@#/ /rigs dang dkyil 'khor rgya mtsho'i khyab bdag he ru kaH dpal
ngur smrig gar rol skyabs gcig pha bong khas bde chen snying po
dpal bzang po'i rnam par thar pa don ldan tshangs pa'i dbyangs
snyan zhes bya ba'i smad cha bzhugs so/ /

@001a @#/ /bar 'dir gong gsal dgung lo so dgur phebs pa me 'brug
nas/ dgung grangs nga gnyis pa sa sbrul lo'i bar du byung pa'i
mdzad pa lo

zla ji bzhin gsal bar ma nges pa'i rigs cung zad cig go rim nges
pa med par spel ba la/ rje bla ma rdo rje 'chang chen po mchog
chu bzang ri khrod du bzhugs skabs

shig tu/ rtag brtan sgrub phug gsar du phyag 'debs zin pa'i zhal
bsro gnang rgyur chu bzang nas rtag brtan du phebs bskyod skabs/
chu bzang ri khrod dge spyi nas sngar

rgyun rje bla ma mchog phan tshun du chibs phebs kyi skabs phal
cher la gsol tsha'i phebs sgrig zhu mus ltar rgod chu mig tu gsol
tsha'i phebs sgrig zhus pa'i thog /dge

@002a @#/ /slong rnams nas ser sbreng bcas zhus/ de nas rtag
brtan du phebs te bla brang nas rten gsum dang/ bzhes gro/ chu
bzang dge spyi nas kyang rten gsum/ mjal

dar sogs phul/ 'phan po brag nag mtshams pa dge 'dun yar 'phel
nas kyang rten gsum sogs bteg /der chu bzang gi dge slong sogs
zhu mi 'ga' shas la lam gyi

gtso bo rnam gsum gyi rtsa tshig dang/ dge ldan bstan pa rgyas
pa'i smon lam grub pa'i bden tshig gi bklags lung stsal/ der nyin
shas bzhugs te yang chu bzang du phyir

phebs/ yang skabs shig rtag brtan ri khrod du chibs phebs kyis
mchod sprin rgyas spros dang bcas gzim sbug gi mdor thog yangs
steng du nyer spyod lha grangs ltar

drug cu rtsa bzhi tshang ba dang/ tshogs 'khor sogs rgya cher 'bul
bshams dang 'brel rje nyid tshogs mgon du bzhugs te/ chog grwa ba
blo bzang bsam grub

rin po che dang/ de mo mchog sprul/ tshe gling gnas bla sprul
sku/ phrag nag mtshams pa/ 'bras go mo dge bshes blo bzang don
ldan sogs

@002b sum cu skor bcas nas dpal 'khor lo sdom pa lus dkyil gyi
sgrub dkyil yongs su rdzogs pa'i cho ga sbyor dngos rjes gtsang
gi thog /mjug tu tshogs ston bcas nyin 'khyongs su gzab rgyas
gnang/ de'i

phyi nyin nas zhu mi snga nyin bdag 'jug skabs yod pa rnams kyi
thog /gro mo dge slong g.yang 'byor dang/ gtsang phyogs kyi dge
'dun 'ga' re sogs bcas zhu mi drug cu skor la nam mkha' sgo

'byed kyi gcod dbang dang/ grub mchog blo bzang rnam rgyal dang
dwags po'i gcod khrid/ yongs 'dzin ye shes rgyal mtshan gyi gsung
dkar 'gyed dmar 'gyed khag gnyis/ rje nyid kyi gsung sgyu

lus tshogs bsngo'i 'don chog /rtsa ba thar 'dod ded dpon bcas
sbrags ma'i lung khrid/ dge bshes blo bzang bsam 'grub nas sbyin
bdag zhus te lam rim khrid nyung 'dus bcas nyin bdun tsam gyis

ring gnang/ rje bla ma mchog gis brag nag mtshams pa dge 'dun yar
'phel la gcod kyi gsung rta slob pa gnang zhing/ mtshams pa lags
nas dge slong khag sogs la slob dgos tshul stsal ba

ltar gcod khrid kyi ring rnams su gcod rta'i slob sbyong la shin
tu 'grus pa mdzad/ ^ yang/ gdan sa gong rtag brtan gyi sgrub
gnas su ar bzhengs kyi thog ma gsar rgyag gnang zin pa'i rjes
tsam

@003a @#/ /zhig tu rgyal rong shar sprul rin po che rdo rje
'chang gi mdun sar rtag brtan ri khrod du bcar bar/ thugs dgyes
pa'i gsung 'phros mang po gnang zhing/ bar zhig tu rdo rje

'chang gi zhal nas/ nged gnyis rong pha gir chu'i 'gram du 'gro
gsungs te lhan du byon/ der ri khrod 'og nas brag 'bur gyi ltag
lam brgyud de ma tshad tsam du phebs pa na/ rdo rje 'chang nyid
brag

cig gi steng du bzhugs te/ phar tsam na lcum tsha rnying ba'i
sdong po skam po zhig sa la lhung nas yod pa 'dir khyer shog
gsungs pa bzhin phul ba na/ lcum gyi sdong po'i sku gu phyag tu
bzhes te/ nga

tshos me la phu btab na ngag gi nus pa nyams nas 'gro ba la/ rnal
'byor bzang po byung tshe ngag byin rlabs bgyis na nus pa nyams
mi thub kyang/ ded tshos de tsam yang gnad smin 'ong dka' na/ sbu
bu

'di 'dra brgyud de me la phu btab bas sngags kyi nus pa mi nyams
pa la phan pa yong/ zhes phebs pa 'di'i nyin de ltar ched gtad
du gshegs pa'ang man ngag de 'dra gdul bya la thugs brtse ba
chen

pos rjes su 'doms pa'i don kho na las gzhan du mi snang bas na/
rnam par thar pa 'di lta bu la bsams kyang rdo rje 'chang thugs
rje'i rang gzugs su byon pa 'di la blo gros dang ldan pa rnams

@003b dad pa dbang med du mi skye ba'i thabs med pa lta bur
snang zhes rgyal rong shar sprul rin po che gsung/ ^ snga dus
brag g.yab 'o 'bom rtogs ldan 'jam dbyangs blo gros kyis mkhas
dbang 'dan ma dge

bshes blo bzang chos dbyings dpal bzang po'i drung nas 'dan stod
ze dkar dgon du rje yab sras kyi gsung 'bum ljags lung zhu ba'i
skabs shig tu/ bod du 'gro'am mi 'gro bka' 'dri zhus

par/ rtogs ldan khyod bod du nges par song/ gser kong rdo rje
'chang gi zhabs la gtugs/ pha bong kha'i sprul sku de yag po
zhig yong tshod yod pas de'i zhabs la'ang gtugs shig ces

gsungs pa ltar ring min zhig nas bla ma rtogs ldan pa bod du
byon te/ rje 'di mjal bar phebs skabs/ lha sa'i sde dpon zhig gi
gzim shag tu rje 'di dang grwa tshogs mang po zhig lhan du

zhal 'don gsung ste bzhugs skabs dang thug par/ gsol dpon la
mjal kha gtong rogs zhus bas da lta mi yong zer bar/ khyed rang
gis bla mar zhu rogs gyis dang mjal kha e yong mi

yong thag chod pa yin zhes zhus te/ gsol dpon nyid rje bla ma
mchog gi drung du mjal kha'i snyan gsan zhu par phebs pa'i shul
na/ rtogs ldan pas bla ma 'di la snying rje yod na nga da lta
shog

@004a @#/ /gsung yong/ shog ma gsungs na da phyin mjal mi 'gro
snyam ste lham sgrog bshigs nas yod pa'i skabs gsol dpon phyir
byung ste khyed rang da lta shog gsung gin

'dug zer bas dga' bzhin drung du bcar par/ tshogs pa dmangs zhal
'don gsung bzhin pa'i mu la rje bla ma rdo rje 'chang mchog gis
phyag tu DA dril bsnams bzhin pa'i ngang nas/ khyod pha

yul gang nas yin bya ba sogs bka' 'dri zhib tu gnang bar rtogs
ldan nas lan zhib phul gyis bla ma 'di la snying rje ci 'dra
'dug blta snyam du zhu ba'i rigs sna tshogs shig phul bar/ chog
grwa ba

rnams kyi zhal 'don mar tshad du slebs kyang/ rje bla ma 'dis
gdul bya'i re ba yongs su skong ba kho na las thugs brel dang
tshab tshub kyi rnam pa mdzad pa'i mdangs tsam yang ma byung zhing
da dung dgyes

mnyes chen pos gsung 'phros zhib lhod du gnang zhing/ rtag brtan
ri khrod zer ba'i gnas dben pa zhig se ra'i rgyab ri'i phyogs
kyi lung phu'i ri ngos shig tu yod pas khyod der shog gsungs
pas/

bla ma 'di bdag kho na'i don du byon pa 'dra ba 'di 'dra gzhan
na dkon snyam du 'di'i nyin mo nas rtogs ldan pa rje bla ma 'di
la mi phyed pa'i dad pa ldog tu med pa thob/ de nas de zhig cig
na rje nyid rtag brtan

@004b ri khrod du phebs pas rtogs ldan pa'ang bla ma mjal bar
rtag brtan du bcar/ gsol dpon la mjal kha gtong rogs zhus pas/
gsol dpon nas/ yA/ rnal 'byor pa gang nas yin/ da lta mjal

kha mi yong/ bla ma gsung thun la bzhugs yod zer zhing/ rje bla
ma nyid kyi sku tsha chos 'byor nas nan bstud kyis mar rgyugs zer
te 'phul rgyag gtong ba la/ rten 'brel 'chug 'ong snyam ste
phyir ma phebs

par gzim chung gi 'gag mdo der bzhugs pas de 'phral rje nyid
kyis gzim sbug nas gsan te phyag brda btang nas/ gsol dpon la/
khyod tshos 'bul ba mang po 'khyer mkhan zhig slebs byung na

yar phebs yar bzhugs zer/ snying nas chos don gnyer byed mi
'ongs pa la mar rgyugs zer pa gang yin gsungs te bka' bkyon pa'i
tshul mdzad/ mi de da lta rang yar thongs shog gsungs te

mjal kha 'phral du thob pas slar yang thugs dad dbang med du
skyes te da bla ma 'di'i rtsar yun ring bcar dgos pa 'dug bas
sbyin bdag cig zhu dgos dgongs te/ nga bla ma khyed kyi mdun du
yun ring bcar

chog pa dang/ de'i ring nga la 'tsho ba'i sbyin bdag cig 'tshol
gnang mdzad rogs zhus pas/ de yong gi red/ sbyin bdag ma rnyed
kyi bar du 'di ga bla brang nas 'tsho ba blangs te/ gzims chung
'og gi lo?

@005a @#/ /ngos brag pha bong gi 'og brag nag mtshams pa'i phug
pa'i nang der sdod cig ces gsungs pa bzhin rtogs ldan pas re
zhig der bzhugs te rdo rje 'chang nyid kyi drung nas zab chos

gzhan dang gzhan mang po dang/ nA ro chos drug sogs kyi bka'
khrid 'phrul 'khor gyi phyag khrid dang bcas ba zhus/ gnas der
bzhugs dus kyi skabs shig nam phyed yol tshod tsam na/ rje bla ma
nyid ma gzims

par rtogs ldan pa la rtogs ldan zhes 'bod pa gnang bar/ lags
zhus pas khyod nyal e tshar gsung/ mtshar zhus pas 'dir shog
gsungs par rtogs ldan nas gang yin nam/ nam phyed yol tshar tshod

yin snyam ste drung du bcar bas 'dir sdod cig dang/ do dgong
dben po 'dug gsungs te dam pa 'ga'i rnam thar gyi skor sogs
gsung bgros ci rigs shig gnang par/ rtogs ldan pas do nub rdo
rje 'chang

gis bka' phebs ris la dpags na zab cing gsang ba'i gnas 'ga'
zhig bka' 'dri zhu ba skabs su bab yod 'dra bas da lta zhu ma
phod na phangs snyam ste/ slar yang phyag 'tshal sngon du btang
ba'i sgo nas/

rje bla ma nyid kyi gsang ba'i rnam par thar pa ci dang ci yod
pa bdag la brtse ba chen pos gsung du gso/ zhes nan chen pos
yang yang gsol pa btab pa na/ de'i nub mor bka' lan ji ltar
stsal pa rnams

@005b rtogs ldan pas bsgrigs pa gnang ba'i tshigs bcas/ stag
phu'i gsung 'khrungs rabs gsol 'debs kyi kha skong gsang rnam
gsol 'debs zur du mchis pa de yin zhing/ de ltar rtogs ldan pa
'dis rje bla ma

rdo rje 'chang gi zhabs la bsnyen te yun ring rab tsam bzhugs/
skabs shig rdo rje 'chang mchog nas bkra shis chos gling du chos
'khor rgya chen po zhig stsal ba'i chos thun gyi gser bar zhig
na/ bla ma sprul sku/

gra sa'i dge bshes sogs mang po mur cig tu 'dzoms te chos kyi
bgro gleng sna tshogs mdzad pa na/ rgyal dbang sku phreng bcu
gsum pa chen po'i mtshan zhabs bkras khang sprul skus rtogs ldan
pa la dbu ma'i lta

ba'i skor gyi bgro gleng gnang ste phan tshun rtsod gshags mang
du mdzad pa'i mthar sprul sku nas thams cad med par khas blangs
dgos pa byung zhing/ tshul de gzhan 'ga' zhig gis rje bla ma nyid
la zhus pas/

rjes su skabs shig rtogs ldan pas bla ma'i gzim chung la rdog
phyis gad bdar mdzad de yod pa'i dus/ rje nyid kyis/ stong pa
nyid la blta nyes na/ /shes rab chung rnams phung bar 'gyur/ /ji
ltar sprul la bzung

nyes dang/ /rig sngags log par sgrub pa bzhin/ /zhes pa'i gzhung
ntshig 'di gsung ngag nas skyor pa'i tshul gyis phar phebs tshur
phebs mdzad de/ thams cad med par khas len du mi rung bsugs kyis
go bar

@006a @#/ /mdzad pa sogs gdams ngag gleng mo'i tshul du gnang
ba'ang mtha' yas shing/ spyir mdo'i zab rgyas kyi gdams pa'i
skor mang po dang/ lam rim/ blo sbyong/ gcod/ gsang

sngags kyi dbang bka'/ rim gnyis kyi lung khrid man ngag gzhan
du ma dang/ lhag par byang chub lam rim chen mo'i tshig don mtha'
dag pa nyams len gyi rim par dril lugs dka' gnas dogs gcod

dang bcas pa zhus shing stsal bas phyis su bla ma rtogs ldan pa
mdo smad kyi bstan pa'i sgron mer 'gyur pa'i gzhi rkang rje bla
ma rdo rje 'chang chen po 'di nyid kyi drung nas tshugs pa yin
zhes rtogs ldan rin po

che'i thugs sras lam rim bla ma rgyal mtshan dar rgyas pa gsung
ngo/ /^ yang skabs shig na chu bzang du bzhugs pa'i dus chos
bka' mang du stsal te/ stag phu rin po ches gsung yig phebs pa'i
zhu

lan 'bul gnang mdzad pa ni/ tshe rabs gtan gyi ^ skyabs mgon dgos
'dod yid bzhin gtsug nor gcig bu pha bla ma zung 'jug rigs
brgya'i khyab bdag chen po'i ^ zhabs sen mchog thun grung gnyis
'dod

dgur 'jo ba'i khri drung du/ gang gi skyabs rol du bde bar spyod
pa'i gus slob pha 'ong kha'i sprul ming bas gus phyag 'bum phrag
brtsegs te shugs drag dad gdung chen pos snying khong nas zhu
gsol 'debs snying/

@006b deng gi char yang/ gang yang phyogs bcu'i zhing khams rab
'byams rgya mtsho'i dkyil 'khor gyi 'khor lo bye ba phrag brgyar
spro zhing/ de dag kun kyang bde stong ye shes kyi 'khor lo gcig
nyid du sdud cing sdom pa'i kun

gyi bdag nyid kyi gsang gsum rmad du byung ba'i rgyan gyi 'khor
lo bdag sogs lus can yongs la thugs rje'i brtse zhags dam pos
kun nas 'khyud pas tha mal rang rang gi skal ngo ji bzhin 'tsho
zhing gzhes la/

'gro kun bde ba mchog gi dbyings su 'dren pa'i 'phrin las kun tu
bzang po'i sgyu 'phrul gyi rol pa dang chabs cig /gus bur yang
dgyes brtses gting nas g.yos pa'i bka' bris phyi nang gsang ba/
gnang rten

gya nom byin rlabs kyi bcud kyis lci ba bcas 'phral dang yun gyi
dga' ston zad mi shes pa'i dpal yon du thob pa'i bka' drin byang
chub snying po'i mthar yang gzhal bas mi spyod par gyur/ 'di na
bdag cag ngo

'khor yang gang gi bka' drin nyag gcig gi byin mthur 'tsho khams
bde zhing/ nye lam chu bzang ri khrod du 'dus pa drug cu tsam la
lus dkyil gyi dbang khrid cha tshang dang/ 'o na rgyal sras dang/
khri byang/ de mo

rin po che sogs bla sprul sum cur nye ba dang/ 'dus pa drug
brgya skor bcas la byang chub lam gyi rim pa'i khrid nyin zhag
nyi shu lhag tsam ring legs spel zin thog /sang nyin lho kha
phyogs su thon rtsis kyi brel ba 'tshul

@007a @#/ /ber gnas lags/ mtshams su phyag bcas zhu gsol/ 'byung
'gyur gyi char yang/ dag pa don gyi 'od gsal dang ro gcig pa'i
zung 'jug sgyu ma chen po'i dkyil 'khor gyi 'khor

lo gang na bsti ba'i rags pa'i gzugs sku gang nyid bdag cag gdul
bya'i bsam dang re ba'i dngos po yongs su ma rdzogs pa de srid
rtag brtan rdo rje chos bdun gyi ngo bor rol pa dang/ gus cag
ngo 'khor yang

thugs rje'i skyabs rol tu 'tsho ba'i bka' drin chen po bla lhag
tu skyong ba nas/ dgyes brtse'i bka'i phebs tshogs kyang dal
'babs rnam bzhi'i rgyun ltar stsol ba bcas brtse chen ye shes
kyi dgyes klong du

rol ba mkhyaien/ mkhyaien/ mkhyaien/ zhes sogs zhu yig gi rten
gya nom pa bcas 'bul gnang mdzad/ ^ rtse thang gzar gzhis kyi
rab byung ma 'phrin las bde skyong nas sbyin bdag zhus te chu
bzang 'du

khang du zhu mi 'dus tshogs nyis brgya skor la blo sbyong bdud
rtsi'i snying po'i bshad lung nyin bco lnga tsam gyi ring gnang
zhing/ des yang yang zhu bskul bgyis pa ltar gcod thar 'dod ded
dpon gyi 'don chog nag

'gros thabs shes nyams kyi bogs 'don zhes pa ljags rtsom mdzad/
chu bzang dang rtag brtan ri khrod/ bkra shis chos gling rnams
su lo snga rting du mar yun ring du bzhugs te bsags sbyang rgyun
ring rlabs chen

@007b bo du ma dang/ mdo sngags lam gyi rim pa'i thugs dam chu
bo'i rgyun gyi rnal 'byor du chag med bskyangs pas nyams rtogs
bzang po'i bogs shin tu che ba mang po 'khrungs shing/ snga
phyir nyams myong mgur dung zhes

pa yang je mang zhig yod snang ba las sgo bstan pa tsam ni/ ^
skyabs mchog slu med drin can gyi bla ma/ /skad cig 'bral med
snying dbus su bzhugs nas/ /nyam thag bdag rgyud nyams rtogs
kyis phyug pa'i/ /byin

rlabs 'bral med chu rgyun ltar stsol cig /skyabs slu med drin
can bla ma mkhyen/ /snying dbus su bzhugs nas byin gyis rlobs/
/gzhi tshul khrims gtsang ma'i sa gzhi la/ /thos bsam gyi sa bon
grung po la/ /

brtson 'grus kyi chu rgyun mi chad par/ /nyams len gyi drod kyis
rtag bskyangs pas/ /nyams rtogs kyi myu gu gsar 'khrungs te/
/yar zla bzhin gong 'phel 'byung ba las/ /mthar thug gi 'bras
bzang myur smin

te/ /sku gsum gyi pho brang nyams dga' bar/ /gtan bde yi dga'
ston la spyod pa'i/ /smon lam 'di 'grub par byin gyis rlobs/ /re
sa gzhan na med do bla ma mkhyen/ /zhes pa 'di rang shag bde
chen mkha' spyod

du thol byung du gsol ba btab pa de bzhin du 'grub par gyur cig
/ces pa dang/ yang/ chos med kyi snying rul 'du gsum pa/ /khyod
rang la rang gis blta rtog bgyis/ /dran pa brjed med kyi ngar
dam pos/ /sems

@008a @#/ /gsal rig gi dri ma ma phyis na/ /don gnas lugs kyi
rang zhal mthong dka' bas/ /blo ma yengs rtse gcig sgrims la
sdod/ /skyabs slu med drin can bla ma mkhyen/ /'bangs snying rul

bdag la thugs rjes zungs/ /blo ma rig gnyid las slong du gsol/
/sems chags sdang gi sgrog las 'grol du gsol/ /yid rnam rtog gi
dra pa gcad du gsol/ /don gnyug ma'i gnas lugs bstan du gsol/
/zhes

pa dang/ yang/ ^ mi 'khrugs bzod pa'i ya lad snying rje yi dbu
rmog /shes rab rnon po'i ral gri 'bar bde bzungs pas/ /rkyen
ngan ru 'dzings nyon mongs g.yul do ru zhugs kyang/ /nyam nga
mi dgos a ho bla ma

yi bka' drin/ /bstod smad brag car shes na dga' sdug gis mi
g.yo/ /mtho dma' rmi lam 'dra la yid rton ni ci yod/ /'byor
rgud sgyu mar shes na gang byung gis chog pa/ /thams cad bden
par med na a 'thas

rang mi dgos/ /bdag tu brdzu zhing rang gi snying dbus su gnas
nas/ /mdza' ba'i tshul gyis gtan gyi bde skyid kun 'phrog pa'i/
/dbral dka' zhe la zhen pa'i gnag dgra de shes pas/ /'phral la
gang thug nyams

kyi bogs 'don gyi snon ma/ /zhes pa 'di yang skabs shig shes pa
la mtho dma' sna tshogs byung skabs rang nyid la ched du gdams
pa'o/ /zhes pa dang/ yang/ snying 'dab brgyad a wa d+hU tI'i
dbus/ /mgon

@008b drin can bla ma rdo rje 'chang/ /dus rgyun chad med par
rtag bzhugs nas/ /nyams rtogs kyi myu gu 'phel bar mdzod/ /gzhi
ma bcos rang byung gnyug ma'i sems/ /rtog tshogs gyi dra ba dam
pos bcings/ /blo ka dag bas?

bzhin dag pa'i dbyings/ /gti mug gi mun pa 'thug pos bsgribs/
/sems kun gzhi dri bral gnyug ma'i gshis/ /de dogs dang chags
sdang gi rnyog mas zin/ /ci gyas kyang bdag 'dzin gyi khol por
song/ /gang

brtsams kun tshe 'di'i 'dun mar song/ /yang dag gi don la bsam
tsan/ /blo mtshan mo'i mun pa bzhin du rub/ /bying rmugs kyi
grogs dang 'dris drags pas/ /zhi gnas kyi gsal snang brgyang du
bros/ /tha mal gyi snang

zhen a 'thas kyis/ /bskyed rim gyi dmigs pa ring du bskrad/
/'dod chags kyi chu klung shugs drag pos/ /tshul khrims kyi chu
lon 'joms la brtson/ /ngan sems kyi me lce ma zhi bas/ /byang
sems kyi myu gu

bsreg la nye/ /dad gsum gyi yur ba ral ba las/ /byin rlabs kyi
chu rgyun 'bebs par dka'/ /kha phyi bltas kyi blo sems rgya yan
gyis/ /nang nyams rtogs kyi yar skyed ga la thon/ /'di snang gi
'khri ba ma bcad

las/ /gtan 'dun gyi don chen zhor du lus/ /ci byas kun bdag
'dzin gyi khol por song/ /gang brtsams kun tshe 'di'i 'dun mar
song/ /kye ma kyi hud drin can bla ma mkhyen/ /blo chos la sgyur
mdzod bla ma mkhyen/ /nyams

@009a @#/ /rtogs pa sbar mdzod bla ma mkhyen/ /rgyud byin gyis
rlobs mdzod bla ma mkhyen/ /gnas dben pa'i ri khrod zin dang
gcig /gzhi tshul khrims kyi rwa ba btsan dang gnyis/ /nang nyams

rtogs kyi myu gu 'khrungs dang gsum/ /gsum 'di gsum 'grub par
byin gyis rlobs/ /tshe phyi ma'i blo gtad don dang gcig /blo
'khor ba las nges par 'byung dang gnyis/ /byams snying rje la
myong ba thon dang

gsum/ /gsum 'di gsum 'grub par byin gyis rlobs/ /bying rgod kyi
'tshub ma zhi dang gcig  /zhi gnas kyi gsal snang brtan dang
gnyis/ /bde gsal gyi nyams myong 'phel dang gsum/ /gsum 'di

gsum 'grub par byin gyis rlobs/ /mtshan 'dzin gyi dmigs gtad zhig
dang gcig /ngar 'dzin gyi 'gong bo thul dang gnyis/ /gnyis 'dzin
gyi mdud pa grol dang gsum/ /gsum 'di gsum 'grub

par byin gyis rlobs/ /sems nyid kyi rang zhal mthong dang gcig
/spros bral gyi dbyings su zhugs dang gnyis/ /'od gsal gyi ngang
du gnas dang gsum/ /gsum 'di gsum 'grub par byin gyis rlobs/ /

phyi so thar gyi kun spyod gtsang dang gcig /nang rim gnyis kyi
rtogs pa mtho dang gnyis/ /bar bshad sgrub kyi 'gro don rgya che
gsum/ /gsum 'di gsum 'grub par byin gyis rlobs/ /re smon 'di
'grub par

@009b byin gyis rlobs/ /zhe 'dod bzhin 'grub par byin gyis
rlobs/ /pha drin can bla ma'i thugs rjes zungs/ /skyabs slu med
khyed kyi thugs rjes zungs/ /zhes pa 'di yang thol byung du yid
la gang shar snying nas gsol

pa btab pa de bzhin du 'grub par gyur cig /ces sogs te/ gzhan
las kyang shes so/ /'dir bkod pa'i gsung mgur 'di rnams dus
phyis rje nyid dgung grangs re gsum du phebs skabs ser smad du
lam

rim khrid tshen brgyad kyi zab khrid stsal ba'i lo der snga tshab
gyi zhal slob bgres gras sgrub pa'i rgyal mtshan 'dzin pa brtson
'grus ngag dbang pa'i phyag dpe'i khrod nas thon pa kho bos
rnyed de rje nyid la spyan zhur phabs

par/ zhal nas/ nged kyi ngag rtsom 'di rigs sngon dus mang po
zhig yod kyang dpe nyar tshags ma bgyis pas gzhan gyis khyer ba
'dra ste/ da lta mi 'dug gsungs/ /de ltar rje nyid kyi bka'
rtsom gyi rigs la

thugs gtsigs ci yang ma gnang bas nyams mgur gyi rigs la sogs pa
sngon byung ba'i gsung mang po zhig ni dad ldan du mas gzhan du
gdan drangs te phyis nas mi mngon pa'i dbyings su thim par gyur
to/ /^ sngon

dus rgyal po lha bzang khang gis srong btsan sgrub gnas pha bong
khar yang nyams gso phu dud dang/ yang yang phebs bzhugs kyis
bdag tu mdzad skabs/ lha bzang gi btsun mo dam pas nged kyis kha
ton nyams su len

@010a @#/ /pa'i gnas dben pa zhig dang/ phyag mchod byed pa'i yul
khyad par can du rten skal zhig kyang zur du bzhengs dgos zhes
nyang bran pha bong kha'i byang shar bkra shis gdugs kyi mtshan

ma mngon par bkra ba'i 'og tu bkra shis chos gling zhes pa'i
gtsug lag khang rten gtso rgyal ba byams pa'i snang brnyan dang
bcas pa gsar bzhengs gnang ste/ gnyis ka sku rim grwa tshang gi
sa khongs su gtogs

mus nas/ phyis lha bzang la 'pho 'gyur byung rjes su pha bong
kha gzhung gnas su chod cing/ bkra shis chos gling sku rim grwa
tshang ngam sngags pa grwa tshang gi khongs su dur khrod rnying pa
tshun gnas 'dzin gnang ba las

dus phyis rje bla ma nyid ser smad du bzhugs gding gtan chags
pa'i thog /ser sngags slob dpon thub bstan rnam rgyal zhes pas
cu khyi lor grwa tshang g khongs gtogs bkra shis chos gling ri
khrod kyi sa rigs

snod bcud mtha' dag rtsa 'bul bya rgyur/ rje bla ma nyid nas 'di
ga'i sngags grwar bzhugs gding sgron te grwa tshang gi bla ma
gnang dgos pa'i zhu ba nan cher phul ba zhal gyis bzhes te bkras
chos ri khrod kyi sa yul

rtsis bzhes dang/ ser sngags grwa tshang du bzhugs gding bsgron
pa'i thog  /tshogs mgon du phebs shing bsnyen bkur rgya cher yang
yang gnang/ grwa tshang gzhung sogs kyis gsol ba btab pa bzhin
gsang bde

@010b 'jigs gsum/ kun rig /tshe dpag med sogs kyi dbang bka' zab
khrid/ gsang 'dus sgron gsal gtsor gyur 'grel pa bzhi sbrags kyi
bshad lung sogs zab rgyas chos char yang yang phab pas zab

mo sngags kyi bstan pa nyin mo ltar gsal bar mdzad do zhes yongs
su grags so/ /^ yang chu bzang du bzhugs skabs/ sngon du bkra
â€shis chos gling ri khrod kyi gtsug lag khang gi gtso bo dang da
lta'i

gzim chung nub kyi 'og tu yod pa'i byams khang rnying pa rgyal
po lha bzang gi dus su bzhengs pa'i byams sku yod pa 'dir dge
slong rnams kyi tshogs khang dang/ de 'og shar ngos su 'du khang
nag khung

lta bu dkar gsal cher med pa zhig dang/ de dus shag sgor sogs
med par phyi logs su grwa shag thar thor/ ja ma dang gnyer pa
brtsis dge slong bcu phrag gcig gi bzhugs yul las med pas/ da

lta'i 'du khang gsar pa'i sbug gi mgon khang rnying pa sgrub
phug lta bu chung ngu sngar yod de dang/ de'i steng thad byams
khang rnying pa bcas snga ma rang 'jags thog /'du khang ka ring
gnyis dang/ ka thung drug

gis/ steng gi gzim chung dbus shar nub dang bcas pa/ phyag mdzod
khang/ gnyer tshang/ sgo 'phyor steng du shag chung phan tshun/
gsol thab/ zhabs phyi khang sogs dang/ dge slong bcu drug tsam
gyi bzhugs
@011a @#/ /yul shag sgor bcas gsar bskrun gyi ar bzhengs rgya
cher tshugs/ de skabs rdo rje 'chang chen po gang nyid nas gnas
mchog 'di nyid kyi yon tan sogs la don mthun gyi

bsngags pa brjod pa ar gzhas kyi zol du bka' rtsom gnang ba
zhig kyang mchis so/ /de nas khams khul sogs nas phyogs 'grul
dad mjal ba'i tshogs du ma 'byor bar mjal kha/ phyag dbang/

'dod chos che phra mang du gnang zhing/ stag phu rdo rje 'chang
nas gsung yig phebs pa'i zhu lan sogs phyogs mtha'i yig 'phrin
kyang shin tu mang ba stsal/ chu bzang gi rje nyid kyi gzim shag
dang/

gdan sa gong ma rtag brtan e gsang phug /gdan sa 'og ma bkra
shis chos gling rnams gsar bzhengs dang nyams gso yang yang
gnang ba'i skabs snga phyi/ chu bzang chos rwa gsar bskrun bcas
kyi dus thams cad

du gzim lha klu dga' tshal ba'i lha lcam g.yang 'dzoms tshe ring
nas dwang bas kun nas bslangs te rdo shing mi nor/ thog mtha'
bar gyi ston mo dang bcas pa'i zhabs 'degs phun sum tshogs pa nar
mar bsgrubs

shing/ lha ldan mtshams khung dgon gyi btsun ma mang po sogs dad
ldan gzhan du mas kyang ar bzhengs kyi mthun 'gyur zhabs 'degs
gang nus hur brtson bgyis pas tshang mar gla brngan lto gos sogs

@011b gang la ci 'tshams kyi gnang cha gya nom pa stsal te kun
kyang yid mgu bar mdzad/ ^bkras chos ar bzhengs dang po grub
rjes tsam la 'bras blo gling grwa tshang nas sngon du snyan gsan
yang yang phul bar zhal

bzhes stsal zin pa ltar dpal mgon zhal bzhin pa'i rnam 'gyur ser
po rgyas byed lha dgu'i sgo nas grwa tshang gi g.yang sgrub
gnang bar phebs rgyu'i chog grwa 'gar g.yang sgrub kyi rta
sbyang slob ston mdzad/ de nas bkra

shis chos gling nas 'bras spungs su chibs bskyod kyis 'bras blo
gling grwa khang thog steng gzim chung du phebs par/ grwa tshang
gi las sne dbu chos sogs nas phebs bsu/ rten gsum/ bzhes gro
sogs spyi spol

bzhin du gzab par spros/ de nub dpal mgon gyi rjes gnang stsal
rgyu'i mchod gtor gshom sgrig zin nas sgrub chog tshugs/ sgrub
chog zin 'phral bkras chos nas phebs pa'i chog grwa bzhi dang/
grwa tshang

nas de mo rin po che/ gtsang pa mkhan chen/ 'bras spungs su yod
pa'i gser kong gdung sras/ e bla ma/ tshe gling gnas bla bcas
zhu mi dgu la dpal mgon zhal bzhi pa dang/ ser po rgyas byed lha
dgu bcas

kyi rjes gnang stsal/ de grub mtshams nas slar yang grwa tshang gi
rgyun bskang gi gras zhu mi lnga la gong gsal gyi rjes gnang
legs par stsal/ de'i phyi nyin chog grwa rnams nas g.yang sgrub
kyi mchod bsham bca'

@012a @#/ /sgrig sogs legs par 'du byas/ rje bla ma nyid nas
phyag bstar gyis bum brdzod/ spyang khrus bcas zin nas de'i nub
mo nas g.yang sgrub tshugs/ grwa tshang nas rten gsum/ bzhes

gro/ mjal dar sogs dang/ chog grwa ba rnams la'ang mjal dar
phul/ 'de skabs grwa tshang gi g.yang sgrub 'di nyid 'dzugs
rgyu'i thog ma yin stabs nyin dgu'i ring nyin rer thun gsum re
gnang zhing/ nyin

dgu pa'i nyin g.yang sgam nas tsheg sgra shin tu che ba zhig
grags pa der yod kun gyis thos pa byung/ mjug tu gtang rag tshogs
'khor sogs gzab rgyas thog /dkar spro/ shing thog /rten gsum/

mjal dar/ rten dod/ sku yon bcas gzab rgyas phul/ de'i nyin rjes
ma 'ga' la nyag re khams tshan dang/ 'phar ra khams tshan gyi
g.yang sos nyin re re gnang zhing/ 'phar ra gnyer tshang dang/
mi nyag

zhal zur nas gsol tshigs su gdan drangs/ de dag grub mtshams tshogs
chen dang grwa tshang khag gi rten gsum bzhugs gnas rnams su
phebs te sku phyag /mchod me/ snyan shal sgron 'bul/ bstan

'gro'i phan bde rgyas pa'i thugs smon bcas legs par gnang/ de'i
phyi nyin grwa tshang nas rten gsum/ mjal dar sogs phul zhing/
phar yang so sor sgron dar dang/ grwa tshang du dge 'dun 'du ba'i
'khor lo

@012b sogs 'bul gnang mdzad/ de nas las sne rnams kyis phebs
skyel thag mi ring ba zhus te slar bkra shis chos gling du phyir
phebs/ 'di dus rnams su dgung sar skabs kyi mdzad sgo dang/
srung ma'i bskang

gsol sogs byams khang du gnang bar grags shing/ rdo rje 'chang
nyid kyi bsnyel byang phyag bris ma zhig tu/ hor zla lnga pa
bshol gyi zla ba'i tshes bdun byams khang du bskang gso'i skabs
gnyid ma yam gyi

dang du mi snying zhig kha la bcug nas za bar/ phyed lhag tsam
zos zin 'dug pa lhag ma bskyur rgyu'i 'dun pa'i mur nyams sad/
nyams sad pa'i skabs su'ang snang ba de rang 'dug pas lhag ma
yang lhag med

zos na legs snyam du 'khor rnams la sbyin pa'i mos pa byas pa
zhig byung/ zhes 'god pa gnang 'dug /7 yang bkra shis chos gling
du spo bzhugs grub rjes shig tu 'phan po pa tshab lo tsA ba'i
sku dmar gdud

bzhugs pa'i mchod rten la zhabs skor gnang bar phebs/ de ga'i
gnas 'dzin btsun ma'i dgon pa nas dung rgya ser sbreng sogs bcas
gdan drangs shing/ 'dir bzhugs pa'i ring 'phan po rgyal rong
nang so dang/

drug rgyal khang gsar nang so bcas nas bzhugs gnas su phebs
sgrig sogs kyis mtshon pa'i gus 'dud gzab 'don gyi zhabs 'degs
phun sum tshogs pa zhus/ zhabs skor nyin drug bdun tsam mdzad
par/

@013a @#/ /nyin gsum pa'i skabs mchod rten las ring bsrel mang du
phebs pa dang/ nam mkha' nas lha'i rol mo sil snyan gyi sgra
sgrog pa der 'khod pa mang pos mthong thos kyi dngos yul du

gyur pa sogs ngo mtshar ba'i ltas du ma byung/ nyin gcig zhabs
skor gnang bzhin pa'i skabs tshems khrag phebs pa la snag tsha
mdzad/ rtswa thur zhig la smyug gu mdzad de shog bu gru bzhi pa
chung ngu'i ldebs

su rdo rje shugs ldan chen po'i snang brnyan rab byung bse theb
can/ rin po che'i khri'i steng na zhabs gnyis rgyal po rol pa'i
stabs kyis bzhugs pa/ phyag g.yas g.yon gyis phrag gong dang
thugs ka'i thad

du spu gri dgra snying thogs pa zhig phyag bris su gnang 'dug
pa'ang thun mong ma yin pa'i rnam par thar pa gsang ba'i gnas
shig gi brda ston nyid du gong ma chag go/ /mchod rten gyi sri
zhu 'dzin spras zhabs

zhu ba btsun ma'i dgon pa'i 'dus tshogs la bsnyen bkur mang 'gyed
sogs dang/ mchod rten gyi drung du'ang mchod sprin rgya cher
'bul gnang thog /bzang gos dang dar ras kyi na bza'/ sham bu
sogs

mchod rdzas sna tshogs kyang 'bul ba mdzad/ btsun dgon spyi nas
zhus ngor lo tsA ba'i chos khri'i steng nas zhu mi 'phan po phu
mda'i phyogs 'dus ser skya chig stong tsam la ma gcig grub rgyal
lugs kyi tshe dbang

@013b skyabs 'gro dang las 'bras kyi skor las brtsams pa'i chos
'khor slob ston zab rgyas dang 'brel ba/ mjug tu bstan bcos chen
mo dbu ma la 'jug pa'i lags lung dbu 'dzugs kyi chos 'brel bcas
legs par

gnang/ sbyin bdag btsun dgon nas rten gsum 'degs 'bul sogs spyi
ltar/ de nas 'phan yul gyi gnas chen khag gzhan la'ang rim phebs
kyis rten mjal/ zhabs skor/ mchod 'bul thugs smon gyi

mtshams sbyor dang bcas pa legs par gnang ste slar bkras chos
gdan sar phyir phebs/ 7 yang chu bzang chos rwa gsar bzhengs
gnang grub rjes chos rwa der lam rim gyi zab khrid thog mar
gnang ba la/ spom

mda' byang gling lcam g.yang can bya bas snga gong nas snyan
gsan lan mang zhus te zhal bzhes bzhin/ des sbyin bdag zhus te
bla sprul nyi shu skor sogs zhu mi ser skya nyis stong brgal
tsam la zla ba gcig lhag tsam

gyi yun du lam rim bsdus don dang/ bde lam/ myur lam bcas gsum
sbrags kyi zab khrid dang/ thugs rje chen po bcu gcig zhal gyi
dbang chen sta dngos/ gdugs dkar gyi byad grol/ sman bla'i mdo
chog yid bzhin

dbang rgyal dang/ smon lam rnam brgyad/ lam gyi gtso bo rnam
gsum gyi rtsa tshig bcas kyi ljags lung/ paN chen chos rgyan gyi
gsung gi steng nas gtor ma brgya rtsa'i lung khrid gtor thebs
lnga sgrig mdzad pa'i lugs ltar gyi

@014a @#/ /phyag khrid bcas gnang/ lam rim gyi bka' khrid 'di'i
skabs hor zla bdun pa'i nang tsam yin pa dang/ de dus char shin
tu dkon pa bcas than pa ha cang che zhing/ dam pa gzhan

du mas char 'bebs kyi rim pa gang zab lan du mar gnang yang char
ma babs pa na/ nyin gcig bka' chos 'tshogs zin 'phral nyid du 7
gong sa mchog gis phyag sam gnang bar 'phral du char 'bebs rtags

thon zhig dgos tshul phebs yod pa ltar de 'phral chos khri las
sku bzhengs kyis bka' sam dbu thog tu bzhes/ der zhib mjal gnang
nas/ zhu lan kyang 'phral 'bul mdzad/ de nas tshogs su/

da lam 7 gong nas bka' sam stsal bar char 'bebs rtags thon zhig
'phral du dgos tshul phebs 'dug par re zhig char 'bebs logs su mi
dgos pa byas na 'thus 'gro snyam pas/ da lta sbyor chos

kyi tshogs zhing spyan 'dren skabs tshang mas char 'bebs kyi thugs
dmigs mdzad dgos tshul snyan sgron mdzad de sbyor chos tshugs/
tshogs zhing sbyin 'dren gyi skabs spyan dmigs nan cher gnang
zhing/

sbyor chos zin nas 'char can gyi lam khrid stsal/ chos thun dang
po'i mjug tsam nas nam mkhar sprin gyis khyab par gyur te/ de'i
nub mo nas bzung char drag shugs che ba zhig gis sna drangs te
zim char

@014b bzang po rgyun ring du babs pa de ga'i 'dus tshogs yongs
kyi mthong chos su gyur pas rje bla ma 'dis 'byung ba la dbang
thob pa'i grub rtags rmad du byung ba zhig red ces dpyod ldan du
mas ngo mtshar che ba 'dzin cing

bstod bsngags dar dir du sgrog pa byung/ gong gsal chos ra gsar
bzhengs mdzad rjes shig tu de'i gnas tshul rnams 7 gong nas gsan
te gzhan 'ga' re la bka' 'dri stsal bar chos ra che chung gi
tshad ji

ltar yod pa bzhin zhus skabs ha cang chos ra chen po de tsam mi
dgos pa la gang yin nam zhes phebs tshul nang ma 'ga' nas ring
min rje nyid kyi snyan du gsol bas gsung dgongs pa can der thugs
dogs rnam pa tsam

bzhes par phyis su'ang yang yang gsung/ 7 sngon gyi dus shig nas
byang rgyud 'dam shod khul gyi dad brtson ldan pa du ma dang/
khang dmar dgon sde spyi bcas nas rje bla ma nyid phyogs der
zhabs sor

bkod de zab rgyas chos kyi bka' drin rgya gang che zhig gnang
thub pa'i gsol 'debs nar mar bgyid bzhin pa'i mus nas/ dbus
phyogs su mdo smad tre bo tshong rigs ya ma tshe ring zhes pas
byang chub lam gyi

rim pa'i bka' khrid rgyas pa zhig stsol rgyu'i snyan gsan rim
par phul bar zhal bzhes dgyes stsal gnang zin pa bcas phal cher
dus 'doms su gyur par/ dbus phyogs 'dir lam rim 'chad spel

@015a @#/ /yang yang byung dang 'byung bzhin yin stabs da res kyi
lam khrid de byang khul du phar khyer te gcig 'thus su spel na
legs pa'i zol du tre bo tshong ya ma la rje nyid nas rgyu mtshan
dang

bcas te gsung bar kheng pas kyang de ltar byung na mchog tu legs
pas byang rgyud mtha' 'khob lta bu'i bstan 'gro'i phan bde'i
gzhi rtsar sman rlabs tshe tshul sogs bka' slob ji stsal bzhin
bka' drin stsol

grub pa dang/ rang nyid kyang byang khul du 'phral bcar zhus
chog pa zhes gsol pa nan cher btab cing/ byang 'brog gi gdan zhu
mi sna khag nas kyang sta gon gsol gdab zhu mus sogs la brten
stod lung

brgyud nas rim gyis phebs te/ lam khel gyi dad ldan skye bo'i
tshogs du mar mjal kha/ phyag dbang/ srung byin/ gnang sbyin
brngan cha stsal ba la sogs pas re ba yongs su skong zhing/ 'dam
khul brgya

shog 'go dpon dzang gi sogs dang/ dgon khag gi bla sprul sne mo
pa sogs drag zhan ser skya mtha' dag las phebs bsu/ bzhugs sgrig
/sri zhu phu dud kyi rim pa bzang la rgya che ba dang bcas te la
rgan mdo

zhes par gdan drangs/ der chos sgar mdzad de phyogs 'dus kyi ser
skya dad ldan chos zhu ba tshogs pa chig stong bdun brgya lhag
tsam la byang chub lam gyi rim pa'i dmar khrid nyin nyer lnga
tsam gyi ring ha cang go

@015b bde gnad 'dril zab la rgyas pa dang/ dpal mo lugs 'phags
pa thugs rje chen po bcu gcig zhal gyi bka' dbang sta gon dang/
dngos gzhi/ yang grub rgyal lugs kyi tshe dbang dang/ spyan ras
gzigs ngan

song kun grol gyi rjes gnang sogs gnad du smin par stsal zhing/
bsgrub bya khag mang ba re la dge bsnyen gyi sdom pa ci rigs
stsal te myang 'das kyi sa bon khyad par can rgyud la bskrun par
mdzad pa'ang snga

phyir grangs med pa ltar byung/ hor 'brog gi skye bo du mas 'pho
lung dgos zhes sngon rjes kyi skabs du mar gson 'pho zhu mi yang
ha cang mang ba byung ste/ gson 'pho gnang skabs rnam shes
'phang 'bebs

kyi mtshams su mi mang po brgyal zhing shi ba ltar gyur te thams
cad 'jigs skrag gi ngang du gnas pa na/ rje nyid nas brgyal ba
sang ba'i man ngag 'ga' re gnang bas de ma thag brgyal ba las
sangs pa sha

stag byung bas kun gyis ngo mtshar du 'dzin cing/ rje nyid la dad
pa lhag par du 'phel bar gyur/ phyogs de'i dad 'dun can mang pos
rang rang gi sbra khyim yas mas du mar gdan drangs pa ltar zhabs
kyis bcags

te tshe nor g.yang 'gugs dang/ lung rjes gnang tshe dbang sogs
'dod chos kyang mang du stsal/ khyim tshang zhig tu bon gyi dpe
cha 'ga' 'dug pa la gzigs pas/ mad 'byung shAkya thub bsnol
ba'i gdan steng na/ /

@016a @#/ /zhes sogs yod pa'i lha'i sgrub thabs dang las rim mang
du snang gsungs/ rag chen mtshams pa zer ba'i sngags 'chang sgrub
pa pa pho mo gnyis sku mdun du 'ongs te/ nga'i chos lugs

la gzhan gyis dogs pa byed pa'ang 'dug pas skyabs rje rin po
ches nga'i chos lugs 'di legs po red ces bka' shog gsal po zhig
gnang dgos zer ba dang/ don dam kun rdzob la khyad med/ chos
thams

cad ye stong ye med yin bya ba sogs zhus par/ thams cad ye med
yin pa la 'dir nged gnyis kyis skad cha dang chos lugs legs nyes
pa rda 'phrod pa ya mtshan chen po red/ ces sogs ku re'i rnam pa

'ga' gsungs te rag chen mtshams pa can kha skyengs gdong smad
smra bcad kyi brtul zhugs la bkod pa sogs kyi rnam thar ngo
mtshar pa'ang mang du mchis/ khang dmar dgon du'ang lam rim gyi
khrid

dang/ bka' dbang 'ga' zhig gnang 'dug kyang zhib phra ma nges
pas gsal bar 'bri ma spobs/ 'di res kyi dus sngon rjes shig nas
bshes gnyen chen po 'brom ston pa'i gdan sa khyad par can bya
bar sgreng

rgyal ba'i dben gnas su ched gnyer gyis byon te dgon pa gong 'og
sogs kyi gnas rten byin can rnams su rten mjal mchod sprin spro
ba dang/ nyin bdun brgyad tsam gyi ring phal cher dgon pa gong
du bzhugs te

@016b thugs dam nyams bzhes kyi rim pa rgya cher bskyangs pas
thun mong dang thun mong ma yin pa'i lam gyi rim pa'i nyams
rtogs sngar las lhag par 'phel ba sogs ches rmad du byung ba'i
rnam thar mtha' yas pa lta bu

byung bar dpyod ldan dag gis sgrogs par byed do/ /de nas slar
stod lung brgyud de rim gyis byon nas bkras chos su zhabs sor
'khod/ ^ yang spom mda'i dbyangs can lags nas gsol ba btab 'brel
chu

bzang chos rar bla sprul dang dge bshes khag sogs zhu mi ser
skya chig stong brgal tsam la dga' ldan snyan brgyud kyi zab lam
bla ma'i rnal 'byor bla ma mchod pa bde stong dbyer med ma paN
chen blo bzang chos kyi rgyal

mtshan gyis mdzad pa'i rtsa ba'i steng nas bla mchod kyi bshad
khrid dang/ paN chen chos rgyan gyi gsung dga' ldan phyag rgya
chen po'i rtsa ba rgyal ba'i gzhung lam dang/ de'i rang 'grel
yang gsal sgron me gnyis

sbrags ma'i bshad lung/ gzhan yang ljags lung phran tshegs mang
tsam bcas nyin nyi shu skor gnang/ ^ yang bkras chos ri khrod
nyams gso'i ar po'i thog ma grub pa'i rjes tsam du/ gi'u mchog
sprul rin

po che lho rgyud gangs gi'u dgon nas phebs te rje 'di pa'i drung
du bsnyen pa'i dus gcig na/ rdo rje 'chang chen por gzhan ma
'ga' res gsol ba btab ste bla sprul 'dus tshogs mang tsam la slon
'gro kun slong

@017a @#/ /bcos tshul lam yongs rdzogs dang 'brel ba'i ljags bshad
gnad du smin pa dang 'brel bar dang la 'khor lo sdom pa dril bu
phyi dkyil lha lnga'i dbang chen sta gon dngos gzhi dang

bcas pa dang/ bde mchog dril bu lus dkyil gyi dbang chen/ rje
dngul chu ba'i gsung gi steng nas bde mchog lha lnga'i bskyed
rim gyi nyams khrid bklags lung dang bcas pa/ kha che paN chen
lugs kyi

bde mchog bskyed rim gyi lung khrid/ bde mchog lus dkyil gyi rim
gnyis lcang skya rol pa'i rdo rje'i gsung dang/ paN chen chos
rgyan gyi gsung/ dwags po skal bzang mkhas grub kyis mdzad pa'i
lus dkyil

bskyed rdzogs kyi nyams khrid dang khrid yig bzhi ka'i ljags
lung/ bde mchog lus dkyil chos skor dpe thung par gsar gyi lung
bcas stsal/ ^ skabs shig rje bla ma rdo rje 'chang mchog nas
sbyin bdag

mdzad de chu bzang 'du khang du de ga'i dge slong sogs dge 'dun
tshogs pa 'du mi ci yod 'tshogs chog pa mdzad de nyin bdun gyi
ring mchod sprin sna lnga stong mchod gcig 'gro nges kyi thog
/lam rim bdud rtsi'i

snying po tshogs 'don du 'dzugs gnang mdzad/ nyin gsum res lam
rim tshar re 'gro ba dang/ nyin rjes mar lam rim dbu 'dzug thog
grol rgyu mdzad par/ lam rim nyin dang po'i skabs dwags b+hruM
rje

@017b sku mjal phyag tu bcar/ lam rim tshogs 'don du tshugs pa'i
gsung gleng gnang bar brten rje sku nas kyang lam rim gtong rtsa
tshugs rgyu'i zhal 'debs sogs phul/ ^ yang dus gzhan zhig na/
stag phu rdo

rje 'chang chen pos kyang rje nyid kyi drung nas bde mchog lus
dkyil gyi dbang khrid gsan cing/ stag phu ba chen pos zhu bskul
gnang ba ltar bde mchog dril bu lus dkyil gyi bla brgyud gsol
'debs dang/ zhol khang

shar chos mchog sprul bde chen chos kyi dpa' bos zhus ngor bde
mchog lus dkyil gyi bum bskyed dang bdag 'jug mdor bsdus nyes
ltung dri ma 'khrud pa'i thugs rje'i ga bur chab rgyun zhes
pa'ang gsung rtsom mdzad/

^ yang chu bzang 'du khang du zhol khang shar chos sprul sku rin
po che nas gsol ba btab pa ltar/ zhu mi de mo dang/ khri byang/
brag rgyab/ mtsho sna/ brag ri/ gzhung pa dge legs sprul sku sogs
tshogs pa drug

cu skor la bde mchog dril bu phyi dkyil lha lnga'i dbang chen
gyi sta gon dang/ dngos gzhi/ bde mchog lus dkyil gyi dbang chen
dngos gzhi/ lus dkyil gyi bskyed rdzogs lcang skya rol rdor dang
paN chen chos rgyan gyi

gsung/ rdzogs rim skabs dga' ldan nag tshang ba'i gsung gi steng
nas nA ro'i chos drug sbrags ma bcas kyi nyams khrid nyin nyi
shu tsam gyi ring la zab smin du gnang zhing/ zhol khang shar
chos sprul skur bde chen chos

@018a @#/ /kyi dpa' bo zhes pa'i gsang mtshan thun mong min par
stsal/ 'di dus bde mchog lus dkyil gyi mngon rtogs ljags rtsom
grub nas ring por ma lon par shar pa sprul sku rin po chas

sbyin bdag mdzad de par brkos legs par grub pas shar sprul nas
bka' chos 'dus tshogs su lus dkyil mngon rtogs gsar thon gyi dpe
'gyed dang/ rdo rje 'chang mchog nas chos zhu ba tshang mar bde
mchog gi

phyag tstsha re gnang/ chu bzang du bzhugs skabs 'du khang 'dir
lo re bzhin du tshogs pa brgya skor tsam la rdo rje rnal 'byor
ma'i dbang lan bzhi lnga tsam dang/ rim gnyis kyi zab khrid
nyung mtha' lan gnyis re

tsam bcas phal cher stsal to zhes tshul ldan 'ga' res gleng ngo/
/^ yang de mo rin po ches zhu gnang mdzad de khri byang bla
brang du/ de mo mchog sprul/ khri byang rin po che/ o tog /mtsho
sna/ brag rgyab/ ser

smad rgyal rong shar sprul/ e bla ma/ gzhung pa dge legs/ rtse
nya sku gong ma ngag dbang 'jigs med grags pa/ spom ra 'jigs med
sprul sku/ tshe mchog gling gi gnas bla sprul sku sogs zhu mi
drug cu skor

la stag phu'i dag snang bcu gsum/ 'jam dbyangs chos skor gyi
rjes gnang bcu/ rnam sras bka' chen bco lnga/ lho brag snyan
brgyud kyi rjes gnang bcu bcas byings rnams tshogs yongs dang/
bka' rgya can rnams de mo dang/ khri byang sogs pa'i

@018b brgyud du stsal/ mjug tu sa skya'i gser chos bcu gsum gyi
rjes gnang phyi nang yang dam pa'i phyag bzhes bzhin gong ltar
stsal/ 7 yang 'di skabs shig tu rta mgrin gsang sgrub kyi dbang
chen dang/ thu'u bkwan

rta pod po ti gsum gyi ljags lung yongs rdzogs bcas gnang bar
gsal lo/ /^ yang chu bzang ri khrod nas rgyal zla zhig dang
bstun te ra tshag rnal 'byor ma'i drung du ched phebs kyis tshes
bcu'i tshogs ston du

rnal 'byor ma'i bdag 'jug dang 'brel ba'i tshogs kyi 'khor lo
gzab rgyas/ bdud rtsi'i mchod pa bcas gnang/ tshogs pa de mo rin
po che/ 'bras spungs gtsang pa mkhan chen/ e ka ljongs bla ma/
mtsho sna

rin po che/ o tog sprul sku/ spom ra 'jigs med sprul sku/
gzhung pa dge legs rin po che/ tshe gling gnas bla sprul sku sogs
bla sprul bcu gsum skor dang/ dge 'dun byings bcas rdo rje btsun
mo'i lam

la gcig tu brtson pa'i skal ldan gyi tshogs pa ches mang du
byung/ ^ lcags bya lo'i lha klu'i lam rim gnang ba'i rjes kyi lo
phyi nang zhig tu/ sngar bshad grwa blon chin nas dwags po
skyabs mchog bla ma rin po

cher lam rim bka' khrid kyi snyan gsan phul te zhal bzhes legs
par grub rjes shig nas bla slob gnyis ka snga phyir zhing brjes
pa'i skabs/ de'i lam khrid gnang rgyu'i dod du rje bla ma nyid
nas lam khrid zab rgyas

@019a @#/ /shig gnang dgos zhes gzim bshad grwa ba'i lha lcam nas
nan du zhus ngor lha sa bzhi sde dga' ldan bsam gtan gling gi
'du khang du/ zhu mi 'bras spungs sgo mang bka' 'gyur

bla ma rin po che blo bzang don ldan dpal bzang po sogs bstan
'dzin gyi skyes mchog du mas dbus gdan sa gsum gyi bka' rams dge
ba'i bshes gnyen mang po dang rigs pa smra ba'i tshogs du ma/
rnam

kun sgrub la gzhol ba'i ri khrod pas mtshon dad 'dus ser skya
chig stong la nye bar myur lam dmar khrid dang/ lho brgyud lam
rim/ blo sbyong don bdun ma bcas sgrags pa'i nyams khrid nyin
nyi shu skor

tsam gyi ring shin tu rgyas la zab smin go bde lung rigs kyi
mtha' chod pa dgyes pa chen pos lhug par stsal/ 'di skabs nyin
gsum la chos thun dang po'i dbur rdo rje 'chang mchog gis myur
lam dmar

khrid kyi dbu nas bshes gnyen 'brom 'phrin las kyi khyeb gdal
che ba yang de'i rten 'brel yin/ zhes pa yan brtsi bzhag lan
gsum sngon dus nas gnang mus kyi phyag bzhes bzhin stsal ba
dang/

bka' 'gyur bla ma rin po che nas brtsi bzhog lan gcig yar skyor
'bul mdzad pa bcas slob tshogs yongs la snyan 'jebs dwang ba
'dren nges kun gyi yid 'phrog pa byung zhes grags/ ^ yang/

@019b dus gzhan zhig tu/ brag ri mchog sprul rin po che dang/ de
mo rin po che/ rje drung thub bstan gsung rab sogs zhu mi 'dus
tshogs brgya skor tsam la dpal 'khor lo sdom pa dril bu phyi nang
gi dbang chen sta gon dang

bcas pa dang/ lcang skya rol pa'i rdo rjes mdzad pa'i bskyed rim
bde chen gsal ba'i sgron me/ paN chen chos rgyan gsung rdzogs
rim bka' rgya ma tshig lhug /dwags po skal bzang mkhas grug kyi
gsung gi bskyed

rdzogs bcas sbrags pa'i dril bu lus dkyil gyi bskyed rdzogs
nyams khrid du stsal/ dwags po skal bzang mkhas grub gsung lag
mchod kyi khrid/ rnal 'byor ma'i lag mchod kyi khrid/ nA ro'i
chos drug

yid ches gsum ldan dang/ nag tshang bstan dar ba'i chos drug bcas
sbrags pa'i nA ro'i chos drug gi khrid lung lag len phyag khrid
dang bcas pa dang/ bde mchog la brten pa'i gru gsum mchod pa
dang/

phyi rol mchod pa'i khrid/ lus dkyil gyi bla brgyud gsol 'debs/
bdag bskyed/ bdag 'jug /mchod phreng/ bstod pa le tshan gnyis/
tshogs mchod/ dbyid glu/ shin tu gsang ba'i mgur dbyangs/

sbyin sreg /lho sgo/ smon shis bcas par lung cha tshang/ lcang
skya'i gsung bla ma'i rnal 'byor bka' rgya can dang/ gtum mo'i
khrid yig bde chen rgya mtsho/ rje nyid kyi gsung lus dkyil dang
'brel ba'i bla ma'i

@020a @#/ /rnal 'byor le tshan/ dge legs sprul skus zhus pa'i bla
ma'i rnal 'byor/ mgur ma le tshan gnyis/ gsang 'dus bdag bskyed
bcas kyi bklags lung bcas dang/ yang/ gcod

dbang nam mkha' sgo 'byed thun mong ma yin pa dang/ grub mchog
blo bzang rnam rgyal gyi gcod khrid/ paN chen chos rgyan gsung
gcod thar 'dod ded dpon/ dwags po skal bzang mkhas grub gsung
dga' ldan

bstan pa'i mdzes rgyan/ rje nyid kyi gsung lus sbyin bcas sbrags
pa'i gdan thog gcig ma'i gcod khrid lung dang bcas pa/ jo nang
khrid brgya'i skor la dang po lo rgyas gleng bslang/ lo rgyus
thun mong pa/ gsol

'debs khrid kyi mtshan tho/ thun mong pa'i sngon 'gro/ thun mong
ma yin pa'i sngon 'gro/ khrid brgya dngos gzhi bcas kyi lung
thob pas khrid yongs grags med pa rnams kyi khrid rgyun go chod
par 'di'i brgyud pa gong

ma'i bka' srol ltar yin gsungs/ 'jam dbyangs chos skor du grags
pa'i 'jam dbyangs phyi nang gsang gsum/ lus dkyil rje btsun ma
nag mo/ bde mchog dkar po/ sgrol ma rgyal mtshan can/

chos rgyal phyi nang gsang gsum bcas kyi rjes gnang bcu tshang
ba/ sgrol dkar gyi tshe dbang grub rgyal tshe dbang la kha bsgyur
ba dang/ de'i tshe sgrub lho sprul gyi gsung/ dbang bskur chog
mkhyen brtse'i gsung

@020b bcas kyi ljags lung dang bcas pa legs par stsal/ bar skabs
shig gzhung sa'i zhi drag gi las byed rnams kyi bar du khong
skran shin tu chen po zhugs te phan tshun 'thab rtsod kyi gzhi
'ding ba sogs rgyal srid rlung

bskur gyi nyen dogs ches che ba zhig byung ba na/ ^ gong sa
mchog gi bka' bzhin lho rgyud 'jigs byed lha khang du mnan sreg
'phang gsum dang/ dbye bskrad kyi 'khrul 'khor sogs mngon spyod
kyi las rim gsung

cho ga tshugs nas ring por ma song ba nyid du nyin gcig lha ldan
bar skor nang du glo bur 'khrug 'dzing zing bshig che tsam byung
ste/ byed gte gang yin a ru sder bton ltar gsal bar thon pa la
gzhung sa nas rgyal

khrims bka' chad drag pos tshar gcod mdzad/ de nas bzung lkog
g.yo ngan jus kyi bsam sbyor mtha' dag bye ma'i chang bu ltar
rang zhig tu song nas rgyal bstan chab srid kyi dge mtshan dkar
'jam yug gcig tu

gnas thub pa byung zhes chos kyi spyan ldan dam pa ser byes
drung zur blo bzang thub dbang nas gsung ngo/ /7 gzhan yang bkra
shis chos gling du bzhugs pa'i dus shig na/ bslab gdong grags pa
zhes pas gsol ba

btab pa bzhin chu bzang chos rar byang chub lam rim chen mo
dang/ rje'i nyams mgur bsdus don/ bde lam/ myur lam/ blo sbyong
don bdun ma bcas sbrags pa'i bshad lung dang/ nyams khrid gnang
rgyur bla sprul dge

@021a @#/ /bshes/ ser skya byings dkyus sogs zhu mi tshogs pa
nyis stong lnga brgya tsam 'dus par zla ba phyed gsum tsam gyi
ring zab khrid smin rgyas nyams len gyi gnad thog tu 'dril
ba stsal/

bka' chos sbyin bdag nas thog mtha' bar gsum gyi bsnyen bkur
tshogs gsog rgya chen po'i thog /sbyin bdag zur pa byung rigs
du mas kyang mang 'gyed sogs gzab rgyas su bstar/ lam khrid
kyi mjug thog

der grub brnyes dpal mo lugs thugs rje chen po bcu gcig zhal
gyi dbang chen sta dngos/ gdugs dkar dang mi 'khrugs pa'i
dbang chen/ bla mchod 'pho ba zhag gcig ma'i khrid/ sgrol ma
skor bcas

dang/ smon lam rnam brgyad/ sgra mi snyan gyi tshe sgrub/ dpal
lha zhi ba'i tshe sgrub bris ma bcas kyi ljags lung sogs stsal
zhing/ 'di dus kyi lam khrid skabs/ lha sa'i kha che gnyis chu
bzang ri khrod

bla brang khag gi skyed tshal gling ga dang me tog ldum rwa
sogs ltad mo blta ba'i phyir du sngon bsags kyi las bzang po'i
nus pa sad pas kyang bskul nas der 'ongs pa chos rwa'i 'khris
su slebs te bla ma 'dis

chos zer ba de ga 'dra zhig shod kyi 'dug blta snyam du ltad
mo blta bzhin bsdad par/ lam rim gyi khrid du slob dpon A
rya de was mu stegs rta dbyangs rtsod pas pham par mdzad skabs
kyi gsung bshad gnang

@021b ba dus 'grigs pas de'i skor rnams dang chos thun de'i
'phro cha tshang ba nyan te chos rwa'i phyi rol gyi sge'u khung
gi 'gram du bsdad/ de'i nub mo chos thun grol ba na/ rdo rje
'chang chen po'i drung du bcar nas/ nged gnyis kyis

sdar kha che'i chos lugs byed pa yin yang de ring bla ma khyed
kyis chos gsung ba thos pa'i rkyen las da ni mu stegs pa sogs
kyi lugs la the tshom du gyur cing/ nang pa sangs rgyas pa'i
bstan pa rnam dag yin pa'i nges shes

rnyed pa byung bas slan chad nas nang pa'i chos byed chog pa
zhig dgos zhes nan gyis gsol bar/ khyed gnyis nas nang pa dang
kha che gnyis ka'i lugs mnyam por byed pa mi legs shing/ gal
te nang pa'i chos sgor 'jug tshe

kha che'i chos lugs byed pa'i gras nas tshur ma 'then na skyabs
la gnyis 'dzin byas par song ste dper na/ mi gcig gis dus gcig
la bzhon pa gnyis zhon pa ltar 'gyur pas mi rung zhes phebs pa
ltar/ khong gnyis

kyis kha che'i gras nas 'then gcig bya rgyu yin pas nga res
kyi 'di nas bzung rjes su bka' chos nam byung ba thams cad zhu
chog pa'i skyabs 'jug gnang dgos tshul zhus par zhal bzhes
kyang legs par stsal ba ltar phyi

nyin zhogs pa ches snga ba nas lha sar song/ kha che'i sgrig
nas 'then cing bza' bca' gyon pa sogs khyer nas 'ongs te bka'
chos lam rim gsung bshad snga ma'i 'phro nas bzung yongs su
rdzogs pa dang/ de rjes kyang

@022a @#/ /rje bla ma nyid kyi drung nas lam rim/ dbang bka'/
khrid lung sogs rgya cher zhus shing/ zhus pa rnams kyang
nyams len la ci nus su dril ba'i chos pa bzang po re byung
zhes grags/ ^ yang/

bkras chos su bzhugs pa'i skabs tshes bcu zhig dang bstun rje
bla ma mchog dang/ de mo rin po che/ e ka ljongs sprul sku/
tshe gling gnas bla/ spom ra 'jigs med rin po che sogs ston
'khor bcu gsum skor

mkha' 'gro'i tshogs gzhong du phebs te rje btsun rdo rje rnal
'byor ma'i cho ga'i sgo nas tshes bcu'i tshogs 'khor smin rgyas
su 'bul gnang mdzad pas/ tshogs 'khor gyi dus su rje bla ma
nyid la mkha' 'gro ma du

mas bro gar gyi rnam pa sna tshogs bstan pa'i gzigs snang gsal
po dang/ glu dang rol mo sogs kyi sgra de na 'khod pa'i tshogs
pa gzhan kun gyis kyang thos pa byung/ sngar gong du'ang smras
zin pa bzhin rje nyid nas

char 'bebs sogs gzhan phan gyi las tshogs gang dang gang sgrub
pa gnang yang byang chub kyi thugs drag po bcos min mnga' ba'i
stobs kyis 'phral 'phral du mngon rtags thon pa zhig yod de/
dbus ljongs su

dbyar dus than pa tshabs chen byung ste lo tog gdungs nas ston
'bras bsdu med du 'gyur bar nye ba'i tshe bla sprul che khag
dang dgon sde sogs nas char 'bebs kyi thabs tshul lha mchod
'dre brdung ji ltar bgyis kyang

@022b ma phan pa'i skabs mang por ^ gong sa rgyal dbang mchog
nas rje nyid la char 'bebs gnang dgos pa'i bka' yig phebs
'phral khrus gsol gnang ba tsam dang/ sgrol ma tsitta ma Ni
sogs kyi sgo nas char 'bebs kyi sgrub

zhag dbu 'dzug gnang ba tsam gyis nyang dog gi phu sogs nas
char sprin sprul mgo brkyangs pa lta bu lang long 'khrigs te
char gyi rgyun bzang po yang yang babs pas lo tog nyams pa
rnams phyir sos shing/ zhing pa

mtha' dag ngal bso'i dbugs dbyung gi go skabs thob pa snga
phyi bar gsum du byung tshul shin tu mang zhing/ res 'gar ^
gong nas nor gling ser srung bar char bkag shugs cher bgyid du
stsal te/ rje bla ma nyid la

char 'bebs rtags thon dgos zhes rtsal 'gran tshod ba gam gyi
tshul lta bu gnang bar yang char 'bebs nus thon ma byung ba med
ces bsnyon med du yongs su grags tshul blo ldan du mas kyang
gsal bar brjod par

byed do/ /yang gdan sa 'og ma bkras chos kyi ar bzhengs par
ma'i dus shig tu mdzod zur ngag dbang rgya mtshos sngar nas
zhabs 'degs lhag bsam phul gyur mthar phyin byung bar slar bla
brang du sgrub shag gsar

bskrun zhig tu kha ton nyams len la tshig 'grus dang 'brel bar
lhod bzhugs chog pa'i bka' bzang po stsal zhing/ gzim chung gi
dbu rtser slad ^ gong sa rgyal ba'i dbang po mchog gdan 'dren
mdzad rgyu'i gzim

@023a @#/ /chung le lag bcas dang/ bzhugs khri gsol lcog sogs
kyang lha'i bzo bos bskrun pa lta bu'i bkod legs sra brtan du
gsar bzhengs legs par bskyangs/ bar zhig tu snye thang

bstong yang dgon ri khrod kyi gnas gzhi bdag thob tu byed po
dmag spyi'i drung yig skal bzang dang gzhan rtse drung zhig
bcas nas ri khrod de ga'i snod bcud mtha' dag rje bla ma mchog
la rtsa 'bul bya rgyur gros

mthun spyi mos byung ba ltar drung skal nas rje nyid la de
ltar yin tshul rgyu mtshan zhib lhong zhus thog /de ga'i gtan
deb bcas rtsa 'bul zhus par rje nyid nas kyang de ltar byung
na lha sa'i grong khyer thag ha cang mi

nye bas dben la dge sbyor 'phel ba dang/ nye 'gram na mtshan
nyid kyi grwa tshang yang yod pa bcas shin tu legs po yong tshul
phebs shing/ rjes shig nas rtse drung des drung skal la yang
dgon ri khrod nas khyod rang

gi thob tshod rnams pha bong khar 'bul mi 'bul khyod rang shes
kyi/ nged kyi rnams rtsa ba nas 'bul mi thub zer bas drung
skal nas tshul de dag rje nyid la gsol ba'i skabs gzhan ma'i
thabs 'phrul ye ma gnang

bar; de ltar zlos gzhi yod pa lta bu'i khams dwangs min yong
na 'phral phugs gnyis kar mi legs pas khong pas da lta nas
gsal kha gsung ba ha cang legs shing/ de 'dra'i rigs nged
la'ang dgos pa  @023b med tshul phebs te drung skal nas phul
ba'i rigs rnams kyang 'phral mar thugs thag gtsang chod du
phyir stsol bar mdzad/ gzhan yang gsang rnam gsol 'debs su/
dwags po stod smad 'khrugs pas phan tshun

gnyis/ /mtshon gyi char chen 'bebs la nye ba'i tshe/ /sus kyang
ma bzlog thugs rje can khyod bzlog /gtan mchog srog sbyin
mdzad la gsol ba 'debs/ /zhes pa skabs ji bzhin ma 'tshal yang
don gyi byung lugs

ngo ma ni tshig zin du gsal ba las lhag pa smos ma dgos shing/
'di yang rgyal sras sems dpa' chen po'i spyod tshul gzhan 'gran
dka' ba zhig yin par sus kyang shes sla'o/ /yang dus gang yin
ma

nges kyang spyi lcags zhabs zur dge bsnyen don grub dpal 'byor
nas zhus ngor/ chu bzang chos rar bla sprul/ dge bshes sogs
ser skya tshig stong brgal tsam la zab lam bla ma mchod pa bde
stong dbyer med ma

paN chen chos rgyan gyis mdzad pa'i steng nas bshad lung zab
rgyas dang/ yang chos rgyan gsung dga' ldan phyag rgya chen
po'i rtsa ba rgyal ba'i gzhung lam dang/ de'i rang 'grel yang
gsal sgron me bcas sgrags

pa'i bshad khrid gnad du smin pa stsal/ 'di skabs sbyin bdag
zhabs zur nas bka' chos par thog mtha' bar gsum gyi bsnyen
bkur dang/ bla mchod bde mchog dang 'brel ba'i gtor 'bul skor
zur du spar

@024a @#/ /bskrun gyis tshogs par dpe thung shog bu bdun yod pa
phyag 'gyed du phul zhing/ bsnyen bkur sbyin bdag gzhan yang
ches mang ba byung/ dpyod ldan 'gas 'di skabs yin kyang

gsung ste gang ltar bla mchod kyi zab khrid tshugs nas nyin
lnga drug tsam song ba'i mtshams shig tu nyin gcig bka' chos
stsal bzhin pa'i skabs chos rwa'i shar phyogs brgya rtsa spug
gi ri rgyud nas wa mo nag

po zhig grog rong du tshur yong ba chu bzang dge slong blo
bzang 'phrin las sogs las byed pa rnams kyis mthong zhing/ de
rjes de phyogs nas char rlung shugs cher byung ba'i rkyen lta
bus/ chos rwa'i nub ngos

kyi gyang ldebs su/ chos khri zhal lho gzigs su yod pa dang
'gyangs khad ka mig phyed gsum tsam gyis bar chod par bla
mchod kyi tshogs zhing bkram pa'i ngos nas mjal dar a she zhig
lhags rlung gis

khyer ba'i rnam pas bar snang nas bya 'phur ba ltar khyu ru ru
'ongs te rje bla ma rdo rje 'chang chen po'i mgul du bsgron pa
lha rdzas kyi g.yas g.yon sne gnyis kyang ring thung med par
tshad kyis bcal te ched gnyer gyis

mgul du bsgron pa ltar gyur pa der tshogs kun la mthong chos su
byung ste ngo mtshar brjod du mi bzod pa'i dad pa'i mthu bla
nas blar 'phel bar gyur to/ /rlabs chen tshogs gnyis stobs kyis
rab 'phangs te/

@024b sku gsum rab dga'i tshal du mngon son kyang/ /thugs
bskyed lha yi rnga bos nyer bskul nas/ /zhi bde'i rol rtsed
'dor ba chos nyid yin/ /e ma mgon khyod ring nas byang chub
ste/ /rang gzhan don gnyis bgyi ba

mthar phyin kyang/ /rgyal gzhan brtse bas btang ba'i 'gro
'di'i slad/ /slar yang 'phrin las mkha' ltar spro la rangs/
/mkhyen brtse'i chu ris rnam bkra ba'i/ /khyod thugs sprin gyi
lding khang las/ /zab rgyas chos char

'dod dgu ru/ /'jo 'di mtha' yas gdul bya yi/ /shes rgyud rnam
dag dus ring sngon nas smin rgyas gser ldan dga' ma'i lto/
/blang dor ma 'dres dge legs 'bras bzang gtan bde'i lo tog
mngal sbrum par/

tshogs gnyis drod gsher bcud du smin pa sku bzhi'i snye ma
g.yur za ba'i/ /ngo mtshar dus ston rdzogs ldan dpal bzhin
'gyed la rings par zhugs pa bzhin/ /zla med spyod mchog ma
dros mtsho chen las/ /

dad gsum ku shas blangs pa'i chu thigs 'ga'/ /'thor ba 'dis
kyang skal bzang skye rgu yis/ /zhi bsil dga' ston myang ba'i
dpyid du sman/ / ! de nas lo tshigs nges pa can gyi thor bu'i
tshogs 'ga'

zhig dkyus su 'god pa la/ dgung grangs nga gsum du phebs pa
lcags rta lor yang rgyun gtan thugs dam nyams bzhes kyi rim pa
rnams nyin re bzhin chag med thog /bla sprul sku drag dang/
chos sde

@025a @#/ /chen po'i bka' rams dge ba'i bshes gnyen dang/ blo
gsal rigs par smra ba'i tshogs du ma/ ser skya byings dkyus/
phyogs 'grul gyi dad mjal ba sogs phyag dbang byin

rlabs dang/ 'dod chos rgyas bsdus ci rigs par ma chad par zhu
ba/ mdo rgyud man ngag gi gnad du mar thos bsam nyams len gyi
sgro 'dogs gcod pa la sogs pa'i bka' drin zhu ba'i bu slob
dang brtson blo

gros ldan pa'i skye bo'i tshogs bgrang ba las 'das pa mtha' dag
par gang la ci 'dod pa'i 'dod 'dun yongs su 'gengs bar mdzad
cing/ skabs 'gar chu bzang chos ra dang/ bkras chos gdan sa
sogs

su zhu mi 'dus tshogs brgya stong du mar lam rim sogs kyi khrid
dang rgyud sde chen po du ma'i dbang bka' khrid lung gis mtshon
pa'i chos 'khor che chung sna tshogs pa'i mdzad pa rgya cher
bskyangs pa sogs la brten

nas dga' ldan bstan 'gro spyi sgos yongs la bka' drin gyis
khyab pa'i mtshan nyi zla ltar grags shing 'phrin las nam mkha'
dang mnyam pa tsam byung ste/ 'jam mgon rgyal ba gnyis pa'i
bka' srol

tshang la dri ma med pa'i chos kyi rgyal srid chen po nyi ma
gung la babs pa'i dus bzhin du gyur/ lo 'dir byang phyogs chen
po hor gyi yul mtha' sbo rAd thu'i grwa rigs dge slong blo
bzang chos grags nas

@025b bdud rigs spong ba pa'i 'dus sde gsar 'dzugs bya rgyu'i
bca' yig rtsom bskul zhus pa ltar sgrub sde dge rgyas theg
mchog gling gi spong ba pa rnams kyi khrims su bca' ba'i yi ge
ngo mtshar bdud rtsi'i dga'

ston zhes pa thugs rtsom dang/ khong pas 'di'i lo snga rting
rnams su 'dod chos sna tshogs zhus pa'i re 'dod yongs su bskang
zhing thon khar sku brnyan byin can 'ga' dang/ dpe tshan mang
po/ gos dar sogs

kyi rdzong ba spam mtho ba bcas stsal/ dge bshes blo bzang
chos 'dzin gyis zhus ngor 'bras mtsho sna sprul sku'i zhabs
brtan gsol 'debs dang/ rong thang steng mgar thar sprul sku
thub bstan 'jigs med

grags pa rnam rgyal dang/ sku mched rdo rje rnam rgyal zung
nas gsol ba btab par brten chos skyong rdo rje shugs ldan
rtsal gyi bskang chog 'bring po las bzhi'i 'phrin las myur
'gugs zhes pa ljags rtsom

mdzad cing/ mda' dpon shan kha bas zhus ngor 'dod lha sna
tshogs kyi thar sku'i rgyab yig dang/ skabs du mar lam rim gyi
sa bcad so so'i khongs kyi man ngag sbyor tshul sogs bka' dri
zhus pa'i skor ci

rigs la bka' lan lhug rjen 'phral 'phral du gnang ba sogs bka'
drin rgya cher stsal/ 'di'i sngon lo zhig nas co ne dge bshes
rin po che rje 'di pas bkur sti bla na med pa mdzad de chu
bzang du bzhugs tshul 
@026a @#/ /7 gong sa rin po ches gsan pas/ skabs shig glo bur du
co ne dge bshes bya ba chu bzang du yod bdug pa khyed mkhas pa
yin na ri khrod du 'dzul bsdad pas mi 'thus par nor

gling du 'phral phebs kyis bka' 'gyur dkar chag rtsom pa bya
dgos zhes pa'i bka' yig cig phebs par brten chu bzang du yod
pa'i dge bshes rin po che nyid kyi gzim shag phyi nang snod bcud
phal

cher cam 'jog mdzad de 'phral mar nor gling du byon nas gtan
bzhugs mdzad dgos pa byung zhing/ der 7 gong gi bka' bzhin dkar
chag gi dbu nas bzung shog dril che ba bzhi tsam gsung rtsom
grub

rim gyis 7 gong du ljags zhur 'bul dgos tshul phebs pa ltar phul
ba 7 gong nas phyir ma stsal bar yun ring lus shing 7 gong sa
mchog dang dngos mjal gyi dus 'gar yang dge bshes rin po che
rang

nyid snyan dbang cher mi gsal ba'i stabs gsung lan dri rmed sogs
mdzad dka' yul gnyan sku tshegs kyi rnam pa che bar gyur te
thengs gcig gi dus/ khong rang gis zhu dag kyang gnang dgos kyi
ma red/

ngas rtsom pa yang bya dgos kyi ma red ces gsung dgos byung par
grags/ de nas ring min co ne rin po ches snyun tshul che tsam
bzhes par rje nyid nor gling du ched phebs kyis brtan bzhugs
'bul bzhes dag

@026b chu bzang du'ang zhabs rim rgya cher sgrub pa mdzad kyang
ltem gzhi dwangs tshul bzhes pa'i sgom dod cing/ de nas dus ring
min zhig nas nor gling du zhi bar gshegs pa'i tshul bstan par rje
bla ma nyid kyis chu bzang ri

khrod dang bkras chos rnams su dgongs rdzogs rnam dkar rgya gang
che dang/ nye gnas bstan pa rgya mtsho dang/ dngul chu mchog
sprul blo bzang chos 'phel gsang bdag bstan pa'i rgyal mtshan
rnam gnyis nas gsol

ba btab pa sogs la brten nas co ne rin po che'i yang sprul myur
'byon gyi gdung dbyangs gsol 'debs kyang thugs rtsom mdzad/
gzhan yang khams 'grul dad mthal zhu mi khag mang du 'byor ba'i

gdong lab mkhan chen mchog sprul dang/ chab mdo rgya ra mchog
sprul sogs kyi zhu 'phrin gyi bka' lan ches mang po stsal cing/
dad ldan 'ga' res zhus ngor tshogs pa chig stong brgal tsam la
chu bzang

chos rar yam rim bde myur dang/ legs gsung nying khu bcas sbrags
pa'i nyams khrid rgyas par gnang ngo/ /dgung grangs nga bzhir
phebs pa lcags lug lo nang du/ 'char can snga dgong thugs dam
nyams

bzhes kyi rim pa rnams sngar mus bzhin chag med du bskyangs la/
'dan ma stod ma'i byes 'grul sogs phyogs mtha'i mjal mi bkrang
ba las 'das pa lta bu dang/ zhu yig 'bul mi khag du

@027a @#/ /ma 'byor ba tshang mar mjal kha dang/ rang rang gis
zhus pa'i 'dod chos khrid bka' ljags lung sogs rgyas bsdus ci
rigs pa/ zhu yig rnams la so sor ji ltar 'tshams

pa'i bka' lan dang/ gnang skyes sogs yid tshim par gnang/ dpal
ldan smad rgyud kyi dge 'dun sga yul du sgar ba phebs mi rnams
nas zhus ngor dam can rdo rje legs par bsur mchod 'bul tshul

'dod don lhun grub ces pa dang/ lung shar sku ngo rdo rje tshe
rgyal gyis yang yang bskul ma zhus pa bzhin nor lha du ma'i
gzungs sngags phyogs bsgrigs/ khams khul sga yul 'bum sgang dgon
du bla

brang sgar pa bkras chos dge slong bla ma blo bzang chos 'phel
lags dang/ brtson 'grus ngag dbang bcas nas rje nyid kyi bkas
mngags pa ltar 'khor lo bde mchog gi dkyil 'khor sgrub mchod

gsar 'dzugs skabs de ga'i dgon grwa thos bsam rgya mtshos zhus
ngor dpal 'khor lo sdom pa'i dkyil 'khor gyi lha tshogs la bsangs
mchod 'bul tshul bde chen phya g.yang myur 'gugs dang/

'bum sgang dgon gyi las sne rnams nas zhus pa ltar 'khor lo bde
mchog gi bsangs mchod kha skong/ chab mdo rje drung thub bstan
gsung rab nas zhu bskul mdzad pa bzhin dpal 'khor lo sdom

@027b pa'i zas mchod rdo rje'i lus kyi mchod sprin bcas thugs
rtsom dang/ sngon dus spom mda' nyi ma rgyal mtshan sogs dad
brtson dang rnam dpyod phul du gyur pa'i zhal slob skal ba mchog
dang ldan pa du mas

gsol ba btab pa sogs dgos pa du ma'i ched du/ zab lam bla ma
mchod pa'i bris thang snyan brgyud lugs su 'bri tshul rgyas pa
zhig gnang yod pa spom mda' nyi rgyan nas gsar bzhengs bgyis
pa'i

sku thang gi rgyab yig shin tu rgyas par stsal ba de bzhin 'di
res su dpyod ldan gzhan 'ga' nas zhus pa ltar dbu mjug sogs 'don
chog tu sgyur ka gnang ste/ yongs rdzogs lam gyi 'khrul pa 'gog

pa'i smon lam zab don snying gi nor bu zhes pa'ang ljags sgrigs
mdzad/ skabs shig ^ rgyal mchog sku phreng bcu gsum pa chen po
mchog nas/ rje 'di par ^ rgyal mchog lnga pa chen po'i gsung
byang chub

lam rim 'jam dpal zhal lung gi khrid rgyun rgyas pa dbus brgyud
lugs dang/ khrid rgyun bsdus pa lho brgyud lugs su grags pa
gnyis las/ khrid rgyun bsdus pa lho brgyud lugs su grags pa
'di'i skor

khrid rgyun ji ltar yin dang/ bla mchod tshogs zhing gi bla
brgyud 'god tshul bris thang sngon ma rnams dang mi 'dra ba'i
rgyas pa de'i 'byung khungs ji yin gsal zhu dgos zhes bka'
brtsad phebs pa'i

@028a @#/ /zhu lan 'bul gnang mdzad pa ni/ kun mkhyen ^ rgyal
mchog lnga pa chen po'i gsung byang chub lam gyi rim pa 'jam
dpal zhal lung gi khrid rgyun rgyas pa dbus brgyud lugs

dang/ khrid rgyun bsdus pa lho brgyud lugs su grags pa gnyis
las/ khrid rgyun bsdus pa lho brgyud lugs su grags pa ni ^gong
sa lnga pa chen pos e bla ma byams pa rin chen la 'jam dpal
zhal

lung rgyas par mtshal rtags kyis khrid rgyun bsdus pa sbyor chos
tshogs zhing sogs dbus brgyud dang mi 'dra ba zhig zur bkol gyi
gnang ste des e pa se bo dga' rnam mkhan chen blo bzang mkhas

btsun la stsal zhing/ mkhan chen des tshig gi gcod mtshams la
thugs dogs mchod par slar yang ^gong sa lnga pa chen po mchog gi
sku mdun rang du bka' 'dri dogs gcod zhus bar brtse ba

chen pos bka' slob zhib bskyangs kyis thugs dogs chod pa ltar
des grub chen phun tshogs rgya mtshor/ des e bla ma mkha' spyod
ngag dbang bstan dar/ des drags grwa mkhan po ri chos dge

'dun 'jam dbyangs la stsal zhing/ des zhal lung gzhung la rtags
'god ma dgos par zur 'don pres ma mdzad de de thog nas rje ngag
dbang mthu stobs la stsal/ des dwags grwa mkhan po

@028b dka' chen bstan pa rgya mtsho/ des se tho bla ma skal ldan/
des rje blo bzang chos 'phel/ des dge ba'i bshes gnyen thub
bstan rab rgyas/ des bam chos dge slong byang chub thogs med/
des

dwags grwa mkhan zur blo bzang sbyin pa/ des dwags po lha sdings
rgyal sras bskal bzang bstan 'dzin/ des dwags po skal bzang
bstan 'dzin mkhas grub/ des gus 'bangs pa'i bla ma dwags

po bam chos 'jam dpal lhun grub rgya mtshor stsal/ de'i zhal snga
nas ^ skyabs rje sgrub khang mchog sprul rin po che sku gong ma
dang/ gus pa gnyis nas bskul ma zhus te chu bzang ri khrod du
tshogs

pa nyis brgya skor la khrid rgyun legs par stsal/ dpe rgyun shin
tu dkon stabs sgrub khang mchog sprul rin po che nas par gsar
bskrun bka' drin che ba bcas yin lags na chos klong du rol ba
dang/

bla mchod tshogs zhing nyams len byin rlabs brgyud 'god lugs dga'
ldan phyag chen gyi bla brgyud rnams 'jam dbyangs kyi rnam par
mtho brtsegs su 'god pa sogs yongs grags ltar dang/

yang gsang bde 'jigs gsum gang rung gi rnal 'byor gtso bor byed
pas rang rang gi bla brgyud nyams len byin rlabs brgyud du 'dod
pa dang/ yang bka' gdams thig le bcu drug gi bla brgyud

@029a @#/ /nyams len byin rlabs brgyud du 'dod pa bcas yod pa
las/ de lnga ka'i brgyud pa mtho brtsegs su sdeb gcig 'god pa
snyan brgyud zhal shes thun mong min pa zhig dang/ rgya chen
spyod brgyur

dang/ zab mo lta brgyud so so'i mdun du zab rgyas chu bo gcig
'dres kyi brgyud pa jo 'brom yab sras kyi 'og dbus su dpal ldan
dgon pa ba sogs bka' gdams lam rim pa dang/ de'i g.yas g.yon
du dge ba'i bshes

gnyen po to ba sogs bka' gdams gzhung pa ba dang/ spyan snga
tshul khrims 'bar sogs bka' gdams man ngag pa ste bka' gdams
brgyud gsum cha tshang re dang/ de'i 'og tu bka' gdams gsar ma
dge lugs

kyi brgyud pa cha tshang re 'god pa man ngag lugs kyi tshogs zhing
'god lugs yin zhes gus 'bangs pa'i bla ma dwags po ba ma chos
'jam dpal lhun grub rgya mtshos yang yang bka' chos su gsung
rgyun ltar dmigs rnam

'char bde'i re bas tshogs zhing dpe ris gsar bskrun zhus lags pa
bcas sgrib bral chos klong chen por mnga' ba mkhyaien/ mkhyain/
mkhyain/ zhes 'khod pa'i snyan shog cig 'bul gnang mdzad/ phyogs
mtha'i skyabs zhu mar po'i

gsung lan dang/ spo bo'i yul gru nas lhas bshad sgra ba'i sras
skus zhu yig phul ba'i lan du gnang ba/ 'dodX dang tharX pa'i
dpalO 'byorO chosX norX gyis/ /'gugs la bsod nams blo gros
tshangs dbang bzhi mkhan

@029b dam mdza' ba'i dbang phyug mi'i dbang po/ /sa yi brgya
byin gnyis pa gang gi drung/ /shis brjod nyams 'gyur stong gi
lang tsho'i dpyid/ /drang srong ngag gi rol mo 'khrol ba'i
dbyangs/ /grub pa'i mthun 'gyur bskul

ba'i cho gar bcas/ /deng 'dir ched du spro la dgyes par rol/
/snyigs ma'i kha rlangs stangs bril chu khur du/ /skyugs pa lang
long gtibs pa'i smag rum khrod/ /gtan bde'i nor bu rang gi dpal
'bar bas//

phan bde'i 'od chags rgyas pa'i dus kyi char/ /bsod nams nor
bu'i rdul mang brtsegs pa'i sku/ /mnga' ris gling bzhi'i dbus na
lhun chags shing/ /rna cha chos srid nyi zla zung g.yo ba'i/
/gdengs kas phyogs

kyi mu khyud mdzes par byas/ /rgyal bstan nyin mor byed pa'i tsha
zer dang/ /chab 'bangs gdung ba 'phrog pa'i ga bur phreng/ /cig
car spros pas don gnyis maNDA ra'i/ /tshom bus kun bzod phang pa
dog

por bsgrubs/ /dga' ba brgya ldan chab srid skabs gsum dpal/
/lhun po'i dbang po khyod kyi gtsug tor rtser/ /bcings pas phas
rgol sbyin skyes nongs pa'i mig/ /smin ma'i ba dan 'degs pa'i

skyobs? pa bcom/ /dad gus gzugs su 'phos pa'i swa sti'i dbyangs/
/mgrin pa'i rdza rnga 'khrol zhing lha'i reg bya'i/ /gshog zung
bcu phrag lnga ldan dngul srang gi/ /khur gyis lci ba'i 'phrin
yig dur

@030a @#/ /pa mo/ /gang du lhags pa'i yod kyi chu gter yang/
/spro dga'i 'dzum gnyer rgod pas ci yang brel/ /rgyal dang shis
pa spel ba'i bsang gtor gyi/ /gzigs ma phyogs brgyar

'thor la'ang rings par gyur/ /'dir yang gdes bcas tsa kra g.yo
ba'i 'phrul/ /'du byed sgyu ma'i 'phrul 'khor ma zhig cing/
/nyin bzhin dus kyi phreng ba rab 'dren par/ /snying po'i go
skabs cung

zad de bzhin lags/ /mtshams zhus/ deng ni kla klo'i tshogs dag
kyang/ /bsod nams dus su bdo ba yis/ /mi mchog dpag bsam dbang
po khyod/ /phan bde'i mgron du rnam par thob/ /shul ring lam

gyis mi ngal bar/ /gang gi bsti der 'khos phebs nas/ /thugs
rje'i grib bsil snum po ru/ /'bangs rnams ngal ba'i thugs dbyung
byin/ /'phrin las yal 'dus? spangs pa yis/ /rgyal bstan me

tog gus 'degs shing/ /ngang tshul 'dis ni don gnyis kyi/ /'bras
bzang g.yur du dung par gyur/ /'di na rang gzhan las kyi me
long du/ /ngo mtshar kun rtog sor mo'i 'du byed kyis/ /bsgyur
ba'i

rgod dang rdams pa'i 'phrul po che'i/ /rnam 'gyur mi sdug sgyu
ma'i gar du rtsen/ /kun gsal mnyam nyid dag pa'i dbyings na blo
chen nyi ma 'od 'bar ba/ /dus kyi chu bdag srid pa'i skeg mos
stang zil

@030b ral pa gsigs pa'i klong/ /mnal bas lhag bsam 'dab brgya'i
phon po ston gyi ngang tshul 'dzin pa na/ /stag chung gzhon nu
bsam gtan khang bur bde stong ro la gzhol ba snyam/ /de ltar
zhal dkyil dngos

nyid du/ /mjal ba'i go skabs rab dman kyang/ /dod du khyod dang
rang gi tshul/ /gleng ba'i go skabs rab dbye nas/ /slar yang gsol
ba/ srid zhi'i bde legs snang ba'i dga' ston 'bum/ /gang du
'dzin pa khyod

sku'i nyin byed dbang/ /'gal rkyen mun can g.yul las rnam rgyal
ba'i/ /ngo mtshar srid pa'i phyi mthar skyong la brtson/ /legs
mdzad nor bu'i zegs ma 'bar ba'i 'dzum/ /phyogs kyi tha grur
bcings

pa'i mtha' 'khob kyang/ /blo bzang rgyal bstan snang ba dkar po
yis/ /lang tsho'i dpal yon dbus 'gyur 'chang bzhin mdzod/ /'di
dang gtan kun sdug bsngal mun stug gi/ /khung bur spro ba'i

chab 'bangs kla klo'i tshogs/ /'phral dang yun du phan bde'i
snang ba la/ /spyod pa'i cho ga gsar du sbyin par mdzod/ /mdo
sngags lam gyi rim pa'i nyams myong gi/ /nor bu'i thig le
dbyings su ngal bso

zhing/ /bde skyid mandA ra yi do shal gyis/ /nor 'dzin mgrin pa
khur du lci bar mdzod/ /glog zhun zhags pa 'khyugs pa'i 'od dmar
gyis/ /dum bu bcu gnyis khyon kun nyer bzung bas/ /phyogs las
@031a @#/ /rnam par rgyal ba'i dga' ston ni/ /dga' ba brgya
ldan chab srid dpal du mdzod/ /de ltar bzhed dgu 'bad med
'grub gyur cig /ces pa'i lhag bsam bden pa'i ngag gi

dbyangs/ /grub pa'i mthun 'gyur sras bcas rgyal bas kyang/
/mdzod ces bdag gis rtag tu yi dam zhu/ /zhes pa gnang skyes
gya nom pas spud pa dang/ bshad sgra'i dge bshes ngag dbang
bzod pa'i

zhu yig gi bka' lan du/ mang thos sgrub pa'i rgyal mtshan 'dzin
pa dge ba'i bshes gnyen g.yung drung lags mchog gi sku drung
du/ stabs 'bul/ gang sku'i nyin byed rnam par gsal zhing don
gnyis

'od stong phyogs brgyar spro bzhin bzhugs ring nas/ 'dir yang
phyag bris dang/ der gsal rten bcas nyams med stsal 'byor
dngos mjal ltar gyi dga' spro thob/ 'dir ngos kyang khams bde
zhing

blo bzang snyan brgyud kyi zab don rgyud thog tu 'gel bzhin
gnas lags/ mtshams zhu/ der sku ngo chen mo dang lhan du ljags
bsnyen bzhugs mus thog sku ngo mchog la nyams bzhes bka' khrid
'bul

gnang mdzad rgyu dang/ gzhan mar yang lam rim dpe khrid mdzad
thub pa shin tu legs shing/ da dung yang 'dul ba'i las chog
zur phul ltar dge tshul sogs sgrub gnang mdzad rgyu dang/ ltag
par mtha'

@031b 'khob kyi yul gru kla klo'i khyu tshogs lta bu der gtan
'dun gyi sgron me spor byed byang chub lam gyi rim pa'i dpe
khrid/ rgyas bshad/ nyams khrid sogs gang thub hur bskyed
mdzad pa shin tu gal che bas/

der bzhugs ring de lugs thugs khur zab skyong dang/ sku 'tsho
yun brtan gyi thabs tshul kyang lhod pa med pa bcas de don
brtse klong du rol ba mkhyen/ ngos nas skyabs dmigs gang zab
zhu/ rten lha reg

dang/ sngags mdud/ 'dul ba'i las chog /bde mchog chos skor
gsar brkos cha tshang bcas pha bong kha'i sprul ming pas zla ba
bzhi pa'i tshes nyer gcig la phul/ zhes pa bcas stsal/ 'di
skabs

shig nas mtshan zhabs stag brag rdo rje 'chang gis phyag sam
dang ngos ma ci rigs pas dbus 'gyur rtse zhol bka' 'gyur par
gsar gyi dkar chag gsar rtsom mdzad rgyu'i rtsom gzhi'i nyer
mkhor mchog

gsum 'jig rten du byung tshul dang che brjod sogs gsal 'khod
kyi bka' slob dgos tshul gnang bar de'i skor mdor bstan gyi
tshul lta bu'i bka' rtsom mang du gnang ste gus 'bul bskyangs
shing/ rjes shing

nas gu hya'i gnas su dkar chag dngos gzhi yang ljags sgrig
gnang rgyu dang/ sngon rjes du mar gsang rgya ha cang dam pa'i
ngang nas ^ gong sa chen po nyid kyi rnam par thar pa'i skor
bka' rtsom gnang rgyu'i mdzad rnam

@032a @#/ /kyi sa bon shog dril mang ba zhig kyang 'bul gnang
mdzad par/ rje nyid kyi zhal nas/ da res kyi 'di rnams rang gi
bla ma'i bka' yin phyir ngal pa lhur len gyis ci 'grub gang

'grub re ma bgyis thabs med yin gsungs te nyin mo'i char dben
'gol gyi dus rnams dang/ mtshan mor mnal gyi go skabs 'phrog
pa'i sku ngal ba du ma'ang nyams su bzhes te bka' 'gyur gyi
dkar chag

dang/ ^ gong sa rin po che'i mdzad rnam gyi thog mtha' bar
gsum nas gsar rtsom tshigs bcad kyi rigs ma yin pa'i rnam par
thar pa'i las yongs su rdzogs pa lo khams chad pa khag lnga
drug tsam las

gzhan rnams la ljags zhus gsar rtsom sna tshogs pa re mos kyi
tshul du thugs khur lhur bzhes bskyangs/ ser sngags grwa byams
pa dam chos nas grwa tshang gi spyi 'jog tu dpal gsang ba 'dus
pa'i ras

bris kyi dkyil thang 'bul rgyu'i rgyab yig dgos tshul zhus pa
bzhin de 'phral du dge bsngo'i smon tshig kyang bka' rtsom
gnang/ lo 'dir kho bo cag rje 'di pa'i sku drung du bcar te
dgyes bzhin rjes su bzung

ba'i skal bzang rmad po che thob pa byung zhing/ 'di 'dra'i
skor lta bu byung dang 'byung 'gyur dag la kha cig gis rang
bstod du kha zer pa srid kyang/ skyon chung ste/ rang zhen
rnyed grags kyi 'dod 'dun med par/ rje bla ma gang gi

@032b thugs rje dang 'phrin las kyi mthus dman pa'i 'gro ba
bdag cag lta bu rjes su bzung tshul gyis mtshon te 'os pa'i bden
gtam mchis na/ dus su smra ba gnas yin pa'i phyir ro/ /des na
kho bo rang yul du yod

skabs klog pa'i slob dpon zhal snga nas ngag dbang lung rtogs
kyis/ deng sang bod du 'bras spungs bla ma khang gsar tshang
dang/ se ra'i bla ma pha bong kha zhu ba rnam gnyis 'gran med
du bzhugs pa a co gnas

skor ba'i ngag las thos/ khyod lo chung bas bod du song nas
bla ma de 'dra bsten te chos pa bzang po zhig byung na/ nged
dge rgan la'ang phyi mar tsha bsil grang 'jam yong ba tshun du
phan rgyu red ces gsung ba dang/

slad rang gi ma rgan tshe ring sgrol ma 'das pa'i dgongs rdzogs
sgrub phyir dang/ grwa sa chen mor gzhung lugs la thos bsam
byed 'dod pa sogs kyis kyang bskul te skabs shig 'dan mdzod
rtse drung la mo

shar pa'i a drung nor tshe bya ba dang 'grogs te yul dbus su
chas pa'i lam gar sra mda' bon dgon dang nye ba'i sa gnas zhig
tu a drung nor tshe dang/ bon po bur rdzun dpon tshang gi nor
ma a lcags smon

lam zer ba gnyis kha 'dril gyis kho bos ma 'das mo'i dge mjug
sgrub ched sogs kyi nye mkhor dmigs pa'i rgya dngul sgor bzhi
brgya skor dang/ bod dngul Tam dkar dga' ldan pho brang brgya
lhag tsam

@033a @#/ /bcas yod pa rtsa 'phrogs ma zad/ yang yang brdung
gtag tshabs che bgyis pa'i mthar a drung nas gris bsnun te
gsod par rtsom ma thag rang nyid bros byol gyis ri gseb

tu yib bzhin de phyogs phan tshun du sprang 'khyams kyis yun
ring 'gor zhing/ mthar bod du slebs nas mthun rkyen dkon stabs
grwa sar mtshan nyid sbyong brtson gyi re 'dun ma grub par rje
bla ma mchog

kun gyi gtsug rgyan lta bu'i mtshan yongs su grags shing rang
yul nas dge rgan gyis slob ston stsal ba'ang dran te rje nyid
kyi zhabs drung na zla ba brgyad pa'i skor zhig bkras chos su
thog mar bcar/

'di nyin gsung 'bum da pa'i lam rim zin bris kyi stod nas mar
ljags zhus gnang bzhin pa'i chos nyan bshad kyi skabs su khel
'dug pas/ kho bos bcar nas phyag 'tshal te/ grang gser thigs

po bdun brgyad tsam dang/ rdor dril cha gcig /bzang ko'i rkyal
snod bcas phyag rten du phul bar zhal dkyil dgyes pa'i 'dzum
mdangs lhag par ston cing thos grol rna ba'i bdud rtsi lta
bu'i gsung 'phros

tho re ba dang bcas phyag gis cung zad sdod cig ces pa'i brda
ston mdzad de/ ljags zhus kyi 'phro nas mdo las/ legs par rab
tu nyon la yid la zungs shog ces pa'i lung 'dren par mdzad
cing/ de'i

@033b 'grel bshad bcas gnang zin pa'i mtshams der kho bor mjal
kha phyag dbang dang/ pha yul gang nas yin pa sogs kyi bka'
'dri zhib par gnang/ lha sa'i dpe khrom nas blus pa bla ma
lnga bcu pa'i rtsa ba/

jo bo'i dbu skra'i lcang ma'i 'khris kyi tstsha khang nas rnyed
pa'i lam rim gsol 'debs lam mchog sgo 'byed la lam rim bde
myur gyi bla brgyud gsol 'debs kha skong mdor bsdus rje nyid
nas ljags sgrigs

mdzad pa ser smad tsha ba khri sprul nas par bskrun gnang ba
dang/ khyab bdag stag phu ba chen po'i gsung rje nyid kyi
zhabs brtan gsol 'debs bsdus pa gang zhig mtshan tsam ma/ se
ra'i ltag gling skor lam ga'i

brag 'og gi dpe nyob khrod nas rnyed pa'i rje nyid kyi mtshan
sngags rgyas pa skad gnyis shan sbyar bcas thog ma'i chos
'brel du zhu ba ljags lung bcas dgyes bzhin du stsal zhing/
mjug der dpe cha gzhan la

thos bsam byed dgos tshul mi gsung bar lam rim la nyams len yag
po gyis shig ces phebs pa zhig byung/ der kho bos nged nas yi
ge 'bri shes kyi yod pas bla ma rin po che'i phyag dpe bshu
rgyu 'dra

yod na zhabs 'degs ci nus zhus chog pa nas/ rjes sor bka' chos
zhu chog pa'i skyabs 'jug stsol grub pa zhig dgos zhes gsol ba
btab par zhal 'dzum bag dang bcas/ 'o de yong gi red/ 'on

@034a @#/ /kyang khyod kyi yi ge'i bris gzugs legs nyes ji 'dra
'dug blta dgos pas gsol dpon rtsar yig tshad cig bris te zhog
la nyin shas mtshams nas yar shog cig dang skad cha

bgyid chog /bka' chos ba lta cher med kyang yun ring bsgugs
thub na chos kyang 'chad nyan rgya chen po yod rgyu red/ khyod
kyi bris gzugs legs po yod na yi ge 'bri rgyu khyod rang gi
tshe gang por bris kyang rdzogs

mtha' med ces phebs par kho bo ni dga' ches te stod khog yang
sang sang snyam byed pa byung/ de nas gsol dpon gyis snag
smyug bris shog bcas gnang bar steng nas mar 'jam dbyangs 'gro
ba smin

byed kyi snying po la nytsan dang/ wa rtu la/ bod yig bcas su
bris pa sum brtsegs/ de 'og rje bla ma nyid kyi mtshan sgra
tshang ba'i gsol 'debs/ de 'og brtan bzhugs kyi gsol 'debs/ de
'og chos

'khor bskor dang bskul ba'i gsol 'debs bcas sholo ka gsum
rnams bris te gsol dpon la phul nas phyir log /de nas nyin
shas kyi mtshams su slar bcar bas yig gzugs skyon med tsam

'dug pas da ste tshes cha legs pa zhig la ri khrod du yar yong
dgos tshul phebs pa bzhin ring min zhig nas zhabs drung du
bsnyen te thog mar phyag dpe mang po 'bri bshus bgyid pa sogs
nas rim gyis

@034b zhabs tog ci nus sgrub cing rje bla ma mchog nas mnyes
bzhin rjes su bzung ste zab rgyas gsung gi bdud rtsi ci dgar
stsol ba sogs thugs rje dang bka' drin tshad las 'das pas yun
du bskyangs pa byung ngo/

mtshan zhabs stag brag rin po che'i bka' ltar ^ gong sa mchog
gi rnam thar dang/ bka' 'gyur par gsar gyi dkar chag sogs bka'
rtsom rim bstud du gnang ba'ang lkog gyur mngon sum gzigs
shing mi

'jigs pa'i gdeng mnga' ba'i rnam thar rmad du byung ba zhig tu
shes nus la/ skabs 'gar stag brag rin po che'i phyag sa ma
phebs 'brel glo bur shog dril mang po gsang stabs kyis yar mar
'bul skyel du

kho bo cag nor gling du gtong gnang mdzad pa yang 'ga' tsam
byung shing/ bka' 'gyur dkar chag sogs ljags rtsom grub zin
pa'i rigs stag brag rin po ches ^ gong sa chen por spyan zhur
phul ba rnams

la ^ gong nas zhib gzigs kyis/ sngar mtshan zhabs gzhon pa
rgyal dbang sprul sku rtsom pa legs snyam pa yin yang/ da cha
mtshan zhabs bgres pa rang gi rtsom legs pa phun sum tshogs pa
byung 'dug ces

sku bcar nang ma 'ga' la phebs tshul stag brag rdo rje 'chang
gis rje nyid la nang ma'i phyag sam legs 'bul gyi che brjod
sbrags mar lan kha yar gnang 'dug pa kho bo cag la'ang mig
ston du bka' drin

@035a @#/ /stsal/ 'di dag gi bar gseng dag tu bka' chos tshogs
pa mang nyung ci rigs la lam gtso rnam gsum gyi bshad lung
dang/ rdo rje rnal 'byor ma'i byin rlabs

dbang bzhi'i rim pa/ rje nyid kyi gsung 'jigs byed dpa' gcig
gi sgrub thabs rgyas pa/ dpal mgon zhal bzhi pa ser po rgyas
byed lhar gu'i nor sgrub dang/ de'i lhan thabs/ bstan spung
shugs

ldan gyi bskang chog 'bring po/ de'i 'phrin bskul 'dod don
myur 'gugs bcas dang/ stag phu'i gsung rje nyid kyi sku tshe'i
bar char zhi ba'i gsol 'debs bde chen 'chi med char 'bebs
dang/ 'khrungs

rabs gsol 'debs bai DUrya'i phreng ba/ zhabs brtan gsol 'debs
rje 'jog ri ba'i gsung/ skam mda' khri sprul rin po che'i
gsung 'od dpag med kyi mchog chog bde chen zhing du bgrod pa'i

myur lam mdzes rgyan bcas kyi ljags lung / zur ka'i gras ma
ti'i lugs kyi 'jam dbyangs dkar po'i rjes gnang dang/ 'jam
bzhad ngag dbang brtson 'grus kyi gsung gi steng nas 'jam

dbyangs dkar po'i sgrub thabs las tshogs dang bcas pa'i zab
khrid/ rje tsong kha pa'i gsung dang/ rje nyid kyis mdzad pa'i
'don chog bcas sbrags pa'i sgra mi snyan gyi tshe khrid/ tshe
sgrub

@035b zhag bdun ma'i lung khrid/ khro bcu'i srung zlog ngar
ma'i rno mtshon gyi zab khrid sogs dang/ yang zur du zhu mi
nyung shas la sems bskyed bka' rgya ma'i khrid lung yang
stsal/ 'di lo'i mjug

chu bzang du bzhugs skabs shig snga dro'i thugs dam gyi skabs
glo bur sku rlung gi rnam pa'i sku'i ltem gzhi tshabs cher
bzhes te phyag mdzod 'phrin las dar rgyas dang bzhi sde tA
zur nas yun

brtan gyi gsol 'debs shugs drag zhus par thog mar gsung bgros
gtan nas gnang mi thub pa'i tshul dang/ bar zhig tu rlung thams
cad dbu ma'i nang du thim 'gro gin 'dug gsungs pa

sogs byung bar phyag mdzod 'phrin las dar rgyas nas gsol gdab
gnad smin dang/ brag ri mchog sprul rin po che gdan drangs te
brtan bzhugs gsol 'debs 'bul bzhes sogs mdzad

pas cung zad nas dwangs tshul bzhes shing/ ^ gong sa rin po
che'i mdun sku char nyen dog yod med skor thugs brtags bon
zhig 'phral 'bul gnang bar nyin gsum pa'i skabs su thugs brtag

bka' lan phyir stsal du/ bgegs 'tshub che tsam shar bar/ rje
yab sras gsum gyi bka' 'bum dag sgrog 'phral smin dgos tshul
sogs phebs/ spo bo'i yul nas bshad sgra'i dge bshes 
@036a @#/ /ngag dbang bzod pas zhu yig phul ba'i lan du gnang ba
ni/ mang thos sgrub pa'i rgyal mtshan 'dzin cing bshad sgrub
bstan pa'i rtsa lag dam par gyur ba grags pa don ldan gyi

dge ba'i bshes gnyen g.yung drung lags rin po che'i zhabs drung
du/ stabs 'bul/ deng mchog gi sku 'tsho 'dzam bu na da'i yu ba
rab tu brtan cing/ mdo rgyud gzhung brgya rin chen 'byung gnas
kyi snying bcud

bshes gnyen klu dbang gi gdengs ka las blangs pa'i blo bzang
snyan brgyud yid bzhin dbang gi nor bu rtse gcig sgrub pa'i
rgyal mtshan gyi tog tu bkod pa nyams myong gi 'od rlabs 'bar
bzhin pa las zab

rgyas chos kyi gru char gang 'tshams dgos 'dod kyi dbyig tu 'bebs
bzhin bzhugs ring nas/ 'dir yang phyag bris dang/ rten lha reg
a she/ rin gnyis taM dkar srang lnga bcu bcas stsal 'byor bka'

drin dang dga' spro tshad las 'das/ 'di na ngos kyang khams bde
zhing blo bzang snyan brgyud kyi snying por dpyad 'jog bsam sgom
gyi dga' ston skal bzang gi bgo skal du 'dzin bzhin gnas lags/
mtshams

zhu/ gang nyid bar lam cung zad sku gzugs bde min byung ba dang/
yas mas phan tshun sna tshogs su phebs dgos sku ngal thugs sun che
tsam byung yod tshod kyang/ gang nyid dang sku ngo mchog mchod
yon

@036b zhung 'brel gyi 'phrin las rten cing 'brel 'byung gi mthu
las mtha' 'khob spo bo'i yul zhes khyim pa lta ci/ rab tu byung
ba rnams kyang skyabs 'gro dang dge sdig tsam yang ngo mi shes
pa'i kla klo mi bsrun pa dud

'gro'i khyu tshogs grwa chas gyon te tshogs pa lta bu der/ sgrig
lam/ kun spyod/ chos spyod/ thos bsam/ nyams len sogs sgo kun
nas bstan pa'i sgron me gsar du sbar ba lta bu'i mdzad bzang
bskyangs rgyu

byung ba ni dben par sos dal du gnyid dang bying rgod 'dres pa'i
thun bzhi'i rnal 'byor skyong ba las ches cher lhag pa ma zad/
ji skad du/ sems can re re'i phyir yang mnar med pa'i/ /me nang
bskal pa

rgya mtshor gnas dgos kyang/ /snying rjes mi skyo byang chub
mchog brtson pa'i/ /brtson 'grus phar phyin rdzogs par byin gyis
rlobs/ /zhes gsungs pa ltar sems can gcig gi don du yang/ ngal
ba

dpag med lhur len dgos par gsungs na/ bstan dang 'gro ba brgya
phrag gi don la ngal ba cung zad re tsam bsgrub tu yod pa ni
shin tu e ma hoH/ /de lta bu'i legs mdzad la bdag kyang shin tu
yi rangs

shing/ nyid kyang spro dga' rgya chen po 'degs par mdzod/ ji
ltar gsungs pa ltar tshe rabs thams cad du rje btsun tsong kha pa
chen po'i bstan pa dang mjal ba'i smon lam rtsom rgyu/ ngos rang
yang snga mo

@037a @#/ /nas de lta bu zhig rtsom 'dun yod pa bcas shin tu spro
zhing/ 'on kyang 'di'i lo snga phyir gzhan gyi mdzad rnam sogs
yul gnyan brel 'gangs che rigs sna tshogs shig

gsar rtsom zhu dgos ha cang mang po rim bstung thog bab tu yod
mus ma zad/ bstan mjal smon lam yang tshig don sogs gal cher nan
tan bya dgos stabs slar rim 'bul chog pa/ sum 'dzoms

dgon dang rdo rje rdzong gnyis la 'dul khrims slob gnyer yar
rgyas yong ba'i rim gro gnas brtan phyag mchod dang/ 'jam mgon
bla mas gang la gnyer du gtad pa'i bka' sung rnams kyi bskar
bsku ba

yang yang zab tu sgrub na legs/ dri ba 'ga' zhig gsung ba rnams
kyi dris lan zur phul yod/ slar yang/ ring min dngos mjal bar
mchog gi sku 'tsho yun du brtan thabs nam yang mi g.yel ngos/

bshad sgrub kyi legs mdzad yar zlar spel zhing/ gang dang gang
du bzhugs pa de dang der bstan dang 'gro la sman pa'i bya ba
dang/ ^mi rje sku ngo mchog gi bzhed don mi bzhin skong ba sogs
lhur bzhes

nas/ ring min dngos mjal chog pa bcas de don dgongs zab tu rol
ba mkhyaien/ zhu 'degs lha reg dang sngags mdud/ phyag dpe le
tshan khag mang ba/ dge ldan bdud rtsi ril bu/ bya rgyud dang bla
med

@037b kyi bum rdzas/ ngos kyi mgo skyes phran bu bcas pha bong
kha'i sprul ming pas phul/ phyogs mtha'i skyabs zhu'i lan gyi
gsung shog mang du stsal yang dgos pa'i dbang re gnyis tsam las
zur 'debs 'di'i gong 'og

gi lugs spyi ltar byas te ma bkod/ dad ldan dge slong blo bzang
dam chos kyis zhus ngor thun drug gi rnal 'byor dang 'phrel ba'i
rdo rje rnal 'byor ma'i bla ma'i rnal 'byor zhig kyang bka'
rtsom gnang/

'di dus phyag zur ngag dbang rgya mtsho 'bam grum gyi nad gzhi
tshabs ches rkang pa zha 'khum dang/ snga ma'i snying rlung gi
nad gzhis mnar bzhin par chu bzang ri khrod du bzhugs mus nas/
zhabs zhu ba 'phrin

las don grub bya ba bkras chos su rje nyid kyi drung du yang
yang bcar te/ phyag zur sku ngo mchog thugs sems mi spro ba sogs
kyi snyun gzhi mang bar gsol sman sogs skyabs 'jug gnang dgos
tshul dang/

lcang skya ngag dbang chos ldan gyi gsung lam rim rgyas pa tshigs
bcad ma de bzhin g.yar po 'phral stsol dgos lugs bcas ljags lan
bskur tshul dang/ sku do nas deng skabs phal cher 'phrin don kho
rab

la dgongs 'khrugs bka' bkyon tshab tshub bar med du gnang stabs
zhabs 'degs 'grub dka' tshul sogs 'u thug gi gcod skad mang po
zhig zhus par/ rgyus yod kyi nad par spyod lam gang mkhas kyi
ngang ring

@038a @#/ /dgos lugs sogs khong par sems gso slob ston mang po
zhig stsal cing/ sku ngo mchog gi thugs sems 'tshub pa'i snyun
gzhir sman phal pas de tsam yin

dka' bas/ sngar nas zab khrid mang du gsan myong ltar theg chen
blo sbyong las gsungs pa'i bzod pa zhes pa'i sman mchog bzang po
zhig yod pa de bzhin lhod pa de dang bsrid gis bsten na su

rlung khro 'khrugs kyi snyun gzhir phan thabs de las lhag pa med
pas de lugs mdzod ces 'phrin don la skyor sbyang bgyid du stsal
ba'i rgyugs bzhes dang bcas pa'i bka' lan zhib cha dang/

lcang skya'i lam rim tshigs bcad ma da lta ma rnyed kyang ring
min zhib 'tshol gyis bskur chog ces pa'i ljags lan kyang stsal/
kho bor lcang skya'i lam rim de bzhin nan 'tshol gyis bskur chog
chog gyis

shig ces phebs pa ltar zhib tu stsal kyang de skabs gzhan zhig
la g.yar po gnang zin pa dang stabs mtshungs su yod 'dug pas
gtan nas ma rnyed cing/ slar phyi nyin rnams su rim bstud kyis
phyag zur nas

lam rim de da lta 'di gdong rang ma gnang thabs med yin/ rjes su
yar ngos par 'bul chog ces gsung tshul zhus pas/ lam rim de sngar
nas gzhan zhig la g.yar ba da gdod dran pas da lta bskur bya

@038b ma rnyed kyang/ de nas tshur byung 'phral 'bul chog pas
skyon med/ spyir nyams len yong mi yong dpe cha ha cang rgyas ma
rgyas la rag mi las par rang gis go tshod shes tshod rnams lag tu
len cing bsags sbyang gis

rgyab khyogs pa byung na/ lam rim nyung du bde lam gcig pu'i
thog nas kyang mkhas grub gnyis ldan du byar yod/ don nyams su
ma blangs na lam rim rgyas pa po ti brgya phrag tsam blo nas
bton thub kyang shes rgyud

chu rdo ltar skam khrig ger lus pa zhig las mi 'om/ des na re
zhig lam rim gyi phyag dpe gzhan mang po yod pa rnams la gzigs
rtog dang/ sku khams kyi babs dang bstun pa'i nyams bzhes gang
thub

mdzad na/ slar lcang skya'i lam rim tshur 'byor mtshams nges 'bul
zhus chog ces 'phrin don la bka' slob kyi gsung 'phrin sngar
bzhin gnang/ phyag zur gyi snyun gzhi'i skor ring min zhig tu
lha ldan sman

rtsis khang gi bla sman mkhyen rab nor bur rje nyid nas phyag
phyi ba do chod cig ched gnang gis nad 'chos gzab nan gyi bka'
drin mdzad dgos tshul gsungs ba bla sman pa nas zhal bzhes dwang
blang gis sman

'chos yun ring tsam mdzad cing/ nyin gcig rje nyid kyis 'phrin
don la/ khyod kyis sman zhu ba'i skabs sman thun rnams dge phrug
tshogs bsdogs kyang tshur len khar bla sman pa rang gi phyag gis
reg tsam re

@039a @#/ /gnang rogs zhus shig dang khong gis g.yu thog chos
skor nas byung ba dang sman bla'i gzungs sngags sogs kyi ljags
bsnyen dgos rigs 'gangs can mang po gnang

yong 'gro bas sman gyi phan nus che ba 'ong zhes bka' stsal
zhing/ kho pas kyang bla sman par rje nyid nas ji ltar stsal ba
bzhin zhus snang/ phyis bla sman pa nyid kyis kho bo cag la/
mkhyen rgya dang thugs

dgongs zab pa gang ci nas bla ma de lta bu gangs can na sngon du
byung ba dkon la/ phyin chad 'byung dka' ba zhig yin/ sngon dus
phyag zur gyi bsnyun bcos gsol sman 'bul skabs thengs gcig

zhabs gras la bka' mngags de ltar gnang 'dug pa don du de bzhin
dgos nges yin 'dug kyang nged kyis de lta'i bsnyen pa sogs ha
cang gnad du lhod nges shig byung ma myong ba la rdo rje 'chang
nas 'du

shes de ltar mdzad pa snyam phyis yang yang mjal khar bcar skabs
tshul de dran pa'i ngo tsha 'jigs zhum mi bzad pa re yong gin yod/
de 'dra'i dgongs pa'i 'char sgo sogs gzhan la bka' slob

stsal ba'ang mang po thos zhes yang yang gsungs shing/ phyag zur
snyun gzhi lci yang ring min drag skyes thub pa byung song ba
gtso bo bla ma nyid kyi thugs rje'i 'phrul las byung ba 'dra
gsungs/ don 'di dgal

@039b dpags kyang mdzad dgongs de lta bu gzhan la 'ong dka' ba
zhig yin par mngon te dpyod ldan dag gis shes par nus shing/ 'di
skabs shig la bkras chos su bla brang gi g.yang sgam sngon yid
kyi zhal

gso'i sgrub pa nyin gsum tsam du gnang zhing/ mjug tu g.yang
sgo bsdam pa'i nub mor g.yang khang du gsung chog gi ring
bzhugs dgos stabs gsol lcog lta bu'i zhabs stegs shig dgos pa
byung

nas gsol dpon sogs kyis re zhig na ko bstum gru bzhi lta bu che
ba zhig khyer 'ongs pa'i steng du gos kha ser po zhig 'ding
grabs byed par rje nyid kyi zhal nas 'di ci yin gsung/ 'di zhabs
stegs

gnang sa shin tu legs po yod/ 'bras ltang yin zhus par/ 'o de
'dra mi rung/ 'bras ltang yin na 'di rjes sor skyes bu dam pa
dang dge 'dun gyi zhal du 'gro ba yang srid na/ rang gi bsod
nams

nyams pa sogs kyi rgyur 'gyur bas 'di la rkub skyag byed pa rtsa
ba nas mi phod/ gzhan zhi gnas lcog rtse zhig khyer 'od nas des
'grigs zhes phebs te 'bras ltang gi steng du rtsa ba nas bzhugs
ma nyan pa

dang/ der ma zad snga phyi bar gsum du byang 'brog dang khams pa
sogs mtha' dbus kyi dad ldan mang pos mi phyugs du ma'i nad yams
sogs gcod pa la mchog tu gyur ces rje 'di pa'i gsang chab khyon
che ba zhus

@040a @#/ /nas ril bu dril ba sogs byas te khyer 'gro ba la/
gsang chab ldug snod dmigs bsal can zhig ched du zur 'jog kho na
las/ yul khyad par can gyi zhal du 'gro ba dang/ yon

chab lta bu'i bcud blug spyad du 'gro bar dogs pa'i rigs mtha'
dag la chab gsang blug snod du byed pa gtan nas mi rung zhes rje
nyid nas dngos su bsdam ra gzab nan rgyun gtan du mdzad pa kho
bos

lan du mar mthong thos dngos su myong ba ltar smras pa lags so/
/dgung grangs pa lngar phebs pa chu sprel lor/ dgung gsar gyi
mdzad sgo dang/ bkras chos/ lha sa bcas su dad mjal zhu mi
grangs med pa zhig la

mjal kha phyag dbang/ 'dod chos ci rigs stsol ba sogs dang/ cho
'phrul dus ston smon lam chen mo'i tshogs gral du'ang skabs 'gar
phebs te/ rgyal bstan dar zhing 'gro kun bde ba sogs thugs smon
bden tshig gi

mthun 'gyur gzab ldan du bskyangs pa sogs sngar 'khyud ltar
gnang ba'i thog /^gong gi thugs dam dgongs don bzhin ri khrod
yas mas rnams su rje yab sras gsum gyi gsung 'bum dag sgrog gnad
pa sogs bla brang

nas zhabs rim rgya cher sgrubs shing/ brag ri mchog sprul dang/
khri byang mchog sprul/ kong po shar chos sprul sku sogs bla ma
khag dang/ lha klu'i lcam g.yang 'dzoms tshe ring sogs sbyin
bdag dad dam ldan pa

@040b 'ga' nas zhabs sen bskal brgyar 'tsho gzhes zhu ba'i brtan
bzhugs kyi cho ga yang gzab smin 'bul bzhes mdzad/ slar yang
gzim bshad sgra ba'i dge bshes ngag dbang bzod pas spo yul nas
zhu yi ge phul bar bka' lan

stsal ba ni/ mang thos tshul bzhin sgrub pa'i dpal yon mtha'
'khob bstan pa'i snang byed du smin pa dge g.yung drung lags
mchog gi ^sku drung du/ 'bul 'bras/ deng tshogs gnyis chu gter
snying po'i bsrubs bcud gang gi

sku 'tsho bdud rtsi'i thig le rab tu gsal zhing/ legs mdzad ga
bur gyi rdul phreng mtha' 'khob mun pa'i gshed du 'bebs bzhin
bzhugs ring nas/ 'dir yang phyag bris dang/ der gsal rten bcas
nyams med son

'byor shin tu dga' spro che/ 'di na ngos cag nye lam cung zad
bro 'tshal yang/ deng skabs bde mus su yod pas gnas tshul zhib cha
sku ngo rtsis sku'i zhu yig tu phul ba las mkhyen cing thugs
bder mdzod/ nyid nas phyag bris

ched gnang ltar/ der gtso bor sku ngo mchog la bka' chos 'bul
gnang mdzad rgyu dang/ lhag par de phyogs mtha' 'khob kla klo'i
yul ngan mun khud stug po de 'drar blo bzang snyan brgyud kyi
snying po byang chub lam gyi rim

pa'i 'chad nyan lan gcig tsam min par yang nas yang du mdzad de/
snyan brgyud bstan pa'i sgron me gsar du sbar bar mdzad pa'i
gnas tshul 'di dag ni rnyed bkur don du gnyer ba dag gis slob ma
zbrgya stong bsdus nas grong@041a @#/ /????? chogs la? chos 'khor gyi ming btags
pa ngag gis
cha tsam yang bsgrun du med pa'i bstan pa'i snying po 'dzin cing
spel ba'i legs mdzad phyogs bcu'i rgyal ba sras bcas kyis bsags
pa'i

gnas shin tu chad? rmad du byung/ ngos kyang pha ma rgas par phu
tshar ba bzhin rab tu dga' zhing spro bas nyid kyi yi ge la yang
yang blta zhing mchis/ de yang dang por bshes gnyen bsten tshul
tshul bzhin byas/ gzhung

lugs man ngag dang bcas par thos pas sbyangs/ de don kha 'chal
tsam min par rgyud thog bkal te sgrub pa gnad du bsnun pa'i lag
rjes dus su smin pa'i 'bras rtags su nges/ da dung yang gtso bor
sku tshe yun

mtsho'i thabs zab mo lhur bzhes thog /rang rgyud la sngar yod kyi
nyams myong bzang por zla skyed zhag skyed du ci thon dang/
sngar bzhin mtha' 'khob kyi kla klo nyam thag pa'i tshogs rnams
blo bzang bstan pa'i snying por

bkri ba'i thabs mkhas thugs kyi khur du lci ba bcas dgongs zab
tu rol ba 'tshal/ ngos nas kyang skyabs dmigs nan tan zhu/ rten
lha reg dang/ sngags mdud/ ngos nas lam khrid 'chad skabs kyi
man ngag ltar

dge bshes yar grong rin po ches zin pa? bris su mdzad pa'i sbyor
chos khrid dpe dang/ lcang skya'i lta mgur rtsa 'grel/ bdud rtsi
ril bu bcas pha bong kha'i sprul ming pas dben gnas bkra shis
chos gling nas zla

@041b tshes bzang por phul/ zhes pa'o/ /skabs shig ^ rgyal ba'i
dbang po'i gsol dpon chen mo dar han mi dbang phun tshogs chos
'phel nas bskul mnan cher mdzad ngor co ne dge bshes rin po
che'i gsung rtsom 'phro skyong

lam rim bde lam gyi sngon 'gro sbyor ba'i chos drug nyams su len
tshul theg mchog 'phrul gyi shing rta zhes pa dang/ gzim bshad
sgra ba'i phyag mdzod bstan 'dzin rgyal pos gsol ba btab pa ltar
de'i par byang

smon tshig bcas bka' rtsom gnang/ ^ gong sa chen po'i sku'i rim
gro ba wa ra don grub ces pa sku 'das pa'i phung po bkras chos
dur khrod du 'byor bar de nyid kyi kha chems ltar rje nyid la
gsol ba btab par rgyang

'pho dang sbyang bsdo bden brjod sogs gnad du smin par bskyangs/
nags shod 'bri ru dge bshes dngos grub rgyal mtshan nas zhus ngor
dam tshig rdo rje'i bsgom bzlas mdor bsdus shig kyang thugs rtsom
mdzad/

'di'i lo snga phyir mdo smad nas phul ba'i lnga bchu 'go sprul
sku sogs kyi zhu yig gi lan dang/ dris lan khag /lho dwags khul
e ka ljongs sprul sku sogs nas kyang zhu yig dang dri ba zhus
pa'i bka' lan 'ga'

zhig stsal/ kong po 'bru la mkhan chen mchog sprul ngag dbang
thub bstan mkhas grub las sngon lo rnams dang/ 'di dus kong por
phebs khar yang slad nas mthun rkyen 'joms pa byung na/ rje bla
ma mchog nyid rang

@042a @#/ /yul du gdan drangs te chos 'khor rgya gang cha zhig
skyabs 'jug gnang dgos tshul gyi bskyar snyan nan du zhus par
rjes sor skabs su babs tshe de don nges par yod zhes pa'i zhal
bzhes

kyang dgyes bzhin du stsal/ 'bras blo gling pa sle lung rje
drung sprul sku sogs la slar yang mjal kha dang/ 'ded chos phran
tshegs kyi rigs mang tsam gnang/ hor zla bzhi ba'i nang bkras
chos su mgo log bla ma 'jam

dpal rol ba'i blo gros kyis zhus gnang mdzad pa'i ngor/ zhu ba
po 'jam rol rin po che dang/ brag ri mchog sprul/ kong po shar
pa sprul sku/ zhol khang bka' mgron don grub rdo rje dang/ zhol
khang blon chen gyi sras

gangs gi'u sprul sku rin po che/ dge ba shes byams pa mtha' yas
sogs tshogs pa nyung hag bdun cu skor tsam la 'jam mgon tsong kha
pa chen po'i legs gsung yongs kyi nying khur gyur pa yon tan
gzhir gyur

ma'i zab khrid zhib cing rgyas pa dang/ grub chen dril bu zhabs
kyi lugs dpal 'khor lo sdom pa phyi dkyil lha lnga'i dbang chen
rta gon dngos gzhi dang bcas pa/ rje btsun rdo rje rnal 'byor
ma'i byin rlabs dbang bzhi'i

rim pa bcas smin rgyas su stsal/ mkhan drung chang khyim pas
'jigs byed dpa' gcig gi bsnyen sgrub mdzad rgyu'i bsnyen pa'i
skor sbyor dngos rjos gsum nas phyag len man ngag gsal 'khod
dgos tshul zhus

@042b pa ltar las rung gi bsnyen pa'i zin tho dang/ bla ma blo
chos lags brgyud de dpa' gcig gi bsnyen pa'i kha skong zhi ba'i
sbyin sreg ji ltar bya tshul bsgyur ka mdzad lugs sogs bcas zhib
tu gnang/ phyag mdzod byang khul du

phebs khar zhus ngor bskang gso gser zhun ma dang/ chos skyong
shugs ldan gyi bskang chog 'bring po sbrags te gtong tshul gyi
'don sgrigs dang/ bla brang phyag khang zhabs gras dkon mchog
nor bu'i lo skeg zlog

pa'i tshe sgrub bya rgyu'i kha ton du zhus nan ltar sgrol dkar
tshe sgrub kyi don chog mdor bsdus shig kyang gnang/ gro mo dge
bshes ngag dbang skal bzang pa'i gsung yig 'byor ba'i bka' lan
du/ dge ldan bstan

'gro'i srog zungs zla med mkhas btsun grub pa'i dbang phyug gro
mo dge bshes rin po che mchog gi zhabs stegs srid zhi'i dge
mtshan 'dzum pa'i drung du/ gus zhu/ deng gi char yang/ tshogs
gnyis 'o ma'i chu gter

las 'khrungs pa'i gsang gsum bdud rtsi'i thig le mtshan dpe'i gzi
byin yar ngor brtsegs bzhin/ gang 'dul 'phrin las ga bur gsar
pa'i zer 'phreng phyogs kyi tha grur bcings pas bstan 'gro'i
rgud mun tsha

gdung cig car bcil bzhin 'tsho gzhes pa'i ring nas/ snying la rab
dga' ster ba'i gsung mchid gya nom pa'i gnang skyes kyis sba ba
sug par 'phrod pas dad spro'i dpal yon lhag par rgyas/ 'di na
bdag kyang snga lo

@043a @#/ /cung zad bro 'tshal yang/ deng skabs gzugs babs sngar
rgyun ltar bde mus thog /blo bzang snyan brgyud mdo sngags lam
gyi rim par dpyad 'jog bsam sgom gyis nyams myong gnad du

bsnyun bzhin gnas lags/ mtshams zhu/ slad mar yang/ bstan 'gro'i
rtsa lag dam par zhabs sen mi shigs rdo rje'i chos su rol ba'i
thugs bskyed kyi mdud pa rab tu brtan cing/ blo bzang rgyal ba'i
ring lugs

dbyar gyi chu gter gyi rjes su spel ba'i rlabs chen 'khor lo
gsum gyi 'phrin las yar zla'i 'phel bar skyong ba mkhyen mkhyen/
ces sogs gnang skyes gya nom pas spud pa bcas stsal zhing/ mkhas
dbang ser

smad rmar nyung mkhan po blo bzang dkon mchog gis nan zhus bzhin
ser smad chos ra'i zhal 'don mkhan brgyud gsol 'debs kyi kha
skong 'ga' zhig bka' rtsom mdzad/ ser sngags grwa tshang du rab
gnas dge legs

char 'bebs gnang rgyu'i tshogs mgon du gdan drangs pa'i skabs
mchod g.yog pa rnams kyis dgos tshul zhus pa ltar rab gnas kyi
rdzas tho/ bca' sgrigs sogs dang/ dge ldan bdud rtsi'i ril bu
dang/

bla med bum rdzas/ bya rgyud bum rdzas bcas sbyor tshul/ ba byung
ril bu bzo lugs/ chos skyong 'ga'i spos sbyor lag len sogs kyi
bsnyel tho ci rigs kyang gnang/ bkras chos su lcags zam ri khrod
bsam

@043b gtan gling gi dge bshes sku gzhon pa tshe dbang bsam 'grub
pa mjal zhur phebs par mjal kha lhod 'gol gnang zhing/ des zhus
ngor nyin bco lnga tsam gyi ring kun rig rgyud don gsal ba'i
dgongs don man ngag

phyag khrid ji ltar gsan pa'i rgyun ltar gyi kun rig rnam par
snang mdzad kyi phyag rgya'i khrid rim/ cho ga'i gsung gdangs
dang bcas pa mthong brgyud kyi phyag bzhes bzhin zhib par gnang/
zla ba bdun pa'i tshes nyer lnga

nyin 'brug pa mtshan nyid slob dpon zur bzhugs pa sprul sku
'phrin las lhun grub nas bka' gdams thig le bcu drug gi bka'
dbang snyan gsan phul bar/ 'di skabs chos bka' stsal dgos gzhan
rnams la

zhal bzhes gnang zin khag mang bar brten 'grub dka' tshul phebs
par/ sprul sku nas nged kyi lung par thig le bcu drug shin tu
dkon zhing/ da rang yang ri khrod du sgrub pa rtse gcig tu byed/
thig le bcu drug gi

chos skor 'brug yul du dar thabs gang drag byed 'dun yod tshul
bcas gsol ba nan du btab par dgyes tshor tshad med pa 'khrungs te/
de ltar byung na nges par yong tshul gyi zhal bzhes stsal/ sprul
sku nyid bkras

chos zur khang du bzhugs te nyin snga rting mang por bka' gdams
thig le bcu drug skor gyi cho ga phyag len dmigs rim sogs la
dogs gcod ji ltar zhus par bka' slob zhib gsal du gnang/ zla ba
rgyad

@044a @#/ /pa'i tshes bcu nam langs nas sgrub chog tshugs shing/
sprul sku nyid nas zhus pa'i bzhin sgrub chog tu mnyam bzhugs
thog mchod pa'i skor tshun la brda sprod gnang bar/ sngar yin na

bka' gdams pa'i dam pa gong mtshos 'di'i dbang khrid sbrags ma'i
tshul du zla ba drug gi ring gnang srol yod/ de nas phyag bzhes
rim bsdus kyis nyin bcu drug dang/ de nas nyin brgyad la gnang
srol byung/ rje nyid

nas thig le bcu drug 'di'i ljags bsnyen gnas chen yer par gnang/
'di'i dbang yang yer pa grwa tshang nas zhus ngor tshogs pa lnga
brgya skor la dbang dang po yer pa nas spel/ khyod kyi 'di dbang
lan gnyis pa

yin/ mchod pa yang rgyas par na phyogs bzhir bcu drug re/ de min
brgyad re sogs dang/ gtor ma yang bka' gdams gsal byed sogs su
gsal ba ltar rgyas par dgos/ da res de tsam ma lcogs

par phyag len 'bring po'i dbang du sgo bzhi'i mchod pa dkyil
'khor gyi phyogs rer nyer spyod tshar bzhi re dang/ gtor ma
brgyud pa gsum gyi bla mar dkar gtor pad 'dab bzhi pa gcig /lha
bzhi la de mtshungs

bzhi/ ye shes mgon por dkar gtor de mtshungs gcig /bstan ma bcu
gnyis la bcu gnyis/ rgyal chen bzhi la dkyil 'khor gyi phyogs
bzhir dkar gtor re/ dkar po brgyad cu la zan ril la kong mo byas

@044b pa brgyad cu/ rigs drug la dkar gtor gcig /yul lha gzhi
bdag la dkar gtor gcig /cha gsum dang/ bgegs gtor spyi ltar/
thig le bcu drug la bum pa bcu drug dkyil 'khor gyi phyogs bzhir
bzhag /

rnam rgyal bum pa dkyil 'khor gyi dbus su manydzi'i khar bzhag
/las bum dang de'i nyer spyod bla ma'i mdun du sgrigs pa spyi
ltar yin tshul sogs de sprod bcas gnang ste/ sgrub chog zin
'phral nyin gung tsam nas

bka' dbang dngos gzhi tshugs/ sbyin bdag sprul sku dang/ bla
sprul gzhan sogs zhu mi sum cu rtsa gcig la dbang gi sbyor dngos
mjug sogs dam pa'i phyag bzhes ltar stsal ba nam phyed tsam la
zin nas mjug

chog bsngo ba smon lam gsol 'debs/ gsung mgur rab 'byams skyabs
kun dang/ slu med skyabs kun bcas kyi ljags lung/ gzhan yang zab
rgyas lam gyi rim pa'i nyams bzhes dang/ rang yul gyi

bstan 'gror phan pa ci nus mdzad dgos pa'i bka' slob/ dngos po'i
gnang cha gya nom pa bcas stsal/ gsol dpon gzhon pa rnam dag
bstan rgyas zhu ba rje bla ma mchog gi sri zhur hur brtson che
ba zhig yod pa

khong gis nyin gcig mjal mi mang por mjal kha btang zin pa'i bar
gseb tu gzim chung gi phyi nas nang du spro nyams kyi gar stabs
bsgyur te mchod rgyug mdzad par/ rje nyid kyis gzim chung gi
pang gcal mthil

@045a @#/ /du phyag mdzub gtad de/ o ye o ye/ ma gi na skyabs
'gro zags 'dug pas yar sgrugs shig ces ku re'i rnam pa ltar
gsung/ gsol dpon nas der bltas pas zangs

dngul zho gang gcig lhung 'dug pas de la yi ge yod pa 'gom yug
song na sdig gsog tu 'gyur bas de 'gog pa'i slad dang/ bdag lta
bur skyabs 'gro'i bslab bya la slob dgos pa'ang 'doms par

snang/ gzim bshad sgra ba'i rtsis skur spo bo'i yul du gsung
shog bstsal ba ni/ blo bzang mchog gi ring lugs sde bzhi'i dpung
pa btsan pos yongs su bzung ba'i thugs bskyed lhag par bod
zhing/ /ring

nas dad dam thugs brtse bka' drin mtshungs bral ^ mi rje sku ngo
chen po mchog gi ^ zhabs drung du/ shin tu spros med gzhan gyi
ngo srung tsam du zhu gsol/ sbo bo sprul sku'i shag tshang la
sngon chad kyang ^ mi rje

mchog nas 'tsho gzigs bka' drin bla med la/ da lam yang ma yum
'di ba sprul sku'i don du de phyogs ched bskyong la gang spyi'i
rogs ram brtse gzigs zhes 'di nas zhu yig 'bul grogs zer nan u

tshugs kyi ngo mchog par lhang tsam gyi zhu yig 'di bzhin mi 'bul
mthu med la thugs sun ma gyur pa nas/ gzhi rtsa sngon du dgyes
stsal gsung bris gnang rten gya nom gyis sba ba dang/ dge bshes
rin

@045b chen nas kyang de mtshungs phyag bris gnang skyes spam
mthor stsal te rje'i bstan mjal smon lam rtsom bskul gnang ba
bcas kyi zhu lan zhib rgyas 'phral 'bul zhu 'dun che yang/ bar
'dir bdag gi rtsa ba'i

bla ma zhig gi bka' 'brel rtsom pa bya rgyu shog sgril re re
la'ang phreng bdun cu brgyad cu'i skor yod pa shog sgril sum
cu'i skor dang/ yang yig phreng de bzhin yod pa'i shog dril lnga
bcu'i skor tsam zhig

bcas gsar rtsom gyis rtsom pa po ngos yin pa shin tu gsang dgos
pa gal che yul gnyan zhig gi ched du zhag zla rim 'gyangs kyis
de zhabs su 'bul rgyu re zhig nar 'gyangs gyur rung/ da cha
'phral rtsom

hur 'bung gis ring min nges 'bul zhus chog pa bcas de don brtse
klong du rol ba mkhyaien/ mkhyaien/ zhu yig 'degs mtshon lha reg
a she bcas pha bong kha'i sprul ming pas zla tshes bzang por
phul/

zhes so/ /skabs shig spom mda' las tshan pa nas zhus ngor/ dpal
gsang ba 'dus pa mi bskyod pa lha so gnyis kyi dbang chen sta
gon dngos gzhi dang bcas pa/ grub rgyal lugs kyi tshe dbang phyag
len

shin tu rgyas pa'i lugs shig dang/ 'jigs byed kyi sngags btus
rjes gnang/ rje nyid kyi gsung 'jigs byed dpa' gcig gi sgrub
thabs rgyas pa/ chos rgyan gsung thun drug bla ma'i rnal 'byor/
rje nyid
@046a @#/ /kyi zhabs brtan rgyas pa stag phu'i gsung bcas kyi
ljags lung rnams stsal/ mdo smad tsha ba rong nas dge bsnyen rdo
rje rab brtan pas bskul ba ltar rdo rje rnal 'byor ma'i zas
mchod

thabs mkhas bsod nams mchod sprin dang/ rnal 'byor ma'i sgo nas
til gyi sbyin sreg bya tshul bcas thugs rtsom mdzad/ gro mo khul
gyi sgrub pa'i rgyal mtshan 'dzin pa dge slong g.yang 'byor zhes
pas zhu

yig tshigs bcad ma phul ba'i gsung lan du/ bslab gsum gyi ngur
smrig rab mdzes shing/ /rtse gcig tu sgrub pa'i rgyal mtshan
'dzin/ /bya bral gyi ri khrod rnal 'byor pa/ /g.yang 'byor zhes
grags pa gang

de la/ /dad gus kyi dbyangs kyi mchod lan du/ /mnyan 'os kyi
'phrin yig spel 'dir gson/ /khyod sku yi dpag bsam rab brtan
zhing/ /nyams len gyi yal 'dab rgyas pa'i rtser/ /gtan 'dun gyi
'bras

bzang g.yur dud bzhin/ /dben pa ru bag phebs so lags sam/ /zab
lam mchog bla ma'i rnal 'byor la/ /nyams len gyi snying por gnad
bsnun pa'i/ /'bras rtags su mos gus kyi rang gzugs bzhin/ /

gsol ba debs kyi 'phrin yig thos pas spro/ /dngos 'byor gyi me
tog Tam dkar bcu/ /lhag bsam gyi rang 'od zhal phyis dang/ /lus
longs bcas maNDal gyi tshom bu ru/ /lha rog bcas phul ba e ma
ho/ /'di

@046b na ru ngos kyang gdos bcas kyi/ /'du phung la nyi bus ma
reg cing/ /snyan brgyud kyi sbrang rtsi'i ro mngar la/ /nyin
bzhin du spyod pa'i skal bzang 'dzin/ /e ma ho gson dang slob
bu'i mchog /sgrub brgyud kyi rgyal mtshan 'dzin pa

lags/ /dal 'byor mchog thob pa da res tsam/ /theg chen gyi bstan
dang da res mjal/ /gsang sngags kyi theg par da res zhugs/ /lhag
par du 'jam mgon snyan brgyud thob/ /'di 'dra rnams rnyed pa da
res tsam/ /'di snang

gi bya bar mgo 'khor nas/ /rang lag gi nor bu stong zad du/
/shor ba 'di snying med smyon pa yin/ /de phyir na ma yengs la
gor sgrims/ /'di snang gi 'du 'dzi btsan thabs chod/ /tshe 'di yi
bde skyid thed la bor/ /chos kho na

las gzhan bya ba thongs/ /thob thob kyi rnam grangs gsog pa
dang/ /shes shes kyi mkhas nyams 'don pa dang/ /phyin phyin gyi
bskor rgya mang ba dang/ /bgrang bgrang gi grangs gsog rem pa
rnams/ /phal cher 'di byas lo

dang mkhas lo yi/ /lo 'dod kyi chos brgyad 'dres pa mang/ /rtse
gcig tu sgrub pa'i gegs su che/ /gsha' ma yi chos su 'gro ba
dkon/ /gtan 'dun gyi snying po dam chos yin/ /dam chos kyi
snying po sgrub pa yin/ /sgrub

pa yi snying po lam rim yin/ /lam rim la chig sgril du bsgom pa
gnad/ /bshes gnyen dang dal 'byor mi rtag pa'i/ /chos skor gyis
bcad re rer yang/ /'gor bsam pa mi bya lo sla ru/ /rtsol med kyi
myong ba thon

@047a @#/ /thon bsgom/ /de gsum la myong ba phogs thon na/ /nyams
myong gi rtogs pa'i sna zin 'gyur/ /dge sgyor gyi sgrub pa'i
rkang chugs 'gyur/ /chos lag lan gsha' ma'i 'og tshugs 'gyur/ /

de grel su nges 'byung byang sems dang/ /zhi lhag dang rim gnyis
zab mo'i lam/ /go rim bzhin myong ba legs bton na/ /zung 'jug
gis yang thag mi ring/ /de dag gi gegs sel bogs 'don du/ /gcig
chog gi bla

ma'i rnal 'byor la/ /gsol 'debs dang bsags sbyang nan tan gyi/
/rgyu tshogs las 'bras bu nges par 'byung/ /pha rgod gcig bla
ma'i zhal gdams bcud/ /'jam pa'i dbyangs blo bzang grags pa yi/
/snyan brgyud kyi

zil mngar 'di 'dra la/ /rtse gcig tu spyod dang don chen 'grub/
/rnyed dka' yi rten bzang yun 'tsho ba'i/ /'gal rkyen rnams spong
zhing mthun rkyen sgrubs/ /kho bos kyang nyid kyi bzhed don kun/
/'bad med du 'grub

pa'i skyabs srung zhu/ /lha reg dang sngags mdud dam rdzas khag
/bla mchod kyi dpe cha spar gsar bcas/ /dben gnas mchog bkra
shis chos gling nas/ /pha bong kha'i sprul ming pa yis bskur/
/ces pa 'di nyid stsal

zhing/ gzhan yang/ ka sbug dang/ khu nu/ phag ri/ gro mo sogs
kyi phyes 'grul gdong gro mo dge bshes rin po che nas rgyal chen
rdo rje'i mtshan can gyi chos skor 'ga' dang brtson zhu bskul
dang/ ka sbug

@047b bgros bstan 'dzin sogs kyi zhu yig du mar bka' lan sogs
kyang stsal/ gzhan yang/ dad ldan du mas gsol ba btab pa bzhin
rje tsong kha pa'i gsung 'pho khrid gser gyi sgo 'byed dang/
de'i leg len snying po

nyung 'dus paN chen chos rgyan gyi gsung dpa' bo g.yul 'jug
bcas sbrags ma'i zhib khrid bklags lung dang bcas pa/ ma gcig
grub rgyal lugs kyi tshe dbang dang mjug tu yig drug gi bzlas
lung/ /dngul chu

dbyangs can gyi yig cha'i steng nas tshe sgrub 'chi med rdo rje'i
srog shing gi tshe dbang/ lho brag snyan brgyud skor las phyag
rdor drag po sum dril gyi rjes gnang sogs snga phyir dbang bka'
lung khrid ci rigs pa mang po dang/

slang spo bo'i yul nas dge bshes ngag dbang bzod pas zhu yig
phul ba'i bka' lan dang/ rje'i bstod pa don ldan/ gung thang
bslab bya/ dris lan bslab bya/ bdag 'dzin gshags 'debs/ rten
'brel bstod pa/

lam rim bsdus don/ rtogs brjod 'dun legs ma rnams kyi phyag dpe
sogs bcas gnang/ 'phan po gzim 'og rdo rje 'chang bkras chos su
phebs pa'i drung nas/ dpal mgon gdong bzhi pa'i bo'u yum gyi

ljags lung chad bsab le tshan bco lnga skor dang/ snying ga chos
kyi 'khor lo'i las sbyor thun mong min pa dang/ ha la nag po ma
bu'i zab khrid bcas gsan/ brag ri mchog sprul/ ser smad kong po
shar chos sprul sku/

@048a @#/ /zhol khang gi'u sprul sku sogs zhu mi nyung 'dus 'ga'
la dga' ldan lha brgya ma'i 'pho khrid rje nyid kyi gsung gi
steng nas gnang rgyur/ sheng snyang sags kyi sgo nas bdud zlog
gnang ba'i mthar

dga' lha/ dmigs brtse ma sogs dang/ 'jigs byed dpa' gcig gi
sgrub thabs rgyas par gsungs pa'i mthar maNDal/ skyabs sems sogs
spyi ltar gyi thog/ zhu ba po rnams kyis dmigs brtse ma 'bum re

gsog pa khas len bya dgos pa'i srad rgyud lugs kyi dga' ldan
'pho khrid bka' rgya can gyi zab khrid bklags lung bcas zhib tu
stsal ba'i mjug tu/ bla ma mchog dang sogs kyi spyi bshags lan
gsum

gsung ba dang/ tshe sgrub zhag bdun ma'i lung khrid/ yang zhu ba
po zhol khang sras don grub rdo rje dang/ brag ri mchog sprul/
gi'u sprul sku/ dge bshes byams pa mtha' yas sogs zhu mi mang
tsam la 'jigs

byed dpa' gcig gi dbang chen/ zur bka'i gras ma ti'i lugs kyi
'jam dbyangs dkar po dang/ sgrol dkar yid bzhin 'khor lo'i rjes
gnang/ dngul chu dbyangs can gyi gsung 'jigs byed kyi sgo nas

bka' bsgo bya tshul dang/ rje chos rgyan gyis mdzad pa'i byabs
khrus kyi cho ga'i ljags lung/ rje nyid kyi bla ma'i rnal 'byor
dang/ gsung mgur rab 'byams skyabs kun dang/ bslu med skyabs kun
bcas kyi bshad

@048b khrid mdor bsdus bcas stsal zhing/ 'di skabs shig tu
phyogs mtha'i sprul sku zhig nas phul ba'i zhu yig gi bka' lan
kyang 'di ltar stsal te/ zhwa ser bstan pa'i nyin byed ring nas
dad dam thugs dge'i gter gyur

sprul sku rin po che'i zhabs drung du/ stabs 'bul/ deng gi char/
rgyal kun ye shes nor bu'i rdul mang mtshan dpe'i 'jo sgeg nyid
du spungs pa'i gsang gsum rdo rje brtsegs pa'i lhun po rab tu
brtan cing/ spangs

rtogs mngon par mtho ba'i bang rim bla nas blar brtsegs shing/
'phrin las nyi zla'i rna cha zung du bskyod pa'i 'od snang bstan
'gro'i phan bde'i dga' ston dum bu bcu gnyis kyi sa'i khyon du
'grems bzhin snyan 'thebs

dpyid kyi pho nya'i gdangs su bzhugs pa'i bka' mchid snying gi
bcud du thob pa'i mod nyid du lus kyi spu long g.yos/ gnang
skyes bzang po su wa rNa'i zho 'khor thabs shes kyi grangs ldan
lha'i reg bya bzang pos klubs

pas tshim pa gya nom pa thob pa bcas bka' drin gyi phung po gzhal
bar bya ba las 'das/ 'di na bdag kyang nyer len srid pa'i 'phrul
'khor ma zhig tsam nas/ blo bzang snyan brgyud kyi zab don
snying du sdug pa'i dpyad

'jog gi nyams len zhag skyed du 'don bzhin gnas lags/ mtshams su
snyigs lnga'i ngang tshul zhu mchid/ 'di na las kyi ngo mtshar
ris/ /rma bya'i mdongs khra ji bzhin bkra/ /snyigs lnga'i rnam
'gyur bzang ngan gyi/ /

@049a @#/ /brdzu bag sgyu ma bzhin 'phrul yang/ /snying po'i bden
zhen e raNDa'i/ /spun zlar yid g.yes ? ga la rung/ /'di snang
bde sdug ji tsam kun/ /glog ltar g.yo zhing ma nog chung bas/
/srid pa

srin mo'i 'dzum bag dang/ /khro gnyer gnyis kar yid brtan ci/
/mkha' khyab snying la zhen pa la/ /rang bde'i 'char nub rol
rtsed nyid/ /de phyir ji ltar gsungs pa bzhin/ /bzod stobs go
cha brtan bzhin lags/ /lhag par

snang byed 'grib pa'i mun/ /snang byed nyid kyis sel snyam
bgyid/ /de phyir drang srong chen po khyod/ /sgro dang dkyes pas
rol bar mdzod/ /slar yang ?? ba/ srid zhi'i mun sel gcig pu
nyid/ /'gro 'di'i

bsod nams dpal gyi snying/ /blo bzang rgyal ba'i ring lugs ni/
/phyogs der dar rgyas yun gnas kyi/ /rtsa lag chen po khyod kyi
sku/ /mi shigs rdo rje'i rang bzhin gyi/ /mched zlar sgrub pa'i
cho ga dang/ /thugs bskyed

ri dbang brtan par 'tshal/ /dpyad 'jog pa dan g.yo ba'i 'phrul
gyi rlabs/ /blo bzang snyan brgyud chu gter la bsgyur bas/
/nyams rtogs nor bu'i phung po rang gi dpal/ /bsdus nas mtha'
yas 'gro la sbyin par

mdzod/ /mkhyen brtse'i chu khur dkrigs pa'i gdengs ka nas/
/bsnyil ba'i mdo sngags chos kyi sbrang char rgyun/ /dad pa'i
zhing sar rtag tu stsol ba yis/ /phan bde'i lo tog ches cher
rgyas par mdzod/ /bdag kyang snyam

@049b brgyud nyams myong dbyar mtsho yi/ /'phel bar 'gran bzhin
'tsho khams g.yo med brtan/ /grogs bzang khyod kyi dgyes zhal
ston zla'i 'dzum/ /'dren byed kunDa'i bdud rtsir spyod par smon/
/khyod kyi zhabs sen brtan cing

bzhin don kun/ /ji bzhin 'grub pa'i smon pa'ang zab tu zhu/
/zhes gsol bar bya ba'i zhu yig gi rten mtshon par lha dar a she
dang/ rgya bal bod gsum gyi byin rten phal mo che dang/ rin po
che sna tshogs sbyar ba'i rin

chen ril bu'i byin 'dam las grub pa'i rgyal ba tsong kha pa chen
po'i snang brnyan mkhyid gang ba bzang gos ser po'i nam ldan
bcas/ dpal 'khor lo sdom pa'i pho brang gi bkod pa rnam par bkra
ba'i ri bo'i ljongs kyi dben

gnas bkra shis chos gling nas/ pha bong kha'i sprul ming pas
rgyal gyi zla ba'i tshes bzang por phul ba dge/ zhes pa'o/ /gzhan
yang spom mda' las tshan pa nas zhus ngor rdo rje rnal 'byor ma'i
byin rlabs dbang bzhi'i rim

pa dang/ dngul chu'i zin bris kyi steng nas ljags lung bcas
bskyed rdzogs kyi nyams khrid/ 'di'i rdzogs rim skabs yab kyi
rtsa dbu ma che ba'i skor zhwa lu'i khrid yig ltar gyi bshad
khrid bcas dang/ rje nyid kyi

gsung gi steng nas rdo rje rnal 'byor ma'i bsnyen sgrub sgrags
ma'i khrid lung/ rnal 'byor ma'i bsnyen pa'i sngon 'gro'i 'don
cha dang/ zhi ba'i sbyin sreg /bcu cha'i bsnyen pa/ bcu cha'i
sbyin sreg /bsnyen sgrub sbrags

@050a @#/ /ma'i 'don sgrigs/ rnal 'byor ma'i dkyil chog bcas kyi
ljags lung/ rnal 'byor ma'i lag mchod kyi phyag khrid bklags
lung dang bcas pa/ zur du rnal 'byor ma'i bsam mi khyab

thun mong ma yin pa bka' rgya can gyi zab khrid dgyes bzhin du
stsal cing/ rgyun du mdzad brel ha cang che ba byung ba'i dus
rnams su yang don du gnyer ba du mas yang yang gsol btab nan
cher zhus pa ltar lo re

star chags su rdo rje rnal 'byor ma'i byin rlabs gcig pu'ang
nyung mthar lan gsum bzhi tsam re dang/ de'i rim gnyis kyi zab
khrid thengs gnyis re tsam gnang zhing/ bde mchog lus dkyil gyi
dbang chen dang/

bskyed rdzogs kyi bka' khrid dma' mtha' nga thengs re re tsam
'chag med du stsal ba las skabs su babs pa 'ga' zhig 'dir smos
te byings rnams yig tshogs lci bsam spros so/ /'di'i lo snga phyi
rnams su gsol

dpon rnam dag bstan rgyas kyis rje nyid la/ nga tsho'i phyag dpe
yig 'bri ba 'di bod du yar 'ongs pa'i lam gar 'dan mdzod kyi a
drung mi ngan des dngul phrogs pa rnams nga tshos thabs shes kyi
sgo nas tshur len thabs

gnang dgos pa 'dug ces yang yang zhus song bar/ nga tshol dngul
de 'dras phan gnod med pas skyur la thongs zhes yang yang phebs
shing/ yang thengs gcig gsol dpon nas dngul phon che de 'dra
gyong khur nas

@050b rang gar 'jog mi thub pas tshur ma blangs thabs med yin ces
nan du zhus par/ gsol dpon la spyan 'bur tshugs su gzigs te/
khyod tshos chos de tsam zhus nas da dung gzhan la 'khon 'dzin de
'dra byed de na/ khyim pa sgya

po chos rna bas thos ma myong ba zhig dang khyad ma thon pa yin/
gal te dngul rnams tshur len pa'i dbang du bgyis kyang thabs shes
rtsub pa tsam ma bsten na mi yong la/ de ltar byas tshe len pa
pos dngul tshur byung ba tsam gyis

'grigs byung zer kha mi nyan par a drung la khrims lugs kyi
skyon 'dzugs sdug las mang po zhig shugs la 'bab par gdon mi za
bas a drung sdug bsngal la sbyar thub na nga tsho la khe thob pa
ci yang mi 'byung la/

dngul rnams tshur byung yang nga tsho'i yig 'bri ba kho rang la
rnam g.yeng gi rgyu las/ dngul med na lag mi thogs par ma zad/
a drung gis dngul ma phrogs na 'bras spungs su mtshan nyid lta
rtsis yod pa la/ a drung

gis dngul phrogs pa'i drin las kho nga'i rtsar slebs pa byung
bas a drung de bka' drin chen po yin/ nga tshos kyang sngon dus
gser leb lcug gsum bor brlag shor ba zhabs gras shig gis brkus
pa rtsad gsal bor chod

pa byung yang tshul de mngon gsal btod na rku ba po kho rang cho
bzod med kyi khar/ phyin chad bla brang du 'khor sa med par byed
thabs zhan pa'i rgyur 'gro snyam du gser tshur len pa lta ci/
gser brlag pa shes tshor gyi@051a @#/ /phyogs tsam ma byung khul bgyis te nga tsho
tshang ma'i
kha khrims bsdams pa rnam dag khyod rang gis shes gsal ma yin
nam/ zhes sogs bka' shin tu nan par stsal bas/ gsol

dpon nas/ bla ma rin po che dgongs pa dag nges pa de ga rang
yin/ nga rang nyon mongs rags la gnyen po chung pas de 'dra zhu
thal song ba bzod par gsol zhing phyin chad de 'dra la gzab gzab
gang nus byed chog pa

zhu/ zhes zhus par/ 'o de ltar byung na legs po yong rgyu red
ces dgyes mnyes chen po mdzad/ lo 'di ga'i mjug tu rje bla ma
mchog chu bzang du bzhugs pa'i skabs nor gling nas sku srung
dmag mi zhig 'byor te

kho bo'i ming 'khod pa'i yig chung zhig khyer 'dug par/ 'dan ma
nas bstan dga' slebs yod pas 'phral du yong dgos zer ba snang ba
de 'phral rje nyid la zhus pas dmag mi kho rang dang lhan du
'phral bskyod gyis

zhes phebs/ de bzhin du kho dang bsdebs te phyin pas rang yul
rnam rgyal gling gi rdo rje'i bstan dga' bya ba mi gzugs bongs
shin tu che ba zhig yod pa de mdo spyi sman stod sras chos 'khor
dgon du yong ba'i skabs

^ gong sa rin po che'i gzim 'gag tu 'os pas zhabs 'degs sgrub tu
'gro dgos zhes khrid de byon pa nye lam nor gling du 'byor te
sgu bcar kun 'phel nas gzigs mthong shin tu che ba'i skabs su
'dug pas khong

@051b dang grad pan dga' tshor chen pos kho bo la mtshams 'dris
dang pha yul gyi gnas tshul zhib pa/ da res pha yul du bskur
rgyu'i gnas tshul gyi yi ge 'bri dgos dang/ khyod rang bod du
yong ba'i lam ga re a drung nor tshes

ma'i sad pa ha cang legs po byung tshul sogs mol mchid lhod 'gol
du byed cing/ a drung khos dngul mang po phrogs pa nga tshos pha
yul nas gsal bar thos/ da res khyod rang gis dka' las ci yang mi
dgos par

dngul gyi grangs ka ji yod tan tig dang/ nor tshes khyod rang
dang lam ga'i mi ser la sdug las gang 'dra gtong tshul gsal por
'khod pa'i yi ge zhig bris la shog /nged kyis sku bcar kun 'phel
lags la

zhu tsom las gzhan gang yang mi dgos par dngul rnams tshur blangs
pas chog /a drung nor tshe kho 'bras spungs rgyab phyogs kyi
lung pa ze mo bya bar gzhis chags te bsdad mus red 'dug ces zer
bar/ de ltar

gsung ba bka' drin che mod/ sngar nga'i bla ma la gsol dpon gyis
dngul rnams tshur len thabs dgos tshul zhus pa'i skabs gong du
smras pa ji lta bar gsungs tshul rnams rgyas par bshad pas/ bstan
dga' nas

mig mchi ma 'khrug cing lag pas thal mo sbyar ba dang bcas bla
ma rtsa chen de 'dra 'jig rten na dkon pa zhig red/ de lta yin
na khyod kyi bla mas ji 'dra gsung yong mi shes kyang dngul
rnams tshur blangs na len chog chog

@052a @#/ /yin stabs bla ma la 'di skor lan cig nges par zhus
shig zer/ de nas chu bzang du yar phyin te rje bla ma nyid la
de'i skor zhib tu zhus par/ sngar gyi gsol dpon khong der yod

pa khong pas/ bla ma rin po che/ da res a drung las dngul tshur
len thabs nga tshos gnang mi dgos pas nyes pa yong don med phyir
zhal rog bzhugs na mi 'thad dam/ zhes gsol pa la/ khyod ci snyam
du

sems/ khyod rang gis kyang bla ma mchod pa sogs nyams len gyi
snying por byed zer nas 'don bzhin yod na/ sems can re re'i
phyir yang mnar med pa'i/ /me nang bskal pa rgya mtshor gnas dgos
kyang/ /

snying rjes mi skyo byang chub mchog brtson pa'i/ /brtson 'grus
phar phyin rdzogs par byin gyis rlobs/ /bya ba gang du thal/
chos kha la khyer kyang don lag tu ma blangs na 'di 'dra'i dus
tshun du 'u thug ste chos pa'i

zhabs drangs par byung ba yin mod/ ces gsungs pas gsol dpon
khong pa ha cang 'jigs shing zhum la mgo bo dud pa dang bcas/
dgongs dag /ces pa zhig las gzhan ma'i tshig gcig kyang smra ma
rus

par lus so/ /de nas kho bo la 'di ltar stsal te/ khyod rang nor
gling du song nas bstan dga' la/ nga'i dngul gyi skor du khyed
kyis thugs khur de tsam bzhes pa bka' drin shin tu nas che/ 'on
kyang nga tsho'i

@052b dngul de a drung nas tshur len dgos pa rtsa ba nas med/
nged da lta bla ma 'di dang mjal ba a drung gis dngul phrogs
pa'i drin las byung ba yin/ nga rang gi bla mas kyang dngul tshur
len thabs ma bgyis par bskyur gcig

byas na legs tshul nan tan du gsung gi 'dug ces zhus shig /ces
phebs pa ltar ring min zhig tu bstan dga' la de ltar thag chod
par smras pas des kyang bla ma de'i dgongs par ma babs na phyin
chad de skor tsam

'jog bya gcig las 'os med zer bas rang nyid kyang spro ba lhag
par du 'phel ba byung ste/ de thams cad kyang rje bla ma gang gi
thugs rje dang 'phrin las bsam gyis mi khyab pa'i mthu nyag gcig
gi bka' drin las

byung bar nges pa yang dag par rnyed du yod do/ /skabs 'di dang
gzhan du rigs pa smra ba'i dbang phyug 'bras nyag re rgyud stod
dge bshes bkra shis rnam rgyal rgyun gtan bar gseng nam byung la
rje nyid kyi zhabs drung du

phebs te gzhung lugs man ngag ci rigs par bka' 'dri dogs gcod ci
'dod du zhu zhing/ nyin gcig kho bo cag sku mdun du yod skabs
dge bshes pas/ rgyun du bed spyod kyi lag len bstar dgos pa'i
zangs

dngul dang shog dngul 'di rigs la yi ge mang yang nor dngos po'i
gras yin stabs skyon chung ba e yod/ rdo rje 'chang nyid nas
gsung chos skabs yi ge'i brjod pa sngon no cog la ma gus pa
spang dgos pa gsungs

@053a @#/ /phyir gang byung byas na chos spong du 'gro dogs kyang
mchis/ mkhas pa 'ga' res dngul gyi rigs rnams la ca lag gi 'du
shes kho na las mi dgos pas 'gom yug sogs

shor kyang skyon med gsung ba'ang snang na/ lag len spang blang
ji ltar bya dgos zhes zhus par/ zhal nas/ 'o de tsho ngas mi
shes/ dge bshes tshos lung rigs kyis gtan la phab ste thag gcod
dgos

pa'i gnas red/ nged rang gi tshod la dngos yul du lag len 'debs
thub pa'i bsngo yig dang/ shog chag gi kha byang tshun phyi bdar
gtong byed dang 'gom yug tu 'gro yis dogs te 'o brgyal ba'i gnas

dang las ngan tshabs po che'i rgyu gsog tu mi 'gro ba'i thabs
gang drag byed cing/ rang gi nye gnas rnams la'ang de ltar nan
tan mngags kyin yod/ deng sang kha cig gis dngul dang yig rigs
kha gdan gyi

'og tu bcug nas de'i steng du sdod pa dang/ yi ge'i rigs bcug
sa'i sgam lta bur rkub stegs byed pa sogs kyang ngan 'gror 'phen
byed kyi rgyu grung po ha cang bag tsha ba'i gnas red/ yig rigs
yod pa'i

dngul rnams la nor dngos po dang ca lag gi 'du shes bzhag pas ma
gus pa'i nyes pa khegs pa la cung zad kyang mi phan te/ 'du shes
des yi ge rnams yal 'gro ba yin na legs mod/ de lta med

@053b par yi ge rnams dngos su bsdang yod pas de la shes bzhin
du ma gus brnyas smod sogs byas na/ skyabs 'gro'i bslab byar yi
ge na gcig yan chad la chos dkon mchog dngos su mos dgos par

gsungs pa dang 'gal 'gro ba yin/ ces gsungs pa la/ dge bshes
khong pas rdo rje 'chang mchog nas de ltar bu thag chod par bka'
stsal ba bka' drin che zhing/ phyin chad rang nas kyang de ltar
spang blang

gang nus zhus chog pa dang/ der ma zad sgo gsum chos la gzhol
nus pa'i skyabs 'jug gnang dgos tshul sogs kyi gsol 'debs mang du
mdzad/ gzhan la ji ltar 'doms pa ltar rje nyid nas kyang dpe

cha'i gras ma yin pa'i rgyun par bsngo yig dang/ mkho med kyi
yig rigs rnying pa'i gras/ shog chag kha byang tshun zur du bsags
te chus legs par bkrus la rul skyon ma song bar ril mor bskams
nas

'jim sku bzheng ba'i shog 'dam gyi rgyu dang/ chos spang gzhi'i
shog bu bskyar blugs kyi rgyu gang rung zhig tu des par 'gro
thabs kyi gnang spyin kho na dgos tshul gsol dpon sogs la bka'
mngags yang

yang gnang ba dang/ bsdo yig dang skyabs zhu'i yi ge rnams 'das
gson ma nor ba'i ming so sor phyogs gnyis su bris par zla phyed
tsam gyi dus dus su 'das gson gyi ming yongs rdzogs gsung ba
dang bcas

@054a @#/ /sbyang ba'i cho ga sogs gnad smin re gnang ba 'di gal
can gzhan gyis bshol thabs med pa'i star chags kyi mdzad lam gal
po zhig tu mdzad par snang ste/ de dag kyang rang gi mthong thos
dngos

myong gi tshul 'ga' zhig sgro skur gyis ma bslad par smras pa
lags/ 'di'i lo snga phyir 'dan stod kyi byes 'grul gdong ser
byes bya bral ba 'dan ma lab khul gyi sprul sku zhig nas zhu yig
khag gsum tsam 'byor ba'i  

mtshams don gyi snying por/ sprul sku nyid snyun gzhi tshabs che
ngos gzung dka' ba zhig gis rgyun ring thebs shing/ yang yang
'phar ldang bzod med lta bu 'byung mus dang/ de dag gtso bor
thabs gzhan gyis 'chos

par mi nus pa'i rtsa khams kyi nad gzhi mkha' 'gro'i bar chad
kyi lhong tshad lta bu yin zol dang/ lab skyabs mgon rdo rje
'chang nas kyang de dang phyogs mtshungs phebs pa ma zad/ chos
skyong shugs ldan

bsten gsol bgyis pa yang ma legs tshul phebs zhing/ don du sprul
sku rang nyid kyi snyun gzhir phan thabs zhib brtags bgyis skabs
mi tshang che ge mo zhig gi bu mo rig ma'i mtshan nyid dang ldan
pa zhig

yod 'dug pa de nyid gsang ba sngags kyi grogs mor bsten thub pa
zhig byung na nad gzhi yang seng dwangs thub pa sogs dgos pa
mang du yod tshod 'dug na/ skyabs rje rdo rje 'chang mchog nas bu
mo de bzhin nged

@054b kyis rig mar brten pa bka' babs yod tshul gyi bka' yig zhal
gsal zhig skyabs 'jug stsol thabs ci nas thugs rje che thog
/chos skyong shugs ldan sngar bsten dgos byung yang phyin chad
bsten mi dgos par 'jog

gcig byed chog pa dang/ 'khu ldog gi gnod 'tshe mi yong ba'i
skyabs 'jug gnang dgos tshul bcas gsal rjen du 'khod ba 'ga' zhig
rim bstud du phul bar/ snga ma rnams la gsung lan ma gnang
zhing/ zhu yig

thengs rjes mar bka' lan stsal ba'i mtshams don du/ sprul sku
nyid nas ji gsung bzhin thugs 'dun skong 'os mchis na ha cang
legs mod/ nged nas de snga su la'ang de lta'i mi chos bla ma'i
rdzun phreng spel te

zol zog gis gzhan mgo bskor thabs byas pa sne gcig kyang med la/
phyin chad kyang de ltar lung ston par nus pa'i gdeng drod spu
tsam med nges lags na/ de skor de gnas lab skyabs mgon rdo rje
'chang la slob

ston zhib mor zhu gnang mdzad na babs 'brel che ba yong gnas
dang/ chos skyong shugs ldan nged rang dang gcig pa ma yin stabs
sprul sku nyid nas shugs ldan slan chad bskyur gcig mdzad rgyu
nged nas kham tshon mi chod

pas sprul sku nyid kyis gang dga' ci legs mdzad rgyu dang/ 'khu
ldog mi 'byung ba'i skyabs 'jug ces pa yang bdag lta bu 'ching
ba kun ldan la de 'dra'i rdo thogs pa'i gdeng khel ci yang med
lags pa bcas dgongs

@055a @#/ /rol/ ces 'khod pa stsal zhing/ 'di skabs rje bla ma
mchog ha cang mi dgyes pa'i rnam pa ches cher bzhes te/ skye
sprul zer ba'i gras su slebs kyang dgra nyon mongs pa la bden pa
byin na/ de 'dra'i yid mug

ba'i gnas shig las gzhan 'ongs med/ ces sogs thugs gcong che
ba'i gsung mang du byon/ dgung grangs nga drug tu phebs pa chu
bya lo'i dgung gsar mdzad sgo dang/ mjal kha sogs bkras chos
gdan sar sngar mus su

gnang zhing/ cho 'phrul smon lam skabs gzim bshad zur du bzhugs
te smon lam gyi tshogs gral du'ang phal cher star chags bzhin
phebs/ skabs shig nor gling du ^ gong sa mchog gi ^ zhabs drung
du gzim chung mjal

bzhu gnang gis cung zad bzhugs 'jags thog ^ gong nas bka' mchid
don gyi snying po can 'ga' zhig kyang stsal/ de skabs kho bo cag
nas bkras chos su yar zhabs sor 'khod ma thag rtogs brjod 'dun

legs ma'i ljags lung zhig stsol gnang gi snyan gsan phul bar
thugs shin tu dgyes te/ rten 'brel bzang po byung/ da res de
dang mnyam du lam rim chen mo'i phyag dpe zhig kyang dgos zhes
phebs pa ltar phul

bas bla brang nas maNDal rten gsum 'gyogs pa sogs kyang dus
mtshungs su gyur/ chos zhu ba ri khrod dge slong rnams dang/
phyogs mtha'i mjal bcar ba bcas shod gzim chung bshar ma'i phyi
nang bar gsum du shong dka'

@055b tsam du 'dus pa la rtogs brjod 'dun legs ma dang/ lam rim
chen mo'i dbu nas bzung/ bdag gi yid ni kun nas spro bar gyur/
/ces pa'i bar stsal/ /kong po bkra shis rab brtan gyi sprul sku
nas phul ba'i zhu yig gi gsung lan

du/ mang thos gzhung brgya smra ba'i gangs kyi spor/ /tshul bzhin
sgrub pa'i rtsal gsum rgyas pa'i lus/ /nyams rtogs li khri'i ral
pa'i khur brjed pa/ /zla bral gdong lnga'i dbang po mchog de'i
drung/ /brtse chen po mtsho dad gus

rlabs phreng gis/ /bskyod pa'i bka' mchid bdud rtsi'i bsang gtor
gyi/ /yon du lhag bsam sprin dkar bsrubs pa'i bcud/ /zhu 'phrin
bdud rtsi'i mchod sbyin spreng 'dir dgongs/ /tshogs gnyis nor
bu'i rdul dkar spungs

pa'i khams/ /gsang gsum thig le gcig tu zlos pa'i gar/ /thugs
bskyed shar ri'i phrag pa las thon te/ /skye rgu'i bsod nams
dgung mkhar rol pa'i 'dzum/ /'jig rten gsum gyi gdung sel gcig
pu bzhin//

mun pa can gyi phyogs las rnam rgyal zhing/ /tshul khrims ga bur
rgyun gyis rab tu bsil/ /gzhung lugs 'bum phrag 'od dkar dra ba
g.yo/ /sgrub pa'i nyams myong utpal tshom bus sgeg /phrin las
snang bas chen

khyon 'grem bzhin/ /'dir yang rjes brtse'i bka' mchid ko ki la/
/tshigs su bcad pa'i snyan 'gyur shis pa'i dbyangs/ /snying la
sim pa stor pa'i dpal yon can/ /rin chen sa le sbram dang wa
rdzu na'i/ /'khor lo
@056a @#/ /gzugs dang 'dod pa'i yon tan grangs/ /spel pa'i mgrin
rgyan do shal mdzes par ngoms/ /lha rdzas gshog yangs bskyod
bzhin lhags pa'i mod/ /bdag yid rab dga'i sa la

bsam gtan bgyis/ /'di na bdag kyang nyer len padmo'i ljon/ /'chi
bdag so gnyis sna yis ma bcom yang/ /na rgas rgud pa brtsegs
pa'i lang tsho'i 'dab/ /ston gyi rnam 'gyur cir yang 'dzin pa
bzhin/ /'on

kyang blo bzang snyan brgyud ge sar bcud/ /nyams myong sbrang
rtsi'i bdog pa phyur ba las/ /rang gzhan don gnyis zil mngar
gyis tshim pa'i/ /yang dag dga' ba snying la rgyas bzhin lags/
/mtshams zhu/ khyod ni

rnam dag khrims gyis bag yod bsdams/ /gzhung brgya mang du thos
pa'i pha rol son/ /dri med lung dang rigs pas sgro 'dogs bcad/
/tshul bzhin bshes gnyen gtsug gi nor bur bsten/ /snyan brgyud
zab don

bum pa gang byol thob/ /da ni dben pa'i gnas su rtse gcig tu/
/sgrub pa snying por gzhol ba'i rnam thar 'di/ /bsngags 'os lhag
par rjes su yi rang ngo/ /em ma tshang med pa'i rgyu tshogs las/
/'bras bu 'byung

ba bsnyon du med pas na/ /nang du yang dag sems kyi gom stabs
kyis/ /grub pa'i go 'phang mthon por gshegs par mdzod/ /de yang
yongs rdzogs lam gyi dmigs rnam rer/ /lung dang rigs pa'i 'phrul

@056b 'khor brgya phrag gis/ /dpyad cing dpyad mthar rnyed pa'i
nges shes la/ /yang yang 'jog pa'i dpyad tshul khyad 'phags kyis/
/thog mar bshes gnyen sangs rgyas kun gyi ngor/ /bsgrub pa'i lam
gyi rtsa ba gnad du bsnun/ /sangs

rgyas kun dang bla ma ro gcig tu/ /'dres pa'i nyams 'char rtogs
pa skyes pa'i tshad/ /de nas dal 'byor skor gyis bcad gsum/ /rim
pa star bzhin bsgom pas nyams myong 'don/ /dbul bos gter rnyed
lta bu'i dga' ba dang/ /

don med cung zad 'da' na'ang phangs pa'i sems/ /byung na de tshe
dal 'byor ngos bzung dang/ /don che rnyed dka' nyams myong skyes
pa'i tshad/ /de nas mi rtag pa yi chos skor gyi/ /sa bcad rnams
la sngar bzhin gnang bsnun pas/ /

'chi ba nam bsam dus na 'jigs zhum zhum/ /byung na rtsa ba dang
po'i nyams myong tshang/ /long med dran na rtsa ba gnyis pa dang/
/dgos med dran na gsum pa skyes pa'i tshad/ /de ltar dal 'byor mi
rtag chos skor gyi/ /myong

ba skyes na rtogs pa'i rkang tshungs 'gyur/ /de nas ngan song
sdug bsngal bsam pa sogs/ /chung ngu'i lam dang 'khor ba spyi
bye brag /bden bzhi rten 'brel lugs 'byung lugs ldog sogs/ /nges
'byung shugs drag 'dren

pa gnad du che/ /de nas rgyu 'bras man ngag rnam bdun dang/
/bdag gzhan mnyam brje'i dmigs rnam dkyus gcig tu/ /bsres nas
bsgom pas snyan brgyud zab mo'i 'phrul/ /rgyud thog 'gel ba'i go
yul tsam min

@057a @#/ /pa'i/ /'dun pa gnyis ldan rin chen byang chub sems/
/bcos min myong ba skye la gnad du bsnun/ /de dag thabs kyi cha
yi nyams len te/ /zur du zab mo'i shes rab 'di ltar bsgom/ /thog

mar phyi rol 'dod pa'i rtag gcig bdag /rang dbang can gyis stong
pa'i stong pa dang/ /rang rkya thub pa'i rdzas yod gyis stong
sogs/ /bye mdo'i lugs kyi dgag bya des stong tshul/ /gzung 'dzin
gnyis stong sems tsam 'jog tshul

dang/ /rang bzhin grub kyang gnod med blor snang ba'i/ /dbang
gis bzhag tsam nyid las sdod lugs kyis/ /stong pa'i rang rgyud
lta ba'i 'jog mtshams sogs/ /'khrul med gnas lugs gtan la 'bebs
pa'i phyir/ /'og

ma'i lta ba rim bzhin rtogs la 'bad/ /de nas de dag kun las
khyad zhugs pa'i/ /dpal ldan thal 'gyur lta ba'i gnad phra mo/
/klu sgrub zla ba blo bzang bzhed pa'i gzhung/ /yid dpyod tsam
min tshad ma'i myong ba

'don/ /rtse gcig gnas pa'i bsam gtan brtan po zhig /med na theg
pa che chung mdo sngags sogs/ /gang gi'ang rtogs pa'i gdeng drod
mi rnyed pas/ /mi rtog brtan po'i sgom byung 'tshol ba gnad/ /de
yang dga'

ldan phyag rgya chen po'am/ /bskyed rim phra rags rdzogs rim a
shad la/ /dmigs pa'i steng nas sgrub tshul gsum gang rung/ /rang
gi dbang por gang 'tshams steng nas skyong/ /de yang long skabs
mchis dus nyin

@057b zhag ni/ /gcig gi dge sbyor sum cha gsum du byas/ /cha
gcig ngan song nas brtsams sems bskyed bar/ /gang gi thad kyi
rgya che'i nyams myong 'don/ /cha gcig bye mdo nas bzung thal
'gyur bar/ /zab mo'i lam gyi

nyams myong gang thad skyong/ /cha gcig mi rtog sgrub pa'i sgom
pa la/ /rtse gcig mnyam par 'jog pa'i ting 'dzin skyong/ /de
ltar nus na rgya chen spyod pa dang/ /zab mo'i lta sgom nyams
myong dkyus gcig 'grub/ /de tsam

rnam g.yeng le los ma lcogs tshe/ /nyin zhag re yi dge sbyor cha
gnyis su/ /byas nas zab dang rgya che'i lam rim gyi/ /nyams
myong zud la phan tshun rtsal bzhin 'gran/ /gang rung gcig gi
nyams myong mthar son na/ /shin

tu dben par mi rtog rtse gcig bsgrub/ /de yang blo dang brtson
pa rab dman pas/ /sbrags te sgrub pa'i zab gnad ma nus na/ /rgya
che'i dmigs rnam kho na chig sgril du/ /bskyangs nas rin chen
byang chub sems mchog la/ /

ma mtha' myong ba sne zin bar 'bad cing/ /de nas sgom thog lta
ba tshol ba dang/ /lta thog sgom pa tshol ba'i lugs gnyis po/
/gang rung zhig gis lta sgom nyams myong 'tshol/ /de ltar zab
dang rgya che'i thun mong lam/ /bsgoms

pas rtogs pa'i nyams myong skyes pa na/ /myur lam rdo rje theg
pa'i rim gnyis kyi/ /tshad ma'i nyams myong skyong ba'i skal
bzang 'gyur/ /de ltar bshad sgrub zung 'brel 'od rnon gyi/ /rtse
dga' dmar ser dra bar bskyod pa yis/ /

@058a @#/ /blo bzang ring lugs gser zhun lang tsho'i 'dzum/ /mtha'
'khob de na nyin mo'i dpal bzhin mdzod/ /'khor 'das 'chi med
dwangs ma'i dpal yon kun/ /khyod kyi gsang gsum dkyil

'khor la smin pas/ /sku tshe mi shigs tshe mtha' yas pa'i ngor/
/brtan pa'i cho ga nan du bsgrub par mdzod/ /dkar min bsam sbyor
gtibs pa'i char sprin klong/ /bar gcod gnam lcags skyugs pa
'chang ba yang/ /

'jigs mdzad drag por glal ba'i bzhad sgra yi/ /'thor rlung rtsub
mos ming gi lhag mar mdzod/ /nyin byed dbyings na gnas kyang 'od
chags kyi/ /rtse dga' sa yi padmor 'khyud pa bzhin/ /phan tshun
yul gyis bskal

yang brtse ba'i mdud/ /gcig tu bcings pa'i gsung tshogs yang yang
stsol/ /bdag nyid nas kyang khyod kyi gsang gsum gang/ /rdo
rje'i gshis su grub cing bzhed don kun/ /'bad med 'grub pa'i
smon 'dun shis

pa'i dbyangs/ /drang srong bden pa'i mthun 'gyur ci yang zhu/
/zhu 'degs rab dkar lha yi reg bya dang/ /mgo skyes bub tshang
gyon pa'i tshal bu bcas/ /bde chen snying pos bkra shis chos
gling nas/ /chu bya cho 'phrul zla ba'i

tshes la dge/ /zhes pa dang/ lam khrid skyong tshul tshigs bcad ma
'byung 'gyur la dgongs pa'i 'phro can zhig kyang stsal/ smon lam
grol mjug tu dga' ldan khri rin po che thub bstan nyin byed pas
dga' ru shar

@058b gyi gzim shag tu gdan drangs te sngar nas gsol ba yang
yang btab pa ltar smon tshogs kyi dbar rme ru'i dpyid chos gnang
rgyu'i lam rim 'jam dpal zhal lung gi bshad khrid dang/ ^gong du
'bul rgyu'i maNDal bshad

pa mdor bsdus shig kyang bka' rtsom gnang/ bkras chos su phebs
'phral nags shod rta rmos dka' bcu nas zhus ngor/ 'jigs byed
dpa' gcig gi bdag bskyed rgyas pa bla slob lhan cig tu gsung ba
sngon du 'gro

pa'i 'jam dbyangs zhi khro sgrags sgrub kyi sgom lung dmigs
khrid sogs zhib par gnang zhing/ de'i 'don chog zin bris la
ljags zhus kyang mdzad/ brag ri mchog sprul rin po che dang/
kong po shar pa sprul sku/

'bras mtsho sna mchog sprul/ gangs gi'u mchog sprul/ dge bshes
byams pa mtha' yas sogs zhu mi lnga bcu skor dang/ brgya skor ci
rigs la snga phyir lam rim bdud rtsi'i snying po dang/ dam tshig
rdo rje'i

sgom bzlas/ rnal 'byor ma'i bdag bskyed rgyun 'khyer mdor bsdus/
dwags po'i gsung tshe ring ma'i g.yang sgrub bcas kyi ljags
lung/ thog ma'i blo sbyong dang/ rje skal bzang mkhas grub kyi
gsung bshad lam

rim zin bris dka' gnang rang gsal sgron me'i ljags lung gsung
bshad tho re ba bcas dang/ grub rgyal tshe dpag med kyi tshe
dbang/ mgon dkar gyi rjes gnang/ rje nyid kyi gsung gi steng nas
dpal mgon zhal bzhi

@059a @#/ /pa bsnyen dus zun med pa dang/ thun mong min pa/ ser
po rgyas byed thun mong ba dang/ thun mong min pa bcas kyi rjes
gnang/ sgrol ma tsitta ma Ni'i thun mong dang thun mong min pa'i
byin

rlabs rjes gnang/ stag phu gar dbang gsung phur lcog par ma'i
steng nas sgrub 'phrin tsitt ma Ni'i bskyed rdzogs las tshogs
dang bcas pa'i zab khrid/ 'jigs byed dpa' gcig la brten pa'i
khro bcu'i spung

zlog ngar ma'i rno mtshon gyi lung khrid bcas gnang/ ldan bya
tshang ba tshe dbang nor bus zhus dor rwa tshag rnal 'byor ma'i
dkar chag par thung gsar brkos kyi par byang dang/ bya btang
ngag dbang snyan grags nas bskul

ma zhus pa ltar stag brag rdo rje 'chang gi brtan bzhugs gsol
'debs rgyas pa 'jigs mdzad bzhad pa'i gad rgyangs 'chi bdag
g.yul las rgyal ba'i rnga dbyangs zhes pa ljags rtsom mdzad/
skabs shig rtse zhol

chang khyim pa'i gzim shag nas gdan drangs pa bzhin byon te/ de
ga'i mkhan drung nas zhus ngor rig byed ma'i sgrub bsnyen dang
dbang gi sbyin srag mang du gnang ba'i skabs nyin gcig sbyin
sreg dbu tshugs nas

me sbor du nye ba na rje nyid kyi phyag gi dgang gzar las mar
khu'i thigs pa 'dra ba zhig thab tu lhung ba las me rang 'bar du
gyur pas de dus kyi mchod g.yog zhal snga nas blo bzang chos
'phel bas de rjes dpal 'bar

@059b phyag bzhes tsam du thab kyi nang gzhug pa'i tshul tsam las
ma dgos pa'i shin tu ngo mtshar ba'i gnas de 'dra byung zhes bla
ma blo chos lags kyis kho bo cag la yang yang gsungs/ spom mda'
nyi ma rgyal mtshan nas

rdo rje gdan gyi byang chub shing drung du lam rim bshar sgom
thun du bskyangs pa'i skabs btab pa'i 'dra par sgrub pa'i mchod
sprin du phul ba dang bcas zhu yig 'byor ba'i bka' lan dang/ des
bskul ba'i bslab bya

le tshan chabs cig tu stsal ba ni/ ngad dang dam tshig rdo rje
ltar brtan cing/ /thugs brtse byams ldan pha ma las lhag pa/
/mchod sbyin gtong phod mgon med zas sbyin nyid/ /sbyin pa'i
bdag po bka' drin can gyi

drung/ /ring nas mi shigs dam tshig dar gyi mdud/ /phan tshun
snying gi thig ler bcings pa yis/ /thag ring yul na bzhugs kyang
khyod kyi zhal/ /mngon sum yid mtshor gsal bzhin 'di ltar zhu/
/mgon med

zas sbyin gnyis pa 'dir lhags bzhin/ /mtha' yas skye rgu'i bstan
'os dpag bsam shing/ /blo dang rnam dpyod zab brling rgya mtsho'i
mched/ /dad dang lhag bsam rab dkar nya rgyas zla/ /bsngags 'os
yon tan

lhun rdzogs khyod kyi sku/ /rdo rje brtsegs pa'i spo ltar rab
brtan cing/ /khyim na gnas kyang chos bzhin spyod pa yi/ /rnam
dkar yar zla'i 'phel ba brtsegs bzhin du/ /b+ho Ta'i ljongs nas
'phags pa'i yul gyi sar/ /

@060a @#/ /bshul ring lam la bde bar phebs grub nas/ /'dir yang
thugs brtse'i rang gzugs shis pa'i dbyangs/ /dbyin sgor bcu
phrag lha yi reg bya bcas/ /nyams med son pa dgyes zhal

dngos mjal gyi/ /mched zlar spro dang gdung ba snying la khol/
/'di na ngos kyang gdos bcas sgyu ma'i lus/ /'chi med g.yung
drung dwangs mar rab rtsen zhing/ /blo bzang snyan brgyud snying
po bsam sgom gyis/ /skal

bzang bsod nams snying por 'dzin bzhin gnas/ /mtshams zhu/ slad
mar yang/ yid bzhin nor bu 'bum gyis rin bcal kyang/ /rnyed min
rnyed dka' don che'i dal 'byor sku/ /mi shigs mi 'gyur mchog gi

rgyal mtshan ltar/ /brtan pa'i do gal gtan bde'i snying por
mdzod/ /phyag na padmo mi yi sgyu 'phrul gar/ /gangs can 'gro
ba'i bsod nams gnyen gcig pu/ /gang gi bka' don sri zhu'i bya ba
la/ /sgo gsum

ngal ba khyad bsad lhur 'bungs mdzod/ /ha cang dkar min dpung
bas mi brje par/ /rang sred bde 'byor dbyar mtshor spel ba dang/
/blo bzang bstan pa'i zhabs tog bsgrub pa la/ /mgon med zas
sbyin gnyis pa

ji bzhin mdzod/ /tshe 'di yud tsam mdang gi rmi lam bzhin/ /tshod
dus mgron po 'dzom dang gyes pa bzhin/ /chos brgyad 'di yang
byis pa'i rol rtsed bzhin/ /don chung las la snying por zhen pa
nyid/ /srid 'byor

@060b 'di yang srin mo'i bslu brid bzhin/ /legs legs 'dra yang
phugs su bslu ba'i chos/ /tshangs dbang 'khor bsgyur dpal kyang
mi brtan par/ /ltung ba'i chos can nyid la snying po ci/ /snying
po yod pa dam pa'i chos kho na/ /

'chi dus phan pa dam pa'i chos kho na/ /gtan gyi 'dun ma dam
pa'i chos kho na/ /de phyir dam chos nyid la blo rtse sgril/
/chos kyang shes tsam mi phan lag lon dgos/ /mkhas pas mi phan
bshad pas kyang mi phan/ /

sems ngo skyong dang rtsa rlung gis mi phan/ /bzlas bsgom grangs
gsog gis kyang cher mi phan/ /phan nges snying po lam gtso rnam
gsum yin/ /nges 'byung byang sems yang dag lta gsum yin/ /de yi
gdams ngag byang chub

lam rim yin/ /de la thos pas go ba legs par btsal/ /thos don
bsam dang sgom pas rgyud la sbyar/ /sbyar lugs lung dang rigs
pas dpyad 'jog bsgom/ /de yang bag chags 'jog phyir yongs rdzogs

lam/ /shar sgom mdor bsdus tsam re byed dgos kyang/ /gtso bo dal
'byor nas bzung dmigs skor gcig /kho nar yud tsam re tsam nyin
bzhin du/ /gnang du bsnun na zla ngo re gnyis nas/ /rtogs pa'i
nyams myong

nges par sne zin 'gyur/ /'og ma 'og mar nyams myong legs thon
na/ /gong ma gong mar dmigs skor legs spos pas/ /ring por mi
thogs lam gtso rnam gsum gyi/ /nyams rtogs rgyud la smin par
gdon
@061a @#/ /mi za/ /de nas zhi lhag rim gnyis rnal 'byor sogs/
/bskyang na zung 'jug sa yang thag mi ring/ /khyim gyi bya bas
nyin bzhin brel na yang/ /chu tshod 'ga' shas zab mo'i lam bzang

'di'i/ /dmigs rnam skyong na khyim na gnas bzhin du/ /nyams
rtogs yar ngo'i zla ltar 'phel bar des/ /tshe rabs gtan gyi 'dun
ma 'grub par nges/ /rang gzhan don gnyis lhun gyis 'grub par
nges/ /bsgrub na khyim du

gnas la'ang thar pa yod/ /'phags 'od rgyal blon mar pa la sogs
bzhin/ /ma bsgrubs ri 'gor gnas kyang ngan song rgyu/ /phyi bas
yi khung bur mtshams bcad bzhin/ /de lta'i lam bzang gnad du 'gro
ba yang/ /

gtso bo las smon rang la rag lus pas/ /mchog dman zhing la bsod
nams sa bon bskrun/ /sgo gsum bsags sbyang las la yang yang
brtson/ /bla ma yi dam dbyer med rnal 'byor skyong/ /snying nas
gsol 'debs

shugs drag thugs dam bskul/ /mkha' 'gro srung mar las bzhi'i
'phrin las bcol/ /de dag kun la thog mar kun slong gces/ /de
yang bdag gis dal 'byor rnyed skabs 'dir/ /tshe 'di tsam dang
'khor ba'i

phun tshogs tsam/ /rang nyid zhi bde tsam la'ang ma chags par/
/'gro kun don du sangs rgyas bsgrub pa'i phyir/ /bdag gis 'di
bya snyam du kun slong bcos/ /kun gyi mjug tu bsngo ba smon lam
gces/ /smon lam gang

@061b btab de dang de 'byung ba/ /rta bzang srab kyis kha lo
bsgyur dang 'dra/ /de phyir smon lam 'di ltar gdab dgos te/
/bdag gis ngal 'byor lan cig thob skabs 'dir/ /'di snang tsam
dang srid ba'i 'byor pa tsam/ /rang nyid gcig

pu zhi bde tsam min par/ /don gnyis mthar phyin sangs rgyas cis
kyang bsgrub/ /de phyir dal 'byor nas bzung zung 'jug bar/
/yongs rdzogs lam bzang tshe 'dir skye ba dang/ /de yi 'gal rkyen
zhi zhing mthun rkyen kun/ /yid bzhin 'grub ba'i

smon lam shugs drag dang/ /'chi ba'i mthar yang mkha' spyod
zhing skye zhing/ /bla ma he ru kaH dpal dngos mjal nas/ zung
'jug go 'phang myur du thob pa sogs/ /smon lam rlabs chen shugs
drag 'debs pa gnang/ /de skad

khyod drin snying du lci ba yis/ /gtan bde'i lam bzang 'gyed
pa'i ngag gi sgo/ /mdor bsdus khyod nyid dgyes pa bskyed pa'i
phyir/ /sbro 'dir blo gros ldan khyod brtser dgongs mdzod/ /sku
tshe brtan cing bzhed don 'grub pa sogs/ /

skyabs srung 'dun pa ngos nas lhod med zhu/ /de skad zhu 'degs
lha yi reg bya dang/ /mi phyed dam tshig dar gyi mdud pa bcas/
/bde chen snying pos smin drug zla ba yi/ /dkar phyogs mkha'
'gro 'du ba'i tshes la phul/ /ces dang/

yang/ /gson dang mchod sbyin gyi mnga' bdag /dad dam 'gyur med
kyi yon gnas/ /rang re sngon bsags kyi bsod nams/ /bzang po'i
las smon gyi 'bras bur/ /rnyed dka' don che yi rten bzang/ /'di
'dra rnyed pa 'di e ma/ /da

@062a @#/ /tshod ngan song du yod na/ /dam chos sgra tsam yang mi
thos/ /lha dang lha min du skyes kyang/ /rgyal bstan 'di 'dra
dang mjal dka'/ /mtha' bzhi'i rgyal khams su skyes na/ /dge sdig
ngo tsam

yang mi shes/ /bon dang phyi rol par skyes na/ /skyabs 'gro tshig
tsam yang mi byed/ /long ba glen lkug tu skyes na/ /chos kyi
skal ba dang bral song/ /mgar ba bshan pa 'drar skyes na/ /nang
pa yin kyang ni

ci yong/ /bzo pa las mi 'drar skyes na/ /stong zad gar song tsam
mi shes/ /bran dang khol po 'drar skyes na/ /ma Ni 'don long
tsam mi 'dug /chos med ser gzugs gral skyes kyang/ /dkon mchog
su yin

tsam mi shes/ /skya ser mi drag gral skyes kyang/ /mi tshe chags
sdang la skyel dgos/ /thos med sgom rgan du skyes kyang/ /tshe
gang lam gol du shor 'dug /phyag rdzogs sems ngo yi sgom yang/
/rtag chang g.yang sa ru

lhung 'dug /rtsa rlung zab mdog gi sgom mkhan/ /nang par mtshung
pa mang 'dug /ri khrod gcod pa ru brloms kyang/ /bsam rgyu 'tsho
ba las mi 'dug /mang thos mkhas pa ru brloms kyang/ /tshe 'di'i
snang shas

tsam ma bzlog /rtog ge mgo mkhregs su skyes na/ /sangs rgyas
dngos kyis kyang 'dul dka'/ /bzlas grangs dung phyur du 'grangs
kyang/ /sems rgyud sngar las kyang thu ba/ /de dag ji 'dra ru
skyes kyang/ /'chi khar phan pa  

@062b zhig dka' 'dug /rang re mi khom pa'i skye gnas/ /de 'drar
ma skyes pas dga' ba/ /dal 'byor phun tshogs kyi lus rten/ /'di
'dra thob pa 'di dga' ba/ /ma nor lam ston gyi bshes gnyen/ /'di
'dra phrad pa 'di

dga' ba/ /blo bzang snyan brgyud kyi bstan pa/ /'di 'dra mjal ba
'di dga' ba/ /tshang la ma nor ba'i bstan la/ /nges shes rnyed pa
'di dga' ba/ /'chi ba rjes dran gyi blo sna/ /chos la phyogs pa
'di dga' ba/ /sdug

bden nyes dmigs kyi nges 'byung/ /rgyud thog 'gel ba 'di dga'
ba/ /rin chen sems sbyong gi zab gnad/ /'di 'dra rnyed pa 'di
dga' ba/ /bying 'khrul gol sa ru lhung dogs/ /mi dgos sgom pa
'di dga'

ba/ /mi rtog ting 'dzin gyi zab gnad/ /'di 'dra rnyed pa 'di
dga' ba/ /rtag chad mtha' bral gyi lta ba/ /'di 'dra mjal ba 'di
dga' ba/ /chad stong rtag mtha' yi mtha' la/ /dbu mar ma 'khrul
'di dga' ba/ /

stong dang rten 'byung gnyis 'gal med/ /grogs su 'char lugs 'di
dga' ba/ /gzhi lam sku gsum du bsre zhing/ /srog rtsol zab mo yi
thabs kyis/ /gnyug zhal mngon sum du ston pa'i/ /gdams zab

thos pa tsam dga' ba/ /rlung sems dang po yi mgon por/ /dngos su
bzhengs pa yi dga' ston/ /sgyu ma'i ting 'dzin gyi sgyu 'phrul/
/'di 'dra thos pa tsam dga' ba/ /sgyu ma 'od gsal dang dbyer
med/ /dpa' bar 'gro

@063a @#/ /ba mi ting 'dzin/ /rdo rje'i ting 'dzin gyi zab gnang/
/'di 'dra thos pa tsam dga' ba/ /shin tu myur pa las myur bar/
/sangs rgyas sbar bcang du gtod pa'i/ /blo bzang snyan brgyud
kyi bstan

pa/ /'di 'dra mjal ba 'di dga' ba/ /thos nyung bstan pa yi 'gag
mdo/ /chos phung brgyad khri yi mdo don/ /rgyud dang rgya gzhung
gi zab gnad/ /chogs med rnyed pa 'di dga' ba/ /blo bzang grags
pa yi dgongs

bcud/ /'jam dbyangs zhal lung gi bdud rtsi/ /gnas gsum mkha'
'gro'i snying khrag /'di 'dra rnyed pa 'di dga' ba/ /tshig tsam
lhur len la ma zhen/ /don la sems khul 'di dga' ba/ /bzlas sgom
rnam grangs tsam

min pa'i/ /sems rgyud 'dul khul 'di dga' ba/ /gang shes kha
'chal tsam min pa'i/ /rgyud thog 'gel khul 'di dga' ba/ /dga' ba
nyer gnyis kyi grangs ldan/ /da res lan cig tsam rnyed kyang/
/glo bur 'chi

bdag gi dgra bos/ /nam gsod nges pa ru med pas/ /nyin bzhin gtan
'dun gyi snying por/ /da ni rtse gcig tu 'bungs dgos/ /de phyir
rnam g.yeng mkhan rang re'i/ /slob tshul 'di 'dra zhig bzang
ngo/ /na mo gu

ru/ gang zhig thog mar nyams su blang bya yi/ /gnas la thos bsam
sgro 'dogs chod dgos shing/ /de yang gzhung lugs mang thos ma
'grub kyang/ /yongs rdzogs lam la go ba chags pa dgos/ /de phyir
byang chub

@063b lam gyi rim pa dang/ /rim gnyis zab mor go ba legs par
'tshol/ /don gyi ngo bo go rim grangs nges sogs/ /dpe cha tsam
min blo la sleb par byed/ /de ltar rgyas bsdus ji ltar yin yang
rung/ /lam rim rim gnyis sa

bcad mung bsgrigs pa'i/ /dmigs rnam blo la nges shing sbyong
shes na/ /yongs rdzogs lam la go ba chags par zer/ /gzhan du rig
pa'i gnas la mkhas pa dang/ /mngon shes rdzu 'phrul yi dam lha
zhal mthob/ /bsnyan chen dung

phyur song sogs 'ud che yang/ /yongs rdzogs nges pa rnyed 'di'i
do zla min/ /de phyir thog mar lam rim rim gnyis gzhung/ /ha
cang rgyas min blo la sleb thabs 'phungs/ /de nas rim bzhin ji
ltar nges pa'i don/ /yang yang

bsam bzhin bsgoms pas sbyangs pa yis/ /nyams 'og tshud dang rtsol
bcas rtsol med la/ /myong ba bzang po rim bzhin skye bar 'gyur/
/de yang nyin rer ldang ba'i rnal 'byor gyis/ /ljang? nas 'gyur
sngags phreng sngags

ngag byin rlabs/ /bla ma'i rnal 'byor rgyas bsdus gang rung gi/
/ngang nas bshes gnyen bsten tshul nas bzung ste/ /sems bskyed
bar du bshar sgom mdor bsdus dang/ /lam gyi 'go nas myong ba
gang 'don pa'i/ /dmigs

skor gcig la cung zad gnad du bsnun/ /'on kyang bshes gnyen
bsten tshul skye dka' bas/ /nyin rer de yi dmigs rnam rtag skyong
bzhin/ /gzhi rtsa dal 'byor nas bzung skyong ba gnad/ /de yangs
bcad rdog po re re tsam/ /

@064a @#/ /nyin re nyin rer chu tshod re re tsam/ /zla' zla bar
dmigs su bkar te skyong/ /de yan sems bskyed bar du bshar sgom
tsam/ /sbyod pa spyo bslab zhi lhag tshun la yang/ /ma mtha' smon

lam tshun chad nges par 'debs/ /bla ma'i rnal 'byor sngon rjes
gang bde ru/ /dpal ldan 'khor lo sdom pa'i rnal 'byor gyi/
/bskyed pa'i rim la bshar sgom gang nus 'bad/ /rdzogs rim sa
bcad ma mtha'

smon lam tshun/ /snga dgong gang bde brel ba'i skabs dang bstun/
/nyin gyi cha la bag yangs bya las skyong/ /nub mo nyal khar de
nyin bsags pa yi/ /mi dger bshags sdom dge bar bsngo smon 'bad/
/'og na

'og mar myong ba skyes pa na/ /gong ma gong mar dmigs rnam spo
ba gnad/ /de yang dal 'byor nas bzung sems bskyed bar/ /dang por
nyams 'og tshud tsam tshud tsam sbyang/ /de nas rtsol bcas myong
ba rim

bzhin 'don/ /de nas rtsol med myong ba rim bzhin 'don/ /de ltar
bslab na yongs rdzogs lam bzang gi/ /nyams myong bzang po zla
skyed zhag skyed thon/ /grub pa'i sa la 'bad rtsol med par reg
/ma mtha' ma

mthang bag chags rgyud la brtan/ /rnam g.yeng khyim gyi bya ba
ma dor bzhin/ /bag yangs 'du 'dzi'i spros pa bun long nge'i/
/khrod nas nyams myong snying po nor bu'i phreng/ /'dren pa'i
zab gnad 'di 'dra e ma ho/ /

@064b rgya chen gzhung lugs thos pas ma sbyangs shing/ /rtse
gcig sgrub pa'i long skabs ma rnyed kyang/ /rnam g.yeng sna
tshogs son gnas bzhin du/ /grub pa'i sa la reg na e ma mtshar/
/de ltar blo bzang rgyal pa'i snyan/

brgyud kyi/ /zab mo'i nyams myong rgyud thog 'gel ba'i tshul/
/rnam g.yeng 'du 'dzi mkhan gyi'ang lag lon pa'i/ /zab gnad
'dri 'dra kho bos myong bas rnyed/ /tshul 'di drin can khyod kyi
bka' drin gyi/ /cha shas

bsab pa'i re bas spro bzhin bris/ /sku tshe brtan cing bzhed don
'grub pa dang/ /byang chub snying po'i mthar thug tshe rabs kun/
/'bral med chos dang zang zing dga' ston la/ /spyod pa'i 'dun pa
nyin bzhin lhod

med lags/ /zhes pa ste/ dus phyis shig na/ bslab bya 'di gnyis
gtso bor rnam g.yeng can gyi nyams len la sbyar ba yin yang/
nyams su len lugs kyi man ngag zab khyad 'don tshul gnang che ba
yod pas

rang rang gi nyams len la sbyar shes dgos/ zhes pa zhig mjug
thogs 'dir bsnon ma mdzad de gzhan la mang du stsal ba'ang byung
ngo/ /der sbyin sreg zin mtshams sri mnan rtags thon zhig gnang
dgos tshul zhus ba

bzhin nyin shas ring de'i cho ga gnad du smin pa dang/ nub cig
zag lha klu bsgugs kyi brag rtser phebs nas mnan pa yang gzab
nan du bskyabs/ de ga'i mkhan drung nas zhus ngor rig byed ma'i
sgrub thabs rgyun khyer

@065a @#/ /mdor bsdus shig kyang bka' rtsom gnang/ de nas bkras
chos su byon te dad mjal ba'i tshogs du mar mjal kha dang/ 'dod
chos sna tshogs/ bsgrub bya mang tsam zhig dge tshul slong gi sdom

ba'i dngos pos myang 'das kyi sa bon grung por bskrun pa'i skal
bzang rmad po cher sbyor bar mdzad/ dwags po dga' rab rje drung
blo bzang mkhyen rab kyis zhus pa ltar bde mchog dril bu lus
dkyil gyi bsnyen sgrub sprags ma'i

sgos chos mdor bsdus dang/ sked tshang dge slong byams pa legs
'byung sogs kyi ngor ser byes lA ba dge bshes 'dul 'dzin chen
po dge legs rgya mtsho ba'i zhabs brtan gsol 'debs bcas bka'
rtsom mdzad/

lo phyi nang 'di dag tu'ang gong gsal ^ rgyal dbang mchog gi
rnam thar rgyas pa dang/ rtse zhol bka' 'gyur par gsar gyi dkar
chag bcas kyi zin snying shog dril phyed nyis brgya tsam la
'phri snon gyi ljags zhus dang/ gsar

rtsom khag mang po gnad rgyu bcas mtshan mo'i dus su'ang nam
phyed yol tsam bar sku ngal brgya phrag lhur bzhes mdzad de bla
ma'i zhabs 'degs yin pas skal ba bzang zhes yang yang phebs/ 'di
dus phyag bris zhabs

zhu ba gtso bo chab mdo drung yig mkhas btsun bzang ldan zhal
snga nas ngag ldan dpon lha thub bstan gsung rab nyid nas gnang
zhing/ skabs 'gar kho bo cag nas kyang mtshan 'khyongs kyi yi ge
'dri bshu mang tsam bgyi ba'i

@065b skal bzang thob/ de gong zhig nas dge ba'i bshes gnyen rdo
rje 'dzin pa blo bzang bsam 'grub pa dang/ den gyi dge ba'i
bshes gnyen tshe dbang bsam 'grub rnam gnyis nas gsel ba btab pa
ltar gnas chan chu ba rar phabs

rgyu'i zhar du lha klu'i lcam g.yang 'dzoms tshe ring nas lha
klu dga' tshal du gdan drangs te bsnyen bkur rgya cher bsgrubs
par sgrol dkar tshe dbang sogs chos bka' 'ga' re stsal/ de nas
rim phebs kyis lam zhor

ljang dgun chos su chibs bskyod kyis mchod sprin thugs smon yang
dag pa dang/ rje btsun 'jam dpal dbyangs kyi bstod pa shlau ka
gcig pa zhig bka' rtso ma mdzad/ phebs lam du chu shur bar smad
pa dang/ pheng

gdong gzim gzhis rnams nas zhabs tog gzab par 'bad/ chu bo ri'i
dpen gnas bsam gtan gling du zla ba gcig tsam bzhugs te thugs
dam gzab nan lhod 'gol thog /seng dbar rnams su dge bshes

rnam gnyis la dpal mgon zhal rnam 'gyur bcu bdun gyi rjes gnang
dang/ de'i dbang chog gi ljags lung/ dka' 'gyur dkar chag gi bar
skabs tshigs bcad thugs rtsom gnang ba/ ser byes drung zur chu

shur bar smad pa blo bzang thub dbang dang/ mda' dpon shan kha
ba 'gyur med bsod nams stobs rgyas sogs la mjal kha dang/ 'di
phyir dge ba'i slob ston gsung gleng sogs lhug par stsal/ shan
kha ba dang/
@066a @#/ /gsar byung chos drung ma sogs kyis zhus ngor dge bshes
rnam gnyis kyi zhabs brtan gsol 'debs kyang bka' rtsom mdzad/
tshes nyer lnga la sngon dus gzigs snang ngo mtshar

can byung ba'i gnas mchog srin po ri'i bde mchog gi sku brnyan
ye shes dngos bzhugs de nyid kyi drung du slob tshogs mang po
dang bcas stabs gcig tu gshegs nas dpal 'khor lo sdom pa'i bdag
'jug dang

'brel ba'i tshogs ston rgyas pa dang/ tshogs bar bde mchog rtsa
rgyud le'u thog mtha' gnyis kyi ljags lung gnang/ tshes dgu nas
bsam gtan gling du bde mchog lus dkyil gyi dbang chen sta gon
dang bcas

pa/ jo nang kun dga' grol mchog gi phyag bzhes ltar rje tA ra
nA thas phyogs sgrig gnang ba'i steng nas khrid brgya'i pod
dbang dang/ khrid yig brgya rtsa'i bklags lung/ lcang skya rol
rdor gsung lta mgur a

ma ngos 'dzin/ de'i bgrel pa 'jam bzhad 'jigs med dbang pos
mdzad pa bcas kyi ljags lung/ yon tan gzhir gyur ma'i bshad
khrid/ tshes bco lnga nyin smon sems dam bca' can bzung ste theg
pa

chen por sems bskyed pa'i sdom pa 'pog chog sta gon bcas pa
gnang zhing/ dge bshes rnam gnyis nas tshe chog dang bla mchod
'brel ba'i brtan bzhugs rgyas par phul/ tshes btsu drug nyin gzim
chung du tshogs

@066b pa nyung 'dus la rje nyid kyi gsung bra ma'i rnal 'byor
byin rlabs 'dod dgu'i gter mdzod dang/ gsung mgur rab 'byams
skyabs kun ma dang/ slu med skyabs kun ma/ rdo rje rnal 'byor
ma'i chos skor bar thung sngon

'khod bcas kyi ljags lung dang/ zur du gi'u sprul sku sogs gsum
la rje nyid kyi gsung gi steng nas bsam mi khyab thun mong min
pa'i nyams khrid ljags lung dang bcas pa/ dge bshes rnam gnyis
sogs nam?

zhus ngor mchod rten chen po'i ltag gi ltongs shig tu de phyogs
kyi dad ldan skye bo pho mo ri rgyud gang ba tsam 'dus pa la dal
'byor don chen rnyed dka' dang/ 'chi ba mi rtag pa/ ngan 'gro'i
sdug bsngal/ skyabs 'grol?

las 'bras sogs kyi skor las brtsams pa'i sngon 'gro'i gsung
bshad gzhan rgyud ha cang 'khul tshabs che ba dang 'brel bar
'phags pa thugs rje chen po ngan song kun grol gyi rjes gnang/
yig drug gi sgom lu?

bcas legs par stsal/ zla ba lnga pa'i tshes nyer lnga la gong
dkar bshad sgrub gling du gdan drangs par/ de ga'i bla sgrul
sogs 'dus pa nyis brgya skor la 'jigs byed lha bcu gsum ma'i
dbang chen sta gon dang

bcas pa/ rje nyid kyi gsung bla mchod bde mchog 'brel ba dang/
dge bshes tshe dpang bsam 'grub bam ye shes rgyal mtshan pa'i
zhabs brtan gsol 'debs/ sbyor chos skal bzang mgrin rgyan bcas
kyi ljags???

@067a @#/ /lung rnams stsal/ zhol khang pa don grub rdo rjes zhus
ngor zhol gzhis rab brtan gling du chibs bskyod kyis bla mchod
kyi tshogs ston gsung chog rgyas pa dang/ dwags pa skal bzang

mkhas grub kyi gsung gi steng nas sems bskyed bka' rgya ma'i
lung khrid/ stag phu rdo rje 'chang dang lcags zam grub thob
gong ma'i drung nas gsan pa'i rgyun ltar thang stong snyan
brgyud lugs 'chi med dpal ster

gyi tshe dbang bcas gnang/ rten gsum rnams la brtan bzhugs shis
brjod sogs gnad du smin par bskyangs/ slar bsam gtan gling nas
lha ldan du phebs pa'i lam gar chu shur 'phreng gdong gzim shag
tu bcag

zhag nyin gcig bzhugs pa'i ring bka' 'gyur dkar chag gi dbu'i
thub dbang gi mchod brjod sdeb sbyor ljags sgrig dang/ de ga'i
mi ngo sogs la grub rgyal tshe dbang sogs gnang/ de nas rim phebs
kyis gzim

lha klu dga' tshal ba'i 'dzin khongs skyed tshal klu sdings su lha
klu'i lcam g.yang tshe'i gsol tsha'i phebs bsgrigs sar ngang tsam
bzhugs/ de nas lha klu'i gzim shag tu gdan drangs/ der nyin shas
kyi ring du lhod

bzhugs thog mjal mi shin tu mang bar mjal kha dang/ 'dod chos
kyang sna tshogs stsal/ de nas bkras chos gdan sar phebs te rim
gyis bla sprul dge bshes/ gzhung sa'i sku drag /grwa sa khag gi
rigs pa smra pa'i

@067b tshogs du ma/ ser skya byings dkyus sogs dad mjal zhu mi
'grang ba las 'das pa zhig bar mchad par byung ba rnams la mjal
kha phyag dbang dang/ chos bka' lung khrid phran tshegs ci rigs
pa stsal/ 'bras sgo mang pa sog po

nas min shog btsan po sprul sku nas zhus pa ltar bla sprul 'dus
tshogs bdun cu skor tsam la paN chen chos rgyan gyis mdzad pa'i
bla mchod bde stong dbyer med ma rtsa ba dang/ tshe gling yongs
'dzin paNDi rta'i bla mchod khrid yig chen mo

sbrags ma'i zab khrid shin tu rgyas pa dang/ 'pho ba zhag gcig
ma'i nyams khrid/ rje chos rgyan gyi gsung dga' ldan phyag chen
rgyal ba'i gzhung lam dang/ rang 'grel yang gsal sgron me bcas
kyi bshad khrid gnad du smin par

stsal/ mdo smad tsha ba spom mda' dgon gyi bla ma blo bzang rab
rgyas kyis zhu yig gi lam nas bskul ba bzhin bla ma rgyad 'bod
sku gsum dbyer med bla ma'i byin rlabs myur 'dren gdung dbyangs
zhes pa bla ma'i rnal 'byor gyi man ngag

gi snying po byung ba sngon med legs bshad kyi gter chen po lta
bu zhig bka' rtsom du gnang ba ni 'di ltar/ bla ma mkhyen/ bla
ma mkhyen/ bla ma mkhyen/ sangs rgyas kun gyi ye shes bde chen
chos sku'i ro gcig /de nyid drin can bla ma

kun gyi rang bzhin mthar thug /bla ma chos kyi sku la snying nas
gsol ba 'debs so/ /'di phyi bar do kun tu 'bral med rjes su
zungs shig /ye shes sgyu ma'i rang snang rgyal ba yan lag bdun
ldan/ /de nyid drin can bla ma kun gyi sprul

@068a @#/ /gzhi'i mthar thug /bla ma longs spyod rdzogs skur
snying nas gsol ba 'debs so/ /'di phyi bar do kun tu 'bral med
rjes su zungs shig /ji snyed gdul bya'aM khams bzhin sna tshogs
sprul ba'i rol

gar/ /de nyid drin can bla ma longs spyod rdzogs sku'i rnam
'gyur/ /bla ma sprul pa'i sku la snying nas gsol ba 'debs so/
/'di phyi bar do kun tu 'bral med rjes su zungs shig /sku gsum
dbyer med rol pa bla ma'i gzugs su shar ba/

de nyid drin can bla ma kun gyi ngo bo gcig nyid/ /sku gsum
dbyer med bla mar snying nas gsol ba 'debs so/ /'di phyi bar do
kun tu 'bral med rjes su zungs shig /? dam zhi khro rab 'byams
kun kyang bla ma'i rang bzhin/ /

drin can bla ma nyid las yi dam logs su med pas/ /yi dam kun
'dus bla mar snying nas gsol ba 'debs so/ /'di phyi bar do kun
tu 'bral med rjes su zungs shig /sangs rgyas kun gyi spyi gzugs
bla ma'i rnam par shar ba/ /

drin can bla ma nyid las sangs rgyas logs su mi dmigs/ /sangs
rgyas kun 'dus bla mar snying nas gsol ba 'debs so/ /'di phyi
bar do kun tu 'bral med rjes su zungs shig /rgyal kun mkhyen
brtse nus pa'i rang gzugs bla mar shar

pas?/ /'phags mchog rigs gsum mgon kyang drin can bla ma nyid
yin/ /rigs gsum gcig 'dus bla mar snying nas gsol ba 'debs so/
/'di phyi par do kun tu 'bral med rjes su zungs shig /rigs brgya
rigs lnga rigs

@068b gsum ji snyed spro yang bla ma/ /de kun gang du bsdu ba'i
khyab bdag nyid kyang bla ma/ /bla ma rigs kun bdag por snying
nas gsol ba 'debs so/ /'di phyi bar do kun tu 'bral med rjes su
zungs shig /sangs rgyas chos dang dge 'dun kun

gyi byed po bla ma/ /gcig chog skyabs gsum kun 'dus drin can bla
ma nyid yin/ /skyabs kun 'dus zhal bla mar snying nas gsol ba
'debs so/ /'di phyi bar do kun tu 'bral med rjes su zungs shig
/sangs rgyas kun gyi rang gzugs

bla ma'i rnam par shar nas/ /brtse bas rjes su 'dzin tshul bsams
kyin bla ma dran no/ /sangs rgyas kun gyis spangs pa'i skal chad
tha ma thag bdag la/ /ma nor lam bzang bstan tshul bsams kyin bla
ma dran no/ /rnyed dka' don che'i

rten bzang khe nyen skyid sdug 'dam ga /ma nor snying po len
'don bsams kyin bla ma dran no/ /glo bur 'chi pa'i 'jigs chen
rang gi thog tu babs nas/ /ci bya gtol med ngang tshul bsams kyin
bla ma dran no/ /tshe 'di'i phun tshogs

kun dang da lta glo bur bral nas/ /gcig pur 'gro ba'i ngang tshul
bsams kyin bla ma dran no/ /'jigs? rung dmyal ba'i me nang rang
lus rjen par lhung nas/ /bzod glags med pa'i ngang tshul bsams
kyin bla ma dran no/ /skal chad yi dwags

gnas su zas skom chu thigs med pa'i/ /sdug bsngal mngon sum
myong tshul bsams kyin bla ma dran no/ /blun rmongs dud 'gror
gyur nas shin tu mi sdug skal ngan/ /de 'dra rang thog myong
tshul bsams kyin bla ma dran no/ /nyam thag ngan

@069a @#/ /song gnas der da lta lhung la nye bas/ /'di las skyob
pa'i skyabs shig bsams kyin bla ma dran no/ /dkar nag las kyi
myong ba zhib cing phra ba'i 'jug ldog /ji bzhin lag len 'debs
tshul bsams

kyin bla ma dran no/ /mtha' med srid pa'i btson khang sdug
bsngal kun gyi 'byung khungs/ /'di las thar ba'i thabs shig
bsams kyin bla ma dran no/ /'jigs rung srid mtsho'i klong du mkha
'khyab nyam thag ma rgan/ /lhung zhing mnar ba'i

ngang tshul bsams kyin bla ma dran no/ /de phyir lam gtso gsum
dang rim gnyis zab mo'i nyams myong/ /rtsol med rgyud la skye
par bla mas byin gyis rlobs shig /shugs drag nges 'byung bsam
pas thar ba'i btsan sa zin phyir/ /

bslab gsum rtse gcig sgrub pa la brtson bar byin gyis rlobs shig
/'gro kun rang nyid gcig pus sgrol ba'i lhag bsam khur gyis/
/rin chen byang chub sems mchog 'byangs par byin gyis rlobs shig
/rlabs chen rgyal

sras spyod pa'i pha mthar bgrod pa'i snying stobs/ /rgyal ba
rgya mtsho'i rjes su 'jug par byin gyis rlobs shig /stong dang
rten 'byung snang stong gcig brogs gcig tu 'char ba'i/ /mthar
bral lta ba'i yang stse rtogs par byin

gyis rlobs shig /gzhi yi skye 'chi bar do sku gsum lam du 'khyer
ba'i/ /smin byed nyams myong myur du skye par byin gyis rlobs
shig /rlung sems dbu mar thim pa'i dga' bzhi stong bzhi'i rol
pa/ /sgyu ma'i lha sku nyid du

@069b bcar bar byin gyis rlobs shig /gzung 'dzin shun pa bud
pa'i gnyug ma'i rang zhal rjen pa/ /gnas lugs don gyi bla ma
mjal bar byin gyis rlobs shig /sgrib gnyis spres pa zad pa'i bde
chen chos sku'i klong du/ /rang dang bla ma'i

gsang gsum gcig tu byin gyis rlobs shig /mdor na byang chen bar
du snying dbus 'bral med bzhugs nas/ /pha rjes bu yis zin par
brtse bas byin gyis rlebs shig /bla ma mkhyen/ bla ma mkhyen/
bla ma mkhyen/ ces bla ma rgyal

'bod sku gsum dbyer med bla ma'i byin rlabs myur 'dren gdung
dbyangs zhes bya ba 'di yang thag ring tshab spom mda' dgon nas
dge blo bzang rab rgyas kyis rin chen gnyis pa Ta dkar sum brgya
tham pa dang bcas nan chen pos

bskul ngor pha bong kha'i sprul ming pas shar mar spel ba'i yi
ge pa ni 'dan chos 'khor dgon gyi grwa rigs blo bzang rdo rjes
bgyis pa dge legs 'phel/ zhes so/ /stag brag rdo rje 'chang chen
po bkras chos su gdan

drangs te/ ras chung gong khug tu grags pa'i tshe dbang dang/
grub rgyal lugs kyi tshe dpag med lha gcig bung gcig la brten
pa'i tshe dbang dbang bzhi byin rlabs dang 'brel ba/ 'chi med tshe
lha gsum gcig sgril gyi rjes

gnang/ sgra mi snyan byi tshe dbang rang brgyud 'chi med lcags
srog ma/ tshe dpag med zhi pa lha mang sogs kyi rjes gnang khag
/tshe dpag lha dgu'i tshe dbang bcas dang/ zur du rje bla ma nyid
sku sger nas chos rgyal nang sgrub gshin rje

@070a @#/ /rigs bzhis bskor ba'i rjes gnang bka' rgya ma nyin rer
dmigs brtse ma brgya rtsa re 'chag med zhal 'don dgos pa'i dam
bca' can rnams gsan/ 'di res rje de'i drung nas slar gsang

'dus 'jam dpal rdo rje dang/ 'jig rten dbang phyug gi bka' dbang
gsan rgyu'i snyan gsan sgron 'bul bskyangs shing/ stag brag rin
po che nor gling du phyir phebs/ skabs shig nor gling nas zhu
yig tshigs bcad ma gnang

rten bcas stsal bar de 'phral zhu lan tshigs su bcad ba zhig
kyang 'bul gnang mdzad/ de nas mi ring bar stag brag ri khrod du
ched kyis byon te dpal gsang ba 'dus pa ye shes zhabs lugs sam/
'jam dpal rdo rje

lha bcu dgu dang/ mnyam med jo bo chen po'i lugs gsang 'dus 'jig
rten dbang phyug lha bcu dgu bcas kyi dbang chen legs par gsan
cing/ de'i gtang rag yon 'bul gyi dga' ston kyang gzab 'bul
mdzad/

de gar ri khrod dge slong tshogs yongs la bsnyen bkur nyin
'khyongs thog /gnas brtan phyag mchod dang 'brel bar stag brag
rdo rje 'chang chen por zhabs sen yun du 'tsho gzhes zhu ba'i
brtan bzhugs kyi chog rgyas pa dang/

rje nyid nas tshig don phun sum tshogs pa'i maNDal bshad pa bcas
gnad du smin par bskyangs shing dngos po'i 'bul tshan gyi mchod
sprin yang rgya cher legs par gnang/ stag brag rin po ches zhu
gnang mdzad pa bzhin ma

@070b gcig grub rgyal lugs kyi tshe dbang byag bzhes rgyas pa'i
lugs ltar brab smin du 'bul gnang mdzad/ 'di dus kyi nyin snga
rting rnams su'ang bla ma sab sras yang yang lhan 'dzom gyis
dgyis ma'i gsung gling mchog tu 'phel/

de nas slar bkras chos gdan sar zhabs sor 'khod/ khams 'dan ma'i
yul gyi lha 'grul gdong phyogs de dag gi dad lngan du ma nas zhu
yig khag mang du phul ba'i bka' lan dang dris lan ci rigs shig
dang/ 'bum sgang

dgon gyi grwa thos bsam zhes par 'di ltar stsal te/ bdag phyi
nang dbugs kyi rgyu ba chad dus bla ma khyod kyis 'dren pa'i
zhal bzhes e yod gsungs pa/ mar ngan song dang yar mtho ris
thar pa sogs gang du 'gro ba rang rang

las dang 'bras bu'i snang tshul phra zhing phra ba'i rjes su 'gro
lngog byed pa las/ bla ma dang sangs rgyas byang sems sogs kyis
lag pa nas 'then pa ltar drang du ga la yod/ de yod na ston pa'i
'khor gyi lhas byin dang legs skar

sogs ngan song du ci la 'gro/ lung gis kyang grub ste/ tshoms
las/ thub rnams sdig pa chu mis mi 'khru zhing/ /'gro ba'i sdug
bsngal phyag gis mi sel la/ /nyid kyi rtogs pa gzhan la spo min
te/ /chos nyid bden pa bstan

pas grol bar mdzad/ /ces gsungs pa lta mchon na de'i phyir bla
ma dang sangs rgyas kyis rang nyid gang nas gshegs pa'i lam
bzang po ston par mdzad pa nyams su blangs pas mngon mtho dang
nges legs kyi grol ba thob
@071a @#/ /pa yin/ de lta bu'i gdams ngag gi mchog tu gyur pa ni
^rje btsun tsong kha pa chen po'i snyan brgyud mdo sngags yongs
rdzogs kyi lam gyi rim pa nyid yin pas 'di la 'bad pa ci thon
gyis nyams

su blangs na/ de las lhag pa'i gdams ngag nyams su blang bya
sangs rgyas kyi zhing rab 'byams su btsal yang mi rnyed cing/
'chi ka'i gdams ngag kyang 'di las lhag pa med/ gzhan du chos
skad 'brug ltar sgrog pa'i

gdams ngag 'ur che ba mang yang/ don lag tu 'gel dus ha log pa
ches shin tu mang bas/ des na byang chub lam gyi rim pa nyid la
dpyad 'jog zung du 'brel ba'i nyams len gang nus mdzod/ lam rim
gyi yig cha

myur lam dmar khrid/ 'jam dpal zhal lung/ drang srong zhal lung/
kwe'u tshang lam rim/ tshe gling yongs 'dzin rin po che'i gsung
blo sbyong sogs go bde bas der dpe cha yod shag /'di nas skyes
bu chung ngu'i zin

bris shig bskur yod/ ces pa dang/ yang de ga'i grwa don grub
sbyin pa dang/ ngag dbang rnam rgyal/ 'jigs med blo gros/ sbyin
pa bstan 'dzin/ 'jam dpal dga' ba bcas la stsal ba/ dgon du
gsang 'dus sgrub

mchod dang/ dbyar gnas/ lam rim gsum gang rung zhig 'dzug rgyur
las skal gang bzang gsungs pa'i don/ khyed lnga nas mi chung
bsam che bstan pa'i khur chen 'degs pa'i lhag bsam bzang po de
lhag ma mchis shing/  

@071b gsang 'dus kyi sgrub mchod cha tshang tshugs kyang zab mo
rdo rje'i tshig tsam zlos pa'i phan yon dpag med mchis pa tsam
las/ don gyi nyams len rgyud thog khel dka' bas dang skabs dge
ldan dgon sde phal mo cher gsang bde

'jigs gsum gyi cho ga yod pa ches mang yang phal cher tshig tsam
lhur len gzugs brnyan tsam las bstan par dgos nus che ba shin tu
dkon zhing/ dbyar gnas 'dus mngas nas tshugs rgyu yang spyir gyi
rgyal ba'i bstan pa'i rtsa

bso thar gyi gzhi gsum yar rgyas su spel ba'i bstan pa'i mig
rgyan du che nges kyang/ phyi'i kun spyod rnam par dag pa tsam
las/ rgyud thog tu 'gel ba'i nyams len la phan dka' zhing/ ltag
par bstan pa spyi khyab kyi

srol tsam las/ dge ldan thun mong ma yin pa'i bstan pa'i srog
rtsar sman rlabs che ba ma mchis/ des na byang chub lam gyi rim
pa'i bshad nyan bsam sgom gyi rgyun zhig tshugs thub na tshig tsam
gzugs brnyan lhur

len ma yin pa'i 'go bshes gnyen bsten tshul nas mjug mi slob pa'i
zung 'jug gi bar mdo sngags bstan pa yongs rdzogs kyi rtogs pa'i
nyams myong khyad par can rgyud thog khel ba'i don brgyud rtogs
pa'i bstan pa'i snying

po 'phel zhing rgyas par 'gyur bas/ spyi sgos bstan 'gror gang
phan thog rang rang gi don gnyis dang bcas par dgos nus phan
slebs rlabs che de lhag ma mchis pa ma zad/ don tshan gong ma
gnyis po yang cha lag tsam du zhor

@072a @#/ /la 'byung bar 'gyur ba dang/ de lta'i rtogs pa'i nyams
myong rgyud la skyes pa lta ci/ tshig gi go myong khyad par can
tsam yod pa'i gang zag re re tsam gyis kyang rang rang yul grur
sgron me spar ba

lta bur chos kyi snang bskyed pa mngon sum tshad mas grub cing/
gzhan du lung tsam skyabs su bzung ba las/ dkon mchog gsum gyi
mtshan gzhi tsam yang shes par dka' ba'i gzugs brnyan kho nar
spyod pa bcas/ de

ltar skyon yon dgos nus rnams legs par bsams te tshang mas 'bad
pa ci nus kyis byang chub lam gyi rim pa'i bshad sgrub kyi rgyun
zhig tshugs ci thub la 'bad na de lhag bstan pa'i bya ba ma mchis
pas de lugs

lhag bsam hur 'bungs mdzod/ 'on kyang chos zab sar bdud kyang
zab pa'i dpe ltar bar chad kyi mtshan ma'ang ci rigs 'byung nges
la/ de dag rmeg med zhi phyir brgyad stong dag sgrog gang mang/
mgon chos kyi bskang

bshags dang 'brel ba'i drug cu ma grangs mang/ mthu ldan bstan
srung chen po'i bskang tshogs stong tshar/ mchod sprin rgyas spro
dang 'brel ba'i gnas brtan phyag mchod gang rgyas/ bla mchod
dang 'brel ba'i tshogs mchod/

dga' lha dang 'brel ba'i dmigs brtse ma gang mang bcas bsgrub na
lhag par bzang/ zhes 'khod pa'i bka' yig bcas stsal/ spo bo nas
bshad sgra'i sku ngo dpal 'byor bsod nams rab brtan gyis phul
ba'i zhu

@072b yig gi bka' lan dang/ zur du dur khrod bzo lugs kyi yi ge/
skabs shig yi dam spyi la sbyor du rung ba'i sri mnan gyi cho ga
mdor bsdus shig bcas ljags rtsom mdzad/ hor zla bdun pa'i nang
skor bzhi sde tA zur

lha ldan du bzhugs skabs shig tu tho rengs snga bar dge sbyor la
'bad pa'i dus mdun du rgyal chen shugs ldan khog zhugs kyi grwa
ba zhig yin snyam shar pa lta bus skad gsangs mthon po'i sgo
nas/ dgu rdzogs gnam

gang yin dA/ zhes pa zhig lan gnyis su bzlas te gsal por smras
pa byung/ tA zur nas de ma thag de ring rdo rje 'chang gi mdun
du ched bcar gyis 'di skor ji 'dra yin 'phral du zhu dgos snyam
du de'i nyin snga char ched bskyod

kyis bkra shis chos gling du phebs nas rje bla ma mchog la de'i
skor zhib tu zhus par/ rje nyid nas da lta 'di yin gyi kha mtshon
gcod dka' yang slad du brtag dpyad bya dgos zhes gong du tA zur
la ji ltar byung ba'i tshul rnams

zla tshes gsal 'khod kyi bsnyel thor phyag bris su 'debs par
mdzad/ kun gzigs paN chen thams cad mkhyen pas bod ljongs don
gcod bkas mngags mi sna ched stsal gdong rje bla ma mchog la
bka' yig stsal bar/

bstan pa'i rtsa lag pha bong kha sprul pa'i sku rin po cher/
deng yang/ ring goms thugs bskyed kyi mkha' la tshes pa sku 'tsho
rta bdun bdag po'i dkyil 'khor gsal zhing/ gzhan phan chos ldan
mdzad bzang gi snang ba 'gyed bzhin

@073a @#/ /par yod pa gzhir bcas legs tshogs kyi dpal du gyur/
ngos kyang 'du ba snyoms shing/ ris med mtha' dbus bstan 'gror
'phral yun phan bde spel ba'i lhag bsam gyi 'dun pa'i lhod par

mchis/ nye lam ^gong sa mkhan chen thams cad mkhyen par sku'i
mtshams zhu dang sbrags legs che'i skyabs gsol zhu bar da lam mi
sna ched mngags byas pa ma zad/ mi ring bar ngos rang yang bod
ljongs su phyir bskyod bya

'dun ltar yid smon legs tshogs su 'grub pa'i dam pa mchog nas
kyang mchog gsum la bden bskul gsol 'debs yod pa nas/ slar yang/
yongs kyi phan bde'i gzhi rtsa sku 'tsho yun brling gi 'phrod
skyong dang/ dus mthar

rgyal bstan gyi sri zhur che ba'i thugs bskyed kyi dam bca' zhar
yang lhod med nas/ shis pa dge ba'i gsung 'os kyang ganggA'i
klung rgyun bzhin 'jo ba 'tshal/ zhes/ rten kha btags/ bzang gos
khu ston ser po yug bcas/ chu sprel zla ba bcu gnyis

pa'i tshes lnga dge bar/ zhes dmar tham grub bzhi sor phyed gsum
pa dbus su pad zla'i steng rnam bcu dbang ldan gyi g.yas g.yon
gnyis kar maM ga laM brtsegs mas spras pa dang/ zhal yig tu ^
bstan pa'i gsal byed pha bong kha sprul pa'i sku rin po cher/
zhes dang

dmar tham sgor mo dung dkar g.yas 'khyil spras pa dgyes phebs
kyi zhu lan yang 'phral 'bul mdzad/ brag g.yab rtogs ldan 'jam
blos zhu yig phul ba'i bka' lan/ mang thos pa dan lhab lhub
g.yo ba'i rlabs/ /mnyam gzhag yu ba brtan por legs bcings pa'i/
/tog tu

@073b spangs rtogs nor bu'i 'od 'bar ba/ /sgrub brgyud bstan
pa'i rgyal mtshan gang de'i drung/ /ring na gnas kyang mdza' bas
nye ba yis/ /sku dang zhal dkyil mngon sum ji bzhin du/ /yid
mtshor 'gog pa med pa'i dga' ston gyi/ /smra ba'i

'dab mi grol 'dir dgyes dgur rol/ /'gro 'di'i bsod nams gser
ldan sgeg mo'i stor/ /gang gi thugs bskyed sa bon gyis bskrun
pa'i/ /bstan dang 'gro ba'i sman yon mchog gi mchog /khyod sku'i
dpag bsam g.yo med rab

brtan cing/ /mkhas shing grub pa'i yal 'dab rgyas pa'i rtser/
/smin pa'i zab rgyas chos kyi 'bras bzang gi/ /dga' ston mtha'
yas 'gro la 'grems pa yi/ /bskal bzangs 'dir dog por byas sam
snyam/ /mi smad khyod kyi gsang

gsum ngo mtshar gtam/ /yang yang rna ba'i bcud du thob pa'i mod/
/snying la rab dga' rgyas pa'i dpal yon 'di/ /lhan skyes mchog
gi dga' bas mtshon nus min/ /'di na ngos kyang 'tsho khams lang
tsho'i khur/ /gcong dang lci bas

non kyang mtshungs 'jug gi/ /reg pa ring du btang ba'i rtag brtan
gyi/ /'chi med zil dngar snying du 'dzin bzhin lags/ /snyigs
lnga'i rtsub 'gyur bdo ba dge sbyor grogs/ /'gal rkyen mthun
rkyen sdug bsngal bde ba'i rgyan/ /bar

gcod dngos grub nyid du khyer ba yi/ /grong khyer skyid pa'i
'byung gnas nyid na gnas/ /nyin bzhin blo bzang snyan brgyud zab
mo la/ /dpyad 'jog bsam sgom gnad du bsnun pa yis/ /skal bzang
tshangs dbang 'khor sgyur la med pa'i/ /

@074a @#/ /dga' ston nyin mtshan ngoms med spyod bzhin legs/
/snying nas don gnyer thar 'dod skal bzang gi/ /nyung ngu'i slob
tshogs blo bzang snyan brgyud kyis/ /skyong ba'i smra ba'i mgrin
pa'ang chad med

du/ /lhag bsam zla ba'i spun zlas 'degs bzhin gnas/ /rtse gcig
sems dpa' 'chad pa'i spro dga' las/ /'di snang bya bas yid sun
mi dgos pa'i/ /khur len mdzod pa 'phrin las dar rgyas kyis/
/gzhon nu 'od kyi ngang

tshul 'dzin bzhin lags/ /mtshams zhus/ bar 'dir skabs don bris/
slar yang tshigs su bcad pas gsol ba/ mi bzad snyigs lnga'i mun
smug stug por 'khrigs/ /brlang por spyod pa'i ro lang khyu tshogs
rgyu/ /tshul

bzhin spyod rnams tsU ta'i rkang gnyis ltar/ /blo bzang ring
lugs zungs zad nad pa bzhin/ /dus kyi rgud pa mtsho ltar rdol ba
yis/ /mtha' dag dmyal ba'i me nang rings stabs su/ /lcebs pa'i
ngang tshul kye ma 'on kyang ni/ /  

sems dpa' che rnams snying stobs 'bar ba'i grogs/ /de phyir
khyod kyang snyigs lnga'i yo lang ni/ /rnam 'gyur gang la'ang
thugs yid mi 'byung bar/ /sku tshe mi shigs tshe mtha' yas pa'i
ngor/ /rtag brtan 'di ni do gal gtso

bor mdzod/ /dgar min dpung pa brtsegs pa'i chu khur gyis/ /thub
bstan nyin phyed 'grib la mngon phyogs pa/ /khyod kyi bden tshig
rdo rje'i 'thor rlung gis/ /ming gi lhag mar byed pa'i thugs
bskyed mdzod/ /bshad sgrub zung

@074b du 'brel ba'i ba gam gyi/ /gang ba nye bar brtsegs pa'i
bdud rtsi'i rlabs/ /zab dang rgya cher grol bas mtha' yas
'gro'i/ /snying la zhi bsil dga' ston mchog sbyin mdzod/ /khyod
thugs padma dkar po'i gur khang las/ /skyugs

ba'i snyan brgyud sbrang rtsis myos pa yi/ /nyams rtogs lus
rtsal rdzogs pa'i b+hra ma raHI/ /'khur lding dben pa'i ri sul
kun 'geng mdzod/ /ngos kyang ring por 'tsho zhing chos ldan gyi/
/bsam sbyor yid la smon bzhin 'grub pa

dang/ /snying la sim pa'i dpal ster gsung 'phrin kyang/ /yang
yang ganggA'i rgyun bzhin stsol ba mkhyen/ /nyid kyi sku tshe
mdzad 'phrin rgyas pa dang/ /bzhed don 'bad med 'grub pa'i
skyabs dmigs kyis/ /bsrung ba'i gur khang

nyin bzhin lhod med du/ /zhus dang zhu mus da dung lhod med zhu/
/zhes zhu yig 'degs mtshon rab dkar lha reg a she X bcas/ dben
gnas bkra shis chos gling nas/ pha bong kha'i sprul ming pas chu
bya zla tshes bzang por

phul/ ces pa 'di nyid 'phral mar gnang/ dad ldan 'ga' res bskul
ma zhus ba ltar 'bras nyag re'i dge bshes chen po bkra shis rnam
rgyal gyi gsol 'debs dang/ rgyal rong lcog tse rgyal po dang/
btsan lha

rgyal po sogs kyi zhu yig khag la bka' lan dang 'phral yun dge
ba'i slob ston/ skyes lan gzab 'bul bcas lugs dang mthun pa'i
sgo nas kun gyi yid tshim par bskyangs shing/ mdo smad 'dan ma'i
yul sogs

@075a @#/ /nas mda' dpon mtsho sgo ba dang/ rgyal thang dpon blo
bzang nyi ma/ rong thang steng pa lding skal bzang tshe ring dang
bu rdo rje rnam rgyal/ dge bsnyen rdo rje rab brtan sogs nas lo
re bzhin zhu yig star chags

su phul bar skabs de dang de'i bka' lan dang/ rang rang gi babs
bstun gnang skyes sogs kyang gzab par stsal/ dge bsnyen rdo rab
nas rang yul du ma Ni'i 'khor chen dang che lha'i stong sku sogs
bzhengs tshul skor

tshigs bcad ma'i zhu yig phul ba'i bka' lan du/ dad dang lhag
bsam rtsa ba rdoO rjeO ltar/ /rabO tu brtanO pa blo gros yal
ga'i khyon/ /sde bzhi'i 'bras bzang g.yur du dud pa yi/ /skye
dgu'i bsten 'os dpag bsam dbang

po'i drung/ /dge legs me tog gsar pa'i do shal gyis/ /dpyod ldan
khyod mgrin dog por bgyid pa'i slad/ /rgyal dang shis par spel
ba'i bden tshig glu/ /drang srong ngag gi rol mo 'khrol 'dir
dgongs/ /bsngags

'os yon tan yal 'dab brtsegs pa'i spor/ /don gnyis 'bras bzang
'phyang 'phrul g.yur dud pa/ /khyod sku'i dpag bsam mtha' yas
skye rgu yi/ /bsten 'os ngo mtshar dga' ston rab brtan cing/
/khyim na gnas kyang

chos bzhin spyod pa yi/ /rnam dkar dri bsung khong nas 'dzum pa
dang/ /chabs cig dge legs rin chen 'dod dgu'i char/ /'phral yun
phan bde'i dpal du 'bebs bzhin nas/ /'dir yang dad gus rang
gzugs swasti'i

@075b dbyangs/ /tshigs su bcad pa'i nyams 'gyur gyis sgeg pa/
/bshes gnyen zhing gi mchog tu bkur ba yi/ /bdog pa'i gnang
skyes gya nom maNDal/ /stong khun bzo bo'i sor rtses legs bskrun
pa'i/ /bkrol dang gser

rtsi mig gi bdud rtsi lta'i/ /phyogs 'dir rnyed dka'i gsol lcog
che legs zung/ /bcud ldan gsol 'bras bu la ho thu'u dang/ /rgya
ja me tog ming ldan sbrang rtsi bcas/ /rab dkar lha yi rig byas
sna drangs te/ /ched

du bstabs pa nyams med son pa'i mod/ /snying la bdud rtsi'i dga'
ston ci yang rgyas/ /dga' ba'i ca co dag gi rol mor 'khrol/
/khyod zhal zla ba yid mtsho'i dpal du sim/ /bsod nams yon du
grub gnyis nor bu'i

dbya/ /sbyin pa'i mthun 'gyur 'bod la rings par gyur/ /'di na
nyer len srid pa'i 'phrul 'khor rgyun/ /'di snang sgyu ma'i
brdzu bag ma zhig tsam/ /blo bzang stan brgyud spyod pa'i skal
bzang 'di/ /bsod nams bye ba'i

snying por rlom bzhin gnas/ /mtshams gsol/ /dad dang gtong ba
lhag bsam rnams/ /rtse dga' 'gran pa'i legs byas ris/ /yig drug
dung khyur chos kyi dbyangs/ /rgyun mi chad du 'khor ba'i
'phrul/ /gangs

can chos kyi skal ba gcig /mngon par mtho ba'i rnam dkar dang/
/tshe mtha' yas pa'i snang brnyan ris/ /stong phrag 'chi med dpal
yon sogs/ /rten dang brten pa'i bkod pa dag /bsod nams dpal du
legs
@076a @#/ /bzhengs nas/ /bgrang bya'i phreng ba ji srid bar/
/chos dbyangs ma Ni bye chen re/ /chag med sgrog pa'i chos rgyun
bcas/ /rang gzhan mtho ris thar ba'i lam/ /yangs por sgrub pa'i
legs

mdzad la/ /ngos kyang yid rangs e ma hoH/ /ngos nas yi dam
dbyer med lhag gnas kyi/ /su pra ti ShTha'i me tog 'thor ba
dang/ /ji snyed 'brel thogs phyag na padmo yi/ /thugs rje'i
dbyangs thag dam pos 'khyud

par smon/ /slad mar yang/ yid bzhin nor bu 'bum gyis rin bcal
yang/ /rnyed min rnyed dkas don che'i dal 'byor sku/ /'chi med
g.yung drung dwangs mar sgrub pa yi/ /do gal 'di ni gtan bde'i
srog tu

zungs/ /tshangs dbang 'khor bsgyur sar gnas sems dpas kyang/
/rnyed min blo bzang snyan brgyud bdud rtsi'i dpyid/ /nyin bzhin
thos dang bsam dang sgom pa yis/ /spyod pa'i skal bzang 'di la
brtson par mdzod//

rnal 'byor ma rgyud bye chen bcu drug gi/ /snying gi khrag thigs
rdo rje btsun mo yi/ /gzhi bsnyen rim gnyis zab mo'i rnal 'byor
gyis/ /phyi nang mkha' spyod tshe 'dir 'gugs par mdzod/ /sku tshe
brten cing bzhed don 'grub

pa yi/ /smon 'dun shugs drag ngos nas lhod med zhu/ /'gal rkyen
bzlog cing mthun rkyen 'grub pa yi/ /thabs tshul cho ga nam yang
lhod med 'tshal/ /zhes pa'i dbyangs kyi phreng ba gzigs rten lha
reg dang sngags

@076b mdud/ rgya bal bod gsum gyi sku gdung ring bsrel sogs
dang/ rin chen sna tshogs sbyar ba'i spyan ras gzigs kyi sku/
rnal 'byor ma'i bsam mi khyab kyi dpe chung/ ngos kyis yun rim
spyon pa'i stod 'gag 'bul

tshang/ mgo skyes phran bu/ de bzhin gshegs pa'i ring bsrel rdog
bdun/ gro mo'i ril bu rdog nyer gcig bcas pha bong kha'i sprul
ming pas zla tshes bzang por phul/ zhes bstsal/ hor zla bcu ba'i
nang kod

po bkra shis rab brtan nas yongs 'dzin dge bshes dang bla brang
bcas kyis bkras rab mchog sprul zhi bar gshegs pa'i dgongs
rdzogs skyabs zhu 'byor ba'i gsung lan dang/ yongs 'dzin nas
bskul ba bzhin/

mchog sprul myur gsal gyi gsol 'debs kyang bka' rtsom gnang/ zla
ba de ga'i gnam gang nyin 7gong sa rgyal ba'i dbang po mchog
dgongs pa chos dbyings su mnal tshul bzhes pas sngar bzhi sde tA
zur

la chos skyong shugs ldan gyis gsung ba'i nyams snang lta bur/
dgu rdzogs gnam gang yin zer ba'ang 'di skabs gsal por ngo
'phrod pa'i thugs nges 'drongs pa byung ste/ zla ba dgu pa
rdzogs nas bcu pa'i

gnam gang gi nyin 7gong sa chen po sku 'da' tshul bzhes pa'i dus
yin bya rgyur 'dug gsungs/ 7rgyal dbang thams cad mkhyen pa sku
zhi bar gshegs rjes mtshan zhabs stag brag rin po che sogs nas
sku

@077a @#/ /gdung rin po che ril por bzhugs rgyu'i zhabs 'degs zhu
lugs skor ji 'dra dgos tshul rje bla ma nyid la phyag sam gyi
steng nas bka' 'dri zhus 'dug par sku gdung zhabs 'degs sgrub

tshul phyag bzhes man ngag gsal 'khod kyi dris lan kyang phral
'bul mdzad/ de nas ring min zhig tu bod ljongs tshogs 'du rgyas
'dzoms spyi tshogs nas rnam 'dren rgyal ba'i dbang po'i 7rgyal
tshab srid skyong

gsar bsko bya rgyu'i skor la nyin grangs du ma'i ring bka' gros
zhib bsdur mdzad par/ kha cig gis rwa sgreng ho thog thu/ la las
phur lcog sprul sku/ 'ga' zhig gis dga' ldan khri rin po che mi
nyag a mes zhu ba

srid skyong 'os zer ba sogs sna tshogs gleng zhing/ sku drag skya
bo'i rigs 'ga' res sngar phan chad bod kyi rgyal po rnams ser mo
ba'i rigs sha stag gis byas shing/ da nas skya ser res mos su
byed pa 'os su che

zer ba'ang byung/ bka' blon dang drung rtsis sogs gtso che ba
bsam yod 'ga' res shin tu gsang ba'i nang gros su/ da res bod
kyi rgyal por chos srid gnyis ka'i mkhyen dgongs brab brling
gang ci nas 'gran zla ma

mchis pa skyabs rje pha bong kha rin po che byung na/ de las 'os
babs che ba mi 'dug kyang/ khong rgyal ba'i bstan pa'i thugs
khur rlabs chen po bsnams te chos kho na'i mdzad pa bzang po
bskyangs mus yin stabs/ thog

@077b mar bod kyi rgyal po gnang rgyu dgongs par 'bab mi 'bab
gsang ba'i tshod nyul rang ga'i gsung 'phros zhu ba'i zol gyi
bka' 'dri zhu dgos/ dgongs par ma babs na u tshugs zhu mi phod/
dgongs par babs pa'i bzo thon

tshe nga tshos dngos su khyab gdal gyi nus rtsal 'don pa las sla
zhes kha 'chams te/ rje bla ma mchog dang sngar nas thugs nang
dge zhing 'jig rten mkhyen rlabs phul gyur dmag spyi'i drung zur
skal bzang zhes pa bkra shis

chos gling du yang yang btang ba/ drung skal rje nyid kyi mdun
du 'char can mjal kha yin zol gyis bcar te/ da lta bod kyi rgyal
po gtan ma khel tshul dang/ de ltar 'os pa yang cher med lugs
sogs ci rigs zhus shing/

skabs 'gar nga tsho'i bsam 'dod ltar byung tshe deng sang bod kyi
rgyal por 'os pa skyabs mchog rdo rje 'chang nyid las mi 'dug
na/ rje bla ma nyid kyis bod kyi rgyal po mdzad grub pa zhig
byung tshe bstan 'gro spyi bye mtha' dag

la phan rlabs gzhan pa bas che ba mngon sum mthong chos su 'ong
rgyu red/ ces sogs thabs mkhas pa'i sgo nas yang yang zhus par/
'o de 'dra'i rgyal po byed pa bas btson khang du sdod dgos pa
byung yang nge legs tshul

sogs 'jig rten 'di ba'i che btsan gyi khe grags stobs 'byor la
dug sbrul gyi tshang ltar gzigs pa'i gsung sgo gtsang ma thag
chod pa mang po phebs pas de nas bzung rgyal po'i re ba byed pa
ma byung zhing/ 'di skor mdo

@078a @#/ /tsam rnam thar don bsdus su 'og nas kyang 'chad par
'gyur la/ slar drung zur nas de skabs dgos dbang gis g.yo thabs
zhu mkhas de 'dra zhu dgos byung tshul sogs snga ma'i phyung yugs

zhib cha dang bcas nongs bshags kyang phul 'dug /de rjes shig tu
kho bo cag la zhal kyal gyi rnam pas 'di ltar stsal te/ nga la
sku drag chen po du mas bod kyi rgyal po byed pa'i re ba mang po
byas snang yang/ ngas de

'dra'i sdig pa dang sdug bsngal gyi rgyal po mi byed/ gal te
byed dgos na chos srid gnyis char nas zhib gcod chen po khag
gnyis 'dzugs/ de 'dzugs lugs ji 'dra byed snyam na/ chos kyi
skor nas sa bka' rnying

ma dge lugs sogs nang pa'i chos lags mang du yod pa da lta dus
dbang gis phal cher nyams te grub mtha' rang rang gi rkang ma
zin par gzhan ma rnams zad nyu rengs phar bsnan tshur bsnan dang/
brnyan g.yar

brku thabs tshun byed dgos pa'i 'u thug po de 'dra byas mi chog
par/ grub mtha' so so'i thog ma'i srol 'dzug pa po'i dgongs pa
ltar gyi gzhung lugs man ngag mkhyen pa'i mkhas grub gang rnyed
hrag brdzus kyis

sngar yod dgon gnas sgrub sde so sor chos 'byor gnyis ga'i rang
tsho zin thabs brtan po yong ba'i dag ther mthil phyin pa zhig
dang/ srid kyi sgo nas bod dang thag nye 'brel mtshungs kyi rgyal
khab khag la mthun gshes thabs

@078b shes gang zab thog /mnga' zhabs kyi mi ser 'khos zhan nyam
thag mtha' yas ba zhig yod pa rnams la nyams zhib dang bde rtsar
phan thabs lhur len pa'i mtha' dbus kyis gnas so sor las khungs
gsar 'jugs byed pa

sogs bya ba 'gangs can mang po zhig byar yod pa yin/ zhes gsung
ba zhig dang/ zher du nga tsho chos dang 'dris brags pa rnams
kyis chos gtam mang po shod kyang chos kyi rlus zos pa tshun la
'jom bag dgos pa'i dogs

btsam yang mi byed pa ha cang gi tha chad po yin tshul sogs bdag
lta bu'i chos dred mkhan rnams la 'doms pa'i slob ston kyang
mang du stsal/ 'bras spungs blo gling rgyal rong ba'i gsab smra
ba blo bzang smon lam sogs dad

'dun can mang po'i ngor khrid yig dngos grub kun 'byung gi steng
nas dga' ldan lha brgya ma'i bshad khrid rgyas pa nyin bdun gyi
ring dang/ gzhan 'ga' la paN chen chos rgyan gyi gsung gi snyeng
nas bsam gtan nyal sgom gyi

khrid/ bkra shis tshe ring ma'i srog gtad/ rje nyid kyi gsung gi
steng nas bsam gtan nyal sgom gyi bka' khrid mdor bsdus/ mtsho
sgo ba'i lcam nas zhus pa bzhin khrid zhag nyin bdun du mdzad de
rje dngul chu ba'i khrid yig

ltar rdo rje rnal 'byor ma'i bskyed rdzogs kyi nyams khrid dbang
bzhi'i lam sgrig dang bcas pa rgyas par stsal cing/ ser byes
gnyer zur zhabs sdod ngag dbang bzod pas zhus ngor dngul chu
dbyang can gyi gsung rdo rje rnal 'byor

@079a @#/ /ma'i smon lam gyi 'grel ba lha'i rnga dbyangs zhes
pa'i bar byang smon tshig sogs kyang bka' rtsom mdzad do/ /gzhan
yang phyogs mtha' skyabs zhu du ma'i yig lan gyi gsung shog mang
du gnang

zhing/ skabs 'gar/ yig bskur rnam gzhag sogs nas yi ge bsring
yul rang dang mtho mnyam dman pa'i bye brag gis 'beb dang/ drung
zhu/ gus 'dud/ phul yig sogs 'os mi 'os kyi yi ge'i thob thang
gi rim

pa mang du bshad kyang/ nga tsho ri khrod par lar lar rgya 'chor
rgyu ci yang med pas yig bskur gyi rigs la ha cang dman pa'i yul
'jig rten tha snyad la 'brel mi chags pa dang/ kho rang gi blor
mi 'bab pa 'ga' zhig

dmigs bsal tsam las spyir btang phal cher la gus 'dud dang phul
byang sogs babs bstun du nges par 'bri 'os te/ zhi ba lhas/
rgyal la gus bya de bzhin du/ /sems can la min ci yi tshul/ /zhes
pa dang/ sems

can mgu bya ma gtogs pa'i/ /rgyal ba dgyes pa'i thabs gzhan med/
/ces dang/ gang zag gis gang zag gi tshod gzung bar mi bya ste/
nyams par 'gyur ta re/ zhes sogs kyi rigs mtshungs yi ge la'ang
ci'i khyir mi

'byor/ ces kho bo cag la lan kha yar phebs pa yang 'brom rgyal
ba'i 'byung gnas kyi mdzad pa phyag bzhes su bstar ba'i rnam par
thar ba mchog tu ngo mtshar ba'i gnas shig yin par mngon no/
/dgung grangs nga bdun

@079b du phebs pa shing khyi lo'i dgung gsar gyi mdzad sgo/ mjal
kha sogs bkras chos su sngar mus ltar gnang zhing/ cho 'phrul
smon lam gyi skabs kyang lha sar phebs te bla brang gi lo re'i
smon lam tshogs pa'i bsnyen bkur

nyin khyams re'i gseng yangs nas tshogs mjal dang thugs smon
gnang ba sogs sngar lam ltar mdzad/ gzhung sa'i zhabs rim du
tshogs mchod bye ba grangs gsog gnang rgyur zhabs 'phar do dam
rtse drung nas zhus ngor

bla mchod kyi sgo nas tshogs grangs gsog bya tshul mdor bsdus bka'
rtsom thog /nyin nyi shu tsam gyi ring dpal lha lcog tu rme ru
phun tshogs gling gi chog gra'i dge 'dun rnams kyi tshogs dbur
byon te bla mchod tshogs

grangs gsog dang 'brel bar gangs ljongs bstan 'gro spyi bye'i
phan bde gegs med 'grub pa'i gsungs cho ga dang thugs dmigs
shugs drag la rgyun ring bar zab gnang bskyangs/ de nas bkras
chos su phebs nas

ri khrod kyi spong ba pa nags shod dge slong ngag dbang blo
bzang gis zhus pa ltar drug cu pa'i 'don chog zhig kyang ljags
sgrig gnang/ a mang dgon lung sprul sku nas ras 'phrul snang
gtsug lag khang gi sgo mchor

steng gser zangs kyi rgyal mtshan zung 'dzugs rgyu'i rgyal mtshan
ya gcig gi 'dod gsol lcang skya mchog sprul la zhus yod 'dug
cing/ ya gcig gi 'dod gsol rje bla ma nyid la bka' rtsom dgos
tshul zhus pa ltar

@080a @#/ /da res mdo smad kyi lcang skya dang/ bod dbus kyi
lcang skya gnyis rtsom pa su bzang 'gran bsdur byed pa lta bu
byung zhes zhal kyal gyi tshul du phebs te 'dod gsol smon tshig
kyang ljags/

rtsom mdzad/ lha sa'i tshogs mchod kyi dus mchod skabs gzhung
sa'i bka' 'brel ltar rje nyid 'phrul snang gand+ho la'i bla brang
steng gi gzim chung du phebs te nyin lnga'i ring de ga'i rgyal
mtshan zung gi gzungs sgrub sogs

kyi skor 'phags ma gdugs dkar mo can gyi sgo nas rgyal mtshan
sgrub chog sbyor dngos rjes gtsang gnad du smin par bskyangs
shing 'dod gsol smon byang sogs kyang bka' rtsom gnang/ rgyal
mtshan 'dzugs nyin gyi

gsung chog skabs rab gnas shis brjod mdzad pa'i phyag 'bru'i me
tog 'thor ba sar babs pa phal cher 'khor lo/ padma/ gdugs/ rgyal
mtshan sogs kyi ri mo'i rnam pa shin tu gsal pa chab mdo drung
yig zhal

snga nas thub bstan gsung rab dang/ kho bo cag sogs der 'khod pa
yongs kyi mthun snang du gyur te dpyod ldan du mas ha cang ngo
mtshar ba'i gnas su 'dzin pa'ang byung ngo/ /der zhabs 'phar do
dam rtse drung nas sri zhu gus

'dud bsnyen bkur gyi rten 'byung mchog tu shis par spros/ slar
bkras chos su phyir phebs nas brag ri mchog sprul rin po ches
zhus ngor de dus kyi dbang drag khang du rje nyid kyi bka' 'bum
gsung spar sngon 'khod

@080b gras nas bla ma'i rnal 'byor gyi skor dang/ gsang 'dus kyi
sgrub thabs mdor bsdus/ shamb+ha la'i 'pho ba/ dam pa gzhan gyi
myur byon dang/ zhabs brtan gsol 'debs kyi skor/ dam can rdor
legs kyi bsur mchod/

par byang smon tshig gi skor/ sgra mi snyan gyi tshe sgrub 'don
cho ga sogs kyi ljags lung dang/ dga' ldan gser bzang sprul sku
thub bstan mgon po dang/ sbyin bdag shar gyi dge bshes snyan
grags gnyis kyi ngor

'bras go bo dge bshes blo bzang don ldan pa'i zhabs brtan gsol
'debs/ 'jang tsha tshong dbon dge legs nas zhus pa bzhin a lag
'jigs med bsam gtan sogs kyi gsung 'jigs byed dpa' gcig gi
bsnyen

chen chos skor lha ldan rgyud smad spar ma par gzhi gsar bskrun
bya rgyu'i dkar chag spar byung dang bcas pa rnams thugs rtsom
mdzad/ gzim bshad sgra'i rje btsun mas sngon dus shig nas gsol
ba btab par zhal bzhes

dgyes stsal grub pa bzhin/ chos 'khor stsal ba'i ring bzhugs
mtsher lha ldan rme ru'i shar rgyud tU bla ma'i gzim shag tu
mdzad de/ zla ba gsum pa'i tshes gcig nas zla ba bzhi ba'i tshes
bzhi'i bar lha ldan rme ru phun

tshogs nor bu'i gling du gdan sa chen po gsum dang rgyud grwa
rnam gnyis sogs nas bod dang bod chen po'i bla sprul mang po
dang/ sog po no mon han dang/ 'go log bla ma 'jam rol rin po che
sogs mkhas pa'i tshogs dang
@081a @#/ /rigs par smra ba du ma/ gzhung sa'i sku drag sogs ser
skya 'dus tshogs nyis stong tsam la/ rgyal ba tsong kha pa chen
po'i gsung lam rim nyams mgur bsdus don dang/ rgyal dbang bsod
nams

rgya mtshos mdzad pa'i lam rim gser zhun ma gnyis kyi bshad
khrid/ paN chen blo bzang ye shes kyi gsung myur lam dang/ rje
nyid kyi gsung lam rim bde myur gyi sa bcad rje btsun bla ma'i
zhal lung bcas sbrags pa'i

nyams khrid/ de'i zhar du sbyor chos skal bzang mgrin rgyan
dang/ skyes bu chen po'i bdag gzhan mnyam brje'i skabs blo
sbyong don bdun ma sbrags pa bcas kyi bshad lung/ gzhan yang
theg chen gso sbyong gi cho

ga /rgyal ba bskal bzang gi gsung thugs rje chen po'i gsol 'debs
phan bde'i char 'bebs/ yongs 'dzin ye shes rgyal mtshan gyi gsung
blo sbyong don bdun ma'i brgyud 'debs dang smon lam blo sbyong
bdud

rtsi'i snying po las zur du phyung ba/ rje nyid kyi gsung bla
mchod kyi tshogs grangs gsog bya tshul bcas kyi bklags lung/ mjug
tu rgyal sras zhi ba lha'i lugs kyi sems bskyed mchod pa dang
bcas pa dam pa'i phyag

bzhes ma nyams par zab bshad bcas zhib cing rgyas par stsal/ lam
khrid kyi spyin bdag rje btsun ma nas thog mtha' bar gsum gyi
bsnyen bkur mang 'gyed/ sku yon rnams rgyas par spros shing/ zur
du sku sger rwa sgreng

@081b bla brang sogs bka' chos tshogs par bsnyen bkur zhu mi
gzhan yang chos mang ba byung/ 'di skabs bla ma 'jam rol rin po
ches rje nyid kyi sku che ba'i yon tan la bsngags pa dad pa'i
gzegs ma zhes pa brtsams te bstod pa

phul ba ni 'di ltar/ byamsO paO byams mgon nyid dang dbyer med
pa'i/ /bstanO 'dzinO bstan 'dzin bye ba'i gtsug na mdzes/
/'phrinO lasO 'phrin las lha mor ro gcig pa'i/ /rgyaO mtsho'iO
gos can bla ma rgyal gyur cig /mkhas

pas mkhas pa kun gyis mngon par btud/ /grub pas grub mchog yongs
kyi dbus na brjid/ /sri zhus srid pa'i mchod rdzas mchod 'os pa/
/khyed kyi zhabs la bdag kyang phyag bgyi'o/ /mkhas btsun bzang
po'i mkhas ma brgya mtsho

dang/ /dregs pas myos pa'i dregs ldan bye ba'i mgon/ /bka' yi me
tog zhabs kyi padmo dang/ /lhan cig dog pa med par mnga' gsol
ba/ /khyod ni yongs rdzogs lam gyi ston pa ru/ /brtse chen dgyes
pas bsdags pa'i

bdud rtsi'i chab/ /brgyud pas ma yin dngos su myong ba'i ro/
/bdag gi mgon du dge ba kho na ste/ /gsang gsum 'chi med lam la
'gran bzod pa/ /tshur mthong blo yi khab kyi bu ga ru/ /shong
tshul ci ste phyogs mthong rtan 'byung

gshis/ /rmad byung ngo mtshar rgya mtshos da res tshim/ /dam pa'i
gsung bcud sbrang rtsi 'dzin pa yi/ /bdag blo'i padma khyod
thugs nyi ma'i gzi/ /'thung ba'i re ba gnyug ma'i rang bzhin de/
/rdo rje'i srad bu da lta nyid du gyur/ /'dul

@082a @#/ /gzhung li khri'i chu gter lhag med par/ /gsol ba'i
zhal chab thigs pa phra mo yang/ /dzA hu'i bu mor 'bab pa'i
klung rgyun gyis/ /sa chen tshangs spyod gur kum tshal du byas/
/dzA te'i ljon

bzang 'khrigs pa'i nags tshal las/ /skad cig gnyis par 'phos pa'i
dri gzhon lta'i/ /rmad byung spyod pa'i spos glang rgyu ba'i
bsung/ /mngon mtho tsam min nges legs bgrod pa'i dbal/ /chos
mngon rgya mtsho'i rlabs

phreng 'khrigs pa'i rtser/ /mkhyen rab gru chen dog pa med bgong
pa'i/ /kun byang ma 'dres snang byed nor bu'i gter/ /bdag gir
mdzad pa'i phan bde gru char mkhan/ /srid 'byor rab khros sbrul
gyi gdengs ka'i bsil/ /zhi

bde spu gri'i sor chags sbrang rtsi'i ro/ /spangs te stong nyid
snying rje dbyer med pa'i/ /dus gsum 'phags pa'i lam mchog khyed
la dbang/ /theg mchog lhun po'i rgya khyon ltar mi mngon/ /zab
rgyas nyi zla zung gi rna cha can/ /khyed thugs

kun gsal bu mo'i 'gram pa ru/ /rdul phran gong bu'i dang tshul
'di lta na/ /kun la khyab pa kun mkhyen ye shes te/ /de las lhag
pa mgon po khyod thugs zhes/ /btags la /na ngor brjod kyang rab
tu btags/ /yin dang

min zhes the tshom khyogs la 'phyang/ /gsung gcig nyid la brgyad
khri bzhi stong gi/ /chos tshul kun rdzogs 'khor lo 'di lta bu'i/
/byed po rnam kun gzigs pa'i ye shes las/ /gzhan du dogs pa'i
blo ldan su zhig snyam/ /

@082b reg bya rdo rje chags pa lhur len bzhin/ /chags bral brtul
zhugs nas yang mi 'gog pa'i/ /ngo mtshar ma lus gcig tu bsdus pa
khyed/ /khyab bdag rdo rje sems su lhag par nges/ /brtan dang
g.yo ba'i shes bya ma lus pa/ /

sgrib bral dbyings kyi 'khor lor ro gcig tu/ /sdom par byed pa'i
dpa' po khyed gcig pur/ /ltar snang ma yin bstan pa'i rtags kyis
grub/ /'ga' zhig chad lta'i g.yang sar mngon du phyogs/ /la la
rtag par lta ba'i 'phrang la

gzar/ /khyod ni mtha' bral dbu ma'i lam bzang la/ /skal bzang
gdul bya 'khrid pa'i sa mkhan lags/ /'ga' zhig tshig tsam brjod
bas mi tshe 'dzad/ /la la rang mthong sems gnas tsam gyis tshim/
/khyed ni bshad dang sgrub

pa zung 'brel gyis/ /yab rje rgyal ba gnyis pa'i ring lugs
'dzin/ /'ga' zhig ltar snang tsam gyis bskyed rim skad/ /la la
bde drod tsam la rdzogs rim lo/ /khyed ni bcos dang ma bcos rgyu
'bras gnad/ /ma nor ma 'khrul

myur lam lhag par gsal/ /zab dang rgya che shin tu gsang ba'i
tshul/ /mchog dman bar ma'i rang rang blor 'tshams par/ /lag mthil
rdzas bzhin mngon sum ston mdzad pa'i/ /zla med ston pa khyed la
phyag 'tshal lo/ /lus

dang longs spyod dus gsum dge ba'i tshogs/ /kun bzang mchod pa'i
sprin du legs 'bul zhing/ /sgo gsum sdig tshogs nyes ltung ci
mchis pa/ /snying nas 'chags shing slan chad sdom par bgyid/
/rab 'byams rgyal ba kun

@083a @#/ /gyi 'phrin las dang/ /dbyer med khyod kyi mdzad la yi
rang zhing/ /bgrang yas gdul bya'i khams dbang bsam pa bzhin/
/zab rgyas gsang ba'i chos 'khor bskor bar bskul/ /srid zhi'i
phan bde

legs tshogs ji snyed dang/ /thub tshul ma smad mdo sngags zung
'brel gyi/ /'jam mgon bshad sgrub bstan pa'i srog shing du/
/srid mthar thug pa'i bar du zhabs brtan gsol/ /dge 'dis mtshon
nas dus gsum

dang 'brel ba'i/ /rnam dkar phung po ji snyed mchis pa kun/
/gcig tu bsdus shing bsdoms pa'i mthu nus kyis/ /'di nas byang
chub bar du rjes 'dzin shog /dpal ldan dpyid kyi dpal mo'i thig
le las/ /yid 'ong bdud

rtsi myong bas yid tshim pa'i/ /brjod min lhan cig skyes pa'i
brjod bral gar/ /rab 'byams zhing du rab dgar 'gyed par shog
/mdor na bsod nams zhing mchog khyed kyi zhabs/ /mdun gyi mkha'
dang bde chen 'khor

lo'i rgyan/ /mi shigs rdo rje sems kyi rang bzhin la/ /rtag tu
rol ba'i bkra shis 'bar gyur cig /sa gsum skye dgu'i gtsug rgyan
bla ma la/ /rang bzhin drang por brjod pa'i bstod tshig 'di/ /go
dka' 'khyog tshig

rgyan du drangs min yang/ /grong tshig phal pa'i ngag gis bslad
min par/ /gus slob 'jam dpal rol ba'i blo gros sbyar/ /dge bas
'gro kun dam pas rjes 'dzin shog /ces so/ /lam khrid kyi skabs
nyin gcig

@083b gzhung sa'i bka' 'brel dga' ldan khri zur byams pa chos
grags dang/ phur lcog mchog sprul/ rje 'di pa bcas ^ rgyal tshab
srid skyong rwa sgreng rin po ches 'di dus glo bur bsnyun tshul
che tsam bzhes par ^ zhabs pad yun

du brtan pa sogs kyi gsol 'debs mdzad par phebs dgos tshul gnang
ba ltar bla ma rnam gsum lhan cig tu byon te/ de ltar gsol 'debs
nan tan mdzad par zhal bzhes bzang po stsal zhing/ rje bla ma
rdo rje 'chang chen

po nyid la bla chen gzhan gnyis las khyad par 'phags pa'i bkur
bzos bla lhag dang/ srid skyong rang nyid bzhugs stan las
bzhengs te rje nyid la rten gsum dang/ mjal dar sogs stsal/
bstan 'gro'i don du sku tshe yun

du brtan cing/ zab rgyas chos kyi 'khor lo rgya gang che yang
dang yang du bskor ba mdzad pa'i gsol 'debs nan che ba gnang
bas/ de'i nyin rje bla ma mchog nas chos thun rjes ma'i skabs ^
skyabs mgon ^ rgyal tshab srid skyong

chen pos de ltar phebs byung ba bdag la de tsam gnang 'os pa ci
yang med kyang/ bstan 'gro'i don 'ba' zhig thugs la brnag pa'i
rang rtags gsal po zhig yin 'dug pas 'dir tshogs bla sprul 'dus
dmangs rnams

nas srid skyong chen po mchog ^ zhabs sen brtan cing rlabs chen
bzhed rgu 'grub pa'i thugs smon bden tshig gang zab gnang dgos
zhes tshogs su snyan 'debs nan du mdzad/ bzhugs shag tu rgyun
gtan gyi snga dro'i thugs

@084a @#/ /dam nyams bzhes gtor ma brgya rtsa dang bcas ba grub
mtshams snga dro'i tsha bzhes dang/ bla sprul sku drag gzhan mang
po dang/ de ga'i shag tu bzhugs mus tshe mchog gling sprul sku/
tar khang

rtse drung sogs ser skya mchog dman du mar mjal kha phyag dbang/
nad par sman sbyin gyis mtshon te gdul bya mtha' dag gi re ba
yongs su skong bar mdzad cing/ nyin gcig bshad sgra ba'i rtsis
dpon dpal 'byor

bsod nams dbang phyug kong po nas byon te 'byor phyag tu bcar
bar yang lhod mjal dang/ snyun gyis mnar mus la bka' bsgo dang
byin rlabs kyang gnang/ zla ba bzhi ba'i tshes gsum la grub
brnyes dpal mo'i

lugs kyi thugs rje chen po zhal bcu gcig pa'i dbang chen sta gon
dang bcas pa rgyas par stsal te bka' chos grol/ de dus dga' ldan
khri zur byams pa chos grags rin po che bzhugs gnas gzim smin
grong du yod pa

bcas gzim shag rgyab mdun ltar thag nye ba dang/ rgyal ba gnyis
pa'i rgyal tshab bla chen bgres shos yin pa bcas lam lugs gang
cir rtsis po cher mdzad de rje bla ma nyid ched gtad kyis mjal/
phebs nas gus

mchod lhur bzhes/ khri zur rin po che nas gsung gleng gi zhar
du/ sku zhabs nyid sku bsod chen po red ces yang yang gsung yod
'dug pas/ rje nyid nas kho bo cag la khri zur rin po ches de
'dra gsung ba/ sngon dus

@084b nged rang las chos 'brel gsan myong bar dgos pa gzhan dang
ngo srung gnang dgos pa gang yang med par chos don gnyer mdzad
de gsan pa gzhir bzhag red mod kyang/ da lta mi bsod nams che ba
zhig gi thugs snang las

bla ma'i 'du shes mi gnang ba de 'dra ci yin ma shes gsungs/ de
nas gzim bshad zur sogs su gdan drangs par so sor 'dod chos ci
rigs gnang ste bkras chos gdan sar phebs/ der yang dad ldan du
mar rang rang

gi mos ngo ltar dbang bka' lung khrid rgyas bsdus sna tshogs shig
bar ma chad pa lta bur stsal zhing/ ^ gong sa rin po che'i rnam
thar skor gyi bka' rtsom dang zhu dag gnang rgyu lam tsam zin
nas mtshan zhabs stag brag

rin po che'i mdun du rim bzhin phyir 'bul bskyangs/ chu bzang du
brag ri mchog sprul sogs zhu mi sum cu tsam la gung thang gsung
ngar ma'i rno mtshon gyi steng nas khro bcu'i srung zlog gi zab
khring sogs rgyas par

gnang/ gzim lha klu'i lcam g.yang tshes gsol ba yang yang btab
pa bzhin lha klur phebs te nyin lnga tsam gyi ring bzhugs/ mtha'
dbus kyi dad mjal ba du mar mjal kha dang/ chos 'khor che chung
ci rigs

gnang zhing/ der hor zla drug pa'i tshes bzhi'i nyin 'brug pa
sprul sku slob dpon 'phrin las lhun grub sogs bsgrub bya brgya
phrag tsam zhing rab byung bsnyen rdzogs dang/ dge bsnyen gyi
sdom pa rnam par dag pas

@085a @#/ /shes rgyud bdud rtsi'i dga' ston la ci dgar spyod pa'i
skal ldan du sgrub par mdzad de bkras chos su yar phebs/ ri
khrod dge slong spyi nas zhus pa ltar 'du khang du tshogs pa lnga
bcu'i

skor tsam la yongs 'dzin ye shes rgyal mtshan gyi gsung gnas
brtan phyag mchod khrus gsol dang bcas pa dang/ sgrol maNDal
bzhi pa'i cho ga /rje nyid kyi gsung chos skyong shugs ldan gyi
bskang chog rgyas

'bring dang/ 'phrin bskul 'dod don myur 'gugs bcas kyi ljags
lung stsal/ sngon dus bar khams nags sog gi khul du phebs skabs
sogs nas mdo spyi sa skyong bla ma byams pa bstan dar dang/ chab
mdo

sde dgon spyi bcas nas phyogs der gdan 'dren zhu pa'i snyan gsan
gsol gdab nan can rim par zhus pa bzhin rje nyid nas zhal bzhes
legs par stsal yang/ ^ gong sa ^ rgyal ba'i dbang po mchog nas
dgongs

pa ma khrol bas yun 'gyangs gyur pa/ 'di skabs chab mdo sde dgon
spyi nas u tshugs kyis bskyar ^ snyan rim bstud dang/ rwa sgreng
srid skyong chen por yang dgongs pa nan gyis zhus par/ chab mdo
man gyi thag ring

phebs bzhugs min pa'i gang myur bod phebs mdzad thub pa byung na
chab mdo bar du gdan 'dren chog pa'i gnang ba legs thob byung ba
dang/ rab dkar sog gsum sogs bar khams khul gyi sde dgon du mas

@085b kyang phebs lam gyi zhor du rang rang gi yul grur zhabs
kyis bcags te zab chos gang 'dod kyi bka' drin zhu chog pa'i
gsol 'debs zhu mi mang zhing/ kong po 'bru la mkhan chen mchog
sprul ngag dbang thub bstan

mkhas grub pas kyang de ga'i dgon yul du gdan 'dren pa'i snyan
gsan rim nan zhus par yang zhal bzhes dgyes stsal zin par 'bru
la mkhan chen bla brang nas rje bla ma mchog gdan 'dren zhu mir
ched mngags gsol dpon

dkon mchog bzang po sogs nas yun ring phebs bsgugs zhu mus stabs
rim gyis mdo smad phyogs su chibs kha bsgyur rtsis kyis bkras
chos nas chu bzang ri khrod du phebs/ dad ldan 'ga' res glo bur
du zhus ngor chos

ra chen mor tshogs pa sum brgya skor la thugs rje chen po sogs
lhag lha 'ga'i dbang bka' tho re ba zhig stsal/ 'dir yang nyin
mang po'i ring drag zhan gyi ser skya stong phrag du mar mjal
kha/ gsung gleng/ 'phral

yun gnyis dge'i slob ston dgyes stsal sogs kyis gdul bya sna
tshogs pa'i re ba yongs su bskangs te/ gza' tshes dge ba'i nyin
chibs thon gyis skyid chu'i pha ri lha gdong shan khar bshad
sgra zur pa'am/ ^ mi rje

mda' dpon shan kha ba nas phebs bsgrigs dang/ bka' 'gyur dkar
chag gi ljags rtsom 'phro skyong sogs gnas der lhod 'gol gnang
rgyu'i gsol gdab bka' 'gros sngon zin ltar de ga'i gzim shag tu
zhabs
@086a @#/ /sor 'khod/ der zla ba phyed gnyis tsam lhod bzhugs
thog /bka' 'gyur dkar chag dang/ de'i bar skabs tshigs bcad kyi
'phro rnams bka' rtsom gnang/ chab mdo drung yig

dag ldan dpon lha mchog 'di'i skabs bar yig 'bri'i zhabs 'degs
su yang yang phebs shing/ de nas zhol bka' 'gyur par khang du
gzhung gnas nas gsung spar gsar bskrun mang po gnang mus la stag

brag rdo rje 'chang rang nyid kyis mtshan zhabs pa'i khongs nas
spar gsar skor gyi zhu dag gnang dgos sogs gang cir zhabs 'degs
zhu mir chab mdo drung yig de bzhin gsol ras dgongs khrol yong
ba dgos

tshul nan tan phebs par/ de don drung lags dang gsung mol bka'
'gros nang lhug 'dod bstun thog /zhu dag zhabs zhu bar thugs
nyar gnang gcig mdzad chog pa'i gnang ba 'phral 'bul mdzad cing/
drung lags

la dgos mkho'i yo chas na bza' sogs thugs blo tshim nges dang/
gang ci'i skyabs 'jug gnang chog pa'i bka' bzang po bcas stsal/
rje nyid shan kha'i gzim shag tu bzhugs pa'i tshe yang bka' rtsom
gnang

rgyu'i mdzad sgo'i seng dbar gyi skabs snga phyi du mar bla
sprul dge bshes sogs mjal mang ser skya drag dkyus sna tshogs
grangs med pa zhig la mjal kha dang/ chos bka' khrid lung tsag
tsig ches mang ba nyin mtshan

@086b bar med lta bur gnang/ stag brag rdo rje 'chang gis dwags
grwa bya btang ngag dbang snyan grags bya ba dkar chag skor sogs
kyi phyag sam 'bul mir yang yang gnang bar/ kheng pas stag brag
rin po cher/ skyabs rje rdo

rje 'chang nas mdzad brel gzhan ma mang po'i 'du long gis g.yel
te bka' 'gyur dkar chag phar tsam 'grub re med tshul gyi zhu
brdab ma 'tshams pa 'ga' bgyis tshul gzhan las gsan pas/ de ma
khang du bla ma'i

zhabs 'gyur kho nar bsams te bka' 'gyur dkar chag gi skor 'dir
yang sgo gsum ngal ba khyad bsad kyis 'bad 'bungs byed bzhin pa
'di zhabs 'degs su ma song bar dgongs khrel gyi rgyur gyur na
gyong dang nyen ka

de las che ba med gsung ste/ thugs ngal brel 'tshab ci che'i
ngang nas dkar chag skor gyi gsung rtsom rnams myur du zin thabs
gtsor bton gnang tshul mthil phyin zhu bsed kyi phyag sam 'phral
'bul mdzad/ dkar

chas? bka' rtsom gyi mjug cung zad dang bskyar bshu tsam las
legs zin stabs mgyogs myur phyir 'bul gnang rtsis kyis/ hor zla
bdun pa'i tshes nyer gsum la sngar zhal bzhes zin pa de ga'i gzim
shag gi g.yang

sgrub zhal gsas dang/ tshes nyer bzhi la snga dro lha klu'i lcam
g.yang tshes rdo rje rnal 'byor ma'i snang brnyan khyad par can
mda' tshad lhag tsam pa gsar bzhengs gnang ba'i gzungs sgrub
dang/ gung rgyab nas bla ma 'jam

@087a @#/ /rol rin po che sogs zhu mi nyung shas shig la ne ser
jo bo'i rjes gnang sogs gnang/ tshes nyer lnga la lha klu'i rnal
'byor ma'i gzungs sgrub/ gzungs 'bul rab gnas dang bcas pa

dang/ dgong mor bshad zur mda' sku sogs bcas lhan rgyas nas tshes
bcu'i tshogs ston gzab rgyas mdzad/ tshes nyer drug nyin bstan
srung gnyan po'i zla bskang dang/ bka' zur tsha rong pa sogs la
mjal kha/

tshes nyer bdun la shan kha ba dang/ grib pa/ tshal pa sogs phyogs
'dus kyi khrom tshogs ches mang bar spyan ras gzigs ngan song kun
grol gyi rjes gnang dang ma Ni'i sgom lung skyabs 'gro las 'bras
sogs las

brtsams pa'i zab bshad bcas gnad du things ba stsal te thar pa
dang thams cad mkhyen pa'i sa bon grung po rgyud la bskrun pa'i
las can du mdzad/ tshes nyer brgyad nyin de nas rim phebs kyis
tshal gung thang/ bde

chen sogs su dad 'dus kyi ser skya mtha' yas par 'dod chos sna
tshogs stsal bas mtshon skal bzang gi skye bo mtha' dag 'brel
tshang don dang ldan pa'i gnas la bkod/ bde chen she ma nub tu
yun ring tsam

bzhugs te bka' 'gyur dkar chag dang/ de'i bar skabs tshigs bcad
bcas kyi 'phro skyong/ gzim bshad sgra ba'i sku thang gsum gyi
rgyab yig sogs kyang thugs rtsom gnang/ zla ba brgyad pa'i tshes
bco lnga

@087b nyin rgya bza' sgang du phebs par/ der a mdo'i gnas skor
ba 'ga' res a lag 'jigs med bsam gtan gyi sprul sku rin po che
'jigs med bzang pos rje bla ma nyid la 'bul rgyu'i zhu yig tshigs
bcad ma snyan tshig gi lam

nas drangs pa skyabs rten dang bcas pa phul/ bka' 'gyur rin po
che'i dkar chag skor yongs su rdzogs pa legs zin gyis stag brag
rin po cher zhu rgya sbrags mar 'bul gnang skabs/ bshad zur mda'
skur stangs

bde'i gsung shog stsal ba dgos pa'i dbang du 'dir dgod na/ dad
dam bka' drin mkhyen brtse'i gter chen sku ngo mda' dpon sku
zhabs mchog gi ^zhabs drung du/ shin tu spros bral zing long
chen po'i ngang nas zhu gsol

'di mdun ^skyabs rje stag brag rin po cher 'bul rgyu'i ras sgril
gcig yod pa nges 'dro nas 'phral 'bul brtse gzigs/ da cha bka'
'gyur rin po che'i dkar chag zhabs zhu legs par zin/ mi rje
mchog nyid la

legs bshad kyi skyes kyi tshul du ^ gong sa mchog gi rnam thar
yongs kyi bar skabs tshigs bcad dang/ dge bsngo'i tshigs bcad
rnams dkyus bsgrigs kyis gzhung du med pa'i chan bkod bcas 'bul
lam zhus pa

dgyes bzhes/ bla sman par 'bul rgyu'i phyag bris dang/ yig rten
phyag sam rgya rtsi ma/ bshad sgra'i gos thang smon tshig bcas
yod pa/ ^mi rje mchog nyid nas smon tshig tshigs bcad thugs zhib
khyad rgya ma bsdams

@088a @#/ /par yod pa/ thugs zhib grub nas bla sman pa'i phyag
bris/ bshad sgra'i smon tshig zhu rgyu'i yar gnang ba'i shog lhe/
smon tshig dngos/ 'bul rten bcas de nas phyi sgril dam 'byor gyis

stsal skyong/ stag phu rdo rje 'chang gi bca' yig mchod brjod
dang/ mjug byang tshigs bcad da lta ma zin kyang mal dro nas nges
'drongs 'bul chog pa/ chab mdo'i bca' zin de gar bar bshu mdzad
khyad 'di mdun

'bul lam zhus pa brtse bzhes/ da cha phran de ring 'di nas rdog
thon thog /mal dro dag pa dgon du zhag bdun brgyad tsam 'gor
tshod/ de nas shar bskyod bya rtsis bcas rang bzhin gnas tshul du
shin tu spros med

rtab brel gyis/ dga' zhol rgya bza' sgang sgar thog nas sprul
ming ngo mas shing khyi hor zla brgyad pa'i nya ba'i tshes kyi
chu tshod dang por dge legs kyi mtshan mas spud de nang lugs su
phul/ zhes pa gnang/ de nas chibs

kyis bskyod de dag pa bla brang gi phyag mdzod grags pa sangs
rgyas dang/ dgon gyi las sne sogs nas phebs bsu rgyas spros dang
bcas mal dro dag pa rnam grol gling zhes pa'i dgon du zhabs sor
'khod/ de dag dgong

du dag pa bla brang dang/ dgon spyi nas zhus pa bzhin zla ba
brgyad pa'i tshes bco brgyad nas nyer bdun bar/ ser smad dag pa
mchog sprul blo bzang 'jigs bral 'phrin las dar rgyas dang/ zhol
sras gangs gi'u sprul sku

@088b sog po nas min btsan po sprul sku sogs bla sprul dge 'dun
'dus tshogs ser skya bdun brgya tsam la sbyor chos skal bzang
mgrin rgyan dang/ byin rlabs dpung zhu'am yon tan gzhir gyur ma
bcas kyi bshad lung/ rdo rje rnal

'byor ma'i dbang bzhi byin rlabs/ rje nyid kyi gsung nA ro
mkha' spyod ma'i bsnyen sgrub las gsum gyi rnam gzhag dang/ de'i
bsnyen pa'i sngon 'gro'i 'don cha/ zhi ba'i sbyin sreg /me lha'i
bsnyen pa/ me lha'i sbyin sreg

bcu cha chen mo'i sbyin sreg /bsnyen sgrub sbrags ma'i lag len
bya tshul/ nA ro mkha' spyod ma'i sgrub thabs bde chen nye lam
dang/ dkyil chog bde chen dga' ston/ mkha' spyod ma'i bla ma'i
rnal 'byor thun drug dang

'brel ba/ bla mchod bde mchog dang 'brel ba/ 'jigs byed dpa'
gcig gi sgrub thabs rgyas pa/ 'dus pa 'phags lugs kyi sgrub
thabs mdor bsdus mchog gi dga' ston/ bla ma rgyang 'bod sku gsum
dbyer

med ma sogs kyi lung bcas stsal/ mkha' spyod sgrub thabs kyi
ljags lung skabs 'dir khrid ma thob par blta mi chog ces yod
kyang/ de'i byin rlabs thob nyin nas sgrub thabs rgyas pa 'di
'don thub kyang nges

bar rung zhing/ sgrub thabs bsgom dgos pas khrid kyang rjes su
nges par thob thabs byed dgos gsungs/ gzhan yang sog pho nas min
shog sprul skus zhus ngor dpal gsang ba 'dus pa'i bskyed rim
dngos grub

@089a @#/ /rgya mtsho dang/ rdzogs rim rim lnga gdan rdzogs gnyis
kyi bshad lung/ gung thang gsung khro bcu'i srung zlog dang/
klog myur ba'i man ngag bcas kyi lung khrid/ shar chen ngag

dbang tshul khrims kyi yig cha'i steng nas 'jigs byed ser po'i
rjes gnang dang/ de'i bdag mdun dbang chog dang bcas pa stobs
ldan nyi bu'i g.yul las rnam par rgyal ba'i zhal lung rdo rje'i
ru mtshon zhes pa bka'

rgya can gyi lung bcas dang/ zla ba dgu pa'i tshes gcig nyin khul
de'i ser skya khrom tshogs chig stong tsam 'dus par stag phu gar
gyi dbang po'i dag snang las byung ba'i thugs rje chen po sems
nyid ngal bso'am ngan

song kun grol gyi rjes gnang dang/ grub rgyal lugs kyi tshe dbang
bcas gnang/ dgon 'dir dus 'brel gyi gso sbyong du'ang 'char can
ltar phebs shing 'di skabs 'gar nags shod stag phu'i sgrub sde
dge ldan lugs

bzang kun 'phel gling gi bca' she'i dbu brjod dang/ mjug gi smon
tshig sogs kyang bka' rtsom gyis bshad zur du 'bul mi rdzong brda
mdzad/ dag pa bla brang gi phyag mdzod sogs nas zhus ngor de
ga'i mchog sprul

gyi zhabs brtan gsol 'debs thugs rtsom gnang ste bklags lung
yang stsal cing/ mdo smad chu 'go phyag mdzod dang/ klu sgrub
phyag mdzod gnyis nas bskul pa ltar de ga'i sprul sku rnam gnyis
kyi 'khrungs rabs

@089b gsol 'debs kyang gsung rtsom gnang/ de nas kong po bar la
sogs brgyud de kong po'i phyogs kyi lam khel skye bo du ma'i mos
'dun ltar mjal kha chos 'brel sogs rim stsal gyis kong po nga
phod bkra shis chos

gling du phebs/ de ga'i dgon spyi nas zhus ngor tshes bcu bzhi
nas nyer gnyis par 'jigs byed lha bcu gsum ma'i dbang chen sta
gon dang dngos gzhi/ zur bka'i bka' gdams lha bzhi'i gras sgrol
ljang gtso 'khor

gsum gyi rjes gnang/ sgrub thabs rin 'byung las byung ba'i jo
lugs sgrol dkar tshe sbyin yid bzhin 'khor lo dang/ gdugs dkar
phyag stong spyan stong/ rnam rgyal lha dgu bcas kyi rjes gnang/
sher phyin ma

ser mo'i sgom lung/ rnam 'joms ljang sngon/ mgon po phyag drug
pa bar chad kun sel/ mgon dkar yid bzhin nor bu/ chos rgyal
'khor mang/ lha mo dmag zor ma/ rnam sras ser chen bcas kyi rjes
gnang/

dmigs brtse ma'i be'u bum las byung ba'i rje bla ma rigs gsum
spyi sgrub kyi rjes gnang/ 'jam bzhad 'jigs med dbang po'i gsung
mkha' 'gro ma seng ge'i gdong pa can gyi gtor zlog mkha' 'gro'i
dgongs rgyan

la paN chen blo bzang chos kyi rgyal mtshan gyis mdzad pa'i yi
dam spyi 'gro'i rjes gnang gi lung gsum gyi chings sbyar te
mtha' rten gtor dbang bcas gnang ba'i phyag bzhes ltar gyi seng
gdong ma gtso 'khor gsum gyi

@090a @#/ /rjes gnang/ rtse rnam rgyal grwa tshang gi bar ma 'jigs
byed lha bcu gsum ma'i bla brgyud gsol 'debs dang bdag mdun bum
bskyed dbang chog /sbyin sreg dang lho sgo/ tshogs mchod

sa chog /smon shis bcas cha tshang dang/ dga' ldan lha brgya ma/
lam rim smon lam ring 'bad ma/ sbyor chos skal bzang mgrin
rgyan/ paN chen chos rgyan gyi gsung bla mchod bde stong dbyer
med ma tshogs mchod

dang bcas pa/ chos rgyan gsung thun drug bla ma'i rnal 'byor
sdom gsum bslab bya'i sdoms dang bcas pa chab mdo kyo rdor grwa
tshang gi bar ma ltar dang/ 'jog ri ngag blo'i gsung rje nyid kyi
zhabs brtan gsol

'debs sras bcas rgyal bam dang/ stag phu'i gsung zhabs brtan
rgyas pa skyabs mchog ma/ rje nyid kyi gsung bla ma'i rnal 'byor
byin rlabs 'dod dgu'i gter mdzod/ bla ma rgyang 'bod/ gsung mgur
slu med

skyabs kun ma dang rab 'byams skyabs kun ma/ yongs rdzogs lam
gyi 'khrul pa 'gog pa'i smon lam zab don snying nor rnams kyi
lngags lung/ 'jug tu/ bstan pa'i rtsa ba dge 'dun gyi sde rnams
'phel zhing rgyas

la/ thugs mthun khrims gtsang ba dang/ lta grub rnam par dag
pa'i thog nas cho ga chos spyod spyi dang lhag par byang chub
lam gyi rim pa'i nyams bzhes bzang po gnang dgos pa'i bka' slob
dang/ ser skya

@090b gzhan mang tsam 'dus par grub rgyal tshe dbang dang/ thugs
rje chen po ngan song kun grol gyi rjes gnang bcas legs par
stsal/ de nas rim gyis phebs par 'di'i skabs snga phyir 'brul
mkhan chen mchog

sprul nas phebs bsu'i mtshams dar 'bul mi yongs 'dzin dge bshes
bstan pa phun tshogs sogs snga rting gsum tsam 'byor zhing/ 'bru
la dgon du phebs nyin snga dro tsha lam tsam gyi ser mchog sprul
nyid ston

'khor sum cu tsam la sngar srol ltar gyi bla chen gyi na bza'
sogs chas gos phun sum tshogs pas klubs shing/ rje bla ma rdo rje
'chang chen por phebs bsu'i dga' ston gyi mchod sprin du 'phan
gdugs bla re/ rgyal

mtshan pa dan/ rta dar/ spyan rgya spos phor sogs mchod rdzas kyi
bye brag sna tshogs pa 'ja' tshon sna lnga'i yol ba bres pa 'dra
[bas mdun bsus te thab bsu'i dbu gur du gdan drangs/ mjal dar
rten gsum/ gsor

ja dang bzhes gro 'degs pa/ sku'i 'tshams 'dri sogs legs par zin
nas rim gyis 'bru la ri khrod du phebs nas nyin shas der lhod
mjal gnang ste bzhugs shing/ phyag mdzod 'phin las dar rgyas
pa'i zhal

'don du sgrol dkar sgrub thabs mdor bsdus dang/ dur khrod bdag
po'i 'phrin bskul bsdus pa bcas bka' rtsom gnang/ mkhan chen
mchog sprul nas zhus ngor shing khyi zla ba bcu pa'i tshes brgyad
nas shing phag zla ba dang
@091a @#/ /po phyi ma'i tshes nyer bdun tsam gyi bar 'bru la
dgon du mchog sprul nyid dang/ kong po theg chen sprul sku/
gangs gi'u sprul sku/ bshad sgra dge bshes ngag dbang bzod pa
sogs dang/

dbus phyogs nas byon pa'i chos zhu ba'i dge 'dun mang po/
rnying ma'i sngags 'chang blo gros sogs dad ldan ser skya chig
stong la nye bar 'jam mgon tsong kha pa chen po'i gsung lam
rim 'bring po'am lam rim chung

ngur grags pa dang/ rgyal dbang bsod nams rgya mtsho'i gsung
lam rim gser zhun ma'i bshad khrid/ rje btsun blo bzang ye
shes kyis mdzad pa'i lam rim dmar khrid myur lam dang/ rje
nyid kyi gsung lam

rim bde myur gyi sa bcad bcas kyi nyams khrid/ sngon 'gro'i
skabs sbyor chos skal bzang mgrin rgyan dang/ skyes bu chen
po'i bdag gzhan mnyam brje'i skabs blo sbyong don bdun ma'i
bshad lung bcas sbrags pa'i

zab khrid smin rgyas su stsal bar/ kho bo cag nas gsung bshad
gang zin rags rim tsam zhig brjed thor 'debs khul bgyis pa dus
phyis rje nyid kyi bka' 'bum ta ba'i gras su bzhugs pa ltar
dang/ 'jigs byed

lta bcu gsum ma'i dbang chen sta gon dngos gzhi dang bcas pa/
'phags lugs gsang ba 'dus pa mi bskyod rdo rje lha so gnyis
pa'i dbang chen dngos gzhi nyin gnyis/ dpal 'khor lo sdom pa
dril bu lha lnga'i

@091b dbang chen/ nA ro mkha' spyod dbang mo'i dbang bzhi
byin rlabs/ byin rlabs nam mkha' sgo 'byed kyi gcod dbang bcas
dang/ rje'i gsung sgrub thabs za ma tog dang 'jigs byed lha
bcu gsum ma'i smon lam gyi

ljags lung sbrags ma'i steng nas rje dngul chu ba'i sa bcad
ltar gyi rdo rje 'jigs byed lha bcu gsum ma'i bskyed rdzogs
gnyis kyi nyams khrid/ rje tsong kha pa chen po'i gsung nA ro
chos drug gi khrid yig yid ches gsum

ldan gyi bshad lung dang dga' ldan nag tshang blo bzang bstan
pa dar rgyas kyis mdzad pa'i nA ro chos drug gi khrid yig bde
chen dngos grub 'byung gnas kyi steng nas myong khrid bcas
sbrags pa/ paN chen blo bzang chos rgyan

gyi gsung gcod gzhung thar 'dod ded dpon dang/ grub mchog blo
bzang rnam rgyal gyis mdzad pa'i gcod khrid nyams len gsal
ba'i sgron me/ dwags po skal bzang mkhas grub kyis mdzad pa'i
dga' ldan sgrub

brgyud bstan pa'i mdzes rgyan gsum sbrags ma'i lung khrid/
yongs 'dzin ye shes rgyal mtshan gyi gsung dkar 'gyed rab tu
gsal ba'i rgyan dang/ dmar 'gyed snying gi mun sel rin chen
sgron me/ rje nyid kyi gsung

gcod kyi 'don chog dga' ldan sgrub brgyud spyi nor bcas kyi
ljags lung bcas dang/ rgyal gyi zla ba'i tshes bcu la 'bru la
ri khrod du dpal 'khor lo sdom pa dril bu lus dkyil gyi dbang
chen dngos gzhi smin rgyas su

@092a @#/ /stsal zhing/ zhu ba po rnams la gsang sngags kyi dam
tshig spyi dang/ lus dkyil gyi sgrub thabs rgyas pa'am/ nyung
mtha' dag pa gsum gyi rnal 'byor ma chags pa dgos tshul

spyi ltar stsal zhing/ 'bru la gdong btsan gyi 'phrin bcol
bka' rtsom/ grub rgyal lugs kyi tshe dbang dang/ rgyal dbang
dge 'dun rgya mtsho'i yi dam sgrub skor las sgrol dkar yid
bzhin 'khor lo'i rjes gnang/

ma ti paN chen lugs kyi 'jam dbyangs dkar po'i rjes gnang/ sa
skya'i gser chos bcu gsum gras lha mo rig byed ma'i skor gyi
rjes gnang bcas gnang/ de nas slar 'bru la dgon du zhu mi
sngar rgyun ltar la/

lha btsun don grub rgyal mtshan gyis phyogs bsgrigs gnang ba'i
rjes gnang gi cho ga'i steng nas/ jo bo rje'i lugs kyi sgrol
ma nyer gcig nas bzung ste zur bka' brgya rtsa'i rjes gnang
yongs rdzogs dam pa gong

ma'i phyag bzhes kyi rgyun ma nyams pa legs par stsal zhing/
'di'i ring nub re bzhin lha so so'i mchod gtor bca' gshom skor
mchod g.yog bas blta bde ba'i tho zur 'don gnang ba'ang yod/
lha 'ga'

re'i bca' sgrig tu mchod g.yog pas nor 'khrul cung zad re
byung bar yang bla ma'i phyag rgyun ltar ma byung na bstan
pa'i rgyun la gnod gsung ste mchod gtor bshams zin pa yang
gsar du brje 'jug pa gnang/

@092b ba sogs dam pa'i phyag srol gyi rgyun tshun la thugs
gtsegs gces spras ches che ba mdzad/ zur bka'i mjug tu rin
'byung nas kha bskang ste mgon po phyag drug pa bar chad kun
sel/ lha mo dmag zor ma/ rnam

sras ser chen/ tshe ring mched lnga bcas kyi rjes gnang/ thugs
rje chen po bcu gcig zhal dpal mo lugs kyi dbang chen bcas
dang/ lam rim gyi khrid sogs kyi zhar du dad brtson can du mas
rang rang gi 'dod chos

su zhus pa'i bklags lung stsal ba yang dwags po bla ma blo
bzang sbyin pa'i gsung lam rim bshar sgom gnad don kun tshang
dang/ glang thang ba'i gsung blo sbyong tshigs brgyad ma/ nA
ro chos drug gi brgyud

'debs rgyas bsdus gnyis/ dga' ldan lha brgya ma/ 'jam dpal
mtshan brjod glu blangs ma/ bzang spyod/ paN chen gyi gsung
tshwa bsur/ klong rdol gsung bde mchog gi dag pa gsum gyi rnal
'byor/ rje

tsong kha pa chen po'i gsung 'jam dbyangs bstod pa bstod sprin
rgya mtsho dang/ mtshams sprin gzhon nu/ mkhas grub sangs ye'i
gsung ja mchod bde chen kun bzang/ rje nyid kyi zhabs brtan
gsol 'debs rgyas pa

skyabs mchog ma dang/ 'jog ri'i gsung sras bcas rgyal ba ma/
'jigs byed bcu gsum ma'i rim gnyis kyi khrid rgyun gsol 'debs/
'dul ba rgya mtsho lung bzhi'i bar sdoms dang bcas pa/ rnam
grwa'i bar ma'i

@093a @#/ /rab gnas dge legs char 'bebs dang/ rab gnas rta thog
ma ar chog dang bcas pa paN chen chos rgyan gyis mdzad pa/
de'i gsung thun drug rnal 'byor sdom gsum bslab bya'i

sdoms tshig dang bcas pa/ lcang skya ngag dbang chos ldan gsung
bde mchog lus dkyil gyi smon shis/ chos rgyan gsung gtor ma
brgya rtsa dang/ klu gtor/ sbyor chos skal bzang mgrin rgyan/
rje nyid kyi gsung bla mchod

bde mchog dang 'brel ba dang/ bla mchod kyi sgo nas tshogs
grangs gsog bya tshul/ 'jigs byed dpa' gcig gi sgrub thabs
rgyas pa/ 'dus pa 'phags lugs kyi sgrub thabs mdor bsdus mchog
gi dga' ston/

bde mchog lus dkyil rgyud 'debs bai chen nye lam dang/ de'i
mngon rtogs bde chen rab 'phel/ nA ro mkha' spyod kyi sgrub
thabs rgyas pa bde chen nye lam dang/ sgrub thabs bsdus pa
shog drug ma/ gsung mgur rab

'byams skyabs kun ma dang/ slu med skyabs kun ma/ bla ma
rgyang 'bod sku gsum dbyer med/ bla ma'i rnal 'byor byin rlabs
'dod dgu'i gter mdzod/ sgrol dkar tshe sgrub mdor bsdus shog
gcig ma/ shugs ldan

'phrin bskul bcas kyi ljags lung rnams stsal to/ dgung grangs
nga brgyad du phebs pa shing phag lo'i dgung gsar gyi dus ston
sogs dgon der lo re'i 'char lam ltar mdor bsdus tsam dang/
'bru la mkhan sprul

@093b sogs dad mjal ba du mar gnam lo gsar tshes kyi 'phar ma'i
mjal kha/ ja gral/ gsung mchid sogs lhod 'gol du gnang/ 'bru
la'i yongs 'dzin dge bshes bstan pa phun tshogs dang/ gsol dpon
dkon

mchog bzang po/ chos mdzad blo bstan sogs kyis zhus ngor 'bru
la mkhan sprul gyi zhabs brtan gsol 'debs dang/ bshad sgra dge
bshes ngag dbang bzod pas gsol ba btab pa bzhin dam can bka'
sdod rnam

gsum dang rdo rje shugs ldan bcas kyi 'phrin bskul gser
skyems/ chos mdzad blo bstan dang/ theg chen gsol dpon sogs
kyis zhus pa ltar kong po theg chen gling sprul sgu'i zhabs
brtan gsol 'debs bcas

bka' rtsom gnang ste so so'i mos ngo bzhin tshogs su ljags lung
yang stsal/ rje bla ma nyid dgon 'dir zhabs sor 'khod rjes
shig tu/ sngar rgyal dbang bcu gsum chen po zhi dbyings su
mnal ba'i rjes su/ ^ rgyal

dbang nyid kyi spyan gsal sku bcar thub bstan kun 'phel ^
rgyal ba'i dbang po'i snyun bzhes gsang rgya bsdams pa sogs la
bsnyad de gzhung sa nas kong po o rong du spyugs pa 'di dus
o rong du bzhugs yod pa khong pas

zhu yig phul ba'i don snying/ gus pa da res rdo rje 'chang
nyid kyi drung du bka' chos zhu bar bcar 'dod shin tu che yang
o rong rdzong bzhugs nas do dam che bas phan tshun 'gro bskyod
cung zad kyang mi chog par nyam thag 'u thug

@094a @#/ /gi gnas kho na las bya thabs gzhan zad par brten
skyabs rje mchog nyid nas 'di phyi bar do kun tu rjes 'dzin
gyi skyabs 'jug dus nam yang mi g.yel ba dang/ tshe 'dir kha
ton dge

sbyor phran bu bya 'dun la de dag gang dgos ci legs kyi bka'
slob zab mo zhig stsol gnang yod pa zhes de skabs gsung mus
kyi zhal 'don 'ga' re'i tho bcas phul te/ tshe mjug 'dir rje
nyid kyi dgyes zhal myur

du mjal zhing gsung gi bdud rtsir ngoms med du longs spyod
chog pa zhes sme sngags kyi sgo nas zhu 'phrin 'bul mi 'byor
bar/ de snga khong pas rje bla ma mchog la ma dad log rtog mig
sman gyi mdangs la 'khu

ba'i ngang tshul can du gnang ba 'ba' zhig las dad 'dun dge
phyogs kyi 'brel bzang ba gang yang med mod kyang/ rje bla ma
rdo rje 'chang chen po mchog ni dus rtag tu 'jig rten chos
brgyad ro snyoms/ dgra gnyen la nye

ring med/ 'gro ba yongs la bu ltar brtse/ phyogs gcig nas dad
pa'i sems kyis tsan dan gyi bsil chus byugs pa dang/ phyogs
gcig nas sdang sems drag pos sku lus ste'us gzhogs kyang de
gnyis la

chags sdang mi mdzad par ma zad/ dgra gnyen la nye ring med
par byams thugs mnyam pa'i sangs rgyas byang chub sems dpa'i
rnam par rmad du byung ba la mnga' brnyes pa de'i phyir na/
dus 'di dag tu 'ang kun

@094b 'phel lags kyi phyag bris 'byor ma thag nas thugs ha
cang ma bde ba'i rnam pa cher bzhes te/ zhal nas kyang/ da res
'di shin tu nas ma legs/ khong la sku ngal ba de tsam byung
ba'i thog tu da res rdzong nas

dgongs khrol ma byung bar nga rang yang sems ngal chen por
gyur/ 'on kyang re zhig gzhung sa'i bka' 'brel yin pas bya
thabs gzhan med ces zhabs gras bstan skyong bya ba ched
brdzangs dang 'brel gnang skyes

gya nom pa dang bcas 'bul gnang mdzad de zhu 'phrin gyi bka'
lan yid kyi ngal bso mchog tu smin pa 'chi gsos kyi bdud rtsir
co 'dri ba lta bu dang zhal 'don nyams bzhes kyi skor gsal
'debs gnas ba bcas kyi

gsung yig lan gnyis su stsal ba'i lan rjes ma'i skabs kyi chab
shog gi mtshams don khag gcig 'dir dgos pa'i dbang gis dgod pa
la/ bar der snyigs lnga'i rtsub 'gyur brlang bor brdol bas mi
rje mchog

nyid sku ngal 'di ltar gyur pa kho bo cag kyang shin tu yid
'byung ba rnag dka'i rang bzhin de ltar yang/ rang gzhan mchog
dman mtha' dag thar ba'i btsan sa ma zin par/ skye ba'i phreng
ba kun tu sdug bsngal gyi

rang bzhin 'khor ba'i gshis lugs de rang las ma 'das pa ni/
bshes spring las/ brgya byin 'jig rten mchod 'os gyur nas ni/
/las kyi dbang gis phyir yang sa steng lhung/ /'khor los
bsgyur ba nyid du gyur

@095a @#/ /nas kyang/ /'khor ba dag tu yang bran nyid du 'gyur/
/zhes dang/ tshangs nyid chags bral bde ba thob nas slar/ /mnar
med me yi bud shing gyur ba yis/ /sdug bsngal rgyun mi chad

pa bsten 'tshal lo/ /zhes sogs dang/ 'dul ba lung las/ /bsags
pa kun gyi mtha' 'dzad cing/ /mthon po rnams kyi mtha' ltung
'gyur/ /phrad pa'i mtha' ni 'bral ba ste/ /gson pa'i mtha' ni
'chi ba yin/ /zhes

gsungs pa ltar 'khor ba'i phun tshogs ji 'dra zhig thob kyang
mtha' rgud bas ma bsdus pa med par mi yul gyi bde skyid lta
zhog /tshangs pa/ brgya byin/ 'khor los sgyur rgyal gyi dpal
thob kyang mi brtan pa'i rang bzhin/

lhung ba'i chos can/ bslu ba'i chos can/ thar ba'i bar gcod/
ngan song gi sdug bsngal mi bzad pa 'dren bar byed pa las/
gtan gyi 'dun mar phan pa'i snying po cung zad tsam yang med
nges kyi ngang tshul thugs kyi mthil du

bzungs te thugs pham cung zad kyang mi bzhes pa nas/ sku tshe
dang sku lus la bde ba ma byung bar brten/ da dung gtan 'dun
snying po'i spros pa ji 'dra zhig bzhed kyang bsgrub tu yod pa
ni/ sa skya legs bshad las/ chen po re

zhig rgud gyur kyang/ /de la gdung ba bskyed mi dgos/ /zla ba
re zhig gzas zin kyang/ /de ma thag tu grol bar 'gyur/ /zhes
gsungs pa ltar thugs bde'i dpyid du rol ba/ nyams bzhes zhal
'don shog lhe zur

@095b stsol ltar shin tu 'thus nges dang/ de thog bla ma mchod
pa re nyams bzhes grub na mdo sngags yongs rdzogs kyi gnad
bsdus pa cha tshang ba dang/ dga' ldan snyan brgyud sprul pa'i
glegs bam gyi man ngag gi mthil byung ba lta bu yin cing/

grub chen chos rdo rje dang/ rgyal ba dben sa pa sogs kyang
'di nyid thugs dam gyi mthil du mdzad nas tshe gcig la zung
'jug gi go 'phang brnyes pa sogs rang lugs dam pa gong ma
thams cad kyi thugs dam gyi mthil/ tshig nyung

'dus che/ byin che/ zab gnad che ba bcas re zhig de tsam dang/
slar de thog 'jigs byed dpa' gcig dang/ rdo rje rnal 'byor ma
re nyams bzhes bskyang grub na zab myur khyad par du mas lhag
pa bcas brtse rol/ gang ltar chos lugs

grub mtha' chal chol du rtag chad kyi g.yang sar gzhol ba
rnams la dbu 'khor na sku tshe gtan gyi 'dun ma rtsa nor gyi
steng du/ sku tshe 'dir yang mdzad 'phrin lam du mi lhong ba
yong nges mthong chos ltar lags na rang lugs 'dzam gling bstan

pa'i snying po tshang la ma nor ba/ lta sgom spyod gsum gang gi
cha nas kyang grub mtha' gzhan phyogs pa rnams kyis cha tsam
yang 'gran pa'i zla thams cad dang bral ba dge ldan pa'i ring
lugs gtsang ma'i rnam thar bsre lhad med par rjes su

bskyang na 'phral yun kun gyi bzhed don 'bad med du 'grub pa
gnad che ba kho bos zol med kyis gsol ba thugs kyi mthil du
bcang zhing/ thugs dam nyams bzhes kyang gsung rab sgo brgya
'byed pa'i lde mig gcig cho 
@096a @#/ /mchog rgyal po byang chub lam rim rang la chig dril
mdzad na de las gnad che ba med pa bcas zhib par theg chen rin
po cher mngags zhus ltar dbyings klong zab mor rol ba/ zhes pa
'di

yin no/ /gzhan yang dung dkar bla brang nas zhus pa ltar dung
dgon mkhan zur blo bzang chos dar ba'i myur byon gsol 'debs
kyang ljags rtsom mdzad cing/ 'bru la mkhan chen mchog sprul
dang/ theg chen gling sprul

sku sogs don gnyer can mang pos gsol ba btab pa bzhin bka' chos
gseng dbar gyi dus du mar bzhugs mtshor gyi gzim chung du tshogs
pa nyung 'dus la zur chos kyi rigs dngul chu d+harma b+ha dra'i
gsung mkhas mchog

si tu'i zhal lung gi steng nas sum cu pa dang rtags kyi 'jug
pa'i bshad khrid rgyas pa dang/ bshes gnyen bsten tshul gyi myong
khrid zhag bzhi lnga'i mtshams nas slob ma rnams kyis rgyugs 'bul
dang 'brel ba dal

'byor gyis bcad dbu tshugs tsam gyi bar du zhib par stsal/ kho bo
cag gis yig 'bri gzhan mang po'i zhabs 'degs rgyun mar zhu dgos
par brten 'di skabs sum rtags dang bshes gnyen bsten tshul skor

gyi khrid zhu skabs ma rnyed kyang/ 'bru la mkhan sprul dang/
theg chen sprul sku/ gangs gi'u rin po che/ dge bshes ngag bzod/
sgrub brtson ngag dbang snyan grags sogs kyis rang rang gi zin
bris kha 'thor sna

@096b tshogs shig btab 'dug pa rnams nub re bzhin g.yar nas sa
bcad khog bsgrigs kyis de dag gi zin bris mtha' dag chad lus med
par 'bri bshus kyi ngal pa bsten te/ rje bla ma rdo rje 'chang
'di nyid kyis sngon chad mtha'

dbus du mar zab rgyas kyi chos 'khor mtha' yas pa stsal zhing
mkhas btsun bzang ldan gyi slob tshogs thugs kyis sras gcig bu
lta bu nam mkha'i skar tshogs 'dra ba mang du byung yang spyi
khyab tu gzhan la phan rlabs che ba'i

zin bris grags che ba ma byung 'dug pas da res 'di nyid chud zos
na rjes 'jug khas zhan snyam pa'i zhe 'dun brtan po dang bcas te
nyar 'tshags legs par bgyis shing/ dus phyis lam rim gyi bka'
khrid dngos gzhi

zhu long med skabs mang por yang bshes gnyen bsten tshul gyi thad
du bcar te snga ma'i zin bris la gsung bshad man ngag sngar chad
lus gyur pa'i rigs gsar du gang thos bskyar bsnan bcas bgyis pa
da lta bka' 'bum

kha pa'i gras kyi bshes gnyen bsten tshul gyi zin bris de yin
zhing/ kho bo ni blun po dad brtson can gyi brtul zhugs bzung ba
kho na las bla ma'i zab gsang gsung gi 'phrin las la zhabs 'degs
zhu nus kyi rdo thogs pa'i

yon tan til 'bru tsam ma dmigs kyang dgon 'dir chos 'khor stsal
ba'i lam rim dang/ bshes gnyen bsten tshul gyi zin bris khag
gnyis byung ba 'di tsam yang rje bla ma nyid kyi bla na med pa'i
rnam thar ngo mtshar ba'i 'phrin

@097a @#/ /las 'ba' zhig gi mthur nges pa rnyed sla ste dpyod
ldan dag gis shes par nus so/ /gzhan yang zhu mi bzhi lnga tsam
la sems bskyed bka' rgya ma dang/ dwags po'i lta khrid/ mkha'
spyod

ma'i bsam mi khyab thun mong min pa'i khrid sogs dang/ theg chen
gso sbyong gi sdom pa/ bsgrub bya khag snga rting du mar dge
tshul slong dang/ dge bsnyen gyi sdom pa zhu mi sogs kyang mang
du byung/ chab mdo bla dgon

gyi phebs bsu ba gnas 'dir ched bcar zhu rgyu snyan gsan yang
yang zhus yod pa cung zad nar 'gyangs su gyur kyang 'bru la
mkhan sprul sogs la sngar zhal bzhes zin pa'i chos bka'i rigs
rnams zla ba drug tsam

gyi ring lhod 'gol du gnang/ ngag dbang snyan grags sogs dad
ldan 'gas yang yang zhus pa ltar mi rtag dran bskul snying gi
thur ma zhes bya ba zhig thugs rtsom mdzad pa ni 'di ltar/ kye
ma kyi hud drin can gyi bla

ma/ /nyam thag bdag gi spyod tshul la gzigs dang/ /tshe gang rang
mgo rang nyid kyis bskor ba'i/ /snying med bdag la thugs rje yis
gzigs mdzod/ /rang gis rang la gros 'debs kyi snying gtam/
/snying gi thur ma

snying dbus su chongs dang/ /ma yengs ma yengs rang nyid kyi
ngang tshul/ /mno bsam snying gi thig le nas bskor dang/ /thog
med 'khor ba mtha' med kyi sngon nas/ /da bar grangs med skye ba
yi 'khor lo/ /skyid sdug

@097b sna tshogs de tsam zhib myong yang/ /rang la phan pa cung
zad kyang ma 'grub/ /da res rnyed dka'i dal 'byor zhig thob
kyang/ /sngon chad don med stong zad du shor zin/ /da ni rang
gis rang nyid la brtsen/ /gtan 'dun snying

po'i dge sbyor zhig bsgrub ran/ /rgod mdog spyang mdog grung
mdog gi glen pa/ /'di snang byis pa'i rtsed mo la zhen bzhin/
/glo bur 'jigs rung 'chi bdag gis non nas/ /yid chad sran thabs
med pa zhig 'ong ngo/ /phar

tsam mi 'chi mi 'chi rang snyam nas/ /tshe 'di'i bya bzhag zin
med la g.yeng bzhin/ /glo bur 'jigs rung 'chi bdag kho slebs
nas/ /da lta 'chi ran zer ba zhig 'ong ngo/ /sang dang sang zhes
grabs gshom la brtson

kyang/ /da lta glo bur 'gro dgos shig 'ong ngo/ /las 'phro bra
'phro 'thung 'phro kun dzar re/ /dbang med bzhag nas 'gro dgos
shig 'ong ngo/ /bting nas nyal rgyu de ring las med pa'i/ /stan
gyi tha mar sdong rgan ltar

'gyel nas/ /'gre ldog ma nus nom nom gyi lag pas/ /gos dang
grogs la 'then pa zhig 'ong ngo/ /de ring tsam las gyon dbang
dang bral ba'i/ /gos kyi tha mas phyi nang kun gtums kyang/ /sa
rdo bzhin du je rengs

su gyur nas/ /rang ro'i thog mar mthong dus shig 'ong ngo/ /gtam
gyi tha ma kha chems dang sdug smras/ /nyam thag bzhin du u
tshugs kyis smras kyang/ /lce dbang bskams pas go brda tsam mi
'phrod/ /yi chad drag pos

@098a @#/ /non dus shig 'ong ngo/ /zas kyi tha ma dam rdzas dang
ring bsrel/ /chu rgyun dang bcas kha nang du blugs kyang/ /hub
gcig mid pa'i nus pa yang med pas/ /ro yi kha nang lus pa zhig
'ong

ngo/ /snying nye snying grogs snying gcugs kyi gnyen 'khor/
/brtse zhing gdung bzhin mtha' skor du bskor kyang/ /'grogs pa'i
tha ma du bzhin dang 'phreng bzhin/ /da lta gtan 'bral byed dgos
shig 'ong ngo/ /'jigs rung

'khrul snang rba klong ltar 'khrugs shing/ /gnad gcod drag po
bzod dka' yis non kyang/ /ci yang byar med nyam thag gi ngang
nas/ /tshe 'di'i snang ba nub pa zhig 'ong ngo/ /shin tu gal che
dge sems kyi gsal

'debs/ /bla ma mched grogs bzod med kyi snying rjes/ /rna khung
gsal 'debs brtse sems kyis mdzad kyang/ /yi chad snon mar gyur
dus shig 'ong ngo/ /mgrin pa gre sog sor sor gyi sgra bcas/
/dbugs kyi rgyu ba

je brel du brtsegs nas/ /pi waM rgyud thag chad pa bzhin chad
de/ /tshe 'di'i tha ma rdzogs pa zhig 'ong ngo/ /gces shing
phangs pa'i yid 'ong gi lus 'di/ /ro zhes skyug bro rul myags
shig 'ong ngo/ /mal stan

rtsub tsam mi bzod pa'i lus 'di/ /dur steng sgren mor 'jog dus
shig 'ong ngo/ /tsher ma tsam yang mi bzod pa'i lus 'di/ /dum bur
sha bzhur brgyag dus shig 'ong ngo/ /lji shig tsam yang mi bzod
pa'i

@098b lus 'di/ /bya khyis lhag med za dus shig 'ong ngo/ /pur
dang pur zhes bzang gos kyis gtums kyang/ /sreg khang nang du
'jog dus shig 'ong ngo/ /spos me tsam yang mi bzod pa'i lus 'di/
/me dpung dbus su

bsreg dgos shig 'ong ngo/ /rab 'bar zhugs kyis sha rus kun
bsregs nas/ /rus thal tsam zhig bsdu dus shig 'ong ngo/ /gos
'thug tsam yang mi bzod pa'i lus 'di/ /sa dong dog mor sba dus
shig

'ong ngo/ /snyam pa'i ming gi thog ma dang tha mar/ /tshe 'das de
nyid zer ba zhig 'ong ngo/ /sha tsha snying nye'i gnyen grogs
dang 'khor g.yog /ngu co ldir res khengs dus shig 'ong ngo/
/zhwa gos rgyu nor phyogs bzhi dang

mtshams brgyad/ /lhag med bgo bsha' bya dus shig 'ong ngo/ /rang
nyid gcig pu bar do yi 'phrang du/ /skyo chad ling nger slebs
dus shig 'ong ngo/ /'byung bzhi log pa'i 'jigs rung gi sgra
bzhi/ /thog tu babs pa'i

dngangs skrag cig 'ong ngo/ /ri ral gad pa'i thibs 'og hu tshud
cing/ /sa char drag pos non snang de ci drag /rgya mtsho chen
po'i 'jing klong du tshud cing/ /rba 'tshub drag pos 'khyer snang
de ci drag /me dpung chen po'i tshig sgra

dang tog sgras/ /snying dang rna ba 'gas nyams de ci drag /bskal
pa'i rlung nag 'tshub ma yis 'thums shing/ /'khyer ba'i snang
tshul 'jigs rung de ci drag /las kyi rlung dmar drag po yis ded
cing/ 'jigs rung

@099a @#/ /mun pas bsu dus der ci drag /gshin rje'i pho nyas
zhags thag gis bcings nas/ /skyo chad ling nger 'khrid dus der
ci drag /las mkhan a wa glang mgo dang sdig mgos/ /mi 'dod sna

dgu gtong dus der ci drag /'chi bdag gshin rje'i rgyal po yi
drung der/ /dkar nag dge sdig brtsi dus der ci drag /mi che
chags sdang g.yo sgyu la bskyel ba'i/ /rdzun phugs gshin rjes
brtol dus der ci drag /rang byas sdig

pa'i rnam smin gyi chad pa/ /gshin rje'i khrims rwar gtong dus
der ci drag /dmyal ba'i me nang lcags sreg gis gzhir/ /rang lus
rjen par 'grems dus der ci drag /mtshon cha'i char gyis dum bu ru
bcad kyang/ /'chi rgyu med

pa'i myong dgos de ci drag /khro chur sha 'thor rus 'thor du
btsos kyang/ /da dung mi 'chi myong dgos de ci drag /lus dang me
gnyis dbyer med du 'bar kyang/ /da dung 'chi rgyu med pa de ci
drag /'khyag sbub bu yug

drag po yis btab nas/ /brgya stong kha ru gas dus der ci drag
/bkres skom yi dwags gnas ngan du lhung nas/ /ltogs grir lo mang
sdod dgos de ci drag /glen lkugs skal ngan dud 'gro ru gyur nas/
/gson por

gcig gcig za dus der ci drag /shin tu bzod dka' ngan song gi
sdug bsngal/ /rang thog mngon sum 'bab dus der ci drag /da ni ma
yengs la 'ur dang la 'ur/ /snying dbus rus pa da lta rang bskyed
ran/ /ran pa tsam

@099b ma zad phyis grabs su 'dug pas/ /da lta da ltar la 'ur du
sgrims shig /pha gcig drin can bla ma yi zhal gdams/ /blo bzang
rgyal ba'i bzhed gzhung gi snying po/ /mdo sngags yongs rdzogs
lam bzang gi nyams len/ /

nyams myong gsha' ma rgyud thog tu 'gel ran/ /rang gzhan don
gnyis gtan 'dun gyi snying po/ /nyin rer gang lon ci lon gyi lag
len/ /'chi bdag gshin rje dang su mgyogs kyi tshul du/ /bsgrub la
sgo gsum chig sgril

du 'bungs shig /ces rang gzhan yongs la mi rtag dran bskul
snying gi thur ma zhes bya ba 'di yang gcig tu sgrub la gzhol ba
bya btang ngag dbang snyan grags kyis snga mo nas bskul zhing/
/^mi rje rtse phyag spel bzhi sku ngo

bsod nams kun dga' mchog nas kyang bskul ma nan tan du mdzad
khar/ nye lam ngag snyan pas slar yang bskul ba la brten pha
bong kha'i sprul ming pas kong yul 'bru la bkra shis bde chen
dgon du sbyar ba 'gro don

'phel bar gyur cig /ces so/ /dgon 'dir zur bka'i rjes gnang
stsal ba'i dus tsam la nub cig mi'i skad lta bu skad gdangs
phra'u zhig mtshan sgang du bsgrags pa mang pos thos pa byung/
phyi nyin rje nyid nas phyag phyi pa

'ga' la ma dang nub mi skad lta bu zhig rgyang ring nas thos pa
de gang yin nam gzhan la dris shig ces phebs pa ltar phyag phyi
ba tshos dgon gyi grwa pa 'ga' la dris pas/ a ma shi zin pa'i
sprang phrug cig shi grabs byed pa'i skad

@100a @#/ /ngan 'don pa red zer/ de'i tshul rje nyid la zhus pas/
da lta bka' chos tshogs su phebs zhor du sprang phrug de blta bar
'gro dgos gsungs te da gdod bka' chos stsol bar phebs pa'i zhar

la der ched du phebs/ sprang phrug de'i a ma nye dus mi ring
bar shi zin pa zhig yin la/ lo bdun brgyad tsam lon kyang nyin
mang por zas ma rnyed pa'i thog /shig nad lta bus zin te gyon pa
gos hrul zhig las med pa

la shig gis bar mtshams med par khyab/ ngo gdong kha mig rnams
skrang spos shin tu che bas mig gis cung zad re blta thub pa
tsam las kha nas gtam smra ba dang 'gul bskyod sogs mi nus par
dgon pa'i gling

gseb cig tu 'chi ba la nye ba ltar gyur te yod pa gzigs ma thag
bla brang gi gnyer pa 'phral du 'bod par gnang/ sangs rgyas
byang sems kyi mtshan dang gzungs sngags mang po rna bar bsgrags
shing gdong du ljags

mchil 'deb pa sogs mdzad/ gnyer pa la sprang phrug nad pa 'di
bdag po mi 'dug pas dang por gyon pa 'di brjes te shig gis gos
pa de dam por dril nas rtsig gseb lta bu zhig tu chug /phru gu
'di gdan chen po

zhig gi steng du bzhag nas bla brang du phar khyer la chi bas
ra'i khug kyog lta bu gnod pa med sa zhig tu dro bar snyol la mi
zhig srung mkhan du zhog /zas mang po ster na lto log thebs nas
glo bur du 'chi nyen yod pas/ ja la

@100b rtsam pa phran bu btab pa'i rtsam thang sla mo cung zad re
tsam kha la ldud e thub ltos/ nad pa bdag med zungs zad yin pas
nad las drag thub pa dka' yang 'di 'dra'i 'chi kha ma'i sems can
nyam thag la phan gdogs thub pa byung

na/ 'di nyid la phan thogs pa'ang srid cing/ nged rang tsho
la'ang phan yon chen po 'byung bas phan yon la bsams nas de ltar
mdzod gsung ste gnyer ba la rtsis sprod gnang/ dgong mo bka'
chos grol ma thag nas phebs

zhor du nad pa la gzigs rtog dang/ de nub nas sangs rgyas kyi
'phel gdung dang/ skye bdun ril bu sogs dam rdzas khyad 'phags
du ma sngogs 'don mdzad de sprang phrug 'chi kha ma de'i khar
'gro nges su gnar sbyin yang yang

mdzad/ de'i gnang nyin der sprang phrug de nyid tshe las 'das par
rje nyid kyi zhabs 'bring chog zhabs par bcar ba'i chog grwa
'ga' dang/ chos zhu'i dge 'dun gang 'dzoms bcas gdan drangs te
de bzhin gshegs pa'i

mtshan dang gzungs sngags/ smon lam zab mo'i rim pa gnad smin du
gsung ba dang/ phung po dur khrod du skyel mi bcas la yon dang
gla rngan bla brang nas 'bul sbyin gnang zhing/ rje bla ma nyid
nas kyang rgyang 'pho dang ljags

bspo zab smin du bka' drin stsal/ kong po 'di yul dbus sogs la
ltos na mtha' 'khob ltar dgon pa'i dge 'dun yang bslab khrims
nyams pa mang zhing/ khyim pa rnams kyang dge 'dun la dad gus
chung ba sogs tha
@101a @#/ /zhan lta bu yod kyang/ rje nyid kyi phebs rjes
'brangs pa'i chos zhu ba shin tu mang ba yod pa rnams mkhas
btsun tshul ldan drang ba 'dren pa sha stag tu bzhugs par stobs
kyis khyim pa skya bo

pho mo mtha' dag gis dad gus bsnyen bkur lhur len cing gson
gshin mang po'i sku rim dge rtsa bsgrub par yang chos zhu'i
dge 'dun mang po yang yang u nan gyis gdan drangs te mang
tsam phebs dgos byung bas dge

'dun rnams kyis chos zhu rgyu'i bar chad dang 'dod yon bdud
kyi g.yab mo'i 'tsho ba da res las che ba ma byung zhes gsung
'byon dgos pa yang mang po zhig la byung snang/ bka' chos kyi
tshogs su yang dang 'byor can so sos

bsnyen bkur tshogs gsog 'gran gyi do med ltar sgrub mkhan par
ma chad pa byung/ rje nyid kyi chibs dpon zhang po gzig zer ba
go chod cig 'di dus rims tshad lta bus grongs bar yang rje bla
ma dngos kyis de nyid gnas ngan

las spor ba'i sbyang 'pho dang ljags bsngo sogs zab nan du
bskyangs shing de nyid la ched dmigs kyis zhag zhe dgu'i dus
tshigs kyi dge rtsa dang/ bka' chos tshogs su'ang bsnyen bkur
dang de nyid ming smos kyi bsngo ba'i

mthun 'gyur sogs bla na med pa'i bka' drin gyis khyab par
mdzad/ chab mdo'i khul du byung ba thos grub gu'i rtogs ldan
shAkya shrI'i bu slob 'bru la dgon gyi dbu zur sogs 'ga' res
dbu ma'i lta ba'i skor rnams

@101b go dka' zhing phan tshun 'dzings te grub mtha' gong 'og
dang bod snga rabs pa'i lta ba'i 'jog mtshams rnams zhib gsol
shes dka' bas bka' 'dri dgos gcod zhu 'dod tshe tshul zer ba
'ga' zhig byung yang/ 'dod yon

gyi bslu brid kho nas g.yel ba las de ltar lag tu lon pa ni
mi gcig kyang mi snang/ sngags 'chang blo gros bya bas/ deng
dus gsar rnying gzhan dang sa bka' rnying ma'i chos kyi zab
zab ji ltar sgrog kyang dge ldan pa'i lam

rim zhes pa 'di gcig pur yang do zla mi 'dug /gzhan lta ci/
lam rim gyi dbu'i che ba bzhi po 'di tsam yang gzhan na med/
ngas dge lugs pa la ngo bstod byas pa min te/ grub mtha' so
so'i gzhung rnams la

bltas na shes pa yod ces yang yang zer/ khong pas rje bla ma
nyid las 'di dus chos bka' phal cher zhus shing ldog tu med
pa'i dad pa gting tshugs pa skyes/ dbu ma'i lta khrid nyung
'dus shig bka' rtsom gnang rgyu'i

bskul ma nan du zhus kyang chos 'khor gyi mdzad pa du mas go
skabs phrogs te bka' rtsom ma grub par lus kyang/ rjes su chos
rje ba so bas mdzad pa'i lta khrid sogs kyi phyag dpe 'ga'
zhig gnang skyes su stsal/ padma

bkod kyi khul du lung pa 'gar smyug ma'i shing la 'bras bu
mang po chags te mthar de dag tshon por rgyas pa srog chags byi
tsig zhum bu chung tshad tsam du gyur pa rnams sa la lhung ste
lo tog la gnod 'tshe shin tu che ba byas par

@102a @#/ /mi mang pos dbyug pa khyer nas zhing khar song ste
byi tsig ha cang mang po bsad de/ de dag gi pags pa 'tshong
mkhan kong po 'dir yang 'ga' re byung ba lo lnga drug tsam las
ma song zhes kong po

ba'i mi mang pos rje nyid la zhus par/ thugs ha las te shin tu
ya mtshan pa'i tshul gnang zhing gzhan la'ang yang yang gsungs/
dgon 'dir bzhugs skabs kun gzigs paN chen thams cad mkhyen pas
dbang

phyogs nas gsung yig phebs pa ni/ ^ bstan 'gro'i dpal mgon pha
bong kha sprul pa'i sku rin po cher/ nang lugs spros dor gyis
zhu ba/ dam pa nyid nas bstan pa kho na thugs la bcangs pa'i
'chad nyan gyi

mdzad bzang rlabs po che rgyun mar bskyangs dang skyong bzhin
bzhugs pa ni dam pa'i rang mdangs rma med par 'khums lags/ bar
lam log smon can re zung gi smon mthu dar la drag pas yab sras
dpar yang

dam sel zhugs 'dra'i gnas su gyar yang/ /rang ngos nas skabs
'gar nyon mongs shugs drag dbang gyur ma rungs pa'i bsam pa
cung zad shar ba mtha' ma bkag pa'i nongs gyur las/ snying nas
mkhan chen

mchog la ma dad log lta rgyun chags rigs med nges mchog gsum
sgrib med spyan gyis gzigs chub lags shing/ da lam dgongs
rdzogs kyang 'khos bstun rgya gang che sgrub khul zhu bzhin
ltar de kha dbus gtsang

@102b khul du bsnyen bkur mchod sprin spro mi rim bzhi rtsag
ser las bcas ched rdzongs zhus thog/ /nyid la yang lag star
ma'i zhu yig 'di bzhin phul ba spyan ngor yud chub dang/ phran
rang bskyod mgyogs myur thang ri'i byes ma

sbyor bsten mus la/ 'di dag gegs med lam lhong 'byung ba'i
mchog gsum thugs rje bskul ba'i skyabs smon bden gsol dang/
phan char 'gro ba'i mthun 'gyur mdzad 'os ci mchis dam don
brtse gzigs nas

ring min dngos mjal thog gnas lugs zhib gsol zhu rgyu bcas
dang/ tshe sgrub gnad smin tshe lha gang 'os dbyings bcad kyis
rgyun skyong mi 'dor ba mkhyen/ rten lha reg bcas/ nan cing
san cA shang pho brang nas/

shing khyi zla ba gsum pa'i tshes bcu gnyis bzang por phul/
/zhes dang/ 'di'i bris shog phyi lkog rgya shog ser por bya
khyung sprul 'dzin rnam bcu dbang ldan rgya yig zung gi lan
'phar can/ rgya lkog zhal byang du/

bstan 'gro'i dpal mgon pha bong kha sprul pa'i sku rin po
cher/ nan cing sran cA shang pho brang nas/ shing khyi zla ba
gsum pa'i tshes bcu gnyis dge ba la/ zhes pa 'di yin cing/ de'i
lan du zhu yig 'bul gnang

mdzad pa ni 'di ltar/ ^ rnam 'dren rgyal pa'i dbang po srid
zhi'i gtsug nor ^ skyabs mgon paN chen thams cad mkhyen cing
gzigs pa chen po mchog gi ^ zhabs sen srid zhi'i bla na mngon
par mtho ba'i khri drung du/

@103a @#/ /gus 'bangs pha bong kha'i skye ming pa nas pus
btsugs thal sbyar lha phyag grangs med dang bcas te zhu gsol/
bdag cag rnams la dus gsum rgyal ba kun las brtse chen thugs
bskyed

bka' drin ches cher lhag pa'i ^ skyabs mgon thugs rje'i bdag
nyid chen po mchog sngon gyi thugs dam btsan pos ji lta ji
ltar snyigs ma'i rnam 'gyur ngan dgur 'phel ba de lta de ltar
rlabs chen thugs bskyed kyi go cha bla

nas blar mthor bzhes te gsang gsum 'phrin las dang bcas pa'i
skal bzang gi dga' ston rmad po che stsol dang stsol bzhin
pa'i bka' drin gyi phung po spyi dang/ lhag par gus 'bangs par
bong ba gser gzigs

kyis brtse chen mchog gi ze'u 'brur rjes su bskyangs pa'i bka'
yig rin po che phyag bstar ma lha'i reg bya bzang pos klubs
pa/ sku spar rin po che byin rlabs kyi gzi 'od 'bar ba sku'i
g.yas g.yon du/ ! paN

chen e rte ni'i 'dra par/ pha bong kha sprul pa'i sku rin po
cher mtshams rten du lag bris mar phul/ zhes phyag bstar dam
'byar bcas bka' rtags kyi phyag rgya nyams med spyi bo'i gtsug
tu nod pa 'di 'dra'i bka'

drin gang gis bsab snyam du nyin mtshan khor mor rjes su dran
cing/ byin rlabs kyi phung po zad mi shes pa nyin re bzhin du
spyi bor gtugs te gsol ba 'debs bzhin sgo gsum byin gyis rlob
pa nyid du thob pa'i

@103b bka' drin la gus phyag 'tshal/ 'di na skyabs 'bangs pa
bdag kyang kun gzigs tshe mtha' yas mgon nyid kyi byin rlabs
'chi med kyi zil dngar snying du zhugs pas 'tsho khams bde
zhing/ mgon po bka' drin gyi

mnga' bdag chen po mchog gi mtshan dpe nyin mor byed pa'i dkyil
'khor spyi bye'i bsod nams kyi skal bar nam zhig spyod par
'gyur snyam du nyin dang mtshan du gdung ba bsam gtan ltar
brten cing/ gsol 'debs

bzlas brjod kyi phreng ba 'dren bzhin mchis lags na/ re ba'i
'bras bu myur ba myur bar skal bzang gi bgo skal du thob pa'i
brtse chen thugs dam nam yang mi lhod par rjes su skyong ba
nas/ bdag kyang sngar bzhin brtse

chen gyi ze'u 'brus rjes su skyong ba'i skyabs 'jug bcas brtse
chen dgyes pa chen po'i klong nas zhar yang mi lhod pa rjes su
'dzin pa mkhyain/ mkhyain/ mkhyain/ zhes zhu yig spyan lam
'bab stegs lha re gnang mdzod

dang sog dar zung/ X bcas gus 'bangs sprul ming pas phyag bcas
phul ba'i zhu chung/ zhes pa 'phral du gnang ste gus 'dud chen
pos 'bul pa mdzad/ lha sa nas bla ma 'jam rol rin po ches zhu
yig tshigs

bcad ma snyan tshig gi lam nas drangs pa zhig 'bul mi 'byor
bar/ bka' lan tshig lhug ma dngul srang lnga brgya'i skyes dang
bcas pa dang/ gzhan yang dbus phyogs nas bla sprul sku drag
dang slob bu du mas snga phyir zhu

@104a @#/ /yig phul ba'i bka' lan mang po dang/ bka' rtsom mi
rtag dran bskul gyi phyag dpe sogs kyang 'ga' re stsal/ 'bru
la'i bka' chos phal cher zin nas mkhan chen sprul skus zhus 

pa bzhin 'bru la ri khrod du bla brang gi g.yang sgrub kha
gsos kyang gnang zhing/ 'bru la dgon du de phyogs phan tshun
gyi dad 'dus chig stong tsam la spyan ras gzigs ngan song kun
grol gyi rjes gnang dang ma Ni'i sgom

lung sngon 'gro'i gsung bshad zab rgyas dang 'brel ba bcas
dang/ ser skya mchog dman mtha' dag la 'phral yun dge ba'i
slob ston kyang nan tan du stsal/ hor zla dang po'i tshes nyer
gcig nyin stag phu rdo rje 'chang

gi gsung yig phebs par zhal dbye zhing/ dbu gtugs kyis byin
rlabs zhu pa sogs mdzad de/ zhu lan kyang 'phral 'bul gnang/
tshes nyer dgu'i nyin 'bru la nas chibs thon gyis zhar du
sngags 'chang blo gros

kyis gdan zhus ltar de ga'i khyim gzhis su phebs par sngags
'chang nas zhwa mo dmar po rtse ring dang ras gzan sogs zhwa
gos rgyan chas kyi gzab mchor bzang pos spras shing spos sne
bcas phar tshad tsam du phebs bsur

'ongs te gdan drangs pas der zhag sa mdzad de dgyes mnyes kyis
lhod 'gol du bzhugs/ sang nyin phebs khar sngags 'chang la 'bu
ras kyi lem thang rgyu spus bzang ldan sogs dngos po'i gnang
sbyin yang legs par

@104b stsal/ de nas rim gyis phebs par kong po'i sa mtshams
shig tu bzhugs zhag sar mtshan mo nam sros tsam la sngags
'chang tshe mtshams pa yin zher ba zhig mjal khar bcar te skyabs
rten mtshon pa tsam phul nas shin

tu gus pa'i tshul dang bcas/ bdag rnying ma'i chos lugs 'dzin
cing tshe gang mtshams sgrub la brtson khul bgyis kyang nyams
len gnad du thengs pa'i grub 'bras gsha' ma thon pa zhig dka'
ba 'dug pas chos lag len

gyi snying po gnad du dril ba'i tshig nyung 'dus re gnyis bla
ma khyed kyis bdag la da lta bka' drin stsol grub pa e yong
snyam du re ste 'ongs pa yin/ sdod sa mtho zhing thag ring/
nyin mor mngon gsal du don na bdag la

mis kha gtong nyen yod pas/ nyin bar mis mthong du dogs pa'i
sa 'ga' nas ri la yib cing yib cing dka' ba spyad de 'dir bcar
ba yin tshul bcas zhus par/ rje bla ma nyid nas khong pa la
sngar nas thugs 'dris

mod pa'i zhal slob thugs sras nang ma'i tshul ltar dgyes mnyes
ha cang che ba gnang ste bla slob gnyi ga'i sngar gyi mdzad
rabs lo rgyus ci rigs shig phan tshun dri ba dris lan gyi tshul
du zhib par gnang ba'i mjug tu/ rje nyid

nas khong la zhal gdams kyi snying po 'di ltar stsal te/ khyed
rang nas snga 'gyur gyi theg pa'i chos tshul mang por gsan bsam
rgya cher gnang zin 'dug pas nyi zlar sgron mes gsal 'debs lta
bur chos lag len gnad

@105a @#/ /du dril stangs zur du ston dgos pa gzhan med mod/
nga la dbyug gus bsnun pa bzhin nyid nas dad brtson chen pos
gsungs pa la lan gyis ma stongs tsam zhu na/ dpal mgon 'phags

pa klus/ 'jig rten mkhyen pa rnyed dang ma rnyed dang/ /bde
dang mi bde snyan dang mi snyan dang/ /bstod smad ces bgyi
'jig rten chos brgyad po/ /bdag gi yid yul min par mgo snyoms
mdzod/ /ces ji skad gsungs

pa ltar mi tshe sgang por bug sgo 'dag sbyar byas pa'i sgom
chen pa yin yang tshe 'di snang gi zhen 'khris rtsa ba nas chod
pa zhig ma byung na/ g.ya' gangs mtshams su phyag rdzogs dbu
gsum gyi yang rtse yin zer ba zhig

bsgom par rlom kyang 'khor ba'i 'khor lo bskor ba las ma 'das
te/ dam pa mang po'i zhal nas/ rnyed grags sgyu mar ma shes
shing/ /che 'dod khe grags ma bor na/ /mi yis dam par bzung
gyur kyang/ /da

dung chos brgyad khol po yin/ /tshe 'di thed la ma bor na/ /ji
tsam dge la 'bad byas kyang/ /phyi mar lag stong gcer bur
'gro/ /phyi mar ci 'khyer a tsam/ /'khor ba'i nyes dmigs ma
go zhing/ /'dod yon tshim pa

ma mchis na/ /kha lta'i rbad kham chen yang/ /da dung zog po
rdzun can yin/ /zhes pa dang/ spyir chos mthon po kho na la
dga'/ dma' mo chos blo mi khengs/ stong stong po/ med med po/
mtho mtho po zhig kho na la

@105b dga' ste/ chos kyi pho sgo gang zag gis rtogs ched du mi
'dod/ chos rdzogs pa chen po yin pas mi phan/ gang zag rdzogs
pa chen po bar 'gro dgos/ zhes dang/ chos gcig shes gnyis shes
rang rgyud la sbyor ba zhig

dgos/ sems dang chos kyi phye chu ma 'dres par chos dang gang
zag gi bar na har ba mi shong ba tsam byas/ chos glo ba'i tshod
ma bzhin kha la ca le byas pa des chos kyi dgos pa ma 'grub pa
lags mod/ ngas ni tshe blos gtong

pa la sgrub pa'i mthil du byas pa yin no skyes bu kun/ zhes
sogs gsungs yod pa rnams slob dpon padma dngos bzhugs yod
kyang dgongs pa de las 'da' sa med pa de ga yin/ pad 'byung
rang nyid kyis mtsho rgyal sogs

la gnang ba'i zhal gdams las kyang/ so so'i skye bo thar pa la
mi 'jug /phrag dog nga rgyal dang khengs dregs la zhe na/ yo
byad can ser snas bcings/ ma rig pa sdig pa la spyod/ le lo
can btang snyoms su

sdod; chos byed mkhan chos las ldog /ston chen 'jig rten gyi
chos brgyad la 'chor/ sgom chen tshe 'di don du gnyer/ dad pa
dang brtson 'grus med pa la sogs pa rnams mi rtag pa rgyud la
ma skyes pas lan

yin; 'di rnal ma zhig rgyud la skyes na/ thar lam gyi yon tan
thams cad rgyud la spungs pa bzhin du 'ong ste/ cis kyang byar
med kyi blo skye/ mi chos dgos med du bor/ thar lam la brtson
pas 'jug /yo byad 
@106a @#/ /la chags sems mi byed/ phung po'i bdag 'dzin dor/ 'du
'dzi la bdud du shar/ 'dod yon la bslu brid du go/ long med kyi
shes pa dang mi 'bral/ tshe 'di'i bya ba la dgrar lta/ yang

dag pa'i bla ma tshol/ sdig pa'i grogs po la bros/ ri khrod dgon
pa bsnyegs/ dge sbyor la g.yel ba med/ sdom pa dang dam tshig
bsrung/ chos dang rang rgyud bsres/ de ltar byas na yi dam gyis
dngos grub ster/

mkha' 'gros byin gyis rlob/ sangs rgyas kyis dbugs 'byin/ myur
du sangs rgyas kyi sa thob pa la sogs pa thams cad mi rtag pa
rgyud la skyes pa las 'ong pa yin/ bya ba sogs ha cang gal po
che mang du gsungs yod pa

de tsho khyed rang gis kyang mkhyen mus yin pa gzhir bcas red/
des na thog mar tshe 'di'i 'jig rten chos brgyad nas phyi ma'i
tshangs pa brgya byin dang 'khor sgyur gyi phun tshogs man chad la
yid gting nas log pa'i nges

'byung gi blo shugs drag pa zhig dang/ dpal ldan zla bas/ nyan
thos sangs rgyas 'bring rnams thub dbang skyes/ /sangs rgyas
byang chub sems dpa' las 'khrungs shing/ /zhes sogs dang/ mgon
po byams

pas/ theg mchog la mos sa bon shes rab ni/ /zhes sogs ltar theg
pa chen po'i sa lam 'bras bu dang bcas pa gang gi rjes su 'gro
ba'i byang chub kyi sems bcos ma min pa zhig dang/ slob dpon
'phags

@106b pa lhas/ zhi sgo gnyis pa med pa dang/ /zhes gsungs shing/
dpal ldan zla bas/ slob dpon klu sgrub lugs kyi lam las ni/
/phyi rol gyur la zhi ba'i thabs med do/ /sogs dang/ sangs rgyas
pa la bzhi pa dang/ /lnga pa

thub pa'i dgongs pa min/ /zhes pa ltar bstan pa 'di la 'phags
bod kyi mkhas grub ji snyed cig byon pa thams cad rgyal bas lung
bstan pa'i shing rta chen po klu sgrub kyi rjes su ma 'brangs pa
med cing/ bod 'dir sa rnying

bka' brgyud/ bka' gdams gsar rnying sogs nang pa'i grub mtha'
'dzin pa su yin yang lta ba bye mdo dbu sems bzhi po gang rung
gi lugs las phyi rol tu gyur na rgyal ba'i dgongs par ma song
bas de thar pa'i rgyur

mi 'gro ba yongs grags yin/ da dung thub pa'i dgongs pa mthar
thug tu 'gro ba la grub mtha' 'og ma'i lta bas kyang go mi chod
par dbu ma la thal rang gnyis las thal 'gyur ba'i lta ba thun
mong ma yin pa rnyed pa

zhig dgos shing/ bod 'dir lta ba'i skor la 'dod tshul dang gsungs
lugs mi mthun pa mtha' yas pa lta bu byung ba las/ grub mtha' so
so'i thog ma'i lta sgom gyi bzhed tshul gsung stangs la gsal kha
thon ma

thon ci rigs las phal cher mkhas grub tshad ma mang du byon pa'i
zhal gdams kyi srol dar ba yin la/ rnying ma'i rang shar rang
grol dang/ shar grol dus mnyam/ ye stong ye grol sogs gsung pa'i
dgongs pa'i

@107a @#/ /gtad so yang bden gnyis kyi gnad la ma rmongs par/
shes rab snying po las/ phung po lnga po de dag kyang rang bzhin
gyis stong par rnam par yang dag par rjes su blta'o/ /zhes sogs
kyi

dgongs pa dang 'byor nges pa sha stag tu yod/ de lta ma yin na/
'jug pa las/ de gnyis rnam dbye gang gis mi shes pa/ /de ni rnam
rtog log pa'i lam ngan zhugs/ /zhes pa ltar tha chad du 'gyur
bas/ rang sde'i

lta ba'i bzhed tshul dang mi mthun la/ des na khyed nyid nas nges
'byung dang byang sems bcos ma min pa gzhir gzung ste/ slob dpon
chen po dang/ bi ma la mi tra/ bai ro tsa na sogs sngon byon
mkhas grub gong ma tsho'i

dgongs pa'i bcud phyung ba'i lam la da mus bzhin sgrub pa mthar
bskyal te rnying ma'i grub brnyes snga ma rnams kyi rnam thar
gyi phyis rjes zin pa dgos tshul bcas bka' slob snying po can
stsal bas sngags 'chang des

kyang yid rab tu tshim pas thugs rje dang bka' drin tshad med du
che tshul dang/ da nas ma shi'i bar du bsgrub pa'i mchod pa gang
nus ci nus su 'bul rgyur tshe mjug don ldan yong pa dang phyi
nang gi bar chad zhi ba'i

skyabs 'jug gnang dgas tshul sogs kha zhe med pa'i legs brjod
bstod bsngags kyi zhu tshig mang po dbyangs su sgrog bzhin rang
gnas su log pa zhig byung zhing/ tshul 'di dag de rjes kho bo cag
la'ang yang

@107b yang phebs/ de nas rim bzhin byon pas lha sa phyogs nas
nor gling em rje lha klu lkog pa thub bstan tshe dbang lags
dang/ chab mdo bla brang nas gnyer chung don grub bkra shis/
chab mdo dgon sde spyi nas blo

bzang tshe 'phel sogs chab mdo'i gdan zhu ba bcas 'byor te mjal
phyag dang mtshams zhu'i mjal dar phul ba sogs byas shing/ de nas
bzung gnyer chung dang blo tshe gnyis kyang bka' chos zhu rgyu
dang sbrags te lhan du

bcar/ hor zla gnyis pa'i tshes drug bdun sogs la ar tsa dgon nas
gdan drangs pa bzhin der zhabs kyis gcags te 'dul 'dzin grags pa
rgyal mtshan gyi gsung rgyud don gsal ba'i steng nas kun rig lta
so

bdun gyi dbang chen sta gon dngos gzhi dang bcas pa/ de phyogs
kyi ser skya dad 'dus ches mang ba zhig la stag phu'i dag snang
gsang ba bcu gsum gyi gras spyan ras gzigs ngan song kun grol
gyi rjes gnang dang/ ma Ni'i

bzlas lung bcas stsal/ de nas phebs te lha ri mgo'i dgon pa dang
sdo spyi nas zhus ngor dgon pa'i thad kyi thang gzhung bzhugs
sgar gyi sar tshes bcu gcig /bcu gnyis/ bcu gsum bcas la kun rig
lha so bdun

ma'i dbang chen nyin gnyis dang/ ma gcig grub rgyal lugs tshe
dpag med lha gcig bum gcig la brten pa'i tshe dbang bcas sngon
'gro'i ljags bshad dge bcu'i blang dor sogs kyi gnad las brtsams
pa'i slob

@108a @#/ /ston zab rgyas dang 'brel ba bka' drin du stsal/ de
nas phebs par nyin gcig bzhugs zhag gnang ba'i sar mtshan mor kha
ba shin tu che ba babs shing/ sang nyin phebs lam kun kyang
gangs

kyis non 'dug pa nas gyen ma gseg gi la brgal nas byon par yar
tshad mig rgyang gang tsam gyis na ri khrod lta bu chung ngu zhig
gi phyi sgo'i 'gram nas phru gu zhig mgyogs por khang pa'i nang
du zhugs song ba las gzhan mi

snang yang/ yun cung zad song mtshams nas bla brang gi gnyer
tshang skor pa yong skabs ri khrod lta bu de'i phyi rol na grwa
pa'i bzo 'dra ba kha shas 'tshogs te bsangs gtong zhing lag pa'i
thal mos zlog pa mang po rgyag pa

mthong 'dug /rjes su gzhan la dris skabs de bon po'i dgon pa
chung ngu zhig red zer/ rje bla ma ston 'khor rnams la thog tu
phebs bas ri klung thams cad gangs kyis khengs shing/ la rgyab
nas thur du phebs sa'i lam

tshang ma yang gangs than gyis byur khengs ltar gyur/ sngon yod
kyi gangs rnying pa thog so 'ga' re tsam yod nyams byed pa 'dra
ba'i steng du gangs gsar pa che stabs kyis ci bya gtol med lta
bu yod pa la sngar lam la rgyus

yod pa 'gas lam ga'i kha phyogs tsam btsal te mar tsam byon pa
na/ la mgo de'i shar lho'i phyogs pon gyi gzhi bdag gcig gnas
yod pa red zer ba'i ri mthon po zhig gi 'gor gnam shin tu 'tshubs
pha

@108b ser ba 'bebs rtsis ltar byed bzhin pa'i mus nyid du de'i
phyogs nas kha rlung 'khor 'tshub mang po?? byung ba'i rkyen lta
bus rje bla ma nyid phebs lam gyi la 'og nas mar tsam phebs zin
pa na/ lam ga'i g.yas g.yon nas

la mgo man chod kyi gangs thams cad sdeb gcig tu nyil te/ dkyil
du lam ga gya gyu ba nye skor tsam las ma lus par 'ur chom gyi
sgra gnam sa grum pa tsam grag ste lung pa'i mda' g.yas g.yon
rnams 'khyag pa

'dra ba'i gangs lang ma ling ri brag nyil ba lta bus rbad de
khengs pa byung ba/ gsol dpon sogs nas rje nyid la da mgyogs por
ma byon na gang min gyur nyen 'dug zhus par/ zhal nas/ ga ler
phyin pas chog /skyon

mi yong zhes zhal kyal dang bzhad mo'i rnam pa sna tshogs mdzad
de/ kho bo cag sogs der yod pa kun 'jigs dngangs mi bzad pa'i
sdug bsngal las dbugs phyung ba mdzad cing/ de dag bon po'i mthu
byad kyi cho 'phrul

yin yang nged la ba spu g.yo ba tsam gyi gnod pa yang mi nus
pas khyed tsho 'jigs mi dgos zhes mi 'jigs pa'i rtogs pa'i gdeng
brnyes pa'i gsung yang yang byon pa kho bos kyang lan cig min
par thos so/ /sra mda'

bon dgon gyi nye 'gram bzhugs zhag gi sar phebs khar bon dgon
gyi thog steng du rgyang ma nas mngon gsal che pa'i bsangs kyi
dud btul dang/ dung rgya sogs kyi mchod sprin rgyas par spros
shing/ sgar sar zhabs 'khod

@109a @#/ /drin mtshams bon dgon nas mjal dar dang/ gsol ja/ bzhes
gro bcas 'degs mi grwa btsun chab blugs btags pa dwang ba 'dren
pa zhig dang bcas byung bar mjal kha phyag dbang dang/ legs

dar bcas stsal/ sang der rje nyid nas bon dgon la bsnyen bkur
mang 'gyed kyi dod grwa pa'i zhal grangs la gzhigs te yon ma
chung ba zhig gnang dgos tshul phebs pa bzhin phyag mdzod nas de
'phral dgon gyi grwa pa pos

te mchod sbyin legs par spros/ rgya shod ban sgar du phebs nyin
de ga'i dgon pa dang yul sde spyi nas phebs bsu pa chas gos gzab
mchor can gyi ser skya rta pa drug cu skor tsam rgyang ring gi
sar 'ongs pa rje bla ma ston 'khor

rnams phebs lam gyi thang chen po'i dkyil du cung zad chibs rags
kyi sna bskyil nas bzhugs pa la g.yas skor gyis skor ba lan
gsum byas/ de nas de rnams mdun du star bsgrigs kyis song ste
rim gyis dal bur

gdan 'dren pa sogs gna' bo'i srol ngo mtshar can byed pa 'di man
gyi dgon sde gzhan 'ga' re la'ang snang/ ban sgar dgon du phyag
phebs khar pan sgar stag phu bla brang gi yang steng nas bla
chen gyi che bar 'os pa'i

mdo bdar/ spyan rgya phebs rol/ 'ja' tshon sna lnga bla rer bres
pa 'dra ba'i gos dar bzang po'i bkra shis phra ring srid du ring
ba bkram pa sogs dang/ nye 'gram du dgon gyi las sne dbu chos/
dge 'dun byings mang

@109b 'o bcas kyis spos sne dang/ bsangs kyi dud sprin/ 'phan
gdugs/ bla bre/ rgyal mtshan/ ba dan/ spos por sogs thogs pa
dang/ dung rgya ser sbreng bcas kyis mdun bsus te ban sgar dgon
nam/ pad dkar rnam rgyal

dpal 'phar gling du gdan drangs/ phyogs phebs kyi skabs 'di dag
tu dgon pa so so'i dge 'dun ser sbreng du phebs pa gang yod la
ser 'gyed ces pa dngul srang gang tsam las mi dma' ba re sku
'gyed du 'bul gnang

mdzad pa snga phyi'i dus kun tu star chags mdzad lam spyi 'gre
bzhin gnang srol yod pa gzhan thams cad la mtshungs par sbyor sla
bas 'og tu re re bzhin du 'god mi dgos so/ /de nas bzhugs gnas
ban sgar bla brang

gi gzim chung du zhabs sor 'khod par/ dgon dang grong sde spyi
bye'i gsol ja/ bzhes gro/ dkar spro/ mjal 'bul/ gsol ston sogs
legs bstar zhu mi'i rigs mtha' dag la so so'i 'dod bstun gyi
dgyes

pa'i gsung mchid/ slob ston/ mjal kha ja gral sogs yid mgu bar
stsal/ chab mdo khul nas brag g.yab bla ma rtogs ldan rin po
che'i gsung skyes bu slob 'ga' re 'dir bka' chos zhu bar phebs
pa'i gdong du

rtogs ldan rin po ches zhu yig 'bul rgyu phul bar yang zhib
gzigs thog /thugs ha cang mnyes pa'i bka' 'dri gsung gleng zhib
tu gnang zhing/ rkang pa kha bas phyid pa dang nad kyis btab pa
'ga' shas byung 'dug

@110a @#/ /pa dang/ chab mdo khyung po sogs kyi chos zhu ba gsar
du 'byor ba rnams la'ang sngon yod chos zhu ba gzhan ma rnams
ltar 'tsho chas dang sman sbyin sogs kyis gso skyong blta rtog
dgos lugs

skor gsol dpon dang gnyer pa sogs phyag phyi ba rnams la zhal ta
nan tan gnang/ de ga'i dgon pa spyi sogs nas zhus ngor tshogs pa
brgyad brgya skor la tshes nyer gcig nas bzung nyin brgyad kyi
ring byang chub lam

rim bde lam dang/ sbyor chos skal bzang mgrin rgyan/ lam rim sa
bcad rje btsun bla ma'i zhal lung rnams sbrags ma'i thog nas lam
gyi rim pa'i nyams khrid zab cing gnad 'dril ba lung khrid
sbrags mar

stsal zhing 'di'i dus su lhag mthong gi dgag bya ngos 'dzin
skabs ston pas gdul bya 'ga'i ngor dang por chos thams cad rang
bzhin gyis grub pa'i phyogs gsungs te grub mtha' 'og ma'i lta ba
bstan tshul dang tshul

mtshungs par dngos kun rang ngos nas yod pa'i tshul lta bu gsungs
pa la/ phyis rtogs ldan rin po che'i zhal slob 'ga'i gsung ris
mched par/ skyabs rje rdo rje 'chang gi lta ba bye brag smra
ba'i lugs yin 'dug bya ba'ang

byung skad/ lam rim zab khrid kyi zhar du rje'i gsung lam rim
nyams mgur dang/ bzang spyod dang byams pa'i smon lam bcas kyi
ljags lung/ hor zla gsum pa'i tshes gnyis dang gsum la dpal rdo
rje 'jigs byed

@110b dpa' bo gcig pa'i dbang chen sta gon dngos gzhi dang bcas
pa dang/ thun drug bla ma'i rnal 'byor gyi bklags lung/ khul
de'i phyogs 'dus kyi dad ldan ser skya nyis stong tsam 'dus par
dal 'byor dang/ skyabs 'gro/

las 'bras sogs las brtsams pa'i sngon 'gro'i ljags bshad rgyud
'khul tshabs che ba dang 'brel bar/ grub rgyal lugs kyi tshe dbang
dang/ ma Ni'i bzlas lung bcas gnang zhing/ 'dir yang snga phyir
bsgrub bya ches mang

bar dge bsnyen gyi sdom pa dang/ rab byung dang dge tshul slong
gi bslab sdom yang mang du stsal/ nags shod stag phu rdo rje
'chang gis sngon dus nas stag phu'i sgrub sde gsar pa dge ldan
lugs bzang kun 'phel gling gi bca'

she gsar zhu mdzad rgyu rje bla ma mchog brgyud de gzhung gnas
su zhus pa ^ mi rje shan kha ba nas zhu bskul gnang dgos rje
nyid kyis bkas mngags pa bzhin zhus stsal legs grub kyis de
sngon nas lha 'grul gyi gdong du

'byor zin pa yang dngos mjal gyis 'bul rgyu sogs kyi slad rje
bla ma nyid nags shod du rdo rje 'chang gi mdun sar ched phebs
gnang rgyu'i zhu yig ched 'bul mdzad par/ stag phu rin po ches
da res ban sgar nas stag phur

lam kyog de tsam bskor te ched phebs gnang rgyu ha cang sku ngal
che nges stabs da lam phebs ma dgos pa gnang ste/ chab mdo nas
yar chibs bskyod kyi zhor du stag phu'i gad nas phan tshun gnyis
kar gdan 'dren zhu dgos bca
@111a @#/ /yar lam phebs rgyu kho na legs tshul sogs kyi gsung yig
lan gsum tsam phebs par/ rje bla ma mchog nas rdo rje 'chang gi
mdun du da res nges can du ma bcar thabs med yin tshul/ sngon

dus lam rim mchan bu bzhi sbrags kyi bshad khrid gsan pa'i 'phro
cung zad lus pa yang da lan gyi dus skabs 'dir bka' drin zhu
dgos dang/ der ma zad bstan srung gnyan po'i nye brgyud srog
gtad kyi bka' zab mo'i

rim pa dag dang/ chos bka' gzhan yang nod pa'i thugs 'dun yod pa
sogs dgos pa du ma'i rgyu mtshan nan gsol yang yang dang/ bka'
chos snyan gsan bcas kyi zhu yig 'bul mi'i bang phyin pa rim
bstud du

gnang ba'i mthar stag phu rdo rje 'chang nas kyang dgyes pa'i
gsung gi zhal bzhes dang/ rje bla ma nyid stag phur gdan 'dren
zhu ba'i snyan gsan mjal dar/ phebs bsu ba gsol dpon g.yu lags
sogs rim par

stsal/ de nas dus tshes dge ba dang bstun te ban sgar dgon nas
nags shod phyogs su chibs kha bsgyur/ lam bar gyi mjal mi dad
ldan ser skya'i tshogs du mar mjal kha phyag dbang dang/ dgyes
pa'i gsung gleng

'dod dgur stsol ba sogs 'brel tshad don ldan du bskyangs shing/
sgrub brtson dam pa chos mdzad blo bzang rgya mtsho sogs phebs
sgar du mjal zhur bcar mi mang bor yang spyi bye'i gsung mchid
nang lhug tu stsal/

@111b rdo rje 'chang nas stag phu bla brang gi thab bsu'i sar
sgrub sde'i lung mdo bar phebs bsur phebs rgyu'i bkod lam gnang
yod pa gsan 'phral bskyar ma'i zhu yig 'bul gnang thog /rdo rje
'chang mchog thab bsu'i sar chibs

bskyod mdzad rtsis gnang tshul de dag nged cag gi slad ma'i rten
'brel bzang po'i skal bar mi legs par brten thugs brtses byams
gzigs kyis thab bsu'i sar rdo rje 'chang chen po chibs bskyod
gnang rgyu sogs de

rigs gtan nas mi mdzad par lhod bzhugs gnang dgos tshul sogs zhib
nan du gsol te bshes gnyen bsten tshul tshun chod nas lam gyi rtsa
ba ma 'chugs pa mdzad/ sgrub sder phebs skabs stag phu rje drung

rin po che dang/ 'bri ru skyid shod zhabs drung mchog sprul
mkhas grub bstan 'dzin 'jigs bral chos kyi rgyal mtshan sogs bla
sprul dge 'dun mang pos phyag 'bul/ gus 'dud/ spos sne/ ser
sbreng gi rim pa tshar

du dngar ba dang/ gar phrug pa du mas gar rtsed kyi mchod sprin
bstar ba/ gtsug lag khang gi sgo mchor gyi steng nas mdo bdar
brdung ba dang/ spyan rgya mchod rol sogs bla chen gyi bkur bzos
tshad med pa dang bcas

te gdan drangs nas sgrub sde dga' ldan lugs bzang kun 'phel
gling du chibs sor 'khod/ sgo mchor du stag phu rdo rje 'chang
chen po dang rje bla ma mchog gser zhal dgyes 'dzoms gnang ste
phan tshun sku phyag 'bul

@112a @#/ /res dang/ dbu gtug /mjal dar rtse sprod mdzad pa sogs
shin tu gces pa'i ma bu yun ring bral ba gsar du phrad pa ltar
bla ma yab sras gnyis kas phan tshun dad gus byams thugs

mkhyen brtse gcig tu 'dres pa'i rang tshul rjen par gsal ba'i
rnam 'gyur du ma 'gog med du stsol bzhin pa'i mus nas stag phu
rdo rje 'chang gis bzang spos kyi rengs bu'i dri ngad gtul bas
sne drangs/ gzhan gyis

lad mo tsam yang bya dka' ba'i gus 'dud tshad med pa'i sgo nas
'du khang du gdan drangs/ 'di res bla ma yab sras gnyis mjal
ba'i tshul dngos yul du gyur pa'i mi mang po zhig ni de 'dra'i
rnam thar bzang pos yid

kyi brtan pa rab tu phrogs te yun ring mo'i bar dad gdung mnan
mi bzod pa'i mig chu'i thigs pa char ltar babs shing/ gsol 'debs
smon lam zab mo'i rgyas 'debs pa'i las can gyi skye bo skal bar
ldan

pa'ang byung snang/ de nas bzhugs khri chen mor bla ma yab sras
gnyis zhal sprod kyi tshul du lhan cig tu bzhugs te/ thugs nang
cher mnyes shing gshin pa'i gsung gleng 'byams su klas pa'i thog
/gzhis byes

kyi bla sprul dang phyag phyi ba phal cher bzhugs gral du bstar
te/ gsol ja/ bzhes gro/ dkar spro sogs rgyas bshams dang/ thog
steng nas spyan rgya dang mdo bdar 'bud brdung/ gar phrug pa
rnams kyis gar gyi

@112b rtsed sna du ma mchod pa'i sprin du spro ba sogs ngo mtshar
ba'i dgyes ston du mar yun mi thung tsam gyi bar du rol zhing/
dus skabs der las smon bzang pos ched du bos pa'i skal bzang gi
gdul bya blo gros dang ldan pa mtha' dag

pas ni/ sngar rgya gar 'phags pa'i yul du grub brgya'i med po
dpal ldan sa ra ha pa dang shing rta chen po dpal mgon 'phags pa
klu sgrub gnyis gdan gcig tu 'dzoms te zab mo'i chos kyi bgro ba
mdzad pa dang tshul

mtshungs pa 'di 'dra mjal ba tsam yang bsod nams kyi mthu dpag tu
med pa zhig gi rgyu ma tshang bar rnyed par dka' na/ bdag cag da
lta'i bar du gson pa ni don dang ldan pa kho na'o snyam du sems
pa gor mchag ste/

der 'dus pa'i ser skya phal mo che rnams rgyu rkyen de dag gis
kyang sgo gsum dad gus kyis bskyod pa'i phyag mchod gsol 'debs/
thos bsam sgom pa sogs la rings par 'jug pa mang du byung ba'i
rtags las

dpog nus pa'i phyir ro/ /der bzhugs gral grol nas rdo rje 'chang
gi gzim chung du gdan drangs te lhod bzhugs thog /gsol ston
dang/ de ga'i sgrub sde'i slob dpon las sne dang/ sgrub grwa
khag phyogs 'dus

kyi skye bo grangs med pa rnams la mjal kha sogs lhod 'gol du
gnang zhing/ rje nyid nas rdo rje 'chang chen por mjal dar rten
gsum 'degs pa dang bcas sgrub sde'i bca' she yang 'bul gnang
mdzad de rten 'gyur

@113a @#/ /gi sgo rgya cher phye zhong rdo rje 'chang gis kyang
thugs 'dun dgyes par gang ba'i dgyes gsung gi rnam pa yang yang
phebs/ stag phu rdo rje 'chang nas gsal gdab gnang ba ltar hor
zla

gsum pa'i tshes bco lnga/ bcu drug /bcu bdun bcas la rdo rje
'chang chen po nyid dang/ 'bri ru zhabs drung mchog sprul/ stag
phu rje drung rin po che/ zhol sras gangs gi'u mchog sprul/ tre
hor dge rtag sprul

sku sogs dang/ sgrub sde'i dge 'dun rnams dang/ phyogs 'dus kyi
chos zhu ba sogs dad ldan tshogs pa brgyad brgya skor tsam la
'jam mgon tsong kha pa chen po'i gsung lam gtso'i rtsa tshig gi
steng nas

lam gyi gtso bo rnam gsum gyi bshad khrid ljags lung sbrags ma
dang/ dus 'brel gso sbyong gi skabs sgrub sde'i dge 'dun rnams
kyis gtsos dge tshul slong/ gso sbyong du 'du ba ji yod la tshul
khrims

yang dag par ldan pa'i mdo gsung ba'i dbur mdo de'i bshad khrid
rgyas pa bcas stsal/ rdo rje 'chang nas cho 'phrul dus chen
skabs rje rgyal ba gnyis pa'i phyag srol ltar sgrub sder cho
'phrul gyi dus mchod

'dzugs pa gnang yod pa 'di skabs rje bla ma mchog zhabs sor
'khod bstun smon lam 'phar tshogs kyi tshogs dbur rje 'di pa gdan
drangs pa bzhin byon te rje nying dang/ stag phu rdo rje 'chang/
'bi ru zhabs//

@113b drung rin po che rnam gsum dang/ sgrub sde'i dge 'dun bcas
nas cho 'phrul mchod pa'i gsung chog chos spyod khrus gsol sogs
dbus 'gyur chos sde chen po'i phyag bzhes ltar mdzad de/ bstan
'gro'i phan bde

rgyas pa'i thugs smon yang dag pa gnang/ sngar nas snyan gsan
yang yang 'bul gnang mdzad pa bzhin par skabs rnams su stag phu
rdo rje 'chang gi drung nas lam rim chen mo mtshan bzhi sbrags
kyi bshad khrid

gsan 'phro pod gnyis pa'i mjug yongs su rdzogs pa'i lung khrid/
de'i lo rgyus dkar chag bcas dang/ lho sprul rin po che'i gsung
brgyud 'debs bcas kyi ljags lung/ dge ldan bstan srung gnyan po
rdo rje

shugs ldan rtsal chen po'i srog gtad dag snang nye brgyud thun
mong ma yin pa'ang rje bla ma nyid nas chig brgyud bcas gsan/
'di skabs kho bo cag rdo rje 'chang rnam gnyis lhan cig tu
bzhugs pa'i sku drung du 'bod

pa gnang ste/ rje nyid kyi zhal nas/ da res nged kyis rdo rje
'chang gi drung nas chos skyong chen po'i srog gtad kyi bka'
drin zhus zin pas rjes su srog 'khor zhig kyang med thabs med
phyir da lam rdo rje 'chang la bka'

slob zhus te khyed rang nas ma dpe gsar du 'bri dgos pas ji ltar
'bri tshul rnams yid la nges par gyis shig ces phebs par/ rang
nyid nas da res 'di shin tu rtsa 'gangs che bas bla ma rnam
gnyis nas bka'

@114a @#/ /bgros pa'i man ngag gcig 'dres su phebs pa'i bzo thon
pa ltar srog 'khor 'bri lugs rnams yi ger 'khod na legs snyam du
de 'phral ji ltar stsal ba bzhin zin thor btab

pa dus phyis rje nyid kyi bka' 'bum du bzhugs pa ltar yin zhing/
de nyid ma phyir bgyis te slad dbus gtsang mdo khams sogs phyogs
kun tu 'phrin las dar zhing rgyas par gyur to/ /gzhan yang
sngon/

gsan pa'i 'phros rdo rje 'chang gi bka' rtsom ci rigs sogs man
ngag sna tshogs shig gsan tshul thos kyang de dag gsan thor gnang
ba gsal kha can mi snang bas re zhig bzhag go/ /bar du nyin 'ga'
shas

kyi gong nas rdo rje 'chang dang stag phu'i ri phug dge 'phel
byang chub gling gi dgon spyi nas snyan gsan 'bul gnang mdzad pa
ltar gdan sa der chibs bskyod mdzad rgyur sgrub sde'i mdzad sgo
che phra rnams zin 'phral

nas chibs kyis bskyod par/ stag phu rdo rje 'chang chen po dang/
ri phug gdan sa'i slob dpon las sne dge 'dun bcas kyis spos sne/
bsangs dud/ ser sbreng/ mdo bdar/ gar rol sogs ngo mtshar ba'i

sri zhu phu dud kyi bkod pa du mas gdan drangs te/ stag phu
bstan pa'i rgyal mtshan dang/ gar gyi dbang po sogs kyis dag pa
rab 'byams rgyal ba'i 'khor lo dang thabs gcig tu rol ba'i gnas
mchog/

@114b ? ?gzi byin 'og min mkha' la spyod pa'i zhing dang gnyis
su med pa lta bu'i gzim chung bka' gdams chos kyi pho brang du
phebs sgrig mdzad yod pa bzhin der zhabs sor 'khod de/ phan tshun

mjal dang/ nyen gsum 'bul gnang dang/ dkar spro 'degs 'gyogs
sogs legs spros thog /bla ma yab sras dgyes dgu'i gsung gleng
'phel zhing bde ba mchog gi rnam rol dag pa'i gzigs mor shar

ba'i? gsang gsum gyi mdzad pa rmad du byung ba du mas dus 'da'
bar mdzad/ stag phu rin po ches zhu gnang mdzad pa bzhin rdo rje
'chang gis gtsos zhu mi brgya phrag brgal tsam la sgra mi snyan
gyi tshe khrid/ rje nyid

kyi gsung bla ma rgyang 'bod dang/ dpal mgon zhal bzhi ba rgyas
byed ser po lha dgu'i bum bsgrub/ de'i lhan thabs dbyar gyi rnga
gsang/ 'khrungs rabs gsol 'debs bai DUrya'i 'phreng ba bcas kyi
ljags

lung rnams stsal/ rdo rje 'chang nas rje bla ma mchog la sngar
bod du gsung yig phebs pa ltar tshe sgrub zhag bdun ma dang/ sgra
mi snyan/ nyi gzhon 'char ka gsum gyi tshe dpag med lder skur
gsar bzhengs

gnang rgyu'i shog dbe rje nyid nas zhal bkod kyis 'bul gnang
mdzad pa ji lta bar gdan sa 'di nyid kyi gling gi grwa zhig na
rdo rje 'chang dang gsang yum rin po che'i bzhugs gnas zur gzim
padma dga' ba'i

@115a @#/ /tshal zhes pa gsar bskrun gnang ba'i gzim chung du gtso
bo gong gsal che ba gsum dang/ de mtshungs kyi sku gsum ga chung
ba shin tu mang po dang bcas legs bzhengs mdzad yod

par rdo rje 'chang gi bka' bzhin rje nyid yang yang zhabs sen
gyi 'khor lo bkod de/ rab tu gnas pa dang/ snyan shal mchod
sprin sogs dang 'brel rgyal ba'i bstan pa bstan 'dzin dge 'dun
gyi sde bcas 'phel

rgyas 'gyur med rtag brtan shis pa'i tshig gi bden brjod thugs
smon gzab par gnang/ rje nyid nas rdo rje 'chang la gsol gdab
gnang ba bzhin byes kyi zhabs gras dang chos zhu ba sogs la tshes
nyer bzhi nyin 'du khang

du/ stag phu'i dag snang gsang chos bcu gsum gyi gras rje btsun
sgrol ljang tsitta ma Ni'i gtor dbang/ grub rgyal lugs kyi tshe
dpag med lha gcig bum gcig la brten pa'i tshe dbang/ dag snang
bcu gsum gras mi tra tshe

dpag med kyi tshe dbang/ rdo rje 'chang nyid kyi gsung dam tshig
rdo rje'i sgom bzlas dang/ mi tra tshe dpag med kyi sgrub thabs/
tsitta ma Ni'i bla ma'i rnal 'byor bcas kyi bklags lung rnams
snga phyir stsal te/ sgrol ma tsitta ma Ni'i/

gtor dbang gsan pa gzhan tshang mas 'di nyid sger gyi bla ma'i
rnal 'byor 'chag med gnang dgos shing/ rje bla ma rdo rje 'chang
chen po'i phyag phyi ba rnams kyis rje bla ma nyid la mnyes pa
sgrub pa'i rnal 'byor kho nar brtson pa

@115b las/ de las lhag pa'i bla ma'i rnal 'byor dam bca' can zur
du khas len pa mi dgos gsungs/ tshes nyer lnga nyin stag phu rdo
rje 'chang sku 'di bas gsar bzhengs gnang ba'i rje btsun rdo rje
rnal 'byor ma'i snang brnyan mthong

bas rjes 'dzin ma zhes pa'i spyan sngar rdo rje 'chang dang rje
bla ma mchog rnam gnyis kyis nyin gcig tu skal ldan gyi tshogs pa
'ga' shas tsam gyi dbus su nA ro mkha' spyod ma'i dbang bzhi
byin rlabs zab mo phar tshur lan gnyis

su gsan res mdzad cing 'di'i dbang gral du tshud pa rnams 'di nas
'phos ma thag dag pa mkha' spyod du 'gro ba'i gdeng rnyed pa lta
bu yin zhes stag phu rdo rje 'chang nas gsal rjen du gzhan 'ga'
la phebs 'dug pa rjes su

yang yang thos/ kho bo cag ni 'di dus dag snang tshe dpag med lha
lnga'i sgo nas bla mar brtan bzhugs 'bul tshul gyi cho ga'i bca'
gshom byed tshul rgyas par bkod pa gdan sa de ga'i phyag bzhes
thun mong min pa'i tho yig

gi dpe deb cig snang ba rje bla ma nyid nas brtan bzhugs bca'
sgrig gi tho 'di 'phral du 'bri ba shu zin thabs byed pa gal che
tshul nan can du phebs pa ltar dpe deb de nyid 'phral bshus kyi
brel bas nyi 'phul kho na'i dbang du

shor ba las/ gong gsal rnal 'byor ma'i byin rlabs zab khyad lhag
par dod pa de nyid zhu ba skabs su ma babs kyang/ dpal ldan
'khor lo sdom pa yab yum dngos dang zhal mi gnyis pa rje bla ma
rdo rje 'chang gi bka'
@116a @#/ /bzhin sgrub pa'i zhabs tog gis yid tshim par byas pas
rdo rje rnal 'byor ma dgyes pa'i thabs kyang 'di bzang snyam du
re ba lags te zhar byung ngo/ /sgrub sdar bzhugs skabs nas rje
bla ma mchog dang

stag phu rdo rje 'chang rnam gnyis phan tshun zhabs pad yun du
brtan par gsol ba'i brtan bzhugs 'bul bzhes gnang rgyu'i snyan
gsan dang zhal bzhes legs zin ltar ri phug gi gdan sa 'dir gza'
tshes 'byung 'phrod

shis pa'i skabs dang bstun te nyin gnyis kyi ring dag snang
gsang chos tshe dpag med 'chi med lha lnga'i sgo nas cho ga phyag
len ches cher rgyas spros kyi lugs ltar gnang ste brtan bzhugs
gzab rgyas su 'bul res mdzad

cing/ brtan bzhugs dngos gzhi'i skabs rje bla ma mchog gis
maNDala ljags bshad dngos 'bul mdzad cing/ rdo rje 'chang nas
maN bshad dngos su gnang mi dgos par gzhan zhig nas sku tshab
bgyis na 'thus

pa'i gnang ba rje nyid nas nan gsol ltar rdo rje 'chang gis maN
bshad ljags rtsom gnang ba gzhan zhig nas bshad 'bul mdzad/
brtan bzhugs kyi nyin gnyis kar phan tshun gyi phyugs rdzi rnams
dang/ byes 'grul mang

po zhig gis/ dgon pa'i 'du khang gi yang steng du 'ja' 'od kha
dog sna tshogs pa go mtshams med par 'khrigs 'dug pa de dag gang
yin nam/ zhes ngo mtshar du 'dzin cing yang yang gleng ba byung
'dug /gdan sa'i rgyab

@116b re'i stod kyi mkha' 'gro snying rdzong dang/ dbu ma rdzong
sogs 'khor lo sdom pa'i gnas chen tsa ri tra dang gnyis su ma
mchis pa lta bu mang du yod pas rje nyid kyi zhabs 'bring ba
gtso drag 'ga' zhig nyin gnyis tsam gyi ring gnas

ri'i zhabs skor du phebs pas rang byon gyi rnam pa ngo mtshar ba
du ma mjal tshul yang gsal bar gleng/ gnas der brtan bzhugs 'bul
bzhes sogs kyi mdzad pa rnams legs par grub nas bla ma yab sras
lhan cig tu

sgrub sde gsar pa'i gdan sar phyir phebs/ rje nyid nas sgrub
sde'i rten gsum rnams la zhib mjal gnang zhing mchod sprin spro
ba dang/ sgrub grwa'i tshogs la mang 'gyed sogs legs par stsal/
phyi lor rje nyid bod du

zhabs sor 'khod zin tshod tsam na/ rdo rje 'chang chen po yang
bod du chibs bskyod gnang rgyur/ de skabs brgyad stong pa phreng
ba can gyi bshad lung rdo rje 'chang gi drung nas rje nyid kyis
gsan rgyu'i snyan gsan gyi mjal dar dang/

maNDala rten gsum bcas gsol 'debs mdzad par zhal bzhes kyang
legs par stsal/ der bla ma yab sras rnam gnyis zhal bzang dgyes
'dzoms kyis zab chos sngon gsan gyi 'phro rdzogs par mdzad cing/
gsar du

gsan dgos nges kyi rigs sogs chad lus med par gsan pa'i thog
/spyi bye'i bstan srid bde sdug 'byung 'gyur tshun gyi gsung
gleng nang lhug ci rigs su gnang bas mtshon phan tshun mnyes gshin
dgyes spro'i mdzad pa'i

@117a @#/ /rim pa mtha' dag thugs bzhed bzhin grub ste/ re zhig
rje bla ma nyid mdo khams phyogs su chibs kha bsgyur rtsis kyis
de nas phebs khar gsol tshigs sogs lhan rgyas su gnang ba'i
mthar/

zhabs pad yun brtan gyi gsol 'debs dang/ rten gsum phar 'bul
tshur 'bul gnang zhing mjal dar rtse sprod bcas mdzad/ spyir stag
phu rdo rje 'chang chen po 'di nyid kho bo cag gis 'di dus kho
na las sngon chad

mjal ma myong yang/ grub mchog stag phu gong ma/ gnyis ltar phyi
la rab 'byams dkyil 'khor rgya mtsho'i dag pa'i gzigs snang
'byams klas shing/ nang du zung 'jug grub brgya'i khyab bdag rdo
rje 'chang gi sa

mngon du mdzad pa'i yon tan la mnga' brnyes pa rtsod med yongs
su grags pa rnam par thar pa nang gsang dag ni rtogs sla ba de
ltar lags shing/ thun mong gdul bya'i snang ngor yang rtogs pa
mtho mor phebs

mdog gi grub rdzu'i smyo spyod nam yang mdzad pa'i gtam mi snang
la/ rje bla ma nyid stag phu'i gdan sa phan tshun du phebs bzhugs
kyi dus skabs 'di thams cad du'ang phyag dang bsnyen bkur/ sgur
sgur zhum zhum sogs

dang/ gsung 'phros kyi skabs gsung 'phangs cher gtod pa tsam
yang mi gnang zhing/ phyag zhal la bkab ste shub bu'i tshul gyis
gsung ba sogs mthong chos su byung bas mtshon bshes gnyen bsten
tshul la thugs

@117b gtsigs shin tu che ba 'di gcig bur yang bod kyi bla sprul/
sku drag ser skya che 'bring phal gyis phyogs tsam yang 'gran
par mi bzod pa lta bu snang la/ rdo rje 'chang gi gsang yum rin
po che mtshan sku tshe zhes zhu ba/ rje bla

ma mchog sgrub sde dang/ ri phug gi gdan sar phebs skabs phyogs
nas byon pa'i chos zhu ba'i dge 'dun dang/ rje nyid kyi zhabs
gras sogs kyis mjal khar bcar skabs bzhugs stan las ldang ba
dang/ dge 'dun

gyi rigs la dad gus bla lhag tu gnang ba sogs phal pa'i ngang
tshul las 'das pa'i rnam thar mnga' ba zhig tu bzhugs pas tha mal
rang ga ba zhig ni gtan min par sems te rgyu mtshan zur tsam 'og
tu 'byung la/ rje/

bla ma mchog chibs bskyod mdzad kha 'dir yang rdo rje 'chang gi
gsang yum rin po che nyid thugs ha cang skyo gdung gi rnam pas
spyan chab shugs drag rgyun ring ba phyur ste dran med du brgyal
ba ltar gyur par rje bla ma mchog dang rdo rje

'chang rnam gnyis nas kyang gsang yum la sku rlung 'chos thabs
dang/ ring min bod du lhan mjal yong tshul sogs thugs gso zhal ba
zhes kyi gsung mol rgyun ring tsam gyi bar gnang dgos byung song
ba/ sngon nags

shod du yang yang mjal mod/ de ltar mi gnang bar 'di dus de ltar
mdzad pa 'di rdo rje 'chang gi gsang yum rin po ches rje bla ma
nyid sku tshe 'dir mjal ba'i tha ma 'di nyin yin pa dang/ rdo rje
'chang yab yum gnyis kyang

@118a @#/ /ring por mi bzhugs pa'i 'byung 'gyur gsal bar bstan pa
yin 'dug ces dang/ rdo rje 'chang nas kyang ri phug gdan sar
brtan bzhugs 'bul bzhes zin rjes nas da res brtan bzhugs

gnang ba des len rgyu red ma gtogs nged la 'di lo mkha' 'gro'i
bsun ma lta bu rim bstud du byung zhes lan kha yar gsungs tshul
rje bla ma nyid kyis phyis su yang yang phebs/ de nas rje nyid
chibs bskyod par bla ma yab

sras gnyis ka shin tu gces shing gshin pa'i pha bu gtan 'bral
bgyid kha ma ltar phan tshun thugs 'phreng ba'i rnam pa'i skyo
gdung tshad med mnan pas mi non pa 'khrungs te spyan chab 'byin
pa dang/ rdo rje 'chang nas

yun ring spyan gyi gzigs pa btsas shing/ rje bla ma nyid nas
kyang rdo rje 'chang yang sprul rje'i gdan sa mjal mi mjal gyi
mtshams nas zhal rdo rje 'chang gi phyogs su gzigs te chibs 'grul
gyi sne lan gsum du gyu ba

mdzad pa sogs rten 'byung gi sgo bzang po legs par btod pa'i
mthar rim gyis phebs/ 'bri ru zhabs drung sprul sku dang/ 'bri
ru dgon spyi nas gdan zhus ltar de dang khad ha cang yang mi
ring bar mtshams zhu'i mjal

dam 'bul mi khag dang/ sngar stag phu rdo rje 'chang gi drung du
par rko ba'i phyag phyi sgrub cing/ skabs 'gar 'bri ru dgon sogs
su'ang sdod pa rnying ma'i sngags 'chang dam chos bya bas kyang
'bu ras kyi gzan khra dang/ rag

@118b sho spom po'i phreng zhags sogs kyi gzab mchor bcas ral
cog zing long nger me phor du bsangs dud btul ba lag tu thogs
bzhin phar tshad tsam du phebs bsur 'ongs shing/ dad gus kyi rnam
pa ches che ba byed/ dgon gyi

nya 'gram nas zhabs drung mchog sprul dang/ de ga'i slob dpon
las sne khag /dge 'dun mang po bcas nas bsu ba ser sbreng sogs
phu dud dang gus mchod rgya chen po'i sgo nas zhabs drung bla
brang gi gzim chung du gdan drangs

par der spyi sger gyi mjal zhu ba sogs tshang mar mjal kha sne
len dang/ dgyes pa'i gsung gleng lhod por gnang ste kun yid tshim
par mdzad/ dgon 'dir phebs pa'i sang nyin der sgrub sde nas stag
phu rdo rje 'chang chen pos/

rdo rje 'chang chen po rang nyid la sngon du mkha' 'gro'i bsun
ma lta bu 'ongs te yun ring mi 'tsho ba'i ltas mtshan 'ga' byung
yang/ da lam bla ma rdo rje 'chang chen po gdan sa yas mas su
zhabs sor 'khod des kun mkha' la

spyod pa'i gnas su byin gyis brlabs shing/ gus slob par yang
bong ba gser gzigs kyi sa yun 'tsho'i brtan bzhugs kyi cho ga
bka' drin stsal ba'i byin mthu las da cha lo shas tsam 'tsho ba'i
'dun pa brtan mus nas/

rje bla ma rdo rje 'chang mchog bstan 'gro'i mgon du zhabs sen
bskal brgyar mi g.yo zhing/ gus slob pa yang tshe rabs rjes
'dzin gyi skyabs srung rdo rje'i rwa gur nas zhar yang mi bsgyud
pa mkhyen mkhyen bya ba'i bka' yig phebs/

@119a @#/ /par zhu lan kyang 'phral 'bul mdzad/ zhabs drung sprul
sku rin po che dang 'bri ru dgon spyi nas zhus ngor/ hor zla
gsum pa'i gnam gang nas bzung nyin drug gi ring du 'bri ru dgon
sprul

mnga' rnam rgyal dpal 'bar gling du de ga'i bla sprul grwa
dmangs rnams dang/ phyogs 'dus kyi ser skya byings bcas zhu mi
ches mang bar rgyal mchog bskal bzang rgya mtsho'i gsung khrid
yig dngos grub kun 'byung gi steng

nas dga' ldan lha brgya ma'i bshad khrid nyin gsum dang/ rgyal
dbang bskal bzang gi gsung steng nas 'jigs byed dpa' bo gcig
pa'i dbang chen sta gon dang dngos gzhi nyin gnyis/ gung thang
gsung dga' ldan

bstan pa rgyas pa'i smon lam gyi bshad lung/ dngul chu'i nyin
zhag phrugs gcig gras kyi 'jigs byed bdag bskyed mdor bsdus
dang/ thun drug bla ma'i rnal 'byor/ rje nyid kyi gsung bla ma
rgyang 'bod/ bkras

chos su par ring sngon 'khod gras zhabs brtan gsol 'debs 'dod
don myur 'grub sogs le tshan brgyad dang/ myur byon gras le tshan
bzhi/ zhal rnam 'gyur bcu bdun nas bsnyen dus thun mong ma yin
dang/ sgrub dus

mgon po zhal khra can man gyi rjes gnang gi cho ga yongs su
rdzogs pa'i lung/ zhabs drung mchog sprul gyi brtan bzhugs gsol
'debs 'di dus bka' rtsom mdzad pa bcas kyi ljags lung bcas dang/
yang dal

@119b bcor dang/ skyabs 'gro dang las 'bras sogs las brtsams
pa'i sngon 'gro'i ljags bshad zab rgyas yid 'khul ba dang 'brel
bar grub rgyal lugs kyi tshe dbang bcas zhib par gnang/ zhabs
drung sprul sku 'di skabs sku

ne ches phra yang bla brang gzim shag gi thog steng zhig tu sa
'bum mchod rten khru do tsam pa bzhengs te yar mar gyi tshes
bcu'i tshogs 'khor yang de'i drung du gtong ba dang/ mchod rten
de la zhabs skor yang yang gnang ba sogs

mdzad kyi yod 'dug par rje bla ma nyid nas mchog sprul 'di'i
mdzad pa ngo mtshar can yin par gsungs shing/ mchog sprul 'di par
dgyes mnyes kyang che ba mdzad/ dgon du mtshan nyid kyi chos grwa
zhig gsar btsugs gnang

yod sar yang sprul sku nas chos grwa'i rten 'brel dang/ gsung
chos 'ga'i dbu 'dzugs bcas gnang rgyu'i gsol btab mdzad pa bzhin
rje nyid chos grwar zhabs sor bkod de sprul sku dang yongs 'dzin
dge bshes brtson 'grus

rgya mtsho sogs nas rnam 'grel dang dbu phar sogs kyi 'gro gleng
mtshon pa re dang/ rdo rje 'chang nyid nas chos grwa ba rnams la
po ti lnga ka'i rtsa ba dbu 'dzugs kyi bklags lung stsal zhing/
thun mong nas chos pa'i zhal 'don snga

rting bcas legs par gnang ste bshad sgrub kyi bstan pa rgyas
pa'i thugs smon nan tan du mdzad cing/ rab byung dang bsnyen
rdzogs dge bsnyen bcas kyi sdom pa'ang mang dag stsal/ rje bla
ma mchog stag phur phebs nye'i dus

@120a @#/ /shig nas 'bri ru dge bshes dngos grub rgyal mtshan gyis
par rko ba sngags 'chang dam chos la thun drug bla ma'i rnal
'byor bar gzhi gsar bsko rgyur bcug pa 'di skabs brkos zin par
dge

bshes nas zhus pa bzhin rje nyid nas kho bo cag thun drug par
gsar 'dzugs bcos kyi zhu dag rogs byed du 'gro dgos tshul gnang
ba ltar dge bshes kyi shag tu song ste sngags 'chang dam chos
dang nged gnyis nas thun

drug par gsar la zhu dag 'dzugs bcos nyin gnyis kyi ring bgyis
shing/ de'i ring sngags 'chang lags nas 'phros mol gang dran sna
tshogs shig gleng ba'i zhar du rje bla ma mchog la dad gus ha
cang che ba yod tshul gyi

bstod bsngags dpe med byed cing/ khong rang nas kyang chos bka'
mang po zhus rabs dang/ brag g.yab rtogs ldan rin po cher ma
dad log rtog gi ngan smod sas mi khyog pa lta bu 'di ltar byed
de/ khams ma gi na/

brag g.yab pa yin nam su yin nam/ bla ma rgya rgya 'dre 'dra le
des dam nyams lung pa gang bsags le red/ hwa shang ma red hwa
shang ma red zer te/ hwa shang ma yin nas bum dum pa bcu gnyis
min le red/ ces

ngar ngar shor shor byed kyin 'dug pa ni/ bla ma rtogs ldan pa
la smad rar mi 'gro yi/ sngags 'chang kho rang ris mthun bcas
pas hwa shang ma hA ya na'i lta ngan nyid rang lugs kyi snying
por bzung ba'i rang rtags

@120b gsal por bstan pa ste/ mang thos dpyod ldan dag gi drung
na bzhad gad slong ba'i rgyu las ma 'das so/ /der zhabs drung
rin po che sogs dang dgon pa spyi bcas kyi 'dod chos che phra
mtha' dag dang/ rten gsum la

mchod sprin/ 'dus sder bsnyen bkur sogs dgon che phra byung dang
'byung 'gyur kun la spyi 'gre ltar gyi gnang lam bzhin legs par
zin nas rim gyis byon/ nags shod shugs thang dgon rnam rgyal lha
rtse bas

gdan drangs te dgon spyi nas zhus ngor/ tshes bdun nyin 'dus sder
yon tan gzhir gyur ma'i bshad lung dang/ grub rgyal lugs kyi tshe
dbang/ ma Ni'i sgom lung bcas stsal/ 'dir yang stag phu rdo rje
'chang

chen po'i gsung yig 'bul mi ched 'byor byung bar mjal kha dang/
de ma thag gsung yig zhib gzigs thog dbur gtugs dang byin rlabs
zhu ba mdzad/ rdo rje 'chang gi bka' yig gi mtshams don du/ rje
bla

ma nyid kyis mdo smad kyi dgon sde rnams su bka' chos rgya chen
po bka' drin stsal dgos pa'i stabs lta grub mi mthun pa sna
tshogs shig 'dzoms nges la de lta'i khrod du grub mtha' gzhan
phyogs la dgag pa cher

mi mdzad pa thugs gal che tshul phebs yod par/ rdo rje 'chang
chen po zhabs pad yun brtan gyi gsol 'debs dang 'brel bar zhu
yig gi lan zhib 'bul mdzad cing/ grub mtha'i dgag gzhag skor la
tshig gi
@121a @#/ /shad sbyangs gnang ba ni 'di yin te/ mdo smad bka'
chos rgya che'i skabs grub mtha' sna tshogs 'dzoms sar rang gzhan
grub mtha'i dgag bzhag phog thug che rigs mi byed pa gal

che tshul phebs pa ni thugs brtse sha tsha gting nas mi lhod pa'i
bka' slob lhug pa zol med du pha yis bur bzhin rjes gdams snying
gi thig ler rang don rang gces kyis rgyun bcang nyag gcig zhus
chog pa/ 'on kyang

spyod 'jug las/ de la 'jig rten phal pa ni/ /rnal 'byor 'jig
rten gyis ngod cing/ /rnal 'byor pa yang blo khyad kyis/ /gong
ma gong ma rnams kyis gnod/ /ces gsungs pa ltar rang gzhung
bsrangs te drang por

bkral skabs shugs kyis gzhan la dgag par 'gro rigs ji snyed cig
mi 'ong thabs med 'jug pa las/ bstan bcos las dpyad rtsod la
chags pa'i phyir/ /ma mdzad rnam grol phyir ni de nyid bstan/
/gal

te de nyid rnam par bshad pa na/ /gzhan gzhung 'jig par 'gyur na
nyes pa med/ /ces sogs gsungs pa'i rigs dang/ rje'i lam rim che
chung rang du'ang bod snga rabs pa sogs kyi lta sgom la phyogs
snga'i dgag

gzhag ji snyed cig mdzad pa rnams rang gzhung 'grel ba'i tshe na
de de bzhin du ma bkral thabs med rigs la bla ma'i bka' bcag
pa'i nyes par mi 'gyur ba'i dgongs khrol brtse gzigs/ gzhi rtsa
gus rang yang

@121b gzhan gyi sgro skur phog thug sogs 'di snang gi grags skam
la gnod dogs til 'bru tsam snying thag pa nas ma mchis kyang/
kha zhor gtam zhor du chos spong gi las ngan du 'gyur dogs kyis
sems khur stabs gzab smra

mkhas rgyun du byed bzhin pa'i khar brtse chen bka' slob snying
gi nor bur bcang chog pa bcas brtse chen dgyes klong du rol
zhing/ zhes pa'o/ /'di yang 'jam mgon tsong kha pa chen po'i
mdzad tshul dang ches cher mtshungs

pa zhig ste/ gung thang bstan pa'i sgron mes/ lta spyod gtsang
ma'i brgyud pa spel ba'i phyir/ /thub pa'i drung du shel dkar
phreng ba phul/ /chos dung gnang zhing lung bstan bden pa'i
mthus/ /blo bzang rgyal ba'i bstan pa rgyas gyur

cig /ces dang/ 'jam mgon bla ma nyid kyi gsung las kyang/ bstan
pa kho na lhar bcas 'gro ba yi/ /bde legs kun gyi rtsa bar yid
ches nas/ /lus srog yal bar dor kyang mi gtong ba'i/ /snying
stobs chen pos

dam chos 'dzin gyur cig /ces gsungs pa bzhin bstan pa'i snying
po dri ma med par gcig tu gces pa'i rnam par thar ba shin tu ngo
mtshar ba'i gnas khyad par ba zhig yin par snang ngo/ /de nas
shad phebs kyis ban

sgar dgon du bzhugs sgar byings yod sar zhabs sor 'khod de skye
bo'i tshogs mang por mjal kha dang/ dge bsnyen gyi sdom pa stsol
ba/ dgon gyi bla grwa sogs la mjal kha/ srung byin/ legs dar
gnang ba sogs

@122a @#/ /mdzad/ de nas rim gyis byon te tshes bcu bzhi nyin nya
nga byams mda' dgon du btsun ma 'dus tshogs la dpal 'khor lo sdom
pa'i rgyud thung du grags pa rtsa rgyud le'u nga gcig pa'i

le'u thog mtha' gnyis dang/ grub chen lU i pa'i lugs kyi bde
mchog smon lam gyi ljags lung bcas stsal/ gnas 'dir sngon dus
dpa' bo mkha' 'gro'i rnam 'phrul lta bu'i rnam thar ngo mtshar
can

mchis pa grub thob kyi tshul can zhig dang/ mkha' 'gro nam mkha'
dpal 'dren bya ba yab yum gnyis kyi dmar gdung sogs rten byin
can 'ga' yod par zhib gzigs kyis snyan shal sgron 'bul dang/

thugs smon bcas legs par gnang/ ban sgar dgon du thog mar phebs
skabs sogs nas 'brong ngur thang sde dgon spyi'i zhu yig bcas
gdan zhu'i mi sna rim 'byor dang/ 'di dus kyang phebs lam du

mtshams zhu 'bul mi dang phebs bsu ba bcas bstud mar byung ba
bzhin 'brong thang dgon byang chen smon 'grub gling du phyag
phebs/ bla brang gi drel ba dang 'brong thang gi sde 'bangs klad
med 'ga' ma gshin ya byung

ba'i rkyen las de ga'i mi mang po phyogs rub kyis drel ba don
grub tshe ring bya bar shi la khad pa'i nyes brdung tshabs cher
bgyis par brten/ rje nyid nas phyag mdzod la/ mi gzhan ma tshos
nged chos kyi sgo nas bstan

@122b 'gro la phan bde rgya chen po zhig 'ong du re ste so so'i
yul du dka' tshegs chen pos bos pa yin stabs da res 'di skor
kyang dam sel gyi rgyur ma song ba'i phan tshun gnyis legs kyi
sgo nas mthun sgrig gnang thabs gal che

zhing/ slan chad kyang ngos cag la brten pa'i 'khor g.yog 'di
tshor bla ma'i dkor rdzas la spyod tshul bag med sdig gsog gi
rgyur song na 'phral phugs gnyis kar mi shis pa dang rnam smin
brnag dka' ba'i rgyu las ma 'das

pas gzhis byes gang nas kyang gzhan la phan bde'i rgyu ma gtogs
gnod 'gyur du ma song ba zhig nges par dgos pa'i gsung nan nar
mar gnang dgos zhes pa'i bka' slob zab cing brling ba stsal/
phyag mdzod mchog

nas kyang rje nyid kyi bka' bzhin de ga'i dgon dang sde 'bangs/
bla brang gi drel pa bcas la phan tshun gyi le lan rtsa gcod dang
legs nyes dbye bsal brda dkrol zhib lhod mthil phyin gnang bar
brten gleng rtsod kyi phyogs

gtogs kun kyang rang rang ngo tsha khrel yod kyi gos bzang bgos
shing/ dran shes bag ldan shes pa rnal gnas kyi mi'i ngang tshul
can du gyur te so sor gnong 'gyod dang/ rje bla ma rdo rje
'chang chen po'i drung du'ang tshang ma

ngos bcar gyis skyo gdung smre tshig ngu ngag gi 'o dod dang bcas
te bcos ma min pa'i 'gyod sdom bzod gsol nongs bshags shugs drag
rgyun ring ba nan tan dang/ sngon du bka' chos kyi snyan gsan ji
bsgron rnams

@123a @#/ /dgyes bzhin stsol grub pa'i gsol 'debs nan du zhus
par/ rje nyid nas tshang mar gdung sel dbugs dbyung zab mo'i zhal
bzhes lhug por dgyes stsal gyes mtha' ngag dad

gdung gus spro rab dga'i yid bde bsam gtan gyi dpal la co 'dri
ba'i gnas su ci dgar 'god par mdzad/ tshes bcu drug nas bzung
nyin gsum gyi ring der gnyug mar gnas pa'i dge 'dun dang phyogs
'dus

kyi dad ldan du ma bcas ser skya lnga brgya brdal bar 'jam mgon
tsong kha pa chen po'i gsung lam gtso'i rtsa tshig gi steng nas
lam gyi gtso bo rnam gsum gyi bshad khrid zab rgyas gnad 'dril
ba dang/ tshes bcu dgu

nas nyer bdun bar dpal rdo rje 'jigs byed lha bcu gsum ma'i
dpang chen gyi sta gon dang/ dngos gzhi/ rje dngul chu ba'i yig
cha ltar de'i sa bcad kyi thog nas 'jigs byed lha bcu gsum ma'i
rim gnyis kyi zang

khrid/ tshogs pa byings kyi thog /khul de'i dang 'dus kyi skye bo
shin tu mang ba bcas la skyabs 'gro sogs kyi ljags bshad smin
rgyas dang 'brel bar grub pa'i rgyal mo'i lugs kyi tshe dbang/ ma
Ni'i bzlas lung

bcas dang/ dge tshul slong dang/ dge bsnyen gyi sdom pa'ang mang
du stsal/ dkon spyi nas zhus ngor de ga'i chos rar mngon rtogs
rgyan skabs dang po dang/ dbu ma la 'jug pa soms bskyed dang po/
rje nyid kyi

@123b gsung rgyal chen rdo rje shugs ldan gyi bskang gso rgyas
pa phyogs las rnam par rgyal ba'i rnga dbyangs/ de'i bskang chog
'bring po/ 'phrin bskul 'dod don myur 'gugs bcas kyi ljags lung
rnams stsal/ dgon de ga'i

chu pha ri'i shar lho'i ri sdings sa bkra dang yul gyi bkod pa
phun sum tshogs shing/ dkyil du me tog sna tshogs bkra ba'i spang
ljongs sgor mo yangs shing rgya che la/ mthar shug pa sogs kyi
nags tshal gyi rwa bas bskor

ba'i gnas shin tu spro nyams che ba zhig yod pa der rjes sor rje
bla ma mchog bzhugs stan 'jags gcig gnang ba'i bka' drin
bskyangs thub pa byung tshe sde dgon mgrin gcig nas de ga'i sa
yul rtsa 'bul thog /gzhan

yang gnas gzhi'i le lag sa rigs sogs kyi thugs mkho'i mthun
rkyen gang na ci dgos rim 'bul gyi zhabs 'degs zhu chog pa bcas
kyi gsol 'debs yang yang zhus par/ da lta gnas de ji 'dra 'dug
blta skor tsam

byas te/ rjes su skabs su 'bab lugs ji 'dra yong bltas chog ces
pa tsam stsal zhing/ nyin gcig der ched phebs kyis sa yul gyi
bkod pa de dag zhib gzigs bskyangs te/ dgon du tshur zhabs sor
'khod nas kyang

sa cha de bzhin ha cang bag dro la skyid nyams che ba zhig 'dug
ces yang yang stsal/ de nas rim gyis rgya ston dang/ gsar steng/
bde steng dgon sogs su'ang bde steng lha sras sogs dad 'dus kyi
tshogs du mar dga' lha'i

@124a @#/ /zab khrid sogs dang/ chos rgyan gsung gdugs dkar gtor
chen/ chos rdo rjes mdzad pa'i tshe ring ma'i g.yang 'gugs/ dam
tshig rdo rje'i bsgom bzlas/ rnal 'byor ma'i sgrub thabs

rgyun 'khyer mdor bsdus bcas kyi ljags lung sogs 'dod chos sna
tshogs dang/ mjal kha srung byin sogs legs par gnang/ phyogs de'i
bzhugs sgar gyi gnas shig tu chab mdo nas rgyar mchog sprul rin
po

che dbus 'gyur gyi gdan sa chen por gzhung chen mor slob gnyer
gnang bar phebs pa'i lam zhor du mjal khar phebs par mjal kha
phyag dbang/ lhod 'gol gyi gsung gleng dang/ bod du byon nas
grwa sa chen por

gzhung chen bka' pod lnga la gsan bsam phul phyin gnang ste/
mkhas btsun bzang 'dzoms kyi sgo nas rje rgyal ba gnyis pa'i mdo
sngags kyi bstan pa yar rgyas su skyong ba'i rnam thar gtsang ma
lhur bzhes mdzad dgos

pa'i bka' slob nan tan dang/ mchog sprul nas rje bla ma nyid kyi
sku par zhig 'bral spang ltar gdan drangs te yod par rgyab yig
tu tshe rabs rjes 'dzin gyi smon tshig cig dgos tshul gsol ba ltar
de 'phral du smon tshig

bka' rtsom bcas gnang/ de nas rim gyis byon par lcags ra khul
gyi yul dgon spyi'i phebs bsu ba rnams la mjal dar dang/ dgon
gyi nye 'gram du lcags ra mkhan po/ lcags ra bla chung sprul
sku/ dpal

@124b 'bar mkhan zur ngag dbang chos 'byor/ dgon gyi las sne dbu
chos byings dang/ dge 'dun tshogs yongs bcas kyis spos sne/ dung
rgya/ ser sbreng gi spros pa tshar du dngar bas mdun bsu ba dang
bcas gdan drangs te

lcags ra dgon bsam 'phel nor bu'i gling du zhabs sor 'khod/ hor
zla lnga pa'i tshes brgyad nas bzung nyin bcu drug ring de ga'i
bla sprul dge 'dun rnams dang/ phyogs phebs kyi chos zhu ba bcas
ser skya dad ldan

'dus pa chig stong brgal bar myur lam dmar khrid dang/ sbyor
chos skal bzang mgrin rgyan/ lam rim bde myur gyi sa bcad rje
btsun bla ma'i zhal lung bcas kyi nyams khrid dang ljags lung
sbrags ma zab rgyas gnad

du 'dril ba/ zhar du rje nyid kyi gsung bla ma rgyang 'bod dang/
mi rtag dran bskul/ zhabs brtan gsol 'debs sras bcas rgyal ba
ma/ rje nyid kyi mtshan sngags/ dge slong phyir bcos bcas kyi
ljags lung/ lam

khrid kyi mjug tu zhi ba lha'i lugs smon 'jug cig car du len
pa'i sems bskyed mchod pa bcas dang/ grub dbang dpal mo'i lugs
thugs rje chen po bcu gcig zhal gyi dbang chen sta gon dang
dngos gzhi nyin gnyis

kyi ring stsal zhing/ lcags ra mkhan po sogs kyis zhus ngor dus
'brel gso sbyong gi dus tshes bstan pa'i yig chung yang thugs
rtsom gnang/ dgon der gtong sgo sogs kyi skabs lo re bzhin gsod
srol yod

@125a @#/ /pa'i sems can mang por mi 'jigs pa'i skyabs sbyin
dang/ dge 'dun byings kyi zhal gyi rnyed pa'ang mi nyams pa'i
thabs tshul zab mo lhar bzhes bskyangs/ dgon spyi nas bla

mchod dang 'brel ba'i brtan bzhugs kyi cho ga gnad smin thog
/lcags ra mkhan po nas maNDal gyi bshad pa'ang legs par phul/
dbus ljongs nas bka' blon khri smon pa sogs kyi zhu yig mang du
'byor bar

bka' lan kyang 'phral mar stsal/ dgon 'dir bzhugs pa'i dus su
brag g.yab gdong kong mchog sprul rin po che bod nas lan rjes
ma phyir phebs skabs rje bla ma nyid mjal du byon par mjal kha
gsung gleng

sogs nang mar zhib lhug tu gnang/ gdong kong rin po ches chos
gos rnam gsum/ paN zhwa dang chab blugs/ rta 'phying pho rog mig
sogs bod kyi bla chen gyi chas gos cha tshang pa zhig skyabs rten
du phul bar de 'phral

du zhal nas/ 'di dag nyid rin po cher lhag por yod pa'i mkho med
kyi gras 'dra yin tshe de ltar gnang na'ang 'thus mod/ de ltar
min na rin po che nyid la cha tshang zhig med thabs med pas de
rigs gnang ba gtan

nas mi 'gab tshul yang yang mtha' nan du gsung bar/ sprul pa'i
skus skabs der rin po che rang nyid la gzhan 'ga' zhig yod zol
'dra ba 'ga' zhus te da res na bza' skor 'di rnams bdag rang gi
tshogs gsog

@125b pa'i slad du phul ba nges par ma bzhes ka med yin tshul
bcas u tshugs kyi nan chen pos phul bas rje nyid nas mdzad thabs
gzhan pa ma rnyed par lus/ gdong kong sprul skur bshad sgrub
zung 'brel gyi sgo nas blo bzang rgyal

ba'i bstan dang 'gro la sman thabs lhur bzhes bskyangs na rang
gzhan don gnyis legs tshogs gang cir de lhag phan slebs che ba
med tshul gyi bka' slob snying po can dang/ dam rdzas/ gos dar
sogs skyes lan yang

dpangs mi dma' ba stsal/ sprul sku rin po che phyir thegs zin
rjes su rje bla ma nyid thugs pham pa'i nyams che tsam bzhes te/
gdong kong rin po che sngon dus gra sar mtshan nyid gsan bzhes
gnang skabs dang/

nged las zab rgyas kyi chos tshul rgya chen po gsan pa'i dus de
dag tu thugs rig ha cang gsal zhing mkhas btsun bzang gsum
'dzoms pa'i dam pa'i skyes mchog cig tu bzhengs mus yin par
brten brag g.yab

khul gyi dge ldan bstan pa'i snang byed zla med pa zhig yong re
ches che yang/ da cha chos gos rnam gsum nged la phul ba sogs la
gzhigs na rten 'byung gi sgo bzang po zhig rang min 'dug pas bod
du bskyar ma phebs

don yang ci yin mi shes shing slan chad bstan 'gror phan che
ba'i mdzad pa legs po yong rgyu min pa 'dra zhes yang yang phebs
pa/ de skabs sprul sku nas rje nyid la mngon gsal can gang yang
ma gsol 'dug pa ma zad/
@126a @#/ /slar bod du ched phebs kyis gzhung sa'i mkhan chung gi
go gnas zhus te phebs pa yin 'dug pa phyis rje nyid chab mdor
zhabs sor 'khod skabs gsar du mkhyan cher byung ba las med

kyang/ 'di dus nas 'byung 'gyur gzigs pa'i gsung rjen par byon
pa nyid du kho bo cag chab mdor slebs skabs da gdod gzhi nas go
ba byung ngo/ /de nas dpal 'bar byams pa gling zhes pa'i dgon du
gdan

drangs pa ltar byon te/ bla brang phun tshogs yar rgyas gling du
'brong thang dgon gyi gzhi bdag rnams la bsangs mchod 'bul tshul
bde skyid kun 'byung zhes pa bka' rtsom mdzad/ dpal 'bar gdung
sras rin po che

sogs nas zhus ngor 'dus tshogs ser skya lnga brgya tsam la hor
zla drug pa'i tshes drug nyin lam rim yongs rdzogs kyi sngon
'gro'i gsung bshad zab la gnad 'dril ba dang sbrags te dpal rdo
rje 'jigs byed dpa'

bo gcig pa'i dbang chen gyi sta gon/ tshos bdun nyin dbang chen
dngos gzhi bcas dang/ gdung sras rin po ches nan zhus ltar gdung
sras rang nyid sogs bsgrub bya 'gar dge tshul slong gi bslab sdom
yang stsal/

de ga'i gzim chung gi nang rten dpal 'bar gong ma'i sku dus sogs
su byung ba sku rten khyad par can dang/ lha klu sde brgyad kyis
phul ba'i rdo nor bu'i rigs can sogs ngo mtshar can du grags pa
mang po gzigs su

@126b phul bar dgyes pa'i spyan ras btsas shing/ bsngags brjod
dang 'ga' zhig la mjal dar bsgron 'bul kyang mdzad/ 'di skabs
chab mdo nas brag g.yab bla ma rtogs ldan rin po ches nye gnas
'ga' nam nyin ltos

med shad rtsol gyis bang phyin du brdzangs pa 'byor te/ rtogs
ldan rin po ches nye lam snyun tshul tshabs cher bzhes pas da cha
sku gzugs kyis rang tsho mi zin pa dang/ snyun gzhi'i babs/ gsung
bgros kyang cher gnad mi thub

pa sogs gang la gzhigs kyang sku 'da' kha ma nyid du yod cing/
rje bla ma rdo rje 'chang nyid kyi drung 'dir skyabs zhus gsol
'debs zhu rgyu yang ngag ma thar thor zhig thon mi thon tsam las
zhu yig phyag bris 'bri ba sogs kyi re ba

med tshul bcas 'u thug gi skyabs gsol snyan sgron nan du zhus
par/ rje nyid de 'phral nas thugs 'tshab pa'i rnam 'gyur che tsam
bzhes te bang phyin pa phyir log gdong rtogs ldan rin po cher
gnang rgyu'i bka' yig bka'

rtsom gnang ba'i brjod don du/ da cha de gar rtogs ldan pa nyid
snyun tshabs che tshul gyi ngag 'phrin 'byor 'phral kho bor snying
gi tsher mar gyur pa'i blo ngal gyi zug rdu bzod dka' bas non par
yul gyis bskal bas gzhan ma'i

bya thabs cher mi 'dug rung/ da sgos gsol rgyu'i snying po 'di
bzhin bdog pa la nges par snyan gyi dbang po gtod 'tshal/ kho bo
bgrang bya'i khur gyis non pa'i na rgas gzugs gcong sha ljid che
ba sogs kyis 'gro sdod gang

@127a @#/ /cir dka' ngal che la/ rkang 'bam la sogs pa'i nad gzhi
gtan chags pa bcas gzhis byes gar slebs su lus dbang gog gcod
ngal dub kyi gnas kho na las bzos bde glos

phebs nyams dga'i brjid bag che ba ci yang mi 'dug mod/ dge ldan
bstan 'gro kho na'i don chen yid la brnag ste/ gso rig las
gsungs pa'i sman gyi 'phrod bsten gcig bu'ang rgyun nar zab
sgrub bgyis bzhin

pa'i thog /mtha' dbus kun tu rgyal bstan snying po spel ba'i
bsam sbyor la nyin mtshan dal med kyi ngal ba brgya phrag spro
bas dang du len mus 'di ltar na/ rtogs ldan pa nyid nged la ltos
na dgung grangs cher ma son cing

lung rtogs kyi yon tan cha kun nas nyi ma gung la slebs pa 'di
lta'i skabs nged dang bstan 'gror ma dgongs pa'i mdzad tshul de
'dra byung na/ nged kyang ci bder bgyis pa las 'os ma mchis pas
sku nyid snyun tshul 'phral

gdangs byung tshe ngos kyang der phyogs su spro bas ched bskyod
kyis chos 'khor rgya che dang/ sku nyid dang lhod mjal bgyid
rgyu bcas chab mdor 'ong ba'i dgos don gyi gtso bo de dag lags
shing/ de min rtogs ldan pa nyid ma

bzhugs pa'i gtam ngan nam thos kyi sa mtshams de ga rang nas bod
dbus ljongs kyi phyogs su phyir log bya rgyu nyag gcig lags na/
bstan 'gro spyi dang bye brag la dgongs te snyun khams myur du
dwangs shing sku tshe yun

@127b brtan gyis ring min ngos bla slob dam gtsang thog dgyes
zhal myur mjal chog pa bcas mkhyen zab tu bsti ba dang/ ngos nas
kyang skyabs srung gi dmigs 'dun dang mchog nyid kyi bzhed don
'grub pa'i gsol gdab smon lam

lhod med zhu mus lags/ zhes 'khod pa'i bka' yig tsha ljid can
gnad ste bar phyin pa zung la 'phral thon dgos pa'i zhal ta
gnang/ tshes bcu'i nyin bstan srung rdo rje shugs ldan pa'i tshogs
mchod 'bul tshig dngos gzhi

rnams sngon dus bka' rtsom zin pa'i thog mtha'i tshigs bcad sogs
bka' rtsom mdzad/ dpal 'bar mkhan zur ngag dbang chos 'byor nas
lha rtse dgon du gdan drangs te gsol ba btab pa ltar bla mchod
kyi tshogs

'khor dang 'brel ba'i brtan bzhugs 'bul bzhes thog /tshogs su rje
nyid kyi gsung bla ma mchod pa bde mchog 'brel ba dang/ chos
skyong shugs ldan gyi tshogs mchod/ rgya ra sprul skur stsal ba'i
sku par rgyab yig

tshe rabs rjes 'dzin smon tshig bcas kyi ljags lung gnang/ de nas
po ti dgon spyi nas gdan drangs pa bzhin dgon gnas der zhabs
kyis bcags shing/ tshes bcu drug la der gnyug mar gnas pa dang/
phyogs mtha'i

chos zhu ba bcas 'dus pa sum brgya skor tsam la yon tan gzhir
rgyur ma'i khrid lung zab rgyas gnad 'dril ba stsal/ sho mdo
grwa sgom mchog sprul rin po che yang sho mdo dgon du bka' chos
'ga' zhig stsol rgyu'i snyan

@128a @#/ /gsan zhu ba dang mjal phyag sbrags mar gnas 'dir bcar/
po ti dgon 'di bzhin sngon dus shin tu dar rgyas che ba byung
tshod bcas sngar gyi rten rnying li ma'i sku brnyan thog brtsegs
gsum bzhi

yod pa byin can du ma sogs shin tu rtsa 'gangs che ba mang po
bzhugs pa'i gnas ngo mtshar can du mchis kyang/ gtsug lag khang
gi 'og gzhir chu rdol gzha' rlan can tshan che ba'i stabs de
sngon lha khang 'gyel zhig tu

'gro bar rtsom skabs khul de'i sde dgon mgrin gcig nas dad 'bul
sogs kyi dwang blangs 'khur brtson che bskyed la brten rten gsum
bzhugs yul de skabs yod mus de dag nyams gso gsar bskrun legs
grub

byung mod/ dus phyis slar yang 'og gzhi'i chu nyen gyis lha
khang rnams yo kyog rdib zhom tshabs cher gyur par dgon spyi nas
rje bla ma nyid la gsol btab kyis de ga'i rgyab ri'i stod kyi
byang rgyud sa bkra bzang ba zhig tu rim

bzhin gnas spo bya rgyur gtan 'gel gyis gza' tshes legs pa zhig
dang bstun te nyin gcig bla ma rdo rje 'chang chen po ston 'khor
dang/ chos zhu'i dge bshes yod rigs mang po/ dgon gyi bla grwa
du ma dang bcas gnas

der ched phebs thog /rje nyid tshogs mgon du bzhugs te/ dge tshul
slong gi rigs gang yod nas bkra shis gso sbyong gnad du smin pa
dang/ sto 'phye brtag pa/ sa brtag bslang sbyang ba la sogs pa
dang shis brjod

@128b bden tshig sogs kyi sgo nas sa 'dul gnang ste gtsug lag
khang dngos gzhi'i 'og rgya thig tshad kyis gzhal ba'i khog 'bub
gru bzhi lam me pa'i tshul du lam tsam 'chos te zur bzhir rdo'i
rtags 'dzugs rtsis gnang ba na/

de'i thad kyi ri rtse nas rdo shin tu che ba zhig rbab tu 'dril
te byung bas kun 'jigs shing skrag ste phar tshur bros shing byer
ba'i mus nas rdo de lha khang gi rtsig rmang thig tshad bzhes
pa'i grwa zhig gi thad du babs pa rdo'i zur rno

ba'i phyogs shigs la zug ste brtan bor bsdad par rje nyid nas da
res kyi 'di rten 'brel mchog tu bzang zhes bde legs su byed pa'i
tshigs bcad mang du gsung zhing/ gzhi de dag tu bkra shis kyi me
tog rgya cher 'thor

bar mdzad pas der 'khod pa mtha' dag ngo mtshar dad pa'i spu yong
g.yos shing/ dad gdung dga' ba'i ca co dbang med du 'byin par
gyur to/ /de nas gzhi der gnas bcu bstan rgyas dang/ bstan 'bar
ma/ dge ldan

bstan pa rgyas pa'i smon lam sogs gsung chog mtshon pa re gnang
ste phyir phebs/ dgon gnas gsar spo'i ar rgyag gi mthun rkyen
du rje bla ma mchog nas phyag dngul phon che ba zhal 'debs su
stsal zhing/ dgon spyi

nas zhus ngor dad 'byor ldan pa gzhan la'ang lha khang gsar
bskrun rgya che'i cha rkyen stob pa'i dge bskul slong yig kyang
stsal/ de nas rim gyis byon te sho ba mdo'i sde dgon gyi phebs
bsu ba ser skya rta pa sum cu skor rgyang

@129a @#/ /ring tsam du 'byor te mjal zhu'i sgron dar bteg pa
gsol dpon nas phyir g.yogs pa sogs sngar lam bzhin mdzad/ dgon
gyi nye 'gram nas bla sprul las sne grwa dmangs rnams kyis bsang

dud spos sne ser spreng sogs mchod sprin rgya cher spros pas
mdun bsus te sho mdo dgon dge ldan bshad sgrub gling du gdan
drangs pa ltar grwa sgom bla brang du phebs sgrig zhus yod pa'i
bzhugs mtsher gzim chung du

zhabs sor dgyes bzhin bkod par dgon gyi bla grwa sogs spyi sger
du mas mjal zhu dang/ gsol ja/ bzhes gro/ dkar spro 'degs pa
sogs dang/ rdo rje 'chang gang nas kyang dad mjal ba tshang mar
lhod mjal dang/

dgyas pa'i gsung gleng yid mgu bar stsal cing/ de nas rgyun pa'i
nyams bzhes la gcig tu gzhol ba mdzad do/ /'di man du'ang rje
bla ma nyid kyi rnam par thar pa ches ngo mtshar rmad du byung ba
rang gis mthong thos gang nges tshad

thub mtha' klas pa lta bu mchis pa nas rags rim tsam bsdus pa'i
zur 'debs dpe ring bshar bris yig 'bru zhib mo mda' tshad ma thig
phreng brgyad/ dgu/ bcu gang rigs rer bskyar zhus skabs kyi snon
ma'i mchan bu dkyus

su 'jug dgos gal po che mang du yod pa bcas rdo rje 'chang nyid
kyis sku tshe tha ma'i mdzad pa ma bstan gyi bar dang/ rnam thar
gyi don bsdu/ mthar zhi dbyings su mnal ba'i skor/ mjug tu bsngo
smon mjug byang dang bcas pa

@129b rdzogs kyi bar rnams dpe ring ldeb grangs nyis brgya drug
cur nye pa tsam zhig legs bris kyis gtan 'bebs byas zin rung/
snyigs ma ngan rgu'i dus kyi sreg za'i g.yul ngor bzlog med du
gshegs gsol bya dgos pa zhig byung

snang ba ni/ gsham gsal ser smad chos 'khor skabs kyi rje nyid
kyi bka' chems kho bo rang gis lag len du 'gel stabs ma 'grigs
pa'i nyes pa nyid las 'os med stabs/ gdul bya'i snod bzang ba
byung na rgyal ba'i 'phrin

las sus kyang 'geg par mi nus mod/ bdag lta bus lhag bsam gyi
ngal ba bsten kyang/ dus la ma bab pa'i 'gro don byed pa 'o
rgyal yin/ zhes pa ltar da lta'i dus skabs dang mi 'tshams pas/
da ste rang gzhan gyis

ring nas mos 'dun brtan pa don ldan du bsgrub phyir mdzad rabs
kyi sa khongs ma stongs tsam zhig 'god na las/ zhib mor 'god pa
dgos pa chung nges su mthong bas dgon dang bu slob che gras 'ga'
dang/ chos 'khor sogs kyi

mdzad pa rgya che la gnad che ba'i rigs ma gtogs 'khor slob gnas
yul so so'i gdan zhu'i snyan gsan/ phebs bsu/ ser sbreng/ sde
dgon sbyin bdag spyi bye'i bsnyen bkur sogs dang/ zla tshes/
dbang bka' 'khrid lung

phran tshegs kyi rigs zur pa zhar byung du zhus stsal ches mang
ba'i skor sogs ming smos gsal kha gtod rgyu bdag nyid kyi khams
dang dbang pos ma lcogs pas phal cher yig tshogs bskyungs/ 'di
nas bzung mtha' dbus

@130a @#/ /yul dus gang dang gang gi mdzad pa de dang de'i zur
'debs kyi lo tshigs 'dren du btub tsam gyi byung tshul nyung 'dus
shig brjod pas mjug bsdu bar 'dod pa lags so/ /des nas sngar
smos pa'i

'phror/ sho mdo dgon spyi dang gra sgom sprul sku sogs kyis zhus
ngor de ga'i bla sprul dge 'dun dang/ phyogs 'dus bcas kyi tshogs
pa drug brgya skor la lam rim dmar khrid bde lam dang/ bde myur
sa bcad/ bla ma rgyang

'bod/ mi rtag dran bskul sogs sbrags pa'i nyams khrid thog
/sngon 'gro'i skabs sbyor chos skal bzang mgrin rgyan dang/
skyes bu chen po'i thad du blo sbyong don bdun ma'i bshad khrid
sbrags ma/ 'jigs byed dpa' gcig

dang/ bde mchog lha lnga'i dbang chen/ nA ro mkha' spyod ma'i
byin rlabs/ mgon chos sogs kyi rjes gnang/ ser skya byings dkyus
ches mang bar thugs rje chen po ngan song kun grol gyi rjes
gnang skyabs 'gro las 'bras

skor sogs kyi zab bshad dang 'brel ba stsal/ gra sgom mchog
sprul dge ldan lta grub gtsang la/ mkhas btsun bzang ldan zhig
tu bzhugs shing/ dgon gyi bla grwa phal che bas sngar gsang
sngags kyi dbang bka' sogs

mang du zhus kyang/ mchog sprul nas rgyun rgyun gtan mi chos
dang mi bstun par chos phyogs gtso che ba'i mdzad pa tsha ljid
ches par brten/ bar zhig nas de ga'i bla grwa 'ga' res mchog
sprul la ma dad brnyas smod skur 'debs sna tshogs

@130b bgyis pas bla slob dam sel shin tu che ba byung nas yun
ring tsam lon cing/ rdo rje 'chang chen po dgon 'dir thog mar
phebs pa'i nyin dgon 'gram nas thal rdul rlung 'tshub cher langs
pa dang/ gzhung sgo'i ya thod du dbu zhwa bse

theb kyi rtse tog brdar drud byung bar ser gas phran bu gyur pa
sogs 'tshub cha'i rnam pa 'ga' tsam ldang ba yang dgon gyi bla
grwa dam sel yod pa'i 'phrul du snang gsungs shing/ de ga'i lam
khrid kyi bshes gnyen bsten tshul skabs/

bla ma bsten tshul log pa'i nyes dmigs spyi dang/ lhag par gsang
sngags kyi rdo rje slob dpon la brnyas smod byas pa ni/ so thar
dang byang sems kyi nyes ltung yongs rdzogs byung ba las kyang
sdig ches cher lci tshul

mdo rgyud dang rnam thar lo rgyus mtha' yas pa khungs su 'dren
par mdzad de/ dgon gyi bla grwa sngon chad dam sel byung rigs
rnams nas rang rang gis bshags bsdam blo bde seng nge pa re bya
thub pa ma byung na tshang mar

'phral yun kun tu nyen che/ spyir dam tshig bsrung ba la bla slob
gnyis kas stabs gzab dang gces spras gzhan las che ba zhig gnang
dgos/ de min rgyud las/ slob dpon slob ma shi ma thog /dngos
grub thob kyang

dmyal bar 'gro/ /zhes gsungs pa lta bu'ang 'byung srid tshul sogs
yongs la thugs brtses ma bzod pa'i bka' slob zab mo nan tan
gnang bas khong pa tshos mchog sprul la snga 'gyod phyis â¿bsdoms
kyi nongs bshags
@131a @#/ /phul ba'ang mang du byung/ sngar rtogs ldan rin po
che'i nye gnas bang 'phrin pas rje bla ma mchog nas stsal ba'i
bka' yig khyer te nam nyin ltos med shad stsol gyis phyin pa
rtogs

ldan pa'i drung du slebs skabs rtogs ldan pa snyun khams je lod
las med par gsung 'phros re gnyis tsam pa'ang brda 'phrod mi
'phrod kyi mtshams su yod pa la/ nye gnas bang phyin pas/ nged
gnyis skyabs rje

rdo rje 'chang chen po dpal 'bar dgon du bzhugs 'dug pa'i drung
du bcar te bla ma rin po che sku bsnyung ba'i skor la skyabs
'jug zhib nan zhus pa la bka' yig 'di ltar stsal bdog pas thugs
ma g.yengs par snyan

gyi dbang po legs par gtod pa gnang dgos bya ba zhus te/ skad
gsangs mthon po'i sgo nas bka' yig lan gnyis tsam bsgrags pas/
de 'phral rtogs ldan pas bka' yig dbu thog tu zhogs shig pa'i
brda dang

bcas dbu dud dud pa 'ga' dang/ zhal mchu mug mug pa mang du
gnang zhing/ cung zad cig nas sku gzugs 'gul bskyod dang/ gsung
'phros gsal bar gnang thub pa byung ste/ ngas da res skyabs rje
rdo rje 'chang chen por

gsol 'debs shugs drag bgyis shing/ rgyal ba gnyis pa'i dgongs pa
phyin ci ma log pa'i zab mo dbu ma'i lta bar 'ol spyi tsam gyi
nges pa rnyed pa yin na/ bden pa des na tsha khyod da lta nyid du
zhi bar gyur cig /ces

@131b bden tshig nan tan zhig brjod pas de ma thag lus sems bde
ba'i nyams dang/ nad seng drag song ba lta bu'i bde lhang nge ba
byung zhing/ da lta lus yang lan tsha gtan nas med pa ltar gyur
pas skyabs rje rdo rje 'chang la 'bul rgyu'i zhu

yig cig bris kyang bri thub snyam pa 'dug stabs rdo rje 'chang
chen po thugs blo bde phyir 'phral bskyod thub na legs zhes
rtogs ldan pa nyid glo bur snyun las grol tshul gong gsal rgyu
mtshan rnams zhib 'khod kyi zhu yig mgur tshig

gi nyams can 'phral bzhengs thog /ring min dgyes zhal dngos mjal
thub pa'i skyabs 'jug bka' drin stsol dgos tshul mtshams zhu'i
mjal dar skyabs rten bcas slar nye gnas bang 'phrin du brdzangs
pa mdo dgon 'dir

'byor bar rje bla ma mchog thugs rab tu dgyes te zhu yig gi bka'
lan du/ /zab mo ji bzhin gzigs pa yi/ /stong nyid nam mkha'i
rnal 'byor pa/ /pha las lhag pa'i bu rgod po/ /'jam dbyangs blo
gros mchog gi drung/ /

zhes sogs rtogs ldan par bstod bsngags shas che ba'i bka' yig
tshigs bcad ma shlau ka sum cur nye ba tsam 'phral du gnang ste
bang phyin zung phyir slog mdzad/ nub cig mtshan rmis su/ rje bla
ma nyid thang yangs pa zhig

tu zhal shar lho'i phyogs su gzigs te bzhugs pa la/ mdun thad
nas bud med rgyan chas shin tu legs pa mang po brgyad tshan
brgyad tshan du phreng bstar te shar nas nub ngos su 'gro bar/
'ga' zhig gi rje nyid la mi dga'

@132a @#/ /ba'i rnam 'gyur ston/ de tsho'i dkyil sked tsam na bud
med gos sngo ljang lta bu gyon pa zhig gis ha cang ngo tsha 'jigs
zhum gyi rnam pas gdong mi ston par mgo lus smad de 'gro ba'i

phag tu khye'u gnyis sbas te khrid pa zhig gsal por byung ba de
ji 'dra yin nam zhes phebs shing/ phyi nyin tshes grangs bcas
gsal bar 'khod pa'i bsnyel byang phyag bris su 'debs par gnang/
bstan srung

gnyan po'i srog dbang gi yig cha sogs kyang bka' rtsom mdzad
cing/ gra sgom mchog sprul nas sems bskyed mchod pa dang bstun
rje nyid zhabs sen yun brtan gyi cho ga dang/ ston 'khor gyi
bsnyen bkur

sogs rgyas par spros/ mchog sprul sogs zhu mi nyung shas la
rgyal chen gyi srog gtad dang/ ma ning ha 'don gyi khrid lung
phyag khrid dang bcas pa/ bsgrub bya mang tsam la dge tshul slong
gi bslab sdom sogs

stsal/ de nas rim gyis rdzi tho dgon lhun grub chos sder zhabs
sor 'khod pa'i nyin de ga'i grwa tshang gnyis sngon dus nas lar
rgya phyogs ris kyi rtsod 'then shin tu che ba yod 'dug par
brten/ 'di skabs kyang rje nyid

kyi phebs bsu ser sbreng sogs su grwa tshang phan tshun 'gran sems
kyi rnam pas phebs lam gyi zur g.yas g.yon so sor grwa tshang
rang rang gi dung rgya spos phor/ rol cha phyi phur/ 'phan gdugs
bla re sogs

@132b mchod rdzas kyi bye brag gzab spros yod rgu ru bstar bas
mdun bsus te gdan drangs/ dgon du bla sprul grwa dmangs la lhod
mjal gnang ba sogs spyi ltar la/ dgon 'dir bla grwa yongs nas
rdo rje 'chang gang la dad

gus ches che zhing/ bka' chos snyan gsan khag mang du phul/ grwa
pa 'ga' res grwa tshang rang rang gi chos rang rang gi 'du khang
du zhu ba las/ nyin pa grwa tshang du srib pa'i grwa pas mi zhu/
srib pa grwa tshang du nyin pa'i

grwa pas mi zhu zer ba sogs byung tshul gsol dpon sogs kyis thos
te rje nyid la zhus par/ nged chab mdor bskyod rgyur rings brel
che stabs dgon 'dir yang lam rim sogs gcig 'thus las/ lan gnyis

'chad long med pas/ zur chos chung chung re gnyis ma gtogs chos
bka' byings grwa tshang spyi'i tshogs khang du gnang na legs tshul
phebs pa bzhin tshang ma mos mthun byung ste dgon spyi'i 'du
khang du gra bsgrigs thog /

grwa tshang gnyis kyi bla grwa tshogs yongs dang/ dad 'dus gzhan
bcas tshogs pa drug brgya brgal ba tsam la lho ba rgyud lam rim
gyi nyam khrid mjug tu sems bskyed mchod pa dang bcas pa/ gzhan
yang rje rigs gsum spyi

sgrub dang/ 'jigs byed lha bcu gsum ma/ gdugs dkar/ seng gdong
ma/ mgon chos sogs kyi dbang bka' rjes gnang khag du ma dang/
ljags lung thor bu'i rigs mang po/ ser skya byings la tshe dbang/
drag po

@133a @#/ /gsum dril gyi rjes gnang sogs stsal/ lam khrid kyi
skyabs 'gro'i skabs dang/ skyes bu 'bring gi rten ji lta bus
'khor ba ldog pa zhes sogs kyi skabs/ rang cag la da res thar pa
sgrub pa'i

rten mchog tshangs spyod bslab gsum ldan pa'i lus 'di lta bu rang
lag tu byung bas 'di nas stong log tu ma shor bar snying po
khyad par can lon thabs la 'bad pa gal che/ spyir sangs rgyas
kyi bstan pa bya ba gtsug lag

khang dang/ mchod rdzas gra rgyas po 'dzom pa zhig la mi zer
bar/ ston pa'i dam chos rnam gnyis te/ /lung dang rtogs pa'i
bdag nyid do/ /de 'dzin byed dang smra byed dang/ /sgrub par
byed pa kha na yin/ /zhes dang/ lung

chos sde snod gsum gyi 'chad nyan dang/ /rtogs pa'i bstan pa
bslab gsum nyams len te/ /zhes pa ltar lung sde snod gsum la
'chad nyan dang/ lam bslab pa gsum la nyams len snying por mdzad
pa zhig dgos/

der ma zad/ /dge 'dun mthun pa bde ba ste/ /mthun pa rnams kyi
dka' thub bde/ /zhes pa dang/ /rtag tu dge 'dun mthun pa dang/
/dge 'dun don yang 'grub par shog /ces sogs ltar dge 'dun thugs

mthun pa 'di chos 'byor gang ci nas yar rgyas 'byung ba'i cha
rkyen gal che shos shig yin pas tshang ma thugs mthun po byung
na/ tshogs gral nas zhal 'don gnang skabs tshun kyang gnad du smin
pa 'ong/ chos dar

@133b khyab ches dbus gtsang gi dgon sgrub sde 'gar yang dgon
sde phan tshun dang/ grwa tshang/ khams tshan sogs kyi lar rgya
chags sdang phyogs ris la brten nas dge 'dun nang mi mthun pa
mang du 'byung ba bstan pa la gnod tshabs

che zhing shin tu tha chad pa'i gnas yin/ sngar bka' gdams pa'i
dus su dge slong gsal she bya ba dge 'dun sde dkrugs byed mkhan
gyi gras su slebs/ de rjes kho shi ba na/ dge bshes po to bas/
nga'i dge slong

gsal she lo gsum gyis shi ba phyis lo gsum gyi gong du shi na
dge slong sde snod 'dzin pa zhig shi ba yin pa la/ da khos dge
'dun sde dkrugs byas nas shi bas ji ltar 'gyur zhes 'jigs zhum
zhum mdzad/ dge 'dun

sde 'khrugs byung ba'i sa cha de yang sdig pa'i mes 'tshig ste
de'i shul na mi gzhan zhig gis lo stong du sgrub pa brgyab kyang
rtogs pa sne gcig skye mi thub par gsungs pa sogs nyes dmigs
mtha' yas shing/ dper

na grong sde dang dgon pa'i gling khyi lta bu la mtshon na/ /bza'
btung ster ba'i sgad thos ma thag thams cad mthun par der 'dzoms
zhing/ chom rkun lta bu phyogs gang du slebs pa thos kyang thams
cad de phyogs su rub ste rkun

po sogs bsrung ba la bsam blo dang bya spyod mthun par byed shes
pa dang/ 'jig rten khyim pas sdig sdug gtam ngan dka' ngal brgya
phrag gi byur sna 'dren pa'i mi sdig po che dag la'ang gnyen
grogs mdza' bshes

@134a @#/ /dga' nye blo dkar du brloms te 'bral mi phod pa lta
bu'i sha zhen 'dris mthun snying nye ba byed na/ rang re rab tu
byung ba rnams ni de tsho las bye ba 'bum 'gyur gyis lhag par
ston pa thugs rje

can gyis gnang ba'i sdom rgyun par ma chad pa brgyud pa'i dge
tshul slong gi sdom ldan chos kyi mched po sha stag tu yod pas/
/grogs bzang 'phags pa'i dge 'dun mthong ba'i tshe/ /lam grogs
bzang po'i sbyel ma dran te

byung/ /zhes pa ltar thar par bgrod pa'i lam grogs su bsam dgos
shing/ lhag par gnas dang dus snga phyi gang yin yang 'dra ste/
bla ma gcig gi drung nas gsang sngags kyi dbang chen zhu myong
ba tshos ni de bas

kyang gzab dgos pa sngags byang sems kyi bslab bya'i skabs nas
bstan pa sogs kyis shes/ de ltar dge 'dun tshang ma thugs mthun
sogs legs po ma byung na/ rgyal ba'i bstan pa nyams pa'i rkyen
thu shos dang/

rang gzhan gtan gyi 'dun ma phung tshabs che ba sogs smos ci/
khyim pa skya bos bsnyen bkur zhus te skyabs tho phul ba'i nang
du/ /dge 'dun gyi sde rnams thugs mthun khrims gtsang/ bshad
sgrub chos spyod 'phel

bya ba sogs bris yong ba la yang ha cang ngo tsha dgos pa'i gnas
su 'gyur la/ /de lta min par thugs mthun khrims gtsang ba'i thog
/klog pa thos bsam dang/ spong ba bsam gtan 'phel thabs gtso bor

@134b mdzad na/ /bstan 'gro spyi bye dang/ dgon grong yul lung/
dge 'dun rang rang dang bcas par 'phral yun kun tu bde legs phun
sum tshogs pa 'byung ba'i gnas yin pas tshang mas gzab gzab mdzad
dgos tshul

sogs snying ltar gces par 'dzin 'os pa'i bka' slob mthil phyin
pa yang nas yang du stsal/ skabs shig nags shod nas stag phu'i
rje drung dang/ phyag mdzod a rgyal sogs kyi zhu yig sgrags mar
stag phu bla brang

gi bang phyin pa 'byor te/ nye sngon stag phu rdo rje 'chang
dang gsang yum rnam gnyis nas rims tshad lta bu'i snyun gzhi lci
tsam re bzhes par gsol sman zhabs rim sogs ji ltar 'bad kyang ma
phan par gsang yum rin po

che hor zla bdun pa'i tshes nyer bzhi dang/ rdo rje 'chang chen
po tshes nyer lnga nyin zhi bar gshegs tshul gsal 'khod kyi zhu
yig phul bar gzigs 'phral nas thugs bag mi phebs par tshab tshub
kyi rnam pas nye 'khor ba

rnams la'ang gsung 'phros cher mi gnang ba byung zhing/ re zhig
nas nged sngar nags shod du bcar te rdo rje 'chang chen po yun
ring 'tsho gzhes zhu ba'i brtan bzhugs phul skabs zhal bzhes
bzang thob byung mdo/ /mkha'

'gro'i bsun ma byung tshul de rjes kyang yang yang phebs shing/
gsang yum rin po ches sngar byung ma myong ba'i thugs skyo ba'i
tshul gnang ba sogs gang ltar de sngon nas dgongs pa gzhan du
gtad zin pa'i yun ring mi

@135a @#/ /bzhugs pa'i ltas dang/ sngar sho mdor byung ba'i nged
kyi rmi ltas kyang de skabs rdo rje 'chang sku gshegs pa'i ltas
su gsal ba tshes grangs tshun kyang mthun par snang la/ da

skabs bsams tshe rmi lam du byung ba'i bud med gos sngo ljang can
de gsang yum rin po che dang/ des khrid nas 'gro ba'i khye'u
gnyis las gcig stag phu rdo rje 'chang yin par mngon zhing/ gcig
su 'dra zhig

yin nam/ /da cha sems ngal byas kyang mi phan pas rang 'khri'i
dgongs rdzogs bsgrub pa sogs la 'bad dgos zhes phebs te/ stag
phu bla brang nas kyang zhus yod pa ltar rdo rje 'chang chen
po'i yang sprul

myur 'byon gyi gsol 'debs bka' rtsom dang/ dgongs rdzogs mchod
sprin gyi zhal 'debs phon mi chung ba/ rje drung sogs la thugs
gso'i bka' yig bcas 'phral rtsol gyis stag phu'i bang? 'phrin
phyir slog

dang/ /rdo rje 'chang gi dgongs rdzogs su mchod sprin rgya chen
po dang/ bka' chos tshogs par bsnyen bkur/ yig 'bri ba rnams nas
myur byon gsol 'debs kyi dpe mang du bris pa tshogs 'don du gsung
zhing/

rje bla ma mchog nas rdo rje 'chang chen po'i thugs dgongs zab
mo yongs su rdzogs pa'i ljags bsngo mthun 'gyur sogs kyang gzab
par bskyangs/ /brag nag sprul sku sogs zhu mi nyung shas shig la
sgrol ma

@135b tsitta ma Ni'i gtor dbang gnyis dang/ snying zhugs/ ngag
gi byad 'grol ba'i gdams pa/ klog myur ba'i man ngag glog lce
myur 'grub/ nye char bka' rtsom gnang ba'i sprul sku'i zhabs
brtan gsol 'debs

kyi ljags lung sogs stsal cing/ brag nag sprul sku dang/ ma
mkhar dge slong ngag dbang blo bzang sogs shes che khog drang
gtso che rigs 'ga' la gos dar dam rdzas sogs gnang cha ci rigs
bcas slad grwa tshang

gnyis kyi dge 'dun rnams thugs mthun khrims gtsang zhig 'ong
thabs kyi thugs 'khur zab bzhes gnang dgos tshul sogs kyi bka'
slob bskyar ma nan chags pa gnang/ 'dir yang bsgrub bya mang
tsam la dge

tshul slong gi bslab sdom stsal/ sho mdo dang/ rdzi tho yas mas
kyi lam khel dgon khag che chung mang pos lo re'i nang du gnag
phyugs sogs ched bsad kyis tshogs par sha 'gyed kyi ston mo gtong
ba'i srol ngan

rgyun gcod pa'i dam bca' phul ba dang/ khyim pa'i rigs nas dge
bsnyen gyi sdom pa zhu mi yang ches mang du byung ba de dang der
rang rang gi 'dod chos rgyas bsdus ci rigs pa dang/ 'os skabs
dang bstun pa'i dngos

po'i gnang sbyin yang rgya cher mdzad/ de nas rim gyis phebs te
lho rdzong bzhi bkram dgon dang/ bya phud dgon sogs su lam rim
dmar khrid dang/ bde mchog dril bu phyi nang/ 'jigs mdzad rdo
rje sogs kyi@136a @#/ /dbang bka' khrid lung gis mtshon pa'i chos mang du
gsungs shing/ bsgrub bya du mar rab byung dang bsnyen rdzogs
sogs kyi bslab sdom yang stsal/ bya phud du bla mchod che mo'i

steng nas zab khrid gnang ste bzhugs skabs kun gzigs rin po ches
a mdo rje sku 'bum gyi phyogs nas bka' yig stsal te/ da lam
ngos bod skyod kyi zhar du/ sngon dus sde gzar yang yang byung
stabs

phyogs 'di'i ris med dgon sde du mar nyams chags che bar brten
nyams gso'i mthun rkyen sbyor dgos sogs kyi 'gor gzhi che tsam
las rim gyis bkras lhun gdan sar nges bskyod bya rtsis dang/ da
dung

bla gzhung dbar gyi zlos gzhi 'phrun chod med stabs ngos tsho'i
don gnas skor la dam pa nyid nas kyang phan cha'i mthun 'gyur
gnang thabs sogs gsol dgos 'ga' bdog na/ sprul sku rin po che
mchog bod phebs

ma mdzad gong nged dang ngo mjal nges par yong ba zhes phebs
par/ de lta'i zhabs 'degs cung zad 'grub rdo thogs tshe sa yul
gang bde zhig nas zhabs drung nges par bcar zhu chog pa las/
gtso bor kun gzigs

'od mtshan mtha' yas gang nyid yun ring 'tsho gzhes la rag las
phyir zhabs sen yun brtan gyi thugs bskyed nam yang mi g.yel ba
dgos tshul sogs 'khod pa'i zhu lan rten ldan 'phral 'bul mdzad/
de nas

@136b rim phebs kyis chab mdo bla dgon gyi phebs bsu ba spyi
mdzod blo bzang dkon mchog dang/ khu byugs slob dpon sogs 'byor
bar lhod mjal gnang/ rdzong lo sprul sku dang dgon spyi nas zhus
ngor khrid yig dngos

grub kun 'byung gi thog nas dga' lha'i bshad lung dang/ dbang
bka' mang du stsal/ nor gling em rje thub bstan tshe dbang sngar
nas bsnyung mus dang/ 'di skabs snyun gzhi je lod stabs rje nyid
nas 'khur bzhes

kyis shing gi khyogs khri gsar bzos thog /tsha zhag phal cher du
lhan 'dzom dgos par bkas mngags te/ khyogs 'degs par gla rngan
yid mgu ba stsal/ slar chab mdo nas 'phags chen ho thog thus
ched

gtong mdzad pa'i 'phags pa lha rang nyid kyi phebs byam/ byam pa
mi brgyad dang bcas pa phebs bsur 'byor par byam 'khyer ba rnams
la mjal kha dang/ sgron dar sogs stsal cing/ de'i sang nyin nas
phebs

lam bde min sogs kyi skabs phebs byam du phebs/ brag g.yab
rtogs ldan 'jam dbyangs blo gros slob 'khor nyung shas bcas
phebs bsur byon te wa 'khyugs pa lta bu'i brkyang phyag gsum res
sne drangs te mang?

dar phul bar byam thog nas mjal kha dang/ thugs ha cang dgyes
pa'i gsung gleng tho re ba stsal/ de nas phar tsam gyi spang
gshongs su bla ma rtogs ldan pas gsol tsha'i phebs sgrig zhus
pa'i dbu gur du ????

@137a @#/ /yab sras lhan 'dzom ste/ sngar rtogs ldan pa snyun las
grol bas da lta dngos mjal byung ba shin tu legs tshul sogs phan
tshun thugs nyams spro ba'i gsung mol nang

lhug mang po dang/ sngon dus ston pas chos 'khor gsum gyi skabs
chos rnams bden par grub ma grub kyi cha sna tshogs gsungs pa
dang mthun par rdo rje 'chang nyid kyis sngar rgya shod ban sgar
dang/ lcags ra

dgon sogs su lam 'khrid kyi lhag mthong skabs grub mtha' gong
'og gi lta ba'i dgag bya ngos 'dzin tshul rim gyis je phrar gtong
ba'i lugs su cha bgos te gsung ba la/ rtogs ldan pa'i slob bu
lam rim

pa 'ga' shas phyogs der chos zhur 'ongs nas lam 'khrid lan re
tsam zhus te chab mdor phyir bskyod nas/ skyabs rje rdo rje
'chang gi lta ba bye smra'i lugs yin 'dug /sems tsam pa'i lugs
yin 'dug zer

ba sogs byung tshul rtogs ldan pas rje nyid la zhus pas bla ma
yab sras bzhad gad theg ge ba byung/ de nas byon te nub cig
zhags mdzad pa'i sang nyi shar tsam na rdo rje 'chang mchog chog
grwa 'ga' zung bcas

em rje lags kyi 'khris su phebs/ em rje'i lus zungs dang nad
babs gnyis zhan stabs/ der rje nyid kyi dbu mdzad de sangs rgyas
byang sems sogs kyi mtshan gzungs kyi rigs 'gangs che ba bu ma
dang/

@137b 'khor lo bde mchog gi dag pa gsum gyi rnal 'byor dang/ rin
chen rnam bzhi'i gzungs sngags/ bde mchog lus dkyil gyi smon lam
cha tshang ba sogs dang/ dus tha ma'i nyams len gyi gsal 'debs
nyung 'dus

bcas gsung 'phangs bstod de gnang bar/ khong bas kyang zhal 'don
gyi rigs phal cher gsal por lhan cig bton thub pa byung zhing/
mthar rje nyid kyi zhal dkyil la blta bzhin du lag thal mo
sbyar/ mig mchi

ma 'khrug ge ba'i ngang nas/ bla ma rin po che bka' drin che
song/ bka' drin che song bya ba lan kha yar zhus te dpral ba
zhabs pus la btugs nas smon lam yun ring btab par rje rang gis
phyag gnyis ka khong pa'i mgo

thog tu bzhag ste byin gyis brlabs/ de nas chibs thon gyis yar
tsam byon pa na/ nad g.yog pa dag gis rgyang 'bod bcas em rje
lags 'das song zer bar rje nyid nas da gzhan ma'i bya thabs med
pas do nub

zhag sa bar 'di mus khyer cig dang der gros mol bgyid chog
gsung/ bzhugs zhag sar 'byor skabs khyogs 'degs par/ gzhan la
dris skabs 'di nas nyin shes song mtshams dur sa bzang ba zhig
yod

tshul zer bas da dung nyin gnyis gsum ring 'khyer thub na gla
rngan gyong gun med pa ster gsung par de don bya rgyur thag
chod/ sngar ban sgar dang/ lcags ra dgon sogs su em rje 'das po
dang dbu ma thal

@138a @#/ /'gyur ba'i lta ba'i skor sogs kyi rtsod gshags pham
pa'i zhe 'khon che bar brten gnyer chung don bkras pas/ bla ma
phebs par ro mnyam 'khyer byed pa 'di ha cang bkra mi shis

par ma zad/ nged chab mdo'i gdan zhu ba rnams la'ang rten 'brel
ches mi legs tshul sogs phyag mdzod/ gsol dpon/ drung yig shes
rab bcas brgyud de rje nyid la nan bstud gsol bar/ zhal nas/ em

rje 'das po nged la chos kyi re ltos bcas te phebs par 'di yan
la chos bka' dbang khrid zab rgyas mang du thob zin gang legs
byung song yang/ 'dod khengs de tsam ma byung bar sngon las
bzlog med kyis 'das

shor bas da res khong la gal che ba'i dus 'dir sku phung sa yul
gang byung zhig tu bskyur ba gtan nas mi bzod pas dur sa bzang
ba zhig yod zer ba de'i bar ma 'khyer ka med yin/ rang re chos
pa tshos de 'dra'i rnam

rtog ngan pa byas na/ mkhas grub gong ma tshos/ skyes ba'i nang
par 'chi ba'i brda zhig byung/ /'chi grabs tshags su tshud dam
ding ri ba/ /zhes dang/ ro zhes 'jigs su rung ba de/ /rnal 'byor
lus kyi rtsa na gang ba/ /

zhes dang/ 'du shes thams cad kyi nang na mi rtag pa dang 'chi
ba'i 'du shes mchog yin/ /zhes sogs kyi man ngag rgyud la ma
sbyar ba'i rang rtags bstan pa red/ /ces zhal kyal gyi rnam pa
mdzad pa las/

@138b gnyer chung gi zhus don de dgongs par 'phrod pa'i mdangs
tsam yang ma thon/ de nas chos zhu'i dge 'dun lam phyogs der
byon rigs kun lad res em rje lags 'das song bas nyin 'ga' shas
song mtshams su

dur khrod legs pa zhig yod 'dug pas der nam phebs kyi bar sngon
du 'byon thal ma gyur pa gnang dgos/ gnas der phung po bya gtor
bgyid skabs gsung chog zab mo 'dra gnang rgyu'i grogs dan mdzad
rogs zhu

dgos pa bdog /ces pa'i brda lan stsal cing/ de dag la rtsam pa
sogs kyi gsol chas 'phar snon 'phral 'bul mdzad rgyur gnyer gsol
sogs la bka' mngags te rim gyis byon/ sang nyin phung po dur
khrod du 'byor

rgyu'i do nub der dge 'dun gang 'dzom la dur khrod nas zhal 'don
gnang phyogs skor gyi bka' slob dang/ phung po 'khyer gtor gyi
las ka byed mi'i rigs/ dge 'dun rnam pa bcas la bza' btung sogs
sbyor mi zhabs

gras ched gnang thog /yon dang gla rngan yang yid rangs par thob
pa stob dgos tshul sogs kyi slob ston bka' drin du mdzad cing/
'di nub em rje de nyid la ched gtad kyis sbyang chog mdor bsdus
shig kyang gnang/

dur khrod kyi sar lam kyog che tsam yod par brten rje nyid ma
phebs par sang der 'grul lam du shad phebs gnang/ gnas thang
dgon du slar rtogs ldan pa dang mjal 'phrad thog /dgon der chos
bka' 'ga' re

@139a @#/ /stsal/ lam rim bla ma rigs smra'i dbang phyug rgyal
mtshan dar rgyas sam/ d+hwa dza'i zhabs chab mdo nas phebs bsur
byon par lhod mjal mdzad/ de nas rim phebs gyis

hor zla dgu pa'i tshes nyi shu la 'phags chen spro gling thang
dkar steng zhes par phyag phebs/ de'i phyi nyin lhod bzhugs
mdzad cing/ 'di dus byung ba'i mtshan lam gyi bsnyel byang phyag
zin mar/ 'di nub

rmi lam du 'phags chen rin po che mjal bar/ sku lus shin tu
chung la ring pa/ spyan gnyis ka ldongs pa/ thugs ha cang pham
pa'i nyams kyi gsung gcong mang po zhig 'byon gyin 'dug par/
ngos kyis thugs

gso mang du zhus zhing/ slad sku phreng phyi ma rnams la bstan
'gro'i don rgya cher gnang thub pa'i thugs bskyed rgya chen po
mdzad na/ sku tshe 'di tsam la gnad med tshul zhus/ yang phar tsam
na lha mo byi zhon ma red zer

pa'i srung ma drag rtsal can zhig dang/ de'i phag tu ngos la mi
dga' ba'i rnam 'gyur ston pa'i srung ma gdug rtsub che nyams can
zhig bcas 'dug pa der gnas pa'i rnying ma'i lha srung 'dra min
nam snyam zhes 'god

par mdzad snang/ chos nyer gnyis rgyal ba lha las bab pa'i dus
chen nyin chab mdor yod pa'i gzhung sa'i bka' shag dang/ chab
mdo bla dgon sogs spyi sger gyi phebs bsu ba rta ba brgya phrag
brgal tsam

@139b dang chabs cig tu chibs kha bteg /dgon gyi nub phyogs
ngoms chu'i 'gram gyi thang gshongs su gzhung gnas dang/ chab
mdo bla dgon sogs kyi thab bsu khag yod par khyugs tsam re
bzhugs shing/ de nas byon te dgon

stag gi thang chen po'i sne zin mtshams nas sgrub khag dgu'i dge
'dun ser sbreng ba rnams dang/ sku drag dang bla sprul sogs kyis
phebs bsu'i mchod sprin gyi bye brag dang/ gus 'dud kyi rnam par
tshar du dngar bas

mdun bsus/ chab mdo khul dang phyogs 'dus kyi skye bo dang mjal
zhu mi khri phrag brdal bas sgo gsum rab dwang gsol 'debs snyan
rgu'i ca co dar dir du sgrog par byed cing/ ma 'dris 'gro ba'i
mdza' bshes chen po rje bla ma

gang nyid kyis yongs la byams thugs snyoms pa'i dgyes pa'i 'dzum
zhal lhag lhag tu dgod cing dkyus ring spyan gyi gzigs pa btsa'
bzhin du ring mo'i bag chags nye bar sad pa'i skal ldan gyi skye
rgu'i tshogs la mthong ba

don dang ldan pa'i mdzad pa sgrub bzhin pas dal bur gshegs/ dgon
'dir bzhugs ring rgyun gtan gyi mtsher shag dgon ltag gi thog
ma'i phebs lam nas khad nye ba'i dgon pa'i nub ngos gling zur
kun rig grwa tshang gi nye

'gram dkon rdor bla brang du bzhugs sgrig zhus 'dug kyang/
'phags chen bla brang gi chab srid kyi 'khur 'dzin gtso drag
rang zhen can 'ga' res jus bkod byas pa ltar thog mar bzhugs
shag der gdan ma drangs par dgon gyi

@140a @#/ /gling skor lam ga brgyud de shar ngos nas 'phags chen
rin po che'i mdun du mjal khar phebs dgos pa'i bzo thon pa zhig
bgyis 'dug par rje nyid nas snyigs ma'i skye

po 'dod gdung can gyi re ba yongs su skong phyir kho ba tsho'i
mos 'dun bzhin byon nas 'phags pa lha ho thog thu mchog dang
lhod mjal gnang/ 'phags chen bla brang nas gsol ja/ bzhes 'bras/
gar rtsed

sogs kyi gzigs mo'i mchod sprin yang spros/ de nas bla ma rtogs
ldan pa dang/ bla sprul las sne sogs kyis spos sne dang mchod
sprin sna tshogs bcas kyis gdan drangs te dkon rdor bla brang gi
gzim chung du zhabs sor nye

bar bkod/ der spyi sger du mas rten gsum/ mjal dar/ gsol ja/
bzhes gro sogs bteg par babs bstun gyi mjal kha gsung gleng sogs
lhod 'gol dang/ de dag grub 'phral nyid nas rgyun gtan gyi zab
mo'i

nyams bzhes la gcig tu gzhol ba mdzad/ gsol ston 'bul mi sogs
dad ldan du mas bka' chos ma tshugs gong zla phyed tsam gyi ring
rje bla ma mchog nyid sku'i ngal bsol lhod bzhugs gnang dgos
tshul nan cher zhus par phyi

nyin nas bzung nyin lnga drug tsam gyi ring mjal mi ches mang
bar mjal kha dang/ yun bsgugs kyi phyogs 'grul mang pos phul
ba'i zhu yig /snga phyi lam rgyud du phul ba'i zhu yig bcas kyi
bka' lan/ gsol dpon

@140b rgyud bka' chos snyan gsan 'bul bzhes shin tu mang po bcas
dang/ gtso bor snga dgongs dang nyin mo'i bar seng yod do cog la
'char can gyi thugs dam rdo rje'i rnal 'byor chu bo'i rgyun du
bskyangs pa las nam yang mi

g.yel ba gnang/ rtogs ldan 'jam dbyangs blo gros pa rang nyid
mkhyen rab kyi rtsal che la/ sngon dus 'bras spungs su mtshan
nyid kyi rtsod grwa dbu phar la thug gi bar sbyangs pa dang/
lhag par dus phyis mkhas mang bye

ba'i khyu rgyan 'bras blo gling dge bshes chen po 'dan ma zil
gar blo bzang chos dbyings pa'i zhabs la yun du bsnyen te lam
rim chen mo sogs 'jam mgon tsong kha pa'i gzhung lugs kyi dka'
gnad spyi dang/ dbu ma thal

'gyur ba'i lta ba'i skor sogs mdzub khrid du gsan te legs par
khong du chud tsha bas che tshul byung ba sogs kyis thugs rgyal
khengs snyems kyi rnam pa che tsam yod par brten sngar khong
rang gi slob bu'i tshogs la/ da res skyabs rje

rdo rje 'chang chen po chab mdo 'dir phebs rgyur skye 'gro spyi
bye mtha' dag la dkon pa las kyang ches dkon pa'i skal ba bzang
po byung ba red/ bla ma de 'khor lo bde mchog dngos yin pas byin
rlabs dang thugs rje che ba gzhan dang mi 'dra

ba? yod/ ngas sngar bla ma de'i drung nas kyang chos zab rgyas
gang 'dod zhus zin pas da lta nga rang gis sngar shes pa rnams
nyams su blangs te sdod pa las bskyar du chos mang po zhu dgos
pa med/ nga rang gi tshogs rdzogs phyir
@141a @#/ /'bul dngos gang yod stob pa las gzhan mi dgos/ khyod
tsho tshang mas rdo rje 'chang gi bka' chos gang gnang thams cad
chad lus med par zhus shig ces yang yang gsung ba zhig

yod pa las/ skabs 'dir bla brang khag dang/ grwa tshang so so/
tshong rigs sbyin bdag khag gzhan sogs dpyod ldan don gnyer can
gyi tshogs du mas mdo sngags zab rgyas kyi chos char rgya che la
grangs mang ba zhu bskul

gyi snyan gsan 'bul mi'i hab thob kyi 'tshang ga'i zing long
dbyar gyi char sprin stug lo gtibs pa bzhin du byung ba na/ bla
ma rtogs ldan pas kyang rdo rje 'chang chen por sngar las lhag
pa'i dad gdung shugs drag po mnan pas

mi non par glo bur rta ba rto ba dbang med du mdzad dgos par
gyur te/ gnas 'dir chos 'khor bskor bar bskul ba po'i thog ma
nyid du rtogs ldan pa rang nyid byon nas byang chub lam rim chen
mo mchan bu bzhi sbrags pod gnyis

kyi khrid rgyas pa zhig bka' drin stsol rgyu'i gsol 'debs mdzad
cing/ de nas bzungs chos bka' che chung gang gnang mtha' dag zhu
dgos dgongs pa zhig byung snang ba ni/ rje bla ma rdo rje 'chang
chen po gang nyid byang chub kyi

sems rnam pa gnyis kyis thugs rgyud grol zhing/ bshes gnyen
bsten tshul gyi dgongs spyod gzhan dang mnyam zla med pa mnga' ba
sogs mngon par rtogs pa'i yon tan gyi mthu phul du phyin pa
mnga' ba'i 'bras rtags nyid du gor

@141b mchog? go/ /de bzhin du gsang 'jigs bde kye/ kun rigs sogs
grwa tshang rang rang gi 'du khang dang/ lcags mkhar gyi lung
'khrid sku zhabs grwa tshang du gnang dgos bya ba lta bus mtshon
gdul bya'i khams mos mi mtshungs pa rta

mog gi spu dang 'dra ba byung ba rnams la so so'i re ba don ldan
du mdzad pa'i zhal bzhes legs par stsal/ de nas sngar smos pa
bzhin zhib cha'i spros pa dor te gtso che rigs rnams rags rim
zhig brjod na/ thog mar rtogs

ldan pas zhu ba po'i gtso bor mdzad de spyi chen 'du khang du
'phags pa lha ho thog thu mchog dang/ dkon rdor sprul sku/ rtogs
ldan rin po che/ zhi bzang sprul sku/ 'jol zam gdong sprul sku/
sho mdo grwa sgom sprul sku/ rdzi tho

brag nag sprul sku/ lcags zam sprul sku/ zhol sras gi'u sprul
sku/ brag g.yab ma dgon gyi mtshan nyid mkhan khri dge bshes
mgon po tshe dbang/ gzhan yang gdan sa gsum dang am sog gi rigs
smra'i dbang po du ma/

chab mdo dgon rang gi dge 'dun dang/ yul dbus nas byon pa'i chos
zhu ba mang po/ mdo khams stod smad lho byang sogs nas rje nyid
kyi gsung gi bdud rtsi nos par ched du lhags pa dang/ mdo smad
dar rgyas dgon gyi bla gra de

skabs su der yod pa sogs bcas dad 'dus kyi chos zhu'i tshogs pa
lnga stong la nye bar byang chub lam rim chen mo mchan bzhi
sbrags kyi bshad khrid rgyas par stsol rgyu'i dbu tshugs pa nas
bzung nyin lnga re tsam gyi mtshams su chos thun

@142a @#/ /gyi thog mar lam rim chen mo'i dbu nas bzung rdo rje
'chang rang nyid kyis brtsi bzhag lan gsum re gnang bar/ lam rim
bla ma rgyal mtshan dar rgyas pas brtsi bzhag bskyor 'bul

mdzad pa bcas brtsi bzhag lan gsum tsam gnang/ lam 'khrid nyin
bzhi tsam song mtshams rtogs ldan pas kho bo cag ched 'bod mdzad
de/ nged kyis sngar gzhung dang man ngag sogs kyi dka' gnad du
ma bka'

'dri dogs gcod zhu rgyu'i brjed tho mang po bsags yod pa da res
bka' 'dri zhu sa ma rnyed na phyis su zhu yul gzhan med la/ u
tshugs kyis zhu bar 'dod kyang bka' chos ha cang rgya chen po
tshugs skabs dang/ thugs

dam nyams bzhes sogs gang cir gnod dogs kyis zhu nus rbad kyis
bral ba lta bu mchis mod/ rje bla ma nyid sngar nas gzhan don
'ba' zhig la thugs gzhol zhing byams snying rje'i mnga' bdag tu
bzhugs bar brten bka' 'dri

zhu bar nyin gnyis gsum re'i mtshams su lan re bcar chog pa zhig
yong shas che ba'ang srid snyam pa'i re 'dun zhig kyang byed mus
la/ khyod kyis rdo rje 'chang mdzad brel cung chung dus shig
dang bstun nas nged kyi zhu don de

lhang tsam zhus te dgongs par 'bab mi 'bab ji ltar byung ba de
nged la brda lan sprod pa bcas kyi grogs dan nges par byed dgos
zhes nan chen pos gsung ba bzhin rje bla ma nyid la zhus par
zhal 'dzum pa dang bcas te/

@142b da res rtogs ldan pas de ltar thugs 'dod mdzad pa nged
rgyun gtan mjal 'phrad gnang mi gal can mang ba dang/ chos 'khor
bya dgos shin tu zab cing rgya che grangs mang ba/ 'char can
chag med kyi dge sbyor bya rgyu

khyon che ba bcas ha cang zin par dka' ba'i brel 'dzing bzhi
brtsegs lnga brtsegs su 'gyur ba'i 'phar snon zhig 'byung bzo
yod kyang/ rtogs ldan pa nyid dge ldan bstan pa'i rtsa lag zla
med cig yin stabs dri ba

rnams kyang phal cher gal 'gangs can sha stag tu yod 'gro bas/
da res nged la bka' 'dri mdzad 'os de ltar rtogs ldan pa thugs
mad nges la/ gong gsal rtogs ldan pa nyid kyi thugs 'dun ji ltar
yod pa bzhin du

mdzad na nges par 'thus zhes phebs pas/ de ltar brda lan phul
bar de'i sang nyin nas bzung rje bla ma rdo rje 'chang gis snga
dro'i thugs dam gyi mjug gtor ma brgya rtsa grub mtshams su rtogs
ldan pa nyin gnyis gsum re'i bar du lan re bstar

chags su bcar bar dri zhus kyi lan rnams mtha' chod pa re thogs
med du stsal/ lam rim chen mo mchan bzhi sbrags kyi bshad khrid
ches zab la rgyas par gnang mus nas/ rigs lam smra ba'i dbang po
d+hwa dza pas zhus ngor blo sbyong

don bdun ma'i rtsa tshig sa bcad kyis brgyan pa ljags sgrigs
gnang/ 'phags chen ho thog thus snga phyi bar gsum bsdoms nyin
bco lnga tsam gyi ring chos gsan par phebs shing/ gzhung sa'i
sku drag rnams mdzad sgo'i gseng

@143a @#/ /dbar gang byung gi dus bzang/ dus chen/ tshes bcu rnam
gnyis sogs su chos zhur 'char can du phebs/ bar zhig du lha ldan
nas zur khang zur pa dbang chen tshe brtan mdo spyir

byon pa nyin gcig rje nyid kyi drung na 'byor phyag tu phebs par
lhod mjal gnang/ nor gling em rje 'das po'i dpe cha rnams chos
zhu'i dge bdun dpe dkon gras rnams la stsal nas de nyid la thugs
smon gang zab gnang dgos

tshul dang/ gyon pa'i lhag ma sogs dngos spyad phran bu yod rigs
dngul thog tu bsgyur te bka' chos tshogs par gzhan gyis bsnyen
bkur zhus pa'i zhar du zhal 'debs la smin par mdzad cing/ yon
bsngo'i gras su de nyid

ming smos kyi bsngo ba sogs kyang gnang/ lam khrid kyi skyes bu
chen po'i skabs su dpyod ldan 'ga'i ngor blo sbyong bdud rtsi'i
snying po dang/ rje nyid kyi gsung don bdun ma'i rtsa tshig
sbrags ma'i bshad khrid rgyas pa/ rgyal zla'i dus

chen dang bstun nas bde mchog yab yum gyi dbang bka' 'ga' re
gnang rgyu'i sngon 'gro'i bla ma lnga bcu ba'i rtsa ba dang/ rje
tsong kha pa'i gsung gi rnam bshad sbrags ma'i bshad lung gzab
rgyas/ de nas grub mchog dril bu ba'i lugs

kyi bde mchog phyid kyil lha lnga'i dbang chen gyi sta gon dang/
dngos gzhi/ dril bu lugs bde mchog lus dkyil gyi dbang chen/ rje
btsun rdo rje rnal 'byor ma'i byin rlabs dbang bzhi'i rim pa
rnams stsal/ 'di dag gi skabs snga phyir

@143b sngon dus gzhung gnas dang 'khon 'gras che ba mgar bla can
sogs kyis dpung chen btegs pa'i 'tshe ba dang/ lhag par du 'ga'
zhig hor khog sogs kyi yul mi'i drag dpung gi nus rtsal ji ltar
'gran yang do zla ma byung bar da lta

sde dge dgon chen dang khad nyer slebs zin pa da lta'i mus bzhin
'di phyogs su yong na nyin gsum gyi mtshams su chab mdor 'byor
nges dang/ de ltar yong rtsis byed tshul sde dge nas rta shad kyi
bang 'phrin yang yang gsal por 'byor

lugs bcas gang ltar 'di ga'i yul sde dang gzhung sa'i las bya
sogs kyang gzhan du g.yol thabs sogs kyi 'og grabs bya mus ma
zad/ bstan pa bstan 'dzin bcas la lhag par sdang zhugs che tshul
gleng bar brten rdo rje 'chang nyid

'dir lhod bzhugs mdzad na ngos cag tshang mas blos 'gan bzod min
'dug stabs da cha rje nyid ci myur gyis dbus phyogs su yar chibs
bskyod ma mdzad thabs med yin tshul bcas sku drag bla sprul gzhan
gyis rje bla ma mchog la ngos

su zhu ma spobs par rtogs ldan pa brgyud de u tshugs nan bstud
dza drag gi zhu bskul yang yang bgyis par/ rje nyid nas/ de ltar
tshab tshub rang gnang mi dgos par bstan srid kyi zhabs rim 'dra
'bad sgrub mdzad na 'thus tshul

phebs par/ mdo spyi zur khang zur pa dbang tshe nas zhabs rim ji
ltar gnang dgos rje nyid la bka' slob nan zhus dang 'brel nyin
bdun phrag tsam gyis ring rje nyid tshogs mgon du gdan drangs te
sri gnon gzab nan zhig gnang rgyur de'i cho ga

@144a @#/ /yang mdo spyi nas rje bla ma gang nyid la bka' rtsom
mdzad par bskul ba ltar sngon dus chog sgrigs gnang ba'i zin
bris nyid la 'khri snon zhib tig gis gtan la phab ste sgab 'dre
mnan

pa'i cho ga thar med gshin rje'i lto khung zhes pa dang/ de'i
bca' sgrigs bcas thugs rtsom gnang zhing/ lam rim mchan bzhi pod
dang po'i mjug rdzogs pa spyod pa spyi bslab grub kyi bar rnams
zla ba bcu gnyis pa'i tshes

nyi shu tshun la zin par gnang/ de rjes rje nyid dbu bzhugs kyis/
cho ga zhabs pa gnyis dang/ lha ldan smad rgyud kyi rgyud grwa
bco lnga bcas nas zhabs brtan lha khang du sgab 'dre mnan chog
gi thog nas bstan srid kyi rkyen sel

zhabs rim nyin bdun gyi ring gnad smin du bskyangs/ mnan pa
dngos gzhi'i skabs rlung 'tshub kyi bya spu'i rnam pa mang po
dang/ me lce rim mo dru gu lta bu zhig khyer te mnan dong du
lhung ba chog gra mang pos dngos su mthong ba sogs

ngo mtshar ba'i rtags mtshan shin tu gsal ba byung la/ mnan sgrub
tshugs pa'i nyin 'ga' shas song mtshams su sde dge nas rta shad
kyi bang 'phrin che du lhags te/ gzhan gyi dpung chen po glo bur
sems snang 'gyur ba'i rnam

pas nyin mtshan bstud mar smad phyogs su phyir log ste da lta gar
song cha med du song tshul zhib gsal 'byor bas de nas bzung dpon
'bangs sde dgon mtha' dag 'khos phab kyi bde dge'i dpal la spyod
du btub pa byung ba yang

@144b rje bla ma gang gi bka' drin nyag gcig las byung zhes
skabs du mar gzur gnas dag gis gleng bar thos so/ /de ltar gnad
dmigs kyi zlog rim legs par zin mtshams gtang rag gi spyi bskang
sogs kyang gzab 'bul

mdzad cing/ de nas lo mjug gi mdzad sgo'i rim pa rnams sngar
bzhin bskyangs so/ /dgung grangs nga dgur phebs pa me byi lo hor
zla dang po'i tshes gcig nas nyin 'ga'i ring dgung gsar gyi dus
ston dang/ spyi sger gyi

mjal zhu ba ser skya drag zhan du mar lhod mjal/ phyogs mtha'i
zhu yig khag gi bka' lan sogs kyang gnang/ de nas slar snga ma'i
chos 'khor gyi 'phro lam rim mchan bzhi pod gnyis bzhi lhag sogs
kyi bshad khrid

tshugs/ phyag zur ngag dbang rgya mtsho rims tshad kyis bsnyung te
sku 'das par thugs pham nyams chen po bzhes shing/ der ched du
byon te sbyang 'pho sogs smin rgyas su bskyangs/ bla brang nas
rten mchog spyan sngar mchod sprin

gzab spros thog /'dus tshogs khag la bsnyen bkur rgya cher zhus
par rje nyid nas bka' chos tshogs su de nyid ming smos kyi skyabs
gsol dang/ bsngo ba sogs yang yang nan tan thog  /gzim chung
du'ang sbyang ba'i cho ga sogs

yang yang gnang/ 'di lta'i rigs lta bur mtshan ltas bzang ngan
sogs ji 'dra byung ba'i bsnyel byang ngo mtshar mang yang phal
cher 'brir ma langs/ ru tsha mkhan chung mgon po bsod nams sogs
dbus phyogs nas phebs

@145a @#/ /mi gal can 'gar mjal kha dang/ nang ma'i gsung mchid
lhug par gnang zhing/ rjes su ru mkhan nas zhus ngor dga' lha'i
rnal 'byor shin tu rgyas pa bka' rgya can par byang smon tshig

dang bcas pa'ang bka' rtsom mdzad/ lhag mthong chen mo'i zab
khrid kyi dbu nas nyin 'ga' shas song ba'i mtshams su bla ma
rtogs ldan pas rang gi bu slob bzang gras lam rim pa pad bkod
sogs la/ ngas sngar bla ma la dag snang

chung ba'i skyon chen po shor 'dug /skyabs rje rdo rje 'chang
rtogs pa mthon po yin/ 'khor lo bde mchog dngos yin snyam pa'i
yid ches brtan po snga mo nas yod kyang lung gi yon tan de lta
bu mnga' ba da res bar phu thag

chod pa zhig ma shes pa ha cang 'gyod gdung 'jigs skrag gi gnas
dang/ da nas nongs bshags shugs can 'bul dgos pa'i 'os su snang/
da res 'jam mgon rgyal ba'i legs gsung gzhung chen man ngag kun
dang/ lta

sgom spyod gsum sogs kyi snying po bsdus pa lam rim chen mo'i
zab khrid 'di'i thog mtha' bar gsum du sngon chad gzhan gyis
thon par dka' ba'i gzhung don la go ba skyed tshul/ zab cing phra
la dka' ba'i gnas rnams la

go ba phul phyin ster nus pa sogs rgyal ba gnyis pa slar byon
kyang de phan chad la gsung thabs med pa lta bu mdo bstan bcos
tshad thub rnams kyi khungs dang 'brel la/ lung rigs 'thad ldan
brgya phrag gi lam nas drangs pa'i gsung

@145b tshul khyad par du 'phags pa 'ba' zhig gnang gi 'dug pa
gong du zin bris 'debs rgyu ma dran pa shin tu phangs tshabs che
ba byung/ 'di man chad tshang mar nga tshos zin tho 'bri ba sogs
gang thub byed dgos bya ba gsung zhing/ rtogs

ldan pa rang nyid sngar chos gral du'ang sgom rgyag pa'i zol
ltar bzhugs pa la 'di nas bzung rdo rje 'chang gis ljags bshad
gnang ba nas chos thun ma grol gyi bar lhag mthong chen mo'i dpe
char zhib gzigs kyis rtogs

ldan pa rang gis zin bris 'debs pa dang/ dge slong pad bkod
rgyab gral du bzhag ste brjed tho gang zin 'brir 'jug pa sogs
gnang zhing/ de'i phyi nyin nas tshogs khang chung du zhig tu
rtogs ldan pa rang nyid slob bu'i tshogs dad

bcas pas rje bla ma rdo rje 'chang gis nyin snga mar gang gnang
ba'i gsung bshad man ngag rnams dran bskul brjed gso'i gleng mol
mdzad de lam rim mchan bzhi pod gnyis pa mjug rdzogs pa'i bar
gyi bshad khrid gnang ba'i ring

snga dro'i char yun mi thung tsam re 'chag med du 'tshogs pa sogs
bla ma'i man ngag la gces spras ches cher mdzad pa zhig byung/
rdo rje 'chang mchog nas lam rim chen mo'i skyong tshul gyi skabs
dmar khrid myur lam dang/ sa bcad rje

btsun bla ma'i zhal lung sbrags ma'i nyams khrid/ sbyor chos
skal bzang mgrin rgyan gyi khrid bcas rgyas pa dang/ zhar du mdo
smad khul gyi dge ldan pa'i sde dgon ser skya drag zhan ches
mang po 'dus pa'i chos gral der/ byang chub
@146a @#/ /sems dpa'i sde snod ba tshwa'i chu klung las slob dpon
klu sgrub kyis zur bkol gnang ba sems can mgu bar bya ba'i bstod
pa sogs mdo rgyud man ngag du ma dang/ gsar rnying mkhas grub

mang po'i gsung sgros mtha' klas pa khungs su drangs pa'i phan
yon dang nyes dmigs zhib mor gsung pa dang 'brel/ rang gzhan
skye 'gro su 'dra yin yang srog las gces pa med pa'i tshul rang
dpe gzhan steng du bkab

ste so so'i mos blor babs nges kyi mon bsam gdeng khel brtan po
byung rigs nas sgo zog gnag phyugs ra lug tshun dang/ ri dwags la
sogs pa'i sems can gyi rigs mi gsod pa'i srog gcod spong sdom
len pa sogs

kyi sgo nas mi 'jigs skyabs kyi sbyin pa gang thub ci thub re
bka' drin stsol thabs byung tshe nged kyis kyang ring mo zhig nas
re 'dun byas pa'i dgos don che shos shig 'grub pa lin stabs
tshang mas dgongs bzhes gang drag

thugs rje mi chung ba zhu rgyu yin/ 'on kyang de ltar nges par
dgos bya ba'i khral 'gel ba lta bu gtan nas min phyir rang rang
gis bsam blo zhib lhod yang yang bskor ba sogs dang 'brel sdar
zhus pa bzhin so so'i 'dod mos dar

bstun te srog gcod kyi rigs spong thub pa 'dra byung na gtso bor
rang rang gi gtan gyi 'dun mar phan pa blabs chen 'byung tshul
sogs dang/ lhag par dgon pa dang bla brang khag nas lo re'i nang
gtong sgo dang dus ston sogs/

@146b kyi ming snyan po re btags te phyugs rigs dkar nag mang po
gsod dgos pa'i srol ngan de dag rgyun gcod thabs mdzad na/ sha
gzhan nas nyo bsgrub byas mi rnyed pa mi yong tshul sogs sha tshar
bcor ba'i slob ston snying po can mang du gnang

zhing/ brag g.yab sor sgang dgon sogs nas zhu yig phul ba'i
bka' lan mang por yang de dang tshul mtshungs pa 'ba' zhig stsal/
brag g.yab bla ma ye shes dbang drag gi zhu yig snga phyir dris
lan sogs zhib gsal thog sgrol

ma tsitta ma Ni'i rim gnyis kyi khrid yig gsar rtsom mdzad
rgyu'i bskul ma zhus yod par yang bka' bzhes legs par gnang/ lam
rim nyams khrid kyi skyong tshul mdor bstan skabs myong ba 'don
tshul sogs zhib cing rgyas par stsal

te/ spyir da lta rgyal bstan rtags tsam 'dzin pa'i dus la nye
bar phyogs pa lung gi le'u'i skabs yin yang rang cag 'dzam bu'i
gling pa las kyis pa yin stabs rgyu tshang ba bsgrub na 'bras bu
mi 'byung ba mi srid phying nga tshos 'bras bu'i bstan pa

byed dam/ rtags tsam 'dzin pa'i bstan pa gang byed rang lag na
yod/ de yang rang la 'bras bu dang sgrub pa'i le'u sogs ji ltar
'byung mi 'byung rang rang gi thos bsam sgom gsum dang/ bsags
sbyang gsol 'debs rnams rgyun ring shugs

drag gnad du smin pa zhig byas ma byas la rag las/ ngas sngar
skyabs mchog dwags po bla ma rin po che las lam rim myong khrid
kyi tshul du zhus skabs sogs nas thos bsam sgom pa yam bral ba'i
thog /bla ma yi dam dbyer med la gsol

@147a @#/ /ba 'debs pa dang tshogs gsog sgrib sbyong sogs rlabs
chen yun ring du 'bad pas lam gyi rim pa'i rtogs pa rnams legs
par skyes pa byung/ de dus bla ma'i man ngag dang rang gi nyams
myong 'ga'

zhig brjed thor bris pa'ang yod cing/ de'i ming la/ bshul ring
lam gyi myong pa lag len dmar bcang snying gi thur ma bya ba
snga mo nas btags tshar gsung/ tshul der ches rin thang med pa'i
'gangs can du 'dzin pa shin tu mang pa

byung la/ 'dan stong 'bum sgang dgon gyi grwa don grub sbyin pas
kyang phyi nyin rje nyid kyi drung du gong gsal bshul ring lam
gyi myong ba zhes sogs yod pa de phyogs bsgrigs kyi bka' rtsom
dgos tshul gsol ba btab par de don

rjes sor ci lcogs re nges par bgyid chog ces phebs/ 'phags bla'i
chab srid kyi las grwa khang rtse tshang ma bya ba'i drung yig
bsod nams rdo rje sogs sde dger phyin te rig gnas la sbyangs pa
legs pas snyan sum dang sgra rig la

cher mkhas zer ba 'ga' chos zhu'i gras su yod stabs rje nyid nas
lhag mthong skabs rten 'brel gyi gtan tshigs ljags bshad tshugs
khar/ sang nyin gyi bshad pa'i kras su mkhas pa snga ma'i phyag
srol bzhin lta ba'i skor sgra'i ri mo'i

sgo nas gtan la dbab bya nyung shas shig yod pas sgra rig la
byang ba'i mkhas pa tshos chos gral du sam Ta dang/ lcags smyug
bsnams nas phebs rgyu dang/ nged kyis kyang sam smyug khyer nas
bar zhig tu sgra sgrub cung zad byed

@147b dgos pa yod gsungs/ sang der rten 'brel gyi gtan tshigs
skor shin tu rgyas par stsal te/ 'di'i sgo nas dpyad pa zhib mor
byas na/ thal 'gyur thun mong ma yin pa'i lta ba'i gnad la gtan
tshigs gzhan ma bas 'di nges bster tshabs

che ba yod pas rten 'brel gyi gtan tshigs 'di la rigs pa'i rgyal
po zhes gsungs pa yin/ bar 'dir bu dd+ha pA li ta dang/ tshig
gsal sogs kyi dgongs pa ltar sgra sgrub kyi sgo nas gtan la
'bebs pa'i phyag bzhes ltar byed ces

sa mu ta pa da sogs ri mo'i lam nas zhib tu stsal bar 'phrad
ltos rten gsum grub/ de dag kyang re re nas bkral bas chos gang
yang rten cing 'brel bar 'byung ba las gzhan med pa dang/ rten
'byung gi rtags la brten nas bden

med rang shugs kyis 'grub la/ bden stong gi 'phrul las rgyu
'bras rten 'brel slu med/ sgra rtog gi blos par btags tsam gyi
tha snyad tshad ma grub ste/ de yang rten 'byung stong pa dang/
stong pa rten 'byung gi don du 'char tshul sogs rgyas

par gnang bas/ phyis drung yig bsod rdor sogs kyis/ da res zin
bris 'debs rgyu'i re bas gra bsgrigs byas kyang rdo rje 'chang
gis sgra sgrub dngos gzhi'i skabs sgra'i ri mo ljags bshad dang
bcas pa byung tshe der sgra kho nar sbyangs pa mdzad

pa ltar yud yud kyis gnang zin 'gro ba zhig 'dug pas nged nas
zin bris cha tshang la phan thogs pa zhig 'debs thub pa ma byung
yang/ sngar bla ma rtogs ldan pa dang/ 'jam rol rin po che'i
drung nas spyir btang gi lta khrid zhus te rten 'brel

@148a @#/ /gyi gtan tshigs lan mang po thos pa las da res sgra
sgrub kyi thog nas lan gcig thos pa de go bde la gnad 'dril ba/
nges shes rnyed khul che ba byung zhes kho bo cag la lan mang du
gleng bar byas

so/ /de rjes shig drung yig khong pas/ rdo rje 'chang gi gsung
chos skyong shugs ldan gyi bskang chog nas rgyal chen gyi srog
sngags thung ba de mtshan dngos dang mi mthun par yig nor byung
ba lta bu snang bas khyod kyis rje nyid la

bka' bcos mdzad rgyu'i zhu bskul gyis shig ces zer ba ltar rje
bla ma nyid la zhus par/ srog sngags de'i bi ki biTNa zhes pa
skad dod dang bstun na zur chag lta bu zhig las/ shugs dang ldan
gnyis ka'i sgra don mtshan dngos dang/

mthun nges shig med kyang/ sngags de mkhas grub snga ma rgyal
chen sku dngos su grags pa lha ldan bzhi sde smyung gnas bla ma
ye shes bzang po dang/ dga' ldan gser kong rdo rje 'chang sogs
kyis tshad mar bzhed de bskang gso ljags

rtsom mdzad par srog sngags de ga rang 'jog gnang mdzad cing/
gsung chog kyang mang du gnang gi yod 'dug pas de rigs la gzab
'don gyi bcos bcos mang drags na byin nus nyams rkyen du 'gro
ba'ang mang po 'byung bas nged kyis

dam pa snga ma'i gsung byin can du bsams nas rang sor bzhag pa
yin/ des na srog sngags de skad dod dang bsdur nas gsar bzo ma
byas pa legs gsungs/ tshul de kho bos drung yig khong pa la
'phrin du bskyal bas/ rje nyid kyi

@148b drung du de ltar zhu thub pas nged kyi dogs pa yang lhag
med du chod song ba thugs rje che zer/ rdo rje 'chang chen po
mchog gis lam rim chen mo'i thog mtha' bar gsum nas rgyal ba
gnyis pa rang nyid kyis bod snga rabs pa dang/ sa bka' rnying

bon sogs la dngos shugs kyi dgag pa mang du mdzad pa'i gzhung gi
dngos zin las 'phros te bod snga ma dang gzhan phyogs kyi mkhas
pa 'ga'i bshad srol/ 'khyar rdol bsgyur bon sogs kyi lta sgom
spyod gsum dri bcas su gyur pa dag la

dgag gzhag mthil phyin pa mdzad de/ chos ston pa pos bshad bya'i
chos rnam dag gang yin dang/ nor 'khrul bsre lhad lam log lam
gol du shor ba'i gol sa sogs gang na yod shes par byas nas ji
bzhin mi bshad par grub mtha' ris med

la dag snang 'byongs mdog gis chos rnam par dag ma dag kun khyad
par med zer na/ slob ma'i gtan 'dun gyi rtsa ba chos rnam dag
cig sgrub stangs mi shes par gtan gyi 'dun ma 'chugs nyen chen
po yod pas slob ma la ngan byas par 'gro/ des

na bla mas slob ma la nyams su blang bya'i chos de bsre lha da
nor 'khrul sogs kyi skyon dang bral ba zhig 'chad dgos la/ slob
mas de 'dra zhig nyams su len dgos/ ngas grub mtha'i phyogs lhur
gis de ltar bshad pa min par/ sngar gzhon nu'i

dus su gsar rnying grub mtha' ris med kyi chos kyi snying po
rnams la thos bsam sgom pa rgya cher byas/ gsang sngags rnying
ma'i chos skor sogs gzhan la 'chad pa yang lan 'ga' tsam bgyis
kyang/ lugs gzhan phal cher la lta sgom sogs

@149a @#/ /gang cir skyon ma zhugs pa dkon cing/ mdo sngags kyi
cha thams cad nas tshang la dri ma med pa ni/ 'jam mgon tsong kha
ba chen po'i ring lugs 'di kho na yin par lung rigs pa rgya brag
gi lam nas drangs

pa'i nges pa brtan po rnyed pa dang/ gzhan phyogs kyi chos lugs
chal chol gang byung lag len bgyis na mi legs pa'i mtshan ma yang
mang du byung pa sogs rgyu mtshan khungs ma dang 'brel rgyal ba
gnyis pa'i bstan pa 'di la 'ju gcig 'chang gcig

byas pas rang gzhan gyi don chen po mang du grub pa byung bas
na/ tshang mas rgyal btsong kha pa'i bka' srol ltar chos rnam dag
gcig bsgrub tshul shes par byas te nyams len rdo rus thug pa re
gnang dgos tshul sogs kyi bka' slob zhib nan

dang/ mchan bzhi'i bshad khrid kyi mjug tu sems bskyed pa'i chog
bcas rgyas par stsal/ chab mdo man gyi dad ldan du ma'i bang
'grin pa sogs ched du lhags te chab mdor yun bsgugs kyis rje bla
ma mchog brag g.yab/ smar khams/

rong thang steng/ 'ba' li rgyal gsum/ cha 'phrin/ tre hor sogs
rang rang gi yul grur chibs bskyod nges par gnang dgos tshul gyi
gsol 'debs yang yang dang/ lhag par shis khang spyi khyab lu'u
cun krang mchog gis rgya bla ma byams

pa 'gyur med bya ba ched mngags kyis rje bla ma rdo rje 'chang
chen po lha rab drin du'am/ g.ya' gru/ de min dar mdo/ dma'
mthar tre hor dkar mdzes bar nges par phebs thub bzhig dang/
khong rang bka' chos zhu bar dkar mdzos

@149b su bcar chog pa zhes u nan rim bstud du zhus par/ rje
nyid yul dbus nas srid skyong rwa sgreng rin po ches gtsos grwa
slob yon bdag du mas chab mdo'i chos 'khor zin mtshams dbus
phyogs su yar ngas phebs dgos tshul gsung pa mtha'

dag la de bstun gyi khas len brtan po thal zin par ma zad/ gtso
bor bod rje rwa sgreng mchog nas chab mdo man la nyin gcig gi
lam du'ang bskyod chog pa'i dgongs khrel ma byung stabs 'di man
du phebs thabs rtsa bral yin lugs kyi brda lan

sogs nges gsal thag chod pa re so sor 'phral slog mdzad/ dad
ldan 'ga' res zhus ngor sa zla'i nya la tho rengs ches snga bar
rten drung du theg chen gso sbyong gi sdom bzhes dang/ bka' chos
tshogs chen la theg chen gso sbyong skor gyi bshad lung/

lag ris mthong tsam gyi dus su gso sbyong gi sdom pa 'bogs chog
bcas phyag bzhes zhib cing rgyas par bka' drin du stsal/ spyod
'jug dang/ drang nges legs bshad snying po'i bshad lung gi skabs
shig le tog than pas gdungs pa'i nyer 'tshe

tshabs chen po yun ring byung ba na/ sngar srol bzhin chab mdo'i
bla khag dang/ sgrub khag so sos char 'bebs kyi thabs tshul zab
rgu rim par rtsal sprugs mdzad kyang char sprin 'du btsam yang
ma gyur par gnam gshis je yer du song ba'i stabs mdo spyi

nas rje bla ma nyid la bka' chos bar gseng mdzad de char 'bebs
zab nan zhig skyabs 'jug gnang dgos tshul zhus par/ phyi nyin zab
khrid kyi chos thun dang po'i mjug tu/ deng skabs than pa ha
cang che bas lo tog la gnod 'tshe drag po 'byung mus

@150a @#/ /la brten mdo spyi mchog nas nged kyis char 'bebs byed
dgos tshul gsung bar da lta chos thun rjes ma tshugs mi dgos par
phyi dror char 'gong mnan pa zhig bgyid rgyu dang/ des do nub
char 'bab pa'i bzo ma

dod tshe sang nyin nas nyin re gnyis chos bar thog char 'bebs
gnang dgos zhes phebs/ de 'phral mtsher shag nas mnan ling dang/
mchod rdzas sogs grabs bsdogs kyis sgrol ma tsitta ma Ni'i rnal
'byor zab mo dang bcas dgon pa'i nub rgyud kyi

ri ngogs rgyang ring bar byon/ der sgrol ma'i sgo nas char 'gong
sreg mnan gyi gsung chog dbu tshugs tsam nyid nas nam mkhar gro
bur du char sprin stug po'i tshogs du ma lang long du 'du zhib
'khrigs te mnan chog gi mjug zin ma zin tsam nas drag

char shin tu stobs che ba babs pa dang dus mtshungs sa phyir
gshegs pas bzhugs shig tu phebs skabs ston 'khor tshang ma'i na
bza'/ gyon pa/ yo spyad mtha' dag chu ral tsar tsar du snang bas
kun kyang bzhad gad dang nyams mtshar ku

re 'ur dir ri ba mdzad dgos pa byung/ de nas bzung char rgyun
bzang po yun ring du babs pas de'i phyi nyin nas chos 'khor
sngar rgyun ltar tshugs/ bod rje rwa sgreng mchog nas sngon du
bka' bris lan gcig dang/ 'di skabs shig tu slar

yang dbus 'gyur bkras chos ri khrod kyi khang gnyer bzhi sde tA
zur gyi las rogs gsol gzhon rnam dag bstan rgyas ched dgug gis
nged kyis chab mdor skyabs rje rdo rje 'chang gi mdun du zhu yig
gal can 'dra 'bul rgyu mchis pa da lam 'grul

@150b rigs gzhan ma'i zhor du bskur ba mi rigs stabs gal che nan
dper khyod nyid zhu yig 'bul bar ched bskyod dgos tshul phebs te
gsung shog 'phral bzhengs kyis gnang ba dang/ zhar du lha ldan
khul dang/ gdan sa ri khrod khag nas zhu yig 'bul/

rgyu mang du byung ba bcas khyer te shad rtsol gyis ched du
lhags pa sku drung na 'byor/ rwa sgreng nas rje nyid la zhu yig
dang/ phyag mdzod kyis gtsos zhabs gras spyir bka' shog bcas yod
pa dang/ zhu yig gzhan phal cher nas kyang chab mdo'i bka'

chos brub mtshams de man gyi sa yul gang du'ang mi 'byon par nges
par dbus phyogs su yar chibs zhal sgyur dgos pa'i gsol 'debs zhe
cig tu byung bar de rjes nyin gcig gi ring chos bar mdzad de rwa
sgreng rin po che sogs so sor zhu yig

khag gi bka' lan babs mtshungs gnas tshul zhib 'khod gnang ba'i
thog /chab mdo'i chos 'khor zin 'phral dbus phyogs su yar rim
bzhin phebs rgyu'i zhal bzhes gsal brtan gnang skyes kyis spa ba
bcas 'grul mi nges tig gi gdong du

'phral bsrings mdzad/ 'di dus rdo rje 'chang nyid kyi tshems shig
brul ba'i shul du zla ba gnyis gsum ring tshems gsar pa chung du
mdog dbyibs mchog tu dkar zhing mdzes pa re lan gsum gyi bar du
'khrubs pa zhig kyang byung/ dgon 'dir

gong gsal rnams las gzhan pa'i dbang bka' 'khrid lung sogs gang
dang gang gnang ba nas rgya che zhing gtso che ba'i gras la/
gsang 'dus 'phags lugs mi bskyod pa lha so gnyis kyi dbang chen
sta gon dngos gzhi bcas nyin gsum gyi ring
@151a @#/ /dang/ 'jigs byed lha bcu gsum ma dang/ dpa' bo gcig
pa'i dbang chen/ phyag rdor 'khor lo chen po dang/ kun rig lha
so bdun/ mi 'khrugs lha dgu/ tshe dpag lha dgu/ grub brnyes dpal

mo lugs spyan ras gzigs zhal bcu gcig pa/ gtsug tor gdugs dkar
bcas kyi dbang chen/ gsang bde 'jigs gsum/ rnal 'byor ma bcas
kyi sngags btu'i rjes gnang/ rje bla ma rigs gsum spyi sgrub kyi
rjes gnang/

dus 'khor lhan skyes dang/ kye rdor lhan skyes bcas kyi rjes
gnang/ khro bo rdo rje shugs kyi rjes gnang/ gtor zlog mkha'
'gro'i dgongs rgyan la paN chen chos rgyan gsung yi dam spyi
'gro'i rjes gnang gi lung gsum gyi chings spyar

ba'i seng gdong ma gtso 'khor gsum gyi rjes gnang/ sgeg rdor
lugs kyi 'jam dbyangs dkar po'i rjes gnang/ sgrol dkar yid bzhin
'khor lo'i rjes gnang/ phyag rdor drag po gsum dril gyi rjes
gnang sogs dang/ mgon

po phyag drug pa dang/ lha mo dmag zor ma/ chos rgyal las gshin/
rnam sras ser chen sogs kyi rjes gnang/ gsang 'dus bskyed rim
dngos grub rgya mtsho dang/ rdzogs rim rim lnga gsal sgron gnyis
kyi bshad lung thog /

gnyis ka'i khrid dmigs skyong tshul gyi thad ka so sor rje nyid
kyi gsan yig tu gsal pa'i lcang skya ngag dbang chos ldan gsung
rim gnyis dmar khrid khag gnyis kyi thog nas nyams khrid zhib
rgyas dang/ rdzogs rim skabs rje bla ma'i

@151b gsung man ngag mthar thug mngon par byang chub pa'i rim pa
dang bdag byin rlabs kyi rim pa'i zab gnad sogs snon ma btab
pa'i bshad lung nyams khrid sbrags ma/ don gnyer can 'ga' res
zhus bor gsang 'jigs sogs kyi

rim gnyis 'chad nyan skabs gsung rgyu'i 'grel gtor khag dang/
'dus pa'i rdzogs rim skabs kyi sgyu lus mchod pa bya tshul bcas
ljags sgrigs su stsal/ gsang 'dus 'grel gtor dang sgyu lus mchod
chog spar gsar brkos kyi

par byang bka' rtsom mdzad cing/ sgyu lus kyi zab khrid skabs
sgyu lus mchod pa'ang phyag bzhes ltar rgyas par gnang/ gzhan
yang rgyal mchog bdun pa dang/ rje nyid kyi gsung bka' rgya can
sgrags ma'i thog nas dga' ldan lha brgya ma'i

bshad lung/ 'jigs byed lha bcu gsum ma'i bskyed rdzogs kyi nyams
khrid/ sngar lam rim gyi bka' khrid skabs nyin re bzhin gyi
sngon 'gro'i gsung bshad du bstod phyag sogs dang mdzad byang
tsam ma gtogs tshang bar gnang ba'i lam rim

nyams mgur bsdus don dang/ lam gtso'i rtsa tshig /rten 'brel
bstod pa bcas kyi bshad lung/ paN chen chos rgyan kyi gsung gi
steng nas gtor ma brgya rtsa'i phyag khrid/ kun mkhyen 'jam
bzhad gsung 'jam dkar sgrub thabs

las tshogs dang bcas pa dang/ sgrol dkar yid bzhin 'khor lo'i
sgrub thabs bcas kyi lung khrid/ byang chub sems dpa'i sdom pa
nyi shu pa dang/ gsang sngags kyi rtsa ltung spom po sogs sdom
tshig gi steng nas bshad lung/

@152a @#/ /sdom gsum bslab bya nor bu'i 'od phreng nas sngags
dang byang sems kyi bslab bya dang phyir bcos bcas kyi ljags
lung/ yig chung nyer gcig gras dam tshig rdo rje'i bsgom bzlas
dang/ za byed

mkha' 'gro'i sbyin sreg gi lung khrid sogs dang/ gzhan yang dad
brtson can du mas zhus ngor bka' chos tshogs chen gyi skabs snga
gyi ci rigs par chos spyod rab gsal gyi gras dang/ yongs 'dzin
paNDi ta sogs kyi gsung

'bum gras/ rnam grwa'i sngags chog dang rje nyid kyi gsung gi
gras sogs nas chos tshan rgyas bsdus khag nyis brgyar nye ba tsam
gyi ljags lung yang gnang/ de nas bla sprul sogs zhu mi ser skya
drug brgya/ bdun brgya skor dang/

lnga bcu skor tsam re la lha ldan smad rgyud spar gsar a mdo
bde yangs pa dang 'jigs med bsam gtan sogs kyi yig cha'i steng
nas 'jigs byed dpa' gcig gi bsnyen chen skor rje nyid kyi gsan
yig ltar gyi lung khrid/ sgrub

thabs rgyas brgyun 'don khas len mdzad rigs la lcang skya rol
rdor/ paN chen chos rgyan/ dwags po chos rdor bcas kyi yig cha
ltar bde mchog dril bu lugs lus dkyil gyi bskyed rdzogs nyams
khrid/ lag mchod kyi phyag khrid/

rdzogs rim skabs nA ro chos drug gi khrid yig yid ches gsum
ldan gyi bshad lung dang/ dga' ldan nag tshang bstan dar ba'i
gsung gi steng nas nyams khrid bcas sbrags ma 'phrul 'khor gyi
phyag khid dang bcas pa dang/ khrid

@152b kyi ring bde mchog gi phyag tstsha mang du 'debs par mdzad
de khrid mjug tu chos gral ba kun la phyag tstsha re sngar rgyun
ltar gnang/ gzhan yang rje dngul chu ba sogs kyi phyag bzhes
bzhin rdo rje rnal 'byor ma'i rim gnyis kyi nyams khrid

dang/ rje nyid kyi gsung rnal 'byor ma'i lag mchod dang/ rnal
'byor ma'i bsnyen chen skor gyi lung khrid/ bde mchog dang rnal
'byor ma'i rim gnyis zab khrid skabs yab yum gnyis kyi chos skor
rje nyid kyi gsung sgrub dkyil

sogs bkras chos spar rnying phal che ba'i ljags lung/ sbyin sreg
dngos grub rgya mtsho dang/ lcags mkhar zur bcu drug pa sogs kyi
lung khrid/ zhu ba po dge slong gi tshogs 'dus pa rnams la 'dul
'dzin grags rgyan gsung

gzhi gsum cho ga'i bshad lung sogs dang/ sde dgon spyi nas zhus
ngor rgyun gtan gyi chos zhu'i tshogs pa rnams ma gtogs par chab
mdo'i khongs kyi mi khyim so so'i nang mi res mos kyis 'ongs pa
mi nag kher rkyang chig khri

lhag tsam re la skyabs 'gro dang las 'bras sogs las brtsams pa'i
sngon 'gro'i gsung bshad rgyud 'khul ba dang 'brel thugs rje
chen po ngan song kun sgrol gyi khrom dbang snga phyir lan gnyis
su gnang/ dgon 'dir dbyar

zhal bzhes mdzad cing/ dbyar gnas skabs kyi dus 'brel gso sbyong
gi tshe so thar gyi mdo rgyas pa'ang gnang/ slar yang yul phyogs
spyir than pa ha cang tshabs che ba byung zhing/ 'ga' zhig gis
lung phu'i mtsho gnyan po

@153a @#/ /'gar sngags 'chang sgrub pa ba skya min ser min lta
bus thun rwa thun khug sogs khyer te rdzas ngan 'debs pa phyugs
rdzi dag gis mthong ba ltar de gas gnod rkyen byas zhes kyang
gleng ste/ gang ltar chos

zab bdud sdang gi tshul du gzhan gyi nyer 'tshe'i rnam pa cher bdo
bas zhing pa dag gi ston 'bras rtsa brlag tu 'gro bar mngon du
phyogs pa na/ khul de'i nus byin gyi grags can du mas char 'bebs
zab rgu bgyis kyang 'bab par ye

ma 'dod pa'i tshe mdo spyi dang dgon khag nas rje nyid la nyin
bdun phrag tsam gyi ring char 'bebs kyi bka' drin mdzad par gsol
bar sgrol ma tsitta ma Ni'i sgo nas char 'beb pa'i cho ga nyin
gsum du gnang ba'i nyin gnyis pa nas char sprin rgya

cher 'dus shing/ nying sum pa'i nub mo nas rim gyis zim char gyi
rgyun bzang po legs par babs pas kun kyang 'dod 'bras kyi dus
ston zad mi shes pa'i dpal la ci dgar spyad chog pa byung ba
thun mong du mngon sum par grub ste zhar byung

tsam mo/ /chos 'khor che chung gi skabs su mar skye mdo'i phyogs
nas zhi se rgya dpon yab chos rgyal don grub sogs dang/ mdo
khams stod smad/ dbus 'gyur khul bcas kyi dad ldan mang po/ spo
bo'i yul nas bshad sgra sras dang bshes

gnyen ngag dbang bzod pa sogs kyi zhu 'phrin khag mang du 'byor
ba'i bka' lan rnams dus de dang der rim sel du gnang/ rdzi tho
srib pa grwa tshang gi gtso 'dzin brag nag sprul sku chos zhur
byon pa chab mdor yod mus thog /nyin srib

@153b grwa tshang gnyis kyis rang dgon du gros mol thog /sngar
skyabs mchog rdo rje 'chang nas dgon du lam khrid gnang skabs
'di ga'i grwa tshang gnyis phan tshun phyogs zhen che ba sde
'khrugs kyi rgyu dang/ rang rang gi 'phral yun legs tshogs

'grib pa'i rgyu thu shos yin tshul sogs legs spel nyes 'gog gi
bka' slob de tsam gnang rung/ skabs der nga tshos phyin chad
spang blang ji ltar bgyid dgos dang nongs bshags sogs gsal kha
zhu ma thub pa da lta ha cang 'gyod

gdung gi gnas su 'dug pas da nas nyin srib zer ba'i grwa tshang
gnyis mi dgos par gcig tu dril na legs bya bar tshang ma gros
'cham byung nas de'i skor zhib nan zhu bar rje bla ma rdo rje
'chang gi drung du grwa tshang so so'i 'thus mi'i gdong zhu

yig ched 'bul byung ba phrag nag sprul skus thugs mgu ba'i ram
'degs mdzad pa dang 'brel/ las don brtan brling legs 'grub yong
phyir rgyu mtshan gong 'khod bcas mdo spyir zhu rgya zur yod ltar
rdo rje 'chang mchog nas kyang

mdo spyi sogs la gang dga' ci legs kyi bka' slob mthun 'gyur
gnang 'os sngar bzhin thugs rjes 'dzin dgos bya ba sogs 'byor
bar shin tu dgyes pa'i gsung gleng 'dri med dang/ tshang ma 'dod
mthun gyis de ltar bya thub na mchog

tu 'gyur bas nged nas kyang gnad yod khag la zhu bskul phan cha
gzab nan bgyid chog ces phebs shing zhu yig gi bka' lan du'ang
de bzhin stsal/ sde dge'i bla chen zhig zlos gzhi'i don du chab
mdor byon pa mdo spyis bla mar brten

@154a @#/ /nas sum rtags sogs gsan skabs nyin gcig khong pa
snying nas gus tshul dang bcas rje nyid kyi drung na bcar bar
lhod mjal gnang/ gsung 'phros kyi gseb cig tu khong par a lag
'jigs

med pas rje nyid la phul ba'i chab shog mig ston mdzad de/ 'di
rtsom pa legs nyes ci 'dra gsung bar/ deng sang 'di 'dra la
skyon med tsam red zer dgos zhes zhus song bar dpags na/ bla
chen de mkhas nyams stong 'ur

gyi sgrob shob gdong lpags mthug po'i yol bar rten 'cha' ba zhig
tu snang ste rgyas par ma spros so/ /dbyar gnas grol mtshams su
dgon spyi nas ljongs rgyu dang sbrags ngom chu'i pha ri'i sis
thog thang du gdan drangs pa'i chab zhugs

nyin gsum gyi ring dang/ chos 'khor rgya che ba'i dus skabs
sngon rjes ci rigs su bka' rtsom dang bsnyel byang lta bu'i rigs
gnang ba yang dga' lha bka' rgya ma sogs sngar smos pa ltar
dang/ gzhan yang thun drug rnal 'byor

rgyas bsdus/ bla ma'i rnal 'byor gyi zhal shes nyung ngu/ 'jig
rten chos brgyad sogs kyi spong gnyen ngos 'dzin/ 'jigs byed
dpa' gcig gi sgrub thabs 'bring po/ gsang sngags kyi dam rdzas
yo byad dod ris mjug byang

dang bcas pa/ 'phags pa lha ho thog thu dang/ rtogs ldan pa sogs
dam pa du ma'i zhabs brtan gsol 'debs khag /stag tshang lo tsA
ba'i gsung rje tsong kha pa'i bstod tshig nyi ma dang/ dngul chu
ba'i 'jigs byed

@154b bskyed rdzogs sogs spar gsar bskrun du ma'i bar byang smon
tshig ches mang ba/ rgyud smad sngags ram pa 'phrin las 'od zer
gyis zhus ngor grwa ye lhun grub dgon gyi nye skor gzhi bdag
rnams kyi gsol mchod dang/ bden gtam

bka' bsgo/ rtogs ldan nye gnas mkhyen rab bsam gtan nas zhus
ngor brag yul byed lkog gi gzhi bdag bla ma steng chen zer bar
bsgrags rgyu'i bka' shog sogs gsung rtsom dang/ lam rim mchan
bzhi'i mchan bu/ 'dus pa'i bskyed

rim dngos grub rgya mtsho dang rdzogs rim rim lnga gsal sgron gyi
mchan dang/ sa bcad/ drang nges legs bshad snying po'i mchan/
spyod 'jug gi mchan dang/ sa bcad sogs mang du gnang zhing/ sis
thog thang nas spyi mdzod rin don gyi

sger shag dben gnas su gdan drangs te nyin gnyis bzhugs pa'i
ring rgyun gtan gyi nyams bzhes lhod 'gol du bskyangs pa'i thog
/nyin mor spyi sger gyi srung bskang dang/ tshe nor g.yang
'gugs/ bla ma rtogs ldan pas snga phyir bskul ma

yang yang zhus pa bzhin rje nyid kyi rnam par thar pa'i sa bon
thugs rtsom mdzad pa/ mtshan mor rje bla ma gang gi gsung bshad
chab mdo'i grwa zhig nas zin bris btab pa'i rnal 'byor ma'i
bskyed rdzogs kyi dpe cha ljags zhus rdzogs par

grub par bcas gnang/ gzhan yang dgon gyi mtsher shag gzim chung
du 'jol zam gdong sprul sku dang/ dkon rdor sprul sku/ grwa sgom
sprul sku sogs zhu mi nyung shas 'ga' re la snga rting lan du
mar sems bskyed bka' rgya ma dang/ ma

@155a @#/ /ning ha 'don/ rnal 'byor ma'i bsam mi khyab thun mong
min pa/ zhi khro sgrags sgrub kyi skor/ sgrol ma tsitta ma Ni'i
gtor dbang thun mong ba dang/ thun mong ma yin pa/ de'i snying
zhugs khag dang/

las tshogs skor sogs kyi lung khrid ches mang ba stsal cing/
rtogs ldan pas gsar rtsom gnang ba lta khrid gser gyi phreng ba
la rtogs ldan pa rang gis rdo rje 'chang mchog nas ljags zhus
gnad smin mtha' chod pa zhig dgos

tshul zhus pa bzhin lta ba'i dmar khrid der zhu tig ches zhib mor
gnang/ gzhung sa'i chab zhugs gzigs mo'i skabs rigs smra'i dbang
po d+ha dza'i zhabs kyis gsar bsgrigs rdo rje theg pa'i tshul
khrims rnam bshad kyi thog ma'i zin

'bebs la ljags zhus zhib nan du bskyangs shing/ slar mdo spyi
dbang tshe nas zhus ngor dgon gyi bzhugs shag gzim chung du nA
ro mkha' spyod ma'i byinr labs dbang bzhi'i rim pa dang/ yang
nyin gcig gis zin par mdad pa'i bskyed

rim rnal 'byor bcu gcig gi zab khrid mdor bsdus bcas stsal/ nyin
gcig ru tsha mkhan chung gis sne khrid pa'i sgrub khag so so'i
slob dpon las sne gtso che ba'i gras yongs rdzogs drung du bcar
te/ ru mkhan nas chos gtam

thang brgyangs pa tsam gyis byang drangs nas tshang mas mgrin
gcig tu/ rdo rje 'chang mchog gis dgon 'dir lo skor tsam gyi
ring mdo sngags kyi chos 'khor zab cing rgya che ba gang na ci
dgos gzhan du dus gcig la 'byung dka' ba mang

@155b po sku ngal ba khyad bsad kyis dgyes bzhin stsal te bdag
cag rnams kyi re 'dod yongs su rdzogs par mdzad pa 'di lta bu'i
bka' drin nam yang gzhal thabs med rung/ bka' drin gyi cha phra
mo tsam bsab pa'i slad dang/ bdag cag gi

tshogs gsog pa'i phyir du dgon pa'i spyi rdzas kyi thog nas thugs
mkho che rigs kyi dngos nor thugs la gang bzhed rtsa 'bul zhu
rgyu yin bya ba sogs u tshugs nan tan gyis yang dang yang du
zhus par/ zhal nas/ de rigs rtsa ba

nas zhu dgos pa med/ nged kyi zas gos nyer mkho ji 'dra zhig
dgos kyang rang gi bla brang nas len chog chog lag ma thogs pa
yod cing/ dge 'dun gyi spyi nas bag med du longs spyod pa ni/
dkon mchog gzhan gnyis la brten

pa'i sdig pa las kyang kha gnag shos kyi dmyal ba'i nye rgyu ha
cang bag tsha ba'i gnas yin stabs nged kyis dgon pa'i spyi rdzas
kyi thog nas khab skud tsam yang len du mi rung zhing/ de bas
dgon gyi spyi rdzas dkor nor gyi rigs mtha' dag

yon bdag 'das gson gyi dge rtsar bsngos pa'i dad gshin gyi rdzas
las ma byung ba med phyir tshang mas thugs khur lhur bzhes kyis
phyin chad dgon 'di'i dge 'dun rnams nas mdo sngags cha tshang
bar thos bsam bshad sgrub/ cho ga phyag

len/ lam rim dang bskyed rdzogs kyi nyams bzhes sogs chos sgrub
pa'i mthun rkyen kho nar bsgyur te 'phral dang 'phral du mig
sman mig thog tu smin pa zhig mdzad thabs byung na/ 'das gson
gyi re ba don dang ldan pa 'byung ba dang
@156a @#/ /rgyal ba gnyis pa'i bstan 'gro'i mig rgyan du 'gyur
la/ rang rang gi gtan 'dun rlabs po che 'grub nges ma zad/ ngas
da res ngal ba lhur blangs nas chos 'khor rgya cher spel ba'i
dgos pa'ang deng

gas 'grub pa 'ong bas de don thugs la 'dogs dgos tshul sogs bka'
slob rin gyis chod bka' ba 'ba' zhig stsal/ sngar lam khrid
skabs srog gcod spong sdom gyi dge bskul gnang ba nas bzung ste
rim gyis spyi sger du mas

slan chad gnag phyugs ri dwags sogs gtan nas mi gsod par khas
len zhu rgyu'i ming tho phul ba dang/ lhag par skya bo'i rigs du
mas gri me mda'i rigs dang rwa rnyis mtshon pa'i dud 'gror srog
skyon gtong ba'i yo spyad ches mang po

zhig pa las cag bkrum gyis phul ba dang/ 'ga' zhig srung ma
khang gi spyan gzigs gyi rgyur phul zhing rang rang gis dge
bsnyen gyi sdom khrims nos pa sogs grangs las 'das pa ltar byung
bar rdo rje 'chang mchog gis shin tu dgyes pa'i

legs so'i dbugs dbyung dang/ so sor 'os bstun gyi mgu rngan
gnang cha sogs yid tshim par stsal te/ sngar lcags ra nas chab
mdo 'di bar gyi dgon khag lnga bcu skor dang khyim pa'i rigs du
mas kyang srog gcod spong sdom len pa sogs

da res kyi 'di dang cha 'dra ba byung ba rnams skyabs gcig bla
ma rin po che'i rnam thar dang mthun la/ bdag gi'ang tshe 'di'i
don che shos yin zhes ming thor gzigs te yi rang dang dge bsngo
mang du mdzad pa kho bo cag gis kyang lan cig min par

@156b thos so/ /yang gnas 'dir byung ba'i mtshan lam gyi zol lta
bu bsnyel byang gnang bzhig tu/ rmi lam du dpal ldan lha mo'i
sku brnyan zhig mjal ba/ zhal zhi ma khro ba bal bris kyi rnam
pa lta bu gzi brjid shin tu che ba zhig 'dug ba re zhig na yom
yom shig

shig mdzad de sku mngon sum par gyur/ zhal rang la je nye rje
nyer byung bas rang nyid nas gzhan gang yang zhu ma nus par
byang chub ma thob kyi bar du rjes su 'dzin par mdzod ces yang
yang gsol bar/ phyag g.yon pa'i ka pA la nged kyi mgo bor
bzhag

ste zhal nas bud med kyi skad gdangs lta bu'i gsung phra'u zhig
gis saM skr-i ta'i skad kyi tshig mang tsam gsung ba zhig byung
zhes dang/ de dang phal cher dus mtshungs lta bur/ khri zhig gi
steng du dpal ldan lha mo bzhugs/ de'i nye logs su khri chung

ngu zhig gi khar stag phu rdo rje 'chang bzhugs 'dug pa'i phyag
gi pusta ka dang cig cig sogs gu hya'i gnas ngo mtshar can 'ga'
zhig mchis pa snyigs 'gro'i blor mi 'bab pas gre bar bskyil/
sngar rdzi tho dgon gyis phul ba'i zhu yig ltar rje

nyid nas mdo spyi sogs la grwa tshang gnyis chig dril bya rgyu'i
skor zhu bskul lcag nan gnang bar gzhung gnas nas de ga'i las
don gyi khur 'dzin du mkhan chung zla ba zhes pa ched mngags
kyis brdzong brda gnang/ dus skabs snga rting sna tshogs

par phyogs gzhan dang/ 'di ga'i dgon grwa bcas khyon bsdoms
bsgrub bya sum stong la nye ba tsam dge tshul slong gi sdom pa'i
dngos pos rgyud bkang ste zhi bsil gyi dga' ston mchog la spyod
pa'i skal ba can du mdzad/ mtshan nyid grwa

@157a @#/ /tshang nas chos rwar gdan drangs te chos rwa'i zhal
'don sogs rten 'byung gi sgo rgya cher spel zhing bka' pod lnga
ka nas rigs lung mdor bsdus re 'phen 'dzin gyi dam bca' btsugs
te sgrub pa'i mchod sprin

legs par spros/ mtshan grwa'i dge 'dun spyi nas zhus ngor rgyan
'jug gnyis kyi skabs dang po dang sems bskyed dang po'i ljags
lung sogs gnang/ dar rgyas dgon gyi bla grwa spyi nas dus 'khor
grwa tshang du nyin 'khyongs kyi tshogs

mgon du gdan drangs te rdo rje 'chang chen po dga' ldan bstan
'gro'i dpal du bskal brgyar 'tsho gzhes zhu ba dang/ de ga'i dgon
pa slar rang yul du sngar bzhin chags thub pa sogs kyi rten
'byung legs sgrig ched bla mchod kyi tshogs ston

dang 'brel bar rje bla ma mchog zhabs sen yun gnas kyi brtan
bzhugs rgyas par phul te gang ci'i bsam don 'grub pa'i skyabs
'jug zhus par/ sngar dbus 'gyur 'chang du bya ba gal can la sde
snod 'dzin pa rnams 'tshogs nas gros

mdzad pa dang/ 'dun ma'i zhabs 'dul ba 'dzin pas bzung ba'i
phyag bzhes dang mthun par gtso bor rab tu byung ba'i tshul las
mi nyams pa'i rnam thar lhur bzhes byung tshe bla grwa dge 'dun
rnams gang du bzhugs pa der rgyal ba'i bsnyan pa

yod la/ dgon pa rang gnas su chags thub pa'ang 'byung tshul sogs
bka' slob rgyas par gnang/ gnyer chung don bkras kyis gtsos pa'i
'phags bla'i nang srid kyi khur 'dzin 'ga' res rje bla ma mchog
nas 'phags chen ho thog thur

@157b tshogs gzhung du brtan bzhugs rgyas pa'i thog /phyag bstar
gyi maNDal dngos 'bul sogs mdzad na legs tshogs che lugs nan can
rim par zhus kyang/ skabs su babs na de ltar bgyid chog ces
gnang ba tsam las dgongs par cher ma

'byor ba mngon te de ga'i mur lus so/ /sngon du zhal bzhes grub
pa'i chos bka' che chung gi rigs sogs phal cher zin par nye ba
na/ dgon gyi rten gtso khag la mchod sprin rgya chen po dang/
dge 'dun rnams la mang 'gyed bsnyen bkur gyi

nom pa/ slar gzhi gsum skor sogs la gces spras gzab nan dgos
pa'i bka' slob dang 'brel sgrub mchod khag dang/ mtshan grwa bcas
su gtong thebs 'phar snon sogs kyi spyi 'jog kha long phon mi
grub ba re sbyor 'bul gnang/

bla grwa spyi nas zhus pa ltar 'du khang sgo 'phyor steng du
gtsug tor gdugs dkar gyi sgo nas gser zangs rgyal mtshan zung/
gsar 'dzugs kyi cho ga sbyor dngos rjes gtsang du grub par
mdzad/ spyi mdzod blo bzang dkon mchog dang/ gnyer chung

sogs kyi sger shag 'gar yang zhabs kyis bcags/ dkon rdor sprul
sku sogs bla sprul dad slob du mar dad rten dang gnang cha gzab
par stsal zhing/ de ltar spyi bye'i 'dod bstun gyi mdzad sgo
mtha' dag legs par grub nas hor zla dgu

pa'i tshes nyer gnyis nyin chab mdo nas rim gyis dbus ljongs
phyogs su yar phebs rgyu'i chibs kyi zhal lo bsgyur/ phebs khar
ser skya drag zhan mang po mjal zhur bcar ba dang/ phebs skyel/
thab skyel sogs rnam grangs mang ste yig

@158a @#/ /tshogs bskyungs pa 'og ma rnams la'ang mtshungs/ yar lam
'phags chen bla brang nas thang dkar steng spro gling du gdan
drangs/ der nyin gsum gyi ring gzhung sa'i zhabs rim du spyi
sger gyi srung ma'i

bskang tshogs gnad smin dang/ 'phags pa lha ho thog thus zhus
ngor spyan ras gzigs rgyal ba rgya mtsho'i sgrub thabs mdor bsdus
bka' rtsom/ de'i bklags lung bcas gnang zhing/ ho thog thus zhar
du lha mo ba'i 'khrab ston

rtsed sna mang po gzigs mor spros par dgyes tshul bzhes/ lam rim
bla ma dge 'dun gyis zhus ngor ma ning ha 'don gyi khrid lung/
'phrul 'khor rlung sbyor dang bcas pa zhib tu gnang/ 'phags chen
ho thog thus rang nyid kyi phebs

byam/ byam 'degs pa mi brgyad bcas rje bla ma gang gi phebs
skyel zhabs 'degs zhu bar bcar rgyur nga tsho tshang ma'i tshogs
rdzogs phyir rdo rje 'chang gi dgongs pa dang mthun pa'i zhabs
'degs phul phyin bsgrub dgos/ de ltar byung na phyir

'khor mtshams nged kyis bya dga' legs gsol nyams mi dma' ba ster
zhes byam pa rnams rje nyid kyi drung du mjal khar khrid de ngo
sprags zhu ba dang bcas bla dgon spyi 'thus kyi phebs skyel ba
gnyer chung la rtsis sprod mdzad par

rje nyid nas ho thog thu mchog la/ de ltar gnang ba nged skye
mdor kun gzigs rin po che'i mdun du bskyod rgyu'i 'grul lam tshun
du phan thogs che ba 'ong tshul sogs dgyes pa'i gsung mchid dang/
legs dar/ dngos po'i gnang cha

@158b bcas legs 'bul bskyangs/ de nas rim phebs kyis g.yo mda'
dgon dang/ sa sgang dgon bcas su 'jigs byed lha bcu gsum ma'i
dbang khrid sogs zab chos mang du gsungs/ phyi ma 'di'i dus nyin
gcig sa sgang dpon bgres nas dgon

pa'i gling zur dpon tshang du gdan drangs te de'i nyin par gsung
chos sogs mdzad brel gzhan gang yang gnang mi dgos par sku'i
ngal bso 'ba' zhig mdzad de lhod bzhugs gnang dgos tshul zhus pa
bzhin thugs spro pa'i nyams phul du phyin pa

bzhes te nyin sga 'dir thugs dam rdo rje'i rnal 'byor la rtse
gcig tu gzhol bar mdzad/ 'di nub bzhugs shag tu tshur phebs pa'i
sang der kho bo cag la kha sa dpon tshang du phebs skabs 'khrul
snang lta bu 'di dang 'di byung tshul sogs 'ga' re

khyad mtshar snang gi zol ltar dgos pa'i dbang du stsal te mdor
bsdus tsam sngar 'khrungs rabs kyi skabs su smos zin pa ltar ro/
/gnas 'dir dgon gyi grwa zhig nas zhus ngor bstan srung shugs
ldan gyi gser skyems 'bul tshul dang/ ru mkhan gyis

sngon nas yang yang zhus par chos skyong spyi'i gtor 'bul gser
zhun ma'i kha skong du 'jug rgyu'i rdo rje shugs ldan chen po'i
spyan 'dren/ gtor 'bul/ bstod pa/ mnga' gsol bcas bka' rtsom
dang/ khong pas slar yang zhu bskul nan bstud

bgyis par brten lha bsangs rnam dag chos sku'i nang gsal rnying
phyogs 'ga' zhig dge lugs kyi bla ma'i mtshan du bsgyur ka gnang
dgos pa byung zhing/ phyi ma 'di rje nyid kyi dgongs par ye ma
'phrod pa snang ste/ zhal nas/ bsangs chog rnam dag

@159a @#/ /chos sku 'di chos skyong shugs ldan gyi sku 'phreng
snga ma'i snga ma bsod nams ye shes dbang pos mdzad pa yin/ 'di
byin nus che zhing shin tu legs pa yod pas 'di nas tshur 'phri
dgos pa gtan nas med/ paN chen

chos rgyan gyis mdzad pa'i bsangs chog rin chen 'phreng ba na/
dga' rab dbang phyug la sogs pa'i/ /nag po sde dang bcas pa
bsangs/ bya ba'ang yod na/ rnam dag chos sku ma'i nang du gsal
ba de dag 'don mi rung ba ga la srid kyang

bskul ba po ha cang nan ches pas bya thabs med ces lan kha yar
gsung ba thos/ 'di skabs bla brang gi bzhugs sgar byings dgon
'dabs kyi ri ngogs shig tu yod pas nub cig rkun po slebs te rgya
sgam che ba zhig khyer ba mis tshor te

rjes bsnyags pas sgam de lam gzhig tu bskyur nas rkun po gar
song cha med du bros dgos pa zhig byung/ bka' chos kyi mjug tu
dge ldan pa'i bstan 'gro'i gsos su dgongs te bla ma rtogs ldan
pa khri mthon po'i khar bzhugs su gsol/ gla

brang nas rtogs ldan rin po cher zhabs brtan brtan bzhugs gzab
'bul thog /phyag mdzod nas phyag bstar ma'i maNDal dngos 'bul
sogs bgyid du stsal/ rje nyid nas kyang tshogs gral der rtogs
ldan pa'i ched brjod mang du gnang ste zhwa

ser bstan pa'i dpal du sku tshe yun ring 'tsho gzhes kyi thugs
bskyed mi g.yel bar bstan 'gro'i mdzad bzang sngar ltar bskyang
dgos pa dang/ 'dir bzhugs kyi grwa bu slob rnams kyis kyang dge
ba'i bshes gnyen bsten tshul ma 'chol ba

@159b mdzad dgos tshul sogs kyi bka' slob nan du gnang zhing/
rtogs ldan pas kyang rdo rje 'chang chen por maNDal rten gsum
sogs 'degs pa dang sgrags dga' ldan bstan 'gro'i mgon dpung dam
par zhabs sen bskal brgyar brtan pa sogs kyi gsol

'debs yun ring la shugs drag pa mdzad/ de nas bu slob zhal gyes
te rje bla ma mchog rim phebs kyis rmo mda' dgon dang/ dge bshes
mkhyen rab mthar phyin gyi sgrub gnas bcas su chos bka' mdor
bsdus re dang/ nang chen dkar mda'

dgon du 'jigs byed lha bcu gsum ma'i dbang chen/ mgon chos lha
rnam bcas kyi rjes gnang sogs chos mang du gnang/ tre hor rgya
dpon yab chos rgyal don grub bya bas sngon dus shig nas rje nyid
ma mjal bar ha cang yun ring song shing 'di skabs

khong pa lo rta cher rgas shing 'khogs la nad kyi gdung bas gzir
te rje bla ma gang gi zhal mjal ba la shin tu rings pa skom pas
chu 'dod pa bzhin gyur te gnas 'dir slebs pas bla slob phan tshun
ma bu phrad pa ltar rjes brtse dad gdung gi dga' bde

bsam gtan dang po'i dpal la co 'dri ba'i ngang nas lhod mjal
dang/ ring mo'i dus kyi nang gnas zhib lhug gi gsung gleng rgyas
par gnang/ yab chen nas gsol ba btab pa ltar des gcos pa'i
bsgrub bya nyung shas la dge tshul slong gi bslab

sdom dang/ yab chen la sger du sangs rgyas 'od srungs kyi 'phel
gdung gis mtshon 'phags pod kyi lo paN mkhas grub du ma'i gdung
ring bsrel sogs dang/ lha bla ma byang chub 'od kyi sku sha/
skye bdun ril bu khyad 'phags gzhan gyi rigs sogs

@160a @#/ /dam rdzas 'gangs can khungs ldan rje nyid kyi drung du
bzhugs so cog gi snying po rnams phyogs bsdus/ gsol 'debs kyi
rten du thub pa'i dbang po'i sku byin can bcas dgyes stsal thog
/dus tha ma'i nyams

len gyi gnad ka nyung 'dus 'ga' zhig kyang bka' drin du mdzad/
dgon gyi las sne rnams nas zhus ngor de ga'i dkor 'dag gi gtor
'bul mdor bsdus thugs rtsom dang/ de'i bklags lung bcas gnang/
de nas lcags zam dgon thub

bstan dar rgyas gling du phyag phebs te/ dgon spyi nas zhus pa
ltar 'dus tshogs phyogs 'dus dang der gnyug mar gnas pa bcas zhu
mi lnga brgya lhag tsam la lam rim myur lam gyi thog nas nyams
khrid rgyas pa dang/ 'jigs byed lha bcu

gsum/ gsang 'dus 'phags lugs lha so gnyis bcas kyi dbang chen
sogs gnang/ ri bo che'i phyogs nas sked tshang mchog sprul dang/
rnam gling mda' dpon phebs par ltod mjal dang/ mda' dpon nas
sked tshang rin po che ^ gong sa bcu

gsum pa'i yang sprul gdan zhur a mdo phyogs su phebs rgyur
sku'i nyer 'tshe zhi zhing bzhed don 'grub pa'i gsol 'debs bka'
rtsom mdzad par bskul ba bzhin de ltar 'phral du gsung rtsom
gnang ste ljags lung yang stsal/ kun gzigs

paN chen thams cad mkhyen pas skye mdo'i pho brang nas rje bla
ma nyid kun gzigs mchog dang myur bar dngos mjal mdzad rgyu'i
gsung shog dang/ mtshams zhu'i mjal dar/ lcags zam dgon dang khad
nye'i sa mtshams nas skye mdo'i

@160b bar gyi lam yig bcas ched gnang dang 'brel lam rgyud phebs
phyogs gang ci'i zhabs 'degs zhu mir sku srung dmag gi bcu dpon
gnyis bcas 'byor bar gsung shog sogs la gzigs rtog gnang/ de nas
mi ring bar dgon gyi bka'

chos bar gseng thog /phyogs 'grub stabs bde'i lugs su ston 'khor
nyung shas hrag bsdus dang/ 'phags pa lha'i phebs byam bcas hor
zla bcu gnyis pa'i tshes dgu'i nyin skye mdo'i phyogs su chibs
kha bskyod/ lcags zam gyi bod gzhung

sa srung dmag mi zhal ngo bcas kyis phebs skyel dang sbrang ban
zhus par phyag lan gnang/ sa phyogs de gar phebs lam tsha zhag
gang khel mi gshis yul babs/ nam dus bcas ches gnag cing rtsub
la grang ngad che yang rje bla ma rang nyid

kyi thugs rje dang byin nus kho nas phebs lam bde bgrod kyi rim
bzhin byon te rab shis klung shod dgon du phebs skabs dgon gyi
bal grwa sogs nas bsu ba/ ser spreng/ phebs sgrigs sogs legs par
bgyis/ skye mdor zhabs sor

'khod nyin kun gzigs rin po che bzhugs pa'i pho brang nas bar
thag nye 'gyangs rgyang grags gnyis tsam gyi sar kun gzigs mchog
gi nang 'khor drag gras 'ga' phebs bsur gnang bar sgron dar
phyir 'bul sogs mdzad/ bzhugs

yul skye mdo'i snge grong gi dbus zi ling dmag kru'u zhi'i sdod
shag tu phebs sgrig zhus yod pa ltar der zhabs sor 'khod 'phral
kun gzigs bla brang nas gsol ja/ bzhes 'bras/ rten gsum mjal dar
sogs phul bar byin rlabs byi
@161a @#/ /tshul du dgyes rgur rol/ sang nyin kun gzigs rin po
che'i drung du mjal khar phebs mchog pa'i snyan gsan mjal dar
yang legs 'bul bskyangs shing/ dgong dror rgyun gyi nyams
bzhes rigs sngar

rgyun chag med gnang/ sang nyi dros tsam du brda lan gnang bar
de 'phral chibs bskyod kyis skye sku dgon ltag gi pho brang du
byon te snang che'i 'bul dngos nyams mi zhan pa dang bcas kun
gzigs paN chen thams cad mkhyen pa'i spyan sngar mjal

phyag tu phebs pas kun gzigs mchog lhag par dgyes te/ snyun
'dri 'ga' zhig dang/ da res ngos gnyis dngos mjal thub pa shin
tu legs po byung bya ba sogs phebs/ sngar nas zhal 'dris che
ba'i thugs sras nang ma'i tshul ltar

mdzad cing gsol ja/ bzhes 'bras sogs btegs/ 'di dus byang
'brog gi sbyin bdag 'ga' res kun gzigs rin po cher grub rgyal
tshe dbang zhig gnang bar zhus pa dbang gi sgrub chog zin ma
thag tu yod pas rje nyid ma bsgrigs lhun grub

kyi rten 'brel ches bzang bar dgongs nas tshe dbang gsan rgyu'i
snyan gsan 'phral 'bul mdzad/ kun gzigs mchog shod tshoms chen
du byon te rje nyid kyi phyag phyi ba rnams la mjal kha/ ja
'bras sogs gnang/ de rjes dbang gral tshugs te

grub rgyal lugs kyi tshe dbang phyag bzhes shin tu rgyas pa'i
lugs su stsal bar rje nyid nas kyang cha tshang ba gsan/ de
'phral steng gzim chung du phebs nas bla ma yab sras gnyis
nyin rangs por lhan bzhugs kyis zab rgyas chos tshul rgya

@161b mtsho'i gsung gleng gi dus ston 'byams su klas pas rje
nyid de nub sa srib tsam la bzhugs shag tu phebs thub tsam
byung nas zab mo'i thugs dam gyi rgyun bskyangs/ 'di nyin kun
gzigs mchog nas da res lo gsar pa 'char nyer brten

thugs brel mi mdzad par lo gsar ma zin par ltod bzhugs kyis
yang yang mjal rgyur phebs par rje nyid nas/ de ltar gnang ba
skal bzang dga' ston gyi gnas kyang rwa sgreng srid skyong gis
ngos yar ring min bskyod dgos rim nan du phebs

stabs nyin gsum bzhi'i ring yang brel 'tshab che mus dang/ da
dung lcags zam dgon yan du chos 'chad spel sogs kyi byed sgo
khas len thal zin mang ba bcas yun 'gor gyi rgyur 'gro gnas la
'di gar nyin bdun tsam gyi ring bsdad de lo gsar gong

phyir bskyod chog pa zhes zhu gsol gnang bas/ de lta na don
gnas 'ga' yod pa yar mar phyag sam gyi thog nas bka' ba gros
mdzad rgyu dang/ dngos mjal yang thengs kha shas gnang dgos
tshul bcas phebs pa bzhin de'i phyi nyin nas bzung kun

gzigs rin po che rang nyid kyi bka' sam phyag bris ma lan lnga
tsam gnang bar re re bzhin rje nyid kyi phyag bstar ma'i zhu
lan 'phral 'bul mdzad/ da res kyi bka' sam dang zhu lan phal
cher rjes su blta dgos pa byung tshe phar tsam nyar chog pa'i
ngo bshus re

'bri dgos gsung ba ltar kho bo cag nas bka' sam dang phyag
bris 'ga' zhig 'bri bshus kyi skal bzang thob cing/ de dag gi
brjod don snying por tshur gnang ba'i bka' sam rnams su/ kun
gzigs chen po nyid gdan sar phebs rgyur bod

@162a @#/ /gzhung nas krung yang gis gnang ba'i sku srung dmag
phyir slog dgos tshul gleng ba sogs zlos gzhi che tsam yod
rung/ rang nyid nas rgyun du bsam shes rgya cher bgyid mus
thog /gdan sa gsum gyi mkhan

'thus rnams nas kyang gzhung gnas su gsed dkrol mthar phyin
zhu rgyur gsan dgongs yod nges la/ 'di nas gdan sar ring min
zhabs sor 'khod rgyu'i thugs bskyed mdzad 'phrin nam yang phyi
nur med pa dgos tshul zhu nan ma zad/ de

skabs chab mdo nas bod gzhung gi las bya do chod pa 'ga' dang/
'di nas nang sgang gi khur 'dzin gtso che gras 'ga' bcas 'dan
ma chos 'khor dgon du dus 'dzom gyis bla gzhung skor dang ngos
gdan ser bskyod rgyu'i skor ring min 'dum

'grigs yong thabs gleng bgros bya mus stabs phan tshun 'phral
bde phugs legs kyi las don 'thus tshang zhig byed shag dang/ de
min sku srung dmag krung yang gi bka' ltar mnyam khrid las
phyir slog bya lugs gtan nas med pa dang/

gal te le 'grigs shig yong bzo med tshe slad mchog sprul nyid
nas kyang 'di skor la phan cha'i mthun 'gyur gang drag gnang
dgos tshul sogs stsal ba khod 'dug cing/ rje nyid nas phar 'bul
gnang mdzad par/ kun gzigs 'od mtshan mtha'

yas mchog gdan sar zhabs sor 'khod rgyu dang/ bla gzhung dbar
gyi snga 'khon 'dum thabs sogs da lta bka' drin skyong mus de
lhag ma mchis shing/ bla gzhung nang zlos kyi rnam pa byung
dang 'byung mus 'di dag kun gzigs blo bzang ye

@162b shes kyi gsang rnam du gsal ba dgongs chub ltar yab sras
yas mas kyi nye 'khor phyi nang gang sar dad zhen sha tsha'i
zol gyis dbyen dkrug sel 'jug gi bsam sbyor ci nus rtsom pa'i
dam sri'i byed 'phrul las kyang 'byung srid la/ lhag par

deng dus skye 'gro'i bsod nams kyi mthu dang/ dge ldan bstan
pa'i gnas skabs dpyid ka'i 'khyag rom gyi rjes su phyogs pa'i
mtshan ma ci rigs kyang yin nam snyam pa dogs 'char lags shing/
des na da dung snyigs lnga'i yang mthar 'phyan?

pa'i mi bsrun skye bo'i brlang spyod ngan dgu ji ltar bdo yang
bstan 'gro'i mgon dpung chen po mchog nyid kyis skyo sun gyi
rnam pa skad cig kyang mi mnga' bar sngon gyi thugs dam btsan
po dus las mi yol ba'i thugs bskyed kyi go cha ltag par

du bzhes te/ slar yab sras thugs nang dge zhing spyi sger
bstan srid gnyis sman lugs legs yong ched mdzad sgo gang cir
'jam mkhas brtan brling ljid non ldan pa'i zab dgongs zhar
yang lhod med ngos/ sku phreng rim pa'i bka' srung khar?

sogs la bskang 'phrin yang yang gnang na thugs khyad che nges
snyam lags pa rmongs 'char gang dran lhag bsam zol med kyis
dgongs pa'i dpyad gzhi tsam du gus phyag bcas phul bar dbyings
khrel mi 'jug ba nas/ gus slong pas kyang bzhed

dgongs sgrub rngo thogs rigs zhabs 'degs gang nus zhus chog pa
bcas chos klong chen por yud tsam rol bla mkhyen mkhyen
mkhyen/ zhes pa lta bu zhig gcig tu snang ste/ phyogs tsam
zhig bris pa lags so/ /'di dag gi nyin snga phyi rnams su sga/

@163a @#/ /yul stod smad dang/ 'dan stod lto byang/ lab kyi
phyogs sogs nas dad 'dus kyi ser skya mang du lhags par mjal
kha dang/ thog ma'i blo sbyong/ gsung mgur rab 'byams skyabs
kun dang/ bslu med

skyabs kun sogs kyi ljags lung dang/ khrid phran 'ga' re bcas
'dod chos ches mang ba stsal/ sngon dus bag tsha ba'i gnas kyi
zhu yig ya mtshan can lan gnyis tsam phul ba'i ser byes bya
bral gyi sprul sku de'ang btsun gzugs ma zhig

par zhi dul gyi tshul du bcar bas dgyes pa'i gsung gleng dang
bcas te mjal kha lhod 'gol du gnang/ bar bar du gting skyes
sprul sku dang/ tshe mchog gling sprul sku/ rim bzhi rtsag ser/
lha smon ye shes tshul khrims sogs phebs

par lhod mjal dang/ rje nyid kyi gsung bla mchod bde mchog
dang 'brel ba'i bklags lung sogs 'dod chos kyang 'ga' tsam
gnang/ nyin gcig kun gzigs mchog nas gting skyes sprul sku
mched gnang gis/ ngos tshe'i bla brang gi las

don che chung gang yang lam du lhong kha nyid du bar chad kyi
dbang du 'chor ba mang pas de dag ji 'dra yin dang/ rkyen sel
rim gro sogs gang dang gang bgyis pa legs skyabs rje mchog gis
thugs dam brtag bzhig gnang dgos zhes phebs

yod par/ rje bla ma nyid nas/ 'di skor la ngos kyi dogs gnas
shig yod kyang zhu nus bral ba lta bu 'dug gsung bar/ 'o na
rgyal chen shugs ldan gyi 'phrul 'dra min nam zhus pa na/ ngos
kyi dogs gnas kyang de rang yin tshul dang/

@163b der phan pa'i thabs rim gzhan gyis phan thogs pa dka'
bas kun gzigs rin po che rang nyid kyis bsten gsol phran bu
gnang grub tshe de ga gal gnad che snyam pa yod ces gnang bas/
tshul de gting skyes sprul skus kun gzigs mchog

la gsol bar/ de nub sku mdun pa ched stsal mdun sang snga cha
nas lhod mjal gnang rgyur phebs pa ltar phyi nyin rje bla ma
nyid ched phebs mdzad pas nyin sgang phal cher lhan rgyas thog
/chos kyi 'gro ba thad mar brdal te lhod bzhugs dang/

'di nyin gsol ston yang shin tu rgyas par gnang/ bar zhig tu/
kha sang gting skyes brgyud rin po cher don gnas zhus skor
ngos kyi las don bkras lhun bla brang gi bya ba rnams lam du
mi rgyu pa de dag rgyal chen shugs ldan gyi 'phrul yin tshul

gsung ba de ga rang yin 'dra ste/ ngos chung dus skabs bkra
shis lhun po'i bla brang gzim chung gi nye skor them skas kyi
logs nas grwa gzugs brjid nyams can gsang bu'i stag lhwam gyon
pa zhig yar mar 'gro ba gzhan 'ga' res mthong/ de yongs

'dzin rin po cher zhus skabs rgyal chen shugs ldan bya ba yin
gsung/ yongs 'dzin rin po ches ngos la'ang/ kun gzigs gong ma
bstan pa'i dbang phyug gis rnying chos phyag bzhes gnang bas
rgyal po de dang 'khon 'gras che ba byung yod stabs da lta

kun gzigs rin po che rang nyid kyis grub mtha' chal chol gnang
na gtan nas mi 'grigs par dge ldan pa'i lta grub gtsang ma
'dzin dgos zhes yang yang gsung gin yod/ des na bdag rang gis
rnying chos lag len gtan nas byed kyi med kyang

@164a @#/ /sku gong mas rnying ma'i phyag bzhes rgya cher gnang
zhing/ nyin gcig sbyin sreg cig gnang khar mi gzhan zhig nas
shugs ldan gyi sku thang bzhengs par rab gnas gnang rgyur phul
'dus mtshungs pas sku

gong ma nyid kyis/ da res rten 'brel legs gsung ste de ma thag
thang gar mar khu blugs nas mer bsregs pas zhal khebs sogs mes
tshig kyang sku thang gi me long dngos gzhis me gtan nas ma
bzhes par snum gyis tshos te nag khog

ger bsdad yod/ de ltar mdzad pas shugs ldan dang 'khon 'gras
byung ba yin 'dug pas da lta 'khon 'gras 'khu ldog gi rigs
lhag med zhi thabs nongs bshags sogs gnad smin zhig bya dgos
stabs/ skyabs rje rin po che rang nyid

nas rgyal chen shugs ldan dang nged kyi bar lha ngo mi ngo
sprad de snga 'khon zhi ba'i nongs bshags dang bskang 'phrin
sogs gnad smin 'bul rgyu'i skyabs 'jug dang grogs dan gnang
dgos zhes phebs par/ de ltar nongs bshags sogs

mdzad grub na mchog tu 'gyur zhing/ gus slob pas lha ngo mi
ngo sprod thub pa shin tu dka' yang bskang 'phrin dang nongs
bshags 'bul gnang bskyang dgos sogs kyi zhabs rim rnams rang
nus gang yod hur 'bungs zhus chog pa/ 'on

kyang gzhan gyis bskang bshags sogs brgya stong mang po bton
pa bas sku mdun rang gis gtor 'bul mdor bsdus re tsam gnang
grub kyang dgos nus phan rlabs lhag par che tshul zhu gnang
mdzad pas/ 'o na rin po che nyid kyis

@164b mdzad pa'i gtor 'bul mdor bsdus shig yod na gnang dgos
tshul phebs pa bzhin de ma thag mtsher shag nas 'phrin bskul
'dod don myur 'gugs zhes pa'i dpe len mi ched gnang thog
'phrin bskul gyi phyag dpe 'phral 'bul bskyangs pas gun gzigs 
mchog nas dpe cha dbu thog tu gtugs nas slar dbu sngas kyi
thad du 'jog gnang mdzad cing/ da dung skyabs rje nyid nas
kyang nged kyi rim gror shugs ldan bskang 'phrin sogs gnad
smin gnang dgos zhes yang yang phebs tshul bcas rje nyid kyi
zhal

nas gsal bar thos/ 'di nyin sa ma srib tsam la bzhugs shag tu
phyir byon/ de'i nyin rjes ma zhig tu kun gzhigs rin po ches
drung che rdor gdan pa ched gnang gis bskang gso'i mchod gtor
gyi rgyu chas dang bsnyen yon sogs rgyas par stsal te/

skyabs rje mchog lcags zam dgon du zhabs sor 'khod mtshams
rgyal chen shugs ldan gyi bskang 'phrin bshags tshogs bcas nyin
lnga'i ring gnad smin zhig gnang dgos tshul phebs yod par de
don bka' bzhin zhu bya ba'i zhal bzhes 'phral 'bul

mdzad/ skye mdor nyin bdun gyi ring bzhugs shing/ de nas thon
phyag gi snyan gsan sngon song ltar ston 'khor tshang ma mjal
khar bcar bas zhabs gras rnams la shod tshoms chen du mjal kha
dang/ gsol ja/ bzhes 'bras/ lo gsar gyi ston

skal dkar spro rgyas pa mi ngo so sor stob pa dang/ gsol ston
rgyas spos bcas gnang zhing/ rje nyid steng gzim chung du
sngar bzhin kun gzigs mchog dang lhan rgyas thog /bla brang
nas gsol ja/ bzhes gro/ bzhes 'bras/ dkar spro dang gsol

@165a @#/ /ston rgyas pa/ dgung gsar gyi sku skal mnyes spro
tshan khag ches mang ba bcas 'bul gnang dang 'brel nyi ma ma
bzhud tsam bar lhod bzhugs dang/ phebs khar yar mar rten gsum/
mjal dar/

'bul tshan sogs snying po'i lcid kyis mdzes pa du ma'i dgyes
ston spel res bcas bkra shis bde legs kyi ngang nas yab sras
zhal gyes gnang/ phyi nyin rje bla ma mchog bzhugs shag nas
chibs kyis bskyod de kun gzigs pho brang mjal

ma mjal gyi mtshams nas bla brang gi phebs skyel bar sgron dar
'bul ba dang/ kun gzigs rin po che bzhugs pa'i phyogs su zhal
lan gsum du gyu ba sogs mdzad/ de nas rim gyis byon te dpa'
thang du kwe'u tshang rin po che phebs

par mjal kha gnang/ nyin gung gi gsol tsha'i skabs glo bur kha
ba babs te 'brug skad drag po lan gsum du ldir/ hor zla bcu
gnyis pa'i gnam gang nyin dgon gyi phebs bsu ser sbreng sogs
dang bcas rab shis klung shod

dgon du phebs/ rgya dpon yab chen gnas 'dir 'byor te nad gzhi
je lod kyis 'di nyin dus las yol ma thag tu yod par de ga'i
g.yog rigs rnams nas rje nyid la gsol ba btab pa bzhin de
nyid kyi phung po'i rtsang byon nas sangs

rgyas byang sems sogs kyi mtshan gzungs zab mo dag gsung ba
dang/ phung po'i spyi gtsug tu 'pho rdzas sbyor ba/ zab lam
bla ma mchod pa'i sgo nas sbyang chog /'pho ba/ bsngo smon gyi
mtshams sbyor dang bcas zab smin gnad du thebs pa

@165b bka' drin du stsal bas/ 'di ltar 'byung ba bla slob dam
gtsang gi rgyu 'bras rten 'byung bslu ba med pa'i byin mthu
ches ngo mtshar rmad du byung ba zhig tu nges so zhes blo ldan
gzu por gnas pa du mas dar dir du sgrogs par byed do/ /de nas

dgon du dbu gur gsar sgron gyis dgung sar stabs pa de mdor
bsdus shig go sgrig gnang ste/ thugs dam zab mo'i rnal 'byor
la rtse gcig tu gzhol bar mdzad do/ /dgung grangs drug cur
phebs pa me glang gnam lo gsar 'char gyi

tshes gcig gi nyin/ 'char can tho rengs kyi nyams bzhes rnams
zin mtshams 'dra sku rin po che'i spyan sngar snyan shal/ dkar
spro/ gsol ja/ bzhes gro 'bul ba sogs dang/ bzhugs gral stabs
bded gnang ba bcas dgung gsar

gyi dus ston mtshon pa tsam re dang/ lam rim 'jam dpal zhal
lung sogs mkhas pa'i mtshan snyan can sprul sku 'jam seng sogs
dgon gyi bla sprul las sne rnams la mjal kha/ dgon spyi nas
zhus ngor 'dus tshogs chig stong la nye bar

dga' ldan lha brgya ma rtsa ba'i thog nas bshad khrid dang/
ljags lung gzhan 'ga' re bcas gnang/ sprul sku 'jam seng nas/
lam rim chen mor sgo tsam bstan pa byang sa las gsungs pa'i
sdug bsngal brgya rtsa bcu 'dren tshul

grangs mang nyung sogs shin tu bgrang dka' bas de dag ji ltar
yin gsal po zhig gnang dgos zhes zhus par/ de dag 'phags pa
thogs med kyi dgongs pa bzhin sdug bsngal che chung gtso phal
dbye bsdu'i dbang gis rags rim zhig 
@166a @#/ /yas mas gcod pa dang/ khongs so sor bsdu ba bcas
bsdoms te sdug bsngal brgya rtsa bcur 'dren tshul byang sa'i
rtsa par ang rtags dang/ sdug bsngal so so'i thad du 'grel
mchan thung 'dus

re bcas 'phral smin du mdzad pas khong pa thugs rangs te dad
gus kyi rnam 'gyur mdon par 'phel bar gyur/ 'di dus kyi nyin
tho phyag bris mar/ dgen 'di 'dus tshogs che yang grwa pa rnams
kyis skra ring por 'jog pa dang/ lpags

rtsag gi steng du gzan sham gyon pa/ gos phu dung can sogs
chas yam zung sna tshogs sgras pa/ tshogs 'don du'ang dga' lta
sogs dril bu tshig brdung byas te rnying mas zhi khrong ton pa
ltar byed pa sogs rnying rtags shin tu che ba

dge lugs kyi dgon pa'i gzugs brnyan tsam du snang zhes 'god
par mdzad 'dug /de nas byon te ku cam du phebs pa na/ ku cam
pas sa tshigs bcad de ri stong du yod pas der bzhugs sgar bcas
te bcag zhag nyin gcig

gi ring gnang/ kun gzigs mchog nas phel skyel du stsal ba'i
sku srung dmag mi'i gras bcu dpon gnyis dang/ rje nyid kyi
zhabs gras 'ga' re bcas nas ri klung kun tu bud shing lci pa/
rtsa gzan sogs nyo sgrub thabs shes sna tshogs ba gyis par

brten gang ci'i chas rkyen 'grigs tsam byung zhing/ 'di khul
sa tshigs bcad pa sogs gnod pa ci 'khyol las phan cha spu tsam
mi sgrub pa'i rtsa rkyen rtsi chu kha pa rnams la thug cing/
de yang gtso bo rab shis dpon dgon gnyis kyis legs po

@166b ma byas pas lan gsungs/ dgon de bar khams phyogs nas dge
ldan pa'i dgon pa che shos shig yin yang rje bla ma 'di nyid
mi dgyes pa'i thabs tshul ltur blangs pa dang/ bla ma 'jam seng
gis sdug bsngal grangs 'dren gyi dri ba zhus pa

sogs rten 'byung gi sgo nyes tshabs che tsam byung ngam snyam
ste/ dus phyis yul der spyi 'gre dang mi mtshungs par dgon pa'i
nang dud me 'khrugs tshan po che dang/ sprul sku bkrongs pa
sogs ha cang tha chad pa'i gnas mang po byung zhes gleng ngo/
/de nas rim

phebs kyis nang chen rgyal sa'i sgar thog tu zhag sa mdzad/
'di skabs kyi bsnyel byang las/ bla ma 'jam seng dang/ be gu
rdo dga'/ a mdo yan krang/ sho mda' rgya khang gis sgo sogs
kyis lugs mthun gyi sne len byed pa las/ gzhan ra shus

dang nang chen bas mthong 'dod med pa'i gnas su 'dzin la/ lhag
par nang chen gyi khul 'dir chos lugs kyi rtsa bas ngos la
bdud mthong ba ltar byed cing mi rgyu gnyis rtsang khram pa
zhe cig tu snang bas sngon du rmi ltas 'tshub pa sogs la brtags
na 'khrug

long ma byung ba bla ma mchog gsum gyi byin mthu bsam gyis mi
khyab pa'i nus par go/ da res kun gzigs gzim chung 'gag nas
nang chen rgyal por bka' bsgyur stsal ba sogs la brten nang
chen pas mi 'dod bzhin du gra legs 'grigs byed dgos

pa byung zhes snang/ de lta'i mus nas bde bar byon te lcags
zam dgon dang khang nye bar phebs pa na/ dgon gyi las sne
dang/ gi'u sprul sku/ chab mdo gnyer chung sogs phebs bsur
'byor/ gzhung sa'i zhal ngo dang sa srung dmag ru bstan te

@167a @#/ /phebs bsur byung bas sprang ban zhus par phyag lan
gnang pa sogs sngar bzhin mdzad de dgon du zhabs sor 'khod/
de'i phyi nyin nas bzung nyin lnga'i ring kun gzigs rin po
che'i bka' ltar bstan srung

shugs ldan gyi bskang 'phrin bzhugs? tshogs bcas gnad smin du
bskyangs/ 'di skabs bzhed dgongs 'grub pa'i 'dod gsol gnyer
gtad mtshan sgra tshang ba tshigs bcad gcig thugs rtsom kyis
bskang 'phrin skabs su yang yang gsud zhing/

zhabs rim bskang tshogs zin bstun grub tho yang 'phral 'bul
gnang/ de nas dgon gyi bka' chos 'phro skyong lcang skya ngag
dbang chos ldan gyi yig cha'i stang nas gsang 'dus bskyed
rdzogs kyi nyams khrid dang/ dbang bka' khrid lung gzhan ma'i

rigs mang po/ de ga'i las sne rnams nas zhus ngor re smon bden
bskul yid bzhin grub pa'i dbyangs snyan zhes pa bka' rtsom
dang/ de'i ljags lung/ bsgrub bya mang tsam la rab byung dang
bsnyen rdzogs kyi sdom pa bcas stsal/ rje nyid kyi phyag

zin du/ dgon 'di grwa tshogs ha cang mi che yang sgrigs lam dam
zhing 'dul khrims dang lta grub gtsang ba/ chog phyag len
phun sum tshogs shing btsun chung tshun chad 'don cha 'ur ba
sogs lcags ra man gyi dge dgon nas ang dang po'i gras

yin/ dbyar gnas khams dgon spyi ltar zla gcig las mi 'dug pa
slad zla ba phyed gnyis tshugs rgyu bgyis te ngos nas gtong
thebs kyang rgyas par sbyar/ zhes gnang ba'ang mchis so/ /'di
skabs shig nas dbus phyogs su bang 'phrin ched

@167b gnang mdun rwa sgreng srid skyong mchog dang/ bla sprul
dad slob gzhan khag la gnas tshul gsung shog mang du gnang
zhing/ rwa sgreng rin po che'i zhu yig mtshams don du/ nye la
ma rje bla ma nyid skye mdor kun gzigs paN chen rin po che'i
drung du phebs te/

slad yab sras thugs nang dge zhing bstan srid spyi sgos gang
cir 'phral yun lugs legs yong ba'i thugs bskyed gsal 'debs zhu
'os rigs lhag bsam zol med nyid du zhib gsol mdzad tshul dang/
da lta kun gzigs rin po che ring min

bkras lhun du phebs dgongs rtse gcig 'dug stabs phyin chad
gzhung bla'i sngar 'khon ltag med du zhi zhing/ yab sras thugs
nang gcig gyur yong thabs nyid bod ljongs spyi'i rgyal bstan
chab srid gang ci'i 'phral yun bde legs kyi rtsa ba gcig tu
dgongs

te gtso bor de ga skyabs mgon srid skyong chen po mchog nas
thugs khur lhur bzhes kyis gang ltar kun gzigs mchog bkras
lhun gdan sar phebs bzhugs kun bde'i mthun 'gyur gang zhab re
bka' drin stsol gnang yod pa ma zad/ srid skyong

chen po mchog dang thugs nang dge ba'i gtso drag nus ldan gnad
yod gzhan mar yang 'di skor legs spel nyes 'gog gi bka' slob
gnang 'gab che rigs zab dgongs nas 'dor med skyabs 'jug gnang
thabs yod pa bcas gus 'bangs

bas rmongs blos gang dpogs byis pa'i bla rdol ltar dgongs pa'i
dpyad gzhi tsam du gsol bar dbyings khrel skad cig kyang mi
bzhes bzhu rgyu/ zhes sogs 'khod pa ched 'bul bskyangs/ rdzi
tho nyin srib grwa tshang phyogs bsdom skor mkhan chung

@168a @#/ /zla ba lags gyis dgon pa'i spyi rdzas nas bed sbyod
til 'bru tsam yang ma mdzad par rgyags rang 'khur gyis las don
che phra mtha' dag dgon gyi las sne grwa rigs bsam yod rnams
dang blo mos gros bstun dang 'brel/

rten gsum/ spyi rdzas/ sa zhing sogs gcig tu bsdoms pa smos
ci/ phyis cung zad brtan mi brtan gyi dogs pa yod rigs 'gar so
so'i dwang bas kun nas blangs te grwa shag phan tshun 'ga'
dang/ grwa pa de dang de'i nang khyim 'ga' re yang zla 'dril

byed pa sogs sngan ma grags pa lta bu mang du byung tshul dang/
mkhan chung nas thog mtha' bar gyi las don mtha' dag ltag bsam
g.yo med rang don las lhag pa tsam gnang lugs bcas kyi gnas
tshul zhib tu gsan pas/ de kun mchog tu

legs pa byung 'dug ces mkhan chung la'ang bsngags brjod gnang/
lcags zam dgon nas phebs pa'i zhag sar chab mngo'i byam pas
gdan cha sprod min la bsnyad de mi ser gyi rgan po sogs la
nyes brdung dang/ mi gcig la mgo bar rmas skyon

btang bsogs byas par phyag mdzod 'phrin dar pas byam pa rnams
la brdung gtag dang brgyad bkag tshan na phab ste sa mtshams 'di
nas chab mdor phyir log bya rgyur thag gcod gnang bar phebs
byam pas gnyer chung brgyud de 'di nas phyir log

ma dgos pa dang/ phyin chad tshul mthun bya rgyu'i gan 'bul
zhus pas/ de bstun mi ser nyes brdung dang rmas skyon btang
ba'i rigs la byam pa rnams nas dkar mjal sprod pa dang/ rje
nyid nas kyang sems gso'i gnang cha stsol ba bcas rgan ??

@168b dmangs mtha' dag yid mgu ba mdzad/ ri bo che nas rnam
gling mda' sku dang bla gnyer gnyis rdzi zam gyi 'khris su
phebs bsur phebs shing/ rdo shul zhes pa'i sa char mda' rdzong
gnyis la mjal kha ltod 'gol dang/ rje nyid kyi gsung rdo rje

shugs ldan pa'i gser skyems sogs kyis ljags lung/ ri che'i bla
ma 'phags mchog gi zhu yig bka' lan bcas gnang/ sngar lcags
zam dgon du bzhugs skabs nas rdo shul gyi lung pa'i phun sems
can nyam thag pa zhig yod tshul zhu

mi 'ga' re byung bar rje nyid kyis sems can de dngos su gzigs
sar 'byon dgos zhes nan du gsungs kyang rgyus yod ba 'ga' res/
da lta dgun dus su song stabs rngon pa dang phyugs rdzi lta bu
'ga' tsam las rta drel dang mi mang po bgrong

rdug pa'i 'gro lam med cing/ dbyar dus sogs su gangs 'khyags
rnams zhu ste mtsho de'i 'gram du 'gro thub/ des na rje bla ma
mchog da lta sems can de gzigs par phebs thub thabs gtan nas
med tshul zhus pas der phebs rgyu bshol gcig

mdzad la/ tshul 'di bsnyel byang du gnang pa las kyang/ rngo
shul zhes pa'i lung pa de'i phur mtha' rdzas brag gis bskor
ba'i mtsho zhig na/ sems can shin tu cheb sbra gur tsam pa/
dgun kar mtsho bri ba'i dus sgal pa mtsho 'khyag gi stang du
thon te

bya dang gcan gzan sogs kyis za ba/ dbyar dus mtsho rgyas pa'i
skabs sgal pa mtshor nub nas mgo bo tsam las mi mthong ba/ mtsho
'gram du gra pa lta bu 'gro ba dang/ gzan dmar po lta bu
mthong na de phyogs su tshur 'ong ba'i nyams dang/ /

@169a @#/ /dga' snang gi rnam pa 'dra ba'i 'gul bskyod mang po
byed kyang/ rkang lag gam/ lus smad ri brag gi bar du 'tshir
bsogs ji 'dra min yang/ gang ltar tshur 'ong thabs gtan nas mi
rnyed pa zhig snga mo nas

byung ba da lta 'ang dngos su bsdad pa ma bod? rgyu yod ces mi
mang pos gleng/ de gzhan la dris pas la las ri che'i bla ma
grags can zhig gi skye ba red zer ba dang/ 'ga' zhig gis ri
che'i dkon gnyer zhig gi skye ba red zer pa'ang yod 'dug /ces

gsal 'phar 'god gnang mdzad 'dug /de nas khyung po phyogs su
byon te dkyil mkhar dgon du 'phags pa lha ho thog thu phebs
par nyin snga rteng rnams su lhod mjal gnang/ dkyil mkhar dgon
dang/ bsam 'grub dgon/ nam rdzod dgon/

rdzong chung dgon/ dil mgo dgon/ sgang ne dgon/ jo dgon/ gser
tsha bkra shis gling/ bco brgyad dgon/ tsha 'brong dgon rnams su
lam gtso rnam gsum dang/ yon tan gzhi gyur ma/ lam rim nyams
mgur bsdus don/ dga' ldan bstan pa

rgyas pa'i slon lam rnams kyi bshad lung/ lam rim bde lam gyi
nyams khrid/ 'jigs mdzad rdo rje dang/ rje rigs gsum spyi
sgrub/ spyan ras gzigs ngan song kun sgrol/ phyag rdor drag po
sum dril/ mgo chos lha rnam sogs kyi dbang chen

dang/ rjes gnang khag shin tu mang ba/ ljags lung thor bu'i
skor du ma bcas rang rang gi 'dod chos mtha' klas pa lta bu
stsal/ gser tsha bkra shis gling sogs khyung po'i dge dgon
rnams kyi sgrub mchod dang tshogs 'don gzhan rnams dge lugs

@169b dar so che yang khyung por bon lugs dar so che bas dgon
grwa mang pos grong sde'i za chog bon chos gtso che ba byed
la/ 'ga' zhig tu ban bon rnam dbye mi 'byed pa'i skya ser ci
rigs kyang yod par brten khyung po'i sde dgon rnams su dbang
rjes gnang dang/ khrom

da'ang sogs stsal ba'i skabs sngon 'gro'i gsung bshad du skyes
bu gsum gyi pam rim cha tshang ba'i thog /skyabs 'gro'i skabs
bsngags 'os bsngags bstod kyi/ 'jug dang ldog pa gang lags
dang/ /kun nas nyin mongs rnam byang gang/ zhes pa nas/ de

ni dpa' bo khyod bka' dang/ /gzhan gyi tshig gi khyad par lags/
/zhes pa'i bar 'dren par mdzad de/ bon mya stegs kyi bstan pa
ni 'khor bar 'jug byed dang/ nang bsangs rgyas pa'i bstan pa
ni 'khor ba las ldog byed min tshul thu'u bkan

chos kyi nyi ma'i gsung bon gyi grub mtha'i rnam gzhag dang/
'bri gung dgongs gcig /mid la'i rnam mgur/ bka' gdams bu chos/
padma thang yig sogs kyi khungs dang bcas bon gyi lta sgom
skyod pa/ gzhung lugs mtha' dag phyi rol pa

dang nang pa'i chos lugs nas pa rkus pa'i bsre bslad nor
'khrul log pa'i rdzun chos 'ba' zhig tu yod stabs de lta'i
lugs ngan la zhugs na rang rang gi rgyud kyi nang pa'i rgyabs
'gro yang rang shugs kyis stongs 'gre tshul sogs dang bcas 'o
na lugs

la dgag pa mthil phyin pa re dang/ skyabs 'gro dang las 'bras
kyi rnam gzhag /dge mi dge bcu'i blang dor lag tu tu len lugs
bcas go bde la gnad du 'dri lang re gnang/ gser tsha bkras
gling slob dpon gyis thog mar/ nged tshos bka' chos don

@170a @#/ /gnad che ba khag gcig zhu rgyur ljags bshad gang
rgyas rgyas shig gnang dgos/ de yang nged tshos 'di zhes zhu
tshod mi thigs pas skyabs rje mchog nas gang bzhed gal che ba
zhig dgos tshul yang yang gsol

bar rje nyid nas/ 'o na lam gtso'i bshad khrid mdor bsdus shig
'chad na legs gsung bar khong pas kyang de ltar zhu rgyur thag
bcad/ bka' chos gnang du nye pa'i skabs khong pa slar drung du
bcar te/ nged tshos gros mol bgyis par

da res lam gtso'i khrid zhu mi dgos par rta phyag khyung gsum
gyi dbang zhig byung na degs mi 'thus pa mi 'dug zhus par/ deg
'gyid chog ces mchod gtor sogs 'phral gshom mdzad nas drag po
gsum dril gyi rjes gnang sgrub chog dang/

bkras gling slob dpon gyis gtsos pa'i dgon gyi 'dus tshogs
dang/ ser skya gzhan mang du 'dzom pa bcas la drag po gsum
dril gyi rjes gnang sogs 'dod chos 'ga' re gnang zhing/ phyis
rje nyid nas dge lugs kyi dgon pa'i mkhan po

zhig gis chos kyi gnad mi shes pa de 'dra yi mug pa'i gnas yin
zhes thugs skyo pa'i gsung mang du byon dgos pa byung/ tsha
'brong dgon nas rim gyis rong po dga' ldan rab brtan gling du
gdan drangs/ bzhugs khri thang bya bar thab bsu dang/

dgon gyi bla sprul las sne gdan zur rnams phebs bsur bcar
'khod kyi sdar srol ltar rje bla ma ston 'khor rnams la g.yas
skor gyis phebs/ de nas mar cem ben dgon dang thag mi ring bar
phebs lam ri ngos gzar zhing 'og nas chu chen po dang/

@170b nye las ral can gyi dkyil tsam du rje bla ma mchog phebs
pa na/ ltag nas glo bur du shwa 'od chen po byung bas chibs
zhabs su bcar ba kun dang ngas skrag tshad med byung yang rje
bla ma mchog gis phyag 'degs tsam mdzad pas de mthag shwa 'od
kyi sna/ /

bu skyil khas kun ya mtshan pa dang/ dga' dad kyis mi dsim par
mdzad pa 'di ni rje bla ma mchog gi byang chub sems kyi stobs
su nges te/ sreg pa'i phru gus sems bskyed pas/ /pha rol me
chen bzlog la ltes/ /zhes pa'i byung ba dang mthun no/

de nas rim gyis dgon 'gram du phebs pa dang mi nag rta nag mi
dmar rta dmar sogs sde tshan sde tshan du byas pa'i chibs rags
kyi phebs bsu zhu ba chos zhub ser sngags gra thub bstan nyi
mas mthong brjes su rje bla ma mchog la zhus par dgon gyi
srung

ma rgyal po sku lngas bsu ba byung gsungs/ de nas grwa byings
nas ser spreng dang/ spos phor/ bla sprul las sne rnams nas
spos sna bcas 'du khang du gdan drangs/ gsol ja bzhes gro bcas
bteg nas bla gra yongs rdzogs la mjal kha gnang rjes 'du

khang thog gzim chung du zhabs sor 'khod/ dad gtong dpyod ldan
sbyi sger du ma'i ngor mdzad pa gtso che ba'i rigs ji ltar
gnang ba ni/ nag zla'i tshes nyer gcig nas sa gsum gyi sgron me
gcig pu byang chub lam rim chen mo'i bshad lung/ bde myur

gyi nyams khrid bcas gnang mus nas/ dpal gsang ba 'dus pa ming
skyod pa lha so gnyis kyi dbang chen sta dngos bcas nyin gsum
gyi ring dang/ 'jigs byed lha bcu gsum ma/ dril bu lha lnga/
dril bu lus dkyil/ kun rig rnam par snang 
@171a @#/ /mdzad kyi dbang chen bcas dang/ rnal 'byor ma'i byin
rlabs bcas stsal nas hor zla drug pa'i tshes bzhi ston pas bden
bzhi'i chos 'khor bskor ba'i dus khyad par can gyi nyin sems
bskyed mchod pa bcas

mdzad/ gnas 'dir dbyar gnas par zhal gyis bzhes te dus 'brel
gso sbyong skabs so thar gyi mdo 'chad par mdzad/ gzhan yang
lcang skya ngag chos kyi gsung gsang ba 'dus pa'i rim gnyis
kyi thog nas nyams khrid/ dngul chu'i

gsung 'jigs byed bskyed rdzogs thog nas rim gnyis kyi zab
khrid/ nA ro mkha' spyod ma'i rim gnyis kyi khrid/ bla mchod
rtsa ba dang/ phyag chen sbrags ma'i nyams khrid/ 'pho ba zhag
gcig ma/ khrid yig yid ches gsum ldan gyi bshad

khrid/ nag tshang ba'i gsung nA ro chos drug gi nyams khrid/
lcang rol/ paN chen/ dwags po bcas lus dkyil rim gnyis khag
bzhi'i steng nas bde mchog lus dkyil gyi rim gnyis kyi dmar
khrid/ bde mchog lag mchod kyi phyag khrid/ bde

mchog sngags btu/ dga' ldan snyan brgyud lugs nam mkha' sgo
'byed kyi gcod dbang/ paN chen blo bzang chos rgyan gsung gcod
gzhung thar 'dod ded dpon dang/ grub mchog blo bzang rnam
rgyal gsung rin chen sgron me bcas kyi steng

nas gcod khrid/ yongs 'dzin ye shes rgyal mtshan gyi gsung dkar
'gyed dmar 'gyed gnyis/ rje nyid kyi gsung gcod kyi 'don chog
bcas kyi lung/ lha ldan smad rgyud spar gsar rje nyid kyi
gsung dkar chag ltar gyi 'jigs byed

@171b dpa' gcig bsnyen chen skor dang/ zhi khro sbrags sgrub
bcas kyi lung khrid/ sdom gsum bslab bya dang/ gzhi gsum cho
ga'i bshad lung thog dbyibs tshang rje nyid kyi phyag sor gyis
gzhal ba'i shugs pa'i gaNDi gaN g.yog bcas pa

gsar bskrun/ rgyal sras rdo rje 'chang gi sems bskyed bka'
rgya ma'i zab khrid sogs kyi skor mang po dang/ gdugs dkar lha
mang gi dbang chen/ tshe dpag lha dgu'i dbang chen/ thugs rje
chen po ngan song kun sgrol gyi khrom dbang/ gtsug

tor lha dgu/ bla med rdor sems/ sgrol ljang/ 'jam dbyangs dkar
po/ sman bla bde gshegs bdun/ legs ldan mched gsum/ mgon chos
lha mo rnam sras bcas kyi rjes gnang/ shugs ldan gyi srog
dbang sogs rjes gnang rigs

mang po/ rje nyid kyi ljags sgrigs gnang ba'i lus dkyil chos
skor bar thung yongs rdzogs/ rnal 'byor ma'i sgrub dkyil/ dpa'
gcig sgrub thabs rgyas pa/ chos skyong shugs ldan gyi sger
bskang rgyas pa/ nA ro chos drug dang/ phyag chen

brgyud 'debs/ rje nyid kyi mdzad pa'i bla ma'i rnal 'byor
dang/ gsung mgur bslab bya sogs dang gzhan yang chos phran
mang po'i sngags lung gis mtshon chos bka' khrid phran skor
ches mang po/ bsgrub bya du mar dge tshul slong gi bslab sdom
sogs

nyin mtshan par med ltar gnang/ dgon gyi sprul skur gtsug phud
bzhes pa dang 'brel blo bzang rgyal bstan 'jigs bral dbang
phyug ces 'dogs par mdzad cing/ mtshan 'di dga' ldan gser sdong
chen po'i mdun nas rnyed pas rten 'brel che ba yin zhes

@172a @#/ /gsungs pa'ang thos/ dge bsnyen deng dge tshul gyi
bslab sdom stsal nas ming rang 'jags gnang/ 'di pa lo bdun las
ma lon kyang/ bka' chos yongs rdzogs zhus chog pa dang/ dam
bca' can rnams kyang

rjes su bton pas chog cing nar son pa dang grwa sar slob gnyer
du bskyod dgos pa'i zhal ta bcas gnang nas shin tu brtse bar
mdzad/ 'di bar thor ba byung ste sman dang byug pa sogs kyis
ma phan par thor pas lus kun khyab pa na/ rje bla

ma mchog gi gsang chab bum pa gang zhus te 'thungs pa dang/
lus 'khru par byas pas dri ma bkrus pa ltar rang zhir song bas
byin rlabs kyi mthu myur zhing che ba 'di ltar na sku gsung
thugs kyi yon tan gzhan brjod du ci zhig dgos/ dgon du

chos skyong shugs ldan gyi sku brnyan gsar bzhengs bgyid
rgyur/ rje bla ma mchog gi shangs mtshal ched stsal kyis dam
rdzas sman 'jim las mi tshang tsam legs zin gzungs 'bul rab
gnas/ nyid kyis rgyun bzhes snam sbyar/ thang zhu bcas sgron

gnang mdzad cing/ phyag mdzod sku zhabs kyis gang spyi'i khur
bzhes dang 'brel phyag tu ral gri 'bul bar mdzad/ rten 'di rje
bla ma mchog gis rab tu gnas par mdzad pas ye shes pa dngos su
bzhugs pa'i mtshan ma gsal bar 'byon pa zhig ste/

zhal ras gser mdog yin kyang skabs 'gar mtshal mdog dang/ gzhan
du dmar smug tu 'gyur zhing bzhugs sgrom dma 'byar ma yin rung
mjal dar gyis zhal ras g.yogs pa dang phye ba/ dbu zhwa steng
gi sgrom gyi stong char lding ba dang mar

@172b bzhes pa sogs ngo mtshar brjod las 'das pa yang mgon po
gang gi byin mthu kho nar nges so/ /dgon 'dir lam rim chen
mo'i bshad lung stsal skabs shig khrom tshang pas hor spyi
mkhan chung thub bstan padma ched du bos te khrom rong gi
sngar yod

zlom gzhi glo bur du shugs che bas spangs shing/ rong po ba
dge lugs dang/ khrom tshar ba bon po yin stabs hor spyis khrom
tshang ba'i rgyab skyor mthar phyin par byas te/ rong po dbon
rgan lo bdun cur nye ba glo bur chos gral nas khrims rar

ched dgus thog /bden rdzun gtam gyi 'dri rtog phyogs na'ang
med par mtshon thogs kyi bod gzhungs srung dmag sum cu skor
gyis ru bstar ba'i dbus su dpon rgan la tsha ljid ldan pa'i
'brab lcag sum brgya lhag tsam bsnun pas lus ro ltar gyur

nas rong po bar rtsis sprang pa shing gi 'gyogs khri la btegs
te khyer bsar ba dgon du sleb thub tsam byung/ de'i phyi nyin
dpon rgan 'das grongs su gyur pas de nas bzung de nyid kyi bu
pha rgan la shin tu gces pa ga 'jigs bya bas rje bla ma rdo
rje 'chang

chen po gdan drangs te spyang 'pho sogs zhu ba dang/ bka' chos
tshogs su bsnyen bkur ba sogs dge rtsa rgya che rgyun mi 'chad
lta bu sgrub thub pa byung/ dpon de nyid rgyun nar mi ser spyi
snyoms su phan sems che la rnam kun drin che ba'i gnas gzhan
dang mi

me tshungs pa ma zad/ hor spyis khrom tshang ba'i rgyab gnyer
shugs can mdzad par brten rong po bas dpon 'bangs tshang ma
rtsa brlag tu song yang 'gyod pa med ces grong khyim sde khag
tshang mas dmag 'thab kyi gra sgrig kho na byed cing hor spyir
ngan bskul gyi

@173a @#/ /byed gte khrom tshang gi mi drag bzhi khrom rong sa
mtshams su 'gro ba rjes snyegs nas gnyis bsad pa dang/ gcig la
rmas skyon tshabs chen btang zhing/ gcig la ro gnyis rtsis
sprad cing dpon rgan 'das

grongs song ba gyi nar 'jog lugs med pa'i tha tshig nan bsgrags
byas/ khrom tshang pa hor spyi bcas nas rong po'i sde dgon
rnams rmeg med du 'joms rgyu'i bsam ngan khog bcang gi bya
spyod ngan rgu'i sbyor bar zhugs bzhin pa'i skabs rje  bla ma
mchog nas rab dgon mkhan po rgyud stod dge bshes sku tshab tu
ched gtong gnang ba'i thog /mdo spyi'i las bya lcang sgor las
tshan pa thub bstan kun 'phel rab dgon chos zhu'i gras su yod
par yang hor spyir khrom rong 'dum thabs ma

mdzad par thal cha ngan rigs byung tshe phan tshun chos srid lam
lugs gang thad nas 'phral yun mtshan don khe nyen ji 'gyur zab
dgongs spyan dkyus mi thung ba dgos tshul gyi zhu yig 'bul
gnang mdzad rgyur bkas mngags pas las tshan thub kun

nas kyang de don 'jam mkhas 'thus tshang 'phral 'bul gnang ba
sogs rje nyid kyis thabs shes gang zab kyi bka' drin bskyangs
par brten nag phyogs kyi re ba 'bram med du gyur te gyod gzhi
rang sar zhi zhing phan tshun gnyis ka'i mi brgya stong

du ma g.yul ngor srog 'chor ba'i 'jigs pa las thar ba yang
rje bla ma nyid kyi bka' drin nyag gcig las byung ba de dus
kyi blo ldan dag la mngon du gyur cing/ bon po la las chos
zhus te rang gis rang dge lugs byas pa'ang yod/

@173b dpon rgan la hor spyis nyes brdung mnar gcod tshabs chen
byas pa tsam las/ bla ma mjal zhing dge 'dun ches mang po
'dzom pa sogs 'di 'dra phyin chad rnyed dka' bas da res shi
thub pa dpon de nyid skal ba mchog tu bzang zhes gleng

pa'ang mang du byung/ gsung chos skabs bzhugs khri'i 'khris su
gzhung sa'i drung skor gyi chas byon pa gzugs pos chen po zhig
sngags grwa thub nyes mthong ba rje bla ma mchog la su yin
zhus skabs dgon gyi gzhi bdag yin/ grib la 'dzem nas

'greng ste chos zhu chog pa'i gnang ba zhus byung zhes phebs/
dgon gyi las sne rnams la'ang khyod tsho'i gzhi bdag de rdzig
po zhe drag 'dug /las sne tsho lang rdzig po mi yong ngam zhes
dang/ gzhi bdag yab sras legs po 'dug sras la

'khor ba'i mi min cig gis dgon 'dir rnam kun 'phrin las sgrub
kyang bya ba 'gangs can re'i 'gor bar gcod phran bu'ang btang
gi 'dug ces phebs pa na/ las sne rnams kyis de med pa mdzad
dgos gsol bas/ sems can kun

la ma bu gcig pa la brtse ba lta bu mnga' ba'i stobs kyis
thugs ha las pa lta bu'i sgo nas de 'dra byed pa mi rung sngar
nas yod ces phebs/ dgon gyi las sne rnams nas zhus ngor rab
dgon rgyab ri'i gzhi bdag gi bsang mchod dang/ 'phrin

bcol gnyer gtad/ gsang 'dus rim gnyis kyi khrid brgyud gsol
'debs kha skong sogs bka' rtsom mdzad/ skabs shig rdzi tho
phyogs nas mkhan chung zla ba lags phebs par mjal kha lhod
'gol thog /dgyes pa'i gsung gleng dang/

@174a @#/ /rdzi tho nyin srib grwa tshang phyogs bsdoms skor
gang cir thugs khur 'gran med du bzhes pa'i legs gsol gnang
cha mi dman pa dam rdzas gyi tshul du stsal/ lha ldan nas rwa
sgreng srid skyong rin po chen dang

bla sprul dang slob gzhan bcas kyi zhu 'phrin khag shin tu
mang ba 'byor/ rwa sgreng srid skyong gi gsung shog mtshams
don/ bar lam skyabs rje mchog nas kun gzigs rin po che dngos
mjal dang 'brel/ gzhung bla'i skor slad yab

sras thugs nang gcig gyur yongs thabs 'phral phugs rgyal bstan
chab srid yun gnas kyi bde rtsar dgongs pa'i thugs bskyed zab
bzhes dgos tshul sogs kyi gsal 'debs gnang ba dang/ de mtshungs
'di phyogs su'ang lcags zam

nas phyag bris ched gnang gis bka' slob zhib gsal dang/ lhag
par ngos nas khur len nan bskyed thog /phyi nang gnad yod khag
la gsal 'debs nus thon gyis paN chen bkras lhun du nges phebs
thub pa dang/ gzhung bla

mthun 'dril dam zab yong thabs dgos lugs sogs nang ma'i gsung
slob thugs khur dpe med de lhag mdzad thabs med pa thugs rje
che zhing/ ngos rang nas kyang de don sgrub rngo thogs rigs
byung tshe shin tu legs gnas kyang/

nye lam bod tshogs 'du rgyas 'dzom nas bla gzhung don gnas skor
rang gar 'grigs thabs med pa dang/ sku srung dmag zer ba mnyam
khrid bya rgyu sogs gang sar la nyag mdzo gzengs med khar/
7gong sa yid bzhin nor bu

@174b gser zhal ma bzhugs par gnas dus brtsis pa'i bkras bla'i
byed babs la gzhigs te de lam du 'jog thabs rtsa bral yin lugs
thugs thag rbad bcad gnang zin 'dug pas ngos nas bya thabs ma
rnyed par dbyings khrel med pa zhu

rgyu dang/ zhes sogs 'khod yod pas rje nyid thugs ha las pa'i
tshul gyis/ tshogs 'du ba mi mang yang phugs bsam thongs pa'i
blo gros can med na phan med gnod rkyen byed pa las gzhan mi
'ong/ da cha 'grigs thabs dka' zhing/

de yang bod khams spyi'i las skal yin pas bya thabs gzhan med
gsungs/ chab mdo gnyer chung dang phebs byam pa sogs 'di nas
phyir log rgyu'i thon phyag mjal kha dang/ so sor gya nom pa'i
gnang cha/ 'phags chen rin po che sogs la

phyag bris rten sbrags bcas stsal/ smar khams 'od bla'i phyag
mdzod blo gros chos 'dzin sogs kyi dris lan bskyar ma 'ga'
gnang ba sogs spyi sger gyi mdzad sgo legs par grub mtshams nas
phyag btegs/ las tshan thub bstan kun

'phel gyis zhus pa bzhin rong po re stod kyi chos sgar du
snyan brgyud dbang bzhi byin rlabs rgyas pa bka' rgya can sogs
gsung rtsom mdzad/ de nas rim bzhin phebs te chab mdor phebs
bsur bcar ba ral dpon be cang nor dbang gi khyim

gzhis su gdan 'dren pa'i thab bsu chu bar ze zhes snang g.yel
che ba zhig tu phebs sgrig zhus pa der lhod bzhugs mdzad/
phyag mdzod pas phebs bskul yang yang zhus rung phebs ma bzhed
par lcam mda' sku zhabs bsgug dgos gsungs

@175a @#/ /sku zhabs 'dir bcar rgyu'i 'phros tsam yang med
cing/ rje nyid dgyes tshul che ba bcas la dpags na gzigs snang
dang/ mdzad pa khyad par can yod par nges zhes gleng/ de nas
dgong dro tsam du

dpon tshang du zhabs sor 'khod/ 'dir 'bras blo gling dge bshes
chen po 'dan ma blo chos kyis rang gi slob ma'i dkyil nas
rtogs pa mtho shos yin gsungs pa'i mtshams pa blo bstan mjal
khar bcar ba zhag gcig gzim chung

du lnyan bzhugs mdzad nas chos kyi 'dri rmed sogs nyams spro'i
gsung gleng 'phel/ der dpon nor bu dbang phyug dang/ dpon mo
nor bu dpal skyid sogs yul mi brgya phrag brgal bar yon tan
gzhir gyur ma'i bshad lung/ yig

drug dang skyabs 'gro'i bsgom lung/ grub rgyal lugs kyi tshe
dbang/ bsgrub bya 'gar bsnyen gnas kyi bslab sdom stsal/ 'dir
tshe nor g.yang 'gugs dang/ chos skyong shugs ldan brtan
bzhugs mdzad pa na tshag sgra chen po gcig

byung bas rje bla ma mchog bzhad mo gnang/ be cang bstan rnam
pas khams phebs snga phyir rje bla ma mchog gi zhabs zhus lhag
bsam dwang 'dod phul phyin bsgrubs pas 'di pa'i mi ngo rnams
la bla brang ston 'khor tshang mas nang ma'i lugs

su skyong/ de nas wa nag dgon du phebs par bstan rnam gyis
dgon pa gsar brgyag byed yul gdong bzang kha bya ba'i spang
gzhong gor mo/ mtha' shing nags dang/ de mthar rgyal mo rngu
chus bskor ba/ dkyil na brag ri 'bur

@175b ba bag phebs shing nyams spro ba zhig yod pa rgyang
gzigs dang rab gnas gnang skabs brag ri deng chos rgyal bstim
par gor ma chag ste/ rjes su rje bla ma mchog gis ngas dgon pa
'di chos rgyal la gnyer du gtad yod gsungs

shing/ rigs smra'i dbang phyug dge bshes stong dpon rgya nag
tu phebs skabs 'dir lto phye'i thig 'debs pa sogs mdzad pa na
brag ri'i mgo nas chos rgyal gyi gzigs snang byung/ de nas
dgon pa rnying par phebs/

'di sngar 'bri gung bka' brgyud kyi dgon pa yin kyang chos
lugs chal chol du song shing/ phyis rje bla ma mchog gi dam pa
chos kyi bdud rtsi snying gi yol gor spungs pa'i be cang bstan
'dzin rnam rgyal sogs nas dge lugs pa'i gtsang

dgon du bsgyur bar zhus te dgon pa'i mtshan wa nag dga' ldan
kun khyab rnam grol gling zhes 'dog par gnang/ 'dir chos
skyong gi bskang ba gsar 'dzugs dang/ brtan bzhugs mdzad skabs
char sprin stug po mig sman gyi

mdangs la 'khu ba lta bu gtibs shing/ 'brug sgra drag po dang
bcas glog dmar gyi zhags pas 'du khang la yang yang 'khyud pa
lta bu rngam brjid shin tu che ba byung bas rje bla ma mchog
dgyes dgyes mdzad pas chos skyong dngos su bzhugs pa'i

rtags su sems/ der 'khod kun rje bla ma rdo rje 'chang 'dir
bzhugs yod bsam gtogs gzhan sdod nus bral zhes gleng/ dgon
'dir lam rim bsdus don gyi bshad khrid/ 'jigs byed dpa' bo
gcig pa'i dbang chen/ rta mgri 
@176a @#/ /gsang sgrub kyi dbang chen/ rdo rje mkha' lding nag
po sogs lhag lha dang bstan srung du ma'i rjes gnang/ ljags
lung gi rigs sogs chos mang du gsungs zhing/ shugs pa'i gaNDi
rab dgon gyi de ji

lta bar gsar bzos gnang/ de ga'i nye 'gram rnying ma'i btsun
dgon sogs su rnying lugs tsam min par wa mdo/ sbrul mdo/ dred
mdo/ spyang mdo zer ba sogs sems can gang gsod dgos pa de'i
sdig bshags yin zol

'dra ba'i rdzun chos ches mang po dar tshul 'di khul dang rab
dgon phyogs nas zhu mi mang bas/ chos kyis lag thogs po de
'dra snying rje ba'i gnas yin bya ba sogs phebs/ lcam mda'
dgon gyis gdan 'dren u nan zhus par breng thog

nas 'byon ma bde bar tshu ri'i thang chen du chos sgar btab nas
dga' lha'i khrid lung/ 'jigs byed lha bcu gsum ma'i dbang
chen/ dpal mo lugs spyan ras gzigs bcu gcig pa'i dbang chen
sogs chos bka' mang du stsal/ de nas

gcung pa dga' ldan chos 'khor gling pas gdan 'dren rgyur/
sngon dus yul dbus kyi chu bzang ri khrod du bde mchog lus
dkyil gyi dbang dang/ bla mchod kyi zab khrid sogs zhus nas
nyams su len pa la/ phyis su dge ldan pa'i chos bskyur te

rnying chos kho na byed pa zhig gcung pa'i lung phu'i ri khrod
cig tu yod par rje nyid sngar thugs mi dgyes pa ha cang chen
po byung stabs phyag mdzod nas kyang kho par zhe mi zhim ba
ches che bar gyur ba kho rang nas kyang gsal bar thos/ gcung
pa chos

@176b 'khor dgon gyi bla ma rag rdo sprul sku bya ba gzhung
sa'i mkhan chen gyi go gnas yod pa de dang kho ba sngar 'dris
kyi grogs bshes su yod pas khos rag rdo sprul skur da lta ring
min pha bong kha'i bla ma phebs kyi red zer/ phyag mdzod de
yang yod

stabs snga ma'i zhe nad kyi nga la legs po mi byed pas re zhig
gnas gzhan du bros byol 'gro dgos byas par/ rag rdo nas khyod
de ltar 'jigs mi dgos/ nged gzhung sa'i mkhan che tsam yin/
pha bong kha'i bla ma se ra'i khams tshan chung ngu

zhig gi sprul sku chung kha'i ming thogs tsam las thob go sa
ci yang med pas ngas bla ma de'i ngo srung dgos pa gtan nas
med/ khyod rang sems lhod bder ri khrod rang du sdod/ nged nas
kyang bla ma de dang 'phrad rtsis med/ khrod la bsnyad gtser

byed pa byung na nga la smos shig dang ngas grogs byas chog
gi/ gang yang mi lto zhes khas len brtan po byas pas/ kho dga'
ches te/ snag shog spus ka legs shos kyi bka' 'gyur cha tshang
pod brgya tham pa yod pa de rag rdo sprul skur skyabs

rten du phul nas bsdad/ gcung pa chos 'khor dgon spyi nas bla
ma'i phebs sgrigs phebs bsu sogs rgyas spros kyi dga' ston 'ur
langs nas yod skabs rag rdo sprul skus shes tshor ye ma byung
ba'i khul du gnas pa la/ rje bla ma mchog sang

nyin dgon du phebs rgyu'i do nub der rag rdos glo bur du/ sang
bla ma phebs rgyar mi gzhan tshos phebs bsur 'gro rtsis yod pas
nga yang ma phyin na mi yong/ da lta rang sang phebs bsur 'gro
rgyu'i grwa sgrigs rgyas par byed dgos zer bas

@177a @#/ /'khor g.yog rnams mtshan sgang gnyid kyi long skabs
ma rnyed par mkhan chen gyi go sa'i chas gos sogs gzab spros
kyi yo byad tshang bar bkod bsgrig bgyis te rag rdo sprul sku
dpon 'khor

rnams phyi nyin snga cha nas phebs bsur chas/ nyin gung tsam
na rje nyid phebs lam du byon bzhin pa'i skabs rag rdo dpon
g.yog rta dar dbu gdugs dang bcas phebs bsur 'byor nas rje
bla ma ston rnams la g.yas skor lan cig byas te rag rdo

sprul sku rje bla ma nyid kyi thad du 'khod ba na/ rje nyid
nas/ sprul sku rin po che sku ngal po ma byung ngam gsung bar
rag rdos lan ci yang ma byung/ phyag mdzod pa rje nyid kyi
sku'i 'khris su yod pas skad gsang mthon po dang bcas/ bla ma
lkug

pa'i bzo 'dra ba de/ kha grag rgyu med na 'dir 'ongs nas ga re
byed rgyu yin gsungs pas rag rdo brel 'tshub ring rtab kyi
ngang nas sngon la bzhud/ chos dgon gyi thab bsu sogs cher
rgyas kyang 'bri ba ma lcog /dgon du phebs skabs rag  rdos
gtso byas dgon gyi bla grwa rnams nas spos sna ser sbreng dang
bcas dga' ldan chos 'khor gling du zhabs sor 'khod/ 'di nyin
nas bzung rag rdo sprul skus rje bla ma mchog la dad gdung
tshad med pa skyes shing/ phyag mdzod pas phebs

bsu'i skabs sdigs mo mdzad pas 'jigs skrag shin tu che ba
byung zhes rag rdos bcung grwa 'ga' la gsungs skad/ de phyin
rag rdos phyag mdzod la nan ltar bcar bas mdza' mthun che
zhing rdo rje 'chang mchog nas 'di skabs gnang ba'i chos

@177b tshang bar zhus pas bla ma la dad gus che zhes gleng
ba'ang byung/ rdo rje 'chang chen por de ga'i dgon spyi dang/
dad ldan gzhan 'ga' res zhus pa bzhin lam gtso rnam gsum gyi
bshad khrid rgyas pa/ 'jigs byed lha bcu gsum ma

dang/ dpa' bo gcig pa'i dbang chen/ 'jam bzhad 'jigs med gsung
gtor zlog mkha' 'gro'i dgongs rgyan thog /paN chen chos rgyan
gyi yi dam spyi 'gro'i rjes gnang gi lung gsum gyi chings
sbyar ba'i seng gdong ma gtso 'khor

gsum gyi rjes gnang/ mgon po phyag drug pa dang/ chos rgyal
phyi sgrub sogs kyi rjes gnang/ yar klungs pa ngag dbang rgya
mtshos mdzad pa'i ser srung rdo rje'i gur khang mdzes rgyan bco
lnga dang bcas pa'i ljags lung/ spyan ras gzigs

ngan song kun sgrol gyi khrom dbang sogs dbang bka' khrid lung
khag mang po/ rdo rje shugs ldan chen po'i srog gtad rjes
gnang rnams kyi bka' drin stsal/ sngon du chab mdor lam rim
mtshan bzhi'i bshad khrid kyi dbu nas brtsi bzhag

gnang skabs lam rim bla ma rgyal mtshan dar rgyas pas brtsi
bzhag bskyor 'bul mdzad pa ha cang dwang ba 'dren pa byung/
chos gral ba bcung ba ngag dbang smon lam gyis lam rim pa
rgyal dar la'ang dad par gyur te ngag smon nas rdo rje

'chang mchog la chab mdo'i bka' chos zin mtshams bla ma rgyal
dar ba gcung pa chos 'khor dgon du lam rim gyi dpe khrid gnang
bar gdan 'dren chog pa dang/ rje nyid nas khong par de don
bka' slob kyang skyabs 'jug gnang dgos

@178a @#/ /tshul zhus nan ltar rje nyid kyis de bzhin du gnang
bas phyis rgyal mtshan dar rgyas chos dgon du phebs/ lam rim
gyi dpe khrid gnang nas yod skabs chag ri nyi grags dgon du
nyi ma grags pa'i dag

snang rdo rje rgya gram bya ba gling gi phyir mi 'don pa'i zab
chos bka' rgya can zhig yod zer ba byung/ rgyal dar bas de
g.yar thabs bya dgos zhes gzhan 'ga' la yang yang mngags pas
dpe cha de nyi grags dgon du tshar gnyis las med pas

'di gcig yin zhes rnyed dka' dka' ltar gyi mthar de ga'i dpe
rnying po ma gcig brnyan g.yar bgyid thub pa byung yang phar
ring min zhig tu 'phrod pa dgos tshul sogs dam sbrags che bas
de lta'i rgyu mtshan dang bcas rdo rje rgya gram gyi  dpe cha
rgyal dar la phul/ rgyal dar nas yig 'bri pa 'ga' shes rogs su
sgran te chang gos kyis nyin mtshan du 'phral bshus byas par ma
phyi ltar zhus dag thengs gsum tsam bgyis te sngar rab dgon du
kho bo cag brgyud de rje bla ma mchog la

phul ba la byang du/ khams ban nyi ma grags pa'i dag snang rin
po che gser gyi rdo rje rgya gram zhes bya ba bzhugs zer ba
snang zhing/ de'i gzhung nas mar nyi ma grags pa srin yul du
phyin phyin dang/ bod kyi chos rje blo bzang grags pa 'jam

dbyangs kyi sprul pa red zer mkhan 'dug pas e yin zhes slob
dpon padma la zhus par/ padmas/ chos rje blo bzang grags pa
rgya nag nas 'jam dbyangs dpa' bo rdo rjes byin gyis brlabs
pa'i sngags pa rgas 'khogs shig tshe 'phos

@178b ba'i skye ba yin/ de'i 'khor na bstan 'gro la gnod 'tshe
shin tu che ba mang po yod gsungs byung zer ba sogs grub
mtha'i phyogs zhen gyi rdol gtam/ rje tsong kha ba'i rnam thar
che chung sogs su 'byung ba ltar slob dpon dngos kyis rje rin
po che

'byon par lung bstan pa mtha' dag dang rgyab 'gal kho na/ nyi
ma'i dkyil 'khor la mun pa'i rang bzhin du 'dzin pa'i rdzun
gtam tshabs po che dang/ zog chos kyi 'phreng ring po bstar
ba'i log bshad 'ba' zhig par 'dug /de'i thog

mtha' bar gyi tshig gzhi phal cher stag phu gar dbang gi dag
snang yo rgyus gzi 'bar ma dang/ shel mkhar ma la dpe dras te
bris pa mang zhing/ 'ga' zhig shel mkhar ma'i tshig leb pa shus
zhu dag pher pa'ang snang/ tshul de gzhan mang pos

thos nas dus phyis shig na tre hor dge stag sprul skus/ sngar
skyabs rje pha bong kha khams phebs skabs bar khams kyi dgon
pa zhig tu mi mang por mjal kha gnang dus 'bul mi su yin cha
med par nyi ma grags pa la kha g.yar ba'i dpe cha rdzun ma
zhig kha

btags kyi gseb tu gtums nas gsol lcog khar phul yod pa red/ de
dpe cha rdzun ma zhig red ces dam pa gzhan la zhus 'dug pa ni/
dpe cha de rdzun ma ma yin par/ rang nyid nyi grags kyi phyogs
su 'tshangs pa'i zhu ba de rdzun ma dngos

yin par kho bo cag gis nyams su myong ngas lan du mar grub pa
las shes byed gzhan la re mi dgos so/ /paN chen thams cad
mkhyen pas slar ra shus klung dgon nas gnang ba'i bka' yig
chos dgon du 'byor bar/ dam pa nyid nas snga

@179a @#/ /phyi rim par bod ljongs bstan 'gro spyi sger 'phral
phugs lar rgya spyi sman gyi dgongs zab rmad du byung ba'i
thugs khur de lhag bzhes thabs ma mchis pa rjes su yi rang gi
gnas dang/ ngos dbus ljongs

su bskyod rgyur skye mdo nas rdog thon gyis rab shis klung
shod dgon du 'byor yang/ bod gzhung nas mdo spyi dang hor spyi
sogs brgyad de ngos 'di mus bod bskyod bya rgyu gtan nas
'grigs min gyi bkag 'gog shugs drag byed par brten

tron hre brgyud krung yang gzhung nas mkhyen tshor gyis/ bod
gzhung nas deng skabs krung ri'i dus zir la gzhigs pa'i byed
babs 'di ltar yin bzhin nyid gdan sar phebs rgyu blos 'gan
bzod min stabs re zhig ngang 'then mdzad rgyu dang/

ring min gdan sar nges 'khod thub pa 'di ga krung yang rgyal
khab rang gis thugs 'gan gtsang mar bzhes chog lugs nan tan du
phebs pa ma zad/ ngos rang gis kyang khog yangs bsam che'i
thabs shes yun du bsten pa rkang rjes lag

bsub tu ma song ba zhig gal che bar sems kyang gnas skabs ci
byar dka' bas 'di ga dgon du sdod mus/ zhes sogs phebs yod par
rje nyid nas/ kun gzigs rin po ches da res gnas tshul de 'dra
gnang dgos pa zhig byung ba ha

cang ma legs pa chen po yin zhes thugs bag mi phebs pa'i rnam
pa yang yang bstan/ sog dga' ldan 'phel rgyas gling pas snyan
gsan gdan zhu sogs rim 'byor ltar dgon der phebs nas de ga'i
dge 'dun dang/ phyogs

@179b 'dus bcas tshogs pa ches mang bar mdo sngags kyi chos
'khor rgya cher bskor bas sog shod kyi g.yag mda' dang/ mkhar
dmar grong tsho'i zhi khro ba du mas chos kyi bka' drin rgya
chen po nos/ skabs snga phyir sog zhabs drung dang/ dka' chen

mtshams pa bsam gtan sogs la lhod mjal gnang/ 'di dus kyi lam
rgyud 'gar dpal 'bar mkhan zur ngag dbang chos 'byor sogs la
zhal rnam 'gyur bcu bdun gyi rjes gnang cha tshang ba dang/
yang zhu mi nyung shas la

chos skyong shugs ldan gyi srog gtad sogs gnang/ lha ldan nas
bod dmag mang po dang/ me sgyogs sogs 'byor skad/ hor spyi
thub bstan padmas bar khams khul gyi dmag phon che ba bsdus
nas de dag lcags zam phyogs su

paN chen bod phebs mi 'jug par bkag 'gog byed par 'gro tshul
gsan pas thugs pham pa'i nyams sran mi bzod pa lta bu gnang
ste/ da nas kun gzigs rin po che bkras lhun du phebs thub pa
dka' la/ bod kyi rgyal bstan dang

chab srid sogs kyang yun ring lhod bder gnas thub pa zhig mi
yong ba'i snga ltas red/ 'on kyang rang nyid nas yas mas tshang
mar 'khos dpags kyi gsal 'debs gang shes ci nus yang dang yang
du zhus zin pas 'gyod pa med

gsungs/ sog shod sngags 'chang padma zhes pas/ rnying chos la
sngon dus shig nas bsre bslad mang tsam byung tshul thos kyang
da lta zab mdog kha ba yod tshad klog 'don sogs byed pa las
rnying chos rnam dag gang yin 'byed ma shes

@180a @#/ /pas da ji ltar byas na legs dang/ 'gos lo dang chag
lo'i gsung sngags log sun 'byin gyi dpe cha yod na nges par
g.yar po gnang dgos bya ba sogs zhus par/ dpe de gnyis da lta
med kyang

sngon dus stag phu'i phyag dpe'i khrod du de rigs kyi dpe
rnying 'ga' mthong bas da res stag phur 'gro skabs g.yar
thabs rnyed tshe rjes su bskur chog bya ba sogs bka' lan zhib
par stsal/ stag phu bla brang nas rje nyid stag phu

rdo rje 'chang gi gdung rten gsar bzhengs la rab gnas gnang
bar 'byon dgos tshul zhus pa bzhin sog khul nas nags shod
phyogs su chibs bskyod thog /stag phu'i gdan sa dge 'phel
byang chub gling gi rje gar gyi dbang por

dag pa'i gzigs snang 'byams su klas pa'i gzim chung byin can
du 'dus pa brgya phrag la nye bar/ nA ro mkha' spyod dbang
mo'i byin rlabs dbang bzhi'i rim pa rgyas par gnang zhing/
tshogs 'khor gyi dga' ston yang rgya chen

po spros/ rje drung dang bla 'chan bcas la phyag dpe'i gras
nas chag lo dang 'gos lo'i sngags log sun 'byin sogs kyi dpe
g.yar po dgos tshul phebs pa ltar zhib 'tshol gyis 'phral 'bul
byung bar g.yar tho gsal 'khod tham ldan du

'jog gnang mdzad/ sgrub sde gsar bskrun dge ldan lugs bzang
kun 'phel gling du byon nas stag yu rdo rje 'chang chen po'i
gdung rten rin po cher rab gnas 'bring po dang/ dgongs rdzogs
kyi mchod sbrin gzab 'bul bcas legs

@180b par? bskyangs/ lam 'khel gyi dgon khag gzhan ma 'gar
yang chos 'khor mtshon pa tsam mdzad nas rim gyis phebs/ kho bo
cag gis gsol ba nan du btab pa bzhin rje btsun 'jam dbyangs
dkar po'i sgrub thabs mdor bsdus snyan tshig gi

lam nas drangs pa 'jigs bral rnam 'byed mchog sbyin zhes pa
bka' rtsom gnang/ de nas mer gzhung dang 'bri gung brgyud de
lha ldan du 'byon rgyur nam dus dang yul babs grang dad che
sgang du khel bar brten mer gzhung phyogs su rtswa 'jag ma
'ga' re'i rtse mo

mthong ba tsam las med par ri klung kha bas g.yogs pa'i khrod
nas nyin drug tsam gyi ring phebs shing/ da dung gangs chen po
'bab par rtsom pa'i nyen ka ches che ba yang yang byung bar
rje nyid kyis sgrol ma tsitta maNi'i sgo nas dus min kha char
gcod pa'i man

ngag mdor bsdus dang/ rlung lha mchod cing bskul ba'i chog
bcas bka' rtsom gnang ste thugs dam gyi zhar du kha char gcod
thabs gnam rdzas bsregs pa lan kha yang gnang bas phan tshun
gyi ri mgor gngas 'tshub cung zad byed pa tsam las lam rgyud

kyi ri thang yongs su nyi bod ches gsal zhing dpyid dus kyi
drod chen phebs pa bzhin du gyur nas ston 'khor ltos bcas
mtha' dag phebs lam bde 'grod kyis byon pas de ga'i yul gyi mi
du mas kyang da res sa cha 'di tshor sngon chad byung ma myong
ba'i gnam

gshis legs po 'di lta bu byung ba'i 'dra zhig yin ang zhes ha
cang ngo mtshar che ba'i gnas su 'dzin cing gleng bar byed
pa'ang thos so/ /sngar bar khams su bka' chos che chung sogs
kyi skabs kun tu gsung 'dzer ba lta bu'i g.ya' bag tsam 
@181a @#/ /yang ma byung mod/ 'di dus 'bri gung gis sne zin tsam
nas gsung 'gag tshabs shin tu che bas gsung gleng rnams gzhan
gyis thos dka' bar gyur/ 'bri gung yang ri sgar gyi phyogs su
phebs skabs kun

gzigs paN chen rin po che skye mdor dgongs pa zhi dbyings su man
la ba'i bsngo rten bsngo yig sogs 'bul mi 'byor/ lha klu'i lcam
g.yang 'dzom tshe ring nas thab bsu'i phebs sgrig dang/ gsol
ston sogs rgyas spros kyis sku'i ngal

bsor lhod bzhugs dgos tshul gsol ba bzhin bcag zhag nyin gcig gi
ring mdzad de ga yang tshe sogs dad ldan 'ga' la lhod mjal gnang/
'brom stod du bkras chos khang srung bzhi sde tA zur phebs bsur
'byor/ ri rgya'i

gsham sogs nas rim gyis gzim ram pa ba dang/ mtshams khung btsun
dgon/ ser smad/ ser sngags/ rgyal rong/ spom ra sogs grwa tshang
dang/ khams tshan 'ga'i thabs bsu/ chu bzang dang bkras chos dge
spyi sogs kyi

thab bsu dang phebs bsu gzab spros bcas hor zla bcu pa'i tshes
nyer bzhi la dben gnas bkra shis chos gling du zhabs sor 'khod/
de nas nyin mang po'i bar gdan sa dang/ lha sa khul gyi bla
sprul las sne lag dang/ rigs smra'i

dbang po du ma/ dge 'dun byings/ sku drag khag sogs ser skya
mchog dman grangs med pa lta bu dang/ phan tshun phyogs mtha'i
dad mjal ba dang/ zhu 'phrin 'bul mi sogs la mjal kha/ gsung
gleng/ phyag bris bka' lan/

@181b nad slob sbyin bdag thugs nang dge rigs sogs la ji ltar
'tshams pa'i dngos po'i phyag skyos bcas legs par stsal/ skye
mdo'i bkras bla'i nang sgang nas kun gzigs rdo rje 'chang gi sku
gdung rin po che ril bur bzhugs rgyu'i zhabs

'degs zhu lugs ji ltar dgos zhes pa'i 'phrin 'byor bar de don
nyung 'dus gnad tshang ba'i dris lan dang/ thu'u bkwan gsung pur
chog rin chen sgron me'i phyag dpe bcas 'phral 'bul mdzad/ gzim
'og rdo rje 'chang bkras chos

su byon par lhod mjal thog /'bul dngos rgya chen po dang/ bla ma
bsu skyel sogs kyi phu dud 'gran med du gnang/ dad ldan 'ga' res
zhus ngor rgyal zla'i tshes bcu rnam gnyis dang bstun bde mchog
lus dkyil dang/ nA ro mkha'

spyod kyi dbang bka' sogs rgyas par stsal cing/ bar bar du mdo
smad khul gyi zhu yig mang po'i bka' lan dang/ bla ma rtogs ldan
pas/ sngon dus rdo rje 'chang chen por lung gi yon tan zla med
du mthong ba'i dag snang de tsam

ma skyes par yid kyi brnyas thabs rigs shor ba sogs kyi cha ci
mchis snying nas 'chags lags nas lam sgrib pa'i rkyen du mi
'gyur ba'i skyabs 'jug brtse gzigs zhes sogs 'khod pa'i skyabs
zhu 'byor bar bka' lan tshigs bcad kyi

lam las drangs pa zhig kyang dgyes bzhin du gnang/ sngon dus nas
bshad sgra gyis sku dang/ bshes gnyen ngag dbang bzod pa rnam
gnyis kyi bskul ma yang yang zhus pa sogs la brten rje tsong kha
pa'i bstan pa dang mjal ba'i smon lam

@182a @#/ /bka' rtsom mdzad pa dgos dbang zhig 'dir 'god pa ni/
rgyal kun yab gcig 'jam dpal zhi khro dang/ /blo bzang rgyal ba
yab sras brgyud par bcas/ /kun gyis thugs rje'i mthugs pul

cher bskyed nas/ /bdag gi smon lam bde blag 'grub par mdzod/
/bdag ni tshe rabs phreng ba thams chad du/ /mi khom gnas su nam
yang mi ltung bar/ /theg mchog 'khor lo bzhi ldan rten brgyud
mar/ /blo bzang rgyal ba'i bstan dang/

mjal bar shog /mdo rgyud dgongs 'gal med du/ /gang zag gcig gi
nyams len gdams ngag tu/ /legs par 'doms pa tshang la ma nor lam/
/blo bzang rgyal ba'i bstan dang mjal bar shog /dri med rigs

pa'i lam las rab 'byams gzhung/ /ji bzhin gtan la 'bebs pa'i
gzhi lam 'bras/ /'dzam gling rgyan drug mchog gnyis shing rta'i
srol/ /blo bzang rgyal ba'i bstan dang mjal bar shog /lta spyod
gcig grogs gcig tu song ba yis/ /

mkhas pa ma 'chal btsun pa ma rmongs par/ /kun kyang bstan
'gro'i don nyid lhur zhugs pa'i/ /blo bzang rgyal ba'i bstan
dang mjal bar shog /mdo sngags zab bcud tshang la ma nor bar/
/'jam dbyangs zhal lung mang ra bos bran pa yis/ /zung

'jug go 'phang myur las ches myur ba'i/ /blo bzang rgyal ba'i
bstan dang mjal bar shog /thos bsam sgom pa phyogs rer ma shor
ba'i/ /mang thos gdams par shar ba'i snying po'i bcud/ /sgrub
pa'i nyams myong tshad mar rab son pa/ /blo

@182b bzang rgyal ba'i bstan dang mjal bar shog /dri med rigs
pas dpyad nas bsgom pa dang/ /rtse gcig mnyam par 'jog pa zung
'brel ba'i/ /bsgom tshul gzhan la med pa'i khyad chos mchog /blo
bzang rgyal ba'i bstan dang mjal bar shog /

rin chen sems mchog 'dren pa'i thabs mkhas su/ /'di dang phyi
ma'i snang shas btsan thabs su/ /ldog nas nges 'byung 'dren tshul
khyad zhugs pa'i/ /blo bzang rgyal ba'i bstan dang mjal bar shog
/rgyu 'phras bdun dang bdag gzhan mnyam

brje yi/ /man ngag gcig tu sgril nas skyong ba yis/ /sems mchog
bskyed tshul gzhan las khyad zhugs pa'i/ /blo bzang rgyal ba'i
bston dang mjal bar shog /bying rmugs gol sa spangs pa'i ting
nge 'dzin/ /tshad ldan gzhung lugs chen

mo las 'ongs bzhin/ /mi rtog bsgrub tshul gzhan las khyad zhugs
pa'i/ /blo bzang rgyal ba'i bstan dang mjal bar shog /mkhas grub
bye bas 'bad kyang dpog min pa'i/ /zab mo ji bzhin gzigs shing
gsung ba yis/ /mtha' bral lta bu

gong na med pa'i mchog /blo bzang rgyal ba'i bstan dang mjal bar
shog /stong dang rten 'byung gcig las gcig 'char zhing/ /rtog
btags phra mor bya byed kun 'thad pa'i/ /klu sgrub lugs bzang
bden gnyis ches phra'i gnad/ /blo bzang

rgyal ba'i bstan dang mjal bar shog /zab mo'i theg la snod rung
bsgrub tshul dang/ /dpal ldan rgyud sde bzhi yi lam gyi 'gros/
/gsang ba'i gnad kun 'byed la zla bral ba'i/ /blo bzang rgyal
ba'i bstan dang mjal bar shog /gzhi yi skye shi

@183a @#/ /bar dor 'khor ba'i rgyun/ /lam dang 'bras bu'i sku
gsum nyid bsgyur ba'i/ /sring pa'i 'khor lo gcod la myur ba'i
'phrul/ /blo bzang rgyal ba'i bstan dang mjal bar shog /myur lam
bla med theg pa'i lam

gyi srog /rlung sems d+hU tIr bsdud pa'i ltan skyes dbyings/
/dngos su 'dren tshul gzhan las khyad zhugs pa'i/ /blo bzang
rgyal ba'i bstan dang mjal bar shog /gnyug ma'i sems kyi rang
zhal rjen cher du/ /mngon du byas nas de

nyid bde stong gi/ /dbyings su 'jug pa'i thabs mkhas ches lhag
pa'i/ /blo bzang rgyal ba'i bstan dang mjal bar shog  /rlung
sems tsam las mtshan dpe'i bzhin lag gar/ /sgyu 'phrul dra bar
dngos su lding ba'i tshul/ /gzhan gyi cha

tsam dpog min ngo mtshar gnad/ /blo bzang rgyal ba'i bstan dang
mjal bar shog /don gyi lhan skyes dbyings dang sgyu 'phrul gar/
/mnyam sbyor dpa' par 'gro ba'i ting 'dzin gyis/ /sku bzhi'i sa
la skad cig nyid 'jug pa/ /blo bzang

rgyal ba'i bstan dang mjal bar shog /myur las ches myur mi lo
bcu gnyis dang/ /lo gsum phyogs gsum tsam la'ang zung 'jug gi/
/go 'phang bde blag bsgrub pa'i nye lam mchog /blo bzang rgyal
ba'i bstan dang mjal bar shog/

mdor na skye zhing skye ba thams cad du/ /ston pa 'jam dbyangs
bla mas rjes bzung zhing/ /bstan pa grub mtha' kun gyi yang rtse
mchog /blo bzang rgyal ba'i bstan dang mjal bar shog /ces so/
'di skabs kyi mtshan lam bsnyel byang du gnang bar

@183b rgyi lam du 'jam mgon tsong kha ba'i sku zhig mjal bar
gsol ba nan tan du btab pas re zhig nas sku de 'jam mgon tsong
kha pa dngos su gyur te/ phyag g.yas pa shad kyis brkyangs nas
zhabs pus g.yas pa'i thad du skyabs sbyin lta bu mdzad

cing/ zhal nas tshigs bcad mang po gsung bar ngos nas 'di rmi lam
dang nyams snang sogs gang yang min par mngon sum rang yin no
snyam du nan tan byed pa zhig byung ba snga nyin rje'i bstan pa
dang mjal ba'i smon lam legs rtsom zin pas

'jam mgon thugs dgyes pa'i ltas yin nam snyam zhing/ gal te de
ltar yin na 'dun ma rlabs po che grub par snang ngo/ /zhes
gsungs zhing/ de rjes smon lam gyi zhal byang du'ang/ khams gsum
chos kyi rgyal po tsong kha pa chen po'i bstan

pa dang mjal ba'i smon lam rjes 'dzin thugs rje'i skyabs sbyin
zhes pa gnang/ shangs dga' ldan chos 'khor gyi 'dus sbyi sogs
nas dgung gsar sku skal gyi rten 'byung 'bul rgyu'i zhu yig khag
phul ba'i bka' lan khams phebs skor gyi

gnas tshul mdor bsdus sogs bcas stsal/ de nas lo mjug gi mdzad pa
yang thugs dam zab mo'i rigs kyis dus 'da' ba lags te sgo bstan
pa com mo/ /dgung grangs re gcig tu phebs pa sa stag lo'i dgung
gsar skabs gzim chung

dga' ldan dkyil gyi 'dra sku rin po che'i spyan sngar mchod
tshogs bzang po dang bcas gnam lo gsar chos kyi dgyes ston/ dpal
ldan 'dod khams dbang mo'i tshes gtor/ nyin gsum tsam gyi ring
dad ldan ser skya du mar mjal kha gnang ba sogs

@184a @#/ /gdan sa 'dir mdzad srol sngar lam ltar gyi thog /'di
lo lha ldan smon lam chen mor bsnyen bkur 'phar ma gnang rgyur/
cho 'phrul dus chen gyi skor dang/ 'jam mgon bla mas smon lam
chen mo 'dzugs gnang mdzad

pa'i lo rgyus gsal 'khod dang 'brel 'gyed bzo'i dbu brjod kyang
bka' rtsom gnang/ de nas lha ldan du phebs te sngar rgyun ltar
bshad zur gzim shag tu bzhugs nas de ga'i mi ngo rnams la lhod
mjal gnang/ der bzhugs pa'i ring dang

mjal zhu mi mchog dman ser skya dbyar gyi na bun 'thibs pa bzhin
du byung ba rnams la mjal kha dang/ 'dod chos zhu mi so sor yang
rjes gnang dang/ lung khrid thor bu'i rigs mang du stsal/ rwa
sgreng srid skyong dang/ stag brag rdo rje

'chang gi mdun du mjal khar byon te rten gsum/ mjal dar sogs
dang/ gya nom pa'i 'bul tshan kyang so sor phyag skyos kyi tshul
du rgyas par bstar/ slar bzhugs shag tu byon nas krung yang sku
tshab u'u yon krang dang/ rgya mi rlis

li sad bya ba mjal khar bcar bar lhod mjal dang/ so so nas zhus
pa ltar hog dril sogs la 'bri rgyur zab gdams tshigs su bcad pa
'ga' re yang thugs rtsom mdzad/ 'di skabs rnams su rje bla ma
gang nyid sku gzugs ha cang lci la

byings nyob che ba'i tshul dang/ ljags dbugs 'tshang ba sogs snyun
bzhes kyi rnam pa ches cher gsal yang thugs snang ye mi mdzad
par smon lam gyi tshogs su bsnyen bkur mdzad pa'i nyin khyams
rwa'i thog khar ched du phebs te/ dge ldan

@184b bstan pa rgyas pa'i smon lam dang/ rje nyid kyi mdzad pa'i
dge ldan bstan pa dang mjal ba'i smon lam sogs gsung ba dang
'brel bstan 'gro spyi bye'i phan bde'i legs tshogs dar rgyas yun
du gnas pa dang/ 'brel tshad don dang ldan zhing 'gro

kun bla med byang chub kyi go 'phang myur du 'thob pa sogs kyi
thugs smon rgya cher gnang/ mtsher shag tu bzhugs skabs 'bras
spungs kyi tshogs chen zhal ngo ba gres gzhon yang mtshan mor grwa
rkyang gi chas su zhugs te re mos ltar mjal khar

ribs par lhod mjal gnang ba'i thog /dgyes pa'i gsung gleng sogs
thugs yid mgu ba dang/ so so nas zhus don ltar 'phral yun blang
dor gyi bka' slob snying bo can mang po zhig kyang bka' drin du
mdzad/ snyun bzhes skor

chab kyi gzhi shin tu che bar brten sman rtsis kyi dbu 'doms bla
sman mkhyen rab nor bu las gsol sman bzhes mus thog/ /slar yang
mar gsol sman 'bul bzhes kyi zhal dan mdzad de rje bla ma mchog
chu bzang ri khrid du chibs kyis bskyod/

der sku'i ngal bso dang sbrags te bzhugs mus nas/ ser byes mkhar
rdo sprul skus snga phyir gsol ba lan du mar btab cing/ chab
mdor brag g.yab 'jo khe bla ma ye shes dbang drag gis yig lam
nas nan bskul zhus pa bcas chabs

cig par sgrol ma tsitta ma Ni'i bskyed rdzogs kyi khrid yig
tsitta ma Ni'i do shal zhes pa legs bshad man ngag gi gter chen
po de rim gyis bka' rtsom gnang/ chab kyi snyun gzhi'i gsol sman
bsten pas phan nus thon pa'i tshul bla med du bzhes

@185a @#/ /par brten rgyun gyi gsol ja'i mchod zhal dang tshad
mnyam pa'i ja dkar zhig gis nyin rer gsang chab ji tsam 'bab
pa'i grangs tshad gzhal ba na/ gsol ja nyin bstan du mchod zhal
bdun tsam re bzhes kyang/ dang thogs

chab gsang ja dkar phyed tsam yang med pa dang/ de nas nyin re
zhing phyed tsam dang/ ma kheng tsam dang/ gang do sogs nas rim
gyis chab legs par babs te mtha' nying rer gsol ja mchod zhal
bdun brgyad tsam re las ma bzhes kyan gsang chab ja

dkar sum cu lhag tsam re babs pa byung zhing/ de nas ltem gzhi'i
mjug gcod kyi gsol sman sogs kyang 'bul bzhes gzab nan du
bskyangs pas snyun gzhi seng dwangs su gyur nas bkras chos gdan
sar byon/ ser sngags grwa tshang nas zhus pha

ltar se rar phebs te de ga'i 'du khang du sngags grwa yongs
rdzogs kyi thog /bla sprul sogs gzhan mang po bcas chos zhu'i
'dus tshogs ches mang bar bla ma lnga bcu pa'i bshad lung dang/
gsang 'dus mi bskyod pa/ bde mchog dril bu'i lugs phyi

dkyil lta lnga/ 'jigs byed lha bcu gsum/ kun rig lha so bdun/
tshe dpag med lha dgu/ mi 'khrugs lha dgu sogs kyi dbang chen/
mgon chos lha rnam sogs kyi rjes gnang bcas stsal te slar bkras
chos su phebs/ dga' ldan khri byang

mchog sprul rin po ches ri bo dge ldan du lam rim mchan bzhi'i
bka' khrid rgyas pa zhig stsol rgyu'i snyan gsan lan mang du zhu
gnas dang 'brel/ mchan bzhi'i khrid rgyun gsol 'debs shig kyang
bka' rtsom dgos tshul bskul ma mdzad par

@185b brten mchan bzhi'i brgyud 'debs kha skong dang bcas pa
ljags sgrig gnang/ phyogs mtha'i zhu yig khag shin tu mang bar
bka' lan gnang rgyu sogs mdzad sgo rnams legs par grub nas rim
gyis byon/ 'jam mgon chos kyi rgyal po'i gdan

sa khyad par can dga' ldan rnam par rgyal ba'i gling gi thad sor
phyag 'tshal sgang bya par phebs skabs rje bal ma'i gser gdung
rin po che bzhugs pa'i phyogs su phyag 'tshal gsol 'debs sogs
gnad du smin par skyangs shing/ dgon 'gram

nas sbyin bdag mchog sprul dang/ shar rtse grwa tshang/ khams
tshan 'ga' shas bcas kyi mkhan po/ dbu chos sogs nas spo rgya ser
sbreng dang bcas pas gdan drangs te rdo khang khams tshan gyi
rtse thog khri bla'i gzim shag tu phebs sgrigs mdzad pa

ltar zhabs sor 'khod/ sbyin bdag dang/ grwa tshang/ khams tshan
sogs spyi sger gyi mjal zhu ba ches mang bar mjal kha gnang/
phyi nyin gser sdong rin po che'i drung du mjal phyag dang/
thugs smon snyan shal gzab 'bul du phebs/ zla ba lnga pa'i

tshes gsum nas shar rtse grwa tshang gi 'du khang du sbyin bdag
mchog sprul dang/ shar rtse mkhan po/ gser kong mchog sprul/
gser kong gdung sras/ 'phar ra/ gser bzang/ ba so/ nyag re khri
sprul sogs dang/ ser byes brag ri mchog sprul

dang/ byes tsha dge bshes byams pa mtha' yas/ bkras lhun dka'
chen sangs rgyas dpal bzang dang/ rgya rje drung sprul sku sogs
bla sprul dge bshes/ rigs lam smra ba'i tshogs du ma/ dgon grwa
byings/ se 'bras lha ldan sogs nas phyogs
@186a @#/ /'dus bcas chos zhu'i tshogs pa ser skya nyis stong lhag
tsam la byang chub lam rim chen mo mchan bu bzhi sbrags bde lam
dmar khrid dang sbyar ba'i bshad lung nyams khrid sbrags ma ches
zab la rgyas pa dang/

skyes bu 'bring gi skabs lam ji lta bus 'khor ba bzlog pa bslab
gsum gyi nyams len la thug /lhag par da lta lag tu lon nges tshul
khrims kyi bslab pa ste/ chos 'dul ba nas gsungs pa'i so thar
gyi sdom khrims gal che tshul dbu ma 'jug

pa dang/ bshes spring/ dgra bcom pa chos kyi tshong dpon gyi
gsung/ 'jam dpal rtsa rgyud/ sor mdo dang/ tshul khrims yang dag
par ldan pa'i mdo/ tshul khrims 'chal ba tshar gcod pa'i mdo/ dge
slong la rab tu gces pa'i mdo sogs kyi khungs dang bcas

rgyas par gnang zhing/ dga' ldan tshogs chen gyi gaNDi g.yar
bzhes thog bka' chos tshogs gral du rje nyid nas phyag tshad kyis
gzhal te/ gdan sa khag sogs chos sde che chung rnams su gaNDi
tsam yang rgyu dang tshad dbyibs/ gaNDi gaN g.yog shing gcig

las bcad pa/ rul skyon/ 'bus zos/ ser gas med pa sogs 'dul
gzhung che chung rnams kyi dgongs pa dang mthun pa ha cang dkon
pas/ gaNDi'i rgyu'i shing gaNDi'i mdo nas gsungs pa min pa dang/
dkyus zheng sor tshad lhag chad du gyur pa sogs dang/

brdung tshul nyes pa tshun gyis yul du nad mug 'khrug rtsod sogs
'byung ba dang/ de lta min par tshad ldan byung na/ yul khams
bkra shis pa tshun chad la phan par gsungs la/ dbyar byin rlabs
sogs kyi skor dang/ gso sbyong du 'gro ba ma lcogs tshe

@186b 'dun pa 'bul ba'am/ byin gyis brlab pa dgos pa la de ltar
mi byed pa sogs skyon dang dogs gnas mang du yod par bstan pa'i
thugs khur theg pa'i mkhas pa chos dpyad brdar legs par gnang
ste 'jam mgon tsong kha pa'i rnam thar ltar 'dul ba'i

phyag bzhes gtsang ma gnas thabs dang/ gtso bor dge tshul slong
rang rang gis so so'i bslab bya che chung sogs thos bsam nyams
len mthar phyin pa gnang dgos/ lhag par rgyal mchog bskal bzang
rgya mtsho gnas 'dir phebs skabs su gnang ba'i

gnas bstod nyams mgur sogs las gsungs pa ltar gdan sa 'dir
bzhugs pa'i dge 'dun rnams kyis ni/ rje bla ma'i sku gdung za ma
tog dngos su bzhugs pa sogs rten dang gnas byin can 'di lta bur
phyag skor gsol 'debs sogs dang 'brel

gzhung bka' pod lnga la slob gnyer nyams bzhes gang 'dod gnang
du yod pa gzhan gyis rnyed dka' ba zhig byung ba yin stabs tshang
mas dga' ldan bshad sgrub kyi bstan pa'i rgyal mtshan lhag par
sgreng thub pa zhig dang/ rang rang gis gtan gyi don

chen po 'grub pa zhig nges par mdzad dgos tshul sogs kyi bka'
slob nan du stsal/ lam khrid kyi zhar du rje nyid kyi gsung dga'
lha'i rnal 'byor rgyas pa bka' rgya can sogs bshad lung/ rje
nyid kyis mdzad pa'i gsung mgur bslab bya'i skor/ mchan

bzhi'i brgyud 'debs sogs dang/ 'dul ba rgya mtsho lung bzhi'i bar
sdom can sogs stag brag par ma/ 'jam dpal mtshan brjod/ smon lam
rnam brgyad/ sgrol bstod skor bcas sogs dpe tshan thor bu'i rigs
le tshan lnga bcur nye ba tsam bcas

@187a @#/ /kyi ljags lung/ lam khrid kyi mthar sems bskyed cho ga
bcas rgyas par gnang zhing/ sbyin bdag mchog sprul nas rje bla
ma mchog dang/ bka' chos 'dus tshogs bcas la thog mtha' bar gsum
gyi bsnyen bkur

sri zhu bla med dang/ rje nyid zhabs sen yun du 'tsho gzhes kyi
brtan bzhugs cho ga rgyas pa/ 'khrungs rab rnam thar dang 'brel
ba'i maN bshad rgyas pa tshig don phun sum tshogs pa bcas gzab
'bul mdzad/ 'di ga'i chos 'khor skabs shar

rtse mkhan po rigs smra'i dbang phyug zong sprul sku dang/ drung
che don dpal mkhyen rab dbang phyug /bka' zur tsha rong pa zla
bzang dgra 'dul/ ka shod pa chos rgyal nyi ma lhun grub/ lha
klu'i lcam g.yang 'dzoms tshe ring sogs sbyin bdag zur ba du mas

kyang chos zhu'i tshogs par bsnyen bkur ba'i tshogs gsog rgya cher
bsgrubs shing/ mdzo rag mkhan chung blo bzang bstan 'dzin gyis
dge ldan smon lam rnam gsum gyi dpe cha phyag 'gyed kyang phul/
gtsang mkhar ka 'brang stod pa rin chen 'jam

dpal rgya mtsho bya bas sngar bkras chos dang lha ldan rnams su
lan mang du bcar nas skyabs rje mchog gtsang phyogs su gdan
'dren rgyur/ rab bkra shis lhun po/ de min rgyal rtse dpal 'khor
chos sder phebs te gtsang khul gyi gdul bya'i tshogs

la chos 'khor rgya gang che zhig skyabs 'jug gnang dgos pa'i
gsol 'debs rim par zhus shing/ slar dgon gnas 'dir ched du bcar
te sngar bzhin zhus par 'char lo'i dpyid ka tsam nas phebs
rgyu'i zhal bzhes gnang/ gsang phu nas yams

@187b rims rim gyis gos nas rgyud grwa 'ga' las tshad rims rgya
cher mched par rje nyid nas sman sbyin gyi bka' drin nang mar
bskyangs pas yams nad rim zhir gyur/ bka' chos zin mtshams gser
sdong rin po cher mchod sprin rgyas spros dang

'brel/ sems bskyed kyi rdzas phud snang che sa'i rigs kyang der
phul te/ bla mchod dang dge ldan bstan pa rgyas pa'i smon lam/
rje nyid kyi gsung dge ldan bstan pa dang mjal ba'i smon lam
sogs kyi sgo nas bstan 'gro'i dge mtshan 'jam mgon

rgyal ba gnyis pas thugs bskyed smon lam ji ltar gnang ba bzhin
gegs med lhun gyis 'grub pa'i bsngo smon gyi mtshams sbyor rgyun
ring la shugs drag pa gnang/ 'di skabs khri rin po che mi nyag
a mes dga' ldan dbyar gnas su phebs pa

dang dus mtshungs pas rje nyid kyi 'bul dngos gtos che ba dang
bcas khri rin po che'i mjal khar byon par/ khri chen mchog gis
ngos su bkur gzos dang gus tshul che zhing skyabs rje nyid bstan
'gro'i don du sku tshe zhabs pad yun ring brtan dgos bya ba sogs
snyan snyan

'dra ba'i gsung mang po 'byen yang/ lkog tu phrag dog gi rnam
pas sbyin bdag mchog sprul sogs la'ang 'bar sha mang du mdzad
skad/ dga' ldan tshogs chen dang/ shar rtse sogs kyi grwa tshang
dang khams tshan 'gar mang 'gyed pa bsnyen bkur rgya cher gnang
zhing

byang rtse ri khrod sogs kyang lhod mjal mdzad/ sbyin bdag mchog
sprul dang lhan du dbang bskur ri rtser byon nas lha bsangs rnam
dag chos sku dang/ bde mchog gi bsangs mchod sogs gsung zhing/
gling skor du'ang mnyam phebs mdzad/ de nas sbyin

@188a @#/ /bdag mchog sprul sogs la lhod mjal gnang ba bcas zin
te rong ston blo bzang pa'i gdan sa btsun dgon dang nye ba'i
phyogs nas rim gyis byon/ sngon du nan zhus bzhin bde chen gsang
sngags mkhar du phyag phebs

te 'jam mgon tshong kha pa'i bzhugs khri'i steng nas de ga'i 'dus
tshogs dang/ phan tshun gyi bla sprul gra rigs sogs ser skya lnga
brgya skor tsam la lam rim bde lam sogs kyi zab khrid/ gzhi gsum
cho ga'i bshad lung/ 'jigs byed lha

bcu gsum ma'i dbang chen/ gtor ma brgya rtsa'i phyag khrid sogs
dang/ ser skya sna tshogs pa'i khrom tshogs la spyan ras gzigs
ngan song kun grol gyi rjes gnang yig drug gi sgom lung dang
bcas pa rnams stsal/ de nas she ma nub kyi khyim

gzhis su gdan drangs par der nyin shas lhod bzhugs kyis chab
mdor 'dan ma don sbyin nas zhus pa'i bshul ring lam gyi myong ba
zhes pa phal cher zhig ljags sgrigs gnang/ de nas phebs te chu
bzang ri khrod du zhabs sor 'khod/ 'di dus

ser smad bod pa mi tshan gyi chab zhugs spro gling gtong skabs
khel bas de snga bod gling chab zhugs gtong sgo lo bdun brgyad
tsam gyi ring rje nyid kyi bla brang nas gzab rgyas su gnang ba
ltar 'di lo yang nyin bzhi lnga'i ring chab zhugs gtong sgo
sngar bzhin

btang bar mgron gyi gtso bo ser smad kyi mkhan po dbu chos rnams
dang/ sna chen bcu gnyis zer ba sogs kyi bza' btung dang ltad
mo'i dus ston la dga' mgur spyod pa'i srol mchis/ de nas bkras
chos su phebs/ rje bla ma mchog sngar khams phyogs

@188b nas bde bar byon pa'i phyag skyos kyi tshul du 'di ga'i lo
phyi nang rnams su se ra tshogs chen dang/ grwa tshang khag /rgyal
rong/ spom ra/ bod pa mi tshan sogs khams tshan mi tshan khag /pha
bong kha'i ri khrod/ chu bzang ri khrod/ bkra shis chos gling
bcas la

bsnyen bkur mang 'gyed sogs gya nom pa dang/ bzang gos rgyu
gtsang spus legs grwa mtshungs kyi 'phan gdugs bla bre/ phye phur
rgyal mtshan sags mchod rdzas kyi bye brag kyang gtos che ba 'bul
gnang mdzad/ sho mdo grwa sgom sprul skus zhus dor

lam rim gyi myong khrid man ngag skabs brgyad pa yan gyi gsung
rtsom gnang/ lha steng mkhan zur ser smad gzhung pa dge bshes
ngag dbang rnam rgyal sogs rgya yul gyi byes 'grul gdong lu'u
cun krang dang/ le'u jo zhin/ dge bsnyen nyu'u tshal mo

krang sogs kyi skyabs rten dang/ chos lugs skor gyi dri ba bcas
'byor bar dge bshes ngag rnam la dgyes brtse'i lhod mjal thog
/gang ci'i gsung gleng sogs yang yang gnang/ dge bshes slob ma
rgya mi zhig gis rang gi blor lam rim

gang nges rgyugs 'bul gyi sgrub pa'i mchod sprin spros/ dge
bshes pas zhus ngor dga' lha bka' rgya ma'i bar byang smon tshig
dang/ rgya mi rlis han chus nas zhus pa ltar bsam gtan nyal sgom
gyi man ngag nyung 'dus bcas bka' rtsom dang/

rgyal dar nas zhus ngor gsang sngags kyi tshul khrims rnam bshad
la ljags zhus zhib nan mdzad/ dge bshes ngag rnam phyir phebs
khar rgya phyogs kyi dad ldan so sor phyag bris rten ldan dang/
chos lugs skor gyi dris lan sogs gnang/ krung yang

@189a @#/ /sku tshab u'u yon krang bkras chos su phebs par lhod
mjal dang/ chos rgya chen po min pa nyung 'dus shig e yod sogs
zhus par bka' lan zhid tu stsal/ rje bla ma mchog sku sha rgyas
shing sku gzugs lcil/

zhabs kyi snyung gzhi yod pa sogs la brten rwa sgreng srid
skyong rin po che nas/ rje nyid phan tshun bebs bzhud bde zhing
sku'i ngal ba chung phyir slan chad nged kyi drangs khri 'di'i
nang du phebs dgos zhes srid skyong rang nyid kyi phebs khri
rtsa 'bul

mdzad pa dgyes bzhes dang/ thugs rje legs gsol gyi mjal dar sogs
kyang 'phral 'bul bskyangs/ 'bras blo gling dge bshes stong dpon
gyis mdzad pa'i dbu ma chos dbyings rnam 'byed tshigs su bcad pa
de'i dpe zhig gzigs pas

thugs rab tu dgyes te phyis dge bshes par chos dbyings rnam
'byed la rang 'grel zhig mdzad dgos zhes rten dang bcas nas lam
rim bla ma rgyal dar brgyud de bskul ma gnang ba ni/ bstan pa
kho na thugs kyi mthil du gces pa'i rnam thar du

gsal lo/ /gzhan yang 'dan ma 'bum sgang grwa don grub sbyin pa
sogs kyi zhu yig 'bul mi'i khams 'grul tshan che bar mjal kha/
zhus lan sogs dang/ dad ldan 'ga' re'i ngor dga' lha'i rnal
'byor bsdus pa par byang smon tshig dang bcas pa ljags

sgrigs mdzad/ 'dan smad gling tshang rgyal zur mjal khar bcar te/
kho rang gi gter chos ches zab pa zhig yin tshul bcas tshe yum
tsaNDa li'i skor le tshan 'ga' la ljags zhus gnang dgos zhes phul
ba nyin bco lnga tsam song mtshams sgon dar g.yogs

@189b nas phyir stsal te shin tu legs pa byung 'dug ces kho bo
cag ched gnang gi ljags lan mngos par bsrings/ e ka ljongs
sprul sku sogs kyi zhus ngor lo 'di dag tu stag brag rdo rje
'chang gi sku tshe'i bar chad zhi ba'i gsol 'debs dang/ 'khrungs

rabs gsol 'debs sogs kyang bka' rtsom gnang/ mkhar rdo sprul
skus sngar nas rim zhus bzhin dril bu'i lugs bde mchog phyi
dkyil lha lnga dang/ dril bu lus dkyil bcas kyi dbang chen/
sgrol ma tsitta ma Ni'i gtor dbang thun mong ba

dang/ thun mong min pa/ tsitta ma Ni'i sgrub thabs las tshogs
dang bcas pa phur lcog par ma dang/ rje nyid kyi gsung tsitta ma
Ni'i bskyed rdzogs bcas pa lung khrid/ snyigs zhugs man ngag mi
'dra ba gnyis bcas legs par stsal/ hor zla bcu

gnyis par rtse zhol chang khyim pa'i sger gzhis stod lung mda'
nam mkha' dngos gzhir phebs te/ sngar khri byang mchog sprul rin
po che dang/ lha klu'i sku ngo zung bcas nas zhus ba ltar bstan
srung rdo rje shugs ldan gyi bsnyen sgrub las gsum gyi rnam

gzhag phyogs las rnam par rgyal ba'i dga' ston zhes pa thugs
rtsom gnang/ mar ngo'i tshes bcu'i nyin ra tshag rnal 'byor ma'i
snang brnyan byin can gyi drung du tshes bcu'i tshogs ston rgyas
par 'bul rgyu'i dgos chas gzab 'bul mdzad/ chos

nyer dgu la las gsum rnam gzhag gi bka' rtsom mjug rdzogs par
gnang/ gnam gang nyin de nas phebs te slar dpen gnas bkra shis
chos gling du zhabs sor 'khod pa lags so/ /dgung grangs re gnyis
su phebs pas yos gnas

@190a @#/ /lo gsar tshes kyi dgung gsar dus ston dang/ spyi sger
gyi mjal kha gnang ba sogs sngar ltar/ tshes bdun nyin lha ldan
du byon te gzim bshad zur du bzhugs mus nas/ rwa sgreng srid
skyong mchog

gis sngon du snyan gsan lan 'ga' dang/ 'di skabs su smon lam
grol mtshams lam khrid sogs kyi bka' drin nod dgos tshul bsgyar
ma'i snyan gsan rim bstud du zhus par zhal bzhes legs par gnang/
smon lam tshogs

su sngon yod bla brang gi bsnyen bkur khel ba'i nyin khyams ra'i
seng g.yabs su byon te tshogs gzigs dang/ bstan 'gro'i phan bde
yun gnas sogs kyi thugs smon shugs drag mdzad/ bshad sgra rtsis
skur snyun gyis mnar

mus kyang srid skyong nas gzhung sa'i bka' blon gyi go gnas
stsal bas rje nyid kyi drung du gsar mjal zhus shing/ bshad
sgra'i gzim shag tu'ang gdan drangs par byad grol/ bka' bsgo/
grub rgyal tshe dbang sogs gnang/ slar yang rwa sgreng

srid skyong mchog nas rje bla ma mchog gi mdun du smyung gnas
sprul sku ched mngags kyis snyan gsan mjal dar bcas da cha ring
min zhig tu sngar zhus pa'i bka' chos rnams stsol grub pa dgos
zhes gsol ba pur tshugs su btab

pa bzhin rje nyid bzhugs yul tshe smon gling chos rar zhabs sor
'khod/ de nas rim gyis nyin re bzhin tshe gling chos ra'i nye
'gram rwa sgring spro khang du gdan drangs pa ltar byon te rwa
sgreng srid skyong mchog dang/ mtshan zhabs ser

@190b byes gtsang pa dge bshes lhun grub skal ldan/ ser byes
mkhar rdo sprul sku/ bzhi sde sbyang gnas sprul sku/ rwa sgreng
gsol gzim sogs zhu mi bco lnga skor la lam rim dmar khrid bde
lam dang/ bde myur sa

bcad rje btsun bla ma'i zhal lung sbrags ma'i nyams khrid/ skyes
bu chen po'i skabs blo sbyong don bdun ma'i bshad lung/ mjug tu
sems bskyed mchod pa bcas dang/ bde mchog dril bu lha lnga'i
dbang

chen sta gon dang bcas pa/ bde mchog lus dkyil gyi dbang chen/
nA ro mkha' spyod kyi byin rlabs dbang bzhi'i rim pa rnams
stsal/ srid skyong mchog gis 'di skabs kyi thog mtha' bar gsum
du bla ma bsu

skyel dang/ phyag 'tshal gus 'dud sogs kyi phu dud rab tu son pa
gnang/ bka' chos grol rjes su'ang gsol tshigs su gdan drangs te
gsung gleng lhod 'gol thog /skyabs rje rdo rje 'chang chen po
mchog

deng dus mdo sngags thub bstan yongs rdzogs kyi mnga' bdag
/bstan 'gro'i phan bde'i rtsa lag nyag gcig tu bzhugs pas babs
nges 'os nges lags na/ nged kyis rje nyid bod kyi bla sprul
yongs

kyi dbur bzhugs chog pa'i gdan thob dang go gnas 'bul rgyur bdag
cag gdul bya rnams kyi bsod nams gsog pa'i phyir nges par dgyes
bzhes mdzad dgos zhes yang yang nan can du gsol bar/
@191a @#/ /rje nyid kyi zhal nas/ srid skyong rin po che rang
nyid kyis dgongs bzhed zab mo de ltar gnang ba ha cang ngo
mtshar ba'i gnas shin tu bka' drin che mod/

nged nas de 'dra gtan nas zhu mi dgos lags shing/ nged rang gi
dgos don snying po 'di ni chos kyi sgo nas tshe rabs gtan gyi
'dun ma'i don chen po grub pa dang/ bstan pa dang 'gro ba la
phan

thogs pa zhig yin la/ de ni da lta'i 'di bas lhag pa zhig mi
dgos pas 'di ga'i mus nas chos nyams len dang/ 'chad spel sogs
bgyis na de gas chog /thob go sa byung na nga rgyal khengs

rlom phrag dog 'gran sems dang/ phyin chad las ka mang du song
ste/ rang gzhan gnyis ka dka' ngal dang sdig sdug gi rgyu kho
na las 'ong sa med stabs de lta'i go gnas kyi rigs gtan nas
zhu mi dgos

zhes rgyu mtshan dang bcas te zhib gsol gyis thugs thag rbad
bcad gnang/ tshe smon gling ho thog thus zhus ngor tshe smon
gling gi chos rar ho thog thu mchog dang/ yongs 'dzin dge
bshes/

phyag mdzod/ gsol dpon sogs zhu mi nyung shas la ma gcig grub
rgyal lugs kyi tshe dbang dang/ 'jam dpal mtshan brjod kyi ljags
lung bcas stsal/ de nas bkra shis chos gling du byon/

@191b 'phan po na lendra nas gzim 'og rdo rje 'chang phebs par
zhes gus 'dud phyag dang bsnyen bkur sogs lhur bzhes shing
gang ci'i gsung gleng zhib lhod mdzad/ 'di skabs shig bshad
sgra ba'i bka' blon

sku 'das pas byang bsngo sogs gzab smin du bskyangs/ lam rim
bla ma rgyal dar nas bskul ma zhus te chos skyong rdo rje
shugs ldan gyi tshogs grangs gsog bya tshul bka' rtsom dang/
brag ri rin po ches

rje nyid kyi man ngag zin bris su gnang ba gtor ma brgya rtsa
gtong tshul mchod sbyin 'phrul gyi shing rta zhes pa ljags bkod
zhib tig gnang/ tshe smon gling ho thog thu dang/ yongs 'dzin
dge bshes

sogs mjal khar phebs pa lhod mjal mdzad/ 'brang stod rin rgyam
pas rje nyid gtsang phyogs su gdan 'dren zhu rgyu'i phebs
bsgugs zhu mus la brten phyogs mtha' khag gi zhu yig ches mang

ba zhig gi bka' lan gnang dgos sogs mdzad sgo che chung rnams
myur bstud kyis lam tsam grub par mdzad/ de nas gtsang phyogs
su chibs kha bteg rgyur zhar du lha klu'i lcam g.yang 'dzoms
tshe ring nas gdan

drangs pa bzhin lha klu dga' tshal du phebs/ 'bras sgo mang
khang gsar sprul sku sogs bla sprul sku drag dang/ byings
dkyus ches mang bar mjal kha gnang/ rwa sgreng srid skyong nas
zhus pa ltar sngon du bsam yas jo bo'i dngul lhung 'dod gsol
dang/

@192a @#/ /'di dus dbus phyogs dang/ lho rgyud/ rwa sgreng bcas
kyi rten gtso khag la tham phud kyi snyan shal 'bul rgyu'i
'dod gsol tshigs bcad shin tu mang ba zhig dang/ ^gong sa rin
po che'i yang srid mchog sprul gser khrir

mnga' gsol skabs srid skyong rang nyid kyis 'bul rgyu'i maN
bshad khag sogs gsung rtsom mdzad/ lha klu'i mi ngo 'gar sgrol
dkar tshe dbang sogs gnang zhing/ de nas gzim shag nas skyed
tshal klu sdings su phebs skyel gsol ston sogs

sngar bzhin dang/ de nas rim phebs kyis dge bshes rnam gnyis
nas lcags zam tshe chu sgrub sder gdan drangs/ gan pa don dpal
gyi khyim gzhis su sngar tshe gling ho thog thus bskul ma zhus
ngor ser smad phar phyin ston mo'i dga' spro dge skos

gyi 'bel gtam dpe med dga' spro 'ur ding zhes pa dang/ ho thog
thu rang gis ser smad kyi phar phyin tshogs dbung gnang rgyu'i
bsngo ba rje nyid kyi gsung rgyun ltar chog sgrigs su gnang ba
bcas thugs rtsom mdzad/ de nas dpal sde sogs brgyud

de shad phebs kyis rgyal rtse dpal 'khor chos sde dang khad
nye ba'i sar dpal chos mkhan zur bkras lhun no yon bgres pa
byams pa chos bzang dang/ de'i yar tsam na dpal chos mkhan po
dang/ dgon gyi las sne sogs phebs bsur

'byor/ no yon byams chos nas 'di skabs snga phyi kun tu bla
ma'i zhabs 'degs phul phyin bsgrubs/ no yon nas zhus ngor nu
ma chos lung gi ri khrod du'ang zhabs kyis bcags/ sbyin bdag
rin rgyas pa sogs kyi re ba yongs su skong slad

@192b rgyal rtse nas bkra shis lhun por phebs rgyur/ bzhugs
yul bkras lhun gdan sa'i nub rgyud kun gzigs sku gong ma'i
bzhugs gnas bde chen pho brang du go bsgrigs bgyis yod 'dug
kyang bkras lhun pa gtsang phyogs nas chos srid gnyis ka'i

sgrom rnying gi khengs rlom che shos su yod cing/ rje bla ma
nyid se ra'i khams tshan zhig gi sprul sku chung kha'i mtshan
thogs pa tsam las/ thob thang go sa'i che 'gying ci yang med
stabs phebs bsu dang/ bzhugs sgrigs gang ci mdor bsdus

stabs bde zhig las ma byas pa la nyin gcig rtse mgron chos
'byor khang gsar ba blo bzang dam chos pas ku re'i zol du/ da
res skyabs rje rin po che phebs pa la sku zhabs rnam pas phebs
sgrigs sogs snang chung tha zhan zhig las mi mdzad

kyang bla ma de ma mjal bar du shes mi yong/ de dus khyed tshos
ci 'dra gnang gi 'dug bltas pas chog ces brjod dgos pa byung/
rje bla ma mchog rim gyis byon nas sang nyin bde chen pho
brang du phebs rgyu'i de ring der/ dbyings sa blo bzang rin

chen sogs tshang ma zhal 'cham ste/ da res bla ma phebs skabs
kyi gra sgrigs sngon du byas pa rnams ha cang bsdus drags 'dug
pas/ da cha phebs bsu dang/ bzhugs sgrigs sogs kyi mdzad sgo'i
tho gsar 'god kyis gang rgyas shig dgos zhes/

phebs bsu ring thung gsum tsam dang/ thab bsu/ bzhugs sgrigs
rgyas pa/ sngar skyabs dbyings chen mo phebs mi dgos par sku
tshab gtong rtsis yod kyang 'di res dbyings sa rang nyid dang/
zur bzhi'i slob dpon sogs tshang ma mjal phyag

@193a @#/ /tu phebs rgyu/ phebs gdong gi bzhugs gral dkar spro
sogs bkras bla'i mdzad chen dang cha 'dra ba gnang rgyu sogs
mdzad lam gsang bkod thog/ skyabs rje mchog 'dir phebs nas
bka' chos sogs

mdzad sgo mtha' dag legs grub kyis phyir phebs ma zin par nga
tshos zhabs 'degs mthar phyin bsgrub rgyu'i khur 'dzin sne shan
gnyis dgos zhes no yon byams chos dang/ nged gnyis sne shan du
bsko stsal byung bas nged kyis kyang

rdo rje 'chang gi zhabs 'degs gang nus lhur len zhu rgyu'i
skal bzang thob pa 'di byung zhing/ de ltar mdzad lam gsar
bkod ltar tshang mas nyin mtshan gnyis la tshab tshub rings rtab
kyis bzhugs sgrigs/ phebs bsu/ thab bsu/

sogs kyi bkod sgrigs bgyis par sang snga dro tshun la zin tsam
byung zhes sne shan rtse mgron blo bzang dam chos pas kho bo
cag la yang yang gsungs/ khong pa tshos de ltar legs grub kyis
rje nyid phebs pa'i lam ga zhwa lu'i thad kyi

yas mas tsam du bkras lhun bla dgon dang/ spyi rdzong sogs kyi
phebs bsu snga rting sogs mdzad lam ltar gyi thog /bde chen
pho brang gi byang rgyud nas bkras lhun gyi bla sprul sku drag
rnams dang/ rtse mgon khang pa'i dge 'dun

bcas nas spos sne dang dung rgya ser spreng mtshar du dngar bas
mdun bsus te de ga'i pho brang gi tshoms chen du zhabs sor
'khod/ rje bla ma ston 'khor dang/ chos zhur phebs pa kong po
'bru la mkhan sprul/ 'brang stod sbyin bdag a

@193b mchod drung sogs bzhugs gral dang/ skyabs dbyings chen
mo/ sku drag gzhan khag /zur chen bzhi'i slob dpon dang bla
sprul las sne gzhan mang po bcas kyang lhan bzhugs thog /byes
nas byon pa rnams la gsol ja/ bzhes

'bras sogs bteg cing/ rje bla ma mchog nas skyabs dbyings chen
mor snyun gyi dri rmed sogs gsung gleng tho re ba gnang/
dbyings sa mchog gis sne drangs te rten gsum mjal dar 'degs pa
dang bcas da res rje nyid 'dir

phebs pa bka' drin che/ re zhig bka' chos stsol rgyu'i mdzad
brol mi gnang bar sku'i ngal bsor lhod bzhugs yod pa dang/
bkras lhun bla brang nas kyang bka' chos zhu rgyu'i snyan gsan
'bul dgos pa sne shan gnyis brgyud de 'bul

chog pa/ gzhan yang gsung 'os gang yod sne shan brgyud 'phral
'phral du gnang dgos bya ba sogs zhus shing/ mjug tu byes pa
rnams la dkar spro'i ston mo bkye ba sogs byas/ de nas sbos
sne bcas bzhugs shag gzim chung du

gdan drangs par lhod bzhugs kyis zab mo'i rnal 'byor la gcig
tu 'grus par mdzad do/ /de'i sang nyin nas rim gyis gsol ston
dang/ bka' chos kyi snyan gsan 'bul bzhes/ dad mjal zhu mi'i
tshogs du mar mjal kha gnang

ba sogs mdzad/ gnas 'di'i mdzad pa'i gtso bo khrid lung dbang
bka' sogs ji ltar gnang ba'i skor nas gtso che ba 'ga' smos
na/ thog mar bkras lhun bla brang rgyal mtshan mthon po nas
chos 'khor bskor bar bskul ba

@194a @#/ /ltar bde chen pho brang gi byang rgyud bde yangs su/
zhu mi skyabs dbyings chen mo sogs bkras bla'i sku drag zhabs
gras 'gres gzhon phal che ba dang/ spyi rdzong zur bzhi'i slob
dpon/ dka' chen sangs rgyas

dpal bzang sogs gdan sa'i bla sprul las sne khag dang/ dge
'dun byings/ shang dga' chos pa sogs gtsang khul dgon pa ri
khrod rnams kyi bla sprul dge 'dun/ dbus ljongs nas byon pa
rgyud smad rgyal rong mkhan zur ngag dbang nyi ma/ dga'

ldan 'phar ra sprul sku/ ser smad 'brul mkhan sprul dang/ spom
ra dge bshes ngag dbang phun tshogs/ ser byes tsha ba dge bshes
byams pa mtha' yas dang/ mkhar rdo yongs 'dzin dge bshes mkhas
mchog /nges pa don gyi bshes gnyen

ye shes rgyal mtshan/ lam rim bla ma d+hwa dza'i zhabs sogs rigs
smra'i dbang po dang/ bya btang gi tshogs du ma/ gzhis rtse
khul sogs kyi dad brtson ldan pa mang po bcas 'dus tshogs ser
skya sum stong la nye bar lam rim chen mo mchan bzhi

sbrags kyi bshad lung/ lam rim dmar khrid myur lam gyi nyams
khrid sbrags ma gnang mus skabs dga' ldan khri byang mchog
sprul 'phags yul gnas bskor du phebs pa'i tshur zhor gzhis
rtser byon te rje nyid kyi drung na mjal phyag tu

phebs par lhod mjal gnang/ mchog sprul nas tshogs thun gcig gis
ring chos gral du bzhugs te/ bka' chos tshogs par bsnyen bkur
bcas mdzad nas lha ldan du phyir phebs/ lam khrid skyes bu
chen po'i skabs blo sbyong don bdun

@194b ma'i bshad lung bcas rgyas par stsal te spyod pa spyi
bslab kyi dbu tshugs pa dang ston pas chos 'khor bskor ba'i dus
chen 'char du nye ba dus 'grigs pas slar bkras bla nas zhus pa
bzhin bkras lhun gdan sa rang du dga'

lha'i khrid dang sems bskyed mchod pa gnang rgyur sne shan
rnam gnyis nas gsol ba btab par mdzad sgo'i rim pa'i phyag
bzhes lam sgrigs kyang ljags bkod gnang/ de bstun bskal bzang
khyams ra chen mor bzhugs khri/

gdan gshom/ mchod rdzas 'grem pa sogs gra sgrig shin tu rgyas
par zhus par rje bla ma nyid zhabs kyis bkod de/ khyams ra'i
steng shod par gsum/ rgyal sgo'i phyi nang yan du mi shong
ba'i tshod kyi 'dus tshogs ser skya chig

khri la nye bar rgyal mchog bdun pa'i gsung khrid yig dngos
grub kun 'byung gi steng nas dga' ldan lha brgya ma'i bshad
lung rgyas pa dang/ sems bskyed cho ga'i sta gon/ hor zla drug
pa'i tshes bzhi dus chen khyad par can gyi nyin

sems bskyed mchod pa dngos gzhi/ de'i phyi nyin bkras lhun bla
brang nas bla mchod kyi cho ga dang 'brel bar rje bla ma mchog
zhabs sen yun 'tsho'i brtan bzhugs kyi cho ga bcas rgyas par
bstar/ slar bde chen pho brang du sngar bzhin

chos 'khor rgya chen po tshugs te lam rim chen mo'i spyod pa
spyi bslab kyi skor dang zhi lhag sogs rgyas par stsal/ gong
du lam khrid gnang skabs shig nas rje nyid sngar khams phebs
skabs skye mdor kun gzigs paN chen rin po che

@195a @#/ /dang lhod mjal skabs kun gzigs mchog gis bkras blar
rgyal chen shugs ldan gyi 'khon gnod yod pa zhi thabs mdzad
rgyu'i bka' mngags gnang tshul sne shan brgyud dza bla sogs

la zhib tu gnang bas bkras lhun bla grwa dang/ sku drag dang
zhabs gras bgres song rnams nas paN chen bstan pa'i dbang
phyug gis rnying chos phyag bzhes gnang stabs chos skyong
shugs ldan dang 'khon 'gras ha cang

che ba byung ste paN chen gyi sku tshe mdzad 'phrin mthar ma
phyin pa dang/ them skas shig gi 'og tu shugs ldan mnan pa
brgyabs pa sogs yod tshul 'phros mol rgyas par byung nas khong
pa rnams gros bstun gyis rje bla ma nyid lha

ldan du phyir ma phebs gong bkras bla nas rgyal chen shugs
ldan bsten gsol bya rgyu'i sku brnyan gsar bzhengs/ rgyun
bskang 'dzugs pa sogs gang dgos rje nyid kyi bka' slob dang
bstun te bsgrub par thag bcad nas

snyan gsan zhus par zhal bzhes kyang legs par stsal/ rwa
sgreng srid skyong mchog nas lha ldan khul sogs kyi nang gnas
'khod pa'i phyag bris lan gnyis tsam phul bar sngon ma'i skabs
ser smad mkhan po gsar

bsko bya rgyu'i skor ser smad pas ji bzhin mi byed pa'i nang
'gal phran bu yod tshul dang/ rjes ma'i dus su ser smad mkhan
po'i skor ser smad sna chen sogs kyis khrims 'gal ham che'i
bya spyod ci rigs shig rtsom mus

@195b stabs kho ba tshos gang byung la cha 'jog dka' zhing/
skyabs mchog nyid gang ci nas gzhan 'gran ma mchis par brten
rab tu 'di skor le 'grigs kyi bka' slob gnang bar lan cig
phyir phebs grub na dang/

de min phyag bris 'thus nan zhig cis kyang bka' drin stsol
gnang yod pa/ zhes sogs 'khod pa zhig phul 'byor byung bar/
rje bla ma nyid kyis ser smad kyi las sne sna chen sogs gnang
yod gtso

che ba'i rigs dag la/ grwa tshang mkhan po'i skor grwa tshang
rang gi chos srid gnyis ka'i lar rgya spyi sman yong ba zhig
dang/ bod rje'i bzhed phyogs dang yang ha cang 'gal tshabs che
rigs su ma shor ba'i

'phral yun gnyis kar dge mtshan gyi mdzad spyod la tshang mas
dgongs bzhes dam zab nan tan gnang na legs tshul sogs bka' slob
zhib gsal gyi phyag bris khag bdun tsam gnang ste/ de

skabs bkra shis chos gling ri khrid nyams gso mdzad pa sogs
kyi slad rje nyid kyi phyag mdzod 'phrin las dar rgyas chu
bzang ri khrid du bzhugs mus stabs phyag mdzod nas ser smad du
khungs so sor

sprod rgyu mdzad pa bzhin phyag bris rnams 'phrod nges su
bgyis par/ kha cig gis/ ser smad dge 'dun nyis stong lnga
brgya la bla sprul de snyed cig yod na/ da lam 'di 'dra gsungs
pa la nyan 
@195a @#/ /dgos tshe ba tshes grwa tshang gi las don byed stangs mi
shes zer ba dang/ la las pha bong kha rin po che mchog gis bskur
gnang mdzad pa yin zer ba'i phyag bris

de tsho phyag mdzod kho rang gis bris pa'i yig rdzus red zer ba
sogs 'dra min sna tshogs pa zhig bshad de dam nyams kyis lung pa
'geng rgyu'i 'go btsugs pa'i smyo lab mang po byas snang/ bde
chen pa

brang du lam rim gyi chos 'khor legs grub mtshams 'brang stod rim
rgyam pa sogs nas zhus ngor bla ma lnga bcu pa'i bshad khrid
dang/ gsang 'dus 'phags lugs lha so gnyis kyi dbang chen

sta gon nyin gcig dang/ dngos gzhi nyin gnyis stsal/ de nas
gsang 'dus bskyed rim dngos grub rgya mtsho'i bshad khrid nyin
dgu'i ring stsal cing/ ser smad las sne sna chen soggs la

sngar rje nyid nas slob ston phyag bris gnang bar ser smad pa'i
grwa rigs 'ga' shas shig gis snang chung khyad gsod 'ba' zhig tu
byas pa ma zad/ ser smad mkhan po'i skor nga tsho'i 'dod pa bzhin

ma byas tshe ser smad kyi grwa pa yod rgu shi yang 'gyod pa med
par rwa sgreng srid skyong dang dmag 'thab bya rgyu yin zer nas
mtshon cha sogs gra sgrig byed pa dang/ sku srung mnga' dpon sogs
dmag sgar

@195b gtso che ba 'ga' re'i 'go byed rnams nas/ gal te ser smad
pas ya gzung byas pa srid tshe mtshon cha'i char phab ste tshar
gcod drag po byed rgyur srid skyong mchog gi mdun du khas len
brtan po yang yang

zhu ba sogs rim gyis g.yul 'khrug gi zing long drag tu bdo ba'i
mtshan ma je thur song ba na/ slar rwa sgreng srid skyong mchog
nas rgyu mtshan zhib 'khod dang bcas da res 'di'i skor g.yul gyi
las su

gyar na ha cang tha zhan du 'gyur zhing/ 'dum thabs shig byed
tshe chos srid gnyis kar mkhyen rlabs kun thad nas skyabs rje
mchog nyid las re 'dun zhu yul gzhan med stabs sku ngal la ma
'dzems par

ring min dbus phyogs su chibs bskyod skyabs 'jug yod pa dang/
zhes sogs kyi zhu yig phul 'byor la phyi nyin gsung chos skabs
su/ rwa sgreng srid skyong mchog gis sku don gal can zhig gis
don

du ngos thengs gcig lha bskyod bya dgos zhes bka' yig lan gnyis
tsam phebs stabs da lam khyug tsam ma bcar ka med la yun ji tsam
ring thung 'gor ma nges pas dbus phyogs nas byon pa'i

chos zhu ba rnams phyir phebs mdzad na/ bskyed rim dngos grub
rgya mtsho'i bshad khrid phal cher 'di nas zin du nye zhing/
rdzogs rim gyi khrid bskul ba po gzhan mi dgos par 'di nas phyir
phebs

@196a @#/ /pa'i chos zhu ba rnams la ched gtad kyis 'chad chog
ces phebs/ rtse mgon khang pa nas zhu bskul bzhin de ga'i dge
'dun rnams la chos skyong rdo rje shugs

ldan gyi srog gtad dang/ bskang gso rgyas 'bring sogs kyi ljags
lung gnang/ rje bla ma rdo rje 'chang chen po mchog sang nyin
dbus phyogs chibs bsgyur gnang rgyu'i de ring gi bka' chos

tshogs gral du bla mchod kyi cho ga zhig gsungs/ bla mchod gsung
chog grub ma thag nas chos thun ches ring ba gnyis su mdzad de
bskyed rim dngos grub rgya mtsho'i mjug rdzogs pa'i bar dang/ 'di

nub chos thun grol khar rdzogs rim rim lnga gsal sgron gyi dbu
tshugs tsam bcas gnang zhing/ da res lha ldan du ched bskyod byed
dgos pa'i las don rnams legs par zin mtshams bka' chos kyi sbyin

bdag sogs nas kyang bskul ma nan du mdzad pa bzhin slar phyir
bskyod kyis chos 'khor gyi 'phro rnams rgyas par 'bul chog cing/
nged nas srid skyong mchog gi dgongs bzhed sgrub phyogs skor
gegs med

lam du longs pa'i thugs smon bden tshig rgya gang che gnang dgos
bya ba sogs gsungs nas chos mtshams mdzad/ phyi nyin bkras bla'i
sku drag dang/ dgon gyi las sne bla sprul sogs nas phyis kyi
rten 'brel ched

@196b mjal kha dang/ phebs skyel sogs mtshon pa tsam las mi dgos
pa mdzad de chibs kha btegs/ rje nyid kyi phyag mdzod 'phrin las
dar rgyas chu bzang nas rje bla ma gang gi phebs bsur chas te pa
nam dga' ba gdong

du mjal/ de nas shad phebs kyis klu sdings su lha klu'i phebs
bsu sngar bzhin byung ba'i thogs? khri byang mchog sprul rin po
che sogs la lhod mjal dang/ gtsang gi skor sogs gsung gleng
'phel/

rin chen tshal pa'i thad sor ser sngags dang ser smad grwa tshang
sogs kyi thab bsu'i sar cung zad tsam re byon nas chu bzang ri
khrod du zhabs sor legs par 'khod/ de nas rwa sgreng srid skyong
dang ser smad grwa

tshang gi rtsod gleng la bar 'dum mdzad rgyu'i smad mkhan gsar
pa'i skor ser smad tshogs 'du'i khur len sna chen bcu gnyis gras
'ga' res rang rang 'dod phyogs kyi dge bshes 'dra mkhan po'i 'os
'bul bgyis

shing/ rwa sgreng srid skyong nas ser smad par rgyus che ba dag
la 'dri rtog mdzad skabs 'os su phul ba rnams legs po med tshul
zhus par brten rwa sgreng srid skyong gis mkhan por 'os par chos
srid kyi gnas

rtogs shing/ lhag par shes che khog yangs drangs tshugs thub pa
zhig gal che bar dgongs te da dung mkhan pos 'os gzhan 'ga' zhig
dgos tshul phebs par ser smad pas ma nyan pa sogs la thug cing/
de dag 'grigs

@197a @#/ /thabs kyi skor la rwa sgreng dang yar mar phyag sam
'bul res dang/ ser smad kyi sna chen gras sogs chu bzang du 'ong
par rje nyid nas gsung 'phros lhod 'gol du gnang bar/

'jog po phyag zur byams smon pas pha bong kha rin po ches phyi
nang 'dzin stangs go ldog gis srid skyong rwa sgreng gi phyogs
'dzin gnang ste rang re'i grwa tshang la gnod bskyel gnang ba 'os
babs mi che bas 'di dbang

du rang res nyan 'jog bya thabs med gshis de lan des 'jal bya
'os sogs rnam rtog dgrar ldang/ grib ma 'drer mthong gi 'chol
gtam ngan smras ji snyed cig gleng bas rkyen byas las sne sna
chen don ma go

'ga' zhig gis de rjes hol rgyugs kyis rwa sgreng tshang la 'thab
mo ngo rgol bya rgyu yin tshul sogs don med ca co dar dir bsgrags
te nyin grangs nyi shu skor song ba na/ da dung rje 'di pas
bstan dgon spyi bye'i

lugs zung lar rgya dang/ chos sde 'di nyid kyi 'phral yun gal po
cher dgongs te lan dgu chad mthud kyis de ltar mi 'gab tshul
dang/ mkhan po'i 'os 'char bskyar 'bul zhu dgos byung rung dge
'dun

mang bas lag thogs med lugs sogs thabs mkhas legs slob gsung mol
lan mang gnang yar/ khong tsho'i bsam spyod je rtsing kho na las
don 'gyur ma byung bas/ ser smad gtso gyur dge 'dun

@197b mang po rje bla ma mchog gi drung du rim par bcar te da
cha ser smad sna chen sogs kyis spyod ngan mang po zhig rtsom
khul byed pas gal te rje nyid kyi bzhed pa dang mi mthun pa'i
spyod ngan rigs byas pa srid tshe nged tshos

de dbang du mi gtong nges can yin zer ba mang du byung ba dang/
gzhung sa'i mda' zur mtsho sgo ba yang nyin gsum bzhi re'i mtshams
nas yang yang slebs pa byung/ ser smad kyi don du lha sar srid
skyong gi drung na mtshan

mor yang lan gnyis tsam phebs shing/ gal gnad che skabs shig ser
smad gung ru zhabs drung sprul sku sogs rogs su sbran te byon
par ser smad grwa rigs 'gas zhabs drung sogs la shin tu ma 'os
pa'i gtam

tshe? nan can mang po bsgrags tshul sngar rje nyid nas gsan pas
thugs kyi 'gyu ba ches cher log pa'i tshul bzhes/ de ltar rwa
sgreng srid skyong gi drung du 'byon pa'i sngon rjes rnams su
sku'i ngal bso bsten slad tshe gling chos

ngar byon te yud tsam re bzhugs/ nyin gcig drung yig dkon mchog
shes rab pas chu bzang ri khrid du rje bla ma mchog nyid la/
deng skabs ser smad pa'i grwa rigs rmongs zhen can 'ga' zhig gis
rje bla

ma mchog la yang ma gus log rtog rtog gis rnam 'gyur 'di 'dra
byed babs la gzhigs tshe bya ngan thal cha ji 'ong ma nges snyam
ste red tsho zhabs 'bring pa rnams blos 'gan bzod min gyis mdzad
phyogs ji 'gab

@198a @#/ /dgongs bzhes mdzad legs zhus par/ de 'dra'i tshab tshub
byed ma dgos/ grwa pa 'ga' res kyang de ltar zer mod/ nga tsho
chos pa'i lugs su yod pas theg chen blo sbyong gi gdams

don lag len du bkal te bzod bsgom gyis bla ma mchog gsum la gsol
'debs nan tan bgyis na de 'dra'i 'u thug po rang mi 'ong/ kho
tsho'i byed stangs la dpags na/ 'di skor du the gtogs ma byas par
rbad de bskyur

gcig bya dgos pa lta bur snang yang/ nged gtsang phyogs nas ched
du 'ongs pa'i dgos pa dang/ dge 'dun rnams g.yul du zhugs dgos
pa 'di snying nas mi bzod cing bstan pa la gnod tshabs che stabs
da res btang snyoms

su 'jog pa mi? 'os pas thabs shes gzhan zhig sprod dgos pa 'dug
gsungs/ de nyin nas ser smad kyi grwa rigs mjal khar 'ongs pa'i
mgrin lam brgyud da lam gyi don gnas 'di skor nged kyi mos mthun
ltar ma mdzad tes

slad chad nged la chos kyi re ba gnang dgos med/ des na ji 'dra
mdzad bzhed kyang nged la 'phral myur phyag bris gnang dgos zhes
khams tshan 'ga' re'i ming smos dang bcas brda lan gsal por gnang
bas nyin gcig nyis nas khams

tshan gzhan ma 'ga' zhig kyang grogs su sbran te so so'i dge 'dun
tshogs yongs ming rtags 'khod pa'i yi ger nga tsho'i grwa rigs
tshang mas skyabs gcig rdo rje 'chang rang gi ci gsung bka' sgrub
zhu nyag gcig yin bya ba

@198b 'phral 'bul zhus shing/ de nas yi ge ma phul ba'i khams
tshan rnams la'ang bka' lan gong bzhin gang bas rim gyis khams
tshan rang rang gi dge 'dun yongs nas rje nyid kyi bka' bzhin zhu
zer ba'i yi ge ming tho rtags thel

sbrags ma'i khas len brtan po bgyis pa gtsang 'bul zhus shing/
de nas bzung tshogs 'du'i sna chen gras sogs kyi rgyab rten gros
ngan mtha' dag bye ma'i chang bu ltar dbang med du zhig par gyur
te/ de phyin rje bla ma mchog gis ser smad

mkhan po'i 'os gsar du 'bul rgyu'i skor sogs kyi bka' slob gsung
bgros gnang bde byung zhing/ byams smon sde zur dang sna chen
gras sogs nas mi 'dod bzhin du khas blangs te mkhan po'i 'os
gsar pa 'ga' tsam phul bar

srid skyong mchog nas da lta'i rgyal rong mkhan po blo bzang
bstan 'dzin 'di thog tu phyag rtags phab ste mkhan por gtan
'khel bas rje nyid kyi rlabs che'i mdzad dgongs legs grub dgyes
tshor tshad med 'khrungs/ sngar bar

khams sogs kyi byes 'grul du mas zhu yig phul ba'i bka' lan
dang/ brag ri mchog sprul dang/ ser smad kong po shar chos sprul
sku sogs la dpal mgon zhal bzhi'i skor dang/ 'jam dbyangs zhi
khro sbrags sgrub sogs zab chos mang du gnang

sngon du bkras lhun nas phyir byon pa'i chos zhu'i dge 'dun
rnams la lan mdzad de chu bzang 'du khang du gsang 'dus rdzogs
rim rim lnga gsal sgron gyi bshad lung stsal/ 'di dus dga' ldan
khri byang mchog sprul yang chos zhur byon cing

@199a @#/ /skabs thob tu sgyu lus mchod pa bcas rgyas par mdzad/
ser smad tsha ba khri sprul sogs la lhod mjal gnang ba sogs zin
nas bkras chos su phebs/ rgya yul nas lu'u cun krang sogs kyi

skyabs rten khag mang po dang/ chos lugs skor gyi dri ba sogs
'byor bar bka' lan zhib rgyas dang/ gnang rten 'gangs che ba
sogs gang la ci 'os pa stsal/ brag ri mchog sprul gyis rje nyid
kyi phyag bzhes g.yang chog khag

gi 'don sgrigs ljags zhur phul bar zhu tig gnang/ tre hor skyor
dpon pas bya bral mngon chung gi sgo nas chu bzang ri khrod du
lam rim bla ma rgyal dar la gnas g.yar thog /rgyal dar brgyud de
rje nyid kyi drung du zhi gnas

bsgom tshul gyi man ngag rnams yang yang bka' 'dri zhus shing
bka' lan ji ltar stsal ba rnams rgyal dar nas zin bris zhib
rgyas su btab pa ches ngo mtshar can zhig kyang zur du mchis/ dge
bsnyen rdo rje rab brtan sogs

kyis zhus pa bzhin grub chen dril bu pa'i lugs bde mchog phyi
dkyil lha lnga dang/ lus dkyil bcas kyi dbang chen/ lcang rol
dang/ paN chen chos rgyan/ dwags po skal bzang mkhas grub bcas
kyi yig cha'i thog nas lus

dkyil gyi bskyed rdzogs nyams khrid dang/ rje nyid kyi gsung lus
dkyil gyi mngon rtogs sogs kyi bklags lung/ lag mchod kyi phyag
khrid/ dga' ldan nag tshang ba'i gsung nA ro chos drug gi nyams
khrid 'phrul 'khor gyi

@199b phyag khrid dang bcas pa/ nA ro mkha' spyod dbang mo'i
byin rlabs dbang bzhi'i rim pa dang/ rim gnyis kyi nyams khrid
yan lag dang bcas pa/ rje nyid kyis mdzad pa'i nA ro mkha'
spyod ma'i mngon dkyil sogs kyi ljags lung

rnams stsal cing/ lus dkyil zab khrid skabs kyi 'phros bshad du/
lcang rol gsung bskyed rim dang paN chen gyi rdzogs rim yig cha
spar gsar gnyis su yig nor lhag chad mang ba nged kyi blta dper
de snga nas bris bcos legs

par byas zin kyang/ par gsar khyab gdal che bas tshang mas bskyed
rdzogs kyi yig cha spar gsar yod rigs gzhan la zhu dag dgos tshul
gyi lan nges par zlos shig ces yang yang nan tan du phebs/ rgya
bla ma byams pa kun mkhyen dang/

rin chen rdo rje gnyis nas zhus ngor rje btsun yum rkyang gi
'pho ba'i cho ga myur 'dren thugs rje'i lcags kyu zhes pa gsung
rtsom mdzad/ ser sngags grwa tshang nas lcags mkhar gtor rgyag gi
gzigs mor gdan drangs pa bzhin grwa tshang

du phebs/ khams 'dan stod byang rgyud dge rgyas phyogs rnying
ma'i dgon pa zhig gi grwa rigs tshe rgyal bya ba sde dger phyin
te gzhung chen bcu gsum gyi bshad grar sbyangs pas kho ba blo
rig dang brtson pa gnyis ka bzang bar brten

gzhung bshad dga' mo shes snyam pa byung nas rang dgon du phyir
log /de rjes dge lugs kyi grwa sa chen por mtshan nyid rtsod rigs
la mkhas par bslabs nas dgon der gzhung chen bcu gsum gyi bshad
pa 'dzugs par re ste

@200a @#/ /dbus phyogs su 'gro rgyur thag bcang pas kho ba'i spun
nye sogs mang pos khyod dbus su 'gron pha bong kha'i bla ma de'i
rtsar ma 'gro/ de song na bla ma de la yag po zhig byed rgyu yod
bzo mi grags pas

thams cad blo logs nas dge lugs la 'gyur 'gro bas mis phan mi
thogs pa byed kyi red/ des na khyod pha bong kha'i bla ma de la
mjal kha gtan nas zhu mi nyan zhes mig la the'u ma btab tsam gyi
mngags bya nan tan rim

par byas shing/ tshe rgyal gyis/ gzhung ni nged rang gis kyang
dga' rab shes/ bla ma de la re dgos pa gzhan gang yang med stabs
mjal khar gtan nas mi 'gro zhes khas blangs te lha sar 'ongs/
ser lho pa khams tshan

du zhugs nas mtshan nyid rtsod rigs la slob gnyer shin tu 'grus
par byas/ lho pa blo dga' sogs kyang tshe rgyal gyis dpe khrid
dge rgan du bsten pa la/ nyin gcig blo dgas khyod skyabs rje pha
bong kha'i drung du mjal

kha zhig zhus na yag po yong byas kyang/ kho bar rang yul nas
spun nye sogs kyi mngags bya nan ches pa dang/ rang nyid mkhas
rloms gyi khengs dregs kyang yod par brten mjal kha zhu 'dod
sogs med par de mus su

bsdad/ ser sngags kyi lcags mkhar gtor rgyag nyin grwa pa mang
po gtor rgyag la ltad mo blta zer nas 'gro bar mthong bas tshe
rgyal gyis dge lugs kyi lcags mkhar gtor rgyag zer ba ci 'dra
'dug pa ltad mo blta snyam

@200b nas song bas/ ser sngags kyi rdo gcal zur du grwa pa mang
pos 'tshang ga byas pa'i gseb na kho rang yang yar tsam yar tsam
du sleb/ bar zhig na gzhan mang pos/ skyabs rje rdo rje 'chang
ya gi na bzhugs 'dug /skyabs su

mchi zhes gsol 'debs bzlas brjod 'ur ding ding du byas par/ kho
ba yar bltas pas 'du khang sgo mchor steng gi rab gsal du bla
sprul mang po'i dbus su rdo rje 'chang chen pos zhal dkyil dgyes
pa'i 'dzum phyung ste yongs

la spyan ras kyi gzigs pa btsa' bar mthong nas de ma thag lus
kyi ba spu g.yos shing skyi sha zir bun pa dang/ mig mchi ma
dbang med du 'khrug par gyur te/ ngas kyang bla ma 'di'i zhabs
la gtugs nas gsung gi bdud rtsi

myang ba'i skal ba dang ldan pa zhig ci'i phyir mi byed snyam
pa'i dad pa ldog tu med pa skyes te ring min mjal kha dang chos
'brel zhus shing/ phyis su ser smad kyi lam rim sogs gdams pa
mang du nos pas dge ldan pa'i chos

lugs gtsang mar 'dzin pa'i skal ba can du gyur/ re zhig nas rang
yul gyi dpon po dge lugs la mos pa zhig yod pa des tshe rgyal
rang yul du bos te dge lugs pa'i chos skor khrid rgyun sogs mang
tsam spel bas rnying zhen che ba

'gar rlung khams la nang du thobs kyang grwa pa byings nas dge
ldan pa'i zab chos nyams su len pa mang du byung ba'i gtam bod
du lhags te ser 'dan ma khams tshan gyi grwa rgan 'ga' res tshe
rgyal pha yul du log nas log go bcad
@201a @#/ /'dug ces dga' ba'i ca tsa yang yang bsgrags par kho
bos kyang mang du thos/ rje 'di'i sku ring la tshe rgyal gyi spun
mched sogs nas tshe rgyal la mngags pa ji lta bar byed pa sde dge
dang/ nang chen

ri bo che sogs nas ches mang ba zhig byung snang ste/ de dag ni/
nyi ma'i dkyil 'khor shar ba na/ /'byung po'i bya rnams long par
'gyur/ ces pa'i dang tshul lhur blangs par zad do/ /'di'i lo snga
phyir ser sngags khang ser lngal

skus lam rim khrid chen brgyad sogs kyi chos 'khor bskor bar
bskul ba'i gsol 'debs lan mang du mdzad par zhal bzhes kyang
dgyes bzhin stsal/ ser sngags lcags mkhar gyi zor 'phen/ hom
sreg sogs grub bstun

bkras chos su byon nas thugs dam nyams bzhes kyi rgyun bskyangs
pas mtshon lo mjug gi mdzad sgo sngar bzhin te mdo tsam mo/
/dgung lo re gsum du phebs pa lcags 'brug gnam lo gsar tshes kyi
dgung gsar dus ston

sngar rgyun bzhin dang/ smon lam chen mo'i skabs lha ldan du
byon te bshad zur/ gzim ram bcas su spyi sger du mar mjal kha
dang/ 'dod chos ci rigs stsol ba sogs nyin mtshan bar med lta bur
bskyangs shing/ bla brang

gi sku 'gyed nyin khyams ra'i thog khar tshogs gzigs thugs smon
du byon/ tshes nyi shu skor nas dga' ldan khri rin po che thub
bstan nyin byed nas zhus pa bzhin dga' ru shar gzim shag tu lam
rim 'jam dpal zhal lung gi

@201b nyams khrid zab rgyas dang/ hor zla gnyis pa'i nang rwa
sgreng srid skyong nas gsol 'debs gnang ba ltar bzhi sde'i yang
thog tu bzhugs te srid skyong la 'jigs byed lha bcu gsum ma'i
dbang khrid dang/ sgrol ma tsitta ma Ni'i gtor

dbang gnyis/ de'i snying zhugs khag gnyis/ ha 'don man ngag bka'
rgya ches dam pa gsar rtsom gnang ba sogs kyi sgo nas ma ning ha
'don gyi phyag khrid bcas stsal/ de nas chu bzang dang bkras
chos su byon te phyogs 'grul du ma'i

yig lan dang/ stag phu'i yang srid mchog sprul skor gyi brtag
lan sogs gnang/ dge ba'i bshes gnyen ye shes rgyal mtshan pas
zhus te 'jigs byed las rim lcags mkhar dang/ 'phrul 'khor skor
gyi khrid lung phyag khrid dang

bcas pa/ chos rgyal nang sgrub kyi rjes gnang sogs dang/ 'bras
sgo mang khang gsar mchog sprul nas zhus pa ltar chu bzang gzim
chung du zhu mi nyung shas la spyod 'jug gi bshad khrid kyang
stsal/ slar gtsang phyogs su phebs rgyur 'brang

stod rin rgyam pas zhu bskul gyis yun bsgugs bgyid mus stabs hor
zla gsum pa'i nang lha klu nas chibs thon gyis gtsang rong
brgyud de phebs/ byams chen chos sder dgon spyi nas zhus ngor
chos mang du gsungs/ dben sa dgon

nas gdan drangs pa bzhin de ga'i 'dus tshogs la rje nyid kyi
gsung bde lam gyi sbyor chos theg mchog 'phrul gyi shing rta'i
bshad khrid/ 'jigs byed lha bcu gsum ma'i dbang chen sogs zab
chos rgya cher gnang/ 'di dus tho rengs

@202a @#/ /thugs dam skabs kyi nyams snang du mkha' 'gro'i bsun
ma shin tu gsal bar byung ba'i skor mdor bsdus 'og tu gsal ba
ltar dang/ rgyal ba dben sa pa'i dag snang gi gsang thang sogs
nang rten

'gangs can mang por zhib gzigs kyis thugs smon snyan shal sgron
'bul/ dben sa pa'i dmar gdung gi 'dra brnyan sogs rten gsum
spyan sngar mchod sprin/ dge 'dun rnams la mang 'gyed bsnyen
bkur/ gling skor du 'byon

pa sogs kyi gnas 'brel 'jog pa bcas gnang zhing/ de ga'i grwa
blo bzang dpal ldan nas zhus ngor dben sa'i gnas kyi bsngags pa
mdor bsdus shig kyang bka' rtsom mdzad/ de nas rim gyis byon te
bkras lhun bla dgon

sogs kyi phebs bsu dang bcas gdan drangs nas bde chen pho brang
du zhabs sor 'khod/ der nyin shas shig gi ring sku'i ngal gso
gnang zhing/ de nas sngar zhal bzhes zin pa'i bka' chos kyi
'phro gsang 'dus rdzogs rim rim

lnga gsal sgron gyi bshad lung sgyu lus mchod pa dang bcas pa/
lcang skya'i gsung gi steng nas gsang 'dus rim gnyis kyi dmar
khrid/ 'jigs byed dpa' gcig gi dbang chen/ 'jigs byed lha bcu
gsum ma'i dbang chen

dang/ de'i rim gnyis kyi nyams khrid/ bde mchog dril bu phyi
nang gi dbang chen dang/ lcang rol/ paN chen/ dwags po bcas kyi
yig cha bzhi'i steng nas lus dkyil rim gnyis kyi nyams khrid/
nA ro chos drug gi khrid yig

@202b yid ches gsum ldan dang/ nag tshang gsung bcas kyi bshad
lung nyams khrid sbrags ma/ lag mchod kyi phyag khrid/ nA ro
mkha' spyod kyi dbang khrid dang/ sgrub dkyil sogs kyi lung/
phyag rdor 'khor chen dang/ gdugs dkar lha

mang/ seng gdong ma gtso 'khor gsum bcas kyi dbang/ bla mchod
phyag chen dang 'brel ba'i bshad khrid/ sngags rim chen mo'i
bshad lung/ snyan brgyud yig chung gras dam tshig rdo rje'i bsgom
bzlas dang/ za byed mkha' 'gro'i

sbyin sreg gi khrid/ sgrol dkar yid bzhin 'khor lo'i tshe dbang/
ma ti'i lugs 'jam dbyangs dkar po'i rjes gnang/ 'jam dbyangs
bzhad pa'i rdo rje'i gsung sgrol dkar tshe khrid dang/ 'jam dkar
sgrub thabs las tshogs bcas

kyi? khrid/ mgon po phyag drug pa/ chos rgyal phyi sgrub/ lha mo
dmag zor ma/ rnam sras ser chen/ dur bdag yab yum/ ne ser jo bo
bcas kyi rjes gnang/ grub rgyal lugs kyi tshe dbang/ rje dge 'dun
grub kyi gsung 'bum gras grub rgyal tshe

sgrub kyi lung khrid/ sgra mi snyan gyi tshe khrid/ rje nyid kyi
ljags sgrigs bde mchog lus dkyil dang/ rnal 'byor ma'i chos skor
mang po/ gsung mgur bslab bya'i skor/ 'dus pa 'bags lugs dang/
'jigs byed dpa' gcig/ 'jam

dkar sgrub thabs bsdus pa/ dam tshig rdo rje'i bsgom bzlas sogs
dang/ chos tshan gzhan gyi rigs le tshan brgya phrag skor bcas kyi
ljags lung rnams stsal/ skabs shig bkras lhun sngags chen tA
bla ma smad phyogs nas byon par

@203a @#/ /mjal kha gnang/ sngags chen nas chos bka' 'ga' tsam
zhus shing/ tshogs par bsnyen bkur yang phul/ gnas 'dir lo snga
rting du gnang ba'i ljags rtsom gyi rigs kyang bkras lhun bla

brang sogs nas zhus ngor rje nyid kyi gsung lam rim dmar khrid
sa bcad sogs kyi par byang khag mang po/ 'jigs byed dang 'brel
ba'i bla mchod cho ga/ 'jigs byed dpa' gcig gi sgrub thabs/ bum
mdun/ bdag 'jug

bcas mdor bsdus/ rdo rje rnal 'byor ma'i tshogs mchod mdor bsdus/
lcags mkhar zur dgu pa'i 'don chog dang/ de'i zur rgyan/ bde
mchog tshe lta dkar po dang 'brel ba'i rdor bzlas tshe sgrub bka'
rgya can/ kun skyob gling gi

gzigs mo'i skabs dge bshes byams pa mtha' yas kyi zhabs brtan
gsol 'debs rnams bka' rtsom mdzad cing/ skabs 'gar bla sprul
sogs zhu mi nyung shas re la khro bcu'i srung zlog dang/ shugs
ldan srog gtad sogs

gdams pa phran tshegs kyang mang du gnang/ rgya yul nas 'ongs pa
sogs phyogs 'grul khag nas zhu yig mang du phul ba'i gsung lan
dang/ lhag par lu'u cun krang gis chos lugs skor gyi dri ba gal
can 'ga' ngag 'phrin gyi thog

nas zhus pa sogs kyi dris lan zhib rgyas dang/ gnang skyes ngo
mi dma' ba bcas phyir 'bul thog /sog 'grul ser sngags grwa 'jam
bzod sogs la mjal kha/ 'dam khul du gsol gzhon rnam dag la lugs
gnyis kyi bslab bya

@203b tshigs su bcad pa/ stag phu'i yang srid skor gyi brtag lan
sogs kyang gnang/ lo snga mar rgyu mtshan gong 'khod bzhin bkras
bla nas rgyal chen shugs ldan bsten gsol gnang rgyu'i skor rje
bla ma nyid nas thugs 'khur bka' drin

mdzad par gsol ba btab mus nas/ 'di skabs bka' chos kyi mjug hor
zla drug pa'i tshes gsum gyi nyin grol rgyu yang sku nye zhol
shar bas shugs bskang rgyas pa tshogs gzhung du ljags lung gnang
dgos tshul zhus pa sogs

cung zad ma zin stabs tshes bzhi'i nyin yang bka' chos tshugs/ rje
nyid kyi gsung shugs ldan bskang gso rgyas pa'i ljags lung spyan
'dren gyi skabs su phebs pa na/ chos gral nas rtse mgon khang
pa'i gla bgres dge slong bstan

'dzin dbang rgyal bya bar glo bur rgyal chen thog phebs kyi rje
nyid la tshig don gsal la mi gsal la mang po zhu ba dang/ bkras
bla rim dgyes pa'i rnam 'gyur drag tu bstan pa sogs chos thun
de'i ring lan gsum tsam byung zhing/ de rjes

rgyal chen gyi bskang chog gnang skabs sogs su'ang lan mang du
phebs par/ rje nyid nas bkras blar 'khon 'gras yod pa lhag med
du zhi zhing/ slad bla brang gi srung ma'i gras su bsten rgyur
'phrin las tshul bzhin sgrub pa sogs kyi

gsol gdab gnyer gtang yang yang mdzad kyang/ snga 'khon rnams
legs par zhi thub pa'i sgo dod pa ma byung zhes phebs/ 'brang
stod sbyin bdag nas chos 'khor sngon rjes yongs su lhag bsam
phul phyin gyi bsnyen bkur zhabs 'degs

@204a @#/ /lhur blangs shing/ bka' chos kyi mjug grol ston du rdo
rje 'chang chen po zhabs sen yun 'tsho'i cho ga dang/ maN bshad
rgyas pa/ ston 'khor yongs la yon 'bul bcas ches gzang

par spros/ gnas 'dir lo snga rting bsdoms bsgrub bya sum brgya
skor la dge tshul slong gi bslab sdom dang/ gzhis rtse ba sogs la
dge bsnyen gyi sdom pa'ang mang du stsal/ sngar rje nyid kyi
mdzad sgo che chung gi rigs rnams

kyang gza' skar tshes grangs sogs rten 'brel gyi sgo legs rigs
dang bstun te gnang ba shas che ba la/ rwa sgreng dang ser smad
kyi zlos gzhi thag chod pa tshun nas mdzad pa dang thugs gshis
'gyur ba'i rnam pas gza'

tshes bzang ngan sogs la mi gzigs pa dang/ dben dgon du mkha'
'gro'i bsun ma byung tshul sogs grags che bar brten bu slob 'ga'
res rje bla ma mchog bstan 'gro'i mgon du sku tshe yun ring 'tsho
gzhes dgos

tshul zhus par/ nged la da cha tshe bgegs che tsam yod pa'i bzo
mngon yang dbus phyogs su chos kyi byed sgo mang du yod pa myur
stsol gyis zin thabs bgyis te phyi lo hor zla dang po'i tshes
gcig nyin nas bzung lcags zam tshe chu sgrub

sder tshe sgrub gnad smin zhig bya thub na phan che ba'i re ba
yod gsungs/ gnas 'dir dwags po bla ma rin po che'i dngul sku
dang/ gsang bde 'jigs gsum sogs kyi bris thang mang po snga
phyir gsar bskrun bskyangs/ sngar

@204b zhig nas dbyings sa dza bla mchog ^ gong sa chen po'i yang
srid mchog sprul gser khrir mnga' gsol gyi mjal 'bul du phebs
kyang/ bkras lhun du yod pa'i zhabs gras sku drag sogs nas khur
len gyis rje nyid la zhus ba

bzhin rgyal chen shugs ldan gyi snang brnyan gsar bzhengs thog
/rje nyid nas gzungs 'bul rab gnas sogs gnang pa pho brang nas
bkras lhun du gdan 'dren pa'i skabs sku brnyan la 'ja' rgyun
ring zug pa lcags zam grwa

blo gros grags pa sogs kyis gsal bor mthong/ gzhan yang bkras
bla'i zhabs gras sogs rgan pa 'ga'i ngag rgyun ltar gzim chung
gi them ba'i 'og tu rgyal chen mnan pa yod pa bton cing/ bskang
gso bshags tshogs rgyas

'bul gnang mus thog /dza bla lha ldan nas phyir phebs te gong
gsal rnams de don mthar phyin bsgrub dgos dang/ sku brnyan gzim
chung gi srung ma'i gras su bzhugs te rgyal chen bskang gso gsar
'dzugs bya rgyu/

rgyal chas gsar bskrun sogs dang bcas sngon du thog phebs byung
ba'i grwa bgres der phyin chad chos rje'i rten gzhir mnga' gsol
gnang rgyu sogs rje bla ma mchog la bka' slob zhib zhus dang
'brel bar gtan 'bebs

mdzad/ nyin gcig rje nyid skyid skyid na ga'i tshoms chen du gdan
drangs/ rgyal chen sku gsol zhus te bstan dbang la rgyal chen
phebs bzhin pa'i ngang nas khros pa'i tshul gyi gar 'cham dang
bcas mi phung gi gseb tu

@205a @#/ /zhugs pa'i phar rgyab na gzigs rgyab phyag mdzod grwa
rgan zhig yod pa ltag mjing nas bzung ste khu tshur 'ga' bsnun
pas khong pa 'khyor sil sil 'gyel la khad tsam du byas par/
bkras lhun

pa bgres song 'ga' res/ gzigs rgyab gong mas rnying chos phyag
bzhes mdzad pas shugs ldan dang 'khon te sku tshe mthar ma phyin
par gshegs/ grwa rgan khong de'i phyag mdzod yin stabs shugs
ldan mi dgyes pa'i

rtags mtshan du 'dug pas bstan 'dzin dbang rgyal la phebs pa 'di
shugs ldan 'khrul med rang yin 'dug ces yid ches brtan po rnyed
pa'i gtam mang du gleng bar byas/ sku gsol gyi mdzad sgo zin
'phral de ga'i tshoms

chen du bla sprul sku drag /dgon gyi dge 'dun sogs 'dus tshogs
mang tsam la mgon dkar/ rnam sras/ tshe ring ma bcas kyi g.yang
chog sogs ljags lung gnang/ bkras lhun du lan rjes ma phebs pa'i
dus 'dir

bshos zas mi gtsang ba byung ba lta bu'i rkyen las gsus pho'i
snyun gzhi dos drag pa zhig gsar du byung tshul bzhes par yang
yang 'phar ldang gi rnam pa'ang lan 'ga' byung/ bar du tsong kha
lha khang sogs su byon te bkras lhun

gyi nang rten khag zhib gzigs dang sgron dar thugs smon sogs
kyang gnang/ skyabs dbyings nas bkras blas rgyal chen bsten
rgyu'i skor sogs la phyin chad kyi spang blang ji ltar bya tshul
rtsa tshig cig bka' rtsom dgos tshul

@205b zhus par/ gong gsal lo rgyus zhib 'khod thog /phyin chad
zla dus rgyas bcad kyis bsten gsol ji ltar byed pa sogs spang
blang gi rim pa spyi dang/ lhag par gser skyems kyi rgyu chang
gis mi byed par rgya ja'i khu bas bya dgos ba tshun

'dul khrims la rtsis su byed cing/ spyir btang sdom gsum gyi
bcas mtshams legs par bsrung ba dang/ yang sgos dge ldan lta grub
gtsang mar 'dzin cing bstan srung gnyan po 'di nyid la rgyu
mtshan shes nas yid ches brtan

po bskyed pa dgos tshul rnams zhib 'khod kyi bca' khrims rtsa
tshig kyang gsung rtsom gnang ba sogs khong pa tshos gsol btab kyi
don rnams 'phral smin mdzad/ nub cig mtshan rmis su/ rje nyid
dang ser skya drag pa mang po lhan

bzhugs thog /'dum bsgrig bya rgyu yod zer mur/ tshogs mchod ser
sgreng gi hwa shang 'dra ba'i mi gzugs bongs che ba zhig byung
bar chos skyong drag pos lan gnyis su gzir ba sogs kyi ltas
mtshan gsal bar byung tshul phebs

pa yang mchis/ yang bkras bla nas zhus ngor de ga'i g.yang sgrub
zhal gso sogs gnang rgyur chog grwar nor lha 'ga'i rjes gnang
dang/ bum rdzas khag gi tho ljags sgrigs/ g.yang chog spyor
dngos rjes gtsang bcas gnang/

bar skabs rnams su kun gzigs rin po che'i gzim chung mjal kha
dang/ rten gtso khag la mchod sprin/ dge 'dun bsnyen bkur sogs
rgya cher mdzad cing/ dza bla sogs kyi sger shag 'gar yang spyan
ddrangs pa bzhin byon pa
@206a @#/ /sogs mdzad sgo'i rigs legs zin gyis spyi sger gyi thab
skyel phebs skyel ba sogs la bkra shis bde legs kyi sgron dar
stsal ba dang bcas dbus phyogs su chibs kha bskyod/ lam

khel du rgyal rtse dpal 'khor chos sde bas gdan drangs par tshogs
chen du chos mang du gsungs shing/ zhi gnas grwa tshang du'ang
dngul chu'i nyin zhag phrugs gcig dang/ shugs ldan gyi bskang
chog skor bcas kyi ljags

lung sogs gnang/ lnga rig yongs la mkhas pa'i grags snyan can
'bi lung dge bshes ngag dbang yon tan pa mjal khar bcar bar lhod
mjal gnang zhing/ sgra rig skor sogs kyi gsung gleng 'phel/ dge
bshes

pas don la gnas pa'i bstod bsngags kyi zhu gsol 'ga' phul ba 'og
tu 'byung/ no yon byams chos nas brag khug sger gzhis su gdan
drangs par 'bras blo gling lho ba dge bshes blo bzang bsam gtan
dang no yon

sogs la mjal kha lhod 'gol thog /zhu mi nyi shu skor la bla
mchod 'jigs byed dang 'brel ba/ rdor bzlas tshe sgrub bka' rgya
ma bcas kyi ljags lung/ dge bshes pas paN chen nA ro pa sogs
kyi rdzogs rim nyams

mgur 'ga'i dri ba zhus pa'i bka' lan mchan dang bcas pa sogs
gnang/ de nas shar phebs kyis lam rgyud chos 'khor yang rtse
sogs kyi dgon khag 'gar 'dod chos rgyas bsdus ci rigs stsal/
'di'i lo snga phyir chu shur

@206b 'phreng gdong dang bar smad pa sogs kyis sne len sri zhu
sngar bzhin bsgrubs/ stod lung mda' khri zam gyi 'khris su ser
byes khang ser sprul sku phebs bsur phebs/ klu sdings su lha
lcam g.yang tshe'i phebs sgrigs sar mi ngo

rnams lhod mjal gnang ba sogs sngar bzhin dang/ se ra'i thad du
ser smad ser sngags sogs kyi phebs bsu sngar mus dang bcas bkra
shis chos gling du zhabs sor 'khod/ de'i phyi nyin sogs nas dad
mjal zhu mi ches mang

zhing/ mu le skyabs mgon dang/ mu le rgyal po sogs bcar bar lhod
mjal gnang/ khang ser sprul skur dben dgon du nyams snang byung
tshul sogs las 'phros te/ nyid kyi lam khrid skor sogs myur bstud
kyis zin thub

pa byung tshe phyi lo'i lo gsar tshes gcig nyin tshe chu sgrub sder
tshe sgrub dbu 'dzugs gnang rgyu yin tshul sogs phebs/ khang ser
sprul sku ser byes kyi khongs gtogs yin pa dang/ rdo rje 'chang
chen po lcang skya rol rdor gyi sku skyer

yongs su grags la/ se ra rje btsun pa dang rol rdor thugs rgyud
gcig par gsungs pa sogs sgo du ma nas 'brel che bar dgongs te
lam rim gyi khrid gnang yul grwa tshang gi 'du khang g.yar po
dgos tshul zhus par/ byes grwa tshang nas/

nga tshos 'du khang sogs nyams gso ar rgyag gi las ka gal can
'ga' bya dgos par brten 'du khang g.yar po gtan nas mi yong
zhes de 'bral thag chod pa'i lan sprad pas khang ser sprul sku
ngo tsha zhal skyengs ches che ba byung/ de nas

@207a @#/ /ser smad grwa tshang la sngar bzhin gsung bar/ de skabs
kyi rgyal rong mkhan pos khur bsnams te/ bka' chos 'tshogs yul de
don nges par yong zhes pa'i brda lan 'phral 'bul mdzad pas khang

ser nas gang ci'i go sgrigs gnang bde bar gyur/ snyan gsan rim
phul ltar skabs shig tu rgyal ba'i dbang po'i yang srid mchog
sprul gyi mdun du mjal zhur phebs shing/ slar bkras chos su
bzhugs mus nas hor

bla brgyad pa'i nang du rje bla ma mchog ser theg chen gling du
byon/ tshes bco lnga skor nas ser smad 'du khang du/ shar pa chos
rje 'bras mi nyag bkra shis stong 'dus dang/ mu le rgyal skyabs
gnyis/ ser smad mkhan po/ sgrub

khang dang khang ser sprul sku sogs dang/ dga' ldan 'phar ra
dang/ gser bzang sprul sku/ rwa stod chu dbar sprul sku/ 'bras
blo gling dge bshes ye shes blo ldan dang/ tre hor dge bshes
skyor dpon sogs gdan sa chen po

bzhi dang/ lha ldan khul sogs kyi bla sprul dge bshes/ bya btang
rnal 'byor gyi dbang phyug /blo gsal lung rigs smra ba'i tshogs
du ma dang/ dge 'dun byings sogs 'dus tshogs sum stong du nye ba
tsam la lam rim chen

mo mchan bu bzhi sbrags dang/ rje'i lam rim 'bring po mi mjed
ma/ lam rim bsdus don nam nyams mgur/ dwags po sgom chen ngag
dbang grags pa'i gsung legs gsung nying khu ste bzhi'i thog nas
bshad khrid dang/

@207b lam rim gser zhun ma/ 'jam dpal zhal lung dbus brgyud lho
brgyud gnyis/ dmar khrid bde lam/ dmar khrid myur lam bzhi'i
steng nas nyams khrid bcas khrid chen brgyad sbrags kyi zab
khrid bka' drin mdzad pa'i dbu tshugs

te thog ma'i nyin gsum gyi ring lam rim chen mo dang/ myur lam
dmar khrid gnyis kyi dbu nas rje nyid kyis brtsi bzhag lan gsum
re gnang bar/ smad mkhan po blo bstan nas tshar re re bskyor 'bul
mdzad/ de nas lam gyi rim

pa'i khrid yig khag dgu'i thog nas zab khrid rgyas par nyin
bstar gyi gnang mus thog /sgrub khang gong ma'i sku tsha dge
bshes blo bzang bshad sgrub nas zhus par lam rim 'jam dpal zhal
lung gi sngon 'gro'i sbyor chos rgyal

ba'i lam bzang zhes pa bka' rtsom mdzad/ nyin re bzhin gyi sngon
'gro'i gsung bshad skabs byin rlabs spungs zhu dang/ rje'i gsung
lam gtso'i rtsa tshig /rten 'brel bstod pa sogs kyi khrid zhar du
'gro ba'i ljags bshad

dang/ nyams khrid kyi dus su bde myur sa bcar rje btsun bla ma'i
zhal lung/ sbyor chos skal bzang mgrin rgyan/ lto brgyud sbyor
chos/ rje nyid kyi gsung zhal lung sbyor chos dang/ bla ma
rgyang 'bod/ mi rtag dran bskul rnams sa

bcad so so'i thad du sbrags nas stsal/ bar skabs 'gar 'bras go
bo dge bshes don ldan dgon gsar ri khrod nas ched du phebs te
sngar blo gling dge bshes stong dpon dang gcod kyi skor rtsod
'then mang po mdzad tshul dang stong

@208a @#/ /dpon nas ham bshad 'di dang 'di byas bya ba sogs dbyen
sbyor gyi rnam ba shugs can mang du zhus kyang/ rje nyid kyis/
rnam gnyis nas phar tshul rtsod pa dang lan gang dang gang mdzad
gsung ba

sogs dri rmed tho re ba dang/ phyag brdab nas bzhad mo mang du
mdzad pa las/ chags sdang gis kha 'dzin phyogs skyor gnang ba'i
zur tsam yang ma byung bas dge bshes pa dgon gsar du phyir
thegs/ slar dge bshes nyid

kyis bsgrigs pa'i gcod skor gyi dpe bris ma le tshan 'ga' zhu dag
gnang rgyur phul zhing/ nyin 'ga'i mtshams nas slar ngag 'phrin
'byor te nged kyi gcod skor rnams bstan 'gror phan pa'i khungs
dag pa byung yod tshe bka' chos

tshogs su de ltar stsol gnang yod pa dang/ khungs ma dag pa 'dug
na de lugs phyag bris stsal bstun dpe cha rnams mer bsreg rgyu
yin/ nged kyi gcod dpe rnams 'phral du phyir stsol mdzad dgos
bya ba sogs zhus par/ 'dir

deng skabs chos 'khor ha cang rgya che bgyid mus stabs nyid kyi
gcod skor rnams zhu dag yam me ba zhig las zhib blta bya long ma
byung mod/ dge bshes rin po che nyid nas gcod kyi nyams bzhes
rgyun ring mthil phyin gnang bar brten nyid rang

gis zhu dag gnad smin mdzad na bstan 'gror nges par phan 'ong
bas me lam bsregs pa legs/ gcod dpe rnams phyir 'bul zhus yod/
ces sogs kyi gsung shog 'phral du gnang zhing/ rjes shig tu don
gnyer can 'ga'

@208b res bskul ma zhus par dge bshes pa'i zhabs brtan gsol
'debs shig kyang bka' rtsom mdzad/ hor sog gi byes 'grul 'ga'
res ser byes sog po dge bshes tshogs gnyis dngos grub brgyud de
o rod san tsa thu shog wang dgon

ba'i bla ma'i skye srid ngos 'dzin gyi brtag zhu phul bar/ dgon
nas brtsis pa'i phyogs dang/ thag ring thung/ khyim gyi chags
tshul/ yab yum gyi ming zur dang cha byad/ khye'u'i lo rtags sogs
ches gsal bar gnang bas kho pa tshos

rang yul nas bla ma'i yang srid 'phral du yid ches nges rnyed du
rtsad chod de gdan drangs chog chog byung tshul slar 'grul ba'i
ngag las gsal par thos/ rdo rje 'chang gi nged la gong gsal yang
srid ngos 'dzin skor gyi bka' lan gnang dus

sprul sku'i skye srid ngos 'dzin byas pa mang yang khyod tsho'i
bla ma dang/ lcags ra/ stag phu/ gro mo rnams gsal shos byung
gsung ba ha cang ngo mtshar ba'i gnas yin zhes dge bshes tshogs
gnyis dngos grub nas kho bo cag la yang yang

bzlas te gsungs/ sngar stag brag rin po ches ri khrod du zhabs
rim gal can zhig gnang bar phebs dgos tshul gnang yod pa bzhin
'di skabs shig gdan sa gzhan gyi tshogs chos 'ga' dang sgo bstun
te nyin lnga drug ring chos par

mdzad nas stag brag ri khrod du phebs/ bla brang gi zhabs rim du
dam sri'i mnan chog sbyor dngos rjes gtsang nyin gsum gyi ring
gnang/ yongs 'dzin stag brag rdo rje 'chang gis lha ldan nas
stag brag ri khrod du byon te nyin 'gar

@209a @#/ /lhod mjal mdzad pa'i thog /rje bla ma mchog phyin chad
rtse dang nor gling rnams su bzhugs te rgyal ba'i dbang po'i
yang srid mchog sprul la sku yon sgron 'bul mdzad rgyu sogs kyi
thugs khur bzhes

grub pa zhig nges par gsol 'debs zhu dgos pa yongs 'dzin che ba
srid skyong mchog nas kyang gsung gleng yang yang gnang mus yin
tshul gsung bar rje nyid nas/ nged kyi gzugs phung rga gcong ljid
gsum gyis non pas pho brang gi

them skas re re yang 'gom pa shin tu dka' na/ gzhan lta ci smos
pas de 'dra'i zhabs 'degs 'grub pa'i re ba med gsung/ slar yang
yar mar phebs bskyod sogs kyi sku ngal po mdzad mi dgos par/ gal
che ba'i skabs

gong du sku yon sgon 'bul gnang rgyu dang/ rgyun gtan lhod
bzhugs thog /las don zhu sgo gang cir 'di dang 'di gyis kyi bka'
slob gnang na/ phan tshun 'gro bskyod sogs nged gzugs gzhi bde
thang yod pa tshos zhabs 'degs

gang dgos zhus chog ces gsungs pa la rje nyid kyi zhal nas/ snga
lo nas nged kyi lus la nad gzhi tshabs chen zhig byung la da lta
yang yang 'phar ldang byed mus ma zad/ tshe bgegs kyang ha cang
che ba bcas de lta'i zhabs 'degs

sgrub thub pa'i re ba rtsa bral du yod stabs de 'dra'i thugs
dgongs dang gsung sgo gnang thabs gtan nas med lugs kyi rgyu
mtshan zhib tu gsungs pas de mur lus/ stag brag yongs 'dzin rin
po che'i bka' ltar yongs

@209b 'dzin ston 'khor dang/ stag brag ri khrod kyi dge slong
sogs zhu mi mang tsam la grub rgyal lugs kyi tshe dbang rgyas par
stsal cing/ stag brag rin po ches gnas brtan phyag mchod kyi sgo
nas rje nyid zhabs zung yun brtan gyi cho ga yang

yang gzab 'bul bskyangs/ 'di skabs shig kyang nyin gcig gi ring
snga ma'i snyun gzhi 'phar ldang che tsam byung bar gsol sman
gyi 'phrod bzhes gnang bas legs par dwangs/ slar se rar phebs
nas bka' 'chos kyi 'phro

sngar mus su gnang/ sgrub khang mchog sprul dang/ mu le rgyal
skyabs bcas nas gsang bde 'jigs gsum dang/ rnal 'byor ma sogs
kyi dbang bka' khrid lung ches mang po zhig sngar nas snyan gsan
yul? zin pa'i thog /slar

dga' ldan khri chen gtsang ba lhun grub brtson 'grus pas rje
nyid kyi drung nas hor zla bcu gnyis pa'i tshes nyer lnga skor la
bde mchog lus dkyil dang/ rnal 'byor ma'i dbang bka' gsan dgos
tshul lha klu'i lcam g.yang cho brgyud nas

snyan gsan nan che ba byung bas 'char lo'i tshes 'gor rje nyid
kyi sku'i tshe sgrub dbu 'dzugs gnang rgya'i bzhed dgongs mi
'grub pa'i sgo dod/ lam khrid kyi skyes bu 'bring gi thad du
tshogs chen gaNDir chos gral du rje nyid nas tshad

dbyibs phyag sor gyis gzhal ba dang bcas 'dul ba'i phyag bzhes
phra rags tshun shin tu gal che tshul sogs kyi ljags bshad zhib pa
dang/ skyes bu chen ba'i skabs blo sbyong don bdun ma'i bshad
khrid bcas stsal/ rwa sgreng srid skyong

@210a @#/ /dang ser smad rtsod gleng bar bzlum skabs ser smad
grwa rigs 'gas sngar zab chos du ma'i bka' drin nos pa'i dam
tshig 'phongs 'phyis pa'i rdo bzhin du dor te rje nyid la'ang
mthong phyogs kyis

brnyas smod byas shing/ phyis nongs bshags phul ba mtha' dag
kyang mnyes gshin rjes brtse'i zhal bzhes gsung gis dbugs dbyung
bzang po stsal/ lam khrid skabs bkras chos gnas bla ma blo chos
lags nas zhus ngor

bde mchog tshe lha dkar po'i tshogs mchod kyang gsung rtsom gnang/
bkras chos dge slong rnams rgyal chen sku brnyan gsar bzhengs
gnang ba'i gzungs bsgril ba sogs kyi las brel la brten bkras
chos su yod cing/

bla ma blo chos gzungs kyi skor dgongs len zhu ba sogs su yar
mar bcar mus skabs khong dang 'dris mthun che ba'i se ra'i grwa
zhig bka' chos zhu bzhin pa'i ngang rims tshad kyis thebs te nad
tshabs che bar bla ma blo chos nad pa'i rtsar yang

yang phebs/ nad pa rje thur song ste lus zungs sogs ches zhan
par gyur/ nyin gcig blo chos der byon pa la nad pa na re/ da res
nga'i nad 'di drag par mi 'dug pas da ci 'dra byas pa dga' zer
ba skad cha yang brda 'phrod mi 'phrod tsam

las ma byung/ blo chos nas nged kyis brten te dal bur khrid nas
rdo rje 'chang gi drung du bcar te zhal mjal thub tsam byung na
skyabs 'jug cig zhu/ de nas shi yang 'gyod med red gsung bar nad
pa'i blor shin tu 'phrod pa byung ste

@210b u tshugs kyis de ltar bya zer de nas rlung bcos sogs kyi
thabs gang zab dang bcas blo chos nas nad pa dal bur khrid pas
rje bla ma mchog gi drung du slebs thub tsam byung/ der rje nyid
nas mjal kha/ phyag dbang/ gsung mol bcas

lhod 'gol du gnang zhing/ de nas phyir khrid pa'i skabs lus
sngar las ches cher yang ba'i nyams lta bus 'gro thub pa byung/
shag tu slebs skabs kho ba dga' ches te/ nged nas da gin rdo rje
'chang mjal kha zhus skabs phyag mgo

thog tu bzhag ma thag tu phyag bkrus te chu ma bskams par mgo
bor chu thigs mang po lhung ba ltar grang sil sil ba mang po
babs pa snyam byed pa byung bas de 'phral lus thams cad bde cham
gyis song nas na tsha gtan med pa ltar

gyur/ da lta lus 'khyor ba'i zar zir che tsam las gzhan rang tsho
pher snyam pa 'dug ces shag tu 'khar rgyug la brten nas phan
tshun 'chag cing gnyis kas yid ma ches pa lta bu'i dang nas dga'
tshor chen po byas/ sad snga

bar blo chos ser ra khong ba'i shag tu byon pas khong 'khar
rgyug sogs mid dgos par phyi sa khang du bshad gci 'dor ba dang/
shag gi ja bskol ba tshun la rang gis bgrod thub pa byung 'dug
/tshad nad thu nad thu mo ches mnar ba'i

nad pa shi la khad pa glo bur seng drag de 'dra yong ba rdo rje
'chang rang gi byin rlabs dang nus pa bsam gyis mi khyab pa
gzhan la yong mi srid pa'i ngo mtshar chen po yin/ khong de nas
mgyogs por bka' chos la 'gro thub pa byung
@211a @#/ /song zhes bla ma blo chos nas lan mang du gsungs/
sngon du rang phyogs kyi bla chen dge bshes mkhas par grags pa
zhig gis rang gi dge phrug la/ dal 'byor don chen rnyed dka'
dang/ 'chi ba mi

rtag pa zer ba sogs grong pa'i pha rgan ma rgan la bslab kyang
mi shes rgyu chi yang med/ de bas tshad ma rnam 'grel zab la gal
che bas khyod tshos don gnyer byed na ngas rnam 'grel legs po
'khrid pas chog gsung bar

dge phrug des slob ston zab mor go ste skabs shig lam rim bla ma
rgyal dar la ngo mtshar che che'i tshul du bshad/ rgyal dar nas
kho bo la gsung bas yos lor kho bos rje bla ma mchog la zhus pas
thugs snang ye ma byung ba'i tshul

lta bu las gang yang ma phebs/ ser smad lam khrid kyi skabs 'dir
skyong tshul mdor bstan gyi skor rgyas par stsal te/ mkhas pa kha
cig gis/ dal 'byor don chen rnyed dka' sogs grong pa'i pha rgan
ma rgan la bslab kyang

mi shes rgyu ci yang med/ de bas rnam 'grel sogs gal che gsung
mkhan yod/ 'di tsho'i tshig mi shes rgyu de tsam med kyang don
rgyud la skye rgyu zhig dgos pa 'jam mgon bla mas lam rim che
chung gcig pur yang dal 'byor dang

mi rtag pa'i skor sogs la nan tan ji 'dra gnang 'dug pa la bltas
kyang shes/ 'di tshol gal chung du 'dzin na/ mkhas btsun ston
sgom su yin yang tshe 'di snang gi 'ching bas 'thums te chos pa'i
bral du'ang mi tshud pa zhig 'ong

@211b gsungs/ ser smad lam khrid sems bskyed mchod pa bcas rgyas
par zin nas sbyin bdag mchog sprul gyis rje nyid zhabs pad yun
brtan gyi chog bla mchod tshogs ston dang 'brel ba'i thog /maN
bshad bcas rgyas par phul/ de

nas gdugs dkar lha mang gi dbang chen/ 'jam dkar rjes gnang/
'jam dkar sgrub thabs las tshogs dang bcas pa'i zab khrid/ gtor
ma brgya rtsa'i khrid lung phyag khrid dang bcas pa/ rje nyid
kyi gsung bslab bya'i skor

sogs ljags lung thor bu'i rigs ches mang ba bcas stsal/ 'di
skabs bka' chos kyi ring yang kho bo cag nyin re bzhin du snga
dgong lan gnyis re tsam drung na bcar ta/ gzhan gyi ljags lung
gsar du zhus rigs dang/ nyin re'i

gsung chos kyi phyag dpe sogs dgongs len 'don 'jug gi zhu sgor
'bad mus nas/ nub cig gsung 'phros gzhan gyi zhar du khyod kyis
dpe cha'i skor gyi las ka 'di 'dra mang po bya dgos pa dang/ yi
ge 'bri dgos pa mang ba

sogs kyis kha ton chad pa lta bu byung na slad du dbang bskyar
nas zhu ba'am/ chad bsab mang du bton pa dang/ bsnyan pa song
yod na rang gis bdag 'jug len pa sogs bgyis na de gas chog cing/
da lta nged rang yod skabs

yi ge 'bri ba 'di gal che/ phyis su nged ma bsdad pa byas zin
pa'i dus su rang gi las 'jug yin snyam du las ka mang por mgo
'khor na/ cho lhag yud tsam gyis 'phul ba las mi 'ong bas/ de
lta min par de'i nyin mo nas kha

@212a @#/ /ton gnad smin re byed pa tshun gyis phyi ma'i don chen
po 'grub pa zhig bgyis na legs/ zhes zhal gdams dmar rjen thugs
kyi mthil phyung ba lta bu brtse ba chen pos 'doms pa 'di tsam
gyi bka'

drin yang byang chub snying po'i bar du gzhal dka' ba'i gnas su
gyur pa zhig go/ bka' chos skabs khang ser mchog sprul nas thog
mtha' bar gyi spyi bye'i bsnyen bkur zhabs tog rab tu son pa
gnang zhing/ tshogs gsog gi

skal ba mchog la spyod pa'i yon bdag zur pa ches mang yang yig
tshogs lcibs 'bri ba ma lcogs/ dus 'di tsam na sngar rwa sgreng
dang ser smad zlos gzhi'i skabs rdo rje slob dpon bka' dang dam
tshig la mi brtsi ba'i snying lcags

las sra ba 'ga' zhig kyang chos kyi bdud rtsis shes rgyud bskyar
brlan gyi tshul ltar rje nyid la snga phyir nongs bshags phul ba
dang/ skad rigs ma 'dris la yul gshis kyis bar tu blun pa dag
dang/ gzhung sa'i mda' zur mtsho

sgo ba bsod nams dbang 'dus lta bu'i mi sdig po che sogs kyang
rje nyid kyi drung nas dge tshul dang dge bsnyen gyi sdom pa tshun
nos te chos phung brgyad khri'i yang snying byang chub lam rim
chen mo lta bu la nyan sems bsgom pa sogs chos 

spyod pa'i skal ba can du gyur pas mtshon rab dga' dang rab bzang
gi ngang tshul 'dzin pa mang po yul phyogs 'dir yang snga phyir
byung snyam ste zur tsam mo/ /skabs shig mtshan lam du/ rje nyid
lta sar mo che'i nub rgyud nas byon pas

@212b bzhi sde'i thog steng rwa sgreng gzim chung gi phyogs
rnams gzhung gi dmag mis me sgyogs brgyab pa red zer te spen bad
sogs 'gyel zhig dang/ shing mes tshig pa'i mgal dum mang po nag
rong nger yod pa gzigs pas/ bu phyag mdzod

pa phyogs der yod tshe skyon cha 'dra byung med dam snyam du
dgongs te thugs ngal mdzad pa zhig rmis gsungs/ ser smad bka'
chos zin 'phral sgrub khang mchog sprul nas zhus ngor har gdong
khams tshan du gsang 'dus mi bskyod pa/ bde mchog

dril bu lha lnga/ 'jigs byed lha bcu gsum ma/ phyag rdor 'khor
lo chen po sogs kyi dbang chen/ bka' gdams thig le bcu drug gi
bka' dbang/ 'jam dbyangs chos skor yongs rdzogs kyi rjes gnang/
mgon chos zhal bzhi lha

rnam bcas kyi rjes gnang sogs dbang bka'i rigs mang du gnang
zhing/ mchog sprul nas zhabs tog bsnyen bkur phun sum tshogs pa
bsgrubs/ de nas mu le skyabs mgon dang rgyal po rnam gnyis nas
zhus pa bzhin bkras chos su

'dus pa brgya phrag tsam la bde mchog lus dkyil dang/ nA ro
mkha' spyod kyi dbang bka'/ rim gnyis kyi khrid/ nA ro chos
drug dang lag mchod kyi phyag khrid/ lus dkyil dang rnal 'byor
ma'i sku ba dkyil sogs kyi ljags lung bcas

rgyas par stsal/ tsha ba ri 'bur sprul sku sogs phyogs 'grul khag
sogs la mjal kha dang/ hor ba bcu gnyis pa'i tshes nyer gsum nas
lha klur phebs te khri rin po che lhun grub brtson 'grus sogs
zhu mi nyi shu skor la bde mchog dril

@213a @#/ /bu phyi nang gi dbang chen dang/ rdo rje rnal 'byor
ma'i byin rlabs dbang bzhi'i rim pa bcas legs par gnang ste/
slar bkras chos su zhabs sor bkod pa lags so/ /dgung lo re
bzhi'i steng du

phebs pa lcags sbrul la dgung gsar gyi mdzad sgo sogs sngar
bzhin gnang ba'i thog /dwags po bla ma rin po che'i yang srid
mchog sprul mjal khar phebs par lhod mjal dang/ shod gzim chung
dga' ldan dkyil du mchog sprul la ba rtan

bzhugs kyi chog dang/ rje nyid kyis phyag bstar ba'i maNDal
dngos 'bul/ lam rim chen mo'i glegs bam bzang gos ser po'i nam
ldan dang/ 'bul dngos tshan khag bcas gzab 'bul mdzad cing/ de
ga'i yab dang gsol

dpon gyis zhus par mchog sprul gyi zhabs brtan gsol 'debs kyang
thugs rtsom gnang/ ri 'bur sprul sku sogs la dge tshul gyi bslab
sdom stsal cing/ 'di skabs nas mtshams khung btsun dgon sogs dad
slob spyin bdag

du mas rje bla ma mchog zhabs sen bskal brgyar 'tsho gzhes zhu
ba'i brtan bzhugs mang du 'bul bzhes bskyangs mus kyi skabs shig
da res brtan bzhugs kyi tshigs bcad gsar rtsom bgyis na 'byor che
ba yod ces/ snga ma'i/

shar rdo rje rigs kyi mkha' 'gro ma/ zhes sogs kyis dod du tshigs
bcad mang tsam bka' rtsom gnang bar yun ring mi bzhugs pa lta
bu'i dgongs pa can gyi gsung mang du thon cing/ tshigs bcad rnams
dbu mdzad sogs nas

@213b tshogs gzhung gi 'don rta'ang slob tu stsal/ snga lo'i mjug
tu rwa sgreng nas tshogs 'dur srid skyong dgongs zhu glo bur
btsan chod du mdzad de srid skyong gsar pa stag brag rin po cher
gtan khel ba tshes gsum gyi nyin khri 'don gnang

bar brten rje nyid nas phyag mdzod ched gnang gis mjal dar/ rten
dod/ 'bul tshan sogs dang/ rjes su rje bla ma mchog mjal khar
phebs rgyu'i snyan gsan bcas phul/ 'di ga'i lo snga phyir rwa
sgreng nas chos lugs grub mtha' chal

chol mang po gnang tshul dang/ rwa sgreng dang chab mdo mtshan
nyid sprul sku bgros te ge sar gyi las rim gsar rtsom sogs kyi
sgo nas shugs ldan mnan sreg gi spyor ba rtsom tshul/ rje nyid
kyis chab mdor bka' rtsom gnang ba dga'

lha bka' rgya ma'i man ngag mang po ge sar la sbyar ba'i chos
skor 'ga' zhig rwa sgreng sogs kyis zhus te mtshan sprul nas gsar
rtsom byas tshul sogs dpe cha dngos 'bul bcas dag cing gsal bar
zhu mi'i rigs yang du byung bas rje nyid

thugs mi dgyes pa'i rnam ba ches cher bzhes/ gzim ram dang/
bkras chos dge spyi/ lha klu'i lcam g.yang tshe sogs kyis zhabs
brtan brtan bzhugs rgyas par phul pa'i skabs bde mchog tshe lha
dkar po'i sgo nas brtan bzhugs

'bul chog kyang ljags bkod du stsal/ bkras chos mgon khang du
rgyal chen gtso 'khor gyi sku brnyan gsar bzhengs gnang ba'i
'dod gsol bka' rtsom dang/ gzungs sgrub/ gzungs 'bul/ rab gnas
bcas dang/ bskang 'phar

@214a @#/ /sogs rgyas par gnang/ da lta'i spang lung rgyal chen
gyi rten gzhi'i chos rje yang 'di dus thog mar rje nyid kyi
drung na mjal khar bcar skabs mgon khang du thog phebs byung bar
rje bla ma nyid nas

ngos 'dzin dang/ bka' bsgo gnyer gtad gnang bas phyis su de
bzhin du nges pa 'di byung ngo/ /de nas brag ri mchog sprul sogs
kyis gsol 'debs gnang ba ltar yongs 'dzin gling/ khri byang/
brag ri/ ser smad kong po shar

sprul sogs tshogs pa sum cu skor la rje nyid kyi gsung sgrol ma
tsitta ma Ni'i bskyed rdzogs kyi zab khrid dang/ sgrol ma'i sgo
nas dus min kha char gcod pa'i gdams pa sogs gsung thor bu bris
ma'i skor shin tu mang po ljags lung/

rje'i bstan pa dang mjal ba'i smon lam sa bcad kyi steng nas
bshad lung mdor bsdus bcas gnang zhing/ 'di skabs sgrol ma'i
bskyed rdzogs bshad khrid kyi dus su 'grel gtor 'dul tshul yang
chog khrigs su stsal/ stag

brag rdo rje 'chang bod rje'i khrir 'khod pa'i rjes shig nas rje
nyid kyis/ da cha stag brag rin po ches srid skyong gnang dgos
byung song ba rjes sor sku ngal chen po 'ong ba dang dam sel
byed pa'i rgyu yin/ srid phyogs 'di 'phral phugs

gnyis kar kha gnag pas srid skyong gnang ba 'dis stag brag rin
po cher yag po ma byung bar ma zad/ nga tsho la'ang yag po mi
'ong bas da nas nga tsho yul gzhan zhig tu phyin na dga' zhes kho
bor yang lan kha yar phebs pa byung

@214b 'bras sgo mang khang gsar mchog sprul gyis 'bras spungs
nas 'dan grwa blo bzang 'gyur med bya ba ched mngags gdong mjal
dar dang/ rdor dril cha gcig /chos gos bla gos/ gding ba bcas
skyabs rten du phul te/ nged da lta

gzugs gzhi phran bu bde min yod pas 'phral yun 'dod don 'grub pa
dang/ tshe rabs kun tu skyabs rje rdo rje 'chang nyid kyis rjes
su 'dzin pa/ rdo rje 'chang rang nyid bstan 'gro'i mgon du zhabs
sen yun ring brtan pa bcas kyi skyabs

'jug gnang dgos bya ba nged nas 'phrin bskur tshul khyod kyis rdo
rje 'chang la gsal por zhus zhes ngag thog tu gnang yod par rje
nyid nas/ da res rin po ches ngos la bzhugs gding sogs stsal ba
dang/ gsung 'phrin gnang tshul gyi dbang?

'di dag kyang yun ring mi bzhugs pa'i rtags lta bu shin tu mi
legs pa yin/ gang ltar nged nas 'di skor la 'phrin zhig 'bul
dgos zhes thugs blong blong po'i rnam 'gyur dang bcas de 'phral
gsung shog 'phral bzhengs gnang ba'i

mtshams don/ skyabs rje nyid da lta sku gzugs bde min sogs yod
mus de dag deng dus snyigs ma'i skye bo'i brlang spyod ngan rgur
bdo bar thugs 'byung ba'i 'phrul du yod nges shin tu mad lung/
skyabs rje mchog nged la ltos te skun de

tsam mi bgres shing/ lung rtogs kyi yon tan sgo kun nas rgyal ba
gnyis pa'i bstan pa'i srog shing zla med cig tu bzhugs pa nged
kyis mdzes mtshon du gsol ba tsam gtan nas min lags na/ deng
skabs rje bla ma'i mdo sngags bshad

@215a @#/ /sgrub kyi bstan pa'i snying po snum zad kyi mar me
ltar ha cang nyag phra ba'i dus 'dir dam pa nyid nas snyigs ma'i
ngan spyod la nam yang thugs sun mi bzhes par dge ldan bstan
'gro'i dpal du zhabs

sen yun brtan gyi thugs bskyed thugs khur bla lhag tu che bzhes
bka' drin stsol ba dang/ 'di nas rje nyid kyi bzhed don 'grub
pa'i gsol gdeb smon 'dun nan du zhus chog /ces sogs 'khod pa'i
phyag bris 'phral bsrings gnang/

dad ldan 'ga' res rje nyid kyi gsang rnam bris thang bzhengs
rgyu'i ma dpe ljags bkod mdzad par gsol ba nan du btab ba ltar
zhal bzhes legs par stsal thog /'di skabs shig rgyal rong lha
bris pa thub bstan chos rgyal bya ba drung

na bcar bar yang ring min gsang thang gi shog dpe 'ga' gsar 'god
bgyid rgyur lan gsal byung mtshams 'phral du yong dgos dang/
gsang thang du dgod bya thor bu ba ches mang yang gtso che ba
dag las 'bri mi dgos shing/

gtso che ba'i rigs nas thang ga rer lnga re 'bri ba'i dbang du
byed na/ thang ga bdun tsam yong tshod 'dug ces phebs/ de rjes
lha bris par gsung 'phrin nas stsol gyi zhu skul mkhan 'ga' tsam
byung yang/ re zhig nas da cha gsang rnam

gyi thang dpe bris kyang dgos pa de tsam e 'byung mi shes pas
gnas skabs 'then gcig bya rgyu yin zhes phebs pas skul ba pos
bskyar gsol ma nus par de mur lus/ gtsang phyogs dang/ mdo smad
khul sogs nas zhu

@215b yig mang du byung ba'i bka' lan dang/ lho rdzong gzhi
bkram dgon gyi chos skyong thog phebs skor sogs snga phyir phul
ba'i gsung lan/ chab mdo'i khul nas brag g.yab rtogs ldan pas
rje bla ma mchog sku 'tsho rdo rje'i rang gshis su brtan

par zhu ba'i chab shog mgur ma'i tshul du phul ba'i lan du/ mgon
blo bzang rgyal ba'i bstan pa mchog /gnas sa mthar bshad sgrub
kyis spel ba la/ /bu 'bran gyi do med rtogs ldan pa/ /rje 'jam
dbyangs blo gros mchog gi drung/ /zhes

sogs las brtsams pa'i 'phrin yig mgur tshig gi lam nas drangs pa
sogs stsal/ de nas dus re zhig na/ de mo/ gling/ khri byang/
brag ri/ khang ser/ kong po shar pa/ skyid shod zhabs drung sogs
bla sprul ches mang ba zhig gis bla mchod

tshogs 'khor rgyas spros thog /mkha' 'gro'i bsun zlog dang 'brel
bar rje bla ma nyid zhabs pad yun 'tsho'i brtan bzhugs kyi cho ga
rgyas 'bul mdzad cing/ 'di skabs kyang sngar rje nyid nas bsun
zlog brtan bzhugs skabs gsar du gnang

ba'i bka' rtsom tshigs su bcad pa rnams bla sprul tshogs yongs nas
gsung rta bcas rgyas par gnang/ khri byang mchog sprul dang/ lha
klu'i sku ngo zung sogs nas bskul ma zhus pa bzhin bstan srung
lshugs ldan gyi mdos chog dang/ de'i bca'

sgrigs bcas bka' rtsom dang/ ring min lto dwags phyogs su phebs
rgyu'i phyag dpe sogs grabs bsdogs gnang/ 'bras blo gling dge
bshes stong dpon rgya nag khul du 'byon nyer yod skabs rkyen
gzhan ma 'dras kyang bskul nas bkras
@216a @#/ /chos su mjal khar phebs par nyin gnyis kyi ring lhod
mjal gnang zhing brtan pa spyi sger sogs kyi gsung gleng dmar/
dge bshes nas zhus pa bzhin nyin rjes ma'i skabs rje nyid kyi
gsung rdor bzlas

tshe sgrub bka' rgya can dang/ dge ldan smon lam rnam gsum gyi
ljags lung stsal cing/ phebs khar dge bshes nyid rgya nag tu
phebs nas sgrub pa gcig bul mi gzhol par bshad sgrub zung 'brel
du bskyangs na bstan 'grol phan che ba

'ong tshul sogs kyi bka' slob zhib pa dang/ phyag dpe khag mang
po dang dngos po'i skyes rdzong bcas gzab par gnang/ rje nyid
kyi sku nye chab spel bas sngon dus shig nas lam rim gyi khrid
rgyas ba zhig gi bka' drin nod rgyu'i gsol gdab

yang yang gnang bar/ rjes sor lam rim gyi khrid spel yul gal
ches zhig tu khel skabs nged nas sngon tshud kyi lan gsal por
springs pas chog gi/ da lta phar tsam ring thugs brel mi mdzad
par lhod bder bzhugs mdzod ces gnang

yod pa 'di lor chab spel ba rje nyid kyi drung na bcar skabs
shig tu/ ngas bla ma'i gdan sar sgrub pa'i mchod sprin gyi tshul
du lam rim gyi khrid rgyas pa zhig spel rgyu'i 'dun pa sngar nas
yod kyang da res par du skabs su ma babs shing/ da

res ngos dwags po bshad sgrub gling du lam rim gyi khrid 'chad
par ma bskyod thabs med la brten/ nyid kyang der phebs na lam
gar sku ngal cung zad yong ba'i gnas kyang lam khrid stabs gcig
tu 'thus par spel rgyu bla ma'i zhabs

@216b 'degs dang bstan par phan 'gyur gnyis slebs yong tshul
phebs par chab spel bas kyang dga' dad spro gsum gyis dwang len
bgyis te bshad sgrub gling du bcar rgyur thag bcad/ de nas bkras
chos nas phebs zhor dad ldan 'ga' res

zhus pa ltar chu bzang chos rwa dang/ gzim chung du chos bka'
'ga' tsam gnang/ lha klu dga' tshal bas shugs ldan gyi rten mdos
gsar 'dzugs mdzad rgyur gsol ba btab la bzhin lha klur phebs te
nyin shas ring shugs ldan

mdos chog skor gyi bka' rtsom 'phro skyong dang/ gdan sa dang ri
khrod khag gi bla sprul dge 'dun/ lha ldan khul sogs kyi dad
ldan ser skya drag zhan ci rigs bcas dad mjal zhu mi ches mang
bar mjal kha dang/ yongs 'dzin gling

mchog sprul rin po che sogs 'ga' re la lam rim myong khrid man
ngag skabs drug pa yan sogs 'dod chos nyung du'i rigs sna tshogs
pa stsal/ skabs shig rje nyid nas/ lha klu'i mdos chog ring min
'dzugs dgos dang/ nged brel

'dzing che bas mdos chog dang bca' sgrigs kyi rtsom 'phro cung
zad ma zin pa da cha nged kyis rtsom long med stabs khri byang
rin po che mdos bca' sgrigs gnang bar mgon khang du phebs yod
pas khyod kyis mdos chog dang bca' sgrigs kyi

shog dril rnams khyer te 'di tsho'i 'phro rnams rin po che nas
mjug skyong gnang dgos zhes nged kyis bskur tshul bcas zhus te
rtsis phul cig ces phebs pa ltar kho bos khrid byang rin po cher
'phral 'bul zhus shing/ de rjes mdos chog

@217a @#/ /dang bskang tshogs nyin 'gar gnang ba'i ring yang bla
ma yab sras tshogs gral du lhan bzhugs kyis bar skabs byung ngo
cog la rdo rje shugs ldan chen po'i las rim skor gyis mtshon pa'i
snyan brgyud gleng mo'i

tshul du gnang ba 'byams su klas pa ltar mdzad khar bar du mu le
rgyal po dang/ tsha ba ri 'bur sprul sku sogs bsgrub bya sum cu
skor tsam la dge tshul slong gi bslab sdom yang stsal/ mdos chog
skor sogs zin mtshams mi ngo rnams la

sgrol dkar gyi tshe dbang sogs 'dod chos 'ga' tsam gnang/ lha
ldan du zhwa sgab gzim shag nas gdan drangs pa ltar byon cing/
nub mor lha klur phyir phebs skabs gsol dpon 'jam dbyangs steng
gdon gyi snyun gzhi tshabs ches

thebs pas 'di nub nas bzung dus skabs du mar rje nyid gsol 'jam
gyi 'khris su 'byon cing bzhugs pa sogs thugs brtses ltag par
bskyangs pa'i rtags mngon par gsal/ 'di dus shig kyang rje bla
ma mchog gi snga ma'i snyun khams

nyin gcig tsam gyi yun du 'phar ldang che ba byung zhing/ se ra
dang 'di skabs sogs nas sku mtshal 'khru bshal du babs ba'ang
byung/ de nas phebs khar yon bdag rnams la dad rten 'gangs che
ba'i rigs gnang sbyin du stsal ba sogs

mdzad/ de nas de mo mchog sprul gyis zhus pa bzhin lha sa de mo
bla brang du zhabs sor bkod de mchog sprul la lhod mjal gnang/
nyin gsum tsam gyi ring nyin mtshan par ma chad lta bur dad mjal
zhu mi ser skya drag zhan stong phrag du ma byung

@217b ba rnams la mjal kha gnang/ bar zhig tu srid skyong stag
brag rdo rje 'chang lha ldan kun bzang pho brang du bzhugs pa'i
drung na mjal khar phebs te maNDal rten gsum sogs dang/ dngos
'bul gya nom pa'i mchod sprin gzab par spros/ slar de

mo bla brang du byon te mchog sprul la rten byin can sogs kyi
gnang sbyin yang stsal/ 'di nas gzhung ko brgyud de lcags zam
phyogs su 'byon rgyur sngar lha klu nas phebs nyin dang/ 'di nas
phebs pa'i nyin bcas su gza' tshes ngan pa'i rigs

khel yang rje nyid nas da res 'jam dbyangs na mus stabs nad pa
gtso che/ 'di nyin nad pa la gza' skar ngan rigs mi 'dug pas
'grul thon yang nged la skyon med ces rje nyid la thugs snang ye
mi mdzad par ko khar gzim ram pa ba sogs

nas thab skyel dang bcas gzhung ko'i thog nas shar gyis byon/
snye thang thad kyi chu 'gram du zhag sa mdzad pas brag sna'i
byams pa nas bzhugs sgrigs sogs kyi zhabs 'degs gzab/ phyi nyin
slar ko thog nas rim phebs kyis srin ri'i

thad lcags zam gyi ri sne'i chu 'gram dge bshes rnam gnyis kyi
thab bsu'i dbu gur du khyugs tsam bzhugs/ de nas byon te dge
bshes rnam gnyis dang/ sgrub sde ba/ chos zhu'i bla sprul dge
'dun sogs kyis phebs bsu ser sbreng bcas

gdan drangs nas tshe chu sgrub sder zhabs sor 'khod/ 'di nyin
gsol 'jam bsnyung babs lci bas nub mor rje nyid nad pa'i 'khris
su bzhugs te mtshan mo'i nyams bzhes kyang der gnang/ rje nyid
slar dbus ljongs su phebs bzhed med

@218a @#/ /stabs slad kyi chas rkyen mdzad phyogs gang ci'i don
du phyag mdzod pa lha ldan du phyir thegs/ nye gnas dang bu slob
'ga' res yang yang gsol ba btab par brten sgrol dkar yid bzhin
'khor

lo'i sgo nas rje nyid kyi sku'i tshe sgrub gnang rgyu'i dbu
tshugs/ dge bshes rnam gnyis nas zhus pa bzhin 'bri ru zhabs
drung sprul sku/ rgyal rong mkhan sprul/ bkras lhun rgya rje
drung sprul sku/ 'bras spungs tre hor skyor dpon/ drung zur

blo bzang thub dbang sogs phyogs nas byon pa dang/ sgrub sde'i
dge 'dun bcas 'dus tshogs sum brgyar nye ba tsam la yongs 'dzin
ye shes rgyal mtshan gyi gsung blo sbyong bdud rtsi'i snying po
dang/ rje nyid kyis mdzad pa'i blo sbyong

don bdun ma'i rtsa tshig sbrags pa'i bshad lung/ blo sbyong nyi
ma'i 'od zer dang/ blo sbyong don bdun ma'i brgyud 'debs/ blo
sbyong don bdun ma'i smon lam bcas kyi ljags lung/ dga' ldan
snyan brgyud lugs nam mkha' sgo 'byed

kyi gcod dbang/ grub mchog blo bzang rnam rgyal dang/ dwags po
skal bzang mkhas grub kyi yig cha'i steng nas gcod khrid/ yongs
'dzin ye shes rgyal mtshan gyi gsung dkar 'gyed dmar 'gyed gnyis
dang/ rje nyid kyi gsung gcod

kyi 'don chog bcas kyi ljags lung/ bde mchog rtsa rgyud dang/
'jam mgon tsong kha ba chen po'i gsung rgyud 'grel sbas don kun
gsal/ de'i bsdus don bcas gsum sbrags kyi bshad khrid/ phyi ma
'di'i skabs khrid kyi brgyud pa'i

@218b gsol 'debs bka' rtsom/ gzhan yang bklags lung thor bu'i
skor sogs bcas mang du stsal/ thog mar snga dro'i char nyin re
bzhin sgrol dkar gyi sgo nas sku'i tshe sgrub nyin nyer gcig ring
gnang zhing/ tshe sgrub gnang zin 'phral zhal

nas/ da res nyin nyer gcig gi ring tshe sgrub gnad smin bgyis
zin/ 'on kyang tshe la phan pa'i rtags mtshan ni gang yang mi 'dug
ces kho bo cag la gsungs shing/ tshe sgrub kyi skabs sgrol dkar
gyi sgrub thabs rgyas pa'ang chog khrigs su stsal/

'di skabs nas gsol 'jam gyi snyun dwangs ngo che tsam byung/
tshes bcu zhig gi dus su rje bla ma mchog chos zhu'i dge 'dun gyi
tshogs dang bcas pa drang srong srin po ri'i 'khor lo sdom pa'i
sku brnyan ye shes dngos bzhugs kyi drung du

gshegs te rnam lnga'i mchod sprin dang/ tshogs 'khor gyi yo lang
rgya chen po spro ba dang bcas bla mchod bde mchog dang 'brel
ba'i sgo nas tshes bcu'i tshogs ston gnad smin zab rgyas su mdzad/
tshogs bar du ston 'khor yongs nas

rkang brgyad kyi bstod pa gsung bzhin du ma rgyud lugs kyi zhabs
skor mang du gnang zhing/ dad ldan 'ga' zhig gis zhus te bde
mchog rgyud thung sogs kyi ljags lung yang bka' drin du mdzad/
de nas 'byon khar 'khor lo sdom pa'i

drung du snyan shal thugs smon sogs yun ring gnang nas slar tshe
chu sgrub sder byon/ phyag mdzod pa bkras chos su bzhugs par
dgongs pa can gyi skyo mgur zhal chems kyi tshul du phebs pa
phyag bris ma zhig kyang gnang/ 'di dus sngar yod

@219a @#/ /lte ma gzhi 'phar ldang gi rnam pa ha cang che ba
byung zhing/ dri chen gyi dod du sku mtshal nag shas che ba ja
dkar phyed do tsam phebs par kha cig gis snyun gzhi'i gting thon
pa red zer/ la las

snyun khams lod du song ba'i dogs pa'ang byas/ rje nyid kyis gso
dpyad kyi gzhung bzhin snyun khams gang yin brtag dpyad gnang
skabs rdo dkar gong mer bsregs par gsang chab thigs pa 'ga' re
blugs pas

dkar gong las nas 'bru che tshad tsam zur du 'phir ba sol ba'i
mdog ltar gyur pas sbyar dug gi ngo shin tu che ba 'dug ces
phebs/ dge bshes rnam gnyis dang/ bla sprul so sos zhus pa ltar
gzim chung du sgrol ma tsitta ma

Ni'i gtor dbang dang snying zhugs khag /ma ning ha 'don shog
dril khag gnyis kyi ljags lung dang phyag khrid/ chos skyong
shugs ldan gyi srog gtad sogs zab chos rgya cher gsungs shing/
dge bshes rnam gnyis sogs lhod

mjal gnang ba bcas zin mtshams rim gyis byon/ gong dkar bshad
sgrub gling du 'jigs byed lha bcu gsum ma'i dbang chen sogs chos
mang du gnang/ de nas shar phebs kyis dwags po spo thang la
rgyab tu bshad sgrub

gling pa'i gdan zhu ba mkhan po sogs 'ga' re phebs bsur 'byor ba
bro sar lhod mjal mdzad/ dgon du phebs pa'i nyin bshad sgrub
gling gi bla sprul las sne dge 'dun rnams dang/ dwags po khul
gyi bla grwa gzhan du ma/

@219b sbyin bdag chab spel ba sogs nas spos sne bsangs dud/ dung
rgya ser sbreng dang bcas gdan drangs te dwags po bshad sgrub
gling du zhabs sen mngon par bkod/ der spyi sger gyi mjal zhu
ba'i rigs mang por lhod mjal gnang

zhing/ nge nas sku nye chab spel bas ring mo'i dus nas gsol ba
btab cing/ bshad sgrub gling gi grwa tshang sogs nas kyang nan
cher zhus pa ltar de ga'i bla sprul dge 'dun dang/ phyogs nas
'dus pa bcas chos zhu'i tshogs pa chig stong lhag tsam

la/ lam rim 'jam dpal zhal lung gi khrid rgyun lho brgyud du
grags pa dang/ dmar khrid myur lam/ bde myur sa bcad rje btsun
bla ma'i zhal lung rnams sbrags pa'i nyams khrid rgyas pa'i thog
/lho brgyud sbyor chos/ sbyor chos skal

bzang mgrin rgyan/ maNDal 'bul tshul drug ldan glu dbyangs/ bla
ma rgyang 'bod/ mi rtag dran bskul/ bla sbyong don bdun ma'i
rtsa tshig rnams skabs so sor bshad khrid kyi tshul du sbyar ba
sogs ha cang gsal rgyas go bde nyams len gyi rdog

'dril ba bka' drin du stsal cing/ mkhan zur 'ga' zhig gis dwags
po lta khrid bka' rgya mar grags pa'i steng nas lta ba'i khrid
gnang dgos tshul zhus par/ rje nyid kyis kho bo cag la/ khong pa
tshos lta khrid bka' rgya ma'i thog nas lta ba'i

khrid 'chad dgos gsung bas khyod kyis dpe cha sdogs shig /lta
khrid der da lta'i snang ba 'di thams cad dgag byar byed pa drin
can bla ma'i gsung ngo ma yin/ zhes yod pa cung zad go mi bde
bas 'di la man ngag gis phye ste 'chad dgos pa'i gnad

@220a @#/ /yod/ so skyer snang tshad bden snang las mi 'char bar
bshad pa yod mod/ rje btsun gyis rje rin po cher snang ba la
rtsigs su byed dgos gsungs pa 'phags pa'i dbang du mdzad pa min
zhing/ bden

snang dang snang tsam la khyad par shin tu che gsungs/ de nas
tshogs gzhung du dwags po lta khrid kyi bshad lung zhib pa dang/
gzhan yang rje nyid kyi gsung sogs ljags lung thor bu'i rigs
mang du gnang/ rnam 'bad rigs

par mi dge ba las dge ba khyad par bcu'i sgo nas stobs che tshul
gsungs pa'i lung don rje nyid nas rgyun pa'i lam khrid skabs
gnang srol bzhin gyi bsnyel byang sngon yod la gnas 'dir slar
gsar snon bcas ljags bkod

mdzad pa dgos pa'i dbang gis 'dir ma phyi ltar dgod pa ni/ sangs
rgyas gsung la dad pa tsam gyis sdig pa chen po zil gyis mnan
te/ 'di ltar mi dge ba las dge ba stobs dang ldan pas so/ /'di
ji ltar shes par

bya snyam na/ khyad par rtsa ba bcu dag gis te/ 'du byed kyi
khyad par gyis ni dge ba dang mi dge ba gnyis 'bad pa dang ma
'bad pa mngon par 'du byed pa'i phyir zhes pa/ dge ba ni 'bad
rtsol chen pos sgrub dgos la/ mi dge ba ni

ngang gis 'byung ba'i phyir te/ 'khor lo gyen la 'dren pa dang
thur du rgyug pa bzhin no/ /rnam pa'i khyad par gyis ni yang dag
pa ji lta ba bzhin dang phyin ci log gi rnam pa yin pa'i phyir
zhes pa'i phyin ci log gi rnam bzhi tshul bzhin

@220b ma yin pa yid la byed pa las byung la/ cig shos de las
ldog pas so/ /mtshungs par ldan pa'i khyad par gyis ni dge ba'i
rtsa ba ni/ dge ba'i rtsa ba gsum dag dang/ mi dge ba'i rtsa ba
gnyis sam gcig gis kyang mtshungs par

ldan pa'i phyir ro zhes pa'i dge rtsa gsum ni/ yid kyi mi dge ba
gsum gyi ldog phyogs gsum dang/ de las gzhan pa'i yid kyi dge ba
yin na/ rang gi 'khor du de gsum 'byung bas khyab/ mi dge ba'i
rtsa ba gnyis sam gcig gis kyang mtshungs

par ldan pa'i phyir ro zhes pa'i gnyis ni brnab sems/ log lta
gnyis sam/ log lta dang gnod sems gnyis sam gang rung re re
mtshungs par ldan pa srid kyang brnab sems gnod sems gnyis nyon
mongs gcig gi 'khor du 'byung ba mi srid de/

gzhi gcig la khro chags gnyis mnyam du 'byung ba mi srid pa'i
phyir/ mtshungs ldan gyi sgo nas nyung ba dang/ sa'i khyad par ni
sa thams cad dbas gcig pa nyid yin pa'i phyir ro zhes pa ni/ dge
ba las thams cad pa ste gzugs gzugs

med 'dod pa gsum ga'i sa pa yod la/ mi dge ba la 'dod pa'i sa pa
yin pas khyab pa'i phyir/ 'bras bu'i grangs kyi khyad par ni/
'bras bu rnam pa lnga dang bzhi yin pa'i phyir zhes pa'i 'bras
bu rnam pa lnga ni/ rnam smin gyi 'bras bu/

rgyu mthun gyi 'bras bu/ bdag 'bras/ skyes bu'i byed 'bras/ bral
'bras dang lnga yin pa'i phyir/ mi dge ba la 'bras bu snga ma
bzhi yod kyang bral ba'i 'bras bu mi srid pa'i phyir/ 'bras bu
mthar phyin pa'i khyad par gyis ni dus khyad
@221a @#/ /bar du 'phags pa dang/ ngan pa yin pa'i phyir zhes pa
ni/ 'di ltar dge ba'i 'bras bu la/ rnam smin bskal pa chen po
brgyad khri'i bar du myong ba yod la/ mi dge ba'i rnam smin ni
ji ltar ring yang

bar bskal gcig las med pa'i phyir/ mi dge ba'i 'bras bu ni mtha'
gcig tu ngan la/ dge ba'i 'bras bu ni de las ldog pa'o/ /yang
dag par chad pa'i khyad par gyis ni/ 'di ltar dge ba ni mi dge
bas dus re zhig ste dge

ba mngon gyur pa yang dag par chad pa yin gyi/ dge rtsa'i sa bon
ni mi dge bas 'joms par mi nus la/ dge bas ni mi dge ba'i sa bon
yang gtan du 'joms par byed pa'i phyir ro/ /chung ngus mang po
yang dag par

'joms pa'i khyad par gyis ni/ 'di ltar spong pa'i lam skad cig
ma gcig gis thog ma med pa'i dus nas bsags pa'i mi mthun pa'i
phyogs mang po yang dag par 'joms so/ /zhes dge ba spong lam
'dod nyon dgu

pa'i dngos gnyen gyis ni/ mi dge ba thams cad skad cig gis 'joms
la/ mi dge ba ji ltar stobs che yang/ stong nyid rtogs pa'i shes
rab kyis zin pa'i dge rtsa gang yang 'joms par mi nus pa'i
phyir/ spong

ba'i khyad par gyis ni/ 'di ltar gnyen po skyes pas mi dge ba
spong gi dge ba ma yin pas so/ /zhes dge bas mi dge ba spong
zhing/ mya ngan las 'das pa thob par rung gi /mi dge bas dge ba
spong ba dang/ bral 'bras 

@221b bden par mi nus pa'i phyir ro/ /phyogs kyi khyad par zhes
sogs ni dge ba'i chos 'dzin pa la sangs rgyas 'khor dang bcas
pas byin gyis rlob cing de'i phyogs mdzad la/ mi dge ba'i chos
'dzin pa la bdud kyis de'i phyogs sam

rgyab non byed pa las med pas rgyab non nam phyogs byed mkhan
gyi sgo nas kyang dge mi dge la stobs che chung yod do/ /de ltar
stobs che ba dpe'i sgo nas kyang shes par bya ste/ 'di star/ de
rnams ni snang ba dang sogs kyis bstan te/

sgron ma lta bu'i snang ba chung ngu zhig gis lo grangs mang por
bsags pa'i mun pa 'thug la rgya che ba bsal bar nus la/ mun pa
ji tsam 'thug la rgya che yang snang ba sgrib par mi nus pa
bzhin sangs rgyas kyi mtshan lan gcig 'dren pa lta bu'i dge

bas/ thog med nas bsags pa'i mi dge ba dpag tu med pa 'dag par
nus la/ mi dge ba ji tsam che yang dge ba spong mi nus pa'i
phyir/ de bzhin du sman chung ngu zhig btang ste/ nad la sogs
pa'i skyon chen po 'khru bar byed pa dang/ rin po

che'i skyon dang/ shel kyog po la sogs pa'i skyon che ba rnams
kyang/ rdo rje pha lam chung ngus kyang sel bar byed pa dang/ ri
dang zhes pa'i ya gyal gyi dpe chad par mi bsam ste/ rgyu ba
dang mi rgyu ba'i dngos po ji tsam mang yang ri bo g.yo bar mi
nus

shing/ ri yis de dag gnon par nus pa la sbyar na 'grigs snyam/
seng ge gcig gis kyang ri dwags kyi khyu mang po skrag par byed
cing zil gyis gnon la/ ri dwags kyi khyu ji tsam mang yang/ seng
ge gcig kyang zil gyis gnon mi nus

@222a @#/ /pa bzhan du stong nyid rtogs pa'i shes rab kyis zin
pa'i dge ba lta bu dge ba sna gcig gis kyang mi dge ba'i tshogs
mang po zil gyis gnon cing 'joms par byed la/ mi dge ba'i tshogs
ji tsam gyis

kyang de 'dra'i dge ba zil gyis gnon mi nus shing 'joms par yang
mi nus so/ /sa gcig pa sogs ni/ 'dod pa'i sas bsdus kyi dge mi
dge gnyis ni sa gcig pa yin yang/ 'dod pa'i sas bsdus kyi dge ba
stobs che ste/

'dod pa'i sas bsdus kyi dge bar gnyen po bar chad med lam 'dren
pa'i nus pa yod la/ mi dge ba la dge ba 'joms byed kyi bar chad
med lam 'dren rgyu med pa'i phyir/ sa gcig pa'i don yod de/ 'dod
pa'i 'dod chags kyis bdag tu

bzung ba'i char gtogs par mtshungs pas na/ 'dod pa'i sas bsdus
kyi sa gcig pa zhes brjod pa'i phyir/ khyad par rnam pa gsum ni
yi ge dag pa'i dbang du na/ dge bas mi dge ba zil gyis gnon pa
dang/ dge ba stobs dang

ldan pa dang/ de ltar gnon nus pa'i tshul gsum la sbyar dgos sam
snyam ste dpyad do/ /zhes dang/ 'du byed rnam pa mtshungs par
ldan/ sogs kyang gzhung ltar gnang zhing/ rtsa ba'i yi ge dag pa
dang bsdur nas bsams na legs

gsungs/ bar skabs rnams su 'di dus chos zhur 'dzom pa'i dwags po
bla ma rin po che'i dngos slob dwags grwa'i mkhan zur sogs bgres
gras 'ga' zhig yod par skyabs mgon dwags po bla ma rin po che'i
rnam thar gyi skor nges

@222b gsal rigs rnams tshang ma go bsdur thog tho 'god mdzad dgos
tshul gnang bar khong pa tshos rang rang gi blor gang nges rnams
yi ger btab nas phul ba dang/ skal bzang mkhas grub pa'i yang
srid mchog sprul la yab rje rdo rje 'chang gi

rnam thar gyi rigs thugs nges gang yod phyag bris 'debs gnang
mdzod ces gsung bar yang srid mchog sprul nas kyang de ltar yi
ger bris te phul ba rnams phyis bka' rtsom mdzad rgyu'i sa bon
du dgongs te kho bo cag la re zhig nyam

'tshag gyis zhes stsal ba phyis bka' rtsom ma grub kyang rang
nyid nas bla ma'i thugs bzhed bskang phyir dam pa gnyis ka'i
rnam thar mdor bsdus re bsgrigs rtsom gyi khul du bgyis pa zur
gsal ltar lags/ dwags grwa'i tshogs gzhung

du rgyal ba dge 'dun rgya mtshos gnang ba'i gsung rta dang bcas
rgyan 'jug sogs mtshan 'khyongs su gsung ba'i skabs 'gar rje bla
ma nyid 'du khang gi rgya mthongs khar byon nas yang yang gsan
te bdag gi skyabs mgon bla ma rin po che zhal

bzhugs pa'i dus su'ang 'di kho na ltar gsung zhes mnyes mnyes
mdzad cing/ sngon nas chab mdo drung yig ngag ldan dpon lha sogs
kyis bskul ma zhus par srid skyong stag srag rdo rje 'chang gi
zhabs brtan gsol 'debs 'chi med grub

pa'i byin brgya zhes pa bka' rtsom dang/ sngar bkras lhun du
gnang ba'i srid gsum rnam rgyal gyi 'don chog dang/ zur rgyan
bcas la bskyar zhus 'byin 'jug sogs kyi dag ther bcas legs par
gnang/ stag brag srid skyong nas khri

@223a @#/ /byang mchog sprul rin po cher rgyal ba'i mtshan zhabs
pa'i go gnas stsal bar mchog sprul nas gnas tshul zhu yig sogs
ched 'bul gnang ba 'byor/ grwa tshang gi 'du khang sbug tu dwags
po bla ma rin po che 'jam

dpal lhun grub rgya mtsho dang/ mkhan zur dam chos kyi 'dra sku
gnyis mnyam bsgrigs su yod pa rje nyid kyis dwags po bla ma rin
po che'i 'dra sku stegs mtho ba zhig tu bzhugs te/ zhing gi
mchog la sri zhu bsgrub na spyi bye'i legs

tshogs 'phel ba tshun chad la phan gsungs/ skabs shig snyun gzhi
'phar ldang cung zad byung bar gsol sman gyi 'phrod bsten gnang
bas dwangs tshul bzhes/ nyin gcig dgon gyi dus 'brel gso sbyong
chad pa la mkhan pos chos

mtshams skabs su de mi dgos zhus pas/ bla ma rin po che'i sku dus
su yod pa la/ da 'dir yang bstan pa nyams zin gsungs/ yang 'ga'
zhig gis dwags po bla ma rin po ches lam rim gnang dus kyi gsung
bshad zin bris

btab pa yin zer ba'i sbyor chos sogs kyi zin tho 'ga' ljags zhus
su phul ba'i sbyor chos kyi zin bris na/ ser byes mkhan po zhig
gis dga' ldan lha brgya ma'i sku thang gi rgyab tu rta mgrin
yang gsang gi thang sku bkram pa phyi 'dul ba nang

gsang sngags kyi nyams len yod pa'i mdzad pa ngo mtshar can yin
gsungs zer ba 'dug pa la/ zhal nas/ 'di 'dra bdag gi bla ma rin
po che'i dgongs pa'i phyogs na'ang med pa rgyun gtan gyi mdzad
pa dang/ thugs dam nyams bzhes/ sger du sku mtshams

@223b bcad rgya gnang ba/ chos gsung ba'i skabs dang/ nyung
mtha' zhal gdams chab shog tshun du bka' gdams gsar rnying gi
rnam thar gtsang sing ngeb 'ba' zhig bskyangs pa sogs cha thams
cad nas gsal bor rtogs sla/ rang gi blo

skyon bla ma la bgor re ba skyon chen po yin pas mi legs zhes de
'phral rang du lhad bsal mthar phyin pa mdzad/ 'phar tshang ri
khrod du bzhugs pa'i yang srid mchog sprul mjal khar phebs par
rje nyid stan las bzhengs shing gdan stob

gus 'dud sogs nye gnas kyi blor mi shong ba tsam mdzad de lhod
mjal gnang/ lam khrid kyi mjug tu sbyin bdag sogs nas mchod
tshogs rgya chen po 'bul bshams dang bcas sems bskyed cho ga
rgyas pa dang/ rje nyid zhabs pad yun brtan gyi

cho ga yang legs par bstar/ sku nye chab spel bas bka' chos
skabs thog mtha' bar gyi bsnyen bkur gzab spros dang/ yon bdag
zur pa du mas kyang tshogs gnyis kyi sa bon rgya chen po bskrun
tshul ches mang yang zhib 'bri ma lcogs/ de

nas chab spel ba sogs la mjal kha gnang zhing/ rten khyad par
can dang/ dngos po'i gnang cha sogs kyang mi dman pa stsal/ khul
'di'i dgon sgrub sde yas mas su dwags po bla ma rin po che'i
yang sprul du grags pa gsum tsam yod par nyin gcig

rje nyid nas/ bla ma rin po che'i yang srid mchog sprul rnams la
na bza' dang/ nam rgyu/ nam dod ci rigs re 'bul dgos gsung pa
na/ gsol dpon nas/ yang srid ngo ma su yin rdo rje 'chang nyid
kyis mkhyen pas de la gnang ba las thams cad

@224a @#/ /la gnang e dgos zhus pas/ de kun la khyad par med/
bla ma rin po che'i yang srid kyi mtshan thogs pa tsam gyis
'grigs gsungs te de thams cad la na bza' 'am/ nam rgyu ci thems
re dang/

nam dod/ mjal dar/ skyabs rten sogs dang bcas gus 'bul bskyangs
shing/ dgon de'i rten gtsor mchod sprin dang/ dge 'dun rnams la
mang 'gyed kyi bsnyen bkur yang gzab par gnang/ yang dang

'dun can 'ga' res zhus pa bzhin bsgrub bya mang tsam la rab
byung dang bsnyen rdzogs kyi sdom pa dang/ bar thog gi tshoms su
de ga'i bla sprul sogs zhu mi brgya phrag lhag tsam la sgrol ma
tsitta ma Ni'i gtor dbang thun

mong ba dang/ thun mong min pa/ rje nyid kyi gsung sgrol ma
tsitta ma Ni'i bskyed rdzogs kyi bshad lung/ nA ro chos drug
yid ches gsum ldan gyi zab khrid/ ser sngags khang ser mkhan po
tshul khrims dar rgyas kyi gsung

dril bu lugs bde mchog lha lnga'i sgrub dkyil cha lag dang bcas
pa ser sngags par ma dang/ rje nyid kyi gsung 'jigs byed dpa'
gcig gi sgrub thabs rgyas pa sogs ljags lung thor bu'i rim pa
ches mang ba zhig

bcas stsal to/ /de ltar ring mo'i dus nas yongs su smin par
mdzad pa'i gdul bya mtha' dag gi re ba yongs su bskangs shing/
rje bla ma gang gi gsung las/ phyi so thar gyi kun spyod gtsang
dang gcig

@224b nang rim gnyis kyi rtogs pa mtho dang gnyis/ /bar bshad
sgrub kyi 'gro don rgya chen gsum/ /gsum 'di gsum 'grub par byin
gyis rlobs/ /zhes sogs rgya cher stsal pa bzhin bstan 'gro'i don
du ji

ltar thugs bskyed pa'i bzhed dgongs mtha' dag yongs su grub pas
'di skabs sngar dang mi 'dra ba'i dgyes tshor chen pos/ ngas da
res bla ma'i gdan sa 'dir bstan pa'i snying po byang chub lam
gyi rim pa

'chad spel gyi zhabs 'degs blo kha rdzogs pa zhig bsgrubs thub
pa byung ba 'di tshe 'di'i las don gal che shos yin zhes yang
dang yang du bka' stsal pa dag kyang thos so/ /lnga bdo'i yang
snyigs mun

pa'i klong 'khor du/ /mkhas rlom me khyer srin bus bsgrun min
par/ /skyes mchog mi ltung phreng mdzes rgyu skar bdag /ngal med
rgyu ba kun nas drang pa'i yul/ /gzhan phan thugs bskyed

skya rengs kyis bsus rgya chen gzhung lugs mkhyen pa'i dkyil
'khor nyams rtogs 'od brgya'i dra bas dkrigs/ /lhun grub 'phrin
las rta bdun gyis drangs bshad sgrub gzi byin 'bum du gdal

pas bstan 'gro gling bzhi'i rgud mun bcil/ /'jam mgon ring lugs
gur kum tshal chen thugs rje'i drod kyis smin pa'i 'dab stong
legs bshad sbrang rtsis phyur bur gtams/ /skal bzang gdul bya
bung ba'i khyus

@224a @#/ /bsten byang grol lus stobs rab tu dar bas bla med
rgyal sar 'phur lding spyod/ /de lta'i dus ston padmo bzhad
mdzad rdzogs ldan dpal gyi nyi ma dang/ /mtha' dag bde nas bde
bar 'khrid mkhas sras

bcas rgyal ba'i zhal skyin te/ /gzhan don lhur mdzad gsang gsum
'jug pa bstan 'gro'i phan bde'i rjes song bas/ /dus gsum rgyal
dang mdzad dgongs ro mnyam bdag gi bla ma'i rnam thar lags/
/khyab bdag rdo rje 'chang mnyam

med bde chen snying po dpal bzang po'i rnam thar zur 'debs mdor
bsdus sngon byung dang bcas pa dpag bsam yongs 'du'i ljon pa
zhes bya ba las/ gzhung lugs man ngag la gsan bsam sgom pa mthar
phyin te bstan 'gro'i

don rgya chen po gnang ba'i mdzad pa las brtsams pa ste rim par
phye ba bzhi pa'o// ! //sna tshogs gdul bya'i khams dang rjes
mthun pa'i/ /legs mdzad rgya mtsho che las chu thigs tsam/ /phyir
zhing don bsdu'i tshul du

rab spel na/ /yang yang dad brtson 'phel ba'i rgyan 'gyur mdzod/
/bzhi pa gong du bshad pa de dag gi don bsdu ba ni/ ji skad du/
gang gi drin gyis bde chen gnas/ sogs dang/ bsod nams rnam smin
bde ster sdug bsngal thams

cad sel/ zhes sogs sngar smos pa ltar rdo rje 'chang gis thob pa
nas tshe 'di'i gegs sel zhing legs tshogs 'grub pa yan bla ma la
rag las par gsungs pas 'dir yang rnyed bkur grags 'dod sogs kyi
ched du min par rang gi

@224b tshogs gnyis spel ba dang/ skye kun bla mas rjes su 'dzin
pa sogs dgos pa du ma'i slad du dam pa'i yul la bsngags pa brjod
pa ni don shin tu che la/ de'i phyir slar rnam par thar pa'i
snying po tsam bsdus te brjod na/ rje bla ma rdo rje 'chang

chen po mchog thog mar yab yum rigs rus cho 'brang phun sum
tshogs pa'i rgyud du ngo mtshar ba'i ltas du ma dang bcas bsam
bzhin du sku'i skye ba bzhes te/ gzhon nu nyid nas byis pa phal
dang mi 'dra ba'i mkhyen dang brtse ba/ gzungs

spobs rnam dpyod sogs dam pa'i rang rtags 'gog pa med cing/ lkog
gyur gyi don 'ga' zhig dang/ sngon gyi gnas du ma rjes su dran
pa'i gsung dang bden tshig yang yang brjod pa de de bzhin du
gyung ba sogs gzhon nu rol rtsed kyi dus

kyi ngo mtshar ba'i rnam par thar pa yang mang du mnga'/ de nas
gdul bya'i dbang sogs dgos pa du ma'i slad pha bong kha'i mkhan
po bstan 'dzin bzang po'i skye sprul gyi mtshan bzhes thog /dgung
lo bdun pa'i skabs khyim nas khyim

med par rab tu byung ste/ ser smad thos bsam nor bu'i gling du
chos zhugs dang 'brel bar yongs 'dzin phur lcog pa'i zhal snga
nas dge tshul gyi bslab sdom rnam par dag pa bzhes shing/ rigs
pa'i sgo 'byed bsdus grwa nas brtsams te nang

rig pa'i sde snod rgya mtsho lta bur gsan bsam brgal brtag mthar
phyin pa gnang/ dgung grangs bco brgyad thog bka' bcu'i mtshan
bzhes dang 'brel mkhas mang 'dus pa'i dbus su gling bsre'i grwa
skor dam bca' mdzad de rtsod

@225a @#/ /lan seng ge'i nga ro legs par bsgrags pas rigs pa smra
ba'i khyu mchog tu gyur/ dgung lo bcu dgu par dpal ldan stod
rgyud grwa tshang du sgrigs zhugs mdzad de gsang chen rgyud sde
bzhi dang/

lhag par bla med theg pa'i rim gnyis kyi gzhung la gsan bsam
gyis mkhas par sbyangs pas rgyud sde rgya mtsho'i dgongs don
rnams thugs kyi mthil du lhag par sim/ dgung lo nyi shu'i skabs
snga ma'i mkhan po las bsnyen par

rdzogs pa dge slong gi dngos pos thugs kyi bum bzang yongs su
gtams par mdzad cing/ bar bar du gar thig dbyangs rol sogs
sngags kyi phyag len dang/ sgra dang/ snyan dngags/ mngon brjod/
sdeb sbyor/ dkar nag rtsis

rigs/ dbyangs 'char/ gso dpyad kyi gzhung sogs thun mong ba'i
rig pa'i gnas mtha' dag la'ang mkhas pa'i mchog tu son par
mdzad/ rigs kyi cod pan brag ri rdo rje 'chang blo bzang thub
bstan rnam rgyal dpal bzang po

sogs dge ba'i bshes gnyen bcu phrag lnga'i zhabs rdul spyi bor
bzhes te 'bad pa chen pos/ lung rgyun po ti lnga brgyar nye ba
dang/ rjes gnang stong phrag la nye ba/ khrid chen khag lnga
bcur brgal ba/ dbang chen bcu phrag bcu gnyis

su nye bas mtshon sa dge rnying ma sogs ris su ma mchis pa'i
dbang lung man ngag rgya mtsho lta bur gsan bsam rgya chen po
gnang/ de dag gsan pa tsam gyis chog shes pa ma mdzad par rang
gis thugs nyams su bzhes te/ sdom

@225b gsum so so'i skabs kyi bslab bya phra rags rnams sbyan gyi
'bras bu ltar bsrungs shing/ brgya la nyes ltung gis cung zad
gos pa'i rigs rnams kyang rje nyid dgon pa ri khrod/ sngags grwa
sogs gang dang gang du bzhugs pa de dang

de'i dus 'brel gso sbyong du chag med 'byon pa dang/ nyin re
bzhin du spyi bshags/ phung po gsum pa/ rdor sems bsgom bzlas
dang 'brel ba'i yig brgya/ dam tshig rdo rje'i bsgom bzlas/ za
byed mkha' 'gro'i sbyin sreg sogs kyi

sgo nas bshags bsdam shugs drag po gnang ste ltung ba dang zhag
tu mi 'grogs pa mdzad/ yi dam dang lhag pa'i lha du ma'i ljags
bsnyen bcad rgya gcig pu yang phal gyi blos 'tshun dka' btsam du
gnang zhing/ ris med kyi gzhung

lugs man ngag mtha' yas par dpyad pa zhib mor mdzad la/ rgyu
mtshan gzhan gyis kyang bskul nas mnyam med dga' ldan pa'i lta
grub rnam thar gtsang ma lhur bzhes/ lhag par bdag nyid chen po
mgon po gser gling pa dang zhal mi

gnyis pa dwags po bam chos bla ma rin po che mnyes pa gsum gyi
sgo nas yun ring du bsten par mdzad de zab rgyas kyi gdams pa
spyi dang/ khyad par dus gsum sangs rgyas thams cad kyi bgrod pa
gcig pa'i lam/ chos phung brgyad

khri bzhi stong gi 'gag mdo/ tshang la ma nor ba'i bstan pa'i
snying po byang chub lam gyi rim pa'i man ngag yongs su rdzogs
pa bum pa gang byo'i tshul du gsan/ de yang/ thos pa'i rjes 'jug
sgrub pa snying por byed/ /ces gsungs pa
@226a @#/ /ltar thos bsam sgom pa phyogs rer ma song bar rgyu
dang 'bras bu'i tshul du 'gro bar gzigs shing/ phyis 'byung gdul
bya rnams kyang de lta bu'i lam la ma nor bar bkri ba'i slad du/
gsung rab rab

'byams la gsan sbyong mdzad pa'i don rnams nyams len myong khrid
kyi tshul du lam gyi rim pa gcig tu bsgril nas rtse gcig tu thugs
nyams su bzhes pas skyes bu gsum gyi lam gyi rim pa'i nyams
rtogs khyad par can thugs rgyud la

'khrungs te/ chos kyi rgyal po rje bam chos rin po che nas kyang
thub bstan yongs rdzogs kyi bdag por byin gyis brlabs shing
mnga' gsol/ de nas 'jam mgon rgyal ba gnyis pas/ rnal 'byor
dbang phyug bye bas bgrod gyur pa/ /bde

mchog bshad sgrub shin tu nyams pa 'di/ /ches cher rgyas shing
thar 'dod 'jug ngogs su/ /nam yang mi nub ring du gnas gyur cig
/ces gsungs pa'i dgongs pa thugs la brnag ste/ sbas pa'i brtul
zhugs 'chang ba'i rnal

'byor gyi dbang phyug chen po yab rje blo bzang sangs rgyas dpal
bzang po las rnal 'byor gsang mtha'i snying bcud dpal 'khor lo
sdom pa dril bu lus dkyil gyi dbang khrid man ngag cha tshang ba
gsan te thugs dam chu bo'i rgyun gyi

rnal 'byor du bskyangs pas lhag pa'i lhas byin gyis brlabs shing
rje nyid slob brgyud dang bcas pa rjes su 'dzin pa'i mtshan ma
brtan por brnyes/ nang gi nyer len khyad par can de lta bu la
brten nas rang nyid gang nas gshegs pa'i thun

@226b mong dang thun mong ma yin pa'i lam gyi rim pa rnams skal
ldan gyi gdul bya mtha' dag la yongs su ston par bzhed de/ spyir
mde sngags kyi dbang lung man ngag mtha' yas pa dang/ khyad par
byang chub lam gyi rim pa'i

bstan pa yul dbus gangs can gyi ljongs su shin tu nyag phra ba
rmang nas gso bar mdzad cing/ rnal 'byor gsang mtha'i myur lal
byin rlabs kyi gter chen po dpal 'khor lo sdom pa'i bshad sgrub
shin tu nyams pa yang ches cher dar bar

mdzad pa yin la/ mdor na ji skad du/ lung chos sde snod gsum gyi
'chad nyan dang/ /rtogs pa'i bstan pa bslab gsum nyams len te/
/mkhas shing grub pa'i rnam thar rmad du byung/ /sres dang rgyal
ba'i bstan pa rgyas gyur cig /ces

pa ltar gyi phyi 'dul ba'i kun spyod rnam par dag pas 'dul ba
'dzin pa rnams kyis gtsug gi nor bu ltar bkur zhing/ nang bdag
pas gzhan gces kyi byang chub kyi thugs 'byongs pas 'gre ba nyam
thag pa rnams kya ma 'dris pa'i mdza'

bshes su gyur/ gsang ba lhag pa'i lha'i 'khor lor rol zhing/
mang du thos pa rgya mtsho lta bu'i pha rol tu son te/ de don
thugs thog tu 'gel ba sogs thub bstan yongs rdzogs kyi bdag por
bzhengs nas skal ldan gyi gdul byas

mtha' yas pa'ang der bkri ba sogs kyi rlabs po che'i 'phrin las
'dzam gling yangs pa'i mtha' dang mnyam pa tsam du gyur/ des na/
mdzad pa kun las gsung gi ni/ /mdzad pa mchog yin/ zhes gsungs
pa ltar mdo sngags zab rgyas

@227a @#/ /kyi chos 'khor rgyun mi chad du bskor bar mdzad pas
gsung las skyes pa'i slob ma yang ches mang du byung ste/ skabs
der gdan sa chen po bzhis mtshon pa'i bong yul dbus gtsang lho
byang

mdo khams stod smad sogs nas dge lugs kyi dgon sgrub sde khag gi
mkhan slob bla sprul/ bka' rams dge ba'i bshes gnyen/ blo gsal
mkhas mang 'dus sde dang bcas pa phal mo che rje nyid kyi gsung
skyes kyi slob bur ma

gyur pa med cing/ de dag nas kyang rje bla ma gang gi zhal gyi
bdud rtsi lam gyi rim pa'i man ngag gis rgyud 'khul te nyams len
la gcig tu brtson pa ches mang bas/ mdo sngags kyi lam yongs su
rdzogs par nges pa rnyed pa dang sgrub

pa snying por byed pa'i skyes bus gangs can gyi ljongs kun yongs
su 'geng bar mdzad ces brjod kyang don la gnas pa nyid yin la/
gsung skyes slob bu'i tshogs du ma'i mdzad pa'i khyad par ngo
mtshar ba'i gnas mtha' klas pa re brjod du

mchis mod/ yig tshogs ha cang lci bas ma sgros la/ thugs sras kyi
thu bo che la rags pa mang du byung ba nas/ rnam 'dren chen po'i
yongs su 'dzin pa mchog zung lta bu da lta 'tsho zhing gzhes pa'i
skabs nyid de/ dwags po skyabs

mgon bla ma dam pa mchog nas rje bla ma nyid la/ pha las bu
rdzig /bu las tsha po rdzig /ces sogs 'byung 'gyur rjen par gzigs
pa'i bka' lung ji ltar stsal ba ltar da dung slob ma yang slob
ma yang slob nyi zla lta bu du mas mkha' khyab bstan 'gro'i

@227b phan bde'i 'od snang 'bum du spro bzhin pa 'di ltar lags
shing/ der ma zad mnga' ris skor dang/ lho mon bal 'brug /bod
chen po'i ljongs/ mahA tsi na/ chen po hor la sogs pa phyogs
mtha'i yul gru rnams su yang gsung gi

bdud rtsir spyod pa'i skye bo shin tu mang po byung/ de lta bu'i
sgo nas rgyal ba'i bstan pa rin po che dang/ de'i yang snying
blo bzang rgyal ba gnyis pa'i ring lugs dri ma med pa nyid mtha'
dbus kun tu dar zhing rgyas par mdzad pa dang/ bod ljongs

bla sprul dge ba'i bshes gnyen phal mo ches gtsug gi nor bu ltar
bsten kyang khengs pa dang/ nga rgyal ba cung zad tsam yang mi
mnga' zhing/ bod rje che dgu du mas gtsug na mchod kyang dman la
lhag par brtse ba dang/ gzhan gyi don

du 'gyur na rang la gnod pa dang ngal ba ji ltar byung yang skyo
ba mi mnga' ba sogs bdag nyid chen po'i ngang tshul bsam gyis mi
khyab cing/ dad ldan gyi gdul bya mchog dman du mas ji ltar gsol
ba btab pa bzhin sngon gyi thugs dam btsan

po dus las ma yol bar dbus gtsang yas mas dang/ dwags kong/ lho
byang/ mdo smad/ bar khams dang bcas par thag ring bshul lam gyi
phebs bzhud tshun chad sku ngal ba brgya phrag du ma yang yang
lhur bzhes kyis reg pa don dang ldan

pa'i zhabs sen bkra shis kyi re khA nye bar bkod de snod bcud
mtha' dag la dge legs kyi byin brgya 'bebs shing/ mthong thos
dran reg gi skal ldan mtha' dag la 'brel tshad don dang ldan par
mngon mtho dang nges legs kyi sa bon khyad

@228a @#/ /par can sgo du ma nas bskrun par mdzad pa sogs gsang
gsum gyi yon tan rmad du byung ba ches mar mod/ mtha' dag pa ni
brjod kyis mi lang ngo/ /des na rje bla ma 'dis phyi rol mu
stegs byed

sogs dang thun mong ba'i gnas mngon shes dang rdzu 'phrul zer ba
lta bu grol ba don gnyer gyi skyes bu la mi mkho bar gzigs te/
theg pa che chung dang mdo rgyud bstan bcos tshad ma nas bshad
pa'i lam du rang nyid gshegs

shing 'gro ba rnams dngos dang brgyud pas der 'khrid pa'i thabs
'ba' zhig mdzad pa yin zhing/ de yang mdor dril na/ gtso bor
gsan bsam sgom gsum/ mkhas btsun bzang gsum/ mkhyen brtse nus
gsum/ 'chad

rtsod rtsom gsum bcas su 'dul/ 'jam mgon tsong kha pas jo bo
chen po'i rnam thar rigs phun sum tshogs par skye ba bzhes pa'i
tshul/ rten de la yon tan brnyes pa'i tshul/ brnyes nas bstan pa
la bya ba mdzad pa'i tshul

gsum du bsdus te gsungs pa dang yang shin tu mthun par sngar
bshad pa dang/ 'og na nyung shas 'ga' 'byung ba dag gis rtogs
par sla zhing/ de dag gi srog gam mdzad pa'i snying po ni/ rje
nyid kyi bsnyel byang phyag bris ma

las/ bla ma rtogs ldan pas kho bor phyi nang gsang gsum gyi rnam
thar zhib tu 'bri dgos tshul gsung yang/ kho bo la de lta bu'i
rnam thar ngo mtshar ba'i rigs mang po 'bri rgyu gang yang med/
grub mchog blo bzang rnam rgyal gyi rnam thar ltar byang

@228b chub lam gyi rim par bsam sgom gyi nyams myong cung zad
skyes pa 'di kho bo'i rnam thar drag shos yin/ dwags po 'phar
tshang du nyams 'og tshud par bsgom/ de nas rtsol bcas rtsol med
kyi myong ba rim gyis bton/ bshes gnyen bsten tshul gyi bla ma
sangs/

rgyas su mthong ba'i dad pa bsgom pa'i skabs rtsa ba dad pa
sbyang ba skye dka' ba le gcig gi ring tsam bsgom pas mthar rang
gi bla ma thams cad 'dres/ sangs rgyas thams cad 'dres/ bla ma
dang sangs rgyas gnyis 'dres pa snyam byed

pa byung/ bla ma 'ga' rel dad pa de tsam skye dka' ba lta bu
snang yang rang gi bla ma gtso bo de'i sprul par bsams pas phan
che/ dal 'byor skabs nor bu 'bum phrag phyogs gcig tu bzhag
/rang gis rnyed pa'i dal 'byor 'di

phyogs gcig tu bzhag na/ dal 'byor la brten nas nor bu 'bum sla
yang nam 'chi nges med skye dka' bas man ngag ltar rim dal 'byor
gyi rten 'di yin snyam pa sogs go/ dal 'byor rnyed dka' ba'i
nyams myong tsam skyes

kyang sngar dang mi 'dra ba snang/ gzhan rnams cung zad skye sla
yang nam 'chi nges med skye dka' bas man ngag ltar rim bstud
kyis 'bad de bsgom pas mthar legs par skyes/ do nub nyal khar
spong khang gi sgo rang gis brgyab kyang rang

nyid glo bur shi nas sang zhogs sgo 'di gzhan gyis phye dgos
pa'i nges pa gtan nas med snyam du zhe nas dran pa'i blo bcos
min skyes shing/ rang gi tshe tshad dang nam 'chi nges med gnyis
mi 'gal bar skyong shes pa byung/ de man la'ang

@229a @#/ /nyams myong rim gyis thon/ mar shes shin tu skye dka'
ba zhig la yun ring 'gor/ sems can 'ga' shas lus pa ltar byung
bar/ rang gi skye ba'i ya mtha' grangs med cing/ grangs med de

yang grangs med du blangs pas sems can thams cad kyis rang gi a
ma byas par ma zad/ re res kyang a ma grangs med re ma byas na
mi 'dang ba sogs man ngag spogs chog bya rim gyis bsams pas legs
par skye thub pa byung/

de nas bzung dpyad 'jog zung du 'brel bar lam rim gyi nyams
rtogs gong 'phel du gtong ba 'di gtso bo yin/ kho bo'i 'di dag
las dang po ba'i nyams len lta bu las med kyang/ deng dus 'gro
ba du ma'i 'dren par brloms

pa 'ga' yang tshe 'di snang gi dbang gis 'jig rten chos brgyad
kyi blo sna kha ma bri ba'i tshul la bsams na/ kho bo'i 'di dga'
rab yin snyam pa yod do/ /zhes gsungs pa ltar yin zhing/ da dung
bsnyel byang khag gzhan dang/

lta ba'i skor sogs mang du mchis pa sgo bstan pa tsam re lag len
snying gi thur ma sogs su gsal ba ltar lags/ de dag dang rjes su
mthun par chos dngos su gsan pa'i bla ma rnams la smos ci/ dngos
su ma gsan kyang brag ri

gong ma las chos gsan pas da lta'i yang srid mchog sprul rje
nyid kyi bka' rtsom gsar thon mang nyung ji 'dra zhig byung yang
de 'phral ljags lung gsan pa dang bka' khring thor bu'i skor
sogs zhu bar glo bur nges med du drung na yang

@229b yang byon par yang rje nyid nas yun 'dris gsar ngad kyi
dad gus lta bu gtan mi mdzad par star chags su gdan las bzhengs
pa/ stan mthen po bshams te gus 'dud gnang ba/ mdzad brel gyi
skabs khel yang mchog sprul nas zhus

pa'i lung khrid sogs gtso che ba mdzad de 'phral 'phral du dgyes
bzhin gnang ba sogs bshes gnyen bsten tshul do zla med pa mdzad
pa dang/ der ma zad chu bya lor gzhung sa'i sku drag gtso che ba
mang pos rje nyid bod skyong srid khrir phebs rgyu'i

re 'dun yang yang nan bskyed pa dang/ shing phag lo shis khang
spyi khyab dpon chen lu'u cun krang nas chab mdor gdan zhu'i mi
sna ched mngags kyis dbang phyogs kyi zhing chen por gdan 'dren
rgyu'i u tshugs kyi zhu 'bul byas pa/ sa yos

lo rwa sgreng srid skyong gis rje nyid bod ljongs bla sprul
yongs kyi gral dbyar bzhugs chos pa'i gdan thob 'bul rgyu'i
gsung nan gnang ba/ lcags 'brug la srid skyong rwa sgreng nas
yongs 'dzin stag brag rin po che brgyud de rje nyid kyis rgyal
ba'i

yongs 'dzin gyi tshul lta bu gnang ba'i gsung gros nan bskul
mdzad pa bcas la thugs gting nas ma gyis pa'i gsung byon pa sogs
kyang nges 'byung bcos min thugs rgyud la 'khrungs pa'i rnam
thar yin/ sngon dus bsags

sbyang gnang ba gcig pu'ang chu bzang dang rtag brtan ri khrod
sogs su ltung bshags dang 'brel ba'i sku byag/ /maNDal/ yig
brgya sogs grangs gsog ha cang khyon che mdzad pa'i bsnyel tho
phyag bris ma'ang mchis/ rje nyid kyi zhal

@230a @#/ /nas/ nged kyis sngar kha che gur kum gyi khu ba gar
pos sbags pa'i chu mchod dang maNDal mang du phul ba sogs kyis
bsod nams 'phel te da lta gzhan la phan 'dogs rgya cher bgyid
thub nga

'di byung gsungs/ dus phyis dgung lo mthon po'i skabs tshun du
dwags po bla ma rin po che'i sku rus las bskrun pa'i zhal 'dra
chung ngu zhig yod pa rje nyid phyogs phebs kyi skabs kyang mgul
du gdan drangs te phebs bzhugs gang

sar 'dra sku'i bzhugs gnas go yul yangs pa'i tshe gnas khang byi
dor yang rje rang gis gnang zhing/ rgyun gtan phal cher du dngul
ting 'bring tshad grangs bcu gcig tu nyin re bzhin rje nyid kyis
phyag bstar te chu mchod 'bul

gnang mdzad pa nyin brgya song ba na yon chab stong mchod kha
skong bcas 'gro ba phyag bzhes su mdzad cing/ nyin bstar gyi
zhal 'don nyams bzhes kyang mtshan mor cha gsum du phye ba'i cha
tha ma nas thugs dam 'od gsal gyi ngang las

ldang ba'i rnal 'byor nyams su bzhes pa sogs zin nas/ kun slong
bcos tshul rgyas pa dang/ 'gyur sngags/ phreng sngags/ ngag byin
rlabs rgyas pa/ zab lam bla ma mchod pa dang/ 'brel bar lam
yongs rdzogs la dpyad

'jog zung du 'brel ba'i thugs dmigs shin tu rgyas par bskyangs
shing/ phur tshugs gsol 'debs kyi mjug tu snyan brgyud dbang bzhi
byin rlabs rgyas pa'i thog bsam gtan gyi bdag 'jug nyin re bzhin
du chag med

@230b dang/ sems bskyed bka' rgya ma'i nyams bzhes kyang de
bzhin du rgyas par bskyangs/ bla mchod zin nas bde mchog lus
dkyil dang/ nA ro mkha' spyod kyi mngon rtogs rgyas pa dang
'brel ba'i bskyed rdzogs kyi rnal 'byor/

sgrol? ma tsitta ma Ni'i bla ma'i rnal 'byor/ lam rim ba shar
sgom dang 'brel ba'i thun drug bla ma'i rnal 'byor lan gsum re
bcas dang/ bla mchod dang thun drug skabs maNDal yang mang du
'bul gnang mdzad cing/ de nas gtor ma brgya

rtsa rgyas pa mjug tu byang chub ltung bshags dang bcas pa/ dam
tshig rdo rje'i bsgom ba zlas/ rdo rje mkha' 'gro'i sbyin sreg
/dkon mchog rjes dran gyi mdo dang 'brel bar phud mchod 'bul
tshul skor yon bsngo dang bcas pa rnams

chag med dang/ gung rgyab tu skabs 'gar rje rin po che/ gsang
bde 'jigs gsum/ rnal 'byor ma bcas kyi phyag tstsha 'debs â¢ba'ang
mang du gnang zhing/ rgyun par bde mchog lus dkyil gyi rnal
'byor las mi g.yel ba'i sgo

nas nyin gung gi mdun rgyab sogs nges med du mjal kha chos 'brel
dang/ nad par sman sbyin/ yig lan brtag lan/ bka' rtsom gyi rigs
sogs bar mchad pa lta bu gnang/ dgong mor dga' lha'i rnal 'byor
dang 'brel ba'i

dmigs brtse ma brgya rtsa/ 'jigs byed dpa' gcig gi mngon rtogs
argyas pa dang 'prel bar gtor 'phul gser gyi yang zhun la dpal
ldan mgon po sogs thun mong min pa'i bka' srung rnams kyi gtor
'bul bsnan pa/ mjug tu
@231a @#/ /las gshin gyi dbyug mchod bcas rgyas par gnang/ srod
thun gyi rnal 'byor gzhan yang spyi ltar bskyangs shing/ mjug tu
thun drug bla ma'i rnal 'byor lan gsum dang/ rdor sems bsgom
bzlas

dung 'brel ba'i yig brgya/ spyi bye'i dge tshogs ljags bsngo
thugs smon gyi mtshams sbyor rnam par dag pas rgyas 'debs gnang
ba sogs 'char can dang/ dus tshes khyad par can gyi rigs la skabs
bstun gyis theg

chen gso sbyong bzhes te nyin gcig zas gcig tu mdzad/ phyag
tstsha'i rab gnas kyi dus sogs su gsang ba las kyang ches gsang
ba'i gnas kyi rnam par thar pa mang du 'tshal mod/ da lta'i dus
skabs dang mi 'tshams par

smra ba bskyungs/ rgyun gtan rings gal che ba'i yig lan sogs
gleng mol stabs bdes 'thus rigs zhal 'don gyi bar gseb dag tu
bgyid chog ces yang yang phebs par/ kho bo cag rje nyid nas
thugs dam nyams bzhes

bskyangs pa'i dus su bcar dgos pa yang mang du byung nas drung
du slebs skabs sku lus drang por bsrangs/ phyag mnyam gzhag
mdzad cing spyan zim me ba sgom 'ba' zhig mdzad pa lta bu sha
stag tu khel/ nyin gcig da lta

glo bur du bcar ba 'dir thugs dam la gnod srid snyam du dal bus
phyir 'gros byed skabs de'i sgra gsan te cung zad sdod cig pa'i
phyag brda mdzad/ re zhig nas zhal 'dzum pa dang bcas khyod
phyir bros rtsis byed pa de 'dra'i

@231b gu dog bya me dgos/ ngas byang chub lam rim bsgom pa las/
ngag bcad nas drag sngags bzlas kyi med/ ngan sngags bgrang gi
med ces ku re mdzad cing/ 'di 'dra'i skabs dmigs rnam 'ga' re'i
bar mtshams 'phral du 'jog bde

min phran bu byung tshe cung zad re bsgug dgos na las gzhan du
skyon med pas gal can gyi rigs byung skabs 'phral 'phral du yong
dgos zhes phebs pas de phyin stangs bstun gyis bcar bde ba
byung/ sngon dus 'bras sgo mang khang gsar mchog

sprul gyis rdo rje 'chang nyid kyi drung na chos gsan par bkras
chos su yang yang phebs te skabs rer zhag bco lnga skor tsam
bzhugs pa'ang 'ga' shas byung/ kho bo yang khang gsar ba'i mdun
du lan kha yar bcar ba'i skabs kun tu mdun

dang g.yas g.yon rnams su phyag dpe mang po bkram ste gzigs
bzhin pa'i dus 'ba' zhig mthong/ rdo rje 'chang mchog gis dus
phyis chos 'khor rgya chen po mdzad skabs rnams su legs bshad
snying po dang/ bsod grags/ rje btsun pa/

'jam bzhad/ bstan dar ba bcas kyi dbu phar/ 'jam bzhad dang
lcang skya'i grub mtha' rnams zur 'don gyis 'dir stegs bzang ba
zhig tu bzhugs shig dang nged nas bar bar du bklag dgos zhes
phebs pa bzhin phyag dpe rnams

de ltar bsgrigs kyang gzigs pa'i go skabs ye med par thugs dam
nyams bzhes kyi rigs zin ma zin tsam nas mjal kha dang/ phyag
bris/ sman sbyin gnang ba sogs mdzad brel kho nas dus 'das te
bka' chos tshugs ran pa la thug pa

@232a @#/ /sha stag tu gyur/ bar zhig nas da phyag dpe rnams phar
gdan drongs/ blta long med bya ba gsung/ nyin gcig kho bos/
sngar khang gsar rin po che bkras chos su bzhugs skabs dus kun
tu phyag dpe mang

po gzigs bzhin pa las ma mthong/ bla ma rdo rje 'chang gis bla
sprul dge bshes mkhas pa stong phrag gi dbus su bka' chos rgya
chen po 'di 'dra gnang dus phyag dpe gzigs long ma rnyed tshe gal
can mang po thugs kyis mi dran pa sogs

skyon chen po yod de 'ong bas rjes sor mjal kha sogs mi gnang
bar phyag dpe rnams nges par gzigs dgos/ sde dge mi pham rgya
mtsho la nye gnas dbang po che zhig yod skad de/ khos bla ma la
gsung rtsom mang po yod na phyag rjes thon pa sogs

la des phan pa las gzhan gyis mi phan pas dpe cha rtsom pa gnang
dgos zhes u tshugs kyis btsan bskul byed pas rtag tu rtsom pa
'ba' zhig mdzad kyi yod/ bla ma mjal mi byung na nye gnas des
kha gyong tshig rdung gis gcur te phyir skrod/

bla mas kyang nged kyis rtsom chos mang po thon pa 'di nye gnas
che ge mo kho'i drin yin gsung gi yod pa red ces de phyogs la
rgyus shin tu che ba snye mo yig 'bri ba bu tshe ring nas kho bo
la yang yang zer zhes zhus par/ rje nyid kyi gsung nas/ ngos
mjal

'phrad du 'ongs pa tsho chos phyogs kyi re ltos byed pa phal che
bar brten ngo zlog tu mi rung zhing/ ngas sngar dpe cha gang
'dod bklag zin pas da lta blta long cher ma byung yang skyon
med/ khang gsar rin po che'i phyag bzhes de yang shin tu legs

@232b bo 'dug /de 'dra byung na dgos pa che yang nged rgyun gtan
du zing brel che bas slar de tsam blta ba mi lcogs pas da lta
ni/ zhog don yod mkhas grub kyis lcang skya rol rdor la/ dpe
bklags pas mang po shes mi yong/ don bsams pas mang po

shes yong gsungs pa de'i lugs byed pa yin/ sngar gzhung lugs
dang man ngag mang po gung bsgrigs te yun ring nyams len byas
pa'i don rnams gtso bor byas te nyams myong gi steng nas 'chad
kyi yod/ de ltar byas na slob ma'i rgyud thul ba la

phan che ba 'ong/ zhes phebs te kho bo cag kyang re zhig zhum
mtsher dad gdungs skyi g.ya' ba'i gnas su bkod cing/ slad dad pa
dang dag snang ches cher 'phel ba'i grogs su 'gyur ba zhig kyang
byung/ de ltar gong du smos pa bzhin rje bla ma rdo rje 'chang
mchog gi

nyams bzhes kyi gtso bo spyir bslab pa gsum/ yang sgos lam gtso
gsum dang zab lam rim pa gnyis/ lhag par byang chub kyi sems rin
po che thugs dam gyi mthil du mdzad pas nyams rtogs khyad par
can brnyes te grub pa'i go 'phang mthon por

gshegs kyang/ ston pa mnyam med shAkya'i rgyal po de nyid kyi
bka' srol thun mong ma yin pa dge sdig gi blang dor phra mo re
tshun la'ang snang chung mi mdzad par bstan 'gror gang la gang
phan dang/ mkha' khyab kyi 'gro ba mtha' dag 'de dang ldan
zhing/

sdug bsngal thams cad dang bral ba'i gnas 'ba' zhig la dgod
snyam pa'i dgongs spyod kho na las mi 'da' zhing/ tha na zhal
dbugs kyi rgyu ba tshun kyang 'gro sman gyi don chen por 'gyur
bar mdzad pa zhig yin la/ rje bla ma gang gi rgyun pa'i kun

@233a @#/ /spyod tsam yang gos phu dung can dang/ gu thung zer ba
sogs khyim pa skya bo'i chas ya ma zung dgon pa ri khrod sogs su
bzhugs skabs lta ci/ thag ring byes 'grul du 'byon dus kyang
gtan nas mi bzhes shing/

sngar bar khams nags sog gi khul sogs su phebs skabs gnam gshis
grang sgang du byang lam brgyud de phebs dgos byung bar phyag
mdzod ngag rgyam gyis pags gos kyi stod thung gsar bzo'i go
bsgrigs thog /na bza' phu dung can man bas

dgos pa'i gsol gdab u tshugs nan bstud du zhus kyang/ nged kyis
khyim pa'i gos gyon pa gtan nas mi rung zhes grang ngar che ba'i
tshad du byed pa'i sar phebs skabs kyang sku gzan gyi sne mos
phyag dkris te byon/ skabs 'gar phyag dpung g.yas pa

dang/ phyag g.yas kyi mkhrig mar skrang sbos kyi rnam pa sogs
byung bar nged kyis gos phu dung can mi gyon pa bstan pa'i zhabs
'degs yin pas grang ngad kyis mnar yang sran bzod pa byed dgos
gsung ste gos phu dung can gyi rigs gtan

nas ma bzhes/ de dus phyag g.yas kyi mkhrig mar skrang sbos
byung ba'i shul der dgun kar grang ches pa'i skabs 'gar snyun ro
'phar ldang gi tshul cung zad re bzhes pa dus phyis kyang yod/
bkras chos ri khrod pa nags shod dge slong

ngag dbang blo bzang ston mjug bsod snyoms la 'gro ba'i dus
grang lhags kyi gdung bas ngal te stod thung zhig btsal nas gyon
chog pa'i gnang ba yang yang zhus kyang gtan nas ma gnang bar/
phyogs 'dir grang ngar de tsam mi che bas skyon med/ gal

@233b te lhags rlung sogs kyis btab pas 'u thug pa byung tshe
gzan gyis dpung pa dkris te phyin na phu rung can gyon pa las de
legs pa yod/ de pas zhing kha sogs la 'bu mang bas gzab dgos
gsungs/ bkras chos su nyin gcig bla mchod kyi sgo

nas brtan bzhugs rgyas pa dang/ bde mchog lus dkyil gyi bdag
'jug sogs gsung ba'i tshogs mgon du phebs/ tshogs thun grol mtshams
phyag bris mang du gnang dgos pa sogs mdzad brel shin tu 'dzing
che ba 'doms pas bar zhig tu

de ring ngal ba che tsam byung zhes bzhugs stan gyi g.yas
phyogs snye 'bol du gzhogs g.yas phab ste snye ba tsam mdzad
pas sku gzan smad du bud/ de 'phral zhal nas/ a tsa ma ngas bag
med 'di 'dra byed pa ang/ zhes gsung zhing tsog tsog por bzhugs
te

sku gzan legs par bzhes/ nga tshos bag med byed pa 'di gnod che
shos shig yin zhes slob dpon chos skyong gis tshad ma'i bstan
bcos brtsams pa'i byung ba mdor bsdus bcas stsal/ chu bya lo'i
g.yang gsos skabs g.yang sgo bsdem pa'i nub

nger g.yang khang du cung zad bzhugs par zhabs stegs shig dgos
pa byung ba la gsol dpon nas 'bras lta ba zhig khyer 'ongs par
de ci yin gsung/ 'di zhabs stegs shin tu legs po yod/ 'bras
ltang yin zhus par/ 'di 'dra'i rigs dkon

mchog mchod pa'i rgyur 'gro yong bas ngas 'di gdan du byed pa
gtan nas mi phod/ de bas lcog tse lta bu zhig byung na 'grigs
bya ba sogs phebs/ yang dad mjal ba mang du byung ba'i dus shig
mjal kha zin nas gsol gzhon rnam dag gdir/

@234a @#/ /chung gi phyi sgo nas nang du mchongs stabs kyis byung
bas rje nyid nas pang gcal du phyag mdzub gtad de/ ma ki na
skyabs 'gro zags 'dug /rdog rdzis thebs nyan yod pas yar sgrugs
shig gsung/ khong gis

der bltas pas zangs dngul zho pad cig lhung 'dug pa de'i ldebs
su yi ge yod pal dgongs par snang/ chu bzang du bzhugs pa'i dus
shig rje nyid gzim chung dkyil du byon pas nye gnas kyis rje
nyid kyi zhabs lhwam cha sgam gyi steng du

bzhag 'dug pa gzigs/ de 'phral nye gnas la khyod tshos bla ma la
dang gus byed pa yag po red mod/ 'di 'dra byed pa bla ma la gus
stangs ma shes pa'i skyon yin/ cha sgam 'di tsho'i nang du rten
gsum gyi rigs dang/ yi ge yod pa'i dngul

lta bu bzhag yod srid pas de 'dra'i steng du lhwam 'jog pa nyes
pa tshabs chen 'byung ba'i rgyu red/ da lta chos bstan pa'i bka'
drin gyi ngos nas bla ma sangs rgyas las lhag zer ba las/ yon
tan gyi ngos nas lhag pa med/ chos ni sangs rgyas

kyis kyang bkur sti mdzad pa'i gnas yin pas nga tshos ma gus pa
byed pa shin tu mi rung zhes zhabs lhwam phyag gis bzhes te 'og
cig tu 'jog par mdzad/ lung rigs smra ba'i khyu rgyan 'bras nyag
re dge bshes bkra shis rnam rgyal brgyud

stod du bzhugs skabs kyang bkras chos sogs su byon te rdo rje
'chang nyid kyi drung na gzhung lugs man ngag gi don mtha' yas
pa zhig bka' 'dri dogs gcod sogs yang yang zhu ba mdzad cing/
nyin gcig dge bshes pas/ shog dngul

@234b ???? pad shag sogs yi ge yod pa'i rigs lag len du bstar
dgos pa mang bas 'di tsho ci 'dra yong dogs pa yod/ mkhas pa mang
po la dris par/ 'ga' res nor dngos po'i 'du shes las med pas yi
ge yod kyang skyon med ces kha gdan

rgya? 'og sogs su 'jog pa'ang 'dug /kha cig gis/ dogs pa yod
kyang thag mi chod zer ba yang byung bas ji ltar bya dgos zhus
par/ zhal nas/ 'di 'dra'i rigs rnams dge bshes tshos phyag brdab
nas rtsod pas gtan la phab ste thag

gcod mdzad dgos pa'i gnas las ngas kha mtshon mi chod/ 'on kyang
zangs dngul sogs la nor dngos po'i 'du shes byas pas yi ge yal
song na legs te/ de ltar med par yi ge rnams dngos su bsdad yod
pas nged kyi tshod la rgyun gtan

nas chos spong gi las la 'jigs te/ rang gis lta ci/ 'khor g.yog
sogs kyis kyang de lta'i nyes par mi 'jug pa'i thabs la bskul
gang thub byed kyi yod gsungs pas/ dge bshes nas rdo rje 'chang
nyid kyis de ltar phu thag chod pa stsal

ba 'dis dogs pa sel thub pa byung bas phyin chad nged rang gis
kyang blang dor gang nus nan tan byed rgyu yin bya ba sogs zhus
tshul gsal bar thos/ dad ldan du mas rgyun du bsngo rten dang
skyabs rten phul ba'i bsngo yig ches mang ba nas 'das gson

gyi ming tho zur du bton pa la yi dam gang rung re'i rnal 'byor
dang 'brel bar sbyang ba'i cho ga dang/ skyabs 'gro/ sman bla/
ltung bshags sogs gnad da smin pa/ mjug tu ming byang bsregs
shing/ bsngo smon bden brjod dang bcas pa

@235a @#/ /zla re'i nang du lan gnyis re 'am/ lan re'i chag med
du gnang/ bsngo yig zur du bsags pa'i snag tsha dag par bkrus te
shog bu rnams ril mor bskams pa chos spar ba'i shog bu bskyar
blugs kyi rgyu

dang/ sku 'dra bzhengs pa'i 'jim bzo'i shog 'dam gyi rgyu gang
rung du thengs nges kyi ster sbyin byed par bkas mang gas/ yang
dus ma nges par bka' rtsom zhig gnang ba'i zhar du chos pa grong
chog gis ded pa'i zhal kyal mdzad

pa las 'phros te/ gung thang rin po ches/ kye nyud dge ldan
bstan pa 'di/ /dpal dang 'byor phas rab rgyas kyang/ /bshad dang
sgrub pas ches phra ba/ /bsam gyin snying nas shes pa 'phyo/
/zhes gsungs pa 'khrul med reng/ gdan sa chen

po'i bla sprul dge bshes sogs kyis rang nyid yon tan gyis mgo
'drongs pa byung nas khe grags sogs kyi dbang du ma shor bar
sgrub pa nyams bzhes dang/ 'chad rtsod rtsom gsum gyi mdzad pa
mdzad na legs pa la/ mang po zhig sbyin bdag gi

dbang du gyur te sbyin sreg /gtor rgyag /g.yang sgrub zer ba
sogs kyis nyi ma 'phul dgos pa ha cang skyo ba'i gnas yin/ da
dung sbyin sreg 'di nyen che/ sbyin sreg byed pa'i sa gzhi dang/
sbyin sreg gi bud shing sogs la 'bu srin yod med

zhib mor ma brtags na/ sbyin sreg ji 'dra yong ma shes par tshad
myal gyi rgyu grung po zhig bsgrub thub pa 'ong/ der ma zad chos
'chad nyan dang/ sgrub pa nyams len sogs bzang po byung na phan
che ba las de min ser skya su yin yang bud shing lti

@235b ba'i 'bu mer bsregs pa gcig pu yang grangs kyis mi chod
pas zhib tu bsams na blo bde mor sdod pa'i gnas med gsungs/ 'di
dang chang dra ba sbyin sreg dngos grub rgya mtsho'i bshad lung
gi skabs 'gar yang stsal cing/ yang skabs shig tu/ des

dus 'jam mgon bla ma'i bstan pa shin tu nyag phra la gdul bya'i
bsod nams dang blo gros kyi mthu dman pas lam rim chen mo dang
kun bzang bla ma'i zhal lung gdam zer na phyi ma 'dam la khad
yod gsungs/ rje nyid phyogs phebs kyi dus su'ang lam

rim chen mo'i gzigs dpe dga' ldan spar rnying pod chung zhig nye
gnas kyis gdan drangs te nyin gnyis gsum phan bzhugs dgos pa'i
gnas su rje nyid kyi sku 'khris stegs mtho ba zhig tu lam rim
chen mo 'bral med du bzhugs te/ skabs

skabs su 'di rje rin po che'i gsung rab kyi yang snyid rang cag
rjes 'jug rnams la zhal chems su gnang ba yin/ las snang ma dag
pa'i ngor yi ge dag ma dag sogs kyi rnam pa lta bu snang mod/
don du rje btsun 'jam pa'i dbyangs kyi mkhyen

rab yi ge'i zol du shar ba/ la la gsol 'debs dbyangs kyi gzugs/
la la yig 'bru gzungs kyi gzugs/ zhes gsungs pa rnams dmigs
brtse ma dang/ lam rim chen mo/ sku 'bum tsan dan gyi yi ge rang
byon sogs yin/ mi 'chi kha

ma'i sngas mgor lam rim chen mo yod na 'pho ba logs su mi dgos
bya ba mkhas grub snga ma tsho'i gsung rgyun du yod gsungs/ rje
bla ma gang gis nad par sman sbyin gyi phan 'dogs rgyun du gnang
bas mdzad brel gyi snon ma ches che bar brten gsol
@236a @#/ /'jam gyis skabs shig /bla ma rin po ches dus gtan du
thugs dam nyams bzhes/ bka' chos/ ljags rtsom/ mjal kha gnang
rgyu sogs bstan 'gro'i don de tsam gnang ba de gas chog pa la/
e ma chi'i phyag

las gnang dgos pa 'di thugs brel nyis brtsegs sum brtsegs kyi
'phar snon/ ha cang sku ngal ba'i rgyu de 'dra mi dgos pa rang
red zhus par/ da lta de 'dra bsams pa rang bde po yod skabs
gzhan la phar ltad mo bltas pas ma byung ba

red/ sman 'di gal che chung ji 'dra yod pa na tsha rang thog tu
ma sleb par du shes mi yong/ nged kyis sman lag len byas te nad
pa la phan thogs che ba mang du byung bas dgos rgyu deg yin/
dka' ngal cung zad yod kyang skyon chung gsungs te

ma gsan/ yang bkras chos na bzhugs pa'i dus su nyin gcig ches
snga char lha khul gyi sku drag 'ga' dang/ de rjes nas rim gyis
gdan sa'i bla sprul mang po/ mjal dkyus bcas shin tu mar ba bar
ma chad pa byung nas snga dro'i tsha ba dgong

mo nyi ma bzhud kha bar bzhes skabs ma byung ba na/ gsol 'jam
gyis/ de ring mi de tshos rang ma gtogs bsam rgyu med par de
'dra'i sa bkag /bla ma rin po ches snga dro'i tsha bzhes kyang
gnang long ma byung bar sku ngal chen po byas zhes dmod mo lta

bu mdzad par/ 'o de 'dra zer rgyu med/ de ring gi de tsho yang
gal can sha stag red/ spyan ras gzigs kyis phyag stong spyan
stong du sprul kyang kun gyi re ba skong mi thub na/ nged tsho la
mgo gcig dang lag pa gnyis las med pas de 'dra los yong

@236b gsung ste bzhad mo mdzad/ yang skabs shig tu/ dga' ldan
gser kong rdo rje 'chang dge lugs pa'i mkhas grub gnyis ldan gyi
grub thob yin/ ngas chos zhu rgyu stabs bde ba zhig ma byung
yang/ rmi lam du gser kong rin po che mjal khar 'gro

ma nas 'du khang lta bu zhig tu byon pas/ khri mthon po zhig gi
khar dka' chen 'jam dpal tshul khrims red zer yang rnam pa gser
kong rdo rje 'chang rang nyid sku la rus rgyan bzhes/ gser gyi
rtse rdor 'od 'bar ba can gyi rdor dril phyag tu

bsnams te bzhugs 'dug /nged kyis kyang rus rgyan gyon cing/ rdor
dril zhig lag tu thogs bzhin pas song ste bcar bas phyag gi rdor
dril de nged la gnang/ nged kyi rdor dril de gser kong rin po
cher phul/ yar mar gsung 'phros gang

yang ma byung bar phyir phebs pa zhig rmis pa chos dngos su ma
zhus kyang don du byin gyis brlabs pa'i mtshan ma gsal ba dang/
gsung 'phros ma byung ba chos zhu rgyu stabs ma 'grigs pa de'i
ltas su mngon gsungs/ sngar sku tsha chos 'byor

bya bas gnyer pa gnang skabs shig mchen rgyal rong ba zer bas ja
sbag gcig brkus te sbas nas yod pa gnyer pas mthong/ de 'phral
ja de rje bla ma nyid kyi spyan sngar phul te/ mchen nas ja 'di
ltar brkus pas khol nyes chad drag po

zhig gcod dgos zhus par/ rje nyid nas/ 'o de 'dra byed pa gtan
nas mi rung/ nga tshor 'di tsam gyis lag mi thogs pas skyon med/
'di skor nas ma chen kho la ngo tsha kha skyengs dang/ sems la
sdug bsngal skyed pa'i rgyu rlung phyogs tsam yang

@237a @#/ /ma bsgrags shang/ gzhan su la'ang ma smra zhig /ja
rang gnas su kho rang gis bzhag pa ji lta bar zhig /slad ja sogs
'jog snod dang/ sgo lcags lde mig rnams la gzab dgos gsungs pa
rnam thar ngo

mtshar che bzhes bla ma rtogs ldan pa'i gsung sgros las byung/
dgun ka grang ba'i dus shig tu byi tsig gi phru gu grang dar
gyis mnar te 'chir nye ba zhig dang/ mi'i rkang pas brdzis pa'i
bse sbur nang khrol sogs phyir don kyang da dung

shi ma thub par 'gul bskyod byed pa sogs gzhan gyis khyer nas
rje bla ma gang gi drung du phul bar skabs rer mdzad brel che
ba'i dus dang 'doms nas gsol dpon gyis sku rlung tshab tshub mdzad
de bkyon pa na/ rje nyid nas/ 'jam

dbyangs cung zad sgugs/ nga tsho'i brel skul gyi rigs rnams la
tshar dus cher med pas sos bdal nas byed dgos/ 'di sems can nyam
thag 'chi kha ma'i dus yin pas da res 'di gal che zhes bla ma'i
mtshan sngags dang/ bde gshegs

so lnga/ sman bla mched brgyad/ mi 'khrugs pa/ 'od dpag med/ rin
chen gtsug tor can/ rgyal ba kun tu gzigs ba sogs kyi mtshan
dang/ ngan song sbyong ba'i gzungs sde lnga sogs gsungs te ljags
phus 'debs pa/ 'phags

pa spyan ras gzigs dbang thugs rje'i gter/ zhes pa nas/ myur du
sangs rgyas sa la bzhag tu gsol/ zhes pa'i bar dang/ 'di nas
nying mtshams sogs dang/ rgyal ba'i dkyil 'khor sogs bsngo smon
gyi mtshams sbyor bcas gnang

@237b ste srog chags 'bu srin tshun chad la'ang byams pa'i thugs
kyis ma btang ba'i bka' drin de lta bu bskyangs/ gong smos ltar
tre hor brag dkar gong ma'i bu slob 'ba' sprul lam/ bu ram sna
sprul skus ri rgya ri khrod nas chab shog phul bar/ rje nyid

kyi gsung bde lam sbyor chos su sangs rgyas la dmigs pa'i dge
rtsa kun slong dang bsngo ba rnam dag gis ma zin kyang myang
'das kyi rgyur nges par 'gro tshul mdo'i khungs dang bcas gsung
bar khong pa yid ma rangs par/ de 'dra mdo gang na yod

kyi ka tho shog grangs thig phreng bcas gsal po dgos bya ba tshig
don gang cir klan ka'i tshan che ba zhig byung ba la lam rim bla
ma rgyal dar bas/ kho ba'i yi ge 'di klan ka 'tshol ba'i gtam kho
nar 'dug pas rigs lam nas drangs pa'i bka' lan

tsha nan zhig nges par dgos zhes grub mtha' chen mo'i lung 'dren
sogs dang bcas lan shin tu rno bar zin bris btab nas kho bo cag
brgyud de rje nyid la phul bar/ 'ba' bu sprul sku'i dri tshig
rnams nyams len gyi gnad don du gnyer te dris pa las/ klan

ka'i phyogs mis? 'gro bas lan yang 'di 'dra bskur na phan chung/
khong gi yi ge'i babs la gzhigs na mdo las de 'dra mi 'byung
snyam pa shas che bas sngon du mdo lung dngos bcol dgos/ khyod
kyi ri khrod dge slong 'ga' grogs su sbran te bka' 'gyur

gras dam chos pad dkar dang/ snying rje pad dkar na 'tshol cig
ces phebs pa ltang btsal btsal yang ma rnyed/ slar drung na bcar
ba dang sog po dge bshes mkhas par grags pa zhig mjal khar 'byor
ba dus mtshungs su byung bar/ rje nyid kyis

@238a @#/ /de ring mdo lung de 'dra zhig 'tshol dgos pa mdo gang
na yod dge bshes rin po cher gsung rgyu e yod ces stsal bar dge
bshes pas/ mdo lung de ngas yang yang blta myong/ mdo mdzangs
blun na yod/ tan tan yin

zhus pas/ 'o lags 'o lags/ da yag po byung/ 'tshol chog chog red
gsungs/ de nas dge bshes par gsung 'phros gzhan mang po gnang
zhing/ dge bshes thegs zin pa'i rjes su zhal nas/ khong dge
bshes chen po zhig yin

yang yid brtan mi 'dug /lung de mdo mdzangs blun na gtan nas med
gsung/ rdo rje 'chang nyid kyis mdo lung de dus nam gyi tshe
gzigs zhus pas/ nged na tshod gzhon pa'i dus bka' 'gyur rin po
che'i bklags lung lan gnyis bgyis/ de

skabs zhu mkhan tsho sku ngal tsam byung yod shas che ba las/
rang gis brel ba ma byas par dpe klog gi go chod par dal bur
bklags pas go bcad/ sbyor chos su drangs pa de yang de dus
mthong gsungs/ kho bo'i dogs par/ 'ba' sprul khong

ris med kyi chos la mthong rgya thos rgya shin tu che bar grags
pas khong gis lung de 'dra med pa kho nar 'dzin/ rje nyid kyis
ljags lung gnang ba dus ches snga bas da lta lung 'dren gzhan
dang 'dres pa'am/ bsnyel ba lta bu byung dam snyam du/ sngar gyi

mdo gnyis na mi 'dug pas da dung mdo ji 'dra zhig tu 'tshol dgos/
lung de 'dra yod pa zhig ni yin nam zhes gsol bar/ zhal 'dzum
bag dang bcas/ khyod 'jigs mi dgos/ lung de nges par du yod par
ma zad/ bar du dpe cha ma mthong ba ha

@238b cang yun ring song bas tshig ji bzhin 'ong dka' yang don la
lci yang med par sbyor chos su bshad pa de kho na ltar yod/ da
ste gzhan du mi 'tshol bar sngar bzhin snying rje pad dkar rang
du btsal dgos gsungs pa ltar slar kho bo dang dge slong

'ga' re bcas nas zhib tu btsal bas mkhan zur gsol dpon thub
bstan blo bzang bya bas rnyed 'dug pa ka tho'i thems grangs sogs
dang bcas ngo bshus thog /dris lan dang bcas pa dgyes bzhin du
stsal ba gsung cha ba'i dris lan sna tshogs

kyi gras su bzhugs pa ltar dang/ lung de rje nyid kyis sngon dus
lan gnyis las ma gzigs kyang mi brjed pa'i gzungs phun sum tshogs
pas de ltar gnang ba rmad du byung ba'i rnam thar yin/ 'di lta'i
rigs ches mang du mchis kyang 'bri

bar mi lang zhing/ gzhan ltar na 'ba' sprul la 'jam mgon sa paN
gyis/ khyod kyis ma mthong shes bya mang/ /bong bus ma bgrod lam
'phrang mang/ bya ba sogs mi gsung ba ngo mtshar che la/ dge
bshes par mdzangs blun gyi phyag dbe phyag tu

mi 'jog pa de bas kyang ngo mtshar che ste/ des mtshon nas rgyun
gtan mtho mnyam dman pa'i mi su 'dra zhig la'ang phrag dog 'gran
sems/ ngo tsha bag 'khum/ khyad gsod brnyas smod sogs su 'gro
ba'i rigs gnang rgyu'i dri tsam yang mi

mnga' ba 'di gcig bu'i mdzad pa'ang mkhas btsun ston sgom du
brloms pa su rung rung la mi mnga' ba'i rgyal sras byang chub
sems dpa'i rnam thar bsam las 'das pa zhig go/ gzhan yang sa
stag lo bar khams khyung po rdzong chung dgon

@239a @#/ /dang/ dil mgo dgon gnyis nas shad rtsol gyi bya ma rta
ched du 'byor ba'i zhu yig tu/ khul der than gdung gi 'tshe bas
lo tog la gnod tshabs che bar rje bla ma rdo rje 'chang mchog gis
char 'bebs pa'i skyabs 'jug

sogs brtse gzigs dgos tshul zhus pa bzhin char 'bebs su gdan
'dren rgyu'i sku brnyan byin can re dang/ char 'bebs byed skabs
klu gnas kyi mtsho dang/ chu mig gnyan po lta bu'i khar bsgrags
rgyu'i bden tshig bdud rtsi'i char 'bebs 

zhes pa bka' rtsom mdzad pa bcas stsal bas bang phyin pa 'phral
thon gyis nyin mtshan bar med du bskyod de dgon gnyis nas lung
phu'i mtsho zhig gi 'gram du sku brnyan bkram zhing bka' rtsom
bden tshig lan 'ga' shas bsgrags pa sogs

byas pas de ma thag tu sprin nag lang long du 'tshubs shing char
drag tu babs/ glo bur mtsho rgyas te khong tsho'i sdod gur yang
mtsho 'gram nas yar yar lan gnyis spo dgos pa sogs ngo mtshar ba'i
ltas khyad par can byung/ de nas bzung

char rgyun bzang po yun ring babs pas lo tog rnams slar sos te
ston 'bras phun sum tshogs pa byung zhes phyi lo byes 'grul gdong
dgon gnyis nas gong gsal lo rgyus gsal 'khod dang bcas gtang rag
legs 'bul gyi zhu yig kyang phul/

lam rim bla ma rgyal dar bas/ ngas sngon dus se rar gzhung chen
mor slob gnyer la 'bad nas yod skabs rje bla ma mchog gi zhabs
drung du bsnyen te bkras chos dang/ chu bzang chos rwa sogs su
bka' chos rgya chen po mang du zhus/ de dag gi

@239b dus su rje bla ma nyid tshogs dbus nas byon skabs phebs lam
g.yas g.yon gyi tshogs gzhung du'ang dri zhim gyi bsung ngad
bzang pos khyab 'gro ba zhig 'dug kyang de dus nged rtog ge mgo
mkhregs bla ma la dag snang chung ba'i skabs su yod pas

gsol dpon nas bla ma'i na bza'i gseb tu dri bzang po bro ba'i
rdzas dang sman lta bu bcug pa yin srid/ gzhan 'di 'dra mi 'ong
snyam pa las med/ skabs shig dbyar dus bkras chos su mjal khar
bcar bas gsol dpon nas/ de ring na

bza' mug bsang bya dgos pa mis mi 'dang bas khyed kyis rogs pa
gyis gsung ba ltar na bza' rnams 'don 'jug rdul sprugs sogs kyi
zhabs 'degs gang nus zhus par gzim chung phyi nang yongs su
sngar gyi dri bzang po des khyab 'gro ba

snas snom pas ngoms mi shes pa zhig snang la/ na bza'i sgam sogs
kyi phyi nang bar gseb gang du'ang dri zhim pa'i rdzas sman sogs
ni cung zad kyang mi 'dug pas 'di 'dra tshul khrims kyi dri zer
ba de yin la che snyam ba byung/ da res sa stag lo

'dir gsang sngags kyi tshul khrims rnam bshad rje nyid kyi drung
du bskyar zhus gtan 'bebs su phul nas phyir stsal ba'i dus su
dpe cha dpe ras dang bcas par dri bzang po des khyab nas 'dug pa
zla gcig tsam gyi ring de kho na ltar snang/ de nas

dri zhim po de yal nas nga tsho'i dpe char rgyun par du ba'i dri
ma lta bu brol de rang du gyur 'dug pas rje bla ma gang nas
phyag gis reg pa tshun la de 'dra'i dri bzang po 'go ba sku gzugs
las byung ba'i tshul khrims kyi dri ngad nyid las 'os med phyir
sngar

@240a @#/ /gyi dam pa 'gar sku las tshul khrims kyi dri ldang ba
ha cang ngo mtshar che ba'i rnam thar du mdzad 'dug pa dang ches
mthun pa 'dug gsungs/ de rjes shig tu tshul de kho bos rje nyid
la zhus skabs rgyal dar nas de 'dra gsung

ngam/ nged la de 'dra'i dri bzang po bro ba yod na ngas tshul
khrims kyi dri yin pa'i re ba mi byed/ byang chub kyi sems kyi
dri yin pa'i re ba yod pas byang chub kyi sems kyi dri yin shas
che/ zhes phebs pa byang chub kyi thugs bcos ma ma yin

pa thugs la mnga' ba'i gsung du snang/ de dang mthun par rje
nyid kyi gsang rnam gsol 'debs brag g.yab rtogs ldan 'jam blos
mdzad pa las gsungs pa ltar sngon dus mi zhig gnyan nad kyis
dpung pa skyang ste 'chi ba la nye ba'i tshe rje bla

ma nyid la skyabs 'jug zhus pa na/ nad pa la gtong len lan bdun
mdzad cing srung mdud bdun gnang ba'i de ma thag tu rje nyid kyi
sku dpung nad pa'i ji lta bar glo bur du skrang zhing/ nad pa'i
dpung pa'i skrang pa lhag med du zhi ba'i gtong len

dngos su gnang ba dang/ dwags po stod smad phan tshun 'khrug ste
mtshon cha'i 'phrul 'khor bskor ba la nye ba'i skabs gzhan sus
kyang bzlog par ma nus par rje nyid nas dmag 'khrug 'dum par
mdzad pa dang/ sngon dus chu byi'i rgya dmag

gi rjes su 'bras blo gling de mo'i khongs gtogs bstan gling lde
'chang blo mkhas bya ba chu bzang du se ra'i grwa gzugs lag dmar
can du mas gsod rgyur thag chod pa la rje nyid kyi thugs rje'i
gzi phyin nyag gcig gis khong pa srog gi 'jigs pa

@240b las bskyabs pa dang/ me glang lo bar khams su hor spyi
mkhan chung thub bstan padma dang khrom tshang bon sda mthun
bsdebs kyis dge ldan bstan 'gror gnag pa'i bsam sbyor ngan gshom
spyi dang/ lhag par khrom rong g.yul 'khrug gis

gnod pa tshabs po che yang thabs mkhas kyi mdzad pas zhi zhing
bzlums pa dang/ sa yos la rwa sgreng dang ser smad kyi zlos gzhi
mig sman zol du 'god pa dag kyang byams pa'i thugs kyis dbang
med du 'dum thabs gnang ba dang/ der ma

zad khams phyogs su 'byon skabs snga phyi bar gsum du rnying bon
sogs kyi lha 'dres thog ser phab cing/ shwa 'od drag po gtong
ba/ phebs lam du gangs chen po ri bsnyil ba bzhin du byed pa
rnams kyang thugs dam ting nge 'dzin gyi rol pas

tshegs chung ngur rmeg med du gzhil bar mdzad pa dang/ shing phag
lor lcags ra dgon du 'byon skabs nas dad ldan du mas rje nyid
chab mdo khul du mi 'byon par bar khams 'dir bka' chos 'os
'tshams shig zin nas ring min dbus

phebs mdzad na legs pa las/ rje bla ma mchog khams phebs kyi
gtam thos 'phral nas khyung po khul sogs su bon po tshe mtshams pa
lnga bcu skor tsam mtshams har don gyis zur du bsnyen mtshams mthu
sgrub kyi las rim gzab nan

tshugs nas lo 'khor tsam song bas khong tshos rje nyid kyi sku tshe
mdzad 'phrin la bar gcod chen po gtong nyen yod tshul sogs u
tshugs mtha' nan yang yang zhu mi mang du byung bar brten rje
nyid kyis chab mdo'i bka' chos tshogs gzhung du
@241a @#/ /skyabs 'gro'i ljags bshad skabs 'jam mgon bla mas bon
lugs la dmigs phug pa'i dgag pa gnang ba sogs las 'phros nas/
bshad ma thag pa'i rgyu mtshan rnams gong bzhin stsal te/ nged la
bon po lnga

bcu tsam gyis mthu bsgrub byas pa phar zhog /mthu stobs nus pa'i
dbang phyug tu grags pa'i bon po stong phrag 'tshogs te mthu
brgyab kyang nged kyi ba spu g.yo ba tsam yang mi nus/ rwa lo
dang gnyan lo gnyis ka'i man ngag ded la yod pas

gzhan don du srung ba'i dmigs pa cung zad byed dgos pa las/ bsad
zlog sogs kyi dmigs pa rgyun ldan du byed kyi med/ ngas kho pa
tsho la bsad zlog lta bu'i dmigs gnad thun re tsam bsten kyang
kho tshor bkra mi shis pa chen po yong mod/ nged

kyis de ltar mi byed par byang chub kyi sems bsgom ste gtong len
byed pa yin zhes mi 'jigs pa'i gdeng mnga' ba'i gsung byon pa
ltar pha rol pos rje nyid la smos ci/ 'khor g.yog gi rmi lam
'tshub pa tsam yang bya ma nus pa dang/

chab mdor bzhugs skabs yid srubs kyi sde chen po gzhan gyis
bzlog dka' ba yang rje nyid kyi thugs rje'i mthu dpung nyag gcig
la brten nas rang zhi rang ldog tu 'gyur bar mdzad pas/ rje bla
ma mchog nyid mthu stobs nus pa'i mnga'

bdag tu che ba yang de dag gis shes la/ de tsam ma zad rtag
brtan dang/ bkras chos kyi gtsug lag khang sogs bzhengs pa/
rgyal ba byams pa dang/ dwags po bla ma rin po che'i 'dra sku
che chung/ bla mchod tshogs zhing dang/ bde mchog

@241b lus dkyil gyi gtor mgron/ gzhan yang gsang bde 'jigs gsum/
rnal 'byor ma sogs kyi bris 'bur gyi sku brnyan gsar bskrun
gnang ba shin tu mang zhing/ gzhung gnas nas drang srong srin po
ri'i bde mchog gi pho brang dang/ bsam

yas mi 'gyur lhun gyis grub pa'i gtsug lag khang nyams gso mdzad
pa sogs kyi skabs ar po'i 'khur 'dzin shan kha bar rje nyid nas
nyams gso'i zhal 'debs gya nom pa stsal te/ srin ri'i 'khor lo
sdom pa'i sku brnyan ye shes

dngos zhugs yin tshul dang/ bsam yas kyang chos 'khor rnam pa
gsum gyi ya gyal/ mkhan slob chos gsum gyis bod du chos thog mar
dar bar mdzad pa'i gdan sa khyad par can yin tshul sogs dang bcas
rten gsum la phu dud

mdzad pa'i phan yon dang 'brel ba'i slob ston yang yang gnang
bas/ phyis gdan sa dga' ldan nyams gso gnang ba'i skabs tshun du
shan kha bas sngar rdo rje 'chang gang gis bka' slob nan tan
gnang ba'i bka' drin las de tsho'i zhabs 'degs

rang don las lhag tsam zhu rgyu byung zhes yang yang yi rang
gnang ba kho bos kyang thos pa ltar lha khang chung chung 'ga'
re bzhengs pa las kyang gong gsal bka' slob stsal ba rnams sman
rlabs ches che ba tsam byung ba dang/ dkon mchog mchod pa la

gal can du mdzad tshul gong du 'ang brjod zin par ma zad/ mtha'
dbus kyi rten gsum dge 'dun dang bcas pa shin tu mang bar bsnyen
bkur dang/ gtong thebs tshun gnang ba la tshad med pa bka' gdams
sku mched gsum gyi rnam thar

@242a @#/ /gcig tu bsdoms pa ltar mdzad/ gnas dus gang du chos
'khor che chung ji lta bu mdzad kyang rnyed bkur grags pa dang
'khor slob 'du ba sogs la gnod dogs kyi rang zon spu tsam mi
gnang bar ma rtogs log rtog bsre

bslad dri bcas kyi chos rdzu'i rigs la dgag sgrub mthar phyin pa
mdzad de/ rgyal ba'i bstan pa tshang la ma nor bar dar zhing
rgyas pa'i thabs 'ba' zhig lhur bzhes te zab cing rgya che ba'i
chos kyi 'khor lo rgyal ba'i bstan la rgyal ba rang nyid slar

byon pa ltar stsol bar mdzad pas 'jam mgon ring lugs gser
sbyangs btso ma'i 'od snang phyogs kyi 'khor lor bcings/ grub
mtha' ngan pa'i smra ngan 'byung bya mtha' dag mun pa'i khung
bur btsud/ gser mdog cod pan 'chang ba'i

ring lugs kyi lta sgom spyod pa'i khyad par dri bral padma dkar
po'i tshoms bu sa chen po'i khyon du bkram/ skal bzang gdul bya'i
tshogs kyi blo gros kyi 'dab brgya mtha' dag snyan brgyud sbrang
rtsi'i bdog pa yongs su tshim par mdzad pa

sogs bsam las 'das pa lta bu gnang bar brten gngas ljongs mkhas
grub bye ba'i gtsug nor stag brag rdo rje 'chang chen pos sngon
dus nor gling nas bkras chos su phul ba'i zhu 'phrin tshigs bcad
ma las/ tshad med byams pa'i stobs

kyis yab rje bla ma'i bstan pa nga yis 'dzin no zhes/ /rgyal ba
kun gyi 'phrin las cig car 'phrogs te 'gro rnams gtan bde'i sa
la bkod/ /zhing khams rgya mtsho'i rgyal rnams ngal bso mdzad
cing dgyes pa'i bsngags tshig dar dir sgrogs/ /

@242b rje btsun bla ma snying gi gdung sel mchog gi zhabs sen
che rgus mchod pa'i drung/ /zhes sogs snga phyir don gnas kyi
bstod bsngags ches mang du mdzad pa dang/ gtsang phebs phyi ma'i
dus su 'bi lung dge bshes ngag dbang yon tan pas

rje nyid la/ da lta gtsang phyogs 'dir yang rgyal bstan dri ma
med pa'i khur byed mkhan ha cang dkon pas bstan pa rnam dag shin
tu nyag phra bar gyur/ skyabs rje rdo rje 'chang gang gis phog
thug sogs la ma gzigs par sangs rgyas kyi bstan

pa'i don du sku srog blos btang nas chos lugs grub mtha' chal
chol du spyod pa rnams la dgag sgrub shugs can mngon gsal du
gnang ste mkhas grub dge legs dpal bzang gi rnam thar bdag gir
bzhes pa bka' drin 'khor thabs med

pa'i gnas yin/ ngas rje nyid bstan 'gro'i dpal du zhabs sen yun
brtan gyi sku'i tshe sgrub la brtson chog pa zhes zhus 'dug pa ni
thugs gzu bor gnas pa'i gtam ste/ don du yab rje rgyal ba gnyis
pas/ bstan pa kho na lhar bcas 'gro ba

yi/ /bde legs kun gyi rtsa bar yid ches nas/ /lus srog yal bar
dor yang mi gtong ba'i/ /snying stobs chen pos dam chos 'dzin
gyur cig /ces gsungs pa'i dgongs pa gyi nar ma bor ba'i mdzad pa
rma med pa zhig tu gsal lo/ /

rdo rje 'chang chen po gang gis dge ldan lta grub gtsang mar
bskyangs pa'i gtam snying gi tsher mar song ba kha cig /rang gi
chos lugs la gtad so med pa'i gnong 'gebs su sum pa mkhan po ye
shes dpal 'byor gyis rnying ma sogs la zur

@243a @#/ /za mang du gnang par thu'u bkwan chos kyi nyi mas dgag
pa mdzad tshul dang/ lcang skya rol rdor gyis sum pa mkhan po
rgas pa'i tsal gtam yin/ 'chi khar chas spang ga las bsags nas
ci byed gsung tshul sogs lung

'dren tho re ba tsam skyor zlos byed cing grub mtha' ris med
byas na bzang zer mkhan yod kyang/ dam pa gsum ka'i dgongs gzhi
dgos pa dngos gang yin shes dgos te/ sngon dus kar snying gi
khur 'dzin 'ga' re pe cing gi phyogs su 'ong nye

bar thu'u bkwan gong ma ngag dbang chos rgyam dang lcang skya
rol rdor rnam gnyis kyis/ kho pa tsho lam du rgyu na dge ldan
pa'i bstan pa la gnod tshul gsung ste drag po'i las rim 'ga'
gnang bas dpal ldan lha mos 'phrin las bsgrubs te de dag lam 

du grongs pa sogs byung tshul dang/ rje rol pa'i rdo rjes dge
ldan ring lugs rnam par dag pa dar rgyas su 'dzin pa'i gsung
dang mdzad spyod ches mang pa zhig thu'u bkwan chos nyi rang
nyid kyis lcang skya rol rdor gyi rnam thar du drangs te mdzad
pa de dag ha cang

ngo mtshar che ba'i gnas su gsungs pa dang/ thu'u bkwan grub
mtha' shel gyi me long las rnying ma sogs kyi grub mtha' so so'i
thad du rang rang gi 'dod tshul gtso bor bshad cing/ dge lugs kyi
grub mtha'i gseb nas gzhan phyogs du ma'i lta

sgom sogs la dgag pa mthil phyin pa mang du mdzad yod pa rnams
don la gnas pa kho na las rol rdor dad thu'u bkwan ska snga
phyis col gtam gsung pa min la/ chos spong gi las gsog pa'ang
gtan min no/ /des na mdo sngags gang thad nas rgyal

@243b ba gnyis pa'i ring lugs tshang la dri ma med pa'i rjes su
zhugs pa shin tu gal che bar 'doms pa 'di la rgyal mchog lnga pa
dang/ bdun pa/ yongs 'dzin ye shes rgyal mtshan/ phur lcog ngag
dbang byams pa/ lcang skya rol pa'i rdo rje/ 'jam bzhad

'jigs med dbang po/ thu'u bkwan chos kyi nyi ma/ gung thang
bstan pa'i sgron me/ 'jam dbyangs bla ma dkon mchog rgyal mtshan
sogs dge ldan mkhas grub gong ma rnams dang/ bdag gi bla ma rdo
rje 'chang chen po nyid kyi mdzad dgongs mtha' dag dgongs

pa gcig dang dbyangs gcig tu 'bab ba so so'i gzhung lugs la
bltas na shes shing/ bsdu na sngar kho bos bsgrigs pa'i mnyam
med dga' ldan pa'i bstan pa la tshad ma'i lung gis nges pa skyed
pa lung bstan yang gsal me long zhes pa dang/

rje'i bsnyod tshogs skor/ skyabs rje pha bong kha pa chab mdor
bzhugs skabs snyan sgron du gsol zer ba'i yig rdzus kyi dpyad
don mchan bus bkrol ba dpyod ldan bzhin 'dzum dgod pa'i thal
skad rnga chen bskul ba'i dbyu gu dang/ de'i yan lag dris lan

sogs kyi skor bcas su mdo tsam bkod pa las kyang gsal bar rtogs
nus te/ rje nyid kyis rgyun par stsal ba'i lung 'dren gal po che
mang po zhig kyang de dag gi bar skabs kun tu gsal bar yod do/
/der ma zad mdzad pa'i rnam pa ches rmad du byung

ba gzhan yang 'di lta bu dag mnga' ste/ rje bla ma 'dis ni khyim
chung spangs nas khyim chen gyi brang khang bdag tu bzung ste
gnas gcig tu zag pa gsog pa'i lugs mi mdzad par/ bka' gdams gong
mas/ nyi zla bzhin du kun tu rgyu bya/ zhes pa ltar

@244a @#/ /bstan 'gro'i don kho nar dgongs te gdul bya'i mos pa
bzhin phyogs dang phyogs su zab rgyas chos kyi bgo bsha' rgya
chen po stsal te byon cing/ dus de dang der chi zhag sa tshigs
bzhugs gnas gang du'ang ngal phongs kyi

gnas spyi sger du mar stabs mtshungs 'os bstun gyi gla gsol mgu
rngan sogs 'jungs pa med pa'i gnang cha gzab par stsal te re ba
'bras ldan nyid las mi 'da' ba mdzad/ yang rdo rje 'chang nyid
kyis chab mdor sems bskyed mchod pa gnang

skabs mar shes/ drin dran/ drin gzo sogs kyi ljags bshad rgyas
par stsal ba las 'phros nas/ nga tshos da lta lus la chos gos
rnam gsum gyon te stan bzang po la 'dug /chos 'chad nyan dang ja
thug sogs la longs spyad de skyid mdog kha

ba yod kyang/ bka' drin la tshad mtha' med pa'i ma rgan sems can
mang po da tshod dmyal ba'i me nang du sdug bsngal myong nas
bsdad yod ces phebs te gsung gi gdangs 'gags shing/ spyan chab
nyil nyil du lhung/ de skabs gzhan 'ga'

rer yang lus 'dar zhing skyi g.ya' ba'i rnam pa gsal bar thon
pas byang chub mchog gi sems skyes pa dang/ theg pa chen po'i
rigs sad pa'am/ bag chags khyad par can rgyud la brtan pa sogs
mang du byung ba gor ma chag go/ /

'di nyid rigs smra'i dbang po rgyal mtshan dar rgyas pas kyang
rang gi brjed byang du gnang ste shin tu 'gangs che bar 'dzin
cing/ phyis kho bo cag la'ang bskyar te zlo bar mdzad do/ ^ gong
sa sku 'phreng bcu gsum pa'i sku bcar thub

@244b bstan kun 'phel gzhung gnas nas kong po o rong du spyugs
pa'i dus su rje nyid kong po 'bru lar phebs skabs zhabs gras
bstan skyong bya ba ched gnang gis thugs gso'i phyag bris dang/
bza' bca' sogs mthun

rkyen nyer mkho'i dngos rigs kyi gnang cha gya nom pa snga phyi
lan gnyis tsam gnang ba dang/ sngon dus rje nyid las zab chos
mang du zhus te nyams len gyi mthil du byed khul yang/ phyis dge
lugs rnying bsgyur gyis bar khams

gcung pa lung du sdod pa'i dam nyams 'chal po bstan pa'i bla
'tshong de lta bur yang rje bla ma gang nyid bcung pa chos 'khor
dgon du byon skabs kho par gnod rkyen du 'gro rigs cung zad tsam
yang ma gnang zhing/ rje nyid lha ldan

du phebs zin rjes sa stag nas kho pa 'chi nad drag pos lo phyed
gnyis tsam gyi ring mnar te 'gyod gdung mi bzad pas rag rdo
sprul sku'i zhu yig brgyud rje nyid kyi drung du nongs bshags
yang yang phul bar byams pa'i

thugs kyis kho par dbugs dbyung gi zhal bzhes bzang po stsol
ba'i bka' lan yid la sim pa'i dpal du smin pa yang 'phrin du
stsal ba sogs de lta bu mang du mchis kyang thams cad zhib 'bri
ma lcogs te/

mdor na/ chos brgyad ro snyoms/ nam mkha' dang lag mthil du
mtshungs/ gser dang bong pa mnyam/ tsan dan dang ste 'ur mtshungs
bya ba'i sgra bo che dag kyang rje bla ma 'di la dngos su mnga'/
zab lam

@245a @#/ /rim pa gnyis kyi nyams rtogs ji lta bu brnyes pa yang
'phan yul brag nag gi phug par nyams dbyangs mgur du bzhes pa
sogs kyis shes nus par ma zad/ gong smos bzhin kho bo cag drung
na thog mar bsnyen pa'i

skabs kyang nyin rer star chags su snga dro'i nyams bzhes nyin
gung gong tsam gyi bar mi grub par thugs dam la rtse gcig tu
bzhugs shing/ chu bzang ri khrod du nyin gcig snga dro'i thugs
dam bskyangs skabs glo bur sku rlung gi rnam pa'i ltem gzhi dos
drag

pa zhig byung nas phyag mdzod pa dang/ bzhi sde tA zur sogs
kyis zhabs pad brtan pa'i phyag 'tshal gsol 'debs smre sngags kyi
sgo nas zhu dgos pa sogs ci drag la thug par gyur cing/ dus de
nyid rang du brag ri mchog sprul gyi ma yum

gling skor du phebs pas rje nyid chu bzang gi 'og gling skor lam
gar byon te rta gro dkar zhig la gzigs nas bzhugs pa dang/ chu
bzang spyi pa'i tshogs chu len mkhan gyis grogs rong nas chu
khyer te chu bzang gi ltag tu slebs skabs rje nyid kyis

chu bzang thod kyi chos ra'i gsham du gzhan zhig la bka' pa
bkyon mdzad de bzhugs pa bcas dngos su mjal bas de ltar dus gcig
la sku lus gsum du bstan pa dang/ yang spyi lcags zhabs zur dge
bsnyen don grub dpal 'byor

stod phyogs su thegs pa'i dus nyin gcig chu bo chen po bye
ltongs mang po yod pa stod smad nas phar tshur thengs mang du
brgal dgos pa zhig tu bskyod skabs chung bas ma rnyed par bye
ltongs gting shin tu zabs par slebs nas bzhon drel gyi ske

@245b men chad chur nub cing/ khong pas dre'u la zhon te yod pas
pus mo dang pang pa sogs kyang chur dim pa na/ bye ltongs su nub
nas 'chi rgyur thag chod de 'jigs dngangs sran mi bzod pa'i
ngang nas rje bla ma rdo rje 'chang chen por gsol 'debs

shugs drag bgyis te mtshan sngags bton pas de ma thag rje bla ma
nyid sku mngon sum pa khong pa'i mdun du phebs pa dngos su mjal
ba byung/ de ltar mjal 'phral nyid du dre'u 'phir pa ltar gyur
te yang seng nger chu khar thon nas phar tsam

du slebs 'dug pas rje nyid la dad pa ltag par du 'phel zhing/ de
skabs de 'dra lan gnyis byung yang 'chi ba'i 'jigs pa las thar
ba bla ma rdo rje 'chang de nyid kyi thyus rje byin mthu nyag
gcig las byung zhes khong pas gzhan la bshad pa'i

sgros mang du mched pa byung snang/ yang sngar gzhung pa dge
legs sprul skus chu bzang du skabs rer dbyar dus grog po'i khar
gling bu 'bud de bzhugs shing/ rgyun du gling bu de rtsigs chen
pos sgam zhig tu bcug nas sbed de bzhugs/ nyin

gcig sprul sku nyid rje bla ma mchog gi drung du bcar bar/ rje
nyid nas bzhad mo gnang ba dang bcas/ sku zhabs nyid kyi phyag
sgam nang gi gling bu de ngas rdo bsnun nas gcog gam gsung par/
dge legs sprul sku zhum mtsher 'jigs skrag dang dad

gdung shugs drag 'bar ba rnams phan tshun 'gran pa bzhin du gyur
cing/ rje bla ma nyid thugs mkhyen la thogs thug mi 'dug snyam
pa'ang byung zhes gzhan mang por gsung skad/ lo rgyus 'di gsum
yang gi'u mchog sprul nas zin bris btab
@246a @#/ /ste gal 'gangs che ba mdzad cing kho bo cag la'ang
yang gsung la/ snga ma gnyis ni kho bos khungs ldan gzhan 'ga'
las kyang thos/ zur 'debs kyi stod smad du 'di lta'i rigs 'ga'
tsam bskyar zlos ltar

'byung mod/ lo rgyus khungs btsun snga phyir thos pa zur cung
zad mthun min sogs gal cher nan dpe'i tshul du bkod pa lags pas
skyon med do/ /gong du dus skabs 'gar mtshan rmis kyi rnam pa lta
bu 'ga' zhig brjod zin pa

sogs ltar bsnyel byang du gnang ba dang gzhan la stsal ba'i
'byung 'gyur gsal gzigs kyi gsung ches mang pa sogs thun mong
ba'i gnas phran tshogs rnams ni lo legs pa'i zhar du sog ma mod
pa chos nyid yin pa bzhin te ji skad du/ mkhyon

shes ting 'dzin las 'khrungs shing/ /de rgyu tshul khrims la rag
las/ zhes sogs dang/ rgyu tshogs pa las 'bras skye bar/ /rjes su
dpog pa gang yin pa/ /don gzhan la ni mi ltos phyir/ /de ni rang
bzhin yin par brjod/ /ces pa ltar

sus kyang 'gog tu mi btub pa'i rgyu tshogs tshang ba'i 'bras bu
shugs 'byung du rdol ba zhig yin la/ 'on te rigs pa'i dbang
phyug gis/ /gal te ring mthong tshad yin na/ /tshur shog bya rgod
bstan par gyis/ zhes sogs gsungs

pa bzhin rje bla ma rdo rje 'chang gang nas sngar smos pa ltar
bka' gdams gsar rnying gi rnam thar gtsang ma lhur bzhes shing/
lung sde snod gsum dang/ lam bslab pa gsum gyi bstan pa'i babs
dang mthun pa zhig las/ grol ba

@246b don gnyer can la mi mkho ba'i mngon shes dang rdzu 'phrul
zer ba sogs za zi'i 'khrul snang la thugs mi rton pas 'dir yang
de lta'i dam pa dgyes pa'i mchod sprin du mi 'gyur snyam pa'i
rigs phal che ba ma bkod la/ stag phu rdo rje 'chang chen po
padma

bdzra zhi dbyings su mnal ba tshun chad nas gzhan ngor sprul
sku'i skye srid ngos 'dzin mdzad pa'ang sum cu skor tsam byung
zhing/ de dag kyang mo sho ju thig dang lha mchod 'dre skul sogs
kyi re ba ye mi gnang bar yul phyogs dang thag nye ring/

lung pa dang khyim gyi kha bstan phyogs/ chu shing ri brag /pha
ma dang khye'u'i ming zur lo khams/ lam ga gya ma gyu dang/ tha
na sgo khyi ji 'dra yod pa tshun shin tu gsal bar gsungs 'dug pa
rnams ni rdzogs rim gnyid dus kyi bsre skor nyams

su bzhes pa sogs thugs dam 'od gsal gyi cho 'phrul 'ba' zhig las
byung bar shes dgos pa zhig go/ rje bla ma rang nyid kyi tshems
las ring bsrel mang du phebs pa 'gro ba'i bsod nams kyi zhing du
da dung yang ma nyams par dngos su bzhugs

pa mchis la/ der ma zad mkhas grub kyi skyes mchog gzhan phal mo
che'i spyod yul du ma gyur pa 'jam dbyangs sprul pa'i glegs bam
mam/ mtshan gzhan dga' ldan sprul pa'i glegs bam du grags pa'ang
rje bla ma 'di la bka' bab pa shes

byed du mas nges par byar yod la/ nags shong mtshams pa blo rgyam
dang/ gi'u mchog sprul sogs kyis sprul pa'i glegs bam rje nyid
kyi phyag tu bzhugs pa'i rgyu mtshan gzhan mang du gsungs mod/ re
zhig rdo rje 'chang chen po mchog nyid nas

@247a @#/ /gnang ba'i zab lam bla ma mchod pa dang/ dga' lha bka'
rgya can sogs bla ma'i rnal 'byor gyi skor/ gsung mgur bslab
bya'i skor/ dris lan sna tshogs/ sgrol ma'i bskyed rdzogs/ chab
shog gras/ lam rim man

ngag sogs bka' rtsom gyi rigs dang/ rgyun pa'i chos 'khor che
chung gi zab bshad man ngag ci rigs pa'i dgongs pa'i 'char sgo
dang/ gsung ris kho nar dpags kyang snyan pa rgyud kyi man ngag
rin po che'i za ma tog kha phye ba ltar gang la ci

'tshams par zad mtha' thogs gtugs med par stsal ba dang/ bkras
lhun sogs nas nye gnas 'gar gsung sgo phebs rigs su/ rgyun gtan
bka' chos rnams su bsnyen bkur mang ba 'dis bshad pa rgyas par
mi 'gro ba la gnod kyang gzhan

gyis tshogs gsog pa yi rang gi gnas las 'gog rkyen byed mi rung
zhing/ lhag par 'di res rnams su snyan brgyud man ngag gi sgo mi
'dra ba mtha' yas pa lta bu 'tshang ga brgyab nas lud yong ba
bzhin du byed kyang nam zla dus tshod kyis mi ldang

bas phyogs re tsam las 'chad long med pa ha cang phangs po red
ces yang yang phebs pa sogs kyis kyang rje bla ma nyid snyan
brgyud sprul pa'i glegs bam gyi mnga' bdag tu bzhugs pa'i yid
ches brtan po rnyed par nus la/ gzhan phyogs pa

'ga' res dga' ldan sprul pa'i glegs bam bya ba yig nag gi dpe
cha zhig tu bsams nas zhabs dkar tshogs drug rang grol gyis dge
lugs la bzang 'gran gyi tshul du pad 'byung sprul pa'i glegs bam
zer ba brtsams pa phyis gangs ri thod dkar

@247b gyi nye 'dabs shong gsab rje btsun ma'i ri khrod na par du
brkos pa'ang yod/ yang dus phyes rje btsun ma yod skabs de nyid
kyi thugs sras sku tshab tu grags pa/ pad 'byung sprul pa'i glegs
bam bdag tu byed pa po sngags 'chang grub chen dkar khra

dmar khra'am/ zla ba rdo rje bya ba gter yig sogs rnying chos
mang po par gzhir brkos rgyu'i mthun rkyen 'tshol bar byang 'brog
a pho hor gyi yul grur 'bul sdud du song bar g.yag lug brgya
phrag lhag tsam ster sbyin du byung/ de dag lha ldan khul

sogs su bshas 'tshong bgyis te par mang po brkos pa rnams rko
mkhan nged nas bgyid dgos pa byung ba de 'dra rung mi rung the
tshom zhing/ nged kyang yid mi bde ba chen po byung bas nyes
skyon che ba yod dam med ces snye mo par rko ba bkra shis bsod

nams bya bas rje pha bong kha pa'i bka' 'bum 'dzugs bcos bgyid
skabs kho bo cag la yang yang dris pa sogs byung/ dga' ldan
snyan brgyud sprul pa'i glegs bam ni/ de lta'i sdug bden gyis
bsdus pa zhig min par gang la bka' bab pa

der 'ga' zhig la glegs bam gyi rnam pa med par tshig don gang yod
thugs la shar ba dang/ la lar 'jam dpal rdo rje'i ye shes glegs
bam gyi zol du bab kyang bka' bab kyi gang zag rang nyid las
gzhan gyis bklag tu med pa sogs bsam

gyis mi khyab pa'i gnas 'ba' zhig yin la/ sprul pa'i glegs bam
du spyir chos phung brgyad khri bzhi stong gi don mtha' dag
dang/ lhag par tshe thung gcig la zung 'jug sgrub pa'i man ngag
gi tshul mi 'dra ba mtha' yas pa/ 'jam mgon tsong kha pa'i

@248a @#/ /bstan pa ma nub pa'i bar gyi bstan 'dzin dang sbyin
bdag gtso che ba rnams 'byung rgyu'i lung bstan mang po dang/
lung bstan gzhan yang mang du yod pa sogs shin tu rgya che
zhing/ gang ltar rje'i bstan pa'i mjug rdzogs kyi

bar du sprul pa'i glegs bam yang mi nub par brgyud 'dzin par ma
chad pa 'ong tshul bcas rje bla ma rdo rje 'chang gang gis bla
mchod kyi zab khrid stsal ba'i skabs 'gar dngos su gsung ba yang
thos so/ /sa stag la rje nyid nas chu bzang du dge ldan

bdud rtsi ril bu gsar sgrub gnang ba'i 'dam sgrub kyi skabs
mchod g.yog pa blo bzang chos 'phel gyi lag pa yang 'tshig la
khad kyi drod 'bar ba byung ba'ang bskyed pa'i rim pa'i ting nge
'dzin gyi nus mthu las byung zhing/ dge ldan sel med

bdud rtsi ril bu drod 'bar rtags thon ma zhes 'dogs par mdzad
pa'ang drod rlangs kyi rtags shugs cher thon pa des yin la/ 'di
lta'i rigs shin tu mang yang sgo bstan pa tsam snga ma'i skabs
'gar smos zin pas 'thus par byas/

rje 'dis gdul bya skyong tshul yang bka' chos kyi dus tsam min
par rgyun par thugs khro gtum gyi rnam pa ye mi mnga' zhing/ nye
'khor phyag g.yog pa tshun la'ang gseng dbar gang byung la skyo
bsang gi tshul du bka' gdams dang bka'

brgyud kyi grub thob gong mtsho'i gsung mi rtag pa ston pa'i lung
'dren dang gsung sgros mang po/ sngon chad gzhan du mas sngon
gnas dran pa dang/ dge sdig gi rgyus 'ga' zhig la gang du skye
'gyur gyi ltas dngos su shar ba sogs kyang byung

@248b tshul/ de 'dra'i skabs phan thabs sgrub pa'i dus da res yin
zhing/ dper na/ rang la yod pa'i 'bru'i phung po zhig chus
'khyer grabs yod na/ 'bru gang lon tshur hab thob kyis len thabs
byed dgos pa ltar rten 'dir don chen po la bsams

nas rab lam rim la thos bsam sogs dang/ dma' mtha' yang sangs
rgyas byang sems sogs kyi mtshan gzungs dang/ bde mchog yab yum
lta bu'i gzungs sdags khyad par can bzla b tshun gang thub la
'bad dgos tshul sogs yang

yang gsung la/ sku brnyan gsar bskrun gnang ba'i 'dod gsol tshun
du/ 'khor g.yog ltos bcas kyang ring por 'tsho zhing sdig pa'i
bya bas ma gos par dge ba'i bshes kyi sri zhu mthar phyin 'grub
pa/ zhes sogs kyi thugs smon tshun

kyang bka' drin du stsal/ bka' chos 'dus tshogs kyi dbus su chos
gsung ba'i skabs kyang 'khrid tshul khyad par du 'phags pas dbang
po rab 'bring tha gsum gang gi'ang blor 'tshams shing nges pa bde
blag tu ster ba/ lung rigs kyi

lam nas drangs shing/ gzhung don lam gyi rim pa'i spyi khog
'grigs la dka' gnad kyi mdud rgya lhag par du khrol bas blo gsal
mkhas mang gi tshogs rnams mgu bskyed pa/ thugs rgyud kyi nyams
myong khyad par can dang sbyar pas gdul

bya'i rgyud 'khul tshabs che zhing/ spyod 'jug chen mo dang/
drang nges legs bshad snying po/ gsang 'dus kyi bskyed rim dngos
grub rgya mtsho dang/ rdzogs rim rim lnga gsal sgron/ sngags rim
chen mo/ lam rim che chung sogs kyi

@249a @#/ /skabs rnams su zab cing phra la dka' ba'i gnas du mar
yang snyan brgyud kyi man ngag dang sbyar ba'i 'grel lugs go bde
rdog 'dril ba sogs 'chad tshul gzhan dang gzhan las ches phul du
phyin pa 'ba' zhig tu

stsal ba dang/ thog mar gzhung chen mor gsan sbyong gnang skabs
nas rtsod rig phun sum tshogs pa mnga' bas gling bsre'i gra skor
dam bca' mdzad pa'i dus su rgyal thang lha mkhar sprul sku dang/
rje sgrub khang pa blo bzang ngag

dbang bstan 'dzin rgya mtsho sogs mkhas pa'i dbang phyug du mas
bsngags brjod kyi me tog 'thor ba'i gnas su gyur la/ ser byes
lA ba dge bshes mkhas btsun chen po dge legs rgya mtshos/ skyabs
rje rdo rje 'chang chen pos

deng dus thugs dam nyams bzhes la gcig tu gzhol te thugs rgyud
dul ba gtso bor gnang zhing gdul bya rnams lam rim dang blo
sbyong gi sgo nas 'khrid thabs kho na mdzad de/ gzhan mar mtshan
nyid kyi dpe khrid dang rtsod pa'i mkhas nyams

mi gnang ba las/ rtsod rig la 'gran zla dang bral ba yod 'dug
ste/ sngar rje bla ma nyid stod rgyud du bzhugs pa'i skabs shig
smon lam chen mor dge bshes lha rmas pa dpe cha bzang gras shig
gis ming rtags btang ba'i mtshan mo dam

bcar rje nyid bgro gleng mdzad par phebs nas lung rigs kyi char
phab ste dge bshes pa mi smra ba'i brtul zhugs bzung ba'i gnas
la yang yang bkod pas/ phyi nyin dge bshes nas mdang nub kyi
sprul sku chung chung des nged rang kha grag rgyu

@249b med par ? bzos pas ngo tsha byung/ de nyin mor ma mthong
bas su 'dra zhig red ces gzhan la dris skabs/ de chab spel sprul
sku zhu ba de red/ nyin mor bla ma gzhan las bka' chos zhu bar
phebs kyi yod pa red ces bshad pa'i lo rgyus gsal po yod

tshul rigs smra'i dbang po rgyal mtshan dar rgyas la gsungs 'dug
pa las bdag gis thos/ dus phyis shig tu rgyal dar bas rang
phyogs kyi dam pa mkhas chen rtsod med cig las slob ma mkhas pa
mang po dang lhan du lam rim chen mo mdzub

khrid du lan kha yar zhus par/ rigs lam phra mo'i rtsod gshags
mang du mdzad de lan thad kar ji bzhin ma btab na mi dgyes pa'i
gsung gnag pa mang du 'byon/ nyin gcig bla ma des chos gral na
rgyal dar sogs la/ ngas de ring dri ba

zhig byed na/ 'dzam gling 'dir lan 'debs nus pa su 'dug gsung
bar/ rgyal dar bas ngas sngar skyabs rje rdo rje 'chang gi drung
du chos de tsam zhus skabs rdo rje 'chang nyid nas gzhung che
chung ji 'dra zhig yin yang gzhung don dang dka' gnas rnams zhib

phra phu thag chod par 'grol ba la sku tshegs med/ gal can go
dka' ba'i rigs lta bur 'grel gsar pa re gnang skabs/ 'di thad
rnams gsal po mi 'dug kyang rang gi go tshod la 'di 'dra zhig e
yin snyam/ 'on kyang 'di gnad phra sa zhig yin pas

ngas bshad pa la mtha' gcig tu cha 'jog mdzad mi dgos par de
ltar 'thad mi 'thad mkhas pa tshos gzhung chen mang po zhib bsdur
gyis dpyad pa yang yang gnang dgos/ zhes pa lta bu sha stag
phebs pa las gzhan la brnyas thabs kyi rigs nam

@250a @#/ /yang mi mdzad na/ khong mkhas chen yin yang de tsam
gsung ba mi rigs snyam ste/ lan gdab thub pa nga 'dug bya bzhus/
der de ma thag tu lam rim chen mo'i zhi gnas kyi thang nas dogs
gzhi go dka' ba zhig

bstan te/ 'di la 'grel ci 'dra byed gsung/ de'i thad du sngar
rdo rje 'chang mchog nas chab mdo sogs su man ngag gi bkras tshul
khyad par du 'phags pa zhib tu gnang bar gyal dar gyis zin bris
btab cing blo la'ang byang bar mdzad

yod pas don de 'grel sla ba byung nas/ rje bla ma nyid kyi gsung
tshul man ngag ji lta bar bzlas te lan thogs med du phul bar/ de
'dra ba sus bshad/ dpe cha gang du 'dug gsung ba la/ rgya ???
bas rje bla ma gang gi man ngag yin zhus

na mkhas pa khong dgyes mi dgyes cha ma 'tshal dgongs nas/ bdag
gi rig pa'i glegs bam na 'dug zhus pas bla slob kun zhal nag rog
ge bar bzhugs pa las lan ci yang ma byung zhing/ re zhig nas don
gzhan pa'i 'gro gleng sna tshogs

mdzad pa las dris lan gyi skor la mug mug pa mi 'dug /de ltar
rje bla ma mchog de'i gsung bshad man ngag la bla chen mkhas
pa'i yang rtse de lta bus kyang do zla med na/ rang cag gis zab
chos de tsam zhu rgyu byung bas gzhung lugs dang

nyams len gyi gnad ji 'dra zhig la'ang bag 'khum dgos pa med ces
rang gi rang la spro bsrings shing/ kho bo cag la'ang gleng mo
yang yang mdzad/ der ma zad mkhas par khas 'che ba kha cig ltar
na rje dge 'dun grub pas/ rang

@250b bstan pa 'dzin par khas len cing/ /gzhan bstan 'dzin dgra
bo'i dwangs mar 'dzin/ /zhes pa dang/ dgra nyon mongs 'dul thabs
mi byed par/ /gshags 'gyed pa tsam gyi 'chad nyan yang/ /'dre
shar sgo'i phyogs su gnas pa la/ /

blud nub sgor skyel bzhin don re chung/ /zhes dang/ mkhas mchog
bu ston gyis/ rtsong bas bstan pa 'dzin par gsungs pa yang/ /lta
ngan log pa'i lam las zlog pa ste/ /rang nyid rgyal 'dod/ /g.yo
sgyu'i

spyod pa tshig rtsub ngan sems can/ /ngag 'khyal sna tshog smra
zhing gzhan rgyud sreg /de lta'i rtsod pa de yang dmyal pa'i
rgyu/ /zhes gsungs pa ltar rang rgyal gzhan pham sogs dang/ pha
rol bo'i kha 'gegs byed tsam la snying por zhen pa

srid mod/ rje bla ma 'dis ni 'chang rtsod rtsom pa gang gi skabs
su'ang kho 'di zer na nga 'di zer gyi tshig 'khri skam po'i
gzhags 'degs kyi rigs phyogs tsam yang mi gnang bar dngos shugs
brgyud gsum nas skabs de dang de'i gzhung don

rigs pas 'byed pa gtsor bton thog /ma rtogs log rtog the tshom
gyi dri ma mtha' dag drungs nas dbyung zhing/ gzhung lugs man
ngag gi dgongs don phyin ci ma log par rang dang gzhan gyis
nyams len snying por dril ba'i thabs kho nar

gzhol zhing 'bab pa nyid stsal 'don mdzad pa las mi 'da' zhing/
bstan pa'i thugs khur theg pa rnams la lcang rol gsung gzhan
dang/ grub mtha' thub bstan lhun po'i mdzes rgyan sogs su/ sngon
byon dge ldan mkhas grub dam pa rnams/ /
@251a @#/ /mtshams dang bug sgo 'dag sbyar ma mdzad kyang/
/'chad rtsod rtsom pa'i mdzad pa mdzad bzhin par/ /sa lam
nyams rtogs phul byung brnyes la ltos/ /zhes gsungs pa sogs
ltar dgos tshul yang

'doms par mdzad do/ /don de dag las na/ dpal ldan sa gsum 'gro
ba'i mig gcig pu/ /thar 'dod yongs kyi bla na med pa'i mgon/
/rgyal ba kun las lhag pa'i thugs rje can/ /bde chen snying
po'i zhabs la gsol ba 'debs/ /

zhes gsol yang nges par du 'os shing don la gnas pa nyid do/
/gdul bya'i don du bstan bcos bka' rtsom gnang pa yang le tshan
zur du 'dren mi dgos par/ mtshungs med chos kyi rje su ma ti
dznyA na'i zhal snga nas dang/ yon gyi bdag mo chen mo

g.yang 'dzoms tshe ring/ lugs brgya'i dbang phyug shan kha
bsogs kyi thugs khur rlabs chen bskyangs par brten/ par gzhir
sngon 'khod gras ka pa nas ta pa'i bar bod dgu/ de rjes tha pa
dang da pa bod gnyis bcas yongs grags

ltar dang/ slar phyi mo rjes rnyed kyi rigs dang/ zin tho gtan
phebs sogs thon rim gyis yab rje rdo rje 'chang blo bzang
sangs rgyas pa'i rnam thar nyung 'dus/ lam rim dmar khrid kyis
bcad mtshan ma/ 'jigs byed lha bcu gsum ma'i bskyed

rdzogs kyi zin bris zhib rgyas/ chang khyim pa thub bstan shA
kyar stsal ba'i 'jigs byed dpa' gcig gi bsnyen pa'i sngon
'gro'i 'don cha nag 'gros dang/ 'jigs byed dpa' gcig gi bsnyen
pa'i kha skong zhi ba'i spyin sreg bya tshul/ sbyin sreg

@251b dngos grub rgya mtsho'i zab khrid stsal skabs kyi zin
bris/ 'jigs byed dpa' gcig gi bdag 'jug 'bring po/ yon tan
gzhi gyur ma'i zin bris/ brag g.yab rtogs ldan pas 'debs par
mdzad pa'i zhi gnas kyi zin bris dang ser byes drung zur blo

bzang thub dbang bas 'debs par gnang ba'i zhi lhag gi zin
bris/ bka' rtsom dang bsnyel byang thor bu'i skor phyogs
bsgregs phran tshegs/ sgrol dkar sgrub thabs 'bring po/ 'jam
dkar sgrub thabs rgyas pa/ gtsug tor gdugs dkar

lha mang gi mngon dkyil smon shis bcas ljags bsgrigs gzigs dpe
nag 'gros leb bshus su bkod pa/ gzungs sgrub skor dang rab
gnas rta thog ma nag 'gros/ bka' rtsom thor bu'i gras phyogs
bkod nyer mkho/ lam rim bshar

sgom rgyas par bya tshul gyi zin bris dang bcas spar gzhir
'khod zin tsam dang/ 'grel chen dri med 'od kyi bsdus don bka'
rtsom phyag bris ma shog sgil che long bzhi tsam yod pa de
snga nas gzhan zhig tu gyar zhing/ lha sa rtse zhol bka' 'gyur
par

gsar gyi dkar chag rgyas pa dbu brjod 'ga' dang/ ka thong ngos
gzhi ma gtogs pa'i gsung rtsom ngo ma zhol spar ma zur gsal
ltar yin la/ slad du 'byung 'gyur gal can gyi rigs rje bla ma
rdo rje 'chang nyid kyi drung nas zab khrid nos pa'i

lam rim khrid chen brgyad sprags kyi gsung bshad zin bris shin
tu rgyas pa pong che long gnyis tsam dang/ zab lam bla ma
mchod pa phyag chen sbrags ma'i bka' khrid lan mang du stsal
ba'i zin bris zhib rgyas dang/ bla mchod tshogs zhing 'bri tshul

@252a @#/ /rgyas par bkod pa bcas la pod gcig /gzhan yang bla
ma'i rnal 'byor byin rlabs 'dod dgu'i gter mdzed dang/ sgra ma
snyan gyi tsha sgrub/ sgrol dkar tshe sgrub/ 'jam dkar sgrub
thabs las tshigs dang bcas

pa/ lam rim nyams mgur bsdus don/ rten 'brel bstod pa/ mi rtag
dran bskul/ gung thang gsung khro bcu'i srung zlog bcas kyi
zin bris rnams dang/ lam rim dmar khrid gsung bshad gces btus
rigs kyi zin tho ches

mang pa/ rje nyid kyi phyag bris ma'i bsnyel byang lam rim man
ngag gnang btus khag du ma/ gsung nang ma'i skor mang tsam
bcas yod kyang/ phyi ma rnams phal mo che cher snyigs lnga
bde'i? rgud pa'i smag tu nub pa sogs kyis mtshon deng

dus bsil ljongs kyi bde skyid nam srod kyi dus ltar gyur pa
'di dag ris med skye bo dman mchog du mas spyod tshul ngan
dgru'i rten 'byung mi shis pa brgya phrag tu spel ba'i ngan
'bras dus su bdo ba 'da' zhig tu shes dgos kyi/ bla ma lha

srung sogs la le lan bda' na ches cher 'khrul pa las kyang
nying 'khrul du song ba gdon mi za zhing/ de lta bu byung
ba'ang sems can gyi skal ba kho nar snang ste/ sangs rgyas
'ga' 'od sku tshe'i tshid lo bye ba sogs dang/ bstan pa lo de
snyed du gnas

la/ sangs rgyas la la sku tshe nyi ma zhag gcig dang/ bstan
pa'ang de tsam las mi gnas kyang mdzad pa bcu gnyis kyi rnam
par rol pa mtha' dag nyin zhag gcig la zin pa'i mdzad tshul
dpag med 'byung ba lta bu ci rigs yod pa'ang gdul bya'i

@252b las skal dang 'tshams par mkhyen bzhin du gnang ba dang
mtshungs par rje bla ma rdo rje 'chang chen po gang gi bka'
'bum da pa yan du lam yongs rdzogs kyi zab gdams man ngag
rgyas bsdus ci 'dra zhig dgos kyang nor bu'i phreng ba bsgrigs
pa bzhin

du yod cing/ de dag kyang thos rkyang tshig gi brgyud pa tsam
min par thos don nyams su bzhes te myong thog nas stsal ba'i
zhal gdams zab cing rgya che la skal ldan gyi gdul bya mtha'
dag theg pa mchog gi lam du rim gyis bkri ba'i dmigs

rnams la nyams myong 'don lugs sogs don gyi snying po lag tu
len tshul gyi gnad ha cang gsal la go bde rdog 'dril zhing
rgyud 'khul tshabs che ba sogs gzhan nas 'byung dka' ba'i gnas
'byams su klas pas rang gi dad brtson gyis lcogs

na gong gsal rnams kyis mi 'thus pa med la/ tha na tshe sgrub
kyi cho ga nyung bsdus re'i shis brjod tsam du'ang/ rnyed
dka'i rten bzang lo brgyar 'tsho ba dang/ /nyes spyod sdig pa'i
snod du mi 'gyur bar/ /rnam dkar legs byas kho nar bkol ba

yis/ /rang gzhan don gnyis mthar phyin bkra shis shog /ces pa
lta bu gser srang 'bum gyis mi do ba'i gdams zab khyad par can
mang du stsal ba tshun cung zad re yang lag tu lon thabs la
gang nus 'bad na mchog tu legs so/ /de ltar

rang gzhan la dran gso'i bskul 'debs dang/ tshe rabs kun tu rje
btsun bla ma mchog gis mnyes bzhin rjes su bzung ste gsang
'dzin sras kyi thu bor 'gyur ba dang/ sngar bshad pa'i rnam
thar de lta bu'i rjes su zhugs te zung 'jug rdo rje

@253a @#/ /'chang gi sa myur du thob pa sogs kyi smon 'dun
shugs drag bstan cing/ dal ba'i rtan la snyeng po ci lon bya
phyir tshul 'di nyid yang yang 'bad pa chen pos mdor bsdus su
grub par byas so/ /ring

nas bskrun pa'i tshogs gnyis dpung pa phan dgongs smon 'bras
stobs su dar bas bshes gnyen mkhas pa'i zhal sgo las 'ongs mdo
rgyud man ngag bye ba'i snying bcud gang thugs mkhyen pa'i
grwa zur gcig tu dog med chud/ /

sdom gsum khrims kyis thugs rgyud legs bsdams yongs rdzogs lam
gyi dpyad 'jog dmigs rnam bsags sbyangs gsol gdab yun du 'bad
pas gsan bsam sgom dang mkhas btsun bzang grub theg mchog lam

bzang nyams rtogs goms 'bras pha mthar son/ /nyid kyis brnyes
pa'i bdud rtsi'i bgo bsha' 'chad rtsod rtsom dang 'khor lo
gsum gyis skal ldan skye rgu'i dpyid du 'jo bas rnam byang zhi
ba mchog gi rtsa brtan rlabs chen dge

tshogs spel bas bsil ljongs dog por byas/ /lhag par gangs
ljongs mkhas min skye bo'i log bshad rnyog chu'i dri mas yongs
bgos thub bstan rin chen lta sgom spyod tshul rgyal ba gnyis
pa'i phra zab mkhyen pa dwangs byed nor bus lan brgyar

gtsang byas mdo sngags bstan/ /dus mtha'i skye bo skal pa rab
dman thos don sgrub pa'i rnam dpyod mig bral 'jam mgon lugs
bzang tshig tsam 'chel las snying po'i ro mchog ci yin ma 'tshal
srang kha'i rdo bzhin btang snyoms gnas

@253b su bsti ba'i che/ /'dren pa mchog 'dis thub bstan gsal
ba'i smon pa mdzad bzhin yab rje'i? rang lugs chang la dra
bral dbang ga nar bu bshad sgrub rgyal mtshan rtse mer bkod de
mdo sngags lam dang rim gnyis chos char 'dod rgur phab/ /

dngos kun slu med rten cing 'brel 'byung chu zla'i rol pa ji
bzhin gzigs pas 'di snang srid bde'i dbang phyug ces grags
sdig sdug rgyu 'dren nyid du 'doms shing che mtho'i gnas dang
go sa'i sgrob 'gying dgra ltar bskrad/ /dga' ldan

snyan brgyud gdams pas mdzes ba'i tshe thung nyid la 'tshang
rgya'i sgrub thabs ches cher zab gsal myur ba'i man ngag lag
mthil rdzas bzhin lhug par stsal bas sgrub brgyud bstan 'dzin
sa chen gtams ba tsam du 'phel/ /khyad par gsang

mtha'i rgyud kyi yang snying byin rlabs che myur he ru kaH yi
smin grol lam gyis sgo gsum smin byas mtha' yas sgrub pos
mkha' spyod grong du zung 'jug rgyal sar spyod pa'i skal bzang
mchog tu bsgrubs/ /gang gi gsung skyes yang slob

bcas pas 'dri klog len 'don mchod sbyin 'chad nyan bsam sgom
sogs la gcig tu gzhol bas phyi ma'i bshul ring lam rgyags
bsdogs pa'i blo ldan skyes bus yangs pa'i khyon kun khyab par
gdal/ /che rgus bkur yang rlom pa

mi mnga' mtho mnyam dman pa'i yid can kun dang dgra gnyen
yongs la byams thugs rab snyoms ma 'dris 'gro ba'i mdza' bshes
nyid gyur sdig sdug khur lcis mnar la thugs rjes lhag par
bskyangs/ /thos rkyang mkhas pa'i

@254a @#/ /grags skam tsam dang log 'tsho'i dri mas bag tsam ma
gos chos nor 'dod rgus 'brel tshad yid la dam pa chos kyi 'khor
sgyur che dang dpag bsam dbang lo rgyu ma bzhin du dge legs
phyin/ /khrims gnyis rgya

las 'gongs pa'i ngan spyod kyi/ /dang tshul la zhugs mi bsrun
skye bo'i snying/ /mkhyen brtse'i glog gi gdengs gas 'khyud
tsam gyis/ /tshegs med thal ba'i phung po nyid du byas/ /rgyu
dang mi rgyu'i phun tshogs 'dod 'byung gdung ba kun

bzod sa gzhi dang/ /don gnyis dpal ster nor bu'i 'byung gnas
rgya mtsho chen po nyid mtshungs shing/ /dug gsum tsha ba'i nad
gdung brgyas gzir 'gro ba'i gdung sel zla ba ste/ /'jig rten
blang dor gsal ba'i 'od snang mgon

khyod nyi ma bzhin du lham/ /khyab bdag rdo rje 'chang mnyam
med bde chen snying po dpal bzang po'i rnam thar zur 'debs
mdor bsdus sngon byung dang bcas pa dpag bsam yongs 'du'i ljon
pa zhes bya ba las/ sngar bshad pa'i rnam

thar gyi don bsdu ba'i tshul las brtsams pa ste/ rim par phye
ba lnga pa'o// ! //thub dbang rtsa mchog grong du bder gshegs
ltar/ /shAr phyogs dwags yul swa la'i sman ljongs kyi/ /sa
med bde chen snying po dpal bzang po'i rnam thar zur 'debs

tu/ /tha ma'i mdzad pa bstan tshul mdo tsam gleng/ /lnga pa
rlabs chen bstan 'gro'i bzhed rgu mtha' dag grub nas mtha'
ma'i mdzad pa ji ltar bstan pa'i tshul ni/ de ltar rje bla ma
gang gis bstan 'gro'i don rlabs po che rgyal ba gnyis pa slar

@254b byon pa bzhin du mdzad pa na/ dga' rab dbang phyug sde
dang bcas pa yid kyi zug rdu mi bzad pas gdungs te/ sngon bdud
sdig to can gyis ston pa sangs rgyas la mya ngan las 'da' bar
bskul ba dang tshul mtshungs par/ rje nyid dgung lo re

gnyis su phebs pa sa yos la bkras lhun du byon te chos 'khor
rgya cher mdzad skabs log smon gyi mthu ches cher bdo ba'i
skye bo 'ga' zhig gis bsam sbyor gnang pa'i glags tshol ci rigs
bkyis pa nas bzung sngar dang mi 'dra ba'i snyigs ma'i

rtsub spyod la thugs lhag par 'byung ba'i gsung mang du 'byon
pa zhig byung zhing/ sa yos la rwa sgreng srid skyong gi bka'
ltar bkras lhun nas ched kyis byon te srid skyong dang ser
smad zlos gzhi'i skor 'dum sgrigs gnang bar ser smad sna chen

'ga' res dam sel gyi rgyu tshabs chen bsgrubs par brten dgongs
pa gzhan du gtad gzhi thu shos shig de nas byung snang ste/ de
skabs kyi bsnyel byang phyag bris ma las/ ser smad don skor
tshe gling chos rar bcar skabs bla tshe cung zad

nyams pa 'dra/ zhes gsal bar 'god gnang mdzad 'dug pa ma zad/
gong du bshad pa bzhin sngar rgyun ji nyid kyi mdzad sgo'i
rigs gza' tshes sogs gtsug lag nas byung ba'i rten 'byung legs
'dzoms dang bstun te gnang ba shas che ba la/ /

de phyin nas de lta'i rigs phal che bar thugs snang ye mi
gnang bar mdzad dgongs gzhan du 'gyur ba'i rnam pa mang du
thon pa dang/ lcags 'brug la slar bkras lhun du 'byon zhor
dben dgon nas gdan drangs te der bzhugs pa'i dus su zhogs thun

@255a @#/ /thugs dam bskyangs skabs shig gi nyams snang du/ rje
nyid 'du khang zhig tu dge 'dun mang bo'i tshogs dpur bzhugs pa
la gzhan zhig gis mkha' 'gro'i bsun zlog dang 'brel ba'i brtan
bzhugs 'bul gyin

'dug pas mkha' 'gro rnams kyis bla ma gdan 'dren rgyu'i dri ba
dang/ dge 'dun rnams nas lan mdzad pa sogs dri ba dris lan rta
gdangs bcas lan gsum gsung srol yod pa ltar gyi lan dang po
gnyis zin nas/ gnyis pa gsung ba'i

skabs su 'dug pas mkha' 'gro'i skad gdangs dang/ DA dril sogs
kyi sgra lhang lhang du thos pa snyam byed/ re zhig nas sgo
phye ste mkha' 'gro lnga thogs med du byung bas dar thag gi
sne mo rnams bzung nas lod pa'i skabs nye logs nas mi

zhig gis phor pa 'dra ba'i snod spyad nag khog ge ba zan lta
bu'i bcud kyis bkang ba zhig nged la sprod rtsis byed par 'di
len rung ngam mi rung snyam du cung zad gnas pa'i mur/ yang
'khris nas grwa ba'i bzo 'dra ba zhig gis/ 'di khong tsho'i

zhu rten yin pas ma bzhes na mi yong zhes nan tan byed pas da
res khong pa tshe bden snyam pa lta bu'i ngang nas snod spyad
de lag tu blangs pas de ma thag nyams sad/ 'di tho rangs snga
bar rong nas gyen thag ring por dben dgon gyi

tshogs chu 'dren pa'i bong 'ded pas shugs glu len pa la mkha'
'gro'i skad gdangs su 'khrul ba ltar byung 'dug /ces phebs/ de
nas bkras lhun du byon te bka' chos mang du stsal bar grub
rgyal thugs? kyi tshe dbang gnang pa'i nyin chos thun

@255b grol mtshams tshe dbang gi nyer spyad blugs pa'i sgam
chung gsol dpon khang du bzhag pa gzhis rtse'i bud med slong
mo ba zhig gis brkus pa drung she nas rtsad bcad pas DA dril
sogs gzhan rnams tshur rim gyis byung yang tshe bum lhu phral te
btsongs

pa nas tho re ba zhig las tshe dpag med kyi sku yod pa'i tshe
bum gyi kha rgyan sogs gtan nas rnyed pa ma byung ba yang rje
bla ma mchog yun ring mi bzhugs pa'i ltas nyid du mngon la/ de
bzhin du phyis seng dwangs kyi rnam pa ye ma bzhes pa'i gsus

pho'i ltem gzhi tshabs po che de yang thog mar gtsang phebs
rjes ma'i skabs 'dir log pa'i smon shugs mthu brtas pa 'ga'
re'i phyogs nas byung bar mang pos dogs gzhi mdzad pa bzhin
don la gnas shing/ srid gsum rnam rgyal gyi

gtor chog bka' rtsom mar bskyar zhus gnang skabs/ nged la
sngon 'jigs byed kyi phyag mtshan cha tshang yod pa'i las rim
zhig rtsom rgyu'i ltas byung ba da res kyi 'di yin 'dug /da
lta de 'dra'i rigs phal cher zin du nye 'dug gsungs/

gtsang phyogs nas slar dbus su byon te ser smad gyi bka' chos
mjug gi sems bskyed mchod pa zin rjes sngar nged sa dar tshon
gyi phreng bstar ba'i sne nged kyis khrid pa sogs nyams rmis
lta bu ya mtshan can byung pa da res kyi sems bskyed cho

ga'i skabs 'di yin par gsal por byung tshul phebs shing/
gzhungs nas rje nyid la lha sa'i dga' ldan dar chen lan gsum
du chag pa 'di skor rgyal bstan spyi dang/ ^ gong sa mchog gi
yang sprul/ dga' brgya'i chab srid bcas la sku bgeg 
@256a @#/ /kyi rigs yod med sogs kyi brtag son gnang ba'i zhu lan
du/ gong gsal gsum gar sku bgegs kyi rigs gang yang ma shar
zhing/ dge lugs kyi bstan pa spyi la gegs 'tshub shin tu che bar/
gnas brtan phyag

mchod dang/ dge ldan bstan pa rgyas pa'i smon lam sogs grangs
gsog ha cang mang po gnang dgos tshul zhib 'khod kyi brtag lan
'phral 'bul bskyangs/ skabs der dpyod ldan du mas dga' ldan dar
chen chag pa rje bla ma mchog

gi sku bgegs kyi mtshan ma nyid las gzhan 'os med ces gleng
ba'ang byung/ de ga'i lo mjug dang lcags sprul lo 'gor rje bla
ma gang nyid bkras chos su bzhugs pa'i dus na/ dad slob mang pos
brtan bzhugs yang yang

'bul skabs bsun zlog gi tshigs bcad khongs/ snyigs dus mi rnams
g.yo sgyu dang/ /dam tshig sel bas dbyen sbyos pas/ /rig 'dzin
bla ma thugs sun te/ /mkha' spyod zhing du dgongs pa gtan/ /ces
sogs 'jug

gnang dang/ bkra shis chos gling ri khrod du bka' chos rjes ma'i
dus sgrol ma tsitta ma Ni'i bskyed rdzogs bka' rtsom ma'i bshad
khrid stsal skabs/ gzhung du mi shigs pa gnyis gsungs pa'i dus
ji srid 'tsho ba'i bar du

mi shigs pa zhes par mkhas pa 'ga' res dogs gnas zhus pa sogs
byung zhing/ de rjes ring min zhig tu dge bshes 'dan ma stong
dpon rje nyid kyi drung na mjal zhur phebs pa la 'phral mar kho
bos bskyed rdzogs kyi

@256b dpe bstan te/ mi shigs pa'i skor nas rje nyid la gzhan
gyis dogs gleng mdzad tshul zhus pa la/ dge bshes pas/ yun ring
thung dus ji srid dang/ tshe srid ces pas 'byed dgos shing/ legs
sbyar gyi tshig gcig don mang po la 'jug tshul

yod pa ltar bod skad du'ang 'tsho zhes pa spung ba/ skyob pa/
blta ba/ gnas pa sogs don du ma la 'gro phyir 'tsho zhes pa tshe
gcig pu'i yin mi dgos pas gsung rtsom ltar sor bzhag byung na
legs pa yod/ 'di 'dra rgyud dang 'grel pa sogs na

mang bas man ngag la rigs pas ma 'phul na bzang zhes kho bo la
yang yang nan tan mdzad de gsung/ de lta na snga ma'i des kyang
rten 'byung gi la nyer cung 'dzer tsam byung ngam snyam zhing/
de skabs shig nyams rmis kyi zol lta bur mi

gzhan 'sha' res rje nyid gyi zhal dkyil du dar dkar g.yogs par
rtsom pa/ phyag gis phar 'phul yang 'phul mi thub pa'i nyams
gsal ba dang/ mnal ltas su pur khang zhig brtsigs te de'i nang
skyabs mchog nyid bzhugs 'jags mdzad snang byung ba/

skabs de dag tu rje nyid kyi bka'i phebs sgor sa phyogs 'di las
bag phebs khu sim zhig la phebs snying 'dod kyi 'dug ces pa la
sogs dus la mngon par skyo ba'i gsung lan mang byon pa na/
tsitta ma Ni'i chos zhur phebs pa skyabs rje

gling rin po che dang/ khri byang rin po che/ de mo rin po che/
brag ri rin po che/ kong po shar sprul sogs bla sprul mang pos
bka' bgros kyis mkha' 'gro bsun zlog gi brtan bzhugs zab rgyas
shig 'bul gnang mdzad/ de nas lcags zam tshe chu sgrub sder byon
te lngar

@257a @#/ /smos pa bzhin gzhan ngor rje nyed kyi sku'i tshe sgrub
gnang ba zin pa'i mjug der tshe sgrub gnad smin bgyis kyang tshal
phan pa'i rtags mtshan lta bu ni gang yang ma byung zhes phebs
shing/ de skabs rnams su dad slob nye

'khor ba 'ga' rer rmi ltas ches ngan pa yang byung/ rje nyid yul
gzhan zhig tu 'byon rgyu'i dgongs pa kho na las med stabs gzhis
byes kyi sku chas dang las mjug sogs mtshams gcod dbye zhib gnang
slad phyag mdzod pa slar bkras chos

su byon cing/ drung yig dkon mchog shes rab nas phyag drung gcig
lcogs mdzad de yod skabs gong smos ltar rje nyid kyis phyag
mdzod la dgongs pa can gyi skyo mgur phyag bris ma/ bu gcig bu
rgod snying gi thig le/ /zhes sogs zhal

chems kyi tshul du gnang bar yang yul dus kyi skye bo'i snyigs
ma'i ngang tshul la thugs lhag par skyo zhing/ 'byung 'gyur gzigs
pa'i gsung mang po byon/ spyir sngon dus shing phag lor rje bla
ma gang nyid nags shod du phebs te stag phu rdo rje 'chang

chen pos rje nyid la zhabs pad yun ring 'tsho gzhes slad brtan
bzhugs gzab 'bul bskyangs pa'i dus su maNDal ljags bshad 'bul
gnang mdzad pa las/ bla ma zhabs pad brtan pa'i rgyu nye gnas
'khor g.yog dang/ gsung skyes bu slob

rnams kyis bla ma'i bka' bzhin sgrub pa dang/ zhabs pad mi brtan
pa'i rgyu bla ma'i phyag phyi ngang 'khor slob tshos bka' dang
dgongs pa ji bzhin mi sgrub pa dang/ spyi bye'i dam tshig tshul
bzhin mi bsrung pa sogs yin tshul gsung ba

@257b dang/ lnga rig mkhas dbang rgya mtsho sprin gyi lung las/
bla ma'i phyag g.yog zhu mkhan zhu mkhas na/ /skad cig gcig la
bskal brgya'i chags kyang sdud/ /gzhan du skad cig 'gyur rkyen
blo'i 'gyu ba/ /yud tsam zhig gis yud kyis ngan 'gror 'phen/ /

zhes pa'i rkang pa phyi ma gnyis ltar gyur tshe rang nyid lta ci/
bla ma'i sku tshe mdzad 'phrin tshun la gnod tshabs che bas de
'dral gnong 'gyod bshags bsdam shugs drag dang/ phyi ma'i skye
phreng kun tu de ltar mi 'byung bar mnyes pa 'ba' zhig bsgrub

nus pa'i smon lam 'debs pa tshun la nan gyis 'bungs dgos pa gnad
che shos shig tu 'khums/ tshe chu sgrub sde nas rim gyis dwags po
phyogs su chibs kyis bskyod skabs nyin du ma'i par chibs rags
kyi phebs gdong nyid du 'ja' kha dog

snga ldan zhig zug pa ston 'khor rnams phar byon rim gyis 'ja'
tshon yang mdun phyogs su phar phar yun thag ring mo'i bar bsu
ba'i tshul du 'gro ba der yod pa kun gyis mthong ba dang/ 'di dus
shig ki mtshan rmis su/ rje nyid kyi mdun

ngos thang yangs pa zhig tu rgyan gos bzang pos spras pa'i bud
med mang po brgyad tshan brgyad tshan du phreng bstar te zlos gar
rtse ba'i rnam pa 'dra bas phar tshur 'gro ba dang/ 'ga' zhig gi
lag tu sil snyan thogs pa ris nam mkha'i mthongs

su dkrol/ res sa'i khar dkrol nas mdun du gar 'cham sna tshogs
byed pa zhig gsal por byung tshul nye 'khor ba 'ga' la gsungs
shing/ yang skabs 'gar da ste nged kyi gzugs gzhi gcong ljid che
ba 'di mi zog tshang mar sdug bsngal

@258a @#/ /skyed pa'i rgyu las mi 'dug pas lo gzhon du btang na
'ong ba 'dug ces phebs pa dang/ dwags po bshad sgrub gling du
bka' chos gnang skabs sngon chad gnas gzhan du ma gnang ba'i man
ngag zur pa mtha' yas par

stsal te/ ngas sngar byang chub lam rim gyi man ngag yongs
rdzogs tshur zhus skyabs mgon bla ma rin po che'i drung nas tshur
zhus pas da res phar 'bul sa yang bla ma rin po che'i thugs sras
zhal slob gang yod 'dzom pa'i gdan sa 'dir phar

'bul rgya yin/ nged da res lam rim gyi man ngag rnams rtsis
rgyag byed par 'ongs te bla ma rin po che'i gsung bshad man ngag
cha tshang chad lus med par 'chad kyin yod pas tshang mas rtsis
bzhes nas bdag tu mdzad dgos/ ngas skyabs mgon bla ma

rin po che'i man ngag rnams gdan sa 'dir 'jog pa las dgon gyi
gling skor phan chad la 'khyer rgyu min zhes ku re'i tshul 'dra
ba yang nas yang du phebs shing/ nub cig gzim chung gi nye logs
nas mi las 'das pa'i skad sgra gsangs mtho la zil

rngam che ba zhig grag par phyag phyi bas zhib rtog bgyis kyang
skad sgrog mkhan su yang med pa zhig byung/ kho bo cag drung du
bcar skabs shig bde pho phyag zur bya ba mjal khar slebs/ khong
po phyir thon rjes kho bo la nged tsho da res phar lam bde

pho phyag zur gyi khyim gzhis su 'gro dgos pa yod/ khong skyabs
mgon bla ma rin po che'i zhabs 'degs rgyun ring zhu myong ba'i
sbyin bdag rnying khungs/ ngos tsho dang yang dam tshig shin tu
gtsang sa zhig yin gsungs/ 'di dus kyi bzhugs gnas

@258b gzim chung dang bka' chos 'tshogs yul 'du khang bar phebs
skas ches gzar la ring ba zhig brgyud dgos pas dgong mor chos
thun grol nas yar phebs skabs su/ 'di 'dra'i 'dzegs skas tshun du
bgrod dka' ba ni rang gzhan gnyis pa'i?

rgyur 'dug pas lon chung du phyin na legs bya ba zhig kyang
phebs snang la/ gang ltar rgyal ba gnyis pa'i bstan par gegs
chags che zhing/ snyigs ma'i gdul bya'i skal ba phra la nag
phyogs kyi nus stobs dar pas dkar phyogs pa rnams ????

rkyen gyi rnam pa snga phyir log smon can dag dang/ las bsod
dman pa 'ga' re'i ngan spyod kyis brgyud mar bskul ba lta bu ci
rigs shig byung mod/ gtso bor me sdrul lo sogs sngon snyag phu
rdo rje 'chang la thugs dam phul ba'i skabs?

rje bla ma gang gi sku tshe'i tshad kyi skor gnar ba'i gsang lung
du/ shar phyogs nag po ba'i skyes mtha' karma mu dra'i mtshan
'dzin pa'i tshe'i tshad ni don gsum yang/ phal cher sprul ba'i
'khor lor gzhan du 'pho/ zhes dang/ gzhan yang gsang lungs?

phyi gnyis tsam yod par so gnyis/ zhe gsum/ re bzhi/ don gsum
sogs sku tshe'i tshad rab 'bring tha gsum du gsungs pa dang/ yang
sngon dus stag phu rdo rje 'chang gis rje bla ma nyid la brtan
bzhugs shig phul ba'i tshe stag phu rin po che'i dag ???

gzigs ngor/ gzhan zhig gis rje nyid la kham sdong zhig phul song
bar sdong po de la kham 'bras drug cu rtsa bzhi 'dug gsung ba
don du des kyang sku tshe'i tshad bstan pa sogs ni/ kham 'bras
drug cu rtsa bzhis lte ba sprul ba'i 'khor lo rtsa 'dab drug cu
???

@259a @#/ /bzhi'i grangs tshad kyi thog tu zhing gzhan du gshegs
bar gsungs ba ltar rje bla ma rdo rje 'chang mchog gshegs bzhugs
la rang dbang med par glo bur bar gcod kyi dbang du gyur blta bu
ma yin par sku tshe'i tshad gyi thog tu

phebs pa mkhyen bzhin pa'i ngang nas gong gsal rnams nyams su
bzhes pa yin la/ des na bshad sgrub gling du chos 'khor sogs kyi
mdzad sgo che phra mtha' dag legs par grub nas/ da res nged kyi
bya ba che shos de zin pas shin tu legs po byung

zhes tshong pa khe spogs thob pa'am/ bu pha khyim du 'gro bar
phyogs pa bzhin du dgyes tshor tshad med pa 'khrungs pa'i gsung
yang yang phebs shing/ de nas hor zla lnga pa'i tshes nyer drug
la spyi sger gyi mjal zhu ba dang/ dgon gyi phebs skyel bar

sgron dar stsal ba sogs mdzad de chibs kyis bskyod/ sgo bstan
mkhan zur gyi khyim du gdan drangs pa bzhin byon par de nub gsol
'jam gyi snyun ro 'phar ldang che ba byung bas phyi nyin der
bcag zhag mdzad/ tshes nyer brgyad la de nas byon te sngar snyan

gsan phul ba bzhin bde pho phyag zur gyi khyim du zhabs sor bkod
cing de ga'i jo lags phyag zur la lhod mjal gnang/ der nyin gung
tsam nas sngon yod snyun gzhi 'phar ldang che tsam pa zhes par
de 'phral gsol sman gyi 'phrod bsten pa skyangs rung?

phan nus che rigs ma byung/ phyi dro tsam nas snyung zug med par
sku khams lci ba'i tshul lta bu byung yang rgyun ba'i thugs dam
nyams bzhes kyi rim pa rnams sngar rgyun ltar gnang/ tshes nyer
dgu'i nyin yang ltem gzhi seng dwangs med pas drungs?/

@259b nas rje nyid kyi sku bgegs zhi ba'i zhabs rim bsgrub dgos
lta bu ci 'dra 'gab zhus par/ bla brang gi rim gror srung ma'i
bskang gse 'dra bsgrub na las nged la gang yang mi dgos zhes
phebs shing/ thugs dam gyi rim par rtse gcig tu gzhol

bar mdzad/ gnam gang nyin snga ma'i gsus pho'i snyung gzhi sogs
gzhan med par sku gzugs lci la bying nyob kyi rnam pa shin tu
che yang thugs dam gyi rim pa rnams chag med du bskyangs shing/
bar bar du lbu ba lta bu cung zad re zhal

skyugs mdzad pa dang/ dad mjal zhu mi 'ga' la mjal kha yang
stsal/ phyi dro'i nyams bzhes rnams snga bar zin te dgong mo
snga tsam du gzim/ de nas nam gyi phyed yol tsam la ldang ba'i
rnal 'byor gyis bzhengs te phyag phyi par da thugs dam?

la 'bad ran bas bum pa khyer shog gsung bar/ phyag phyi bas tsha
ba'i snyun lta bus thugs cung 'khrul ba'i tshul bzhes 'dra e yin
snyam du/ da lta bka' dbang lta bya'i skabs min pas bum pa mi
bdog zhus pas/ 'o snying rje/ khyod la khag?

med gsung/ de 'phral bzhengs bzhin par bla med kyi rgyud sde'i
dbang chen gnang ba'i skabs lta bu'i ljags bshad gsung gling gi
zol 'dra ba gsal la mi gsal zhig tshang bar gnang zhing/ dpang
bzhi pa'i skabs nas rdzogs rim gyi bsre pa'i

skor tho re ba 'ga' zhig stsal nas/ 'o da 'grigs song zhes
gsungs te stan la bzhugs/ de nas bzung spyan gyis mi gzigs shing
gsung 'phros ye mig nang bar ngang tsam bzhugs shing/ re shig
nas zhabs gnyis shed kyis brkyangs te bzang?

@260a @#/ /po'i bzhugs stangs lta bu mdzad/ de nas mi ring bar
sku tshe de nyid kyi sku dngos kyi gdul bya rnams rdzogs par
dgongs shing rtag 'dzin can 'ga' zhig chos la bskul ba'i phyir
du/ rab byung bcu drug pa'i lcags sprul?

hor ? bla drug pa'i tshes gcig gi tho rengs skya rengs 'char khar
thugs dam ting nge 'dzin gyi rol pa las mi g.yel bar stong ba
gsum rim gyis bsdus pa'i mthar thams cad stong pa 'od gsal don
dam pa'i bden pa mngon du mdzad de re

zhig gzugs sku'i bkod pa chos dbyings su thim pa'i tshul bstan
par gyur to/ de nas der drung na nye bar gnas pa sogs 'khor slob
kyi tshogs mtha' dag dmus long dmigs bus por ba bzhin du sdug
bsngal dang mya ngan gyi gdung ba mi

bzad pas rab tu mnar bar gyur kyang/ ngang tsam nas drung she
sogs der 'khod pa yongs kyi snying la rus pa bskyed de dgongs
rdzogs sprub phyogs kyi skor la bsam sbyor chig 'grus su 'bungs
shing/ drung she nas e ka ljongs bla ma dang/ tshe

chu sgrub sde'i dge bshes rnam gnyis/ bkras chos su phyag mdzod
pa bcas la zhu 'phrin 'bul mi bang phyin pa 'phral rdzong bgyis
bar dge bshes rnam gnyis dang/ e bla ma rin po che sogs myur
phebs kyis bde mchog lus dkyil gyi sgo nas gdung

sgrub dang/ dgongs rdzogs mchod sprin la nyin mtshan khor yug tu
'bad/ phyag mdzod nas stag brag srid skyong mchog la rdo rje
'chang de nyid kyi sku gdung rin po che tril por bzhugs pa dang/
zhugs su 'bul rgyu gang legs brtag pa zhus par/

@260b bkras chos kyi dwags po bla ma rin po che'i 'dra sku'i
mdun du zan brtag phul na legs tshul gnang ba ltar zan brtag phul
skabs zhugs su 'bul rgyur phebs pas de skor sogs kyi zhabs 'degs
gang ci'i phyag len mkhas ldan ri khrod gnas bla ma

blo bzang chos 'phel lhan khrid kyis dwags por 'phral du phebs
nas sku gdung zhugs su phul/ sku rus ring bsrel rin po che bkras
chos su gdan drangs te de nyid snying por bzhugs pa'i mchod
sdong za ma tog 'gro ba'i bsod nams kyi dpal du

bskrun/ snga rting lan du mar lho rgyud dang/ dbus gtsang/ rwa
sgreng sogs kyi gnas rten 'gangs can dang/ dge 'dun gyi sde che
phra mang por mchod sprin bsnyen bkur rgya che grangs med lta bu
spel te rdo rje 'chang de nyid kyi dgongs rdzogs kyi rim pa

bsam las 'das par bsgrubs/ de ltar thog mtha' bar gyi bla ma'i
zhabs tog phul phyin du sgrub pa la legs smon gyi mthu grub pa
thugs sras sku tsha phyag mdzod 'phrin las dar rgyas pas slar
yang stag phu mchog sprul rin po che'i drung du skyabs

mgon dam pa gang de'i yang sprul rtsad gcod kyi thugs dam brtag
pa zhu slad yang yang phebs pa sogs ngal ba du ma lhur bzhes par
brten rdo rje 'chang gi yang sring mchog sprul zla gzhon gsar pa
'khrul bral nges rnyed du byung pa rdze gong ma'i chos kyi

khril mnga' gsol te da lta 'tsho gzhes su bzhugs pa 'di bzhin
lags shing/ kho bo cag rje bla ma rdo rje 'chang de nyid kyi sku
tshe'i smang du lo bcu gcig tsam gyi ring nye bar bsten pa'i skal
bzang rmad po che thob tsam las/ ha cang rgyun ring bsnyen

@261a @#/ /pa'i bgo skal ma rnyed stabs zhib phra'i lo rgyus ma
'tshal yang/ gong smos rnams 'brug pa kun dga' legs pas/ ha la le
ho la le zhib mo'i rtsing po sna zin spu zin nas bkod zer ba
ltar rang gi rmongs blo ra gang

nges shig zur 'debs kyi tshul du spel ba yin la/ 'dir ma 'khod
pa'i mdzad rabs zab la rgyas pa mang po zhig ni rnam thar dngos
gzhi logs su 'byung ba las shes dgos so/ /rtag 'dzin gdon gyis
bslus pa bdag lta bur/ /nges

med 'chi grabs tshags su mi 'dzud na/ /skyes tshad 'chi ba'i chos
can 'di 'dra zhes/ /gsal ston gdams pa'i rgyal po 'di la gzigs/
/khyab bdag rdo rje 'chang mnyam med bde chen snying po dpal
bzang po'i rnam thar zur 'debs mdor

bsdus sngon byung dang bcas pa dpag bsam yongs 'du'i ljon pa
zhes bya ba las/ rlabs chen bstan 'gro'i bzhed rgu mtha' dag
grub nas sku tshe tha ma'i mdzad pa ji ltar bstan pa'i tshul mdor
bsdus nas bshad pa ste/ rim par phye ba

drug pa'o// ! /dus gsum legs byas gangga 'bum gyi rgyun/ /'khor
gsum yongs dag pa sngo ba'i yur lam nas/ /byang chen rgya mtshor
dbab pa'i thabs mkhas phul/ /spro la bden tshig grub rnams mthun
'gyur mdzod/ /rtsa ba'i

gsum pa brtsams pa'i dge ba rnams bsngo smon rnam par dag pas
rgyas 'debs pa ni/ ji skad du 'jam mgon chos kyi rgyal pos/ dge
ba cung zad tsam yang rgyal sras kyi/ /thabs mkhas smon lam
mchog gis zin gyur na/ /'bras bud man

@261b pa'ang phul du 'byung 'gyur zhing/ /myur du 'dzad pa'ang
nam yang mi zad par/ /gsungs phyir dus gsum dge ba ci mchis pa/
/rlabs chen smon lam rnams kyis sgyur ba la/ /mkhas pa su zhig
rab tu brtson mi byed/ /de phyir thabs mkhas de ni 'dir bya'o/ /

zhes rang gis bsags pa'i dge rtsar bsngo smon gyi mtshams sbyor
legs po byung na/ 'bras bu chung ngu dman pa las mi 'byung ba'i
dge ba phra mor yang 'bras bu che zhing bzang po 'byung ba dang/
dge rtsa chung ngu 'bras bu myur du 'dzad sla ba yang bsngo smon

rnam dag gis zin na 'bras bu rgya cher 'phel te nam yang mi
'dzad par gsungs pa dang/ yang dge ba ni rta bzang po dang 'dra
zhing/ bsngo smon byed pa ni/ rta bzang po srab kyis kha lo
sgyur ba dang 'dra ba dang/ dge ba ni gser btso ma'i gar bu dang
mtshungs

shing/ bsngo smon ni gser mgar mkhas pa'i byed las dang 'dra bar
gsungs pa bzhin gong du bsgrubs pa'i dge tshogs rnams bsngo smon
rnam dag gis rgyas 'debs pa shin tu gal che la/ bsngo smon gyi
tshig snyan snyan 'dra ba gsar du rtsom pa bas rang gi

mos pa ltar mkhas grub snga ma'i gsung gi rjes su bzlo ba byin
nus che snyam du sems pas de ltar nyung 'dus 'ga' zhig spel ba
ni 'di ltar/ dge 'dis mtshon nas dus gsum dang 'brel ba'i/ /bdag
gzhan dge bA rtsa ba ji snyed pa/ /de dag thams cad

skye zhing skye ba ru/ /byang chub mchog gi rjes su mi mthun
pa'i/ /shes kyi khe 'dod pa dang grags pa dang/ /'khor dang
longs spyod rnyed dang bkur sti'i rgyur/ /skad cig tsam yang nam
yang mi smin par/ /bla med byang chub kho na'i rgyur gyur cig
/ston pa bla

@262a @#/ /na med pa'i bstan pa dang/ /mjal ba 'di 'dra bla ma'i
drin yin pas/ /dge ba 'di yang 'gro ba ma lus pa/ /bshes gnyen
dam pas 'dzin pa'i rgyu ru bsngo/ /deng nas brtsams te tshe rabs
kun tu bdag /khyod zhabs

padmo gus pas mchod pa dang/ /khyod gsung nyan cing sgo gsum bya
ba kun/ /khyod mnyes 'ba' zhig sgrub pa nyid gyur cig /gzhan
yang bdag gis bgyis dang bgyid 'gyur ba'i/ /legs par spyad pa ji
snyed mchis pa kun/ /khyod kyis dgyes

bzhin rjes su 'dzin pa dang/ /sa ka' bzhin sgrub pa kho na'i
rgyur gyur cig /bdag sogs skye zhing skye ba thams cad du/ /mgon
po khyod kyis 'bral med rjes bzung nas/ /sku gsung thugs kyi
gsang ba kun 'dzin pa'i/ /sras kyi thu bo nyid du 'gyur

bar shog /de ltar bskrun pa'i rnam dkar dge ba'i tshogs/ /bka'
drin gsum ldan rje btsun bla ma yis/ /tshe rabs kun tu 'bral med
rjes 'dzin cing/ /zung 'jug rdo rje 'chang dbang thob phyir
bsngo/ /mkha' mnyam 'gro mgon zla med mkhyen brtse'i gter//

rgyal ba'i 'byung gnas gsang gsum 'phrul po che/ /kun bzang
zhing gi nyi ma'i rjes 'gro bas/ /lus can rmongs mun kun nas sel
byed shog /rje btsun bla ma'i sku tshe rab brtan cing/ /rnam dkar
'phrin las phyogs bcur rgyas pa dang/ /blo bzang bstan

pa'i sgron mes gsum gyi/ /'gro pa'i mun sel rtag tu gnas gyur
cig /mdor na dpal ldan bla ma'i sku tshe brtan/ /mkhas btsun
bstan 'dzin dam pas sa steng gang/ /bstan pa'i spyin bdag mnga'
thang dar ba yis/ /blo bzang rgyal ba'i bstan pa rgyas

@262b gyur cig /bdag gis ji snyed bsags pa'i dge ba 'dis/ /bstan
dang 'gro ba kun la gang phan dang/ /khyad par rje btsun blo
bzang grags pa yi/ /bstan pa'i snying po ring du gsal byed shog
/bdag cag yon mchod 'khor dang bcas pa yi/ /tshe dang

bsod nams dpal 'byor snyan grags dang/ /'khor dang bshad sgrub
bstan pa'i bya ba rnams/ /gegs med yar ngo'i zla ltar 'phel gyur
cig /rnam mang 'gro ba'i mos pa sna tshogs las/ /'phral yun phan
bde'i smon gnas yongs 'grub cing/ /

nag phyogs dga' ba'i re ba 'bras med par/ /log smon nyid las
ldog ste 'grub gyur cig /bdag la re ltos phan 'dogs byed pa
dang/ /khro zhing ldang bas gnod 'tshe byed kyang rung/ /bzang
ngan 'brel thogs kyis mtshon yid can kun/ /bde dga'i

dpal la rtag tu spyod par shog /sems can thams cad bde dang ldan
pa dang/ /ngan 'gro thams cad rtag tu stongs par shog /sras bcas
rgyal ba gang na su bzhugs pa/ /de dag kun gyi smon lam 'grub
gyur cig /deng nas nam mkha' zad par ma gyur

pa/ /de srid yid bzhin nor dang bum pa bzang/ /dpag bsam shing
dang mchog gi rgyal mtshan ltar/ /'gro ba kun gyi re ba skong bar
shog /'di ltar bgyis pa'i rnam dkar dge ba yang/ /dus gsum bde
gshegs sras bcas thams cad kyi/ /mdzad pa

smon lam ma lus 'grub pa dang/ /lung rtogs dam chos 'dzin pa'i
rgyu ru bsngo/ /de yi mthu las tshe rabs kun tu bdag /theg mchog
'khor lo bzhi dang mi 'bral zhing/ /nges 'byung byang sems yang
dag lta ba dang/ /rim gnyis lam gyi rim pa mthar phyin

@263a @#/ /shog /skye ba kun tu yang dag bla ma dang/ /'bral med
chos kyi dpal la longs spyod cing/ /sa dang lam gyi yon tan ral
rdzogs nas/ /rdo rje chang gi go 'phang myur thob shog /mdor na
deng nas tshe rabs thams cad du/ /

bla ma he ru kaH yis rje bzung nas/ /sa lam bgrod pa ma lus
mthar phyin te/ /bde chen rgyal po'i go 'phang myur thob shog
/bsngo bya'i dge tshogs bsngo yul sla med kyi/ /byang chu bya
mchog dang bsngo mkhan rang nyid de/ /'khor gsum bden stong

sgyu ma lta bu'i ngang/ /byu 'bras slu med legs smon lo lg 'grub
shog /lhag bsam dag pas tshul 'dir brtson pa na/ /tshangs dang
dbang lo 'jig rten skyong ba dang/ /stobs 'phrog dbang po la
sogs srung mas kyang/ /g.yel ba med par rtag tu

grogs mdzad shog /rmad byung sras bcas rgyal ba'i byin rlabs
dang/ /rten 'brel bslu ba med pa'i bden pa dang/ /bdag gi lhag
bsam dag pa'i mthu stobs kyis/ /smon pa'i gnas kun bde blag myur
'grub shog /khyab bdag rdo rje 'chang mnyam med

bde chen snying po dpal bzang po'i rnam thar zul 'debs mdor
bslus sngon byung dang bcas pa dpag bsam yongs 'du'i ljon pa
zhes bya ba las/ brtsams pa'i dge ba rnams bsngo smon rnam par
dag pas rgyas 'debs ba'i tshul mdor

bsdus su smos pa ste/ rim par phye bdun pa'o// ! //'dir smras
pa/ bde chen chos skur rgyal ba kun dang khyod thugs byams brtse
mkhyen paO rab mnyam 'jam mgon rgyal ba'i mdo sngags srol/ /thub
bstan

@263b snying po tshang la dri bral 'dzin ma'i khyon du spel ba'i
'phrin las gdul bya'i khams bzhin yongs 'jug pa'i/ /rlabs chen
mdzad par rgyal ba rgya mtsho de gyes pa'i 'dzum phreng phyogs
brgyar ngom bzhin bstod bsngags dar dir dbyangs su len/ /don

ldan mtshan snyan grags pa'i ba dan srid zhi'i bla na brjid pa'i
zhabs skyes 'bral med snying la gnas gyur cig /khams gsum brtan
g.yo 'byung 'jig skye shi'i rgyun/ /mgal me'i 'khor lo bzhin du
rtag 'khor bar/ /sdug bsngal

gsum gyis mnar ba'i rigs drug 'gro/ /sgrol la rgyal ba'i gzigs
pa g.yel mi mnga'/ /bzang po'i bskal bar 'dren pa stong gi
dbus/ /pad dkar ltar bsngags nyi ma'i gnyen mchog gis/ /grangs
med gdul byar theg

gsum mdo sngags kyi/ /sa lam 'bras bu'i mngon dga' mchog tu
phyin/ /zla med ston pa'i srol 'dzin dgra bcom dang/ /shing rta
che sogs bgrang yas paN grub kyis/ /'phags yul thub bstan nyi
ltar gsal mdzad pas/ /

phun tshogs bde dge dbyar gyi go 'phang 'dzin/ /sngon byon 'phags
bod mkhas grub lo paN dang/ /chos ldan rgyal blon thugs bskyed
ngal ba brgyas/ /legs drangs gangs can skye rgu'i bsod nams
zhing/ /rin chen mchog gsum gtsug gi

rgyan du thob/ /snga 'gyur rnying ma'i srol dang sa bka'i lugs/
/shangs pa po jo bu dol zhi gcod sogs/ /rang rang mkhas dang
grub pa ji snyed kyis/ /phye ba'i bstan srol tshong dus zong
bzhin mang/ /dpal ldan da'i paM kA ra bsil ljongs

@264a @#/ /kyi/ /mgon du thob nas bka' gdams zhes grags pa/
/byang chub sems sbyong gdams pas nyer grol ba'i/ /skyes mchog
sa chen gdal bar rab tu 'phel/ /mkhas min skye bos ma rtogs log
rtog dang//

bsre bslad dris bgos bod yul thub pa'i bstan/ /rgyal ba gnyis
pas lung rigs brgya phrag dang/ /phra zhib dpyod pas byi dor
legs par byas/ /btso ma'i gser zhun dang mtshungs dga' ldan pa'i/
/srol btod thub bstan yongs

rdzogs dri med lam/ /thos bsam bshad sgrub lta sgom spyod pa
yis/ /zung 'jug bsam 'phel nor bu'i gter brgya phye/ /de tshul
dbang gi rgyal po gtsug mchod pas/ /rang gzhan 'dod pa 'jo ba'i
mkhas grub tshogs/ //

bgrang las 'das pas zhwa ser bstan 'gro'i gzi/ /'gog med yun du
'bar ba'i dga' ston bskrun/ /'on te snyigs 'gro'i blo dang bsod
nams kyi/ /skal ba dbul po'i phye ltar rab phra bas/ /blo bzang
rgyal bstan snying

bcud nyams myong gnad/ /zungs zad nad pa'i ngang tshul bzhin du
gyur/ /de tshe 'jam mgon bstan pa'i don slad 'khor lo sdom pa
ngur smrig gar rol bka' drin mnyam med pha bong kha/ /bde chen
snying pos blo bzang rgyal bstan

phyi dang nang gtsang mdo sngags bshad sgrub rtsibs stong 'bar
ba'i gser 'khor lo/ /yangs pa'i khyon gyi mtha' yas gdul bya'i
blang dor snang ba 'bum du grol bar tshad med thugs rjes yongs
bskor bas/ /bskal brgyar rnyed dka'i

@264b bstan dang 'gro ba'i phan bde'i dga' ston rab tu dar ba
rdzogs ldan dpal gyi do zlar bskrun/ /'di na mkha' khyab 'jig
rten du/ /bar med 'khor ba'i sdug kun mtha'/ /legs rtog de rgyu
sus 'gog pas/ /rang gi 'gro bar bde

mchog byin/ /gang gis tshogs gnyis yun bsags pas/ /chos gzugs sku
brnyes rang gzhan don/ /lhun grub rgyal ba'i rjes zhugs pas/
/tshul 'di mthong na don yod 'gyur/ /mang thos rdul tshogs gser
ldan dga' ma'i lhor

legs sbrum rnam mang byung ba'i yal 'dab rgyas/ /ngo mtshar don
bzang ro brgya'i 'bras smin pa/ /mdzad rabs yongs 'du'i ljon pa
deng 'dir grub/ /'dir 'bad dge bas lnga bdo'i rgud pa'i mun/
/yongs sel mtha' dag 'gro ba'i mgon

gyur pa/ /bstan 'dzin sgron me mchog rnams rtag brtan cing/
/'phrin las mkha' dang mnyam pa nyid 'jug shog /de ltar legs
spyad 'o mtsho 'khyil ba'i klong/ /skal bzang ngang mo 'bum gyis
rtag rtsen cing/ /byang chen thar ba'i gling

mchog nyams dga' bar/ /'phur lding bskyod pa'i rtse dgas brel
gyur cing/ /ces khyab bdag rdo rje 'chang mnyam med bde chen
snying po dpal bzang po'i rnam thar zur 'debs mdor bsdus sngon
byung dang bcas pa dpag bsam yongs

'du'i ljon pa zhes bya ba 'di ni/ snga sor yang dag pa'i bshes
gnyen lung rigs smra ba'i dbang po lam rim bla ma rgyal mtshan
dar rgyas pa'i zhal snga nas dang/ bar khams lcags zam dgon gyi
lam rim bla ma mang thos rigs smra'i dbang

@265a {dd} @#/ /phyug blo gros grags pa/ 'dan ma 'bum sgang dgon
gyi grwa don grub sbyin pa dang/ rgya mtsho dbang po/ dge rgyas
bkra shis lha khug dgon gyi lam rim bla ma blo bzang mthu {dd}

stobs/ chos mthun grogs kyi mchog gyur rang bzhin gser zhun ma'i
ngang tshul la 'gran bzod pa b+hik+Shu saM g+ha shI la/ bla ma slob
brgyud dang bcas par mi phyed dad dam mtshungs med yon

gyi bdag mo g.yang 'dzom tshe ring bcas kyis yang yang bskul
zhing/ slar lugs zung gi mkhyen pa rmad du byung ba lha ldan
sman rtsis kyi dbu 'doms bla sman mkhan chen mkhyen rab nor bu
dang/

phyogs 'dir thugs 'dun ches dge ba rgyal bstan ngag dbang rgya
mtsho'i mtha' can ser smad gung ru dge bshes blo bzang 'phrin las
sogs dang/ dad gtong gi nor dang ldan pa

@265b gzhan mang po zhig bcas nas bskul ma nan cher gnang bar ma
zad/ tshul 'di rang blor gang nges la skyabs 'cha' dgos pa tsam
du gyur pas kyang bskul lcag btab ste/ rang gzhan gyi mes 'dun
don dang ldan pa dang/ rang nyid kyi skal

bzang bgo skal rmad po che bsgrub pa sogs dgos pa du ma'i slad
du/ rdo rje 'chang chen po de nyid la rgyu mtshan shes nas dad pa
thob pa mdo khams 'dan ma'i yul gyi ban rgan 'du gsum pa zhig
gis/ 'das lo nyis stong brgyad brgya

bzhi bcu zhe bdun thog sug bris su bgyis pa 'gro kun theg mchog
bshes kyis rjes su bzung ste/ bla med rdzogs pa'i byang chub kyi
go 'phang rin po che myur du 'thob pa'i rgyur gyur cig/ //dge
legs 'phel// //

oM swa sti/ phun tshogs brtan g.yo'i 'khor lo bde chen dbyings
su sdom mdzad bla ma he ru kaH/ /byams pa'i stobs kyis bstan
'dzin rgyal blon lo paN mkhas grub rol gar sna tshogs kyis/
/'phrin las snying po chos dang chos min

lam dang lam gol yang dag 'byed mdzad pas/ /gdul bya rgya mtsho
lam bzang srol du btsud pa'i bka' drin bsam bzhin lan brgyar
dad/ /pha mtha' yongs bral ji snyed 'gro ba'i khams/ /de snyed
rgya mtshor 'phrin las ri bong can/ /

cir yang 'char bas phan bde'i ku mud kha/ /'byed par mdzad pa'i
rnam thar bsngags ba'i phul/ /phyi ru zhi dul bcas mtshams phra
la'ang 'jigs/ /nang na rgyal sras spyod pa'i snying stobs rgyas/
/gsang ba bde ba mchog gi dga' ston spyod/ /

@266a {dd} @#/ /de nyid kun bzang rnam thar bsam mi khyab/ /tshang
la ma nor dri bral 'jam mgon srol/ /gsang mtha'i snying bcud bde
mchog yab yum gyi/ /dbang bka' smin {dd}

grol lam bzang yangs por phyes/ /'gro la zung 'jug dga' ston
mchog tu byin/ /de tshe ston dang 'jam mgon bla ma'i sku/ /mi
mngon nyi zla'i gzugs kyis 'dir lhag ste/ /

khyod la dgyes pa'i 'od dkar skyugs sam snyam/ /rgyal ba sras
bcas rgyu skar zol gyis kyang/ /khyod kyi rnam thar gting mtha'
dpog la kun mkhyen kyang ni brtul bar gyur/ /de lta

mod kyi rags rim mdzad rnam legs par phye ba'i pusta ka
/'khrungs rabs la sogs 'phrul gyi bkod pas mdzes par spa bas par
gzhi gang/ /dad gtong 'byor ba'i dpal

@266b dang ldan pas 'jungs pa med par nye bar bsgrubs/ /dga'
dang gus pas mig gis ltos shig dang/ /dad dang gdung bas lus
skyes dbang med g.yo/ /yid la gsang gsum mdzad rnamO bkod byas
nas/ /thar pa'i bag chags ches cher

brtan par 'jog /'di ni snying gi gdung sel mchog /zla ba bdud
rtsi'i thig le ste/ /dge legs myu gu yongs smin byed/ /rlabs
chen nyi ma'i 'phrul kyang yin/ /de lta'i rnam dkar 'o mtsho
'phyur ba'i rgyun/ /skye 'phags dus gsum legs

byas gang ga'i rgyun/ /gcig tu 'dres te zad pa med pa'i rgyun/
/byang chen rgyar gcig tu dbab pa'i rgyun/ /'phel bas phan bde
'byung ba'i gzhi gcig pu/ /lung rtogs bstan pa rgya chen 'o ma'i
mtsho/ /bshad dang sgrub pa'i dba'

rlabs 'bum grol bzhin/ /srid pa ji srid 'phel zhing rgyas gyur
cig /khyad par blo bzang nor sbyong mkhas pa yis/ /bkru phyi
dpyad pa gsum gyis legs sbyangs pa'i/ /ring lugs bsam 'phel yid
bzhin dbang rgyal gyis/ /

bstan 'gro'i mtsho gling yongs su gang gyur cig /bstan 'dzin klu
dbang rdo rje'i gshis su brtan/ /don gnyis 'byung ba'i nor bus
gtsug na mdzes/ /'phrin las rlabs chen gru char rtag dbab bas/
/gdul bya 'dzin ma'i khyon kun

skyongs gyur cig /khrims ldan ngur ba'i khyu tshogs yid mdza'
zhing/ /bslab gsum rim gnyis lus stobs dar la drag /bshad dang
sgrub pa'i 'dab gshog zung bskyod bzhin/ /bstan pa'i mtsho chen
kun nas mdzes gyur cig /khyad

@267a {dd} @#/ /bar gangs ri'i mgon po mig mi 'dzum/ /srid gsum
dbang bsgyur bstan 'dzin rgya mtsho'i sde/ /gsang gsum mi shigs
rtag pa'i chos su smin/ /thugs bzhed {dd}

bum pa bzang bzhin lhun grub shog/ /lugs zung gser gyi 'khor lo
srid gsum che rgu'i bla na rtag tu 'khor ba'i gzi byin gyis/
/log lta'i phru ma bcom ste rdzogs ldan gsar pa'i dga'

ston gser ldan khyon la yongs su 'grems/ /sras bcas rgyal ba'i
spyan sngar rang gir bzung ba'i yul ljongs dbang gi phyag rgyas
nye bar 'chings/ /dga' ba brgya ldan pho brang mi mthun

phyogs las rnam rgyal mtshan ma mngon mthor myur sgreng shog /pha
rol 'joms pa'i rdo rje'i me char rgod/ /rang sde skyong ba'i
sbrang char zim bur 'bebs/ /chos 'byor rtsi shing me tog lo

@267b 'bras rgyas/ /kun dga' skyed pa'i dbyar dpal myur 'char
shog /zhar byung sku gshegs tshe dbang rab brtan pha/ /'tsho mo
skal bzang a ne nag stod sogs/ /srid bsdus bsngal rgya mtsho las
brgal te/ /byang grol zhi ba'i gling du son

bar shog /tshe dpal dang ldan bde chen sgrol ma sogs/ /byams sogs
chos dang bde skyid snyan par grags/ /tshe bsod dbang rlung lung
rtogs yon tan kun/ /zla ba yar ngo'i go 'phang 'dzin gyur cig
/mdor na 'brel thogs ltos par

bcas pa kun/ /skye phreng 'khor lo bzhi ldan shing rta brgyud/
/mnyam med dga' ldan lam srol du zhugs te/ /kun tu 'od kyi sa la
myur reg shog /dkar phyogs lha klu'i ru dar mkha' la bsnyegs/
/char chu dus 'bebs lo

phyugs las mtha' rgyas/ /nad mug 'khrug rtsod sad ser mi shis
pa'i/ /cher snyigs dus kyi rgud pa zhi gyur cig /skye ldan ma
lus theg mchog rigs nus brtas/ /nyes spyod 'khyog 'gro dge ba'i
rtsi yis bcom/ /bdag

pas gzhan gces rgyal sras che rnams dang/ /lhan cig lta dang
spyod pa kun mtshungs shog /de ltar smon pa 'grub pa'i mthun
'gyur du/ /bde gshegs sras bcas bden stobs dbyangs su len/
/mkha' 'gro chos skyong phyi nang bar

gcod bsrung/ /drang srong bden shis brjod pas brel gyur cig
/bsngo dang smon ba'i 'khor gsum rang gi gshis su ma grub kyang/
/phar btags rgyu 'bras bya byed 'gal med 'jug pa'i rten 'brel
gyis/ /'dis mtshon dge ba'i

@268a {dd} @#/ /rta bzang smon lam srab 'phrul dang ldan pas/
/'di dang srid zhi'i mthar min byang chen gling du 'jug par
shog/ //ces pa 'di ni/ dad pa dang {dd}

gtong phod sogs kyi yon tan du mas brgyan pa snye mo bshags ram
skyid khang bar 'debs jo lags dpal ldan lags kyis gong gi smon
don spyi dang/ bye brag rgyu sbyor yon gyi

bdag po dpal ldan/ bde chen sgrol ma/ byams pa g.yu sgron/ bu
zla ba/ chos skyid/ a lce 'tsho mo/ dbang ldan/ 'phrin las dbang
mo/ tshe ring bde skyid/ tshe ring sgrol ma/

lhag pa tshe dbang/ nyi ma tshe ring/ o'o/ bstan 'dzin rgyal
mtshan/ dbyangs can sgrol dkar sogs nye 'brel ltos bcas dang/
bsam gtan lha dar nas zhal 'debs

@268b dngul srang chig stong tham pa/ ser lho chos ldan pa nas
pha ma'i ched du dngul srang chig stong lnga brgya tham pa/
rgyud stod grwa blo bzang stobs rgyal nas dge rgan ngag dbang
rdo rje'i ched du dngul srang lnga brgya tham pa phul ba sogs

cig? 'bri bar brkos 'brel thob ci mchis gnas skabs mi 'dod nyer
'tshe zhi zhing/ chos 'byor bde dags 'tsho ba/ skye phreng dal
rten rim brgyud 'jam mgon rgyal ba'i bstan pa dang mjal zhing
rje bla ma rdo rje 'chang lta bus

mgon dang bcas/ sa lam gyi bgrod pa yongs su rdzogs te zung 'jug
rdo rje 'chang gi go 'phang myur du 'thob pa sogs legs tshogs sgo
brgya yangs por 'byed pa'i ched du/ ^ khyab bdag he ru kaH dpal
yongs su rdzogs

pa'i bstan pa spyi dang 'jam mgon snyan brgyud kyi bdag po mtshan
brjod par dka' ba/ don gyi slad du mtshan nas smos te ^ zhal snga
nas pha bong kha ba bde chen snying po byams pa bstan 'dzin
'phrin las rgya mtsho dpal bzang po'i rnam

thar gyi zur 'debs rgyas par bkod pa 'di bzhin par bskrun zhu
skabs/ sbyin bdag gong gsal nas dge bsngo'i smon tshig 'bri rgyur
bde mchog yab yum gyi sku brnyan gnang sbyin dang 'brel ji ltar
bskul ma mdzad pa bzhin/

^ skyabs rje bla ma rdo rje 'chang gang gi bka' 'bangs yongs kyi
tha shal gyi na ba blo bzang rgyal bstan 'jigs bral dbang phyug
tu 'bod pas rjes su yi rang dang bcas lha ldan sprul pa'i gtsug
lag khang gi nye 'dabs su rtse gcig tu

@269a {dd} @#/ /smon pa de bzhin du 'grub par bla ma he ru ka
dpa' bo mkha' 'gro'i tshogs dang bcas pas byin gyis brlab tu
gsol// //dge {dd}

legs 'phel// (de bzhin gshegs pa'i yi ge brgya ba)/ na ma strai
ya d+hwi kA nAM ta thA ga tA nAM/ sarba trA pra ti ha tA
bA pti d+harma tA ba lI nAM/ oM a sa ma sa ma sa manta to
nyannta bapti

shA sa ni/ ha ra ha ra sma ra sma ra Na/ pi ga ta rA ga bud
d+ha d+ha rma te/ sa ra sa ra sa ma pa la/ ha sa ha sa/ tra ya tra
ya/ ga ga na mahA pa ra lak+Sha Ne/ dzwa la dzwa la na sA ge?
re

swA hA/ ye d+ha rma he tu pra b+ha wa he tu nte ShAnta thA ga
to hya bad tte Sh'nytsa yo ni ro d+ha e wa mab dI ma hA shra
maNaH oM su pra tiShTha badzra ye swA hA/ /