa sred pa yin na tshor ba la dmigs
pas khyab pa'i phyir zhes mkhas pa kha cig gis bshad do/ /brgyad
pa sred pa'i rkyen du gyur ba'i tshor ba

yin na rang gi 'bras bur gyur ba'i brgyad pa sred pa de dang
tshar mi gcig pas khyab ste/ lam rim las/ sred pa bskyed pa'i
tshor ba ni rten 'brel tshar gzhan zhig gi 'bras bu'i skabs yin
no/ /zhes gsungs pa'i phyir/

@024a @#/ /byas pa la kha cig na re/ brgyad ba sred pa yin na
rang dang tshur mi gcig pa'i bdun pa tshor ba la dmigs pas khyab
par thal/ lam rim gyi lung de'i phyir nam khyab ste/ lam rim las
de rten 'brel tshar

gzhan zhig gi 'bras bu'i skabs yin par gsungs kyi rten 'brel
tshar gzhan zhig gi 'bras bu yin par ma gsungs pa'i phyir/ 'dod
mi nus te/ 'dod rten can gyi gang zag gi rgyud kyi khams gong
ma'i brgyad pa sred pa'i dmigs

rkyen du gyur ba'i tshor ba de bdun pa tshor ba ma yin pa'i phyir
te/ 'dod rten can gyi gang zag gi rgyud kyi bdun pa tshor ba de
'dod pa'i sas bsdus yin pa gang zhig /'og ma'i zag bcas la dmigs
pa'i gong ma'i nyon mongs med

pa'i phyir ro/ ! /bye smras nyon mongs thams cad len pa 'di
bzhis bsdus par 'dod de/ lta ba ma gtogs pa'i 'dod pa'i nyon
mongs thams cad 'dod pa nyer len dang/ lta ba ma gtogs pa'i gong
ma'i nyon mongs thams cod

bdag smra nyer len dang/ khams gsum ga'i lta ba nyon mongs can
la lta ba nyer len dang tshul zhugs nyer len gnyis su phye bar
'dod pa'i phyir ro/ /grub mtha' gong ma'i 'dod tshul ni rtsa
she'i TIka chen las/ 'dod yon

lnga dang/ 'jig lta ma gtogs pa'i lta ngan rnams dang/ lta ngan
dang 'brel ba'i tshul khrims dang brtul zhugs ngan pa dang/ 'jig
tshogs la lta ba bzhi la dmigs nas bdun zhing chags ba/ zhes
gsungs pa ltar

@024b ro; ;'dis spyi don 'dir gnyis pa ni lta pa dran pa la 'dun
pa'i 'dod chags lta bu/ zhes gsungs pa la zhib cha 'don dgos
shing/ bzhi ba'i dmigs pa la nga rgyal bzhag pa ni rtsa she'i
TIka chen dang lam rim las ma 'byung yang

gser phreng las bshad do/ ! /bar srid 'grub byed kyi bcu pa srid
pa dang skye srid 'grub byed kyi bcu pa srid pa gnyis la mu bzhi
yod de/ dang po yin la gnyis pa ma yin pa ni/ gzugs su nyer
'gro'i phyir mi 'ong bar 'da' ba'i

rgyud kyi bcap srid pa dang/ gnyis pa yin la dang po ma yin pa
ni/ gzugs med kyis sa bsdus kyi bcu pa srid pa de yin pa'i
phyir/ gzhan gnyis go sla'o/ ! /spyi don 'dir bcu gcig pa skye
ba'i rten 'brel la skye gnas

su nyid mtshems sbyar ma thag pa'i gnas skabs kyi phung po zhig
dgos par gsungs pa ni mdzod dang mthun la/ mkhas pa kha cig gis/
der ma shi tshun gyi gnas skabs thams cad 'dus pa'i phyir sa
mtshams

mdzod dang mi mthun no/ /zhes gsungs so/ /spyi don 'di las skye
srid ni skye gnas su nyid mtshams sbyar ma thag pa'i skad cig ma
yun thung du zhig la 'dod pa mi 'thad par phyir mi 'od skyes
'da' ba la gsum yod

par gsungs pas rtogs nus par bshad kyang/ lam rim las/ srid pa
bzhi ste/ shi nas skye ba ma blangs pa'i bar ni bar srid dang/
skye ba blangs pa'i skad cig dang po ni skye srid dang/ de'i
skad cig

@025a @#/ /ma gnyis pa nas 'chi srid skad cig ma tha ma'i sngon
rol ni sngon dus kyi srid pa dang/ 'chi ba'i skad cig tha ma ni
'chi srid du mdzod las gsungs pas/ zhes skye srid 'chi srid re
re nas skad cig ma gcig

tu gsungs pas dpyod dgos so/ ! /skyes pa nas bzung ste na tshod
gzhan du 'gyur ba ni rga ba'i rten 'brel yin par gsungs pa dang/
rga shi gnyis gcig tu bzhag pa ni/ rga pa med par yang 'chi ba
'byung pas yan lag

rim can du ma ngas pa'i rgyu mtshan gyis yin par gsungs pa la/
kha cig na re/ skye srid du nyid ma tshams sbyar pa'i skad cig
gnyis pa nas rga ba'i rten 'brel 'grub par thal/ der nyid ma
tshams sbyar ma thag pa'i

phung po de rang dus skad cig gnyis pa nas na tshod gzhan du
'gyur ba'i phyir dang/ 'dus byas kyi mtshan nyid bzhi'i rga ba
yang de nas 'grub pa'i phyir/ 'dod na/ skye srid du nyid mtshams
sbyar pa'i skad cig gnyis

par 'chi pa yod par thal/ rga ba med par 'chi ba yod pa'i phyir/
'dod na/ de la sngon dus kyi srid pa med par thal/ de la skye
srid 'chi srid gnyis srid pa gzhan gyis par du ma chad par
'byung ba'i

phyir zer na dbyod dgos la/ gzhan yang 'grub byed dang grub
'bras gnyis kyi bar du skye srid gzhan gyis chod pa yod par
thal/ skye srid du nyid mtshams sbyar ba'i skad cig gnyis bar
'chi ba de la sred

@025b len srid gsum 'byung ba'i skabs med pa'i phyir zer na
dpyad par bya'o/ /'chi srid skad cig ma gcig gi yun tshad can du
'dod na/ 'chi sems yin na 'chi srid kyi gnas skabs kyis bsdus
pas ma khyab par 'dod dgos

te; 'chi sems la phra rags gnyis yod pa dang/ 'chi sems rags pa
la dge mi dge lung ma bstan gsum yod par lam rim las gsungs pa'i
phyir ro/ ! /bar do'i tshe tshad ni mi'i zhag tshad kyis 'jog par
kha cig

gis bshad kyang/ mkhas pa kha cig gang du skye 'gyur gyi 'gro
ba'i zhag tshad kyis 'jog par bshad pa ltar 'dod dgos sam snyam
mo/ ! /rkyen du 'gyur tshul gyi skabs su kun btus las/ yan lag
rkyen nyid du

rnam par bzhag pas ji lta bu zhe na/ bag chags dang shugs dang
yid la byed pa dang lhan cig 'byung pas kyang yan lag rnams
rkyen nyid du rnam par bzhag par bya ste/ de yang ci rigs su
sbyar ro/ /zhes gsungs

pa'i don la/ spyi don las bag chags zhes pas rgyu rkyen dang/
shugs zhes pas dmigs rkyen dang/ yid la byed ba zhes pas de ma
thag rkyen dang/ lhan cig 'byung ba zhes pas bdag rkyen byed
tshul bstan

par bshad pa ni yi ge nor ba yin te/ shugs zhes pas de ma thag
rkyen dang/ yid la byed pa zhes pas dmigs rkyen bstan pa'i phyir
te/ de ltar dar TIka las bshad pa'i phyir/ ji skad du de nyid
las/

@026a @#/ /bag chags zhes te/ rten 'drel yan lag snga mas phyi ma
la bag chags de rgyu'i rkyen byed de/ dngos su 'du byed kyi
rgyu'i rkyen rigs 'dra snga mas bzhag pa'i bag chags

yin yang/ 'du byed snga mas yang srid 'phen nus kyi bag chags
'jog pa ma rig pas bsgos pa'i rgyu'i rkyen las yin pa'i phyir/
zhes ma rig pas 'du byed kyi rgyu'i rkyen byed tshul bstan te/
don ni/

rkyen bzhir phye ba'i rgyu rkyen ni nyer len la byed dgos pas/
'du byed kyi rgyu'i rkyen ni rigs 'dra snga mas bzhag pa'i bag
chags yin gyi ma rig pa de ma yin yang/ 'du byed kyi nyer len du
gyur ba'i bag chags de ni ma

rig pa'i stobs kyis byung bas na ma rig ba 'du byed kyi rgyu
rkyen du bshad ces pa'i don yin pa'i phyir/ yang dar TIka las/
shugs te de ma thag pa'i rkyen byed de/ dngos su 'du byed kyi de
ma thag rkyen

rigs 'dra snga ma yin yang/ ma rig pa'i 'phen pa'i shugs kyis
rigs 'dra sngam las phyi ma rgyun chags su 'byung dgos pa'i
phyir/ zhes ma rig pas 'du byed kyi de ma thag rkyen byed tshul
bstan te/

don ni/ 'du byed kyi de ma thag rkyen ni snga rol de ma thag
pa'i shes pa yin gyi ma rig pa de yin mi dgos kyang/ ma rig pa'i
'phan pa'i shugs kyis 'du byed rang gi de ma thag rkyen las
'byung ba'i phyir ma rig

@026b pa de'i de ma thag rkyen du bshad ces pa'i don yin pa'i
phyir/ yang de nyid las/ yid la byed pa ste dmigs pa'i rkyen
byed da/ dngos su 'du byed kyi dmigs rkyen rang gi dmigs pa
phyin ci log rnams yin yang/ ma rig pas

shes bya la rmongs par byas pa'i dbang gis 'du byed rang gi
dmigs pa la phyin ci log tu 'byung ba'i phyir/ zhes des de'i
dmigs rkyen byed tshul bstan te/ don ni/ 'du byed kyi snang pa'i
dmigs rkyen ni de'i dmigs pa yin gyi

ma rig pa de yin mi dgos kyang/ ma rig pa'i dbang gis 'du byed
dmigs pa la log par zhugs pa'i phyir de de'i dmigs rkyen du
bshad ces pa'i don yin pa'i phyir/ bdag rkyen byed tshul ni de
nyid las/ lhan cig 'byung

pas kyang ste bdag so so'i rkyen byed de/ ma rig pas shes bya la
rmongs ba brten nas 'du byed phyin ci log rang dbang du skyed
pa'i phyir/ zhes pas bstan te/ don ni/ thog ma'i ma rig pas 'du
byed dang

dbang du bskyed pas na de de'i bdag rkyen yin zhes pa'i don yin
pa'i phyir/ lhan cig 'byung bas kyang zhes pa'i don ni gser
phreng las/ de'i dbang gis de dang mtshungs ldan du byung ba
rnams dmigs pa la phyin ci log tu byed

pas/ zhes pa ltar ro/ /'di la kha cig na re/ ma rig pas 'du byed
kyi rkyen bzhi ga byed par bshad pa mi 'thad par thal/ theg
bsdus las bdag rkyen gcig pu byed par gsungs pa'i phyir na ma
khyabs ste/ de ni

@027a @#/ nges pa la dgongs la kun pa tus ni srid pa tsam la
dgongs pa'i phyir/ yang kha cig /des de'i rkyen bzhig byed pa mi
'thad de/ sa las rgyu rkyen ma gtogs pa gsum byed par gsungs

ba'i phyir na ma khyab ste/ de ni ma rig pas 'du byed kyi nyer
len mi byed pa la dgongs pa'i phyir/ 'on kyang dar TIka ltar na
de'i bdag rkyen ma gtogs pa'i rkyen gzhan gsum btags pa bar
bshad dam dpyod

dgos so/ ! /spyi don 'dir khams gong ma'i rten la rang sar skye
ba 'phen byed kyi las gsar gsog med par bshad pa la/ mkhas pa
kha cig na re/ bshad tshul de mi 'thad par thal/ de ltar bshad
pa'i

khungs med pa'i phyir dang/ gser phreng las rang sa'i rten la sa
der skye ba'i las gsog pa yod par gsungs pa ma gtogs khams gong
mar de med pa'i dmigs bsal ma bshad pa'i phyir dang/ 'phen byed
mi g.yo

ba'i las la dngos gzhi'i snyoms 'jug yod pa'i phyir dang/ srid
rtse'i rten la 'phen byed kyi las gsar gsog yod pa'i phyir te/
lam rim las/ 'khor bar 'phen par byed pa'i las gsog pa po ni
theg chen gyi

sbyor lam chos mchog chen po la gnas pa man chad kyi so so skye
bo thams cad do/ /zhes gsungs pa'i phyir zhes zer na dpyad par
bya'o/ ! /gser phreng las/ yan lag dang po dang rgyu dus kyi
rnam shes ni las

@027b gang du bsags pa'i sa dor gtogs par bshad ba ni kun gzhi
'dod pa'i lugs yin pas skabs 'dir khas len mi dgos kyang/ srid
len la don gsang las skye ba'i sa ba gang yin pa mngon par 'grub
par byed pa'i nyon mongs pa

yang nges bar de'i sa ba'o zhes gsungs pa ni/ 'og gnas gang sar
skye ba las gong ma'o nyon mongs mngon du rgyu yod pas rigs su
chug kyang/ gong sa'i skye srid kyi rten la 'og sa'i pa'i gang
zag yin na 'og sa 'ogs las chags pa dang ma 'bral

spyi lugs dang mi mthun zhing/ rigs pas ma thob pas gong ma nas
'og mar skye ba la mi 'grig go /zhes gsungs ba ni/ /lung dang
rigs pa'i sgrub byed yod pa yin pas mtha' gcig tu khas mi len
zhes mi rung ngo/ ! /spyi don

'dir gong mar skye pa 'phen byed kyi las dang tshar gcig pa'i
thog ma'i ma rig pa yin na rang gi kun nas ba slar byar gyur
ba'i 'phen byed kyi las dang sa mi mtshungs bas khyab par ba shad
pa dang/ gong sa gong sar skye ba'i rgyu'i kun slong gi

ma rig pa 'og sa 'og sar gtogs bshad pa ni dpyad gzhi che ste/
gongs god sar skye ba 'phen byed kyi las gsar du gsog bzhin pa'i
gang zag yin na 'og sa 'ogs las chags pa dang ma 'bral bas khyab
snyam pa dang/ 'og sa

las chags pa dang ma 'bral ba'i gang zag gi rgyud la gong ma'i
nyon mongs mngon gyur med snyam du dgongs ba yin kyang/ bsam
gtan dang po'i dngos gzhi snyoms 'dug rgyud la ldan pa'i gang
zag gis bsam gtan dang bor skye ba

@028a @#/ /'phen byed las gsar du ga sog pa dang/ 'ogs las chags
pa dang ma 'bral ba'i gang zag gi rgyud la gong ma'i nyon mongs
mngon gyur yong pa gnyis ka la lung dang rigs

pa'i ngod bye da gang yang med pa'i phyir snyam ste/ /yig cha
'di la thugs rgyus che ba rnams kyis dpyad par bya'o/ ! /rten
'brel yan lag ba cu gnyis phrugs bzhir sgom tshul dang de re re
la

skyes bu gsum gyi lam dang 'brel nas sgom tshul dang theg pa gsum
gyi lam dang 'brel nas go ma tshul sogs ni gzhan las shes par
bya'o/ ! /skbas 'di'i mdo las syoms 'jug char lnga

'am phrugs lnga gsungs te/ snyoms 'jug dgu la phu nas mthun dang
lugs mi mthun du snyoms par 'jug ba'i sbyor ba seng ge rnam
bskyings phrugs gnyis dang snyoms 'jug dgu la par du gang yang
ma

spel ba'i yar song dang/ bsam gtsugs brgyad la 'gog pa spel ba'i
yar song dang/ snyoms 'jug dgu la 'dod sems spel ba'i mar 'ong
ste phrugs gsum gsungs pa'i phyir/ de dag bstan

bcos kyis bsdus tshul la bshad tshul du ma yod pa las/ re zhig
gser phreng ltar na/ 'gog dang bcas pa'i snyoms 'jug dgur/ /rnam
pa gnyis su song 'ongs/ /zhes pas sbyor ba

@028b seng ge rnam ba skyings phrugs gnyis bstan te/ 'di la 'gog
ba la zhugs thebs gcig las med pas gnyis ka sngom pa la gnas bcu
bdun dang/ nas zhes pas thong rgol du ni snyoms 'jug cas 'dren
no//

dngos gzhi la gsum las dang po ni/ snyoms 'jug dgu la bar du
gang yang ma spel pa'i yar song ste/ 'di sbyor ba lugs mthun
dang rigs gcig pas go sla bar dgongs nas rtsa tshig gis ma zin
la/

'di la gnas dgu'o/ /gnyis pa ni/ gcig dang zhes sogs tshag rkang
gsum gyis bsam gzugs brgyad la 'gog pa spel pa'i yar song bstan
la/ 'dod par zhes sogs rkang pa gnyis kyis mtha'i

'gog ba las lngas nas srid rtse dang/ de nas 'dod sems la gnas
pa'i nud chung ba sdus te/ 'di la khri brgyad stong pa ltar na
gnas bco brgyad dang/ nyi khri ltar na bcu ba dun yod la/ ste
zhes pas thod

rgal du ni snyo mas 'jug ces pa dran par gsungs so/ /gsum pa ni/
'dod par zhes sogs rkang pa gnyis dang/ gcig dang zhes sogs
rkang pa gnyis dang/ mi 'drar 'ongs zhes 'don pa bsgyur bas

snyoms 'jug dgu la 'dod sems spel ba'i mar 'ongs sdus te/ 'di la
gnas bco brgyad do/ /nas zhes pas thod rgal du ni snyoms 'jug
ces 'dren pa dang/ rkang pa dang po sbyor dngos thams cad la
sbyar bar@029a @#/ /gsungs so/ /snyoms 'jug dgu la yar song mar 'ongs
sbyar bas sbyor ba gnyis dang yar song dang po bstan la/ gcig
rgal zhes sogs la yar song mar 'ongs sbyar bas 'gog pa

spel ba'i yan song dang 'dod sems spel ba'i mar 'ongs gnyis
bstan te/ gcig rgal sogs kyi don ni/ yar song gi tshe de dag la
snyoms par 'jug pa la byed cing/ mar 'ong gi tshe snyoms par
zhugs nas

por ba la byed pas grangs mi 'grig pa'i skyon med la/ des na
gcig rgal sogs ni yar song gi tshe bsam gtan dang po nas thog
ma'i mtshams gzung la/ mar 'ong gi tshe 'gog snyoms par ba'i srid
rtse nas thog /

ma'i mtshams gzung dgos te/ gser phreng las/ gcig rgal sogs kyi
don de dag la 'jug pa la mdzad cing/ zhes dang/ rgal ba'i don
zhugs nas bor pa la mdzad do/ /zhes yang song mar 'ongs la

mi 'dra bar gsungs pa'i phyir ro/ /rnam bshad ltar na/ rkang pa
dang po gnyis kyis sbyor ba phrugs gnyis dang/ rkang pa lhag ma
rnams kyis mar 'ong 'dod sems spel ba don bsdu dang bcas pa tsam
zhig

dngos su bstan nas bar ba yar song gnyis go sla bar dgongs nas
don gyis 'phangs so/ /rtogs dka'i snang ba yang 'di dang 'dra
la/ bar ba yar song gnyis thog mtha'i dngos su bsdus pa'i shugs
kyis

@029b go sla bar dgongs nas don gyis bstan par bshad do/ /'di la
kha cig na re/ srid rtse dang spel ba'i 'gog pa'i rjes su phyir
srid rtsel nud chung byas pa de 'gog pa las 'gog par ldang mi
nus pas slar 'gog par 'jug pa'i ched yin zer

na/ 'o na srid rtse'i rjes su 'dod sems mngon du byed pa'i dgos
pa med par thal/ srid rtse'i nud chung byas rjes su mar 'ong gi
spel gzhi'i 'gog pa la snyoms par 'jug chog pa'i phyir/ byas pa
la kho na re/ de la khyab pa med de/ nud

chud byas ma thag tu mngon du byed rgyu'i 'gog snyoms de mar
'ong gi spel gzhi min gyi yar song gi spel chos dgu pa yin pa'i
phyir zer na/ de mi 'thad par thal/ srid rtse'i nud chung dang
mtshams 'dzin gyi 'dod sems gnyis kyi bar du 'gog

pa la 'jug par gsungs pa'i mdo'i khungs med pa'i phyir ro/ /de
skad du gser phreng las/ srid rtse dang spel ba'i 'gog pa las
phyir srid rtsel nud chung byas pa de/ 'gog pa las 'gog par
ldang mi nus pas mtha'i 'gog pa la

'jug pa'i ched yin pas she na/ 'o na srid rtse la nud pas ci
mchog gang gis na srid rtse'i rjes su yang 'dod sems mngon du
byed dgos/ zhes dang/ 'gro 'ong gnyis ka la mtha'i 'gog pa la
yod pa'i mdo bris pa la the tshom

za la/ zhes gsungs so/ /spyi don 'dir bar du gang yang ma bcug
pa'i yar song de thod rgal gyi nye sbyor yin par bshad pa ni
dpyad byar snang ste/ rgya 'grel rnams dang rje yab sras gsum
gyis ring sbyor nye sbyor gyi tha snyad

@030a @#/ /ma mdzad la/ mdzod nas de ltar bshad kyang skabs ma
yin zhing/ gser phreng dang rtogs dka'i snang ba gnyis kar de
nyid thod rgal gyi dngos gzhir gsungs pa'i phyir dang/ rnam
bshad las de thod/

rgal gyi dngos gzhi ma yin par bshad kyang dngos gzhi'i sa
khungs su mdzad pa'i phyir ro/ ! /'dir bstan klan ka bcu drug
ni/ bar chad med rtse'i dmigs pa mi 'thad par thal/ yul 'dus
byas ma byas kyi khams don

dam par med pa'i phyir/ zhes bar rtse'i dmigs pa mi 'thad par
thal pa'i klan ka dang/ de bzhin du/ dmigs pa de'i ngo bo nyid
dam chos nyid rtogs pa'i rnam pa mi 'thad par thal/ chos thams
cad

don dam par rang bzhin med pa'i phyir/ zhes par rtse'i rnam pa
mi 'thad pa dang/ 'bras bu rnam mkhyen mi 'thad par thal/ yul
dngos po dang dngos med don dam par med pa'i phyir/ zhes

par rtse'i 'bras bu mi 'thad pa dang/ shes bya la bden pa gnyis
su dbye ba mi 'thad par thal/ bden gnyis don dam par dbyer med
pa'i phyir/ zhes gzhi'i gnas lugs mi 'thad pa dang/

sbyin sogs nyams su len pa'i sbyor pa mi 'thad par thal/ sbyin
sogs kyi 'khor gsum bden par mi dmigs pa'i phyir/ zhes sbyong
pa'i ngo bo mi 'thad pa dang/ sangs rgyas dkon mchog mi 'thad
par

@030b thal/ shes bya la blo rgyas pa'i rtogs bya don dam par med
pa'i phyir/ zhes sbyong pa'i rten skyabs 'gro'i yul sangs rgyas
dkon mchog mi 'thad pa dang/ chos dkon mchog mi 'thad par thal/
chos thams cad don dam par

ming du btags pa tsam du zad pa'i phyir/ zhes de'i yul chos dkon
mchog mi 'thad pa dang/ dge 'dun dkon mchog mi 'thad par thal/
dge 'dun du btags pa'i gzhi gzugs sogs bden bar ma grub pa'i
phyir/ zhes de'i

yul dge 'dun dkon mchog mi 'thad pa dang/ byang sems kyi thabs
la mkhas pa mi 'thad par thal/ thabs mkhas yod na sbyin sogs su
dmigs dgos pa la/ byang sems thabs la mkhas pas sbyin sogs kyi
'khor gsuM

du bden par mi zhen par gsungs pa'i phyir/ zhes spyod pa'i khyad
par mi 'thad pa dang/ 'di dang lnga pa'i khyad par ni rim bzhin
yul can gyis bden par mi zhen pa dang yul bden par ma grub pa'o/
/de bzhin gshegs pa'i mngon

rtogs mi 'thad par thal/ rnam mkhyen gyis yul mtha' bzhir rtogs
pa bkag par bshad pa'i phyir/ zhes mngon rtogs mi 'thad pa dang/
'di dang gsum pa'i khyad par yang yul can gyis mtha' bzhir mi
'dzin pa dang

yul mtha' bzhir ma grub pa'o/ /phung po rtag pa sogs su 'dzin pa
phyin ci log yin pa mi 'thad par thal/ de dag phyin ci log yin
na mi rtag pa sogs su don la gnas dgos pa la/ rtag mi rtags sogs
don dam par blos

@031a @#/ /btags tsam yin pa'i phyir/ zhes phyin ci log mi 'thad
pa dang/ byang sems kyis lam gsum bsgom pa la dgos pa med par
thal/ des lam gnyis kyi 'bras bu nyan rang gi myang 'das

mngon du mi byed pa'i phyir/ zhes lam gyi ngo bo mi 'thad pa
dang/ ma chags pa sogs gnyen po mi 'thad par thal/ blang bya
bden par med pa'i phyir/ zhes gnyen po mi 'thad pa dang/ chags
sogs mi mthun phyogs mi

'thad par thal/ dor bya bden par med pa'i phyir/ zhes spang bya
mi 'thad pa dang/ chos rnams kyi rang spyi'i mtshan nyid mi 'thad
par thal/ mtshan gzhi chos can rnams bden par med pa'i phyir/
zhes bsgom bya

rang spyi'i mtshan nyid mi 'thad pa dang/ rnam mkhyen thob phyir
du lam sgom pa mi 'thad par thal/ bsgom bya rang spyi'i mtshan
nyid don dam par med pa'i phyir/ zhes lam sgom pa mi 'thad par
thal ba ste bcu drug go /

de rnams las dgu pa dang bcu pa dang bcu gnyis pa gsum ni rigs
mthun pa'i kun rdzob sgo can gyi klan ka dang/ gzhan bcu gsum
gyi dngos bstan rjes 'gro'i klan ka bcu gsum ni rigs mi mthun
pa'i don dam sgo can

gyi klan ka dang/ shugs bstan ldog 'gro'i klan ka bcu gsum ni
rigs mi mthun pa'i kun rdzob sgo can gyi klan ka yin la/ rigs
mthun pa'i don dam sgo can gyi klan ka ni rtsa 'grel 'dir ma zin
par gsungs

@031b so; ;rigs mi mthun pa'i kun rdzob sgo can gyi klan ka la
don dam gyi sgo nas khyab med kyi lan dang/ rigs mi mthun pa'i
don dam sgo can gyi klan ka la kun rdzob kyi sgo nas khyab med
kyi lan gdab dgos la/ rigs mthun

pa'i kun rdzob sgo can gyi klan ka la kun rdzob dang/ don dam
sgo can gyi klan ka la don dam gyi sgo nas lan gdab dgos par
gser phreng las gsungs so/ /'di la kha cig na re/ bshad tshul 'di
dag mi 'thad par thal/ riT

mi mthun pa'i don dam sga can gyi klan ka la kun rdzob kyi sgo
nas khyab med kyi lan gdab mi dgos pa'i phyir te/ rnam bshad
las/ dmigs pa'i ngo bo nyid sprol bral du nges par bzung pa'i
rnam pa mi 'thad par thal/ chos rkun

rnam pa thams cad du rang bzhin med pa'i phyir/ 'di yang don dam
sgo can gyi klan ka yin zhing rtags ma grub pa'i lan gdab par
bya la/ zhes gsungs pa'i phyir na ma khyab ste/ rtags la don dam
pa'i khyad par dngos su

sbyar na don dam sgo can gyi klan ka yin zhing/ de dngos su ma
sbyar na rtags ma grub pa'i lan gdab dgos zhes pa'i don yin pa'i
phyir/ byas pa la kho na re/ rigs mi mthun pa'i don dam sgo can
gyi klan ka yin na don dam tshad

mar byas nas kun rdzob sun 'byin pas ma khyab par thal/ de yin
na don dam rtags su bkod pas ma khyab pa'i phyir te/ rnam bshad
las/ sa bon gyis rang ngos nas myu gu skyed pa mi 'thad par
thal/ sa bon kyis mu gu

@032a @#/ /skyed pa blo'i snang ba'i dbang gis bzhag pa tsam du
zad pa'i phyir/ ces ba don dam sgo can gyi klan ka yin yang/
zhes gsungs pa'i phyir na ma khyab ste/ 'di ni yi ge chad pa'am/

yang na blo la snang ba'i dbang gis bzhag pa min par rang ngos
nas ma grub pa'i phyir/ zhes pa don dam sgo can yin pa la dgongs
pa'i phyir te/ lung de'i mjug tu/ yang sa bon gyis myu gu skyed
pa blo la snang

ba'i dbang gis bzhag pa min par myu gu'i thun mong ma yin pa'i
sdod lugs kyi ngos nas grub par thal/ sa bon rang gi ngos nas
myu gu bskyed pa'i phyir/ ces pa kun rdzob sgo can gyi klan ka
yin yang/

zhes snga ma'i ldog phyogs kyi klan ka bkod pas shes pa'i phyir
ro/ /klan ka bcu drug tu byed tshul la/ deng sang rnam bshad kyi
tshig zin la brten nas spang gnyen gcig tu byas nas bden gnyis so
sor

mdzad pa ni 'grel chung dang slob dpon gyi dgongs pa yin zhing/
rgyan snang du bden gnyis gcig tu byas nas spang gnyen so sor
mdzad pa ni snga rtsom yin pas khas mi len par grags kyang/ rnam
bshad

las de ltar bshad pa de 'grel chung gi dgongs pa yin min dpyad
byar snang ste/ gser phreng dang rtogs dka'i snang ba gnyis kar
rgyan snang ltar bshad nas/ de dang 'grel chung gi bshad tshul mi
'dra bar ma

@032b gsungs pa'i phyir dang/ der ma zad gser phreng las/ bcu
drug tu ji ltar byed na 'grel pa gzhan rnams su grangs gsal par
byas pa med la/ grags char bden gnyis so sor byas nas bcu drug
tu byed kyang rgyan snang du

spang gnyen gnyis so sor mdzad pa nyid rtsa ba'i dgongs pa'i/
/zhes grags cha dang rgyan snang ma gtogs pa'i 'grel ba gzhan
rnams su grangs gsal par byas pa med par gsungs pa'i phyir ro/
/gal te

'grel chung las/ de bzhin nyid kyi ngo bo nyid kyis kun rdzob
dang don dam pa'i bden pa gnyis dang/ zhes smos pas de gnyis so
sor mdzad pa yin zer na/ dar ba dang blang ba med pas mi mthun
pa'i

phyogs dang gnyen po dag dang/ zhes smos pas kyang spang gnyen
gnyis so sor mdzad par 'gyur te/ dag ces pa gnyis tshig yin pa'i
phyir dang/ snga ma la rgyu mtshan so sor ma byas shing/

phyi ma la rgyu mtshan so sor mdzad pa'i phyir ro/ /spyir log
rtog mtha' yas kyang bcu drug tu bshad pa ni gdul bya nye ba la
phan gdags pa'i phyir yin par gsungs so/ ! /mthar gyis sbyor pa
ni/ mkhyen

gsum gyi shes rnam cig char du skye ba'i rtogs pa brtan por bya
ba'i mkhyen gsum gyis rnam pa rnams rim gyis sgom pa'i sems
dpa'i rnal 'byor ro/ /sa mtshams ni/ gser phreng las tshogs lam

@033a @#/ /nas rgyu ma mtha'i bar na yod par gsungs/ rnam bshad
las rgyu mtha'i snga logs par du yod par bshad do/ /dbye na bcu
gsum ste/ spyin pa'i mthar gyis pa sogs

drug ni/ sbyin sogs drug re re nas rim can du sgom pa dang/ rjes
dran drug ni/ sangs rgyas kyi yon tan dang/ dge sogs gsum gyi
chos dang/ slob pa phyir mi ldog pa'i tshogs dang/ tshul khrims

dang/ sbyin pa dang/ lhar skyes pa'i 'phags pa rnams re re nas
rim can du dran pa dang/ tha ma ni/ chos thams cad bden med du
rtogs nas rim can du sgom pa la byed par gser phreng las gsungs
te/

tshul 'di yang mthar gyis pas nyams su len pa thams cad la tshang
bar len gyi re re zhing phral nas ma yin te/ dang po drug mthar
gyis pa'i nyams len gyi ngo bo yin la/ dran pa drug de'i gnas
skabs yin zhing/

tha ma ni 'dzin pa dag byed yin pas de dag thams cad kyi khyab
byed do/ /de yang nyams su len pa na dkon mchog rten du dang/
lha dbang por dang/ sbyin pa dang tshul khrims kyi phan yon dran
pa ste/ mdor na lam gyi

rten dang dbang po dang phan yon dran par byed la/ nyams len
dang dran pa kun kyang tha mas zin pa'i phyir ro/ /zhes gser
phreng las gsungs te/ rtogs dka'i snang ba yang 'di dang phyogs
mthun par snang ngo/ /

@033b rnam bshad las/ chos bcu gsum po 'di dag gis zin pa'i sgo
nas mkhyen gsum gyi rnam pa rim can du bsgom pa de mthar gyis pa
yi bya bar bzhed de/ zhes dang/ kha cig chos bcu gsum po 'di
nyid rim can du bsgom pa

mthar gyis pa'i sgom tshul du byed pa ni slob dpon gyi gzhung
dang 'gal te/ 'og bsdus don drug tu bshad pa'i 'grel bar mkhyen
gsum rim can du bsgom pa la bshad pa'i phyir ro/ /zhes gsungs
so/ ! /skad

cig ma'i sbyor ba ni/ mkhyen gsum rim gyis sgom pa mthar thug
pa'i sems dpa'i rnal 'byor ro/ /zhes gser phreng las gsungs la/
rnam bshad sogs kyang 'di dang dgongs pa gcig go /ldog pas phye
na bzhi ste/ yon

tan mngon du byed tshul gyis phye ba rnam par smin pa ma yin pa
dang de yin pa gnyis dang/ yul rtogs tshul gyis phye ba mtshan
nyid med pa dang gnyis su med pa'i de gnyis dang bzhi'o/ /de'i
rnam smin yin min gyi don ni/ rtogs

dka'i snang ba ltar na/ sa bdun pa man chad kyi zag med kyi yon
tan rnams ni 'bad rtsol rags pas bskyed par bya ba yin pas na/
de dag gi rigs mngon du byed pa'i rgyun mtha'i ye shes la rnam
par smin pa ma yin pa'i skad cig ma'i sbyor

ba zhes bya la/ dag sa'i zag med kyi yon tan rnams ni 'bad rtsol
rigs pa med par thob pas na/ de dag gi rigs mngon du byed pa'i
rgyun mtha' ye shes la rnam par smin pa'i skad cig ma'i sbyor ba
zhes bya'o/ /rnam bshad kyang 'di

@034a @#/ /dang dgongs pa mthun no/ /gser phreng ltar na/ bshad
tshul 'di mi 'thad de/ sbyor ba dang po'i mdo dang 'grel pa rnams
su mtshan dpe dang stobs ma 'dres pa rnams gsungs pas/ de dag sa

bdun pa man chad la ma 'grigs pa'i phyir gsungs nas/ rang lugs
ni/ skad cig ma 'di dag ldog pa tha dad pa tsam yin pas yul can
la rnam smin yin min mi rung bas yul la bya zhing/ de yang gcig
gi yul

gnyis ka'i sa yin pa'i phyir mdo bstan bcos nas bstan chod kyi
yul la rnam smin dang de min gnyis su dbye ste/ dang po'i yul ni
rang gi rgyud la nus pa mthar thug pa ma smin pa dang/ phyi ma
ni rang gi rgyud la de ltar skyes pa'i

gnas skabs kyi dbang du byas nas gzhag go/ zhes gsungs so// gsum
pa ni chos rnams don dam par mtshan nyid med par rtogs pa dang/
bzhi pas chos rnams kyi gzung 'dzin gnyis su med pa'i de kho na
nyid

rtogs par rje yab sras gsum gi dgongs pa mthun par gsungs te/
bzhi ga bar chad med lam gcig la ldog pas phye ba ji ltar 'grig
dpyad byar snang ngo/ /smras pa/ rgyal yum spas don sar gnas
'phags

pas kyang/ /rtogs par dka' yang rgyal tshab byams mgon sogs/
/rtsa ba rgyud bla ma'i drin gyis phal bas kyang/ /phyogs tsam
shes 'di e ma skal ba bzang/ /zhes pa ni skabs lnga pa la sogs
pa'i zur mchan no/ /

@034b ()!() sangs rgyas kyi sku la dbye ba mang du ste/ chos
gzugs kyi sku gnyis dang/ rang don gzhan don gyi sku gnyis dang/
ngo bo nyid longs sprul gyi sku gsum dang/ chos longs sprul ba'i
sku gsum

dang/ ngo bo nyid sku ye shes chos sku longs sku sprul sku bzhi
dang/ de la longs sku che chung dam sprul sku rnam smin yin min
du phye ba'i lnga rnams so/ ! /rtogs dka'i snang par 'phags seng
gnyis rgyan gyi rtsa

tshig gis dngos su sku gsum mam bzhir bstan tshul la rtsod pa yin
gyi sku'i grangs nges la rtsod pa ma yin te/ 'phags pas kyang
sku bzhir bzhed/ slob dpon gyis kyang sku gsum du 'dus par

zhal gyis bzhes pa'i phyir gsungs kyang/ gser phreng gi tshig zin
ltar na grangs nges la rtsod pa lta bur snang ste/ slob dpon
gyis/ rnal 'byor ba'i kun rdzob tu/ zhes pa nas/ gnyis su med

pa'i sems dang sems las byung ba gdon mi za bar khas blang dgos
pa rnams ji ltar bsdu/ zhes gsungs pa'i don ni/ gser phreng rnam
bshad gnyis kar/ sangs rgyas kyi sar gdon mi za bar khas blang
dgos

pa'i khyad par gsum ldan gyi ye shes rnams sangs rgyas kyi sar
ji ltar bsdu ste bsdu ba mi 'thad par thal/ sku gzhan gsum gang
gis kyang ma bsdus pa'i phyir/ zhes pa'i don du bshad pa'i phyir
ro/ /gal te@035a @#/ /sku gsum bstan pa'i rtsa tshig gang gis kyang dngos su
ma bsdus zhes pa'i don yin zer na/ de ltar ma yin te/ zag med
kyi ye shes sde tshan nyer gcig po de ngo bo nyid sku bstan pa'i
rtsa tshig gis

dngos su bsdus par 'phags pas gsungs pa de gser phreng rnam
bshad gnyis kar bkod pa'i phyir ro/ /gzhan yang slob dpon gyis
kyang ngo bo nyid longs sprul gsum du grangs nges bar bzhed
gsungs pa ni dpyad gzhir snang ste/

gser phreng las/ chos longs sprul pa'i sku gsum dungs par slob
dpon bzheng kyang ngo bo nyid longs sprul gsum du grangs nges
par mi bzhed de/ sangs rgyas pa'i sems sems byung rnams sku de
min pas so snyam du dgongs pas

so/ /zhes gsungs pa'i phyir/ 'phags pas kyang sku gzhir bzhed
gsungs pa'ang dpyod dgos te/ des ngo bo nyid sku dang chos sku
don gcig tu bzhed par snang ba'i phyir ro/ ! /bsam gtan la brten
nas lus 'dor len la

dbang thob pa'i rten dag pa dang/ med pa sprul yod pa sgyur ba
la dbang thob pa'i dmigs pa dag pa dang/ skad cig re re la ting
nge 'dzin grangs med pa la 'jug ba'i thugs dag pa dang/ gzungs
kyi sgo dpag tu med pa la

dbang 'byor ba'i ye shes dag pa ste bzhi'o/ ! tshe dang sems dang
yo byad la dbang ba gsum mi sbyin pa'i 'bras bu dang/ las dang
skye ba la dbang ba gnyis ni tshul khrims kyi 'bras bu dang/ mos
pa la dbang ba

@035b ni bzod pa'i 'bras bu dang/ smon lam la dbang ba ni brtson
'grus kyi 'bras bu dang/ rdzu 'phrul la dbang ba ni bsam gtan
gyi 'bras bu dang/ ye shes dang chos la dbang ba gnyis ni shes
rab kyi 'bras bur gsungs so/ ! /

thugs rje chen po ni/ nyin mtshan lan drug tu su ni smin su ni de
las bzlog /su ni mngon mtho'i snod su ni nges legs kyi snod ces
sogs so sor rtog pa'i skye bo mtha' dag la phan pa'i bsam pa
ste/ khyad par ni

mdzod las/ thugs rje chen po kun rdzob blo/ /tshogs dang rnam pa
spyod yul dang/ /mnyam pa'i phyir dang ches che'i phyir/ /tha
dad bya ba rnam pa brgyad/ /zhes pa ltar ro/ ! /sa la sngar
spyangs pas 'grub

tshul dang ma sbyangs pas sbyong ba'i dmigs rten dang grub ma
grub kyi mtshan ma nyi snang las ma gsungs pa'i rgyu mtshan ni ji
lta ba bzhin mi shes bar snang ngo/ zhes gser phreng las gsungs
shing/ rnam bshad las go sla ba'i phyir ma

gsungs par bshad kyang/ go dka' sla'i rgyu mtshan 'dog dka' bar
snang ngo/ /zad par rlung gi ting nge 'dzin gyi dmigs pa ni
gzugs reg gnyis ka dang/ gzhan zad par gzugs can bdun gyi dmigs
pa ni gzugs kyi skye

mched dang/ tha ma gnyis kyi dmigs pa ni rang sa'i ming bzhi yin
par gsungs te/ 'jig rten gyi tha snyad la sa chu me gsum ni kha
dog dbyibs la 'jog pa dang/ rlung ni gzugs reg gnyis ka la 'jog
pa'i rgyu mtshan gyis yin

@036a @#/ /no/ ! /zil gnon ba rgyad 'dren lugs 'di kho na ltar ma
nges te/ khri brgyad stong par dbyibs zil gnon gnyis/ kha dog
zil gnon bzhi/ nam mkha' rnam shes kyi zil gnon gnyis te

brgyad du gsungs pa'i phyir/ gzugs chung du ni sems can gyi
gzugs yin la de'i bzang ngan ni lha mi la bya zhing/ chen po ni
khang pa gzhal med khang ri la sogs pa ste de'i kha dog mdzes
sdug ni yid du 'ong mi 'ong la bya bar gsungs

so/ ! /nyon mongs med pa'i ting nge 'dzin ni mdzod las/ nyon
mongs med pa kun rdzob shes/ /bsam gtan mtha' na mi g.yo chos/
/mis bskyed nyon mongs 'dod gtogs pa/ /ma skyes gzhi bcas spyod
yul can//

zhes ngo bo dangs dang rgyud dang rten dang dmigs pa ste khyad
par lnga ldan du gsungs shing/ smon gnas shes ba ni de nyid las/
smon gnas shes pa'ang de bzhin no/ /de'i dmigs pa thams cad do/
/zhes khyad par gzhan

rnams snga ma dang 'dra ba la dmigs pa khyad par du mdzad do/ !
/spyi don 'dir ye shes lnga zhes bshad kyang phar phyin theg pa
nas ye shes lnga bshad pa'i khungs yod med 'tshol dgos sam snyam
ste/ sngags kyi gzhung du mar ye

shes lngar bshad kyang mdo sde rgyan las ye shes bzhir bshad
pa'i phyir ro/ /'di la kha cig ye shes bzhi dang lngar bshad pa
ni mdo sngags kyi khyad par yin zer/ kha cig dbu sems kyi khyad
par yin zer/ kha cig

@036b phar phyin theg pa'i lugs ye shes lnga'i tha snyad tsam
yod kyang chos dbyings ye shes ni ngo bo nyid sku yin zer ro/
/gser phreng las ye shes bzhir gsungs te/ de nyid las/ 'phags pa
sangs rgyas kyis las/ shin tu 'dus sangs

rgyas kyis ni rnam pa lngas bsdus te lnga gang zhe na/ chos kyi
dbyings rnam par dag pa dang/ me long lta bu'i ye shes dang/
mnyam pa nyid kyi ye shes dang/ so sor rtogs pa'i ye shes dang/
bya ba nan tan gyi ye shes yin

no/ /zhes so/ /de la dang po ni ngo bo nyid kyi sku yin la/ phyi
ma bzhi ni mdo sde rgyan las/ zhes sogs 'dir drangs pa ltar
bshad pa'i phyir ro/ ! /longs sku nges pa lnga ldan du rnam
bshad las gsungs pa ltar 'dir

gang bshad kyang/ gser phreng las/ 'di la nges pa lnga ldan du
smra ba la ni don bsdus sgron mer/ nges pa bzhi ste 'khor dang
ni/ /gnas dang ston pa chos su ste/ /zhes pa tsam las ma mthong
la/ /'dis ni

khungs mi thub cing der ma zad theg bsdus ltar na gnod pa yang
snang bas dbyad par bya'o/ /zhes dang/ theg bsdus las/ longs
spyod rdzogs pa'i sku ci'i phyir ngo bo nyid kyi sku ma yin zhe
na/ rgyu drug gi phyir te/

zhes pa nas/ byang chub sems dpa' dang nyan thos dang lha la
sogs pa 'khor sna tshogs kyis 'dres bas 'dres par snang ba dang/
zhes longs sku'i 'khor du gyur ba'i nyan thos kyang yod par
gsungs ba'i phyir ro/ ! /

@037a @#/ /mtshan rnams gtso bo yin pas re re yang phyin drug gi
rgyu las byung bar bstan te/ rgyas par mdo sde bskal bzang las
shes dgos la/ dpe byad rnams ni 'khor yin pas de ltar ma bstan
te/ gtso

bos bsdus pa'i phyir ro/ /gtso 'khor du ji ltar gnas pa ni/ sen
mo zangs kyi mdog ltar dmar ba dang/ sen mo'i mdog snum pa dang/
sen mo mtho ba dang/ /sor mo zlum pa dang/ sor mo rgyas pa dang/

sor mo byin gyis phra ba ste dpe byad drug ni/ phyag sor ring
pa'i mtshan gyi 'khor dang/ dbu gdugs ltar rgyas pa dang/ dbu
skra bung ba ltar gnag ba dang/ dbu skra sdug pa dang/ dbu skra
'jam pa dang/ dbu skra

ma 'dzings pa dang/ dbu skra mi gshor ba dang/ dbu skra dri zhim
pa ste dpe byad mdun ni/ gtsug tor dang/ spu g.yas su 'khyil ba
dang/ sbu gyen du phyogs pa'i mtshan gsum gyi 'khor dang/ dpral
ba legs bar

'byes pa dang/ dbral pa dbyes che ba dang/ shangs mtho ba dang/
shangs gtsang ba ste dpe byad bzhi ni/ mdzod sbu'i mtshan gyi
'khor dang/ spyan gnyis rnam par dag pa dang/ gzigs pa dri ma'i
rab

rib med cing dag pa dang/ spyan yangs pa dang/ spyan padma'i
'dab ma 'dra ba dang/ rdzi ma sdug pa dang/ smin tshugs ring ba
dang/ smin ma 'jam pa dang/ smin ma snum ma dang/ smin ma'i sbu

@037b mnyam pa ste dpe byad dgu ni/ sbyon thon mthing dang/ rdzi
ma pa'i rdzi ma lta bu'i mtshan gyi 'khor dang/ snyan mnyam pa
dang/ snyan gyi dbang po mnyams pa ste dpe byad gnyis ni/ 'gram
pa seng+ge 'dra ba'i

mtshan gyi 'khor dang/ zhal ha cing mi ring ba dang/ mchu bim pa
ltar dmar ba dang/ ljags gnyen pa dang/ ljag srob pa dang/ ljags
dmar pa dang/ gsung 'brug gi sgra dang ldan pa dang/ gsung mnyen

zhing 'jam pa dang/ mche ba zlum pa dang/ mche rno ba dang/ mche
ba dkar ba dang/ mche ba mnyam pa dang/ mche ba byin gyis phra
ba sto dpe byad bcu gnyis ni/ ljags ring ba dang/ tshangs dbyangs
dang/

tshems dkar ba dang/ tshems thags bzang pa dang/ tshems tshad mnyam
pa dang/ tshems ba zhi bcu'i grangs tshang ba dang/ ro bro ba'i
mchog mkhyen pa ste mtshan bdun gyi 'khor du ji ltar rigs par
sbyar ba dang/ rtsa

mi mngon pa dang/ rtsa mdud pa med pa dang/ long bu mi mngon pa
dang/ sku gzhon mdog can dang/ phyag shing bal ltar 'jam pa
dang/ phyag gi ri mo mdangs gsal ba dang/ phyag gi ri mo zab pa
dang/

phyag gi ri mo ring ba ste dpe byad brgyad ni/ phyags zhabs 'jam
zhing gzhon sha chags pa dang/ zhabs long mi mngon pa'i mtshan
gnyis kyi 'khor dang/ phyag ring zhing rgyas pa ni/ phyag ring
mdzes

@038a @#/ /pa'i mtshan gyi 'khor dang/ zhabs mnyam pa ni/ byin pa
e na ya'i 'dra ba dang/ rus sbal zhabs kyi mtshan gnyis kyi
'khor dang/ seng ge dang/ glang po che dang/ bya dang pa

dang/ khyu mchog gi stabs su gshegs pa dang/ g.yas phyogs su
gshegs pa dang/ mdzes par gshegs pa dang/ drang por gshegs pa
dang/ goms pa snyoms pa ste dpe byad brgyad ni

sor mo dra bas 'brel ba dang/ rting ba yangs pa'i mtshan gnyis
kyi 'khor dang/ sku 'khril bag chags pa dang/ sku phyi dor byas
pa lta bu dang/ sku rim par mtsham pa dang/ sku gtsang ba dang/
sku 'jam pa dang/

sku dag pa dang/ mtshan yongs su rdzogs pa dang/ sku'i kho lag
yangs shing bzang ba dang/ sku sha zhum pa med pa dang/ sku sha
rgyas pa dang/ sku shin tu grims pa dang/ yan lag rnam par 'gyes
pa dang/ dku

zlum pa dang/ dku skabs phyin pa dang/ dku ma rnyongs pa dang/
phyal phyang de ba dang/ kun nas bltan sdug pa dang/ kun spyod
gtsang ba dang/ sku la sme ba dang gnag pag med pa ste dpe byad
bcu dgu ni/ sku che zhing

drang ba dang/ bdun mtho ba dang/ gser mdog 'dra ba dang/ pags
ba srab pa dang/ dbung mgo zlum pa dang/ thal gong rgyas pa
dang/ ro stod seng ge 'dra ba dang/ n+ya gro ta ltar mchu zhing
ga ba pa'i

@038b mtshan brgyad kyi 'khor dang/ lte ba zab pa dang/ lte ba
g.yas su 'khyil ba ste dpe byad gnyis ni/ gsang gnas sbubs su
nub pa'i mtshan gyi 'khor dang/ dpal be'u bkra shis nya g.yung
drung 'khyil ba la sogs pa'i dbe

byad ni/ 'khor lo'i mtshan dang/ sor mo dpe sa 'brel ba'i mtshan
gnyis kyi 'khor yin par gsungs te/ sor mo dra bas 'brel ba'i
mtshan lan gnyis smos pa dpyod dgos so/ ! /spyi don 'dir mtshan
dbe'i rgyur gyur

ba'i bsod nams bshad pa ni/ rin chen phreng ba dang 'grig dka'
bar snang bas dpyad bya ste/ rin chen phreng ba las gsungs pa
ni/ byang sems ma gtogs pa'i sems can thams cad gyi bsod nams ji
snyed yod pa thams cad

bcur bsgyur bas sangs rgyas kyi ba sbu'i bu ga gcig 'grub/ ba
sbu'i bu ga thams cad de dang 'dra/ ba sbu'i bu ga thams cad
'grub pa'i bsod nams brgyar bsgyur bas dpe byad bzang po gcig
'grub/ /dpe byad thams cad de dang

'dra/ dpe byad brgyad cu thams cad 'grub pa'i bsod nams brgyar
bsgyur bas mdzod sbu gtsug tor ma gtogs pa'i mtshan gcig 'grub/
mtshan gzhan thams cad de dang 'dra/ mtshan sum cu 'grub pa'i bsod

nams stong bsgyur gyis mdzod sbu 'grub/ mdzod sbu 'grub pa'i
bsod nams 'bum bsgyur gyis gtsug tor 'grub/ gtsug tor 'grub pa'i
bsod nams grangs med phrag bcus gsung dbyangs yan lag drug cu

@039a @#/ /'grub par gsungs pa'i phyir ro/ ! /sangs rgyas kyi
'phrin las la gsum/ lam gyi rten dang/ lam dang/ 'bras bu la
'god pa'o/ /dang po ni/ 'gro rnams zhi ba'i

las dang ni/ /zhes 'gro ba rnams zhi ba don gnyer gyi bsam pa
skye ba'i snod rung la 'god pa'o/ /gnyis pa la bzhi las/ dang po
tshogs lam la 'god pa'i 'phrin las la ste/ bsdu rnam bzhi la 'god

pa dang/ /zhes gdul bya rnams bsdu ba bzhi la 'god pa dang/ kun
nas nyon mongs bcas pa yis/ /rnam par byang ba rtogs pa dang/
/zhes thos bsam gyis kun 'byung gi blang dor rtogs pa la 'god pa
dang/ sems

can rnams don ji bzhin gyi/ /don dang/ zhes sems can gyi don
tshad med bzhi'i rang bzhin ji lta ba bzhin bsgrub pa la 'god pa
dang/ pha rol phyin drug dang/ /zhes rang rgyud smin byed kyi
phyin drug gi nyams len la 'god pa dang

sangs rgyas lam dang/ zhes rang gzhin gnyis ka'i don sangs rgyas
kyi lam dge ba'i las lam bcu la 'god pa ste lnga'o/ /gnyis pa
sbyor lam la 'god pa ni/ rang bzhin gyis/ /stong ba nyid dang/
zhes 'jig rten pa'i

sgom byung gis chos thams cad rang bzhin gyis stong pa nyid du
rtogs pa la 'god pa gcig go /gsum pa mthong lam la 'god pa ni/
gnyis zad dang/ zhes stong pa nyid la gnyis snang zad pa'i sa
dang po la 'god pa gcig go /

@039b bzhi pa la drug /sa gnyis pa nas lnga ba'i bar dang/ drug
pa dang/ bdun pa dang/ brgyad pa dang/ dgu pa dang/ bcu ba la
'god pa'o/ /dang po ni/ brda dang/ zhes chos thams cad brda ste
kun rdzob tsam du yod par rtogs pa'i sa

gnyis pa nas lnga pa'i bar la 'god pa gcig go /gnyis pa ni/
dmigs pa med pa dang/ /zhes chos thams cad don dam par dmigs su
med par rtogs pa'i sa drug pa la 'god pa gcig go /gsum pa ni/
lus can rnams ni yongs

smin dang/ /zhes lus can rnams kyi rgyud yongs su smin par byed
pa'i sa bdun pa la 'god pa gcig go /bzhi pa la gnyis las/ rtogs
pa la 'god pa ni/ byang chub sems dpa'i lam dang ni/ /zhes nyan
rang du mi ltung par nges pa'i

byang sems sa brgyad pa'i lam la 'god pa dang/ spangs pa la 'god
pa ni/ mngon par zhen pa bzlog pa dang/ /zhes sa brgyad par bden
par zhen pa bzlog pa la 'god pa ste gnyis so/ /lnga ba ni/ byang
chub thob

dang/ zhes byang chub thob pa dang 'dra ba'i sprul sku'i mdzad
pa nus pa'i sa dgu pa la 'god pa gcig go /drug pa la gsum/ bcu
ba tho ba ma thag pa dang/ skye bu gcig thogs dang/ srid pa tha
ma la 'god pa'o

pa'o/ /dang po ni/ sangs rgyas zhing/ /rnam par dag dang/ rang
nyid sangs rgyas pa'i snod bcud kyi zhing dag pa'i sa bcu pa
thob ma thag pa la 'god pa gcig ste/ sa bcu pa thob ma thag tu
'od zer chen po'i dbang

@040a @#/ /bskur thob par 'gyur tshul ni gser phreng las shes dgos
so/ /gnyis pa la gsum las/ dang po ni/ nges pa dang/ zhes skye
ba phyi mar zhing 'dir dus 'di'i tshe sangs

'di zhes bya bar 'gyur bar nges pa'i nus pa la 'god pa dang/
gnyis pa ni/ sems can don na tshad med dang/ /zhes sems can gyi
don tshad med pa sgrub pa la 'god pa dang/ gsum pa ni/ sangs
rgyas

bsten sogs yon tan dang/ /zhes sangs rgyas dpag tu med pa la
bsnyen bkur ba'i yon tan la 'god pa ste gsum mo/ /gsum pa la
brgyad las/ dang po ni/ byang chub yan lag /ces byang chen gyi

tshogs mtha' dag skyed pa'i byang chub kyi yan lag la 'god pa
dang/ gnyis pa ni/ las rnams ni/ /chud mi za dang/ zhes las chud
mi za ba ste rgyu tshogs gnyis kyis 'bras bu rdzogs byang dngos
su 'byin pa'i nus pa la 'god pa

dang/ gsum pa ni/ bden mthong dang/ zhes bden bzhi mthong ba'i
ji snyed pa rtogs pa la 'god pa dang/ bzhi pa ni/ phyin ci log
ni spangs pa dang/ /zhes phyin ci log bzhi spangs pa la 'god pa
dang/ lnga pa ni/

de'i gzhi med pa'i tshul dang ni/ /zhes phyin ci log gi gzhi bden
'dzin med pa ste spangs pa la 'god pa dang/ drug pa ni/ rnam par
byang dang/ zhes byang chub kyi rgyu chogs dri mas rnam par
byang ba la 'god pa dang/ bdun

@040b pa ni/ tshogs dang ni/ /zhes sangs rgyas kyi rgyu tshogs
tshong pa la 'god pa dang/ brgyad pa ni/ 'dus byas 'dus ma byas
pa la/ /tha dad yongs su mi shes dang/ /zhes 'khor 'das don dam
par tha dad med par mthong pa'i ji

lta brtogs pa 'god pa ste brgyad do/ /de dag kyang bzhir bsdus
te/ dang po gnyis ni nus pa dang/ gsum pa dang brgyad pa ni
rtogs pa dang/ bzhi pa dang lnga pa ni spangs pa dang/ drug pa
dang bdun pa ni dag sa'i rgyu tshogs la

'god pa yin par gsungs so/ /gsum pa ni/ mya ngan 'das la 'god pa
ste/ /zhes mi gnas pa'i myang 'das de bzhin gshegs pa'i sa la
'god pa gcig go /de dag ni slob dpon gyi lugs yin la/ 'phags
pa'i bzhed

bltar na/ dang po gsum ni tshogs lam dang/ de nas bzhi ni sbyor
pam dang/ gnyis bad dang/ zhes pa gcig ni mthong lam dang/ brda
dang/ zhes pa gcig ni sa gnyis pa gsum pa gnyis dang/ dmigs pa
med pa

dang/ /zhes pa gcig ni sa bzhi pa sogs gsum dang/ lus can zhes
sogs gcig nis bdun pa dang/ byang chub sems dpa'i zhes sogs bzhi
ni sa brgyad ba dang/ des pa dang zhes sogs gnyis ni sa dgu

ba dang/ sangs rgyas bsten zhes sogs dgu ni sa bcu pa la 'god pa
ste lam la 'god pa nyer drug dang/ mya ngan 'das la 'god pa ste/
/zhes pa gcig ni 'bras bu 'god pa ste nyer bdun no/ /de dag
rgyas par rnam bshad las shes par@041a @#/ /bya dgos la/ gzhan yang gzungs kyi
dbang phyug rgyal
po'i mdo las 'phrin las so gnyis bshad de/ stobs bcu'i 'phrin
las bcu dang/ mi 'jigs pa bzhi'i 'phrin las bzhi dang/

sangs rgyas kyi chos ma 'dris pa bco brgyad kyi 'phrin las bco
brgyad dang so gnyis bshad pa'i phyir/ mdo sde rgyan las 'phrin
las bcu bshad de/ yon tan gyi gnas su gyur ba'i 'phrin las dang/
sems can

yongs su smin par mdzad pa'i 'phrin las dang/ mthun par gshegs
pa'i 'phrin las dang/ chos ston pa'i 'phrin las dang/ sprul pa
la sogs pa mdzad pa'i 'phrin las dang/ ye shes la 'jug pa'i
'phrin

las dang/ rnam par mi rtog pa'i 'phrin las dang/ sna tshogs su
'jug pa'i 'phrin las dang/ skal med la mi 'jug pa'i 'phrin las
dang/ khyad par du 'phags pa'i 'phrin las dang bcu bshad pa'i
phyir ro/

de dag re re la yang bya ba yul la 'jug pa'i 'phrin las dang/
byed pa bo rang nyid la yod pa'i 'phrin las gnyis gnyis yod la/
bya ba yul la 'jug pa'i 'phrin las nyer bdun 'gal ba yin kyang/
byed pa po rang nyid

la yod pa'i 'phrin las nyer bdun mi 'gal bar bshad pa yod do/
/mngon rtogs rgyan las bshad pa ni 'jug yul gyi sgo nas phyi ba
dang/ gzungs rgyal gyi mdo nas bshad pa ni bshad pa ni bdag
rkyen gyi sgo nas phye ba

@041b dang/ mdo sde rgyan nas bshad pa ni 'phrin las mdzad tshul
dang 'bras bu la sogs pa'i sgo nas phye ba yin par snang ngo/
/de dag kyang sku dang gsung dang thugs kyi 'phrin las gsum du
bsdus shing/ gdul bya'i rgyud la 'jug tshul yang 'khor ba ji

srid par rgyu na mi chad du 'jug pa yin te/ rtsa bar/ de bzhin
'khor ba ji srid 'di'i/ /las ni rgyun mi chad par 'dod/ /ces
gsungs pa'i phyir ro// smras pa/ lung rigs zla pa'i ma ma las
'ongs pa'o/ /zur mchan kun gsal

mi'i 'od zer gyis/ /gzhung don dka' gnas 'dab stod kha phye bar/
/zur gnas b+hring+ga'i tshogs rnams dga' bar byos/ /zhes pa ni
skabs brgyad pa'i zur mchan no/ /yang 'dir smras pa/ lhag bsam
dag pa'i go la'i rlung gis

bskyod/ /rgya chen spyod pa'i byang bgrod yongs su rdzogs/ /zab
don go 'byed dbyings su rtag rol pa'i/ /rgyal yum padma'i gnyen
gyis 'gro kun skyongs/ /rnam dpyod sdang po mngon pa mtho ba
las/ /lung rigs yal ga lo

'dab rab rgyas shing/ /gsar bshad ro brgya'i 'bras bu g.yur za
pa'i/ /mchan 'grel dbag bsam ljon pa deng 'dir bsgrubs/ /gsar du
slob pa rnams la phan 'dogs pa'i/ /bsam pa shin tu dkar bas byas
mod

kyang/ /mkhas rlom 'ga' zhig 'di yis ga dung srid de/ /phyogs
lhung phrag dog can gyi gshis de yin/ /nam mkha'i glang po lang
long g.yo ba las/ /dbyar gyi rnga gsang dgod pa'i sgra snyan
gyis/ /mdongs mtha' can

@042a @#/ /gyi ga shis de yin mod kyi/ /gnyis skyes kun gyi dga'
ston byed mi nus/ /blo rmongs bdag 'dra'i rnam dpyod nya chung
gis/ /gzhung lugs rgya mtsho'i bchi nga mtha' ji ltar gzhal/ /de
phyir 'di ya

'khrul bar gyur ba gang/ /rang las mkhas pa rnams la mthol zhing
bshags/ /'dir 'bad rnam dkar dge bas 'gro ba kun/ /shes bya
mkhyen pa gsum la mkhas gyur nas/ /nyams len sbyor pa rnam bzhi
pa sgom

byas te/ /'bras bu chos sku'i go 'phang myur thob shog /rgyal
dang rgyal ba gnyis pa'i bstan pa dang/ /bstan 'dzin skyes bu'i
sku tshe 'phrin las dang/ /dge 'dun 'dus ba'i tshogs kyi bshad
sgrub rnams/ /phan tshun

'gran pa bzhin du 'phel gyur cig /bstan pa'i sbyin bdag rnams
kyi phyi nang gi /'gal rkyen mi mthun phyogs kun zhi ba dang/
/mthun rkyen tshe bsod mnga' thang longs sbyod rnams/ /yar ngo'i
zla ba

bzhin du rgyas gyur cig /bdag kyang ma 'ongs skye ba thams cad
du/ /ngan song mi khom gnas su mi skye bar/ /rten bzang thob
cing bstan dang mjal ba dang/ /bshes gnyen bzang pos rjes su

'dzin gyur cig /khyad par skye ba gzhan gyis ma chong bar/ /dga'
ldan yid dga' chos 'dzin der skyes nas/ /mi pham 'jam dpal
snying po'i gsung snyan gyis/ /yid dang rna dbang lhan cig tshim
gyur cig /

@042b ji srid chu gter ska rgas can 'di nyid/ /shed bu'i khur
chen bteg pa de srid du/ /mchan bu 'dis kyang gzhung don shes
'dod la/ /legs bshad gsar pa'i gtam snyan sgrog gyur cig /ces
baN chen bsod nams

grags pa'i dpal rnam dpyod mchog gi sdes mdzad pa'i phar phyin
spyi don gyi zur mchan yum don rab gsal sgron me zhes bya ba 'di
ni/ yu re chen mo'i mtshan nyid kyi bshad grwa chen po gnyis gyi
ya gyal kun dga' chos gling gi gra rigs/

mdo sngags kyi bshad grwa rnams su rgyud dang bka' bod rnam
lnga'i grwa skor tshul bzhin byas pa'i bka' bcu pa ngag dbang
bsod nams kyis 'di lta bu zhig dgos zhes bskul ba ltar/ mkhas
shing grub ba brnyes pa'i dge

ba'i bshes gnyen du ma'i zhabs kyi rdul sbyi bos nod pa/ 7
sbrang btsun ngag dbang dpal ldan gyis/ rab byung bcu bzhi ba'i
bgrang bya lnga bcu rtsa bdun pa chu mo phag lor/ bka' dang
bstan bcos 'gyur ro

cog gi tshal dga' ldan bshad sgrub bstan 'phel gling gi nye 'dab
rang gshag nyams dga' bar ma 'jug rdzogs par sbyar ba 'dis kyang
bstan 'gro la phan thogs bar gyur cig/ sarba ma ng+ga laM/
dge'o//

oM swa sti/ bstan ba'i bdag po 'dren mchog shAkyi'i tog /rgyal
ba gnyis pa rje btsun tsong kha pa/ /yab sras brgyud par bcas pa
thams cad la/ /sgo gsum gus pa chen pos phyag 'tshal lo/ /bsodO
namsO zhi nga

@043a @#/ /mchog rgyal bstan lha lam du/ /gragsO pa'i 'od zer
'gro la zla med pa/ /smra pa'i nyi ma rnamO dpyodO mchogO gi
sdeO/ /paN chen gang de'i zhabs la snying nas 'dud/ /mgon de'i

legs bshad phar phyin spyi don gyi/ /zur mchan chos rje ngag
dbang dpal ldan gyi/ /gsar rtsom khu re kun dga' chos gling du/
/blo gsal rnams la phan phyir par du bsgrubs/ /dge pas rgyal
pa'i bstan

pa dar zhing rgyas/ /bstan 'dzin spyi dang khyad par dam pa'i
mgon/ /zhabs pad brtan cing dge 'dun thugs mthun pas/ /bshad
sgrubs ya ra ngo'i zla bzhin 'phel gyur cig (/ces 'di grwa tshang
chen mo de nyid

gyi/ /par dbon dge slong blo bzang tshe ring gis/ /dgos zhes
bskul ngor ngag gi dbang po yis/ /g.yar khral tsam du bris pa
dza yantu// //)

@43b (blank page)