@001a @##/ /sbyir bstan gyi rnam bzhag 'dul gzhang gsal byed ces bya ba bzhugs so/ / @001b @##/ /tshogs gnyis rta ljang shing rtas legs drangs mkhyen brtse'i bgrod pa yongs su rdzogs/ /gsung dbyangs drug ci'i kun snang 'bar bas skal ldan blo mun mtha' dag bsal; ;mtshan dpe'i dkyil 'khor rab tu rgyas pas dregs ldan rgyu skar tshogs rnams kyi/ /gzi byin kun 'phrog snang ba'i gter chen nyi ma'i gnyen gyis dge legs stsol/ /btad rabs bdun dang 'phags mchog nye ba 'khor/ /dbyig gnyen zhabs dang 'od mchog rnam pa gnyis/ /dul lha bshes gsum la sogs 'phags yul gyi/ /'dul 'dzin gser gyi phreng bar gus phyag 'tshal/ / bstan pa'i gsang mdzod 'dul gzhung dgongs 'grel bcas/ /sgra don ji bzhin sgyur mdzad lo paN dang/ /gtsang g.yo smra gsum bla chen klu med rgya/ /mtsho sna ba dang bu ston zhabs sogs rgyal/ / 'phags nor rin chen sna bdun la brten nas/ /thub bstan gling bzhir thogs med dbang sgyur bas/ /mkhas mchog rgyal phran bye ba'i gtsug rgyan dang/ /rab grogs 'jam dpal snying po'i zhabs la 'dud/ / @002a @##/ /bkra shis dge mtshan du mas spras shing ma smad snyan grags dur lce g.yo/ /legs bshad g.yer kha'i sgra brgya'i dpal gyis skal bzang rna ba'i rgyan gyur zhing/ /gtan gyi 'dun mA mtha' dag grub pa'i bslab gsum rin chen tog gis mdzes/ /dge ldan bstan pa'i rgyal mtshan 'dzin mdzad rnams la dpyod ldan sus mi gus/ /rnam dag dgag sgrub dbyar skyes rnga bsang gis; ;log smra'i snying la 'jigs pa 'bum ster zhing/ /blo gsal 'brug sgra'i mngal 'dzin dga' byed pa'i/ /'jam dbyangs dgyes bzhad rdo rje gtsug gis mchod/ /rmad byung thugs rje chen po'i chu gter las/ /mkhas btsun bzang po'i 'od rnon 'phro bzhin par/ /cher snyigs 'gro 'dren dam par legs shar pa'i/ /skyabs mgon skyes rabs nyin byed phreng bar 'dud/ /sngon byon mkhas mang nyi zla'i 'od zer gyis/ /mi phyed bdag blo'i pa kU la yi kha/ /legs bshad lus phra'i 'gram chang gis 'byed pa'i/ /bshes gnyen rnams la gnyis 'gyur phyag bgyid do/ /rgya chen @002b gnas lnga rig pa'i kun gsal khyon/ /'phags chen mkha' lding dbang pos gzhal dka' na/ /rmongs chen bdag 'dra'i byi 'dus 'phur brtsams pa/ /don chen mi 'byung rang nyid ngal ba'i gnas/ /'on kyang dal 'byor zhings gshin po la/ /rnam dkar dge ba'i lo tog 'phel phyir du/ /'dul gzhung mtha' dbus bral ba'i chu gter nas/ /blo 'tshams yur bas cung zad tsam zhig drangs/ /mkhas rnams mgu pa'i 'dab brgya ma bzhad kyang/ / khrel ba'i kunda'i 'dab ma mi zum par/ /gzu bor gnas pa'i rnam dpyod ngang ba'i mchus/ /legs nyes 'o chu so sor 'byed par mdzod/ /de yang rgyal tshab mi pham mgon pos/ /sde snod dag ni gsum mam gnyis kyang rung/ /bsdus ba'i phyir te rgyu ni dgur 'dod do/ /des ni bag chags rtogs ngang zhib dang/ /rab tu rtogs pas rnam par grol bar byed/ /ces gsungs pa ltar/ ston pa thugs rje can gyis 'gro ba rnams kyi khams dang bsam pa dang bag la nyal dang mthun par chos kyi sgo ji snyed cig gsungs pa thams cad brjod byed lung gi bstan pa rnams de snod gsum dang/ brjod bya rtogs pa'i bstan pa rnams bslab pa rin po che rnam pa gsum du bsdus pa yin la/ de'i nang nas kyang dpal mgon 'phags pa klu sgrub kyis/ khrims ni rgyu dang mi rgyu'i sa bzhin du/ /yon tan kun gyi gzhi rten lags par gsungs/ /zhes mngon par mtho ba dang nges par legs pas bsdus pa'i yon tan thams cad kyi gzhi dang rten dang rtsa ba ni nyes spyod sdom pa'i tshul khrims nyid yin par gsungs shing/ de'i phyir de brjod byar byed pa'i 'dul ba'i sde snod kyang sde snod kun gyi gzhi dang rtsa ba dang ston pa'i dod yin pa sogs sgo du mas rgya cher bsngags pa ltar yin te/ slob dpon @003a @#/ /chos kyi tshong dpon gyis/ ji ltar 'di ni shing rtsa gtso bo ste/ /rnam par 'phel dang kun 'dzin gnyis kyi gzhi/ /de bzhin dam chos tshogs rnams kun gyi yang/ /rgyu dang rtsa ba 'dul ba yin par gsungs/ zhes dang/ rgyal ba ston pa de yi dam chos dag /mdo dang chos mngon yin gsungs 'dul ba ni/ /ston dang bstan bcos dngos yin de yi phyir/ /gnyis 'gyur phyag byas sangs rgyas chos gcig bzhin/ /zhes gsungs pa'i phyir; de la yang 'dul ba'i sde snod thams cad kyi rtsa ba so sor thar ba'i mdo/ de'i don zhib tu 'grel ba'i lung sde bzhi/ de dag gi dgongs pa 'grel pa la tshad mar gyur pa'i rgya pod kyi mkhas pa so sos mdzad pa'i bstan bcos che chung mtha' las pa yod la/ de lta mod kyang so thar gyi mdo las/ sangs rgyas zhes bya'i sgra 'di yang/ /'jig rten dag na rab tu dkon/ /zhes gsungs pa ltar/ bsod nams dman pa rnams kyis sangs rgyas zhes pa'i sgra tsam yang thos par dka' na/ 'di 'dra ba'i dus kyi tha mar sangs rgyas shAkya'i thub pa'i bstan pa dang mjal nas de'i gzhung lugs la thos bsam cung zad bgyis pa 'di e ma'o bdag gis rnyed pa'i mchog legs par rnyed pa'o snyam du dga' ba'i sems kyis 'dir skabs su bab pa zhu ba sbyir bstan pa'i mdo tshan drug cu rtsa lnga'i tshig don gzo bor byas te cung zad 'chad pa la/ rten gyi yan lag/ yul gyi yan lag/ ltung ba tha dad du skye tshul zhar byung dang bcas pa/ bsam pa'i yan lag zhar byung dang bcas pa/ sel ba tshan tshan gyi yan lag dang bcas pa lnga/ dang po la/ rten de'i bslab pa'i yan lag zhar byung dang bcas pa/ bsam pa'i yan lag sel ba dang bcas pa/ tshigs kyi @003b yan lag zhar byung dang bcas pa/ mtshan gyi yan lag zhar byung dang bcas pa bzhi las/ dang po ston par/ nyams pa dang mchags pa gnyis ltung ba la sbyor na nyes byas so/ /zhes pa nas/ dge slob ma la yang ngo/ /zhes mdo tshan bdun byung / 'di dag gi don bshad du yod de/ thun mong gi pham pa 'chab bcas kyis bsnyen rdzogs kyi sdom pa dgos pa sgrub nus las nyams pa dang/ bsnyen rdzogs kyi sdom pa blangs kyang rkyin ma tshang pa'i dbang gis mchags pa'i gang zag gnyis kyis/ ltung ba sde lnga gang rung gi gzhi la zhugs kyang dngos gzhi mi bskyed par nyes byas su bstan pa la/ nyams pa dang ma chags pa gnyis ltung ba la sbyor na nyes byas so/ /zhes byung/ 'di la nyams pa dang ma chags pa gnyis las/ dang po ni/ nyams pa zhes ba bshad pa'i gzhir bzhag nas/ gang nyams pa dang/ gang las nyams pa dang/ gang gis nyams pa dang/ ji ltar nyams pa dang/ des ltung ba la sbyor na cir 'gyur dang/ dgag sgrub gang yin dang/ lung dang sbyar ba dang don tshan bdun gyis bshad du yod de/ rtsa ltung kun tu sbyod pa'i dge slong de bsnyen rdzogs kyi sdom pa dgos pa drug sgrub nus las thun mong gi pham pa 'chab bcas kyis slar gsor mi rung bar nyams pa des sde lnga'i gzhil zhugs kyang nyes byas tsam las mi bskyed par dgag tshig gis lung zhu ba las gsungs pa'i phyir/ dgag tshig gis bshad pa'i rgyu mtshan yod de/ dge slong yin pas sde lnga'i gzhi la zhugs na dngos gzhi bskyed dam snyam pa'i log rtog sel ba'i ched yin pa'i phyir/ gnyis pa ni/ ma chags pa zhes pa bshad pa'i gzhir bzhag nas; gang ma chags pa dang/ gang la ma chags pa dang/ gang gis ma chags pa dang/ ji ltar ma chags pa dang/ des ltung ba la sbyor na cir 'gyur dang/ dgag sgrub gang yin dang/ lung dang sbyar ba dang don tshan bdun gyis bshad du @004a @#/ /yod de/ bsnyen rdzogs kyi sdom pa de/ ma thob pa'i rten la 'gal rkyen ma spangs pa 'am mthun rkyen ma tshang bas ma thob pa las nyams pa'i tshul gyis ma chags pa dang/ des ltung ba la sbyor na nyes byas tsam bskyed par sgrub tshig gis lung zhu ba las gsungs pa'i phyir/ sgrub tshig gis bshad pa'i rgyu mtshan yod de/ sdom pa med pas ltung ba med dam snyam pa'i log rtog sel ba'i ched yin pa'i phyir/ nyams pa dang ma chags pa gnyis ltung ba la sbyor na nyes byas su ston pa'i lung yod de/ DI kar zhu ba drangs pa las/ sngar ltung ba byung ba rku thabs su gnas pa dang dang po 'khrugs pa dang ma ning dang dge slong ma sun phyung bas nyams par byas pa la ni nyes byas su 'gyur ro/ /zhes pa 'di yin la/ lung 'di ni zhu ba nyung shos las sor bshags yan chad kyi ltung ba re re la gsungs kyang/ 'dir tshig gcig tu bsdu ba ni tshig tshogs skyungs pa'i ched yin pa dang zhu ba mang shos la lung 'di mi snang ba ni yi ge chad par mtsho DI ka las gsungs shing/ dang po 'khrugs pa ni nyi shu ma lon par bsnyen rdzogs byas pa la bshad do/ /bsnyen par ma rdzogs pa'i rab byung rnam gsum gyis rang rang gi bslab pa'i gzhi bsrung bar khas blangs pa las 'das pa la yang bshags bya'i nyes byas dang/ de'i phyogs mthun las 'das pa la yid kyi bsdam bya'i nyes byas bskyed par ston pa la/ bsnyen par ma rdzogs shing rab tu byung bas blangs pa las 'das pa la yang ngo/ /de'i phyogs dang mthun pa la ni yid kyi'o/ /zhes byung/ 'das zhes pa bshad pa'i gzhir byas nas/ gang gis 'das pa dang/ gang las 'das pa dang/ ji ltar 'das pa dang/ 'das na cir 'gyur dang/ dgag sgrub gang yin dang/ lung dang sbyar ba dang don tshan drug gis bshad de/ rab byung rnam gsum gyis rang rang gi bslab pa'i gzhi bcu gsum sogs las bsam bzhin du bral bar @004b byas pas 'das na bshags bya dang phyogs mthun las 'das na yid kyi bsngam byar 'gyur gyi pham sogs min par dgag tshig gis lung zhub ba las gsungs pa'i phyir/ zhu ba las/ 'chang 'bral sogs ltung med du gnang ba rnams ma gtogs pa ltung ba sde bzhi po thams cad kyi skabs su dge slob ma dang dge tshul dang dge tshul ma rnams la nyes byas so/ /zhes re re la gsungs pa rnams 'dir mdo 'di gnyis kyis bsdus shing/ lung las nyes byas tsam las ma gsungs kyang 'dir bshags bya dang bsdam bya gnyis su phye ba ni lung gi dgongs pa gsal bar byed pa'o/ /rab byung bsnyen par ma rdzogs pas rang nyid bslab pa'i gzhi khas blangs pa las 'das pa'i kha na ma tho ba de/ skabs 'dir bstan pa'i blangs 'das kyi mtshan nyid/ dbye na dge tshul pha ma'i bcu gsum dang/ dge slob ma'i nyer lnga'o/ /dang po yod de/ srog gcod ma byin len mi tshangs spyod rdzun smra ste rtsa ba bzhi dang/ chang dang khri stan che mtho dang gar sogs phreng sogs phyi dro'i kha zas gser dngul len pa ste yan lag drug dang/ nyams pa rnams gsum dang bcu gsum yod pa'i phyir/ gnyis pa yod de/ blangs 'das bcu gsum gyi steng du rtsa ba'i chos drug dang rjes mthun gyi chos drug bsnam pas nyer lnga yod pa'i phyir/ rgyas par dbye na dge tshul gyi blangs 'das so drug yod de/ dge slong la gsod pham dang 'debs spyod gsod pa'i ltung byed gsum ste gsod pa'i ltung ba bzhi yod pas/ dge tshul la'ang srog gtsod pa'i blangs 'das bzhi dang/ dge slong la rdzun pham gcig dang gzhi med kyi lhag ma nas khyim sun 'byin pa'i bra lhag ma lnga dang/ rdzun smra ba'i ltung byed nas bslab pa spong ba'i bar ltung byed drug dang/ 'bras chan khebs pa'i nyes byas gcig dang bcu gsum yod pas/ dge tshul la'ang blangs 'das bcu gsum dang/ longs pa gzhir gtogs kyi ltung byed du gtogs pa'i glu nas phreng ba'i bar nyes byas@005a @#/ /bdun yod pas bdun dang/ khri rkang 'chos pa'i ltung byed du gtogs pa'i khri stan che mtho'i nyes byas bzhi yod pas bzhi dang/ ma byin len mi tshangs spyod chang phyi dro'i kha zas gser dngul len pa lnga dang/ nyams pa rnam gsum dang so drug yod pa'i phyir/ srog gcod bzhi dang ma byin len/ /mi tshangs spyod dang rdzun du smra/ /gzhi med bag tsam dge 'dun dbye na/ /de'i rjes phyogs dang khyim sun 'byin/ /shes bzhin shes ngor 'phya ba dang/ /zas cung lhag mas skur 'debs dang/ /bslab pa spong dang 'bras chan 'gebs/ /chang dang glu gar rol mo byed/ /rgyan dang kha dog spos byug phreng/ /khri dang stan ni che mtho dang/ /phyi dro'i kha zas gser dngul len/ /nyams pa rnam pa gsum dag ste/ /sum cu drug ni blangs las 'das; ;zhes so/ /dbye ba de ni bar sdom dang bcas pa'i dbang du byas pa yin kyi/ dngos sdom kho na'i dbang du byas pa ma yin te/ dngos sdom gyi dbang du byas na/ srog gcod bzhi rdzun bcu gsum ma byin len mi tshangs spyod chang phyi dro'i kha zas kha dog ma bsgyur ba'i gos gyon pa ste blangs 'das nyer gnyis las lhag med pa'i phyir/ mtsho TIka blangs 'das so bdun bshad de/ sngar gyi so drug gi khri stan che mtho gnyis su bsdus pa dang phreng ba ma grangs pa'i so gsum gyi steng du tsug tsug lcag lcag hu hu phu phu bzhi la mnga' sgyur dro grang gi 'du shes bsgyur ba'i rdzun bzhi bsnan nas so bdun bshad pa'i phyir/ blangs 'das nga brgyad bshad pa'ang yod de/ mi la gcig dang dud 'gro la gsum dang dmyal ba yi dwags lha lha min la re re ste srog gcod brgyad dang/ ma byin len dang mi tshangs spyod la 'gro ba lngas phye ba lnga lnga dang/ rdzun smra la pham 'dra gcig dang ngan song gsum dang lha lha min gyis phye ba'i shes bzhin gyi rdzun lnga dang gzhi med nas 'bras chen khebs pa'i bar shes bzhin gyi rdzun ma gtogs pa bcu gcig ste bcu bdun dang/ @005b chang la 'bru bcos gnyis dang/ glu sogs bdun dang/ khri stan bzhi dang/ phyi dro'i bza' bca' gnyis dang/ gser dngul len pa la 'gro ba lngas phye ba lnga dang/ nyams pa rnam gsum dang lnga bcu rtsa brgyad yod pa'i phyir/ de la dpyad rgyu yod/ srog gcod brgyad dang rku spyod lnga lnga dang/ /rdzun smra bcu bdun chang gnyis glu sogs bdun/ /khri stan bzhi dang phyi dro'i bza' bca' gnyis/ /gser dngul len pa lnga dang nyams pa gsum/ /zhes bzung ngo/ /bsdu na bcas rang gnyis su bsdu ba dang/ gsor rung gsor mi rung gnyis su bsdu ba dang/ dge bsnyen dang thun mong dang thun mong ma yin pa gnyis su bsdu ba dang/ 'du shes gtso che ba dang dngos po gtso che ba gnyis su bsdu ba dang/ mkhan po dang slob dpon las blangs pa las 'das pa gnyis su bsdu ba dang/ tshul khrims dang bag yod dang brtul zhugs kyi yan lag gi mi mthun phyogs gsum du bsdu ba sogs yod de go sla'o/ /dbye ba de ltar yod kyang rtsa ba bzhi dang yan lag drug ste bcur grangs nges pa'i dgos pa yod de/ mngabs bsrung mi nus snyam pa'i skrag pa spangs pa'i ched yin pa'i phyir/ br-i dza'i bul bslab pa gsum bstan pa bzhin no/ /bcur grangs nges pa'i rgyu mtshan yod de/ dgag bya'i sgo nas bcur grangs nges pa'i phyir te/ srog gcod bzhi gcig tu byas te/ srog la gnod pa'i rang bzhin du gcig pa'i phyir/ rdzun bcu gsum gcig tu byas te/ gzhan slu ba'i rang bzhin du gcig pa'i phyir/ glu gar rol mo gsum gcig tu byas te/ rgod bag gi rang bzhin du gcig pa'i phyir/ phreng sogs bzhi gcig tu byas te/ rgyags pa bskyed pa'i rang bzhin du gcig pa'i phyir/ khri stan bzhi gcig tu byas te/ 'dod zhen che ba'i rang bzhin du gcig pa'i phyir/ de bzhin du gzhan lnga re rer byas te/ gzhan gyi longs spyod la gnod pa dang/ bag med pa'i gnas dang/ 'khrig pa @006a @#/ /dang/ dus min za ba dang/ yo byad don med la chags pa'i rang bzhin mi gcig pa'i phyir/ mgul rgyan sogs rgyan dang/ gur gum sogs kyis lus la ri mo byed pa ni kha dog 'chang ba dang/ dri zhim po'i rdzas lus la byug pa ni spos nyu ga yin par bshad do/ /go rim la spyi'i go rim ni lci rim dang mthun la/ pham 'dra bzhi ni mi dge ba bcu'i go rim dang mthun zhing/ gar sogs phreng sogs khri stan che mtho phyi dro'i kha zas gser dngul len pa lnga ni 'khor ba'i rgyur shes pa'i ched du 'jig rten gyi bsnyen bkur dang go rim mthun par bstan to/ /sgra bshad ni/ mkhan slob ci rigs kyi drung du cho gas blangs pa las 'das pas blangs 'das dang/ byed las pham pa dang 'dra bas pham 'dra dang/ bshags pas 'dag du rung bas bshags bya dang/ legs par ma byas par nyes par byas pas nyes byas su bshad do/ /rab byung rnam gsum la pham sogs mi 'byung ba'i rgyu mtshan la/ 'phags pa nyer sbas kyis/ bsnyen par rdzogs pa dang bsnyen par ma rdzogs gnyis kyi bye brag bstan pa'i phyir/ zhes dang/ 'phags pa zla ba nor bus/ tshul khrims kyi tha mar gyur pa yin pa'i phyir/ zhes gsungs pa'i don ni/ dge slong ni bstan pa la zhugs pa rdzogs pas gtso bo yin la/ rab byung rnam gsum ni bstan pa la zhugs pa ma rdzogs pas gtso bo ma yin zhing dge slong gi 'khor yin pas 'khor mi mthun phyogs kyis pham kyang pham par mi 'jog te/ bran g.yogs shi ba tsam gyis dmag dpon pham par mi 'jog pa bzhin yin pa'i phyir zhes pa'o/ /rab byung bsnyen par ma rdzogs pas rang gi bslab pa'i gzhi khas blangs pa las 'das pa dang phyogs mthun gyi kha na ma tho ba de/ skabs 'di'i phyogs mthun gyi nyes byas kyi mtshan nyid/ dbye ba mang yang dngos sdom gyis bsdus pa'i dbang du byas na nyis brgya phyed dang bco lnga yod de/ srog @006b gcod bzhi dang rdzun bcu gsum dang/ rku pham spyod pham gnyis dang/ chang 'thung ba dang dus min za ba dang kha dog ma bsgyur ba'i gos gyon pa'i ltung byed gsum ste nyer gnyis dang/ gos 'chang spang la sogs pa'i ltung med phyed dang bcu bdun te phyed dang so dgu ma gtogs pa'i 'khu ba 'byin pa nas chu'i nang du mi gtsang ba dor ba'i bar nyis brgya phyed dang bco lnga de dge tshul la phyogs mthun yin pa'i phyir/ bsdu na rtags kyi gzhi las byung ba nas mi sbyong ba'i gzhi las byung ba'i bar bcur bsdu ste/ TI kar/ rtags dang slong dang snod dang ni/ /longs spyod 'phyar g.yer 'dod pa dang/ /gnod pa dang ni gnas pa dang/ /ma gus mi sbyong gzhi las byung/ /zhes so/ /phyogs mthun bcu'i mtshan gzhi rim bzhin bzhag du yod de/ skra breg ma legs pa dang chos gos tshad dang mi ldan pa 'chang ba sogs dang/ sbags pa dang so so'i nas sbags pa slong ba sogs dang/ ba so'i kha pa ral 'chos pa sogs dang/ sgog btsong za ba sogs dang/ chu la rtse ba sogs dang/ smyan byed pa dang 'khrig tshig smra ba sogs dang/ brdeg pa dang gzas pa sogs dang/ tshul 'chal dang lhan cig tu nyal ba sogs dang/ slob dpon dang bslab pa rgan pa la ma gus pa sogs dang/ gso dgag dbyar gsum tshul bzhin du ma byas pa sogs rim bzhin yin pa'i phyir/ gzhan yang/ sdom pa nyams pa'i phyogs mthun dang bar ma nyams pa'i phyogs mthun gnyis su bsdu ba dang/ mtha' dag nyams pa'i phyogs mthun dang so sor nyams pa'i phyogs mthun gnyis su bsdu ba dang/ gzhi bcu bdun las byung ba dang rnam 'byed las byung ba gnyis su bsdu ba sogs so/ /sgra bshad yod de/ dngos su khas blangs pa las 'das pa dang rgyud pa rgyur 'gro dang sbyor ba rjes sgrub dang dgag bya nyes dmigs ca rigs mthun pas na phyogs mthun zhes bshad @007a @#/ /pa'i phyir/ rab byung rnam gsum la ltung med du gnang ba ni pha'i sdom bsdus kyi dbang du byas na dge tshul pha la ltung med phyed dang bcu bdun dang/ ma'i sdom bsdus kyi dbang du byas na dge tshul ma la bcu dgu dang/ dge slob ma la bcu bzhi yod de/ 'chang ba gnyis dang 'bral ba dang/ /de bzhin sa ni rko ba dang/ /rin chen reg dang me la reg /spangs nas za ba byed pa dang/ /ljon shing 'dzeg dang shing gcod dang/ /byin len ma byas za ba dang/ /rtsa sngon mi gtsang 'dor ba dang/ /de bzhin gsog 'jog za ba dang/ /sa bon 'joms dang de'i steng du/ /zla 'jog dgon pa'i 'bral ba dang/ /gsog 'jog byed dang dge tshul nyal/ /mi smra 'gro dang bco brgyad do/ /zhes bzung ngo/ /dge slob ma la shing gcod pa nyes byas dang sa bon 'joms pa ltung med yin pas/ dge tshul la ltung med gnyis su phye nas bco brgyad du bshad kyang/ sdom bsdus ltar na de gnyis gcig tu byas pas bcu bdun du nges shing/ khyim pa dang nub lhag nyal ba dgag kyang dge tshul nang phan tshun gnang bas phyed ces bshad do/ /ma'i sdom bsdus ltar na dge tshul ma la ltung med phyed dang bcu dgu yod de/ dgon pa ba'i 'bral spang ma gtogs pa'i bcu drug gi steng du chos gos nyin mo dang po la byin gyis ma rlabs pa dang zla phyed du byin gyis ma rlabs pa gnyis gcig tu 'dren pa dang/ bslab pa la bslab pa bsnyen par rdzogs par mi byed pa dang/ rjen pa 'chod pa dang bcu dgu ltung med du bzhag pa'i phyir/ dge slob ma la bcu bzhi yod de/ rin po che la reg pa dang/ byin len ma byas par za ba dang/ gsog 'jog byas pa za ba dang/ /rtsa sngon po gcod pa dang/ sa rko ba lnga blangs 'das dang/ gsog 'jog byas pa phyogs mthun yin pas lhag ma (phyed gnyis dang) bcu bzhi ltung med du 'jog dgos pa'i @007b phyir; 'on kyang mtsho DIka sogs las dge tshul la ltung med bco brgyad dang/ dge tshul ma la nyer gcig dang/ dge slob ma la bco lngar bshad pa dang mi 'gal te/ de ni sa bon dang skye ba gcod pa so sor grangs shing/ chos gos byin gyis ma rlabs pa gnyis so sor grangs la/ skabs 'dir sdom bsdus kyi dbang du byas nas sa bon skye 'jig so sor ma grangs shing/ byin gyis ma rlabs pa gnyis so sor ma grangs pa tsam yin pa'i phyir/ ma la dgon 'bral 'dor ba ni gnas bzhi'i shing drung dgag pa'i rgyu mtshan gyis yin no/ /'o na bslab byin dge slong de rnam grangs kyi bsnyen par ma rdzogs pa yin pas rab byung rnam gsum dang 'dra bar pham sogs mi 'byung ngam zhe na/ 'dun pa phyir bsgyur ba'i ltung byed dang las kyi nang nas mi smra bar 'gro ba'i ltung byed dang dgra bcom bden smra'i ltung byed lta bu ma gtogs pa sde lnga phal cher bskyed pa'i rten du dge slong rnam dag dang 'dra bar bstan pa la/ !} bslab pa byin pa ni 'dra ba nyid do/ /zhes byung/ rnam pa thams cad du dge slong rnam dag dang 'dra 'am zhe na/ de 'dra ma yin par bslab byin dge slong de yul dge slong gis bskyed pa'i ltung ba mi bskyed pa dang/ yul bsnyen par ma rdzogs pa spyis bskyed pa'i ltung ba bskyed pa dang/ bsnyen par ma rdzogs pa'i bya ba grub rung ba dang/ bsnyen par rdzogs pa'i bya ba grub mi rung ba ste mu bzhi'i sgo nas bsnyon par ma rdzogs pa dang 'dra bar bstan pa la/ !} bsnyen par ma rdzogs pa dang ldan pa nyid kyang ngo/ /zhes byung/ dge slong gis bskyed pa'i ltung ba bskyed pa dang/ ma rdzogs pa spyis bskyed pa'i ltung ba mi bskyed pa sogs bzhi'i sgo nas bslab byin nang phan tshun bsnyen par ma rdzogs pa dang 'dra ba ma yin par ston pa la/ !} de la ni ma yin no/ /zhes byung/ bslab byin dge slong de dge slob ma la yang dge slong gis bskyed pa'i ltung ba bskyed pa sogs mu bzhi'i sgo nas bsnyen par ma rdzogs pa dang @008a @#/ /'dra ba ma yin par ston pa la/ !} dge slob ma yang ngo/ /zhes byung/ 'di la gzhi las/ dang po ni/ 'dra ba nyid do/ /zhes bshad gzhir byas nas/ gang 'dra ba dang/ gang dang 'dra ba dang/ gang la 'dra ba dang/ ji ltar 'dra ba dang/ lung dang sbyar ba dang don tshan lngas bshad du yod de/ bslab byin dge slong de dge slong rnam dag dang ltung ba sde lnga bskyed pa'i rten du dmigs gsal ma gtogs pa ji lta ba bzhin du 'dra bar zhu ba las gsungs pa'i phyir/ zhu bar/ ji ltar dge slong mtha' 'gyur ba de bzhin du bslab pa byin pa la yang mtha' 'gyur ro zhes sogs ltung ba sde bzhi po re re la gsungs pa rnams 'dir tshig gcig tu bsdus pa'o/ /bslab pa byin pa ni zhes dgar tshig smos pa'i dgos pa yod de/ bsnyen par ma rdzogs pa las dgar te ltung ba'i rten du rnam dag dang 'dra bar bstan pa'i ched yin pa'i phyir/ 'dra ba'i rgyu mtshan yod de/ dgos pa drug bsgrub nus kyi dge slong gi sdom pa rgyud ldan yin pa'i phyir/ dgos pa drug ni mtsho DIka las/ byang chub mtho ris blangs skye dang/ /chos dang zang zing phyir bcos rung/ /zhes gsungs so/ /'dra bar bstan pa'i dgos pa ni rnam grangs kyis bsnyen par ma rdzogs pa yin pas sde lnga'i dngos gzhi mi bskyed dam snyam pa'i log rtog sel nas rnam dag dang 'dra bar bslab dgos par shes ched yin no/ /bslab pa byin pa'i ngo bo yod de/ thun mong gi pham pa 'chab med byung ba'i dge slong la dge 'dun mtshan nyid dang ldan pas sa gzhan na gnas pa'i spyod pa la bslab dgos pa'i bar mas bsdus pa'i dge ba gsol bzhi'i las kyis ji srid 'tsho'i bar du byin pa'i rigs gnas de de yin pa'i phyir/ gnyis pa ni/ ldan pa'am 'dra ba nyid kyang ngo/ /zhes bshad gzhir byas nas/ gang 'dra ba dang/ gang la 'dra ba dang/ gang dang 'dra ba dang/ ji ltar 'dra ba dang lung dang sbyar ba dang lngas bshad du yod de/ @008b bslab byin dge slong de rnam dag gi yul du bsnyen par ma rdzogs pa dang mu bzhi'i sgo nas 'dra bar lung zhu ba las gsungs pa'i phyir/ de chos can/ mu bzhi'i dang po sel ba'i sgo nas rnam dag gi yul du bsnyen par ma rdzogs pa dang 'dra ba yin te/ dge slong rnam dag gis bslab byin yul du byas pa las dmigs gsal ma gtogs pa dge slong las gyur pa'i ltung ba zhe drug phal cher na smad du gyur pa'i phyir/ bsngos bsgyur tshig la khyad par gsod/ /bslab pa spong dang mi smra 'gro /bzhi lan smad zhu bar gsungs; ;de mtshungs gzhan la mdor bsdus sbyar/ /zhes bzung ngo/ /dmigs gsal ni/ gzhi med dang bag tsam dang lhag ma'i skur 'debs dang pham pa 'chab rjod gnyis dang lnga ni yul bslab byin gyis kyang bskyed do/ /de chos can/ yan lag gi sgo nas rnam dag gi yul du bsnyen par ma rdzogs pa dang 'dra ba yin te/ rnam dag gis bslab byin yul du byas pa las bsnyen par ma rdzogs pa spyis bskyed pa'i ltung ba bzhi rdzogs par bskyed pa'i phyir/ 'don dang gnas ngan len brjod la/ /zhu chung las gsung bstan bcos mthun/ /zhu chen na smad sbyor la dgongs/ /bden smra nub lhag mdor bsdus sbyar/ /zhes gsungs/ de chos can/ bsnyen par ma rdzogs pa'i bya ba 'grub pa'i sgo nas bsnyen par ma rdzogs pa'i 'dra ba yin te/ bslab byin dge slong gis dge slong rnam dag la zas sogs stobs na byin len chags pa dang reg na byin len 'jig pa sogs yin pa'i phyir/ lung ma mo las/ bslab pa byin pa'i dge slong gis rang bzhin du gnas pa'i bsnyen par rdzogs pa la byin te byos shig /ces gsungs pa'i phyir/ de chos can/ rnam dag gi bya ba mi 'grub pa'i sgo nas bsnyen par ma rdzogs pa dang 'dra ba yin te/ rnam dag gi las kyi kha skong du mi rung ba dang/ gnas mal dang/ gding ba bsdud pa bcol bya'i yul dang/ phyi dro grong du rgyu ba @009a @#/ /brjod bya'i yul dang/ chos gos byin gyis rlabs pa'i yul sogs la mi rung ba'i phyir/ gding ba gnas mal bsdud pa dang/ /grong rgyu brjod bya'i yul gsum la/ /go mi chod par zhu par gsungs/ /de mtshungs gzhan la mdor bsdus sbyar/ /zhes bzung ngo/ /gsum pa ni/ 'dra ba ma yin no/ /zhes bshad gzhir byas nas/ gang 'dra ba ma yin pa sogs don tshan lngas bshad du yod de/ bslab byin dge slong de bslab byin dge slong gzhan gyi yul du bsnyen par ma rdzogs pa dang mu bzhi'i sgo nas 'dra ba ma yin par zhu bar gsungs pa'i phyir/ de chos can/ bslab byin dge slong gzhan gyi yul du bsnyen par ma rdzogs pa dang mu bzhi gang gi sgo nas kyang 'dra ba ma yin te/ bslab byin dge slong gis bslab byin dge slong gzhan yul du byas pa las brdeg gzas sogs dge slong gis bskyed pa'i ltung ba rnams 'byung ba dang/ 'don pa dang bden smra sogs ma rdzogs pa spyis bskyed pa'i ltung ba rnams mi 'byung ba dang/ stobs na byin len mi chags pa sogs dang; gnas mal bsdud pa bcol bya'i yul la go chod pa sogs yin pa'i phyir/ zhu bar bslab byin dge slong gis/ /brdeg sogs ltung byed bskyed gsungs pa/ /bslab byin phan tshun dgongs par mngon/ /mu gsum la ni mdor bsdus sbyar/ /zhes bzung ngo/ /bzhi pa ni/ 'dra ba ma yin no/ /zhes bshad gzhir byas nas sngar ltar don tshan lngas bshad du yod de/ bslab byin dge slong de dge slob ma'i yul du bsnyen par ma rdzogs pa dang mu bzhi'i sgo nas 'dra ba ma yin par zhu bar gsungs pa'i phyir/ de chos can/ dge slob ma'i yul du bsnyen par ma rdzogs pa dang 'dra ba ma yin te/ dge slob mas bslab byin dge slong yul du byas pa las dge slong las 'gyur ba'i ltung ba rnams 'byung ba dang/ ma rdzogs pa las 'gyur ba'i ltung ba rnams mi 'byung ba dang/ @009b stobs na byin len mi 'chags pa sogs dang/ grong rgyu smra ba'i yul la go chod pa sogs yin pa'i phyir/ 'di'i shes byed kyi lung yod de/ lung zhu bar dge slong la gang zag gsum gyi gsog 'jog gis gsog 'jog za ba'i ltung byed bskyed pa dang/ de bzhin dge slong ma la gsum dang/ bslab byin dge slong la bzhi dang/ bslab byin dge slong ma la bzhi dang/ dge slob ma la gang zag lnga'i gsog 'jog gis gsog 'jog za ba'i ltung ba bskyed par bshad pa'i tha ma 'di yin par DI kar bshad pa'i phyir/ sngar gyi mdo de dag gi don bsdus na ltung ba sde lnga gang rung gi dngos gzhi rdzogs pa la rten bsnyen rdzogs kyi sdom pa gsor rung yan chad dang ldan dgos par bstan pa yin te/ sdom pa blangs kyang rdzogs par ma blangs pa dang/ rdzogs par blangs kyang ma skyes pa dang/ skyes kyang thun mong gi pham pa 'chab bcas kyis nyams pa rnams la sde lnga'i dngos gzhi mi 'byung bar bshad pa dang/ bslab byin dge slong de sde lnga bskyed pa'i rten du rnam dag dang 'dra bar bshad pa de'i phyir/ bsnyen rdzogs kyi sdom pa gsor rung yan chad dang ldan pa de/ skabs 'di'i yan lag gi ngo bo yin la/ gang la sbyar ba'i gzhi ni ltung ba sde lnga ka la sbyar dgos/ bsnyen rdzogs kyi sdom pa gsor rung yan chad dang mi ldan pa de/ skabs 'di'i sel ba'i ngo bo yin zhing/ dbye na/ sdom pa gtan nas ma blangs pa dang; blangs kyang rdzogs par ma blangs pa dang/ rdzogs par blangs kyang ma skyes pa dang/ skyes kyang gsor mi rung bar nyams pa dang bzhi'o/ /ci 'gyur ni/ dang po la gtan nas ltung med dang/ gnyis pa la blangs 'das phyogs mthun ltung med gsum ci rigs dang/ phyi ma gnyis la nyes byas kho nar 'gyur ro/ ()@#() /gnyis pa bsam pa'i yan lag sel ba dang bcas pa ston par/ 'gro ba gzhan gyi zhes sogs mdo tsha na gnyis byung/ sngags dang rdzas la sogs pas 'gro ba gzhan dud 'gro la sogs pa'i rnam pa sten@010a @#/ /pa'i dge slong de rang la dge slong gi 'du shes yod pas mtshon pa'i shes pa rang bzhin du gnas pa yin na sde lnga phal cher bskyed pa'i rten du lus tha mal du gnas pa dang 'dra bar bstan pa la/ 'gro ba gzhan gyi rnam pa sten pa na dge slong gi 'du shes yod pa la'o/ /zhes byung/ 'gro ba gzhan gyi rnam pa sten pa'i dge slong de gzugs bsgyur ba'i stobs kyis rang la dge slong gi 'du shes med par 'gyur na sde lnga'i gzhi la zhugs kyang dngos gzhi mi bskyed par na smad du bstan pa la/ med na ni na smad pa nyid do/ /zhes byung/ 'dra ba nyid do zhes bshad gzhir byas nas/ gang 'dra ba dang/ gang dang 'dra ba dang/ gang la 'dra ba dang/ gang gi tshe 'dra ba dang/ ji ltar 'dra ba dang/ lung dang sbyar ba dang drug gis bshad du yod de/ 'gro ba gzhan gyi rnam pa sten pa'i dge slong de lus tha mal du gnas pa'i dge slong dang sde lnga phal cher bskyed pa'i rten du shes pa rang bzhin du gnas pa'i tshe ltung pa'i gzhi la zhugs na dngos gzhi 'byung ba ni 'dra bar lung zhu bar gsungs pa'i phyir/ zhu bar mi tshangs spyod dang srog gcod bzhir/ /sbrul tshe ltung ba rdzogs par dngos su gsungs/ /bal 'khur skye ba gcod dang don mthun sogs/ /ma gtogs sde lnga gzhan la mdor bsdus sbyar/ /zhes bzung ngo/ /bshad tshul 'di ni bam po lnga bcu bar pham lhag bcu bdun dang/ spang ltung dang po dang/ ltung byed 'ba' zhig dang po dang/ sor bshags dang po rnams kyi skabs su 'gro ba gzhan gyi rnam pa bstan pa na dge slong gi 'du shes yod pa la na smad pa med par gsungs pa bzhin du rin chen phreng ba dang sbyir bstan gyi yig cha gnyis kar sbrul tshe dge slong gi 'du shes yod pa la bal 'khur ba dang skyes pa gcod pa sogs ma gtogs sde lnga phal cher gyi dngos gzhi rdzogs par gsungs pas de'i dbang du byas la/ mtsho DIka dang bslab bya chen mo dang yig @010b cha'i gzhi stod sogs ltar na srog gcod bzhi dang pha ma lhag dang po gnyis dang ma byin len te ltung ba bdun ma gtogs pa'i sde lnga gzhan gyi dngos gzhi rdzogs pa la rten gyi gang zag lus tha mal du gnas pa yan lag tu dgos par gsungs te/ bal 'khur dang skyes pa gcod pa dang don mthun dang sbed pa'i ltung byed bzhi rdzu 'phrul gyis byas na na smad dang/ rdzun pham dang 'khrig tshig smra ba la sogs pa'i ltung ba bzhi bcu'i skabs su lus mi snang bar byas na na snang du lung zhu bar gsungs pa'i phyir/ mtsho DIka las; bal 'khur skye ba gcod pa dang/ /don mthun dang ni sbed dang bzhi/ /rdzu 'phrul gyis byas na smad gsungs/ /zhes dang/ pha ma rdzun 'khrig tshig bsnyen bkur dang/ /gzhi med bag tsam bal 'khur dang/ /bden smra don mthun gru dben gnyis/ /'dug gnas 'dus za nyal shom gnyis/ /gcer bu rdeg gzas nub lhag dang/ /smra dang bsnyil bsdud 'gyod bskyed dang/ /rtse dang lhan cig dangs byed sbed/ /gzhi dang skyes med rku dang nyan/ /mi smra ma gus dus min 'gro zas bcas skya rings nga gdod dang/ /so sor bshags bya bzhi rnams te/ /de ltar ltung ba bzhi bcu la/ /lus mi snang byas na smad gsungs/ /zhes gsungs so/ /'di ltar bshad tshul mi mthun pa la kha cig gis srog gcod bzhi pham lhag dang po gnyis ma byin len te bdun ma gtogs pa'i sde lnga gzhan la rten gyi gang zag dge slong rang nyid kyi lus mi snang bar ma byas pa yan lag tu dgos kyang/ lus tha mal du gnas pa yan lag tu mi dgos te/ 'gro ba gzhan gyi rnam pa sten pa la pham pa bzhi ka'i dngos gzhi rdzogs par bam lngar gsungs pa dang/ lus mi snang bar byas pa la rdzun smra'i pham pa sogs ltung ba bzhi bcu'i dngos gzhi mi rdzogs par lung zhu bar gsungs pa gnyis mi 'gal bar bshad tshul yod pa'i phyir dang/ 'gro ba gzhan gyi rnam pa @011a @#/ /sten pa dang lus mi snang bar byas pa gnyis la bcas pa rnam 'jog gi dgag bya rdzogs ma rdzogs kyi khyad par yod pa'i phyir te/ 'gro ba gzhan gyi rnam pa sten bas mi'i chos bla ma smra ba las lus mi snang bar byas pas smra ba ni dgag bya chung bar mngon sum gyis grub pa'i phyir zer mkhan yang yod de/ blo ldan rnams kyi thag gcod mi snga bar dpyod cig /rang la yid gtad pa'i tshe bdag dge slong yin no snyam pa'i 'du shes mngon gyur bskyed thub pa'i mtshon pa'i shes pa rang bzhin du gnas pa de/ skabs 'di'i bsam pa'i yan lag gi ngo bo yin te/ sde lnga'i dngos gzhi rdzogs pa la rang la dge slong gi 'du shes yod mi dgos pa'i phyir dang/ rin chen phreng ba las/ mdos ni shes pa gtad thub pa dang mi thub pa nyid bstan par mngon no/ /zhes dang/ rtsa bar/ bdag ni nyams pa'o snyam pa'i bsam pa can la yang med do/ /zhes gsungs pa'i phyir/ gang la sbyar ba'i gzhi ni ltung ba sde lnga'i dngos gzhi thams cad do/ /shes pa rang bzhin du mi gnas pa de/ 'di'i sel ba'i ngo bo yin la/ dbye na/ gzugs bsgyur ba'i dbang gis dge slong gi 'du shes med par gyur pa dang/ smyo ba dang/ sems 'khrugs pa dang/ tshor bas gzer ba ste gtso bo bzhi dang/ gnyid log pa dang/ rdzas kyis myos pa dang snyoms par zhugs pa dang/ brgyal ba ste gtso bo ma yin pa bzhi dang brgyad do/ /cir 'gyur la gsum las/ dang po sbyor mtha' gnyis kar shes pa rang bzhin du mi gnas na spyor dngos kyi ltung ba gang yang mi bskyed de/ bzlog bsgrub par mi nus pa'i phyir/ gnyis pa sbyor ba'i tshe rang bzhin du mi gnas la mthar thug gi tshe rang bzhin du gnas na sbyor ltung med cing/ dngos gzhi ni sbyor mtha' gnyis ka 'phen pas 'grub pa la ltung med dang/ gnyis ka 'phen pas mi 'grub pa dang @011b gang rung 'phen pas mi 'grub pa rnams la na smad du 'gyur te/ mthar thug yod kyang rang bzhin du gnas pa la sbyor ba med pa'i phyir/ gsum pa sbyor ba'i tshe rang bzhin du gnas la mthar thug gi tshe mi gnas na sbyor ltung 'byung zhing/ dngos gzhi ni gtso po bzhi la ltung ba med la/ phal ba bzhi'i dbang du byas na 'phen pas mi 'grub pa gsum la na smad dang/ sbyor mtha' gnyis kar 'phen pas 'grub pa la dngos gzhi rdzogs par gsungs te/ bshad tshul 'di ltar na med na ni na smad pa nyid do/ /zhes pa sbyor bar shes pa rang bzhin du gnas pa'i dbang du byas te/ DIkar/ sbyor ba tsam kho na la kha na ma thob 'dir 'gyur gyi dngos gzhi nyid du ni mi 'gyur ro/ /'di ni gang gi tshe dge slong dud 'gro la sogs pa'i gzugs kyis mi tshangs par spyod pa byed 'dod pa de'i tshe srid do/ /zhes gsungs pa'i phyir dang/ sbyor mtha' gnyis kar shes pa rang bzhin du mi gnas na ltung med du bshad pa de'i phyir/ 'on kyang rang nyid dud 'gror sprul ba'i dge slong gis dge slong gi 'du shes med par mi la mir 'du shes te bas don dngos gzhi'i rnam pa'i sbom po bskyed par yig char gsungs pas dpyad dgos so/ /shes pa rang bzhin du gnas pa de ltung ba dngos gzhi kun gyi thun mong ba'i yan lag yin te/ ltung ba'i dngos gzhi rdzogs pa la sbyor ba'i dus su shes pa rang bzhin du gnas pa zhig dgos pa'i phyir dang/ bsnyen rdzogs kyi sdom pa gsor rung yan chad dang ldan pa dang/ bslab tshigs gcig pa dang/ bslab rgyun gcig pa dang/ rang rang gi las dang po pa ma yin pa dang/ shes pa rang bzhin du gnas pa ste ltung ba dngos gzhi kun gyi thun mong gi yan lag lnga yod pa'i phyir/ mthar thug gi dus su shes pa rang bzhin du mi gnas pa la ltung ba'i dngos gzhi rdzogs pa yod de/ gnyid log pa la nub lhag dang bud med dang lhan cig nyal ba'i ltung byed 'byung ba yod pa @012a @#/ /gang zhig/ snyoms par 'jug pa la khang ba'i lhag ma 'byung ba yod pa'i phyir/ 'gog snyoms pa la ltung ba gsar du 'byung ba yod med dpyad dgos te/ phyir mi 'ong dang dgra bcom pas mi dge ba gsar bsags med cing/ sems med pa'i rgyud la rnam par rig byed mi 'byung la/ rnam par rig byed ma yin pa'i gzugs la lung ma bstan med pa'i phyir/ 'on kyang ltang ba 'ga' zhig lus ngag tu thon ma thon dang rig byed yod med la rtsod tshul mang ngo/ ()!()gsum pa bslab tshigs kyi yan lag zhar byung bcas pa ston par/ tshigs snga mar zhes sogs mdo tshan bzhi byung/ bslab tshigs snga ma'i rten la sbyor ba byas pa de kho nas bslab tshigs phyi ma dge slong gi rten la mthar thug grub pa la yang sde lnga'i dngos gzhi mi 'byung bar na smad du bstan pa la/ tshigs snga mar sbyor ba byas pa la lang ngo/ /zhes byung/ sngom gsum rim mnos kyi dge slong gi rten la sbyor ba byas nas dge tshul du ba bab pa na mthar thug grub na sbyor ba byed pa po'i tshigs phyi ma dge slong la sbyor ba'i na snang pa de dang ldan par bstan pa la/ phyi ma la yang de dang ldan pa nyid yin no/ /zhes byung/ mdo 'di gnyis kyi don 'di ltar yin par mtsho TIka dang bslab bya chen mo sogs las bshad de slob dpon shAkya 'od kyi dgongs pa'o/ /med du mi rung ba'i sbyor ba brtsams pa nas mthar thug grub pa'i bar bsnyen rdzogs kyi bslab pa'i tshigs dang ldan pa de/ skabs 'di'i yan lag gi ngo bo yin te/ lung zhu bar rdzun smra'i pham pa la sogs pa'i ltung ba bzhi bcu rtsa gnyis ma gtogs sor bshags yan chad kyi sde bzhi po re re la bslab tshigs gcig pa yan lag tu dgos par dngos su gsungs pa rnams 'dir tshig gcig tu bsdus shing rdzun sma'i pham pa la sogs pa la @012b mdor bsdus sbyar ba yin pa'i phyir/ med du mi rung pa'i sbyor ba brtsams pa nas mthar thug grub pa'i bar du bslab tshigs gzhan du 'phos pa de/ skabs 'di'i sel pa'i ngo bo yin la/ cir 'gyur ni/ dge tshul gyi rten la sbyor ba byas nas dge slong gi rten la mthar thug grub pa lta bu la spyir btang la dngos gzhi'i rnam pa'i na smad du 'gyur zhing/ dmigs gsal 'chang 'bral lta bu rnams bslab tshigs kyi sel ba lan smad du 'gyur ba med do/ /lo drug gi stan la bslab tshigs mar 'phos pa la sbyor ltung bskyed kyang yar 'phos pa la ltung ba med do/ /zhu bar pham pa dang po gsum dang lhag ma dang po la sogs pa'i ltung ba bcu gsum gyi skabs su bslab tshigs tha dad pa la dngos gzhi rdzogs par gsungs pa ni bslab tshigs phyi ma'i rten la med du mi rung ba'i sbyor ba yod pa la dgongs par mcho DIka las gsungs so/ /pham pa snga ma gsum dang 'byin/ /'khrig tshig bsnyen dkur smyan byed dang/ /gzhi med bag tsam lhag ma'i skur/ /'debs sbyong gsod dang bcu gsum la/ /zhu bar bslab tshigs tha dad par/ /dngos gzhi rdzogs par gsungs pa ni/ /bslab tshigs phyi mar med mi rung/ /sbyor ba slar yang byas par dgongs/ /zhes bzung ngo/ /rdzas dkon zhing rin che bas bskyed pa'i ltung ba de'i rgyur gyur ba'i rdzas dngos su bkag pa de bas bzang po dkon zhing rin che ba la yang bkag pa de dang ldan par bstan pa la/ rdzas bkag pa bas bzang po la yang de dang ldan pa nyid yin no/ /zhes byung/ rdzas dkon zhing rin che bas bskyed pa de dang bzang ngan 'dra ba la yang bkag pa de dang ldan par bstan pa la/ 'dra ba la yang ngo/ /zhes byung/ yul dus 'ga' zhig tu bal nag so las bal dkar po dkon zhing rin che bar 'gyur na bal dkar pos stan byed na spang @013a @#/ /ltung byung ba lta bu dang/ srin bal dang bzang ngan 'dra ba du ku la'i ras dang rtsa las byas pa'i mon dar gyis stan byang na spang ltung 'byung ba lta bu'o/ /ltung ba'i gzhir gyur pa'i rdzas dkon zhing rin che ba yan lag tu dgos pa'i ltung ba bcu gcig yod de/ srin bal 'ba' zhig cha gnyis dang/ /bal 'khur rmel dang gser dngul reg /mngon mtshan nyo tshong gsong pa slang/ /longs ba khab ral bcu gcig ste/ /rin phreng gsungs shing 'dul 'dzin gyis/ / bal 'khur bal rmel nyo tshong dor/ /zhes bzung ngo/ /DIka dang bam lnga ltar na tshigs snga mar zhes sogs mdo gnyis kyi don sngar bshad pa las gzhan du bshad de/ tshigs snga ma dge tshul la sogs pa'i rten la rku ba la sogs pa'i sbyor ba byas nas bsnyen par rdzogs pa'i rten la mthar thug 'grub na sbyor ba'i nyes byas tsam dang ldan pa yin gyi/ bsnyen par rdzogs pa'i tshe 'dun pa log pas dngos gzhi ltung med du bstan pa la tshigs snga mar zhes sogs byung; dge slong gi rten la rku ba la sogs pa'i sbyor ba byas nas dge tshul tu dbab pa'i rten la mthar thug 'grub na tshigs phyi ma dge slong la yang dge tshul gyi sdom pa'i rgyun dang ldan pa yin pas pham pa dang 'dra ba'i nyes byas kyi dngos gzhi rdzogs par bstan pa la phyi ma la yang zhes sogs byung/ de yang bslab tshigs mar dbab ba'i tshe 'dun pa ma log pa'i rgyu mtshan gyis yin zhing/ bslab tshigs yar 'phos pa'i tshe 'dun pa log pa yin te/ 'dun pa ma log na yan lag nges pa dang ma bral bas sngom pa mi skye bar 'gyur ba'i phyir/ zhes bzhed do/ /mtsho DIk ltar na/ bslab tshigs yar 'phos pa'i tshe 'dun pa log mi dgos te/ yan lag nges ba ni spang bya'i bye brag sbong bar mi 'dod pa @013b yin la/ bsnyen par rdzogs pa la sdom pa'i mi mthun phyogs mtha' dag spong bar 'dod pa tsam gyis chog gi /re re nas dmigs kyis 'gar nas log mi dgos pas bslab tshigs phyi mar dngos gzhi'i na smad 'byung ba la 'gal ba med ces bzhed par snang ngo/ /bzhi pa mtshan gyi yan la gzhar byung dang bcas pa ston par/ mtshan gyur ba ni de'i zhing nyid yin no/ /zhes sogs mdo tsha na dgu byung/ mtshan nyid ci 'dra ba'i ltung ba'i sbyor ba byed bzhin par mtshan gyur ba ni dngos gzhi 'byung ba'i zhing dang/ mtshan nyid ci 'dra ba'i ltung ba rdzogs par byas nas mtshan gyur pa ni dngos gzhi'i ltung ba de so na gnas pa'i zhing du bstan pa la/ mtshan gyur pa ni de'i zhing nyid yin no/ /zhes byung/ de'i mtshan gzhi yod de/ dper na dge slong gis mi pha rol po la 'chi nges kyi mtshon bsnun nas mar mtshan gyur na pha rol po shi ba'i tshe de 'dra ba'i dge slong ma la gsod pham byung ba dang/ smyan byed pa'i lhag ma byung ba'i dge slong de mar mtshan gyur ba'i tshe de 'dra'i dge slong ma'i rgyud la smyan byed pa'i lhag ma de so na gnas pa lta bu yin pa'i phyir/ mtsho DIk las mdo 'di mtshan nyid ci 'dra ba kho na dang sbyar zhing/ rin phreng las ltung ba thams cad la spyir btang ba'i mdor gsungs kyang don mi 'gal bar sems so/ /mtshan phyi ma la te na smad pa'i don te ltung ba chung ba'i sbyor ba byed bzhin par mtshan gyur na sbyor ba'i ltung ba chung ngu so na gnas pa las ltung ba che ba'i dngos gzhi mi bskyed par bstan pa la/ na smad pa'i don gyi sbyor ba gang yin pa nyid las so/ zhes byung/ 'di'i na smad pa ni mtshan phyi ma la ltos na ltung ba chung ngu'i don no/ /de'i mtshan gzhi ni/ dper na/ dge slong mas 'byin pa'i ltung byed kyi sbyor ba byed bzhin par mtshan gyur na mtshan phyi ma'i rten la 'byin lhag mi bskyed @014a @#/ /pa lta bu ste/ mdo 'di ni mtshan snga ma'i rten la ltung ba chung ngu'i sbyor ba byed bzhin par mtshan gyur bas bcas pa cher gyur pa thams cad la sbyar bar bya'o/ /mtshan snga ma'i rten la ltung ba che ba'i dngos gzhi rdzogs par byas pa ni mtshan gyur pa'i tshe bcas pa chung ngur gyur na ltung ba yang de nyid de chung ngur gyur par bstan pa la/ byas pa ni de nyid yin no/ /zhes byung/ de'i mtshan gzhi ni/ dper na/ reg pham byung ba'i dge slong ma mtshan gyur pa'i tshe bcas pa chung ngur gyur pas sngar gyi reg pham yang sbom por gyur pa lta bu'o/ /mdo 'di ni mtshan phyi ma la ltos te ltung ba che ba byung ba'i dge slong de mtshan gyur pa'i tshe bcas pa chung ngur gyur pa thams cad la sbyor dgos so/ /mtshan phyi ma la ltos te na smad pa ste ltung ba chung ngu byung ba'i dge slong mtshan gyur pa'i tshe bcas pa cher gyur ba thams cad la sbyar ba'o/ /mkyang sngar gyi ltung ba chung du de rang gi ste ltung ba chung ngur so na gnas par bstan pa la/ na smad pa ni rang gi nyid do/ /zhes byung/ de'i mtshan gzhi ni/ dper na/ 'byin pa'i ltung byed pa'i dge slong ma de dge slong par mtshan gyur pa'i tshe sngar gyi ltung byed de ltung byed du so na gnas pa yin gyi 'byin lhag tu mi 'gyur ba lta bu'o/ /mdo 'di ni mtshan phyi ma ltos te ltung ba chung ngu byung ba'i dge slong mtshan gyur pa'i tshe bcas pa cher gyur ba thams cad la sbyar bar bya'o/ /mtshan snga ma'i rten la ltung med kyi gzhi la zhugs zin pa'i dge slong de mtshan gyur ba'i tshe bcas pa yod par gyur kyang sngar gyi ltung med so na gnas pa yin gyi/ ltung ba yod par mi 'gyur bar lhung bzed 'chad bas mtshon nas bstan pa la/ zhar bcur ma lon pa ni cha nyid do/ /zhes byung/ de'i mtshan gzhi ni/ dper na/ lhung bzed byin gyis @014b ma rlabs par zhag gcig 'chad ba'i dge slong pha de dge slong mar gyur ba'i tshe lhung bzed zhag gcig 'chang spang gi bcas pa yod par gyur kyang de'i ltung ba yod par mi 'gyur ba dang/ dge slong phas phyi rol du khrims grogs med par gcig bur mtshan mo gnas te mtshan mtha' 'das pa'i rjes su mar mtshan 'gyur ba na mtshan mo 'bral ba'i lhag ma bkag pa'i bcas ldan du gyur kyang mtshan mo 'bral ba'i lhag ma yo9d par mi 'gyur ba lta bu ste/ mdo 'di ni dngos su bstan pa'i cha nas lhung bzed 'chang spang dang/ sbyar yang/ mtshon nas bstan pa 'i cha nas ltung med kyi gzhi la zhugs zin pa'i dge slong mtshan gyur bas bcas pa yod par gyur pa thams cad la sbyar dgos so/ /thun mong ma yin pa'i ltung pa byung ba'i dge slong mtshan gyur pa'i tshe mtshan phyi ma'i rten de sngar gyi ltung ba'i dngos gzhi dang na smad gang gi yang zhing ma yin pa nyid du gyur pa la ni sngar gyi ltung ba de nyams zhing med par 'gyur bar bstan pa la/ zhing ma yin pa nyid la ni nyams so/ /zhes byung/ de'i mtshan gzhi ni/ dper na/ nyin mo 'bral ba'i lhag ma byung ba'i dge slong ma mtshan gyur ba'i tshe nyin mo 'bral ba'i lhag ma med par 'gyur ba lta bu'o/ /mdo 'di ni mtshan gyur pas mtshan snga ma'i rten la byung ba'i ltung ba de'i dngos gzhi dang na smad gang gi yang zhing ma yin par 'gyur ba thams cad la sbyar bar bya'o/ /mtshan gyur ba na ltung ba med par gyur par bshad pa de la ltung ba bcabs pa'i nyes byas med par 'gyur ba ma yin pa ma yin te med par gyur par bstan pa la/ de la nyes pa bcabs pa ma yin pa ma yin no/ /zhes byung/ de'i mtshan gzhi ni/ dper na/ smyan byed pa'i dge 'dun lhag ma byung ba zhag bcur 'chab pa'i dge slong@015a @#/ /de spyir na zhag bcur spo ba spyod dgos kyang/ de 'dra ba'i dge slong de mtshan gyur na lhag ma 'chab pa'i nyes byas de med par gyur pas de 'dag ched du spo ba spyod mi dgos pa lta bu ste/ mdo 'dis ltung ba thams cad kyi 'chab pa mtshan gyur pa na 'dag par bstan te/ pham pa 'chab bcas su byed pa'i 'chab pa de byung ba ni yul dus la ltos mi dgos kyang/ pham pa 'chab pa'i nyes byas byung ba ni yul mtshan mthun pa dang dus zhag gcig// 'das pa la ltos dgos pas de yang mtshan gyur pa na 'dag dgos pa'i phyir ro/ /lhag ma'i ltung ba 'dag ched du dge slong phas zhag drug dang mas zhag bco lnga'i mgu ba rdzogs par spyad zin pa'am cha shas spyad kyang rung dbyung ba ma byas gong du mtshan gyur na sngar mgu ba sbyang ba ni don med du gyur pas slar yang zhag drug gam bco lnga'i mgu ba spyang dgos par bstan pa la/ mgu ba spyad pa ni don med pa nyid yin no/ /zhes byung/ de'i mtshan gzhi ni/ dper na/ gzhi med gyi lhag ma byung ba'i dge slong phas pha'i dge 'dun la zhag drug gi mgu ba ril gyis spyad nas dbyung ba ma byas gong du mtshan gyur na slar yang gnyis ka'i dge 'dun la zhag bco lnga'i mgu ba spyad dgos pa lta bu'o/ /mtshan gyur pa 'di la cho ga ste bcas pa rnams 'phos par gyur pa yin pas/ ltung ba che ba ni chung ngur 'gyur ba dang/ ltung ba yod pa rnams med par 'gyur ba dang/ mgu ba spyad pa ni don med par 'gyur ba ni 'thang pa yin no/ /zhes bstan pa la/ 'di la cho ga rnams 'gyur to/ /zhes byung/ gal te mtshan gyur pa na bcas pa 'gyur bas ltung ba chung ngu yang che bar 'gyur ba dang/ ltung ba med pa yang yod par 'gyur dgos so zhe na/ ma yin te/ mtshan gyur bas ltung @015b pa so na gnas pa 'am che ba chung ngur 'gyur ba dang yod pa med par 'gyur gyi/ chung ngu che bar 'gyur ba dang med pa yod par 'gyur ba ni mi rigs pa'i phyir te/ ltung ba bsrung mi nus pa'i skyon du 'gyur ba'i phyir dang/ bsrung mi nus pa la bcas pa ma mdzad pa'i phyir/ DIkka las kyang/ mtshan gyur pa'i dbang gis na ltung byed lhag pa ni na smad pa nyid du 'gyur gyi na smad pa ni lhag pa nyid du mi 'gyur ro/ /zhes gsungs pa'i phyir/ med du mi rung ba'i sbyor ba brtsams pa nas mthar thug grub pa'i bar mtshan gzhan du mi 'gyur ba de/ skabs 'di'i mtshan gyi yan lag gi ngo bo yin la/ gang la sbyar ba ni mtshan nyid ci 'dra ba ma gtogs pa'i sde lnga gzhan la sbyar dgos so/ /skabs 'di'i sel ba'i ngo bo yod de/ med du mi rung ba'i sbyor ba brtsams pa nas mthar thug grub pa'i bar du mtshan gzhan du 'phos pa de yin pa'i phyir/ cir 'gyur bshad pa la/ 'phros don thun mong dang thun mong ma yin pa'i ltung ba bshad pa dang/ mtshan phyi ma la cir 'gyur ba dngos bshad pa gnyis las/ dang po ni/ dge slong pha ma gnyis ka la ltung ba che chung mnyam par bcas shing thun mong ba'i sdom gyis bsdus pa'i ltung ba de/ skabs 'di'i thun mong gi ltung ba'i mtshan nyid/ dbye na/ sor bshags yan chad kyi sde bzhi'i nang nas thun mong gi ltung ba brgya rtsa gsum yod de/ pham pa bzhi/ lhag ma bdun/ spang ltung bcu dgu/ ltung byed 'ba' zhig pa bdun cu rtsa gnyis/ sor bshags gcig dang bcas pa yod pa'i phyir/ /pham bzhi smyan dang gzhi med bag tsam dang/ /bsgo gyur bzhi dang 'chang spang la sogs bcu/ /gser dngul mngon mtshan nyo tshong ltung bzed tshol/ /'thag gnyis byin 'phrogs @016a @#/ /bsngos bsgyur bsog 'jog go /ltung byed 'ba' zhig bcu tshan dgu de las/ /skrod dang ma bskos la sogs bcu pa dang/ /yang yang bsod pa nyal sar 'dug 'greng dang/ /gdeng med ma lon ras chen bco brgyad po/ /bkol ba'i lhag ma bdun cu rtsa gnyis dang/ /bslab pa dral ba dang ni brgya rtsa gsum/ /zhes bzung ngo/ /bsdu na/ mtshan nyid ci 'dra ba dang/ ming tsam rjes mthun pa gnyis su bsdu ba'o/ /dge slong pha ma gnyis ka la ltung ba che chung mnyam par bcas shing yan lag thun mong ba'i rigs gnas kyi ltung ba de/ mtshan nyid ci 'dra ba'i ltung ba'i mtshan nyid/ dbye na lnga bcu rtsa lnga yod de/ pham bzhi smyan dang skur 'debs gnyis/ /'chang 'jog slong dang slong rigs dang/ /spags pa so sor bskur dang gser/ /mngon mtshan nyo tshong lhung bzed tshol/ /'thag gnyis rdzun 'don bla ma bden; ;sa bon 'debs dang rim lhag dang/ /'dug gnas phye dang dus min dang/ /kha nas mid dang srog chags bcas/ /gcer bu dmag gsum me nub lhag /kha dog longs pa tsha ba'i dus/ /dud 'gro rtse sbed gzhi med dang/ /brku dang brko dang mgron dang chang/ /dus min dus min skya rengs dang/ /khab ral gding g.yan bde gshegs gos/ /de ltar lnga bcu rtsa lnga ru/ /rin phreng gsungs shing mtsho TIka las; ;sbed pa ma grangs spangs za grangs/ /bslab bya chen mor spangs za dang/ /ma gus phyogs gcig gnyis bsnan te/ /lnga bcu rtsa bdun yod bar bshad/ /ces bzung ngo/ /dge slong pha ma gnyis ka la @016b ltung ba che chung mnyam par thun mong du bcas shing yan lag thun mong ma yin pa'i rigs gnas kyi ltung ba de/ ming tsam rjes mthun gyi ltung ba'i mtshan nyid/ dbye na/ der gyur pa'i mtshan mthun yan lag tu dgos pa bzhi bcu/ mtshan mi mthun pa yan lag tu dgos pa lnga/ cho ga 'jig pa'i ltung ba bzhi yod de/ bsgo gyur bzhi dang 'phrog pa dang/ /bsngos bsgyur skyon dang phra ma dang/ /skyon sngogs gnas ngan bshes ngo dang/ /khyad gsod 'phya bsgo khri dang gding/ /phyis gnon 'byung ba spangs par stobs/ /'dus za brdeg gzas gnas ngan len/ /bde dang 'dun pa chos gtam smra/ /dge tshul 'gyod pa sor mo sdangs/ /nyer 'jog nyan rnam smras 'gro; ;ma gus zas bcas da gdod khri/ /gdal dang seng ge las gyur te/ /de ltar bzhi bcu tham pa'o/ /'khrur 'jug pa dang len pa dang/ /khyim pa mo la chos ston dang/ /de dang lam 'gro bud med nyal/ /de ltar de ni lnga yin no/ /'bral dang spangs pa za ba dang/ /gsog 'jog byed dang za ba bzhi/ /de dag ming tsam rjes mthun gyi/ /ltung ba bzhi bcu rtsa dgur gsungs/ /zhes bzung ngo/ /'on kyang thun mong gi ltung ba brgya rtsa gsum las lhag par mi 'gyur te/ phyi dro grong du rgyu ba'i ltung byed mtshan nyid ci 'dra ba dang/ snga dro grong du rgyu ba'i ltung byed ming tsam rjes mthun yin par so sor grangs pa'i phyir/ bslab bya chen mor spangs za ma grangs par rim lhag phyogs gcig grangs nas bzhi bcu rtsa dgur bshad cing/ mtsho DIka las spangs za ma grangs par sped pa grangs par mngon no/ /dge slong pha ma gnyis ka la ltung ba che chung mnyam par thun mong du ma bcas pa'i rgyu @017a @#/ /mtshan gyis thun mong ma yin pa'i sdom gyis bsdus pa'i ltung ba de/ skabs 'di'i thun mong ma yin pa'i ltung ba'i mtshan nyid/ dbye na/ pha'i sor bshags yan chad kyi thun mong ma yin pa'i ltung ba sum cu rtsa brgyad dang/ ma'i sor bshags yan chad kyi thun mong ma yin pa'i ltung ba brgya dang bzhi bcu rtsa dgu yod de/ pha'i lhag ma drug dang spang ltung bcu gcig dang ltung byed 'ba' zhig pa bco brgyad dang sor bshags gsum te so brgyad dang/ ma'i pham pa bzhi dang lhag ma bcu gsum dang spang ltung bcu bzhi dang lhung byed 'ba' zhig pa brgya rtsa brgyad dang sor bshags bcu ste brgya dang zhe dgu yod pa'i phyir/ 'byin reg 'khrig tshig bsnyen ba kur khang pa gnyis/ /srin pa la sogs bdun lhung 'chang brtad pa dang/ /dgon 'bral ras chen skrod dang ma bskos ril/ /yang yang bsod pa nyal shol 'dug 'greng dang/ /gding med ma lon ras chen sor bshags gsum/ /pha yi thun mong min pa so brgyad dang/ /pham pa bzhi dang lhag ma bcu gsum dang/ /spang ltung bcu bzhi ltung byed brgya rtsa brgyad/ /sor bshags bcu ste brgya dang zhe dgu ni/ /ma yi thun mong min pa'i ltung bar bshad/ /ces bzung ngo/ /de dag thun mong ma yin par 'gyur tshul yod de/ pho mo gnyis mtshan mi 'dra bas lus mi 'dra zhing/ lus mi 'dra bas de la rten pa'i bsam pa mi 'dra la bsam pa mi 'dra bas des kun nas bslang ba'i lus ngag gi nyes spyod mi 'dra ba yod cing/ de'i phyir de bkag pa'i bcas pa mi 'dra bar 'gyur ba'i phyir/ de ltar yang DIkka las/ gang gi phyir lus kyi bye brag @017b gis bsam pa'i bye brag tu 'gyur la/ bsam pa'i bye brag gis ltung ba'i bye brag tu 'gyur zhing/ ltung ba'i bye brag gis bcas pa'i bye brag tu 'gyur bas/ dge slong ma rnams kyi 'dul ba logs shig tu rnam par bzhag ;ces gsungs pa'i phyir/ pha ma'i thun mong ma yin pa'i ltung ba phan tshun mi 'dra bar bzhag tshul yod de/ che chung ngam sde tshan mi 'dra ba dang/ yod med mi 'dra ba dang/ dbye ba mi 'dra ba dang/ skyes dus mi 'dra ba gang rung gis bzhag pa'i phyir/ dang po yod de/ reg pa'i ltung ba dang 'byin pa'i ltung ba lta bu de yin pa'i phyir/ gnyis pa yod de/ dgon pa pa'i 'bral spang dang nyin mo 'bral ba'i lhag ma lta bu de yin pa'i phyir/ gsum pa yod de/ dben par 'greng ba dang skrod pa'i ltung byed lta bu de yin pa'i phyir/ bzhi pa yod de/ lhung bzed 'chang spang lta bu de yin pa'i phyir/ gnyis pa mtshan phyi ma la cir 'gyur ni; mtshan nyid ci 'dra ba'i ltung ba rnams mtshan snga ma'i rten la sbyor ba byas pas mtshan phyi ma'i rten la dngos gzhi bskyed pa dang/ mtshan snga ma'i rten la dngos gzhi rdzogs pa rnams mtshan phyi ma'i rten la so na gnas pa'o/ /ming tsam rjes mthun gyi nang nas mtshan mthun yan lag tu dgos pa rnams dang/ thun mong ma yin pa 'byin reg la sogs pa rnams mtshan snga ma'i rten la sbyor ba byas kyang mtshan phyi ma'i rten la dngos gzhi mi bskyed pa dang/ mtshan snga ma'i rten la dngos gzhi rdzogs pa rnams mtshan phyi ma'i rten la ltung ba chung ngur 'gyur ro/ /ming tsam thun mong ba'i mtshan mi mthun pa yan lag tu dgos pa dang cho ga 'jig pa'i ltung @018a @#/ /ba rnams dang/ thun mong ma yin pa ma bskos pa dang nyi ma nub pa la sogs pa rnams mtshan snga ma'i rten la sbyor ba byas kyang mtshan phyi ma'i rten la ltung ba mi bskyed pa dang/ mtshan snga ma'i rten la dngos gzhi rdzogs pa rnams mtshan phyi ma'i rten la med par 'gyur ba yin te/ lus dang bsam pa 'gyur ba ni ltung ba che ba chung ngur 'gyur ba dang/ ltung ba yod pa med par 'gyur ba'i rgyu yin gyi/ de las bzlog pa'i rgyur mi 'gyur pa'i phyir/ rgya cher 'grel pa las/ des na lus dang bsam pa dag ni ltung ba na smad pa'i rgyu'i dngos po bsgrub par 'gyur gyi/ lhag pa'i rgyu'i dngos po bsgrub par ni mi 'gyur ro/ /zhes gsungs pa'i phyir/ dge slong ma'i ltung ba thun mong ma yin pa sdom du byas na 'di ltar te/ skyes pa'i lus la reg pa dang/ /skyes pa chags phyir lus bkan dang/ /mtshan mthun pham pa 'chab pa dang/ /gnas nas dbyung ba'i dge slong gis/ / bzod gsol byed pa las zlog pa'i/ /pham pa thun mong min pa bzhi/ /gla len pa dang len 'jug dang/ /mtshan mo bral dang nyin mo bral/ /lam 'jug chu klung brgal ba dang/ /rab tu 'byin dang shi nor len/ /bzod pa gsol 'jug dkon mchog spong/ /'thab krol byed dang sde zhing gnas/ /der 'jug dang ni bcu gsum ste/ /thun mong min pa'i lhag mar bshad/ /lhung 'chang chos gos ma rlabs dang/ /sra rkyang 'byin dang ma byin dang/ /rin chen slong dang gos za dang/ /gos kyi rgyu dang mal cha'i rgyu/ /dbyar khang rgyu ni za ba dang/ /skyes bu mang por bsngos pa dang/ /dge 'dun bsngos pa rang la bsgyur/ /bcings pa krol du 'jug pa dang/ /gos @018b lci ba dang yang ba brten/ /sger gyi spang ltung bcu bzhi'o/ ! /bcu gnyis ma lon bsnyen rdzogs byed/ /'khor dang 'khor mang 'jog pa dang/ /bcu gnyis nyi shu ma lon pa/ /bsnyen par rdzogs par byed pa dang/ /lon yang tshigs las 'das pa gnyis/ /lo gnyis ma bslab bsnyen rdzogs byed/ /bslab zin bsnyen rdzogs mi byed pa/ /chos 'tshong 'drid pa 'khor mang gsog /ma gnad 'khrul ba sbrum ma dang/ /mya ngan rtsa ba krol bsdud pa lnga/ /phan mi 'dogs dang mi 'drin dang/ /mi slob nad g.yog mi byed pa/ /'dod pa bsten dang bsten ltar bcos/ /bsten ltar gnod dang bsten bya 'chos/ /khyim pa dge slong dben 'greng gnyis/ /bla gab med par de 'dra gnyis/ /khyim par bshub smra de las nyan/ /dge slong la yang de 'dra gnyis/ /khyim las rig pa len dang klog /rma bcings krol 'jug bu gzhan 'tsho/ /khyim du ma 'dris nyal ba dang/ /ma brtags gcig bur nyal ba gsum/ /dge slong ma dang reg ste nyal/ /lus la dge slong ma dang ni/ /dge slob ma dang dge tshul ma/ /khyim pa mo dang mu stegs mos/ /dril phyi byed du 'jug pa lnga/ /bkru bshal byed 'jug dri zhim bskud; ;'bru mar tshig mas bskud pa gsum/ /bud med lag sbrel chur khrus byed/ /pu shel ci dang so mang dang/ /smyug dang gsum kas skra bshad bzhi/ /sgra rnyan bkab dang khyim rgyan thogs/ /bro rdung glu len rol mo byed/ /gdugs thogs pa dang mchil lham gyon/ /khri'u'i bsnyen bkur nyams myong ba/ /thugs thub byed dang log thabs byed/ /skud pa 'khal dang dge slong ma'i/ /tshogs kyi gos ni bdag gir byed/ /zas @019a @#/ /'tshong ba dang khyim las byed/ /rjen 'tshod lto 'dun sgog skya za/ /sme khab chu gos mi 'chang gnyis/ /'khrur 'jug gos sbyin snam sbyar brje/ /dge slong ma gzhan bsngags pa dang/ /khyim dang gnas dang rnyed pa dang/ /chos la ser sna byed pa lnga/ /dbyar khang dang ni khyim gzhan nas/ /dge slong ma gzhan skrod pa gnyis/ /gleng dren byed dang mna' 'dor ba/ /khro bas rang la rdeg pa dang/ /dge 'dun ma la 'phya smod spyo/ /dge slong la ni chus 'thor ba/ /'khrug long yal bar 'dor ba dang/ /zhag lon 'dun pa mi sbyin pa/ /zla phyed gdams ngag mi myong dang/ /'dun pa ma blangs gso sbyong byed/ /dge 'dun pha med dbyar khas blangs/ /gnyis kar dgag dbye mi byed pa/ /dbul por sra rkyang sbyor 'jug dang/ /dbyung dang rnyed pa'i gos 'gyed phyir/ /tshogs pa mi sbyin pa gnyis dang/ /dbyar khang ma gtad 'gro ba dang/ /dbyar nang ljongs rgyur 'gro ba dang/ /dbyar gyi 'og tu mi 'gro dang/ /dogs bcas mi mthun sar 'gro gnyis/ /gzhan du song ste 'thab krol byed/ /skabs mi phye bar chos 'dri dang/ /phyi sar gcig bur 'gro ba dang/ /rtswa sngon po la bshang ba dor/ /ma ltas bshang pa dor ba ste/ /brgya rtsa brgyad po 'di dag ni/ /ltung byed thun mong min par bshad/ ! /'o ma dang ni zho dang mar/ /zhun mar 'bru mar sbrang rtsi dang/ /bu ram dbu ba nya sha dang/ /sha dang sha skam bslangs zos pa'i/ /sor bshags thun mong min pa brgya drug cu rtsa bzhir 'gyur la/ 'di ni ma'i so thar dang dag ni sor @019b bshags yan chad kyi dbang du byas shing/ thun mong ba brgya rtsa gsum dang nyes byas brgya dang bcu gnyis te sum brgya drug cu rtsa bzhir 'gyur la/ 'di ni ma'i so thar dang mdo rtsa 'grel gyi bshad tshul lo/ /ma'i rnam 'byed kyi bshad tshul ltar na/ ma'i so thar gyi sdom gyis ma bsdus pa'i ltung byed bcu drug bshad de/ mtsho DIka las/ srin bal brtad byung dben par 'dug pa bzhi/ /nyal sar 'dug 'greng gnyis dang gding med spyod/ /nyer gnas ma byas gding ba gcig nyal dang/ /khang pa gnyis lha gar glu rol mo blta/ /zhes gsungs shing/ mkhas pa bu ston gyis/ da lta bod na yod pa'i dge slong ma'i rnam 'byed 'di/ gzhi thams cad yod par smra ba'i dge slong ma'i rnam 'byed ma yin te/ dge slong ma'i so thar dang sdom tshig dang/ ltung ba'i grangs dang/ go rim dang/ ltung ba'i ngo bo sogs mi mthun pa du ma yod pa'i phyir/ zhes gsungs so/ ()!() gnyis pa yul gyi yan lag bshad pa la/ de'i tshe lus byed pa po nyid yin no/ /zhes sogs mdo tshan bzhi byung/ 'di la bzhi las/ dang po 'das ma 'ongs la dogs pa bcad nas da ltar gyi lus de ltung ba'i byed pa por ston pa ni med du mi rung ba'i sbyor ba dang mthar thug grub pa'i dus kyi lus nyid ltung ba'i byed pa po nyid yin gyi/ med du mi rung ba'i sbyor ba'i snga rol dang mthar thug grub pa'i phyi rol gyi lus nyid ltung ba de'i byed pa po ma yin par bstan pa la/ de'i tshe lus byed pa po nyid yin no/ /zhes byung/ de'i mtshan gzhi ni/ dper na/ dge slong gis skyes pa'i lus la reg pa'i sbyor ba@020a @#/ /brtsams pa na med du mi rung ba'i sbyor ba'i snga rol du reg yul gyi skyes pa de bud med du 'gyur na bud med kyi lus de nyid reg pa'i lhag ma'i byed pa po yin gyi/ sngar gyi skyes pa'i lus de lhag ma de'i byed pa po ma yin pa bzhin no/ /lus ni mtshon tsam yin te/ de'i tshe mtshan mthun pa byed pa po nyid yin/ de'i tshe lta ba mthun pa byed pa po nyid yin no/ /zhes sogs med du mi rung ba'i sbyor ba nas mthar thug grub pa'i bar du gzhi'i yan lag gi khyad chos su gsungs pa rnams tshang dgos shing/ dus der ma tshang na gzhan du tshang yang dngos gzhi mi bskyed pa dang/ dus der tshang na dus gzhan du ma tshang yang dngos gzhi bskyed par bstan to/ /dmigs gsal yang yod de/ mngal na gnas pa smyan byed pa la med du mi rung ba'i sbyor pa'i dus su mtshan rten rung med pa dang/ khang pa khang chen la mthar thug gi dus su gzhi dag par gyur kyang med du mi rung ba'i sbyor ba rmang rtsugs pa lta bu'i tshe srog chags shi ba dang rtsod pa dang bcas pa lta bu gzhi ma dag pas ltung ba dngos gzhi bskyed pa yod pa'i phyir/ med du mi rung ba'i sbyor pa ni/ sbyor ba gang yod na de la ltos pa'i dngos gzhi 'byung la sbyor ba de ldog na dngos gzhi ldog dgos pa'o/ /gnyis pa skye gnas gzhan la dogs pa bcad nas 'gro ba gar gtogs ltung ba'i byed pa por ston ba ni/ mi las 'gro ba gzhan mi ma yin pa 'am dud 'gro las skyes pa'i mi de rang gi ste mi'i 'gro ba nyid ma yin pa ma yin pa dang/ mi las skyes pa'i dud 'gro sogs kyang rang rang gi 'gro ba nyid yin pas rang rang gi ltung @020b pa'i byed pa por bstan pa la/ ! gzhan las skyes pa ni rang gi 'gro ba nyid ma yin pa ma yin no/ /zhes byung/ de'i mtshan gzhini/ dper na/ khrung khrung mo las skyes pa'i gnas brtan grags dang nya grags lta bu bsad na gsod pham dang/ de'i rdzas rin thang tshang ba rkus na rku pham gyi dngos gzhi bskyed pa bzhin no/ /mi las skyes pa'i mi ma yin pa bsad na dngos gzhi'i spom po dang/ mi las skyes pa'i dud 'gro bsad na ltung byed du 'gyur pa sogs la sbyar dgos shing/ zad par ting nge 'dzin las skyes pa'i sa chu me gsum kyang rim bzhin sa rko ba dang chu la rtse ba dang me la reg pa'i ltung byed kyi yul du sa chu me gsum phal pa dang mtshungs par bshad do/ /gsum pa dbyibs dang kha dog la dogs pa bcad nas shes rgyud gar gtogs ltung ba'i byed pa po ston pa ni/ mi 'ga' zhig sngags dang rdzas sogs kyis 'gro ba gzhan dud 'gro la sogs pa'i rnam pa sten pa la mir 'du shes sam gzhan du 'du shes kyang rung 'di bsad do snyam du rten nges par bzung ste bsad pa la yang pham pa kho nar 'gyur te/ de mi yin pa'i phyir/ de bzhin du mi ma yin pa 'am dud 'gro sogs 'gro ba gzhan gyi rnam pa sten pa bsad pa la yang der 'du shes sam gzhan du 'du shes kyang rung rang rang gi gsod pa'i ltung ba'i dngos gzhi bskyed par bstan pa la/ 'gro ba gzhan gyi rnam pa rten pa bsad pa la yang ngo/ /zhes byung/ de yang mi dud 'gror sprul pa la mir 'du shes pas bsad na sbyor bar spom po dang dngos gzhir pham pa bskyed cing/ de la dud 'gror @021a @#/ /'du shes te bsad na sbyor ba la nyes byas dang dngos gzhi la pham pa bskyed pa sogs gsod pa'i ltung ba gzhan la yang rigs pa de ltar sbyar dgos te/ sbyor ba la 'du shes yan lag dang/ dngos gzhi la don nyid yan lag yin pa'i phyir/ rtsa bar/ sbyor ba la ni 'du shes yan lag yin no/ /bsam pa la ni de nyid do/ /zhes gsungs pa'i phyir/ dgra bcom pa ma yin pa'i 'du shes kyis dgra bcom pa bsad pa na yang mtshams med bsags te/ 'di gsod do snyam du rten nges par bzung ba'i phyir/ gtsug phud can gyis pha dgra bcom thob par ma shes par bsad pa yin yang mtshams med gnyis bsags par lung las gsungs pa'i phyir/ DIkar/ 'dir utra ya na'i rtogs ba brjod pa dran par bya ste/ 'di ltar gtsug phud can gyis phas dgra bcom pa nyid thob par ma shes su zin kyang/ phas bu la khyod kyis mtshams med pa gnyis byas te/ pha bsad pa'i phyir dang dgra bcom pa bsad pa'i phyir zhes sbring ba la sogs pa lta bu'o/ /zhes gsungs so/ /mi dud 'gror sprul pa dud 'gror 'du shes te bsad pa lta bu la gsod 'dod kyi kun slong skyes pa'i gzhi dang 'du shes kyis dmigs pa'i gzhi gnyis rgyud cig pa'i phyir pham pa bskyed la/ lhas byin gsod 'dod kyi kun slong gis nor nas mchod sbyin bsad pa la pham pa mi 'byung ste/ gsod 'dod skye ba'i gzhi lhas byin dang 'du shes kyis dmigs pa'i gzhi mchod sbyin rgyud tha dad pa'i phyir ro/ /tshul 'di srog gcod kho nar sbyar ba yin gyi @021b ma byin len sogs ltung ba gzhan la sbyar ba min te/ DIka las/ mdo 'di ni ma byin par len pa la sogs pa ltung byed kyi sde thams cad la sbyar ba min gyi srog gcod pa'i skabs 'ba' zhig dang sbyor ro/ /zhes gsungs pa'i phyir/ 'o na mi'i sprul pa dud 'gror 'du shes te bsad pa la sbyor bar nyes byas dngos gzhir pham ba bskyed na rtsa bar/ sde tshan de la gal te dngos gzhi yin na sbom po'o/ /zhes pham pa'i sbyor ba sbom por gsungs pa dang/ de'i cha ni der gtogs so/ /zhes ltung ba gzhan gyi kun slong gis ltung ba gzhan mi bskyed par gsungs pa dang 'gal lo zhe na/ mdo dang po dang mi 'gal te/ 'dis ni pham pa'i sbyor ltung la spom po yin pas khyab par gsungs pa yin la/ mi'i sprul pa dud 'gror 'du shes te bsad pa la dud 'gro gsod pa'i ltung byed kyi sbyor ltung 'byung ba yin gyi/ pham pa'i sbyor ltung mi 'byung ba'i phyir te/ sbyor ltung med pa'i pham pa yod pa'i phyir/ sbyor ltung med pa'i rku pham yod pa'i phyir/ rtsa bar/ sbyor ba la de med na de ma byas pa nyid ma yin no/ /zhes dang/ 'od ldan las ci ste dngos gzhi la brku ba'i sems nyid yod na de'i tshe dngos gzhi kho na yin gyi sbyor ba'i ltung ba ni med do/ /zhes sbyor ba'i dus su rku sems med la dngos gzhi'i dus su rku sems yod na sbyor ltung med pa'i pham pa bskyed par bshad pa'i phyir/ 'di ltar rin chen phreng bar bshad do/ /'on kyang yig char sbyor dus rku sems med la dngos gzhi'i dus su yod na dngos gzhi'i sbom po dang/ sbyor ba'i thog mar @022a @#/ /rku sems med la sbyor ba'i tha mar rku sems yod na sbyor spom dang pham pa gnyis ka bskyed par lung zhu ba drangs nas bshad cing/ 'od ldan gyi lung 'dis dngos gzhi'i spom po med par 'dod pa bkag bar gsungs pas dpyad gzhi che'o/ /mdo gnyis pa dang mi 'gal te/ de ni kun slong gi rnam pa tha dad pa'i dbang du byas la/ ltung byed kyi sbyor bas pham pa bskyed pa ni kun slong gi rnam pa tha mi dad pa'i phyir te/ gnyis ka gsod 'dod kyi kun slong du mtshungs pa'i phyir/ rin chen phreng bar ltung byed kyi sbyor bas pham pa bskyed par 'gyur ro zhe na/ kun slong gi rnam pa tha mi dad pa'i phyir nyes pa med do// zhes gsungs pa'i phyir/ mtsho DIka las bshad tshul 'di dgag nas rang lugs la srog gcod bzhi dang pham lhag dang po gnyis dang ma byin len te ltung ba bdun la ltung ba bskyed pa'i yul de nyid lus tha mal du gnas pa mi dgos par srog gcod pa'i mtshon nas bstan par 'gro ba gzhan gyi zhes sogs gsungs pa dang/ sngar bshad pa'i ltung ba bdun ma gtogs pa sems can las gyur pa'i ltung ba rnams la ltung ba bskyed ba'i yul gzugs gzhan du sprul pa ma yin pa yan lag tu dgos par bshad cing/ dgra bcom pa ma yin pa'i 'du shes kyis dgra bcom pa bsad pa la dgra bcom pa bsad pa'i 'tshams med mi 'byung bar 'od ldan gyi lung drangs nas bshad do/ /mdzod rang 'grel dang rgya cher DIkka sogs dang bshad tshul mi mthun zhing/ 'od ldan du bshad pa 'di ni 'dul ba'i rjes 'brang mngon pa pa'i lugs yin par bla ma gung thang @022b ba'i rten 'brel du bshad do/ /bzhi pa yon tan gyi cha la dogs pa bcad nas 'phen pa gcig gis bsdus pa'i lus ltung ba'i byed pa por ston pa ni/ mi 'ga' zhig so so skye bo'i gnas skabs las gzhan dgra bcom pa la sogs pa thob pa ni mi las gzhan du gyur pa nyid ma yin pas gsod pham la sogs pa mi las gyur pa'i ltung ba rnams bskyed par bstan pa la/ ! gnas skabs gzhan thob pa ni gzhan nyid ma yin no// zhes byung/ de'i dmigs gsal la dgra bcom pa'i rdzas rku ba la pham par mi 'gyur bar mtsho DIka las bshad kyang/ bshad tshul 'di rin phreng du dgag cing/ dbu ma'i yig char yang dgra bcom pa'i rdzas rkus na pham par bshad do/ /dgra bcom pa la sogs pa rdzu 'phrul thob pa yul du byas pa las 'khrig tshig smra ba la sogs pa mtshan mi mthun pa la chags pa dgag byar byas pa'i ltung ba dngos gzhi mi bskyed pa dang/ 'phags pa dbye ba'i yul du byas pa las dbyen lhag tu mi 'gyur ba dang/ de go bya'i yul du byas pa las gnas ngan len brjod pa dang mi chos bla ma bden smra'i ltung byed mi bskyed pa dang/ 'phags pa sbyin bdag tu byas pa las 'dug gnas su za ba'i ltung byed mi bskyed pa dang/ de sbyin bya'i yul du byas pa las gcer bur zas sbyin pa'i ltung byed mi bskyed pa sogs so/ ! /gsum ba ltung ba tha dad du skye lugs zhar byung dang bcas pa bshad pa la/ nyes pa de med pa nyid la ni 'ong ba ni tha dad do/ /zhes sogs mdo tshan brgyad byung/ 'di la drug las/ bslab rgyun tha dad pas ltung ba tha dad pa ni/ ltung ba'i @023a @#/ /sbyor ba byas nas mthar thug grub pa'i snga rol du ltung ba de'i bcas ldan ma yin pa'i khyim par dbab nas slar yang bsnyen par rdzogs pa'i gnas skabs su mthar thug grub na bslab rgyun snga phyi gnyis su ltung ba 'ong ba ni tha dad pas phyir bcos so sor byas dgos par bstan pa la/ ! nyes pa de med pa nyid la ni 'ong ba ni tha dad do/ /zhes byung/ de yang dper byas na khang pa'i lhag ma'i sbyor ba byas bzhin par khyim par dbab nas slar yang bsnyen par rdzogs pa'i gnas skabs su khang pa grub na bslab rgyun snga ma'i rten la sbyor ba'i spom po dang/ bslab rgyun phyi ma'i rten la dngos gzhi'i rnam pa'i spom po'i ltung ba tha dad gnyis byung bas phyir bcos kyang so sor bya dgos pa lta bu ste/ ltung ba phal cher la bslab rgyun snga phyir ltung ba tha dad du byung tshul de ltar sbyar dgos kyang/ gnang la tshad bzung gi ltung ba rnams la bslab rgyun snga phyir ltung ba tha dad du byung tshul med do/ /DIkka las mdo lo drug gi stan gyis mtshon nas bstan te/ de nyid las/ dge slong gis stan gcig byas nas lo drug ma lon par/ lo drug po de nyid kyi nang du stan gzhan zhig brtsams nas khyim par dbab cing yang phyis bsnyen bar rdzogs nas des stan gzhan zhig byed cing de zin par byas na de'i 'og tu dus ma yin pa kho nar sngar stan brtsams pa de yang zin par byed na de'i tshe brtson pa dang zin par byed pa'i mtshan nyid snga phyi'i cha de gnyis ltung ba tha dad pa'i byed pa po nyid yin te/ de la snga ma dbab pa'i mdun rol tu dus ma yin par stan gzhan brtsom pa'i cha snga ma de ni sbyor ba las byung ba'i @023b nyes byas kyi byed pa po nyid yin no/ /phyis bsnyen bar rdzogs nas stan gzhan zhig byed cing de zin par byas pa de la ni nyes pa med do/ /de'i 'og tu dus ma yin pa kho nar sngar stan brtsams pa de yang zin bar byed pa'i cha phyi ma de ni spang ba'i ltung byed kyi dngos gzhi'i byed pa po nyid yin pa lta bu dang/ zhes gsungs pa'i phyir/ 'dir sngar gyi 'phro zin par byed pa la ltung ba dngos gzhi 'byung bar gsungs pa dang rtsa bar phyed byas pa la byed pa ni phyed nyid do/ /zhes pa gnyis 'gal lo zhen/ de la bshad tshul gsum byung ste/ DIkkar dngos gzhi 'byung bar gsungs pa ni cha phyi ma stan gyi tshad du lon pa'i dbang du byas pa yin par mtsho DIga gi mchan bur bshad pa dang/ DIkka'i lung de rang the ba'i 'phro dang/ rtsa ba'i lung ni gzhan gyis byas pa'i 'phro zin par byed pa'i dbang du byas pa 'am/ yang na DIkka'i lung de mthar thug gi byed pa grub zin pa tsam la dgongs zhes pa'i bshad tshul gnyis rin chen phreng bar bkod pa'i phyir/ mdo 'dis med du mi rung ba'i sbyor ba nas mthar thug gi bar bslab rgyun gcig pa'i yan lag bstan te/ ltung ba dngos gzhi kun gyi thun mong ba'i yan lag yin no/ ! /gnyis pa bsam rgyun tha dad pas ltung ba tha dad pa ni/ dge slong gis khang pa'i phyed brtsigs pa lta bu sbyor ba brtsams pa nas bsam pa thag pa nas byed 'dod ldog te btang ba de slar yang 'phro zin par byed na bsam rgyun snga phyi gnyis su sngar bzhin ltung ba tha dad par bstan pa la/ ! btang ba yang ngo/ / @024a @#/ /zhes byung/ mdo 'dis med mi rung ba'i sbyor ba brtsams pa nas mthar thug grub pa'i bar skabs byed 'dod ma log pa'i bsam rgyun gcig pa'i yan lag bstan te/ lung zhu bar khang pa khang chen rim lhag la sogs pa'i ltung ba bcu gcig gi skabs su bsam pas gtong na na smad du gsungs pa'i phyir/ mtsho DIkka las/ khang pa khang chen rim lhag dang/ /gos byed khab ral la sogs bdun/ /de ltar ltung ba bcu gcig la/ /bsam pas gtong na na smad gsungs/ /zhes gsungs pa'i phyir/ lung du na smad tsam las ma gsungs kyang 'dir tha dad do zhes pas lung gi dgongs pa gsal bar byed pa'o/ /gsum pa bcas pa tha dad pas ltung ba tha dad pa ni/ gzhi 'am bya ba gcig la bcas pa'i rigs du ma bcas pa la ni bcas pa'i grangs ji snyed ba las 'das pa de snyed kyi ltung ba 'byung bar bstan pa la/ gzhi gcig la du ma nyid bcas pa la ni ji snyed pa de snyed kyi nyes par 'gyur ro/ /zhes byung/ 'di yang lung zhu ba las/ dge slong gis skad cig spyad pas ltung ba bzhir 'gyur ba mchis sam/ u ba li yod de/ byin len ma byas pa mi rung ba/ gsog 'jog tu bzhag par gyur pa/ dus ma yin par za ba'o/ /zhes gsungs so/ /de bzhin du rdzun gyis skyon nas smra ba dang rdzun gyis phra ma byas pa dang/ dge tshul bsnyil ba dang lhan cig tu zhag gsum nyal ba dang/ bud med bsnyen par ma rdzogs pa dang lhan cig tu zhag gsum nyal ba lta bu ste/ lung zhu ba las/ @024b dge slong gis bsnyen par ma rdzogs pa'i gang zag dang lhan cig dgung gsum nyal ba la ltung byed gnyis 'byung ba mchis sam/ yod de zhag gnyis dge tshul dang lhan cig nyal ba la/ zhag gsum pa la khyim pa mo dang lhan cig nyal ba la'o/ /zhes gsungs so/ /nub lhag nyal ba'i ltung byed la ngo ma spos pa yan lag ma yin par 'dis grub po/ /bcas pa tha dad bas ltung ba tha dad du 'gyur ba de ltung ba gcig la ldog cha nas phye bar rin chen phreng bar gsungs te/ de nyid las/ mdzod DIka tu/ gang zhig gis pha dgra bcom pa bsad na yang de la mtshams med pa ni gcig kho nar 'gyur te/ rten gcig pa'i phyir ro/ /song la skra can la/ khyod kyis ni mtshams med pa gnyis byas te/ pha gsad pa gang yin pa dang/ gang yang dgra bcom pa bsad pa'o zhes smos shig ces bya ba rtogs pa brjod pa 'di ji lta bu zhe na/ rgyu gnyis kyis zhes brjod par bya'o/ / yang na sgo gnyis nas spyos pa yin no zhes dang/ rnam DIka tu/ srog chags gcig bsad pa la las kyi lam dngos gzhi gnyis mi srid pas 'dir mtshams med pa gcig la ming gnyis su btags te 'gyod pa bskyed par bya ba'i phyir ming gnyis su brjod do zhes bshad pa ltar na/ bcas pa du ma dang 'gal ba'i ldog pa nas btags par 'ong ngo/ /mtshams med pa gcig pu ni dgra bcom bsad pa'i mtshams med du rgyal sras gsung ngo/ /zhes gsungs pa'i phyir/ ! bzhi pa kun slong tha dad pas ltung ba tha dad pa ni/ cha can pha ma pa lta bu'i ltung ba lci ba de'i char gyur pa'i ltung ba yang ba bcas pa'i rigs tha dad rnams ni char gyur pa'i@025a @#/ /ltung ba yang ba der gtogs pa yin gyi/ cha can ltung ba lci bar mi gtogs par bstan pa la/ de'i cha ni der gtogs so/ /zhes byung/ de dper byas na/ mi tshangs spyod kyi pham pa'i char gyur pa'i 'khu ba 'byin pa'i lhag ma ni cha gyur 'byin lhag der gtogs pa yin gyi/ cha can pham pa dang po'i der gtogs ma yin pa bzhin te/ de'i rgyu mtshan ni cha can pham pa dang po dang de'i cha 'byin lhag gnyis kun slong tha dad pa'i phyir/ mi tshangs spyod kyi cha la cha shas kyis char gyur pa dang char gtogs pas char gyur pa gnyis las/ 'byin reg lta bu ni char gtogs pas char gyur pa yin gyi/ cha shas kyis char gyur pa sbyor spom lta bu yin pa dgog par rin chen phreng bar gsungs pa ni bshad tshul snga ma dang gnad gcig go /'khu ba 'byin pa la 'byin lhag tu 'gyur bar sngar bstan kyang mdo 'di ni ha cang thal pa sel ched gsungs pa yin te/ DIkkar/ mdo 'dis ma brjod pa ni cung zad kyang mi brjod kyi ha cang thal bar 'gyur ba sel bar byed de/ zhes dang/ rin chen phreng ba las/ 'khu ba 'byin pa'i 'dun bas khu ba phyung ba la mi tshangs bar spyod pa'i spom po yin na ha cang thal te/ kun slong gi rnam pa tha dad pa'i ltung ba gzhan gyi kun slong gis ltung ba gzhan slong bar 'gyur ba'i phyir ro/ /des na de ni 'byin pa'i lhag ma yin gyi pham pa'i spom pa min zhes sel te/ zhes gsungs pa'i phyir/ des na ltung ba gzhan gyi kun slong gis ltung ba gzhan bskyed pa spyir btang la med de/ lung zhu ba las/ dge slong gis dge slong la brdeg kyang ltung byed du mi 'gyur ba mchis sam/ u pa li yod de/ rtsed mor bsam te brdegs sam pa sad par sems @025b pa'o; ;de bzhin du brdeg par gzas pa la yang brjod par bya'o/ /zhes dang/ dge slong gis rtag tu khrus bgyis kyang nongs par mi 'gyur ba mchis sam/ u ba li yod de/ brgal bar bsam pa'o/ /zhes gsungs zhing/ mtsho DIkka las kyang/ brdeg gzas khrus la rang rang gi /kun slong dgos gsungs gzhan la'ang sbyar/ /zhes gsungs pa'i phyir/ skabs 'dir cha dang cha can sbyor ba ni/ mi tshangs spyod cha can dang/ de'i cha ni 'byin reg 'khrig tshig smyan dang 'khrur 'jug la sogs pa'o/ /ma byin len cha can dang/ de'i cha ni byin 'phrogs bsngos bsgyur sbed pa gdeng med du spyod pa rkun ma dang lhan cig lam du 'gro ba sogs so/ /mi gsod pa cha can dang/ de'i cha ni sa bon skye 'jig 'debs spyod gsod gsum dmag la blta ba sogs dang brdeg gzas la sogs pa'o/ /mi chos bla ma rdzun du smra ba cha can dang/ de'i cha ni gzhi med bag tsam dbyen sogs dang 'phya ba bsgo ba bden smra la sogs pa'o/ /pham pas skur ba 'debs pa cha can dang/ de'i cha ni lhag mas skur ba 'debs pa dang/ dbyen byed pa cha can dang/ de'i cha ni phra ma byed pa 'dus zhing za ba dang sdig lta mi gtong ba sbangs pa rjes phyogs bsnyil ba bsdud pa mi smra bar 'gro ba sogs dang/ bka' blo mi bde ba cha can dang/ de'i cha ni bslab pa spong ba ma gus pa sogs dang/ gsog 'jog za ba cha can dang/ de'i cha ni zhag lon mtshams btsos brjen btsos la sogs pa lta bu'o/ /de ltar rgya cher DIkkar bshad do/ /'o na/ ltung ba gzhan gyi kun slong gis ltung ba gzhan bskyed pa med dam zhe na/ 'khu ba 'byin pa'i 'dun pas 'khu ba phyung ba thams cad la rma'i sgo gsum mtshan nyid dang @026a @#/ /ldan par mtshams las 'das par brtsal te 'khu ba phyung na 'byin sems kyis phyung yang mtha' ste pham pa nyid du 'gyur la/ de ma gtogs pa 'byin sems gyis 'khu ba phyung ba'i ltung ba dngos gzhi rdzogs pa thams cad dge slong pha la dge 'dun lhag mar bstan pa la/ phyung pa thams cad la mtha' nyid ma gtogs pa ni dge 'dun lhag ma'o/ /zhes byung/ sngar ltung ba gzhan gyi kun slong gis ltung ba gzhan mi bskyed par gsungs pa de sbyir btang ba'i dbang du byas pa dang/ mdo 'dis 'byin sems kyis pham pa bskyed par gsungs pa ni dmigs gsal gyi dbang du byas bas 'gal ba med do/ /dge slong gis bsten du rung ba'i mo'i zag byed du 'byin sems kyis mtshams las 'das par brtsal nas 'khu ba phyung ba la pham pa bskyed de/ 'byin pa'i 'dun pas rags pa'i kun slong byas kyang mi tshangs spyod kyi kun slong phra mo nges par yod dgos pa'i phyir ram/ yang na 'byin pa'i 'dun pas rgyu'i kun slong byas kyang mi tshangs spyod kyi kun slong glo bur ba nges par skyes dgos pa'i phyir/ lam gsum mtshan nyid dang ldan pa la dmigs gsal de ltar yin kyang lan gsum bsten du mi rung ba la de ltar ma yin te/ dper na mgo bcad pa'i kha lta bu lam gsum nyams bar brtsal nas 'khu ba phyung ba la mi tshangs par spyod 'dod kyi bsam pas phyung na pham pa'i sder gtogs kyi spom por 'gyur la/ 'khu ba 'byin par 'dod pa'i bsam pas phyung na dge 'dun lhag mar 'gyur ba'i phyir; lnga pa gzhi dang sbyor ba tha dad pas ltung ba tha dad pa ni/ gzhi'i yan lag ma tshang ba'i ltung ba na smad pa lan du mar byas pa 'am/ sbyor ba'i yan lag ma tshang ba'i ltung ba na smad pa lan du mar byas kyang dngos gzhi'i ltung ba @026b gcig tu mi 'gyur bar na smad tha dad du 'gyur bar bstan pa la/ bya ba du ma'i 'bras bus ltung ba rnam par mi bzhag go /zhes byung/ de yang dper na/ rin thang ma tshang ba'i rdzas lan du mar brkus pa de sdom na rin thang tshang yang pham par mi 'gyur ba dang/ bal 'khur nas nyin mo tha dad du rgyang grags phyed phyed 'gro ba de sdom na rgyang grags las 'das kyang spang ltung du mi 'gyur ba lta bu ste/ lung zhu bar/ dge slong gis ma sha ka lnga brkus kyang mthar mi 'gyur ba mchis sam/ yod de 'di ltar re re 'am gnyis gnyis sam gsum gsum mam bzhi bzhi brkus kyi nam yang lngar ma tshang na'o/ /zhes gsungs so/ /lung du ma byin len gyi skabs su gsungs pa la 'dir gzhi'i yan lag ma tshang ba dang sbyor ba'i yan lag ma rdzogs pa gzhan la yang mdor bsdus sbyar nas spyir gsungs so/ /drug pa zhar la byung ba la gnyis las/ dang po las rjes su sgrub pa'i sel ba ni/ las rjes su sgrub pa'i ltung ba bcu dgu'i skabs su rang gis phyed byas te bor ba 'am ma bcol bar gzhan gyis phyed byas pa la 'phro zin par byed pa lta bu ni ltung ba yang phyed de na smad du bstan pa la/ phyed byas pa la byed pa ni phyed nyid do/ /zhes byung/ ltung ba bcu dgu la ma bcol bar gzhan gyis phyed ma byas pa yan lag tu dgos par mdo 'dis bstan to/ /khang pa khang chen srin bal dang/ /'ba' zhig cha gnyis lo drug dang/ /rim lhag gos kyi bzo byed dang/ /khab ral 'chos pa la sogs bdun/ /de ltar ltung ba bco lnga la/ /phyed byas phyed du zhu bar gsungs/ /'khrur 'jug rmel 'jug tha ga gnyis/ /de ltar bzhi la mdor bsdus sbyar/ /zhes bzung ngo/ /gnyis pa kha na ma tho ba las gyur ba'i sel ba ni/ kha na ma tho ba las gyur pa'i @027a @#/ /ltung ba lnga'i skabs su gzhir gyur pa'i ltung ba pham lhag las na smad pa spom po la sogs pas skur pa 'debs pa'am spom po la sogs pas 'chab brjod byed pa dag gi cha ste ltung ba ni gzhir gyur ba'i ltung ba de las na smad pa ste nyes byas su bstan pa la/ kha na ma tho ba na smad ba dag gi cha nyid ni na smad pa yin no/ /zhes byung/ spyir btang la pham pas skur ba 'debs na lhag ma dang/ lhag mas skur ba 'debs na ltung byed dang/ spom po dang ltung byed dang sor bshags kyis skur ba 'debs na nyes byas dang/ nyes byas kyis skur ba 'debs na nyes byas phra mor gsungs pa dang/ gang zag gzhan gyi pham lhag 'chab brjod byed na ltung byed dang/ spom po la sogs pa 'chab brjod byed na nyes byas su gsungs la/ dmigs gsal yang yod de/ rtsa bar/ mi bsten pas skur pa 'debs na spom po'o/ /zhes zag byed la bsam ste 'khrig pa bsten du mi rung ba'i mning la mi tshangs par spyod par skur ba 'debs na spom por gsungs pa dang/ bsnyen par ma rdzogs pa'i rab byung rnam gsum la pha ma 'dra'i nyes byas kyis skur ba 'debs na spom por lung zhu bar gsungs pa ltar yon tan 'od dang chos bshes dang dri med bshes gnyen gyis kyang bshad pa'i phyir/ gzhan yang/ dge slong mas mtshan mthun pa'i pham pa 'chab na 'chab pham dang; des mtshan mthun pa la 'du shes bsgyur te ltung byed kyis glengs ba la mtho 'tshams pa'i ltung byed du 'gyur ba dang/ bshes ngor byas zhes skur ba 'debs pa dang zas cung zad tsam gyi phyir chos ston to zhes skur ba 'debs na ltung byed du 'gyur ba lta bu yod pa'i phyir/ 'on kyang mi sten pas skur na spom por gsungs pa ni mi sten pa la spyad ces rang tshig 'gal bas don go ba la gnod pas spom por gsungs kyi gzhi spom pos skur ba min par rin phreng du bshad cing/ bshes ngo dang zas cung gnyis kyang 'du shes bsgyur @027b ba'i cha nas ltung byed du gyur gyi/ skur ba 'debs pa'i gzhi ltung ba lci pa'i cha nas min par mtsho DIka las bshad do/ /bzhi pa bsam pa'i yan lag zhar byung dang bcas pa bshad pa la/ thams cad la the tshom za bas zhugs pa ni bsam pa dang bcas pa yin no/ /zhes sogs mdo tshan drug byung/ 'di la gnyis las/ dang po dngos ni/ ltung ba sde lnga'i skabs su gzhi thams cad la rang rang gi gzhi'i rnam pa mdor ba'i the tshom gyis bya ba de la zhugs pa ni 'du shes kyi cha nas dngos gzhi bskyed nus kyi bsam pa dang bcas pa ste nges pa'i 'du shes dang 'dra bar bstan pa la/ thams cad la the tshom za pas zhugs pa ni bsam pa dang bcas pa yin no// zhes byung/ gzhi'i yan lag gi rnam pa ma dor ba'i yid gnyis ni ltung ba bskyed pa la nges pa'i 'du shes dang 'dra ba yin te/ dper na mi yin nam dud 'gro yin snyam pa'i the tshom gyis gsod na mi yin na pham pa dang dud 'gro yin na ltung byed bskyed pa'i phyir/ gzhi'i yan lag gi rnam pa dor ba'i yid gnyis ni nges pa'i 'du shes dang 'dra ba ma yin te/ dper na mtho yor yin nam sdong du ma yin snyam pa'i the tshom gyis mi 'am dud 'gro gsod na pham pa dang ltung byed mi bskyed pa'i phyir/ ltung ba sde lnga'i skabs su sbyor ltung bskyed pa la 'du shes yan lag yin pas dmigs gsal ma gtogs sbyor ba la 'du shes gang zhugs kyi sbyor ltung bskyed par bstan pa la/ sbyor ba la ni 'du shes yan lag yin no/ /zhes byung/ de yang dper na dud 'gro la mir 'du shes pas bsad na sbyor ba la spom po dang dud 'gror 'du shes (pas) bsad na sbyor ba la nyes byas bskyed pa lta bu'o/ / @028a @#/ /'du shes gtso che ba'i ltung ba rnams kyi dngos gzhi bskyed pa la dmigs gsal ma gtogs gang la bsam pa'i don dang phrad pa ni yan lag de nyid yin par bstan pa la/ bsam pa la ni de nyid do/ / zhes byung/ de yang dper na kun slong spyi zhugs med par mchod sbyin la lha sbyin du nor te bsad na dngos gzhi la ltung med dang mchod sbyin la mchod sbyin du 'du shes te bsad na dngos gzhi la srog gcod pa'i pham pa bskyed pa lta bu'o/ /mdo tshan 'di gnyis zhu ba las/ khang pa khang chen bsgo gyur lnga/ /snod 'chang bshes ngo khyad du gsong/ /bud med dang nyal khab ral 'chos/ /bcu gnyis las ni gzhan dag la/ /dngos su gsungs pa 'dir bsdus shing; ;de dag rnams la'ang 'di bzhin du/ /mdor bsdus sbyar bar mtsho DIka gsungs/ zhes bzung/ dngos po gtso che ba'i ltung ba mi tshangs bar spyod ba dang 'khu ba 'byin pa gnyis la ni gang la bsam pa'i don dang phrad pas dngos gzhi bskyed par ma zad/ ma bsam pa'i don dang phrad na yang dngos gzhi bskyed par bstan pa la/ mi tshangs par spyod pa dang khu ba 'byin pa gnyis la ni der ma zad do/ /zhes gsungs/ de yang bud med dkar sham la spyad par bya'o snyam pa las nor te bud med sngo sangs la spyad na yang pham pa bskyed pa dang/ brla la drung nas dbyung ngo snyam pa las nor te rked pa la drud nas phyung na yang 'byin lhag bskyed pa dang/ bum pa la gtad de dbyung ngo snyam pa las nor te bya ma bum la gtad de phyung na yang spom po bskyed pa lta bu'o/ /mi bden pa rdzun du smra ba la ni nyan pa po mi yang gang la bsam pa'i mi de la smra pas dngos gzhi bskyed par ma zad ma bsam pa'i mi la smras na yang dngos gzhi @028b bskyed par bstan pa la/ mi bden pa la ni nyan pa po yang ngo/ /zhes byung/ de yang dper na mchod sbyin la mi chos bla ma smra bar bsam pa las nor te lhas sbyin la smras na yang rdzun smra'i pham pa bskyed pa lta bu'o/ /de yang go bya'i yul lhas sbyin dang mchod sbyin lta bu mi nang phan tshun nor na yang dngos gzhi bskyed par bshad pa yin gyi/ dgra bcom pa thob par smra 'dod las nor te rgyun zhugs thob par smra ba lta bu brjod bya'i dngos po la 'khrul ba dang/ mi la mi ma yin par 'du shes 'khrul ba la dngos gzhi mi bskyed par zhu bar bshad do/ /pham pa dang po'i skabs su gzhi la 'du shes 'khrul na yang dngos gzhi rdzogs bar zhu bar gsungs shing/ 'byin lhag dang rdzun smra'i go bya'i yul la 'du shes 'khrul na yang dngos gzhi bskyed par gsungs pa ni deng sang lung na mi snang bar mtsho DIka las gsungs so/ /gzhi la 'du shes 'khrul na yang/ /spyod pham rdzogs par zhu bar gsungs/ /'byin dang rdzun smra'i yul la ni/ /deng sang lung na mi snang ngo/ /zhes bzung ngo/ /zhar la 'khrig pa bsten du rung ba'i tshad ngos bzung ba ni/ mi tshangs bar spyod pa dang reg pa la sogs pa nang sems can la chags pa dngos dang de'i rgyur 'gyur ba'i ltung ba rnams kyi skabs su/ yul de ni pho mo gang yang rung ba'i zla bo de'i yan lag thams cad dang du blang du rung ba lag pas lag par dang rkang pas rkang par dang tshigs kyis tshigs su dang 'doms kyis 'doms su sprad du rung ba la sogs pa nyid ni 'khrig pa bsten pa'i phyir mthu dang ldan pa nyid yin pas yul de lta bu las ltung ba rdzogs par bstan pa la/ yan lag thams cad dang du blang du rung ba nyid @029a @#/ /ni bsten pa'i phyir mthu dang ldan pa nyid yin no/ /zhes byung/ mtsho DIka las/ yan lag thams cad ces smos kyang mtshon pa ste/ mtshan bsten du rung ba'i lam dang yan lag dang du blang du rung ba nyid ni 'khrig pa bsten pa'i phyir mthu dang ldan pa yan lag nyid yin pas de las ltung ba rdzogs par bskyed la/ mtshan bsten du mi rung ba la ni rang rang gi na smad do/ /zhes gsungs so/ /smyan dang dben gnyis nyal shol gnyis/ / lhan cig lam 'gro bdun po la/ /'khrig pa bsten du mi rung bar/ /na smad yin par zhu bar gsungs/ /mi tshangs spyod dang reg pa dang/ /'khrig tshig bsnyen bkur la sogs pa/ /sems can la chags dngos dang de'i/ / rgyur 'gyur gzhan la mdor bsdus sbyar/ /zhes bzung ngo/ /skabs 'dir dngos po dang 'du shes gtso che ba'i ltung ba'i don bshad du yod de/ rang gi gzhi'i yan lag la 'du shes kyi khyad par nges gzung du mi dgos par don dang phrad pa tsam gyis bskyed rung ba'i ltung ba de/ dngos po gtso che ba'i ltung ba'i mtshan nyid/ mtshan gzhi na pham lhag dang po gnyis dang/ don dang phrad pa tsam gyis mi chog par gzhi'i yan lag gi phyogs gcig la 'du shes kyi khyad par nges gzung du dgos pa'i ltung ba de/ 'du shes gtso che ba'i ltung ba'i mtshan nyid/ mtshan gzhi ni pham lhag dang po gnyis ma gtogs pa'i ltung ba thams cad de yin pa'i phyir/ rgya cher TIka dang rin chen phreng ba dang yig cha'i bshad tshul ltar na dngos gzhi'i ltung ba la don yan lag tu dgos kyang/ sbyor ltung bskyed pa la don yan lag tu mi dgos te/ sems can du bgrang ba ma yin pa'i sprul pa la ming 'du shes @029b pas gsod par byed pa la sbyor spom bskyed cing dngos gzhi la ltung ba med pa dang/ mi'i sprul pa la dud 'gror 'du shes pas bsad na sbyor bar nyes byas dang dngos gzhi la pham pa bskyed/ lha sbyin gsod 'dod kyi kun slong gis nor nas mchod sbyin bsad na sbyor bar sbom po dang dngos gzhi la ltung med du bshad pa'i phyir/ shes byed ma spros/ mtsho DIka ltar na 'du shes gtso che ba'i sbyor ltung bskyed pa la don gtso bo'i yan lag ma yin yang don yan lag tu mi dgos pa ma yin te/ don dang phrad pa yan lag tu dgos pa'i phyir/ don dang ma phrad na dgag bya mi rdzogs pas sbyor ltung rdzogs par mi rigs pa'i phyir dang/ med pa nyid la yod pa'i blo can la na smad do/ /zhes pa'i TIka ra lhung bzed med kyang yod par 'du shes te 'tshol ba'i sbyor dngos gnyis ka na smad du bshad pa'i phyir dang/ yongs su ma gzung ba la yongs su gzung bar 'du shes pa'o/ /zhes pa'i 'od ldan las/ bdag po med pa'i rdzas la mis bdag gir byas pa'i rdzas su 'du shes pas rkus na dngos gzhi'i rnam pa'i spom po bskyed par bshad pas sbyor ba'i gnas skabs su spom po mi bskyed par don gyis grub pa'i phyir/ des na sems can du bgrang ba ma yin pa'i sprul pa la mir 'du shes pas gsod par byed pa la spom por TIkar bshad pa ni nyes byas lci ba la spom por btags par bshad de/ 'di ni ltung ba gzhan gyi sbyor spom dang ltung med kyi sbyor spom mi bzhed pa'i lugs so/ /snga rabs pa kha cig gis dngos po gtso che ba'i ltung ba bcur 'dod de/ dngos po gtso bo pham lhag dang po gnyis/ /skyo sngogs sa bon skye 'jig rdzun smra'i yul/ /khri stan che mtho gzugs bsgyur gsod pa dang/ /bye phrag ma phyed gzhi las bzhag dang bcu/ /@030a @#/ /zhes pa'i sdom ltar ro/ /khri stan che mtho bzhir phye na bcu gcig tu 'gyur bas khri stan che mtho gnyis su bsdus pa dang/ sa bon skye 'jig so sor grangs nas bcur byed pa yin nam snyam/ de dag gi pham lhag dang po gnyis dngos po gtso che ba'i ltung brtsod med yin zhing/ gzhan brgyad dngos po gtso che ba ma yin te/ skyo dogs dang sa bon dang rdzun dang bdag po'i bye brag ma phyed pa'i rdzas rkus pa la rim pa bzhin du/ rtsa bar/ rtsod pa gzhan nyid la rtsod pa gzhan du 'du shes pa ni de dang 'dra ba nyid yin no/ /zhes rtsod pa bzhi phan tshun nor ba dang/ sa bon la sa bon gzhan du 'du shes pas ni de dang 'dra ba nyid do/ /zhes sa bon nang phan tshun nor ba dang/ mi bden pa la ni nyan pa po yang ngo/ /zhes smra yul gyi mi phan tshun nor ba rnams la dngos gzhi bskyed par gsungs pa dang/ bye brag ma phyed pa la ni gzhi las rnam par bzhag go /zhes bdag po yod med bye brag ma phyed par rkus pa la gzhi ji lta ba bzhin du bzhag par gsungs pa rnams kun slong spyi zhugs kyi dbang du byas par mtsho TIka las bshad cing/ rin phreng ltar na de dag bcas pa'i dbang gis yin gyi kun slong spyi zhugs kyi dbang du byas pa ma yin te/ kun slong spyi zhugs yin na de dag dmigs kyis bkar ba'i dgos pa med pa'i phyir/ 'on kyang de dag 'du shes gtso che bar bzhag chog pa yin te/ gzhi'i yan lag gang yang rung ba la 'du shes ma 'khrul ba des gzung du dgos pa'i phyir zhes bzhed par snang ngo/ /gzugs bsgyur gsod pa la bshad tshul mi 'dra ba gnyis gong bzhin dang/ khri stan la dngos po gtso che bar gtam gyi gzhi dang 'od ldan du gsungs pa ni gnyid log pa las bteg ste mal stan chen po 'am mthon @030b po'i steng du bzhag pa lta bu la ltung ba mi 'byung yang ltung ba gleng du rung ba tsam la dgongs par bshad do/ /ltung ba gleng du rung ba la gleng yul la ltung ba de byung mi dgos te/ gleng yul la ltung ba byung yang mthong thos dogs gsum gang yang med na/ gzhi med yin pas gleng du mi rung zhing gleng ba po la ltung ba bskyed la/ ltung ba mi byung yang mthong thos dogs gsum gang yang rung ba cig yod na gzhi bcas yin pas ltung ba gleng du rung ba yin pa'i phyir/ rtsa bar 'di la dngos po las bden pa nyid kyi rgyu ma yin no/ /zhes gsungs pa'i phyir/ mngon shes kyis ltung ba gleng dran byed na skur 'debs kyi ltung ba bskyed par bshad pa'i phyir ro () !/() lnga pa sel ba tshan tshan gyi yan lag dang bcas pa 'chad pa la/ 'og ma dag la ni gzhan la na smad pa nyid do/ /zhes sogs mdo tshan nyer lnga byung/ 'di la sel ba dngos dang/ tshan tshan gyi yan lag bye brag tu bstan pa gnyis las/ dang po ni/ rdzu 'phrul gyi chos can nyid ma yin pa zhes sogs gzhung 'og ma'i skabs su ltung ba'i dngos gzhi 'byung pa la 'di dang 'di lta bu yan lag yin par bstan pa dag la ni ji skad bshad pa las gzhan yan lag ma tshang ba la ltung ba na smad du 'gyur bar bstan pa la/ 'og ma dag la ni gzhan la na smad pa nyid do/ /zhes byung/ de yang dper na reg pa'i lhag ma'i skabs su reg bya reg byed gnyis ka'i lus ma nyams pa yan lag yin par bstan pa la gang rung gcig gi lus nyams na spom por 'gyur ba lta bu'o/ /yan lag gcig tsam ma tshang ba lan smad du 'gyur ba 'di la dmigs gsal gsum yod de/ yan lag gcig ma tshang ba la ches na smad du 'gyur ba dang ltung ba gzhan du 'gyur ba dang ltung med du @031a @#/ /'gyur ba gsum yod pa'i phyir te/ dper na brdeg gzas la sogs pa yul dge slong las 'gyur ba rnams kyi skabs su yul khyim pa yin na ches na smad du 'gyur ba dang/ dge slong ma dang lam du 'gro ba'i skabs su khyim pa mo dang lam du 'gro na ltung ba gzhan du 'gyur ba dang/ ma smras bar grong du 'gro ba'i sel ba rab byung gi gnas khang du 'gro ba la ltung med du 'gyur ba lta bu yin pa'i phyir/ mdo 'og mas 'di dang 'di lta bu yan lag yin par bstan pa rnams kyi yan lag du ma gnyis phan chad ma tshang ba la ltung ba ches na smad du 'gyur bar bstan pa la/ ! du ma ma tshang ba la ni de bas kyang ngo/ /zhes byung/ reg pa'i lhag ma'i skabs su reg bya reg byed gnyis ka'i lus nyams na nyes byas su 'gyur ba lta bu'o/ /reg pa 'khrig tshig bsnyen bkur sngags pa la sogs pa yul mi las gyur pa rnams kyi skabs su dud 'gro yul du byas pa la yang ches na smad du 'gyur bar bstan pa la/ ! mi la dud 'gro yang ngo/ /zhes byung/ de yang dud 'gro mo la chags sems kyis reg pa dang/ de la 'khrig tshig smra ba dang 'khrig pa'i bsnyen bkur sngags pa la nyes byas su 'gyur ba lta bu'o/ /dud 'gro zhes pa yang 'jig rten na dud 'gror grags pa ba lang la sogs pa yin gyi/ bstan bcos la dud 'gror grags ba klu dang mi 'am ci la sogs pa ni ma yin te/ de dag 'dul ba'i skabs 'dir mi ma yin pas bsdus pa'i phyir dang; klu'i bu mo dang mi 'am ci'i bu mo la sogs pa la reg pa la sogs pa byed pa la spom por 'gyur ba'i phyir/ reg pa 'khrig tshig bsnyen bkur la/ /dud 'gro las ni nyes byas su/ /rnam 'byed gsungs shing rku pham dang/ / @031b gsod pham rim bzhin dud 'gro las/ /sbom po ltung byed 'gyur ma gtogs/ /mi las 'gyur ba kun la sbyar/ /zhes bzung ngo; /gnyis pa la/ ! gzhi'i yan lag dang/ bsam pa'i yan lag dang/ sbyor ba dang mthar thug gi yan lag bshad pa gsum/ dang po la/ sems can las gyur pa dang/ sems can ma yin pa las gyur pa gnyis/ dang po la bzhi las/ dang po mtshan mi mthun pa las gyur pa ni/ yul bud med rdzu 'phrul chos can nyid ma yin pa ni bud med las gyur ba'i ltung ba nyi shu rtsa bzhi'i nang nas reg pa'i ltung ba ma gtogs pa 'khrig tshig smra ba dang bsnyen bkur sngags pa la sogs pa'i ltung ba nyi shu rtsa gsum gyi dngos gzhi rdzogs pa'i yan lag yin par bstan pa la/ ! rdzu 'phrul gyi chos can nyid ma yin pa ni reg pa ma yin pa'i yan lag yin no/ /zhes byung/ reg pa 'khrig tshig bsnyen bkur smyan/ /'khru len bal rmel chos ston dang/ /ma bskos sogs dang nyal shol gnyis/ /nyal 'gro sor bshags dang po gnyis/ /bud med las gyur nyer bzhi ste/ mtsho DAgi zas cung ma grangs so/ /reg pa ma gtogs nyer gsum la/ /rdzu 'phrul chos can min pa dgos/ /de yang 'khrig tshig smra yul la/ /'dul byed las ni dngos su gsungs/ /'dir ni bsnyen bkur sngags pa sogs/ /nyer gnyis la ni mdor bsdus sbyar/ /zhes bzung ngo/ /reg pa'i ltung ba rdzogs pa la reg bya reg byed gnyis ka'i lus rma dang nad la sogs pas ma nyams pa yan lag yin par bstan pa la/ ! reg par bya ba nyid ni ma nyams pa'o/ /zhes byung/ reg pa'i ltung ba ni mi tshangs par spyod pa dang reg pa'i pham pa dang reg pa'i dge 'dun lhag ma ste gtso bo @032a @#/ /gsum mo/ /de dag gi skabs su reg bya reg byed gang rung gcig nyams pa la sbom po dang/ gnyis ka nyams pa la nyes byas su bshad de/ lung zhu ba las/ bud med kyi lus kyi dbang po nyams pa la brten na cir 'gyur sbom por 'gyur ro/ /dge slong gi lus kyi dbang po nyams pas bud med la reg na cir 'gyur sbom por 'gyur ro/ /gnyis ka'i lus kyi dbang po nyams par 'gyur pa gcig la gcig reg na cir 'gyur nyes byas so/ /zhes gsungs pa'i phyir/ reg pa'i bde ba nyams su myong ba la gnod pa de nyams pa'i tshad yin par zhu 'grel las bshad do/ /ga ga tshil byed pa la yang reg bya reg byed gnyis ka ma nyams pa yan lag yin par bstan pa la/ ! ga ga tshil byed pa la yang ngo/ /zhes byung/ de la reg bya reg byed gang rung gcig nyams pa la nyes byas dang gnyis ka nyams pa la nyes byas phra mor 'gyur ro/ /reg ba dang ga ga tshil byed pa'i skabs su reg bya reg byed gnyis sen mo dang so dang sha med pa'i rus pa dang sbu dag ni ma nyams pa las gzhan nyams pa dang ldan pa ste 'dra ba nyid yin pas de dag las dngos gzhi mi bskyed par bstan pa la/ ! sen mo dang so dang sha med pa'i rus pa dang spu dag ni gzhan dang ldan pa nyid do/ /zhes byung/ de yang lung zhu ba las/ sen mo la reg na cir 'gyur/ sbom por 'gyur ro/ /sen mos reg na cir 'gyur/ sbom por 'gyur ro/ /zhes sogs gsungs so/ /gnyis pa gzhi tha snyad las gyur pa ni/ rdzun smra ba dang 'khrig tshig dang bsnyen bkur sngags pa la sogs pa lus ngag gi tha snyad du bya ba la rten nas 'byung pa'i ltung ba rnams kyi skabs su mi'i 'gro ba ba @032b ni yan lag yin par bstan pa la/ ! mi'i 'gro ba ba ni tha snyad du bya ba nyid yin no/ /zhes byung/ de yang lung zhu ba las/ 'gro ba gzhan du gyur pa rnams kyi drung du mi chos bla mar gyur pa'i rdzun smras na sbom por 'gyur ro/ / zhes sogs gsungs/ mi yin yang shes pa rang bzhin du gnas pa las nyams pa smyo ba dang sems 'khrug pa dang tshor bas gzer ba dag ni tha snyad las gyur pa'i ltung ba de dag gi gzhi'i yan lag ma yin par bstan pa la; ! rang bzhin nyams pa ni ma yin no/ /zhes byung/ de yang lung zhu ba las/ dge slong gis smyon pa la mi chos bla mar gyur pa'i rdzun smras na cir 'gyur/ sbom por 'gyur ro/ /zhes sogs mang du gsungs so/ / rten gcig la nyon mongs pa gnyis kyis gnod pa'i ma ning dang lus gcig la pho mo'i mtshan gnyis yod pa'i mtshan gnyis pa dag ni tha snyad las gyur pa'i ltung ba de dag mi bskyed pa'i sgo nas shes pa rang bzhin du gnas pa las nyams pa dang ldan pa ste 'dra bar bstan pa la/ ! ma ning dang mtshan gnyis pa dag ni de dang ldan pa nyid do/ /zhes byung/ srog gcod pa ma gtogs pa gnod pa las gyur pa'i ltung ba thams cad dang/ ma byin len ma gtogs pa phyi longs spyod la chags pa las gyur pa'i ltung pa thams cad ma ning dang mtshan gnyis pa yul du byas pa las na smad du 'gyur kyang/ nang sems can la chags pa las gyur ba'i ltung ba rnams bud med mtshan shas che ba'i mtshan gnyis pa yul du byas pa las kyang dngos gzhi rdzogs par gsungs te/ rtsa bar/ rnam pa de lta bu nyid la ni mtshan gcig shos don med do/ /zhes pas so/ /reg pa'i lhag ma de ni gang la reg pa'i yul de @033a @#/ /mi yin pa dang smyo ba dang sems 'khrug pa tshor bas gzer ba ma yin pa yan lag tu dgos pa'i cha nas tha snyad las gyur pa'i ltung ba dang 'dra bar bstan pa la/ ! reg pa ni tha snyad dang 'dra'o/ /zhes byung/ reg pa'i lhag ma'i yul mi yin pa dang shes pa rang bzhin du mi gnas pa'i gtso bo smyo ba la sogs pa ma yin pa ste/ tha snyad phyed dang gnyis dang ldan pa yan lag tu dgos pa yin gyi/ nges par tha snyad lnga dang ldan mi dgos te/ gnyid log pa dang snyoms par zhugs pa mo la reg na lhag ma bskyed par lung zhu bar gsungs shing/ lkug pa dang don mi go ba la reg na'ang lhag ma bskyed par bshad pa'i phyir/ skabs 'dir rku pham dang gsod pham gnyis ma gtogs pa'i mi las gyur pa'i ltung ba mtha' dag la gzhi'i yan lag gi tha snyad kyi khyab pa sbyar dgos pa dang/ bcol yang rdzogs pa'i ltung ba sum cu rtsa gnyis kyi nang nas rku dang srog gcod bzhi ste lnga ma gtogs pa'i nyi shu rtsa bdun la bcol ba'i yul gyi tha snyad kyi khyab pa sbyar dgos par mtsho DIka las gsungs te/ de nyid las/ rku dang srog gcod ma gtogs pa/ /mi yin nges bzung kun la sbyar/ /zhes dang/ rku dang srog gcod bzhi bkol ba'i/ /lhag ma nyi shu bdun la sbyar/ /zhes gsungs pa'i phyir/ 'on kyang rku pham dang gsod pham gnyis ma gtogs pa'i mi las gyur ba'i ltung ba yin na tha snyad phyed dang gnyis yan chad dang ldan pa'i mi gzhi'i yan lag tu dgos pa'i ltung ba yin pas khyab kyang/ de yin na tha snyad lnga dang ldan gyi mi gzhi'i yan lag tu dgos pa'i ltung ba yin pas ma khyab ste/ lkug pa dang don mi go ba'i bud med kyis kyang reg pa'i lhag ma bskyed pa yod pa gang zhig / @033b mo'i mtshan don byed nus pa dang ldan pa'i mtshan gnyis pas kyang smyan byed pa dang 'khrig tshig smra ba la sogs pa nang sems can la chags pa las gyur ba'i ltung ba phal cher bskyed pa yod/ gnyid log pa dang snyoms par zhugs pa'i bud med kyis kyang reg pa'i lhag ma dang bud med dang lhan cig nyal ba'i ltung byed bskyed pa sogs du ma yod pa'i phyir/ tha snyad sbyis bskyed pa dang/ bsnyen par ma rdzogs pa spyis bskyed pa dang/ khyim pa spyis bskyed pa rnams la tha snyad lnga ldan gzhi'i yan lag tu sbyar/ skyes pa dang bud med des bzung du dgos pa rnams la tha snyad bzhi ldan gzhi'i yan lag tu sbyar/ bsnyen par rdzogs pa spyis bskyed pa dang/ dge slong pha ma so sos bskyed pa dang/ dge tshul gyis bskyed pa dang/ rab byung sde lnga spyis bskyed pa rnams la tha snyad gsum ldan gzhi'i yan lag tu sbyar dgos te/ de dag don la tha snyad lnga ldan gzhi'i yan lag tu dgos kyang/ skyes pa dang bud med des bzung du dgos pa rnams la skyes pa'i mtshan don yod pa'am bud med kyi mtshan don yod pa yan lag du grangs pa na ma ning dang mtshan gnyis pa ma yin par grub zin pas de logs su grangs mi dgos shing/ rab byung nges bzung du dgos pa rnams la dge slong la sogs pa'i sdom pa dang ldan pa yan lag tu grangs pa na mi yin pa dang ma ning mtshan gnyis pa ma yin par grub zin pas de gnyis logs su grangs mi dgos pa'i phyir/ don de ltar mtsho TIka las gsungs te phal che ba'i dbang du byas par mngon no/ /tha snyad lnga ldan sbyis bskyed pa/ smyan gyi sbrang bya'i bdag po dang/ /khang pa'i brtsal bya khang chen ched/ /mi chos bla ma skur 'debs gsum/ /khyim sun shes bzhin bshes @034a @#/ /ngo dang/ /zas cung sdig lta brjod pa yi/ /go bya'i yul phyir bcu gnyis su/ /rin phreng gsungs so mtsho DIka las/ /smyan byed ma grangs rim lhag grangs/ /bslab bya chen mor khang chen dor/ /bsnyen par ma rdzogs spyis bskyed pa/ /'don dang gnas ngan len brjod dang/ /bden smra nub lhag ma lon lnga/ /mtsho DIka nyi shu ma lon dor/ /bud med spyi yis bskyed pa ni/ /'dzin pa 'khrig tshig bsnyen bkun smyan/ /dben par 'dug dang nyal dang drug/ /rin 'phreng bslab bya chen mo mthun/ /zhes bzung ngo/ /gsum pa khyim pa las gyur pa ni/ khyim sun 'byin pa dang gos slong ba la sogs pa khyim pa las gyur pa'i ltung ba sum cu rtsa lnga'i skabs su phyi rol pa'i rab byung dang chos 'di ba'i sdom pa blangs kyang ma chags pa dang sdom pa skyes kyang thun mong gi rtsa ltung 'chab bcas kyis gsor mi rung bar nyams pa dag ni phyed nyid khyim pa ste de dag yul du byas pa las khyim pa las gyur ba'i ltung ba ma rdzogs par rang rang gi na smad du 'gyur bar bstan pa la/ !(phyi rol pa'i rab tu byung ba dang ma chags pa dang nyams pa dag ni phyed nyid khyim pa'o/ /zhes byung/ khyim pa las gyur pa'i ltung ba rnams khyed khyim pa gsum yul du byas pa las rang rang gi na smad du 'gyur na/ 'on bsnyen par ma rdzogs pa'i rab byung rnam gsum dang dge slong rnam dag yul du byas pa las cir 'gyur zhe na/ rin chen phreng ba las/ ni zhes pa dgar bas rab tu byung ba la ltung ba med par bstan la/ /ltung med de yang rnam pa bzhis rig par bya'o/ /zhes gsungs shing/ mtsho DIka las/ khyim pa las gyur pa rnams kyi skabs su/ sel ba dge tshul pha ma gnyis dang dge slob ma dang nyams pa @034b dang ma skyes pa dang phyi rol ba'i rab tu byung ba ste rtags can drug po yul du byas na rang rang gi na smad du 'gyur ste/ 'og ma dag la ni zhes gsungs so/ /sel ba bsnyen rdzogs rnam dag yul du byas na che sna smad du 'gyur te/ 'dir gtogs pa la khyim pa la ni rtags can nyid kyi bsan smad do zhes bshad pas/ khyim pa las gyur pa 'dir gtogs pa la bsnyen rdzogs rnam dag la ni rtags can nyid kyi bas na smad do zhes don gyis 'thob po/ /dmigs gsal ni; gos slong ba dang lam du 'gro ba la ni dge slong ma la gos blangs pa dang lam du zhugs na dngos gzhir 'gyur la/ khyim pa mo la chos ston pa dang ma smras par grong du 'gro ba dang grong du rgyu ba dang gsum las/ sel ba rab byung rnam dag la chos ston pa dang de'i gnas khang du 'jug pa la ltung ba med de dgag bya med pa'i phyir ro/ /zhes gsungs kyang/ don mi 'gal bar sems so/ /khyim pas bskyed pa so lnga las/ /khyim pa pho yis bskyed pa ni// nyal shom gnyis dang dmag gsum dang/ /rku ma dang 'gro drug yin no/ /khyim pa mo yis bskyed pa ni/ /chos ston pa dang nyal shom gnyis/ /lam du 'gro dang rnam pa bzhi/ /gang yang rung bas bskyed pa ni/ /khyim sun 'byin dang slong sogs lnga/ /mngon mtshan nyo tshong ltung bzed tshol/ /'thag gnyis ras chen bdag gir byed/ /sbyor bcug yang yang zab dang/ /'dug gnas phye dang gsod pa dang/ /zan gcod mgron gnyer ma smras 'gro /grong rgyu pho brang 'gro ba dang/ /sor bshags bzhi ste nyi shu bdun/ /nyam shom sdom pas so lnga ste/ /mtsho DIka rin phreng gnyis ka mthun/ /'dul 'dzin bsngos bsgyur 'dir grangs kyang/ /bam lngar nye du yin min dang/ /khyim pa rab byung gang@035a @#/ /la yang/ /na smad med par gsungs pas dor/ /sor bshags dang po 'dir grangs pa/ /gnas kyi cha nas yin par gsungs/ /nye du min pas bskyed pa ni/ /'khrur 'jug sogs drug bal rmel dang/ /bskyed gnyis lhung tshol tha ga gnyis/ /ras chen tshol dang chos ston dang/ /chos gos gnyis dang dben pa gnyis/ /sbyor 'jug yang yang 'dug gnas phye/ /bsod pa slong dang gcer bu ster/ /bud med lhan cig nyal 'gro dang/ /mgron gnyer sor bshags dang po gnyis/ /de ltar nyi shu rtsa dgu ste/ /mtsho TIka chos ston ras chen tshol/ /bud med nyal 'gro bzhi po dgag /ces bzung ngo/ ! /bzhi pa rab tu byung bas bskyed pa ni/ dmigs gsal ma gtogs pa dge slong las gyur ba'i ltung ba'i skabs su yul dge slong dang dge slong ma de bsnyen rdzogs kyi sdom pa skyes la pham pas ma nyams pa'i rnam dag de yan lag yin par bstan pa la/ /dge slong dang dge slong ma bsnyen par rdzogs pa can ma nyams pa nyid ni bslabs pa dag la yan lag yin no/ /zhes byung/ dmigs gsal ni skur 'debs gsum dang pham pa 'chab brjod gnyis te lnga ni yul nyams pa las kyang dngos gzhir 'gyur te rtsa bar/ dge slong nyams pa la yang ngo/ /zhes gsungs pa dang/ pham pa ma byung ba'i gang zag gis pham pa 'chab brjod bskyed pa mi srid pa'i phyir/ dge slong phas bskyed pa'i ltung ba bzhi bcu rtsa drug gi skabs su mtshan gyi sgo nas rang phyogs kyi khongs su gtogs pa ste mtshan mthun pa nyid yan lag yin pa dang/ dmigs gsal ma gtogs pa rab tu byung bas bskyed pa'i sde tshan lnga'i skabs su lta ba khas blangs pa'i sgo nas rang phyogs kyi khongs su gtogs pa ste lta ba mthun pa @035b nyid yan lag yin par bstan pa la/ mtshan dang lta ba khas blangs pa dag gis ni rang gi phyogs nyid kyi khongs su gtogs so/ /zhes byung/ dmigs gsal ni skur 'debs gsum dang/ sdig lta mi gtong ba spangs pa rjes phyogs bsnyil ba bsdud pa gsum dang/ nyan rna las gyur pa ste bdun ni lta ba mi mthun pas kyang dngos gzhi bskyed de/ rtsa bar/ phyogs las rang nyid ni 'dir yan lag ma yin no/ /zhes gsungs pa dang/ sdig lta mi gtong ba sogs gsum la lta ba mi mthun pa yan lag yin pa'i phyir dang/ nyan rna'ang lta ba la'ang rtsod par 'gyur ba'i phyir/ lta ba mthun pa'i don la pha ma sogs kyi gzhi la pham sogs kyi gzhir 'dod pa mthun pa ni lta ba mthun pa'i don du bshad pa dang/ bar du gcod pa'i gzhil bar du gcod pa'i gzhir 'dod pa mthun pa ni lta ba mthun pa'i don du bshad pa'i lugs gnyis 'od ldan du bkod cing/ mtsho TIka las snga ma dgag nas phyi ma 'thad par gsungs kyang/ rang lugs la gnyis ka khas blangs kyang skyon med na'ang/ mdo sde bas pham pa 'chab med med par 'dod kyang lta ba mi mthun par mi 'gyur ba'i zhib cha dgos/ bslab bya chen mo las/ lta ba mthun pa ni/ bcas pa'i mtshams las 'das pa dang ma 'das pa mngon mtho nges legs la sgrib pa'i bar chad du 'gyur ba dang mi 'gyur bar lta ba mthun pa tsam yin gyi bdag yod med kyi lta ba mthun pa tsam ni ma yin no/ /zhes gsungs so/ /dge slong phas bskyed pa'i ltung ba zhe drug dang dge slong mas bskyed pa'i ltung ba bcu bzhi sogs dge slong las gyur ba'i ltung ba 'dir gtogs pa la dge slong gi sel ba khyim pa mtshan nyid pa yul du byas pa la ni rtags can drug po yul du byas pa las na smad du 'gyur ba de bas kyang na smad @036a @#/ /de ches na smad du 'gyur bar bstan pa la/ /'dir gtogs pa la khyim pa la ni rtags can nyid kyi bas na smad do/ /zhes byung/ de yang dmigs gsal ma gtogs pa ni sngar bzhin no/ /dge slong pha yis bskyed pa ni/ mtshan mthun dgos pa bzhi bcu'i steng/ /skrod pa zas cung gdengs ma lon/ /gral rim nags rtag bzhi bcu drug /mtsho DIka skabs 'dir lan du mar/ /zhe lngar gsungs pa dpe ma dag /dge slong ma yis bskyed pa ni/ /'khru dang len dang rmel ba dang/ /ma bskos sogs dgu 'dug ma gtogs/ /so sor bshags pa dang po ni/ /de ltar de ni bcu bzhi'o/ /'di la mtsho DIka rin phreng mthun/ /bslab bya chen mor zas cung dor/ /rdzogs pa spyis bskyed skur 'debs gsum/ /rang byung spyis bskyed rnam gnyis te/ /sbed pa ma smras grong 'gro ba'o/ /dge tshul gyis bskyed bsnyel ba ste/ /'di bas bskyed pa'i sde tshan lnga/ /mu stegs can gyis bskyed pa gnyis/ /'dug gnas dang ni gcer bu'o/ /las 'brel dge 'dun gyis bskyed pa/ /bsgo bzhi khyad gsod 'phya ba bsgo/ /'dun pa phyir bsgyur sdig lta 'dzin/ /spangs rjes bsnyil bsdud ma lon dang/ /las la mi smra da gdod dang/ /bslab dral dang ni bco lnga'o/ /dge 'dun tsam bskyed khang chen phyogs; ;bka' blo mi bde skyo sngogs byed/ /bshes do 'phya ba khri sogs lnga/ /rim gnyis phyogs gcig 'dus shing za/ /ma gus phyogs gcig snga dro rgya/ /khri rkang gdal dang bcu drug go /dge slong gang zag gis bskyed pa/ /rjes phyogs bka' blo mi bde phrogs/ /bsdos bsgyur skyon phra skyo sngogs byed/ /gnas ngan bshes ngo khyad gsod dang/ /'phya ba bsgo ba skrod pa dang/ /phyis gnon zas cung spangs pa stobs/ /brdeg gzas gnas ngan zan gcod dang/ /'dun pa @036b spangs rjes 'gyod bskyed dang/ /sor mo sdangs byed gdengs med dang/ /bslab spong nyan rnam gus phyogs/ /da gdod gral rim min pa ste/ /de ltar sum cu rtsa gcig go /zhes bzung ngo/ ! /gnyis pa sems can ma yin pa las gyur ba ni; gos dang zas dang snod spyad las gyur pa'i ltung ba rnams kyi skabs su ltung ba de dag gi gzhir gyur pa'i chos gos dang lhung bzed la sogs pa rab tu byung ba'i rdzas dag la ni dmigs gsal ma gtogs pa sangs rgyas kyis ma bkag pa'i rung ba nyid dang/ tshad dang ldan pa 'am tshad las lhag pa ni rang rang gi ltung ba rdzogs pa'i yan lag yin par bstan pa la/ rab tu byung ba'i rdzas dag la ni rung ba nyid dang tshad dang ldan pa la sogs pa nyid do// zhes byung/ gos la rgyu rung ba ni/ me tog phreng rgyud las/ bal gos shan nyi 'og dang/ /ras gos dang ni zar ma dang/ /go tam pa dang du gu la/ /chos gos rgyu ni rnam pa bdun/ /zhes gsungs pa ltar ba la gos la sogs pa bdun dang srin bal la sogs pa'o/ /dbyibs rung ba gru bzhi lta bu dang/ kha dog rung ba'i tshon gsum gyis kha bsgyur ba dang/ dkar po dang nag po la sogs pa ci rigs dang/ gnas skabs ni longs spyod par bzod pa'o/ /zas la ngo bo'i sgo nas rung ba ni sangs rgyas kyis ma bkag pa'i bza' bca' btung ba rnams dang/ cho ga'i sgo nas rung ba ni lag nya dang/ mtshams btsos dang/ zhag lon dang/ rjen btsos dang/ gsog 'jog tu ma song ba'o/ / lhung bzed la rgyu rung bas dang lcags dang/ dbyibs zlum po sgo nga phyed bkas lta bu dang/ kha dog nag po dang/ gnas skabs ni longs spyod par bzod pa'o/ /khab ral la rgyu rung ba ba so dang/ rus pa dang/ rwa lta bu dang/ @037a @#/ /dbyibs sbu gu 'am chang ba lta bu dang/ gnas skabs ni longs spyod par bzod pa'o/ /tshad ldan ni/ gos la spyi tshod khru gang du longs pa dang bye brag gi tshad rang rang gi tshad ji skad bshad pa dang ldan pa dang/ lhung bzed la byin gyis brlab tu rung ba gsum gyi tshad dang ldan pa dang/ stan la che tshad srid du khru phyed dang lnga dang/ chung tshad srid du khru phyed dang gsum dang/ 'bring tshad de gnyis kyi bar dang/ zheng du gdeng ba'i tshad dang mnyam par lung zhu ba dang/ rgya cher 'grel bar bshad do/ /yig char tshad ni gding ba ltar ro zhes gsungs pa ni zheng tshad la dgongs sam dpyad/ bal khur ba la khur tshad du longs pa dang/ shing bal gyis gos par byed pa dang khab ral gnyis la grags sde'i tshad du longs pa dang/ zas la kham dang hub tu longs pa'o/ /tshad las lhag pa ni spyi tshad las lhag pa dang/ rang tshad las lhag pa gnyis te go sla'o/ /gos kyis bskyed pa so drug ni/ 'chang nas rmel 'jug par bcu bdun/ /'thag nas bsngos bsgyur bar bdun dang/ /bshes ngo khri dang chos gos gnyis/ /kha dog sbed pa gdengs med dang/ /brdal la sogs pa rnam lnga'o/ /'dul 'dzin mtsho DIka mthun par snang/ /'on kyang bskur bar bcu bdun/ /bsngos bsgyur ba shes ngo bzhi po de/ /lhung bzed kyis kyang bskyed par mtshungs/ /gsung mod 'phrog pa sbed pa gnyis/ /yo byad tsam gyis bskyed pa dang/ /gnas mal ltung byed khri las kyang/ 'gyur bar rin chen phreng bar gsungs/ /zas kyis bskyed pa nyer gcig ste/ /gsog 'jog sbyor 'jug yang yang sogs/ /gcer bu bde dang mgron gnyer dang/ /chang dang zas bcas sor bshags bzhi/ /bslab bya chen mo rin @037b phreng mthun/ /mtsho DIka 'phya ba zas cung bsnan/ /snod sbyad la rten mtsho TIka las/ /lhung bzed 'chang tshol khab ral gsum/ /gsungs so 'on kyang de'i steng du/ /rin phreng 'phrog pa khri gding dang/ /sbed pa rtsa 'byung khri rkang drug ! bsnan pas dgur bshad dpyad par bya'o/ /tshad ldan gnas kyis bskyed pa ni/ /khang pa khang chen gding ba skrod/ /phyis gnon rtsa 'byung rim lhag dang/ /'dug gnas nub lhag spangs rjes phyogs/ /bsnyil bsdud phyogs gcig bud med nyal/ /dus min grong 'gro grong rgyu dang/ /pho brang sor bshags dang po ste/ /de ltar grangs ni bcu drug go /gos las gyur pa so drug las/ /rang rang tshad kyis bskyed pa ni/ /'bral ba gnyis dang 'khrur 'jug dang/ /srin bal sogs drug ras chen dang/ /gnas mal gos byed sbed pa dang/ /gdengs med brdal sogs rnam lnga ste/ /'dul 'dzin de ltar bcu dgur gsungs/ /rin phreng slong sogs bzhi po bsnan/ /spyi yi tshad kyis bskyed pa ni/ /'chang ba 'jog ba lan sogs drug /bal rmel 'thag gnyis byin 'phrog dang/ /gtad pa dngos bsgyur bshes ngo dang/ /gos byin kha dog ma bsgyur te/ /de ltar bcu bdun 'dul 'dzin gsungs/ /zhes bzung ngo// de dag gi skabs su ltung ba'i gzhir gyur pa'i rdzas rung ba dang tshad du longs pa sogs dgos te/ mi rung ba dang tshad du ma longs ba la rang rang gi na smad du 'gyur ba'i phyir/ dmigs gsal yang yod de/ cho ga'i sgo nas mi rung bas gsog 'jog za ba'i ltung byed bskyed pa dang/ ngo bo'i sgo nas mi rung bas myos gyur 'thung ba'i ltung byed bskyed pa lta bu yin pa'i phyir/ 'bral ba gnyis dang mtho gang dang ras chen las gyur ba'i spang ltung dang/ gos kyi bzo byed pa'i ltung byed @038a @#/ /rnams la gos de rang rang gi 'tsho ba'i yo byad kyi byin brlabs yongs rdzogs chags pa'i tshad dang ldan pa dgos shing/ dmigs gsal tshad las lhag pa'i sra rkyang gis 'bral ltung bskyed pa dang/ khri rkang gding ba ras chen g.yan pa dgab pa bzhi la rang rang gi tshad las lhag pa'i rdzas yan lag tu dgos pa dang/ gos kyi spyi tshad las gyur pa dang/ stan las gyur pa dang/ zas las gyur pa rnams dang/ bde gshegs chos gos kyi tshad las gyur ba lta bu la tshad dang ldan pa 'am tshad las lhag pa gang yang rung bas bskyed par bshad do/ ! /gnyis pa bsam pa'i yan lag la/ rdzun smra ba'i pham pa la sogs pa rang don yan lag tu dgos pa'i ltung ba rnams kyi skabs su rang don kho na 'am gtso cher rang don du byed par 'dod pa kun slong gi yan lag tu dgos par bstan pa la/ /rang gi don nyid gtso cher yod pa'o/ /zhes byung/ rgya cher 'grel pa dang rin chen phreng ba dang bslab bya chen mo sogs su rang don yan lag tu dgos pa'i ltung ba la rang kho na'i ched du byas pa yan lag yin par gsungs shing/ bam po lnga bcu pa dang mtsho TIka gnyis kar rang gzhan thun mong gi don du byas pas kyang dngos gzhi bskyed par gsungs la/ khyad par du mtsho TIka las rang don kho na yan lag tu dgos pa dang/ rang gi don gtso cher yod pa yan lag tu dgos pa gnyis su phye nas bshad do/ /kun slong rang don dgos pa ni/ /bla ma 'khrig tshig bsnyen bkur dang/ / spang ba'i ltung ba sum cu las/ /'bral gnyis byin 'phrog gtad pa bzhi/ /ma gtogs nyi shu rtsa drug dang/ /bden smra 'phya ba sbyor 'jug dang/ /yang yang gdug gnas phye dang ni/ /bsod pa me dang mgron gnyer dang/ /khab ral @038b brdal la sogs pa lnga/ /sor bshags bzhi ste bzhi bcu brgyad/ /rin phreng gsungs so 'dul 'dzin gyis/ /mtho gang bden smra me reg dang/ /shing bal ma grangs srog chags bcas/ /grangs te bzhi bcu rtsa lngar gsungs/ /mtsho DIka sor bshags tha ma gnyis/ /yang yang 'dug gnas me reg dang/ /shing bal mgron gnyer ma grangs par/ /ma byin len dang gtad pa dang/ /khri gding chu la rtse ba lnga/ /grangs te bzhi bcu drug tu gsungs/ /rku dang 'chang gnyis gser dngul len/ /'phya phye sbyor 'jug brtad pa brgyad/ /rang gzhan thun mong don las kyang/ /'gyur ro gzhan min zhes kyang gsungs/ ! /gsum pa sbyor ba dang mthar thug gi yan lag ni/ rdzun pham dang 'khrig tshig smra ba la sogs pa ngag gi rnam par rig byed las 'gyur ba'i ltung ba rnams kyi skabs su go bya'i yul gyis smra ba po'i tshig gis brjod tshod kyi don go ba dang/ rku pham dang gsod pham la sogs pa bcol yang rdzogs pa'i ltung ba rnams la gzhan la bcol ba'i tshe bcol yul pho nyas kyang bcol ba po'i tshig gis brjod tshod kyi don go ba de ltung ba dngos gzhi bskyed pa'i yan lag yin par bstan pa la/ rnam par rig byed la ni don go ba'o/ /zhes byung/ de yang tshig gis brjod tshod kyi don rtogs pa yin gyi bden rdzun gyi don rtogs dgos pa min no/ /mthar thug don go ba yan lag tu dgos pa rnams la pha rol pos don go ba dang dus mnyam du dngos gzhi bskyed cing de las gzhan pa dag la pha rol pos don go ba'i rjes su dngos gzhi bskyed do/ /mthar thug don go dgos pa ni/ /bla ma 'khrig tshig bsnyen bkur dang/ /gzhi med bag tsam rdzun sogs bcu/ /'phya ba bsgo ba phyis gnon dang/ /ma bskos nyi nub zas cung @039a @#/ /dang/ /stobs pa bde dang 'dun pa smra/ /dge tshul 'gyod pa sdangs byed dang/ /gzhi med bslab spong nyan rna dang/ /ma gus da gdod sum cu gsum/ /rin phreng gsungs so mtsho TIka las/ /'don dang phyis gnon spangs rjes phyogs/ /bsnyil bsdud dor nas nyer dgur gsungs/ /'dul 'dzin ma gus ma grangs par/ /nyal shom khyim du 'greng ba grangs/ /sbyor ba rang byas dgos pa dang/ /bcol yang rdzogs pa'o dang po la/ /rang lus kho nas byed pa ni/ /spyod pham lhag ma dang po gnyis/ /'chang 'jog bzhi dang 'bral ba dang/ /mtho gang bal 'khur dgon 'bral khri/ /'byung 'dug gos byed don mthun dang/ /grur zhugs dben gnyis sbyor 'jug dang/ /yang yang 'dug gnas spangs za dang/ /'dus za sogs bzhi nyal shom gnyis/ /gcer bu dmag lta dmag nang gnas/ /brdeg gzas gnas ngan nub lhag dang/ /kha dog khrus byed ga ga tshil/ /bud med nyal 'gro gdeng med spyod/ /rku dang mgron dang nyan rna byed/ /mi smra chang 'thung grong 'gro dang/ /grong rgyu pho brang 'jug pa ste/ /de ltar bzhi bcu rtsa dgur bshad/ /bslab bya chen mor 'chang 'jog bzhi/ /gcer bu dmag lta gnas ngan bdun/ /dor nas gding dang gral rim gnyis/ /snan pas bzhi bcu rtsa bzhir gsungs/ /rang ngag kho nas byed pa ni/ /mthar thug don go dgos pa las/ /phyis gnon spangs rdzes bsnyil bsdud dang/ /sdangs byed nyan rnam gus pa/ /ma gtogs nyi shu rtsa bdun dang/ /bsgo gyur bzhi dang 'khru ba nas/ /so so'i bar drug rmel ba dang/ /mngon mtshan nyo tshong lhung bzed tshol/ /ras chen tshol dang sdig lta dang/ /ma lon pa ste bzhi bcu bzhi/ /de ltar rin chen phreng bar gsungs/ /'dul 'dzin @039b mngon mtshan nyo tshong dor/ /lus ngag gang rung byed pa can/ /skur ba gtad pa bsngos bsgyur dang/ /phyis gnon gos ster bshams dkrug dang/ /spangs pa gnyis dang ma gus dgur/ /rin phreng gsungs so mtsho TIka las/ / byin phrogs der gsungs gzhan mi gsal/ /'dul 'dzin bsngos bsgyur gos sbyin dang/ /ma gus dor nas dmag lta bsnan/ /'on kyang dmag lta lus kho nas/ /'grub par sems so zhes kyang gsungs/ /lus ngag gnyis ka dgos pa ni/ /do gsum bsod slong zas len gsum/ /rin phreng gsungs shing 'dul 'dzin gyis/ /sor bshags tha ma gnyis po snan/ /gzhan la bcol yang rdzogs pa ni/ /rku dang gsod pa bzhi dang smyan/ /khang pa khang chen srin bal dang/ /'ba' zhig cha gnyis drug dang gser/ /'thag gnyis byin 'phrog sa bon skrod/ /rim lhag me reg rin chen reg /chu dang sdangs byed sbed pa dang/ /sarko khab ral la sogs bdun/ /sum cu gnyis su gzhung phal cher/ /mthun kyang rin phreng khri gding gi /gding ba sor bshags mtha' gsum gyi/ /zas len bcol yang 'grub par gsungs/ /zhes bzung ngo/ /ngag gi rnam par rig byed las gyur pa'i ltung ba dang bcol yang rdzogs pa'i ltung ba la go bya'i yul dang pho nya gnyis smra mi shes kyang don go go ba tsam gyis dngos gzhi bskyed dam zhe na/ gsod pa'i ltung ba bzhi dang rang gi don du rku ba'i ltung ba ste lnga las gzhan pa'i skabs su tshig smra shes pa po la yod pa'i don go ba de ltung ba dngos gzhi bskyed pa'i yan lag yin par bstan pa la/ /smra ba po nyid la yod pa ste gsod pa dang rang gi don du rku ba dag las gzhan pa'i'o/ /zhes byung/ de ltar yang TIk@040a @#/ /las/ lkugs pa dang mtha' 'khob pa la sogs pa'i gang zag don de dang 'brel pa smra mi shes shing smra ba po nyid min pa gzhan dag la don go pa yod pa gang yin pa de ni rnam par rig byed kyi yan lag min te/ de dag la don go ba yod pa ni 'jig rten gyi tha snyad la nye bar sbyar du rung ba min pa'i phyir/ bum pa'i nang gi mar me dang 'dra'o/ /zhes gsungs so/ /gsod pa dang rku pa gnyis la smra mi shes pa la yod pa'i don go pas kyang dngos gzhi bskyed de/ TIkkar/ de lta bas na lkugs pa la sogs pa dag la don go ba yod pa gang yin pa de ni 'di ltar smra ba po nyid min du zin kyang gsod pa dang rang gi don du rku ba'i yul la ni rnam par rig byed kyi yan lag yin no/ /zhes gsungs so/ /de gnyis kyi skabs su pho nya la dogs pa bcad pa yin gyi yul la dogs pa bcad pa min no/ /sdom pa dang sdom min dang bar ma gsum yang dag par len par byed pa la ni smra shes pa la yod pa'i don go bas kyang chog par ma zad smra mi shes pa la yod pa'i don go bas kyang chog par bstan pa la/ yang dag par len par byed pa dag la ni der ma zad do/ /zhes byung/ de yang dper na len sems yod na las kyi cho ga'i tshig sgrub byas ma thos kyang bsnyen rdzogs kyi sdom pa skyes pa lta bu ste/ sag lhas/ 'on pas kyang ni go gyur na/ /las brjod pa ni mi thos kyang/ /'di la bsnyen rdzogs yod pa ste/ /tshul khrims ldan la nyes pa med; ;ces so/ /smra shes shing don go ba de ni ltung ba mthol ba la sogs pa rnam par rig byed kyi snod dam yul yin par bstan pa la/ de ni snod yin no/ /zhes byung/ 'dis ni smra mi shes pa la rang dang gzhan gyi ltung ba ma @040b brjod kyang bcas pa'i nyes pa mi 'byung bar bstan to/ /ngag gi rnam par rig byed las gyur pa'i ltung ba rnams dang bcol yang rdzogs pa'i ltung ba rnams las gsod pa dang rku ba dang smyan ma gtogs pa'i skabs su gzhan la smra ba'i tshe rang gi ngag tu bdag dang 'brel bar smras pa zhig dgos par bstan pa la/ ngag gi'o/ /rang gi'o/ /bdag nyid dang 'brel ba'o/ /zhes byung/ spyir na ngag mtshan nyid lnga ldan gyis smras dgos te/ ngag gis smra ba dang rang gis smra ba dang bdag nyid dang 'brel bar smra ba dang gsum mdo 'di dag gis bstan la/ nor na yang ngo/ /zhes pas bsam pa'i don smra ba dang/ gzhogs smos kyang ngo/ /zhes pas gsal por smras dgos par bstan pa'i phyir/ 'di dag gis rdzun smra'i pham pa la sogs pa la sbring yig dang lag brda la sogs pa dang/ gzhan smrar bcug pa dang/ lha sbyin na re kho bo 'dod chags dang 'bral ba yin no zhes zer ro zhes pa lta bu gzhan la snyad 'dogs pa dang/ rgyun zhugs thob par smra 'dod las phyir 'ong thob par smra ba lta bu nor ba dang/ khyod bdag dang 'dra na rgyun zhugs yin nam zhes pa lta bu gzhogs smos gyis smras pa la dngos gzhi mi bskyed par bstan to/ /gsod pa dang rku ba dang smyan ma gtogs pa'i bcol yang rdzogs pa'i ltung ba rnams kyi skabs su rang gis mngon sum du bskos pa nyid byed du bcug pa zhig dgos kyi/ lkog nas khyod kyis lha sbyin byed du chug ces pa lta bus dngos gzhi mi bskyed par bstan pa la; rang gis bskos pa nyid byed du bcug pa yin no/ /zhes byung/ gsod pa dang rku ba dang smyan byed pa'i skabs su rgyud nas bskos pas kyang dngos gzhi bskyed cing/ khyad par du gsod rku gnyis la sbring yig la sogs pas bskos @041a @#/ /pas kyang dngos gzhi'i ltung ba bskyed do/ /de dag las gzhan pa'i bcol yang rdzogs pa'i ltung ba rnams gzhan la bcol pa'i tshe mtshan nyid lnga ldan gyi ngag gis mngon sum du bcol pa dgos shing/ rin po che la reg pa dang sa bon skye 'jig dang me la reg pa dang chu la rtse ba dang longs pa gzhir gtogs dang sa rko ba ste drug la mngon sum du byas pa yang dgos par mtsho TIka sogs las bshad do/ /rnam par 'byed par gtogs pa phal che ba spyir bstan pa rnams rdzogs so/ /zhes pa'i don bshad du yod de/ rnam par 'byed par gtogs pa ni de'i yan lag ston pa'i zhu ba dang/ phal che ba spyir bstan pa ni shas cher spyir bstan pa yin gyi/ mgu ba spyad pa ni don med pa nyid yin no zhes pa dang/ reg par bya ba nyid ni zhes sogs gsum dang/ yang dag par len par byed pa la ni zhes sogs gnyis te mdo tshan drug lta bu spyir ma bstan pa yang yod ces pa'i bshad tshul dang/ yang na rnam 'byed du gtogs pa shas che zhing gzhi bcu bdun du gtogs pa shas chung ba'i bslab pa rnams spyir bstan pa'o zhes pa'i bshad tshul dang/ yang na mdo de dag rnam 'byed du gtogs pa'i zhu ba las 'byung ba shas che ba yin gyi/ 'ga' zhig gzhan las 'byung ba'ang yod de/ rdzas bkag pa sogs gnyis dang/ mi la dud 'gro zhes pa gsum rnam 'byed dang/ rdzu 'phrul gyi chos can zhes pa 'dul byed dang/ zhing ma yin pa nyid la ni zhes pa spo ba'i gzhir gtogs pa'i zhu ba dang gtam gyi gzhi gnyis ka las 'byung ba'i phyir zhes pa'i bshad tshul gsum yod pa'i phyir/ lung las bsdus tshul 'di mtsho TIka gi bshad tshul yin la/ rin phreng ltar na gzhan @041b rnams 'dra ba la/ yan lag thams cad ces pa rnam 'byed dang/ 'di la nyes pa bcabs pa zhes pa dang/ mgu ba spyad pa zhes pa gnyis sbo ba'i gzhir gtogs pa'i zhu ba las 'byung bar bshad do// ? 'di dag gi skabs su mtha' dpyad pa la/ kha cig na re/ skabs 'di'i nyams pa ltung ba la sbyor na nyes byas su gsungs pa de thun mong ba'i pham pas nyams pa tsam la byed par thal/ yon shAka rang lugs la de ltar yin pa'i phyir/ zer na ma khyab/ rtags grub ste/ thun mong gi pham pa byung ba tsam gyis sdom pa gtong bar 'dod pa'i phyir/ khyab ste/ thun mong gi pham pa 'chab bcas 'chab med gang byung yang sdom pa gtong bas slar sdom pa ma blangs na sde lnga'i gzhi la zhugs kyang nyes byas tsam las mi bskyed par 'dod pa'i phyir/ der thal/ de'i rgyu mtshan gyis bslab rgyun gcig la thun mong gi pham pa bzhi gcig char byung ba yod kyang rim gyis 'byung ba med par 'dod pa'i phyir/ 'od ldan las/ ji ste 'o na zhus pa las/ gcig la mthar 'gyur ba bzhi yang 'byung ngo/ /zhes gsungs pa ji lta bu yin zhe na/ de ni las kyi lam rnams gcig char rdzogs pa la dgongs nas yin te/ rim gyis na ni nyes byas kho na yin pas nges pa med do/ / zhes gsungs pa'i phyir/ rtsa bar 'dod mi nus te/ thun mong gi pham pa 'chab bcas kyis nyams pa dgos pa'i phyir/ der thal/ 'chab med byung na bslab byin bzhin du sde lnga bskyed pa la rnam dag dang 'dra ba'i phyir/ yig char; 'chab med bslab byin dang sbyar zhing de sde lnga la rnam dag dang 'dra bar zur du bshad pa'i phyir/ zhes gsungs pa'i phyir/ byas pa la kho na re/ skabs 'dir thun mong gi pham pas sdom pa mi gtong bar bshad pa mi 'thad @042a @#/ /par thal/ 'dul ba rang lugs yon shAka gi lugs dang mthun pa'i phyir/ yig char/ 'dul ba la yon shAka gnyis gtso zhing/ zhes dang/ mdo rtsa ba'i skabs 'dir sdom pa thob gtong bye smra'i lugs ltar ma yin te/ zhes gsungs pa'i phyir na ma khyab ste/ yon shAka rang lugs bye smra'i lugs dang mi mthun par bshad pa tsam yin pa'i phyir/ rtsa bar 'dod mi nus te/ 'dul ba rang lugs bye smra'i lugs yin pa'i phyir/ der thal; mdo rtsa ba'i lugs bye smra'i lugs yin pa'i phyir/ der thal/ chos bshes dang dri med bshes gnyen sogs kyis nyams pa dang ma chags pa ltung ba la sbyor na nyes byas su gsungs pa'i don bye smra'i lugs ltar bshad pa'i phyir/ khyab ste/ de ltar bshad pa ni mdo rtsa ba'i bshad tshul bye smra'i lugs dang mthun shas che ba'i rgyu mtshan gyis yin pa'i phyir/ der thal/ dge slong nyams pa la yang ngo/ /zhes dang/ de ni gzhi gzhan ma yin no/ /brjed pa ni yod pa nyid ma yin no/ /zhes sogs kyi don bye smra'i lugs dang mthun gyi/ yon shAka rang lugs dang mi mthun pa'i phyir/ rtags zur dang po grub ste/ bye smras mi tshangs spyod kyi pham pa byung ba'i dge slong la bcas ldan dge slong gzhan gyis pham pa gzhan gsum gyis skur ba 'debs na lhag ma bskyed pa dang/ pham pas ma dag pa la skur ba 'debs na ltung ba'i gzhi bcu gcig tu 'gyur bar 'dod pa dang mdo 'di dag shin tu mthun pa'i phyir/ der thal/ mdo 'di dag gi don bshad tshul yod pa'i phyir/ khyab ste/ rin chen phreng ba las/ tshul khrims dang ldan pa kho nar ma zad nyams pa la yang ngo/ /zhes dang/ sngar pham pa byed pa mthong ba'i @042b gzhi de ni gzhi gzhan thos pa dang dogs pa min/ thos pa yang mthong dogs min zhing/ /dogs pa yang mthong thos min no/ /des na mthong ba thos dogs su brjod na gzhi med pa yin pas dge 'dun lhag mar 'gyur ro/ /sngar mthong thos dogs gsum yod pa da lta brjed pa ni ltung ba gleng ba'i gzhir yod pa min no/ /des na mthong ba dang thos pa brjed bzhin du 'du shes bsgyur te mthong ngo thos so zhes zer na dge 'dun lhag mar 'gyur ro/ /zhes gsungs pa'i phyir/ 'di'i skur ba 'debs yul la thun mong gi pham pa 'chab bcas kyis nyams pa med par mtsho TIka las bshad do/ /gong gi rtags zur phyi ma grub ste/ yon shAka rang lugs la gzhi med kyi lhag ma'i yul la pham pas mgos pa'i dge slong rnam dag dgos pa'i phyir/ der thal/ so thar gyi mdo las dge slong dag pa ltung ba med pa la zhes pa'i don bye smras skur ba 'debs pa'i gzhis dag pa la 'dod cing/ yon shAka rang lugs la pham pa spyis dag pa la 'dod pa'i phyir/ 'od ldan las/ dag pa zhes bya ba de ni spyi la bya bar gsungs pa yin te/ 'dir pham pa thams cad kyis dag pa yin par rtogs pas so/ /gal te rnam par 'byed pa las de'i gzhi nyid do zhes gsungs na yang pham pa'i gzhi nyid do zhes bya bar bshad par bya'o/ /zhus pa'i gzhung dang yang mi 'gal te/ 'di ltar gzhung gi don ni de mtshan nyid mi shes pas nyams pa la sogs pa dag tu log par zhugs nas bdag gis mi tshangs par spyod pa byas so zhes smras la/ gang la smras pa de ni mtshan nyid shes pa zhig yin nas zhe sdang gis gsum po gzhan dag gis skur ba 'debs par byed na de la dge 'dun gyi lhag ma'o zhes bya ba yin pa'i phyir ro/ /gang zag ma dag pa la skur ba 'debs par byed na ltung ba'i gzhi bcu gcig tu 'gyur ro zhes gang gsungs pa de yang phyogs 'di nyid kyis @043a @#/ /na dman pa sbom po la sogs pas ni ma dag pa yin la pham pa rnams kyis ni dag ba yin no zhes bya bar khong du chud par bya'o/ /zhes gsal bar gsungs pa'i phyir/ /yang kho na re/ 'o na rang lugs la pham pa 'byung ba dang sdom pa rnam dag gi gzhi mthun 'dod par thal/ 'dul ba rang lugs bye smra'i lugs yin pa'i phyir na ma khyab ste/ 'dul ba rang lugs la pham ba byung ba'i dge slong gi rgyud la sdom pa dag ma dag gi cha gnyis yod par mi 'dod pa'i phyir/ der thal/ de ltar 'dod pa ni kha che bye smra'i lugs yin pa gang zhig /'dul ba rang lugs kha che bye smra'i lugs dang mi mthun pa'i phyir/ dang po grub ste/ mdzod las/ kha che rnams ni 'byung ba la/ /bu lon nor bzhin gnyis su 'dod/ /ces gsungs pa'i phyir/ gnyis pa grub ste/ 'dul ba rang lugs gzhi thams cad yod par smra ba'i lugs yin pa'i phyir/ khyab ste/ yod smra dang kha che bye smra'i gzhi mthun yod kyang de gnyis khyad par med pa ma yin pa'i phyir/ der thal/ de gnyis kyi lugs la dge bsnyen gyi sdom pa len pa'i cho ga mi 'dra bar bshad pa gang zhig /kha che ba'i lugs la sna gcig dge bsnyen sogs sdom pa blangs tshe spangs bya lnga ka bsrung bar khas blangs dgos shing bsrung tshe gcig bsrung ba sna gcig dang gnyis bsrung ba sna 'ga' sogs su 'dod pas gang bsrung ba de'i cha nas tshul khrims dang ldan pa dang ma bsrung ba de'i cha nas tshul 'chal du 'dod la/ /yod smras de ltar mi 'dod par ma zad de'i gzhung la sna gcig dge bsnyen sogs kyi tha snyad dang cho ga gsungs pa'ang mi snang zhing khas len mi len kyang brtags dgos par mkhas grub thams cad mkhyen pas bshad pa'i phyir/ dang po grub ste/ thub bstan byi dor las/ bye brag smra ba'i lugs la/ skyabs su 'gro ba'i rjes su bdag ji srid 'tsho'i bar du @043b dge bsnyen du gzung du gsol lan gsum bzlas pas zhes sogs dang/ kha che bye brag smra ba ltar na lan ba'i tshe yang dge bsnyen gyi bslab gzhi rtsa ba bzhi dang chang dang lnga ka spong ba'i yan lag tshang bar nod dgos kyi/ ma tshang na so thar rigs brgyad du ma gtogs par 'dod de/ zhes gsungs pa'i phyir/ gnyis pa grub ste/ de nyid las/ kha che bye brag smra ba ltar na sdom pa de dag thams cad kyis 'thob kyang/ gang bsrung ba de'i cha nas tshul khrims dang ldan pa dang ma bsrung ba de'i cha nas tshul khrims 'chal ba yin no zhes zer ro/ /zhes gsungs pa'i phyir/ 'di ni so thar gyi spong bdun phan tshun rdzas tha dad dang 'byung ba bzhi tshan tha dad las skyes par 'dod pa'i gnad kyis yin la/ bsam gtan dang zag med kyi spong bdun phan tshun lhan cig 'byung ba'i rgyu 'bras yin zhing/ so thar gyi spong bdun phan tshun lhan cig 'byung ba'i rgyu 'bras ma yin pa ni so thar gyi spong bdun tshogs pa tha dad du gnas pa'i rgyu mtshan gyis yin par gsungs pas/ 'dis kyang pham pa 'chab med 'byung ba la dag ma dag gi cha gnyis yod par 'grub bo/ /gong gi rtags gsum pa grub ste/ de nyid las/ /sna gcig spyod pa sogs kyi tha snyad dang cho ga gsungs pa'ang mi snang zhing/ /bla ma dag yongs rdzogs kyi dge bsnyen gyi cho ga kha spos nas byed mod/ gzhi thams cad yod par smra ba dag sna gcig spyod pa sogs kyi dge bsnyen khas len mi len dag nas byos shig /ces gsungs pa'i phyir/ /gzhan yang/ 'dul ba rang lugs dang kha che bye smra'i lugs gnyis mi mthun par thal/ /'dul ba rang lugs la spong bdun nang tshan gyi ngag gi las lam dang rdzun smra'i las lam la lus kyi rnam par rig byed yod par 'dod la/ /kha che bye smras de ltar mi 'dod pa'i phyir/ /dang po grub ste/ rdzun smra @044a @#/ /dang rdzun smra spong pa'i ngag gi las lam gnyis ka la lus kyi rnam par rig byed yod par yig char bshad pa'i phyir dang/ bam po lnga bcu pa las/ de shes bzhin du rdzun du smra ba yin no zhes bya ba ni rdzun la rnam pa lnga ste; pham par 'gyur ba dang/ dge 'dun lhag mar 'gyur ba dang/ nyes pa sbom por 'gyur ba dang/ ltung byed du 'gyur ba dang/ nyes byas su 'gyur ba'o/ /zhes pa nas/ nyes byas su 'gyur pa'i rdzun ni skabs 'di nyid kyis bstan te/ gso sbyong la ci 'di la khyed yongs su ngag gam zhes lan gsum gyi bar du dris pa las ma dag par shes bzhin du cang mi smra bas 'da' bar byed na nyes byas so/ /zhes gsungs pa'i phyir/ des kyang nyes byas longs su rdzogs pa yin gyi yid kyi ni ma yin te/ kha rnam par 'gyur pa la sogs pa'i rnam par rig byed de la yod pa'i phyir ro/ /zhes gsungs pa'i phyir/ gnyis pa grub ste/ kha che bye smras lus kyis rdzun byas pa dang ngag gis srog gcod pa lta bu la dngos gzhi'i las lam rnam rig ma yin pa kho nar 'dod cing/ lus ngag tu ma thon par yid kho nas byas pa'i srog gcod dang rdzun smra'i las lam yod par 'dod pa'i phyir/ mdzod 'grel du/ bstan bcos drangs pa las/ lus kyis mi byed na srog gcod pa'i kha na ma tho bas reg par 'gyur ba yod dam zhe na yod de/ ngag gis byed par 'gyur na'o/ /ngag gis mi byed na rdzun gyi kha na ma tho bas reg par 'gyur ba yod dam zhe na yod de/ lus kyis byed par 'gyur na'o/ /lus kyis kyang mi byed/ ngag gis kyang mi byed na/ kha na ma tho ba gnyis kas reg par 'gyur ba yod dam zhe na yod de/ 'dir drang srong rnams yid rab tu khros pa dang/ gso sbyong dper bya'o/ /zhes gsungs pa'i phyir/ khyab ste/ gang spel las/ ngag gis byed @044b par 'gyur na'o/ /zhes bya ba 'di ni rnam par rig byed ma yin pa kho na dngos kyi las kyi lam yin gyi/ rnam par rig byed ni ma yin no/ /zhes dang/ rgyal sras ma las/ lus kyis byed par 'gyur na'o/ /zhes bya ba 'dir yang rdzun du smra ba ni ngag gi yin pa'i phyir dngos kyis bsdus pa'i rnam par rig byed ma yin pa dag kho na'i yin no/ /zhes bya bar khong du chud par bya'o/ /zhes gsungs pa'i phyir/ gzhan yang/ lus ngag gi rig byed lam ltos par yid kho nas lus ngag gnyis ka'i mi dge ba'i las lam rdzogs pa yod par kha che bye smras 'dod cing 'dul ba rang lugs la de ltar mi 'dod pa'i khyad par yod par thal/ kha che bye smras de ltar 'dod pa gang zhig /'dul ba rang lugs la de ltar mi 'dod pa'i phyir/ dang po grub ste/ drang srong yid khros pas srog gcod pa dang gso sbyong la mdo 'don pa bos ci 'di la khyed yongs su dag gam zhes dris pa'i tshe bshags bsngam rlabs gsum ma byas pa'i ltung ba dran bzhin du ma mthol ba gnyis la rig byed med par 'dod pa'i phyir/ mchims mdzod las/ de'i phyir lus ngag gi rig byed med kyang srog gcod dang rdzun du smra ba yod do zhes bye brag tu smra ba rnams zer ro/ /zhes gsungs pa'i phyir dang/ bstan bcos sngar drangs ba de'i phyir/ khyab ste/ mi dge bar ma zang lus ngag gi rig byed lam ltos par 'dod pa'i sas bsdus kyi spong bdun gyi sdom pa skyes pa yod par 'dod pa'i phyir/ mdzod las/ gzhan gyi rnam rig byed sogs kyis/ zhes dang/ mdzod 'grel las/ bye brag tu smra ba 'dul ba pa rnams na re rnam pa bcus bsnyen par rdzogs so/ /zhes zer ba bsdu ba'i phyir sogs pa'i sgra smos te/ zhes pa nas/ de dag gi so sor thar pa'i sdom pa ni gdon mi za bar rnam par rig byed la rag las pa ma yin no/ z/hes gsungs pa'i phyir dang/ yig char/ lus ngag gi rig byed la@045a @#/ /ma ltos par yid kyi sgo nas lus ngag gi spong bdun gyi sdom pa yod par bshad rigs pa'i phyir/ zhes gsungs pa'i phyir/ gong gi rtags gnyis pa grub ste/ 'dul ba'i skabs 'dir bshags dgos yan chad kyi ltung ba bskyed bal lus ngag gang rung du thon pa dgos pa'i phyir/ der thal/ 'dod pa'i sas bsdus kyi rnam rig min pa'i gzugs skye ba ni rnam par rig byed la nges par ltos dgos pa'i phyir/ 'dul ba bsdus pa las/ sems 'ba' zhig gis ni bshags par bya dgos pa'i ltung ba kun nas slong pa med kyis bdag nyid kyis bsngam par bya ba kho na ma yin te/ zhes dang/ thub bstan byi dor las/ lus ngag tu ma thon pa'i ltung ba mtha' dag ni/ sngar byas la 'gyod cing phyin chad mi byed pa'i sdom sems bsten pa tsam gyis ltung ba las ldang bar 'gyur gyi bshags mi dgos la/ zhes dang/ lung zhu ba'i TIka kar yang/ lus ngag gi byed pa med na rnam par rig byed med la/ de med na ltung ba med pa'i phyir/ zhes gsungs pa'i phyir dang/ mdzod 'grel las kyang/ gnyis ka yang mi byed na 'dod pan spyod pa'i rnam par rig byed min pa rnam par rig byed med pa can yang med pas ji ltar na de gnyis kyi lam du 'gyur te/ 'di la 'bad par bya'o/ /zhes 'dod pa'i sas bsdus kyi rig byed ma yin pa'i gzugs ni rig byed la nges par ltos dgos pa'i phyir gsod rdzun gnyis kyi las lam du mi 'gyur par thal ba la bye smras lan gdab dgos par bshad pa'i phyir dang/ rgya cher TIkka dang bam po lnga bcu pa gnyis kar/ nyes byas yongs su rdzogs pa yin gyi yid kyi ni ma yin te/ kha rnam par 'gyur pa la sogs pa'i rnam par rig byed de la yod pa'i phyir ro/ /zhes pa'i don yod pa'i phyir/ 'on kyang mtsho TIkka ltar na @045b bshags dgos yan chad kyi ltung ba bskyed pa la lus ngag tu thon pa yan lag tu mi dgos te/ bya ba mi byed pa'i ltung ba bskyed pa la lus ngag tu thon mi dgos shing/ mi bya ba byid pa'i ltung ba bshags dgos yan chad bskyed pa la spyir btang la lus ngag gang rung du thon dgos kyang/ dmigs gsal la lus ngag tu mthon par pham pa dang spom po yang bskyed pa yod pa'i phyir/ gtam gyi gzhi las/ tshig tu yang mi smra lus kyis kyang ma rtsal kyang dge slong mar mi 'gyur pa mchis sam/ yod de dge slong mas dge slong ma'i pham pa'i ltung ba byung ba la mthong la bcabs te skya rengs shar na pham par 'gyur ro/ /zhes dang/ sems las byung pa'i nyes pa gang zhe na/ dge slong gcig pu dgon pa na gnas pa na de gso sbyong la sems mi bskyed tshig tu yang mi smra ba de'i ltung ba de'i sems las byung ba'i nyes pa ste/ zhes gsungs pa'i phyir dang/ rtsa bar/ gal te sngar na ni sbyor pa gzhan nyid do/ /zhes dang/ brnyas pa dang bskyis pa dag mi byin par sems pa'o/ /zhes pas rku pham gyi sder gtogs pa'i spom po gnyis bshad la de gnyis lus dag gang rung du thon dgos par 'dul ba'i lung dang bstan bcos gang nas kyang ma bshad pa'i phyir dang/ nyi shu ma lon pa der shes pa dang dge rtsa chad pa lta bu sems 'ba' zhig gis sdom pa gtong ba'ang yod pa'i phyir/ zhes bzhed de/ dpyad gzhi che'o/ /bshags dgos yan chad kyi ltung ba bskyed pa la lus ngag gang rung du thon pa dgos par 'dod pa'i lugs ltar na gtam gyi gzhi'i lung de rnam par rig byed cung zad tsam las med pa la dgongs par 'dod do/ /skabs 'dir lus ngag gang rung du ma thon pa'i ltung ba yod pa gzhir byas nas cung zad dpyad na/ @046a @#/ /kha cig na re/ lus ngag tu ma thon pa'i ltung ba de rnam rig min pa'i gzugs yin zer/ kha cig /de rnam par rig byed yin zer/ (kha cig) de ldan min yin zer/ kha cig /de shes pa yin zer/ (dang pho la) 'o na lus ngag tu ma thon pa'i ltung ba la lung ma bstan med par thal/ de rnam rig ma yin pa'i gzugs yin pa'i phyir/ khyab ste/ mdzod las/ rnam rig min lung bstan min med/ /ces gsungs ba'i phyir/ 'dod mi nus te/ de la bcas rkyang gi ltung ba yod pa'i phyir/ der thal/ de la khyad gsod dang ma 'brel bar gso sbyong ma byas pa'i nyes byas yod pa'i phyir dang/ de bcas rkyang dang lung ma bstan yin pa'i phyir/ lung las/ bslab pa bcas pa las ma bsam par 'das pa ni lung du ma bstan pa'o/ /zhes gsungs pa'i phyir dang/ me tog phreng rgyud las kyang/ ma bsam thub pa'i bslab pa 'am/ /dge 'dun nang khrims dral gyur na/ /lung ma bstan par gsungs pa ste/ /ltung med dge ba nam yang min/ / zhes gsungs pa'i phyir/ gnyis pa'ang mi 'thad par thal/ lus ngag gang rung du ma thon na rnam par rig byed mi 'byung ba'i phyir/ zhu 'grel las/ lus ngag gi byed pa med na rnam par rig byed med la/ zhes gsungs pa'i phyir dang/ lus kyi rnam par rig byed lus kyi dbyibs dang/ ngag gi rnam par rig byed ngag sgra yin pa'i phyir/ gsum pa la/ 'on lus ngag tu ma thon pa'i ltung ba chos can/ bag chags yin par thal/ de ldan min 'du byed du 'jog pa'i rgyu mtshan yod pa'i phyir/ 'dod mi nus te/ bye smras bag chags khas mi len pa'i phyir/ der thal/ chos nyid kyi bsam gtan thob tshul la don smra gnyis rtsod tshul yod pa'i phyir dang/ rtsa shes las/ gal te min pa'i @046b dus bar du/ /zhes sogs ltar/ gzhan sde bas rtsod pa la bye smras lan btab tshul yod pa'i phyir/ bzhi pa la/ 'o na lus ngag tu ma thon pa'i ltung ba chos can/ sems pa yin par thal/ las gang zhig /shes pa yin pa'i phyir/ 'dod na/ yid kyi las yin par tha la/ 'dod pa'i phyir/ khyab ste/ sems pa dang yid kyi las don gcig pa'i phyir/ mdzod las/ sems pa yid kyi las yin no/ /zhes gsungs ba'i phyir/ 'dod mi nus te/ ltung ba la shes pa med pa'i phyir/ der thal/ so thar gyi sdom pa la yid sdom med pa'i phyir/ ji skad du 'od ldan las/ ltung ba'i rang bzhin ci yin zhe na/ lus kyi dang ngag gi las 'das pa'i rang bzhin no/ /ci ste yid kyis thal ba'i rang bzhin ltung ba ci'i phyir ma yin zhe na/ yid kyi sdom pa la so sor thar ba'i sdom pa nyid med pa'i phyir ro/ /zhes pa nas/ gtam gyi gzhi las kyang/ ltung ba ni rnam par rig byed yin par brjod par bya'o/ /de bzhin du ltung ba ni sems dang sems las byung ba ma yin no zhes brjod par bya'o/ /zhes gsungs bas de'i phyir rnam par rig byed dang/ gzugs can nyid du bstan pa'i phyir dang/ sems dang sems las byung ba dag ni bkag pa'i phyir yid kyi bya ba la ni ltung ba nyid med do/ /zhes gsungs pa'i phyir/ 'on kyang yig char yid ltung phra mo yod par bshad pas/ de shes pa dang bsdam bya'i nyes byas yin zhing bshags dgos yan chad kyi ltung ba la lus ngag tu thon pa dang gzugs can yin dgos par khas blangs na 'od ldan dang yig cha'i dgongs pa yin nam snyam ste/ 'od ldan du bsdam bya'i nyes byas la ltung ba'i tha snyad ma mdzad par rje 'dul 'dzin gyis bshad pa'i phyir dang/ 'od ldan las/ yid kyis @047a @#/ /bsdam par bya bar rnam par bzhag pa yin gyi ltung ba ni ma yin no/ /zhes sogs mang du gsungs pa'i phyir/ TIkka dang bam lnga gnyis kar/ nyes byas yongs su rdzogs ba yin gyi yid kyi ni ma yin te/ kha rnam par 'gyur ba la sogs pa'i rnam par rig byed de la yod pa'i phyir ro/ /zhes bsdam bya ma yin par nyes byas yongs su rdzogs pa'i sgrub byed du rnam par rig byed yod pa 'god pa'i rgyu mtshan yod pa'i phyir/ kha cig na re/ ngag gis ma brjod kyang lus kyis don go bar byed ba la rdzun smra'i pham pa dang gzhi med kyi ltag ma sogs rdzogs pa yod par thal/ yig char ngag gis tshig ma smras kyang lus kyi rnam 'gyur tsam gyis brjod 'dod kyi don rtogs pa'i rdzun la pham lhag spom po ltung byed nyes byas lnga yod par bshad pa'i phyir zer na/ kha cig gis/ pham lhag dngos med kyang pham pa'i sde sogs yod pa la dgongs zer/ kha cig /rdzun pham dang dbye na lhag sogs la sbyor ba'i dus su khyad par lnga ldan gyi ngag gis smras dgos pa yin yang dngos gzhi'i las lam la lus kyi rnam par rig byed yod pas de la dgongs zer/ kha cig /rdzun smra'i las lam du 'gyur ba'i 'chab pham dang/ ci yang rung ba len du 'jug pa'i lhag ma dang/ khyod dgra bcom pa yin no zer ba la cang mi smra bar dang du len pa'i spom po dang/ gnas ngan len 'chab pa'i ltung byed sogs la byed zer/ 'on kyang ci yang rung ba len du 'jug pa'i lhag ma la ngag gis smras pa dgos par mtsho TIkka las bshad cing/ 'chab pham dang 'chab ba'i ltung byed gnyis la rdzun smra'i las lam yod med kyang dpyad dgos/ byas pa la kho na re/ rdzun smra'i pham pa byung ba la ngag gis smras dgos pa ma @047b yin par thal/ gzhan la bcol nas rdzun pham gyi dngos gzhi rdzogs pa yod pa'i phyir/ der thal/ pham pa bzhi gcig char byung ba'i tshe pham pa dang po ma gtogs pa gsum ni gzhan la bcol dgos pa'i phyir/ sngon tshig las/ zhu bar gcig la mthar 'gyur bzhi yang 'byung/ /zhes gsungs gsum ni bcol lo thob blor dpyad/ ces gsungs pa'i phyir nam khyab ste/ las lam phal ba'i dbang du byas ba'i phyir/ der thal/ las lam tsam gyi dbang du byas na log g.yem ma gtogs pa'i lus ngag gi las lam drug gzhan la bcol na yang rdzogs pa'i phyir/ mdzod las/ mi dge drug ni rnam rig min/ /gcig rnam gnyis so/ /zhes brtsa 'grel gyi don grub pa'i phyir dang/ mdzod kyi mtha' dpyod las/ skad cig ma gcig la las tha dad pa bzhis 'phen pa yang yod de/ rang nyid kyis mi tshangs bar spyad cing gzhan la srog gcod dang ma byin len rdzun smra gsum bcol nas skad cig ma gcig la grub pa'i tshe 'phen pa bzhi po de yod pa'i phyir te/ rang 'grel las/ skad cig ma gcig la khas rnam pa bzhis 'phen par 'gyur ba lta yod dam zhen yod de/ pha rol po gsum la sbyar nas bdag nyid 'dod pas log par g.yem pa la zhugs te/ de dag gcig car mthar phyin par gyur na'o/ /zhes gsungs ba'i phyir/ 'di rgya cher 'grel du bshad pas dogs pa che bas bkod do/ /zhes gsungs pa'i phyir/ yang kha cig na re/ kha che bye brag tu smra ba'i lugs la/ pham pa 'chab med byung ba'i dge slong rnam dag yod pa dang thun mong gi pham pa 'chab bcas gcig byung ba la pham pa gzhan gsum gsar du 'byung ba yod par thal/ sdom tshig las/ bye smras 'chab med byung ba'i rnam dag 'dod/ /ces dang/ 'chab bcas pham pas sdom pa mi gtong na/ /mdo 'dis mtha' dag sbyir @048a @#/ /bstan ga la yin/ /gsod pham byung bas srog gcod sder gtogs bcas/ /gang la zhugs kyang nyes byas la dgongs lo/ /zhes gsungs pa'i phyir na ma khyab ste/ lung dang po ni kha che ba ltar na pham pa 'chab med byung ba'i dge slong de sdom pa rnam dag gi cha dang ldan par bshad pa tsam yin la/ lung phyi mas nyams pa ltung ba la sbyor na nyes byas su gsungs pa'i don bye smras de ltar 'dod ces pa min gyi/ bye smra'i lugs la rdzas so shor du 'dod pa dang; nus pa so shor du 'dod pa dang/ nyams pa so shor du 'dod pa sogs bod kyi 'dul 'dzin gyi lugs mi 'dra ba mang po byung ba'i nang nas nyams pa so shor du 'dod pa'i lugs 'god pa tsam yin pa'i phyir/ der thal/ de ltar bod kyi 'dul 'dzin gyi 'dod tshul mi 'dra ba mang du byung ba'i phyir te/ der ma zad 'phags yul du'ang lugs mi 'dra ba mang po yod cing/ lugs gcig la'ang nang sem kyis phye na 'dod tshul mi 'dra ba mtha' yas pa yod pa'i phyir te/ dper na btsun pa phyir mi 'ong glos mi 'bebs pa'i bzhed tshul 'od ldan du dgag pa lta bu yin pa'i phyir/ 'od ldan las/ btsun pa phyir mi 'ong ba glos mi 'bebs pa ni 'di ltar des 'dul ba las dge tshul 'khrul ba ni bsnyil bar bya'o zhes 'byung ba'i tshig de lan gcig ma yin par 'khrul ba bsnyil bar bya ba yin gyi lan gcig 'khrul bar ni ma yin no/ /zhes sgro btags nas 'chad de/ 'phags pa'i chos 'dul ba la ni tshig dor gyi tha snyad gdags pa med de/ 'phags pa'i gang zag rnams kyang 'khrig pa'i 'dod chags gyis g.yo na so so'i skye bo'i byis pa lta smos kyang ci dgos/ de nyid kyi phyir 'khrig pa kho na las bslab pa byin pa rnam pa bzhag pa yin no zhes bya ba la sogs pas dge tshul @048b lan gcig 'khrul ba bsnyen par ma rdzogs pa dag bsnyen par rdzogs par bya bar yang bzhed do/ /de ni mi 'dod de/ sgro btags pa byas nas gang la yang mi 'jug pa med de/ 'dod pa tsam gyis 'jug pa'i phyir ro/ /zhes gsungs pa'i phyir; byas pa la kho na re/ kha che bye smra'i lugs la/ thun mong gi pham pa 'chab bcas kyis nyams pa'i dge slong gis gzhan la gzhi med kyi lhag ma bskyed pa med par thal/ des pham pa'i gzhi la zhugs kyang nyes byas tsam las med pa'i phyir/ khyab ste/ nyes byas kyis skur ba 'debs pa la lhag ma 'byung ba spyir btang la med pa'i phyir te/ rtsa bar/ kha na ma tho ba na smad pa dag gi cha ni zhes sogs kyi don yod pa'i phyir/ rtsa bar 'dod mi nus te/ dge slong nyams pa la yang ngo/ /zhes gsungs pa'i phyir zer na mkhyab ste/ lung 'di ni gsor rung bar nyams pa la byed par mtsho TIkka las bshad pa'i phyir/ 'on kyang lung las nyams pa la skur na lhag mar gsungs pa dang nyes byas su gsungs pa gnyis yod cing/ de gnyis mi 'gal tshul la kha cig gis nyams par ma grags pa dang grags pa'i khyad par yin zer/ kha cig gsor rung dang gsor mi rung ba'i khyad par yin zer ba sogs yod pas dpyad dgos/ lung las ma dag pa la skur tshe ltung ba'i gzhi bcu gcig ltung med kyi gzhi drug dang dag pa la skur tshe ltung ba'i gzhi bcu ltung med kyi gzhi lngar bshad do/ /kha cig/ pham pa byung pa'i dge slong yin na bsnyen rdzogs kyi sdom pa gsor mi rung bar nyams pas khyab zer na/ pham pa 'chab med byung ma thag pa'i dge slong chos can/ der thal/ de'i phyir/ rtags sla/ 'dod mi nus te/ de'i bsnyen rdzogs kyi sdom pa gsor rung yin pa'i phyir/ der thal/ de'i rgyud la dgos pa sgrub nus kyi sdom pa yod pa'i phyir te/ bslab pa byin tu rung ba'i @049a @#/ /gang zag yin pa'i phyir/ khyab ste/ bslab pa byin yul la sdom pa gsor rung dang ldan pas khyab pa'i phyir/ der thal/ de la sbyin yul thun mong gi chos brgyad ldan dgos pa'i phyir/ byas pa la kho na re/ dge slong gi sdom pa pham pa 'chab med kyis nyams pa med par thal/ 'chab med kyis gsor mi rung bar nyams pa med pa'i phyir na ma khyab/ 'dod mi nus te/ 'chab med kyis sdom pa rnam dag las nyams pa yod pa'i phyir/ rnam dag las nyams na gsor mi rung bar nyams pas ma khyab pa'i phyir/ yang kha cig /pham pa 'chab bcas byung ba'i dge slong yin na sdom pa gsor mi rung bar nyams pas khyab zer na/ reg pham 'chab bcas byung ba'i dge slong ma chos can der thal/ de'i phyir/ rtags grub ste/ pham pa 'chab bcas byung ba'i dge slong yin pa'i phyir/ der thal/ reg pham 'chab bcas byung ba'i dge slong yin pa'i phyir/ 'dod mi nus te/ sdom pa gsor rung dang ldan pa'i phyir/ der thal/ dgos pa sgrub nus kyi sdom pa dang ldan pa'i phyir/ thun mong ma yin pas pham pas bsnyen rdzogs kyi sdom pa dgos pa sgrub nus las nyams par mi byed pa'i phyir/ yig char/ thun mong ma yin pas dge slong gi sdom pa dgos pa sgrub nus ma yin par mi byed pa'i phyir/ zhes gsungs pa'i phyir/ byas pa la kho na re/ de mi 'thad par thal/ pham pa 'chab bcas byung na gsor mi rung bas khyab pa'i phyir/ der thal/ de ltar bye mdo theg chen pa gsum kas 'dod pa'i phyir/ mtsho TIkka las; pham pa 'chab bcas byung na gsor mi rung bar gsum ka mthun no/ /zhes gsungs pa'i phyir na ma khyab ste/ thun mong ba'i pham pa 'chab bcas byung na gsor mi rung bar gsum ka mthun zhes pa'i don yin pa'i phyir/ 'dod mi nus te/ @049b reg pham 'chab bcas byung yang dge slong gi sdom pa gsor rung dang ldan pa yod pa'i phyir/ der thal/ reg pham 'chab bcas byung yang tshe 'di la pham pas 'dag pa yod pa'i phyir te/ tshe 'di la rnam dag du 'gyur ba yod pa'i phyir/ der thal/ tshe 'di la phar mtshan 'gyur ba yod pa'i phyir/ khyab ste/ reg pham byung ba'i dge slong ma de phar mtshan gyur pa'i tshe reg pham de spom por gyur ba'i phyir/ rtsa bar/ byas pa ni de nyid yin no/ /zhes gsungs pa'i phyir dang/ yig char/ 'chab bcas tshe de la mi 'dag pas khyab par 'dod pa dang/ 'chab med la bslab ba sbyin dgos par 'dod pa yang thun mong ma yin pas ma nges pa shes par gyis/ zhes gsungs pa'i phyir/ byas pa la kha cig na re/ thun mong gi pham pa 'chab bcas byung na gsor mi rung bar bye mdo theg chen pa gsum ka mthun par bshad pa de mi 'thad par thal/ theg chen pas de ltar mi 'dod pa'i phyir/ der thal/ theg chen gyi grub mtha' smra ba dbu sems gnyis kyis de ltar mi 'dod pa'i phyir/ der thal/ dbu sems gnyis kyis thun mong gi pham pa 'chab bcas byung yang slar gso ba yod par bzhed pa'i phyir na 'dir ma khyab/ rtags grub ste/ dge slong byang sems la thun mong gi pham pa 'chab bcas byung yang slar gso ba yod par khas len pa'i phyir/ nye bar 'khor gyis zhus pa las/ byang chub sems dpa' la gal te snga dro ltung pa byung na nyin mo phyed na byang chub kyi sems dang ma 'bral bar gnas na de'i tshul khrims kyi phung po mtha' med pa nyid du reg par bya'o/ /zhes dang/ nye bar 'khor de ltar na theg pa chen po la yang dag par zhugs pa'i byang chub sems dpa' rnams kyi bslab pa ni bcos su yod pa/ zhes pa nas/ nyan thos theg pa ba lhag pa'i bsam pas yongs su mya ngan las 'das par 'dod pa rnams kyi bslab pa ni bcos su med@050a @#/ /pa yin no/ /zhes gsungs pa'i phyir dang/ byang chub gzhung lam las/ snga dro ltung ba byung na zhes pa'i ltung ba de ni rtsa ltung yin pa'i phyir ro/ /rtsa ltung yin par cis shes zhe na/ theg chen dang nyan thos kyi bslab pa gnyis phyir bcos su yod med kyi lan du gsungs la/ nas/ rtsa ltung las gzhan phyir bcos su rung ba ni nyan thos la yang yod pa'i phyir/ byang sems kyi khyad chos ma yin no/ /zhes gsungs pa'i phyir/ khyab ste/ 'chab bcas yin par rigs pa des grub pa'i phyir/ der thal/ rtsa ltung 'chab med gsor rung ba ni gang zag phal ba la yang yod pas byang sems kyi khyad chos su mi rung ba'i phyir dang/ yig char yang/ byang sems la 'chab bcas byung yang skye tshul 'chad par 'gyur ro/ /zhes dang/ 'di'i pham pa la 'chab bcas kyang yod pa ltar snang bas dpyad dgos so/ /zhes gsungs pa'i phyir/ rtsa bar 'dod mi nus te/ dbu sems gnyis kyis byang sems kyi rgyud kyi thun mong gi pham pa 'chab bcas gsor rung du 'dod pa yin gyi spyir thun mong gi pham pa 'chab bcas gsor rung yin par mi 'dod pa'i phyir/ der thal/ lung gzhi las de'i dge sbyong gi tshul phyir blang du med par 'gyur ro/ /zhes pa'i don dbu sems gnyis kyis bshad tshul yod pa'i phyir/ yang kha cig na re/ bye mdo theg chen pa gsum ga thun mong ba'i pham pa 'chab med byung ma thag pa'i rgyud la dgos pa sgrub nus kyi dge slong gi sdom pa yod par khas len ni mthun par thal/ de gsum kas thun mong gi pham pa 'chab bcas byung ma thag pa'i rgyud la dgos pa sgrub nus kyi dge slong gi sdom pa med par khas len pa ni mthun pa'i phyir na mkhyab/ rtags sla/ 'dod mi nus te/ thun mong gi pham pa 'chab med byung ma thag @050b ba'i rgyud la dgos pa sgrub nus kyi dge slong gi sdom pa yod par bye smras 'dod kyang/ mdo sde ba dang theg chen pa gnyis kyis de ltar mi 'dod pa'i phyir/ der thal/ dang po de ltar 'dod pa gang zhig /gnyis pa de ltar mi 'dod pa'i phyir/ dang po grub ste bye smras de 'dra ba'i dge slong de sde lnga bskyed pa'i rten du rnam dag dang 'dra bar 'dod pa'i phyir/ rtsa bar/ bslab pa byin pa ni 'dra ba nyid do/ /zhes dang/ mtsho TIka las/ bslab pa byin pa ni 'dra zhes pas bslab pa sbyin rung yang 'dra ba nyid du mtshon par bzhed do/ /zhes dang/ yig char/ 'chab med bslab sbyin dang sbyar zhing de sde lnga la rnam dag dang 'dra bar zur du bshad pa'i phyir/ zhes gsungs pa'i phyir/ rtags gnyis pa grub ste/ mdo sde bas de ltar mi 'dod pa gang zhig /theg chen grub mtha' smra ba dbu sems gnyis kyis de ltar mi 'dod pa'i phyir/ dang po grub ste/ mdo sde bas 'chab sems pham pa'i yan lag yin pas pham pa 'chab med (med) cing/ thun mong gi pham pa byung na gsor mi rung bas/ pham pa'i sder gtogs kyi sbom po 'dag ched du bslab pa byin dgos par 'dod pa'i phyir/ lung gzhi las/ dge slong dga' ba can gyis spyad par bya ba ma yin pa spyad kyang sems gcig gis kyang ma bcabs pas/ 'di pham par ma gyur gyis/ ji srid 'tsho'i bar du bslab pa sbyin par bya'o/ /zhes gsungs pa'i dgongs par 'dod pa'i phyir/ bye smra sogs kyis gsor mi rung ba'i pham par ma gyur ba'i don du 'dod do/ /gnyis pa grub ste/ dbu sems kyis thun mong gi pham pa sdom pa'i gtor rgyur khas len pa'i phyir/ der thal/ 'chab sems pham pa'i yan lag du 'dod mi 'dod ma gtogs thun mong gi pham pa sdom pa'i gtor rgyur khas len pa ni mdo sems dbu ma pa gsum ka mthun pa'i phyir/ lung gzhi las/ dge @051a @#/ /slong gis de byas na byas ma thag tu dge slong du mi rung par 'gyur/ zhes pa'i dgongs par 'dod pa'i phyir/ des na thun mong gi pham pa 'chab bcas byung na gsor mi rung bar thams cad mthun zhing/ 'chab sems pham pa'i yan lag tu mi dgos par dbu sems bye smra gsum ka mthun/ thun mong gi pham pas sdom pa gtong bar mdo sems dbu ma pa gsum ka mthun/ thun mong gi pham pas sdom pa mi gtong bar bye smra kho nas 'dod ba'i phyir/ dang po grub ste/ lung bzhi las/ de'i dge sbyong gi tshul phyir blang du med par 'gyur ro/ /zhes gsungs pa'i phyir/ gnyis pa grub ste/ lung rnam 'byed las/ skyod mas chom rkun drug cu 'chi bar byas te/ 'chab sems gtan nas med kyang skyong ma pham par gyur to/ /zhes gsungs pa'i phyir/ gsum pa grub ste/ lung gzhi las/ dge slong gis de byas na byas ma thag tu dge slong du mi rung bar 'gyur/ zhes sogs gsungs pa'i phyir/ bye smras smad pa'i dgag tshig tu 'dod do/ /bzhi pa grub ste/ bye smras sdom pa mi gtong ba'i rgyu mtshan bzhi'am lnga bkod pa'i phyir/ der thal/ tshul 'chal ba'i rgyud la ma bskos par ston pa'i ltung byed byung ba yod par rnam 'byed las gsungs pa dang/ de la dge slong gzhan gyis pham pas skur ba 'debs na lhag ma bskyed par rnam 'byed dang zhu ba gnyis kar gsungs pa dang/ gang zag gcig la thun mong gi pham pa bzhi byung ba yod par zhu bar gsungs pa dang/ bslab byin gyis zag ba zad pa'i tshe sngon gral thob par lung phran tshegs las gsungs pa dang/ pham pa byung yang bslab pa phul rgyu yod par gtam gyi gzhi las gsungs pa dang lngas sgrub pa'i phyir/ dang po grub ste/ lung @051b rnam 'byed las/ ji ltar na tshul khrims dang ldan pa ma yin zhe na/ pham par 'gyur ba'i ltung ba bzhi po dag las gang yang rung ba'i ltung ba byung ba ste/ tshul khrims dang ldan pa ma yin pa de dge slong ma'i ston par bskos ba des dge slong ma la chos ston na ltung byed du 'gyur ro/ /zhes gsungs pa'i phyir/ khyab ste/ sdom ldan ma yin na ltung byed 'byung mi srid pa'i phyir/ gnyis pa grub ste/ zhu bar/ bdag gis mi tshangs par spyod pa byas so zhes zer ba la de la dge slong gzhan dag gis gsum po gzhan dag gis skur ba 'debs par byed na dge 'dun lhag ma'o/ /zhes dang/ rnam 'byed las/ ma dag pa la skur ba 'debs pa la ni gzhi bcu gcig gis ltung bar 'gyur ro/ /zhes gsungs pa'i phyir/ de bcu gcig yod de/ mthong thos dogs gsum ma yin bzhin du mthong sogs su smra ba gsum dang/ mthong thos dogs pa brjed bzhin du mthong sogs su smra ba gsum dang/ thos pa la yid mchis dang yid mi mchis pa dang dogs pa dang mi dogs pa ste bzhi la mthong bar smra ba bzhi dang/ dogs pa la mthong bar smra ba gcig dang bcu gcig yod pa'i phyir/ khyab ste/ gzhi med kyi lhag ma de'i skur ba 'debs yul la dge slong yin pas khyab pa'i phyir/ gsum pa grub ste/ zhu bar/ gcig la mthar 'gyur pa bzhi yang byung/ zhes gsungs pa'i phyir/ khyab ste/ sdom ldan ma yin par 'gyur na pham pa phyi ma gsum 'byung mi srid pa'i phyir/ bzhi pa grub ste/ phran tshegs las; gang gi tshe zag pa zad pa de'i tshe sngon gyi gral du 'dug par bya'o/ /zhes gsungs pa'i phyir/ sngon gyi sdom pa gtong na sngon gral thob mi rung ba'i phyir/ lnga pa grub ste/ gtam gyi gzhi las/ pham pa'i nyes pa byung la des @052a @#/ /bslab pa phul te dbabs pa na/ zhes gsungs pa'i phyir/ khyab ste/ sdom ldan ma yin na phul rgyu bslab pa mi srid pa'i phyir/ zhes 'dod do/ /de dag la theg chen grub mtha' smra bas rang rgyud la ltung byed byung bar gsungs pa ni nyes byas la ltung byed kyi ming gis bstan pa dang/ gzhan rgyud la gzhi med kyi lhag ma bskyed par gsungs pa'i lung gnyis las dang po ni mo mtshan nyams par spyad pa'i na smad la ltung pa'i mtshan nyid mi shes pas pham par 'khrul te de ltar smras pa la shes bzhin du ltung ba'i mtshan nyid shes pa gzhan zhig gis skur ba 'debs pa la dgongs pa dang/ rnam 'byed lung ni spom pos ma dag pa la skur ba 'debs pa la dgongs pa dang/ gcig la pham pa bzhi byung bar gsungs pa ni de bzhi ga gcig char byung ba yod pas skyon med cing/ sdon gral thob par gsungs pa ni bcom ldan 'das kyis yang dag par gzengs stod pa'i go 'phang yin pas skyon med la/ bslab pa phul ba ni bcas pa'i dbang yin pa'i phyir/ zhes bzhed do/ /kha cig na re/ ma chags pa ltung ba la sbyor na nyes byas su bshad pa de mi 'thad par thal/ sdom pa ma thob ba la ltung ba mi 'byung ba'i phyir/ der thal/ sdom pa ma blangs pa la ltung ba mi 'byung ba'i phyir na ma khyab/ rtags grub cing/ 'dod mi nus pa gnyis ka yin te/ TIkka las/ 'o na sdom pa med pa la ltung ba rnam par bzhag pa yang med pa ma yin nam zhe na/ bden mod kyi/ zhes pa nas/ ma skyes pa la ni sdom pa yang ma yin sdom pa ma yin pa yang ma yin pa'i ngo bo nyid kyi rab tu byung ba yod pas de la nyes byas su rnam par bzhag pa mdzad do/ /khyim pa rang gis rtags blangs pa la ni rab tu byung ba dang rdzogs par bsnyen pa'i @052b tha snyad la bdag nyid ston pa med pas/ nas/ de la ni nyes byas su rnam par bzhag pa ma mdzad de/ bsod nams ma yin pa mang po skye'o zhes bya ba 'ba' zhig tu brjod par rigs so/ /zhes gsungs pa'i phyir/ kha cig na re/ rnam 'byed kyi dngos kyi sdom bsdus kyi dbang du byas na dge tshul gyi blangs 'das nyer gnyis su bshad pa mi 'thad par thal/ dge tshul gyi khang pa dang khang chen brtsigs pa'i blangs 'das yod pa'i phyir/ der thal/ TIkka las/ khang pa dang khang chen brtsigs pa yang 'dod pa'i gzhi las byung ba yin te/ nas/ de la ni bshags par bya ba'i nyes byas su 'gyur ba yang yod la/ zhes gsungs ba'i phyir na ma khyab ste/ lung 'di sgra ji bzhin ma yin par mkhas pa du mas bzhed pa'i phyir/ der thal/ kun mkhyen mtsho sna bas khang pa brtsigs pa la rten nas dud 'gro 'debs sbyod kyi blangs 'das byung ba la dgongs par bzhed/ 'dul 'dzin grags pa rgyal mtshan gyis mi tshangs bar spyod pa'i phyir du khyim rtsigs pa la dgongs par bzhed/ yig char dpe ma dag par bshad pa'i phyir/ 'dod mi nus te/ dge tshul gyis khang pa dang khang chen gyi lhag ma'i gzhi la zhugs na phyogs mthun byung bar 'od ldan du bshad pa ltar mkhas pa de dag gis kyang khyim pa'i rtags spong ba las nyams pa'i phyogs mthun du bshad pa'i phyir/ yang kha cig na re/ dge tshul blangs 'das so drug tu bshad pa mi 'thad par thal/ dud 'gro 'debs sbyor gnyis blangs 'das ma yin pa'i phyir/ der thal/ bsdam bya yin pa'i phyir/ der thal/ gsod sems med par srog chags la ma ltos par longs spyod pa la byed pa'i phyir/ rnam 'byed dang mdo rtsa bar gsod sems @053a @#/ /yan lag tu dgos par ma gsungs pa'i phyir/ nags mes btang ba bsdam byar bshad pa bzhin no/ /zhes zer/ de mi 'thad par thal/ 'debs spyod gnyis blangs 'das yin pa'i phyir/ der thal; blangs 'das yin par 'od ldan du bshad pa gang zhig /gsod sems yan lag tu dgos par lung zhu bar bshad pa'i phyir/ dang po grub ste/ 'od ldan las/ srog chags re re'i ltung ba lci ba byung/ zhes gsungs pa'i phyir/ khyab ste/ lci ba zhes pas bsdam bya ma yin par grub cing/ ltung ba zhes pas kyang grub pa'i phyir te/ 'od ldan du bsdam bya la ltung ba'i tha snyad ma mdzad par 'dul 'dzin gyis bshad pa'i phyir/ gnyis pa grub ste/ zhu bar/ mi gsod pa'i skabs su bstan pa bzhin rgyas par brjod par bya'o/ /zhes gsungs pa'i phyir dang/ rnam 'byed dang rtsa bar gsod sems dgos par dngos su ma gsungs pa ni gsod pa'i ltung ba bzhi'i dang po dang tha ma la gsungs pas bar ba gnyis la don gyis go pa'i dbang du byas pa'i phyir te/ 'tsho bcang gi sman la rtsa ba dang sdong bu dang 'dab ma dang me tog dang 'bras bu'i lnga'i thog mtha' la kha zas don du ma yin pa sbyar nas bar ba la don gyis go ba'i dbang du byas pa bzhin yin par mtsho TIkka las bshad pa'i phyir/ yang kha cig na re/ blangs 'das so drug bshad pa mi 'thad par thal/ gzhi med dang bag tsam sogs skur 'debs rnams blangs 'das ma yin pa'i phyir/ TIkka las/ skur ba 'debs pa dang tshig rtsub po smra ba la sogs pa yang gnod pa'i gzhi las byung ba yin te/ de ni phyogs dang mthun pa yin pas de la ni @053b bsdam par bya ba'i nyes byas su 'gyur ro/ /zhes gsungs pa'i phyir na ma khyab ste/ lung 'di ni bden pas skur ba 'debs pa la dgongs par mtsho TIkka las bshad/ skur 'debs ni nyams 'dod kyi bsam pa'i cha nas bsdam bya dang rdzun gyi cha nas bshags byar 'dul 'dzin gyis bshad pa'i phyir dang/ bden pas skur ba 'debs pa'i tha snyad bam ldar bshad pa'i phyir/ byas pa la kho na re/ de mi 'thad par thal/ skur 'debs la rdzun ma yin pas khyab pa'i phyir te/ rnam 'byed kyi 'grel ba las/ skur ba 'debs pa'i bsam pas smra ba ni skur 'debs dang/ gzhan bslu ba'i bsam pas smra ba ni rdzun yin par so sor bshad pa'i phyir na ma khyab ste/ ldog cha nas sam rdzun gyi nang tshan gyi khyad par bshad pa yin pa'i phyir/ 'dod mi nus te/ gzhi med dang bag tsom sogs rdzun yin par mdo rtsa bar bshad/ lung rnam 'byed du rdzun tshan bcu gcig nas rdzun tshan gnyis kyi bar gsungs ba'i skabs su/ rdzun ni rnam pa lnga ste/ ltung ba sde lngas skur ba 'debs pa'o/ /zhes gsungs pa'i phyir/ kha cig na re/ bar ma gsum las 'das pa blangs 'das ma yin par thal/ khyim pa'i rtags spong ba las nyams pa blangs 'das ma yin pa'i phyir/ 'od ldan las/ de nyams phyogs mthun yongs su spang bya ste/ khyim pa 'dra bar sham thabs mi bgo zhing/ kha dog gcig pa 'am kha tshar can dkar min/ zhes gsungs pa'i phyir na ma khyab ste/ khyim pa'i rtags ngo bo'i sgo nas ma rdzogs pa zhig la dgongs pa'i phyir/ byas pa la kho na re/ de mi 'thad par thal/ bye brag bshad mtsho las kyang/ 'chang ba dang ni 'bral ba dang/ zhes pa nas/ bcu po dag ni ma @054a @#/ /gtogs pa/ blangs pa'i phyogs mthun shes par bya/ zhes ltung med rnams dang blangs 'das bcu ma gtogs pa phyogs mthun du bshad pa'i phyir na ma khyab ste/ sdom pa'i skabs kyi blangs 'das ma yin pas dgongs pa'i phyir dang/ nyams pa gsum blangs 'das yin par rang gi rnam bshad dang TIkka dang bam lnga sogs las bshad pa'i phyir/ kha cig na re/ srog gcod pa'i blangs 'das brgyad bshad pa mi 'thad par thal/ dge tshul la lha lha min sogs gsod pa'i blangs 'das med pa'i phyir/ der thal/ dge tshul gyis mi ma yin pa bsad na yid kyi sdam byar 'gyur ba'i phyir/ yig cha'i gzhi stod las/ kA ri ka las/ byol song dang ni dmyal gnas dang/ /yi dwags 'on te lha yang rung/ /bsad na ngan 'gror ltung ba yi/ /sdig pa sbom po thob par 'gyur/ /zhes gsungs pa lta bu dge slong gi mir 'du shes na sbyor spom thams cad la bskyed la/ rang rang gi 'du shes kyis bsad na sbyor ba nyes byas dang dngos gzhi la byol song min pa la spom po bskyed cing/ dge tshul la yid kyis bsdam byar 'gyur ba'i phyir/ zhes gsungs pa'i phyir zer na dpyad dgos te/ dge tshul gyis mi ma yin pa bsad na blangs 'das bskyed par 'dul 'dzin sogs kyis bshad pa'i phyir/ yang kha cig na re/ gsod pa'i blangs 'das brgyad dang rku ba'i blangs 'das lngar dbye ba mi 'thad de/ dmyal ba ba gsod pa'i blangs 'das kyang med/ de'i rdzas rku ba'i blangs 'das kyang med pa'i phyir/ mdzod las/ dmyal ba na ni kyal ba dang/ tshig rtsub gnod sems rnam gnyis so/ /zhes las lam gsum las med par bshad pa'i phyir/ khyab ste/ yig char/ dmyal ba @054b na lus kyi gsum dang/ rdzun phram mngon gyur med de/ las ma zad na bsad kyang mi 'chi/ rdzas dang bud med bdag gir bzung ba med pas ma byin len dang log g.yem med/ ces sogs gsungs pa'i phyir dang/ mdzod rang 'grel las kyang/ las zad nas 'chi ba'i phyir dang/ rdzas dang bud med yongs su bzung ba med pa'i phyir srog gcod pa dang/ ma byin par len pa dang/ 'dod pas log par g.yem pa dag med do/ /zhes dmyal ba na de dag med par ma zad dmyal ba ba yul du byas pa'i srog gcod dang ma byin len gyi las lam yang med par bshad pa'i phyir/ bshes spring las kyang/ ji srid mi dge med par ma gyur ba/ /de srid srog dang 'bral bar mi 'gyur ro/ /zhes gsungs pa'i phyir zer na dpyad dgos pa yin te/ dmyal ba ba bsad pa'i spom po yod par kA ri ka lnga bcu ba dang rgya cher TIkkar bshad pa bzhin du 'dul ba'i yig char yang nyi tshe ba'i dmyal ba bsad pa'i spom po yod par bshad pa'i phyir/ yang kha cig na re/ rnam 'byed kyi dngos sdom ltar na dge tshul gyi blangs 'das nyer gnyis su bshad pa mi 'thad par thal/ dge tshul la bud med dang lhan cig nyal ba'i blangs 'das yod pa'i phyir/ der thal/ de ni gnas pa'i gzhi las byung ba'i blangs 'das yin pa'i phyir/ TIka las/ gnas pa'i gzhi las byung ba zhes bya ba ni/ dge 'dun gyis spangs pa'i gang zag bsnyil ba la sogs pa dang lhan cig gnas pa ste/ de la mtshan mi mthun pa dang lhan cig nyal ba'i bdag nyid kyis gnas pa ni mi tshangs bar spyod pa spong ba'i bslab pa'i gzhi yang dag par blangs pa las 'das pa nyid yin pas/ de la ni bshags par bya ba'i nyes byas su 'gyur ro/ /zhes gsungs pa'i055a @#/ /phyir dang/ bam lnga las kyang de ltar bshad pa'i phyir zer nam mkhyab ste/ mi tshangs bar spyod pa la dgongs pa'i phyir/ der thal/ mi tshangs par spyod pa spong ba'i bslab pa'i gzhi yang dag par blangs pa las 'das pa nyid yin pas/ zhes pa'i don yod pa'i phyir/ byas pa la kho na re/ nged kyi dam bca' 'thad par thal/ dngos sdom gyi blangs 'das nyer gnyis las lhag yod pa'i phyir/ der thal/ dge tshul la rin po che slong pa'i blangs 'das yod la/ de ni dge slong pa'i so thar gyi dngos sdom gyis ma bsdus kyang ma'i sngom bsdus yin pa gang zhig /rin po che'i khab ral 'chos pa'i blangs 'das yod la/ de ni dngos sngom gyis bsdus pa'i phyir/ rtags grub ste/ TIk las/ slong ba'i gzhi las byung ba gang gi phyogs dang mthun pa yin zhe na/ gser dang dngul la sogs pa rin po che slong ba ni gser dngul 'dzin pa spong ba'i gzhi yang dag par blangs pa las 'das pa nyid yin pas/ de la ni blangs na bshags par bya ba'i nyes byas su 'gyur ro/ /zhes dang/ snod kyi gzhi las byung ba gang gi phyogs dang mthun pa nyid yin zhen/ rin po che las byas pa'i khab ral la sogs pa byed du 'jug pa ni gser dngul 'dzin pa spong ba'i bslas pa yang dag par blangs pa las 'das pa nyid yin pas de len bshags par bya ba'i nyes byas su 'gyur ro/ /zhes gsungs pa'i phyir/ zer na ma khyab ste/ de ni rin po che slong zhing thob pa tsam dang de'i khab ral 'chos pa tsam ma yin par nor gyi blos bdag gir byas pa la dgongs pa'i phyir/ der thal/ de gnyis gser dngul len pa'i blangs 'das su bsdus pa'i phyir/ gser dngul @055b 'dzin pa spongs ba'i bslab pa'i gzhi yang dag par blangs ba las 'das pa nyid yin pas/ zhes gsungs pa'i phyir/ gser dngul len pa'i blangs 'das de dngos bsngom gyis bsdus pa'i blangs 'das nyer gnyis gang rung ma yin pa'i phyir/ der thal/ de ni dge slong la rin po che la reg pa'i spang ltung du gtogs pa'i nyes byas yin gyi/ dngos sdom gyis bsdus pa'i ltung ba ma yin pa'i phyir/ der thal/ de ni rin po che ba bdag gir byas pa la byed kyi/ /de la reg pa la mi byed pa'i phyir/ der thal/ dge tshul gyis rang dang gzhan gyi rin po che la reg pa la ltung med du gnang ba'i phyir/ sman gyi gzhi las/ de lta bas na bkur bar bya yi/ len pa ste bdag gi rim bya'o; ;zhes dang/ rtsa ba/ dge tshul gnyis kyis kyang ngo/ /zhes dang/ 'od ldan las kyang/ 'dir ni bdag gir byed pa la len po zhes dgongs ba yin gyi reg pa ni ma yin no/ /zhes gsungs pa'i phyir/ yang khong re; dge tshul gyi blangs 'das bcu gsum du ma bsdus par thal/ gso sbyong dang dgag dbye ma byas pa dang gnas kyi bla mam brten pa sogs kyang mi sbyong ba'i gzhi las byung ba'i blangs 'das yin pa'i phyir/ der thal/ de ltar TIk dang bam lngar bshad pa'i phyir/ bam po lnga bcu pa las/ mi sbyong ba'i gzhi las byung ba zhes bya ba ni gso sbyong dang dgag dbye mi byed pa dang mi gnas par 'dug pa la sogs pas bdag nyid tshul khrims rnam par dag par mi byed pa ste/ de la gzhi nges bslab pa'i gzhi yang dag par blangs ba 'bral bar byed pa ni bslab pa'i gzhi yang dag blangs pa las 'das pa nyid yin pas de la ni bshags par bya ba'i nyes byas su @056a @#/ /'gyur ro/ /zhes gsungs pa'i phyir dang/ TIk las kyang de dang 'dra bar bshad pa'i phyir/ zer na mkhyab ste/ dge tshul gyis gso sbyong dang dgag dbye mi byed pa sogs phyogs mthun yin pa'i phyir/ TIk kar/ gso sbyong la sogs pa las g.yel ba ni bslab pa'i sdom pa thams cad 'jig pa'i phyogs dang mthun pa yin pas de la ni bsdam par bya ba'i nyes byas su 'gyur ro/ /zhes dang/ dbyar gnas gcig tu gnas pa dang/ /gso sbyong dgag dbyer bcas pa dang/ /de la sogs pa de yin/ /blangs pa'i phyogs dang mthun pa yin/ /zhes gsungs pa'i phyir/ khyab ste/ gso sbyong dgag dbye sogs byed pa blangs pa'i phyogs mthun yin pas/ de las 'das pa ni ltung ba'i phyogs mthun du 'jog dgos pa'i phyir/ des na gong gi lung don ni gso dgag dbyar gsum gyis bslab pa mi sbyong ba dang gnas kyi bla ma ma brten pa'i rgyu rkyen gyis slob gzhi bcu gsum gang rung las 'das pa la dgongs shing/ kha cig 'gyur gyi yi ge nyams par bshad pa'ang yod do/ /yang kho na re/ khyod kyis TIk dang bam lnga'i lung don bshad tshul de dag mi 'thad par thal/ rgya cher TIkk dang bam lnga'i bshad tshul ltar na dge tshul gyis khyim pa'i phyogs gtogs kyi khang pa dang khang chen rtsigs pa'i blangs 'das dang/ bud med dang lhan cig nyal ba dang/ rin po che slong ba'i blangs 'das sogs yod kyang; rang lugs la de ltar khas mi len par bshad dgos pa'i phyir/ rin chen phreng ba las/ TIk bam lngar khyim pa'i khang pa khang chen byed pa dang/ bung med dang lhan cig nyal ba dang/ rin po che slong ba @056b dang; de'i khab rab byed du 'jug pa dang/ dkon mchog gsum lam gus pa dang/ gso sbyong dgag dbye mi byed pa dang/ dbyar khas mi len pa dang/ gnas la mi brten pa'ang bshags par bya bar gsungs/ /zhes gsungs pa'i phyir na ma khyab ste/ dkon mchog gsum la ma gus pa blangs 'das su bshad pa ni dge 'dun dbyen byed pa dang de'i rjes phyogs kyi skabs su/ ston dang lam gzhan la bzong pa/ zhes pa ltar ston pa gzhan lha sbyin dang lam gzhan brtul zhugs lnga dang du len pa lta bu la byed dgos shing/ gzhan rnams sngar bshad pa ltar yin pa'i phyir/ dang po grub ste/ bam lngar/ gnod pa'i gzhi las byung ba zhes bya ba ni dge 'dun dbyen byed pa dang de'i rjes su phyogs pa dang khyims sun 'byin pa las gyur pa ste/ de la dge 'dun spong ba dang/ chos dang 'gal ba dang/ sangs rgyas kyi bka' las 'da' ba yod pas/ dkon mchog gsum spong ba ni mya ngan las 'das pa'i bsam pas gsum la skyabs su 'gro ba'i rgyus rab tu 'byung ba dang dge tshul dang dge slong ma'i sdom pa yang dag par blangs pa thams cad las 'das pa nyid yin pas de la ni bshags par bya ba'i nyes byas su 'gyur ro/ / zhes gsungs pa'i phyir/ 'on kyang 'di dag ni blangs 'das bcu po dpyad par 'os gsungs pa ltar gzhung gong 'og la chung zad dpyad nas rang gi blor shar tshod 'god pa tsam yin gyi/ mtha' cig tu nges gzung byas pa ma yin pas blo ldan rnams kyis zhes tu dpyad par bya'o/ /kha cig na re/ shing gcod dang sa bon 'jom pa gnyis su phye nas dge tshul la ltung med bcom brgyad du bshad pa ni de gnyis rim bzhin dge slong mar nyes byas dang ltung med du @057a @#/ /mdzad pa'i rgyu mtshan gyis yin par bshad pa mi 'thad par thal/ dge slong ma la shing gcod nyes byas dang sa bon 'jom pa ltung byed du mdzad pa'i rgyu mtshan gyis yin pa'i phyir/ 'dul ba'i sdom las/ de dang bco brgyad phye ba dge slong mar/ /shing gcod nyes byas sa bon 'jom pa la/ /ltung byed bcas phyir gnyis byas pa'i sdom la/ /de gnyis gcig phyir phyed dang bcu bdun 'gyur/ /zhes gsungs pa'i phyir zer na/ de ni yi ge nor ba yin te/ dge slob mar zhes dang/ ltung med gnad phyir zhes 'don dgos pa'i phyir/ sa bon skye 'jig gnyis ka dge slong ma la ltung byed yin pa'i phyir/ der thal/ de gnyis mtshan nyid ci 'dra ba'i ltung byed yin pa'i phyir/ mtsho TIk las so/ /byas pa la kho na re/ de mi 'thad par thal/ shing gcod mtshan nyid ci 'dra ba ma yin pa'i phyir/ der thal/ de thun mong ba'i sdom gyis ma bsdus pa'i phyir/ der thal/ de ni ma'i sdom bsdus ma yin pa'i phyir/ 'dul ba'i sdom las/ shing gcod sdom bsdus min phyir dge slong ma'i/ /sngom gyi dbang byas gnang ba phyed bcu drug /ces gsungs pa'i phyir na ma khyab ste/ sa bon 'jom pa dang shing gcod pa gnyis sdom bsdus kyi bslab pa'i gzhig gcig tu gyur bas logs su ma grangs pa'i don yin pa'i phyir/ gzhan dang/ shing gcod pa dge slong ma la nyes byas tsam du 'dod pa mi 'thad par thal/ de la ltung byed yin pa'i phyir/ ma'i so thar las/ sa bon gyi tshogs sam 'byung po'i gnas 'jig tu 'jug na ltung byed do/ /zhes gsungs pa'i phyir/ khyab ste/ ma'i rnal 'byed las/ de dag gi shing gang yin pa ni 'byung po'i gnas @057b shes bya'o/ /gcod dam zhes bya ba ni rang gis so/ /gcod du 'jug na zhes bya ba ni gzhan no/ /ltung byed do zhes bya ba ni gong ma bzhin no/ /zhes gsungs pa'i phyir/ gzhan yang sa bon skye 'jig gnyis dge slong ma la bslab pa'i gzhi so so bar mdzad pa'i rgyu mtshan gyis dge tshul la ltung med gnyis su phye ba ma yin par thal/ dge slob ma la shing gcod nyes byas dang sa bon 'jom pa ltung med du phye ba'i rgyu mtshan gyis yin pa'i phyir/ rje 'dul 'dzin gyis/ shing gcod pa ste myu gu sogs skye ba gcod pa dang/ nas la sogs pa'i sa bon 'jom pa gnyis rim pa bzhin dge slob ma la bshags bya dang ltung med kyi bslab pa'i gzhi gnyis su mdzad pas/ dge tshul la ltung med gnyis su phye yang/ zhes dang/ kun gzhigs lnga pa chen pos kyang/ sa bon dang skye ba 'jig pa gnyis slob ma la gnang ma gnang gi sgo nas phye ba yin gyi/ zhes dang/ yig char yang/ shing gcod pa ste myu gu sogs skye ba gcod pa dang sa bon 'jom pa gnyis dge slob ma ltar so sor byas na phyed dang bco brgyad dang/ zhes pa'i don yod pa'i phyir/ yang kha cig na re/ dge slob ma la shing gtsod blangs 'das su bshad pa mi 'thad par thal/ de ltung med yin pa'i phyir/ der thal/ skye ba gcod pa ltung med dang rtswa sngon po mi gtsang ba 'dor ba blangs 'das su khas len dgos pa'i phyir/ der thal/ rtsa sngon por mi gtsang pa 'dor ba rjes mthun gyi chos drug gang rung du 'dul ba rgya mtsho'i snying por bshad pa'i phyir zer na dpyad dgos pa zhi yin te/ karma shA tam las/ rtsa sngon po gcod par mi bya ba dang/ zhes gsungs shing/ me tog phreng rgyud las/ @058a @#/ /rtsa sngon la sogs gcod pa dang/ zhes ldog phyogs nas bshad la/ mtsho TIk dang rin phreng sogs las kyang rjes mthun gyi chos drug gi skabs karma shA tam gyi sdom ltar bshad pa dang/ rgya cher 'grel ba las kyang dge slob ma la rtsa sngon por mi gtsang ba 'dor ba ltung med dang skye ba gcod pa nyes byas su bshad pa'i phyir/ de nyid las/ 'chang ba 'bral ba me reg dang/ spangs pa za dang sa bon 'jig mi gtsang 'dor dang shing la 'dzeg /blangs pa mdor gtogs slob ma'i min/ /zhes dang/ 'chang ba la sogs pa bdun po dag ni dge slob mas de dag las 'das shing 'gal bar byas kyang nyes pa cir yang mi 'gyur bas de'i phyir bsdam par bya ba'i nyes byas su 'gyur ba ma yin la/ zhes gsungs ba dang/ dge tshul gnyis kyis rin chen reg /ga sog 'jog byas ba za ba dang/ /byin len ma byas sa rko dang/ /skye ba 'jig dang bcas pa min/ /zhes dang/ dge slob ma'i bslab pa'i gzhi yang dag par blangs pa mdor gtogs bzhes ji skad bstan pa de dag nyid ni rin po che la reg pa dang/ gsog 'jog byas pa za ba dang/ /byin len ma byas par za ba dang/ /sa rko ba dang/ skye ba'i tshogs 'jig pa dang/ zhes gsungs pa'i phyir dang/ rin phreng las kyang dge slob ma la rtsa sngon mi gtsang 'dor ba ltung med du bshad pa'i phyir/ des na karma sha' ham dang rje'i gsung gnyis kyi tshig la zhi ba cha dgos par yig char bshad pas gang rung cig yi ge nor ba ni yig cha'i dgongs par snang ngo/ /yang kha cig /dge tshul pha la sdom bsdus kyi ltung med phyed dang/ @058b bcu bdun du bshad pa mi 'thad par thal/ 'dun pa phyir bsgyur ba ltung med yin pa'i phyir/ der thal/ de ltar stag lo'i 'dul Ta'ik sogs bshad pa ltar rin phreng las kyang bshad pa'i phyir/ zla 'jog gsog 'jog dgon pa 'bral/ /ma smras 'dun bsgyur ma rdzogs nyal/ /zhes gsungs pa'i phyir zer na ma khyab ste/ /dge tshul 'dun pa phul ba'i rten ma yin pa la dgongs pa'i phyir/ yang kha cig na re/ bslab byin yin na sde lnga bskyed ba'i rten du dge slong rang bzhin du gnas pa dang 'dra bas khyab par thal/ rtsa bar/ bslab ba byin pa ni 'dra ba nyid do/ /zhes gsungs pa'i phyir na ma khyab ste/ bslab byin dge tshul dang dge slob ma yod pa'i phyir/ 'od ldan las; 'on ci dge tshul la bslab pa byin pa yod dam zhe na yod do zhes bshad do/ /phran tshigs las/ dge slong dag de lta bu gzhan la yang bslab pa byin cig /ces gsungs pa'i phyir/ zhes so/ /yang kho na re/ bslab byin dge slong yin na dmigs gsal ma gtogs pa'i sde lnga bskyed pa'i rten du dge slong rang bzhin du gnas pa dang 'dra bas kyab zer na/ bslab byin dge slong du gyur ba'i phyir mi 'ong chos can/ der thal/ de'i phyir/ rtags grub ste/ de yod pa'i phyir/ phran tshegs las/ gang gi tshe zag bzad ba de'i tshe sngon gyi gral du 'dug par bya'o/ /zhes gsungs pa'i phyir/ 'dod na/ re 'dra'i phyir mi 'ong gi rten la dmigs gsal gsum ma gtogs sde lnga 'byung ba yod par thal/ 'dod pa'i phyir/ 'dod na/ thun mong gi pham pa bzhi byung ba yod par thal/ 'dod pa'i phyir/ 'dod na/ mi dge ba'i las gsar du bsags pa yod par thal/ 'dod pa'i phyir/ khyab ste/ thun mong gi pham pa yin na @059a @#/ /mi dge ba yin dgos par yig char gsungs pa'i phyir/ 'dod mi nus te/ 'dod nyon spangs pa'i phyir te/ phyir mi 'ong yin pa'i phyir/ gzhan yang/ phyir mi 'ong gi rgyud la dbyen gyi lhag ma dang de'i rjes phyogs kyi lhag ma sogs 'byung ba yod par thal/ dam bcas 'thad pa'i phyir/ 'dod mi nus te/ de dag 'phags pa'i rgyud la 'byung ba med pa'i phyir/ der thal/ chos min phyogs kyi dge slong yin na 'phags pa ma yin pas khyab pa'i phyir/ mdzod las/ 'byed do gzhan du'o byis pa rnams/ /zhes dang/ mdo las kyang/ rigs par zhugs pa/ drang por zhugs pa/ mthun par bzhugs pa/ zhes gsungs pa'i phyir/ /ba cig/ bslab byin dge slong yin na phan pa 'byung bas khyab zer na/ bslab byin dge tshul bsnyen par rdzogs ma thag pa chos can/ der thal/ de'i phyir/ kha cig na re/ bslab byin yul du byas pa'i brdeg pa'i ltung byed med par thal/ rnam dag gis bslab byin brdeg pa la ltung byed mi 'byung ba'i phyir na ma khyab/ rtags grub ste/ rnam dag gis bslab byin yul du byas pa las dge slong las 'byur ba'i ltung bzhe drug gi nang nas 'chab brjod gnyis ma gtogs ba na smad du 'gyur ba'i phyir/ der thal/ sel ba'i sgo nas bsnyen par rdzogs pa dang 'dra ba'i phyir/ der thal/ mu bzhi'i sgo nas bsnyen par ma rdzogs pa dang 'dra ba'i phyir/ rtsa bar 'dod mi nus te/ de 'dra ba'i ltung byed de bslab byin dge slong gi rgyud la 'byung ba yod pa'i phyir/ der thal/ bslab byin nang phan tshun bsnyen par ma rdzogs pa dang mu bzhi'i sgo nas 'dra ba ma yin par bshad pa'i phyir/ rtsa bar/ de la @059b ni ma yin no/ /zhes gsungs pa'i phyir/ kha cig /bslab byin yul du byas pa'i brdeg pa'i ltung byed de bslab byin dge slong gi rgyud kyi bsdus par byal/ rnam dag gi rgyud la med pa'i phyir na ma khyab ste/ khyim par da bab pa'i rgyud kyi de yod pa'i phyir/ rtags sla/ kho na re/ de 'dra ba'i ltung byed de rnam dag gi rgyud la med par bshad pa mi 'thad par thal/ de 'dra ba'i ltung byed byung ba'i bslab byin dge slong de rnam dag tu 'gyur ba yod pa'i phyir na ma khyab/ rtags grub ste/ dgra bcom pa'i 'bras bu thob pa yod pa'i phyir/ 'dod mi nus te/ de'i tshe de 'dag pa'i phyir/ der thal/ ltung ba dag pa'i rgyu bdun yod pa'i phyir/ der thal/ ming rigs kyi sgo nas phyir bcos byas pa dang/ mthar btsal bas rkyen ma 'byor ba sogs yod pa'i phyir/ yang kha cig na re/ dge slong yin na khyod yul du byas pa'i nub lha gi ltud byed med pas khyab par thal/ rtsa bas/ bsnyen par ma rdzogs pa dang lhan cig gnas gcig tu mtshan mo gsum pa la nyal na'o/ /zhes gsungs pa'i phyir na mkhyab/ 'o na/ dge slong yin na rnam dag la byin len stobs pa po ma yin pas khyab par thal/ rtsa bar/ gyen du 'degs nus pa bsnyen par ma rdzogs pa/ zhes gsungs pa'i phyir/ khyab pa khas/ yang kha cig na re/ thun mong gi pham pa 'chab med byung nas bslab pa ma byin pa'i skabs kyi dge slong de chos can/ dmigs gsal ma gtogs ltung ba sde lnga bskyed pa'i rten du dge slong rnam dag dang 'dra ba yin par thal/ rnam bshad nyi zer las/ bslab ba byin pa ni 'dra zhes pas bslab pa sbyin rung yang 'dra ba nyid du mtshon par bzhed do/ /zhes gsungs pa'i phyir/ 'dod na/ de 'dra@060a @#/ /ba chos can/ bsnyen rdzogs kyi sngom pa gsor rung yang chad dang ldan par thal/ 'dod pa'i phyir/ khyab ste/ bsnyen rdzogs kyi sdom pa gsor rung yan chad dang ldan pa de ltung ba sde lnga'i dngos gzhi kun gyi thun mong gi yan lag yin pa'i phyir/ 'dod mi nus te/ bsnyen rdzogs kyi sngom pa gsor rung tsam dang ldan gyi/ gsor rung yan chad dang mi ldan pa'i phyir/ rnam bshad nyi zer las/ bslab pa byin ba'i yul ni sdom pa gsor rung dang ldan pa yin gyi/ gsor rung yan chad ces ni mi bya ste/ gso ba la zhugs zin pa bslab pa byin pa dang/ rnam dag ni bslab pa byin pa'i yul ma yin pa'i phyir ro/ /zhes gsungs pa'i phyir na ma khyab ste/ bslab pa byin yul la rnam dag med par bstan tsam yin pa'i phyir/ der thal/ sde lnga gang rung bskyed pa'i rten la bsnyen rdzogs kyi sdom pa rnam dag dang ldan pas ma khyab cing/ gsor rung yang mtshon pa ste gsor rung khyab pa'i phyir/ mtsho Ta'i ga las/ bslab pa byin pa ni 'dra ba nyid do/ /zhes pham pa 'chab med kyis nyams kyang de la pham lhag la sogs pa bskyed par gsungs pas/ des bslab pa byin rung yang mtshan pa ste gsor rung yan chad dang ldan pa de bslab pa'i yan lag yin par grub po/ /zhes gsungs pa'i phyir/ kha cig na re/ bslab byin yul du byas pa las skur 'debs gsum gyi dngos gzhi mi bskyed par thal/ mtshan mi mthun pa'i bslab byin yul du byas pa las skur 'debs gsum gyi dngos gzhi mi bskyed pa'i phyir na ma khyab/ rtags grub ste/ ma dag pa la bskur ba 'debs pa'i gzhi med dang bag tsam gyi lhag ma sogs mtshan mthun yan lag tu @060b dgos pa'i ltung ba yin pa'i phyir/ der thal/ ma dag la skur ba 'debs pa gsum la yul rten mtshan mthun pa dang lta ba mthun pa yan lag tu dgos pa'i phyir/ bslab bya gnas ma rtse ldeng ma las/ gang la skur ba 'debs pa'i yul ni mtshan dang lta ba mthun pa yin na bsnyen rdzogs sdom ba gsor rung yan chad dang/ mi mthun pa yin na rnam par dag pa dang/ zhes dang/ bslab bya chen mor/ rang phyogs mtshan mthun lta mthun yin na bsnyen rdzogs kyi sdom pa gsor rung yan chad dang ldan zhing/ gzhan phyogs mtshan dang lta ba gang rung mi mthun pa yin na/ pham pa 'chab med kyang ma byung ba'i rnam par dag pa/ zhes gsungs pa'i phyir dang/ rin chen phreng ba las kyang bdag pa la skur ba 'debs pa gsum ming tsam rjes mthun du gsungs pa'i phyir/ 'on kyang mtsho Ta'ik las yul lta ba mi mthun na rnam dag dgos zhing mtshan mi mthun pa la rnam dag mi dgos par gsungs te/ de nyid las/ lta ba rang phyogs yin na mtshan mthun rung mi mthun rung ste bsnyen rdzogs kyi sngom pa gsor rung yan chad dang ldan pa'am/ lta ba gzhan phyogs bsnyen rdzogs kyi sngom pa pham bsam gos pa dang ldan pa dang/ zhes so/ /yang kha cig na re/ bslab byin dge slong yul du byas pa las ma rdzogs pa spyis bskyed pa'i ltung ba lnga ga bskyed pa yod par thal/ yan lag gi sgo nas ma rdzogs gas pa dang 'dra tshul yod pa'i phyir nam khyab ste/ de yul du byas nas nyi shu ma lon pa bsnyen par rdzogs par byed pa'i ltung byed 'byung ba med pa'i phyir/ der thal/ bslab byin dge slong sgrub byar byas nas ma lon pa bsnyen rdzogs byed pa'i ltung byed mi 'byung pa'i phyir/ 'on kyang bslab byin dge slong kha skong du byas nas nyi shu ma lon par sgrub bya gzhan bsnyen @061a @#/ /rdzogs byed pa'i ltung byed bslab byin dge lsong gi slong gi rgyu la 'byung ba yod de/ rtsa bar/ de la ni ma yin no/ /zhes pas so/ /des na tshig la zhib cha dgos so/ /kha cig/ /ma lon pa bsnyen rdzogs byed pa'i ltung byed chos can/ ma rdzogs ba spyis bskyed pa'i ltung ba ma yin par thal/ las 'brel dge 'dun gyis bskyed pa'i ltung ba yin pa'i phyir na ma khyab ste/ sgrub bya'i cha nas ma rdzogs pa dang las kyi kha skong gi cha nas dge slong gis bskyed pa'i phyir/ deng sang kha cig gis/ lo nyi shu ma lon kyang mngal la shol dang bcas te nyi shu lon pa la bsnyen par rdzogs pa nyes med chags par 'dod pa mi 'thar par thal/ de 'dra ba'i bcas pa mdzad phyin chad kyi da ltar gyi cho ga'i dbang du byas te she bzhin dus grub bya lo nyi shu ma lon zhing mngal shol dang bcas te nyi shu lon pa bsnyen par rdzogs par byed pa la ltung ba med par 'dul ba lung dang dgongs 'grel gyi bstan bcos gang nas kyang ma bshad pa'i phyir dang/ mngal shel bcas te nyi shu lon kyang skyes nas nyi shu ma lon pa la der shes bzhin du bsnyen rdzogs byed na mkhan po la ltung byed dang las dge 'dun dang bcas pa la nyes byas bskyed par bslab bya chen mor bshad cing/ mkhan po la nyes byas bskyed bar bslab bya gnam rtseng ldeng ma sogs las bshad pa'i phyir/ bslab bya chen mo las/ mngal shol dang bcas te lo nyi shu lon zhing mngal shol ma rtsis pa'i lo nyi shu ma lon na sgrub bya la sdom pa skye zhing/ mkhan po la ltung byed bskyed la gzhan rnams la nyes byas bskyed do/ /zhes dang/ gnam rtse ldeng mar/ mngal shol dang bcas te nyi shu lo na kyang skyes nas lo nyi @061b shu ma lon pa la der shes bzhin du bsnyen rdzogs byed na mkhan po la nye byas so/ /zhes gsungs pa'i phyir/ byas pa la kho na te/ ded kyi dam bca' 'thad par thal/ mdo rtsa bar/ mngal na gnas pa dang shol gyi zla ba dag dang yang bcas ste'o/ /zhes gsungs pa'i phyir na shin tu ma khyab ste/ nyi shu ma lon par 'du shes na sngom pa skye mngal shol dang bcas te nyi shu ma lon pa'i snga rol tu ma lon par bsnyen rdzogs byas par shes na sngom pa gtor bar bshad pa yin pa'i phyir/ rtsa bar/ shes na ni de zhig go/ /gal te skyes pa nam lon pa'o/ /mngal na gnas pa dang shol gyi zla ba dag dang yang bcas te'o/ /zhes dang/ rgya cher 'grel ba las/ bsnyen par rdzogs par 'dod pa'i gnas skabs su brtsi bar mi bya ste/ gal te rtsi bar byed na rdzogs par bsnyen pa ni chags la rdzogs par bsnyen par byed pa dag la ni 'gal chabs can du 'gyur ro/ /zhes gsungs pa'i phyir dang/ bslab bya gnam rtseng ldeng mar yang/ bsnyen rdzogs la skyes nas nyid shu lon pa'o/ /de yang mngal ba shol dang bcas te lo nyi shu lon pa tsam gyis ni mi rung ste/ zhes gsungs pa'i phyir/ kha cig na re/ 'gro ba gzhan gyi rnam pa sten pa'i dge slong la ltung ba sde lnga phal cher gyi dngos gzhi rdzogs pa yod par bam lnga dang rin phreng sogs las bshad pa mi 'thad par thal/ 'dro ba gzhan gyi rnam bsten pa'i dge slong la sde lnga phal cher mi 'byung ba'i phyir/ der thal/ pham lhag dang po gnyis dang srog gcog bzhi dang ma byin len te ltung ba bdun ba bdun pa ltung ba gzhan la lus tha mal du gnas pa yan lag tu dgos par mtsho Ta'ik sogs las bshad pa'i phyir zer na/ ma khyab byas pa la kho na re/ de mi 'thad par thal/ bam lnga ltar khas len mi rigs pa'i phyir/ der thal/ bam lngar pham lhag bcu bdun dang/ spang ltung dang po dang/ ltung byed 'ba' zhig pa dang bo @062a @#/ /dang/ sor bshags dang po rnams kyi skabs su 'gro ba gzhan gyi rnam pa bstan pa na dge slong gyi 'du shas yod pa la na smad pa med par gsungs pa ltar khas len mi rung ba'i phyir/ lung zhu bar/ dge slong gis sngags sam sman gyis bdag nyid mi snang bar bgyis te mi chos bla ma smras na cir 'gyur/ spom por 'gyur ro/ /zhes dang/ mtsho TIka las/ pham rdzun 'khrig tshig bsnyen bkur dang/ zhes sogs sngar drangs ba de'i phyir zer na/ rdzun pham dang 'khrig tshig smra ba dang bsnyen bkur bsngags pa'i lhag ma sogs la rten gyi gang zag lus mi snang bar byas pa yan lag tu dgos kyang lus tha mal du gnas pa mi dgos zer ram/ yang na zhu bar gsungs pa de yan lag gzhan mtshang ba la dgongs zer dgos sam dpyad/ kha cig na re/ 'gro ba gzhan gyi rnam pa sten pa na dag slong gi 'du shes yod pa la'o/ /zhes sogs kyis shes pa rang bzhin du gnas pa'i yan lag bstan par bshad pa mi 'thad par thal/ bslab pa'i yan lag 'du shes gtso bor bstan pa'i mdo yin pa'i phyir/ der thal/ rang nyid dge slong gi sdom ldan du shes bzhin du ltung ba'i gzhi la zhugs na dngos gzhi byung ba yin gyi/ rang la sdom pa yod pa brjed pa'am med par 'khrul te zhugs na dngos gzhi mi 'byung bar na smad du bshad pa'i phyir/ lung zhub ba las kyang/ dge slong du 'du shes yod na 'khrig par sbyor bar bya ba yin pas mthar 'gyur ro/ /de ste dge slong du 'du shes med na spom por 'gyur ro/ /zhes dang/ 'od ldan las kyang/ sdom brtson sdom brtson nyid du 'du shes na/ dngos gzhi'o min na ltung ba chung dang ldan/ zhes gsungs @062b pa'i phyir na ma khyab ste/ rang la yid btad ba'i tshe dge slong gi 'du shes mngon du 'gyur thub pas mtshon nas shes pa rang bzhin du gnas pa'i yan lag bstan pa yin pa'i phyir/ rnam bshad nyi zer las/ gzhung de rnams 'gro ba gzhan gyi rnam pa bstan pa na dge slong gi 'du shes yod pas mtshon nas shes pa rang bzhin du gnas pa yan lag tu dgos par bstan pa yin gyi/ zhes dang/ rin chen phreng ba las kyang/ mngos ni shes pa btad thub pa dang mi thub pa nyid bstan par mngon no/ /zhes gsungs pa'i phyir/ gzhan yang/ bslab pa'i yan lag la 'du shes gtso bo zer ba mi 'thad par thal/ bslab pa'i yan lag la dngos po gtso che ba'i phyir/ der thal/ don la dge slong yin na rang nyid la dge slong gi sdom pa med par 'khrul te ltung ba'i gzhi la zhugs kyang pham sogs kyi dngos gzhi bskyed pa yin gyi/ na smad ap med pr bshad pa'i phyir/ rtsa bar/ bdg ni nyams pa'o snyam pa'i bsam pa can la yang med do/ /zhes gsungs pa'i phyir/ byas pa la kho na re/ ma khyab ste/ lung 'di ni pham pa dang po kho na'i dbang du byas pa yin pa'i phyir/ der thal/ pham pa dang po'i skabs su bslab pa'i yan lag la dngos po gtso che ba yin kyang; ltung ba gzhan gyi skabs su bslab pa'i yan lag la 'du shes gtso che ba'i phyir zer/ de mi 'thad par thal/ 'gro ba gzhan gyi rnam pa sten pa na zhes sogs kyi mdo 'di gnyis zhu bar pham pa dang po dang gsod ltung bzhI skabs su de ltar gsungs pa rnams bsdus pa yin pa'i phyir/ lung zhu bar/ dge slong sngags sam sman gyis bdag nyid byol song du bsgyur te mi tshangs par spyod pa bgyid na cir 'gyur/ de ste dge slong du 'du shes yod na @063a @#/ /'khrig pa'i sbyor ba byas pa yin pas mthar 'gyur ro/ /de ste dge slong du shes med na spom par 'gyur ro/ /zhes sogs gsungs pa'i don bsdus pa yin pa'i phyir/ gong du khyab pa yod de/ 'gro ba gzhan gyi zhes sogs mdo gnyis po de bslab pa'i yan lag la 'du shes gtso che ba'i shes byed du khyed kyis 'drangs pa'i phyir/ gzhan yang/ 'o na 'gro ba gzhan gyi rnam pa bsten pa'i dge slong de gzugs bsgyur ba'i dbang gis bdag nyid dge slong yin pa'i 'du shes med par gyur pa'i tshe pham pa dang po'i gzhi la zhugs na pham pa'i dngos gzhi 'byung bar thal/ 'gro ba gzhan gyi rnam pa sten pa na zhes sogs mdo tshan gnyis po de pham pa dang po ma gtogs pa'i ltung ba gzhan la sbyar dgos pa'i phyir/ rtags khas/ 'dod mi nus te/ de'i tshe pham pa'i dngos gzhi mi 'byung ba'i phyir/ lung zhu ba sngar drangs pa dang/ rgya cher TIkka las kyang/ dge slong gsang sngags dang sman dang las la sogs pa'i dbang gis 'gro ba gzhan gyi rnam pa zhes bya ba dud 'gro la sogs pa'i gzugs su bsgyur nas gzugs des mi tshangs par spyod pa la sogs pa bya ba ma yin pa byed pa na de byed pa'i tshe bdag nyid dge slong yin pa'i 'du shes yod par 'gyur na ni de'i tshe dge slong de ltung ba la sbyor ba la ni dge slong gzhan dag dang 'dra ba nyid yin te/ ji ltar dge slong gzhan dag ltung ba la sbyor ba la gzhi ji lta ba las kha na ma thob par 'gyur ba de bzhin du de la yang 'gyur ro// zhes bya ba'i tha tshig go/ /nas/ bdag nyid dge slong yin pa'i 'du shes med cing brjed par gyur ba nyid yin ni ltung ba la sbyor ba de'i tshigs 'og mar na smad pa nyid do/ /sbyor ba tsam kho na la kha na mtho ba 'dir 'gyur gyi dngos gzhi @063b nyid duni mi 'gyur ro/ /zhes gsungs pa'i phyir/ khyab ste/ mi tshangs bar spyod pa la sogs pa dang sbyar ba yin gyi/ khyod ltar mi tshangs spyod bkol ba ma yin pa'i phyir/ kha cig na re/ dge tshul gyi rten la rku pa'i sbyor ba byas ba de kho nas dge slong gi rten la mthar thug grub pa la dngos gzhi ltung med yin te/ rin chen phreng ba las/ pho nyas rdzas gnas nas spos pa lta bu'i tshe ltung ba med de/ bsnyen par rdzogs par byed pa'i tshe de lta bu'i 'dun pa log pas sbyor ba rgyun chad par gyur te tshigs snga mar sbyor ba byas pa tsam gyi dbang kho na las med pa'i phyir/ zhes gsungs pa'i phyir na ma khyab ste/ TIkka'i bshad tshul 'god pa tsam yin pa'i phyir/ Tikkar/ bsnyen par rdzogs par byed pa'i tshe na de la rku ba'i bya ba yang med la rku ba'i bsam pa yang med pa dela sbyor ba snga ma de na smad pa nyid do/ /zhes tshigs snga ma'i sbyor ltung tsam las dngos gzhi ltung de pham pa'i na smad du mirigs pa'i phyir/ phyi ma tshigs phyi mar dngos gzhi'i rnam pa'i spom po bskyed pa'i phyir te/ rtsa bar/ tshigs snga mar sbyor ba byas pa la na smad du gsungs pa gang zhig/ /tshigs snag ma'i sbyor ltung de pham pa'i na smad na mi rigs pa'i phyir/ phyi ma der thal/ pham lhag gi na smad yin na spom po yin pas khyab pa'i phyir/ gzhan yang de la dngos gzhi ltung med ma yin par thal/ de la dngos gzhi smad yin pa'i phyir/ 'od ldan las/ dge tshul nyid kyis sbyor ba byas pa tsam gyis dbang gis bsnyen par rdzogs pa nyid du grub na chung ba nyid yin te/ snga ma'i tshigs su sbyor ba byas pa'i las kyi lam tshigs phyi ma la rdzogs na chung ba nyid yin no/ /zhes bya ba'i tha tshiggi/zhes dang/ @064a @#/ /rin chen phreng ba las kyang/ 'di la slob dpon shAkya 'od ni/ tshigs snga mar sbyor ba byas pa de'i dngos gzhi tshigs phyi ma la grub pa na smad pa'o zhes bzhed do/ /zhes gsungs pa'i phyir/ /bcig na re; thun mong gi pham pa bzhi bo gang rung la mtshan nyid ci 'dra ba'i ltung bas khyab zer na/ de mi 'thad par thal/ gzhan gyi zag byed du mi tshangs par sbyor pa'i pham pa de mtshan nyid ci 'dra ba ma yin pa'i phyir/ der thal; yul gyi yan lag thun mong ba ma yin pa'i phyir/ khyab ste/ mtshan nyid ci 'dra ba'i ltung ba yin na ltung ba thun mong bar ma zad yan lag kyang thun mong ba yin dgos pa'i phyir/ rinchen phreng ba las/ mtshan nyid ci 'dra ba'i don ni pha ma gnyis la ltung ba che chung myam por bcas shing yan lag thun mong du 'du ga pa'o/ /zhes gsungs pa'i phyir/ byas pa la kho na re/ 'on mo'i zag byed du mi tshangs par sbyod pa'i pham pa chos can; ming tsam rjes mthun gyi ltung ba yin par thal/ thung mong ba'i ltung ba gang zhig /mtshan nyid ci 'dra ba ma yin pa'i phyir/ 'dod na/ mtshan 'gyur ba'i tshe na smad dang ltung med gang rung du 'gyur rgyu yin par thal/ ming tsam rjes mthun yin pa'i phyir na ma khyab ste/ ming tsa rjes mthun yin yang mtshan 'gyur ba'i tshe so na gnas pa ni dmigs gsal du byed dgos pa'i phyir/ ma khyab 'tshams la 'dod mi nus te/ thun mong gi pham pa mtshan 'gyur bas dag pa'i skyon du 'gyur ba'i phyir dang/ rtsa ltung 'chab bcas kyang gsor rung ba'i skyon du 'gyur ba'i phyir/ yang kho na re/ pham pa dang po yin na mtshan nyid ci 'dra ba ma yin pas khyab par thal/ rma'i @064b sgo gsum gang rung du brtsal ba'i pham pa yin na mtshan nyid ci 'dra ba ma yin pas khyab pa'i phyir zer nam khyab ste/ ste/ gzhan gyis rang gikha dang bshang lam du brtsal ba bdag gir byas pa'i pham pa de mtshan nyid ci 'dra ba yin pa'i phyir// der thal/ mtshan nyid ci 'dra ba'i ltung ba lnga bcu rtsa lnga yod pa'i phyir/ der thal/rim phreng gi bshad tshul ltar na lnga bcu rtsa lnga dang/ 'dul 'dzin gyi bshad tshul ltar na lnga bcu rtsa bdun yod par sngar bshad zin pa'i phyir/ kha cig ;skur 'debs gsum mtshan nyid ci 'dra ba ma yin par thal/ ma dag pa la skur ba 'debs pa gsum mtshan nyid ci 'dra ba ma yin pa'i phyir na ma khyab/ rtags grub te/ de gsum mtshan mthun yan lag tu dgos pa'i phyir rtags gong du sgrub zin/ kha cig na re/ ltung bzed tshol spangs mtshan nyid ci 'dra ba ma yin par thal/ drug phul dgu mi shong ba'i ltung bzed tshol ba'i spangs ltung de ma yin/ drug phul bcu yan chad shong ba'i ltung bzed 'tsho ba'i spang ltung de ma yin pa'i phyir na ma khyab/ rtags grub ste/ dang po pha'i rten la 'byung ba med/ phyi ma ma'i rten la 'byung ba med pa'i phyir/ rtsa bar/ dge slong mas dge slong gi chung du las lhag pa mi bcang ngo/ /zhes dang; rab tu byung ba'i rdzas dag la ni rung ba nyid dang ldan pa la sogs pa nyid do/ /zhes pa'i don yod pa'i phyir/ des na ka sha pa na nyi shu ri ba'i gos 'chang 'jog byed pa'i spang ltung dang/ de 'dra ba'i gos slong ba dang slong rigs pa'i spang ltung sogs dang/ gsog 'jog byas pa'i zas dus min par za ba sogs mtshan nyid ci 'dra ba ma yin pa'i phyir/ der thal/ gos lci yang dge slong la mi rung/ dge slong phas gsog 'jog bya@065a @#/ /ba'i zas dge slong pha la mi rung bas dmigs gsal ma gtogs pa gos dang zas las gyur ba'i ltung ba dngos gzhi mi bskyed pa'i phyir/ der thal/ dmigs gsal ma gtogs pa gos dang zas kyis bskyed pa'i ltung ba la gzhir gyur ba'i rdzas rung ba dang tshad ldan nam tshad lhag yan lag tu gos par sngar bshad zin pa'i phyir/ zas kyis bskyed pa'i ltung ba la dmigs gsal ma gtogs pa gzhir gyur ba'i zas rung ba dgos par bshad pa mi 'thad par thal/ rmig gcig pa'i sha lta bu ngo bo sgo nas mi rung bas kyang byin len ma byas par za ba'i ltung byed bskyed pa yod pa gang zhig/ gsog 'jog byas pa'i zas lta bu cho ga'i sgo nas mi rung bas kyang dus min par za ba'i ltung byed bskyed pa yod pa'i phyir/ der thal/ mi rung ba za ba'i nyes byas/ gsog 'jog za ba'i ltung byed/ byin len ma byas par za ba'i ltung byed/ dus min par za ba'i ltung byed bzhi ka bzhi gcig gis bskyed pa yod pa'i phyir/ lung zhu bar/ dge slong gis skad cig spyad pas ltung ba bzhir 'gyur ba mchis sam/ za ba li yod de/ byin len ma byas pa/ mi rung ba/ gsog 'jog tu bzhag par gyur ba; dus ma yin par za ba'o/ /zhes gsungs pa'i phyir na ma khyab ste/ nyes byas kyi dbang du byas pa yin pa'i phyir/ der thal/ cho ga'i sgo nas mi rung bas gsos 'jog za ba'i ltung byed bskyed pa la'ang gzhir gyur ba'i zas de ngo bo sgo nas rung ba yan lag tu dgos pa'i phyir/ der thal/ zas las gyur ba'i ltung pa nyi shu rtsi gcig go/ myos 'gyur 'thung ba ma gtogs pa'i gzhan rnams ngo bo sgo nas mi rung ba'i zas kyis bskyed pa med pa'i phyir/ gzhan yang/ dge slong gis @065b gsog 'jog tu bzhag pa'i zas kyis dge slong la gsog 'jog za ba'i ltung byed bskyed rung yin kyang du smin par za ba'i ltung byed mi bskyed la/ des dge slong ma la gsog 'jog za ba'i ltung byed mi bskyed kyang dus min par za ba'i ltung byed bskyed chog pa'ang shes dgos te/ rtsa bar/ skyes pa dang bud med dag ni phan tshun khyim pa dang 'dra'o/ /zhes dang/ rab tu byung ba'i rdzas dag la ni zhes sogs gsungs pa'i phyir/ mtsho Tikka las/ zas la sogs pa rnams la gsol 'jog lag nya la sogs pa dang 'brel ba rnams ni mtshan nyid ci 'dra ba'i thun mong ma yin te/ zhes gsungs pa'i phyir/ yang kha cig na re/ grong du rgyu ba'i ltung byed mtshan nyid ci 'dra ba dang ming tsam rjes mthung gnyis kar bgrang ba mi 'thad par thal/ de gnyis ka'i gzhi mthun med pa'i phyir na ma khyab ste/ snga dro grong du rgyu ba ming tsam rjes mthung dang/ phyi dro grong du rgyu ba mtshan nyid ci 'dra ba yin pa'i phyir/ der thal/ snga gro grong du rgyu ba la rang gi tshig gis dge 'dun bzhin du ma gus pa'i tshul gyi ltung byed la'ang sangs rgyas kyis bsgo ba las/ shad sbyang med par 'gal bar byed pa ni mtshan nyid ci 'dra ba dang/ phyi dro grong du ba'i ltung byed la 'di dag yan lag tu mi dgos pa'i phyir/ de bzhin du ma gus pa'i tshul gyi ltung byed la'angs sangs rgyas kyis bsgo ba las shas sbyang med par 'gal bar byed pa ni mtshon nyid ci 'dra ba dang/ dge 'dun gyis bsgo ba las shad sbyang med par 'gal ba byed pa ni ming tsam rjes mthun yin pas bslab bya chen mor gnyis kar bgrang ba'i phyir/ kho na re/ mtsho TIka ltar na mtshan nyid ci 'dra ba'i ltung ba la sbed pa ma bgrang bar spangs za bgrang ba ma gtogs rin phreng dang mthun par bshad pa mi @066a @#/ /'thad par thal/ sngom tshig las/ gnas bdun 'dul 'dzin gsungs so rin 'phreng las/ /bca' dang ma gus bsal bas lnga bcu lnga/ /mtsho TIka bden smra sbed dang gzhi med bsal/ /khyims su na shing gcod bsnan pas nga drug byas/ /zhes gsungs pa'i phyir nam khyab ste/ lung 'di ni yi ge nor bar mngon pa'i phyir/ der thal/ mtshoTIka ltar na sbed pa dang ma gus pa'i ltung byed ma bgrang bar sa bon skye 'jig so sor bgrang gnas lnga bcu rtsa drug tu bshad pa'i phyir/ mtshoT'ka de las sbed dang ma gus bsal/ /shing gcod lugs su bgrang bas nga drug byas/ /zhes pa lta bur 'don dgos pa'i phyir/ byas pa la kho na re/ de mi 'thad par thal/ mtshoTIka ltar na gzhi med kyi ltung med ma bgrang bar khyim sun 'byin pa'i lhag ma bgrang pa'i phyir/ der thal/ mtshoT'ka las/ rku dang smyan dang skur 'debs gsum/ zhes pa yongs grangs kyi skur 'debs gsum la mi byed par gzhi med bag tam khyim sun 'byin pa'i lhag ma gsum la byed pa'i phyir/ der thal/ khyim sun 'byin pa'i lhag ma 'byung ba la bskrad pa nan tur byed pa'i dge 'dun la 'gro ba bzhis skur ba 'debs dgos pas skur 'debs kyi ming gis bstan pa'i phyir zer na/ de mi 'thad par thal/ bsgo gyur gyi lhag ma bzhi ming tsam rjes mthun du bshad pa'i gzhung du ma dang 'gal zhing/ mtshan nyid ci 'dra ba'i ltung byed sum cu rtsa lnga dang ming tsam rjes mthun gyi ltung byed sum cu rtsa bdun du mtshoTIka rang nyid las bshad pa dang 'gal ba'i phyir/ yang kha cig na re/ do gsum lhag len pa'i ltung byed la mtshan nyid ci 'dra ba dang ming tsam rjes su mthun pa gnyis med par thal/ @066b da mtshan nyid ci 'dra bar bshad pa'i phyir nam khyab/ 'dod mi nus te/ de la gnyis yod pa'i phyir/ der thal/ yul mag d+ha'i bre'u chung phyed dang bcu bzhi las lhag pa'i bsod snyams len pa'i ltung byed de mtshan nyid ci 'dra ba dang/ de man chad bre'u chung drug las lhag pa'i bsod snyoms len pa'i ltung byed de ming tsam rjes mthun yin pa'i phyir/ rtags grub ste/ dang po pha ma gnyis ka la ltung byed du 'gyur zhing/ phyi ma pha la ltung med dang ma la ltung byed yin pa'i phyir/ pha'i rnam 'byed las/ dge slong gis ci tsam du bre'u chung phyed dang lnga las lhag pa'i bsod snyams len na thams cad du ltung byed do/ /zhes dang/ ma'i rnam 'byed las/ dge slong mas ji tsam cung zad bre'u chung do las lhag par len nan thams cad du ltung byed du 'gyur ro/ /zhes gsungs pa'i phyir/ khyab ste/ de gnyis ka 'bras 'phel che ba skam pa'i dbang du byas pas brtsos na gsum 'gyur yin pa'i phyir/ der thal; de'i rgyu mtshan gyis sdeg slong gis dus gcig tu sbyin bdag gcig las bsod snyams ma ga d+ha'i 'bre'u chung phyed dang bcu bzhi blangs chog cing/ dge slong mas bre'u chung drug blangs chog pa'i phyir/ 'di la kha cig na re/ yig char/ mag d+ha'i bre'u chung phyed dang lnga shong ba pha'i ltung bzed chung tshad du bshad pa dang/ dus gcig tu 'bras bre'u chung phyed dang do gsum 'gyur shong ba'i 'bring gsum blang rung bar bshad pa gnyis la nang 'gal yod par thal/ 'bras bre'u chung phyed dang do gsum 'gyur dang 'bras bre'u chung phyed dang lnga tshad mnyam pa'i phyir/ des na 'bring gsum blang rung bar bshad pa mi 'thad zer/ de la gcig gis de gnyis mi 'gal tshul @067a @#/ /mi shes par the tshom gyi gzhir byed/ 'ga' zhig gis yig char ltung ba bzed kyi tshid gsugns pa ni mtsho TIka rin 'phreng sogs dang mi mthun zer/ gzhan phal cher gyis rtog dpyod ma zhugs par snang ngo/ /de dag mi 'thar par thal/ bshad tshul de gnyis mi 'gal ba'i phyir/ der thal/ ma ga d+ha'i bre'u chung phyed dang lnga shong ba pha'i lhung bzed chung tshad du bshad pa ni kha da chad du bkang ba'i dbang du byas shing 'bras bre'u chung phyed dang do gsum 'gyur shong ba'i 'bring gsum blang rung bar bshad pa de skam gsher gyi tshod ma gnyis dang mthe bo'i lto gang gi cha ma gtogs pa'i 'bras chan blugs sa'i tshad yin pa'i phyir/ dang po grub ste/ 'bras chan blugs sar mag d+ha'i bre'u chung gang gsum dang skam gshegs gyi tshod ma gnyis ka'i chal bre'u chung gang gcig dang/ mthe bo'i lto gang stong par bzhag pa'i sar bre'u chung phyed de ma ga d+ha'i bre'u chung phyed dang lnga shong ba de pha'i ltung ba zed chung du'i tshad yin par mtsho TIka dang rin chen 'phreng ba dang yig cha sogs mthun par bshad pa'i phyir/ der thal/ de'i tshad ni drug phul gyis brtsis na dgu dang; bdun phul gyis brtsis na phyed dang bcu gcig dang/ de bzhin du ya 'khyer phyed dang sogs gnyis dang/ yul ma ga d+ha'i srang bdun cu rtsa gnyis dang/ bod gyi srang brgyad dang bzhi bcu rtsa bzhi shong bar yig char bshad pa ni mdo rtsa 'grel rgya cher 'grel ba bam po lnga bcu pa sogs rgya bod kyi dgongs 'grel tshad ldan kun gyi dgongs pa yin pa'i phyir/ shes byed pa spros/ rtsa ba'i rtags gnyis pa grub ste/ khyad chad du bkang @067b ba'i dbang du byas na yul mag d+ha'i bre'u chung phyed dang lngan tsam shong ba'i ltung bzed 'bring po med kyang/ 'bras bre'u chung phyed dang lngan shong ba'i 'bring gsum len rung bar bam lnga dang yig char bshad ba ni 'bras chan blugs par bre'u chung phyed dang lnga shong ba'i ltung bzed 'bring po'i dbang du byas pa'i phyir/ der thal/ bcas ldan gyi dge slong gyis sbyin bdag gcig las dus gcig tu 'bras chan bre'u phyed dang lnga dang tshod ma bre'u phyed dang do dang kha'i cha'i mtha' nas mtheb sor gcig stong bar bzhag pa'i ltung bzed 'bring po gsum gyi bsod snyams blang du rung ba yin pa'i phyir/ der thal/ de 'dra'i bsod snyams len pa la 'bras chan tshod ma dang bcas pa 'bre'u chung gang bco brgyad du 'gyur mod kyang/ tshod ma ma gtogs pa'i 'bras chan bre'u phyed dang bcu bzhi las lhag ma med pas ltung med yin pa'i phyir/ bam po lnga bcu pa las/ lhung bzed 'bring po gsum gyi tshad kyi 'bras chan bre phyed dang lnga la ni 'bras thug po che bkrus pa skam po ma ga d+ha'i bre'u chung phyed dang lnga yod de/ de man chad ci 'dod ba blang bar bya'o/ /de las lhag par len na ltung byed du 'gyur te/ zhes dang/ ltung ba rnams par bzhag pa la ni ltung bzed 'bring po'i tshad dang sbyar te/ zhes dang/ de ltar na lhung bzed 'bring po gsum la 'bras skam po bre phyed dang do 'bras chan ni bre phyed dang lnga yod do/ /'bras chan bre phyed dang lnga de'i rkyen gyi byang dang tshod ma dang bcas pa man chad blang bar bya'o/ / zhes gsungs pa'i phyir/ 'bras skam bre phyed dang lnga dang 'bras skam bre phyed dang bod yod par bshad pa gnyis mar rim bzhin 'bring po gsum ka dang 'bring po gcig gi tshad yin pas mi 'gal ra shes par bya'o/ / kha cig na re/ rim pa @068a @#/ /lhag par brtsegs pa'i ltung byed yin nam mtshan nyid ci 'dra bas khyab zer na/ de mi 'thad par thal/ de la de yin min gnyis yod pa'i phyir/ der thal/ dge 'dun gyi ched du byas pa'i de ming tsam rjes mthun nag/ dkon mchog gzhan gnyis kyi ched dub yas pa'i de mtshan nyid ci 'dra ba yin pa'i phyir/ ltung byed 'di la nyi ma dang po la rim pa gsum las lhag par brtsigs pa'i dngos gzhi dang/ nyi ma gzhan la yang 'jim pa med pa las 'gyur ba'i dngos gzhi dang/ chu khung ma gtod pa las gyur ba'i de dang/ sa brkos te rmang ma btsugs pa las 'gyur ba'i de dang/ sgo cha gong ma mi bcug pa las gyur pa'i dngos gzhi'i ltung ba lngar mtsho TIka rin 'phreng bslab bya chen mo sogs las bshad las/ de'i dang po la 'jim pa yod pa dang chu khung gtod pa sogs bzhi ka yod kyang dngos gzhi bskyed par gsungs shing/ yig char dang po la yang chu khung sogs gang rung med pa yan lag tu dgos par gsungs pas dpyad dgos so/ /de la kho na re/ sangs rgyas chos dkon mchog kho na'i ched du khang chen brtsigs pa la khang chen gyi lhag ma'i dngos gzhi rdzogs pa yod par thal/ de gnyis kho na'i chad du byas pa las rim lhag gi ltung byed bskyed pa'i yod pa'i phyir na ma khyab/ 'dod mi nus te/ sangs rgyas kho na'i ched du byas pa'i lha khang de chen yin kyang khang chen lhag ma'i gzhi ma yin pa'i phyir/ der thal/ khang chen gyi lhag ma bskyed pa lam mngon gyur gyi bdag po bzhir longs kyi don du brtsigs pa yan lag tu dgos pa'i phyir/ de bzhin du dkon mchog ma yin pa'i gang zag gnyis sam gsum @068b gyi don du byas pa'i khang pa de khang chen gnyis su phye ba'i khang pa yin kyang de la khang pa'i lhag ma'i gzhi ma yin pas khyab pa'i phyir/ rtsa bar/ gcig gi don du'o/ /zhes dang/ tshogs kyi don du'o/ /zhes gsungs pa'i phyir/ khyab ste/ yig char/ lung de gnyis kyis khang pa la brten pa'i lhag ma'i ltung ba bskyed pa'i gzhi'i khang pa la dkon mchog ma yin pa'i gcig gi don du dang/ khang chen la brten pa'i lhag ma bskyed pa'i gzhi'i khang chen la tshogs kyi don du brtsigs pa dgos par bstan par bstan pa yin pa'i phyir zhes gsungs pa'i phyir/ mtsho T'ka las kyang de ltar shad pa'i phyir/ bcom ldan 'das gcig bu'i don du brtsigs pa'i gnas khang de khang chen yin par yig char gsungs pa la 'khrul nas des khang chen gyi lhag ma bskyed zer mkhan dang/ dkon mchog ma yin pa'i gang zag gsum gyi ched du brtsegs pa'i gnas khang de de gnyis su phye ba'i khang par gsungs pa la 'khrul nas des khang lhag bskyed par 'dod mkhan yang du ma snang ngo/ /khyim pa bzhir longs kyi ched du brtsigs pa khang chen ma yin par mtsho TIka las gsungs kyang yig char de khang chen yin par gsungs pa ni nyid kyi rnam bshad dang DI ka bam lnga sogs kyi dgongs pa yin zhing/ khang chen gyi lhag ma de tha snyad spyis bskyed pa'i ltung ba yin par gsungs pas kyang 'grub bo/ /kha cig na re/ spangs za mtshan nyid ci 'dra ba yin par thal; mtsho TIka dang bslab bya chen mor de ltar bshad pa'i phyir zer na ma khyab ste/ rin 'phreng las cho ga 'jig pa'i ltung bar gsungs pa'i phyir/ der thal/ cho ga 'jig pa'i ltung ba lnga yod par bshad pa'i phyir/ 'bral @069a @#/ /dang spangs pa zab dang/ /gsog 'jog byed dang za ba bzhi/ /zhes gsungs pa'i phyir/ de dag chog 'jog pa'i ltung bar 'jog tshul yod de/ /mtshan 'gyur pa'i tshe chos gos kyi byin rlabs zhig pa dang/ mtshan snga ma'i rten la zas spangs bas mtshan phyi ma'i rten la zas spangs pa'i go mi chod pa dang/ mtshan 'gyur ba'i tshe sman gyi byin len zhig pa dang/ mtshan mi mthun pa'i gsog 'jog gis gsog 'jog za ba'i ltung byed mi bskyed pa'i phyir/ mtshan 'gyur tshe chos gos kyi byin rlabs zhig pa yin te/ de'i tshe sman gyi byin rlabs zhig pa gang zhig/ /rigs pa mtshungs pa'i phyir/ dang po grub ste/ de'i tshe phyin len zhig pa'i phyir/ lung gi bar sngom las; 'phrog dang 'dril dang reg pa dang/ /bngos dang dge slong min 'gyur dang/ /dngos po 'gyur dang skye ba 'gyur/ /dor bas kyang ni byin len nyams/ /zhes byin len 'jig rgyu brgyad bshad pa'i phyir/ khyab ste/ skye ba 'gyur zhes pa mtshan 'gyur ba la byed pa'i phyir/ 'on kyang mtsho TIka gi mchang bur gzhan du bshad do/ /mtshan snga ma'i rten la sbyor ba byas nas mtshan phyi ma'i rten la gsol 'jog za ba'i ltung ba mi bskyed de/ rtsa bar/ skyes ba dang bud med dag ni phan tshun khyim pa dang 'dra'o/ /zhes gsungs pa'i phyir/ spangs za la bshad tshul mi mthun pa 'byung ba ni lung du spangs za la dge slong las dge slong mar 'gyur na nyes byas su gsungs pa dang/ dge slong ma las dge slong du 'gyur na ltung byed du gsungs pa'i dbang gis yin no/ /kha cig na re/ mtshan 'gyur tshe so na gnas pa'i ltung ba yin nam mtshan nyid ci 'dra ba'i ltung ba yin pas khyab ste/ kha cig/ /thun mong ma yin pa'i @069b ltung ba mtshan 'gyur tshe so na gnas pa med zer/ 'o na/ dge slong las dge slong mar gyur ma thag gi rgyud kyi ltung bzed zhug bcur 'chang ba'i spang ltung chos can/ thun mong min pa'i ltung ba ma yin par thal/ mtshan 'gyur ba na so na gnas pa'i phyir/ der thal/ de yod pa'i phyir/ rin chen 'phreng ba las/ dge slong gi ltung bzed 'chang spangs so na gnas pa lta bu'i dmigs gsal yang yod do/ /zhes gsungs pa'i phyir/ gzhan yang/ dag slong pha'i rgyud kyi 'byin pa'i ltung byed dang bsod pa slong ba'i sor bshags gnyis chos can/ der thal/ de'i phyir/ der thal/ de yod pa'i phyir/ rtsa bar/ na smad pa ni rang nyid do/ /zhes gsungs pa'i phyir/ yang kha cig na re/ thun mong gi ltung ba la bcas pa thun mong du mdzad pas khyab par bshad pa mi 'thad par thal/ ma'i rnam 'byed du gleng gzhi'i mi 'dra bar bshad pa du ma yod pa'i phyir zer na ma khyab ste/ de ni rjes bcas kyi gleng gzhi la dgongs pa'i phyir/ der thal/ pha la bkag pa yin gyi ma la ma bkag snyam pa'i log rtog ldog pa'i ched du rjes bcas mdzad pa du ma yod pa'i phyir/ kha cig na re/ mtshan 'gyur tshe sman gyi rjes zhugs nyams par thal; mtshan snga ma'i rten la sbyor ba byas pas mtshan phyi ma'i rten la gsog 'jog mi bskyed pa'i rgyu mtshan yod pa'i phyir/ 'dod na/ mtshan 'gyur tshe zhag bcu'i gos kyi rjes zhugs kyang nyams par thal/ 'dod pa'i phyir na ma khyab ste/ sman shan rdag byed dang rdeg bya gnyis ka byin rlabs can yin pas mtshan 'gyur tshe byin rlabs zhig pa'i dbang gis rjes zhugs nyams dgos kyang/ zhag bcu dang zla 'jog gi gos shan rdeg bye @070a @#/ /la byin rlabs med pas de ltar ma yin pa'i phyir/ dang po grub ste/ byin rlabs med pa'i sman las shan rdeg pa med pa'i phyir/ der thal/ sman shan rdeg byed gnyis po gang rung yin na byin rlabs can yin pas khyab pa'i phyir/ der thal/ de gnyis gang rung la zhag bdun par byin gyis rlabs pa'i sman yin pas khyab pa'i phyir/ der thal/ sman bzhi ka la brten pa'i gsog 'jog gi sbang ltung yod kyang/ gzhan gsum ni rang stobs kyis bskyed gos shing/ shan stobs kyis bskyed pa'i gsog 'jog gi sbang ltung yin na zhag bdun pa'i sman la rten pa'i gsog 'jog yin pas khyab pa'i phyir/ gong gi rtags gnyis pa grub ste/ zhag bcu dang zla 'jog gi gos shan rdeg byed la byin rlabs med la/ rdeg bya yang byin rlabs yod med gnyis ka la shan rdeg yod pas byin rlabs zhig tshe shan rde gnyam mi dgos pa'i phyir/ der thal/ zhag bcu 'chang spang dang zla 'jog 'chang sbang gnyis mtshan nyid ci 'dra ba'i ltung bar bshad pa'i rgyu mtshan yod pa'i phyir/ byas pa la kho na re/ sman shan rdeg byed gang rung la zhag bdun par byin gyis rlabs pa'i sman yin pas khyab par bshad pa ma 'thad par thal/ sman shan rdeg byed la byin rlabs can gyi sman gyi phyi ma gsum yod cing/ rdeg bya la byin rlabs can yin mig gnyis dang de re re la sman phyi ma gsum gsum yod pa'i phyir/ der thal/ de ltar yod par gyi char bshad pa'i phyir zer na/ 'di ni lung rigs gter mdzod pa sogs mkhas pa snga ma kha cig gi bshad rgyu na bskyangs pa tsam yin gyi rang lugs/ @070b ma yin te/ byin rlabs med pa'i sman bzhig snga dro byin len byas pa gun tshig 'das pa dang/ phyi dro byin len byas pa srod thun 'das pa dang dus mnyam dug sog 'jog bskyed par bshad pa'i phyir/ bslab ba byag na rtsed ldeng ma las/ mthar thug byin rlabs med pa'i sman bzhi po snga dro byin len byas pa gung tshig 'das pa dang/ phyi dro byin len byas pa thun tshod 'das pa dang/ byin rlabs can rang rang gi byin rlabs kyi dus las 'das pa'o; ;zhes dang/ yig char/ snga dro byin len byas pa gung yol dang/ phyi dro byin len byas pa srod du thun gyi mtha' dang/ zhag bdun par byin gyis rlabs pa brgyad pa'i ska rengs shar ba dang/ nad 'tsho'i bcad du brlabs na nad gsos pa'i zhag gi mtha' 'das pa yin la/ zhes gsungs pa'i phyir/ de bzhin du 'tsho TIka rin chen 'phreng ba dang bslab bya chen mo sogs las kyang de ltar bshad pa'i phyir/ gzhan yang/ sman shan yin na zhag bdun par byin gyis rlabs pa'i sman la rdeg pa'i shan yin pas khyab par thal/ dus rung dang/ thun 'tshod du rung ba dang/ ji srid 'tsho bcang gi sman shan med pa'i phyir/ dang po grub ste/ dus rung gi sman shan rdeg byed med pa'i phyir; der thal/ de la byin rlabs can med pa gang zhig/ /sman shan rdeg byed la byin rlabs can yin dgos pa'i phyir/ khyabs ste/ spyir rdzas shan rdeg byed la bcas pa rigs mthun pa dgos shing/ khyad par du sman shan rdeg bya rdeg byed la rdzas rigs mthun pa zhig dgos pa'i phyir/ rtsa bar/ de yod na dngos po de lta bu gzhan la yang 'byung ba nyid do/ /zhag bdun pa la ni rigs mthun pa la'o/ /zhes gsungs pa'i phyir/ gong gi @071a @#/ /rtags gnyis pa grub ste/ snga dro thun tshod du rung ba'i sman byin gyis rlabs nas phyi dro de dang rdzas rigs mthun pa'i sman byin len byas nas bzhag pa lta bu la mtshan thun dang po 'das tshe gnyis ka rang stobs kyis gsog 'jog gi spang ltung bskyed pa'i phyir/ der thal/ dang po rang stobs kyi gsog 'jog bskyed pa gang zhig /gnyis pa rang stobs kyis de bskyed pa'i phyir/ dang po sla/ gnyis pa grub ste/ byin rlabs med ba'i sman bzhi phyi dro byin len byas pa srod thun 'das pa dang dus mnyam du gsog 'jog bskyed pa'i phyir/ bslab bya chen mo las/ byin rlabs med pa'i sman pa'i sman rnam pa bzhi phyi dro byin len ma bshig pa rnams ni mtshan mo'i thun tshod 'das pa nag sogs 'jog tu 'gyur ro/ /thun tshod las 'das pa'i don ni mtshan mo'i thun tshong dang po las 'das pa la lung rnam 'byed dang bam po lnga ba cu pa las gsungs la/ kha cig nyi ma nub pa'i rjes kyi 'od dmar po 'das pa dang/ kha cig de'i rjes su 'od skya po 'das pa la bzhed do/ /zhes dang/ 'dul TIka ri chen 'phreng ba las kyang/ mthar thug rang rang gi dus kyi mtha' las 'das pa ste/ snga dro byin len byas byin gyis ma rlabs na gung tshigs dang/ phyi dro byin len byas pa dang thun tshod pa srong thun dang/ zhes gsungs pa'i phyir dang/ gnam rtse nga ldeng ma dang yig cha sngar drangs pa de'i phyir/ gong gi rtags gsum pa grub ste/ tshes gcig gi snga dri'i dus su a ru ra gnyis rnyed pa'i gcig nad 'tsho bcang du byin gyis rlabs dang/ gcig shos byin len byas te bza' ba'i ched du bzhag pan phan tshun shan rdeg med par snga ma byin rlabs @071b can gyis nad bsos pa'i nyin zhag gi mtshan mtha' 'das tshe sbang ltung bskyed/ phyi ma byin rlabs med pas gung tshigs 'das tshe sbang ltung bskyed dgos shing/ yang tshe gcig la a ru ra gcig nad 'tsho bcang du byin gyis rlabs pa dang; tshes gnyis la a ru ra gcig nad 'tsho bcang du byin gyis rlabs pa lta bu la gnyis ka nad gsod pa'i mtshan mtha' 'das tshe rang stobs kyis sbang ltung bskyed dgos pa'i phyir/ der thal/ de dag la shan stobs kyis sbang ltung bskyed par 'jog tshul med pa'i phyir/ der thal/ shan stobs kyis sbang ltung bskyed pa la rdzas de nyid rang stobs kyis spangs ltung bskyed pa'i dus su ma slebs pa zhig dgos pa'i phyir/ der thal/ gnyis ka dus mnyam du rnag stobs kyis sbang ltung bskyed dgos pa 'dzas gnyis la phan tshun shan rdeg par bcas pa mdzad pa la dgos pa med pa'i phyir/ byas pa la kho na re/ bshad tshul 'di mi 'thad par thal/ thun tshod du rung ba dang 'tsho ba bcad du byin gyis rlabs pa'i sman gyis rdzas rigs mthun pa'i sman gzhan la shan rgeg pa la zhag bdun par byin gyis rlabs pa'i sman dang khyad par med pa'i phyir/ rang gi rnam bshad las/ dus su rung ba dang/ thun tshod du rung ba dang/ 'tsho'i bar du bcang ba rnams la skyon gyis rung ba ma yin pa nyid du gyur ba la zhag bdun pa las bye brag gang yang med do/ /'dri zhag bdun pa zhes smos pa ni dpe tsam du rig par bya'o/ /zhes gsungs pa'i phyir na ma khyab ste/ sman de dag byin len dang byin rlabs gang rung byas nas rang rang gi dus kyi mtha' las 'das na spang ltung bskyed pa dang/ de nyid zos na ltung byed bskyed pa la sman zhag bdun par byin gyis rlabs pa dang khyad par med cing/ lung las/ @072a @#/ /zhag bdun pa la gsungs pa ni mtshon byed tsam du bshad pa yin pa'i phyir/ rgya cher 'grel pa las/ dus su rung ba dang/ thun tshod du rung ba dang/ 'tsho ba'i bar du bcang ba la sogs pa gsog 'jog byas pa de dag thams cad ni ji ltar zos na ltung byed du 'gyur ba de bzhin du 'chang na sbang ba'i ltung byed du 'gyur te/ zhes gsungs pa'i phyir/ de ltar ma yin par shan rdeg pa'i dbang du byas pa yin na dus rang gi sman la yang shan rdeg pa thal par 'gyur ba'i phyir/ sman bzhi ka la rten pa'i gsog 'jog gi sbang ltung yod pa de dpon yon tan 'od dang chos bshes kyi dgongs pa yin zhing/ dge legs bshegs gnyen gyis zhag bdun pa ma gtogs pa la gsog 'jog gi sbang ltung med par 'dod la/ /dri med bshes gnyen yang de'i rjes su 'brang ngo/ /gzhan yang/ zhag bdun pa'i sman sha la yang dus mnyam pa dang rdeg bya byin rlabs med pa la rdeg pa med de; rdeg byed byin rlabs can gyis rdeg bya byin gyis ma rlabs ba la shan rdeg pa med pa'i phyir/ der thal/ brlabs pas brlabs pa la dang/ ma brlubs pas ma brlabs pa la dang/ ma brlabs pas brlab pa la shan rdeg pa yod kyang/ brlabs pas ma brlabs pa la shan rdeg pa med pa'i phyir/ rin chen 'phreng ba las/ byin gyis ma brlabs pas brlabs pa la brdeg pa'i skabs su snga ma'am dus mnyam pas brdeg cing phyi mas brdeg pa med do/ /ma brlabs nang dang brlabs pa nang gis brdeg pa'i tshe snga mas phyi ma la brdeg gi/ /dus mnyam pa la brdeg pa med do/ /zhes mu gsum las gzhan ma gsungs pa'i phyir/ 'di la kha cig na re/ bshad tshul de mi @072b 'thar par thal/ zhag bdun par byin gyis rlabs pa'i sman gyis ma brlabs ba la shan brdeg pa yod pa'i phyir/ der thal/ tshes gcig lam gcig zhag bdun par byin gyis rlabs tshes gnyis la mar gzhan zhig rnyed nas byin le na byas te gyis ma rlabs par bzhag na zhag brgyad pa'i skya rengs shar tshe snga ma rang stobs dang/ phyi ma gzhan stobs kyis spang ltung bskyed pa'i phyir/ lung rnam 'byed las/ dge slong gis tshes la mar rnyed la des tshe gnyis la gzhan dag rnyed par gyur na/ dge slong des snga ma bshos bza' bar bya zhing/ phyi ma shos btang bar bya ba'am/ rung bar bya ba 'am/ gzhan la sbyin par bya'o/ /gtong bar mi byed dam/ rung bar mi byed dam gzhan la sbyin par mi byed na zhag brgyad pa'i skye rengs shar na sbang ba'i ltung byed do/ /zhes gsungs pa'i phyir/ khyab ste/ sman phyi ma la rung ba ste byi rlabs mi byed na snga ma la ltos ba'i zhag brgyad pa'i skya rengs shar tshe sman phyi ma de shan stobs kyis sbang ltung bskyed par bshad pa'i phyir/ zer na/ lung 'di'i don ni sman gyi snga phyi gnyis gnyis ka byin rlabs can gyi dbang du byas pa yin te/ byin rlabs med na thun tshod 'das tshe spang ltung bskyed dgos pa'i phyir/ rung par mi byed dam zhes pa bza' bar mi bya'o zhes rnam par brtags par mi byed na zhes pa'i don yin gyi/ byin gyis brlabs par mi byed na zhe pa'i don ma yin pa'i phyir/ TIkI 'gyur las/ rnam par brtag par mi byed dam zhes 'byung ba'i phyir dang/ bza' bar mi bya'o zhes brtags shing rung bar byas na zhag bdun 'das kyang ltung ba med pa'i phyir/ rtsa bar/ de don gang gi phyir brtags pa de'i phyir na ltung @073a @#/ /ba med do/ /zhes dang/ Tika las/ de zhes bya ba ni zhag bdun pa'i 'bru mar la sogs pa'o/ /don gang i phar zhes bya ba ni rkang ba brku ba la sogs pa'i dgos pa'i phyir ro/ /brtag pa zhes bya ba ni rung bar bya bde nyid de/ de'i phyir 'chang ba lo ni ltung ba med do/ /zhes gsungs pa'i phyir/ des na sman shan de zhag khyad par can yin te/ rdeg bya byin rlabs can la zhugs pa'i shan yin pa'i phyir/ zhag shan khyad pa can dang brdeg bya byin rlabs can la zhugs pa'i shan don gi yin par yig char gsungs pa'i phyir/ shan thams cad rdzas shan spang shan gnyis su bsdus shing/ spang shan ltung shan gnyis ngo gcig yin te/ rdeg byed kyi ltung ba'i cha nas ltung shan dang rdeg bya spang dgos kyi cha nas spang shan zhes bshad pa'i phyir rtsa bar/ ltung ba de yod na yo byad cam bdag gri byas pa la sbang ba nyid do/ /zhes gsungs ba'i phyir/ nges pa yig char sbang shan ltung shan khyad par can chen po yod par gsungs pa ni sgra bshad kyi khyad par la dgongs so/ /shan 'dres du sdang zhag bdun par byin gyis brlabs pa las bar skabs su ro dang sla ba gzhan du 'gyur tshe byin len zhig ma zhig sogs la sgro bya mang po yod kyang skabs ma yin pas ma bris/ /kha cig na re/ dge slong ma la 'khrur 'jig gi sbang ltung med par thal/ des rang gi gos 'khrul 'tshed 'chag gsum byed du bcug pa la sbang ltung mi 'byung ba'i phyir na ma khyab ste/ rtsa bar 'khru ba la sogs pa'i dge slong gi'o/ /zhes gsungs pa'i phyir/ nges na 'khrur 'jug gi sbang ltung la bdag 'brel gyi ltung bsam khyab/ /kha cig na re/ gnas ngan len 'chag ba'i ltung byed thun mong ba'i ltung ba ma yin par thal/ @073b pham pa 'chab pa'i ltung byed thun mong ba'i ltung ba'i phyir na ma khyab ste/ lhag ma 'chab pa'i cha nas ming tsam rjes mthun dang/ pham pa 'chab pa'i cha nas thun mong min par gsungs pa'i phyir/ des na pha'o sor bshags yan chad kyi ltung ba thun mong ma yi pa sum cu rtsa dgur 'gyur ram dpyad/ yang kha cig na re/ mtshan 'gyur tshe ltung ba chung du las tshe bar mi 'gyur ba dang ltung ba med pa la yod par mi 'gyur bar bshad pa mi 'thad par thal/ mtshan 'gyur thebs gcig gi tshe ltung ba chung dur 'gyur ba dang med par 'gyur ba rnams slar yang mtshan 'gyur na tshe bar 'gyur ba dang yod par 'gyur bar mtsho TIka gi mchog dang spyir bstan gyi skabs gnyis kar gsungs ba'i phyir zer na dpyad dgos te/ bcas pa'i dbang gis phyir bcos byed dgos pa'i don yin zer mkhan yang yod pa'i phyir ro/ /yang kha cig na re/ lus tha mal du gnas pa'i mi la dud 'gror 'du shes te bsad pa la pham pa 'byung ba yod bar thal/ dud 'gror sprul ba'i mi la dud 'gror 'du shes te bsad pa la pham pa 'byung bar TIka sogs las bshad pa'i phyir na ma khyab ste/ bshad tshul 'di sprul pa la dmigs bsal mdzad pa'i phyir/ 'dod mi nus te/ mi la mi ma yin par 'du shes pas bsad na spom por 'gyur bar lung zhub bar gsungs pa'i phyir/ 'di sbom po dngos yin min dpyad/ kha cig na re/ bsad par phya ba dgra bcom pa ma yin pa'i dus su bsod pa'i sbyor ba brtsams nas dgra bcom thob tshe bsod bar byed na pham pa dang mtshams med gnyis ka 'gyur bar Ti'ka dang rin phrengs gnyis kar gsungs ba mi 'thad par thal/ mdzod las/ snun 'og dgra bcom pa la min/ /zhes gsungs pa dang 'gal ba'i phyir zer na/ rtags @074a @#/ /ma grub ste/ bshad tshul de gnyis mi 'gal ba'i phyir/ der thal/ snga ma dga' bcom ma yin pa'i dus su sbyor ba brtsams nas dgra bcom thob pa'i rjes su gsod bar byed pa'i dbang du byas shing/ phyi ma dra bcom ma yin pa'i dus su 'chi nges kyi sbyor ba byas pa la bsad bya de dgra bcom thob pa'i rjes su sbyor ba snga ma de kho na shi ba'i dbang du byas ba'i phyir/ der thal/ don de ltar rje brtsun ring mda' bas bshad pa'i phyir dang/ rin chen phreng ba las kyang/ bsad par bya ba dgra bcom pa nyid min pa'i dus su gzhan zhig gsod par bsgos na de'i tshe gsad bya'i lus de pham pa'i sbyor ba kho na'i byed pa po yin la/ dgra bcom pa thob pa na bskos pa des gsod par byed na lus de srog gcod pa dang mtshams med pa gnyis ka'i byed pa po yin/ zhes gsungs pa'i phyir/ kha cig na re/ 'phags pa yul du du byas pa las dge 'dun dbyen gyi lhag ma mi bskyed par mtsho TIka las bshad pa mi 'thar par thal/ 'di'i chos phyogs kyid dge 'dun pa 'phags pa yod pa gang zhig/ /bzlog pa lnga byed pa'i dge 'dun yang 'phags pa yod pa'i phyir na ma khyab ste/ chos min gyi phyogs su phye ba'i yul la dgongs ba'i phyir/ kha cig na re/ dbyen lhag chos can/ shes bzhin du 'du shes sgyur te rdzun smra ba'i ltung ba ma yin par thal/ chos min gyi lta bas 'byed par bslab bya gnam rtseng ldeng ma dang yig cha gnyis kar shad pa'i phyir na ma khyab ste/ 'di'i chos min gyi lta ba ni bar du gcod pa la bar du gcod pa ma yin par ltab ba mi byed kyi/ dbyen la chos su lta ba la byed pa'i phyir/ rtsa bar/ dbyen la chos su 'du shes pas kyang ngo/ /zhes @074b gsungs pa'i phyir/ mtsho TIka las kyang/ dbye ba la chos su 'du shes pa ste/ 'gro ba rnams thar ba las bzlog pa ni dga' rab dbang phyug la sogs pa rnams la dga' ba chen po bskyed pas de tsam gyis chos su 'gyur ram snyam du'o/ /zhes gsungs pa'i phyir/ rtsa bar 'dod mi nus te/ chos su dang chos min ba la chos min par shes pa zhig dgos pa'i phyir/ 'on kyang the tshom gyis kyang dngos gzhi bskyed par TIka bshad do/ /kha cig na re/ dgra bcom pa'i rdzas rkus pas pham pa bskyed pa med de/ /rtsa bar/ mya ngan las 'das pa ni lta nyid do/ /zhes gsungs pa'i phyir dang/ rigs pas kyang grub ste/ bdag 'dzin spangs pas rdzas bdag gir gzung ba med pa'i phyir/ zhes zer/ 'dod tshul 'di mi 'thad par thal/ lung 'di ni lhag med dbyings su zhugs pa'i dbang du byas ba'i phyir dang/ rigs pa de ltar rgyun zhags kyi rdzas rus kyang pham par mi 'gyur par thal bar 'gyur ba'i phyir/ rin phreng las so/ /kha cig na re/ pham pas sur na lhag ma dang lhag mas skur na ltung byed dang ltung ba gzhan gyis skur na nyes byas su bshad pa mi 'tha par thal/ ltung ba gzhan gyis skur ba 'debs pa la shes zhin du rdzun smra ba'i byed du 'gyur dgos pa'i phyir/ rtsa bar/ de gnyis dang pham bar 'gyur ba dang dge 'dun lhag mar 'gyur ba gnyis las gzhan pa'i rdzun du smra ba'o/ /zhes gsungs pa'i phyir na ma khyab ste/ pham lhag sbom po nyes byas kyi rdzun bzhi dang/ bshes ngo 'pha bzas cung gzhi med bslab pa spong ba lnga ste dgu mo gtogs pa'i rdzun smra la shes bzhin gyis rdzun do 'jog dgos pa'i phyir/ der thal/ de ltar mtsho@075a @#/ /TIk rin phreng bslab bya chen mo dang yig cha sogs las gsungs pa'i phyir/ bslab bya chen mo las/ gang brjod par bya ba'i don ni/ pham pa dang lhag ma dang sbom po dang nyes byas su 'gyur ba'i rdzun dang/ skur ba 'debs pa'i ltung byed la sogs pa 'og nas byung ba'i ltung byed du 'gyur pa'i rdzun rnams las gzhan pa'i 'du shes bsgyur ba'i don yin pa'o/ /zhes gsungs pa'i phyir/ rin chen phreng ba ltar na snga ma dgu dang bslab gzhi khyad gsod pa'i ltung byed de bcu ma gtogs pa'i rdzun de shes bzhin gyi rdzun du 'jog pa yin te/ de nyid las/ pham lhag sbom po nyes byas bzhi dang/ bshes ngo 'phya ba zas cung skur ba nyer 'jog da gdod drug las gzhan pa'i rdzun no/ /zhes gsungs pa'i phyir/ 'di ltar na bcu tshan dang po 'dul ba'i tshig khyad gsod pa'i ltung byed ma gtogs zhes kyang sbyor dgos te/ 'di dang bslab gzhi khyad gsod pa'i ltung byed gnyis la rdzun yin min dang shes bzhin gyi rdzun du 'jog mi 'jog gi khyad par med pa'i phyer/ der thal/ rim bzhin tshig dang don khyad du gsod pa ma gtogs yan lag phal cher 'dra ba'i phyir/ 'dul 'dzin gyis/ 'di dang 'og nas byung ba'i bslab pa'i gzhi dngos po la khyad du gsod pa gnyis kyi khyad par ni/ 'di tshig ngag tu 'don rin med pa'i rnam pas khyad du gsod pa yin la/ 'og ma don shes rin med pa'i rnam pas khyad du gsod pa yin no/ /zhes gsungs pa'i phyir/ 'dul 'dzin ltar na shes bzhin du rdzun du smra ba'i ltung byed yin na bslab pa'i gzhi khyad du gsod pa'i ltung byed ma yin pas ma khyab ste/ 'di gnyis kyi gzhi mthun yod par gsungs pa'i phyir/ bslab bya chen @075b mor; 'di la zhe sdang gis khyad du gsod pa dang 'du shes bsgyur te khyad du gsod pa la ni rim pa ltar ma gus pa'i tshul gyis ltung byed dang rdzun du smra ba'i ltung byed du yang 'gyur ro/ /zhes gsungs pa'i phyir/ yang kho na re/ skyon nas smra ba'i ltung byed dang rdzun smra ba'i ltung byed kyi gzhi mthun med par thal/ /bshes ngor byas zhes skur ba 'debs pa'i ltung byed dang rdzun smra ba'i ltung byed kyi gzhi mthun med pa'i phyir na ma khyab ste/ skur 'debs ni rdzun yin yang nyams 'dod kyi bsam pa che chung gi khyad par yod pas rdzun gyi ltung byed las logs su bcas pa cho chung sna tshogs mdzad cing/ de'i rgyu mtshan gyis skur 'debs kyi ltung ba dang rdzun gyi ltung byed kyi gzhi mthun med la/ rdzun gyis skyon nas smra ba lta bu la de ltar ma yin pas 'du shes bsgyur ba'i cha nas rdzu na gyi ltung byed dang dge slong lta mtshan mthun pa la skyon brjod pa'i cha nas skyon nas smra ba'i ltung byed du bzhag chog pa'i phyir/ de bzhin du rdzun gyis phra ma byas pa dang/ dge tshul bsnyil ba dang/ lhan cig zhag gsum nyal ba dang/ bsnyen par ma rdzogs pa'i bud med dang lhan cig zhag gsum nyal ba sogs la'ang de ltar ldog cha nas 'jog par rin phreng du bshad pa'i phyir/ byas pa la kho na re/ de mi 'thad par thal/ ltung ba gzhan gyis skur ba 'debs na ltung byed yin pa'i phyir/ /der thal/ de 'du shes bsgyur ba'i cha nas rdzun gyi ltung byed du 'gyur ba'i phyir/ rin chen phreng ba las/ 'dis dud 'gro lnga bsad do zhes rdzun smras na rdzun gyi ltung byed gcig tu 'gyur ba bzhin no/ /zhes gsungs pa'i phyir na mkhyab ste/ de la brjod bya'i don du ma yod kyang tshig tha dad pa med pas rdzun gyi ltung ba gcig tu 'gyur ba'i don yin pa'i phyir/ 'on kyang @076a @#/ /dge slong 'di la pham lhag gnyis ka byung ngo zhes tshig gcig gis skur ba 'debs na lhag ma ltung byed gnyis ka 'byung mi 'byung dang/ 'byung na de gnyis ldog cha nas phye 'am rdzun gyi las lam tha dad skyes pa gang yin dpyad par bya'o/ /rtsa bar 'dod mi nus te/ pham lhag las gzhan pa'i sbom po dang ltung byed sogs kyis skur ba 'debs na nyes byas yin pa'i phyir/ rtsa bar/ kha na ma tho ba na smad pa dag gi cha ni smad pa nyid do/ /zhes dang/ tIka las kyang/ pham par 'gyur pas skur na dge 'dun lhag ma'o/ /des skur na ltung byed do/ /ltung ba gzhan gyis skur na nyes byas so/ /nyes byas kyis skur na nyes byas phra mo'o/ /zhes gsungs pa'i phyir dang/ de bzhin gshegs pa la ngan sems kyis khrag phyung ba'i mtshams med du gyur ba'i sbom po dang dge 'dun dbyen gyi mtshams med du 'gyur pa'i sbom po gnyis kyis skur ba 'debs na nyes byas su lung zhu bar gsungs pa ltar nyid kyi rnam bshad rgya cher TIka mtsho TIk rin phreng sogs mthun par gsungs pa'i phyir/ yang kha cig na re/ reg pa 'khrig tshig bsnyen bkur bsngags pa la sogs pa'i bud med las 'gyur ba'i ltung ba rnams la yul bud med de 'khrig pa bsten du rung ba yan lag yin par bshad pa mi 'thad par thal/ 'khrig tshig smra ba dang bsnyen bkur bsngags pa dang khrim pa mo la chos ston pas sogs la yul bud med 'khrig pa bsten rung mi dgos pa'i phyir/ rtsa bar/ 'og ma gsum la legs par smras pa dang nye bar smras pa dag gi don kun shes pa dang/ gzhan la 'khrig pa bsten par bya ba'i mthu yod pa nyid yin na dngos @076b gzhi'o/ /zhes gsungs pa'i phyir na mkhyab ste/ 'di ni reg pa'i lhag ma dang 'dug 'greng bzhi dang bud med dang lhan cig nyal 'gro gnyis dang/ 'khrig tshig bsnyen bkur ches ston ba ste ltung ba bcu'i nang nas dang po 'dun la yul bud med 'khrig pa bsten du rung ba dang/ phyi ma gsum la legs par smras pa dang nyes par smras pa'i don shes nus pa yan lag tu dgos par rnam 'byed las dngos su gsungs pa'i don bsdus pa tsam yin pa'i phyir/ der thal/ reg pa'i skabs su bud med yul du byas pa'i ltung ba bcu la bud med kyi mtshan don byed nus pa dang ldan pa dang/ rig pa'i skyes pa med pa dang/ legs nyes kyi don shes nus pa dang/ 'khrig pa bsten du rung ba dang/ bde ba myong bar bya ba'i bdun pa kun tu 'dod chags dang ldan pa ste yan lag lnga ci rigs sbyar bar gsungs pa ni rnam 'byed las dngos su gsungs pa'i don bsdus pa yin pa'i phyir/ yan lag thams cad dang du blangs du rung ba nyid ni zhes sogs rnam 'byed las bsdus par rin phreng du gsungs pa'i rgyu mtshan yang 'di yin no/ /reg lhag 'dug 'greng bzhi dang nyal 'gro gnyis/ /'khrig tshigs bsnyen bkur chos ston ltung ba bcu'i/ /dang po bdun la 'khrig pa bsten rung dang/ /'og ma gsum la legs nyes smra don shes/ /reg pa 'khrig tshig bsnyen bkur bsngags gsum la/ /bdeb myong ba'i 'dod chags ldan pa dang/ /'gro ston gnyis la rig pa'i skyes ba med/ /kun la mo mtshan don ldan sbyar bar gsungs/ /zhes bzung ngo/ /rtsa bar 'dod mi nus te/ reg pa ma gtogs pa dgu la yul bud med legs nyes kyi don shes nus pa dang/ ltung ba bcu ka la bud med 'khrig pa bsten dung yan lag @077a @#/ /yin par mtsho TIk las gsungs pa'i phyir dang/ yig char yang bcu ka la bud med bsten rung ma nyams pa dgos par gsungs pa'i phyir/ /nges na rtsa bar bsten rung dang don shes nus pa sogs so sor sbyar ba ni rnam 'byed las dngos su gsungs pa'i dbang du byas pa yin te/ bud med yul du byas pa'i ltung ba nyer bzhi nang nas bcu bsdus la gzhan ma bsdus pa'i rgyu mtshan yod pa'i phyir dang/ 'dug 'greng bzhi dang lhan cig nyal ba ste lnga la'ang khrims grogs med pa yan lag dang/ 'dir bstan ltung ba bcu ka la bung med bsten rung yan lag yin pa'i phyir ro/ /kha cig na re/ 'khrig tshig smra ba dang bsnyen bkur bsngags pa'i dge 'dun lhag ma gnyis ka bzhi gcig gis bskyang pa med par thal/ de gnyis sa spong ba'i bslab gzha so so ba yod pa'i phyir na ma khyab/ /'dod mi nus te/ bam lnga ltar na bsnyen bkur bsngags pa'i lhag ma byung ba la 'khrig tshig smra ba'i lhag ma byung bas khyab par bzhed la/ TIk ltar na yul dus der 'khrig ba'i dngos ming du grags pas bsnyen bkur bsngags pa la lhag ma de gnyis ka 'byung zhing/ yul dus der 'khrig pa'i ming du ma grags pa'i tshig gis 'khrig ba'i bsnyen bkur bsngags ba la bsnyen bkur bsngags pa'i lhag ma nye tshe ba 'byung bar bzhed pa'i phyir/ gzhan yang/ bsnyen ba kur bsngags pa'i lhag ma du ma dbyer yod de/ bslab gsum brjod tshul gyi sgo nas bcu drug /de re re la bsngags pa'i rnam grangs kyi sgo nas bco brgyad/ yang de re re la dge slong rang nyid kyis brjod pa dang bud med kyis smras pa la rjes su yi rang ba'i tshig brjod pa dang bud med kyis smras pa de nyid dge slong gis slar bzlas pa ste gsum gsum yod pa'i phyir/ @077b der thal/ de la dngos gzhi'i ltung ba bco brgyad tshad pa bcu drug phrag gsum yod pa'i phyir/ der thal/ /de la dngos gzhi'i ltung ba brgyad brgyad dang drug cu rtsa bzhi/ yod par bshad pa'i phyir/ gzhan yang /der gtogs kyi sbom po dang nyes byas la'ang du ma yod de/ bdag sbyar la 'khrig pa ma sbyar ba'i sbom po bco brgyad tshan pa bcu drug phrag gsum dang /'khrig pa sbyar la bdag ma sbyar ba'i sbom po de dang grangs mnyam dang/ gnyis ka ma sbyar ba'i nyes byas de dang grangs mnyam yod ba'i phyir/ bslab gsum brjod tshul bcu drug yod de/ /bslab gsum brjod pa gcig /re re brjod pa gsum/ gnyis gnyis brjod pa drug /gsum gsum brjod pa drug yod pa'i phyir/ gnyis gnyis brjod tshul drug yod de/ tshul ldan thog mar smos pa gnyis/ dge chos thog mar smos pa gnyis/ tshangs sbyor thog mar smos pa gnyis yod pa'i phyir/ gsum gsum brjod tshul drug yod de/ tshul ldan thog mar smos nas gzhan gnyis snga phyi bsgyur ba gnyis/ dge chos thog mar smos nas gzhan gnyis snga phyi bsgyur ba gnyis/ tshangs spyod thog mar smos nas gzhan gnyis snga phyi bsgyur ba gnyis yod pa'i phyir/ bsngags pa'i rnam grangs bco brgyad yod de/ mtsho TIk las/ mchog dang phul byung khyad par 'phags/ /bzang mdzes dge dang mchod par 'os/ /bstod 'os rgya che rnam pa dgu/ /ches mchog la sogs rnam pa dgu/ /zhes gsungs pa'i phyir /de dag brjod tshul yod de/ bdag lta du dge slong tshul khrims dang ldan ba dge ba'i chos can tshangs bar spyod pa la 'khrig bas bsnyen bkur byas na bsnyen bskur rnams kyi nang nas mchog yin no zhes brjod pa lta bu de yin pa'i phyir/ @078a @#/ /gzhan la'ang 'di ltar sbyor dgos/ yang kha cig na re/ smyan byed pa'i lhag ma la sprad bya'i bdag po tha snyad lnga ldan dgos par thal/ /rin chen phreng ba las/ smyan gyi sprad bya'i bdag po dang/ /zhes gsungs/ pa'i phyir na ma khyab ste/ gang las 'phrin ma nos yul dang gang la 'phrin pha ra skyel yul gnyis tha snyad lnga ldan dgos pa'i don yin pa'i phyir/ der thal/ smyan byed pa'i lhag ma 'byung ba la sprad bya'i bdag po yod mi dgos pa'i phyir; der thal/ gang las 'phrin ma nos pa'i yul dang gang la 'phrin skyel ba'i yul la sprad bya'i bdag po 'am sprad bya rang nyid gang yin kyang ltung ba dngos gzhi bskyed pa'i phyir/ rtsa bar/ sprad par bya ba las springs pa ma nos pas gzhan de la go bar byas shing/ des smras pa snga ma la brjod na'o/ /zhes dang/ de gnyis kyi bdag po ni sprad par bya ba nyid dang 'dra'o/ /zhes gsungs pa'i phyir/ kha cig na re/ smya byed pa'i lhag ma la 'phrin gsum mam de dang 'dra ba'i sbyor ba gsum tshang dgos te/ 'phrin ma nos pa dang/ 'phrin phar bskyal ba dang/ 'phrin phyir bskyal ba la sogs pa yan lag tu dgos par bshad pa'i phyir/ bam po lnga bcu pa las/ 'di las yan lag bdun gyis dngos gzhi'i ltung bar 'gyur te/ mi yin pa dang/ gzhan yin pa dang/ mi mthun pa dang/ 'phrin ma nos pa dang/ 'phrin phar bskyal ba dang/ 'phrin phyir bskyal ba dang/ gnyis kyis gnyis sprad pa'o/ /zhes gsungs pa'i phyir na ma khyab ste/ sngar mthun pa ma thob pa smyan byed pa la dgongs pa'i phyir/ der thal/ smyan byed pa'i lhag ma byung ba la 'phrin gsum tshang dgos pa dang 'phrin gsum re re la sbom po re 'byung bar bshad pa ni @078b sngar mthun pa ma thob pa smyan byed pa'i dbang du byas pa'i phyir/ der thal/ sngar mthun pa thob pa las nyams pa smyan byed pa la 'phrin gsum ma ma de dang 'dra ba'i sbyor ba gsum tshang mi dgos pa'i phyir/ der thal/ 'thab tshig tha dad pa'i skabs kyi lung rnam 'byed dang rgya cher TIkar smyan byed ba'i lhag ma gcig la sbyor sbom yang gcig 'byung bar bshad pa'i phyir/ khyab ste/ mthun pa nyams pa smyan byed pa'i lhag ma byung ba la 'phrin gsum tshad dgos na sbyor sbom yang gsum bskyed dgos pa'i phyir/ rtsa bar/ gsum po de dag gi bya ba nyid ni tha dad pa nyid do/ /zhes gsungs pa'i phyir/ ma khyab 'tshams kyi rtags grub ste/ rgya cher TIka rnam 'byed drangs pa las/ dge slong gis chung ma dang po gsum po chu tshigs kyis byin pa dang/ rin chas nyos pa dang/ btsan phrogs su thob pa 'thabs pa'i mod la yin la/ 'thabs pa'i 'og ma yin pa dang/ dum pa ma bcad pa dang/ rde'u gsum ma gtor ba dang/ cho ga ma btang ba dang; chung ma ma yin par ma bsgrags pa dang/ dril ma bsgrags pa dag gi sdum byed cing mthun par gyur na nyes byas gcig tu 'gyur ro/ /dge slong gis chung ma dang po gsum po 'thabs pa'i mdo la dang/ 'thabs pa'i 'og tu yin la; dum la ma bcad pa dang/ dril ma bsgrags pa'i bar dag gi sdums byed cing mthun par gyur na nyes byas gnyis su 'gyur ro/ /dge slong gis chung ma snga ma gsum bo thabs pa'i mod la dang/ 'thabs pa'i 'og tu dang/ /dum pa bcad pa yin la /rde'u gsum ma gtor ba dang/ dril ma bsgrags pa'i bar dag gi sdums byed cing mthun par gyur na nyes byas gsum du 'gyur ro/ /dge slong gis chung ma snga ma gsum po/ /nas/ rde'u gsum gtor ba yin la/ cho ga @079a @#/ /ma btang ba dang/ dril ma bsgrags pa'i bar dag gi sdums byed cing mthun bar gyur na nyes byas gsum dang spom po gcig tu 'gyur ro/ /dge slong gis chung ma snga ma gsum po/ nas/ cho ga btang ba yin la/ chung ma ma yin par ma bsgrags pa dang/ /dril ma bsgrags pa dag gi sdums byed cing mthun par gyur na nyes byas gsum dang sbom po gnyis su 'gyur ro/ /dge slong gis chung ma snga ma gsum po/ nas/ chung ma ma yin par bsgrags pa yin la/ dril ma bsgrags pa dag gi sdums byed cing mthun par gyur na nyes byas gsum dang/ sbom po gsum dang/ dge 'dun lhag ma gcig tu 'gyur ro/ /dge slong gis chung ma snga ma gsum po dril bsgrags pa'i bar sdums byed cing mthun par gyur na nyes byas gsum dang/ sbom po bzhi dang/ dge 'dun lhag ma gnyis su 'gyur ro/ /zhes gsungs pa'i phyir/ khyab ste/ chung ma dang po gsum rang gi khyim thab dang 'thabs tshig bdun gyis mthun pa nyams pa slar sdum byed na nyes byas gsum dang/ dngos gzhi'i rnam pa'i sbom po gnyis dang/ sbyor sbom gnyis/ /lhag ma gnyis 'byung bar gsungs pa'i phyir dang/ mthun pa smyan byed ba'i lhag ma byung ba la 'phrin gsum tshangs dgos na skabs 'dir sbom po brgyad dang lhag ma gnyis su 'gyur bar gsungs dgos pa la de ltar ma gsungs pa'i phyir/ de yang chung ma po gsum gyi dbang du byas pa yin gyi/ chung ma dman pa bzhi la 'thabs tshig bdun gyis lhag ma bdun bskyed nus pa'i phyir/ /der thal/ de ni yid bcug nyams dka' sla'i dbang gis yin pa'i phyir dang/ khyad par du chung ma dang po gsum la 'thabs tshig bdun gyi dbang du byas nas ltung ba chung 'bring @079b che gsum 'ong ba ni rim bzhin bcugs pa gsum gyi nang nas yid du 'ong ba tsam chad pa dang/ yid du 'ong ba dang bya ba gcig pa gnyis ka chad pa dang/ de gnyis dang phrad pa la mngon du phyogs pa gsum ka chad pa'i dbang gis/ yin pa'i phyir/ de dag la kha cig gis/ 'thabs tshig bdun byas pa la smyan lan gcig byas te phred pa la mthar thug gi ltung ba bdun 'byung bar 'dod pa yod kyang/ rtsa bar/ 'thabs pa nyid kyi mod la dang/ nas/ dril bsgrags ba nyid dag ni srog dang ldan pa nyid dag bzhin no/ zhes pa 'thabs tshig re re la smyan re re byas pa la dgongs par mtsho TIka las bshad pa'i phyir/ gzhan yang/ sngar mthun pa ma thob pa smyan byed pa'i lhag ma byung ba la 'phrin gsum tshangs dgos mi dgos kyang dpyad dgos te/ 'phrin ma nos te phar skyel la tshur skyel bar mi byed na sbom po gnyis su 'gyur bar lung las gsungs shing/ rtsa bar/ 'jug pa bar ma'i phyang yar thos pa nyid na de byas pa nyid do// zhes gsungs pa'i phyir/ kha cig na re/ bcol yang rdzogs pa'i ltung ba sum cu rtsa gnyis las gsod rku smyan gsum ma gtogs pa gzhan la bcol ba'i tshe khyad par lnga ldan gyi ngang gis smras pa zhig dgos par bshad pa mi 'thad par thal/ smyan byed pa'i lhag ma yang gzhan la bcol ba'i tshe dag mtshan nyid lnga ldan gyis bskos pa zhig dgos par mtsho TIka dang bslab bya chen mor bshad pa'i phyir zer na/ rin phreng lta khas len na ma khyab /byas pa la kha cig na re/ de mi 'thad par thal/ mtsho TIka ltar na yang sbring yig la sogs pas gzhan la bcol nas smyan byed pa'i dngos gzhi rdzogs pa yod par khas len dgos pa'i phyir/ rtsa ba/ spring yig dang/ lag yig dang/ yul phyog@080a @#/ /dang/ brda' dang/ mtshim ma rnams ni tshig nyid dang 'dra'o/ /zhes dang/ rin chen phreng ba las/ spring yig dang/ lag yig dang/ skyed mos tshal la sogs pa'i yul phyogs dang/ snga dro la sogs pa'i brda dang/ gos dmar po gyon pa la sogs pa'i mtshan ma rnams kyis 'phrin nod pa dang bskyal ba sogs byas pa ni tshig gis byas pa dang 'dra bar don grub na dngos gzhir 'gyur ro/ /zhes gsungs ba'i phyin na ma khyab ste/ 'phrin nod pa dang bskyal ba sogs la spring yig sogs kyis grub kyang/ 'phrin byed du 'jug pa la de ltar ma yin par khas len chog pa'i phyir/ de yang 'phrin tha ma la spring yig sogs lnga kas grub pa yod kyang/ 'phrin dang po gnyis la spring yig lag yig gnyis kas grub pa yod la/ yul phyogs sogs gsum gyis mi grub par mtsho TIk las gsungs pa ltar khas blan sa na lung dang TIk sogs dang mthun no/ /yang kha cig na re/ gsod rku smyan gsum ma gtogs pa gzhan la bcol tshe dag gis smras dgos pa ma yin par thal/ spring yig la sogs pa gang yang rung bas rin po che la reg tu bcug kyang spang ltung 'byung bar bshad pa'i phyir/ rtsa bar/ reg gam reg tu 'jug na'o/ /gang yang rung bas so/ /zhes gsungs pa'i phyir dang/ rgya cher 'grel ba las kyang/ /reg gam zhes bya ba ni rang gi lus kyis so/ /reg tu bcu na'o zhes bya ba ni gzhan no// tshig gis kyang byed la spring yig la sogs pas kyang byed na de dag las 'dir reg pa gang yin par rig pa bya zhe na de'i phyir/ gang yang rung bas so zhes bya ba smras te/ rnam pa gang yang rung bas 'di nas longs la @080b 'dir chug cing ces bya ba lta bu dmigs kyis ma smras par phyogs gcig par reg na yang spang bar 'gyur ro/ /zhes gsungs pa'i phyir zer na/ 'di dag gi don la 'grel byed rnams kyi bshad tshul mi mthun te /spring yig sogs kyis reg tu bcug na yang dngos gzhi bskyed par rin phreng dang yig char gsungs shing/ mtsho sna ba dang 'dul 'dzin ltar na/ gang yang rung bas so zhes gsungs pa de/ 'di longs 'di nas 'di tsam longs/ /'di khyer 'di nas 'di tsam khyer/ /'di zhog 'di ru 'di tsa zhog /de sbyar bas ni bco brgyad do/ /zhes pa lta bu dag gi rnam par rig byed gang yang rung bas reg tu bcug na yang dngos gzhi bskyed par ston pa yin gyi/ spring yig sogs gang yang rung bas zhes ston pa min no/ /zhes bzhed do/ /kha cig na re/ gsod pham dang rku pham gnyis dang smyas byed pa'i lhag ma dang 'debs spyod gsong gsum te drug po rgyud nas bskos pas kyang dngos gzhi rdzogs par bshad pa mi 'thad par thal rgyud nas bskos pas srog gcod pa'i las lam rdzogs pa mi srid pa'i phyir/ der thal/ rgyud nas bskos bsam dpa'i mtshams med du mi 'gyur bar bstan bcos gdags par gsungs pa'i phyir/ las gdags ba las/ sbun drung gis sbun drung btang te/ sod la ma gsod cig /bdag nyid kyis gsod la gzhan gsod du ma gzhug cig ces byas na/ de cig gnyis ka mtshams med pa'i las dang ldan par 'gyur ram/ 'on te gcig ldan par 'gyur zhe na/ smras pa/ gal te bdag nyid kyis bsad na ni gnyis ka mtshams med pa'i las dang ldan par 'gyur ro/ /de ste gzhan gsod du bcug ste bdag nyid kyis ma bsad na ni phyi ma shos mtshams med pa'i las dang ldan par 'gyur @081a @#/ /gyi snga ma shos ni ma yin no/ /de ste bdag nyid dang gzhan gnyis kas bsad na yang phyi ma kho na mtshams med kyi las dang ldan gyi snga ma shos ni ma yin no/ /zhes gsungs pa'i phyir na ma khyab ste/ de ni ji ltar bsgo ba bzhin ma byas pa'i dbang gis bcol mkhan la mtshams med du mi 'gyur ba yin rgyud nas bsgos pa'i rgyu mtshan gyis ma yin pa'i phyir/ der thal/ de ni rgyud nas bsgo ba ma yin pa'i phyir/ der thal/ rgyud nas bsgo tshul ni khyod song la lha sbyin byed du chug ces pa lta bu la byed pa'i phyir/ kha cig na re/ smyan byed pa'i lhag ma gcig la sbyor sbom gsum las lhag mi 'byung zer/ de mi 'thad par thal/ lan brgya zhig bskyal te byas na sbom po brgya'o zhes 'grel chung las bshad pa'i phyir/ kha cig na re/ bsgo 'gyur gyi lhag ma gcig byung ba la sbyor ba'i sbyor ba'i nyes byas gcig bzhams bsgo'i snga rol tu spom po gcig bzhams bsgo'i mthar spom po gcig gsol ba'i stod smad par gsum du spom po gsum/ /de bzhin du brjod pa dang po dang gnyis pa la spom po gsum gsum/ brjod pa gsum pa'i ngo bo brjod pa dang bya ba brjod pa gnyis la spom po gnyis/ byed pa brjod pa'i mthar lhag ma gcig dang bltung ba bco lnga bskyed zer/ la la na re/ sbyor ba'i sbyor ba'i nyes byas gcig bzlog pa lnga'i thog mthar ltung ba re re dang bcu gcig bskyed zer/ kha cig na re/ bar spom bzhi med par bdun bskyed zer/ mtsho sna ba dang 'dul 'dzin ltar na/ bzlog pa dang po bzhi'i mthar sbyor spom bzhi bzlog pa lnga ba phal cher byas pa na sbyor spom gcig rdzogs par byas pa'i mthar dngos gzhi'i ltung ba gcig dang bsgo 'gyur gyi @081b ltung ba drug bskyed pa yin te/ rnam 'byed las/ las brjod pa gsum pa brjod pa na ma rdzogs par gzhi de gtong na de lta na legs/ gal te mi gtong na nyes pa spom par 'gyur ro/ /rdzogs par brdzod na dge 'dun lhag mar 'gyur ro/ /zhes gsungs pa'i phyir/ zhes bzhed de/ gnam rtseng ldeng mar yang bsgo 'gyur gyi ltung ba drug bskyed par bshad do/ /thams cad mkhyen pa dge 'dun grub pa dang paN chen bso grags blo gros legs bzang kun mkhyen 'jam dbyangs bshad pa'i rdo rje sogs kyis brjod pa gsum pa'i spom po med par bsgom 'gyur gyi ltung ba lnga bskyed par 'dod de/ 'di ltar na rnam 'byed kyi lung de yi ge nor ba yin te/ skabs gcig pur 'byung ba yin gyi bsgo 'gyur gyi ltung ba thams cad la de ltar mi 'byung zhing/ skabs de nyid gzhan du drangs pa la'ang mi snang ba'i phyir/ zhes mkhas pa kha cig gis bshad pa ltar khas blangs dgos so/ /yang kha cig na re/ khyim pa sun 'byin pa la bskrad pa nan tur ma byas par dge 'dun la 'gro ba bzhi po gang rung gis skur ba 'debs pa dang/ ltung ba gleng dran ma byas par bka' blo mi bde ba'i tshig smra ba'i nyes byas gnyis chos can/ bsgo 'gyur gyi lhag ma'i sbyor ltung yin par thal/ yig char/ 'jug pa ni sbyor ba nyid do/ /zhes sogs kyis snga ma'i dmigs bsal ston te bzhams bsgo sogs kyi mtha' lam btang na sbyor spom bskyed kyang sbyor ba gang yin spom por ma nges pa'i khyad par bstan pa'i phyir/ zhes gsungs pa'i phyir na ma khyab ste/ sbyor ba'i sbyor ba'i nyes byas la sbyor ba'i ming gis bstan tsam yin ba'i phyir/ 'dod mi nus te/ sbyor ba'i sbyor ba'i nyes byas @082a @#/ /yin ba'i phyir/ rtsa bar/ 'jug pa ni sbyor ba nyid do/ /bskrad pa dang gleng ba dang dran pa ma byas ba ni de'i 'o/ /zhes gsungs pa'i phyir dang/ lhag ma'i sbyor ltung la spom po yin pas khyab pa'i phyir/ kha cig na re/ bsgo 'gyur gyi lhag ma'i sbyor ltung la bsgo 'gyur gyi ltung bas khyab zer na/ de mi 'thad par thal/ bskrad pa nan tur byas pa na dge 'dun la 'gro ba bzhis skur ba 'debs pa dang gleng dran byas pa na bka' blo mi bde ba'i tshig smra ba gnyis la rang rang gi sbyor spom 'gyur ba'i phyir/ der thal/ bzhams bsgo'i snga rol tu de 'dra ba'i sbyor spom gnyis 'byung bar sngar gyi lung gis shugs la bstan par mtsho TIk las bshad pa'i phyir/ kha cig /brjod pa gsum pa'i spom po med par 'dod pa mi 'thad par thal/ yig char bzlog pa lngas spom po lnga bskyed par mthun pa ni bzlog pa'i tshul gyi mi gtong bar rjes su sgrub pa'i rang bzhin ni rjes su mthun no zhes pa 'i skabs su bstan par gsungs pa'i phyir /zer na dpe dag ma dag dpyad dgos/ gzhan yang/ dge 'dun dbyen gyi lhag ma la byed pa po las kyi kha bskong du 'os pa dang ston pa zhal zhugs pa dang phye ba'i yul de bzhin gshegs pa'i dngos kyi nyan thos dgos sam mi dgos zhe na/ kha cig na re/ byed pa po las kyi kha bskong du 'os pa dgos zer/ kha cig /ston pa zhal zhugs pa mi dgos te/ deng sang dge 'dun dbyen lhas byin ltar byed na lhag ma 'byung ba'i phyir/ zer/ kha cig /las kyi dge 'dun dbyen byas na dbyen lhag 'byung zer /dang po mi 'thad par thal/ bslab byin la dbyen lhag 'byung ba yod pa lung zhu bar gsungs pa'i phyir dang/ 'khor lo'i @082b dbyen dang de'i mtshams med la byed pa po kha bskong du 'os pa dgos kyang dbyen lhag la mi dgos par mtsho TIk sogs las bshad pa'i phyir dang/ dbyen lhag byung ba la dbyen chags mi dgos pa'i phyir/ gnyis pa'ang mi 'thad par thal/ bam lngar ston zhal zhugs pa dang phye ba'i yul de bzhin gshegs pa'i dngos kyi nyan thos dgos par gsungs pa ltar yig char yang gsungs pa'i phyir/ yig char/ de de dus kyi bcas pa'i tshig yin la de ma gtogs pa'i bcas pa'i tshig ston rgyu mi snang bas bam lnga ltar legs/ zhes gsungs pa'i phyir/ gsum pa'ang mi 'thad par thal/ /las kyi dbyen byas pa'i ltung ba de spom po yin pa'i phyir/ khyab ste/ las kyi dbyen la bzlog bsgom bshad pa'i phyir/ yang kha cig na re/ 'khor lo'i dbyen gyi lhag ma med la mtshams med kyi dbyen gyi lhag ma yod pa'i khyad par 'thad par thal/ sdom tshig las/ 'khor lo'i dbyen gyi lhag ma mi srid kyang; dbyen gyi lhag mar mtshams med yod par gsungs/ zhes gsungs pa'i phyir/ zer na/ de ni yig char/ dge 'dun 'khor lo'i dbyen gyi lhag ma byung ba yod dka' ste/ lhas byin las gzhan gyis 'khor lo'i dbyen ma sgrub pa gang zhig/ lhas byin dang de'i tshe las dang po pa yin pa'i phyir/ mtshams med kyi dge 'dun dbyen la 'khor lo'i dbyen cig mi dgos te/ zhes gsungs pa'i tshig bsdus pa yin la/ yig char gsungs pa de yi ge nor bar mngon pa'i phyir/ der thal/ mtshams med kyi dge 'dun dbyen la 'khor lo'i dbyen cig dgos ste zer rgyul/ mi dgos zhes yi ge nor bar sgrub byed la ltas na gsal ba'i phyir/ yig char/ dge 'dun @083a @#/ /dbyen gyi lhag ma bskyed pa la sangs rgyas zhal zhugs dus mi dgos par thal/ /deng sang dge 'dun dbyen lhas byin lhar byed na de'i lhag ma 'byung ba'i phyir na mtsho sna ba sogs na re ma khyab ste zhes gsungs pa'ang/ ma grub ste zer rgyu yin nam snyam/ kho na re/ dge 'dun dbyen gyi lhag ma med par thal/ 'khor lo'i dbyen dang mtshams med kyi dbyen gyi lhag ma med pa gang zhig /las kyi dge 'dun dbyen byas pa las lhag ma mi 'byung ba'i phyir na ma khyab ste/ ston pa zhal zhugs pa'i dus su mtshams gcig gi nang du dbyen gyi lhag ma'i bcas ldan dge slong gis sangs rgyas las ston pa gzhan dang ston pa'i bcas pa las chos gzhan brtul zhugs lnga lta bu bsrungs pas dag grol thob par 'dod pa rnams tshul shing long zhig ces ngag gis brjod nas tshul shing len du 'jug pa la bzlogs pa lngas bzlog kyang mi gtong na de'i lhag ma 'byung ba'i phyir/ der thal/ de la dge 'dun mi phyed cing dbyen ma chags par lhag ma 'byung ba yod pa'i phyir/ der thal/ de ltar 'byung ba bcas pa'i dbang gis yin pa'i phyir yang kha cig na re/ /dbyen la ston pa zhal zhugs mi dgos par thal/ yig char/ sangs rgyas 'das rjes su yang ston pa'i bcas pa las bzlog pa'i lhas byin gyi bcas pa dang/ des dag grol du lha bas lta ba gnyis dge 'dun dbyen gyi lhag ma'i yan lag tu dgos te/ zhes gsungs pa'i phyir na mkhyab ste/ /yig char dbyen lhag la ston pa zhal zhugs dgos mi dgos kyi bshad tshul gnyis 'god nas snga ma 'thad ldan du byas @083b par snang ba'i phyir dang/ dbyen lhag la lha sbyin gyi bcas pa bsrungs pas dag grol du lta ba yan lag tu mi dgos pa'i phyir te/ gzhan du na dbyen lhag rdzun smra'i las lam ma yin par thal bar 'gyur ba'i phyir/ bslab bya chen/ mor; bslab pa'i gzhi bcas pa ci rigs bsrung pas dag pa dang grol bar lta ba las gzhan du 'byed pa ni 'di'i bzlog bsgo bya ba'i yul du snang ngo/ /zhes pa'i dag grol gyi lta ba de gang las phye ba'i don yin gyi/ gang gis phye ba'i bsam pa ma yin pa'i phyir/ yang kha cig na re/ tha ma thun mong gi bsgo gyur gyi ltung ba lnga las lhag med zer na/ de mi 'thad par thal/ bsdigs smad phyir 'gyed nan tur gyi mtha' las 'byung ba'i bsgo 'gyur gyi lhag ma gsum yod pa'i phyir/ der thal/ bcas ldan dge slong gis rang la bskrad pa nan tur tshul bzhin du byas pa'i dge 'dun la 'gro ba bzhis skur bdebs pa bzlog lngas bzlog kyang ma btang na khyim pa sun 'byin ba'i lhag ma byung bar lung las dngos su gsungs pas /rang la bsdig pa dang smad pa dang phyir 'gyed nan tu tshul bzhin du byas pa'i dge 'dun la 'gro ba bzhis skur ba 'debs na bzlog pa lngas bzlog dgos pa dang/ bzlog kyang ma btang ba'i mthar lhag ma byung bar mdor bsdus sbyar ba yin pa'i phyir/ der thal/ mdor bsdus sbyar ba'i lhag ma yod pa'i phyir te/ mdor bsdus sbyar ba'i ltung ba ste lnga yod par bam lngas gsungs pa ltar khas blangs dgos ba yin pa'i phyir/ der thal/ mdor bsdus kyi pham lhag yod pa gang zhig/ mdor bsdus kyi ltung ba phyi ma gsum yod pa'i phyir/ dang po grub ste/ de'i pham pa yod pa gang zhig /lhag ma yod par sgrub zin pa'i phyir/ dang po @084a @#/ /grub ste/ gnas nas dbyung ba'i dge slong dge 'dun la bzod pa gsol bar nges pa/ dge slong ma'i dge 'dun gyis phyag mi bya ba'i sdom pa byin pa la bcas ldan dge slong mas der shes bzhin du bzod pa gsol bar ma byed ces bzod gsol las bzog pa la ma'i dge 'dun gyis bzhams bsgo sogs bzlog pa lngas bzlog dgos pa dang/ bzlog kyang ma btang na bzlog pham byung bar lung las dngos su gsungs pas/ dge slong gnas nas dbyung ba dang phyag mi bya ba'i sdom pa byin pa la der shes bzhin du bcas ldan dge slong mas chos dang zang zing lhan cig longs spyod pa la/ ma'i dge 'dun gyis bzhams bsgo sogs kyis bzlog dgos pa dang; blzog kyang ma btang na pham pa byung bar mdor bsdus sbyar ba yin pa'i phyir/ gong gi rtags gnyis pa grub ste/ bal dkar pos stan byed pa'i spang ltung dang/ 'thas par gnas pa'i bye ma srog chags can rko pa'i ltung byed dang/ dge slong mas lung las dngos su ma gsungs shing 'o ma la sogs pa bcur ma bsdus pa'i zas bsod pa slong pa'i sor bshags kyang du ma yod la/ mdor bsdus kyi nyes byas kyang mtha' yas pa yod pa'i phyir byas pa la kho na re/ dge slong mas gnas dbyung pa'i dge slong dang chos dang zang zing lhan cig tu longs spyod pa nyid bzlog kyang ma btang pa'i pham pa chos can/ mdor bsdus kyi pham pa ma yin par thal/ dngos bcas dang/ 'gal ba'i pham pa yin pa'i phyir/ der thal/ bzlog pham yin pa'i phyir/ der thal/ bzlog pa lnga yan lag tu dgos pa'i pham pa yin pa'i phyir na ma khyab ste/ bzlog pham de ni bzlob pa lnga yan lag tu dgos pa'i pham @084b pa yin pas bzlog pham zhes pa ma yin gyi/ gnas nas dbyung ba'i dge slong gi bzod gsol byed pa bzlog pa'i pham pa yi pas bzlog pham zhes brjod pa yin pa'i phyir/ der thal la gnas nas dbyung pa'i dge slong gis dge 'dun la bzod pa gsol bar nges pa las de ltar ma byed cig ces bzlog pa yan lag tu dgos pa'i phyir/ rtsa bar/ dge slong gnas nas phung ba bzod pa gsol bar nges pa phyag bya ba'i 'os ma yin pa'i sngom pa byin par shes bzhin du de las bzlog pa nyid mi gtong na'o/ /dbyen brtul ba nyid dang 'dra'o/ /zhes gsungs pa'i phyir/ kha cig na re/ mdor bsdus kyi bcas pa dang 'gal ba la nyes byas las che ba mi bskyed zer/ de mi 'thad par thal/ mdor bsdus kyi lhag ma yod par mtsho TIk dang yig char gsungs pa'i phyir dang/ bsam lngar/ mi rung ba dang mthun la rung ba dang 'gal ba de dag gar bsdu zhen /de dag rung bam yin par bsdu ste/ dge slong gis de dag bsten cing sbyang du mi rung ste/ de dag bsten cing sbyad na gzhi ji lta ba las ltung ba sde lnga'i kha na ma tho ba nyid du 'gyur to/ /zhes gsungs pa'i phyir/ kha cig na re /btsun mo rin po che la log par zhugs pa dang/ nor bu rin po che brkus pa dang/ mtshan dpes rgyan pa'i mi gsod pa dang/ nga ni sangs rgyas so zhes rdzun smras pa'i pham pa rnams mdor bsdus kyi pham pa yin te/ rdzas bkag pa pas zhes sogs dkon zhing rin che bas bskyed pa'i ltung ba kho na la sbyar ba ma yin gyi/ ltung ba sde lnga la sbyor dgos pa'i phyir dang /bam sngar/ ltung ba'i phyir ni rdzas bzang po yang ngan po dang 'dra bas/ bzang po dang mi tshangs par spyad pa yang ngan pa @085a @#/ /dang sbyad pa dang 'dra la/ bzang po rkus pa yang dan pa rkus pa dang 'dra/ bzang po bsad pa yang ngan pa bsad pa dang 'dra/ brdzun pa zang po smras pa yang dan pa smras pa dang 'dra bar ltung bar 'gyur pa la sogs pa'i tshul du rig par bya'o/ /zhes gsungs pa'i phyir/ zhes zer/ bshad tshul 'di ni bam lnga dang mthun shas che yang mtsho TI ka las bkag go/ /kha cag na re/ sdig can dgon pa bas smra mo la log par zhugs pa'i pham pa mdor bsdus kyi pham pa yin te/ der dus su dud 'gro la gsal kam gtod pa'i phyir/ der thal/ gling gzhi de nyid la brten nas dung 'gro la mi tshangs par spyod pa na pham par 'gyur bar gsal ka gtong pa'i phyir /zhes zer; de mi 'thad par thal/ de dngos bcas las 'das pa'i pham pa yin pa'i phyir/ der thal/ sngar bzang byin la brten nas dge slong gis mi tshangs par spyod na pham par 'gyur bar dngos su bcas pa mdzad pa'i phyir/ /khyab ste; gzhan du na byd med dkar sham la log par zhugs pa'i pham pa yang mdor bsdus kyi pham par thal bar 'gyur pa'i phyir/ gzhan yang/ de mi 'thad par thal/ dud 'gro la mi tshangs par spyod pa'i pham pa bkag pa'i bcas pa de rjes bcas mtshan nyid pa ma yin pa'i phyir/ der thal/ de rjes bcas bsam ngo ba yin pa'i phyir/ der thal/ mi la bkag pa yin gyi dud 'gro lam bkag snyam pa'i log rtog can gyi bsam ngor rjes bcas yin gyi/ sbyir na sngar nas bcas pa mdzad zin pa'i phyir/ der thal/ sdig can dgon pa pa la pham pa byung ba'i rgyu mtshan yod pa'i phyir/ yang kha cig na re/ mdor bsdus kyi bcas pa thams cad sngar bcas yin te/ rang rang gi dngos bcas @085b mdzad pa dang dus mnyam du mdzad pa'i phyir/ der thal/ ston pa mya ngan las 'das pa'i tshe gsungs pa'i mdor bsdus pa de rjes bcas bsam ngo bo yin pa'i phyir/ der thal/ gsal kam gtod pas mdzad dam snyam pa'i bsam ngor rjes bcas su gsungs pa yin pa'i phyir/ zhes zer/ kha cig na re/ rgyu tshogs dang bcas pa'i 'dul ba mdor bsdus rjes bcas yin la/ yan lag gi 'dul ba mdor bsdus sngar bcas yin te/ dang po ni ltung ba'i gzhi bsam pa sbyor pa mthar thug pa bzhi ka gsal kam gtod pas mdor bsdus ma gsungs gong du dngos bcas dang rgyu mtshan mtshungs par sbyor tshul med cing/ phyi ma ni de ltar ma yin pas sbyor rung ba'i phyir dang/ yan lag gi 'dul ba mdor bsdus sngar bcas ma yin na dngos bcas gsungs nas mdor bsdus ma gsungs pa'i skabs su bud med rdzu 'phrul can yul du byas pa las bsnyen bkur sngags pa la sogs pa'i bud med las 'gyur ba'i ltung ba phal cher rdzogs pa yod par thal par 'gyur pa'i phyir/ zhes zer/ 'di la 'dul 'dzin mkhas pa kha cig na re/ dngos bcas gsungs nas mdor bsdus ma gsungs pa'i bar skabs su bud med rdzu 'phrul can yul du byas pa las bsnyen bkur sngags pa la sogs pa'i dngos gzhi rdzogs pa yod de/ der dus su sprul min yan lag tu dgos par ma gsungs shing/ yan lag gzhan thams cad tshangs ba'i phyir/ zur dang po grub pa ste/ 'dul ba mdor bsdus kyi bcas pa thams cad rjes bcas yin pa'i phyir/ der thal/ 'dul ba mdor bsdus ston pa mya ngan 'das pa'i tshe gsungs pa'i phyir/ zhes zer/ de la dpyod ldan kha cig na re/ 'dul ba mdor bsdus rung mthun @086a @#/ /du grags pa ma gsungs gong du mdor bsdus kyi bcas pa ma mdzad pa dang mdor bsdus sbyar tshul med zer ba mi 'thad de/ de ltar na der dus su pham pa dang po ma gtogs pa la bslab pa phul nyams ma byas pa yan lag tu mi dgos par thal ba dagn/ brdzun sogs zhes gnyis la bslab tshigs gcig pa yan lag tu mi dgos par thal ba dang/ rkun pham ma gtogs pa'i pham pa gzhan gsum dang dung 'gro 'debs spyod gsod gsum sogs sbyor mtha' bar du mtshan 'gyur na dngos gzhi ma rdzogs par thal ba sogs du ma yod pa'i phyir/ gzhan yang/ der dus su mdor bsdus sbyar tshul yod de/ dge tshul gyis gso sbyong byas pa yod pa'i phyir; der thal/ der dus su kun dga' bo'i tsha bo gnyis rang rang gi gso sbyong dang las byed pa sangs rgyas kyis ma bkag par yig char gsungs pa'i phyir/ gzhan yang/ der dus su mdor bsdus sbyar tshul yod bar thal/ dngos su ma gnang yang kun dga' bos rgyan sped pa dang/ shA ri'i bus nub mor chos bstan pa lta bu du ma yod pa'i phyir/ khyab ste/ der dus su mdor bsdus ma sbyar na de gnyis ltung med du gyur tshul med pa'i phyir dang/ gnas skabs kyi sgo nas sbyor mi shes pa dang sbyor shes pa'i 'dul ba mdor bsdus gnyis kyang so so 'jog lugs yod pa'i phyir/ zhes zer/ yang kha cig na re/ mdor bsdus kyi bcas pa rnams dngos bcas dang rgyu mtshan mtshungs par dngos stobs rigs pas sgrub mi nus te/ shin lkog gi don la dngos bstobs kyi rigs pa'i dpyad pa mi 'jug pa'i phyir zer na ma khyab/ 'dod mi nus te/ mdor bsdus kyi bcas pa @086b rnams rang rang gi dngos bcas dang rgyu mtshan mtshungs par dngos stobs kyi rigs pas bsgrub dgos pa'i phyir/ der thal/ dngos bcas shes pa'i steng du dngos su gnang bkag ma mdzad pa'i gzhi rnams kyang dngos su gnang bkag mdzad pa'i gzhi dang bcas pa rnams 'jog gi dgag dgos kyi rgyu mtshan yod med mtshungs par dngos bstobs kyi rigs pas sgrub nas 'jug ldog byed dgos pa'i phyir te/ de ltar bya ba ma yin pa la 'jug na tshar gcod cing/ bya bar 'os pa'i phyogs la 'bad pa du mas 'jug par byed pa'i so thar tshul khrims kyi srab bzang pos sems rta dmu rgod 'dul ba la brten nas sems las su rung ba'i ting nge 'dzin dang/ de la brten nas yang dag pa'i don la so sor dpyad pa'i shes rab kyi bslab pa rnams bde blug tu skyes par 'gyur bas nyon mongs pa'i g.yul las nges par rgyal bar 'gyur ba'i phyir te/ so sor thar ba'i mdo las/ rtag tu 'bad pas 'da' ba yi/ /sems rta kha bsla na dka' ba la/ /mthun pa'i gzer rnon btab pa yi/ /srab ni so sor thar 'di yin/ /che bza gang dag ngag tsam gyis/ /ldog cing mtshams las mi 'da' ba/ /de dag mi rta bzang po ste/ /nyon mongs g.yul las nges rgyal 'gyur/ /zhes gsungs pa'i phyir ro// //smras pa/ ma smad tshul khrims rtsa ba rab tu brtan/ /klog pa thos bsam yal 'dab tshar du dang ra/ /spong ba bsam gtan 'bras bu g.yur za ba'i/ /chos 'dul dpag bsam ljon par gus phyag 'tshal/ / @087a @#/ /gtsang ma'i khron chus skom pa'i rjes snyegs kyang/ /'thung du med pa'i rmi ltas thog dbab dus/ /skyes mchog rnams kyang 'chad rtsom khur bzhag na/ /bdag 'dra'i tshig skam don ldan ga la 'gyur/ /'on kyang 'dul ba'i gzhung lugs bang mdzod nas/ /rang gi skal bar thob pa'i nor bu'i tshogs/ /brjes nges 'tshams kyi byed pos 'khyer dogs nas/ / tshig gi srang bur brgyus la su zhig rgol/ /rgya bod mkhas pa'i bstan bcos mang yong bas/ /gsar rtsom don med zer ba'i blun po 'gas/ /ltos gos tsam las gzhan nor don med pas; ;nor la chog shes sngon du bsten par gyis/ /lung dang bstan bcos dri med ang rsha/ /blo gros dman pa'i kha rlangs kyis grib pa/ /'grel tshig gsar ba'i dar gyis ma phyis na; ;don gyi gzugs brnyan ji bzhin ga la 'char/ deng sang rtso ma 'chad dri bsung spro ba la/ /'di snang tsha gdung sel lo zhes smad nas/ /thos bas ma brlan gyis dben pa'i mtsher ma'i shing/ /ha ri tsandan gral du bsgrigs mang/ /drang po'i glang chen btang na log spyod kyi/ /rtsa khyim bshig pas mi rnams 'khon du 'dzin/ /ldem par brjod tshe zog po'i smig rgyu la/ /gzur gnas ri dwags rjes su snyegs kyi dgos/ /'on kyang legs bshad nyi zlas ma smin pa'i/ /log spyod ma du lung ka'i rtsa ba la/ /smad pa'i khyi ro rul ba @087b bzhag pa na/ /legs spyad 'bras bu rgyas par 'gyur pa'ang srid/ /de phyir lung dang rigs pa'i gshog stobs can/ /rnam dpyod mig ngag bshegs gnyen mkha' lding tshogs/ / sun 'byin rno ngar ldan pa'i snger mo yis/ /chos log brang bgro'i lton ba dral bar mdzod/ /'dir 'bad dge pas thub bstan kun gsal ngos/ /bshad sgrub chos kyi nyin byed rab gsal zhing/ /mkha' mnyam 'gro ba'i nor 'dzin khyon yangs por/ /phan bde'i snye ma g.yur du za bar shog/ /rgyal bstan snying po mnyam med dge ldan pa'i/ / ring lugs srid mtha'i bar du rab rgyas shing/ /de nyid tshul bzhin 'dzin pa'i mkhas pa'i tshogs/ /kun bzod rdul phran grangs ltar 'phel gyur cib/ /bdag kyang ma 'ongs skye ba'i phreng ba ru/ /dal 'byor rten thob dam pa'i mgon gyis bzung/ /rgyal kun gsung rab dpag bsam 'bras bu la/ /ci dgar sbpyod pa'i dga' ston myong gyur cig// // ces sbyir bstan gyi rnam bzhag 'dul gzhung gsal byed ces bya ba 'di ni/ sngar rtsod pa byas skabs rang gi brjed thor bsam ste dpe cha gang klog sug bris su btab pa las/ dus phyis skyes sbyangs gnyis ka'i blo gros kyi mig dang ldan pa dge slong blo bzang bkra shis bskul ba ltar/ slar snon 'bri dang mgo 'jug tshang par byas te/ so mthar @088a @#/ /skyes pa'i ? sprang btsun ngag dbang dpal ldang zhes bya bas rab byung bcu bzhi pa'i bgrang bya nyer drug pa dga' ba zhes pa chu pho 'brug gi lor/ blo gsal mkhas pa'i 'byung gnas khu re chen mor khrigs chags su bkod pa 'dis kyang rgyal ba'i bstan pa rin po che dar zhing rgyas par 'gyur cig/ // oM swasti/ dpal ldan rlabs chen tshogs gnyis rgya mtsho las/ /legs 'khrungs sku gsum rin chen rdul brtsegs spo/ /srid na mngon mtho phan bde'i gzi 'bar ba/ /thub dbang sa 'dzin dbang po de la 'dud/ /mgon de'i chos 'dul bstan pa'i gdugs dkar po/ /kun la phan dang bde ba'i grib bsil can/ /'degs pa'i mthu mnga' rgya bod hor gsum gyi/ /mkhas btsun rim byon tshogs rnams phyag gi yul/ /srid pa'i nad rgya 'joms pa'i sman gcig pu/ /bstan pa'i rtsab dam chos 'dul gzhung gi/ / spyir bstan rnam bzhag legs bshad gsar pa 'di/ /dran dbang chos rje bla mas bka' rtsom mdzad/ /legs bshad rin chen mdzod 'di don gnyer can/ /blo gsar blo yi dbul ba sel ba'i slad/ /mkhas dbang mchog sprul blo bzang rin chen gyis/ /mi zad bar gyi sgo brgya yongs su phye/ /tshul 'dir mthun pa'i cha rkyen gang sbyar dang/ / @088b par gyi phyi mo yi ge zhug dag sogs/ /'brel thogs kun gyis gnas skabs thams cad du/ /rnam dag khrims kyis rtag tu 'tsho bar shog / ngag gi dbang phyug blo bzang grags pa yi/ /bstan pa rin chen dar zhing rgyas pa dang/ /dpal ldan mkhas btsun mchog rnams zhabs brtan cing/ dge 'dun khrims gtsang chos spyod dgongs 'phel shog/ /thub pa mchog gi gces mdzod dam pa'i chos/ /'dul ba'i sde snod bsam 'phel yid bzhin nor/ 'bral med spyi bor brten mthus 'gro ba kun/ /mngon mtho nges legs 'dod dgus rtag 'byor shog/ /rnam dag tshul khrims ri rgyal brtan pa'i spor/ / ting 'dzin sgo phye'i rnam rgyal khang bzang du/ /shes rab mig stong ldan pa'i mthu thob nas/ /srid pa lha min g.yul las rgyal bar shog /tshul @089a @##/ /'di bsgrub la dgyes gzigs ma ltod pa/ /tshangs dang dbang po dkar phyogs skyong rnams dang/ /khyad par/ rgyal chen rnam mang thos pa'i sras/ /nam yang g.yel med rtag tu grogs byed shog/ //ces byang phyogs bstan 'gro'i dpung gnyen gcig pu mtshungs zla ma mchis pa rje btsun dam pa mchog gi gsungs las skyes pa'i sras mchog mkhas pa'i dbang po chos rje bla ma ngag dbang dpal ldan gyis mdzad pa'i 'dul pa spyir bstan gyi rnam bzhag 'dul gzhung gsal byed ces bya ba 'di nyid/ blo gsar rnams la nyer mkho bar dgongs te/ gzhung brgya smra ba'i dbang phyung no mchi ni mon han bla ma rin po che nas rgyu yon sbyor gnang ste bar du bsgrubs pa'i tshe/ skyabs mgon dam pa du ma'i zhabs rdul spyir bor bsten pa'i brtsun gzugs kyi na ngag gi dbang pos bris pa dge legs 'phel// //