@001a @##/ /grub mtha' chen mo'i mchan 'grel dka' gnad mdud grol
blo gsal gces nor zhes bya ba las grub mtha' spyi bshad sogs
le'u dang po bdun gyi skabs bzhugs so//

@001b @##/ /rje btsun bla ma 'jam dpal dbyangs la phyag 'tshal lo/
/tshe rabs kun tu rjes su gzung du gsol/ mtha' yas

yon tan rnam par rgyal ba'i khang bzang dbus na mi 'jigs bzhi
ldan rin chen gdan khri'i steng/ /mtha' yas rgyu tshogs rnams
kyis bskrun pa'i

mtshan dang dpe byad rin chen rgyan mang gzi 'od mngon 'bar ba/
/mtha' yas lta ngan sbyin skyes sder bcas bcom pa'i chos kyi
'khor lo'i rgyal rnga

phyogs bcur rab sgrogs pa/ /mtha' yas shes bya gcig char gzigs
pa'i zas gtsang sras po bcud ldan bdag pos bdag sogs 'gro kun

skyongs/ /zab mo'i gnas lugs chu mthong dbyings su mkhyen pa'i
ma mo 'phel rdzis bgrod bzhin par/ /grangs med zhing khams ti
mi'i

@002a @#/ /grong du sna tshogs sbrul pa'i gzugs brnyan yongs shar
ba/ /zab rgyas legs gsung 'od 'bum 'phro bas tshogs gnyis

yid mos 'dab stong rgyas mdzad pa'i/ /dus gsum rgyal ba'i sras
mchog mi pham 'jam dbyangs nyi zla zung 'brel rgyal gyur cig
/kun mkhyen

nyi ma'i gnyen gyi gsung rab ma dros mtsho las grub mtha' rnam
bzhi'i chu klung bzhi/ /gzhung lugs klung phran lnga brgya'i
'khor bcas 'dzam

gling phyogs kun khyab par 'dren pa'i byed pa po/ /'phags mchog
klu sgrub pa thogs med gtso byas rgyan drug mchog gnyis la sogs
'phags

yul mkhas rnams kyi/ /bka' drin gzugs su grub na rnam kun mkhyen
pa'i bre srang ma gtogs gang gis gzhal bar nus/ /bu ram shing

@002b pa'i lung rtogs bstan pa kun gsal sgron me'i gur khang
mchog /gzhan phan lhag bsam rnam par dag pa nam mkha'i dbugs
kyis gangs can 'dir/ /nyer drangs lo paN

sa skyong blon por bcas pa'i ngo mtshar mdzad 'phrin la/ /blo
dman bdag kyang ba spu ldang zhing 'dren byed chab kyis brlan
par gyur/ /dag pa'i snang ngor rgyal pa kun gyi yab gcig

sa skong blon por bcas pa'i ngo mtshar mdzad 'phrin la/ /blo dman
bdag kyang ba sbu ldang gzhing 'dzen byed chab kyis brlan par
gyur/ /dag pa'i snang ngor rgyal ba kun gyi yab gcig

brtan pa'i 'khor lo ngur smrig gar gyis rnam rol zhing/ /tha mal
snang ngor thos bsam sgom la rim gyis brtson pa'i stobs kyis sa
lam mthon por mngon gshegs nas/ /

che zhing gsal la zab cing myur ba'i mkhyen rab bzang pos thub
bstan bsreg bcad bdar pa'i gsor bzhin du/ /dag ther mdzad pa'i
bka' drin 'khor med kun mkhyen

tsong kha pa des tshe rabs kun tu bshes mdzod cig /mgon de'i legs
bshad dbyar skyes snyan pa'i glus/ /lung rtogs yon tan mngal gyi
khur 'dzin pa/ /zhwa ser

@003a @#/ /srol 'dzin mkhas mang mdongs mtha' can/ /bshad sgrub
zlos gar bsgyur ba ci yang mdzes/ /yun ring goms pa'i lhag bsam
thugs bskyed rta ljang bdun gyis

nyer drangs shing/ /legs bshad gsar ba'i kun snang bar bas bdag
blo'i mun pa sel mdzad pa'i/ /bshes gnyen snang ba'i mu khyud de
rnams rgyal kun thugs rje'i tshangs

chen gyis/ /mi mdzed snying po'i ring lugs sprin lam mdzes byed
rgyan du bkod par nges/ /dge ldan lugs bzang sA la'i sman
ljongs dbus/ /legs bshad dri bsung phyogs

bcur 'gyed pa'i dpal/ /grub mtha' rtsa 'grel tsandan go shirSha/
/stobs bcu mnga' ba'i mdzad 'phrin gzo bos bsgrub/ /skyes
sbyangs blo gros lag pa'i shugs chung yang/ /

pha mes gzhung bzang gan ma ru stobs chen dang/ /zur mchan nyag
phran sbyar nas phyi nang gi/ /gzhung lugs dka' gnad go cha 'big
par bya/ /gsar bshad bdud rtsi'i zegs

pa mi 'dzag pas/ /blo gsal mgu pa'i kunda ma bzhad kyang/ /'gran
sems so ga'i zla zer mi 'phro bas/ /phyogs lhung tsha bas mi
gdung ba der gnas mdzod/ /'dir mkhas

grub chen po 'jam dbyangs bzhad pa'i rdo rjes mdzad pa'i grub
mtha'i 'grel ba chen mor zur mchan bkod pa la/ ()ka() 'phags pa
klu sgrub kyis mja' po

@003b rgyal po bde spyod la bkur ba'i bshes sbrings su mdo las
gnya' shing rus spal phrod pa'i dpes mir skye dka' bar gsungs pa
bkod la/ 'dir ngan 'gro zhes pa dpe ma dag ste/ de'i

gzhung du dud 'gro zhes byung zhing/ 'grel par dud 'gro ches
blun pas de las mir skye dka' bar bshad pa'i phyir/ ()kha() sbun
pa 'phyar ba zhes sogs ni/ zhing las pa

rnams kyis 'bru'i sbun pa rlung gis 'phyar na bzang zhing ma
'phyar na ngan par rtsis pa ltar tshe 'di blos thongs na bzang
zhing ma thongs na dge ba gang byed kyang tshe 'di'i snang shas
dang 'dres nas

kha zas dug can ltar 'gyur bas tshe 'di blos thongs nas chos kyi
snying po len pa la 'bad dgos pa yin// ()ga() shes rab brgya pa
dang shes rab sdong po dang skye bo gso thig sogs

'jig rten lugs kyi bstan bcos te/ 'phags pa klu sgrub kyis mdzad
pa'o/ /shes rab kyi ba sngags pa rgyas par lam rim chen mo las
shes dgos so// ()nga() khyad par

'phags bstod slob dpon mtho btsun grub rjes mdzad pa/ lha las
phul byung gi bstod pa slob dpon bde byed bdag pos mdzad pa'o/
/slob dpon de gnyis dbang phyug chen po la

mchog tu dad pa'i bram ze'i rigs su skyes pa'i spun gnyis kyis
phyi nang gi bstan bcos thams cad la mkhas par gyur nas/ 'di
snyam du sems te/ bdag cag gi khyiM na

@004a @#/ /dbang phyug chen po mchod la/ sangs rgyas kyi gsung
rab ni phul du byung bar snang na de gnyis gang khyad par du
'phags pa brtag par bya'o snyam nas ri bo te ser song

ba'i tshe dbang phyug chen po lha mo u ma 'khor dang bcas pas ma
dros mtsho nas rdzu 'phrul gyis phebs pa'i dgra bcom pa lnga
brgya la mchod pa dang bsnyen bkur tshad med pa byas nas

chos nyan pa mthong ba dang/ dbang phyug chen pos kyang de gnyis
la sangs rgyas bcom ldan 'das ni 'jig rten gsum gyi bla ma dam
po yin pas/ de dang de'i gsung rab la mchod par bya'o/ /

zhes smras pa thos nas slar rang yul du 'ong ste/ nad pa'i bstan
par zhugs te rab tu byung nas bstod pa de gnyis byas par slob
dpon shes rab go chas bshad do/ /bstod pa de gnyis su

sangs rgyas bcom ldan 'das nyid 'jig rten pa'i lha las khyad par
du 'phags pa dang phul du byung bar bshad pa ni ngo mtshar rmad
du byung ba mkhas pa'i yid rang dbang med par

'phrog nus pa sha stag tu snang bas blo ldan rnams kyis blta bar
bya'o// ()ca() dri za'i bu mo mngon bstod ces sogs ni bram ze
phur bus mdzad pa'i dbyangs can ma'i

bstod tshig yin la/ bstod pa der/ srog gi 'od zer skra yi khyon
tsam phra ba'i cha shas kyis/ /rtsol pa'i sgo nas myur bar lha
mo'i thugs la reg gyur bas/ /'khor lo

@004b gnyis pa bskor bas rnam pa bdun pa'i mchod sprin can/
/'jug pa'i rlung zhon rang sems ye shes rgyas mdzad de la 'dud/
/ces pa'i don/ /bdag gi bla ma mkhan chen ngag dbang

mkhas grub kyis/ srog gi ngo bo skra yi khyon tsam gyis/ /rtsol
ba'i sgo nas khyod thugs la reg pas/ /'khor lo gnyis pa bskor
bas bdun pa can/ /'jug pa'i rlung zhon rang sems

rgyas par mdzod/ /ces bsdus shing/ de'i don ni rang gi srog gi
ngo bo sa bon gyi yi ge las 'od zer skra'i khyon tsam sna bug
g.yas nas phyir thon te/ dbyangs can ma'i shangs bug

nas zhugs/ /thugs ka'i shes rab kyi 'khor lo la reg pas/ de las
'khor lo gnyis pa g.yas bskor du 'khor ba'i rnam ba can chad
nas mdun du dgug pa la/ me tog la

sogs pa'i mchod sbrin phul nas/ nang du 'jug pa'i rlung la zhon
nas rang gi sna bug g.yon zhugs te sa bon la thim par sgom pas
rang gi shes rab rgyas par byed pa'i don yin pas na/

'khor lo gnyis pa bskor ba'i rnam /can mdun du dgug nas mchod/
/ces pa lta bu zhig yin pa la bsgyur ram yi ge nor ba yin nam
snyam ste/ bram ze phur bus mdzad pa'i sgrub thabs

las/ /rang gi snying ga'i srog gi 'od zer gyis/ /dbyangs can ma
yi 'khor lo mdun du dgug /me tog bdug pa mar me byug pas mchod/
/'jug pa'i rlung gis snying gi srog rtsa 
@005a @#/ /gzhug ces gsal bar gsungs pa'i phyir ro// ()cha snyan
dngags rgyal po 'khor lo'i dbyangs can ma lo phyed brten nas
'phel ba yin/ de la bsten par byed pa rnams la slob

dpon rta dbyangs kyis/ snyan dngags rtsom la skal chen po/
/khyod la brten nas bdag gi blo/ /dbyar gyi dus kyi chu bo ltar/
/chung du'ang shin tu 'phel par 'gyur/ /zhes pa dang mtshungs par

myur du dngos grub ster bar byed ces pa'o// ()ja sgrub thabs de
las/ dge slong yid kyi shing rta bskyod pas 'di brtsams so/
/zhes byung ba rtsom pa po'i ming yin min dpyad/ ()nya()

dbyangs can ma'i mtshan gyi rnam grangs ni/ mngon brjod las/
tshangs pa'i sras mo dbyangs ldan ma/ /sgra dbyangs lha mo sgra
lha mo/ /ngag dbang lha mo blo yi gter/ /rdo rje dbyangs kyi lha
mo

dang/ /tshangs ma ham bu ra'i chung ma/ /dri za'i bu mo sher lha
mo/ /rgya mtsho lha mo mtsho ldan ma/ /zla ba'i sring mo mtsho
byung ma/ /dbang mo dang ba'i rgyas gyeng ma/ /sbar swa ste
dbyangs can ma/ /zhes

bcu dgu bshad do/ /gser 'od dbyangs can ma'i le'u der/ slob dpon
lung ston pa bram zi kau di nyas/ gshin rje'i sring mo lus ston
cing/ /rtag tu dar gos sngon po bsnams/ /

mdzes dang mi mdzes lus ston cing/ /spyan mig sus mthong dang ba
bskyed/ /spyod pa tshad med 'jig rten 'das/ /skyabs su su 'ongs
rjes su 'dzin/ /bar 'ga' ri dang brag la

@005b gnas/ /bar 'ga' phug dang chu bo'i 'gram /yang na ljon
sdong nags rnams su/ /gnas de dag ni lha mo'i rten/ /ji ltar ri
brag mi rnams kyis/ /rma bya'i mdongs la gdugs byas shing/ /rtag
tu lha mo

de mchod na/ /thams cad dus su 'jig rten skyong/ /zhes pa nas/
sems can gang dag ci 'dod pa/ /de kun bsam pa myur du skongs/
/thos myur thos pa 'dzin pa yang/ /sa chen 'di gnas kun

gyi mchog /zhes pa nas/ 'jig rten mthun par gzugs ston cing/
/'dod khams bar gyi lha gnas su/ /khyod ni lha mo'i gtso yin
pas/ /de las mchog pa'i sems can med/ /ces sogs

rgya cher bstod do/ /lha mo spyan drangs pa'i tshig las kyang/
phyag 'tshal bcom ldan dbyangs can mchog /byang chub chen po
dbyangs can mchog /'phags pa rang rgyal dbyangs can mchog /zung
bzhi

ya brgyad dbyangs can mchog /bden pa bzhi gsung dbyangs can
mchog /yang dag gzigs dang dbyangs can mchog /drang rong tshangs
'khor dbyangs can mchog /lha mo dbu mya dbyangs can mchog /

skyem byad lha yang dbyangs can mchog /gzi can klu yang dbyangs
can mchog /mtshan mo lha mo dbyangs can mchog /rgyal chen bzhi po
dbyangs can mchog /bde gnas lha sras dbyangs can mchog /

rdo rje gsang bdag dbyangs can mchog /khyab 'jug lha yang
dbyangs can mchog /lha mo be mo dbyangs can mchog /tshogs bdag
lha yang dbyangs can mchog /dpal gyi lha mo dbyangs can mchog
/dpal

@006a @#/ /gyi blo gros dbyangs can mchog /hi ri tshig 'chang
dbyangs can mchog /ma mo kun mchog dbyangs can mchog /'phrog ma
mo yang dbyangs can mchog /gnod sbyin kun kyang dbyangs can

mchog /ces sogs gsungs shing/ bram ze de nyid kyis lha mo sbobs
ba chen po la bstod pa dang/ bram ze mchog sreg kyi lha mo nag
po la bstod pa las kyang sngar bshad pa dang don 'dra bar
gsungso/ /

()nya ma brjod na yang 'dod pas khyab/ /bdag gi don bzhin bsgrub
byar 'dod/ /ces pa ni/ rnam 'grel TIka chen las/ gzhan don
bsgrub bya yin na dag tu dngos su smras ba zhig dgos kyi/

ngag tu dngos sum smras kyang rgol ba'i zhe 'dod kyis bsgrub
byar khas blangs pa de 'dra med do zhe na/ de'i tshe ngag tu
dngos su ma brjod na yang snga rgol gyi zhe ba'i 'dod pas khyab
pa'i sgo nas don gyis

bsgrub byar 'dod cing khas blangs pa yod de/ dper na/ grangs can
gyis/ mig sogs chos can/ gzhan don byed de/ 'dus shing bsags pa
yin pa'i phyir/ mal cha dang stan bzhin zhes

bkod pa na/ bdag gi don byed pa ngag tu ma smras kyang zhe 'dod
kyis bsgrub byar khas blangs pa bzhin no/ /zhes pa ste/ zhes
gsungs pa dang/ rtsa she'i TIka chen las/ thal ba de gnyis kyis
mi

'dod pa sgrub pa na 'phen mkhan gyis bzlog don nges par khas
blang mi dgos te sgras don ston pa ni smra ba po'i brjod 'dod
kyi rjes su byed pa'i phyir dang thal ba 'phen pa pos kyang slar
yang skye ba don

@006b bcas dang thug bcas dgag pa tsam zhig 'dod nas 'phangs
pa'i phyir ro/ /'o na grangs can gyi sngar yod rkyen gyis gsal
bar byas pa tsam zhig skye ba'i don du bstan par 'dod nas myu gu
skye'o zhes

brjod pa'i phyir myu gu skye zhes pa'i don yang de tsam du 'gyur
ro zhe na/ nus pa yod na zhes gsungs te snga ma de ston pa'i nus
pa yod pa dang brjod 'dod gnyis tshogs pa dgos pas skyon med do/
/zhes

tshig gsal las/ nus pa yod na smra ba po'i brjod par 'dod pa'i
rjes su byed pa yin no zhes pa'i don bshad do// ()ta dngos po
ngas bstan ni/ brtsams bya'i gzhung gi don bsdus nas thog mar

bkod pa ste/ rgyud bla mar/ sangs rgyas chos tshogs khams dang
byang chub dang/ /yon tan sangs rgyas 'phrin las tha ma ste/
/bstan bcos kun gyi lus ni mdor bsdu na/ /rdo rje yi ni gnas
bdun 'di dgo/

zhes pa lta bu'o// ()tha snying nas dad dam zhes pa ni dad pa
yod kyang sbyor med pa dang/ ji ltar dga' ba zhes pa ni dad pa'i
rgyu med par phyag sogs byed pa dang/ the tshom gyis sam zhes pa
ni bsod

nams yod med la the tshom za ba'i sgo nas phyag sogs byed pa
dang/ gzhan gyi dngor yang rung zhes pa ni phyugs sogs mi byed
na chad pa dang byed na bya dga' 'thob snyam pas phyag sogs byed
pa'o/ /de'i

gzhung du rkang ba phyi ma gnyis ni/ gang zhig thub dbang zla ba
der phyag byed/ /des ni lha yi bde ba phun tshogs 'thob/ /zhes
byung zhing/ 'grel par yang zla ba'i bshad pa yod do// ()da ston

@007a @#/ /pa mngon par rdzogs par sangs rgyas pa'i tshe lha rnams
kyis mchod la/ phyogs bcu'i sangs rgyas kyis chos kyi dga' ba
bskur zhing bsngags pa mdzad pa'i tshe/ ston pa rang nyid

kyis kyang/ bsod nams rnam smin bde ster sdug bsngal thams cad
sel/ /bsod nams ldan pa'i mi yi bsam pa rnams kyang 'grub/ /bdud
bcom nas ni byang chub myur du reg par 'gyur/ /mya ngan

las 'das zhi pa bsil ba'i dngos po thob/ /zhes ched du brjod pa
mdzad do/ /sngon sangs rgyas sogs la bsnyen bkur byas pas smon
lam ltar grub pa'i lo rgyus 'dul ba lung sogs su mang po

snang mod kyang 'dir mangs dogs nas ma bris so/ /sngon rgya gar
na mu stegs pa rlung zhags btab tshad de'i gam du 'gro ba gcig
yod pa des byis pa'i mkhas pa zhes bya ba la zhags pa btab pas

des skyabs 'gro byas pas zhags pa ma thebs de yang yang chad pa
la/ mu stegs pa de sbyis pa khyod 'dengs ci byas dris pas skyabs
'gro byas zer/ de la mu stogs pa de mchod pa'i rgyal

bo cig yod pa des snang ba'i skyabs 'gro la yang mthu de tsam
yod snyam nas nang bar gyur/ phyis mu stegs pa de yang nang bar
gyur gsung skad/ de dang chos gos kyi tshal bu bzung ba'i lo
rgyus

mi gcig par snang bas skabs 'di'i dpe dag ma dag dpyad par
bya'o// ()na mdo 'dir tha na dud 'gro gnod sems mngon du gyur
nas sems 'khrug bzhin pa'i skabs su yang rung sangs rgyas

@007b zhes pa'i sgra thos na/ de'i dge ba'i rna ba'i dbang po
rnam par dag ba 'gyur gsungs pa de zhing gi mthus thar ba'i dge
rtsa bsags pa'i don yin nam dpyad/ yang der de bzhin gshegs pa
yid la

byed pa'i grangs ji snyed ba de snyed kyi bskal bar ngan song du
skye ba'i rgyun chad par gsungs te/ de bzhin gshegs pa lan gsum
yid la byed na bskal ba gsum du ngan song du mi skye ba dang/
lan

bdun yid la byed na bskal ba bdun du ngan song du mi skye ba lta
bu yin nam snyam/ ()ba mdo der sangs rgyas bcu gsungs te/ rgyu
mthun pa'i sangs rgyas dang rnam smin las byung ba'i de dang

ting nge 'dzin gyi de dang smon lam gyi de dang sems kyi de dang
ngo bo nyid kyi de dang longs spyod rdzogs pa'i de dang sprul
ba'i de dang btags pa'i de dang mdun du bzhag pa'i sangs rgyas
dang bcu'o/ /dang po

gnyis ni pha rol phyin pa'i rgyu mthun rnam smin dang sbyar
zhing/ ting nge 'dzin gyi de ni de bzhin gshegs pa ting nge
'dzin la snyoms par zhugs nas sangs rgyas brgya stong 'byung ba
lta bu dang/ smon lam gyi

sangs rgyas ni 'dir drangs pa ltar dang/ sems kyi sangs rgyas ni
sems la dbang thob pa'i byang sems kyis sangs rgyas kyis 'dul
dgos pa'i sems can mthong nas bdag sangs rgyas kyi gzugs su

gyur cig ces mos pa las byung ba'o/ /btags pa'i sangs rgyas ni/
mkhan slob sogs dang/ mdun du bzhag pa'i sangs rgyas ni/ sku
gzugs sogs te/ gzhan rnams go sla'o// ()pha()

@008a @#/ /de bzhin gshegs pa'i ring bsrel yid bzhin nor bu gyur
pa de bai DUrya'i mchog tu bshad/ mkha' lding gis sbrul za ba
las dug gis lus bsregs te/ de'i

snying bai DUryar gyur par yang bshad do/ /anda rnyil ni nor
bu sngon po'i ming ste/ de dang indra nI la dang dbang sngo ni
sogs ming gi rnam grangs so// ()ba mdo 'dir byang sems kyi rnam
par

'phrul ba bcu bshad pa'i brgyad pa ni/ brtan pa snod kyi rnam
par 'phrul ba 'di yin la/ 'phrul ba bcu ni/ 'khor bsgyur dang
brgya byin dang tshangs pa dang nyan thos dang rang rgyal dang
byang

sems dang sangs rgyas dang/ sangs rgyas kyi zhing dang/ byang
chub kyi shing dang/ 'khro rgya chen po rnam par 'phrul pa ste
bcu gsungs shing/ de'i drug pa ni byang sems ran gi rnam par
gnas

pa la bshad do// ()ma thub rnams sdig pa chu yis mi 'khru zhing/
zhes sogs bden bzhi dang sbyar ro/ /stong pa zhi ba zhes sogs
rnam thar sgo gsum dang sbyar ba ni grangs che zhing/

gzhan rnams 'og tu 'chad do// ()ca kha che bas chos phung brgyad
khrir 'dod pa ni bag chags mi 'dod pa'i rgyu mtshan gyis yin zer
ba la shes byed ma mthong bar mkhas pa dag gis

bshad do/ /theg chen gyi lugs la/ nyon mongs kyi spyod pa dang
chos kyi sgo dang phar phyin dang ting nge 'dzin dang gzungs kyi
sgo re re la brgyad khri bzhi stong yod par bshad la/ de dag
kyang

@008b mdor bsdus pa yin gyi/ zhib tu phye na dpag tu med par
bshad pa'ang yod do/ /mdo sde bskal bzang las/ yongs su sbyong
bar byed pa'i pha rol tu phyin pa drug nas ring bsrel rnam par
dbye ba'i pha rol tu

phyin ba drug gi bar phar phyin drug mtshan sum brgya lnga bcu
bshad pa de so sor phye na nyid stong tshig brgya yod pa 'dod
chags la spyod pa dang/ zhe sdang la spyod pa dang/ gti mug la
spyod pa dang/ cha mnyam

la spyod pa'i gnyen par phye bas brgyad stong bzhi brgya'o/ /de
dag brgyad khri bzhi stong du 'gyur tshul ni/ rgya nag 'grel chen
las/ 'di ji ltar bskal ba bzang po'i mdo las/ sgo sum brgya lnga
bcu re re

la yang pha rol tu phyin pa drug yod pa des na pha rol tu phyin
pa nyis stong tshig brgya nyid du 'gyur te/ gnyen po de dag
'byung ba chen po bzhi dang zhe sdang drug gi nang rab tu sbyor
bas nyi khri tshig stong nyid du 'gyur la

de bzhin du 'dod chags la sogs pa'i nad rnam pa bzhi'i gnyen
po'i phyir brgyad khri bzhi ston gnyid du 'gyur ro/ /zhes gsungs
pa lta bu'o/ /zhes so/ /des ting nge 'dzin dang gzungs kyi sgo
yang

rigs sgres/ mdo sde bskal bzang du phar phyin nyis stong tshig
brgya gsal bar bshad 'dug pas de dag gi mi mthun phyogs dang
sbyar nas nyon mongs pa brgyad khri bzhi stong yang ngos 'dzin
rgyu yod pa

lta bur snang ngo// ()cha rten 'byung rang dbang du bshad pa'i
sems can med par 'dir bshad cing 'og tu yang 'chad pas dpa' bar
'gro ba'i ting nge 'dzin thob phyin chad gsung rab kyi

@009a @#/ /dgongs pa rang dbang du bshad thub ces pa ni mkhas pa
'di nyid kyi dgongs pa min par snang la/ de'i phyir dpa' bar
'gro ba'i ting nge 'dzin mi thob par de mi thub ces pa ni/ bar

nas yi ge chad dam snyam zhing/ gang ltar yang dpa' bar 'gro
ba'i ting nge 'dzin ma thob par rgyal sras kyi ting nge 'dzin
brgyad khri bzhi stong la snyoms par 'jug mi thub pas sems can
gyi spyod pa

brgyad khri bzhi stong ji lta ba bzhin mi shes pa yin la/ de'i
phyir de dag gi gnyen por chos kyi sgo brgyad khri bzhi stong
rang dbang du bshad mi thub pa ni lta ci smos/ rgyu mtshan de'i
phyir gsung

rab kyi dgongs pa rang dbang du bshad pa la pha rol tu phyin pa
brgyad khri bzhi stong dang/ ting nge 'dzin brgyad khri bzhi
stong sogs mthar phyin pa zhig dgos shing/ nyan rang byang sems
rnams kyis

rten 'byung rang dbang du bshad mi nus par rigs pa drug cu pa'i
'grel bar yang bshad pa'i phyir zhes so sor 'chad dgos so//
()dza de'i padma dkar po zhes pa rin po che sna tshogs las

grub cing/ dpag tshad phyed la sogs pa'i tshad dang ldan pa'i
padma'i ming yin par gsungs so// ()wa sho lo ka dang po'i tshig
'grel ni/ gdul bya mchog dman par ma mtha' dag gi

khams dang bsam pa bag la nyal dang mthun par sku gsung thugs
kyi gsang ba gsum gyi mdzad pa mtha' yas pa dang brtan pa snod
dang g.yo ba bcud sna tshogs pa'i gar gyi rnam par rab tu

@009b bsgyur ba mtha' yas pas zab pa dang rgya che ba'i chos kyi
sgo mang du phye zhing/ khyad par rten 'byung zab mo'i gtam gyis
kun mkhyen du bgrod pa'i lam gsal rab tu ston par mdzad pa'i
shAkya seng ge

gtad rabs bdun la sogs pa'i bla ma brgyud pa dang bcas pa la
phyag 'tshal lo zhes pa'o// ()zha brjod bya'i dngos po de'i yon
tan dang bya ba rnams lhan cig tu brjod pa'i rgyan gyi sgo nas
'jam

dbyangs gnyis la bstod pa ni/ 'gran zla dang bral ba'i mkhyen
rab kyi ral gri stong pa nyid kyi nam mkhar gdengs pa dang lhan
cig ste gcig char gdul bya'i mi shes dgra ste ma rig pa sel bar

mdzad pa dang/ 'gro ba rnams la thugs rje'i spyan gyis gzigs pa
dang lhan cig 'dzum zhing bzhad pa'i mchu sgros kyis leng par
bshad pa'i chos kyi dga' ston stsol zhing/ chos mdzod de chos

kyi glegs bam bsnams pa dang lhan cig rnal 'byor dran pa ste
rang nyid lhag pa'i ltar bsten pa'i gdul bya la glegs bam gang
de'i tshig don mi brjed par 'dzin cing gzhan la thogs med du
'chang

nus pa'i gzungs dang sbobs pa stsol bar mdzad pa'i 'jam dbyangs
dkar ser gnyis la kye zhes 'bod nas khyod kyis bdag gi rgyud la
blo dang dang gi dngos grub mchog lhan cig tu rnam bkra ste

gsal bar mdzod ces pa ste/ snyan ngag me long las/ yon tan las
rnams lhan cig gi /dngos po brjod pa lhan cig brjod/ /ces pa
ltar ro/ /dbyangs can ma la bstod pa ni/ 'o ma'i mtshan
@010a @#/ /las 'ongs pa ste yar thon pa'i shel dkar po'i lhun pos
dbang sngon te indra nI la'i zur phud ngoms pa ste bcings pa
ni srid min gyi dpe yin kyang snyan ngag 'di ni dpe'i rgyan

ma yin te/ dpe don tha dad pa'i tshul gyis chos mthun sbyar ba ma
yin pa'i phyir/ zla ba'i dkyil 'khor rgyas pa'i zhal ras la
dkyus ring zur gyis lta ba'i 'dren byed de spyan gyi utpal
sngon po'i

mda' 'phangs pa ni rnam 'gyur gyi dpe yin kyang dpe'i rgyan min
pa ni sngar ltar yin te/ snyan ngag me long las/ lus phra khyod
kyi bzhin ras ni/ /zla ba'i dkyil 'khor las bton bzhin/ /

padma'i nang nas phyung ba bzhin/ /zhes pa 'di ni rnam 'gyur
dpe/ /zhes pa ltar dpe don so sor phye ba 'di la med pa'i phyir/
sems kyi rmongs pa'i spubs grol nas rnam par dpyod pa'i blo gros

ches cher rnam par bkra ba'i padma 'bum phrag dag ces ba ni
gzugs can gyi rgyan yin zhing/ de dag khyod kyi thugs rjes rjes
su chags pa'i mchu dang lhan cig bzhad par mdzod cig tshangs

sras ma/ zhes pa ni lhan cig brjod pa'i rgyan du yang gyur la/
de dag ni tshig sbyor gcig la rgyan tha dad pa mang po bsres pa'i
rab spel gyi rgyan yin no/ /der ma zad spyan zur gyis lta ba'i

rnam 'gyur gsal bar brjod kyang gzhan gyi yid rang dbang med par
'phrog pa'i byed las spas nas rnam pa gzhan du rtog cing snang
bar byed pa'i rab brtags kyi gab tshig tu yang 'gyur ro/ /

@010b ()za() ba bying ces pa 'dor ba'i don du 'dir gsal bar
bshad pa ltar ro// ()'a() rje bdag nyid chen pos sngon rgyal ba
dbang po'i tog gi spyan sngar thugs bskyed cing smon lam btab

tshul ni/ rnam dag gangs ri ma dang de'i 'grel ba rje gung thang
pas mdzad pa sogs su gsal zhing/ ston pa zhal bzhugs pa'i dus su
rgya gar bram ze'i khye'u zhig tu 'khrungs pa'i tshe ston pa'i

zhabs drung du shes dkar phreng ba phul nas thugs bskyed cing
smon lam btab tshul dang khye'u de nyid rab tu byung zhing bsnyan
par rdzogs pa'i mtshan dge slong padma'i dad ldan la ston pas
nga'i bstan

pa rgyas par byed par lung bstan tshul dang/ chos dung gter du
sbas tshul sogs khungs dang bcas pa 'jigs byed chos 'byung sogs
su gsal bas de dag las shes par bya'o/ /'jam rdor

gyis bum chu ster ba sogs zin bris brda tshig ma'i don gsang ba'i
rnam thar du gsal bar bshad cing/ tsa ri nas gnyal la byon pa'i
lam du lo ma'i la rtsar zhag bzhugs mdzad pa'i nub/ rje btsun

byams mgon gyis slar yang sangs rgyas 'jig rten du byon pa 'dra
ba zhig 'ong bar lung bstan mdzad pa dang/ gnyal smad seng ge
rdzongs na bzhugs dus bcom ldan 'das dus kyi 'khor los dus

'khor gyi chos 'di la rgyal po zla bzang byon pa 'dra ba zhig
'ong bar lung bstan pa sogs ni/ gsang ba'i rnam thar rin po
che'i snyem las shes par bya'o/ /rgyal ba snga ma sras bcas ni
rje yab sras

@011a @#/ /dang; rgyal ba phyi ma sras bcas ni paN chen dge 'dun
grub pa sogs sku phreng bdun sras dang bcas pa la byed do/ /de'i
'grel bar rgyal ba snga phyi sras bcas zhes bten pas

zhes byung ba dpe ma dag ste/ de ni rtsa tshig sor bzhag yin gyi
'don bsgyur du mi 'gyur ba'i phyir dang/ rgyal ba phyi ma sras
bcas zhes 'don pa bsgyur dgos pa'i phyir/ rgyal ba bdun

gyis gangs can skyong bar bshad pa ni/ bka' gdams glegs bam las/
nga khrims ldan mkhan por skur ston kyang/ /da thugs rje chen
por su yis shes/ /zhes dge 'dun grub pa dang/

nga gnas lnga mkhyen pa'i paNDi ta/ /rgyud gang la gang phan
ston gyur kyang/ /mi mkhas par rlom la ci cha yod/ /ces dge 'dun
rgya mtsho dang/ mi nga yi sprul pa phyogs ris med/ /chos laM du

'gro na bsgrub bya yin/ /zhes bsod nams rgya mtsho dang/ ming yi
bstan pa bshig pa rnams/ /tshe 'di la'ang tshe srog thung na yang/
/mi nga yi la yogs shes mi 'gyur/ /zhes yon

tan rgya mtsho dang/ bod kha ba can gyi gdul bya rnams/ /bu
snying med pha la gshe ba bzhin/ /nga phan bde 'byung gnas rin
chen la/ /sems rtog pa che zhes smod par byed/ /ces rgyal ba
lnga pa

blo bzang rgya mtsho dang/ kye khyung chen mkha' la lding ba la/
/bya mtshal bu khyim nas 'phya ba ba bzhin/ /da ye shes dbyings
su lding ba la/ /sems khong skran can de 'phya bar byed/ /ces

@011b tshangs dbyangs rgya mtsho dang/ lar bskal pa bye ba bsam
yas su/ /lha dkon mchog spyi bro mchod pa la/ /bdag nga rgyal
rlom par ga la byed/ /ces bskal bzang rgya mtsho lung bstan par
mkhas

pa rnams kyis bshad do/ /shu lo ka 'di'i tshig 'grel ni/ gangs
can gyi yul 'di ni mdo sngags zung 'brel dang/ zab rgyas zung
'brel nyams su len tshul med par de dag nyin mtshan ltar

res mos kyis spyod pa'i tshe/ mdo sngags zung 'brel dang thabs
shes zung 'brel dang bshad sgrub zung 'brel dang thos bsam sgom
sogs dus gcig tu spyod pa'i sgo nas thub bstan ma lus pa stan

gcig tu nyams su len pa'i rnam sad de lha'i 'od 'char nu ba res
mos mi byed pa lta bu'i srol bzang 'byin pa po blo bzang rgyal
ba snga ma tsong kha ba chen po sras dang bcas pa dang/ rgyal ba
phyi ma

sras dang bcas pa la sogs pa thub dbang zhal skyin rnams la mi
gus pa'i dpyod ldan su zhig yod ces pa'o/ /tshigs bcad lnga ba'i
don ni/ rigs lam phyin ci ma log pa'i gru chen brtan par

zhugs nas rang gzhan gyi gzhung lugs rgya mtsho'i pha rol tu legs
par phyin pa'i bshes gnyen mkhas pa dang dpon bzang por bsten
nas thos bsam sgom la ngal ba brgya phrag du ma byas pa'i

sgo nas phyi nang gi grub mtha' rgya mtsho'i pha rol tu son te
sngon chad grub mtha' mkhan po sus kyang gsal bar thon pa med
pa'i legs bshad rin po che bdag gis rnyed pa 'di nyid blo gsal

@012a @#/ /dpyod ldan rnams dga' bzhin spro bzhin du kun mkhyen
lam gsal rin chen sgron me 'di blo la zungs shig ces pa'o//
()ya() bden gnyis las/ mi yang

shin tu thob par dka'/ /blo sbyangs nyam chung rab tu chung/
/'khor ba'i dgon pa bgrod par dka'/ /srog kyang shin tu g.yo ba
yin/ /bshes gnyen bzang po rnyed dka' na/ /rab tu sdang ba gang
du

dgos/ /mos pa med du zin na yang/ /de ni 'ga' la bsod nams gyis/
/goms par byas la rim gyis ni/ /'di ni re zhig gcig na 'gyur/
/zhes byung ngo/ /rgyud bla mar/ /gang phyir rgyal

las ches mkhas 'ga' yang 'jig rten 'di na yod min te/ /ma lus de
nyid mchog ni tshul bzhin kun mkhyen gyis mkhyen gzhan min pa/
/de phyir drang srong rang nyid kyis bzhag mdo sde

gang yin de mi dkrug /thub tshul bshig phyir de yang dam chos la
ni gnod pa byed par gyur/ /zhes rkang pa dang po gsum gyis rgyu
mtshan gnyis kyi sgo nas chos la dbang za bar mi rigs par

bstan cing/ rkang pa thams cad dbang za ba'i nyes dmigs bstan
to/ /nyon mongs rmongs dag rnams kyis 'phags la skur ba dang/
/des gsungs chos la brnyas gang de kun zhen ltas

byas; ;des na zhen lta'i dri can de la blo mi sbyar/ /gos gtsang
tshon gyis rnam 'gyur snum gyis gos pa min/ /zhes rkang pa dang
po gsum gyis phyogs su lhung ba'i nyes dmigs

@012b rgyu dang bcas pa bshad pa'i sgo nas grub mtha' ngan pa la
mngon par zhen pa'i lta ba dri ma can de la sbyor mi rung bar
bstan cing/ rkang pa tha mas lta ngan de 'dor dgos pa'i rgyu
mtshan bstan to/ /blo dman

phyir dang dkar mos bral phyir log pa'i nga rgyal la brten
phyir/ dam chos phongs pas sgrib pa'i bdag phyir drang don de
nyid nges 'dzin phyir/ /rnyed la brkam phyir lta ba'i dbang
phyir chos sun 'byin pa

brten pa'i phyir/ /chos 'dzin bsrengs phyir mos pa dman phyir
dgra bcom rnams kyi chos spong byed/ /ces dam chos spong pa'i
rgyur 'gyur ba'i chos bcu spangs bar bya bar bstan te/ 'di'i log

pa'i nga rgyal ni/ ma rtogs pa rtogs snyam pa sogs kyi mngon
pa'i nga rgyal la bshad cing/ tshe rabs snga mar chos kyis phongs
pa'i las sgrib bsags pa dang/ drang don la nges don du 'dzin pa
dang/

chos sun 'byin la brten pa ni bshes gnyen du ming btags pa'i
sdig grogs la brten pa dang/ chos 'dzin bsrings pa ni dge ba'i
bshes gnyen rgyang ring du bsrings pa yin la/ gzhan rnams go
sla'o/ /

ji ltar zab mo'i chos rnams de bzhin mkhas pa rnams kyis me dang
ni/ /mi bzad sprul gdug gshed ma dang ni thog la'ang shin tu
'jigs mi bya/ /me sbrul dgra dang rdo rje me ni srog dang bral
ba tsam

byed de/ /de las mnar med rnams kyi 'gro ba shin tu 'jigs par
'gro mi 'gyur/ /gang zhig yang yang sdig grogs bsten pas sangs
rgyas ngan sems ldan gyur dang/ /pha ma dgra bcom

@013a @#/ /gsod par bya ba min byed mchog tshogs 'byed pa'i mi/
/de yang chos nyid nges par bsam na myur du de las thar 'gyur
gyis/ /gang zhig yid ni chos la sdang ba de la

thar ba ga la yod/ /ces tshigs bcad dang bos chos spong bas tshe
'dir yang nyes dmigs du ma 'byung zhing phyi ma mnar med sogs su
skye bar bshad cing/ tshigs bcad tha mas 'khor ba las

mi thar bar bstan pa'i sgo nas dam chos mi spong ba'i thabs la
'bad dgos par gdams pa yin no// ()ra() spel mar bstod pa las/
khyod ni chags dang khro mi mnga'/ /zhes pa'i 'phror/

yun ring por ni mngon 'dod pa'i/ /yid la re ba skong ba dang/
/mi rigs pa ni rtsod pa yis/ /chos nyid la ni gegs byed la/
/zhes phyogs glang gis gsungs par/ dpa' bos/ dgra bcom pa

dang mu stegs la/ /rjes su chags dang khong khro bar/ /khyod kyi
thugs ni mi 'gyur na/ /khyod la bstod du ci zhig mchis/ /zhes
gsungs so/ /de yang 'jug ldog gi gnas tshul bzhin du

shes pa la bzang ngan gyi khyad par mi shes pa'i blo rmongs pas
gegs byed par/ btang snyoms gnas la zhes sogs tshigs bcad gnyis
kyis bstan la/ yang de la phyogs lhung gis mi rigs pa'i

rtsod pa byas pa gegs byed par/ yun ring por ni zhes sogs tshigs
bcad gnyis kyis bstan to/ /phyi ma 'di 'jug par/ rang gi lta la
chags dang de bzhin du/ zhes sogs dang/

@013b dbu ma snying por/ /phyogs su lhung bas sems gdung bas/
/zhi ba nam yang rtogs mi 'gyur/ /zhes sngar drangs pa dang
dgongs pa gcig go /mdo 'dir gzhan brjod pa'i don te bshad pa'i
don yang dag

pa'am yang dag ma yin par shes pa la phyogs lhung chags sdang
gis gegs byed par bstan pa ni/ rnam 'grel las/ sred pas skyon
rnams sgrib par byed/ /yon tan mthong bas yongs

sred pa/ /zhes pa ltar chags pa'i dbang gis yod pa'i skyon
mthong ba la sgrib par byed cing med pa'i yon tan sgro btags nas
mthong bar byed pa dang/ zhe sdang gis yon tan sgrib cing skyon
sgro

btags pa'i dbang gis bzang ngan 'byed mi nus pa'i rgyu mtshan
gyis yin no// ()la() snod kyi mtshan nyid 'di la 'grel bas kha
skong nas lnga'am drug tu bshad tshul lam rim du gsal zhing/

mtshan nyid de dag tshang na gzhan gyi yon tan yon tan du snang
bar ma zad rang gi yon tan kyang gzhan la yon tan du snang bar/
smra po yon tan rnams gzhan du/ /mi 'gyur nyan pa po la'ang
min//

zhes pas bshad do// ()sha() rje bdag nyid chen pos/ rigs lam
phra mo phyed pa'i rnam dpyod dang/ /gzhung lugs gdams par shar
ba'i nyams len dang/ /tshig sbyor tshul la mkhas pa'i

ngag gi dpal/ /sa steng 'di na rin chen gsum du snang/ /zhes
dang/ de ltar rin chen rnam pa gsum ga'i yang/ /rtsa ba dam pa
theg mchog dge ba'i bshes/ /zhes rin chen gsum rtsa ba dang

@014a @#/ /bcas pa bshad do// ()sa() mtha'i don zad pa la byas na
rang gi blo'i ngor grub pa'i don de las gzhan du zad pa ste med
pas na grub mtha' zhes pa ste/ 'di las gzhan na

chos 'di ni/ /ji ltar med pa de bzhin du/ /zhes sogs ltar ro/
/phyogs la byas na bdag gi 'di yin gyi gzhan gyi min no zhes
phyogs ris su bcad pa la bshad pa dang/ 'jug la byas na/

log pa'i lam la mu med phyir/ /zhes pa ltar rang rang gi blo'i
ngor grub tshul mtha' yas pas zad pa med pa la byed pa dang/ lhag
med tshe bem rig rgyun chad pa ni nyan thos sde ba'i grub mtha'o

zhes pa lta bu rang gi blo'i ngor grub pa'i cha shas yin pas na
mtha'i don cha la byed pa dang/ thal 'gyur ba'i grub mtha' lta
bu dbu ma'i don dang nye bar gyur bas na mtha' zhes pa dang/
rgyang

'phen pa'i grub mtha' lta bu rang gi blo'i ngor grub pa'i nang
nas tha chad yin pas na smad pa la bshad du rung bar snang yang/
de ltar bshad pa'i khungs yod med btsal bar bya'o/ /ming gcig
don

du mar 'jug pa sogs ni 'chi med mdzod dang sgra'i snye ma sogs
las shes par bya'o// ()ha() phyi nang la ston pa bstan pa lta ba
gsum dang/ lta sgom sbyong 'bras bzhi'i khyad par de ltar

yod ces pa yin gyi nang pa ba yin na khyad par de dag dang ldan
pas khyab par bshad pa min te/ phyi nang gi khyad par skyabs
'gros 'byed par jo bo dang shinta pas bzhed par grags pa ltar
rje

@014b thams cad mkhyen pas kyang gsal bar bshad pas so/ /des na
nang par bar gyur ba dang lung rtogs kyi bstan par zhugs pa
skyabs 'gro rgyud la skyes pa sogs dus mnyam yin te/ phyi nang
gi

khyad par skyabs 'gros 'byed pa dang/ bstan pa la 'jug pa'i sgo
skyabs 'gro yin par lam rim las bshad pa'i phyir ro// ()a() lha
las phul byung gi bstod par/ bcom ldan de ni bdag gi

gnyen min gzhan dag dgra ma yin/ /de dag gi sbyod gzhan yang
mngon sum gyur ba ma mthong ste/ /tshig dang spyod pa dag gi so
so'i khyad par thos pa las/ /bcom ldan yon tan phul du phyin la

dang phyir bdag rten lags/ /bde bar gshegs pa bdag gi pha min mu
stegs gzhan dag dgra ma yin/ /de bzhin gshegs nges bdag nor ma
stsal gzegs zan sogs kyis cang mi 'phrog /'on kyang

sangs rgyas bcom ldan de ni gcig tu 'gro la sman mdzad gsungs/
/dri med dri ma thams cad sel ba gang yin de la bdag dang lags/
/zhes sogs kyi phyi nang gi ston pa skyon bcas skyon med du
sgrub

pa ni phyogs lhung med par rigs pas sgrub dgos par bshad cing/
phyogs lhung med kyang gang zhig rigs pa dang ldan zhing tshad
mas gzhal bar bzod pa'i tshig gsungs pa'i sangs rgyas

de nyid bde byed bdag po bdag gis ston par bzung zhes ston par
byed pa la/ bdag ni sangs rgyas phyogs mi 'dzin/ /zhes sogs
bshad do// ()ka() rang nyid ston pa gzhan spangs nas@015a @#/ /sangs rgyas
ston par 'dzin pa'i rgyu mtshan ston par/
bdag ni ston pa gzhan spangs nas/ /zhes sogs dang/ /gzhan la la
dbang phyug sogs ston par 'dzin pa'i rgyu mtshan

ci zhe na de nyid ston par/ /gang phyir 'jig rten skyon la dga'/
/yon tan 'dzin la zhan pas na/ /skyon yang yon tan ltar mthong
nas/ /gzhan la skyabs su mchis par gyur/ /zhes gsungs/

ston pa skyon bcas skyon med ni bstan pa skyon bcas skyon med la
rag las pas de gnyis kyi khyad par mdor bstan pa ni/ /khyab 'jug
dbang phyug la sogs pa/ /de la skye bo dga' dad pas/ /

de la yon tan gang sgrags pa/ /khyod kyi bstan la de dog skyon/
/zhes gsungs shing/ /don de nyid sngon gyi gtam rgyud dper byas
te rgyas par 'chad pa la/ /lha chen khros pa'i mda' gcig

gis/ /grong khyer sum rtsegs bsregs zhes grangs// khyod ni ye
shes mda' chen gyis/ /khro bo'i sems nyid nges par bsrogs/ /zhes
lha min grong kher gsum dang bcas pa nam mkha'

la rgyu ba dbang phyug 'bar ba'i mda' 'phang bas bsregs zhes
grags pa dang sbyar zhing/ /lha chen gyis ni 'dod pa dag/
/bsregs nyes pas na phyi ra yang drangs/ /khyod kyi ye shes
zhugs

kyis ni/ /'dod pa rtsar bcas bsregs nas bton/ /zhes dbang phyug
mig gsum pas 'dod lha bsregs kyang bsregs nyes pa ste rtsa ba
nas ma 'byin pas slar yang 'dod lhas dbang phyug

@015b drangs pa ste dbang du byas par grags par dang sbyar la/
/lha chen thig le mchog ma la/ /chags pa skyes pas gdod bzhi
phyung/ /bdud kyi bu mo skag pa yis/ /khyod kyi ba spu'i rtse ma
g.yos/ /zhes

dang; tshangs sogs 'jig rten 'byin pa po/ /bdag cag yin par smra
zhes grags/ /de nyid gzigs khyod 'jig rten dang/ /de yang las
las skyes par bstan/ /zhes dang/ /mchod sbyin la ni phyug

'gum par/ /drang srong rnams ni smra zhes grags/ /sdig mang
khyod kyis grog ma la'ang/ /gnod pa bgyid par rjes ma gnang/
/gzhang dag rang don mchod sbyin la/ /gzhan gyi srog gis sbyin
sreg

byed; ;gzhan gyi don du khyod gcig bu/ /rang gi srog gis sbyin
sreg mdzad/ /drang srong dmod me mi zad pas/ /skye bo mang po
bsreg par gyur/ /khyod kyi ye shes me yis ni/ /skye bo rnams kyi
skye

rgya ba sreg /drang srong dmong pa grub pa las/ /dka' thub grub
par rjes su dpag/ /mgon khyod thugs rje grub pa las/ /dka' thub
grub par rjes su dpag /ces dang/ bram ze rnams ni dge sdig ngag

sbyin pa len zhing 'pho bar smra/ /khyod kyis byas chud mi za
dang/ /ma byas par dang phrad med gsungs/ /zhes dang/ /chos 'dod
pa dag dmangs rigs la/ /blo gros sbyin par bya min zer/ /khyod
nyid

gdol ba rnams la yang/ /thugs rjes dam chos ston par mdzad/ /ces
dang/ bsod nams byas pa'i tshogs dag ni/ /sems can rnams la yongs
bsngo bar/ /bcom ldan khyod kyis gang gsungs pa

@016a @#/ /de gzhan bstan bcos las ma bshad/ /ces dang/ /mu stegs
can gyi gzhung lugs la/ /ji lta ji ltar rnam bsam pa/ /de sta de
ltar mgon khyod la/ /bdag gi

sems ni dad par 'gyur/ /zhes sogs rgya cher bshad pa ltar ro/
()kha() bon gyi grub mtha' byung tshul ni/ bon gzhung las/ /cho
lo dpag med nas bcu pa'i bar du ston pa gtso

mchog kun bzang nas thang ma me ston gyi bar bco brgyad 'byung
zer/ /de'i nang tshan cho lo brgya pa'i dus su 'byung bar bshad
pa'i ston pa gshen rab ni da lta'i bon gyi ston pa yin la/ /de
yang

zhang zhung gi yul gyi 'ongs mo lung ring du gshen rab mi bo che
bya ba byung/ /de 'ga' zhes gis sangs rgyas kyi sprul bar yang
bshad// mngon shes rdzu 'phrul sogs dang ldan pa zhig go/ /des

bod kyi gnas du mar 'ongs nas srid pa'i lhag nyan mang po btul
bar grags/ /g.yung drung gi chos phung sgo bzhi mdzod lnga sogs
bshad/ /rgya dkar nag bod sogs su rjes 'jug mang du

byung bas bon chos phyogs thams cad du dar bar byas so /bod du
dar ba'i bon la brto bon 'khyar bon bsgyur bon gsum las/ /dang
po ni/ /bod kyi rgyal rabs drug pa'i dus su bod

yul gyi byis pa lo bcu gsum lon pa zhig 'dres khrid nas lo bcu
gsum gyi rab du 'khyams pa las lo nyer drug lon pa na mi'i nang
du chud ba de las byung/ /'khyar bon ni kha che 'bru sha

@016b zhang zhung gsum nas bon po gsum 'ongs pa las byung/
/bsgyur bon la gsum las /dang po sham thabs sngon po can las
byung/ /gnyis pa khri srong lnga btsan gyis bon po chos la mi
'jug pa la

chad pa byas pas de khros te sangs rgyas kyi bka' bon du 'sgyur/
/de rgyal pos gsan nas bka' bon du bsgyur ba mang po'i ske bcad
pas bon rnams skrag nas bsgyur 'phro gter du sbas pa rnams

phyis bton pa la bon gter ma zer/ /gsum pa ni glang dar gyi rjes
su gshin rgyur glu dga' bya bas sangs rgyas kyi bka' mang bo bon
du bsgyur te/ /yum rgyas pa la kham chen/ /nyi khri la kham

chung/ gtan la dbab pa la bon mdo/ /gzungs sde lnga la klu 'bum
dkar nag ces btags pa sogs bon chos la bka' 'gyur bying gi tshab
yod cing/ /lta ba ni dbang phyug pa'i grub mtha'

'khyar ba bon dang 'dres pa yin zhes 'bri gung 'jig rten mgon
pos gsungs shing/ /bon gzhung rnams su mi rtag pa las 'bras/
/byams snying rje byang chub kyi sems/ /phyin drug lam lnga sa
bu

sku gsum sogs kyi rnam bzhag kyang byas/ /bshad tshul sangs rgyas
kyi gsung rab dang dbyibs mthun mi mthun ci rigs yod/ /lta sgom
gyi bshad tshul 'ga' zhig bka' bstan bcos nas

bshad pa dang don 'dra bar snang zhes spyan snga blo gros rgyal
mtshan gyis gsungs/ /kun mkhyen sher 'od dang ltag tshang lo tsA
bas bon gyi theg pa rim pa dgu pa rnying ma'i rdzogs chen dang
mthun par

@017a @#/ /bshad/ mkhas grub thams cad mkhyen pas kyang/ cir yang
mi rtog gang du mi 'dzin par/ /ma bcos gsal la mi rtog nges
bzung med/ /bon dang rdzogs chen hA shang ting

'dzin la/ /mchog tu 'dzin pa lhag mthong gzugs brnyan yin/ /zhes
gsungs pa dang/ tho kwan chos kyi nyi mas/ /'di dag ni phyis kyi
rdzogs chen pas zer lugs dang dbyibs mtshungs 'dug

pas bon rdzogs gnyis thugs nang gshen po yod 'dra'o/ /zhes
gsungs shing/ /rje gung thang pas/ /kun gzigs lnga ba chen pos
'khrul bral mkhas pa'i yang rtser bsngags pa stag tshang lo tsA

ba'i grub mtha' kun shes su/ /gshen rabs mi bo zhes grags pa'i
rjes 'brang bon theg pa rim dgu ste/ /rgyu'i bon bzhi/ /'bras
bu'i bon bzhi/ /theg pa bla na med pa'i bon no/ /zhes pa

nas; tha ma ni rdzogs rim pa rdzogs chen pa dang mthun pa ste/
dang po bzhi bod kyi lha 'dre bstan/ /bar pa bzhi 'dul mdzod pha
phyin 'dra min du bsgyur/ /tha ma ni rgya nag tu hwa shang gi
lugs kyi

lhag ma lus pa ste/ /'di'i lhad 'dres pa ni lta ba mtho mtho mor
byas nas sbyod pa khyad du gsong pa gzhan yang mang ngo /zhes
gsungs snang bas/ /'di'ang 'khrul med yin tshe bon rdzogs

gnyig thugs nang nye bo yod 'dra la/ /zhes gsungs so/ /theg pa
rim pa dgu ni 'dir gcer bu pa'i grub mtha'i skabs su bshad do/
/'od kyang da lta chos bon dang 'dres pa mang po yod par

@017b mkhas pa rnams kyis bshad pas chos bon gyi khyad par legs
par ngo ma shes bar du bstod smad la rings par mi bya ste/ grub
dbang chos kyi nyi mas/ /chos dang bon zhes 'gal ba'i tshad byed
kyang/ /

chos la bon 'dres bon la chos 'dres pas/ /chos mig rdul bral mi
ldan bdag lta bu/ /chos bon rnam dbye 'byed la sgyid lug gyur/
/bon zhes smod kyang gal la thug pa'i dus/ /bon po ju

thig cwan la blang dor 'dri/ /bon ltar gyer la dga' zhing gto
thabs sogs/ /bon gyi bcos kas phan par kun gyis re/ /mno bsam
btang tshe tshe rabs 'di nyid du/ /du ma'i sbros 'di 'di ltar

byed ci khom/ /khom dus ngal na lan cig thob dus su/ /su zhig
bsam gtan gtan du sgom mi byed/ /byed rgyu ma mang byed na dam
chos gyis/ /smra ba mang smra na chos gtam smros/ /bsam rgyu

ma mang bsam na las 'bras soms/ /'gro 'dug ma mang 'gro na dben
par song/ /zhes gdams pa ltar ro/ / ()ga() sde snod gsum po de
ni thos bas thar pa'i bag chags bzhag pa dang/

bsam pas don rtogs pa dang/ bsgom pas nyon mongs mngon gyur ba
zhi ba dang chos nyid rab tu rtogs pas 'khor ba las rnam par
grol bar byed gsungs/ /dam chos thog tha bar gsum du dge bar

gsungs pa yang bshad ma thag pa'i thos bsam sgom gsum dang sbyar
ba yod la/ /gtso cher bslab pa gsum dang sbyar nas bshad do/
/dam pa'i chos ni thog tha bar gsum du dge ba yin pas

@018a @#/ /'jug tshul yang de dang mthun pa zhig dgos par rjes
gung thang bas gsungs so// ()nga() 'od ldan gyi lung 'dis rgyal
ba'i lung gi bstan pa khyad par dgu ldan du

bshad cing/ /phyogs glang gis kyang/ /thabs sogs sgrub la mkhas
pa yis/ /shes rab gsum po rnam 'phrel phyir/ /gang tshe sems ni
nges sbyar dang/ /bzhag dang sdang pa zhes bya 'dis//

zhes gsungs par/ /dpa' bos/ lung gi don ni bsam pa dang/ /bsgoms
dang gus par nyan pa yi/ /dus gsum cha dbye khyod kyi ni/ /bstan
las gzhan la mchis ma lags/ /zhes sngar

bshad pa'i thos sogs kyi dgos pa gsum phyi rol ba'i gzhung la
med par gsungs so/ /thos pa lhur len pa ni bram ze'i gsang tshig/
/rtsod pa lhur len pa ni phyi rol pa'i gtan tshigs kyi

gzhung/ /sgrub pa lhur len pa ni sangs rgyas khyi bka' la byed
cing/ /gzhan dag kyang de rnams dang ci rigs par sbyar zhes bsdu
bar bshad do/ /de la don med pa ni bya rog so rtog /don

log pa ni se'u bcu pa'i dag /don dang ldan pa ni sangs rgyas kyi
bka'o/ /ngan g.yo ni bram ze'i gsang tshig /snying rje med pa ni
phyug gsed mchod sbyin/ /sdug bsngal sbong ba ni sangs rgyas kyi
bka' la byed da gos so/

/de yang thos pa lhur lon pa sogs gsum ni dgos pa dang/ don med
sogs gsum ni brjod bya dang/ /ngan g.yo sogs gsum ni kun slong
gi sgo nas

@018b phye ba yin pas de dag phan tshun 'gal mi dgos so/ /se'u
bcu pa'i ngag ni/ /slob dpon zhi ba 'tshos/ /se'u bcu khu ba drug
snod dang/ /ri rwags lpags pa rtsa'i gong bu/ /de nas rdun ma'i
bu mo 'di//

wa ya kra ta ba shi'o/ /zhes pas bshad/ /rnam 'grel TIk chen
las /don gcig la bsdur mi rung ba'i se'u bcu pa'i tshig lta bu/
/zhes gsungs shing/ /se'u bcu pa ni brjod bya mi 'dra ba bcu
bshad pas

phal cher drang srong rnams kyis rang gi gsang tshig gzhan gyis
shes dogs nas de ltar byas pa yin nam snyam zhes rje gung thang
pa'i gsungs zin bris las byung ngo// ()ca() mi gsal bar brjod pa

la gzhogs smos/ mi gsal bar 'phya ba la gzhogs 'phya/ /migs la
bar chags pa'i rnam 'gyur ston pa la gzhogs stegs/ /migs la bar
slong ba la/ gzhon slong zer ba ltar/ /mi

gsal bar la mo byas pa la gzhogs drud zer ram snyam/ ()cha() lta
ba lnga brgya bdun cu zhes sangs rgyas ye shes kyi rjes 'brang
slob dpon sman zhabs kyi gzhung du ming tsa ma byung zhing/

lta ba gsum brgya drug cu rtsa gsum ni lta ba'i rtsa ba brgya
rtsa bcu las phye bar legs ldan gyis bshad la/ /ya mtshan can dgu
cu rtsa drug las 'phros par slob dpon byang chub bzang pos bshad
pas

de gsum phan tshun dbye bsdu yin nam snyam/ /gcer bu pa'i 'cing
ba sum brgya drug cu rtsa gsum zer ba'ang lta ba sum brgya drug
cu rtsa gsum la byed par rtog ge 'bar bshad cing/ de'i

@019a @#/ /dbye ba ni rtog ge 'bar bar dpyod pa ba'i skabs su
bshad do/ /'dir drangs pa'i gzhung 'di yang rtog ge 'bar ba dang
bsdur na tshig zur mi 'dra ba du ma byung ste/ /snod gtsang ma

zhes pa la gnas gtsang mo zhes pa dang/ ral ka'i nang du zhes pa
la ral gri'i nang du zhes pa dang/ lus la gnod pa med pa dang
kun tu gnod pa med pa zhes pa gnyis ka la gnod pa byed pa zhes
pa dang/

nyid ma shar ba pa zhes pa chad pa dang/ nam mkha' la sems yod
par lta ba la sogs pa zhes pa'i sogs sgra chad pa sogs mang po
yod kyang gang dag pa dang ma dag pa'i khyad par dbye dka' zhing

dgos pa'ang che bar mi snang bas zhing tu ma bris te/ blo ldan
rnams kyis dpyad par bya'o/ /mdo sde tshangs pa'i dra ba las/
/sngon mthar rtog pa bco brgyad dang/ phyi mthar rtog pa zhe
bzhi ste/ /

lta ba re gnyis gsungs pa ni/ /rtag dang 'ga' zhig rgyu med
dang/ /mtha' ldan mi ldan lha mi spong/ /de las rgyu med rnams
gnyis dang/ /gzhan rnams bzhi bzhi bco brgyad do/ /'du shes yod

smra bcu drug dang/ /med dang gnyis min brgyad brgyad dang/
/chad smra bun dang tshe 'di la/ /grol smra lnga ste zhes bzhi'o/
/de la dang po bzhi ni/ /kun btus dar TIk las /de la rtag par
smra ba

rnams kyi bzhi ni/ /phyi rol pa'i bsam gtan pa 'ga' zhig gis
sngon gyi gnas rjes su dren pa'i mngon shes kyis bar gyi bskal
ba nyi shu dang/ bzhi bcu dang/ brgyad cu dran pa dang/

@019b lha'i mig gi mngon shes kyis sems can kha dog bzang po
dang ngan pa shi ba rnams de dang de nyid du skye bar mthong nas
bdag dang 'jig rten mthong ba ltar rtag go zhes smra ba'o/ /zhes
gsungs shing/

phyi rol pa'i dge sbyong dang bram ze 'jig rten pa'i yang dag
pa'i tshul bzhin yid la byed pa goms par byas pa blo dman pa 'ga'
zhig gis 'jig bskal dang chags bskal sum cu rjes su dran pa
dang/

blo 'bring po 'ga' zhig gis drug cu dran pa dang/ /blo rnon po
'ga' zhig gis dgu bcu dran pa yod/ /yang bzhan dag lha'i mig gis
sems can 'chi 'phos pa dang skyes ba mthong ba yang yod de/ /de
rnams rgyu

bzhi po 'dis sems can 'di dag kho na 'khor bar rgyag cing 'khor
ba yin gyi/ /sems can gzhan med pas nyung ba yang ma yin mang ba
yang ma yin te/ des na bdag dang 'jig rten rtag go zhes

smra bar rtog ge 'bar bshad do/ /'ga' zhig rtag par smra ba bzhi
ni/ /lhag gzhan mi rtag la tshangs chen rtag par lta ba dang/
'byung ba chen po mi rtag la sems rtag par lta ba dang/ rtsed
mos

bslus pa'i lha ni rtag la lha gzhan rtag par lta ba dang/ yid
'khrugs pa'i lha ni mi rtag la lha gzhan rtag par lta ba dang
bzhi yod de/ /dar TIk las/ /kha cig rtag par smra ba rnams kyi
bzhi ni/

tshangs chen gyi 'khor 'ga' zhig shi nas mir skyes nas dben par
bsam gtan sgrubs nas mngon shes bskyed de ltas pas tshangs pa
chen po ma shi par mthong nas tshangs pa chen po rtag la lha
gzhan rnam@020a @#/ /mi rtag ces pa dang/ tshangs pa chen pos 'byung ba chen
po rnams mi rtag cing sems mi 'gag par mthong nas 'byung ba
rnams mi rtag la sems rtag ces pa dang/ /'dod

lha rtse bas rab tu bslus pa zhig rtsed mos dran shes bzhin
nyams te shi ba na mir skyes de mngon shes skyes te lhas pas
rang gi sngar gyi zlo ba rnams ma shi bar mthong nas lha rtse
bas bslus pa rnams

mi rtag la gzhan rtag ces pa dang/ lha grogs la yid 'khrugs pa
kha cig de'i stobs kyis shi ste ma skyes nas snga ma ltar mngon
shes skyed de ltas pas gzhan rnams ma shi bar mthong nas

lha yid 'khrugs pa dag ni mi rtag la gzhan rnams rtag go zhes
lta ba'o/ /zhes so/ /rgyu med par lta ba gnyis ni/ bsam gtan la
rten nas lus sems rgyu med par lta ba dang/ rtog ge la

rten nas char rlung sogs rgyu med par lta ba dang gnyis te/ de
nyid las/ rgyu med smra ba la gnyis kyi bsam gtan la rten nas
rgyu med par smra ba ni/ gzugs med nas shi 'phos pa'i sems

can 'ga' zhig 'dod gzugs su skyes pa na mngon shes dang ldan
pa'i drang srong 'ga' zhig gis de'i rgyu snga ma gang yin ltas
pas ma mthong nas lus dang sems sogs blu bur du 'byung bar

lta ba dang/ rtog ge la rten nas rgyu med par smra ba ni char ba
dang rlung sogs blo bur du 'byung zhing shing rnams la yang res
'ga' me tog dang 'bras bu blu bur du 'byung zhing res 'ga'

@020b mi 'byung bar mthong nas bdag dang 'jig rten rgyu med par
smra'o/ /zhes gsungs so/ /'du shes med pa nas mir skyes pa zhig
sngon gnas rjes su dran pa rna bdag rgyu med par lta ba 'byung
bar

rtog gi 'bar bar bshad do/ /mtha' ldan mi ldan du lta ba bzhin
ni/ kha cig sngon gnas rjes dran gyis gang phan chad mi shes pa
na bdag dang 'jig rten mtha' ldan du lta ba dang/ kha cig lha'i
mig gis

steng 'og thad kar mtha' ma mthong ba na bdag dang 'jig rten
mtha' dang mi ldan par lta ba dang/ kha cig mi'i 'jig rten mtha'
ldan yin la/ tshangs pa'i 'jig rten mtha' ldan min pas de gnyis
ka yin

par lta ba dang/ kha cig rtog ge la rten nas 'jig rten 'di'i
tshad gzhal mi nus pas mtha' ldan zer ba yang mi bden la/ mtha'
dang mi ldan zer ba yang mi bden pas gnyis ka ma yin par

lta ba dang bzhir rtog ge 'bar bar bshad la/ dar TI ka las/
mtha' dang ldan mi ldan du smra ba rnams kyi bzhi ni/ phyi rol
pa'i drang srong mngon par shes pa dang ldan pa 'ga' zhig 'jig
rten gyi mtha' ma

chad par gyur tam 'on te chad par gyur snyam du yang dag par
tshol bar 'dod pa na gang gi tshe 'jig pa'i bskal pa dran pa de'i
tshe ni mtha' yod pa'i 'du shes 'byung ngo/ /gang gi tsha chags
pa'i bskal ba

dran pa'i tshe mtha' med pa'i 'du shes 'byung ngo/ /yang de dag
yul rgya che ba'i mtha' yang de dag par tshol bar 'dod pa na gang
gi tshe 'og tu mnar med pa yan chad las mthongs zhing steng du
bsam gtan

@021a @#/ /bzhi pa man chad las ma mthong la/ thad kar thams cad
pha rol/ zad pa'i mtha' ma mthong ba de'i tshe 'og dang steng du
mtha' yod pa'i 'du shes 'byung thad kar ni mtha' med pa'i

'du shes 'byung ngo/ /de la snga ma ni sngon gyi gnas rjes su
dran pa'i mngon shes la rten nas dus kyi mtha' la rtog pa yin
no/ /phyi ma ni lha'i mig gi mngon shes la brten nas yul gyi
mtha'

la rtog pa yin no/ /phyi ma de dang mi mthun pa'i phyogs kyang
yi ge'i khyad par la mngon par zhen la don gyi khyad par la ni
ma yin te/ mtha' yod pa yang ma yin med pa yang ma yin pa'i 'du

shes 'byung ba yin no/ /zhes gsungs so/ /lha mi spong bar smra
ba bzhi ni/ /dri ba rna la gzon pa gsum dang phyi rgol dang
mthun pa'i tshig gis spong bar byed pa gcig ste/ de nyid las/

lha mi spong bar smra ba rnams kyis bzhi ni/ blo ma byang ba
dang/ rtog pa mngon pa'i nga rgyal can dang/ blo byang ba rnam
par ma nges pa dang/ shes pa zhan cing kun tu rmongs pa bzhi las
mngon par mtho ba'i

lam dge ba dang mi dge ba dang nges par legs pa'i lam sdug
bsngal dang kun 'byung dang 'gog dang pa dang lam rnams la rtsa
mas te dri ba dris pa na/ bdag ni lha mi spong ba yin no snyam
du dam bcas

nas gang du 'chi ba med par rnam par dag pa'i lha rnams kyis go
'phang thob pa'i rgyu las brtsams te dri ba dris pa spang bar
bya ba ma yin pa der dri ba dris pa rnams la tshig gzhan dang
gzhan du rlung la

@021b skur ba dang phyir rgol ba dang mthun pa'i mthun pa'i chul
gyis spong bar byed do/ /de la rgol ba dang po ni rdzun smra ba
dang mi shes pa yod pas 'jigs shing 'dzoms pa'i phyir mi shes so
zhes gsal por lan 'debs

par mi byed do/ /gnyis pa ni rang gi rtog pa la 'jigs pa yod de/
rgal zhing brtag pas 'jigs pa dang brdzun du smra ba dang log
par lta bas kyang 'jigs shing 'dzems pa'i phyir bdag ni rtog pa

mngon po 'ang nga rgyal can no zhes lan 'debs par mi byed do/
/gsum pa ni/ rgal zhing brtag pa dang/ rthun du smra ba dang log
par lta bas 'jigs shing 'dzem pa'i phyir bdag ni nges pa ma yin
no

zhes gsal por lan 'debs par mi byed do/ /de dag gis ni tshig
gzhan dang gzhan du rlung la skur bas spong bar byed do/ /bzhi
pa ni/ rgal zhing brtag pas 'jigs shing 'dzem pa kho nas

te; mngon mtho dang nges legs kyi lam gyi yi ge tsam yang mi
shes pa'i phyir bdag ni shin tu rmongs pa'o zhes gsal bor lan
'debs par mi byed par gzhan kho na la kun dris nas de dang

mthun par byed pas tshig gis spong par byed pa yin no/ /de dag ni
'di snyam du phyir rgol ba rnams 'ongs na der g.yos sgrub par
bya'o snyam du sems pa 'di ni 'dir lta bar gyur pa yin par

rig par bya'o/ /zhes so/ /rtog ge 'bar bar dag gi rnam par
g.yeng ba can bzhi zhes tha snyad mdzad cing/ /'ga' zhig la dge
mi dge'i 'bras bu yod med dris pa na yod zer na bdag gi

@022a @#/ /mngon sum du ma gyur la/ med zer na lha'i mig ldan
gyis bdag rdugs pa byas na mi rung snyam nas tshig gis rnam par
g.yeng bar byed pa dang/ yang 'ga' zhig la 'jig rten

pha rol la yod med dris pa na sngar ltar dang/ yang 'ga' zhig la
dge ba'i ji lta bu zhes dris pa na shes mthong yang dge ba 'di
lta bu'o zhes lung bstan na bdag de la phan 'dogs par 'gyur la/
lung

ma bstan na bdag des tshar gcod par 'gyur snyam nas tshig gis
g.yeng bar byed pa dang/ yang shin tu rmongs pa 'ga' zhig la de
ltar bris pa na lan 'debs mi nus pas tshig gis g.yeng bar byed
pa

dang bzhir bshad do/ /phyi mthar rteg pa zhe bzhi yang dar TI
ka las/ phyi ma'i mtha' la rtog pa'i lta ba ni bzhi bcu rtsa
bzhi ste/ 'di ltar 'du shes yod par smra ba rnams kyi bcu drug
dang/ med par

smra ba rnams kyi brgyad dang/ gnyis min du smra ba rnams kyi
brgyad dang/ chad par smra ba rnams kyi bdun pa dang/ tshe 'di
nyid la grol bar smra ba rnams kyi lnga yin no/ /de la 'du shes
yod par smra ba

rnams kyi lta ba bcu drug ni/ bdag gzugs dang ldan 'du shes can/
mi ldan 'du shes/ gnyis ka yin min 'du shes can bzhi dang/ bdag
mtha' dang ldan pa dang/ mi ldan pa dang/

gnyis ka yin pa dang/ gnyis kam yin pa 'du shes can bzhi dang/
bdag bde ba yin pa dang/ sdug bsngal ba yin pa dang/ gnyis ka
yin pa dang/ gnyis ka ma yin pa'i 'du shes can

@022b bzhi dang/ bdag gcig pu yin pa dang/ /tha dad pa dang/
chung du yin pa dang/ tshad med pa yin pa'i 'du shes can du lta
ba rnams yin no/ 'du shes med par smra ba rnams kyi lta ba
brgyad ni/ bdag

gzugs can yin 'du shes med ces pa nas/ bdag mtha' dang ldan mi
ldan gnyis ka min 'du shes med ces pa'i bar brgyad rnams yin no/
/gnyis ka ma yin par smra ba rnams kyi brgyad ni/ snga ma

brgyad po de nyid la 'du shes yod pa yang ma yin med pa yang ma
yin ces sbyar ba brgyad rnams yin no/ /chad par smra ba dang
rnams kyi bdun ni/ 'dod pa'i mi dad lha dang gzugs khams pa
gzugs med

skye mched rigs bzhi ste bdun rnams ma shi bar du nad dang bcas
'bras dang bcas zug rdu dang bcas pa yin la shi nas ye med du
smra'o/ /tshe 'di nyid la 'grol bar smra ba rnams kyi lnga ni/
'dod pa'i yon tan lo

'dzem med du sbyod pas grol ba dang/ bsam gtan bzhi thob pas
grol bar lta ba rnams yin no/ /zhes dang/ 'di dag 'byung tshul
dang bsdus tshul ni de nyid las/ lta ba drug cu rtsa gnyis po 'di
dag don

drug gis shes par bya ste/ rgyu dang/ sngon du 'gro ba dang/
rten dang/ dus dang/ lta ba la rten pa dang/ skye ba'i gnas so/
/rgyu ni 'jig tshogs la lta ba las skyes pa dang dam pa ma yin
pa'i chos log

thos pa sngon du song ba dang/ bsam gtan nam rtog ge la rten pa
dang/ 'das pa dang de ltar gyi dus la dmigs nas sngon gyi mthar
rtog pa dang/ ma 'ongs pa'i dus la dmigs nas phyi ma'i

@023a @#/ /mthar rtog pa'o/ /lta ba la rten pa ni/ rtag chad kyi
lta ba dang mya ngan dang las 'das pa la rten pa'i lta ba'o/
/gzhi bsdu ba las rtag lta la rten nas tshe 'di la bdag gzugs

can du rtog la phyi ma phan chad gzugs can dang/ 'du shes yod
med dang/ gnyis ka ma yin par rtog go/ /chad lta la rten nas tshe
'di phyi gnyis kar gzugs can ma yin par rtog pa dang/ lta ba

gsum pa la rten nas grol ba'i bdag gzugs can dang gzugs can ma
yin par lta ba sogs so/ /skye ba'i gnas ni/ bsam gtan sogs la
rten nas skye bar bshad do/ /lta ngan drug cu

rtsa gnyis sngar bshad pa'i lta ba lnga por ma 'dus pa'i skyon
med par thal/ ngo bo dbang btsan par byas na mthar 'dzin gyi lta
ba dang log lta gnyis sam/ ngo bo rgyu 'bras ma lus pa'i dbang
du

byas na thams cad las te/ thams cad kyi nang du ci rigs su 'dus
pa'i phyir/ gnyis su 'du tshul ni/ sngon gyi mthar rtog pa'i nang
nas bcu dang phyi ma'i mthar rtog pa'i nang nas lnga ste

bco lnga ni log ltas bsdus la/ lhag pa thams cad mthar 'dzin gyi
lta bas bsdus te/ chad lta bdun dang lhag ma rnams rtag lta'o/
/'khor dang bcas pa ni/ thams cad kyi rgyu 'bras

sogs ci rigs su 'dus so/ /zhes pa ltar ro/ /dam pa min pa'i lta
ba nyer brgyad ni/ mu stengs pa'i lta ba ma yin te/ shin tu
rgyas pa'i sde snod yum rgyas 'bring bsdus gsum

@023b la mos kyang sgra ji bzhin par zhe nan dam pa min pa'i lta
ba nyer brgyad 'byung bar gsungs pa'i phyir dang/ shin tu rgyas
pa'i se snod la mos pa dang de sgra ji bzhin par 'dzin pa'i phyi
rol ba med pa'i

phyir ro/ /des na lta ba de dag shas cher thal 'gyur ba'i rgyud
kyis bsdus shing/ rang rgyud pa la'ang yod dam snyam/ ming 'dogs
lugs dang lta ngan yin tshul ni sems tsam pa'i bsam tshod ltar

yi no/ /de la lta ba rang gi ngo bo'i sgo nas brjod pa bcu bdun
ni/ /chos thams cad bden stong du lta ba ni mtshan mar lta ba
dang/ mtshan nyid gsum rang bzhin gyis ma grub par lta ba ni rim
bzhin

btags pa dang kun rtog pa dang de kho na nyid la skur ba 'debs
pa'i lta ba gsum dang/ gzhan dbang yongs grub bden par med pa'i
sgrub byed yang dag yog par lta ba dang/ gzhan dbang yongs grub
bden

grub tu ston pa'i mdo sgra ji bzhin pa ma yin par lta ba ni rim
bzhin yongs su 'dzin pa dang sgyur ba'i lta ba gnyis dang/ rang
bzhin med par 'dzin pa'i blo de skyon med par lta ba dang de
bsgoms pas

thar ba thob par lta ba ni rim bzhin kha na mtho ba med par lta
ba dang nges par 'byung bar lta ba gnyis dang/ gzhan dbang bden
grub tu ston pa'i theg dman gyi sde snod sgra ji bzhin pa ma yin
par

lta ba dang/ de la mos pa rnams la zhes sdang bas mi rtogs par
lta ba ni rim bzhin dbang zab dang rab tu 'khrug pa'i lta ba
gnyis dang/ rnam thar sgo gsum 'di skyon med par lta ba dang de
la 'dzung

@024a @#/ /pa bsod nams 'phel bar lta ba ni rim bzhin phyin ci
log tu lta ba dang 'phel ba'i lta ba gnyis dang/ gzhan dang 'bel
gtam byed pa na khas len med pa'i lta ba dang ngan g.yo/

byed pa'i lta ba ni rim bzhin khas mi len pa'i lta ba dang ngan
g.yo'i lta ba gnyis te/ de gnyis ni thal 'gyur bas rang la rang
rgyud kyi dam bca' med par lta ba dang/ rgyu mtshan des pha rol
po'i

'dod pa 'gog pa'i gnod pa tshur rang la mi 'jug par lta ba la
byed dam snyam/ rang bzhin med par lta ba 'dzin pa de ston pa la
bkur ste byed pa lta ba ni bkur ri sti'i lta ba dang/ rang bzhin

med par lta ba 'di nyid bden gyi gzhan ni gti mug go zhes lta ba
ni rmongs pa bstan pa'i lta ba dang/ lta ngan de dag bskyed pa'i
rtsa bar gyur ba'i lta ba ni rtsa ba'i lta ba dang bcu bdun no/
/lta ba

de la skyon brjod pa'i sgo nas bshad pa bcu ni/ mtshan mar lta ba
ni bden stong ma yin bzhin du bden stong du lta bas lta ba rnal
ba la lta ba ma yin par lta ba dang/ mtshan nyid gsum la

skur ba 'debs pa'i lta ba ni 'bad pa 'bras bu med pa'i 'du shes
can du 'gyur bas sbyor ba sel ba'i lta ba dang/ de'i 'og ma
gnyis ni de bzung bde srid du thar pa thob mi srid pas nges par

'byin pa ma yin par lta ba dang/ de'i 'og ma gnyis ni sgrib pa
gsog pa'i lta ba dang/ de'i 'og ma gnyis ni bsod nams ma yin pa
'phel ba'i lta ba dang/ de'i 'og ma gnyis ni de'i

@024b dbang gis gong ma'i khyad par mi thob pas 'bras bu med
pa'i lta ba dang/ de'i 'og ma gnyis ni tshar gcod par 'os pas
chad pas bcad pa'i lta ba dang/ de nas gcig ni ston pa la skur
ba 'debs

pa'i lta ba dang/ rtsa ba'i lta ba ni de la brten nas phyi ma la
lta ngan thams cad rgyas par 'gyur bas lta ba chen po dang
bcu'o/ /kun gyi don bsdu ba gcig ni/ lta ngan nyer bdun po dag
phyin ci log gis

kun nas slangs te des sems khengs pas mngon pa'i nga rgyal gyi
lta ba'o/ /de ltar ni phya ma bcu gcig ni snga ma bcu bdun du
rang yin pa'i tshul gyis bsdus pas de las logs su med do/ /'jig

lta nyi shu ni/ gzugs bdag tu lta ba nas rnam shes bdag tu lta
ba'i bar lnga dang/ bdag gzugs dang ldan par lta ba nas bdag
rnam shes dang ldan par lta ba'i bar lnga dang/ gzugs bdag gi
yin pra

lta ba nas rnam shes bdag gi yin par lta ba'i bar lnga dang/
gzugs la bdag gnas par lta ba nas rnam shes la bdag gnas par lta
ba'i lnga ste nyi shu'o/ /dang po lnga ni bdag tu lta ba dang
lhag ma bco lnga ni bdag gi bar lta ba yin par lun btus su bshad
do/ /

bdag phung po lnga dang ldan par lta ba ni/ phung po lnga bdag
de'i byed pa'am las su bya bar lta ba ste/ phung po de dag bdag
dang 'brel bar

lta bas bdag gir lta ba'o/ /phung po lnga bdag gi yin par lta ba
ni/ phung po 'dor ba dang len pa la bdag des dbang bsgyur bar
lta ba ste/ phung po lnga bdag gis dbang bsgyur byar lta bas
bdag gir@025a @#/ /lta ba'o/ /phung po lnga la bdag gnas par lta ba ni/
bdag de phung po la rjes su bzhugs nas go sa tha dad du mi 'jug
par lta ba ste/ phung po bdag dang tha dad du mi 'jug par

ltabs bdag gir lta ba'o/ /bdag gzugs dang ngo bo tha dad du lta
ba nas bdag rnams shes dang ngo bo tha dad du lta ba'i bar lnga
ba snang nas nyer lngar 'gyur dogs pa la/ mdo las 'jig lta nyi
shur

gsungs pa'i rgyu mtshan ni/ sngon du phung po ma bzung bar 'jig
ltas bdag tu mngon par zhen mi nus so/ rnam pa bzhi bzhi'i sgo
nas phung po rnams la dmigs shing bdag la 'jug go/ /

de phyir phung po rnams ma gtogs par gzhan du bdag tu zhen pa'i
gzhi lnga pa mu stegs pa ma gtogs pa la mi 'byung bas mdo las
cha lnga pa ma gsungs par 'jug pa'i TIka chen du bshad do/ /

bshads tshul 'di ni tha 'gyur ba /bo na'i 'dod pa yin nam rang
rgyud pa man chad kyis kyang 'dod pa yin dpyad par bya'o/ /pha
rol smra ba bcu drug ni/ rgyu 'bras bu zhes pa rgyu'i dus na

mngon par mi gsal bar yod pa las skye bar lta ba dang/ mngon
gsal zhes pa rgyu'i dus na migs la bral yod pa las mngon par
gsal bar lta ba ste/ dber na sgra rtags par smra ba kha cig gis
sgra ni

ji skad 'dogs pa bzhin du mi gsal bar gnas pa las yang dang du
brjod pa'i tshul gyis mngon par gsal bar smra ba bzhin no/ /'das
pa dang ma'ongs pa rdzas su yod par lta ba ni/

@025b chos 'di pa kha cig kyang 'dod par bshad pas bye smra ltar
'das rgyu'i dngos po kho rang 'das pa dang ma 'ongs rgyu'i dngos
po kho rang ma 'ongs pa yin par lta'o/ /bdag tu lta ba ni phung
po la 'dags pa min

par rdzas su yod par lta ba'o/ / rtag tu lta ba ni bdag dang
'jig rten par lta ba ste/ lta ba na ri gnyis kyi nang nas sngon
mthar rtog pa rtag par smra ba dang kha cig rtag par smra ba
rnams dang/ phyi mthar rtog pa

'du shes can du smra ba dang 'du shes can ma yin par smra ba
dang/ 'du shes yod med gnyis ka ma yin par smra ba rnams dang/
gzhan yang rdul phra rab brtags par lta ba rnams so/ /sngon byas
pa'i las rgyur lta ba ni/ sngon

byas pa'i mi dge ba'i las 'khor rtsar ltar ba ste/ sngon byas
pa'i mi dge ba dka' thub kyis zad nas mi dge ba gsar ba mi bya
bar chu lon gyis 'gog par byed na sdug bsngal mthar byed par
gcer bu pas

'dod pa lta bu'o/ /dbang phyug la sogs pa byed pa por lta ba ni/
bde sdug thams cad dbang phyug sogs las 'byung bar lta ba'o/
/rnam par 'tsho ba chos su lta ba ni/ gsang sngags kyi chog sngon
du 'gro bas

srog chags bsad nas mchod sbyin byas pa ste/ mchod sbyin byed pa
dang/ mchod sbyin du bya ba dang de'i grogs byed pa thams cad
mtho ris su 'gro ba'i rgyur lta ba'o/ /mtha' dang mtha' med du
lta ba ni/

lta ngan re gnyis kyi mtha' ldan mi ldan du lta ba rnams te/
sngon gnas rjes dran gyis 'jig bskal dran tshe mtha' yod pa dang/
chags bskal dran tshe mtha' med pa dang/ lha'i mig gi mngon shes

@026a @#/ /la rten nas steng 'og tu mtha' yong la thad kar mtha'
med pas mtha' yod med gnyis ka dang/ yi ge'i khyad par tsam la
mngon par zhen nas mtha' yod med gnyis ka ma yin par

lta ba dang bzhi po dag go /'jig bskal dran nas mtha' yod pa
dang chags bskal dran nas mtha' med par lta ba gnyis ni phyi ma
mthar rtog pa yin nam snyam pa'i 'dogs pa yod kyang sngon mthar
rteg pa

yin te/ sngon gnas rjes dran la brten par bshad pa dang/ sa'i
dngos gzhi las/ ci 'jig pa'i bskal pa de'i tshu rol na 'jig rten
'byung ba yod par 'dod dam/ 'on te mi 'dod/ gal te

yod na ni 'jig rten mtha' yod ces byar mi rung ngo/ /gal te med
na ni 'jig rten na gnas la/ 'jig rten mtha' ldan no zhes byar mi
rung ngo/ /zhes 'gog tshul gyis shes pa'i phyir/ lha mi

spong bar smra ba ni bzhi dang/ rgyu med par smra ba ni gnyis
dang/ chad par smra ba ni bdun te/ 'di dag lta ngan re gnyis kyi
skabs bzhin du bshad do/ /med par lta ba ni/ kha cig mngon shes
la

brten nas sbyin pa byed pa 'ga' zhig dbul po dang ngan song dang
nyes bar sbyang pa 'ga' zhig mtho ris su skyes pa mthong nas dge
mi dge'i las dang 'bras bu med par lta ba dang/ rgyal rigs nas

bram ze sogs su skye ba mthong nas snga ma nas 'di dang 'di nas
phyi mar rgyal rigs sogs su 'gyur ba med do zhes lta ba dang/ ma
las bu mo dang bu mo las mar skyes pa dang pa las bu dang bu

@026b las phar skyes ba mthong nas/ pha ma nges pa med pas pha
ma med par lta ba dang/ dgra bcom pa dang 'du shes med pa dang
gzugs med du skye des rnams kyi skye ba phyi ma mthong bas se
can skye ba med par

lta ba dang/ de bzhin na gshegs pas gsungs pa'i mdo sde zab mo'i
don yang dag pa ji lta ba bzhin du mi shes par chos thams cad ni
mtshan nyid thams cad kyis med do zhes lta ba rnams so/ /mchog tu

smra ba ni/ bram ze rnams ni rigs kyi mchog yin gyi/ gzhan ni ma
yin no zhes pa dang/ bram ze rnams ni dag par 'gyur gyi/ gzhan
ni ma yin no zhes lta ba'o/ /dag par lta ba ni/ tshe 'di nyid la

grol bar lta ba lnga dang/ 'ga' zhig chu klub mdzes ldan dang
lag sbyin dang g.yon dang tshig ldan dang gang ga rnams su khrus
byed pas dag par lta ba dang/ byi'i brtul bzhugs dad ba lang gi
brtul bzhugs

sogs kyis dag par lta ba rnams so/ /dag mtshan dang bkra shis su
smra ba ni/ bde sdug la sogs pa nyi zla gza' skar chos grangs
sogs kyis byas par lta ba'o/ /pha rol smra ba bcu drug gis lta
ngan drug cug

rtsa gnyis thams cad bsdus par snang ngo/ /rtsa sher gsungs pa'i
lta ngan bcu drug na/ bdag 'das pa'i dus na byung ma byung gnyis
min du lta ba bzhi dang/ 'jig rten rtag mi rtag gnyis ka

gnyis min du lta ba bzhi ste sngon mthar brten pa brgyad dang/
bdag ma 'ongs pa'i dus gzhan na 'byung ma 'byung gnyis ka gnyis
min du lta ba bzhi dang/ 'jig rten mtha' dang ldan mi ldan gnyis

@027a @#/ /ka gnyis min du lta ba bzhi ste phyi mthar brten pa
brgyad dang bcu drug go/ /de dag ni lung ma bstan gyi lta ba bcu
bzhi'i rtag sogs bzhi dang mtha' ldan sogs bzhi re re la

dmigs yul gyi sgo nas gnyis su phye bas bcu drug tu 'gyur ram
snyam/ lung ma bstan gyi lta ba bcu bzhi ni/ sngon gyi mtha' la
brten pa bdag dang 'jig rten rtag sogs bzhi dang/ phyi ma'i
mtha' la

brten pa bdag dang 'jig rten mtha' ldan sogs bzhi dang/ myang
'das la brten pa de bzhin gshegs pa grongs phan chad 'byung sogs
bzhi dang/ lus dang yin pa de nyid srog tu lta ba dang/ lus
kyang

gzhan la srog kyang gzhan du lta ba gnyis dang bcu bzhi'o/ /rtag
sogs bzhi ni sngon gyi mtha' la brten pa zhes bya ste/ da lta'i
bdag dang 'jig rten la ltos nas 'das pa'i de gnyis la sngon gyi

zhes bya zhing mtha' ni skye ba gcig nas gcig tu rgyud pa'i cha
snga ma dang de la brten pa ni de la dmigs pa'i dron yin no/ /de
gnyis la dmigs nas rtag par lta tshul ni/ dang po nas mi 'gyur
bar

yod par lta ba dang/ mi rtag par lta tshul ni/ phyis blo bur du
'byung bar lta ba la byed par gser 'phreng las gsungs pas de dag
gang zag bdag 'dzin du bshad pa ni 'thad pa ma yin te/

dang po bcu gnyis po gang rung la 'jig lta ma yin pas khyab pa'i
phyir/ mtha' ldan sogs zhi ni phyi ma'i mthal la bten pa zhe
sbyar ste/ da lta'i de gnyis la ltos nas ma 'ongs pa'i

@027b bdag dang 'jig rten la phyi ma zhes bya zhing mtha' ni
skye ba gcig nas gcig tu rgyud pa'i cha phyi ma dang de la dmigs
pa ni de la brten pa yin par rtsa she'i TIka chen du bshad do/
/bdag dang 'jig rten mtha' dang

ldan par lta tshul ni/ phyis kyi tshe rgyun chad par lta ba dang/
mtha' dang mi ldan par lta tshul ni/ phyis kyi tshe yang rang
bzhin gzhan du mi 'gyur bar mngon par mi gsal ba'i tshul gyis yod
par lta ba la byed pa

yin gyi/ skye ba phyi ma'i dus su rgyun mchad par lta ba tsam
min te/ gzhan du na lta ngan du mi 'gyur ba'i phyir/ byed smras
byang sems kyi dus su ma 'ongs pa'i sangs 'phags dang sangs
'phags kyi dus su

'das pa'i byang sems yod par 'dod pa sogs ni lta ngan 'di dag
dang mi 'dra ba'i zhib cha yod med rnams/ rnam bzhi dngos dang
mtshan nyid dang/ zhes sogs su btsal bar bya'o/ /gser 'phreng las

mtha' dang ldan mi ldan gyi don sngar bshad pa las go bzlag nas
bshad pa ni mtha'i don skye ba gcig nas gcig nas gcig tu rgyud
pa'i cha phyi ma la byas pa'i bshad tshul yin zhing/ de yang nyi
snang sogs

rgyan 'grel rnams kyi dgongs pa ltar bshad pa yin gyi/ thugs
rtogs ma rdzogs pa'i dbang gis de ltar bshad pa min te/ mtha'
ldan sgrub pa'i rnam can dang mtha' dang mi ldan pa dgag pa'i
rnam can

du bshad pa'i rgyan 'grel la brten pa'i bshad pa yin pa'i phyir/
mtha' don zad pa la byas nas mtha' ldan rgyun chad pa dang mi
ldan rgyun mi chad pa la sbyar ba ni/ rtsa 'jug gi rnam bshad
chen mo

@028a @#/ /gnyis kyi dgongs pa yin zhing/ rtog ge 'bar ba sogs
dang mthun par snang ngo/ /rtag sogs bzhi rim bzhin grangs can
pa sogs gang zag bzhi dang sbyar ba yod kyang/ de ltar ma

sbyar bar bshad pa'ang yod de/ rtsa she'i TI chen las/ de la
bdag dang 'jig rten la sngon 'das pa'i dus su skye ba mthong ba
dang ma mthong ba dang cha 'ga' zhing cha 'ga' zhig ma mthong ba
dang de

gnyis ka ba bkag pas ni rtag pa la sogs par rtog pa skye'o/
/zhes dang/ de la bdag dang 'jig rten la ma 'ongs pa'i skye pa
ma ma mthong ba na mtha' dang ldan pa dang skye ba mthong ban
mtha' dang mi ldan pa

dang; 'ga' zhig la mthong zhing 'ga' zhig la ma mthong ba na
gnyis ka dang gnyis ka dang gnyis ka bkag pas ni gnyis ka ma yin
par rtog pa skye'o/ /zhes dang/ byung ma byung gnyis kar dang
rtag mi rtag gnyis

kar lta ba ni gcer bu pas tshe snga phyi'i srog ni gcig dang
phung po ni so sor 'dod pa lta bu yin la/ gnyis ka min pa ni
snga ma de nyid rnam grangs la sogs las gnyis ka min pa'i phyogs
su bshad pa bzhin dang/

mang pos bkur pas gang zag rtag mi rtag gang du yang brjod du
med par 'dod pa lta bu dang rtag pa'i mtha' bzung nas bkag pa
yang yod de/ de dag gis phyi ma'i mtha' la brten pa rnams kyi mu

gnyis kyang shes par bya'o/ /zhes gsungs pa'i phyir/ gzhung phyi
'di lta ngan bcu drig gi skabs su gsung mod kyang/ 'dir yang
mtshungs pa'i phyir/ des na gcer bu pas srog ni

@028b tshe snga ma'i dus su yod pas rtag pa dang/ phung po ni tshe
snga ma'i dus su med pas mi rtag pa ste gnyis kar lta ba dang/
yang de nyid kyis phung po ni tshe snga ma'i dus su med pas rtag
pa ma yin pa dang/ srod ni tshe

snga ma'i dus su yod pas mi rtag pa ma yin pa ste gnyis ka ma
yin par lta bar yang gsungs pas/ gnyis ka ma yin par lta ba ni
mtha' gcig tu mang po bkur ba dang sbyor mi dgos so/ /de bzhin
gshegs

pa grongs phan chad 'byung sogs bzhi ni mtha' ldan sogs bzhi'i
bye brag yin par snang yang/ 'dri ba po ni grongs phan chad
'byung zer na tha mal ba dang 'dra bar las nyon gyi gzhan dbang
can du 'gyur ba

dang; mi 'byung zer na bskal pa du mar tshogs pas gcing sman lam
btab pa don med du 'gyur zhes nang 'gal ston 'dod kyi bsam pas
logs su dris pa yin nam snyam ste/ rtog ge 'bar ba las/

gal te de bzhin gshegs phan na nongs pa phan chad 'byung ngo
zhes brjod na ni las dang nyon mongs pa'i dbang du 'gyur ba'i
phyir so sor skye bo dang 'dra ba nyid du 'gyur ro/ /gal te mi
'byung ngo zhes brjod na ni

mar me shi bar gyur ba bzhin du rgyun chad pa nyid yin pas smon
las btab pa 'bras bu med par 'gyur ro/ /zhes lung ma bstan gyi
rgyu mtshan bshad pa'i phyir dang/ rje btsun reng mda' bas kyang/

de bzhin gshegs pa grongs phan chad 'byung ma 'byung zhes sogs
grol ba'i bdag la brtsams nas 'dri ba ste/ de yang phyi ma'i
mtha' la dpyod pa yin no/ /de'i sngon gyi mtha' la mi dpyod pa
ni/ /

@029a @#/ /'khor ba'i bdag gi sngon gyi mtha' la dspyad pa gnyis
kyis grol ba'i bdag gi sngon gyi mtha' de yang dspyad par 'gyur
ba'i phyir ro/ /de lta na de'i phyi ma'i mtha' yang dspyad pa
don

med de/ snga ma la dspyad pas cho ga pa'i phyir zhen ma yin te/
gang dga' 'khor ba'i tshe bdag phyi ma'i mthar 'jug kyang/ gang
gi tshe grol ba thob pa de'i tshe/ phyi ma'i mthar 'jug par mi
'dod pa yod

kyang; gzhan dag grol ba thob nas kyang/ phyi ma'i mthar 'jig
par 'dod pas de'i phyir/ de'i phyi ma'i mtha' la dspyod par byed
do/ /zhes gsungs so/ /'on kyang gser 'phreng las/ bdag gi

ngo bo sems can la bya'i grol ba'i bdag la byas na rgyang phan
la ma'i 'grig go/ /zhes gsungs so/ rgyan phan dang sbyar tshe
bdag gi rang bzhin gyi de bzhin gshegs pa la bya ste/ rgyang
phan pas

de bzhin gshegs pa'i sgra bshad ltar khams mi len kyang/ de
bzhin gshegs pa'i tha snyad khas len pa'i phyir te/ gzhan du na
de bzhin gshegs pa'i tha snyad khas len pa'i mu stegs pa

med par 'gyur bas de bzhin gshegs pa grongs can phan chad 'byung
ma 'byung sogs 'dri ba po med par 'gyur ba'i phyir ro// ()ja()
phyi nang gi khyad par bshad pa'i tshig rkang lnga'i

don bshad du yod de/ bstan pa sems can la gnod 'tshe spong mi
spong dang/ ston bskyon kun zad yon tan kun rdzogs yin min dang
lta ba bdag med dang bdag tu 'dzin pa'i khyad par gyis

@029b phyi nang du 'jog lugs yod la/ gzhan yang/ bkar brtags
phyag rgya bzhir lta ba dang/ srid rtse sogs pa mtha' dag rtsa
ba nas 'byin pa'i bsgom pa dang 'dod bsod nyams dang la zhing
dbu pa'i

mtha' gnyis spangs pa'i spyod pa dang/ bdag med par so sor rtog
pa'i shes rab kyi bral 'bras brtag 'gog slar mi ldog pa'i 'bras
bu bzhis nang pa sangs rgyas pa'i bstan pa rnam dag dang/ ston
pa

skyon kun zad du grub cing/ lta bsgom spyod 'bras sngar bshad
pa'i bzlog zla ba zhis gzhan gyi bstan pa rnam par ma dag dang
ston pa skyon bcas su grub pa'i phyir/ phyi nang gi khyad par
thams cad 'gros 'byed pa

min zer ba dang phyi nang gi ston pa gcig tu 'dod pa dag pa
'khrul bar shes par bya'o/ /zhes pa'o/ /gang zag phung po las
rdzas la logs su yod pa'i mtha' dang phung po la btags pa'i gang
zad med pa'i

mtha' dang 'dra ba ni lta ba mtha' bral dang/ ha cang bgrims
drag pa dang ha cang lhod drag pa'i mtha' dang bral ba ni bsgom
pa mtha' bral dang/ 'dod pas bsod nyams dang la zhing dub pa'i
mtha' dang bral ba ni

spyod pa mtha' bral dang/ srid zhi'i mtha' dang bral ba ni 'bras
bu mtha' bral zhing sbyor yang khungs dang ma 'brel ba min no/
/a mtshod ces pa ni grong chog pa'i ming yin no// ()nya() lus
mdor bstan pa'i

tshigs bcad gnyis kyi don ni/ /rtag gcig rang dbang can gyi bdag
lta'i zhen yul 'thad par sgrub pa dang de 'gog pa'i sgo nas phyi
nang gi grub mtha' smra ba gnyis yod pa'i dang po phyi rol pa la
mngon sum gyi 
@030a @#/ /yul tsam khas len pa dang lkog gyur yang 'dod pa'i
khyad par gyis chad smra dang rtag smra gnyis byung ngo/ /nang
ba'i grub mtha' smra ba la bden grub kyi dngos po 'dod pa dang
de 'gog pa'i

sgo nas dngos smra ba dang ngo bo nyid med par smra ba gnyis yod
pa'i dang po dngos smra ba la phyi don bden grub tu yod par 'dod
pa dang phyi don med cing nang gi sems bden grub tu zhen pa'i
khyad par gyis don

smra dang sems tsam pa gnyis su yod do/ /nang pa'i grub mtha'
smra ba thams cad kyis ston pa sangs rgyas dang sogs sgras bsdus
pa byams pa 'jam dbyangs sogs dang mchog zung gtang rabs

bdun la sogs pa chos kyi spyan ldan gyi tshad ma'i skyes bu phal
cher rang sder 'dren pa ste rang rang gi grub mtha' smra ba yin
par 'dod cing/ klu sgrub thogs med sogs la dad cing gus pa'i

don smra phyi rabs pa yang mang po yod do/ /grub mtha' smra ba
de dag rang rang gi lugs rtags chad kyi mtha' gnyis dang bral
ba'i dbu ma'i lugs su 'dod pa dang/ 'og ma 'og ma'i thun mong ma

yin pa'i sgro btags rnams grub mtha' gong ma gong mas rim bzhin
'gog pa dang/ grub mtha' 'og ma 'og ma'i lta ba shes pa'ang gong
ma gong ma'i lta ba go ba'i stengs ste thabs su 'gyur

mod kyang/ rang gzhan gyi grub mtha' smra ba gzhan rnams rtag
chad phra rags gang yang rung ba'i mthar ltung ba sha stag yin
la/ mtha' thams cad dang bral ba ni slob dpon klu sgrub zhabs

@030b kyi lugs yin no/ /zhes pa'o/ /de la mu stegs pas lung dang
rigs pa ltar snang gis gang zag gi bdag yod par 'dod de/ lung ni
gang zag gi bdag yod par bshad pa gcig nas gcig tu brgyud pa

rnams dang/ rigs pa ni/ bdag yod de/ blo sngon du ma btang bar
dngos po la sogs pa mthong ba na sems can gyi blo skye ba'i
phyir dang/ blo sngon du btang nas spyod pa dmigs pa'i phyir/
snga ma'i

don ni bdag med na skyes bu'i byang gzugs sogs kyi dbyibs mthong
ba na dbyibs kho na'i blo skye bar 'gyur gyi/ sems can gyi blo
skye bar mi rigs pa la sems can gyi blo skye bar mthong ba'i
phyir/ /

phung po tsam las ma gtogs pa'i bdag gam sems can yod do/ /de
bzhin du tshor ba bde sdug mthong ba na tshor ba kho na'i blo skye
bar rigs kyi de las ma gtogs pa'i tshor ba bde ba shas cher spyod
pa la

sems can mthon po'i blo dang/ sdug bsngal shas cher spyod pa la
sems can dma' ba'i blo ma skye bar thal ba dang/ lhas byin sogs
ming gi tha snyad 'dogs pa na 'du shes kho na'i blo skye yi de
las ma

gtogs pa'i sems can gyi blo mi skye bar thal ba dang/ chags sogs
kun nas nyon mongs dang dad sogs 'du byed pa na 'du phyed kho
na'i blo skye yi de ma gtogs pa'i mkhas pa dang byis pa'i blo mi
skye bar

thal ba dang/ mig sogs kyi sgo nas rnam shes yul la 'jug pa na
rnam shes kyis mthong snyam pa'i blo skye yi bdag gis mthong
snyam pa'i sems can gyi blo ma skye bar thal ba las sems can gyi
blo

@031a @#/ /skye ba'i phyir rnam shes las ma gtogs pa'i sems can
yod la/ gzhan yang phung po tsam las ma gtogs pa'i bdag med na
bdag gis gzugs mthong bar gyur to//

mthong bar bya'o snyam pa na bdag gi blo sngon du ma btang bar
phung po tsam gyi blo sngon du btang rigs pa las blo sngon du
btang nas 'jug pa na bdag gi blo nges par btang dogs pa'i phyir
phung po tsam las ma

gtogs pa'i bdag yod do/ /mdor na sems can no snyam pa'i blo chos
can/ don ji lha bzhin du 'jug pa yin te/ blo sngon du ma btang
bar dngos po mthong ba na 'jug pa'i blo yin pa'i phyir/ dper na

sngon 'dzin bzhin no/ /zhes zer ro/ /nad pa sangs rgyas pas gang
zag gi bdag 'gog byed kyi lung mtha' yas pa yod la/ rigs pa shin
tu mang po yod pa las/ re zhig rnal 'byor spyod pa'i sar

bshad pa ni don tshan bcu'i sgo nas shes par bya ste/ de la grol
ba don du gnyer ba rnams kyis 'jig lta'i zhen yul ma lus par
khegs shing gang zag tsam nges par khas blang dgos na/ rigs

pas kyang 'grub pa'i dgag sgrub kyi tshul la mkhas par bya yi/
/gzhan du na tsom pa thams cad don med du 'gyur bas so/ /de yang
gang zag tsam dgag par bya ba ma yin na khyad par gang dang

bcas pa yin snyam na/ mdo sde mang por gang zag bden pa 'gog ces
pa dang/ gzhi bsdu bar don dam pa dang/ mdo sde rgyan dang bsdu
ba dang mdzod 'grel rnams su rdzas yod 'gog ces pa kun

@031b don gcig pas/ de la rdzas btags kyi don ni/ chos gang zhig
blo'i yul du 'char ba na rang dang mtshan nyid mi mthun pa'i gzhi
gzhan gyi rnam pa shar ba la nges par bltos pa ni btags yod
dang/ de lta bu la

ma bltos par rang dbang du 'char ba ni rdzas yod ces bya'o/
/dang po blo'i sngon du ma btang bar dngos po la sogs pa mthong
ba na sems can gyi blo skye bar mthong bas sems can rdzas yod du
'dod pa dgag pa

ni; spyi'i dngos po la sogs pa mthong nas de nyid la sems can
gyi blo skye ba yin nam/ de las gzhan mthong nas gzhan de la
skye ba yin/ dang po ltar na blo de log shes su thal/ blo des de
nyid

la sems can du zhen cing/ sems can ni de las gzhan du grub pa'i
phyir/ gnyis pa ltar na dngos po la sogs pa de nyid kho na
mthong nas blo de skye ba nyams so/ /yang gang zhig mthong pas
sems

can gyi blo skye ba'i gzhi de sems can gyi rang bzhin yin nam/
de las gzhan yin/ dang po ltar na'ang blo de log shes su thal/
blo de dang mtshan nyid mi mthun pa'i rang rkya bar shar ba'i
phyir/ phyi ma ltar na

bum pa'ang snam bu'i blo skye ba'i rgyur khas blang dgos so/
/yang sems can ma yin pa la sems can gyi blo skye bar 'dod ma mi
'dod/ mi 'dod na mngon sum gyis bsal te/ mtho yor la mi'i

blo skye bar myong bas so/ /'dod na sems can gyi blo don ji lta
ba bzhin 'jug par sgrub pa'i sngar gyi rtags de ma nges so/ /de
bzhin du sems can la sems can ma yin pa'i blo skye bar 'dod mi
'dod dang/

@032a @#/ /sems can gzhan la sems can gzhan gyi blo skye bar 'dod
mi 'dod brtags nas dgag par bya ste/ snga ma nyid kyis rtogs par
bya'o/ /yang phung po mthong tshe sems can

gyi blo skye ba'i gzhi de mngon gyur yin nam lkog gyur yin/ dang
po ltar na phung po de nyid sems can du thal/ de ma gtogs pa'i
gzhi gzhan mngon sum gyis mthong ba'i phyir/ phyi ma ltar na

byis pa chung du ma brtag ma dpyad par 'jug pa na sems can gyi
blo mi skye bar 'gyur ro/ /gnyis pa bdag gis srog gcod par bya'o
zhes pa dang srog gcod spong bar bya'o zhes pa lta bu blo sngon
du

btang nas de ltar spyod pa dmigs pas bdag rdzas yod 'dod pa 'gog
pa ni/ spyod pa de blo'i rgyu las byung ngam bdag gi rgyu las
byung/ dang po ltar na/ rdzas yod kyi bdag gi spyod pa yin

pa nyas so/ /gnyis pa ltar na/ blo sngon du btang ba'i spyor par
'gal lo/ /spyod pa'i rgyu rtag gam mi rtag/ /rtag na spyod ces
pa nyams so/ /mi rtag na bdag rtag gi spyod par mi rigs so/ /

spyod po sems can de rtsa lo ba'i bdag nyid yin nam mi rtsol
ba'i bdag nyid yin/ dang po ltar na bdag rtag pa yin pa nyams
so/ /gnyis pa ltar na mi rtsol ba rtsol zhes pa 'gal lo/ /

sems can gyi spyod pa de la rgyu yod dam med/ med na dus rtag tu
spyod par 'gyur la/ yod na de la yang rgyu gzhan zhig sngon du
btang dgos pas bdag gis rang dbang du spyod pa nyams so/ /

@032b spyod pa de rang dbang du spyod pa yin nam gzhan dbang gis
spyod pa yin/ dang po ltar na/ skye rga na 'chi sogs sdug bsngal
gtan gyi mi myong bar 'gyur te/ gang spyod rang dbang yod pa'i
phyir/ gnyis pa ltar na/

bdag gis spyod par mi rung ste/ bdag rang dbang can du khas
blangs pa'i phyir/ zhes bdag sgrub byed kyi rigs pa dgag go/
/gsum pa phung po la 'dogs pa ni/ gang zag ces pa phung po la
btags pa

yin nam/ maNTal gyi tshom bu bzhin du phung po la gnas pa yin
nam/ thur ma gshibs pa bzhin du phung po las gzhan yin nam/
phung po gtan med yin/ dang po ltar na phung po las don gzhan

rang rkya bar grub pa nyams so/ /gnyis pa ltar na gang zag de
rtag gam mi rtag /rtag na de bde sdug gis phan gnod mi nus pas
dge mi dge'i las gsog par mi 'gyur la/ las mi gsog na

lus mi len pas gang zag khas blangs pa'i dgos pa med par 'gyur
ro/ /mi rtag na phung po las don gzhan pa'i skye 'jig byed pa
dmigs dgos pa lam dmigs pa'i phyir mi 'thad do/ /

gsum pa ltar na/ gang zag 'dus ma byas su 'gyur pas de khas
blangs pa don med du 'gyur ro/ /bzhi pa ltar na/ 'bad med du
grol bar 'gyur te/ 'ching byed su dang yang 'brel ba med pa'i

phyir; bzhi pa mtshan nyid rnam par bzhag pa ni/ phung po tsam
las ma gtogs pa'i gang zag yod na/ de gzugs lta ba po la sogs
pa'i rang bzhin can yin nam min/ dang po ltar na

@033a @#/ /gzugs stob po'i mig shes sogs la btags pa yin nam/ de
dag las don gzhan yin/ dang po ltar na rang gi khas blangs pa
nyams so/ /gnyis pa ltar na lta ba'i las sam

byed pa zhig tu 'gyur te/ don gzhan gyi 'brel pa khas blangs
pa'i phyir/ las yin na byed pa 'jug pa'i gzhir 'gyur dgos pas/
sa bon bzhin du rigs 'dra gsar du bskyed pa'i sgo nas saM/

rdza mkhan nam rdzu 'phrul can gyi mi bzhin du bsgyur ba'i sgo
nas sam/ sa bzhin du rten pa'i sgo nas sam/ nam mkha' bzhin du
go 'byed pa'i sgo nas yin/ dang po ltar na ltab po mi rtag par

'gyur bas rtag par 'dod pa nyams so/ /gnyis pa ltar na mi rtag
pa dang kun rdzob par 'gyur bas rang gi 'dod pa nyams so/ / rdzu
'phrul can gyis sprul cha 'ga' rang dbang du sprul ba bzhin du

de'ang rang dbang can yin na/ ltab po 'gar yang sdug bsngal can
du mi 'gyur ro/ /gsum pa ltar na/ sa rgyu ba dang mi rgyu ba'i
rten byed cing 'jig par dmigs pa bzhin du 'dis kyang byed par

dmigs dgos na ma dmigs so/ /bzhi pa ltar na nam mkha' la brkyang
bskum sogs byed nus shing go mi 'gog pa bzhin du lta ba po
la'ang dmigs dgos nam dmigs so/ /gzhan yang

nam mkha' dgag bya rnam par bcad tsam la 'jog pa bzhin du lta ba
po yang 'jog na rang dbang du blo la 'char ba nyams so/ /de byed
pa yin na/ zor ba bzhin du las 'jug pa byed pa po la/

@033b nges par rag las pa yin nam/ me bzhin du res 'ga' byed pa
po med par las la rang dbang du 'jug pa yin/ dang po mi rigs te/
de la las la 'jug byed dang las 'jug bya so sor dmigs pa bzhin

du lta ba po la ma dmigs pa'i phyir/ gnyis pa ltar na/ byed pa
po chad dgos nas gang zag khas blangs dgos pa med par 'gyur ro/
/gang zag de lta ba po la sogs pa'i rang bzhin can ma yin na/
tshad

ma thams cad log nas med pa'i gang zag khas blangs pa dgos pa
med do/ /lnga ba kun byang rnams par bzhag pa ni/ bdag kun byang
gi mtshan nyid dang ldan nam/ de las don gzhan yin/ dang po ltar

na; phung po las don gzhan pa'i gang zag khas blangs pa mi rigs
par 'gyur te/ zas gso sogs kyi phan pa dang/ 'byung ba 'khrug pa
sogs kyis gnod cing nyon mongs pa ni phung po kho na la

mthong gi gzhan la ma mthong ba'i phyir/ gnyis pa ltar na bdag
kun nas nyon mongs pa dang rnam par byang ba zhes bya ba nyams
so/ /drug pa 'jug ldog rnam par bzhag pa ni/ gang zag 'jug ldog

gi mtshan nyid dang ldan pa zhig 'jug ldog byed dam de dang mi
ldan pa zhig de ltar byed/ dang po ltar na phung po las ma gtogs
pa'i gang zag med par 'gyur te/ phung po'i chos tsam kho na la

'jug pa'i bya ba dmigs pa'i phyir/ 'di ltar rgyu dang ldan pa'i
sgo nas 'jug pa khu khrag sogs las rang gi lus lta bu dang/ skye
ba'i dang cad gyi 'jug pa myu gu lta bu dang/ 'jig pa'i dad

@034a @#/ /can gyi 'jug pa chu klung rim pas 'dzad pa lta bu
dang/ gzhan dang gcig nas gcig tu 'jug pa mar me rigs 'dra yul
gzhan du 'jug pa lta bu dang/ 'gyur ba'i 'jug pa bya ba

mi 'dra ba gzhan byas nas yang gzhan la 'jug pa dang/ bzhon pa
bzhon nas 'gyur ba lta bu'o/ /gnyis pa ltar na bdag 'jug pa nyid
du mi 'gyur te/ 'jug pa'i mtshan nyid dang mi ldan pa'i

phyir/ ldog pa ni 'jug pa nyams pa nyid yin la/ ldog pa'ang 'jug
pa sngon du 'gro ba las nges par bltos pas ldog pa'ang zhar la
dpyad pa yin no/ /bdun pa zab po dang/ byed pa po dang/ grol

ba po rnam par bzhag pa ni/ yul gyis bskyed pa'i bde sdug bsngal
gis 'gyur ba zhi za ba por 'dod dam mi 'gyur ba zhig 'dod/ phyi
ma ltar na za ba por mi rigs te/ za bya longs spyad nas phan
gnod byed

pa zhig za ba po yin pa'i phyir/ dang po ltar na/ bdag rdzas yod
don med de/ 'du byed chos tsam kho na 'gyur ba mthong ba'i
phyir/ 'gyur ba'i nyes pa'i 'di 'og ma gnyis la'ang shes par

bya'o; /sems kyis 'gyur ba zhig byed pa por 'dod dam mi 'gyur ba
zhig 'dod/ mi 'gyur na byed pa po nyams te/ sems kyis 'gyur ba
zhig byed pa po gang zag tu rigs pa'i phyir/

nyon mongs pa dang nye ba'i nyon mongs pas 'gyur ba zhig grol ba
bor 'dod dam ma'i gyur ba zhig 'dod/ mi 'gyur na sngar bcings
par ma gyur ba'i phyir phyis grol bar ga la rigs/ brgyad pa

@034b byed par ldog pa ni/ byed pa po bdag kho na 'jog gam gzhan
la'ang rung/ dang po ltar na/ me sreg gi 'od kyis snang bar byed
do zhes sogs mi rigs par 'gyur ro/ /gnyis pa ltar na/ lta ba
dang

nyan pa sogs la byed pa por btags pas chog gi /bdag rdzas yod
khas blangs pa don med do/ /dgu pa brjod par 'dgos pa ni/ gang
zag gi tha snyad bdag kho na la 'jug gam gzhan la'ang 'jug/

dang po ltar na/ skyes bu'i lus la dmigs nas sangs rgyas byin
yon tan bshegs gnyen sogs kyi tha snyad 'jug pa mi rigs par
'gyur ro/ /phyi ma ltar na/ lta ba po sogs la'ang 'jug pas de

tsam gyis chog gi /bdag khas blangs pa don med do/ /bcu pa bdag
ltar 'dogs pa ni/ bdag lta de dge ba yin nam mi dge ba yin/ dge
bar mi rigs te/ rmongs pa rnams la lhag par yang

skye ba'i phyir dang/ 'bad pa'i sbyor ba med par yang skye ba'i
phyir dang/ thar ba la skrag pa bskyed pa'i phyir dang/ nyes pa
chags sogs gso bar byed pa mthong ba'i phyir/ mi dge ba yin na
phyin ci

log zhen yul la 'khrul ba yin pas/ de'i sgo nas bdag yod par
sgrub mi nus so/ /bdag med par lta ba'ang mi dge ba yin pa mi
rigs te/ thams cad mkhyen pas mchog tu gsungs pa'i

phyir dang/ 'bad pa chen pos sgrub dgongs pa dang/ thar ba la
skrag pa mi bskyed pa dang/ dkar po'i 'bras bu 'phral du thob pa
dang/ nyes pa'i gnyen po byed pa'i phyir/ gzhan yang/ bdag de@035a @#/ /yul gyi de
kho na nyid la gnas pas/ de'i dbang gis
bdag lta bskyed pa yin nam bdag med bzhin na du tshul min yid
byed goms pa'i dbang gis bdag yod par sgro btaT pa

yin; dang po ltar na/ sangs rgyas pa rnams la bdag med kyi nges
pa mi bskyed par thal te/ bdag lta dngos po'i stobs kyis skyes
pa des gegs byas pa'i phyir/ phyi ma ltar na/ de'i sgo nas

bdag yod par sgrub mi nus par 'gyur ro/ /mdor na tshogs rgyun
gang la yang btags pa ma yin pa'i gang zag chos can/ /rang bzhin
med de/ /phung po dang rang bzhin gcig dang tha dad gang du yang

ma grub pa'i phyir zhes pa ni mdor bsdus pa'o/ /bdag yod pa dogs
pa skye ba'i rgyu ni 'jig lta lhan skyes la ji ltar snang ba
ltar tshad mar byas pa yin la/ lhan skyes la'ang phung po las

don gzhan pa'i bdag kho na snang ste/ phung po 'di don nas 'di
las bzang ba gzhan don du gnyer gyi bdag dor bar mi 'dod pa'i
phyir/ /gang zag gcig rdzas su yod pa bkag pa na shugs kyis

gang zag de btags pa tsam du yod par go bar 'gyur te/ yongs gcod
du gang zag tsam ni sus kyang khas blang bar bya dgos la/ btags
pa tsam rdzas yod bkag pa'i stobs shugs kyis

rtogs par bya ba yin pa'i phyir ro/ /zhes pa ni rje bdag nyid
chen po'i gsung ltar bkod pa'o/ /gzhan yang/ mdo sde rgyan las/
bdag tu lta ba bdag nyid bdag mtshan min/ /

@035b ngan par gnas min mtshan nyid mi 'dra phyir/ /gnyis las
gzhan med de ni nor ba skyes/ /de phyir thar ba nor tsam zad pa
yin/ /zhes pa rtsa 'grel dang/ kun btus bsdu ba mdzod 'grel gnas
dgu pa

sogs las bdag 'gog pa'i rigs pa bshad pa rnams 'dir tshig mangs
su 'od gas nas ma bris pas gzhung de dag las shes par gyis/
()nya() 'phags pa klu sgrub kyi gzhung gi dgongs pa

len pa'i nyan thos sde ba yod par khas len na gzhung der chos
thams cad bden par med par bshad pa'i dgongs pa ni/ legs bshad
snying por/ /yang rnam 'grel las/ phung po las sogs bye brag
gis/

mtshan nyid thams cad byed pa yi/ /khyad par can de'ang de nyid
min/ /des kyang de dag mtshan nyid bral/ /zhes gzugs phung la
sogs pa mtshon bya dang/ gzugs su rung ba la sogs pa mtshan

byed du gsungs pa ni thams cad bya byed kyis khyad par du byas
la/ de dag gi gzhi rdzas su yod kyang bya byed kyi cha nas de
kho na nyid du ma grub pa la dgongs nas kyang mtshan nyid kyis
stong ngo zhes gsungs

par bshad de 'di ni nyan thos sde ba dang yang thun mong pa'o/
/zhes bshad pa ltar yin mod kyang/ /nyan thos sde pa theg chen
sde snod du sa bcu sku gsum dang ting nge 'dzin dang gzungs kyi
sgo dang/ sangs rgyas

byang sems kyi yon tan bsam gyis mi khyab pa sogs thun mong ma
yin pa'i khyad par mtha' yas ba bshad pa'i dgongs pa de ltar len
zhes gsal bar gsungs pa'i khungs ni snang bas dpyad

@036a @#/ /gzhi che'o/ /slob dpon chos skyod gis 'phags pa klu
sgrub kyi dgongs pa sems tsam du bkral ba'i khungs ni 'jug pa'i
TIk chen las/ 'dir slob dpon gyis kha cig 'phags

pa'i zhal snga nas/ bdag las ma yin gzhan las min/ /zhes sogs
kyi gzhung gis skye ba sogs bkag pa ni/ /gzung 'dzin rdzas tha
dad pa'i kun brtags kyi skye ba sogs bkag pa yin gyi/ /gzhan

dbang bden pa bkag pa min par 'dod pa 'di yang/ /de ltar 'grel
pa'i gtan tshigs med par mi 'grub pas/ de skad du smra ba la ni
brgal zhing brtag par bya ba kho na'o/ /zhes bshad pa'i phyogs
snga

smra ba ni/ snga rabs pa kha cig slob dpon blo brtan la sogs pa
yin par smra mdo kyang/ de'i gzhung na de ltar bshad pa mi snang
ngo/ /bzhi brgya pa'i 'grel par slob dpon chos kyong gis bzhi
brgya pa'i

lta ba sems tsom du bkral bar bshad pas de la sbyar na 'grig go/
/zhes pa ltar yin la/ shAnti pas 'phags pa'i dgongs pa sems
tsam du bkral ba'i khungs ni sems tsam rgyan dang gsang

'dus kyi bshad sbyar snyim pa'i me tog las klu sgrub thogs med
gnyis ka dgongs pa gcig tu bshad cing/ /dbu ma rgyan du/ phyi
don med pa'i shes byed du drangs pa/ 'di la skye ba ci yang med/
/

'gag par 'gyur ba'ang ci yang med/ /skye ba dang ni 'gag pa dag
/shes pa 'ba' zhig kho na'o/ /'byung ba cha la sogs pa shad pa/
/rnam par shes pa yang dag 'dra/ /de shes pas ni 'brel 'gyur

@036b na; ;log par rnam brtags ma yin nam/ /zhes pa'i tshigs bcad
dang po lang gshegs dang gnyis pa rigs pa drug cu pa'i gzhung
yin pa la sh'nti pas gnyis ka klu sgrub kyi yin par byas nas
'dis

sems can tsam du bstan pa la dbu sems 'dra bar bzhed pa dang/
nyi khri'i byams zhus kyi le'u dgongs 'grel bzhin du mtshan nyid
gsum la bden par yod med phye bar bzhe par legs bshad snying por

gsungs pa rnams so/ /'dir drangs pa'i legs ldan gyi gzhung 'di
dbu ma snying por/ rang gi lugs kyi nga rgyal gyis/ /mkhas par
rlom gzhan de skad smra/ /zhes pa'i 'grel bar/ theg pa chen po
pa

nyid kya slob dpon thog med dang dbyig gnyen la sogs pa gzhan
dag ni/ de bzhin gshegs pas lung bstan cing sa rab tu brnyes
pa'i 'phags pa klu sgrub kyis yang dag par rtogs pa'i theg pa
chen po'i don gyi

lugs gzhan du bden par byed cing ngo tsha dang khrel med pa don
rnam par mi shes pa de bzhin du rnam par shes shing mkhas par
nga rgyal byed pa dag 'di skad smra ste/ zhes pa 'di yin na/
lung bstan cing

zhes pa 'di ni klu sgrub lung bstan pa'i don yin pas skabs 'dir
drangs pa'i 'brel ba ji ltar yin dpyad dgos so/ /rtog ge 'bar
bar/ 'phags pa rdo rje sdes ni gzugs kyi sku 'og min gyi spyod

yul can chos kyi sku'i gzhi la brten pa ni rnam par smin pa'i
sku zhes bshad do/ /'phags pa thogs med kyis ni longs spyod
rdzogs pa'i sku zhes bstan la zhes thogs med kyi bzhed pa bkod
do/ /

@037a @#/ / ()ta() seng ge'i mjing ni phyogs gcig tu ma 'phyang
bar phyogs g.yas g.yon gnyis kar bsnol ba ltar tha snyad du
phyi don gyis stong pa'i sems tsam gyi tshul dang don daM par

chos thams cad rang bzhin med pa'i tshul gnyis kyi shing rtal
bzhon nas/ sngar bshad pa'i dbu sems kyi rigs pa'i sra ba skyogs
'ju bar byed pa de dag dang dbu sems kyi rigs pa'i mjing bsnol
bde phyir

de kho na nyid kyi don can gyi theg pa chen po 'thob par 'gyur
ro zhes bstan pa ni/ tshul gnyis shing rta gzhon nas su/ /rigs
pa'i srab skyogs 'ju byed pa/ /de dag de phyir ji bzhin don/
/theg

pa chen po ba nyid 'thob/ /ces so/ /phyogs glang gi gzhung 'dis
sher phyin gtso phal lam dngos brtags kyi khyad par bshad pa la
gser 'phreng rnam bshad bkral tshul mi 'dra ba byung ba rnams
grags

che bas 'dir ma bris/ /dze tA ris rnam 'grel dbu mar 'grel tshul
dang rnam bden rdzun gyi khyad par lnga 'gog tshul 'og tu 'chad
do// ()tha() grub mtha' gcig la'ang gzhi lam 'bras gsum gyi

'dod tshul so so'i dbang du byas pa'i mtha' gnyis spongs tshul du
ma yod kyang/ phyogs tsam dper mtshon na rkyang 'phen pas lkog
gyur mi 'dod pas rtag mtha' spong/ mngon gyur 'dod pas chang

mtha' spong ba dang/ grangs can pas rnam pa gzhan du 'gyur bas
rtag mtha' spong/ rang bzhin gzhan du mi 'gyur bas chad mtha'
spong bar 'dod pa sogs dang/ bye brag smra pas 'dus byas

@037b thams cad mi rtag par 'dod pas rtag mtha' spong/ 'das ma
'ongs rdzas su 'dod pas chad mtha' spong ba dang/ mdo sde bas
'dus ma byas rdzas su mi 'dod pas rtag mtha' spong/ /gzugs sogs
brda

'dogs pa'i gnas dang rtog pa'i zhen gzhi yin pa de rang gi gnas
tshon kyi dbang gis grub par 'dod pas chad mtha' spong bar 'dod
pa dang/ sems tsam pas rtog pa'i zhen gzhi dang brda 'dogs pa'i

gnas su rang gi mtshan kyis ma grub par 'dod par rtag mtha'
spong/ gzhan dbang yongs grub bden grub tu 'dod pas chad mtha'
spong bar 'dod la/ dbu ma rang rgyud pas/ chos thams cad blo

gnod med la snang ba'i dbang gis bzhag pa ma yin par don gyi
sdod lugs kyi ngos nas ma grub par 'dod pas rtag mtha' spong/
rang ngos nas grub par 'dod pas chad mtha' spong bar 'dod pa
dang/ thal

'gyur bas rang ngos nas ma grub pas rtag mtha' spong/ ming
rkyang btags yod tsam du yod pas chad mtha' spong bar bzhed do/
/'og ma'i sgra btags gong mas 'gog tshul yang phyogs tsam dper
mtshon

na 'jig rten phal bas 'khrus byas pas gtsang bar 'dod pa la
gzhan sde'i rnal 'byor pas 'dod pa rags par lta bas gnod la/
gzhan sde bas mi gtsang ba 'dzag pa dang de rags par lta ba po'i
gang zag

rang dbang can khas len pa la/ bya smras bcom pa dang blos cha
shas so sor bsal bas rang 'dzin gyi blo 'dor ba'i btags yod du
lta bas gnod pa dang/ bye smras thams cad rdza sa grub tu khas
len pa la

@038a @#/ /mdo sde bas gzhan gyi cha la btags pa ma gtogs rang
dbang pa'i rdza sa logs su med pa'i btags yod khas len pas gnod
cing/ mdo sde pas chos thams cad rtog

pa'i zhe na gzhi dang brda 'dogs pa'i gnas su rang gi gnas tshod
kyi dbang gis grub par 'dod pa la/ sems tsam pas kun btags bden
med du sgrub pa'i rigs pas gnod la/ sems tsam pas

gzhan dbang yongs grub bden grub tu khas len pa la/ rang rgyud
pas nang gi blo'i dbang gis ma bzhag pa'i sdod lugs med par
sgrub pas gnod pa dang/ rang rgyud pas chos thams cad rang ngos

nas grub par 'dod pa la/ thal 'gyur pas btags don btsal nas
rnyed rgyu med par sgrub pa'i rigs pas gnod pa sogs so/ /'og
ma'i lta ba shes pa gong ma'i lta ba shes pa'i thabs su 'gyur

tshul yang/ bye smras gang zag mi rtag pa dang cha shas so sor
phye ba'i btags yong du 'jog shes pa de/ mdo sde bas gang zag
rdzas logs su gzung du med pa'i btags yod du 'jog shes pa'i

thabs dang/ mdo sde bas da ltar 'jog shes pa de/ sems tsam pas
gang zag ming gi tha snyad 'dogs pa'i gnas su rang gi rngon lugs
kyi dbang gis ma grub pa 'jog shes pa'i thabs dang/

sems tsam pas de ltar 'jog shes pa de/ rang rgyud pas blo la
snang ba'i dbang gis ma bzhag pa'i sdod lugs med pa 'jog shes
pa'i thabs dang/ rang rgyu pas de ltar 'jog shes pa de/

@038b thal 'gyur bas chos thams cad rang gi sdod lugs su ma grub
pa 'jog shes pa'i thabs su 'gyur ba lta bu'o// ()da() dge ba'i
lha'i gzhung 'di'i don sbyor ni/ gang cha med yin na mi gtsang
ba 'dzag pa ma

yin pas khyab ste/ dper na/ blo bzhi na/ gsum ldan gyi gang zag
kyang cha med yin no/ /zhes pa ni khyab byed ma dmigs pa ste/
bye smra'i lugs so/ /sems tsam pas/ gang phyogs kyi cha dang

bcas na cha med ma yin pas khyab ste/ dper na/ bum pa bzhin/
/rdul phra rab kyang phyogs kyi cha dang bcas pa yin no/ /zhes
pa ni khyab byed 'gal dmigs so/ /dbum pas gang yod pa yin don
dam par

ma grub pas khyab ste/ dper na sgyu ma bzhin/ /gnyis stong gi
shes pa yang yod pa yin no/ /zhes pa ni rang bzhin 'gal dmigs
yin no// ()na() bdag tu 'dzin pa bzlog don dang/ zhes sogs rkang
pa

gnyis kyis gang zag rdzas yod bkag nas phung sogs phyi rol don
du grub par gsungs tshul dang/ de nas gnyis kyis phyi don bkag
nas sems tsam zhig bden par grub par gsungs tshul dang/ 'dir

sems 'grel las/ rnam par shes pa smra ba la/ /sna tshogs 'di ni
sems su 'grub/ /rnam shes rang bzhin gang zhe na/ /da ni 'di
nyid bshad bya ste/ /zhes byung/ 'di dag thams cad sems

tsam zhes sogs kyis phyi rol bkag nas sems tsam zhig la rang
bzhin sgrub pa sgra rda'i bzhin pa min par gsungs par legs bshad
snying por bshad do// ()pa() brda sprod pa dag ces

@039a @#/ /sogs ni/ dar TIk las/ theg pa gsum gsungs pa'i dag so
pa ni/ gdul bya bkri ba'i rim pa yin te/ brda sprod pa dag ji
lta bur dang por yi ge'i phyi mo klog tu 'jug

pa ltar de bzhin du sangs rgyas rnams gdul bya la thog ma nyid
nas rtogs par dka' ba'i chos mi ston gyi blo yul du ji tsam bzod
pa'i chos ston te/ 'di rim pa ni 'di ltar yin te/ kha cig la ni

srog gcod sogs sdig pa las rnam par bzlog pa'i phyir chos ston
te de yang gdul bya skyes bu chung du'i bsam pa can kha cig bsod
nams 'bras bu lha mi'i go 'phang 'grub par bya ba'i phyir ro/ /

gdul bya skyes bu 'bring gi bsam pa can kha cig la ni 'khor ba
mtha' gcig tu spangs bya dang myang 'das blang bya dang gzung
'dzin rdzas tha dad pa gnyis la brten pa ston la/ gdul bya kha
cig la ni gzung

'dzin rdzas tha dad kyis stong pa'i shes pa don dam du grub pa
ston pas kha cig la ni gnyis mi brten pa'o/ /gnas lugs zab mo
dngos po la bden par zhen pa'i khu 'khrig can 'jigs pa

skyed pa stong pa nyid dang snying rje'i snying po can ni bla na
med pa'i byang chub bsgrub pa dbang po rab tu gyur pa kha cig la
ston to/ /zhes pa ltar ro/ ()pha() gang dag gis ni ma brten par
zhes

sogs ni de'i dar TIk las/ grangs can sogs gang dag gis rgyu
rkyen la ma brten par bdag gam rtag pa rang bzhin gyis grub pa
dang 'jig rten phung po rang bzhin gyis grub par mngon

@039b par zhen pa de dag la ni mi 'gyur na rtag par smra ba dang
'gyur na chad par smra bar 'gyur bas rjes su brtse bas na kye ma
rtag pa dang mi rtag pa dang rtag mi rtag gnyis yin pa dang ma
yin pa la sogs pa'i ltabs

phrogs nas de'i gzhan dbang du gyur ba yin no/ /zhes dang/ gang
dag brten nas dngos po rnams/ /de nyid du ni 'phrub 'dod pa/ /de
dag la yang rtag sogs skyon/ /de dag ji ltar 'byung mi 'gyur/ /

zhes pa ni dar TIk las/ gang dag dngos po rnams brten nas
'byung bar khas len bzhin du yang de kho na nyid du grub par
'dod pa de dag la yang rtag par lta ba la sogs kyis skyon de dag
ji ltar 'byung

bar mi 'gyur te/ rang bzhin gyis grub pa'i dngos po khas blangs
par 'gyur na chad pa dang/ mi 'gyur na rtag par lta bar 'gyur
ro/ /zhes dang/ gang dag brten nas dngos po rnams/ /chu yi zla
ba

zhes sogs ni/ dar TIk las/ dbu ma gang dag brten nas byung ba'i
dngos po rnams chu yin gi zla ba'i gzugs brnyan lta bur ni yang
dag pa bden par grub pa yang ma yin la/ log pa

gtan med kyang ma yin par snang la rang bzhin med par 'dod bde
bdag rtag chad kyi lta bas mi 'phrogs te/ dngos po la rang bzhin
cung zad kyang khas ma blangs pa'i phyir/ /zhes pa lta ro/ /

grub mtha' spyi'i skabs so// ()ba() gser skya de nyid rig pas
ni/ /gtso las 'gro ba skye bar bshad/ /khyod kyis 'gro ba'i skye
ba ni/ /nyon mongs las las byung ba la@040a @#/ /bsgrags/ /zhes pa'i 'grel bar/
/bskal pa dang po'i
skyes dgu rnams kyi tshe lo tshad med pa na zhes sogs byung bas/
/'dir dpag med ces 'byung yang/

tshad med la byed dgos te/ tshad med dang dpag med ni grangs kyi
gnas so sor bshad pas so/ ()ma() rtog ge 'bar ba las/ mchod
sbyin shing shun can zhes bya ba su la yang

rig byed smra bar byed pa'i bram ze mo dang rtsod pa las de
rgyal bar gyur to/ /de nas des de dang 'khrig pa spyad pa las/
a shwad tha'i 'bras bu za ba skyes te/ de rig byed kyi slob
dpon

yin zhes grag go/ /de bzhin du ya mu na'i chu bo'i gling gi bar
du drang srong par sha de tshul khrims nyams nas nya ba'i bu mo
stobs kyis blangs nas 'dod pa spyad pa las drang srong 'bya sa
skye so/

de rim gyis kau shi ka zhes bya ba'i tshogs can ma dang 'dod pa
spyod pa las drang srong ne tso zhes bya bar skyes so/ /de'i
rkang pa'i rting pas de'i mgo la brgyab pa dang/ /des smras pa/
mdzes khyod phrag dog

gis bsngams nas/ /ro sman lcod khur rkang pa yis/ /bdag gi mgo
bor brgyab pa ni/ /e ma'o bdag ni rjes su bzung/ /gang dag 'dod
pas skom gyur nas/ /smad mdzes mdangs ldan

ma khyod la/ /gzhol nas rkang pas brgyab gyur pas/ /bdag gis ci
zhig thob ma gyur/ /zhes bya ba la sogs pa grag par thos te/ de
ltar tshangs par spyod pa ma yin pa 'dod pa le

@040b zhen cing/ /chags la 'tshums pas rig byed gcig dum bu bzhir
byas pa yin no zhes grag go/ /der gzhung drangs pa las/ go bil
mchod sbyin shing shun can/ /'be sham pan shes bya dag/ /sngon

'dir byol song gsad bya bar/ /'di dag gis ni nye bar btags/ /der
ni gnyis skyes mang thos kyis/ /'di skad zer ba chos min zhes/
/de yi gzhung de rab tu bkag/ /de ltar shin tu rtsod par gyur//

de na e d+ha drang srong rgyal/ /gcig de gnyis kyis dpang po
byas/ /de yis bden pa smras pa dang/ sha za 'dod rnams khros
gyur te/ /gnyis skyes pa de gsad na zos/ /da dung sa ke ta'i yul
na/ /

e d+ha ga tubs pa zhes byar sgrogs/ /gnyis skyes gang gis e
d+ha'i sha /ma zos pa de spangs gyur na/ /gral du bsnyen par ma
gyur te/ /da dung gral med pa zhes brjod/ /de las gzhan yang
dbang po ni//

rgyal po'i drang srong 'ba' su dris/ /e d+ha bsad pas 'jigs
skrag nas/ /de yis rdzun gyi tshi gcig smras/ /de ni lus des gas
par/ /'jug tu chos smra ba dag gis/ /smras pa 'dir ni bden pa

smros; ;ngan 'gror 'gro bar 'gyur te re/ /chos kyi phyogs ni
nyams byed cing/ /chos min phyogs dag rgyal byed pa'i/ /brdzun
gyi tshig de smras spa na/ /rgyal de sa gas nang du song/ /brdzun
gyi dpang po'i

bram ze la/ /phan gdags par ni bya ba'i phyir/ /kun gyis nges
par mchod sbyin dus/ /sa la rgyun dag sbreng bar byed/ /ces pa
ltar sngon dus su drang srong rnams phyugs gas do mchod sbyin
bya

@041a @#/ /rung mi rung rtsod nas drang srong e d+ha la dbang po
bcol/ /des mi rung zer ba la sha za bar 'dod pa rnams kyis e
d+ha gsad nas sha zos pas/ /da dud yang yul de'i ming e d+ha

gtubs pa zhes grags/ /gang gis e d+ha'i sha ma zos pa rnams
gzhan gyis bskrad nas gral rnyed par ma gyur bas de dag la gral
med pa zhes grags/ /de nas yang rgyal po'i drang srong 'ba'

su la rung mi dris pas/ /des sngar e d+ha bsad pas 'jigs skrag
nas rung zhes brdzun tshig smras pas sa gas nas de'i nang du
song/ /der dus su chos smra ba dag gis 'dir ni bden par smra

dgos/ /gzhan du na ngan 'gror 'gro bar gyur ta re/ /chos phyogs
pham chos ma ni phyogs rgyal ba'i brdzun tshig smras pas sa gas
pa'i nang du song bas so/ /des na brdzun gyi dpang po byas pa'i
bram zi la

phan gdags par bya ba'i phyir/ mchod sbyin byed pa kun gyis
mchong sbyin gyis dus su sa la chu rgyun sbreng bar byed dgos
zhes gros byas pa yin no/ /dpe kha cig tu e d+ha dad la lar e
lnga zhes 'byung

yang; e d+ha zhes pa dag par mngon/ rtog ge 'bar bar/ /bram ze
skyed byed kyi yul ga las smras pa/ /sngon dus gnyis ldan 'jig
rten 'di/ /thams cad 'tshe ba med pa gnas/ /de nas don

la bsdu gyur nas/ /byol song dag ni bsad pa nyid/ /chos ldan e
d+ha bsad byas shing/ /sngon gyi rig byed bor nas ni/ /rdzas kyi
don du rig byed kyang/ /rigs las gzhan du sgrub par byed/ /

@041b 'jig rten 'jug par bya ba'i phyir/ /ma khyab rigs pa mi
ldan pa/ /khyim pa'i dngos po la dga' bas/ /chags dang 'dod pa'i
dbang du gyur/ /bsam gtan byed pa mi nus phyir/ /dgon par gnas
pa'i cho ga

spangs/ /de las 'ga' zhig dka' thub ste/ /de bzhin 'ga' zhig me
la brten/ /gzhan pa dag ni mchod sbyin rtsom/ /bdag kyang mchod
cing gzhan la bskul/ /sdig can rmongs pa 'bras bu 'dod/ /

thos mang dag la smod byed cing/ /chags pas rmongs pa dag la
brten/ las ngan chos su 'du shes shing/ /de dag rnams kyi bya ba
rtsom/ /rgyal po de ni bdag mi 'dod/ /tshangs pa nas brtsams
dmyal ba'i bar/ /

srog chags kun la srog 'phangs nas/ /gzhan gyi de ni bcad byas
pas/ /ji lta bur ni bde bar gyur /'byung po rnams ni bde 'dod
la/ /'jig rten kun ni sdug bsngal ldan/ /gang la mang du gnod
byas nas//

de bde'i snod du ji ltar 'gyur/ /zhes smras pa 'byung ba dang/
zhes pa ltar sngon dus kyi rig byed gzhan du 'gyur bar byas so/
()tsa() 'jug pa'i rnam bshad las/ /'grel bar bdag gi khyad par
cung

zad cung zad la brten nas mu stegs can rnams kyi lugs phan tshun
tha dad par 'gyur ro/ /zhes gsungs pas gzhung 'di'i lugs kyis
grang can de'i dbye ba la brten nas/ mu stegs kyi lugs

so sor gyes par 'chad pa ni don ma go ba'o/ /zhes gsungs pa ltar
mu stegs pa'i lugs thams cad grang can las gyes pa ma yin no/
/'on kyang rtsa she'i TIkka las/ /rgyu med las skye bar

@042a @#/ /smra ba ni grangs can la gyes pa nyer lnga yod pa'i
gcig la brten nas drang srong 'jig rten mig ces bya bas rgyang
phan gyi grub mtha' 'bum byas pa de dang de'i rjes su 'brang
ba'o//

zhes grangs can la gyes pa'i mu stegs pa nyer lnga yod par
gsungs pa ltar stong thun chen mo sogs las kyang bshad do/ /'dir
lang gshegs las mu stegs pa nyer lnga gsungs te/ /mdo der

kha cig ces pa nyer gnyis las ma byung yang de'i dang po la gsum
byas pas nyer lngar mngon na ma brtags gsungs la/ lcang skya'i
grub mthar dang bo la gsum du phye yang nyer lngar ma tshang bas
'grig

dka' bar bshad do/ /lang gshegs kyi gzhung 'di'i skabs nas bstan
pa'i mu stegs pa yin na mu stegs pa dngos yin pas ma khyab ba
ste/ /lang gshegs kyi 'grel pa rgya'i mkhan po dza' na bdzras

mdzad pa las/ /mu stegs byed ni sngar bstan pa ltar grub pa'i
mtha' phyin ci log khas len pa thams cad yin la/ /de ltar na
nyan thos dang rang sangs rgyas rnams ni zag pa dang bcas pa'i

phung po la sogs pa sdug pa bsngal gyi bden pa 'gog pa dang yul
la 'dod chags dang bral ba ste rgyu kun 'byung gi bden pa spangs
pa dang/ /de dag spong rgyu rtag pa dang chos mi mthun pa mi
rtag pa

la sogs pa chos bcu drug gi rnam ba mthong bas kun nas nyon
mongs dang mtshungs par ldan pa'i sems dang sems las 'byung ba
mang po mi 'byung ba ste/ dus gsum gyi yul las dran

@042b pa'i rnam par rtog pa mi 'byung ba'o/ /de yang mar me shi
bar gyur ba la sogs pa bzhin du rgyu zad pas mi 'byung ba yin
gyi/ brtag bya'i yul stong pa nyid du rtogs pas ni ma yin no/
/de yang

sngar bden pa'i dngos por yod pa'i sdug bsngal dang kun 'byung
glo bur du zad pa dang mi skye ba'o zhes zad pa dang mi skye ba
shes pa'i ye shes kyi dngos po 'jig par lta bas/ /phyin ci log
tu gyur ba'i phyir

mya ngan las 'das pa ma yin no/ /gzhan yang/ /lam gyi dus na
yang de dag 'jig par lta bas phyin ci log tu gyur ba'i phyir mya
ngan las mi 'da' ba'o/ /zhes 'dod tshul dang po rig pa rgyun chad
par

'dod mkhan gyi nyan thos sde pa'i lugs ltar bshad pa'i phyir ro/
/mu stegs byed gnyis pa mda'i shugs/ /zad pa bzhin du yul gzhan
dus song bas thar par 'dod mkhan ni/ /gcer bu bas gdugs

dkar po kha gyen du bslang ba lta bu'i gnas dpag tshad 'bum phrag
zhe lnga yod pa der 'grobs thar par 'dod pa dang/ khyad par
'phags bstod las/ /ne tsos nyi ma brdol nas ni/ /thar par mchis
par

bshad ces grags/ /khyod ni mya ngan 'das brnyes la/ /gang du
yang ni gshegs ma mchis/ /zhes drangs srong rgyas pa'i bu ne
tsos nyi ma'i dkyil 'khor gyi dbus rdzu 'phrul gyis brdol nas
thar pa'i

grong khyer du zhugs par grangs pa lta bu'o /mu stegs byed gsum
pa ni 'grel pa de nyid las/ /blo dang rig par bya ba ni gzung
'dzin sna tshogs pa ste/ /de lta bur snang ba med pas bdag rtag
pa thar

@043a @#/ /par 'dod pa ste/ zhib ba pa rnams kyis 'dod pa'am/
/sngar bstan pa'i mtshan ma sna tshogs kyi dngos po med pas mya
ngan las 'das pa'o zhes gsungs pa dang yang sbyar bar bya'o/ /

zhes zhi ba pa ste dbang phyug pas dbang phyug gi rang bzhin
bdag shes rig gnyis med dang/ /'dir rig byed gsang ba ba'i skabs
su bshad pa'i bdag gi rang bzhin rnam shes kyi tshangs pa thar
par

'dod pa lta bu dang/ mu stegs byed bzhi pa ni de nyid las/ /rtag
pa dang mi rtag par mthong bas ni bdag la sogs pa 'ga' zhig ni
rtag la/ gzhan gyi gzugs pa la sogs pa mi rtag par mthong ba'o//

gzhan yang 'phags pa tshangs pa'i dra bas zhus pa'i mdo las/ /kha
cig rtag par rtog pa'i lta ba rnam pa bzhi gsungs pa dang yang
sbyar bar bya'o /zhes bdag rtag la phung po mi rtag pa dang
sngar

bshad pa'i lta ngan re gnyis kyi nang tshan kha cig rtag par lta
ba bzhi la brten nas mya ngan 'das 'thob par 'dod mkhan dang/ mu
stegs byed lnga pa ni de nyid las/ mtshan ma mthong bas bde ba
'dod/

ces pa la sogs pa ni mtshan ma rnam par rtog pa ni sban dang zug
rngul sogs pa lta bur mthong bas des 'jigs pas de rnams spangs
ba'i bdag rtag pa ni mchog tu dga' ba'i gnas kyis mya ngan las
'das par

rig byed kyi mtha' gsang bar smra ba rnams rtog go/ /'dod pa'i
phyir zhes pa ni 'dod pa'i yul de 'dra ba la mya ngan las 'das
pa'i blo 'gyur ba'o/ /zhes pa rig byed mthar smra dang sbyer na
khyad par brgyad

@043b ldan gyi skyes bu dang/ rig byed gsang ba pa dang sbyor na
sngar bshad pa'i rnam shes kyi tshangs pa thar par 'dod mkhan yin
no/ /drug pa ni de nyid las/ /yang kha cig ste zhi ba pa dang
gtogs 'dod pa dang/ tshangs pa

la sogs bar smra ba rnams kyis dus gsum gyis bsdus pa'i bdag gis
dngos po mi 'jig ste yod pa yin la/ de 'dra ba su dag gis rig
pan i mya ngan las 'das pa ste/ zhes gsungs shing/ /yang na rang
sde pa dang

sbyor du rung ste/ de nyid las/ gzhan yang rang gi sde pa bye
brag tu smra ba rnams kyang phyi nang gi chos rnams kyi rang
dang spyi'i mtshan nyid khong du chud cing/ /de dag kyang dus
gsum gyis bsdus la/ dus gsum yang

rdzas su grub ba ste/ 'das pa ni 'das pa'i sa na yod cing/ ma
'ongs pa yang ma 'ongs pa las na yod pas de dag 'jig pa ma yin
te/ 'on kyang byed pa zhig pa dang ma skyes pa'i sgo nas 'das pa
dang ma 'ongs pa

nyid du 'jog cing/ /byed pa da ltar ba ni da ltar ba nyid de de
'dra bar su yis rtogs pa ni mya ngan las 'das pa nyid du rtog
go/ /zhes so/ /bdun pa ni de nyid las/ /chos thams cad mi 'jig
ces pa ni

thams cad bdag rtag pa'i rang bzhin yin pas mi 'jig pa'o/ /de
ltar su yis rtogs shing rig pa ni/ /mya ngan las 'das pa'o zhes
rtog pa'o/ /zhes mu stegs pa kha cig dang/ brgyad pa ni/ yang

grangs can gtso bo dbang phyug dang bcas par smra ba rnams ni/
/rang bzhin nyi shu rtsa bzhi dang/ skyes bu'i bye brag mthong
ba dang/ yon tan sum cha mnyam pa gtso bo'i rang bzhin dang/
dbang phyug rtag pa rnam

@044a @#/ /'gyur sna tshogs kyi byed pa po yin la/ /de ltar rig
cing dbang phyug mnyes par byas pa ni/ /mya ngan las 'das par
rtog pa'o/ /zhes grangs can lhar bcas dang/ /dgu pa yin

yang kha cig ni bdag tu dmigs pa dang bcas pa'i rnal 'byor bsgom
zhing/ /de las gzhan rig sngags dang mchod sbyin dang/ gdol bu
dang sme sha can dang bram ze la sogs pa de ni da ltar bden pa
ma yin no

zhes rtogs pa'i shes rab kyi/ bsod nams dang bsod nams ma yin
pa'i las su dmigs pa'i mtshan ma yongs su bsregs shing zad par
gyur pa ste/ ji ltar gtsub shing dang gtsub gtan la me

phyung zhing/ /me de dag nyid kyis de dag bsregs pa bzhin no/
/de ltar zad pas mya ngan las 'das par rtog pa'o/ /zhes dang/
/bcu pa ni/ kha cig ni shes rab kyis de kho na nyid ji ltar ba
bzhin rtogs pa

med par srid pa'i rtse mo'i bar du sems thob pas/ ci yang med
pa'i skye mched kyi bar la 'dod chags dang bral ba na/ /kho bo
ni nyon mongs pa thams cad spangs pa'o zhes shes pas mya ngan
las 'das par rtog ste/

phyi rol gyi 'dod chags dang bral ba rnams kyi ye shes so/ /de
ni mya ngan 'das pa ma yin te/ /ji skad du/ /srid pa chags med
pas ma gtan pa/ /srid pa'i rtse mor phyin pa yang/ /da rgyal
lcags

kyus drangs nas su/ /sems can dmyal bar yang ltung ngo/ /zhes
gsungs pa lta bu'o/ /zhes 'jig rten pa'i chags bral gyis thar pa
thob par 'dod pa dang/ bcu gcig pa ni/ kha cig ni

@044b thams cad dbang phyug gis byas par mthong nas de mnyes par
byas pas mya ngan las 'das par rtog go/ /zhes dbang phyug gi dam
pa sbyin pa'i mthus thar ba thob par 'dod pa dang/ bcu gnyis pa
ni/ kha cig ni

'jig rten gyi 'byung ba'i 'di ni gcig gis gcig zhugs pa ste/
bdag las de'i yon tan sdang ba dang 'dod pa la sogs pa'i nyon
mongs par 'gyur zhing/ /de yis las bsags ba las tshe len par
'gyur ba'o/

de las gzhan dbang phyug la sogs pa'i rgyu las ma yin no zhes de
'dra ba'i rgyu la mngon par chags bzhin du gti mug las/ /'jig
rten dang 'jig rten las 'das pa'i rgyu yang dag pa ji lta ba
bzhin khong du mi

chud de/ /de khong du ma chud pas mya ngan las 'das par rtog pa
ste/ de 'dra ba'i phyin ci log pa'o/ /ci zhig las mya ngan las
'das par rtog ce na/ bdag sngang ba dang 'dod pa la sogs pa'i
yon tan dang bral ba'o//

de 'dra ba ni mtshan mas gnod pas phyin ci log pa'o/ /rnam pa
gcig tu na 'di rnams kyi don ni de ltar rgyu gzhan las byung ba
ma yin zhes rgyu gzhan med bzhin du/ /de 'dra ba'i rgyu la mngon
par chags pa'i

tshul gyis gti mug pas de kho na nyid ji lta ba bzhin khong du mi
chud de/ de'i phyir mya ngan las 'das pa mi thob la yang sngar
gyi tshul ji lta ba bzhin khong du chud bas mya ngan las 'das par
rtog pa'o/ /zhes dang/

bcu gsum pa ni/ yang kha cig ni bden pa dang lam khong du chud
pas mya ngan las 'das par rtog pa ste/ bden ba bzhin dang de dag
rtogs pa'i lam khong du chud pa ste/ bden pa ni rgyud gzhan dang
'brel ba'i@045a @#/ /tshul du yang rtogs la/ lam ni rang rig pa'i tshul gyis
khong du chud ba'o/ /yang 'dir bden pa'i lan zhes gzhung 'don
par byed de/ rigs pa can rnams kyis tshig gi don bcu drug

rtogs pas mya ngan las 'das par 'dod pa lta bu'o/ /zhes dang/
bcu bzhi pa ni/ kha cig ni yon tan nyi shu rtsa bzhir yon tan
can rdzas dgu'i bdag nyid la sogs pa khong du chud cing spyi'i
sgo nas gcig pa

dang; bye brag gi sgo nas tha dad pa dang/ de gnyis kyis gnyis
ka dang gnyis ka ma yin par yang 'gyur te/ de ltar mthong ba 'am
gzhan yang khyad par du bdag gi yon tan dgu rtsa ba nas bcas na/
yon tan

can gyi bdag thar ba'o zhes bye brag pas rtog pa lta bu'o/ /zhes
bye brag pa dang/ bco lnga pa ni/ kha cig ni dngos po thams cad
rgyu med pa rang bzhin las byung bar mthong bas mya ngan las
'das par rtog go/ /zhes

gsungs/ 'di rgyang 'phen pa'i lugs yin par slob dpon ye shes
dpal gyis bshad pa dpyad dgos so/ /bcu drug pa ni/ grangs can
dbang phyug khas mi len pa rnams ni/ de kho na nyid nyi shu rtsa
lnga

khong du chud pas mya ngan las 'das par 'dod de/ de tsam nyi shu
lnga shes na/ /gnas ni gang dag 'gar gnas shing/ /ral pa'am spyi
'bur gnas kyang rung/ /grol ba der ni gdon mi za/ /zhes

bstan pa'o/ /zhes grangs can lhar med dang/ bcu bdun pa ni/ kha
cig ni skye dgu skyong ba ste/ byams pa dang snying rjes gzhan
gyi don gtso bor bsgrub pa dang/ yon tan drug bstan pa 'dzin pa
ste/

@045b snying rjes ma rungs pa tshar gcod pa na de dag dang rang
gi phyogs kyi sde gnyis su gcod cing 'dzin pa dang/ de nas de
dag tshar gcod pa'i don du g.yul ngor chas pa dang 'thab pa
dang/ dus la ma bab pa na rang bzhin du

'khod pa dang/ 'khor dang rdzong la zhen pa na de dag gzhom pa'i
thabs shes pa dang/ legs par phebs pa na 'jal sdums byed pa ste/
rgyal po snying rje can la sogs pa'i spyod pa de 'dra bas rang
gi bstan pa 'dzin

pas mya ngan las 'das par rtog pa'o/ /zhes pa ste/ yon tan drug
ni/ phyogs ris su gcod pa dang/ g.yul ngor chas pa dang/ gzhan
phyogs dang 'thab pa dang/ rang bzhin du 'khod pa dang/ rdzong
gzhig pa'i

thabs shes pa dang/ legs par phebs pa na sdums byed pa'o/ /bco
brgyad pa ni/ kha cig gi ni dus kyis 'byung ba rnams 'jig cing/
/dus kyis gnyid log pas da par byed/ ces bstan pa la sogs pa'i
tshul gyis

thams cad kyi byed pa po dus yin par mthong bas mya ngan las
'das par rtog pa'o/ /zhes dang/ bcu dgu pa ni/ kha cig ni srid
pa ste/ ji skad du 'phags pa tshangs pa'i dra bas zhus pa las/ la
la dag 'dod

ba'i khams kyi rten 'di nyid la bsam gtan la sogs pa ma bsgoms
par/ rtse dga' spyad pa tsam gyis mthong ba'i chos la mya ngan
las 'das par rtog pa dang/ de bzhin du rten de nyid la bsam gtan
dang po dang/

gnyis pa dang gsum pa dang/ bzhi pa bsgrubs te mthong ba'i chos
la mya ngan las 'das par 'dod pa ste/ lam de 'dra ba ni srid pa
nyid kyi rang bzhin las ma 'das pa'o/ /zhes lta ngan re gnyis
kyi nang tshan

@046a @#/ /mthong chos la grol bar smra ba dang sbyar ba dang/
nyi shu ba ni/ kha cig ni gang zag gam chos kyi bdag tu sgro
'dogs pa ni ma spangs pa srid pa med pas mya ngan las 'das par
'dod pa'o//

zhes so/ /de la byed pa po dus yin par mthong bas grol ba ni
rlung gi rnal 'byor ba bsgoms pas grol ba dang/ srid pa yod med
ni yang srid yod med la byed/ dper na rta'i mchod sbyin gyis
mtho rigs su 'gro ba

dang/ gos sbyin pas nyi ma dang lhan cig 'grog pa dang/ gser
dngul sbyin pas de kho na nyid kyi bdud rtsu za shing tshe tshad
mtha' med par 'gyur ba sogs thar par 'dod pa ni yang srid yod
par 'dod pa dang/

gang ga dang bra yag 'dus pa'am/ de dag dang rgya mtsho 'dus pa'i
mtshams su srog 'dor na yang srid med pas thar par 'dod pa lta bu
ste/ don de ltar ye shes dpal gyis bshad do/ /nyer gcig pa ni/

srid pa dang srid pa med pa yongs su shes pa ni de dag gi de kho
na nyid lha chen po ste/ de'i rang bzhin shes pas mya ngan las
'das par rtog pa'o/ /de skad du yang/ lha chen pos smras pa/
'jig rten rgyu dang

mi rgyu ba/ /chang 'thung la sogs skyon rnams kyis/ /mi rig par
ni byas na yang/ /yang dag rig nyid mi dgos so/ /tshangs spyod
sogs pas lus la ni/ /gdud bar ci phyir bya zhig gu/ /yongs shes

pas ni de dag grol/ /zhes pa'o/ /zhes dang/ nyer gnyis pa ni/
srid pa dang mya ngan las 'das pa byed brag med par mthong bas
mya ngan las 'das par rtogs pa ni theg pa chen po 'di nyid kyi
lugs te/

@046b slob dpon klu sgrub kyis kyang/ mya ngan las 'das pa'i
mtha' gang yin/ /'khor ba'i mtha' yang gang yin pa/ /de gnyis
bar na cud zad kyang/ /shin tu phra ba yod pa min/ /zhes gsungs
pa dang/ sa bcu'i mgo na

po chen pos kyang/ srid dang zhi ba mnyam nyid dang/ /zhes pa la
sogs pa gsungs te/ khyad par du yang byang chub sems pa'i sa
brgyad pa la/ 'khor ba dang mya ngan las 'das pa ro gcig tu
rtogs shing/

rim gyis tshogs gnyis rdzogs par byas pas mi gnas pa'i mya ngan
las 'das pa chen po thob pa'o/ /zhes gsungs pa ltar ro/ /de ltar
na dang po dang drug pa dang/ nyer gnyis pa la rang sde ba yod
par bshad pa

dang; de dag la tshangs pa ba dang dbang phyug pa dang bye brag
pa dang rigs pa can sogs yod par bshad pas grangs can las dgyes
pa'i mu stegs pa nyer lnga'i shes byed du 'grig ma 'grig dpyad
par bya'o// ()tsha??

'di ni kla klo 'am sog pa stag gzig pa zhes bshad do// ()ja?? ye
shes snying po las btus las/ dbang phyug la sogs pa yon tan
'dod/ /grangs can smra rnams yon tan med/ /tshangs pa 'dod pa

bram ze rnams/ /'di rnams de nyid rnams gsum gnas/ /ser skya
rnams ni stong pa'i tshul/ /dbang po thub rnams nam mkha'i tshul/
/zad byed rgyal ba'i gzugs brnyan rnams/ /dad pas 'bad de gzhol
ba'o//

dbang po lnga dang nyer ldan pa'i/ /bag yod bram ze mchog rnams
so/ /las med thar pa med kyang rung/ /gzhung ngan rgyang 'phen
pa yi gzhung/ /dbang phyug pa yi bstan pa la/ /lha byang chub tu
gnas pa ste//

@047a @#/ /de yang nus kyang mnyam sbyor bar/ /byed cing mig ni
'dzums lta ba'o/ /zla ba'i grub mtha' pa dag tu/ /'phrog pa la
ni gus gzhol pa/ /zhes sogs kyis zhi ba'am dbang phyug

rgyur smra ba rnams dbang phyug gi yon tan brgyad 'dod pa dang/
dngos po 'byung ba'i rgyu grangs nges par smra bas na grangs can
te dbang phyug gi yon tan mi 'dod pa dang/ bskal pa dang po'i
tshe phyag rol tu dga' ba thob

pa'am/ tshangs pa'i bur khas len pa'i bram ze ste bra mkhan zur
chag pa dang/ tshangs pa'i 'jig rten 'byin pa por 'dod pa'i bye
brag ba ni tshangs pa par 'dus so/ /de nyid rnam gsum zhes pa ni/

tshangs pa nyid na 'jig rten 'byin/ /skye dgu sdud pa drag ppo
ste/ /skyes bu nyid na btang snyoms so/ /rang 'bung gnas skabs
gsum du gnas/ /zhes pa ltar rang 'byung gi gnas skabs gsum la
byed pa ni

'grel ba'i dgongs pa yin la/ rang 'byung gi gnas skabs gsum ni
'jig rten 'byin pa po'i tshangs pa dang/ skye dgu la dbang gyur
ba'i drag po ste dbang phyug dang/ rgyu 'bras gnyis ka ma yin
pa'i

skyes bu gsum la byed dam snyam yang/ 'dir brad sprod pa'i grub
mthar rang 'byung gi gnas skabs gsum mkhas len par bshad pas de
gsum rang bzhin gcig la gnas skabs tha dad du 'dod mkhan

zhig yod dam dpyad do/ /kha cig dang po dbang phyug gi yon tan
brgyad dang/ gnyis pa gtso bo'i yon tan gsum dang/ gsum pa rang
'byung gi gnas skabs gsum ni de nyid rnam gsum yin

@047b zer/ gzhan dag dbang phyug pa sogs yon tan can pa dang
grangs can pa dang tshangs pa pa gsum du phyi rol pa thams cad
bsdus pa ni/ 'di rnams de nyid rnams gsum gnas/ zhes pa'i don
yin zhes pa'i

'dod tshul gnyis 'grel bar bkod do/ /stong nyid byed pa por 'dod
pa'i ser skya ba dang/ yul gyis 'jigs pas dbang po'i sgo sngoms
pas na dbang po thug pa ste sgra sogs dang dbang po thams cad

nam mkha'i yon tan du 'dod pa'i bye brag pa kha cig ces bshad
pas/ mig sogs dbang po nam mkha'i yon tan du 'dod pa'i bye brag
pa yod dam dspyad par bya'o/ /rang gi skra nyin re bzhin du zad
zad bar du

phyis pas thar bar 'dod pa'i zad byed ba ste gcer bu pa rgyal ba
ste lta chen dbang phyug gi gzugs brnyan la dad pas hayg mchod
byas te mnyes bar byas na thar pa sbyin bar 'dod pa dang/ dbang
po lnga dang ldan

pa'i bdag ste skyes bu snod bcud skye 'jig byed pa por 'dod pa'i
bram ze mchog ste rig byed mthar smra dang/ de la bdag che chung
dang lus med du 'dod mkhan rnams bsdu bar 'grel bar bshad de/

'og tu 'chad do/ /las sam thar ba med par 'dod pa'i rgyang phan
pa dang/ dbang phyug pa yi bstan pa la/ zhes sogs sho lo po ka
gcig gis dbang po gnyis sbyor gyi bde ba lam du byed tshul dang

de'i dus kyi brtul ba bzhugs dang mig gi blta stangs rnams bstan
pas na sngar bshad pa'i dbang phyug pa dang lugs tha dad pa yin
min dpyad dgos so/ /bla ma zla ba'i grub mtha' 'dzin pa'i khyab
'jug

@048a @#/ /pas 'phrog pa ste khyab 'jug gus pas mchod pa la sogs
pa'i las la gzhol bas thar par 'dod pa rnams bshad cing/ kha cig
'phrog pa'i don dbang phyug la sbyar ba'ang yod

par 'grel bar bshad do// ()wa?? tshangs pa pa dang dbang phyug pa
dang grangs can pa gsum sun 'byin pa po'i rgyad phan pa dang
gcer bu pa gnyis tshangs sogs gsum du bsdu na 'gal zhes pa'o/ /

gzeg zan pa ste bye rig gnyis dang/ rgyal ba pa ste gcer bu pa
dang/ rgyal dpog pa ste dpyod pa dang/ lha'i bla ma ba ste rgyad
phan pa sogs te/ bye rigs so sor byas na bcu'o// ()zha?? dspyod
pa par

ma 'dus ba'i dus 'khor nas gsungs pa'i khyab 'jug pa yod de/
dspyod pa pa 'khor ba mtha' can du mi 'dod la/ dus 'khor nas
bshad pa'i khyab 'jug pas 'khor ba mtha' can du 'dod pa'i phyir/
()za??

ye shes snying po kun btus tsa 'grel dad tshad ma'i de kho na
nyid bsdus pa'i bshad tshul sngom na mu stegs pa'i lugs bcu gnyis
sam bcu gsum byung ste/ snga ma ra ma bshad pa'i dbyod pa pa
dang gsang ba

ba sogs phyi mar bshad cing/ phyi mar ma bshad pa'i tshangs pa pa
dang khyab 'jug pa gnyis snga mar bshad pas sngom na de ltar
'gyur ba'i phyir/ grangs ser gnyis dang bye rig gnyis dang
rgyang phan pa

la rgyu 'bras 'dod gnyis su phye na bcu bzhi ra yang 'gyur ro/
/tshe lo dpag med ces sogs tshigs bcad phyed dang gsum gyi tshig
don bshad du yod de/ khyad par 'phags bstod kyi 'grel

@048b bar bshad pa ltar bskal pa dang por 'dzam bu gling gi mi'i
tshe tshad lo tshad med ba thub pa'i dus su bram ze ser skya zhes
bya ba bzhig byung ba des pa bsti gnas su dka' thub kyi khyad
par las thar pa 'ba'

zhig pa thob ste/ gzhan dag la lam legs par bstan pa'i phyir de
nyid nyer lnga gtso bor bstan pa'i grangs can gyi gzhung brtsams
pa la/ der bshad pa'i bdag gi rnam dbye ste kkyad par cung zad
cung zad mi 'dra

bar sgro btags pa mang po byung ba la brten nas mu stegs pa'i
lugs mang po gyes par bshad pa dang/ 'ga' zhig rtog ge 'bar ba'i
dgongs par bsam nas mu stegs pa thams cad grangs can gyi gzung
la btren

pa min par gdod nas te dang po nas rang rang gi brten gzhi ston
pa dang gzhung sogs tha dad de so sor byung bar bshad par dang/
gcer bu pa'i gzhung la la ltar na mu stegs pa kun gyi rtsa ba'i
ston pa drang srong

mchod 'os yin te/ mchod 'os kyis rang gi 'khor 'dus shing tshogs
pa na grangs can la sogs pa'i mu stegs pa rnams la rang gi blos
btags pa'i grub mtha' thams cad so sor byin zin pa'i rjes su/

der tshangs pa phyin pa na/ mchod 'os kyis smras pa/ tshangs pa
chen po bde bar byon tam/ shin tu 'phyi bar 'ongs so/ /bstan
bcos thams cad phyin zin pas/ khyod kyis rig byed 'di long shig
ces sbyin bar

rtog ge 'bar bar bshad pa ltar 'dod pa dang/ dad por rig byed
nas bshad pa'i dag pa'i mchod sbyin dar rgyas su yod pa la gsum
ldan gyi dus su sna tshogs bzang zhes bya ba'i mchod sbyin la
drad srod

@049a @#/ /rnams phyug gsod mchod sbyin rung mi rung zhes rtsod
nas sha za bar 'dod pa rnams kyis ma dag pa'i mchod sbyin byas
nas rig byed kyang 'don pa gzhan du bsgyur bar rtog ge

'bar bar bshad pa ltar mchod sbyin gnyis rim bzhin byung zhing/
'jug pa rtsa 'grel du bshad pa ltar mu stegs pa gzhan las grangs
can gyi lugs sngar byung bar khas len par bya zhing/

rnam grangs ni rang sde ba las gzhan gyi sde yin pas gzhan sde
ba dang de'i lugs las phyi rol tu gyur pas na phyi rol pa dang
thar pa dang mtho ris kyi lam ston par byed pa'i bstan bcos la
mu stegs

zhes bya la/ de byed pas na mu stegs byed ces khyad par 'phags
bstod kyi 'grel bar bshad pa ltar mu stegs byed sogs dang/ dbye
ba ni shes rab sgron me'i 'grel bshad dang/ tsa she'i Ta'i chen
dang

stong thun chen mo sogs su grangs can las gyes pa'i mu stegs pa
nyer lnga yod par bshad kyang/ 'dir gzhung chen mo rnams su 'dod
tshul gsal bar bshad pa'i mu stegs pa'i lugs mi 'dra ba

khyim ste bcu gnyis yod pas de dga' 'chad do/ /kha cig rgyang
phan pa/ grangs can pa/ khyab 'jug pa/ dbang phyug pa/ gcer bu
pa lngar mu stegs pa thams cad 'dus par 'dod pa 'khrul ba yin
te/

rang sde pa la 'dod tshul mi mthun pa mang po yod kyang grub
mtha' bzhir bsdus pa dang mi mtshungs par gzhan sde pa la grangs
mang po yod pa ma bkag pa'i phyir te/ chad smra rgyang phan pa
gcig dang/

@049b rtag smra grangs ser dang/ tshangs sogs bzhin dang/ khyab
dpyod gnyis dang/ dbang phyug bye reg gsum dang/ gcer bu ba ste
bcu gcig yod par grags shing grub pa'i phyir/ zhes pa'o/ /'dir
sgra sbyor

ba ma gnyis dang sher sgron 'grel bshad dang lung gzhi'i 'grel
pa drangs nas 'jug ngogs su khrus dang stegs bu byas te/ der
zhugs pa ni thar pa ste mtho ris kyi rgyur smra bar byed pas na
mu stegs byed ces

bshad la/ lcang skye'u grub mthar khyad par 'phags bstod kyi
'grel par bshad pa ltar 'thad par gsungs so/ /bskal pa dang por
rgyal pos nyes pa can la chad pa byas pa mthong pa 'ga' zhig
skyo ba skyes ste

gnas dben par sod nas bsdad pas bram ze byung/ delas 'ga' zhig
gis gnas dben par 'dod chung chog shes brten pas mngon shes rdzu
'phrul sogs thob pa la drad song zhes btags/ de dag las snyoms
'jug dang rtog ge la brten nas thar pa dang mtho ris thob byed
kyi lam ston par byed par byed pa rnams la mu rtegs byed ces
btags par mngon no// ()'a?? ston pa bco brgyad ni/ 'od srungs
rdzogs byed dang

kun tu rgyu gang lhas kyi bu dang/ smra 'dod kyi bu mo'i bu yang
dag rgyal ba can dang/ mi pham skra'i wa ba can dang/ kAtyI bu
no ga can dang/ gcer bu pa gnyen gyi bu ste/ rtog ge ba drug
dang/

bram ze rgyus rgyal dang/ bram ze rnas brdeg dang/ bram ze bzang
ldan dang/ bram ze tshangs pa'i tshe dang/ bram ze padma'i snying
po dang/ bram ze dmar po ste rjes su sgrogs pa drug dang/ rings
byed kyi@050a @#/ /du lhag spyod dang/ sgyu rtsal shes kyi bu rings 'phur
dang/ kun tu rgyu rab bzang dang/ bram ze'i khye'u ku rgyal
dang/ drang srong nyon mongs med dang/ lteng rgyas 'od srungs

ral pa can te snyoms 'jug pa drug ste/ drug gsum ma ston pa bco
brgyad do/ /rgyang phan pa'i slob ma klu'i chad byad 'dzin pa
zhig gis brgya byin gyi gnas su sdo nas brgya byin la bdag khyad
dang chos

smra bar bya ste/ gal te khyod pham na khyod kyi shing rta'i
'khor lo rtsibs stong ldan gzhig par bya/ bdag phan na bdag gi
mgo gdengs ka can gcod par bya'o zhes dam bca' nas rtsod pas
brgya

byin pham par byas te/ shing rta'i 'khor lo bshig nas slar mi'i
'jig rten 'dir 'ongs so/ /de ltar rgyang pham pa byol song du
gyur pas rgyu dang dpe sna tshogs bkod pas lha lha min rnams

rmongs par byed cing/ skye ba dang 'jig pa'i lta ba la 'god par
byed na mi rnams lta ci smos zhes lang gshegs las bshad do//
()ya() lang gshegs 'grel bar/ 'jig rten rgyang

phan pa ni/ 'bum zhes pa nye bar mtshon pa ste grangs mang ba
nyid yin no/ /zhes pa nas/ ngan pa'i rtog ge ba rnams kyis
'byung ba 'phrod pa 'du ba'i rgyur lta ba bstan pas snga ma lta
bu'i lus

bsdus par 'gyur pa la/ de nyid shi ba'i dus su gyes shing dengs
par 'gyur ro zhes rang gi slob ma rnams la ston cing/ zhes dang/
rnam pa gcig tu na rgyur lta ba bstan pas nyan pa'i

@050b 'khor bsdus shing gyes par gyur zhes pa ste/ de bzhin
gshegs pa chos bstan pa na lha la sogs pa'i 'khor bsdus shing
slar yang rang rang gi gnas su gyes par 'gyur ba lta bu'o/ /zhes
gsungs so/

()ra() skye ba len ban shes pa'i rigs 'dra snga ma med par lus
kyi 'byung ba bzhi'i khyad par nyid las ni yid kyi shes pa skye
bar 'gyur bar rigs so zhes wa ba can dang rta mchog zer ro//
()la() rang

bzhin smra ba rgyang phan pa rnams kyi skye ba 'di bdag dang
gzhan sogs rgyu kun la ni ltos pa med par smra'o/ /'o na rang
bzhi rgyur smra ba dang khyad par ci yod ce na/ rang bzhi rgyur
smra ba grangs can pa ni

dngos po rnams kyi rang bzhin rgyur 'dod la/ rang bzhin smra ba
rgyang phan pa de dag rang bzhin de yang rgyur mi smra ba ni
khyad par ro// ()sha() rtog ge 'bar bar bshad pa'i chad smra
bdun 'di ni lta ngan

re gnyis kyi nang tshan gyi chad smra bdun yin zhing/ kun btus
dar TIka las/ 'dod pa'i mi dang lha dang gzugs khams pa dang/
gzugs med skye mched rigs bzhi ste bdun rnams ma shi bar bar du
nad dang

bcas 'bras dang bcas zug rdu dang bcas pa yin la/ shi nas ye med
du smra'o/ /zhes pa dang dgongs pa gcig pas skye ba snga phyi
'dod pa'i shes byed min la/ sa sde nas bshad pa'i rgyu med par
smra ba

gnyis ni sngar bshad pa'i lta ngan re gnyis kyi nang tshan gyi
med par smra gnyis yin pas 'dis rgyu 'bras khas len par sgrub pa
min no// ()sa() lung gzhi'i 'grel par bye brag tu smra ba'i

@051a @#/ /gzhung drangs pa las/ mu stegs can chos thams cad kyi
nus pa 'gog par byed pa zhes sogs kyis rtog ge pa drug gi gnyis
pa gang lhas kyi bu kun tu rgyu'i ltab

bshad pa yin la/ stobs med pa sogs kyi don ni gzhi'i 'grel las/
stobs zhes bya ba ni lus kyi nus ba'o/ /brtson 'grus zhes bya ba
ni yid kyi spro ba'o/ /de gnyis ka bsdus pa ni stobs dang

brtson 'grus so/ /skyes bu'i rtsal zhes bya ba ni skyes bu'i zho
sha ste rang gi nus ba'o/ /pha rol gnon pa zhes bya ba ni thabs
kyi nus pa'o/ /de gnyi ga bsdus pa ni skyes bu'i rtsal dang pha
rol gnon pa'o//

bdag gi rtsal zhes bya ba ni bdag nyid kyi nus pa'o/ /gzhan gyi
rtsal zhes bya ba ni pha rol gyi nus pa'o/ /de gnyis ka bsdus pa
ni bdag gi rtsal dang gzhan gyi rtsal lo/ /zhes dang/ sems can

zhes bya ba ni lha dang mi ste/ snying stobs dang ldan pa'i
phyir ro/ /srog chags zhes bya ba ba ni dud 'gro'i skye gnas su
skyes pa'i srog chags te/ srog tsam 'dzin pa'i phyir ro/ /'byung
po zhes bya ba ni yi dwT

la sogs pa mi snang ba'i srog chags te/ yang dag pa'i don ston
pa'i phyir ro/ /mthu med ces bya ba ni yid kyi stobs dang bral
ba'o/ /stobs med ces bya ba ni lus kyi stobs dang bral ba'o/ /

dbang po med ces bya ba ni 'dod pa'i stobs dang bral ba'o/
/brtson 'grus med ces bya ba ni spro ba dang bral ba'o/ /pha rol
gnon pa med ces bya ba ni thabs kyi stobs dang bral ba'o/ /'gro
ba mtshams

@051b sbyor ba'i srid pa dag nges par gyur ro zhes bya ba la/
'gro ba mtshams sbyor ba'i srid pa zhes bya ba ni 'gro ba drug po
dag 'khor bar mtshams sbyor ba'i srid pa'o/ /nges par zhes bya ba
ni brtan ba ste/ lha gang

dag yin pa de dag kyang lha nyid du mtshams sbyar la/ mi gang dag
yin pa de dag kyang mi nyid du mtshams sbyor ba la sems bas 'gro
ba nang 'khrul ba med do/ /zhes gsungs pas skye ba snga phyi
khas len pa'i shes

byed yin zhing/ lha sogs 'gro ba drug khas len pa'i shes byed du
yang 'grig go/ /'on kyang gzhi 'grel las/ bye brag tu smra ba'i
gzhung las ni rigs brtsun pa drug po dag ces 'byung ste/ de la
rigs btsun pa drug po ni

nag po'i rigs btsun pa ni shan pa la sogs pa'o/ /sngon pa'i rigs
btsun pa ni rab tu byung ba gcer bu pa dag go/ /ser po'i rigs
btsun pa ni rab tu byung ba kun du 'tsho zhes bya ba dag go/
/dmar po'i rigs

btsun pa ni sh'kyI kyi dge slong dag go/ /dkar po'i rigs btsun
pa ni kun tu 'tsho ba'i nyan thos kyi khyim pa dag go/ /mchog tu
dkar ba'i rigs btsun pa ni nanda dang/ btas dang/ kri kyi dang/
skri kyi dang/

gang lhas kyi bu kun rgyu zhes bya ba dag go/ /de ltar na sems
can de dag ni rigs btsun pa drug po de dag tu bde ba dang sdug
bsngal so sor myong bar 'gyur zhes bya ba'i tha tshig go/ /zhes
gsungs pa ltar

'gro ba drug ces mi 'don par rigs btsun pa drug ces 'don pa yang
yod do/ /'dir sems kyi stobs dang ldan pas na sems can dang/
sems kyi stobs med par srog tsam chags pas srog chags dang/

@052a @#/ /yang dag pa'i don ston pas na 'byung po zhes pa'o/
/'di'i tha ma ni mi'i khog tu brlams pa sogs kyis ma'ongs 'byung
'gyur gyi don lung ston pa la byed dam snyam mo// ()ha() 'dir

rgyu 'bras khas mi len pa'i rgyang phan pas kyang sems 'byung
bzhi las skyes par 'dod na/ 'jug pa las/ rang gi blo bzhin 'jig
rten rgyu las yin par shes par gyis/ zhes pa'i don du bshad pa
lta bur

snang yang/ lung 'di'i don ni rang 'grel las/ khyod kyi ltar na
ni sngon po'i rnam pa can gyi blo yul sngon po bsal nas nye bar
skye bar skye ba ma yin te sngon pa'i rnam pa can gyi blo ni
sngon po kho na las yin gyi ngo bo

nyid las ma yin pas ngo bo nyid smra ba ni rigs so/ /zhes dang/
'jug TIk chen mor/ rnag gi blo sngon po'i rnams can ni sngon po
las skye ba de bzhin du 'jig rten mtha' dag rang gi rgyu kho na
las

skye ba yin par shes par gyis shig/ /ces rang gi yul las skye ba
la bshad pa yin gyi 'byung bzhi las skye ba la bshad pa med do//
()a() sems sogs 'byung 'gyur du 'dod pa dag ni/ rgyu

mngon sum du dmigs bzhin pa la bsnyon mi nus te/ mngon sum gyis
mthong ba dang 'gal ba dang/ rigs pa dang 'gal ba'i phyir/ rgyu
'bras kyi dngos po 'jig rten na grangs pa 'di ni yod do/ /

de nyid ni bzhi kho na ste/ 'gro ba sna tshogs pa'i rgyur gyur
pas chu me rlung rnams so/ /'byung ba bzhi yongs su smin pa'i
khyad par las padma dang bal po se'u la sogs pa dang/ rma bya
dang bya la sogs pa'i

@052b sna tshogs pa dag 'thad par ma zad kyi/ dngos po sna tshogs
rtags par byed pa'i blo yang 'byung bzhi kho na las skyes yin
no/ /dper na chang la 'byung ba'i bye brag 'phrod pa yongs su
'gyur ba'i khyad par las myos 'gyur

gyi nus pa skye ba bzhin du/ nur nur po la sogs pa'i 'byung ba
chen po khyad par can yongs su smin pa las blo skye zhing/ blo
nges dngos po'i de kho na nyid sna tshogs rtog par 'gyur ro/
/de'i phyir phyi nang gi dngos po rnams

'jig rten 'di'i rgyu las 'byung ba kho na yin gyi/ sngon byas
pa'i las kyi rnam smin 'dir ram/ 'dir byas pa'i las kyi rnam
smin gzhan du 'byung ba skye ba snga phyi yod pa ma yin no snyam
du sems so/ /mdzes ma legs

par spyod cing bza' bar gyis/ /lus mchog 'das gang de khyod la
mi 'byung/ /lus 'di tshogs par gyur ba tsam zhig ste/ /'jig ma
song ba ldog par mi 'gyur ro/ /zhes drang srong 'jig rten mig
gis bu mo la

bgrod par 'dod cing bu mo'i 'jig rten pha rol med par rtogs par
'dod nas smras pa yin no/ /nag tshes/ 'das pa'i 'jigs pa 'byung
bar 'gyur ma yin/ zhes bsgyur ro/ /'di ni phyi nang gi dngos po
rnams

'byung bzhi las skyes par 'dod kyang las 'dod kyang las 'bras
dang skye ba snga mi 'dod do/ /sher sgron sogs las bshad pa'i
'jug stobs can ni mer mer po dang myu gu sogs phyi nang gi dngos
po ba la cher rgyu med par

skye zhing/ bu ma pa la sogs pa'i rtsal 'byung rnams rgyu las
skye bar 'dod do/ /gzhung 'di la sher sgron 'grel bshad du tshig
'grel byas pa ni 'di dang 'gyur mi 'dra yang don 'dra bas de las
bshad pa

@053a @#/ /ltar shes par bya ste/ de nyid las/ mdzes ma legs par
spyod cing zo/ /zhes bya ba yang/ drang srong des rang gi chung
ma la kye mdzes ma zhes bos nas/ de ltar mang du thos pa dag

smra ba de dag sbyang kyi rjes dang 'dra bas khyod dge sbyong
dang bram ze dag la yang sbyin pa ma byed par rang nyid legs par
sbyod cing zo zhig ces zer ba'o/ /lus mchog khyod 'das gang de
med/ ces

bya ba yang/ drang srong des chung ma la kye lus mchog ces bos
nas/ khyod kyis 'das pa'i dus su gang byas pa de la phyis 'bras
bu med do zhes bsgo ba'o/ /'jigs rung song ba phyir mi ldog /ces
bya ba

yang; drang srong des chung ma la kye'i 'jugs su rung ba zhes
bos nas/ 'jig rten 'di nas pha rol tu song ba la ldog cing yang
dang yang du skye ba med do zhes gdams pa'o/ /lus 'di 'dus pa

tsam du zad/ /ces bya ba ni/ dra ltar gson tshe gcig gi lus 'di
ni 'dus pa tsam zhig yod kyi de la snga phyi med do zhes bstan
pa'o/ /zhes gsungs pa'i phyir/ ()ka() rnam rtog la spyod pa

thams cad bsdus pa'i dbang du byas pa'i rgyang phan pa ni/ stong
nyid ma rtogs pa'i gang zag dang/ 'jig rten pa'i gsang tshig gi
dbang du byas pa'i rgyang phan pa ni/ bkar brtags phyag rgya
bzhi po gang

rung dang ma 'brel ba'i thun mang pa'i rigs gnas sogs ga tso bor
byed pa'i gang zag dang/ chad par lta ba'i dbang du byas pa'i
rgyang phan pa ni/ las 'bras dang skye ba phyi sogs ci rigs

@053b med par lta ba'i rgyang phan pa mtshan nyid pa la byed do/
/slob dpon byang chub bzangs pos/ 'di ra rgyang phan pa ni rnam
pa gsum ste/ zhes pa nas/ de'i bsngags pa smra bar byed zhes
gsungs pa ste/

gzhung gang dag 'dod chags dang bral bar mi 'gyur/ yid 'byung
bar mi 'gyur zhing/ nam yang dngos por 'dzin pa las mi 'bral ba
gcug bu'i gsang tshig rnams te/ shA ri'i bu dge slong dag 'jig
rten

rgyan phan pa'i gtam lhur len pa sangs rgyas kyi gsung spangs
nas gzhan mu stegs can gyi gsung tshig smra ba de dag ni 'khor
gyi nang du dong nas de dag chos kyi sgras 'khor dag bar byed
de/ skyes bu

de dag dam pa ma yin pa de lta du de dag ni dge slong rul pa
zhes bya'o zhes gsungs pas bkag pas so/ /chad par lta ba'i dbang
du byas te 'dir brjod par 'di nyid do/ /zhes pa ltar ro//
()kha()

thams cad byas zhes pa ni dbang phyug sogs was 'byung bar lta ba
dang/ thams cad ma byas zhes pa ni rgyu med las 'byung bar lta
ba dang/ thams cad mi rtag ces pa ni rgyu med par glo bur du
'byung ba'am phyis kyi

tshe rgyun chad par lta ba dang/ thams cad rtag pa zhes pa ni
snga phyi gnyis kar rang bzhi gzhan du mi 'gyur bar lta ba la
sogs su sbyor dgos sam snyam/ de bzhin du thams cad skye ma
skye/ thams cad/

gcig tha dad gnyis ka gnyis min/ thams cad rgyu la rag las pa
ste grangs kyi tshig dngos su gsungs pa bcu gcig dang/ de dag
steng du thams cad du lung du bstan/ bdag yod med/

@054a @#/ /'jig rten 'di yod med/ 'jig rten pha rol yod med/ thar
pa yod med/ thams cad skad cig ma yin min/ nam mkha' dang brtags
min gyi 'gog pa dang myang ' das

gsum byas ma byas/ bar srid yod med/ srid pa gsum ma rig pa dang
sred sogs kyi rgyu las byung ngam/ rgyu med pa'am/ de gnyis ka
yin pa'am/ dngos po thams cad rang dang spyi'i mtshan nyid du

gtogs pa'am zhes dris pa la de thams cad 'jig rten rgyang phan
pa'o zhes lung bstan pa dang/ de dag gi don bsdus nas/ ji srid
sems ni 'jug pa'i bar/ /de srid 'jig rten rgyang phan yin/ /

rnam par rtog pa mi 'jug na/ /nges ni rang gi sems mthong ngo/
/zhes sogs gsungs so/ /de dag so sor bgrang nas sum cu lhag yod
pas 'dir bcu gsum sogs zhes pa yi ge nor ram snyam mo// ()ga()

'dro ba skyong gi bu rdzogs byed kyi lta ba bshad pa'i skabs kyi
gzhi 'grel du bye brag ba'i gzhung las/ rtog ge ba dang/ snyoms
par 'jug pa gnyis la lta pa'i rnam pa zhes sogs 'byung la/ 'dir
bye

smra'i lugs zhes gsungs/ sbyin pa zhes sogs tshig lnga'i don ni
gzhi 'grel las/ de la byin pa zhes bya ba ni gzhan la phan gdags
pa'i phyir byin pa'o/ /mchod sbyin zhes bya ba ni mchod pa'i

phyir sbyin pa'o/ /sbyin srog ces bya ba ni mer blugs pa'o/
/yang na byin pa zhes bya ba ni sbyin par bya ba'i dngos po'o/
/mchod sbyin zhes bya ba ni len pa'o/ /sbyin sreg ces bya ba ni
sbyin par byed

@054b pa'o/ /yang na byin pa zhes bya ba ni yid kyis gtang ba
gang yin pa'o/ /mchod sbyin zhes bya ba ni lus kyis gtang ba
gang yin pa'o/ /sbyin sreg ces bya ba ni len pa pos zos pa gang
yin pa'o/ /legs par

sbyad pa zhes bya ba ni srog gcod pa la sogs pa spong ba'o/
/nyes par spyad pa zhes bya ba ni srog gcod pa las sogs pa'o/
/zhes pa ltar ro/ /slob dpon thogs med kyi gzhung 'di ni pha rol
smra ba bcu drug gi

nang tshan gyi med par lta ba bshad pa'i sa'i dngos gzhi'i gzhung
yin pas don ni sngar bshad zin to/ /'khrul ba bzlog pa'i rigs pa
'phags pa lhas mdzad pa las/ ma shi bar du bde bar 'tsho/ /shi
nas de yi

sbyod yul med/ /lus kyang thal ba bzhin song nas/ /slar 'tsho bar
lta ba la 'gyur/ /de phyir snga phyi yod ma yin/ /tshe 'di nyid
la bde ba'i phyir/ /lha mchod 'dre srin mnan byas na/ /btsan
phyug mthu stobs

'grub par 'gyur/ /zhes skyes ba snga phyi med pa'i 'dod pa bkod
na de 'gog tshul ni/ de nyid las/ nyi ma nyi ma nyi ma'i grangs/
/sa bon myu gu rgyu 'bras de/ / goms pa'i dbang gis nu zho'o/
/gcig 'gal

skye ba dpag tu med/ /dpal dang gzi byin longs spyod phyir/ /lha
klu gnod sbyin srin po 'bgegs/ /de dag mchod mnan phan na lta/
/rang nyid 'dod bzhin grub par rigs/ /zhes dang/ phyi nang skye
mched

chos rnams thams cad ni/ /ngo bo nyid las grub pa gzhan las min/
/sran zlum skyer tsher gzang rings rnob dang/ /rma bya'i 'jug ma
mgrin pa'i tshogs bkra dang/ /nyi thar chu rnams thud du 'bab pa
rnams/ 
@055a @#/ /ngo bo nyid las grub ste rgyu yod min/ /zhes rgyu
'bras med pa'i 'dod pa bkod nas de 'gog pa la/ gal te nam mkha'
rten med la/ /sran dang tshor sogs yod na ni/ /rgyu med

ngo bo nyid mthong na/ /de dag sa sogs brten nas skye/ /chu yang
gyen du thur 'bab cing/ /nyi ma phyogs bzhir 'drar shar na/
/rgyu med ngo bo nyid bden na/ /chu ni sa yi shugs kyis 'bab/
/ri rab ji

bzhin nyi ma 'khor/ /zhes 'gog par mdzad do// ()nga() padma'i ge
sar dang sogs sku ras lte ba dang 'dab ma dang ze 'bru sogs kyi
kha dog dang dbyibs dang 'jam rtsub la sogs pa'i bye brag sna
tshogs pa

gang gis byas te dbang phyug la sogs pa sus kyang ma byas shing/
rma bya'i mdongs dang sogs sgras phye ma le ba kyi gshog pa la
sogs pa'i kha dog dang dbyibs kyi bye brag sna tshogs pa ni gang
gis sprul te

sus kyang ma sprul bas na de dag rgyu med par ngo bo nyid las
'byung ngo zhes zer/ ()ca() ji tsam dbang po'i spyod yul ba/
skyes bu'ang de tsam kho nar zad/ /bzang mo mang thos gang smra
ba/ /

de dag sbyang gi rjes dang 'dra/ /zhes tshad ma ni mngon sum gcig
bu dang/ lus sems dbang po'i spyod yul du gyur ba tsom gang zag
tu 'dod kyang/ chad smra kha cig rtags sbyor bkod pa'ang mang po
yode/

tshad ma'i de kho na nyid bsdus pa las/ dper na tsher ma la sogs
pa'i/ /rno sogs rgyu med can ni nyid de/ /res 'ga' 'byung phyir
de bzhin du/ /sdug bsngal la sogs rgyu med nyid/ /ces dang/

@055b de'i 'grel par/ gang zhig res 'ga' ba de ni rgyu med par
nges te/ dper na tsher ma rno ba la sogs pa lta bu'o/ /sdug
bsngal la sogs pa yang res 'ga' ba yin no zhes bya ba ni rang
bzhi gyi gtan tshigs

zhes dang/ gang zhig yod par mi dmigs pa de ni rtog pa dang ldan
pa rnams kyis med pa'i tha snyad kyi yul yin te/ dper na ri bong
gi rwa bzhin no/ /dngos po rnams kyi rgyu yang yod par mi dmigs
so

zhes bya ba ni rang bzhin gtan tshig mi dmigs pa'o/ /zhes gtan
tshig bkod pa'i phyir/ gzhan yang/ rtsad pa'i gzhir gyur sems dag
ni/ /tha dad lus la gnas pa'i phyir/ /rgyu 'bras nyid

ni yod pa min/ /ba lang rta yi shes pa bzhin/ /brjod par 'dod
pa'i shes pa yis/ /blo rnams skyed par 'dod pa min/ /shes pa
nyid phyir rgyud gzhan dang/ /'brel ba'i blo rnams lta bu'o/
/chags pa dang

bcas 'chi ka'i sems/ /sems gzhan dang ni 'brel byed min/ /'chi
ba'i sems kyi ngo bo'i phyir/ /nyon mongs bral ba de ji bzhin/
/zhes sogs gtan tshig bkod pa shin tu mang po yod pas na rjes

dpag tshad mar 'dod pa'i rgyang phan pa med zer ba dpyad dgos so/
/de dag sbyang kyi rjes dang 'dra/ zhes byung ba'i mtha' ni shes
rab sgron me'i 'grel bshad las/ sngon gyi 'tsho ba med pa g.yon
can zhig

grong khyer 'byor ba rgyas pa phyug po lo legs pa skye bo dang
mi mang pos gang ba zhig tu song ste/ der phyin nas bdag nyid
kyis rig byed dang brda sprod pa la sogs pa'i bstan bcos ci shes
pa thaM grong khyer pa'i

@056a @#/ /mi rnams la bshad de thams cad yid ches par byas nas/
gang gi tshe de'i tshig gis grong khyer pa thams cad rgyu skar
dang/ gza' dang/ tshes grangs dang/ skar ma'i dus dang

sbyar te so so'i zhing las dang nyo tshong la sogs pa so nam gyi
bya bdag la song ba de'i tshe na g.yon can des shing las sbyang
ki'i rkang pa 'dra ba mang po dag byas nas mtshan mo grong khyer
pa'i mi thaMs cad

gnyid log pa'i tshe srang dang lam po che dang gsum mdo dang bzhi
mdo dag tu sbyang ki'i rkang pa 'dra ba de dag gis glang te
rkang rjes chen po phal mo ches bkang ngo/ /de nas nang par nam
langs pa dang grong

khyer pa'i mi rnams kyis sbyang rjes chen po phal po che dag
mthong nas ya mtshan na skyes shing skrag ste mi g.yon can de la
dris pa/ mkhan po 'phags pa sbyang rjes chen po phal mo che 'di
dag su'i lags/

g.yon can des smras pa/ kye hud 'o bu cag la 'di ltar ltas ngan
'di lta 'u byung bas 'o bu cag thams cad ma rung bar 'gyur te/
srin po chen po sbyang kyi zhes bya ba zhig yod pa de/ de nas
zhag

bdun na 'dir 'ong zhing des grong khyer pa 'di dag thams cad za
bar 'gyur ro/ /grong khyer pa'i mi rnams kyis smras pa/ 'on na
bdag can nga las bsrung ba'i thabs 'ga' ste mchis sam/ /

g.yon can des smras pa/ thabs gcig khon zhig yod de/ gal te
grong khyer pa'i mi khyer kyis do med khyer thams cad bca' ba
dang mang pa'i gtor ma phul la/ so so'i khyim na

@056b gser dang dngul dang nor bu dang mu tshig la sogs pa nor
rdzas kyi rtsam pa ci bdog pa thams cad der bsgyur te bor la
phyir mi lta bar thal byung bros te grong khyer du zhugs la sgo
bcad de zhag bdun gyi bar

du gab na thabs des khyed thams cad srin po'i kha las thar ro/
/de nas grong khyer pa'i mi de dag skrag pa'i dbang gis de'i
tshig mnyan te de ltar byas pa dang/ mig g.yon can des de'i
mtshan mo mi rnams

nyal ba'i tshe kha zas dang nor thams cad bsdus te khyer zhes
grags te/ ji ltar mi g.yon can 'tsho ba med pa des sbyang rjes
bstan pas rang gi don byas pa dang 'dra bas/ 'di na dge sbyong
dang bram ze mang du thos pa

dag kyang 'jig rten pha rol yod par ston pas rang gi don byed
pas/ 'jig rten pha rol yod kyi dge sbyong dang bram ze dag la
yon phul cig ces zer ba yang de dang 'dra'o zhes zer ro/ /zhes
bshad do// ()cha()

gal te dang po'i rjes 'gro ba/ /'dir ni cung zad yod ma yin/
/zhes snga mar byas pa'i dge mi dge'i dra ngos po'i rjes su 'gro
ba'i sdug tshe 'dir cung zad kyang yod pa ma yin no/ /zhes zer/
()ja()

sbyin pa med pa la sogs pa'i tshig lngas rgyu'i dngos po 'gog
go// ()nya() gzhi 'grel las/ 'bras bu zhes bya ba ni bdag po'i
'bras bu'o/ /rnam par smin pa zhes bya ba ni rnam par smin pa'i
'bras bu'o/ /

zhes so// ()ta() gang res 'ga' 'byung na khyod kyi rgyu med pas
khyab/ dper na tsher ma'i rnob bzhin no/ sdug bsngal la sogs pa
yang res 'ga' 'byung ba yin no zhes pa ni rang bzhin gyi gtan
tshigs so/ /

@057a @#/ /zhes 'dod do/ /snga nas med pa ni rgyu med dang zhig
nas med pa ni 'bras bu med pa'o /gzhi 'grel las/ 'jig rten 'di
med do/ /'jig rten/ pha rol med do/ /ma med do/ /pha med do/ /

sems can rdzus te skyes pa med do zhes bya ba'i tshigs lngas ni/
rgyu dang 'bras bu'i dngos po gnyis ka 'gogs par byed do/ /de la
'jig rten 'di med do zhes bya ba ni 'jig rten 'di tshe phyi ma'i
rgyu nyid du mi 'gyur

yong na 'jig rten 'di med do zhes bya ba ni 'di la myong bar
'gyur ba'i las la skyur ba 'dibs so/ /'jig rten pha rol med do
zhes bya ba ni skyes nas myong bar 'gyur ba dang/ lan grangs
gzhan la myong

ba'o/ /'jig rten pha rol med do zhes bya ba ni tshe phyi ma tshe
'di'i 'bras bu nyid du mi 'gyur ba'o/ /de ltar na rgyu dang
'bras bu'i dngos pos 'jig rten 'di dang 'jig rten pha rol gnyi
ga med do zhes bya ba'i tha tshig/

(bar 'gyur ba'i las la skur ba 'debs pa'o/ /zhes dang/ pha med
do/ /ma med do/ /zhes bya ba ni bu yod par 'gyur ba'i las la
skur ba 'debs so/ /yang na pha ma la lan du phan 'dogs pa'i rgyu

las byung ba'i bsong nams la skur ba 'debs pa yin no/ /zhes
dang/ der gzhung drangs pa las/ pha ma gnyis kyis sprod pa las
byung ba byed 'dod pa'i bsam pas phrad par gyur ba na mi

'dod bzhin du de las bu byung bar zad do/ /dper na/ lci ba dang/
mi gtsang ba dang/ ldan ljin dang/ 'dab brda ba dang/ rtsa dang
chu dang rtsa sngon po la sogs pa dag tu srog chags dag skyes la

@057b de dag la pha yang med/ ma yang med pa bzhin no snyam ste/
da ltar yang/ dbang po rnams ni g.yo ba dang/ /bud med rnams ni
dga' 'dod pas/ /zla mtshan dus su bdag skyes te/ /de la khyod
kyis ci

byas/ /zhes ji skad zer ba lta bu'o/ /sems can rdzus te skye ba
med do zhes bya ba ni bar mdo'i srid pa 'gog par byed do/ /zhes
pa ltar ro// ()tha() gang yod par na mthong na med pas khyab/

dper na ri bong gi rA bzhin/ dngos po rnams kyi rgyu yang yod
par ma mthong ba yin no/ /zhes pa ni rang bzhin ma dmigs pa'i
gtan tshigs so/ /zhes zer ()da() rgyang phan pas srog ni 'di nyid
la

'tsho zhing de phyis chad par 'gyur/ zhig par 'gyur/ phyis mi
'byung ngo zhes smras pa'i don ni/ /srog ni tshe 'di tsam du 'tsho
bar 'dug cing/ srod de phyis shes pa'i bdag nyid kyis chad/
gzugs kyi bdag

nyid kyis zhig/ de gnyis ka'i bdag nyid kyis slar mi 'byung zhes
pa'am/ yang na/ bya bas chad/ lus kyis zhig/ shi ba'i 'og tu
skye ba mi len zhes pa'i don yin par gzhi 'grel du bshad do/
/()na()

rgyang phan pas bdag shes rig tu 'dod pa ni tshad ma'i lugs 'ga'
zhig dang mthun pa ltar snang zhes pa ni/ rnam 'grel las/ blo ni
lus la brten pa'i phyir/ /goms pas grub pa med ce na/ /zhes pa

ltar rgyang phan pas blo lus la brten par 'dod la/ de la rgyan
mkhan po ltar na blo ni lus kyi 'bras bu yin pa'i sgo nas brten
pa dang/ lus kyi yon tan yin pa'i sgo nas brten pa dang/ lus kyi
bdag

@058a @#/ /nyid yin pa'i sgo nas brten par 'dod pa gsum so sor
dgag kyang/ lha dbang blo ltar na blo lus kyi 'bras bu yin pa'i
sgo nas brten par 'dod pa gcig pu rigs pa mi 'dra ba gsum

gyis dgag par bshad pas/ phyi ma lha dbang blo'i lugs dang mthun
pa ltar snang zhes pa yin rnam snyam/ 'on kyang bdag shes rig
yin na lus sems dbang po'i spyod yul du gyur ba tsam bdag tu
'dod

pa dang/ gzugs kyi bdag nyid kyis zhig cing chud zos par 'gyur
zhes pa dang 'gal lam dpyad zhes pa'o// ()ba() skyes bu'i lus
'byung ba chen po bzhi la 'dus byas pa gang yin pa de ni

'chi ba'i dus na 'byung ba chen po bzhi po'i bag la zha bar
'gyur ro/ /mig la sogs pa dbang po rnams ni nam mkha' bag la zha
bar 'gyur te/ dbang po snang ba'i rang bzhin rnams rten gyi
'byung

ba chen po dang bral ba nam mkha'i khams gsal ba'i rang bzhin
can gyi rjes su 'gro ste dper na shing ljon pa rdib pa na bya
dag nam mkha' la 'gro ba bzhin no/ /ro ni ro gzhag pa'i khri
dang de

'degs pa'i mi bzhi dang lnga'i mi dag gis khyer te dur khrod du
mer bsregs phan chad mi mngon par 'gyur ro/ /khrag dang shal la
sogs pa bsregs bya dag ni thal bar 'gyur/ /bsregs pa'i

lhag na so la sogs pa'i rus pa snum pa gcan dag ni thib ba'i
mdog 'dra bar gnas la/ snum bag med pa dag ni dur gi mdog 'dra
bar gnas te/ skyes bu'i 'gro ba ni de lta bu yin no/ /de lta bas
na

@058b byed pa po dang/ zab po dang/ shes pa po'i lus ni 'di nyid
du zhig ste/ 'jig rten pha rol tu mi 'gro bas/ de'i phyir 'bras
bu zab po med pas/ byin pa la sogs pa med do/ /zhes pa'o/ /bya
thib ni rnam 'byed

'grel bar sreg pa yin par gsungs pa dang/ 'ga' zhig phug ron yin
zer ro// ()pha() tha mal ba skye ba yongs su len pa na skyes ma
thag gi dbugs 'byung rdub dang dbang po dang yid blod dag ni/
rang rang gi

rigs 'dra snga ma nyer len du yod pa la ltos pa med par 'byung
ba bzhi'i rang bzhin gyi lus nyid 'ba' zhig las skyes ba yin
zer/ rgyu'i dngos po'i rjes su 'gro ba cud zad med pa de'i tshe
'jig rten pha rol ba ste skye ba snga ma

med pa'i phyir 'jig rten pha rol te skye ba phyag ma med do/
/lus dang blo dang dbang po sogs 'chi tshe so sor skad cig 'jig
pa ste rgyun chad pa'i phyir na 'jig rten pha rol yod par rigs
pa ma yin zer ba dang/ dbu ma

snying po las/ mig ni kun rdzob bo nyid du yang/ /blu bur skye
bar mi 'dod de/ /spyi dang khyad par ldan pa'i phyir/ /de ni
dper na bum pa bzhin/ /zhes mig sogs chos can/ kun rdzob tu yang
rgyu med par blo bur

du skye ba ma yin te/ mi rtag pa la sogs pa spyi'i mtshan nyid
dang/ 'byung 'gyur gyi gzugs dang ldan pa la sogs khyad par gyi
mtshan nyid dang ldan pa'i phyir/ dper na bum pa bzhin/ zhes 'gog
pa'i tshe/

rgyang phan pa na re/ 'jim gong dang glebs pa dang bskor ba la
sogs pa khyer rang la bum pa'i rgyur grags pa rnams de dag gi
rang bzhin nyid du dgag pas slar yang 'jim gong la sogs pa'i ngo
bo nyid du skye ba med bas

@059a @#/ /bum pa la sogs pa ni rgyu med pa kho na yin pas/ de'i
phyir khyed kyi dpe de mi 'thad do/ /yang na 'jims gong zhes bya
ba de rtse trAm ma me tra zhig yin na yang tshe rabs gzhan du
dgags pas

yang skye ba med de/ zhig pa'i phyir ro/ /yang na 'bras bu yin
pa'i phyir/ bum pa bzhin/ zhes pa'i 'dod pa ston par/ gal te
'jim gong tshe gzhan la/ /'gags pa mi skye zhig pa'i phyir/
/'bras bu

yin phyir dper na ni/ /bum pa bzhin du 'dod ce na/ /zhes so//
()ba() tha mal ba 'chi kha ma'i sems chos can/ sems phyi ma dang
mtshams sbyor ba med do/ 'chi sems yin pa'i phyir/ dper na/

khyed rang la dgra bcom par grags pa'i 'chi sems bzhin/ zer ro//
()ma() rang cag gnyis kyi rtsod pa'i gzhir gyur ba lha'i sems
dang mi'i sems gnyis chos can/ rgyun gcig ma yin te/

lus tha dad la brten pa'i phyir/ dper na rgyud tha dad pa'i rta
dad ba lang gi sems bzhin/ skyes sems chos can/ brjod par 'dod
pa'i 'chi sems tha mal las skyes pa ma yin te/ shes pa yin pa'i
phyir/

dper na rgyud gzhan dang 'brel ba'i shes pa bzhin/ zhes zer/
skyes ma thag pa'i sems chos can/ sems med 'byung bzhi las skye
ba yin te/ skye ba can yin pa'i phyir/ dper na/ chang

las myos mthu dang me shel las me skyes pa bzhin no/ /zhes zer
ro// ()tsa() lus sems zad pa myang 'das su 'dod na myang 'das
khas len mi len dpyad gzhi cung zad yod do// ()tsha()

@059b yang dag par rtogs pa ni myung 'das/ yang dag par sgrub pa
na mngon shes myur bul dka' sla lam bzhi/ skye bzad pa sogs bzhi
ni rim bzhin sdug bden dang lam bden 'gog bden dang kun

'byung bden pa bzhi dang sbyor bar lung gzhi'i 'grel bar bshad
do// ()dza() dngos po rnams rtag brtan g.yung drung sogs yin
pas na rgyu rkyen gyi stobs kyis bzang ngan du mi 'gyur bas dgra
bcom pa sogs

med do zhes rgyang phan pa rtog ge pa dag 'dod do// ()wa() lhas
bya ni gyi bu'i rtags las kha phar ltas kyi skyes bu sngo bsangs
su dpog pa lta bu yid shes 'ga' zhig bslu ba dang/ sngon 'dzin
dbang

mngon lta bu dbang shes 'ga' zhig mi bslub bar mthong nas tshad
ma ni mngon sum gcig pu dang/ rjes dpag tshad ma ma yin par 'dod
do// ()zha() skyes ma thag pa'i rig pa chos can/ rang gi nyer
len

rig pa snga ma sngon du song ste/ rig pa yin pa'i phyir/ dper
nad lta'i rig ba bzhin/ tha mal ba'i 'chi sems chos can/ rang gi
nyer 'bras rnam shes bskyed nus te/ chags pa dang bcas pa'i sems

yin pa'i phyir/ dper na de'i nyer len du gyur ba'i sems bzhin/
zhes 'gog par mdzad cing/ gzhan yang/ skye ba yongs su len pa
na/ /'byung rdub dbang po blo dag ni/ /rang gi rigs la ltos med

ci/ ;lus nyid 'ba' zhig las skye min/ /ha cang thal phyir mtshams
sbyor bar/ /nus ldan mthong ba gang de la/ /ci zhig yod 'gyur
gang med pa/ /gang gis phyi nas mtshams sbyor med/ /ces ha cang@060a @#/ /thal
bar 'gyur ba'i rigs pas skye ba snga ma yod par
grub pa na/ skye ba snga ma nas 'ding mtshams sbyor ba'i nus pa
dang ldan pa mthong ba gang yin pa de la rgyu lhag po zhig

yod par gyur cing/ 'di nas phyi mar mtshams sbyor ba la rgyu gang
zhig med pa'i rgyu mtshan gang gis phyi nas rigs 'dra phyi ma
mtshams sbyor ba med pa yin te/ rgya tshogs tshang mtshang khyad par
med pa'i

phyir tha ma la ba'i 'chi sems thams kyang rig pa phyi ma dang
mtshams sbyor ba yod par grub pa yin no/ /yid shes de 'byung bzhi
kho na las skye na ha cang thal ba'i skyon ji lta bu yod ce na/
de lta na

gang du drod gsher la sogs pa skye bo skye bar mi 'gyur ba'i sa
sogs cha de 'ga' yang med par 'byung ba yod tsam gyis shes pa
skye dgos pa de'i phyir sa sogs 'byung ba thams cad sems kyi

sa bon gyi bdag nyid du thal bar 'gyur ro/ /zhes 'chad par/ gang
du drod gsher la sogs pa/ /skye bo skye bar mi 'gyur ba'i/ /sa
sogs cha de 'ga' yang med/ /de phyir thams cad sa

bon bdag /ces so/ /de'i phyir dbang po dang blo la sogs par rang
rang gi rigs 'dra snga ma la ltos pa med par 'byung bzhi kho na
las 'byung ba yin na/ ji ltar sa sogs kyi cha gcig ni 'bu mchu

rnon du yongs su gyur ba bzhin du cha kun 'bu mchu rnon du 'gyur
dgos te/ rgyu mtshan khyad par med pa'i phyir/ zhes ston pa ni/
de phyir dbang sogs rang rigs la/ /ltos pa med par

@060b 'byung yin na/ /ji ltar gcig ni yongs 'gyur bzhin/ /kun
'gyur khyad par med phyir ro/ /zhes so// ()za() dbu ma snying po
las/ mngal gnas sngon rol blo la ni/ /mdun rol kho nar 'ga ga
blo

yongs/ /shes bya gzhan gyi de gzhan phyir/ /yang na blo phyir de
'og bzhin/ /zhes drangs pa la 'dir rkang pa gsum pa chad cing/
de'i don ni rang 'grel las/ blo de ni 'jig rten snga ma gzhan
gyi

shes bya tha dad pa gzhan la dmigs pas blo tha dad pa gzhan zhes
tha snyad dags par rigs pa'i phyir/ /zhes pa ltar ro/ /'di la
rgyang phan pas/ nur nur bo sogs shes yod la/ /rigs pa med par
smra ba

yin/ /dbang po dag ni ma skyes phyir/ /de la rtogs bya'i don ni
med/ /don rtogs pa las gzhan nyid du/ /ngo bo'i shes pa rigs pa
min/ /zhes nur nur po sogs la shes pa yod par sgrub byad kyi

rigs pa med de/ /de la mig sogs dbang po ma skyes pa'i phyir
dang/ shes bya'i yul med pa'i phyir/ /khyab ste/ yul med par
shes par skye ba med pa'i phyir/ /zhe zer ba la/ mngal gnas kyi

skabs su blo'i yul yod cing/ yid shes ni dbang po gzugs can la
mi ltos pa'i rang dbang can yin pas na/ mig sogs dbang po gzugs
can med pa'i rgyu mtshan gyis shes pa med par sgrub mi

nus zhes ston par/ blo ni shes bya rtogs pa yin par gsungs/ zhes
sogs byung ngo// ()'a() nyid mtshams sbyor ba'i sems chos can/
mig sogs la mi ltos pa'i rang dbang can gyi yid kyi

@061a @#/ /blo yin te/ mig sogs la ltos pa med par rang gi nyer
len gyi stobs tsam las byung ba'i blo yin pa'i phyir/ dper na
rmi lam gyi rnam shes bzhin/ 'di ltar na rnam rtog ni

dbang po dang don phrad pa la ltos pa min no/ /nur nur po sogs
la rnam shes yod ces pa gzu lum min te/ mig sogs dbang po ma
skyes pa la/ gnas skabs der shes pa ci phyir med de yod

pa'i phyir/ rnam shes thams cad dbang po gzugs can dang don gyi
stobs las byung zhes pa de ni mi rigs te/ dbang po gzugs can
dang don phrad pa las gzhan du rmi lam la sogs pa'i gnas

skabs su'ang sngon po la sogs pa'i yid shes yang dag par rig pa
yod pa'i phyir/ zhes ston par/ nur nur sogs la rnam shes ni/
/yod ces bya ba gzu lums min/ /dbang po mal kyes pa nyid la/ /

der ni shes pa ci phyir med/ /rnam shes kun ni dbang po dang/
/don gyis stobs las byung zhes pa/ /de ni mi rigs gang phyir de/
/gzhan du rmi lam sogs su rig /ces so/ /'dir drangs pa la rkang
pa

gsum pa chad do// ()ya() gang 'gyur bas gang dngos su nges par
ma 'gyur bde ni del brten/ ma yin te/ dper na rta 'gyur bas ba
lang mi 'gyu rab bzhin/ /pags nad la sogs pa'i gnas

skabs su lus 'gyur bas yid kyi blo 'gyur ba ma yin no zhes pa ni
khyab byed ma dmigs pa'i gtan tshigs su ston par/ pags nad la
sogs gnas skabs su/ /lus ni rnam par 'gyur na yang/ /

@061b yid kyi blo ni mi 'gyur te/ /de phyir de la 'di brten min/
/zhes so/ /rab rib la sogs pa'i skyon phra mos mig la sogs pa
rnam par 'gyur ba na/ mig la sogs pa la brten pa'i blo dbang
shes rnam par

'gyur ba nyid du skyes pa yin no/ /brten ma brten gyi don de
ltar yin pa de'i phyir lus 'jig na yang yid kyi blo ni lus la
brten pa min par rang gi nyer len gyi stobs kyis 'byung par
'gyur ba la 'gal ba med pa can

yin no/ /zhes ston par/ rab rib la sogs phra mo yis/ /mig ni
rnam par 'gyur ba na/ /mig la sogs pa brten pa'i blo/ /rnam par
'gyur ba nyid du skyes/ /de phyir lus ni 'jig na yang/ /yid kyi
blo ni

'dir brten min/ /rang gi nye bar len stobs kyis/ /'byung 'gyur
'gal ba med pa can/ /zhes so/ /nur nur po sogs shes yod la/
/zhes sogs sngar drangs pa'i tshigs bcad phyed dang gnyis kyis
nur

nus sogs la shes pa dngos yod pa 'gog pa dang/ de tshe nus pa'i
ngo bo yis/ /blo zhes bya ba'ang yod pa min/ /nus ba rnams ni
rten med par/ /gnas par 'thad pa ma yin te/ /shes pa'i rten gyi
bdag nyid ni/ /

yod na lus nyid de yi rten/ /mthar ni lus ni ldog pa na/ shes
pa'i 'jug pa ci la brten/ /zhes nur nur po sogs la nus pa'i ngo
bor gyur pa'i shes pa yod pa ma yin te/ nus pa rten med mi

gnas shing rten yod na lus las gzhan du med pas na lus la la
brten dgos la/ mthar lus ldog pa na rgyun chad dgos zhes rgyang
phan pas 'dod pa rigs pa 'gog pa ni/ nur nur sogs la rnam shes
ni/ /

@062a @#/ /yod ces bya ba gzu lum min/ /zhes sogs dang/ mig la
sogs la ltos med phyir/ /zhes sogs dang/ pags nad la sogs gnas
skabs su/ /zhes sogs kyis bshad do/ /

de yi de ma thag byung ba'i/ /gal te lus gzhan la brten na/ /lus
gzha na mthong ba med pas ni/ /de ni yod par ji ltar shes/
/glang po rta sogs sems bzhin du/ /tha dad lus la 'jug pas na/
shes pa de ni

rgyun gcig pu/ /'brel ba ru ni ji ltar 'gyur/ /zhes rnam shes de
'chi 'phos ma thag tu byung ba'i lus gzhan la brten zer na lus
gzhan mthong ba med pa dang/ tha dad lus la brten pas na rgyun
gcig tu

mi rung zhes pa'i 'dod pa 'gog pa la/ gang phyir yid blo 'ba'
zhig kyang/ /'gal ba med pa de ltar yin/ /de phyir lus gzhan yod
'grub phyir/ /kho bo cag gis 'bad mi dgos/ /zhes bshad de/

'grel pa las/ 'dir 'jig rten pha rol bsgrub par 'dod la/ de ji
ltar grub ce na gal te blo thog ma dang tha ma med pa grub par
gyur na de 'grub pa yin te/ 'di nyid kyi gnas skabs kyi khyad
par la 'jig

rten pho rol tu gdags pa'i phyir ro/ /lus ni ma yin te gzugs med
pa'i khams na lus med na yang 'jig rten pha rol tu khas len pa'i
phyir ro/ /gal te sems kyi rgyud thog ma dang tha ma med pa nyid

grub na 'jig rten pha rol zhes bya ba grub pa yin te/ lus gzhan
grub par bya ba'i phyir 'bad pa mi dgos so/ /zhes gsungs pa'i
phyir/ ()ra() 'byung ba sems med rnams las ni/ /shes pa yod pa

@062b nyid skye ste/ /skye can yin phyir myos mthu dang/ /me
shel las ni me bzhi no/ /zhes pa mi 'thad de/ myos mthu sogs la
shes pa med pas 'byung bzhin tsam las sems skye ba'i dpe mi rung
bar ston pa la/ myos mthu

shes yod ma yin pas/ /khyod kyi dpe ni med pa nyid/ /ces gsungs/
rgyu rnams rigs mthun yin pa'i phyir/ /gtan tshigs kyang ni 'gal
ba nyid/ /ces pa'i don ni/ /rtog ge 'bar ba las/ /rgyu de dag
thams cad

ni rigs mthun pa nyid yin te/ de'i nus pa yin pa'i phyir/ gal te
nus pas stong pa'i dngos po thams cad las kyang 'bras bu mi
mthun pa 'byung bar gyur na ni/ me shel las kyang chu 'byung ba
dang/ chu shel

las kyang me 'byung bar 'gyur ba'i rigs so/ /'di ltar chang gi
'bras bu myos pa ni so sor nges pa yin pas de las de nyid 'byung
gi gzhan mi 'byung bas rigs mi mthun pa'i phyogs kyi dngos po
las rigs mi

mthun pa'i 'bras bu mi 'byung ba'i phyir khyod kyi gtan tshigs
skye bcan yin pa'i phyir ro/ /zhes bya ba de'i don rigs mi mthun
pa las mi 'byung bas 'gal ba nyid do/ /zhes gsungs/ /'dir khyod
kyi

rkyen gyi brtags 'gal zhes pan i/ byung bzhi las skye ste/ skye
ba can yin pa'i phyir/ /zhes pa'i rtags sbyor de ni 'bras bu de
bskyed pa'i nus pas stong pa'i dngos po las mi skye ba dang 'gal
zhes pa'i

don yin pas na 'di'i yi ge la chad lhag yod par mngon no/ /nang
gi 'byung ba rnams ni/ /shes pa yod pa ma yin te/ /sa la sogs
pa'i dngos phyir dang/ /'byung ba yin phyir de gzhan bzhin//

@063a @#/ /de phyir mngal nas sngon rol sems/ /sems gzhan sngon
du song yin par/ /khas pa rnams kyi shes bya ste/ /'dzin pa yin
phyir de 'og bzhin/ /be'u yang sngon chad goms byas pas//

byung ma thag tu zas 'tshol byed/ /zas kyi don du bskyod ba'i
phyir/ /dper na dbang po smin ba bzhin/ /khab long gis ni rdo
bskyod pas/ /gtan tshigs ma nges nyid ma yin/ /den i zas za
mthong ba'i phyir/ /

ma grub nyid kyang ma yin no/ /zhes phyi nang 'byung ba la sems
kyi nyer len yod med mtshungs pa dang/ bskyod pa tsam gyis blo
goms pa sngon du song bar sgrub na khab len gyis rdo bskyod pa
sogs kyis ma nges par

'gyur bas de ltar grub pa ma yin gyi/ /kha zas kyi don du bskyod
pa'i gtan tshigs khyad par can byas pas na khyab pa ma grub pa ma
yin par bshad cing/ tshig don gzhan ni go sla'o// ()la()

gal te med smra byis pa yis/ /'chi 'pho'i sems la mtshams sbyor
med/ /'chi 'pho'i sems phyir dgra bcom gyi/ /tha ma'i sems bzhin
sgrub byed na/ /gtan tshigs ma nges nyid 'gyur te/ /'das pI

'chi 'pho'i sems gyis so/ /tshe rabs dran la sogs yod dang/ /tshul
smras phyir na de yang yod/ /ces 'chi sems kyi rtags kyis sems
gzhan dang mtshams sbyor med par sgrub pa'i khyab pa ma nges

te; 'das pa'i 'chi sems yod ba'i phyir te/ 'jig rten 'di na tshe
tabs dran pa du ma yod pa'i phyir dang/ kha cig pha ma'i spyod
tshul dang tshul khrims la sogs pas mi 'dra ba mtha' yas pa yod

@063b pa'i phyir/ /khyab ste/ spyod pa mi 'dra ba de dag sngon
goms pa mi 'dra ba las gyur ba'i phyir/ /zhes bstan to/ /'dir
gos kyi ma nges nyid 'gyur te/ zhes drangs pa yi ge nor te/
gzhung du gtan tshigs ma nges zhes byung

pa'i phyir/ sgrub byed gzhan ni/ /mngal gnas sngon rol blo la
ni/ sogs so// ()sha() 'dod 'jigs mya ngan gyis brlams dang/
/zhes sogs kyi tshig don ni/ /TIk chen las/ 'dod chags dang stag
la sogs

pas 'jigs pa dang/ bu sdug pa shi ba'i mya ngan gyis yid brlams
pa dang/ rkung po rmi ba sogs kyis yid bslad pas chags yul gyi
bud med la sogs pa yang dag pa'am/ de'i tshe nye bar yod pa ma
yin pa rnams

mdun na gnas ba bzhin du ni gsal bar mthong bar 'gyur ba'i phyir
ro/ /zhes so/ /gal te de 'dra'i bsgoms byung gi shes pa de yul
gsal bar snang yang rtog pa'i da ba bsal ba'i dbang gis yin pa
ma

nges te/ rmi lam gyis shes pa rnams par rtog pa dang bcas kyang
yul gsal bar snang ba'i phyir ro zhe na/ gnyid log pa'i gnas
skabs kyi shes pa la'ang rtog bcas rtog med gnyis yod pa las/
rnam par

rtog pa dang rjes su 'brel ba ni don gsal bar snang ba can ma
yin te/ rmi lam na yang rtog bcas kyi shes pa skyes pa rnams
gnyid sad pa'i tshe dran pa na shes pa de yul gsal bar snang ba
de 'dra'i don ldan

min par mi gsal ba'i rnam pa can du dran pas khyab pa'i phyir
zhes ston par/ rnam par rtog dang rjes 'brel ni/ /don gsal snang
ba can ma yin/ /rmi lam na yang dran pa de/ /de 'dra'i don ldan
min par

@064a @#/ /dran; ;zhes byung/ /ni zhes pa'i dgar tshig gis rmi lam
gyi shes pa la rtog med kyi shes pa yod par bstan te/ TIk chen
las/ 'di dag gis shugs la 'phangs pa ni gnyid

log pa'i gnas skabs na yang rmi lam gyi shes pa skyes pa 'ga'
zhig sad pa'i tshe yul gsal bar snang ba'i rnam pa can du dran
pas khyab pa'i phyir/ /rtog med yin zhes pa'o/ /zhes gsungs pa'i

phyir; 'o na bsgoms stobs kyis yul gsal bar snang na rtog med
yin pas khyab na/ bsgoms stobs kyis yul gsal bar snang ba'i rnal
'byor ba'i shes pa thams cad rnal 'byor mngon sum

yin nam zhe na/ rus gong la sogs pa mi gtsang ba dang/ zad par
sa dang chu la sogs pa yang dag pa ma yin pa'i don yang dang
yang du bsgom pa'i stobs kyis sprul zhing bkyed pa na bsgom
bya'i

don la rtog pa med pa dang gsal bar snang ba can du mthong ba
de'i phyir/ /bden pa'i rnam pa la sogs pa yang dag pa dang/ zad
par sa la sogs pa yang dag pa ma yin pa'i don gang dang gang

shin tu bsgoms par gyur ba bsgom pa yongs su rdzogs pa na/ bsgom
pa de gsal la mi rtog pa'i blo'i 'bras bu can yin zhing/ /de'i
tshe bsgom bya gsal bar snang ba'i mi rtog pa'i blo ni bsgoms

pa'i 'bras bu ra gyur pa'i rnal 'byor ba'i shes pa yin no/ /zhes
ston par/ mig gtsang zad par sa la sogs/ /yang dag min pa'ang
bsgoms pa yi/ /stobs kyis sprul pa rtog med dang/ /gsal

@064b bar snang ba can du mthong/ /de phyir yang dag yang dag
min/ /gang gang shin tu bsgoms gyur pa/ /sgom pa yongs su rdzogs
pa na/ /de gsal mi rtog blo 'bras can/ /zhes gsungs so/ /shes
rab dang brtse ba

la sogs pa 'di dag rten brtan pa la sogs pa lngar ji skad bshad
pa'i chos dang ldan pas mi mthun phyogs grib pa dang gnyen po'i
phyogs 'phel ba de dag rab kyi mthar phyin pa na blo bur gyi
sgrib pa dang 'bral ba'i 'od

gsal pad chos kun gcig char mkhyen pa'i mthar thug gi ye shes
'byung bar 'gyur ro/ /sngar yang dag pa'am yang dag pa ma yin
pa'i don sgom par byed pa ni bsgom pa yongs su rdzogs pa na gsal
snang

'byung bar grub zin pa des na rnam shes gcig la chos thams cad
kyang gcig char gsal bar snang ba srid pas de lta bu yod par
rtogs par gyis shig ces pa'o/ /'dir de lta bu dag rtag sbyor
gyis/ zhes

drangs pa dpe ma dag ste/ gzhung du/ /de lta bu ni rtogs par
gyis/ zhes byung ba don dang 'brel ba'i phyir/ ()sa() rang gi sa
bon las cher ma la sogs pa skye ba yin zhing/ tsher ma'i rno bal
sogs pa yang

sa bon de nyid las skye ba yin pas/ /tsher ma'i rno ba de sdug
bsngal rgyu med par skye ba'i dper ma grub cing/ tsher ma la sogs
pa de dag res 'ga' yul dus kha cig tu 'byung bar yongs su nges
pa ni rang gi ltos bya

la ltos nas skye ba'i sgrub byed yin la/ ltos bya de dag tsher ma
la sogs pa'i rgyu yin par 'dod do/ /rgyu ni rang gi 'bras bu la
phan btags par byed pa yin te/ phan btags pa med pa ni 'bras bu
gang la@065a @#/ /ltos nas skye ba'i ltos bya ma yin pa'i phyir zhes
pa'o// ()ha() mngon sum gyis ma mthong ba ni skye ba snga phyi
sogs med pa'i sgrub byed ma yin te/ skyes bu kun gyis ma mthong
ba ni

the tshom can dang/ rang gis ma mthong ba ni khyab pa 'phrul ba'i
phyir/ rtags phyi ma grub ste/ 'bigs byed kyi ri'i phug tu dur
ba dang rdo'i dum bu sogs rang gis ma mthong yang yod pa mi 'gal
ba'i phyir ro//

()a() gal te rgyu med can nyid du/ /bsgrub phyir gtan tshigs mi
sbyor na/ /tshad ma med par mi 'grub ste/ /de yi phyir na phyogs
mi 'grub/ /gal te de grub phyir gtan tshigs/ /rab tu sbyor bde
lta na'ang//

grub pa de rgyus bskyed nyid phyir/ /khyed kyi phyogs kyi 'grub
mi 'gyur/ /zhes dngos po rnams rgyu med du bsgrub pa'i phyir
gtan tshigs 'ga' zhig mi sbyor na tshad ma med par dam bca'i don
grub pa mi srid

pa'i phyir khyod kyi phyogs mi 'grub la/ gal te de grub par bya
ba'i phyir gtan tshigs rab tu sbyor na dam bca'i don rtogs pa'i
blo de rtags sbyor gyi rgyus bskyed pa'i phyir khyed kyi rgyu
med ces pa'i phyogs 'grub

par mi 'gyur ro zhes bstan to/ /rtags sbyor gyi rgyu dang bcas
par smra ba dang rgyu med ces dam bca' ba ni rang tshig 'gal bas
rang gi phyogs rang nyid kyis gnod pa ma yin nam ste yin no/ /ci
ste gtan tshigs kyis sgrub

pa la snyoms las na rgyu med ces pa'i dam bca' gcig bus 'di la
ci zhig 'gyur te don nges par mi 'gyur zhes pa'o// ()ka() dngos
rnams rgyu med lha zhig zhes sogs drangs pa 'di bsgyur mi 'dra
ba ma

@065b gtogs/ gal te rgyu med kho nar skye bar lta zhig 'gyur na
ni/ /zhes pa yin nam snyam yang/ bsgyur de ltar drangs pa'i dgos
pa lhag po mi snang bas dpe dag ma dag dpyad dgos shing/ gang
ltar yang rgyu med las

skye na rgyu yin min thams cad las skye ba dang/ dus rtag tu
skye bar 'gyur bas rigs pa dang 'gal ba dang/ ston thog la sogs
pa'i 'bras bu 'byung ba'i ched du dka' ba brgya phrag spyod pa
yang med par 'gyur bas

mngon sum gyis mthong ba dang 'gal bar 'gyur zhes pa'o/ /me yi
'bras bu du ba ste/ /'bras bus chos kyi rjes 'jug phyir/ /de med
par ni de yod na/ /rgyu dang ldan pa las 'das 'gyur/ /rgyu med
gzhan la mi ltos phyir/ /

rtag tu yod pa'am med par 'byung/ /dngos po rnams ni res 'ga'
zhig /'byung ba ltos pa las yin no/ /zhes pa'i don ni/ du ba ni
me'i 'bras bu yin te/ me'i 'bras bu'i mtshan nyid khyod la rjes
su 'jug cing tshang

ba'i phyir/ me med par du ba skye ba yod na/ du ba rgyu dang
ldan pa las 'das par 'gyur la/ du ba rgyu med par skye na de
rgyu rkyen gzhan la mi ltos pa'i phyir/ yul dus rtag tu yod
pa'am nam yang med par 'gyur te/

dngos po rnams res 'ga' 'byung ba ni rgyu rkyen gzhan la ltos
pa'i rgyu mtshan gyis yin pa'i phyir ro/ /zhes pa'o/ /'jug pa'i
TIka chen las/ gal te 'gro ba rgyu yis stong pa ste rgyu med
bar 'byung bar 'gyur na 'gro ba 'di

dag nam mkha' yi utpa la yi dri dang mdog ji bzhin du gzung du
med pa nyid du 'gyur ba yin na shin tu ches bkra ba'i 'jig rten
'dzin pa'ang yin pa de'i phyir rang gi blo sngon po'i rnam pa
can ni sngon po las skye ba

@066a @#/ /de bzhin du 'jig rten mtha' dag rang gi rgyu kho na
las skye ba yin par shes par gyis shig/ ces gsungs so// ()kha()
phur bu 'jig rten zhes sogs kyi tshig don bshad

du yod de/ res gza' bdun gyi nang gi phur bu'am lha'i bla ma
dang rgyang phan gyi gzhung 'bum rtsom pa po'i drang srong 'jig
rten mig dang de'i slob ma drang srong 'jug stobs can ni rgyang
phan pa'i ston pa yin la/

tshu rol te tshe 'di la gang mdzes pa tsam gyis chog par smra bas
tshu rol mdzes pa dang/ shi ba'i tshe bdag rgyun chad par smra bas
chad par smra ba dang/ skye ba snga phyi dang las rgyu 'bras
sogs ci rigs med par smra bas

med par smra ba dang/ lha phur bu ston par 'dzin pas phur bu pa
dang/ yang dag pa'i lta ba las gud du song bas rgyang phan pa
dang/ sogs sgras lha'i bla ma pa dang 'jug stobs can pa dang ngo
bo nyid smra ba dang

rang bzhin smra ba sogs rnam grangs so/ /rang bzhin rgyur smra
ba ni grangs can pa'i ming yin pas 'dir sbyar ba ni 'khrul bar
shes par gyis/ rgyu 'bras dang lha sogs dang skye ba snga phyi
med par 'dod pa dang/

lta ngan re gnyis kyi nang tshan chad smra bdun gyi skabs su
bshad pa ltar lha sogs 'dod pa dang/ lung gzhir ya mtshan can dgu
bcu rtsa drug gi skabs su 'gro ba rigs drug dang lha lhar skye
ba sogs kyi skye ba snga phyi

'dod pa yod par bshad pa dang/ 'jug pa rtsa 'grel sogs su sems
'byung bzhi las skye bar 'dod tshul dang/ shes rab sgron me dang
de'i 'grel bshad sogs su bum pa la sogs pa'i yo byad rnams

@066b rkyen las skye bar 'dod tshul bshad pa'i phyir na rgyang
phan pa la skye ba snga phyi dang rgyu 'bras gtan med pa dang mi
dang dud 'gro dang mi gsal ba'i 'gro ba gsum tsam 'dod pas khyab
zer ba 'khrul bar rig par bya'o/ /

lung gzhi'i 'grel bar bshad pa ltar ser sna can kha cig 'byor ba
dang/ sbyin pa gtong ba kha cig dbul bar mthong nas sbyin pa la
sogs pa med do zhes pa lta bu rtog ge la brten pa dang/ tshe snga
mar srog gcod pa

kha cig tshe ring ba dang/ srog mi gcod pa kha cig tshe thung dur
skye ba mngon shes kyis mthong nas dge ba med do/ /mi dge ba med
do zhes pa lta bu snyoms 'jug la brten pa dang/ drang srong 'jig
rten mig gis rang gi bu mo

la bgrod par 'dod nas 'jig rten pha rol med par bshad pa lta bu
'dod pas gdung ba dang/ phur bus bshad pa lta bu phan par rloms
pa ci rigs kyi dbang gis byed pa po ma mthong bas rgyu 'bras
med/ snga ma nas 'dir

'ongs pa dang 'di nas phyi mar 'gro ba ma mthong bas skye ba
snga phyi med/ ser sna can 'byor ba lta bu 'bras bu rgyu'i rjes
su 'gro ba med pas rgyu 'bras med/ lus sems dbang po'i spyod yul
du gyur ba tsam bdag yin

pas shi ba'i tshe shes pa'i bdag nyid kyis chad cing zad la/
gzugs kyi bdag nyid kyis zhig cing chud zos par 'gyur ba'i phyir
skye ba snga phyi med/ lha'i sems dang mi'i sems gnyis lus tha
dad la brten pa'i phyir

rgyud gcig ma yin zhing/ chang las myos mthu dang me shel las me
skye ba ltar sems med 'byung bzhi las sems skye ba yin la/ mthar
'chi ba'i tshe nang gi 'byung ba bzhi ni phyi'i 'byung bzhi'i bag
la zha bar 'gyur/

@067a @#/ /mig sogs dbang po rnams nam mkha'i bag la zha bar
'gyur bas lus sems zad pa de nyid myang 'das yin pas na/ myang
'das dngos por med pa dang/ dbang po'i mngon sum mi bslu bar

mthong bas na mngon sum tshad ma yin la/ rjes dpag tshad ma ma yin
te/ lha sbyin gyi bu las sngo bsangs dpog pa ltar 'khrul ba'i
phyir ro/ /zhes 'dod do/ /de nyid 'gog pa ni/ sems yin pa'i
phyir na skyes ma

thag pa'i sems la sems snga ma sngon du song bar grub pa dang/
zas kyi don du g.yo ba dang/ tshe rabs dran pa dang spyod pa tha
dad pa sogs kyis kyang skye ba snga ma yod par grub pa'i phyir/
blo dang brtse ba

goms pas gsal snang rab kyi mthar phyin 'byung rung sgrub pa'i
rtags sbyor dang/ 'bras bu skye ma skye rgyu rkyen yod med kyi
rjes su 'gro ldog ma 'khrul bar sgrub pa'i rtags sbyor gnyis
kyis rim bzhin

kun mkhyen dang rgyu 'bras grub cing/ skye ba snga phyi dang kun
mkhyen dang rgyu 'bras sogs med pa de rgyang phan pa'i mngon sum
gyi spyod yul ma yin la/ rjes dpag tshad ma yin pa rgyang phan pa
rang nyid kyis

bkag pa'i rgyu mtshan gyis kyang de dag med par 'dod pa 'khrul
bar grub ces pa'o/ /rgyang phan pa'i grub mtha' tshad bsal gyi
skabs so// ()ga() grangs can pa la mchod 'os par ma grags pas
gcer

bu pa ma gtogs pa phyi rol pa spyis drang srong mchod 'os ston
par mi 'dod dam snyam mod kyang/ 'di dag gzhung gi bshad tshod
tsam las gnas tshod la mu stegs pa'i 'dod pa gang la yang yid
rngon du rung ba

@067b dka' bar bstan pa'i ched du gcer bu pa'i gzhung gi bshad
tshul 'dir bkod pa yin pas shes par gyis shig ces pa'o// ()nga()
nus pa ma lus dang ldan pa'i/ /gtso bo nyid ni 'ba' zhig las/
/'bras bu khyad par rab

skye ste/ /de dngos can nyid yang dag par/ /zhes pa ni/ 'bras bu
mtha' dag skyed pa'i nus pa ma lus pa dang ldan pa'i gtso bo
nyid 'ba' zhig las chen po la sogs pa'i 'bras bu'i khyad par rab
tu skye ste/ 'bras bu'i

khyad par de gtso bo'i bdag nyid du yod do/ /zhes pa'o/ /skyes
bu sogs las skye ba 'gog ched du gtso bo nyid ces nges par bzung
ba dang/ dbang phyug sogs las skye ba 'gog ched du 'ba' zhig ces
smos shing/

rab skye zhes pa ni dngos sam brgyud pas skyed pa'i don yin par
dka' 'grel du bshad do/ /skye ba las sngar 'bras bu ji ltar yod
ce na/ med pa mi byed pa dang/ rgyu len pa dang/ thams cad mi
skye ba dang/ nus pa ni nus pa

byed pa dang/ rgyu yod pa'i gtan tshigs lngas rgyu'i dus su 'bras
bu yod par grub cing/ gtan tshigs dang po bsgrub pa'i ched du/
gal te rgyu yi bdag nyid la/ /nus pa 'bras bu yod min na/ /de ni
bya bar mi nus te/

ngo bo med phyir mkha' pad bzhin/ /zhes gsungs pa'i don ni/ gal
te rgyu'i bdag nyid la nus pa'i ngo bos 'bras bu yod pa ma yin
na de ni rgyu gang gis kyang bya bar mi nus te/ ngo bo med pa'i
phyir nam mkha'i pad

mo bzhin zhes pa'o/ /nus pa'i ngo bos yod pa ni mi gsal bar yod
pa'i don no/ /gtan tshigs gnyis pa bsgrub pa'i ched du/ med par
mtshungs na ci yi phyir/ /sA lu'i sa bon la sogs pa'i/ /bye brag

@068a @#/ /phyir na nges pa yi/ /nyer len len byed gzhan ma yin/
/zhes so/ /de'i don ni/ sA lu'i 'bras bu med par mtshungs na
ci'i phyir sA lu'i 'bras bu don du gnyer ba rnams sA lu'i sa
bon kho na

len par byed kyi/ gzhan ko tra pa'i sa bon len par mi byed de/
ko tra pa'i sa bon sA lu'i 'bras bus stong pa bzhin du sA lu'i
sa bon yang sA lu'i 'bras bus stong na bye brag gang yod pa'i
rgyu mtshan gyis so

sor nges pa'i sa bon len par byed de khyad par med pa'i phyir/
zho don du gnyer ba rnams 'o ma len gyi chu mi len pa ni 'o ma
la zho yod la/ chu la zho med pa'i rgyu mtshan gyis yin no/ /zhes
pa'o/ /gtan tshiD

gsum pa bsgrub pa'i don du/ skye ba'i chos can thams cad kyang/
/dngos po kun las skye 'gyur te/ /'di kun la ni de bdag nyid/
/bral bar khyad par med phyir ro/ /zhes pa'i don ni/ skye ba'i
chos can gyi

'bras bu thams cad kyang dngos po kun las skye bar 'gyur te/
dngos po 'di kun la 'bras bu'i bdag nyid dang bral bar khyad par
med pa'i phyir/ zhes pa'o/ /sngar bshad pa'i gtan tshigs gsum la
skyon

spong ba'i zol gyis gtan tshigs bzhi pa bsgrub pa'i ched du/ 'di
yi nus pa nges pa'i phyir/ /de lta min zhes lan mi rung/ /gang
phyir nus pa'i rgyu dag gis/ /nus par 'os pa'i 'bras nyid byed/
/khyad

par byar med gang yin pa/ /dngos po med dang 'gyur ba med/
/'gyur na bdag nyid nyams 'gyur phyir/ /de dag gis de ji ltar
byed/ /ces gsungs te/ de'i don ni/ sangs rgyas pas rgyu'i nus pa
so sor

@068b nges pa'i phyir sngar med kyang skye ba dang/ nus pa'i
rgyu len pa dang; thams cad las thams cad mi skye bas sngar
bshad pa'i skyon du mi 'gyur zhes pa la/ grangs can pas de ni
lan du mi rung ste/ nus pa'i rgyu dag gis nus pa'i

'bras bu kho na byed pa'i phyir/ khyab ste/ sngar med pa byed na
mi nus pa kho na byed par 'gyur ba'i phyir te/ med pa ni ri bong
gi rwa bzhin du khyad par byar med pa yin pa'i phyir te/ med pa
ni ngo bo med pa dang 'gyur ba

med pa yin pa'i phyir dang/ 'gyur na ni med pa'i rang bzhin
nyams par 'gyur ba'i phyir/ rgyu de dag gis 'bras bu sngar med
pa ji ltar byed de mi byed ces pa'o/ /gtan tshigs lnga pa bsgrub
pa'i don du/ de ltar 'bras

nyid mi rung phyir/ /ci zhig byed pas rgyu ru 'gyur/ /de phyir
sa bon la sogs pa/ /rgyu yi dngos por yang mi 'gyur/ /zhes sogs
byung ste/ don ni/ de ltar sngar bshad pa'i gtan tshigs bzhis
'bras bu sngar med pa

byed mi rung bar grub zin pa'i phyir/ 'bras bu mi byed na ci
zhig byed pas sa bon la sogs pa rgyur 'gyur te/ de'i phyir sa
bon la sogs pa ni rgyu ma yin te/ 'bras bu med pa'i phyir/ nam
mkha'i pad ma bzhin zhes

pa'i rigs pas 'gog nus pas na 'bras bu ni sngar yod pa skye'o
zhes pa'o/ ()ca() de ltar rang bzhin dbang phyug dag /so sor
rgyu nyid bkag pa'i phyir/ /gnyis ka lhan cig pa 'di yang/ /skye
ba can gyi byed po min/ /

zhes rtsa ba'i rang bzhin dang dbang phyug gnyis so sor rgyu yin
pa sngar bkag pa'i phyir na de gnyis ga lhan cig pa yang skye ba
can te 'bras bu'i byed pa po ma yin no/ /zhes grangs can lhar
bcas kyi lugs bkag pa

@069a @#/ /mdor bstan nas/ de dag lhan cig byed nyid du/ /brtags
pa gang yin pa de yang/ /khyad par skyed par byed phyir ram/
/don gcig byed pa'i phyir yin grang/ /rtog pa dang po mi rigs
te/ /

de dag 'gyur ba med phyir ro/ /gnyis pa'ang ma yin 'bras bu
rnams/ /gcig car thal bar 'gyur phyir ro/ /zhes gtso bo dang
dbang phyug re re kho nas snod bcud mi skyed kyang/ de gnyis
lhan cig pas skyed de/

dper na yul dang dbang po re re kho nas dbang shes mi skyed
kyang de gnyis lhan cig pas skyed pa bzhin no zer ba la/ 'o na
gtso bo dang dbang phyug lhan cig tu tshogs pas phan tshun nus
pa'i khyad par mi 'dra ba

du ma skyed pas byed dam/ khyad par mi 'dra ba mi skyed par don
gcig kho nas 'bras bu du ma skyed par byed pa yin grang/ de la
dang po mi 'thad de/ gtso bo dang dbang phyug gnyis rtag pa yin
pas 'gyur

ba med pa'i phyir/ gnyis pa'ang mi 'thad de/ 'bras bu du ma gcig
char skye bar thal bar 'gyur ba'i phyir te/ rgyu'i nus pa thogs
pa med cing ma tshang ba med pa'i gtso bo dang dbang phyug dus
rtag tu nye

bar gnas pa'i phyir zhes 'gog par byed do// ()cha() 'jam dpal
zhal lung las/ dus las byung dang 'dod rgyal dang/ /gnam gyis
bskos dang gyi na dang/ /'dzin pa pos ni sbrul pa dang/ /khams
kun la ni

nges 'byung dang/ /dbang phyug dang ni 'byin pa po/ /dus dang
gtso bo 'byed pa dang/ /byed pa po ni ma yin dang/ /rnal 'byor
dang ni tshad ma dang/ /dag pa dang ni ma dag pa/ /nang gnas
brjod du med pa'i

@069b bdag /skyes bu dang ni khyab bdag dang/ /srog dang gang
zag rnam shes dang/ /kun gzhi dang ni shes pa po/ /mthong ba po
dang gzung 'dzin dang/ /shes pa dang ni shes bya dang/ /shed las
skyes dang shid bu dang/ /

srog dang gso ba la sogs pa/ /mu stegs rnams kyis rnam par
rtogs/ /zhes mu stegs pa'i bdag gi rnam grangs sum cu rtsa gsum
sogs bshad pa dang/ 'grel par/ dus las byung ba zhes pa la sogs
pa

bzhi ni grangs can pas brtags pa'o/ /'dzin pa pos sbrul ba la
sogs pa brgyad ni bye brag pas brtags pa'o/ /rnal 'byor la sogs
pa bzhi ni ser skya bas brtags pa'o/ /nang gnas la sogs pa lnga
ni namkha'i

gos can pas brtags pa'o/ /rnam shes la sogs pa gsum ni rig byed
kyi mtha' gsang bar smra bas brtags pa'o/ /mthong ba la sogs pa
lnga ni tsa ra ka pas brtags pa'o/ /shes las skyes pa dang/

shed bu ni rgyal po la sogs pas brtags pa'o/ /srog dang gso ba
la sogs pa ni gos dmar pas brtags pa'o/ /zhes byung ngo// ()ja()
'dir drang srong ser skya'i rjes su 'brang ba'i sngon gyi grangs
can la

grangs can lha med pa dang/ lha chen dbang phyug gis rjes su
bzung zhing dbang phyug nag po'i rgyud sogs rtsom pa'i ston pa
chu klung rjes 'brang dang bcas pa'i grangs can phyi rabs pa la
grangs can lhar bcas su

bshad do/ /'on kyang ston pa chu klung rjes 'brang dang bcas pa
rnams ser skya ba ma yin pa'i shes byed gsal po med cing/ ye
shes kun btus su grangs can dang ser skya pa gnyis so sor smos
kyang de'i@070a @#/ /grangs can gyis dbang phyug gi yon tan mi 'dod par
'grel par bshad cing/ sman zhabs kyis de gnyis so sor bshad
kyang bye brag pa'i bdag gi rnam grangs kyis bar du chod pas

da ltar bshad dam 'dod tshul mi 'dra bas yin snyam du the tshom
can yin pa'i phyir dang/ ston pa chu klung sogs grangs can lhar
bcas kyi 'dod tshul phal cher ser skya'i rjes 'brang sha stag yin
pa'i phyir na

ser skya pa dang grangs can gnyis don gcig yin nam snyam pas
dpyad par bya'o// ()nya() grangs can lhar bcas chos can/ dbang
phyug pa ma yin te/ gtso bo bden zhen gyis 'dod pa'i phyir na ma
khyab ces

pa'o// ()ta() rna ba la sogs pa'i dbang po lnga rnams yid kyis
byin gyis brlabs nas sgra la sogs pa 'dzin pa la 'jug bzhin pa
ni mngon sum tshang mar 'dod de/ 'di ni nang pa sangs rgyas pa
ltar na dbang po'i

mngon sum gyi tshad ma'i dus mnyam pa'i bdag rkyen du gyur ba'i
dbang po gzugs can pa zhig yin nam snyam/ rnab la sogs pa'i
dbang po lnga re re la tshad ma yin min gnyis yod de/ sgra la
sogs pa 'dzin pa la

'jug bzhin pa'i dbang po lnga tshad mar 'dod kyi/ de ltar 'jug
bzhin pa ma yin pa'i dbang po lnga tshad mar mi 'dod pa'i phyir/
de gnyis khyad par 'byed pa'i ched du 'jug pa zhes smos pa'i
phyir dang/ der ma

zad yul la 'jug bzhin pa yin kyang snang la ma nges pa dang rtog
med log shes kyi dus mnyam pa'i bdag rkyen lta bu zhig tshad ma
yin pa sel ba'i ched du yid kyis byin gyis brlabs pa zhes smos
pa'i

@070b phyir/ 'on kyang grangs can gyis dbang po lnga dbang shes
kyi bdag rkyen dang dbang po so so la brten nas gzugs sogs so
sor mthong ba'i mig shes sogs shes pa tha dad pa khas mi len te/
shes pa yin na gang zag

yin pas khyab pa dang/ lha sbyin lta bu gcig gi rgyud la gang
zag tha dad pa yod pa mi 'dod pa'i phyir dang/ bdag shes rig gi
skyes bus mig dbang gi sgo nas gzugs mthong ba yin kyang/ mig
dbang rang nyid

kyis gzugs mthong ba ma yin te/ legs bshad snying po las/ 'di la
phyi rol bas mig la sogs pa'i chos gang zag tu 'jog tu mi rung
bar mthong nas de dag las rdzas gzhan gyi mthong ba po la sogs
pa'i gang

zag khas blangs shing/ zhes dang/ rnam 'grel TIka chen las/
skyes bu yul la lta ba'i tshul ni/ skyes bu nyid la yul gyi rnam
pa 'char pa yang min la/ mig la sogs pa'i shes pa tha dad pa dag
gis rang rang gi

dbang po la brten te yul la so sor longs spyod pa yang ma yin
gyi/ ji ltar rgyal po pho brang gi lan kan tha dad pa dag nas
skyed mos tshal tha dad pa dag gi dpal la lta bar byed pa bzhin
du/ skyes bu gcig nyid

mig gi dbang pO sgo nas gzugs la lta bar byed cing/ rna ba'i
sgo nas sgra nyan par byed do zhes bya ba la sogs pa nyid kyi
tshul gyis yul la lta bar byed pa yin cing/ de yang blo'i me long
chen po la yul gyi gzugs

brnyan 'phos shing/ de nyid skyes bu la snang ba'i sgo nas skyes
bu yul la longs spyod pa yin cing/ gad yul gyi rnam pa shar ba
de nyid kyis yul mthong ba ma yin cing/ yul mthong ba po de nyid
la yul gyi

@071a @#/ /rnam pa shar ba ma yin no zhes zer ro/ /zhes gsungs
pa'i phyir/ 'dir yid kyi 'jug pa ni rang bzhin dang rnam 'gyur
tha dad med par 'dogs byed do/ /zhes pa ni/ tshad ma'i mdo'i

'grel bshad du gsungs pa'i don dar TIka tu bshad pa ltar 'dir
yang bkod pa yin la/ 'grel bshad de las ni/ yid kyis zhes pa yid
kyi 'jug pa ste/ rang bzhin dang rnam 'gyur dag tha dad med par
nye bar

btags pa las de skad du bshad do/ /zhes byung ngo/ /don ni/ rna
ba la sogs pa'i dbang po lngas rang bzhin dang sgra la sogs pa'i
de tsam lnga bsdoms nas yul du byed kyang de dang de'o snyam du
tha snyad 'dogs

par mi byed la/ yid kyi 'jug pas rang bzhin dang rnam 'gyur
bsdoms nas sgra'o snyam pa dang gzugs so snyam du zhen pa ni yid
kyi dbang pos yul la 'jug tshul du bshad dam snyam yang dpyad dgo
so/ /

yid kyis byin gyis brlabs pa'i don la 'dod tshul gnyis las/ dang
po ni yid dang dbang po lhan cig sgra la sogs pa'i yul gcig la
'jug pa'i don yin la/ gnyis pa ni dar TIka las/ yid kyis

rig pa'i don de/ dbang pos don gzung ba'i rjes su yid kyis rig
par byed pa dang/ de'i rjes su blos zhen par 'dod do/ /zhes so/
/de'i don ni dang por yid kyis rig pa'i don de dbang pos gzung
ba'i

rjes su slar yang yid kyis rig par byed ces pa min gyi/ yid kyis
rig pa ste byin gyis brlabs pa'i don ni/ dang por dbang pos
gzung ba'i rjes su dbang po'i 'jug pa de yid kyis rig par byed
ces pa'i

@071b don no/ /yid kyis rig par bya ba'i yul yang dbang po'i
'jug pa yin gyi/ gzugs sgra sogs phyi rol gyi yul min te/ 'grel
bshad du gzhung drangs pa las/ phyi rol gyi don rnams la dbang
po zhen par byed na

dbang po'i zhen pa de la yid rjes su zhen par byed do/ /zhes
dang/ 'grel bshad las/ gzhung 'di ni dbang po'i 'jug pa kho na
phyi rol gyi yul gyi rnam pa can ni/ yid kyi 'jug pas yang dag
par rig par

bya ba ste/ dbang po'i 'jug pa dang lhan cig pas phyi rol gyi
don ni ma yin no zhes rtogs par bya'o/ /de'i phyir gang rna ba
la sogs pa rnams kyi 'jug pa yid kyis 'jug pas gzung bar bya ba
de ni des byin gyis brlabs

pa zhes brjod de/ zhes gsungs pa'i phyir/ byin gyis brlabs pa'i
don de gnyis ni rim pa bzhin du yul 'di ni sgra'o zhes pa dang
dbang po 'di ni sgra la 'jug pa'o zhes yid kyis zhen par byed pa
yin nam snyamo/ /

'dir dbang po'i 'jug pa ni zhes sogs ni tshad ma'i mdo'i dar
TIka las/ dbang po rnams kyi 'jug pa ni/ rang gi yul nye ba na/
yul de'i rnam par 'gyur ba'o/ /de yang rkyen dang bcas pa dang
rkyen med pa'o/ /

dang po ni/ lcags bsregs pa na/ me lcags rdzas gcig ma yin yang/
rdzas gcig pa lta bur 'byung ba bzhin du/ sems pa can gyis yul
myong ba na/ yul dang 'dres pas yul rnams myong ba'i ngo bo min

yang; myong ba'i ngo bo lta bur snang ba'i skabs so/ /de la
rkyen med pa ni/ sems pa can sgron me'i 'od lta bur yul gsal bar
byed pa yin gyi/ yul dang 'dres pa lta bur snang ba ma yin pa'i
skabs te/

@072a @#/ /zhes pa'i don bkod pa yin la/ 'on kyang bshad tshul 'di
'grel bshad dang mi mthun par snang bas dpyad dgos te/ 'dir
rkyen bcas rkyen med kyi don ni sems pa can te bdag

shes rig gi skyes bu sgra la sogs pa'i yul dang 'dres pas sgra
la sogs pa'i yul rnams sems pa can dang ngo bo gcig pa lta bur
snang ba yin min la byed par bshad pa dang/ 'grel bshad ltar na
dbang po'i

'jug pa ni sems pa can dang 'dres pas de'i ngo bo lta bur snang
ba yin min la byed pa'i phyir te/ 'grel bshad las/ dbang po
rnams kyi 'jug pa ni/ rang gi yul nye bar gyur pa na/ de'i rnam
par yongs su

'gyur bar shes par bya'o/ /de slar yang rnam pa gnyis te/ rkyen
dang bcas pa dang rkyen med pa'o/ /rkyen ni skyes bu las byung
ba'i rtogs par brjod par bya ste/ sems pa can nyid kyi ngo bo
yul nyams su myong

ba'i rang bzhin no/ /'di yang bdag gi ngo bo yin gyi gzhan 'ga'
zhig gi ma yin te/ sems pa med pa nyid kyi phyir ro/ /skyes bu
las byung ba'i rkyen de dang lhan cig 'dus pa gang yin pa de
dang ngo bo gcig

pa lta bur ston pa de ni rkyen dang bcas pa ste/ dper na bsregs
pa'i gnas skabs na lcags kyi gong bu me dang 'dres pa las de'i
rang bzhin ma yin yang me'i rang bzhin nyid lta bur 'byung ba de
bzhin du

'jug pa ni nyams su myong ba'i ngo bo ma yin yang sems pa can
dang 'dres pa las sems pa can gyi ngo bo lta bur 'byung ngo/
/gang yang 'jug pa sgron ma'i 'od lta bu yul gsal bar byed pa
'ba' zhig

@072b yin gyi sems pa can dang 'dres pa las de'i ngo bo lta bur
byung ba ni ma yin pa de rkyen med pa zhes brjod do/ /zhes
gsungs pa'i phyir/ khyab ste/ 'di'i rkyen zhes pa yul nyams su
myong ba'i skyes bu dang/

de dang 'dres pa po ni yul la 'jug bzhin pa'i dbang po dang/
'dres pa'i don ni dbang po de yul nyams su myong ba'i skyes bu'i
ngo bo dang dbyer med pa lta bur 'byung ba la byed pa'i phyir
dang/ sgron me'i 'od lta bur

yul gsal bar byed pa yang dbang po yin gyi/ skyes bu ma yin pa'i
phyir/ nang pa sangs rgyas pa ltar na gzugs mthong pa'i mig
dbang dang gzugs mthong ba po'i skyes bu ni ngo bo gcig yin pas
blo lhan

skyes la de gnyis 'o chu 'dres pa ltar dbyer med par shar ba yin
kyang/ grangs can pas de gnyis ngo bo tha dad du khas blangs pas
ngo bo gcig pa lta bur byung yang ngo bo gcig pa min zhes khyad
par phye ba yin no/ /gzhan

yang grangs can spyis rna ba dang zhes sogs kyi don ni/ 'jug
pa'i TIka chen las/ rna ba la sogs pa'i dbang po lnga yid kyis
byin gyis brlabs pas yongs su gzung ba'i yul sgra la sogs pa dag
la blos zhen

par byed la/ de nas blos zhen par byas pa'i don la skyes bus
sems par byed do/ /zhes gsungs pa ltar ro/ /sems kyi 'jug pa
lnga pa mchog gi 'jug pa zhes pa ni bsdus rgyud las/ lam drug

rnams dang zhes pa'i 'grel bar/ 'dir lus la lam drug rnams zhes
pa ni yul drug po rnams la 'jug par byed pa'o/ /zhes pa ltar mig
gzugs la 'jug pa nas yid chos la 'jug pa'i bar lam

@073a @#/ /drug bshad pa'i dang po lnga la byed dam gzhan zhig
yin dpyad dgos so/ /ser skya ba snga ma rnams ni/ de tsam lnga'i
bde sogs kyi rang bzhin cha med gcig tu 'dod pa la/ nang pa

sangs rgyas pas/ 'o na rna ba'i dbang pos sgra'i rang bzhin
'dzin na des de tsam lnga ka'i rang bzhin 'dzin par 'gyur bas
dbang po lnga'i yul mi 'gal bar 'gyur ba dang/ 'on pas kyang
sgra thos pa dang/

long bas kyang gzugs mthong bar 'gyur zhing/ rna dbang gis
sgra'i rang bzhin yul du mi byed na rang bzhin dang rnam 'gyur
gnyis rang bzhin gcig ma yin par 'gyur zhes 'gog pa'i tshe/ ser
skya pa snga ma

rnams na re/ rna ba'i 'jug pas sgra'i rang bzhin bde sogs dang
sgra'i de tsam gnyis ka bsdoms nas yul du byed cing/ sgra la
sogs pa'i de tsam lnga yon tan gsum gyi bkod pa'i dbyibs yin la/
sgra'i gsal ba

rnams la sgra'i rigs gcig pa'i dbyibs yod kyang/ de ni reg bya
sogs de tsam gzhan la med pas dbang po lnga'i yul mi 'gal bar mi
'gyur te/ mdor na de tsam lnga'i rang bzhin cha med gcig yin
kyang/

yon tan gsum gyi bkod pa'i dbyibs tha dad yin pas dbang po
lnga'i yul so sor te 'gal bar 'dod ces pa'o/ /de la phyi ma
grangs can phung par byed pa'i mA d+ha ba na re/ de tsam lnga'i
rang bzhin yon tan

gsum la mi 'dra ba'i khyad par yod de/ sgra'i de tsam de rang gi
rang bzhin yon tan gsum dang rdzas gcig yin kyang/ gzugs la sogs
pa'i rang bzhin yon tan gsum dang rdzas tha dad yin pas

@073b dbang po lnga'i yul 'gal ba yin zhes zer te/ tshad ma'i
mdo'i dar TIka las/ grangs can phyi ma 'dis sgra'i phye brag so
so la yang/ yon tan gyi rdul phran rdzas tha dad par yod la/ re
re'i yon tan gsum yang

rdul phran tha dad cing/ sgra'i rang bzhin du rnam par mi 'gyur
ba'i tshe gtso bo zhes bya la/ 'dus nas rna ba'i gzung byar gyur
ba'i tshe sgra dang rnam 'gyur zhes bya'o/ /de bzhin du gzugs la
sogs pa dang/

mig gi dbang po sogs la yang khas blangs so/ /zhes gsungs pa'i
phyir/ 'di la 'grel bshad du mAd+ha ba zhes byung zhing/ gzhung
kha cig tu mjuM pa zhes pa dang/ la lar mrdzun pa zhes kyang
byung ngo/ /

sngon gyi ser skya ba'i rang bzhin 'dod tshul las gzhan du 'dod
pas grangs can phung bar byed pa zhes brtags par 'grel bshad du
gsungs so// ()tha() sngar 'brel pa gang rung gcig mngon sum gyis
grub pa

las; de la brten nas lhag pa'i don mngon gyur min pa gzhan grub
pa ni rjes su dpag pa ste/ sngar me du'i 'brel ba mngon sum gyis
mthong nas phyis du ba mthong tsam gyis lhag pa'i don mngon du
ma gyur ba'i me

dpog pa lta bu'o/ /zhes zer ro// ()da() shing rta dang de'i yan
lag gam snying stobs sogs gsum dang de tsam lnga lta bu 'bras bu
dang rgyu'i 'brel ba zhes sbyor dgos shing/ rgyun dang rgyun can
zhes pa yi ge nor ba

yin pas rgyu mtshan dang rgyu mtshan can zhes sbyor ro/ /rdul mun
snying stobs gsum las gang shas cher gyur ba des gcig shos zil
gyis gnon pas gnod bya gnod byed dang/ de gsum cha mnyam du gnas
pa'i

@074a @#/ /tshe lhan cig sbyod pa'i 'brel ba can du 'dod do//
()na() khyad par mthong ba'i rjes dpag ni/ me du'i 'brel ba
mthong nas du ba de kho nas me de kho na yang dang yang du go
bar byed pa lta bu la bshad

pas; nang pa sangs rgyas pa ltar na de ni dran shes su 'dod do/
/sbyi mthong ba'i rjes dpag ni/ sngar me du'i 'brel ba mthong
nas phyis du ba mthong tsam gyis me dpog pa lta bu la byed cing/
de la dbye na rgyu las

'bras bu 'byung bar rtogs pa snga ma dang ldan pa dang/ grub zin
gyi 'bras bu mthong nas rgyu byung zin par rtogs pa lhag ma dang
ldan pa gnyis yod par 'dod do/ /nang pa sangs rgyas pa ltar na
rgyu las 'bras

bu 'byung bar sgrub pa'i gtan tshigs lhag ldan dang gtan tshigs
ltar snang du 'dod de/ rnam 'grel las/ rgyu ma tshogs pas 'bras
bu ni/ /rjes su dpog pa gang yin de/ /lhag ma dang ldan nus

med phyir/ /lus las 'dod chags rjes dpog bzhin/ /zhes dpyod pa
bas lus rgyas/ dbang po dwangs/ blo gsal ba tsam las 'dod chags
rjes su dpog pa dang 'dra bar bshad do/

gzhan don rjes dpag ni/ gtso bo yod par sgrub pa'i gtan tshigs
lnga lta bu rang phyogs bsgrub pa gtsor gyur ba rnam par ldan pa
dang/ gzhan phyogs bkag nas de kho na 'ongs pa bsal te 'ongs pa

gnyis so/ /phyi ma'i don ni gzhan bkag pa tsam gyis rang phyogs
grub par 'dod pa'o/ /'brel ba bdun dang rjes dpag rnam pa gnyis
'gog tshul sogs shes par 'dod na tshad ma kun las

@074b btus pa rtsa 'grel dang de'i dar TIka las shes par bya'o/
/()ba() 'dir skyes bu'i khyad par la rtsom pa med pa'i phyir mi
skye ba'i chos can zhes lan gnyis smos pa yi ge nor ba lta bur
snang bas/ snga ma rgyu

las ma skyes pa dang phyi ma ni rtsom pa med pa'i phyir 'bras bu
mi bskyed pa'i chos can zhes sbyor dgos shing/ rtog ge 'bar ba'i
lung drangs pa la yang gsum pa'o zhes pa dpe ma dag ste/ snar
thang bar mar za ba

po zhes byung ba'i phyir dang/ mi skye ba'i chos can no/ /skyon
rnyed pas na shes pa yod pa zhes drangs pa yang/ snar thang bar
mar/ mi bskyed pa'i chos can rkyen nye bar rnyed nas shes pa
bskyed pa zhes byung

zhing/ don ni/ dbang po dang yid dang blo'i rkyen nye bar gnas
pa na yul shes par byed pa'i don yin pas phyi ma dag gam snyam
mo/ /rnam 'gyur rnams kyi byed pa po ma yin pas byed pa med pa
dang/

khyab pas na bya ba med pa dang/ rang bzhin dang rnam 'gyur
gnyis las gzhan yin pas rtags med pa ste/ de'i rtags ni rangs
dang mgu dang kun dga' dang/ zhes sogs yon tan gsum gyi rtags la
byedo/ /

rtog ge 'bar bar gtso bo zhes pa'i khyad par bshad pa'i don ni/
/tshad chen las/ gtso bos bstabs pa'i 'bras bu la/ /de ni longs
spyod 'ba' zhig byed/ /de la byed pa nyid yod min/ /zhes pa ltar
gtso bos

bstabs pa'i dge mi dge'i las kyi 'bras bu za ba po 'ba' zhig yin
gyi/ las rnams kyi byed pa bo min par bshad pa 'di yin nam don
gzhan zhig yod dpyad par bya'o/ /gzhan yang/ tshad ma kun btus
kyis@075a @#/ /dar TIka las/ gtsug phud can gyi don bcu ni/ yod pa
nyid dang/ gcig nyid dang/ don dang ldan pa nyid dang/ gzhan gyi
don nyid dang/ gzhan nyid dang/ byed pa po'i dngos po min pa

dang; sbyor ba dang/ 'bral ba dang/ mang po'i skyes bu rnams
dang/ gnas pa ste/ skyes bu'i chos bcu'o/ /zhes bshad la/ don ni
rim bzhin shes pa yod pa nyid dang/ cha shas med pa'i gcig

nyid dang/ don te yul dang ldan pa nyid dang/ gtso bo las gzhan
yang yin don te shes bya yang yin pas gzhan gyi don nyid dang/
dbang sogs bdag gi pa las gzhan nyid dang/ las rnams kyi byed pa
po ma

yin pa dang/ rtsa ba'i rang bzhin dang sbyor ba'i sgo nas yul la
longs sbyod pas sbyor ba dang/ bya ba dang 'bral ba dang/ 'gro
ba thams cad la khyab pa dang/ mtha' med pas rtag tu gnas pa la
byed dam snyam

yang de ltar bshad pa'i khungs ma rnyed pas dpyad dgos so/
/skyes bus rang bzhin dang sbyor ba'i sgo nas yul longs spyod pa
ni rnam bshad dgongs pa rab gsal las/ de la 'bras bu rab tu byed
pas na

rang bzhin no/ /skabs gang du byed ce na/ skyes bu'i 'dod pa
mthong ba'i dus su'o/ /gang gi tshe sgra la sogs pa'i yul nye bar
longs spyod pa'i rnam pa can gyi 'dod pa skyes pa de'i tshe skyes
bu'i 'dod pa

yongs su shes pa'i rang bzhin dang skyes bu sbyor zhing/ de nas
gtso bos sgra la sogs pa 'byin no/ /zhes gsungs pa ltar ro//
()pha() mig sogs shes bya nyer bzhi po de las gzhan bdag yin par

@075b bsam zhes pa'i don yin pas/ gzhan pa dag ces pa ni yi ge
nor ro/ /de la shes rig gi skyes bu bdag tu sgrub pa'i rigs pa
dang/ mig sogs shes bya nyer bzhi bdag gi bar sgrub pa'i rigs pa
gnyis las/

dang po ni/ skyes bu chos can/ bdag yin te/ bcing thang gyi rten
yin pa'i phyir/ zhes pa la sogs pa'o/ /gnyis pa la/ grangs can
gyi smras tshod dang zhe 'dod gnyis las/ smras tshod ni/ mig sogs
chos

can/ gzhan don byed de/ 'dus shing bsags pa'i phyir/ dper na/ ma
la cha dang stan bzhin/ zhes smra bar byed la/ de'i zhe 'dod ni/
mig sogs chos can/ bdag don byed de/ 'dus shing bsags pa'i
phyir/

ces pa yin no/ /'o na/ dang po nyid nas/ bdag don byed de/ zhes
mi 'god pa ci zhe na/ sangs rgyas pas/ dpe bsgrub bya'i chos
kyis stong pa'i nyes pa brjod nas/ rtags chos gnyis ldan gyi dpe
ma grub par

'gyur du dogs te/ dngos su smras tshod la dpe la chos rjes 'gro
byed par rgol ba gnyis kas grub cing/ zhe 'dod la dbang sogs
bdag gi bar grub pa cig 'dod nas/ zol sbyor de ltar smras pa yin
no/ /de yang

grangs can gyis/ mig sogs chos can/ gzhan don byed de/ 'dus
shing bsngas pa'i phyir/ ces pa'i rtsa ba'i sbyor ba de nyid
'god tshul gyi sgo nas gnyis su 'gyur te/ mig sogs 'dus pa ma yin
pa'i

don chos can/ gzhan don byed de/ 'dus shing bsags pa'i phyir/
ces pa dang/ mig sogs chos can/ 'dus pa ma yin pa'i yul can
gzhan gyi don byed de/ 'dus shing bsags pa'i phyir/ ces

@076a @#/ /pa'o; /de la mig sogs zhes pa ni/ grangs can pas shes
bya nyer bzhi po thams cad bdag don byed par sgrub dgos mod kyi/
'on kyang mig sogs dbang po dang/ gzugs sogs

yul rnams bdag gi bar grub na/ gzhan dag kyang 'bad med du grub
par 'gyur zhing/ dang po nyid nas nyer bzhi po thams cad chos
can du byas na/ chos can phyi rgol la mthun snang du mi 'grub
pas/

de'i phyir rgol ba gnyis ka la mthun snang du grub pa'i mig sogs
dbang po dang/ gzugs sogs yul rnams bdag gi bar sgrub 'dod nas/
mig sogs chos can/ zhes smos pa yin pas/ chos

can gyi don de ltar du shes par gyis shig /de yang grangs can
pas/ shes rig gi skyes bu bem po min gyi/ gzhan thams cad bem
por 'dod pas/ shes rig gi skyes bu la ni 'dus pa ma yin pa zhes
zer

la; gzhan rnams la 'dus bsags zhes zer to/ /de bas na/ 'dus
bsags kyi don kyang/ rim dang cig car du 'dus pa'i sgo nas/ rdul
du ma bsags pa la brjod la/ de las bzlog pa ni/

'dus pa ma yin par 'dod de/ 'dus bsags ni bem po'i don ldog go
/shes rig gi skyes bu kho na shes bya nyer bzhi po'i yul can yin
la/ shes bya nyer bzhi ni shes rig gi skyes bu'i yul yin par

'dod do/ /de na/ mig sogs ni/ 'dus pa ma yin pa'i bdag de'i yul
yin pas/ 'dus pa ma yin pa'i don ces bya ste/ de ltar na/ mig
sogs 'dus pa ma yin pa'i don chos can/

@076b zhes pa ni/ mig sogs bdag gi yul chos can zhes pa'o/ /bdag
ni 'dus pa ma yin pa yang yin la/ shes bya nyer bzhi po thams
cad kyi yul can yang yin pas/ 'dus pa ma yin pa'i yul can zhes
bya ste/

'dus pa ma yin pa'i zhes pa ni gzhi mthun gyi sgra yin gyi/ drug
sgra ma yin la/ de ltar na/ 'dus pa min pa'i yul can gzhan don
byed de zhes pa ni/ bem po min zhing/ yul can yin pa/ rang las
gzhan pa'i

bdag de'i don byed de/ zhes pa yin no/ /don byed de/ zhes pa ni/
'dir 'bras bu bskyed pa lta bu la bsams pa ma yin te/ mal chas
skyes bu'i grang ba skyob pa sogs kyi dgos pa sgrub pa ltar/
bdag de nyid

dbang po lnga'i sgo nas yul lnga la longs spyod pa la sogs pa'i
sgo nas/ dbang sogs rnams bdag gi dgos pa sgrub byed yin la/ de
nyid bdag gi don byed pa'i don du 'dod do/ /de ltar na/ bdag gi
don byed de/

zhes pa ni bdag gi dgos pa sgrub ste zhes pa'i don yin cing/
bdag gi dgos pa sgrub pa de nyid bdag gi pa'i don ldog yin pas
der bsgrubs pas dbang sogs bdag gi bar bsgrubs par 'gyur ba yin
no/ /

zhes sde bdun gyi rgyan du bshad do// ()ba() rang bzhin gang
zhig rtogs med pa/ /yon tan gsum dang bskyed bdag nyid/ /de las
bzlog pas skyes bu nyid/ /'di dag rtag tu goms par bya/ /zhes
rtsa ba'i

rang bzhin ni sems dang mi ldan pas yul rtogs pa med pa/ yon tan
gsum dang ldan pa/ 'bras bu bskyed pa'i bdag nyid yin la/ skyes
bu ni de las bzlog par bshad do/ /gzhan yang/ rtsa ba'i

@077a @#/ /rang bzhin gyi khyad par du ma yod de/ rgyu las ma
skyes pa/ gang du yang thim pa med pas rtag pa/ las rnams kyi
byed pa po/ longs spyod par bya ba'i rang bzhin yin pas na yul/

skyes bu thams cad kyis thun mong du longs spyod par bya ba yin
pas spyi/ cha shas med pas gcig bu/ lha yul sa steng bar snang
thams cad du khyab pa/ yon tan gsum shas che chung med par cha
mnyam pa/

lha mi la sogs pa gang gi yang mngon sum du ma gyur ba sogs kyi
khyad par dang ldan par 'dod do// ()ma() tarki dzwa la ni rtog
ge 'bar ba dang/ skabs 'di'i 'grel bshad ni shes rab sgron me'i
'grel

bshad do/ /rtsa ba'i rang bzhin ni blo la sogs pa'i rang bzhin
gzhan bdun dang mi 'dra ste/ rtsa ba'i rang bzhin ni yon tan
gsum cha mnyam pa yin la/ blo la sogs pa gzhan bdun ni de ltar
ma yin

pa'i phyir ro// ()tsa() khyad par tshad phyir rjes 'gro'i phyir/
/nus pa'i sgo nas 'jug pa'i phyir/ /rgyu dang 'bras bu dbyer yod
phyir/ /rang bzhin sna tshogs dbyer med phyir/ /mi gsal ba yi

rgyu yod do/ /zhes pa la/ khyad par zhes pa ni chos can gyi don
no/ /mi gsal ba'i rgyu yod do zhes pa ni bsgrub bya'i chos so/
/tshad phyir zhes sogs ni rtags lnga'o/ /zhes rnam 'grel TIka

chen tu bshad do/ /de la rigs pa dang po'i don 'chad par/ TIka
chen las/ gtso bo ni yod pa yin te/ khyad par rnams la tshad yod
pa'i phyir ro/ /'jig rten 'di na gang la byed pa po yod pa

@077b de la tshad yod par mthong ste/ dper na rdza mkhan dag 'jim
gong las bre'u chung bcu shod ba la sogs pa'i tshad dang ldan
pa'i bum pa byed pa bzhin no/ /chen po la sogs pa'i gsal ba 'di
dag kyang blo gcig dang/

nga rgyal gcig dang/ de tsam lnga dang/ dbang po bcu gcig dang/
'byung pa lnga zhes bya ba'i tshad dang ldan par mthong ngo/
/de'i phyir gang las tshad dang ldan pa'i gsal ba skye bar byed
pa'i gtso bo yod par rjes su

dpag pa las bsgrub par bya'o/ /zhes dang/ de yang khyad par tshad
phyir zhes pa ni/ don bsdus na 'byung ba lnga dang/ dbang po
lnga la sogs pa'i rigs mthun snge tshan sde tshan la/ rigs gcig
pa'i sgra blo 'jug pa'i

phyir/ de ltar 'jug pa'i rgyu mi gsal ba'i gtso bo yod do zhes
pa ste/ zhes gsungs pa ltar ro/ /rigs pa gnyis pa'i don la/ de
nyid las/ rigs pa 'di las kyang gtso bo yod de/ khyad par rnams

rjes su 'gro ba mthong ba'i phyir ro/ /gang rigs dang ldan par
dmigs pa yang yin pa de ni de'i bdag nyid kyi rgy8u las byung ba
yin te/ dper na bum pa dang kham phor la sogs pa'i khyad par
'jim pa'i

rigs dang ldan pa de dag ni 'jim pa'i bdag nyid kyi rgyu las
byung ba bzhin no/ /gsal ba'i khyad par 'di yang bde ba dang/
sdug bsngal dang/ rmongs pa la sogs pa'i rigs dang ldan par
dmigso/ /

gang las zhe na/ rab tu dang ba dang/ gdung ba dang/ zhum pa la
sogs pa'i 'bras bu dmigs pa'i phyir ro/ /'di ltar snying stobs
kyi 'bras bu ni/ rab tu dang ba dang/ yang ba dang/ zhen pa
dang/

@078a @#/ /'phel ba dang/ dga' ba rnams yin no/ /rdul gyi 'bras
bu ni/ gdung ba dang/ skems pa dang/ tha dad pa dang/ rengs pa
dang/ skyo ba rnams yin no/ /mun pa'i 'bras bu ni/ zhum

pa dang/ sgrib pa dang/ sdom pa dang/ rnam par 'tshe ba dang/ lci
ba rnams yin no/ /des na chen po la sogs pa de dag thams cad kyi
'bras bu ni/ rab tu dang ba dang/ yang ba la sogs pa dmigs pa

de lta bas na/ 'di ni/ bde ba dang/ sdug bsngal dang/ rmongs pa
rnam pa gsum po rnams kyi gnas lugs kyi khyad par yin no/ /zhes
nges par bya'o/ /des na 'di dag ni rab tu dang ba

la sogs pa'i 'bras bu las bde ba la sogs pa dang ldan pa nyid du
grub cing/ de'i rjes su 'gro ba las kyang bde sogs de'i bdag
nyid kyi rang bzhin las byung ba nyid du grub po/ /de grub pa na
yang

shugs kyis rang bzhin gang yin pa de ni gtso bo yin no/ /zhes
bya bar grub po/ /zhes dang/ sa dang chu dang dbang po la sogs
pa gsal ba'i khyad par rnams chos can/ yon tan gsum mnyam

pa'i gtso bo nus pa'i ngo bor gyur pa yod de/ yon tan gsum gyi
rigs cha mi mnyam pa rjes su 'gro bar mngon sum gyis mthong ba'i
phyir/ zhes pa nyid grangs can gyi sbyor ba'i don yin no/ /zhes

pa ltar ro/ /rigs pa gsum pa yang de nyid las/ gzhan yang nus
pa'i sgo nas 'jug pa'i phyir zhes bya ba 'di las kyang gtso bo
yod pa yin te/ 'jig rten 'di nyid na/ gang zhig don gang la

@078b 'jug pa de ni/ de la nus pa yin te/ dper na thag pa snam
bu byed pa la 'jug pa bzhin no/ /de'i phyir gang gis gsal ba
skyed par byed pa'i gtso bo'i nus pa yod de/ zhes bsgrub par
bya'o/ /zhes dang/ dngos po

rnams la rjes su 'gro ba'i spyi gzhan med na gcig sa bon gyi
'bras bu de sa la sogs pa gzhan gyi 'bras bur 'gyur ba min par
thal/ sa bon gyis myu gu bskyed pa'i rang bzhin de sa sogs la
med sa sogs kyis

myu gu bskyed pa'i rang bzhin de sa bon la med pas rang bzhin
shin tu tha dad pa'i phyir/ khyab ste/ nus pa rnams rang bzhin
tha dad na/ nus pa de dag gang la 'jug pa'i gzhi rnams kyang
rang bzhin tha dad dgos pas gzhi

gcig la rgyu du mas nus pa gcig thun mong du 'jug pa mi srid par
'gyur ro/ /zhes dang/ kho bo ltar nas chu lud sa bon sogs spyi
gtso bo'i dang du bdag nyid gcig pa yis sa bon gyis myu gu skyed
pa'i rang

bzhin gang yin pa de nyid sas myu gu skyed pa'i rang bzhin yang
yin pa la sogs pa'i sgo nas rgyu du ma gnas skabs tha dad kyang
rang bzhin gcig yin pas 'bras bu gcig byed pa yin no zhe na/
zhes gsungs pa

ltar ro/ /rigs pa bzhi pa'i don yang de nyid las/ 'di las kyang
gtso bo yod pa yin te/ rgyu dang 'bras bu rnam par dbyer yod
pa'i phyir ro/ /'jig rten 'di na rgyu dang 'bras bu dag gi rnam
par dbye ba

mthong ste/ 'di lta ste/ dper na/ 'jim pa'i gong bu ni rgyu yin
la/ bum pa ni 'bras bu yin pa bzhin no/ /de yang 'jim pa'i gong
bu las tha dad pa'i ngo bo yin te/ 'di ltar bum pas

@079a @#/ /sbrang rtsi dang/ chu dang 'o ma 'dzin par nus kyi
'jim pa'i gong bus ni ma yin no/ /de ltar na chen po la sogs
pa'i 'bras bu 'di dag mthong nas/ gang las chen po la soT pa

'di dag skyed par byed pa'i rgyu gtso bo yod do zhes sgrub bo/
/zhes dang/ rgyu dang 'bras bu dbyer yod phyir/ zhes pa ni/ chu
lud sogs gtso bo'i dang du rang bzhin 'dres pa ma yin na/ rgyu

tshogs 'ga' zhig las 'bras bu nas kyi myu gu 'byung la/ 'ga' zhig
las mi 'byung ba'i rnam dbye mi 'thad pas mi gsal ba'i gtso bo
rgyur yod dgos zhes pa ste/ zhes bshad do/ /rigs pa

lnga ba'i don bshad pa yang de nyid las/ rigs pa 'di las kyang
gtso bo yod de/ rang bzhin sna tshogs dbyer med pa'i phyir ro/
/rang bzhin sna tshogs zhes bya ba ni 'jig rten gsum la

brjod de/ 'di dag ni 'jig pa'i dus na 'ga' zhig tu dbyer med par
'gyur te/ 'di ltar 'byung ba lnga ni/ de tsam lnga la dbyer med
par 'gyur ro/ /de tsam dang dbang po dag ni nga rgyal la/ nga
rgyal

ni blo la/ blo ni gtso bo la dbyer med par 'gyur ro/ /de'i phyir
de ltar na/ 'jig pa'i dus su 'jig rten gsum gang du dbyer med
par 'gyur ba dang/ thim par 'gyur ba'i gnas zhig med na ni/

'di dag 'jig pa mi srid par 'gyur bas de lta bu'i gnas zhig yod
la/ de yang gtso bo las gzhan ma yin pa'i phyir/ gtso bo yod par
grub po zhes zer ro/ /zhes gsungs so/

@079b de dag 'gog tshul tshad chen dka' 'grel dang rnam 'grel
TIka chen sogs las shes par bya'o/ /rtog ge 'bar bar gtso bo
yod par sgrub pa'i rigs pa lnga gsungs pa ni 'di dang cung zad
mi 'dra ste/ rtsa bar/

gtso bo yod de sna tshogs kyi/ /rjes su 'gro phyir yongs gyur
phyir/ /bya dang byen pa'i ngo bo'i phyir/ /nus phyir sna tshogs
ngo bo'i phyir/ /ji skad smras pa de bzhin te/ /snod chag pa yi
dum sogs

ltar/ /de bzhin dbye ba de dang ldan/ /des na dbye ba rgyu dang
bcas/ /zhes dang/ 'grel bar/ snying stobs dang rdul dang mun pa
rnams cha mnyam pa mi gsal ba ni gtso bo ste chos can no/ /de

yod pa zhes bya ba ni de'i chos ste bsgrub par bya ba'o/ /chos
dang chos can bsdoms pa ni phyogs so/ /sna tshogs kyi rjes su
'gro ba la sogs pa lnga ni gtan tshigs te/ zhes dang/ gang dang
gang

rjes su 'gro ba dang/ yongs su 'gyur ba dang/ bya ba dang byed
pa'i ngo bo dang/ nus pa dang/ sna tshogs kyi ngo bo yod pa de
dang de ni rgyu dang bcas pa yin te/ dper na snod chag pa'i dum
bu bzhin no/ /

bum pa chag pa'i dum bu thams cad kyi rjes su sa nyid 'gro ba
yod la/ tsan dan gyi dum bu la'ang dri nyid rjes su 'gro ba lta
bu ni rjes su 'gro ba nges pa'o/ /yongs su 'gyur ba ni bum pa
gyo dum gyi bdag nyid du

gyur ba nyid dang/ tsan dan dum bur gyur pa lta bu'o/ /bya ba
dang byed pa'i ngo bo ni bum pa ni gyo dum gyi byed pa po yin la
tsan dan yang dum bu'i yin no/ /nus pa yang bum pas gyo dum
skyed pa dang/ tsan

[@#incomplete text; missing pages 80a - 84b (.017)]

085a @#/ /bag med gnyid dang g.yel ba dag /lan 'ga' yang ni
snang gyur pa/ /de dag mun pa'i yon tan no/ /zhes so// ()ya()
'dir 'grel pas bshad do zhes pa ni sher sgron

'grel bshad las bshad ces pa ste/ 'grel bshad de las/ dper na
bram ze 'ga' zhig la chung ma bram ze mo zhig dang dmangs mo
zhig gnyis yod la/ bram ze mo la ni bu bcu gcig btsas la/

dmangs mo lin? bu lnga btsas pa lta bu ste/ de la bram ze lta bu
ni rnam par 'gyur ba las gyur ba'i nga rgyal yin la/ bu bcu gcig
lta bu ni dbang po bcu gcig po dag yin no/ /dmangs mo lta bu ni

'byung ba las gyur ba'i nga rgyal yin la/ bu lnga lta bu ni de
tsam lnga po dag yin no/ /bram ze lta bu ni rdul las gyur ba'i
nga rgyal yin no/ /zhes byung ba'i phyir/ ()ra() yon tan rnams
kyi rang

bzhin mchog ste rtsa ba'i rang bzhin ni mngon sum gyis mthong
ba'i yul du mi 'gyur la/ mngon sum gyi yul du gang gyur pa de
nyid sgyu ma lta bur shin tu gsog ste brdzun pa yin zhes pa'o/ /

'o na lhas byin lta bu de mngon sum gyi yul du gyur na shes rig
gi skyes bu gzhan du mi 'gyur ba dang 'gal zhing/ mngon sum gyi
yul du ma gyur na/ drang srong ser skyas tshangs pa skye ba ni
mthong gi

de'i gtso bo de ni mi mthong ngo zhes smras pa dang 'gal bar
'gyur bas dpyad par bya'o/ /rgyu ldan mi rtag ma khyab pa/ /byed
bcas du ma brten pa 'gro/ /cha shas dang bcas gzhan dbang gsal//

@085b ldog pa dag ni mi gsal ba'o/ /zhes pa'i don ni/ rnam 'grel
TIka chen las/ de la don ni 'di yin to/ gsal ba nyid ni rgyu
dang ldan pa yin te/ gtso pos rgyu dang ldan pa ni blo'o/ /zhes
bya ba nas/

de tsam gyis rgyu dang ldan pa ni 'byung ba'o zhes bya ba'i bar
ro/ /mi gsal ba ni de lta bu ma yin te/ de ni gang las kyang ma
skyes pa'i phyir ro/ /de bzhin du gsal ba ni mi rtag pa yin te/
skye pa'i chos can

yin pa'i phyir ro/ /de ltar mi gsal ba ni ma yin te/ de ni skye
ba dang mi ldan pa'i phyir ro/ /ji ltar gtso bo dang/ skyes bu
de dag ni lha yul dang/ sa steng dang bar snang thams cad du
khyab pa nyid kyis

'jug pa de bzhin du gsal ba ni mi 'jug pa ste/ de dag ni ma
khyab pa yin no/ /ji ltar 'khor ba'i tshe/ blo dang/ nga rgyal
dang/ dbang po'i mtshan nyid can byed pa rnam pa bcu gsum dang
ldan pa/

phra ba'i lus la brten pa'i gsal ba 'khor ba de bzhin du/ mi
gsal ba ni ma yin te/ de ni khyab pa nyid kyis bya ba dang bcas
pa nyid du mi rung ba'i phyir ro/ /blo dang nga rgyal la sogs
pa'i bye brag gi

gsal ba rnam pa mi 'dra ba du ma dmigs la/ mi gsal ba ni ma yin
te/ de ni rang bzhin gcig tu yod pa na 'jig rten gsum gyi rgyu
yin pa'i phyir ro/ /gsal ba ni de la brten pa yang yin te/ gang

zhig gang las skye ba de ni de la brten pa yin pa'i phyir ro/
/mi gsal ba ni de lta ma yin te/ de ni 'bras bu ma yin pas gang
la'ang mi brten pa'i phyir ro/ /gsal ba rnams ni 'gro ba yin te/

@086a @#/ /'jig pa'i tshe gtso bo'i ngang du thim par 'gyur ba'i
phyir ro/ /'di ltar 'jig pa'i tshe/ 'byung ba rnams ni de tsam la
thim mo/ /de tsam ni dbang po la thim pa la sogs pa'i sgo nas

skye pa'i rim pa bzhin thi ma nas mthar gtso bo'i ngang du thim
par 'gyur te/ de ltar na/ de nyid nyi shu rtsa lnga las/ rnam
'gyur dag 'jug pa dang ldog pa'i tshul ni 'di ltar yin na/ gtso
bo ni gang la yang

thim pa ma yin te/ de la rgyu med pa'i phyir ro/ /gsal ba ni cha
shas dang bcas pa yin te/ sgra dang/ reg dang/ ro dang/ gzugs
dang/ dri'i bdag nyid kyi cha shas rnams dang ldan pa'i phyir

ro; ;gtso bo ni de lta ma yin te/ rtag pa gcig pu yin pa'i phyir
ro/ /gzhan yang dper na pha gson pa na/ bu la rang dbang yod pa
ma yin pa de bzhin du/ gsal ba ni rgyu'i rnam pa thams cad la

rag las pa'i phyir gzhan dbang yin no/ /mi gsal ba de lta ma yin
te/ de ni rtag tu rgyu la rag ma las pa'i phyir ro/ /zhes pa
ltar ro// ()la() zho gang yin pa de 'o ma/ /'o ma gang

yin de zho zhes/ /drag po len gyis bstan pa ste/ /de bzhin 'bigs
byed gnas pa'ang bshad/ /ces so/ /drag po len ni lha'i ming gis
btags pa dang/ 'bigs byed gnas pa ni yul

gyi ming gis btags sam snyam mo/ /tshad chen dka' 'grel las/ yang
rgyu dang ldan pa nyid la sogs pa'i chos dang ldan pa ni gsal ba
yin la/ bzlog pa ni mi gsal ba yin no zhes gang

@086b yin brjod pa de yang byis pa'i tshig nyid yin te/ gang zhig
gang las rang bzhin tha mi dad pa de ni de las bzlog par mi rigs
te/ bzlog pa'i mtshan nyid ni ngo bo gzhan yin pa'i phyir ro/ /de
lta ma yin na tha dad

pa'i tha snyad chad pa nyid du 'gyur ro/ /de'i phyir rdul dang/
mun pa dang/ snying stobs rnams dang/ sems can rnams phan tshun
tha dad par khas blangs pa rgyu mtshan med pa kho nar 'gyur ba
dang/ sna tshogs pa

thams cad ngo bo gcig tu 'gyur ro/ /de'i phyir lhan cig skye ba
dang 'jig par thal bar 'gyur ro/ /tha mi dad par rnam par gzhag
pa'i mtshan nyid ni grub pa dang bde ba gcig pa yin pa'i phyir
ro/ /de lta bas na

gsal ba'i ngo bo dang tha mi dad pa'i phyir mi gsal ba yang gsal
ba'i ngo bo bzhin du rgyu dang ldan pa la sogs pa'i chos dang
ldan par 'gyur ba dang/ gsal ba yang mi gsal ba'i ngo bo dang
tha mi dad pa'i phyir rgyu dang mi

ldan pa la sogs pa'i chos dang ldan par 'gyur ro/ /de ni rang gi
ngo bo bzhin du nges pa nyid yin te/ gzhan du na ha cang thal
bar 'gyur ro/ /gzhan yang 'jig rten na rjes su 'gro ba dang ldog
pa nges pa

rtogs na rgyu dang 'bras bu'i dngos por 'grub kyi/ gang gis gtso
bo las chen po dang/ chen po las nga rgyal zhes bya ba la sogs
pa 'grub par 'gyur ba gtso bo la sogs pa las chen po la sogs pa
skye

par nges pa la rjes su 'gro ba dang ldog pa rtogs pa 'ga' yang
yod pa ma yin no/ /de'i phyir gtso bo la sogs pa las chen po la
sogs pa skye ba'i tha snyad 'di ni rgyu mtshan med pa kho na'o/
/gang gis

@087a @#/ /gtso bo las 'bras bu'i khyad par skyed pa nyid du
'grub par 'gyur ba rtag pa la ni rgyu'i dngos po yod pa yang ma
yin te/ rtag pa ni rim dang rim ma yin pa dag gis don byed pa

'gal ba'i phyir ro/ /zhes pas rgyu dang ldan pa la sogs pa'i
khyad par dang gtso bo la sogs pa rgyu yin pa bkag pa dang/ 'di
snyam du gang gis ngo bo tha dad pa med pa na de 'gal bar 'gyur
ba kho bo

cag ni snga na med pa'i rang bzhin skye bas rgyu dang 'bras bu'i
dngos po mi 'dod de/ gang gi phyir gtso bo sbrul 'khyil ba la
sogs pa bzhin du chen po la sogs pa'i ngo bor yongs su 'gyur bar
'gro

bas chen po la sogs pa de dag gi rgyu yin no zhes bstan la/ chen
po la sogs pa de dag kyang gtso bo de yongs su gyur pa'i ngo bo
yin pa'i phyir de'i 'bras bu nyid du bstan to/ /yongs su

'gyur ba yang dngos po gcig la gnas pa'i phyir tha mi dad kyang
'gal ba med do snyam du sems na/ zhes pas grangs can gyi lan
dang/ de ni yang dag pa ma yin te yongs su 'gyur ba ma grub pa'i

phyir ro/ /'di ltar yongs su 'gyur ba na snga ma'i ngo bo yongs
su dor nas sam/ yongs su mdor bar yin grang/ gal te ma ngor bar
yin na de'i tshe gnas skabs 'chol bar 'gyur te/

rgan po nyid la sogs pa'i gnas skabs na yang lang tsho nyid la
sogs pa'i gnas skabs rnams dmigs par thal ba'i phyir ro/ /'on te
yongs su dor nas yin na de'i tshe rang gi ngo bo las

@087b nyams par thal bar 'gyur ro/ /de'i phyir rang bzhin gzhan
snga ma 'gag cing/ snga na med pa'i rang bzhin gzhan skye ba yin
pa'i phyir/ yongs su gyur ba 'ga' yang mi 'grub po/ /zhes pas
snga ma'i ngo bo

dor ma dor brtags nas bkag pa dang/ gzhan yang yongs su gyur
ba'i mtshan nyid ni de nyid gzhan du 'gyur bar brjod la/ gzhan du
'gyur ba de yang phyogs gcig gis sam/ bdag nyid thams cad kyis

'gyur ba yin grang/ re zhig phyogs gcig gis ni ma yin te/ gcig
la phyogs gcig mi srid pa'i phyir ro/ /bdag nyid thams cad kyis
kyang ma yin te/ don gzhan skye ba na snga ma 'jig par thal ba'i

phyir ro/ /de lta bas na de nyid gzhan du 'gyur bar rigs pa ma
yin te/ de'i rgyu mtshan ni rang bzhin gzhan skye ba yin pa'i
phyir ro/ /zhes pas phyogs gcig gam thams cad nas 'gyur ba rtags
nas

bkag pa dang/ ci ste yang chos can rnam par gnas pa la chos
gzhan log pas chos gzhan skye ba ni yongs su 'gyur bar brjod
kyi/ rang bzhin gzhan du 'gyur ba nyid ni ma yin no snyam du
sems na/

zhes pas grangs can gyi lan dang/ 'di ni yang dag pa ma yin te/
'di ltar 'jug pa dang ldog pa'i chos de chos can las don gzhan
du gyur ba zhig gam/ don gzhan du ma gyur ba zhig yin gal te

don gzhan du gyur ba yin na de'i tshe/ chos can gyi gnas skabs de
nyid yin pa'i phyir ji ltar 'di yongs su 'gyur ba zhes bya/ don
gzhan du gyur ba'i snam bu dang rta dang skye ba dang 'jig pa na
g.yo ba

@088a @#/ /med pa'i bdag nyid kyi rang gi ngo bo'i bum pa la sogs
pa yongs su 'gyur ba ni ma yin te/ ha cang thal bar 'gyur ba'i
phyir ro/ /de lta na skyes bu yang yongs su 'gyur bar

'gyur ro/ /zhes pas yongs su 'gyur ba'i chos ni chos can rang
bzhin las don gzhan yin min brtags nas bkag pa dang/ gal te de
dang 'brel ba'i chos gnyis skye ba dang 'jig pas de

yongs su 'gyur bar bzhag gi gzhan ni ma yin no zhe na/ zhes pas
grangs can gyi lan dang/ ma yin te/ yod pa dang med pa dag la
'brel ba med na de dang 'brel ba ma grub pa'i phyir ro/ /

'di ltar 'brel bar 'gyur na yod pa la'am/ med pa la yin grang/
re zhig yod pa la ni ma yin te/ de ni rang bzhin phun sum tshogs
pa ma lus pa thob pas ltos pa med pa nyid kyis 'ga' la yang

rag las par mi 'thad pa'i phyir ro/ /med pa la yang ma yin te/
de ni nye bar brjod pa'i mtshan nyid thams cad dang bral ba yin
pa nyid kyis 'ga' la yang brten pa nyid du mi 'thad pa'i phyir
ro/ /

gang gi phyir ri bong gi rwa la sogs pa rnams ni 'ga' la yang
brten par mi rigs so/ /chos gzhan tha dad pa skye ba dang 'jig
pa na khyed cag gis yongs su 'gyur bar rnam par 'jog pa yang ma
yin

na/ /'o na ci zhe na/ gang lag nas skabs tha dad kyang bdag nyid
du gyur ba'i rang bzhin gcig rjes su 'jug pa na de la khyed cag
gis yongs su 'gyur bar rnam par gzhag la/ chos can las

@088b chos dag tha dad pa na rang bzhin gcig rjes su 'jug pa yod
pa yang ma yin no/ /de dag gi gcig gi bdag nyid ni chos can nyid
yin la/ chos las de yang tha dad pa'i phyir/ rang bzhin gcig gi
bdag

nyid du gyur ba rjes su 'jug pa ma yin no/ /'jug pa dang ldog
pa'i chos gnyis las tha dad pa'i chos can dmigs pa'i mtshan nyid
du gyur ba mthong ba'i lam du 'jug pa ni 'ga' yang med pa'i
phyir de

'dra ba ni mkhas pa rnams kyi med pa'i tha snyad kyi yul nyid
yin no/ /ci ste don gzhan du ma gyur ba'i phyogs yin pa de lta
na yang chos can gyi rang gi ngo bo gcig las tha mi dad pa'i
phyir skye ba dang 'jig

pa dang ldan pa'i chos gnyis kyang chos can gyi rang gi ngo bo
bzhin du gcig nyid yin pa'i phyir gang zhig la brten nas chos
can nam chos su 'gyur ba yin/ chos gnyis chos can gyi gnas skabs
can

tha mi dad pa'i phyir gnas skabs can gyi rang gi ngo bo bzhin du
ldog pa yang med/ skye ba yang med do/ /chos gnyis pas chos can
gzhan ma yin pa'i phyir chos kyi rang gi ngo bo bzhin du snga na

med pa skye zhing snga ma 'jig pa yin pa'i phyir gcig 'ga' yang
yongs su 'gyur bar mi 'grub bo/ /de'i phyir longs su 'gyur ba'i
dbang gis kyang khyed cag gi rgyu dang 'bras bu'i tha snyad

rigs pa ma yin no/ /zhes pas yod med gang la 'brel brtags nas
bkag pa yin no// ()sha() med pa mi skyed pa la sogs pa'i gtan
tshigs lngas rgyu'i dus su 'bras bu yod par

@089a @#/ /sgrub pas/ 'dir gtan tshigs gsum gyis sgrub ces pa dpe
ma dag go/ ()sa() ci ste gtso bo'i ngo bo ni/ /tshul gsum nyid du
rnam par gnas/ /de la dbang phyug

'di rdul dang/ /ldan na 'byin pa'i rgyu yin no/ /snying stobs
shas cher 'jug pa la/ /gang tshe rten par byed pa na/ /de tshe
'jig rten thams cad kyi/ /gnas pa'i rgyu mtshan nyid du 'gyur/ /

gang tshe mun pa'i nus pa ni/ /shas chen po dang sbyor ba na/ /de
tshe 'di ni 'gro ba kun/ /'jig par byed pa yin zhes grags/ /de
ltar rdul dang snying stobs sogs/ /dngos rnams 'di yi lhan

cig byed/ /rim pa kho nar 'byung 'gyur te/ /de phyir 'bras bu
rim med yin/ /zhes so// ()ha() rang skye ba med cing 'byin gnas
'jig pa'i rgyu gsum gyi rang bzhin du gyur ba'i rdul mun snying

stobs kyi yon tan gsum gyi bdag nyid la phyag 'tshal zhes pa'o//
()a() tshad chen dka' 'grel las/ ji ltar long ba mig dang ldan
pa'i skyes bu dang 'brel ba las don la 'jug par

'gyur ba de bzhin du chen po la sogs pa thim par 'gyur ba sems
pa can gyi skyes bu dang phrad pa las sems pa can bzhin du chos
la sogs pa'i 'bras bu la nges par byed pa yin no zhes bya

ba la skyon med do/ /de skad du yang/ skyes bu mthong ba'i don
du dang/ /nas/ 'khor bar byas/ /zhes bshad pa yin no/ /zhes so//
()ka() skyes bu 'ching ba gsum las

@089b grol ba'i thar pa ni/ rtog ge 'bar ba las/ 'khor ba na yul
la sred pa nyid kyis skyes bu dang rang bzhin la gcig pa nyid du
rmongs pa yod la/ shes pa lhag par skyes par gyur ba na don
thams cad la

yongs su ngoms par gyur ba'i phyir rang bzhin yang gzhan la bdag
kyang gzhan no zhes de kho na nyid mthong ba na sa la sogs pa'i
bya ba dang/ mig la sogs pa'i byed pa rnams ldog par 'gyur bas
rang

bzhin la sogs pa'i 'ching ba las thar pa yin no zhes bya ba ni
grangs can pa kha cig gi yin no/ /zhes so/ /skyes bu las rang
bzhin grol ba'i thar ba ni/ de nyid las/ 'di las dang po srid pa
na/

rang bzhin gcig las skyes bus spyad par bya ba'i don rnam pa sna
tshogs pa gzhan ma yin pa nyid du 'jug par 'gyur ro/ /grol ba'i
dus na ni bdag kyang skyes bu 'da'i ma yin la/ skyes bu 'di

yang bdag gi ma yin no zhes 'di'i de kho na nyid mthong ba skyes
pa na yul gyi longs spyod ji snyed skyes bu la sbyin par bya ba
de bdag gis byin pas des na bdag gi don byas pa yin zhing/ skyes
bu la

thams cad kyis rjes su bzung ba'i phyir skyes bu las rang bzhin
grol ba yin no/ /zhes so// ()kha() rnam 'grel TIka chen las/
grangs can pa dag rang bzhin 'gyur ba las byung

ba'i mtshan nyid ni lnga bcu'o zhes smra ste/ 'di ltar mgu ba ni
dgu'o/ /grub pa ni brgyad de/ /nus pa ni nyi shu rtsa brgyad do/
/phyin ci log pa ni lnga ste/ de ltar na lnga bcu'o/ /de la chu
dang/@090a @#/ /chu rgyun dang/ chu bo dang/ char 'bab pa dang/ legs
par brgal ba dang/ gzhan ma yin pa dang/ mig bzang ba dang/ 'od
can dang/ lus mchog ces bya ba ni/

mgu ba dgu yin te/ yongs su mnyes pa zhes bya ba 'am/ tshim pa
zhes bya ba'i tha tshig go /de yang rang bzhin las 'bras bu thob
pa yin gyi/ skyes bus byas pa ni ma yin no/ /zhes de ltar

gang gis mthong ba de ni/ yongs su dga' ba thar ba la sogs pa'i
yul las skye bar 'gyur ba ni chu zhes bya'o/ /nye bar len pa las
'bras bu 'thob kyi/ skyes bus byas pa ni ma yin no zhes

shes nas thar ba la sogs pa'i yul la yongs su dga' ba skye bar
'gyur ba ni chu rgyun zhes bya'o/ /dus kyi 'bras bu 'thob kyi
skyes bus byas pa ni ma yin no zhes shes pa sogs ni chu bo'o/ /

skal pas 'bras bu 'thob kyi skyes bus byas pa ma yin no zhes
shes pa sogs ni char 'bab pa zhes bya'o/ /yul la sogs pa nye bar
sgrub pa'i skyon mthong nas gang thar ba la sogs pa la

yongs su dga' ba de ni legs par brgal ba zhes bya'o/ /kun tu
bsrung ba'i skyon mthong nas thar ba la sogs pa la yongs su dga'
ba de ni/ gzhan ma yin pa zhes bya'o/ /de ltar thar ba

sogs la yongs su dga' bas ting nge 'dzin bskyed de thar ba
mthong ba ni mig bzang ba zhes bya'o/ /dbang po las 'das pa
mthong ba ni 'od can zhes bya'o/ /rnam par 'tshe ba'am skyon
mthong

@090b nas thar ba sogs la yongs su dga' ba de ni/ lus mchog ces
bya ste/ de dag ni mgub rnam pa dgu yin no/ /de bzhin du ye shes
las skye ba'i grub pa ni brgyad de/ 'di lta ste sgrol ba po
dang/

legs par sgrol ba po dang/ sgrol ba'i mthar phyin pa dang/ dga'
ba dang/ rab tu dga' ba dang/ mgu bar gyur ba dang/ nyams dga'
ba dang/ mchog tu dga' ba zhes bya ba ste/ ye shes la brten nas

grub pa'i phyir dang/ rang gzhan la phan pa sgrub pa'i phyir na
grub pa zhes bya'o/ /de la shes pa gang dpyad pa byas nas skye
ba ni/ sgrol ba po zhes bya'o/ /thos pa la sogs pa dag gi shes
pa ni/ leT par

sgrol ba po zhes bya'o/ /brjod bya dang rjod byed sngon du song
ba'i bla mas bstan pa las skyes pa'i shes pa de ni sgrol pa'i
mthar phyin pa zhes bya'o/ /grang ba dang tsha ba ldog pa'i thabs
shes pa ni dga' ba

zhes bya'o/ /nang gi bdag nyid kyi rlung dang mkhris pa dang bad
kan la sogs pa'i nad gang bdag nyid dam bla ma las skyes pa'i
ldog pa'i thabs shes pa grub pa de ni rab tu dga' ba zhes bya'o/
/

de bzhin du gang dang po 'byung ba las gyur ba'i mi dang/ byol
song dang/ ri dwags dang/ sbrul la sogs pa'i rgyu mtshan las
byung zhing/ skyes pas 'jigs pa dang/ 'thab rtsod dang/ rdeg pa

la sogs pa'i sdug bsngal rnams bcos pa'i thabs shes pa grub pa
de ni mgu bar gyur ba zhes bya'o/ /de bzhin du skal pa dang ldan
pa'i rgyu can gyi bde ba la dmigs pa la sogs pas tshangs par

@091a @#/ /spyod pa'i shes pa de ni nyams dga' ba zhes bya'o/ /de
bzhin du gang ldang ba dang/ phyag 'tshal ba dang/ skra dang kha
spu bregs pa la sogs pa sgrub par byed pa'i shes pa

de ni/ rtag tu dga' ba zhes bya ste/ 'di dag ni grub pa brgyad
yin no/ /yang 'on pa dang/ mdze nad dang/ dmus long gi ngo bo
dang/ bems po nyid dang/ dri mi zhim pa nyid dang/ grum po

nyid dang/ rtag skam can dang/ ma ning dang/ lag pa nyams pa
dang/ lkugs pa dang/ shes pa nyams pa zhes bya ba 'di dag gis
grangs ji lta ba bzhin du/ lpags pa dang/ mig dang/

lce dang/ sna la sogs pa dang/ ngag dang/ lag pa dang/ rkang pa
dang/ bshang lam dang/ 'doms zhes bya ba'i dbang po la gnod pa
'di dag ni nus pa bcu gcig go /de bzhin du chu ma yin

pa dang/ chu rgyun ma yin pa dang/ chu bo ma yin pa dang/ char
'bab pa ma yin pa dang/ legs par brgal ba ma yin pa dang/ gzhan
ma yin pa ma yin dang/ bzang po ma yin pa dang/

'od can ma yin pa dang/ lus mchog ma yin pa zhes bya ba ste/ de
yang rang bzhin rtag tu yod du zin kyang ngo ma shes pas thar ba
la sogs pa la dga' ba ma skye ba ni/ chu ma yin pa zhes bya ba

la sogs pa nas/ rnam par 'tshe ba mthong yang thar pa la sogs pa
la dga' ba mi skye ba ni/ lus mchog ma yin pa zhes bya ba'i bar
du'o/ /de bzhin du sgrol ba po ma yin pa dang/

@091b legs par sgrol ba ma yin pa zhes bya ba la sogs pa grub pa
brgyad la gnod pa ste/ de yang shes pa gang dpyad pa byas nas
skye ba ma yin pa de ni sgrol ba po ma yin pa zhes bya ba nas ji
srid g.yo sgyu dang ser

sna sogs la rigs pa'i don mi dmigs pa ni rtag tu dga' ba ma yin
pa zhes bya'o/ /zhes bya ba'i bar du ste de ltar na 'di dag ni
nus pa nyi shu rtsa brgyad ces bya'o/ /zhes gsungs te/ nus pa
bcu

gcig dbang po bcu gcig dang grangs bzhin du sbyor bar gsungs pas
na/ rna ba dang lpags pa dang mig dang lce dang sna dang/ rkang
pa dang bshad lam dang 'doms dang lag pa dang ngag dang/ yid ces
bya

ba'i dbang po la gnod pa 'di dag ni nus pa bcu gcig go /zhes
'don na 'grig par 'gyur ro/ /yang de nyid las/ phyin ci log rnam
pa lnga ni 'di lta ste/ mun pa dang/ rmongs pa dang/ rmongs pa

chen po dang/ shin tu mun par gyur ba dang/ shin tu smag tu gyur
ba zhes bya ba ni/ phyin ci log ces bya ste/ phyin ci log gi don
ston par byed pa 'di lta ste/ gzhan ma yin pa la gzhan gyi blo
dang/

legs pa ma yin pa la legs par yang dag par sgrub pa dang/ bde ba
ma yin pa la bde bar mngon par nga rgyal ba dang/ mi nus pa la
nus par mngon par nga rgyal ba dang/ mi bzod pa la bzod par yid

ches pa zhes bya'o/ /'di dag ni phyin ci log rnam pa lnga yin
par grangs can rang nyid kyi gzhung mtshan nyid lnga bcu pa las
bstan par bshad do/ /zhes gsungs so/ /'ching ba rnam pa gsum
dang

@092a @#/ /thar ba rnam pa gsum yang de nyid las/ de yang skyes
bu bcing ba gsum gyis bcings pa las 'khor bar 'gyur zhing/ de
nyid las grol bas thar ba rnam pa gsum 'byung ba ni

thar ba zhes bya'o/ /de la 'ching ba rnam pa gsum ni/ rang bzhin
gyi 'ching ba dang/ 'gyur ba'i 'ching ba dang/ nor gyi 'ching
ba'o/ /de yang re shig nor gyi 'ching ba zhes bya ba ni/ khyim
pa'aM/

tshangs par spyod pa'am/ nags na gnas pa la sogs pa rnams ni nor
rnyed pas 'ching ba yin te/ ji tsam rnyed pa de tsam du sred pa
'phel ba nyid kyis so/ /'gyur ba'i 'ching ba zhes bya ba ni/

rab tu byung ba rnams de dang de la lta ba sogs su 'dod pas sgra
dang reg bya dang ro dang gzugs dang dri rnams kyi dbang po
'gyur bar byed cing/ dbang po yul gyi rjes su 'brang bar byed
pa'i phyir/ nang du

yang dag par gnas par mi 'gyur bas 'ching ba zhes bya'o/ /rang
bzhin gyi 'ching ba zhes bya ba ni/ lha dang lha ma yin dang mi
dang dud 'gro la sogs pa rnams kyis lus gang dag gzhan dang
gzhan

rnam pa sna tshogs kyi rang bzhin du 'gyur pa'i bdag nyid du
'byung ba ste/ bde ba dang/ sdug bsngal dang/ rmongs pa'i bdag
nyid kyi phyir dang/ bdag nyid de nyid ngar 'dzin pa dang/ de
tsam

dang; dbang po'i khyad par gyi mtshan nyid sna tshogs pa 'gyur ba
las byung ba yin pa'i phyir ro/ /de yang 'khor bar 'khor ba na
yul la sred pa nyid kyis skyes bu dang rang bzhin la gcig pa
nyid

@092b du mongs pa yod la/ de'i phyir rang bzhin nyid yul thams
cad la rjes su 'brel zhing/ de nyid kyi rnam 'gyur sna tshogs pa
'di sprul par ma shes par bdag nyid kyis las byas pa dang/ bdag
nyid kyis

'bras bu bskyed pa dang/ bdag nyid de dag longs spyod pa sogs su
bzung bas/ bdag nyid yul rnams la sred pa'i gzhan dbang du 'gyur
te/ 'khor bar 'khor ba yin la/ gang gi tshe bla mas nye bar

bstan pa dang/ thos pa sogs la brten nas rang bzhin gyis 'bras
bu dag sprul bar byed pa yin gyi/ skyes bu ni skyed pa dang bral
ba yin no/ /zhes sogs su nges pa'i shes pa lhag pa skyes par
gyur ba

na/ 'bras bu dag 'byin par byed pa dang/ yul sna tshogs pa 'di
dag sprul par byed pa'i rang bzhin yang gzhan la bdag kyang
gzhan no zhes rtogs nas/ bdag nyid don thams cad la yongs su

ngoms par 'gyur ba'i phyir/ ting nge 'dzin gyi stobs kyis lha'i
mig bskyed de/ rang bzhin la lta bar byed pa na/ bdag dang rang
bzhin gtsig tu 'khrul pa'i dri ma bral nas rnam 'gyur sna tshogs
pa

'di dag gi gnas lugs su gyur ba'i don dam par bzhin gyi de kho
na nyid mngon sum du mthong nas rang bzhin yang slar skyengs
pa'i tshul gyis rang bzhin las blo dang/ de las nga rgyal dang/
de

las de tsam lnga dang/ dbang po bcu gcig dang/ de tsam lnga las
'byung ba lnga nye bar sprul bar byed pa'i 'jug pa nye bar bsdus
te/ rang bzhin yan gar bar gnas shing/ de'i tshe rnal 'byor ba'i

@093a @#/ /blo ngor kun rdzob rnam 'gyur gyi tshogs thams cad kyi
snang ba log ste/ sa la sogs pa'i bya ba dang/ mig la sogs pa'i
byed pa rnams ldog par 'gyur bas ji skad bshad

pa'i 'ching ba gsum las grol te/ skyes bu yul la longs spyod pa
med cing/ byed pa med par gnas pa de'i tshe thar ba thob pa yin
no zhes bya ba ni/ grangs can pa dag gis bcings pa dang/

thar ba'i tshul rnam par bzhag pa yin no/ /zhes gsungs pa ltar
ro// ()ga() de nyid nyi shu lnga shes na/ /ral ba'am mgo zlum
cod pan can/ /gnas ni gang dang gar gnas kyang/ /

grol 'gyur 'di la the tshom med/ /ces so// ()nga() 'jug TIka
chen mor/ skyes zin pa'i sa bon slar yang 'debs nas skye bar
yongs su rtog par 'gyur ba ste 'dod na ni/ rgyu mtshan gang gis

sa bon 'debs nas skye ba bkag nas myu gu skye bar 'dod pa slar
yang sa bon de skye ba la gegs ci zhig yod de med pas/ myu gu
dang la sogs pas sdong bu dang sbubs 'cha' ba sogs kyi skye ba
'jig

rten 'dir gtan rnyed par mi 'gyur ro/ /skyon gzhan yang sa bon
de nyid bar ma chad par srid pa'i mthar thug par rab tu skye ba
nyid du 'gyur te/ skyes zin pa de nyid slar yang skye dgos pa'i

phyir ro/ /de ni 'bras bu'i rigs 'dra rnams mi skye ba dang/
rgyu'i rigs 'dra rnams bar ma chad du skye ba'i skyon gnyis
bstan nas rigs pa dang 'gal ba brjod pa'o/ /zhes gsungs so/ /

@093b ()ca() n+ya gro d+ha'i sa bon yungs 'bru tsam gyi nang na
rgyang grags khebs pa'i shing ljon pa yod pa dang/ skyes pa bud
med gnyis kyi nang na bu gcig yod pa'am/ bu gcig gi lus kyi cha
gcig skyes pa dang cha

gcig bud med la yod par 'gyur ba dang/ rnga yi nang na sgra chen
po yod kyang ma thos pa dang/ nags tshal la me chen 'bar ba yod
kyang ma mthong ba sogs so/ /gzhan yang/ rnam 'grel las/

rtswa sogs rtse na glang chen brgya/ /sngon tshe ma mthong yod do
zhes/ /de skad grangs can phyugs las gzhan/ /ngo mtshar bcas pa
su brjod rtsol/ /rgyu ni lan brgyar rnam phye yang/ /ngo bo gang
zhig snang gyur

ba'i; ;ngo bo de ni sngar mi snang/ /ji ltar de ni yod par
'gyur/ /zhes dang/ spyod 'jug las kyang/ gal te rgyu la 'bras
gnas na/ /zan zi ma gtsang za bar 'gyur/ /ras kyi rin gyis ras

bal gyi/ /sa bon nyos la bgo bar gyis/ /zhes gsungs so// ()cha()
rtog ge 'bar ba las/ 'di yi ldog pa'ang rigs min te/ /mang po
dag dang thun mong phyir/ /ji ltar rje gcig shi gyur

kyang; ;tshogs pa dag gi bran bzhin 'dod/ /longs spyod pa nyid
yin no zhes zer ba'i rang bzhin ni dang po srid pa'i tshu rol du
skyes bus nye bar spyad pas bdag gis don byas zin to/ /zhes ldog
par

'gyur ba na rang bzhin na gcig gcig yin la/ skyes bu ni mang po
yin pas des na 'dir skyes bu gcig las grol du zin kyang thams
cad du grol ba ma yin te/ skyes bu mang pos thun mong du

@094a @#/ /bcings pa yin pa'i phyir ro/ /skyes bu gcig shi bas de
la brtse ba dang bral du zin kyang de las gzhan pa 'tsho ba'i
skyes bu dag las grol ba med do/ /zhes so// ()ja()

de ltar na yang spro gyur nas/ /rang gi lugs kyi skyon sbed
kyang/ /smras pa'i skyon rnams med min te/ /gyen du skra 'greng
bum 'dra bzhin/ /'di ltar grags te dbang pos karna la dgra bo

gsod par byed pa'i mtshon cha 'phang mdung byin pa dang/ des de
srid sgrub gsod pa'i phyir sbas nas bzung ngo/ /yang karnas
'jigs byed sde'i bu nags kyi srin mo las skyes pa

skra gyen du 'greng ba bum pa lta bu zhes bya ba dang lan gsum
gyi bar du 'thabs pa na ji srid du des karna pham par byas pa
las/ karnas 'phang mdung de skra gyen du 'greng ba bum pa lta bu

de gsad pa'i phyir 'phangs pa dang/ skra gyen du 'greng ba bum
pa lta bu sbrul gyi gzugs su bsgyur nas gnas pa na 'phang mdung
de yang nam mkha' lding gi gzugs su bsgyur nas

gnas so/ /yang skra gyen du 'greng ba bum pa lta bu byi la'i
gzugs su bsgyur nas gnas pa na 'phang mdung de 'ug pa'i gzugs su
gyur nas nye bar gnas so/ /skra gyen du 'geng ba

bum pa lta bu mer bsgyur na 'phang mdung yang chu'i bdag nyid du
gyur nas rjes su 'brang ste/ de bzhin du des gang dang gang gi
gzugs su bsgyur nas nye bar gnas pa na/ 'phang mdung

@094b de yang de'i gshed po gang yin pa de dang de'i gzugs su
bsgyur nas rjes su 'brel te/ chung ma'i gzugs su gyur nas des
skra gyen du 'greng ba bum pa lta bu bsad par gyur ba'i bar du
'byung ba bzhin

du de bzhin du khyod kyang rnam grangs gzhan nye bar bzung nas
nye bar gnas pa na de dag la yang/ sngar smras pa'i skyon dag
bzlog par dka' ba yin gyi med pa ma yin te/ 'di ltar na skra
gyen du 'greng ba

bum pa lta bu la 'phang mdung rjes su 'brel bar 'byung ba bzhin
du/ ji srid khyed gzhan rnam par mnan pa'i phyir sbro ba yod pa
de srid du yang skyon de dang bcas pa yin te/ skyon ci zhig ce
na/

gal te nus pa'i ngo bor de yod pa nyid yin na ni dpe med pa yin
la/ gsal ba'i ngo bor yod pa nyid yin na ni grub pa'i mtha' dang
'gal lo/ /zhes bya ba la sogs pa yod do/ /zhes rtog ge

'bar ba las gsungs so// ()nya() da ni rtsa tshig gi tshig don
bshad par bya ste/ sngar bshad pa'i drang srong ser skya dang/
drang srong mchod 'os dang/ lha chen dbang phyug dang/ ston pa

chu klung rnams grangs can pa'i ston pa yin la/ slob dpon byang
chub bzang pos bshad pa ltar dngos po 'byung ba'i rgyu grangs
nges par smra bas sam/ rtog ge 'bar ba ltar de nyid nyer lnga'i
grangs

kyi 'jug pa'am/ grangs yongs su shes pa grol bar 'dod pas grangs
can dang/ skye ldan thams cad rang gi rang bzhin las skye bar
smra bas rang bzhin rgyur smra ba dang/ drang srong

[@#incomplete text; missing pages 95a - 99b (.020)]

@100a @#/ /par bya ste/ ba lang bzhin du chu btung zhing rtswa
yang bcad par bya la/ ma la yang gzhon par bya/ ma'i spun zla la
yang gzhon par bya/ rang gi rigs la yang gzhon par bya ste/ gang
dang gang du zhugs shing 'dug pa

deng rnyed pa de dang de la sbyang cing ba lang bzhin du sbyod
na 'jig rten thams cad las rgyal bar 'gyur ro/ /zhes bya ba
dang/ de bzhin du rtogs pa la phan pa'i yal ga las kyang ba lang
gi chos bzhin du rkang lag bzhi btsugs shing

gdong thur du bltar bcugs la/ de'i mo mtshan la bsnams la/ bram
ze'i gdong gis nam mkha' la blta bar bya'o/ /ci'i phyir 'di skad
du bstan ce na/ lam yangs pa 'di ni lhar 'gro ba'i lam ste/ gang
bu dang ldan pa de

'di nas song nas mya ngan med par 'gro ba'i phyir ro/ /byol song
ni lo rgan gzhon mi blta'o/ /de bzhin du nges kyang ma la yang
'khrig pa spyad par bya'o zhes bstan pas 'dod pa dang mtshungs
par ldan pa la ni bden pa'i tshig kyang yod pa

ma yin la/ ngo tsha dang yang shin tu bral bar gyur ba nyid yin
no/ /de la yang mchod sbyin byed pas 'khrig pa mngon par 'dod na
gzhon nu ma dang bsrub par bya ste/ myur du shugs kyis spyad
cing mnyam du bsrubs la de nyid du bzhago/

drag tu khyu mchog bzhin du bya'o/ /gang bud med rgan po la
spyad na ni de nas gzhon nu ma la mchod sbyin byed pas 'khrig
par bya ste/ ji ltar sa ku ni la gnod pa byas na ku co 'don cing
rgol bar byed pa ltar de yang ku co 'don par byed

rdeg par byed kyang de nyid kyi nang du sngar ji ltar bstan pa
ltar sa bon blug par bya'o/ /de la bdag pos kyang smras pa/ gang
las skyes bu'i sa bon 'byung ba 'di la khyod dga' bar gyis shig
/'di ni khyod kyi yin no/ /gang brla

@100b gnyis kyi bar na gnas pa'i khyod kyi nyer gnas zhes bya ba
'di'i nang du nga'i pho mtshan 'dis brdeg par bya'o/ /zhes bya ba
bstan pa dang/ zhes dang/ chang 'thung ba chos su smra ba'i tshul
ni/ chang btung bar yang bstan te/ nor bu skud pa

la bskus pa'i mchod sbyin par ta ka'i dum bu las/ chang 'di
'thung kyang nyams par mi 'gyur te/ 'di ni skye dgu'i bdag pos
stobs bskyed pa yin no/ /zhes 'di lta bur rig nas chang 'thung
pa ni skye dgu'i bdag pos stobs bskyed

par byas pa nyid yin no/ /zhes bstan pa dang/ zhes dang/ rku ba
chos su smra ba'i tshul ni/ brku bar yang 'byung ste/ dran par
byed pa'i brlab pa'i 'khor lo las/ nyi ma bdun du ltogs na
dmangs rigs kyi/ nyi ma bcu gnyis pa la rje'u

rigs kyi/ zla phyed yin na rgyal rigs dag gi'o/ /srog la thug na
lan gnyis skyes pa'o/ /gang dag srog ni gzung ba'i phyir/ /sdig
pa'i las dag byed pa de/ /de ni chos 'dod min zhes bya/ /rku dus
chos 'di shes par bya/ /zhes bya ba

dang; de bzhin du 'di dag thams cad ni tshangs pas bram ze'i don
du bskyed pa yin par 'dod la/ bram ze'i stobs dang bral bar gyur
bas dmang rigs kyis kyang yongs su spyod pa yin no/ /de lta bas
na bram ze rang gi rdzas rang gis spyod cing

'dzin pa yin no/ /zhes bya ba la sogs pa dang/ zhes dang/ brdzun
smra chos su smra ba ni/ brdzun du smra ba yang 'di ltar 'byung
ste/ khyod kyi mas kyang rjes su gnang/ phas kyang rjes su
gnang/ spun zlas kyang rjes su gnang/ mngal

gcig pas kyang rjes su gnang/ rigs gcig pas kyang rjes su gnang
zhing/ de dag gis 'di ltar 'dod pa yin pas khyod ni mtho ris su
'gro bar 'gyur ro zhes smra bar byed kyang/ byol song rnams ni
sems kun tu rmongs pa yin pas

@101a @#/ /gnang ba ster ba yang rigs pa ma yin la/ rang gi dge
ba'i las byas pa med par mtho ris su 'gro ba yang med do/ /mchod
sbyin de nyid du byol song la 'di skad kyang brjod par byed de/
khyod ni srog ni rlung du

'gyur ba yin/ khrag chur yin/ rus pa ni sar yin/ yid ni zla bar
yin/ mig ni nyi mar yin/ lha gang yin pa de ni nam mkhar yin no/
/nam mkhar yin no zhes smra bar byed pa dang/ de bzhin du sbyin
sreg mkhan pos

rta gsod par byed pa na 'di lta bu'i sngags brjod cing smra bar
byed do/ /khyod 'dir gsod cing 'ching ba ma yin gyi/ 'di lta
bu'i spyod pa dang bral ba lha'i gnas su sngon byas pa'i las
bzang pos snying du sdug pa dang grogs rnams dang

lhan cig tu mchod sbyin la sogs pa'i gnas nyi mas sbyin par byed
do/ /zhes rnam par 'tshe bar byed bzhin du yang khyed 'chi bar mi
'gyur ro zhes brdzun du smra bar byed do/ /byol song nyon mongs
des de'i don yang go bar mi 'gyuro/ /

de bzhin du mchod sbyin gyi cho ga las 'di skad smras te/ 'dir
bdag gis me la mchod sbyin byas so/ /srog gi mthar thug pa rnams
'dod 'jo'i ba 'am lha'i bu mor 'gyur ro/ /bcings pa mthar thug
pa rnams gcig gam/

bcu 'am/ brgya 'am/ stong ngam/ khri 'am/ 'bum 'am/ bye ba 'am/
dung phyur ram/ sa 'di 'am/ mtho ris la dbang bar 'gyur ro zhes
smra yang sreg sbyin byas pa'i srog mthar thug pa de rnams 'dod
'jo'i bar 'gyur ba'i/

lha'i bu mor 'gyur ba ma yin te/ sems pa dang bral ba'i phyir
ro/ /yang de las 'khri shing nyi ma zhes bya ba rdos brdung ba
ni rig byed bklags na de nyan par byed do zhes smra bar byed la/
rdo la ni rna ba'i dbang po yod pa ma yin no/ /

@101b de bzhin du sbrang rtsi myang bar byed pa dang; bag sna
byed pa dang/ mngal nye bar len pa dang/ bu btsas pa dang/ mchod
sbyin gyi dus su brjod pa de dag thams cad ji lta ba bzhin gyi
'bras bu yod pa ma yin gyi/ de lta bu la sogs pa thaMd ni

rdzun du smras pa yin no/ /rig byed las smras pa phal cher ni
'brel ba med pa'i ngag bkyal ba mang du brjod pa yang yin te/
'di ltar lha tshangs pas ni khyod bskyed do/ /tha skar gyi bu ni
dpung pa yin no/ /rgyal ni lag pa dag go /

me lha mchod pa'i khas ni khyod blangs so/ /zhes bya ba la sogs
pa ste/ 'di lta bu'i sbyin bdag bslu ba 'ba' zhig gi phyir bcos
ma byas pa yin te/ lha tshangs pas ci ltar de'i phyir gsol ba
'debs pa'i bya ba byed cing/

ci ltar de dang nye bar 'ong bar 'gyur/ de bzhin du bdag dang
gzhan gnyis kyis mnyam du glur len par byed de/ 'di ltar tshangs
pa de ni rgya cher gtsang bar byed/ ces sogs 'dir drangs pa ltar
la/ legs ldan gyis zhes

sogs don med pa'i tshig nye tshe 'byung zhes pa'i legs ldan gyis
zhes pa ni yi ge lhag go /rtog ge 'bar ba las/ 'di ltar grags
te/ skye dgu'i bdag po bsal ba zhes bya ba tshangs pa'i kha nas
skyes so/ /des mchod sbyin

gcig byed pa'i dus su tshangs pa spyan drangs pa dang de ma 'ongs
so/ /de nas skye dgu'i bdag pos rang gi 'u mo gzhon nu rnams pho
nyar btang ngo/ /de rnams kyi la las ni lag pa nas drangs/ la
las ni tso to nas drangs te tshangs pa mchod sbyin gyi

gnas su khyer ro/ /de gzhon nu ma rnams kyi lus dang reg par
gyur pa na 'dod pas sems myos par gyur nas khub 'byung ngo/ /de
mchod sbyin byed pa'i sreg gzar gyis blangs nas bsreg bya bzhin
du me'i nang du blugs so/ /

@102a @#/ /de nas 'bar ba'i phreng bas kun nas 'khor bzhin du
thub pa dan spong dang/ ang gir sa skyes par gyur te/ de'i lhag
mdu ba'i nang du lus pa las a ti byung ngo zhes zer te/ des na
'dir yang skye dgu'i bdag po

las skyes pa rang gi tsha mo la 'dod pa'i sems skyes nas byung
ba'i khu ba lha thams cad kyi kha yin par 'dod pa'i me'i nang du
ldugs par byed pas smyon pa'i spyod pa dang 'dra ba tshangs pa la
yang yod pa yin no/ /zhes pa ltar ro/ /

()ma() sher sgron 'grel bshad las/ lung las nges brjod ni ri bo
nges pa zhes bya bar byas la/ snyan tshig dag ni ri bo snyan pa
zhes bya bar byas la/ srid srung nyi ma'i rgyud ni ri bo skal
ldan phug ron can du byas so/ /zhes bshad

cing; rig byed pa bo ni 'dir bshad pa dang/ dpyod pa ba'i skabs
kyi rtog ge 'bar bar bshad pa dang/ rnam 'grel TIka chen du
sangs rgyas pa dang gzigs zin pa'i lugs la rig byed byed pa ba
mi 'dra bar bshad pa sogs mang po yod

kyang dgos pa chung bas ma sbros so// ()tsa() khyad par 'phags
bstod kyi 'grel par/ 'di ltar rjes su thos te/ sund+ha dang/ u
pa sund+ha zhes bya ba lha ma yin spun gnyis shig byung ba dang/
de gnyis kyis tshangs pa bsgrubs te/

'jig rten gsum gyis mi gsod par gyur ba dang/ bdag cag lus tsam
tha dad kyi/ sems ni de lta ma yin par tha dad pa med par mdzod
cig ces bya ba dang/ tshangs pas kyang mchog byin no/ /de nas de
gnyis kyis khams gsuM

las rnam par rgyal ba'i bya ba la zhugs par gyur to/ /lha rnams
kyis de gnyis bsad pa'i thabs la dpyod par gyur pa dang/ tshangs
pas smras pa/ de dag gcig la gcig gsod pa'i thabs bsgrub par
bya'o/ /zhes smras pa

@102b dang lha rnams kyi rang gi lus la til 'bru til 'bru tsam
byin nas/ de las thig le'i mchog ma zhes bya ba'i lha'i bu mo
zhig bskyed nas/ de la yang tshangs pa la bskor ba byed du bcug
pa dang/ de de'i gzugs la yid rnam par/ ma pas

lta ba na/ ngo tsha bar gyur bas gdong bzhi sprul bar gyur to/
/de bzhin du lha chen po yang de dang 'dra bar 'dod chags kyi
dbang gis gdong bzhi sprul bar gyur to/ /de bas na lha chen thig
le'i mchog ma la/ rab tu chags pas gdong

bzhi byung zhes smos pa yin te/ zhes so// ()tsha() shar nub la
sogs pa'i phyogs kyi cha dang bral bas cha med dang/ skye 'jig
med pas rtag pa dang/ sgra'i rang bzhin te de kho na nyid dang/
tshangs pa ste snod bcud byed pa po dang/ mchog ste

oM gyi bdag nyid gang yin pa de nyid yongs su gyur ba ni gzugs
la sogs pa'i dngos po'i tshogs 'di yin no zhes rab tu shes par
bya'o// ()dza() 'das pa la sogs pa'i dus kyi cha dang bral bas
thog mar skye ba dang tha mar 'jig pa

med pa'i tshangs pa de ni sgra'i de nyid de phyin ci ma log pa'i
ngo bo dang a u ma gsum 'dus pas yi ge gang yin pa de/ gang la
rjod par byed pa'i ngo bo tha snyad dang brjod par bya ba'i don
gyi dngos por yongs su gyur ba yin no// ()wa()

lha tshangs pa dang nor lha ste khyab 'jug gis glur blangs pa ste
dbyangs kyis kha 'don byed pa'i gsang ba'i sngags oM zhes bya
ba/ tshangs pa'i yi ge de nyid ni/ yod pa ste shes bya kun la
khyab pa yin zhing/ yi ge de ni tshang gsum ste

a u ma gsum 'dus pa'am rdul mun snying stobs gsum gyi bdag
nyid dang/ gsal ba dang shin tu phra bar gyur ba'i gnas skabs
kyi khyad par dang ldan pa yin no/ /zhes pa'o/ /rtog ge 'bar
bar/ yod de kun la khyab pa yin/

@103a @#/ /zhes byung bas/ 'dir ye shes zhes pa dpe dag mdag
dpyad dgos so// ()zha() nad pa sangs rgyas pa ltar brjod 'dod
kyi kun slong gi dbang gis khyi la seng ge zhes pa'i sgra yang
'jug pa lta bu min par

dngos dbang gis 'jug par 'dod do// ()za() de la sangs rgyas pas
sgra'i tshangs pa de sngon po sogs su yongs su gyur ba'i tshe
sgra'i rang bzhin btang nas 'gyur ram mi btang bar 'gyur/ dang
po ltar na/ yi ge nyid dang bral

'gyur te/ /sngar yod dag ni 'jig phyir ro/ /zhes sgra'i rang
bzhin dang bral ba dang sngar yod pa 'jig pa'i phyir 'gyur ba
med pa dang skye 'jig med pa'i dam bca' nyams par 'gyur la/
gnyis pa ltar na/ 'on pa la yang

gsal bor ni/ /sgra yi bdag nyid myong bar 'gyur/ /zhes 'on pas
kyang sngo sogs mthong ba'i tshe sgra gsal bar thos par 'gyur ro
zhes sogs kyi rigs pas dgog pa na/ sgra'i tshangs pa smra ba dag
na re/ ji ltar dper na

nam mkha' dag pa la rab rib kyis mig bslad pa'i skye bos rab rib
sna tshogs dang ldan pa bzhin du mngon par rlom pa ste 'dzin pa
ltar bdud rtsi ste 'jig pa med cing 'gyur ba med pa'i sgra'i
tshangs pa 'di ni ma rig pa'i rab rib kyis

blo'i mig bslad pa'i skye bos rnyog pa bzhin du 'gyur bar snang
nas sngo ser sogs tha dad pa'i dngos por rnam par 'gyur bar rlom
pa yin no/ /zhes zer/ ()'a() sgra'i tshangs pa sgrub byed kyi
rigs pa ni/ tshad chen dka'

'grel las/ gang zhig gang gi rnam pa dang ldan pa de dag ni de'i
rang bzhin yin te/ dper na bum pa dang kham phor dang blug ma la
sogs pa 'ji ba'i rnam par 'gyur ba 'ji ba'i rnam pa'i rjes su
byed pa dang/ 'ji ba'i

@103b rang bzhin nyid du grags pa lta bu'o/ /dngos po thams cad
kyang sgra'i rnam pa dang ldan pa yin no zhes bya ba ni rang
bzhin gyi gtan tshigs so/ /gtan tshigs ma grub pa yang ma yin te/
gang gi phyir don thams cad sgra'i rjes su byed par

mngon sum nyid kyis grub ste/ 'di ltar shes pa thams cad don la
skye ba na sgra'i rnam pa dang ldan pa kho nar skye ste/ ji skad
du/ sgra yi rjes 'jug ma gtogs gang/ /shes de 'jig rten na yod
min/ /shes pa thams cad sgra dang ni/ /ldan pa

bzhin du gnas pa yin/ /zhes bshad pa lta bu'o/ /dngos po rnams
kyi rnag bzhin du gdags pa'i rgyu mtshan yang shes pa'i rnam pa
yin no/ /de'i phyir 'di dag sgra'i rnam pa dang ldan pa nyid
grub po/ /de grub pa na de'i rnag bzhin

yin pa nyid kyang grub pa kho na ste/ de'i rang bzhin nyid ni de
tsam gyi ngo bo yin pa'i phyir ra zhes bya'o/ /zhes pa ltar ro//
()ya() dbang phyug pa 'dod chags spyod pa dang/ khyab 'jug pa
zhe sdang spyod pa dang/ tshangs pa ba

gti mug spyod par bshad pa yod do/ / ()ra() dbang pos shin tu mi
rig pa'i/ /zhes sogs kyi gzhung 'di/ slob dpon byang chub bzang
pos tshangs pa pa'i skabs su snod bcud thams cad tshangs pas sprul
bar 'dod pa'i shes byed

du drangs par snang ngo/ /rkang pa dang po gsum gyis 'khrig pa'i
bde ba lam du byed tshul gang nas bshad pa'i khungs dang bcas pa
dang/ de nas lngas bde ba de lam du byed pa pos 'khrig pa'i bde
ba rdzogs par bskyed nus pa'i bud

med dang 'dus nas dbang po gnyis rab tu bskyod pa'i sbyor ba nus
pa can byas pa las 'byung ba'i tha ma ste khams 'dzag pa'i dus
kyi bde ba de de kho na nyid dang/ tshangs pa'i ngo bor bshad pa
dang/ de nas gnyis kyis sgom stobs

@104a @#/ /kyis bde ba de rgyun mi chad par 'byung tshul rgyu
mtshan dang bcas pa dang/ de nas gnyis kyis bde ba de thar lam
dang thar bar bshad pa dang/ de nas gnyis kyis gang snang thams
cad tshangs pa'i sprul bar lta ba'am

bde ba de'i rnam 'gyur du lta tshul dang/ de nas gnyis kyis bde
ba de gzhan du mi 'gyur ba dang/ de nas bzhis lam de'i che ba
dang/ tha ma gsum gyis de'i dus su rnam rtog dgag tshul bshad dam
snyam mo// ()la() cir yang ma grub

pa de stong nyid dang/ ci yang yid la mi byed pa de stong nyid
kyi lta bar 'dod pa rnams kyi bde stong sbyor tshul ni tshangs pa
pa'i grub mtha' kha dog ma 'gyur ba kho na'o/ /zhes pa'o//
()sha() khyab phra zhes pas dbye ba'ang 'chad ces pa yin

pas khyab gnyis zhes pa dpe ma dag go /skra rtse gsum gyi tshad
tsam zhes pa'ang dpe la lar skra rtse 'bum gyi cha tsam zhes
byung ngo/ /gzhung 'dir bdag lus med du 'dod mkhan kyang bshad
pas na/ bram ze mchog smra la

bdag che chung lus med 'dod pa gsum yod dam dpyad/ ()sa() dbu ma
snying po las/ rig byed mthar smras smras pa ni/ /'dus byas
stong bar smra ba yi/ /phyi rol pa la bdag rig dkon/ /bdag sdang
thar ba ga la

yod; ces 'dus byas stong pa ste skad cig skad cig la 'jig par
smra zhing/ rig byed kyi mthar lta ba las phyi rol tu gyur ba'i
sangs rgyas pa la rig byed nas bshad pa'i bdag rig pa shin tu
dkon zhing/ 'ching

gol gyi rten du gyur ba'i bdag rtag pa la sngar bas sangs rgyas
pa rnams la thar ba ga la yod de med do/ /zhes zer zhing/ bdag
rtag pa 'chad par/ mun pa las gzhan skyes bu ni/ chen por gyur
ba nyi ma'i 'od/ /

@104b dbang phyug chen po bdag de nyid/ /mkhas pas shes na 'chi
med 'gyur/ /zhes so/ /khams gsum la mun pa zhes bya zhing/ de
las 'das pas na mun pa las gzhan zhes zer te/ rtog ge 'bar ba
las/ mi bde bar gyur cing mi

bde bar byed pas na mun pa ste/ rgyu dang 'bras bu'i cha bsags
pa nyid kyi khams gsum du srid pa'o/ /khams gsum zhes bya bar
grags pa'i mun pa de las gzhan pa ni khams gsum las 'das pa zhes
bya ba'i tha tshig go /

sa'i dkyil 'khor las shin tu 'das pa na mun pa'i dkyil 'khor ro/
/mun pa dkyil 'khor las shin tu 'das pa na/ skyes bu gnas pa yin
te/ zhes gsungs pas so/ /'dir skyes bu'i sgra don la/ 'jig pa'i
sngon rol nas

yod pa ni/ sngar nas mi 'jig par 'ong ba dang/ gnyid log pa las
gzhan pa ni/ 'jig rten 'jig pa'i dus su mi 'jig pa dang/ 'das ma
'ongs da ltar ba'i dus su 'byung ba thams cad skyes bus byin
gyis brlabs nas gnas

par byed pas na skyong bar byed pa dang/ khams gsum thams cad la
skyes bus khyab par byed pas na 'gengs par byed pa ste/ de lta
bu'i nus pa dang ldan pas skyes bu zhes bya'o/ /thams cad las
lhag pa yin pas na chen por gyur pa

dang; kha dog sna tshogs can yin pas nyi ma'i 'od dam/ 'byung po
ste snod bcud thams cad rtag tu skyes bu 'dir 'gro ba ste thim
sa dang snod bcud thams cad la rtag tu skyes bu 'dis 'gro ba ste
'byung sa yin pas bdag zhes bya zhing/

de nyid kun la khyab pa'i phyir chen po dang/ 'jig rten las 'das
pas dbang phyug ces bshad do/ /de lta bu'i skyes bu de mkhas pa
rnams lha'i mig gis mthong na 'chi med de thar pa thob par 'gyur
ro/ /skyes bu de kha dog@105a @#/ /sna tshogs can yin yang de gser mdog tu
mthong ba ni
grol ba'i rtags su 'dod do/ /de dag las kha dog sna tshogs pa'i
don 'chad par/ rtog ge 'bar ba las/ nyi ma ni 'od sna tshogs pa
can yin te/

'di ltar dkar po dang sngon po dang zhes sogs dang/ snod bcu
dkun la khyab pa'i tshul ni/ de nyid las/ 'di 'jig rten gsum las
shin tu 'das pa yin na byed pa po ji ltar yin/ ring na gnas pa
yin na gang gi dbang phyug

yin zhe na sa ring na gnas su zin kyang kun la khyab pa nyid du
smras pa/ 'byung 'gyur byung dang byung ba dag /thams cad skyes
bu yin 'dod de/ /de ni phyi nang ring ba dang/ /de ni nye dang
de las byed/ /gang mi la sogs pa 'das

par gyur pa dang/ da ltar byung ba mthong bar gyur ba'i gzugs
dang/ gang phyis 'byung bar 'gyur ba de thams cad skyes bus byin
gyis brlabs nas gnas pa'am/ khams gsum thams cad la 'dis khyab
pa yin te/

gang gi phyir steng gi phyogs ni 'di'i mgo bo'o/ /zhes pa nas/
rkang pa gnyis ni khyab 'jug go /kha dog rnams ni khrag go /de
ni phyi dang nang dang ring ba dang nye ba na gnas pa yin pas
dus thams cad du 'gro ba dang/ 'ong ba

dang smin par bya ba la sogs pa rnams la 'jug pa nyid yin no/
/gal te gcig nyid yin na bya ba du ma rnams la 'jug pa dang/ mi
zad par 'gyur ba nyid ji lta bu yin zhe na/ dpe'i sgo nas sgrub
par phyed de/ srid pa

sna tshogs de las skyes/ /dar gyi srin bu'i skud pa bzhin/ /ji
ltar srin bal byed pa'i srin bu srin bal gyi snal ma mang po
skyed par byed kyang 'gyur pa yang med la zad pa yang med pa de
bzhin du skyes bus khaMs gsuM du

@105b skyed par byed du zin kyang 'gyur ba yang med la zad pa
yang med pa yin no/ /'di ni srid pa 'ba' zhig gi rgyur ma zad
kyis/ srid pa dang bral ba'i yang byed pa po yin no zhes smras
pa/ mkhas pa de yi char them pa/ /yang srid len par mi 'gyur

ro/ /gang gi tshe mkhas pa bsam gtan la rnal 'byor bas blo gros
kyi mig gis de mthong bar gyur ba na de nyid du thim par 'gyur
gyi/ de ni sdig pa thams cad spangs pa yin pas yang srid kyi
'gro bar skye zhing sdug bsngal gyi snod du

'gyur ba ma yin no/ /zhes so/ /gzhan yang/ 'chi bcas rnams la
bdud rtsi med/ /me la grangs pa ji bzhin no/ /des ni bdud rtsi
skyes bu nyid/ /ma rtogs bdud ci yod mi rigs/ /zhes skyes bu ma
mthong na thar ba med pa dang/ gang

las mchog gyur gzhan med phyir/ /gang las dam pa gzhan med la/
/'di las phra gyur gzhan med pas/ /sna tshogs de dag rgyu gcig
nyid/ /zhes skyes bu de'i mthu che ba'i bsngags pa dang/ de ni
phra dang rags dang ldan/ /

yang ldan gtso bo dbang sgyur ba/ /rab phye 'dod pa'i mthar thug
gang/ /rnal 'byor ji ltar 'dod par 'gro/ /zhes yon tan brgyad
dang/ der ni 'byung ba thams cad kyang/ /bdag nyid du ni 'dus
par mthong/ /byis dang mkhas

dang gdol ba dang/ /bram ze sogs rnams mnyam pa nyid/ /ces snod
bcud rnams bdag der 'dus pa dang/ bdag de mthong na byis pa dang
mkhas pa/ gdol ba dang bram ze/ sdig pa dang bsod nams mnyam par
bshad pa

dang; bum pa 'byung zhing 'jig pa ltar/ /nam mkha'i de yi bdag
nyid min/ /lus can 'byung zhing 'jig pa ltar/ /de bdag yin pas
bdag mi 'dod/ /ces bum pa skye 'jig byed kyang bum pa'i nam
mkha' skye 'jig mi

@106a @#/ /byed pa ltar lus can skye 'jig byed kyang bdag skye
'jig mi byed par bstan pa dang/ bum pa che chung sogs tha dad
kyang de dag gi nam mkha' tha dad min pa ltar lus tha dad kyang
bdag tha dad min par bshad pa

ni; bum pa'i nam mkha' bzhin du gcig /du ma'o zhe na bum pa dag
/chag na dbyer med gcig nyid du/ /thams cad mnyam par 'gyur bar
'dod/ /zhes so/ /gzhung 'dis bum pa gcig chag pa'i nam mkha'

dang; bum pa gzhan chag pa'i nam mkha' gnyis la khyad par med pa
ltar bum pa che chung la sogs pa tha dad kyang de dag gi nam
mkha' la khyad par med par bshad do/ /des na 'dir bcing grol gyi
bdag bum pa la

chags na ma chags pa'i nam mkha' lta bu dang zhes pa ma dag ste/
bum pa chag kyang nam mkha' ma chag pa lta bu zhes sbyor na
'grig pa'i phyir/ ji ltar bum sogs tha dad kyang/ /sa la tha dad
'ga' yang med/ /de

bzhin lus ni tha dad kyang/ /bdag la tha dad 'ga' yang med/ /ces
bdag gcig bu sgrub pa dang/ ji ltar bum pa'i nam mkha' gcig
/rdul dang du bas bsgribs pa na/ /thams cad de bzhin ma yin
ltar/ /bde sogs

de bzhin bdag la min/ /zhes lus can thams cad kyi bdag cha med
gcig yin kyang bde sdug so sor myong tshul dang/ bdag ma shes
zhing ma rtogs pas/ /rmi lam longs spyod nga rgyal bzhin/ /las
rnams sogs shing

dge ba dang/ /mi dge'i 'bras bu spyod pa yin/ /zhes ji srid du
bdag ma shes pa de srid du dge mi dge'i las bsags pa dang/ bde
sdug myong bar bshad pa dang/ /lus la gnas kyang ma chags dang/
/spyod par byed cing

@106b mi gos te/ /'dod bzhin spyod kyang rgyal po bzhin/ /sdig
pas gnod par mi 'gyur ro/ /zhes lus gnas kyang ma chags pa dang/
yul la spyod kyang ma gos pa dang/ sdig pa byed kyang mi gnod
par bshad do/ /gcig bu kun khyab

rtag pa ste/ /tshangs mchog 'chi ba med pa'i gnas/ /rnal 'byor ba
yis goms byas na/ /de ni yang srid len mi 'gyur/ /zhes khyad par
bdun ldan gyi bdag sgom na thar ba thob par bshad pa dang/ de ni
rtag par rtog med pa/ /ngag gi

spyod yul gad ma gyur/ /blo ni dbye bas phrogs rnams kyis/ /de
la tshig tu sbyor bar byed/ /ces blo dang tshig gi spyod yul min
kyang tshangs pa dang bdag dang dbang phyug sogs su tha snyad
'dogs tshul bshad do/ /'dod tshul de

dag rig byed kyi lung gis sgrub pa ni/ rtog ge 'bar ba las/ rig
byed las/ rang byung byed pa med pa bong tshad med pa ste/ mun pa
las gzhan pa'i skyes bu ni/ skyes bu drang srong chen po nyi
ma'i mdog /mun pa las gzhan gyur pa de riTa

na; ;'chi ba med par 'gyur te bdag gis rtogs/ /skye med gnas
'gro ba la lam gzhan med/ /ces bya ba dang de bzhin du/ de ni
phra gyur skye gnas rnams na gcig pu gnas/ /de ni rgyas pa 'di
dag yang dag bsags pa yin/ /

de ni gtso bo mchog dang lha dang bstod bya ste/ /bdag nges
bzung nas shin tu zhi bar 'gro bar 'gyur/ /gang las mchog tu
gyur ba gzhan pa 'ga' yang med/ /gang las phra dang gtso bor
gyur ba gzhan pa 'ga' yang med/ /ma bkag

bsgribs pa med par lha de gcig pu gnas/ /skyes bu de yang kun la
khyab cing rgyas/ /phra ba las kyang phra zhing che bas che/
/'gro rnams bdag gi yon tan khyab nas gnas/ /mya ngan bral bas
mchod sbyin med par mthong/ /

@107a @#/ /khams rnams dang ba gtso bo'i che ba nyid/ /de bzhin
du/ lus med pa yi lus la ni/ /kun tu gnas med gnas pa ni/ /chen
po gtso bo'i bdag nyid de/ /shes nas mkhas pa mya ngan med/ /de
bzhin du/

g.yo ba de yin mi g.yo de/ /ring ba de yin nye ba de/ /nang
yang de yin thams cad kyi/ /gnyi ga de yin phyi rol nyid/ /de
bzhin du/ dar gyi srin bu'i snal ma bzhin/ /chu shel nor bu'i
chu bzhin du/ /n+ya gro yan

lag zug rgyu bzhin/ /de ni lus can kun gyi rgyu/ /zhes bya ba la
sogs pa rig byed kyi lung las mthong ba'i tshad mas skyes bu
mthong ba zhes bya ba ni de kho na nyid yin te/ gzhan gyis nyams
par bya bar mi nus so

zhes bya ba ni rig byed kyi mtha' smra ba rnams kyis bkod pa'i
phyogs snga ma yin no/ /zhes gsungs so// ()ha() ba ni ba thag
rnams kyi bzhin/ /zhes pa la/ tshad chen las/ brgya ba lang rang
bzhin gyis/ /snal

ma'i rgyu ru mi 'dod de/ /gang phyir srog chags za 'dod pas/
;kha chu yis ni dra ba byed/ /ces bshad la/ spyan ras gzigs
brtul zhugs kyis/ ba zhes bya ba'i srog chags kyis rang gi lte
ba nas 'byung ba'i ba spus

rgya byed cing der 'gro ba zhig la bshad do// ()a() sa dang me
chu la sogs pa/ zhes sogs kyi gzhung 'di tshod chen le'u bcu gcig
pa'i gzhung yin la/ don ni/ sa chu me la sogs pa shes rtag pa'i
'jug

yul du 'gyur ba 'di rnams shes pa de'i bdag nyid dang shes pa de
rtag pa dang gcig bu'i bdag yin zhes gzhan gsang ba pa dag kyang
smra bar byed ces pa'o/ /sa sogs shes pa'i bdag nyid du sgrub
pa'i rigs pa ston par/

@107b gzung ba'i mtshan nyid dang ldan pa'i/ /zhes sogs byung/
de'i don ni/ dka' 'grel las/ 'di'i tshad ma gang yin zhe na/
gzung ba'i mtshan nyid ces bya ba la sogs pa smos te/ gang gis de
dag snang bar 'gyur bas la

sogs pa shes pa las ma gtogs pa'i gzung ba'i mtshan nyid du gyur
ba yod pa ma yin te/ yan lag can dang rdul phra rab rnams med
pa'i phyir ro/ /de lta bas na shugs kyis sa la sogs pa 'di dag
ni rnam par shes pa la snang ba'i

ngo bo kho na yin no zhes nges par byed de/ 'di dag ces bya ba
ni sa la sogs pa'o/ /zhes gsungs te/ yan lag can gyi rdzas don
gzhan dang rdul cha med mi srid pas na shes pa'i bdag nyid du
sgrub ces pa'o/ /gzung ba don gzhan

med pas rnam rig tsam ste bdag ni/ lus la gnas kyang ma chags
dang/ /spyod par byed kyang ma gos te/ /zhes sogs ltar dri mas
ma bslad pa dang skyon gyis ma gos pas rtag tu rnam par dag pa
dang/ ma rig pa'i gnyid

las rtag tu grol ba'i phyir sangs rgyas dang/ bdag mthong na
blangs pa dang 'dor ba med par 'gyur bas na bdag gi rang bzhin
tshangs pa mya ngan med pa ste 'das pa la rtag tu gnas par byos
shig ces pa'o// ()ka() gal te phra

yin 'di che min/ /chen po yin na phra ba min/ /zhes sogs sangs
rgyas pas bkag pa na/ pha rol pos lan btab tshul ni rtog ge 'bar
ba las/ 'dir pha rol pos glang po che dper nye bar 'god par byed
de/ /dmus long mang po

zhig glang po che rang gi ngo bo shes par 'dod nas 'dus pa las
gad sna la reg pa de dag gis ni glang po che ni gshol mda' 'dra
ba zhig go zhes bya bar shes so/ /gang rkang pa la reg pa de dag
gis ni gtun shing 'dra ba zhig tu'o/ /

@108a @#/ /gang rna ba la reg pa de dag gis ni zhi ba ma dang
'dra bar ro/ /gang dang gang gis phyogs gang la reg par gyur pa
des de lta bu'i rnam pa zhig tu glang po che rtogs so/ /de bzhin
du bdag la yang de kho na nyid

ma mthong ba rnams kyi rnam pa du ma zhig tu lta bar byed do/
/kha cig gis ni kun la khyab bar ro/ /gzhan dag gis ni lus kyi
tshad tsam du'o/ /yang gzhan dag gis skra rab kyi ngo bo tsam yin
no snyam du sems te/ glang po'i

rang gi ngo bo bzhin du gcig nyid kyang yin la yan lag dang nyid
lag bzhin du du ma nyid kyang yin no zhe na/ zhes so/ /lan de
'gog tshul ni/ gcig nyid du ma'i ngo bo ru/ /glang po'i dpe 'di
mi rigs te/ /sna ni

glang du mi 'dod phyir/ /sna tshogs rnams kyang gcig nyid min/
/zhes sogs so/ /rgyas par dbu ma snying po rtsa 'grel dang/ tshad
chen rtsa 'grel las shes dgos so// ()kha() tshangs sogs ston dang
zhes sogs kyi

tshig don bshad du yod de/ lha tshangs pa dang sogs sgras skye
dgu'i bdag po sogs tshangs pa pa'i ston pa yin la/ tshangs pa pa
dang bram ze dang rig byed pa sogs rnam grangs dang/ 'jig rten
chags pa'i tshe tshangs pa de lha

chen dbang phyug gis sprul pa'i pad ma'i sgo nga brdol ba las
skyes shing/ de'i ming ni bskal pa gzhan la skal ldan zhes bya
la/ bskal pa 'di'i dus bdun la rim bzhin rang byung dang tshangs
pa dang skye dgu'i bdag po dang

padma'i skye gnas dang gdong bzhi ba dang mes po dang gser gyi
snying po can zhes bya ba dang/ skye dgu'i bdag po byung nas
'jig rten gyi ma brgyad bskyed cing/ zhal bzhi las rig byed bzhi
byung zhing/ kha las bram ze dang/

@108b dpung pa las rgyal rigs dang/ brla dag las rje'u rigs
dang/ rkang mthil dag las dmangs rigs te lus kyi cha bzhi las mi
rigs bzhi skyes shing/ de bzhin du snod bcud sprul pas 'jig rten
byed pa por gyur ro/ /rig byed ni sus

kyang ma byas pas rang byung dang/ der bshad pa'i a shwa me
d+hwa ste rta'i mchod sbyin ni tshangs pa sgrub pa'i thabs mchog
tu 'dod do/ /'di dag ni tshangs pa ba spyi'i 'dod tshul lo/ /de la
nang ses kyis phyen brda sprod pa sogs gsum las/

brda sprod pa ni/ tshangs pa rtag zhi ba ston pa yin la/ 'di'i
rtsa bar sogs sgra med pas na 'grel bar sogs smras dbang po sogs
ston pa zhes pa yi ge nor ro/ /brda sprod pa dang/ sgra byed pa
dang sgra'i tshangs pa smra ba sogs ming gi

rnam grangs so/ /snod bcud sna tshogs skye ba'i gzhi byed pa'i
sgra'i tshangs pa smra zhing/ 'di ni a u ma gsum 'dus pa'i oM
yig dang/ gzhung la lar OM ring po'ang byung ba/ dngos po kun
gyi rang bzhin dang/ cha shas

med pa dang rtag pa dang yul la dngos dbang gis bden par 'jug pa
zhig go /phyi nang gi dngos po thams cad sgra'i tshangs pa gcig
pu'i rang bzhin yin kyang ma rig pa'i rab rib kyis blo'i mig
bslad pa rnams la sngo ser dkar

dmar sogs gzung 'dzin sna tshogs su snang ngo/ /me la phyug bsreg
pa sogs phyi dang/ bud med kyi b+ha ga'i thab tu khams 'dzag pa'i
nang gi sbyin sreg gnyis lam du byed cing/ khams 'dzag pa'i dus
kyi rnam rtog rags pa

log pa'i bde stong thar bar 'dod do/ /tshad ma rig byed kho nar
'dod pa dang mngon rjes tshad mar 'dod pa gnyis yod do/ /rig byed
mthar smra ni/ tshangs pa sogs ston pa yin la/ rig byed bzhi'i
mthar son par smra bas rig byed

@109a @#/ /mthar smra dang/ bram ze rnams kyi nang nas kho bo
mchog ces smra bas bram ze mchog smra dang/ rig byed nas bshad
pa'i skyes bu gcig pu snod bcud sna tshogs kyi rgyur smra bas
skyes bu rgyur smra ba sogs

rnam grangs so/ /ri rab ltar bstan par mi nus shing snod bcud
thams cad la khyab pa dang skra rtse 'bum gyi cha tsam du phra
ba dang shes pa'i ngo bo dang/ mi 'jig pa'i rtag pa dang/ 'jig
pa'am thim par mi 'gyur ba'i nus pa

can yin pas skyes bu dang/ kha dog sna tshogs can yin pas nyi
ma'i mdog can dang/ mun pa ste khams gsum las 'das pa'i bdag kho
nas snod bcud skye gnas 'jig gsum dang 'gro ba 'ching grol dang
bde sdug dang mtho

dman sna tshogs byed cing/ gang gi tshe rnal 'byor bas bdag de
sgom nas lha'i mig gis bdag de gser gyi mdog can du mthong ba'i
tshe rnal 'byor ba de bdag de nyid du thim par 'gyur la de nyid
grol ba yin no/ /gsang ba

pa ni; tshangs pa la sogs pa ni ston pa yin la/ rig byed gsang ba
pa dang gnyis med lta ba pa dang/ rnam shes kyi tshangs pa smra
ba sogs rnam grangs so/ /bdud rtsi thig pa la sogs pa'i rig byed
ni lung chad ma

dang; rnam shes kyi tshangs pa zhes bya ba shes pa dad rig pa
dang rtag pa'i bdag cha shas med pa dang/ de las ngo bo tha dad
pa'i shes bya med pas ngo bo gnyis med dang/ bden grub kyi dngos
po zhig tu 'dod do/ /rtsa bar

ngo bo nyid med ces pa yi ge nor ram snyam yang dpyad dgos so/
/de dag dgag pa ni/ mi thams cad tshangs pa las skyes pa'i phyir
rigs bzhi med par 'gyur ba dang/ mi pho mo thams cad pha gcig
las skyes pa'i

@109b ming srid yin pas na de dag 'khrig pa spyod tshe ming srid
kun spyad par 'gyur la/ de lta na kla klo'i ches la 'jug pas
bram ze'i chos lugs thams cad 'gyur ba dang/ phyugs gsod pa sogs
'tshe ba chos yin na dmyal bar skye

pa'i rgyu gang yin te med par 'gyur ba dang/ sogs sgras sgra'i
tshangs pa dang skyes bu nyi mdog dang rnam shes kyi tshangs pa
sogs 'gog tshul bsdud pa yin no/ /tshangs sogs bzhi'i grub mtha'
tshad bsal gyi skabs so// ()ga()

nor lha dang srid med kyi bu dang tha gu'i lto can dang 'jug pa
bcu pa dang pad dkar mig sogs khyab 'jug gi ming drug cu yod par
mngon brjod las bshad cing/ khyab 'jug ces bya ba ni rnam par
gnon pa sna tshogs pas khyab pa'i phyir

khyab 'jug ste/ 'dis sa gsum po gnon pa'i phyir de skad ces bya
la zhes slob dpon shes rab go chas bshad do// ()nga() khyad par
'phags bstod kyi 'grel par/ 'di skad thos te/ khyab 'jug gi
gnyen gyi tshegs

rnams sa phyogs 'ga' zhig tu chang 'thung zhing 'dug na/ ji tsam
na drang srong gnas ngan der nye bar song ba dang/ ma 'gags pas
bsam pa kho bos drang srong 'di la co 'dri bar bya'o snyam nas/
bud med kyi gzugs su byas

nas de'i thad du song ste/ de la gus pa dang bcas pas rjes byas
nas lto bar gzhong pa glan nas g.yogs te bcings pa bstan nas/
kho mo'i dku 'di na ci zhig yod/ 'di las ci zhig 'byung bar
'gyur zhes smras pa dang/

drang srong des bsam gtan gyi stobs kyis ltas pa las de la shin
tu khro ba drag po skyes par gyur nas khyad kyi khong nas lcags
kyi gtun gang gis khyab 'jug gi rigs ma lus pa brlag par byed pa
'byung bar gyur cig ces de

[@#incomplete text; missing pages 110a - 114b (.023)]

@115a @#/ /'jug la mi byed par gsungs so// ()tha() dbu ma snying
po las/ dbang po dag dang dbang don dag /ces sogs kyi don ni/
mig la sogs pa'i dbang po rnams dbang po'i don gzugs la sogs pa
la

rus sbal gyi yan lag rnams sbed par byed pa ltar rab tu bzlog
cing bsdus nas ji ltar bstan pa'i yi ge oM tshad gsum dang ldan
pa yid la bsam na khyab 'jug la gus pa de grol bar 'gyur ro/
/zhes 'grel par

bshad do// ()da() dbu ma snying por/ 'pho dang bsam gtan drung
'byung 'jug /gzung bar bya dang brtag pa dang/ ting 'dzin zhes
bya rnal 'byor gyi/ /yan lag drug tu brjod pa yin/ /zhes byung
bas 'dir rang

bzhin shes bya zhes pa ma dag go /'pho ba la sogs pa'i yan lag
drug ldan gyi rlung gi rnal 'byor zhig 'dod mod kyang/ mdzod
las/ 'dod rten phyi ba'i ma yin no/ /zhes pa ltar phyi rol pa la
bgrang ba la sogs

pa'i bsgom tshul drug tsam yang med na sor bsdud la sogs pa'i yan
lag drug gal yod/ de'i phyir slob dpon byang chub bzang pos/ 'di
dag la ni dgag pa tsam las yan lag drug pa'i rlung gi ting nge
'dzin ni me do/

zhes dbugs 'byung rdub dgag pa tsam ma gtogs pa yan lag drug
ldan gyi rlung gi rnal 'byor med par gsungs so// ()na() rgyang
phan ltar lus sems dbyer med pa ma yin par lus las yan gar ba'i
rdzas

yod ces gsungs pas na/ rgyang phan pas lus las yan gar ba'i
rdzas yod kyi bdag khas mi len par mngon shing/ de'i shes byed
kyang du ma yod pas rgyang phan gyis rang rkya thub pa'i rdzas
yod kyi bdag khas

@115b len tshul la dpyad gzhi cung zad yod do/ /rig pa can gyis
bdag rtag pa de bde sdug nyams myong dang 'brel ba ni bdag za ba
po yin pa'i don yin gyi/ bdag rang gi ngo bos bde sdug myong ba
ma yin te/ gzhan du na bdag

rjes su 'gro ldog byed par 'gyur ba dang/ bdag mi rtag par thal
bar 'gyur ro/ /de bzhin du bdag rang gis yul mi shes kyang shes
pa dang 'brel bas shes pa po dang mthong pa po sogs su 'jog go/
/zhes zer te/

gzegs zan gyis ni shes las bdag /gzhan dang khyab par yongs su
brjod/ /khyod kyis de ni shes med na/ /shing dang 'dra bar thal
'gyur gsung/ /zhes slob dpon mtho btsun grub rjes gsungs pa ltar
ro/ /dpyod pa

bas de ltar mi 'dod de/ bdag ba de ba la sogs pa'i ngo bo ni
ldog pa dang yod pa la sogs pa'i ngo bo ni mi ldog par rjes su
'gro ba sems pa can gyi ngo bor 'dod cing/ sems pa can de yang
grangs can ltar blo las gzhan min

par blo'i mtshna nyid can yin no/ /gzhan dag bdag ni ldog pa
dang/ /rjes 'gro bdag nyid can gyi ni/ /sems pa'i ngo bo nyid du
'dod/ /sems pa'i blo yi mtshan nyid can/ /zhes so/ /skams 'di'i
ldog pa ni

sngar yod ldog pa dang rjes su 'gro ba ni dus thams cad du yod
pa'i don yin pas na bdag gcig bu la ldog pa dang rjes su 'gro ba
gnyis gcig char du ji ltar yod ce na/ gzhi gcig la de gnyis yod
pa mi 'gal te/

dper na sprul gcig nyid 'khyil ba'i gnas skabs log nas drang
po'i gnas skabs 'byung ba'i skabs gnyis kar sprul gyi ngo bo ma
log par rjes su 'gro ba ltar bdag ni dus rtag tu sems pa can gyi
rang bzhin rtag pa

@116a @#/ /gcig bu yin na yang bdag gi ngo bo ma lus pa ldog pa
yod pa ma yin la/ rig pa can la sogs pa ltar bdag gi ngo bo ma
lus pa dus kun tu rjes su 'jug pa yang ma yin no/ /'o na ci zhe
na/ bdag

gi bde sdug la sogs pa'i gnas skabs ldog pa yod la/ sems pa can
gyi ngo bo dus thams cad du rjes su 'jug pa yin no zhes 'chad
par/ dper na sbrul 'khyil gnas skabs na/ /ldog cing de ma thag
tu ni/ /drang

po'i gnas skabs byung na yang/ /sprul nyid du ni rjes 'jug
'gyur/ /de bzhin bdag ni rtag tu ni/ /sems pa'i rang bzhin can
yin yang/ /ngo bo ma lus ldog pa dang/ /kun gyi rjes su 'jug
pa'ang min/ /'on kyang

'di yi bde sdug sogs/ /mtshan nyid gnas skabs ldog 'gyur zhing/
/de dag ldog cing skye 'gyur yang/ /sems nyid rjes su 'jug par
'gyur/ /zhes so/ /gtan du 'jig na byas chud zos/ /ma byas

phrad pa dag tu 'gyur/ /dngos gcig can la'ang sdug bsngal dang/
/bde sogs longs spyod med par 'gyur/ /zhes sangs rgyas pa ltar
mtha' gcig tu ldog par khas len na las byas pa chud zos pa dang
ma byas pa

dang phrad par 'gyur la/ rig bcan la sogs pa ltar mtha' gcig tu
rjes su 'gro bar khas len na bdag bde sdug myong ba mi srid par
'gyur ba'i phyir de gnyis ka dor nas ldog pa dang rjes 'jug
gnyis ka'i bdag nyid

can gyi skyes bu zhig khas blangs par bya ste/ 'khyil ba dang
drang po gnyis ka'i bdag nyid can gyi sbrul bzhin no zhes gzhon
nu ma len gyis bshad de/ de phyir gnyis ka dor nas ni/ /ldog
dang rjes 'jug

@116b bdag nyid can/ /skyes bu zhig ni khas blang bya/ /'khyil
ba sogs la sprul bzhin no/ /zhes so/ /'o na byed pa po'i gnas
skabs ni za ba po ma yin la/ zab po'i gnas skabs ni byed pa po
ma yin pas byas pa chud zos pa

la sogs pa'i skyon khyod la yang yod do zhe na/ byed pa po dang
za ba po ni gnas skabs la brten pa ma yin gyi/ skyes bu nyid la
brten pa yin pas skyon de 'dra mi 'jug ces 'chad par/ byed po
nyid dang za po dag /skyes bu'i

gnas la de mi brten/ /de phyir skal ldan nyid kyi phyir/ /byed
po nyid kyis de 'bras thob/ /zhes so/ /ngas sngon po 'di sngar
shes so/ /ngas sngon po 'di da ltar yang rig go zhes byed pa po
gcig kho nas yul can shes pa po dang/

rig pa po ngo shes pa yod pa'i phyir bdag yod par rtogs par
'gyur zhing/ rigs pa 'di nyid kyis sangs rgyas pas bdag med par
smra ba la gnod par 'gyur ro/ /zhes bshad pa ni/ rnam pa de
lta'i skyes bu 'di/ /ngo shes pa

ni yod pa'i phyir/ /rtogs par 'gyur te 'di nyid kyis/ /bdag med
pa la rab tu gnod/ /ces so/ /ngo shes pa'i rtag kyis bdag rtag
par sgrub pa yang de ltar yin par shes par gyis/ bdag gis rig go
zhes shes pa po

rtogs par byed pa ni rgol ba gnyis ka la mthun snang ba yin la/
ngas rig go snyam pa'i blo'i yul tu gyur pa'i shes pa po de la
bdag 'jog gam sangs rgyas pas kun brtags pa'i 'jig pa'i dang can
gyi shes pa 'jog /

dang po ltar na thams cad 'tsham pa ste 'grig par 'gyur la/ gnyis
pa ltar na thams cad shin tu 'brel dka' bar 'gyur ro zhes ston
par/ bdag rig byed do zhes bdag blos/ /shes pa po ni rtogs byed
na/ /

@117a @#/ /gal te de ni 'ga' yin nam/ /gcig tu 'jig pa'i shes pa
yin /gcig tu mi rtag nyid du 'gyur/ /gal te de yul bdag yin na/
/de tshem lus 'tsham par 'gyur/ /skad cig ma yin shes

phyogs la/ /thams cad shin tu 'brel bar dga'/ /zhes sogs gsungs
so/ ()pa() dbu ma snying por/ chags sogs skyon gyis nyams pa'i
phyir/ /skyes bu'i tshig ni rdzun nyid yin/ /rig byed skyes bus

ma byas phyir/ /des na tshad mar gzung bar bya/ /byed po mi dran
par 'dod phyir/ /rig byed skyes bus ma byas lo/ /brgyud nas
'ongs pa mchad phyir/ /des na lung yin de med na/ /sgra rtag
dbyangs kyis gsal bar  

byed; ;don dang 'brel ba rtag pa nyid/ /don la rtog pa dang ldan
la/ /rtogs pa rab tu skye bar 'gyur/ /zhes byung bas na/ 'dir
lung zhes bya bar bstan pa yin/ zhes drangs pa ni 'grel tshig yin
gyi rtsa tshig

min no/ /tshig rnams don log pa ston pa nyid kyi rgyu mi shes pa
dang brtse ba med pa la sogs pa'i nyes pa rnams skyes bu la
brten pa'i phyir/ /skyes bus ma byas pa'i tshig yin na bden pa'i
don can yin pas khyab pa

yin no zhes dpyod pa bas brjod par byed do zhes ston par/ rnam
'grel las/ tshig rnams log pa nyid kyi rgyu/ /nyes rnams skyes bu
la brten phyir/ /skyes bus ma byas bden don can/ /zhes ni la la

brjod par byed/ /ces gsungs/ tshig rnams don bden pa ston pa nyid
kyi rgyu shes rab dang brtse ba la sogs pa'i yon tan rnams skyes
bu la brten pa'i phyir/ skyes bu ma byas pa'i tshig yin na 'og
pa'i

@117b don can yin pas khyab pa yin no zhes sangs rgyas pas mgo
mtshungs kyi rigs pas 'gog tshul 'chad pa ni/ tshig rnams bden pa
nyid kyi rgyu/ /yon tan skyes bu la brten phyir/ /skyes bus ma
byas log pa'i don/ /

cis min zhes ni gzhan dag brjod/ /ces gsungs so/ /chos ni mtho
ris dang thar ba'i rgyu dang/ don ni dbul phongs sel ba'i nor
dang/ 'dod pa ni 'dod yon lnga'i longs spyod dang/ thar ba ning
na song las grol ba'i tshangs pa

sogs te sde bzhi 'byung ba'i khungs su gyur ba'i rig byed ni
chos can/ skyes bus ma byas pa yin te/ byed pa po mi dran pa'i
phyir/ byas pa la sangs rgyas pas byed pa po mi dran pa'i rtag
ma grub ste/ rig byed kyi sngags

rnams drang srong brgyad pa dang mi'u thung dang mi'u lha dang
sna tshogs bshes gnyen rnams kyis byas par bshad pa'i phyir/ zhes
bzhes pa la/ dpyod pa can re/ sngon gyi drang srong rnams kyis
snar nas yod pa'i rig byed rjes su

'don pa yin gyi gsar du byas pa ni ma yin te/ dper na da lta rig
byed 'don pa'i skyes bu 'di slob dpon gzhan las ma thos par rig
byed kyi yi ge dang tshig dang tshig gi bkod pa brjod pa'i nus pa
med la/ de ltar slob

dpon gzhan dag kyang gzhan la ma ltos par de brjod pa'i nus pa
med pas na/ da lta rig byed 'don pa ba chos can/ 'don pa po
gzhan sngon du song ste/ 'don pa po yin pa'i phyir/ zhes pa'i
rigs pas rig byed 'don

pa'i skyes bu'i thog ma med par grub la/ thog ma med pa'i rtags
las skyes bus ma byas par 'grub cing/ skyes bus ma byas pa'i
ngag yin pa'i rtags las bden pa'i don can du 'grub po/ /zhes zer
ro/ /

@118a @#/ /de med na/ sgra rtag dbyangs kyis gsal bar byed/ ces
sogs kyi don ni/ rtog ge 'bar ba las/ de 'das shing med par gyur
ba ni med pa ste/ rig byed ces bya ba'i lus de lkog tu gyur ba

yin na yang mtho ris ni yod do/ /thar ba ni yod do zhes lung las
rnam par shes so/ /sngon med pa'i chos kyang rtag dang 'brel ba
med pa'i phyir dang/ dbang po'i yul las 'das pa yin pa'i phyir
mthong

bar gyur ba ma yin na yang/ rig byed kyi lung nyid kyis chos ni
yod do zhes rnam par shes par bya ba yin gyi/ rig byed las gzhan
du ni dmigs par mi 'gyur ro/ /de'i phyir rig byed kho na tshang
ma yino/ /

gang sangs rgyas pa dang bye brag pa la sogs pa rnams kyis sgra
ni mi rtag pa nyid do zhes bstan pa de ni yongs su mi shes pa
nyid yin te/ gang gi phyir sgra rtag dbyangs kyis gsal bar byed/
don dang 'brel ba

rtag pa nyid/ /don la rtogs pa dang ldan la/ /rtogs pa rab tu
skye bar 'gyur/ /sgra ni rab tu skye bar 'gyur/ /sgra ni rtag tu
gnas yin la/ /de yang gnas dang byed pa dang 'bad pa las yang
dag par 'byung ba'i

dbyangs kyis gsal bar byed pa yin gyi byas pa ni ma yin te/ ji
ltar sgra ni brjod ma thag tu nyams par 'gyur ba yin na yang/ de
lta na yang gang don dang ni dus thams cad du mngon par 'byor ba
yin pas de rtag pa

nyid yin te/ ji ltar ba lang zhes bya ba'i sgra ni ngo dang lkog
shal la sogs pa dang ldan pa'i don dang rtag tu 'brel ba yin te/
gang la don du nges par gzung bar bya ba de ni sgra nyid las don
du nges par

@118b 'dzin pa 'byung bar 'gyur gyi sgra med par ni ma yin no/
/de'i phyir na sgra ni rtag pa yin no/ /zhes pa ltar ro/ /gzhan
yang/ lan gcig 'jug phyir goms pa'i phyir/ /phyi sa kyang shes
phyir de bzhin du/ /

mnyan bya yin phyir sgra nyid bzhin/ /sgra ni rtag par shes par
bya/ /zhes dang/ 'grel bar/ lkog shal dang rnga ma dang ngo dang
rmig pa dang rwa dang ldan pa'i ril po la lan cig ba lang zhes
brjod pa na yid ches

pa skye bar 'gyur ba yin gyi brjod pa gnyis pa la bltos pa ma
yin pa'i phyir dang/ gang gi phyir rig byed la sogs pa yang dang
yang du goms par byas shing 'dris par byas pa las brjed pa med
pa 'byor bas don dang

bcas par rtag tu sems la gnas pa'i phyir dang/ sngon ming dang
'brel bar yongs su shes pa de yang phrad cing mthong bar gyur ba
na/ lhas byin de nyid 'di yin no zhes shes pa 'byung ba'i phyir
dang/ rtag tu rna ba'i

dbang pos gzung bar bya ba yin gyi/ dbang po gzhan gyis gzung
bar bya ba ma yin pa'i phyir te/ de la sgra ni chos can no/
/rtag pa nyid ni de'i chos so/ /chos dang chos can bsngoms pa ni
phyogs so/ /

lan cig gis 'jug pa dang goms pa dang yang shes pa 'byung ba
dang mnyan par bya ba nyid ces bya ba bzhi ni gtan tshigs so/
/sgra nyid bzhin no zhes bya ba ni dpe ste/ ji ltar tha dad du
chad cing gnas pa'i ba lang sngon

po dang so sor la sogs par dbye ba yod kyang ba lang nyid ces
bya ba ni rdzas thams cad la thun mong du zhugs par gyur ba yin
la/ ba lang gi rdzas ni tha dad du yod pa de bzhin du sgra nyid
ces bya ba yang rtag pa nyid

@119a @#/ /yin la/ rtag tu sgra dang 'brel ba yin pas de bzhin du
sgra yang rtag pa yin no zhes brjod par bya'o/ /zhes kyang bshad
do/ /rnam 'grel TIk chen las kyang/ rig byed pa dag gis

yi ge rtag par 'dod pa'i rgyu dag ni/ yi ge'i skad dod ak+Shra
zhes pa 'gyur med la 'jug pas/ de'i don ngo bo mi 'gyur ba la
bsams nas yi ge mi 'gyur ba'i rtag par 'dod pa yin la/ rang lugs
la

yi ge'i gdangs kyi rnam pa rigs gzhan du mi 'gyur ba yin te/
me'i rang bzhin tsha ba las mi 'gyur zhes bya ba lta bu'o/ /zhes
gsungs so/ /dbu ma snying por/ gtan tshigs smras pas gtan tshigs
kyis/ /

lam gsum po ni sun 'byin te/ /rjes su dpag pa gtsor gyur phyir/
/rang gi lugs ni gsal byed gang/ /long ba rkang pa'i tshod dpag
kyis/ /nyam nga'i lam du rgyug pa ltar/ /rjes su dpag pa gtsor
'dzin rnams/

ltung bar dka' ba ma yin no/ /zhes pa'i 'grel par lam gsum po
sun 'byin par mi rung ba'i shes byed du/ rnying dang shes pa can
gyi chos/ zhes sogs tshigs bcad 'di drangs pa yin la/ de'i don
ni/ khyab

'jug gi lo rgyus kyi chos dang/ rgyas pa'i gzhung shed bu'i chos
dang/ tshangs pa'i chos rig byed yan lag dang bcas pa dang/ gso
ba rig pa ste/ de ltar tshang ba dang khyab 'jug gi bka' yis grub
pa'am

lung gis grub pa bzhi bo de ni rigs pa'i gtan tshigs rnams kyis
dpyad nas gzhom par mi bya ste/ shed bu'i chos drang song rgyas
pa'i dang/ ba shiShTha'i tshig ni rig byed yan lag dang bcas pa
la don bden par sgrub

@119b byed kyi tshad ma med pas rdzu na par smra pa gang yin pa
de ni tshangs pa gsod byed du 'gyur/ zhes dus 'khor 'grel bshad
rje blo gros chos skyong gis mdzad pa las byung ba ltar yin nam
snyam mo/ /rnying dang zhes sogs dang

long ba rkad pa'i zhes sogs tshigs bcad gnyis 'di rang kyus gcig
tu drangs kyang tshigs bcad dang po ni mu stegs pa'i gzhung dang
gnyis pa ni dbu ma snying po las byung ngo// ()pha() tshangs pa'i
go 'phang thob na gzi brjid che bar

'gyur la/ lha chen dbang phyug thob na mthun stobs che bar 'gyur
ba dang/ brgya byin dang khyab 'jub tu 'gyur na de bzhin te mthu
stobs che bar 'gyur zhing/ klu dang gnod sbyin du 'gyur na sman
rnams bde ba ste longs spyod che

bar 'gyur ba sogs kyi phan yon yod pa de'i phyir lha de dag thob
pa'i thabs gang dag sna tshogs yod pa rnams bya sla ba dag lta ci
smos te/ bya dka' bdag kyang bya bar 'os pa ste dgos pa yin no/
/de dag sgrub pa'i thabs kyang me lnga

bsten pas tshangs pa dang/ dbyug gu rtse gsum la mchod pas dbang
phyug chen po dang/ bya ba'i dka' thub kyis gtogs 'dod de khyab
'jug dang/ khyi'i brtul bzhugs kyis smin drug tu 'khor ba ste
'gyur bar 'dod do/ /

rgyang phan lta bu re gnyis ma gtogs pa mu stegs byed phal cher
gyis rig byed nas lha de dag sgrub pa'i thabs sna tshogs bshad pa
rnams las gang yang rung bzhig 'dod do/ /zhes pa'o// ()ba() 'di
na 'ga' yang kun

mkhyen med/ /gang phyir 'di ni ma mthong phyir/ /thams cad
mkhyen par sangs rgyas la/ /brtags pa 'jig rten gus bya'i phyir/
/sangs rgyas gsung yang tshad ma min/ /byas pa'i phyir na gzhan
bzhin no/ /
@120a @#/ /rdzogs pa'i sangs rgyas kun mkhyen min/ /skyes bu yin
phyir gzhan bzhin no/ /sangs rgyas gsung ni tshad ma min/ /lta ba
gsum po sun 'byin phyir/ /ji ltar gang smra de de ltar/ /

gcer bur rgyu ba'i lta ba bzhin/ /zhes pa phal cher go sla
bzhing/ lta ba gsum zhes pa'i 'grel bar gsum la lta ba ni lta ba
gsum ste grub pa'i mtha' gsum mo zhes btsam las ma gsungs la/
drang srong lhas

bsten dam pas 'dod/ /lam rnying bzang po rig don 'di/ /phyi rol
dmangs rigs bud med gzugs/ /'dzin pas rigs ldan gsum 'di spangs/
/zhes pa'i 'grel bar/ lha tshangs pa la sogs pa

dang; garga dang/ ba shi sthi la sogs pa thub pa rnams kyis
bsten pa dang/ dam pa ste mkhas pa rnams kyis 'dod par 'gyur ba
'di ni/ dus ring po nas 'jug pa yin pas rnying po'o/ /bgrod par
bya bas

na lam mo/ /dga' ba bskyed pas na bzang po'o/ /rigs pas 'thad
pas na rigs pa dang ldan pa'i rig byed kyi don ni phyi rol tu
gyur ba bud med kyi gzugs 'dzin pa dmangs rigs sangs rgyas pa
zhes bya

bas nyam gsum po de spong bar byed do/ /snyan dang gas dang/
mchod sbyin dang/ sring bsrung zhes bya ba gsum po de nyid gsum
yin la/ de rnams kyis ni sems can gyi don yang bsdus shing

grub pa'i mtha' thams cad kyi yang rtsa ba yin no/ /zhes pa ltar
snyan dang gas dang mchod sbyin dang srid srung gi rig byed gsum
las bshad pa'i lta ba gsum la byed dam/ lam gsum po ni

@120b ston byed pa/ /tshangs pa khyab 'jug bde byed rnams/ /nyon
mongs bdag nyid sbyod mthong bas/ /gang phyir gsum 'di spang
pa'i rigs/ /zhes pa ltar lha gsum gyis bshad pa'i lta ba gsum la
byed pa gang

yin dpyad par bya'o// ()ma() byas pa'i shugs bzhi bcu rtsa
brgyad ni/ rtog ge 'bar ba las/ de la dang po mngal nye bar
blangs pa'i dus su mngal gyi zla ba dang po la oM khyab 'jug
mngal yin no/ /

twa stas gzugs sbyangs so/ /tshangs pas sa gcod par byed do/
/skye dgu'i bdag pos ni mngal sbengs bar byed do/ /de rnams kun
gyis mngal du 'gong par byed cing/ de rnams nyid kyis skyong
zhing

'tsho bar byed do/ /de rnams dang lha tha skar kyis mngal rdzogs
bar ster bar byed do/ /zla ba gnyis pa dang gsum pa la ni skyes
bu'i cha byed du byas pas so/ /zla ba drug pa la ni gtsug tor
dbye ba byas so/ /

skye ba'i dus na cho ga bzhin du bsrungs ba dang/ skyes ma thag
tu mar dang sbrang rtsi myangs ba dang/ nyi ma bcu pa la ming
btags pa dang/ zla ba bzhi pa la nyi ma bstan pa dang/ drug pa
la zas byin pa dang/ lo gcig gam

zla ba gsum nas gtsug phud bcings pa dang/ mngal du zhugs pa nas
bzung ste/ lo brgyad na sta gon du gnas shing brtul bzhugs lnga
dang nye ba'i brtul bzhugs lnga blangs pa dang/ de las gzhan
pa'i brtul

bzhugs lnga mnyan pa dang/ a po hi stha dang/ mi la bya ba
rnams dang/ bza' ba rnams dang/ bla ma rnams la bsnyen bkur byas
pa dang/ dus gsum du 'thor 'thung bya ba dang/ bzlas pa dang/
mchod

@121a @#/ /sbyin dang/ nyer reg dang/ rlung 'byung ba dang/ gzhug
pa dang/ rig byed rdzogs par bklags pa dang/ bag ma blangs pa
dang/ bzhi pa byas pa dang/ sbyin sreg dang/ me

bsrungs ba dang/ me la sbyin sreg byed pa bstan pa dang/ zla ba
gcig lon nas mchod sbyin byas pa dang/ byol song bcings pa dang/
zla ba bzhi pa'i nyi ma ldog pa'i dang po la nyer gnas kyi las
dang/ brgyad pa

gsum pa byas ba ste/ lo ma dang/ 'o ma dang/ sha dang/ 'khur bas
mchod sbyin byas pa zhes bya ba de lta bu bram ze'i dbang du
byas pa'i shugs bzhi bcu rtsa brgyad po 'di dag dang/ bstan bcos
las

'byung ba bzhin du 'bru dang/ byol song dang/ mar dang/ chung ma
dang 'brel ba'i las rnams byas pa'i yon tan gyi lam las gzhan
gyis grol ba 'thob par rigs pa ma yin no zhes lung las byung
ngo/ /

zhes so// ()tsa() zla ba bzhi bzhi zhing zla ba bzhi pa zhes bya
ba'i mchod sbyin dang/ zla ba drug drug cing phyug 'dogs pa zhes
bya ba'i mchod sbyin byed pa dang/ gso ba zhes bya ba'i mchod
sbyin gyi tshe ma dang bu

sring sogs 'dod log sbyod par bshad pa dang/ 'dir se'u dra min
zhes byung la dpe la lar so ta ma ni zhes kyang byung ba'i mchod
sbyin gyi tshe tsheng bag med par 'thung ba la sogs pas mtho ris
su 'gro bar

bshad pas na rig byed ni byed pa bos byas par ma zad/ byed pa po
tshul khrims 'chal ba'i sdig can zhig gis byas par shes par bya'o
zhes sbyan ras gzigs rtul bzhugs kyis gsungs so/ /

@121b phyung kha 'dogs pa ni kha sna'i sgo bsubs nas gsod pa
dang/ byol song bcings pa ni yan lag lnga g.yo med du bcings
nas gsong pa'i don yin te/ gang phyir sgo kun bsubs nas ni/
/bzung nas nus med byol

song dag /mtshon cha rnon pos gsod pa la/ /de la sngags kyis ci
zhig bya/ /zhes bkag pa'i phyir ro/ /rta yis gsang ba'i tshig yin
no/ /zhes pa ni dpe 'ga' zhig tu rta yis gtsang ma'i tshig yin no
zhes

byung ngo/ /mchod sdong gzugs po ni mchod sbyin byed pa'i gnas
su shing sdong ring po btsugs pa dang/ bram ze la ni bram za
bsad ces sogs ni mi gsod pa'i mchod sbyin byed tshul lo// ()tsha()
mngal sgor lces

'dag pa'i don yin pas/ 'dir lces ldeg ces pa yi ge nor ram
snyam/ 'khrig pa lhug par sbyod pa ni chags thogs med par spyod
pa dang/ ba glang ni lo rgan gzhon dang ma dang sring mo yin min
khyad

bar med par 'dod pa spyad pa lhar bud med rgan gzhon dang ma
dang sring mo yin min khyad par mid par sbyod pa'i don no/ /gau
tam me ni bud med de/ /zhes pa dpe ma dag ste/ bud med ni me yin
zhes bshad

dgos pa'i phyir dang/ gzhung dag par gau tam bud med me nyid yin
zhes byung ba'i phyir/ bud med de'i nyer gnas te mo mtshan ni
thab khung dang/ der skyes te mo mtshan gyi nye 'khor du skyes
ba'i spu ni du ba yin zhes pa

yin pas/ der skyes bu ni du ba yin zhes pa dpe ma dag ste/ rtog
ge 'bar bar/ der skyes spu zhes byung ba'i phyir/ de'i nang
zhugs pa sol ba'o/ /zhes pa'i zhugs pa ni me'i ming yin pas zag

@122a @#/ /byed kyi nang gi dro ba'i reg bya la byed dam skam/
lha'i sa bon zhes pa ni pho'i sa bon khu ba sogs su sbyar bar
bya'o/ /rtog ge 'bar ba las/ bkra shis byed pa'i dus su/ khyos
chung ma

la 'di skad smra bar bya ste/ khyod kyi nyer gnas sbrang rtsis
byug bar bya/ /'di ni skye dgu'i bdag po'i kha gnyis pa/ /gang
phyir skyes bu rnams ni 'byung 'gyur phyir/ /kun gyis mthong bya
min no lha mo

khyod swAhA/ de bzhin du bu mo'i nyer gnas sprad rtsis byugs
nas/ de ni lce yis blangs bar bya ste/ skye dgu'i bdag po'i zhal
gnyis pa yin pa'i phyir ro/ /rang gi pho mtshan dbang phyug chen
pos

de'i nang du bsrubs pa las bdud rtsis 'byung bar bya ste/ de ni
mtho ris kyi lam yin pas skye dgu'i bdag po'i bya ba yin no/
/gang gi phyir 'di ni bdud rtsi'i chu yin te/ 'di lta bu las
skyes pa de bram ze

yin no/ /zhes dang/ gang de ltar ma yin par skyes pa de ni
dmangs rigs so/ /zhes byung bas na/ bram ze ni nang gi sbyin
bsreg byas ba las skyes shing/ byas pa'i shugs zhe brgyad kyis

skyong zhing 'tsho bar byed pa zhig la byed do/ /nang gi mchod
sbyin byas pa'i sgo nas bu bskyed pa ni mtho ris su 'gro ba'i
thabs yin par rig byed las bshad pas na bu med pa la mtho ris su
'gro ba med ces

zer ro// ()dza() rwa dang po snyan dngags kyi rig byed la zhugs
tshad ni/ mchod sbyin byed pa'i thog mar snyan dngags mang pos me
la bstod pa byed pa ste/ de ston pa'i gzhung ni/ lha'i nang na

@122b mchog tu gyur pa zhes sogs te/ gzhung 'di byed pa po ni
lom can dang shing shun sogs sngon gyi drang srong rnams so/
/rwa gnyis pa mchod sbyin gyi rig byed la zhugs tshad ni/ dngos
su mchod sbyin gyi las

byed pa ste/ de ston pa'i gzhung ni/ mchod sbyin la khyod 'dod
do zhes sogs te/ gzung 'di byed pa po ni/ dzaM b+ha la dang ka
nwa sogs sngon gyi drang srong rnams so/ /rwa gsum pa srid srung
gi rig byed la

zhugs tshad ni/ sdebs sbyor glur len pa ste/ de ston pa'i gzhung
ni/ me tshur sbyin sreg rdzas rnams zhes sogs te/ gzhung 'di byed
pa po ni/ sA la dang sad d+hya mi sogs sngon gyi dwang srong
rnams so/ /

rwa bzhi ba nges brjod kyi rig byed la zhugs tshad ni/ las bsgrub
par bya ba'i phyir gsol 'debs byed pa ste/ de ston pa'i gzhung
ni/ lha mo mdzes ma bdag la mngon par brtse bar gyis/ zhes sogs
te/

gzhung 'di byed pa po ni rtog ge 'bar bar ma bshad do/ /de bzhi
ni rim pa ltar sbyin sreg gi thog mar me la bstod pa dang/ sbyin
sreg gi rdzas 'dus byas pa dang/ sdebs spyor can gyi sngags
dbyangs kyis kha 'don byed

pa'i sgo nas sreg rdzas 'bul ba dang/ las bsgrub pa'i ched du
'phrin las bcol ba bzhi la byed dam snyam ste dpyad par bya'o/
/nor lha ni brgyad de rjes su bsngags pa'i sdebs sbyor yi ge
brgyad pa glur len pa'i

dbyangs kyis rkang pa dang po ste tho rangs kyi dus du thod pa
brgyad du khur ba brgyad bzhag nas mchod pa dang/ drag po ni bcu
gcig ste gsum sngags kyi sdebs sbyor yi ge bcu gcig pa glur len
pa'i

@123a @#/ /dbyangs kyis rkang pa gnyis pa ste nyin phyed kyi dus
su thod pa bcu gcig tu khur pa bcu gcig bzhag nas mchod pa dang/
nye ma ni bcu gnyis te dza ga ti'i sdebs sbyor yi ge bcu gnyis

pa glur len pa'i dbyangs kyis rkang pa gsum pa ste thun gsum
pa'i dus su thod pa bcu gnyis su khur ba bcu gnyis bzhag nas
mchod pa byed ces pa'o/ /yang na rkang pa gsum ni me gsum la
sbyar ba'i

tha ma lho phyogs kyi me ni rta gdong gi me yin nam snyam/ mgo
gnyis ni mchod sbyin byed pa po dang de'i chung ma'o/ /lag pa
bdun ni sdebs sbyor bdun te/ de la ga yarti'i sdebs sbyor yi ge
drug pa ni

dus drug go /ashni ga'i sdebs sbyor yi ge bdun pa ni drang
srong bdun no/ /anu shU pa'i sdebs sbyor yi ge brgyad pa ni
nor lha brgyad do/ /bri ha ti'i sdebs sbyor yi ge dgu pa ni gza'
dgu'o/ /

sad ka rti'i sdebs sbyor yi ge bcu pa ni phyogs bcu'o/ /tishU
pa'i sdebs sbyor yi ge bcu gcig pa ni drag po bcu gcig go /dza
ga ti'i sdebs sbyor yi ge bcu gnyis pa ni nyi ma bcu gnyis so/ /

'di dag ni rig byed kyi lag pa'o// ()wa() bil ba la sogs pa'i
yam shing bdun ni zas bdun/ ga ya rti la sogs pa'i sdebs sbyor
bdun ni lce bdun/ drang srong bdun ni/ legs ldan chung

ba'i dbu ma rin chen mer dngos su grangs pa'i mu stegs pa'i ston
pa sum bcu tsa gcig gi nang nas/ dbang po nas sa la dga' ba'i
bar la byed pa dang/ 'bri kun dang ang ki ra ba sogs la byed
pa'i

@123b bshad tshul gnyis rtog ge 'bar ba las byung ba'i dang po la
dbang po la sogs pa'i ming can brgyad gsungs pas dpyad par
bya'o/ /zas bdun ni sreg rdzas dang lce bdun ni rdzas 'bul ba'i
sngags dang drang srong bdun ni

rdzas 'bul yul gyi lha'i drangs srong zhig yin nam snyam/ khyim
bdun 'dren tshul rtog ge 'bar bar ma byung bas 'dir yang ma bshad
do/ /nyin zhag bdun ni/ ang d+hwa dza dang sbyin sreg dang me
bstan pa dang

zhes sogs rtog ge 'bar ba las gsungs pa 'dir sbyin dang me dang
zhes byung ba dpe ma dag go/ /ang d+hwa dzu la sogs pa bdun ni
nyin zhag gi ming dang snga dro la sogs pa bdun ni nyin mtshan
gyi cha'i ming yin min

ni dpyad pa'i gzhi yin la/ sa la sogs pa'i skye gnas bdun ni
bsang gtor gyi chu snod yin nam snyam mo// ()zha() dbang shes ni
dbang don phrad pa las skyes dgos na thag ring po'i gzugs mthong
ba'i

mig dbang de gzugs de dang phrad pa'i tshul ji ltar yin zhe na/
rtog ge 'bar ba las/ grangs can dag yid ma gtogs pa'i dbang po
lnga po dag ni yul dang phrad nas 'dzin par 'dod de/ 'di ltar
mig

la sogs pa'i 'jug pa ni gnas nas phyi rol tu 'phos nas yul 'dzin
par byed do zhes zer ba dgag pa'i phyir/ mig ni yul dang phrad
ma yin/ /dbang po yin phyir yid bzhin dang/ /rgyun phyir rgyu
dang ldan

pa'i phyir/ /yang na gzugs la sogs pa bzhin/ /zhes bya bar smras
so/ /zhes pa ltar dpyod pa bas kyang bdag po nas nas phyi rol tu
'phos par 'dod dam snyam mo/ /'on kyang/

@124a @#/ /rtog ge 'bar ba las/ kha cig mig gi 'od zer yul gyi
phyogs su song nas 'dzin par byed do snyam du sems pa de dgag
pa'i phyir bshad pa/ mig ni 'od zer ldan mi rigs/ /

dbang po yin phyir dbang gzhan bzhin/ /zhes bya ba ni mig ni 'od
zer dang ldan par mi rigs te/ dbang po yin pa'i phyir dbang po
gzhan bzhin te/ ji ltar rna bas kyang sgra thag ring por 'dug pa

thos la/ yid kyis kyang yul dpag tshad stong gis bskal pa dag
kyang shes mod kyi/ de dag 'od zer dang ldan pa ma yin pa de
bzhin du mig kyang de dang 'dra bas de 'od zer dang ldan par mi
rigs so/ /

gal te de ltar mig gi dbang po 'od zer dang ldan pa ma yin na/
'o na ji ltar byi la dang 'ug pa dag mun khrod na mig dag las
sgron ma ltar 'bar ba 'byung bar snang zhe na/ de'i phyir bshad
pa/ mtshan mo

rgyu ba'i mig 'bras snang/ /dbang po snang ba ma yin no/ /zhes
bya ba ni mun khrod na mtshan mo rgyu ba rnams kyi mig gi 'bras
bu snang bar zad kyi dbang po ni mi snang te/ de ni bstan du med
pa yin pa'i phyir ro//

de'i phyir rnam par rtog pa de yang bzang po ma yin no/ /zhes
so/ /skyes bus me long gi ngos la ltas pa'i tshe mig gi 'od zer
me long la phog pa nges tshur rang gi byad gzugs mthong bar 'dod
mkhan

de rgyal dpog pa yin par dbu ma rgyan 'grel bshad du bshad la/
de lta na yul gyi phyogs su song ba'i mig gi 'od zer de mig
dbang yin na tshur byad gzugs mthong ba'i tshe dbang don ma phrad
par

@124b 'gyur zhing/ 'od zer de mig dbang min na mig dbang yul gyi
phyogs su ma song bas dbang don phrad pa'i tshul ji ltar yin
dpyad dgos so// ()za() tshad ma'i mdo'i dar TIka las/ dpyod pa
ba na re/

rjes dpag dang/ sgra byung dang/ nyer 'jal dang/ don gyis go
ba'i tshad ma la sogs pa rgyas par mdor ma mtshon te/ mngon sum
sngon 'gro can yin pa'i phyir/ de dang mtshungs pas tshad mar

shes zin pa'i phyir rnam par ma phye'o zhe na/ zhes phyogs snga
dang/ rjes dpag mdor ma mtshon pa'i rgyu mtshan dgag pa ni/ de
nyid las/ rjes dpag sogs mngon sum tshad ma sngon du song ba las

skyes pas/ tshad mar shes zin pa'i phyir go slabs mtshan nyid ma
brjod pa yin pas/ mngon sum gyi rjes su skyes pa'i dran pa dang/
'dod pa dang/ zhe sdang dang/ rtsol ba la sogs pa'ang tshad mar

'gyur bar thal/ mngon sum sngon du song ba can yin pa'i phyir/
zhes pa ltar ro// ()'a() gang gi tshe ba min gyi dbyibs gzugs ci
'dra zhes grong du gnas pa'i mi dag gis dris pa na ba glang ci
'dra ba de 'dra

yin no zhes 'brog na gnas pa'i mis smras pa lta bu de nyer 'jal
yin par dpyod pa ba rgan po rnams la grags pa yin no/ /zhes
pa'o/ /nyer 'jal ba glang grags ldan pa/ zhes pa dpe ma dag ste/

gzhung du/ nyer bar 'jal bar grags ltan pa/ /zhes byung bas so/
/mngon rjes gnyis las gzhan pa'i tshad ma yod de/ brjod byed kyi
sgra las byung ba'i shes pas brjod bya'i don rtogs pa'i
@125a @#/ /blo de sgra las byung ba'i tshad ma yin pa'i phyir ro/
/de la byed pa pos ma byas pa'i rig byed las byung ba dang/ yid
ches pa'i skyes bu'i tshig las byung ba'i tshad ma gnyis yod do/
/zhes pa ni/

tshad chen las/ gzhan ni sgra las byung ba yi/ /shes pas don
rtogs sgra las byung/ /de yang byed pos ma byas pa'am/ /yang na
yid ches tshig yin zer/ /zhes byung ngo/ /'dir drangs pa'i lung
la

yig nor yod pa'ang des shes par gyis/ 'di ni lkog tu gyur ba yi/
/yul can yin phyir mngon sum min/ /rjes dpag tu yang mi 'thad
de/ /de yi mtshan nyid bral phyir ro/ /zhes mngon rjes

gnyis su ma gtogs pa'i rgyu mtshan bshad do/ /yul dus gang du
tshang ma drug po gang rung gis yongs su bcad pa'i don de gzhan
du ste de min par 'dzin pa'am de yin min the tshom za ba'i blos
'gyur du

med par nges pa rnyed pa'i stobs kyis ma mthong ba'i don gzhan
rtogs pa de don gyis go ba'i tshad mar 'dod pa ni/ tshad ma drug
tu shes bya ste/ zhes sogs so/ /de la dbye na mngon su ma sngon
du 'gro ba

can gyi don kyis go ba sogs drug yod de/ mes sreg pa mngon sum
du rtogs pas me la sreg pa'i nus pa yod par don gyis go ba lta
bu mngon sum sngon du 'gro ba can gyi don gyis go ba yin te/
tshad chen las/

de la sreg pa mngon sum rig /me la sreg pa'i nus yod dang/ /zhes
so/ /rjes dpag sngon du 'gro ba can gyi de yod de/ yul gzhan du
phyin pa'i rtags kyis nyi ma 'gro bar rjes su dpag pa las nyi ma
la

@125b 'gro ba'i nus pa yod par don gyis go ba lta bu de yin pa'i
phyir te/ de nyid las/ nyi ma 'gro bar rjes dpag las/ /de yi nus
pa la sbyor bas/ /zhes so/ /lha sbyin tshon po nyin par ni/ /mi
za zhes sogs

tshig thos pa/ /mtshan mo za bar shes pa ni/ /thos las don gyis go
bar bshad/ /ces bcud len ma 'grub pa'i lha sbyin tshon po nyin
par zan mi za zhes pa'i tshig thos pa las mtshan mo zan za bar go
ba lta bu ni sgra byung

sngon du 'gro ba can gyi don gyis go bar bshad do/ /ba lang ba
min dang 'dra bar rtogs pas ba min la ba lang mtshon pa'i nus pa
yod par rtogs pa lta bu ni nyer 'jal sngon du 'gro ba can gyi de
yin par bstan pa ni/

ba min gyis mtshon pa lang gang/ /shes pas bzung ba nus pa nyid/
/nye bar 'jal stobs las byung ba'i/ /nus pa nyid kyis rtogs par
byed/ /ces so/ /don go sngon du 'gro ba can gyi don gyis go ba
ni/

sngar dngul gyi lto ldir ba la bum brda sbyar nas phyis gser gyi
lto ldir ba mthong tshe bum pa'o snyam pa'i blo skyes pa na sngar
gyi brda sbyar ba'i tshig la blo de bskyed pa'i nus pa yod par

don gyis go ba las/ slar yang brda dus kyi tshig de mi rtag yin
na tha snyad kyi dus su mi 'gro bas brda sbyor ba'i tshig de rtag
pa yin par don gyis go ba lta bu ste/ brjod pa smra bo'i nus pa
las/ /gzhan du 'grub par mi 'gyur te/ /don gyis

go bar rtogs par 'gyur/ /de las gzhan pa 'gro ba min/ /slar yang
don gyis go ba gzhan/ /nyid kyis sgra ni rtag nyid des/ /gang
phyir rtag pa min na brda/ /tha snyad la ni rjes 'jug min/ /zhes
so/ /

@126a @#/ /tshad mas nges pa'i dngos med pas/ /nag pa khyim na med
pa yi/ /bye brag las ni phyi rol na/ /yod par 'grub ces gang
smras pa/ /dngos med de las byung ba gzhan/ /don gyis go ba

zhes bshad do/ /zhes nag pa ma shi ba khyim na med pas phyi rol
na yod par rtogs pa lta bu ni dngos med sngon du 'gro ba can gyi
don gyis go bar bshad do/ /dpyod pa bas dngos po la yod pa'i ngo
bo dang med pa'i

ngo bo gnyis 'dod la/ de'i med pa'i ngo bo la ni mngon sum la
sogs pa'i tshad ma gzhan lnga po 'jal byed du mi skye ste/ mngon
sum la sogs pa'i tshad ma lnga po ni dngos po'i yod pa'i ngo bo
rtogs pa'i phyir/

des na dngos bo'i med pa'i ngo bo de la tshad mar song ba'i blo
ni dngos po med pa'i tshad ma yin no zhes pa ni/ dngos po gang
zhig ngo bo la/ zhes sogs so/ /snga na med pa sogs bzhi po go
sla zhing/ de

bzhi ka dngos por 'dod ngo/ gcig la gcig med par brjod de/ /zhes
pa'i 'phror/ de las gzhan dngos med cing de'i/ /bdag nyid gzhan
la med pas so/ /zhes rta dang ba la phan tshun med par

bshad pa sogs yod pas na/ 'dir drangs pa la nas zhes pa lta bu'i
bsdud tshig yod na bzang ngo/ / ()ya() dug gi drang srong byung
ba'i lo rgyus dang tshangs pa'i dpral ba snang pa sogs kyi lo
rgyus

yod kyang de dag ma bshad par btang snyoms su byas nas/ thub pa
tsA ra ka pa'am sman dpyad pa'i tshad ma 'dod tshul bshad par
bya/ zhes pa'o/ /de'i 'dod tshul ni/ rnam 'grel

@126b TIka chen las/ tsA ra ka pa'am sman dpyad pa na re/ rigs
pa dang/ mi dmigs pa dang/ zhes grags pa dang/ srid pa dang/
snyam sems pa zhes bya ba'i tshad ma gzhan dag kyang yod do/
/zhes 'dod do/

de yang de yod na yod pas de'i 'bras bu rtogs pa ni rigs pa'i
tshad ma ste/ 'di rtog bcas yin pas mngon sum min la/ de'i rten
du gyur ba'i rtags la dpe med pas rjes dpag kyang ma yin no/ /

dpe med pa'i rgyu mtshan de yod na yod pa nyid kyi nang tshan ma
yin pa'i dpe bstan rgyu med la/ nang tshan de nyid de'i dper
bstan na/ de la'ang de'i nang tshan gzhan zhig dper bstan dgos
pas thug pa med par

'gyur ro/ /zhes 'dod do/ /de dmigs pa med pas de med par rtogs
pa ni/ ma dmigs pa'i tshad ma zhes bya ste/ de yang rjes dpag ma
yin pa'i rgyu mtshan snga ma ltar smra'o/ /smra ba po snga ma dag
gis bstan pa'i

grags pa brgyud pa ni zhes grags kyi tshad ma ste/ dper na shing
ljon pa 'di la gnod sbyin gnas so zhes pa bzhin no/ /zhes zer
ro/ /tshogs pa yod par rtogs pa na/ tshogs pa can yod par rtogs pa
ni srid

pa'i tshad ma ste/ stong yod par shes pa na brgya yod par shes pa
bzhin no zhes zer ro/ /rgyu mtshan gang yang med par 'di lta bu
'byung ngo snyam du sems pa las de ltar byung ba ni snyam sems
pa'i tshad ma ste/

dper na gzhon nu ma dag de ring bdag gi ming po 'od dam snyam pa
na 'ongs pa lta bu'o zhes zer ro/ /zhes pa ltar ro// ()ra()
khyad par 'phags pa'i bstod 'grel las/ 'jig rten 'dir lha ma

@127a @#/ /yin nag khra bo zhes bya ba dang/ kun gtong zhes bya
ba pha rol gnon pa chen po dang ldan pa gnyis shig byung ba
dang/ de dag phan tshun dregs pa'i dbang gis mi mthun par gyur
la/ des kyang

'jig rten gsum las rgyal ba'i phyir ro/ /brtsod pa ni khyab 'jug
gis de'i brtsod pa mi bzod pas gsod pa'i thabs la brtson par
byed do/ /ji tsam du dus gzhan zhig gi tshe khyab 'jug 'khor lo
thogs te/

nag khra bo'i gan du song nas de dang lhan cig 'thab pa la zhugs
pa dang/ de nas de'i dbyug pas bsnun te/ lus snad par gyur bas
khyab 'jug 'dar zhing zhu ma pa dang 'bros par rtsom pa dang/
gnas gzhan

ma rnyed pas kun gtong nyal ba'i khri'i 'og tu zhugs par gyur
to/ /de yang 'gyogs par 'ong nas gar song slar byung zhig ces
smras pa dang/ kun gtong gnyid sad par gyur to/ /sad nas kyang
de 'ongs

pa mthong zhing khri'i 'og nas skyobs shig ces nyam thag pa'i
sgra thos te bsam pa/ 'di ni nges par kho bo bsad pa'i phyir
'ongs la nga'i bsnyen bkur ba ni skrag nas khri 'di'i 'og tu
zhugs pa yin no snyam du

bsams nas/ gzhan gyis brnyas pa chen po 'di lta bu su zhig gis
bzod par nus zhes smra zhing mtshon cha blangs te langs nas de
dag phan tshun 'thab par gyur ba dang gnyis ka shi bar gyur to/ /

zhes so// ()la() lha'i rje bo rA man la lhas mchog ster ba dang
tshig mnga' ste ba den tshig grub pa ni bden na mtshon cha 'dzin
pa'i dgos pa ci zhig yod ces pa'o/ /gzhan yang/ dbang

@127b phyug gi ni bka' drin gyis/ /rA ma Na la bye ba phrag
/phyed dang bcas pa'i gsum gyi lor/ /de 'dir tshe byin brdzun min
ci/ /'bum phrag bzhi bcu rtsa gsum dang/ /khri phrag gnyis kyi
lo rnams ni/ /rdzogs

ldan la sogs dus bzhi yi/ /lo yi grangs su rab tu bsgrags/ /zhes
sogs dang/ gsum ldan rA man skyes shing/ /gsum ldan rA mNa
bsad pa'ang/ /zhes dbang phyug gis rA ma na la lo bye ba phrag

gsum dang sa ya phrag lnga'i tshe byin pa dang/ sa ya phrag bzhi
dang 'bum phrag gsum dang khri phrag gnyis kyi lo ni rdzogs
lngan la sogs pa'i dus bzhi'i tshad du bsgrags pa dang/ rA man
gsum ldan du skyes nas

gsum ldan gyi dus su shi ba 'gal ba sogs dang/ mi'i lus tshad
gzhu gang lnga brgyar bshad pa dang/ glang chen 'bum phrag
brgyad cu rtsa bzhi dang/ rlung gi shugs can gyi rta bye ba
phrag bco brgyad la sogs pa'i

dpung tshogs yan lag bzhi dang/ na chung nyug rum btsun mo rnams
stong phrag dgu bcu rtsa drug dang/ skye dgu rnams kyi bran
g.yog la sogs pa brjod du med pa dang bcas pa'i 'khor lo bsgyur
ba'i rgyal po

stobs po che ni/ chur dpag tshad bcu gnyis dang zheng du dpag
tshang dgu'i tshad ldan gyi grong khyer a yo d+ha'i nang du shong
ba ni grog sbur gyi tshang du glang chen gyi khyu rnams shong bar
smra ba bzhin du rdzun smra yin

zhes pa'o/ /lha ma yin gyi rgyal po stobs ldan rgyal srid byed
pa'i dus su lha dang lha min gyis ri bo manda ras srub shing
byas nas 'o ma'i rgya mtsho bsrub pa las rta mthong thos dang/
glang po ches bsrungs

@128a @#/ /dang; nor bu ko ltu b+ha dang/ shing yongs 'dus brtol
dang/ lha mo a pa sa ra chus byung dang/ khyab 'jug gi chung ma
lha mo dpal mo dang/ nam mkha'i zla ba dang/ lha'i bdud rtsi
dang/

nag po brtsegs pa'i dug rnams byung bar gyur to zhes pa'i lo
rgyus kyi tshig rnams mi bden te/ de'i sngon nas khyab 'jug chung
ma dpal mo dang ldan la/ nam mkha' la zla ba rtag tu gnas pas na

stobs ldan gyi srid la bsrub pa dang/ manda ras bsrub shing byas
pa gang ste mi 'thad cing/ gal te manda ras rgya mtsho bsrub na
manda ra la gnas pa'i gnod sbyin la sogs pa'i khyim gang ste
shig cing chud

zos par 'gyur ba'i phyir zhes pa'o/ /rgyang grags phyed pa'i sa
cha la grong 'bum phrag gcig dang khri phrag gnyis dang stong
phrag lnga gnas par 'gyur ba sogs lo rgyus kyi tshig phal cher mi
bden pas b+hA

ra ta dang rA ma'i snyan dag mu stegs pas byas pa rnams tshig
snga phyi phan tshun 'gal bar mkhas pa rnams kyis shes par bya'o/
/zhes pa'o// ()sha() lha rdzas kyi ngo bo yod med sogs su

brjod du med la/ nya la sogs pa'i ngo bo yod pa yin pa'i phyir
de gnyis gzhan yin par 'dod du zin kyang/ de lta na lha rdzas
kyi ngo bo 'chi ba med pa'i rgyu mtshan gyis nya la sogs pa'i ngo
bo 'chi ba med par

bstan par bya ba ma yin te/ de gnyis mtshan nyid tha dad pa'i
phyir ro/ /de gnyis gzhan ma yin na yang nya la sogs pa'i ngo bo
las gzhan ma yin pa'i phyir lha rdzas kyi ngo bo yang mzhi bar
'gyur te/

@128b gal te ngo bo gcig ni zhi ba'i bdag nyid dang/ ngo bo gcig
ni ma zhi ba yin na bdag gi lus kyi phyed ni gzhan la mi 'gro la
phyed ni gzhan la 'gro ba yin no zhes smra ba'i bud med 'phyon
ma yang bsngags par bya ba

nyid du 'gyur ro/ /zhes pa'o// ()sa() bu med pas ni mtho ris
gnas su mi 'gro ste/ zhes sogs ni/ bu med na mtho ris su mi 'gro
ba dang/ gzhon nu'i dus nas tshangs par spyod pa'i drangs srong
ne tso de nyi ma'i dkyil

'khor gyi dbus brdol nas lha'i gnas su 'gro bar bshad pa 'gal ba
dang/ khyab 'jug kun mkhyen yin pa la nang 'gal ston pa go
sla'o/ /rgyal po stobs ldan gyi dus su 'o ma'i rgya mtsho bsrub
pa las zla ba sogs

byung zer ba mi 'thad de/ de'i sngon du rgyal po an d+ha ka'i
dus su nyi zla dang gza' skar sogs yod pa'i phyir zhes bkag pa
la/ kho na re/ rgya mtsho bsrub pa las byung ba'i zla ba de rgyu
skar la longs spyod pa'i zla ba 'di ma

yin gyi/ de ni dbang phyug gi spyi bo'i zla ba yin pas stobs
ldan gyi gong na med do zhe na/ tshig de nyid mi 'thad de/ dbang
phyug gi sbyi bo'i zlab de nyid sngon an d+ha ka la yod pa la de
thob par mngon par 'dod pas

an d+ha ka dbang phyug gis bsad de shi bar gyur to/ /stobs ldan
gyi dus su nag po rtsegs pa'i dug byung ba de nyid ni dbang
phyug gis mid pas mgrin pa sngon por song zhes pa de ni bden pa
ma yin te/ rgyal po

stobs ldan gyi dus su nag po rtsegs pa'i dug zos nas dbang phyug
mgrin pa sngon por song ba'i phyir stobs ldan ma byung ba'i
sngar an d+ha ka'i 'thab mo la dbang phyug mgrin sngon ma yin
par thal bar 'gyur te de

@129a @#/ /ltar yang ma yin no/ /de bzhin du rgyal po stobs ldan
gyi dus sus bsrungs dang mthong thos dang dpal mo dang kostu b+ha
dang bdud rtsi rnams byung ba de ni bden pa ma yin te/ gang gi
phyir na/

an d+ha ka'i g.yul la 'jug pa'i tshe lha thams cad rang rang gi
mtshon cha 'dzin pa dang rang rang gi bzhon pa la gnas pa zhes pa
las dbang po'i bzhon pas bsrungs kyang yod pa'i phyir/ zhes pa
la/ drang srong

gdug pa rnams kyis 'gal spong smras pa ltar an d+hI dus su
thams cad yod pa bden mod kyi bar skabs su drang srong dur bA
sa gnas ngan len gyis dmod pa btab pas lha'i dbang po'i 'byor ba
sa srungs sogs

rgya mtshor zhugs so zhe na/ de nyid ni bden pa ma yin te/ dbang
po'i dmod pas lha gzhan khyab 'jug la sogs pa rnams kyi 'byor ba
nyams par mi 'gyur ba'i phyir ro/ /gzhan yang/ 'og tu

zhugs nas sa chen btegs par nus pa yin na drang srong gi dmod
pas rang gi btsun mo dpal mo dang nor bu kaustu b+ha sogs sa 'og
tu 'gro ba la 'dzin par mi byed pa'i rgyu mtshan ji lta bu ste
rgyu mtshan med pas

mi 'thad ces pa dang/ khyab 'jug la gus pa rnams nyams par mi
'gyur na khyab 'jug la gus pa'i chung ma'i lan bu nas bzung ste
dgras khyer ba 'gal ba dang/ de la gus pa'i bshes dang gnyen
dang

bu rnams nyams par gyur te rigs rgyud chad pa 'gal zhes pa'o/ /
()ha() rnam 'grel las/ kha cig smra sogs phyir na skyon/ /zad
min zhes sogs de ldog la/ /the tshom za ba de phyir

@129b 'khrul; ;zhes pa ltar ngag smra ba'i rtags kyis smra ba
po'i skyes bu pha rol po nyes zad kyi skyes bu ma yin par sgrub
pa ni ldog khyab sgrub pa la mi mthun phyogs la med par nges mi
dgos pa dang/ mi mthun phyogs la yod

par ma mthong ba tsam gyis ldog khyab sgrub par 'dod pa ste/ mi
mthun phyogs lam mthong ba/ /tsam gyis 'bras spyi mthong ba las/
/gtan tshigs shes pa tshad ltar snang/ /tshig las chags can la sogs
bzhin//

zhes 'bras bu'i sbyi chos can la mthong zhing rtags de mi mthun
phyogs la ma mthong btsam gyis gtan tshigs de rgyu'i khyad par
dpog pa'i rtags yang dag tu 'dod pa ni gtan tshigs ltar snang
dang lhag ldan yin par

sgrub pa'i mthun dper tshig las chags can du sgrub pa bkod pa'i
phyir/ gzhan sde bas rtags mi mthun phyogs la ma mthong ba tsam
gyis ldog khyab sgrub par 'dod pa'i rgyu mtshan ni/ gal te rtags
kyi

ldog khyab nges pa la rtags de sgrub kyi mi mthun phyogs mtha'
dag la med par nges dgos na/ rtags de sgrub kyi mi mthun phyogs
mtha' dag la yod na snang du rung ba la/ ma dmigs pa'i rtags
kyis

rtags de sgrub kyi mi mthun phyogs mtha' dag la med par nges par
byed dgos la/ de lta na skabs kyi phyi rgol gyis rtags kyi ldog
khyab nges pa la skabs kyi phyi rgol gyis rtags de nyid gang las
ldog pa'i

gzhi mi mthun phyogs mtha' dag nges dgos par 'gyur ro snyam
pa'o/ /ngag smra ba las chags can du sgrub pa ni 'dod pa dang
'dod chags don gcig tu 'khrul ba'i rgyu mtshan gyis dag smra ba
las smra 'dod@130a @#/ /yod par dpog pas na 'dod chags kyang yod par sgrub
ste/ 'dod pa dang 'dod chags khyad par med pa'i phyir zhes pa'o/
/nang pa sangs rgyas pa'i lugs la ldog khyab nges pa la ldog

gzhi mtha' dag nges mi dgos te/ de phyir chos mi mthun dpe la/
/nges par 'di la gzhi mi 'dod/ /de dag med na'ang de med ces/
/brjod pa las kyang de rtogs phyir/ /zhes rtags chos kyi 'brel
ba'i

dbang gis rjes su 'gro ldog gi khyab pa nges pa'i phyir/ 'bras
rang gnyis po 'di la ldog khyab 'grub pa la/ rtags de sgrub kyi
chos mi mthun dpe mtha' dag la med par nges dgos kyang/ nges par
rtags kyi

ldog gzhi mi mthun phyogs mtha' dag nges pa la ltos dgos par mi
'dod de/ mi mthun phyogs mtha' dag ma nges kyang/ bsgrub bya'i
chos de dag med na'ang rtags de med ces pa'i 'brel ba dpe la
bstan cing/

sgrub ngag gis brjod pa las kyang rtags chos kyi 'brel ba de
nges pa'i stobs kyis rtags mi mthun phyogs mtha' dag la med des
kyi ldog khyab de rtogs pa'i phyir/ zhes bshad pas so/ /smra
sogs zhes

ba'i sogs sgras sgyes bu'i rtags kyis skyon zad min par sgrub pa
sogs bsdud cing/ rtags de dag khyab pa 'khrul ba yin te/ ldog pa
la the tshom tsam 'dren pa'i rtags yin pa'i phyir zhes thun

mong du bkag pa yin no/ /dam bca' la mtha' bcad nas 'gog pa ni/
rtag nyid phyir ram thabs med phyir/ /yang na thabs ni mi shes
phyir/ /skyon rnams mi zad pa nyid ces/ /bya bar yong su

@130b rtog grang na/ /rgyu yod phyir dang rgyu yi ni/ /gnyen po
goms pas zad phyir dang/ /rgyu yi rang bzhin shes pa yis/ /de
shes pa yang grub pa yin/ /zhes dngos su gsungs pa'i brtag pa
gsum dang don thob kyi brtag

pa gnyis te brtag pa lngas 'gog pa ste/ gzhung gi tshig don ni/
TIka chen las/ nyes pa zad pa mi srid pa'i rgyu mtshan skyon
chags sogs rnams rtag pa nyid kyi phyir ram mi rtag kyang de
sbong ba'i thabs med pa'i

phyir ram yang na thabs ni yod kyang sus kyang mi shes pa'i
phyir ram bslabs na shes par nus pa yin kyang don du gnyer ba
med pa'i phyir ram don du gnyer ba yod kyang ston par byed pa mi
srid pa'i phyir/ skyon rnams

mi zad pa nyid ces bya bar yongs su rtog grang na de dag rtag pa
ma yin te/ rgyu yod pa'i phyir dang/ spong ba'i thabs med pa ma
yin te/ rgyu yi ni gnyen po goms pas ma lus par 'dzad pa'i phyir
dang/ thabs

yod kyang mi shes pa ma yin te/ rgyu'i rang bzhin shes pa yis
de'i gnyen po de shes pa'ang grub pa yin pa'i phyir/ don du
gnyer ba med pa ma yin te/ brtse ldan sdug bsngal gzhom pa'i
phyir zhes sogs

kyis don du gnyer ba yod par bsgrubs zin pa'i phyir/ thabs ston
pa med pa ma yin te/ skyob pa nyid gzigs lam gsung ba zhes sogs
kyis sgrub par 'gyur ba'i phyir ro/ /des na brtags pa phyi ma

'di gnyis don la thob kyang bsgrubs zin ma thag pa dang/ sgrub
par 'gyur ma thag pa yin pas 'dir dngos su ma bkod pa'o/ /zhes
pa ltar ro/ /'dir drangs pa la yang na thabs ni mi shes phyir
zhes

@131a @#/ /pa'i rkang pa ma byung ba ni yi ge nor ro/ /spyir na
grub 'grel chen mo 'dir yig nor shin tu mang po yod pa rnams
bris ma langs pas phal cher btang snyoms su byas so// ()a()
tshad

chen las/ glo bur dri ma spangs pa can/ /sems tsam rang rig pa'i
ngo bo/ /zhes byung ngo/ /gzhung 'di ni/ gang dag gnyen po nyer
gnas na/ zhes sogs kyi gzhung las phyis byung bas na/ 'dir

zhes dang zhes pa lta bu'i gcod tshig chad do/ /gang gnyen po'i
phyogs nye bar gnas pa na 'grib pa'i chos can yin na gnyen po'i
phyogs shin tu 'phel ba na shin tu 'grib srid pas khyab ste/
dper na

gser gyi dri ma la sogs pa bzhin/ nyon mongs pa dang shes bya'i
sgrib pa yang gnyen po'i phyogs nye bar gnas pa na 'grib pa'i
chos can yin no/ /zhes pa'o// ()ka() gnas skabs

gang la chags can 'dod/ /de 'dra zhe sdang can mi 'gyur/ /zhes
pa de chags sdang gnyis ka gcig char mngon du mi 'gyur ba'i shes
byed yin zhing/ dri ma sems kyi rang bzhin lam zhugs pa'i

shes byed du yang don gyis 'brel mod kyang/ dngos kyi don ni
TIka chen las/ gnas skabs gang la bad kan lhag par 'phel bzhin
pa'i gang zag de 'dra chos can/ de'i tshe zhe sdang can du mi
'gyur

bar thal/ de'i rgyu med cing chags pa drag po can kho nar 'dod
rigs pa'i phyir/ khyab par thal/ chags sdang de gnyis 'dzin
stangs kyi ngo bo mi mtshungs par 'gal ba'i phyir/ 'dod mi nus
te/

@131b 'di la zhe sdang mi 'byung ba nyid du nges par mthong ba
med pa'i phyir te/ res 'ga' zhe sdang skye bar mthong ba'i phyir
ro/ /zhes rlung mkhris bad kan gyi nad gsum dang dug gsum rgyu
'bras su grub na ha cang

thal ba 'phen pa'i skabs yin no// ()kha() rnam 'grel las/ goms
las khyad par 'gyur na yang/ /mchongs dang chu yi drod bzhin du/
/rang bzhin las 'das min zhe na/ /zhes pa'i don ni/

brtse ba dang shes rab la sogs pa goms par byas pa las cung zad
khyad par du 'gyur na yang tshad can gyi rang bzhin las 'das nas
mtha' med du 'phel bar gyur ba min te/ dper na mchongs pa goms
pas

cung zad khyad par du 'gyur yang mtha' med du mi 'phel ba dang/
chu'i drod cung zad khyad par du 'gyur yang mthar dmar 'bar bar
'gyur ba min pa bzhin du'o zhe na/ zhes phyogs snga'i rtsod pa
bstan la/

mchongs pa dang chu'i drod la rtag kyi khyad par rten brtan pa
dang 'bad rtsol skyar ma 'ba' zhig la mi ltos par goms pas rigs
'dra snga ma snga ma las phyi ma phyi ma khyad par du 'gyur ba
gnyis ma tshang bas mtha'

med du 'phel ba min la/ brtse ba dang shes rab sogs sgom pa la
de tshang bas mi mtshungs par ston pa la/ byas te gal te slar yang
ni/ /'bad rtsol la ni ltos 'gyur ram/ /rten mi brtan pa nyid

'gyur na/ /khyad par dag ni mi 'phel na/ /rang bzhin de 'dra ma
yin te/ /zhes sogs gsungs te/ rgyas par le'u gnyis pa rtsa 'grel
las shes dgos so/ /goms pa'i stobs kyis

@132a @#/ /mchongs pa mtha' med du 'phel ba med na/ tshad chen
las/ yang na 'chongs pa la yang ni/ /rang rgyud ting 'dzin las
byung ba'i/ /khyad par gyis ni rab kyi mthar/ /phyin pa nyid du

'dod pa yin/ /yid mgyogs rdzu 'phrul zhes bya ba/ /mchog gyur de
ltar grangs pa yin/ /gang zhig dgos pa tsam gyis ni/ /gtso bo
ring du gshegs par mdzad/ /ces ston pa sangs rgyas kyi

yid mgyogs 'gro ba zhes grags pa'i rdzu 'phrul de goms pa'i
stobs kyis mtha' med du 'phel bar gsungs pa dang 'gal zhe na/ de
dang mi 'gal te/ mchongs pa ni mchongs pa goms pa'i stobs kyis

mtha' med du 'phel ba med kyang rang rgyud kyi ting nge 'dzin
goms pa'i stobs kyis mtha' med du 'phel ba yod pa'i phyir/
()ga() gang gnyen po'i phyogs nye ba na 'grib pa'i chos can yin
na rtsa ba

nas 'byin nus pa'i gnyen po yod pas khyab ste/ dper na gser gyi
dri ma la sogs pa bzhin/ nyon sgrib shes sgrib sogs kyang ji
skad bshad pa'i chos dang ldan pa yin no/ /gang de kho na nyid
mthong

pa la gegs byed pa yin na khyod shin tu 'grib pa yod pas khyab
ste/ dper na phyi rol gyi mtshan mo'i mun pa bzhin/ nang gi mun
pa yang de kho na nyid mthong ba la gegs byed pa yin no zhes
pa'o//

'dir min pa bzhin zhes byung ba dpe ma dag go /chos thams cad
gcig char mngon sum du rtogs pa la gegs byed kyi nang gi mun pa
'bral rung du grub pas shes bya thams cad la chags thoT

@132b med par rang dbang gis 'jug pa'i ye shes chen po ste kun
mkhyen yod par grub pa dang/ yang na rten brtan pa sogs rnal
'byor mngon sum sgrub byed kyi rigs pas kyang grub ces pa'o/
/shes rang

de ni 'phel bar 'gyur ba yod pas na phul du byung ba dang/ dbang
po las 'das pa'i don gzhan yang rtogs par 'gyur zhing/ yid kyi
yon tan yin pa'i phyir na de dag goms pa phul du byung ba na

rab kyi mthar thug par 'gyur ba yod la/ yul rtogs pa'i mtshan
nyid can gyi shes rab ni don ma lus pa yongs su shes pa med na
rab kyi mthar thug par mi 'jog pa'i phyir/ des na rab kyi mthar
thug pa

yod pa'i rgyu mtshan gyis shes bya thams cad gcig char mngon sum
du rtogs pa yod par grub ces pa'o// ()nga() tshad ma'i mdo'i dar
TIk las/ dpyod pa ba rnams ni don la yod pa dang/ yid kyi

dbang po dang/ mig gi dbang po la sogs pa yang dag par phrad
nas/ skyes pa'i skyes bu'i mig la sogs pa'i dbang po rnams kyi
blo de dang/ mngon sum mo zhes zer to/ /blo skyes pa'am blo skye
ba zhes las

kyi dbang du byas nas skyebs khyad par du byas pa'i blo mngon
sum yin te/ skye ba med pa ni mngon sum du mi rung ba'i phyir
ro/ /yang na blos khyad par du byas pa'i skye ba mngon sum mo
zhes pa'o/ /phrad pa ni

dbang po'i don 'dus pa'o/ /dbang po zhes pas yid kyang bsdus te/
bdag dang yid phrad pa las bdag gi yul can gyi blo mngon sum du
shes par bya'o/ /zhes phyogs snga'i 'dod pa bstan no/ /

@133a @#/ /de la yod pa zhes smos pa la rnam bcad med par bstan
pa ni/ de nyid las/ mngon sum tshad ma'i mtshan nyid bshad pa de
la mtshan nyid kyi zur du yod pa dang zhes smos pa don med

par thal/ yod pa'i bsal bya med pa ste/ don de yod par rtogs pa
nyid kyis don de med pa sel bar byed la phrad ces pa phrad par
rtogs pa las/ don de yod par rig par bya ba ste/ yod par rtoT

shing med pa sel nus pa'i phyir ro/ /zhes dang/ dbang don phrad
pa smos pa khyab chung bar bstan pa ni/ de nyid las/ mngon sum
gyi rgyur gyur ba'i dbang po dus kun tu don dang phrad nas mngon
sum gyi

blo skyed drang na/ mtshan nyid gzhi lam khyab par 'gyur te/
dbang pos don bar du mchod pa phrad nas 'dzin pas khyad par 'dod
pa la rigs pas gnod par thal/ mig dang rna ba'i dbang pos

gzugs sgra bar du chod pa dang/ rang las bong tshod chen po'ang
'dzin par mthong ga'i phyir/ phrad nas 'dzin na ri bo la sogs
pa'i chen po 'dzin par mngon sum gyi mthong ba dang 'gal lo/
/zhes dang/

blo'i skyes pa zhes smos pa la rnam bcad med par bstan pa ni/ de
nyid las/ dbang don phrad pa las skyes pa'i blo mngon sum dang/
yod pa dang phrad pa sogs kyis mngon sum gyi blo'i rgyu'i gtso

po gsungs pa rgyu brjod pa bor nas blo tshad ma'i 'bras bu dang/
rgyu gang las slob pa'i don dang phrad pa'i dbang po de tshad mar
'dod pa'o/ /ci ste de ltar na don kho na khyod 'dod pa'i mngon
sum

@133b de'i rgyu yin pa'am yin par thal lo/ /'dod na blo'i skye
ba zhes sam/ dbang don phrad pa las ksyes pa'i blo de zhes ci
bsnan te smos pa la dgos pa med par thal lo/ /zhes so/ /blo'i
skye ba zhes smos pa don

med ces dgog yul gyi phyogs snga ni dpyod pa ba'i gzhung gi
'grel byed kha cig yin la/ de'i mngon sum gyi tshad ma 'dod tshul
ni/ dbang don phrad pa mngon sum gyi tshad ma'i rgyur brjod pa
bor nas don

dang phrad pa'i dbang po ni mngon sum gyi tshad ma dang/ de la
brten nas skyes pa'i blo ni tshad ma'i 'bras bu yin pas na tshad
'bras rdzas tha dad du 'dod pa yin la/ de'i phyir de la dpyod pa
pa'i gzhung

las mngon sum gyi tshad ma'i mtshan nyid kyi zur du blo'i skye ba
don med par thal/ mngon sum gyi tshad ma blo ma yin pa'i phyir
zhes bkag pa yin no/ /()ca() sgra byung la sogs pa'i tshad ma

yod pa ma yin nam ci'i phyir tshad ma la mngon rjes gnyis su
grangs nges zer ba la/ lan smras pa mngon rjes gnyis las gzhan
pa'i tshad ma phung gsum pa 'thad pa ma yin te/ khyod kyis 'dod
pa'i

sgra byung la sogs pa ni tshad ma'i mtshan nyid dang mi ldan
pa'am/ gal te tshad ma'i mtshan nyid dang ldan yang mngon rjes
gnyis po 'di'i khongs su gtogs pa'i phyir ro/ /zhes pa'o/ /'di
ni lkog

tu gyur ba yi/ /zhes sogs kyi tshig bcad 'di/ mtho ris 'dod pas
mchod sbyin bya'o/ /zhes pa'i tshig la brten nas mchod sbyin las
mtho ris byung bar rtogs pa'i blo 'di ni chos can/

@134a @#/ /mngon rjes gang rung ma yin te/ lkog gyur gyi yul can
yin pas mngon sum ma yin la/ tshul gsum pa'i rtags la ma brten
pas rjes dpag gi mtshan nyid dang bral ba'i phyir ro/ /

zhes mngon rjes gang rung ma yin pa'i sgra byung tshad ma khas
blangs pa'i phyogs snga'i 'dod tshul bstan pa'i gzhung yin par
snang bas na/ 'dir sgra byung tshad ma dgog pa'i gzhung du drangs
pa dpyad

dgos so/ /sgra byung tshad ma dgog ces pa yang mu stegs pas sgro
btags pa'i mngon rjes gang rung ma yin pa'i sgra byung tshad ma
dgog pa yin gyi/ spyir sgra byung tshad ma dgog pa ma yin te/
sangs

rgyas pas sgra byung tshang ma rjes dpag tu bzhed pa'i phyir te/
rnam 'grel las/ tshad ma bslu med can shes pa/ /don byed nus par
gnas pa ni/ /mi bslu sgra las byung ba yang/ /mngon par 'dod pa

ston phyir ro/ /smra ba po yi byed pa'i yul/ /don gang blo la
rab gsal ba/ /de la sgra ni tshad ma nyi/ /don gyi de nyid rgyu
can min/ /zhes gsungs pa'i phyir/ ()cha() ba lang mthong nas

phyis 'brog gnas pa'i ba min mthong ba na mgrin pa zlum pa'i
rnam pa las gzhan yan lag phal cher ba lang dang 'dra bar snang
ngo/ /de'i tshe ba min mthong ba'i mig shes ni de'i gzugs tsam
khong du

chud pa'i mngon sum yin la/ de'i tshe phyugs 'di ba lang dang
'dra ba ni mngon sum gyis grub cing/ ba lang phyugs 'di dang
'dra ba ni dpe nyer 'jal gyi tshad mas rtogs par bshad de/ de'i
rgyu mtshan

@134b ba min nye bar gnas pa'i phyir de'i ba lang dang 'dra ba
ni dbang po'i spyod yul du gyur la/ ba lang nye bar mi gnas pa'i
phyir de'i ba min dang 'dra ba ni nye bar 'jal ba'i tshad mas
gzhal bar dpyod pa bas 'dod do/

gzhung du/ mgrin pa zlum pa'i rnam pa la/ /zhes byung zhing/
dka' 'grel du yang mgrin pa zlum pa ni lkog shal la sogs pa dang
'bral ba'o/ /zhes bshad pas/ 'dir mi dran zlum pa'i rnam pa la/

zhes drangs pa ni dpe ma dag par khas len dgos so/ /dpyod pa
pa'i lugs kyi nyer 'jal kyi tshad ma ston par/ gnas skabs de nyid
chen yang/ /des na de yi phyugs nyid du/ /mtshungs pa'i rnam shes
gang

skyes pa/ de yi dpe ni ba lang gzugs/ /zhes dang/ de'i gzhal bya
ston par/ de phyir bye brag can nyid du/ /'dra bas gang zhig
dran pa de/ /'dra ba nyid la de brten nas/ nye bar 'jal bas

gzhal byar 'gyur/ /zhes pa min dang 'dra bas bye brag tu byas
pa'i ba lang gi gong bu'am/ yang na ba lang la brten pa'i 'dra
ba ni nyer 'jal gyi tshad ma'i gzhal bya yin par bshad dom/ /'dir
drang pa la

rkang pa dang po chad pa dang/ gzhung don bshad pa yang dpyad
gzhi che bar snang ngo/ /nang pa sangs rgyas pa'i rang lugs la
dpe nyer 'jal gyi tshad ma rjes dpag yin par ston pa la/ de ni de
rnams

yul yin du/ /zin kyang nyer 'jal rjes dpag nyid/ /tshul gsum po
yi rtags nyid las/ skyes pa 'di ltar shes bya ste/ /gang zhig pa
lang 'dra bar ni/ /thos pa'i yul gyi ba min te/ /
@135a @#/ /brda 'dzin pa yi gnas skabs kyi/ /ba min blo gnas lta
bu'o/ /zhes sogs kyis sgra rtog de dag gi spyod yul rang gi
mtshan nyid yin du zin kyang nyer 'jal ni rjes dpag gi khongs su

'dus te/ tshul gsum pa'i rtags la brten pa'i phyir zhes bstan to/
/de'i sbyor ba ni dper mtshon na/ ba min na bi lang 'dra'o zhes
thos pa'i gang zag gis phyis pa min mthong ba'i tshe na/

mthong bzhin pa'i gong bu 'di chos can/ ba min zhes brjod pa'i
sgra'i spyod yul yin te/ ba lang dang dbyibs gzugs phal cher
'dra ba'i phyir/ dper na brda dus kyi blo la shar ba'i ba min
bzhin/

zhes pa lta bu ste/ don de ltar tshad chen dka' 'grel las bshad
do/ /de ltar de bzhin yin na ni/ /tshad ma bzhin po'ang khyed
kyis bsal/ /zhes pa ni/ gnas ma bu bas/ mngon sum ni

rjes dpag las gzhan tshang ma gnyis pa dang bcas pa yin te/ tshad
ma yin pa'i phyir/ dper na rjes dpag bzhin/ zhes tshad ma la
mngon rjes su grangs nges pa dgog pa'i rigs pa bkod pa la/

'o na khyed kyis tshad ma la bzhir grangs nges pa'ang bsal ba yin
no/ /ci'i phyir zhe na/ mngon sum ni rjes dpag dang nyer 'jal
dang sgra byung las gzhan tshad ma gnyis pa dang bcas pa yin te/

tshad ma yin pa'i phyir/ rjes dpag bzhin/ zhes brjod nus pa'i
phyir/ zhes mgo mtshungs byas pa yin no/ /don gzhan la ni 'jug
phyir yang/ /gnyis pa don la rtogs pa min/ /

@135b zhes pa'i dka' 'grel las/ mtshan mo zan za'o zhes bya ba
'di nyin mo la sogs pa'i ngag gi don gzhan gnyis pa yin no zhes
bya bar 'dod na/ nyin mo la sogs pas zab bkag pa nyid na nye bar
zad

pa'i phyir gzhan mtshan mo za ba de nyid bstan par bya bar mi nus
pa'i phyir don gnyis pa rtog pa ni ma yin no/ /zhes sogs dang/
de 'dir rtag pa'i bdag nyid kyis/ /zhes sogs kyi dka' 'grel

las; gang gi phyir rtag pa'i sems can gyi gyi yongs su 'gyur ba
bsal zin pa de'i phyir ma yin par 'jig pas de las ldog pa'i
yongs su gyur ba ma yin pa la brten par ga la 'gyur/ zhes

sogs dang/ tsA ka pas 'dod pa'i tshad ma lnga dang 'di dang 'dra
ba'i 'khrul ba dang bcas pa du ma dag tshang mar mi sbyar te/ de
dag tshed ma yin na ha cang thal bar 'gyur ba'i phyir zhes ston
par/

'khrul bcas du ma dag /tshad mar mi sbyar thal 'gyur phyir/ /zhes
sogs so// ()ja() bram ze la gnyis skyes zhes pa ni bram ze'i pho
mo gnyis las skeys bas de ltar brjod pa ma yin te/ rgyas

pa dang sna tshogs bshes gnyen sogs bram ze'i me las ma skyes
pa'i phyir te/ rtog ge 'bar bar drangs pa las/ rtsal dang rtsal
gyi sde dag dang/ /zhes pa nas/ gzhung ni rtsim par byed pa yi/

kunda bram ze'i drang srong yang/ /thub pa tshan po kunda yis/
/gdol ba mo dang nyal las skyes/ /nya ba yi ni bu mo la/ /pha ni
mchog 'gro zhes bya bas/ /nyal las drang srong gling lam skyes
/de yang

@136a @#/ /bram ze zhes brjod do/ /zhes sogs mang yang ma spros
so /don dam bsnyen pa las/ gnyis skyes rigs kyi nga rgyal dbang
gis yang dag bstan/ /dang po phas ni rab tu skye bar byed pa

dang; ;phyi nas mas ni mngal gyi dbang gis grags par 'gyur/ /de
ltar mngal nas skeys pa'i nges pas gnyis skyes 'gyur/ /gzhan du
na ni dmangs rigs dbang gis mi ma yin/ /mngal nas

skyes pas byis pa dang ni lhan cig tu/ /mngal gyi nang nas
tshangs pa'i skud pa byung ba min/ /de rnams la ni cho ga 'di
nyid byas nas su/ /gnyis skyes ming gi rgyu ru mgrin par rab tu
min/ /gnyis

skyes nyin gcig lhan cig skyes pa'i rang bzhin can/ /chog byas
pa'i skud pas gzhan mar pa ni/ /gnyis skyes ma lus rnams la co
'dri'i don du ste/ /rmongs pa'i bsam pa sna tshogs

e ma ngo mtshar che/ /zhes gsungs so// ()nya() nor lha zla ba
zhes sogs kyi tshig don ni/ nor lha ste khyab 'jug dang bla ma
zla ba dang gzhon nu ma len sogs

khyab 'jug pa dang zla ba dang pa dang glu'i chos smra ba sogs
khyab 'jug pa'i rnam grangs dang/ rtog pa la phan pa'i yal ga
dang mtshan mo lnga pa sogs lung tshad ma'o/ /lha khyab 'jug ni
bud med mang po ste

khri drug stong gis bskor zhing rgya mtsho'i nang du sgor ldan
gyi grong khyer na gnas par 'dod/ /nyi ma dang sogs sgras zla ba
dang rlong 'od zer dang ldan pa dang rig byed snyan tshig dang
lha dbang brgya byin sogs

@136b snod bcud kyi mchog gang yin pa thams cad khyab 'jug nga
yin no zhes smras pa dang/ nga bram ze'i lus kyis sbyin sreg
byed pa po dang za ba po yang yin no/ /zhes zer ro/ /nyi sogs
mchog nga zhes 'don

dgos pas mchog de zhes pa dpe ma dag go/ /khyab 'jug pa'i ngo bo
la gnyis las/ zhi ba lha rdzas kyi ngo bo yod med sogs mtha'
bzhi dang bral ba bsgom na thar ba thob par 'dod do/ /ma zhi ba
sa steng gi

ngo bo la nya dang rus sbal dang phag rgod dang mi'i seng ge
dang mi'u thung dang shing rta bcu pa'i bu dga' byed dang dza
mAng agni'i bu dga' byed dang nag po'i ming can dang sangs
rgyas shAkya thub pa dang rigs ldan karka rtse

zhes bya bar sprul pa'i 'jug pa bcus rim pa bzhin du/ rig byed
bzhi rgya mtshor nub pa bton pa dang/ 'jig rten rgya mtshor bying
ba bteg pa dang/ tshangs pa'i 'jug rten man chad mnan pa dang/
lha min gyi

rgyal po 'gro skyong gser can bsad pa dang/ lha min gyi rgyal po
stobs ldan la goms pa gnyis kyi sa slong zhes bslus pa dang/
srin po lang ka mgrin bcu bsad pa dang/ rgyal po srid sgrub bsad
nas

rgyal rigs bcad pa dang/ chu bo bzhi phyogs kun tu drangs pa
sogs sems can gyi don byas pa dang/ srin po mang po bsad pa'i
sdig pa sbyangs pa dang/ sems can mang po brtul bar byed par
'dod do/ /

'jig rten rtsom pa'i byed pa po rdul phran rtag pa cha med yod
pa dang/ bdag rtag pa yod pa dang/ des byas pa'i dge mi dge'i
las yod pa dang/ dus rtag dngos yod pa dang/ sa la sogs pa'i
rang

@137a @#/ /bzhin nam rdzas yod pa dang/ snying stobs la sogs pa'i
rdzas kyi yon tan yod pa dang/ dngos po thams cad rtsa bar thim
pa'i sgo nas nyams pa'am zhig pa'i stong pa nyid yod pa dang/

byed pa po dge ba dang mi dge bas byas pa'i 'bras bu bde sdug
ster ba'i rgyu yod par 'dod do/ /'pho ba sogs yan lag drug ldan
gyi rlong gi rnal 'byor dang/ oM yig tshad gsum ldan bsgom na

khyab 'jug gis 'grol ba'i dngos grub ster bar 'dod cing/ 'khor
ba nyams pa'am stongs pa'i thar ba yod par 'dod pas na/ 'khor ba
re zhig pa'i mtha' can du 'dod do/ /rgyal dpog pa ni dpyod

pa ba'i ston pa yin la/ spyod pa ba dang rgyal dpog pa ni rnam
grangs so/ /bdag ni grangs can ltar blo las don gzhan ma yin par
blo'i ngo bo dang/ dbang phyug pa ltar bem po ma yin par shes

rig gi rang bzhin dang/ sangs rgyas pa ltar mi rtag pa ma yin
par rtag pa'i ngo bo dang/ rgyang phan ltar lus sems dbyer med
ma yin par lus las yan gar ba'i rdzas yod dang/ rig pa can pa

ltar mtha' gcig tu rjes su 'gro ba ma yin par bde sogs myong
ba'i ngo bo ni ldog pa yod la sems pa can gyi ngo bo ni dus
thams cad du mi ldog par rjes su 'gro bar 'dod do/ /dri ma shes
rig gi

skyes bu'i rang bzhin la zhugs pas skyon zad pa'i kun mkhyen med
la/ mtho ris kyi tshangs pa lta bu ngan song las grol bas thar
bar 'dod na yang slar mi ldog pa'i thar ba mi 'dod do/ /rtog ge

@137b 'bar ba sngar drangs pa ltar byas pa'i shugs bzhi bcu rtsa
brgyad ni bram zer 'gyur ba'i rgyu yin zhing/ rwa bzhi ni rig
byed bzhi/ rkang pa gsum ni tho rangs la sogs pa'i dus gsum mam
sbyin sreg gi me la

sogs pa gsum/ mgo bo gnyis ni mchod sbyin byed pa po dang de'i
chung ma 'am yi ge oM dang dbyangs kyi sdeb sbyor gnyis/ lag pa
bdun ni sdeb sbyor bdun/ gsum nas bcings pa ni snying kha dang
mgrin pa

dang mgo bo nas dang/ khyu mchog ni yi ge oM dang/ nga ro ni
nang du sgra byed pa'i don te/ de ltar bu rig byed kyi khad par
mang po dang/ gzhan yang/ shes brjod dang bstod pa dang chog
gsum mam/ zas bdun ni

bsreg rdzas bdun/ lce bdun ni sdeb sbyor bdun/ /drang srong
bdun/ khyim bdun/ nyin zhag bdun du lan bdun mchod pa dang/ skye
gnas bdun du mar gyis tshim par byed pa ste bdun tshan bdun gyis
mchod

sbyin byed par 'dod do/ /mngon sum dang rjes dpag dang dpe nyer
'jal dang sgra byung dang don gyis go ba dang dngos med kyi tshad
ma ste sngar bshad pa ltar gyi tshad ma drug dang/ kha cig ste
thub pa tsA ra ka bas rigs pa dang

srid pa can dang ma dmigs pa dang grags pa dang/ snyam sems pa'i
tshad ma sogs 'dod do/ /de dag dgag pa ni/ khyab 'jug ni snod
bcud kun la khyab pa'i phyir na de bros pa 'gal zhing 'jug pa
bcu rdzun par

grub pa dang/ spangs rtogs mthar thug par 'gro ba yod pa'i rtags
kyis rim bzhin nyes pa zad pa dang kun mkhyen yod par grub ces
pa'o/ /khyab 'jug pa dang dpyod pa ba'i grub mtha' tshad bsal gyi

@138a missing page

@138b missing page

@139a @#/ /tshig las so/ /zhes gsungs so// ()na() gang zhig phra
gyur gcig bu skye gnas 'dug /de yis 'di kun skye zhing 'jig par
byed/ /de ni dbang bdag mchog sbyin lha mchod bya//

yon tan byed pa shin tu zhi ba thob/ /skyeb po 'di shes pa yod
min te/ /bdag gi ba de sdug bdag la rang dbang med/ /dbang phyug
gis btang yang na g.yas 'am/ /mtho ris dag tu 'go ba 

kho nar 'gyur/ /zhes byung ngo/ /de'i tshigs bcad dang pos phra
ba dang yang ba dang bdag por gyur ba dang dbang du gyur ba dang
gar yang phyin pa dang mchod par bya ba dang 'dod dgur ldan pa
dang dga' mgur

gnas pa zhes bya ba'i dbang phyug gi yon tan bstan te/ gang zhig
ste lha chen dbang phyug cha phra mor gyur ba gcig bu ste stongs
grogs gzhan med pa'i rang dbang can skye gnas su 'dug pa ste

sems can skye ba'i gnas mngal lta bu de yis 'di kun te 'jig rten
gsum po thams cad skye zhing 'jig par byed cing/ lha chen de ni
'jig rten gsum la dbang gyur ba'i bdag po dang mchog

ste dam pa sbyin par byed pa dang 'od dang gzi brjid kyis thams
cad zil gyis mnan cing gsal bas lha yin pa dang/ 'byung po kun
gyis mchod par bya ba dang rdul mun snying stobs kyi yon tan

gsum la 'dod dgur dbang byed pa dang shin tu zhi ba'i thar ba
rang nyid kyis thob cing gzhan la ster bar bshad pa'i phyir ro/
/de yang rkang pa dang pos phra ba dang/ gnyis pas yang ba dang/

@139b dbang bdag ces pas bdag por gyur ba dang/ mchog sbyin zhes
pas dbang du gyur ba dang/ lha zhes pas gar yang phyin pa dang/
mchod bya zhes pas mchod par bya ba dang/ yon tan byed pa zhes
pas

'dod dgur ldan pa dang/ shin tu zhi ba thob ces pas dga' mgur
gnas pa'i yon tan bstan par spyan ras gzigs brtul zhugs kyis
bshad do/ /rkang lag gdong sogs lus kyi cha phra mo cung

zad g.yo ba tsam gyis bcud kyi 'jig rten mang po skye 'jig byed
pa la dbang ba ni de'i phra ba'i yon tan yin te/ lag pa dag dang
rkang pa dang/ zhes sogs byung ba'i phyir/ phyi'i sa chu me
rlung sogs

snod kyi 'jig rten skye gnas 'jig gsum byed pa la dbang ba ni
de'i yang bga'i yon tan yin te/ mkha' dang rlung dang sa dang
ni/ zhes sogs bshad pa'i phyir/ sems can dang snod kyi 'jig rten
gnyis

ka skye gnas 'jig sogs la dbang ba ni de'i bdag par gyur ba'i
yon tan yin te/ 'byung po kun la dbang byed cing/ zhes sogs
byung ba'i phyir/ 'byung po thams cad la phan gnod byed pa la

dbang ba ni de'i dbang du gyur ba'i yon tan yin te/ bdag la rag
lus rang dbang can/ zhes sogs ltar ro/ /yul dang bza' bca' sogs
yid kyis gang bsam par phyin pa ni de'i gar yang

phyin pa'i yon tan yin te/ yul dang bza' ba bca' ba dang/ zhes
sogs so/ /'dir rkang pa gsum par/ mi dod pas zhes pa dpe ma dag
ste/ yid kyis rjes 'gro mi sdong pas/

@140a @#/ /skabs so// ()ta() lha chen gyi btsun mo la dbu ma zhes
pa yin nor yin nam snyam ste/ gzhung du mar u ma zhes byung
ba'i phyir te/ lha chen gyi dka' thub la ma rangs pa'i tshig u
zhes

brjod pas u ma zhes par grags pa'i phyir/ ()tha() 'chi med
mdzod lo tsA ba grags pa rgyal mtshan gyis bsgyur ba dang dpal
'dzin sdes mdzad pa'i mngon brjod zha lu lo tsA pa chos skyong
bzang pos bsgyur

la; de gnyis kyis bi rlu bAkshA sna tshogs mig tu bsgyur zhing/
gzhan phal cher gyis mig mi bzang du bsgyur la/ spyir na mig
ngan pa'am mig mi bzang dang rnam gnod mig gam mig dug ma dang
mi

mthun mig sogs su bsgyur du rung bar bshad ces pa'o/ /de dag las
mig mi bzang du bsgyur na go rgyu che ste/ tho'u kan chos kyi
nyi mas/ yul 'khor srung la tshor dug yod pas des gzhan la gnod

dogs nas snyan gyi bu gar me tog gi chun pos bkag ste/ rang gis
pi wang sgreng ba la brtson zhing/ yul gyi gling bus sgras kyang
zhan gyi sgra tshor mi gzhug pa yin pa dang/ 'phags skyes por reg

dug yod pas gzhan gyi reg pa bsrung phyir ral gri stangs thabs
su 'dzin pa dang/ mig mi bzang la mig tu mthong dug yod pas
phyag gi mchod rten la lta ba dang/ rnam thos sras la kha rlangs
kyi dug

yod pas zhal rang babs su btsum pa'o/ /khyod rnams blo ma rung
bas bstan pa dang dge 'dun la gnod na da la gdug pa 'di bzhin
yod ces mtshon byed du rnam pa de lta bu 'bri dgos zhes dam pa
'ga'

@140b zhig gis gsungs so/ /de la kha cig mig mi bzang zhes pa ma
dag pa yin cing/ mig gi bzang ces drag shul gyi don yin zer mdo
kyang/ mig dug yod phyir mig mi bzang zhes smras kyang skyon med
par ma

zad; rgya skad la bi ru badSha zhes mig ngan zer gyur 'dug pas/
mig mi bzang legs par mngon no/ /zhes pa dang mtshungs pa'i
phyir/ ()da() bye rig gnyis la tshangs pa ba dang/ khyab 'jug pa
dang/

dbang phyug pa gsum ka yod par khas len dgos te/ de gnyis la
tshangs pa ba yod par slob dbon byang chub bzang pos bshad pa
dang/ de gnyis la khyab ba 'jug pa yod par dus 'khor tIka chen
las bshad pa

dang; de gnyis la dbang phyug pa yod par bod snga phyi mang po
dang zhi ba 'tsho yab sras kyis kyang bshad pa'i phyir/ der ma
zad tshangs pa ba dang khyab 'jug pa dang dbang phyug pa gsum
yang nang phan tshun mi 'gal te/

dus 'khor nas bshad pa'i tshangs sogs gsum snga ma snga ma spyi
dang phyi ma phyi ma bye brag yin pa lta bur 'grel chen dri med
'od las bshad pa'i phyir te/ tshangs pa ba'i nang du klu'i chos
smra ba 'dus par bshad pa

dang; dbang phyug pas khyab 'jug pa'i 'dod pa yang khas len pa
dang/ lha gsum ngo bo gcig tu khas len par bshad pa'i phyir te/
tIka chen las kyang/ khyab 'jug pa'i 'dod pa dang lhan cig ces

smos pa ci'i phyir zhe na/ 'dir gzugs zhes pa rang bzhin du
bsgyur dgos shing/ lha gsum po rang bzhin gcig ste/ sku tshangs
pa/ thugs khyab 'jug /gsung dbang phyug che zhes smras pa'i@040a @#/ /zhes 'don
dgos pa'i phyir/ yid gang du 'gro bar lus
kyang mi sdod par der 'gro ba'i don yin pa'i phyir ro/ /des lha
rnams yid kyis thams cad 'grub/ rgyal po rnams tshig

gis thams cad 'grub/ rnal 'byor ba rnams sems bskyed pas thams
cad 'grub pa'i chul bstan par sher sgron 'grel bshad du bshad
do/ /'jig rten gsum gyi mchog tu gyur bas na

'byung po kun gyis mchod cing bsnyen bkur byed par 'os pa ni
de'i mchod par bya ba'i yon tan yin te/ 'jig rten gsum na mchog
gyur zhing/ zhes sogs smras pa ltar ro/ /rdul mun

snying stobs kyi yon tan gsum la 'dod dgur dbang bsgyur ba ni
de'i 'dod dgur ldan pa'i yon tan yin te/ snying stobs rdul dang
mun pa gsum/ zhes sogs smras pa bzhin no/ /rang nyi

zhi ba thob cing gzhan la mtho ris dang thar pa gang 'dod ster
ba ni de'i dga' mgur gnas pa'i yon tan yin te/ thar ba'am yang
na lha'i lus/ /zhes sogs bshad pa ltar ro/ /skye ba po 'di

zhes sogs kyi don ni/ lus dang dbang sogs ma skyes pa'i skabs su
shes pa med pas skyes bus byin gyis rlobs mi rung bas na bdag gi
bde sdug bskyed sel gang zag gi bdag la rang dbang med la/

dbang phyug gi 'dod pas g.yang sa ngan song dam mtho ris su
'gro bar 'gyur zhes pa'o// ()pa() dka' bzlog ma ni btsun mo a
ma ste/ ro smad kyi 'jo sgeg gis dbang phyug yang dang  

@040b yang du dka' thub las nyams par byas pas de ltar brjod do/
/dbang phyug gi bu che ba tshogs bdag dang/ chung ba gzhon nu
gdong drug gnyis las/ dang po'i lo rgyus ni/ dbang phyug gi
chung ma u ma dang

gang ga gnyis las gang ga la bu gcig skyes pa u mas ltar phyin
pas gang gas bu la mgo med zer nas ma bstan pa la u ma khros te
de bzhin du gyur cig ces smras pas mgo med par gyur/ slar u

ma la zhus pas mgo byang du bstan pa'i ro gang rnyed kyi mgo
sbyar cig byas pas glang po che'i ro zhig las ma rnyed nas de'i
mgo sbyor bas glang po che'i mgo can du gyur bar grags so/
/gnyis pa'i lo rgyus ni/

lha chen a mu dang dga' mgur sbyod pa'i tshe me lha der phyin pa
na de mthong nas lha chen khros te/ rang gi khu ba me lha la
blug pa dang/ de me'i khu ba yin pas me lha tshig par gyur nas
rgya mtsho 'dod cing 'dam

bu'i tshal du gnas pa dang/ smin drug kyang rgya mtshor khrus byas
nas grang bar gyur bas/ me 'bar ba de mthong nas gan du song ba
dang/ dro ba'i reg pas bu chags pa las dum bu drug tu skyes pa

snod gcig tu bcug pa las gzhon nu skem byed du gyur ba la/ smin
drug re re nas nga'i bu yin no/ /nga'i bu yin no zhes smra zhing
nu ma stobs pa'i tsha/ des ma rnams mgu bar bya ba'i phyir

gdong drug bstan par grags pa yin no/ /ri bo te se na dbang
phyug chen po zhes sogs kyi gzhung 'di khyad par 'phags bstod
kyi 'grel par byung zhing/ lha las phul byung gi bstod 'grel du

@041a @#/ /tshig 'di ni ji lta ba bzhin ma byung bas/ 'dir bstod
'grel gnyis las zhes pa dpe ma dag go/ ()pha() tshad chen las/
shes pa med pa'i bdag nyid ni/ /rang gi 'bras

bu rtsom mi byed/ /ces gsungs te/ don ni/ gang sems pa med pa
yin na byin gyis rlobs pa po med par rang gi 'bras bu mi rtsom
pas khyab ste/ dper na rdza mkhan dang bral pa'i 'jim pa'i

gong bus bum pa mi rtsom pa bzhin/ chos dang chos min dang rdul
phra rab la sogs pa yang sems pa med pa yin no zhes pa'o/ /gzhan
yang/ rnab ma phug pa dang gsal byed pa dang 'od byed pa

sogs kyis dbang phyug sgrub pa'i rigs pa bkod pa rnams tshad chen
rtsa 'grel las bshad kyang mngas dogs nas ma bris so/ /dbu ma
snying por/ 'dzin pa can gang nor ldan dang/ zhes sogs

byung ste/ don ni/ 'dzin pa ste ser sna can gang yin pa nor dang
ldan pa mthong ba dang/ dge ba can yang gzhan gyi 'tsho bcas te
slong mos 'tsho ba mthong la/ chos min can 'ga' zhig go 'phang

mthon po la gnas pa mthong ba'i phyir dbang phyug gis byas par
gsal ba yin no zhes ba dang/ yon tan gyi nor dang ldan pa rnams
tshe thung ba dang/ ngan pa'i spyod pa can rnams tshe ring ba
dang/

gtong ba'i bsam pa can rnams dbul por gyur ba mthong bas na/
dbang phyug gis byas par gsal ba yin te/ dge mi dge'i las tsam
gyis bskyed pa yin na de dag 'tshol bar mthong mi rung

@041b ba'i phyir zhes pa'o/ / ()ba() lam drug rnams dang de nyid
lnga dang mchog gi go 'phang ma lus pa yang gzhan ni sngags kyi
lus/ /rig pa bdag nyid dam pa'i zhi ba nyid dang rnam gsum gnas
na gnas phyir sbyor

dang gtong ba'i dngos/ /thig le'i dbye ba zhi ba nyid dang mtha'
dag lus la gnas pa bcu gnyis mdud pa'i dbye ba ste/ /'di dag
thams cad gang du rab tu gyur ba de ni nges par zhib pa yi bstan
pa'o/ /zhes

dus 'khor gyi bsdus rgyud las dbang phyug pa'i 'dod pa gsungs
so/ /'di la lam drug rnams zhes pa ni rnam par shes pa yul drug
po rnams la 'jug par byed pa'i lam mig la sogs pa'o/ /

de nyid lnga dang zhes pa ni nam mkha' la sogs pa'i khams kyi
tshogs te nam mkha' rlung ma chus lnga'o/ /mchog gi go 'phang
zhes pa ni drug pa ye shes kyi khams te rnam shes kyi khams so/
/ma lus pa

zhes pa ni khams thams cad gcig tu 'dres par gyur ba'o/ /yang
gzhan ni zhes pa ni 'og ma 'dren pa'i tshig yin nam dpyad do/
/sngags kyi lus zhes pa ni A li kA li'i bdag nyid can te
sngags kyi de

nyid do/ /rig ches pa ni dga' ba sbyod pa'i sgyu rtsal drug cu
rtsa bzhi la sogs pa'i 'dod pa'i de khon nyid do/ /bdag ces pa
ni bdag gi de kho na nyid rtog pa'o/ /dam pa'i zhi ba nyid ces
pa ni zhi ba'i de

nyid de zhi ba dbang phyug de nyid brtan g.yo thams cad la
khyab pa'o/ /dbang phyug gzugs spangs pa de'i rnam gsum gnas na
gnas pa ni lus ngag sems gsum la gnas pa'i phyir skye ba'i dus
su

@042a @#/ /lam drug la sogs pa sbyor ba ste 'dus pa dang 'chi
ba'i dus su gtong ba'i dngos te 'bral bar byed do/ /thig le'i
dbye pa zhi ba nyid dang zhes pa ni 'dzag bde'i gnas skabs kyi

thig le khu ba'i mtshan nyid de nyid zhi ba dbang phyug nyid kyi
ngo bo yin no/ /mtha' dag lus la gnas pa zhes pa ni dbang phyug
nyid rgyu ba dang mi rgyu ba thams cad la khyab pa'o/ /bcu gnyis
mdud pa'i

dbye ba ste zhes pa ni srog chags rnams kyi lus la gnas pa'i
khyim bcu gnyis te nang gi 'pho chen bcu gnyis rnams mdud pa'i
sgras gsungs te/ khyim bcu gnyis po 'di rnams kyi dbye ba ni lo
dad

lho byang du ba grod pa gnyis dang dgun dpyid dbyar dus gsum
dang/ dgun dpyid dbyar ston te dus bzhi dang/ dgun dgun smad
sogs dus drug dang zla ba dang yar dang mar gyi phyogs dang nyin
zhag

dang chu tshod dang chu srang dang dbugs te/ rtsis kyi rnam bzhag
'di dag thams cad mu stegs kyi grub pa'i mtha' gang du rab tu
bshad par gyur ba de ni nges par zhi ba pa yis bstan pa ste
dbang phyug pa'i

'dod pa'o/ /zhes pa'i don yin no/ /grub mtha' rtsa bar/ khams
dang sngags/ 'dod pa bdag dang zhi ba'i de nyid lnga/ zhes dang/
'grel par/ de nyid lnga sten ma mkha' sogs

khams lnga drug pa ye shes kyi khams su 'dres pa/ khams kyi de
nyid dang/ a phreng ka phreng gi bdag nyid can gyi sngags kyi
de nyid dang/ dga' ba spyod pa'i sgyu rtsa la drug cu rtsa bzhi
ni 'dod

@042b pa'i de nyid dang/ bdag rtag pa bdag gi de nyid dang/
thams cad la khyab pa'i zhi ba'i de nyid de lnga po de yin pa'i
phyir/ zhes gsungs pa ni dpyad gzhi che ste/ de nyid lnga ni nam
mkha' rlung me chu sa'i

khams lnga la byed par 'grel chen las gsal bar gsungs pa'i phyir
te/ de nyid lnga dang zhes pa ni nam mkha' la sogs pa'i khams
kyi tshogs so/ /zhes gsungs pa'i phyir dang/ gzhan du

na bsdus rgyud las/ de nyid lnga dang mchog gi go 'phang ma lus
pa yang gzhan ni sngags kyi lus/ /zhes sogs kyi skabs su de nyid
lnga zhes ming tsam gsungs kyang/ sngags dang bdag dang

'dod pa dang zhi ba'i de nyid bzhi dngos su gsungs nas khams kyi
de nyid dngos su ma gsungs par 'gyur ba'i phyir dang/ de nyid
lnga dang zhes pa mdor bstan pa dang mchog gi go 'phang zhes
sogs kyis de

nyid lnga'i grangs 'dren gsungs pa yin na de nyid lnga dang zhes
pa'i dang sgra ma 'brel bar gyur ba'i phyir dang/ yang grub
'grel chen mo 'dir/ khams sogs de dang de ye shes kyi khams su
'dres pa

sogs khyad par gyi chos de dang der rtogs pa ni de'i de nyid
rtogs par 'dod pa'i phyir te/ dper na khams kyi tshogs rnams
mchog gi go 'phang drug pa ye shes kyi khams kyi tshe 'dres par
rtogs pa ni/

khams kyi de nyid rtogs pa dang/ sngags sna tshogs pa rnams kyang
dbyangs gsal gyi bdag nyid du rtogs pa ni sngags kyi de nyid
rtogs pa'i don yin pa bzhin no/ /zhes khams sogs khyad gzhi

@043a @#/ /dang de dag gi khyad par gyi chos zhig de dang de'i de
nyid du bshad nas/ stag los khams dang de nyid gzhi mthun du
bshad pa dgag pa yang dpyad dgos te/ TIka chen de nyid snang

bar de ltar ma bshad la/ 'grel chen dri med 'od du yang mi gsal
ba'i phyir/ nang pa sangs rgyas pas bum pa dang bum pa'i stong
nyid 'gal bar 'dod pa'i rigs pa 'di la sbyor mi dgos saM

snyam mo/ /'on kyang mtha' gcig tu bshad tshul de dag mi 'thad
zer ba min gyi/ rang gi go tshad dang mi mthun kyang gzhan dang
mthun ched du sgra sor bzhag bris pa lta bu ma yin par gzu

po'i chos su gnas khul byas pa yin pas/ 'di dang gong 'og rnams
su 'di 'dra byung tshad la mkhas pa rnams kyis thugs khrel ma
gnang bar phyogs su ma lhung ba'i thugs dgongs rnam par

dag pas tshar gcod rjes 'dzin mdzod cig/ ()ma() dus ba zhi'i ye
shes de zhes pa bzhi las/ zhes pa ni yig nor byung ste/ dus
bzhi'i ye shes te shes pa bzhi las

zhes bshad dgos pa'i phyir/ dbang phyug nus can mnyam sbyor bas/
zhes sogs kyis 'dzag bde lam du byed pa po de bde chen 'dren nus
pa'i bud med dang sbyor pas khams 'dzag pa'i bde ba

gnyis med de 'gran zla med pa skyes pa de nyid bsgoms stobs kyis
nang du brtan par gnas pa la brten nas rnam rtog dgag pa'i
'khrig bde'i ye shes skyes pa la thar bar bshad do/ /dang por

@043b sems ni mnyam bzhag pas/ zhes sogs kyi don ni/ rtog ge
'bar ba las/ 'di la rnal 'byor bas dang por mnyam par bzhag pa'i
sems su byas la/ blo'i sgo dbang po thams cad bsngams te/ phra
ba

rtag pa cha shas med pa zhi ba la dmigs par bya ste/ tshad gsum
dang ldan pa'i yi ge oM brjod cing/ sa la sogs pa bstan bcos
las brtan pa bzhin du gzung bar bya zhing sems la gzung na/ bsam

gtan gyi mig gis dbang phyug chen po mthong bar 'gyur zhing grol
ba thob par 'gyur ro/ /zhes pa lhar ro// ()tsa() dbang phyug gi
mtshan ma lhar bzung nas mchod pa byed pa'i srol dang por byung

tshul ni khyad par 'phags bstod kyi 'grel par bshad yod do/
/dbang phyug ba yi bstan pa la/ zhes sogs kyis 'dzag pa de lam
du byed pa'i dus su phyogs gsum du kha blta ba'i brtul zhugs
dang

mig gi lta stangs kyi khyad par yod tshul bshad do/ /lha mo rin
chen gnas 'di ni/ zhes sogs kyis/ 'dzag bde 'dren tshul dang de
bsgom stobs kyis brtan par gnas tshad dang bde ba de nyid  

brda rtog gi spyod yul min pa dang brtan par gnas pa la brten
nas bde ba je 'phel du 'gro tshul dang/ de la brten nas stong
nyid kyi lta ba skyes nas sgro 'dogs thams cad 'joms te grol ba
thob

tshul sogs bshad dam snyam yang tshig 'bru zhib tu gnyer ba'i
'grel pa mi 'dug pas ma spros so// ()tsha() rnam rtog rgyu mtshan
bcas pa'i phyir/ /rdzas sogs mthong bas grol par ni/ /

@044a @#/ /ji ltar 'ug pa mi 'dod pa/ /de bzhin 'ug pa ba mi
'dod/ /ces pa ni/ khyod kyis bud shing zad pa'i me bzhin du rnam
rtog thams cad zad pa thar bar 'dod na rnam rtog med pa ni

rdzas la sogs pa'i tshig gi don 'dzin pa mi srid pas/ thams cad
mthong bar 'dod pa'i thub pa 'ug pa yang grol bar gyur ba ma yin
te/ rdzas la sogs pa mthong bas rnam rtog dang bcas pa'i

phyir; de'i gzhung gi rjes su 'brang ba'i 'ug pa ba rnams kyang
rdzas la sogs pa'i tshig gi don de kho na nyid du goms pas thar
ba thob pa mi srid par 'gyur ro zhes pa'o/ /yugta ni d+hi zhes pa
ni rigs

gte ra gyi ming yin pas de'i dar TIka yod dam snyam mo/ /'on
kyang rnam 'grel TIka chen las/ 'ug pa'i brtul zhugs blangs
pa'i phyir 'ug phrug pa ste bye brag pa yin la/ zhes gsungs pas/

stag tshang ba'i bshad tshul mtha' gcig tu mi 'thad par gsungs pa
dpyad dgos so// ()dza() /de la kha cig thun mong min pa'i rgyu
yin pas dbang po dang don du phrad pa tshad mar khas len la/

don du phrad ba ni 'brel ba yin la/ de yang dngos 'brel gnyis
dang brgyud 'brel bzhi ste drug go /de la kha cig thun mong min
pa'i rgyu yin pas dbang po dang don du phrad pa tshad mar khas
len la/

gzhan dag gtso bo yin pas bdag dang yid du phrad pa tshad ma'o
zhes zer to/ /tshad ma de las gang grub pa yod pa nyid dang bum
pa nyid la sogs pa'i spyi mthong ba'i sgo nas bum pa'o snyam pa
dang

@044b gzugs so snyam pa la sogs pa gang yin pa de rjes dpag las
tshad ma gzhan mngon sum dang tshad ma'i 'bras bu yin no zhes
pa'o/ /yod pa nyid ces pa'i sbyi chen po dang bum pa nyid la
sogs pa'i sbyi nyi tshe

ba'i khyad par gzung ba la ltos nas gzugs la sogs pa'i gsal ba
'dzin pa dang/ rdzas bum pa sogs dang yon tan sngon po sogs dang
las 'gro ba sogs la ltos nas 'di'o snyam du 'dzin pa ni mngon
sum

zhes sbyar bar mi bya ste/ de yang dbang po'i mngon sum chos
can/ bum pa dkar po'i zhes sogs khyad gzhi khyad chos sbyar nas
'dzin pa ma yin par thal/ nges pa'i bdag nyid ma yin pas gzugs

la sogs pa'i yul la blta ba'i don can tsam yin pa'i phyir te/
khyad gzhi khyad chos sbyar nas 'dzin pa ni yid kyi blo yin gyi
dbang shes ma yin pa'i phyir/ zhes pa ste/ de ltar tshad ma'i
mdo'i

dar TIka las bshad do/ /tshad ma'i mdo'i gzhung snga ma ni
phyogs snga'i 'dod pa bshad la/ gzhung phyi ma na de dgag pa'o/
/'brel ba la sbyor 'brel dang 'du 'brel gnyis yod la/ de la yang

sbyor 'brel bzhi dang 'du 'brel gnyis te drug go /de dag ni
mtshan gzhi ni/ mig gi dbang po dang yan lag can gyi bum pa lta
bu sbyor ba'i 'brel ba dang/ mig dbang dang bum pa la 'du ba'i
gzugs

dri la sogs pa lta bu sbyor ba la 'du ba'i 'brel ba dang/ mig
dbang dang bum pa'i gzugs sogs la 'du ba'i gzugs kyi spyi la
sogs pa lta bu sbyor bar 'dus pa la 'du ba'i 'brel ba dang/@145a @#/ /mig dbang
dang sa phyogs bum stong lta bu sbyor ba'i
khyad par dang khyad par can gyi 'brel ba ste sbyor 'brel
bzhi'o/ /sbyor 'brel gnyis pa ni 'du ba'i 'brel ba dang/ sbyor
'brel

gsum pa ni 'dus pa la 'du ba'i 'brel ba ste 'du 'brel gnyis so//
()wa() dbang don phrad pa smos pas zla ba gnyis snad gi shes pa
mngon sum yin pa bsal zhing/ shes pa smos pas bem

pos bsdus pa'i bde sogs mngon sum yin pa bsal la/ rtags kyi sgo
nas dang rang gi ngo bo'i sgo nas bstan par mi nus pas tha snyad
du bya ba min pa zhes smos shing/ 'khrul ba med pa zhes pas mig

rgyu chur 'dzin sogs mngon sum yin pa bsal bar 'dod do/ /
()zha() tshad ma'i mdo'i dar TIka las/ rtags chos kyi 'brel ba
rang mtshan 'dzin pa'i mngon sum de sngon du song ba can gyi rjes
su

dpag pa ni gsum ste rgyu lnga ma yin la 'bras bu lhag ma yin pas
rgyu las 'bras bu dpog pa'i rjes dpag ni snga ma dang ldan pa
dang 'bras bu las rgyu dpog pa'i rjes dpag ni lhag ma dang ldan
pa dang zla ba

ri la nub pa mthong ba las nyi ma yang de ltar 'gyur bar dpog pa
ltar chos gcig mthong ba las gzhan shin tu lkog gyur shes pa lta
bu spyir mthong ba can no/ /don ni/ mngon sum gyis rtaT

chos dang de'i 'brel ba gzung ba'i de ma thag /rtags tsam mthong
bas rtags can rtogs pa'i rjes dpag snga ma mngon sum dang
mtshungs pas snga ma dang 'dra ba dang snga ma can zhes bya la/
shing phung

@145b gcig las skyes pa dang gzugs mtshungs pa las shing tog gcig
ro sgyur bar mngon sum gyis mthong ba na/ 'bras bu lhag ma rnams
kyang de dang mtshungs par dpog pa ni/ lhag ma dang 'dra ba zhes
bya'o/ /

lhag ma ni 'bras bu ste/ shing phung gcig las skyes pa sogs kyi
'bras bu ro skyur ba 'di la yang yod do zhes pa'o/ /zhes gsungs
so/ /rtags chos kyi 'brel ba zhes pa'ang blos btags pa ma yin

par 'brel gzhi chos gnyis las rdzas logs su bzung du yod pa'i
dngos por 'dod do// ()za() dar TIka de nyid las/ snga ma dang
ldan pa zhes bya ba 'di la snga ma dang mtshungs pa snga ma lta
bu'i sgrar

'gyur bas sam 'di la snga ma'i chos yod pa snga ma dang ldan
pa'o zhes ldan pa'i sgrar 'gyur/ dang po ltar na/ rjes dpag gcig
kho na la snga ma lta bu'o zhes pa ltar gyi ming sbyar ba 'thad
pa ma yin par thal/

rjes dpag thams cad snga ma lta bur srid ba'i phyir te/ rjes
dpag thams cad mngon sum sngon du 'gro ba can du khas blangs
pa'i phyir/ gnyis pa ltar na/ 'di la rgyu yang yod pas/ de las
'bras bu

dpog pa'i shes pa snga ma dang ldan pa zhes ldan pa'i sgra sbyar
ba 'thad pa min par thal/ rgyu las 'bras bu dpog pa mi 'thad
pa'i phyir/ der thal/ dngos rgyus dngos 'bras dpog na phyogs
chos ma grub/

brgyud rgyus dpog na khyab pa 'khrul ba'i phyir/ zhes dang/ lhag
ma dang ldan pa'i rjes dpag mi 'thad par thal/ lhag ldan la yang
mngon sum gyi lhag ma lta bur ram/ lhag ma dang ldan pas lhag

@146a @#/ /ldan zhes ldan pa'i sgra sbyar ba gnyis ka la yang
bshad pa'i skyon du 'gyur ba'i phyir/ shing phung gcig las skyes
pa'i 'bras bu ro skyur bar mthong ba las mngon sum phyi ma rnaM

kyang de dang yul mtshungs pas lhag ma dang ldan par 'gyur ba mi
'thad par thal/ gzugs mtshungs pa tsam gyis ro mtshungs pa'i nges
pa med pa'i phyir ro/ /rgyu lhag ma dang ldan pas lhag ma

dang ldan par 'gyur la/ de yang ldan pa dang 'du ba'i 'brel ba
las rtogs par 'gyur ro zhe na/ de lta na de'i mi mthun phyogs
shes pa yang lhag ma dang ldan par 'gyur na de mi rigs te/

rgyu lhag ma dang ldan pa las lhag ldan du 'gyur ba ma yin par
thal/ rgyu lhag ma dang ldan pas lhag ma dang ldan pa'i gtan
tshigs/ ldan 'du la sogs pa'i 'brel ba gzhan las kyang rtogs

par mi 'gyur ba'i phyir dang/ 'brel ba gnyis las rtags de mi
rtogs pa'i phyir ro/ /'brel ba gzung don du byas pa'i sgo nas
rtags dang rtags can gyi shes pa skye ba ru mthong ba'i sgo nas
kyang/

'bras bu'am rjes dpag skye bar thal lo/ /zhes bkag pas/ de'i
phyogs sngas mtha' gcig tu me rtags su bkod nas du ba dang/ du
ba rtags su bkod nas me sgrub pa sogs min no zhes pa'o/ /

'di dag gi lhag ldan dang rnam 'grel gyi lhag ldan gyi khyad par
ni rnam 'grel las/ gang zhig ma mthong ba tsam gyis/ /ldog pa
rab tu ston byed pa/ /de ni the tshom rgyu yin phyir/ /de la

@146b lhag ma ldans zhes brjod/ /ces ba'i TIka tshen las/ lhag
ldan gyi rtags kyi don zhe na/ rigs pa can pa gang dag rgyu las
'bras bu dpog pa snga ma dang ldan pa dang/ 'bras bu las rgyu
dpog pa lhag ma dang

ldan pa'o/ /zhes lhag ldan gyi don la log par rtog pa bsal nas
rang lugs kyi lhag ldan gyi mtshan nyid bstan pa ni/ gzhan dag
gis rtags gang zhig mi mthun phyogs la ma mthong ba

tsam gyis ldog khyab grub pa'o zhes rab tu ston par byed pa'i
rtags dag smra ba de chos can/ khyod la de sgrub kyi lhag ma
dang ldan pa'i rtags zhes ba rjod rigs te/ khyod de sgrub kyi
phyogs chos gang zhig/

khyod de sgrub kyi mthun phyogs la mthong yang mi mthun phyogs
la ldog pa la the tshom gyi rgyu yin pa'i phyir/ zhes pa ltar ro/
/ ()'a() tshar bchad pa'i gnas rnams gdon mi za bar khas blangs
par byas nas/

zhes 'dir drangs pa'i 'phror/ zhes gsungs so zhes pa lta bu'i
tshig chad do/ /zhib mo rnam 'thag gi 'grel bar/ gzhan dag 'dir
rgol ba thams cad kyis tshad ma dang/ zhes pa nas/ gdon mi

za bar khas blangs nas gtam du byed kyi/ stong pa nyid du smra
ba rnams kyis ni zhen pa med pa'i phyir tshad ma la sogs pa'i don
khas len par mi byed do zhes zer ro/ /zhes sogs kyi don ni/
gzhan dag sta

rigs pa can dag na re/ 'dir rgol ba thams cad kyis tshad ma sogs
tshag don bcu drug khas blangs des phan tshun 'bel gtam byed dgos
pa la/ ngo bo nyid med par smra ba rnams kyis tshad ma la soTa
pa'i

@147a @#/ /don khas mi len pas rgol ba'i 'os ma yin no/ /zhes
pa'o/ /tshig don bcu drug po de dag gis chos rnams bden par yod
par sgrub pa ni/ chos thams cad bden par ma

grub ces pa mi 'thad de/ tshad ma dang gzhal bya yod pa'i phyir
dang/ chos rnams bden par med pa ma yin te/ chos gang yang rung
ba zhig yod med dang yin min la the tshom za ba yod pa'i phyir

dang; the tshom bden par med pa ma yin te/ dgos pa gang yang rung
ba zhig sgrub pa'i ched du 'jug pa'i tshe don de grub ma grub la
the tshom za ba yod pa'i phyir dang/ dgos pa de nyid bden par

yod de/ don gang gi ched du rgyu sgrub pa la 'bad pas 'jug pa'i
don yin pa'i phyir te/ ji ltar bum pa'i don du rdza mkhan mkhan
'jim pa la 'jug pa'i dpe de bzhin yin pa'i phyir/ dpe de yang
bden

par med par khas len pa mi rung ste/ don gang zhig de dang chos
mthun pa ni de'i dpe yin pa'i phyir/ ngo bo nyid med bar smra ba
khyod lhan cig gtam smra bar bya ba'i rgol ba mtshan nyid pa ma
yin te/

rgol ba thams cad kyis 'thad mi 'thad so sor phye ba'i grub
mtha' dang/ dam bca'i don sgrub par byed pa'i yan lag tshang ba'i
sgrub dag khas len dgos pa la/ khyod kyis thams cad ma grub

ces ma 'brel bi'i tshig 'ba' zhig smra ba'i phyir/ yan lag lnga
ldan gyi sgrub ngag bden par yod par khyod kyis kyang khas len
dgos te/ khyod kyis yan lag thams cad med do zhes

@147b dam bca' pa'i phyir dam bca' khas blangs par mngon la/ de
lta na dam bca'i don sgrub byed kyi yan lag lhag ma rnams kyang
khas len dgos pa'i phyir dang/ khyod kyis thams cad ma grub zer
ba mi 'thad de/

de kho na nyid shes pa'i don du dpyod par byed pa'i rtog ge
dang/ dpyod pa'i don khong du chud pa'i gtan la phab pa gnyis
kyang khas len dgos pa'i phyir dang/ khyod kyis thams cad ma
grub ces pa mi 'thad/

thams cad ma grub zer ba'i rtsod ba 'di phyogs dang mi mthun
pa'i rtsod pa yin pa'i phyir/ khyod kyis brjod bya rjod byed med
zer ba mi 'thad de/ don la brda sbyar ba'i brjod pa yod pa'i
phyir/ gzhan yang

khyod kyis thams cad sun phyung ba mi 'thad de/ de ni sun phyi
na ci log tu rgol ba yin pa'i phyir dang/ khyod kyis bden med
sgrub phyir du bkod pa'i gtan tshigs rnams ltar snang 'ba' zhig
yin pa'i phyir

dang; khyod kyis thams cad ma grub ces smra ba ni tshig dor te
snyon di ngas pa'i tshig yin pa'i phyir dang/ khyod kyis bden
grub 'gog phyir du bkod pa'i thal 'gyur rnams ltag chod kho na
yin pa'i phyir/

des na ngo bo nyid med par smra ba khyod rgol ba tshar gcod pa'i
gnas su gyur ba yin no/ /zhes zer ro// ()ya() tshad ma'i mdo'i
rnam bshad mthar 'dzin gdung 'joms las/ bye brag

pa rnams na re/ 'di ni ba lad kho na'o/ /rta kho na'o snyam du
'dzin pa mngon sum yin la/ mngon sum gyis mthong ba'i don las
blta bar bya ba'i don gzhan rjes su rtogs pa'i blo de dag ni
rtags

@148a @#/ /las byung ba rjes su dpag pa'o zhes zer ro/ /de yang
gang yin zhe na/ nyin mor byed pa shar ba mthong ba las/ don
gzhan bum pa gsal ba bzhin du bskyed bya'i 'bras bu

dang; gsal bar bya ba 'di ni skyed byed kyi rgyu dang/ gsal byed
'dis dpog par byed pa'o zhes rgyu las 'bras bu dpog pa dang/
'brel ba bzung ba las 'brel ba can dpog pa dang/ 'brel ba ni

gnyis te/ me du lta bu ldan pa'i 'brel ba dang/ ba lang dang rwa
lta bu 'du ba'i 'brel ba'o/ /don gcig la 'du ba las 'du ba can
dpog pa dang/ 'du ba yang gnyis te/ gzugs dang reg bya

lta bu 'bras bu dang 'bras bu gzhan 'du ba dang/ rkang lag lta
bu rgyu dang rgyu gzhan 'du ba'o/ /'gal zlas 'gal zla gzhan dpog
pa 'gal ba can zhes bya'o/ /de yang dpe ma byung ba byung ba'i
'gal

zlas dpog pa rlung dang sprin sbyor ba las/ da lta med pa'i char
ba'i las dpog par 'dod pa dang ma byung bas byung ba dpog pa
char ba'i las yod bzhin pa/ rlung dang char ba sbyor ba las
dang/ byung bas

byung ba dpog pa ni/ /sher ba chu lon 'ching ba ste/ gsher ba'i
'bras bu rlan pa dang 'gal bas gsher ba dang 'gal bar go ba lta
bu'o/ /ma byung ba ma byung bas dpog pa ni/ ljang khu'i bum pa

tshos pa las skyes pa'i ngo bor byung ba la/ grub zin gyi bum pa
me dang sbyor ba lta bu'o/ /zhes gsungs so/ /'dis grub 'grel gyi
tshig la yig nor byung ba'ang shes par gyis/ ()ra()

@148b de nyid las/ rig pa can pa na re/ dper brjod pa de dang
chos mthun pa de las bsgrub bya sgrub par byed pa'i chos ni gtan
tshigs so zhes pa gtan tshigs yang dag gi mtshna nyid dang bsgrub
bya dang chos

mthun pa nyid las bsgrub bya'i chos yod pa dpe yang dag gi mtshan
nyid de/ dper na/ sgra chos can/ mi rtag ste skye ldan yin pa'i
phyir/ bum pa bzhin/ de bzhin du sgra yang skye ldan no/ /de'i

phyir sgra mi rtag ces pa lta bu'o zhes zer ro/ /zhes dang/ bye
brag pa rnams ni/ sgrub byed 'di la yod pas de dang ldan pa'i
chos brjod pa sgrub dag dang/ sgrub byed dang ldan pa'i chos
gtan tshigs so zhes

rjod par byed do/ /bu dang ldan pa zhes brjod na/ pha kho na de
dang ldan par gob ltar bsgrub bya dang ldan pa'i chos zhes pas
gtan tshigs go bar byed do zhes zer ro/ /zhes so/ /de dag 'gog
tshul

rnam bshad de nyid las rgyas par bshad yod do// ()la() gzeg zan
gyi ming gzhan drang srong 'ug pas zhes rnam grangs su gsungs pa
dpyad dgos te/ legs ldan phyi ma'i gzhung grub 'grel du

drangs pa las/ gzeg zan dang 'ug pa dang zhes so sor grangs pa'i
phyir/ de gnyis rnam grangs yin kyang so sor grangs pa mi 'gal
na sngar stag tshang ba dgag pa dang 'gal dogs so// ()sha()

rdzas dgu chos can/ rdzas zhes bya ste/ rang nyid chos gzhan la
brten pa ma yin par rang rkya thub cing yon tan la sogs pa chos
gzhan gyi rten byed pa'i phyir/ rdzas kyi mtshan nyid ni/ bya ba
dang

@149a @#/ /ldan pa/ yon tan dang ldan pa/ 'du ba'i rgyur gyur ba
zhes gzung du mar bshad do/ /'di la bdag phyogs mkha' dus bzhi
bya ba med par rtog ge 'bar bar gsungs pa dang/

yid kyi rdzas la brten pa'i yon tan ma bshad ces rnam nges dar
TIka tu bshad pa'i don gang yin dpyad gzhi cung zad yod dam
snyam mo/ /rang gi steng du yon tan tha dad pa dag lhan cig tu

'du ba'i rgyur gyur ba ni/ 'du ba'i rgyur gyur ba'i don yin no/
/'dir sa chu me rlung dang yid dang lnga ni ma khyab pa dang/
bdag phyogs mkha' dus bzhi ni khyab pa'i rdzas su bshad pa ni
rnam

nges dar TIka dang rtog ge 'bar ba'i dgongs par snang la/ 'on
kyang rnam 'grel T'ki chen las/ nam mkha' sogs lnga ni thams cad
du song ba'i rdzas zhes bya'o/ /sa la sogs bzhi ni

thams cad du song ba ma yin pa'i rdzas zhes bya'o/ /zhes gsungs
pa dpyad do/ /sa sogs bzhi ni rim bzhin yon tan bzhi ldan gsum
ldan gnyis ldan gcig ldan du bshad pas na/

reg gzugs ro dri bzhi ni rim bzhin sa sogs bzhi dang sa chu me
gsum dang sa chu gnyis dang sa kho na'i yon tan yin no/ /des na
rtog ge 'bar ba'i lung 'di yang reg bya dang gzugs dang

ro dang dri dang mtshungs par ldan no zhes 'don na dag par mngon
te/ gzhan du na grangs ji lta ba bzhin du zhes pa dang/ ldan pa
ni zhes pa dang ma 'grig pa'i phyir/ 'dir tshig don drug gi

@149b las ni mi rtag pa kho na dang yon tan la rtag mi rtag gi
cha gnyis yod pa dang tshig don gzhan bzhi rtag par bshad pa ni
khas len du mi rung bas yi ge nor ram ji ltar yin dpyad dgos te/
rdzas la rtag mi rtag gi

cha gnyis yod par khas len dgos pa'i phyir te/ sa sogs bzhi la
rtag mi rtag gi cha gnyis yod par TIka chen du bshad pa'i phyir
dang/ bye rig gnyis kyis rags pa mi rtag par khas blangs par

gzhung kun mthun par bshad pa'i phyir ro// ()sa() de dag gi don
T'ki chen las/ bdag ni lus dbang blo gsum las don gzhan du gyur
ba'i rdzas/ blo la sogs pa'i yon tan de rnams kyi rten du

gyur cing/ yon tan de rnams rang la 'du ba'i rgyu byed pa/ sems
ma yin pa'i ngo bo/ mi 'jig pa/ thams cad du khyab par 'dod la/
skyes bu dang gang zag kyang 'de'i rnam grangs so/ /bdag de nyid

sgrub pa'i rigs pa ni/ gal te bdag de lta bu med par gyur na/
de'i tshe shi nas las kyi 'bras bu la longs spyod pa de su yin/
gzhan gyis byas pa gzhan gyis longs sbyod pa yang ma yin te/ de
ltar

na las byas pa chud zos shing ma byas pa dang phrad par 'gyur
ro/ /de pas na las byed pa bo dang 'bras bu za ba por gyur ba'i
bdag des par brtag par bya'o/ /gal te bdag rtag pa yin na las
byed pa

dang 'bras bu myong bar ji ltar 'thad/ der ma zad bdag rtag pa
skye ba dang 'chi bar yang ji ltar 'gyur zhe na/ bdag rang gi
ngo bos las byed cing 'bras bu longs spyod pa ma yin gyi/ /shes
pa dang 'bad pa@150a @#/ /dang byed par 'dod pa la sogs pa bdag la 'du ba'i yon
tan de dag gis chos dang chos ma yin pa'i las byed pa la bdag
gis las byed par brjod cing/ bdag la bde ba la soT

ba nyams su myong ba 'du ba nyid bdag 'bras bu la longs spyod
pa'i don yin te/ dper na bdag la 'du ba'i mig shes kyis gzugs
mthong ba nyid bdag gis gzugs mthong ba'i don yin pa lta bu

ste; de lta ma yin na lha sbyin nam yang gzugs la lta bar mi
'gyur ro/ /lha dang mi la sogs pa'i ris mthun khyad par can
dang/ lus dang dbang po dang blo dang tshor ba snga na med pa dag
dang

'brel ba bdag la gsar du 'dus pa ni bdag de'i skye ba yin par
brjod do/ /de yang lus dang dbang po dag phrad pa ni ldan pa yin
la/ ldan pa de yang bdag la ldan zhing/ blo la tshor ba bde sdug

dag 'du ba yin la/ de yang bdag la 'du ba'i mtshan nyid do/ /ldan
pa dang ldan pa ma yin pa yang yod dam zhe na/ yod de/ ma mthong
ba'i las kyis mngon par 'dus byas pa'i rna ba'i bu ga ni

bdag dang ldan la/ de dang yang nam mkha'i bdag nyid kyi rna ba
ldan pa lta bu'o/ /sngon nye bar blangs pa'i lus dang dbang po
dang blo dang tshor ba rnams dang bral ba ni bdag 'di'i 'chi bar
brjod do/ /

bdag de'i gson pa ni/ lus dang bcas pa/ chos dang chos ma yin
pa'i las gsog pa la ltos pa'i yid dang ldan pa gang yin pa'o/
/'tsho ba ni/ bdag la 'dus pa'i mig dang

@150b lus la sogs pa la gnod pa'i phyir bdag 'di la 'tshe bar
rtog cing brjod la/ de bzhin du 'bras bu'i rten dang/ 'bras bu
byed pa po bdag la 'dus pa dag la gnod pa ni/ bdag la gnod cing
'tshe ba'i

don to/ /gal te bdag rtag pa yin pas bdag la lus dang dbang po
gsar du 'du ba dang sngar yod 'bral ba sogs mi rung na/ nam
mkha'i khams la yang gzugs can gyi chos 'du 'god byed par mi

'gyur ro/ /zhes pa ltar ro// ()ha() kun tu song ba'i bdag 'dod
mkhan ni/ gzeg zan gyis ni shes las bdag /gzhan dang khyab par
yongs su brjod/ /zhes pa lhar bye brag pa dang/

skyes bu'i lus tsam gyi bdag 'dod mkhan ni/ gcer bus lus kyi
tshad bzhin du/ /srog ni zhum dang rgyas par smra/ /zhes pa ltar
gcer bu pa dang/ rdul tsam gyi bdag 'dod mkhan ni/ lus

las lus gzhan dag tu ni/ /phra ba'i srog ni 'pho zhes grags/
/zhes pa ltar ro/ /de 'dod mkhan ni rig byed pa kha cig ste/
khyab phra zhes pa'i skabs su bshad zin to/ /zhum pa dang rgyas
pa'i

don ni/ lus che ba len pa na bdag rtag pa che bar 'gyur ba dang/
lus chung du len pa na bdag rtag pa chung ngur 'gyur ba'o//
()a() bye brag pa'i lugs kyi nang gi bdag ni lus kyi khong na
gnas

shing; mig sogs la dbang bsgyur ba po dang/ da'o snyam pa'i rtog
pa'i snang yul dang nga zhes pa'i sgra 'jug pa'i rgyur gyur ba/
dge mi dge'i 'bras bu bde sdug za ba po dang/ rnam rtog

@151a @#/ /bzang ngan du ma rang steng du 'du ba'i rgyu byed pa
zhig go /phyi'i bdag ni lus dang dbang po dang phrad pa'am 'brel
ba ste lus len pa'i sgo nas nang gi bdag la phan 'dogs pa'o/

rig pa can pa'i lugs la/ srog chags thams cad la yod pa'i bdag
ni nam mkha' ltar thams cad la khyab pa yin kyang/ yid tsam la
khyab pa'i bdag ni rdul phra rab tsam du 'dod pa ma

gtogs bdag phyi nang gi dbye ba mi 'dod dam snyam mo// ()ka()
rna ba ma phug pa na re/ sngar bshad pa'i tshig don drug po'i yul
can bdag gi mngon sum/ rjes dpag /nyer 'jal/ sgra/

dran pa/ ngo shes pa/ grub pas mthong ba/ gtsug lag /the tshom/
phyin ci log /ma nges pa/ rmi lam/ rmi lam gyi mtha'i shes rab
sogs chos can/ lus dang dbang po dang blo las

tha dad pa'i rig par byed pas rig par bya ba yin te/ rang rgyu
la rag las/ skye ba dang ldan/ spyi dang/ khyad par dang ldan/
rtogs pa'i bdag nyid dang/ shin tu myur ba dang/ 'jig pa dang/

'du byas bskyed/ shes pa yin pa'i phyir/ skyes bu gzhan gyi sems
bzhin no/ /zhes pas bdag sgrub par byed de/ tshad chen las/ nga
shes bya ba'i nus pa dang/ /lus la sogs ni tha dad

pa'i; ;rig par byed pas rig yin te/ /shes phyir de las gzhan pa
bzhin/ /zhes so/ /de la grub pas mthong ba ni skar ma shes pa'i
bstan bcos sogs ston pa dang/ gtsug

@151b lag ni slobs pa'i shes pa dang/ ma nges pa ni yul ma nges
pa dang/ rmilam ni rmi lam gyi skabs su dang por byung ba'i shes
pa dang/ rmi lam gyi mtha'i shes pa ni rmilam na yang shes pa
gzhan byung ba de yin par

dka' 'grel du bshad do/ /bde byed bdag po ni/ 'dod pa dang sdang
ba sogs chos can/ 'ga' zhig la brten te/ dngos po yod pa'i 'bras
bu yin pa'i phyir/ gzugs sogs bzhin no/ zhes pa'i

rtags kyis 'dod sdang sogs la rten yod par bsgrub nas rten de
rdzas gzhan brgyad po yin par bkag pa na/ 'dod sdang sogs la
rdzas gzhan brgyad po gang yang ma yin pa'i rten yod par 'grub
pas bdag

yod par 'grub po zhes zer te/ de nyid las/ 'dod pa la sogs thams
cad kyang/ /de dag 'ga' zhig la brten nyid/ dngos nyid yin pas
'bras nyid phyir/ /gzugs bzhin nyid kyi skyes bu

de; ;zhes sogs so/ /gsal byed pa na re/ lha sbyin gyi rgyud kyi
gzugs sogs 'dzin pa'i shes pa gcig dang du ma chos can/ rgyu
gcig yod de/ bdag gis zhes pa'i shes pas mtshams

sbyor ba'i phyir/ dper na/ gar mkhan gyis smin ma bskyod pa na
'dir 'dus pa'i mi thams cad kyis gos 'phang bar bya'o zhes brda
chad byas pa na/ skyes bu rnams kyis gos 'phang bar bya'o snyam
pa'i

shes pa du ma'i rgyu gar mkhan gyis smin ma bskyod pa gcig pu
yin pa bzhin no/ /rtags 'dis gzugs sogs 'dzin pa'i shes pa rnams
la thun mong gi rgyu gcig yod par grub pa na/ rgyu

@152a @#/ /gcig po de yang bdag las gzhan du mi 'thad pas bdag
yod par grub po/ /zhes zer te/ de nyid las/ gzugs sogs shes pa
thams cad kyang/ /gcig dang du ma'i mtshan

nyid kyang/ /nga zhes bya ba'i shes pa dang/ /de dag mtshams ni
sbyor nyid phyir/ /gar mkhan smin 'khyug g.yo ba la/ /mang po
dag gi shes pa bzhin/ /zhes so/ /gzhan yang/ rigs pa

'di lta bus bdag sgrub par byed de/ bdag ces pa'i tshig chos can/
lus dbang yid blo tshor ba'i tshogs las ma gtogs pa gcig brjod de/
gcig tshig yin pa'i phyir/ bum pa'i sgra bzhin no zhes

te; 'dis ni bdag phung po dang mtshan nyid mi mthun pa'i rang
rkya bar sgrub par byed do/ /yang gson lus chos can/ bdag dang
bcas te/ srog dang ldan pa'i phyir/ zhes sogs te/ rgyas par

rnam 'grel las shes par bya'o// ()kha() TIka chen las/ yid kyi
rdzas ni ji lta bu/ rtags gang gis dpag par bya zhe na/ dbang po
lnga dang yul lnga phrad pa cig car nye yang/

shes pa lnga ci car mi skye ba'i rtags las/ dbang po dang don
las ma gtogs pa'i shes pa'i rgyu yod par grub la/ de la yid ces
brjod do zhes smras te/ rkang mi gi mdo las/ shes pa cig car  

mi skye ba ni yid kyi rtags so zhes 'byung ngo/ /de yang shes pa
ma yin pa'i lus can gyi rdzas rtag par 'dod la/ rna ba'i sgor
zhugs dus mig gi sgor ma zhugs pa la sogs pa'i sgo nas khyab pa
ma

@152b yin pa'i nyi tshe bar 'dod do/ /zhes gsungs so/ /lung 'dis
yid ma khyab pa'i rdzas su bshad do/ /de dag gi skabs kyi grub
mtha' chen mor yi ge shin tu nor ba byung ba rnams TIka chen
dang bsdur nas zhus dag

ma byas phyin mgo bskor ba las go ba ster rgyu ci yang mi snang
ngo/ /na ma mkha'i rdzas ni de nyid las/ sgra ni nyan par bya ba
ste/ de yang nam mkha' kho na'i yon tan yin gyi rdzas gzhan la
ni mi brten no/ /'di

cis mngon zhe na/ gang skye 'jig dang ldan pa de 'ga' zhig la
brten pas khyab/ dper na mar me la sogs pa bzhin/ sgra yang skye
'jig byed pa yin no/ /zhes pas sgra rdzas zhig la brten par grub
la/

nam mkha' las gzhan pa'i rdzas la brten pa khegs pa na/ nam
mkha' kho na la brten par grub pa yin no/ /gzhan la brten pa ji
ltar khegs zhe na/ sa chu me rlung bzhi la brten pa ma yin te/
brten nas

sogs gang yod du sgra yod dgos pa la med pa'i phyir dang/ sa
sogs bzhi las logs su chad par sgra thos pa'i phyir ro/ /bdag gi
yon tan ma yin te/ phyi rol tu dbang shes kyis dmigs pa'i phyir
dang/

bdag gzhan du mas thun mong du dmigs pa'i phyir ro/ /phyogs dus
yid gsum gyi yon tan ma yin te/ rna bas gzung bya yin pa'i phyir
ro/ /zhes so/ /dus kyi rdzas ni de nyid las/ dus kyi rdzas la

yon tan gang zhe na/ rkang mig gi mdo las 'phyi ba dang/ snga ba
dang/ cig car ba dang cig car pa ma yin pa dang/ yun ring ba
dang myur du zhes bya ba la sogs pa ni dus kyi rtags yang dag
yin no zhes 'byung

@153a @#/ /ba lta bu ste/ de yang lo dang zla ba dang nyid ma la
sogs pas rdzas tha dad cing/ yun ring ba'o myur ba'o snyam pa
sogs su 'dzin pa'i shes pa'i snang yul du gyur ba ni yun ring ba
dang myur

ba sogs yin la/ de nyid gang la brten pa'i rten de la dus zhes
bya'o/ /zhes yun ring thung myur bul snga phyi la sogs pa'i yon
tan gyi rtags las dus kyi rdzas yod par rtogs par bya'o/ /zhes

gsungs shing/ phyogs kyi rdzas kyang de nyid las/ phyogs kyi
rdzas ji lta bu/ de la yon tan gang brten zhe na/ 'di shar ro
snyam pa nas 'di steng ngo 'og go snyam pa la sogs pa'i shes pa
bcu'i

snang yul du gyur ba'i dngos po ni shar la sogs par brjod la/ de
dag lus can gyi rdzas gang la brten pa'i rten de la phyogs zhes
brjod do/ /shar la sogs pa phyogs gzhan du don gang gis sgrub ce
na/

shes pa rdzas tha dad pa'i gzung bya yin pa'i phyir ro/ /zhes
gsungs pa ltar ro/ /de dag ston bar tshad chen las/ 'jig pa la
sogs gtan tshigs kyis/ /sgra rnams 'ga' zhig la brten

yin; ;de ni nam mkhar 'gyur ba yin/ /zhes pa nas/ skra dkar
gnyer ma lus rtsub sogs/ /gyur la sogs pa'i shes phyir 'dir/
/gang las mtshan nyid mi 'dra rgyu/ /de ni dus zhes bya bar

'dod/ /shar dang gzhan sogs blo rnams las/ /phyogs nyid rjes su
dpog pa nyid/ /shes pa rim gyis skye ba las/ /yid kyang rjes su
dpag par 'dod/ /gzugs la sogs pa'i shes pa

@153b ni; ;rim gyis skye phyir gzugs sogs las/ /gzhan pa'i rgyu
la ltos pa ste/ /dper na shing rta sogs bzhin no/ /zhes gsungs
te/ tshig don ni go bar zad do/ /grub mtha' rtsa 'grel gnyis kar

yid kyi rdzas de blo yin par bshad pa ni khas len du mi rung bas
yi ge nor ram dpyad dgos te/ yid kyi rdzas ni bem po dang blo ni
shes pa yin ba'i phyir te/ de ltar TIka chen las bshad pa'i
phyir ro// ()ga()

yon tan gyi khyad par bzhi'i nang gi 'du ba dang 'bral ba na
yang de'i rgyu med pa zhes pa ni/ sngar ma phrad pa 'du ba dang
sngar phrad pa phye ba'i rgyu gang yang mi byed pa'i don no/
/ltos pa med pa zhes pa ni/ TIka chen

las; ltos pa med pa ni rtags ya mi ltos pa'o/ /de yang yon tan
ni rdzas kyi rtags yin la/ rdzas ni rtags can yin te/ yon tan
'di lta bu dang ldan pa'i phyir zhes pa'i las rdzas su sgrub

dgos pa'i phyir te/ yon tan gyi rte na byed pas rdzas su bzhag
pa'i phyir ro/ /yon tan la ni yon tan gnyis pa mi brten pas yon
tan ni rtags kho na'o/ /zhes pa ltar yin pas/ 'dir rtags mtshan

la mi ltos pa yin gyi/ sgrub byed kyi rtags la mi ltos pa'i don
min par bshad pa'ang dpyad dgos so/ /yon tan gyi grangs 'dren
tshul gnyis yod de/ blo lnga gcig tu sdom zhing/ dang sgras bsdus
pa'i

lci gsher la sogs pa bdun bgrang nas nyer bzhir gyur ba ni tshad
chen dka' 'grel gyi bshad tshul yin la/ blo lnga so sor bgrang
nas lci sogs bdun ma grang bar nyer lngar gyur ba ni rtog ge
'bar ba'i

@154a @#/ /de kho na nyid kyi shes pa tshol ba'i le'u dang sher
sgron 'grel bshad dang rnam nges dar TIka gsum gyi bshad tshul
yin pa'i phyir/ gzhan rnams 'gyur khyad dam yig nor byung ba

ma gtogs sngar gyi 'dren tshul gnyis las zur ba ma byung bar
snang ngo/ /gzugs dri ro reg grangs tshang dang/ zhes sogs drangs
pa ni sgra dang ldan pa gnyis ma grangs par dro ba bgrang ba
dang/ nyer

gsum bgrang nas nyer bzhir zhes bshad pas yi ge ma dag gam dpyad
dgos shing/ rtog ge 'bar ba'i bye brag pa'i de kho na nyid la
'jug pa'i le'u drangs pa las so so ba ma byung ba dang/ 'dir

bye brag pa'i mdo drangs pa las grangs dang tshad dang 'dod pa
gsum ma byung ba ni yi ge nor ba yin gyi bshad tshul mi mthun pa
ma yin te/ rtog ge 'bar bar so so ba bgrang la/ tshad chen dka'

'grel du bye brag ba'i mdo drangs pa las grangs tshad 'dod pa
gsum byung ba'i phyir/ de dag ni blo lnga sdom nas lci sogs bdun
bgrang ba'i bshad tshul lo/ /'dir mtha' bzhi dgag pa'i skabs su

rtog ge 'bar ba las yon tan nyi shu rtsa bzhi ste zhes pa dpe ma
dag ste/ rtog ge 'bar bar rang nyid las/ yon tan nyi shu rtsa
lnga zhes byung ba'i phyir/ 'di dang spyan ras gzigs brtul zhugs
dang  

rnam nges dar TIka gsum las blo lnga so sor bgrang nas lci sogs
bdun ma grangs par nyi shu rtsa lngar bshad do/ /rnam 'grel
TIka chen du bye brag pa'i mdo nas bshad pa'i gzugs nas 'bad
pI bar

@154b bcu bdun dang/ dang sgras bsdus pa ni lci sogs bdun las
gsher ba ma gtogs pa drug ste nyer gsum bgrang nas/ skabs gzhan
du dro ba dang gsher ba yang yon tan du bshad pas de gnyis dang
nyi shu rtsa bzhir

bshad pa ni yi ge ma dag gam ji ltar yin dpyad gzhi shin tu che
ste/ nyer lnga bgrang nas nyer bzhir bshad pa'i phyir dang/
gsher ba ni dang sgras bsdus par tshad chen dka' 'grel las gsal
bar bshad pa'i phyir

dang; yon tan nyer bzhi'am nyer lnga'i grangs la dro ba bgrang
ba'ang dpyad pa'i gzhi yin pa'i phyir ro// ()nga() gzugs sgra
dri ro reg bya lnga ni rim bzhin mig sogs dbang po lnga'i gzung
bya dang/ rim

bzhin na sa chu me gsum dang/ nam mkha' dang/ sa kho na dang/ sa
chu gnyis dang/ sa sogs bzhi ka'i yon tan yin no/ /grangs ni
gcig la sogs pa'i tha snyad 'jug rgyur rgyur pa'i dngos po ste/
de yang

dper na bum pa gcig ni bum pa yang ma yin/ bum pa brjod pa'i
sgra yang ma yin/ bum pa las rdzas tha dad cing zla med pa'i bum
pa la bum pa gcig ces pa'i sgra 'jug pa'i rgyur gyur pa/ sgra
de'i dngos

kyi brjod bya dang/ bum pa gcig go snyam du 'dzin pa'i rtog pa'i
snang yul du gyur pa'o zhes 'dod cing gnyis dang gsum la sogs pa
yang des rigs bsgre'o/ /bongs tshad ni/ rdzas gang la chen po la
soT

pa'i tha snyad 'jug pa'i rgyur gyur ba ste/ de la dbye na/ chen
po dang/ chung ngu dang/ ring po dang/ thung ngu'o/ /chen po ni
gnyis te/ rtag pa dang mi rtag pa'o/ /rtag pa'i chen po ni/ nam
mkha'/ dus
@155a @#/ /phyogs/ bdag rnams kyi yon tan du gyur pa'i chen po'o/
/mi rtag pa'i chen po ni/ rdul phran gsum yan chad kyi sa brtsam
sa pa'i rags pa yan lag can gyi rdzas kyi yon tan no/ /

chung du yang gnyis te/ rtag pa dang mi rtag pa'o/ /rtag pa'i
chung du ni/ rdul phran yid la zlum pa'i mtshna nyid can gyi yon
tan no/ /mi rtag pa'i chud du ni/ rdul phran gnyis kyis brtsams
pa'i

yan lag can dang po'i yon tan no/ /rdul phra rab gsum yan chad
'byur ba'i rdzas la ring po'i yon tan lnga la/ rdul phran gnyis
'byar pa'i rdzas la thung du'i'a yon tan mi rtag pa brten cing/

rdul phra rab re re ba la rtag pa'i thung du brten par 'dod la/
nam mkha' sogs la ring thung gi yon tan brten par ma bsha do/
/che chung sogs tshad gyi yon tan ni na bum pa la mtshon na/ bum
pa'i

chen po bum pa ma yin zhing/ bum pa las rdzas tha dad pa/ bum pa
la chen po zhes pa'i sgra 'jug pa'i rgyur gyur ba/ bum pa chen
po zhes brjod pa'i sgra'i dngos kyi brjod bya dang/ de ltar
'dzin pa'i

rtog pa'i snang yul du gyur ba'i dngos po la 'dod do/ /bum pa la
chen po'i yon tan med na chen po'i sgra 'jug pa rgyu med du
'gyur bas yod par grub la/ de yang bum pa las rdas gzhan yin par

bum 'dzin rtog pa dang/ bum pa chen por 'dzin pa'i rtog pa gzung
bya tha dad pa'i rtags kyis 'grub po zhes smra zhing/ des gzhan
dag kyang mtshan par bya'o/ /'di chung du ni rdul phar rab gcig
pa

@155b dang zhes sogs la yig nor yod dam snyam mo/ /so so ba ni
bum pa snam bu lta bu la mtshon na/ bum pa dang snam bu'i chos su
gyur ba bum snam gnyi ga ma yin zhing/ gnyis ka las rdzas tha
dad pa/ bum

snam gnyi ga la ldan pa yang ma yin zhing/ bum snam gnyis phan
tshun so so bar 'byed pa'i sgra blo'i dngos kyi brjod bya dang/
nang yul du gyur ba ste/ 'di med na bum snam sogs so so bar shes
par mi

'gyur ro zhes zer ro/ /ldan pa ni/ gang phrad pa'i rdzas rnams
phrad pa'am bar med par 'dzin pa'i shes pa'i sna gyul du gyur
cing/ phrad pa'i rdzas de dang de bar med par brjod pa'i sgra'i
dngos yul du

gyur ba'o/ /dper na snam bu la yod pa'i snal ma phan tshun 'dab
'byar du gnas shing phrad pa dag la bar med par 'dzin pa'i blo
skye ba'i rgyu ni/ snal ma de dag phan tshul phrad pa'i ldan pa/
snal ma de dag

las don gzhan du gyur ba yod pa de nyid yin no/ /snal ma rnams
phrad pa nyid snal ma las gzhan don yin te/ snal ma 'dzin pa'i
shes pa dang/ snal ma rnams phrad pa'o snyam du 'dzin pa'i shes
pa'i

gzung bya tha dad pa'i phyir ro/ /zhes zer ro/ /rnam dbye ni/
rdzas gang sngar ma bye ba las phyis bye bar gyur pa rnams la
phrad pa zhig pa'am/ phan tshun bye bar 'dzin pa'i shes pa'i
snang yul du gyur ba ste

bye rgyu'i chos de dag las ma ga togs shing/ de dag gi chos
kyang yin pa zhig tu 'dod la/ 'di med na sngar bar med pa'i
rdzas gnyis phyis bye ba na bar dang bcas par 'dzin pa'i blo
skye ba'i rgyu med par

@156a @#/ /'gyur ro/ /so so ba dang khyad par ci yod ce na/ rnam
dbye ni rdzas phan tshun sngar phrang ba las phyis bye ba zhig
dgos la/ so so ba ni dang po nas rdzas so sor yod cing ma phrad
pa

cig gi dbang du byas pa'o/ /gzhan dang zhan ma yin pa zhes pa
la/ gzhan ni ka bum lta bu la mtshon na/ gang gi tshe ka bum lhan
cig gnas pa na bum pa de nyid la ka ba la ltos te gzhan no

snyam du 'dzin pa'i shes pa skye ba'i rgyu dang/ de ltar 'dzin
pa'i shes pa'i snang yul du gyur ba bum pa'i chos bum pa las
rdzas gzhan du gyur ba'o/ /gzhan min pa ni de 'gra'i tshe bum pa
de nyid la

bum pa la ltos te gzhan min par 'dzin pa'i shes pa skye ba'i
rgyu dang shes pa de lta bu'i snang yul du gyur ba ste bum pa'i
chos bum pa las rdzas gzhan du gyur ba'o/ /grangs nas gzhan ma
yin

pa'i bar bdun ni gzugs can kho na'i chos yin pas mngon sum la
snang du rung bar rkang mig gi mdo las bshad do/ blo ni shes pa
dang bde ba ni sim pa dang sdug bsngal ni yongs su gdung ba dang

'dod pa ni chag pa dang sdang ba ni zhe sdang dang/ 'bad pa ni
rtsol ba ste/ bde ba man chad lnga po ni shes pa ma yin pa bem
par 'dod pa yin la/ de'i rgyu mtshan ni/ shes pa yin na mig gis
gzugs

yid du 'ong ba mthong ba'i tshe phyi'i gzugs mthong ba'i mig shes
dang nang du sim pa'i rang bzhin gyi shes pa gnyis cig car skye
bar 'gyur na'ang/ rgyud gcig la shes pa gnyis cig car skye mi

@156b srid pa'i phyir ro zhes zer ro/ /lci ba ni yan lag can
chos gsum ldan rags pa'i rdzas kyi yon tan gang gi mthus 'thur
du 'gro ba'i bya ba 'dren pa'o/ /gsher ba ni rlan pa'i ngo bo
chu'i yon tan yin zhing/

dro ba ni me'i yon tan dang/ snum pa ni mar la sogs pa sa dang
chu phrad pa'i rdzas 'ga' zhig gi yon tan yin la/ yon tan de dag
kyang yon tan can dag las don gzhan yin te/ shes pa tha dad pa'i
gzung

bya yin pa'i phyir ro zhes zer ro/ /'dus byas pa ni gsum ste/
shugs dang/ bag chags dang/ gnas pa 'jig pa'o/ /shugs ni sa chu
me rlung yid de lus can gyi rdzas lnga po la 'bad pas rtsom pa'i

khyad par la ltos pa las skyes pa ste/ dper na mda' 'phangs pa'i
tshe 'bad pa'i khyad par gyis bskyed pa'i mda' bar du mi ltang
bar byed pa'i rgyur ba lta bu ste/ de yang mda' dang mnga' 'phen
pa'i

'bad rtsol sogs las rdzas gzhan du gyur ba'o/ /bag chags ni rang
gi rgyur gyur ba'i shes pa las skyes shing/ 'bras bu shes pa
skyed par nus pa'i ngo bor gyur ba'o/ /de yang sngar mthong ba
dang thos pa

dang nyams su myong ba dag la phyis dran pa skye ba'i rtags las
yod par grub ste/ mthong thos sogs kyis bag chags ma bzhag na
phyes dran par mi 'gyur ro/ /zhes zer ro/ /gnas pa 'jig pa ni/

lus can gyi rdzas kyi yon tan gang zhig /'bad pas gzhan du gnas
par byed kyang 'bad pa btang ba na de zhig nas sngar ji lta ba
ba zhin du gnas par byed pa ste/ dper na ta la'i lo ma sogs

@157a @#/ /yun ring por bltab pa 'bad pas brkyang yang/ 'bad pa
btang ba na sngar blta ba pa dang mthun par gnas par 'gyur ba'i
byed pa po lta bu'o/ /chos ni/ khrus dang/ dbang bskur

ba dang/ smyung par gnas pa dang/ bla ma'i khyim du gnas pas
tshangs par spyod pa dang/ nags su gnas pa dang/ mchod sbyin
dang/ sbyin sreg dang/ sbyin pa sogs las ma mthong ba'i 'bras bu

ba de ba ster bar byed pa'i las so/ /gang chos su bshad pa'i las
rnams las ldog pa ma mthong ba'i 'bras bu sdug bsngal ster bar
byed pa'i las ni chos ma yin pa'o/ /de ltar TIka chen las

bshad de/ dro ba bgrang ba'i phyir yon tan nyer lnga'o/ /de dag
las gzugs sogs ba zhi ni sngar bshad pa lta ras sogs bzhi po
gang rung gi yon tan dang/ sgra ni nam mkha'i yon tan dang/

grangs nas gzhan ma yin pa'i bar bdun ni yid dang phyogs dang
dus kyi yon tan dang/ blo dang/ bde sdug dang/ 'dod sdang dang/
chos dang chos min dang/ 'bad pa dang/ 'du byas te dgu ni

bdag gi yon tan du bshad do/ /blo ldar phye na bdag gi yon tan
bcu gsum dang/ 'dus byas la gsum du phye na bdag gi yon tan bco
lngar 'gyur ro/ /lci gsher dro snum bzhi ni sngar bshang

zin to/ /'o na grangs sogs bdun ni yid sogs kyi yon tan du bshad
pa mi 'thad de/ de bdun gzugs can kho na'i chos su bshad pa gang
zhig /yid phyogs dus gsum rtag pa yin pa'i

@157b phyir na ma khyab ste/ yid phyogs dus gsum de gzugs dang
rtag pa gnyis ka yin pa'i phyir ro// ()ca() 'degs pa ni/ steng
phyogs kyi ldan pa dang/ 'og phyogs kyi rnam dbye las skyes
shing/ 'og nas

steng du 'dren pa'i bya ba/ 'deg bya dang/ 'degs bye dag nyis ka
las rdzas gzhan du gyur ba'o/ /steng gi rnam dbye dang 'og gi
ldan pa las skyes shing gzhag bya dang/ 'jog byed gnyis ka las
rdzas

tha dad pa steng nas 'og tu 'bab pa'i bya ba'i ngo bo/ /skyes
bu'i rtsol ba las skyes pa ni 'jog pa'o/ /bskum pa ni/ dpung pa
la sogs pa'i mtshna nyid kyi rdzas drang po 'khyog po nyid du
sgrub par byed pa'i

rgyur gyur pa ste/ bskum bya dang skum byed gnyis ka las ma ga
togs pa'i las so/ /brkyang ba ni/ gnag gi mthus rkang pa la sogs
pa'i mtshna nyid kyi rdzas 'khyog por gnas pa drang po nyid du
sgrub

par byed pa ste/ brkyang bya dang rkyong byed gnyis ka las ma
gtogs pa'i bya ba'i ngo bor gyur ba'o/ /'gro ba ni/ 'gro bya
dang 'gro ba po gang las kyang ma gtogs pa'i las yul dang phyogs
la sogs pa gzhan

dang gzhan du phyin par byed pa'i rgyur gyur ba'o/ /de yang/ las
dang po bzhi ni/ /yul dang phyogs rjes pa can gyi nam mkha' sogs
dang ldan pa dang/ rnam dbye'i rgyu yin la/ 'gro ba ni ma nges
pa'i

phyir; yul dus phyogs thams cad pa'i ldan pa dang rnam dbye'i
rgyu yin te/ dper na shar du 'gro ba'i tshe/ de dus kyi 'go ba
ni/ nub kyi phyogs las dbye ba'i rnam dbye'i rgyu yin la/ shar
phyogs dang

@158a @#/ /phrad pa'i ldan pa'i rgyu yin pa lta bu'o// ()cha()
spyi ni gang la rang nyid rjes su 'gro ba'i chos de la thun mong
gi gra blo 'jug pa'i rgyur gyur ba ste/ de la dbye na/ khyab
pa'i spyi

dang; nyi tshe ba'i spyi gnyis/ dang po ni/ yod pa nyid ces bya
ba ste/ de yong rdzas dang yon tan dang las gsum po mtha' dag la
'jug cing/ gsum po las gzhan la mi 'jug la/ gsum po de

dag la yong pa'o snyam du 'dzin pa'i shes pa'i snang yul dang/
de ltar brjod pa'i sgra don du gyur pa sgra blo de dag gi rgyur
gyur ba ste/ 'di ni spyi kho na yin gyi bye brag ma yin no/ /nyi
tshe ba'i spyi ni/

rdzas nyid dang/ yon tan nyid dang/ las nyid dang/ ba lang nyid
dang/ shing nyid la sogs pa ste de yang rdzas nyid ni rdzas kho
na'i spyi yin la/ yon tan nyid ni yon tan kho na'i spyi yin pa
la

sogs pa'i phyir nyi tshe ba'i spyi zhes bya'o/ /de la ba lang
nying ni ba lang ma yin zhing/ ba lang las rdzas gzhan du gyur
pa ba lang ngo snyam pa'i spyi 'dzin shes pa'i rgyu dang snang
yul du gyur cing/ /de 'dra'i

spyi sgra 'jug pa'i rgyu dang sgra don du gyur ro/ /ba lang gi
gsal ba rnams la khyab byed du gyur ba'i sgo nas rjes su 'gro
ba'o/ /'di ni bye brag kyang yin te/ rang gi gsal pa rnams ba
lang ma yin

pa las bye brag tu 'byed pa'i chos yin pa'i phyir ro/ /des nyi
tshe ba'i spyi gzhan dag kyang mtshon te shes par bya'o/ /de la
dkar zal la sogs pa mthong ba'i tshe ba lang ngo snyam pa'i shes
pa

@158b skye ba ni dbang po'i bya ba yod pa'i phyir dbang shes yin
la/ mig gis ba lang mthong ba'i tshe ba lang ngo snyam du 'dzin
pa'i shes pa las tha dad pa'i dbang shes yod na shes gnyis cig
car skye bar 'gyur

dogs na'ang/ de ltar 'thad pa'ang ma yin no/ /de bas na ba lang
nyid ces pa'i ba lang gi spyi de ni ba lang gi sbyi 'dzin dbang
shes kyi snang yul yang yin no zhes 'dod do/ /de 'dra'i spyi yod
pa'i rgyu

mtshon ni/ gal te ba lang gi gsal ba rnams la ba lnga ngo snyam
pa'i shes pa skye ba'i rgyu thun mong ba gcig med na/ ji ltar
dkar zal dang nag sgur la rigs gcig tu 'dzin pa'i shes pa skye
ba ltar/

dkar zal dang tsan dan la'ang rigs gcig tu 'dzin pa'i shes pa
skye bar 'gyur dgos te/ de dag thams cad kyang rigs gcig tu
'dzin pa'i shes pa skye ba'i rgyu thun mong ba med par mtshungs
pa'i

phyir ro/ /des na thun mong gi sgra blo 'jug pa'i rtag kyis de'i
rgyur gyur ba'i spyi yod par grub la/ de yang gsal ba rnams las
rdzas tha dad par shes pa rdzas gzhan gyi gzung byar gyur ba'i
rtags kyis

'grub bo/ /de lta na gsal ba rnams las rdzas gzhan du gyur ba'i
sbyi dngos po ba yod par grub pa yin no/ /zhes zer ro/ /de yang
spyi mi rtag yin na spyi zhig rjes kyi gsal ba rnams spyi med du

'gyur bas rtag par 'dod do// ()ja() be thar gyi lugs dgag pa ni/
ram 'grel las/ mi 'gro de na yod pa min/ /phyis yod cha dang
ldan pa'ang min/ /zhes sogs gsar byung gi

@159a @#/ /gsal ba la spyi med par thal ba'i rigs pas dgag pa
dang/ be lu ka'i lugs dgag pa ni/ de nyid las/ gal te kun la
rigs yod na/ /gcig tu gsal bas de

gsal nyid/ /zhes sogs ba lang gi spyi yul gcig tu gsal bas yul
thams cad du gsal bar thal ba'i rigs pas dgag pa rnams TIka
chen sogs las shes par bya'o// ()nya()

bye brag ni rdul phra rab dang bdag phyogs dus nam mkha' sogs
rtag pa'i rdzas la'ang 'jug pa 'khor ba'i mthar gyur ba'i grol
ba'i bdag la yod pa'i mtha' lta bu la 'dod de/ mdor na/ chos

gang gis rang gi rten de gzhan las khyad par du go bar byed pa'i
rgyu byed pa ni byed brag gam khyad par du 'dod de/ 'di med na
chos gang yang gzhan las khyad par du go bar mi 'gyur ro zhes
zer ro/ /

des na/ nam mkha' las rdzas gzhan du gyur cing/ nam mkha'i chos
nam mkha' de rdzas gzhan sa chu sogs thams cad las khyad par du
go bar byed pa'i rgyur gyur ba zhig yod pa de nam

mkha'i bye brag go zhes bya ba lta bu'o/ /'du ba ni/ yul so so
ma yin par grub pa'i rten dang brten pa'i chos rnam sla dmigs
nas/ 'di la 'di yod pa'o snyam du 'dzin pa'i shes pa'i gzung

yul du gyur cing/ rten rdzas sogs dang brten pa yon tan gnyis
phrad cing 'brel ba'i char gyur ba'i chos rten dang brten pa de
gnyis ka las rdzas tha dad du gyur ba'o/ /dper na bum pa

@159b la gzugs yong ngo snyam du 'dzin pa'i shes pa'i gzung don
du gyur ba/ bum pa dang gzugs phrad cing 'brel ba'i cha lta bu
ste/ 'di med na bum pa dang gzugs phrad pa na'ang bum pa la
gzugs yod do snyam

pa'i shes pa mi skye ba'am yang na ma phrad pa na yang skye bar
'gyur ro/ /bum pa dang gzugs gnyi ga las rjes gzhan yin te/ bum
pa 'dzin pa dang bum pa'i gzugs 'dzin pa'i shes pa gnyis ka las

rdzas tha dad pa'i shes pa'i gzung bya yin pa'i phyir ro/ /ldan
pa dang 'du ba gnyis la khyad ci yod ce na/ ldan pa ni chos
phrad pa gnyis par med par 'dzin pa'i shes pa'i rgyu yin la/ 'du
ba ni rten la

brten pa yod par 'dzin pa'i blo'i rgyu yin te khyad par ni nge
lta bu yin no/ /zhes TIka chen las bshad do/ /'dir rdzas lnga
las gzhan zhes pa ni rdzas sogs tshig don lnga las gzhan pa'i don
to/

TIka chen du phrad pa ni 'brel ba yin par bshad la/ 'dir 'brel
ba ni 'du ba yin par bshad pas/ 'brel ba ni tshig don drug gi
nang tshan gyi 'du ba dang/ yon tan nye bar bzhi'i nang tshan gyi
ldan pa nga

yin dpyad par bya'o// ()ta() rags pa yang lag can gyi rdzas tsom
pa'i tshul ni thog ma nyid du 'byung pa bzhi'i rdul phra rab rigs
mi mthun pa rnams phan tshun phrad pas ldan pa tsam skyed kyi
rdzas

mi skyed de/ rigs mi mthun rnams rtsom med phyir/ zhes bsgrub
pa'i mtha' yin no/ /de'i phyir bum pa lta bu'i yan lag can gcig
la'ang/ sa'i rdzas dang chu'i rdzas la sogs pa rags
@160a @#/ /pa'i rdzas bzhi yod la/ de'i sa'i rdzas ni sa'i rdul
phra rab kyis brtsams zhes sogs su shes par bya'o/ /de la sa'i
rdul phra rab lta bu'i rdul phran rigs mthun rdzas tha dad

pa dag yul 'dab 'byor du phrad pa na/ thog mar rdul phran rnams
phan tshun phrad pa'am ldan pa zhes pa'i yon tan rdul phran de
rnams las don gzhan du gyur ba skyed de/ gzhan du na rdul phran

rnams phan tshun phrad ces pa'i tha snyad rgyu med du 'gyur ba'i
phyir ro/ /de'i 'og tu yan lag rnams las don gzhan du gyur ba'i
yan lag can gyi rdzas skye bar 'gyur ro/ /bum pa lta bu'i yan
lag dag tshoT

pa na de dag las don gzhan du gyur ba'i yan lag can mi skye na/
ji ltar bum pa'i yan lag gi rdzas la sogs pa re re ba dag la bum
pa'i tha snyad mi byed pa ltar yan lag dag tshogs pa na yang/

bum pa'i tha snyad mi 'jug par 'gyur ro/ /rdul phran gnyis phrad
pa las ni yan lag can dang po rdul phran gnyis pa'i ming can
skye'o/ /de ni mngon sum gyi yul ma yin te/ de'i phyir de la ni

rdul phran zhes kyang tha snyad du bya'o/ /rdul phran du ma
phrad pas bskyed pa'am/ yan lag can dang po lta bu yan lag can
gzhan gyis bskyed pa'i yan lag can ni mngon sum gyi yul yin pas

de'i phyir de dag la ni rags pa zhes tha snyad bya'o/ /des na
'byung ba bzhi'i rdzas kho nas yan lag can gyi rdzas rtsom par
nus kyi rdzas gzhan gyis yan lag can gyi rdzas rtsom par mi nus
la/

@160b yan lag ni gsum yod de/ rdul phran ba re ba dang/ rdul
phran gnyis phrad pas brtsams pa'i yan lag can dang po dang/
rdul phran gsum la sogs pa phrad pas brtsams pa'i yan lag can
rags pa'o/

de dag las dang po ni yan lag kho na yin la/ phyi ma gnyis yan
lag dang yan lag can gnyi ga'o/ /de dag gis brtsams pa'i yan lag
can yang gsum ste/ rdul phran re re bas brtsams pa dang/ yan

lag can dang pos brtsams pa dang/ yan lag can rags pas brtsams
pa'i yan lag can no/ /rdul phran re re ba ni yan lag can dang
rags pa gnyis ka ma yin la/ yan lag can dang po ni gzugs can

yin kyang mngon sum la mi snang bas rdul phran zhes bya'i rags
pa ma yin zhing/ yan lag can rags pa ni rnam pa thams cad du
mngon sum gyi yul yin pas khyab pa'i phyir/ rdul phran ma yin no

zhes zer ro/ /zhes bshad pa ltar ro// ()tha() rtog ge 'bar ba
las/ rgyu skar dang dus nges pa la mthong bar spyod par byed
pa'i mi mthong ba ni chos zhes brjod la/ de'i don du sten par
byed pa la

yang ches zhes bya'o/ /zhes 'dir drangs pa dang tshig cung zad mi
'dra pa yod do/ /gang ltar yang don ni pha rol smra ba bcu drug
gi nang tshan gyi bde sdug gza' skar gyis byed par lta ba bzhin
du gza' skar

bzang por mchod sbyin byed pa lta bu ma mthong ba'i 'bras bu bde
ba ster bar byed pa la chos su bshad dam dpyad par bya'o//
()da() dbang phyug gis tshangs pa'i mgo bcad pa'i lo rgyus ni/
skye dgu'i

@161a @#/ /bdag po gsal ba mchod spyin byed pa'i dus su lha thams
cad tshogs pa na/ lha chen thod pa'i phreng bas mgo brgyan zhing/
thal bas lus bskus/ thod pa thogs te

smyon pa'i brtul zhugs kyis shin tu 'phyi bar 'ongs pa mthong
nas/ nyi rgyal gyis gad mo shor/ nyi skal gyis mig btsum pas/
lha chen khros te nyi rgyal gyi so lhung/ nyi skal gyi mig lhung

bar byas pas/ lha thams cad khros nas rang bzhin ngan pa 'di
gang nas skyes pa yin zhes smras pa na/ tshangs pas gdod gcig
sprul nas 'di'i skye ba ngas brjod ces smras pa dang/ lha chen
khros te

tshangs pa'i mgo de sen mos bcad par grags so/ /de ltar rtog ge
'bar bar bshad do/ /de nyid las/ de dag gcig skyon med ce na/
/tshangs pas tshangs bsad ji lta bu/ /gcig

nyid rab tu bkag pa'i phyir/ /gcig nyid yin par mi rigs so/
/bdag la dbye ba mi rigs pas/ /gsum nyid du yang ji ltar 'gyur/
/zhes byung bas/ 'dir drangs pa'i rkang pa dang po

la yig nor byung zhing/ bar gyi rkang pa gnyis kyang chad do/
/gzhan yang/ de nyid las/ las byed dbang phyug yin zhi na/ /de
yang dmyal bdag tu 'tshed/ /de min gzhan

dga' tshed na ni/ /byas nyams ma byas 'phrad par 'gyur/ /zhes
dang/ phan tshun za bas 'jigs pa yis/ /bde ba rnyed dga'i dud
'gro dang/ /shin tu thag cing gcod 'bigs pa'i/ /

@161b sdug bsngal gyis gzir dmyal ba dang/ /mi rnams skye rga
nad dag dang/ /sdug bsngal zug rdu'i rma btod nas/ /dga' 'gyur
gang yin drag po zhes/ /ming don ldan pa de phyag 'tshal/ /zhes
dang/

sdug bsngal rgyu ni dbang phyug na/ /de ni rtag phyir bcos su
med/ /des na sdug bsngal thar 'gro bar/ /dbang phyug nam yang
'gyur ma yin/ /'dis ni lhag ma'ang dgag byas phyir/ /tshangs pa
khyab

'jug bdag smra la/ /mi rigs phyir na dbang phyug sogs/ /btags la
blo ni dga' mi byed/ /zhes gsungs so// ()na() zhi ba drang srong
zhes sogs rtsa ba'i tshig don ni/ zhi ba thob pas na zhi ba ste

dbang phug dang lha chen gyi btsun mo bsrung ba'i drang srong
rkang mig la sogs pa ni dbang phyug pa'i ston pa dang/ dbang
phyug pa dang gdod nas srid pa 'byin pas ye srid de lha chen gyi
rjes su 'brang ba'i phyir ye

srid pa dang zhi ba pa sogs dbang phyug pa'i rnam grangs yin no/
/de la dbye na grangs can lhar bcas dang gsal byed pa dang rna
ba ma phug pa gsum yod la/ dbang phyag sgra bsgrag kyi rgyud
dang rme brtsegs kyi

rgyud la sogs pa ni lung tshad ma'o/ /lha chen dbang phyug ni pra
ba dang yang ba dang bdag por gyur ba dang dbang du gyur du gyur
ba dang gang yang phyir pa dang mchod par bya ba dang 'dod dgur
ldan pa dang dga' mgur

gnas pa zhes bya ba'i yon tan brgyad dang ldan zhing/ gangs ri
chen po ti se la gnas par bshad do/ /ste'u bzhin sdod cing las
la 'jug pa'i phyir dang/ bum sogs bzhin dbyibs

@162a @#/ /khyad par ba dang ldan pa'i phyir dang/ dgra sta bzhin
don byed nus pa'i phyir dang/ sdig can tshe ring ba dang/ dge ba
can tshe thung ba sogs dang/ ser sna can phyug pa dang/ gtong

sems can dbul ba sogs 'chol bar mthong ba'i phyir na dge mi
dge'i las las gzhan pa'i snod bcud kyi 'jig rten skye 'jig byed
pa po yong par grub cing/ de yang dbang phyug yin par

grub po/ /snod bcud byed pa po dang/ bdag rtag pa dang las dang
dus dang rang bzhin dang yon tan dang zhig pa'i stong pa sogs
sngar khyab 'jug pa'i skabs su bshad pa rnams dang/ rnam par

shes pa yul rnams la 'jug par byed pa'i lam mig la sogs pa drug
dang/ nam mkha' rlung me chu sa'i khams lnga ste khams kyi de
nyid dang/ dbyangs gsal gyi bdag nyid can gyi sngags kyi

de nyid dang/ dga' ba sbyod pa'i sgyu rtsal drug cu rtsa bzhi
ste 'dod pa'i de nyid dang/ bdag rtag pa ste bdag gi de nyid
dang/ thams cad la khyab pa'i dbang phyug hi ba'i de nyid de de
nyid lnga dang/

zhi ba dbang phyug de ni bcud kyi 'gro pa thams cad kyi lus dag
sems gsum la gnas pas ske ba'i tshe lam drug sogs sbyor ba ste
'du ba'i rgyu dang/ 'chi ba'i dus su gtong ba ste 'bral ba'i
rgyu

byed pa dang/ lus la gnas pa'i khyim bcu gnyis te nang gi 'pho
che na bcu gnyis la mdud pa'i sgras bstan pa dang/ sod pa dang
gnyid 'thug dang rmi lam dang 'khrig dus kyi ye shes te shes pa

@162b bzhi las/ bzhi pa 'khrig pa'i bde ba grub pa'i ye shes
thar ba'i go 'phang yin par smra ba dang/ khyab 'jug pa'i skabs
su bshad pa ltar gyi rlung gi rnal 'byor dang drag po ste dbang
phyug gi ling ga'i rtse nas

dbang bskur bar byed pa dang/ bud med nus ldan dang sbyar nas
khams 'dzag pa'i bde ba sogs thar ba thob byed kyi lam du 'dod
do/ /spyir dbang phyug pa la bye rig gnyis dang grangs can dang
tshangs pa ba dang

khyab 'jug pa sogs mang po yod kyang dus 'khor nas bshad pa'i
dbang phyug pa ni byed pa bo dang bdag sogs bdun 'dod pa dang/
yongs grags kyi bye rig gnyis kyis tshig don drug dang yon tan
nyer bzhi sogs

'dod pa'i tha snyad 'gal ba dang don kyang mi mthun pas/ de 'dra
ba'i dbang phyug pa de yongs grags kyi bye brag pa dang rig ba
can sogs ma yin no/ /bye brag ba'i ston pa ni drang srong 'ug pa
dang drang srong

gzeg zan dang/ rig pa can ba'i ston pa ni drang srong rkang mig
sogs dang/ rnam grangs ni gzeg zan pa dang rkang mig pa dang 'ug
pa ba dang 'ug phrug pa dang lung tsam pa sogs ci rigs sbyor ro/
/dbye ba ni

gzeg zan gyis byas pa'i bye brag gsal ba'i mdo'i rjes su 'brang
ba'i bye brag pa dang/ rkang mig gis byas pa'i rig pa'i lta ba
zhes bya ba'i bstan bcos kyi rjes su 'brang ba'i rig pa can
gnyis dang lung

tsam pa dang gsum zhes bshad pa'ang yod do/ /tshig gi don drug po
de mdon rjes nyer 'jal sgra byung tshad ma bzhi po ci rigs kyis
'jal bar 'dod pa las/ mngon sum tshad ma ni/ bdag dang

@163a @#/ /dbang po dang yid dang don phrad pa de yin la/ dbye na
drug yod cang/ phrad pa de'i ngo bo ni dbang don sogs las don
gzhan pa'i bem por 'dod pa ni bye brag pa'i lugs dad/

dbang po dang don phrad pa las skyes pa'i shes pa khyad par te
tha snyad du bya ba ma yin pa 'dzin rtog ste ma 'khrul ba'i zhin
rig mngon sum tshad mar 'dod pa ni rig pa can pa'i lugso/ /rig pa
can pa'i

lugs la/ rtags chos dang rtags chos kyi 'brel ba rang mtshan pa
'dzin pa'i mngon sum de sngon du song ba can gyi rjes dpag la
rgyu las 'bras bu dpog pa snga ma can dang/ 'bras bu las rgyu

dpog pa lhag ldan dang/ chos gcig mthong ba las gzhan shin tu
lkog gyur dpog pa spyir mthong ba can te rang don rjes dpag gsum
dang/ bye brag pa'i lugs la/ 'di ni ba lang kho na'o//

'di ni rta kho na'o snyam pa ni mngon sum yin la/ mngon sum gyis
mthong ba'i don las blta bar bya ba'i don gzhan rjes su rtogs
pa'i blo ni rjes dpag yin no/ /de la rgyu las 'bras bu

dpog pa dang/ 'brel pa bzung ba las 'brel ba can dpog pa dang/
don gcig la 'du ba las 'du ba can dpog pa dang/ 'gal zlas 'gal
zla gzhan dpog pa ste rang don rjes dpag bzhir

bshad do/ /'on kyang 'dir gsum gsuM zhes gsungs pa ni bar ba
gnyis gcig tu bsdud dam snyam mo/ /rgyus 'bras bu dpog pa'i lhag
ldan gyi gtan tshigs de rtags yang dag tu

@163b 'dod pa dang/ sogs sgras bsdud pa rtog ge'i tshig don bcu
drug dang/ yan lag lnga ldan gyi sgrub dag lta bu gzhan don rjes
dpag tu 'dod la/ nyer 'jal gyi tshad ma ni ba lang dang 'dra bas
ba min

yin par sgrub pa lta bu'o/ /sgra byung tshad ma la shes pa dang
lung gnyis las/ lung ni zhi ba ste dbang phyug gis byas pa'i
rgyud de zhi ba'i mdzes sbyar sogs dang/ drang srong 'ug pas
byas pa'i bye brag

gsal ba'i mdo ming gzhan 'jig rten mig mdor grags pa dang/ rkang
mig gis byas pa'i rig pa'i lta ba zhes bya ba'i bstan bcos sogs
so/ /rdzas dang yon tan dang las dang spyi dang bye brag

dang 'du ba ste tshig gi don drug po bden grub kyi dngos po'am
gzhi yin la/ de'i dang po rdzas las chu me rlung ste 'byung bzhi
dang yid dang nam mkha' dang phyogs dang bdag dang dus te rdzas
dgu las/

sa chu me rlung yid de lnga ni yongs su chad pa'i phyir ma khyab
pa'i rdzas dang/ bdag phyogs mkha' dus bzhi ni yongs su mchad
pa'i phyir khyab pa'i rdzas so/ /gzugs dri ro reg ste yon tan
bzhi

ldan dang/ gzugs ro reg ste yon tan gsum ldan dang/ gzugs reg
ste yon tan gnyis ldan dang/ reg bya tsam ste yon tan gcig ldan
gyi rdzas ni rim bzhin sa dang chu dang me dang rlung ste 'byung
ba

bzhi'o/ /tshig don gzhan ni rtag pa dang yon tan la rtag mi rtag
gi cha gnyis dang las ni mi rtag pa kho nar bshad kyang rdzas la
rtag mi rtag gi cha gnyis yod par tshad chen dka' 'grel dang rnam

@164a @#/ /'grel TIka chen sogs las bshad do/ /'bras bu bde sdug
zab po dang rgyu dge mi dge byed pa po dang 'dus ma byas dang mi
'jig pa'i rtag pa dang shes pa min pa'i bem po dang

thams cad la khyab pa dang bya ba med pa'i bdag rdzas yod 'dod
la/ bdag kun la khyab pa dang rdul phra rab kyi tshad tsam du
'dod pa ni rim bzhin bye brag pa dang rig pa can pa'i lugs su
kha cig 'dod

la; rang lugs ni bye brag pas bdag kun la khyab par 'dod pa dang
rig pa can pas spyir bdag ni kun la khyab kyang/ yid tsam dang
'phrod 'du 'brel ba'i bdag ni rdul phra rab kyi bongs tshad tsam
du

'dod pa'i khyad par yod do/ /tsa ba'i dpe la bya byed zhes pa
yig nor yin pas bya med zhes 'don par gyis/ yid kyi rdzas ni
rtag pa'i dngos po dang rtog bcas dang yul can dang blo yin par

bshad kyang sngar bshad pa ltar dpyad gzhi yod dam snyam ste/
yid ni rdzas dang blo ni yon tan yin par bshad pa'i phyir dang/
yid ni bem po dang blo shes pa yin par bshad pa'i phyir ro/ /

rdzas ni bya ba dang ldan pa dang yon tan dang ldan pa dang 'du
ba'i rgyur gyur ba ste khyad par gsum ldan yin la/ rdzas la
brten pa dang yon tan gzhan dang mi ldan pa dang 'du 'bral gyi
rgyu mi byed

pa dang rtags la ltos pa med pa ste khyad par bzhi ldan gyi don
ni yon tan yin zhing/ de la dbye na nyer bzhi yod par ka shis
bshad la/ nyer lngar bshad pa yang yod do/ /

@164b gzugs sogs lnga dang lci gsher dro snum bzhi/ /grangs tshad
sor dbye ldan gzhan gzhan min bdun/ /blo dang bde sdug 'dod
sdang 'dus byas 'bad/ /chos dang chos min dgu ste nyer lngar
bzung/ /

las ni 'degs pa dang 'jog pa dang bskum pa dang brkyangs pa dang
'gro ba ste lnga'o/ /de bzhin du cha dang cha can dang/ yon tan
dang yon tan can dang/ bya byed dang/ mtshan mtshon sogs thams cad
phan tshun

don gzhan pa'i rdzas yod du 'dod do/ /rdzas dang yon tan dang
las gsum la rjes su 'gro zhing gsum po de dag las don gzhan pa'i
shes byin spyi yin la/ spyi bye brag 'du ba gsum ni ma skyes pa
dang

khyab pa dang rtag pa dang cha med dang bya ba med pa dang rdzas
la brten pa dang yon tan la brten pa dang las la brten pa ste
khyad par brgyad ldan du bshad kyang/ de gsum gang rung la khyad
par brgyad tshang bas ma khyab

ste/ yon tan la brten pa'i nye tshe ba'i spyi dang de'i bye brag
lta bu de rdzas la brten pa ma yin pa'i phyir/ rang gi rten de
gzhan las khyad zhugs pa ste mi 'dra ba'i khyad par yod par
'dzin pa'i shes

pa'i gzung yul ni bye brag dang/ rten la brten pa yod par 'dzin
pa'i shes pa'i gzung yul du gyur ba'i don ni 'du ba ste/ de la
rten dang brten pa gos tha dad pa'i ldan 'brel dang gos tha mi
dad

pa'i 'du 'brel gnyis yod par rnam nges dar TIka tu bshad kyang/
TIka chen dang mthun mi mthun la dpyad gzhi yod par sngar bshad
zin/ snod bcud kyi 'jig rten dang por chags pa'i tshe/
@165a @#/ /nam mkhar 'byung bzhi'i rdul phra rab rtag cing cha
shas med pa rnams so sor gnas pa de nyid/ dbang phyug gis 'jig
rten sprul bar 'dod pa dang sems can gyi chos dang

chos min gyi las kyi dbang gis dang por rlung rdul phra rab
gnyis 'byar ba sogs kyi rim pas chags tshul sngar bzhin dang/
khrus dang sogs sgras dbang bskur dang bsnyung gnas dang bla
ma'i

khyim du gnas nas tshangs par sbyor pa sogs chos su 'dod do/
/'khor par 'khor ba ni ji srid du blo la sogs pa'i yon tan dgu
po de bdag 'du 'brel yod pa de srid du yin la/ thar ba ni

brjod du med par bshad cing/ lam sgom stobs kyis blo la sogs
pa'i yon tan dgu bdag dang 'du ba'i 'brel ba bcad cing bral te
bdag yang gar bar gnas pa de'i tshe thar ba thob pa yin no

zhes 'dod do/ /de nyid rtogs pa ni thar ba'i rgyu yin pas kha
cig de thar bar 'dod pa ni 'khrul bar shes par bya'o/ /de dgag
pa ni/ dbang phyug rang la dad pa'i gang zag la dga' ba ster

ba dang/ rang la ma dad pa rnams la sdug pa ster ba'i rgyu yin
par khyod kyis khas blangs pa'i phyir na de snod bcud thams
cad byed pa po ma yin par 'gyur te/ dbang phyug lam gus pa'i

sangs rgyas pa rnams la bde skyid byung ba dang/ dbang phyug
la gus pa rnams la sdug bsngal byung ba mthong la/ de dag byed
pa po dbang phyug ma yin pa'i phyir/ dbang phyug de mi dge
ba'i

@165b las thams cad kyi byed pa po yin na sdig pa shin tu
stobs ldan spyod pa'i phyir de ma thag tu dmyal bar 'tshed par
'gyur ro/ /dbang phyug gis snod bcud bskyed pa ni snod bcud
bskyed par 'dod pa'i

blo la ltos pa yin na dbang phyug 'dod pa de'i gzhan dbang du
song ba'i phyir dang dbang du snod bcud bskyed pa'i nus pa med
par 'gyur la/ 'dod pa la ltos pa min na dbang phyug gi 'dod pa
las 'byung bar

khas blangs pa dang 'gal lo/ /dbang phyug brtan g.yo kun la
khyab pa yin na cha shas med par las blangs pa 'gal zhing/
dbang phyug rtag pa yin pa'i phyir snod bcud mtha' dag rtag tu
skye ba 'am gtan

nas mi skye bar 'gyur ro/ /zhes pa'o/ /dbang phyug bye rig
gsum gyi grub mtha' tshad bsal gyi skabs so// ()pa() 'dir rgyal
ba dam pa lha chen la byed par gsungs pa dpyad bya ste/ rnam
'grel

TI ka chen las/ drang srong rgyal ba dam pa ston par 'dzin
pas rgyal ba pa zhes bya ba dang/ zhes pas so// ()pha() rgyal
dpon pa ste dpyod pa bas bdag bde ba myong ba'i do bo sngar
yod pa ldog

na yang sems can gyi ngo bo nam yang mi ldog par dus kun tu
rjes su 'gro par 'dod pa bzhin du/ rgyal ba pa ste gcer bu ma
yang bdag gi gnas skabs sam rnam grangs ni ldog na yang rjes
sam rang

bzhin ni nam yang ldog pa med par dus thams cad du rjes su
'gro ba'i bdag nyid can gyi skyes bu dang shes pa'i mtshan nyid
can du smra'o/ /zhes pa ste/ de'i dka' 'grel las/ de yang
rdzas kyi

@166a @#/ /ngo bos ni gnas skabs tha dad la gnas skabs can tha
mi dad pa'i phyir rjes su 'gro ba'i bdag nyid yin la/ rnam
grangs kyi ngo bos ni gnas skabs re re la tha dad pa'i phyir

log pa'i bdag nyid yin par smra'o/ /zhes gungs so/ /'dis grub
'grel du drangs pa'i lung yig nor pa'ang dag par gyis/ don ni/
lha dang mir skyes pa'i gnas skabs tha dad yin

la; gnas skabs can bdag ni rdzas kyi ngo bos gcig yin la/ rnam
grangs kyi ngo bos tha dad yin par 'dod ces pa'o/ /'grel chen
dri med 'od las/ srog ni lus kyi tshad de/ dpag tu

med pa'i srid pa dag gi rtag pa'i srog gi thar ba'o/ /zhes
gsungs shing/ TIk chen las/ dpag tu med pa'i zhes sogs kyi
don ni/ srog rtag pa nyid 'khor ba po'i bdag dang thar ba

thob pa po'i bdag tu smra ba'o/ /zhes gsungs te/ bdag de gnyis
gnas skabs tha dad kyang rdzas kyi ngo bos gcig yin pa'i don
to/ /'dir drangs pa'i dri med 'od kyi lung 'di 'gyur mi 'dra
ba

yin nam snyam mo// ()ba() mngon sum gyi yul bum pa lta bu gcig
la chos thams cad dang yod pa tsam du 'dra ba'i ngo bo ni spyi
dang/ snam bu la sogs pa'i chos gzhan dang mi 'dra ba'i

ngo bo ni gsal ba yin zhing/ bum pa lta bu yul gcig yin kyang
rang ma gtogs pa'i chos gzhan las ldog pa'am/ de dag dang mi
'dra ba'i ngo bo du ma yod pas na/ chos thams cad nor bu

@166b gzi 'bar ram khra bo'i kha dog bzhin du du ma'i ngo bo
can du 'dod la/ de yang bum pa lta bu de chos thams cad dang
yod pa tsam du mtshungs pa'i ngo bo ni rjes su 'jug pa'i blo'i
gzung yul dang/ snam bu la

sogs pa'i chos gzhan dang mi 'dra ba'i ngo bo ni ldog pa'i
blo'i gzung yul yin cing/ bum pa'i ngo bo du ma de rtogs pa
po'i bye brag gam ji ltar 'dod pa bzhin du bum 'dzin mdon sum
gyis gcig char

ram rim gyis rtogs par 'dod do// ()ma() yod de dmigs pa'i
phyir zhes pa lta bu la sngar rtsA ra ka pa'i skabs su bshad
pa ltar mthun dpe med pas rjes su 'gro ldog gi khyab pa med
cing/ gzhan du

mi 'thad pa zhes bya ba'i ming can gyi tshul cig tsam 'dod do//
()tsa() dper na/ lha sbyin gyi bdag gi rdzas dang bdag gi rnam
grangs gnyis yul dang dus dang rang bzhin gyi sgo nas tha mi
dad yin te/

de gnyid yul gcig la dus gcig tu gnas shing rang bzhin gcig
yin pa'i phyir/ de gnyis grangs dang ming dang mtshan nyid dang
'bras bu'i sgo nas tha dad yin te/ bdag gi rdzas ni grangs
gcig dang

rnam grangs ni bde ba dang sdug bsngal la la sogs pa'i sgo nas
grang du ma can yin pa'i phyir dang/ ming tha dad pa ni go sla
zhing/ rdzas kyi mtshan nyid ni rjes su 'jug pa dang rnam
grangs kyi mtshan nyid ni ldog

pa'i phyir dang/ bdag gi rdzas sems can gyis don nyams su
myong bar byed la/ rnam grangs ni bde ba la sogs pa myong bar
byed pa'i phyir/ zhes 'dod cing/ de dag ni dper bum pa dang
gzugs

@167a @#/ /sogs bzhin/ zhes bkod nas/ bum pa dang gzugs sogs
'bras bu tha dad par bshad pa'i skabs su/ dka' 'grel las/ bum
pas chu len pa'i bya ba byed la/ gzugs

la sogs pa ni gos dmar po la sogs pa zhes bya ba ni 'bras bu
tha dad pa'o/ /zhes gsungs pa de yi ge dag ma dang don gang
yin btsal bar bya'o// ()tsha() srog dang dus dang nam mkha' ni

rtag pa'o/ /zhes pa la 'dir mi rtag pa'o zhes drangs pa sogs
yig nor mang yang bris ma langs pas bzhag go /rdzas drug gi
nang nas srog dus nam mkha' gsum rtag pa dang/ gang zag

bsod sdig gsum mi rtag par 'grel chen 'gyur mangs su gsungs pa
ltar na/ bdag dang srog la sogs pa phal cher rang bzhin rtag
la gnas skabs mi rtag pa yin min dang/ khyad par du

bdag rtag la gang zag mi rtag pa yin na bdag dang gang zag
rnam grangs su bshad pa ji ltar yin dpyad dgos so/ /()dza()
srog ni drug gi lus la cha shas so zhes pa ni sa sogs drug gi

lus la srog yod pa'i don to/ /'dir 'bras bu'i lus zhes drangs
pa ni dpe ma dag lte/ 'grel la chen du 'bra'i lus zhes byung
ba'i phyir dang/ de nyid snang ba las kyang/ 'bra'i lus zhes
pa

la kha cig 'bras bu'i lus zhes pa'i bshad pa byed de/ yi ge ma
dag pa'i rjes su 'brang ba 'dra'o/ /zhes de 'dra'i yig nor
srid tsam du bshad pa yin gyi/ da lha'i 'grel chen gyi yi ge
nor

@167b bar ma bshad pa'i phyir/ 'grel chen du srog can gyi sde
drug dang rtog ge 'bar ba sogs su srog can gyi sde dgu ra
bshad pa ni yongs la sems med du grangs pa rnams sems ldan du
sgrub ched dang dbang

po gcig ldan dang gnyis dang sogs kyi mtshan gzhi ngos 'dzin
pa'i ched du de ltar bshad pa yin gyi/ srog can la drug gam
dgur nges pa ma yin par gsungs pa ni legs par snang ste/ 'grel

chen las kyang dmyal ba sogs 'gro ba lnga bshad cing/ dung
dang nya phyis dang srin gyi me dang rkang bzhi pa dang bya la
sogs pa mang po bshad pa'i phyir ro/ /sa chu me rlung phan
tshun reg pa'i rkyen gyis 'phel

'grib sna tshogs su 'gyur pa'i phyir reg pa'i dbang po 'am lus
dbang dang ldan par 'grub bam snyam/ mig dang rna ba dang sna
dang lce'i dbang po dang ldan pa'i shing sogs yod par 'dod pas
dbang po

gnyis dang ldan pa'i ljon shing yang yod do// () wa() 'jig
rten gyi khams gcig las lhag med pas/ de zhig na srog chags
thams cad gang la gnas/ des na 'jig rten gyi khams de rtag pa

yin zer ba sogs so// ()zha() dngos po bcu bzhi lung ma bstan
pa dang/ 'khor ba'i thog ma mi mngon zhes rang nyid mi shes
par khas blangs pa dang/ bram ze rnams kyis bcom ldan 'das la

skur dgab pa'i phyir shA kya'i bu mo shin tu mdzes ma bas da
nas bcom ldan 'das kyi 'chas ra bor ba de sngar ma spran pa
dang/ bram ze'i bu mo mdzes mas shing gi gzhong bu lto bar
glan te g.yogs

@168a @#/ /nas skye bo phal po che'i mdun du/ dge sbyong gau ta
mas bdag sthum par byas so zhes skur ba btab pa ma bzlog pa
dang/ grong khyer ba tra la su tra me'am chus 'jig par gsungs
pas

gang gis 'jig pa ma shes pa dang/ bram ze rnams kyi mgron du
bos te dbyar khas blangs pa'i rjes su de dag gis bsnyen bkur
mi byed par zla ba gsum du rta chas nas rul zos pa'i phyir de
ma shes pa dang/

ston pa 'khor dang bcas pa sA la'i grong du bsod snyoms kyi
phyir zhugs pa na bdud kyi bar chad kyi bsod snyoms ma rnyed
par lhung bzed bkrus bzhin du phyir log pa'i phyir de ma shes
pa dang/ rdo'i

'khrul 'khor 'phangs pa ma shes pa dang/ glang po che nor
skyong drung du 'ongs pa ma shes pa dang/ dge 'dun dbyen byed
par 'gyur ba'i lha sbyin rab tu 'byin par byed pa dang/ sgyu
ma mkhan bzang pos

bcom ldan 'das la mtho 'tsham pa'i phyir 'khor gyi 'khyams dang
mchod pa'i yo byad sogs sgyu ma sprul nas bsnyen bkur byed pa
la ma shes par btang snyoms su 'jog pa dang/ lhag spyod dang

ring 'phur shi ba ma shes par de gnyis da lta gang na yod
snyam pa la lha rnams kyis de gnyis shi nas zhag bdun dang
zhag gsum lon zhes spran pa dang/ lnga sde da lta gang na yod
ces rmed pa dang/

shing gi phung po lta bu'i mdo sde ston par byed pa dang/
zhabs la seng ldeng gi tshal ba zug pa'i las kyi rnam smin
myong pa dang/ ma 'ongs pa na thams cad mkhyen pa sun phyin
pa'i mu stegs pa dpyod

@168b pa ba dang gcer bu ba de dang de lta bu 'byung zhes lung
ma bstan pa'i phyir de bzhin gshegs pa ni thams cad mkhyen pa
ma yin no/ /zhes zer zhing/ dpyod pa ba'i 'dod tshul bshad pa'i
sher sgron 'grel bshad

las; shes bya mtha' yas kun shes min/ /shes byed gzhan yod
thug pa med/ /gcig gis rgyu dang mi rgyu ba/ /thams cad shes
par byar mi nus/ /sbyor ba dmigs su med pa'i phyir/ /bstan
bcos

kun shes ga la yin/ /rig byed dag ni thams cad kyi/ /klog pa
gang dag mi srid phyir/ /'jig rten dag na mi rnams dang/ /mu
stegs byed la'ang kun mkhyen med/ 'dod chags zhe sdang skye ba
'am/ /

gal te mi shes kun rig min/ /ma 'ongs pa dag mi shes phyir/
/kun rig med pa kho na ra sems/ /gang phyir kun mkhyen sun
'byin pa/ /kho bo nyid kyang shes ma gyur/ /rdo skyogs 'phen
par byed pa yi/ /

lhas byin bsdus par gyur phyir dang/ /glang po'i dpad po 'ong
ba yi/ /ma 'ongs pa dag shes ma gyur/ /skur 'debs mdzes ldan
gsod pa dang/ /ci'i phyir na bstan ma gyur/ /gad phyir dang po
nyid nas ni/ /

dge slong bsrung ba ma byas phyir/ /bdud kyi las ni mi shes
pas/ /sA la'i grod du zhugs pa dang/ /bram ze brjod par gyur
nas ni/ /nas rul byin pa zos par 'gyur/ /bslab gzhi 'cha' ba'i
sngon rol tu//

ltung ba rnam par bzhags pa dag /ci'i phyir na byas ma gyur/
/de phyir ma 'ongs shes pa min/ /na tshod dang ni rigs dang
rus/ /tshul khrims yon tan ldan pa dang/ /thos dang shes dang
'bras bu yis/ /

@169a @#/ /phyug pa'i rkang la phyag byar rigs/ /gang la yid
gnyis skye ba yi/ /chos de su zhig smra bar 'dod/ /sems can
skal ldan mi shes shing/ /da ltar byung ba'ang mi shes phyir//

lnga pa dang ni bzang sde'i tshogs/ /da ltag la 'khod ces 'dri/
/lha rnams kyis ni spran ba'i phyir/ /da ltar byung ba shes ma
gyur/ /gang phyir rengs byed sgyu rtsal shes/ /shi ba dag
kyang lhas bstan pa/ /

de phyir 'das pa mi shes pas/ /des na thams cad mkhyen pa min/
/grong khyer 'jig par 'gyur pa ni/ /me 'am chus ni ma nges
pas/ /the tshom ma can gyi tshig can ni/ /kun mkhyin min par
gsal

bar nges/ /thams cad mkhyen pa yin gyur na/ /gzhan la 'dri ba
mi rigs grang/ /des ni dge slong tshogs rnams la/ /de lta ci
smra 'khod ces dri/ /mu stegs 'di dag ngo tsha med/ /nga ni

lus can mchog yin zhes/ /bdag bstod gzhan la smod byed pa/ /ji
ltar kun mkhyen yin par 'dod/ /ngas ni sngon byung ma yin
pa'i/ /'phags lam rnying po thob gyur ces/ /snga phyi 'gal

ba'i tshig smra ba/ /ji ltar thams cad mkhyen par rigs/ /zhes
pa ltar ro// ()za() 'jug pa'i 'grel bshad kyi 'gyur las/ dge
slong skya bsing la sogs pa zhes 'byung la/ de'i don

gcer bu pa'i dge slong rnams la 'chad do/ /spong ba pa ni bsam
gtan pa'i ming yin pas bsam gtan pa dkar po zhes pa'i rang sde
phung po rdzes yod byed pa por smra ba ci go/ /zhes 'jug

@169b TIk che na mor gsungs so// ()'a() rgya nag na lha sbyin
lugs kyi hwa sheng 'ga' re yod par grags shing/ rgya gar k+Sha
ra na'i yul du sha mi za ba dang 'o ma mi 'thung ba sogs lha
sbyin lugs kyi dge 'dun

gyi dgon sde gsum yod par bshad pa'ang yod do/ /bstan pa snga
dar phyi dang dang/ phyi ral yang stod dang smad nas gsos tshul
la sogs mngas pas 'jigs nas ma byin pas chos 'byung sogs las

shes par bya'o/ /'dir ye shes snying po de legs ldan yab sras
las logs su bshad pa dang/ 'phags seng yab sras zhes pa'i tha
snyad bshad pa dag dpyad dgos te/ yongs grags la de ltar ma

byung zhing 'phags seng gnyis sku'i bstan tshul sogs la rtsod
pas yab sras kyi tha snyad mi rung ba'i phyir snyam mo/ /bon
gyi theg pa dgu la 'dir bshad pa dang mi 'dra ba'i bshad tshul
yod kyang don chung

bsam spros so// ()ya() bdag gi rdzas ni rang gi ngo bo mi 'jig
kyang yongs su 'gyur bar 'dod pa la/ 'o na bdag gi rdzas de
bdag gi rnam grangs phyi ma dang 'brel ba na sngar gyi ngo bo
dor ram ma dor/

gal te dor na bdag gi rdzas rtag par khas blangs pa nyams par
'gyur la/ sngar gyi ngo bo ma dor na bdag gi rdzas yongs su
'gyur bar khas blangs pa nyams par 'gyur te/ snga phyi gnyis
kar

khyad par med na yong su 'gyur ba ma yin dgos pa'i phyir zhes
dgos pa'i tshe/ phyogs snga ma na re/ rnam grangs snga phyi
dang 'brel ba'i rdzas snga phyi gnyis mtha' gcig tu khyad par
med pa ma yi@170a @#/ /gyi/ rnam grangs snga phyi tha dad pas khyad par du
'gyur ba yin te/ rdzas dang rnam grangs gnyis rang bzhin gcig
yin pa'i phyir zer na/ 'o na rdzas dang rnam grangs gnyis 'jig

mi 'jig dang rjes su 'gro ba dad ldog pa'i mtshan nyid tha dad
pa'i khyad par med par thal/ rang bzhin dbyer med pa'i cha med
gcig yin pa'i phyir zhes pa'o/ / ()ra() lta ba bcu bzhi lung

ma bstan pa'i rgyu mtshan ni/ bdag dang 'jig rten rtag pa yin
par gsungs na grangs can bzhin du skye bsngam nas rang bzhin
gzhan du mi 'gyur bar 'ong ba yin snyam du go bar 'gyur la/

de gnyis mi rtag pa yin par gsungs na rgyang phan bzhin du
skye bsnga ma med par de gnyis glo bur du 'byung ba yin snyam
du go bar 'gyur zhing/ rtag mi rtag gnyis ka yin par gsungs na
gcer

bu pa ltar rdzas ni rtag pa dang rnam grangs ni mi rtag pa yin
snyam du go bar 'gyur ba dang/ de gnyis gang yang ma yin par
gsungs na gnas ma'i bu bzhin du rtag mi rtag gang du yang
brjod du med

pa'i bdag yod do snyam du go bar 'gyur gyi/ de'i dris ba zhus
pa bo ni rang rkya ba'i bdag dang de'i longs spyod bya'i 'jig
rten gnyis med pa yin pas rtag mi rtag gang yang ma yin no
snyam du go

pa'i snod rung ma yin pa'i rgyu mtshan gyis lan lung ma bstan
pa yin no/ /des mtha' ldan sogs la rigs sgres byas nas shes
par gyis/ des na de ni kun mkhyen yin pa'i sgrub byed du

@170b 'gyur gyi ma yin pa'i sgrub byed du mi 'gyur ro/ /'khor
ba'i thog ma mi mngon gsungs pa'ang de yod kyang mi snang ba
min gyi med pas mi snang ba yin te/ nam mkha'i dri ro mi snang
ba bzhin no/ /'khor ba'i thog

ma med de/ lam gsum thog mtha' dbus med pa/ /zhes pa ltar kun
nyon gsum la snga phyi'i rim pa med par 'khor ba'i phyir te/
dper na bya dang sgo nga dang nas dad nas myug sogs snga
phyi'i rim pa med par

'jig rten na grags pa ltar yin pa'i phyir/ shin tu mdzes ma
bsad pa ma gsungs shing skyabs ma mdzad pa ni/ gal te thub
pa'i mthus nus na/ /sems can thams cad mya ngan 'da'/ /zhes pa
ltar

sems can de'i las kyi mthu bzlog tu med pas yin gyi/ mi mkhyen
pa min te/ 'dzum pa mdzad pa'i rgyu dris pa na nyi ma bdun pa
la brjod par bya'o zhes gsungs pas so/ /bram ze'i bu mo skur
ba

btab pa ma bzlog pa ni/ ji ltar thag pa chad gyur nas/ /shing
gzhong sa la lhung ba ni/ /rgyal bcas skye bo'i 'khor mthong
nas/ /de dag ngo mtshar che bar gyur/ /zhes sogs ltar rgyal ba
dang bcas

pa'i skye bo mang po'i mdun du thag pa chad nas shing gi
gzhong bu sa la lhung nas brdzun yin pa mdon sum du ston par
'gyur bas ma gsungs pa yin no/ /bsod snyoms chad pa ni/ tshogs
rgya cher 

bsags pa'i sangs rgyas la yang bsod snyoms chad pa byung na bdag
lta bu dge rtsa shin tu chung ba lta ci smos snyam du rjes 'jug
rnams sems pa dang/ bdud dang bdud kyi rigs kyi lha dang lha'i
bu

@171a @#/ /gzhan dag gis/ ston pa nyan thos dang bcas pa'i sems
la bltas pa na chos 'ba' zhig yid la byed pa ma gtogs/ sems
zhum pa'am yid mi bde bar gyur bcung

zad tsam lang med pas/ lha'i bu stong phrag bdun bcu sems rab
tu dang bas chos thos nas chos kyi mig dag par 'gyur bas dgos
pa de dag gi ched du yin gyi/ /sangs rgyas ni bdud las rgyal

zin pas bdud kyis bar chad bya bar mi nus so/ /dbyar zla gsum
du nas rul gsol ba ni/ bram ze rnams kyis mgron du bos nas
phyis bsnyen bkur mi byed pa mkhyen kyang/ byang sems lnga

brgya sdig grogs kyi dbang gis sdig pa'i las byas nas dud
'gror skyes pa'i rta lnga brgya smin par bya ba'i ched du der
gshegs pa yin te/ rta lnga brgya po de dag gi don du byang
sems nyi ma'i snying po

smon lam gyi dbang gis bsam bzhin du rta cang shes su sprul
nas ston pa dge 'dun dang bcas pa la zla ba gsum du rtsa chas
nas rul 'brul du bcug pa'i dge ba'i rtsags bas de dag sngon
gyi skye ba

rjes su dran zhing byang chub kyi sems mngon du gyur nas rim
gyis 'chi 'phos te dga' ldan gyi lhar skyes te/ slar de bzhin
gshegs pa la mchod pa byas zhing chos thos nas bla med byang

chub tu nges par gyur ba dang/ de dag gi rta rdzi yang rang
sangs rgyas su 'gyur bar lung bstan pa'i phyir ro/ /lhas byin
gyis 'khrul 'khor gyi rdo rje 'phen pa mi mkhyen pa min te/
mkhyen kyang

@171b 'gro ba la phan pa'i dgos pa gzigs nas btang snyoms su
bzhag pa'i phyir te/ sgyogs rdo 'phangs pa de gnod sbyin lag
na rdo rjes bar snang la phye mar byas pa de gnod sbyin kum
bir rang gi lus la

bzed pas de shi 'phos nas lhar skyes te zhag ma lon par bcom
ldan 'das kyi drung du 'ong nas phyag 'tshal zhing chos thos
pas bden pa mthong ba dang/ sgyogs rngo'i dum bus bcom ldan
'das kyi

zhabs la rma byung ba gdangs par gyur ba'i sman gyi don du
tshong dpon zhig gis tsan dan sa mchog phul ba de rang sangs
rgyas tsan dan zhes bya bar 'gyur bar lung bstan pa dang/ yang
snyun de gdangs par

'gyur ba'i don du bud med cig gis rang gi 'o ma bzhos te phul
ba de rang sangs rgyas 'o ma spyin pa zhes bya bar 'gyur bar
lung bstan pa dang/ gzhan yang/ lha dang lha min rnams dang
ni/ /stong phrag

dag ni brgya snyed kyis/ /dad pa'i dbang po sogs thob nas/
/srid pa las ni grol bar gyur/ /zhes pa ltar 'gro don mtha'
yas pa mdzad pa'i phyir ro/ /glang po che nor skyong 'ongs pa
mi mkhyen pa

min te/ rgyal po'i khab tu khyim bdag zhig gis ston pa sangs
rgyas 'khor dang bcas pa gdugs tshod la spyan drangs pa'i tshe/
lhas sbyin gyis rgyal po ma skyes dgra'i glang chen gtum po
nor skyong

zhes bya ba zhig yod pa de rbad pas/ bcom ldan 'das kyis phyag
g.yas pa'i mthil nas seng ge ral pa can lnga sprul zhing/
ston pa'i zhabs kyi drung ma gtogs pa phyogs thams cad me lce

@172a @#/ /'bar bas khyab par sprul bas/ glang chen de 'bros
par brtsams kyang 'bros pa'i phyogs ma rnyed par 'dul zhing
zhum pa'i tshul gyis bcom ldan 'das kyi zhabs kyi drung

du song ba dang/ bcom ldan 'das 'khor lo'i mtshan gyis brgyan
pa'i phyag mthil gyis de'i mgo la byugs nas chos gsungs pas/
glang chen de sangs rgyas la sems rab tu dad pas rim gyis

dud 'gro'i skye gnas las thar nas lhar skyes shing/ zhag ma
lon par ston pa'i drung du 'ong nas chos thos pas bden pa
mthong bar 'gyur ba sogs kyi ched du mkhyen bzhin du gshegs pa
yin pa'i

phyir; lhas byin gyis sgyogs rdo 'phangs pa dang nor skyong
rbad pa sogs rgyas par 'dul ba lung gzhi las shes par bya'o/
/lha sbyin dge 'dun 'khor lo'i dbyen byed par 'gyur ba ma
mkhyen

par rab tu 'byin par byed pa ma yin te/ lha sbyin khyim na
gnas na stobs kyi 'khor los bsgyur ba'i rgyal por gyur nas
bstan pa nyams par byed pa dang/ rab tu byung na ston pa dang
bstan pa la

gnod pa gang yang byed ni nus par gzigs nas rab tu byung ba ma
bzlog pa'i phyir/ sgyu ma mkhan bzang pos sgyu ma'i bsnyen
bkur byed pa mi mkhyen pa ma yin te/ mkhyen kyang sgyu ma
mkhan

bzang pos ston pa'i cho 'phrul mthong zhing chos thos pas bsod
nams sogs par gzigs nas bzlog par ma mdzad pa'i phyir dang/
de'i sgyu ma'i bza' bca' de dngos gnas par byin

@172b gyis brlab nas ston pa 'khor bcas gsol bar gnang ba'i
phyir ro/ /de rgyas par sgyu ma mkhan bzang po lung bstan pa'i
mdo las shes dgos so/ /lhag spyod dang ring 'phur shi ba mi
mkhyen pa

min te/ de gnyis ston pa yin par 'jig rten na grags kyang yang
dag pa'i ston pa ma yin zhing/ bdag nyid bla na med pa'i ston
pa yin par bstan pa'i phyir dang/ rang nyid kyi nyams su myong
ba'i

chos kyi bdud rtsi ni mkhas pa shes pa dang ldan pas rig par
bya ba yin par bstan pa'i phyir dang/ bdag nyid kyi sngon gyi
slob dpon yin pas ji ltar rnyed pa'i chos kyi bgo bsha' mdzad
cing byas pa

mkhyen pa yin no zhes der 'dus shing tshogs pa'i lha klu sogs
kyis shes par bya ba'i phyir du thog mar ring 'phur dang lhag
spyod la chos bshad par bya'o snyam pa dang/ lha rnams kyis
kyang bcom ldan

'das kyi skabs gnang ba'i thugs la bltas nas ring 'phur shi
nas zhag bdun lon pa dang/ lhag spyod shi nas zhag gsum lon no
zhes gsol ba na/ e ma'o de gnyis shi ba de shin tu te bor ma
stes te/

chos 'dul ba 'di ma thos so snyam du dgongs par bshad pa'i
phyir/ bye brag smra bltar na bcom ldan 'das ni thams cad
mkhyen pa yin kyang dgongs pa lam zhugs pa'i skabs su mi
mkhyen par

mdzod 'grel du bshad pas/ ring 'phur sogs la chos bshad par
bya'o snyam pa dang/ lha rnams kyis kyang skabs gnang ba'i
thugs la bltas nas de gnyis shi 'phos so zhes gsol pa sogs

@173a @#/ /'thad pa yin kyang/ grub mtha' gong ma ltar na bcom
ldan 'das kyis de ltar dgongs so zhes lha rnams kyis sems par
gyur bar byin gyis brlab pa ma gtogs/

ston pas thog mar ring 'phur dang lhag spyod la chos bshad par
bya'o zhes dgongs pa'ang ma yin zhing/ sems can gyi mngon sum
gyi spyod yul du gyur ba'i rnam mkhyen yod pa'ang ma yin zhes
'dod dam zhib cha

gzhan zhig yod dpyad par bya'o/ /lda sde da lha gang na yod
ces rmed par mdzad pa'ang de dag las gzhan rnams re zhig chos
kyi snod ma yin pa dang chos kyi snod dkon par bstan pa'i ched
yin gyi mi mkhyen pa

min no/ /shing gi phung po lta bu'i mdo sde bstan pa yang bsam
pa ngan pa can gyi dge slong drug cu dang/ tshe zad pa'i dge
slong drug cu dang/ 'dod chags shin tu drag ba'i dge slong
drug cu ngan song du skye bar gzigs

nas; bcom ldan 'das kyis chos bstan par mdzad de/ de rnams
kyis chos bstan pa thos nas shi 'phos nas khyad par can gyi
'gro bar skyes bar gyur ba yin no/ /zhes rtog ge 'bar ba las
bshad de/

'di'i don da dung btsal bar bya'o/ /seng ldeng gi tshal ba zug
pa las kyi rnam smin du bstan pa yang 'gro ba 'dul ba'i thabs
la mkhas pas de ltar gsungs pa yin gyi sgra ji bzhin pa ma yin
te/ gnyan

yod du srid pa tha ma'i gang zag nyi shu yod pa/ de'i dgrar
gyur ba'i gang zag nyi shus gsod par 'dod pa las/ gang zag
bzhi bcu de dag sangs rgyas kyi mthus bcom ldan 'das kyi spyan
sngar

@173b lhag pa'i tshe/ bcom ldan 'das kyis seng ldeng gi tshal ba
zhig bstan nas 'di ni nga'i zhabs la 'jug par 'gyur ro zhes
bka' stsal ba dang/ mong+gal gyi bu bdag gis 'jig rten gyi
khams gzhan du bskyur bar bgyi'o

zhes seng ldeng gi tshal ba la 'jug pas/ stong gsum gyi stong
chen po'i 'jig rten gyi khams rab tu g.yos par gyur kyang/
seng ldeng gi tshal ba de'i skra'i rtse mo brgyar bshags tsam
yang bskyod par mi nus so/ /

de'i tshe de bzhin gshegs pa phyag g.yas pas zhabs bzung nas
seng ldeng gi tshal ba de'i steng du bzhag pa dang/ des rdo
rje'i snying po ltar phug par gyur to/ /de nas bcom ldan 'das
kyis ngas sngon rgya mtsho'i nang du  

tshong ba zhig mdung gis rgyab nas bsad pa'i las kyi rnam smin
lhag ma 'di yin no zhes gsungs pas/ gsong 'dod kyi gang zag nyi
shus chos kyi rje nyid la yang las rnams smin par 'gyur na bdag
cag la lta ci smos snyam

nas ston pa'i mdun du nyes pa bshags shing/ chos thos pas gang
zag bzhi bcus ye shes mngon par rtogs par gyur zhing/ srog
chags stong phrag sum cu rtsa gnyis chos kyi mig rnam par dag
pa thob par gsungs pa'i phyir/

thams cad mkhyen pa sun phyin pa'i gang zag gi ming rigs sogs
ma bstan kyang lung bstan par mdzad de/ bsam pa dan pa sems
pa/ smra ba ngan pa smra ba/ bya ba ngan pa byed pa'i byis pa
ni thams cad mkhyen pa sun phyin pa

yin zhes bstan pa'i phyir/ grong khyer gang gis 'jig pa mi
mkhyen par me'am chus 'jig ces the tshom can gyi tshig gsungs pa
ma yin te/ cha 'ga' zhig ni mes 'jig pa dang/ cha 'ga' zhig ni
chus

@174a @#/ /'jig pas mtha' gcig tu ma gsungs pa yin pa'i phyir
te/ dper na/ sems can thams cad yang srid phyi ma len nges yin
nam zhes pa la phye nas lung bstan pa ma gtogs mtha'

gcig tu lung bstan par mi rung ba lta bu yin pa'i phyir/ sngon
ma byung ba'i 'phags lam rnying ba thob gsungs pa'ang nang
'gal med de/ 'phags lam ni so so skye bo'i rgyud la sngon ma
byung ba dang sdon gyi

de bzhin gshegs pa rnams kyi gshegs shul yin pas de ltar
gsungs pa'i phyir ro/ /de dag ni 'dul lung bzhi dang thabs la
mkhas pa'i mdo dang rtog gi 'bar ba dang shes rab sgron me'i
'grel bshad

sogs las bshad pa ltar ro// ()la() / rgyal ba dam pa zhes sogs
kyi tshig don ni/ drang srod rgyal ba dam pa dang/ khyu mchog
dang/ ldong ris dang/ snod kyi sde dang/ 'phel byed la sogs pa

gcer bu pa'i ston pa nyi shu rtsa lnga yod par slob dpon shes
rab go chas bshad do/ /ming gi rnam grangs ni/ rang gi skra
nyin re bzhin du zad pad phyis pas thar bar 'dod pas zad byed
pa dang/ sngar bshad pa ltar

drang srong mchod 'os ston par 'dzin pas mchod 'os pa dang/
gos med pas gcer bu pa dang/ nam mkha'i gos can dang/ bza'
bca' sogs gsog 'jog mi byed par ldom bu byed pas kun tu rgyu
dang/

'tshe ba ni srog yin la srog de bdag tu smra bas sam/ lus 'tsho
btsam las lhag pa'i yo byad bdag gir mi 'dzin pas 'tsho ba pa
dang/ gcer bu la ngo mi tsha bas 'dzem med pa dang thal ba pa
sogs so/ /

@174b srog ste bdag ni rang rang gi lus dang bongs tshad mnyam
pa/ rdzas rtag pa yin la rnam grang mi rtag pa yin zhing/ bdag
dang srog dang 'tsho ba dang skyes bu dang gang zag dang 'gro
ba sogs ming gi rnam grangs su 'dod do/ /mngon

sum gyi tshad ma la spyi 'jal ba'i rtog bral dang gsal ba 'jal
ba'i rtog bcas gnyis yod par 'dir bshad kyang khungs 'tshol
dgos sam snyam pa dang/ gal te de ltar sbyor na yang spyi 'jal
ba'i rtog bcas dang gsal

ba 'jal ba'i rtog bral zhes bshad na 'grig gam snyam pas dpyad
par bya'o/ /rjes su 'gro ldog gi khyab pa yod mi dgos shing/
phyogs chos kyang gzhan du mi 'thad pa zhes bya ba'i ming can
gyi tshul gcig par 'dus pas

tshul gsum yin pa rtag yang dag gi mtshan nyid du mi 'thad la/
rjes dpag tshad min tshul gcig la brten pa yin zhing/ rgyas byed
skar ma'i bstan bcos la sogs pa lung tshad mar 'dod do/ /dus
'khor gyi skor nas

bshad pa'i tshig gi don dgu ni/ srog can gang zag dang/ srog
can ma yin pa ni gnag zag ma yin pa dang/ zag pa las dang/ 'og
nas 'chad pa'i sdom pa lnga dang/ mi dge ba spangs pa dang/
nyes par smra ba sum

brgya drug rtsa gsum po dag gis brtags pa'i lha ngan rnams ni
bcings pa dang/ 'og nas 'chad pa lta bu'i thar ba dang/ 'di
nas 'jig rten pha rol tu 'gro ba dang/ 'jig rten lnga ma nas
'dir 'ong ba ste dgus shes bya

thams cad 'dus par 'dod pa ni sham b+ha la'i gcer bu pa'i lugs
yin par grub mtha' chen mor bshad do/ /rtog ge 'bar ba dang
tshad chen rtsa 'grel las bshad pa'i tshig gi don dgu ni/ srog
ste sngar bshad pa'i@175a @#/ /bdag dang/ zag pa ni dge mi dge'i las rnams te/ 'dis
zag par byed pa'i phyir ro/ /de yang las dge mi dge gang gis
kyang 'khor bar byed pas de'i phyir de gnyis ka'ang zag pa'o/
/sdom pa ni/

zag ba 'gog pa nyid de/ las gsar ba gang yang mi sog pa'o/ /nges
par rga ba ni/ sdom pa de nyid dang/ zas mi za ba dang/ skom mi
btung ba dang/ bsam gtan dang/ sbyor ba dang/ lus gdung ba dang/
skra 'bal ba

la sogs pa dka' thub dang bcas pas sngon nye bar bsags pa'i las
rgas par byed pa ste zad pa'i rgyu yin pa'i phyir/ 'ching ba ni
nges par smra ba sum brgya dang drug cu rtsa gsum po dag gis
btags pa'i log par lta ba'o/ /

las ni rnam pa bzhi ste/ phyis myong bar 'gyur ba dang/ ming
dang/ rus dang/ tshe zhes bya ba dag go/ /sdig pa ni/ chos ma yin
pa dag go/ bsod nams ni chos so/ /thar ba ni/ dka' thub la sogs
pas sngar byas kyi

las thams cad zad par byas shing/ las gsar pa ma bsags pas 'jig
rten thams cad kyi sdeng na 'dug pa'i gnas 'jig rten 'dus pa
zhes bya ba/ zho 'am ku mud ltar dkar ba/ srog yod pas dngos po
yin cing/ 'khor ba

las grol bas dngos po med pa'ang yin pa/ gdugs dkar po gyen la
bslangs pa lta bu gcig yod pa der 'gro ba ste dgus shes bya
thams cad 'dus par 'dod pa ni 'phags yul gyi gcer bu ba'i lugs
su 'dir bshad do/ /

tshig gi don kun kyang rdzas ni rtag pa dang rnam grangs ni mi
rtag pa yin no/ /'das pa dang da ltar ba dang ma 'ongs pa'i 'dus
te rdzas yod gsum dang/ srog dang gang zag dang dus dang nam
mkha' dang bsod nams dang sdig pa

@175b ste rdzas drug ces dus 'khor 'grel chen dri med 'od du
bshad do/ /sa dang chu dang me dang rlung dang nags kyi bdag po
ste ljon shing dang nas 'bras la sogs pa'i 'bru rnams te dus
'khor gyi skor nas bshad pa'i srog can gyi sde drug gam/

sa chu me rlung ljon shing lnga dang/ srin bu dang grog ma dang
bung dang mi zhes bya ba bzhi ste rtog ge 'bar ba sogs las bshad
pa'i srog can gyi sde dgu'o/ /de dag las sa la sogs pa lnga ni
dbang po gcig pa ste/ reg pa'i dbang po dang ldan pa'i

phyir ro/ /srin bu dang/ dung dang/ nya phyis dang/ srin bu pad
pa la sogs pa ni dbang po gnyis pa ste/ reg pa dang/ ro'i dbang
po dang ldan pa'i phyir ro/ /gro ma dang srin gyi me la sogs pa
ni dbang po gsum pa ste/ reg pa dang

ro dang/ sna'i dbang po dang ldan pa'i phyir ro/ /bung ba dang/
sbrang bu dang/ sbrang bu mchu rings la sogs pa ni dbang po ni
bzhi pa ste/ reg pa dang/ ro dang/ sna dang/ mig gi dbang po
dang ldan pa'i phyir ro/ /mi dang rkang bzhi pa dang bya la

sogs pa ni dbang po lnga ba ste/ reg pa dang/ ro dang/ sna dang/
mig dang/ rna ba'i dbang po dang ldan pa'i phyir ro/ /zhes zer
ro/ /sdom pa ni lnga ste/ gcer bu la sogs pa byed pa spyod lam
gyi sdom pa dang/ mi smra ba'i yid dam

'cha' ba sogs skad kyi sdom pa dang/ gzhan la slongs mo sbyod pa
'ba' zhig gis 'tsho ba yongs su tshol ba'i sdom pa dang/ bsod
snyoms bslangs pa chung zos su mi 'dor ba'i sdom pa dang/ sbrang
g.yab dang ril pa la sogs pa

'dzin pa nye bar rab tu gnas pa'i sdom pa'o/ /kha cig khas
blangs pa mi 'dor ba zer la/ rtsa mi 'gyur dang 'gyur mangs su
bslangs pa mi 'dor ba'i dod la len pa sdom pa zhes 'byung ste/
de ltar na 'tsho tsam las lhag pa len pa

@176a @#/ /sdom pa'o/ /nye bar rab tu gnas pa'i dod la 'gyur
mangs su 'doms stong par 'jog pa'i sdom pa'o zhes 'byung ba ltar
na 'doms dkris kyang spangs pa'i gcer bu'i don to/ /brtul zhugs
lnga ni/ dang po gzhan la 'tshe ba

med pa dang/ gnyis pa rdzun spangs pas bden par smra ba dang/
gsum pa rkub sogs spangs pas byin pa len pa dang/ bzhi pa mi
tshangs spyod spangs pas tshangs par spyod pa dang/ lnga ba gos
tsam yang mi 'dzin pas yongs su

gzung pa thams cad yongs su gtong ba'o/ /ye shes snga ni/ skyes
thob kyi gros kyi ye shes dang/ thos pa las byung ba'i ye shes
dang/ mtshams dang bcas pa la/ kha cig 'chi ba'i dus kyi mtshams
zhes 'chad la/ gzhan

dag thun bzhi'i mtshams kyi yi shes sam/ yang na 'gyur mangs su
mtha' zhes 'byung ba ltar thar ba'i gnas skabs kyi ye shes so
zhes 'chad do/ /yid kyi rtog dpyod kyis shes bya yongs su tshol
ba'i ye shes dang/ mo dang

rtsis la sogs pa'i ye shes so/ /spyod pa'i dbye ba ni bcu gsum
ste/ brtul zhugs kyi dbye ba sngar bshad pa lnga dang/ sdom pa'i
dbye ba sngar bshad pa lnga dang/ lus kyi gsang ba me lnga bsten
pa dang gaM gar 'jug pa sogs dang/

ngag gis gsang sngags bzlas ba sogs dang/ sems kyis gsang ba
rang gi lugs kyi thar ba'i lam sgom pa'o/ /'di dag thar 'thob
byed kyi lam du 'dod do/ /thar ba ni gong du bshad pa'i 'jig
rten 'dus pa zhes bya ba'i gzugs

yin la/ 'gro ba lnga ni/ dmyal ba dang dud 'gro dang mi dang lha
dang thar ba'i 'gro ba'o/ /lus snga zhes pa ni/ mi la sogs pa
khams kyi kha zas can gyi lus dang/ lha rnams kyi 'od kyi lus
dang/ srog gi rang bzhin can

@176b nags kyi bdag po la sogs pa drug po rnams kyi lus dang/
rdzus skyes ni yongs su grags pa'i rdzus skyes nyid de de dag gi
lus dang/ mtha' gnas skabs thar ba thob pa'i lus so/ /'gro ba
'di dag kyang dbang po gcig ldan sogs

sngar bshad pa'i srog can gyi sder 'dus so/ /'ching ba ni lta
ngan sum brgya drug cu rtsa gsum dang/ las ni tshe dang sogs
sgras rus dang ming dang phyis myong 'gyur te bzhi'o/ /grub
'grel las tshe sogs zhes pas las lhag ma

lus sogs 'don pa'i zhes pa dpe ma dag ste/ rus sogs 'don pa'o
zhes bshad dgos pa'i phyir/ gcer bu pa ltar na skar ma'i bstan
bcos ma brtsam pa dang/ dpyod pa ltar mchod sbyin srid srung
sogs rig byed kyi bstan

bcos ma brtsam pa dang/ gcer dpyod gnyis kas thun mong du lung
ma bstan pa'i dngos po bcu bzhi lung ma bstan pa dang/ 'khor
ba'i thog ma mi mngon par gsungs pa sogs kyis kun mkhyen med pa
dang/ dgun dus su

nyal ba ste gnyid log pa dang/ dbyar dus su smyo ba sogs kyis
ljon shing dang sogs sgras sa chu me rlung sogs sems ldan dus
sgrub po/ /'phags yul du byung ba'i mu stegs pa'i grub mtha'
nyer lnga sogs dang/ 'od du

byung ba'i bon gyi grub mtha' la sogs pa ltar snang mang po yod
kyang/ de dag shes pa'i gnad de dgos ba chung bas na rtsa ba
'dir mi spro ste ma bshad do/ /de dgag pa ni/ rdzas dang rnam
grangs ni phan tshun ngo bo gcig yin pa'am

ngo bo gcig tu meng zhes dpyad na rdzas dang rnam grangs kyi
khyad par 'jig 'gro ba dang/ thar ba rdul phra ba bsags pa'i
gzugs yin pa'i phyir las zad kyang grol pa'i don med pa dang/
bdag ni lus bzhin du chen chung du

@177a @#/ /'gyur na mi rtag par 'gyur pas rtag par khas len pa
nyams pa dang/ tshul gcig pa'i rtags sbyor pa sgrub bya rtogs
pa'i rjes dpag bskyed pa'i nus pa med pas tshul gcig pa'i rtags

yang dag khas len 'gal ba ste mi 'thad do/ /zhes pa'o/ /gcer bu
ba'i grub mtha' tshad bsal gyi skabs so/ /'dir smras pa/ bu ram
shing pa'i gsung gi 'od zer gyis/ /mchog dman skye 'gro'i zhag

ldan yongs khyab tshe/ /rmongs pa'i kho la po tAM rtha ka yi
gzhung/ /mun pa'i khung bur yib las gzhan du ci/ /mu stigs
gzhung lugs bong bu'i'o ma ni/ yid gzhungs mkhas pa'i rigs pas
bsrub pa'i tshe//

don med nor 'khrul bshad dri bro ba las/ /don ldan mar gyi nyid
khus ring du dben/ /rang gi don du gzhan la 'tshe ba dang/ gzhan
gyi don du rang srog 'dor dgos pa'i/ /phyi nang ston pa'i khyad
par 'di mthong na/ /

mchog dman 'byed chos gzhan gyis ci zhig bya/ /zhes grub mtha'
chen mo'i mtshan 'grel dka' gnad mdud grol blo gsal la gces nor
zhes bya ba las le'u dang po bdun gyi skabs byas zin to//
dge'o//

@177b grub mtha' chen mo'i mchan 'grel dka' gnad mdud grol blo
gsal gces nor zhes bya ba las dngos smra ba'i skabs bzhugs so/ /