@#/ /arthi ka ka pra gma ma d+hu ka nA ma dza ti tsa maNDal sa
raM ne ShTa shrI he ru kaH ka Sha yA b+hu kuM saH shar Ni ka
myu pa lnu tta ra ma hA su kha hraM da ya shri b+ha dras+ya bi
mo k+Sha bi ha ra ti sma/ /

@#/ /rigs dang dkyil 'khor rgya mtsho'i khyab bdag he ru kaH dpal
ngur smrig gar rol skyabs gcig pha bong kha pa bde chen snying
po dpal bzang po'i rnam par thar pa don ldan tshangs pa'i dbyangs
snyan zhes bya ba bzhugs so/ /

@001a @##/ /[dd] rje btsun bla ma dam pa dmigs pa/ [dd] med pa'i
thugs rje chen po dang ldan pa'i zhabs kyi padmor sgo gsum

gus pas phyag 'tshal zhing skyabs su mchi'o/ /brtse ba chen pos
[dd] dus dang gnas skabs kun tu mnyes bzhin rjes su gzung ste/

rlabs chen legs tshogs mtha' dag gegs med lhun gyis 'grub [dd]
par byin gyis brlab tu gsol/ rigs rnams kun khyab bdeO chenO

rdo rje sems/ /snyigs lnga'i 'gro la snyingO rje'i dbang gyur
te/ /dri [dd] bral thub bstan yongs rdzogs bdag poO ru/ /mngon
bzhengs zla med

@002a @##/ /[dd] bla mar mgos phyag 'tshal/ /rab [dd] 'byams rgyal
kun gsang gsum snying po'i dpyid/ /mtshan dpe'i

thig le gcig tu zlos pa'i gar/ /blo bzang thub dbang rdo rje
'chang [dd] dpang dang/ /dbyer med 'dren pa mchog des rtag tu
skyongs/ /kun

gsal sgeg mo'i pha mthar yongs 'khyud srid zhi'i zug rngus rab
[dd] mnar 'gro/ /bla med sa la dbugs dbyung sbyor slad thugs
bskyed

rin chen khur chen gyis/ /grangs med gsum du rlabs chen tshogs
[dd] gnyis pha mthar stong bcu'i dpal brnyes pas/ /ma 'dris 'gro

@002b pa'i mdza' bshes gcig gyur ston mchog shAkya'i rgyal por
'dud/ /thub pa mchog de'i gsung gi gsang ba'i mdzod/ /mtha' yas
'gro la brtse bas 'doms mdzad pa/ /rgyal sras thu bo mi pham

'jam dpal dbyangs/ /bdag gi snying dbus dad pa'i padmor rol/
/'dzam gling 'di na sus kyang dpag dka' ba'i/ /gsung rab kun gyi
drang dang nges pa'i don/ /ji bzhin 'grel mdzad klu sgrub thogs

med ces/ /grags pa'i zhabs sen zur phud rgyan du bsten/ /zab
dang rgya che gsang ba'i gdams ngag gis/ /'gro kun smin grol sa
la 'khrid mkhas shing/ /rgyal ba'i bstan pa rin chen rgyas mdzad

pa/ /'phags yul paN grub tshogs la gus pas 'dud/ /thub bstan
snying po'i lang tsho gsar pa yis/ /gangs can phan bde'i snang
bar sbyor mdzad pa'i/ /sngon byon chos rgyal lo paN tshogs rnams

kyi/ /bka' drin dran pas dang phyag kun tu brtsegs/ /phra zhib
mkhyen pa'i cha shas rer yang mtha' dag shes bya'i dkyil 'khor
rdzogs/ /brtse chen thugs rje'i cha shas res kyang lus can ma
lus kun

nas bcings/ /rlabs chen 'phrin las cha shas res kyang bstan
'gro'i dpal yon 'bum du 'phel/ /rgyal kun mkhyen brtse nus dpung
kun bsdus tsong kha pa yis bdag skyongs shig /phyi ru zhi dul
nyan

@003a @#/ /[dd]thos spyod pa skyong/ /nang du bdag gzhan mnyam
brje'i byang sems 'byongs/ /gsang ba rim gnyis grub pa'i nyams
rtogs mtho/ /

dge ldan bstan 'dzin rim byon rnams la 'dud/ /khyad par thugs
bskyed gser gyi shing rta yis/ /'jam mgon snyan brgyud zab gdams
dbang gi rgyal/ /skal

bzang gdul bya'i dpal du drangs mdzad pa/ /mkhas grub rnams la
dad pas phyag bgyi'o/ /blo chen rgyal kun mkhyen bzang X lus
rtsal byamsO thugs su mnyam med

bde % stong sgyu 'phrul yang tshor yongs smin grags X dkar snyan
pasO chen % khyon 'dir shong min pa'i/ /mdo rgyud thub bstanO
bye ba'i yang snying % 'khor lo gsum gyis 'dzinO

@003b pa'i X nus mthus phas rgol tshogs la 'jigs pa rab ster blo
bzang ring lugs bsam 'phel nor/ /bshad sgrub 'phrinO yig rgyal
mtshan tog tu bkod lasO dpal X ldan sku bzhi'i dbang phyug chen
po % nyid

kyang 'gro la sbyin mkhas ma 'dris mdza' ba'i gnyen mchog ste/
/rgyaO chen thugs rje'i rol mtshoO legs 'khyil dpyod ldan gdul
bya ngang mo 'bum gyis rnam par bsten 'os srid gsum khyon 'di'i

skye rgu'i skyabs gcig mnyam med bla mar mgos phyag 'tshal/
/spros kun nyer zhi chos dbyings rol pa mchog gi gsangO gsum
sgyu ma'i rtsed 'jor rgyal baO ma lus yongs 'dusO paO/ /brtan
dang

g.yo ba'i shes bya'i 'khorO loO gang thugs rjes chags lhan
skyes bdeO bar gnyis med dbyings su sdom mdzad mchogO /rnal
'byor sgrub la phyi nang nyer 'tshe'i dpung tshogs mtha' dag
'jigsO

par mdzadO cing rdoO rjeO 'dzin pa'i go 'phang yang/ /bde blag
sbyin mdzad zhi dang khro bo'i lha mchog yongs kyis bgegs kun
zlog cing grub gnyis dga' ston char du snyil/ /mtha' dag 'gro
rgyud rmongs

pa'i dgra sde'i gshed du rab 'bar rgyal kun mkhyen rab 'bum
phrag rdul dmar gcig tu 'khyil ba'i ye shes lus/ /bcu drug na
tshod gzhon nu'i nyams can mtshan dpes phyug pa'i mdzes sdug

@004a @#/ /[dd] yongs rdzogs 'jam dbyangs zhes grags dmar ser gzi
ldan dpa' bo'i gar/ /bdag blo'i 'dab stong padmo'i gnyen dul 'ur
sgyur la lnga

rig snang ba'i legs bshad sbrang rtsi 'bum du spro ba'i dus ston
ni/ /ci dgar 'gyed pas mkha' mnyam yid can rkang drug tshogs kyi
lus zungs rab dar byang grol mkha'

la thogs med bgrod pa'i mchog sbyin mdzod/ /ston zla'i dpal las
ches dkar lang tsho rab rgyas dmar ba'i mchu sgros dkyus ring
spyan ldan bzhad 'dzum zur mig mdzes

par g.yo/ /rin pral rgyan dang na bzas yongs klubs zhabs gnyis
tsog pu'i tshul 'gyings phyag zung sor rtses pi waM ngogs su
bsnun dang lhan/ /rnar 'jebs gdangs

@004b snyan rgyud kyi sgra dang drug cu'i dbyangs kyi cha shas
res kyang che chung rig pa'i gnas bcu gsal bar 'doms/ /rgyal kun
yab gcig dgyes pa skyed mdzad rgya mtsho'i lha mo sgra ldan ma
yis ngag la ngag gi dngos grub

myur stsol cig /phan bde'i 'dod 'bras gegs med du/ /'jo mdzad
lhag pa'i lha tshogs dang/ /gnas gsum mkha' 'gror bcas pa yis/
/dus kun brtse bas skyong du gsol/ /myur mdzad mgon dang rnam

sras las gshin sogs/ /bstan srung dam can rgya mtsho'i tshogs kyis
kyang/ /mngon 'dod yid bzhin 'grub pa'i sdongs grogs dang/ /'gal
rkyen zhi ba'i 'phrin las ma g.yel zhig /dkyil 'khor kun

bdag khrag 'thung dpa' bo gnyis min gnyis su zlos pa yi/ /nges
gsang thub bstan dbang gi nor bu srung la dpa' ba mi sdug gzugs/
/drag shul mthu stobs glog 'phreng me lce bskal pa'i zhugs su
rab

'bar bas/ /nag phyogs rtswa spur lhag med sreg mdzad stobs
'phrog dbang pos lhag par srungs/ /sngon tshe sbyin sogs tshogs
gnyis mthu dpung gis/ /legs bsgrubs 'dzad med dbyig gi mdzod
brnyes te/ /

sgrub por 'dod rgu'i dpal ster nor sbyin dbang/ /kun gyis chos
mthun legs tshogs yid bzhin sgrubs/ /rgyal ba'i yab gcig 'jam
dpal rdoO rjeO rab brjid zhi khro'i nyams 'gyur stong/ /stobs
bcu'i stobs kyi shugsO

@005a @#/ /[dd] su rdzogs pa zla med mthu ldanO drag po rtsalO/
/dngos brgyud bla ma'i bka' bsgos dam bcas myur du dgongs la
dga' ldan srol/ /yun

du dar ba'i 'gal rkyen kun sol mthun rkyen ma lus lhun grub
mdzod/ /dam pa'i rnam thar rmad byung gtam/ /ngo mtshar yon tan
du ma'i gter/ /'gro 'dir ring du

gnas pa'i slad/ /legs mdzad yi ge'i gzugs su spel/ /skal bzang
skye por dga' skyed cing/ /dad bas rjes su 'jug pa dang/ /bdag
kyang bsod nams 'phal

ba'i phyir/ /'di nyid brjod la spro dga' 'dzin/ /dam pa'i yon
tan khyad 'phags rang bzhin lus/ /mdzes byed khungs ldan lung
rigs nor bu'i rgyan/ /kun gsal

@005b g.ya' bral nor bu'i a darshara/ /dgod 'dis yid rab mi
'phrog dpyod ldan su/ /gang zhig gzu bor gnas pa dag /dad pa'i
pad+mo snying ga ru/ /'dzum bzhin spro bas 'jug pa yis/ /thar
pa'i sa bon spel

bar byos/ /zhes dge legs su bya ba'i phyir shis brjod phyag bya
dang/ dngos po nges par bstan cing/ mnyan par bskul ba'i tshig
sngon du btang nas/ 'dir gleng bar bya ba ni/ ston pa mnyam med
thub pa'i

dbang po dang 'jam mgon rgyal ba gnyis pa'i ring lugs pa chen
po/ nges pa'i don du bskal pa grangs med pa'i snga rol nas mkha'
khyab kyi 'gro ba mtha' yas pa'i don du byang chub mchog tu
thugs bskyed/ tshogs

gnyis rlabs po che'i goms pa yongs su rdzogs par mdzad pa sogs
rdzogs smin sbyangs gsum gyi pha mthar gshegs te sku thugs zung
'jug chos sku bde ba chen po'i dbyings mthar thug mngon du mdzad
pas

dus gsum gyi rgyal ba thams cad gang gi sku'i ba spu'i khung
bu'i zur phra mo re nas kyang spro dang sdud par nus pa'i bdag
nyid du gyur cing/ thun mong snang ngor yang gdul bya'i don du
'khrungs rabs kyi phreng ba du mar

rgyal ba'i bstan la bya ba rgyun mi chad du mdzad pa'i rang
rtags che gsal myur zab kyi mkhyen rab mnyam zla med pa mnga'
bas thun mong dang thun mong ma yin pa'i phyi nang gi rig gzhung
rgya mtsho lta bu la dbang sgyur ba'i
@006a [dd]@#/ /mkhas pa chen po/ mdo rgyud dgongs 'grel zab rgyas
phra la ltogs par dka' ba'i gnas mtha' dag mthil phyin par thugs
su chud cing/

rang nyid kyis ji ltar gzigs pa'i don rnams mkhas grub du ma'i
zab gdams snyan brgyud kyi man rag dang bcas par bshad sgrub
zung 'brel dang 'chad rtsod rtsom gsum

gyi sgo nas skal ldan gyi gdul bya mtha' yas pa spyi dang/ bye
brag gzu bo'i blo dang rnam dpyod kyi rtsal do zla med pa'i rigs
smra'i dbang phyug mkhas mang bye ba'i dbus su

gzhung lugs man ngag ltar gsung dbyangs mthon pos 'doms pa la mi
'jigs pa'i gnas thob pa'i smra pa'i khyu mchog chen po/ thub
pa'i nang gi mdzod chen po

@006b so sor thar pa'i bcas pa phra mo las kyang mi 'da' ba sogs
brtan mkhas kyi yon tan phun sum tshogs pa dang ldan pa'i gnas
brtan 'dul ba 'dzin pa chen po/ btsun po rmongs par ma 'chor la/
mkhas pa dregs

snyems bshad yam dang tshul 'chal du ma gol bar sde snod gsum
dang rgyud sde bzhir ji ltar gsan bsam gnang ba'i don rnams
dpyad 'jog zung 'brel gyi sgo nas nyams myong tshad ma'i drod
rtags thon par bskyabs

la/ de'i sgo nas gdul bya legs par bkri ba'i bshad sgrub bstan
pa'i srog shing chen po/ mkhas btsun bzang po'i mtshan nyid ston
pa'i gzhung lugs kyi rang skad kha la byang ba'i ngang tshul
gzengs bstod

de gsang mthor sgrogs pa tsam la dpa' ba'i tha snyad tshig skam
gyi brgyud pa'i dri tsam yang mi mnga' bar/ rang nyid kyis
brgyud ldan dam pa'i man ngag ji lta bar rgyu 'bras bdun dang
bdag gzhan mnyam brje'i

byang chub kyi sems rin po ches thugs rgyud legs par sbyangs
pa'i sems dpa' chen po/ skal ldan thar par bgrod pa'i lam mchog
/rgyal ba'i dgongs zab mthar thug pa mtha' bral dbu ma'i gzhung
don phyin

ci ma log par 'grel bar rgyal ba rang nyid kyi lung gis bstan pa
dpal mgon 'phags pa klu sgrub yab sras kyi bka' srol blo bzang
rgyal ba'i dbang po'i gzhung lugs zab gdams brgyud pa'i man ngag

@007a [dd]@#/ /bzhin dpal ldan thal 'gyur ba'i phra zab lta pa'i
yang snying thun mong ma yin pa'i gnad gsang ches cher rtogs par
dka' pa rnams

kyang stong 'byams 'ud che gzhan gyi bsre lhad kyi dri ma dang
bral bar thugs nyams su myong ba'i stong nyid nam mkha'i rnal
'byor pa chen po/ rgyud dal grub chen

tshad ma'i gdams don bla ma'i man ngag ltar nar mar bskyangs pas
snang srid dag pa rab 'byams lha'i 'khor lor shar zhing/ bde
stong sgyu ma'i rtsed 'jo la

dbang bsgyur te/ lha sngags ting nge 'dzin gyi nus pa mchog la
mnga' brnyes pa'i rig 'dzin grub pa'i dpa' bo chen po/ gang gi
gsang ba gsum gyi ros pa

@007b rab 'byams rgyal ba'i 'khor lo dang thabs cig tu rtsen
cing/ snang srid dbang du mdzad pa'i brda thabs su 'jig rten che
dgu dregs ldan mtho rlom gyi ser skya bgrang las 'das pas spyi
po'i thod du bkur yang thugs

khengs dregs dang nga rgyal ba'i rnam pa cung zad tsam yang mi
mnga' bar ma zad/ sku dang gsung gi dngos yul du spyod pa'i gdul
bya mchog dman par ma mtha' dag dang/ lhag par gang zhig nyam
thag

pa de dang de dag gsar du mjal ma thag nas dgyes 'dzum bzhad
pa'i nyams kyi gsung dbyangs 'dzad pa med par 'jo zhing/ gang la
gang 'dod kyi chos dang nor rdzas 'dod dgur stsal te re ba yongs

su skong ba'i skye dgu yongs kyi ma 'dris pa'i mdza' bshes chen
po/ mkha' mnyam yid can spyi dang bye brag gi mgon dang skyabs
dang gling dang dpung gnyen dam par gyur cing/ thub bstan bye
ba'i snying bcad

blo bzang rgyal ba gnyis pa'i mdo sngags zung du 'brel ba'i
bstan pa rin po che cha tshang la dri ma med pa gser gyi yang
zhun lta bu 'di nyid bshad sgrub 'khor lo gsum gyi mdzad bzang
rlabs po che snga na ma grags pa

lta pus phyogs bral mtha' dbus kun tu nyin mo'i dpal ltar gsal
bar mdzad pa la 'gran pa'i zla thams cad dang bral ba'i bstan
'dzin mkhas grub yongs kyi gtsug gi nor bu gcig pu rab

@008a [dd]@#/ /'byams rgyal ba'i dkyil 'khor ma lus pa spro dang
sdud pa'i byed po khyab bdag 'khor lo'i dbang phyug rje pha bong
kha pa bka' drin 'khor med chen pa don gyi slad du mtshan nas

smos te/ dpal ldan bla ma dam pa yongs rdzogs bstan pa'i mnga'
bdag mtshan brjod par dka' ba rje btsun byams pa bstan 'dzin
'phrin las rgya mtsho dpal bzang po'i zhal snga nas kyi rnam par

thar pa rgya mtsho lta bu las thun mong snang ngo'i mdzad pa'i
cha shas chu thigs tsam zhig rnam thar zur 'debs kyi tshul du
spel ba la 'jug par bya'o/ /des na 'di la gsum/ rnam par thar pa
brtsam

pa la 'jug pa'i gleng bslang ba dang/ dgod bya'i rnam par thar
pa nyid nye bar bshad pa/ brtsams pa'i dge bar bsngo ba dang
smon lam rnam par dag pa'i rgyas gdab pa'o/ /dang po ni/ ji skad
du skyes

@008b rabs las/ grags pa'i mtshan mar gyur pa bzang po 'di rnams
kyis/ /bde bar gshegs 'gyur lam rnams gang yin bstan par 'gyur/
/yid la dad pa med pa rnams kyang dad par 'gyur/ /chos dang ldan
pa'i gtam gyis rab tu dga' bar 'gyur/ /'jig rten mchog

gi spyod pa dam pa'i phyogs tsam gyis/ /bdag gis snyan dang Ta
mnyan du rung bar bya ba'i phyir/ /lung dang gtsug lag rigs par
mi 'gal lam dag gis/ /de ltar 'jig rten don 'gyur snyam nas 'di
brtsams so/ /zhes gsungs pa ltar/ brjod bya skyes bu dam pa

dag gi mdzad pa'i rnam pa phun sum tshogs pa dang/ rjod byed kyi
tshig sbyor phun sum tshogs pa'i rnam pa de dang de la brten nas
gdul bya rnams thar pa dang thams cad mkhyen pa'i lam la mngon
du phyogs par 'gyur bas/ 'dir yang bdag nyid chen po 'di'i rnam

thar ches rmad du byung ba dag tshig sbyor gyi lam du spel bar
byas na/ dam pa'i spyod pa khyad par can gyi gtam 'jig rten 'dir
ring du gnas par 'gyur la/ de la brten nas skal ba dang ldan
pa'i gdul bya byung dang 'byung 'gyur ji snyed cig gi rgyud la
dad pa'i sa bon

khyad par can 'jog pa dang/ bdag nyid chen po gang gi rjes su
slob pas mngon mtho dang nges legs kyi lam yangs po 'grub par
'gyur bas/ de lta bu'i dgos pa dam pa mang du sgrub pa dang/
rang gi yang tshogs gnyis kyi sgo brgya phrag mngon par spel
zhing tshe

rabs kun tu dam pas rjes su bzung ste sa lam gyi bgrod pa mtha'
dag myur du rdzogs par bya ba'i slad dang/ snga phyi'i bskul ba
po rnams kyi dgongs bzhed don dang ldan par bya ba'i phyir bdag
gis rab btags dang gcam bu sogs kyis ma bslad par

@009a @#/ /dam pa'i yon tan ngo mtshar rmad du byung ba'i cha shas
gang rnyed cig rkyen dang 'tshams par mdor bsdus pa'i lugs su
dgod par bya bas/ bdag legs su 'dod pa rnams kyis phyogs 'dzin

gyi mun pas ma bsgribs par gzu bor gnas pa'i blos dad gus kyis
rim gro bskyed de mnyan par byos shig /bskal mang sngon nas
thugs bskyed sa bon nor 'dzin dbang po'i lto bar bskrun/ /bsod
nams ye shes tshogs gnyis

zung 'brel thabs shes drod gsher gyis bskyangs pas/ /don gnyis
lhun rdzogs yal 'dab rab rgyas sku bzhi'i 'bras bzang g.yur dud
pa/ /mtha' dag re skong 'gro ba'i bla ma dpag bsam dbang po
rgyal gyur cig /don dam mi

gnas zhi ba'i dbyings son kyang/ /'gro la chags pa'i 'dzum ris
'dor min par/ /kun phan 'od brgya 'phyed pa'i snang ba ni/ /dus
kyi tha mar gdung bas nyen la bsil/ /rgyal kun 'od gsal thugs
kyi rdo rje nyid/ /gang 'dul

gsang gsum rgyan gyi 'khor lo ni/ /mi zad 'khor mtha' rdzogs par
rtag rol bas/ /lus can yongs kyi skal bzang dga' ston rmad// !
//gnyis pa dgod bya'i rnam par thar pa nyid nye bar bshad pa la

gnyis/ sku'i phreng rabs sngon ma 'ga' zhig gi mtshan gyi rnam
grangs tsam mam/ rnam thar mdor bsdus pa ci rigs su smos pa
dang/ sku phreng 'di nyid kyi rnam par thar pa'i zur 'debs dngos
'chad pa'o/ /dang po ni/ spyir

@009b bdag cag gi rje bla ma rdo rje 'chang chen po gang nyid ni
ji skad du byang sems nor bu'i phreng ba las/ bdag gi yon tan
spang bya zhing/ /gzhan gyi yon tan bsgrag par bya/ /zhes gsungs
pa ltar/ jo bo bka' gdams pa'i rnam thar gtsang

ma lhur bzhes te rang gi yon tan bum nang gi mar me ltar sba bar
mdzad pas gsang ba gsum gyi rnam par thar pa'i thun mong ma yin
pa'i gnas phal mo che rnams thun mong bar yongs su bsgrags par
mi mdzad kyang/ sku tshe

dpag tu med pa'i snga rol nas rje bla ma mchog nyid dang phan
tshun zab gsang chos kyi bdud rtsi gsol ba'i yab dang sras kyi
thu bor res mos su 'brel zhing sangs rgyas byang sems du ma'i
sku dang gsung gi dag pa'i gzigs

snang nar mar 'byung ba'i grub pa'i dbang phyug khyab bdag stag
phu ba chen po padma badzra dpal bzang pos rje bla ma 'di'i
'khrungs rabs kyi phreng ba ji ltar yin pa zhu ba'i don du bla
ma yi dam la mchod sprin gsol 'debs shugs

drag po yang yang gnang ba'i skabs/ rdo rje dril bu pa dang grub
chen mi tra dzo ki sogs kyis zhal dngos su bstan te bdag cag gi
rje bla ma rdo rje 'chang chen po 'di nyid kyi sku phreng snga
ma mang po zhig gsungs pa rnams stag phu

rin po che nas gsar bsgrigs gnang ba'i 'khrungs rabs gsol 'debs
bai DUr+ya'i phreng ba zhes pa'i tshig zin du 'khod pa rnams
dang/ 'og nas rim par 'byung 'gyur ltar/ phyis su thugs kyi sras
mchog rnal 'byor gyi

@010a @#/ /dbang phyug brag g.yab rtogs ldan 'jam dbyangs blo
gros dpal bzang pos bla ma rdo rje 'chang chen po gdan sa gong
rtag brtan chos 'byung phug gi dben rir bzhugs skabs sogs pa
phyi du

mar mnyes pa gsum gyi sgo nas bshes gnyen bsten tshul tshul bzhin
mdzad de 'khrungs rabs kyi skor dang/ sku gsung thugs kyi gsang
ba bsam gyis mi khyab pa'i rnam thar ji ltar mnga' ba mtha' dag
gsal rjen du bka'

stsal bar zhu ba'i gsol 'debs yang nas yang du mdzad pa na/
'khrungs rabs kyi rim pa 'ga' re dang/ gsang ba gsum gyi mdzad
pa'i khyad par ngo mtshar pa'i gnas tho re pa mang du bka' stsal
pa rnams rtogs ldan 'ja

blos 'khrungs rabs gsol 'debs bai DUr+ya'i phreng ba'i kha
skong gi gsang rnams gsol 'debs mang du mdzad cing/ de rjes shig
nas rdo rje 'chang chen por slar yang rtogs ldan 'jam blo dang/
'go log bla ma rin po che

'jam dpal rol pa'i blo gros/ 'bras blo gling dge bshes bsam gtan
lags/ snye mo ba drung bu tshe ring/ gar dgon btsun ma 'chi med
tshe ring sgrol dkar sogs dad brtson rnam dpyod dpal ldan pa mang
pos gsol

'debs nan can lan gcig ma yin par rim bstud mang po mdzad pa'i
ngor/ dgung lo nyer lnga tshun tsam gyi rnam thar sa bon mdor
bsdus shig gnang ba nas ji ltar gsal ba'i rigs dang/ rdo rje
'chang dang zhal mi

@010b gnyis pa'i skyes mchog dam pa 'ga'i gsung gi zur las gsal
bar thon pa sogs thun mong mthun snang du shar ba'i khungs ldan
gyi 'khrungs rabs tshar du dngar ba rnams 'dir mdor bsdus te 'go
smos tsam zhig 'god

par byed na/ gnyen ldan nu bo ni/ sngon gyi dus bskal pa bgrang
pa las ches cher 'das pa zhig gi snga rol tu de bzhin gshegs pa
rnam par gzigs zhes bya ba 'jig rten na byon pa'i dus su byung
ste/ des sangs rgyas

rnam par gzigs slob ma nyan thos slob pa dang mi slob pa'i dge
'dun 'bum phrag drug cu rtsa bzhi'i 'khor dang bcas pa la rin po
che sna tshogs las grub pa'i khrus kyi khang pa dang/ rin thang
med pa'i lha rdzas kyi gos dar

bzang po'i sku 'phyis/ dri zhim pa'i spos snum gyi byugs pa la
sogs pa'i khrus kyi mkho rgu'i yo byad phun sum tshogs pas bsnyen
bkur nas/ 'gro ba mtha' dag gi mgon dang skyabs mdzad par bzhed
de rgyal ba de'i

drung du byang chub mchog tu thugs bskyed pas dus de skabs dag
nas 'gro ba sgrol ba'i khur gcig tu bsnams pa'i rgyal sras sems
dpa' chen po'i rnam thar rmad du byung ba la mnga' brnyes pa
zhig ste/ 'khrungs rabs gsol

'debs las/ sangs rgyas rnam gzigs 'bum phrag re bzhi'i 'khor/
/rin chen khrus khang khrus kyi yo byad kyis/ /bsnyen bkur byang
chub mchog tu thugs bskyed po/ /gnyen ldan nu bor gyur la gsol
ba 'debs/ /zhes
@011a @#/ /gsungs pa ltar ro/ /de nas rim gyis/ 'jig rten yongs
kyi mes po gdong gsum pa/ /zhes pa ni/ gzugs khams kyi lha'i
rgyal po'i bye brag cig ste/ de yang lha tshangs pa dbu gsum pa'i

rnam pa can du yod pas na/ gdong gsum pa zhes bya ba gsungs la/
rtag tu zhi ba'i gdong lnga a b+hya'i mtshan/ /zhes dus rtag tu
zhi zhing byams pa'i sems dang ldan pa'i gdong lnga ste seng
ge'i ming gi rnam grangs

ltar smos nas/ a b+hyA zhes pa seng ge de'i ming dngos legs par
sbyar ba lha'i skad du gsungs pa ste/ bod kyi skad du na/ 'jigs
pa med pa'am/ 'jigs med ces 'bod pa byang chub sems dpa' seng
ge'i gzugs

can du sku 'khrungs pa zhig go/ /'od srungs rgyal ba'i gdung la
gdugs 'bring phul/ /rgyal po gsal ldan grags zhes pa bskal bzang
rnam 'dren bzhi pa sangs rgyas 'od sangs rgyas kyi bstan pa la
byung ba'i 'phags yul

gyi chos rgyal byang chub sems dpa' mtshan dngos gsal ldan grags
zhes bya ba ste/ des rgyal ba de'i sku gdung la gdugs 'bring po
phul zhing tshogs gnyis rlabs po che'i sa bon rgya cher bskrun
par mdzad pa zhig dang/

dga' ldan zhing du lha'i bu dri med tog /ces pa ni/ ri rab kyi
steng du sum cu rtsa gsum gyi lha gnas/ de'i steng gi nam mkhar
'thab bral gyi lha gnas/ de'i steng gi nam mkhar dga' ldan gyi
lha gnas yod pas/

@011b gnas der dri ma med pa'i tog ces bya ba'i lha'i bu'i rnam
pa can gyi skur skye ba bzhes par gsungs pa yin la/ so sa'i
gling du byang sems byA g+hra'i gzugs/ /zhes pa'ang/ 'phags pa'i
yul gyi gnas phran so so'i gling gi dur

khrod kyi phyogs dang phyogs su rgyu zhing gnas te/ gzhan gyis
bskyal ba'i phung po dang/ srog chags rang bzhin gyis shi ba'i
sha khrag la sogs pas rang gi lus 'tsho thabs byed pa las/ rang
gis gzhan ched du gsod pa sogs

srog gcod kyi las la nam yang mi 'jug cing/ sems can mthong tshad
la mas bu gces pa mthong ba ltar byams shing brtse ba'i byang
sems stag mo'i gzugs can du phebs pa zhig ste/ skad dod bya g+hra
zhes pa stag gi ming du

grags pa'i phyir ro/ /ka la ba yi me mtshams grong dpon che/
/stobs kyi shing rta/ zhes pa byang phyogs shamb+ha la'i zhing gi
shar lho'i phyogs su gnas pa'i rgyal phran zhig ste/ mtshan dngos
stobs kyi shing rta zhes grags pa'i don du

shes dgos so/ /rnam 'dren bzhi pa don kun grub pa'i gcung/ /dga'
bor gyur tshe khyim nas nan gyis phyung/ /dgra bcom 'bras thob
dbang po'i sgo sdom pa'i/ /mchog tu lung bstan mdzad la gsol ba
'debs/ /zhes bsngags pa

gcung dga' bo ni/ bskal bzang sgron me bzhi pa shAkya'i rgyal
po nyid dang rigs rus gcig pa'i gcung por 'khrungs pa mtshan
dngos dga' bo zhes bya ba ste/ thog mar 'dod yon gyi chags sred
la rab tu dgyes pa'i zol gyis chung

@012a @#/ /ma puNDa ri ka dang 'bral med du 'grogs pa la/ ston
pas de'i don du thabs mkhas kyi mdzad pa sna tshogs bstan pas
khyim gyi gnas ni nyes pa du ma'i 'byung khungs dang/ 'khor ba
mtha'

dag sdug bsngal gyi rang bzhin 'ba' zhig tu mthong ba'i nges
'byung shugs drag bcod ma min pa thugs la 'khrungs te ston pa'i
spyan sngar rab tu byung/ gsung gi bdud rtsir rol zhing spong pa
bsam gtan la gzhol

bas dgra bcom pa'i 'bras bu tshegs med pa brnyes te/ dbang po'i
sgo sdom pa rnams kyi mchog tu lung bstan pa'ang thob la/ dbu la
gtsug tor dang/ sku gser gyi mdog can du gyur pa sogs mtshan dpe
rjes

mthun pa du ma dang ldan par gsungs so/ /gru 'dzin zhing du
byang sems zla ba'i snying/ /zhes pa ni/ 'phags pa thugs rje
chen po'i sprul pa'i gnas mchog ri po gru 'dzin nam/ po Ta lar/
gang gi mtshan du zla ba'i

snying po zhes gsol ba byang chub sems dpa'i rnam par gnas te
'gro ba grangs med pa'i don du rgyal ba'i sras kyi spyod pa rgya
mtsho lta bur 'khor ba ji srid par ngoms pa med par spyad pa'i
brtul zhugs mchog

la gcig tu gzhol ba'i sems dpa' chen po'i ngang tshul las nam
yang mi 'da' par 'phags mchog 'jig rten mgon dang gnyis min
gnyis su bstan pa'i rol gar 'ba' zhig la nyid do/ /yam bu'i

@012b dur du grub pa rdo rje'i mtshan/ /zhes pa'ang 'phags pa'i
yul gyi gnas phran yam bu'i dur khrod ces bya bar gsang sngags
zab mo'i brtul zhugs kyi spyod pas mchog gi go 'phang mngon du
mdzad pa grub pa'i

khyu mchog rdo rje'i mtshan mnga' ba'i dam pa'i skyes mchog khyad
par can zhig go zhes nges par bya'o/ /de dag ni tshad ma'i lung
gi rjes su 'brangs te 'dir mdor bsdus su brjod pa yin no/ /rgyal
sras zla ba'i

skyo bsangs sprul pa'i bya/ /rgyud gcig ye shes 'dzin/ zhes
gsungs pa'i rgyal sras zla ba dang/ ye shes 'dzin/ sprul pa'i
bya gsum ni/ mkhas grub chen po rje stag phu pa blo bzang bstan
pa'i rgyal mtshan nyid

kyis sngon gyi gnas rjes su dran te bya mgrin sngon zla ba'i
rtogs brjod du ji ltar gsungs pa bzhin te/ dang po ni rje stag
phu ba rang nyid kyi sku phreng snga ma zhig yin la/ gnyis pa
dang gsum pa ni de dang dus mtshungs

su byon pa bdag gi bla ma khyab bdag rdo rje 'chang pha bong kha
pa dpal bzang po'i 'khrungs rabs kyi phreng ba ches snga ma'i
gras shig tu gsungs so/ /de yang sngon 'phags yul du ston pa
shAkya'i rgyal po mya ngan

las 'das nas dus ha cang mi ring ba na/ wA ra NA si'i rgyal po
lhas byin gyi sras lha snang stobs ldan nam/ dmangs kyis rigs
ldan rgyal po zhes 'bod pa gzugs mdzes blo gsal mchog gsum la
dad cing

@013a @#/ /dam pa'i chos sgrub pas dus 'da' pa zhig yod pa de la/
rgya gar nub phyogs dzA lan d+hA ra'i rgyal po ma sho ka zhes
pa longs spyod che zhing dge 'dun stong phrag du mar bsnyen bkur
ba/ 'od dpag

med kyi rnam 'phrul dge slong dri med dpal ldan gyis chos yang
yang ston pa/ phyag na rdo rje sogs yi dam du mas byin brlabs pa
de'i sras mo sgrol ma'i sprul pa ma ti mahA ni zhes pa bla ma
dri med dpal ldan gyi lung ltar

btsun mo bsus pas wA ra NA si'i rgyal po'i mnga' thang sngar
las kyang rgyas par gyur cing/ nges legs dang/ nges mdzangs sogs
btsun mo du ma dang/ chos blon blo gros rab bzang dang/ stong
dpon yam she sogs/

blon po'i tshogs/ skar ma 'od dang/ pU dznyA sa/ /sa bram ze
mang po bcas yod la/ chos 'byor rab tu phyug kyang bu ma byung
bas 'dod pa'i lha la bu 'byung bar gsol ba btab ste gnas pa'i
skabs/ yul lho phyogs

kyi rgyal po bzang po sbyin zhes bya bas zhing du mar sangs
rgyas mjal zhing chos thos pa'i mthar po Ta lar gshegs pas
'phags pa thugs rje chen po dang mjal bar/ 'phags pas/ wA ra
NA si'i rgyal po ku lAn

ra dzar bu med par sems khong du chud par gyur te gnas pas/
khyod kyis de'i bur skye ba'i smon lam thob la skye ba longs
dang/ 'gro don 'byung zhes gsungs shing/ jo mo sgrol mas kyang/
bu khyod kyis 'phags

@013b pa'i bka' bzhin du songs shig /bdag kyang rgyal po'i de'i
btsun mo'i tshul du ma ti mahA ni zhes bya ste/ de'i lhums su
zhugs shig dang/ de ji srid gnas kyi bar khyod la bdud kyi bslu
bas mi tshugs so/ /de nas byang phyogs

kyi rgyal po nam gru skyes khyod kyi blon po dang/ lha 'phreng
ma btsun mor skyes te bar du gcod cing bslu bar byed/ 'on kyang
khyod ni lus gang du gnas kyang sdug bsngal ba'i skabs mi
'byung/ zhes lung bstan pa ltar bzang po

sbyin pas de gnyis kyi bka' bsgrub cing dam bcas smon lam btab
nas 'phos te ma ti mahA ni'i lhums su zhugs/ zla ba'i grangs
tshang ba na sras ngo mtshar can zhig bltams pas mtshan ltas la
mkhas pa bram ze skar ma 'od

bos te dris par/ nges legs par brtags nas/ sras 'di rgyal po
khyed kyi lha dkon mchog gsum gyis bstsal bas lhas bstsal zhes
bya/ lo dgu bcur 'tsho/ 'on kyang bar chad che bas gal te bdud
kyis bskyod na lus

'di gzhan du 'gyur ro/ /zhes smras pas/ yab ku lA na ra dza
dgyes te bram ze la/ nga yi bu dkon mchog gsum gyis bstsal ba
na/ kho bo'i bsam pa grub cing yid dga' bas khyab pa byung bas
'di'i ming chos kyi dga' ba

zhes bya gsungs/ yum gyis kyang/ de ltar bu 'di lha dkon mchog
gsum gyi mthu las byung/ dge la 'dun zhing dkon mchog gi 'bangs
su gyur pas lhas bstsal dge 'dun 'babs bya ba'i ming bdag gis
sbyin gsungs te

@014a @#/ /pang par blangs shing/ rim gyis btsun mo nges legs
sogs ma ma la gtad de mngar gsum sogs byin nas skyed bsrings pas
gzhan las tshar skyed che zhing/ dkon mchog la gus pa/ skye po

yongs la 'dzum ston cing nam yang mi du ba/ byis pa'i spyod pa
mtha' dag dang bral ba zhig byung/ sras de ma bltams pa'i lo
lnga'i gong du blon po yam she la bu gzugs mdzes shing mtshan
ltas ngan pa zhig skyes par ming

du la ga a nar btags/ sras chos kyi dga' bas gsung gi dang por
yi ge drug ma dang spyan ras gzigs la gsol 'debs gsungs par/ yum
gyis/ khyod sngon gnas gang nas 'ong/ lha dang rigs gang lin

dris pa na/ skye ba 'di'i gong du lho phyogs rgyal po bzang po
sbyin/ de'i gong du shar phyogs za hor na/ chos kyi dad pa bya
bar gyur/ lha dkon mchog gsum ste de la dad pa'i rigs su skyes/
zhes smras pas yum

shin tu dgyes par gyur/ sras rgyal bu de la sngon nas rgyal po
dang rigs mnyam par grags pa'i gtso bo'i rigs las chos blon
dbyar tshul gyi bu/ mig zlum zhing mche ba'i myu gu dang skra
dmar ser can skad kyi nga

ro 'tsher ba byad bzhin dmar la smug rtsi chags pa/ yid du 'ong
zhing spyod pa ngo mtshar bas na sprul pa yin par grags pa'i blon
po gzhon nu lo bco brgyad lon pa ye shes 'dzin zhes pa zhig yod
pa de la rgyal bu

@014b shin tu mnyes pas de dang lhan cig tu rtse zhing lhan cig
tu gnas/ cung zad kyang 'bral mi phod cing/ blon po gzhon nu de
yang yum dang rgyal bu la shin tu gus pas rgyal tu khur pa sogs
kyi bsnyen bkur byed pa la/

yab ku lA na ra dza'i blon bo yam she bya pa 'khor dang nye du
mang zhing stobs 'byor longs spyod rgyas pa/ dbang che ba rgyal
po gnyis pa lta bu zhig yin pas kho'i bsam pa la/ nga yang rgyal
po ku lAn rA dza'i gzhon dus kyi

chung grogs dang blon po gnyis ka byas pas/ nar son tshe thugs la
'dogs shing dbang che ba 'di byung/ da bdag gi bu la ga a na
'di yang da lta nas rgyal sras gzhon nu'i chung grogs dang blon
po byed du ma bcug

na/ dbyar tshul gyi bu 'di la rgyal bu shin tu mnyes pas/ gzhon
nu nar son tshe nga'i bu la dbang mi yong snyam nas ku lAn ra
dza'i drung du song ste gus tshul dang bcas phyag btsal bar/
rgyal pos kho la shin

tu mnyes pa zhig yin pas/ stong dpon chen po 'ongs pa legs/ don
ci'i slad du 'ong gsungs pas/ bdag lha la phyag byed du 'ong/
don yang cung zad mchis zer/ rgyal pos/ don ci yin smros gsung

bar/ kho na re/ lhas dam pa stsol cig /lha'i sras gcig pu chos
kyi dga' ba 'di ni mtshan ltas dang spyod lam rnams shin tu ngo
mtshar ba/ yab kyi rgyal srid nges par 'dzin pa'i rigs shig lags
na/

@015a @#/ /'di'i chung grogs kyi blon po gzhon nu zhig nges par
dgos par mthong ste/ dbyar tshul gyi bu 'di ni srin po lta bur
bzhin dang skra dmar zhing mche ba dang ldan pa'i mtshan ltas
ngan

la/ na tshod kyang rgyal bu las ches cher rgan pas/ bdag kyang
lha nyid gzhon dus nas blon po byas pa ltar bdag gi bu 'di ni
kho bo las blos gros bzang/ smra mkhas/ gzugs mdzes/ sgyu rtsal
byang pas da

lta nas gzhon nu'i blon por nges par sgo 'tshal lo zhus par/
rgyal pos/ khyod kyi bu yon tan khyod nyid las lhag pa legs/
bdag gi sras kyang kho bo las yon tan du mas lhag cing dkon
mchog gis

bstsal bas na/ blo ma yo bsko pa yang gzab dgos na/ btsun mo dam
pa la'ang dri bar bya gsungs pas/ yam shes/ btsun mo bdag la mi
dga' bas de la dris na gegs byed par nges snyam nas 'di skad

du/ skyes bu bud med kyi dbang du song ba ni tha shal smad pa'i
gnas su byed la/ sngar rgyal po'i mdun gros tshang ma de la dbang
ba'i blon po rnams dang bgro bar mdzad na/ don chung du 'di lta
bu btsun mo la 'dri

ba mi rigs/ khyod kyi yab dag gis kyang de ltar mdzad pa ma thos
la/ 'jig rten na ngo tsha ba'i gnas kyang yin no byas pas rgyal
po zhal skyengs/ stong dpon dbang che bas ngo ma bzlog par/
stong dpon bden/

@015b da rgyu skar bzang ba zhig la sras kyi blon por mnga' gsol
bar bya gsungs te kha chad shor/ de nas stong dpon phyir thon pa
dang btsun mos mkhyen nas ngo 'dzum gnag cing dran pa stor ba
ltar gyur te rgyal po'i drung du byon par/

rgyal pos/ lha mo khyad da bar bzhin gnag pa ma mthong na/ deng
ci yin gsungs pas/ btsun mos/ zla ba tshes pa glo bur du gzas
bzung bar thos pas/ zla ba med na ku mu ta yang 'dzum mi ston
gsungs/ rgyal

pos/ de ji ltar thos/ gzhan gyi dmag yong ngam/ khyod kyi yab
dang ming po sogs ma bde'am/ gzhon nu bsnyun nam/ ci thos pa
smros shig gsungs pa'i lan du/ gzhan gyi dgra med/ pha dang ming
po

bde/ gzhon nu'ang deng dus bde bar mchis gsungs/ 'o na ci zhig
ces nan du dris par/ btsun mos/ lha khyod blo gros dman/ grogs
ngan pa sprul gdug pa dang mtshungs/ 'khor ngan pa dong yi dgra
yin

myur du rgol bar byed pas na sras gzhon nu la snying brtse pas
bdag gi yid la mya ngan skyes zhes gsungs pas/ rgyal pos/ 'di
bden srid kyang stong dpon yam she dbang che zhing kha chad shor
bas nga bya thabs med/ tshim 'jam

pos 'di'i ngo bzlog mi nus snyam du dbu gug pa gsum mdzad de/
ngas go /bud med ngan mas ci yang smra/ klad med kyi kha la sus
nyan/ nga'i yab mes nas da bar bud med la gros dris pa med/
rgyal srid kyi bya ba bud med
@016a @#/ /kyis mi shes/ 'os pa'i bya ba la gegs ma byed par sdod
ces rlom tshig smras par/ btsun mos/ lha khyod ci dgyes mdzod/
nga ni mi ring bar tshe'i dus byed/ phyis nas ya mtshan pa'i gnas

rgyal po khyod kyis mthong ba 'byung bas de'i tshe 'gyod pa ma
byed gsungs/ tshul de dag yum gyis sras la gsungs pas sras yab
kyi drung du phebs te/ bdag la blon po mi dgos/ ci ste dgos na
ye shes 'dzin 'di stsol

cig zhus par/ rgyal pos 'di la bud med des bslab pa yin nges
snyam nas/ gzhon nu khyod kyi chung grogs ni la ga a na yin
gsungs/ sras kyis/ la ga a na ni mtshan ltas ngan par grags
shing/ na tshod kyang ha cang

phra bas mi 'os byas pas/ yab kyis/ gzhon nu/ ma ti mahA nis
kyang de ltar zer mod/ de ltar smra ba bud med kyi rang bzhin
yin/ 'os mi 'os kho bos shes pas dag las ma 'da' zhig gsung ste
ma nyan/ de bzhin

btsun mo nges legs kyis rgyal po la gsol kyang sngar ltar gsungs
te ma gsan pas/ nges legs kyis/ chos blon rgan gras tshad thub/
sems dang lta ba bzang zhing rigs btsun pa/ yum dang sras la
shin tu gus pa

d+harma/ d+harmi/ ye shes 'dzin gsum la de'i lo rgyus zhib tu
smras pas/ ye shes 'dzin gyis/ yum ni sgrol ma'i sprul par grags
shing sngar gyi lung bstan rnams kyang de kho na ltar byung ba
thos pas deng lang lung bstan 'di

@016b bden par nges pas/ bdag cag gis rgyal po la thabs mkhas
kyis gsol bar rigs zhes chos blon gsum bgros te rgyal po'i drung
du zhu bar 'gro ba yam shes nyan rna mkhan btang pas thos te yam
she yang khong rnams

kyi phyi bzhin song bas rgyal po'i drung du chos blon gsum dang
lhan cig tu 'dzoms pas zhu sa ma rnyed par phyir thon pas/ yam
shes rgyal po la/ blon po de gsum ngo tsha khrel med pa g.yo can
zhig ste/ dus zhag gsum

nas deng gi bar d+harmi'i khyim du 'tshogs te/ rgyal po dang/ sras
gzhon nu/ yam she nye ba dang bcas pa brlags te/ d+harma tas
rgyal po/ ye shes 'dzin gyis nang blon/ d+harmis phyi blon byed
zer ba bdag gis nyan rna byas

pas mngon sum du thos so zhes thabs mkhas kyis zhus te phra ma
bcug /de nangs khong rnams kyis lha'i sku la gnod pa byas dogs
te bdag phyi bzhin du 'ongs zer/ rgyal pos/ 'o na 'di dag la ci
bgyi gsung/ khos

nyes can 'di dag gson por mer bsreg pa rigs zhus par/ khyod bden
mod/ cung zad brtag dgos gsungs pas/ khos/ rgyal pos sngar srol
ltar dpyad dka' ba'i bya ba 'di'ang rdzun mi smra ba'i bram ze
mngon

shes can pudznyA bya ba yod pa la 'dri 'dod par 'dug snyam nas
de ma thag nyid du song ste pudznyA la/ rgyal pos don 'di khyod
la dris na bdag bden no zhes smros shig dang bya dga' ster/ de
min khyod 'khor bcas gtan

@017a @#/ /brlag tu gtong zhes smras/ rgyal pos bram ze la dris
pas bdud kyi cho 'phrul gyis bram ze'i yid glo bur du bsgyur te
stong dpon gyis bslab pa ltar zhus pas rgyal po yid ches so/ /

de nas nub cig chos blon gsum gyis ma tshor bar blon po gzhan
rnams 'tshogs su bcug ste de dag bgros pas chos blon gzhan gyis
da dung brtag dpyad dgos zhes smras kyang/ stong dpon phyogs kyi
blon po rnams

chos blon gsum la mi dga' bsam grin gcig tu nyes can de dag gsod
par rigs zer bas/ rgyal pos/ kho bo'i rgyal srid ni 'tshe ba
spangs pa yin pas 'di rnams mi gsod par gnas nas bskrad par bya
gsungs

pas thams cad de la kha 'cham ste/ nangs par khrims kyi rnga
brdungs shing dung bus/ skye bo'i khrom tshogs mang po 'dus pa'i
tshe glo bur du chos blon gsum bzung ste/ gcer bur du yan lag
rnams bsdams/ mgul

du thag pa btags nas gshed mas khrid/ rgyal blon tshogs pa'i dbus
su stong dpon gyis rang gi 'dod pa ltar gsar du bcos pa'i khrims
nyes rnams bsgrags te/ pho brang la bskor pa'i skabs yum sras

btsun mo nges legs bcas kyis byang phyogs kyi pho brang nas
gzigs pas myur bar byon te gsum gas thugs skyo bzhin du chos
blon gsum la gtam dri rmed mang po dang/ 'phral dang yun gyi
bslab bya mang du

@017b gsungs shing/ gser dang rin po che du ma rdzongs su gnang/
lhag par yum gyis/ khyed rnams 'di nas rdo rje gdan du songs la
byang chub chen por mchod cing smon lam thob/ nub phyogs kha
che'i yul du songs la nga

lan d+ha ra'i rgyal po kho mo'i yab rje ma sho ka dang/ de'i
mchod gnas 'od dpag med kyi sprul pa bla ma dri med dpal ldan
sogs mjal te gdams pa zhus nas gtan gyi 'dun ma sgrubs shig bya
ba la sogs pa

rgyas par gsungs pa'i mthar/ yum sras chos blon thams cad phan
tshun thugs 'phreng zhing 'bral mi phod bzhin du blon po gsum rim
gyis song nas byang chub chen po mchod cing/ de nas yang zla ba
gnyis tsam gyi

lam du bgrod de dza land+ha ra'i rgyal po/ sras rgyal po dang
bcas pa mjal/ yab rgyal po ma sho ka ni gsang bdag gi rnam
'phrul/ dus gsum gsal bar mkhyen pa'i mngon shes thogs med du
mnga' bas

blon po gsum gyis mjal ba'i skabs ye shes 'dzin gyis gsang bdag
gi skur dngos su mjal zhing/ ye shes 'dzin la skyes bu dam pa
bde bar byon nam zhes gsungs nas rang dang lhan cig tu khri'i
steng du bzhag/

sras rgyal pos kyang phyag byed du bcug /gzhan gnyis la bzhin
bzang dag bde bar 'ongs sam zhes stan dma' ba zhig la bzhag par/
sras rgyal pos ni yab la sangs rgyas dngos dang 'dra ba'i 'du
shes yod pas

@018a @#/ /blon po ye shes 'dzin la phyag 'tshal dgos pa de la the
tshom ci yang ma byung bar da dung dad pa lhag par du 'phel/
d+harma tas ni gang yang ma bsams/ d+ha rmis/ lo ni nged gnyis
rgan/

gnas nas bskrad pa yang 'dra bas ye shes 'dzin la 'di 'dra byed
pa mi 'os pas rgyal po 'di 'khrul lo snyam pa na/ rgyal po des
d+harmi la spyan 'bur tshugs su gzigs te/ skye yul mtshungs pa'i me
tog phal pa mang

yang u dum wa ra 'jig rten na dkon/ ljon shing phal pa mang
yang rtsis su mi byed par ha ri'i tsan dan gcig skyes kyang
mkhas pas de la rtsis su byed pa ltar rgyal blon sogs 'di dag
rigs 'byor mtho dma'

mtshungs kyang skye bo phal pa la rtsis su med cing/ skyes bu dam
pa shin tu dkon/ de bas na ye shes 'dzin 'di ni 'od dpag med kyi
thugs sras rta mchog khro bo'i rnam 'phrul yin pas na/ gti mug
can khyod

ci sems gsungs pas/ d+harmis rgyal po la mngon shes mnga' bar yid
ches te shin tu zhum par gyur/ de nas yab rgyal pos/ da res
thams cad yid ches phyir khyed cag gis smra 'os pa rnams kho bos
smra'o

gsungs te/ wA ra NA si'i gnas tshul dang/ de'i rgyal po ku lA
na ra dzas chos blon gsum gnas nas bskrad pa'i byung ba sogs
dang/ yab rgyal pho ma sho ka rang nyid kyi rtogs brjod dang
bslab bya'i gdams pa mang du

@018b gsungs/ de rjes shig tu slar yang blon po gsum gyis/ nged
cag rnams la 'phags ma ma ti ma hA nis kho me'i yab dang ming
po gnyis kyi mchod gnas bla ma dri ma med pa'i dpal la chos zhus
zhes gsung na/ de nyid

mjal chog pa zhes zhus par/ nyin gcig sras nyid kyis zhu sna
mdzad de yab rgyal po la zhus pas/ nges gsol 'debs gnang ba
bzhin zhag gsum gyi mtshams su bla ma dri med dpal ldan 'khor
dang bcas pa

rdzu 'phrul gyis byon pa mjal/ zab cing rgya che ba'i chos kyi
bdud rtsi mang du thob cir nyams len la rtse gcig tu brtson pas
gtan gyi 'dun ma'i don chen po grub pa byung/ wA ra NA sir ni/
rgyal pos stong dpon

gyi ngo bzlog ma nus par gza' skar bzang ba zhig tu la ga a na
rgyal bu chos kyi dga' ba'i blon por bskos pas khos 'phral du
rgyal bur sha tsha snying nye ltar ston pa dang/ bka' rtsi bsnyen
bkur sogs la mkhas

par byung zhing/ rgyal bus kyang las kyi dbang gis kho la shin
tu byams pas skyong zhing thugs rtsegs che pa mdzad pa zhig
byung ste/ de zhig bar thams cad bde skyid dang ldan par gyur
to/ /rgyal bu dgung lo bcu

pa'i dus su la ga a na sogs gzhon nu'i tshogs kyis bskor te
grong khyer gyi srad zhig nas byon pas bram ze tha tU ba'am
grong 'jug mkhan po yin zer ba'i rnal 'byor pa bzang po bgres
shing byin chags pa zhig mjal

@019a @#/ /te gsol ba btab pas/ ri dwags rnams gdul byar 'gyur ba
la dgongs nas/ ting nge 'dzin gyi dbang bskur/ rgyal bu dang la
ga a na gnyis la zab lam grong 'jug dang/ bde mchog

sogs kyi gdams pa bstsal/ de'i tshul yab kyis gsan te rgyal bu
sku bgres pa'i tshe 'gro don mi 'byung bas grong 'jug bslab pa
legs 'dug /grong 'jug sbyang bar zhu gsung ba bzhin pho brang gi

rtser rgyal bu dang la ga a na gnyis kyis sbyangs pas/ lus
rnying pa dor nas pha rol po'i phung po la skad cig gis 'jug nus
pa byung bar rgyal pos kyang dga' ston rgya cher byas/ sras
dgung lo bcu

gsum lon skabs mi shis pa'i ltas du ma byung ba'i mus shig nas/
yum ma tI ma hA ni snyun gyis btab cing/ rgyal po dang sras/
nges legs sogs btsun mo dang blon po rnams la lung bstan dang

zhal chems bslab bya mang du gsungs nas sku 'das/ de rjes nas
sras rgyal pu thugs skyo ste gcig pur dga' zhing nags khrod
bsten pa sogs mdzad pas rgyal blon rnams bgros te sras la btsun

mo zhig med pas lan zhes rgya gar dbus kyi rgyal po'i sras mo
gser bzang ma dang/ rgyal phran gyi bu mo swa ra su ti ni sogs
bzhi btsun mor bsus pas sras rgyal bus btsun mo gser bzang mar

@019b nub mor yang chos mang du gsungs te khang bu gzhan zhig tu
bzhugs pa la/ btsun mo swa ra su ti nis phrag dog gi zug rdu
drag pos la ga a na dang lus 'dris par byas te de la/ rgyal bu
'di brlags te khyod kyis

rgyal po byed/ ngas btsun mo byed pa zhig dgos zhes u tshugs
kyis smras par/ la ga a nas/ sngar rgyal bus thugs kyi tshal pa
ltar yun ring brtse bas bskyangs pa'i bka' drin dang ngo tsha
khrel gzhungs mtha' dag

yal bar dor nas 'di skad du/ ngas thabs gzhan gyis mi thub kyang
rgyal bu'i lus 'di grong 'jug gi thabs kyis 'phrog thub pa'i
'bad pa mtha' 'khyol ba zhig byed ces khas blangs te/ rgyal bus
ma mkhyen par

btsal bas de'i byang phyogs kyi chu bo chen po mahA dza na bya
ba'i pha rol tu nags ljongs dang skyed tshal bzang po yod par
mthong nas rgyal bu la/ gnas der skyo seng la phebs bzhed dam
zhus pas 'gro gsungs te gzhon

nu'i 'khor du ma dang bcas gshegs pa'i tshe/ la ga a nas khu
byug gi ro gsar pa rma med pa gnyis shig btsal te yod pa sras
'khor bcas chu 'gram du byon pa na/ chu klung chen po de'i pha
rol gyi skyed tshal shing

'bras me tog sogs gzigs pas rgyal bu'i thugs phrogs te der 'gro
dgos pas pho brang nas ko gru longs shig gsungs par/ la ga a
nas gzhan gyis ma mthong bar khu byug gi ro rgyal bu la phul te
bsam don

@020a @#/ /g.yo thabs sna tshogs zhus pas rgyal pus kyang khos ji
ltar smras pa la gsan te grogs gzhan rnams la/ khyed cag me tog
bzang po 'tshol phyir gzhan du song/ la ga a na nged

gnyis 'dir sdod/ slar brdam byung bar du ma yongs shig gsung/ de
dag gzhan du song ba dang rgyal bu dang la ga a na gnyis kyis
phung po rnying pa gnyis der bzhag /bya ro gsar pa gnyis la
grong 'jug byas

nas 'phur te chu bo'i pha rol tu song nas me tog dang shing thog
sogs la blta zhing longs spyad de yengs pa'i dus su/ la ga a
nas rgyal bus ma gzigs par myur du 'phur nas chu po'i tshu rol tu
rgyal bu'i gdung

la grong 'jug byas te zhugs/ rang gi phung po chur bsgyur te/ 'o
dod byas pas gzhon nu gzhan rnams blta bar byung/ rgyal bu yin
pa gzhir bzhag byas te ci nyes zhus pas/ snying gi grogs po la
ga a na

chu la rtsed mo rtse bar song nas chus khyer ro smras te ngus
pas/ thams cad kyis bden par bsams nas de ltar ma mdzad/ blon
pos lag mi thogs bya ba sogs zhus te thams cad wA ra NA sir
myur du song/

rgyal bu khu byug gis rnam par yod pas ni shing thog btsal ba
sogs la g.yengs te nags khrod der yun ring lus/ da grogs po
btsal te 'gro snyam nas btsal bas ma rnyed par grogs po la bar
chad byung ngam snyam du dkon mchog

@020b la gsol 'debs mdzad pa'i tshe/ mdun gyi nam mkhar lha'i bu
dkar po zhig sprin gseb nas lus phyed 'thon te/ sngon nas bshad
pa rnams khyod kyis brjed dam/ grogs po ngan pa da lta rgyal
po'i khab tu song zer ba

thos pas grogs pos grong 'jug byas sam snyam du myur bar chu
bo'i pha rol tu 'phur te gzigs pas gzugs gnyis dang grogs po'i
tshogs bcas mi 'dug pas/ grong 'jug byas te pho brang du song ba
da gzod gzhi

nas mkhyen yang bya thabs bral zhing/ nyi ma yang dmar thag chod
pas 'gyod pa dang skyo shas tshad med pa 'khrungs te mchog gsum
la smre sngags kyi sgo nas gsol 'debs dang/ yum ma ti ma hA
ni'i zhal chems

sung bstan rnams dran te/ gdung 'bod sogs shugs drag po gnang
ste/ 'jigs yer re skyo ting nger ljon shing gi rtser shing lo
gcig gi 'og tu yibs te bzhugs pas mun pa rub/ nam smad tsam na
'brug sgra

sgrog cing char rlung drag pos shing gi yal ga sogs sprugs pas
sar lhung la khad mang po byed pa sogs 'jigs skrag bzod dka'
ba'i ngang nas rang gis rang la gros 'debs sogs kyang mdzad/
sang nyin der kho

po'i lus dud 'gror gyur kyang rig pa ni mi'i skabs ltar gsal
bas/ wA ra NA sir song ste rgyal po'i pho brang gi rtser babs
nas yab dang btsun mo sogs mjal tsam zhig byed snyam du thog mar
dkon mchog la
@021a @#/ /gsol 'debs mang du mdzad de 'phur par brtsams pa na/
'phags pa spyan ras gzigs kyis rgyal bu de rjes su 'dzin phyir
sprul pa'i bya khu byug gi rnam pa can/ sgro dang spu re

re'i rtse nas kyang 'od zer sna lnga 'phro ba/ shin tu mdzes pa
zhig gi rnam par bstan te rgyal pu khu byug gi rnam pa can gyi
mdun du babs nas dri ba dris lan sogs mang du gsungs shing/
rgyal pu dang la ga an

gnyis tshe rabs du mar srog lan yang yang chags tshul sogs dang/
blo sbyong gi rim pa'i tshes zab cing rgya che ba mang du gsungs
te zhag du ma'i bar lhan cig tu gnas/ de nas sprul pa'i bya des
rgyal bu bya'i

lus can la re zhig nags khrod 'dir sdod dang/ lo gcig song
mtshams su bla ma dri med dpal ldan 'khor tshogs bcas 'byon par
'gyur bas de'i tshe nga yang khyod dang 'phrad pa 'ong gsungs nas
gar song cha med

du gshegs/ rgyal bu brdzus ma wA ra NA sir slebs pa nas gser
bzang mas yang yang brtags pas rgyal bu ngo ma min par shes/
stong dpon ya ma she rang gi bu shi ba thos ma thag mya ngan
drag pos g.yang khar

lcebs te shi/ swa ra su ti ni ni rgyal bu de/ la ga a na yin
par shes te rab tu dga'/ de nas bzung rgyal bu'i tshul can de swa
ra su ti ni dang lhan cig sdod pa dang/ spyod pa dman du song
ba/ yab la dbang mi ster

@021b zhing bkur sti mi byed pa/ chos gtam gyi rgyun chad pa/
ngag rtsub cing dge 'dun la sdang ba sogs sngar gyi rgyal bu'i
mdzad spyod bzang po mtha' dag las phyin ci log pa'i sdig spyod
'ba' zhig byed pa zhig byung bas gser

bzang ma yul gzhan du bros te bya ri dwags sogs yod pa'i nags
khrod du mar rgyal bu'i mtshan nas 'bod bzhin btsal kyang ma
rnyed par gcan gzan dang mi min gyis gtses shing mi'i zas med
pas 'chi bar nye pa na/

da lus 'di dor te phyi mar rgyal bu dang mjal nas chos sgrub
pa'i smon lam bya snyam du dkon mchog la gsol ba shugs drag tu
btab pas/ mdun du dge slong zhi dul can tshul khrims kyi dri ngad
ldang pa zhig byon pa

la phyag btsal te/ rgyu mtshan zhib tu zhus pas des chos bstan/
shing gi lha las rdzu 'phrul gyis chos gos blangs pa gnang zhing
rab byung gi sdom pa stsal te mtshan byang chub bzang mor btags/
sems bskyed kyi

gdams pa sogs gnang ste rgya gar lho phyogs kyi rgyal po'i mnga'
'bangs su songs shig ces gsungs nas dge slong 'ja' yal ba ltar
song/ bzang mos yul mtha' rnams su zas bsod snyoms tsam la brten
nas

thos don sgom du sbyar bas rgyud la skye bzhin pa'i skabs shig
tu sngar gyi bla ma dge slong byon nas spyan ras gzigs kyi bsgom
bzlas byin rlabs sogs gnang ba ltar bsgrubs pas 'phags pa'i zhal
mthong ba'i rang

@022a @#/ /bzhin gyi rnal 'byor ma chen mo zhig tu gyur/ dge
slong ni bla ma dri med dpal ldan gyi sprul par bshad/ rgyal bu
khu byug gi rnam pa can gyis ni nags khrod du 'jam dpal dgyangs
kyis

byin gyis brlabs pa'i smra mkhan ne tso zhig la chos mang du
gsung ba nas rim gyis bya byi'u gzhan yang chos kyi tshig don go
la/ dge sdig blang dor byed cing rgyun du yig drug bzla ba'i
gsum cu tsam byung/ de dag gi

slob dpon du ne tso bskos nas ming sangs rgyas 'dzin du btags/
byi'u chung rang nyid nags khrod dben par skyabs 'gro las 'bras
byams snying rje stong nyid sogs bsgom zhing yig drug cu'i bzhin
yun ring bzhugs

skabs shig tu/ bla ma dri ma med pa'i dpal de nyid g.yas su
khye'u dkar po dang/ g.yon du bu mo sngon mo/ mdun du khye'u
gur kum gyi mdog can sogs 'khor mang pos bskor te byon bsngar
sprul pa'i bya'i lu

ltar go ste sngar gyi lo rgyus rnams zhus/ chos kyi bdud rtsi
gnang par gsol ba btab par/ der thun mong pa'i lam gyi rim pa du
ma dang/ gnas gzhan du gsang sngags kyi zab chos kyang stsal
zhing/ g.yas kyi khye'u

dkar po ni sngar chos gsung ba'i sprul pa'i bya dang thugs rgyud
gcig pa ste spyan ras gzigs kyi sprul pa dang/ g.yon gyi bu mo
sngon mo ni sgrol ma'i rnam 'phrul yum ma ti mahA ni yin par
gsungs pas de dag dang

@022b dngos su mjal zhing gsung gleng ba dang/ zab cing rgya che
ba'i chos nos shing 'byung 'gyur gyi lung bstan mang po gnang
ba'ang thos pa sogs byung/ slar yang sngar gyi nags tshal du slob
dpon ne tso sogs bya tshogs rnams

la chos mtha' yas pa lta bu gsungs pas bya bye'u'i tshogs kyi
slob ma chos kyi don go zhing sems nus pa lnga stong la nye ba
dang/ gzhan yang mkhas pa paNDi ta sogs dang/ rngon pa dang seng
ge/ glang po che sogs ri dwags

kyang brgya phrag tu nye ba tsam la chos bstan te dad pa'i gnas
la bkod/ sngar mgrin sngon zla bar spyan ras gzigs khye'u dkar
po'i rnam par byon pas lung bstan pa ltar lha mo ku ru ku lle
bram ze mo'i gzugs su sprul pa'i

mkha' 'gro'i gtso mo grub pa'i rgyal mo'am dpal ldan 'phreng bya
ba rang bzhin gyi rnal 'byor ma chen mo des rgyal bu brdzun ma'i
rnam shes spar te/ mgrin sngon zla ba'i grogs ka la ping ka 'od
ldan gyi rnam shes bcug

nas grong 'jug byas par wA ra NA si pa rnams kyis rgyal bu'i
mdzad spyod 'gyur te bzang du song snyam pa tsam las gzhan gang
yang ma shes/ phyis su rnal 'byor ma byang chub bzang mo be ta'i
yul du mchog brnyes te yod

pa'i mngon shes kyis rgyal bu bya'i gzugs can wA ra NA si'i
phyogs kyi nags khrod du bya yi tshogs la chos ston cing bzhugs
pa gzigs te rdzu 'phrul gyis byon nas rgyal bu zla ba dang mjal/
chos blon ye shes 'dzin

@023a @#/ /rgya gar nub phyogs shig na sgrub pa la rtse gcig tu
bzhugs pa'i tshe rang gi yi dam gyi lhas bskul ba ltar 'khor
d+harma ta sogs dang bcas te wA ra NA sir phebs/ rigs ldan
rgyal po

sogs mjal ba la chos mang du gsungs te zla ba 'ga' tsam gyi ring
bzhugs shing/ nyin gcig ye shes 'dzin dang/ sras rgyal po gnyis
bgros te rgyal sras zla ba 'tshol bar phebs su nye ba na/ zla ba
nyid la'ang

yi dam gyi lhas wA ra NA sir songs shig ces bskul ba ltar
sangs rgyas 'dzin dang bcas 'phral du 'phur te byon pas wA ra
NA si'i rgyal po'i pho brang du rim gyis/ ye shes 'dzin dang/
'od ldan zhugs pa'i sras rgyal po/

zla ba rang gi yab rigs ldan rgyal po/ btsun mo nges legs dang
nges mdzangs/ chos blon d+harma ta sogs dang mjal bas/ de dag gis
rgyal bu bya'i gzugs can dngos su mthong ste/ mya ngan drag pos
ngu co smre sngags

'don pa sogs sdug bsngal mi bzad pas non par gyur pan/ sngar bla
ma dri med dpal ldan nyid kyi zhal bzhes yod pa ltar zla ba
dang/ ye shes 'dzin sogs kyis yab rgyal po'i 'gyod pa sel pa la
sogs pa dgos

pa du ma'i phyir gdan drang bar 'dod de mchod pa rgya chen po
dang bcas zhag bdun gyi bar gsol ba shugs drag po btab par bla
ma dri ma med pa'i dpal 'khor dang bcas pa rdzu 'phrul gyis byon
te chos rgya cher gsungs pas

@023b kun gyi mya ngan zhi zhing/ der gsang sngags kyi dbang
bskur dang/ lung bstan yang mang po bstsal te nam mkha' la
gshegs/ zla ba yang sngar gyi gnas su gshegs grangs mdzad par
yab rgyal pos bshol btab kyang ma

gsan par/ rta mchog khro bo'i rnam rol grub pa'i dbang phyug
bsam gyis mi khyab pa ye shes 'dzin 'di yab rgyal po khyod kyi
mchod gnas mdzod bya ba sogs gsungs te zla ba dang sangs rgyas
'dzin lhan du 'phur te byon/ ye shes

'dzin ni wA ra NA si'i pho brang gi nye 'dabs shig tu rtswa'i
spyil bu mdzad de/ rgyal po yab sras kyis mchod cing/ tshe dang
sgrub pa mnyam ste mthar ngo mtshar ba'i ltas dang bcas mkha'
spyod du gshegs par gsungs/ zla ba dang

sangs rgyas 'dzin gnyis sngar gyi nags khrod du phebs te bya'i
tshogs la chos gsungs nas bzhugs pas lo gcig song ba dang zla ba
nyid kyi gzigs snang du bla ma dri ma med pa'i dpal khye'u dkar
po'i rnam pa can dang/ 'khor bu mo

dkar sngon gnyis bcas byon pas mgrin gcig tu/ da tshe 'di'i bya
ba phal cher rdzogs pas lus ngan 'di dor nas rgya gar nub phyogs
su 'gro ran no zhes gsung ba zhig byung bas zla bas kyang don de
mkhyen nas bya rnams la/

sangs rgyas 'jig rten du 'byung ba dkon zhing/ 'o skol gyis mjal
ba'i skal pa ma thob mod/ sangs rgyas de gang du bzhugs pa dang/
gshegs pa dang/ cho 'phrul bstan pa'i gnas rnams blta bar bya
zhes/ bya'i tshogs

@024a @#/ /dang lhan cig tu gshegs te/ rdo rje gdan gyi byang
chub chen po mjal zhing thugs smon mdzad/ de bzhin mnyan yod/
yangs pa can/ rgyal po'i khab/ drang srong lhung ba'i gnas sogs
dang/

de nas kyang byang phyogs su byon te grong khyer rtswa can dang
nye bar sngar zla ba rang gis chos bstan pa'i slob ma paNDi ta
d+ha na smri ti dang mjal/ de nas yang byang du phebs te rgya gar
lho mon gyi mtshams ri bos ri d+ha zhes par ljon

shing chen po yod pa zhig gi rtsa bar bzhugs te bya'i tshogs la
chos gsung ba'i skabs glo bur du snyun drag pos btab ste/ sangs
rgyas 'dzin sogs bya tshogs kyi slob ma rnams la mi rtag 'chi ba
dran te chos bsgrub par

bskul ba'i zhal che mas bslab bya gsung bzhin pa'i ngang nas sku
'das so/ /der bya'i tshogs de dag yid rab tu skyo zhing mya ngan
gyi gdung ba drag pos kun nas mnar ba la/ sangs rgyas 'dzin gyis
chos rgya cher bstan pas

yid sos te rang rang gi gnas su dran shes bag yod kyi ngang nas
chos kyi don sems par byas pas phyis tshe 'phos nas dag zhing
dang 'dod khams kyi lha mi ci rigs par skyes te chos kyi bag
chags kyis rgyud smin pa'i

skal ba can du gyur pa sha stag tu byung par gsungs te zhib par
bya mgrin sngon zla ba'i rtogs brjod las shes par bya'o/ /de
ltar mgrin sngon zla ba'i skyo gdung bsangs te thog mar chos
ston pa'i bshes gnyen sprul pa'i

@024b bya'i rnam pa can dang/ de dang rgyud gcig tu gsungs pa'i
chos blon byang chub sems dpa' grub pa'i skyes mchog ye shes
'dzin zhes mtshan yongs su grags pa de gnyi ga'ang bdag cag gi
dpal ldan bla ma rdo rje 'chang

chen po'i 'khrungs rabs kyi 'phreng ba nyid du gsal bar gsungs
pas 'di'i sngon byung gi lo rgyus rtogs brjod du rgyas par
bzhugs pa'i don 'ga' zhig 'dir nyung 'dus su bris pa'o/ /'og nas
'chad 'gyur tsha kho ba'i

rnam thar las byung ba grub chen dril bu pa ni/ rgya gar shar
phyogs b+ha rendrar sku 'khrungs/ yongs su rdzogs pa'i paNDi ta
chen po dge slong gi rten can du bzhugs/ bla ma pham thing bas/
rdo rje dril bu pa 'di rdo rje rnal 'byor

mas dngos su byin gyis brlabs nas/ rgyud dang gdams ngag ma lus
pa'i gnang ba nye bar thob pa yin te/ dril bu pa'i gsung bde
mchog gi rdzogs rim rim pa lnga pa nyid las/ 'khor lo sdom par
sbas pa yi/ /

bla ma rnal 'byor mas bstan pa/ /ji ltar bstan pa ltar rnyed pa/
/zhes 'byung ba'i phyir ro/ /zhes gsungs shing/ bla ma b+ham
danhas/ grub chen 'di slob dpon dA ri ka pa'i slob ma yin te/
de'i man ngag la brten nas cung

zhig sgrub pa mdzad pa dang/ de nas rdo rje rnal 'byor mas byin
gyis brlabs par gsungs la/ gang ltar yang rdo rje rnal 'byor ma
dngos kyi slob ma yin gsungs/ de yang slob dpon rdo rje dril bu
pa 'di gsang

@025a @#/ /sngags bla na med pa'i bskyed pa'i rim pa'i dmigs par
ni brtan pa thob/ rdzogs rim gyi rim pa lnga'i dang po la slo
sbyangs shing/ rdo rje gdan gyi shar b+hri ka ma la shI la'i
shar lho au De bi sha zhes

pa'i yul phyogs kyi nags khrod dben pa zhig tu sgrub pa snying
por mdzad de bzhugs pa'i skabs/ yul de'i rgyal po nyid dpyid
ka'i dus su skyo bsang gi ched dang/ ri dwags la 'phong bslab
pa'i don du grub chen dril pu pa bzhugs

pa'i nags gseb mthug po der phyin pa na/ rgyal po des slob dpon
mthong ste dge slong gi gzugs can shin tu rid pa/ lus nyi lhags
kyis gdungs shing 'tsho chas kyi dngos po gang yang med pa de rig
nas snying rje skyes te/

grong khyer du 'dong dang/ ngas 'tsho ba sbyin gyi zhes zer ba
la/ slob dpon ni rim pa lnga la sbyangs pas rim pa gsum pa'i dam
tshig gi phyag rgya yan chad mngon du mdzad zin nas/ las kyi
phyag rgya bsgrub pa'i skabs su phebs

te/ mngon par shes pas gzigs pa na las kyi phyag rgya bsgrub
pa'i rten 'brel ni 'dis 'grub pa snyam du dgongs te/ rgyal po
la/ dngos rnams yongs su shes pa'i mkhas pa rnams la brnyas par
mi bya ste/ /de ni rtswa rtse

chung ngu bas kyang chung ba'i 'byor bas 'khyig pa min/ /rgyun
mi chad par chang 'dzag pa yi 'gram lhang nag por song ba yi/
/glang chen rnams ni padma'i skud pa phra mos 'khyig par mi nus
bzhin/ /zhes pa'i tshigs bcad de gsungs

@025b par/ rgyal po khros nas ngas dge slong 'di grong khyer du
sma dbab par bya'o zer nas grong khyer du phyir 'ongs te/ nags
gseb kyi btsun pa 'di grong khyer du sma dbab par nus pas su yod
pa de la bya dga' chen po sbyin bya ba smras te bud

med kyi tshogs du ma'i dbus su dril bsgrags pa na/ de'i khrod du
chang 'tshong ma'i bu mo mdzes ma padma can gyi rigs can zhig yod
pa des/ btsun pa de grong khyer du sma dbab par nus pa zhig bdag
gis bya'o zer te khas blangs

pas/ de la dgos pa'i yo byad rnams rgyal po'i pho brang nas
bskur/ bu mo de song nas slob dpon gyi zhabs tog byed chog pa
zhes zhu pa phul bas/ bu mo de skal ba dang ldan par gzigs nas
de ltar byed chog par gnang

zhing/ rim gyis de la dbang dang dam tshig thams cad kyi sned du
rung bar mdzad de/ las kyi phyag rgyar bzhes nas/ rim lnga'i rim
pa lnga pa mthar phyin pa'i par du lo bcu gnyis su sgrub pa yun
bsrings te zung 'jug phyag

rgya chen po'i mchog gi dngos grub mngon du mdzad/ de nas kun tu
bzang po'i spyod pas slob dpon rang nyid la mi mos pa'i 'gro ba
rnams kyi ma dad pa bzlog par bya ba'i ched dang/ ma 'ongs pa'i
sems can dman pa rnams kyi

don du thugs rje chen po'i sprul pa spyan drangs pa'i dgos pa
yongs su bsgrub pa'i slad dang/ au De bi sha'i yul na gnas pa'i
skye bo rnams rdo rje theg pa la gzud par dgongs pa bcas kyi don
du grong khyer du 'byon par
@026a @#/ /bzhed de sprul pa'i bu dang pu mo gnyis shig kyang
sprul to/ /de nas rgyal pos/ de ring nags gseb nas dge slong de
khrid la shog ces smras te chang 'tshong ma mngags/ sngar slob
dpon

gyis gsungs pa'i tshigs bcad de grong khyer gyi skye bo rnams la
bslabs yod pa thams cad kyang sgo drung du 'tshogs su bcug /lam
du rim bzhin chang gi bum pa mang po bsgrig tu bcug yod pas/
chang 'tshod

mas zhus pa ltar slob dpon der phebs pa'i skabs sprul pa'i bu ni
g.yas nas rgyug /sprul pa'i bu mo ni g.yon nas rgyug /slob
dpon gyis ra'i bshor zhal du bcug pa la/ jo mos chang gi pum pa
bteg cing blug

nas rim bzhin byon te grong khyer du phebs par/ rgyal po nyid
kyis 'go brtsams pa'i grong khyer ba rnams kyis sngar slob dpon
rang gis rgyal po la gsungs pa'i tshigs su bcad pa de glur len
cing/ sngon gyi dus su

rgyal pos spyan drangs pa'i tshe mi 'ong ba la/ da lta chang
'tshong ma'i bu mos pos pa'i tshe de la 'bab pa'o zhes smras te
thal mo brdab cing bzhad gad kyi skad sgra chen po bsgrags pas/
slob dpon gyis gong du bshad pa'i

dgos pa gsum bsgrub pa'i slad dang/ rang gi nus pa bstan pa'i
don du rwa'i bshor sa la brdabs pas sa 'og rim pa bdun phug ste
sa 'og nas chu chen po gyen du phyung/ slob dpon rang nyid dpal
'khor lo sdom pa'i

@026b skur dngos su gyur/ btsun mo ni rdo rje phag mor gyur/
sprul pa'i bu phyag mtshan rdo rje dang/ bu mo ni phyag mtshan
dril bur byas te phyag tu bsnams/ de ltar bde mchog yab yum lhan
skyes kyi rnam par mngon sum du kyur te nam

mkhar gshegs nas song/ rgyal po sogs der yod pa'i skye bo thams
cad kyis mthun snang du de dag dngos su mthong ba na/ kun gyis
mgrin gcig tu 'gyod gdung drag pos bzod par gsol/ phyag dang
mchod pa byas te/

gsol ba btab par/ thugs rje chen po la gsol ba thob ces gsungs
pa zhig byung nas/ thams cad kyis/ na mo lo ke shwa ra ya/ zhes
gsol pa btab pas chu chen po de'i dbus nas 'phags pa thugs rje
chen po rang byung

gi sku zhig byung/ chu rnams g.yas phyogs su 'bab ste sku de la
bskor ba lan bdun byas nas sa 'og tu song zhing/ thugs rje chen
po'i sku rang byung de dus da lta'i skabs su'ang byin rlabs che
zhing yul de'i skye 'gro thams cad

kyi mgon skyabs su gyur te bzhugs la/ au Di bi sha pa kun kyang
rdo rje'i theg pa la zhugs nas dngos grub thob pa'ang mang du
byung bar gsungs so/ /yang 'khrungs rabs gsol 'debs las/ brtul
zhugs rdo rje'i gar

gyis snang srid dngos/ /bde chen dra bar 'ching mdzad nag po pa/
/zhes bsngags pa grub chen nag po spyod pa ni/ rgya gar lho
phyogs karNa Da'i rgyal khams su sku 'khrungs pas karNa pa'am/
yang karNa zhes pa rna ba la byed pas

@027a @#/ /snyan shal ring bas kyang karNa ba zhes bya la/ yang
na sku mdog nag pas kr-iShNa pa zhes kyang mtshan du grags so/ /de
yang yul dzA land+ha rar dpal 'khor lo sdom pa'i lam bsgoms pas
mchog gi

dngos grub brnyes pa shrI dzA lanb+ha ra pa bla mar brten cing/
de'i gdams ngag la brten nas sgrub pa mdzad pas nus pa cung zad
thob pa byung ste/ rnal 'byor pa pho mo'i 'khor mang pos bskor
te bzhugs pa la/ spyod pa bya bar

bzhed nas slob dpon la zhus par slob dpon gyi zhal nas/ spyod pa
byed pa la nus pa thob dgos na/ khyod la nus pa yod dam gsungs
pa la/ nga la nus pa yod gsung/ 'o na nus pa ston dang gsungs
pas/ dang

por ri dwags kr-iShNa sA ri ste khri snyan sA le la dgug pa'i
lta stangs mdzad pas mdun du khugs/ ma he sogs la dbang gi lta
stangs mdzad pas mdun du 'ongs nas spyi bos 'dud/ stag la sogs
pa gdug pa can

la rengs pa'i lta stangs byas pas rengs/ shing ljon pa'i yal gar
me tog dang 'bras bu yod pa la ltung ba'i lta stangs mdzad pas
lhung nus pa byung ba ste lta stangs rnam pa bzhi grub pa la/
slob dpon gyi zhal nas/ de ni

tshar gcad pa zhes bya ba rnam par shes pa'i las yin gyis/ da ye
shes kyi las rjes su gzung ba bya dgos pas de rnams khrol cig
gsungs par de dag dgrol bar ma nus pas/ der bla ma'i zhal nas/
spyod pa byed pa'i

@027b dus zhes pa rnam shes dang ye shes kyi rlung cha mnyam pa
bya ba rnam shes kyi las dang ye shes kyi las cha mnyam pa ste/
tshar gcad pa dang rjes su gzung ba gnyis ka nus pa'i dus su byed
pa yin la/ khyod kyi nus pa cher ma thogs

par rjes su gzung mi nus par 'dug pas/ da dung spyod pa byed
pa'i dus lam bab po gsungs nas/ sngar gyi de dag slob dpon rang
nyid kyis bkrol nas btang ngo/ /de ltar slob dpon gyis ma gnang
bzhin du kr-iShNa pa ste

nag po pa'i zhal nas/ cis kyang bdag spyod pa byed pas slob dpon
la mkha' 'gro mas gnang ba'i rus rgyan mnga' ba de'ang bdag la
zhu'o/ /zhes zhus pa na/ der bla mas rus rgyan gnang ste/ shar
phyogs na de wI ko Ta

ste lha mo'i mkhar ram lha mo rdzong du ma 'gro/ der phyin na
mkha' 'gro mas bar chad byed do gsung/ de nas nag po par 'khor
rnal 'byor pa bdun cu rtsa gnyis kyis bskor/ zhabs sa la khru
gang gis ma reg par nam mkhar

'phags/ Dam ru bdun 'khrol mkhan med par nam mkhar khro lo lo
'khrol/ gdugs bdun 'dzin mkhan med par nag po pa'i dbu'i thad
kyi nam mkhar kho ro ro 'khor zhing 'gro bzhin du 'khor dang
bcas pas shar phyogs

b+haM ga yar byon te chu kha zhig tu bzhugs pa na/ mdze mo zhig
byung ste nag po par nga chu bo 'di las sgrol zer ba la/ 'di
khur na mdze 'gos nas mchog gi dngos grub tshe gcig gis bsgrub
pa'i bar chad du 'gro snyam du

@028a @#/ /dgongs nas ma bsgral ba la/ 'khor kus li pa zhig gis
sgal par khur te bsgral bas chu bo de'i dkyil du bgrod pa na/
mdze mo de rdo rje rnal 'byor mar gyur/ ku sa li de dpal he ru
kar

byas te lus ma spangs par dag pa mkha' spyod du gshegs/ ku sa li
pa de nag po spyod pa'i slob 'khor dge tshul tshem bu ba yin par
gsungs/ de nas nag po pa 'khor bcas phar byon pas zhing rmod pa
zhig dang

phrad pa las/ rmod pa des thug changs 'og tu sbas nas 'dug pa la
bslangs pas ma ster par/ ma tshad cig na rdo zhig gi bar nas chu
bag tsam 'bab pa zhig 'dug pa la 'thungs zer/ des nga mi ngoms
byas

pas/ 'thung nus par gyis shig dang ngoms par bya yis zer/ der
slob dpon gyis chu de 'thungs bas chu zad par ma gyur to/ /der
chang ma byin pas rmod pa'i glang la sdigs mdzub byas pas glang
de shi ba la/

rmod pa de na re/ khyod nang pa sangs rgyas pa'i rnal 'byor par
'dug pas/ da 'di rjes su gzung dgos kyis yar gsos shig zer ba la
gso bar ma nus pa rmod pa de rang gis glang shi ba gsos te zhing
rmod cing

'dug /rdo ba'i bar nas 'dzag pa'i chu de yang thug chang du 'dug
pas slob dpon zhal skyengs pa zhig byung/ yang de nas phar phebs
pas skyed mos tshal zhig na/ shing thog 'dzam bu bi ra bya ba chu
skyur mo 'byung ba

@028b yod pa zhig na chung gzhon nu ma gcig gis srung zhing 'dug
pa la shing thog bslangs pas/ khyod rang rnal 'byor pa nus pa
dang ldan par rlom pa zhig 'dug pa/ nus pas shing thog phob la
zo zer par/ slob dpon gyis

shing thog la ltung ba'i lta stangs byas pas mar lhung gin byung
ba la/ gzhon nu ma des mig gi rdzi ma bteg pa tsam gyis slar yar
'byar zhing song ste slob dpon skyengs par gyur/ yang de nas
phar phebs pa na lha khang

zhig tu mi gcig gis brgyad stong pa klog cing 'dug pa de la slob
dpon gyis/ khyod paNDi ta'am rnal 'byor pa'am/ rab tu byung
ba'am dge bsnyen nam cis gnas byas pas/ de na re/ rnal 'byor
pa'i cha lugs

kyis gnas so zer ba la/ slob dpon gyis 'o na khyod rnal 'byor pa
bya ba klog byed pa ang/ khyod lce yang mi bde ba 'dug gsungs
pas/ 'o na khyod kyis klogs dang zer/ slob dpon gyis bklags pas
klog tshul

legs po ma mkhyen pas slob dpon pham mo/ /de nas slob dpon gyis
shar phyogs b+haM ga lar rgyal po shi ri su tsandra ste rol pa'i
zla ba dang/ blon po ku sha la nA tha ste dge ba'i mgon po'i
grong dang nye bar byon pa na/ rgyal

po phyi rol mu stegs pa yin/ blon po nang pa sangs rgyas pa yin
pas/ blon pos slob dpon nag po pa grong du byon pa thos nas song
ste bsu pa dang bsnyen bkur byas pas slob dpon gyis khyod kyis
nga la de ltar byed pa ci don

@029a @#/ /du gnyer gsung/ blon pos gsol pa/ gzhan ci yang don du
gnyer rgyu med/ bdag la lha khang zhig na thugs rje chen po
dbang phyug chen po'i gzugs su bcos pa zhig byas yod pas de la

rab gnas shig zhu'o zer/ slob dpon gyis de ltar bya gsungs
na'ang yun ring po gnang du ma bzhed/ lan cig gi tsho de ring
bya'o gsung/ 'o na rab gnas la 'tshog chas yo byad ci dgos pa
bsgrub bo zhus pas/ ci

yang mi dgos gsungs nas me tog gcig sku'i spyi bor bzhag ste/ su
pra tiShTha badzra hoH pra ti zhes gsungs shing rab gnas byas
zin to gsungs pas/ de la blon po yid ma ches so/ /der slob dpon
gyis sku'i spyi

bo'i me tog bsdus te gshegs pas sku yang slob dpon gyi phyi
bzhin byon pa dang/ da gzod blon po yid ches nas/ da bdag yid
ches pas rab gnas mdzod cig ces gsol ba btab pas yang me tog
sku'i spyi bor bzhag

nas/ su pra tiShTha badzra zhes gsungs pas sku de gnas de nyid
rang du bzhugs te/ mi mang pos spyan drangs pas kyang ma 'drongs
par/ de nyid du lha khang zhig brtsigs so/ /sngar gyi lha khang
gi sku'i shul du mchod rten

zhig bzhengs so/ /de nas blon po des slob dpon la dbang dang
chos zhus/ nang pa'i lha'i ras bris shig mdzad par zhus pas
gnang nas/ slob dpon/ blon po/ 'bri mkhan gsum las mi gzhan la
gsang ste/

@029b rgyal po'i lha 'jigs byed nag po ste dbang phyug chen po
dang/ u ma'am dus mtshan ma dmar mo gdan du bting ba'i yi dam
gyi lha mchog dpal 'khor lo sdom pa'i ras bris kyi sku thang
zhig bris pa las/ gcig nas gcig

tu gtam 'khyar te rgyal pos blon po gzhan las tshul de thos pa
la/ blon po 'di nga'i snying dang 'dra bas de 'dra bden mi srid
gsungs nas yid ma ches/ 'on kyang gtam de yang yang gags pas nam
zhig na rgyal po'ang the

tshom du gyur te gnas pa'i dus su/ blon po'i grogs po zhig gis
blon po de la/ bris sku 'di gzhan du ma bskyal na khyod rang
'khor dang bcas pa la rgyal pos chad pa chen po gcod par 'dug
byas pas de la mnyan te/

bris sku lan bza' mang po dang rgyan mang po byas te grong khyer
gyi lho sgo nas phar bskur bas/ rgyal po'i khab de'i phyogs
bzhin sgo ba bzhi yod pa'i lho phyogs kyi sgo ba na re/ 'di tsam
du ngo mtshar ba'i rgyas 'debs pa ci yod

zer nas kha phye bas bris sku de byung ba rgyal mtshan gyi rtse
mo la btags te/ rgyal po'i drung du khyer nas bstan pas rgyal
po'i 'khor dang blon po thams cad na re/ rgyal po'i lha'i stan
byas pa'i lha 'di 'bri ba po de srog

dang phral la nor thams cad blang bar rigs so zhes zer ba la/
rgyal po na re/ de ni ma yin te/ bya ba thams cad brtags nas
byed dgos pas gcig tu de ma thag nas chad pas mi gcod kyis/ 'u
cag gis kyang bde

@030a @#/ /mchog gdan du bting ba'i 'jigs byed dang dus mtshan ma
bris la/ bden pa'i byin rlabs dang nus pa 'gran no zer nas/
'jigs byed dang dus mtshan mas bde mchog yab yum gnyis

gdan du byas nas brdzis pa zhig bris te mu stegs kyi lha khang
rde'u la'i nang du lha gnyis gshibs nas zhal g.yogs te bzhag
/blon po dge mgon la khyed rang gi lha yang mchod cig /nged kyi
lha yang mchod do/ /de ltar

zhag bdun du mchod pa byas la zhal phye nas ji ltar 'dug pa'i
nus pa 'gran no zhes zer nas de bzhin du byas par/ blon pos slob
dpon la de'i tshul rnams gsol te nus pa bstan 'tshal lo zhus pas/
slob dpon

gyis/ de bzhin du nus pa bstan par bya'o/ /bcom ldan 'das rnam
pa thams cad du dbang phyug gis brdzi bar ga la nus gsungs nas
dur khrod du tshogs kyi 'khor lo mdzad pa'i tshe/ nam phyed na tir
ti ka ste mu stegs

pa'i rnal 'byor ba'i cha byad can gyi mi sngon po mi'i thod pa
rlon pa lag tu thogs pa zhig byung nas/ tshogs dpon ngas bya'o
zer ba la/ slob dpon gyis khyed kyis tshogs dpon mi byed do/
/rnal 'byor pa chen po yin pa'i

phyir nga nyid kyis tshogs dpon byed do zhes gsungs pa'i rjes de
ma thag tu thod pa can de he ru kar gyur pa nam mkha' la 'khur
nas 'di skad du/ mdze mo de yang mdzo mo ma yin rdo rje phag
mo'i rnam 'phrul yin/ /zhing

@030b rmod de mang zhing rmod ma yin he ru ka yi rnam 'phrul
yin/ /mdzes ldan de yang bu mo ma yin rdo rje phag mo'i rnam
'phrul yin/ /klog cha lan de yang klog mkhan ma yin he ru ka yi
rnam 'phrul yid/ /thod pa can de'ang thod pa can

min he ru ka yi rnam 'phrul yin/ /che 'dir dngos grub gzhan
'grub gzhung rnams rtsoms shig bar dor sangs rgyas 'gyur/ /ces
gsungs par/ slob dpon gyis bdag rjes su gzung du gsol zhes byas
nas bstod pa/

khyod kyi zhabs kyis mnyam par mnan na 'og gi klu yang 'jigs
'gyur zhes te zhabs g.yen bskum par gnas/ /khyod kyi phyag
rnams drang por bsrangs na phyogs skyong rnams kyang skrag 'gyur
zhes te phyag gnyis bskum

par mdzad/ /dbu yi gtsug tor drang por bsrangs na tshangs pa'i
'jig rten 'jig 'gyur zhes te cung zad yo bar gnas/ /rje btsun
khyod kyi gar ni dgos pa dang ldan mthong bas dang de snying nas
dang bas bdag gis bstod//

srid pa gsum 'bar sku ni rjes chags dul bar ldan/ /'od zer sngon
po steng ldan nyi ma brgya stong ldan/ /rnam mang sku dang cha
lugs rjes chags sems par ldan/ /he ru ka dpal de dag ?? lhan cig
gar byed shog /ces

gsungs pa dang/ he ru kas ha ha he he ho zhes gsungs nas mi
snang bar gyur to/ /tshigs bcad 'di rnams la lo rgyus kyi yig
rnams su rgyas bsdus dang tshig zur mi mthun pa 'ga' re yod kyang
don du mi 'gal lo/ /de nas zhag
@031a @#/ /bdun na bris sku la bltas pas/ bcom ldan 'das kyi sku
ni sngar bas kyang gzi brjid che par gyur la/ bris sku cig shos
ni gong 'og go bzlog nas/ 'jigs byed dang dus mtshan mnan

pa'i bcom ldan 'das he ru ka 'od dang bcas pa zhig tu gyur pa
mthong nas thams cad ngo mtshar du gyur cing/ rgyal po 'khor dang
bcas pa shin tu dad par gyur te/ slob dpon rgyal po'i pho brang
du spyan drangs nas dbang

dang man ngag zhus/ rdzas la sogs pa mang po phul nas/ rgyal
po'i mnga' 'og gi b+haM ga la ba thams cad sangs rgyas kyi bstan
pa la bkod/ de nas slob dpon gyis he ru ka'i lung bzhin 'khor lo
sdom pa'i dbang

dang bskyed rdzogs sogs ston pa'i dkyil 'khor gyi cho ga /nag po
mngon rtogs sam sgrub thabs/ sbyin sreg /gsang ba'i de nyid rab
tu gsal ba/ o la ba ti/ dpyid kyi thig le ste nag po gzhung
drug sogs

brtsams/ de nas dzA land+ha rar dgon pa byed gsung ste de wI ko
Tir byon pa dang/ mkha' 'gro ma zhig mi'i bu mor brdzus nas
'bras rdung ba la 'bras bslangs bsam ster ba la/ slob dpon gyis
'bras kyi tshoms

la lta stangs byas te bkas pas/ bu mo des kyang slob dpon la lta
stangs byas pas slob dpon gyi zhal nas khrag byung ba de der mid
nas bzhugs sar byon pa dang bsnyung bas thebs nas/ slob dpon
gyis/ da bla ma'i

@031b bka' bcag pa'i nyes pa byung ba yin 'dug pas de la bshags
pa bya dgos gsung/ 'khor slob ma grub thob mang po yod pa rnams
yul nyi shu rtsa bzhir tshogs 'khor byed pa dang/ bla ma'i snyun
gso ba'i sman len du btang/

de dag gis kyang de bzhin du phyin te gnas yul de dang der tshogs
kyi 'khor lo phul/ sman mang po blangs te slar log nas 'ongs
pa'i lam ka na/ khrus kyi rdzi dbu zhig tu bud med mang po khrus
byed cing 'dug pa rnams kyis

khyed cag kyang khrus kyis zer ba la/ nged rnams khrus byed pa'i
long med/ slob dpon bsnyung nas yod pas myur du 'gro dgos byas
par/ bud med de dag gis slob dpon bsnyung ba dwangs yod zer/ der
'khor rnams kyis khrus

byed cing bsdad pa dang sman rnams bud med rnams kyis khyer nas
nam mkha' la song ngo/ /de nas khyim du song ba na slob dpon gyi
snyun ma dwangs par yod pas slob ma rnams kyis rgyu mtshan rnams
gsol ba na/ slob dpon gyi zhal

nas/ de dag ngal bla ma'i bka' bcag pa'i nyes pas mkha' 'gro'i
bar chad byung ba yin te 'ong/ da tshe 'di la phyag rgya chen po
thob pa'i skal ba med pas lus 'di 'dor te/ bar dor mchog gi
dngos grub mngon du byas te

slar lus rten 'di la zhugs nas 'ong bas lus 'di zhag bdun dum
sregs shig gsungs nas sku bdas so/ /de nas 'khor rnams kyis zhag
bdun du gsang thub par re ba la zhag lnga lon pa na rgyal po'i
rtsis pas tshor nas/ yul

@032a @#/ /phyogs 'di na mi'i ro yod pas yul thams cad btsog go
zhes zer te gdung 'jog tu ma ster bar pur sbyangs pas gdugs dang
rgyal mtshan dang/ lha'i me tog gi char la sogs pa lus mi

snang ba'i mchod rdzas dpag tu med pa'i mchod pa dang/ DA ma ru
dang/ ting shag dang/ cha lang la sogs pa 'khrol mkhan med pa'i
rol mo du ma dang/ lha'i bdug spos dri zhim po'i ngad 'thul ba
sogs rgya cher byung

zhing/ deng sang gi bar du'ang 'das pa'i dus tshes kyi skabs Da
ma ru'i sgra dang/ me tog la sogs pa'i mchod pa dpag tu med pa
'byung bar grags so/ /lo rgyus kha cig tu/ slob dpon 'da' khar/
tshe 'dir

mchog 'grub pa'i skal ba med pas/ bar dor rten 'di la zhugs nas
gdod ma'i sangs rgyas thob par 'gyur bas lus 'di zhag bdun du ma
sregs gsungs nas sku 'das par gsungs/ yang kha cig las/ sku
gshegs

nas zhag bdun lon pa na/ gdugs dang/ /ram ru'i sgra dang bcas te
sku lus la 'jug tu byung zhes grag go/ de nas gzhan du sku
'khrungs pa na yang/ bla mas ma gnang bzhin du spyod pa mdzad pa
dang/ mkha' 'gro

ma'i bar chad kyis sku 'gyur ba la sogs pa dran te/ spyod pa'i
dus la bab pa na/ lus la rus pa'i rgyan nang chas su shog cig
ces smon lam btab nas rdo rje theg pa'i sgrub pa mdzad pas dus
la bab pa'i tshe rgyan rang

@032b chas su byung nas spyod pa mdzad de sangs rgyas nas bstan
bcos rnams kyang de dus brtsams so/ /zhes bshad la/ 'ga' zhig tu
ni bar do nyid du mchog gi dngos grub brnyes par gsungs te he ru
ka'i lung dang yang mthun no/ /

slob dpon la bar chad byed pa'i mkha' 'gro ma rnams ni slob ma'i
mchog phyag rgya chen po grub pa gu hya pa zhes bya bas tshar
bcad de btul bar gsungs so/ /gsang rnam las byung ba rgyal sras
dgra lha rtse rgyal ni/ mtha' bzhi'i

bdud kyi rgyal po rnams drag po g.yul gyi sbyor bas cham la
phabs nas bod 'dir phyes nas dam pa'i chos kyi dga' ston nyin mo
ltar 'char zhing skye 'gro mtha' dag phan bde'i lam bzang mchog
tu spyod pa la gcig tu

gnag cing 'tshe ba'i nag po'i phyogs rigs ngan pa'i tshogs rnams
rmeg med du byi dor mdzad pa'i sta gon nyer bsdogs kyi tshul la
rings par zhugs pa/ smug po gdong gi rigs brgyud gling rje ge
sar rgyal po'i rgyal

tshab tu gyur cing/ gang gi thugs rje'i 'od zhags dam pos ma
'ongs pur rgyal bod kyi rgyal khams su 'gyur ba'i yid can rnams
la nye bar 'khyud pa'i sprul pa'i skyes mchog dgra 'joms dpa'
bo'i chas can du byon

pa zhig ste/ 'di dag gi ngo mtshar sgyu 'phrul bsam gyis mi khyab
pa'i mdzad pa rnams ni bdag 'dra so skye tha mal pa'i blos gzhal
bar dka' ba'i gnas su gyur pa lags so/ /gsol 'debs las/ srong
btsan

@033a @#/ /mdun 'don yi ge'i srol 'byed po/ /thon mi saM b+ho Ta/
zhes bsngags pa thon mi saM b+ho Ta ni/ lho phyogs gnyal zhes
pa'i yul du thon mi a nu snang grags kyi bur sku 'khrungs nar
son

pa na/ rigs rus kyi ming las dras te mtshan thon mi saM b+ho Ta
bya bar btags/ de nas cher skyes pa'i skabs rim gyis chos rgyal
srong btsan sgam po'i mdun na 'don te blon po'i gras su gyur
cing/ de yang chos blon

nang ma'i gtso bor mdzad de bzhugs pa'i mus shig nas/ rgyal po'i
thugs la rgyal srid lugs zung gi khrims rnam par dag pas 'dzin
pa la yi ge ni yon tan thams cad kyi rtsa ba lta bur dgongs
shing/ phyogs

kyi rgyal po rnams la skyes lan bka' 'phrin gnang ba'i cha rkyen
du'ang nye bar mkho bar gzigs nas 'jam dpal dbyangs kyi rnam
'phrul chos blon thon mi nyid 'phags yul du yi ge slob par 'byon
dgos tshul phebs

te/ rig byed smra ba'i slob dpon mgu ba skyed pa sogs kyi phyir
gser phye bre gang dang/ gser gyi pa Ta sogs dngos po gya nom pa
phebs rdzongs su bstsal ba ltar 'khor mang po dang bcas te/ thag
ring bshul lam

gyi 'jigs skrag ngal dub bzod dka' ba mang po dwang du bzhes nas
byon pas/ lam bar gyi 'tshe ba mtha' dag dang bral nas bde bar
bgrod de 'phags yul du phebs/ rig skyed slob pa bston pa grags
la phyag rten

@033b yon 'bul dang/ gus 'dud tshad med pas mnyes pa phul du
phyin pa bsgrub ste/ bram ze li byin ka ra la yig rigs sum brgya
drug cu rtsa bzhi dang/ paNDi ta lha rig pa seng ge la sgra la
Ni bya ka ra Na/ rtogs slab rgyal po

lugs kyi bstan bcos/ ka lA pa/ rtogs dka' ba paNDi ta lugs kyi
bstan bcos/ tsandra pa rnams kyis ris/ spyan ras gzigs kyi mdo
rgyud nyi shu rtsa gcig dang bcas pa bslabs nas/ bdag cag blon
po thon mi

ya/ /ma lus gnang pa thugs la btags/ /rgya gar yul du phyin pa
yin/ /mkhas grub khyed dang mjal ba yin/ zhes slob dpon la drin
du gzo ba'i gsung byon te bod du phebs nas/ rgyal blon gnyis
kyis lha sa'i phe

brang ma rung lo gsum gyi ring la sku mtshams dam du bcad de yi
ge dang sgra rnams slob pa'i tshul mdzad pas mkhas pa'i dbyid du
gyur kyang de'i nang du bod skad la nye bar mkho ba'i sgra dang
yig rigs mi 'dug par dgongs

nas rgyal pos thon mi la gsungs par/ thon mi nyid kyis 'jam dpal
dbyangs la gsol ba btab ste rang gi mkhyen rab kyi klong du ji
ltar shar ba las/ legs sbyar gyi dbyangs bcu drug nas i u e
o bzhi dang/

gsal byed sum cu rtsa bzhi las/ log pa lnga dang/ 'thug po lnga/
Sha k+Sha rnams dor ba'i steng du a drangs pa'i nyi shu rtsa
bzhi la/ gcig /chos/ 'jig rten/ gzhon nu/ gzi brjid/ 'o ma sogs
kyis mtshon par/

@034a @#/ /rgya gar skad la/ e ka/ d+ha rma/ lo ka/ ku mA ra/ te
dzas/ ba yas brjod pas/ ca cha ja zha za 'a rnams mi dgos pa
'dir bsnan te/ dbyangs bzhi dang gsal byed sum cur gtan la

phab nas/ lanydza la dpe byas nas dbu chen/ wa rtu la dpe byas
nas shar ma la sogs pa yi ge'i gzugs dang brda gsal bar byed
pa'i sum rtags sogs bod du nye bar mkho ba'i bstan bcos brgyad
mdzad nas rgyal

po la phul/ spyan ras gzigs kyi mdo rgyud nyi shu rtsa gcig sogs
chos mang du bsgyur ba ni bod ljongs su dam pa'i chos bsgyur
ba'i thog ma yin no/ /tshul de dag la brten nas rgyal pos bstan
pa rin po che'i btsas su

dgongs te blon po thon mi la bkur sti rgya cher mdzad pas/ blon
po gzhan gyis phrag dog byas pa la/ thon mis/ yul mtha' 'khob
bod kyi rgyal khams 'dir/ /mi mkhas pas sleb pa'i sngon ma yin/
/da mun pa sel

ba'i sgron me yin/ /rje rgyal po nyi zla'i tshul du bzhugs/
/grogs blon po'i khrod na nga tsam med/ /bod kha ba can pa'i mi
rnams la/ /nga thon mi bka' drin mi che'am/ /zhes gzhan gyi
'gran sems kyi brag ri dri ma med pa'i

dpyod ldan gyi mdzad pa dang gsung gi gnam lcags kyi thog mdas
sil bur btang ngo/ /gsung 'di dag la dpags na dus skabs bzang po
de dag tu yang blun pos shes ldan la gshe ba 'di yod tshod du
'dug go /zhes rgyal

@034b mchog lnga pa chen po gsung ngo/ /de ltar thon mi saM b+ho
Ta 'di ni gangs can gyi ljongs 'dir yi ge'i srol thog mar phye
nas bod lul mun pa'i gling du dam chos kyi nyi ma thog mar
drangs pas/ bod spyi la sku drin gyis che ba zhig

go/ /khri srong lde'u sras tha chung mu tig btsan/ /rgyud gcig
'o bran dpal gyi dbang phyug zhabs/ /zhes gsal ba chos kyi rgyal
po mu tig btsan po ni/ chos rgyal khri srong lde'u btsan dang/
btsun mo tshe spong bza' gnyis

kyi sras su sku 'khrungs te/ rgyal po yab yum de gnyis la sras
gsum mnga' ba las 'di nyid sras chung ba yin zhing/ mtshan mu tig
btsan po'am sad na legs mjing yon du grags/ dgung lo bzhi'i
steng du rgyal

srid bzung/ slob dpon gyis chos skal stsal/ rgyal rabs kyi yi ge
'gar 'di'i mtshan la khri lde srong btsan du 'chad pa ni sgra
sbyor 'am po gnyis pa sogs ma mthong ba'i skyon yin zhes lnga pa
chen pos gsungs/ yab

mes kyi gtsug lag khang rnams la mchod pa/ shul na bzhugs pa'i
lo paN rnams la phul du byung ba'i bsnyen bkur dang bcas te/
sngar ma 'gyur ba'i gsung rab 'ga' zhig bsgyur/ bod kyi rgyal po
la nga che bas lha

khang nyi ma tsam zhig rtsig go gsungs pas/ slob dpon mdzod
mkhan gyis nyi ma'i rgyar dpag tshad lnga bcu rtsa gcig yod pas/
bod 'dir mi shong zhes zhus par/ zla ba tsam zhig rtsig gsungs/
de yi tshad kyang

@035a @#/ /dpag tshad lnga bcu yod tshul smras par/ 'o na skar ma
tsam zhig rtsig gsung par de la rgyang grags bco brgyad yod pa
bzhin/ byang 'brog gi thang yangs sa zhig tu rtsig par bka'
gnang bas/

blon po kun gyis byang thang du brtsigs na lha khang stong par
lus 'gro tshul zhus pa dang/ slar rje 'bangs kun gros mthun par/
rgyal sde dkar chung rdo rje dbyings kyi lha khang bzhengs/ rnam
sras rta bdag brgyad bran du bkol nas

b+he ta hor gyi sgom gra bar pa btul te g.yu'i thub pa dang/ bse
'bag smug chung sogs gdan drangs nas rgyal po pe har bsam yas mi
'gyur lhun gyis grub pa'i gtsug lag khang gi srung mar bskos/
bod 'bangs kun

phan pa dang bde ba'i lam du 'god par mdzad nas sku gshegs te/
bang so ste sku bur bzhugs pa'i mkhar chung ngu 'phrul rgyal
mdun na brtsigs/ zhes gsungs pa ltar ro/ /de dang thugs rgyud
gcig tu gsungs pa 'o bran

dpal gyi dbang phyug ni/ o rgyan gyi slob dpon chen po padma
samb+ha wa las gsang sngags rnying ma'i zab lam dbang po yang rab
kyi gdul byas nyams su lon par nus pa'i chos/ theg dgu'i rtse
rgyal yang zab a ti yo ga'i lam

mchog gi rim pa'i chos skor sogs mtha' yas pa gsan cing nyams su
bzhes pa las 'od gsal rdo rje'i snying po chos dbyings kun tu
bzang po'i rang zhal rjen cer du gzigs te rdzogs pa chen po'i
rtogs pa mchog brnyes shing/

@035b grub pa'i spyod pa ji 'dra ba mdzad pa yang/ 'o bran dbang
phyug chu la nya ltar 'phyo/ /zhes sogs gsungs pa ltar te rje
'bangs nyer lnga'i ya gyal zhig yin la/ 'di'i rnam thar rgyas pa
ni gzhan las shes dgos so/ /brag g.yang

rtogs ldan 'jam blo rin po che'i thugs sras dam pa'i skyes mchog
mkhas pa tshad thub kyi zhal rgyun du skyabs mchog rdo rje 'chang
chen po'i skyes rabs kyi phreng bar 'chad pa rlangs khams pa go
cha ni/ deb sngon dang rgyal mchog lnga

pa chen po'i gsung rgyal rabs sogs su gsungs pa/ mkhan slob chos
gsum gyi sku dus su byung ba'i bai ro tsa na/ rma rin chen mchog
/gnyags dznyA na ku ma ra/ gnyan dpal dbyang sogs nam mkhar
'gro ba dang/ ri brag

la 'dzul ba/ chur mi 'bying ba/ lus lha'i dkyil 'khor du skye bo
mang po la ston nus pa sogs grub pa thob pa mang du byung bar
gsungs pa'i nang tshan/ dam pa'i lha chos kyi sgo nas thub pa'i
nang gi mdzod gcig pu bstan pa'i

snying po so sor thar pa'i sgor zhugs nas rab tu byung ba'i sad
mi mi bdun gyi bar mar grags shing/ grub pa brnyes pa'i mthu
stobs dang rdzu 'phrul dpag par dka' ba nyid du byon zhes
bsngags par mdzad pa ltar te/ 'di gnyis

gyi rnam thar rgyas pa ni gzhan las shes dgos so/ /jo bo bod du
spyan drangs bka' gdams kyi/ /srol 'byed nag tsho lo tsA tshul
khrims rgyal/ /zhes gsungs pa nag tsho lo tsA ba tshul khrims
rgyal ba ni/ gra pa mngon shes dang rje mar pa
@036a @#/ /'khrungs pa'i snga lo khu ston dang dgung mnyam du
'gal byed ces pa lcags mo phag gi lor stod kyi gung thang du
'khrungs/ dgung lo so gcig pa chu pho rta la jo po rje dang lhan
du mnga' ris su phebs

jo bo la snga phyir lo bcu dgu brten/ bde mchog skor dang/ gshin
rje gshed kyi skor dang/ 'dus pa 'phags lugs sogs kyi gdams
pa'ang phal cher thob/ bod la bka' drin mchog tu che/ bsam yas
sogs

na jo bo dang rnam gnyis kyis nyi khri snang ba dang/ slob dpon
dbyig gnyen gyis mdzad pa'i theg bsdus kyi 'grel pa sogs la
'gyur mang po'ang mdzad/ mthar jo bo'i bka' ltar na ro pa'i slob
ma kha tshe dznyA na A ka ra la

'dus pa 'phags lugs kyi tshes skor gsan par bal yul du phebs par
'dod kyang jo bo sku bgres pa'i nyams la bltas pas 'bral ma phod
pa na/ jo bo'i zhal nas/ theg chen gyi bshes gnyen mjal dka' bas
lo tsA

ba rang bzhud cig /kho bo yang ring por mi sdod par dga' ldan du
dus bya'o gsungs par/ nag tshos kho bor shi pa'i tshe dga' ldan na
jo bo nyid kyi drung du skye ba'i dgongs pa gnang ba dang/ kho
bo yul du jo bo'i sku zhig 'dri

bas de'i rab tu gnas pa'i tshe jo bo 'byon par zhu bya ba gnyis
zhus pas/ zhal gyis rkyang bzhes/ phyis su bka' gdams pa 'ga'
res/ jo bo 'da' khar 'bral phod pa lo tsA ba la dam tshig med
zer ba la/ sha ra bas/

@036b deng sang gi bde skyid dam dum 'di lo tsA ba'i drin yin
pa la/ bka' gdams pa 'di rnams kyis shab shub kho na byed gsungs
nas bkyon/ lo tsA pa dgung lo bzhi bcu rtsa bzhi pa shing pho
rta'i lo la jo bo rje sku gshegs/

lo tsA ba phyis su'ang sku tshe ring por bzhugs shing/ dznyA na
A ka ra/ bal po shAntiM b+ha dra/ nag po dam tshig rdo rje sogs
bsten te 'gyur yang mang po mdzad/ rong pa lag sor ba la sogs pa
bu slob mang du byung zhing/

jo bo chen po'i rnam par thar pa la bstod pa tshigs bcad brgyad
cu pa sogs bstan bcos brtsams pa yang 'ga' re mdzad do/ /bdag
cag gi 'dren mchog dam pa rdo rje 'chang chen po gang nyid lcar
skya rol pa'i rdo rje'i yang

sprul 'khrul bral nyid du nges pa 'og tu yang yang 'chad 'gyur
rnams kyis rtogs par nus la/ rol rdor ni lho brag mar pa dang
thugs rgyud gcig par thu'u bkwan rin po che'i gsung rol pa'i rdo
rje'i rnam thar du ches gsal

par gsungs so/ /des na/ mar pa lo tsA ba chos kyi blo gros ni/
lho phu chu khyer bya bar yab mar pa dbang phyug 'od zer dang/
yum rgyal mo 'od zer gnyis kyi sras su chu pho byi pa la
'khrungs/ chung du nas slob dpon  klu brgyad pa zhig las yi ge
'bri klog sogs bslabs pas legs par mkhyen/ spyod pa shin tu
rtsub pa ste mi thams cad dang 'thab dga' ba zhig yod pas/ yab
kyis yang na bu 'dis mi gzhan phar gsod dam/

@037a @#/ /yang na mi gzhan gyis bu 'di tshur gsod pa gang rung
zhig yong nges pas da 'di slob gnyer zhig byed du btang na bsam
blo'i shed rnyed pa'ang yong srid snyam du/ sngags gsar ma'i
grub

thob 'brog mi lo tsA ba shAkya ye shes zhes pa gdams ngag mang
du gsan pa'i yon tan dang/ lam bskyed rdzogs la brtan pa thob
cing/ rlung gi stobs kyis nam mkhar skyil krung 'cha' ba/ phyis
su sku 'das

skabs bar dor phyag rgya chen po mchog gi dngos grub brnyes pa
de'i drung du btang ba ltar der byon te rta bzang po zhig gis
sna drangs pa'i 'bul ba mang po phul nas/ dpal myu gu lung gi
dgon pa ru/ /sgra sgyur 'brog

mi'i lo tsA la/ /sgra thang klog skad kyi yig tshang bslabs/
/khong bka' drin mi chung che bar 'khums/ /zhes pa ltar lo
tsA'i skad dang yi ge bslabs pas phul du phyin par mkhyen/ 'on
kyang gdams pa chung ngu na ri

la'ang yon chen po dgos par mthong nas/ khong gi chos 'di rnams
kyang rgya gar nas byung bas/ da nga rang yang rgya gar du 'gro
dgos dgongs pa'i thugs skyes te rang yul du byon/ gser mang du
btsal nas slar

bal yul du phebs/ bal po spyi ther ba la rdo rje gdan bzhi sogs
rgyud 'ga' re zhus/ der lo gsum song ba dang bal po kun kyang
rgya gar du chos nyan par 'gro ba gzigs pas la ci ste mi 'gro
snyam du dgongs

@037b nas bal po penda bas 'dren pa mdzad de rgya gar du byon
pas puShpa ha rir nA ro pa'i drung du bskyal/ nA ro pas thugs
la btags pas kye rdo rje'i dbang gcig pu'ang lan bdun zhus/
gzhan rgyud dang/ sgrub thabs/ rdzogs

rim gyi man ngag rnams kyang legs par gnang/ de nas rgya gar nub
phyogs du la k+She tra'i grong na dpal ye shes snying po las
gsang 'dus rgyud rkyang gi lugs rnams legs par gsan/ slar nA ro
pa'i drung du

byon te sgron gsal gyi bshad pa dang/ mahA mA yA'i dbang byin
rlabs man ngag dang bcas pa rdzogs par gsan/ slar bod du phebs
te byang phyogs su phyug po 'ga'i sri'u gsos pa'i yon dang/ nam
re'i

gser kha rdol ba dus 'dzoms pa dang/ byang tsam lung gi mar pa
mgo ya gas zhes pas rus gcig pa'i zhen gyis dbang zhus shing
rang gi nye 'bangs sogs kyang bskul te gser 'bul du bcug pa bcas
la

brten nas gser mang du byung ba rnams bsnams/ bal po brgyud de
rgya gar du byon nas yul dbus su phebs par nA ro pa spyod pa la
gshegs zin pas ma mjal bar bla ma gzhan la chos 'ga' re gsan/
kye

rdor gyi rgyud gzigs pas nA ro pa tshol 'dod cher skyes te rgya
gar lho shar gyi yul phyogs du mar byon/ grub thob rnal 'byor pa
dang rnal 'byor ma gzhan mang po mjal bar yang gdams pa ci rigs
gsan/ da

@038a @#/ /dung dad pa drag pos nA ro pa rtse gcig tu btsal bas
nam zhig nags gseb cig tu mjal/ der gser rnams phul bas thams
cad gtor/ mar pa cung zad yid ma ches pa na/ nA ro

pas zhabs kyi mthe bongs la reg pas sa gzhi de gser du song/
zhal nas kyang/ thams cad gser gling yin no gsungs nas der mi
snang bar gshegs/ nA ro pa spyod pa la gshegs nas mjal ba'i

skabs 'di tshun chad du rje mar par thugs dam ting nge 'dzin gyi
nyams rtogs tshad med pa re 'khrungs/ sngon zhig nas grub chen
tai lo pas/ b+ho Ta'i ma rig mun sel la/ /ye shes snang bas khyab
par gyis/ /

zhes pa'i lung bstan gnang yod pa ltar dgung lo bzhi bcu rtsa
gnyis tsam na bod du tshur 'byon rgyur bal bor phebs te pham
'thing ba sogs dang mjal/ de nas bod du phebs te yul sa bzung/
bdag med la

btsun mor bzhes/ de la sogs pa btsun mo dgu yod par grags te/
kyai rdo rje'i lha mo dgu'i ngo bor bshad/ yang skabs shig mai
tri pa'i snyan pa gsan pas thugs phrogs te rgya gar du byon pas
rgya gar

shar phyogs su mnga' bdag mai tri pa dang mjal/ rgyud 'grel man
ngag mang po gsan cing bsgoms pas phyag rgya chen po'i rtogs pa
mngon du gyur te/ rje mnga' bdag chen po'i bka' drin gyis/ /gzhi
chos

@038b nyid skye ba med par rtogs/ /sems stong pa nyid la sbar
zin byas/ /mi kho bo'i spros pa de nas chod/ /ces pa'i mgur yang
gsungs shing/ slar bod du phyir phebs/ de rjes su yang bal yul
du lan gnyis byon te

bla ma rnams la chos mang du gsan/ de nas bod kyi phyogs su
phyir byon pa'i lam gar bla po rdzong du zhag kha yar bzhugs
pa'i mtshan lam zhig tu/ mar pa nyid bud med cig gi phrag par
khur nas rgya

gar lho phyogs dpal gyi ri las ra ha bzhugs pa'i drung du
bskyal/ sa ra has gdams ngag gnang zhing byin gyis brlabs pas
snang srid thams cad ro gcig pa'i myong ba yang dag pa 'khrungs
pa zhig byung/

de nas rim gyis byon nas gro bo lung du phebs te slob ma mang du
bskyangs/ rje mar pa nyid kyi zhal nas/ skra ka la tsandras sna
drangs nas/ /skad sna brgya dang rtsa brgyad shes/ /grogs
lotstsha tshogs na nga re brod/ /dgyes

rdor gdan bzhis sna drangs nas/ /rgyud 'grel brgya dang rtsa
brgyad shes/ /grogs ston chen tshogs na nga re brod/ /bka' bzhi'i
gdams pas sna drangs nas/ /snyan brgyud brgya dang rtsa brgyad
shes/ /grogs sgom chen tshogs na nga re

brod/ /ngo mtshar che ba rnam gsum ni/ /bsre dang 'pho ba ma
gtogs pa/ /khyad chos brgya dang rtsa brgyad shes/ /che na ngo
mtshar de che mod/ /dud sol lha mo ma gtogs pa/ /bstan srung
brgya dang rtsa brgyad shes/ /che na ngo mtshar

@039a @#/ /de che mod/ /rim lnga'i dmar khrid ma gtogs pa/
/rdzogs rim brgya dang rtsa brgyad shes/ /che na ngo mtshar de
che mod/ /de thams cad bla ma rje'i drin/ /zhes dang/ ngas sos
dal dben tshe rtsa rlung

bsgom/ /lus sems gcun zhing gcun zhing bsgom/ /'byung pa 'khrugs
kyang nyam nga med/ /phogs 'don du shes pa'i gdeng zhig yod/
/gnyid kyi dus su 'od gsal bsgom/ /snang bsdud cing sdud cing
bsgom/ /

gti mug tu song yang nyam nga med/ /zung 'jug tu shes pa'i gdeng
zhig yod/ /rmi lam gyi dus su sgyu lus bsgom/ /snang ba spro
zhing spro zhing bsgom/ /rnam rtog tu song yang nyam nga med/
/sgyu mar shes pa'i gdeng

zhig yod/ /'dod yon spyod tshe lha skur bsgom/ /ro bro myang
zhing myang zhing bsgom/ /bza' btung du mthong rung nyam nga
med/ /tshogs mchod du shes pa'i gdeng zhig lod/ /thabs lam gyi
skabs su gzhan lus

bsgom/ /bde ba bskyed cing bskyed cing bsgom/ /tha mal du 'dug
kyang nyam nga med/ /lhan skyes su shes pa'i gdong zhig yod/
/'chi ba'i dus su 'pho pa bsgom/ /'pho ba sbyang zhing sbyang
zhing bsgom/ /'chi ltas byung

yang nyam nga med/ /rdzogs rim du shes pa'i gdeng zhig yod/ /shi
pa'i dus su par do 'dzin/ /bar do sprin dang na bun 'dra/ /chags
snang skyes kyang nyam nga med/ /rang grol du shes pa'i gdeng
zhig yod/ /ces

@039b sogs gsungs pa ltar lung rtogs kyi yon tan tshad las 'das
pa mnga'/ nA ro pa dang mai tri pa'i man ngag gtso bor mdzad
cing/ bshad pa yang 'dus pa dang/ sangs rgyas thod pa/ rdo rje
gur/ rdo rje gdan bzhi/

brtag gnyis/ mahA mA yA rnams kyi bshad pa sogs gnang ba la
brten nas slob ma mkhas shing dngos grub brnyes pas bod kyi ri
sul thams cad gang bar mdzad de/ dgung lo brgyad cu rtsa drug pa
me mo glang la zhi bar

gshegs/ bu slob kyi gtso bo dol pa gag ston/ gre'i mi'u chung/
chu gong dpal le/ dge bshes khe gad de thugs sras bzhi/ klog
skya 'byung gnas rgyal mtshan/ mar pa mgo yags/ rngog gzhung pa/

'tshur dbang nge/ mes tshon po/ lha rje se rings/ rgya ston zhig
po/ mar pa bya ze ba/ myang sgom sbrang ltag  /rje btsun mid la
ste slob ma dbu che bcu bya ba gyung/ bcu po de dag gi nang nas
rngog chos rdor/ 'tshur dbang

nge/ mes tshon po/ rje mid la rnams la mar pa'i slob ma ka chen
bzhir grags/ gzhan yang slob ma yang slob brgyud 'dzin mtha' yas
pa zung bzhi dang/ ya brgyad bya ba sogs byung ste bka' bgyud
kyi gyung thob spungs

se ba sa chen po phyur bur khengs pa tsam du byon pa de thams
cad rje mar pa lo tsA ba 'di'i bka' drin las byung/ tha mal pa
rnams kyi ngor rtag tu grong rogs khyim mtshes dang 'thab pa/ bu
smad bsrel ba/ zhing las

@040a @#/ /mkhar las gnang ba tshun mdzad de 'jig rten khyim pa
phal pa'i zol ltar du bzhugs kyang nang du de kho na nyid kyi
rtogs pa chu po'i rgyun gyi rnal 'byor las nam yang mi g.yel
bar/ phug

ron dang g.yag gi ro sogs la grong 'jug kyang lan bzhir gnang
pa sogs ngo mtshar pa'i sprul bsgyur dang mdzad pa bsam las 'das
pa mnga' zhing/ Dolg+hi he ru ka'i sprul par yang grags te/ don
du dgyes pa rdo rje

dngos kyi ngo bor bzhugs/ mar pa'i rnam thar la bshad tshul cung
mi mthun pa 'ga' re mchis pa las 'di ni mkhas pa yid bzang rtse
la sogs pa'i gsung gi rjes su 'brangs te mdor bsdus pa'i tshul du
brjod

pa'o/ /gangs can grub pa'i khyu mchog mid la rje'i/ /thugs sras
zhi ba 'od/ ces gsungs pa/ ras pa zhi ba 'od ni/ rje btsun mid
la'i slob ma snying gi tshal pa brgyad kyi ya gyal gcig ste/ la
stod rgyal gyi shrI

ri'i phyogs/ rgyal grom smad kyi zhu yas bya ba'i khyim du sku
'khrungs/ thog mar phyug po'i bur skyes pas khyim so 'dzin pa'i
las sna tshogs la zhugs/ skabs shig ding ri khog snar ltad mo la
'byon pa'i lam

du rje btsun mid la dang mjal/ de yang rje mid la rgyal gyi
shrI ri'i lho phyogs su bsgoms shing/ ston kar ldom bu la byon
skabs lkog thang stod du gzims pa'i mnal lam du/ bud med sngo ba
sangs ma smin ma

@040b dang smar ser khyug ge ba yod pa zhig gis khye'u chung
gzhon nu lo nyi shu tsam lon pa zhig khrid nas/ mid la ras pa
khyod la snying tshal pa brgyad yod pa las gcig 'di dbang ba yin
pas 'di la byin cig zer nas mi

snang par song ba rmis/ mnal sad pa dang thugs dgongs btang bas/
bud med de mkha' 'gro ma yin par 'dug /nga la las can gyi slob
ma gang zag mthar thon pa snying dang 'dra pa brgyad 'ong pa
las/ de ring gi nyi

ma la las sad pa'i gang zag cig dang phrad de 'ong bas/ de la
nges par phan gdags dgos dgongs nas bong shod phyogs na yar la
byon te/ chu mig dngul 'bum gyi thad kar chung zhig gzims nas
bzhugs pa

las/ khye'u chung gzhon nu rta 'ol pa zhon pa zhig byung nas/
rnal 'byor pa khyod der nyal nas ci byed zer/ der rje btsun gyis
yon bdag khyed gang du 'gro bya ba sogs dri ba mdzad cing/ chu
la ma bying bar phar

kar gshegs pa dang kho dad de yo byad dang bzhugs gnas sogs ji
tsam phul te chos zhus kyang ma bzhes shing/ ma gnang ba'i mthar
khos rje btsun la gsol ba drag tu btab ste da ni bdag las ngan
gyi sgrib pa

che zhing bsod nams chung la/ lha chos kyi skal ba med pa 'dra
bas bla ma grub thob kyi drung du shi ba legs zer nas kho rang
gi gri snying gar gtad de rang gis rang gsod par rtsom pa na/
rje btsun gyi thugs dgongs la/
@041a @#/ /khong la 'di tsam du mos shing gdung sems che ba de/
smon lam gyi 'brel ba yod par 'dug /mdang rmi lam du byung ba de
yang 'di kho na yin par nges/ da ni rjes su bzung dgos snyam du

dgongs nas/ kho'i zhus lan mgur du bzhes pa/ bu khye'u chung yon
bdag tshur nyon dang/ /khyod dge sems 'dun pa che lugs kyis/ /las
ngan sgrib pa chung bar nges/ /zhu don sngobs pa che lugs kyis/
/nga rgyal

rang mthong chung bar nges/ /brtson 'grus nan tan che lugs kyis/
/le lo snyoms las chung bar nges/ /gtong phod 'bul snying che
lugs kyis/ /ser sna zhen chags chung bar nges/ /shes rab snying
rje che lugs kyis/ /gti

mug zhe sdang chung bar nges/ /mi pal lhag par mos lugs kyis/
/sngon yang dam pa bsten par nges/ /bu de phyir yi chad mi zer
dang/ /khyod rgyal khrom smad nas 'ongs pa dang/ /nga gung thang
rtsa nas 'khyams pa gnyis//

da nang gdugs kyi snga dro la/ /chu bong chu sngon mo'i 'gram du
phrad/ /chu mig dngul 'bum gyi rtsa bar 'dzom/ /de sngon chad
smon lam btab pa 'dra/ /sbyangs pa'i las 'brel yod par nges/
/kun bzhi'i bag chags sad pa

'dra/ /de yan chad rten 'brel bzang po'i glu/ /da yang dag don
la gtugs tsa na/ /bu snying nas lha chos bya bsams na/ /dad pa
zhig gting nas skyes pa na/ /tshe 'di la phyi mig mi lta na/
/bden par nga phyir 'brang ba na/ /

@041b gnyen tshan bdud kyi bshol 'debs yin/ /bden no ma snyam
'phri ba chod/ /zas nor bdud kyi so pa yin/ /'dris shing ngan no
'dzin chags spongs/ /'dod yon bdud kyi zhags pa yin/ /'ching par
nges so zhen pa thongs/ /gzhon

grogs bdud kyi bu mo yin/ /slu bar nges so khong zon gyis/ /pha
yul bdud kyi btson ra yin/ /thar bar dka' bo myur du bros/ /lar
thams cad bzhag nas 'gro dgos te/ /dus da lta bzhag na don can
lags/ /sgyu lus kyi tho

yor cis kyang 'gyel/ /dus da lta rten 'brel bsgrigs na legs/
/sems kyi bya rgod cis kyang 'phur/ /dus da lta nam dpangs bcad
na legs/ /ming zer de tsho nyan spyod na/ /bu khyod la lha chos
skal ba yod/ /'jug sgo dbang

dang byin brlab bya/ /zab mo snyan brgyud kyi gdams pa sbyin/
/bu khyod kyis lam sna zin te mchi/ /rnal 'byor nga yang spro pa
skye/ /khye'u chung gi sems la de ltar zhog /gsungs pas kho shin
tu mgu ste zhabs spyi bor blangs nas

re zhig khyim du log /rjes su slar 'ongs nas gser g.yu sogs
phul te chos zhus par/ rje btsun gyi bka' bzhin dang por bla ma
ba ri lo tsA ba brin du bzhugs pa las bde mchog gi dbang dang
yi ge bdun pa'i sgrub thabs

sogs rgya cher zhus/ de nas rje btsun gyi drung du lo lnga'i
ring bzhugs par nA ro chos drug dang/ phyag chen gyi nyams
khrid sogs gdams ngag ma lus pa gnang/ sngar ming zhu yas dar ma
dbang phyug zhu ba la/ phyis rje

@042a @#/ /btsun gyis ming brjes te ras pa zhi ba 'od ces btags/
de nas bzung rje btsun gyi drung du 'jig rten gyi mi chos blos
btang/ lto gos la g.yong chen po bskur nas bsgoms pas nyams
rtogs

bzang po 'khrungs te yod pa'i skabs/ sngar gyi grogs po zhig
sleb byung bas/ khos ras pa zhi ba 'od kyi lto gos sogs zas nor
dang bral ba'i 'phral gyi 'dug tshugs ngan pa de mthong nas/ go
log gi snying rje skyes te/

kho na re/ zhu yas dar ma dbang phyug /khyod dang po phyug po
chen po'i gces phrug yin pa la/ da sbrang rgan bzar med bgor med
'di 'dra zhig byas 'dug ang zer ba'i lan du/ ras pa zhi ba 'od
kyis mgur 'di

gsungs so/ /pha bla ma rje btsun sangs rgyas kyi ngang/ /pha ma
gnyis po mchod kyi rten/ /spun zla phan chad 'khor ba'i rgyu/
/bdag des kyang nye du spangs pa zhig lags/ /rang nyid gcig pu
sangs rgyas kyi ngang/ /chos mthun grogs

po dge sbyor gyi rten/ /gsum bzhi phan chad long gtam gyi rgyu/
/bdag des kyang gcig pur bsdad pa zhig lags/ /gdams ngag tshig
gcig sangs rgyas kyi ngang/ /gsal 'debs be'u bum dge sbyor gyi
rten/ /dpa sna mang

po nga rgyal gyi rgyu/ /bdag des kyang zin bris spangs pa zhig
lags/ /ri khrod dgon pa sangs rgyas kyi ngang/ /'tsho ba bya tshol
dge sbyor gyi rten/ /rdzas yo byad mang po chags pa'i rgyu/
/bdag des kyang pha yul spangs pa zhig

@042b lags/ /rgyal khams phyogs med sangs rgyas kyi ngang/ /dad
ldan gyi bsod nams dge sbyor gyi rten/ /'khor g.yog mang po
nyon mongs kyi rgyu/ /bdag des kyang 'khor g.yog spangs pa zhig
lags/ /zhes gsungs pas/ kho yang

dad pa skyes nas ka ca mang po phul lo/ /ras pa zhi pa 'od la
rje btsun yang shin tu mnyes nas zhi ba 'od kyis rje btsun sku
mya ngan las ma 'das kyi bar du phyag phyi bsgrubs/ chos gdams
ngag rdzogs par zhus nas/

nyams rtogs kyi gol sa rnams bcad/ rje btsun mya ngan las 'das
nas sku gdung zhugs su phul skabs/ bur khang gi thad kyi nam
mkhar shel gyi mchod rten 'od 'tsher ba zhig mkha' 'gro ma mang
pos gdan 'dren

rtsis byed pa la/ ras pa zhi ba 'od kyis mchod rten de bu slob
rnams kyi rten skal du gnang dgos pa'i gsol 'debs dang/ rje
btsun gyis mchod rten de'i nang nas zhi ba 'od kyis gsol ba btab
pa'i lan gsungs shing/

mchod rten las bu chen re re'i dbu thog tu 'od zer re re 'phros
te dbang bskur mdzad/ rje btsun gyi sku mchod rten gyi nang nas
phyir byon par bde mchog dang/ kye rdor sogs kyi skur dngos su
mjal ba sogs pa dag pa'i snang

ba ngo mtshar can mi 'dra ba sna tshogs pa byung ba'i mthar mkha'
'gro ma rnams kyis gdan drangs kyang/ nam mkha' nas rje btsun
gyi gsung byon pa ltar bur rdo la yig 'bru bzhi rang byon du
phebs pa bu slob rnams kyi gdung skal

@043a @#/ /du stsal ba sogs rnam thar bsam gyis mi khyab pa mnga'
zhing/ zhi ba 'od kyis/ pha drug gi go lung sman chu'i phug par
bsgoms pa'i mthar/ nyams rtogs sa lam gyi yon tan thams

cad mthar phyin te/ sgrub phug gi brag zangs thal du phug nas
sku tshe de nyid kyis mkha' spyod du byon par gsungs so/ /dam
pa'i spyan sngar tshar chen ma gcig sras/ /'bring po grub chung/
zhes pas bstan pa'i 'khrungs

rabs gnyis las/ tshar chen zhes pha phyis su tshar chen blo gsal
rgya mtsho la gsungs pa shas che yang/ kho bo'i bsam tshod la pha
dam pa sangs rgyas kyi slob ma dam pa mtshar chen nam/ phyar chen
la gsungs pa e/

yin snyam yang 'di kho na'o zhes kha tshon gcod pa ma nus la/ sa
skya'i bstan 'dzin chen po tshar chen rdo rje 'chang la ngos
'dzin rgyu yin tshe de'i rnam par thar pa thu'u bkwan rin po
che'i gsung mkha' spyod ma'i spyi don

sogs su gsal zhing/ pha dam pa'i thugs sras dam pa mtshar chen
dang/ ma gcig lab kyi sgrol ma'i sras 'bring po grub chung gnyis
kyi rnam thar ni da lta zhib gsal zhig ma rnyed pas re zhig
bzhag go/ spyi?

'jam mgon rgyal ba gnyis pa tsong kha pa'i/ /phyi nang yongs
'dzin du ma'i ya gyal mchog /sa skya'i ring lugs dbu ma'i don la
mkhas/ /gzhon nu blo gros/ zhes bsngags pa rje btsun red mda' ba
gzhon nu blo

@043b gros ni/ 'khrungs yul sa skya dang nye ba'i red mda' khab
so bya bar slob dpon mgar srong btsan yul bsrung gi brgyud du
yab bkra shis rgyal mtshan dang/ yul dbang phyug skyid gnyis kyi
sras su sa mo glang la sku bltams/

chung du nas 'phags chen chos bzang dpal la skyabs 'gro sems
bskyed dang/ bsnyen gnas kyi sdom pa/ thugs rje chen po'i chos
skor bcas gsan/ dgung lo bco brgyad par sa bzang ma ti paN chen
las dge tshul gyi

sdom pa ma nos te mtshan gzhon nu blo gros zhes btags/ mkhas
dbang nya dpon kun dga' dang/ mkhan chen sangs rgyas dpal pa
gnyis las tshad ma rnam 'grel/ dpal ldan bla ma dam pa sogs las
phar phyin/

lo chen byang chub rtse mo las mngon pa gong 'og sogs gsan cing/
de dag gi gzhung 'grel pa dang bcas par zhib tu gzigs pas so
so'i dgongs don ma 'dres pa thugs su chud de mkhas pa'i rtse mor
son/ mkhan

chen ldog lod pa kun dga' bzang po las bsnyen par rdzogs shing
'dul pa mdo rtsa ba tshar gcig gsan pas shin tu mkhas par mkhyen
te de nas bzung gzhi gsum gyi nyams bzhes chag med mdzad/ de nas

chos rje byang seng pa las dbu ma rig tshogs dang/ bzhi brgya pa/
'jug pa sogs dbu ma'i skor rnams la gsan bsam phul du phyin pa
gnang bas klu sgrub yab sras kyi dgongs don phyin ci ma log pa
thugs su chud/

@044a @#/ /slar yang lo chen byang rtse ba las gsang 'dus mi
bskyod pa'i dbang dang/ lo chen skyabs mchog dpal bzang las
rgyud kyi bshad pa/ dpal ldan bla ma dam pa las lam 'bras man
ngag dang

bcas pa sogs dang/ sa bzang ba las bde mchog gi dbang/ rje
skyabs mchog pa la rdor 'phreng/ 'jam rdor/ 'jig rten dbang
phyug /rim lnga mdor byas sogs gsan cing/ sa skya ba dang/ bu
ston gyi yig cha sogs

la zhib tu gzigs pas 'dus pa'i rgyud 'grel cha lag dang bcas pa
la mkhas par gyur/ rgyal sras thogs med bzang po las smon 'jug
gnyis kyi sems bskyed dang/ blo sbyong gi chos skor sogs mang du

gsan/ skal ldan gyi slob tshogs du mar mdo dang sngags kyi chos
'khor rgya cher bskor te rgyal ba'i bstan pa 'dzin skyong spel
gsum gyi sgo nas dar rgyas su mdzad/ rang gzhan chos la bskul
ba'i bslab bya gnang

ba yang 'di ltar/ gang la nyes pa rdul tsam mi mnga' zhing/
/rmad byung yon tan dpal gyis rab brjid pas/ /snyan pa'i ba dan
'jig rten gsum na g.yo/ /thub dbang lha yi lha la phyag 'tshal
lo/ /ka ye nyon

cig shes ldan grogs po dag /bstan pa'i nyin byed nub ri'i rtse
la son/ /lus srog g.yo ba 'bab chu'i rgyun dang mtshungs/ /thar
'dod rnams kyis bag yod bsten par rigs/ /rin chen bdun ldan
gling chen bzhi la

@044b dbang/ /dpag med tsher gnas dge bcu'i dpal la spyod/ /phun
tshogs mngon mtho'i bde la rol byed pa'i/ /'khor los bsgyur rgyal
dpal de'ang chu shing 'dra/ /lhun po'i spo la yun ring gnas bcas
te/ /yongs 'du'i

tshal du dga' bde'i dpal gyis rol/ /'chi med nye dbang tshogs kyis
gus btud pa'i/ /'phrog byed mig stong ldan de'ang srid pa'i
bran/ /lus sems zug rngu'i gdung ba ring du spangs/ /ting 'dzin
bde bas bskal mang

'da' byed pa'i/ /'jig rten mes po gser gyi mngal ldan yang/
/'chi med go 'phang las ring gyi nar 'khor/ /gang gis reg na rab
brtan lhun po yang/ /skad cig tsam gyis thal bar rlog byed pa'i/
/me lce'i phreng ba

lus la rab 'bar ba/ /dmyal ba'i zug rngu su yis brnag par nus/
/bltas pa tsam gyis klung chen rgyun skems shing/ /ljon shing
'bras bu med par byed pa yi/ /ta la ya thog bskams lha'i yi
dwags gzugs/ /gang

zhig mthong na 'jigs rung skyi yang g.ya'/ /blang dor rmongs
pa'i gti mug smag rum 'thib/ /gcig la gcig za rdo rje'i me stag
dang/ /bkol btsog char rgyun lus la rtag 'bab pa'i/ /rnam mang
dud 'gro'i duH kha

su yis bzod/ /srid pa'i phun tshogs de ltar mnog chung zhing/
/rab mang nyes pa'i tshogs dang ldan rig nas/ /rang gzhan srid
pa'i mtsho las bsgral bya'i phyir/ /mang thos bdag ni dben pa'i
nags su 'gro/ /char

@045a @#/ /'dod bye bus 'brug sgra thos pa ltar/ /dben pa'i gtam
'di kho bo'i snying la 'bab/ /thos pa'i don rnams don yod bya
ba'i phyir/ /gzhon nu blo gros dpen pa'i nags su 'gro/ /ngang
pa'i tshogs

kyis padma'i mtsho mthong ltar/ /bsam tha'i? nags la kho po sems
rab g.yo/ /dal 'byor lus la snying po blang pa'i phyir/ /gzhon
nu blo gros dpen pa'i nags su 'gro/ /bung ba gzhon nus 'dab
brgya'i tshal mthong ltar/ /

kho bo'i yid ni dpen pa'i rol chags/ /ting 'dzin bdud rtsi'i ro
de myong bya'i phyir/ /gzhon nu blo gros dpen pa'i nags su 'gro/
/dpyid dus bsil ba'i ma la ya'i rlung ltar/ /nags kyi sman
ljongs kho bo'i yid la

'bab/ /nyon mongs bdud kyi sde de gzhom bya'i phyir/ /gzhon nu
blo gros dpen pa'i nags su 'gro/ /zhes pa dang/ gang du gnas na
snang shas 'phel 'gyur zhing/ /rang rgyud rnyed bkur zhags pas
'ching byed la/ /

gzhan rgyud phrag dog 'gran sems kyis gdungs pa'i/ /gnas der
skad cig tsam yang mi gnas so/ /de nas bzung ste ji srid 'tsho
bar du/ /gangs dang ri sul nags kyi khrod rnams su/ /bse ru lta
bur rtag tu gnas byed

cing/ /grong dang 'khor mang dbus su gnas mi bgyi/ /chos brgyad
rkyen gyis nam yang mi g.yo ba'i/ /sems la ji srid brtan pa ma
thob par/ /gcig pur rang rgyud 'dul ba ma gtogs pa/ /gzhan don
thabs kyis rang

@045b don nyams mi bgyi/ /chos gos gsum dang lhung bzed la sogs
pa/ /rang nyid 'tsho ba'i yo byad ma gtogs pa/ /gser dang dbyig
sogs lhag pa'i yo byad ni/ /rang gi don du til tsam mi bcang
ngo/ /gzhan gyi nyes pa nam

yang mi gleng zhing/ /don dang ldan zhing chos mthun ma gtogs
pa/ /dmag dang chom rkun rgyal po'i gtam la sogs/ /'khrul pa'i
bka' mchid nam yang mi bgyid do/ /chos kyi don du dka' spyad
bsran bzod cing/ /'jig

rten blos btang rnam grol don du gnyer/ /'dod chung chog shes
rang dang rjes mthun pa'i/ /rjes 'brang 'khor ni bzhi bas lhag
mi bsten/ /gal te bdag gis g.yar dam 'di rnams dang/ /'gal bar
bgyis na rgyal ba

sras bcas dang/ /thugs rje'i mnga' bdag spyan ras gzigs mgon
gyis/ /khyi phag lug bong rnams dang bdag snyoms shig /ces dang/
'jig rten 'dren pa lha mi'i ston pa yis/ /'dod la zhen pa phung
phrol rtsa bar

bstan/ /'dod pa'i yon tan sdug bsngal bskyed pa ste/ /nad dang
'bras dang zug rngu'i rtsa ba yin/ /ji ltar mdze can g.yan pa
'phrug pa dang/ /tsha ba'i nad can bsil ba'i chu dang ni/ /skom
pas nyen pa lan tshwa'i chu 'thung

bzhin/ /'dod pa bsten pas nam yang ngoms mi 'gyur/ /dug dang
bcas pa'i khams g.yos legs dang/ /spu gri'i so la chags pa'i
sbrang rtsi dang/ /shing rta 'dren pa'i phyugs kyis rtswa zos
bzhin/ /'dod pa'i yon
@046a @#/ /tan gnog chung nyes pa mang/ /glang chen dri la chags
pa'i sbrang bu dang/ /rngon pa'i glu dbyangs nyan pa'i ri dwags
dang/ /lcags kyu'i sha la chags pa'i nya bzhin du/ /'dod la
brkam pa'i byis

pa myur du brlag /ces dang/ gang zhig legs gsungs dam chos 'dul
pa la/ /rab tu byung nas legs par mi sdom zhing/ /thub pa'i bka'
lung tshul min 'da' byed pa'i/ /dge sbyong de dag 'jig rten chom
rkun yin/ /

'khyog por smra la gzhan dag pa rling por sems/ /ngag mi btsun
pa dge sbyong tshul min pas/ /gya gyu'i sems dang de yi tshul
spangs te/ /gsong por smra la kho bo rtag tu brten/ /'dzem med
smra la gzhan dag slobs par

sems/ /ngag mi sdom pa dge sbyong tshul min pas/ /mu cor smra ba
smyon pa'i tshul spangs te/ /zhi ba'i tshul la kho bo rtag tu
brten/ /phyi tshul 'chos la gzhan dag btsun por sems/ /g.yo
sgyu'i spyod pa dge sbyong tshul

min pas/ /pha rol 'brid byed yon po'i tshul spangs te/ /des pa'i
tshul la kho bo rtag tu bsten/ /rang dga'i spyod par gzhan dag
drang por sems/ /dbang po mi sdom dge sbyong tshul min pas/ /bag
dang mi ldan hral

po'i tshul spangs te/ /ngag yon tshul la kho bo rtag tu brten/
/bya byed mang par gzhan dag grung por sems/ /rnam g.yeng 'dod
pa dge sbyong tshul min pas/ /'du 'dzi bsrel ba khyim pa'i tshul
spangs te/ /don nyung tshul

@046b la kho bo rtag tu bsten/ /longs spyod 'byor bar gzhan dag
dpal du sems/ /'dod zhen che ba dge sbyong tshul min pas/ /zang
zing dang bcas grong pa'i tshul spangs te/ /chog shes tshul la kho
bo rtag tu brten/ /grong 'dab 'grim par

gzhan dag gdul byar sems/ /rnyed bkur sgrub pa dge sbyong tshul
min pas/ /khe spogs 'dod pa tshong pa'i tshul spangs te/ /pas
mtha'i gnas la kho bo rtag tu brten/ /zhes pa la sogs pa mtha'
yas pa ltar mdzad/

gangs bu le'i g.yu lung rdo rje ljongs su lo lnga'i ring la
sgrub pa rtse gcig gnang pas phyag rgya chen po mchog gi dngos
grub brnyes/ lha sa/ rwa sgreng/ gnam rtsi ba steng/ glong rtse
dpal gyi dben gnas sogs su chos 'khor

bskor ba sogs 'gro don rgya chen po mdzad de/ dgung lo re bzhi
pa chu 'brug la zhi bar gshigs/ gsung skyes kyi slob ma yang kun
mkhyen sher 'ong/ rje tsong kha pa/ kun dga' dpal bzang/ nyi ma
rgyal mtshan/ dar ma

rin chen/ dge legs dpal bzang/ bo dong phyogs las rnam rgyal/
brag ram pa sogs mang du byon/ bstan bcos kyang rnam 'grel/ phar
phyin/ mngon pa gong 'og /'dul ba mdo rtsa ba/ dbu ma'i rtsa
'jug bzhi gsum/

gsang 'dus rtsa rgyud/ rgyud bla ma/ bshes pa'i spring yig /lung
kun las btus pa sogs mdo dang sngags kyi gzhung chen po du ma'i
'grel TIka/ spyi don/ bsdus don la sogs pa legs bshad kyi gter
chen po du ma

@047a @#/ /brtsams te gsung 'bum pod bcu tsam yod par bshad do/
/gsang rnam las byung ba tsha kho dpon po ngag dbang grags pa ni/
'jam mgon tsong kha pa chen po bya bral la ma byon gong gi sras

snga tshar bzhi'i ya gyal gcig ste/ shar rgyal mo rong du tsha kho
rgyal po'i rigs su sku 'khrungs/ dbus gtsang du byon te rje bdag
nyid chen po sogs mkhas grub kyi bla ma mang du bsten nas sde
snod dang rgyud sde la sbyangs

pas mkhas pa'i grags pa thob pa rgyal tshab chos rjer 'os pa zhig
tu gyur cing/ rim pa gnyis kyi ting nge 'dzin brtan po thugs
rgyud la 'khrungs/ rje bdag nyid chen po skyid shod du phebs nas
tshal du bzhugs pa'i

skabs shig chos rje tsha kho ba 'di phyag phyir khrid nas lha sar
thugs rje chen po rang byon lnga ldan gyi drung du smyung gnas
mang du mdzad/ nub gcig dpon slob gnyis kas rmi lam brtags pas/
chos rje 'di'i mtshan lam

du/ dung dkar chen po gnyis nam mkha' las babs nas khong gi thu
par lhung byung ba de ma thag tu dung dkar de gnyis 'dres nas
gcig tu song 'dug /de lag tu blangs nas pus pas sgra chen po
dpag tu med pa grags

pa zhig rmis/ de ni khong gis phyis su rgyal mo rong du sangs
rgyas kyi bstan pa gsal bar mdzad pa'i ltas su mngon gsungs/ rje
'dis bskul ma zhus pa la brten nas 'jam mgon chos kyi rgyal pos
byang chub sems

@047b dpa' rtag tu ngu'i rtogs brjod dpag bsam ljon pa sogs
kyang bka' rtsom gnang/ mdo smad du byon nas gser mdog cod pan
'dzin pa'i dge 'dun gyi sde mang du 'dzugs par bzhed de/ dbu
stod du dar tshang lhun

grub gling zer ba'i dgon pa dang/ ja phu'i rked na/ ba mgo dgon
pa gnyis btab pa da lta'ang 'phel rgyas su yod cing/ ja phu'i
smad na sum mdo dgon pa zer ba zhig btab pa yun ring du gnas pa
ma byung/ dmu dge'i sa

char bkra shis 'khor lo'i dgon zer ba zhig btab pa/ dus phyis
'jam bzhad 'jigs med dbang po la phul ba 'jam bzhad rin po ches
nyams gso gnang ste rgyud pa grwa tshang zhig 'dzugs gnang mdzad
pa dus phyis yar

rgyas su yod/ gzhan yang dgon pa brgya rtsa brgyad btab par
grags kyang/ grub mtha' mi gcig pa shas che ba'i gnod 'tshe'i
dbang gis dge lugs kyi dgon sde gsar bskrun de dag phal che ba
nyams chag tu gyur/

rgyal rong gi phyogs der bon po shin tu mang pas/ mthu 'gras
shor nas gshin rje'i 'khrul 'khor mdzad pas bon po mang po mngon
spyod kyis bsgral te/ chos rje pa nyid kyi zhal nas/ brgya phyed
mkha' spyod gnas

su badzra muH zhes gsungs pa ltar de dag gi rnam par shes pa
mkha' spyod dag pa'i zhing du spor bar mdzad do/ /chos rje 'di
pa la rje rin po che yang gzhan pa pas dgyes che ba zhig yod par
snang ste/ lam

@048a @#/ /gtso'i rtsa tshig 'gangs can de bzhin bskul ma zhus pa
ltar bka' rtsom gnang ba'i mjug tu/ gtan gyi 'dun ma myur du
sgrubs shig bu/ /zhes pa ltar gsung rtsom gzhan dang mi 'dra

bar thugs shin tu nye zhing gces pa'i tshig gis 'doms par mdzad
la/ chos rje 'di la gnang ba'i chab shog las kyang/ kho pos
smras pa'i rjes su zhugs shig dang/ /tshe rabs kun tu spyod dang
smon lam kun/ /

mtshungs par spyad de nam zhig sangs rgyas tshe/ /bdud rtsi'i bgo
bsha' thog mar sbyin par bya/ /zhes rje bdag nyid chen pos rab
tu dgyes pa'i gsung gis ngo mtshar ba'i zhal bzhes kyang bstsal
ba'i thugs kyi

sras khyad par can du gyur ba zhig go /dga' ldan chos 'byung nor
bu'i phreng ba las/ chos rje 'di 'phags yul gyi dpal 'bras rdo
rje dang/ rdo rje dril bu pa sogs dang rgyud gcig cing/ sku'i
skye ba rjes ma la kun

mkhyen legs pa don grub dang/ de'i phyi ma la dga' ldan mkha'
spyod du mi slob pa'i zung 'jug mngon du mdzad par gsungs so/
/zhes snang pa lo rgyus tshad ma gzhan dang yang mthun la/ rdo
rje dril bu pa'i rnam

par thar pa ni sngar gong du bshad zin to/ /kun mkhyen legs pa
don grub dang yang thugs rgyud gcig tu babs pa tsha kho ba'i rnam
thar du 'jam bzhad 'jigs med dbang po'i gsung bzhin sngar bshad
ma thag pa ltar

@048b yang/ legs pa don grub kyi rnam thar re zhig ma rnyed do/
/sems dpa' ngag dbang pa dang/ chos rgya mtsho gnyis ni/ 'khrungs
rabs gsol 'debs las/ bdag pas gzhan gces sems dpa' ngag gi
dbang/ /

skal ldan 'gro ba'i ded dpon chos rgya mtsho/ /zhes pa tsam las
gsal bar ma gsungs pa'i phyir na/ mtshan sgra'i zur tsam la dpags
te 'di dang 'di zhes rig bcos kyis kha mtshon gcod dka' bas 'dir
'god pa

ma spobs la/ dga' ldan snyan brgyud bdag po grub mchog rje/ /blo
bzang rnam rgyal/ zhes gsungs pa grub mchog blo bzang rnam rgyal
ni/ bkra shis lhun po'i lho phyogs lcags lung pa bya bar bcu sa
khang dmar

shar pa'i khyim du yab mgon po tshe rgyal dang/ yum sras mo lags
zhes pa gnyis kyis sras su lcags pho khyi'i lo paN chen chos
rgyan gshegs nas lo dgu dang/ blo bzang ye shes 'khrungs nas lo
brgyad song

ba'i dus su sku 'khrungs/ gzhon nu nas bkras lhun thos bsam
gling gi bla ma blo bzang byams pa las rab tu byung ste dge tshul
gyi sdom pa bzhes par mtshan blo bzang rnam rgyal du btags/ bkras
lhun du rnam 'grel

dang/ phar phyin/ dbu ma/ 'dul mdzod sogs la gsan sbyong phul
phyin pa gnang zhing/ thos don sgrub la gzhol ba'i thugs 'dun
nar mar yod par brten sgrub pa byed pa la man ngag rnams mkhyen
dgos par gzigs

@049a @#/ /nas paN chen blo bzang ye shes dang/ rje 'jam dbyangs
chos 'phel rnam gnyis las lung khrid mang po dang/ snar thang
zhabs drung lha pa blo bzang 'phrin las las lam rim dmar khrid
dang/

ltag par dbu ma'i lta khrid mthil phyin pa/ nu mchos lung du
grub dbang chos rgya mtsho bar blo sbyong don bdun ma'i khrid
dang lam rim/ blo sbyong/ phyag chen sogs kyi khrid lung/ ri
khrod 'dzin pa blo bzang tshe dbang dang/

'dul 'dzin stongs ldan rgya mtsho rnam gnyis las chos 'brel/ rdo
rje 'dzin pa blo bzang rig grol las 'jigs byed kyi dbang dang
rim gnyis khrid/ lhag lha dang srung ma kha ga gi rjes gnang
sogs dang/ bya btang

'phrin las chos 'phel gyi drung nas gcod kyi dbang khrid/ me
khyi dgung lo nyer bzhir phebs pa nas paN chen rin po che las
bsnyen rdzogs kyi sdom pa/ gsang bde 'jigs gsum/ mi 'khrugs pa/
tshe dpag

lha dgu rnams kyi dbang chen dang/ lhag lha du ma'i rjes gnang
dang sgrub thabs kyi pa klags lung mang po/ rdor 'dzin lhun grub
rgya mtsho las bde 'jigs sogs kyi dbang lung/ yang bshes gnyen
blo bzang tshe dbang

las bde mchog sogs kyi dbang dang/ 'jigs byed rim gnyis/ gcod
khrid/ lam rim dang bla mchod kyi khrid/ ljags lung gi rigs
mtha' yas pa bcas/ 'dul 'dzin dkon mchog gi drung nas kyang
phyag

@049b chen dang/ nA ro chos drug /blo sbyong sogs kyi khrid/
yang bya btang 'phrin chos pa las phyag chen zab khrid man ngag
zhal shes bcas dang/ gcod gzhung thar 'dod ded dpon gyi zab
khrid man ngag zhal shes dang bcas pa

dang/ mdo sngags skor sna tshogs pa'i ljags lung mtha' yas pa
rnams gsan te zab rgyas kyi gdams pa rgya mtsho'i gter du gyur/
bla ma nyid lugs pa gnyis char nas mkhyen rlabs che bar 'ga'
zhig gis srid

kyi gros zhus pa sogs kyis thugs su na te de phyogs kyi gnyen
grogs sogs dang rgyang bsring phyir dbus phyogs su phebs/ lhas
dang ra mo che'i rten gsum mjal la mchod/ pha bong kha dang bkra
shis chos gling du

gnas 'brel dang chos 'brel gsan pa/ phur bu lcog tu rje dge legs
rgya mtsho las gcod stan thog gcig ma dang 'pho ba'i zab khrid/
bcud len skor sogs chos mang tsam dang/ mkhar rdor byon te rje
bzod pa rgya

mtsho las chos 'brel gsan cing der zla ba gcig tsam la sgrub pa
nyams bzhes dang bcud len la thugs sbyong gtso bor mdzad/ de nas
yer ba dang/ ri bo dge ldan du phyag mchod skor ba thugs smon
rnams gnang

du smin pa bskyangs/ rwa sgreng du phebs te yang dgon du sgrub
pa yun ring mdzad/ der 'tsho ba shin tu bkren pa byung yang thugs
dam nyams bzhes la pogs lhag par thon par gyur/ der yun ring
tsam nas dang 'bul

@050a @#/ /sogs je mang gyur pa na/ mkhas grub rjes/ rang yul nye
du longs spyod kun bor nas/ /rtse gcig dam chos sgrub par dam
bcas te/ /gzhan gyi yul du rnam g.yeng du 'dzi yis/ /

dul 'byor don med byed pa smyon pa yin/ /zhes gsungs pa'i don
thugs la brnags te tsA rir phebs nas gnas mjal dang gcod kyi
nyams bzhes la 'grus par mdzad cing/ rkyen gzhan gyis kyang
bskul

te nges 'byung byung sems sogs kyi nyams rtogs cher 'phel ba
byung/ de nas tshur lam 'ol khar byon te rje bla ma'i sgrub gnas
rnams su maNDal phyag mchod gsol smon dang/ lam dang phyag chen/

gcod sogs kyi nyams bzhes yun ring tsam re gnang zhing/ gnas
nges med du bzhugs skabs 'tsho chas shin tu dkon pa byung par
skabs rer rtsam slong yang gnang/ 'phyong rgyas ri bo bde chen
du chos rje dag

dbang dpal 'byor las chos rgyal srong btsan sgam pos rgyal ba
bsod nams rgya mtsho la dngos su gnang ba'i spyan ras gzigs kyi
rjes gnang sogs rjes gnang dang/ ma Ni bka' 'bum sogs kyi lung
mang du

gsan/ der skabs shin tu zhabs la snyun gzhi ha cang lci bas
thebs shing rje nyid la'ang dpal ldan lha mo'i 'tshub kyi rnam pa
byung la/ sman pa mkhas pa zhig gis khyed gra sa chen po gang
nas yin pa de'i srung

@050b ma'i 'phrul du 'dug pas der rang gnas su phebs na legs
tshul zhus pa bzhin gtsang phyogs su byon/ dbus gtsang gi mtshams
jo mo kha rag gi gnas chen zhig tu 'tsho ba dka' thub la brten
nas sgrub pa

yun ring mdzad par thugs dam cher 'phel/ rgyal ba dben sa pa
dang paN chen chos rgyan sogs kyi sgrub gnas brag rgya rdo rje'i
pho brang du/ lam rim dang sngags kyi rim gnyis la thun bzhi'i
rnal 'byor gyi sgo nas

nyams bzhes yun ring du mdzad pas lam gtso gsum dang/ rim gnyis
kyi nyams rtogs rmad du byung ba 'khrungs/ de dag gi skabs grub
mchog nyid kyis mgur du bzhes pa'ang 'di ltar/ na mo gu ru
manydzu g+ho

ShA ya/ dus gsum gyi sangs rgyas dben sa pa/ /gsum ldan gyi blo
bzang ye shes zhabs/ /gus ldan gyi bu la brtser dgongs la/ /byin
rlabs kyi char rgyun dbab tu gsol/ /lus sems gnyis bde ba'i
ngang

nyid nas/ /phyogs med kyi rgyal khams myul myul ba'i/ /gu yangs
kyi sprang po yan pa nga/ /nyams dga' ba'i glu dbyangs 'di bzhin
len/ /dal 'byor gyi mi lus thob ngos nas/ /sangs rgyas las lhag
pa'i rje

dang mjal/ /nyams len la 'bad 'bung byed byed pa'i/ /mi lus la
don ldan nga'i skyid pa/ /skyes yi pha yul por ngos nas/ /nye
'brel la zhen chags mi byed par/ /rang mgo ni rang gis 'don 'don
pa'i/ /pho
@051a @#/ /rgod kyi rnal 'byor ba'i skyid pa/ /gar skyid la pha
yul byas ngos nas/ /su byams la pha mar bltas gyur te/ /phyogs
med du dag snang sbyong sbyong ba'i/ /gu yangs kyi sprang po
ba'i skyid

pa/ /bdag 'dzin gyi dgon pa bor ngos nas/ /mi ngan pa ngo srung
mi byed par/ /rang dbang ni rang gis bzung bzung ba'i/ /dpon med
dang g.yog med nga'i skyid pa/ /yo byad kyi gsog rgyun por ngos
nas/ /'gro dus

su khur po mi 'khur bar/ /sgo rtsam la zad len byed byed pa'i/
/sprang po yi khyu rgya na nga'i skyid pa/ /mdo rgyud la thos
bsam byas ngos nas/ /phan med kyi kha bshad mi byed par/ /nyams
len la mthil thon byed byed

pa'i/ /pho grung gi rnal 'byor nga'i skyid pa/ /sgyu lus la gces
'dzin bor ngos nas/ /gar shi la 'gyod med byas gyur te/ /na rga
dang shi skyid byed byed pa'i/ /thag chod dang blo bde nga'i
skyid pa/ /'di 'dra yi

skyid pa mi byed par/ /tshe 'di'i bde ba la sred gyur pa'i/
/snyigs dus skya ser gyi skye bo'i tshogs/ /snying med yang na ni
smyon pa rang/ /deng sang 'jig rten gyi khams 'di na/ /rang re
sprang po las skyid pa ni mi 'dug /

skyid pa'i skyid glu zhig blangs gyur nas/ /rgyal khams gang
bzang la chas 'gro ang/ /zhes so/ /de nas rta nag chos sdings
kyi dben rir sgrub pa yun mi thung tsam mdzad cing/ /bya bral
sgrub sder don gnyer can

@051b 'ga' la phyag chen gyi khrid sogs chos bka' ci rigs gnang/
dngul chu chos rdzong du phebs nas lo gsum tsam la sku mtshams
gnang bas thugs dam shin tu 'phel/ thos bsam gling mkhan po dpal
ldan ye

shes jun gar du phebs rgyu'i tshab tu re bas rje 'di nyid bkras
lhun du 'phral phebs dgos pa'i gsung shog 'byor yang ma phebs
par dgongs pa zhu gcig mdzad de/ bzhad bkar shis dge 'phel gyi
bla ma sogs kyis

zhus ngor gcod sogs chos bka' mang du stsal/ der 'dod yon 'phel
ba byung ba na dge sbyor gyi bar chad du 'gro bar dgongs te/
dben gnas nges med sna tshogs su sgrub pa gtso bor gnang zhing/
skabs 'gar

slong mo yang mdzad pa rje mid la'i rnam thar ji lta bar
bskyangs/ de nas bla ma nyid 'dris med kyi yul thag ring zhig tu
byon nas tshe dang sgrub pa snyoms pa zhig mdzad bzhed nar mar
yod pa'i khar/ chos 'phel ja'i sang

sogs kyis o rod kyi yul du gdan 'dren 'dod yod tshul yang gsan
te/ paN chen blo bzang ye shes la bdag tshe 'di'i rnam g.yeng
spangs nas sgrub pa mthar phyin byed 'dod tshul sogs zhus nas paN
chen gyi bka'

ltar stod phyogs 'ding ri brgyud de rje ming la'i sgrub gnas
brin gyi chu dbang dang/ brag dmar mchod lung/ spo mtho nam
mkha' rdzong sogs su thun bzhi'i rnal 'byor gyi sgo nas sgrub pa
nar mar mdzad pas thugs dam la

@052a @#/ /bogs lhag par thon par gyur cing/ chu dbar gyi chos
sde ba sogs don gnyer can mang por rab byung dang bsnyen rdzogs
kyi sdom pa dang/ lam rim/ blo sbyong/ phyag chen/ bskyed rdzogs
sogs

kyi khrid/ nam mkha' sgo 'byed kyi gcod dbang dang gcod khrid
sogs stsal zhing/ gcod gzhung thar 'dod ded dpon gyi TIkka tshig
don gsal sgron bya ba yang rtsom pa mdzad/ 'gro phan gling gi
spo mtho lha khang du zla ba

bzhi'i ring dpal 'khor lo sdom pa'i bsnyen sgrub gnad smin
bskyangs pa sogs lo lnga tsam gyi yun la sgrub la tshig dril
mdzad/ de nas bal yul du phebs te stag mo lus sbyin/ bya rung
kha shor/ 'phags pa shing

kun sogs la phyag mchod/ skor pa/ thugs smon sogs gzab nan
gnang/ rong gi phebs lam zhig nas mon pa'i jag rkun gyis chas
dngos kha shas phrogs pa'i gras su yum gyis phul pa'i sku gzan
zhig shor

ba la thugs phangs phangs yang yang gnang zhing/ yum gyis bzos
pa'i ska rags shig yod pa phyis phan phun du gyur pa na phyi
nang nas lhan pas glan te rje nyid nam gshegs kyi bar yum gyi
bka' drin bsab phyir sku la

bcang bar mdzad/ skyid grong du phebs nas jo bor mchod smon
dang/ gyang khang zhes par bla ma lha btsun pa sogs kyis zhus pa
bzhin/ lam rim bde lam/ phyag chen/ blo sbyong don bdun ma sogs
khrid lung mang

@052b po dang/ dge ldan phyag rgya chen po'i sa bcad kyang thugs
rtsom gnang/ me tog mdangs can du rje red mda' ba'i sgrub phug
chen mor sku mtshams mdzad cing/ gtum mo'i khrid sogs chos bka'
yang 'ga' re gnang/ rje btsun

sa paN sgrub phug tu dge slong mang por chos gsung skabs bka'
gdams gsung thor bu'i nang na/ snyigs ma'i dus 'dir gzhan mgo
'don pa'i dus ma yin/ rang mgo 'don pa'i dus yin zhes pa'i
mtshams su sleb pa na

spyan chab mang du byung zhing/ thugs la nges 'byung shugs drag
po 'khrungs te chos kyi 'phro gnang ma thub pa byung/ sang nyin
yang gnang mtshams der thug pas slar nyin snga ma ltar gyur te
gnang ma thub par 'phro lus/ de nas

slar me tog mdangs can du phebs nas tshe 'dir bya rgyu chos las
med pas dge sbyor la brtson dgos gsungs te 'di ltar stsal te/ na
mo gu ru/ dus gsum gyi sangs rgyas dben sa pa/ /mtshungs med kyi
rje btsun thams cad

mkhyen/ /blo bzang gi ye shes skyabs kyi mchog /'bral med du
spyi bo'i rgyan du bzhugs/ /rang blo ni chos la phyogs pa'i tshe/
/sdug dogs kyis nor rdzas bsags gyur nas/ /sdig gsog gi ser sna
byed pa las/ /zang zing gi 'byor

ba spangs na bde/ /rang blo ni chos la 'khul ba'i tshe/ /re dogs
kyi bsam rgya mang po yis/ /blo mang gi bya ba byed pa las/ /bya
ba rnams blo yis btang na bde/ /nges med kyi rgyal khams 'khyams
pa'i tshe/ /rkyen ngan gyi bar chad byung dogs

@053a @#/ /nas/ /blo chung gi grogs dang 'grogs pa las/ /skyid
sdug la thog rdzis byas na bde/ /rgyal khams su 'tsho ba slor
ba'i tshe/ /ma 'ongs pa'i bsam rgyas bslangs myur nas/ /sgyu lus
la khur po

'gel ba las/ /sgo rtsam la zad len byas na bde/ /rgyal khams su
ri khrod 'grim pa'i tshe/ /chags sdang gi sems rtsa 'khrug 'gyur
ba'i/ /don med kyi khyim mtshes bsten pa las/ /bse ru bzhin gcig
pur gnas na bde//

nges med kyi ri khrod 'grim pa'i tshe/ /nges bzung gi sbyin bdag
btsal gyur nas/ /ngo srung gi dge sbyor byed pa las/ /nges med
kyi bsod snyoms byas na bde/ /gcig pu ru ri la sdod pa'i tshe/
/sdig gsog gi mkhar las byas

gyur nas/ /'dzad med kyi las ngan gsog pa las/ /sa phug dang
brag phug bsten na bde/ /gzhi gcig tu yun ring gnas gyur nas/
/chags sdang gi sems rtsa 'khrug pa las/ /nyams len la pogs 'don
byed pa'i

phyir/ /dben pa nas dben par 'phos na bde/ /nyams len gyi gnad
la sbyor ba'i tshe/ /sdom gsum la gces spras gtsor bton te/ /thos
bsam gyi rgya mtsho'i grur zhugs nas/ /thos don rnams rgyud la
sbyar na bde/ /

thos bsam gyi gnad la sbyar ba'i tshe/ /lta spyod gnyis ya bral
ma song bar/ /zung 'brel gyi nyams len mkhas gyur na/ /zung 'jug
gi rgyu ru 'gyur bas bde/ /zab don gyi gnad la sbyor ba'i tshe/
/dang po nas 'jog sgom

@053b mi byed par/ /dpyad sgom gyis nges shes drangs gyur na/
/'jog dus su blo thag chod pas bde/ /rjes thob tu bya ba gang
byed tshe/ /tha mal gyi snang zhen spangs gyur nas/ /mnyam gzhag
gi rgya yis bcings gyur na/ /sdig

ltung rnams rang shugs 'gags pas bde/ /dge phyogs rnams bsngo
bas rgyas 'debs tshe/ /rang don gyi bsam pa spangs gyur nas/
/gzhan don dang bden med rtsis zin na/ /chos gzugs kyi rgyu ru
'gyur bas bde/ /bde

bde yi glu dbyangs ring mo 'di/ /mkhas 'dod kyis brtsams pa ma
yin yang/ /grogs mchog gi blo ngom bzod par/ /me tog gi mdangs
can gnas su sbyar/ /'di don bzhin nyams len byas pa'i ngang/
/rgyal khams su lo

gsum 'grims gyur nas/ /ban rgan gyi sgyu lus blta ba'i phyir/
/mjal 'dzom gyi smon lam yang dag thob/ /ces pa 'di'o/ /gnas der
gsang 'jigs sogs kyi bsnyen sgrub khag du ma dang kha skong gi
zhi ba'i sbyin sreg kyang

zhag bcu skor sbrel te gnang/ chud bar du bzhugs skabs nas bzung
yar mar gyi tshes bcu rnam gnyis la 'khor lo sdom pa'i sgrub
mchod rgyas pa dang bdag 'jug sogs mdzad/ mi dbang pho lha bas
dge bsnyen rdo rje bya

ba ched mngags kyis sangs rgyas kyi bstan pa'i don du spyir sku
rim gang drag dang/ lhag par drag po'i las sbyor gnang dgos tshul
rten dang bcas gnang bar/ nang du ma btang bar bug sgo nas nged
rang dge sbyor ci byed

@054a @#/ /rgyal ba'i bstan pa 'ba' zhig gi ched du byed pa yin/
de min dpon po chen po'i rim gro byed pa ngas mi yong/ lhag par
drag po'i las sbyor gtan nas mi yong zhes ngo 'dzin gang yang

ma gnang par zhu yig rten bcas phyir slog par mdzad/ skabs 'di
dang gzhan du gzigs snang ngo mtshar can yang mang du byung bar
gsungs/ lcags khyi dgung lo re gcig par bkras lhun du byon te/
paN chen

rin po che sku bgres shing spyan mi gsal ba'i skabs der mgron
gnyer gyis bka' bkyon pa sogs la ma 'dzems par zhu gsol nan
bskyed de/ lam rim myur lam gyi lung dang/ shrE ya'i lung tshang
ba gnang/ deng

sang paN chen blo ye'i bka' 'bum lung rgyun ma chad pa grub
dbang 'di nyid kyi drin du gsungs/ bstan rgyun la dgongs te shar
rtse slob dpon blo bzang mgon po las myur lam gyi khrid gsan
cing/ blo gsal 'gar

tshad ma rnam 'grel dang 'jug pa sogs kyi lung yang stsal/ slar
snar thang dang gnya' nang brgyud de bal yul du phebs/ 'phags pa
shing kun tu zla gcig ring ltung bshags dang 'brel ba'i phyag
'bum phrag gsog

pa'ang gnang zhing/ gzhan la'ang rje tsong kha pa dang rtogs
ldan pa sogs kyi bka' brgyud 'dir zab mo dbu ma'i lta ba rtogs
pa sogs la bla mar gsol 'debs bsag sbyang byed pa 'di gal che
gsungs/ de nas skyid

@054b grong du phebs par dge slong dge 'dun bya pas zhus pa ltar
dga' ldan phug po cher byon nas sa gzhi byin brlabs shing/
rdzong dkar mkhan po sogs kyi ngor lam rim che chung dang sngags
rim sogs kyi lung dang gcod

kyi dbang khrid sogs zab chos mang du stsal mkhan pos sbyin bdag
zhus te dge slong rnams kyi tshogs khang sogs gsar du bskrun/
gson gshin gyi dngos rdzas rnams dge 'dun la bsngos te chud ma
zos pa

mdzad cing/ 'ba' ra sprul sku sogs la chos bka' rgya cher gnang/
dgung lo re lnga pa stag lor slar bkras lhun du paN chen rin po
che mjal bar phebs/ lo snga ma nas paN chen mchog sku bsnyun
tshul che ba

bzhes mus kyang rje 'dis grub rgyal tshe sgrub gnang bas gdangs
skyed legs par bzhes par mjal kha dang/ skyabs 'jug zhus nas
phug chen sgrub sder phyir phebs te sku mtshams dam por bzhugs
shing/ yos

lor smyung gnas la 'grus par mdzad de yig drug la brtson pa
gnang skabs man la lam du mi dkar po zhig gis da gzungs ring pa
grang na legs zer ba byung bas de phyin gzungs ring la brtson
par mdzad/ tshogs

pa rnams la bslab btus sogs chos mang du gsungs shing bsnyen
rdzogs kyi sdom pa sogs kyang stsal/ brgyad stong pa'i lung
gnang skabs spyan chab mang du bsil zhing/ da na so rgas song/
gzhan chos bya rgyu rang

@055a @#/ /zhig 'di na 'dug pa yin te/ zhes yang yang gsung ba ni
rgyal ba'i gsung rab rnams rim gro'i nyer mkho dang/ phyag mchod
kyi yul tsam du 'dzin pa min par gsung rab gdams

par shar pa'i rnam thar ngo mtshar can zhig go /'brug lo sogs lo
snga phyir yang lam rim myur lam gyi steng nas dmar khrid rgyas
pa sems bskyed mchod pa bcas zla ba gcig gi ring dang/ 'dul ba
mdo rtsa ba/

rigs tshogs dang tshad ma rnam 'grel sogs kyi bklag lung mang po/
phyag chen dang gcod kyi dbang khrid sogs yang yang gnang/ dga'
ldan snyan brgyud sprul pa'i glegs bam yang paN chen blo bzang
ye shes

kyis rje 'di la gnang bas snyan brgyud kyi bstan pa'i bdag por
gyur/ rje 'dis yongs 'dzin ye shes rgyal mtshan la gtad tshul
lcang skya rol rngor gyi rnam thar las gsal bar bshad/ ris med
kyi bstan 'dzin

du ma'ang rje 'di'i zhabs la gtugs nas byin rlabs chos 'brel/
dge bsnyen dang dge tshul slong gi sdom bzhu ba mang du byung ste
bal bod mtshams kyi bstan 'gro mtha' dag la bka' drin zla med pas
khyab

par mdzad/ nam zhig nas dus bzhi'i 'gyur pa sogs mi rtag pa'i
ngang tshul du ma gsung ba dang/ sngon byon dam pa rnams lo ji
tsam bzhugs bka' 'dri yang yang gnang pa sogs dgongs pa gzhan

@055b du gtad pa'i gsung mang du byon cing/ sku bsnyung tshul
bzhes skabs de ga'i dge 'dun sogs thams cad kyis zhabs brtan rim
gro sogs rgya cher bsgrubs pa na/ khyed tshos 'di tsam gyi dag
snang byed pa dben sa

snyan brgyud kyi bstan pa 'did dung dar rgyu yin shas che gsung
zhing/ phyag rdzas rnams dge phyogs su bsngo ba dang/ zhabs
'bring ba rnams la rgyal ba'i yum sgrog pa dang/ rdo rje 'jigs
byed kyi sgrub mchod cig

tshugs gsung ba sogs gnang ste/ dgung lo don gnyis pa lcags bya
lor gzugs sku'i bkod pa bsdus te dga' ldan yid dga' chos 'dzin
du gshegs so/ /gsung skyes slob ma yang yongs 'dzin paNDi ta

ye shes rgyal mtshan sogs mang du gyur ngo/ /gsang rnam las byung
ba drung mkha' spyod dbang po ni/ bdag gi rje bla ma rdo rje
'chang chen po mchog nyid dgung lo nga dgur phebs pa me byi lo
chab mdo nas bod

phyogs su chibs kha bsgyur skabs ngom sa sgang dgon nas nan gsol
bzhin der nyin kha shas ring chos bka' mang du stsal zhing/ nyin
gcig sa gang dpon tshang nas gdan drangs te dpon rgan bgres po
zhig

'dug pa des nyin gang mdzad brel gzhan mi zhu bar sku'i ngal
gsor lhod 'gol spro bzhugs mdzad dgos par zhus pa ltar zhal gyis
bzhes te lhod bzhugs gnang/ de nub dgon gyi bzhugs mtsher du
@056a @#/ /phyir phebs/ kho bo cag de nyin yang yig 'bri'i las ka
mang bas dpon tshang du nyin bar lan 'ga' bcar ba las lhod sdod
byed pa ma lcogs shing/ sang snga dror drung du bcar bar

bka' mol gzhan pa 'ga' gnang 'phro zhig tu/ khar sang dpon tshang
du yod skabs 'khrul snang lta bu khyad mtshar zhig byung gsung/
ci 'dra byung yod dam zhus pas/ nga rang dpon tshang du slebs pa
nas/

bzung ste 'khrul ba ltar gyur nas ngos tsho'i bla brang gi mi der
slebs pa rnams kyang bla brang gi yin pa gtan nas mi dran par
rbad kyis brjed de sngon dus shig gi mi tshang de ga'i mi yin
pa'i 'du shes kho na 'dug/

mi tshang de ga'i dngos spyad rnying pa mthong ba mang po ngo
shes kyi 'dug kyang mdang nub bla brang du tshur slebs ma thag tu
'khrul snang de tshang ma yal song ba ha cang khyad mtshar de lta
bu byung gsung bar de dag gang yin

bka' 'dri yang yang zhus kyang de ji ltar yin mi shes pa 'dug
ces phebs/ de dus rtogs ldan 'jam blo rin po che dgon der phebs
yod par yang rdo rje 'chang nas de dag gsung 'phros kyi zhar du
gnang

yod 'dug pas rtogs ldan rin po ches skabs 'phral der sa sgang
dpon sogs rgan rabs mang por zhib 'dri rtsad dpyod nan du mdzad
par rgan rabs rgyus can 'ga' res/ sngon dus shig tu sa sgang

@056b dpon tshang der drung mkha' spyod dbang po zhu ba bde mchog
gi rnal 'byor pa khyad par can zhig byung ba snga ma rnams kyi
zer rgyun la 'dug /la las mkha' spyod du phebs pa red kyang zer
zhes zhus pas de'i tshul rnams skabs de

nyid du rdo rje 'cha' chen po mchog la rtogs ldan rin po ches
gsol gdab nan tan gnang bar rdo rje 'chang nas de ltar sngon
gnas rjes su dran pa'i gsung sgo gsal bar phebs yod pa gor ma
chag ste/ phyis su rtogs

ldan rin po che nas drung mkha' spyod dbang po bla ma rdo rje
'chang chen po'i 'khrungs rabs snga ma zhig yin pa gsal bar
gsungs tshul kho bo cag gis yang yang thos so/ /des na mkha'
spyod dbang po 'khrungs rabs kyi gras

su byung brtsod med du grub la/ de nyid dus nam gyi tshe byung ba
nges pa can ma thos shing/ 'jam mgon tsong kha pa chen po'i
dngos slob mkha' spyod dam mkha' rgyal mtshan zhu ba zhig byung
ba de'am/ yang na de'i rjes

su byon pa zhig ji yin ma 'tshal la/ de'i rnam par thar pa yang
rnyed dka' bas re zhig bzhag go/ /rje bla ma rdo rje 'chang nyid
lcang skya rol pa'i rdo rje'i yang srid 'khrul med du rnam thar
sa bon gyi stod cha bka' rtsom ma

dang/ gsung ris sogs du ma nas shin tu gsal zhing mthun par
byung ba 'og nas rim bzhin ston la/ de'i phyir 'dir lcang skya
rol pa'i rdo rje'i rnam thar thu'u bkwan chos kyi nyi ma'i gsung
ltar mdor bsdus shig

@057a @#/ /brjod na/ mkhas grub chen po de nyid ni/ mdo smad
tsong kha'i byang phyogs/ lang gru sde bzhi'i nub pad+ma'i sder
gtogs pa'i 'brog gnas su hor gyi rigs las yab chi kya sngags

pa gu ru bstan 'dzin dang yum bu skyid gnyis kyi sras su rab
byung bcu gnyis pa'i me bya lo sku bltams/ dgung lo gnyis gsum
skabs rje tsong kha pa dang/ o rgyan rin po che/ rgyal dbang
rin po che rnams kyi

zhal gzigs/ dgung lo gnyis par nga bla ma lcang skya yin sogs
gsung ba dang/ bla ma lha'i mtshan ltas lung bstan mang po/ mchog
sprul nyid kyis sku gong ma'i sku chas ngos 'dzin gnang ba sogs
thams cad

mthun pa byung bas lcang skya ngag dbang blo bzang chos ldan gyi
yang srid du nges pa rnyed de lcang skya bla brang nas sprul sku
ngos 'dzin zhus/ dgung lo bzhi'i thog dgon lung byams pa gling
du gdan drangs/ chu bzang rin po

che blo bzang bstan rgyan gyis dbu skra'i gtsug phud bzhes te
mtshan ngag dbang chos kyi grags pa bstan pa'i rgyal mtshan dpal
bzang por gsol/ /sku gong ma'i slob ma a rtse chos rjer grags
pa rje blo bzang chos 'dzin

pas yi ge 'dri klog phul pa dang/ cho ga chos spyod skor thugs
'dzin gyi gsal 'debs mdzad pas tshegs med par mkhyen te/ tshig don
mang po'ang thogs med du gsungs/ snga phyir sngon gnas rjes dran
gyi

@057b gsung dang mdzad pa du mas grwa slob sbyin bdag mtha' dag
dad pa dang yid ches kyi gnas la bkod/ skabs shig mtsho sngon gyi
dpon po bstan 'dzin chin wang sogs rgya nag la ngo log pa'i dus
zir bslang bas/ 7 gong

ma yung Ting gis 7 gong ma'i rgyal sar mnga' bsgyur ba'i lo
gnyis pa chu yos dang shing 'brug la rgya'i dmag chen gyis mtsho
sngon gyi sog po rnams bcom/ gser khog dgon gyi se chen rab
'byams pa sogs sog

po'i dmag rogs la song ba'i rkyen gyis dgon de dang/ zhar du
dgon lung sogs kyang dmag gis nyams nyes su btang skabs/ 7 gong
ma des sngon lcang skya ngag chos las chos mang du gsan pa sogs
kyis rje gong mar

thugs dad che stabs glo bur thugs dran sad de sprul skur dmag
'khrug gis sku ngal 'byung dogs cher 'khrungs te de ma thag mtsho
sog tu 'gro ba'i dmag dpon gnyis la/ bdag gi slob dpon lcang
skya'i sprul skur

sku la nyams nyes med par rgyal khab chen por myur du gdan 'dren
dgos tshul gyi bka' yig zhag lngas 'byor bar phebs pas lcang jun
gnyis kyis dmag mi rnams la lo bco lnga lon pa man chad gsod mi
chog

pa'i dril bsgrags pas sprul sku rin po che'i thugs rjes g.yul
du tshud pa'i bu chung bgrang las 'das pa zhig srog gi 'jigs pa
las thar/ 'di skabs sprul sku rin po che dgon lung nas nyin lam
gnyis tsam gyi sa cha

@058a @#/ /'ju lag phyogs kyi sbas yul zhig tu gsang stabs kyis
bzhugs yod pa cang jun sogs kyis shes te rtsad gcod drag tu
bgyis pas mchod rten thang dgon pa'i bla grwa sogs ser skya

thams cad ci drag la thug cing/ sprul sku rin po ches 'di skabs
snga phyir nyen skyon med pa'i 'byung 'gyur lung bstan lta bu
mang du gsungs/ zhabs zhu ba phal cher ni rgya ngan gyis sprul
sku rin po che mgul 'breg

pa'i nyen dogs sdug bsngal gyis mnar te nyin mtshan khor mor
'byams/ de nas rim gyis gsang brdol te dgon lung spyi pa dang
lcang skya bla brang gi nang bzan kha shas sprul sku rin po che
gdan 'dren par song bas

'phral du byon te dgon de dang/ lcang skya bla brang sogs ras
gur phub nas gzhi bzung ste bsdad yod pa der 'byor/ de nas dmag
sgar du phebs nyer/ lcang skya'i phyag mdzed ba yan nang sos/
sprul sku dmag

nang du phebs dgos pa'i phyag g.yog grwa pa'i khrod nas 'gro
mkhan yod na legs/ nga rang lo rgas pas bla ma gong ma'i rten
gsum phyag rdzas phran yod rnams bsrung ste sdod pa las/ sprul
sku'i rjes su

'gro rgyu min zer bar/ a rtse chos rjes/ nged ni sprul sku
dgung lo bzhi nas da bar phyag g.yog byas pas da 'gag la thug
dus blos gtong mi phod pas gson mnyam shi mnyam byed pa las med
gsung/ de bzhin

@058b gzhungs bzang snying stobs che ba'i grwa pa dgu bcas phyag
g.yog tu 'brangs/ sprul sku tin po che dmag dpon cang jun gyi
drung du sdigs stangs 'jigs zil rngams po che de sgo nas khrid
kyang nyes skyon ma byung par rim gyis

dpon dmag 'ga' re dang bcas te gdan drangs/ de dag gi gtam rim
gyis mched pa las phebs rjes su bsnyags te phyag phyir 'tshangs
pa'i nga je mang du gyur cing/ zi ling gis yul zhig tu sngar gyi
ba yan nang so

yang slebs nas phyag mdzod kyi gos bdag byas pa sogs 'khor ba'i
mtshan nyid mig mthong lag zin ltar bstan ba byung/ de nas rim
byon gyis pe cin du phebs pa na/ sku god ma'i slong ma 7 gong
nas spyan bskyangs che

zhing/ skabs de'i pe cing gi tham ga bla ma jing zi'u chan zhi
thu'u bkwan ho thog thu ngag dbang chos kyi rgya mtshor 7 gong
mas sngon tshud nas bka' phebs pa bzhin sprul sku rin po che tsan
dan jo bo'i lha khang gi thu'u bkwan gla

brang du bzhugs shing thu'u bkwan pas kyang sprul sku rin po
cher phebs bsu/ phyag 'bul/ thog ma'i legs skyes stob pa sogs
bkur ste 'gran med dang/ 7 gong ma'i mdzod nas gsol phogs ma
byung gi bar du

ston 'khor babs bstun gyi na bza' gsol chas sogs nar mar sbyar
zhing 7 gong ma mjal 'phrad skabs kyi lam lugs sogs kyang snyan
'debs mdzad/ nyin gcig 7 gong ma tsan dan jo be mjal du phebs
skabs mchog

@059a @#/ /sprul rin po che dang mjal 'phrad mdzad par/ 7 gong
mas rang gi bla ma lcang skya sku snga ma de nyid rjes su dran
te 7 gong ma'i bzhugs khri'i stan gyi khar dbus su sprul sku rin
po che bzhugs su

gsol/ 7 gong ma rang nyid khri stan gyi zur du bzhugs pa sogs
mdzad/ sprul sku gdan 'dren pa'i rgya dpon sku mdun du pos te/
khyod kyis mtsho sngon po'i sog po thams cad mnga' 'og tu bcug pa
la ded de

tsam dga' ba chen po med/ nga'i bla ma'i sku skye 'khrul med 'di
gdan drangs nas nged la ngo 'phrad pa la sems dga' ba tshad med
pa byung zhes phebs pa dang/ yang de nas ring min dus tshes bzang
ba zhig tu khri 'don

mdzad rgyur/ de skabs sprul sku rin po che rgyal po rang nyid
phebs sa'i shing rta ser por bzhugs shing/ bzhugs stan gser
'brug ma ser po sogs sku gong ma'i lung las ltang phebs rgyu
dang/ gsol phogs sogs

kyang go rim bzhin mdzod nas gtan 'jags gnang dgos tshul bcas
phebs pa bzhin tshes grangs bzang po zhig gi nyin bkur gzos tshad
med pa'i sgo nas/ sngar 7 gong ma yung Ting ngang gis bzhengs pa
lcang skya

sku snga ma'i gdan sa zung gru zi'i lha khang du gdan drangs te
rje gong ma'i chos kyi rgyal srid du mnga' gsol ba sogs rten
'byung legs tshogs kyi sgo brgya phrag tu phye ba mdzad/ 'di dus
mdo smad du dgon lung dang gser

@059b khog dgon gnyis rgya dmag gis bcom ste/ gtsug lag khang
dang grwa shag rnams mer bsreg /dge 'dun mang po bkrong/ lhag ma
rnams phyogs phyogs su byer te grong yul rnams su khyim pa'i zol
gyis sbas gsang

gang drag gis sdod dgos byung yang/ slad nas rim gyis rje thu'u
bkwan pa dang/ sprul sku rin po cha rnams gnyis nas thabs mkhas
kyi zhu ba dang mdzad sgo gang zab gnang bar brten/ dgon pa
gnyis kas rang rang gi

gnas sngar ltar bdag gzung byas chog ba dang/ gtsug lag khang
dang grwa shag rnams kyang 7 gong ma'i mdzod nas gsar bskrun
gnang/ lha sde rnams rgya 'og tu tshud pa phyir ma sprad kyang/
de'i tshab tu lo re bzhin

mdzod nas phogs gtan 'jags su gnang ba bcas byung/ de nas rje
gong ma'i dngos slob lung rigs smra ba'i dbang po bzang shu dka'
chen shes rab dar rgyas sam ngag dbang chos ldan zhes pa dge
rgan gyi tshul du

bsten nas rigs lam la thugs sbyong mdzad pas rigs lam shin tu
phra pa rnams kyang tshegs med par mkhyen/ dka' chen la lung
khrid gsan nas bla ma 'jam dbyangs zung 'brel gyi bla rnal nyams
su bzhes pas

lung? gsang? rnang? khyad par can thon/ mngon rtogs rgyan dang
'grel pa don gsal thugs la byang bar bzung ste/ rgya 'grel rnams
dang/ legs bshad gser phreng/ khyad par 'jam dbyangs kyis rje
bla mar

@060a @#/ /dngos su stsal ba'i sher phyin man ngag nyams len gyi
rim bar bsgrigs pa rnam bshad snying po rgyan gzigs rtog gtso bo
dang/ gzhan spyi mtha' dpyod zur bkol sogs la zhib dpyod

dang/ sher dar ba sogs la dka' gnas dogs gcod 'bel gtam kyang
yang yang mdzad pas ring min rgyan 'grel pa dang bcas pa la
mkhas pa'i go 'phang brnyes/ mdzod rtsa ba dang/ dge 'dun grub

kyi mdzod TI ka thar lam gsal byed gnyis thugs 'dzin gnang ba'i
thog /rang 'grel sogs rgya bod kyi mjod TI ka rnams la zhib
dpyod mdzad pas thugs nges gting tshugs pa 'khrungs/ dge 'dun
grub

sa sde lnga/ sdom rnam gnyis/ kun btus dar TI ka dang/ red mdar
ba'i TI kak sogs gzigs te dka' gnad rnams la'ang thugs sbyong
mdzad/ de nas dbum rtsa 'jug gnyis thugs 'dzin gyis rgyun par
zhal

'don du gsung/ bu dad+ha pA li ta dang 'jug pa rang 'grel gnyis
thugs thog nas skyor ba dang/ rje'i gsung rtsa 'jug gi TI ka
chen gnyis dang/ stong thun skal bzang mig 'byed rnams kyi gnad
che ba phal cher dang/

ser rje btsun pa dang 'jam bzhad kyi dbu ma'i yig cha thugs
'dzin gnang/ 'jug pa zhal 'don mdzad skabs snod bcud thams cad
rdzun pa sgyu ma lta pu las/ don la tshugs thub pa cung zad kyang
mi 'dug snyam pa/

@060b thugs la yang yang shar/ 'di dus ngo mtshar ba'i mtshan lam
gyi ltas mang po dang/ lhag par a mdo bla rgan yin bya ba'i a
tsa ra zhig gis pi waM brdung ba'i sgra las rten 'brel bstod pa
cha tshang thon pa zhig rmis pa

nas zab mo dbu ma'i lta ba khyad par can thugs la 'khrungs te/
'di dgung lo bcu gsum gyi dus su yin par gsungs/ gzhan yang mdo
btus dang/ rigs tshogs lhag ma lnga sogs klu sgrub yab sras kyi
gzhung

sang yod la gsan bsam dpyis phyin pa gnang/ 'di skabs drang nges
legs bshad snying po thugs 'dzin gyis mkhas pa rnams la dka'
gnas kyi 'bel gtam mang du gnang bas dbu sems kyi mkhas pa so

so'i rigs pa'i 'gros phra zhib rnams ma 'dres par mkhyen/ de nas
rgyas par 'brir mi lang yang gtso che ba 'ga' tsam mdor bsdus te
'god na/ slob dpon phyogs glang yab sras kyi gzhung rnam 'grel
gyi skor

dang/ bod 'dir mchog gnyis su grags pa yon shAka gnyis kyi 'dul
ba'i gzhung gi skor bcas rang rang gi rtsa ba dang/ rgya bod kyi
'grel TIka du mar thugs 'dzin dang/ zhib gzigs ci rigs gnang
bas tshig don

mtha' dag la thugs nges gting tshugs pa 'khrungs/ gzhung chen
mo'i gsan bsam gyi par skabs su'ang thu'u bkwan pa'i drung nas
'jigs byed lha bcu gsum ma'i dbang chen dang/ 'brong rtse lha
btsun rin rgyam gyi
@061a @#/ /gsung steng nas sngags byang sems kyi bslab bya'i
khrid/ thun drug bla ma'i rnal 'byor gyi khrid/ lam rim dang
'jigs byed kyi rim gnyis/ zhi khro sbrags sgrub bcas kyi khrid
mdor bsdus/

byams chos/ rigs tshogs/ jo bo'i chos chung brgya rtsa sogs dang/
rje tsong kha pa sogs kyi gsung 'bum nas bklag lung ches mang
pa/ bla mchod dang dbu ma'i lta khrid/ spyod 'jug dang/ stong
nyid bdun cu/

mdo rgyan gsum la mdzub khrid kyi bshad pa rgyas pa/ 'jam
dbyangs chos skor sogs kyi rjes gnang khag du ma dang/ dka' chen
sher dar ba las/ lam rim che chung/ 'jam dpal zhal lung bcas kyi
zhib

bshad/ lcang skya gong ma'i gsung lam rim dang phyag chen/ gsang
bde 'jigs gsum gyi bskyed rdzogs/ gtum mo/ 'pho ba/ snying po
don gsum rnams kyi dmar khrid zhal shes dang bcas pa/ tshe khrid
khag/

bde mchog lU i pa dad dril bu lha lnga'i dbang/ lhag lha du
ma'i rjes gnang/ rje gong ma'i gsung 'bum yongs rdzogs kyi lung
sogs dang/ grub dbang a rtse chos rje blo bzang chos 'dzin las
bde mchog dril

bu lus dkyil gyi dbang chen/ bde gsang 'jigs gsum gyi rim gnyis
zab khrid yang yang dang/ bde mchog dril bu lus dkyil gyi bskyed
rdzogs nyams khrid zhal shes bcas lan du ma/ rje gong ma'i gsung

@061b lam khrid mdor bsdus kyi steng nas dben sa snyan brgyud
lugs lam rim dmar khrid thun man dang/ tshe ma bu lugs thugs rje
chen po'i dmar khrid yan lag dang bcas pa/ gzhan yang dam pa de
rnams las bka'

gdams thig le bcu drug gi dbang/ sgrub thabs rgya mtsho dang snar
thang brgya rtsa'i rjes gnang yongs rdzogs/ grub rgyal tshe
dbang/ sgrel ma nyer gcig /sman bla mched brgyad/ sme brtsegs
sogs kyi rjes gnang

mang po bcas gsan/ dus 'di dag dang/ phyis su yang dam pa mang
por chos bka' ci rigs gsan cing/ de dag gi skabs su bla ma rnams
la bzhugs khri mthon po bshams pa dang/ rje rang nyid kyis

phyag dang sngon du ldang ba sogs bsnyen bkur ba dang/ bla mas
chos 'chad pa la dad cing gus pas thugs dang snyan gtod pa sogs
tshul dang mthun pa kho nas gsan par mdzad/ 'di'i thad kyi thu'u
bkwan chos kyi nyi

ma'i gsung du/ deng sang gdan sa mtho ba dang/ 'gro 'dren sprul
skur khas 'che ba 'ga' zhig gis chos rgyun len pa yin zer nas
rang nyid khri stan mthon por 'gying bag dang bcas pas 'khod
nas/ len yul

mdun du stan dma' bar bzhag pa la rje bos bran las dpya len pa'i
tshul gyis nyan pa dang/ yang la las chos nyan pa'i dus su phyag
gsum tsam btsal ba las skabs gzhan du bla ma mthong tshe ldang ba
tsam yang mi

@062a @#/ /byed par/ yul de la chos nyan pa gzhan gyis shes na
mtshang che ba lta bus gsang ci thub byed pa sogs bla ma'i dam
tshig mtha' dag khyad du bsad nas thob lo dang nyan lo'i grangs

gsog pa tsam don du gnyer ba dang/ gzhan la chos rgyun spel khul
byed pa 'ga' zhig gis kyang dam tshig dang sdom pa/ lha'i rnal
'byor dang grangs bsnyen sogs kyi rnam gzhag ci yang med par
dkyil 'khor

dang dbang rdzas rnams 'dzom zhing cho ga dpe thog nas klog thub
phyin phyogs thams cad tshong zong 'grim pa bzhin du dbang dang
rjes gnang lung sogs ster yul 'bad pas btsal te nor dang brtse
tshong byed pa dag snang

ste/ 'chad nyan gyi gzugs brnyan de lta bu ni rgyal bstan dri
mas sbags par byed pa'i bdud kyi las su shes par bya'o/ /zhes
snang ba'ang 'chad nyan mkhan po rnams kyis thugs la bcang 'os
pa'i gdams pa zab

mo zhig tu snang ngo/ /dgung lo brgyad nas bco brgyad bar bshes
gnyen rnam gsum las mdo phyogs skor gyi thugs gnyer mthar phyin
pa dang/ gsang sngags nas smin grol gyi rim pa sogs kyang rgya
cher gsan

mod/ sngags kyi skor gtso bo ni/ 'chad 'gyur ltar phyis su rgyal
mchog bskal bzang rgya mtsho dang/ khri chen ngag dbang mchog
ldan rnam gnyis las rgyud kyi rgyal po gnyis kyi zab gnad mthar
thug la sgro 'dogs

@062b chod cing mdo sngags kyi gnad kun la dpyad ba mthar phyin
pa byung bar gsungs/ de ltar thugs gnyer gnang ba yang kha phyir
bltas su ma song par rgyud thog tu bskor te 'phral 'phral du
phyag len la 'debs pa gnang

zhing/ grwa sa'i chos ra'i rtsod rigs la sbyang brtson ma gnang
yang mkhyen rab dang gsan bsam phul du phyin pa'i mthus thog
mtha' bar gsum du 'chad rtsod rtsom pa zla dang bral bas mkhas
chen rnams kyang yid

phrogs shing dgung lo dgu pa'i dus sogs nas legs bshad kyi gsung
rtsom gnang ba'i gdams pa sna tshogs pa dang/ bstan bcos khyad
par can du ma'ang mjal du yod/ dgung lo bcu bdun pa'i skabs rje
rang

la gros 'debs kyi zhal gdams gnang ba ni/ bgrang yas 'gro la rab
brtses kun bslangs te/ /byang chub thugs bskyed rlabs chen tshogs
gnyis bsags/ /sgrib gnyis dgra bcom sku gsum mngon du mdzad/ /

stobs bcu mnga' ba kun la snying nas 'dud/ /rgyal ba'i dgongs
don zab dang rgya che'i tshul/ /'gro la gsal mdzad klu sgrub
thogs med zhabs/ /a ti sha dang blo bzang grags pa sogs/ /rgya
bod paN grub ji

snyed mchis la 'dud/ /sngon bsags stobs ldan las kyi mthu brtas
pas/ /'khor ba'i gcod rong zab mo'i spubs tshud de/ 'jigs rung
skye rga na 'chi'i dgras gtses pa/ /bdag nyid rang la phan pa'i
gros shig

@063a @#/ /'debs/ /kyai khyod rnyed dka' dal 'byor rten mchog
thob/ /rgyal bstan dri ma med pa'i sgo ru zhugs/ /yang dag pa
shes kyis legs par zin gyur na/ /da ni dam pa'i chos la cis mi

'bungs/ /kun gyi srog la mnga' bsgyur brtse bral zhing/ /skyes
kun don med gsod byed 'chi bdag des/ /rtag tu khyod la glags ni
'tshol byed na/ /bde par gnyid log khyod la gdeng ci yod/ /dal
'byor rten 'di

shin tu rnyed dka' zhing/ /yid bzhin nor las lhag pa'i don che
bar/ /gsungs na 'di nyid don med chud gzan pa/ /khyod ni nges
par bdud kyi zhags pas zin/ /lo zla zhag dang za ma'i pho nyas
bsus/ /na rga'i

mtshon dang dbyig pas lus la brab/ /'dod sred zhags pas ske
bcings ngan song gi/ /g.yang du 'dren pa'i ngang tshul ma dran
nam/ /ma yi mngal las thon pa'i dus nyid nas/ /skad cig tsam
yang ngal gso'i

skabs med par/ /rtag tu 'chi ba nyid phyir rgyug gyur na/ /da
dung khyod la khom pa'i skabs mchis sam/ /mi lus 'thob la tshul
khrims gzhir bzung ste/ /sbyin sogs grogs byas smon lam mtshams
sbyor bar/

dgos na rgyu 'di khyod kyis nam zhig bsgrubs/ /gzhi ma tshul
khrims rnam dag bkrungs sam ci/ /bsgrub dgos rgyu ni 'ga' yang
ma bsgrubs shing/ /bya min ngan 'gro'i rgyu la kun tu brtun/
/gshin rje'i pho

@063b nyas zin kyang 'chir mi skrag /kyi hud khyod kyi 'gro ba
ji 'drar 'gyur/ /phyogs bcu'i rgyal ba sras bcas dbang btsugs
te/ /khas blangs dam tshig sdom pa yal dor nas/ /dam pas smad
pa'i las la ci dgang 'jug /khyod

snying lcags kyi gong bur gyur tam ci/ /lcags gong me lce 'bar
'dra'i dad zas kyis/ /'tsho zhing dkor sgrib sbyong byed yal bar
dor/ /bsod nams ming btags bdud kyi pho nya 'dis/ /khyod ko
dmyal ba'i srung mar byin du

nges/ /phyogs bcu'i sems can kun gyi mig phyung bas/ /sems dpar
khros pa sdig pa che gsungs shing/ /sems dpa' 'ang gar gnas
brtag par shin tu dka'/ /de phyir mtho la phrag dog mnyam la
'gran/ /

dman la brnyas par byed pa'i brtul zhugs 'dis/ /gting zab dmyal
ba'i me nang bskal pa'i bar/ /bud shing ltar bsreg sdug bsngal
ces mi myong/ /rang nyid ngan 'gror mi skye'i gdeng med kyang/
/'gro ba gzhan gyi

yar 'dren byed do lo/ /bdag gzhan phung byed don med 'dun ma
'di/ /da ni myur du spangs na mi legs sam/ /kyi hud dmyal ba'i
bud shing khyod nyid la/ /legs nyes 'byed pa'i sems shig yod
gyur na/ /dam pas

bsngags pa'i spyod tshul bzang po la/ /rab dkar sems kyis 'di
ltar 'jug par rigs/ /gnas skabs mthar thug legs tshogs ma lus pa/
/'grub pa'i rten 'brel 'grig pa'i rtsa ba mchog /lam ston bshes

@064a @#/ /gnyen mchog de bsam sbyor gyis/ /tshul bzhin bsten la
sgo gsum brtson par gyis/ /rten 'di rnyed dka' don che 'jig par
sla/ /'chi bar nges shing nam 'chi nges pa med/ /ngan song

bzod dka' de phyir skyabs 'gro dang/ /las 'bras blang dor rgyun
du sems par gyis/ /'khor ba sdug bsngal rgya mtsho 'di yi rgyu/
/las nyon gnyis yin de las nyon mongs gtso/ /de phyir de nyid
spong bar byed pa'i

thabs/ /lhag pa'i bslab pa gsum po bsten par gyis/ /drin ldan ma
rnams 'khor ba'i gnas 'di las/ /sgrol phyir byang chub mchog tu
sems bskyed la/ /phyin drug bsdu ba bzhi yi nyams len la/
/brtson

pa drag pos tshul bzhin slob par gyis/ /khyad par bla med rdo rje
theg pa yi/ /'jug sgo dbang blangs dam sdom legs bsrungs te/
/sku gsum go 'phang myur du 'thob byed thabs/ /rim gnyis rnal
'byor spyod la

brtson par gyis/ /'di lta'i tshul gyis legs par blo sbyangs na/
/sku bzhi'i sa bon rnam dag thebs 'gyur zhing/ /dal 'byor thob
pa don dang ldan pa ste/ /dam pas bsngags pa'i las ni de yin no/
/rang la gros

bde bas man ngag bdud rtsi yi/ /bcud bsdus bdud rtsi'i thigs pa
'di bgyis pas/ /bdag dang 'gro kun skye ba thams cad du/ /theg
chen dam pa'i chos la spyod par shog /ces pa'o/ /rgya nag gi
phyogs phyogs

@064b nas hwa shang mkhas pa rnams yongs te lta ba'i skor zhus
pa rnams thog mar hwa shang gi 'dod tshul ltar dang rim bzhin dbu
ma'i lta ba la 'khrid par mdzad/ rgya nag tu hwa shang gi lta
ba'i 'dod tshul dar rgyas che ba ni

sems tsam pa'i lta ba dang mthun la/ bod du byung ba'i hwa shang
mahA ya na'i lta ba 'dzin mkhan de skabs rgya yul du gcig kyang
mi 'dug gsung/ dga' ldan shrI re thu khri chen blo gros rgya
mtsho'i sprul sku blo bzang bstan

ba'i nyi ma las kyang tshe dpag med kyi rjes gnang sogs gsan/ 7
gong mas tA kau shrI'i mtshan dang/ gser tha ma gser yig bcas
sku gong ma'i dus bzhin stsal/ skabs shig nas bod du phebs bzhed
che yang

7 gong du zhu ma bde bar/ thu'u bkwan pa'i brtag lung dang/ rje
nyid kyi mtshan ltas ltar lan chags gtor ma grangs mang dang/
dmigs brtse ma sogs 'bum phrag re zhal 'don gnang bas/ ring min
du 7 gong nas

rje nyid la 7 rgyal dbang thams cad mkhyen pa ma gar thar nas
bod du gdan 'dren pa'i mi snar phebs nas/ dbus gtsang du rgyal
ba yab sras kyi drung nas bka' chos gsan te yun mi thung tsam
bzhugs chog par phebs pa

bzhin/ dgung lo bco brgyad pa shing stag lo pe cing nas lha sras
bcu bdun pa kheng zi ching wang sogs dang lhan du rim phebs kyis
mgar thar du byon/ 'bul rten bsam gyis mi khyab pa dang bcas 7
rgyal dbang thams cad mkhyen

@065a @#/ /pa dang/ yongs 'dzin khri chen ngag dbang mchog ldan
pa ma thal/ khri chen la 7 gong nas 7 rgyal dbang mchog gi zhabs
'degs phun sum tshogs pa byung ba'i legs skyes su a chi thun
mong mon

han gyi cho lo dang/ gser yig gnang skyes bcas stsal yod pa
rnams phul/ yos lo'i tshes gcig la 7 rgyal dbang mchog la bka'
chos kyi snyan gsan phul bar dgyes bzhin zhal gyis bzhes/ khri
chen la'ang

'brel pa bzhi sbrags dang khrid chen brgyad sogs zhu rgyu'i
snyan gsan zhus par/ sprul sku rin po che pod du phebs rgyu yin
stabs/ ngas khyed la mkhas grub rin po che'i dkar chag tho'i
phig chung gi dgongs pa bzhin

dge lugs thun mong min pa'i sngags phyogs kyi chos bka' yongs su
rdzogs pa zhig byed ces dgyes bzhin zhal bzhes mdzad/ de nas dus
ri zhig na/ 7 rgyal dbang mchog las pen mchog lU i pa'i dbang

chen/ dpal gsang ba 'dus pa 'phags lugs kyi dbang chen/ lam
khrid 'jam dpal zhal lung gi snyeng nas rje sgrub khang pa'i
phyag bzhes ltar gyi lam gyi rim pa'i khrid zhag nyi shu rtsa
dgu'i par gnang ste skyes

bu chen po'i mar shes kyi mtshams par dang/ sgrob dkar 'od zer
drug sprags kyi rjes gnang/ 7 rgyal da'ang nyid kyi gsung 'bum
nas mos tshan mang tsam gyi ljags lung/ dmag zor rgyal mor dus
bzhi'i lha mos

@065b bskor ba'i rjes gnang thun mong ma yin pa/ mgar thar dang
bod du phebs pa'i lam par sogs su 7 rgyal dbang mchog la dad
ldan gzhan gyis zhus pa'i lung khrid rjes gnang sogs kyi 'dod
chos gang gnang phal cher bcas

gsan/ yang mgar thar du khri chen las lam rim bde lam gyi dmar
khrid sems bskyed mchod pa bcas nyin bco lnga'i ring dang/ 'jam
bzhad dang thang sag pa'i bskyed rdzogs kyi steng nas 'jigs byed
kyi rim gnyis dmar

khrid dang/ gsang 'dus bskyed rim rgya mtsho'i bshad lung gnyis
rdzogs par gnang zhing/ rim lnga gsal sgron ldeb nyis brgya skor
gyi bshad pa dang/ 'grel pa bzhi sbrags rgyud mchod snga ma dang
le'u dang po yan rnams

gsan/ de nas bod phebs kyis li thang nas lha sa'i bar gyi lam
sgar rnams su yang khri chen nas 'grel pa bzhi sbrags kyi chos
thun rgyas pa re chag med gnang/ brag g.yab nas che tshang sprul
skus 7 gong sa rin po cher

'jigs byed bskyed rim chen mo'i bshad lung rgyas par zhus pa'ang
gsan/ de nas chab mdo dang/ ri bo che sogs nas rim phebs kyis/
dbu ma'i mdor 7 rgyal ba'i dbang po'i phebs bsur dga' ldan khri
ba

rgyal mtshan seng ge/ 'on rgyal sras sprul sku 'jigs med ye shes
grags pa sogs dang/ se 'bras dge gsum gyi bla ma las sne/ pho
lha ba bsod stobs/ dga' bzhi gung/ bka' blon mdo mkhar tshe ring
dbang
@066a @#/ /rgyal sogs bod kyi che dgu stong phrag brgal pa 'byor
bas/ rje tid la'ang slo ma mjal dang legs skyes phul ba sogs
byas/ gang gi legs bshad kyis drung du bcar ba rnams yid phrogs

pa mdzad/ se 'bras kyi bla ma thams cad 'jal pa'i ja gral du/
rnam 'grel la mkhas grags kyi khur 'khyer bsgo mang mkhan po
chos grags bya bar lhan cig dmigs nges kyi rtags kyi skor las
brtsams te

'gro gleng mdzad de mi smra ba'i brdzu bzhugs la bkod/ khong
'bras spungs su sngon la 'byor lar song nas sgo mang chos gra'i
tshogs su/ byas pha gi na dge bshes sngo sang de ba zhig phebs
kyi 'dug pa des dad rang rtsod

las pham par byas/ khyed dge bshes chos ma zhal skabs rig pa mi
bsprim na spo lo 'phyang ba'i rug zer dgos pa sogs phyung/ de
nas phebs te rwa sgreng gi shug gseb ci gnas 'brom ston pa dbul
po'i chos can

lta bur mjal ba sogs ngo mtshar ba du ma mngon du gyur/ lta sar
gzhung gi phebs sgrig yod pa khrom gzigs khang gsar du bzhugs
par spid skyong pho lha pa'i bla ma phul lcog ngag byams phebs
kyang/ de dus rgyal

dbang mchog dang pho lha ba thugs nang de tsam mi gtsang bas bla
ma rnam gnyis kyang thugs rtog mdzad res kyis thugs gshin par
ngam byung/ rje nyid nas po ta lar ^rgyal ba'i dbang mchod rten
bzhugs rgyas 'bul sogs

@066b mdzad cing/ nan gyis gsol 'debs mdzad pa ltar de rjes shig
nas 'jigs byed dpa' gcig gi dbang chen dang/ jo bo'i rnam thar
che chung dang pha chos bu chos sogs bka' gdams glegs bam rin po
che'i ljags

lung/ sngar mgar thar du gnang ba'i lam rim 'jam dpal zhal lung
gi bka' khrid kyi 'phro rnams lung rigs man ngag zab rgyas myong
thog tu 'dril ba'i gsung bshad bsam gyis mi khyab pas thugs
rgyud gzhan las

'khul tshabs che ba/ sems bskyed pa'i cho ga dang bcas pa/ dka'
gnad du mar 'jam dbyangs bde rdor sogs la dri rmed ba rgal brtag
sogs dang/ 'jam dpal zhal lung gi ljags lung bcas gnang ba gsan
pa dang/

yongs 'dzin khri chen las kyang lam rim chen mo'i bshad lung
gsan pa sogs la bsten nas bstan pa gru bzhi lam 'khyer dang/
gsung rab thams cad gdams par shar ba byung/ byang rtse dpon
slob ngag lhun dang/ nag

shod dpon slob dka' chen tshul rgyam gnyis la gdams pa'i mgur ma
yang 'di ltar stsal te/ na mo gu ru/ rje dus gsum sangs rgyas
kun gyi dngos/ /chos brgyad khri bzhi stong 'byung ba'i gnas/
/tshogs 'phags pa'i

dge 'dun 'dus pa'i gtso/ /mgon drin can bla mar snying nas 'dud/
/tshe sngon ma'i las smon bzang po'i mthus/ /rje rgyal ba gnyis
pa'i gsung rab la/ /thos bsam pa'i rnam dpyod phul byung ba'i/
/grogs chos mthun

@067a @#/ /dbyong ldan bdag la gson/ /dus snyigs ma lnga bdo'i
gnas skabs 'dir/ /gzhi tshul khrims rnam dag sna gcig kyang/
/bsrung nus na phan yon dpag med 'thog /don de phyir sdom gsum

bcas mtshams rnams/ /srog bsdos te bsrung pa gnad du che/ /chos
gzhung phugs brgya phrag thos gyur kyang/ /ba phyir lta'i 'chad
rtsod rtsom pa la/ /yid g.yengs pas nyams sum blangs na/ /dgra
gshin rje'i pho

nyas zin pa'i tshe/ /sems 'gyod pas gdung pa'i rgyu ru zad/
/'khor gnyen bshes pu slob 'dzin skyong rnams/ /dgra nyon mongs
dpung tshogs rgyas pa'i rgyu/ /las dang po pa yis spangs na legs/
/grogs bya dang

ri dwags bag phebs rgyu/ /chu klung rgyun lhung lhung dal gyis
sgrog /gnas rtsi shing nags tshal mdzes pas brgyan/ /yid chags
sdang skye pa'i rgyu dang bral/ /gnas de 'dra dam chos 'phel
ba'i rgyu/ /de bsten par

ya zed cig skal ldan dag /sngon byon pa'i mkhas grub bgrang yas
kyis/ /chos zab dgu mang du gsungs lags kyang/ /rje thub pa'i
dbang po'i gsung rab kun/ /don ma tshang med par gcig bsdus pa/
/blo mchog

dman kun la phan pa'i chos/ /lha sgom dang spyod pam 'khrul ba/
/khong blo bzang grags pa'i legs par bshad/ /gzhung byang chub
lam rim las gzhan gang/ /de nyams len mdzod cig skal ldan dag
/sngon thog

@067b med dus nas bsags pa yi/ /las nyon mongs sgrib pa ches
'thug pas/ /lam rtogs pa skye pa'i gegs mang yang/ /zhing mchog
gyur bla ma dkon mchog la/ /yid gdung shugs drag pos gsol btab
nas/ /tshogs

gsog dang sgrib sbyong la 'bad na/ /lam rtogs pa bde blag skye
ba lags/ /tshul de la 'bungs shig skal ldan dag /chos dge sbyor
gang dang gang byed kyang/ /thabs byang chub sems kyis zin pa
dang/ /mjug byang chub

'thob phyir rab bsngos na/ /lam theg pa chen por 'gyur lags pas/
/de gnad du zungs shig skal ldan dag /mchog sangs rgyas 'thob
pa'i lam gyi gnad/ /lus yongs su rdzogs par nyin re bzhin/
/bshar

sgom gyis nyams su blangs byas te/ /lam zab mor bag chags 'jog
pa dang/ /skabs gang babs dmigs par gcig dril ba/ /yid chos la
rtag tu 'dris pa dang/ /lam phyogs rer mi 'gro'i gnad cig gda'//

de snying gtam yin no skal ldan dag /rgyud rnam par dag pa las
gsungs pa'i/ /tshe gcig la sangs rgyas 'thob pa'i thabs/ /pha bla
ma'i yi dam thun mong min/ /dpal bde gsang 'jigs gsum dkyil
'khor

gyi/ /lam rim gnyis mkha' 'gro'i snying khrag la/ /rtse gcig tu
bag chags 'jog pa gnad/ /tshul de yi gzhi ma dam sdom rnams/ /mig
'bras bu ltar du bsrung ba dang/ /sdig sgrog byed rdor sems
bsgom bzlas

@068a @#/ /dang/ /thun drug gi rnal 'byor la 'bad na/ /mchog
sangs rgyas de yang thag mi ring/ /de snying por zungs shig skal
ldan dag /da mang du bshad pas ci zhig bya/ /don de dag yid la

gnad du chongs/ /gnas dben par sgrub pa'i rgyal mtshan tshugs/
/tshe 'di la btsan sa zin pa gyis/ /yid nyams spro'i glu dbyangs
snyan po 'di/ /yid chos la phyogs pa'i chos grags kyis/ /yid
brtse bas skal

ldan khyod la gdams/ /yid ma g.yel 'di don bsgrub la 'bungs/
/tshig sdeb sbyor gtso bor ma byas par/ /don snying las gces pa
bsdebs pa 'di/ /grogs gzur gnas chos la bskul phyir sbyar/
/'di'i dge

bas mang thos skye bo kun/ /chos sgrub pa'i rgyal mtshan tshugs pa
dang/ /ma 'gro kun sangs rgyas thob par shog /ces so/ /gzhan
yang 7 rgyal dbang mchog las dpal mgon zhal bzhi'i thun mong min
pa'i rjes

gnang dang/ be'u bum gyi lung cha tshang/ thugs rje chen po bcu
gcig zhal gyi dbang chen/ rje dge 'dun rgya mtsho dar paN chen
gyi smyung gnas cho ga /^rgyal dbang nyid kyi gsung bde 'jigs
kyi tshogs mchod

sogs kyi lung/ ^gong gi mtshan zhabs pa tshul rgyam pa las rnam
'grel las bcad chen mo'i mdzub khrid/ khri chen las dga' ldan
gser gdung rin po che'i drung du sngar mgar thar sogs su gnas
pa'i 'phro

@068b 'grel pa bzhi sbrags kyi rgyud mchod phyi ma 'grel dbang
dang bcas pa dang/ rim lnga gsal sgron gyi mjug kyang dga' ldan
du grub pa gnang ba bcas gsan cing/ de skabs rnams su'ang mchod
sprin tshogs 'khor dngos

'bul sogs rgya cher spro bar mdzad/ lha sar phebs nas kyang bde
gsang 'jigs gsum gyi rgyud 'grel dang rim gnyis kyi khrid bshad
mtha' kla sa pa/ khrid chen ba rgyad dang drug sogs dang/ bso'i
lta khrid kyi

steng nas dbu ma'i lta khrid/ gcod kyi dbang khrid/ mgon chen
bcu gsum gyi rjes gnang dang/ be'u bum gyi ljags lung sogs zag
chos mtha' yas pa gsan bas rgyud don mtha' dag thugs su chud/ se

'bras gnyis su'ang mchod mjal dang bsnyen bkur gzab rgyas mdzad/
sgo mang gi chos khri'i steng nas 'dus tshogs su rten 'brel bstod
pa'i bshad lung rgyas pa stsal/ bsam yas dang khra 'brug sogs su
byon

te mchod 'bul rgya cher spros/ 'on chos sdings su rgyal sras rin
po che las 'jam dkar rjes gnang gsan/ bkras lhun du phebs te paN
chen blo bzang ye shes dpal bzang por dngos 'bul gtos che ba
phul te rab

byung dang bsnyen rdzogs kyi sdom pa bzhes/ dgon du'ang rten
mjal/ mchod spri na/ dge 'dun bsnyen bkur sogs rgya chen po
gnang/ de skabs ^gong ma yung Ting gnam du gshegs tshul gsan pas
lcam

@069a @#/ /sring gi rjes gnang zhig las bka' chos gzhan gsan
skabs ma byung par glo bur du lha sar phebs/ ^rgyal dbang mchog
dang/ khri chen rin po che lhod mjal sogs gnang ste/ 'grub

lor rgya nag tu phyir phebs/ ^gor ma chen lung gis yab kyi dus
ltar gzigs pa chen pos bskyang zhing/ pe cing gi bla grwa rnams
la lugs gnyis kyi las don slob pa'i tham ga bla mar mnga' gsol
mdzad/

khri chen sprul sku blo bzang bstan pa'i nyi mar gsang 'jigs kyi
dbang chen/ 'phreng kri/ mi tra brgya rtsa'i gras sogs dbung
bka' khrid lung mang po dang/ rig gnas mkhan po 'ga' las skar
rtsis/ nag rtsis/ dbyangs

'char/ sgra'i sa ris/ sdeb sbyor sogs zhib par gsan/ ^gong ma'i
bka' ltar rje nyid dang khri chen sprul sku rnam gnyis nas bstan
'gyur sog skad du bsgyur/ rje nyid kyis dag yig mkhas pa'i dga'
ston thugs

rtsom gnang/ 7 gong ma dang rje nyid bka' bgros kyis pe cing du
7 gong ma'i mdzod nas spyin bdag mdzad de/ mtshan nyid grwa
tshang/ rgyud pa grwa tshang/ rig gnas sna tshogs kyi grwa tshang/
sman pa grwa tshang ste bzhi yod pa'i

chos sde chen po dga' ldan byin chags gling zhes pa gsar bskrun
thog /rgya bod kyi btsun gsar blo rig bzang pa lnga brgya tsam
dang/ sog po'i grwa pa mang po bcas bsdus pa'i dge rgan du bod
nas gdan sa gsum dang/ rgyud

@069b grwa stong smad sogs kyi bla ma dge bshes nyi shu rtsa
gnyis tsam gdan drangs te lha ldan smon lam chen mo'i srol rgyun
tshun btsugs/ bod rje pho lha ba bstan srid spyi'i bya ba legs
kyang/ ^rgyal dbang mchog la gting nas mi dad

par log sgrub mang du byas shing/ rje bla ma nyid kyang ^rgyal
ba'i dbang po'i thugs sras gcig pur song stabs/ lkog nas bla ma
ka thog pa sogs ngan sngags mkhan mang por mthu gtad mang du
byed bcug pas rje nyid kyang

snyun tshul dang/ mnal ltas 'tshub pa 'ga' tsam byung mod/ ring
min zhig tu dmag zor rgyal mos ^rgyal ba yab sras kyi sku dgra
bsgral ba'i ltas gsal bar byung ste pho lha bsku 'das pa sogs
dpal ldan lha mos ma

bcol bar yang 'phrin las yang yang bsgrubs/ ^gong sa chen por da
dung rgya nag tu chos rgyun dkon pa rnams zhu 'os pa'i bla ma
zhig gnang bar zhus pa bzhin bde 'byor dpon slob ngag dbang don
grub pa rdzong ta mdzad pa be

cing du phebs pa las phyag rdor 'khor chen sogs dang/ dga' ldan
byin chags gling gi mkhan por bod nas byon pa rta tshag rje drung
sprul sku blo bzang dpal ldan las rnal 'byor ma'i smin khrid
sogs/ gzhan yang zhabs drung

ngag dbang chos 'byor/ mA thi zi'i lha rams pa bo bzang chos
'byor sogs las kyang chos bka' ci rigs gsan/ ri bo spos ngad
ldan gyi dben dgon dam chos dga' tshal du grub mtha' thub bstan
ldan mdzes ljags rtsom

@070a @#/ /mdzad pa sogs bstan 'gro'i don rgya cher gnang/ re
zhig gnas ^gong mas rje nyid las chos gsan dgos tshul phebs pa
ltar rim gyis skyabs 'gro'i khrid/ yi ge 'bri klog /rdo rje
'dzin

pa dkon mchog rgyal mtshan gyi lam rim tshigs bcad ma'i khrid sogs
dang/ bde mchog dril bu lha lnga dang/ rnal 'byor ma gnyis kyi
dbang khrid sogs kyang stsal te/ dbang chen dang rnal 'byor ma'i
gser chos gnang

skabs ^gong mas stan mtho ba tsam la'ang ma bzhugs par zhabs pus
sa la btsugs te gsan pa sogs chos gsan tshul legs la dad gus blor
mi shong pa lta bu dang/ ci gsung sgrub cing bla slob kyi dam
tshig tshul

bzhin bsrungs te/ tshes bcu'i mchod pa/ bdag 'jug /rim gnyis
bsgom pa sogs nyams bzhes la thugs brtson che ba mdzad/ des
rkyen rgyal sras dang/ rgya dpon che chang du ma/ hwa shang sogs
mang pos rim

gyis chos dang dbang sogs zhus te nyams su blangs pas gsang
sngags kyang ches cher dar bar gyur/ rje nyid kyis kyang rgya
nag gi gnas ri byin can mang por lam rim/ rim gnyis/ gcod sogs
kyi nyams bzhes

yang yang gnang ba snyams rtogs la bogs lhag par thon pa byung
zhing/ dben bar dga' ba'i nyams mgur yang 'di ltar mdzad de/ na
mo gu ru/ gnas spyi gtsug gser gyi sgo yi steng/ /tshon ches bkra
'dab

@070b brgyad ze'u 'bru la/ /pha bla ma rdo rje 'chang chen
bzhugs/ /bu tha shal bdag la thugs rjes gzigs/ /chos bco brgyad
ldan pa'i rdo rje'i lus/ /ches rnyed dka' 'jigs sla yid bzhin
nor/ /dus ga res tsam zhig rnyed pa 'di/ /

dgra rnam g.yeng gi khol por gyur pas skyo/ /nor longs spyod
bsag bsrung bya byed gcig /gnyen 'khor g.yog gi ngo bsrung sems
'dzin gnyis/ /gnyid long gtam lus 'khyor 'du 'dzi gsum/ /dgra
'di gsum gyis

gtan bde 'phrog pas skyo/ /skabs lan 'gar thos bsam sgom pa yi/
/chos byed lo cung zad byas na yang/ /tshe 'di snang chos brgyad
dug dang 'dres/ /tshul 'di la bsams kyi glu yid re skyo/ /dus
ston mjug 'chad ka'i me

tog ltar/ /yun thung pa'i tshe lhag nges med 'dir/ /zhe rang
khrel med pa'i pa shul ring rgyags/ /rgyud tshags su tshud na ci
ma rung/ /tshes snying po med pa'i bya ba kun/ /'phongs gyis pa'i
rdo bzhin rgyang dor te/ /tshe 'di pa'i mi

dang mi bstun par/ /gnas dben pa bsten na ci ma rung/ /yul spang
ljongs ne'u gsing nyams dga' zhing/ /dbyings lhun sdugs 'dzin
khor yug can/ /tshon sna tshogs bkod pa'i me tog bkra/ /skad snyan
par sgrog pa'i 'dab

chags lding/ /lus spu sdug ri dwags bag phebs rgyu/ /g.yu'i lo
'dab ldem pa'i ljon shing dngar/ /ro brgyad ldan nyal 'gro'i
rgyun bzang 'bab/ /yid chags sdang skye ba'i rgyu dang bul/
/gnas dben pa'i skyed tshal nyams
@071a @#/ /dga' bar/ /dpal mnyam med drang srong thub pa'i gsung/
/chos zab rgyas kun gyi bcud bsdus pa/ /pha bla ma'i zhal gdams
zab mo'i don/ /lam rim pa gnyis kyi nyams len la/ /

rtse gcig tu brtson pas sgrub pa yis/ /dus nyin mtshan 'da' ba'i
skal bzang de/ /da ring por mi thogs myong bar smon/ /phyag skor
ba ci lcogs maNDal dbul/ /sngags zab mo'i bzlas brjod rgyun mi
chad/ /byams

snying rje byang sems rtag par bsgom/ /'di sgo gsum phyi ye
nyams len yin/ /lus sha khrag mchod sbyin rgya re che/ /ngag
rgyu 'bras bden pa'i chos 'chad cing/ /sems dbyings rig dbyer
med spros dang bral/ /'di

sgo gsum nang gi nyams len yin/ /lus lhar bsgoms tha ma la sang
zhen bcad/ /ngag rdo rje'i bzlas pas las rlung 'gag /sems lhan
skyes bde stong rol pas myos/ /'di sgo gsum gsang ba'i nyams len

yin/ /gshis ye nas stongs kyang sna tshogs snang/ /dran shes
bzhin brtan pos bying rgod 'gog /rkyen gang byung lam 'khyer ro
snyoms spyod/ /'di lta sgom spyod pa'i nyams len yin/ /gzhi bden
pa gnyis kyi

ngo bo rtogs/ /lam thabs shes zung 'brel lta sgom spyod/ /'bras
sku gsum dbyer med go 'phang che/ /'di gzhi lam 'bras bu'i 'jog
tshul yin/ /tshul de ltar rtogs pa'i rnal 'byor gyis/ /srid zhi
ba'i

@071b mtha' spangs kun bzang spyod/ /dpal theg pa'i yang rtse
'dir brten na/ /mchog sangs rgyas de yang mi ring nye/ /gros
'dun ma mi la ma shor par/ /rang shes rgyud chos la blo gtad
nas/ /gnas dpen par lam mchog

de 'dra la/ /rtse gcig tu gzhol na glo ba dga'/ /a ho la de
'dra'i ngo mtshar rmad/ /'o na la de 'dra'i khe rgyal la/ /kye ma
la de 'dras 'di phyir 'tshengs/ /e ma ho de 'dra'i skal bzang
la/ /pha bla ma rdo rje 'chang chen

gyis/ /bu bdag dang bdag gi rjes 'jug rnams/ /tshul 'di la slob
par byin gyis rlobs/ /dus da lta nyid du byin gyis rlobs/ /gtam
'di las byung ba'i dge ba yis/ /ma rigs drug 'gro ba ma lus
pa'i/ /rmongs ma

rig 'khrul 'khor rgyun bcad de/ /dpal bla med byang chub thob
par shog /ces so/ /gzhan yang skabs du mar bod nas byon pa'i dge
bshes dang/ chos sde so so'i blo gsal don gnyer can du mar lam
rim chen

mo'i bshad lung dang 'grel pa bzhi sbrags sogs kyis mtshon pa'i
chos bka' mtha' yas pa gnang/ thugs dam dang nyams rtogs kyi
'phrul bsam gyis mi khyab pa'i tshul ches mang yang 'dir 'brir ma
langs

pas rnam thar las shes dgos/ dgon lung sogs nas gdan 'dren yang
yang zhu mi 'byor bar rjes shig tu ^ gong nas dgongs pa phrol
bas sa sprul lo mdo smad phyogs su phebs te/ dgon lung/ sku
'bum/ btsan

@072a @#/ /po dgon/ chu bzang dgon/ bya khyung dgon sogs su lugs
gnyi ga'i sgo nas bstan 'gro'i don rgya chen po mdzad de/ dgung
lo so gsum thog slar pe cing du phyir phebs te ^ gong ma dang

mjal bas bkur gzos sogs sngar bzhin dang/ rje nyid la bka' gros
kyis pho brang gi nub phyogs su man ju gsar du rab byung byed pa
rnams sdod sa'i grwa tshang gsar 'dzugs gnang bar rje nyid nas
rab gnas dang/

rab tu byung ba rnams la sdom pa phog pa sogs dang/ sngar dbang
bka' gsan pa'i yi dam lhag lha rnams kyi bsnyen chen sogs kyang
yang yang gnang/ rta lor bod kyi dpon wang 'gyur med rnam rgyal
nas ^ rgyal

dbang mchog la log sgrub mang du brtsams pa sogs spyod rtsing
sna tshogs byas stabs lha sa'i am paN gnyis kyis khrims la sbyar
bas/ de phyogs 'gas am paN gnyis kyi srog la rgol ba sogs dus

zir bslangs par brten ^ gong mas rgya dmag khri khra sogs btang
ste bod kyi srid dbang thams cad len rtsis gnang bar rje nyid
nas zhu mkhas mdzad pas bod kyi chos srid mtha' dag ^ rgyal
dbang mchog gi phyag tu

phul bar bshad cing/ 'di skor rol rdor nyid kyi gsung ^ gong sa
^ rgyal mchog bskal bzang rgya mtsho'i rnam thar du zhib par gsal
lo/ /gzhan yang ^ gong ma dang rje nyid kyi 'phrin las zung
'brel gyis phyogs/

@072b der rten gsum bzhengs pa/ 'dus sde dang mdo rgyud kyi chog
grwa btsugs pa/ chos 'khor bskor ba/ bod kyi slob grwa mang po
btsugs pa/ rgya sogs bar gyi dmag 'khrugs bzlums pa sogs bsam
brjod las 'das

pa ltar gnang/ me glang lo ^ rgyal ba'i dbang po dgongs pa chos
dbyings su mnal ba'i rjes shig nas ^ gong ma'i bka' bzhin 6
rgyal ba'i yang srid rtsad gcod du bod phebs mdzad de ^ rgyal
dbang mchog gi gser

gdung rin po cher mchod 'bul rgya chen po dang gdung dbyangs
gsol 'debs sogs gnad smin mdzad/ smad rgyud du gsang 'dus dang/
stod rgyud du bde mchog lU i pa/ rnam grwar 'jigs byed lha bcu
gsum

ma bcas kyi bka' dbang/ se 'bras su bsnyen bkur dang so sor 'dod
chos zab rgyas bcas gnang/ 'ur lcog tu byon par rje ngag byams
kyis ye shes khyung khra'i rjes gnang gsan/ lcang skya rin po
che rang

nyid 'di res rnams su spyan mi gzigs pa yin yang gsung gleng gi
zhar du khyed kyi rten gsum khrod na bla ma zhwa dmar po can
zhig 'dug pa de gang yin gsung/ byams pas de 'dra med ces nye
gnas la btsal

bcug pas slob dpon gyi sku zhig thon pa de yin par gsung/ lha
sar thu'u bkwan chos kyi nyi ma sogs zhu mi gsum la nA ro mkha'
spyod ma'i byin rlabs dang/ bskyed rdzogs khrid lung tshig brgyud
kyi tshul du gnang/

@073a @#/ /thu'u bkwan/ 'on rgyal sras/ 'jam bzhad sprul sku
'jigs med dbang po sogs la bde lam dmar khrid sogs dang/ skabs
gzhan mang por yang rnam snang mngon byang gi dbang chen  sogs
dbang khrid zab chos sna tshogs pa/ rab bsnyen gyi sdom pa sogs
par med lta bu stsal/ stag phu grub dbang blo bzang bstan pa'i
rgyal mtshan bod du gdan drangs te gsang 'jigs skor/ sa skya'i
gser

chos skor/ rnal 'byor ma'i skor sogs zab chos mtha' yas pa gsan
cing/ stag phu bas kyang rje nyid kyi chos bka' gang yod gsan/
yang thu'u bkwan rin po che sogs la bde mchog lus dkyil gyi

dbang khrid bka' shin tu dam po'i sgo nas gnang zhing/ phur lcog
ngag byams las kye rdor lha dgu'i dbang chen zhig gsan/ 'brog ri
chen po dga' ldan dang/ gsang sngags mkhar/ yer pa sogs la

phebs te mchod sprin gsol 'debs thugs smon dang/ bsnyen bkur
rgya cher mdzad/ sa stag lo bkras lhun du paN chen thams cad
mkhyen pa blo bzang dpal ldan ye shes kyi drung du byon te/
dngos 'bul

gtos che ba dang bcas brtan bzhugs sogs phul zhing/ 'jigs byed
bcu gsum ma'i dbang chen sogs dbang khrid man ngag mang po dang/
dka' chen ye shes rgyal mtshan skyid grong nas der phebs

@073b yod pa las kyang dge ldan phyag chen gyi khrid zhib par
gsan pa sogs gnang ste lha ldan du phyir phebs/ sa yos la ^
rgyal ba'i dbang po'i yang srid thag gcod pa sogs kyi ched du
kun gzigs paN chen mchog

dbus su gdan drangs nas dus 'khor gyi dbang chen yang gsan/
gzhung zhabs che phra sogs spyi tshogs nas zhus ngor ^ rgyal
dbang thams cad mkhyen gzigs chen po blo bzang bskal bzang rgya
mtsho dpal bzang po'i

rnam thar rgyas pa dang gsang rnam gsol 'debs bcas ljags rtsom
mdzad/ ^ rgyal ba'i yang srid ngos 'dzin skor la gzhung bsten
chos skyong gi rten gzhi du mar brten gsol khog brlams sdeb 'ur
byas kyang/

phan tshun re dogs 'jigs zil ston pa'i tshab tshub tsam las/ ngos
'dzin lung gsal yid rton rung ba ci yang ma phyung ba'i mur/ rje
nyid nas paN chen rin po cher ^ rgyal ba'i dbang po'i yang srid
rin po che 'khrul

bral ngos 'dzin bka' lung gtsang thag chod bzhig bka' drin
bskyang dgos tshul zhu nan mdzad pa ltar yang srid rin po che
'khrul med ngos bzung ba'i bka' lung gsal por stsal ba thob/ rje
nyid nas po ta la'i

gzim chung khams gsum rnam rgyal du paN chen rin po cher bde
mchog tshogs 'khor rgyas pa dngos 'bul bcas phul zhing tshogs gral
du gsung mgur gnang ba 'di ltar/ zhing bde ba chen po'i pho
brang na/ /rje

@074a @#/ /dus gsum sangs rgyas thams cad kyi/ /thugs mkhyen
brtse'i bdag nyid blo bzang grags/ /da mos gus drag pos gsol ba
'debs/ /mgon thugs rje'i gter chen spyan ras gzigs

drin 'khor med bskal bzang rgya mtsho'i sde/ /rje blo bzang dpal
ldan ye shes zhabs/ /don gnyis med ngo bor gsol ba 'debs/ /phyi
bkra shis rtags rdzas mchod pa dang/ /nang bdud rtsi lnga yi
mchod pa dang/ /

ches gsang ba phyag rgya'i mchod pa gsum/ /blo bde stong ngang
nas 'bul bar bgyi/ /ma mkha' 'gro kun 'dus wa ra hi/ /gnas lte
ba sprul pa'i 'khor lor bzhugs/ /aM ti la ka yi 'od zer gyis/
/drod bde chen

'bar bar byin gyis rlobs/ /dpal bla ma rnam par snang mdzad tshe/
/gnas spyi gtsug bde chen 'khor lor bzhugs/ /haM zla ba dkar
po'i chu rgyun gyis/ /mchog dga' bzhi 'dren par byin gyis rlobs/
/mgon rje

btsun chos kyi rdo rje'i chos/ /gnas mgrin pa longs spyod 'khor
lor bzhugs/ /gdangs mi shigs rdo rje gsum gyi sgras/ /dpal mkha'
spyod 'grub par byin gyis rlobs/ /pha bla ma mi bskyod he ru kaH
/gnas

snying ga chos 'khor lte bar bzhugs/ /rlung kun rtog rgyu ba
d+hU tIr bcad/ /dpe'i lhan skyes skye bar byin gyis rlobs/
/gnas mi shigs rdo rje'i gur khang du/ /lta bla ma sgyu 'phrul
dra ba bzhengs/ /nyams sna tshogs rtse

@074b dga'i rol pa yis/ /ma 'gro don byed par byin gyis rlobs/
/don ma bcos spras bral gnyug ma dang/ /sems lhan skyes bde
stong ro gcig pas/ /gegs nyon mongs sprin tshogs dbyings su
dwangs/ /dpal 'od gsal 'grub

par byin gyis rlobs/ /sems lhan skyes bde stong dbyer med dang/
/lus 'ja' tshon ltar bkra rdo rje'i sku/ /ro gcig tu mnyam por
zhugs pa yis/ /mchog zung 'jug 'grub par byin gyis rlobs/ /rje
bka' drin gsum

ldan rdo rje 'chang/ /pha bskal bzang rgya mtsho'i mchog sprul
dang/ /mgon rje btsun dpal ldan ye shes gnyis/ /gdan lhan cig
'jom pa'i rten 'drel 'grig /yul byang phyogs mtha' ru skyes pa
yi/ /'bangs skal ldan

rol pa'i rdo rje nga/ /glu gre ba bde mo ma mchis kyang/ /don
zab mo'i glu dbyangs 'di phul bas/ /pha rje btsun 'dzum zhal
bstan nas kyang/ /deng 'dir tshogs dad ldan gdul bya rnams/ /dus
deng nas byang chub snying po'i bar/ /

mgon khyod kyi thugs rje'i lcags kyus zungs/ /dad dam tshig
gtsang ma'i rten 'brel las/ /dus ring por mi thogs khyod zhal
mjal/ /gsung bdud rtsir ngoms med spyod pa'i mthus/ /mchog sku
bzhi myur du 'thob gyur

cig /ces rdo rje'i glu'i mchod pa phul bas paN chen thams cad
mkhyen pa thugs shin tu dgyes par gyur to/ /de nas paN chen
thams cad mkhyen pa gtsang du chibs bskyod gnang zhing/ rje nyid
kyang bzhed don rnams

@075a @#/ /grub nas ^ gong gi bka' bzhin rgya nag tu phyir phebs
pa'i lam gar khams kyis cha zhig tu go bo dgon gyi mkhan po
'bras spungs blo gsal gling pa zhig sku mdun du byung ba la chos
kyi

gsung gleng mdzad pas/ kho ba ha cang nga rgyal che drags pas
rgya gar chu bo ganggA tshun chad na kho dang 'gran bzod pa gcig
kyang med skad dang/ dus kyis mchog pa ma gtogs mkhas grub dge
legs dpal bzang la

mi slebs pa med zer ba sogs rlung gis bteg pa'i gtam chal chol
sna tshogs 'dzes med byung rgyal du smras shing/ stong nyid rtogs
par khas 'che ba sogs tshul 'chos shin tu che ba zhig yod pa la
thugs lhag

par ma rangs par/ phyis su yang de lta bu'i zob can zhes yang
yang gsungs/ de dus khos phyag chen gyi lta ba'i go ba dpe med
yin khul gyi bshad bshad mang po byed pa la bla ma mchog nas
brgal brtag 'ga' tsam

gnang bas/ thal 'gyur ba'i lugs la rang rig 'jog dgos byung bas
mtshon khas len shor tshabs che bas dam bca' phyi ma'i chang bu
ltar gyur/ de la 'khon du bzung ste dus phyis kho pa bod du thon
nas chos mang du

'chad pa'i khur 'dzin cing/ rje btsun tsong kha pa chen po'i
dgongs bzhed kyi dbu ma'i lta ba la jo nang ba'i gsor mi rung gi
lta ngan gyi bshad pa bsres pa la/ rnam dbye mi shes pa'i blun
po mang pos legs bshad du

@075b 'khrul nas 'dus pa'i dbus su rje 'di nyid kyi gsung 'ga'
zhig la rigs pa ltar snang gi zur za brjod par byas pa dang/
'bras spungs su ^ rgyal dbang sprul pa'i sku rin po che'i mdun
du kho bas dam bca' bzhag pa

la/ mtshan nyid zhabs phyi ba rnams kyis bgro gleng btang bas
khas len ma zin par/ thal 'gyur ba'i lugs la theg chen gyi gang
zag yin na stong nyid rtogs pas khyab pa dang/ stong nyid ma
rtogs pa'i so skye rang

dga' ba'i rgyud kyi ka ba dang bum pa 'dzin pa'i shes pa bden
'dzin dang tha snyad 'jog byed kyi tshad ma gnyis ka'i gzhi mthun
yin par khas len dgos byung ba la/ da dung ngo tsha med par dam
bca' de sngon med kyi legs

bshad yin tshul yi ger bris te sgrub byed kyi lung rigs 'god rgyu
ma rnyed par khas len de legs tshul paN chen rin po ches gsungs
so/ /zhes rdzun chen pos khwa tas mi gtsang zos pa'i mchu sa
gtsang la 'phyi ba'i dpe

bdag gir byas pas/ lung rigs kyi sgrub byed med cing rigs smra
rnams la ma grags pa'i gtam de 'dra sngon med legs bshad dang
sngon med log bshad gang yin rigs pa smra ba gsar bus kyang shes
sla tshul dang/

kho pa'i slob ma'i khyu rgyan du grags pa 'ga' zhig la thu'u
bkwan chos kyi nyi mas gsung gleng gnang bar/ de dag 'dus byas
kyi dge rtsa thams cad khyad du bsad de sems ngo blta ba kho nas
chog shes byed pa sha stag tu
@076a @#/ /yod cing/ de'i khrod nas nyams rtogs ma tho bar rlom
pa 'ga' zhig ni bying ba phra mo bsags pa la ting nge 'dzin du
'khrul nas chos sku sang thob gnang thob kyi stong rlom byed par
snang bas

'grig 'grig gi bshad pa dang kha po ci tsam smras kyang 'dre
shar sgo dang glung nub sgo'i dpe ltar don la sa skya paNDi ta
dang rgyal btsong kha pa yab sras kyi gsung gi phyogs snga kho
nang song 'dug go/ /des na skyes bu zob

can de ni g.yo sgyus 'jig rten bslu zhing rje bla ma'i bstan pa
la zhugs pa'i zol kyis bstan pa dri bcas su byed par ring nas
log pa'i smon lam btab pa zhig tu gdon mi za'o/ /zhes dru'u
bkran rin po ches

gsungs so/ /de nas rgya nag tu rim gyis phebs nas gong ma dang
dgyes bzhin du mjal zhing dgongs pa dang mthun pa'i lugs gnyis
kyi mdzad pa spyi dang/ lhag par zung gru zi dang mtsho bdun gyi
lha khang sogs

su phebs te so so'i 'dod chos mtha' yas pa stsal/ yab 'das pa'i
don du a mdo dgon lung du byon nas yab kyi sgrib sbyong mang po
gnang/ dgon de dang/ gser khog dgon/ sku 'bum sogs su'ang bstan

'gror dge ba'i mdzad pa 'byams su klas/ thu'u bkwan rin po ches
bde mchog tshe lha dkar po'i sgo nas brtan bzhugs gzab rgyas
dang/ ma gur dbyangs kyi mchod pa phul bar/ rje nyid nas de'i
lan du rdo rje'i

@076b mgur thol byung du gnang ba ni/ rje dus gsum sangs rgyas
ngo bo nyid/ /skyabs bslu ba med pa'i bka' drin can/ /mgon blo
bzang bskal bzang rgya mtsho'i sde/ /mi bdag snying padmo'i ze'u
'brur bzhugs/ /sngon las smon

bzang pos 'brel ba yi/ /rje sprul pa'i sku mchog rnam gnyis
sogs/ /khyed dad ldan slob ma'i tshogs rnams kun/ /mi kho ba'i
glu la snyan gtod mdzod/ /rten dal 'byor mi lus thob dang gcig
/mchog sangs rgyas

bstan dang mjal dang gnyis/ /mgon dge ba'i bshes kyis zin dang
gsum/ /don 'di gsum rnyed dka' sems par mdzod/ /tshe mi rtag ri
gzar 'bab chu 'dra/ /gnas ngan song gsum po ya nge ra/ /dus da
lta rang

dbang yod dus 'dir/ /chos rnam dag sgrub la brtson par mdzod/
/srid 'khor ba'i phun tshogs snying po med/ /yid brtan du med
cing ngoms mi shes/ /las nyon mongs drag po'i gzhan dbang can/
/'di bsams nas

skyo ba skyed par mdzod/ /rigs drug gi 'gro ba ma lus pa/ /thog
med nas bskyangs pa'i drin can ma/ /don de phyir byams brtse
shugs drag gis/ /thabs byang chub sems la 'bad par mdzed/ /ston
nam mkha'i

chu 'dzin lang long de/ /dgung mkha' las byung zhing mkha' la
thim/ /dpe de nyid rgyud la bskor byas nas/ /phyi gzung ba bden
med dran par mdzod/ /mdang gnyis kyis non pa'i rmi lam du/
/skyid sdug gi snang ba gnag myong

@077a @#/ /de/ /dus da nang gar song cha med ltar/ /sems bden med
sgyu mar shes par mdzod/ /sems gnyug ma lhan cig skyes pa de/
/chos 'khor 'das kun gyi byed po yin/ /thabs zab lam gnad

du bsnun pa las/ /lam sku gsum rgyud la bskyed par mdzod/ /mi
kho po'i kha po ma lags te/ /pha ngag dbang mchog ldan bka' drin
gyis/ /sems skye med 'di la blo kha phyogs/ /dus de ring dga'
bas glu ru

blangs/ /khyed dad ldan slob ma'i tshogs rnams kun/ /tshe 'di
snang 'khri ba rgyab tu bskyur/ /snying thag pas lha chos sgrub
pa yis/ /rten dal 'byor thob pa don yod mdzod/ /dus deng nas
byang chub snying po'i bar/ /khyed

dam tshig gtsang ba'i bu slob dang/ /pha nged rang 'bral med dam
chos kyis/ /dpal byang chub bsgrub pa'i smon lam bgyid/ /ces pa
stsal/ slar pe cing gi zung gru zi'i gdan sa sogs su chos 'khor
rgya che mtha'

klas pa snga phyi mang po dang/ ri po rtse lnga'i sgrub gnas
rnams su dbyar dus phal cher zhig na thugs dam bcad rgya yang
yang/ rab byung bcu gsum pa'i lcags yos la ^ gong mas zhai hor
du bod yul dbus kyi po

ta la dang dpe mtshungs kyi lha khang rten brten par bcas pa
bzhengs par rab gnas/ bka' 'gyur ro cog man ju'u'i skad du
bsgyur ba'i zhus chen yang gnang/ sa phag rje nyid dgung lo re
gsum re bzhir phebs

@077b tshod cig na/ paN chen mchog ^gong mas rgya nag tu gdan
drangs/ de'i gong tsam na zhai hor bkra shis lhun po zhes pa'i
paN chen rin po che'i gzim khang gsar bskrun mdzad/ paN chen gyi
bka' ltar rje nyid nas ni

gu chos drug gi zab khrid zhig 'bul ba gnang/ rje nyid kyis paN
chen rin po che las lung khrid dang rjes gnang 'ga' re gsan
cing/ ^ gong mas kyang bka' chos gsan/ de nas mi ring bar paN
chen thams

cad mkhyen pa dgongs pa chos dbyings su thim par rje nyid nas
thugs dam gsal 'debs sogs mdzad/ 'jam bzhad 'jigs med dbang po/
thu'u bkwan chos kyi nyi ma sogs bstan 'dzin dam pa du mas

gsol ba btab pa ltar phyogs dang phyogs su zab rgyas kyi chos
'khor rgyun mi chad lta bu dang/ rab byung bsnyen rdzogs dang
dge bsnyen gyi sdom pa tshun kyang mtha' klas pa stsal/ tsha kho
sogs ^ gong ma'i dmag

gis glags rnyed dka' ba 'ga' la ^ gong ma rang gis rje nyid la
bka' nan phebs pa bzhin mngon spyod kyi las rim rtags thon pa
yang 'ga' zhig gnang dgos byung/ ^ gong ma'i khrims phog pa'i
nyes

can 'ga' re yang thabs mkhas pa'i sgo nas srog gi 'jigs pa las
bton/ thugs dam rdo rje'i rnal 'byor zab mo la brten nas rang
nyid grub pa'i go 'phang mthon par gshegs shing/ bstan 'gro'i
don rlabs

@078a @#/ /chen du ma mthar phyin pa sogs bzhed don mtha' dag
yongs su grub ste/ dgung lo bdun cur phebs pa me rta lo ri bo
rtse lnga'i rje rang gi sgrug gnas su dgongs pa chos dbyings su

man la ba'i tshul bstan to/ /gsung skyes slob ma yang gong du
gsal bas mtshon pa'i rgya bod hor gsum du skyes mchog bgrang las
'das pa byung ba rnam thar rgyas par gsal ba ltar dang/ rje nyid
ma 'ongs pa

na shamb+ha lar 'byon par yang gsung ste/ rgya nag tu ^ gong mas
paN chen las bka' chos gsan skabs paN chen gyis ^ gong mar mgon
chos lha mo gsum gyi sku brnyan dang/ me mda'/ ral gri bcas phul

zhing/ rje nyid la'ang dngos skyes sna tshogs shig stsal ba'i
mjug tu mtshon cha de ltar gnang ba/ rjes su rje nyid nas de dag
ci 'dra yin 'dug ces thu'u bkwan par bka' 'dri phebs par/ ma
'ongs par kla klo

'joms pa'i rten 'brel du gnang ba yin snyam zhus pas/ de 'dra
zhig gi rten 'brel la dgongs pa yin las che/ zhes phebs par
gsungs shing/ nyin gcig paN chen mchog gis lcang skya rin po che
la/

drag po 'khor lo can gyi dmag dpon gnyis las gcig ^ rgyal dbang
thams cad mkhyen pa dang/ gcig khyed rang yin zhes sogs gsung ba
dang/ thu'u bkwan rin po che rang gi gsung las kyang/ paN chen

@078b thams cad mkhyen pas ^gong ma mchod yon la mtshon cha'i
rigs 'bul bar mdzad pa 'di/ ma 'ongs pa na shamb+ha lar paN chen
thams cad mkhyen pa rigs ldan drag po 'khor lo can du sku'i skye
ba bzhes skabs

rje bla ma lcang skya rdo rje 'chang mchod yon kyang sku'i rnam
pa ci rigs pas lhan cig tu 'jom nas/ yan lag bzhi pa'i dpung gis
kla klo'i sde thams cad bcom ste sangs rgyas kyi bstan pa slar
yang nyin mo ltar

gsal bar mdzad pa'i phyis 'byung gi dgos pa khyad par can la
dgongs pa gdon mi za/ zhes bshad pa dang/ dpal mang dkon mchog
rgyal mtshan gyis kyang/ sngon paN chen dpal ldan ye shes kyis

lcang skya rol pa'i rdo rje ni rigs ldan drag po 'khor lo can
gyi blon po'i gtso bo chen po blon po rnams kyi mchog zla ba
zhes bya ba dang/ 'jam bzhad 'jigs med dbang po ni blon po ha nu
mantha/ rwa sgreng khri chen

bstan pa rab rgyas dmag dpon seng ge brgya pa zhes bya bar 'gyur
bar lung bstan pa sogs de 'dra mang la/ zhes gsal bar gsungs pa
ltar te/ dus de skabs sogs su 'phags mchog rigs gsum

mgon po dang/ nye ba'i sras brgyad sogs byang sems chen po rnams
kyang shamb+ha lar 'byon par gsungs pa sogs rgyas par gzhan las
rtogs par bya'o/ /gsang rnam las gsal bar byung ba e bla ma
mkha'

@079a @#/ /spyod ngag dbang bstan dar ni/ dwags po'i khul gyi
dgon gnas se bo dga' ldan rnam rgyal sogs su bzhugs shing mdo
sngags zab rgyas kyi chos tshul mtha' yas phar gsan bsam sgom

sgrub ya ma bral ba'i mkhas btsun bzang po'i yon tan mtha' yas
la mnga' zhing/ lhag par dpal 'khor lo sdom pa'i lam la brten
nas grub pa'i go 'phang mthon por gshegs pa zhig ste/ bde mchog

lha lnga'i chos skor sogs legs par bshad pa'i bstan bcos mdzad
pa'ang yod la/ rnam par thar pa zhib pa ni 'di zhes 'chad du
btub pa re zhig mig lam du son par ma gyur to/ /gzhan yang
'khrungs

rabs gsol 'debs las/ mkhas btsun grub pa'i dpal gyur dge ba'i
zhabs/ /blo gros zhabs dang rje btsun pra dznyA ba/ /rigs pa'i
dbang phyug ma ti b+ha dra'i mtshan/ /zhes gsungs pa rnams kyang
'di las lhag

pa'i gsal kha thon che ba gzhan pa ma rnyed bas bri ba byar med
la/ gsol 'debs su/ d+harma sa mi zhes gsal ba ni/ rje bla ma rdo
rje 'chang chen po mchog dang por sku 'khrungs skabs kong po
rgyal dbang chos rje

'phrin las rnam rgyal gyi yang sprul du grags che ba byung bas
dgos pa'i dbang gzhan mang po'i ngor 'khrungs rabs kyi gras su
mtshan gyi go sa tsam zhig gsal bar mdzad par mngon zhing/ de yin
te/ 'khrungs

@079b rabs gsol 'debs spar gzhir ma 'khod pa'i snga rol gyi ma
phyir/ da lta'i par mar d+harma swa mi'i zhabs la zhes pa'i tshab
tu/ 'phrin las rnam rgyal zhabs la zhes yod pa sogs kyis shes
nus pa'i phyir

ro/ /rje bla ma mchog nyid la pha bong kha pa zhes pa'i mtshan
thogs pa'i rgyu mtshan ni/ chos rgyal srong btsan sgam pos lha
sa'i sa 'dul gnang ba'i sgrub gnas khyad par can pha bong kha'i
ri khrod kyi mkhan

po ser smad rgyal rong pa bstan 'dzin bzang po'i yang srid mchog
sprul gyi ngos 'dzin mtshan gsol gnang ba las/ de lta bu'i mtshan
yongs su grags pa byung ba yin la/ des na rtogs ldan pas mdzad

pa'i ? ?? bla ma rdo rje 'chang chen po'i gsang rnam gsol 'debs
su/ lcang skya sprul sku'i me long g.ya' dag la/ /mkhan ming
bstan 'dzin bzang po'i gzugs brnyan bkod/ /ces gsungs pa'ang don

'di la dgongs pa yin zhing/ gang ltar mkhan po 'di rje bla ma
nyid dang sku 'phreng snga ma'i thugs bskyed kyi 'brel ches zab
pa zhig ni yod par gdon mi za ste/ mkhan po bstan 'dzin bzang po
ni/ ser smad

thos bsam nor bu'i gling du gzhung lugs la gsan bsam legs par
grub nas phyis su pha bong kha'i ri khrod kyi mkhan khrir phebs
pa zhig tu nges kyang lo rgyus gsal ba ma thos la/ de yang rang
ga'i tha

@080a @#/ /mal pa zhig ni min par nges te/ se ra rgyal rong khams
tshan gyi mkhan po de'i shag tu bzhugs pa'i 'dra sku nyid kyis
kyang bdag gi rje bla ma rdo rje 'chang chen por grwa sar gsan

bsam gnang ste bzhugs skabs mi dang mi gnyis gtam smra ba ltar
gsungs yang yang 'byon pa 'og nas gsang rnam 'chad 'gyur dag gis
dpog nus pa yin no/ /'gro khams bsod nams nor 'dzin

yangs pa'i gzhir/ /dam pa'i skyes rabs rkang 'thung 'khrigs pa'i
ljon/ /phan bde'i legs mdzad 'bras bzang ro bda' ba/ /'brel tshad
don ldan skye rgu'i 'chi med gsos/ /rgyu dang mi rgyu'i sna
tshogs 'jig

rten rtag tu 'degs pas mi ngal sa chen nam/ /bstan 'gro'i ri
gling gsal ba'i bgrod pa chad med bsten la mi skyo nyi zla ste/
/gang dang 'grogs na legs nyes rnam 'byed blang dor mig sbyin
gtan bde'i

sa mkhan mchog /skyabs su thob pas srid zhi'i rgud mun dgra las
rgyal la ngal ba 'ga' ma mchis/ /sngon byung 'khrungs rabs dpyid
kyi pho nya'i glu/ /snyan par bsgrags pa dpyod ldan rna ba'i
gsos/ /

dam pa'i legs mdzad dbyar gyi dus ston ni/ /skal bzang skye bo'i
tshogs la dgye phyir bsgrubs/ /zhes khyab bdag rdo rje 'chang
mnyam med bde chen snying po dpal bzang po'i rnam thar zur 'debs
sngon

@080b byung dang bcas pa bsam 'phel nor bu'i phreng ba zhes bya
ba las rje nyid kyi 'khrungs rabs grags che ba 'ga'i byung tshul
zur tsam smos pa ste rim par phye ba dang po'o// ! //dmigs med
byams pa

chen po'i chu klung 'bum/ /bstanO 'dzinO klu dbang stong gi nyer
'tsho'i gzhir/ /'phrinO lasO rlabs phreng 'gog med 'phyur bzhin
du/ /rnam 'dren rgyaO mtshorO 'khyil de gtan gyi skyabs/ /gsang
gsum yon tan kun

gsal yangs pa'i mtha'/ /byis blo'i 'doms kyis gzhal nus ga la
zhig /'on te rgya mtsho che las chu thigs tsam/ /dad brtson ku
shas 'thor la spro bas zhugs/ /! gnyis pa sku phreng 'di nyid

kyi rnam par thar pa'i zur 'debs dngos 'chad pa la gnyis/ lnga
bdo'i skye bo'i bsod nams kyi skal ba dbul po'i phye ltar phra
ba'i dbang gis mdzad pa'i go rim mthar chags kyi rgyas spros ma
grub pa'i tshul

dang/ skabs su babs pa'i rnam par thar pa'i zur 'debs cung zad
rgyas par 'chad pa'o/ /dang po ni/ ji skad du/ byang chub kyi
sems mnga' ba'i bya mgrin sngon zla ba'i rtogs brjod 'khor ba
mtha' dag la

snying po med par mthong ba rnams kyi rna rgyan las/ mgrin sngon
zla bas bya'i lus 'dor du nye ba na/ paNTi ta d+ha na smri tis
rtogs brjod yi ger 'god chog par gsol yang ma gnang bar ma 'ongs
par gangs ri'i
@081a @#/ /khrod du nga'i skye ba sangs rgyas bzang po'i rdo
rje'i ming can zhig gis 'di dag dran te des yi ger 'god par
'gyur zhing des bkod zha shin tu rgyas shing zha gro don che ba
'byung/ des rgyen ma tshogs par

'god par ma nus na/ skye ba mang tsam gyi mjug tu blo gros bzang
po'am/ rgyal mtshan gyi ming mtha' can zhig gis skye ba 'di rnams
dran te yi ger 'god par 'gyur ro/ /nges bkod na rgyas min bsdus
min

'bring zhig tu 'byung zhing 'gro don 'bring du 'gyur/ des 'god
pa ma byung na de'i skye ba rjes ma skyes bu ratana'i ming can
des skye ba dran nas yi ger 'god de shin tu bsdus shing 'gro don
chung ngur 'gyur ro/ /zhes

gsungs pa dang rjes su mthun par rje bla ma rdo rje 'chang gis
sngon dus shig nas mdzad pa'i go rim nyin deb star chags su
stsal ba de dag bar chad kyi dbang du ma song bar rkyen tshogs na
rnam par thar pa shin tu rgyus la

'gro don rab cig 'byung rgyu la/ bar skabs khams khul sogs
phyogs yas mas nas gdan zhu snga rjes rim pa dang/ rgyun du mjal
bcar chos zhu sogs ches cher mang zhing/ yig 'bri'i zhabs zhu ba
yang

gtan chags shig med pa sogs kyis snga ma'i nyin tho sogs 'thor
brlag mang ba'i khar/ phyis nas yun ring rab cig tu mdzad deb
kyang 'god pa ma byung 'dug sa bon kyang de'i rjes rnam thar sa
bon nyin deb

@081b sngon yang de dag gzhir bzung thog mjug mthud kha skong
dang bcas pa zhig skyes mchog gzhan gyis gtan 'bebs thub pa
gnyis 'dzoms shig byung na 'bring du 'gyur la/ 'gro don 'bring
zhig 'byung

yang de'i rkyen mtha' dag ma tshogs pas 'bring po yang ma grub
mod/ spyod 'jug las/ gal te bcos su yod na ni/ /de la mi dga'
bya ci dgos/ /gal te bcos su med na ni/ /de la mi dga' byas ci
pan/

zhes dang/ gzhan yang/ ma brtsams pa ni mchog yin gyi/ /brtsams
nas bzlog par mi bya'o/ /zhes pa'i don yid la gcags te/ dus
phyis rje bla ma mchog gi bka' 'bangs yongs kyi tha shal gsung
skyes slob

bu'i gral mthar gtogs pa bdag nyid nas 'di'i skor rnams rang gi
tshogs gnyis gsog pa'i rgyur smon pas sngon dus rje bla ma gang
gi rnam par thar pa mthong thos dris rtsad ngal ba brgya phrag
gis bsgrubs pa'i

ngo mtshar mdzad pa'i khyad par mtha' yas pa zhig las/ ^ skyabs
mgon srid skyong chen po'i bka' 'brel sogs las par gzhi zhu dag
zhu rgyus mtshon rang 'khri'i skal bzang bgo skal sgrub pa'i bya
ba'i go

sa 'gegs byed gzhan bskul las mang brel g.yeng 'gal rkyen sna
tshogs ru 'dzings pa'i dbar nas/ brjed ngas rkun pos bcom pa'i
lhag ma tsam zhig lus pa rnams dran gsos yang yang btab ste
mthong

@082a @#/ /thos dran nges tshad mar gyur pa 'ga' zhig 'dir dgod
par bya la/ zla ba'i rtogs brjod 'bring po de mdzad pa byung bas
'gro don 'bring du gsungs shing/ nged kyi 'di shin tu bsdus

pa las mi 'grub kyang bla ma'i byin rlabs dang 'phrin las kyi
mthu gzhan dang mi mnyam pa'i dbang las 'gro don 'bring zhig
'byung snyam du sems pa lags so// ! gnyis pa skabs su bab pa

rnam par thar pa'i zur 'debs cung zad rgyas par 'chad pa la
lnga/ skye ba'i 'ching pa las ring nas grol kyang dmigs med
thugs rje'i rtsal gyis srid pa'i tshul bzung ste rgyal ba'i bstan
pa la rab tu byung ba'i mdzad pa/

rab tu byung nas thos bsam sgrub pa zung 'brel gyis rgyal ba
dgyes pa'i spyod pa la ji ltar bslab pa'i mdzad pa/ de ltar
bslabs pas lung rtogs chos kyi rgyal srid chen por mnga' dbang
bsgyur te bstan pa dang

'gro ba'i don rgya chen po gnang ba'i mdzad pa/ gong du bshad
pa'i rnam par thar pa de dag gi ngo bo don bsdus kyi tshul du
bstan pa/ rlabs chen bstan 'gro'i bzhed dgu mtha' dag grub nas
sku tshe tha ma'i mdzad pa

ji ltar bstan pa'i tshul lo/ /dang po la gnyis/ mdzad pa'i rim pa
'di dag 'god dgos pa'i rgyu mtshan dang/ gnas gang du mi'i srid
pa ji ltar bzung tshul dngos bshad pa'o/ /dang po ni/ gang zhig
blo gros

@082b kyi rtsal dang ldan pa dag gis skabs 'di dang gzhan du
thog ma kho nar thos shing nges par bya dgos pa 'di yod de/
bshad ma thag pa'i skye phreng rim par brgyud pa de dag ni/ ring
mo zhig nas mkha' khyab kyi yid

can mtha' yas pa'i don du tshogs gnyis rlabs po che bsags pa'i
stobs rmad du byung ba yongs su smin pa las 'dzam gling 'di'i
skye rgu'i mgon du gyur ba'i sgyu 'phrul grangs med sa bcu'i
dbang phyug gis kyang dpog

bar dka' ba'i 'phrin las kyi rol pa lhun grub rgyun mi 'chad du
byon dang 'byon bzhin pa yin la/ 'gro ba gzhan dang gling gzhan
du'ang gang zhig nyam thag rgud pa'i tshor bas gdungs pa de dang
de'i lam mchog ston

pa'i sa mkhan dang/ blang dor gsal ba'i mig dang nyin byed gcig
pur mtshungs pa'i mgon dang/ skyabs dang/ brten gnas dang/ yongs
su 'dren pa dang/ gling dang dpung gnyen dam par gyur cing/ de
dag

las kyang bstan pa 'di'i gsos sman du gyur pa'i skyes mchog
rnams ni/ brtan mkhas kyi yon tan rgya mtsho lta bu'i pha rol tu
son cing/ bslab gsum rtogs pa'i yon tan la mnga' dbang 'byor ba/
phyi nang gi de nyid

yongs su rig pa'i rdo rje 'dzin pa chen po/ mdo dang sngags kyi
lam gyi rim pa tshang la ma nor bar thos pa dang/ bsam pa dang/
sgom pa'i rim pas rang nyid kyis ji ltar nyams su myong bar
mdzad pa'i don de nyid

@083a @#/ /'chad rtsod rtsom gsum gyi sgo nas rgya cher spel bar
mdzad pas/ phan bde'i gzhi rtsa ^rgyal ba nyi ma'i gnyen gyi
lung rtogs kyi bstan pa spyi dang bye brag rnams/ 'jig rten gyi
khams 'dir

dus nam yang nub pa med pa'i skal pa mchog gi dga' ston lan cig
min par sbyin par mdzad pa sha stag ste/ de tsam zhig yongs la
khyab brdal tu grags pas bsgrun nus pa rnams yin la/ de las
gzhan

du sprul pa'i sku yi phreng bar 'di dang 'di dag byon zhes nges
bzung 'ol tshod kyis sgrog mi nus pa sngar bshad pa ltar yang/
nges pa'i don gyi 'chad tshul ltar na/ skabs gzhan du/ grangs med
pa'i bskal

par goms shing/ brtson pa brgya phrag du mas kyang mngon par
sgrub mi nus pa'i gnas/ 'od gsal chos kyi sku bde ba chen po'i
ye shes mchog de yang/ dus thung du zhig tu rang rgyud la mngon
sum du

'char bar mdzad pa nas bzung/ chung du na tsha bas nyen par dri
bzhon gyi reg pa sim po myong ba tshun gyi/ 'jig rten dang/ 'jig
rten las 'das pa'i legs tshogs thams cad kyi gzhi'am rtsa bar
gyur ba

ni/ dge ba'i bshes gnyen sangs rgyas dngos su mthong ba'i yid
ches kyi dad pa dang/ bka' drin dran pas mnyes pa sgrub pa nyid/
thar 'dod yongs kyi lag len gyi srog tu shin tu gal che ba'i
phyir/

@083b 'og nas 'byung ba rnams kyang de dran pa'i yan lag tu
'khyer shes dgos par ma zad/ bdag nyid chen po 'di lta bur/
gzhan dbang nyon mongs can gyi srid par nying mtshams sbyor la/
skye zhing 'chi ba'i 'ching bas

bcings pa'i so skye rang rgyud par gzung ba'am/ min du zin
kyang/ sngar thun mong bar bsnyad pa de tsam zhig gi rnam par
'phrul pa dang/ mdzad pa phyogs re bar zhen par mi bya zhing/
rang re rjes 'jug yongs

kyis brtag par bya ba ni 'di ltar/ spyir rgyal ba rdo rje 'chang
rang nyid kyis phyi ma'i dus su gdul bya'i bsam ngo dang mthun
par tha mal pa'i tshul du 'byon par zhal gyis bzhes pa ni/ ji
skad du/ phyi ma'i dus

su gyur pa na/ /nga nyid slob dpon gzugs kyis 'ongs/ /nga yi
snyam du mos byos la/ /de tshe de la gus pa bskyed/ /ces dang/
gang phyir rdo rje sems dpa' che/ /sems can phan gdags dmigs nas
ni/ /tha mal

pa yi tshul gyis gnas/ /zhes dang/ he badzra las/ 'di ni rang
byung bcom ldan 'das chos kyi 'khor lo bskor ba dang/ /'khrungs
dang byang chub byed pa dang/ /de bzhin du ni lhar gshegs dang/
/khyim nas 'byung

bar byed pa dang/ /rab tu byung ba 'dzin pa dang/ /skye ba yongs
su len pa dang/ /yongs su mya ngan 'das pa ston/ /'dul ba'i 'jig
rten mthong nas ni/ /'di ni gzugs ni du ma mdzad/ /sangs rgyas
sems can

@084a @#/ /skyabs bzhed pas/ /sangs rgyas gar ni rol par mdzad/
/ces dang/ gdan bzhi las/ slob dpon yon tan ji 'dra zhing/ /bla
ma zhes bgyi ji ltar lags/ /slob dpon ji ltar

sbyar bar bgyi/ /bcom ldan ji ltar blta bar bgyi/ /thams cad
byang chub mtshan nyid kyi/ /de nyid phyag na rdo rjes nyon/
/byang chub rdzogs pa'i mtshan nyid dang/ /lus ni sangs rgyas
thams cad kyi/ /cha shas

byang chub yan lag gnas/ /dbu rgyan rigs ni lnga nyid de/ /ba
spu rnams ni dgra bcom mo/ /'jig rten pa ni zhabs kyi gdan/ /'od
zer gnod sbyin gsang la sogs/ /de ltar yon tan ldan pa'i skur/
/rnal

'byor can ni rtag tu blta/ /zhes dang/ rdor phreng las/ rdo rje
slob dpon sku la ni/ /rgyal ba'i sku ni rim bzhin gnas/ /dang po
sku yi rdo rje ni/ /gzugs phung la ni yang dag bzhugs/ /de rjes
nam mkha' rdo rje

ni/ /tshor ba yi ni phung por bzhugs/ /bcom ldan gsung gi rdo rje
ni/ /'du shes kyi ni phung por bzhugs/ /las rnams kyi ni rdo rje
ni/ /'du byed kyi ni phung por bzhugs/ /bcom ldan thugs kyi rdo
rje ni/ /rnam shes phung

por yang dag bzhugs/ /yang 'di'i sha sogs sa khams la/ /bcom
ldan 'das yum spyan bzhugs so/ /khrag sogs chu yi khams la ni/
/bcom ldan 'das yum mA ma bzhugs/ /dro ba la sogs me

@084b khams la/ /bcom ldan 'das yum gos dkar bzhugs/ /mi bskyod
la sogs rlung khams la/ /bcom ldan 'das yum sgrol ma bzhugs/ /de
mig dbang po gnyis la ni/ /de bzhin gshegs pa sa snying po/ /de

yi rna ba'i dbang gnyis la/ /bde gshegs phyag na rdo rje'o/ /de
yi sna bug gnyis la ni/ /de bzhin gshegs pa nam mkha'i mdzod/
/de bzhin gshegs pa 'jig rten dbang/ /de yi lce yi dbang la
gnas/ /de

yi yid kyi dbang po la/ /de bzhin gshegs pa 'jam dbyangs bzhugs/
/khams bzhi'i rang bzhin gong bu ni/ /lus zhes bya bar brtags pa
la/ /sgrib pa thams cad rnam sel ba/ /de bzhin gshegs pa

de bzhugs so/ /lus kyi tshigs ni thams cad la/ /de bzhin gshegs
pa kun tu bzang/ /lus kyi rtsa rgyus thams cad la/ /de bzhin
gshegs pa byams pa'o/ /lag pa g.yas ba'i rtsa bar ni/ /de bzhin

gshegs pa gshin rje'i gshed/ /lag pa g.yon pa'i rtsa bar ni/
/de bzhin gshegs pa gzhan mi thub/ /kha yi pad+mar bzhugs pa ni/
/de bzhin gshegs pa rta mgrin no/ /gsang ba'i gnas su bzhugs

pa ni/ /de bzhin gshegs pa bdud rtsi 'khyil/ /dpung pa g.yas
par bzhugs pa ni/ /de bzhin gshegs pa mi g.yo ba/ /dpung pa
g.yon par bzhugs pa ni/ /de bzhin gshegs pa 'dod pa'i rgyal/
/pus

@085a @#/ /mo g.yas par bzhugs pa ni/ /de bzhin gshegs pa dbyug
pa sngo/ /pus mo g.yon par bzhugs pa ni/ /de bzhin gshegs pa
stobs po che/ /rang gi mgo steng bzhugs pa

ni/ /de bzhin gshegs pa 'khor los sgyur/ /rkang pa'i 'og tu
bzhugs pa ni/ /de bzhin gshegs pa gnod mdzes te/ /lus ni 'di
nyid kun la 'dir/ /de bzhin gshegs pa thams cad bzhugs/ /

sku yi dkyil 'khor zhes brjod pa/ /rdo rje sems dpa' nyid kyi
sku/ /rdo rje sems dpa'i dbye ba yis/ /rdzogs pa'i sangs rgyas
ma lus 'di/ /lus pa med pa sangs rgyas sku/ /skye ba 'di la rnal
'byor

pa/ /mya ngan 'das pa myur du 'thob/ /khyod kyi dge ba yongs
smin pa/ /de bas rdo rje slob dpon gyi/ /lus la rgyal ba thams
cad bzhugs/ /mthong na don ni yod pa kye/ /phyi ma'i dus na sems
dpa'

che/ /de bas sems can thams cad kyi/ /lha yi mchod pa'i yo byad
kyis/ /rab tu 'bad de bla ma bsten/ /zhes dang/ sgyu 'phrul dra
ba las/ slob dpon ci 'dra ba lta zhe na/ /bla ma sangs rgyas kun
dang

mnyam/ /de nyid rtag tu rdo rje 'chang/ /de bzhin gshegs pa rin
chen tog /de ni ye shes rgya mtsho che/ /yid bzhin nor bu rin
chen bzhin/ /slob dpon gyi ni yon tan gzung/ /skyon rnams nam
yang ma yin

@085b no/ /yon tan bzung bas dngos grub cing/ /skyon rnams kyis
ni dngos grub nyams/ /de yi grib ma'ang mi 'gom ste/ /mchod rten
bshig dang 'dra bar gsungs/ /rgyu dang mi rgyu gsang ba yi/ /dam
pa gang yin spangs

par gyur/ /slob dpon smod par byed pa dag /rmi lam du yang
mthong mi bya/ /slob dpon smod pa gang yin de/ /bgegs dang log
'dren rnams kyis gzung/ /ngan pa gtum po las byed pa/ /mkhas pas
rtag tu

spang par bya/ /mnar med shin tu skyi g.ya' ba'i/ /dmyal ba
bstan pa gang yin pa/ /der ni slob dpon smod byed pa/ /gnas par
'gyur zhes rab tu gsungs/ /de phyir kun gyis rab bsgrims te/
/bsam yas

'bras bu smin byed pa'i/ /sangs rgyas 'bras bu 'dod byed pa'i/
/sems can dang pa ldan pas mchod/ /ces dang/ yang/ bcom ldan
'das de bzhin gshegs pa thams cad kyi rdo rje'i sku dang gsung
dang thugs

gsang ba 'dus par dbang bskur ba'i slob dpon de la de bzhin
gshegs pa thams cad dang/ byang chub sems dpa' thams cad kyis ji
ltar blta bar bgyi lags/ rigs kyi bu de bzhin gshegs pa thams

cad dang/ byang chub sems dpa' chen po thams cad kyis 'di ni rdo
rje'i byang chub kyi sems su blta bar bya'o/ /de ci'i phyir zhe
na/ byang chub kyi sems dang rdo rje slob dpon 'di gnyis gnyis
su byar med pa'i
@086a @#/ /phyir zhes bya ba'i bar nas/ rigs kyi bu mdor bsdus
nas yang bshad par bya'o/ /phyogs bcu'i 'jig rten gyi khams na
sangs rgyas dang byang chub sems dpa'i bzhugs shing bzhes pa'i
bar de

dag thams cad dus gsum du byon nas/ slob dpon la de bzhin gshegs
pa thams cad kyis mchod pas mngon par mchod nas 'di skad ces/
bdag cag de bzhin gshegs pa thams cad kyi pha yin no/ /

bdag cag de bzhin gshegs pa rnams kyi ma yin no/ /bdag cag de
bzhin gshegs pa thams cad kyi ston pa yin no/ /zhes rdo rje'i yi
ge gsum phyungs nas slar yang rang rang gi sangs rgyas kyi zhing
du

gshegs par 'gyur ro/ /rigs kyi bu dper na sangs rgyas bcom ldan
'das phyogs na bzhugs pa'i bar de dag gis sangs rgyas bcom ldan
'das rnams kyi rdo rje'i sku dang gsung dang thugs kyi bsod nams
kyi phung po bas

ni rdo rje slob dpon de'i spu'i khung bu gcig gi bsod nams kyi
phung po ches khyad par du 'phags so/ /de ci'i phyir zhe na/
rigs kyi bu byang chub kyi sems ni sangs rgyas thams cad kyi ye
shes kyi snying por gyur pa'i bar nas thams cad mkhyen

pa'i ye shes kyi 'byung gnas yin no/ /zhes dang/ yang/ bcom ldan
'das de bzhin gshegs pa thams cad kyi rdo rje'i sku dang gsung
dang thugs kyi dngos grub gang la gnas/ de bzhin gshegs pa thams
cad kyis

@086b bka' stsal pa/ rdo rje'i sku dang gsung dang thugs kyi
gsang ba gsum ni rdo rje slob dpon gyi lus dang ngag dang yid la
gnas so/ /zhes dang/ gsang pa dngos grub 'byung ba'i rgyud las/
ji srid 'khor ba'i gnas

su ni/ /kun mkhyen bde gshegs bzhugs gyur pa/ /mya ngan 'da' bar
mi mdzad cing/ /de srid mtshungs med sems can don/ /rgyun mi
'chad par 'gro ba kun/ /srid pa'i zhags pas 'jigs med par/
/byams

pa'i thugs kyi brtson 'grus kyis/ /rtag tu sems can don rnams
mdzad/ /nam mkha'i khams kyi mtha' thug par/ /smon lam rnam par
sbyong byed cing/ /snying rjes don brtson sems kyis ni/ /dpa'
bos srid

pa sbyong bar mdzad/ /sna tshogs gzugs can nor bu bzhin/ /'di ni
rgyud rnams kun tu yang/ /kla klo'i skad kyis sbas pa ste/
/'khor ba'i sdug bsngal 'joms pa po/ /rdo rje sems dpa' mnyam
gyur pa'i/ /rdo rje

slob dpon bdag nyid che/ /myur du dngos grub ster byed pa/
/'phral du yang dag yid ches byed/ /bsam pa gang dang gang dag
gis/ /mi rnams sems dang mthun par 'jug /de dang de yi gzugs
sprul

te/ /sna tshogs g.yogs te bde bar bzhugs/ /zhes sogs gsungs pa
ltar dang/ de bzhin du byang chub sems dpa' rnams kyis kyang/
'gro ba'i khams yongs su sgrol ba'i phyir 'jig rten gyi khams

@087a @#/ /rgya mtshor spyod pa sna tshogs pas rol kyang mi mthun
pa'i chos kyis nye bar gos pa med par gang la gang 'dul gyi
sprul pa'i sku ston pa tha mal pa'i blos tshad gzung du mi rung
bar

bshad de/ mtshon pa tsam smos na ji skad du/ dam pa'i chos theg
pa chen po'i mdo sde shin tu rgyas pa las/ yon tan rgya mtsho
rnams kyi ye shes zab/ /mtha' dang dbus med des ni zhing rnams

khyab/ /sems can bsam la sbyor ba ji bzhin snang/ /rnam par
snang mdzad chos kyi 'khor lo'o/ /bsam gyis mi khyab rgya mtsho'i
zhing yod pa/ /bskal pa rgya mtshor rgyal bas rnam sbyangs pas/
/sems can rgya

mtsho yongs su smin bya'i phyir/ /sems can nang na rgyal ba rnam
par mdzes/ /zhes dang/ yang/ de dag yongs ston rdzu 'phrul rjes
ston gyis/ /gzugs rnams byin rlob mthu yis mthu che ba/ /de
bzhin

gshegs pa'i rdzu 'phrul ston byed cing/ /rdzu 'phrul rnam par
'phrul pas sems can 'dul/ /de dag thabs kyi tshul mang sna tshogs
kyis/ /'gro ba'i don du 'jig rten rim gror byed/ /'jig rten mi
chags

chu la padmo bzhin/ /dga' ba mos pa skye bar rnam par spyod/ /de
dag rjod byed brjod pa'i rgyal po byed/ /gar mkhan rnga mkhan
gyad dang rol mo mkhan/ /mdzes shing sdug par bzhad gad byed pa
dang/ /sgyu mkhan

@087b gzugs mang kun tu ston par byed/ /grong dang grong dpon
kha lo sgyur ba dang/ /ded dpon tshong dpon khyim bdag de bzhin
te/ /rgyal po blon po mnga' rab pho nya dang/ /sman pa mi 'jigs
gtsug lag mkhas pa byed/

de dag nags tshal sdong po chen por 'gyur/ /sman dang rin chen mi
zad gter dag dang/ /yid bzhin nor bu 'dod pa 'byin shing dang/
/lam gol 'khyams la de bzhin lam ston 'gyur/ /'jig rten byung
nas mi

ring shes gyur cing/ /sems can las kyi tshul la mi shes pa/ /de
dag kun la rmos thabs tshed thabs dang/ /sna tshogs bzo rnams kun
kyang rjod par byed/ /'tshe med gnod pa med pa'i sbyor ba rnams/
/sems

can bde skyid mkhas pas rab bsngags pa/ /rig mthu sman dang
gtsug lag sna tshogs rnams/ /kun kyang drang srong de dag rnam
par brjod/ /drang srong rnams kyi spyod pa dam pa'i mchog /gang
la lhar bcas 'jig

rten dad 'gyur dang/ /brtul zhugs dka' spyod dka' ba mchog gi
rnams/ /kun kyang mkhas pa de dag ston par byed/ /de dag rgyud
dang kun tu mu stegs can/ /dka' thub spyod yul mi smrar spyod pa
dang/ /sgren mo

gos med ri yi dge sbyong la/ /mu stegs can gyi mkhan po mkhas pa
byed/ /de dag yongs 'tshe chos la spyod pa dang/ /bla na yod dang
bla na med pa rnams/ /ral pa ring dang byis pa'i brtul zhugs
can/ /de dag

@088a @#/ /tu yang de dag mkhan por 'gyur/ /nyi ma'i rjes spyod
dka' thub lnga ldan dang/ /khyi dang ba lang brtul zhugs ri
dwags spyod/ /gle'u can mu stegs bcu gsum spyod pa'i rnams/ /de
dag

kun na'ang de dag slob dpon 'gyur/ /lha rnams ye shes tshul la
dga' ba dang/ /mu stegs khrus byed yul du rgyu ba dang/ /rtsa ba
'bras bu chu la spyod pa'i rnams/ /chos sems nang na de dag dam
par 'gyur/ /gnas

brdeg gnas dang gcig tu spyod pa dang/ /tsher ma rtsa dang thal
ba'i mal can dang/ /dbyig pa'i mal can gcig pu spyod pa'i rnams/
/de dag kun tu'ang de dag slob dpon 'gyur/ /zhes dang/ yang/ kye
rgyal pa'i

sras gzhan yang 'di lta ste dper na/ zla ba'i dkyil 'khor 'char
bar 'gyur ba'i tshe/ /rmad du byung ba'i chos bzhi snga phyi med
par byed de/ bzhi gang zhe na/ 'di lta ste/ skar ma thams cad
zil gyis gnon to/ /

'phel ba dang 'grib pa yang yongs su ston te/ 'dzam bu'i gling
thams cad kyi chu dwangs pa'i snod kun tu yang gzugs brnyan rab
tu snang ngo/ /sems can kun gyis bltas na yang mngon sum du gnas
por snang ste

de la rnam par rtog pa med do/ /spros pa med do/ /kye rgyal ba'i
sras de bzhin du de bzhin gshegs pa'i sku zla ba'i dkyil 'khor
kyang rmad du byung ba'i chos bzhi snga phyi med par ston te/
bzhi gang zhe na/ 'di lta ste slob

@088b pa dang mi slob pa thams cad dang/ rang sangs rgyas thams
cad kyi yon tan rnam pa thams cad du zil gyis gnon to/ /ji lta
bur mos pa'i sems can rnams kyi lta ba rnam pa tha dad pa'i tshul
du sku tshe'i tshad rnam pa tha dad

pa yang yang dag par ston te/ de bzhin gshegs pa'i sku zla ba'i
dkyil 'khor la 'phel ba dang/ 'grib pa mi mnga'o/ /'jig rten gyi
khams thams cad du lhag pa'i bsam pa dang/ sems yongs su dag
cing mos pa

yongs su bsgoms pa'i stobs dang shugs su ldan pa'i sems can
byang chub kyi snod rnams la yang gzugs brnyan rab tu 'byung
ngo/ /sems can kun gyis bltas kyang bdag bdag la mngon sum gzigs
par 'dzin te/

bsam pa ji lta ba bzhin du chos nyan/ theg pa gang gis 'dul ba'i
sa ji bzhin du rnam par grol bar 'gyur ro/ /sems can ji lta bur
'dul ba bzhin du snang ba'i tshul gyis/ /de bzhin gshegs pa'i sku
yang rab tu ston

te/ de bzhin gshegs pa'i sku zla ba'i dkyil 'khor de la rnam par
rtog pa mi mnga'/ spros pa mi mnga'o/ /rnam par rtog pa mi mnga'
zhing spros pa mi mnga' bas kyang/ phrin las de dag la rab tu
spyod do/ /kye rgyal ba'i

sras byang chub sems dpa' sems dpa' chen pos khong du chud par
bya ba'i sgo drug pa 'dis kyang/ de bzhin gshegs pa'i sku ba
ltar yod par shes par bya'o/ /kye rgyal ba'i sras gzhan yang 'di
lta ste dper na/ stong

@089a @#/ /gsum gyi stong chen po'i bdag po tshangs pa chen po ni
las gron chung dus stong gsum gyi stong chen po'i 'jig rten gyi
khams thams cad du lus yongs su ston to/ /'on kyang lus yongs su

'byed pa med do/ /lus tha dad par byed pa med do/ /stong gsum
gyi stong chen por gtogs pa'i sems can rnams kyis kyang bsam pa
mnyam pa nyid ji lta bu dang ldan pa'i tshul bzhin du lus mnyam
pa nyid du mthong ngo/ /

kye rgyal ba'i sras de bzhin du de bzhin gshegs pa yang sku
yongs su 'byed pa mi mdzad/ sku tha dad par mdzad pa yang mi
mnga' bar 'jig rten gyi khams thams cad du gtogs pa'i sems can
rnams la yang

bsam pa dang mos pa ji lta ba bzhin du sku yongs su ston te/ de
bzhin gshegs pa'i sku la rnam par rtog pa mi mnga'/ spros pa mi
mnga'o/ /kyai rgyal ba'i sras byang chub sems dpa' sems dpa'
chen pos

khong du chud par bya ba'i sgo bdun pa 'dis kyang de bzhin
gshegs pa'i sku bltar yod par shes par bya'o/ /zhes dang/ gsang
ba bsam gyis mi khyab pa bstan pa'i mdo las/ zhi ba'i blo gros
sems can thams

cad kyi lus kyi spyod lam ji snyed pa byang chub sems dpa'i lus
kyi spyod lam yang de snyed du lhun gyis grub cing sgrim pa med
par gnas so/ /'di lta ste/ bsam gtan gyis 'dul ba'i sems can
rnams la bsam

@089b gtan gyi spyod lam ston to/ /rgyud kyi sgra dang/ glu'i
dbyangs kyis 'dul ba'i sems can rnams la rgyud kyi sgra dang/
glu'i dbyangs kyi spyod lam dang/ khye'us 'dul ba'i sems can
rnams la khye'u'i spyod lam dang/ bu mos

'dul ba'i sems can rnams la bu mo'i spyod lam dang/ bud med kyis
'dul ba'i sems can rnams la bud med kyi spyod lam dang/ skyes
pas 'dul ba'i sems can rnams la skyes pa'i spyod lam dang/ gzhon
nus

'dul ba'i sems can rnams la gzhon nu'i spyod lam dang/ bar mas
'dul ba'i sems can rnams la bar ma'i spyod lam dang/ rgan pos
'dul ba'i sems can rnams la rgan po'i spyod lam/ yan lag ma
tshang bas

'dul ba'i sems can rnams la yan lag ma tshang ba'i spyod lam
dang/ gdol pa rkang lag chad pas 'dul ba'i sems can rnams la
gdol pa rkang lag chad pa'i spyod lam dang/ lkugs pa dang/ 'phye
bos 'dul

ba'i sems can rnams la lkugs pa dang/ 'phye bo'i spyod lam dang/
long ba dang/ 'on pas 'dul ba'i sems can rnams la long ba dang/
'on pa'i spyod lam dang/ sems can dmyal pa pa'i gzugs kyis 'dul
ba'i

sems can rnams la sems can dmyal ba'i gzugs kyi spyod lam dang/
dud 'gro'i skye gnas dang gshin rje'i 'jig rten dang/ mis 'dul
pa'i sems can rnams la dud 'gro'i skye gnas dang/ gshin rje'i
'jig

@090a @#/ /rten dang mi'i spyod lam dang/ lhas 'dul ba'i sems can
rnams la lha'i spyod lam dang/ klu dang/ gnod sbyin dang/ dri za
dang/ lha ma yin dang/ nam mkha' lding dang/ mi'am ci dang/ lto

'phye chen pos 'dul ba'i sems can rnams la klu dang/ gnod sbyin
dang/ dri za dang/ lha ma yin dang/ nam mkha' lding dang/ mi'am
ci dang/ lto 'phye chen po'i spyod lam dang/ brgya byin gyis
'dul ba'i sems can/

rnams la brgya byin gyi spyod lam dang/ tshangs pas 'dul ba'i
sems can rnams la tshangs pa'i spyod lam dang/ 'jig rten skyong
bas 'dul ba'i sems can rnams la 'jig rten skyong ba'i spyod lam
dang/ 'khor

los sgyur bas 'dul ba'i sems can rnams la 'khor los sgyur ba'i
spyod lam dang/ dge slong gis 'dul ba'i sems can rnams la dge
slong gi spyod lam dang/ dge slong mas 'dul ba'i sems can rnams
la dge

slong ma'i spyod lam dang/ dge bsnyen gyis 'dul ba'i sems can
rnams la dge bsnyen gyi spyod lam dang/ dge bsnyen mas 'dul ba'i
sems can rnams la dge bsnyen ma'i spyod lam dang/ nyan thos kyis
'dul

ba'i sems can rnams la nyan thos kyi spyod lam dang/ rang sangs
rgyas kyis 'dul ba'i sems can rnams la rang sangs rgyas kyi
spyod lam dang/ byang chub sems dpa' 'dul ba'i sems can rnams la
byang chub sems

@090b dpa'i spyod lam dang/ de bzhin gshegs pas 'dul ba'i sems
can rnams la de bzhin gshegs pa'i spyod lam ston te gzugs med pa
ni ma gtogs so/ /zhi ba'i blo gros de ltar sems can thams cad
kyi gzugs

dang/ kha dog dang/ spyod lam ji snyed pa byang chub sems dpa'i
gzugs dang/ kha dog dang/ spyod lam yang de snyed du lhun gyis
grub cing yongs su mi rtog par kun tu gnas so/ /de la byang chub
sems dpas rnam par

mi rtog cing btang snyoms pa de lus kyis lus kyi spyod lam ston
mod kyi lus kyi chos nyid las kyang mi g.yo'o/ /lus kyis lus
kyi las byed mod kyi lus kyi dben pa yang mi 'dor ro/ /de lus
yongs su dag pas lus kyi

'od kyis sems can dmyal ba pa'i sems can thams cad bde bar byed
do/ /lus la mi lta bas sha za ba'i sems can ji snyed yod pa
sha'i longs spyod gang dang gang 'dod pa de lta bu'i sha rnams
bdag gi lus las de dag

la bstabs nas bdag srog dang phral te sems can de dag la sbyin
par byed do/ /khrag 'thung ba rnams la khrag sbyin par byed do/
/rkang za ba rnams la rkang sbyin par byed do/ /gzi byin za
rnams la gzi byin sbyin par byed do/ /zhi

ba'i blo gros de ltar sha'i longs spyod ji snyed pa de dag thams
cad bdag gi lus las bstabs te srog dang phral nas sems can de
dag la sbyin par byed do/ /zhes dang/ glog thob kyis zhus pa
las/ gzhan yang glog thab
@091a @#/ /byang chub sems dpa' des de lta bu'i ye shes yongs su
rdzogs par gyur pas sems can rnams kyi dbang po dang/ spyod pa
dang/ bsam pa yang thabs mkhas pas rab tu rtogs pas

gal te 'dod chags mang ba'i sems can mthong bar gyur na/ de dag
rab tu gdul zhing de dag gi nad gso ba'i phyir so so'i skye bo
dang mthun par 'dod pa rnams la yongs su spyod pa dang/ bu dang/
chung ma dang/

khyim gyi so tshes phun sum tshogs pa ston par byed kyang padma
bzhin du des gos shing mngon par zhen par gyur pa med do/ /zhes
dang/ yang glog thob 'di lta ste dper na/ me rab tu 'bar ba ni
rtsa dang shing dang

phrad par gyur pa na thams cad rab tu 'bar zhing me'i phung po
nyid du mngon par 'grub par 'gyur ro/ /de bzhin du byang chub
sems dpa' yang ye shes kyi me 'bar bar gyur pa na sems can rnams
kyi 'dod chags

dang/ zhe sdang dang/ gti mug dang/ dge ba dang/ mi dge ba ji
snyed pa de dag kyang byang chub sems dpa' dang lhan cig 'grogs
shing thams cad rab tu 'bar nas shes rab nyid du mngon par 'grub
par 'gyur te/

'di ni byang chub sems dpa'i ma 'dres pa'i chos zhes bya'o/
/zhes dang/ nye bar 'khor gyis zhus pa'i mdo las/ shA ri'i bu
de la byang chub sems dpa' sems dpa' chen po snying rje chen
po'i ting nge 'dzin la snyoms

@091b par zhugs pa ni sems can yongs su smin par bya ba'i phyir
sems can dmyal ba dang/ dud 'gro'i skye gnas dang/ gshin rje'i
'jig rten dang/ lha ma yin gyi 'gro ba nye bar ston par byed do/
/byang chub sems

dpa' sems dpa' chen po bkod pa chen po'i ting nge 'dzin la
snyoms par zhugs pa ni sems can yongs su smin par bya ba'i phyir
khyim bdag gi gzugs nye bar ston par byed do/ /byang chub sems
dpa' sems

dpa' chen po mchog gi ting nge 'dzin la snyoms par zhugs pa ni
sems can yongs su smin par bya ba'i phyir 'khor los sgyur ba'i
gzugs nye bar ston par byed do/ /byang chub sems dpa' sems dpa'
chen

po gzi brjid drag po'i ting nge 'dzin la snyoms par zhugs pa ni
sems can yongs su smin par bya ba'i phyir brgya byin dang/
tshangs pa'i gzugs nye bar ston par byed do/ /byang chub sems
dpa' sems dpa' chen po

rtse gcig pa'i ting nge 'dzin la snyoms par zhugs pa ni sems can
yongs su smin par bya ba'i phyir nyan thos kyi gzugs nye bar
ston par byed do/ /byang chub sems dpa' sems dpa' chen po dag pa
gnyis su med

pa'i ting nge 'dzin la snyoms par zhugs pa ni sems can yongs su
smin par bya ba'i phyir rang sangs rgyas kyi gzugs nye bar ston
par byed do/ /byang chub sems dpa' sems dpa' chen po zhi ba'i
ting nge 'dzin lang

@092a @#/ /snyoms par zhugs pa ni sems can yongs su smin par bya
ba'i phyir sangs rgyas kyi gzugs nye bar ston par byed do/
/byang chub sems dpa' sems dpa' chen po chos thams cad

la dbang bskur ba'i ting nge 'dzin la snyoms par zhugs pa ni
sems can yongs su smin par bya ba'i phyir mos pa ji lta ba bzhin
du gzugs nye bar ston par byed de/ shA ri'i bu de ltar na skyes
bu dam pa rnams

ni sems can yongs su smin par bya ba'i phyir la lar ni brgya
byin gyi gzugs/ la lar ni tshangs pa'i gzugs/ la lar ni 'khor los
sgyu'i gzugs nye bar ston par yang byed la/ chos kyi dbyings

las kyang mi g.yo'o/ /zhes dang/ gtsug na rin chen gyis zhus pa
las/ rigs kyi bu de la byang chub sems dpa'i sems can yongs su
smin par byed pa'i spyod pa yongs su dag pa gang zhe na/ rigs
kyi

du sems can gyi spyod pa ni tshad med mtha' yas bsam gyis mi
khyab ste/ de bzhin du byang chub sems dpa' sems can yongs su
smin par byed pa'i spyod pa yang tshad med mtha' yas bsam gyis mi
khyab

bo/ /de la byang chub sems dpa' sems can rnams kyi bsam pa shes
nas sems can rnams yongs su smin par byed nus so/ /de ci'i phyir
zhe na/ rigs kyi bu 'di ltar sems can la la ni tshul khrims

@092b kyis yongs su smin par 'gyur/ la la ni tshul khrims spangs
pas/ sems can la la ni tshig gis shin tu gdams pas yongs su smin
par 'gyur/ la la ni 'jam pos/ la la ni tshig rtsub bos/ la la ni
de gnyis

gas/ la la ni 'jigs par byas pas/ la la ni 'jigs pa las yongs su
thar par byas pas/ la la ni bslangs pas/ la la ni ma bslangs
pas/ la la ni gnod pas/ la la ni mi gnod pas/ la la ni zil gyis

mnan pas/ la la ni zil gyis ma mnan pas/ la la ni sbyang bas/ la
la ni mi sbyang bas/ la la ni tshar bcad pas/ la la ni sbyin pa'i
phyir byin pas/ la la ni blangs pas/ sems can la la ni yid du
'ong

ba'i gzugs nye bar bsgrubs pas yongs su smin par 'gyur ro/ /sems
can la la ni sgra dang/ dri dang/ ro dang/ reg pa dang/ chos yid
du 'ong ba nye bar bsgrubs pas yongs su smin par 'gyur ro/ /sems

can la la ni gzugs yid du mi 'ong ba nye bar bsgrubs pas yongs
su smin par 'gyur ro/ /sems can la la ni sgra dang/ dri dang/ ro
dang/ reg pa dang/ chos yid du mi 'ong ba nye bar bsgrubs pas
yongs

su smin par 'gyur ro/ /sems can la la ni spro bas yongs su smin
par 'gyur ro/ /sems can la la ni rtag tu mthong bas/ la la ni mi
mthong bas/ sems can la la ni sangs rgyas kyi sgras/ sems can la

@093a @#/ /la ni chos kyi sgras/ la la ni dge 'dun gyi sgras/ la
la ni mi rtag pa'i sgras/ la la ni sdug bsngal ba'i sgras/ la la
ni bdag med pa'i sgras/ la la ni zhi ba'i sgras/ sems can la la
ni

sbyin pa dang/ tshul khrims dang/ bzod pa dang/ brtson 'grus
dang/ bsam gtan dang/ shes rab kyi sgras yongs su smin par 'gyur
ro/ /sems can la la ni sems can dmyal ba dang/ dud 'gro'i skye
gnas dang/

gshin rje'i 'jig rten gyi sdug bsngal myong bar 'gyur ba'i sgras
yongs su smin par 'gyur ro/ /la la ni lha'i bde ba myong bar
'gyur ba'i sgras yongs su smin par 'gyur ro/ /sems can la la ni
nyan thos kyi theg pa'i

gtam gyis/ la la ni rang sangs rgyas kyi theg pa'i gtam gyis/ la
la ni theg pa chen po'i gtam gyis yongs su smin par 'gyur ro/
/sems can la la ni sbyin pas yongs su smin par 'gyur gyi/ snyen
par smra bsam

yin/ don spyod pas ma yin/ don mthun pas ma yin/ sems can la la
ni snyan par smra bas yongs su smin par 'gyur gyi/ sbyin pas ma
yin/ don spyod pas ma yin/ don mthun pas ma yin/ sems can la

la ni don spyod pas yongs su smin par 'gyur gyi/ sbyin pas ma
yin/ snyan par smra bas ma yin/ don mthun pas ma yin/ sems can
la la ni don mthun pas yongs su smin par 'gyur gyi/ sbyin bas ma
yin/ snyan ?

@093b par smra bas ma yin/ don spyod pas yongs su smin par 'gyur
ba ma yin/ sems can la la ni bsdu ba'i dngos po bzhi po dag gis
yongs su smin par 'gyur ro/ /sems can la la ni nang gi dngos po
yongs su gtong bas/

la la ni phyi rol gyi dngos po yongs su gtong bas/ la la ni phyi
nang gi dngos po yongs su gtong bas/ sems can la la ni chung ma
dang/ bu pho dang/ bu mo kun gtong bas yongs su smin par 'gyur
ro/ /sems can la la

ni lag pa dang/ rkang pa dang/ mig dang/ mgo kun gtong bas yongs
su smin par 'gyur ro/ /sems can la la ni rtsed mo la dga' ba
dang/ glu dang sil snyan gyis yongs su smin par 'gyur ro/ /la la
ni gcig

tu bde bas/ la la ni gcig tu sdug bsngal bas/ la la ni de gnyi
gas/ la la ni de gnyi ga ma yin pas/ sems can la la ni dge
sbyong du sprul pas 'dul ba/ sems can la la ni dge slong dang/
dge slong ma

dang/ dge bsnyen dang/ dge bsnyen mar sprul pas 'dul ba/ sems
can la la ni sangs rgyas kyi gzugs dang kha dog gis 'dul ba yin
te/ de dag la sangs rgyas kyi gzugs dang sku bstan pas 'dul bar

'gyur ro/ /zhes dang/ dkon mchog ta la las/ 'gro ba'i spyod pa'i
sgo rnams ji snyed pa/ /de snyed chos kyi sgo la rab zhugs te/
/de dag kun du rnam thar sgo dag nas/ /bsam pa ji bzhin 'jig
rten sems can 'dul

@094a @#/ /gang dag kun tu rnam thar sgo dag nas/ /bsam bzhin
'jig rten sems can 'dul byed pa/ /de dag sus kyang mtshan mar
bzung mi nus/ /ting 'dzin rnam par 'phrul pa de 'dra'o/ /de dag
dga'

ba bkod pa'i ting 'dzin mchog /'gro ba thams cad yongs smin
mthun byed pa/ /dga' bde spro ba rab dga' kun ldan pas/ /bsam pa
brtan nas sems can 'dul bar byed/ /gang du lo nyes 'jig rten yo
byad gang/ /bde byed thams

cad rab tu dkon gyur pa/ /der ni kun gyis bsam bzhin bya ba yin/
/sbyin pa sbyin zhing 'gro ba'i don rnams byed/ /de dag zas skom
mchog dang ro mchog dang/ /gos dang bgo ba rin chen sna tshogs
dang/ /rgyal srid no ba

dang bdag phangs yongs gtong bas/ /sbyin la mos pa'i 'gro ba
'dul bar byed/ /brtan pa de dag mtshan mchog lus spras shing/
/gos dang rgyan mchog bgos shing brgyan byas te/ /phreng bas
spud cing spos kyis bskus pa yi/ /

gzugs rnams bstan pas sems can 'dul bar byed/ /mthong na dga'
tshim rab tu dga' rnams la/ /blo mchog de dag gzugs mchog gzugs
bzang ba/ /gzugs kyi dam pa yongs su ston byed cing/ /gzugs

la mos pa'i sems can 'dul bar byed/ /de dag ka la ping ka'i sgra
snyan dang/ /khu byug kun la ngang ba'i sgra skad dang/ /rnga
dang tshangs dang mi 'am ci yi sgras/ /mos pa kun la de bzhin
chos kyang ston/ /stong phrag

@094b brgyad cu rtsa bzhi gang yin pas/ /rgyal ba gang dag 'gro
ba'i don mdzad pa'i/ /chos kyi bye brag sgo mo de dag gis/ /bsam
pa ji bzhin 'jig rten sems can 'dul/ /de dag bde dang sdug
bsngal grogs kyang byed/ /don dang

gnod pa'i grogs kyang de bzhin byed/ /bya ba kun la grogs su
'gyur byas shing/ /grogs kyi sgo nas sems can 'dul bar byed/
/sdug bsngal gnod pa 'dus byas skyon gyi rnams/ /grogs kyi don
du de dag bzod

byed cing/ /'gro ba kun la phan don bde don du/ /de dag grogs
don gnod pa dang du len/ /gang na mngon byung med cing chos med
de/ /dgon par 'gro dang thar pa mi dmigs pa/ /der ni rgyal srid
'byor pa rab spangs

te/ /zhi ba'i yid kyis gnas med mngon par 'byung/ /de dag khyim
dang 'ching dang srid pa'i gnas/ /'gro ba thams cad yongs su
dgrol ba'i phyir/ 'dod pa'i dga' ba kun la mi gnas par/ /mngon
par byung zhing

thar pa rab tu brjod/ /de dag spyod pa bcu rnams rjod byed cing/
/skyes chen rnams kyi chos spyod gang yin dang/ /drang srong
rnams kyi spyod kun ma lus par/ /yongs su brjod cing 'gro ba'i
don rnams byed/ /gang na sems can

dpag med tshe ldan zhing/ /bde dang ldan la nyon mongs chung yod
pa/ /der ni rga bas nyen cing nad bu can/ /bdag la dbang med
'chi ba'i dbang gyur ston/ /'dod chags 'bar zhing zhe sdang rab
'bar la/ /'jig rten

@095a @#/ /gti mug me chen rab 'bar zhing/ /rga dang na dang 'chi
ba rab 'bar ba'i/ /'jig rten bstan nas sems can 'dul bar byed/
/de dag sangs rgyas stobs bcu brtson bzhi dang/ /chos kyi

khyad par bco brgyad rnams kyis kyang/ /sangs rgyas che ba'i
bdag nyid rjod byed cing/ /sangs rgyas yon tan rnams kyis 'gro
don byed/ /ces sogs dang/ sprin chen po'i mdo las/ byang chub
sems dpa' sems dpa'

chen po ni lha'i gnas thams cad na yang bya ba la snang ste/
tshangs pa la dad pa'i sems can rnams kyi mchod pa'i 'os so snyam
pa'i lta ba gcad pa'i phyir tshangs pa'i gnas rnams su ni tshangs
pa'i gzugs lta

bur snang ste/ lta ba la gnas par yang mi 'gyur ro/ /dbang phyug
chen po la dad pa'i sems can rnams kyi lta ba gcad pa'i phyir
dbang phyug chen po'i gnas rnams su ni dbang phyug chen po'i
gzugs lta bur snang

ste/ lta ba la gnas par yang mi 'gyur ro/ /gzhon nu la dad pa'i
sems can rnams kyi lta ba gcad pa'i phyir gzhon nu'i gnas rnams
su ni gzhon nu'i gzugs lta bur snang ste/ lta ba la gnas par
yang mi

'gyur ro/ /kA ty''i bu'i sdig pa dang/ 'tshe ba mi bzad pa la
dad pa'i sems can rnams kyi lta ba gcad pa dang/ srog gcod pa
bzlog pa'i phyir/ kA tyA'i bu'i gnas rnams su ni kA tya'i
bu'i gzugs lta bur

@095b snang ste/ lta ba la gnas par yang mi 'gyur ro/ /sems can
rnams sdig pa las bzlog pa'i phyir 'byung po'i gnas rnams su ni
'byung po'i gzugs lta bur snang zhing/ lta ba can thams cad kyi
lta'i gnas

dang/ ltad mo can dang/ dge mtshan lta ba'i gnas rnams su lta ba
can gyi gzugs lta bur snang ste/ lta ba la gnas par yang mi
'gyur ro/ /sha za ba dang gsod pa las bzlog pa'i phyir phag
'tsheng ba'i

gnas su bgegs kyi mtshan ma'i tshul ston cing/ sha 'tshong ba lta
bur yang snang ngo/ /sems can yongs su smin par bya ba'i phyir
rigs kyis chad 'tshong ba'i nang du chang 'thung ba lta bur yang
snang zhing chang

gi nyes dmigs yang dag par bstan pa'i phyir rigs kyi gtso bo lta
bur 'gyur zhing sems can rnams la chang gi sbyin pa byed de/
chang la chags par yang mi 'gyur ro/ /de bzhin du las chen po
bcu drug gi

nyes dmigs yang dag par bstan pa'i phyir las chen po bcu drug
byed pa'i rigs rnams su skyes nas las chen po bcu drug byed pa
lta bur yang snang ste/ las la chags par yang mi 'gyur ro/ /sems
can

yongs su smin par bya ba'i phyir rgyan po dang rtsed mo la yang
mkhas so/ /sems can dbul po longs spyod mi zad pas bsdu ba dang/
tshul khrims yongs su dag par bya ba'i phyir khyim na gnas pa'i
rgyal por
@096a @#/ /yang 'gyur ro/ /chung ma dang/ bu dang 'dre ba yang
med par bu smad kyang ston la rtag tu tshangs par spyod pa dang
yang ldan zhing rtag tu dben pa na yang gnas te rgyan gyis
klubs la mtshan kyang

yongs su gcod do/ /de na kha zas kyang za la rtag tu bsam gtan
gyi zas kyis kyang 'tsho'o/ /ya mtshan can de dag gi nga rgyal
dang/ rgyags pa dang/ dregs pa gzhom pa'i phyir ya mtshan can
thams cad kyi nang du

yang rab tu 'byung ste/ thams cad du mkhan po'i thabs su bkur
zhing ltas su lta ba thams cad nges par bsgral ba'i phyir bsam
pa tshul gyis rtogs par 'gyur la/ lta ba la gnas par yang mi
'gyur ro/ /dud 'gro

rnams nges par bsgral ba'i phyir dud 'gro'i skye gnas thams
cad du yang skye bar 'gyur te thams cad du yang mchog tu bkur
bar 'gyur ro/ /smad 'tshong ma'i gnas kun tu yang snang ste/
thams cad du yang bkur

la/ smad 'tshong ma'i gnas thams cad du g.yon can gyi mtshag tu
'gyur ro/ /'dul ba'i sems can la phan pa'i phyir bzhi mdo
dang/ sum mdo thams cad du yang snang ngo/ /'dod pa'i nyes pa
thams cad

bstan pa'i phyir smad 'tshong ma'i gnas thams cad du yang 'jug
go/ /dran pa la yang dag par dgod pa'i phyir mi gsal ba dang/
glen pa'i gnas thams cad du yang 'jug par byed do/ /sems can
yan

@096b lag ma tshang ba thams cad skye ba la dgod pa'i phyir yan
lag thams cad ma tshang ba yang ston par byed do/ /'khor ba la
skyo ba bskyed pa'i phyir khams bzhi dang ldan par yang byed
do/ /le lo can dang/ dran pa nyams pa nyams

dang/ rgyags pa dang/ myos pa rnams dang/ brtson 'grus dang/
bsam gtan dang/ skye ba la dgod pa'i phyir nad bzhi brgya rtsa
bzhi dang ldan par yang ston to/ /bzod pa la dgod pa'i phyir
gnod sems can lta bur yang

'gyur ro/ /rtag pa'i 'du shes can gyi sems can rnams la rtag
pa'i nyes pa yang dag par bstan pa'i phyir bskal pa thams cad
du yang 'byung ngo/ /khye'u dag yongs su smin par bya ba'i
phyir yi ge slob pa'i grwa khang thams

cad du yang 'gro bar byed do/ /bu mo dag yongs su smin par bya
ba'i phyir klu dbyangs kyi khang pa thams cad du yang 'gro bar
byed do/ /'jig rten dang mthun par bya ba'i phyir rgan po
dang/ thor bu dang/ bar ma rnams kyi grogs

kyang byed do/ /sems can yongs su smin par bya ba'i phyir bran
pho dang/ bran mo dang/ gzhan gyis bkol bar yang 'gro'o/ /sems
can yongs su smin par bya ba'i phyir nad pa dang/ rgas pa
dang/ shi ba lta bur bdag nyid

sna tshogs su yang ston to/ /sems can yongs su smin par bya
ba'i phyir rin po che dang/ nor bu thams cad kyi snod lta bur
yang 'gyur ro/ /rig byed kyis chog par 'dzin pa'i sems can
rnams la skyon yang dag par bstan

@097a @#/ /par bya ba'i phyir gsang tshig dang rig byed thams
cad la mkhas par yang byed do/ /bya skad kyi brda thams cad la
zhan pa'i sems can rnams kyi lta ba gcad pa'i phyir bya skad
kyi brda thams cad

ston par byed do/ /sman gyi sde tshan dang/ rtsi dang ldan par
rnam par 'phrul pa'i phyir shing ljon pa dang/ 'khri shing
dang/ 'bras bu dang/ me tog dang/ sman no cog lta bur yang
bdag nyid byin gyis rlob par byed

do/ /'tsho nam thams cad la yang brtson la chags pa dang longs
spyod la mngon par zhen pa yang med do/ /theg pa dman pa rnam
par gcad pa'i phyir bsgrags pa'i chos kyi 'phel ba'i gtam
thams cad kyang legs

par ston par byed do/ /sems can thams cad bsrung ba dang/
yongs su bskyang pa'i phyir rgyal po'i bya ba la yang 'jug par
byed do/ /tshong dpon gyi chos lugs kyis dga' bar bya ba'i
phyir tshong dpon gyi nang du

yang tshong dpon du bkur bar 'gyur ro/ /khyim gyi skyon thams
cad yongs su gcad pa'i phyir khyim gyi gnas su yang khyim bdag
tu bkur bar 'gyur ro/ /rgyal rigs kyi chos lugs rab tu gnas
par phya ba'i phyir

rgyal rigs kyi nang du yang rgyal rigs su bkur bar 'gyur ro/
/nga rgyal dang rgyags pa dang dregs pa gzhom pa'i phyir bram
ze'i nang du yang bram zer bkur bar 'gyur ro/ /bya ba thams
cad dang/ chos lugs

@097b thams cad la gzud par bya ba'i phyir blon po chen po'i
nang du yang blon po chen por bkur bar 'gyur ro/ /rgyal srid
dang/ longs spyod dang/ dbang phyug las rnam par bzlog pa'i
phyir gzhon nu'i nang du yang gzhon nur

bkur bar 'gyur ro/ /bud med yongs su smin par bya ba'i phyir
btsun mo'i 'khor dag tu yang srung ma nyug ru ma du bkur bar
'gyur ro/ /bsod nams kyi khyad par la lhag par dmigs par bya
ba'i phyir skye bo phal

pa rnams dang yang mthun par 'jug go/ /dbang phyug gi nyes
dmigs bstan pa'i phyir brgya byin gyi nang du yang brgya byin
du bkur bar 'gyur ro/ /ye shes kyi khyad par bstan pa'i phyir
tshangs pa'i nang du yang tshangs

par bkur bar 'gyur ro/ /sems can thams cad kyi yid du 'ong bar
bya ba'i phyir zla bar yang 'gyur ro/ /sems can gyi sdig pa'i
nyes pa'i kha ba mang po bzhu ba'i phyir nyi mar yang 'gyur
ro/ /sems can thams

cad tshul srung du gzhug pa'i phyir 'jig rten skyong gi nang du
yang 'jig rten skyong du bkur bar 'gyur ro/ /sangs rgyas kyi
bkod pa thams cad ston kyang gtan du yongs su mya ngan las
'das par yongs su mya ngan las

'das par yang mi byed do/ /gzugs thams cad snang bar ston
kyang gzugs kyis de bzhin gshegs pa'i chos nyid rnam par
'khrug par yang mi byed do/ /sangs rgyas kyi zhing thams cad
du 'gro yang tha dad par byed

@098a @#/ /par yang mi byed do/ /sangs rgyas thams cad kyi yang
dag par blang brjes su thob kyang chos kyi dbyings la yang
'byed par mi byed do/ /lha dang mi'i bdag po thams cad yongs
su 'dzin kyang de

la rgyags par yang mi 'gyur la/ myos pa skyed par yang mi
'gyur ro/ /sems can rnams skyo ba la dgod pa'i phyir gnyid log
pa'i bya ba thams cad yang dag par ston to/ /bdud kyi yul
thams cad yang dag par

ston kyang bdud kyi las la gnas par yang mi 'gyur ro/ /'jig
rten pa dang 'jig rten las 'das pa'i bya ba thams cad la yang
snang la/ rtag tu yang chos kyi kun dga' la dga' bas dga' bar
byed de padma bzhin

du gos pa med par 'gyur ro/ /sprin chen snying po zab mo brtan
pa'i chu'i rgya mtsho'i dus tshod kyi ting nge 'dzin gyi yul la
ltos/ zhes dang/ sa yi snying po 'khor lo bcu pa'i mdo las/
sems can yongs su smin par

bya ba'i phyir phyogs bcu'i 'jig rten gyi khams su kha cig la
ni tshangs pa chen po'i rgyal po'i lus su ston te/ sems can
rnams cis 'dul pa'i chos ston to/ /kha cig la ni dbang phyug
chen po'i lha'i lus su

ston to/ /kha cig la ni 'dod pa'i khams kyi gzhan 'phrul dbang
byed gnam gyi lha'i lus su ston to/ /kha cig la ni 'phrul dga'
gnam gyi lha'i lus yongs su ston to/ /kha cig la ni dga' ldan
gnam gyi lha'i

@098b lus su yongs su ston to/ /kha cig la ni rab mtshe ma gnam
gyi lha'i lus su ston to/ /kha cig la ni sum cu rtsa gsum gnam
gyi lha'i lus su ston to/ /kha cig la ni rgyal chen bzhi'i
lha'i lus su ston to/ /kha cig

la ni sangs rgyas kyi skur ston to/ /kha cig la ni byang chub
sems dpa'i lus su ston to/ /kha cig la ni rang sangs rgyas kyi
lus su ston to/ /kha cig la ni nyan thos kyi lus su ston to/
/kha cig la ni 'khor los

sgyur ba'i rgyal po'i lus su ston to/ /kha cig la ni rgyal
rigs kyi lus su ston to/ /kha cig la ni bram ze'i lus su ston
to/ /kha cig la ni dmangs rigs kyi lus su ston to/ /kha cig la
ni rje'u rigs kyi lus

su ston to/ /kha cig la ni skyes pa'i lus su ston to/ /kha cig
la ni bud med kyi lus su ston to/ /kha cig la ni gzhon nu'i
lus su ston to/ /kha cig la ni bu mo'i lus su ston to/ /kha
cig la ni dri za'i lus

su ston to/ /kha cig la ni lha ma yin gyi lus su ston to/ /kha
cig la ni mi 'am ci'i lus su ston to/ /kha cig la ni lto 'phye
chen po'i lus su ston to/ /kha cig la ni glu'i lus su ston to/
/kha cig la ni gnod

sbyin gyi lus su ston to/ /kha cig la ni srin po'i lus su ston
to/ /kha cig la ni grul bum gyi lus su ston to/ /kha cig la ni
sha za'i lus su ston to/ /kha cig la ni yi dwags kyi lus su
ston/ /kha cig la ni

@099a @#/ /srul po'i lus su ston to/ /kha cig la ni lus srul
po'i lus su ston to/ /kha cig la ni gnon po'i lus su ston to/
/kha cig la ni seng ge'i lus su ston to/ /kha cig la ni spos
kyi ba lang gi

lus su ston to/ /kha cig la ni rta'i lus su ston to/ /kha cig
la ni khyu mchog gi lus su ston to/ /kha cig la ni gcan gzan
sna tshogs kyi lus su ston to/ /kha cig la ni gshin rje'i lus
su ston to/ /kha cig la ni sems

can dmyal ba'i srung ma'i lus su ston to/ /kha cig la ni sems
can dmyal pa'i sems can gyi lus su ston to/ /zhes dang/ 'phags
pa sangs rgyas kyi stobs bskyed pa cho 'phrul rnam par bstan
pa'i mdo las/

kye rgyal ba'i sras dag /de bzhin gshegs pa'i thabs mkhas pa
dang/ sems can yongs su smin par bya ba ni mang ngo/ /sems can
rnams kyi bsam pa ji lta bu dang/ ji ltar 'dul ba dang/ dge
ba'i rtsa ba ji lta bu dang/

sems can rnams kyi mos pa sna tshogs kyi spyod pa mkhyen nas
chos ston te/ sems can kha cig ni byang chub sems dpas 'dul/
kha cig ni nyan thos kyis 'dul/ kha cig ni rang sangs rgyas
kyis 'dul/ kha cig ni lhas

'dul/ kha cig ni brgya byin gyis 'dul/ kha cig ni tshangs pas
'dul/ kha cig ni klus 'dul/ kha cig ni rdzu 'phrul chen pos
'dul/ kha cig ni rang sang rgyas kyi 'dul/ kha cig ni

@099b cho 'phrul gyis 'dul/ kha cig ni de bzhin gshegs pa mya
ngan las 'das pas bdul/ kha cig ni ring bsrel gyis 'dul/ kha
cig ni mchod rten byed du gzhug /gtsug lag khang dang/ skyed
mos tshal byed du gzhug pa'i dge

ba'i rtsa ba sngo ba bskyed pas 'dul/ kha cig ni sku gzugs
byed du gzhug pa dang/ ri mo dang/ gser dang/ dngul dang/ ra
gan gyis sku gzugs byed du gzhug pa'i dge ba'i rtsa ba la spro
ba bskyed pas 'dul/ kha

cig ni dge slong gi dge 'dun la mchod pa dang/ bkur ba sti bya
ba'i dge ba'i rtsa bar spro ba bskyed pas 'dul/ zhes dang/
yang/ de bzhin du de bzhin gshegs pas kyang sdug bsngal rnam
pa sna tshogs kyis bsgribs

pa'i sems can rnams dang/ khams sna tshogs kyis 'dul ba'i sems
can rnams kyi spyod pa mkhyen nas yongs su mya ngan las 'da'
zhing/ skye bar yang ston/ 'khor los sgyur ba'i rgyal por yang
ston/ rtse ba

dang/ dga' ba dang/ bud med kyi bzhad gad dang/ ku re dang/
dri dang/ phreng ba dang/ dga' zhing rtse ba yang ston/ zhes
sogs gsungs pa ltar yin la/ de lta bu'i mdzad pa ston pa dus
'dir yang sbyor te/ ji skad

du/ mgon po byams pas/ de ltar mdzad pa rgya che'i phyir/
sangs rgyas khyab par mngon par brjod/ /de nyid zad pa med
pa'i phyir/ /rtag pa zhes kyang brjod pa yin/ /zhes gsungs pa
ltar/ de bzhin gshegs pa'i

@100a @#/ /phrin las ni/ rtag cing khyab la 'bad med lhun grub
tu 'jug pa'i ngang tshul can du ma zad/ 'gro ba thams cad la
khyad par med par mas bu gcig pa la brtse ba ltar gyi thugs
rje chen

pos/ bsnyel ba mi mnga' ba'i chos nyid can dang ldan pa'i phyi
ro/ /des na/ dus 'dir rgyal ba thams cad kyi rang gzugs tha
mal pa'i tshul du 'khrul ba de ni/ 'chad 'gyur ltar/ bstan pa
spyi dang/ khyad

par yab rje 'jam dpal snying po'i dgongs don gyi mthil/ lta
spyod rnam par dag pas gzhunmg bsrangs te/ tshang la ma nor
ba'i lam la thos bsam sgom pa'i nya yongs su gang bas/ kun tu
bzang po'i phrin las

'chad rtsod rtsom pa'i bdud rtsi'i 'od snang khor yug gi
phyogs kun tu gdal zhing/ lung rtogs bshad dang sgrub pa'i
rgyal bstan kun gsal sgeg mo'i rgyan du mdzes pa/ rgyal sras
zla ba gsar ba'i thig le

'di lta bur ngos 'dzin par rigs kyi/ gzhan du/ thog med nas
bsags pa'i phugs kyi 'khrul rgyu sgrib gnyis kyi mun pa stug
pos shes rab kyi mi g.yongs su bsgribs shing/ las ngan mi
bzad pa'i gdon

gyis ches cher brlams pa'i 'khrul ngor ji ltar btsal kyang ma
dag pa'i snang ba nyid las ga la 'da'/ de'i phyir na bdag nyid
chen po 'di lta bu'i gsang ba gsum gyi mdzad pa'i cha shas
phra mo tsam zhig brjod pa'ang

@100b las su bya ba gzhan dang gzhan brgya stong du mar ngal
brgyas 'bad pa bas kyang ches cher lhag par bsod nams dang ye
shes kyi tshogs du ma cig car 'dum rlabs che ba'i thabs 'phrul
gyi sgo phrul du phyin par rtogs te gnas

'di la spro ba chen pos 'jug rigs pa nyid du shes par bya'o/
/e ma bdag 'dra'i skye bo phal/ /thog ma med pa'i dus ring
nas/ /yang yang mnar ba'i dgra po che/ /las nyon rlung gis
dbang bskul ba'i/ /mi bzad sgrigs ? pa

lnga bdo'i dus kyi sems/ /bsod nams 'bras mang lci ba'i nags
tshal tshogs/ /bsregs pa'i mi dge'i dung sprin nag po'i rnams/
/rab stug mun pa'i go 'phang cher 'dzin yod ?/ /drin can bla
ma stobs bcu mnga' longs ?

kyi gsang gsum dbang gi nor bu'i mdzod chen po'i/ /thugs rje'i
sprin sngon rnam par rol las lhun grub 'phrin las char rgyun
'dzad med rtag 'jo bas/ /mi mthun rgud pa'i sreg za kun gzhil
grangs med gdul bya'i

shes rgyud zhing sar byang grol gyi/ /sku bzhi'i 'bras bzang
rdzogs ldan snang ba'i bla med dus ston ci dgar 'gyed la dga'
bas brel/ /gnyis pa gnas gang du mi'i srid pa ji ltar bzung
tshul dngos bshad pa ni/ gong du

smos pa ltar rje btsun bla ma dam pa 'di ni/ sngon yun ring
mo'i dus shig na/ mtha' yas pa'i sems can gyi khams rnams sdug
bsngal gsum ci rigs pas bar mtshams med par mnar ba la shas mi
bzod 
@101a @#/ /pa'i snying rje chen po'i gzhan dbang du gyur pas/
mtha' dag gdung ba las rang nyid gcig pus sgrol 'dod kyis 'khyer
bar dka' ba'i khur chen po dag lhag pa'i bsam pa rmad du byung
ba'i phrag

par blangs te/ mngon par 'dod pa de 'grub pa'i yo byad kyi thabs
su gang zhig lhag pa/ ku sha'i rtse ltar phra zhing mdzangs la
zhib pa'i blos brtag cing dpyad kyang/ bde bar gshegs pa'i gzugs
kyi sku kho na las

mchog tu gyur pa'i thabs gzhan gang yang med par gzigs nas/ de
nyid don du gnyer ba la lhag par brtson zhing/ de'i sku yi pa
spu'i khung phu re bsgrub pa'i don du yang/ sems can thams cad
kyis dge ba'i stong

ji tsam 'du byas pa/ de dag thams cad gcig tu bzlums pa tsam gyi
dge ba'i rtsa ba yongs su bskyed pas mtshon/ zab cing rgya che
ba/ blo gros chen po'i chen po dag gis kyang yongs su bzod par
bya dka' ba'i gnas/

bsod nams chung ngu dag la ni/ gang gi gtam tsam yang 'jigs byed
chen por gyur pa'i byang chub sems dpa'i spyod pa bya dka'
brlabs po che'i pha rol tu phyin par mdzad pas/ ji zhig ltar/
gzhan gyi don mtha' yas

su bsgrub par med mi rung gi gnas/ gdul bar bya ba ji snyed pa
de snyed re re la'ang/ gang gis 'dul ba'i rnam grangs ma tshang
ba med pa'i sku mngon par ston nus pa'i ting nge 'dzin gyi sgo
brjod du med pa dag la ni dbang  

@101b 'byor/ brjod pa gcig dang dbyangs gcig gis kyang tha dad
pa'i 'gro ba dag gi dbang por 'tshams pa'i gnyen po'i bye brag
dang/ gang zhig gang gis dris pa de dang de'i lan du/ rang rang
gi skad kyis don bzang po dang tshig 'bru

bzang por bsnyad par nus pa/ phyogs kyi bu mo'i pha mtha' rdzogs
par gzhal bar nus pa'i ngo mtshar ba'i ro 'dzin ni thob/ gang
dang gang la 'dul byed kyi rnam pa ci zhig 'tshams pa'i gnad/
mkha' mnyam gyi skye 'gro'i

dbang po dang/ khams dang/ bsam pa dang/ bag la nyal thams cad
dus gcig tu gsal bar gzigs pa'i 'dren byed mchog zung ni mngon
du gyur pas/ sgrib gnyis bag chags dang bcas pa'i dri ma yang
zhar byung

tsam du yongs su zad de/ mdor na/ spang bar bya ba dang/ rtogs
par bya ba'i bgyi ba mtha' dag la rang rang gi byed pa yongs su
rdzogs pas na/ sngon gyi 'phen pa dang/ smon lam yongs su rdzogs
pa'i stobs las/ sbyor

ba gzhan la rag lus pa'i res 'ga' ba min par/ gdul bya'i rgyud
yongs su dag pa de tsam gyis rang gi ngang gis 'jug pa'i ngo
mtshar ba'i mdzad pa bsam brjod kyi yul las yongs su 'das pa ston
bzhin pa las/

deng gi dus 'dir gdul bya thun mong ba'i snang ngor/ srid pa'i
chos nye bar bzung ba/ tha mal pa'i tshul du mngon par 'phrul
ba'i mdzad pa ji ltar bstan pa'i byung tshul/ sngar gong du brjod
pa ltar yul gang du mi'i srid pa

@102a @#/ /bzung ba nas brtsams te/ dgung lo nyer lnga la phebs
pa'i bar gyi rnam par thar pa'i sa bon mdor bsdus rje bla ma rdo
rje 'chang chen po nyid kyi gsung gi bdud rtsi/ sngon 'das pa'i
dus ha cang mi

ring ba zhig na/ kho bos gsal bar mthong thos kyi skal bzang
dga' ston yang yang myangs pa'i don gyi snying po yid kyi dpyid
du legs par sim par byas pa rnams rang nyid kyi bsod nams mchog
gi bgo skal du go

rim mthar chags ltar dgod cing/ de phyin dgung lo nyer drug phan
gyi mdzad pa'i 'phro yang ci rigs par sa bcad kyi bar mtshams lta
bu 'ga' tsam las bcad lhug spel ma mang po'i tshig tshogs ha cang
che

bskyed kyi spros pa bskyungs te/ rje nyid kyi zhal nas thos pas
mtshon pa'i dngos su byung ba'i mdzad pa'i ngo bo mthong thos
khungs ldan gang dran thor bu nyung zad cig gsal rjen gyi lugs
su rim gyis spel ba la/

thog mar/ rgyal kun mnyam pa nyid gsum gyis mnyam pa dang chos
kun nas mtshungs par chos sku 'de ba chen po'i dbyings su rigs
thams cad kyi spro bsdu'i byed po mchog gi ngo bor byang chub
pa'i sgyu 'phrul gyi bkod

pa rab 'byams bsam yas lhun grub rgyun mi 'chad pa'i 'phrin las
mkha' mnyam 'gro ba yongs kyi las dang skal par 'tshams par rtsol
med du 'jug par nus pa'i gsang gsum gyi rol pa/ lus pa med

@102b pa'i sras bcas rgyal ba kun dang thabs gcig tu spyod pa
las/ zhing 'di'i gdul bya mtha' yas pa zhig gi mgon du gzugs sku
u du ma wa ra'i lang tsho gang du bzhad pa'i rigs rus cho 'brang
gi dbang du

byas na/ rje bla ma rdo rje 'chang chen po gang gi sku'i rigs
ni/ 'ba' ra ba rgyal mtshan dpal bzang gi rnam thar las/ de la
kho bo'i yul ni g.yas ru shangs kyi tsha ba li grong zhes bya
ba/ rigs ni rje'u rigs

te/ yul de'i dpon gyi brgyud pa yin/ rus pa rgya yin zhing/ mes
po ni 'gro mgon chos kyi rgyal po'i gsol ja pa'i dpon mdzad
cing/ nye gnas kun dga' 'bum zhes pa shin tu phan sems che/ zhes

gsungs pa ltar rje'u rigs gtsang ma/ 'ba' ra ba rgyal mtshan dpal
bzang sogs dngos dang sbas pa'i dam pa'i skyes bu bar ma chad
par byon pa/ sger chab spel ba zhes sngon dus 'gro mgon chos
rgyal

'phags pa dang/ phyis su gzhung dga' ldan pho brang pa chen po'i
zhabs sner gtogs pa zhig yin par gsungs pa ltar la/ khyim gyi
'byor ba che chung yang brtul zhugs dbang po shA ri'i bus/ ha
cang phyug po'i

khyim dang ni/ /dbul po'i gnas su mi skye bar/ /bar ma'i khyim
du skye bar shog /ces pa'i thugs smon mdzad pa dang mthun par ha
cang phyug pa dang/ ha cang dbul ba'i mtha' spangs pa'i 'byor ba
ran pa zhi gra yin

@103a @#/ /zhing/ yab ni/ shod drung tshe brtan rnam rgyal zhes pa
rang bzhin shin tu bzang ba/ dam pa mang phos 'di ni skye bo
byang chub sems dpa'o zhes bsngags brjod gnang ba'i yul du gyur
pa/ rang

nyid 'byor 'khos zhan kyang khrims lugs gang bcad rgyu brngan
gyi rjes 'brang cung zad tsam yang mi mdzad pa'i ha cang drang
pa/ nyam thag pa'i mi sogs gzigs ma thag lus kyi ba sru ldang
zhing gting nas mi bzod

pa'i snying rje mchog tu che ba/ bza' btung sogs rang gi bzhes
'phro tshun chang nas ma byin na thugs mi dgyes pa/ rgyal ba'i
bstan pa dang dkon mchog la rab tu gus pa/ rjes su sku gshegs
pa'i tshe yang sku khung la

'ja' dkar po zhig gdung tshugs su zug cing/ me tog gi char babs/
sku phung dur khrod du gtor skabs bya rgod rnams kyis sku sha'i
phud len pa ma nus pa'i tshul du bsgugs nas bsdad pas re zhig na/
bya rgod

las chung tsam gyi bya nag po/ mgo thod du thod rgyan lta bu'i
'bur rdog gsum yod pa zhig nam mkha'i dkyil mthon po nas mar
bshur sgra dang bcas thad kar babs par bya rgod rnams 'jigs pa'i
tshul du byer ba'i

dbus nas sha phud blangs te thad kar gyen du 'phur/ de rjes bya
rgod byings rnams kyis sku shar rol ba sogs khyad par can du
byung ba zhig go/ /yum ni/ cho 'brang bzang mo dkon mchog sgrol
ma zhes pa/ dam pa'i  

@103b chos la gcig tu dkar zhing rang bzhin gyi blo gros che ba/
yul gyi mi chen po dag gis kyang gros 'dri byas/ dam pa ngags
mkha' 'gro ma'i rigs yin tshul du bsngags shing/ tsA rir gnas
skor du phebs skabs

bud med rnams sgrol ma la'i la rtse nas dag pa shel rir smon lam
btab ste tshur phyir log bya srol yod cing/ rgyun du smug pas
bsgribs te dag pa shel ri mjal dka' ba yod kyang/ de'i nyin par
smug pa med par

legs par mjal zhing/ lhag par yum de nyid la ni/ ri de'i ldebs
nas spyan ras gzigs phyag bzhi pa zhig gi gzigs snang shin tu
gsal ba byung/ de nas yang pho brang skyog mo zhes pa'i mtsho'i
nye 'gram

du phebs skabs phar tshad cig na lha khang gru bzhi ha cang mdzes
brjid can lcags ris bskor ba dar phreng khra phung nger yod pa
zhig gzigs pas khang pa dngos gnas shig yod 'dug snyam pa'i mur
sa bsribs te de

nub bzhugs yul tshul khang gang 'tshams shig las mi 'dug par sang
snga bar de'i 'gram bar tsam du lha khang de 'dra zhig yod snyam
nas gzigs pas ci yang mi snang bar tshul khang du sdod pa'i mi
zhig la

dris pas/ de 'dra gtan nas med/ mtsho nang du yod pa'i gzhal yas
khang gzigs yod tshod red ces zhus pa'ang byung/ ma yum nyid kyis
rje bla ma 'di la sku chung ngu'i skabs thugs smon gnang ba'i
tshe yang skye bo

@104a @#/ /phal pa gzhan gyis smon lam 'debs tshul ltar tshe ring
ba/ nor rdzas phyug pa/ lam 'gro che ba sogs kyi thugs smon ye
mi mdzad par/ bu 'di shes rab rig pa'i sgo bye bar shog /mdo

sngags zung 'brel gyi nyams len mthar phyin par shog /bstan pa
dang sems can gyi don rgya chen po phan thogs par shog /ces pa'i
smon lam mdzad kyin yod pa da lta bsams na de 'dra'i smon lam
tsam yang

shin tu ngo mtshar zhing rlabs che ba byung 'dug /ces rje bla ma
rdo rje 'chang nyid kyi gsung las byung/ de ltar cho rigs phun
sum tshogs pa'i yab yum de gnyis rigs nye bar 'dzin pa'i snod kyi
mchog tu gzigs nas/

ji ltar byang chub sems dpa' dam pa tog dkar po gzigs pa rnam pa
lngas dga' ldan gyi gnas nas 'phos te/ lha mo sgyu 'phrul ma'i
lhums su zhugs pa ltar/ bzang mo de'i rum la bsam bzhin du nying

mtshams sbyar bar gyur to/ /ngo mtshar 'khri shing prik+Sha'i snye
ma'i khas/ /bsgrags pa'i grags pa gling bzhi'i dbus na mtho/
/'jig rten sgron me stong gis bsti ba'i gnas/ /sde bzhi'i dga'
ston rgyas pa

las kyi sar/ /stobs 'byor dam pa chos kyi dpal yon gyis/ /mngon
par brjid pa mtho ris thig le ni/ /lha ldan zhes grags dbus
ljongs nor 'dzin ma'i/ /stod g.yogs mdzes pa'i gos bzang mtshar
du

@104b bkrag /shAkya mu nes byin brlabs yul gyi phul/ /tshogs
gnyis dpal gyis lci ba'i zhabs kyi khur/ /yongs su 'degs bzod
rdo rje'i gdan chen por/ /mes po 'byung 'gyur mkhyen pas snga
nas bskrun/ /rigs rus 'ud

kyi snyems pas rengs pa min/ /rnam bdun yon tan yal 'dab 'bras
bus dud/ /ya rabs ngang tshul bsung zhim 'thul ba yi/ /rigs shing
sa la'i ljon pa rnam par mdzes/ /mi bzad snyigs mar spyod pa'i
na bkra

yis/ /yongs su gtses pa bshad dang sgrub pa'i gru/ /dus kyi chu
bos klong du bdas pa'i tshe/ /ded dpon dpa' bo'i snying stobs
rtse mor 'dzegs/ /skyed byed tshe brtan rnam rgyal dang/ /yum
mchog ratna tA re yi/ /dpal

'dzin dam pa'i rang bzhin la/ /dri med gzigs pa lan brgyar
lhung/ /'jug gnas 'byung ba'i sdug bsngal me dong du/ /ma rmongs
mngon dga' rgyas pas mngon rtsen pa/ /mtho ris dpal 'byor tshal
na 'dod

ldan dang/ /padma'i rdzing na ngang pa'i rgyal po bzhin/ /de
ltar lhums su zhugs te mngal na gnas pa sogs kyi dus snga phyi
thog thag tu ngo mtshar ba'i ltas khyad par can mang du byung ba
'di lta ste/ rje 'di nyid yum gyi

mngal du bzhugs pa'i skabs yum gyi mtshan lam du/ shar phyogs nas
nyi ma rnga po che tsam zhig 'khyil li li 'khor bzhin yum rang
nyid yod pa'i phyogs su 'ongs pa dang/ gzim khang gi thog steng
nas zhing skyong

@105a @#/ /dur khrod bdag po yab yum gyis byar mdzad pa'i rnam pa
ches gsal ba byung ste/ de ni rgyal ba'i bstan pa'i bshad sgrub
kyi snying po du ma nam sros kyi spun zla ltar gyur pa'i skabs
der/

rje bla ma rdo rje 'chang nyid kyis 'khor lo gsum gyi bstan pa'i
mdzad bzang rlabs po ches rgyal ba'i bstan pa nyin mo ltar gsal
bar mdzad pa'i ltas ngo mtshar rmad du byung ba zhig dang/ zhing
skyong ni/ sku tshe du ma'i

snga rol nas yi dam du mdzad pa'i lhag pa'i lha mchog dpal he ru
kaH yab yum gyi bka' srung gis dus drug tu bya ra mdzad pa'i
brdar gsungs shing/ yang mngal du bzhugs pa'i skabs mtshan gung
zhig la

yum de nyid man la sad pa na/ nam langs/ nyi ma shar ba bzhin
khyim gyi nang thams cad dkar sang der snang bas khyab ste ca
dngos rnams kyang nyin mo ltar gsal bar mthong bas/ de ma thag
tu da nangs lang rgyu

phyis pa red 'dug snyam ste/ nam langs/ nyi ma shar ba gzhir
bzhag gis zhal ta ma zhig yod par yang longs zhes gsungs par/
des kyang da nangs mtshan mor lang dgos pa yin pa 'dra snyam du
yar langs ras

yab de nyid mnal sad de khyod tsho ci byed gsung/ yum gyis da
nangs nga tsho lang phyis tshul zhus pas/ lcam rang nyid 'khrul ba
las da lta nam lang rgyu lta zhog /mun nag rang red/ khyed rang
gnyis nyol zhes gsungs

@105b par/ ngas ni ca lag rnams kyang tshang ma 'di dang 'di 'dra
mthong/ 'di na 'di 'dug ces mthong tshul rnams zhus te yi dam
ches bzhin du nyal/ slar gnyid cig sad skabs nam gzhi nas langs
pas da gin gyi de 'khrul

pa yin par da gzod gzhi nas go ste ya mtshan che ba byung 'dug pa
ni/ rje 'dis yab rje rgyal ba gnyis pa'i ring lugs nyin mo ltar
gsal bar mdzad cing/ mdo sngags lam gyi rim pa'i bshad sgrub
zung 'brel gyi snang

ba rgya cher spel ba'i gzi byin nyid sus kyang 'geb tu mi btub
pa'i rtags dang mtshan ma ches gsal ba zhig yin par gsungs pa don
la de bzhin du gnas te/ phyis byung mngon sum pa'i mdzad pa dag
gis ches

sla bar dpog nus pa'i phyir ro/ /gang du sku 'khrungs pa'i yul
ni/ chos tshigs kyis phye ba'i yul dbus bod ljongs yi lte ba/ bod
chos rgyal rim byon gyi gdan sa/ gnam 'khor lo rtsibs brgyad/ sa
padma 'dab

brgyad/ logs bkra shis rtags brgyad kyis mngon par spras pa'i sa
yi thig le/ chos 'khor dpal gyi lha sa zhes yongs su grags pa
ste/ de yang bdag nyid chen po 'di lhums su zhugs pa'i dus re
zhig /mngal na

gnas pas yongs su 'dul ba dang/ 'jig rten gyi spyod pa dang
mthun par bstan pa'i phyir/ dus kyi bar du mngal na gnas pa'i
khyad par rnams rim gyis rdzogs pa'i rnam pas brtas pa na yang/
sdug bsngal gyi rgyu dang bral
@106a @#/ /pa dang/ tshor ba dang/ tshor ba po dag rang gi ngo bor
dben pa nyid du yongs su rig cing/ skye dgu rnams sgrol bar 'dod
pa'i dam bca' ba dang snying rjes zil gyis non pas/ dri nga la
mi gtsang/

zhing rnam par dog pa'i bcing pa dang/ ma'i spyod lam mi pa zo
ba mtha' dag la brten pa'i nyam nga pa dag gis rnam par gtses pa
med bzhin du/ ji zhig na/ zla pa'i grangs tshang ste btsa' pa la
mngon par phyogs

pa'i tshe/ gdul bya'i skye bo 'bum phrag bye snyed gang dang gang
du 'du ba de dang de'i mgon dang skyabs dang lam ston gyi 'dren
pa mchog ni bdag gis bya'o zhes ston cing dgongs pa'i sems can
chen po de'i mos pa'i

mthu do zla med pas ched du bskul ba bzhin yab yum gnyis ka
gtsang phyogs chab spel ba'i sger gzhis nas bod kyi yul dbus su
byon te/ dbus 'gyur lu mi'i tshal gnyis pa lha ldan ra sa 'phrul
snang gi gtsug

lag khang gi nub phyogs g.yu thog shar zhes pa'i gnas tshang du
bzhugs bzhin pa'i mur/ dus rab byung bco lnga pa'i sa stag zla
ba drug pa'i tshes bcu drug nyin yum gyi srid lam zug rngu med
par grol ba las/ phal

pa gzhan ltar mgo mjug ldog nas skyes pa min par yan lag mchog
gyen du bstan cing zhabs sngon la phyung bas chen por gom pa
'dor stabs su btsugs te sku lus la lte ba'i ga shal dang bcas
nas bde bar

@106b btsas so/ /rgyal mchog lnga pas 'khon ston dpal 'byor lhun
grub kyi rnam thar du/ thang yig las/ shAkya'i zhing khams lug
stod ces bya na/ /pha bong kha pa zhes bya'i mkhas pa 'byung/
/zhes kyang gsungs snang ngo/ /zhes

pa zhig stsal pa/ pha bong kha pa dpal 'byor lhun grub kyi
'khrungs yul sogs la lug stod dang 'brel ba'i ming sgra yod na
der zad/ gzhan du na/ bdag gi 'dren mchog rdo rje 'chang 'di
nyid kyi sku'i mched po chab spel

mda' dpon 'jigs med kun dga' la kho bo cag gis/ gtsang gi chab
spel ba'i khyim gzhis yod phyogs su lug stod zer ba'i sa cha yod
dam zhes dris par/ lug stod zer ba med/ ngos tsho'i sgos gzhis
yod pa'i smad

kyi ril lu gu gdong zer ba zhig yod zer bas/ 'di lta na/ bka'
thang la tshig sna mi mthun pa ches mang yang/ 'khon ston gyi
rnam thar du drangs pa'i lung de nges par yod tshe rje bla ma
'di'i yab gzhis yod pa'i ri'i smad lu gu

gdong zer ba dang 'byor tshabs che zhes smra na/ gnod byed dkon
snyam yang don du gnyer na rgyus can dag la 'dri zhing brtag par
bya'o/ /de ltar btsas pa na/ khye'u sku'i bongs che la sku sha
rgyas shing pags pa'i mdog dung

ltar dkar ba/ bzhin gyi mdangs zla ba'i 'od ltar gsal pa/ dbral
ba'i dbyes che ba/ dbu skra bung ba ltar gnag pa sogs skyes bu
chen po'i mtshan du ma dang ldan pa zhig skal bzang gdul bya'i
dpal du byon pas/

@107a @#/ /der yab nyid kyis 'khur blangs te gtsang sbra chen
po'i dang nas sku'i lte ba gcod pa sogs dang/ yul lugs kyi btsas
ston gyis mtshon pa'i shes pa'i rten 'byung gi sgo brgya phrag tu
phye bar

byas so/ /rgyal bstan dpal mgrin ral pa'i rtser/ /mu tig 'od
chags mdzes pa 'dzin/ /gzugs sku zla ba'i thor tshugs ni/ /bsod
nams skal ldan shing rtas 'skrun/ /rig byed gdong dang shis
brjod nyan sogs

kyis/ /nor bu 'bar ba'i gdu bus sil khrol bcas/ /yid 'phrog
'khri shing dar ba'i dpung pa yis/ /rgyal pa'i sras por ri mo
bgyid la brtson/ /drag shul nyams brgyas dpa' ba mi sdug gzugs/
/bdud

sde'i gshed du 'bab pa'i bstan srung che/ /dpal ldan stobs
'phrog dbang dang dur bdag sogs/ /dus drug 'phrin las sgrub pa'i
mel tshe sgrim/ /der ni mtshungs med 'gro ba'i rin chen ni/ /'jam
mnyan padmor co 'dri'i

gzhon sha can/ /kun las rgan pa'i blo 'chang bus pa'i lus/ /nyin
mong byed ltar gzi brjid 'bar ba mthong/ /ci 'di'o rgyun 'khyil
ba zla ba'i rlabs/ /bdud rtsi'i 'o mtsho bsrubs las phyungs
pa'am/ /srid pa'i mdzes

sdug gcig tu gyur tam zhes/ /de dag yid ni som nyi'i rgya yis
bcings/ /sa gsum mgon dang bcas zhes grags pa'i dbyangs/ /dkar
phyogs lha rnams dga' ba'i bdan dang/ /lhan cig bsgrengs pa srid
rtser

@107b son pa na/ /sdig can mya ngan khung bur shugs ring 'don/
/de ltar sku bltams pa'i dus de tsa na/ dbu gtsug tu gtsug tor
lta bu 'bur po mthe bong tsam ril mo zhig gsal bar yod kyang yum
nyid nas khye'ur mi bde

pa'i na zug sogs 'byung du dogs te phyag gis yang yang byul byul
gnang bas yin nam/ gang ltar rjes su rim bzhin je chung gis med
par song zhes yum nas gsung gi yod 'dug pa ltar sku'i nar cher
son pa nas

de ltar mngon gsal can mjal du med kyang/ sku lus kyi smad du
stag sham gyi ri mo shin tu gsal ba dang/ sku stod la rus rgyan
ji lta ba'i dkar thig ngo mtshar can mang po bcas phyis su'ang
mjal du yod par snang/ gsung

'phros smra tshul mi mkhyen pa'i dus su yang snga dror sku tsog
pur bzhugs nas gsung 'phangs cher bstod de chos spyod kyi rigs
lta bu gsung khul gnang ba dang/ skabs 'gar bshums pa'i tshe
thabs gzhan gyis cher mi phan

par dam phrug dmar po'i rigs gzigs su phul na dgyes tshor chen
pos de ma thag bshum 'phro gcod kyin yod ces ma yum nas gsung
gin yod 'dug /skabs shig tu yum gyis dga' ldan khri chen ngag
dbang nor bu'i

mdun du sras la mtshan ming zhu bar khyer te ming zhig gnang dgos
tshul zhus pa na/ khri chen rin po ches 'di la chos ming zhig
'dogs dgos zhes gsungs kyang yum nas khyim du mi cha zhan pas
skya ming zhig stsol/

@108a @#/ /gnang zhes skya ming zhus par zhag 'ga' re song mtshams
nas sras chung du de ha cang snyun tshabs chen pos btab ste sku
gshegs par nye ba tsam la thug pa na/ slar dbu skra'i gtsug phud
'bul ba dang

chos ming zhu bar khyer bas/ khri chen rin po ches/ ngos nas de
rang byas/ 'di la chos ming ma btags na mi yong ba 'dug /de ring
'bru snod nas bzed 'di yang gsar du bzos pa me tog gis bkang
ba'i thog ma yin pas

rten 'brel bzang gsungs nas dgyes 'dzum lhug par grol ba dang
bcas phyag gnyis 'thung dbang po'i phru gus sna zhags brkyangs
pa lta bus gzhon nu'i yan lag mchog tu reg cing dbu skra'i gtsug
phud bzhes te sras kyi mtshan ngag dbang

rab brtan zhes pa 'dogs gnang mdzad/ de yang gsung gis mdo
sngags kyi chos 'chad spel gang du gnang pa dang/ tshe rab tu
brtan pa'i rten 'brel dang lung bstan mdzad 'dug snyam du dgongs
so zhes dus phyis rje bla ma rdo rje 'chang

nyid kyis gsungs/ de rjes yab de nyid dwags po skur ba rnam
rgyal gyi rdzong dpon du phebs par sras gzhon nu nyid kyang ma
yum dang bcas pas sku rnam du gdan drangs/ rim bzhin sku'i nar
cung zad son pa'i skabs 'gar byis

pa du ma dang lhan du rol rtsed sna tshogs pa mdzad cing/ grogs
byis pa ngan pa 'ga' re dang mnyam du spal ba gsod pa'ang gnang
bar phyis thugs dran yang yang sos pas thugs la mnan pas mi non
pa'i 'gyod sems chen po re 'ong

@108b pa da lta'ang yod gsungs/ yang skabs skabs su sku rtsed
kyi rnam pas chos 'chad pa dang/ phebs byam gyi nang du 'byon
pa'i tshul sogs kyang yang yang gnang/ ma yum nyid kyis bka'
bkyon dang phyag 'beb sogs gnang ba'i tshe

pa shum bzhin sgo'i phyi logs su don phebs te/ gsol dpon chos
'phel ba zhes gsungs chen pos 'bod pa yang yang mdzad/ dus gzhan
zhig na/ yab yum bcas kyis chos 'khor rgyal yin nam dgon pa zhig
gi nang rten mjal

ba'i che sras kyis na bza' sgril ka gcig la 'di nga'i yin zhes
phyag gis dam du bzung ste mi gtong bar ma yum nas 'di su'i na
bza' red ces dkon gnyer la dris par/ lcang skya rol pa'i rdo
rje'i na bza' yin zhes zhus pas

ma yum gyis rtag tu gsung ba dang/ yang skabs shig tu kong po
rgyal dbang chos rje'i yang srid rtsad gcod byed mkhan gyi mi
'byor te der sras la yang srid du re che'i 'dri zhib mang du
byas par/ ma yum nas rtsad gcod zhu mi dang

sras khye'u gnyis skad cha gyis zhes gsungs par/ sras kyis yang
srid rtsad gcod pa'i mi de la/ nged la phebs byam ser po yod
pas/ de khyed tsho'i bla ma la yod dam/ nged rang gi dgon pa la
rgya phibs yod pas khyod tsho'i

bla ma la de 'dra yod dam zhes gsungs par/ khong tshos de 'dra
med zer/ de ltar na nga khyod tsho'i bla ma de'i yang srid yin
rgyu ma red ces thugs thag bcad pas khong pa tshos ci bya ma
'tshal par log dgos pa byung/ de bas na/

@109a @#/ /rjes su grwa sar bzhugs te 'byor tshogs kyi mthun rkyen
dkon se ba'i ngang nas dka' thub kyi brtul zhugs bskyangs te
gzhung chen mor gsan sbyong chig dril du gnang ba'i skabs kyang
ma yum

nas lha mo pa'i lugs blangs te/ yin pa rang ta rgyal po'i sras
yin te/ /rgyal po'i sras la dar gud byung ba yin/ /zer ba ltar
khyed rang lcang skya rol pa'i rdo rje yin yang ngos 'dzin byed
pa ma byung bas 'di ltar gyur pa yin

tshul gyi gsal 'debs yang yang mdzad kyin yod 'dug kyang/ zhal
nas/ rang la ni lcang skya rol pa'i rdo rje'i mkhas pa dang grub
pa'i yon tan gyi cha shas tsam yang ga la snang/ 'on kyang rje
rol pa'i rdo rje la dad pa dang

mos pa che zhing/ gsung rab rnams kyang bklags pa na/ dpe cha
gzhan las nges sla ba zhig ni yod/ gang ltar chung dus byam nang
du 'gro ba'i bag chags gsal po dang/ lhag par rgya'i bag chags
ches cher gsal ba

yod/ ma yum de nyid kyis yin tshul yang yang gsungs pas/ rol pa'i
rdo rje yin nam snyam rol rdor gyi nga rgyal yang cung zad
'char/ brag g.yab rtogs ldan 'jam dbyangs blo gros pas ngos kyi
skye phreng snga ma gang dang gang

dran kyang gsal por brjod dgos zhes u tshugs kyis dri ba nan tan
mdzad byung par/ stag phu rdo rje 'chang nas nged kyi skyes rabs
mang du gsungs kyang gzhan ma rnams kyi bag chags ha cang gsal
ba rang ni mi 'dug /mgrin

@109b lngon zla ba'i chos blon ye shes 'dzin yin snyam pa'i nga
rgyal ni shin tu brtan/ ge sar gyi dus sras dgra lha rtse rgyal
dang/ 'jam mgon tsong kha pa chen po'i sku dus su tsha kho dpon
po ngag dbang grags pa/ gzhan yang

lo la rdor dang/ e bla ma mkha' spyod ngag dbang bstan dar sogs
yin snyam skabs skabs blo'i zur la 'char gsungs/ skabs shig na/
rdo rje 'chang skal bzang mkhas grub rin po che yab kyis khyim
du gdan drangs te

bzhugs pa'i skabs shig tu sras la dpal mgon bram gzugs kyi sku
zhig gnang ste 'di khyed rang gi srung ma red ces gsungs 'dug pa
ni/ dpal 'khor lo sdom pa'i bstan pa'i bdag por 'byung 'gyur
rjen par

gzigs pa'i brda ston nyid du gor ma chag la/ yang sras gzhon nu
nyid kyi sru mo zhig la glo bur du lha zhig khog tu brlams te
yab yum sogs mi mang pos bskor nas 'ur zing chen po byed pa'i
skabs/ ma yum gyis lha de la

khyed su yin dris par/ khyod kyis nga ngo mi shes pa zer te mgo
lcag mang du brab/ sras gzhon nu nyid sku gzugs chung bas mi
chen po'i gseb tu 'tshang ma thub par rgyab cig tu bzhengs nas
yod pa la lha des mi'i rgyab nas sras

chung du tshur 'then te dbul dbu gtugs pa sogs dga' ba'i rnam
'gyur mang po mdzad pa zhig byung ba/ rjes su zhib par gzigs
skabs lha de rgyal chen shugs ldan yin par gsungs la/ de rjes su
yang nye 'gram gyi mi rigs la

@110a @#/ /thog 'beb byed pa mang du byung zhing/ de nas bzung
gzhon nu nyid dgung grangs nyi shu'i skor du ma phebs pa'i bar
la yang yang mi gzhan gyi khog tu zhugs nas lung bstan mang po
gnang gin

yod gsungs/ yang dwags po sku rab rnam rgyal du bzhugs skabs rje
nyid dgung lo lnga drug tsam la phebs pa'i dus shig tu yab yum
rnams tsA rir phebs te sras nyid kyang mi gzhan gyi rgyab tu
gdan drangs nas yod

par/ sras gdan 'dren zhu pa po de bzhin dwags po pa lam la rgyus
yod pa zhig yin pas nub cig des sras chung du khyer nas sngon
sngon sngon la song par lam ma nor ba ras srib tsam na chu zhig
gi phan kar slebs pa na/

sras kyis yab yum dpon 'khor rnams lam nor song bas bdag 'dir
bzhag nas khyod rang mgyogs por phebs lam ston par songs zhes
gsungs par/ khos 'di na mi yang gcig kyang med/ shing nags kyang
'thug /sa

yang srib pas de 'dra byas te 'jog phod dam zhes zhus par/ sras
chung ngus/ skyon rang mi yong/ ngos kyi 'gram du rdo kha shas
zhogs shig dang des mi 'thus pa mi 'ong gsungs pa na/ mi de glen
pa lta bu zhig yin

pas gang gsungs pa de la nyan te sras byis pa chung ngu de 'dra
zhig mtshan mo chu 'gram shing nags kyi gseb tu gcig pur bzhag
nas yab yum ston 'khor rnams bsu par song bas khong rnams phebs
lam nor nas mar

@110b tshad cig tu slebs zin yod pa las tshur ldog ste mun pa cher
rub zin pa tsam la tshur phebs/ der yab nyid nas sras 'khyer mi
de la khyod kyis byis pa chung ngu 'di 'dra mtshan mor nags khrod
du gcig pur 'jog pa zhes

bka' bkyon tshad med pa gnang bar/ sras chung ngus/ khos de 'dra
byas pa min/ nga rang gis btang ba yin tshul sogs mang du gsungs
shing/ dus phyis su zhal nas/ de dus byis pa bsam med yin pas ma
skrag pa

yin tshod las/ deng sang yin na chu tshod gcig kyang de 'drar 'dug
mi phod nges can red/ ces gsungs snang ba ni/ snyigs dus kyi
skye bo las dang bsod nams dbul po'i phye ltar phra zhing/ dag
pa'i snang ba dang blo

gros kyi 'jug pa rgya khab kyi bu gu ltar rab tu chung ba dag
gis bsod nams ma yin pa'i las gsog pa'i sgo 'geg pa'i slad du
'jig rten phal pa'i gtam gyi tshul dang sgo bstun pa'i drang don
dgongs pa can lta bu'i gsung

byon pa kho na yin gyi/ don du na ji skad du slob dpon tsandra
go mis/ lcags kyu rnon pos glang chen 'dul byed lcags kyu glang
chen tsam mam ci/ /rab 'bar mar mes mun pa 'joms byed mar me mun
pa'i chad dam ci/ /rdo rjes

bsnun na ri bo'ang 'bigs byed rdo rje ri bo'i gtos sam ci/ /gang
na blo yi stobs yod de tshe rags pa'i lus la su yid rton/ /zhes
gsungs pa ltar/ sku'i na tshod ches phra yang blo gros kyi goms
pa stobs bcu'i rtsal gyis
@111a @#/ /snyems pa'i go 'phang mchog la dus ring mo zhig nas
mnga' dbang mdzad phyir gnod 'tshe'i tshogs la 'jigs pa mi mnga'
ba'i gdeng drod brnyes pa'i mdzad pa dang gsung tshul ches ngo
mtshar

pa'i gnas shig tu go bar bya'o/ /de nas yang nub cig tshul khang
du phebs khar rgyang ring po zhig nas khang pa skyo nyams che ba
zhig gzigs pa na/ yab kyis do nub sdod sa khang pa tha zhan po
zhig las yod tshod mi bdug

ces smras par/ sras chung ngu'i zhal nas/ pa pha lags/ skad
thung bud tsam zhig gi steng na gzim chung spro po zhig yod ces
gsungs par/ der phebs pa'i dus sras kyis gsungs pa ji lta ba
bzhin du yod pas/ phru

gu des 'di 'dra zer 'dug ces yab de nyid kyis rjes su'ang gzhan
dag la yang yang skyor nas gsungs te ngo mtshar che nyams mdzad
dgos pa byung/ lha 'brum dkar po'i snyun gzhi yang de dus tsA
ri'i nang du byon pa'i

skabs thar tshul bstan te/ skam nad kyi snyun bzhes nyin 'ga'
tsam dang/ thor pa rdog po gcig las ma 'khrungs shing/ gcig po
de gsang rdor gyi rtser 'khrungs te/ de nas ring por ma thogs
par gdangs skyed cher

bzhes te snyun las thar ba'i tshul mdzad/ yang de rjes rdzong du
bzhugs skabs shig tu sku rtsed kyi rnam pas gzim chung du yab
yum gyi gzim chas brtsegs pa mthon po zhig yod pa la bzhugs
khri'i dod mdzad/ skas

@111b 'og nas de'i bar du snam bu dkar po lam du bting/ ko sder
gyi nang du shing 'bras sna tshogs blugs te bshams pa sogs mdzad/
yum gyis bka' bkyon pa gnang yang/ yab kyis/ byis pa'i rtsed mo
ngo mtshar can

yin pas rtse ru chugs zhes gsungs pas de nas yang bzhugs khri'i
dod de'i steng du 'dzegs nas bzhugs te yab yum 'khor g.yog
tshang mar nga la kha btags gtong dgos zhes gsungs te mjal dar
gtong du 'jug pa

gnang/ de nas khri las babs te kha btags de rnams khang pa'i
byang rgyud kyi gyang logs shig tu re re bzhin snyan shal lta
bur 'phangs te/ zhal nas/ dpal ldan lha mo/ nga sa stag lo pa
zhes gsungs chen pos 'bod pa

shugs drag lan mang po gnang tshul dang/ dar dkar mang po gyang
logs su skya nar re bsdad pa dang/ yab yum sogs ngo 'khor mang
po sku rgyab phyogs su langs te ya mtshan pa'i nyams byed pa'i
tshul rnams phyis rje bla ma rdo

rje 'chang chen po mchog dgung lo drug cu'i skor du phebs skabs
kyang thugs la gsal bar 'char gsungs/ de ltar sku rtsed kyi rnam
pa sna tshogs gnang ba'i rjes rnams su yab yum sogs kyis/ sras
'di la sprul sku'i ngos

'dzin ma byung bas bskul ma gnang ba yin 'dug ces gleng ba'ang
byung/ de nas dgung lo bdun du phebs pa'i dus ma yum nyid lha
sar phebs te sras gzhon nu yang lhan du gdan drangs/ de skabs
shar pa chos rje blo bzang

@112a @#/ /dar rgyas zhes pa mtshan snyan che ba'i skabs yin pas/
ma yum nas de'i drung du sras gzhon nu dang bcas mjal kha zhu
bar phebs par/ sras kyis shar chen gyi sku mdun du rgya skad kyi

tshul dang rgya lugs kyi tshul sna tshogs gnang/ bla ma chen po yin
nyams sna tshogs mdzad pas shar chen gyis 'di byis pa ngo mtshar
can zhig 'dug pa nga'i dge rgan de'i sku skye min nam zhes de
gar 'phral du sho mo'i sgo

nas thugs dam brtag pa mdzad/ nga'i dge rgan gyi sku skye min pa
'dra yang bla ma drag pa zhig yin nges red gsungs te mjal dar
sgron pa sogs bkur bzos che ba mdzad/ de nas shar chen rin po
ches ser smad rgyal

rong khams tshan la drung skor zhig gi bu khye'u khyad mtshar po
'di 'dra zhig 'dug pa pha bong kha'i mkhan po bstan 'dzin bzang
po'i sprul sku min 'dug kyang de'i yang srid kyi zol du ngos
'dzin byas na/ slar rgyal rong khams

tshan la phan thogs pa zhig 'ong bar 'dug ces gsungs pa ltar
khams mtshan nas de ltar ngos 'dzin zhus/ bla brang shin tu dpul
zhing/ de dus yab dwags po nas ma phebs pa'i skabs yin yang/ yum
de nyid thugs

dgongs zab brling che bas de 'phral du thugs thag bcad de sbyin
par mdzad/ dgon par gsar zhugs gnang rgyu zla ba 'ga' shas ring
'gyangs par/ nyin gcig sras gzhon nu nyid sku rtsed la g.yengs
te khang pa thog

@112b brtsegs gcig gi sa'i thog sne nas g.yang du lhung ste dbu
dpral sa la brdab pas brdab chag tshabs che bar gyur te klad rgya
gro hrig ger mjal du yod pa byung/ ma yum de nyid cher bshums
par sras kyi zhal nas/ a ma

ma du/ a ma dus na nga sems skyo bar 'dug /de min nga skyon
gtan nas mi yong zhes/ ji ltar sngon khyim bdag mer skyes ma'i
mngal du yod pa'i skabs a ma shi ste ro mer bsregs pa'i tshe lto
ba'i thad nas mes

gtan nas 'tshig par ma nus pa na/ ston pas kun dga' po la ro mer
bsregs pa 'di'i lto bar yod pa'i khye'u de srid pa tha ma ba'i
gang zag nga'i bstan la dgra bcom pa 'thob pa'i las can yin pas
khyod ?dang? song? la? khyedU?

lto ba nas longs shig ces bka' stsal ba bzhin kun dga' bos ro
mes tshig 'phros kyi lto ba dbral te khye'u de zil pa phrom me
par tshur bton pa/ phyis ston pa'i bstan pa la rab tu byung nas
dgra bcom thob ste dgra bcom

pa mer skyes bya bar gyur pa dang tshul mtshungs par sras chung du
'dis kyang mi 'jigs pa'i gdeng mnga' ba'i gsung byon te yum nyid
thugs ngal sel zhing bag phebs la sbyor ba'i dpugs dbyung legs
par stsal/ de

nus sman bcos mdzad pas yun mi ring par legs par dwangs/ de rjes
su myur bar se ra theg chen gling gi grwa tshang gsum gyi ya gyal
ser smad thos bsam nor bu'i gling du chos zhugs legs par gnang
ba yin no/ /dam

@113a @#/ /pa'i ngang tshul sna ma'i me tog ni/ /sbas kyang gsang
ba'i rang bzhin mi 'gog pa'i/ /rang rtags rnam 'gyur dri bzang
pho nya mos/ /lkog gyur gnas kyang dbang med gsal bar dngos/
/yon tan

dam pa'i rgyun 'khyil gting zab gnas/ /legs bshad sgra ldan
mkhas mang chu klung 'bum/ /gang las 'byung ba'i sde chen ma
dros par/ /dgyes bzhin zhugs pa ngang pas pad mtshor bzhin/ /sku
gong ma mkhan po bstan

'dzin bzang po'i skabs bla brang la sku chas ha cang che ba yod
tshod kyang par lam zhig nas bdag sprod byed mkhan bzang po ma
byung bas dngos chas ngo mthob tshang ma 'thor rkyen du song zin
nas bka' gdams mchod bsham

zhig dang/ cha sgam stong pa gnyis/ hor ting bdun tshar gcig bcas
cung drag pa de tsam las grwa rkyang tha zhan zhig gi rgyu tsam
yang med pas dngos rdzas rnams yi ger bkod pa'i tshe tha na rdza
snod tshun gang yod bris

kyang thun shog bre kha gang gi nang du chud pa zhig las med/ de
ltar bla prang nyam thag sku chas shin tu dbul par brten sprul
sku'i mtshan gnas bzhes ma thub par grwa rkyang dkyus ma'i gras
su zhugs gnang mdzad/

yum de nyid sngar chos 'khor rgyal gyi mtsho mjal du phebs skabs/
se ra'i dgon pa dang/ se ra'i gling dkyil gyi bye gshong nang du
btsun chung kha shas phar tshur 'gro rgyug byed pa dang/ tha na
se ra shar gyi ri rgyud dang

@113b grong gling tshun chad gsal po gzigs pa byung snang pa'ang
rje bla ma nyid se rar phebs rgyu'i ltas su mngon gsungs/ de
skabs spom 'bor ngag dbang grags pa zhes pa'i ser smad grwa
tshang gi mkhan po zhig yod pa des bla ma

'di rgyu dngos zhan pas dmigs bsal gtong ma thub pa ma gtogs
sprul sku ngo mtshar can zhig yod pas gral mthar ma bzhag par
gdong gral gyi rgyab gral shar ma'i nang/ mtshod pa bla rgan
rnams kyi 'og /dpe cha ba

yongs kyi gong der bzhugs su chugs gsungs te tshogs gral gyi
bzhugs sa gnang/ nyin gcig rje nyid tshogs su phebs skabs tshogs
rjes cung zad ma zin par gral mtshos pa rnams kyis gral du 'jog
la mi 'jog

byas par mkhan pos tshor te bka' bkyon mdzad pas gral mtshes gong
gi bla rgan des nga'i gong du bzhugs shig ces zhus pa ltar der
bzhugs/ yang de'i phyi nyin gral mtshes gong ma des kyang de
bzhin zhus pa ltar de'i

gong du bzhugs/ de ltar nyin re bzhin du yar yar bzhugs zhes
zhus pa ltar de skabs sku na phra bas thugs snang med par yar
tsam yar tsam du bzhugs pas mthar gral 'gor yer pa khams tshan
gyi bla rgan em rjes

le ral pa zer ba dgung lo brgyad cur nye pa rgya bo ag tshom
ring po can bag dro pa zhig yod pa de'i 'og nyid na rgyun gtan
du bzhugs/ dgung grags brgyad du phebs pa na/ 'jam mgon tsong
kha pa chen po'i mdzad chen bzhi'i

@114a @#/ /ya gyal cho 'phrul smon lam chen mo'i skabs su phur
lcog yongs 'dzin rin po che rje btsun blo bzang tshul khrims
byams pa rgya mtsho dpal bzang po'i zhal snga nas las tshigs snga
ma dge tshul

gyi sdom pa yang dag par bzhes pas mtshan byams pa bstan 'dzin
'phrin las rgya mtsho zhes gsol/ de ltar dge tshul gyi bslab sdom
gsan te tshur phebs pa'i skabs bar skor dang ser ltag sgo bcas
kyi nang du

dge 'dun phyag dbang zhu mi 'grig ste khengs pa ltar gyur par de
dag thams cad la dgyes pa'i zhal 'dzum stsal zhing/ phyag dbang
yang legs par gnang bas rjes su gdul bya mtha' yas pa 'byung
ba'i rten

'brel yang rgya cher 'grigs/ de ltar rab tu byung ba'i sdom pa
rnam par dag pa bzhes te/ ji ltar khas blangs pa'i bslab pa
rnams kyang dam bca' ba la dpa' ba tsam min pa'i dran shes bag
yod dang ldan pas

bcas mtshams phra rags mtha' dag spyan gyi 'bras bu ltar tshul
bzhin du srung bar mdzad do/ /bskal mang brtson pas bsgrub kyang
rnyed dka'i gnas/ /lam gyi gtso bo rnam grel don gnyer blo/
/rang bzhin nyid

kyis khyod thugs ljon pa la/ /dpal gyi dum bu'i dri ltar ring
nas 'thul/ /mi mthun sdug bsngal gnas gyur khyim gyi gzhi/ /me
'obs 'bar ba'i tshang ltar legs gzigs nas/ /gnas gzhi nye 'brel
zhen pa

@114b ring dor te/ /dam pa'i nor bcu tsam la bdag gir mdzad/
/sngon goms rtogs pa'i bdud rtsi'i zer ldan de/ /rid kyang mdzes
sdug phal gyis bsgrun min par/ /skyes thob yon tan 'od kyi
phreng ba res/ /mkhas blun rgyu skar

tshogs kyi khengs pa 'phrog /bag yod brtul zhugs rdzogs pa'i gzi
byin gyis/ /'dul 'dzin gser ri'i dbus na lhun po bzhin/ /mngon
par brjid ldan thub pa'i rgyal tshab tu/ /bzhengs pa'i dga' ston
spro la lha

rnams brel/ /bslab pa'i gzhir gyur khrims kyi a mr-i tas/ /gang
gi thugs kyi bum bzang legs gtams pa/ /grub pa'i bcud len 'gyed
mkhas 'tsho byed des/ /thub bstan srog gi lhag ma yongs su

bzung/ /phun tshogs don gnyis 'bras bu'i snye ma ni/ /mchog tu
dngar ba'i rmang gzhi ma nyams pa/ /thog mar dge ba'i 'dun pa
legs pa'i gtam/ /blo ldan rna bar dri za'i phang 'gro bzhin/
/zhes khyab bdag

rdo rje 'chang mnyam med bde chen snying po dpal bzang po'i rnam
thar zur 'debs sngon byung dang bcas pa dpag bsam nor bu'i
phreng ba zhes bya ba las/ skye ba'i 'ching ba las ring nas grol
kyang dmigs med thugs rje'i

rtsal gyis srid pa'i tshul bzung ste rgyal ba'i bstan pa la rab
tu byung ba'i tshul gtso bor bstan pa ste/ rim par phye ba gnyis
pa'o// ! //gang yang rnam grol thar pa'i khang bzang du/ /mdzad
pa la

@115a @#/ /'os bgyi pa'i rim pa ni/ /ma nor rang rigs las skal ji
ltar zhes/ /rtog rnams mkhas pa'i lam srol dpe ru longs/ /gnyis
pa de ltar rab tu byung nas thos bsam sgrub pa zung

'brel gyis rgyal pa dgyes pa'i spyod pa la ji ltar bslab pa'i
mdzad pa ni/ 'di nas dgung lo nyer lngar phebs pa'i bar rnams
mdzad pa'i ngo bo phal mo che rang blor nges tshod kyi rnam son
nas lhug tshig byin can

rang babs gtsor bton las/ bar skabs tshigs bcad mang po sogs nyag
nyog gi spros pa dor nas 'bri ste/ sngar bshad pa bzhin grwa sar
bzhugs pa'i skabs sku gong ma'i zhabs gras bla rgan blo bzang
tshul

khrims zhes pa sprul sku rin po che'i phyag mdzod kyi tshul du
bzhag pas khong pa shin tu gti thug 'jig rten thabs shes gang
yang mi shes shing nor rdzas ches cher dbul yang nyin gnyis re'i
thog dngul kha gang res

gsol krum nyos te phyed phyed kyis nyin ltar gsol tshigs 'bul pa
sogs sprul pa'i sku mchog la shin tu gces spras kyis zhabs 'degs
gang thub sgrub pa zhig yod/ yum gyis yab la gsung bgros

ma byung bar sras sprul sku ser smad rgyal rong khams tshan la
byin pas/ rjes su yab lha sar phebs pa'i skabs bla brang ha cang
tha zhan po yod par gzigs nas yum la/ nga'i bu der sprul sku
ngos 'dzin byed

@115b pa ma byung yang dgon pa bzang po zhig tu skyel rgyu yin
pa la/ da khyod kyis nga'i bu'i lag tu sprang rgyug sprad 'dug
ces yang bka' bkyon pa mdzad cing/ ma yum nyid kyis ni/ nga'i bu
chab spel sras smyon bzo rgyu

yin/ rgyu nor rdzas yong mi yong khong rang gi bsod nams la rag
las pa red ces gsungs/ sprul pa'i sku mchog gi yab kyi sku
brgyud der ba ma 'khrungs pa ngos 'dzin ma byung ba'i chab spel
sras 'di 'dra gzhan

yang mang po byung bar grag /sprul sku rin po che ma yum gyis
grwa sar bskyal bas/ yab yum gnyis nas phugs ma yum gyi thugs
dgongs gting zab pa byung bar gsungs pa de kho na ltar yin par
mngon te/

grwa sar gzhung chen mor gsan bsam slob gnyer sogs mthar phyin
pa gnang ste phyis bstan 'gro'i don do zla med pa gnang nus pa
byung ba'i phyir ro/ /dgung lo bcu pa'i thog ma yum rang nyid
nas/ nga'i bu sprul sku

yin pas grwa rkyang gras su 'jog pa 'di shin tu mi rung pa 'dug
gsungs te yum rang nyid la 'khos ka cher med kyang thabs shes
gang drag mdzad pas sras mchog sprul nyid grwa tshang sprul sku'i
gras su tshud tsam byung

zhing/ de skabs yul spyir dngul ches cher dkon kyang grwa tshang
du sku 'gyed skar lnga re sogs gtong sgo yang mtshon pa tsam re
gtong thub ba byung/ dpe cha'i yongs 'dzin dge rgan lo re tsam
las byed mkhan ma
@116a @#/ /rnyed cing/ nam zhig de yang ma rnyed pas phyag mdzod
bla rgan des dpe cha ba dang dge bshes mang po'i sar kha btags
btang nas zhus kyang sprul sku'i bla brang du sku chas ha cang
zhan

par brten yongs 'dzin du bzhugs mkhan ma rnyed/ phyag mdzod
khong pa 'u thug ste khams tshan la zhus shing/ khams tshan nas
sku gong ma'i gnas tshang gcig pa'i dpe cha drag rigs kha shas la
gsungs

par yang pha bong kha'i sprul sku'i dge rgan byed dgos gsung gi
yod na/ grwa sa'i skyid sdug dgongs pa zhus chog pa zhes zer
mkhan las/ sprul sku'i dge rgan du sdod rtsis kyi mdangs tsam
yang ston mkhan ma byung/

de ltar dge rgan ma rnyed par zla ba gcig gnyis tsam lus/ de
'dra'i mus shig nas mdzod pa des a ti dge snyan grags zhes pa
dpe cha pa bgres gras/ thugs rgyud ha cang bzang zhing/ 'dod pa
chung ya chog shes

pa sogs 'phags pa'i nor gyi rgyan du mas mdzes par spa ba/ mtshan
don dang mthun pa'i dge ba'i bshes gnyen bya bral kun spangs
sbas pa'i brtul zhugs lhur bzhes pa/ phyag dpe shin tu legs pa
zhig

yod pa der sngon chad zhu rgyu ma byung ba de la zhus pas des
kar kor ma gsungs par de ma khad nyid la zhal gyis bzhes/ tshur
byon te gzim shag tu sprul pa'i sku mchog dang lhan cig tu
bzhugs/ gzhung chen mo'i

@116b 'dzin skyor rtags gsal rigs lung sogs sku yon sgron 'bul
gang cir thugs 'khur che bzhes 'gran med du gnang bas/ da lta
dge bshes tshogs pa'i dbus su spobs pa ma thung tsam yod pa 'di
de dus kyi dge

rgan de kho na'i bka' drin yin zhes dus phyis kyang rje bla ma
nyid kyis dngos su gsung ba thos so/ /dgung grangs bcu gcig tu
phebs pa'i skabs chos grwa gsar zhugs gnang ste rigs pa'i sgo
'byed bsdus grwa nas

brtsams te gsan sbyong legs par mdzad/ yang rje nyid kyi gsung
'di'i thad kyi rnam thar sa bon las/ rang lo chung ngu'i skabs
der rmi lam dang nyams kyi snang ba ci rigs par lha ldan jo bo
chen po nas/ tha na

brag gi ldebs kyi sku 'dra tshun chad kyis zhal mchu lheb lheb
gsung sgros mang po gsung ba dang/ phyag gis 'gul bskyod mdzad
pa lha dang mi mngon sum pa lta bu mdzad/ phyi logs nas mi gzhan
yong ba'i

skabs de ma thag sku 'dra'i tshul du bzhugs pa de 'dra nam zhag
rgyun gtan du yong ba dang/ lhag par rang gi shag tu yod pa'i
mkhan po bstan 'dzin bzang po'i 'dra sku chen po des dus rtag tu
mi dang mi phrad

pa ltar gnang gi yod/ de skabs lo na phra ba'i stabs kyis g.yog
mi'i gras sogs su yin la gang byung ba bshad cing/ de dag la'ang
dag snang med pas de rgyal 'gong gi 'phrul ma legs pa red zer/
rang

@117a @#/ /gis kyang de ltar bden nges snyam du dag pa'i snang ba
gang yang ma byas/ skabs rer brag gi ser ga'am/ rgyus yod pa'i
khang pa lta bu rgyun du sgo mi phye ba zhig gsar du phye ste
de'i nang

nas phar song ba na/ zhing khams shin tu yangs shing skyid pa/
lha'i gzhal yas khang lta bu'i khang pa shin tu legs pa/ nang du
yo byad phun sum tshogs pa yod pa de 'dra zhig gi nang du slebs
pa'i nyams yang

yang shar gyin yod pa rjes su dkor sgrib kyis non pa'am/ chung
dus gang byung ba tshang ma mi gzhan la bshad kyin yod pas de'i
skyon nam/ dag snang ma byas pa'i skyon lta bus rang lo bcu
gnyis bcu gsum tsam

nas tshang ma nub song/ da ni dkor gyis sa tshos rdo tshos su gyur
te rmi lam bzang ba tsam yang rmi rgyu med pa 'dir song/ skabs
skabs su ngos yod sar chang dri tshubs se ba dang/ de'i lam du
dngos chas yod pa

phar bsgyel tshur bsgyel byas pa sogs kyang tshang ma'i mthong
chos su 'byung ba zhig yong gi 'dug pa dus skabs rjes ma rnams
su yang yod/ yang skabs 'gar nyams snang du/ nga rang bye thang
skya bo chen po zhig gi

dbus su lus/ rgyang ring po zhig nas bud med skad phra bos glu
gdangs ring po len pa zhig gsal por thos snang shar bas sems
skyo lhang lhang byed/ de da lta yang 'dug pa ci 'dra yin mi
shes/ zhes kyang gsungs

@117b snang ngo/ /sgrib gnyis g.ya' bral nor bu'i me long du/
/sras bcas rgyal kun tha mal snang brnyan zol/ /dag pa'i gsang
gsum gzigs mor dgyes rol ba/ /phan tshun mnyam nyid rgyal ba kho
na'i gshis/ /na tshod ches phra'i

mkhyen rtsal rta bdun bdag /dkyil 'khor rab 'byams mkha' la rtag
rtse na/ /lung rtogs sgron me'i 'od snang ji tsam zhes/ /rtog la
mtshar du 'dzin rnams rmongs pa'i rmongs/ /sku thugs 'bras bzang
rgyu med lhun

rdzogs pa/ /mgon 'di'i ngang tshul ma yin sngon byon gyi/ /skyes
rabs nor bu'i phreng bar gzhan phan thugs/ /thabs shes tshogs
gnyis bye bas bskrun las 'khrungs/ /sngar bshad pa'i rgyang ring
nas bud med kyis glu

gdangs 'then pa de la rtogs ldan 'jam dbyangs blo gros rin po
ches mdzad pa'i gsang ba'i rnam thar gsol 'debs su/ skyi g.ya'
'khor ba'i 'brog dgon bye ma'i thang/ /skyo grogs Arya tA res
dbyangs snyan phul/ /

zhes gsungs kyang/ rdo rje 'chang nyid kyis rnam son bka' rtsom
mdzad skabs 'di'i thad du kho bor gsung 'phros su stsal ba las/
rtogs ldan rin po ches/ rgyang ring po nas skad gdangs 'then
pa'i bud med de

'phags ma sgrol ma la sbyar bar mdzad kyang/ de'i glu gdangs de
nam thos pa tsam nas sems la sdug bsngal skyed pa'i nyams kyi
skyo snang tshad med pa re yong gi 'dug pas/ de sgrol ma lta bu'i
legs pa zhig ni

@118a @#/ /gtan nas min pa 'dra/ da lta mdo smad phyogs su yod
pa'i lcang skya sprul sku sku 'di pas kyang/ nged nas rtag brtan
sgrub phug gi sgrub chu gter nas bton pa red ces bstod ra'i
phyogs mdzad

de a mdo'i khul sogs su gzhan la gsung tshul thos pa/ sgrub phug
nas don pa'i chu rgyun de rtag brtan ri khrod btab zin pa'i rjes
su byung ba zhig nges par red mod kyang/ ched du gter nas bton
pa zhig ni ma yin

pas/ bla ma'i rnam thar 'di rigs la/ skyon yon ci yin yang dngos
gnas pa gang byung ba de drang por smras pa dgos pa las/ mdzad
pa de dang de dngos su byung ba ma yin par med pa la yod dang/
ma byas

pa la byas so zhes lo rgyus gzhan ma'i rgyas 'geb kyi rigs 'gre
rdzig rdzig snyan snyan mang po sbyor ba'i rang bzo spel na ni/
bla ma'i rnam thar dri bcas su byed pa ma gtogs tshad ldan du mi
'gro bas na/ dngos su

byung myong gi mdzad pa don la gnas nges rnams ched brjod dang
bcas te smras kyang rung bar gsungs ba zhal nas gsal bor thos
par ma zad/ bka' rtsom rnam son gyi gleng bslang du'ang/ skyes
bu dam pa rnams kyi

mdzad pa'i rnam pa de dang de dag skal ba dang ldan pa'i gdul
bya dag gis mthong thos su gyur pa tsam gyis kyang thar pa dang
thams cad mkhyen pa'i lam du 'jug cing de dang de'i sa bon grub
po mang du 'jog pa sogs

@118b dgos pa khyad par can du ma dang ldan mod/ bdag la de lta
bu'i skal ldan dwang ba 'dren pa'i bzang po'i spyod tshul ni dgod
par bya ba cung zad tsam yang med la/ 'gro 'chag nyal 'dug gi
spyod lam rang bzhin pa zhig

yi gir bris kyang dgos pa ci yang ma mchis snyam pa'i sgyid lug
dang/ rnam g.yeng gi spros pa sna tshogs kyi ngang nas de mur
lus/ zhes dang/ 'ching ba kun ldan gyi so skye tha ma la pa bdag
lta bu la ni/ rang

blo rang la lkog tu ma gyur pas nang du spangs rtogs kyi yon tan
khyad par can skyes pa dang/ de'i rang rtags phyi nas lhag pa'i
lhas zhal bstan cing gsung gi dbugs dbyung thob pa dang/ mngon
shes dang rdzu

'phrul yam zung gis gdul bya 'dun par byed pa la sogs pa ngo
mtshar ba'i rnam thar ci yang 'god du mi bdog la/ 'on kyang skyes
bu dam pa rnams kyi rnam par thar pa 'di rigs la rang rang gi
slob mas bris pa

'ga' shas ha cang rab btags kyis bstod thal che bas rdzun gyi
phreng ba brgyud mar spel ba lta bu mang du snang zhing/ bla ma
so sos mdzad pa'i rang rnam gyi rigs tshad ldan rnams la ngo
mtshar 'ud che ba cher med kyang sgro

skur gyis ma bslad pa'i rang bzhin drang por brjod pa'i khyad
chos ma chis/ zhes gsungs pa ltar/ phyis kyi slob bu'i yang
mthar gtogs pa bdag rang nyid rje bla ma mchog gi sku tshe'i smad
kyi char lo bcu tsam gyi

@119a @#/ /yun la zhabs 'bring du gus pas bsnyen pa'i skal bzang
thob pa tsam las ma gyur stabs sku tshe'i stod kyi rnam par thar
pa phal mo che khong du chud pa'i gnas med kyang/ snga tshar gyi
zhal

slob che bgres thugs kyi sras mchog dam pa nam mkha'i skar tshogs
ltar grangs med pa zhig byung 'dug pa las/ de dag gi phyogs
gzhan dang gzhan nas rnam thar dngos gzhi tshig don gnyis zab blo

bzang rgyal bstan mdzes pa'i rgyan gcig lta bur rgya cher 'phel
ba 'byung ba gor ma chag cing/ 'dir ni de dag gi zur 'debs tsam
zhig rang gi bsod nams kyi bgo skal du skyabs mchog mtshungs zla
med

pa gang gi mdzad pa'i khyad par dngos su mthong zhing thos la
nges shes gsal bar rnyed pa'i rigs 'ga' shas mchis pa nas don
gyi cha rnams la rang bzo'i sgro btags kyi bslad pa phra mo tsam
yang ma zhugs

par bkod dang dgod 'gyur 'god bzhin pa dag las gsal bar 'gyur ba
ltar la/ rje bla ma nyid kyis rtogs ldan rin po che'i gsung
gsang rnam gsol 'debs kyi/ glu gdangs 'then pa'i bud med de nyid

sgrol ma la sbyar tshul de khon cung zad dpe don 'byor min du
gsung ba las/ gzhan ma rnams la ni dogs gnas su mdzad pa gtan
nas ma thos so/ /de nas dus gzhan zhig la tshes brgyad cig gi
nyin dbu

@119b bsil gnang ste dbu skra bzhar ba'i skabs sku pang du ring
bsrel lta bu yungs kar las chung tsam dbyibs hril zhing mdog
dkar ba zhig lhung/ der zhabs phyi zhig yod pa de la gnang bas
des kyang 'di ring

bsrel 'dra po zhig 'dug ces zer te/ lag pa'i mthil du sgril
sgril lan kha shas byas nas sa la bskyur/ rje nyid kyis kyang
thugs snang ye ma gnang bar bskyur gcig mdzad kyang/ de 'dra lan
kha yar

phebs par bka' rtsom maNDal bshad zin 'ga' las kyang byung bas
de dag ring bsrel dngos yin par sems so/ /yang gsung las/ de
skabs rnams su dgong mor gnyid nyal ba'i tshe do nub rang glo bur
du

'chi mi yong ngam snyam pa shar te gnyid kyang mi khug par sdug
bsngal shin tu che ba mnan pas mi non pa re yang yang yong gin
yod pas/ de dag gi rgyun bskyang na nam 'chi nges med kyi myong
bar blo 'byongs chog

chog 'dra yang byis par song bas de 'dra la skyon du bltas nas
bsam blo de yal thabs gtso bor byas pas nam zhig na de 'dra'i
blo de je yal du song nas gtan med par gyur/ sdug bsngal can gyi
sems can

nyam thag pa mthong na snying rjes bzod glags med par nyin lnga
drug ring sems ngal snying g.yo ba re yong gin yod pa rjes su
rang lo so bdun skabs nub song ba'i rkyen bshad du mi btub/ ces
gsungs/ 'di'i rgyu

@120a @#/ /rkyen gang dang gang yin gsal bar ma thos pas 'di zhes
'bri ba rngo ma thogs so/ /'di dag kyang bka' gdams sku mched
gsum gyi ya gyal po to ba dang/ phu chung ba rnam gnyis la byang
chub

kyi sems dang mi rtag pa rang 'khrungs su mnga' pa'i rnam par
thar pa dang ches mtshungs pa zhig go/ /de nas dgung grangs bcu
gnyis bzhes pa'i skabs gzhung gsar par phebs/ lo der rigs chung
tshogs

langs kyang mdzad cing/ gzhung chos 'khor nas gnang/ sku na phra
yang thugs kyi spobs pa rab tu mtho bas grwa tshang tshogs gzhung
gi bshad pa gnang skabs kyang zhum mtsher 'jigs snang dang/ gsung

'dir ba sogs gtan nas med par ljags bshad gnang tshul dang gdangs
kyi nyams 'gyur gcod mtshams tshun shin tu dwang ba 'dren pa gnang
ste der 'khod pa'i dge 'dun phal cher dang pa'i gnas la bkod

thugs rig ches gsal bas yongs 'dzin dge rgan gyis ji ltar gnang
ba ltar gyi rtags gsal tsha po gtong gnang mdzad thub pa yod
kyang/ gzhung gi go don ni ha cang bzang rab cig rang mi mkhyen
pa'i tshul

du bzhugs pas dam bca' 'jog skabs rnams su rtog ge'i tshig 'khrir
byang ba'i rigs pa smra ba gzhan gyis rtags gsal gzhung chen po
gtong dus lan gnang ba rnams nas dngos lan ji bzhin ma thebs

@120b pa yang mang po byung/ sku chas zhan pa'i stabs kyis rigs
chung gtong sgo yang mdzad thabs gzhan med par ma yum nyid nas
thabs shes kyis btsal te sku 'gyed kyis khongs ma stongs tsam du
phyed brgyad re gtong

gnang mdzad/ de skabs mdzod pa bla rgan de glo bur du grib skyon
gyi nad gzhis zin pas 'di yo nas gzim shag gi thugs 'gan rnams
rje rang gis bzhes dgos pa byung yang phyag dper gsan bsam thugs
gnyer

kho nar gtsor bton las/ 'jig rten mi dge'i dman spyod kyi bzo
thabs g.yo 'phrul ye ma gnang bar gsol chas dang na bza'i rigs
tshun chod tshang ma grwa sa'i 'gyed phogs tsam la sngas bcol nas
bzhugs/

thugs nye'i rigs nas bu lon g.yar ba yang ci rigs mdzad pas
skabs shig nas dngul bu na Ta ma dkar rdo tshad dgu tsam longs
pa'i skyed kyang 'jal sprod gnang dgos pas ja mar gsol zhib
rnams kyang dkon

se ba las ma bzhes par rtsam pa khrom nas Tam ga re gnyis res
nyo sgrub mdzad/ skabs rer Tam ga yang ma longs par zho gang gis
gsol zhib mtshon pa re nyo gnang mdzad dgos pa yang mang du
phyung/ gsol

ja yang bzang ja med par/ ljang ja pa ril zhes pa'i ngan ja zhig
yod pa de kho nas chog par mdzad/ mar yang lha ldan stong mchod
kyi dkar rgyan dang/ tshogs chen ja ma'i zhun mar nang gi mar
nyos te bzhugs/
@121a @#/ /phyag dngul cung zad lhag pa byung ba'i skabs dngul
kha gang gis sha dang/ dngul kha gang gis gro zhib to gzigs
gnang ste mo mog gi gung tshigs bzo gnang mdzad/ de skabs nyo bya

mod pas yongs 'dzin dge bshes mchog dang rje bla ma nyid rnam
gnyis la 'deng tsam re yod/ dus rgyun par gung tshigs gzhan med
par dge rgan yongs 'dzin gyi grwa ja mang ja'i zhag thun gyis
sngo ldum pad tshal

nyos nas gsol krum med par snum la brngos te gung tshigs gsol
bzhes gnang/ skabs shig yongs 'dzin dge rgan lha sar phebs skabs
lha ldan gyi lcang gseb cig nas re nag gi dum tshal sgril ka/

nang du phag sha lcug re gnyis bcug pa zhig rnyed pa gnang yod
pa de dgyes spro chen pos dge rgan yongs 'dzin dang rje bla ma
rnams gnyis nas dbyar thog gcig ring gi gsol tshig 'dengs pa
byung 'dug /rje nyid

kyi zhal nas kyang/ ngos nyam thag skyo po de 'dra la dge rgan
rin po ches gsol chas tha zhan ji ltar byung yang mnyam mchod
mnyam bzhes kyis dgyes bzhin bzhugs gcig mdzad kyin yod pa bka'
drin la 'khor

thabs bral/ da lta yang dge rgan mchog gi bka' drin dran bzhin
mig la mchi ma g.yur/ nged rang yang de dus tha zhan po yin
snyam pa'i skyo snang gtan nas med par spro pa chen pos tshogs
chos slob gnyer rang

@121b kha hur bskyed byas gsungs/ de skabs lhag par du chos grwa
'grim gnang mdzad pa la thugs brtson lhur bzhes su bskyangs te/
mtshan rtags ma ran par chos grwa zla chos re la zhogs chos tshar
drug bdun tsam

dang/ dgong mo'i sku rim chos grwa tshar bzhi lnga tsam re las
lhag pa gtan nas chag med dang/ gung tshigs chos grwa ni gcig
kyang ma chag par phebs/ de ltar chos grwar phebs 'grim la thugs
'grus

lhag par du che ba mdzad cing/ dgong mo'i chos grwa'i dga' ldan
lha brgya dang dmigs brtse ma gsung ba'i skabs shes rab sgrub
pa'i spyan dmigs yang yang bskyangs pas thugs rig dang gzhung
don go stobs

sngar las ches cher bzang du phebs pa mngon sum mkhyen tshod la
byung/ rtsod pa phar phyin skabs dang po gzhung yongs rdzogs cha
tshang bar rtsod pa mthil phyin par gnang/ de nas phar phyin
gtong rgyur 'khel nyer

'dzin grwa spo dgos pa'i stobs kyis skabs gnyis pa'i rtsod pa
tho re ba dang/ de nas yang skabs bzhi pa'i 'dzin grwar spo
gnang thog /rnam thar man gyi skabs bzhi pa'i rtsod pa dang/ de
nas skabs brgyad pa'i

'dzin grwar phebs te skabs brgyad pa'i rtsod pa bcas la sbyong
brtson legs par mdzad/ de nas zur bskol 'dzin grwar spo gnang
gis dgung grangs bcu bzhir phebs pa'i lo der phar phyin gyi ston
mo gtong gnang

@122a @#/ /mdzad cing/ de dus phar phyin pa'i bla ma gzhan med
pas phar phyin gyi bla ma'ang gnang/ 'di lor phyag mdzod bla
rgan de bzhin slar yang grib nad bskyar bldab kyis glo bur du
'das/

grongs song bar yul dam pa rnams la 'khos bstun gyi bsbo rten
'bul gnang dang byang 'pho zhu rgyus mtshon pa'i dgongs rdzogs
gang 'grub dang/ rje nyid nas kyang sku gshegs de nyid gnas ngan
pa rnams su

mi ltung zhing bde 'gro mtho ris kyi rten bzang legs brgyud kyis
thar pa bla na med pa'i go 'phang mchog la myur du reg pa'i
thugs dmigs ljags bsngo yang dag par gnang/ lo de'i dgun thog
nas phar

phyin gyi zur bskol bsam gzugs dang/ rten 'brel skor sogs la
brgal brtags kyi rtsod pa'i sgo nas zhib tu sbyang bar mdzad/
'jog po ri khrod kyi bla ma rnam grol rin po che'i mchog sprul
rje btsun ngag

dbang blo bzang 'byor ldan dpal bzang po'i zhal snga nas las
stag phu'i yongs 'dzin chu bzang bla ma rje ye shes rgya mtsho'i
gsung 'bum gsan yig ma gtogs pa pod gcig yod pa'i ljags lung cha
tshang

ba gsan te/ de'i gsan yig kyang phyag bris su 'debs pa mdzad/
dgung lo bco lnga bzhes pa'i thog dbu ma dbu nas ring song yan
gyi rtsod pa dpyis phyin pa gnang/ ston kar 'khor zhag tu dgongs

@122b pa zhu gnang mdzad de gtsang gi sger chab spel ba'i yab
gzhis su phebs shing/ dgun thog der brtson 'grus skabs kyi dor
ba'i stobs sku nyams su bzhes te re zhig par gung bsang rol
rtsed kyi rnam pas lhon

chags par bzhugs/ de nas yongs 'dzin dge bshes rin po che dbus
phyogs su phyir sngon du phebs/ der skabs shin nas rje btsun mid
la'i rnam mgur la gzigs zhib nan du bskyangs pas de'i don la

thugs yid gcig tu zhugs pa ltar gyur te nyin re bzhin par ma
chad par rnam mgur rang la gsan bsam chig dril du gnang bas tshig
don mtha' dag la ldog tu med pa'i thugs dad dang thugs nges cher

'khrungs/ rgyun par skabs 'gar sku rtsed la g.yeng ba'i thugs
snang ba gtsam yod pa yang 'di nas bzung ste rbad kyis nub/ de
nas yang gsung rab kyi dpe cha gzhan sna tshogs la gzigs rtog nar
mar

bskyangs pas nyi 'od 'thungs pa'i padma bzhin du gzhung lugs kyi
go ba shin tu che ba 'khrungs pa nyin re zhing yang ches cher
'phel ba byung/ 'jam mgon chos kyi rgyal po'i rnam thar dang
legs bshad du

mas thugs yid rang dbang med par phros te bka' rtsom la snga pa
rgyal ba tsong kha pa chen por gsol ba 'debs pa'i tshigs su bcad
pa ka bshad kyi lam nas drangs pa zhig kyang thugs rtsom gnang/

@123a @#/ /ma dper rtsis snang ma mdzad pas rjes su bor brlag tu
song nas ma bzhugs shing/ tshig phal cher bsnyel tshul bzhes kyang
re gnyis shig thugs la mnga' pa ni 'di ltar/ ga lA pa

dang dga' ldan gnas kyi rgyal tshab byams pa'i thugs ka nas/ /kha
pa'i ljongs 'dir 'gran gyi do med rgyal ba gnyis pa blo bzang
grags/ /ga ler drin can khyed la snying nas gsol ba 'debs sod
lta nyid//

nga mdun nam mkha'i dbyings su bzhugs la byin gyis rlobs/ /zhes
pa ste/ de tsam las mi snang la/ de skabs sogs su bka' rtsom
gzhan 'ga' yang gnang par gsal mod/ dpe tsam yang ma rnyed do//

de lo'i dbyar dus su ma yum sogs dang lhan du slob dpon chen po
padma 'byung gnas kyis byin gyis brlabs pa'i sgrub gnas sog po
zhes pa'i rten gnas rnams mjal par phebs/ gnas der phebs

lam brag khung srin mo kha gdangs 'dra ba'i nang nas zhugs/ ri'i
khog pa nas sgron me'i 'od la brten te mun khung du mang tsam
phebs pa na/ skabs shig tu gnam sgo nas thon te dgon pa zhig cu

phebs/ ri'i sked par lha khang sgrub shag sogs mang po dang/
sgrub gnas ngo ma ni ri de'i khog pa'i nang der slob dpon chen
po'i sgrub phug dang/ mkha' 'gro'i tshogs khang sogs mun phug tu
sgron me

@123b bsnams te phebs dgos pa'i gnas ngo mtshar can shin tu mang
po 'dug gsungs/ 'di skabs shig tu dbu nas mar la o rgyan chen
por mchod par brjod pa sogs shlau ka bdun yod pa'i sgrub gnas
'di nyid

kyi gnas yig shog dril che ba lnga tsam pa zhig ljags rtsom
gnang 'dug pa mjug nas cung zad ma tshang yang gsung byin rlabs
can ngo mtshar che ba'i gnas su mthong ste kho bos dam pa gzhan
la gzigs

su phul ba tshur ma byung bas 'dir dgod byar ma rnyed/ gnas de na
'khrungs yul a mdo nas yin pa/ rje btsun rtsa po ba blo bzang
mthu stobs bstan pa'i rgyal mtshan zhes zhu ba'i bla ma bzang po
zhig bzhugs

yod pa la/ ma yum gyis sngon du blta tshod lta bur mjal khar
phebs nas rdo rje 'chang nyid la/ 'di pa bla ma tshad ldan zhig
yin tshod 'dug pas sprul pa'i sku nyid rang yang mjal khar phebs
shig ces

gsungs pa ltar mjal kha zhu par phebs/ bla ma des dbang lung
khrid la sogs pa'i bka' chos gang yang mi gnang ba zhig yin yang
mjal kha zhu mi byung tshad la skyes bu chung 'bring las brtsams
pa'i bka'

slob mang du stsal te mjal mi tshang ma sems rgyud dul du 'gro ba
zhig yod/ lhag par rje nyid kyi zhal nas/ bla ma des nged la'ang
bka' slob gnang tshad shes rgyud la shin tu phan pa byung zhing/
nyin gcig

@124a @#/ /khyod phru gu yin bsam gyin yod 'gro ste/ lus phru gu
yin yang sems ni lo stong phrag mang po lon pa'i rgan po las
kyang ches cher rgan po yin pas/ phru gu'i bsam pa mi byed par

chos la rtse gcig tu brtson dgos kyi red ces gsungs byung pa
sems rgyud la ha cang phan che ba byung gsungs/ der rje nyid nas
bla ma de'i gzim phug gi 'gag tu yol bas bcad nas bdun gsum gyi
ring bzhugs te

skyabs 'gro/ maNDal/ yig brgya/ sku phyag bcas grangs gsog gnad
du smin par bskyangs shing/ de nas bla ma de la mjal kha dgongs
zhus bcas mdzad de phyir phengs/ lo de ga'i zla ba drug pa'i nad

du shangs dga' ldan chos 'khor dgon du chibs sor 'khod/ der dga'
chos 'dus spyi nas gsol 'debs nan du mdzad pa ltar de ga'i dgon
gyi dge 'dun tshogs yongs dge 'dun lnga brgya skor la dga' ldan

lha brgya ma'i bshad lung tshig 'grel dang bcas pa dang/ yang ser
skya nyis stong brgal bar ma gcig grub rgyal lugs kyi tshe dpag
med lha gcig bum gcig la brten pa'i tshe dbang ljags bshad dang
bcas

pa rgyas par gnang bas der 'khod pa mtha' dag dad pa'i spu long
g.yos shing bstod bsngags dar dir du sgrog pa byung/ de skabs
dgur grangs bcu drug dang/ gzhan kha cig ltar yongs 'dzin dge
rgan sogs kyi 'gram skyob

@124b la ma ltos par de ltar gnang thub pa de yang skyes mchog
dam pa'i khyad chos 'gran zla dang bral ba zhig tu rtogs pa sla
zhing/ dga' chos su chos bka' gnang ba 'di sku tshe 'di nyid la
bka' chos che ba phar

stsal ba'i thog ma yin 'dug cing/ dga' ldan chos 'khor zhes pa'i
mtshan bkra bzang ba bcas rje 'dis 'jam mgon rgyal ba'i bstan la
rgyal ba gnyis pa slar byon ma ltar gyi lta spyod rnam par dag
pa'i

bshad sgrub chos 'khor rgyun mi 'chad par bskor ba'i rten 'brel
gyi sgo phun sum tshogs pa ma bsgrigs lhun grub nyid du byung bar
mngon/ yang gsung las/ chung gzhon nu'i dus de 'dra'i skabs nas
rtse

gcig sgrub pa nyams len gsha'am zhig byed snyam pa ma gtogs
gzhan med/ tha na chu'i rba klong g.yo ba lta bu rkyen phra mo
re la brten nas kyang 'byung bzhi la dbang thob pa'i grub thob
cig byed dgos snyam pa nar

mar yod/ mthar da lta'i bar du bsam rgyu tshe gang por sgrub pa
gsha' ma zhig bsams kyang/ yong rgyur ltar snang gi chos bshad
dang/ grong chog kho nas dus 'da' pa zhig las ma byung ba 'di
sngon gyi las

bzang po'i 'bras bu zhig min pa 'dra/ zhes gsungs snang ba ni/
dus ngan snyigs ma las kyang ches snyigs ma bdo ba'i skabs 'dir
bdag 'dra'i phal pa rnams lta ci/ dam pa'i skyo bor grags pa
mang thos kyis

@125a @#/ /rgyud phyug pa du ma yang/ bka' gdams blo sbyong las/
dge sbyor ci byas lo lor 'tshor/ /thams cad lo pa'i rta pas
khyer/ /ces dang/ mdo las/ nam mkha' dang ni sa gzhi'i bar

yang ring/ /rgya mtsho'i pha rol tshu rol 'gram yang ring/ /shar
nub gnyis kyi ri bar de bas ring/ /phal dang dam pa'i chos kyang
de pas ring/ /zhes pa ltar thos rtsod 'chad rtsom bzlas sgom
klog 'don bzang po'i tshugs

ka legs legs mo ji ltar 'chos kyang chos lugs 'gran yar ma theg
pa'i nad skran dang/ sgrub tshugs dang mkhas btsun bzang lo'i lag
rjes kye gtam snyan yun ring gnas pa'i re 'dod tshun dang/ rim
gro'i za

chog tshun gyis chos dang rgyab sprod du gtong ba sogs 'phral
ma'i 'jig rten chos brgyad kyis ma chog par 'phral yun gnyis
lci'i 'jig rten gyi chos dgu pa'i yang dgu pa mang po'i dra par
'thums te tshe 'di

snang gi 'ching thag dam po'i sgrog tu ma chud pa'i chos pa ha
cang dkon ne bar gyur pa'i dus 'di lta bu la gzigs pa'i dgongs
pa can gyi gsung kho na las gzhan du mi 'da' ste/ rje bla ma
rang nyid kyis ni/

snang gi 'ching thag dam po'i sgrog tu ma chud pa'i chos pa ha
cang dkon ne bar gyur pa'i dus 'di lta bu la gzigs pa'i dgongs
pa can gyi gsung kho na las gzhan du mi 'da' ste/ rje bla ma
rang nyid kyis ni/

yab rje rgyal ba'i gnyis pa'i mdo sngags kyi bstan la gsan bsam
sgom gsum ya ma bral ba dang/ bshad sgrub zung du 'brel ba yun
ring du bskyangs bas rang nyid go 'phang mthon por gshegs shing/
bstan

@125b 'gro gzhan mang po'i don rlabs po che grub pa'i 'bras
rtags mtha' yas pa zhig mngon du gyur pa sku dngos kyi mdzad pa
dang/ bka' rtsom gsung rab du mas gsal bar dpog nus pa la shes
pa rnal du gnas pa

sus kyang bsnyon du med pas so/ /der ma zad gsung 'di la go rgyu
gzhan yang che ste/ chos sgrub pa gsha' ma zhig 'dod na/ thog
mar nyams su blang bya'i don la thos pa rgya cher byed dgos
kyang/ thos pa legs po

byas zin nas las su bya ba ci yod ce na/ dgos pa'i gtso bo chos
don gyi chos lag len du bstar ba nyid las gzhan med mod/ de ltar
mi brtson par shes tsam nyid nas chos bshad bshad kyis mtshon
pa'i ltar

snang gi 'chad rtsod rtsom pa tshig skam gyi na yam tsam du
'khyer ba dang/ zas gos rnyed bkur sdud thabs kyi grong chog lta
bur mgo 'khor na/ re 'dod kyi sgrub pa'i go 'phang 'thob rgyu
phar bzhag /phyi mar phan

pa'i thabs tsam du 'gyur ba'i chos kyi grub 'bras gsha' ma zhig
kyang mi 'byung bas sgrub pa snying po lon pa zhig bya bar 'dod
na/ tshig bshad bshad tsam la mgo bo mi 'khor bar don nyams len
du sgril cig ces

'doms pa dang/ yang na/ chos la thos pa byed skabs thos don
rnams lag tu len pa sang bya gnang bya'i phyi bshol gyi dbang du
btang na/ chos 'grub pa'i dus mi 'ong zhing/ gang thos pa'i don
blo la nges pa de dang de
@126a @#/ /de ma thag nas bsam sgom gyis rang rgyud la bskor te
lag len gsha' ma zhig byung na/ 'byung bzhir dbang ba'i grub
thob tsam du ma zad/ 'jam mgon tsong kha pa chen po'i mdo sngags
zung

'brel gyi bstan pa 'dir tshe thung 'di la zung 'jug gi go 'phang
yang nges par 'thob nus te/ chos nyams len yong ba'i rgyu
bsgrubs pa'i las bzang po tshang zhing ma nor ba sngon du bsags
zin na/ de dang mthun

pa'i 'bras bu 'khrul med tshang bar 'phyung ba rten 'brel gyi
chos nyid yin pa'i phyir ro/ /zhes 'doms par mdzad pa'ang yin te
re zhig 'phros don tsam mo/ /de dus rje nyid yab gzhis su bzhugs
skabs der

dbyar ka'i dus su than pa chen po btang ste lo tog tshig skyon
cher gyur pa na/ ma yum sogs kyis chad 'bebs gnang dgos tshul
zhus par skabs der 'di skor gyi dbang lung man ngag gsan pa med
kyang/ dmigs

brtse ma'i be'u bum la gzigs nas khyim gyi gong tsam der chu mig
lu ma lta bu zhig yod sar phebs te nyin gsum gyi ring 'char
'bebs gnang bas nyin gnyis pa'i skabs nas char zim bu cung zad
babs pas ma

yum dang sru mo sogs kyis sprul pa'i skus 'byung ba g.yo thub
pa byung zhes dga' dad kyi bstod bsngags rgya cher zhus/ de nas
nyin gsum pa'i rjes nas char rgyun bzang po shugs cher babs pa
byung/ de ga'i ston

@126b kar gnam ha cang yer tshabs che bas yang sad srung zhig
gnang dgos zhes gsol ba ltar sang tho rangs shin tu snga bar
bzhengs te dmigs brtse ma'i be'u bum las byung ba ltar gyi sad
srung gi chog gnang bas/ thog mar

yar bzhengs skabs nam mkhar sprin gtan nas med pa'i sngo sang du
yod pa la/ nam langs kha mar sprin legs par 'dus pa byung ste lo
'bras rnams sad kyi gnod pas ma tshugs pa byung ba/ de dag dmigs
bzlas

kyi nus pas byung ba yin nam thad ka 'grigs pa gang yin mi shes
gsungs/ de lo'i dgun gyi dus na khyim gzhis su ma bzhugs par
skyes mchog 'bar ra ba'i gdan sa 'ba' ra dgon du phebs/ 'di
skabs

dbang lung man ngag gsan pa gzhan cher med kyang ljags bzlas
mtshams bsnyen gnang ba la shin tu dgyes pas mtshams sgrub kyi
tshul legs par gnang zhing/ zhal nas/ gnas der sngags 'chang
sgrub pa pa pho

mo bzhi bcu skor yod 'dug kyang/ dus chen gyi skabs nyin re nyin
gnyis tsam ma gtogs phal cher grong khyim du sdod gcig byed pas
dgon pa der ngos ngo g.yog gnyis min pa dkon gnyer sgrub pa ba
gcig ma

gtogs mi su yang med pas ha cang gi dben par byung/ de dus slob
dpon chen po padma 'byung gnas la dad pa shin tu che ba yod pas
thor thun gyi kha ton zin nas zhogs ja'i skabs le'u bdun ma re
'chag med bton gyin

@127a @#/ /yod/ yi dam rta mgrin yang gsang gi rnal 'byor yang
thun bzhi'i tshul du bskyangs pas/ nub gcig gi rmi lam du/ nged
rang gi mgo la rta mgo yod pa mgo'i grib nag la bltas te mthong

ba zhig byung/ 'ba' ra ba'i phyag dpe gang yod bsngogs nas zhib
tu mjal/ de'i khrod na rdo rje phag mo'i sgrub thabs zhag gsum
na 'grub gsung ba zhig 'dug pas/ de dus lon phra ba'i stabs kyis
'di nyid sgrub

dgos pa 'dug snyam du de ma thag dpe bshus te zhag bdun gyi ring
la mtshams bsnyen shin tu dam por bcad de mtshan mor yang gnyid ma
nyal bar bsdad kyang zhag bdun song ba'i nub mo'i rmi lam du
gcod kyi zil

gnon skor byed pa zhig rmis byung ba tsam las gzhan ma ni 'grub
rgyu gang yang mi 'dug gsungs/ de nas slar byon te chab spel yab
gzhis su phar tsam bzhugs shing/ slar dbus su phyir phebs te
grwa sar

sngar rgyun ltar gyi chos grwa 'grim par mdzad/ gzhung chen mo'i
gsan bsam slob gnyer la sngar dang mi 'dra ba'i thugs rig go
stobs ches mchog tu bzang par phebs tshul bzhes yod pas grwa sa'i
slob gnyer

ba rigs lam smra ba mang pos/ pha bong kha'i sprul sku gtsang du
byon nas phyag dpe yag tu phebs 'dug ces grags cher gleng ba'ang
byung/ sngar rje nyid gtsang du bzhugs pa'i skabs yongs 'dzin
dge rgan gyis gtsang

@127b gi chab spel phyogs nas ser ra yong mi rnams la/ sprul
skus rtsed me sha stag rtse gi na bzhugs yod 'gro zhes bka' 'dri
yang yang gnang bar/ de ltar med tshul zhus par dge rgan thugs
yid mi ches pa'i gsung

mang po byon kyang/ slar dgon par phebs te dngos sum thal ba na/
dge rgan yongs 'dzin nyid nas kyang/ gtsang nas yong mkhan tshos
bshad pa ltar yin nges red/ de yag po gnang 'dug ces dgyes mnyes
dang

bsngags brjod mdzad/ 'dzin grwa'i rtsod pa dbu ma thal zlog tu
slebs lod pas/ 'di nas bzung thugs brtson kyang sngar las cheb
gnang bas gzhung lugs kyi gsan bsam thugs gnyer shin tu dmar bar
gyur/ lo

'dir rigs chen tshogs langs mdzad rgyur/ gzhung dbu ma bden gnyis
gzhung che zhing gtsang du phebs skabs rtsod pa gnang rgyu ma
byung bar brten dbu ma'i gzhung la gsan spyong mthil phyin pa
'byung ba'i khyad dbu ma

bden gnyis nas rtsod pa gnang/ 'di dus thugs 'grus ches che ba
mdzad de nyin rer bden gnyis kyi spyi don shog bu lnga re tsam
thugs 'dzin gnang/ yongs 'dzin dge rgan ma bzhugs pa'i skabs
rnams su yang

de ltar brtson par mdzad pas nye skor du shag mchos bla rgan
zhig yod pa yang ha las pa'i tshul gyis/ lha sar 'gro skabs rnams
su bag leb tan shin ched bltad kyis nyos te yang yang phul
zhing/ yongs 'dzin dge

@128a @#/ /rgan la'ang mchog sprul rin po che nas de ltar legs po
gnang tshul yang yang zhu ba zhig yod/ de nas chos grwa'i 'dzin
grwa so so dang/ khams tshan rnams su grwa skor dam bca' gnang
rgyu yang khams tshan so sor res bskor gyis phebs te legs par
gnang/ tshogs yangs mdzad du nye ba'i sngon la rtsod sbyong gnang
ba'i skabs shig tu/ yongs 'dzin nas bden gnyis kyi mtshan nyid

rang gi thog tu btsugs te rigs lam shin tu rno ba zhig 'phangs
par rje nyid nas lan rim bzhin 'bul gnang mdzad cing mthar/
khyod gang gis rnyed pa'i tshad ma zhes sogs tshig gi gcod lugs
phra mo'i

'dzin mtshams brtan po gnang bas yongs 'dzin gyis/ de 'dra gsung
na 'grig pa 'dug /de min mtshan nyid shor rgyu red ces gsungs/ de
rjes tshogs langs nyin zhal gtad sog po chos 'khor zer ba/ rjes

su 'dzin grwa'i dpe cha lha rams ang bzhi pa yin pa rtsod rigs
la ha cang mkhas pa zhig yod pa des rtsa rtags dang po sngar
yongs 'dzin nas rje nyid la bgro gleng gnang ba ltar btang bar
gsung lan gyi 'dzin mtshams

kyang de bzhin gnang/ rtsa rtags gzhan rnams la'ang gsung lan
shin tu legs po thebs pas yongs 'dzin dge ba'i bshes gnyen pa
rab tu mnyes te rjes kyi gsung 'phros skabs/ tshogs langs yag po
byung

@128b song zhes bsngags pa yang yang mdzad/ phyi nyin rje nyid
tshogs su phebs pa'i tshe sgrub khang rdo rje 'chang sku gong ma
de skabs tshogs ches 'grim gnang mdzad bzhin pa'i skabs yin pas
de'i nyin par phebs lam du mjag

te tshogs langs yag po byung song zhes bsngags brjod gnang bas
dam pa dgyes pa'i mchod sprin du gyur 'dug snyam du dgongs te
rje nyid kyang dgyes spro ches cher 'phel tshul bzhes/ de'i dgun
kar 'dul ba'i

'dzin grwar spo gnang mdzad/ 'bul ba'i sdom tshig thugs 'dzin
gnang ste/ mtsho TIka dang/ rin chen 'phreng ba/ yig cha bcas ra
sprod kyis 'dul ba'i gzhung lugs la gsan sbyong phul du phyin
par mdzad/

dgung grangs bco brgyad du phebs pa'i skabs kyang gsan bsam
thugs gnyer sngar mus su gnang zhing/ 'di lo'i dpyid kar yongs
'dzin dge bshes mchog rang yul du phebs rgyur/ rje nyid la sku
chas dngos

nor ci bdog nas thugs mkho gang mchis mtha' dag phebs rdzongs
kyi mchod sprin du 'bul gnang mdzad cing/ phebs pa'i skabs thugs
la skyo ba tshad med pa 'khrungs te spyan chab mang po 'byin
bzhin du gang

ci'i gsol 'debs nan tan du mdzad par/ yongs 'dzin dge bshes rin
po che nyid kyang spyan chab bsil bzhin du bka' slob rus pa can
mang po nan chen pos bka' drin bskyangs te phan tshun 'bral mi
phod bzhin

@129a @#/ /du yongs 'dzin dge rgan rang yul phyogs su phebs/ de
rjes ma yum nas yongs 'dzin gsar pa zhig 'tshol dgos tshul zhus
par/ rje nyid nas nged rang gis yon tan la lhur brtson

byed pa byung na ni dge rgan yod med la ltos pa ma mchis shing/
rang gis ma byung na dge rgan phyag dpe bzang ba zhig yod kyang
thugs rgyud kyi yon tan spo rgyu ni med/ rang re la na bza' gsol
chas sogs rang gi

'dod khengs zhig ni 'bul rgyu med pas da dge rgan mi dgos pa
byas te nged rang nyid kyis brtson pa hur bskyed byas na bzang
gsungs te/ yongs 'dzin dge rgan med kyang yod pa las lhag tsam
pa'i tshogs chos ra/

slob gnyer gsan sbyong/ mdzad spyod zhi dul sgo kun nas gzhan
gyis ngo zlar mi 'os pa'i yar dper 'gran bzod pa gnang bas rjes
su ma yum yang thugs khengs pa byung/ 'di skabs shig nas lam rim
chen

mor thugs mos shin tu che ba 'khrungs te yang yang gzigs/ phyag
dpe rtsod rigs sogs la mchog tu mkhas pa spom 'bor lha mkhar
sprul sku zhes pa 'dzin grwar rigs chen dam bcar phebs par/

rje nyid nas/ stong dang rten 'byung gnyis sngon du gang rtogs
las brtsams pa'i rigs lung dang brgal brtags kyi sgrub byed rnon
po mang du 'phen pa mdzad cing/ lam rim chen me'i lung mang po
'dren pa

@129b gnang pas/ lha mkhar rin po che nas khas len 'dzin mtshams
mang po shor te rigs pa smra ba brgya stong gi dbus su zhal
skyengs pa'i gnas la bzhugs dgos pa mang po byung yang phyir
zhing rje nyid la thugs

dgyes nyams che ba mdzad/ de nas yang gseng dpar nam byung la
lam rim chen mo gzigs te bzhugs pas skabs shig tu snga ma'i
yongs 'dzin gyi dge phrug bgres gras dge bshes le'u bco brgyad

zer ba zhig yod pa der phebs te rje nyid la/ da lta nas lam rim
bltas nas sngas drags pa red/ gser brdung sa la gser/ dngul
brdung sa la dngul byas pa red/ da lta ba lta ma ran gong nas
bltas

zhes bkyon yab kyi 'bar sha mang po gnang bas/ de nas re zhig
lam rim chen mo yang yang gzigs mi nus pa'i tshul mdzad/ de skabs
shig tu mkhyen rab 'phel ba'i khyad rje btsun 'jam pa'i dbyangs

kyi bstod pa dpe thung shog bu gsum bzhi tsam yod pa zhig bka'
rtsom gnang ste lha mkhar mchog sprul rin po cher 'bul gnang
mdzad/ de'i ma dpe bdag tu ma mdzad pas da lta dpe tsam yang mi
sna bzhi

dus phyis rnam thar gyi sa bon ljags rtsom mdzad skabs thugs la
mnga' ba ni/ thugs kyi bstod pa'i thad du sgra rgyan sbyar te
gsungs pa'i/ mkhyen rab 'od stong stong pa'i dbyings gnyis gnyis
su med par rtag

@130a @#/ /rol pas/ /ma rig mun rtsa rtsa nas rab bcom bcom ldan
'das pa'i sar gshegs kyang/ /rlabs chen thugs rjes rjes chags
'gro kun kun mkhyen rgyal ba'i sar dgod slad/ /

ces pa tsam gsal por shar ba las/ gzhan mthar chags su tshig
thams cad ma nor bar 'bri chog pa rang zhig bzlas thub pa'i nges
gsal med par brjed 'dug /ces gsungs te 'di yang/ phyis kyi

gzab 'don gsar bcos la sngar rtsom sngon gnas rjes dran dang mi
brjed pa'i gzungs su sgro btags pa phal dang mi mtshungs pa'i kun
mkhyen tshad ma'i srang la gzhal du btub pa'i rnam par thar pa
ngo

mtshar ches che ba zhig tu nges shing/ rgyu mtshan zhib par spros
pas cho ga kyang yig tshogs che bar dogs pas re zhig de tsam gyis
chog par byas/ de nas ma yum gyis ngos ma shi gong mtshan rtags
gang

mgyogs gtong gnang mdzad dgos tshul u tshugs kyis zhus gnang ltar
lo de ga'i dgun gyi gling bsre gtong rgyu mdzad de dgun gling
bzhes/ ljags bshad dang dam bca' 'jog gnang mdzad rgyu'i skor
sogs

la thugs khral 'jigs mtshor til 'bru tsam yang gnang mi dgos pa
yod kyang/ bla brang sku chas zhan khar/ gtong sgo dus gtugs
shing rgyun du 'khor mkhan tsho yang de skabs byol zhing gzur ba
las ma

@130b byung bas bu lon len thabs mdzad kyang gtong mkhan rnyed
pa'i gnas med pas rje nyid dang ma yum rnam pa gnyigs mtshan
btags kyi gtong sgo mi 'grigs pa'i thugs ngal nyin mtshan 'khor
yug tu 'byams te ci drag

la thug kyang/ yum nyid thugs stobs dang thabs shes zab bas mar
dang 'bras gnyis ka nyo bsgrub ma dgos par 'grigs pa byung/ nyo
bya gzhan ma rnams kyang thugs mkho 'bul mi ci rigs shig byung
ba dang

bcas kyis legs par 'grigs/ dga' ldan khri chen rin po che blo
bzang tshul khrims pas kyang kha btags sogs zhal 'debs dang/ lhag
par khri chen nyid kyi bzhugs sgro ma de yang bkog ste 'bul
gnang

mdzad/ dngul yang skabs mtshams skabs mtshams su grwa 'grigs tsam
byung zhing/ sku 'gyed dngul zho gang re las gtong gnang mdzad
ma thub kyang/ bzhes thug sogs gzhan tshang ma grwa legs 'grigs

byung ste gtong sgo legs par grub/ de ltar gling bsre'i gtong
sgos mtshon pas yon gnas dam pa dge 'dun 'dus pa'i tshogs la
bsnyen bkur te bsod nams kyi sa bon yang yang bskrun thub pa
byung

ba'ang a ma de rang gi bka' drin yin zhes rje bla ma rang nyid
kyis dus phyis kyang gsung pa thos/ gtong sgo zin nas nyin mor
bma yum dang/ sru mo/ sku'i nye 'brel gzhan ma'i rigs sogs mang
po 'dzoms te
@131a @#/ /dgyes spro'i ston mo nyin du ma'i bar lhan du gnang
bas dam bca' rjes ma'i ljags bshad rnams thugs 'dzin gnang long
ma byung bar bshad pa gnang rgya'i dus gtugs pas zhogs

par mang ja'i 'og re la shog bu bdun phreng mda' tshad ma bdun re
tsam thugs 'dzin gnang/ de nas dam bca' rjes ma'ang legs par
'jog gnang mdzad/ lo 'dir dam bca' 'jog mi lha rams gsum

yod pa dang lhan du yin yang/ rtags gsal gyi gsung lan phal cher
rje nyid dang mar thang sprul sku rnam gnyis nas 'debs gnang
mdzad/ 'grom stod dge bshes blo bzang 'phrin las zhes pa rigs pa
smra ba'i

yang rtser son pa zhig yod pa des tshogs pa'i dkyil du'ang rje
nyid dang mar thang sprul sku rnam gnyis la bsngags brjod rgya
cher gnang/ de nas tshogs chen sgo mtshar du gling bsre chen
mo'ang legs par gnang

zhing/ mtshan rtags ma zin gyi bar du dgun kar phyag dpe skyor
sbyang mtshan 'khyongs re yang lo rer bstar chags su 'char can
gnang/ gling bsre'i bshad pa'i srol ni/ rngog lo bstan pa'i nyi
ma blo ldan

shes rab kyis sngar bod yul gangs can gyi ljongs 'di'i chos grwa
chen po gsang phu sogs na lung rigs kyi bshad grwa rgya chen po
'dzugs pa gnang ba las/ jo bo rje lha gcig snye thang du bzhugs
pa'i dus

@131b rnams ? nyin ? gcig gi skabs je bo tshan pe'i zhal nas/ da
nangs mgon po byams pa dang rje btsun 'jam dpal dbyangs gnyis
mdun gyi nam mkhar byon te theg pa chen po'i chos kyi bgro gleng
mdzad/ gsang ba'i bdag

po ? lag na rdo rjes bar chad bsrung/ lha'i bu mang pos zin bris
byas pa mthong bas da de 'bri dgos gsungs te jo bo rje rang nyid
kyis phyag bris gnang ba bzhin gnas der byams 'jam dbyangs rnam
gnyis kyis

drang ba dang nges pa'i don la rtsod pa mdzad pa'i rten 'brel la
brten nas gling stong gling smad gnyis byung/ dus phyis shig nas
bstan pa la bzang 'gran gyi tshul du gling stod smad gnyis gcig
tu bsres pa la

gling bsre zhes thogs pa byung/ de lta bu'i gling bsre'i srol
rgyun bzang po de bzhin mkhas grub snga ma rnams kyis se ra theg
chen gling sogs su'ang 'dzugs pa mdzad pa de yin la/ yang gsungs
las/ grwa

sar tshogs chos rar 'grims skabs rnams su bla sprul lta zhog
/rang las bslab pa rgan pa'i dge bshes tshun la'ang lce bsnar
bsnar dang/ mgo sgur sgur sogs gus 'dud lhur len byed pa nyid
las

sprul sku'i khengs nyams cung zad kyang byed ma myong/ zhes
pa'ang ji skad du/ mtho mtho rlung bskur dma' dma' chur bskyur
nas/ /'og nas 'gro ba chu las gzhan med pa'i/ /dma' sa bzung nas
chos la nges

@132a @#/ /sems kyi/ /ye shes rdo rje rang dang 'grogs par mdzod/
/ces pa ltar bka' gdams phugs nor bcu nyams su bzhes shing/ 'dro
ma chos kyi rgyal po'i rnam par thar pa'i don bdag gir

mdzad pa'i gsung 'ba' zhig tu snang ngo/ /de nas dgung grangs
bcu dgur ba zhes pa'i lor smon lam chen mo grol nas dpal ldan
stod rgyud grwa tshang du sprul sku'i dmigs bsal gyi mtshan gnas
ma bzhes par

grwa rgyang dkyus ma'i khongs su sgrig zhugs mdzad/ skabs 'gar
gral gyi mjug nyid du bzhugs dgos pa'ang 'ga' re byung bas sngar
grwa sar phal cher de ltar bzhugs ma myong ba'i stabs kyis ma
bde ba'i

thugs snang lta bu yang yang 'char ba byung/ rgyud pa'i chos
thog dang po chu ma dar phebs skabs su khel bas lha sa'i rgyud
shag nas phebs pa'i tshe rten 'brel gyi ched du sku khres rgyud
pa'i phyag bzhes gang yod

ltang/ gding pas sgril 'bog mdzad pa'i nang du gsol zhib la sogs
pa'i rgyud chas rnams blugs te sku rgyab tu bsnams/ de'i phyi
nas 'bog thag ces pa'i phreng thag gis bsdams/ de steng sho kli
dang lhung

bzed bsnams/ gsol zhal rgyud phor snod dang bcas pa mdun du
btags te byon pas/ 'o brgyal thang zhes pa'i thang du phebs pa
na/ sku ha cang ngal te chang pa'i nyams kyis phebs ma thub pa
byung/ de nas

@132b phebs rogs rgyud grwa gzhan ma 'ga' res nan bstud du zhus
pa ltar sku khres byings gzhan la bgo bsha' mdzad de shog lhung
gnyis rkyang pa bsnams nas byon byon pas yang skabs shig nas sho
kli yang bsnams ma thub

pa'i tshul lta bur gyur te lhung bzed rkyang ba bsnams te phebs
dgos pa'ang byung snang/ de tsam las gzhan lo gsum gyi ring la
rgyud grwa'i chos thog gar phebs su zhabs zhu ba sogs thabs
'tshol gtan nas ma mdzad

cing/ rgyud pa chos thog la byon skabs chibs kyi gnang ba zhus
nas chibs rta la bcibs te phebs chog pa'i srol yod mod/ rje nyid
nas rgyud pa'i chos thog tu thag ring thung ci 'dra zhig la
phebs kyang zhabs thang rang

gis byon pa las/ rgyud grwar bzhugs pa'i skabs chibs kyi yob la
zhabs bzhag pa tsam yang gnang ma myong bar dka' spyad lhung
bzhes pa kho nar mdzad/ dgong mor gsar du phebs pa nas bzung
gding ba ma brgyab

pa'i bar la gnas tshang gzhan du gzim dgos pa zhag ma re re tsam
byung ba las gzhan rgyud grwa'i tshogs gzhung kho nar star chags
su gzim/ rgyud pa dbyar gnas su phebs skabs brag yer par lo gsum
gyi ring gi

dbyar gnas cha tshang ba bzhugs kyang phebs pa'i nub mo la zhag
ma re re ste zhag gsum po de las gnas gzhan du gzim pa le ma
mdzad la/ chu mdar stod rgyud mkhan chen rdo rje 'chang ser smad
gzhung ba blo bzang smon

@133a @#/ /lam dpal bzang pos rgyud rgyal mthar thug dpal gsang
ba 'dus pa'i rgyud 'grel/ 'grel pa bzhi sngags kyi 'chad nyan
gnang ba dbu tshugs pa nas bzung brag yer par rgyud btad pa

bcas mjug rdzogs kyi bar tshig gcig kyang ma lus pa legs par gsan
cing/ mkhan rin po che de nyid kyi bka' ltar sa bcad rnams zhib
mnan gyis nor 'khrug byung ba rnams la bskul 'tshos gnang rgyu
sogs

rje nyid nas mdzad/ gzhung pa chos thog skabs 'grel pa bzhi
sbrags nyin gcig chad kyang rjes su ra mo che'i rtse thog gi
mkhan po'i gzim chung du mkhan chen rdo rje 'chang rang nyid kyi
drung nas chad gsab legs par

gsan/ 'di'i 'grel pa bzhi sbrags kyi khrid rgyun 'di mkhan rin
po che de nyid kyis shar chen blo bzang dar rgyas la gsan pa yin
'dug cing/ de yan rnams bshad lung gi brgyud pa yin 'dra yang
brgyud rim

ma rnyed gsungs/ chu mdar na bza' yang sku la gang mnabs pa zhig
las 'khrol lhag pa bsnams pa med cing/ chos thog yun ring ba'i
stabs dang/ dgong mor tshogs gral sha stag tu gzim gcig mar

gnang ba sogs kyis na bzar shig mang po byung ba rnams gzhan du
'dor ba sogs ma gnang bar thams cad btang snyoms su 'jog par
mdzad pas mthar shig ha cang mang por 'phel te/ sku chos dang/
sku zlam/

@133b sku rags/ tha na shangs phyis tshun chod la shig gis khyab
par gyur nas bzhugs pa na/ skabs shig tu rje nyid kyi shag rogs
dge bshes gnyis yod pa de gnyis nas/ da de 'dra gtan nas ma
gnang/ sku shig

rnams bsgrugs nas gnod pa med par bskyal na skyon yod dogs med
ces yang yang zhus pa bzhin nyin gcig tshogs su phebs mi dgos
pa'i nyin gnang zhus te zhogs tshogs grol nas dge bshes gnyis
dang bcas

rnam gsum gyis shig rnams bsgrugs pas nyi ma bzhud pa'i skabs su
shig sgrug zin tsam byung bar/ dngul chu'i nyin zhag phrugs gcig
las gsungs pa ltar shig rnams pa la la snum dang phye gtsang ma
bsres te

phyugs pa'i bal gyi nang du bcug ste grong pa'i rtsig gseb cig
tu 'jog gnang mdzad kyang don du shig rnams rgyang phud btang
bas khag po byung yod 'gro snyam pa byung gsung ste phyis kyang
thugs 'gyod chen po gnang/

de nas dga' ldan dbyar chos su phebs pa'i skabs lho brag 'bum
pa'i nye logs ra sha khul zhes par zhag gcig bzhugs pas gnas
tshang der bzhugs stan sogs g.yar po dbul bya ci yang med pas
phad khog

cig la bzhugs gdan mdzad/ dbu sngas gzhan med par lhung bzed kyi
rag skyag nang du dbu bzhag ste gzim/ dga' ldan du mtshan rtags
chung khag rnams dam bca' 'jog srol yod pa ltar byang rtse grwa
tshang du

@134a @#/ /mtshan 'khyod gi dam bca' 'jog gnang mdzad/ tho rengs
ma gtogs mtshan mor 'dul ba'i rtsod pa sha stag khel bar yang
'dul ba'i skor thugs nges legs po yod pas rtags gsal

gyi gsung lan gnang bar sku tshegs ci yang ma byung/ sang nyin
der gnas tshang rgyal rong dge bshes ka la bya ba des/ sku zhabs
rin po che'i dam bca' legs po byung tshul gzhan gyis grags cher
gleng zhes zhus

pa'ang byung snang/ yang de'i rjes su dge bshes gzhan zhig gi
mtshan 'khyong dam bca'i lan rogs su phebs/ de nub nam phyed tsam
nas 'dul ba'i 'dzin grwa rdzogs te dbu ma'i rtsod pa tshugs/ dbu
ma'i

'dzin grwa'i nang du gser kong rdo rje 'chang gi thugs sras dge
bshes bstan dar zhes pa zhig yod pa des thal bzlog las brtsams
pa'i rigs lam phra sa mang po 'phangs par rje nyid nas gsung lan
gyi 'dzin

mtshams shin tu dka' tsam byung tshul mdzad/ grwa sar bzhugs pa'i
skabs rnam 'grel dang mdzod kyi rtsod pa ma byung ba las/ gzhan
phar phyin dang/ dbu ma/ 'dul ba bcas gsan bsam mthil phyin

pa gnang/ dga' ldan du bzhugs pa'i ring la 'jam mgon chos kyi
rgyal po'i gser gdung rin po che sogs kyi gnas rten rnams mjal
bar yang yang phegs shing thugs smon gyi mtshams sbyor shugs drag

@134b po gnang/ de nas mar phebs te bar der gling bsre la 'phral
bshad rin chen phreng ba dang/ dbu ma rtsa ba shes rab/ dbu ma'i
spyi don bcas shog grangs brgya phrag brgal ba gnang/ yer bar
rgyud pa'i chos thog tu phebs skabs

rgyud sde rgya mtsho'i dkyil 'khor gyi thig rtsa dang/ blos
bslang sogs la gsan spyong phul du phyin pa gnang zhing/ thig
rtsa yang gsang 'dus/ bde mchog /'jigs byed rnams kyi dkyil
'khor lta ci/ kun rig /tshe dpag

med/ gshed dmar/ dkra nag /'khor chen/ dus 'khor sogs dang/ sku
gdung cha brgyad/ sbyin sreg /lcags mkhar sogs bcas/ 'di skabs
rnam snang mngon byang ma gtogs pa thig phran gyi rigs phal mo
che rnams

legs par thugs su chud/ gnas der rje pha pong kha pa'i thig ra
zhes su grags pa'i sa shul da lta'ang mjal du yod/ lhag par dpal
gsang ba 'dus pa'i rim gnyis kyi skor mtha' dag la gsan bsam gyi
thugs brtson

ches che ba mdzad cing/ sngags kyi dam bca'i skabs lhan skyes
kyi bde ba chen po'i ye shes thob mtshams sogs las brtsams pa'i
rigs lung legs par gtong gnang mdzad par/ dga' ldan dge bshes
mdzub drug

bya ba dge bshes bgres gras sngags kyi phyag dpe ha cang bzang
ba zhig yod pa des/ sku zhabs rin po che 'di lo'i gsar zhugs pa
yin yang rtags gsal rgyud la zhugs nas lo bcu skor song ba'i
tshod tsam pa byung

@135a @#/ /song zhes pa'i bsngags brjod kyang phul/ der zhar zhar
la yer ba'i gnas rten rnams mjal bar byon te phyag mchod thugs
smon sogs kyang zhib par gnang/ sngar smos ltar 'di'i

chos thog skabs kyang phebs pa'i nub mo zhag gcig ma gtogs pa
zla ba phyed gnyis tshang mar dgong mo tshogs gral sha stag tu
gzim zhing/ chos thog byung ngo cog gzhan ma kun kyang de bzhin
du legs par

bskor gnang mdzad/ lha ldan smon lam chen mo'i skabs dgong mo'i
dam bcar rtags gsal gtong gnang mdzad par yang yang phebs/
/dgung grangs nyi shu'i thog tu phebs 'phral yongs 'dzin phur
lcog pa

mkhan chen rdo rje 'chang chen po rje btsun blo bzang tshul
khrims byams pa rgya mtsho dpal bzang pos mkhan slob sbrags mar
mdzad nas bsnyen par rdzogs pa dge slong gi dngos po rnam par
dag pas rje bla ma rdo rje 'chang chen

po'i thugs rgyud kyi bum bzang yongs su 'geng bar mdzad/ de'i
dgong mo nyid nas rje 'dul ba 'dzin pa chen po ser smad sbom
'bor dge bshes 'phrin las rgyal mtshan dpal bzang po rje rang gi
bzhugs shag

tu gdan drangs/ 'tsho ba'i yo byad dang lhag pa'i yo byad sogs
kyi yo byad byin rlabs dang/ rung khang byin rlabs sogs legs par
gsan/ de nas bzung ste spang ltung tshun chad kyi thub pa'i bcas
mtshams phra

@135b rags mtha' dag tshul bzhin bsrung ba'i dran shes bag yod
las dus nam yang mi 'da' bar 'phags pa nye bar 'khor gnyis pa
lta bu'i rnam par thar pa lhur bzhes bskyangs/ lo kha shas nas
sku chas yo byad

mang po gzhan dang yar 'dres tshur 'dres sna tshogs byung bar rten
yo byad byin rlabs de ltar gnang na phyag bzhes gtsang seng nge
ba zhig mi yong ba'i thog /rje nyid kyi drung du yo byad byin
rlabs zhu mi gzhan mang du 'ong

bar yang rgyun rnam par ma dag par 'gyur snyam du dgongs pa'i
thugs dogs cher 'khrungs te rje nyid nas yo byad byin rlabs kyi
phyag bzhes mdzad rgyu bar mtshams 'jog pa gnang/ rjes su sgo
mang mkhan chen

rdo rje 'chang mkhyen rab bstan pa chos 'phel dpal bzang pos
phyag len yang mtha' gnang lugs shig gsung pa gsan pas/ de 'dra
zhig gnang rgyu byung na da tshod kyang bsrung thub rgyu 'dra ste
de dus phyag len dog

mtha' mdzad pas rjes su bsrung dka' bar gyur/ ces phebs/ 'di'i
don la blo ldan rnams kyis ji ltar rtog par bya zhe na/ gang
zhig thar pa 'dod pa dag blang dor gyi gnas ji bzhin shes par
'dod pas

bcas pa dang rang bzhin gyi nyes pa spyi dang bye brag mtha' dag
ston pa mnyam med thabs mkhas la thugs rje chen po dang ldan pa
gang des bslab pa'i gnad du ma bka' bstsal ba'i dngos shugs kyi
gnang bkag dang/
@136a @#/ /dgag dgos/ yul dus rkyen gyi dbang las lag len gu yang
dog ji ltar rung mi rung tshun la bka' dang dgongs 'grel/ khungs
ma'i man ngag la sogs pa rgya cher thos nas

ltung ba 'byung ba'i sgo bzhi sogs la mi rmongs par bslab ste/
thos don lag tu len tshul brtan po'i sgo nas 'jug dgos so zhes
rang cag rjes 'jug rnams la thugs brtse bas 'doms par shes par

gyis shig /spang ltung byin rlabs kyi skor 'dir dus phyis su'ang
bka' chos stsal ba'i skabs du mar/ spang ltung byin rlabs med
na/ chos gos rnam gsum gyi byin rlabs kyang yo byad gzhan ma'i
spang shan ltung shan

gyis gos te byin rlabs rnam dag cig mi 'chag pas na/ bstan pa'i
thugs 'khur theg pa tshos yo byad byin rlabs kyi rgyun tshad ldan
zhus te phyag bzhes su bstar na bstan pa la phan che tshul yang
yang nan tan

du 'doms par mdzad/ skyor mo lung gi chos thog zin nas rgyud
pa'i chos thog gi gsar khral legs par bskor gnang mdzad grub
cing/ 'di skabs shig gi mtshan rmis su/ bud med sma ra dang a ga
tshom

dmar ser me ltar 'bar ba zhig dang/ de'i nye logs su rnal 'byor
pa lta bu zhig 'dug pa/ rnal 'byor pa des 'di rnal 'byor dbyug
pa yin zhes dbyug pa zhig rje nyid la phul ba'i mtshan lam gsal
bar

@136b byung pa phyis su rje btsun rdo rje rnal 'byor ma'i zab
khrid gsan pa'i skabs rnal 'byor dbyug pa zhes pa zhig 'dug pa
ring thung gi tshad tshun chod mnal lam na byung ba de kho na ltar
'dug gsungs/ rgyud pa'i chos thog

bskor gnang zin pa'i rjes su brag ri rdo rje 'chang chen po blo
bzang thub bstan rnam rgyal dpal bzang po'i drung du gus 'dud
chen pos nye bar bsten te/ thog mar gangs can grub pa'i khyu
mchog rje btsun rin po che mid

la bzhad pa'i rdo rje'i rnam thar dang mgur 'bum cha tshang pa'i
ljags lung zhig legs par gsan/ dus de'i skabs skyabs mchog brag
ri rdo rje 'chang dang/ 'bras spungs sgo mang mkhan chen rdo rje
'chang chen po

rnam gnyis kyis bka' chos khyon che ba gnang mus su yod pas rje
bla ma rdo rje 'chang mchog gis kyang bla ma rnam gnyis kyi
zhabs pad yang yang bsnyen par mdzad/ de nas bzung ste rgyud
grwa'i tshogs kyi gnang ba

nam du byung las ? thams cad la prag ri rdo rje 'chang gi mdun
nas bka' chos gsan ci thub mdzad de bka' chos gsan rgyu'i dbu
tshugs/ de nas rim bzhin lo bzhi tsam gyi yun du bstan 'gyur
dang/ 'jam

mgon tsong kha pa chen po yab sras gsum gyi gsung 'bum la sogs
pa gsung 'bum skor/ bka' gdams glegs bam sogs blo sbyong skor/
be'u bum skor/ thor bu'i skor sogs te khyon dril po ti/

@137a @#/ /nyis brgya ba rgal pa'i ljags lung legs par gsan cing/
sku tshe 'di nyid la gsan pa'i dbang chen gyi thog ma phyag rdor
'khor lo chen po'i dbang chen zhig gsan pas

mtshon te dbang chen khag mang po dang/ rin 'byung brgya rtsa/
zur bka' brgya rtsa/ snar thang brgya rtsa la sogs pa rjes gnang
bcas dbang lung man ngag zab cing gsang ba rgya che mtha' klas
pa ji snyed

cig gsan/ rdo rje 'chang gang des rje bla ma mchog nyid thugs
dgyes brtse chen pos gsang 'dzin sras kyi thu por bzungs te/
bka' chos nam yod la bka' lan kyang 'bul ba mdzad/ bka' rgya

gsang rgya'i gras kyi chos skor bla ma sprul sku gzhan gyis zhus
kyang ma tshud pa rnams la'ang rje bla ma 'di nyid la bka' lan
ched kyis stsal/ brag ri ri khrod du bka' chos su phebs skabs
rnams su'ang sku'i

chos gos tsam las than gsol ja'i bzhes spyad tshun kyang bsnams
mi dgos par mchod rkyang bzhes rkyang gis phebs chog par chos
dang zang zing gnyi ga'i sgo nas thugs sras kyi nang mar spyan
gyi 'bras bu

ltar skyong bar mdzad cing/ rje bla ma nyid rang nas kyang mchod
gtor gshom sgrig dang/ mchod g.yog gi thugs 'gan dbang chen
dang rjes gnang sogs bka' chos de dang der dkyil 'khor ye chas
kyis mtshon

@137b thog mtha' bar du dgos pa'i mchod rdzas nyer spyad rigs
yongs su rdzogs pa rtsis bzhes 'don 'jug 'grem sdud bsher byang
'bul 'gyogs la sogs pa gang spyir sgo kun nas gces spras chen
pos zhabs 

'degs la dad gus dgyes spro'i brtson pa zhar yang mi g.yel bar
thugs 'khur hur bskyed gnang zhing/ bka' chos kyi sbyin bdag
sogs nas skabs de dang de'i yon 'bul stob pa ci byung tshun kyang
de 'phral bla mar

'bul gnang mdzad pa sogs mnyes pa gsum gyi sgo nas rdo rje
'chang de nyid kyi zhabs tog rab dang phul du phyin pa lhur
bzhes su sgrub pa mdzad/ de bzhin du sgo mang mkhan chen rdo rje
'chang chen pos kyang

rje nyid gsung skyes sras kyi thu bor dgyes bzhin rjes su bzung/
dgung lo nyar gcig pa'i lo 'dir yang gtso bor brag ri rdo rje
'chang dang/ zhal snga nas mkhan chen rdo rje 'chang rnam gnyis
kyi bka' chos

mang du gsan/ gzhan yang tre hor khang gsar skyabs mgon rdo rje
'chang blo bzang tshul khrims bstan pa'i rgyal mtshan dpal bzang
pos kyang bla ma rdo rje 'chang mchog la thugs shin tu mnyes pa
chen po

gnang bas de'i zhal snga nas kyis kyang rje btsun rdo rje rnal
'byor ma nA ro mkha' spyod dbang mo'i dbang lung khrid kyi rim
pa cha tshang ba gnang ba sogs chos bka' 'ga' shas gsan cing/
khams 'dan yul

@138a @#/ /stod kyi po rdzong ri khrod sprul sku mtshan bsdus te
bla ma ri sku'i rin po che zhis gsol zhing skyabs mchog brag ri
rdo rje 'chang gis thugs gtsigs cher gnang ba/ rgyun du grwa
rkyang bya bral

spros med kyi tshul mdzad de bzhugs pa des kyang rje bla ma nyid
la thugs brtse dgyes mnyes kyi ngang tshul rab tu gsal zhing
gzhan mar ljags lung mang po stsal bzhin pa'i skabs yin pas de'i
drung nas kyang

paN chen blo bzang chos kyi rgyal mtshan gyi gsung 'bum po ti
lnga dang/ tshe mchog gling gi bla ma yongs 'dzin paNDi ta ye
shes rgyal mtshan gyi gsung 'bum pod bcu bdun skor sogs ljags
lung ches mang ba

gsan/ lo der dngul chu bla ma rin po che rje btsun blo bzang
'jigs med dbang po dpal bzang po bod ljongs kyi yul dbus su
phebs pa'i zhabs kyi padmo nyid dbu'i gtsug tu gus pa chen pos
bsten par

mdzad de rje btsun rdo rje rnal 'byor ma nA ro mkha' spyod
dbang mo'i dbang 'khrid sogs kyi zab chos man ngag cha tshang ba
dang/ dngul chu mkhas grub ngag dbang rdo rje'i gsung 'bum pod
chung ngu gcig /dngul

chu d+harma b+ha dra'i gsung 'bum pod drug /dngul chu dbyangs can
grub pa'i rdo rje'i gsung 'bum pod gsum bcas kyi bklags lung
tshang par gsan/ 'di lo brag yer pa'i chos thog kyang cha tshang
bzhugs te/

@138b thig dang blos bslang/ rim gnyis sogs la gsan bsam slob
gnyer ba skyar gsos dogs gcod dang bcas pa nan tan gnang/ thig
chen skabs kyi thig dpon kyang rje nyid nas mdzad/ der dge ba
shes bgres

pa bdun brgyad tsam dang bcas khyon dge bshes mang po yod kyang/
thig rgyugs cha tshang de skabs kyi rgyud stod bla ma dbu mdzad
sgrub khang yongs 'dzin rin po che blo bzang bstan 'dzin dpal
bzang po mchog nas

rje bla ma nyid kyis 'bul gnang mdzad du 'jug pa gnang zhing/
thig rgyugs ha cang zhib tshags che ba blos bslang gzhal yas
khang gi 'og gzhi nas tog gi bar slong tshul nan cing zhib par
bka' 'dri gnang

bar rje nyid nas gsung lan thogs med du 'bul gnang mdzad/ zhar
du dka' sar thugs dogs yod pa'i rigs rnams la dogs gcod kyang
mthil phyin pa legs par gnang/ 'di skabs kyi snga rting rnams

su lo re re'i nang nas zla ba bdun brgyad re tsam gyi ring la
bka' chos gsan pa kho nas dus 'da' ba mdzad/ skabs shig mtshan
lam du/ bzhugs stan 'bol gdan sum brtsegs mthon po zhig gi steng
du

bud med gzhon nu ma rgyan dang na bza' mchog tu mdzes pa/ dbu la
khro mo'i zhal 'bag sku mdog sngon po/ spyan ye shes kyi spyan
dbus ma las med pa/ dbu'i steng du gos tshos tshogs kyi rgyal
mtshan lod pa bzhes

@139a @#/ /pa zhig bzhugs pa'i mdun du bzhugs gdan dma' ba zhig
'dug pa'i steng na rje bla ma nyid shin tu gus pa'i tshul gyis
bzhugs 'dug pa la/ rje nyid kyi thugs dgongs su/ bud med

'dis 'bag gyon pa 'di yang na bzhin ras lang tsho mchog tu mdzes
pa zhig yod tshod/ yang na bzhin ras ngan pa mi sdug pa'i skyon
zhig yod tshod/ de gnyis gang 'dra zhig yin ang snyam du dgongs
te bzhugs

pa'i skabs/ des gsung bgros mang po gnang bzhin pa'i mur zhal
'bag de phud song bar zhal ras dkar po lang tsho dang snum zhag
med pa/ spyan g.yon pa zhar ba zhig yod 'dug pa gzigs pas/ rje
nyid

kyis/ 'dis zhal 'bag gyon pa de khrig khrig spyan zhar ba 'di
sgrib pa'i ched yin 'dug ces dgongs nas de'i zhal ras la gzigs
bzhin du gsung bgros 'ga' zhig gnang mus su yod pa'i skabs/

dar gcig nas yang zhal ras spyan zhar ba de yang 'bag phud pa
bzhin du phud song bar de'i zhil dkyil ngo ma de mtshar sdug yang
tsho 'gran zla med pa blta bas chog mi shes pa gzhon nu lo bcu
drug lon pa'i na tshod dang

ldan zhing/ gzi brjid shin tu che ba zhig yod pas rje bla ma
nyid nas dad cing gus pa'i rnam 'gyur gyis de'i mdun du bzhugs
pa la/ bud med des sngags kyi rdzogs rim gyi skor las brtsams
pa'i gsung bshad mang

@139b po zhig gnang par/ de dus rje nyid nas rgyud grwar gsang
sngags kyi skor la gsan bsam rgya cher mdzad pa'i skabs su song
bas sngags kyi skor legs po mkhyen snyam du dgongs pa yod kyang
gsung bshad de dag ha cang

zab cing brling bas tshig gcig gi don yang go bar mi nus pa'i zab
bshad sha stag gnang ba zhig byung gsungs/ 'di skabs kyi lo snga
phyi rnams su bla ma ri sku rin po che dang/ 'dan ma rong tha
chung tshang blo bzang dam

chos rgya mtsho dpal bzang po rnam gnyis las skar rtsis dgu mtha'
rkyad sprags/ lnga bsdus/ dus sbyor/ gza' lnga/ lhag par yongs
su ma grags pa'i dus sbyor bka' rgyam 'khor lo'i kha byang zhes
pa ngo mtshar

can zhig yod pa bcas stong 'jug zhag gsum rnam dbye tsam ma
gtogs par skar rtsis skor la gsan sbyong mthar phyin pa gnang/
bla ma ri sku rin po ches/ rtsa sgrub rnam dag rkyang pa'i le
tho lo gcig bton na/

dus 'khor gyi lugs la sngon 'gro btang ba dang khyad med pa'i
phan yon yod tshul gsungs pa bzhin rtsa sgrub rnam dag rkyang
pa'i le tho gcig cha tshang 'don pa gnang bas phyag gi mdzub mo
gnyis tsam rdol la khad pa byung zhing

sa gzhong gi mthil yang shing rtsa rgyus pa hreng hreng la song
song gi bar du zad/ byed grub rgya rtsis bcas sbrags pa'i mgyogs
rtsis kyi le tho yang lo 'ga' shas kyi ring la 'don gnang mdzad/
nag rtsis skor la sngon 'gro/ bai

@140a @#/ /dkar bu dpe'i tshangs dbyangs rgya mtsho'i 'khrungs
rtsis chen mo'i thog nas tshe rabs las rtsis/ bag rtsis/ gshin
rtsis bcas dang/ dbyangs 'char gyi 'grel pa dpal gyi sgron me'i

steng nas dbyangs 'char le'u bcu ka 'khor lo dang sbyar ba'i
phyag khrid zhib pa/ sum cu pa dang rtags kyi 'jug pa'i bshad
khrid/ snyan dngags me long gi rtsa ba dang de'i 'grel pa
dbyangs can dgyes glu bcas

sbrags ma'i thog nas le'u gsum ga'i bshad lung/ sdeb sbyor rin
chen 'byung gnas ngo mtshar rtogs byed kyi ri mo dang bcas pa
zhib par gsan/ sog po dge rgan sgra'i skor la ches mkhas pa zhig

las sgra dbyangs can ma mtshams sbyor lnga pa dang/ phyis su
dgung lo nyer drug tu phebs skabs dga' ldan bsam blo sog po dge
rgan gnas brtan zhes pa sgra rig la mkhas pa'i mchog tu grags pa
de'i drung

nas sgra 'grel gsal ldan gyi steng nas brda sprod pa dbyangs can
sgra mdo'i ri mo cha tshang pa dang/ yang de skabs shig tu gtsang
pa gnas skor ba lta bu zhig las sngar rong tha skyabs mgon las
ma gsan pa'i rgya

rtsis gsar pa'i skor 'ga' dang/ lhag par nyi zla gza' 'dzin la/
nyi ma'i spyi 'gros d+hru pa/ rang 'gros d+hru ba/ zla ba'i spyi
'gros d+hru pa/ rang 'gros d+hru pa/ rwa gdong bar khyad d+hru pa
ste d+hru pa lnga'i sge nas gtan la 'beb

@140b tshul shin tu ngo mtshar ba zhig yong pa'ang legs par gsan/
slar dge rgan gnas brtan lags kyi drung nas 'phras spungs sgo
mang 'phul sdud sprul sku rin po che blo bzang bstan pa'i rgyal
mtshan dang rje bla ma rdo rje 'chang rnam ?

gnyis lhan du dus sbyor gyi 'khrid skyar ma lan cig gsan pas/
de'i nyin gcig dus sbyor gyi khrid gsan bzhin pa'i dus su nyi ma
gza' 'dzin yang byung/ de skabs rnams kyi lo snga rting du mar
rje bla ma mchog nyid rig

pa'i gnas mtha' dag la thugs mos che bas/ zur du sum rtags dang
snyan dngags dang sgra dang sdeb sbyor/ mngon brjod/ gso ba rig
pa/ dkar nag rtsis rigs skor dang/ lhag par sngar gra sar bzhugs

skabs gsan sbyong ma grub pa rnam 'grel dang mngon pa gong 'og
/byams chos phyi ma gzhan dang/ rtsa 'jug bzhi gsum/ skyes
tshoms/ sa rgyan/ bslab spyod/ drang nges la sogs pa'i gzhung
rtsa 'grel du mar sger

du gtong pa'i gsan bsam gyi thugs brtson chu bo'i rgyun bzhin du
bskyangs shing de skabs kyi mkhas pa mang por dka' ba'i gnas du
mar brgal brtag ngang dogs gcod thugs blo tshim pa yang dang yang
du gnang bas

rig gnas che chung phal mo che thugs su chud de bsil ljongs
mkhas pa yongs kyi gtsug gi rgyan dam par gyur cing/ rje nyid
kyi zhal nas/ lo gzhon pa'i dus su rig gnas la mos pa chen pos
rtsol ba shugs drag
@141a @#/ /po de 'dra byed kyin yod de rjes su byang chub lam rim
dang mjal nas nang don gyi rig pa dang gso rig gi lag len skor
tsam las gzhan ma'i rig gnas rnams bskyur gcig byas/

sa gzhong dang lcags snyug mang po yod pa yang bor ted lta gar
song med gsungs/ dgung lo nyi shur phebs pa'i skabs kyang brag
ri rdo rje 'chang chen pos sngags khang sogs su bka' chos mang
tsam gnang ba rnams gang thub

gsan cing/ dus de dag gi skabs nas sangs rgyas chos tshogs ma sha
stag zhal 'don gnang ste skyabs 'gro sems bskyed kho na la thugs
dam gyi mthil mdzad/ thugs smon gnang ba'i skabs kyang/ bstan pa
rin chen

mchog gis ma khyab pa'am/ /khyab kyang nyams par gyur pa'i
phyogs der ni/ /snying rje chen pos yid rab bskyod pa yis/ /phan
bde'i gter de gsal bar byed bar shog /ces pa kho na tshig don
mthun par thugs smon

shugs drag po yang yang gnang pas mthar thugs smon gyi 'bras bu
bzhed pa bzhin du grub ste dus phyis tsa na/ thub bstan yang
snying dri bral tshang la ma nor pa 'jam mgon rgyal ba gnyis pa'i
mdo sngags kyi bstan pa

rin po che bshad sgrub zung 'brel gyi sgo nas mtha' dbus yongs
su khyab bar spel ba la 'phrin las nam mkha' dang mnyam pa bzhin
du mtshan nyi zla ltar skal ldan las can skye dgu yongs kyi mthun
snang du rtsod med yongs

@141b su grags pa byung bar 'og nas rim par 'chad 'gyur rnams
kyis kyang gsal bar rtogs nus shing/ gsung las/ de skabs smon
lam de ltar btab kyang rjes su bsams tshe de dus smon lam 'debs
lugs de nor

'dug /smon lam de ltar btab pas dus da lta'i na rgas lus gcong
ba'i skabs phan chad kyi mi tshe hril por phyogs bzhi mtshams
brgyad du brgyugs nas ltar snang gi 'gro don gzugs brnyan tsam
gyis mi tshe stong zad du 'da'

dges pa 'di tshe stod la smon lam btab ba'i 'bras bu tshe smad du
smin pa'i rtags su 'dug /de dus smon lam de 'dra ma btab par
'jam mgon snyan brgyud kyi snying por sgrub pa gsha' ma tshe dang
sgrub pa mnyam pa zhig 'byung

pa'i smon lam btab yod na/ da tshod smon 'bras grub ste don gnyis
gnad du khel zhing 'tshengs pa zhig yod rgyu la/ de skabs lo na
gzhon pas smon lam 'debs lugs ham pa che thal gyis nor 'dug /ces
byung/ rnam

par thar pa 'di dag gi rjes su dpags na/ gser srang 'bum phrag
grangs med yon du bstabs kyang bka' drin gyi cha tsam gzhal bar
mi nus pa'i rdo rje'i tshig gi man ngag zab mo bla na med pa zhig
ldem dgongs kyi tshul

du stsal ba la rigs pas drangs pa'i nges shes brtan po rnyed sla
ste/ rgyu mtshan ci'i phyir na/ ji skad du rtsod pa'i dus kyi
gtam las/ tshul khrims las nyams thos pa'i nor bral 'dod pas 'di
nyid cung zad mchod par

@142a @#/ /byed/ /nyes med tshul khrims ldan la yon tan ro la
rgyab phyogs zhe sdang cung zad nyes pa dgod/ /rab byung rnams
la khyim pas las bsgo de nas rab byung des kyang khyim pa mgu
bar byed/ /ci spyad

'gro ba 'dir ni 'gro ba'i khyim du ma lus dus kyi snyigs ma
zhugs pa yin/ /zhes sogs gsungs pa ltar/ rtsod pa'i dus kyi rang
mdangs snod bcud kyi rgud pa dar la drag cing/ khyad par du/
tshor ba dang 'du shes phyin ci

log gis 'thab cing 'gyed la rtsod pa mang ba/ dge ba'i phyogs la
brtson bas gnas pa nyung zhing/ 'di snang 'dod yon gyi ro la
sred pa yongs su 'phel bas/ cung zad brtson pa dag kyang nyam
chung ba/ mkhas ba dang

grub pa dag kyang zung du 'jug pa dka' zhing/ thos bsam sgom
pa'i bya ba rnams phan tshun 'brel med don gzhan du gyur pas de
bzhin gshegs pa'i bstan pa nyams dmas pa la mngon du phyogs ba
dang/ rje gung thang

pa dkon mchog bstan pa'i sgron mes/ kye hud dga' ldan bstan pa
'di/ /dpal dang 'byor pas rab rgyas kyang/ /bshad dang sgrub pas
ches phrab/ /bsam gyin snying nas shes pa 'phyo/ /zhes gsungs pa
ltar/ /gser

sbyangs btsom lta bur rgyal ba'i bstan pa'i mdo sngags kyi
snying po rnams ma bshad log bshad la sogs pa'i bsre lhad kyi
g.ya' dang bral zhing dpyad gsum gyis yongs su dag bar byas
ba'i ring lugs 'khrul

@142b bral yab rje 'jam mgon rgyal ba gnyis pa'i bstan pa'ang
'dus tshogs dang dpal 'byor gyis mngon par brjid mod/ bshad pa
dang sgrub pa zung du 'brel bas 'dzin pa ches nyung dur gyur
pa'i skabs 'di dag tu/ thugs rje'i 'jug

pa lhag par g.yos te/ gang du bstan pa dam pa'i chos kyi snang
bas ma khyab pa dag tu ni/ lung dang rtogs pa'i dga' ston gyi
gzi 'od gsar du 'gyed pa dang/ sngon chad bstan pa rin po che'i
gsos sman gyis yongs su khyab

kyang/ rkyen dang dus kyi dbang gis rgyal pa'i bstan pa rnam par
nyams dmas pa dag tu ni/ slar gso par mdzad pa'i phyir gsum ldan
dur smrig 'dzin pa'i zlos gar ched du bsgyur bar gor mchag ste/
dgos pa de dang

mthun pa'i mdzad pa khon las gzhan mdzad du med par rje nyid kyi
gsang ba gsum gyi rnam thar dngos yul du gyur pa'i gzur gnas blo
ldan yongs la nyi zla ltar gsal ba'i rtags kyis ches sla bar
dpog nus pa'i

phyir dang/ gzhan yang gsung 'dis/ chos bshad pa dang sgrub pa
gnyis las sgrub pa gtso che bar ma zad/ gal te bshad pa la rings
kyang lo 'dod kyi chos brgyad rnyed bkur sogs la mi re zhing/
bshad rkyang tshig

skam gyi na yam tsam yam mgo mi 'khor bar/ rje btsun 'jam dpal
dbyangs kyis mnyam med tsong kha pa chen por bka' stsal ba'i/
dmu rgod gdul dka'i 'gro pa 'di dag la/ /bshad pas phan thogs
chen por ga

@143a @#/ /la 'gyur/ /de bas sgrub pa lhur len dben pa bsten/
/rang gzhan gnyis ka 'tshengs pa'i lam rnyed 'gyur/ /zhes pa ltar
thog mar thos don sgrub pa snying por byed pa dang/ de nas sgrub
'bras

nyams su myong ba'i don rnams 'chad rtsod rtsom gsum gyi sgo nas
snying rje'i dbang gis 'gro la rgya cher spel ba ni/ rang dang
gzhan gyi don gnyis phun sum tshogs pa'i rgyu grung po yin pas de
ltar du 'bad dgos so zhes

rang cag gdul bya rnams la thugs brtse pas 'doms pa'i gdams pa
zab mo zhig kyang shugs la gsal bar bstan pa yin no snyam du
bdag khums so/ /dgung grangs nyer gcig tu phebs pa'i skabs rgyud
grwar/

sngar rgyun ltar bzhugs te seng dbar gang yod la bka' chos kyi
rigs mang du gsan cing/ da dung rig pa'i gnas che chung du mar
gsan bsam/ 'dri brtsad/ dogs gcod dang bcas pa yang nas yang du
mthil

phyin pa gnang/ yer pa'i chos thog skabs lo snga ma gnyis ltar
dbyar gnas cha tshang ba bzhugs/ lo 'dir sgrub khang yongs 'dzin
rin po che rgyud pa'i mkhan por phebs te/ yer pa'i chos rar stod
rgyud tshogs

yongs la dpal gsang ba 'dus pa'i rtsa rgyud kyi TI kakI ljags
lung gnang ba legs par gsan/ klong rdol thig rar thig rgyugs
'bul gnang mdzad pa'i skabs mkhan rin po che nas rje bla ma
mchog la/ bde

@143b mchog lU i pa'i dkyil 'khor gyi nang gi thog 'bub tshul
sker nas/ 'og gzhi la mtho dma' yod pa'i dbang gis 'khor lo
bzhi'i steng thog la mtho dma' byung ba las gzhan 'khor lo
bzhi'i ka ba la ring thung med pa

de g.yin ang zhes bka' 'dri phobs pa la/ rje nyid nas ka pa la
ring thung nges par dgos lugs dang/ de med na dkyil rkyong kong
du 'gro tshul zhu gnang mdzad de phar tshur dri ba dris lan zhib
tu gnang ba'i mthar/ mkhan

rin po che mchog nas/ de ltar bshad pa dpe cha gang du 'dug
gsung bar/ rje btsun dngul chu ba'i gsung du yod tshul bcas zhu
gnang mdzad/ de rjes shig la rje bla ma nyid lhas ra mo cher
mkhan po'i gzim chung du phebs te

mjal skabs slar yang mkhan rin po ches/ gzhal yas khang gi thog
'bub pa'i skor de dngul chu su'i gsung du yod ces bskyar 'dri
gnang bar dbyangs can grub pa'i rdo rje'i gsung na yod tshul
gsungs pas mkhan chen

rdo rje 'chang nas/ bskyed rim tshang mar ka ba la ring thung ma
gsungs pas med rkyang byas kyang da cha ring thung med na mi
yong ba'i tshul gsal por rtogs pa ha cang legs po byung zhes sogs
thugs shin tu dgyes pa'i gsung

mang po byon pa dam pa gnyis kas bstan pa'i srol rgyun la thugs
rtsigs chen po mdzad pa'i rtags su mngon/ kha cig gzhal yas
khang gi thog 'phub tshul gyi gnad ka rnyed pa tsam la de tsam
gyi ngo mtshar che rgyu med

@144a @#/ /snyam du sems pa srid mod/ gsang sngags kyi rgyud sde
gong ma bla med la lam dus su bskyed rim skabs kyi rten gzhal
yas khang dang brten pa lha'i dkyil 'khor mtshan nyid tshang ba
bsgom pa

mang du byed pa mthar 'bras dus su sgyu lus kyi rten brten pa'i
dkyil 'khor dngos su 'grub pa'i rgyu thun mong ma yin pa yin
zhing/ gzhal yas khang gi thog 'bub pa sogs ni rim gnyis zab
mo'i bsgom don gtan la

'beb pa yin pas/ mkhas nyams grub nyams 'chos pa'i 'khrul rtog
za zi'i 'ud shob kyi smin ma 'degs pa'i rdzu bag tshun la nyams
rtogs snyan ming gis brjid par byas pa sogs dang rnam pa kun nas
mi mtshungs pa

gser dang ra gan tsam gyi khyad zhugs pa shes par byos shig
/mkhan rin po che de bzhin lung rtogs kyi yon tan 'gran zla dang
bral zhing/ thugs dam nyams bzhes spyi dang/ khyad par 'khor lo
bde mchog gi lam la

thugs dam gyi gtso bor mdzad pa'i mkhas grub gnyis ldan zhig tu
bzhugs shing/ rjes sor rje bla ma rdo rje 'chang chen po chu
bzang ri khrod du bzhugs pa'i skabs shig tu nyin gcig sgrub
khang ri khrod du 'ja' dkar po

shin tu ring pa zhig zug pa rje nyid nas dngos su gzigs/ de ci
yin 'dri rtsad gnang ban/ de'i nyin mor sgrub khang yongs 'dzin
rin po che de nyid sgrub khang ri khrod nas zhing gzhan du
gshegs pa'i dus tshes dang rbad

@144b kyis 'grigs yod pas ngo mtshar pa'i ltas khyad par can zhig
tu nges shing/ sku gdung zhugs 'bul gnang shul gyi sa nas phyis
kyi lo lnga drug song ba'i dus su'ang ring bsrel mang po rnyed
rgyu byung bar grags so/ /de nas rjo

bla ma nyid kyi sku mched gcen po chab spel ba'i zhabs sdod
drung skor zhig yod pa lo dar lho kha nas dbus su phebs par tshad
rims kyis bsnyun te lha sar rje nyid bzhugs sa'i rgyud pa'i grwa
shag tu 'das grongs song

bar rje nyid nas de nyid gnas ngan las thar pa sogs kyi cho ga
thugs smon gyi mtshams sbyor dang bcas pa zab smin du bskyangs/
dgung lo nyer gnyis su phebs pas phag lor/ sku'i gcen po zhabs
sdod de nyid de skabs

rgyal gyi gnyer sdod yin yang sku 'das par brten rdzong gzhis
khyur te/ ma yum nyid dwags po ram stod ces bar bzhugs mus thog
/ma yum nas lo de'i ston kar rje nyid gnas gzigs dang sbrags te
dwags por khyugs tsam phebs

dgos tshul zhus pa bzhin dwags po ram stod du phebs/ snga dus nas
yab yum gnyis ka gzhung sa'i rdzong gzhis rnams su phebs skabs
tshun du dbul phongs la dgos mkho'i dngos chas zas nor ster ba
sogs kyis mtshon

yar mchod mar sbyin gtso bor gnang ste snying po med pa'i sgyu
ma'i nor rdzas las snying po len ci thub mdzad pa las zhen chags
gsog srung gi gces spras mi gnang bar brten khyim gzhis su 'byor
tshogs dman zhing/ rje bla

@145a @#/ /ma nyid nas kyang sku chas kyi rigs la thugs gnyer
rung bdag sprod ye mi mdzad par bya gtang kun spangs lta bu'i
spyod tshul lhur bzhes pa'i stabs kyis gzhis byes gnyis kar phyag
rdzas bkran ne pa

zhig las med kyang/ de skabs 7 gong sa rgyal mchog bcu gsum pa
chen po chos 'khor rgyal du chibs bsgyur gnang ba dang dus
'grigs pas phebs spyi mkhan chen rta gdong byams pa lags kyis
rje bla ma rdo rje 'chang chen po

mchog nyid spyi bo'i gtsug tu bkur zhing gus 'dud dang gzengs
bstod tshad med pa mdzad de bla mar bsten pas dgun thog ring chos
'khor rgyal du mkhan chen la chos 'brel stsal pa dang/ zhabs
brtan sogs sgrub

gnang mdzad pe yun ring tsam bzhugs dgos pa byung/ mkhan chen
nas gzhung sa'i dam bcad ma'i chos 'khor rgyal gyi mgon khang
rnams la sngar ar po brgya bskabs su nyams grib byung ba'i rigs
rnams

sel ba'i phyir du lus gsol gnang pa dang sbrags te gnas gzigs
kyang mdzad na chog tshul zhus pa bzhin/ sang nyin mgon khang so
sor khrus gsol gnang bar phebs rkyu'i do nub der mtshan lam du/
sog

po'i bud med 'dra pa ras sam gos chen lta bu'i gos ser po gyon
pa bdun brgyad cig rje nyid kyi drung du bya bas khrus zhu bar
tshur 'ong ba dang/ yang zhal ras a tsa ra lta bu shangs chen po
yod pa/ dbu la chos

@145b skyong gi rgyal chas sgo bzhi lcog dar mnabs pa zhig kyang
byung ste/ lcog dar can gyi dbu rmog rgyab tu bskyur nas dbu
bsgur te bya bas khrus zhu ba bcas kyi mtshan rmis shin tu gsal
ba byung/ de'i sang nyin dga' tshal

dkar po'i bar thog ye shes dngos zhugs kyi bzhugs khri/ chos
srung spyi bskang yongs rdzogs kyi mgon khang/ steng thog lcam
sring/ 'og thog tu khyab 'jug /dga' tshal sngon po'i nang lha mo
shin tu bka'

gnyan pa/ dga' tshal dkar po'i nang gur zhal bcas kyi mgon khang
dam 'byar ma rnams la khrus gsol dang/ zhar du mkhan chen nas
nang rten rnams rim pas spyan lam du bstar bar zhib gzigs
bskyangs

te dbu gtugs dang thugs smon gyi mtshams sbyor bcas zab tu gnang/
de nas dgon gyi 'du khang sbug tu yi dam dang/ spyi bskang yongs
rdzogs kyi sku brnyan che tsam re bzhugs pa'i mgon khang dam
'byar ma/

de'i nang du yod pa'i lha mo bar snang ma zhes grags pa rnams
ches cher gnyan cing zil che bar bzhugs par gnas gzigs dang/
snyan shal 'bul ba/ khrus gsol rnams chabs cig tu gnang/ 'di'i

mgon khang 'du khang gi nang du yod cing/ mgon khang gi sgo yang
dam 'byar can yin par ma zad/ der dkar khung sogs kyang gtan nas
med pas gzhan gang nas kyang nang du zhugs sa med kyang 'di ga'i
mgon
@146a @#/ /khang du bzhugs pa'i dpal rdo rje 'jigs byed kyi zhal
gyi nang du skabs der bye'u'i ro zhig yod pa gsal bar gzigs pas
bstan dgra bsgral ba'i rnam 'gyur ngo mtshar can zhig yin

'dug snyam du dgongs pa 'khrungs/ de nas dam 'byar ma ma yin
pa'i gras dpal ldan 'dod khams dbang phyug ma'i sku byin can
bzhugs pa'i gnas/ bar mgon khang zhes pa dang/ rgyal khang zhes
pa'i lcog rnams

su khrus gsol dang gnas gzigs sogs gnang zhing/ rgyal khang der
ka ba zhig gi ldebs ngos su a tsa ra'i 'bag cig yod par sngar
rgyal dbang dge 'dun rgya mtshos gnas chung bstim gzhug gnang ba
red zer

ba bzo dbyibs a tsa ra lta bu'i zhal 'bag la sgo bzhi lcog dar
bsgron pa zhig yod pa gzigs pas mdang nub kyi mtshan lam du byung
ba de ji lta ba mngon sum lta bur 'dug gsungs/ gzhan yang chos
'khor rgyal gyi nang

rten dang gnas dang rten yod do cog la gnas gzigs zhib par
gnang/ nyin gcig rgyal gyi lha mo'i bla mtshor yang khrus gsol
gnang ba dang sbrags te mtsho gzigs su le bas/ de skabs dgun gyi
dus grang sgang du

khel bas mtsho la dar chags/ mtsho'i steng gi 'khyag par kha bas
g.yogs te mtsho dngos mi gsal ba yod kyang mtsho gzigs yong ba'i
dgongs pas thugs smon 'phrin bcol/ bden tshig gi gsol 'debs mdzad

@146b pa dang bcas rtse gcig tu gzigs pas skabs shig nas rgya
mtsho'i steng du chags pa'i kha pa'i mdog rgya smug tu gyur/ da
dung nan cher gyis gzigs pas dbus nas yar nag hrang nge ba gyang
lta bu zhig gyon lang du byung/

da dung 'bad nas gzigs pas mkhar nag po gru bzhi shin tu che ba/
kha bad de las kyang nag pas bskor ba/ mtha' skor gyi rmang gzhi
dkar po lta bur yod pa dang/ de'i mdun nas yar mi nag po glang
la zhon pa

'dra ba gnyis gsal bar gzigs par snyan shal 'phrin bcol bcas
gnad du smin pa bskyangs/ de nas slar ma yum bzhugs gnas ram
stod ces par phyir byon/ bar skabs shig na/ lding shangs kha
pa'i gling

kha'i spro khang du 'jigs chung dmar po mda' gzhu 'gengs pa'i
ljags bsnyen zhig gnang bas sku'i gsus pho 'khrog pa sogs kyi
nus rtags kyang mngon gsal du thon pa byung/ 'di skabs 'pho ba'i
rnal 'byor yang nan

tan du sbyang bar mdzad kyang 'pho ba'i rtags ha cang gsal po
thon pa rang ni ma byung gsungs/ dgung lo nyer gsum bzhes pa
lcags byi lo'i dgung gsar yang gnas der gnang/ lo de'i zla ba
lnga par 7 gong sa chen po chos

'khor rgyal du chibs bsgyur gnang bar brten/ brag ri rdo rje
'chang chen po mchog kyang dwags gnas su phebs pa rgyal du zhabs
sor 'khod tshul gsan pas de ma khad nyid la dgyes spro chen pos
mtshams zhu 'bul gnang dang

@147a @#/ /chabs cig gdan zhu'i snyan gsan 'bul mi ched du rdzong
sta mdzad par/ rgyal du chibs gzan dkon stabs bcas mar rang
phebs rgyu'i dgyes mnyes kyi zhal bzhes bka' lan kyang pho nya

de'i gdong rang du phebs pas/ shangs kha'i spro khang de bzhin
snyug ma'i nags tshal lta bur yod pa bcas bzhugs yul shin tu spro
bas de 'phral nyid nas de ga'i spro khang du phebs sgrig zhu
gnang mdzad de/ ston 'khor

gnyis chibs la brten nas thag ring tsam gyi lam gar phebs bsu
mjal phyag tu ched phebs gnang/ brag ri rdo rje 'chang dang lhan
du che shos rin po che yang phebs yod par gus 'dud dang/ zhabs
'gyur gang 'grub

lhur bzhes su bskyangs/ bzhugs gnas der rdo rje 'chang mchog
dgyes spro chen pos lhod bzhugs mdzad par rje bla ma nyid 'jig
rten nor rdzas kyi 'byor tshogs ches zhan kyang zhing gi mchog la
bde legs kyi sa bon bskrun

ba legs tshogs yongs kyi rtsa bar dgongs shing/ de ltar gzhan
la'ang 'doms pa'i slad du gnas 'dir bzhugs skabs nas brtsams te
tsA ri nas phebs bskyod ma zin gyi bar phyag rdzas yod dgu
rtsal dkrugs kyis bla ma'i

zhabs tog bsnyen bkur gyi rim pa ci nus su sgrub par mdzad/ de
dus rje bla ma mchog nyid dgung lo dar ma'i sgang la phebs pa'i
stobs kyis sku lus shin tu yang ba yod pas brag ri rdo rje
'chang chen po'i zhabs 'degs gang cir

@147b phyag phyi ba dkyus ma ltar gyi sku ngal lhur bzhes pa ji
ltar sngon 'brom ston pa rgyal ba'i 'byung gnas dang a mes
byang chub rin chen gyis mnyam med jo bo chen po'i zhabs tog
bsgrubs pa'i do zlar 'os pa lta bu mdzad cing dwags po bshad

sgrub gling dang dwags lha sgam por gnas gzigs su chibs bskyod
gnas skabs kyang phyag g.yog sgrub tu phebs/ brag ri rdo rje
'chang dwags lha sgam po nas sku grang lta bu'i snyun gzhi 'phar
ldang gis re zhig dwags po klung zhes

pa'i phur bzhugs sgar bcas te bzhugs dgos pa byung/ rje bla ma
mchog de gnas tsA rir phebs te sku rab rnam rgyal du zhag 'ga'
shas ring bzhugs shing/ de nas 'bum mda' gser 'bum du phebs

ma yum sogs gnas der bzhugs te/ rje nyid ston 'khor gsum bzhon
khal g.yag kha shas 'ded pa gnang ste tsA rir phebs pas de nub
sgrub chu kha zhes par snga sar la zhabs 'khod grub pa byung/
brag ri rdo rje

'chang yang snyun gzhi legs dwangs kyis der phebs pa dus 'dzoms
pas rje nyid nas dgyes mnyes tshad med kyis phebs sgrig dang
phebs bsu sogs zhu gnang thog /sku 'khris su lhan bcar gnang ste
bla ma'i

zhabs 'degs la thugs 'grus lhur bzhes mdzad/ tsA ri'i gnas yul
sa rlon bzha' tshan gyi bag zhad ha cang che stabs cig car zhes
pa'i sa cha nas slar snyun gzhi cung zad 'phar zhing/ sgrol ma
la rtser phebs

@148a @#/ /skabs snyun gzhi sngar bas kyang 'phar ldang cher
bzhes te zhabs thang gis phebs thub re bral ba lta bur gyur pas
de nas phyir log ma mdzad thabs med du gyar te sgrol ma la rtse
nas slar

phyir log gis tshur phebs/ brag ri rdo rje 'chang nas gsol dpon
bgres pa thub bstan rab rgyas ma gtogs pa'i zhabs gras tshang ma
dang/ che shos rin po che ston 'khor bcas pa gnas nang du phar
gtong gnang

mdzad/ rje bla ma mchog la'ang tsA rir phebs na zhes gsungs
kyang/ rje nyid kyis/ nged ni bla ma'i zhabs 'degs zhu snyam du
sems pa 'ba' zhig las gnas skor du 'gro bsam pa gtan nas med ces
zhu gnang

mdzad de bzhugs/ de nas byings rnams gnas nang phar theg /brag
ri rdo rje 'chang dang/ gsol dpon thub rab lags/ rje bla ma
mchog nyid dang phyag phyi ba gcig /tsA ri ba gnyis bcas tshur
log ste byon/ de nub

la pa sbug tu bzhugs par rdo rje 'chang snyun babs sngar las
kyang 'phar ldang che tshul bzhes pas phyir log phebs pa legs
'dug gsungs te tshang ma dgyes dgyes mdzad/ de nas cig car chos
zam zhes par phebs/

gsol sman dang sku'i 'phrod bzhes skor sogs la thugs lcag gang
grim gnang bas ltem gzhi gdangs skyed che ba bzhes/ de nas chibs
thog la brten te rim gyis yul smad du bde bar phebs pa na/ tsA
ri'i gnas skor la

@148b phebs mi rnams kyang gnas nas 'khor te der 'byor ba dus
mtshungs su gyur/ de'i dgong mor tshul khang gi tshoms shig tu
phebs sgrig zhu gnang mdzad par/ der khang pa'i babs bkod kyi
dbang gis de'i nub mor rje

bla ma mchog dang che shos rin po che rnam gnyis nas rdo rje
'chang la dbu sngas bstan na/ rten gsum bzhugs pa'i mchod gshom
la zhabs gtad dgos pa/ mchod gshom la dbu sngas bstan na bla ma
la zhabs gtad

phyogs khel ba zhig byung bas/ brag ri rdo rje 'chang nas bzhad
mo dang bcas/ da do nub ga 'dra byas nas gzim zhes phebs par/
che shos rin po ches ni dbu sngas gzhung nas yar bstan te gnyis
ka la 'gal ba

med pa'i tshul du phan tshun gnyis kar logs bstan nas gzim/ rje
bla ma mchog gis ni de ltar bla ma la sku'i gzhogs bstan nas
gzim na ma gus par 'gro tshul dang/ bla ma dang sangs rgyas gnyis
'doms na bla ma

'dam dgos zhes dgongs te/ dus rgyun par gzim mal gyi mjug phyogs
su sku thang bkram par khel bar lta bu yang ched du bsdu gnang
mdzad de gzim gyi yod kyang 'di'i nub mor thugs tsham tshom ye ma
gnang bar dbu

sngas bla ma la gtad/ zhabs mchod gshom la gtad nas gzims/ de
yang sngon rgya gar du mar pa lo tsA ba paN chen nA ro pa'i
drung du gdams ngag mang po gsan te bzhugs pa'i skabs/ zhogs pa
zhig tu nA ro pas

@149a @#/ /yi dam kyai rdo rje nam mkhar sprul nas/ pu mar ston
chos kyi blo gros yar longs dang/ khyed kyi yi dam dgyes pa rdo
rje yang byon 'dug gsung ste yi dam gyi sku sprul pa mar pa la
bstan cing/

da khyod kyis bla ma la phyag 'tshal lam/ yi dam la phyag 'tshal
gsungs par/ mar pas/ bla ma la phyag rgyun du 'tshal bas chog /yi
dam mjal ba da res tsam yin pas da res yi dam la phyag 'tshal na
legs

snyam du mar pas nA ro pa la phyag ma btsal bar kyai rdor la
phyag btsal bas/ nA ro pa'i zhal nas/ bla ma med pa'i gong rol
na/ /sangs rgyas bya ba'i ming yang med/ /bskal pa stong gi
sangs rgyas kyang/ /bla ma dag la

brten nas byung/ /yi dam bla ma'i sprul pa yin/ /ces gsungs te
kyai rdo rje nA ro pa'i thugs kar bstims nas bla ma la phyag ma
btsal bas rten 'brel 'chugs tshul dang/ rten 'brel 'chugs pa de
yang sems can

gyi skal bas yin zhes sogs gsungs pa'i don la gzhan gyi tshig
rjes 'brangs pa'i go yul kha bshad tsam du shor ba lta bu ma yin
par bka' brgyud kyi grub thob gong ma'i rnam thar la mi ldog
pa'i thugs nges brtan

po 'khrungs te phyag bzhes su bstar ba'i rang rtags mngon sum du
gsal ba zhig yin snang ste/ phyis su rnam thar sa bon las/ deng
sang bsam dus rje mar pas nA ro pa'i drung du phyag 'tshal lugs
'chugs pa

@149b lta bu ma yin par rten 'brel ma 'chugs tsam byung 'dug
/ces gsungs/ de'i rjes su nyin 'ga' shas kyi ring la brag ri rdo
rje 'chang chen po thugs shin tu dgyes te mi gzhan med skabs
rnams su/ rjes sor bod 'dir

mtha' dmag lta bus legs po rang mi yong pa sogs ma 'ongs 'byung
'gyur gyi lung bstan lta bu mang po dang/ rdo rje 'chang rang
nyid kyang yun ring por mi bzhugs pa'i bzo thon pa'i gsung rjen
pa mang po gnang zhing/

gzhan yang gtsang gi bla ma zhig gis bka' chos zhu rgyur lha sar
bsgugs nas bzhugs yod pas bka' chos rdo rje 'chang nyid kyis
gnang ma grub pa rnams rje bla ma mchog nas gnang dgos tshul sogs
ma 'ongs

dgongs pa can gyi gsung ngo mtshar can nang dang gsang ba'i skor
mang du stsal/ de nas bla ma yab sras sogs lhan cig par phebs te
'bum mda' gser 'bum nas brag ri rdo rje 'chang ston 'khor rnams
chos 'khor

rgyal brgyud de dbus phyogs su sngon du phebs/ rje bla ma mchog
nyid dang ma yum sogs dwags por cung zad lhod 'gol du bzhugs
shing/ de nas ha cang yang mi ring bar dwags po lha khongs
brgyud de rim gyis byon/ tshur

lam yar klungs dang bsam yas kyi gnas rten rnams la gnas gzigs
rags tsam gnang nas lha sar phebs/ bka' chos gsan dgos pa'i gras
gal che la dkon pa'i rigs gnang skabs byung ba na/ rgyud grwa'i

@150a @#/ /tshogs su gnang ba med pa'i rigs dang rtag par dus
'doms pa mang du byung ba la dgongs te brag ri rdo rje 'chang
rang nyid kyis de sngon zhig nas rje bla ma rdo rje 'chang la
bka' gnang

rigs su/ bka' chos gsan rgyur bar chad mi 'byung slad re zhig
rgyud grwa'i gding ba 'then gnang mdzad na legs tshul phebs
shing/ rje bla ma rang nyid kyis kyang bka' chos gal che ba mang
po 'chor nyin 'dug

pa ma zad/ phugs su rgyud pa'i go sa sogs la thugs re gnang ba'i
dri tsam yang gtan med pas rgyud pa nas bzhugs gding 'then gnang
mdzad rgyu nyid la thugs thag bcad/ de rjes shig la nyin gcig
rje bla ma

mchog brag ri rdo rje 'chang gi sku mdun du phebs te gding ba
phyir 'then mdzad rgyu'i skor zhu gnang mdzad par/ gding ba
'then nas gang byed gsung/ gding ba ma 'then na bka' chos yod
skabs rgyud grwa'i tshogs gnang med

pa yang yang khel te bka' chos mang po 'chor 'gro tshul sngar
bzhin gsol bar/ bzhugs gding 'then pa gnang na/ gding ba yang
'then tshar ba byas/ bka' chos kyang med pa byas yong ngo/ /zhes
phebs pas/ skabs

der rje bla ma nyid kyi thugs dgongs su/ gding ba 'then rgyu
sngar rdo rje 'chang rang nyid kyi bka' yin pa la da lta 'di
'dra gsung ba gang yin nam/ thugs mi dgyes pa 'dra byung ba min
nam snyam pa 'khrungs pa las gzhan

@150b ma'i thugs dogs ci yang ma gnang mod/ rjes su thugs dgongs
zhib tu mnos skabs rdo rje 'chang nyid ring min zhing gzhan du
gzigs te rje bla ma mchog gis rdo rje 'chang de nyid kyi drung
nas bka' chos gsan pa'i mkhrug

sdud par nye ba'i bka' rjen par phebs pa yin 'dug gsungs/ de nas
brag yer par rgyud pa'i chos thog tu phebs te bzhugs pa'i skabs
nyin gcig lha sa nas zhabs gras shig yongs pa yer par 'byor te/
ma yum

la snyun gzhi lci tsam gyis thebs yod pas 'phral du phebs dgos
tshul zhus pa ltar rgyud par dgongs zhu mdzad de lha sar phebs/
ma yum sngar 'brum pa'i snyun las ma thar pa'i stabs kyis de
skabs 'brum pa bsnyungs

yod pas lo der lha sar mched pa'i 'brum pa babs lci ba dang ma
yum sku na mtho ba gnyis 'doms la brten rje bla ma mchog thugs
las ches che bar gyur te ma yum gyi snyun g.yog gang nus su
sgrub pa mdzad/ de nas

skabs shig nas brag ri rdo rje 'chang gis slar bu slob gzhan
zhig nas zhus ngor rin 'byung brgya rtsa'i rjes gnang stsal
rgyur/ ma yum snyun gzhi lod kyang rje nyid la ma yum rang nas
bka' chos su nges par phebs dgos

tshul zhu nan mdzad pa dang/ brag ri'i mchod g.yog gi thugs
'khur zhabs 'degs kyang sgrub pa mdzad dgos pa dang/ rje bla ma
mchog nyid kyang bla ma'i zhabs 'degs sgrub gnang mdzad rgyur
thugs dgyes spro shugs
@151a @#/ /drag pas kyang nye bar drangs te brag ri ri khrod du
bka' chos gsan par phebs/ mchod g.yog gi thugs 'gan lhur bzhes
gnang rgyu'i thog /mchod pa'i yo byad yongs rdzogs dang/

phyag rogs su gtor bzo ba gnyis dang/ ri mo 'bri ba po gcig bcas
rdo rje 'chang nas rje bla ma nyid la rtsis sprod gnang ste/
nyin rer rjes gnang mang nyung du tsam re gnang ba yang rje nyid
kyi thugs 'dod ltar sgrig na

'thus tshul bcas phebs/ de skabs rje bla ma mchog nyid sku gzugs
yang ya thugs rig kyang rab tu bkra ba yod pas 'di phan la rdo
rje 'chang gi zhabs 'degs kyang mnyes pa rab tu son pa zhu rgyu
byung gsungs/ de nas nyin

gcig gzhungs nas yig chung 'byor te brag ri rdo rje 'chang chen
po ^gong sa rgyal ba'i dbang po'i zhabs brtan lha sa'i jo khang
du tshogs 'bum phrag gsog par 'byon dgos tshul phebs pa bzhin chi
bas bskyod mdzad rgyur

brten rje bla ma mchog la rjes gnang bca' sgrigs kyi deb tu
gzigs rtog dgos tshul gsungs pa ltar de ma thag tu gzigs 'bul zhu
gnang mdzad pas/ rjes gnang stsal zin pa rnams grangs bsher gna'
ste dzaM

la'i rigs rnams rdzogs/ rnam sras kyi dbu tshugs pa yan sang nyin
gnang rgyur sgrig gnang mdzad na 'thus/ de nas mtshams 'dir rbad
kyis 'jog rgyu yin/ zhes lan gsum tsam bstud de gsungs pas rje
nyid

@151b kyi thugs la/ rdo rje 'chang gis rjes gnang gi 'phro rnams
rbad 'jog rgyu yin gsung ba ci yin snyam du dgongs pa byung/
sang nyin bka' chos kyi tshogs su yang par 'dir ngos grong chog
cig la 'gro dgos pa byung song bas de zin

nas rjes gnang gi 'phro rnams 'bul thub pa byung na gang thub ci
thub 'bul rgyu'i rten 'brel bsgrig chog pa dang/ ci ste 'phro
rnams 'bul ma thub kyang gong du lha tshogs mang po de tsam gyi
rjes gnang phul zin pa de dag re re

nyams len byas na yang des 'thus rgyu red/ ces sogs gsung ba
byung/ rje nyid nas rdo rje 'chang zhabs brtan grub 'phral yar
phebs te bka' chos gnang rgyur gzhir bzhag mdzad de rjes gnang
gi mchod chas rnams

re zhig rtsis 'bul ma zhus na zhes zhu pa gnang yang rdo rje
'chang nas tshang ma rtsis 'bul mdzad na legs zhes phebs snang/
tshul 'di dag la rje bla ma nyid kyi gsung las/ don du 'di skabs
shig nas dgongs pa

gzhan du gtad rgyu'i gsung rjen pa mang po dang/ 'di man gyi
rjes gnang gi 'phro rnams gnang mi thub pa'i bka' shin tu gsal
ba lan mang du phebs 'dug kyang rang gzhan tshang mar khu 'khrig
tsam yang byung ma song ba de

bla mar rmongs zhen gyis bsten pa tsam las/ dag snang med cing
phal pa'i 'du shes bzhag pa'i rang rtags gsal por bstan 'dug
/ces gsung ste/ bla ma la sangs rgyas dngos su lta ba'i dag
snang gi blo 'di 'byongs

@152a @#/ /dka' pa'i tshad du snang bas bsten tshul gsha'am zhig
byed 'dod na/ bshes gnyen bsten tshul gyi rtsa ba dad pa sbyang
pa 'di la nan tan gyis shig pa'i man ngag zang mo zhig rang cig
rjes 'jug

rnams la thugs brtse pas gdams pa nyid las gzhan du mi 'da'o/
/de nas brag ri rdo rje 'chang gzhung sa'i zhabs brtan tshogs
'bum ther gsog par phebs shing/ rje bla ma nyid kyang ma yum
snyun bzhin yod par

brten lha sa'i gzim shag tu phyir phebs nas ma yum gyi snyun
g.yog mdzad de bzhugs/ gzhung sa'i zhabs brtan grub pa'i nyin
brag ri rdo rje 'chang ma phebs gong du rje bla ma mchog brag
rir phebs te/ de'i sang nyin

bka' chos kyi 'phro nas gnang chog chog gi mchod gtor bca' gshom
sogs kyi go sgrig tshags su tshud pa gnang/ nyin gung rgya ba tsam
na rdo rje 'chang phebs par phyag phyi ba 'ga' res sku snyun
tshul phran bu bzhes skad

gleng bas/ rje nyid de ma thag gzim chung du bcar gnang thog
/snyun 'dri sogs gsol ba na/ rdo rje 'chang nas/ snyun khams ha
cang lci ba mi 'dug kyang da cha 'brum pa kho slebs yod tshod
red/ rjes gnang gi mchod gtor

bsgrigs yod dam gsung/ rje nyid nas/ de ltar zin tshul zhu gnang
mdzad par do nub de ltar 'jog par mdzod/ sang babs pa lta bu
rgyu yin gsung/ sang nyin snga char rje nyid sku mdun du phebs
skabs rdo rje 'chang gi

@152b zhal nas/ da re pa mi 'dug pas rjes gnang gi bca' sgrig
mdzad pa rnams phyir bsdu gcig gnang dgos tshul gsung bar rje bla
ma nyid thugs skyo ba tshad med pa'i ngang nas rjes gnang gi bca'
gshom gnang ba rnams las/

dkar gtor rnams ma gtogs pa'i mchod gtor tshang ma phyir gshegs
pa mdzad/ de 'phral dkar gtor gang yod dang nyer spyod bcas gsar
du bshams bsgrigs gnang ste rje nyid rang mchod g.yog pa lnga
bcas

nas rdo rje 'chang gi zhabs brtan du gnas brtan phyag mchod gnad
smin zhig gsung/ de mtshams lhas nas bar mi 'byor te ma yum snyun
tshabs shin tu che bas da lta rang lha sa'i gzim shag tu phebs
dgos zhu pa byung/

de'i tshul rdo rje 'chang gi mdun du zhu sgron mdzad pas/ da yag
po ma red/ 'phral du phebs shig ces gsungs te tshab tshub kyi
ngang nas sangs rgyas kyi ring bsrel zhig kyang gnang/ de 'phral
rje nyid ring bsrel bsnams te

rings rtab kyis lha sar phebs kyang ma yum de nyid sku 'das zin
te ma mjal par thugs ngal skyo gdung mnan pas non dka' ba tsam
dwang du bzhes shing thugs rus rgya bskyed de rje nyid kyi sru
mo lags nas thugs ngal cher gnang bar

yang sems gso bka' slob stsal/ sku chas kyi 'khos stobs la
gzhigs pa'i ma yum gyi gshegs rjes dgongs rdzogs rgya gang che
sgrub gnang mdzad rgyu'i 'go tshugs/ phur bu lcog dang prag ri ri
khrod du bsngo rten

@153a @#/ /'bul rgyur rje bla ma rang nyid ngos kyis phobs phar/
phur lcog yongs 'dzin rin po ches phyag brdab ste/ a kha kha
zhes thugs mi bde ba'i rnam pa cher bzhes pa'i gsung mang du
byon pas

rang yum de nyid bla ma'i thugs la btags dang ri khyed par can
zhig yin par gsul bar gyur ces gsungs shing/ brag ri rdo rje
'chang chen pos kyang rje bla ma mchog la thugs gse gnang ba'i
gsung yang dang yang du

phe bsal dang/ khyad par 'di nyin rje nyid la rgyun gtan las
kyang lhag pa'i thugs brtse nyams dang byams nyams ha cang chen
po gnang ba zhig byung ga mjal ba'i tham 'di yin par dgongs pa
yin 'dra gsungs/

de nas phyir phebs/ lha sa'i gzim dpag tu bzhugs te/ ma yum gyi
dgongs rdzogs bsgrub rgyu'i 'phros rnams rim bstud du gnang ba'i
mus la nyin grangs mang tsam song zhing/ nyin gcig gi tshe da
tsam na rdo rje

du cheng sku ltem tshul bzhes sa dwangs su song zer ba zhig gsan
ran yod snyam du thugs re cher gnang nas bzhugs pa'i skabs shig
glo bur du brag ri bla brang nas bang phyin pa 'byor te rdo rje
'chang da cha dgongs pa gzhan

dung rgyas su phrin song bas da lta rang du rje nyid ri khrod du
phebs dgos bya ba byung/ tshul degs nam tho sha nas thugs pham
tshad las 'das pa'i skyo gdung drag po mnan pas mi non pa
'khrungs te ma thag rtas rtog kyi dang

@153b nas brag ri ri khrod du phebs/ bla ma ri sku rin po che
dang rje bla ma nyid rnam gnyis kyis dbu mdzad de gsung zhabs pa
mang ba zhig dang bcas rje thu'u bkwan pa'i gsung gdung chog rin
chen sgron me'i steng nas gdung sgrub nyin 'ga'i

ring gnad du srin pa bskyangs shing/ sku gdung zhugs 'bul gyi
slob dpon yang rje nyid nas gnang/ de rjes su yang dgongs rdzogs
sgrub pa gnang rgyu'i skor sogs skabs gang khel du bla brang nas
ci gsung mtha' dag

la zhabs 'degs kyi 'khur brtson lhur bzhes gnang zhing/ phyag
rdzas bkren yang nyin re nyin gnyis kyi 'phral chas tsam las
gzhan dngos nor yod dgu rtsal sprugs kyis sku'i gdung rten rin
po che'i zhal 'debs

dang dgongs rdzogs mchod sprin sogs kyi rgyur gtong gnang mdzad
cing/ phyis su zhal nas/ bka' drin can gyi bla ma dang am gnyis
ka lo 'dir gshegs pas de'i lor gzhan pa bas yid pham che ba
byung

gsungs/ de nas rgyun gtan gyi bzhugs gnas lha sa dmar lam pa'i
nang du spo gnang mdzad/ snga gong zhig nas 'dan ma tshe mar
tshang zhes pa'i sprul skus/ sgrub thabs rin 'byung nas gsungs
pa'i rjes gnang

phyed sum brgya skor yod pa yongs rdzogs stsal rgyur gsol ba
yang yang btab pa bzhin tshe mar sprul sku sogs zhu mi brgyad cu
skor la rin 'byung brgya rtsa'i rjes gnang cha tshang ba dam pa'i
phyag bzhes ma nyams par gnang/

@154a @#/ /dgung lo nyer bzhir phebs pa lcags glang lor 'phan po
gang rgya bla ma rin po che ngag dbang byang chub tshul khrims
dpal bzang pos zur bka' brgya rtsa'i rjes gnang 'bul dgos tshul
gsol

ba ltar gang rgya bla ma rin po che dang/ la dags ri ljongs
sprul sku/ blo gling da' mdo sprul sku byams pa chos dbang sogs
sprul sku bcu bcas zhu mi tshogs pa brgyad cu skor la zur bka'
brgya rtsa yongs rdzogs kyi rjes

gnang legs par stsal/ dar mdo sprul sku rin po cher phyis su dar
rtse mdor bla ma byams pa rin po che zhes gsol ba rgyal ba'i
bstan pa la phyag rjes che ba zhig tu byung bar gsungs/ de'i
dbyar thog tu 'bras spungs

sog po nas min shog zhabs drung zhes pas zhus ngor lha ldan
'phrul snang gtsug lag gi shar rgyud 'ong stod sbug ces pa smon
lam chen mo'i skabs rwa ba stod pa'i dge 'dun rnams tshogs 'tshogs
yul gyi 'du khung

du 'bras sog po zhags drung dang/ ser smad rgyal rong shar pa
sprul sku rin pho che sogs bla sprul tha drug tsam dang/ bka'
rams dge bshes/ rgyud grwa stod smad kyi dge 'dun sogs zhu ba po
ser skya don gnyer ldan

pa nyis brgya skor la 'jam mgon tsong kha pha chen po yab sras
gsum gyi gsung 'bum yongs su rdzogs pa'i ljags lung stsal/ 'di'i
skabs bzhugs yul dmar lam pa'i gzim shag tu yin mus kyang/
lngags

@154b lung stsol ba'i ring phebs bgrod bde khyad bzhugs gnas rme
ru rnying pa'i yang steng shar ngos kyi gzim chung du mdzad/
gsung chos skabs kyi tshogs 'don du rjes yab sras kyi gsung 'bum
bklags lung gi rgyun gang nas gang

du phebs pa'i bla ma brgyud pa rim byon gyis gsol 'debs gsung
bar/ brgyud 'debs su sngar rje bla ma nyid bzhugs pa'i kha skong
gi gsol 'debs ma 'khod stabs nyin gcig sbyin bdag sprul sku nor
gling du byon te ^gong

sa bcu gsum pa chen po'i yongs 'dzin gling mchog sprul rdo rje
'chang blo bzang lung rtogs bstan 'dzin 'phrin las dpal bzang po
mchog la gsung 'bum ljags lung gi brgyud 'debs kha skong shlau
ka gcig bka' rtsom

dgos tshul zhus par yongs 'dzin rin po che nas de 'phral nyid du/
byamsO paO tshul ldan la sogs 'phags nor gyis/ /thugs rgyud legs
gtams rgyal bstanO 'dzinO pa'i gtso/ /rnam bzhi'i 'phrinO lasO
rgyaO mtsho'iO

gos can khyon/ /yongs khyab rje btsun bla mar gsol ba 'debs/
/zhes pa ljags rtsom gnang pa gsung 'bum ljags lung skabs kyi
brgyud 'debs kha skong du sbyar ba mdzad cing/ gsol 'debs 'di
nyid byin rlabs

kyi tshan kha che la rje bla ma rdo rje 'chang nyid kyi 'byung
'gyur gyi rnam par thar pa'i sdoms chen por yod pas dus phyis
su'ang byang chub lam gyi rim pa'i brgyud 'debs kha skong sogs
su khyab gdal du gsung bas mtshon te

@155a @#/ /'phrin las phyogs med du 'phel bar gyur to/ /skabs
de'i gsung chos bklags lung gi nyin re'i dgong mo'i chos thun
grol res bzhin rje bla ma mchog lta sa'i 'phrul snang gtsug lag
khang

du gnas mjal la star chags su phebs/ mchod me 'bul gnang dang
thugs smon yun mi thung ba re mdzad de tshur lam phebs zhor du
rmer rnying bram gzugs sogs la 'phrin skyems shugs drag po nar
mar gnang/

rgyal rong shar chog mchog sbrul rin po che 'di skabs thams cad
du gnas gzigs sogs kyi phebs rjes su lhan cig 'brangs te phebs
yod pas bram gzugs khang gi 'og lho'i rnam sras kyi phyag mdzub
tu gzhan

zhig gis mdzub mo'i tshigs skogs bsgron te yod pa gzigs pas gzim
chung du phebs zin nas/ da gin mchod mjal skabs rnam sras kyi
phyag mdzub tu tshigs skogs bskon 'dug pa mthong tshul gsol par/

rje nyid kyi zhal nas/ 'o/ khyod sku gsung thugs rten yag po mi
mjal bar tshigs skogs la ltad mo blta ba ci yin zhes bkyon pa'i
tshul mdzad cing/ mchod mjal zhu stangs de 'dra ma red gsung/ 'o
na ci 'dra byed

zhus par/ sku rten rnams de dang de'i ye shes pa dngos yin par
mos te/ de dag la yan lag bdun pa dang maNDal 'bul/ gsol ba btab
pas spyi bo/ mgrin pa/ thugs ka bcas nas rim bzhin bdud rtsi

@155b bod jer dang bcas pa dkar dmar mthing gsum rim dang cig
car du byung/ rang gzhan sems can kun gyi spyi mgrin snying ga
gsum la rim dang cig car du thim pas sgo gsum gyi dri ma sbyangs
shing/ sku gsung thugs

kyi byin rlabs zhugs/ dbang bzhi thob pas sku bzhi 'grub par
byed pa'i sa bon khyad par can bskrun par byas song snyam du
bsams la/ bsngo smon dang brtan bzhugs/ shis brjod bcas bya dgos
pa yin/ zhes

bka' phebs pa rgyal rong shar sprul rin po ches kho bo cag la
yang yang nan tan du gsungs so/ /de skabs shig tu zhabs zhu ba
'jam dbyang zhes pa go chod cig yod pa dus kyi chos nyid du gyur
bar de nyid la byang

'pho/ ljags bsngo/ mchod sprin sogs kyi dge rtsa gzab nan gnad
du smin pa bka' drin du stsal/ rje nyid kyi sku mchod phyag
mdzod phyis su dge tshul gyi mtshan ngag dbang rgya mtsho zhes pa
zhabs zhur de dus 'byor ba

thugs brtses rjes su bzung/ lo de ga'i dgun thog nas pha bong
khar grwa shag gcig tu gnas g.yar mdzad nas der bzhugs/ de dus
dgun kar tshes bcu zhig gi nyin par rje bla ma rdo rje 'chang
mchog nyid dang/ phyag

mdzod ngag rgyam/ rgyal rong gi grwa pa gsar pa gcig /pha bong
kha'i dge slong byams pa bcas pha bong kha'i rgyab ri'i bde chen
sgrub phug tu phebs/ sgrub phug gi mdor nyin gang lhod 'gol gyis
bzhugs par/ snga
@156a @#/ /dro nas ldir ring zhes pa'i sgra chen po bar thag
'tsham par phyi nas gsan pa'i tshe phug pa'i nang nas sgrog pa
'dra ba/ nang nas gsan skabs phug pa'i phyi nas sgrog pa 'dra ba
bar ma chad

par sgrog pa zhig rje bla ma nyid ston 'khor yongs kyi mthun
snang du gsan/ de nas tsha rting tsam gyi dus na/ ldir ring/ ldir
ring zhes lan gnyis gnyis mnyam du bar thag 'tsham par sgrog pa
dang/ phyi dro'i

dus su/ ldir ring/ ldir ring/ ldir ring zhes thengs gsum gsum
mnyam du sgrog cing/ de ltar grag pa'i tshe rnga po che zhig gam/
rnga mang po zhig mnyam du brdung ba lta bur mngon sum par gsan
du yod pa byung

bas/ da gdod gzhi nas de'i nyin tshes bcu yin pa bcas mkha'
'gro'i tshogs rnga lta bu zhig yin thag chod red snyam pa dgongs
shing de ltar gsung 'phros su'ang gnang/ der gtor ma'i smug rtsi
bsnams

pa med kyang bzhes rtsam nas tshogs gtor bzhengs te sgrub phug gi
nang du tshogs 'khor gnad smin zhig kyang 'bul ba mdzad/ de rjes
shig na/ rje nyid nas 'bras gung ru rgya mtsho gling rin po che
mkhyen rab

dpal ldan bstan pa'i nyi ma dpal bzang por de'i skor gsung gleng
mdzad pas gung sprul rin po che nas de mkha' 'gro'i rnga rang
yin nges/ rin po che rang nyid sku gzhon nu'i dus su'ang rgyud
pa dge bshes zhig

@156b dang gsar pa zhig bcas khong pa gnyis phug pa der sgron me
bteg ste song ba'i skabs/ drang srong sma ra ring po yod pa
bgres nyams can zhig mjal/ skabs der khong gnyis 'jigs drags pas
gang yang smra nus par

rings par phyir bros/ slar mon bsam bskor nas ched du mjal bar
phyin pas drang srong de gar song med par yal zin pa zhig byung
ba red ces gsung/ phug pa de nas sind+hu ra li khri'i kha dog
ltar dmar ba de 'dra yang yang

babs pa bcas sgrub phug byin rlabs can zhig yin par 'dug gsungs/
dgung grangs nyer lnga bzhes pa chu stag lo'i dgung gsar skabs
rje nyid kyi ma sru dang lhan du lha sar bzhugs/ dgung gsar grub
nas

slar pha bong khar phebs te snga lo ltar bzhugs shing/ bla ma ri
sku rin po che yang rje bla ma mchog dang lhan bzhugs bskyangs
par seng dbar nam byung la ri sku rin po che'i drung nas bstan
'gyur gyi chad gsab sogs

ljags lung mang du gsan/ 'di skabs rnams la'ang 'bras spungs su
sgo mang mkhan chen rdo rje 'chang gi sku mdun nas dpal gsang ba
'dus pa 'phags lugs mi bskyod pa lha so gnyis dang/ grub chen
lU i ba'i

lugs kyi 'khor lo bde mchog lha drug cu rtsa gnyis pa/ 'jigs
byed dpa' bo gcig ba bcas kyi dbang chen dang/ gzhan yang mkhan
chen rdo rje 'chang de nyid kyi drung nas bka' chos nam yod la
gsan bzhes ci

@157a @#/ /thub mdzad/ bla ma ri sku rin po che nas rje nyid 'di
lo dgung skeg tu phebs pa dang bcas 'phan yul gyi rten gnas
rnams su zhabs thang gnas skor ba'i tshul gyis phebs te/ bka'

gdams gong ma sogs kyis byin gyis brlabs pa'i gnas dang rten
khyad par can rnams dang/ lhag par gdung rten 'bum pa gtso che
ba bzhugs pa dag tu zhabs skor dang gnas gzigs gnad smin zhig
gnang

na sku tshe'i 'gal rkyen zhi zhing bzhed don 'grub ba sogs kyi
gnad che tshul nan cher gsungs pa'i bka' bzhin rje bla ma rdo rje
'chang chen po mchog phyag phyi ba 'ga' re dang bcas te zhabs
thang gis pha bong kha'i ri khrod

nas nyang bran gyi phu dga' la bya ba brgyud de 'phan yul du
phebs shing/ dkar po sgang du bzhugs zhag thog /thog mar gro sa
mchod rten du zhabs skor yun mi thung tsam gnang zhing/ de nas
rim byon gyis lo tsaO

dgon zhes par bod yul du bstan bcos chen po dbum la 'jug pa thog
mar gdan drangs te srol 'byed pa po pa tshab lo tsA ba nyi ma
grags kyi gdung rten 'bum pa gtso bor bzhugs pa'i mchod rten
rnams la zhabs

skor skor tshad long nges su gnang/ 'di'i skor tshad sngar nges pa
med kyang rje nyid nas skor tshad rgyas 'bring bsdus gsum gdan sa
chen po 'bras spungs/ ser/ dga' ldan gsum gyi dge 'dun gyi zhal
grangs

@157b ltar rgyas par bdun stong bdun brgya/ 'bring lnga stong
lnga brgya/ bsdus pa sum stong sum brgya dang/ de gsum ji ltar
nus pa'i kha skong ci 'grub re bcas bskor dgos pa'i skor tshad
nges pa can du mdzad cing/ skor ba

bya tshul yang gzhan gyi lad mo dang g.yam rgyugs mdzad pa ma
yin par/ 'dul ba lung gzhi las/ mkhas pa gang zhig rab tu sems
dad pas/ /sangs rgyas mchod rten la ni gom 'dor na/ /'dzam bu'i
chu bo'i

gser gyi srang tshad ni/ /stong phrag brgya yang de dang mnyam pa
min/ /zhes dang/ gsal rgyal gyis zhus pa'i mdo las/ su zhig dad
pas thub pa'i mchod rten nam/ /sku gzugs dag la bskor ba byed pa
de/ /phyi ma'i

tshe na dgra chen rnams kyis btud/ /bzang po'i snod gyur yon tan
rnams dang ldan/ /zhes dang/ me tog brtsegs pa'i mdo las/ de
bzhin gshegs pa yongs su mya ngan las 'das nas mchod rten rnams
la me

tog 'ga' 'bul lam/ zhes pa nas/ mar me phul te phul nas dga'
ba'i sems kyis gom pa'i gar stabs bor te/ sangs rgyas bcom ldan
'das la phyag 'tshal zhes smra ba de dag ni/ sedge rnam par rtse
ba

bskal pa brgya'am bskal ba stong ngam bskal pa brgya phrag stong
du yang log par ltung pa'i gnas su 'gyur pa de'i gnas med do/
/zhes dang/ 'phags pa spyan ras gzigs kyi mdo las/ phyi ma'i tshe
phyi ma'i dus

@158a @#/ /lnga brgya'i tha ma la su zhig de bzhin gshegs pa
yongs su mya ngan las 'das pa'i ring bsrel yungs 'bru tsam la
bsti stang byed pa dang/ bla mar byed pa dang/ ri mor byed pa
dang/ mchod

pa dang/ rjed pa dang/ gsol ba dang/ bsngags pa dang/ skor ba
byed pa des phan yon lnga yongs su 'dzin par 'gyur te/ lnga gang
zhe na/ dran pa dang ldan par 'gyur pa dang/ rtogs pa dang ldan
par 'gyur pa dang/

ngo tsha shes shing khrel yod pa dang ldan par 'gyur ba dang/
myur du sangs rgyas bcom ldan 'das mthong bar 'gyur ba dang/
mthong nas kyang dad pa bskyed par 'gyur ba ste/ phan yon lnga
po de dag yongs su bzung bar

'gyur ro/ /de chos bzhi dang ldan par 'gyur te/ bzhi gang zhe
na/ de bzhin gshegs pa'i bstan pa 'dzin pa dang/ de yang ji skad
bstan pa bzhin du sgrub pa dang/ bsgrubs nas kyang sangs rgyas
bcom ldan

'das rnams dang nye bar 'gyur ba dang/ myur du sangs rgyas kyi
zhing yongs su dag par skye bar 'gyur te/ bzhi po de dag go/
/zhes/ yang de nyid las/ srog chags kun la phan pa'i phyir/
/byang chub tu ni sems

bskyed nas/ /'jig rten mgon gyi mchod rten la/ /su zhig skor ba
byed pa ni/ /tshe rabs dag ni thams cad du/ /bya ba spyad pa
spyod pa'i tshe/ /dran dang ldan zhing blo gros ldan/ /bsod nams
ldan zhing 'jigs med

@158b 'gyur/ /mchod rten bskor ba byas na ni/ /tshe rabs dag ni
thams cad ni/ /lha dang klu dang gnod sbyin dang/ /srin po rnams
kyis mchod par 'gyur/ /ngas ni gang dag bstan pa yi/ /mi khom
brgyad po de dag spong/ /sangs

rgyas 'byung ba rab mdzes pa/ /mnyes par byed 'di dal ba gcig
/mdog ldan gzugs ni phun sum tshogs/ /mtshan gyis legs par brgyan
pa dang/ /mthu dang stobs dang ldan par 'gyur/ /le lo can du
skye mi

'gyur/ /de ni phyug cing nor cher 'gyur/ /zhes pa nas/ mchod
rten bskor ba byas na ni/ /skye ba thams cad kun tu yang/ /dbang
cher grags pa'i khyim bdag dang/ /dpal dang gzi brjid ldan par
'gyur/ /bram

ze sA la che ba dang/ /tshul khrims ldan zhing mang thos dang/
/rgyal rigs sA la che 'dra dang/ /phyug cing nor cher ldan par
'gyur/ /ris bskor rgya mtsho tshun chad kyi/ /sa kun la ni gang
smon pa/ /gling bzhi dag gi

dbang phyug zla/ /rgyal po chos dang ldan par 'gyur/ /'khor los
bsgyur ba rdzu 'phrul che/ /rin chen bdun dang ldan par 'gyur/
/rgyal srid gnas nas sangs rgyas la/ /yang dang yang du bsti
stang byed/ /'di nas shi

'phos mtho ris su/ /song nas sangs rgyas bstan la dad/ /lhun
po'i zom gyi dbang phyug po/ /lha yi dbang po brgya byin 'gyur/
/lha dbang shin tu 'thab bral dang/ /de bzhin du ni dga' ldan
dang/ /lha dbang shin tu

@159a @#/ /'phrul dga' dang/ /dbang bsgyur 'jigs pa med par
'gyur/ /mchod rten skor ba byas na ni/ /tshangs pa'i dbang phyug
mkhas 'gyur zhing/ /lha rnams bye bas mchod par 'gyur/ /'jig
rten

mgon gyi mchod rten la/ /mi gang skor ba byed pa yi/ /bsngags pa
bskal pa bye bar yang/ /brjod pas zad par bya mi nus/ /su zhig
byang chub sems bskyed nas/ /ston pa'i mchod rten phyag 'tshal
ba/ /de ni bskal

pa bye bar yang/ /nam yang long zhing 'theng mi 'gyur/ /'jig
rten mgon gyi mchod rten la/ /mngon du skor ba byed pa ni/ /bung
ba sngon po mdzes 'dra yi/ /rnam par dag pa'i mig 'thob 'gyur/
/mchod rten bskor ba

byas na ni/ /de ni nges par rtag tu yang/ /mthun pa'i don mthun
'thob 'gyur zhing/ /don min rnams ni spangs par 'gyur/ /mchod
rten bskor ba byas na ni/ /mthu dang stobs dang ldan par 'gyur/
/de ni le lo med

'gyur zhing/ /rtag tu bag yod ldan par 'gyur/ /mchod rten bskor
ba byas na ni/ /brtson 'grus brtan cing mthu brtan la/ /brtan
zhing rnam par gnon brtan dang/ /de ni myur du mkhas par 'gyur/
/me dang dug

dang mtshon gyis de/ /nam yang 'chi dus byed mi 'gyur/ /mkhas
pa'i tshe ni rdzogs rdzogs su/ /zad par byas nas 'chi dus byed/
/mchod rten bskor ba byas na ni/ /pho brang 'khor dang yul 'khor
dang/ /grong

@159b rdal rnams su longs spyod dang/ /gzugs kyis khyad par
'phags par 'gyur/ /byang chub spyad pa spyod pa'i tshe/ /de ni
'dod pa mi bsten cing/ /lus kyang gtsang la gos gtsang zhing/
/gtsang ma'i chos la gnas par 'gyur//

zhes dang/ mchod rten bskor ba'i tshigs bcad kyi mdo las/ shes
rab chen po shA ri'i bus/ /ston pa la ni zhu ba zhus/ /mchod
rten bskor ba bgyis pa yi/ /rnam par smin pa ci 'gyur ba/ /bskal
pa chen po'i 'jig

rten mchog /rnam par 'dren pas bdag la gsungs/ /rdzogs pa'i
sangs rgyas rkang gnyis mchog /ston pas de las bka' stsal pa/
/mchog rten bskor ba byas pa yi/ /yon tan gang yin phyogs tsam
bstan/ /

mchod rten bskor ba byas pa yis/ /lha klu gnod sbyin dri za
dang/ lha min mkha' lding mi'am ci/ /lto 'phye rnams kyis mched
par 'gyur/ /dal ba rnyed dka' thob gyur nas/ /skad cig gcig tsam
bar du yang/ /

mchod rten bskor ba byas pa ni/ /mi khom brgyad rnams spong bar
'gyur/ /mchod rten bskor ba byas pas ni/ /dran dang ldan cing
blo gros ldan/ /kha dog ldan zhing mdzangs pa dang/ /thams cad
du ni mchod par 'gyur//

mchod rten bskor ba byas pas ni/ /lha dang de bzhin mi rnams
kyi/ /tshe ring ba yang de yis 'thob/ /grags pa chen po'ang 'thob
par 'gyur/ /mchod rten bskor ba byas pas ni/ /'dzam bu'i gling
du rus kyi mchog /cho rigs

@160a @#/ /yongs su dag par yang/ /blo ldan de ni skye bar 'gyur/
/mchod rten bskor ba byas pas ni/ /kha bzhin dag kyang bzang ba
dang/ /mdog sdug pa dang mkhas pa dang/ /bde bar gnas par ?

thob par 'gyur/ /mchod rten bskor ba byas pas ni/ /phyug cing
nor yang mang pa dang/ /ser sna med cing gtong phod dang/ /sbyin
pa dag la dpa' bar 'gyur/ /mchod rten bskor ba byas pas ni/ /yid
du 'ong zhing blta

na sdug /mdog bzang mthong na dga' ba dang/ /longs spyod rgya
chen spyod par 'gyur/ /mchod rten bskor pa byas pas ni/ /'du
byed stong par mthong nas kyang/ /de ni chos la rmongs mi 'gyur/
/myur du dga' ba thob

par 'gyur/ /mchod rten bskor ba byas pas ni/ /rgyal rigs mchog
tu skye bar 'gyur/ /bud med 'khor dang ldan pa dang/ /stobs dang
brtson 'grus ldan par 'gyur/ /mchod rten bskor ba byas pas ni/
/bram ze che

zhing mtho bar skye/ /tshul khrims ldan zhing thos dang ldan/
/rig byed gsang sngags ldan par 'gyur/ /mchod rten bskor ba byas
pas ni/ /khyim bdag che zhing mtho bar skye/ /phyug cing nor
yang mang ba dang/ /nor

dang 'bru rnams ldan par 'gyur/ /mchod rten bskor ba byas pas
ni/ /'dzam bu'i gling gi mnga' bdag rje/ /sa steng mtha' dag
dbang byed pa'i/ /chos dang ldan pa'i rgyal por 'gyur/ /mchod
rten bskor ba byas pas ni

@160b rin chen bdun dang ldan pa yi/ /'khor los bsgyur ba'i
rgyal por 'gyur/ /chos bzhin 'khor lo skor bar byed/ /mchod rten
bskor ba byas pas ni/ /'di nas 'phos te mtho ris 'gro/ /sangs
rgyas bstan la dga' ba

dang/ /rnal 'byor ldan zhing rdzu 'phrul che/ /mchod rten bskor
ba byas pas ni/ /lha yul dag nas 'phos nas kyang/ /de ni mi yi
nang du skye/ /rmongs pa med par mngal du 'jug /mchod rten bskor
ba byas pas ni/ /

mngal gyi skyon gyi dri ma yis/ /de la gos par mi 'gyur te/ /de
ni nor bu dag pa bzhin/ /mchod rten bskor ba byas pas ni/ /ma
ltor bde bar gnas par 'gyur/ /de ni bde bar btsa' ba dang/ /bde
bar nu zho 'thung bar

'gyur/ /mchod rten bskor ba byas pas ni/ /phas kyang 'khor
g.yog mang po yis/ /de la gso zhing gnas par 'gyur/ /ma mas
rtag tu rim gro byed/ /mchod rten skor ba byas pas ni/ /nye du
rnams kyi snying du sdug /

de bzhin pha ma lhag par byams/ /skyes nas longs spyod 'phel bar
'gyur/ /mchod rten bskor ba byas pas ni/ /sha za dang ni srin
rnams kyis/ /de la gnod par mi 'gyur ro/ /longs spyod dag la
skyon med spyod

mchod rten bskor ba byas pas ni/ /bskal pa brgyar yang de dag
rnams/ /zhar 'grum por yong mi 'gyur/ /lus kyang rnam par dag
par 'gyur/ /mchod rten bskor ba byas pas ni/ /mig kyang rnam par
dag par
@161a @#/ /'gyur/ /dkyus ring mthon mthing sdug pa dang/ /lha yi
mig kyang de yis 'thob/ /mchod rten bskor ba byas pas ni/ /lus
bde sems kyang brtan pa dang/ /de bzhin brtson 'grus brtan

pa dang/ /dpung mgo zlum zhing brtan par 'gyur/ /mchod rten
bskor ba byas pas ni/ /stobs dang byad gzugs phun sum tshogs/
/yan lag thams cad mtshan rnams kyis/ /legs par brgyan cing ldan
pa la 'gyur/ /

mchod rten bskor ba byas pas ni/ /sum cu rtsa gsum dbang phyug
rje/ /rdzu 'phrul chen po brgya byin du/ /lha yi dbang po chen
por 'gyur/ /mchod rten bskor ba byas pas ni/ /'thab bral lha yi
rgyal po dang/ /de bzhin

yongs su dga' ldan dang/ /'phrul dga' gzhan 'phrul dbang byed
'gyur/ /mchod rten bskor ba byas pas ni/ /tshangs pa'i 'jig rten
tshangs pa yi/ /dbang phyug nyid du de 'gyur zhing/ /lha rnams
byed ba snyed kyis

mchod/ /mchod rten bskor ba byas pas ni/ /bskal pa bye ba stong
dag dang/ /khrag khrig phrag brgya dag tu yang/ /shes rab ldan
pas rtag tu mchod/ /mchod rtan bskor ba byas pas ni/ /bskal pa
bye ba steng dag

tu/ /lus gtsang gos kyang gtsang ba dang/ /dkar po'i chos dang
ldan par 'gyur/ /mchod rten bskor ba byas pas ni/ /stobs dang
brtson 'grus phun sum tshogs/ de ni le lo med pa dang/ /shin tu
bsgrub pa thob

@161b par 'gyur/ /mchod rten bskor ba byas pas ni/ /brtson 'grus
brtan cing mthu yang brtan/ /rtsal brtan cis kyang mi tshugs
shing/ /don rnams myur du 'grub par byed/ /mchod rten bskor ba
byas pas ni/ /gdangs skad

gsang yang mtho ba dang/ /yid du 'ong ba'i nga ro can/ /gnod pa
med cing nad med 'gyur/ /mchod rten bskor ba byas pas ni/ /nga
nyid kyis ni bstan pa yi/ /gnas der myur du de 'gro zhing/ /shas
cher skye ba 'thob par 'gyur/ /

mchod rten bskor ba byas pas ni/ /dran pa nye bar gzhag pa bzhi/
/sems kyi tshad med bzhi po dang/ /rdzu 'phrul rkang pa'i dbang
yang 'thob/ /mchod rten bskor ba byas pas ni/ /'phags pa'i bden
pa bzhi po dang/ /dbang

po rnams dang stobs rnams dang/ /byang chub yan lag 'bras bu
thob/ /mchod rten bskor ba byas pas ni/ /mngon shes drug ldan
zag pa med/ /nyon mongs thams cad spangs pa yi/ /dgra bcom rdzu
'phrul chen par 'gyur/ /

mchod rten bskor ba byas pas ni/ /'dod chags zhe sdang spangs pa
dang/ /'khor pa rnams ni spangs pa yi/ /rang rgyal byang chub
'thob par 'gyur/ /mchod rten bskor ba byas pas ni/ /'jig rten
dag tu de bzhin gshegs/

mtshan rnams kyis ni brgyan pa dang/ /gser gyi sku mdog 'thob par
'gyur/ /lus kyi las kyang bskor ba yin/ /ngag gi las kyang bskor
ba yin/ /yid kyi las kyang bskor ba yin/ /smon lam btab pa bskor
ba yin/

@162a @#/ /'dir ni bskor ba byas pa yis/ /bgrod dka' bde dgur don
rnams 'grub/ /'jig rten mgon po'i mchod rten la/ /bskor ba byas
pa'i yon tan gang/ /de ni tshig tsham nyi mo yis/ /

legs par bstan pa mi nus so/ /sems can rnams la snying brtse'i
phyir/ /shA ri'i bu yis zhus nas kyang/ /mchod rten phyag byas
yon tan gang/ /'jig rten mgon pos brtan pa yin/ /rta brgya dang
ni gser

srang brgya/ /dre mo'i shing rta brgya dag dang/ /rgod ma brgya
yi shing rta rnams/ /rin chen sna tshogs bkang ba yang/ /bskor
ba'i gom pa gcig por ba'i/ /bcu drug char yang mi phod do/
/gangs kyi glang chen brgya rten dga'

lus chen na mtshod yangs pa dang/ /sna yang gshol mda' 'dra pa'i
glang/ /gser dang nor bus brgyan pa yang/ /bskor ba'i gom pa
gcig por ba'i/ /bcu drug char yang mi phod do/ /mkhas pa gang
zhig sangs

rgyas mchod rten la/ /dga' ba'i sems kyis gom pa gcig por pa/
/'dzam bu'i chu klung gser srang 'bum grangs snyed/ /de ni de
dang mtshungs pa yod ma yin/ /zhes dang/ gtsug tor dri med las/
ring bsel

gyi snying po'am/ de bzhin gshegs pa'i ring bsrel gyi snying po
can gyi mchod rten la bskor ba bya'o/ /yid bzhin gyi nor bu rin
chen 'di gnyis kyang dus gcig tu dran par bya'o/ /des na
ganggA'i klung gi bye ba khrag khrig

@162b phrag 'bum gyi bye ma snyed kyi de bzhin gshegs pa la dge
ba'i rtsa ba bskyed par 'gyur ro/ /bsod nams chen po dang ldan
par 'gyur ro/ /mtshams med pa lnga'i las kyi sgrib pa rnams kyang
yongs su byang par 'gyur ro/ /sems

can dmyal ba dang/ dud 'gro'i skye gnas dang/ gshin rje'i 'jig
rten gyi ngan song rnams las yongs su thar bar 'gyur ro/ /tshe
ring por 'gyur ro/ /sbrul gyi pags pa brjes pa bzhin du lus bor
nas skal pa mnyam

pa'i phyir 'jig rten gyi khams bde ba can du skye bar 'gyur ro/
/zhes dang/ rigs kyi bu'am rigs kyi bu mo gang la la zhig gis
mchod rten la la bskor ba byas sam/ phyag byas sam/ mchod pa
phul yang rung ste de

bzhin gshegs pa'i byin gyis brlabs kyis bla na med pa'i byang
chub las phyir mi ldog par 'gyur ro/ /sngon gyi las kyi sgrib pa
ma lus pa yang byang bar 'gyur ro/ /zhes dang/ gang la la zhig
gis mchod rten 'di la

bskor ba byas sam/ phyag byas sam/ thal mo sbyar ram/ me tog
phul lam/ byug pa dang bdug pa phul lam/ dril bu dang bdan dang
gdugs 'ga' zhig phul na yang de bzhin gshegs pa dgu khri dgu
stong gi mchod

rten la phul ba'i bsod nams dang mnyam pa yin no/ /zhes dang/
gsang ba ring bsrel gyi zam tog las sems can gang dag mchod rten
de la bskor ba gcig gam/ phyag 'tshal ba gcig gis mnar med pa la
thug pa'i

@163a @#/ /bar la sogs pa rnams las longs su thar par 'gyur ro/
/bla na med pa yang dag par rdzogs pa'i byang chub las phyir mi
ldog par 'gyur ro/ /zhes gsungs pa sogs mang ngo/ /mdor

na sangs rgyas kyi yungs 'bru'i ring bsrel dang/ chos sku'i ring
bsrel gzungs chen sde lngar grags pa sogs rten du song ba'i
sku'am/ de lta bu'i ring bsrel gyi snying po can gyi mchod rten
la bskor ba byas na sngar bshad pa/

ltar gyi phan yon rnams 'thob par 'gyur te/ ji skad du/ ring
bsrel gyi snying po can gyi mchod rten la bskor ba bya'o/
/ganggA'i klung bye ba khrag khrig 'bum gyi bye ma snyed kyi de
bzhin gshegs pa rnams la dge ba'i rtsa ba

bskyed par 'gyur ro/ /mtshams med pa lnga'i las kyi sgrib pa yang
byang bar 'gyur ro/ /ngan song du skye bar mi 'gyur ro/ /skye ba
phyi ma mngal gyi dri mas mi gos par 'gyur ro/ /gang dang gang
du skye ba de dang der padma las

brdzus te skye bar 'gyur ro/ /skye ba dran par 'gyur ro/ /zhes
sogs ltar dgos pa dang phan yon tshad med par gsungs pa'i don
thugs la brnags shing/ gdul bya mtha' yas pa zhig kyang tshul de
la sbyor bar mdzad/

der ma zad mdo thar pa chen po las/ gang zhig phyogs bcu dus
gsum gyi/ /sangs rgyas rnams la phyag 'tshal na/ /kha na ma tho
'das pa dang/ /ma 'ongs pa dang da ltar gyi/ /las ngan bcu po
byas pa yang/ /da ltar

@163b mngon du byang par 'gyur/ /ces sogs dang/ sangs rgyas
rnams la phyag 'tshal na/ /las ngan kun las rnam par grol/
/mtshams med lnga po'i sdig kyang 'byang/ /sogs nas/ mtha' ru
ngan song gsum dang bral/ /sangs

rgyas byams pa'ang mthong ba dang/ /sangs rgyas stong yang
mthong bar 'gyur/ /ces dang/ rgyal ba'i blo gros zhes pa'i mdor/
yon tan thams cad thob par 'dod pas dkon mchog gsum la mchod par
bya'o/ /zhes dang/

sa'i snying po'i mdo las/ 'jig rten dag na bde zhing skyid pa/
/thams cad dkon mchog mchod las byung bas/ /zhes sogs dang/
gzhan yang/ sangs rgyas yon tan bsam mi khyab/ /zhes pa nas/
bsam mi khyab la dad

byas na/ /rnam par smin pa'ang bsam mi khyab/ /zhes pa'i rkang
pa phyi ma gnyis ni/ bsam mi khyab la mchod byas na/ /rnam par
smin pa'ang bsam mi khyab/ /ces dang/ bstod pa dang gsol 'debs
sogs la bsgyur ba'i

phan yon 'byung bar gsungs pa dang/ khyad par du spyan ras gzigs
kyi mdo las/ blo gros rnam par dag pa de bzhin gshegs pa yongs
su dag pa la su zhig me tog dang/ phreng ba dang/ spos dang/
gdugs dang/ rgyal

mtshan dang/ bdan dang/ rol mo'i sgra dang/ byug pa rnams kyis
bsti stangs byed pa de'i bsod nams kyi phung po'i mtha' rtogs
par mi nus te de'i mtha' ni theg pa gsum po gang yang rung bas
mya ngan las 'das pa'i mthar

@164a @#/ /thug pa ma gtogs par bsod nams kyi phung po'i phyi
ma'i mthar yang zad par mi nus so/ /de ci'i phyir zhe na/ blo
gros rnam par dag pa ji ltar de bzhin gshegs pa sangs rgyas kyi
chos thams

cad kyi tshad med pa de bzhin du de bzhin gshegs pa la yon phul
ba yang tshad med do/ /mtha' yas so/ /bsam gyis mi khyab bo/
/mtshungs pa med do/ /dpag tu med do/ /grangs med do/ /dpag gis
mi lang ngo/ /brjod

du med do/ /zhes sogs ltar sangs rgyas kyi sku dngos sam/ sku
gsung thugs kyi rten la phyag 'tshal ba dang/ bstod pa/ mchod pa
'bul pa/ gsol ba 'debs pa/ skyabs su 'gro ba sogs kyi phan yon
rgya cher gsungs

te kun kyang rnam par grol ba'i lam la yid 'dun pa'i skal pa can
du mdzad cing/ gnas 'dzin btsun ma re re tsam khang srung gi
tshod lta bur sdod srol las rten mchog rnams la sri zhu 'dzin
spras sogs ha cang dman stabs

rje bla ma mchog nas gzhan mang por gdung rten 'di dag shin tu
rtsa 'gangs che ba'i lo rgyus dang/ phan yon gong gsal ltar ma
zad/ gzhan yang pho ma chi na/ rlung khrag bad kan sogs sman
gzhung nas gzhan dbang/

sngon gyi las nang du gsungs pa'i nad rigs dang/ gdon bgegs zhi
ba/ tshe ring por bsring ba/ tshe rabs phyi mar yang zab mo'i lta
ba dang/ byang chub kyi sems la thos bsam sgom pa sogs nus pa'i
bag chags tshun

@164b 'jog nus pa sogs phyag bskor bgyis pa'i phan yon rgya cher
gsungs par brten de nas bzung nad kyis gdungs pa sogs kyi skye
'gro du mas tshogs gsog sgrib sbyong gi rten du bzung ste skor
tshad phyag mchod la brtson pa ches

cher dar bar gyur te nad gzhi tshabs po che yang lhag med du
byang ba sogs mthong chos su byung ba du mas yid drangs te phyis
nas pa tshab mchod rten nam lo tsA mchod rten zhes yongs su
grags pa byung ste 'gro don rgya cher 'phel

ba yang rje 'di nyid kyi thabs mkhas kyi 'phrin las la brten nas
byung ba 'og tu'ang 'chad 'gyur ltar gyis shes par nus la/ dgon
de'i nye skor du gnas 'dzin btsun ma gang yod phyogs bsdus la
mang 'gyed kyi bsnyen

bkur/ phyis kyi rgyun ja'i thebs dmigs sogs phon mi chung ba
stsal te de ga'i dgon gnas mchod rten dang bcas par 'dzin spras
sri zhu gang thub bya dgos pa'i bka' slob nan tan du stsal/ /de
nas rim gyis

ra ma byams chen/ rgyal byams chen/ glo pa stod byams chen/ sa
phud thub dbang bcas su gnas 'brel zhabs skor/ phyag mchod sogs
dang/ stong rtse ri'i tshar chen blo gsal rgya mtsho'i sgrub gnas
sogs su

mchod sprin mdor bsdus dang 'brel bar thugs dam nyams bzhes thun
re'i rnal 'byor gyi tshul du bskyangs shing/ 'gro ba rnams phyi
nang mkha' spyod kyis la bgrod pa'i thugs smon yang dag pa
gnang/ de nas rim

@165a @#/ /gyis phebs te bkog skyid phyug po zhes pa'i grong
khyim/ sngon dus 'jam mgon tsong kha pa chen po byon skabs tshems
bsnyung ba bkog pas thugs la bde skyid kyi nyams 'khrungs pa

las ming de ltar chags pa der rje tsong kha pa'i zhal 'don gyi
gzigs dpe sher phyin brgyad stong pa gser dngul spel bris po ti
gcig bzhugs pa zhal phye gsung sgrog /thugs smon bcas gnang/ de
nas mnyam

med jo bo chen po'i bka' brgyud 'dzin pa shar ba yon tan grags
dang/ po to ba rin chen gsal la sogs pa jo 'brom yab sras kyi
slob ma yang slob dang bcas pa'i gdung rten sa 'bum brgya rtsa
tsa ma bzhugs

pa sha ra dgon du phebs/ der yang nyin zhag bco lnga tsam gyi
yun du zhabs skor dang/ phyag mchod/ gnas gzigs sogs zhib par
gnang/ de nas rim gyis sne'u zur mchod rten/ po to dgon/ phu

chung/ khams lung/ lcang lung chos sde/ dga' ldan chos 'khor/
glang thang/ dpal ldan rtse sogs su zhabs skor/ mchod sprin/
'phrin bcol sogs dang/ gong gsal bka' gdams kyi rten gnas rnams
su

nyin gnyis gsum re ci rigs bzhugs pa'i ring byang chub lam gyi
rim pa dang theg chen blo sbyong gi nyams bzhes sogs la thugs
'grus dang thugs smon mchog tu gzab pa gnang/ de nas slar pha
bong kha'i ri

@165b khrod du zhabs sor bkod de/ bka' dang bstan bcos kyi gsung
rab du mar gzigs rtog dang/ snga dgong rnams su mdo sngags lam
gyi rim pa'i nyams bzhes zung du 'brel bar bskyangs pas dus 'da'
ba mdzad/ rgyud

grwa nas sgrig 'then mdzad pa sogs kyi dus ji bzhin ma nges
kyang/ dgung lo nyer drug nas brtsams te dgung lo so brgyad tsam
du phebs pa'i bar phal mo cher mtshan nyid ldan pa'i skyes mchog
mkhas grub dam pa du

ma'i drung nas zab cing rgya che ba'i chos bka' lung khrid snyan
brgyud kyi man ngag mtha' yas pa zhig la gsan bsam sgom sgrub
par mchad pa lta bu gnang zhing/ skabs 'gar dad brtson rnam
dpyod dang ldan pa du mas gsol

ba btab pa bzhin dbang bka' lung khrid kyis mtshon pa'i chos
'khor bskor ba dang/ bstan bcos che phra ci rigs pa ljags rtsom
mdzad pa'i tshul yang ches mang ba zhig byung snang ba 'di dag gi
stod smad rnams su

gsal ba ltar ro/ /des na phyis su'ang chos gsan pa'i rigs mang
du yod pa rnams dus skabs so so'i thad du mdo tsam 'chad 'gyur
ltar las/ gzhan rnams che long tsam zhig go rim nges pa med par
'dir phyogs

gcig tu 'god pa la/ ri sku rin po che las lung khrid sogs mang
du gsan mus ltar dngul chu d+harma b+ha dra'i gsung 'jigs byed kyi
sgo nas rgyas pa'i 'khor lo sgrub tshul dang/ chos rgyan gsung
gcod kyi gdams pa thar
@166a @#/ /'dod ded dpon/ gsang sman gab tshig zhal shes sbyor
tshad dang bcas pa/ thang sag pa'i 'jigs byed bskyed rdzogs bcas
kyi lung/ theg pa chen po'i gso sbyong yan lag brgyad pa'i sdom

pa/ srong btsan bka' 'bum dang/ dngul chu d+harma b+ha dra'i gsung
'bum gyi gras 'ga' zhig /pha dam pas mdzad pa'i mkhyud spyad
dkar nag khra gsum/ 'brong rtse be'u bum/ dar mo sman rams pa'i
gdams

ngag bka' rgya ma bcas kyi ljags lung/ khyab bdag bka' 'gyur pa
chen po 'bras shag sgor mkhan chen rdo rje 'chang rje btsun blo
bzang smon lam dpal bzang po'i drung nas/ rgyal ba'i bka' 'gyur
rin po che'i

bklags lung gi rgyun chu bzang gsan yig tu bzhugs pa yongs su
rdzogs pa dang/ kha skong spar gsar gyi dkar chag spar byang
bcas dang/ gser 'od g.yang skyabs dang/ bskal bzang sangs rgyas
stong gi

mtshan brjod pa skal bzang rgyan gyi phreng ba/ rwa lo tsA ba
rdo rje grags nas brgyud pa'i gshin rje gshed kyi chos skor rwa
bod du grags pa/ 'bri gung dpal 'dzin gyis mdzad pa'i gshin rje
gshed kyi chos skor dpal bod

du grags pa/ rgyal chen rnam thos sras kyi be'u bum bcas kyi
ljags lung/ slar yang sgo mang mkhan zur rdo rje 'chang las chu
bzang gsan yig tu ma bzhugs pa'i bka' 'gyur rin po che'i ljags
lung kha skong

@166b du ma dang/ rje tshe 'dzin ma'i tshe dbang nye brgyud dag
snang ma 'jam mgon tsong kha pa chen po nas grwa sgom mchog
sprul blo gros dpal ldan 'od zer/ sho mdo mkhan zur phun tshogs
rgya mtsho/ sgo mang mkhan zur rdo rje 'chang bcas la brgyud pa/
dga' lha'i chos

skor dang/ dmigs brtse ma'i be'u bum kha skong dang bcas pa/ lha
mo'i be'u bum sogs lung khrid dbang bka' gzhan yang ches mang ba
gsan cing/ tre bo khang gsar skyabs mgon blo bzang tshul khrims
bstan pa'i rgyal mtshan gyi drung nas dngul chu ba'i

yig cha ltar gyi nA ro mkha' spyod ma'i dbang bzhi byin rlabs
dang/ a mdo gser khang pa grub dbang bstan 'dzin rgya mtsho'i
gsung dpal rdo rje 'jigs byed kyi bsnyen yig skor dpal ldan smad
rgyud kyi bar ma nas/ 'jigs byed bsnyen yig dngos

grub kun 'byung dang/ de'i zhal shes/ bsnyen yig dngos grub kun
'byung/ de'i nyer mkho/ ye shes 'bebs sngags kyi dmigs rim/
sgrub pa'i tho yig sku gsum char 'bebs/ bsnyen sgrub sbrags ma
bya tshul dngos grub kun 'byung/

dngos grub kyi rdzas len skabs kyi 'dod gsol/ me lha'i bsnyen pa
dang de'i bcu cha'i sbyin sreg /'jigs byed bdag 'jug dngos grub
'gugs pa'i lcags kyu/ drug cu ma'i 'don sgrigs dngos grub kun
'byung/ bcu cha'i sbyin sreg gi ngag 'don dngos grub

kun 'byung rnams kyi bklags lung/ ra sgreng mchog sprul rdo rje
'chang ngag dbang blo bzang ye shes bstan pa'i rgyal mtshan dpal
bzang po'i drung nas/ rwa sgreng khri chen blo bzang ye shes
bstan pa rab rgyas kyi gsung 'bum pod gnyis kyi ljags lung/ rje
dngul chu ba

@167a @#/ /blo bzang 'jigs med dbang po'i drung nas/ dngul chu
rgyal sras thogs med bzang po'i gsung thor bu/ shar chen ngag
dbang tshul khrims kyi gsung steng nas 'jigs byed ser po'i rjes

gnang dang/ de'i sgrub thabs rjes chog gnyi ga'i ljags lung/
'jigs byed dmar po la brten pa'i dug dbang/ sa skya'i gser chos
bcu gsum gyi rjes gnang/ dpal ldan stod rgyud kyi mkhan chen rdo
rje 'dzin pa

blo bzang bstan 'dzin pa'i zhal snga nas las/ stod rgyud kyi
gsang 'dus rgyud TIka shog grangs sum brgya nyer drug yod pa
yongs rdzogs kyi ljags lung/ rgyud stod mkhan zur 'phrin las
rgyal mtshan dpal

bzang po'i mdun nas/ paN chen bsod nams grags pa'i gsung dpal
gsang ba 'dus pa'i bskyed rdzogs khag gnyis dang/ gsang 'dus
dmar khrid rgyud stod khrid khang brtsi bzhag tu grags pa/ shar
chen nam

mkha' rgyal mtshan gyi gsung 'jigs byed bskyed rdzogs/ khri byang
chub chos 'phel gyi gsung bde mchog bong zhal can gyi sgrub
thabs bdag mdun bum bskyed smon shis/ rab gnas dge legs char
'bebs kyi

zur rgyan bcas dang/ rgyal dbang chos rje 'phrin las rnam rgyal
gyi gsung rje'i rnam thar chen mo dang/ khri byang chub chos
'phel gyi rnam thar/ rgyal dbang mdzod dang/ drang nges kyi
sdoms/ shar chen ngag dbang tshul

@167b khrims kyi gsung le tshan mang tsam/ sgrub khang rdo rje
'chang blo bzang ngag dbang bstan 'dzin rgya mtsho dpal bzang po
las/ 'jam mgon tsong kha pa chen po'i gsung lam gtso rnam gsum
gyi rtsa ba dang/ paN chen bstan pa'i nyi

mas mdzad pa'i de'i khrid yig gzhan phan snying po'i steng nas
lam gyi gtso bo rnam gsum gyi bshad lung/ za byed rdo rje mkha'
'gro'i sbyin sreg gi khrid/ 'bras sgo mang gung ru mkhan sprul
rdo rje 'chang ngag dbang mkhyen

rab dpal ldan bstan pa'i nyi ma dpal bzang po'i drung nas dpal
'khor lo sdom pa dril bu lugs lus dkyil gyi dbang chen dang/
'jam mgon tsong kha pa chen po'i gsung zab lam nA ro chos drug
gi khrid yig

yid ches gsum ldan gyi steng nas bshad khrid dang/ lus sbyong
sogs kyi phyag khrid dang bcas pa'i nyams khrid bzhi bshad kyi
tshul du gsan cing/ gzhan yang dga' ldan snyan brgyud kyi man
ngag las byung ba'i zab lam bla

ma'i rnal 'byor paN chen chos rgyan gyi gsung bla mchod bde
stong dbyer med mar grags pa'i steng nas nyams khrid/ paN chen
chos rgyan gyi gsung phyag chen rtsa ba rgyal ba'i gzhung lam
gyi thog nas dga' ldan phya grgya chen  

po'i bshad khrid/ zhang g.yu brag pa'i bka' 'bum phyi ma bod
bzhi dang/ nang ma bod gcig /rgyal mchog lnga pa chen po'i dag
snang gsang brgya can sogs kyi skor pod lnga/ gung sprul rdo rje
'chang chen po rang nyid kyi gsung

@168a @#/ /'bum pod gnyis bcas kyi ljags lung/ sgrub thabs rgya
mtsho'i lha brgya dang zhe gsum gyi rjes gnang/ ba ri brgya
rtsa'am sgrub thabs brgya rtsa lha don brgyad kyi rjes gnang/
grub chen brgyad cu'i

rjes gnang/ 'bras sgo mang bka' 'gyur ba chen po blo bzang don
ldan gyi drung nas/ lam rim zin bris ngo mtshar legs bshad zla
tshes dang/ lha bsangs rnam dag chos sku/ a khu shes rab rgya
mtsho'i gsung 'bum

gras; gsang bde 'jigs gsum gyi bskyed rdzogs sogs le tshan mang
tsam dang/ dpal ldan smad rgyud kyi gsang 'dus rgyud TIka ldeb
grangs sum brgya re gsum pa/ rgyal dbang dge 'dun rgya mtsho'i
gsung 'bum

pod gsum/ rgyal ba dben sa pa'i gsung 'bum pod gnyis/ paN chen
blo bzang ye shes kyi gsung 'bum pod bzhi/ kun mkhyen bla ma
'jam dbyangs bzhad pa'i rdo rje'i gsung 'bum pod bco lnga bzhugs
pa lung

yod kyi gras yongs su rdzogs pa/ 'jam dbyangs bde ba'i rdo rje'i
gsung 'bum pod gcig /'on rgyal sras skal bzang thub bstan 'jigs
med rgya mtsho'i gsung 'bum pod gsum dang/ mi tra brgya rtsa'i
dbang chog bka'

gya ma bcas kyi ljags lung/ 'bras nyag re mchog sprul rin po che
blo bzang thub bstan snyan grags rgya mtsho dpal bzang po'i drung
nas stag phu bstan pa'i rgyal mtshan gyi gsung bya mgrin sngon
zla ba'i rtogs brjod/ stag phu

@168b gar dbang rin po che'i gsungs skya'i gser chos bcu gsum
gyi rjes gnang bskur ba'i cho ga /brag g.yab chung tshang blo
bzang bstan pa'i gsung chos skyong bse khrab pa'i sgrub thabs
rgyas pa dngos grub bang mdzod/ spos dkar

sprul sku ngag dbang tshul khrims kyi gsung ma mo'i 'khrugs
skong/ gtam rgyud rin chen phreng mdzes/ man ngag rin chen
spungs pa/ po to ba'i tshig lab ring mo/ zhog don yod mkhas grub
kyi gsung 'bum bris ma ldeb

grangs khyon bsdoms drug brgya zhe dgu yod pa bcas kyi bklags
lung/ rje bka' 'gyur ba chen po blo bzang 'phrin las dpal bzang
po'i drung nas/ yongs 'dzin shar chos gling sprul blo bzang lung
rtogs bstan 'dzin 'phrin

las kyis ljags sgrigs gnang ba 'jigs byed dpa' bo gcig pa'i gzhi
bsnyen chen mo'i skor them skas bco brgyad dang/ de'i mjug tu
zur 'khod tshogs 'khor bya tshul dang/ bla ma'i rnal 'byor dzam bu
nA da'i cod pan

'chas kyi ljags lung/ dga' ldan shar rtse phu khang pa rje btsun
mkhyen rab dpal 'byor gyi zhal snga nas byang chub lam gyi rim
pa'i dmar khrid myur lam gyi nyams khrid/ dge ba'i bshes gnyen
mtshungs med rje

btsun blo bzang dpal 'byor ba'i zhal snga nas las/ paN chen na
bza' pas mdzad pa'i na bza' be'u bum du grags pa'i ljags lung/
a mdo sku 'bum che shos rdo rje 'chang blo bzang byang chub
bstan pa'i sgron me dpal bzang

@169a @#/ /po'i mdun nas/ zhi ba lha 'phags pa dge legs rgyal
mtshan gyis mdzad pa'i nA ro mkha' spyod ma'i bskyed rdzogs kyi
khrid yig khyab bdag bla ma'i zhal lung gsang chen grub pa'i
mchog

sbyin dang/ a lag 'jigs med bsam gtan gyi gsung nA ro mkha'
spyod dbang mo'i sgrub thabs thun mong ma yin pa gsang chen bcud
kyi thig le/ nA ro mkha' spyod kyi be'u bum nas dbus phyogs su
lung rgyun ma

bzhugs pa kha skong le tshan bcu bcas kyi bklags lung/ rje gung
thang pa dkon mchog bstan pa'i sgron me'i gsung ngar ma'i rno
mtshon gyi steng nas khro bcu'i srung 'khor thun mong ma yin pa'i
khrid/ 'jam dbyangs zhi

khro sbrags sgrub kyi man ngag thun mong min pa 'jam mgon tsong
kha pa chen po'i gsung rdo rje'i tshig sbram dang/ de'i khrid yig
'jam dbyangs bzhad pa'i rdo rjes mdzad pa'i rnam bshad 'bring po
'jam dbyangs zhi khro'i

gsang mdzod grub mchog sgo brgya 'byed pa'i skal ldan re ba kun
skong sbrags ma'i thog nas zhi khro sbrags sgrub kyi zab khrid/
'jam dbyangs phyi nang gsang gsum dang sku gsung thugs gsum
dkyus gcig tu sbrags te

sgrub pa'i zhi khro sbrags sgrub thun mong ma yin pa/ lung zhu
ba la zla ba gsum dang/ khrid zhu ba la lo gsum gyi sngon du
snyan gsan 'bul dgos pa'i gsang ba las kyang ches cher gsang
ba'i man ngag mthar thug pa kha kyA

@169b ba dge bshes dkon mchog dar rgyas kyis zin bris btab pa'i
sdom tshig tshigs bcad ma'i thog nas 'jam dbyangs zhi khro sbrags
sgrub kyi zab khrid dang/ bklags lung/ brag dkar dka' bcu ngag
dbang grags pa'i gsung dpal rdo rje 'jigs byed kyi zhi khro

sbrags sgrub thun mong ma yin pa rdo rje'i tshig sbram gyi khrid
yig blo bzang zhal lung gi ljags lung/ 'jam dbyangs zhi khro
sbrags sgrub kyi rnam gzhag thun mong ma yin pa shes rab rgyas
byed kyi lung/ dar pa na a tsa rya'i lugs 'jam dpal zhi drag gi

bsrung ba'i khrid/ rdo rul mnan pa'i khrid/ brag dkar dka' bcu
ngag dbang grags pa'i gsung las gshin chos rgyal phyi sgrub kyi
bsnyen pa'i zin bris brgyud ldan bla ma'i zhal shes snyan brgyud
zab mo la grangs bdun/ de bzhin du las gshin

nang sgrub kyi bsnyen pa'i zin tho bla ma'i zhal shes snying gi
thigs pa la gsum/ las gshin nang sgrub kyi zhal gdams zin tho la
gnyis/ las gshin gsang sgrub kyi bsnyen sgrub zin bris rab tu
zab pa la lnga/ las gshin bsnyen sgrub kyi

skabs kyi man ngag zhal shes zab mo bka' rgya ma la bdun/ las
gshin chos kyi rgyal po'i las sgrub thun mong dang thun mong ma
yin pa'i man ngag zhal shes shog dril zab mo la bcu/ drug cu
pa'i skabs kyi mdun bskyed b+hai ra wa'i bsnyen dmigs kyi zhal
shes zab mo la gnyis/ las gshin gyi bsad las skabs kyi man ngag
zhal shes zab mo la brgyad/ gtor len bya rog brtag pa sogs kyi
u pa de sha la gsum bcas yod pa phyag dpe bris ma'i steng nas
ljags lung rnams gsan/ 'di dag la

@170a @#/ /grangs tho btab pa gsan yig tu le tshan dang po/ bzhi
pa/ lnga pa/ drug pa/ brgyad pa/ dgu pa bcas la yig nor cung zad
re mchis pa'i nor pa bsal phyir bkod pa yin phyir mangs pa'i
skyon du

mi gzung ngo/ /yang che shos rdo rje 'chang chen po de nyid kyi
zhal snga nas las/ rje bla ma'i snyan brgyud thun mong ma yin
pa/ a mdo gser khang pa chen po'i phyag bzhes bzhin a lag
'jigs med bsam gtan

gyis mdzad pa'i bla ma'i man ngag sems kyi glang smyon 'gugs
pa'i lcags kyu dang/ bsnyen yig dngos grub kun 'byung gnyis kyi
steng nas dpal rdo rje 'jigs byed kyi gzhi bsnyen chen mo 'dug
tshul gyi zab khrid

dang drug cu ma zhi drag gi phyag khrid dang bcas pa/ dpal rdo
rje 'jigs byed kyi bsnyen sgrub sbrags ma'i 'don sgrigs dngos
grub kun 'byung/ 'jig rten pa'i me lha thab tu 'gugs pa'i bsnyen
pa byed tshul/ de'i

bcu cha'i sbyin sreg 'bul tshul gyi 'don sgrigs dngos grub kun
'byung/ dngos grub len chog /drug cu pa'i gtor ma bsngo tshul
rnams kyi khrid lung/ lcang skya rol pa'i rdo rje'i gsung 'jigs
byed kyi bdag

'jug rgyun gyi rnal 'byor du bya tshul dngos grub 'gugs pa'i
lcags kyu sogs kyi ljags lung rnams dang/ dpal rdo rje 'jigs
byed chen po'i sbyin sreg dngos grub rgya mtsho'i lung khrid
dang/ 'phrul 'khor gyi

@170b man ngag sbyor dngos rjes gsum gyi khrid rim phyag bzhes
dang bcas pa/ zhi ba'i 'phrul 'khor gyi chog sgrigs rgud pa kun
sel/ rgyas pa'i 'phrul 'khor gyi chog sgrigs/ dbang gi 'phrul
'khor gyi cho ga /rebs

pa'i 'phrul 'khor/ 'jigs med bsam gtan gyi gsung 'phrul 'khor
thig rtsa/ 'phrul 'khor bri tshul gyi man ngag /spel tshig /ling
sgrub/ zhi ba'i 'phrul 'khor las byed phur zlog pa'i 'don cho ga
bcas kyi

ljags lung/ 'byung ba chu'i g.yang 'bod kyi lung dang/ chu
'bod/ chu bzlog rnams kyi lag len gyi khrid/ lcags mkhar skor
nas a lag 'jigs med bsam gtan gyi gsung lcags mkhar zur dgu
pa'i

gtor chog bdud dpung 'joms pa'i mtshon cha 'bar ba dang/ de'i lag
len rno dpal tsha tsha 'bum 'phro gnyis kyi steng nas lcags mkhar
zur dgu pa'i phyag khrid/ de gnyis dang/ lcags mkhar gyi ling
sgrub

bcas kyi bklags lung/ dam can chos rgyal gyi bskang chen nam ya
ma rA dzA'i 'don sgrigs shin tu bka' rgya can gyi khrid lung/
che shos rdo rje 'chang nyid kyi gsung kha char gcod pa'i gdams
pa dang/ klog myur

ba'i man ngag bcas kyi khrid lung sogs dang/ zhwa dmar lam rim/
a lag 'jigs med bsam gtan gyi gsung 'ga' zhig /bde mchog lus
dkyil shog gcig ma bcas kyi lung/ dga' ldan lha brgya
@171a @#/ /ma'i 'pho khrid/ mkhas grub chig brgyud kyi bla ma'i
rnal 'byor gyi khrid/ thun drug bla ma'i rnal 'byor paN chen gyi
gsung rtsa ba dang/ a khu shes rab rgya mtsho'i zin bris gnyis

sbrags pa'i lung khrid/ 'od zer can ma'i sgo nas chom rkun srung
ba'i man ngag gi khrid/ dra sdom 'khor lo'i khrid/ snying rlung
gegs sel ma ning ha 'don zhes grags pa'i rlung sbyor gyi lung
khrid/ yi ge bzhi pa'i

srung zlog gi khrid/ a khu sher rgyal gsung steng nas ngag byin
rlabs kyi khrid/ yang des gnang ba'i zin bris kyi steng nas grub
rgyal tshe khrid bsdus pa'i khrid dang/ tshe sgrub le tshan gsum
gyi khrid lung/ 'jam mgon/

tsong kha pa chen po'i gsung sogs sgra mi snyan gyi tshe sgrub
kyi man ngag cung zad mi 'dra ba khag gsum dang/ tshe sgrub zhag
bdun ma bcas kyi lung khrid/ che shos rin po che sku gong mas
mdzad pa'i lam rim dang/

'brom ston pa'i gsung mi chos gnad kyi phreng ba'i lung/ zhing
skyong k+She tra pA la'i rjes gnang thun mong min pa/ sgyu ma
'phrul gyi be'u bum gyi ljags lung/ sgra mi snyan gyi tshe dbang/
ser sngags mkhan zur rdo rje

'chang bstan 'dzin brtson 'grus dpal bzang po'i drung nas tshe
dpag med 'chi med ja sgra lha dgu'i dbang chen dang/ dpal 'khor
lo sdom pa dril bu pa'i lugs phyi dkyil lha lnga'i dbang chen/
dngul chu dbyangs can

@171b gyi zin bris steng nas dril bu lugs bde mchog lha lnga'i
bskyed rim gyi khrid/ rje tsong kha pa chen po'i gsung sgrub
thabs za ma tog gi steng nas dpal rdo rje 'jigs byed lha bcu
gsum ma'i bskyed rdzogs kyi zab bshad thugs

thog nas gnang srol ltar gyi myong khrid/ 'phrul 'khor gyi rtog
pa'i rgya cher bshad pa khams gsum rnam rgyal dang/ khal kha dam
tshig rdo rje'i gsung thig rtsa bcas kyi steng nas 'phrul 'khor
gyi phyag khrid/ la lI tas

mdzad pa'i 'phrul 'khor gsal byed dang/ ya ra klungs pa ngag
dbang rgya mtsho'i gsung rlung 'khor gyi man ngag yig chung/
'phrul 'khor gyi lingga'i drag sngags bkod thabs kyi zhal shes/
thun gyi las mtha'/ dka'

chen byams pa bsam gtan gyi gsung 'phrul 'khor gyi thig rtsa/
'khor lo lteb tshul gyi man ngag rtsa tshig /de mo'i gsung 'phrul
'khor gyi reg zig dang/ 'khrul 'khor 'don chog /khri chen gsung
gtad 'don pa'i cho

ga/ lcags ra ngag dbang 'phrin las dpal bzang gis mdzad pa'i las
bzhi'i 'phrul 'khor 'khor lo'i zhal shes zin bris dang/ khams
gsum rnam rgyal gyi gsal byed/ zhi rgyas dbang gi 'khor lo sgrub
tshul le

tshan gsum/ dkon rdor gsung 'phrul 'khor man ngag rnams kyi lung/
shar chen ngag dbang tshul khrims gsung bsad pa'i 'phrul 'khor
ngag 'don gyi ljags lung/ paN chen blo bzang chos kyi rgyal
mtshan gyi gsung bla mchod

@172a @#/ /bde stong dbyer med mar grags pa'i steng nas dpal dben
sa snyan brgyud kyi man ngag zab lam bla ma mchod pa'i nyams
khrid dang/ bla mchod rtsa ba'i lung/ paN chen chos rgyan gyi
gsung thun drug

bla ma'i rnal 'byor gyi khrid lung/ stag brag khri sprul rdo rje
'chang ngag dbang gsung rab mthu thob bstan pa'i rgyal mtshan
dpal bzang po'i drung nas/ 'phags 'od yon tan rgya mtsho'i sgrub
dkyil gyi steng nas grub chen

nag po pa'i lugs kyi dpal 'khor lo sdom pa lha re gnyis kyi
dbang chen dang/ 'phags pa lha khyab bdag bde chen rdo rjes
mdzad pa'i sgrub dkyil gyi steng nas ngam rdzong snyan brgyud du
grags pa'i 'khor lo bde

mchog gi dbang chen/ grub mchog stag phu ba blo bzang bstan pa'i
rgyal mtshan gyi gsung nA ro mkha' spyod ma'i rim gnyis zab mo'i
khrid yig baiDUr zhun ma'i them skas kyi lung/ dpal rdo rje
'jigs byed chen

po'i 'phrul 'khor gyi skor las/ mkhas grub rje'i gsung rgyud
rtog pa gsum pa'i rnam bshad gshin rje gshed kyi 'phrul 'khor
gyi cho ga rgya cher bshad pa khams gsum las rnam par rgyal ba'i
nyi 'od dang/

A lo ke'i yig chung/ 'phrul 'khor nag po'i yig chung/ sbas don
ha lo'i lo 'dab/ tsha kho ba'i gsung 'khor lo lteb tshul gyi man
ngag yang chung/ 'phrul 'khor gyi yig chung las kyang yang
chung/ drag po'i

@172b rlung 'khor gyi gdams pa rnams kyi ljags lung/ rje 'jigs
med bsam gtan gyi gsung dge 'dun 'du 'khor sgrub tshul/ rgyal
mchog bskal bzang gsung dge 'dun 'du 'khor sgrub tshul/ rgyal ba
dben sa

pas mdzad pa'i bsad zlog srung pa'i man ngag /lam rim legs gsung
nying khu/ sku tshab lam rim/ gsang 'dus rim lnga'i khrid yig rdo
lag brgyud ma smad rgyud khrid khang brtsi bzhag tu grags pa/
bshad pa rdo

lag brgyud ma/ khrid chen brgyad/ bsod nams ye shes dbang po'i
gsung mgon po'i bsnyen sgrub kyi yi ge rnams kyi ljags lung/
'dul 'dzin grags pa rgyal mtshan gyi gsung gzhi gsum cho ga'i
bshad lung/

lcang skya rol pa'i rdo rje'i gsung gi steng nas gnyan tshem bu
ba'i lugs kyi thugs rje chen po'i dmar khrid/ dwags po thar
rgyan dang/ lho brag bka' 'bum/ 'jam dbyangs chos skor par ma/
rgyal dbang dge 'dun

grub pa'i gsung 'bum pod lnga/ rgyal ba dben sa pa'i gsung bka'
rgya ma/ paN chen chos rgyan gyi gsung bshes gnyen bsten tshul
nor phreng dang/ chos rgyan gsung bka' rgya ma/ rgyal mchog
bskal bzang rgya

mtsho'i gsung 'bum pod brgyad bzhugs pa nas gsan yig pod gcig ma
gtogs par lung rgyun bzhugs pa'i gras rnams yongs rdzogs dang/
gsung bka' rgya ma'i gras le tshan/ lcang skya rol pa'i rdo
@173a @#/ /rje'i gsung 'bum phyi ma pod bdun las/ lung yod kyi
gras tshang ma dang/ gsung bka' rgya ma pod gcig /paN chen dpal
ldan ye shes kye gsung 'bum kha nas nya'i bar pod bdun dang/

gsung bka' rgya ma le tshan/ stag phu gar gyi dbang po'am/ blo
bzang chos kyi dbang phyug gi gsung 'bum pod drug /gsung bka'
rgya ma le tshan mang pa/ rta tshag bstan pa'i mgon po'i gsung
'bum pod gnyis/

klong rdol bla ma rin po che'i rnam thar rgyal sras spyod rgyan/
khri chen ngag dbang chos 'phel gyi gsung 'bum bcas kyi lung/
dus mtshan 'od chen 'bar ma'i rjes gnang/ gzhan yang tshe dbang
dang rjes gnang

sogs kyi skor shin tu mang ba/ sgrol ma'i be'u bum dang/ yang
gsang rta bod gsar mar grags pa pod gsum/ man ngag be'u bum bcas
kyi bklags lung/ bshes gnyen chen po blo bzang dpal 'byor ba'i

drung nas bka' gdams gces bsdus nor bu'i bang mdzod kyi ljags
lung/ gnyal dre'u lhas skyabs rje mchog sprul rin po che bstan
'dzin 'phrin las 'od zer dpal bzang po las thu'u bkwan chos kyi
nyi ma'i

gsung 'bum a mdo par ma pod bcu nas lung yod yongs rdzogs dang/
rta mgrin gsang sgrub kyi chos skor pod gsum gyi lung rgyun khag
gcig /thu'u bkwan rin po che'i gsung nang ma bka' rgya ma par ma

@173b dang bris ma le tshan mang po/ gzhan yang dam pa'i skyes
mchog du ma las jo nang khrid brgya dang 'ba' ra ba'i tshe khrid
kyi khrid lung sogs chos bka' lung khrid mtha' yas pa lta bu
dang/ gsang sngags snga 'gyur gyi skor

bka' gter ci rigs pa'i chos tshul shin tu mang po dang/ sa bka'i
chos skor gzhan yang ches mang ba zhig gsan 'dug pa'i gsan yig
bris ma ldeb grangs nyis brgya skor tsam mchis pa sngon dus chab
mdo rje

drung thub bstan gsung rab kyi phyag tu bzhugs pa las kho bo cag
gis yang yang mthong mod/ dus phyis dpe tsam yang ma rnyed la/
da dung 'dir ma 'khod pa gsan yig sogs su yod pa yang 'ga' zhig
'byung ba ni

de dag las shes dgos so/ /de ltar chos gsan pa rnams kyang thos
rkyang tshig gi brgyud pa bshad yams kha rgyug tsam du ma song
bar dbang khrid man ngag rnams kyi thos don thugs rgyud la 'byor
pa'i snying po'i nyams bzhes lus

dang yan lag gi tshul ltar thos bsam sgom gsum dang bshad sgrub
ya ma bral bar zung du 'brel bar bskyangs pa'i rnam thar ji ltar
mnga' ba rnams sngon byon rgyal dang de sras kyi tshogs spyi
dang/ dge ldan mkhas grub

gong ma rnams kyi mdzad pa'i tshul dang sgo kun nas mtshungs pa
lung rigs brgya phrag gis nges pa bskyed du yod mod/ re zhig yig
tshogs che bas 'jigs pa sogs kyis rgyas par 'bri ba'i ngal ba
bskyungs te/ skabs

@174a @#/ /'gar cung zad rgyas tsam las byings kyi dus skabs nges
pa can rnams nas lo tshigs kyis khongs mi 'khrugs pa'i slad du
mdzad pa sne khag nyung shas 'ga' tsam re brel rtab kyis  

'god pa'i lugs su byed pa lags shing/ lhag par rje bla ma nyid
nas 'jig rten 'di pa'i srid 'byor sde tshugs sogs go sa'i mnga'
thang mi bzad ngan dgu'i thabs tshul rgyas spros kyi yo lang
mtha' dag la

dug sbrul gyi tshang ltar nyes skyon du ma'i phung por gzigs
shing/ bdag cag gi ston pa thugs rje chen po dang ldan pa de
nyid kyis/ rab tu byung ba rnams kyi bya ba la gnyis te/ klog pa
thos bsam dang/ spong

ba bsam gtan no/ /zhes ji skad gsungs pa ltar/ sku gzhon nu'i
skabs nyid nas sngon gyi thugs bskyed dang rjes su mthun par
rgyal ba'i bstan pa rin po che gsal bar mdzad pa'i thugs smon
shugs drag nar mar

gnang ba bzhin bstan pa dang 'gro ba'i don gnad du thengs par
bskyang ba la/ thog mar rang ma dul bar gzhan rgyud 'dul ba sogs
kyi bstan 'gro'i don mdzad mi nus par mkhyen cing/ de yang rgyal
ba'i gsung rab kyi

don spong ba bsam gtan gyi sgo nas nyams su bstar ba la/ gang
nyams su bzhes rgyu'i don rnams klog pa thos bsam gyi sgo nas
gtan la ma phabs par rang dgar klong rdol du mi 'byung la/ khyim
pa sun 'byin gyi

@174b spyod tshul 'di snang bde thabs kyi rigs mtha' dag pa ni
rab tu byung ba'i tshul lugs dang dus nam yang mi mthun par gzigs
nas 'jig rten 'di pa'i 'byor tshogs kyi che thabs 'tshol ba rnams
'phongs 'phyis pa'i rdo bzhin

rgyang ring du dor te ston pa rjes 'brang dang bcas pa'i gsung
rab dri ma med pa'i don rnams la sngas bcol te mkhas grub dam pa
tshad thub rnams kyi man ngag dang mthun par gsan bsam sgom gsum
dang/ mkhas btsun

bzang gsum ya ma bral ba gnang zhing/ 'chad rtsod rtsom gsum gyi
sgo nas bstan 'gro'i don 'ba' zhig mdzad pa las dus nam yang mi
'da' bas/ 'dir mdzad pa'i tshul ji ltar byung ba yang gdul bya
rjes su 'dzin

pa dang/ dam pa'i chos 'chad rtsod rtsom gsum gyis spel bar
mdzad tshul gtso bor gzhol ba las ma dmigs stabs de dag gi tshul
dang 'ga' ba'i rnam par thar pa ni btsal kyang rnyed par dka'
ba'i gnas nyid du zad do//

! dgung lo nyer bdun du phebs pa shing 'brug lor/ lha sa sger
dmar lam pa'i gzim shag tu bzhugs skabs rnams su rdo rje 'chang
nyid kyi sku mched de ga'i drung skor bgres gzhon sogs nas zhus
ngor zhu mi nyi shu

sum cu'i skor tsam re la grub rgyal lugs kyi tshe dbang sogs chos
bka' sna tshogs stsal zhing/ rje rang nyid kyi nyams bzhes su rdo
rje rnal 'byor ma nA ro mkha' spyod kyi rgyun khyer mdor bsdus
shig kyang ljags sgrigs gnang/

@175a @#/ /'di skabs snga phyi du mar dbyangs 'char skor tshigs su
bcad pa sogs rig gnas che chung ci rigs pa'i bsnyel byang ches
mang ba zhig dang/ bla ma ri sku rin po che'i thugs dam nyams

bzhes su gsung bskul mdzad pa bzhin bla ma'i rnal 'byor gyi lhan
thabs zab don bcud mngar zhes pa nyung 'dus shig kyang gsung
rtsom mdzad/ lha sa'i gling skor sogs na zhabs skor yang mang du
gnang bas/ nyin

gcig lha ldan smon grong zam pa'i nye 'gram zhig tu phebs skabs/
rta lag pa shin tu mi bde ba gcig 'gro mi thub pa la/ mi zhig
gis rta de la rdo dang lcag gis bzhus te nyes brdung tshabs cher
btang ba gzigs pa na/

rje nyid kyi thugs rgyud la nges 'byung dang snying rje tshad med
pa 'khrungs nas byang chub kyi thugs rin po che'i nyams rtogs
kyi bogs lhag par du che ba thon/ sku lus 'dar la sku'i ba spu
g.yos shing/ spyan chab shugs drag rgyun ring

'phro gcod dka' ba byung ste theg pa chen po'i rigs kyi nus pa
yongs su sad pa'i tshul bstan par rgyal rong shar pa mchog sprul
la bka' stsal ba shar chos rin po ches kho bo cag la lan gcig ma
yin par nan tan du

gsung ba thos shing/ 'di skabs shig nas dus res 'gar pha bong
kha'i ri khrod du byon te thugs dam nyams bzhes spyi dang/
mtshams bsnyen bcad rgya'i rim pa'ang ci rigs shig gnang zhing/
bla ma ri sku rin po che

@175b dang lhan du rta mgrin yang gsang dang/ rdo rje phur pa
sogs kyi ljags bsnyen kyang gnang tshul gleng ngo/ /dgung lo nyer
brgyad du phebs pa shing sbrul lo/ pha bong kha'i khang sar nang
spom mda'i shag tu bzhugs mus thog re zhig

nas chu bzang khri byang bla brang gi spro khang du zhabs sor
'khod/ der bzhugs pa'i ring du rdo ring gzim shag nas mchod
tshogs 'bul bshams sogs kyi sbyin bdag zhus te brag ri mchog
sprul rin po che dang/ dge legs sprul

sku/ sa 'du dge bshes sogs dad 'dus kyi tshogs pa brgya phrag
brgal ba tsam la rta mgrin yang gsang gi dbang chen dang/ tshogs
skong yang yang bcas gnang/ 'di dus yang gsang gi dbang chen
stsal skabs/ chos gral du

yod pa gzhung pa dge legs sprul sku nas/ rdo rje 'chang chen
po'i thugs ka nas slob dpon padma'i sku khru gang ba tsam zhig
byung ste dbu'i steng gi nam mkhar rgyun ring tsam bzhugs shing/
mthar thugs kar rang gnas su thim

pa gsal bar mjal tshul dge legs sprul skus gsung ba/ yang gsang
gi bka' dbang 'di ma gtogs phal cher ma gnang ba 'dra bas de'i
ltas yin nam snyam zhes sa 'du dge bshes nas gsungs/ nags shod
stag phu

rdo rje 'chang chen po ngag dbang blo bzang dpal ldan 'jam dpal
bstan pa'i dngos grub bam/ padma badzra dpal bzang po mchog
dang/ rje bla ma rnam gnyis bka' gdams sku mched rnam gsum gyi
rnam thar ltar 'khrungs rabs du mar yab sras
@176a @#/ /su dge ba'i las kyis 'brel zhing phan tshun thugs
gcugs par brten/ sngar nas thugs 'dris che zhing/ 'di skabs
kyang yi dam gyi lhas sngar bskul ba'i gsang lung bzhin/ stag
phu rdo rje

'chang nyid skabs shig dbus phyogs su ched phebs kyis bla ma
rdo rje 'chang dang mjal 'phrad thog /chu bzang yang dben rtag
brtan e gsang phug ces pa zhig yod 'dug pa de he ru kaH yab
yum gyi gnas ri khyad

par can yin pas der gzim phug btab ste sgrub pa nyams bzhes
mdzad na sngon gyi thugs dam la gsos thebs te nyams rtogs
khyad par can la bogs myur du thon par 'gyur pa dang/ sku tshe
mdzad 'phrin rgyas pa'i

rten 'brel gyi gnad zab mo yod ces lung ston par mdzad cing/
thugs sras slob bu du mas rje bla ma nyid kyi sku phreng snga
ma'i 'khrungs rabs kyi rim pa ji ltar byon pa dang/ sku tshe'i
tshad/ sku tshe 'di'i dgung skeg dang

bar gcod rkyen 'phrang ji ltar yod med sogs stag phu rin po
cher zhu gnang mdzad dgos pa'i gsol ba lan brgyar btab pa
dang/ sngon dus rnams nas rgyal pa'i gsung rab kun gyi yang
snying byang chub lam gyi rim pa'i

gdams pa spyi dang/ byang chub sems sbyong gi man ngag yongs
su rdzogs pa 'jam mgon rgyal ba gnyis pa'i dgongs pa ltar
phyin ci ma log pa zhig gsan pa'i yul gang na yod snyam du
dgongs te dbus gi tsang mdo  @176b khams dang bcas pa'i don
gnyer can du mar 'dri rtsad zhib tu gnang bar/ nam zhig na
shar phyogs dwags po'i yul du dwags pho skyabs mchog bla ma
rin po che de nyid 'gran gyi do med cig tu bzhugs par gsan te/
'di

skabs stag phu rdo rje 'chang chen por/ dwags po bla ma rin po
che'i drung du dus snga phyi dang yun ring thung sogs ji tsam
bcar dgos pa rnams chabs cig tu gsol 'debs zhu gnang mdzad
dgos tshul gsung bar/ ring min

zhig tu khyab bdag stag phu ba chen pos chu bzang du rje bla
ma mchog zhabs pad bskal brgyar brtan par gsol ba'i cho ga
rgyas par mdzad skabs stag phu rin po cher gzigs snang ji ltar
byung ba'i gsang lung kha TwAM rgya can

las/ rgyal zla'i mkha' 'gro 'du ba'i dus bzang por chu bzang
du las can gyi 'du ba tshogs pa'i dga' ston ma bsgrigs lhun
grub tu byung bar brten gzung 'dzin gyi rtog pa re zhig bag la
zha/ nyams khyad par can

'ga' zhig gsal ba'i lo rgyus dgos pa ldan phyir bri bar/ de
yang lha mo mkhar gyi e gsang phug tu slebs pa'i nyams kyis
phug der gtso mchog he ru kaH g.yas g.yon du 'phags bod kyi
paN grub rnal 'byor

pa ?byed rnal 'byor ma'i gral ring bstar ba'i drung du phyag
'tshal/ gus pa'i rnam 'gyur gyis 'khod par cang te'u dang dril
g.yer gyi sgra 'ur sil sa g.yos pa tsam dang/ phaiM gyi sgra
dang/ bid ma hya'i sngags sgra dir dir gsungs

@177a @#/ /pas/ lus par snang la 'degs shing g.yo bzhin rdo
rje'i 'gros kyis skor ba byas/ ngag nas rdo rje'i glu thol
thol blangs/ sems la bde gsal mi rtog pa'i nyams khyad par

can skyes te bzod med de gar yug gcig cham gyis song/ slar he
ru ka'i thugs ka'i 'od zer gyis rang nyid drangs pa zhal nas
zhugs/ sku'i dbyibs brgyud rdo rje'i lam nas yum gyi mkhar
thon pa dzo ki'i

gzugs can du rang mal du 'khod/ he ru ka'i lus dkyil gyi lha
rnams dwangs mtshor gza' skar shar pa ji bzhin mjal/ rang 'dra
chad de 'khor lo lnga'i gnas su byon/ bum dbang/ yang he ru
kaH dkar po

'phros spyi bor zhugs/ phag mo lte bar byon pa a haM du gyur/
'bar 'dzag gi zhu bde'i nyams 'bar/ slar byon dpyid thig gi
ngo bor hUM baM gyi rnam par zhugs/ thams cad stong pa 'od
gsal du thim pas/

tsheg gis mi mtshon pa'i don dbang sems su ngo 'phrod/ de ma
thag snying la brnags pa'i don 'ga' zhig gsol bar/ he ru kaH
gnas 'gyur dge slong dri ma med pa'i rnam pas phyag spyi bor
bzhag ste/ shar phyogs

nag po pa'i skye mtha' karma'i mtshan 'dzin pa'i tshe tshad ni
don gsum yang/ phal cher sprul pa'i 'khor yor gzhan du 'pho/
'phen pa gtso che/ 'phrang che chung bdun yod/ dam pa gnyis
yod/ 'di lo rang mi skyon pa 'dra/

@177b gsol 'debs gnad du che che/ phug 'dir bde ba chen po lam
gyi srog tu byas pa'i sgrub pa mthar phyin par mdzod ces
bskul/ lcags zam du snga phyi khyad med/ dwags po gser gling
ba'i drung du yun mi thung tsam 'byon pa

legs/ bar chad thams cad rang zhir 'gro/ gdul bya'i blo dang
'tshams pa'i bshad nyan mdzod/ snyigs 'gro ku man dang 'dra bas
legs par brtag pa gal che/ gzhan yang ma rgyud kyi gnas chen
gar yod la

'brel pa thogs/ nges par btsan sa zin pas spro ba srings shig
/bu yi bde sdug blang dor rim gyis smras pas chog /nam yang re
dogs dang the tshom gyi gegs che bas zon chug /spyi'i gleng mo
ni dgos pa yang chud/

dgag bya che/ gnas skabs sprin par nyi zhud yin/ las can bag
la zha/ log smon gnya' rengs/ nga yi bka' bzhin mi sgrub pas
'phel 'grib sna tshogs byung zhing da dung yang 'byung/ bstan
srid kyi las sbyong

'dra rnal ma skye bas 'grub na ngo so che/ bu yi bsam pa bzang
po de nam yang thang la ma skyur ang gsungs/ 'dus pa'i tshogs
la byin rlabs re zhus/ de 'phral nyams sad/ gnas gsum mkha'
'gro'i tshogs

kyis bzod par mdzod cig /ces pa stag phu bas phyag bris su
btab ste rje nyid la gnang 'dug pa'ang 'di dus yin par sems/
dwags b+hruM rje btsun ma nas gsol ba btab pa bzhin zhu mi ser
skya bdun la nA ro mkha' spyod

@178a @#/ /ma'i bka' dbang bka' rgya shin tu dam par mdzad de
gnang zhing/ dgong mo tshes bcu'i tshogs 'khor bcas rgyas par
mdzad/ gnas 'dir bzhugs skabs kyi lo snga phyir yi dam lhag
lha

du ma'i sku mtshams bcad rgya'i rim pa mang po dang/ sdags
bsnyen gyi kha skong du zhi ba'i sbyin sreg kyang yang yang
gnang/ skabs 'gar mchod g.yog zhu mi med par bsreg rdzas sogs
gsol lcog steng du sgrig

gnang mdzad dgos pa'ang mang po byung bar grag go/ dgung lo
nyer dgur phebs pa me rta lo'i khongs su/ 'bras spungs gung ru
rgya mtsho gling mkhan sprul mkhyen rab dpal ldan bstan pa'i
nyi ma dpal bzang po'i drung nas

nor gling du rgyal mchog lnga pa chen po'i dag snang gsang
chos rgya can nyer lnga'i dbang lung man ngag yongs su rdzogs
par gsan/ stag phu rdo rje 'chang chen por rje bla ma mchog
nyid nas zhu gnang mdzad de stag phu'i dag snang

gsang ba bcu gsum gyi dbang chog bka' rtsom gsar thon bris
ma'i thog nas zhu mi rje bla ma nyid kyis dbus bla sprul bco
lnga skor sogs la gsang chos bcu gsum gyi rjes gnang nyin bdun
brgyad tsam gyi ring gnang/ 'di

skabs tsam zhig la stag phu rdo rje 'chang gi drung nas byang
chub lam rim chen mo mchan bu bzhi sgrags tshe gling par ma pod
gnyis kyi bshad khrid gsan par bod gnyis pa'i mjug nas shog bu
nyi shu skor tsam dang/ de'i

@178b dkar chag lo rgyus dang bcas pa ma gtogs pa gzhan pod
gnyis ka'i bshad khrid cha tshang ba gsan cing/ skabs shig tu/
stag phu'i gsang lung ltar gyi sgrub gnas gsar bskrun gnang
rgyu'i sa gnad 'tshol gnang

mdzad par stag phu rin po che/ rje bla ma mchog /ser smad
gzhung pa chu bzang dge slong ye shes sbyin pa/ gsang yum rin
po che sogs ston 'khor rnams spro sang du phebs zol gyis dbu
gdugs rir phebs te bla ma

yi dam srung ma/ gnas gzhi'i bdag po bcas la gsol 'debs/
'phrin skyems/ bsangs ma chod/ sku klung dar lcog sgron 'bul
sogs mdzad nas/ mkha' 'gro'i tshogs gzhong sogs ri brag g.yas
g.yon

rnams su skor g.yer gnang bar/ skabs shig nas bya rog gnag la
snum 'od chags pa zhig gshog 'gyur sna tshogs dang bcas te
'ongs pa bla ma yab sras sogs bzhugs pa'i sku 'khris su bkas/
skad drag cing

snyan pa mang du bsgrags nas dbu gdugs ri'i sham bu 'og ma'i
thad kyi pha ri'i brag khung da lta'i rtag brtan gyi sgrub
phug yod pa 'dir babs shing/ de nas slar yang skad sgrog bzhin
myur bar 'phur te bla ma yab sras sogs

kyi nye gzhogs su babs nas skad sgrog cing slar yang da gin
gyi de phyogs su 'gro ba sogs sngar gyi rnam 'gyur ji ma ji
bzhin du byed pa lan kha yar bgyis te sgrub gnas kyi sa gnad
'dir yod bya ba'i brda ston gyi tshul

@179a @#/ /shin tu gsal po byung par brten rdo rje 'chang rnam
gnyis nas dpal 'khor lo sngom pa'i bka' srung bya rog gi rnam
pas gsang ba'i sgrub phug bstan par mkhyen to/ /de 'phral nas
brag

phug de'i phyogs su 'byon par/ gnas der phebs ba tsam gyis
thugs snang 'gyur nus pa tsam gyi sa gzhi byin che la bag dro
ba/ sa dpyad phun sum tshogs shing g.yas g.yon gyi ri brag
sogs kyang rnal 'byor sgrub

la bskul ba'i nyams du mas brjid la rgyal bas bsngags pa'i
dben pa'i gnas kyi yon tan mang po dang ldan pa'i sgrub gnas
khyad par can zhig tu yod pa gzigs shing/ stag phu rdo rje
'chang chen por ni ngo mtshar ba'i

dag pa'i gzigs snang 'byams klas pa mang po byung snang/ de
lta bu'i gnas der bla ma yab sras gnyis kas thugs dam bden
stobs kyi rim pa dang/ sa gzhi byin gyis rlob pa'i rnal 'byor
zab mo'i rim pa sgo

sna tshogs nas gnad du smin par bskyangs shing/ rten 'byung
shis par brjod pa'i bden tshig gi me tog 'bum phrag char du
bsnyil ba mdzad de slar chu bzang ri khrod du phyir phebs/
skabs shig stag phu rdo rje 'chang

dang/ gsang yum rin po che/ rje bla ma nyid/ de mo rin po che/
bzhi sde tA zur sogs ston 'khor bco lnga skor tsam dar rgyas
gzhis ka'i gling gar nyin gsum gyi ring lhod 'gol gnang ste
bzhugs/ 'di'i skabs

@179b sogs snga phyi du mar dpal rdo rje 'jigs byed chen po'i
'khrul 'khor gyi skor la sogs pa bka' chos phar gsan tshum gsan
mang du gnang ste chos 'khor gyi rim pa 'byams su klas shing/
rje nyid kyis stag phu ba chen

po'i drung nas gsan pa 'ga' zhig phyogs su dril na/ dpal gsang
ba 'dus pa'i rdzogs rim rim lnga gdan rdzogs kyi dmar khrid
lan gnyis dang/ dga' ldan nag tshang blo bzang bstan pa dar
rgyas kyi gsung gi

steng nas nA ro chos drug gi khrid lus sbyong nA ro drug
skor gyi phyag khrid dang bcas pa/ lcags mkhar skor la yongs
'dzin gling sprul rin po che'i gsung gi steng nas lcags mkhar
zur bcu drug pa'i khrid/ chos rgyan

gsung bka' rgya ma'i gtor chen drug cu pa'i rnam gzhag dang/
chos rgyal phyi sgrub la brten pa'i thun mong min pa'i drug cu
pa'i chog sgrigs/ thun mong min pa'i drug cu pa'i man ngag
bka' rgya can gyi zur 'debs

sogs dang/ yongs 'dzin gling gi gsung gtor chen drug cu pa'i
rnam gzhag dang/ de'i sa chog bcas kyi bklags lung/ stag phu
ba chen po nyid kyi gsung dag snang dbang chog gi steng nas
sgrol ma tsi tta ma Ni'i dbang

thun mong ba gtor ma la brten pa dang/ thun mong min pa bla
ma'i lus dkyil du bskur ba'i dbang/ ches shin tu gsang ba'i
nye brgyud kyi snying zhugs lugs mi 'dra ba gnyis ka /sgrub
thabs tsi tta ma Ni'i steng nas bskyed

@180a @#/ /rdzogs kyi zab khrid las tshogs char 'bebs dang bcas
pa/ sgrub 'phrin tsitta ma Ni dang/ char 'bebs/ dge 'dun 'du
'khor sgrub tshul/ lkog gyur brtag thabs dang bcas pa'i ljags
lung rje btsun

sgol ma nas/ gar dbang/ rwa sku chen/ rwa sku chung/ bya me
mkhan zur/ rta tshag yongs 'dzin/ lho spul rin po che la brgyud
pa/ ma ti sA ras mdzad pa'i sgrol ma'i gdung 'bod le tshan
gnyis dang/ gdung 'bod bslu med ma/

rdo rje 'chang nyid kyi gsung tsitta ma Ni'i sa bcud bum gter
bya tshul dang/ zhi rgyas dbang gsum gyi sbyin sreg bcas kyi
ljags lung/ byang sems nor bu'i phreng ba'i bshad lung/ dag
snang gsang chos bcu gsum gyi

dbang chog sogs stag phu ba chen po rang nyid kyi gsung le
tshan mang tsam gyi ljags lung/ grub chen thang stong pa'i
snyan brgyud tshe dbang 'chi med dpal ster rnams gsan/ bla ma
yab sras phan tshun thugs nang gshin

pa gzhan dang mi mtshungs pas nang gsang gi ngo mtshar ba'i
mdzad bzang dang byung ba'i rim pa gang la'ang 'dzem dogs mi
gnang bar dgyes 'dzum bzhad pa'i gsung gleng rab tu 'phel bas
mthong thos kyi skal bzang

skye bo bgrang ba las 'das pa zhig kyang dad pa'i gnas su bkod
cing/ thar pa dang thams cad mkhyen pa'i sa bon khyad par can
du ma rgyud la skrun par mdzad/ skabs shig tu stag phu rdo rje
'chang gis zhu ba

@180b po'i sbyin bdag mdzad de/ rje bla ma nyid de'i ring bzhi
sde'i sgo mchor steng gi rab gsal du bzhugs 'jags kyis/ gung
ru rgya mtsho gling gong ma dang/ stag phu rdo rje 'chang/ e
bla ma rin po che sogs bla sprul grwa dmangs

ser skya chig stong tsam la sgrub thabs rin 'byung brgya
rtsa'i rjes gnang yongs rdzogs dam pa'i phyag bzhes phra zhib
kyi rgyun ma nyams par smin rgyas su stsal ba sogs 'khor lo
gsum gyi mdzad bzang rlabs po ches nyin

mtshan khor yug tu 'byams par mdzad do zhes blo ldan dag gis
mthun par gleng ngo/ /dwags po bla ma rin po che'i mdun du rje
bla ma nyid chos kyi bka' drin nod phyir gtan skyabs gtsug gi
rgyan du bsnyen 'dod pa'i thugs

dgongs brtan po nar mar 'khrungs kyang/ dpal ldan ma khol
gyis/ dpa' bos dang por slob dpon dang/ /slob ma'i 'brel pa
brtag par bya/ /zhes gsungs pa ltar slob dpon du 'os pa'i
mtshan nyid brtag pa'i phyir bla ma

rin po che de nyid dwags po nas lha phebs kyi skabs 'gar mjal
khar yang yang phebs te mdo sngags kyi gnad mang por dri rmed
sogs mdzad pas dka' gnas kyi som nyi'i dra ba 'phral 'phral du
bcad pa sogs gsang

gsum gyi mdzad pa cha kun nas theg mchog dge ba'i bshes kyi
mtshan nyid phun sum tshogs pa mnga' ba 'gran pa'i zla dang bral
ba zhig tu bzhugs par mkhyen nas thugs dad ldog tu mang po
'khrungs te ring min zhabs 
@181a @#/ /drung du bcar nas chos kyi bdud rtsi'i bka' drin nod
chog pa'i snyan gsan gsol 'debs mdzad par snga phyir dgyes bzhin
zhal gyis bzhes pa'i gsung sgo bzang po phebs pa sogs 'og tu'ang
mdo tsam 'byung ba ltar ro/ /

dgung lo sum cur phebs pa me lug lor/ dwags lhuM rje btsun ma
nas gsol pa btab pa ltar chu bzang 'du khang du zhu mi bla sprul
bras de mo mchog sprul blo bzang 'jam dpal lung rtogs bstan
'dzin rgya mtsho dang/ 'phan po gang rgya bla ma rin po che/ 'dan

ma ri sku rin po che/ 'bras mtsho sna mchog sprul/ o tog sprul
sku/ 'bras sgo mang rmog cog rin po che/ ser byes mi nyag brag
rgyab sprul sku/ e ka ljongs mtshag sprul/ ser smad gzhung pa
dge legs sprul sku/ bshes gnyen rnal 'byor dbang phyug

blo bzang bsam 'grub rin po che/ la mo mkha' 'grom sogs ser skya
sum cu'i skor la nA ro mkha' spyod ma'i byin rlabs dang zab
khrid nyin bdun tsam gyi ring gnang/ 'di'i zab khrid skabs dwags
b+hruM nas tshogs su bsnyen bkur rgyas 'bul zhus

shing/ /rje btsun ma nas bka' rtsom dgos tshul gsol ba btab pa
ltar nA ro mkha' spyod ma'i sgrub thabs dpe thung shog bu drug
yod pa zhig ljags sgrigs gnang ba sbyin bdag nas de 'phral par
du bskrun pa'i thog /tshogs par dpe

'gyed kyang phul/ zab khrid nyin drug pa'i skabs su la mo mkha'
'gro mas sang nyin bsnyen bkur 'bul chog pa'i snyan gsan phul
te/ gsol ja'i ja mar gnyis ka yongs grags ltar dang/ gsol tshigs
su zangs kyi snod mi

@181b drug bdun la ldeng tshod tsam zhig tu chu rgyang pa nyid
blugs te kha gcod brgyab par ras gtsang mas gtums/ thel tses
mnan te thab tu bskol/ da gdod bshos zas 'dren ran pa'i dus der
ras kyi g.yogs bsal snod kha phye

ba na/ sha tig hrug btsos pa snod khengs pa byung/ de dag tshogs
par drangs pas bka' chos pa mi nyer lnga la ldeng nges shig las
lhag ma'ang med pas kun ya mtshan pa byung zhing/ la mo mkha'
'gro mas bka' chos zhu

mi'i gras 'ga' shas la/ zan la tshems par btab ste rje tsong kha
pa dang/ rnal 'byor ma/ sgrol ljang sogs kyi sku ci rigs ster ba
byung snang/ tshogs thun gyi bar 'ga' zhig tu dkar yol yu ring
zhig bar snang la bzed

par 'o ma lta bu dkar ljang zhig dkar yol gyi sum cha tsam du
khengs pa lan 'ga' phul ba seng ge'i 'o ma yin tshul zhus/ rdo
rje 'chang rang nyid kyis kyang de la thugs snang che tsam gnang
tshul bzhes te/ 'o ma 'dis phab rta

bsres nas rin chen ril bu zhig kyang dril na legs tshul phebs
'dug pa gdul bya'i mos ngo tsam dang bstun pa'i rgyal ba'i sras
kyi rnam thar rmad du byung bar go /'di'i lo snga rting rnams su
zhu mi bco lnga nyi shu skor tsam la dbang

'ga' khrid lung sna tshogs shig yang yang stsal tshul thos shing/
bzhi sde chos mdzad skal bzang dpal 'byor nas zhus ngor gung ru
rgya mtsho gling mchog sprul rdo rje 'chang gi yang sprul myur
gsal gyi gsol 'debs shig kyang

@182a @#/ /gsung rtsom gnang/ dgung lo so gcig tu phebs pa sa
sprel lor dwags po phyogs su chibs kha bsgyur te bshad sgrub
gling du byon nas/ dwags po bla ma rin po che'i drung nas lam
rim bde lam

dang/ ma gcig grub ba'i rgyal mo'i lugs kyi tshe dbang sogs chos
bka' mang tsam gsan/ nyin gcig dus 'brel gyi gso sbyong zhig
khel bar dge slong zhi dul can zhig gis bla ma rnam gnyis gso
sbyong du phebs

mi phebs dgongs len dang 'brel phebs byung bar/ dge slong der
'dun pa 'bul gnang mdzad pas 'dul ba'i phyag len la mkhas shing
shin tu dwang ba 'dren pa zhig tu snang bas/ bla ma rin po che'i
gdan sa 'dir 'dul ba la

gces spras 'di lta bu gnang ba bstan pa'i rtsa lag khyad par can
zhig tu 'dug snyam du dgongs te thugs dad lhag par 'phel ba
byung gsung/ lo 'dir dwags po bla ma rin po che'i drung du thog
ma phebs pa de yin zhes

gangs can sman rtsis mkhan po mkhyen rab nor bus kho bo cag la
gsal por gsung zhing/ 'di res dbus phyogs su chos 'khor 'chad
nyan gyi mdzad pa mang po dus 'grigs stabs dwags phyogs su zla
ba gcig gi yun

tsam las ring por ma bzhugs par mngon no/ /de nas lha sa phyogs
su shar phebs kyis ser smad gzhung pa lha btsun sprul sku rin po
che sog yul 'bul sdud du sngon phebs khar lha btsun nas sbyin
bdag mdzad de/ se 'bras dang

@182b rgyud grwa sogs nas 'dus pa'i tshogs pa brgya skor zhig la
zla ba gnyis tsam ring rin 'byung brgya rtsa dang/ zur bka'
brgya rtsa/ snar thang brgya rtsa sogs rjes gnang yongs rdzogs
dang/ rta mgrin gsang sgrub kyi dbang chen/

thu'u bkwan rta pod am par po ti gsum gyi ljags lung sogs dang/
stag phu'i dag snang gsang ba bcu gsum gyi rjes gnang yongs
rdzogs bcas gnang/ gnas chen srin po ri'i rten gtso bde mchog
bar snang mar

grags pa de nyid kyi lo rgyus gsan pas thugs mos che gshis/ snga
phyir lan kha yar mjal mchod du phebs par grags shing/ lan cig
srin po rir cher phebs kyis tshes bcu zhig dang bstun stong tshogs
mang po grangs gsog

sogs mchod 'bul rgya cher mdzad dus kyi nyams rmis lta bu zhig
tu/ bde mchog gi sku de nyid ye shes kyi lha dngos su gyur pa'i
zhal nas bdud rtsi'i rgyun mang po 'dzags pa bla ma rdo rje
'chang nyid nas gsol ba sogs byu rab zhib

bar 'og nas 'byung ba ltar dang/ yang gnas der nyams kyi snang
ba lta bur gzhan zhig gis mkha' 'gro brtan bzhugs shig 'bul gyin
'dug pa'i dar thag gcod skabs phyogs gzhan gsum gyi dar thag
legs par bsdus

song yang/ nub phyogs kyi de bsdur ma 'dod par de mur lus pa
zhig byung bas bar gcod cig yong pa'i mtshan ma 'dra e yin snyam
du dgongs pa byung/ skabs shig nas khri bla'i spro khang du sku
ltem tshul che tsam bzhes bar

@183a @#/ /de'i nye skor dge legs rin po che'i gzims shag tu mi
'grul nyung stabs gnas spos kyis zla ba gcig tsam bzhugs/ de'i
ring sku nye phyag mdzod ngag dbang rgya mtshos 'khur blangs kyis
ser rgyal rong

kham tshan gyi dge 'dun drug cu skor nas chu bzang 'du khang du
gdugs dkar khri tshar/ sgrol ma 'bum ther/ yum rgyas 'bring bsdus
gsum dag tshar/ chu bzang dge slong rnams nas mtshan brgyad lha
khang du gnas brtan

phyag mchod brgya tshar sogs zhabs rim khyon che ba bsgrubs/ ser
smad mkhan po spom ra dam chos rin po ches grwa tshang gis brtan
bzhugs gsol 'debs zhu bar phebs te/ rten gsum 'bul ba dang
sbrags/

zhabs sen yun ring 'tsho zhing gzhes pa'i gsol 'debs shugs drag
mdzad/ 'phan po brag nag mtshams pa dge 'dun yar 'phel nas kyang
zhabs pad yun brtan gyi gsol 'debs nan tan dang 'brel

par rten gsum sogs phul/ mtshams pa nas rdo rje 'chang gi zhabs
brtan du ched dmigs kyis grub thob thang stong rgyal po'i sku
brnyan mkhyid gang tsam yod pa la gzungs gzhug tu sgrol dkar

shog par gyi sku nyer gcig re yod pa'i thang stong sku stong
tshar gcig gsar 'debs mdzad/ yang bla brang nas rgyu yon sbyar te
sgrol ma'i sku mtho gang lhag tsam yod pa stong tshar gcig par
btab tshon

@183b 'bul rab gnas bcas legs sgrub mdzad pa de skabs bla brang
gi se ra'i gzim shag rgyal rong khang sar shar du bzhugs/ de nas
ring min zhig tu stag phu rdo rje 'chang chen po bla ma rdo rje
'chang gi sku gegs sel phyir ched du

byon pa bzhin lta phebs thog /thugs rings pa'i tshul gyis chu
bzang ri khrod du brtan bzhugs 'bul gnang gi tshe khrid brgyud
pa'i bla ma spyan 'dren skabs/ grub chen tra dzo ki nub phyogs
kyi bar snang nas dngos su byon nas byin gyis rlob pa'i nyams

snang dang/ dar thag gcod dus phyogs gzhan gsum gyi dar thag
bsdus song yang/ nub phyogs kyi dar thag bsdur ma 'dod pa na/
dpal rta mgrin gyi bskyed rim gsal btab pas lha sku drag po srid
pa'i gtos dang mnyam pa zhig tu

ngang gis gyur nas pad dbyug phyar bas 'jig rten las 'das pa'i
dpa' bo DA ki rnams skrag ste ming po 'jigs re che zhes 'ur
ding gis 'phur nas song/ 'jig rten pa'i sha za mkha' 'gro mgo
brnyan sna tshogs pa mang po zhig

da dung 'gror ma nyan par 'phren cing sdod pa la/ pad dbyug
brdegs pas la la dum bur gtubs/ la la phyed tshal du gshags te
tshar bcad/ lhag ma rnams rgya mtsho'i pha rol tu bskrad de sku
tshe 'gal rkyen gyi g.yul ngo

mtha' dag las rgyal bar mdzad pas de nas ring por ma thogs par
snyun gzhi rim dwangs bzhes par gyur to/ /dgung lo so gnyis su
phebs pas bya lor/ stod lung byang dmar brgyud shangs smin skyid
gling bde legs zhes par

@184a @#/ /gdan drangs/ shangs dga' ldan chos 'khor ba dgon spyi
nas gdan zhus thab bsu sogs rgyas par zhus shing/ dgon der 'dod
chos ci rigs gnang zhing zla ba gnyis kyi ring bzhugs/ de ga'i
grwa tshang nas sbyin

bdag mdzad de phyogs 'dus kyi tshogs pa dgu brgya skor tsam la
dpal mo lugs thugs rje chen po bcu gcig zhal gyi dbang chen
dang/ ma gcig grub pa'i rgyal mo'i lugs kyi tshe dbang bcas
gnang/ gzim shag

sprul sku zhes pas zhus ngor de'i gzim shag tu 'jigs byed lha
bcu gsum ma'i dbang chen stsal/ bde chen rab rgyas dgon nas gdan
drangs te/ der yang grub rgyal tshe dbang sogs 'dod chos 'ga' re
gnang/ de nas slar bde legs

zhes par phebs/ 'di skabs gzim shag sprul sku nas rtsis kyis ris
phyag khrid zhus pa ltar nyin mang tsam la phyag khrid zhib par
stsal/ de nas shangs lha phu'i phu sbas lung lta bu zhig yod pa
brgyud de sog po dgon du phebs/

yang de'i logs shig tu rgya mtsho zhes pa'i lung pa'i phur yod
pa'i zab phu lung zhes par slob dpon chen po'i sgrub gnas sogs
yod par tshogs 'khor sogs 'bul ba mdzad/ slar bde legs su phyir
phebs nas zla shas bzhugs/

de nas gtsang ngor dgon par chibs kyis bskyod/ ngor mkhan zur
rtogs pa mchog brnyes par grags pa zhig la ljags lung mang tsam
gsan/ gnas gzigs zhib pa gnang/ de nas sa skyar phebs zhor du
gnas mchog kha'u brag

@184b rdzong du phebs te/ dpal mgon zhal bzhi pa'i bla rdo
bzhes/ dpal ldan sa skya'i gdan sar phebs te khri chen 'dzam
gling che dgu dbang 'dus kyi mdun dus skya'i gser chos skor gyi
rjes gnang 'ga' gsan rgyu'i snyan gsan 'bul gnang

mdzad par/ khri chen gyis sa skya'i bdag chen gyi khrir phebs
res mdzad dgos kyi bla khag sgrol ma pho brang dang/ phun tshogs
pho brang gnyis las/ sgrol ma pho brang pa bdag chen rdo rje
'chang chen po drag shul 'phrin las

rin chen gyi drung nas gsan na legs tshul gsung pa bzhin/ drag
shul 'phrin las rin chen gyi drung du yang yang phebs nas snyan
gsan 'bul gnang dang 'brel/ sa skya'i gser chos skor gyi dbang
bka' mang tsam dang/ dpal/

mgon zhal bzhi pa rnam 'gyur bcu bdun du grags pa'i nang gses
kyi 'dun pa dkar po tshe 'phel thun mong ma yin pa dang/ ser po
rgyas byed lha dgu'i rjes gnang bcas gsan/ de nas ma mkhar zhes
par phebs te dmu

phrag shod mkhan zur rin po che'i drung nas ni gu chos drug gi
chos skor yongs rdzogs gsan/ de nas 'bum po che dang/ dga' ldan
phun tshogs gling/ snar thang/ bkra shis lhun po bcas la gnas
gzigs mchod sprin dang

bstan pa rgyas pa'i thugs smon rgya cher gnang/ 'di dag gi dus
snga rting rnams su grub pa'i dbang phyug chen po 'od gsal theg
mchog rdo rje dpal bzang po'i drung nas/ thar rtse byams pa kun
dga' bstan pa'i rgyal mtshan

@185a @#/ /gyis mdzad pa'i khrid yig gi steng nas/ kha che paN
chen shAkya shrI'i lugs bde mchog dril bu pa'i lugs kyi rim
lnga'i dmar khrid dang/ zhwa lu ri zur blo bzang mkhyen rab kyi
gsung khrid yig mkha' spyod

bgrod pa'i myur lam gyi steng nas rje btsun rdo rje rnal 'byor
ma'i rim gnyis tshar lugs rkyang ba'i khrid srol ltar la brgyud
pa gzhan 'dres med par sngon 'gro thun mong dang thun mong ma
yin pa/ dngos gzhi bskyed rim rnal

'byor bcu gcig /rdzogs rim rtsa dbu ma sogs zhal shes chig
brgyud dang bcas pa'i khrid/ rdzogs rim gyi cha lag chos nyid
dngos ston gyi dbang/ zhwa lu ri zur rin po ches mdzad pa'i yig
cha'i steng nas chos nyid dngos

ston gyi khrid/ rje btsun nA ro mkha' spyod kyi be'u bum phal
che ba'i ljags lung bcas dang/ 'dar grong mo che'i mkhan zur
rnal 'byor gyi dbang phyug 'jam dpal rgya mtsho dpal bzang po'i
drung nas/ yig rnying gi steng nas sa lugs

kyang ba'i nA ro mkha' spyod dbang mo'i byin rlabs/ sa skya'i
sngags 'chang kun dga' bkra shis kyi yig cha'i steng nas dur
khrod bdag po yab yum gyi rjes gnang/ bkras lhun zhwa lu'i
phyogs phag sde mchog sprul rin po che las/

gung thar 'jam pa'i dbyangs kyi gsung dpal rdo rje 'jigs byed
dpa' bo gcig pa la sbyar ba'i 'jam dbyangs zhi khro sbrags sgrub
dngos grub nor bu'i gan mdzod kyi lung khrid/ bkras lhun thos
bsam gling mkhan zur rin po che

@185b rje btsun 'jam dpal dkon mchog chos 'phel gyi drung nas/
dga' ldan lha brgya ma'i lung khrid dang/ rje mthu stobs dbang
phyug bsod nams grags pas phyogs bsgrigs gnang ba'i chos rgyal
yang gsang dug ri nag po'i be'u bum

gyi lung bcas gsan/ mkhan zur rin po ches sku zhabs nyid kyis
dge ldan lta grub gtsang mar bskyang dgos/ dge lugs kyi bla
mtshos grub mtha' chal chol du gnang na dam can chos rgyal gyis
legs po mi byed pa mkhas grub rin po

ches gsung yod ces gsungs/ mkhan zur rin po che'i gsung de rje
nyid kyis dus phyis kyang gzhan 'ga' la gsung ba thos/ gzhis
rtse nas shangs smin skyid gling bde legs su chibs bskyod kyis
zla shas ring bzhugs/ de nas rong brgyud

de lta sar phebs rgyur/ phyag mdzod ngag dbang rgya mtsho'i sku
mched chos mdzad bya ba sngon du bzhugs yul phebs sgrig tu gtong
gnang mdzad par sngar bzhin chu bzang ri khrod kyi khri byang
bla brang spro khang du bzhugs sgrigs zhus yod la ltar der

zhabs 'khod kyis ltod bzhugs mdzad pa'i thog /gnas der stag
phu'i dag snang gsang chos bcu gsum dang/ sa skya'i dmar po skor
gsum sogs kyi ljags bsnyen dang sbyin sreg mang du 'bul gnang
mdzad/ zla ba bcu pa'i sko rang

^gong sa rgyal mchog bcu gsum pa chen po rgya nag po'i yul nas
bod du yar chibs kha bskyod pa'i lam zhor rwa sgreng du phebs
par/ rje bla ma nyid kyang mjal zhur phebs/ mjal dar rten gsum
dang/ sku tshe'i tshe rdzas/ lam rim chen mo'i
@186a @#/ /phyag dpe sogs phul te byang chub lam gyi rim pa'i
bstan pa nyag phra bar gyur ba rnams dar zhing rgyas pa yong ba
dang/ lhag tu lam gyi rim pa'i rtogs pa'i bstan pa rang rgyud la
rgyas shing/ gzhan la'ang

'di'i sgo nas phan thogs rgya chen po 'byung ba'i skyabs 'jug
zhus pa yin zhes rje nyid kyi phyag phyi pa pa rnam dga' gdong
grwa rigs blo bzang zhes par yang yang phebs/ de nas phyir phyon
te slar yang chu bzang khri

bla'i spro khang du bzhugs/ 'di skabs shig tu pha bong khar byon
te rje btsun rdo rje rnal 'byor ma'i bstod gsol mdor bsdus shig
dang/ ser sngags grwa rigs bstan 'dzin don yod nas zhus ngor ser
sngags

mkhan zur rdo rje 'chang chen po'i rtag brtan gsol 'debs shig
kyang gsung rtsom gnang/ gang rgya bla ma rin po che ngag dbang
tshul khrims byang chub las sngags 'bum dkar po rdo rje'i go
khrad kyi lung/ ser srung rdo rje'i

gur khang mdzes rgyan bcu drug yongs su rdzogs pa/ blo sbyong
snyan brgyud chen mo dang/ legs bshad kun 'dus/ 'dul 'dzin grags
pa rgyal mtshan gyi gsung 'bum pod gsum tsam bzhugs pa nas lung
yod kyi gras/

rnams dang/ mkhas grub sangs rgyas ye shes kyi gsung 'bum pod
gcig /rgyal mchog lnga pa chen po'i gsung 'bum nang ma pod bzhi/
skyid shod ngag dbang bstan 'dzin 'phrin las kyi gsung 'bum pod
gcig /paN

@186b chen bstan pa'i nyi ma'i gsung 'bum gras nas lung rgyun
bzhugs pa yongs rdzogs/ rwa sgreng yang dgon dpon slob kyi gsung
'bum pod gcig nas lung yod gras le tshan mang tsam bcas kyi
bklags lung/ bka' gdams thig le bcu drug

gi dbang bzhi byin rlabs/ mgon po bka' bcu gsum gyi rjes gnang/
ye shes mgon po phyag drug pa'i be'u bum/ rgyal po sku lnga'i
be'u bum sogs kyi bklags lung bcas chos bka' ches mang po zhig
gsan to/ /'di dus sngon rjes shig

dad ldan 'ga' res gsol ba btab pa bzhin/ lhas bzhi sde smyung
gnas lha khang du bla sprul khag dang ser skya 'dus tshogs nyis
brgya lhag tsam la lam rim bde lam gyi bka' khrid rgyas par
stsal zhing/ bka' chos grol mjug

sems bskyed mchod pa'i nyin par sbyin bdag gi mos ngo ltar chos
grwa pa rnams la mjal kha stsal ba'i skabs der/ ser sngags grwa
rigs bstan 'dzin mkhyen brtse zhu bsngags grwa'i dpe che ba gsar
bu'i gras su yod pa bka' chos

zhu bar phebs te/ sems bskyed cho ga'i mjug tu gzhan dang lhan
cig mjal kha bcar bar khong ba'i sngon du mi lnga drug tsam la
rje nyid nas mjal kha gnang bzhin ba'i dus su/ sems bskyed mchod
pa'i rdzas kyi gras lta bu zhig

yin nam/ gang ltar bzhugs khri'i g.yas zur gyi gsol lcog gi
steng du dung dkar zhig phul 'dug pa des g.yas skor g.yon skor
gyi tshul lta bu'i 'gul bskyod dang bcas 'u ru ru zhes skad chen
po zhig grags pas/

@187a @#/ /de ma thag rje bla ma mchog gis phyag gi thal mo bsnun
pa dang bcas 'dis cig cig byed kyin 'dug ces ku re'i rnam pa
ltar gsung ngas dung dkar de 'gul bskyod med cing skad rang zhir
song zhes phyis sar

sngags zhal snga nas bstan 'dzin mkhyen brtses bkras chos dbu
mdzad gnang ba'i skabs su kho po la lan kha yar gsung pa de dus
rje bla ma nyid mtshan snyan ha cang grags che ba med kyang rjes
sor mdzad/

phrin gyis sa chen po'i khyon kun khyab pa tsam du gyur ba 'og
tu 'chad pa bzhin byung bas/ 'di skabs de ltar 'byung 'gyur gyi
dge pa'i ltas mtshan ngo mtshar ba zhig mngon par gsal par gor

ma chag go /dkung lo so gsum phebs pa lcags khyi lor bstan rgyas
gling gi lde 'chang blo mkhas lags nas sbyin bdag zhus te/ ser
smad gzhung pa kham tshan du bla sprul sogs zhu mi 'dus tshogs
bdun brgya tsam la rgyal ba'i

bka' 'gyur rin po che'i ljags lung lhod dal du stsal zhing/
ljags lung gnang ba'i skabs su par 'dra min dang/ lung rgyan yod
med sogs zhib bsngar thog /sgra dag gsal gsum dang ldan pa'i
gnang tshul khyad par du 'phags

pas kun gyi yid tshim par mdzad/ 'di lo nas bzung dwags b+hUM rje
btsun ma nas snga phyir gsol ba btab pa sogs phyi nang gi rkyen
du mas bskul bar brten rdo rje rnal 'byor ma'i sgrub thabs thun
mong min pa bde chen nye lam dang/ dkyil

@187b chog bde chen dga' ston/ de gnyis kyi par byang bcas dang/
de rjes shig tu rje nyid nas gsung bskul gnang ba ltar dwags
b+hruM rje sku nas nA ro mkha' spyod ma'i rim gnyis zhwa lu'i
khrid yig par ring gsar brko mdzad rgyu'i par byang dang

rje nyid kyi phyag mdzod ngag dbang rgya mtshos zhus ngor mkha'
spyod sgrub dkyil par thung gi bar byang bcas bka' rtsom gnang
zhing/ sngon du sems smad tshab khri sprul ngag dbang 'jam dpal
tshul khrims sogs dad ldan 'ga' res gsol ba

btab pa bzhin bla sprul dge bshes sogs 'dus tshogs sum brgya tsam
la byang chub lam gyi rim pa bde lam gyi nyams khrid sogs rgyas
par gnang/ khri sprul nas zhus pa ltar lam rim gsol 'debs lam
mchog sgo 'byed la dmar

khrid kyi brgyud 'debs kha skong mdor bsdus sbyar ba zhig kyang
thugs rtsom mdzad/ khams 'grul du ma'i gdong zhu 'phrin gyi bka'
lan mang du stsal/ rgyal thang lha mkhar mchog sprul la zhu yig
gi gsung lan gnang ba ni/

! dge ldan bshad sgrub gser gyi 'khor lo yis/ /bstan 'gro'i ri
gling khyon la dbang bsgyur zhing/ /mi mthun phyogs las rnam
rgyal ru mtshon can/ /chos rgyal mchog gi sprul sku'i zhabs sen
drung/ /rgyal kun gsang ba

gsum gyi ga bur rdul/ /mtshan dpe'i thig le gcig tu smin pa'i
dpyid/ /'jig rten gsum gyi gdung sel srid zhi'i blar/ /bsod nams
yon du dad dang mos pa'i gzugs/ /ji bzhin snying gar snyim pa'i
me tog zum/ /gsol

@188a @#/ /'debs mgrin pa'i dbyangs kyang zhu 'phrin gyi/ /zol du
mchod pa'i sprin 'dir brtse bas rol/ /mi phyed skyil krung gcig
tu lhun chags bzhin/ /'brin las ga bur zegs ma re res kyang/ /sa
gsum

gdung bskad cig 'phrog byed cing/ /phan bde'i snang ba dkar po'i
lang tsho yis/ /dpyig 'dzin rdzogs ldan gsar ba'i dus ston
bsgrubs/ /'dir yang thugs kyi bum pa gnyis pa bzhin/ /brtse ba'i
bka' bris mtho ris mai nA kaH/ /sa

zla'i cod ban ka shi'i gos dkar ma/ /snyan 'gyur lang tshos sgeg
bzhin lhags pa'i mod/ /yid kyi dwangs mtshor khyod sku'i snang
brnyan bkra/ /mig gi chu 'dzin bdud rtsi'i do shal 'dzin/
/snying ga'i 'dzin mar snyim po'i padmo rgyas/ /dga' dad gdung

ba phan tshun 'gran bzhin gyur/ /bdag kyang dal 'byor nor bu'i
gter rnyed kyang/ /'di snang rnam g.yeng phal ba'i tshong zong
du/ /nyin bzhin chud zos lhag mar da dung yang/ /gtan gyi 'dun
ma'i snying por re bzhin lag /mtshams zhu/ rang snang lha sku

snying dbus 'og min na/ /ji srid nges pa lnga ldan de srid par/
/rags pa'i rnam 'gyur gzhan du mi brdzu ba'i/ /thugs bskyed bka'
drin nyin bzhin stsol bar gsol/ /bshad sgrub rtsibs stong g.yo
ba'i gser 'khor los/ /gdul bar bya ba'i gling

bzhir dbang sgyur phyir/ /mi 'jigs sengge'i khri la mnga' gsol
na/ /thub bstan nor bu'i cod pan khur 'di snoms/ /mang thos dar
gyi ba dan dpyad 'jog gi /mnyam gzhag yu ba brtan por legs
bcings nas/ /tshang lam nor dge ldan sgrub brgyud kyi//

@188b bstan pa'i rgyal mtshan khyod kyis sgreng bar gsol/ /mkhyen
rab skye ba lnga pa'i legs byas gzugs/ lhag bsam g.yas su
'khyil ba'i rnam 'gyur las/ /zab dang rgya che'i chos kyi dung
sgra yis/ /'gro kun ma rig gnyid las slong bar gsol/ /brtse chen
nor bu'i yu

bas legs bteg cing/ /phan bde'i mu tig chun 'phyang rab grol
ba'i/ /thugs rje'i gdugs dkar g.yo ba'i grib bsil du/ /nyam
thog 'gro la ngal gso sbyin par mdzod/ /mdo sngags gzhung lugs
brgya phrag chu gter bcud/ /tshang lam nor snying por bsdus

pa'i dpyid/ /khyod thugs rin chen bum bzang la bskyil nas/ /bdud
rtsi'i bgo bsha' 'gro la sbyin par gsol/ /brtan mkhas gser gyi
nya ris zung bkra ba'i/ /rnam dag tshul khrims bla gos gsar pa
yis/ /thub pa'i bstan la thub dbang gnyis pa

bzhin/ /ston pa'i nang gi mdzod ni khyod kyis srungs/ /bdag
gzhan mnyam brje'i nor 'dzin ltor smin pa'i/ /rin chen thugs
bskyed padma dkar po'i 'dzum/ /rlabs chen spyod pa'i 'dab brgyar
grol pa las/ /phan bde'i dri bzang phyogs bcur 'thul bar mdzod/
/bde

stong lhan skyes baiDUr zhun ma'i khams/ /sgyu lus dpal gyi
be'ur btags pa'i gzugs /zung 'jug bkra shis dge mtshan bkra ba'i
ris/ /thugs dbus mi shigs gur khang rgyan du mdzod/ /bdag kyang
theg mchog sems kyi cang shes rtar/ /'di snang rnam g.yeng
sgrog

gis ma bcings par/ /rgyal sras spyod pa'i thang chen yud brgal
nas/ /sku gsum bde chen gling du myur mjal zhu/ /zhes so/ gong
du smos pa ltar khyab bdag stag phu ba chen po dang rje bla ma
rnam gnyis sku'i phreng rabs du ma'i snga rol nas yab sras su
dge ba'i

@189a @#/ /thugs bskyed 'phrin las mnyes gshin zung du 'brel ba
zam ma chad pa byung ba'i stobs kyis sgu 'phreng 'dir yang gser
zhal yang yang lhan 'dzoms dang/ phan tshun zab rgyas chos kyi
bdud rtsi du mar gsan res gnang zhing/ khams bod

yas mas sa gnas kyis bskal yang lo re bzhin du nang ma'i gsung
shog star chags su gnang srol ltar rje nyid kyis rdzogs rim las
brtsam pa'i zhu yig snyan tshig gi lam nas drangs pa zhig 'bul
gnang mdzad par gsal yang dus phyis de'i

phyi mo ma bzhugs shing/ stag phu rin po che nas de'i lan du
tshigs su bcad ba'i gsung shog phebs pa ni/ spros dang mtshan ma
spangs pa'i ye shes ni/ /'khor lo thams cad mkhyen pa'i nam
mkha' la/ /'dod rgur bsgyur pa'i sngon med 'od stong

can/ /rigs kun bdag po'i zhabs kyi padmo'i drung/ /gang gi gsang
gsum yon tan gzugs brnyan ni/ /snying la yang dag bris pa'i gus
ldan pas/ /zla zer phog pa'i chu skyes nyer mtshon pa'i/ /snyim
pa spyi bor 'dzin pas mchid 'di gsol/ /kun khyab chos kyi
dbyings dang ro

gcig tu/ /zhugs pa'i sgrib bral bde chen ye shes dang/ /dngos po
gcig pa'i gsal rdzogs mtshan dpe'i sku/ /skye rgu'i bsod nams
zhing du lham mer gsal/ /gzhom du med pa nA da'i nga ro la/
/mda' bsnun rdo rje'i mgur ltar ches zab pa'i/ /nges gsang dam
pa'i chos kyi 'jigs med glu/ /yan lag

drug cu'i gsung gis lhang der sgrog /mi 'gyur stong gzugs mkha'
la bde ba'i mdangs/ /gnyis med thabs shes zung du 'jug pa'i
thugs /mtha' dang yongs bral kun khyab me long ngos/ /'char ba'i
chos kun gzugs brnyan ma 'dres lhan/ /dpag yas yon tan rin chen
'byung ba'i

gnas/ /rmad byung thugs bskyed lhun pos nyer bsrubs las/ /'gro
la dam chos bdud rtsi 'chi med bcud/ /ster ba'i rlabs chen mdzad
pa pha mtha' yas/ /'bum phrag zla ba gzhon nu'i lang tsho la/
/'gran pa'i 'phrin las gcig tu dkar pa'i 'od/ /gdul bar bya ba'i
zhing gi dbyig 'dzin byon/ /

@189b kun tu khyab pa'i rnam thar de ma phul/ /'di na dal 'byor
gru gzings la zhugs kyang/ /don ldan snying po'i nor bu mi len
par/ /lag stong nyid dag ? lags ? pa'i don mthun bdag /'chi bdag
na gras ma nyams tsam du lags /mtshams zhu/ gang gis reg ba'i
rdul yang lhar bcas kyi/ /bsod nams zhing

gyur 'khor lo'i ri mo yis ? mngon par mtshan pa'i zhabs ? pad
srid mtha'i bar/ /tshe mtha' yas pa'i mgon ltar brtan bzhugs
gsol/ /ded dus kun mkhyen rgyal ba'i bstan pa ni/ /'bab chu zad
pa'i sos ka'i rdzing bu bzhin/ /mi bsrun skye bo gnyis 'thung
myos pa'i tshogs/ skye rgu phan bde'i pad tshal nyin

bzhin 'dzoms/ /tshul 'dir gzigs nas thugs rje'i sgrin phung las/
/legs bshad gru char 'beb pa'i chu 'dzin sgra/ /rgyun mi chad
par skrog pa'i mthu ldan pa/ khyod kyis bstan 'gro'i par tshal
cher rgyas mdzod/ /mi ring mthong ba don ldan mtshan dpe'i zhal/
/lta zhing zab dang rgya che'i legs bshad gter/ /

bdag gir spyod pa'i thugs rjes nyer 'dzin cing/ /dbugs dbyung
bka' yi 'khor lo chad med stsol/ /ces gsol ba 'dabs mtshon lha
gos rab dkar/ gsang chos dbang chog bu sti/ dngul srang gsum
bcas la rgya zhus te/ rang byung 'phags pa'i

gnas chen po'i 'dabs nas gus slob stag sprul bas thun mong lo'i
smin bla'i tshes 17 bzang por spyi bor btegs te phul/ zhes pa 'di
stsal ba yin la/ rje nyid nas stag phu rin po cher gnang ba'i
zhu 'phrin shin tu mang ba las 'ga' zhig bka' 'bum gras su
bzhugs pa sogs las rtogs par bya'o

skabs shig sbyin bdag gzhan zhig nas zhus ngor tshe smon gling gi
grwa shag gcig tu brag yab chung tshang mchog sprul dang/ sman
rtsis khang sku ngo mkhyen rang nor bu sogs zhu mi phyed nyis
brgya tsam la 'jigs byed lha bcu gsum ma'i dbang dang rim gnyis
kyi khrid/ sman rtsis sku ngo nas gsol ba btab

@190a @#/ /pa bzhin zung du g.yu thog snying thig skor gyi rjes
gnang 'ga' zhig bcas gnang bar/ rje bla ma mchog gis sngon
'gro'i bgegs gtor gtong pa sogs nas bzung snyan brjid che la
gsung

bshad rnams zab cing rgyud 'khul ba 'ba' zhig stsal pas/ phyi ma
'di'i skabs ded rang g.yu thog pa'i chos skor la lhag par dad
zhen che bas yin nam dad gdung drag pos yid bskyod de mig nas
mchi ma bzod glags

med pa 'chor ba zhig byung/ rje 'di pa'i drung nas de lta'i chos
skal tho re ba 'ga' zhig las lam rim sogs kyi zab chos rgya chen
po zhu longs ma rnyed pas da lta na so rgas te 'chi ba la nye
ba'i dus 'dir phyi mar phan nges

kyi 'chi chos gsha' ma zhig byung yod na legs te de ma byung/
deng skabs bsam tshe ha cang phams tshabs che ba'i gnas su gyur
'dug ces sman rtsis mkhan po rang nyid kyis dus phyis kho bo la
yad yang bzlas shing

sman rgyal g.yu thog pa nas brgyud pa'i sman gyi lag len man
ngag gal po che bga' shas sngon dus ched du zhus pa'i skabs rje
bla ma nyid kyi de ga'i gsan yig kyang gsol ras stsal ba da lta
nged rang la yod gsungs

par kho bos brnyan g.yar dgos tshul zhus kyang rjes su 'bul chog
ces gsung ba da lta de ga'i mur lus te re zhig ma rnyed do/
/dgung lo so bzhir phebs pa lcags phag lor/ chu bzang du gang
rgya bla ma rin po che'i drung

@190b nas 'dod 'jo bum bzang gi rjes gnang yongs rdzogs tshur
gsan pa sogs bka' tshos phar gsan tshur gsan mang tsam mdzad/
'phan gnas nyan po dar yul brag nag mtshams pa dge 'dun yar 'phel
nas 'phan

yul du gdan zhus kyis brag nag mtshams khang du phebs/ der mtshams
pa dang lhan du DA dril sogs rgyas spros dang bcas te nyin
dgongs ci rigs la gcod kyi nyams bzhes rgyun ring tsam gnang/
gnas der nyin

lnga drug tsam gyi ring thugs dam nyams bzhes kyi rim pa rtse
gcig tu bskyangs shing/ nyin gcig tshogs kyi 'khor lo mdzad pa'i
skabs bde stong gi nyams rtogs khyad par can 'bar te tshogs klu'i
zol gyis rtogs

pa'i nyams myong mgur du bzhes pa yang yod/ 'di skabs 'phan gnas
khag 'ga' zhig la zhabs kyis btags te thugs dam ting nge 'dzin
gyi rim pa dang/ mchod sprin tshogs gsog thugs smon rnam par dag

pa'i mtshams sbyor bcas rgyun mi thung tsam re gnang/ de nas dga'
chos dang/ glang thang brgyud de chu bzang du phyir phebs/ zla
ba gsum pa tsam la chu bzang khre byang bla brang du/ /'dan ma
lab skyabs mgon gyis grwa ? ? ?

dge bshes mtshan rtags grub nas phyir phebs nyer skyabs mgon
dang/ de'i gsol dpon lab mkhan po bsod nams bcas nas zhus ngor
nA ro mkha' spyod ma'i byin rlabs sogs kyi chos bka' mang po
dang/ khams ??
@191a @#/ /'grul gdong spang lung sprul sku'i zhu lan sogs kyang
stsal/ lcags phag zla ba dgu pa'i nang ri sna dgon du ched stsol
gyis byon te ser sngags mkhan zur rdo rje 'chang gi zhabs drung
nas dga' ldan

phyag rgya chen po dang/ blo sbyong don bdun ma'i zab khrid sogs
chos bka'i rim pa mang du gsan par gsungs so/ /hor zla brgyad
pa'i tshes shar mtshams stag phu rdo rje 'chang chen pos zhu yig
'bul gnang mdzad pa lo de ga'i

mjug thogs su rje bla ma nyid kyi phyag tu phebs pa ni/ dri ma
kun spangs dag pa chos kyi dbyings/ /dbang gzhu ltar bkra longs
spyod rdzogs pa'i dpal/ /kha sbyor zung 'jug tshe sgrol yab yum
gyis/ /deng 'dir 'chi med

bdud rtsi'i gru char phobs/ /rgyal kun mkhyen brtse'i chu gter
las 'ongs shing/ /skal bzang gdul bya'i mkha' klong yangs pa'i
dogs/ /legs bshad 'od brgya'i 'phreng ba dang 'grogs pa/ /skyabs
gcig nam mkha'i

nor bu'i zhabs drung du/ /nyams med dad pa'i 'o mtsho las skyes
pa'i/ /zhu mchid snyan tshig padma dkar po'i 'phreng/ /don bzang
sbrang rtsir 'dzags pa'i ngo mtshar skyes/ /spel legs mchod pa'i
'phreng 'dir yud tsam

dgongs/ /mgon khyod gzod nas ye shes chen po'i gzhir/ /'pho med
sku gsum go 'phang mngon mdzad kyang/ /grangs med 'gro ngor
'tshams pa'i sprul ba'i gar/ /dwangs pa'i mtsho la 'ja' tshon bzhin
du 'char/ /

@191b de phyir ring nas bskrun pa'i thugs bskyed mthu/ /rlabs
chen zla ba'i ma ma las 'ongs ba'i/ /gsang gsum mtshan dpe'i
dkyil 'khor 'od dkar can/ /rmad byung yon tan cha shas kun
rdzogs shing/ /dmigs med thugs rje'i

bsil nor 'bum phrag gis/ /gdul bya gling bzhi'i rab rib kun sel
ba'i/ /grags snyan ngo mtshar utpal gzhon nu'i 'phreng/ /phyogs
bral rna lung mdzes par 'phyang bzhin nas/ /brtse chen thugs kyi
chu gter las

bongs pa'i/ /bka' mchid don bzang chu skyes sngon po'i 'phreng/
/gnang skyes khyad nor ge sar rgod bzung/ /spyi bo'i rgyan du
skal bzang thob pa'i mod/ /dad gus gdung ba'i dri bzhon gyis
bskyod pa'i/ /lus kyi 'khri shing

khyod sku'i phyogs su dud/ /gsal gsal blo gros 'dren byed dang
bral bas/ /zab zab chos kyi gnas lugs ma mthong yang/ /yang yang
gzhan mgo bskor la rab goms pa'i/ /snyan snyan bla ma'i ming
'dzin kas lis/

yid kyi bung ba 'khrul snang dri bsung gis/ /rab drangs 'dod yon
sbrang rtsir spyod bzhin lags/ /mtshams zhu/ mgon khyod brgya
phrag gzhung lugs chu gter las/ /zab don legs bshad rin chen nor
blangs te/ /'gro kun

dngul bsel ba'i ded dpon du/ /dbang bsgyur nges ba don gyi bshes
gnyen mchog /de slad mtshan bzang rgyas pa'i 'dzum dkar can/
/zhal dkyil 'dren byed bdud rtsi'i nam 'gyur zhes/ /'di nyid kho
na rgyun du bsam gtan

@192a @#/ /bgyid/ /gang tshe skal bzang mchog de myang ba'i tshe/
/snying rje'i char zim g.yo ba'i thugs rje'i sprin/ /yongs su
dkrigs te dam chos dbyar rnga'i sgras/ /'bangs kyi tha shal
gtsug bud can

de yi/ /snying mun kun bsal blo gros rgyas par mdzod/ /thub
bstan nyi ma nub ri'i rtser nye zhing/ /nyam thag 'gro ba sdug
bsngal brgyas gzir dus/ /zhing 'dir bstan 'gro'i nyer 'tshor rdo
rje'i sku/ /nam yang g.yo med

brtan par bzhugs gsol 'debs/ /chos phung brgyad khri'i sgra
dbyangs rgyas pa yis/ /yid can ma rig gnyid las kun slong ba'i/
/khyod gsung g.yas 'khyil ri mos spa ba'i dung/ /'khor ba zad
min de srid 'gag

med gsol/ /gus 'bangs bdag kyang gnas skabs mthar thug kun/
/'bral med rjes su 'dzin pa'i bka' drin gyis/ /brtse bas skyong
bzhin phyi nang phebs tshogs kyang/ /'chi med 'babs ldan rgyun
bzhin stsol

ba mkhyen/ /gsol ba 'debs rten lha yi reg bya dang/ /rab dkar
rin chen gnyis pa'i me tog bcas/ /'gal byed khrums zla'i dkar
phyogs tshes bzang por/ /gus zhabs stag sprul ming pas phyag bcas
yul/ /ces pa ste/

'di'i zhu lan du rje bla ma mchog gis 'phrin yig tshigs su bcad
pa rgyas pa zhig 'bul gnang mdzad pa'ang dus phyis ma dpe ma
bzhugs shing/ stag bu rdo rje 'chang gi gsung shog tshigs bcad ma
sngon rjes 'di gnyis dgos

@192b pa khyad par can gyi slad du lo snga ma dang 'di gnyis kyi
skabs so sor bkod pa yin no/ /chu bzang ri khrod kyi grwa shag
gong ma da lta bla brang gi gzim shag yod pa 'di'i shul du snga
dus bstan rgyas gling gi lde 'chang blo mkhas lags

kyi sger shag yod pa lde 'chang la gzhungs nas bka' nyes byung
rjes ser smad yer pa 'brom stod dge bshes nas nyos te/ dge bshes
kyis ser stod mkhan po ma mdzad gong chu bzang ri khrod kyi gnas
bla ma gnang skabs grwa

shag sa yul dang bcas pa rje bla ma rdo rje 'chang chen por rtsa
'bul mdzad pa ltar dgyes bzhes kyis dus mi ring ba zhig tu gzim
shag der bzhugs gnas spo ba gnang/ de nas yang 'brom stod dge
bshes nas chu bzang ri

khrod kyi gnas bla ma'i thugs 'gan kyang 'bul bzhes mdzad pa
ltar rje nyid kyis bkra shis chos gling du ma phebs kyi bar gnas
bla ma'i thugs khur lhur bzhes te gzhi gsum gyi skor sogs dar
rgyas dang 'dul ba'i phyag bzhes

gang cir thugs zhib ha cang che ba mdzad/ gzim shag phul ba'i
nyin dge bshes nas zhabs sen yun ring 'tsho zhing gzhes par zhu
ba'i brtan bzhugs mdor bsdus shig kyang phul bar legs gsol gyi
gnang cha gya  

nom pa stsal zhing/ ring min gzim shag de bzhin
nyams gso sogs kyang legs par gnang/ gzhung pa dge legs sprul
sku nas zhus ngor 'dus tshogs nyung 'dus shig la sgrol ma tsitta
ma Ni'i rjes gnang dang/ phur

@193a @#/ /lcog par ma ltar gyi tsitta ma Ni'i sgrub skor las
tshogs sogs cha tshang ba/ gdung 'bod le tshan bzhi/ bla brgyud
dang smon shis/ char 'bebs bcas kyi ljags lung/ chu bzang bla ma
ye

shes rgya mtsho'i gsung 'bum pod gcig cha tshang gi bklags lung/
'pho ba dpa' bo g.yul 'jug gi lung khrid/ gzhan 'pho 'debs tshul
sogs dang bcas zhib par dang/ grub rgyal lugs kyi tshe dbang bcas

legs par stsal/ 'di skabs rnams su bshad sgra blon chen dpal
'byor rdo rje sogs kyang yang yang dad mjal du bcar bar babs
bstun gyi gdan stob/ gsung 'phros/ 'dod chos stsal ba sogs kyi
bka' drin

kyang dgyes pa chen pos legs par gnang/ gzim 'og rdo rje 'chang
chen po'i drung nas/ dpal mgon zhal bzhi pa'i bskang gsar gyi
ljags lung/ mdzad pa po 'phan po nA le rja'i bco brgyad bla ma
ngag dbang mkhyen

brtse rab brtan nas rim gyis gzim 'og gong ma ngag dbang bstan
'dzin snyan grags/ byams pa ngag dbang klu sgrub/ byams pa ngag
dbang 'phags mchog /de nas rdo rje 'chang byams pa ngag dbang
kun dga' bstan

'dzin 'phrin las la brgyud pa legs par gsan pa sogs 'chad nyan
bshad sgrub kyis mtshon pa'i bstan 'gro'i don 'ba' zhig la thugs
gzhol pas dus 'da' bar mdzad do/ /dgung los lngar phebs pa chu
byi lor/

@193b bod dang lu'u cun dpung dmag 'thab 'khrugs zing bshig
skabs/ rgya bod phan tshun rangs rang gnas su zhi 'jags bde 'jam
yong thabs rkyen sel bstan rim sgrub rgyu dang/ khyad par stag
phu'i thugs dam dgongs don se

ra'i rgyab ri'i ngos su gdugs dkar gyi rgyal mtshan 'dzugs rgyu/
^gong sa ^skyabs mgon chen po rgya gar du bzhugs pa ring min bod
du chibs kha sgyur du re ba'i sgo dod par bod kyi bde dog gnas
tshul bsnyan zhu sgron 'bul gyi

zin bris 'debs rgyu sogs se ra bla spyi lhan rgyas kyis zhu
'brel spyi sgos bstan srid la phan pa'i mthun 'gyur zhabs 'degs
sgrub gnang mdzad 'os ji snyed pa'ang sku ngal 'dzems med thugs
khung che bzhes kyis sgrub par mdzad/

pa'i dus tsam na lha mo shra ma Na'i sgrub thabs shig kyang bka'
rtsom gnang zhing/ bar khams phyogs sog dar 'brug lding dpon
sogs nas khul der gdan zhu'i snyan 'bul zhu yig phul pa'i bka'
lan du/ mchog gsum

bla mar 'dzin cing bstan la gus pa'i lhag bsam dad stobs sogs
bsngags par 'os pa'i dge ba'i lam bzang por gzhol ba sog khul
dar 'brug lding dpon/ rgan po sde mangs bcas pa'i phyag tu/ ched
spel/ deng

rdzogs ldan nyin mor bzhad pa'i dus kyi char yang/ khyed cag
sngon ring mo zhig nas bsod nams 'bum gyi bcud du smin pa'i dal
dang 'byor pas brgyan pa'i legs tshogs dpag bsam gyi nags klung
dang la drag par dge

@194a @#/ /bcu'i yal 'dab g.yur du grol bzhin/ bkra shis dge
mtshan bzhad pa'i rang rang gi yul na bde bar 'tsho zhing spyod pa
ni kun tu don yod par gyur/ 'di na ngos kyang khams kyi 'du ba
rgyas

brtas shing/ dbus 'gyur rdo rje gdan gnyis par bstan pa'i zhabs
'degs la spyod pa'i skal bzang khur du bab bzhin gnas lags/
mtshams 'bras/ da lam chu byi dbe zla tshes nyin de nas legs tshogs
rtsa

ba dge ba'i bshes gnyen rjes su bsngags pa'i dbyangs kyi phreng
ba skyes bcas nyams med son pa yid spro 'phel zhing/ der ji gsal
bzhin khyed cag dgon dang sde bcas dang dam mgrin gcig gis ngos
phyogs

der nan du 'bod pa ni dge ba'i bshes gnyen don du gnyer ba'i dad
pa dang/ rang yul gyi bstan 'gror sman pa'i lhag bsam zla ba'i
spun zla lta bu/ ji ltar sngon bod kyi chos rgyal dag dang lha
bla ma khu

dbon gyi mdzad pa'i rjes su 'gro bar kho bo yang snying nas yid
rangs shing/ re 'dod skong bar spro ba nyag gcig kyang/ re zhig
dgon gyi mkhan po dang sbrags te bskyod rgyu dgos pa las dgag
bya che bas/ slar ^gong sa chen

po'i bka' dgongs khrol ba zhig byung tshe kho bo shul lam gyi
ngal dub lam 'dzem par phyogs der bskyod nas slar yang bstan
dang 'gro la phan bde'i dpal yon spel ba'i yid dam 'cha' bar bya
ba bcas thugs su bsti ba nas/

@194b skad du'ang/ 'jig rten gna' bo'i srol bzang po lugs kyi
bstan bcos las byung ba ltar nyams pa med par dkon mchog bla mar
'dzin cing/ dge bcu'i blang dor la brtson pa dang/ thub bstan
spyi dang blo bzang rgyal ba gnyis

pa'i bstan pa 'di ni sangs rgyas kyi zhing brgya phrag du mar
rnyed par dka' ba'i mchog 'dir sri zhu dang bkur sti/ thos bsam
sgom pa sogs kyis bag chags brtan por 'jog pas gtan gyi 'dun ma
yangs por sgrub par mdzod/

ces pa ni kho bos drang srong bden pa'i tha tshig tu smras pa
lags na/ kun gyis phyag len du thebs par ci nas kyang 'tshal/
ngos nas kyang yul phyogs bde zhing bkra shis pa'i smon lam
bzang po yang dang yang du zhu/ zhes pa

stsal zhing/ 'di lor a mdo sku 'bum che shos rin po che sku
'bum phyogs su phyir phebs gnang rgyur dgyes zhal lhod mjal
bskyangs te/ rten gsum mjal dar phebs rdzongs sogs kyang gzab
'bul mdzad/ byang rgyud

nas gzhung pa dge legs sprul skus zhu yig phul ba'i bka' lan
tshigs su bcad pa zhig kyang stsal/ rgya dmag skabs 'bras blo
gling grwa rigs bstan rgyas gling gi phyogs gtogs che phra mang
pos rgya phyogs la zhen 'dzin blo

bcad kyi dran 'phrul ngan g.yo'i byed spyod ma legs pa mang du
bgyis tshul grags che bar brten/ rjes sor se ra'i phyogs kyi dmag
jus lam du longs te rgya dmag la pham nyes byung skabs blo gling
gi phyogs

@195a @#/ /gtogs sogs sngar 'khon can du ma lnga pa'i lam du
btang zhing/ bstan gling lde 'chang blo mkhas lags zhes pa chu
bzang ri khrod du rje bla ma nyid kyi skyabs 'og tu 'dzul te
yibs nas bsdad

yod pa'i tshul de se ra'i grwa gzugs 'ga' res tshor nas nyin gcig
glo bur du shan pa lag dmar lta bu'i gri thogs kyi grwa gzugs
ngo ma gnag pa mang po zhig rje nyid kyi gzim shag tu 'ongs te/
lde 'chang blo mkhas zer

ba mi ngan nyes can de 'di na yod 'dug pa da lta rang rtsis
sprod gnang na nga tsho de ga rang gis snying tshim/ de min bla ma
khyed rang yang yag po mi yong zhes sdig mo'i tshig gi mtshon drag
po mi bzad pa'i sgo nas yang yang

tshan na du zhus par/ rje nyid gzim shag gi sgo nang du bzhengs
bzhin nas/ de ga rang red/ thugs khag rtsa ba nas mi 'dug pa
dgongs pa dag nges pa red/ zhu rgyu yin/ kho nyis can de 'dra
yin yang da res nged rang gi

tshe thar da dgongs nas srog glu gtong ba ma mdzad thabs med du
'dug /ces gsungs te phyag mthe bong ker ba tsam gnang bas de ma
thag khong ba tshos gcig gcig gi gdong du phar cer tshur cer du
bltas te/ mi ngan 'di 'dra'i

rigs snying dmar po lag tu son pa zhig ma byung na nga tsho yid
mi tshim yang/ bla ma khyed kyis de tsam nan che gnang na da res
kho gcig pu tshe thar gtong ba yin pas phyin chad bag yod pa dang
bka' drin dran shes pa dgos zhes

@195b kho pa la zlo bar mdezod zer nas de dag phyir log pa zhig
byung/ de ltar rje bla ma nyid kyi sku'i gzi brjid dang/ thugs
rje byin rlabs nyag gcig gi mthu las lde 'chang blo mkhas zer ba
glo bur 'jigs skrag shug las kyi ngang

du 'chi rkyen ngan pa myong ma dgos pa dngos su byung ba 'di
'dra gzhan la yong mi srid pa zhig ste/ dper na/ de skabs blo
gling phyogs kyi gros sner gtogs pa sked tshang sprul sku'i sku
mched drung skor zhig se ra'i grwa gzugs 'gas

zhol nas 'dzin bzung gis khrid de rdo ring phyi ma'i 'khris su
gsod grabs byas pa na/ drung skor des da res thengs gcig dge
'dun rnam pas bla ma sked tshang tshang gi zhal ras la gzigs te
nga gsod pa las thar pa zhig thugs

res gzigs zhes ngu ngag gis mig mchi ma lug lug dang/ rkang pa
bro 'khrab pa ltar byed par yang ma nyan par lus gced bu 'ben du
btsugs/ brang la nag thig btab par me mda' bsnun te de ga nyid
du bsad pas/ sked

 cinge? rin po che sku 'phreng du mar se ra'i bla chen mtshan
gnas sogs gang ci nas 'bur du thon pa zhig yin yang sku mched
nyam thag pa de la cung zad kyang ma phan pa la/ lde 'chang blo
mkhas bya bar rje bla ma mchog gis mi 'jigs

pa'i skyabs sbyin gnang ba'i de ma thag nas dus min 'chi rkyen
ngan pa'i 'jigs pa las gtan du thar ba rje nyid kyi byams pa'i
ring nge 'dzin gyi byin mthu kho na las byung bar sus kyang
rtogs par sla bas/ shes byed rgyas pa yi ge
@196a @#/ /mang dogs pas ma bris so/ /dgung lo so drug tu phebs
pa chu glang lor/ dwags po bla ma rin po che dbus phebs mdzad
par/ hor zla lnga pa skor la chu bzang du bla brang gzim shag gi
gzim chung shar

mar gdan drangs te/ thog mar gus phyag dang bcas pa'i mjal khar
rten gsum 'bul 'gyogs dang/ de nas rgyun gtan du gtsang la bzang
ba'i gsol ba zhabs tog sogs gzab 'bul mdzad pas mtshon bla ma

mnyes thabs gsum gyi sgo nas bsten tshul phun sum tshogs pa 'brom
rgyal ba'i 'byung gnas kyi rnam thar ltar bskyangs/ rje bla ma
mchog dang/ sgrub khang rdo rje 'chang rnam gnyis nas snyan gsan
rim par 'bul gnang/

mdzad par dgyes mnyes kyi zhal bzhes legs par thob pa'i thog
/chu bzang 'du khang du bka' chos kyi sbyin bdag rje bla ma rdo
rje 'chang nyid dang/ sgrub khang mchog sprul/ dge bshes blo
bzang phyogs glang rnam gsum

gyis gtsos/ ke'u tshang sprul sku sogs bla sprul dge bshes/ sku
drag /byings dkyus bcas zhu mi tshogs pa nyis brgya lnga bcu skor
la/ byang chub lam gyi rim pa 'jam dpal zhal lung dbus brgyud
lho brgyud kyi phyag

bzhes ma 'dres pa'i nyams khrid/ de'i bshes gnyen sbyor bas
bsten tshul skabs lho brgyud sbyor chos kyi lung khrid sogs mjug
tu sems bskyed cho ga dang bcas par ljags bshad zab rgyas gnad
'dril kun yid 

@196b 'phrog pa'i gnang tshul khyad par du 'phags
pa nyin bco lnga tsam gyi ring dang/ gzhan yang thun drug bla
ma'i rnal 'byor gyi lung khrid sogs kyang stsal/ 'di dus rje
nyid kyis zhu bskul gnang ba ltar sgrub khang bla brang nas lho
brgyud

lam rim dang/ gzhan zhig nas de'i sbyor chos bcas gsung spar
gsar bskrun gyis dar khyab che ba byung/ 'di'i skabs sogs su bla
ma rin po che'i ljags bshad dang gsung bgros tshun gyi zab bshad
man ngag rnams rin

thang phral ba'i nor bu bzhin gcig tu gces spras gnang ba'i ngos
su che ba gzigs te bdag cag gi rje bla ma rdo rje 'chang gis
gsung bshad kyi rigs mang po phyug bris su 'debs pa gnang ba
bka' 'bum gyi gras su'ang bzhugs pa

ltar yin la/ rje nyid kyi bla brang dang/ sgrub khang bla brang
sogs nas dwags po skyabs mgon bla ma rin po ches lho brgyud lam
rim gyi bka' khrid stsal ba'i thog mtha' bar gsum du chos grwa
ba rnams la bsnyen bkur mang 'gyed/

dam thug sogs kyi bsti stang rgya chen po sgrub gnang mdzad
cing/ de rjes bla ma rin po che bzhugs mtsher slang mdun gzim
shag tu phyir phebs/ skabs shig dgung gsar gyi dus su slar chu
bzang du gdan drangs te dwags po

bla ma rin po che dang/ rje bla ma rdo rje 'chang lhan rgyas
thog chu bzang 'du khang du gnam lo gsar tshes kyi dgyes ston
dang/ bla mchod tshogs 'khor/ dmag zor ma'i tshes gtor gzab rgyas
bcas grub mtshams bla ma rin po che

@197a @#/ /gzim shag tu phar gdan drangs te mjal kha/ gsol ston
sogs der gnang/ rje bla ma mchog nyid slar 'du khang du nyin
gsum gyi ring nyin re bzhin phebs te dgung gsar gyi mjal zhu ba
se

ra'i grwa tshang khag gi mkhan po dbu chos sogs dang/ gzhung sa'i
sku drag mang po/ byings dkyus sogs ser skya mtha' yas par mjal
kha sogs gnang/ bla ma rin po che dwags por phyir phebs khar
maNDala rten gsum

mjal dar/ skyabs rten dang 'bul dngos sogs yod dgu rtsal sprugs
kyis 'bul gnang mdzad/ gzhung sa mchog nas rgyal dbang thams cad
mkhyen pa'i zhabs brtan dang bstan srid kyi lang tsho sngar nyams
pa rnams/

gso zhing slar legs par dar ba'i gsos sman du 'gyur ba sogs dgos
pa du mar dgongs te chos kyi che ba'i phyir srid du ring ba'i
lha rdzas dri ma med pas sne drangs pa'i rten gsum maNDala dang
bcas pa dang/ rin chen gnyis

pa'i rten dang bcas gsol 'debs gnang ba ltar rje bla ma nyid nas
dgyes bzhin zhal gyis bzhes/ hor zla drug pa'i chos bco lnga
nyin ^ gong sa rin po cher mjal zhu dang/ de nas mi ring bar lha
ldan sprul pa'i gtsug lag khang

gi nye 'dabs rme ru phun tshogs nor bu'i gling du/ dpal ldan gdan
sa chen po gsum dang/ gsang chen rgyud grwa rnam gnyis/ gling
khag /phan tshun gyi dgon pa dang ri khrod sogs nas 'dus pa'i
gzhung brgya smra ba'i dbang po

@197b bla sprul dge bshes/ grwa rkyang sogs don gnyer ldan pa'i
slob tshogs sum brgya skor la lo de ga'i chu stong zla ba'i dmar
phyogs kyi dga' ba gnyis pa'i gral tshes mchog tu dge ba'i nyin
nas bzung mjug tu rgyal sras zhi ba lha'i

lugs kyi smon 'jug cig car du len pa'i sgo nas sems bskyed pa'i
sdom chog rgyas pa bcas gong lo'i mgo zla ba'i dmar phyogs kyi
bzang po gnyis pa'i tshes kyi nyin legs par grub par mdzad de
rgyal ba'i bka' 'gyur rin po

che'i bklags lung yongs su rdzogs pa snar thang par ma'i steng
nas stsal zhing/ der ma bzhugs pa'i kha skong khag dang/ sde dge
bar ma nas zhal skong dgos rigs kyang bsnan te co ne par ma bcas
kyi yig sna 'dra yin

dang ma dag pa sogs la shin tu lhod chags par zhib bsdur dang
bcas te bstan rgyun gyi spyan ltos la phan par bskyangs/ bka'
chos kyi thog mtha' bar gsum du gzhung gnas nas tshogs par bsnyen
bkur sogs gya nom

pa dang/ ^ rgyal ba'i dbang po mchog gis sku tshab tu gnang ba
nas kyang rje bla ma nyid la rten gsum dang mjal dar sogs dgyes
stsal mdzad par bzhugs khri las 'phral bzhengs kyis sku gsung
thugs rten dang sgron dar sogs

re re nas dbur gtugs pa sogs zhes gus 'dud bla na med pa mdzad/
'di skabs kyi bka' 'gyur ljags lung yang sngon dus se ra theg
chen gling du gnang ba bzhin gang myur zin thabs kyi sla chos ma
yin par tshang mar

@198a @#/ /tshig don la go ba ster thub pa tsam gyi lhod dal gyi
ngang nas sgra dag gsal gsum dang ldan pas kun gyi yid 'phrog pa
kho nar mdzad/ skabs shig nas dben pa'i gnas mchog rtag brtan
chos

'byung phug gi sgrub gnas ngo mtshar can de dag gsar bzhengs thog
/der skabs skabs su sgrub pa nyams su bzhes shing/ sku mtshams
bcad rgya'i rigs kyang yang dang yang du gnang/ spom mda' bu rab
dga' zhes

pas zhu yig phul ba'i bka' lan du 'di ltar stsal te/ mkhyen rab
kyi 'jug sgo don yod 'phrul gyi zhags pas sde bzhi'i 'byor pa mi
zad pa 'di dang gtan gyi dga' ston du 'gugs pa la rabO tu dga'O
ba'i grags

pa don ldan gang gi sku'i drung du/ shis brjod kyi dngos po
dbyangs kyi gzugs su sgeg pa'i mchid kyi phreng ba 'dir ched du
dgongs/ deng gi char/ bsod nams kyi phung po zad mi shes pa'i
rin chen 'byung gnas kyi lto

bar na tshod kyi sdong po rab tu phra yang rnam dpyod dang brtse
ba/ dad pa dang gtong ba/ brtson 'grus sogs yon tan gzhal du mi
spyod pa'i 'dab stong gi lang tsho rnam par grol zhing/ ya rabs
bzang po'i spyod tshul bsngags

par 'os pa'i dri bsung phyogs brgyar brdal ba'i gang sku chu
skyes gzhon nu nges legs snying po'i sbrang rtsi'i zil dngar
'dzin par 'gal rkyen gyi glang pos brdzi ba med cing 'tsho zhing
bzhugs ring nas/ yan lag bdun gyi

@198b mchod sprin kun tu bzang po'i sgyu 'phrul gyis sngon du
bcings pa'i dbyangs kyi rol mo snying du 'phrod par dgyes zhal
zla ba yid kyi rdzing bur 'phos pa'i dga' ston gnyis pa lha'i
reg bya bzang pos klubs te son pa'i mod rab

dga'i spu long dkar po zing zing du g.yos par gyur lags/ 'di na
ngos kyang gdos bcas 'byung lnga'i tshogs pa 'di snang 'du byed
kyi 'phrul 'khor ma zhig tsam nas/ mkha' khyab kyi 'gro ba'i don
la spro ba'i lhag bsam gyi

gom pa mdo sngags rgyal sras kyi spyod pa'i thang chen du bsgyur
bzhin gnas lags/ mtshams zhu/ da lam ji stsal ltar mtshan lam ngo
mtshar ba de dag bla ma he ru kas rjes su 'dzin cing 'dzin 'gyur
gyi ltas bzang

po gsol ba 'debs pa'i yul du gyur pa zhig las/ 'chi ltas kyi
dogs pa ni phra mo tsam yang gnang ga la dgos/ sngon du bud med
kyis lam sna byed pa dag/ rjes su bud med mang po mnyam du
'grogs pa sogs

kyang yi dam 'di nyid mkha' 'gro'i gtso bo yin pa dang/ sgrub pa
por yang gnas gsum gyi mkha' 'gro ma rnams kyis yid ltar myur
ba'i shugs kyis byon nas byin gyis rlob par rtsa bshad kyi rgyud
las lan mang

por gsungs pas de 'dra'i mtshan ma lta bur mngon pa bcas/ gang
ltar lha mchog 'di dang las 'brel che ba'i mtshan ma lta bu
bsnyon mi nus pa byung bas thugs rangs par mdzod/ 'on kyang 'chi
bar nges shing

@199a @#/ /nam 'chi nges med sogs thugs kyi khur du lci pa ni
chos pa mtha' dag la thog mtha' bar du gal che bas 'chi ltas kyi
mtshan ma sogs la ma ltos par rgyun du dgongs par gnad che/

brtag pa zhus par sku char 'gal rkyen gang yang ma shar zhing/
zhabs rim rnams sbyin bdag las tshan mchog gi brtag lan zur du
phul yod cing/ rgyun du nyid nas zab dgu'i tshe sgrub nyams bzhes
mdzad pa gnad

che bas de lugs nan tan mdzod/ slad mar yang/ srid zhi'i legs
brgya gang na bsti ba yi/ /mtho ris yon tan bdun gyi lang tsho'i
dpyid/ /mi shigs g.yung drung dwangs mar sgrub pa yi/ /do gal
'di ni khyod kyis snying

por zungs/ /dkar min dpung pas ha cang mi brdzi bar/ /rang srid
gdugs dkar gyen du 'degs pa dang/ /dpag bsam ji bzhin gang du
gnas pa yi/ /de dang de na skye rgu'i re ba skongs/ /tshe 'di
glog ltar g.yo zhing

mnog chung yang/ /gtan gyi 'dun ma 'di la rag lus pas/ /blo dang
brtson pas ngal ba gcig dril nas/ /snying pho phul du bsgrub la
'bad par mdzod/ /'on kyang ltar snang log bshad sna tshogs kyis/
/chu dang 'o ma

bsres bzhin dbye dka' ba'i/ /dus 'dir rnam dpyod rus sbal mgrin
pa ltar/ /phra zhing mdzangs pas zhib tu dpyod pa dgos/ /rtag
chad g.yang sa 'gegs pa'i lta ba dang/ /bying 'khrul gol sa
bcad pa'i sgom pa

@199b dang; ;zab rgyas spyod pa'i gnad rnams ma rnyed par/
/mkhas pa'i gzhung la phyogs lhung med par tshol/ /lta sgom mdo
sngags lam gyi gnad zab la/ /thos dang bsam pas sgro 'dogs chod
pa na/ /rnam g.yeng spangs te rtse

gcig sgrub pa yis/ /zung 'jug rgyal sa myur du zin par mdzod/
/nyin mo'i snang bar sgron me'i gsal 'debs bzhin/ /blo ldan
khyod la mang gsol mi dgos kyang/ /ston par bkur bas bstan la
slob pa'i tshul/ /

mdza' bas gsong por gdams 'dir dgyes par 'tshal/ /zhes pa'o/
/'di'i lo snga phyir yang lha sa dang ri khrod yas mas rnams su
chab mdo 'phags pa lha ho thog thu sogs bla sprul sku drag ser
skya 'bring dkyus sogs

dang mjal zhu mi grangs med pa lta bu byung bar mjal kha/ phyag
dbang/ ja gral/ gsung mchid sogs lhod 'gol dang/ so sor 'dod
chos ci rigs stsal ba sogs rang rang babs bstun gyi re 'dod ci
dgar skong

pa'i bka' drin yang dag par bskyangs so/ /dgung lo so bdun du
phebs pa shing stag lor/ snga lo bka' 'brel bzhin gyi rgyal ba'i
bka' 'gyur rin po che'i ljags lung legs par grub pa'i gtang rag
tu ^ gong sa rin

po che mjal zhur phebs par ^ gong nas dgyes tshul bzhes pa'i bka'
pa thang po yang phebs/ chu bzang ri khrod kyi grwa shag ltag ma
bla brang rang gi gzim shag tu bzhugs mus kyi ngang zhig nas sku
ltem tshul shin tu lci ba/

@200a @#/ /bzhes te skabs shig nas snyun gdangs tshul bzhes re med
ba ltar gyur pas phyag mdzod ngag dbang rgya mtsho ci drag la
thug ste rgyal rong khams tshan du grwa pa gnyis rogs byed du
gtong dgos

zhes lan phul bar khams tshan nas dge bshes shig btang/ khong pas
ser tre bo ja mar tshong mkhan nas ja spyan shel bag chen gcig
bun blangs kyis chu bzang gi bla brang gzim shag tu 'byor te/ ja
de nas gsol ja'i

ja khu brgyab zin tsam zhig la/ nor gling nas sgrub khang rin po
che phebs kyi yod pa'i lan 'byor bas dge bshes kyis gsol ja 'bul
bar chu bzang gi gsham/ rdo'i seng ge yod pa'i lam kha phrag gi
mtshams

su bcar/ sgrub khang rin po che ston 'khor gsum phebs yod pa der
gsol ja mchod bzhes grub 'phral bla brang gzim shag tu shar
phebs kyis rdo rje 'chang gi mdun du maNDala rten gsum bteg ste
snyun gzhi

myur du seng gdangs thog /zhabs pad yun ring brtan dgos tshul ^
gong sa mchog nas bka' mngags bcas gtong ba gnang tshul zhib
lhong gsung bar/ rdo rje 'chang mchog nyid nas kyang/ ^ gong nas
de ltar phebs

pa bka' drin mchog tu che tshul dang/ 'dzam gling bstan 'gro'i
phan bde'i spyi nor ^ gong sa rgyal ba'i dbang po mchog bstan
'gro'i mgon du zhabs sen bskal brgyar brtan par gsol ba'i
maNDala rten gsum dod dang

@200b mjal dar bcas 'bul rgyu dang/ sgrub khang rin po che nyid
kyang zhabs sen yun ring brtan pa'i gsol 'debs dang maNDala rten
gsum bcas 'bul gnang mdzad/ sgrub khang rin po che nas gsol mar
ltang gcig /

'bras ltang gcig /gsol zhib do po gcig bcas phul te phyir phebs/
de nas bla brang gis bsnyen bkur zhus te khams tshan gyi dge 'dun
drug cu skor nas chu bzang 'du khang du mdo sde bskal bzang
dgung grangs

dang; gnas brtan phyag mchod stong tshar thog /de'i sgo nas zhabs
brtan brtan bzhugs 'bul bzhes/ sgrol ma 'bum ther/ gdugs dkar
stong tshar bcas zab bsgrubs gnang/ nub cig rje rang gi mtshan

lam du dwags po skyabs mgon bla ma rin po ches byin gyis brlabs
pa'i mtshan ma gsal bar byung ba sogs la brten nas sku'i ltem
gzhi yang rim dwangs su gyur/ 'di dag gi skabs snga phyi zhig tu
rje btsun sgrol/

ma'i gdung 'bod byis pa'i 'o dod ces pa bka' rtsom gnang zhing/
'di la stag phu rdo rje 'chang chen pos/ gdung 'bod byin rlabs
can 'di ni yid bzhin gyi nor bu rin po che bye ba 'bum phrag gis
kyang do zla med

pa'i snying nor khyad par du 'phags pa'o/ /zhes bsngags brjod
phyag bris ma'i gsung mchan can phyis nags shod sgrub sde'i rdo
rje 'chang gi gzigs dpe'i khrod du bzhugs pa las kho bos dngos
mjal gyi skal bzang
@201a @#/ /thob pas/ stag phu ba chen pos de ltar gnang bar dpags
na gdung 'bod de rje bla ma mchog gis bka' rtsom mdzad skabs
gzigs snang byung ba lta bu'i rnam thar shin tu ngo mtshar ba

zhig mnga' bar gdon mi za'o/ /'di dus gro mo dge bshes rin po
che ngag dbang skal bzang phebs par mjal kha phyag dbang gsol ja
bzhes 'bras sogs stsal zhing lhod 'gol gyis dgyes brtse'i gsung
gling

smar/ ram pa rje btsun ma chos bzang sgrol dkar la rdo rje
'chang blo bzang sbyin pa'i gsung lam rim bshar sgom gnad don
kun tshang zhes pa par du brko dgos pa'i bskul ma gnang ba ltar
de 'phral par gsar brko

zhus? shing/ de rjes chu bzang 'du khang du tshogs pa lnga bcu
skor la bshar sgom gyi ljags lung yang stsal/ 'phan po gang rgya
phyag mdzod bsod nams grags pa'i ngor gang rgya rin po che'i
myur byon gsol 'debs dang/

srid blon zhol khang pa nas rang gi rigs sras bstan skyong bya
ba sku 'das pa'i dge rtsar sher phyin rdo rje gcod pa par gzhi
gsar bskrun gnang rgyu'i smon tshig bka' rtsom dgos tshul zhus
ngor de ga'i par byang yang thugs

rtsom gnang/ sngon nas ^gong sa rin po cher sog po bA rin bla
mas gsol ba btab pa bzhin hor zla drug pa'i nang du nyin bcu'i
ring nor gling shar rgyud kyi spang gshongs su chos sgar dbu gur
bcas te ^gong sa mchog gis

@201b 'dus tshogs chig stong lnga brgya tsam la byang chub lam
rim chen mo'i bshad khrid stsal bar/ lha sa'i nye skor gdan sa
rnam gsum sogs kyi bla sprul che phra grags che ba phal mo che
ngang shugs kyi chos zhur phebs

bcar zhu dgos par brten/ rje bla ma nyid 'di skabs ltem gzhi
dwangs mus yin yang nye sngon bsnyun tshabs che ba byung stabs ha
cang sku gzugs kyi babs bde thang che nges shig med kyang thugs
rus bskyed de snyan gsan sngon

du 'gro ba'i sgo nas bka' chos gsan par phebs/ rje nyid grwa
sa'i bla sprul gyi mtshan gnas chung shos sprul sku'i mtshan thogs
pa tsam zhig las go thob ci yang med pas tshogs gral rgyab phyogs
kyi gral mtha'/ lding

gur gyis ma khebs pa'i nyi char ngad gdung che ba'i gnas shig tu
bzhugs yod par/ ^gong nas dmigs bsal gzigs bskyang gi pha bong
kha'i sprul sku da lta gzugs? gzhi nad mjug ha cang khams dwangs
shig med

pas tsha grang gi rkyen gyis bsnyun nad bskyar ldab byung na mi
legs zhes nyin re nyin rer mdun gral du yar yar spo bzhugs chog
tshul phebs pa ltar mthar bla gab dang bzhugs stan yod par bzhugs
chog pa zhig byung/

bka' chos de'i ring lha klu'i grong smad kyi na ga'i gling chung
zhig tu cog gur la brten te byes 'grul bya bral ba'i tshul du
bzhugs nas nor gling bka' chos su nyin re bzhin phebs bzhud
mdzad ces grags/ ser smad the po

@202a @#/ /khams tshan pa 'jog ri ri khrod dge slong ye shes skal
ldan nas sbyin bdag zhus te chu bzang 'du khang du zhu mi brgya
dang sum cu skor la kong po lam rim tshigs bcad ma dam chos bdud
rtsi'i snying

po'i lung khrid nyin bcu gcig tsam gyi ring du rgyas par gnang/
lam rim bdud rtsi'i snying po dbus phyogs su spar med stabs
gzhan las dpe cha g.yar te bshu thabs gnang ba dge slong ye
shes skal ldan la dge bskul

mdzad pa ltar spar gyi rgyu yon sbyar te sngon tshud nas gsar
bskrun gyis 'di skabs bka' chos tshogs par phyag dpe sku 'gyed
kyang phul te dar rgyas su gyur cing/ lam rim 'di par du bskrun
skabs rgyu sbyor dge slong nas

zhus ngor par byang smon tshig kyang bka' rtsom gnang/ yang 'di
skabs shig tu gzhung pa dge legs sprul sku nas bka' rtsom dgos
tshul zhus pa bzhin rje nyid la brten pa'i bla ma'i rnal 'byor
byin rlabs 'dod rgu'i

gter mdzod ces pa'ang thugs rtsom mdzad/ bla ma'i rnal 'byor 'di
de dus spar brko bya rgyu ma byung yang/ khyis ser sngags gra mi
nyag brtson 'grus ngag dbang nas par du bskrun pa mjug shog
grangs brgyad

pa'i rgyab phreng tha ma'i mthar rang babs su rdzogs pa zhig
byung 'dug pa rten 'brel cung zad ma legs pa red ces chu bzang
dge slong blo bzang 'phrin las la rje bla ma nyid kyis yang yang
gsungs 'dug pa ni/ brtson

@202b 'grus ngag dbang de skabs phyag phyi'i gras yin yang/ ring
min zur du sdod dgos pa byung zhing/ phyis su khong pas ser
sngags mkhan po mdzad skabs sogs sku tshe mdzad pa gzhan yang
'bring tsam las ma byung bas/

rje nyid nas ma 'ongs mngon gzigs kyi gsung ngo mtshar can zhig
phebs pa yin 'dug ces blo 'phrin nas kho bo cag la gsung 'phros
su gleng zhing/ rje nyid kyis tshe smon gling srid skyong dga'
ldan khri rin po che blo bzang rgyal

mtshan pa las kyang ljags lung gi chos 'brel 'ga' re gsan/ rdo
rje 'chang chen po mchog nas dang thog sa rnying bka' brgyud kyi
mkhas pa du ma las chos mang du gsan cing/ brag ri gong ma dang
bla ma ri sku rin po che

sogs las kyang snga 'gyur phyogs kyi bag zhad cung zad re 'go
bar brten ris su ma mchis pa'i chos tshul du mar nyams bzhes rgya
cher mdzad kyang/ sku gzhon nu'i gnas skabs nas 'jam mgon bstan
srung thun mong min

pa rdo rje shugs ldan rtsal gyis dngos nyams dang mi'i khog
brloms ci rigs pas mel tshe g.yel med du mdzad de rje nyid nas
grub mtha' gzhan sel ma 'dres pa'i lta grub gtsang mar bdag gir
bzhes na/ ji ltar dgos

pa'i 'phrin las rnams thugs kyi bzhed don ji bzhin bdag gis
sgrub bo zhes yang yang zhu zhing brda thabs sna tshogs pas bskul
ba bzhin zhal gyis bzhes pa dang/ lhag par dwags po bla ma rin
po ches rgyal chen dngos su bsten/

@203a @#/ /pa mi mdzad kyang/ sgo srung gi tshul du bzhugs te
'phrin las sgrub cing/ rje nyid la dngos su bsten na legs par
gsungs pa'i thog /sngar nas rje bla ma mchog gis gsar rnying ris
su

ma chad pa'i gzhung lugs man ngag mtha' yas pa gsan cing nyams
su bzhes par brten grub mtha' so so'i lta sgom spyod 'bras kyi
tshul mtha' dag ma 'dres par thugs su chud nas de kun las khyad
par gyi chos du mas

lhag pa'i thub pa'i mdo sngags kyi bstan pa tshang la ma nor ba
rgyal mtshan gyi tog ltar mtho ba ni rgyal ba tsong kha pa chen
po'i ring lugs dri ma med pa 'di nyid nyag gcig tu phra mdzangs
zhib pa'i mkhyen rab kyis rnam par

dpyad pa'i rigs pa brgya phrag gi lam las thugs nges brtan po
gzhan gyis sgyur mi btub pa 'khrungs la/ sngon gyi thugs bskyed
btsan po'i mthu brtas te rim gyis rgyu mtshan mkhyen pa'i sgo nas
dge ldan ring lugs

gtsang ma'i rnam thar kho na gcig tu skyong bar mdzad cing/
bstan srung gnyan po gang nas kyang rje nyid kyi bzhed dgu'i
'phrin las mtha' dag 'bad med du sgrub par mdzad pa de ltar
byung ba yin no/ /dgung lo so brgyad du

phebs pa shing yos gnam lo gsar tshes skabs kyi nyams bzhes dgyes
ston sogs 'char can thog /nyin snga rting rnams su bla sprul sku
drag ser skya byings dkyus sogs dad mjal zhu mi shin tu mang bar
dgyes zhal

@203b bstan cing/ phyag dbang/ ja gral/ gsung 'phros sogs zhib
lhod du gnang/ 'di lo stag phu rdo rje 'chang gis rje nyid kyi
zhabs brtan gsol 'debs drang srong bden tshig ces pa bka' rtsom
gnang zhing/ gsol 'debs

der/ byams pa chen pos gzhan don khur gyis bzhes/ /bshad dang
sgrub pas rgyal bstan snying po 'dzin/ /bsdu bzhi'i 'phrin las
mkha' mnyam 'gro la 'jug /mkhas grub rgya mtsho'i mgon khyod
zhabs brtan shog /

ces gsungs 'dug pa ni 'byung 'gyur rjen par gzigs pa'i lung tshad
ma zhig tu 'og nas rim gyis rtogs par 'gyur ro/ /sgar ba ri
khrod kyi spong ba pa 'ga' res zhus ngor yongs 'dzin gling sprul
gong ma'i gsung

'jigs byed dpa' po gcig pa'i bsnyen yig skor nas them skas dgu
pa'i kha skong gi dpa' gcig bdag 'jug kyang ljags sgrigs su
stsal/ snga sor dwags po bla ma rin po che'i zhabs drung du yun
ring tsam phebs

bcar gyis byang chub lam gyi rim pa'i man ngag skor spyi dang/
lhag par byang chub sems sbyong gi rim pa rnams myong khrid du
gsan dgos pa'i snyan gsan dang/ zhu yig bcas lan du mar 'bul
gnang mdzad cing/

zhal bzhes kyang dgyes bzhin stsal yod pa'i thog /'di res kyi
nye sngon zhig tu bla ma rin po che'i bka' yig phebs par/ sngon
nas yang yang gsungs pa'i don rnams nged dge sbyong rgan po'i
snying la spro bzhin du gcags

@204a @#/ /mus nas/ da lam sku zhabs rin po che nyid mgron gyi
gtso bor 'bod rgyur/ nas rgan gyi chang bsnyal/ phag rgan gyi
sha btsos/ gro rgan gyi brag zan bsregs nas bsgugs te bsdad yod
pas ha

cang ring min zhig tu 'dir phyogs su sbyon cig dang/ bzhed dgu'i
dus ston bzang po yongs su rdzogs par bgyid rtsis yod tshul sogs
lam gyi gtso bo rnam gsum sha chang gro zan gsum gyi dpes bstan
pa'i bka'

bzang po de ltar phebs pa'i rabs gsal po yod ces dpal ldan stong
rgyud kyi dge pa'i bshes gnyen blo bzang nyi ma dpal bzang po'i
zhal snga nas thos pa ltar lags/ de nas mi ring bar rje bla ma
nyid dang/ phyag

mdzod ngag dbang rgya mtsho/ gsol dpon 'jam dbyangs/ dge slong ye
shes sbyin pa sogs ston 'khor drug bdun tsam dang bcas dwags po
phyogs su chibs kha bsgyur te/ hor zla bzhi pa'i chos nyi shu
mchog tu dge

ba'i nyin dwags po'i dpe na gnas 'phar tshang ri khrod dga' ldan
byang chub gling gi gzim chung bde ba can du bka' gdams bltan
pa'i sgron me skya ras rje 'jam dpal lhun grub rgya mtsho dpal
bzang po'i zhabs drung du

phebs/ rje btsun bla ma dam pa mchog de'i zhabs rdul spyi bor
bzhes te mjal phyag /gus 'dud/ bsnyen bkur sogs mnyes pa gsum
gyi sgo nas mnyes par mdzad/ de'i nyin dwags po bla ma rin po
cher gzhan

@204b zhig nas brtan bzhugs 'bul kham dang stabs 'grigs pas bla
ma rin po che'i gsung gis/ de ring sku zhabs rin po che phebs pa
legs/ da res 'dir tshogs su phebs dgos gsungs pa ltar brtan
bzhugs kyi

tshogs su phebs par/ bla mchod kyi dbu tshugs nas bzung/ skabs
shig tshogs su 'bras sil zhig phul song ba de'i bar rje nyid kyi
thugs rgyud la nges 'byung skyo shas tshad med pa zhig glo bur du
'bar te bshum pa

'ba' zhig gnang dgos pa byung/ tshes nyer gcig nas bzung skyabs
mgon bla ma gang gi rgyun gtan thugs dam nyams bzhes kyi rim pa
tshun dang/ gsung sgres man ngag gi skor tsi rigs shig gsan te
phyag zin

du'ang 'debs par mdzad/ hor zla lnga pa'i tshes gsum nas byang
chub lam gyi rim pa bde myur sogs kyi lung khrid mang du gsan
cing/ de dag kyang 'khrid lung gi rgyun lon pa tsam gyis chog
shes pa ma mdzad

par dga' ldan sgrub brgyud kyi mkhas grub dam pa gong rim las
zam ma chad par byon pa'i phyag bzhes ji sta bar lam gyi rim
pa'i dmigs rnam mtha' dag sarga 'tshal bar nyams bzhes myong
khrid kyi tshul du

legs par bskyangs shing/ gcod kyi khrid gsan skabs nyin cig
'phar tshang dge slong rnams kyang gced gtong bar 'bod par gnang
song bas thams cad kyis gcod kyi yo byad rnams mngon chung gis
nyar tshags mdzad

@205a @#/ /pa bsnams te byon par/ gcod DaM yang sor brgyad pa'i
tshad can lhung bzed kyi nang du chud pa cha mtshungs dang/ gcod
rta sogs kyang bla ma rin po ches ji ltar gnang ba bzhin snyam

brjid chags la byin che ba/ dad pa dbang med du skye nus pa lta
bu sha stag tu snang gsungs/ de ltar zab rgyas kyi gdams pa
sngar gsan pa'i 'phros sogs dang/ gsar du gsan dgos pa'i rigs
mtha'

dag bum pa gang byo'i tshul du gsan cing/ mar shes sogs lam gyi
rim pa'i rtogs pa'i nyams myong 'gangs che ba mang po nyin
brgya'i ring thugs rgyud la 'khrungs/ nyams myong khyad par can
gsar du

'khrungs pa'i rigs mang po dang/ de ltar lam bzang ma sogs kyi
zhal shes man ngag du ma bsnyel thor yang 'debs par mdzad/ lhag
par zab cing phra la rtogs par dka' ba dpal ldan thal 'gyur

ba'i lta ba'i gnad gsang mthar thug pa mang po dang/ man ngag
rgyu 'bras bdun ma dang bdag gzhan mnyam brje'i byang chub sems
sbyong gi man ngag yongs su rdzogs pa dang bcas par gsan bsam
sgom pa

dogs gcod bcas yang dang yang du mdzad pas/ zab rgyas kyi lam
gyi rim pa'i gdams pa spyi dang/ byang chub kyi sems rnam pa
gnyis kyi nyams rtogs sngar las lhag pa du mas thugs kyi bum
bzang

@205b yongs su gtams te ji ltar 'khrungs pa'i rtogs pa'ang phul
ba'i tshul ngo mtshar ba mnga' ba sogs jo po dang gser gling pa'i
rnam thar la 'gran bzod pa ltar gyur cing/ dus phyis kyang zhal
nas/ gnas der dben pa'i

gnas gzhan ma bas nyams len la drod rtags thon che zhing yar
skyed kyi 'phel ka che ba byung ba gnas kyang byin can du yod pa
sogs de thams cad bla ma rin po che'i byin mthu yin gsung/ mdor
na dwags po skyabs mchog

bla ma rin po che 'di pa'i drung nas snga phyir gsan pa gsan
thor 'khod pa rnams phyogs tsam dril na/ skyid shod pa'i yig
cha'i steng nas dga' ldan snyan brgyud lugs nam mkha' sgo 'byed
kyi gcod dbang/ grub

mchog blo bzang rnam rgyal gyi gsung thar 'dod ded dpon gyi
TIkka dang/ grub dbang skal bzang mkhas grub kyis mdzad pa'i
gcod gzhung dga' ldan sgrub brgyud bstan pa'i mdzes rgyan gnyis
kyi steng nas thar 'dod ded

dpon gyi zab khrid phyag len gdangs dbyangs kyi phyag khrid dang
bcas pa/ tshe gling yongs 'dzin gyi gsung gcod gzhung dgongs pa
rab gsal dang/ rin chen sgron me/ rje skal bzang mkhas grub kyi
gsung gcod kyi

cha lag bro brdung sogs dang bcas pa'i ljags lung/ 'jam mgon
tsong kha pa chen po'i gsung byang chub lam gyi rim pa che
'bring chung gsum gyi bshad lung/ yon tan gzhir gyur ma/ lam rim
gser zhun ma/
@206a @#/ /lam rim 'jam dpal zhal lung bcas kyi bshad khrid/ 'jam
dpal zhal lung lho brgyud dang/ dmar khrid bde lam/ dmar khrid
myur lam bcas kyi nyams khrid/ dwags po sgom

chen ngag dbang grags pa'i gsung lam rim tshigs bcad ma legs
gsung nyid khu'i bshad lung/ bla ma rin po che nyid kyi gsung
sbyor chos skal bzang mgrin rgyan gyi khrid lung/ lho brgyud
sbyor chos kyi ljags

lung/ lam rim lnga paN dgongs rgyan dang/ sems bskyed bka' rgya
ma'i lung khrid/ spyan ras gzigs kyi bla ma'i rnal 'byor gyi zab
khrid/ paN chen blo bzang chos rgyan gyi gsung 'pho ba dpa' bo
g.yul 'jug

dang/ chu bzang bla ma ye shes rgya mtsho'i gsung gnyis kyi
steng nas bde can 'pho khrid zhal shes man ngag dang bcas pa/
dwags po thang dar bla ma skal bzang bstan pa'i rgyal mtshan gyi
gsung thun drug bla ma'i

rnal 'byor gyi rnam bshad dag 'byed bdud rtsi'i bum bzang gi
steng nas thun drug gi lung khrid/ ma gcig grub rgyal lugs kyi
tshe dbang bcas gsan zhing/ gsan thor ma 'khod pa'ang re mang
zhig yod 'dra

yang 'ol tshod kyis 'bri ba ma spobs so/ /dwags po skyabs mgon
bla ma rin po chos kyang rdo rje 'chang chen po mchog nyid nang
thugs kyi sras gcig pur rjes su bzung zhing/ mdo sngags kyi
bstan pa yongs su rdzogs pa

@206b dang/ lhag par du byang chub lam gyi rim pa'i bstan pa'i
bdag por dbang bskur/ sngon rgya gar nas yi dam gyi lha 'phags
ma sgrol mas jo bo a ti sha la bod du phebs rgyu'i skor gyi
lung bstan stsal ba dang rjes su

mthun par lha sa phyogs su phyir phebs khar/ bzhugs khri gcig
gsar du bshams pa la/ rdo rje 'chang nyid bzhugs su bcug /rje
bla ma gang gi sku ber dang/ dbu paN sne ring bcas sku la bsgron
te/ g.yas

g.yon sogs nas legs par zhib gzigs gnang/ thugs dgyes pa'i
bzhad chung zhig mdzad de/ dbus la ni pha las bu rdzig /bu las
tsha ba rdzig /tsha bo las yang tsha rtsig /yang tsha las su ma tsha
rdzig pa 'ong

zhes pa'i lung bstan pa'ang stsal zhing/ sku zhabs nyid bstan pa
yongs rdzogs kyi bdag po yin phyir da ni chos bdag po la 'phrod
pas 'gyod pa med/ ces sogs thugs rangs pa mthar thug tu gyur
pa'i gsung

yang dang yang du byon/ 'di dus lam khrid sogs gsan pa'i ring du
gsol dpon 'jam dbyangs lags dang/ ye shes sbyin pa sogs la bang
rim chos sde'i tshogs 'don gyi gsung rta slob sbyong dgos pa'i
zhal ta

gnang ba bzhin sbyor chos skal bzang mgrin rgyan dang/ lho
brgyud sbyor chos sogs kyi gsung rta bslabs shing/ rje nyid 'di
skabs bla ma rin po che'i drung du zla ba bdun tsam gyi ring
bzhugs par dad slob chos rgyal don

@207a @#/ /grub bya bas kyang tshogs gnyis rgya chen po spel bar
byas/ lha sa phyogs nas zhu yig 'bul mi 'ga' zhig 'byor bar yang
gnas tshul gsal 'khod kyi bka' lan tshigs su bcad pa

sogs kyang 'phral mar stsal to/ /sngar rje btsun bla ma dam pa
rang nyid kyis theg mchog bstan pa'i sgron me byang chub thugs
kyi mnga' bdag dwags po bla ma rin po che dang thog mar mjal
tshul lam rim gyi chos 'khor

mdzad skabs shig na bka' chos tshogs pa'i dpus su rags rim bka'
stsal ba la/ nged rang nas byang chub lam gyi rim pa'i gdams pa
spyi dang/ lhag par byang chub sems sbyong gi man ngag yongs su
rdzogs

pa mnga' ba zhig gang na bzhugs yod snyam du zhib rtsad yang
yang bgyis par/ skyabs mgon bla ma rin po che zhal snga nas de
nyid mtshan gyi snyan pa shin tu grags che zhing/ snyan brgyud
man ngag gi bstan pa'i bdag

por byed kyin 'dug pas bdag cag gi gtan skyabs gtsug gi rgyan du
bsnyen 'dod byung ba na/ thog mar dwags po nas lha phebs kyi res
shig bzhugs mtsher glang mdun gzim shag tu bcar te mdo sngags kyi

dka' gnad 'ga' zhig la dogs slong gi tshul du dri ba zhus par
thugs bsam cher bzhes ma dgos par bka' lan thogs pa med par
stsal ba dang/ de tsam du ma zad/ sku'i rnam 'gyur/ gsung gi
gdangs/

@207b thugs kyi 'khyer so sogs gang la brtags kyang theg pa
mchog gi dge ba'i bshes gnyen sa steng na 'gran pa'i zla dang
bral ba zhig tu mthong bas de nyid rang nas dad gus ldog tu med
bskyes shing/ de rjes shig nas

slar yang gzim shag der bcar bar tshes bcu'i gsung chog gcig
gnang ba dang stabs 'grig ste/ gzim sgo'i phyi rol nas gsung
gdangs thos pa tsam gyis yid shes rang dbang med par 'gyur te
mchi ma mang po

shor/ gzim spyod kyi 'khris su gsang chab kyi snod cig 'dug
pa'ang de ma thag spyi bor blangs te bla ma 'di nyid tshul bzhin
mnyes par byas nas nyams rtogs kyis rgyud grol te thugs yid gcig
tu 'bres par shog

gces smon lam yang btab/ de nas drung du bcar skabs kyang mos
gus drag pos yid myos pa ltar gyur te dad pa lhag par du 'phel
ba byung zhing/ de rjes shig tu sgrub khang rin po che dang nged
rang thun mong nas chu

bzang ri khrod du gdan drangs te lam rim 'jam dpal zhal lung gi
man ngag lho brgyud lam rim gyi bka' khrid zhus par/ myong thogs
nas thon pa'i gsung bshad zab cing gnad 'dril ba snga na ma
grags pa lta bu gsungs

pas yid phrogs te blo la gang nges nas zin bris kyang 'debs khul
byas/ de nas dwags phyogs su bcar te thugs bcud kyi man ngag zab
mo rnams rim bzhin zhus chog pa zhes snyan 'debs zhus par/ de
ltar thugs la

@208a @#/ /mos shing/ don gnyer mdzad na bzhed pa bzhin 'bul chog
gsungs/ de'i phyi lo dpyid sos kyi mtshams shi gnas dwags phyogs
su phyin par rgyal gyi slong la kha bas 'gags te ha

cang bgrod dka' ba sogs lam par du ngal dub cher byung yang/
sngon gyi dam pa rnams kyi dka' spyad mdzad pa'i rnam thar dran
te dga' bzhin spro bzhin du bskyod nas 'phar tshang ri khrod du
skyabs mgon bla ma rin po che'i

gser zhal dngos su mjal/ sgo gsum bran du phul/ gces dgu'i zang
zing gis mchod nas dus gsum gyi rgyal ba rnams kyi gshegs shul
byang chub lam gyi rim pa gtso bor gyur pa'i thugs bcud kyi
gdams

pa zab mo rnams bum pa gang byo'i tshul du mnos shing/ ji ltar
gdams pa'i don rnams go lo dang thos lor ma bzhag par myong thog
tu bskor nas nyams len gang thub ci thub byas pa yin gsungs/
dwags po skyabs

mgon bla ma rin po che de nyid mnyam med jo bo a ti sha'i bla
ma gser gling pa'i rnam 'phrul yin par gdon mi za ste/ phyis su
stag phu rdo rje 'chang chen po bkra shis chos gling du phebs
dus shig bla brang gzim chung rnam rgyal

zil gnon gyi rten gtso dwags po skyabs mgon bla ma mchog gi 'dra
sku rin po che de nyid gser gling chos kyi grags pa bzang po'i
bzhugs stangs can shel gyi 'khar ba bsnams ba zhig tu mngon sum
lam gyis gyur pa'i

@208b zhal nas/ kho bo sangs rgyas kyi zhing khams du mar bgrod
nas rgyal ba mang po'i zhal mjal/ gsung gi bdud rtsi myangs nas
rgyal sras kyi spyod pa rlabs po che la slob bzhin pa yin gsungs
pa zhig dngos su byung ba sogs la

brten nas khyab bdag stag phu ba chen pos kyang/ dwags po gser
gling pa zhes yang nas yang du gsungs pa ltar ro/ /dwags po bla
ma rin po che'i che ba'i yon tan brjod pa phyogs tsam zhig ni/
khyo bo cag gis drur du bris yod

pa ltar ma zad/ nges don du grub pa'i go 'phang mthon por gshegs
pa'i mtshan ma mthun snang du mngon par yang/ dwags po bang rim
chos sde'i dngul gdung lha khang du bzhugs pa rdo nag leb mo
khru gang tsam zhig gi ngos

su bla ma rin po che gang nyid kyi zhabs mthil gnyis ka'i rjes
'dam la btab pa lta bu ngo mtshar can zhig bzhugs pa da lta'ang
mjal du yod par gsungs so/ /rje nyid nas sngar dwags po bla ma
rin po cher bde mchog lus dkyil

gyi bskyed rdzogs bka' khrid gnang dgos pa'i gsol 'debs mdzad
par/ bla ma rin po ches kho bos chung dus bde mchog lus dkyil
nyams su blangs/ rin chen rnam bzhi'i gzungs sngags kyang gser
gyis bris nas lus

pa bcang myong/ da lta ma Ni kho na 'dren pa yin pas nged kyis
re zhig mi 'ong/ 'di na bde mchog gi rnal 'byor pa chen po zhig
yod pa khong dang sku zhabs rin po che rnam gnyis nged rang gis
mtshams sbyor gnang chog tshul dang/

@209a @#/ /bde mchog skor de las gsan na legs tshul phebs shing/
de'i rjes shig tu rje bla ma nyid dwags po bla ma rin po che'i
drung du phebs skabs/ dwags po skal bzang mkhas grub pa'i mchog

sgrub gyi yab/ rnal 'byor gyi dbang phyug rdo rje 'chang blo
bzang sangs rgyas sam/ mtshan gzhan padma rdo rje dpal bzang po
nyid kyang der byon pa dang stabs 'grigs pas sngar bshad pa'i
bde mchog lus dkyil gyi rim

gnyis khrid gsan rgyu'i skor rnams bla ma rin po ches mtshams
sbyar brda sprad zhib tu gnang bas/ slar rje bla ma nyid yab rje
de nyid kyi mdun du mjal khar yang yang phebs/ rin po che dwags
po bas bka' stsal pa

nyid kyis bla ma'i mtshan nyid kyi brtag dpyad gzhan mdzad dgos
pa'i gnas med mod/ bde mchog gi lam gyi rim pa sogs las brtsams
pa'i dri rmed mang du gnang ba sogs rim par mdzad pas gsung lan
gyi

legs bshad zab mo thogs thug med pa du ma gsung ba dang/ tshul
'chos spros bcas kyi spyod tshul ring du spangs pa'i grub pa
mchog gi brtul bzhugs dang nyams rtogs lul du phyin pa brnyes
kyang spas pa'i ngang tshul

gyur bzhes pa'i mngon rtogs du ma gsal bar gzigs pa sogs la
brten nas bde mchog lus dkyil gyi bskyed rdzogs sogs kyi chos
bka' bka' drin stsol rgyu'i snyan gsan 'bul gnang mdzad par yab
rje mchog

@209b nas kyang thugs dgyes bzhin du zhal bzhes bzang po 'phral
du stsal/ de nas dus mi ring ba zhig nas dbus phyogs su phyir
phebs pa'i zhar du phyag mdzod ngag dbang rgya mtsho'i yab khyim
g.yu ri zhes par yab rje rdo rje

'chang gi drung du phebs te/ lcang skya rol pa'i rdo rje'i gsung
bka' rgya ma'i rgya ma'i gras 'de mchog lus dkyil gyi bskyed rim
dmar khrid zhal bzhes bde chen gsal ba'i sgron me'i steng nas
dpal 'khor lo sdom pa dril pu lus

dkyil gyi bskyed rim nyams khrid/ paN chen chos rgyan gyi gsung
bka' rgya ma bde mchog dril bu rim lnga tshig lhug gi steng nas
rdzogs rim gyi nyams khrid/ skal bzang mkhas grub rin po che'i
gsung bde mchog lus

dkyil gyi bskyed rim thabs kyi theg pa'i gsang lam dang/ de'i
rdzogs rim ye shes mkha' 'gro'i thugs mtshal rjen par phyung ba
zhes pa de gnyis kyi khrid dpe bris ma yul phyogs der tshar gcig
las med cing/

gcig bu de mi tshang zhig gis g.yang rten ltar rtsa cher byas te
yod pa g.yar po dgos tshul gsungs kyang mi g.yar pa la gta' ma
bzhag ste g.yar nas de gnyis ka 'bri bshus mdzad de bklags lung
zab khrid dang bcas pa/

skal bzang mkhas grub pa'i gsung dpal 'khor lo sdom pa'i lag
mchod kyi khrid/ 'jam mgon tsong kha pa chen pos mdzad pa'i
khrid yig yid ches gsum ldan gyi steng nas zab lam nA ro chos
drug gi bshad khrid/ lus sbyong

@210a @#/ /??  skor/ 'bebs sogs kyi phyag khrid dang bcas pa'i
nyams khrid rnams gsan cing g.yu ri'i lung phu'i dben gnas shig
tu rim gnyis kyi khrid dmigs dang/ nA ro chos drug gi

lus sbyong sogs rtsal 'don du bskyangs pas sngon dus nas bskyed
rdzogs gzhan gyi nyams rtogs du ma thugs la mnga' 'byor bar
brten/ 'di res 'khor lo sdom pa'i lam las bskyed rim phra rags
dang rtsa rlung

gi drod rtags tshad du 'khyol ba'i bogs lhag par du thon cing/
rdzogs rim zab moi'i nyams rtogs khyad par can du ma thugs rgyud
la 'khrungs/ yab rje rdo rje 'chang de nyid kyi man ngag du ma
dang/ bde mchog lus dkyil

kyi dbang brgyud sogs kyang bsnyel thor 'debs pa gnang/ yab rje
rdo rje 'chang de nyid kyi rnam thar sa bon tsam zhig ni kho bos
bris pa zur du yod cing/ bla ma yab sras gnyis mjal ba'i skor
sogs kyang der phyogs tsam

brjod zin la/ yab rje rdo rje 'chang gis rje bla ma nyid la'ang
chos mang du gsan par gsungs so/ /snga dus se ba dga' ldan rnam
rgyal gyi grwa tshang nas dwags po bla ma rin po cher bde mchog
dril bu lugs phyi dkyil lha lnga'i

dbang chen zhu rgyu'i snyan gsan gsol btab zhus par/ da lam nged
nas mi yong/ phyis khyod tsho blo pham mi dgos par bka' dbang
gnang mkhan nga rang bas kyang lhag pa zhig nged nas ston chog
ces phebs pa ltar/ 'di

@210b res bla ma rdo rje 'chang chen po 'phar tshang du phebs
skabs dga' rnam par yang brda lan stsal zhing/ rdo rje 'chang
la'ang bka' gnang ba ltar tshur lam dga' rnam du phebs/ de ga'i
grwa tshang nas kyang dad pa chen pos gus mchod

lhung blangs te gsol ba btab pa bzhin grwa tshang gi dge 'dun pa
sogs zhu mi bdun cu skor la lho brgyud lam rim gyi nyams khrid
nyin gsum dang/ bde mchog dril bu lha lnga'i dbang chen nyer
'sdogs dngos gzhi dang bcas

pa dang/ dpal mgon zhal sgrub dus zhal phra can/ rnam sras ser
chen bcas kyi rjes gnang/ grub rgyal lugs kyi tshe dbang/ paN
chen chos rgyan gyi gsung steng nas thun drug bla ma'i rnal
'byor gyi khrid bcas nyin brgyad

tsam gyi ring du stsal zhing/ lha lnga'i dbang gi skabs 'phags
bod kyi grub pa'i skyes bu du ma bde mchog gi lam 'di la brten
nas go 'phang mthon por gshegs pas rang cag gis kyang lam 'dir
rje mid la ltar sgrub

pa la rtse gcig tu gzhol nus pa'i dka' spyad dgos tshul sogs kyi
bka' slob rus pa can stsal/ grwa tshang der dwags po bla ma rin
po che yang yang chibs 'khod yong stabs 'di ga'i gzim chung sogs
rnying hrul 'di gar

bzhag na bla ma la ma gus par 'gro bas gzim chung sogs bzang la
spro bar nyams gso legs par bgyid dgos pa'i slob ston bcas ar
po'i zhal 'debs su dngul srang lnga bcu tham pa 'bul gnang
mdzad/ lo
@211a @#/ /'dir sgrol dkar yid bzhin 'khor lo'i bstod gsol 'chi
med bdud rtsi'i dga' ston zhes pa'ang gsung rtsom gnang/ de nas
phebs te lha rgya ribs gdan drangs par zhi ba'i sbyin sreg

dang/ dad 'dus mang tsam la chos 'brel yang gnang/ de nas rim
phebs kyis hor zla bcu gnyis par chu bzang ri khrod kyi gzim
shag tu zhabs sor 'khod de/ bla ma dran pa'i skyo mgur gdung
dbyangs su mdzad pa ni/

yul la dge bcu bkra shis su tshang ba'i/ /shar phyogs dwags yul
sA la yi ljongs su/ /gnas la nyams dga' drang srong gi bsti
gnas/ /pha gcig bla ma'i gdan sa der bsnyegs byung/ /zang zing
med pa'i dam

chos kyi dga' ston/ /yud tsam rmi lam bde ba ltar spyad nas/
/yul gyis bskal bas thag ring gi gnas su/ /las kyi zhags pas
thar med du khrid byung/ /sa mtho ri gtsang bag phebs kyi dogs
su/ /rang shong spyil

po'i khang chung de dran byung/ /sna tshogs mdog tu bkra ba yi me
tog /sngo ljang spang gshongs ri dogs de dran byung/ /dri bsung
rdzi ngad yid 'ong du thul ba'i/ /sman ljongs stug po'i tshang
tshing de dran byung/ /skad snyan glu dbyangs

yid 'ong du 'byin pa'i/ /gnyis skyes mang po'i skyo grogs de
dran byung/ /spu sdug smug chung byi ba dang rdza ras/ /khyug
khyug rnam 'gyur ngom pa de dran byung/ /dgyes pa'i 'dzum dkar
lhug lhug tu khrol ba'i/ /pha gcig bla  @211b ma'i zhal dkyil de
dran byung/ /zab rgyas 'dod rgu lhang lhang du 'doms pa'i/
/gsung dbyangs chos kyi dga' ston de dran byung/ /bu gcig lta
bur brtse chen gyis bskyangs pa'i/ /bka' drin gzhal mtha' med be
de dran byung//

mched grogs dam tshig gtsang ma yi tshogs gral/ /chos bzhin spyod
pa'i dga' ston de dran byung/ /dgra gnyen med pas chags sdang
kun 'gags pa'i/ /btang snyoms chen po'i bsam gtan de dran byung/
/ngo bsrung 'du

'dzi'i 'brel thag kun chod pas/ /gu yangs chen po'i skyid nyal
de dran byung/ /rnam g.yeng zin med spros pa kun med pas/ /chu
bo'i rgyun gyi dge sbyor de dran byung/ /dran kyang ci byed sa
gnas kyis bskal song/ /rang dbang mi 'dug

las ngan gyis gang byas/ /'on kyang pha gcig bla ma yi zhabs
sen/ /snying dbus 'bral med bsten pa yis chog pa/ /byin rlabs
thugs rje nye ring yang med bas/ /'bral med gsol ba btab pa yis
chog pa/ /zhabs tog

bzang po sgrub pa yi mchod pa/ /rgyun chad med par dbul ba yis
chog pa/ /de ltar smon bas ji bzhin du 'grub par/ /pha gcig drin
can bla ma rang mkhyen no/ /zhes pa 'di ni rje btsun bla ma rin
po che chos kyi rgyal po chen

po 'jam dpal lhun grub rgya mtsho dpal bzang po'i zhabs drung nas
slar rang yul du bskyod skabs kyi snang tshul dran bzhin skyo
glur blangs pa'o/ /zhes pa 'di yin no/ /dus phyis stag phu rdo
rje 'chang gis rje bla ma nyid kyi drung nas

@212a @#/ /bde mchog lus dkyil gyi rim gnyis khrid gsan pa'i
skabs stag phya ba chen po thugs shin tu dgyes te lus dkyil gyi
bla brgyud gsol 'debs su gsal ba ltar yab rin po che las

bde mchog lus dkyil gyi dbang chen zhig kyang gman na legs tshul
gyi zhu bskul mdzad pa ltar phyis nas yab rje rdo rje 'chang
dbus phebs kyi skabs shig chu bzang ri khrod du gdan drangs te/
lcang skya ngag dbang

blo bzang chos ldan gyi yig cha'i steng nas grub mchog dril bu
pa'i lugs dpal 'khor lo sdom pa nang lus kyi dkyil 'khor du
bskur ba'i dbang bzhi yongs su rdzogs pa sta gon dang bcas pa
dang/ gzhan yang

chu bzang bla ma rje ye shes rgya mtsho'i gsung gi steng nas zhi
khro sbrags sgrub kyi sgom lung/ yongs 'dzin ye shes rgyal mtshan
gyi gsung zlo sbyong bdud rtsi'i snying po'i khrid/ lcang skya
ngag dbang blo bzang chos ldan gyi

gsung dpal gsang ba 'dus pa'i rim pa dang po'i zin tho gsang
chen myur lam dang/ 'dus pa'i rdzogs rim dmar khrid blo bzang
dgongs rgyan bcas bskyed rdzogs tshig lhug ma gnyis kyi thog nas
gsang 'dus

rim gnyis kyi nyams khrid/ gsang 'dus yig chung nyer gcig gi
gras rdo rje mkha' 'go'i sbyin sreg dang/ dam tshig rdo rje'i
sgom bzlas gnyis kyi khrid/ chu bzang rje ye shes rgya mtsho'i
gsung gi steng nas 'jam

@212b dbyangs zhi khro sbrags sgrub kyi sgom lung sogs gsan
cing/ bkur sti rnyed pa dag dang rim gro dang/ /sgrub pa'i sgo
nas bshes gnyen bsten bar bya/ /zhes gsungs pa ltar gyi bla ma
mnyes pa'i sgo mtha' dag kyang

phun sum tshogs pa 'grub par mdzad/ chu bzang ri khrod du gnyug
mar gnas ba'i dge slong rnams la phyag 'gyed gsol ja sogs gya
nom pa dang bcas dwags po'i sbyor chos gnyis kyi gsung rta rnams
gsol 'jam

dang ye shes sbyin pa gnyis kyis nyin bco lnga tsam gyi ring
slob khrid bgyid du stsal zhing/ de rjes kyang lo lor dus dus su
rta sbyang la slob tu 'jug gnang mdzad/ rtag brtan ri khrod pa
zhig gis lam rim bde myur

gnyis dang/ 'jam dpal zhal lung bcas blo 'dzin gyis rgyugs phul
bar dgyes pa chen po'i sgo nas legs dar dang/ chos sgrub pa'i
cha rkyen du smin pa'i brngan cha'i gnad sbyin bzang po bcas
stsal/ ring min

7 gong sa rin po che'i drung du mjal phyag zhu gnang mdzad pa
sogs 'khor lo gsum gyi mdzad bzang rlabs po che'i sgo 'bum phrag
tu phye ste chos kyi phyag skyos bzang pos gdul bya rgya mtsho'i
re 'dod yongs su skong ba

la thugs dgyes spro chen pos rings par zhugs par gyur to/ /'dir
smras pa/ phan bde'i 'phrin las dri zhim mngar ba'i tshogs/
/phyogs kyi 'khor lor dkrigs pa yid 'ong gnas/ /dpal ldan yon
tan tshogs

@213a @#/ /kyis mngon mdzes pa'i/ /rin chen ljon bzang lan brgyar
bsngags 'os nyid/ /lhag bsam 'od 'phreng rtse dga' rgod pa yi/
/mkhyen rab chu shel dkyil 'khor rgyas pa'i dogs/ /ji

snyed shes bya'i gzugs brnyan mtha' yas pas/ /gsal bar mtshan
pa'i grags pa rab tu dkar/ /khyod thugs mkhyen brtse rang bzhin
klong yangs por/ /shes bya'i do shal rgyan du bkod pa'i tshe/
/sngo bsangs

mdzes ma rgyu skar 'phreng par bcas/ /'jig rten brtan pa 'phrog
slad rtse ba bzhin/ /theg mchog bshes gnyen yid bzhin dbang gi
rgyal/ /brgya phyed 'phreng mdzes rin bral nor bu'i rgyan/
/gtsug tu mchod las

zab gdams 'dod rgu'i char/ /don gnyis dpyid du 'jo 'di khyod la
dbang/ /mdo sngags rgyal ba'i bstan pa yongs rdzogs gnad/ /stan
thog gcig la lam gyi cha rkyen du/ /legs dril rin chen rdul
brtsegs

lhun po'i rgyal/ /mkhas mdas 'dzin dbus na mngon par mtho/
/gzhung lugs nyi 'bum bzhus pa'i khu ba'i bcud/ /rol bas grol ba
rnam dpyod padmo'i khas/ /legs bshad sprad rtsi'i ro mdar skyugs
pa

ni/ /thar 'dod bung ba'i tshogs kyi dga' ston gnas/ /rnam dkar
legs bshad bdud rtsi 'dzag ldan pa'i/ /gsung gi zla bzhin skal
ldan skye bo la/ /'dzum pa ston las phyogs kyi smin legs mas/
/thub bstan

@213b ka shi ka yi gos bzang 'dzin/ /gang thugs mang thos rin
chen bang mdzod du/ /'dzad med nor bus gtams 'di thogs med
mchod/ /mngon sum las gzhan su zhig 'di 'dra zhes/ /dpyod ldan
yid ni som nyi'i rgya

las grol/ /khyad par gsung rab rin chen 'byung gnas bcud/ /bsdus
pas khyod thugs bum bzang legs gtams pa/ /don gnyer legs bris
tshogs la spro ba yis/ /'chi ba med pa'i dga' ston cing yang
rgyas/

nyams len gnad la lta ba'i mig ldongs pas/ /gzhung lugs thang
chen nyul la ngal gyur par/ /che ba bzhi ldan lam bzang yongs
ston pa'i/ /nyer bsdogs phul byung zhabs dang mtshungs par grub/
/'di snang mi rtag

sdug bsngal rgyu tshogs kun/ /snying po med pa'i gdams ngag snang
ba 'bum/ /dgye bas chos brgyad bya ba dmus byung ste/ /sred pa'i
mun pas rang gnas gtong la brel/ /srid pa'i dpal 'byor bslu ba'i
mtshang rdol ba'i/ /

thar mchog nges par 'byung ba'i gtam bzang pos/ /byed po rmongs
pa'i mthun zla mun pa'i dpung/ /'joms la brgya phrag nyi mas do
nus min/ /'gro 'di mnyam par yid 'ong gnyen gyi mchog /gang drin
bzo bos rang la bsgrub

pa yis/ /'jig rten mig kyang legs bshad des bskul te/ /'gro la
brtse bas snang pa ston pa bzhin/ /rnam dag rigs lam nor bu ke
ta ka'i/ /thig le las 'ongs rtsod ngag 'od dkar gyis/ /ma rtogs
log rtog the tsom

@214a @#/ /rnyog ma'i tshogs/ /blo ldan gyid mtsho las ring du
byas/ /rtsub mo yin yang sun 'byin rig pa'i mtshon/ /lan cig gzas
pas rgol ba mtha' dag gi/ /rmongs rtog sbyin gskyes ma yi

mngal ma lus/ /dran pa 'jig ster rdo rje'i thog mdar mtshungs/
/nges shes rtsa ba rab brtan dam bca'i don/ /yang dag rigs pas
grub pa rdo rje'i rir/ /rtog ge'i rgol bas sun 'byin sor mo'i
rtses/ /'bug pa'i

ngal ba bsten dang cis mi mtshungs/ /mtha' klas chos tshul bkod pa
ji snyed pa/ /rnyog bral yid kyi dwangs mtshor 'phos pa las/
/legs bshad rgyud du 'gugs pa'i do mtshar dbyangs/ /gdong bzhis
sprul ba

ma yin khyod kyi gsung/ /dran shes bag yod mtshams las mi 'da'
ba'i/ /yon tan rin chen 'byung gnas gdams pa'i bcud/ /khyod
thugs gser ldan lto bar legs bskyil ba'i/ /gting tshad rtogs la

rgyal ba'i mkhyen rab rtul/ /bde stong ye shes lha yi rnal 'byor
gyis/ /brtan g.yo'i dngos po kun la rgyas btab pas/ /bsam gyis
mi khyab dag pa'i gzigs mo 'bum/ /ting 'dzin byed pos khyod kyi
spyan sngar bkrams//

de tshe shes rab 'od gsal zla ba'i bzhin/ /mngon sum mthong bas
las rlung kun rtog kun/ /bcom dang dag pa'i gzugs brnyan ku mu
ta/ /gsar du bzhad pa'i ngo mtshar lhan cig byas/ /da dung 'gro
khams

@214b yongs su zhi min par/ /'phrin las rlabs 'phreng yol med
'dzum pa'i rgyu/ /'gro la rjes brtse'i chu gter chen po yang/
/gang du bsti ba'i khyod thugs rab tu yangs/ /zhes khyab bdag
rdo rje 'chang mnyam med bde chen

snying po dpal bzang po'i rnam thar zur 'debs sngon byung dang
bcas pa bsam 'phel nor bu'i phreng ba zhes bya ba las/ /rab tu
byung nas thos bsam sgrub pa zung 'brel gyis rgyal ba dgyes pa'i
spyod pa la ji ltar bslab pa'i

mdzad pa gtso bor bshad pa ste/ rim par phye ba gsum pa'o// !
//gang thugs bdeO chenO 'od gsal dbyings nyid du/ /sras bcas
rgyal ba'i gsang gsum snyingO poO nyid/ /spro bsdu'i byed po rdo
rje 'chang chen

dang/ /dbyer med drin can bla mas shis pa stsol/ /gsum pa de
ltar bslabs pas lung rtogs chos kyi rgyal srid chen por mnga'
dbang bsgyur te bstan pa dang 'gro ba'i don rgya chen po gnang
ba'i tshul ni/ dgung grangs

so dgur phebs pa me 'brug lor/ chu bzang dang/ rtag brtan ri
khrod sogs su bshad sgrub zung du 'brel ba'i bstan 'gro'i mdzad
bzang rlabs po che du mar thugs gzhol zhing/ 'bras spungs sgo
mang bka' 'gyur ba chen po

khang gsar mchog sprul rin po che ngag dbang thub bstan chos kyi
dbang phyug dpal bzang po dang/ dga' ldan the po mchog sprul
rnam gnyis nas gsol ba btab pa bzhin lha ldan rme ru'i zhabs
brtan lha khang du bla sprul dge bshes

@215a @#/ /sogs zhu ba po che la hrag cing blo gsal don gnyer
ldan pa'i tshogs pa sum brgya tsam la byang chub lam gyi rim pa
bde myur sbrags ma'i nyams khrid/ mjug tu sems bskyed pa'i chog

dang bcas pa dang/ bla med lugs kyi rdo rje sems dpa'i rjes
gnang/ rje tshe 'dzin ma'i sgo nas tshe dbang bcas gnang/ de'i
gong tsam du lha ldan bzhi sde tA zur byams pa 'jigs med rnam
grol nas gsol ba btab

pa'i nyer len sogs la brten te/ lam rim bde myur gyi sa bcad rje
btsun bla ma'i zhal lung zhes pa'ang bka' rtso ma mdzad/ zla ba
lnga pa tsam la 'phan po na lendra'i gdan sar gzim 'og rdo rje
'chang gi drung du byon

nas dpal mgon stobs 'phrog dbang po gdong bzhi pa rnam 'gyur bcu
bdun gyi rjes gnang dang po nas drug pa'i bar dang/ brgyad pa
nas bcu bdun pa'i bar yongs rdzogs dang/ dpal stobs 'phrog dbang
po gdong

bzhi pa'i gsang khrid ches shin tu gsang ba bka' rgya can zhal
shes dang bcas pa/ stobs 'phrog nag po chen po gdong bzhi pa'i
be'u bum phal cher yongs su rdzogs pa'i ljags lung mjug tu bram
ze mngag

gtad kyi rjes gnang bcas gsan cing/ gzim 'og rin po che'i bka'
ltar grub rgyal tshe dbang sogs chos bka' 'ga' tsam 'bul gnang
bskyangs/ rgyal stod gyi tshang du gang rgya bla ma rin po che
ngag dbang byang

@215b chub tshul khrims dpal bzang po las/ gsan pa po gzim 'og
rin po che sogs dang lhan du rje bla ma rdo rje 'chang mchog nas
rgyal mchog lnga pa chen po'i bka' 'bum phyi ma bod nyer lnga
yod pa 'bras spungs spar  ma'i steng nas bklags yung yongs su
rdzogs par gsan cing/ bla mar bsnyen bkur zhabs tog sku yon sogs
snga phyir rgya mi chung ba'i mnyes mchod kyi dad 'bul gzab nas
gnang ba'i thog /gsung 'bum gyi

gsan yig kyang rgyas par phyag bris su 'debs pa mdzad/ de nas
phyir phebs te/ bkras chos bdag sar zhas sor 'khod skabs shig tu
bka' blon zhol khang pa don grub phun tshogs kyis gsol ba btab pa
bzhin

dga' ldan lha brgya ma'i 'pho khrid 'don chog skal bzang dga'
ldan bgrod pa'i them skas zhes pa'ang gsung rtsom gnang/ 'dan ma
lab mkhan chen mchog sbrul sogs mjal mi shin tu mang bar lhod
mjal

thog /'phral yun gyi phan bde rlabs po che'i rgyu grung por
dngos dang brgyud nas bgri ba'i zhal ta gsung slob 'ba' zhig
dang/ chos bka' sna tshogs stsal ba sogs bstan 'gro'i don kho nar
gzhol ba'i mdzad

pa 'byams su klas/ zla ba bcu gcig pa'i skor sogs su dben pa'i
gnas mchog rtag brtan chos 'byung phug tu byang chub lam gyi rim
pa dang/ bskyed rdzogs kyi skor rnams thun bzhi'i rnal 'byor gyi
sgo nas
@216a @#/ /nyams su bzhes te thugs dam ting nge 'dzin gyi rim pa
chu bo'i rgyun ltar bskyangs pas lam gtso gsum dang zab lam rim
pa gnyis kyi nyams dang rtogs par yar skyed kyi bogs ches

cher 'phel ba'i tshul bzhes/ se ra rtse dge slong skal bzang
snyan grags kyis gsol ba btab pa bzhin dpal 'khor lo sdom pa lus
dkyil la brten pa'i bla ma'i rnal 'byor zung 'jug dga' ston ces
pa

byin rlabs kyi gter chen po de nyid bka' rtsom mdzad/ 'di lo
stag phu rdo rje 'chang chen po dbus phyogs su phebs pa chu
bzang du gdan drangs te bla ma yab sras lhan cig tu yun ring
tsam bzhugs shing/

phan tshun chos bka' 'ga' shas kyang gsan to/ /dgung grangs bzhi
bcur phebs pa me sprul lo gsar skabs/ chu bzang 'du khang du rje
bla ma mchog dang/ stag phu rdo rje 'chang/ gsang yum rin po che
bcas

lhan rgyas nas dgung sar mdzad sgo rgyas par dang/ bla ma mchod
pa'i cho ga'i sgo nas tshogs ston/ dpal ldan 'dod khams dbang
mo'i tshes gtor bcas gnang/ stag phu'i gsung rje bla ma mchog gi
'khrungs rabs

gsol 'debs rgyas pa bde chen 'chi med char 'bebs zhes pa'i ljags
lung tshogs gral du zhu gnang mdzad/ de nas stag phu rin po che
dang gsang yum lhan rgyas bla brang gi gzim shag tu lhod bzhugs
mdzad/

@216b rje bla ma mchog 'du khang du bzhugs te mjal mi bla sprul
dge bshes sku drag sogs ser skya khyon che bar mjal kha gnang/
'di lo dgung gsar nyin brgyad kyi ring mdzad nas/ tshes brgyad
nyin bstan ma'i sku mkhar

du rdo rje 'chang rnam gnyis lhan rgyas thog lha bsangs bkra
shis 'khyil ba/ chu bzang rgyal chen gnam lha byang chub dang/
bstan ma bcas kyi bsang mchod bcas gzab rgyas gnang/ 'di skabs
kyang phye mar/ dkar spro sogs

rgyas gshom mdzad/ de rjes tsam zhig tu stag phu rdo rje 'chang
dang gsang yum rin po che nags shod phyogs su phyir phebs khar/
bla ma yab sras phan tshun maNDala rten gsum 'bul res bcas zhabs
sen yun

brtan gyi gsol 'debs sogs zhu ba gnang/ rje bla ma mchog nas
stag phu rdo rje 'chang dang/ gsang yum sku zhabs rnam gnyis so
sor phebs rdzongs kyi dngos 'bul kyang bla ma mnyes pa'i mchod
sprin du rgya cher spro

bar mdzad/ de nas stag phu rin po che nags shod du phyir chibs
kha bteg /sngon nas stag phu rdo rje 'chang dang/ sog tsan dan
dgon/ rong po rab brtan dgon bcas nas rang rang gi yul grur rje
bla ma mchog chibs

kyis bskyod de/ chos 'khor gang rgyas re'i bka' drin zhus chog
pa'i snyan gsan rim sgron thog nye sngon stag phu ba chen po
mchog nas slar yang zhu bskul mdzad pa bzhin nags shod phyogs su
chibs kha bsgyur rgyur chu  

@217a @#/ /bzang nas 'phan po brgyud de phebs par/ 'di skabs
mdzad 'phrin rgya cher ma dar ba'i gong du song stabs phebs lam
gyi chas sogs gang ci nas ha cang nyung bsdus shig las med pas/

'phan po'i brag nag mtshams pa nas phebs sgrig gang rgyas zhus
thog /khong rang gi 'phan po phu mda'i sbyin bdag rnams nas dad
'bul dang slong ba ci rigs kyis chibs gzan dang/ chibs chag 'bru
sran/

gsol mar sogs yebs lam gyi chas dngos gya nom pa phul/ de nas
rim phebs kyis nags shod stag phu ri phug dge 'phel byang chub
gling du zhabs sor 'khod/ stag phu rin po che sogs kyis gsol

btab gnang ba ltar dgon der stag phu rdo rje 'chang gis dbus/
'bri ru skyid shod zhabs drung god ma blo bzang ye shes/ rong po
yang dgon sprul sku/ rgya lo bla chud rin po che sogs dad 'dus
ser skya tshogs pa

tshig stong tsam 'dus par byang chub lam rim chen mo'i bshad lung
gis mtshon pa'i chos bka'i rim pa mang du stsal zhing/ 'bri ru
dgon sprul mda' rnam rgyal gling du zhabs drung gong ma dang de
ga'i dgon spyi

bcas nas zhus ngor zab lam bla ma mchod pa'i bshad khrid sogs
dang/ 'brog sna dgon du nyin gsum gyi ring dga' ldan lha brgya
ma'i bla ma'i rnal 'byor gyi zab khrid sogs 'dod chos sna tshogs
shig gnang

@217b chag ri'i grags sprul sku'i yongs 'dzin sde dge mkhan chen
dang/ 'od gsal sgrub sde spyi nas sngon du stag phu rin po che
brgyud de snyan gsan zhus shing/ de rjes nyi grags sprul sku'i
sku tshab dang/ mkhan chen dang

skyab rje'i spyi 'thus sogs ngo bcar gyis gsol ba yang yang btab
pa ltar zhal bzhes dang 'brel chag ru dgon du chibs bskyod thog
/nyi grags mchog sprul dang/ sde dge mkhan chen/ de ga'i dgon du
gnyug

mar gnas pa'i dge 'dun dang phyogs 'dus bcas zhu mi 'dus tshogs
bdun brgya brgal ba tsam la byang chub lam gyi rim pa bde lam
gyi nyams khrid dang/ rgyal dbang dge 'dun rgya mtsho'i gsung yi
dam

sgrub bskor nas gu ru'i rjes gnang sogs rjes gnang mang tsam
bcas smin rgyas su stsal zhing/ mjug tu gtang rag gi 'bul tshan
rgya chen po bteg ste/ mkhan chen nas maNDala bshad pa phul bas
skabs shig

nas bshad pa rbad kyis chad de tshig mtshams ma dran par shin tu
skrag cing 'dar bar gyur/ de nas mkhan chen pa cung zad sku ngal
ba bso phyir gdan la bzhugs bcug ste/ gsol ja btegs nas de'i bar
du

bshad pa tshan mtshams rnams la dran gso'i go sgrig gnang/ slar da
gin chad pa'i mtshams kyi yar tsam nas bshad pa lan kha yar
bskyar zlos bgyis kyang maNDala bshad pa chad pa gtan nas 'gror
ma nyan par

bskyar zlos bgyis kyang maNDala bshad pa chad pa gtan nas rnyed
par dbu mdzad nas/ i daM gu ru sogs bskul te maNDala gyi 'phro
zlum zlum du bsdu dgos pa byung ba de dag mngon

sum pa'i spyod yul du gyur pa de skabs bka' chos zhal 'don gyi
dbu mdzad gnang zhing phyis ser sngags mkhan por phebs pa rje
bstan 'dzin mkhyen brtse'i zhal snga nas sogs gzur gnas dpyod
ldan 'ga'

res kho bo cag la'ang gleng mo yang yang du mdzad do/ /sde dge
mkhan chen de nyid kyis rje bla ma mchog la rgyal ba lnga pa'i
dag snang gsang ba brgya dang nyer lnga yod pa nas gu ru'i tshe
dbang zhig gnang rogs zhus

par/ rje bla ma mchog gis mkhan chen nas rgya can nyer lnga zer
ba la brgya dang nyer lngar 'khrul te yod pa mkhyen te de ma
thag tu/ 'o de red/ dag snang bka' rgya ma nyer lnga yod pa red/
de rang 'bul chog /nga

rang deng sang skad cung zad 'gags kyin 'dug pa ma gtogs rgyas
par phul chog ces gsungs/ mchog sprul dang/ yongs 'dzin mkhan
chen rnam gnyis nas dwang ba chen pos sri zhur brtsor son pa
sgrub cing/ rje

nyid nas phar yang thog mtha' bar gsum du dgyes mnyes chen po'i
ngang nas lhod mjal dang/ bzang ja/ gos dar/ snam ras sogs dngos
po'i gnang cha spam mi dman pa legs par gnang/ phyogs de'i

@218b ser skya dua mar 'dod chos sogs kyis re ba yongs su
bskangs te slar stag phu'i gdan sar zhabs sor 'khod/ 'di skabs
kyi stag phu'i gsang rnam las/ me sphrul rgyal zla'i mkha' 'gro
'du ba'i tshes kyi tho rangs/

sprin gseb rje btsun chen po bzhengs stabs/ 'og tu padma legs
ldan yo gi na'i bcas gsal bar mjal/ skyabs rje 'khor lo'i dbang
phyug gi bka' stsal don gnad rnams gsal por lung bstan du gsol/

zhes ngag nas gang thon zhig zhus par/ yo gi nIs kyang dam pa'i
skyes bu 'di'i rgyud tshod skye 'phreng sku tshe'i tshad dang
'phrang sogs bka' stsal du gsol/ zhes rogs dan zhus song bar/
rje btsun gyi zhal nas/

'khrungs rabs zur du bkol/ ku mA ra ma ti'i skye mtha' rgya
mtsho'i mtha' can 'di'i rgyud tshod ni 'phags pa'i gzhal bya kho
na ste/ sngon du rang byung dpal gyi spyil bur smreng bya'i tshe
tshad ni/ zhe gsum/ zhe brgyad/

?lnga/ drug cu rnams dang/ dam pa ni zhe dgur nges/ dang po ni
bu rang nas brtan bzhugs kyi rten 'brel rgyas par sgrigs dang/
kho bos kyang de bzhin du bya ba yin/ gnyis par zim 'phrang lam
bcos rgya cher dgos/

gsum par bod kyi tshe yi rig 'dzin lcags zam pa'i lugs sam/ sgra
mi snyan pa'i tshe sgrub la gcig tu brtson pa dang/ 'dus pa
grangs med bsnyen bkur zhing/ 'chi nges mang du blu/ byang
phyogs nas nus ldan

@219a @#/ /skyes bu zhig 'byung ba dang 'phrad cing gdams ngag
len pa dang/ brtan bzhugs kyi 'dun pa du re nga rgyun bsring ba
gal che/ bzhi par tshe yi rdzong chung la drod rtags zon par bya/
yid 'byung la

zon chug /lnga par bde mchog tshe lha dkar po lo 'khor bsnyen/
des ni tshad du 'khyol zhing bstan 'gro'i don rlabs po che 'grub
par 'gyur ro/ /tshe 'phrang spyir ngos kyi tshe bcud myang zhing/
shel gyi rdo rje'i lte bar mi tra'i

snying gi tshe yi mgyogs ma spro bsdu sogs gab sprad gsang ba'i
gnad nyams su bstar/ zhes sogs zhabs gras dang bstan srid spyi'i
skor mang du gsungs pa'i mthar/ dar gcig dgongs pa la bzhugs te
slar/

zhal 'dzum pa dang bcas/ e ma hoH rang byung lhun grub dpal gyi
gnas chen po/ /dgos pa ldan phyir mdo tsam gsal bar bya/ /de
yang gtso mchog he ru kaH yab yum/ /'khor lo lnga yi bkod pa ma
'dres brtsegs

mi shibs e gsang dpal gyi yang phug gi / /phyi nang sku dang
yig 'bru phyag rgyas gtams/ /khyad par e gsang 'bar ba'i rtags
dang rgyar/ /gsang ba DA kki'i snying mrog 'phrul gyi ris/
/zhib mo'i blo yis dpyad na

bde blag mjal/ /tshe gcig zung 'jug mngon bya'i gnad ka mchis/
/mthong thos dran pas bde chen lhang gis bskyed/ /gnas 'brel sus
thob don gyi mkha' spyod bgrod/ /skal pa re bzang las can dga'
bar

@219b byos/ /gnas 'di'i mel tshe g.yu yi dril snyan te/ /gsol
zhing mchod pas dgos dgu 'bad med 'grub/ /lo rgyus them byang
zhib pa dri med rjes/ /dus su smin par smra'o dpyod shes mdzod/
/ces gsungs nas rang

la thim pas 'bral med kyi nyams dga' bde brjod mi shes par
'byams klas so/ /zhes dang/ da dung/ de wI ko Ti lha mo mkhar/
/rang byung ro ldan byang shar mtshams/ /e gsang mi shigs dpal
gyi phug /ces

sogs rtag brtan e gsang phug gi sgrub gnas gsal bar ston pa'i
skor dang/ gzhan yang rje bla ma 'di nyid kyi sku tshe'i tshad
dang mdzad pa'i rim pa la sogs pa ci rigs shig ston pa'i lung
byang rgya can stag phu

rdo rje 'chang gi phyag bris ma sngon dus mang du snang mod/
deng skabs dpe tsam yang ma mthong la/ par ma'i gras su 'khod
pa'ang mi snang ngo/ /dgung grangs zhe gcig tu phebs pa sa rta
lo'i zla ba gnyis pa'i tshes nyi shu

nas zla ba gsum pa'i tshes drug par stag phu ri phug dgon dge
'phel byang chub gling du stag brag rdo rje 'chang gi drung nas
khyab bdag stag phu ba chen po sogs zhu mi tshogs pa brgya skor
tsam dang lhan du/ lcang skya ngag

dbang chos ldan gyi gsung sgrub dkyil gyi steng nas/ slob dpon
a b+hyA ka ras srol phye ba'i rdo rje phreng ba dang/ kr-i ya sa
mutstsha gnyis dbang gi chu bo gcig 'dres su gyur pa'i dkyil
'khor zhe lnga'i dbang yongs su

@220a @#/ /rdzogs par gsan/ khyab bdag stag phu ba chen pos gsol
'debs gnang bltar zhu mi drug brgya skor la byang chub lam gyi
rim pa'i dmar khrid myur lam gyi steng nas nyams khrid

rgyas par stsal zhing/ 'di dus kyi stag phu'i gsang rnam las/
yang/ bka' gdams chos kyi pho brang du blo bzang thub dbang rdo
rje 'chang dang mi gnyis pa'i drung nas lam rim myong khrid zhu
ba'i nyin dang por jo

bo chen po'i rnam thar rgyas par bka' stsal bas rkyen byas/ u
pa si ka'i dus kyi rjes dran cung zad rnyed de skyo shas drag
pos yid gdung bas dbang med mchi ma dgu bzhin da lta rang mjal
na snyam pa'i gsol ba

drag tu btab pa'i mod/ jo bo chen po rgya gar paN chen gyi cha
byad can mthong ba tsam gyis yid 'phrog pa zhig byon/ nga yi
skyes bu gsum gyi chos lugs 'di shin tu rtsa ba che/ lotsA ba
chen pos 'chad pa 'di/

don 'dril/ go bde/ sems la shin tu phan pa yod pas/ ma yengs par
rtse gcig bsgrims te mnyan zhing sems la gcags par gyis la thun
bzhir nyams len skyongs/ drod rnyed bar 'gyur gyi gsungs/

dar cig nas phyag spyi bor bzhag ste paN chen rnga yab pa'i
bstan zhabs gter gyis skyong ba 'di la/ mi kha gtam ngan/ ngo
srung bya dgos gang la yang ma 'dzem par sdug bsran tshugs dang/
dam sel 'dres 'khyer

@220b kyis ma bslad pas 'grub myur/ byin che/ las can dang bod
'bangs yongs la shin tu sman par 'gyur gyi/ bud snyegs thob gsum
sogs kho bo'i lugs 'dir zab pa rnams ji bzhin nyams su longs/
'gro don

rgyas par 'gyur gyi rtsol ma chung/ phran tshegs tsam gyis mgu
dang mi mgu med pas rgyud brlab par byos shig gsung ba te yal/
de nas bzung sems skyo chad pa de sangs rgyu cher med par rtag
tu du snying 'dod pa 'di ka

byung/ zhes gsal ba stag phu rdo rje 'chang gi phyag bris ngo ma
ltar bkod pa yin la/ sngar bshad ma thag pa ltar da dung stag
phu ba chen por grub mchog dril bu pa sogs kyis zhal dngos su
bstan te rje bla ma 'di'i

'khrungs rabs kyi rim pa ji ltar byung tshul gsal bar gsungs pa
gsol 'debs bai DUrya'i 'phreng ba'i nang gsal ltar 'khod pa'i
gsang lung khag dang/ 'khrungs rabs kyi bris thang bzhengs tshul
phyag bris ma sogs

gal 'gangs che ba mang du yod pa'ang ma phyi bor brlag tu song
ba 'dra ste ma rnyed do/ /gzhan yang/ rje stag phu ba padma
badzra gyi ngag snang rgya can las/ sa rta zla ba brgyad pa'i
tshes nyer dgu nub mo bde mchog dril bu lha lnga'i

dbang chen stsal ba'i mjug /tshogs kyi 'khor lo'i skabs skyabs
gcig rdo rje 'chang chen po'i 'byung 'gyur gyi 'khrungs rabs ji
'dra'i don bla ma yi dam dbyer med la gsol ba rtse gcig tu btab
pa'i mod/ slob dpon
@221a @#/ /rdo rje dril bu pa yab yum dngos su byon te/ kyai dzwa
ki padma rdo rje/ bu nag po spyod pa ba'i slad kyi skye ba mang
du brgyud pa'i mthar/ mi mjed kyi zhing 'di nas zhing ganggA'i
klung bdun 'das pa

nas 'jig rten gser 'od rab tu snang bar/ de bzhin gshegs pa rdo
rje mi 'gyur dpal zhes bya ba'i ngo bor 'tshang rgya bar 'gyur
ro/ /'di'i rgyud tshod thig dka' zhing/ gsang ba bsam gyis mi
khyab pa'i tshul ston

par dka'o/ /khyod kyi lus dang longs spyod kyi 'bad pa du mas
bskal bar bkur yang 'di'i byas pa la lan lon pa ma yin te/ ci'i
phyir na/ sems gnyis kyis gsos btab cing smin par byas pas so/
/blang dor

kyi gnad phra mo ni rdo rje wa ra his rtogs par 'gyur gyi/
gsungs te yab gar bcas nam mkhar gshegs/ yum gyis phyag spyi bor
bzhag ste/ tshe rabs du mar skyed pa'i mas/ /bu la lung bstan
tsheg gsum bya/ /

gtan gyi bde ba'i sgron ma ni/ /khong pa'i nang du 'bar mod de/
/spor byed gsal ba'i thabs chen po/ /'di kho na las gzhan ci
zhig /mkha' la rdo rje'i 'grod pa de/ /zung 'jug phyag rgya'i
rtsol ba sta/ /yid

'byung rkyen gyi rab rib de/ /sel byed rigs ldan las gzhan min/
/nags la sa mchog dris bgos pa/ /sa mchog tshal du 'khrul mod de/
/gcig las du mar rtsis su med/ /dka' ba'i 'du shes skyed cig

@221b ang/ /gsungs te dga' 'khyil dkar dmar du gyur/ yas mar
rim gyis drangs pas dga' bzhi skyes/ /gnyug ma lhan cig skyes
pa'i don la cham gyis song/ de nas 'khrul pa rgya yan/ yal yol/
ban bun phyad phyod

du 'byams so/ /zhes pa dang/ yang/ sarta zla ba brgyad pa'i gnam
gang nyin stag phu rdo rje 'chang chen pos bka' gdams chos kyi
pho phrang du rje bla ma mchog la mi tra tshe dpag lha lnga'i sgo
nas zhabs pad bskal brgyar brtan

pa'i cho ga mkha' 'gro bsun bzlog bcas rgyas par 'bul gnang
mdzad skabs stag phu ba'i gzigs snang du/ rje btsun chen po mi
tra dzwa ki dngos su byon te rje bla ma gang gi sku tshe byin
gyis brlabs pa sogs ngo mtshar ba'i

gnas mang du byung tshul gsang rnam du gsal bltar yin la/ yab
sras phan tshun chos bka'i rim pa'ang mang du gsan res mdzad/
stag phu ba chen pos rje bla ma 'di nyid la zhabs sen yun ring
'tsho gzhes kyi brtan

bzhugs chog gzab 'bul mdzad pa'i maNDal bshad pa phul skabs
'khrungs rabs kyi 'phreng ba du ma gsungs pa la brten nas dge
ngag dbang rgyal mtshan dang sog dar ma chos mdzad gnyis kyis
zhus dor rje bla ma rdo rje 'chang

chen po'i 'khrungs rabs gsol 'debs bai DU rya'i 'phreng ba zhes
pa thugs rtsom gnang zhing/ der gsal ba dang mi gsal ba ci rigs
pa'i 'khrungs rabs tshad thub tu nges pa rnyed pa 'ga'i rnam thar
gong du bris zin pa ltar ro/ /  

@222a @#/ /lha sa nas snga phyir phul ba'i zhu yig khag gi bka'
lan ches mang bstsal zhing/ stag phu rdo rje 'chang gis zhu
bskul gnang ba bzhin gnas der dpal mgon gdong bzhi pa ser po
rgyas byed

lha dgu la brten pa'i 'dod dgu dbang du phya ba'i man ngag dgos
'dod dbyig gi char 'bebs zhes pa g.yang 'gugs yan grub kyi bar
thugs rtsom gnang/ de ltar rdo rje 'chang rnam gnyis kyi rlabs
chen bzhed rgu'i/

mdzad sgo'i rim pa mtha' dag legs grub thog /zla ba dgu pa'i
tshes bcu dgu'i nyin stag phu nas rdza la brgyud de chibs thon
gyis dbyi gur zhes par bzhugs zhag sad sog mkhan po dang dge
rgan phengs bsur bcar

bar mjal kha gnang/ de'i phyi nyin phebs lam maNDal thang gi
thab bsu'i sar sog sde dgon spyi'i phebs bsu ba sum cu skor bcas
kyis sdun bsus/ zhol du dgon gyi las sne grwa dmangs bcas kyi
ser sbreng/

dung rgya/ spos sna/ bsangs kyi dud sprin dkrigs pa sogs mchod
pa'i bye brag sna tshogs pa'i sgo nas gdan drangs pa ltar 'du
khang chen mo'i bzhugs khrir zhabs son nye bar bkod de/ las snel
dus dmangs sogs

la maNDal kha/ gsol ston sogs rgyas par gnang/ tshes nyer gsum
nyin nas bzung phan tshun dad 'dus kyi tshogs pa bdun brgya tsam
la lam rim bde myur sbrags ma'i nyams khrid nyin nyi shu'i skor
tsam dang/

@222b dpang bka' 'ga' re/ khram tshogs spyi 'dus la thugs rje
chen po'i rjes gnang dang grub rgyal lugs kyi tshe dbang sogs
spyi sger yongs la 'dod bstun gyi chos 'khor rgya cher stsal
zhing/ sog shod g.ye'i gnas gzhi'i

bdag po mi min rgyal po gnyis kyis rje nyid la phebs bsu gus
'dud sogs kyi rnam 'gyur yang yang bstan pa'i gzigs snang gsal
bar byung bar phyogs de'i bstan 'gro'i dge mtshan yar dor spel
ba'i 'phrin bcol gnyer

gtang mdor bsdus shig kyang bka' rtsom mdzad/ sog khul du yas
mas phebs 'grul dang bzhugs sgar babs pa'i dus rnams su pon po'i
gzhi bdag gdug rtsub can du mas thog ser 'beb pa dang/ shwa 'od

drag po gtong pa/ chu log gi nyen ka mi bzad pa sgar steng du
bsgyur ba sogs mthu nus stobs rtsa la ci yod kyi cho 'phrul sna
tshogs pa yang nas yang du bstan kyang/ rje bla ma mchog gzhis
byes phebs bzhugs kyi

gnas skabs kun tu thugs dam rdo rje'i ting nge 'dzin gyi rnal
'byor zab mo chu bo'i rgyun du bskyangs shing/ bdag pas gzhan
gces pa'i byang chub kyi sems rin po che thugs dam gyi mthil du
mdzad pa las nam yang mi

'da' bas/ mi dang mi min gyi byad gtad ngan sngags nyer 'tshe
gdug rtsub kyi rnam pa ji tsam bstan kyang gnod lan phan pas
'jal ba kho na las/ drag po'i las rim sogs kyi stangs ka tsam
yang ye nas mi mdzad pas

@223a @#/ /na/ 'di res rnams su yang nye 'khor ba sogs la cung
zad nyen du dogs pa'i dus 'gar khro bcu'i las mtha'i srung zlog
bsad gsum gyi skor nas srung ba'i spyan dmigs bag tsam gan

pas kyang thog ser rnams bon po'i gzhi bdag rang gi ri 'gor
dbang med du ldog pa dang/ shwa 'od drag po dag kyang de ma thag
gzhan du 'gyur 'gro ba sogs thun mong mthong chos su byung ste/
nag phyogs mi dang mi

min su 'dra zhig gis kyang rje nyid ston 'khor mi nor ltos par
bcas pa tshun la gnod 'tshe dang glags tshol cung zad kyang mi nus
pa yang rje nyid grub pa'i go 'phang mthon por gshegs pa'i nus
rtags su shes nus

so/ /skabs shig skam mda' khri sprul rin po che ngag dbang blo
bzang mkhas grub rgyal mtshan dpal bzang po de nyid rje 'di pa'i
drung du byon par ring mo zhig nas khri sprul rin po che mchog
mkhas btsun bzang grub

kyi rnam thar rmad du byung ba mnga' ba'i lo rgyus mang du gsan
pa sogs rgyu mtshan yang dag pa du mas thugs nye bar drangs nas
gus 'dud tshad med pa dang bcas zhabs spyi bor bzhes te lhod mjal
mdzad/ da lam

bla ma rin po che nyid la mnga' ba'i zab chos rnams nas gang
'grub cig stsol gnang grub pa zhes snyan gsan 'bul gnang mdzad
par/ dam pa de nyid kyang dgos pa de'i slad du ched gtad byon la
ltar yod pas

@223b dgyes spro chen po'i ngang nas de 'phral zhal gyis bzhes/
bla ma rnam gnyis phan tshun thugs nang gcig mthun du gyur te/
khri sprul rin po ches phyag dpe bsnams nas byon yod pa'i gras
rje blo bzang bsam gtan sogs

kyis mdzad pa'i 'jam dbyangs zhi khro sbrags sgrub thun mong ba
dang thun mong ma yin pa'i zhal shes man ngag gi skor las/ 'jam
dbyangs zhi khro sbrags sgrub thun mong ba'i zab gnad kyi man
ngag la shog grangs

bzhi/ de bzhin zhi khro sbrags sgrub thun mong ma yin pa'i zhal
shes 'jam dbyangs bla ma'i snyan brgyud zab mo la bcu/ zhi khro
sbrags sgrub kyi gnad kyi zhal shes man ngag gi nying khu gud
bkol la lnga/ zhi khro ?

sbrags sgrub thun mong ma yin pa'i man ngag /yan lag gi zhi khro
sbrags sgrub kyi kha bsgyur gyi man ngag zhal shes la bdun/ zhi
khro sbrags sgrub thun mong ma yin pa'i las tshogs kyu man ngag
zhal shes kyi tho

chung la lnga/ las sgrub kyi skabs kyi zhal shes zur gsal gyi
brjed tho la gsum/ zhi khro sbrags sgrub dang 'brel ba'i sgrub
thabs bsdus pa bya tshul zhal shes man ngag la gsum/ zhi khro
sbrags sgrub thun mong

ma yin pa'i brjed byang la bzhi bcas le tshan brgyad yod pa phyag
dpe bris ma'i steng nas lung gsan te de'i brgyud pa'i rim par
rje blo bzang bsam gtan nas/ blo bzang brten pa gsal mdzad sogs
gsan yig

@224a @#/ /ltar la/ 'dul 'dzin chen po skam mda' khri sprul rin
po che ngag dbang blo bzang mkhas grub rgyal mtshan dpal bzang
po/ des bdag pha bong kha'i sprul skur chos sgor skyel gyi tshul

du sog shod ar smad chos sgar du dgyes bzhin stsal pa lags so/
/zhes phyag bris ma'i bsnyel byang yang stsal/ 'dir de dag gi
ldeb grangs bkod pa gsan yig tu le tshan gnyis pa/ gsum pa/ bzhi
pa/

lnga pa rnams la yi ge pas grangs nor cung zad re shor 'dug pa'i
nor pa bsal phyir bgyis te skyon med par sems so/ /yang khri
sprul rin po che de nyid kyi mdun nas/ rdo rje 'jigs byed la
brten pa'i dgra po rengs

par byed pa'i sbyin sreg gi cho ga nag phyogs tshang tshing sreg
pa'i me dpung zhes bya ba'i bklags lung/ ke'u tshang 'jam dbyangs
smon lam gyi gsung 'bum pod gnyis/ gdams ngag chu bo'i rgyun gyi
rnal 'byor

bris ma mchan 'grel dang bcas pa/ ser sngags bka' 'gyur ba nam
mkha' bstan skyong gi gsung sbyor chos rtsa 'phrel dang/ kun rig
gi sbyin sreg /skra rus cho ga /ser sngags mkhan po tshul khrims
dar

rgyas kyi gsung kha yar/ khri sprul nyid kyi gsung 'od dpag med
kyi mchod chog bcas kyi ljags lung rnams legs par gsan cing/
thog mtha' bar gsum gyi rten gsum/ mjal dar/ maNDal/ dngos

@224b 'bul zang zing gi bsten bkur gtos che ba dang bcas pa
mchod pa'i sprin du spros te bshes gnyen zhing gi mchog tu
gsungs pa'i don phyag bzhes su thebs par mdzad/ de nas ring min
bod phyogs su chibs kha

bsgyur du nye ba na/ sngar nags sog gi khul dang yul gzhan nas
'bri g.yag sogs kyi phyugs rigs phul ba rnams phyogs su bsags
pa ches mang ba zhig byung ba phyag g.yog pa dag gis nyar 'tshag

khrid 'ded kyi las khur mi bde ba shin tu che bar gyur te/
phyugs rigs 'di dag tshong bsgyur bgyis pa 'gab tshul u tshugs kyi
nan pos rgyu mtshan dang bcas te yang yang gsol bar/ de dag nged
la dad gshin

gyi dge rtsar dmigs nas byin pa sha stag yin stabs phugs bshan
pa sogs kyi lag tu 'gro dogs yod rigs la btsongs kyang rtsa ba
nas mi bzod pas 'bri g.yag sogs ji byung thams cad blos khel
ba'i mi

ched gtong dang sbrags nas byang rgyud 'dam khul gyis char bskur
te phugs su kho tsho rang shi byed pa las bsha' mkhan gyi lag tu
mi 'gro ba'i tshe thar gtod rgyang gi gras kho nar 'jog dgos/
rjes sor yang nged cag

la 'di 'dra'i phyugs rigs ster mkhan byung ngo cog de kho na
bzhin bgyid rgyu'i dam bca' brtan po byed dgos rgyu red gsungs
te/ bkras chos dge slong dbu mdzad zhal snga nas bstan 'dzin
mkhyen brtse zhu ba phyugs

@225a @#/ /ma rnams kyi 'tsho 'dzin du 'byon dgos tshul phebs
shing/ rogs zla kha shas bcas gnang bar phyugs rigs rnams ched
bskur gyis nyin mang po zhig gi sngon gong nas byang 'brog gis

yul 'dam shod phyogs su brdzong brnga mdzad/ tshul 'di dag kyang
rje nyid kyis las rim gyi khrid gnang ba'i dus 'gar 'phros bshad
du/ mnyam med jo bo chen po la bod du rta nor gnag phyugs kyi
rigs ches

mang po zhig phul bar de thams cad pa ma dngos kyi 'du shes las/
gzhan la 'tshong ba sogs kyang btan nas mi mdzad pa'i tshul mang
po gsungs shing/ deng sang sngags 'chang sgrub pa ba lta bu
rtogs ldan du

khas 'che ba 'ga' dang/ lto phyir chos 'tshong gi 'bul sdud pa'i
zol 'dra ba kha cig gis la las dad 'bul gyi ra lug nag phyugs
sogs mang du bsdus te khug khug kyog kyog nas za gin za gin byas
pas

mthar de tsho je nyung du zad 'gro ba dang/ la las bshas tshong
byas te bshan pa'i lag par rtsis sprod pa sogs kyang mthong chos
su yod pas de tsho shin tu thabs zhan po red/ de dang cha 'dra
bar dgon sde 'ga' res

gtong sgo'i zas kyi phyir du g.yag lug sogs gsod pa'i lugs srol
ngan pa yod pa yang ngan song mi bzad pa'i rgyu grung po shin tu
'dzem bag bya dgos pa'i gnas yin/ ces gzhan la yang yang 'doms
par

@225b mdzad cing/ ji ltar gdams pa'i don rnams rje rang gis
phyag len du bstar te blang dor phra zhing zhib pa las mi 'da'
bar mdzad pa'i rang rtags mngon par gsal ba zhig yin no/ /de nas
rim gyis phebs par nam dus

dgun ka dang/ bshul lam byang thang grang ngad kyi ngar zug bzod
sran dka' ba'i yul byang thang 'brog dgon nyam nga ba mer gzhung
bya ba sogs grang ba'i dmyal gnas mi yul du 'phos pa 'dra ba dag
tu byes 'grul

gyi lam nas byon pas grang ngar bzod glags med pas tshabs cher
gdungs pa'i skabs mdzod pa ngag dbang rgya mtsho sogs phyag phyi
ba kun gyis rje bla ma nyid sku bser ba'i snyun bzhes sogs su
gyur dogs kyi nyen 'gan

shas ma bzod par mgrin gcig tu/ da cha nam dus dang sa yul grang
ngar bzod glags med pa gnyis 'doms kyis 'di ltar gdungs pa'i
skabs sku gzugs la 'phrod bzhes kho nar dgongs te grang skyob
sku rtsag

gam/ lpags gos kyi gu dung dang stod thung lta bu 'phral du bzos
te mchod bzhes ma mdzad ka med du 'dug pas bdag cag la'ang brtse
bas dgongs nas de don skyabs 'jug gnang dgos zhes u tshugs mthar

bskyel gyis gsol ba phur tshugs su btab kyang rtsa ba nas ma gsan
par/ ngas chos ldan bod yul dbus ljongs kyi khul nas 'phags pa'i
gnas brtan nye bar 'khor la ce 'dri ba'i 'dul 'dzin dge ba'i
@226a @#/ /bshes gnyen brgya phrag mang po la chos 'dul pa'i lag
len rnams rgyal pa'i bstan pa'i srog tu gces tshul mang po bshad
bzhin du/ da lta kla klo long ba'i khyu 'khrigs pa lta bus
khangs

pa'i mtha' 'khob kyi yul 'di nas grang ngad la khag btags te
skya chas kyi lugs bgyis na bstan pa'i zhabs drangs tshabs de las
che ba med cing/ 'dul ba yul dus dang bstun te gnang ba zhu zer
ba yod kyang/ ston

pa sangs rgyas 'dul ba'i lugs kyi gu thung gnang ba zhig ma thos
pas 'dul bstan dang rgyab gyes byed pa nga mi 'dod/ lus grang
ngar gyis gdungs kyang khyim pa sun 'byin gyi chas gos mi dgo ba
sangs rgyas kyi

bstan pa'i zhabs 'degs yin pas nged kyi blo kha des rdzogs/ lag
pa'i dpung pa sogs gzan gyis dkris te 'gro chog ces phebs te
lngags gos sogs man bas rgyu'i thugs bzhed kyi stangs ka tsam
yang

ma byung bas phyag phyi ba rnams kyis bya thabs ye ma rnyed par
lus shing/ phebs lam du grang reg ha cang che ba'i stobs kyis
phyag gi cha dga' la grang thug gis btab pa'i skrang sbos dang
ser ga sogs byung

yang/ bstan pa rang la dgongs te khyim pa'i gos dang lpags rigs
kyi na bza' ma bzhes par dkang ba lhur len mdzad de byon cing/
de skabs sku bser pa'i rkyen las dus phyis kyang dgun dus grang
bar

@226b che ba'i? ? skabs pa gar phyag g.yas kyi mkhrig mar
skrang sbos kyi rnam pa 'phar ldang gis cung mi bde ba'i tshul
dang/ sku dpung g.yas su ser gsos pa'i shul gyi ri mo phyis
su'ang mngon sum mjel du yod/

des phrul? ? ? ? de'i? stod? smad? nas 'byung ba dang skabs 'dir
bshad pa sogs kyi mdzad pa'i cha kun nas jo bo'i rnam thar du/
mkho ba sbyin dang snyan par smra ba dang/ /'jig rten don mthun
gdul bya'i don la spyod/ /bsdu ba'i

dngos? po? bzhi yang dpal 'byor gyis/ /gzhan don lhur mdzad
khyod la gsol ba 'debs/ /zhes pa'i don dang dgongs spyod gcig tu
'bab pa yod cing/ da lta bshad ma thag pa 'di yang gsang rnam
gsol 'debs

yas/ kun gyis bskul zhing lpags gos 'dzoms mod kyang/ /bstan
dang don mthun don spyod la dgongs nas/ /'brog dgon grang ngar
che tshad sa phyogs na'ang/ /bstan rtsa srog las gces la gsol ba
'debs/

zhes gsungs pa ltar gzhan dang gzhan las ches phul du byung ba'i
rnam par thar pa ngo mtshar ba zhig go /gzhan yang gsol 'debs
las/ dbus skad sa mtha'i mi yis go bar mdzad/ /ces dang/ sus
kyang ma

thubs mtha' mun pa'i gling/ /zab lam rim pa'i sgron mes gsal bar
mdzad/ /thams cad mkhyen la rtse gcig gus pas btud/ /'dul mkhas
ded dpon khyid la gsol ba 'debs/ /lta ngan mun tshogs skad

@227a @#/ /cig nyid la bcom/ /grub mtha' ris med blo bzang rgyal
bstan bkod/ /glen sgom u tshugs can rnams 'jigs par mdzad/
/gzhan snang zil gnon khyed la gsol ba 'debs/ /

zhes pa'ang gtso bor nags shod phyogs dang/ chag ri/ rab dkar
sog gsum gyi khul sogs su sngon phebs kyi dus dag tu byung ba
yin la/ de yang rje nyid nas sde dgon de dang der chos gsung
ba'i skabs

dbus kyi yul skad 'ba' zhig gis gsungs kyang tshig don la brda
'phrod mi 'phrod sogs kyi dka' ba ci yang med par rang rang gi
yul skad kho nar go ste/ khams 'brog gi skye bo mang pos bla ma
'di/ /

khams pa red gda' zer ba sogs byung tshul de dus kyi phyag phyi
ba 'ga' las thos shing/ de dag tu chos kyi bdud rtsi ji ltar
stsal ba yang spyir gdul bya rang rang la khams dang mos pa
dang/ dbang

por 'tshams pa'i dbang bka' khrid lung ci rigs 'dod chos sna
tshogs shig dang/ lhag par rgyal ba'i gsung rab yongs kyi nyid
khu 'phags yul paN grub tshad ma'i bzhad srol/ rgyal ba

gnyis pa tsong kha pa chen pos legs par bkral ba'i man ngag
tshang la ma nor ba byang chub lam gyi rim pa'i nyams khrid zab
la rgyas par phal tshig dmar rjen go bde ba'i lugs su pha bzang
pos gces

@227b pa'i bu la bslab pa ltar zhib tu 'doms par mdzad pas skal
ldan gyi gdul bya mtha' yas pa zhig lta grung dman pa'i bag
chags kyi phyogs las yid log ste rje bla ma mchog la sangs rgyas
dngos kyi 'du shes

thob cing/ mnyam med tsong kha pa chen po'i bstan la zhugs pa
mang du byung zhing/ tshul 'di 'dra dus gzhan du'ang 'byams klas
pa ltar byung ba 'og nas kyang 'chad 'gyur ltar ro/ /de ltar
khams phyogs

nas rim gyis phebs te chu bzang ri khrod du zhabs sor 'khod/
rtag brtan ri khrod pa b+ha k+Shu ratna pra dznyas byang chub lam
rim chen mo zhi gnas kyi dbu'i bar gyi stod cha yongs rdzogs blo
'dzin gyis rgyugs phul

bar mnyes pa rab kyi tshul bzhes pa'i gsung sgo bzang po dang/
legs dar/ gnad cha bcas gya nom pa stsal/ dwags po skyabs mgon
bla ma rin po che lha sar phebs te bshad sgra pa'i gzim shag tu

bzhugs shing bskun tshul che tsam bzhes mus thog chu bzang du
phebs bzhed yod pa ltar rje nyid mjal khar ched phebs kyis chu
bzang ri khrod kyi rje bla ma mchog gi gzim shag tu gdan drangs
par ha

cang dgyes mnyes chen po'i ngang nas spro bzhugs gnang zhing/
gsol sman sogs kyi 'phrod bzhes kyang nar mar bskyangs/ de nas
mi ring bar bshad sgra ba'i blon chen de nyid dus kyi chos nyid
du gyur te

@228a @#/ /sku 'das par bla ma rnams gnyis gdan drangs pa bzhin
'phral du byon te sku gshegs de nyid ngan 'gro'i skye gnas las
grol ba'i gsung chog dang/ thugs dam bden brjod

ljags bsngo sogs zab smin du bskyangs te slar chu bzang ri khrod
du yar phebs/ dwags po bla ma rin po che chu bzang gzim chung
dkyil du bsnyun pa zhes kyi skabs thams cad du thugs dam nyams
bzhes

rnams rgyun mi 'chad du bskyangs shing/ rje bla ma nyid nas
kyang zhabs zhu ba dkyus ma bzhin gyi spyi bye'i zhabs tog
bsnyun g.yog mtha' dag nyin mtshan khor mo yug tu sgrub par
mdzad do/ /dgung grangs zhe

gnyis su phebs pas lug lo hor bla dang po'i tshes bdun gyi nyin
dwags po skyabs mgon bla ma dam pa de nyin 'od gsal chos kyi sku
mngon du mdzad de dga' ldan yid dga' chos 'dzin gyi zhing du
gshegs

tshul bstan pas de nas bzung rje bla ma rdo rje 'chang mchog nyin
zhag mang po'i bar du gsol zas mchod bzhes kyi dwang ga 'gag
cing sku lus kyi stobs mdangs tshun chad bri ste nyam chung rid
rid por gyur gyi bar du

spyan chab bsil pa dang thugs khral tshad med pa gnang bzhin pa'i
ngang nas thugs la rus pa bskyed de bla ma rin po che'i nye gnas
sogs la sems gso bka' slob dang/ dgongs rdzogs sgrub phyogs skor
sogs

@228b gang bya'i slob ston nar mar gnang zhing/ sku gdung rin po
che'i gdung sgrub kyi cho ga gnang mi rgyud stod kyi dge bshes
bcu drug gdan zhus kyis rje bla ma mchog kyang tshogs dbur phebs
te dpal rdo rje 'jigs byed lha bcu

gsum ma'i bdag 'jug dang 'brel ba'i gdung chog dang/ mtshan mo
rgyud grwa rnams nas dpal gsang pa 'dus pa'i rtsa rgyud mtshan
'khyongs su gsungs/ thugs dam zhag bdun gyi bar bzhugs shing
gdung

mjal zhu mi dang mchod 'bul ba sogs lha sa skor bcas ches mang
ba byung/ sku gdung zhugs 'bul skabs pur khang bzhengs brtsigs/
thig gdab skor/ phur chog gi dbu bzhugs sogs tshang ma de nyid
nas

'khur bzhes gnang/ zhugs 'bul ma zin pa'i bar du zhag bco lnga
skor tsam gyi ring nyin ltar mchod pa sna lnga brgya tshar chag
med 'bul gnang mdzad/ zhugs 'bul zin nas nyin mang tsam song
ba'i mtshams

nas pur khang zhal phye gnang bar/ sku rus dang/ zur du thugs
ljags spyan gsum rdog tu 'byar ba/ ring bsrel gyi rnam pa lta bu
mang du phebs pa rnams rje nyid dang/ dge legs rin po che/ bzhi
sde tA zur/

gsol 'jam/ phyag ngag rgyam/ chu bzang dge slong har gdong grwa
mkhyen dang/ ser smad rmar nyung blo bzang 'phrin las sogs mi
grangs bco lnga skor nas zhabs zhu gtsang sbra dwang ldan gyis
bsdu bsags sregs

@229a @#/ /par mdzad/ de nas sku rus lhar bskyed kyi chog sogs
kyang rje nyid nas yang yang gnang/ pur khang gis rigs sgams chu
bzang ri khrod kyi bla brang gling ga'i nub byang mtshams kyi

ltag zur/ gling skor gyi nang tshud du khang bu brtsegs pa'i
mchod rten gsar bzhengs thog /pur thal sogs lhag ma gang yod
'jug gnang mdzad/ sku gdung gi cha shas ring bsrel gyi rnam par
phebs pa

dang/ sku rus sil bur gyur pa sogs nas dwags po'i gdan sa'i rten
gtsor 'dra sku bzhengs rgyu'i nang rten du bzhugs rgyu dang/ lha
sa dang dwags po khul gyi dad can slob bu'i tshogs la rten skal
du gnang

rgyu 'ga' zur du bcad pa las byings/ mas slad bkras chos ri
khrod du 'dra sku rin po che gsar bzhengs gnang rgyu'i gzungs
gzhug tu 'jog gnang mdzad cing/ rje bla ma mchog nas da dung bla
ma rjes su

dran pa'i thugs skyo gdung gi rnam pas ngas dus med pa lta bu
thugs nyams su bzhes pa'i ngang nas/ rten gsum mchod chas kyi
rigs med du mi rung ba rnams ma gtogs phyag rdzas gang na ci yod
phal mo

che dgongs rdzogs mchod 'bul dang/ dge 'dun bsnyen bkur sogs yar
mchod mar sbyin gyi rgyur gtong bar mdzad cing/ dgongs rdzogs
kyi gtso bo skyabs mgon bla ma dam pa de nyid kyi zhal nas byung
ba'i

@229b zab rgyas kyi gdams pa rnams la thugs dam nyams bzhes kyi
rim pa rang gis skyong zhing gzhan la spel ba sogs bshad sgrub
zung 'brel gyi sgo nas bstan 'gro'i don chen po bla nas blar
skyong ba'i thugs brtson sngar

las lhag par bskyangs shing/ rje bla ma nyid kyi bla brang nas
phyi lo cho 'phrul zla ba'i tshes bdun nyin rgyud smad kyi dwags
gra'i rab 'byams dge ba shes gang yod gdan drangs te sku rus sam
'dra sku rin po che gang yin gyi

spyan sngar mchod sprin sna lnga brgya tshar 'bul gshoms thog
/sbyor chos skal bzang mgrin rgyan dang/ gnas brtan phyag mchod/
bla mchod kyi sgo nas tshogs mchod zab rgyas dang 'brel ba'i
gsung chog sogs dgongs

rdzogs mchod 'bul lo re bzhin chag med dgos pa'i zhal ta bcas
gnang/ re zhig sku rus rnams la khrus gsol yang yang dang/ bzang
gos phyi nang du ma'i na bza' sgron 'bul gyis stegs mtho bar
bzhugs te

sri zhu phyag mchod tshad med pa nar mar bskyang ba sogs skyabs
mgon bla ma de nyid dngos su bzhugs pa lta bu'i bsti stang lhag
par du che ba gnang zhing/ gsang rnam gsol 'debs su/ rigs kyi
cod pan mnyam med

gser gling bas/ /mdzad mtha' khyod nyid tsam la ston pa'i gnad/
/zhi ba'i blo gros byang sems ma gzigs nas/ /de bzhin gshegs par
sprul la gsol ba 'debs/ /phyi ltar dad pa can gyi sgo drung na/
/rgyal kun

@230a @#/ /bsod nams zhing mchog nyi ma shar/ /mi rtag bstan gtad
tshogs rdzogs mthar phyin mtshon/ /rgyal sras nor bzang khyod la
gsol ba 'debs/ /lus srog longs spyod 'bul nus thugs

stobs skyes/ /sman thun re rer gser thun re 'jal gsung/ /nga yi
sha tshan phul na phan nam gsung/ /rtag du mngon sum gyur la gsol
ba 'debs/ /gces nor yod dgu thams cad dus gcig btang/ /bdun

phrag gsum gyi bar du sku gdung mchod/ /ring srel rmi lam sgyu
'phrul dra ba ston/ /'bras bu mngon du gyur la gsol ba 'debs/
/zhes pa rnams kyang dwags po skyabs mgon dam pa de nyid kyi sku
tshe'i tha mar

yang rje 'di bas rgyal sras nor bzang gis mgon po byams pa dang/
rtag tu dus chos 'phags bsten pa'i rnam par thar pa dang cha kun
nas mtshungs par thugs stobs phul du gyur pas zhabs tog gi rab tu
son

bar mdzad pa sogs don la gnas pa'i bstod bsngags 'ba' zhig tu
yod do/ /bar skabs der phyogs mtha'i spong ba pa zhig la zhu yig
gi 'phrin lan du 'di ltar stsal te/ /'di snang bslu brid srin
mo'i rol gar

du/ /mthong nas mi med dben pa'i nags klung du/ /gtan gyi 'dun
ma snying por sgrub pa la/ /gcig tu gzhol ba'i dge sbyong che
de'i drung/ /ring nas mdza' ba'i mdung rgya mi lhod pa'i/ /dam
bca' snying dbus rdo

@230b pa'i ri mo bzhin/ /phan tshun 'gran pa bzhin du bkod pa
yis/ /bskul ba'i dbyangs kyi mchid lan 'di ltar sgrog /deng dus
khyod sku ri dwags rgyal po ni/ /sgrub brgyud bstan pa'i nyams
myong stobs rgyas bzhin/ /gcig

pur rgyu ba'i thub pa'i brtul zhugs kyis/ /dben gnas gangs kyi
ri sul mdzes par byas/ /nor rdzas gsog srung spel ba'i 'du 'god
dang/ /gnyen 'khor 'bad 'tshol dgra gnyen so tshis sogs/ /'di dag
'di phyi

gnyis 'phung khur ngan te/ /dor nas dben pa'i bag phebs 'di re
skyid/ /yon bdag ngo srung grong chog mo rtsis dang/ /ltar snang
chos bshad gnas skor gtam kyal sogs/ /byed pa 'di snang g.yeng
ba'i gtso bo ste/ /

dor nas don nyung bya nyung 'di re skying/ /rgyal dang de sras
rnams kyis bsten pa'i lam/ /grub pa drang srong mchog rnams bsti
ba'i gnas/ /zhi ba'i dga' ston yang dag 'phel ba'i sar/ /bde
stong bdud rtsi'i ro mchog

myong ba'i slad/ /gang zhig mang du thos pa'i dge sbyong gis/
/bsten gnas dben pa'i ri sul de mdzes te/ /dben pa bsten pa yis
kyang dag sbyor ni/ /thos don rtse gcig sgrub la lhag par mdzes/
/yul dang dus kyi

rgud pa'i mthar gtugs pas/ /mtshon cha'i 'phrul 'khor mun bzhin
gtibs pa'i khrod/ /zhi ba'i dga' ston rgyas pa'i snang ba yis/
/bde bar 'khos su phebs 'di e ma hoH gang blo padma dkar po'i
gur khang na/
@231a @#/ /mang thos snying por bsags pa'i sbrang rtsi'i bcud/
/nyams len rkang pa drug pas ngoms med du/ /spyod pa 'di ni gtan
gyi 'dun ma'i phul/ /'dir yang pa na tsa li ka'i stod g.yogs
dang/

rin gnyis do shal 'chang ba'i 'phrin yig gi/ /lus phra snyan
tshig lang tshos sgeg pa can/ /lhags pa'i mod la spro dga' kun nas
'phel/ /'di na 'tsho ba'i rdzing bu rab dwangs kyang/ /zin med
spros pa'i rlabs 'phreng

bskyod pa yis/ /sna tshogs las kyi gnyer ma'i ri mo ni/ /'dzad
med 'god pas sun pa skyed bzhin lags/ /khyod ni dam pa'i spyod
par yid chags pas/ /'byung 'gyur bslab bya dgos zhes gsungs pa'i

don/ /bdag 'dras khyed la gsol 'os cher med kyang/ /brtse bas
gsal 'debs smra 'dir gsan pa'i rigs/ /'di dang gtan gyi dgos
'dod yid bzhin du/ /'bebs pa dal dang 'byor pa'i bsam 'phel

nor/ /'chi bdag dgra po'i lag tu mi 'chor ba'i/ /do gal 'di ni
'dun ma'i snying por zungs/ /gang zhig lha yi rnal 'byor la
brten nas/ /'khor 'das 'chi med dpal kun snying ga ru/ /bsdus
nas tshe srog

rdo rjer sgrub pa yi/ /cho ga nyin re bzhin yang bsten par
mdzod/ /'jigs mdzad khro bo bcu yi rnal 'byor ni/ /bdud las rnam
par rgyal ba'i 'phrul 'khor gyis/ /byad dang 'gong po la sogs
bdud rigs kyis/ /

@231b glags 'tshol mgrin ba du ma brgyas 'grol kyang 'tshal/ /de
nas ngo bsrung 'du 'dzi'i 'khri ba kun/ /btsan thabs spangs pa'i
zhi ba'i nags klung du/ /nang du yang dag 'jog la rtse gcig tu/
/mnyam par 'jog 'di

khyod kyi las su mdzes/ /mdo rgyud dgongs 'grel gzhung lugs
brgya phrag sman/ /byang chub lam gyi rim pa'i thun gcig tu/
/bsdus nas stan thog gcig tu bsten pa yis/ /srid zhi'i nad brgya
myur du sel bar mdzod/ /

bcos min nges 'byung shugs kyis mkhar 'phags pa'i/ /snying rje'i
rdul dkar spungs pa'i sems bskyed zla/ /mtha' bral stong pa'i
dbyings su shar ba'i 'dzum/ /khyod kyi snying dbus bsil ba'i
dpal du zungs//

ma dag skye shi bar do lcags kyi khams/ /sku gsum gser du za
ba'i 'gyur byed rtse/ /rim pa dang po'i rnal 'byor nyin bzhin
du/ /'grus pas tha mal snang zhen drungs 'byin mdzod/ /dbu ma'i
gzhung don brgya

phrag lcags kyi rdul/ /lung rigs tsha sreg rnon po'i zhun mthar
gyis/ /bskrun pa'i mtha' bral lta ba'i mtshon rnon po/ /gnyis
'dzin dgra bo gsod pa'i phyag char zungs/ /sprul pa'i pho brang
dbus kyi a shad la/ /yid

ni rtse gcig chags pa'i rnal 'byor gyis/ /rlung sems dbu mar
sdud pa'i thabs mkhas phul/ /sgrub mchog bye ba'i gshegs shul
'dir brtson mdzod/ /de las 'od gsal dbyings su sgyu ma'i sku/
/sna tshogs sprul  

@232a @#/ /skur ston pa'i ngo mtshar 'phrul/
/sad dus sbyangs pa'i rnal 'byor la brten nas/ /gnyid dang 'chi
pa'i sku gsum zin par mdzod/ /de ltar yongs rdzogs lam gyi nyams
myong tshul/ /dga'

ldan snyan brgyud gser gyi sbram bu yis/ /bdag rgyud phyug pa'i
skal bzang bgo bsha'i gnad/ /rnyed pa ji bzhin grogs mchog khyod
la'ang gtad/ /e ma rnyed par dka' ba'i rten bzang 'dir/ /don
med don log

don cher rlom pa yi/ /spyod tshul 'phongs rtug 'phyes pa'i rdo
bzhin du/ /dor la snying po'i don mchog sgrub par mdzod/ /de
skad 'phrin yig mgrin snyan ko ki la/ /dam tshig dar gyi mdud
pa'i sked chibs dang/

ka shi'i gos dkar dam rdzas rgyan phreng can/ /sa lug mchu zla'i
tshes la khyod drung 'phur/ /zhes ba 'di'o/ /chu shur 'phreng
gdong gzim bgres kyis zhus ngor hor zla drug pa'i tshes nyer gcig
nas bzung nyin

nyer drug tsam gyi ring chu bzang khri byang bla brang gi gling
gar/ dga' ldan khri chen ngag dbang nor bu'i yang srid mchog gi
sprul sku rin po che sogs bla sprul mang po dang/ gwa sa'i dge
'dun rigs lam smra ba du ma

bcas ser skya tshogs pa lnga brgya skor la byang chub lam rim ba
de myur dang/ lho brgyud lam rim spar gsar thon bcas gsum sbrags
kyi steng nas lam gyi rim pa'i nyams khrid byung la smin pa
dang/ zhar du

@032b lnyo brgyud sbyor chos kyi ljags lung/ mjug tu sems bskyed
mchod pa bcas dang/ 'jigs byed dpa' bo gcig pa'i dbang chen sta
gon dngos gzhi dang bcas pa nyin gnyis/ rje tsong kha ba dang
dpal rdo

rje 'jigs byed dbyer med du gsol ba 'debs pa'i bla ma'i rnal
'byor dang/ byams chos sde lnga'i ljags lung bcas stsal/ de nas
dwags po dam chos sprul sku rin po ches gsol ba nan cher btab

'brel hor zla bdun pa'i tshes bcu skor zhig la khri byang bla
brang gi 'du khang du bde mchog lus dkyil gyi dbang chen dang
de'i rim gnyis kyi khrid bcas stsal/ yang lo der dam chos sprul
skus zhus

dor khri bla'i gling gar 'bras sgo mang khang gsar mchog sprul
ngag dbang thub bstan chos kyi dbang phyug dang/ khri byang
mchog sprul sogs zhu mi bla sprul khag dang ser skya byings bcas
tshogs pa sum brgya tsam

la paN chen chos rgyan gyi gsung zab lam bla ma mchod pa bde
stong dbyer med ma rtsa ba dang/ tshe gling yongs 'dzin rin po
ches mdzad pa'i khrid yig chen mo/ paN chen chos rgyan gyi gsung
phyag chen rtsa 'grel

bcas kyi bshad khrid zab cing 'dril ba dang/ blo sbyong snyan
brgyud chen mo sogs kyi lung/ 'jigs byed lha bcu gsum ma'i
bskyed rdzogs kyi nyams khrid bcas stsal/ 'di skabs dad ldan
gzhan zhig nas

@233a @#/ /stag phu rdo rje 'chang pad+ma bdzra dpal bzang po'i
bya'i phreng ba zhes pa spar ma gsar thon gyi dpe 'gyed tshogs
DUrya'i phreng ba zhes pa spar ma gsar thon gyi dpe 'gyed tshogs
'grem sogs

kyang mdzad/ 'di skabs shig tu mdo smad rgyal thang lha mkhar
mchog sprul nas zhu yig phul ba'i lan du stsal ba ni/ rgyal kun
ye shes snying po nor bu'i khams/ /chos dbyings kun khyab thig
ler 'dzum

pa'i dpyid/ /sa steng dge mtshan snang ba 'bum gyi gzis/ /dag
byed 'gro ba'i nyi ma chen po'i drung/ /snying dbus dad dang
dung ba'i rol mtsho na/ /yid kyi dad mo lhag par myos pa yis/
/snyim pa'i 'dab

gshog sgreng dang chabs cig par/ /dbyangs kyi rgyal mos mchod
'dir brtse bas dgongs/ /chos dbyings snying por mi phyed lhan
skyes gar/ /rags pa'i gzugs skur zlos pa'i sgyu 'phrul gang/
/gang na

gdul bar bya ba de dang do'i/ /khams dang dbang po'i rjes su
'jug pa nyid/ /'di na ngur smrig 'dzin pa'i zol brten kyang/
/mdzad pa'i khyad par rgyal kun las lhag bzhin/ /snying stobs
snying rjes 'khrungs

pa'i ^ zhabs sen kyang/ /ji tsam snyigs mar lhag par brtan
brling bzhin/ /yul gyis bskal kyang mdza' bas nye ba yi/ /dam
bca'i ri mo snying dbus brtan pa'i bsgros/ /bkra shis dge mtshan
brgyad kyi

@233b dga' ston ni/ /khyod nyid mchod par spros pa'i skyes lan
du/ /dbyangs can phang pa'i rgyud mang ri mo'i gzugs/ /shis pa'i
dga' ston rdzogs pa'i rnam 'gyur can/ /yon tan rgyal srid rin
chen rnor bdun las

theg mchog chos kyi srid la dbang bkur ba'i/ /bka' rtags gser
gyi cod pan dur smrig gos/ /bkra shis sring du ring ba'i kha
btags bcas/ /dge mtshan mchog tu bstab pa'i rten 'byung las/ rnam
pa

dga'i go 'phang mthon por 'dzin par gyur/ /bdag kyang 'tsho ba'i
padmo ma snyigs shing/ /lhag bsam dkar ba'i 'dab brgya grol khul
yang/ /'di snang spros pa'i rdul mang skyugs pa yis/ /snying
po'i le

sar nyin bzhin bcom bzhin lags/ /mtshams su zhu gsol/ bstan
'gro'i ri gling khor yug bkod pa'i dbus/ /yon tan bang rim mthon
bor nyer 'phags pa'i/ /khyod sku'i ri dbang nam yang g.yo

med par/ /srid pa'i phyi mtha' de srid lhun chags mdzod/ /thugs
rje'i chu khur ba rtsegs pa'i gdengs ka nas/ /zab gsang gsungO
dbyangs dbyar sgros rnga gsang 'dum/ /dgos 'dodO gru char stsol
dang

chabs cig pas/ /'gro la phan bde'i lo tog skrun par mdzod/
/mkhyenO rab nyi ma 'phar ba'i 'od po che/ /shes bya'i mkha'
mthas gtugs par mnyam 'jug pas/ /zab mo'i don la ba lta ba'i
snang

@234a @#/ /pa yis/ /'gro ba'i snying gi mun stug mthar byed
mdzod/ /brtseO chen 'od dkar dra bas dkris pa yi/ /thugs bskyed
zla ba dag pa'i dkyil 'khor las/ /zhi bsil ga bur gsar pa'i

zer phreng gis/ /srid zhi'i tsha gdung kun nas 'phrog par mdzod/
/yonO tanO gting mtha'O mi mngon chu gter las/ /'phrinO lasO dus
las yol ba med pa'i rlabs/ /yid bzhin bskyod pas skal bzang don

mthun tshogs/ /rnam grol rin chen gling du phyin par mdzod/ /bdag
kyang mi med dben pa'i ri sul du/ /gcig pur 'gro ba kun byi don
sems bzhin/ /yongs rdzogs lam gyi nyams myong yud brgal nas/ /

'gro ba'i 'dren pa chen por byin gyis rlobs/ /zhes pa'i zhu yig
spyan lam 'bab stegs lha reg dang/ 'jigs mdzad rdo rje'i bsrung
zlog gi zhal shes yongs su rdzogs par 'khod pa'i man ngag shog
dril/

stod kyi gos zar babs rwa bzhi bcas gang gi chos kyi spun zla
pha bong kha'i sprul ming pas chu bzang yang dben rtag brtan
spyil chung nas sa lug bod zla ba brgyad pa'i tshes sum cu bzang
po la phul pa'i zhu yig /zhes

pa 'di nyid yin la/ chab mdo dkon rdor mchog sprul sogs dad mjal
zhu mi ches mang bar/ 'dod chos gang dgos stsol ba sogs rgyun
gtan nas sna tshogs gdul bya'i mos ngor 'tshams pa'i thabs mkhas

@234b 'phrin las kyi rol pa bsam las 'das pa du mas dus 'da' bar
mdzad pa rnams spyir btang yongs grags kyi dbang du btang ba las
'brir mi langs shing/ lnga phyi bar gsum gi lo dus sna tshogs bar
bsgrub bya tshan

khag du mar dge bsnyen/ dge tshul/ bsnyen rdzogs bcas kyi sdom
pa'i gnas la bkod de myang bdas kyi go 'phang la reg pha'i sa
bon khyad par can du ma bskrun par mdzad cing/ sgra mi snyan gyi
tshe sgrub kyi 'don chog/

'khyer bde ba zhig kyang bka' rtsom mdzad/ gong du smos pa'i
gsang bde 'jigs gsum dang/ bla mchod/ phyag chen/ gcod/ nA ro
chos drug sogs kyi dbang khrid gnang ba'i dus rnams su dad
brtson can du mas

snga phyir gsol ba btab pa bzhin dbang khri kyi bla ma brgyud
pha'i gsol 'debs gsar rtsol dang/ kha skong ci rigs pa/ sa bcad
bsdus don gyi skor du ma/ bla ma lha tshogs mang po'i gsol 'debs
rgyas bsdus

sogs kyang mang du stsal/ dgung grangs zhe gsum du phebs pa
lcags sprel lo'i dgung gsar mdzad sgo spyi dang/ bla sprul sku
drag /rigs pa smra ba'i dge ba'i bshes gnyen gyi tshogs du ma/
ser skya byings

dkyus sogs dad mjal zhu mi'i tshogs dbyar gyi char sprin gtibs pa
bzhin du lhags par mjal kha/ phyag dbang/ ja gral sogs sngar
rgyun ltar lhod 'gol du gnang zhing/ 'di'i lo snga phyi zhig tu
bkras

@235a @#/ /chos ri khrod kyi 'du khang du kong po 'brul mkhan
chen mchog sprul dang/ ser smad gzhung pa lha btsun sbrul sku/
dga' shar khri byang mchog sprul sogs zhu mi tshogs pa brgya
phrag la nye bar

'jigs byed lha bcu gsum ma'i dbang khrid dang/ sgra mi snyan gyi
tshe khrid sogs chos 'khor rgya cher stsal zhing/ chos gral du
lha btsun pas 'brul mkhan sprul la sku rtsed kyi tshul sna tshogs
mdzad pas 'brul rin

po che thugs gtum pa'i gshis kyis gzhan zhig nas mang ja'i skabs
su bza' spyad kyi rtsam pa'i tshogs khug mgo mjug ldog ste lha
btsun pa'i dbu thog tu sprug brdab gnang bas dbu dang gzan sogs
skya chabs/

ser btang ba rje bla ma mchog nas gzigs skabs khel te kun kyang
'gyod pa 'jigs skrag gis zhum zhum por gyur to zhes pa'i lo
rgyus ya mtshan pa'ang byung snang/ khams 'grul mang po 'byor
ba'i gdong tre bo

brgya dpon yab chos rgyal don grub sogs nas zhu yig khag mang du
phul ba'i bka' lan rnams 'phral 'phral du gnang zhing/ brag
g.yab khul byi sgrub brtson lam rim pa grags pa la zhu yig gi
lan tshigs

bcad du gnang ba ni/ bslab gsum nor bus phyug cing mang thos
kyis/ /sgrub la gzhol bgrags pa gang gi drug/ /tshogs gnyis po
mtsho las 'ongs mtsho skyes sku/ /'gal rkyen dri bzhon bskyod med
mang thos don//

@235b tshul bzhin sgrub pa'i 'dab brgya rnam grol ba'i/ /ge sar
'dzum phreng nyams myong sbrang rtsis lci/ /'dir yang bshes
gnyen rjes dran dang gdung dbyangs/ /rten bcas son pa yid kyi
dpal yon rgyas/ /ngos kyang zag bcas srid

pa'i rtod phur gyi/ /ming gzugs skye mched 'du ba ma gyes shing/
/blo bzang snyan brgyud snying por bshad sgrub kyi/ /dga' ston
skal bzang bgo skal 'dzin bzhin lags/ /mtshams su/ thog med srid
pa'i tshang tshing rab

rtug kyang/ /dal dar 'byor bcu'i sa mchog gcig 'di tsam/ /'di
snang spros pa'i zhugs la rab zhen pas/ /don stongs sol bar byas
pa shin tu phangs/ /de phyir blo bzang snyan brgyud bdud rtsi
dang/ /dal 'byor sa

mchog sbyar ba'i rtsi sman gyis/ /srid zhi'i nad brgya drungs
nas 'byin pa yi/ /'chi med byang chen go 'phang bsgrub la rems/
/gang la bslab cing mang du thos pa'i don/ /tshig tsam min par
rgyud thog 'gel ba gal/ /de

phyir phyi nang rnam g.yeng kun 'cad nas/ /nang du yang dag
'jog la la gor sgrims/ /yud tsam re yang don med phangs pa yi/
/snying po len 'dod dal 'byor dran pa'i tshad/ /'chi ba dran pas
'chi grabs kho nar gzhol//

nges med dran pas long med rgyud la skye/ /'chi tshe chos las
gzhan gyis mi phan par/ /dran pas dgos med rgyud la skyes pa
yin/ /de ltar dal 'byor mi rtag zung 'brel lam/ /rgyud la skyes
nas dge sbyor rkang tshugs
@236a @#/ /'gyur/ /de nas de gnyis shugs drag gis bskul bas/
/rang nyid srid par mnar la yid 'byung dang/ /ma rnams de ru
lhung la snying brtse bas/ /de dag don du rdzogs byang sgrub
'dod kyi/ /

rin chen sems de sems kyis rtsal sbyangs nas/ /goms pa'i myong
ba ji bzhin brtan pa'i phyir/ /rgyal dang de sras nyin bzhin
dpang bzhag nas/ /spyan sngar smon 'jug dam bca' brtan par
bzung/ /rgyal

sras spyod pa spyi dang zhi lhag zung/ /zab lam rim gnyis bcas
par rin chen sems/ /srog tu bzung zhing mi rtag dran pa yi/
/lcag gis bskul zhing yengs med bsgom pa gnad/ /rang gi rgyud la
bsgoms pa'i

nyams myong ro/ /cung zad 'khyil gang mngar ba'i bcud bzang po/
/gzhan la 'doms shing bgo bsha' spel ba yi/ /thabs mkhas de yang
lag tu lon pa gces/ /'di na blo bzang snyan brgyud bdud rtsi'i
rgyun/ /

cung zad myong ba'i go myong bzang po'i ro/ /shin tu brel yang
khyod kyis thugs thog tu/ /'gel snyam lhag bsam zla bzang lang
tshos bskrun/ /zhes so/ /sngon dus stag brag rdo rje 'chang gis
zhu bskul gnang ba

dpal mgon rgyas byed la brten pa'i bum sgrub dbyig gi char 'bebs
kyi bka' rtsom sdar phyi 'phro nas mjug rdzogs pa'i bar dang/
de'i lhan thabs bcas ljags sgrigs gnang zhing/ rgyud smad sngags

@236b rams pa skal bzang bde chen gyis zhus ngor e ka ljongs
sprul sku dag dbang blo bzang dge legs dbang phyug gi yun brtan
gsol 'debs kyang ljags rtsom gnang/ zla ba drug pa'i tshes ba chu
gsum nas bzung ste/

chu bzang ri khrod du/ 'dan ma lab skyabs mgon mchog sprul rin
po che sogs bla sprul dge bshes/ sku drag dang ser skya phal
dkyus bcas kyi 'dus tshogs chig stong la nye bar lam rim bde lam/
gser zhun ma/

rje'i lam rim chung ba'am nyams mgur bsdus don du grags pa gsum
sbrags kyi nyams khrid smin rgyas/ sbyor chos skal bzang mgrin
rgyan gyi ljags lung/ gdugs dkar gyi dbang chen sta gon dang
bcas

pa/ mi 'khrugs lha dgu'i dbang chen/ tshe dpag lha dgu'i dbang
chen bcas dang/ yang de rjes shig tu rgyal mchog bskal bzang
rgya mtsho'i gsung khrid yig dngos grub kun 'byung dang/ gung
thang rin po

che'i gsung gnyis kyi steng nas dga' lha'i khrid lung/ mkhas
grub chig brgyud kyi bla ma'i rnal 'byor rtsa ba dang/ bkra shis
'khyil pa rje shes rab rgya mtsho'i zin bris sbrags ma'i steng
nas mkhas grub

chig brgyud bla ma'i rnal 'byor gyi khrid lung/ yig chung nyer
gcig gras dam tshig rdo rje'i sgom bzlas dang/ za byed rdo rje
mkha' 'gro'i sbyin sreg gnyis kyi khrid/ brag dkar sngags rams
pa'i gsung dang/

@237a @#/ /rje shes rab rgya mtsho'i zin bris kyi steng nas ngag
byin rlabs kyi khrid/ 'gro mgon dpal ldan ye shes kyis mdzad
pa'i blo sbyong snyan brgyud chen mo/ sgrol bstod phyag 'tshal
nyer gcig

dang/ yan lag bdun pa legs bris ma/ sgrol dkar bstod gzungs
'khor ba las sgrol ma/ jo bo rje'i bstod pa/ paN chen gyi gsung
tshwa bsur gtong tshul bcas kyi bgrags lung sogs rgya cher stsal/
skal

shig nas lho kha gsung rab gling gdrim mas mchog sprul rin po
che sogs nas yun ring gsol ba btab pa bzhin lho kha phyogs su
chibs bskyod kyis gsung rab gling gi dgon du zhabs sor 'khod de
gzim mas

bla brang nas phebs bsgrigs sogs kyi sri zhu phun sum tshogs ba
zhus pa bzhin der lhod bzhugs kyis lam gyi rim pa'i nyams bzhes
dang/ lhag pa'i lha tsho shas du ma'i sku mtshams bcad rgya dam
por gnang nga

sogs thugs dam nyams bzhes kyi rim pa rgyun ring la shugs drag
sar bskyangs pas zab pa dang rgya che ba'i nyams rtogs la yar
bskyed lhag par du che ba mang du 'khrungs/ stag phu rdo rje
'chang nas bka' yig

bebs pa'i lan du/ mtha' yas rgyal ba kun gyi 'chi med bcud/
/mtshan dpe'i gar du smin pa'i 'jo sgeg gis/ /'chi med grub pa'i
dpal sbyin tshe yi lha/ /kun gyis rje btsun bla ma'i sku tshe
spel/ /rab 'byams

@237b rgyal pa'i mkhyen brtse nus pa'i dpung/ /gcig tu bsdus nas
nyam thag mgon med 'gro'i/ /mgon dang skyabs dang gling dang
dpung gnyer du/ /mngon bzhengs rje btsun bla ma'i zhabs sen
drung/ /mgon po khyod kyi

bka' drin kho na yis/ /rtag tu 'tsho ba'i bka' 'bangs gyi na pas/
/mi phyed dad dam drag pos rtse gcig tu/ /snying khong rus pa'i
gting nas gsol 'debs snying/ /rgyal kun brtse chen ye shes sgyu
'phrul gar/ /

gang gi ^zhabs kyi rdul gyi phreng bar yang/ /sa gsum bsod nams
khyon gyis bsgrun min pa'i/ /gsang gsum 'gro ba'i dbyig tu mngon
gsal 'zhin/ /rdul snyed zhing gi rgyal ba'i mdzad pa'i rlabs/
/skad cig rer

yang sdud pa'i 'phrin las kyis/ /mthong thos dran reg smin grol
la 'god pa'i/ /bskal bzang snyigs mtha'i 'gro la stsol ring nas/
/dgyes brtse'i bka' drin gzugs su 'phos pa yi/ /phyi nang bka'
yi glegs bu gnong

skyes bcas/ /gsang gsum dkyil 'khor dran pa'i gdung ba yi/ /gsos
su thob pa'i spro dgar cir yang 'byams/ /mtshams zhu/ rnam 'dren
stong gis spangs pa'i skal chad la/ /rgyal ba kun gyi mdzad pa
sgrub mdzad

ba/ /sa 'dir rnyed dka'i rin chen gcig pu bzhin/ /khyod ni bdag
cag bsod nams dpal du byon/ /chos dbyings dkyil 'khor gcig tu
thabs cig par/ /bgrang yas bde gshegs gdan 'dzoms gral ring nas/
/lnga

@238a @#/ /bdo'i 'gro ba 'dren pa'i ded dpon ni/ /rnam 'dren
khyod nyid kho nas bdag gir mdzad/ /las nyon mi gtsang ngan
dgu'i 'dam khrod du/ /rmongs dang bag med kyis 'byan srin bu
lta'i/ /

dman la lhag par brtse ba'i mdza' bshes ni/ /'dren mchog khyod
nyid kho nar snying nas khums/ /lhag par bdag gi mgon dang
skyabs gcig pu/ /gling dang dpung gnyen pha dang ma yang ste/
/gtsug gi nor bu

gcig pu ji bzhin du/ /do zla med pa'i rigs kyi bdag po lags/ /de
phyir zhabs sen bskal pa rgya mtsho'i bar/ /brtan par ma gyur
bdag cag ci zhig go /mya ngam thang du 'khyams pa'i long ba'i
tshogs/ /

dmigs bu gcig pus dor na ji ltar byed/ /rin chen gcig gang stor
na dpul sel gang/ /zla gzhon gcig gang med na gdung sel gang/
/nyin byed gcig gang nub na mun pa'i gling/ /'jigs sar skyel

mas bor na gang la re/ /de slad sku tshe brgya phrag 'brang bya'i
bar/ /rtag brtan rdo rje'i ngo bor 'tsho gzhes kyi/ /bka' drin
nam yang 'dor ba med pa zhes/ /dngos bshams yid kyis sprul pa'i
mchod sprin bcas/ /

rtse gcig snying nas lan brgyar gsol 'debs na/ /ji ltar gsol
bzhin zhal bzhes dam bca' yi/ /bka' drin brtse ba'i klong nas
skad cig kyang/ /nam yang 'dor pa med par thugs rjes zungs/
/ring min

@238b dgyes zhal mngon sum blta bzhin par/ /gsung gi bdud rtsi
nyams su myong ba dang/ /gsang 'dzin sras kyi thu bor rjes gzung
ba'i/ /skyabs 'jug dang bcas brtse klong mnga' ba mkhyen/ /zhes
snying khong nas gsol ba

lan stong du 'debs pa'i sra sti'i dbyangs kyi 'phreng ba spyan
lam 'bab stegs lha reg dang/ 'bul rten mtshon pa tsam zur phul
bcas la rgya zhus te/ skyabs 'bangs pha bong kha sprul ming pas
dol gsung rab gling dgon

nas lha phyag grangs med dang bcas spyi bor bteg ste phul ba'i
zhu yig /ces pa phul/ der snga phyir gsung gling mchog sprul nas
zhu ba po mdzad de byang chub lam gyi rim pa'i nyams khrid dang
gsang sngags zab dgu'i

smin grol gyi gdams pa'i char rgyun yang yang dbab cing/ de khul
gyi yul sde du ma'i mi tshogs khyon cher 'dus pa rnams la/ grub
rgyal lugs kyi tshe dbang dang/ lam yongs rdzogs kyi gsung bshad
dang 'brel

thugs rje chen po ngan song kun sgrol sogs kyi khrom dbang/ yig
drug gi bzlas lung sogs chos bka' du ma rgya cher stsal te skal
ldan gyi skye bo bgrang ba las 'das pa zhig gi rgyud la thar pa
dang thams cad mkhyen

pa'i sa bon khyad par can mang du bskrun par mdzad/ hor zla bcu
pa'i tshes bcu nyin sprul sku grags pa rgyal mtshan gyi sku gdung
rin po che dngos su bzhugs pa'i gnas dol chu mig dkar mo zhes
bar ched phebs kyis

@239a @#/ /dus phyis phyag g.yas btsam bzhugs pa spyan drangs
pa'i mdun du mchod pa'i tshogs rgya chen po dang/ tshogs kyi 'khor
lo bcas 'bul gnang mdzad rgyur/ sprul pa'i bstan srung gnyan po
rdo rje

shugs ldan rtsal la la tshogs mchod 'bul tshul gyi cho ga dngos
gzhi bka' rtsom mdzad de mchod sprin rgyas spros thog/ /bskang
chog dang/ tshogs 'khor rgya chen po 'bul gnang dang 'brel bar
'jam mgon rgyal ba gnyis

pa'i mdo sngags zung 'brel gyi bstan pa tshang la dri ma med pa'i
lugs bzang mkha' khyab tu dar zhing bstan 'dzin dge 'dun gyi sde
bcas yun du gnas la chos 'byor 'phrin las rgyas pa dang/ 'gro
kun bde skyid

legs byas kyi dpal yon rdzogs ldan gyi dus bzhin 'phel ba sogs
rlabs che'i thugs smon gyi mtshams sbyor bcas shugs drag tu
gnang/ de nas 'phyong rgyas khul/ rtses thang/ khra 'brug /bsam
yas sogs

yar klungs phyogs kyi gnas rten khag du mar mchod sprin thugs
smon sogs kyi sgo nas gnas 'brel rgya cher 'jog par mdzad cing/
lhag par 'ol dga' khul gyi dben pa'i gnas mchog lha sdings dang/
rgya sog /

chos lung/ chos bzang/ gzim khang ser po/ mgar phug sogs rgyal
ba tsong kha pa chen po yab sras kyi sgrub gnas khyad par can
phal mo cher byon te zla ba lnga drug tsam gyi yun du bzhugs te
sgrub gnas byin can

@239b rnams su mchod tshogs rgya chen po dang 'brel bar mdo
sngags lam gyi rim pa'i nyams bzhes spyi dang/ byang chub kyi
sems rin po che rnam pa gnyis/ zab lam rdo rje'i rnal 'byor
mthar thug pa rnams sku nyams su bstar

bas zab rgyas kyi lam gyi rim pa'i nyams rtogs sngar yod la gsos
thebs te me la bud shing bsnan pa bzhin du thugs dam ting nge
'dzin gyi sgo du ma'i nyams rtogs kyi drod skyed shin tu 'phel
bar gyur to/ /dgung

grangs zhe bzhir phebs pa lcags bya lo nang du 'ol kha phyogs
nas rim gyis phyir phebs te bkras chos gdan sar zhabs sor bkod
cing bstan 'gro'i mdzad bzang rlabs po che sngar mus ltar skyong
bar mdzad/ hor zla

bdun pa'i mjug tsam nas lha klu dga' tshal ba'i sku ngo lha lcam
g.yang 'dzoms tshe ring nas sku gshegs gung 'jigs med rnam rgyal
dang/ lha sras gung phun tshogs rab rgyas rnam gnyis sku 'das
pa'i dgongs rdzogs

su tshad dmigs kyis sbyin bdag mdzad de chu bzang chos rar nyin
nyer bzhi'i ring/ de mo mchog sprul rin po che dang/ gling rin
po che/ khri byang mchog sprul rin po che/ brag g.yab gdong
kong/ kong po shar pa/ rgyal rong

shar pa/ mtsho sna/ tshe gling gnas bla sprul sku sogs bla sprul
sum cu so gnyis dang/ gdan sa chen po gsum dang/ rgyud grwa rnam
gnyis sogs kyi phyogs 'dus ser skya byings bcas bsdoms zhu mi
tshogs pa bdun

@240a @#/ /brgya lhag tsam la lam rim 'jam dpal zhal lung dbus
brgyud lho brgyud gnyis ka dang/ myur lam dmar khrid/ sbyor chos
skal bzang mgrin rgyan/ lho brgyud sbyor chos/ skyes bu chen

po'i bdag gzhan mnyam brje'i skabs blo sbyong don bdun ma bcas
sbrags pa'i nyams khrid nyin nyer bzhi'i ring du gnad la smin pa
stsal te/ de skabs shig tu 'di lo zla ba bzhi pa'i tshes nyer
lnga nyin skyabs mgon

bla ma rin po ches bdag la byin gyis brlabs pa'i mtshan ma bzang
po zhig byung bas de'i byin rlabs la brten nas da res lam rim
sogs kyi 'chad nyan bzang po 'di byung ba yin zhes zhal nas
gsungs/ sbyin

bdag sogs nas bka' chos kyi thog mtha' bar gsum du bsnyen bkur
'bul mi shin tu mang ba byung bas tshogs gnyis kyi sgo brgya
phrag du ma mngon par phye ste rgyal ba'i chos gzugs kyi sku
'thob pa'i sa bon

khyad par can du ma bskrun par byas/ chos ra 'dir lo grangs du
ma'i yun du chos 'khor rgya chen po yang yang bskor bar mdzad
pa'i chos thun snga phyi'i seng dbang rnams su kham sdong dang
rdo pha bong yod pa'i thad dang ri

gshongs kun chos gos phrag tu bsnams pa'i dge 'dun stong phrag
du mas ser ding ding du khengs te zab rgyas chos kyi 'gro gleng
'ur dir re ba mdzad nas bzhugs pas/ rdo rje 'chang nyid nas chos
gsung pa'i chad?

@240b skabs rnams lta ci/ tshogs bar du dge 'dun 'byon bzhugs kyi
tshul tsam mthong thos kyi yul du gyur pa'i rnam dpyod ldan pa du
mas kyang sngon ston pas bya rgod phung po'i rir sher phyin gyi
mdo sde rin po cher gsung ba'i 'khor

slob dge 'dun 'byon bzhugs sogs kyi rnam thar yang 'di 'dra dang
phyogs mtshungs pa zhig yod pa gor ma chag snyam du sems shing
glengs te/ dga' gus rab tu dwang ba'i smon 'dun drag pos thar
pa'i sa bon grung po rgyud

la bskrun pa'i skal ldan gyi skye bo bgrang ba las 'das pa zhig
byung ba de skabs kyi lo rgyus la mkhas pa'i gzur gnas blo ldan
yongs la gtam du grags so/ /gzhan yang lo der 'bras spungs
gtsang pa mkhan chen nas

zhus pa bzhin chu bzang 'du khang du bla sprul dge bshes sogs
snod ldan gyi slob tshogs mad tsam la grub chen dril bu zhabs
lugs bde mchog lus dkyil gyi dbang chen thengs gsum pa dang/
de'i rim gnyis yig cha

bzhi sbrags kyi zab khrid lan gnyis pa bcas stsal/ sngon dus
rnams nas bstan srung rdo rje shugs ldan pas rje bla ma mchog gi
sku lus dang grib ma ji bzhin 'bral med du 'grogs te bzhed dgu'i
'phrin las mtha'

dag g.yel med du sgrub par mdzad la/ skabs 'gar bstan srung
gnyan po ngang nyid mi'i rten gzhi'i? khog tu zhugs te rdo rje
shugs ldan pa rang gi srog gtad kyi chog gsar du bka' rtsom
gnang dgos pa'i bskul ma
@241a @#/ /yang yang zhus pa ltar re zhig chos skyong chen pos
gsung bskul gnang ba ras bor ma mdzad par rje nyid kyi thugs
nyams su ji ltar shar ba bzhin gyi srog dbang gi cho ga yang
bka' rtsom mdzad/

bkras chos su phebs mtshams dwags po khul nas yab rje rdo rje
'chang chen po dgongs pa chos dbyings su thim tshul gsan pas
dgongs rdzogs mchod sprin rgya gang che dang/ lha khul gyi bla
sprul skyes chen dam pa'i

tshogs du mar thugs smon bden bskul gyi rim pa zhu gnang mdzad
rgyu sogs la thugs khur ltur bzhes gnang/ yab gzhis glang mdun
pa nas gzhan brgyud de zhu bskul mdzad pa ltar dpal mgon zhal
bzhi'i

bskang chog ljags sgrigs dang/ de'i par byang nyung du bcas
gnang ba dus phyis shig tu rje nyid kyi phyag rtags ma'i ma phyi
ngo ma bkras chos yig tshang las thon pa ltar ro/ /lung shar ba
rdo rje tshe rgyal la 7 gong nas

spyan gsal shin tu che pa'i dus der mda' dpon shan kha ba 'gyur
med bsod nams stobs rgyas nas lung shar la phog thug gi rnam pa
cung zad shor bar des shan kha ba ma nyes nag 'gol gyi khrims
lugs rtsub

mor sbyor rgyu'i grangs gshom shugs cher bgyis par brten shan
kha bar nyen tshabs 'jigs dang ngas mi bzad pa'i dang tshul thog
tu babs te rje bla ma la gsol gdab phur tshugs su zhus par/ rje
nyid nas bstan

@241b srung rdo rje shugs ldan pa'i 'phrin bskul 'dod don myur
'gugs zhes pa bka' rtsom mdzad cing/ 'brel mtshungs gzhan ma 'gar
yang rgyud bskul gyi gsung mol nan du stsal zhing dgyes brtse'i
skyabs bsrung gi rwa gur

zab mor btsud pa la brten nas ring min sngar 'khon gyi nyer 'tshe
de dag las grol te bag phebs su gnas chog pa byung ba rdo rje
'chang nyid kyi bka' drin nyag gcig yin zhes shan kha pa rang
nyid nas lan du mar gsung ba thos

so/ /dgung grangs zhe lngar phebs pa chu khyi lo/ rje bla ma rdo
rje 'chang nyid kyi yab dgung grangs zhe lnga'i skabs 'das pas
rdo rje 'chang rang nyid kyang dgung lo zhe lnga'i skabs sku
'tshubs che ba'i sri yod tshul zer srol gyi sri ldog

ched du/ chu bzang du tshe lha rnam gsum gyi sku mi tshad tsam
bzhengs gnang thog /rtag brtan gdan sar sku tshe'i tshe sgrub tu
tshe dpag med kyi ljags bsnyen bdun gcig ring bzhugs par thugs
dam nyams bzhes bskyangs

skabs rdo rje 'chang nyid kyi sku gzugs tshe dpag med kyi sku
mngon sum du gyur pa'i gsal snang dang nga rgyal brtan po rgyun
ring du 'khrungs pa dang/ skabs shig dge bshes blo bzang bsam
'grub rin po ches sbyin bdag

zhus te stag phu rdo rje 'chang dang lhan rgyas rtag brtan gzim
spug tu bde mchog gi sgo nas tshogs 'khor 'bul gnang mdzad skabs
rje bla ma nyid nas rtag brtan gzim chung phyi nang thams cad
'khor lo sdom pa'i rten brten pa'i

@242a @#/ /dkyil 'khor shin tu gsal ba yun ring du gzigs pa
byung/ yang gnas der khro bcu'i phyir blog gnang ba'i skabs rdo
rje 'jigs byed kyi gsal snang dang nga rgyal brtan po byung
gsung

ba dang/ skabs shig gtsang pa thub bstan dang/ 'bras spungs dge
bshes a dga' bstan 'dzin gnyis kyis zhus ngor/ spang lung
mtshams pa/ brag g.yab rtogs ldan rin po che/ dge bshes blo
bzang bsam

'grub rin po che dang/ dge bshes tshe dbang bsam 'grub rin po
che/ bzhi sde tA zur/ ye shes skal ldan/ 'jam dbyangs chos
'phel sogs zhu mi sum cu skor la 'jigs byed lha bcu gsum ma'i
bskyed

rdzogs kyi zab khrid rgyas la zhib pa gnang zhing/ 'di skabs
bskyed rim gyi skor nas gzhal yas khang sogs 'jim pas blos
bslang bzhengs pa dang bcas te phyag khrid rgyas par stsal/ rtag
brtan gyi gnas

thog mar nyin mor yang gzugs gzhan mi mthong bar sa rdo gtor
zhing 'phen pa sogs 'tshub shin tu che bar rdo rje 'chang nyid
kyis rdor slob mdzad de/ chog gra dge bshes sku bges sogs dang
bcas pas chos

rgyal gyi glo bur las bcol la brten pa'i gtor zor 'phen pa sogs
mdzad pas rim bzhin 'tshub ma mtha' dag rang zhir 'gro ba byung/
spang lung mtshams pa zhes pa rdo rje rnal 'byor mas rjes su
bzung ba'i

@242b rnal 'byor pa khyad par can zhig yod pa des bla ma rdo rje
'chang chen po lcang skya rol pa'i rdo rje yin pa dang/ dge
slong 'jam dbyangs chos 'phel dang/ gsol dpon 'jam dbyangs gnyis
de skabs rgya mi'i lus blangs pa/

sogs po rgyal mtshan 'di ri bo rtse lngar lha bris pa zhig yod pa
de'i skye ba red ces gsungs pa dge bshes tshe dbang bsam 'grub
rin po che gsung/ ser sngags grwa rigs dge slong 'jam dpal bzang
po nas zhus ngor lho

kha gsung rab gling gzim mas mchog sprul rin po che dang/ brag
nag mtshams pa sogs zhu mi nyi shu skor tsam la rgyal mchog bskal
bzang rgya mtsho'i gsung mgur lha sa'i par thung dang/ ser sngags
nam mkha'

bstan skyong gi gsung sbyor ba'i chos drug gi khrid yig dwangs
shel me long/ thun drug bla ma'i rnal 'byor bcas kyi ljags lung/
gsung gling sprul skus zhus ngor thugs rje chen po ngan song kun
sgrol gyi rjes gnang

bcas stsal/ zla ba bzhi ba'i tshes bcu bdun nas chu bzang chos
rar/ bla sprul sogs tshogs pa lnga brgya brgal bar lam rim bde
lam dang/ rje tsong kha pa'i gsung nyams mgur bsdus don du grags
pa/ paN chen

bstan pa'i nyi mas mdzad pa'i lam gtso rnam gsum gyi khrid yig
/blo sbyong don bdun ma'i rtsa tshig bcas sbrags ma'i nyams shing
rgyas par gnang/ 7 gong sa mchog gi bka' dgongs ltar rtse pho
brang chen po po ta la

@243a @#/ /dang/ nor gling skal bzang pho brang so so'i rgyal
sgo'i 'gag tu dpal rdo rje 'jigs byed chen po'i sgo nas dam sri
gnon pa'i cho ga gan brgyur/ sgang 'dre mnan chog thar med gshin
rje'i

lto khung dang/ de'i bca' gshom bcas gsar sgrigs zin 'dengs lam
tsam mdzad pa'i thog nas/ nyin bdun gyi ring bsgrub mnan rtags
thon dang/ zhol khang sras shar chos sprul sku nas bde mchog lus
dkyil

gyi chos skor spar thung gras rnams phal che ba gsar bskrun
mdzad pa'i dkar chag gnas gsum mkha' 'gro'i snying nor zhes pa
par byang smon tshig dang chabs cig bka' rtsom mdzad/ dus phyis
bde mchog

lus dkyil gyi dbang khrid gnang ba'i skabs 'gar yang/ lam 'di la
sgrub pa gsha' ma gnang mkhan tsho'i nyer mkhor 'di'i sgrub dkyil
sogs kyi chos skor bskyed rdzogs dang bcas pa cha tshang zod
chung

zhig 'khyer bde bar 'khod yod pa bsnams te dben pa'i ri khrod
rnams su phebs chog pa yod/ ces gsungs shing/ dkar chag tu gsal
ba'i bsnyen yig bka' rtsom ma grub kyang 'di ltar 'doms pa

lam gtso gsum dang/ rim gnyis kyi gnad la gtso bor 'bad pa las
grangs bsnyen tsam gyis sa chod che ba mi 'byung zhes go bar
mdzad pa yin snyam ste/ rje nyid kyi zhal nas/ 'jam mgon tsong
kha pa chen

@243b po yab sras kyis slob ma rnams sa lam bgrod pa'i dmigs
rnam sogs 'don gyi sa gcod par dgongs te bsnyen tshad rgyun ring
po mi gnang ba'i phyag srol yod ces bka' chos kyi dus su yang
yang phebs pa'i phyir

ro/ /'di dus kyi lo phyi nang gang yin zhig la stag brag ri
khrod du de ga'i bla brang nas bzhugs sgrig mdzad pa'i gzim shag
tu bka' chos gsan pa'i ring lhod bzhugs kyis/ stag brag khri
sprul rdo rje 'chang chen po'i

drung nas mi tra brgya rtsar grags pa'i dbang chen yongs su
rdzogs pa'i bka' dbang cha tshang pa dang/ de'i dbang chog 'on
rgyal sras skal bzang thub bstan gyi gsung bka' rgya ma dang/
sgrub thabs blo gsal mgul rgyan

gnyis kyi ljags lung bcas legs par gson cing de skabs kyi phyag
bzhes mang dag cig dang/ dbang gi brgyud tho'i gsan yig kyang
phyag bris su 'debs par mdzad/ dgung grangs zhe drug tu phebs pa
chu phag

lor 7 gong sa rin po che'i bka' 'brel lha ldan smon tshogs bar
gyi rme ru'i dpyid chos lo rer dga' ldan khri rin po ches gnang
mus bzhin 'di lor rje bla ma nyid nas gnang dgos tshul phebs pa
ltar zhu mi dad 'dus bla

sprul dang/ bka' rams dge bshes/ ser skya 'bring dkyus bcas
tshogs pa nyis stong tsam la rje tsong kha pa'i gsung lam rim
'bring po dang/ bde myur/ zhal lung bzhi sprags kyi zab khrid/
sems bskyed mchod

@244a @#/ /pa ste gon dngos gzhi dang bcas pa legs par gnang/
sems bskyed kyi rdzas kyi gras gan gos ser pho'i dbu gdugs dung
dkar po g.yas su 'khyil ba'i tog dang ldan pa sogs

sems bskyed kyi rdzas phud snying po'i lcid dang ldan pa 'ga' 7
gong sa rin po cher gus 'bul mdzad/ stag phu rdo rje 'chang chen
po dbus su phebs pa dang lhod mjal gnang zhing/ nyin gcig rdo
rje 'chang rnam

gnyis lhan cig rtag brtan e gsang phug tu phebs skabs/ dpa' bo
mkha' 'gro mtha' yas pa zhig gis bde pa chen po'i rol rtsed sna
tshogs pas sdun bsus shing/ gzim phug gi steng nas dpal 'khor

lo sdom pa ye shes kyi sku dngos kyi gzigs pa mjal/ de nas rje
bla ma rdo rje 'chang chen po gang nas stag phu rin po cher
brtan bzhugs shig 'phul gnang mdzad par/ de'i tshe gzim phug de
yang da lta'i gu

dog gi rnam pa de 'dra ma yin par yangs shing rgya che la/ grub
bzhi sgo bzhi rgyan rta babs dang bcas pa gzhal yas khang gi
mtshan nyid thams cad yongs su rdzogs pa zhig tu gnas 'gyur
zhing/ chogs

kyi 'khor lo'i yo byad bkye bsdu la sogs pa'i bya ba dang/ brda
dang brda lan dri 'jal/ glu gar dang rol mo 'bud rdung rnams
kyang dpa' bo dang DA ki ma rnams kyis mdzad/ de'i tshe stag phu
rin po ches bla ma

@244b rdo rje 'chang 'di nyid kyi sku lus kyi nang na gnas pa'i
rtsa ro rkyang dpu gsum sogs gnas yul gyi rtsa khams thig le'i
bzhugs tshul rnams gsal bar gzigs pa dang chabs gcig /stag phu pa
rang gi

phar phyi sku lus kyi rdza ma nyid nang dbu mar thim pa'i nyams
dang/ lhan skyes kyi bde ba chen po mnan pas mi non pa lta bu
'khrungs shing/ de'i tshe mchod yul gyi tshogs zhing yang bem sku
bris 'bur

gyi rnam pa can ma yin par ye shes kyi lha tshogs dngos gnas par
gsal ba'i gseb nas rgyal pa 'brom ston pa mdun gyi thad kar yer
gyis byon te/ bu padma badzra khyod kyi rgyud la da lta ba de ba
chen po'i nyams

myong khyad par can skyes pa 'dis mtshon dus gsum gyi legs tshogs
thams cad bla ma dge ba'i bshes gnyen 'di nyid kyi bka' drin la
brten nas byung bas dus rtag tu bkur ste dang drin gzo'i mchod
pas

mnyes par byed pa gal che/ zhes dang/ spyi sgos la bde dog ji
'dra yong ba'i 'byung 'gyur gyi lung bstan tshigs su bcad pa 'ga'
zhig kyang stsal to zhes rje stag phu pa chen po nyid kyi phyag
bstar ma'i

bsnyel byang zin bris las byung/ zla ba bzhi pa'i tshes bcu'i
nyin rje nyid dang stag phu rdo rje 'chang chen po/ skal ldan
gyi tshogs pa 'ga' re dang bcas gdan sa gong rtag brtan e gsang
mi shigs

@245a @#/ /dpal gyi yang phug tu dpal 'khor lo sdom pa'i gsung
chog tshes bcu'i tshogs ston bcas rgyas par gnang ste bla ma lha'i
rnal 'byor zab mo'i sgo nas bde stong lhan cig skyes pa'i rol/

gar cir yang rtsen pa'i ngo mtshar sgyu ma'i mchod sprin brjod
las 'das pa ma tshogs mkha' 'gro rgya mtsho rab 'byams dang lhan
cig tu rol ba'i skabs stag phu pa chen pos rje bla ma rdo rje
'chang gi drung du zag ma

rim gnyis las brtsams pa'i nyams dbyangs gsol 'debs su mdzad de
phul bas/ de na 'khod pa'i slob tshogs rnams bla ma yab sras la
dad gus lhag par brtas pa'i skal bzang rmad du byung ba'ang

thob ces grags so/ /yang bla ma yab sras rnam gnyis bkra shis
chos gling du phebs skabs shar phyogs kyi ri rgyud cig nas dge
slong gi cha byad can gyi mi ma yin mgo la thang zhu gyon cig
lag na bka'

gdams chos 'byung gi glegs bam thogs pa zhi dul can zhig dang/
rgya lu'i chas can zhig bcas gzigs pa de gnyis kyis/ khyed bla
ma yab sras kyis gnas 'dir zhabs sor bkod nas mdo sngags

'chad spel gnang ba shin tu legs/ nged rnams kyis kyang lus dang
grib ma bzhin rjes su 'brangs nas 'phrin las kyi sdongs grogs
g.yel med sgrub po zhes zer ba zhig byung/ ser smad dge bshes
dkon

@245b mchog 'byung gnas g.yung dgon mkhan por phebs rgyu'i thon
phyag mjal kha dang/ byed sgo gang cir bka' slob/ /'dod chos
'ga' re bcas zhus pa'i re 'dun yongs su bskangs shing/ srung
byin dang/ thon

rdzongs sogs kyang gzab par stsal/ phyogs mtha'i zhu yig mang po
dang/ 'dan ma lab skyabs mgon gyi phyag bris bka' lan sogs kyang
gnang ngo/ /dgung grangs zhe bdun du phebs pa shing byi hor zla
dang

po'i tshes gcig nyin/ gnam lo'i rgyal po gsar du tshes pa'i dgyes
ston rmad du byung bar bstan 'gror gcig tu dkar ba'i mdzad
'phrin phyogs brgyar brdal ba'i slad du rten 'byung gi sgo phun
sum tshogs pa brgya

phrag tu dbye bar mdzad/ rgyun gtan 'char can gyi nyin zhag re'i
thugs dam nyams bzhes ji ltar gnang ba rnams mdzad lam gyi 'og
tu don bsdu'i skabs nas bstan pa bzhin chag med kyi thog /dad
mjal

zhu mi dge legs sprul sku rin po che sogs dge 'dun nyis brgya
brgyad cu skor gyis mtshon ser skya ches mang po 'byor bar dgyes
pa'i 'dzum dkar lhug par grol ba'i gsung mchid dang/ reg pa don
ldan gyi phyag

dbang/ srung mdud sogs babs bstun gyis stsal te tshang ma'i re
n'dod yongs su skong bar mdzad/ sngon yod sku rten rnying pa
mang du bzhugs pa'i byams khang du phebs te chog gra dge slong
rnams dang lhan cig

@246a @#/ /tu dpal ldan 'dod khams dbang mo'i tshes gtor sngags
grwa'i phyag bzhes ltar 'dul gnang mdzad/ tshes gnyis nyin/ rgyal
khri sprul/ 'phan po brag rgyab sprul sku/ ser sngags

grwa tshang gi las sne mkhan po dbu chos sogs dge 'dun zhal
grangs nyis brgya tsam dang/ phal dkyus gzhan mang ba bcas la
mjal kha gnang/ 'di nyin ^ gong sa rin po cher gnam lo gsar tshes
kyi legs

'bul 'bul bar gnyer 'phrin las chos 'byor brdzong sta mdzad de/
de'i gdong du zhu yig kyang/ rab 'byams rgyal kun 'dus zhal ltar
bcas srid zhi'i gtsug gi rgyan gcig ^ gong sa lha mi'i rnam
'dren

chen po mchog gi ^ zhabs sen yid bzhin dbang gi rgyal po che
rgu'i gtsug nor brtsegs pa'i khri 'phang mngon mtho'i drung du/
sgo gsum gus slob pha bong kha'i skye ming pa nas rab gus dwang
ba chen pos phyag dang

bcas te zhu gsol rtse gcig tu 'debs snying/ deng/ gang gi thugs
bskyed rta bdun shugs kyis rdzogs ldan nyi ma gnyis pa'i lang
tsho gsar du 'dren pa'i dus kyi char yang/ sras bcas rgyal ba
bgrang du

mi bzod pa'i mkhyen brtse ye shes kyi rdul mang bskal pa rab
'byams cig car du spungs pa/ mtshan dpe'i snang brnyan ltun po'i
dbang po mtha' klas gdul bya gling bzhi'i dbus na brtan brjid
chags

@246b shing/ sa gsum yid can ma lus mngon mtho nges legs kyi lam
bzang dam par 'god pa'i thun mong dang thun mong ma yin pa'i ngo
mtshar chos srid mdzad 'phrin srid pa'i sgron me zung gis phas
rgol smag ru ma

mtha' dag ming gi lhag mar byed bzhin par 'tsho zhing gzhes pa ni
stong gsum rin chen sna bdun gyis phyur bur bkang ste lan brgyar
dbul yang gzhal dka'i go skabs ring por gyur pa'i bka' drin gyis
mngon

par lci zhing/ mgon po bde legs kun stsol yongs 'du'i dbang po'i
thugs rje'i grib bsil du 'tsho ba gus slob skye ming pa bdag
kyang zag phung la 'du 'khrugs tsha gdung gis ma gtses shing/
'khos bstun

bstan pa'i zhabs 'degs dang 'brel ba'i dge blo ma bor tsam du
yod mus lags/ mtshams su zhing rdul bye ba snyed kyi grangs dang
mnyam pa'i yid sprul gyi lha phyag sngon 'gro'i sgo nas gsol ba
rtse gcig tu

'debs pa'i snying por/ sa rtol ljon pa'i khams dang 'grogs pa'i
gnam lo'i rgyal mo gsar du bzhad pa'i dgyes ston skabs gsum bdag
po'i dpal 'byor zol du byed pa'i mdun sar rten cing 'brel 'byung

gi sa rga mi 'chol ba dang/ lhag don mgon po mchog zhe dgu'i
dgung skeg tu phebs par tshul bstan sku bgegs kyi mtshan ma phra
mo tsam mi bzhes par rlabs chen thugs bzhed ci mchis bde blag tu
'grub pa

@247a @#/ /bcas kyi gsol ba 'debs pa'i slad du rab dkar lha rdzas
srid na ring bas thog drangs/ bdag gzhan skye 'phags yongs kyi
lus longs spyod dang dus gsum dge tshogs ci mchis

tshom bur bkod pa'i zhing khams rgya mtsho'i dod 'bul bcas bcos
min dad gsum 'dun pa drag pos phul ba lags na/ bdag la bsod nams
kyi bgo bsha' chen po thob pa'i slad du dgyes bzhes brtse ba

chen pos gzigs te gnam 'og sa steng gi bstan pa yongs rdzogs
dang/ 'gro ba'i bde skyid bcas gang nyid sku tshe ^ zhabs zung
yun du brtan pa kho na la rag lus pa lung rigs du mas mngon sum
du grub pa

ma zad/ byis pa rmongs pa rnams kyi spyod yul du'ang thun mong
du gyur gshis/ snyigs mar spyod pa'i gdul bya'i brlang spyod ji
tsam bdo pa de bzhin du thugs bskyed kyi go cha bla lhag tu
bzhes te ^ zhabs pad

bskal pa rab 'byams su brtan pa'i rdo rje'i bka' bzhes zab mo
bde chen 'khor lo'i rgyan mchog dam par smin stsol brtse ba chen
pos gzigs pa mkhyaien/ mkhyaien/ mkhyaien/ zhes gsol brtse gcig
tu

'debs pa lags/ zhes 'khod pa bcas gus pa chen pos dgyes 'bul
mdzad cing/ snga gong zhig nas bzung lo lnga rting phal cher
zhig tu de ltar dgung gsar gyi legs 'bul spyi mtshungs bzhin ster

@247b chags su gnang/ tshes gsum nyin/ ser smad mkhan rin po che/
stod pa mkhan po/ de mo mchog sprul rin po che/ ser smad las sne
byings sogs ser skya shin tu mang bar mjal kha/ ja gral/ bzhes
gro 'degs

pa bcas sngar rgyun ltar gnang/ tshes bzhi nyin/ 'bras spungs
gtsang pa mkhan chen/ tshe mchog gling gnas bla sprul sku/ ram pa
sras sku zhabs/ tsha rdor phyag mdzod/ pags mthong zhabs gras/
byams

smon pa/ rong po tshes mdzad sogs la mjal kha dang/ gsung 'phros
lhod 'gol du stsal/ tshes lnga nyin/ sku ngo tA zur byams pa
'jigs med rnam grol nas brtan bzhugs 'bul bzhes dang 'brel

bar gzim chung dkyil rnam rgyal zil gnon gyi zhal gror/ tshogs pa
dge 'dun bcu bdun bcas kyis bla mchod kyi cho ga tshogs kyi 'khor
lo dang bcas pa gzab rgyas dang/ tA zur nas 'bul dngul spam
mthob/

cho ga gra rnams la sku yon gzab 'bul bcas zhus/ 'di skabs su
gsung las/ snga dro rgyal chen sku gsol chos skyong chen po nas
rten gsum stsal/ brtan bzhugs maNDal skabs kyang khyug tsam
phebs

pa bcas shin tu bka' drin che zhes gsungs snang/ gzhan yang zhol
khang shar chos sprul sku rin po che dang/ sku ngo dga' byang
sogs la ngos mjal gnang/ sle lung rje drung mchog sprul phebs
par

@248a @#/ /yar yang rten gsum sogs 'bul gnang mdzad/ tshes drug
nyin/ gzungs 'bul mdzad rgyu'i bum brdzong gnang/ mjal kha zhu
mi ser skya phal dkyus mang tsam re nyin bstar gyis

zam mi chad par 'ongs par so so'i snying la 'phrod cing/ gtan
bde'i sa bon bskrun pa'i mjal kha/ phyag dbang/ gsung byin/ slob
ston sogs rgyun mar gnang ba phal cher spyir btang gi dbang du
byas te yi ge'i

spros pa bskyungs/ tshes bdun nyin/ skyabs mchog dwags po bla ma
rin po che'i dgongs rdzogs kyi sku mchod 'bul gnang mdzad rgyur
chu bzang ri khrod du phyag phebs/ chog grwa smad rgyud kyi
dwags po rab 'byams pa bcu

bcas zab lam bla ma mchod pa'i cho ga'i sgo nas mchod sprin sna
lnga dang/ tshogs kyi 'khor lo so so nas brgya tshar re dngos dag
gzab 'bul thog /rje bla ma de nyid kyi zab mo'i thugs dgongs ci
mchis yongs

su rdzogs pa'i thugs smon bden tshig gi mtshams sbyor yang dag par
gnang zhing/ chog grwa ba'i sku yon sogs kyang sngar las mi dman
pa bstar/ tshes brgyad nyin/ dzi dkar gyi bum sgrub gnang zhing/
'di'i

nyin snga rting la byams pa'i zhal gser gyi rgyu grang gser phon
che ba spus nyos mdzad rgyu'i zhal ta gnang/ tshes dgu nyin/ rje
bla ma mchog gis dbus/ chog zhabs pa rdo rje 'dzin pa blo bzang
bsam 'grub rin

@248b po che dang/ ser pa slob zur bcas nas dpal mgon zhal gyi
bum sgrub dang/ tshes bcu'i nyin/ mgon dkar dang rnam sras kyi
bum sgrub/ phyi dror tshes bcu'i tshogs ston bcas mdzad/ tshes bcu
gcig /bcu gnyis/

bcu gsum bcas la/ 'du khang du gzungs sgrub dang/ tshes bcu bzhi
nyin/ rdor 'dzin blo bzang bsam 'grub rin po cher rwa pod kha
skong gi ljags lung stsal/ 'di nyin nags shod stag phu rdo rje
'chang gi phyag bris

phebs khar dbu gtugs byin rlabs zhu ba sogs mdzad/ tshes bco
lnga'i dus chen nyin/ 'phar du theg chen gso sbyong gi sdom pa
bzhes/ 'di nyin bal po'i chos lags nas zhabs pad yun du gnas
pa'i brtan

bzhugs 'bul rgyur/ 'du khang du brgya mchod/ tshogs brgya sogs
rgyas gshoms bcas bla ma mchod pa'i cho ga dang 'bral bar brtan
bzhugs zab 'bul zhus/ dgong mor zla 'dzin skabs mchod sprin
rgyas spros

kyis sbyor chos gsung cho ga dang/ bstan 'gro'i phan pa de rgyas
pa'i thugs smon rgya cher mdzad/ tshes bcu drug nyin/ shel dkar
ba'i 'grul pa 'byor gdong shel chos bkras bde mchog sprul rin po
che'i phyag bris

sogs phul bar spyan ras kyis dgyes par btsas shing/ stag pu rdo
rje 'chang gi phyag bris zhu lan kyang nang lhugs su 'bul gnang
mdzad/ tshes nyer bdun nyin/ tshe gling gnas bla sprul sku dang/
'bras spungs gtsang

@249a @#/ /pa dge skos sogs mjal 'phrad mdzad/ tshes bco brgyad
nyin/ e pa klog chos sde'i chos rje/ 'jog ri phyag mdzod/ bshad
zur lha lcam sogs la mjal kha ltod 'gol dang/ dga'

ldan pa'i grwa sogs zhu mi brgyad la nA ro mkha' dpyos ma'i
dbang bka' gnang du smin par stsal/ tshes bcu dgu la/ skyabs rje
gang rgya bla ma rin po che ngag dbang byang chub tshul khrims
dpal bzang po'i drung nas ser srung

rdo rje'i gur khang ngam/ ser pod ces pa zab gnad can gyi ljags
lung gsan rgyur snga gong nas snyan gsan yang yang 'bul bzhes
bskyangs pa ltar 'di nyin bkras chos gdan sar phyag phebs par/
rje bla ma rdo rje 'chang nyid

nas phebs bsu/ spos sne sogs bcas gzim chung rnam rgyal zil gnon
du gdan drangs te mjal dar/ bzhes gro/ rten gsum/ slar yang
ljags lung snyan gsan gyi mjal dar bcas 'bul gnang mdzad/ brag

mgo sked tshang bla mas zhus ngor dpal mgon zhal bsnyen dus kyi
rjes gnang stsal zhing/ mdo nyo dge slong dge 'dun dar rgyas
sogs mjal mi mang po la dgyes pa'i gsung gis dbugs dbyung ltod
chags par

gnang/ tshes nyi shu nyin/ gang rgya rin po che'i mdun nas rgyal
mchog lnga pa chen po'i dngos slob yar klubs pa ngag dbang rgya
mtsho'i gsung ser srung rdo rje'i gur khang mdzes rgyan bcu gsum
cha lag dang bcas pa'i

@249b ljags lung gsan pa'i dbu tshugs/ 'bras spungs gtsang pa
dang/ nyag re'i dge 'dun/ phag ri ba sogs la mjal kha dang/
phyag mdud gnang/ tshes nyer gcig nyin/ ser pod kyi ljags lung
'phro rdzogs par gsan

cing/ mjug tu maNDala rten gsum/ gtang rag sku yon rnams gzab
'phul mdzad/ e bla ma rin po che phebs pa lhod mjal dang/ gzim
lha sdings pa'i thugs brtag bka' lan sogs kyang gnang/ tshes nyer

gnyis la/ lho rgyud e lha rgya ri ba'i khri chen sogs la mjal
kha stsal/ gang rgya rin po che phebs khar skyabs rten lha reg
dang/ gos rta tshag mngags btags kyi sku 'gag sogs kyi 'bul ba
dang/ gus 'dud

phebs skyel sogs kyang legs par gnang/ tshes nyer gsum chad pa'i
nyer bzhi/ nyer lnga/ nyer drug /nyer bdun rnams su gzim spom
mda'i rim gror nyin dang por bskang gso dang/ nyin rjes ma gsum
la dgra

sri'i sgrub mnan rtags thon du bskyang/ 'di'i nyin sngon rjes
dag tu/ brag g.yab nyag re'i dge 'dun sogs dang/ g.yul sgang
pa/ e bla'i zhabs gras/ spom drung/ tre bo phyag mdzod/ mtsho
sna ba dang/ mon pa

sogs shin tu mang bar mjal kha/ gsung gleng sogs thabs kyis spel
bas rnam par dkar ba'i phyogs la blo 'dun par mdzad/ 'phar du
gong tshes nyer bzhi la gnas bcu'i sku brnyan rten rnying gi
gzungs nyams

@250a @#/ /gso'i dbu 'dzugs rgyu dang/ tshes nyer drug nyin/ rgyal
tshab byams pa mgon po'i snang brnyan thog brtsegs gnyis tsam yod
pa gser zengs kyis gsar bskrun bskyang rgyu'i sku gzugs

phebs par rten 'byung gi mjal dar sgron 'bul/ de'i spyan sngar
dkar spro/ mchod sprin/ rgyal bstan rgyas pa'i thugs smon bden
byin sogs rgya cher spro bar mdzad/ tshes nyer brgyad la/ /spom
mda'i zhabs

rim gyi gtang rag tshogs 'khor sogs dang/ yi dam 'khor lo sdom
pa'i sku brnyan gsar phebs la rje nyid nas phebs bsu spos sne/
rab gnas rta thog mar bcas gnang zhing/ yi dam gyi sku gdan zhu
ba

dang/ rab gnas tshog grwa ba rnams la dngul dar bcas kyi sku yon
zab pa/ ri bo bde chen ba sogs la mjal kha bcas gnang/ tshes nyer
dgu nyin/ sog po sogs zhu mi dang 'dus pa mang tsam zhig la paN
chen

na bza' pa'i be'u bum cha tshang dang/ brag mgo sked tshang rin po
ches zhus ngor dpal mgon gdong bzhi pa'i chos skor gyi ljags
lung tshugs/ rme ru smon grong btsan khang sku zhabs/ gtsang pa/
lho kha ba sogs

mjal mi mang ba 'byor/ gnam gang nyin/ sog po sogs la pe'u bum
lung 'phros dang/ dbyangs can lha mo'i rjes gnang stsal zhing/
'bras sgo mang khang gsar mchog sprul rin po che dang/ 'ol yug

@250b sdings gzhis kyi jo lags tshe dbang/ bal po chos lags sogs
mchog dman du mar dgyes pa'i zhal bzang bstan cing/ gsung sgo
mchog tu 'phel/ hor zla gnyis pa'i tshes gcig nyin/ spom mda'
sbyin bdag

nyi ma rgyal mtshan sogs spom mda'i mi ngo yongs rdzogs la grub
rgyal lugs kyi tshe dbang gnang/ spom mda' dang/ gtsang pa phyag
zur/ de la phyag mdzod/ 'ol yug sdings gzhis pa/ jo lags tshe
ring dbang phyug

bcas nas rten dod/ sku yon dang/ 'bul tshan rgya cher btegs
shing/ phar yang mjal dar nang mdzod dang/ srung byin sogs yid
tshim par stsal/ cha 'phrin pa'i 'grul mi bcu skor sogs mjal kha
ba rnams

la gsung 'phros/ ja gral/ de dag zin nas gnas bcu'i sku brnyan
rnams la bzang gos kyi na bza' sogs gsar 'bul gnang ste mchod
gshom gyi dra mig gong 'og g.yas g.yon rnams su rim par gdan

drangs nas bzhugs su gsol/ tshes gnyis nyin/ cha 'phrin pa dang/
'od yug a lce lags sogs mjal mi mang po'i 'dod bstun gyi bka'
slob stsal zhing/ 'di'i skabs snga phyi rnams su byams sku'i

prog zhus mtshon pa'i sku rgyan sogs gsar bskrun mdzad rgyu'i gla
rngan gyi rgyu 'gro mod mi dma' ba stsal te bzo bo yon gyis mgu
bar mdzad/ tshes gsum nyin/ lA ba mgar thar mchog sprul dang/
gong dkar smon

@251a @#/ /grong lcam chung sogs la mjal kha dang/ jo lags tshe
dbang la phebs rdzongs sogs stsal/ dgong mor chos skyong rgyal
chen gyi zla bskang rgyas par gnang zhing/ chog zhabs pa bzhi
grwa/

la sku yon sogs 'char can bstar/ tshes bzhi nyin/ tre bo skyabs
mgon dang/ de mo rin po che sogs phebs par lhod mjal thog
/skyabs rje stag zag rin po che nas lha dar a she dang/ rten
dod sogs 'bul bskur

gnang ba dgyes bzhes mdzad/ sngags grwa sogs chos zhu pa mang
tsam la bde mchog gi sngags btu'i rjes gnang stsal/ tshes lnga
nyin/ chos zhu ba rnams la 'dod chos ljags lung kha yar gnang/
yer pa

dge bshes dbang rgyal lags nas ar po'i zhal 'debs sogs phul/
tshes drug nyin/ chos zhu bar dpal gsang ba 'dus pa'i sngags
btu'i rjes gnang dang/ rdor sems kyi rjes gnang bcas stsal/
rgyal

dod khams tshan nas zhus ngor g.yang rdzas gnad che ba 'ga'
zhig gnang/ sngon du mdo spyi bka' blon bla ma byams pa bstan
dar mchog la rje btsun ma pham pa'i sku brnyan gsar bskrun
bskyang rgyur bkas mngags pa

bzhin nye sngon sku brnyan cha tshang ba legs grub thog /ru yig
dang bsgrags te bzhugs sgam khag bcas phyag rgya ma nyams par
'byor bar lan gyi gsung shog 'bul gnang mdzad pa ni/ gangs can
phan bde'i sgo brgya srung

@251b ba'i rtsa lag gcig pu/ sa chen po chos bzhin skyong ba'i
mi dbang bka' drin mtshungs med dpal sa skyong bla ma mchog gi
bzhabs sen phyogs las rnam par rgyal ba'i khri drung du/ yid
rtse gcig pa'i dam tshig gi mdud

snying dbus su bcings te zhu gsol/ deng rdzogs ldan gzhon nu'i
lang tsho rnam par bdo ba'i dus kyi char yang/ dge legs bdud
rtsi'i dpal yon 'bum du 'khyil ba'i khams kyi snying po/ stobs
kyi 'khor los

bsgyur ba'i yon tan rin po che'i rdul mang gcig tu spungs pa'i
gang sku'i lhun po/ sa dum bu bcu gnyis kyi khyon las rnam par
rgyal ba'i sde bzhi'i dbu rmog btsan po'i bang rim bla nas
blar mtho zhing/ chos srid nyi zla'i

rna cha zung du g.yo ba'i bka' rtags 'od zer gyi rtse dgas sa
gzhi bar snang dang bcas pa bde skyid kyi snang ba dkar po la
'god pa'i bka' drin chen po rjes su skyong bzhin 'tsho zhing
gzhes pa mi spyi sger yongs la bka' drin

gyi phung po bla na med par thob/ 'di na bdag kyang bla ma
mchog gsum gyi byin mthus 'tsho khams bde zhing rang dgos bshad
sgrub bstan pa'i zhabs 'degs kyi gzugs brnyan lhag bsam gyi
khur du lci zhing gnas lags/

mtshams su zhu gsol/ sngon gyi dus ring mo zhig nas bzang po'i
las kyi 'brel pa lu gu rgyud du bcings pa'i rten 'byung gi
mthu gzhan dang mi mnyam pas mi dbang chen po gang nas rtag
par brtse ba'i spyan ras kyis bskyangs

@252a @#/ /pa'i bka' drin rab dang phul gyis 'tsho bar ma zad/
nye lam bka'i pho nya ba ched gnang gdong snying la sim pa'i
dpal yon 'bum du 'gyed pa'i bka' glegs dbyangs kyi rgyal mo/

lha reg nang mdzod kyis klubs pa rin chen dang po'i srang gi
phur ma dang bcas pa/ lhag par bdag nyid kyis ring mo'i dus
dag nas spyi bye'i 'phral yun gyi legs smon rlabs po che'i
slad du rje btsun ma pham pa'i

snang brnyan 'di lta bu zhig 'grub na ci ma rung snyam du nyin
mtshan smon pa'i khur du lci yang/ bya ba las kyi 'du 'god ji
bzhin sgrub pa'i nus pa dman pas smon pa'i yul tsam las lag tu
ma lon pa/ deng 'ding

mi dbang sa yi tshangs pa chen po gang nyid kyi thugs rje tshad
med pa'i bka' drin kho nar brten bdag nyid nas 'bad rtsol bkod
mngags kyi 'du byed phra mo tsam la yang ma ltos par ji ltar
yid la re pa ltar gyi snang

brnyan rin po che lha'i bzo bos bskrun pa lta bu bzo bkod rgyu
tshogs yul du phyin pa bzhugs khri rgyab yol khri drug 'gyogs
dang bcas pa/ phebs lam du yang 'gal rkyen phra mos kyang ma
gos par 'di zla'i tshes

nyer drug nyin phebs par rten 'brel gyi khyad de 'phral sgam
gcig zhal kha phye bar dang po nyid du phyag g.yas pa kho
bo'i lag tu son pa bcas ji skad du/ de tshe rgyal ba byams pa
rab tu dgyes/ /phyag g.yas bdag gi

@252b mgo la bzhag bzhin du/ /zhes sogs kyi don ltar sgo gang
nas kyang ma bsgrigs lhun grub kyi rten 'byung khyad par du
'phags shing/ de rjes mi ring bar ri khrod du lam tsam sgrig
gshom dang 'brel rtsis len zhus par rdib zhom lhu

gyar phra mo tsam yang med par dkar chag nang gsal ltar nyams
med spyi son byung ba bka' drin gzhal dka'i gnas su gyur cing/
rgyu 'gro dang bzo ba'i gla lto sogs gang yang 'bul ma dgos
pa'i gsol ras dgyes stsal

yin tshul phebs pa 'di lta bu ni zhu nus bral bar rang gi tshogs
gnyis rdzogs pa'i phyir 'khos ka gang yod nas rgyu 'gro ci
lcogs shig 'bul chog pa nas/ ji skad du/ byams pa'i sku gzugs
phul byung bzhengs pal//

zhes sogs dang/ rgyud las/ gang phyir phyogs bcu'i sangs rgyas
dang/ /byang chub sems dpa'i bsod nams pas/ /slob dpon ba
spu'i khung gcig mchog /ces sogs gsungs pa ltar gyi de bzhin
gshegs pa'i snang

brnyan bzhengs pa'i bsod nams rlabs po che dang/ dge ba'i
bshes gnyen la mthun 'gyur bsgrubs pa'i phan yon gnyis ldan
sogs kyi dgos pa du ma'i dgongs bzhed bla na med pa yongs su
skong pha dang/ bka' drin gyi

cha shas phra mo tsam bsab ched snga 'phros 'di nas cha lam
phyed thob tsam gyi rgyu yon dngul 'bor tho gsal bzhin zur
phul thog /lha reg srid du ring ba nang mdzod dang/ 'di kha'i
nang rten khyad 'phags 'dod don thams cad yid

@253a @#/ /bzhin 'bad med stsal pa'i rje btsun sgrol ma'i snang
brnyan rgya gar shar li las grub la ye shes dngos bzhugs lta
bu 'di nyid mi dbang chen po gang gi bzhed don gang ci 'bad
med du 'grub

pa'i thugs dam gyi rten du gshegs su gsol ba lags na/ na bza'
sku rgyan sogs dkar chag zur gsal ltar dgyes bzhes nas/ rgyun
gtan phebs bzhugs gang sar gdan 'dren gsol 'debs kyi rten du
mdzad

gnang yod pa nas/ gtso bo ni/ bla slob tshe rabs 'bral ba med
par dga' ldan gyi zhing du byams mgon sras kyi thu bor
'khrungs pa dang/ nam zhig na rgya gar rdo rje gdan du rnam
'dren lnga pa'i mdzad pas rnam par

rol pa na 'dus pa dang po'i 'khor du grol ba dang/ gnas skabs
su yang gang gi bzhed dgu 'bad med du 'grub pa sogs kyi gsol
'debs ji srid 'tsho bar nar mar zhus chog pa bcas dgyes klong
du rol ba/ byams

sku'i phra rgyan dang/ tsha gser/ gzungs shog sogs kyang lam
tsam go bsgrigs zin par mgyogs thabs sku bzhengs zhu 'dun ci
che yang bzhugs yul lha khang zhig bzhengs bskrun zhu dgos
sogs sa yul 'os

'gab cig gtan ma khel bas phar tsam ma 'gyangs thabs med
kyang/ gzhi nas 7 mi dbang mchog gi bka' drin snying bcang
dang/ rang gzhan tshogs gsog gi rten du phyi bshol yun 'gyangs
su mi 'gyur ba'i

@253b thabs tshul gang zab zhus chog pa/ 'byung 'gyur gyi char
yang/ phyogs de'i 'gro rnams yang dag par srung ba'i dpung
gnyen zla med/ tshangs pa'i blo/ dbang phyug gi yon tan/ sred
med kyi bu'i stobs kyis rnam par brgyan

cing/ chos rgyal mes dpon gyi mdzad pa'i rjes su rtsen pa'i mi
dbang chen po gang gi gsang gsum gyi snying po spyi sgos phan
bde'i rtsa lag gcig pur rdo rje'i lhun po'i spo ltar yun du
brtan pa'i thugs bskyed dang zab bzhes

nam yang mi lhod pa ni zhu gsol gyi gtso bo dang/ bstan pa rin
po che de 'dzin dang bcas pa sri zhu yang dag pas bkur zhing/
chab 'bangs rnams brtse chen gyi grib bsil du bde bar skyong
pa/ khyad par chos phung brgyad khri'i

snying bcud byang chub kyi thugs rin po che kho na thugs dam
gyi mthil du skyong zhing/ mdzad pa'i khyad par dkar nag zhi
drag gi rnam pa gang la yang des zin par mdzad pa dang/ rgyun
du thugs bskyed rgya chen po dang smon pa'i

mtha' btsan pos gtan gyi bzhed don rlabs po che'i sa bon
bskrun par mdzad pa sogs de de bzhin du zab brtse'i dbyings
klong du rol ba nas/ bka'i phebs tshogs zab mo yang yid kyi
bdud rtsir ganggA'i rgyun ltar stsol

ba mkhyen mkhyen mkhyen/ zhes sogs yod pa 'di nyid stsal/ tshes
bdun la/ se rar chibs bskyod gnang rgyu'i zhor du chu bzang
dge slong spyi pa'i g.yang sos su gdan drangs pa ltar g.yang
gsos kyi gsung chog

@254a @#/ /gnad bsnun dang/ g.yang sgrub zhal 'debs lha gos a
she dang/ dngul bcas stsal/ de mo rin po che dang/ mtsho sna
mchog sprul/ ngag dbang rab brtan sogs mjal mi mang tsam la

bar bar du mjal kha dang/ gsung mchid lhod 'gol du gnang/ de
nas chibs bskyod kyis dgong mo se rar rgyal rong khams tshan du
zhabs sor 'khod/ khams tshan dge rgan sogs nas spos sne phebs
bsu sogs

gus mchod lhur len zhus/ rje nyid ngos phebs kyis g.yang sgam
la nyams zhib gzigs rtog mdzad/ tshes brgyad la/ khams tshan gyi
g.yang sgrub nyin dang po/ rnam sras khang bzang gi 'gro song
dang/ bzhengs yon/

g.yang rdzas zhal 'debs bcas gya nom pa dang/ ser skya drag
zhan mjal mi khyon che byung par mjal kha/ phyag mdud sogs
stsal/ phyi dror chog grwa bcas g.yang sgrub kyi chog sbyor
dngos mjug gtsang lhod 'gol

du gnang/ 'di nub mtshan lam du/ rgya mis 'ded pa dang byams
skur 'dzegs pa sogs mang tsam rmis gsungs/ tshes dgu la/ khams
tshan gyi bum sgrub nyin gnyis pa/ snga dror sog po thang sag
sprul sku dang/ sku ngo

dga' byang/ spom mda'i drung/ de la phyag sogs mjal mi mang/
a ra khams tshan du zhal 'debs kyang stsal/ phyi dror g.yang
chog snga nyin ltar/ tshes dgu phyi mar/ g.yang chog nyin gsum
pa/ sked chong phyag mdzod

@254b gdong sdings drung che nas skyabs rten sogs dang/ ring
mtha'i zhu yig 'bul rgyu/ sku ngo dga' byang nas yig rigs sogs
phul ba bcas la gzigs zhib bskyangs/ de nas g.yang chog gzhan
snga nyin ltar la/ rab gsal

du khri sprul/ grwa tshang dbu mdzad/ rgan zur/ dge gnyer/ sku
tshab bcas g.yang gral tshugs shing/ gcung pa chos 'khor sprul
skur g.yang gral sar mjal kha dang/ de nas g.yang sgo bsngam
pa/ mjug chog rnams

spyi ltar gnang/ tshes bcu la/ sngags sde bslab gsum dang/ gro
tshong pa/ smon gling sku 'bring/ bar shag nyi ma/ rgya ri'i
zhabs gras/ yar klungs pa sogs mjal mi shin tu mang bar

mjal kha dang/ 'di nyin khri bla'i bum sgrub bcas mdzad/ tshes
bcu gcig la/ ser smad bla brang gi gsol tshigs su gdan drangs/
mkhan rin po che nas maNDal rten gsum 'degs pa sogs gus mchod
che ba zhus/

bar du sku ngo bka' zur dang/ gzhi sde'i spyi mi lags sogs la
lhod mjal gnang ste/ 'di nub bkras chos ri khrod du yar chibs
sor 'khod/ tshes bcu gnyis nyin/ chu shur phreng gdong sku ngo
rnams la grub rgyal

lugs kyi tshe dbang/ tre bo skyabs mgon dang/ mtsho sna mchog
sprul/ bshad gling mkhan zur sogs la mjal kha gnang/ tshes bcu
gsum nyin/ chu bzang ri khrod du phebs/ tre po skyabs mgon nas
gsol ba btab

@255a @#/ /'brel chu bzang chos rar khri byang dang/ brag ri
sogs bla sprul dang/ 'dus pa gzhan sum cu skor bcas la snar
thang brgya rtsa'i rjes gnang stsol rgyu'i dbu tshugs/ tshes bcu
bzhi la/ snga drol snar thang brgya

rtsa'i rjes gnang khag bcu gnyis gnang zhing/ ser smad mkhan
rin po cher maNDal bshad pa'i deb dang/ shog dril gsum 'bul
gnang mdzad/ phyi dror 'du khang du dus 'brel gso sbyong lhod
'gol bu gnang/ chos

bco lnga la/ snar thang rjes gnang bco lnga dang/ tshes bcu
drug nyin/ snar thang rjes gnang lnga dang/ grub chen brgyad
cu'i rjes gnang gras nas nyi shu bcas stsal/ ri bin thub bstan
rgyal mtshan nas skyabs rten bzang gos

sogs phul ba 'byor/ tshes bcu bdun chad pa'i bco brgyad la/
grub chen gyi rjes gnang so gsum dang/ sgrub khang chos mdzad
lags sogs la mjal kha gnang/ tshes bcu dgu la grub chen gyi
rjes gnang so gnyis

dang/ lho brag snyan brgyud kyi rjes gnang cha tshang bcas
stsal te gsung chos grol/ tre bo skyabs mgon tshang nas sku yon
gzab 'bul dang/ spang drung de nyid kyi shul mi nas 'bum pod
yongs rdzogs bcas phul/ chos

nyer gcig nyin/ ^gong sa rin po che'i mdun du bka' chos kyi
yon phud 'bul bar ched gtong mdzad/ chu bzang gzim shag tu
rtse nya rin po cher lam rim bde lam gyi lung 'khrid gnang
rgyu'i dbu tshugs/ 'di nub chos

@255b gling du yar phebs/ tshes nyer gnyis la/ snga dror rtse
nya rin po cher bde lam gyi bka' khrid dang/ phyi dror spom
mda'i rgyal chen srung bskang/ bar gseng du gsung rab gling
rin po che dang/ ser sngags mkhan zur phyag mdzod

sogs mjal mi mang bar mjal kha bcas gnang/ tshes nyer gsum la/
lho rgyud e khul klog chos sde'i shugs ldan sku rten pa dge
slong byang chub rdo rje sogs la mjal kha dang/ ljags lung
'ga' re gnang/ tshes nyer

bzhi nyin/ brag ri mchog sprul rin po che dang/ klog chos rje
sogs zhu mi nyer lnga la rta mgrin gsang sgrub kyi dbang chen
stsol rgyu'i sgrub chog /sta gon bcas gnad du smin pa dang/
'od zer phyag mdzod la rta phyag gi rjes gnang

bcas stsal/ tshes nyer lnga nyin/ gsang sgrub dbang chen dngos
gzhi dang/ dgong mor 'char can gyi mar ngo'i tshes bcu'i tshogs
ston bcas gnang/ tshes nyer drug nyin/ gsol dpon kun dga' rnam
rgyal sogs zhu mi

nyi shu lam gcig grub rgyal lugs kyi tshe dbang dang/ yo rob
kyi sog po bdun sogs la dga' ldan lha brgya ma'i 'pho khrid
dmigs brtse ma 'bum gyi bka' rgya can/ klog chos rjer lcam
sring 'khor mang gi rjes gnang dang/

rgyal po sku lnga'i srog gtad/ smad rgyud pa'i dge bshes sogs
la rgyal dbang bskal bzang gsung smyung gnas kyi cho ga dang/
de'i smon shis kyi ljags lung bcas stsal zhing/ 'di nyin rgyal
ba byams pa'i sku brnyan gyi gzungs 
@256a @#/ /sgrig kyang grub par mdzad/ tshes nyer bdun la/ klog
chos rjer snga ma'i ljags lung gi 'phrobs pa dang/ des zhus ngor
rgyal mkhan chen grags pa rgyal mtshan gyi gsung rtam grin gsang
sgrub

kyi dbang chog nor bu'i 'phreng ba'i par byang smon tshig kyang
gsung rtsom mdzod/ bkras khang chang khyim pa'i sprul sku zhig
nas lam rim bde lam gyi rgyugs phul bar dgyes mnyes kyis legs
se'i mjal dar dang/

gnang cha yang stsal/ dge bshes ngag dbang dpal ldan mdun nags
shod stag phu rdo rje 'chang chen por 'bul rgyu'i zhu yig rten
dang bcas pa'ang gnang/ 'di nyin gzim 'og rdo rje 'chang byon pa
rje bla ma mchog

nas phu dud bla na med pas gzim chung du gdan drangs te rten
gsum dang mjal dar sogs phar 'bul tshur 'bul mdzad nas/ bzhugs
stan la lhod phebs shing dgyes pa'i gsung gleng 'phel/ tshes nyer
brgyad nyin

snga dror bla ma yab sras lhan bzhugs dang/ phyi dror gzim 'og
rin po che lha sar phebs/ tshes nyer dgu nyin/ zhol khang shar pa
sprul sku rin po che sogs la mjal kha gnang/ spang lung mtshams
pa lags

nas gsol ba btab pa bzhin gdan sa gong rtag brtan du phebs te/
zhabs zung rdo rje'i rang bzhin du 'tsho zhing gzhes pa'i brtan
bzhugs 'bul bzhes kyi bka' drin bskyangs/ gnam gang nyin bkra
shis chos

@256b gling gi gtsug lag khang du dge 'dun tshogs pa dang lhan
cig par dus 'brel gyi gso spyong gnang/ hor zla gsum pa'i tshes
gcig la/ 'phags ma gdugs dkar mo can gyi sgo nas rgyal mtshan
sgrub chog dang/

bal po guN slurya lnga pa'i lam du song ba'i bsngo rten 'bul mi
'byor bar de nyid srid pa par ma do'i 'khrul snang gi rgya las
nye bar grol zhing/ phyi ma'i gnas ngan mtha' dag las thar te/
'byor bcu'i rten bzang bar ma/

chad par sgrib gnyis kyi g.yul las rgyal ba'i sa mngon du byed
pa'i thugs dmigs dang/ ljags bsngo'i mtshams sbyor zab cing 'dril
ba/ snod ldan gyi slob tshogs nyung shas shig la 'jam dbyangs zhi
khro sbrags

sgrub kyi zab khrid bcas gnang/ chos gnyis snga bar/ srog rlung
gi gcong can nad pa nyam thag zhig gi don du pha bong khar byon
te/ ma ning ha 'don gyi ljags lung dang phyag khrid ches zab par
stsal/ snga sor nas snyam

gsan 'bul gnang ltar bkras chos su skyabs rje gzim 'og rin po
che phebs par/ phebs bsu sogs sngar mus bzhin nas/ gsung 'phros
sogs kyang lhod dal du zhu ba mdzad cing/ phyi dror rgyal mtshan
sgrub chog /

snga nyin ltar gnang/ tshes gsum la/ gzim 'og rin po che nas dpal
mgon zhal bzhi pa'i gsung chog bskang ba nyin gsum gnang rgyu'i
nyin dang po tshugs/ rdo rje 'chang chen po nyid nas nyug gi grwa
pa 'ga' zhig

@257a @#/ /la dga' ldan lha brgya ma'i zab khrid gnang du khel ba
dang/ rgyal mtshan sgrub chog sngar ltar/ tshogs phebs/ dpal mgon
gsung bskang nyin gnyis pa/ 'di nyin brag ri mchog sprul

rin po che phebs par lhod mjal dang/ gzim bkras khang chos drung
dang lcam/ grong sar lcam sogs la mjal kha/ ^gong sa mchog gi
skyabs lan rin po che phebs par sku bzhengs/ dbu gtugs/ byin

rlabs zhu ba bcas mdzad cing/ phyi dror rgyal mtshan sgrub mchog
kyang gnang/ tshes lnga la/ gzim 'og rin po ches gsung bskang
nyin gsum pa dang/ rje nyid nas rgyal mtshan sgrub chog nyin lnga
pa legs par

grub ste/ gzim 'og rin po cher sku yon sogs spam mi dma' ba
dang/ phebs khar slar yang rten gsum 'bul bzhes dang/ phebs
skyel zhu ba sogs rten 'byung gi sgo ma 'chol ba mdzad cing/
dgong

mor chu bzang ri khrod du phebs/ tshes drug nyin de nas chibs
bskyod kyis mar lam rtse pho brang chen po'i 'dabs zhol/ gzim
bkras khang du zhabs kyis bcags te de ga'i sku ngo lhan 'dzoms
la byad grol

dang/ tshe dbang bcas gnang/ de nas shar phebs kyis lha sar rdo
ring dga' bzhi ba'i gzim shag tu zhabs sor 'khod/ der khri byang
mchog sprul rin po che dang/ tre bo skyabs mgon sogs phebs par

@257b lhod mjal gnang/ tshes bdun la/ skyabs rje stag brag rdo
rje 'chang phebs par gus 'dud lhag par du che ba mdzad de yab
sras phan tshun thugs dgyes pa'i bka' mchid shas cher 'phel/ sked
tshang mchog sprul

rin po che/ spom mda'i rgya nag tshong dpon/ kun rtse sba yer
lcam sogs la mjal kha/ bsam yas mkhan chos la grib sel/ gzim rdo
ring gi bsrung ba lnga'i cho ga nyin dang po bcas gnang/ tshes
brgyad nyin/

sog po a lag sha ho thog thu/ lding mkhar mkhan drung/ dwags
b+hruM rje btsun ma/ yer pa mkhan zur sogs la mjal kha lhod 'gol/
sog po chos grags la sems bskyed bka' rgya ma'i khrid bcas stsal

zhing/ bsrung ba lha lnga'i cho ga snga nyin ltar/ tshes dgu la/
bsrung ba lnga'i cho ga nyin tha ma dang/ chab mdo nas brag
g.yab bla ma rtogs ldan rin po ches zhu yig /'bul dngos sogs
bstar bar gzigs zhib

bskyangs/ nub mor mkhan chos la grib sel gnang/ chos bcu nyin/
la mo mkhan chos sogs la mjal kha dang/ tre bo skyabs mgon la
phebs rdzong stsal ba/ rdo ring gi g.yang sgrub nyin dang po
bcas/ tshes

bcu gcig la g.yang sgrub nyin gnyis pa/ 'bras bka' 'gyur bla ma
rin po che blo bzang don ldan pa dang/ a lag sha ho thog thu/
lcogs steng bka' zur/ bzhi sde smyung gnas sprul sku sogs la
mjal kha gnang/

@258a @#/ /^gong sa mchog gi sku'i tshe sgrub rnam rgyal ma'i sgo
nas gnad rgyu'i mjal dar/ dod sgril bcas stsal ba phebs/ tshes
bcu gnyis nyin/ gtsug tor rnam par rgyal ma'i sgo nas ^gong

sa skyabs mgon chen po'i sku'i tshe sgrub kyi bsgom bzlas zab
smin bskyang rgyur/ nyin rer ljags bzlas rnam rgyal ma'i snying
po stong rtsa re bcas gnang rgyu'i dbu tshugs/ chos 'khor rgyal
mkhan po dang/ dge

bshes ngag dbang/ yul lha'i lcam chung sogs mjal mi ha cang mang
bar mjal kha dang/ mkhan chos la grib sel/ g.yang chog nyin
gsum pa g.yang kha rgya bsdem bcas legs par gnang zhing/

'di nyin rgya ri rdzong rje btsun sku zhabs nas brtan bzhugs kyi
snyan gsan phul/ tshes bcu gsum nyin/ snga dro'i nyams bzhes kyi
skor dang/ ^gong sa mchog gi sku'i tshe sgrub sogs zin mtshams
nas/

gzim shag gi mi ngo dpon 'khor sogs mjal mi rnams la mjal kha/
phyag dbang/ kha btags sogs dang/ legs slob bcas dgyes bzhin
stsal/ de nas chibs thon gyis yar lam chu bzang

ri khrod kyi bla brang gzim shag tu khyug tsam bzhugs shing/ de
nas bkra shis chos gling du phebs te/ gser zangs rgyal mtshan
gsar pa cha gcig legs grub kyis 'du khang sgo mchor gyi steng
g.yas

@258b g.yon du 'di nyin gsar 'dzugs gnang des glo bur du khab
babs pa sogs rten 'brel legs tshogs 'phel ba'i sgo bzang po mngon
par gsal bar gyur/ der rgyal rong khams tshan dang/ de mo mchog
sprul rin po

che/ dge legs sprul sku bcas nas kyang rten 'byung gi mjal dar
'bul gnang mdzad/ grol ston du shing bzo chen mo bar zhwa sbog
dang/ spu phyag gi phyu pa/ gru'u tse mtshal ka'i sked rags/ lha
ma shol rtse/

lha reg nang mdzod/ dngul srang brgya tham pa/ mdzo mo gnyis
bcas dang/ rdo bzo chen mo la nang mdzod dang/ dngul srang lnga
bcu/ zhwa lha ma skyed rags gong mtshungs/ phyu pa tshad phyu ma/
gzhan yang spen bad dbu chung

pa dang/ dbu chung gzhan gnyis/ byings drug/ zangs brdung chen
mo ba/ zangs brdung byings mi lnga/ a lce dang bu gnyis bcas la
so so'i babs bstun gyi gla gsol sogs ngoms shing tshim pa dang/
dge slong

rnams la sku 'gyed zho gsum re dang/ zub she/ lha bsangs ba
gnyis la srang gsum re dang/ a she re bcas stsal/ phyi dror
chos skyong rgyal chen gyi bskang gsol spyi ltar gnang/ tshes bcu
bzhi nyin lhod bzhugs

mdzad cing/ mjal mi 'ga' la mjal kha gnang/ snga zhogs ^gong sa
rin po che'i sku'i tshe sgrub ljags thun gcig gnang ba nyin rjes
ma rnams la'ang 'gre/ tshes bco lnga la/ dus 'brel gyi gso sbyong
gnang par

@259a @#/ /phebs shang/ lA ba sprul sku sogs zhu mi gsum la
bsnyen rdzogs kyi sdom pa stsal/ gzhung sa mchog gi zhabs brtan
mnan pa gnang rgyu'i bka' yig phebs/ bzang mo dbyang skyid/

'das pa'i bsngo rten 'bul mi dang/ 'od sog pa dar ma chos mdzad
sogs la mjal kha gnang/ tshes bcu drug nyin/ lhod bzhugs thog
/bshad sgra ba'i sras dang lha yon sgrol ma sogs la mjal kha/
tshes bcu

bdun la/ bkra shis chos gling nas chu bzang brgyud lha sar chibs
phebs kyis/ lho rigs gsum lha khang du chog zhabs pa rgyud grwa
mang ba bcas gzhung sa'i zhabs brtan mnan sgrub nyin bcu'i ring
gnang rgyu'i nyin dang

po tshugs/ sgrub pa zin mtshams bshad sgra gzim shag tu phebs te/
de ga'i sku ngo rnams dang/ ram pa lha yum/ bshad zur lcam chung
sogs la mjal kha gnang/ tshes bco brgyad la/ mnan sgrub nyin
gnyis

pa/ chos 'khor rgyal gyi dbu mdzad dang/ sku ngo tA bla/ a phe
blo lngan sogs mjal mi mang bar mjal kha gnang/ 'di skabs shig
na/ rdo rje 'chang nyid kyis gnang ba'i nyin deb phyag bris ma'i
zur du/ lam 'phrang

gsum zhes pa/ zhe dgu/ re gcig /don gsum rnams zhes pa dang/
tshogs zhing la zhu dag gnang rgyu'i bsnyel tho 'debs gnang mdzad
'dug pa'i snga ma gsang lung zhig gi don sku'i tshe 'phrang lta
bu yin snyam yang

@259b ji bzhin nges pa ma rnyed la/ phyi ma tshogs zhing zhu dag
dben sa snyan brgyud kyi bla rnal zab lam bla ma mchod pa bde
stong dbyer med ma'i tshogs zhing gi thang bkod snyan brgyud man
ngag lugs de bzhin rdo rje 'chang nyid nas ljags

bkod lan gsum du gnang 'dug na/ 'di skabs kyi de thog ma'i ljags
sgrigs gnang pa'i bla mchod kyi tshogs zhing nyid yin snyam par
blo ldan rnams kyis dpyad mdzod/ tshes bcu dgu la/ mnan sgrub
nyin gsum

pa/ rab gsal jo lags dang/ lho kha'i a lce lags sogs dad ldan
mang por ma'al kha stsal/ gzil lha klu nas zur gsol gyi mchod
sprin spros/ tshes nyi shu la/ mnan sgrub nyin bzhi la/ ram pa
tha'i ji

sogs la mjal kha/ rnam rgyal grwa tshang pa khang chung dkar po'i
sku zhabs nas rta mgrin yang gsang gi sku thang sogs phul/ tshes
nyer gcig chad pa'i nyer gnyis la/ mnan sgrub nyin lnga pa/ spa
dror spyi lcags mi

dpon dang/ tshal sna snge pa/ lcags zam phyag mdzod sogs la lhod
mjal gnang/ 'di'i skabs snga phyi rnams su skyabs mchog dwags po
bla ma rin po che'i 'dra sku dang/ rgyal ba byams pa'i sku
brnyan gsar bzhengs

gnang ba'i bzhugs khang/ shel sgo/ tshon rtsi/ nang gzhug gzungs
kyi skor/ phra rgyan/ grang gser sogs sta gon go sgrig /spus
gzigs nyo sgrub sogs kyi bka' mngags thugs 'khur tshad med pa lta
bu gnang

@260a @#/ /dang gnang bzhin pa dang/ tshes nyer gsum/ nyer bzhi/
nyer lnga bcas su mnan sgrub sngar ltar la/ zung chu a lag sha
sprul pa'i sku dang/ sku ngo yul lha ba sogs la mjal kha/ lha

klu'i lha yum nas gzungs shog bcu deb brgya tham pa dang/ a
lcags tshe dbang lha mo nas byams sku'i phra rgyan tu ma rgad
legs pa dang/ pad rAg rnying ma sor bzhi pa/ g.yu dang/ su gan
d+he sogs phul/ bshad

zur nas gdan drangs pa ltar mar ngo'i tshes bcu'i tshogs ston yang
gzim bshad zur du gnang/ tshes nyer drug nyin/ mnan sgrub snga
nyin ltar dang/ dpal ldan smad rgyud kyi dge 'dun seng gdong
bsnyen mtshams sa

sogs zhu mi lnga bcu skor la seng gdong ma'i bka' dbang dang/
gtor chog gi ljags lung/ 'dzin pa'i sde pa sogs la mjal kha/
tshes nyer bdun mnan sgrub mjug chog nyin snga dro bshad zur gyi
dur glud dang/

'jigs byed kyi bdag 'jug bcas gnang/ bshad drung sogs mjal mi
khyon che bar ja gral/ byin mdud sogs stsal/ dgong ja sprel thog
khyams ra'i them 'og tu dam sri mnan sbas gzab smin bskyangs/

gtang rag dang gzhung nas sku yon sogs spyi ltar dang/ rgyud
pa'i chog grwa pa rnams la rje bla ma nyid nas kyang yon 'phar
rin gnyis 'khor lo re bcas gnang/ sngon dus stag phu'i gsang
lung bzhin du rtag

@260b brtan e gsang phug gi gzim spyil bkod pa khyad par can de
nyid 'debs par mdzad nas thun mong dang thun mong ma yin pa'i
zab lam nyams bzhes yun ring du gnang zhing/ skal ba dang ldan
pa du ma zhig la smin grol

gdams pa'i char chen yang mang du phab/ de nas ring zhig song ba
na/ gdul bya'i 'phrin las kyi 'ur langs pa ltar gyur te nyin re
nas nyin re bzhin mdzad rgya je che dang/ sgrub gnas de yangs
yul gu dog cing/ phebs

lam gyen thur gzar zug che la/ lam srang brag g.yang mang ba
sogs kyis bla slob 'du 'dzoms phebs bzhud mi bde bar brten/ pha
bong kha'i yang dben bkra shis chos gling 'di nyid ser sngags
grwa tshang la slong 'khrol

zhus te bdag gi ra bzhes nas bla brang dang/ dge slong sgrub
sde'i dpen gnas bkod pa phun sum tshogs pa gsar bskrun nyams
gso'i a rang rgyag dang po legs par grub pa'i zhal bsro'i gsung
chos kyi thog mar/

zhol khang shar pa sprul sku rin po ches zhu ba po mdzad de
bkras chos 'du khang du bde mchog lus dkyil gyi dbang chen dang
rim gnyis zab mo'i khrid smin rgyas su stsal skabs zhu mi bla
sprul mang tsam dang/ bsam

sdings rdo rje phag mo ngag dbang blo bzang thub bstan chos kyi
dpal mo sogs bde ba chen po'i myur lam la mos pa'i zhal slob
khyad par can mang po ma pos mgron du 'dus par phun tshogs lnga
ldan gyi sgo nas lam/
@261a @#/ /yongs rdzogs kyi gsung bshad zhib rgyas sngon du 'gro
bas bde mchog dril bu lugs phyi nang gi dkyil 'khor la brten
pa'i smin grol gyi gdams pa zab cing rgya che ba mkha' 'gro'i

zhal rlangs dron mo'i ngad ma yal ba nyin grangs nyer lnga'i yun
tsam gyi ring dgyes bzhin spro bzhin du 'doms par mdzad de/
mthar da res kyi 'di zhu ba po sogs ma bsgrigs lhun grub kyi
rten 'byung mchog tu

legs pa byung zhes rje bla ma nyid nas bka' chos kyi tshogs
su'ang gsungs zhes grags/ de ltar rje bla ma rdo rje 'chang chen
po de nyid kyi nges don gsang ba bsam gyis mi khyab pa'i rnam
thar zab mo dag rang cag so

sgye blo mig rab rib can rnams kyi dbang po'i spyod yul du 'gyur
ba ga la zhig ste/ thun mong gdul bya'i snang ngor gsal bar
bstan pa'i mdzad pa rnams kyang gzu bo'i blos dpyod shes na ri
rab las dbangs mtho/

rgya mtsho las gting zab pa de dag thams cad mdzad pa'i rim pa da
lta bshad ma thag pa 'di lo'i hor zla dang po nas bzung zla pa
gsum ma zin tsam gyi bar rags rim tsam du bkod pa ltar glegs bam
gyi ri mor bskrun

te/ rnam thar gzhan ma mang po'i rigs 'gros kyi yo rgyus/ lung
'dren/ snyan dngags mngon brjod sogs kyi tshigs bcad mang po bcas
rgyas bshad dang don bsdu sogs sum brtsegs bzhi brtsegs kyi lugs

@261b bzhin rgyas par spro na ldeb grangs lnga brgya skor yod
pa'i phod chen gsum lhag tsam pa zhig kyang 'ong nges su 'dug
cing/ de ltar byung na rnam dpyod kyi rtsal phul du gyur pa'i
skal pa dang ldan pa rnams la dad gus kyi spro dga'

khong nas rgyas pa'i dga' ston du 'gyur ba lta ci smos/ de dag
las phyogs tsam zhig yig lam du 'khod na'ang thar 'dod rnams la
dge legs kyi sman yon chen por 'gyur ba gdon mi za yang/ spyi
sgos skye

'gro'i bsod nams kyi rwa ba ral te gang gi mdzad pa'i snying
bcud bdud rtsi'i rdzing chen shas cher zhig pa brgya byin gzhu'i
rjes su nye bar song ba ma zad/ grub mtha' gzhan phyogs pa kha
cig gis/ bla chen 'ga'

zhig gi mdzad rabs lta bu mi'i ming tho dang/ 'bul tshan gyi
grangs tho bkod pa 'dra ba'i rnam thar la snying po med zer
ba'ang byung snang bas/ de lta'i spre'u mig phyid dang rgya mtsho
khron sbal gyi ngang tshul la 'gran pa

dgos pa las dgag bya che bar yang dogs pas/ 'dir ni yongs su
grags pa dgos pa'i dbang du gyur pa'i cha shas tho re ba tsam
zhig dad pa'i gsos su spel ba la zhugs pa yin no/ /yang gnas
mchog der

tor zla lnga pa'i nang bla sprul sogs tshogs pa mang tsam la rje
btsun rdo rje rnal 'byor ma'i be'u bum gyi ljags lung dang/
lcang skya ngag dbang blo bzang chos ldan gyi gsung gsang 'dus
bskyed rdzogs tshig lhug gi ster

@262a @#/ /nas dpal gsang ba 'dus pa'i rim gnyis kyi dmar khrid
bcas stsal/ snga dus 'bras spungs 'phar ra gnyer tshang nas nan
gyis gsol ba btab pa bzhin chos mtshams chon mo'i

skabs chos sde chen po dpal ldan 'bras spungs su chibs kyis
bskyod/ blo gling grwa tshang gi mkhan po/ dbu chos sogs dang/
sbyin bdag bcas nas phebs lam du mtshams zhu'i mjal dar/ phibs
bsu

spos sne sogs rgyas spros kyi gus 'dud lhur blangs pa'i sgo nas
gdan drangs te grwa tshang gi thog steng du zhabs sor 'khod par
de ga'i las sne sogs nas phyag 'bul mjal dar bzhes gro gsol ja
'degs ba

sogs 'bul bzhes bskyangs shing spyi bye'i gsung gleng lhod 'gol
du stsal te tshang ma'i re 'dod yongs su skong ba mdzad/ 'du
khang du bla sprul bka' rams dge bshes sogs 'dus tshogs nyis
stong lnga

brgya tsam la byang chub lam rim chen mo'i bshad khrid zla ba
phyed gsum tsam gyi ring stsal zhing/ mjug tu sems bskyed mchod
pa dang bcas pa rgyas par gnang/ de nas bkras chos ri khrod du
phyir phebs te/

der bla sprul 'ga' dang/ rje drung thub bstan gsung rab sogs
skal ldan gyi tshogs pa mang tsam la dpal 'khor lo sdom pa dril
bu lugs phyi dkyil lha wa'i dbang bzhi zab mo'i rim pa dang/ yan
dril bu lus

@262b dkyil gyi dbang chen/ de'i brgyud pa paN chen chos rgyan
yan spyi ltar la/ de nas bkras lhun sngags chen rdo rje 'dzin pa
dkon mchog rgyal mtshan/ lcang skya ngag dbang chos ldan/ dka'
chen shes rab dar rgyas/ lcang skya

rol pa'i rdo rje/ 'jam bzhad 'jigs med dbang po/ gung thang
bstan pa'i sgron me/ sde khri 'jam dbyangs thub bstan nyi ma/
gung thang dkon mchog bstan pa'i rgya mtsho/ de gnyis ka las chos
dar mchog sprul

blo bzang tshul khrims rgya mtsho/ de nas gung sprul ngag dbang
mkhyen rab dpal ldan bstan pa'i nyi ma/ de la rje nyid kyis gsan
pa dang/ yang na/ rje nas shar pa rin chen rgyal mtshan/ paN chen
bde legs nyi

ma/ mkhas grub nam mkha' rgyal mtshan/ paN chen chos rgyan/ yang
na/ lcang skya ngag chos nas/ 'jam dbyangs bzhad pa'i rdo rje/
khri dge 'dun phun tshogs/ khri ngag dbang chos ldan/ rgyal dbang
bskal

bzang rgya mtsho/ lcang skya rol rdor man gong ltar brgyud pa'i
dbang bzhi'i rim pa smin rgyas dang/ zab lam nA ro chos drug gi
khrid lung 'khrul 'khor gyi phyag khrid dang bcas pa/ gung thang
bstan pa'i sgron me'i

yig cha'i steng nas 'phags yul gyi grub chen brgyad cu rtsa lnga
dang rdo rje 'chang bcas kyi dbang bzhi byin rlabs kyi rim pa/
dpal ldan sa skya ba'i gsang chos gras mchog sgrub pas thun mong
zhar la 'byung ba

@263a @#/ /rje btsun rdo rje rnal 'byor ma nA ro mkha' spyod
dbang mo'i be'u bum yongs su rdzogs pa rnying ma'i bla chen 'od
gsal theg mchog rdo rje dpal bzang pos stsal ba'i rgyun ji lta
bar lung

rgyun yod med sogs gsan yig khungs btsun gzhan mar yang zhib
bsdur dang bcas pa'i bklags lung/ bya rgyud pad+ma'i rigs kyi
bdag po thugs rje chen po bcu gcig zhal dpal mo lugs kyi dbang
chen

bcas legs par stsal/ ser smad gzhung pa lha btsun sprul sku sogs
yul nas yar 'khor te mjal phyag tu phebs par lhod mjal gnang/
tre bo khang gsar skyabs mgon dang/ 'khrungs gsar sprul

sku/ lA ba chu 'go mchog sprul sogs rang yul du phebs khar mjal
phyag dang/ slar yang 'dod chos ci rigs zhus par so so'i bzhed
skong gi zab chos sna tshogs dang/ phebs rdzongs sogs gzang

rgyas stsal te dge ldan bstan 'gror dge ba'i thugs khur legs
mdzad gong 'phel du bskyangs dgos pa'i bka' slob nan du gnang
zhing bul thog mdzod pas zhus ngor tsha ba bul thog khri sprul
blo bzang

'phrin las zhi ba'i dbyings su mnal ba'i yang sprul myur byon
gyi gsol 'debs kyang bka' rtsom mdzad/ khyab bdag stag phu ba
chen po'i gsung shog phebs pa'i zhu lan du/ rab 'byams dkyil
'khor

@263b bya ba'i gtso mchog drug pa rdo rje 'chang drin can bla ma
rgyal ba yan lag bdun ldan gang gi 7 zhabs sen mchog thun 'dod
dgur snyil pa'i khri drung du/ bden stong sgyu ma'i rang gshis
yan lag bdun ldan gyi

dngos por spro ba'i kun tu bzang po'i sgyu 'phrul gyis spun bsus
te bstod cing smra ba'i dbyangs kyi snying por dgongs su gsol
ba/ deng bla na med pa'i byang chen gyi dga' ston skal bzang
legs byas kyi dpal du

'dzum pa'i dus kyi char yang/ kun du rtog pa'i rang bzhin bzhon
pa dang bcas pa gnyug ma'i dbyings su thim pa'i bde chen stong
chen gyi ngo bor ro gcig pa'i don gyi lhan skyes rdo rje sgyu
ma'i gar du sgeg pa'i

kha sbyor yan lag bdun ldan gyi ngo mtshar tha mal brtul zhugs
kyi zol du rol ba'i gsang gsum gyi dkyil 'khor srid zhi'i spyi
nor gcig pur dgyes 'tsho'i dbyings nas/ zab mo rdo rje'i dbyangs
kyi rang

gdangs ka shi'i do rar rtsen pa'i phyag rgya snga phyi gnang
skyes kyis spa ba bcas byin rlabs kyi rten du thob pa bka' drin
bla med du che che/ 'di na bdag cag ngo 'khor kyang mi shigs
dwangs ma'i thig le rags pa'i rnam

'gyur dang ma bral tsam nas ma rig gces 'dzin gyis bris pa'i
srid pa'i ri mo bde sdug sgyu ma'i gar 'cham zhen med rigs pa'i
khye'u chung gi ltad mor 'gugs bzhin gnas lags/ mtshams su zhu
gsol/

@264a @#/ /spyi bye'i skabs dan gyi snyan sgron zur phul ltar
brtse rol nas/ slad mar yang/ bde chen chos kyi sku dang ro gcig
pa'i mtshan dpe'i 'od kyi thig le zung 'jug yan lag bdun lan gyi

nges pa srid pa'i phyi mtha' de srid las mi g.yo ba'i skal
bzang dang/ zhing khams rab 'byams rgya mtshor sprul pa'i bkod pa
mu med du bkye ba'i 'phrin las kyi cha shas su bdag cag snyigs
lnga pa rnams kyang

'tsho ba'i bde legs kyi dga' ston rtag tu skyong bzhin pa nas/
bdag cag ltos bcas la mnyes gshin rjes brtse'i skyabs 'jug bka'
glegs dang bcas pa yang dang yang du stsol ba bcas

dbyings klong zab mor rol ba mkhyaien/ mkhyaien/ mkhyaien/ zhu
'degs lha reg dang/ nam rgyu gos nyid gru ser po kha brgyad bcas
dpen gnas bkra shis chos gling nas gus slob pha bong kha'i skye
ming pas phyag

bcas phul ba'i zhu yig /ces pa 'phral 'bul mdzad/ 'di dus kyi lo
sngon rjes rnams su rje nyid kyis dge bskul gnang ba ltar/ stag
brag rdo rje 'chang dang 'phan yul brag nag mtshams pa dge 'dun

yar 'phel rnam gnyis/ rnam grwa sku zhabs blo bzang 'od zer/
rgyud stod a mdo dge legs dbang phyug sogs dang/ bar khams rong
po skal bzang/ bzhi sde tA zur/ rgyud smad sngags ram pa blo
bzang

@264b mkhas grub bcas nas lam rim dmar khrid myur lam dang/ sems
bskyed bka' rgyam/ paN chen bsod nams grags pa'i gsung gsang
'dus rim gnyis kyi khrid/ lcang skya rol pa'i rdo rjes mdzad
pa'i

dpal 'khor lo sngom ba dril bu lugs lus dkyil gyi bskyed rim
khrid yig bde chen gsal sgron/ paN chen chos rgyan gyi gsung
de'i rdzogs rim gyi khrid/ bde mchog lus dkyil gyi rim gnyis
khrid

dwags po skal bzang mkhas grub kyi gsung/ dga' ldan nag tshang
bstan dar bas mdzad pa'i nA ro chos drug gi khrid yig sogs kyi
pad gsar 'khod mang du byung zhing/ rgyu sbyor ba so so nas zhus
ngor de

dag gi par byang smon tshig kyang bka' rtsom gnad/ slar yang brag
g.yab rtogs ldan 'jam dbyangs blo gros pas chab mdo nas zhu yig
tshegs su bcad pa'i sgo nas gnas tshul zhib 'khod phul ba'i bka'

lan du/ stong nyid snying rje'i snying po rnal 'byor gyi rgyal
po/ /zhes sogs shlau ka nyi shu tsam yod ba zhig kyang stsal/
bkra shis chos gling gi gzim chung rnam rgyal zil gnon du dwags
po skyabs mgon bla ma

dam pa'i 'dra ku rin po rin po chegs ra bzhengs gnang ste/ rje
bla ma mchog nas khur bzhes kyis sku rus la par pa'i bla ma yi
dam lhag lha du ma'i sku par mang po dang/ ring bsrel/ spyi
'gre'i gzungs sogs

@265a @#/ /sgrub 'bul rab gnas dang bcas pa sbyor dngos rjes
gtsang legs bsgrubs thog /de'i drung du rje nyid tshogs dbur
phebs te thog ma'i rten 'byung mchod sprin rgya chen po

yang 'bul gnang mdzad do/ dgung grangs zhe brgyad du phebs pa
shing glang hor zla dang po'i tshes gcig nas nyin 'ga'i ring
dgung gsar gyi dus ston dang/ spyi sger gyi mjal zhu ba ser skya

mchog dman mang por lhod mjal dang/ phyogs mtha' khag gi zhu yig
mang po'i bka' lan sogs kyang stsal/ dben gnas bkra shis chos
gling du brag ri mchog sprul rin po che sogs bla sprul

sku drag dang/ dge 'dun 'dus tshogs zhu mi lnga bcu skor la dpal
mgon zhal bzhi pa rnam 'gyur bcu bdun gyi rjes gnang nas/ las
sbyor mgon po'am shis bstan pa'i mgon po/ gnad dbab

mgon po/ bram ze sngags gtad bcas ma gtogs pa gzhan cha tshang
dang/ sa skya'i gser chos bcu gsum gyi gras/ dmar chen skor gsum
gyi rjes gnang yongs rdzogs/

lha mo shra ma Na'i sgrub thabs rin chen gsal ba'i me long dang/
dpal mgon zhal bzhi pa ser po rgyas byed lha dgu'i pum sgrub kyi
chog rdo rje 'chang nyid kyi gsung bcas kyi

@265b ljags lung legs par stsal/ skabs shig par khams rong po
tshong skal bzang dang/ mdo smad tre hor tshong ya ma tshe ring
gnyis thun mong nas zhus ngor/ pha bong kha'i grub thob lha
khang

du ser smad kong po shar chos sprul sku dang/ gzhung pa lha
btsun sprul sku sogs bla sprul khag dang/ bka' rnams dge bshes/
gdan sa'i rigs pa smra ba mang po sogs ser skya

'dus tshogs nyis brgya skor tsam la rje btsun blo bzang chos kyi
rgyal mtshan dang blo bzang dpal ldan ye shes kyi gsung lam rim
bde lam dang/ myur lam dmar khrid sbrags ma'i steng nas

byang chub lam gyi rim pa'i nyams khrid nyin bco lnga tsam gyi
ring dang/ zhar du gzhan 'ga' res zhus pa'i 'phags ma sgrol ma'i
bstod gzungs skor/ gdugs dkar mo can gyi gzungs mdo bstod

bzlog dang bcas pa'i ljags lung sogs so so'i 'dod chos kyang
mang du stsal/ bka' chos sbyin bdag sogs nas tshogs par dam thug
dang/ mang 'gyen sogs kyi bsnyen bkur phun sum tshogs pa zhus te
gtan

bde'i sa bon khyad par can bskrun/ ser sngags grwa rigs chos
ldan thogs med dang bkras chos dge slong bstan 'dzin tshul khrims
bcas nas zhus ngor dpal gsang ba 'dus pa 'phags lugs@266a @#/ /kyi sgrub thabs
mdor bsdus mchog gi dga' ston dang/
rgyud smad tre bo sngags rams pa blo bzang mkhas grub nas bka'
rtsom dgos tshul gsol ba ltar bde mchog lus dkyil la brten

pa'i phyi rol mchod pa dang/ chos 'byung mchod pa'i dag 'don
gnyis kyang gsung rtsom mdzad/ rgyal thang lha mkhar rin po ches
zhu yig tshigs su bcad pa zhig phul ba'i bka' lan du/ thos sogs
gang ma

rdzogs pa'i nor bu'i khyim/ /nyams myong utpala ri bong sgeg pa
can/ /brtse chen ga bur zer rnon 'bum spro ba'i/ /'dren mchog
smra ba'i zla ba mchog de'i drung/ /dang brtses bskyod pa'i blo
gros sa mchog tshal/ /mdza'

ba'i rang bzhin dri bsung mngar po'i gshis/ /zhu mchid mgyogs
'gro'i bzhon pa la brten te/ /khyod drung mchod pa'i sprin du
bgyis 'dir dgongs/ /mkhyen rab ga phur phung po'i dkyil 'khor
rgyas/ /brtse chen bdud

rtsi'i zil phreng rnam par 'dzum/ /spang rtogs utpala tshom bus
rab sgeg pa/ /khyod sku'i zla ba lha ma mer bzhugs pas spro/
/'dir yang bdud rtsi lta bu'i gsung gi dpyid/ /sna lnga'i lan
tshar g.yo ba'i sa zla bcas/ /

'byor pas spro dang khyed zhal dran pa yi/ /dga' skyo'i spu long
zung du 'brel bar g.yos/ /ngos kyang 'tsho ba'i chu skyes rab
brtan cing/ /phrag dog 'thor byed drag yos rab bskyod kyang/
/snying stobs 'dab stong 'dzum pa

@266b mi ltod pas/ /lhag bsam mu tig lang tsho rgyas bzhin gnas/
/blo gros gsar gzhon nu'i dor na/ /snyan brgyud zil mngar spungs
pa'i snying po'i dpyid/ /nyams myong sbrang rtsi'i bcud ldan
legs bshad brgyas/ /thar 'dod

bung ba bye ba skyong bzhin gnas/ /mtshams su zhu gsol/ skyes
mchog nam mkha'i nor bus rab bor bas/ /thub bstan snang bas dbul
ba'i phyogs de na/ /lnga bdo'i smag rum stug por 'thibs pa na/
snang byed smra ba'i zla

ba khyod nyid tsam/ /mtha' 'khob de na blun rmongs pa lang khyu/
/blang dor log par brje bas khengs pa'i khrod/ /gzhung lugs ral
khur lung rigs gang rgyangs kyis/ /brjid pa'i mkhas mchog gdong
lnga khyod nyid tsam/ /

snying nas rnyed bkur snyan grags nyid zhen yang/ /gzhan phan
smin ma'i gzengs bstod brdzu bag gis/ /rang gzhan gnyis bslu zog
pos khengs pa der/ /tshad ldan dge ba'i bshes kyang khyod nyid
tsam/ /de phyir gsang

gsum nor bu'i thig le ni/ /'phrin las mu tig 'od chags rnam
rgyas bzhin/ /'gal rkyen mun pa'i dpung gis brdzi min par/ /skal
bzang bde 'byung gtsug na rtag brtan mdzod/ /'khor lo gsum dang
'chad rtsod

rtsom gsum gyi/ /mdzad 'phrin ga pur rdul du brdal ba yis/ /sa
'di snang ba dkar po'i bla gos kyis/ /mdzes pa'i cho ga yang dag
sgrub par mdzod/ /mnyam rjes gsang gsum rol pa gang la yang/
/thabs shes

@267a @#/ /khyed par can gyi rtsis zin pa'i/ /rlabs chen spyod
las nam yang mi 'da' ba'i/ /gnad 'di rgyal sras dpa' bo khyod la
mdzes/ /gzhi yi bden gnyis gtan la phab pa'i gnad/ /

lam gyi thabs shes rin chen sems gnyis kyis/ /drangs pa'i tshogs
zung zab dang rgya che yi/ /snying po sgyu 'od zung du grol bar
mdzod/ /dran pa gcig dang rtog pa'i rnal 'byor la/ /rtse gcig
mnyam par 'jog

pa'i bsam gtan gyis/ /gong ma'i sas bsdus gnas cha brtan po
dang/ /gsal snang nga rgyal mtha' ru phyin par mdzod/ /grub
mchog bye ba gang las gshegs pa'i shul/ /dpal ldan na ro'i chos
drug gtum

mdzod/ /gnad du bsnun pas kun rtog bzhon par bcas/ /dbu ma'i
dbyings su ngal bso sgrub par mdzod/ /gnyid dang sad dus bsre
ba'i rtsal sbyangs pas/ /'od gsal dbyings dang bde ba'i ro gcig
gar/ /

dpal ldan dang po'i mgon po'i skur bzhengs nas/ /srid pa ji srid
'gro ba'i mgon du mdzod/ /bdag kyang blo bzang snyan brgyud
bshad sgrub kyis/ /'dzin la 'gal rkyen zhi zhing mthun rkyen
tshang/ /tshe 'di nyid la

rdo rje 'chang dbang gis/ /mngon du 'gyur ba'i skyabs 'jug mi
g.yel mkhyen/ /zhes tshigs su bcad pa'i dbyangs kyi phreng ba
gzigs rten lha reg /ngos kyi ri khrod gsar bzhengs kyi rten gtso
'khor lo sdom la

@267b las phebs pa'i ring bsrel/ ra tsa'i rnal 'byor ma las
phebs pa'i ring bsrel ma bu gnyis/ bya rgyud dang bla med kyi
bum rdzas/ dge ldan sel med bdud rtsi ril bu/ rdo rje rnal 'byor
ma'i rim gnyis kyi

khrid bai DUra zhun ma'i them skas/ lag mchod par ma bcas dben
gnas bkra shis chos gling nas pha bong kha'i sprul ming pas zla
ba gnyis pa'i tshes gcig la gus phul/ ces pa 'di nyid stsal/ ser
smad rgyal

rong ba bka' blon bla ma byams pa bstan dar chab mdor sku gshegs
pa'i dus tshes dang bsngo rten sogs 'bul mi bka' bla dam pa'i
shag tshang rtse zhol bka' zur nas bang phyin pa ched 'byor ltar
de'i nyin mo nas

bzung zhag zhe dgu'i bar chu bzang gi bla brang gzim chung du
rje bla ma nyid dang/ gsung cho ga gi zhabs zhu ba gsol 'jam/
ser byes har gdong mkhyen rab/ ser smad rmar nyung blo bzang
'phrin las bcas nas snga dro

sbyor tshos dang/ bla mchod/ thun drug gi rnal 'byor/ 'jigs byed
dpa' gcig gi sgrub thabs rgyas pa dang 'brel bar spyad chog gnad
smin/ phyi dro rdo rje rnal 'byor ma'i bdag bskyed dang 'brel
ba'i sbyang chog /smon lam

rnam gsum bcas nyin re bzhin chag med dang/ skabs su sman bla
dang/ ltung bshags/ smon lam gyi rigs sogs ci 'gros gsung zhing/
zhe dgu'i mjug gi nyin par 'phar du stong mchod rgyas spros
dang/

@268a @#/ /tshogs 'khor gzab rgyas/ 'jigs byed dang rnal 'byor ma
gnyi ga'i bdag 'jug dang 'brel ba'i spyang ba'i cho ga gnad du
smin pa bcas gnang ste gdul bya'i re 'dod yongs su skad

ba mdzad cing/ sku gshegs dam pa de nyid kyi sngon bsags sdig
tshogs byang ste dman pa'i gnas su mi gzhol bar mchog gi rten
bzang legs par brgyud de bla med byang chen gyi sa la myur du
reg pa'i thugs

dmigs ngang bsngo smon gyi mtshams sbyor yang dag pa gnang/ bstan
srung rdo rje shugs ldan pa rang nyid nas rje nyid la zhu bskul
yang yang mdzad pa bzhin hor zla gsum pa'i nang du/ rgyal chen
rdo rje shugs

ldan rtsal gyi bskang chog rgyas pa phyogs las rnam par rgyal
ba'i rnga dbyangs zhes pa'i bka' rtsom gyi dbu 'dzugs mdzad/ de
nas sngon du stag phu rdo rje 'chang dang/ sog rong phyogs kyi
dad ldan gzhan du mas

kyang gsol ba yang yang btab cing/ ^ gong sa nas dgongs khrol
yang legs par stsal thob ltar hor zla bzhi pa'i nang tsam nas
bar khams nags sog khul gyi phyogs su chibs kha btegs shing/
phebs

'grul gyi sgar sa 'gar yang bskang chog gsung rtsom gyi 'phro
'thud gnang bzhin pa'i thog /rjes sor de'i mjug byang du'ang/
nags sog gi lam sgar du 'phro 'thud bzhin spyan 'dren mtshams su
slebs pa

@268b dang sog shod dga' ldan 'phel rgyas gling du bsten srung
'di'i mgon khang gsar 'dzug tu bskyod dgos byung ba rten 'brel
ma bsgrigs lhun grub tu 'dzom zhing/ de nyin chos skyong chen po
nyid kyang dgon 'gram du

bsu bar phebs pa'i mtshan ma gsal bar byung la/ snang brnyan gsar
'dzugs ma zin pa'i bar la dgun dus nyal ba'i gcan gzan yang mi
nyal bar dgon 'gram du rgyu zhing mi phyugs du mar gcos pa sogs

cho 'phrul 'jigs rnga mche ba mang du byung ba las/ rten bzhengs
dang bskang ba gsar 'dzugs kyi nyin nyid nas cho 'phrul rnams
rang zhir gyur ba sogs ya mtshan che ba'i mtshan ma du ma byung ba
la brten nas spro

ba je 'phel du gyur/ ces gsungs pa ltar/ gnas der bskang chog gi
'phro cung zad tsam las phal cher grub par ljags rtsom gnang/
dgon der phyogs mtha' nas 'dus pa dang/ de ga'i dge 'dun

bcas zhu mi tshogs pa brgyad brgya skor la byang chub lam gyi rim
pa'i nyams khrid nyin nyi shu skor dang/ bka' dbang 'ga' shas/
spyan ras gzigs kyi khrom dbang bcas gnang/ 'phel rgyas gling gi
grwa

zla ba phun tshogs dang/ g.yab dgra ba ri bo mdangs can dgon gyi
grwa ngag dbang blo gros gnyis kyis zhus ngor zhal gdams bslab
bya stsal ba yang 'di lta ste/ bla ma mkhyen/ rab 'byams skyabs
kun gyi ngo bo/

@269a @#/ /drin can bla ma rang mkhyen no/ /'bral med thugs rje
yis gzigs pa nas/ /byin rlabs dngos grub kun stsol cig /rnyed
dka' dal 'byor gyi rten 'di/ /mi rtag la 'ur dang 'jig

pas/ /tshe 'di blos btang gi chos shig /nus pa da lta rang byin
rlobs/ /'jigs rung ngan song gi gnas der/ /nam slebs nges pa
gtan med pas/ /de las skyob pa yi skyabs gnas/ /bla mas da lta
rang

mdzod cig /dkar nag las 'bras kyi mong ba/ /phra zhib nges pa ru
mthong nas/ /tshul bzhin bag yod kyi blang dor/ /snying nas nus
pa ru byin rlobs/ /'khor ba bde skyid du zhen kyang/ /gtan
'phung sdug

bsngal gyi rang bzhin/ /'di las thar 'dod kyi skyo shas/ /shugs
drag skye ba ru byin rlobs/ /rab 'bar sdug bsngal gyi me glong/
/a ma nyam thag kun lhung par/ /snying nas bzod med kyi brtse
ba/ /bcos min

skye ba ru byin rlobs/ /rang la gces 'dzin gyi blo 'dis/ /mi
'dod sna dgu kun 'dren pas/ /de ni rang gces kyi khong nad/
/gting nas thon pa ru byin rlobs/ /gzhan la gces 'dzin gyi blo
'dis/ /don gnyis

sbar bcangs su sbyin pas/ /da ni gzhan gces kyi byams pa/
/snying nas 'byongs pa ru byin rlobs/ /khe 'dod rang don la
zhugs kyang/ /khe med sdug bsngal gyis man ra dang/ /da ni khe
sang dang rgyal kha/ /

@269b gzhan la 'bul ba ru byin rlobs/ /gyong kha gzhan dag la
bkal kyang/ /'bab rgyu rang steng du 'bab pas/ /da ni gyong kha
kun rang gis/ /len par nus pa ru byin rlobs/ /de phyir 'gro kun
gyi sdug bsngal/ /

bdag gi rgyud steng du smin cing/ /bdag dge 'gro kun la btang
bas/ /bde dang ldan pa ru byin rlobs/ /a ma nyam thag gi las
khur/ /bu gcig sos dal la 'bab pas/ /mtha' yas gzhan don gyi
khur

chen/ /'khyer bar nus pa ru byin rlobs/ /gzhan don rdzogs byang
la rag lus/ /de slad 'gro kun gyi don du/ /sangs rgyas thob 'dod
kyi sems mchog /myur du skye ba rang mdzod cig /nga dang nga yir
zhes rang

bzhin/ /ltos med tshugs thub tu zhen kyang/ /dpyad na cung zad
kyang med pa'i/ /gshis lugs rjen cer du ston mdzod/ /tshugs thub
a 'thas kyis stong pas/ /rten 'byung bslu med du 'thad pa'i/
/ming

rkyang snang ba yi nges pas/ /yod mtha' sel ba ru byin rlobs/
/ltos grub tshogs pa la ltos pas/ /ltos med rang bzhin gyis stong
pa'i/ /dmigs med stong pa yi nges pas/ /med mtha' sel ba ru byin

rlobs/ /stong dang rten 'byung gi 'brel ba/ /gcig grogs gcig
phan du 'char bas/ /'phags mchog klu sgrub kyi dgongs don/ /bde
blag rtogs pa ru byin rlobs/ /yang dag lta ba dang 'brel ba'i/
/rin

@270a @#/ /chen byang chub kyi sems kyis/ /rgyal sras spyod pa yi
la mthar/ /myur du son pa ru byin rlobs/ /zab mo rdo rje yi theg
pa'i/ /myur lam gsang mchog la brten nas/ /tshe

gcig sangs rgyas kyi sa de/ /bdag gi bgo skal du stsol cig /mdor
na dus gnas skabs kun tu/ /'bral med snying dbus su bzhugs nas/
/sa lam nyams rtogs kyi bgrod pa/ /'bad med da

lta nyid stsol mdzod/ /bla ma mkhyen/ zhes pa 'di yang sog 'phel
rgyas gling gi dge zla ba phun tshogs dang/ g.yag dgra ba dge
ngag dbang blo gros kyi 'dod mos ltar pha bong kha sprul ming
pas spel

pa'i yi ge pa ni dar ma chos mdzad bstan pa chos 'phel lo/ /zhes
pa'o/ /gong du brjod pa ltar dgon der bstan srung gnyan po'i
bskang chog gi bka' rtsom shas cher gnang zhing mgon khang gsar

'dzugs dang 'brel bar/ rab gnas/ bskang tshogs sogs kyang rgyas
par gnang/ de nas dkar shod chos 'khor dgon/ rong po rab brtan
dgon/ nag shod rta rmos dgon sogs su'ang zhabs kyis

bcags te byang chub lam gyi rim pa'i nyams khrid kyis gtsos/
lung khrid/ dbang bka' ci rigs pa dad ldan so so'i 'dod mos
bzhin rgyas par stsal/ 'di dus gong gsal cung pa chos 'khor

@270b dgon du phebs pa'i skabs mnal lam du gzigs pa lta bu yin
nam/ gang ltar rgyar nang gi brag la gnas pa zhig 'dug pa des
khyod tsho la mgon grogs yag po byed kyin yod 'dug kyang mi min
de da lta

cung zad nyams nas 'dug pas brag de'i steng du lha tho zhig
rgyob/ gtor chu sogs der blugs shig gsungs pa bzhin byas pas
chos dgon pa yar dar song zhes dgon de'i grwa rgan 'gas mthun
par

gleng tshul dus phyis lam rim bla ma rgyal mtshan dar rgyas gsung
ngo/ /dgung grangs zhe dgur phebs pa me stag lor/ nags shod stag
phu'i gdan sa gsar pa sgrub sde dge ldan lugs bzang kun 'phel

gleng du phyag phebs te rdo rje 'chang rnam gnyis dgyes zhal
lhod mjal thog /stag phu rin po ches zhu gnang mdzad pa bzhin
der yang tshogs pa drug brgya tsam 'dus par byang chub lam rim
gyi nyams khrid smin

rgyas dang/ sde tshogs mang 'dus la tshe dbang dang ma Ni'i bzlas
lung sogs gnang/ chab mdo'i bla dgon sogs kyi spyi 'thus gdan
zhu ba'i gdong phyogs der zhabs sor nges 'khod thub pa'i zhu yig

khag mang du 'byor bar ^ gong sa mchog nas dgongs khrol stsal
zin yun ring med stabs da lam der phyogs phebs thub thabs mi
'dug rung/ rjes sor de ga'i bzhed skong thub pa'i re 'dun thugs
la nges par

@271a @#/ /bcad chog tshul yig don du 'khod pa'i gsung shog khag
dang/ gdan zhu'i 'thus mi rnams phyir slog mdzad/ sgrub sde der
bstan srung rdo rje shugs ldan chen po'i bskang chog

rgyas pa'i bka' rtsom gyi 'phro nas mjug rdzogs pa'i bar zhib
par gnang/ cha 'phreng bsam 'phel gling nas khri byang mchog
sprul rin po ches zhu yig tshigs bcad ma 'phul gnang mdzad pa
gnas

'dir 'byor ba ni/ kun rtog g.yo ba'i ro rkyang rgyu ba mchog gi
d+hu ti'i gnas su thim/ /gnyis snang 'khrul pa'i dri ma ma lus
bde chen 'od gsal ngang du dag /snying dbus sgyu ma'i mtshan
dpe'i gar

'dzin snang srid lhan skyes chen po ru/ /sdom mdzad bla ma he ru
ka dpal 7 zhabs sen gdan gsum brtsegs pa'i drung/ /gang gi
'phrin las 'od stong cha shas kyis/ /bskyangs ba'i skal bzang
nyer thob padma zhig /

dang gsum rlung gis bskul bas phyogs de ru/ /yang yang mgo lcogs
ldem bzhin 'di skad gsol/ /gzod nas spangs rtogs cha shas yongs
rdzogs bde stong ngang du rtag mnal yang/ /yang dag thugs

rje'i kun khyab dbyings las skal bzang mos pa'i chu snod du/ /du
ma'i rol gar cir yang 'char ba'i ngo mtshar dpag yas srid zhi'i
dpal/ /dpal ldan bde 'byung ral pa'i rgyan gcig tshul bstan tshul

@271b 'dzin ring bskal te/ /'jam mgon snyan brgyud legs bshad ga
bur rgyun/ /skal bzang steng 'thung bzhin ras la 'phos pas/ /kun
dga'i ge sar rgong pa'i lhad mo la/ /rgyal rnams rgyu skar zol
gyis gzigs pa

snyam/ /'phrin las nyi gzhon stong du 'bar ba'i gzis/ /'jig rten
mun pa'i mal nas yongs sad par/ /rab bsngags gser gyi dril chen
'khrol ba'i sgra/ /khor yug ri bo'i bar du lhang lhang snyan/
/de ltar khyod kyi

grags pa'i me tog dkar/ /ngan bu'i thos 'dzin rgyan du son pa
na/ /yid la dad dang spro ba'i rang bzhin ni/ /dbyar dus chu
'dzin grod gi ngo mtshar thob/ /khyod drin sbrang rtsi'i bcud
kyis nyer 'tsho ba'i/ /rnam

dpyod gshog rtsal zhan pa'i bung ba bdag /bshul lam bde bar snga
lo mgo 11 zla'i nang/ /thos bsam me tog 'phel pa'i gling 'dir
son/ /thog mar phan bde'i lo tog 'joms pa'i gshed/ /nag phyogs

ser ba'i sprin nag gzhil slad du/ /sri mnan gtor zlog dbyug
mchod drag sreg sogs/ /las bzhi'i rim gro'i 'thor rlung ci nus
spros/ /phal rnams brid de rim gyis bkri ba dang/ /skad dang
gsung rab brda

don 'dris pa'i phyir/ /cho 'phrul smon lam nyin zhag bco lnga'i
bar/ /mdzangs dang blun po dbye ba'i mdo sde bshad/ /lha klu sa
bcud lus phra'i bzhin ras ni/ /bag med dri mas nyams pa rje bla
ma'i/ /bum

@272a @#/ /pa brgya phrag bcu gnyis lhag tsam pas/ /bde skyid
lang tsho rdzogs pa'i cho ga byas/ /thog mar thun mong lam gyis
smin pa'i slad/ /chos 'dod skya ser nyis stong brgal tsam la/
/dpo

zla'i tses 22 nas nyin zhag bco lnga'i bar/ /gsung rab kun gyi
snying po bsdus pa'i bcud/ /dpal ldan mar me mdzad pa'i thugs
dam mthil/ /'jam mgon tsong kha pa las legs 'ongs pa/ /yab rje
bla ma khyed

kyi gces pa'i nor/ /bdag cag mos pa'i bu la phog pa gang/ /ma
rungs sems kyi glang smyon gdul dka' ba/ /bag yod kyo ba rnon
pos dbang byas te/ /bla med zhi ba'i ra bar myur bkri ba'i/
/byang chub lam

gyi rim pa'i dmar khrid ni/ /khyod gsung legs bshad rin chen
'byung gnas las/ /bdag blo bun pa'i bcud du 'khyil ba 'ga'/
/lhag bsam ku sha'i rtse mos nyer blangs te/ /gdung sel bdud
rtse'i zegs

ma ci yang 'thor/ /de nas don gnyer lnga stong lhag tsam la/
/sngon 'gro'i gtam du bya ba zhib nan 'brel/ /'phags mchog thugs
rje chen po'i dbang bskur par/ /dge pa'i mtshan mar mngon pa'ang
cung zad

shar/ /dmigs brtse brgya phrag nyin bzhin dam bca' can/ /lnga
brgya lhag par bcu gsum 'jigs mdzad dang/ /dpa' gcig las rung
khas blangs glu mtsho zlar/ /de yi smin byed dang nga gi bya ba
byas/ /slar

@272b yang gshin rje'i dgra yi bsnyen chen ni/ /khas blangs me
63 ror bcu gnyis zhag gi ring/ /rim pa gnyis dang gzhi bsnyen
chen po'i khrid/ /khyab bdag gang gi phyag bzhes bzhin du bgyis/
/nyes spyod khyim pa'i rol

rtag sred pa'i/ /skye bo'i rkang drug 'di dag chos nor gyis/
/thabs mkhas sphrang rtsi mngar pos nyer bkugs pas/ /re zhig bag
yod padma'i tshal na rtsen/ /'on te chos pa dag las zog po brin/
/drang po'i

mi bas g.yo can dpung pa dar/ /sdig can sog le'i sems ldan bla
gzugs 'gas/ /phan bde'i 'khri shing gcod par mi 'gyur grang/
/dkar min 'bras bu bdo ba'i rlung shugs kyis/ /'thab rtsod byin

tha sbar bas sde dgon nags/ /bsregs pas zhing stong 'jag skya
phyur ba sogs/ /'khor ba'i ngang tshul gsal ba bzhin du snang/
/de ltar log spyod bu yug 'tshubs pa'i khrod/ /kho bo'i lugs
gnyis ba ku la

yi 'dzum/ /cung zad grol 'di bshes gnyen ri dwags mig /khyod
byin 'gram chang mngar po'i mthur nges pas/ /nyin bzhin dad pa'i
rtsig ngos su/ /kun rtog pir gyi ri mo yis/ /mthong grol khyor
kyi gzugs

brnyan ni/ /yang yang 'dri bzhin 'di na mchis/ /slad mar tshogs
gnyis chu gter las 'khrungs khyod zhabs zla ba gsar pa'i dpal/
/dpal ldan bkra shis 'od zer brgya yi rtse dga' mngon par rol pa
gang/ /gang

@273a @#/ /zhig kun rmongs mun pa ji srid ga bur zegs ma rtag
'phro zhing/ /zhing 'di'i lha lam yangs pa'i lto par nam yang
nyams pa med pa dang/ /dang po'i las can slob bu'i tha shal

yang/ /yang yang yid la brnag pa'i don 'bras kun/ /kun nas lhun
grub khyod zhal bdud rtsi la/ /la 'ur spyod pa'i skal bzang
mngon 'gyur zhing/ /sdug bsngal tsha 'tshing stug por gres shing
rmongs pa'i

mun chen nyer 'khrigs pa'i/ /'jigs rung 'khor ba'i 'brog dgon
las brgal zhi ba mchog gi grong khyer du/ /ma son de srid mgon
po khyed kyi byin rlabs nyi ma 'od po che'i/ /snang ba snying la
stag tu 'char

ba'i kun dga'i ngo mtshar skyong bar mdzod/ /de skad brgyad khri
bzhi stong chos kyi mdzod/ /gang gi slob bu byang chub la re
ba'i/ /dri med dad gus padma'i dga' tshal las/ /'ongs pa'i zhu
mchid rab mig

gnyis pa khyod/ /sa snying srang zla'i sbrang rtsi'i khur thogs
te/ /rab dkar nang mdzod gshog yangs bskyod bzhin du/ /mi pham
chos kyi mdun sa gnyis pa der/ /tshig don 'dab glu sgrogs shing
zlos

gar gyis/ /zhes cha 'phreng bsam gling dgon nas shing glang zla
6 tshes 4 bzang por phyag bcas phul ba'i zhu yig /ces pa 'di yin
zhing/ de'i bka' lan du rje nyid nas gsung shog tshigs bcad du
gnas

@273b pha yang/ bde chen lang tsho ston zla zhun ma'i gar/ /dran
pas srid zhi'i 'jigs 'phrog 'chi med dpal/ /rdo rje rtag pa'i
mgon po yab yum gyis/ /der 'dir 'chi med dga' ston 'beb par
mdzod/ /gang

gi mkhyen rab khriO gdugs 'od rnon kun byangO shes bya'i pha
mthar khyab/ /mchogO gi snying rje ga pur dkyil 'khor mtha' yas
'gro pa'i dpal du 'dzum/ /rgyal kun sprulO pa'i rang gzugs gsang
gsum

kun gsal pha mtha' su zhig 'dzin/ /khyod kyi zhabs sen reg pa
don ldan bkra shis mu khyud rgyas de'i drung/ /khyod sku'i snang
brnyan yid kyi mtshor/ /lhung pas bskyod pa'i dad gdung rlabs/
/'phrin yig

dbu pa dkar po yi/ /gzugs su grol 'dir brtse bas dgongs/ /tshogs
gnyis chu gter dpal gyi snying po thugs bskyed mgyogs 'gros
bsrubs pa'i dpyid/ /khyod kyi gsang gsum bdud rtsi'i dkyil

'khor 'gro ba'i gdung sel dpal gcig pu/ /'gal rkyen dkar min
dpung las rab rgyal brgyad gnyis lang tsho rgyas pa'i gzugs/
/'phrin las ga bur rdul dkar sa chen khyon du 'grems 'di e ma
ho/ /

mtha' 'khob bstan dang 'gro ba la/ /lhag par brtse ba'i thugs
bskyed gang/ /shul lam thag ring bgrod dka' la/ /khyod sku ngal
bar ma gyur tam/ /mi bsrun srin po'i grong khyer bzhin/ /kla klo
gcan

@274a @#/ /gzan tshogs pa'i khrod/ /zhi zhing dben par rtse gcig
pa'i/ /khyod thugs sun par ma gyur tam/ /'on te rmongs dang skal
zhan la/ /lhag par brtse ba'i snying stobs rlabs/ /rgya mtsho'i

rdul gyi rlabs chen spyod/ /'dir ni khyod kyis bdag gir bzung/
/mi lus sha za'i bsam sbyor can/ /grangs med rgyal bas thul min
pas/ /khyod las zhi ba'i las sems pa/ /rgyal sras zla ba nyid ji

bzhin/ /phan bde'i lo tog gshed du sdud pa'i log tshogs chu khur
mig sman dpung/ /khyod kyi mngon spyod 'thor rlung drag pos thog
ma nyid du rmeg med byas/ /zhi rgyas dpar sogs rjes 'dzin las
spyor

nam zlar 'dzum pa'i chog yis/ /bde skyid dbyar gyi dpal mo'i
lang tsho gsar pa'i dga' ston mgron du bkug /mdzangs dang blun po
dbye ba'i mdo sde'i gsung dbyangs bdud rtse'i sbrang char gyis/
/

ma rungs skyi bo'i tha rgod zhing yang dge legs myu gu'i dpal
yon 'dzin/ /lhag par chos phung brgyad khri'i snying po byang
chub lam gyi rim pa zhes/ /sa gsum skye dgu'i mun sel gcig pu

khyod kyi thugs bskyid shing rta yis/ /phyogs de'i skye dgu'i
bsod nams shar ri'i phrag pa'i dpal du byin pa na/ /blo bzang
rgyal bstan nyin mo'i dga' ston sa chen bskal bzang yangs por

@274b byas/ /rgyal kun snying rje'i ga bur snying po'i smin byed
'od dkar 'dzum rlabs kyis/ /brgya phrag mkha' dbang skye dgu'i
sa mos gtan bde'i 'dab ma grol bar mdzad/ /dpal ldan dus dkra'i
dbang po'i

rmin grol blo bzang zhal lung mngar po'i bcung/ /skal bzang snod
ldan dpal du byin pas blo bzang ring lugs snying por bcas/ /de
ltar khyod drin thabs mkhas kyis/ /mtha' 'khob srin po'i grong

khyer du/ /yul dgus rdzogs ldan gsar pa'i mgron/ /srid zhi'i
legs brgya 'gug bzhin nas/ /brtse ba'i rang gzugs paNDi'i
dbyangs/ /swa sti ka yi gos bzang can/ /sa zla'i me tog sil

mar bcas/ /khyod sku gnyis pa'i spun zlar stsal/ /de tshe khyod
kyi gsang gsum gyi/ /snang brnyan yid mtshor 'grem bzhin du/
/spro dang dad dang gdung ba gsum/ /'gran pa bzhin du snying la
rgyas/ /'di

rna bdag gi 'tsho khams rdo rje'i gshis/ /mi shigs g.yung drung
dwangs mar smin bzhin nas/ /blo bzang bstan pa kho na snying
dbus kyi/ /khur du lci ba'i lhag bsam spel bzhin lags/ /rang
gzhan

pas dang dad mos kyis bskul pas/ /bdag kyang snga lo sa zla'i
yar ngo nas/ /bkra shis nags klung 'babs pa'i yul shod dang/
/sogs shod rong po sogs kyi phyogs su bskyod/ /rmongs pa'i mun
stug

@275a @#/ /'thibs por lam log dang/ /lam gol 'byung bya than skad
sgrog pa'i yul/ /mang zhig blo bzang bstan pa'i nyin byed kyis/
/phan bde'i snang pa gsar pa'i dga' ston

byas/ /dug sman zas gsum bsres nas za ba bzhin/ /blo bzang ring
lugs 'dzin pa'i bdus pa'i sde/ /lta spyod 'dres mar spyod pa
mang zhig kyang/ /dri med rnam thar gtsang ma'i lam la bkod/ /

rmongs pa'i mun chen snying du gtibs pa yis/ /lam dang lam min
gom 'gros 'khyor ba yi/ /ngan song g.yang sar lcebs pa'i 'gro
mang zhig /gtan bde'i lam la spyor ba'i sgal bzang

byin/ /pha gcig bla ma rdo rje 'chang chen gyi/ /dgyes zhal nyin
bzhin spyod pa'i dga' ston dang/ /zhabs sen srid mthar brtan
pa'i rten 'byung sogs/ /mnyes par ba kyi bgo skal mang zhig
thob/ /

ji ltar ded dpon nor bu lon pa bzhin/ /re zhig mtha' 'khob dge
ldan bstan dang 'gro'i/ /ngal bso'i dbugs dbyung ci dgar byin
zen nas/ /yul dbus bskyod pa'i cho gar brtson

bzhin lags/ /slad mar ji srid thub pa rnams kyi mgyogs 'gro ldan
pas kun gsal nas/ /nor 'dzin sgeg mor maNdA ra yi mgren rgyan
'god la mi ngal ba/ /de srid khyod kyi zhabs sen bkra shis nor
bu'i

@275b dga' ston 'dzum pa gang/ /sa gsum skye dgu'i gtsug na dge
legs dpyid du g.yo ba med gyur cig /dam pas por pa'i yul phyogs
der/ /khyod kyi brtse bas rjes bzung ba/ /nyi ma'i gnyen gyis
rtsod dus

bzhin/ /da dung bka' drin lhag par mdzod/ /tshang lam nor lam
bzang la/ /mtha' dag 'gro kun bkri ba yis/ /blo bzang bstan pa'i
snang ba che/ /sa gsum 'gro ba'i dpal du mdzod/ /lung rigs gdong

la'i gad rgyangs kyis/ /lam log lam gol ltar snang gi/ /smra
ngan zog brdzun wa skyes tshogs/ /cig car klad pa 'gas par mdzod/
/skye po gya gyur spyod pa dang/ /shin tu mi bsrun sdig ldan
rnams/ /

mdzangs par dpyod pa'i mkhyen rab kyis/ /thabs la mkhas pas rjes
gzung mdzod/ /'khor 'das 'chi med bdud rtsi'i dpyid/ /gsang gsum
dpal du bsdu ba dang/ /bsrung dang bzlog pa'i thugs dam

gyis/ /rdo rje dwa gur brtan par mdzod/ /lhar bcas skye dgu'i
bsod nams snying po dri med blo bzang ring lugs mchog /'dzin
pa'i bdag por khyod nyid kho na mnga' gsol rgyal bar gyur cig
ces/ /

ra dag gi drang srong bden pa'i dbyangs kyi grogs su bla ma he
ru kaH/ /rdo rje'i mtshan can srung mar bcas pas dbang bskur shis
pas skyong gyur cig /de skad bdeO chenO rnal 'byor gyi/ /snyingO
poO skyong ba'i skal bzang

@276a @#/ /pas/ /bkra shis nags klung 'bab shod nas/ /nag zla'i
nya ba bzang por phul/ /ces pa 'di bzhin 'phral gnang mdzad/ 'di
dus kyang rdo rje 'chang rnam gnyis yun ring lhan

bzhugs dang/ nang gsang gi gsung 'phros lhug par grol zhing/
stag phu rin po che'i sku'i 'gal rkyen gyi mtshan ma zhi phyir
rje bla ma nyid nas zhabs brtan brtan bzhugs kyi rten 'byung cho
ga rgyas 'bul gnang

bas gsang gsum nyer 'tsho'i rgya las grol ba'i mtshan ma gsal bar
gzigs pa byung zhing/ stag phu ba chen pos kyang rje bla ma
mchog zhabs sen bskal brgyar brtan par gsol ba'i brtan bzhugs

gzab 'bul mdzad/ stag phu rdo rje 'chang gis rje 'di la yun
brtan gyi cho ga mdzad skabs shig tu/ ltag phu ba'i gzigs ngor
rje bla ma rdo rje 'chang chen po'i gsol lcog gi steng du gzhan
zhig nas kham/

sdong snod dang bcas pa zhig phul 'dug pa'i kham sdong de la
kham 'bras rdog po drug cu re bzhi 'dug /ces stag phu'i bsnyel
byang phyag bris ma zhig sngon kho bo cag gis mjal ba'ang 'di
dus byung ngam snyam/

zhing/ kham 'bras drug cu re bzhi ni/ gong gi stag phu'i gsang
lung zhig tu/ phal cher sprul pa'i 'khor lor gzhan du 'pho/
/zhes pa dang yang mthun no/ /de ltar rdo rje 'chang yab sras
rnam gnyis gdan 'dzoms

@276b te bstan 'gro'i don rlabs po che du ma rgyun ring du
bskyangs shing/ bod dbus phyogs kyi dad can bu slob du mas ring
min lha ldan phyogs su yar chibs bskyod grub pa'i snyan bskul
zhu yig mang du 'byor par so sor bka'

lan dang/ bzhi sde tA zur byams pa 'jigs med rnam grol la'ang
nang ma'i bka' yig tshigs bcad kyi lam nas drangs pa bcas stsal/
de nas ha cang mi ring bar dbus 'gyur gyi phyogs su chibs kha
bskyod de/ lam

khel sde dgon ser skya mtha' ngag la 'dod chos/ gsung byin/
gnang cha brngan pa gya nom pa stsal ba sogs kyis so so'i re ba
don dang ldan par mdzad/ bkra shis chos gling du zhabs sor bkod
zin nas kyang dad ldan du

mar mjal kha/ phyag dbang/ chos 'khor rgya che chung ci rigs
mdzad cing/ dwags po bye ri'i mtshams pa ngag dbang snyan grags
nas bskul ngor nyams mgur bslab bya'i tshul du gnang ba ni/ slu
med skyabs kun gyi

ngo bo/ /drin can bla ma rang mkhyen no/ /'di phyi bar do yi blo
gtad/ /drin can bla ma la bcol lo/ /rnyed dka' don che yi rten
bzang/ /rnyed pa da res tsam red do/ /glo bur 'chi bdag gi dgra
bos/ /nam gsod nges pa rang

med do/ /de phyir gtan 'dun gyi snying po/ /da ni la 'ur rang
bsgrub ran/ /tshe 'di'i dgra gnyen gyi so tshis/ /nor rdzas gsog
bsrung gi bya bzhag /'di phyi gtan phung gi las 'di/ /dug bzhin
skyur ba 'di gal che/ /

@277a @#/ /gzhan gyi ngo bsrung dang mo rtsis/ /ltar snang 'gro
don dang grong chog /rang yengs gzhan bslu yi rnam g.yeng/ /mi
tshe stong zad kyi rgyu red/ /ltar snang lam gol gyi gdams ngag

dga' spyad snying rus kyis bsgoms kyang/ /'bras bu ri bong gi
rwa bzhin/ /gnyis med seng ge 'dis ci bya/ /lta sgom sems bskyed
dang bral ba'i/ /u tshugs glin sgom gyi sgom dang/ /bzlas brjod
tshig bshar

gyi grangs gsog  /'di las chod rang med do/ /nges 'byung byang
sems dang bral ba'i/ /sems gnas reng po yi mnyam gzhag /nyin
zhag bdun phrag tu khyongs kyang/ /'bras bu khams gong gi lha
tsam/ /

zab mo'i phyogs na yang med pa'i/ /kun rdzob dngos yul du bsgoms
nas/ /rdzogs chen phyag chen du re ba/ /ra gan gser spram du
'khrul lo/ /'khrul bral yongs rdzogs kyi lam bzang/ /dus gsum
rgyal

kun gyi thugs bcud/ /'jam mgon snyan brgyud kyi bstan pa/ /'di
'dra mjal ba 'di e ma/ /da ni 'du 'dzi dang rnam g.yeng/ /ltar
snang mos pa kun dor nas/ /tshang la ma nor ba'i bstan par/ /rtse
gcig nyams

len la? 'bungs shig /chos phung brgyad khri yi mdo don/ /byang
chub lam rim du bsgril ba/ /bya sla don che yi man ngag/ 'di la
chig sgril du 'bungs dang/ /lhag par sangs rgyas kyi rgyu gcig
/rin chen byang chub kyi

@277b sems mchog /theg chen rgyal sras kyi lam gcig /'di la
myong ba zhig thon dang/ /stong dang rten 'byung gi 'brel pa/
/gcig grogs gcig phan gyi 'char lugs/ /'phags mchog klu sgrub
kyi lugs bzang/ /blo bzang

shal lung 'dir spyod dang/ /smin byed sku gsum gyi lam 'khyer/
/grol byed sgyu 'od dang zung 'jug /ji bzhin 'bad med du skyed
pa'i/ /'jam mgon snyan brgyud 'dir brtson dang/ /pha rgod blo
bzang gi grags pas/ /mdo rgyud

'phags bod kyi gzhung kun/ /'jam dbyangs zhal lung dang sbyar
ba'i/ /dge ldan bka' brgyud kyi lam srol/ /tshe gcig sangs rgyas
kyi go 'phang/ /'bad med spar bcangs su ster ba'i/ /khyad chos
'gran zla dang bral ba/ /

sar? gnas sems dpas kyang rnyed dka'/ /rang re bsod nams kyi
skal ba/ /dman yang 'di 'dra dang mjal ba/ /e ma ngo mtshar las
ngo mtshar/ /da ni chig sgril du 'bungs shig /gnas la nges med
kyi rgyal khams/ /

'tsho ba bya tshol dang byi tshol/ /bya ba don nyung dang bya
nyung/ /'di dag bya btang gi 'dun ma/ /chos brgyad mgo snyoms
kyi blo sna/ /tshogs gsog sgrib sbyong gi snying rus/ /rlabs chen
snying stobs kyi go cha/ /'di dag bya btang

gi so byad/ /drin can bla ma dang yi dam/ /dam ldan mkha' 'gro
dang srung mar/ /thugs dam rgyud bskul gyi gsol 'debs/ /'di dag
bya btang gi dpung rogs/ /tshe 'di blos btang gi bya btang/
/'khos med ri khrod kyi rnal

@278a @#/ /'byor/ /'di las skyid pa zhig med pas/ /grogs dag
snying rus kyis 'bungs shig /slu med drin can gyi bla ma/ /yi
dam dkyil 'khor gyi lha tshogs/ /bstan srung rdo rje yi mthu
ldan/ /

chos ldan bu slob kun skyong mdzod/ /ces pa'i mgur ma 'di yang
dwags po bye ri nas sgrub brtson ngag dbang snyan grags kyis yi
ge'i lam nas yang yang bskul ba bzhin ^ pha bong kha sprul ming
pas shar mar spel

ba'o/ /zhes pa 'di nyid yin la/ gzhan yang 'phan yul sgo mo
mtshams pa byams pa seng ge'i ngor dur bdag 'phrin bskul nyer
'tsho kun srung/ /ser byes sgom sde ngag dbang rin chen sogs nas
zhus pa bzhin li

thang zhwa 'phel bka' 'gyur ba ngag dbang dam chos blo bzang gi
zhabs brtan gsol 'debs/ gzim bshad sgra ba nas gsol ba btab pa
ltar dam can chos kyi rgyal po'i gnyer gtad tshigs su bcad pa
bcas

bka' rtsom gnang ba sogs bstan 'gro'i don la gcig tu gzhol
zhing/ 'brel yod khag la babs bstun gyi phyag skyos stsol bas
mtshon te rnam dkar 'phrin las dbyar dus kyi na bun gtibs pa lta
bur rjes

su skyong bar mdzad do/ /dgung grangs lnga bcur phebs pa me yos
la rab byung bcu drug pa tshugs/ lo de'i hor zla dang po'i nang
spom mda' sbyin bdag las tshan nas zhus ngor chu bzang 'du khang
du bde mchog lus

@278b dkyil gyi dbang chen sta gon dang/ dngos gzhi/ lcang skya
rol rdor gsung lus dkyil gyi bskyed rim dang/ paN chen chos
rgyan gyi gsung bka' rgya ma'i lus dkyil gyi rdzogs rim/ dwags
po skal bzang mkhas grub rin

po ches mdzad pa'i bde mchog lus dkyil gyi bskyed rdzogs bcas
bzhi sbrags kyi steng nas rim gnyis kyi zab khrid rgyas par
stsal zhing/ 'de'i dbang chen thob nas las rung gi bsnyen pa
gtong ba sogs nges par

dgos tshul nan tan du 'doms pa mdzad/ rigs smra'i dbang po rgyal
mtshan dar rgyas pas zhu bskul mdzad pa bzhin rtogs ldan 'jam
dbyangs blo gros kyi zhabs brtan gsol 'debs dang/ bzhi sde tA
zur nas zhus

ngor shugs ldan gyi bskang gso rgyas pa'i par byang smon tshig
kyang bka' rtsom gnang/ a mdo bkra shis 'khyil gyi dge ba'i
bshes gnyen chen po co ne rin po che zhu ba kun gzigs paN chen
gong ma'i gsung gis

gtsang bkra shis lhun por phebs te lha sa phyogs su byon pa de'i
zhabs drung du yang yang bsnyen par mdzad do/ skabs shig bkra
shis chos gling du gdan drangs te co ne rin po che'i drung nas
dpal gsang ba 'dus pa'i

bskyed rim chen mo dngos grub rgya mtsho dang/ rdzogs rim chen mo
rim pa lnga gsal ba'i sgron me gnyis kyi bshad khrid zhib rgyas
su gsan cing/ chos thun gyi bar zhig la sku'i chab gseng gnang
skabs rdo rje 'chang rang

@279a @#/ /nyid kyis de skabs kyi ri khrod dbu mdzad dge slong
bstan 'dzin mkhyen brtse lags su bka' stsal rigs su/ 'dus pa'i
rim gnyis kyi bka' khring 'di ma gsan pa'i gong tsam zhig la
mnil

lam du/ sgam zhig kha 'bye gnang mdzad pas de'i nang du rus
rgyan zhig 'dug par rje nyid nas mi gzhan zhig la/ 'di nga tsho'i
rus rgyan de bas legs pa 'dug /ces gsung ba dang/ yang/ chos po
ti zhig 'dug

pa zhal phye ste gzigs pas/ gser gyis bris pa'i yi ge 'od 'bar
ba la dbu nas mar rgya gar skad du zhes 'dug /de 'phral mnal sad
song ba/ da res zab chos 'di zhu ba'i ltas yin pa 'dra/ zhes
gsal por

phebs pa lam rim bla ma rgyal mtshan dar rgyas mchog gis gsal bar
thos zhes kho bo cag la gsungs/ 'bras spungs blo gsal gling pa
go bo zhal zur dge 'dun chos 'phel gyis yun ring mo zhig nas
gsol

ba btab pa bzhin 'bras blo gling grwa tshang gi 'du khang du bla
sprul dge bshes sogs tshogs pa nyis stong lnga brgya skor la
byang chub lam gyi rim pa bde lam dang/ 'jam dpal zhal lung lho
brgyud lugs/ myur lam

dmar khrid gsum sbrags kyi snyeng nas nyams khrid shin tu rgyas
par stsal zhing/ 'di skabs skyes bu chung ngu'i 'chi ba mi rtag
pa dang ngan song gi sdug bsngal bsgom pa'i skor gyi zab khrid
stsal skabs/ chos gral

@279b ba'i dge bshes shig la yid 'byung mnan pas mi non pa lta
bur shugs drag tu skyes te tshogs gral nas dbang med du langs/
rje nyid kyi bzhugs khri'i mdun du 'ongs nas/ mig chu lhug lhug
'don pa'i ngu ngag dang bcas

te/ ngas sngar byas kyi las phal cher don med stong zad du song
'dug kyang da phyin chad tshe lhag don ldan gyi chos rnam dag cig
ma bsgrubs thabs med du 'dug pas de ltar bsgrub thub pa bla ma
rdo rje 'chang khyed kyis skyabs

'jug gnang dgos/ nged rang gi shag chas kun kyang bla ma khyed
la phul ba lags na nga'i tshogs rdzogs phyir ma bzhes thabs med
yin zhes shag gi lde mig rje nyid kyi phyag tu phul/ rgyun ring
mo'i bar du zhing brgyal

ba ltar byas par rje nyid nas de ma thag tu de ltar yong zhes
lde mig bzhes tshul gnang zhing/ da gzod tshogs bar zhig tu gsol
dpon la bkas mngags te/ dge bshes khong pa do nub tshogs thun
grol 'phral

gzim shag tu phebs dgos tshul gsungs pa ltar khong pa rje 'di
ba'i drung du bcar bar de ltar chos bsgrub par thag gcod kyi yid
'gyur thon pa shin tu legs pas gzhi rtsa chos rnam dag sgrub blo
de ga rang gi rgyun

bskyangs pa'i thog nas gdan sa chen po 'dir gzhung chen mor thos
bsam phul du son pa zhig dang/ lam gyi rim pa'i don rnams rgyud
la sbyor ba zung 'brel du byas na de lhag mi dgos shing/ shag
chas rnams kyang chos

@280a @#/ /sgrub pa'i cha rkyen du 'gro bas khyed rang nas nyar
'tshag bgyis na legs tshul bcas nan tan gyis gsungs te phar gnang
bas dge bshes nas kyang de bzhin bgyis te chos rnam dag bsgrub

rgyu'i dam bca' yul/ sems bskyed mchod pa'i sta gon dang dngos
gzhi'i nyin gnyis ka'i sbyor chos kyi don chen po gsum gyi gsol
'debs gsung ba'i skabs nyid du 'du khang gi rgya mthongs su
bshams pa'i rgya

par gnas brtan gyi sku thang zhig nas ring bsrel mang po skya
khyur gyis babs pa der yod chos gral ba du mas mngon sum du
mthong zhing/ tshul de phyis gzim zur dar rgan blo gling ye shes
chos grags nas kyang sngar

ma grags pa lta bu'i ngo mtshar ba'i gnas de ltar byung ba nga
rang nas kyang dngos su mthong zhes gsung ba sogs kho bo rang
gis yang yang thos so/ /bka' chos grub rjes su ^gong sa chen por
blo gling lam rim

skabs kyi sems bskyed rdzas phud dang/ mjal dar rten dod sogs
kyang sngar rgyun bzhin sgrub pa'i mchod sprin du spro bar
mdzad/ yang zla ba bdun pa'i tshes nyer brgyad la co ne rin po
che'i drung nas kun mkhyen

'jam dbyangs bzhad pa'i rdo rje'i gsung gi steng nas sgrol dkar
yid bzhin 'khor lo'i tshe khrid/ ma ti'i lugs kyi 'jam dbyangs
dkar po dang/ ri khrod lo ma gyon pa gnyis kyi sgrub thabs las
tshogs dang bcas

@280b pa'i lung khrid/ dbyangs can ma'i sgrub thabs kyi zab
khrid bcas gsan/ bkras chos ri khrod kyi dbyar gnas grol rjes su
hor zla brgyad pa'i tshes bcu skor zhig nas sgong gling gar phebs
te chab zhugs gnang ba bcas

nyin 'ga' shas ring bzhugs/ bka' blon bkras mthong ba sogs mdo
khams stod smad kyi gzhung sa'i sku drag du mas zhu yig phul
ba'i gsung lan chab shog kyang mang du stsal/ rdo rje 'chang
gang gi zhal slob ser byes

tsha ba pa/ mtshan nyid kyi gzhung la thos bsam mdzad pa sogs med
par rdob rdob lta bu yin yang phyis rdo rje 'chang chen po'i
drung nas lam rim sogs kyi zab khrid man ngag rgya cher nos te
yer bar sgrub pa yun ring gnang ba

grub chen phun tshogs lags zhes pa skabs skabs su sngags kyi gsar
spyod lta bur gsol zas myos byed kyi bdud rtsir yang ci bder rol
zhing/ yang bar bar du nyin gnyis gsum gyi ring la gsol ja tsam
bzhes

pa'i go skabs kyang thugs dam ting nge 'dzin la mnyam gzhag thun
gcig tu mnal bas 'phrogs te bzhugs pa'i rnal 'byor pa khyad par
can de nyid sku 'da' ka ma'i zhal tshems su/ ngos kyi chas dngos
rnams

kyis mthun rkyen byas te grwa tshang 'dir rdo rje 'chang chen
po'i drung nas lam rim gyis mtshon pa'i bka' chos rgya gang che
zhig zhu grogs gyis zhes gsungs pa ltar grwa tshang nas snyan
gsan snga phyir nan bstud du zhus par@281a @#/ /brten rje bla ma mchog zla ba
brgyad pa'i tshes nyi shu
skor zhig la gnas chen yer par chibs bskyod kyis/ de ga'i grwa
tshang gi bla sprul mkhan slob 'dus dmangs sogs der gnyug mar

gnas pa'i thog /yongs 'dzin gling mchog sprul rin po che dang/
brag ri mchog sprul/ dwags po skal bzang mkhas grub pa'i yang
srid mchog sprul sogs phyogs gzhan nas byon pa'i bla sprul bcas
gdus

ba ser skya tshogs pa lnga brgya brgal par tshes nyer brgyad nas
bzung zla ba gcig lhag tsam gyi ring lam rim 'jam dpal zhal lung
dang/ myur lam dmar khrid bcas sprags pa'i nyams khrid dang/
sems bskyed

mchod pa'i skabs byams chen lha khang nas byams sku chung ba
zhig gdan 'dren par mdzad de sems bskyed cho ga bcas gnang/ de
nas bla ma lnga bcu pa'i bshad lung/ gsang 'dus mi bskyod pa'i
dbang chen sta gon nyin

gcig dang/ dngos gzhi nyin gnyis/ yang bde mchog dril bu lugs
phyi dkyil lha lnga dang/ 'jigs byed lha bcu gsum ma/ kun rig
lha so bdun/ mi 'khrugs pa lha dgu/ dpal me lugs kyi thugs rje
chen

po bar du gcig zhal bcas kyi dbang chen/ gsang bde 'jigs gsum
gyi sngags btu'i rjes gnang/ bka' gdams thig le bcu drug gi bka'
dbang/ gling mtshag sprul nas gsol btab gnang pa ltar thun drug
dang/

@281b rtsa ltung spom po/ sdom pa nyi shu pa bcas kyi khrid/
'brom rin po che'i gsung dad pa'i ljon shing gis mtshon pa'i rang
rgyud ma bu'i skor le tshan cha tshang ba sogs kyi ljags lung bcas
stsal/ thig le bcu drug gi

dbang gi sngon du de'i ljags bsnyen sogs kyang gnas der gnang
zhing/ gsang 'dus kyi dbang chen sta gon skabs gling rin po ches
so shing 'dor gnang mdzad pa gyen 'greng du bsdad pa mar sne
shing khrol du 'byar ba

ltar gyur te khag sgra bcas dgog tu yod pa mngon sum par byung
bas der 'khod pa kun gyis ngo mtshar ba'i gnas su 'dzin par mdzad
do/ zhes gsal bar gleng ngo/ /a mdo sku 'bum che shos rin po
che'i gsung

yig phebs pa'i nyer len las stag brag rdo rje 'chang chen pos
bskul mnan cher mdzad pa ltar sngags grwa'i phyag bzhes ltar zla
ba dgu pa'i nang dpal stobs 'phrog dbang po gdong bzhi pa rnam
'gyur bcu bdun gyi

rjes gnang gi cho ga nag 'gros su bkod pa zhing skyong dgyes
pa'i mchod sprin skal bzang snying gi nor bu zhes pa bka' rtsom
mdzad cing/ de nas mi ring bar zhwa 'phel rin po ches zhus ngor
de'i par byang yang thugs rtsom

gnang/ de rjes zla ba bcu pa'i tshes nyer gcig nas co ne rin po
che las mdo sdud pa dang mngon rtogs rgyan sbyar ba'i bshad lung
dang/ dbu ma la 'jug pa'i bshad lung mjug tu 'jam bzhad gsung
'jug pa'i

@282a @#/ /smon lam gyi lung bcas dang/ yang me yos zla ba bcu
gcig pa'i tshes gnyis nas 'jam mgon tsong kha pa chen po'i gsung
drang nges legs bshad snying po'i bshad khrid/ spyod

'jug chen mo'i bshad lung/ gzhan yang rje'i gsung rten 'brel
bstod pa legs par bshad pa'i snying po dang/ 'jam bzhad gsung
grub mtha' rtsa ba/ bla ma lnga bcu pa/ sngags kyi rtsa ltang
spom po/

sdom pa nyi shu pa/ thun drug bla ma'i rnal 'byor bcas kyi bshad
khrid/ bla ma mchod pa la brten pa'i 'od dpag med kyi 'pho ba
zhag gcig ma'i nyams khrid/ gtor ma brgya rtsa'i phyag khrid man
ngag dang

bcas pa/ 'jam bzhad gsung klu'i gter bum bsgrub tshul bcas kyi
bshad lung zab rgyas dang/ phyag khrid gnad du smin pa gsan/ 'di
skabs kyi lo snga rting zhig tu yongs 'dzin gling mchog sprul
rin

po che'i gsung gi ngor nyams bzhes kyi gsal 'debs brtag lan gyi
zol du zlos pa'i zhal ta tshigs su bcad pa zhig kyang gnang/ co
ne rin po che'i drung nas chos gsan skabs kyi snga dgong chos
bar

rnams su rje nyid nas 'phan po gzim 'og rdo rje 'chang chen po
sogs kyis zhu bskul gnang ba ltar/ bla sprul dge bshes mang tsam
zhig la gzim chung du dbyangs can sgra mdo'i steng nas zhib
khrid cha tshang ba

@282b rgyas par stsal/ 'di skabs ser smad kong po shar chos
sprul sku dang/ chab mdo drung yig zhal snga nas thub bstan
gsung rab sogs kyis phyag zin tho re ba mdzad pa'ang byung
snang/ hor zla bcu gnyis pa'i nang

bkras chos 'du khang du rje bla ma nyid tshogs mgon du bzhugs te
ri khrod dge slong tshogs yongs dang bcas chos skyong shugs ldan
gyi bskang gsol thog mar 'dzugs gnang mdzad par ser sngags grwa
tshang gi

phyag bzhes ltar dung rgya rnga sbug sogs kyi rgyas spros dang
bcas te legs par gnang/ dgud grangs nga gcig tu phebs pas 'brug
lo 'gor spom mda' nyi ma rgyal mtshan gyis zhus ngor tsong kha
brgyad

cu'i sku thang rgyab yig dang/ zab lam bla ma mchod pa bde stong
dbyer med ma 'khor lo sdom pa dang 'brel bar nyams su len tshul
snyan brgyud bdud rtsi'i zil thigs zhes pa ljags rtsom mdzad/
nags

shod stag phu rdo rje 'chang gi mdun du zhu yig 'bul gnang mdzad
pa ni/ rab 'byams skyabs kun snying po mgon po bka' drin gyi
bdag nyid drug pa rdo rje 'chang chen po mchog gi ^ zhabs sen
grub gnyis 'dod

'od srung 'jo ba'i khri drung du/ bus slob pas dad gdung gus
gsum gyis dkyil 'khor me tog dang bcas pas dus drug tu mchod
cing phyag 'tshal gsol ba 'debs pa'i snying por/ deng gi char
yang/ zhing khams

@283a @#/ /rab 'byams kyi bkod pa gang gi ba spu'i khung bur
rdzogs shing/ mkha' mthas gtugs pa'i zhing kun gang sku'i bkod
pa gcig gis yongs su bzungs kyang/ mchog dang tha mal

gyi skal ngo so sor de dang de bzhin du ston pa'i sgyu 'phrul
dra ba'i rang bzhin bsam gyis mi khyab pa'i 'phrin las kyi rol
pa gang la gang 'dul du ston pa'i bka' drin gzhal par mi spyor
pa'i phung po bdag dang

mkha' khyab spyi sgos kyi dga' ston tshad las 'das par thob/ 'di
na gus pa do 'khor yang 'tsho khams bzang zhing/ bstan 'gro'i
lhag bsam mi dman par gnas lags/ mtshams su zhu gsol/ a

mdo co ne dge bshes rin po che zhu ba bkra shis 'khyil gyi sde
khri rin po che'i yongs 'dzin mdzad pa ^ paN chen thams cad
mkhyen pas gtsang du gdan zhu mdzad cing/ 'di lor dbus 'gyur du
phebs te

'di phyogs su bzhugs mus kyis/ mdo sngags chos rgyun gsan rgya
che zhing mkhas btsun bzang ldan snyigs dus kyi mahA paNDi ta
lta bur ma zad/ mchog gi gsang lung zhig tu'ang byang phyogs nas
nus ldan

gyi skyes bu zhig 'byung ba las gdams zab len pa dang zhes
gsungs pa bcas la brten gus pa nas kyang 'di ga ri khrod las mas
su gdan zhus bzhugs mus kyis mdo sngags kyi gzhung chen mo'i
bshad pa ji

@283b snyed cig zhus dang zhu bzhin zhu 'gyur bcas la gegs med
lam son yid bzhin 'grub pa'i skyabs 'jug brtse gzigs/ slad mar
yang/ spyi sgos bstan dang bdag sogs 'gro ba'i dpung gnyen gcig
pur

^ zhabs sen bskal brgyar brtan cing/ 'phrin las kyi rol pa rgya
chen mkha' khyab tu stsol bzhin bdag cag do 'khor yang thugs
rje'i skyabs rol nas zhar yang mi 'dor bar mngon 'dod yid bzhin
du 'grub pa'i

skyabs 'jug dang/ dgyes brtse'i bka'i bdud rtsi phyi nang gsang
gsum gyi khyad par dang bcas yang yang spyi bor stsol ba
mkhyaien/ mkhyaien/ mkhyaien/ zhu yig 'degs mtshon lha reg a she
dang/ yang lA sgam

ngo gcig bcas dben gnas bkra shis chos gling nas/ gus slob pha
bong kha'i sprul ming pas zla chos bzang por phul ba'i zhu yig
/ces so/ /rje bla ma mchog gis da dung snyan brgyud gdams pa
rgya mtsho'i gter mdzod

mkhas grub chen po co ne paNDi ta blo bzang rgya mtsho sprin
gtsug lag chos kyi 'dod 'jo dpal bzang po de nyid kyi zhabs pad
yun ring du bsnyen te zab rgyas chos kyi bdud rtsi mtha' yas pa
gsol ba dang/ byang chub lam rim

chen mo'i zab bshad dka' gnas kyi gnad kun khrol ba'i rgyas
'grel po ti bzhi tsam yod pa zhig bka' rtsom zhu gnang mdzad
rgyu'i thugs dgongs rtse gcig tu gtad de bla ma rin po che sku
tshe'i ring la chu bzang ri

@284a @#/ /khrod du dgyes pa chen pos lhod bzhugs bka' drin
skyong grub pa zhig dang/ zhabs sen dgung lo brgya phrag tu 'tsho
gzhes dgos pa'i gsol 'debs shugs drag dang 'brel bka'

chos dang/ bka' rtsom gyi rim pa 'gangs can du ma zhu rgyu pa
dog pa rim gyis sku gzugs kyi 'phrod bsten/ thugs brel che
chung/ thugs dam nyams bzhes kyi gnas skabs sogs la ma gnod par
thugs bzhed

dang bstun gyi na snyan sgron rim gyis zhus chog pa zhes sogs
kyi gsol 'debs gnang bar co ne rin po ches kyang dgyes mnyes
tshad med pa'i sgo nas zhal bzhes bzang po'ang gnang/ de dang
mthun par rje nyid nas

thugs khur bzhes te bla ma rin po che de nyid kyi bzhugs yul kho
nar dgongs te chu bzang ri khrod kyi bla brang gzim shag shar
rgyud du gzim khang thog so nyis brtsegs can la/ gzim chung/
gsol dpon khang/

gnyer tshang/ gsol thab/ bar khyams/ phyi rol thog yangs su me
tog bum pa bsgrig yul 'gram skyor sogs la nya rgyab/ bu shu/
ldebs zhal gyis mtshon phyi nang kun tu bkod legs sra brtan/ tshon
rtsi

sogs phun sum tshogs pa/ 'og shag rnams su thugs 'kho'i nyer
spyad ci rigs 'jog yul khang mig 'ga' zhig bcas dgongs bstun gyi
sgo nas legs bzhengs thob/ /gzim chung dang/ rten gsum bzhugs

@284b yul;mchod chas/ bzhugs sgrom/ gsol lcog /bzhugs 'bol
sogs dang/ gsol dpon khang dang/ gsol thab sogs su gsol ltir
zhugs slang/ thab chas chu snod tshun gyi yo byad gang na ci dgos
mtha'

dag gsar bskrun dngos dag phun sum tshogs pa gnang/ gnyer tshang
sogs kyang bza' bca' bshos zas sna tshogs pas phyur bur bkang
ste/ gza' skar dge ba'i nyin bla ma rin po che gdan drangs nas
zhabs brtan

brtan bzhugs dang 'brel bar phyi nang snod bcud mtha' dag rtsa
'bul mdzad cing/ slad kyang bla brang nas gang dgos 'bul rgyu
mdzad/ lo de'i zla ba bzhi pa'i tshes bcu gnyis nas bzung co ne
rin po che de nyid kyi

drung nas rje bla ma nyid kyis zhu ba po mdzad de chu bzang 'du
khang du sngags rim chen mo dang/ ngan song sbyong rgyud mtshan
dang bcas pa/ kun rig rgyud don gsal ba/ bshes pa'i spring yig
bcas kyi bshad lung/ bde

mchog rtsa rgyud dang/ rgyud 'grel sbas don kun gsal/ de'i sa
bcad bsdus don gsum sbrags kyi bshad khrid/ sde khri 'jam
dbyangs thub bstan nyi ma'i gsung gi steng nas dpal dus kyi
'khor lo'i bskyed rim/

co ne rin po che nyid kyi gsung rten 'brel bstod pa'i spel bstod
bcas kyi bshad lung/ sbas don kun gsal gyi brgyud 'debs/ zhang
bstan pa rgya mtsho'i lta mgur gyi lung sogs rgya cher gsan cing/
de dag las

@285a @#/ /bshes spring ma gtogs pa gzhan rnams la gsung bshad
kyi gces btus phyag zin du 'debs par mdzad pa'ang mang du yod
la/ 'di dag gi skabs rnams su bla ma rin po che gdan zhu

bsu skyel dang/ sri zhu gus 'dud tshad med pa gnang zhing/ chos
grwa pa rnams la'ang thog mtha' par gsum du mang 'gyed la sogs
pa'i bsnyen bkur phun sum tshogs pa gzab 'bul gnang/ 'di'i ring
rje

bla ma nyid kyis bla sprul dge bshes nyung hrag zur 'tshogs la/
bka' rgya'i gras khro bcu'i bsrung zlog bar ma'i rno mtshon dang/
dra sdom 'khor lo bri sgrub bya tshul gyi zur khrid/ mkhas dbang
daNDi'i gzhung

snyan ngag me long ma'i 'grel pa dbyangs can dgyes glu'i lteng
nas zhib khrid/ bla ma'i rnal 'byor byin rlabs 'dod dgu'i gter
mdzod kyi khrid/ rje nyid kyis mdzad pa'i mgon po bor dmar dang/
las mkhan

mi hreng dmar po bcas kyi gtor chog gi ljags lung bcas stsal/
phyi ma 'di rje nyid kyi bka' rtsom dngos ma rang du chab mdo
drung yig zhal snga nas thub bstan gsung rab dang/ phyag khang
drung yig dkon mchog

shes rab sogs kyi thob yig las kho bo cag gis yang yang gsal bar
mthong ba byung mod/ de'i ma phyi bor gyar song ba 'dra ste/ dus
phyis dpe tsam yang mthong thos kyi yul du mi snang zhing/ snyan
ngag gi zhib

@285b khrid gnang skabs kyang/ kong po shar pa sprul sku dang/
chab mdo drung yig sogs nas dper brjod rgyugs 'bul zhu mi'ang
mang du byung/ de rjes shig tu/ ser byes har gdong sog po dge
bshes mkhas pa'i dbang

po snyan grags zhes pas zhus ngor rje bla ma mchog nas bkras
chos ri khrod kyi 'du khang du/ gling mchog sprul rin po che
dang/ mtsho sna sprul sku/ o tog sprul sku/ rigs smra'i khyu
mchog dge bshes yar

grong ba dge legs rgya mtsho sogs 'dus pa sum brgya tsam la gsang
'dus bskyed rim dngos grub rgya mtsho dang/ rdzogs rim rim pa
lnga gsal ba'i sgron me bcas kyi bshad lung sogs zab la rgyas pa
stsal/

'di'i skabs snga phyi zhig la slar yang co ne paNDi ta rin po
che dang lhan du sngar byon pa'i 'phan yul gyi rten gnas khyad
par can rnams su gnas mjal zhabs skor sogs gnang bar ched gnyen
gyis phebs pa'i

thog ;bla ma rnam gnyis lhan rgyas mnyam por byon te gnas rten
so sor gnas gzigs dang/ mchod 'bul/ bka' gdams gong ma'i sgrub
gnas dang/ gdung rten khyad par can gang yod kyi sa phal mo cher

zhabs kyis byon te so sor thugs dam nyams bzhes kyi rim pa dang/
zhabs skor sogs gnad du smin pa re bskyangs shing/ rgyal ba'i
bstan pa yun ring gnas pa dang/ skye rgu'i bsod nams kyi zhing
mchog
@286a @#/ /de dag kyang rgyal bstan ji srid bar gzhan du mi
g.yo ba dang/ 'gro ba rnams byang chub kyi sems rnam pa gnyis
kyis smin cing grol ba'i skal ba can du sgrub pa bcas kyi
thugs smon bden

tshig zab mo yun ring la shugs drag pa yang dang yang du gnang/
rje bla ma rdo rje 'chang mchog 'phan gnas spyi dang/ lhag par
pa tshab lo tsA ba nyi ma grags kyi gdung bzhugs pa'i mchod
rten zhabs skor du snga phyir

lan gsum du phebs pa las 'di skabs lan gsum pa de yin zhing/
mkhas dbang co ne rin po ches phu chung ba'i sgrub gnas sogs
su phebs skabs/ da dung rten gnas 'di dag byin rlabs ma nyams
par

bzhugs 'dug pa shin tu legs po byung zhes bsngags brjod dang
dgyes tshor chen po'i gsung yang yang byon zhes phrags so/ /de
nas phyir phebs te bkras chos ri khrod du bzhugs mus shig tu
dpyod ldan

sgrub la gzhol ba dge slong byams pa rnam rgyal nas bskul ngor
rje btsun 'jam dbyangs dkar po la brten nas rig 'dzin gyi
zhing mchog ba grod pa'i sa mkhan zhes pa thugs rtsom gnang
zhing/ mtha' dbus

kyi dad mjal ba du mar mjal phyag dang 'dod chos sogs mang du
stsal/ dwags po bye ri'i mtshams pa ngag dbang snyan grags sogs
lho byang khul dang/ mdo stod mdo smad kyi dad brtson can du
mas byes 'grul

@286b gdong phul ba'i zhu 'phrin kyi lan dang dris lan sogs
shin tu mang ba gnang zhing/ dge bsnyen rdo rje rab brtan la
gsung shog gi lam nas zhal gdams stsal ba ni/ tshe 'di glog
ltar g.yo zhing mnog chung

la/ /srid 'pyor 'di yang srin mo'i bslu brid nyid/ /de phyir
'di dang srid pa'i bde 'byor gyi/ /rang mtshang 'di las thugs
yid 'byung bar rigs/ /theg mchog lam gyi srog gcig rin chen
sems/ /'khor ba'i

gzhi rtsa 'byin byed yang dag lta/ /thabs shes zung du 'jug
pa'i gshog yangs 'di/ /rgyal sras spyod pa'i pha mthar bgrod
byed nyid/ /de ltar lam gtso gsum gyi rtsal gsum gyis/ /rig
pa'i khye'u chung lus

stobs rdzogs pa na/ /rim gnyis zab mo'i rta mchog myur ba'i
shugs/ /bsten nas zung 'jug sa la myur bgrod dgos/ /de lta'i
lam zab tshang la ma nor ba/ /ji bzhin 'doms pa dge ldan snyan
brgyud ces/ /

gangs can grub mtha' kun gyi gtsug nor 'dir/ /thos bsam sgom
la brtson pa lhur len mdzod/ /ces pa 'di'o/ /zla ba bcu pa'i
skor zhig tu khri byang mchog sprul rin po che cha 'phreng nas
phebs te 'byor phyag tu

byon pa sogs phyogs mtha'i dad mjal ba mang por mjal kha sogs
gnang/ mdo smad tsha ba rong nas dge bsnyen rdo rje rab brtan
bas snga phyir gsol 'debs nan bstud du zhus pa ltar nA ro
mkha' spyod dbang mo'i

@287a @#/ /bsnyen sgrub las gsum gyi lag len nag 'gros su bkod
pa skal bzang mkha' spyod bgrod pa'i them skas dang/ slar yang
snga phyir ring min zhig tu dge bsnyen rdo rje rab brtan dang/

ser byes tsha ba pa dge bshes thub bstan dngos grub gnyis kyis
gsol ba btab pa bzhin nA ro mkha' spyod ma'i bsnyen pa'i
sngon 'gro'i 'don chog dang/ zhi ba'i sbyin sreg /'jig rten
pa'i me lha thab tu

'gugs pa'i bsnyen pa bya tshul/ de'i bcu cha'i sbyin sreg
/bsnyen sgrub sbrags ma'i 'don sgrigs/ bcu cha chen mo'i sbyin
sreg bcas bka' rtsom dang/ rgyal thang lha mkhar rin po che
sogs kyi zhu yig

gi bka' lan kyang stsal/ 'bras spungs sgo mang bka' 'gyur bla
ma rin po che blo bzang don ldan pas gsol gdab gnang ba ltar
chu bzang ri khrod kyi ser smad kong po shar chos bla brang gi
gzim shag tu

zhu mi bka' 'gyur bla ma rang nyid dang/ brag ri mchog sprul/
lha btsun sprul sku/ shar chos sprul sku/ zhol sras gangs gi'u
'gro mgon sprul sku/ lam rim bla ma rgyal mtshan dar rgyas/
chab mdo

rje drung thub bstan gsung rab sogs 'dus tshogs sum cu skor la
sked tshang 'jam dbyangs smon lam gyi gsung 'bum pod gnyis
dang/ dwags po skal bzang mkhas grub kyi gsung bkra shis tshe
ring ma'i

@287b g.yang sgrub bcas kyi ljags lung stsal skabs rje bla ma
rdo rje 'chang nyid kyi zhal nas/ da res bla ma rin po ches
bklags lung gsan pa'i zhor du/ nye lam nged kyis gsar bsgrigs
byas pa'i 'jigs byed dpa'

gcig gi sgrub thabs rgyas pa zhig yod pa la ljags zhus zhib
nan zhig gnang rogs zhu dgos pa yod/ de'i dpe cha btsal te bla
ma rin po cher phul cig ces chab mdo drung yig lags la phebs
par khong gis de

'phral phyag dpe bris ma de bzhin phul ba la bka' 'gyur bla
mas ljags byang gsan gyin zhu dag gnang zhing/ zhus dag zin
'phral 'di'i las gshin skabs tsA muNDI 'dug kyang rgyud
grwa'i phyag bzhes su med pas

de 'dra phyag bcos gnang na las gzhan legs po byung 'dug zhus
par/ rje nyid nas tsA muNDI rgyud grwa'i phyag bzhes la yod
gsungs kyang bka' 'gyur bla ma rin po ches med tshul nan bskyed
de zhus par/ zhal

kyal gyi tshul du/ 'o na de drung yig ngag ldan gyis byas pa
red do zhes gsung bar chab mdo drung yig zhum pa'i rnam pa
ltar gyur/ yang zhal nas/ a cang ku re yin/ tsA muNDI yod
med rgyud stod du gling mchog

sprul mdun rtsad gcod gnang dgos zhes sang nyin snga char
drung yig lags btang gnang bas/ gling rin po ches de 'phral
rgyud grwa stod smad gnyis ka nas rtsad gcod zhib nan thog
/tsA muNDI rgyud grwa gnyi ga'i phyag bzhes su

@288a @#/ /'dug tshul 'byor bas sgrub thabs su ljags sgrigs
gnang zin pa ltar sor gnas mdzad/ dus phyis gong gsal chos
gral ba zhig nas lha mo mkhar gyi b+hai ra rim gnyis bro glu'i

skabs sgrub thabs de mdzad byang tsam las gzhan rnams nged
kyis brtsams pa yin zer ba sogs byung snang yang/ des ma
brtsams pa gong gi zhal kyal mdzad yul drung yig ngag ldan
gsung ba las/ gzhan

che ge mo khong gis byas zhes ma gsungs pa sogs rgyu mtshan du
mas gsal bar shes nus pas na/ de ltar zer ba po kun slong
g.yon can gzhan gyis dbang byas pa ma zad/ rlung gis btegs
pa'i nying

'thul tshabs po che'i gtam col 'bal zhig pa de la snying po ci
yang med cing/ rdo rje 'chang rang gi ljags bsgrigs dngos yin
pa'i dbang po ngas bya btub ces dus phyis lam rim bla ma rgyal
mtshan dar

rgyas pas kho 'or do gal chen pos rim brtsegs su bzlas pa yid
la gsal ba bzhin du sgro skur med par smras so/ /dgung grangs
nga gnyis phebs pa sa sbrul lo'i dgung gsar gyi mdzad sgo sogs
kyang 'gral?

tshes ri khrod du sngar rgyun ltar gnang zhing/ lha sa'i smon
lam gyi tshogs gral sogs su'ang mdzad brel ha cang 'dzing che
med skabs sngon dus bzhin ci lcogs su phebs te dge 'dun 'dus
pa'i tshogs

@288b dang lhan du gsung chog thugs smon sogs gzab par
bskyangs shing/ bkras chos dang chu bzang chos ra rnams su lam
rim gyi khrid dang dbang bka' mang du stsal bar grags/ gzim
lha klu'i lha lcam g.yang 'dzoms

tshe ring nas snga phyir bskul ba bzhin rdo rje rnal 'byor ma'i
las rung gi bsnyen pa'i sngon 'gro'i 'don cha dang/ mkha'
spyod bgrod pa'i gser chos bsam mi khyab thun mong min pa/
sgrub thabs dang ma 'brel par rnal

'byor ma'i tshogs mchod 'bul tshul sogs dang/ smad rgyud bla ma
dbu mdzad gtsang pa thub bstan nyin byed dang/ rgyud smad
sngags ram pa blo bzang rgya mtsho rnam gnyis nas zhus ngor rdo
rje rnal 'byor ma'i sgo nas

lag mchod bya tshul mkha' spyod dga' ston snying po zhes pa'ang
ljags rtsom mdzad/ mdo smad nas brag g.yab rtogs ldan rin po
ches zhu yig phul ba'i bka' lan la/ mang thos gangs kyi rdul
mang brtsegs

pa'i spor/ /tshul bzhin sgrub pa'i lus stobs rab dar bas/
/spangs rtogs ral khur mthon por bcings pa yi/ /grub pa'i
rtsal rdzogs gdong lnga'i dbang po'i drung/ /mdza' zhing gcugs
pa'i dam tshig dar gyi

mdud/ /phan tshun mtshungs bar snying du bcings pa yi/ /rang
gzugs ak+Sha ra yi mai nA kaH/ /dkar 'jam do rar bsgyur 'dir
dgyes dgur dgongs/ /dge legs bye bar 'khyil ba'i chu gter gyi/
/snying po gang du

@289a @#/ /rdzogs pa khyod sku'i zla/ /bsngags 'os yon tan cha
shas rdzogs pa can/ /'gal rkyen mun can g.yul las rab rgyal
zhing/ /nyams myong utpal chun po rab dgod pa'i/ /mang thos

gang ba rgyas pa'i thig le'i 'dzum/ /legs bshad ga bur rdul du
sgyugs pa yis/ /phyogs kyi tha grur snang ba'i lang tshor byas/
/'dir yang brtse ba'i rang gzugs shis pa'i 'phrin/ /rtogs pa'i
nyams myong

klong nas rdol pa'i dbyangs/ /gzhan gyis blor mi shong ba'i
gya nom skyes/ /snga phyi gnyis ka nyams med spro dgar son/
/ngos kyang 'tsho ba'i 'dab brgya ma zhig tsam/ /snyigs lnga'i
'thor rlung drag pos rab

gtses kyang/ /lhag bsam dri bzang khang pa dkar po'i sbubs/
/nyams myong sbrang rtsi'i dog pa spel bzhin lags/ /khyod ni
mang du thos pa'i pha rol son/ /tshad ldan bshes gnyen sras kyi
thu bor gyur/ /

thugs kyi bum bzang snyan brgyud bdud rtsis phyug /snying rus
drag pos sgrub pa'i rgyal mtshan 'dzin/ /e ma mtshang med pa'i
rgyu tshogs las/ /'bras bu rtogs pa'i nyams myong klong nas
rdol/ /gang du gshegs

dang gang zhig bstan pa'i lam/ /de dang de na bstan 'gro'i
dga' ston nyid/ /khyad par tshul bzhin bshes gnyen bsten pa'i
tshul/ /yid la 'brom ston bya yul ba ji bzhin/ /khyod kyi ji
ltar rnam par thar pa'i

@289b tshul/ /bsam bzhin bsam bzhin spro dga'i spu long g.yos/
/zang zing yod dgu ngos la yang yang du/ /'brom gyi 'bul mo
che bas spyod las pa'i/ /spyan snga'i 'bul mo che bzhin kho
bor theb/ /yid kyi chu gter dga'

ba'i rlabs kyis bskyod/ /dga' ba'i bzhin ras 'dzum dkar lang
tshos brgyan/ /gya nom bdog pas mkho dgu yangs por byas/ /khyod
drin snying du sdug bas ca co 'chor/ /bdag gzhan mnyam brje'i
rin chen sems

mchog gi / /nyams myong gting nas rdol ba'i dam bca'i dbyangs/
/gzhan gyis yi rang tsam yang bya dka' ba/ /'di 'dra rgyal
sras dpa' bo'i snying stobs nyid/ /rang bzhin stong la bya
byed 'thad pa yi/ /klu sgrub

dgongs zab shin tu rtogs dka'i gnas/ /ji bzhin khong du chud
pa'i nyams mgur dbyangs/ /'di 'dra khyod nyid kho na'i bgo
skal tsam/ /de ltar rin chen sems gnyis zung 'brel ba/ /'di
las lhag pa'i theg

mchog lam bzang gang/ /'di las lhag pa'i rtogs pa'i nyams
myong gang/ /'di las lhag pa'i sgrub pa'i mchog pa gang/ /pha
las bu rdzig ces sogs jo bo rjer/ /lung bstan ji bzhin bdag
la'ang bla ma yis//

rjes su gdams pa 'dir ni mngon sum nyid/ /a la la hoH shin tu
blo bder gyur/ /lo shas sgo gsum bcad rgya dam po ru/ /bzhugs
zhes gsungs pa'ang shin tu legs nges pas/ /dgongs bzhed ji
bzhin

@290a @#/ /thugs dam 'phel ba yi/ /skyabs dmigs srung 'khor nam
yang lhod med zhu/ /slar yid gsol bar bya ba'i snying po ni/
/dpag bsam shing dang mchog gi rgyal mtshan ltar/ /'gro

ba'i phan bde'i gzhi rten khyod kyi sku/ /g.yo med tshe mtha'
yas pa'i ngo bor mdzod/ /blo bzang snyan brgyud snying por
rtse gcig tu/ /rdo rje'i rnal 'byor gnang du bsnun pa yis/
/zhi lhag bde stong sgyu 'od zur?

'jug sogs/ /grub pa'i go 'phang mthon por gshegs par mdzod/
/blo bzang ring lugs shin tu nyag phra zhing/ /snyigs lnga'i
rnam 'gyur drag por glal ba yis/ /phal cher nyam nga'i g.yang
sar lces

dus 'dir/ /khyod kyi thugs bskyed go cha lhag par mdzod/ /thun
mong byang chub lam gyi rim pa dang/ /zab mo rdo rje theg pa'i
dbang khrid sogs/ /phyogs dang phyogs su gang la gang 'tsham
par/ /'doms pa'i

thugs bskyed thugs khud rgya cher mdzod/ /ngos kyang ring por
'tsho ba'i dam bca'i mdud/ /snying gi khur du dam por bcings
bzhin nas/ /tan? 'rgyud nyams myong bzang po'i bdud rtsi'i
bcud/ /skal bzang gtan

??? 'da'i gsos su e yon blta/ /re zhig nang re dpon slob
dgyes pa'i zhal/ /dngos su spyod pa'i dga' ston dman na yang/
/slad mar dngos mjal legs bshad dga' ston la/ /dngos su spyod
pa'i yid

@290b smon shugs drag dang/ /nyid kyi sku tshe brtan cing bzhed
don kun/ /'bad med 'grub pa'i skyabs srung lhod med zhu/ /zhes
pa stsal/ 'di'i lo phyi nang du dge bsnyen rdo rje rab brtan
dang/ byes tsha dge bshes thub bstan

dngos grub snyan grags sogs nas zhus ngor nA ro mkha' spyod
ma'i bsnyen chen gyi skor dang/ thun dang thun mtshams skor gyi
bslab bya/ rnal 'byor ma'i bsnyen pa'i sngon 'gro'i 'don cha
sogs dang/ yongs

'dzin dge bshes mkhyen rab mthar phyin gyis chab shog gi lam
nas bskul ba ltar dkon rdor blo bzang rnam rgyal bstan 'dzin
lhun grub pa'i zhabs brtan gsol 'debs sogs kyang bka' rtsom
gnang/

'di skabs gzhung zhabs zhig la tshigs bcad ma'i gsung shog
stsal ba ni/ 'chi med grub pa'i snying po bdud rtsi'i rdul/
/mtshan dpe'i phung por brtsegs pa'i snang brnyan tsam/ /yud
tsam dang blo'i me long ngos

brten kyang/ /tshe srog rdo rjer sbyin des khyod la srungs/
/srid zhi'i nyam nga 'phrog pa'i chos phung kun/ /dbyangs kyi
dkyil 'khor gcig tu rdzogs pa'i rgyud/ /sgreng ba'i rnam 'gyur
dran pa'i mod nyid la/ /smra ba'i

mchog ster ma de khyod mgrin rol/ /skyes thob blo gros 'gyur
med rdo rje'i khams/ /sbyangs stobs bir shwa karmas bsgyur
ba'i gzugs/ /yon tan phyag mtshan rdo rjes phyogs kun las/
/rnam par rgyal ba'i 
@291a @#/ /dpal rnyed gang gi drung/ /dad mos yongs 'du'i phang
pa las skyes pa'i/ /snyan ngag lang tsho dar ba'i khu byug mo/
/rten gyi khur lci thogs nas lha reg gi /'dab gshog bskyod

cing bdag gi drung du lhags/ /blun po lang tshos dregs pa'i wa
skyes la/ /rgyan gos bzang po'i mdangs kyis kha bsgyur kyang/
/do gal smra ba'i mgrin pa than skad du/ /sgrogs pas rang gi de
nyid gsal

bar byed/ /la la stobs dang la la rigs gzugs kyis/ /dregs pa'i
blun po ri dwags khyu tshogs kyang/ /blo gros lus stobs rgyas
pa'i gdong lnga yis/ /sma ba'i gang rgyangs gcig gis zil gyis

gnon/ /gang blo nor 'dzin 'gram par 'khrungs pa yi/ /snyan tshig
me tog gsar pa'i dga' ston gyis/ /thog ma'i mchod pa rigs kyi
cod pan la/ /'os bor slob? pa'i? skyes bzang thob pa'i mo'o/ /

'di na dam par snyan pa'i dpal thob pa/ /dkor skal chang gis dge
ba'i blo myos pa'i/ /skyug pa'i phreng ba lta bu'i tshig sbyor
dag /mdza' ba'i rang bzhin gcig tu mtshan phyar spro/ /rdzogs
ldan gser

zhun khu bar skyugs pa yi/ /sa la bde skyid padmo bskrun pa'i
gnyen/ /gnam lo'i nyin byed gsar du tshes pa yi/ /dus kyi dga'
ston cho ga brtson pa na/ /skyes thob blo gros nor bu'i me long
nang/ /

@291b sbyangs stobs brtson pas bkugs pa'i lnga rig gzugs/ /snyan
tshig lang tsho dang ma'i smin legs ma/ /mthong ba'i dpyod ldan
yid dbang 'phyan pa ni/ /blun po nor dang chags ldan lus phra
bzhin/ /mkhas rnams

snying du sdug pa'i dga' ston ni/ /legs par bshad pa'i skyes
bzang 'di kho na/ /sras bcas rgyal bar mchod pa'i sprin kyang
yin/ /'chad rtsod rtsom la mkhas pa'i ngag gi lam/ /yangs por
smra ba'i

mgul ba 'di mdzes kyi/ /rmongs pa'i mgrin par mu tig dmar po yi/
/do shal dpyangs kyang bong bu'i ske rgyan bzhin/ /de slad bzang
por sad pa'i bag chags kyis/ /gzhon nu nyid nas rgan po'i blo/ /

'chang bas/ /mkhas bya'i gnas la ma bskul brtson pa'i khur/ /'di
yi blo gros 'phel ba dkar phyogs bzhin/ /zhes pa ste/ 'di'i
'phro tshang ba ma rnyed kyang dgos pa'i dbang gis 'dir bkod pa
lags so/ /

rdo rje 'chang chen po nyid kyi gsung bla mchod bde mchog dang
'brel ba'i bar thung sngon 'khod yig 'bru chung stangs chos pa
lo na ches cher ba gres rigs kyis klog 'don cung zad dka' bar
brten rgyu sbyor dang ldan tshe dbang bya

khrid nas par thung bskyar brko zhus chog pa sogs kyi gsol ba
btab pa bzhin par byang smon tshig ljags rtsom dang/ e ma rje
lha klu lkog pa thub bstan tshe dbang nas rje nyid kyi man ngag
ltar skyabs

@292a @#/ /'gro'i bogs 'don par thung gsar du dgod rgyu'i thog
mtha'i mchod brjod dang/ smon tshig bcas dgos tshul nan du zhus pa
ltar de 'phral thugs rtsom gnang/ e ma rje 'di bu?

rnam dpyod kyi rtsal che zhing/ rje bla ma nying la mi phyed
pa'i dad pa sus kyang zlog tu mi btub pa yod pa'i stobs kyis rje
nyid kyi 'phrin las nam mkha' ltar khyab pa la phrag dog dang/
ma dad log par blta

ba'i skye bo mchog dman su la'ang phog thug sogs mi 'dzem par/
bkras chos ri khrod sogs su yang yang bcar te byang chub lam gyi
rim pa'i man ngag du ma myong khrid kyi tshul du nos shing/ rje
nyid kyi

gsung gi gsang ba'i lam gyi rim pa'i man ngag mang po zhig snga
phyir zin bris su btab pa'ang yod ces thos so/ /'di skabs shig
la a mdo dge 'dun chos 'phel gyis rje nyid kyi snang brnyan
'khrul bar gyi

dbyings mtshungs 'byon gtsang zhig lag bris mar bzhengs te/ rgyab
yig tu/ byams brtse'i dkyil 'khor rnam rdzogs pa O/ bstan O
'dzin O bde 'byung gtsug gi rgyan/ /'phrin O las O snang bas
gser ldan khyon/ /kun

khyab rgyal ba rgya mtsho'i mgon/ /ces bya ba gsar rtsom gyis
bstod bsngags bgyis 'dug cing/ phyis su'ang skyabs rje pha bong
kha rin po che bla ma ha cang gi yag po yod/ nged rang la yang
thugs mnyes po

@292b gnang gin yod/ ces kho rang gi grogs po rgyal rong lha
bris pa thub bstan chos rgyal dang/ lha sa dga' ldan khar gsar
pa dkon mchog nor bu zung la brjod 'dug pas/ khong pas mkhas
mchog dbyig gnyen dang/

zhwa lu lo chen sogs kyis mtshon te 'phags bod kyi bla chen dang
mkhas chen su 'dra zhig la'ang 'jig rten gnyen grogs kyi rtsis
mthong tsam las dwad pa dag snang gis bden kha spu tsam sbyin mi
srid pa'i rtog ge mgo

mkhregs shig yin yang/ rje bla ma nyid skyes mchog dam pa bsam
mi khyab pa'i ngang tshul rjen par gsal ba zhig tu bzhugs pa'i
stabs kyis dge 'dun chos 'phel rang nyid nas gzhan ma ji ltar
yang rje 'di la

dad pa'i phyogs 'dzin pa zhig ni yin par snang ngo/ /gzhan yang
a ru hor chen po'i byes 'grul dang grwa rigs khag mang po/ a
mdo'i yul sogs nas dbus ljongs su chas pa'i dad mjal pa du mar
mjal

kha; phyag dbang/ 'dod chos/ srung byin sogs dang/ a mchog zung
chu sku zhang sprul sku'i zhu yig gi bka' lan du/ /bsngags 'os
yon tan rin chen dpal gyi rdul/ /thugs bskyed nor bu'i thig ler
'dzum pa'i

dpyid/ /sa gsum bstan 'gro'i mun sel snying po gang/ /mchog
sprul smra ba'i nyi ma gcig de'i drung/ /mdza' ba'i rang bzhin
snying du sdug pa yis/ /mngon sum khyod sku blta ba'i gdung sel
du/ /smra ba'i 'du byed

@293a @#/ /swa sta'i dbyangs kyi mchid/ /lhag par spro 'dir brtsa
bas dgyas par dgongs/ /lung rtogs nor bu'i khams las legs bskrun
pa'i/ /gsang gsum nyin mor byed pa'i dkyil 'khor gang; ;ngo
mtshar 'phrin las 'od stong rtse dga' yis/ /sa chen bskal bzang
snying por bskurn bzhin nas/ /dbyangs can dbyangs kyi shis par
sgeg pa yi/ /dad dam rjes brtse'i rang gzugs swa sti'i ris/ /

rin gnyis rta rmig zla dbang grangs ldan dang/ /gos bzang gnas
bcu'i snang brnyan bkra ba bcas/ /rab dkar lha rdzas so sos bteg
pa zung/ /phyag rgya'i re khA nyams med snga phyir sor/ /mang
du spos

dang rtse gcig sgrub pa dang/ /thabs kyis gzhan dag de la bkri
ba dang/ /zhing mchog bla ma mchod cing bkur ba sogs/ /ngo mtshar
rnam thar dran pa'i mod nyid la/ /bdag yid ltag par rangs shing
spro ba yis/

bstod bsngags ca co brgya phrag sgrog par byas/ /bdag kyang 'tsho
ba'i dngos po rab brtan cing/ /'di snang rnam g.yeng sgrog tu
chud pa yis/ /rtse gcig sems pa'i go skabs cung phra yang/
/bstan 'gro'i lhag

bsam yar zlar rtsen bzhin lags/ /mtshams zhu/ kye ma sdig lta
snying du zug pa yi/ /mi bsrun skye bo'i glang pos mtha' dbus
khengs/ /brlab por spyod pa'i gom stabs byung rgyal du/ /bsgyur
bas rgyal bstan

@293b pad tshal phal cher bcom/ /res 'ga' gdong lnga'i khog pa
'bus g.yeng bzhin/ /phyi tshul bstan pa'i gzugs brnyan rab mdzes
kyang/ /nang du lta sgom spyod pa'i khyad par gyi/ /yang dag don
gyi snying pos rab tu

stongs/ /dkar min gdol spyod dpung pa dar ba yis/ /chos bzhin
spyod rnams nyam dmas 'tshe bas ngal/ /sgrub pa'i skal pa cung
zad rnyed rnams kyang/ /ltar snang phyogs re'i lam du tshe gang
gol/ /bstan pa'i snying

po 'jam mgon snyan brgyud nor/ /mi gtsang bgos pa'i rdo bzhin
kun gyis bskyur/ /de lta'i ngang tshul snying gi zug rdu ltar/
/bdag kyang zhi ba'i dben pa nyid sems kyang/ /'jam mgon ring
lugs snying du lci ba'i

khur; ;snying stobs rlabs ches lhag par spel ba yis/ /da dung
blo bzang snyan brgyud bshad sgrub bstan/ /spel bzhin ring
mtsho'i lhag bsam brtan po lags/ /de slad nyid kyang snyigs
lnga'i rang bzhin gyi/ /snang

tshul gang la'ang thugs yid mi 'byung bar/ /gang las don gnyis
dgos 'dod dbyig gi char/ /yid bzhin 'beb pa khyod sku'i bsam
'phel dbang/ /mthun snang gdul bya'i zur pud rgyal mtshan gyi/
/rtse mor

srid mtha'i bar du mdzes par mdzod/ /'jam mgon snyan brgyud sa
gsum rin chen gcig /sa de'i bskal bzang snying por spyod pa'i
slad/ /gang la gang 'tsham bshad dang sgrub pa yis/ /spel ba'i
khur de khyod

@294a @#/ /kyis bdag gir mdzod/ /lhag par dus gsum rgyal ba'i lam
po che/ /byang chub lam gyi rim pa la brten nas/ /nges 'byung
byang sems yang dag lta ba yis/ /mtha' yas skye

rgu'i snying la skal bzang mdzod/ /bsrung dang phyir zlog bka'
yi 'khor lo yis/ /glags tshol bar gcod phye mar 'thag pa dang/
/'khor 'das tshe bcud mi shigs dwangs ma yi/ /dpal du bsdu ba'i
cho gar

brtson par mdzod/ /khyod kyi zhabs sen g.yung drung dwangs mar
smin/ /bzhed rgu 'bad med 'grub par gyur cig ces/ /drang srong
bden pa'i dbyangs su 'jor ba yi/ /grogs su bla ma mchog gsum kun
kyang

spran; ;yul gyis bskal bas phan tshun dgyes zhal dngos/ /spyod
pa'i dga' ston re zhig skabs phra yang/ /phebs par smra ba'i
gsung gi dod po ru/ /ngal bso'i gsung mchid yang dang yang du
'tshal/ /

de skad zhu 'phrin gnyis skyes dang mo dkar/ /snyan tshig mgrin
pa'i rdza rnga 'khrol ba can/ /don ldan skyes bzang sgro gshog
ngo ma bzhin du/ /bde chen grub mchog dga' ba'i tshal nas 'phur/
/ces pa gnang

skyes gya nom pas spud pa bcas stsal zhing/ de phyogs kyi skyabs
zhu'i lan gzhan ma'ang 'ga' re gnang/ dad brtson can du ma'i
ngor zab lam bla mchod dang grub rgyal tshe sgrub sbrags ma'i sgo
nas zhing

@294b khyad par can la brtan bzhugs 'bul tshul rtag brtan rdo
rje'i re khA zhes pa'ang ljags sgrigs su mdzad do/ /'dir smras
pa/ mi bzad snyigs ma lnga bdo'i dus kyi mthar/ /snying stobs
chen po'i mtshan gyi grags snyan

gzi; ;me 'bar 'jam dpal rdo rje tsong kha pa'i/ /dri med lugs
bzang sa gsum snang ba'i gter/ /gang de'i mdo rgyud bstan pa'i
srol ma lus/ /gsan bsam sgom sgrub 'chad rtsod rtsom ba sogs/
/rlabs chen

'khor lo gsum gyi mdzad bzang gis/ /nyi ltar gsal mdzad thub
dbang gnyis pa bzhin/ /byamsO brtse mkhyen paO bstanO 'dzinO bye
ba'i dbus/ /ches 'phags stobs bcu'i bdag po'i 'phrinO lasO kyi/
/rol

bar rgyal ba rgyaO mtsho'iO mdzad pa'i shas/ /cung zad spro la
'jug 'di e ma rmad/ /ces pa ni gong du dus tshes nges pa rnyed
pa'i mdzad pa tho re ba 'ga' zhig brjod pa'i mjug bsdu ba'i
tshigs su bcad pa'o// //