@001a @#/ /rnam 'grel gyi thal 'phreng mkhas pa mgu pa'i rgyan
rigs pa'i 'phreng ba las le'u gnyis pa'i mtha' dpyod bzhugs so//
//

@001b @#/ /tshad ma slu med can shes pa/ /zhes pa'i skabs su/ tshad
ma'i mtshan nyid rang gi gzhal bya la sgro 'dogs gsar du gcod
pa'i rig pa dang/ rang gi gzhal bya rang

stobs kyis rtogs pa'i rig pa dang/ rang gi gzhal bya la gsar du
mi slu ba'i rig pa zhes zer/ 'o na tshad ma chos can/ gang zag gi
bdag la tshad ma yin par thal/ de la sgro 'dogs

gsar du gcod byed kyi rig pa yin pa'i phyir te/ de yod par 'dzin
pa'i sgro 'dogs gsar du gcod pa'i blo yin pa'i phyir/ sgra mi
rtag rtogs kyi rjes dpag chos can/ sgra la tshad

mar thal/ sgral sgro 'dogs gsar du gcod byed yin pa'i phyir te/
sgra la rtag 'dzin gyi sgro 'dogs gsar du gcod byed yin pa'i
phyir te/ sgra rtag pa ma yin pa la tshad ma yin pa'i

phyir; de chos can/ rang gi gzhal bya la sgro 'dogs gsar du gcod
byed yin par thal/ tshad ma yin pa'i phyir/ 'dod na/ sgra rtag
'dzin rtog pa de/ sgra mi rtag pa la dmigs pa'i

@002a @#/ /sgro 'dogs yin par thal/ 'dod pa'i phyir/ 'dod na/ de
la sgra mi rtag pa 'di ni sgra rtag pa'o snyam pa'i zhen stangs
gcig yod par thal/ 'dod pa'i phyir rtsa ba'i khyab pa rnams
khas/ nyan

thos kyi mthong lam bar chad med lam de chos can/ gang zag gi
bdag med la gsar du mi slu ba'i rig pa yin par thal/ de la tshad
ma yin pa'i phyir te/ de la mngon sum gyi tshad ma yin pa'i

phyir; rtsa bar 'dod na/ de la gnas pa'i gang zag de/ gang zag
gi bdag med rtogs zin sgom par byas pa ma yin par thal/ 'dod pa
de'i phyir/ 'dod na/ yin par thal/ nyan thos sbyor laM

gyi gnas skabs su gang zag gi bdag med la sgom byung gi myong ba
thon pa'i phyir te/ nyan thos kyi sbyor lam drod skyes pa dang/
gang zag gi bdag med la dmigs pa'i sgom byung dang por skyes pa

dus mnyam pa'i phyir/ rgyang 'phen gyi rgyud kyi gang zag gi
bdag med pas khyad par du byas pa'i tshad ma chos can/ mtshan nyid
der thal/ mtshon bya de'i phyir/ 'dod na/ rang gis gzhal bya rtoD

@002b par thal/ de la gsar du mi slu ba'i rig pa yin pa'i phyir/
'dod na/ rgyang 'phen gyi rgyud kyi tshad mas gzhal bya gang zag
gi bdag med du rtogs par thal/ rgyang 'phen gyi rgyud kyi gang
zag gi bdag med pas khyad

du byas pa'i tshad mas gzhal bya rtogs pa'i phyir/ 'dod na/ ma
yin par thal/ rgyang 'phen gyi rgyud kyi rig pa yin pa'i phyir/
gzhan yang tshur mthong gi rgyud kyi sgra 'dzin dbang mngon dang/
gzugs 'dzin dbang

mngon gnyis po chos can/ mtshan nyid der thal/ mtshon bya de'i
phyir/ 'dod na/ /des gzugs sgra gnyis rtogs par thal/ 'dod pa'i
phyir/ 'dod na/ tshur mthong gi rgyud kyi gzugs 'dzin dbang mngon
nges/ sgra rtoD

par thal/ de gnyis kas gzugs sgra gnyis rtogs pa'i phyir/ 'dod
na/ sgra mig shes kyi gzung byar thal/ 'dod pa'i phyir/ yang kha
cig /rnam mkhyen skad cig gnyis pa chos can/ rang gi gzhal bya
la gsar du

mi slu pa'i rig pa yin par thal/ tshad ma yin pa'i phyir/ 'dod
na/ ma yin par thal/ de'i gzhal bya rnam mkhyen skad cig dang
pos rtogs zin pa'i phyir zhe na/ tshad ma de rang gi gzhal bya la
gsar du mi slu ba'i

rig pa ma yin par thal/ de'i gzhal bya de yang tshad ma snga ma
rnams kyis rtogs zin pa'i phyir te/ de la bcad shes yod pa'i
phyir te/ de dran pa'i dran shes don mthun yod pa'i phyir/ gzhan
yang/ rnam

mkhyen skad cig dang po de de'i gzhal bya la gsar du mi slu ba'i
rig pa ma yin par thal/ de'i gzhal bya theg chen gyi sgrub pas
rtogs zin pa'i phyir te/ de theg chen sgrub pa'i dmigs pa yin
pa'i phyir/

@003a @#/ /gzhan yang/ rnam mkhyen skad cig gnyis pa de/ rang gi
gzhal bya la gsar du mi slu ba'i rig pa yin par thal/ rnam
mkhyen skad cig dang po des gnyis pa'i snga rol du gnyis pa'i
gzhal bya yod par

ma rtogs pa'i phyir te/ de'i snga rol du de'i gzhal bya med pa'i
phyir/ de la kho na re/ rnam mkhyen skad cig dang po de chos
can/ rnam mkhyen skad cig gnyis pa'i gzhal bya la tshad mar thal/
de la gsar du mi slu ba'i rig pa

yin pa'i phyir/ 'dod na/ rnam mkhyen skad cig gnyis pa'i dus su
tshad ma yin par thal/ de'i dus su de'i gzhal bya la tshad ma yin
pa'i phyir/ 'dod na/ de chos can/ de'i dus su yod par thal/ de'i
dus su tshad ma

yin pa'i phyir zhe na/ tshad ma chos can/ tshad ma'i 'bras bu'i
dus su yod par thal/ de'i dus su tshad ma yin pa'i phyir/ ma grub
na/ tshad ma'i 'bras bu chos can tshad med khyod kyi dus su khyod
la tshad ma yin par thal/

khyod kyi dus su khyod tshad mas dmigs pa'i phyir te/ khyod kyi
dus su khyod yod pa'i phyir/ gzhan yang/ rgyun mtha' la gnas
pa'i byang chub sems dpa' chos can/ sangs rgyas pa'i dus su
khyod yod par thal/ khyod

sangs rgyas pa'i dus su khyod sangs rgyas yin pa'i phyir/ khyab
pa khas/ 'dod na/ myu gu'i dus na sa bon yod par thal lo/ /yang
na rnam mkhyen skad cig gnyis pa chos can/ khyod kyi snga rol du
khyod kyi gzhal bya yod

par thal/ rnam mkhyen skad cig dang bo de khyod kyi snga rol du
khyod kyi gzhal ba yin pa'i phyir/ rnam mkhyen skad cig dang po
chos can/ khyod kyi dus su khyod rnam mkhyen skad cig ma gnyis
pa'i gzhal bya yin par thal/

@003b khyod rnam mkhyen skad cig ma gnyis pa'i gzhal bya yin
pa'i phyir/ gzhan yang/ gzugs 'dzin dbang mngon gyi snga rol du/
de'i gzhal bya yod par thal/ de'i snga rol du de la rnam pa shar
ba'i gzugs yod pa'i phyir

te; de'i snga rol du de la rang 'dra'i rnam pa gtso bor dngos su
gtod byed yod pa'i phyir te/ gzugs des rang dus su gzugs 'dzin
dbang mngon la rang 'dra'i rnam pa gtso bor dngos su gtang pa'i
phyir/ ma grub na/

de chos can/ rang dus su gzugs 'dzin dbang mngon la rang 'dra'i
rnam pa gtso bor dngos su gtod byed yin par thal/ rang dus su
gzugs 'dzin dbang mngon gyi gzung don yin pa'i phyir te/ khyod
gzugs

'dzin dbang mngon gyi gzung don yin pa'i phyir/ yang kho na re/
bcad shes des rang gi gzhal bya gsar du rtogs pa yin par thal/
de'i snga rol du de'i gzhal bya yod par rtogs pa'i blo med pa'i
phyir zhe na/

tshig 'dre tsam mo/ yang mkhas pa kha cig na re/ rnam mkhyen skad
cig gnyis pa'i gzhal bya gsar rtogs yod par thal/ rnam mkhyen
skad cig ma dang pos ma rtogs pa'i gang zag gi bdag med de/ rnam
mkhyen

skad cig ma gnyis pas rtogs pa'i phyir/ rnam mkhyen skad cig ma
dang pos ma rtogs pa'i gang zag gi bdag med chos can/ rnam
mkhyen skad cig ma dang pos rtogs par thal/ khyod yod pa'i
phyir/ rnam mkhyen

skad cig ma dang pos ma rtogs pa'i gang zag gi bdag chos can/
khyod med pa yod par thal/ khyod med pa'i phyir/ yang kha cig na
re/ rtog pa tshad ma chos can/ rang gi gzhal bya la gsar du mi
slu ba'i rig pa yin par

@004a @#/ /thal; tshad ma yin pa'i phyir/ 'dod na/ rtog pa chos
can/ tshad ma yin par thal/ tshad ma'i gzhal bya la gsar du mi slu
ba'i rig pa yin pa'i phyir/ gtan tshigs dngos 'gal yin no zhes
zer ro/ /yang

kha cig na re/ nyan thos kyi mthong lam bar chad med lam lta bu
gang zag gi bdag med la bcad shes yin te/ nyan thos kyi sbyor
lam des gang zag gi bdag med rtogs zin pa'i phyir/ de de la
mngon sum tshad ma

yin te/ nyan thos sbyor la ma des gang zag gi bdag med mngon sum
du ma rtogs pa'i phyir zhe na/ 'o na/ gzhal bya ma yin pa yod
par thal/ tshad mas rtogs par bya ba ma yin pa yod pa'i phyir/
der thal/ tshad mas rtogs

par bya ba ma yin pa'i gang zag gi bdag med yod pa'i phyir/ ma
grub na/ tshad mas rtogs par bya ba ma yin pa'i gang zag gi bdag
chos can/ khyod med pa yod par thal/ khyod med pa'i phyir/ 'khor
gsum rnams rim

pa bzhin du khas blangs so/ /rtog pa tshad ma chos can/ rang gi
mi rtag pa dang grub bde rdzas gcig yin par thal/ 'dus byas yin
pa'i phyir/ 'dod na/ rtog pa de tshad ma'i mi rtag pa dang grub
bde rdzas gcig yin

par thal lo/ /bum 'dzin mngon sum tshad ma chos can/ rang gi
gzhal bya dang yod khyab mnyam du thal/ tshad ma yin pa'i phyir/
'dod na/ bum 'dzin mngon sum tshad ma'i gzhal bya dang yod khyab
mnyam ma yin par

thal; tshad ma'i gzhal bya yod na/ bum pa yod pas ma khyab pa'i
phyir/ gsal ba rnams khas blangs so/ /nyan thos kyi mthong lam
bar chad med lam chos can/ gang zag gi bdag med la mngon sum
bcad shes

@004b su thal/ de la bcad shes gang zhig /mngon sum yin pa'i
phyir/ 'dod na/ de la mngon sum tshad ma ma yin par thal/ de la
mngon sum bcad shes yin pa'i phyir/ kha cig na re/ mar me 'dzin
pa'i dbang po'i mngon

sum chos can/ tshad ma yin te/ rang gi gzhal bya la gsar du mi
slu ba'i rig pa yin pa'i phyir/ zhes pa 'di'i dngos bstan gyi
sbyor ba yin no zhes zer mod/ 'o na/ gzhung 'dis tshad ma'i mtshan
nyid yongs rdzogs dngos

su bstan par thal/ dam bca' de 'thad pa'i phyir/ 'dod na/ bcad
shes tshad mar 'dzin pa'i log rtog gcod byed kyi rig pa dngos su
bstan par thal/ 'dod pa'i phyir/ 'dod na/ ma shes don gsal smos

ba don med du thal/ 'dod pa'i phyir/ yang mkhas pa kha cig na
re/ gzhung 'dis kyang tshad ma'i mtshan nyid yongs rdzogs dngos su
bstan/ ma shes don gyi gsal byed kyang/ zhes pas kyang/ tshad
ma'i mtshan

nyid yongs su rdzogs pa bstan pa yin no zhes zer/ gzhan dag na
re/ tshad ma la mtshan nyid gnyis yod par thal/ dam bca' de rnams
rigs pa'i phyir/ 'dod na/ tshad ma de ldog pa tha dad pa gnyis
yin par

thal; de la mtshan nyid gnyis yod pa'i phyir zhes gsungs/ gzhan
dag na re/ gzhan don bsgrub bya la mtshan nyid gnyis yod par
thal/ mdo las kyang de'i mtshan nyid bstan/ rigs sgo las kyang
de'i

mtshan nyid bstan pa'i phyir/ 'dod na/ gzhan don sgrub bya de
ldog pa tha dad pa gnyis yin par thal/ de la mtshan nyid gnyis
yod pa'i phyir zhes gsungs/ slob dpon lha dbang blo'i 'grel par/@005a @#/ /de bas na
de ltar tshad ma'i mtshan nyid mi slu ba gcig
bshad do/ /ma shes don gyi gsal byed kyang/ gzhan tshad ma'i
mtshan nyid gnyis pa yin no/ /zhes pa'i don ni tshad ma'i mtshan
nyid kyi

zur la/ tshad ma'i mtshan nyid kyi ming gis bstan pa yin pas/
gnyis ka 'dril bas tshad ma'i mtshan nyid yongs rdzogs bstan gyi
gang rung re res rdzogs par ma bstan no/ /zhes gsungs/ gzhan dag

na re/ 'o na/ gzhung snga mas kyang tshad ma'i mtshan nyid yongs
su rdzogs pa bstan/ phyi mas kyang de ltar bstan na/ tshad ma la
mtshan nyid mi 'dra ba gnyis yod pas khyab par thal/ de ltar
bstan pa'i phyir/

'dod na/ gzhan don bsgrub bya de la mtshan nyid mi 'dra ba gnyis
yod par thal/ mdo las kyang gzhan don bsgrub bya'i mtshan nyid
yongs rdzogs gcig bstan/ rigs sgo las kyang/ de ltar yongs su

rdzogs pa gcig bstan pa'i phyir/ de la khyab pa yod par thal/
'di'i snga mas kyang tshad ma'i mtshan nyid yongs rdzogs gcig
bstan/ phyi mas kyang tshad ma'i mtshan nyid yongs rdzogs gcig
bstan na/ tshad

ma'i mtshan nyid mi 'dra ba gnyis yod pas khyab pa'i phyir/ zhes
gsungs/ yang kha cig na re/ gzhung snga mas 'jig rten la grags
pa'i tshad ma'i mtshan nyid dngos su bstan/ gzhung phyi mas bstan
bcos la grags pa'i

tshad ma'i mtshan nyid bstan pa yin no zhes zer/ 'o na/ gzhung
snga mas tshad ma'i mtshan nyid yongs rdzogs bstan par thal/ 'jig
rten la yongs su grags pa'i tshad ma'i mtshan nyid bstan pa'i
phyir/ 'dod na/ re shig

@005b song mod/ gzhung des/ gsar du mi bslu ba'i rig pa tshad
ma'i mtshan nyid du bstan par thal lo/ /'dod na/ gzhung snga nas/
'jig rten la grags pa'i tshad ma'i mtshan nyid bstan pa dang/ phyi
mas bstan bcos la grags

pa'i tshad ma'i mtshan nyid bstan pa'i khyad par mi 'thad par
thal/ 'dod pa'i phyir/ yang mkhas pa kha cig na re/ gzhung snga
mas tha snyad pa'i tshad ma'i mtshan nyid dang/ phyi mas don dam
pa'i tshad ma'i mtshan nyid

bstan pa yin no zhes zer ba mi rigs par thal/ skabs 'dir ni/
gnyis stong mngon sum du rtogs pa'i tshad ma la don dam pa'i tshad
ma dang/ 'dus byas mi rtag par rtogs pa'i tshad ma tha snyad pa'i
tshad ma'i rnaM

bzhag mi 'thad pa'i phyir te/ skabs 'dir/ phyi rol gyi don yod
pa'i phyir te/ gzhung 'di mdo sems mthun mong ba'i gzhung yin
pa'i phyir te/ mdo sems gnyis gsar du mi bslu ba'i rig pa tshad
ma'i mtshan nyid

du bzhed pa'i phyir/ gzhan yang/ skabs 'dir/ phyi rol gyi don
yod de/ 'byung ba dang sems rdzas tha dad yin pa'i phyir te/
'byung sems tha dad nyid phyir ro/ /zhes pa'i don grub pa'i
phyir/ gzhan yang/ sngar gyi

dam bca' mi 'thad par thal/ de la shes byed kyi lung rigs med
pa'i phyir/ des na/ rang gi lugs ni/ gzhung 'dis kyang tshad ma'i
mtshan nyid yongs su rdzogs pa bstan te/ 'dis gsar du mi bslu
ba'i rig pa

tshad ma'i mtshan nyid du bstan pa'i phyir/ ma shes don gsal smos
pa don med du mi 'gyur te/ snga mas ma shes don gsal dngos su ma
bstan pa la phyi mas de ltar bstan pa'i phyir te/ rnam par nges
pa'i TIk chen du

@006a @#/ /rnam 'grel las tshad ma spyi'i mtshan nyid mi slu ba
dang/ ma shes don gsal gnyis bshad pa don ldog mi 'dra ba bstan
pa ma yin gyi/ tshad ma slu med can shes pa zhes par/ dang po
dang gsar pa'i don

khong na gnas kyang/ gsal por med pas phyi ma'i mtshan nyid kyi
khyad par de la dogs pa gcod pa yin te/ rnam 'grel gyi rnam
bshad du rgyas par bshad zin pa las shes par bya'o/ /'dir bstan
pa'i tshad

ma'i mtshan nyid/ don smra ba dang/ sems tsam pa mthun mong ba'i
dbang du bya'am/ don smra ba 'ba' zhig gi dbang du byas zhe na/
snga ma ltar yin no/ zhes bshad pa'i phyir/ des na dngos bstan
gyi sbyor ba

ni; me 'dzin dbang po'i mngon sum chos can/ tshad ma zhes brjod
pa'i rgyu mtshan yod de/ mi slu ba'i don gyis de ltar brjod pa'i
phyir/ don thob kyi sbyor ba ni/ de chos can/ tshad ma yin te/
gsar du mi slu

ba'i rig pa yin pa'i phyir/ kha cig na re/ gzhung 'dis tshad ma'i
mtshan nyid yongs rdzogs dngos su bstan par thal/ 'dis dngos su
bstan pa'i tshad ma'i mtshan nyid yongs rdzogs yod pa'i phyir/ ma
grub

na; 'dis dngos su bstan pa'i tshad ma chos can/ khyod kyi mtshan
nyid yod par thal/ mtshon bya yin pa'i phyir/ zhes zer ro/ 'o na/
shes bya dang/ gzhal bya sogs kyi mtshan nyid kyang dngos su
bstan

par thal/ 'dis dngos su bstan pa'i gzhal bya'i mtshan nyid yod
pa'i phyir/ ma grub na/ 'dis dngos su bstan pa'i gzhal bya chos
can/ khyod kyi mtshan nyid yod par thal/ khyod mtshon bya yin pa'i
phyir/ gzhal

@006b bya gnyis phyir tshad ma gnyis zhes pa'i gzhung 'dis kyang/
tshad ma'i mtshan nyid dngos su bstan pa thal/ des dngos su bstan
pa'i tshad ma'i mtshan nyid yod pa'i phyir/ ma grub na/ des dngos
su bstan pa'i tshad

ma chos can/ khyod kyi mtshan nyid yod par thal/ khyod mtshon bya
yin pa'i phyir/ 'khor gsum rnams brgyud mar khas blangs pas go
bar gyis shig /! don byed nus par gnas pa ni/ mi slu zhes pa'i
sbyor

'god la/ me 'dzin dbang po'i mngon sum chos can/ mi slu ba yin
te/ mes btso bsreg gyis don byed nus par gnas pa la de ltar
rtogs pa'i blo yin pa'i phyir/ 'o na/ yid dpyod kyi blo chos
can/ der

thal; de'i phyir/ 'dod na/ rang gi gzhal bya la gsar du mi slu
ba yin par thal/ 'dod pa gang zhig rang gi gzhal bya gsar du
'dzin pa'i phyir/ 'dod na/ tshad mar thal/ rang gi gzhal bya la
gsar du mi slu ba'i riD

pa yin pa'i phyir/ 'dod na/ ma yin par thal/ yid dpyod kyi blo
yin pa'i phyir/ kha cig na re/ mes btso bsreg gyis don byed nus
pa ma yin par thal/ ma yin na/ gzugs kyi skye mched yin dgos
pa'i phyir te/

'jig rten gyi ni tha snyad du/ kha dog dbyibs las zhes brjod/
chu me yang ngo rlung tshogs khams/ nyid yin de dang 'dra ba'ang
yin/ zhes bshad pa'i phyir/ me'i khams yin na/ tsha zhing bsreg
pa yin pas khyab ste/

dper na sreg par byed min phyir/ me ma yin zhes bya ba bzhin/
/zhes bshad pa'i phyir zhes gsungs/ yang kha cig na re/ me yin
na/ reg bya yin dgos te/ mes bsreg pa dang/ chus dom ba sogs kyi
don byed par rtogs

@007a @#/ /pa'i blo ni chos nyid kyi rig pa yin pa'i phyir/ zhes
zer/ rang lugs ni/ me la gzugs dang reg bya'i skye mched gnyis
ka yod de/ tshur mthong gi rgyud la me 'dzin pa'i mig gi shes pa
dang/ lus

shes rnam pa gnyis ka yod pa'i phyir/ gtan tshigs dang po grub
ste/ 'gal me 'khor lor snang ba dang/ mar me'i rtse mo khra sgor
ba snang bar mthong ba'i mig gi shes pa yod pa'i phyir te/ 'gal
me la sogs myur 'jug

pa'i; zhes sogs dang/ mar me la sogs dkyil 'khor ni/ /zhes pa
dang/ 'jig rten mar me du mas mthong/ zhes pa'i don grub pa'i
phyir/ gtan tshigs gnyis pa grub ste/ sa phyogs mjal ba'i tshur
mthong gi

lus shes yod pa'i phyir te/ long ba'i rgyud las phyogs 'dzin
pa'i mngon sum yod pa'i phyir/ shes bya chos can/ me'i khams yin
na/ reg bya yin pas ma khyab par thal/ chu me yang do rlung
tshogs khams/ /nyid

yin de dang 'dra ba'ang yin/ zhes pa'i don yod pa'i phyir/ mngon
pa gong ma ltar na yang/ me'i khams la reg byas khyab pa med par
thal/ de ltar na mig gi khams la mig gis ma khyab pa'i phyir te/
gzugs

med khams dang/ mngal du skye ma thag pa'i gnas skabs na yang
mig gi khams yod pa dang/ mig ni med par bshad pa'i phyir/ des
na mngon pa gong ma ltar na/ gzugs med khams na yang/ gzugs
khams

ni yod de/ de na mig gi khams dang/ gzugs kyi nyer len du gyur
pa'i de'i sa bon yod pa'i phyir/ mngon pa 'og ma ltar na ni/ mig
gi khams la mig gis khyab par mngon te/ gzugs med khams na dri
ro sna lce'i rnam

@007b par shes pa'i khams med par bshad pa'i phyir te/ gzugs kyi
khams na bcu bzhi'o/ /dri dang ro dang sna dang ni/ lce'i rnam
shes khams ma gtogs/ zhes bshad pa'i phyir/ ! /gzung ba 'dzin
phyir kun rdzob ni/ zhes

pa'i skabs su/ rang 'dren byed kyi tshad ma snga mas rtogs zin
byed pa mnyams pa'i don la bsnan nas 'jug pa'i rigs pa dang/ de
gang zhig rang gi nang tshan du gyur pa'i tshad ma med pa dang/
rang 'dren byed kyi tshad ma snga

mas rtogs zin byed pa ma nyams pa'i don la bsnan nas 'jug pa'i
tshad min gyi rig pa dang/ rang 'dren byed kyi tshad ma snga mas
rtogs zin byed pa ma nyams pa'i don yang rtogs pa'i blo gang
zhig /rang gis gsar

du ma rtogs la/ rang gi nyer len du gyur pa'i tshad ma snga ma
rnams kyis gsar du rtogs pa'i chos mi srid pa sogs bcad shes kyi
mtshan nyid yin no zhes zer/ 'o na/ rnam mkhyen skad cig gnyis pa
chos can/ mtshon

bya der thal/ mtshan nyid de'i phyir te/ rang 'dren byed kyi tshad
ma snga mas rtogs zin byed pa ma nyams pa'i don yang rtogs pa'i
blo gang zhig rang gi nyer len du gyur pa'i tshad ma snga ma
rnams kyis ma rtogs la

rang gis gsar du rtogs pa'i chos mi srid pa'i phyir te/ rnam
mkhyen skad cig ma dang po des nyer len byas pa las byung ba'i
rig pa yin pa'i phyir/ 'dod na/ tshad ma yin par thal/ 'dod pa'i
phyir/ 'dod na/

de yin par thal/ sgrib pa spangs pa'i shes pa yin pa'i phyir te/
sgra mi rtag rtogs kyi rjes dpag chos can/ rang 'dren byed kyi
tshad ma snga mas rtogs zin byed pa ma nyams pa'i don la bsnan
nas 'dzin pa'i tshad

@008a @#/ /min gyi blo yin par thal/ sgra 'dzin mngon sum gyi
gzhal bya la bsnan nas 'jug pa'i tshad min gyi blo yin pa'i phyir
te/ de la bcad shes yin pa'i phyir te/ sgra la bcad shes yin
pa'i phyir ro/ /rtsa bar

'dod na song mod/ de chos can/ bcad shes su thal/ 'dod pa'i
phyir/ 'dod na/ tshad ma ma yin par thal/ 'dod pa'i phyir/ sgra
rtogs pa'i bcad shes chos can/ khyod kyi nang tshan du gyur pa'i
tshad ma med par thal/

bcad shes yin pa'i phyir/ 'dod na/ yod par thal/ sgra mi rtag
rtogs kyi rjes dpag khyod yin pa'i phyir/ ma grub na/ sgra mi
rtag rtogs kyi rjes dpag chos can/ sgra rtogs pa'i bcad shes yin
par thal/ sgra

la bcad shes yin pa'i phyir/ tshad mas nyer len byas pa las byung
ba'i tshad ma chos can/ bcad shes su thal/ rang 'dren byed kyi
tshad ma snga mas rtogs zin byed pa ma nyams pa'i don yang rtogs
pa'i blo

gang zhig /rang gi nyer len du gyur pa'i tshad ma snga ma rnams
kyis ma rtogs la/ rang gis gsar rtogs kyi chos mi srid pa'i
phyir te/ tshad mas nyer len byas pa las byung ba'i tshad ma yin
pa'i phyir/ tshur mthong gi

rgyud kyi gang zag gi bdag med rtogs pa'i tshad mas nyer len byas
pa las byung ba'i mngon sum bcad shes chos can/ rang 'dren byed
kyi tshad ma snga mas rtogs zin byed pa mnyam pa'i don la bsnan
nas

'dzin pa'i blo yin par thal/ bcad shes yin pa'i phyir/ rtags
grub par thal/ mngon sum bcad shes yod pa'i phyir te/ rgyas par
'og tu 'chad pa'i phyir ro/ /'dod na/ tshur mthong gi rgyud kyi
gang zag gi

@008b bdag med rtogs pa'i tshad ma'i gzhal bya de/ de'i gzhal bya
yin par thal/ 'dod pa'i phyir/ 'dod na/ de chos can/ gang zag gi
bdag med rtogs par thal/ 'dod pa'i phyir/ 'dod na/ ma rtogs par
thal/

tshur mthod gi rgyud kyi mngon sum yin pa'i phyir/ ma grub na/
der thal/ khyod mngon sum bcad shes yin pa'i phyir/ sbyor 'god
la/ kha cig na re/ bcad shes chos can/ tshad ma ma yin par thal/
rang 'dren

byed kyi tshad ma snga mas rtogs zin byed pa mnyams pa'i don la
bsnan nas 'jug pa'i blo yin pa'i phyir zhe na/ mkhas pa kha cig
na re/ 'di'i phyogs snga smra ba po des bcad shes tshad mar khas
blangs par thal

sbyor ba de 'thad pa'i phyir/ des na bcad shes chos can/ gsar du
mi slu ba'i rig pa yin pa'i rgyu mtshan gyis tshad ma ma yin par
thal/ rang 'dren byed kyi tshad ma snga mas rtogs zin byed pa ma
nyams pa'i don la

bsnan nas 'dzin pa'i blo yin pa'i phyir/ zhes gsungs/ 'o na/
'di'i phyogs snga smra ba po des/ bcad shes gsar du mi slu ba'i
rig pa yin pa'i rgyu mtshan gyis tshad mar khas blangs par thal/
sbyor ba de 'thad pa'i phyir/

'dod mi nus te/ des bcad shes tshad ma ma yin par khas blangs
pa'i phyir/ des na sbyor ba gnyis po la/ rnam mkhyen skad cig ma
dang po 'phen no/ /bcad shes kyis mtshan gzhi'i rnam bzhag rgyas
par ni/ mngon sum rtog bral

gyi skabs su 'chad do/ ! /rang las rang gi ngo bo rtogs zhes
pa'i skabs su/ tshad ma gang zhig /rang gi gzhal bya la nges pa
rang stobs kyis 'dren nus pa dang/ de gang zhig /rang gi gzhal
bya'i bdag nyid mthar thug pa yul

@009a @#/ /steng du gnas pa med na/ rang nyid mi 'byung ba'i cha
la nges pa rang stobs kyis 'dren par nus pa dang/ rang nyid rang
gi gzhal bya mi slu ba'i cha la nges pa rang stobs kyis 'dren
par nus pa sogs/ rang las nges

kyi; de las zlog pa gzhan las nges kyi tshad ma'i mtshan nyid/ ces
zer zhing /mngon sum yin na/ rang yul ma nges pas khyab bo/
/zhes zer/ 'o na/ rnam mkhyen chos can/ mtshan nyid der thal/
mtshon bya de'i phyir/ 'dod

na rang yul nges par thal/ 'dod pa'i phyir/ 'dod na/ ma nges par
thal/ mngon gsum yin pa'i phyir/ gsal ba snga ma gnyis song/
lhag bcas myang 'das la gnas pa'i dgra bcom pa'i rgyud kyi rang
las nges kyi tshad ma skad cig tha ma

chos can/ mtshan nyid dang po der thal/ mtshon bya de'i phyir/
'dod na/ lhag med kyi gnas skabs na rig pa yod par thal/ 'dod
pa'i phyir/ 'dod mi nus te/ dgra bcom sems gang zhes pa'i skabs
su gnod byed 'chad pa'i phyir/ /

'dis ni/ tshad ma yin na/ rang gi gzhal bya la nges pa rang stob
kyis 'dren par nus pas khyab pa yang bkag pa yin no/ /gzhan
yang/ chos de la rang las nges kyi tshad ma yin na/ chos de rang
stobs kyis nges pas khyab pa yod par thal/

sngar gyi mtshan nyid 'thad pa'i phyir/ 'dod na/ re zhig song/
sangs rgyas 'phags pa'i thugs rgyud kyi shes rab chos can/ don
gyi ngo bo rang stobs kyis rigs pa'i blo ma yin par thal/ sems
byung yin pa'i phyir/ khyab

pa rtsa ba'i grub mtha' la khas/ 'dod na yin par thal/ de la
rang las nges kyi tshad ma yin pa'i phyir te/ de la goms pa can
gyi mngon sum tshad ma yin pa'i phyir ro/ /mtshan nyid gnyis par
kha cig na re/ sngon po mi

@009b rtag par rtogs pa'i rjes dpag chos can/ mtshan nyid der
thal/ mtshon bya de'i phyir/ 'dod na/ sngon po tshad mas ma dmigs
pa'i sa phyogs chos can/ sngon po mi rtag par rtogs pa'i rjes
dpag mi 'byung ba'i cha la sngon po mi

rtag par rtogs pa'i rjes dpag gis nges pa 'dren nus yin par
thal/ de'i gzhal bya'i bdag nyid mthar thug pa yul steng na gnas
pa med pa'i phyir ro/ /'o na/ sngon po mi rtag par rtogs pa'i
rnam mkhyen chos can/

khyod med na khyod med pas khyab pa de/ khyod kyis rtogs pa yin
par thal/ de yod/ rnam mkhyen yin pa'i phyir/ 'dod na song/
sngon pos dag pa'i sa phyogs chos can/ sngon po mi rtag par
rtogs pa'i rnam mkhyen med pas

khyab pa de des rtogs par thal/ de med pa'i phyir/ khyab pa
khas/ rang lugs kyi skyon brjod ni/ re zhig 'di ltar brjod de
'dus ma byas kyi nam mkha' dngos med du rtogs pa'i rjes dpag
chos can/ mtshan nyid der thal/

mtshon bya de'i phyir/ 'dod na/ nam mkha' dngos por med pa de/
de'i gzhal bya'i bdag nyid mthar thug pa yin par thal/ 'dod pa'i
phyir/ 'dod na/ rgyang ring po'i dmar lam pa de/ don la me yin
cing/ rtog pas me yin

min the tshom za dus kyi rgyang ring po'i dmar lam pa 'dzin pa'i
dbang po'i mngon sum de'i gzhal bya'i bdag nyid mthar thug yin
par thal/ 'dod pa'i phyir/ 'dod mi nus te/ rnam par nges pa'i
TI ka chen las/ rang nyid

gang la tshad mar song ba'i gzhal bya de med na/ rang nyid mi
'byung ba nges pa dang/ mi nges pa'i don min gyi/ dngos po 'jal
ba'i tshad ma yin na/ rang gis dngos su ma gzhal yang/ rang gis
gzhal ba'i dngos po de'i rdzas@010a @#/ /su gyur pa gsal ba rang mtshan gyis mthar
thug pa cig
med na/ tshad ma rang nyid mi 'byung ba'i don dang/ dngos med
rtogs pa'i tshad ma yin na/ rang gi gzhal bya de'i bdag nyid
yul steng du legs

par gnas pa med na/ rang nyid mi 'byung ba'i don no zhes
gsungs pa'i phyir/ des na rgyang ring po'i kha dog dmar lam pa
ni/ sngar gyi dbang po'i mngon sum de tshad mar song ba'i gzhal
bya dang/ de'i steng gi me lta bu ni/

de'i gzhal bya'i bdag nyid mthar thug yin no/ /nam mkha' dngos
med du rtogs pa'i rjes dpag gi gzhal bya'i bdag nyid mthar
thug pa ni dpyad par bya'o/ /gzhan yang/ don la me'i kha dog
yin cing/ rtog pas

me'i kha dog yin min the tshom za dus kyi rgyang ring po'i kha
dog dmar lam pa rtogs pa'i rjes dpag chos can/ mtshan nyid der
thal/ mtshon bya de'i phyir/ rtags khyab khas/ 'dod na/ de
rgyud ldan gyi gang zag des

rgyang ring po'i dmar lam pa'i steng gi me de med na/ rjes
dpag de nyid mi 'byung bar rtogs pa yin par thal/ 'dod pa'i
phyir/ 'dod na/ de'i rgyud kyi dbang po'i mngon sum des kyang
de ltar du rtogs par thal/

'dod pa'i phyir/ 'dod na/ de chos can/ de ltar du ma rtogs par
thal/ gzhan las des kyi tshad ma yin pa'i phyir/ 'khor gsum
dngos 'gal lo/ /sngor snang dbang shes chos can/ mtshan nyid
der thal/ mtshon bya de'i

phyir; rtag khyab khas/ 'dod na/ sngon po med na/ sngor snang
dbang shes med pas khyab par thal/ 'dod pa'i phyir/ 'dod na/
gsal bgrub mtha' la'o/ /yid ches rjes dpag chos can/ mtshan
nyid der thal/

@010b mtshon bya de'i phyir/ 'dod na rang gi gzhal bya'i bdag
nyid mthar thug pa yul steng du gnas pa med na/ rang nyid mi
'byung ba de la tshad mar thal/ tshad ma gang zhig /rang gi
gzhal bya'i bdag nyid mthar thug pa yul

steng na gnas pa med na/ rang nyid mi 'byung ba'i cha la nges
pa rang stobs kyis 'dren nus yin pa'i phyir/ 'dod na/ yid ches
rjes dpag tshad mar song ba'i gzhal bya dang/ dngos stobs rjes
dpag tshad mang song ba'i gzhal

bya mi 'gal bar thal/ 'dod pa'i phyir/ gsal ba rnams grub
mtha' la'o/ khyab ste/ yid ches rjes dpag gi gzhal bya'i bdag
nyid mthar thug pa yul steng na gnas pa med na/ yid ches rjes
dpag mi 'byung ba de la

dngos stobs rjes dpag tshad ma yin pa'i phyir te/ dngos stobs
rjes dpag de 'brel ba'i dbang gis yid ches rjes dpag mi slu
bar rtogs pa'i tshad ma yin pa'i phyir/ gsum pa la/ rjes dpag
mi slu bar bden zhen

gyis 'dod pa'i rgol ba'i rgyud kyi rjes dpag chos can/ mtshan
nyid der thal/ mtshon bya de'i phyir/ 'dod na/ sgra mi rtag pa
ma yin par bden zhen gyis 'dod pa'i rgol ba'i rgyud la sgra mi
rtag par rtogs pa'i tshad

ma yod pa yin par thal/ 'dod pa'i phyir/ 'dod na/ sgra mi rtag
par sgrub dgos kyi rgyud la yang de ltar rtogs pa'i tshad ma
yod par thal/ 'dod pa'i phyir/ gzhan yang/ rjes dpag slu bar
bden zhen gyis

'dod pa'i rgol ba'i rgyud kyi rjes dpag mi slu bar rtogs pa'i
tshad ma chos can/ rang gi gzhal bya la sgro 'dogs cung zad
kyang mi sel ba yin par thal/ sel na/ rjes dpag slu bar bden
zhen gyis 'dod pa'i rgol

@011a @#/ /pa'i rgyud la rjes dpag slu bar zhen pa'i rtog blo
med dgos pa'i phyir/ rtsa bar 'dod na/ tshad ma'i bya ba cung
zad kyang mi byed par thal/ 'dod pa'i phyir/ gsal ba rnams
khas/ rjes dpag slu bar bden

zhen gyis 'dod pa'i rgol bdes rjes dpag mi slu bar rtogs pa
yin par thal/ rjes dpag gi gzhal bya med par bden zhen gyis
'dod pa'i rgol bas rjes dpag gi gzhal bya rtogs pa'i phyir zhe
na/ ma khyab par

thal; de'i gzhal bya rtogs na/ de'i gzhal bya yod par rtogs mi
dgos pa'i phyir/ thun mong du mtshan nyid 'di rnams la dgra
bcom pa'i rgyud kyi rang las nges kyi tshad ma skad cig mtha ma
'phen pa'i tshul sngar gong

du bshad pa'i rigs pa las shes par bya zhing/ chos de la nges
pa rang stobs kyis 'dren par nus pa'i blo yin na/ chos de
rtogs pas khyab pa yod par thal/ sngar gyi mtshan nyid de rnams
'thad pa'i phyir/ 'dod na/

sgra mi rtag par sgrub dgos kyi phyi rgol gyi rgyud kyi sgra
mi rtag par sgrub pa'i rtags 'dzin sems de chos can/ sgra mi
rtag par rtogs pa'i blo yin par thal/ sgra mi rtag pa la nges
pa rang stobs kyis 'dren nus pa'i blo

yin pa'i phyir te/ sgra mi rtag rtogs kyi rjes dpag rang stobs
kyis 'dren nus pa'i blo yin pa'i phyir te/ sgra mi rtag rtogs
kyi rjes dpag rang stobs kyis bskyed par nus pa'i rig pa yin
pa'i phyir/ rtags grub

par thal/ de rang stobs kyis bskyed par nus pa'i rig pa yod
pa'i phyir/ 'dod na/ sgra mi rtag rtogs kyi rjes dpag bcad
shes su thal/ 'dod pa'i phyir/ 'di ltar byas na/ don la me yin
cing/ rtog pas me

@011b yin min the tshom za dus kyi rgyang ring po'i dmar laM pa
'dzin pa'i dbang po'i mngon sum des rgyang ring po'i dmar lam
pa de'i steng gi me med na rang nyid mi 'byung ba'i cha la
nges pa rang stobs kyis 'dren nus par

thal; de ltar rtogs pa'i blo rang stobs kyis 'dren par nus
pa'i phyir/ ma grub na/ sgra ba dag yang dag la brten nas
bsgrub bya la nges pa bskyed par nus pa mi srid par thal/
bsgrub bya la nges pa rang stobs kyis

'dren nus pa'i blo yin na/ bsgrub bya rtogs dgos pa'i phyir/
'dod na phyi rgol gyi rgyud la nges pa bskyed pa'i phyir du
sgrub dag brjod pa dgos med du thal/ 'dod pa'i phyir/ 'dod mi
nus te/ rang nyid nges shing

gzhan dag la/ nges pa bskyed par 'dod pa yin/ phyogs chos
'brel pa bsgrub bya dag /brjod pa las gzhan spang bar bya/
/zhes pa'i don yod pa'i phyir/ smig rgyu la chur 'dzin gyi
sgro 'dogs dngos su bskyed par

byed pa'i smig rgyu'i kha dog 'dzin pa'i mngon sum dang/ yid
gzugs mdzes la lhag par chags pa'i skyes bu'i rgyud kyi sgra
'dzin dbang po'i mngon sum dang/ byis pa skyes ma thag pa'i
dbang po'i mngon sum rnams

gzhan las nges kyi tshad ma dang/ rang rig rnams rang las nges
kyi tshad ma yin te/ dang po pa dang yid ma gtang/ /'khrul rgyu
can rnams gzhan las nges/ /zhes bshad pa'i phyir zhe na/ byis
pa skyes ma thag pa de chos

can; khyod kyi rgyud kyi tshad ma de gzhan las nges kyi tshad ma
yin par thal/ khyod kyi rgyud kyi dbang po'i mngon sum tshad ma
rnams ni gzhan las nges kyi tshad ma yin pa'i phyir/ 'dod na/
khyod kyi rgyud kyi rjes dpag tshad ma dang/

@012a @#/ /rang rig rnams kyang gzhan nges kyi tshad mar thal/
'dod pa'i phyir/ 'dod na/ grub pa'i mtha' dang 'gal lo/ /gzhan
yang/ rang las nges kyi tshad ma yin na/ rang gi gzhal bya
rtogs zin rtogs pa'i blo yin

dgos par thal/ utpal la'i kha dog sngar ma mthong gsar du
mthong ba'i dbang mngon de gzhan nges tshad ma yin pa'i phyir/
rtags khas/ smig rgyu la chur 'dzin gyi sgro 'dogs dngos su
bskyed par byed pa'i

smig rgyu'i kha dog 'dzin pa'i dbang mngon de/ smig rgyu'i kha
dog la tshad mar thal/ de tshad ma yin pa'i phyir/ 'dod na/ de
rgyud ldan gyi gang zag des/ smig rgyu'i kha dog de smig
rgyu'i kha dog tu rtogs par thal/

'dod pa'i phyir/ 'dod na/ smig rgyu'i kha dog chu min par
rtogs par thal/ 'dod pa'i phyir/ 'dod mi nus te/ des smig
rgyu'i kha dog chu yin par bden zhen gyis 'dod pa'i phyir/
gzhan yang/ sngar gyi

dbang mngon des/ smig rgyu'i kha dog de la chur 'dzin gyi sgro
'dogs dngos su mi skyed par thal/ smig rgyu'i kha dog chu min
par rtogs pa'i tshad ma yin pa'i phyir/ khyab ste/ gzhi de chu
yin par 'dzin pa'i sgro

'dogs dang/ gzhi de chu yin min the tshom za ba'i blo dngos su
'dren byed yin na/ gzhi de chu ma yin par rtogs pa'i tshad ma
ma yin dgos pa'i phyir te/ sgro 'dogs dang the tshom gyis tshad
ma'i bya ba dngos su

'gog pa'i phyir te/ de rnams tshad ma'i bsal bya yin pa'i
phyir/ rje yab sras rnams kyi rnam bshad dgongs pa 'di ltar
gnas pa la/ sun 'byin ltar snang 'ga' zhig la brten nas nyams
par byed pa ni rgyang

@012b ring du dor bar bya'o/ /yid gzugs mdzes la lhag par
chags pa'i skyes bu'i rgyud la sgra 'dzin dbang po'i mngon sum
med par thal/ de'i rgyud la mngon sum de'i de ma thag skyen
med pa'i phyir te/ chags pas gzhan

skyed nus nyams phyir/ /zhes pa'i don grub pa'i phyir/ 'dod
na/ gzhan nges tshad ma yin pa 'bud/ /rang rig la tshad mas ma
khyab par thal/ de la 'og tu gnod pa 'byung ba'i phyir/ don la
me yin zhing rtog pas me

yin min the tshom za dus kyi rgyang ring po'i kha dog dmar lam
pa 'dzin pa'i dbang po'i mngon sum lta bu/ gzhan nges tshad ma
yin no zhe na/ de chos can seMs can gyi rgyud kyis bsdus par
thal/ gzhan nges tshad ma

yin pa'i phyir/ khyab ste/ sangs rgyas rang rgyud kyi bsdus
pa'i gzhan nges tshad ma med pa'i phyir te/ de'i rgyud kyi tshad
ma yin na/ goms pa can gyi mngon sum gyi tshad ma yin dgos/ de
yin na/ rang nges tshad ma yin

dgos pa'i phyir/ rtsa bar 'dod na/ sangs rgyas 'phags pa'i
thugs rgyud kyi dbang mngon de/ sngar gyi dbang mngon de ma
yin par thal/ 'dod pa'i phyir/ 'dod na/ don la me yin cing
rtog pas me yin min the tshom

za dus kyi kha dog dmar lam pa chos can/ sangs rgyas 'phags
pa'i thugs rgyud la khyod 'dzin dbang po'i mngon sum yod par
thal/ khyod kha dog yin pa'i phyir/ gzhan yang/ de chos can/
khyod rtogs pa'i

mngon sum gyi tshad ma de gzhan nges tshad ma yin par thal/
khyod rtogs pa'i dbang po'i mngon sum gzhan las nges kyi tshad
ma yin pa'i phyir/ 'dod na/ khyod rtogs pa'i tshad ma de de yin
par thal/ 'dod pa'i

@013a @#/ /phyir; 'dod na/ khyod rtog pa'i rnam mkhyen med par
thal/ 'dod pa'i phyir/ kha cig na re/ don la me yin cing rtog
pas me yin min the tshom za dus kyi rgyang ring po'i kha dog
dmar lam pa 'dzin

pa'i dbang po'i mngon sum tshad ma med par thal/ don la me yin
zhing rtog pas me yin min the tshom za dus kyi me med pa'i
phyir te/ don la me yin na/ de ltar rtog pas nges pas khyab
pa'i phyir/ zhes

zer zhing/ don la me yin zhing lhas byin gyi rtog pas me yin
min the tshom za dus kyi rgyang ring po'i kha dog dmar lam pa
'dzin pa'i dbang po'i mngon sum de/ gzhan nges tshad ma yin no
zhes zer/ 'o na/

rtog pa gzugs mdzes la lhag par chags pa'i skyes bu med par
thal/ don la me yin zhing/ rtog pas me yin min the tshom za
ba'i skyes bu med pa'i phyir/ 'dod na/ yid gzugs mdzes la lhag
par

chags pa'i skyes bu med par thal/ 'dod pa'i phyir/ 'dod na/
yid stong nyid la rtse gcig tu mnyam par bzhag pa'i skyes bu
med par thal lo/ /'dod na/ sangs rgyas 'phags pa med par thal/
'dod pa'i

phyir; gzhan yang/ don la me yin zhing/ rtog pas me yin min
the tshom za dus kyi rgyang ring po'i me 'dzin dbang po'i mngon
sum yod par thal/ don la me yin zhing/ rtog pas me yin min the
tshom za

ba'i skyes bu yod pa'i phyir/ der thal/ de 'dra'i skyes bu lha
byin yod pa'i phyir/ der thal/ don la me yin zhing/ lhas byin
gyi rtog pas me yin min the tshom za ba yod pa'i phyir/ lhas
byin gyi rtog pas me yin

@013b min the tshom za ba'i me med par thal/ lha sa byin gyi
rtog pas me nges pa'i phyir/ ma khyab na/ me yin na/ rtog pas
nges pas khyab na/ rtog pas me yin min the tshom za ba med pas
khyab pa 'bud/ don la me yin

zhing; rtog pas me yin min the tshom za dus kyi rgyang ring
po'i kha dog dmar lam pa 'dzin pa'i dbang po'i mngon sum chos
can/ gzhan las nges kyi tshad ma ma yin par thal/ gzhan nges
tshad mar song ba'i gzhal bya

med pa'i phyir te/ rgyang ring po'i kha dog dmar po la'ang de
tshad ma ma yin/ de me yin pa la'ang de tshad ma ma yin pa'i
phyir/ dang po grub te/ de de la rang las nges kyi tshad ma yin
pa'i phyir/ gnyis pa grub te/ de de la

tshad ma ma yin pa'i phyir zhe na/ sgra mi rtag rtogs kyi rjes
dpag chos can/ 'khrul pa'i tshad ma ma yin par thal/ 'khrul
pa'i tshad mar song ba'i gzhal bya med pa'i phyir te/ sgra mi
rtag pa'i don spyi la yang de

tshad ma ma yin/ sgra mi rtag pa la yang de tshad ma ma yin pa'i
phyir/ dang po grub ste/ de de la tshad ma ma yin pa'i phyir/
gnyis pa grub ste/ de rang gi zhen yul la ma 'khrul pa'i tshad
ma yin pa'i phyir/ zhes gsungs/

'di la kha cig na re/ sngar gyi dbang mngon de chos can/ dmar
lam pa me yin pa de la gzhan las nges kyi tshad ma yin te/ de
la gzhan las nges gang zhig /tshad ma yin pa'i phyir/ sgra mi
rtag rtogs kyi rjes dpag

chos can/ sgra mi rtag pa'i don spyi la 'khrul pa'i tshad ma
yin te/ de la 'khrul pa gang zhig /tshad ma yin pa'i phyir/
gzhan dag na re/ sngar gyi dbang mngon de rgyang ring po'i kha
dog dmar lam pa la bden pa

@014a @#/ /gzhan las nges kyi tshad ma yin te/ de rgyud ldan gyi
gang zag des/ dmar 'bar ba gnod med du bden par tshad ma gzhan
la rten nas rtogs dgos pa'i phyir/ de chos can/ gzhan las nges
kyi tshad

ma yin te/ rgyang ring po'i dmar lam pa la gzhan las nges kyi
tshad ma yin pa'i phyir te/ de la bden pa gzhan las nges kyi
tshad ma yin pa'i phyir zhes gsungs/ sngar gyi mngon sum de
chos can/ rgyang ring

po'i dmar lam pa de me yin par thal/ de me yin pa la gzhan las
nges kyi tshad ma yin pa'i phyir/ 'dod na/ dmar po me yin par
thal/ rgyang ring po'i dmar lam pa me yin pa'i phyir/ yang de
chos can/

rgyang ring po'i dmar lam pa me yin bde la mngon sum tshad ma
yin par thal/ de la mngon sum gang zhig /tshad ma yin pa'i
phyir/ rtags khyab khas/ 'dod na/ de la tshad mar thal/ de la
mngon sum gyi tshad ma yin pa'i

phyir; sgra mi rtag rtogs kyi rjes dpag chos can/ sgra la ma
'khrul ba'i tshad mar thal/ de la ma 'khrul ba gang zhig /tshad
ma yin pa'i phyir/ rtags khyab khas/ 'dod na/ de la tshad mar
thal/ 'dod pa'i phyir/ khyab

ste; de la mngon sum gyi tshad ma yin na/ de la tshad ma yin
dgos pa'i phyir te/ de la rjes su dpag pa'i tshad ma yin na/ de
la tshad ma yin dgos pa'i phyir/ sngar gyi mngon sum de chos
can/ rgyang ring po'i dmar lam

pa la gzhan las nges su thal/ de la gzhan las nges kyi tshad ma
yin pa'i phyir/ khyab ste/ de la rang las nges kyi tshad ma yin
na/ de la rang las nges yin dgos pa'i phyir/ 'dod na/ de la
gzhan las nges

@014b ma yin par thal/ de la rang las nges yin pa'i phyir/
yang sngar gyi mngon sum de chos can/ snang ba rang las nges
kyi tshad ma dang/ bden pa gzhan las nges kyi tshad ma'i gzhi
mthun ma yin par thal/ de 'dra

ba'i gzhi mthun tshad mar song pa'i gzhal bya med pa'i phyir/
rtags khyab khas/ 'dod na/ snang ba rang las nges kyi tshad ma
dang/ bden pa gzhan las nges kyi tshad ma'i gzhi mthun med par
thal/ 'dod pa'i phyir/

yang na/ gzhan las nges kyi tshad ma med par thal/ rang gi
gzhal bya la gsar du mi slu ba'i gzhan las nges kyi tshad ma
med pa'i phyir/ der thal/ rang gi gzhal bya rtogs pa'i gzhan
nges tshad ma med pa'i phyir/ ma

grub na/ rang gi gzhal bya rtogs pa'i gzhan las nges kyi tshad
ma chos can/ rang gi gzhal bya la gzhan des kyi tshad mar thal/
'dod pa'i phyir/ 'dod na/ sngar gyi mngon sum de gzhan las
nges kyi tshad mar song ba'i

gzhal bya med par 'dud rtsa ba'i gtan tshigs yin chad khas/
sgra mi rtag rtogs kyi rjes dpag de de ma yin pa la der 'dzin
gyi tshad mar thal/ de 'khrul pa'i tshad ma yin pa'i phyir/ 'dod
na/ sgra mi rtag

pa'i don spyi sgra mi rtag par snang ba'i tshad ma yin par
thal/ 'dod pa'i phyir/ 'dod na/ de sgra mi rtag pa'i don spyi
la 'khrul ba'i tshad ma yin par thal/ 'dod pa'i phyir/ gsal ba
rnams khas shing/ rtsa

ba'i gtan tshigs dngos 'gal lo/ /'ga' zhig na re/ rjes su dpag
pa'i tshad ma yin na/ rang las nges kyi tshad ma yin pas khyab
bo zhe na 'o na don la me yin zhing/ rtog pas me yin mi@015a @#/ /the tshom za dus
kyi/ rgyad ring po'i kha dog dmar lam
pa rtogs pa'i rjes dpag chos can/ der thal/ de'i phyir/ rtags
grub par thal/ de yod pa'i phyir/ 'dod na/ de chos can/ rang gi
gzhal

bya'i bdag nyid mthar thug pa yul steng na gnas pa med na/ rang
nyid mi 'byung ba'i chal nges pa rang stobs kyis 'dren nus par
thal/ rang las des kyi tshad ma yin pa'i phyir/ rtags khyab
dngos/ 'dod na/

de rgyud ldan gyi gang zag des/ rgyud ring po'i dmar 'bar ba'i
steng gi me de rtogs par thal/ 'dod pa'i phyir/ 'dod na/ ma yin
par thal/ de 'dra ba des rgyang ring po'i dmar lam pa de/ gnod
med du bden par ma rtoD pa'i phyir/

te; rgyang ring po'i dmar lam pa de la yul rang ngos nas grub
pa'i dmar lam pa zhig gam/ sprul pa'i dmar lam ba zhig snyam du
the tshom za ba'i phyir/ de la grangs can pa des/ sgra gnod med
du bden par ma rtoD

par thal/ sngar gyi rgol ba des/ rgyang ring po'i dmar lam pa
de/ gnod med du bden par ma rtogs pa'i phyir snyam na/ ma khyab
ste/ grangs can gyis sgra de yul rang ngos nas grub pa'i sgra
yin par rtogs

pa'i phyir/ snga mas dmar 'bar ba de yul rang ngos nas grub pa'i
dmar 'bar bar ma rtogs pa'i phyir/ yang don la tsanda na gyi me
yod pa yin zhing/ rtog pas tsan dan gyi me yod pa yin min the
tshom

za ba'i dus kyi du ldan gyi la la me yod par rtogs pa'i rjes
dpag de chos can/ rang las nges kyi tshad ma yin par thal/ rjes
su dpag pa'i tshad ma yin pa'i phyir/ rtags grub par thal/ de yod
pa'i phyir

@015b don la tsan dan gyi du ba yin zhing/ rtog pas tsan dan gyi
du ba yin min the tshom za dus kyi du ba 'dzin pa'i dbang po'i
mngon sum tshad ma yod pa'i phyir/ rtsa bar 'dod na/ don la tsan
dan gyi me yin zhing/ rtog

pas tsan dan gyi me yin min the tshom za dus kyi me 'dzin dbang
mngon de rang las des kyi tshad ma yin bar thal/ 'dod pa'i phyir/
rtags gsal rnams dngos 'gal/ zhes kho bo'i yongs su 'dzin pa kun

mkhyen blo gros rin chen seng ges gsungs/ sbyor ba'i 'god tshul
la/ goms pa can gyi mngon sum gyi tshad ma chos can/ rang nyid
rang las des kyi tshad ma yin te/ rang nyid gsar du mi slu ba'i
rig par rang nyid

kyis rtogs pa'i phyir/ sngar bshad pa'i mngon sum de ni chos
can/ gzhan las des kyi tshad ma yin te/ rang nyid gsar du mi bslu
ba'i rig pa yin par gzhan kho na las rtogs pa'i phyir/ yang tshad
ma yin na/

rang las nges kyi tshad ma yin pas khyab pa dang/ gzhan las nges
kyi tshad ma gang rung yin pas khyab pa med de/ rang las nges kyi
tshad ma yang yod/ gzhan las nges kyi tshad ma yang yod pa'i
phyir/ yang

tshad ma dang tshad min gyi rnam dbye mthar thug dpyod pa'i rig
shes kyi ngor med de/ de'i dor rang las rang gi ngo bo myong
ba'i myong ba gnyis med gzung 'dzin rdzas tha dad kyis stong pa
tsam zhig yod par rtogs pa'i phyir/

tshad ma dang tshad min gyi rnam dbye med par thal ba'i skyon yang
med de/ tha snyad pa'i tshad mas de'i rnam dbye grub pa'i phyir/
yang sngon 'dzin dbang po'i mngon sum tshad ma chos can/ rang
nyid shes pa yin par

@016a @#/ /rtags kyi sgrub mi dgos te/ de ltar du rang nyid nyams
su myong ba'i rang rig mngon sum gyis rtogs pa'i phyir/ de tshad
ma yin pa rang nyams su myong ba'i rang rig gis ma rtogs te/ de
ltar

du tha snyad pa'i tshad ma gzhan la brten nas rtogs dgos pa'i
phyir zhe na/ /dang po mi 'thad de/ rang nyid gsar du mi slu
ba'i rig pa yin pa rang nyid kyis ma rtogs pa'i tshad ma yod pa'i
phyir te/ tshur

mthong gi rgyud kyi goms pa can gyi dbang po'i mngon sum de tshad
mar song ba'i gzhal bya yin na/ shes pa ma yin dgos pa'i phyir/
der thal/ /de tshad mar song ba'i gzhal bya'i gtso bo yin na/
phyi don yin dgos

pa'i phyir te/ gcig gi gnyis shes ma yin te/ /dbang po'i sems ni
nges phyir ro/ /zhes pa'i don grub pa'i phyir/ /rjes dpag tshad
mar sgrub dgos kyi phyi rgol gyi rgyud kyi rjes su dpag pa'i
tshad ma chos can/

khyod kyis khyod rang gsar du mi slu ba'i rig par rtogs par
thal/ khyod rang las des kyi tshad ma yin pa'i phyir/ khyab pa
khas/ 'dod na/ khyod kyis khyod rang rtogs par thal/ 'dod pa'i
phyir/ 'dod na/

khyod kyis rjes dpag tshad mar rtogs par thal/ khyod kyis rjes
dpag tshad mar sgrub dgos kyi phyi rgol gyi rgyud kyi rjes dpag
tshad mar rtogs pa'i phyir/ 'dod na/ rjes dpag tshad mar sgrub
pa'i

rtags bkod pa don med du thal/ 'dod pa'i phyir/ grangs can gyi
rgyud kyi rang las nges kyi tshad mar gyur pa'i blo chos can/
khyod kyis khyod rang rig par rtogs par thal/ rang las

@016b kyi tshad ma yin pa'i phyir/ 'dod na/ grangs can gyis blo
bde sems med bem por mi 'dod par thal/ 'dod pa'i phyir/ 'dod na/
blo tshur mthong gi mig shes kyi gzung bya yin par thal/ tshur
mthong gi rgyud

kyi goms pa can gyi dbang mngon lta bu de/ tshur mthong gi mig
shes kyi gzung bya yin pa'i phyir/ rtags khas/ 'di'i phyogs snga
smra ba po des/ tshad ma la rang nges kyi tshad mas khyab pa dang/
gzhan des kyi

tshad mas khyab pa gnyis ka khas blangs par thal/ sbyor ba 'god
tshul gnyis pa rig pa'i phyir/ 'dod na/ spyod pa bas de ltar khas
blangs par thal lo/ /'dod na/ spyod pa pa'i nang tshan 'ga' zhig
gi grub

mtha' yin na/ spyod pa pa'i grub mtha' yin pas khyab par thal
lo/ /'dod na/ sangs rgyas pa'i nang mtshan 'ga' zhig gis khas
blangs pa'i grub mtha' yin na/ sangs rgyas pa'i grub mtha' yin
pas khyab

par thal lo/ 'dod na/ sangs rgyas pas dngos po bden grub dang
bden med gnyis kar khas blangs par thal/ 'dod pa'i phyir/ gnyis
stod rtogs pa'i tshang ma yod par thal/ sbyor ba 'god tshul gsum

pa de rigs pa'i phyir/ 'dod mi nus te/ gnod byed bstan zin pa'i
phyir/ bzhi pa la/ rnam mkhyen chos can/ khyod shes pa yin par
rtags kyi sgrub mi dgos par thal/ de ltar du khyod rang nyams su
myong

ba'i rang rig gis rtogs pa'i phyir/ 'dod na/ blo shes par sgrubs
pa'i rtags yang dag med par thal/ 'dod pa'i phyir/ 'dod mi nus
te/ mu stegs grangs can bde sa blo bde sems med bem por

@017a @#/ /'dod pa'i phyir/ rnam mkhyen chos can/ tshad ma yin par
khyod rang nyams su myong ba'i rang rig mngon sum gyis ma rtogs
par thal/ de ltar du tha snyad pa'i tshad ma gzhan la rten nas

nges dgos pa'i phyir te/ khyod tshad mar sgrub pa'i rtags yang
dag yod pa'i phyir/ 'dod mi nus te/ rnam mkhyen yin pa'i phyir/
sngon 'dzin dbang po'i mngon sum tshad ma de/ tshad ma yin par kho
rang nyaMs

su myong ba'i rang rig mngon sum gyis rtogs pa yin par thal/ de
nyams su myong ba'i rang rig mngon sum des de rtogs pa'i phyir/
ma grub na/ de nyams su myong ba'i rang rig chos can/ khyod kyis
de rtogs par

thal; khyod kyis de shes par rtogs pa'i phyir/ rtags gsal dngos/
TI ka kar/ gal te rang nges dang/ gzhan nges zhes pa de ci yul
shes gnyis las/ yul la rang stobs kyis nges pa 'dren mi 'dren

gyi dbang las yin nam/ 'on te yul can las yin/ dang po ltar na/
nges byed kyi tshad ma phyi ma bcad shes su thal ba dang/ tshad
mas kyang/ rang yul gyi cha gang la yang rang stobs kyis nges pa
mi 'dren na/

the tshom rkyang pa can du 'gyur la/ de ltar na dogs pa cung zad
kyang mi gcod pas tshad mar mi rung ba'i phyir ro/ /zhes pa'i don
ni/ don la shing yin cing/ rtog pas shing yin min the tshom za
dus kyi rgyad ring

po'i shing 'dzin dbang po'i mngon sum de'i gzhal bya'i bdag nyid
mthar thug pa yul steng na gnas ba med na/ de mi 'byung bar
rtogs pa'i don ni rgyang ring po'i ya ga lo 'dab dang ldan pa de
nyid la nges pa

@017b rang stobs kyis 'dren par nus pa la byed rig pa yin par
thal/ skabs 'di'i rang las nges dang gzhan las nges kyi don/ yul
la rang stobs kyis 'dren pa dang/ mi 'dren pa la byed pa'i
phyir/ 'dod na/

de 'dra ba'i dbang po'i mngon su mtshad ma de dang/ de'i gzhal
bya'i bdag nyid mthar thug pa yul steng na gnas pa med na/ de mi
'byung bar rtogs pa'i tshad ma gnyis de'i yul gyi gtso bo rgyang
ring po'i yal

ga lo 'dab dang ldan pa de nyid la gzhan des yin par thal/ 'dod
pa'i phyir/ 'dod na/ tshad ma phyi ma de bcad shes su thal/ 'dod
pa gang zhig /sngar gyi mngon sum de nyid kyis rtogs zin pa'i
phyir/ ma grub

na; des rang yul gyi cha gang la yang nges pa cung zad kyang mi
'dren par thal/ 'dod pa'i phyir/ 'dod na/ de the tshom rgyang pa
can du thal/ 'dod pa'i phyir/ 'dod na/ gsal bya log rtog cung
zad kyang mi gcod

par thal/ 'dod pa'i phyir/ 'dod na/ tshad ma'i bya ba cung zad
kyang mi byed par thal/ 'dod pa'i phyir zhes pa ni/ gzhan dag
gis rtogs par dka' ba'i gnas su 'dug pas/ rgyal tshab dam pa'i
dgong pa go sla'i phyir

dag gis kho bos legs par bshad pa yin la/ gzhan rnams ni go sla
ba dang/ yi ge mang gi dogs pas 'jigs pas re zhig bzhag go /!
bsgrub bya'i rjes 'gro phyir 'bras bu/ zhes pa'i skabs

su; bsgrub bya sgrub nus kyi spyi rtags su bkod pa la/ khyad par
la btags nas sun 'byin par byed pa'i sun 'byin ltar snang de
'bras mtshungs kyi ltag chos kyi mtshan nyid yin no zhe na/ byas
pa

@018a @#/ /sgra rtag par sgrub pa'i 'gal rtags ma yin par thal/
sgra'i byas pa 'ang de sgrub kyi 'gal rtags ma yin/ bum pa'i
byas pa 'ang de sgrub kyi 'gal rtags ma yin pa'i phyir zhes pa'i
thal 'gyur 'di

'bras mtshungs kyi btag chos su thal/ byas pa sgra rtag pa ma yin
par sgrub pa'i rtags yang dag ma yin par thal/ sgra'i byas pa
'ang de sgrub kyi rtags yang dag ma yin/ bum pa'i byas pa'ang de
sgrub kyi rtags

yang dag ma yin pa'i phyir zhes pa'i thal 'gyur 'di 'bras
mtshungs kyi btags chos yin pa'i phyir/ der thal/ rtsol byung
dung sgra mi rtag par sgrub pa'i rtags yang dag ma yin par thal/
sngar med gsar byung

gi rtsol byung yang de sgrub kyi rtags yang dag ma yin/ sngar
yod rkyen gyis gsal ba'i rtsol byung yang de sgrub kyi rtags
yang dag ma yin pa'i phyir zhes pa ni/ de yin pa'i phyir ro/
/rtsa bar 'dod na/ song mod/

de chos can/ mtshan nyid de yin par thal/ 'dod pa'i phyir/ 'dod
na/ byas pa sgra rtag par sgrub pa'i rtags yang dag tu thal/
'dod pa'i phyir/ sbyor 'god la/ byas pa sgra mi rtag par sgrub
pa'i rtags yang dag

yin par thal/ byas pa de sgrub kyi tshul gsum yin pa'i phyir zhe
na/ 'di'i phyogs snga smra ba po des sgra rtag par bden zhen
gyis 'dod par thal/ sbyor ba de rigs pa'i phyir/ 'dod mi nus te/
bye brag pas sgra

mi rtag par 'dod pa'i phyir/ ! sgra ma grub kyang dngos po ni/
zhes pa'i skabs su/ rtags kyi sgra don gnyis kyi nang nas don
gtso che ste/ phyi rgol 'ug pa pa la sangs rgyas pas/ 'byung
bzhi'i rdul phran

@018b chos can/ mi rtag ste/ lus can yin pa'i phyir/ zhes bkod
pa'i tshe/ reg bya can de bye brag pa'i dor 'byung bzhi'i rdul
phran mi rtag par sgrub pa'i rtags yang dag yin pa'i phyir/ zhes
gsungs shing/ reg bya

can de/ sbyir bye brag pa'i ngor/ rtags yang dag ma yin te/ rig
pa can pa des 'byung bzhi'i rdul phran rtag par bden zhen gyis
'dod pa'i phyir/ sangs rgyas pas de ltar bkod pa'i tshen yin te/
snga rgol

gtan tshigs 'god pa'i dus la shin tu mkhas pa'i phyir/ zhes
gsungs/ snga rgol sangs rgyas pas/ phyi rgol 'ug pa pa'i ngor/
'byung bzhi rdul phran chos can/ mi rtag ste/ reg bya can yin
pa'i phyir

zhes bkod pa'i tshe/ reg bya can chos can/ 'ug pa pa'i ngor
'byung bzhi'i rdul phran mi rtag par sgrub pa'i rtags yang dag
ma yin par thal/ de'i ngor 'byung bzhi'i rdul phran khyod yin pa
gang zhig de'i ngor

'byung bzhi'i rdul phran rtag pa yin pa'i phyir/ dang po grub
par thal/ de de'i ngor phyogs chos yin pa'i phyir/ gnyis pa grub
par thal/ de'i ngor rtag pa dang reg bya can la gzhi mthun yod
pa'i phyir te/ reg bya can

ma yin pa de de'i ngor sgra rtag par sgrub pa'i mthun phyogs la
rnam pa gnyis su 'jug pa'i phyir te/ phyogs chos mthun phyogs
yod med ces sogs dang/ mi rtag rtsol byung reg min pa/ zhes sogs
kyi don yod pa'i phyir/

yang de'i ngor de sgrub la reg bya can rtags su bkod pa'i tshe
na/ reg bya can de chos can/ bye brag bas khyod mi rtag pa yin
par tshad ma'i stobs kyis nges pa yin par thal/ de'i ngor de
sgrub kyi rtags yang dag yin

@019a @#/ /pa'i phyir/ 'dod mi nus te/ de'i ngor khyod dang rtag
pa'i gzhi mthun yod pa'i phyir/ sangs rgyas pas de'i ngor/ de
sgrub la reg bya can rtags su bkod pa'i tshe/ sangs rgyas pa de
de sgrub kyi snga rgol skyon

can yin par la/ de'i tshe reg bya can de/ de ltar sgrub pa'i gtan
tshigs skyon can yin pa'i phyir/ khyab ste/ gtan tshigs ltar snang
gzhan dag la zhes sogs kyi don yod pa'i phyir zhe na/ snga rgol
sangs rgyas

pas; phyi rgol mu stegs byed kyi ngor/ nyer len gyi phung po
chos can/ gang zag gi bdag med de/ gang zag gi bdag tshad mas ma
dmigs pa'i phyir zhes bkod pa'i tshe/ sangs rgyas pa de'i ngor de
sgrub kyi snga rgol

skyon can du thal/ de'i tshe de phyi rol pa'i ngor de sgrub kyi
rtags yang dag ma yin pa'i phyir/ khyab gsal khas/ ma grub na/
de'i tshe gang zag gi bdag tshad mas ma dmigs pa chos can/ phyi
rol pas khyod kyis rtags

kyis de ltar sgrub pa'i tshul gsum tshad ma'i stobs kyis nges par
thal/ khyod de'i ngor de ltar sgrub pa'i rtags yang dag yin pa'i
phyir/ 'dod na/ de chos can/ phyi rol pa des khyod kyi rtaD kyis
de sgrub kyi sgrub bya'i chos

su gzung bya chad mas des par thal/ 'dod pa'i phyir/ 'dod na/
des gang zag gi bdag med tshad mas nges par thal/ 'dod pa'i
phyir/ 'dod na/ ma yin par thal/ phyi rol pa nges gang zag gi
bdag yod par

khas len pa'i phyir te/ de phyi rol pa yin pa'i phyir ro/ /ma
grub na/ der thal/ phyi rol pa yod pa'i phyir/ bye brag pa'i
ngor 'byung bzhi'i rdul phran mi rtag par sgrub pa'i gtan tshigs
yang dag 'god pa skabs su

@019b babs pa'i dus mi srid par thal/ de'i ngor reg bya can
'byung bzhi'i rdul phran mi rtag par sgrub pa'i rtags yang dag
tu song ba'i tshe/ reg bya can de de'i ngor de ltar sgrub pa'i
rtags yang dag ma yin pa'i phyir zhe na/ phyi

rol pa'i ngor/ nyer len gyi phung po gang zag gi bdag med du
sgrub pa'i rtags yang dag 'god pa skabs su babs pa'i dus mi srid
par thal/ gang zag gi bdag tshad mas ma dmigs pa de/ de'i ngor de
sgrub kyi rtaD

yang dag tu song ba'i tshe/ de de'i ngor de sgrub kyi rtags yang
dag ma yin pa'i phyir ro/ 'dod na/ srid par thal/ des de ltar
sgrub pa'i tshul gsum tshad mas nges nas bsgrub bya la shes 'dod
dang ldan pa'i dus srid

pa'i phyir te/ de'i rgyud la gang zag gi bdag med par rtogs pa'i
rjes dpag skye ba'i dus srid pa'i phyir/ phyi rol bas gang zag
gi bdag tshad mas ma dmigs pa'i rtags kyis/ nyer len ?kyi phung
po gang zag

gi bdag med du sgrub pa'i tshul gsum tshad mas nges nas bsgrub bya
ba la shes 'dod dang ldan pa'i tshe/ gang zag gi bdag tshad mas ma
dmigs pa chos can/ phyi rol pa'i der nyer len gyi phung po gang
zag gi bdag

med du sgrub pa'i rtags yang dag yin par thal/ phyi rol pa des
khyod kyi rtags kyis de ltar sgrub pa'i tshul gsum tshad mas nges
nas/ des de sgrub kyi sgrub bya la shes 'dod dang ldan pa'i
phyir zhe na/ byas

pa'i rtags kyi sgra mi rtag par sgrub pa'i tshul gsum tshad mas ma
nges pa'i gang zag nges byas pa'i rtags kyis sgra mi rtag par
sgrub pa'i tshul gsum tshad mas des nas/ des sgra mi rtag pa la
shes 'dod dang@020a @#/ /ldan pa'i tshe/ byas pa chos can/ rgol ba de'i ngor
sgra mi rtag par sgrub pa'i rtags yang dag yin par thal/ byas
pa'i rtags kyis sgra mi rtag par sgrub pa'i tshul gsum tshad mas
ma nges pa'i

gang zag des/ khyod kyi rtags kyis sgra mi rtag par sgrub pa'i
tshul gsum tshang mas nges nas/ des sgra mi rtag pa la shes 'dod
dang ldan pa'i phyir/ 'khor gsum/ de la kho na re/ gtan tshigs ma
grub ste/

byas pa'i rtags kyis sgra mi rtag par sgrub pa'i tshul gsum tshad
mas ma nges pa'i gang zag nges/ de ltar sgrub par byed pa'i tshul
gsum tshad mas nges nas/ nges sgra mi rtag pa la shes 'dod dang
ldan pa'i tshe/

sgra mi rtag par sgrub pa'i tshul gsum tshad mas ma nges pa'i gang
zag de/ tshul gsum tshad mas nges pa'i gang zag yin pa'i phyir zhe
na/ snga ma la yang mtshungs te/ phyi rol bas nyer len gyi phung
po gang zag

gi bdag med du sgrub pa'i tshul gsum tshad (mas nges nas phyi rol
pa des de sgrub kyi sgrub bya) la shes 'dod dang ldan pa'i tshe/
phyi rol pa de phyi rol pa ma yin pa'i phyir te/ phyi rol pa de
dkon mchog gsum la

skyabs su song ba'i tshe/ phyi rol pa de phyi rol pa ma yin pa'i
phyir te/ phyi rol pa yin na/ dkon mchog gsum la skyabs su 'gro
bzhin pa ma yin dgos pa'i phyir te/ phyi nang gi khyad par ni
skyabs 'gro'i

sgo nas 'byed par shan ti pa sogs kyis bshad pa de rigs pa'i
phyir/ kho na re/ byas pa chos can/ grangs can gyi ngor/ sgra mi
rtag par sgrub pa'i rtags yang dag tu song ba'i tshe/ de'i ngor
de sgrub kyi rtags yang

@020b dag yin par thal/ byas pa sgra mi rtag par sgrub pa la
rtags yang dag tu song bzhin pa'i dus kyi grangs can de'i ngor/
sgra mi rtag par sgrub pa'i rtags yang dag yin pa'i phyir zhe
na/ byas pa chos can/ sgra mi

rtag par sgrub pa'i tshul gsum tshad mas ma nges pa'i gang zag gi
ngor/ sgra mi rtag par sgrub pa'i rtags yang dag tu song ba'i
tshe/ de'i ngor de sgrub kyi rtags yang dag yin par thal/ byas pa
sgra mi rtag par

sgrub pa'i rtags yang dag tu song ba'i dus kyi sgra mi rtag par
sgrub pa'i tshul gsum tshad mas ma nges pa'i rgol ba'i ngor/ sgra
mi rtag par sgrub pa'i rtags yang dag yin pa'i phyir/ rtags
khyab khas/ 'dod na/

sgra mi rtag par sgrub pa'i tshul gsum tshad mas ma nges pa'i rgol
ba'i ngor/ sgra mi rtag sgrub la byas pa rtags su song pa'i tshe/
byas pa chos can/ sgra mi rtag par sgrub pa'i tshul gsum tshad mas
ma nges

pa'i rgol ba'i ngor/ sgra mi rtag par sgrub pa'i rtags yang dag
ma yin par thal/ sgra mi rtag par sgrub pa'i tshul gsum tshad mas
ma nges pa'i gang zag gis/ sgra mi rtag par sgrub pa'i tshul gsum

tshad mas ma nges pa'i phyir/ rtsa ba'i khyab pa 'gal te/ byas pa
sgra mi rtag par sgrub pa'i rtags yang dag tu song ba'i dus kyi
sgra mi rtag par sgrub pa'i tshul gsum tshad mas ma nges pa'i rgol
ba de ni/ sgra

mi rtag par sgrub pa'i tshul gsum tshad mas nges pa'i gang zag de
yin pa'i phyir zhe na/ gzhan la yang mtshungs te/ byas pa sgra mi
rtag par sgrub pa'i rtags yang dag tu song ba'i dus kyi grangs
can de

@021a @#/ /ni grangs can ma yin pa'i phyir te/ grangs can sangs
rgyas pa'i dus kyi grangs can de grangs can ma yin pa'i phyir/
kha cig/ sangs rgyas pas 'ug pa pa la 'byung bzhi'i rdul phran
mi rtag par sgrub pa

la; reg bya can rtags su bkod pa'i tshe/ reg bya can de rgol ba
de'i ngor/ de sgrub kyi rtags yang dag yin par thal/ de'i dus
kyi bye brag pa (de bye brag pa ma yin pa'i phyir zhe na/ 'o
na/) de'i tshe lus can zhes pa'i sgra de bye brag

pa'i ngor/ 'byung bzhi'i rdul phran la yang dngos su 'jug par
thal/ de'i dus kyi bye brag pa de/ bye brag pa ma yin pa'i
phyir/ kha cig na re/ sogs khong nas thogs bcas bzung la/ thogs
bcas de 'ug pa pa'i ngor

'byung bzhi'i rdul phran mi rtag par sgrub pa'i phyogs chos yin
no zhes gsungs/ de ma yin par thal/ bye brag pa'i ngor 'byung
bzhi'i rdul phran thogs bcas ma yin pa'i phyir te/ rgol ba des
de rnams la sgrib

thogs kyi 'bras bu med par 'dod pa'i phyir te/ ma mthong ba la
'bras med pa/ /mthong nas yan lag can sgrub 'dod/ /ces pa'i lung
don grub pa'i phyir/ rang gi lugs ni/ rtags kyi ming don gnyis
kyi

nang nas don gtso che ba yin te/ sgra de byas pa zhes pa'i ngag
gi brjod byar ma grub kyang/ byas pa sgra'i steng du 'god tshul
dang mthun par yod pa'i tshe/ de'i rtags kyis de ltar sgrub pa'i
phyogs chos grub

par 'gyur ba'i phyir/ dper na/ 'ug pa pa la/ sangs rgyas pas
'byung bzhi'i rdul phran mi rtag par sgrub pa la/ lus can rtags
su dkod pa'i tshe/ /rgol ba de'i ngor de de sgrub kyi phyogs chos
yin pa'i phyir/

@021b zhes pa ni thar lam gsal byed kyi lugs so// ! dgra bcom
sems gang yin de yang/ /zhes pa'i skabs su/ dgra bcom tha ma'i
sems chos can/ tha mal pa'i 'chi sems rigs 'dra phyi ma tsham mi
sbyor bar sgrub pa'i

rtags chos gnyis ldan gyi mthun dpe yang dag ma yin par thal/ de
ltar du tshad mas ma grub pa'i phyir/ /zhe na/ 'o na rgyang 'phen
pas/ sbyor ba de'i gsal ba khas blangs par thal/ sbyor ba de
gzhung de'i don

sbyor rnam dag yin pa'i phyir/ 'dod na/ /rgyang 'phen pa des/
rtags yang dag yod par 'dod par thal/ 'dod pa'i phyir/ 'dod na/
mi rigs par thal/ gal te la la dag tu ni/ /'khrul phyir yid
brtan

med ce na/ /zhes pa'i don yod pa'i phyir ro/ /rgyang 'phen gyis/
rjes dpag tshad ma dang/ spyi mtshan gzhal byar 'dod par thal/ des
rtags yang dag yod par 'dod pa'i phyir/ 'dod mi nus te/ med pa
gzhal bya ma yin

phyir; ;gcig nyid ce na/ zhes sogs rgyang 'phen dgag pa'i phyir
du brtsoms pa'i phyir zhe na/ rgyang 'phen rtags yang dag yod
par 'dod par thal/ 'gal dang de ni thabs bcas pa/ zhes sogs
rgyang 'phen

dgag pa'i phyir du brtsams pa'i phyir/ rgyang 'phen pas 'bras bu
rgyu med du 'dod par thal/ de ltar tsher ma la sogs kyi/ /rno ba
nyid sogs rgyu med pa/ /zhes sogs rgyang 'phen pa dgag pa'i
phyir du

gsungs pa'i phyir/ 'dod na/ rgyang 'phen pa nges/ 'bras bu
rgyu'i dus na yod par khas blangs par thal/ rtsa sogs rtse na
glang chen brgya/ /zhes sogs rgyang 'phen dgag pa'i phyir du
brtsams pa'i phyir ro/

@022a @#/ /des na rgyang 'phen tshul gsum pa can gyi gtan tshigs
yang dag dang/ 'bras bu rnams la rigs 'dra snga ma'i rgyu med
par 'dod cing/ rtags yang dag dang/ 'bras bu rnams la rgyu yod
par

'dod pa'am/ yang na rgyang 'phen gyi nang tshan 'ga' zhig de
rnams med par 'dod cing/ 'ga' zhig gtan tshigs yang dag sogs yod
par 'dod pa dgag pa'i phyir du 'dir yang rigs pa mi 'dra ba du
ma

gsungs par sems so/ /skabs 'dir mkhas pa kha cig na re/ lhag med
kyi gnas skabs su rig pa rgyun mi 'chad de/ lhag med kyi gnas
skabs na/ dgra bcom pa'i rgyud kyi mngon par rtogs pa yod pa'i
phyir

te; de na dgra bcom pa'i spang pa yod pa gang zhig /dgra bcom pa
spang rtogs 'bras mi rung yin pa'i phyir/ gtan tshigs dang po
grub ste/ de na myang 'das yod pa'i phyir/ gnyis pa grub ste/
dgra bcom pa'i

spang rtogs nyams pa mi srid pa'i phyir/ dgra bcom pa'i rgyud
kyi snying rje de mtha' med du 'phel ba ma yin par thal/ snying
rje la phyi mtha' yod pa'i phyir/ gzhan yang/ lhag med kyi gnas
skabs na rig pa yod

par thal/ de na dgra bcom pa yod pa'i phyir te/ lhag med kyi
myang 'das thob pa'i gang zag yod pa'i phyir te/ lhag med kyi
myang 'das de theg dman slob pa rnams kyi 'thob bya yin pa'i
phyir/ zhes gsungs/ sems

can thams cad sangs rgyas pa'i dus srid par thal/ lhag med myang
'das la gnas pa'i dgra bcom yod pa'i phyir/ rtags khas/ 'dod na/
rigs chad kyi sems can mi srid par thal/ 'dod pa'i phyir/

@022b 'dod na/ dri bcas kyi sems bden stong rang bzhin gnas rigs
su thal lo/ /'dod na/ sems bden par med par thal/ 'dod pa'i
phyir/ dgra bcom tha ma med par thal/ lhag med kyi gnas skabs na
yang

dgra bcom yod pa'i phyir/ 'dod na/ dgra bcom sems gang yin de
yang/ gang las mtshams sbyor med par 'dod/ /ces pa'i don ma grub
par thal/ 'dod pa'i phyir/ lhag med kyi gnas skabs na rig pa

rgyun chad pa yin par thal/ rnam nges las/ nus pa brjod pa thams
cad dang bral ba ni nye bar brjod pa med pa'i mtshan nyid yin no/
/'o na ni mtha'i skad cig nye bar brjod pa med par thal lo zhe
na/ min te/

sems can du bgrangs pa'i skad cig gzhan nye bar len pa med pa ni
mtha'i mtshan nyid yin pa'i phyir ro/ /de yang tha na shes bya la
khyab pa'i ye shes la ni/ gzugs med pa'i khams su yang nus pa
nyid

yin no/ /khams gzhan du ni du ma la phan 'dogs par 'gyur ro/
/zhes dang/ de'i TIka chen las/ dngos po la don byed nus pas
khyab/ don byed nus stong la dngos med kyis khyab pa 'dod na ni
mtha'i skad cig

dgra bcom pa phung po lhag med du 'nga' kha ma'i yid kyi shes pa
skad cig tha ma chos can/ dngos med du thal/ don byed mi nus
pa'i phyir zhe na/ de chos can/ don byed nus stong ma yin te/
/sems can du pa grangs pa'i

sems kyi skad cig gzhan gyi nye bar len pa med pa ni mtha'i
mtshan nyid yin pa'i phyir ro/ /dgra bcom pa phung po lhag med du
mya ngan las 'das pa/ bem rig rgyun chad pa sgra sor bzhag yin
na/ yid kyi

@023a @#/ /shes ba rigs 'dra phyi ma mtshams sbyor bas skye ba
phyi ma sgrub pa'i rtags kyi khyab pa ma nges par 'gyur la/ de
ltar na/ skye ba phyi ma sgrub byed kyi tshad ma med pas/ skye ba
du mar brgyud pa las thob pa'i dgra bcom pa'i 'bras bu

nyid kyang/ tshang mas mi 'grub par 'gyur ro zhe na/ 'di'i lan
la/ slob dpon nyi ma sbas bas/ phung po lhag med kyi gnas skabs
na bem rig rgyun chad par bshad pa/ phyi rol gyi don khas len
pa'i nyan thos mdo sde pa'i lugs 'chad pa'i dbang du

byas pa yin gyi/ rnal 'byor spyod pa ba rang gi lugs ltar na/
de'i gnas skabs na yang/ bdag med rtogs pa'i shes rab kyi rigs
'dra yod par bzhad pa ltar lan gdab par bya'o/ /'o na; rnam
'grel le'u gnyis par/ nyan thos mdo

sde pa dang thun mong ba'i skye ba phyi ma sgrub pa'i gtan tshigs
ji ltar zhe na/ gang chags pa dang bcas pa'i sems yin na/ rigs
'dra phyi ma mtshams sbyor bas khyab/ dper na/ da ltar chags pa
dang bcas pa'i sems las zhe sdang dang

bcas pa'i sems mtshams sbyor ba bzhin no/ tha mal ba'i 'chi sems
kyang chags bcas kyi rig pa yin no zhes pa'i don du/ dbu ma'i de
kho na nyid bsdus pa'i 'grel par byang chub sems dpa' ka ma la
shrI las gsungs pa ltar

shes par bya'o/ /zhes sogs gsungs pa'i phyir/ skabs don ni/ don
byed nus stong dngos med kyi mtshan nyidu bzhag pa la/ lhag bcas
myang 'das la gnas pa'i dgra bcom pa'i rgyud kyi rig pa skad cig
mi tha ma chos can/ dngos

med du thal/ don byed nus stong yin pa'i phyir zhe na/ gtan
tshigs ma grub par thal/ nges rang 'bras sems can gyi shes pa'i
nyer len mi byed kyang/ rang gi 'bras bur gyur pa'i kun mkhyen
ye shes kyi dmigs rkyen byed pa'i phyir/

@023b dang po grub ste/ lhag med kyi gnas skab su bem rig rgyun
chad pa'i phyir/ de ltar du/ tshad ma rnam par nges pa dang/ nyi
ma sbas pa/ ka ma la shrI la sogs kyis gsal bar bshad pa'i
phyir zhes pa'o/ /sems can thams cad sangs rgyas pa'i

dus srid par thal/ de'i rgyud kyi sgrib pa spang rung dang/
sgrib pa de rnams kyi gnyen po skye rung yin pa'i phyir/ rtag
nyid phyir ram thabs med phyir/ zhes sogs kyi don yod pa'i phyir
zhe na/ rtsa ba'i khyab pa med par thal/ nyan thos bye brag

smra ba'i lugs la yang/ sems can thams cad kyi rgyud kyi sgrib
pa spang rung yin pa'i phyir te/ de'i lugs la sgrib pa sems kyi
rang bzhin la ma zhugs pa'i phyir te/ de'i lugs la sgrib pa dang
bral ba'i sems yod pa'i phyir/ gzhan yang/ bye

brag smra ba'i lugs la sems can thams cad kyi rgyud kyi sgrib pa
de spangs pa'i dus srid par thal/ de'i lugs la sgrib pa thams
cad spangs ba'i dus yod pa'i phyir te/ de'i lugs la sangs rgyas
kyis sgrib pa thams cad spangs pa'i phyir/

'on kyang/ 'khri tshul 'di ltar brjod de/ shes bya chos can/ las
nyon thams cad rgyun chad pa'i dus srid par thal/ rig pa rgyun
chad pa'i dus srid pa'i phyir/ 'dod na/ 'khor ba rgyun chad pa'i
dus srid par thal/ 'dod pa'i phyir/

'dod na/ sems can thams cad kyi sa myang 'das thob pa'i dus srid
par thal/ 'dod pa'i phyir/ 'dod na/ rigs chad kyi sems can mi
srid par thal/ 'dod pa'i phyir/ gzhan yang 'khor ba'i nyes dmigs
dang/ myang 'das

kyi phan yon rig pa'i blo rang rgyud la skye ma myong ba'i gang
zag yod par thal/ rigs chad kyi gang zag yod pa'i phyir/ 'dod
na/ nges 'byung rnam dag rgyud la skye ma myong ba'i gang zag
yod par thal lo/ /'dod na/ so thar gyi sdom pa

@024a @#/ /rgyud la skye ma myong ba'i gang zag yod par thal lo/
/'dod na/ lha mi'i go 'phang thob ma myong ba'i gang zag yod par
thal/ 'dod pa'i phyir/ 'dod na/ 'khor ba la thog mtha' yod par
thal/ 'dod pa'i phyir/ bar do'i rten

can gyi phyir mi 'ong gi rgyud kyi rig pa skad cig tha ma chos
can/ rig pa phyi ma mtshams sbyor bar thal/ chags bcas kyi rig pa
yin pa'i phyir te/ phyir mi 'ong gi rgyud kyi rig pa yin pa'i
phyir/ 'dod na/ lhag med kyi gnas skabs na rig pa

yod par thal/ 'dod pa'i phyir/ gsal ba rnams khas/ khyab ste/
bar do'i rten can gyi phyir mi 'ong/ skad cig tha ma de dang por
lhag med du mya ngan las 'da' ba'i phyir te/ des dgra bcom pa
thob pa dang/ de bar do nas shi 'phos pa

dus mnyam pa'i phyir te/ las dang nyon mongs pas 'phangs pa'i
bar do'i rten can gyi dgra bcom pa med pa'i phyir te/ las nyon
gyis 'phangs pa'i skye srid tshol ba'i dgra bcom pa med pa'i
phyir/ rtags grub ste/ dgra bcom pa las

dbang gis skye ba min zhing/ las nyon gyis 'phangs pa'i bar do'i
rten can rnams ni/ las nyon gyis 'phangs pa'i skye srid tshol
ba'i ngang tshul can yin pa'i phyir te/ mdzod las/ yid las byung
dang srid tshol dang/ /zhes sogs

bshad pa'i phyir/ ! des na 'di ni rigs dang ni/ /zhes pa'i skabs
su/ khyod dngos ming du 'jug pa'i gzhi yod/ khyod dngos ming du
'jug pa'i gzhi yin na/ rigs spyi yin dgos pa/ khyod rigs brjod
kyi sgra yin pa'i mtshan

nyid; khyod dngos ming du 'jug pa'i gzhi yod/ khyod dngos ming
du 'jug pa'i gzhi yin na/ tshogs spyi yin dgos pa/ khyod tshogs
brjod kyi sgra yin pa'i mtshan nyid ce na/ rtag pa yod pa zhes
pa'i ngag de chos can/ khyod tshogs brjod kyi sgra

@024b yin par thal/ khyod dngos ming du 'jug pa'i gzhi yod/
khyod dngos ming du 'jug pa'i gzhi yin na tshogs spyi yin dgos
pa'i phyir/ gnyis pa 'bud/ dang po grub par thal/ rtag pa yod pa
de/ dag de dngos ming du 'jug pa'i gzhi yin pa'i phyir/

'dod na/ rtag pa yod pa chos can/ khyod tshogs spyi yin par thal/
khyod ces brjod pa'i ngag tshogs brjod kyi sgra yin pa'i phyir/
'dod na/ ma yin par thal/ rtag pa yin pa'i phyir/ chos de brjod
pa'i sgra dngos ming du 'jug pa'i

gzhi yod na/ de dngos ming du 'jug pa'i gzhir gyur pa'i rigs
spyi yod pas khyab par thal/ chos de brjod pa'i sgra rigs brjod
kyi sgra yin pa'i phyir/ zhes pa'i thal 'gyur gyi khyab pa yod
par thal/ rigs brjod kyi sgra'i mtshan

nyid 'thad pa'i phyir/ 'dod na mtshan mtshon gnyis dang/ bum pa
gang rung brjod pa'i sgra dngos ming du 'jug pa'i gzhi yod na/
de dngos ming du 'jug pa'i gzhir gyur pa'i rigs spyi yod dgos
par thal/ de rigs brjod kyi sgra

yin pa'i phyir te/ mtshan mtshon gnyis dang bum pa gang rung rigs
spyi yin pa'i phyir/ 'dod na/ bum pas dag pas sa phyogs chos
can/ der thal/ de'i phyir/ lan 'deb par mi nus te/ mtshan mtshon
gnyis dang/ bum

pa gang rung ni yod/ de rigs spyi ma yin pa'i phyir te/ mtshan
mtshon gnyis yod bum pa med pa'i phyir/ gzhan yang/ chos de min
zhes brjod pa'i ngag rigs brjod kyi sgra yin par thal/ chos de
brjod pa'i ngag rigs brjod kyi sgra

yin pa'i phyir/ rtsa bar 'dod na/ 'grig /ma grub na/ chos de
brjod pa'i ngag chos can/ khyod dngos ming du 'jug pa'i gzhi yin
na/ rigs spyi yin pas khyab par thal/ khyod rigs brjod kyi sgra
yin pa'i phyir/ rtags khyab dngos/ 'dod na/@025a @#/ /bum pa'i ldog pa chos can/ rigs
spyi yin par thal/ bum
pa'i ldog pa brjod pa'i dag dngos ming du 'jug pa'i gzhi yin
pa'i phyir/ chos de min pa zhes brjod pa'i dag chos can/ khyod
dngos ming du 'jug pa'i gzhi yin

na; rigs spyi yin pas khyab par thal/ khyod rigs brjod kyi sgra
yin pa'i phyir/ rtags khyab dngos/ bum pa dang tha dad min pa
chos can/ rigs spyi yin par thal/ bum pa dang tha dad min pa
zhes pa'i ngag dngos ming du 'jug pa'i gzhi yin pa'i

phyir; khyab pa dngos/ rtags gsal la lan 'debs na/ sbyor skyon
ma chags pa'i rtags so/ /yang kha cig na re/ khyod dngos ming du
'jug pa'i gzhi yod/ de yin na rdul du ma 'dus pas khyab pa khyod
tshogs brjod kyi sgra yin pa'i mtshan

nyid ce na/ rdul phra rab brjod pa'i ngag chos can/ mtshan nyid
der thal/ mtshon bya de'i phyir/ ma grub na/ rdul phra rab chos
can/ khyod ces pa'i sgra de tshogs brjod kyi sgra yin par thal/
khyod bem po yin pa'i phyir/ 'dod na/ rdul phra

rab chos can/ rdul du ma 'dus shing bsags pa yin par thal/ rdul
phra rab ces brjod pa'i ngag dngos ming du 'jug pa'i gzhi yin
pa'i phyir/ 'dod na/ gzugs can gyi chung mtha' ma yin par thal/
'dod pa'i phyir/ ba

lang zhes pa'i ngag chos can/ khyod dngos ming du 'jug pa'i gzhi
yin na/ rdul du ma 'dus shing bsags pa yin pas khyab par thal/
tshogs brjod kyi sgra yin pa'i phyir te/ ba lang gi gzugs la ltos
te tshogs brjod kyi sgra yin

pa'i phyir/ ma grub na/ ba lang chos can/ khyod ces brjod pa'i
sgra de khyod kyi gzugs la ltos te tshogs brjod kyi sgra yin par
thal/ khyod kyi gzugs yod pa'i phyir/ 'dod na/ bang lang gi
rgyud kyi yid kyi rnam par shes pa chos can/

@025b der thal/ de'i phyir/ gtan tshigs grub par thal/ de ba lang
gi rgyud kyi ngar 'dzin lhan skyes kyi dmigs yul gyi gtso bo yin
pa'i phyir/ rgyas par ni/ mchod brjod kyi skabs su bshad zin to/
rigs brjod kyi sgra dang/ tshogs brjod kyi sgra'i khyad

par yod de/ rigs brjod kyi sgras rigs can brjod byar mi spong/
tshogs brjod kyi sgras tshogs pa can brjod byar spong ba'i phyir
zhe na/ chos de la ltos te rigs brjod kyi sgra yin na/ chos de
la dngos su 'jug pas khyab pa dang/ chos de la

ltos te tshogs brjod kyi sgra yin na/ chos de dngos su mi 'jug
pa'i khyab pa yod par thal/ sbyor ba de rigs pa'i phyir/ 'dod
na/ sngon po zhes brjod pa'i sgra de chos can/ sngon po'i kha
dog la dngos su mi 'jug par thal/ de la ltos te

tshogs brjod kyi sgra yin pa'i phyir te/ khyod sngon po'i dngos
ming gang zhig /de dang de'i kha dog tshogs pa dang tshogs pa can
yin pa'i phyir/ rtsa bar 'dod na/ de la dngos su 'jug par thal/
de la ltos ste rigs brjod kyi sgra yin pa'i

phyir; der thal/ sngon po'i kha dog sngon bo'i bye brag yin pa'i
phyir/ gzugs kyi phung po zhes brjod pa'i ngag chos can/ gzugs
phung gi dri la dngos su mi 'jug par thal/ de la ltos te tshogs
brjod kyi sgra yin pa'i phyir/ grub par

thal; gzugs phung gi dri yod pa'i phyir/ 'dod na/ gzugs phung gi
dri chos can/ gzugs kyi phung po zhes pa'i sgra de khyod la
dngos su 'jug par thal/ khyod gzugs phung yin pa'i phyir te/
khyod rdul du grub pa'i phyir/ mtshan nyid

ces pa'i ngag chos can/ mtshan nyid la dngos su 'jug par thal/ de
la ltos te rigs brjod kyi sgra yin pa'i phyir/ ma grub na/ mtshan
nyid chos can/ khyod ces brjod pa'i ngag khyod la ltos te rigs
brjod kyi sgra yin par thal/ khyod rigs

@026a @#/ /spyi yin pa'i phyir/ bum pa zhes pa'i ngag chos can/
gser bum brjod par thal/ de la ltos te rigs brjod kyi sgra yin
pa'i phyir/ ma grub na/ bum pa chos can/ khyod ces brjod pa'i
ngag gser bum la ltos te rigs brjod

kyi sgra yin par thal/ khyod gser bum gyi rigs spyi yin pa'i
phyir zhe na/ thal 'gyur phyi ma gnyis ni/ 'khri tshul 'ba' zhig
yin no/ /! tshe 'di nyid kyi skye mched lnga/ zhes pa'i skabs su/
gzugs nas shi 'phos te gzugs med du skyes/ de nas

shi 'phos nas/ 'dir skyes pa'i tshe/ gzugs kyi dbang po gzugs can
skad cig tha ma rnams/ 'dir skyes pa'i dbang po gzugs can skad
cig ma dang po de'i dngos kyi nyer len yin zhe na/ ma yin par
thal/ de gnyis kyi bar du gzugs

med kyi chod pa'i phyir/ kha cig 'gog pa la snyoms par 'jug pa'i
'jug sems skad cig ma tha ma de/ 'gog pa'i snyoms 'jug las langs
pa'i sems skad cig dang po de'i dngos rgyu ma yin par thal/ de
gnyis kyi bar du 'gog pa'i

snyoms 'jug gis chod pa'i phyir/ khyab pa khas/ 'dod na/ yin par
thal/ 'gog snyoms las langs pa'i sems skad cig dang po de'i
dngos kyi nyer len yod/ 'gog pa la mnyam par bzhag pa'i gnas
skabs na shes pa med

pa'i phyir te/ de ltar du slob dpon lha dbang blo'i 'grel par
gsal bar bshad pa'i phyir zhe na/ shes bya chos can/ gnyid log
pa dang/ brgyal ba'i gnas skabs na yang shes pa med par thal/
'gog pa'i snyoms 'jug la gnas pa'i

shes pa med pa'i phyir/ 'dod mi nus te/ de'i gnas skabs na/
gnyid dang/ brgyal ba'i sems byung mngon gyur yod pa'i phyir/
'gog pa la mnyam par bzhag pa'i gang zag de'i gzugs phung 'ba'
zhig de yin par thal/ de'i gnas

@026b skabs na shes pa med pa'i phyir/ gzhan yang 'gog pa la
mnyam par bzhag pa'i gang zag chos can/ khyod kyi rgyud la yid
dbang yod par thal/ khyod kyi rgyud la srog dbang yod pa'i
phyir/ rtags grub par thal/ khyod gang zag gang zhig /btang
snyoms

dang ni srog dang ni/ /yid dang ldan la nges gsum ldan/ /zhes
mdzod las srog yid btang snyoms kyi dbang po gsum nges ldan gyi
dbang por bshad pa'i phyir/ mkhas pa'i dbang po kha cig na re/
gzugs med khams pa'i gang zag gi rgyud kyi gzugs

kyi sa bon gyi bag chags de 'di'i dbang po gzugs can skad cig ma
dang po rnams kyi dngos kyi nyer len yin/ zhes gsungs/ kha cig
/gzugs med khams na gzugs yod par thal/ dam bca' de rigs pa'i
phyir/ khyab par thal/ bem po'i sa

bon yin na/ bem po yin dgos pa'i phyir te/ de'i nyer len yin na/
de yin dgos pa'i phyir te/ shes pa'i nyer len yin na/ shes pa
yin dgos pa'i phyir/ bem bos shes pa'i nyer len byed pa mi srid
pa'i phyir te/ rnam shes min pa

rnam shes kyi/ /nyer len min pa'i phyir yang grub/ /ces bshad
pa'i phyir zhe na/ sa bon gyi myu gu skyed pa'i nus pa chos can/
bem po yin par thal/ khyod rang 'bras bem po'i nyer len yin pa'i
phyir te/ khyod myu gu'i nyer len yin pa'i

phyir; ma grub na/ sa bon chos can/ khyod kyi myu gu skyed pa'i
nus pa de/ myu gu'i nyer len du thal/ khyod myu gu'i nyer len
yin pa'i phyir/ rtsa bar 'dod na/ sa bon chos can/ khyod kyi myu
gu skyed pa'i nus pa de bem po ma yin par thal/ khyod

kyi nus pa ldan min 'du byed yin pa'i phyir te/ khyod dngos po
yin pa'i phyir/ rang lugs ni phyi ma ltar yin la/ lugs dang po
mi 'thad de/ dngos rgyu dngos 'bras kyi rnam gzhag thug med du
thal ba'i skyon yod/ slob dbon lha dbang

@027a @#/ /blo'i 'grel ba'i dgongs pa ni/ 'gog pa la mnyam bar
bzhag pa'i gnas skabs na/ tshor 'du rags pa dang mtshungs ldan gyi
shes pa med pa tsam la dgongs pa yin te/ dper na/ sum cu pa las/
yid kyi rnam shes

'byung ba ni/ /rtag tu 'du shes med pa dang/ /snyoms par 'jug pa
rnam gnyis dang/ /sems med gnyid dang brgyal ma gtogs/ /zhes 'du
shes med pa'i gang zag dang/ /'gog pa'i snyoms 'jug la gnas pa
dang/ 'du shes med

pa'i snyoms 'jug la gnas pa dang/ brgyal ba'i gang zag gi rgyud
la yid kyi rnam par shes pa med pa ltar bshad kyang sgra ji
bzhin pa ma yin te/ de rnams kyi gnas skabs na yang/ drug pa yid
kyi rnam bar shes pa yod pa'i phyir te/

gnas skabs de na/ zag pa dang bcas pa'i dge ba'i las/ gnyid kyi
sems byung dang/ so thar gyi sdom pa sogs yod pa'i phyir/ rgyas
par ngag las rtogs par bya'o/ /! yang na skyobs bden pa bzhi ni
ston mdzad pa'o/ /zhes pa'i skabs

su; kha cig /mi rtag sdug bsngal stong bdag med bzhi'i tshogs
don/ sdug bsngal bden pa'i mtshan nyid yin zhes zer zhing/ sdug
bsngal bden pa dang/ lam bden 'gal bar 'dod do/ /'o na/ nyan
thos sgom lam pa'i rgyud kyi tshor ba

yid mi bde chos can/ mtshon bya der thal/ mtshan nyid de'i phyir
te/ yid mi bde yin pa'i phyir/ 'dod na/ lam bden ma yin par
thal/ 'dod pa'i phyir/ rtags khyab dngos/ 'dod mi nus te/ kun
shes pa'i dbang bo yin pa'i phyir/

grub ste/ zag med kyi dbang bo dang po gnyis la yid mi bde yod
par kun las btus kyi 'grel pa las gsal bar bshad pa'i phyir/
gzhan yang/ ma dag pa'i snod kyi 'jig rten chos can/ sdug bsngal
du thal/ sdug bsngal bden

@027b pa yin pa'i phyir/ khyab pa khas/ 'dod mi nus te/ shes pa
ma yin pa'i phyir te/ snod kyi 'jig rten yin pa'i phyir/ las
nyon gyis gzhan dbang du gyur ba'i tshor ba bde ba chos can/ sdug
bsngal yin par thal/ sdug bsngal bden pa yin pa'i phyir te/

khyod las nyon gyis gzhan dbang du gyur pa'i zag bcas yin pa'i
phyir/ 'dod mi nus te/ bde ba yin pa'i phyir/ de la kho na re/
de chos can/ khyod bde ba ma yin par thal/ khyod rang bzhin gyi
bde ba ma yin pa'i phyir te/ khyod la lhag par

longs spyad na sdug bsngal 'ba' zhig 'phel ba yin pa'i phyir/
gzhan yang zag bcas kyi bde ba yin na/ sdug bsngal yin dgos par
thal/ rgyud bla ma las/ mi gtsang ba la dri zhim med/ /'gro lnga
dag na bde ba med/ /ces bshad pa'i phyir/

zhe na/ ma khyab ste/ 'du byed kyi sdug bsngal la dgongs nas
gdul bya'i rgyud la nges 'byung rnam dag bskyed pa'i phyir du
rje btsun gyis gsungs pa'i phyir ro/ /gzhan du rgyu dge ba'i las
las/ rnam smin gyi 'bras bu sdug bsngal 'ba' zhig

'byung ba yod par thal/ zag pa dang bcas pa'i las kyis rnam smin
gyi 'bras bur gyur pa'i bde ba yin na/ sdug bsngal yin pas
khyab/ zag med kyi las kyis 'khor ba'i rnam smin mi 'byin pa'i
phyir/ dang po khas/ 'dod mi nus te/ gnas dang

gnas ma yin pa mkhyen pa'i stobs rigs pa'i phyir/ gzhan yang/
zag bcas kyi tshor ba la sdug bsngal gyis khyab par thal/ zag
bcas kyi bde ba la sdug bsngal gyis khyab pa'i phyir/ rtags
khas/ 'dod na/ gzugs med khams pa'i rgyud kyi zag

bcas kyi tshor ba chos can/ der thal/ de'i phyir/ 'dod na/ yid mi
bde yin par thal/ sems tshor gang zhig /sdug bsngal yin pa'i
phyir/ 'dod mi nus te/ khams gong ma gnyis na 'gyod pa dang/
gnyid dang/ yid mi bde ba dang/

@028a @#/ /'dod yon la dmigs pa'i sred pa mngon gyur du med pa'i
phyir te/ mdzod las/ de las 'gyod gnyid mi dge rnams/ /bsam gtan
dang po dag na med/ /ces bshad pa'i phyir/ gzhan yang/ bsam gtan
gyi

dngos gzhi'i yan lag gi tshor ba la sdug bsngal yod par thal lo/
/'dod mi nus te/ zag pa dang bcas pa'i tshor ba bde sdug las nges
par 'byung ba'i phyir du bsam gtan gyi nyer bsdogs sgom pa 'thad
pa'i phyir te/ zag pa dang bcas

pa'i 'du shes rags pa rnams las nges par 'byung ba'i phyir du
gzugs med kyi nyer bsdogs sgom pa rigs pa'i phyir te/ de ltar
rnam par gtan la dbab pa bsdu ba las bshad pa'i phyir/ yang
mkhas pa kha cig /mi rtag pa dang

khyab pa 'du byed kyi sdug bsngal ba dang/ don gzhan gyi bdag
gis stong pa dang/ rang gi ngo bor gyur pa'i bdag med pa bzhi'i
tshogs pa de/ sdug bden gyi mtshan nyid ces gsungs/ 'o na/ dag
pa'i zhing gi rten can gyi so skye chos can/

mtshon bya der thal/ mtshan nyid de'i phyir/ zag bcas yin pa'i
phyir/ 'dod mi nus te/ las nyon gyi gzhan dbang can ma yin pa'i
phyir/ khyab ste/ zhing der las kyis skye ba 'dzin par mi nus
pa'i phyir te/ der skye ba smon

lam rnam par dag pa'i mthu la ltos dgos pa'i phyir/ gzhan yang/
dag pa'i zhing gi rten can yin na/ sdug bden ma yin dgos te/ kun
las btus las/ yongs su dag pa'i 'jig rten gyi khams ni sdug
bsngal gyi bden pa

ma yin par blta ste/ zhes gsungs pa'i phyir/ mkhas pa kha cig
/kun 'byung bden pa'i rnam smin gyi 'bras bur gyur ba'i zag
bcas/ sdug bsngal bden pa'i mtshan nyid ces zer/ ma dag pa'i snod
kyi 'jig rten chos can/

@028b mtshan nyid der thal/ mtshon bya de'i phyir/ rtags grub te/
kun las btus las bshad pa'i phyir/ 'dod na/ gang zag gi rgyud
kyis bsdus par thal/ 'dod pa'i phyir/ khyab ste/ mdzod las/ sems
can brjod/ ces gsungs ba'i phyir/

gzhan yang/ mi dge ba'i las chos can/ mtshan nyid der thal/ mtshon
bya de'i phyir/ 'dod na/ lung ma bstan yin par thal/ 'dod pa'i
phyir/ yang khyab ste/ mdzod las/ rnam smin lung du ma bstan
chos zhes bshad pa'i phyir/ kha cig /

zag bcas 'bras bsdus kyi char gyur pa sdug bden gyi mtshan nyid/
ces zer/ 'o na/ kun 'byung bden pa chos can/ mtshan nyid der
thal/ mtshon bya de'i phyir/ 'dod na/ sdug bsngal gyi bden ba de/
zag bcas rgyus bsdus

kyi char gyur pa yin par thal/ 'dod pa'i phyir/ 'dod na/ sdug
bden kun 'byung bden pa yin par thal/ 'dod pa'i phyir/ rtags
khyab dngos/ 'dod na/ las nyon gang rung gis bsdus par thal/
'dod pa'i phyir/ 'dod mi

nus te/ ma dag pa'i snod bcud kyi 'jig rten thams cad khyod yin
pa'i phyir/ sdug kun gnyis po 'gal ba 'am/ sdug bden la kun
'byung bden pas khyab pa gang rung yin par thal/ zag bcas 'bras
bsdus kyis char gyur pa/ sdug

bden gyi mtshan nyid/ rgyus bsdus kyi char gyur pa/ kun 'byung
bden pa'i mtshan nyid du rigs pa'i phyir/ 'dod mi nus te/ rigs pa
las 'das pa'i phyir/ kha cig /sdug bden la zag bcas dang/ kun
'byung la zag med kyi

khyab pa yod ce na/ 'o na/ sdug bden dang 'phags rgyud kyi
mkhyen pa 'gal bar thal/ dam bca' rigs pa'i phyir/ 'dod na/ sdug
bden dang 'phags pa 'gal bar thal/ 'dod pa'i phyir/ 'dod na/
nges pa'i rgyun zhugs srid pa

@029a @#/ /lan bdun pa chos can/ sdug bden ma yin par thal/
'phags pa yin pa'i phyir/ 'dod mi nus te/ las nyon gyis gzhan
dbang du gyur pa'i zag bcas yin pa'i phyir/ gzhan yang/ 'phags
rgyud kyi gang zag gi

bdag med rtogs pa'i zag bcas kyi las chos can/ sdug bden ma yin
par thal/ lam bden yin pa'i phyir te/ 'phags rgyud kyi mkhyen pa
yin pa'i phyir/ 'dod mi nus te/ khyod kun 'byung bden pa yin
pa'i phyir te/ zag pa dang

bcas pa'i las yin pa'i phyir/ chos can ma grub bo zhe na grub
par thal/ so skye'i rgyud la gang zag gi bdag med rtogs pa'i zag
bcas kyi las yod pa gang zhig /rgyu mtshan mtshungs pa'i phyir/
gzhan yang/ 'phags pa la zag med

kyis khyab par thal/ de'i mkhyen pa la zag med kyis khyab pa'i
phyir/ rtags khas/ de la kho na re/ lam bden la zag med kyi
khyab par thal/ zag med lam gyi bden pa dang/ zhes bshad pa'i
phyir zhe na/ 'o na/ lam bden las gzhan

pa'i 'dus byas yin na/ zag bcas yin pas khyab par thal/ lam ma
gtogs pa'i 'dus byas rnams/ zag bcas zhes bshad pa'i phyir/
khyab pa khas/ gzhan yang/ dgra bcom pa'i rgyud kyi zag pa dang
bcas pa'i las chos

can; khyod sdug bden ma yin par thal/ khyod lam bden yin pa'i
phyir/ der thal/ khyod nyon sgrib zad par spangs pa'i bsod nams
kyi tshogs yin pa'i phyir/ 'dod mi nus te/ khyod kun 'byung bden
pa yin pa'i phyir te/ khyod zag

bcas kyi las yin pa'i phyir/ gzhan yang/ rang rgyal dgra bcom
pa'i rgyud la bsod nams kyi tshogs med par thal/ nyon thos dgra
bcom pa'i rgyud la bsod nams kyi tshogs med pa'i phyir/ rtags
khas/ 'dod mi nus te/ rang 'grel

@029b las; bskal pa chen po brgyar byang chub kyi tshogs dag la
spyad pas bse ru lta bur 'gyur ro/ /zhes dang/ mdzod rtsar@
yang/ bse ru bskal pa brgya'i rgyus/ zhes gsungs pa'i phyir/ de
la kho na re/ mi rigs te/ 'jug pa'i rnams bshad

chen mo la sogs las theg dman la tshogs med par bshad pa'i phyir
zhen/ ma khyab ste/ de ni thal 'gyur ba'i thun mong ma yin pa'i
dbang du mdzad la/ 'dir ni mngon pa dang thun mong ba'i dbang du
mdzad pa'i phyir/ mkhas pa kha

cig; sdug bden gyi rnam smin gyi rgyur gyur pa'i zag bcas/ kun
'byung bden pa'i mtshan nyid ces zer/ gong ma'i sas bsdus kyi
nyon mongs chos can/ mtshan nyid der thal/ mtshon bya de'i phyir/
'dod mi nus te/ de lung ma

bstan yin pa'i phyir/ khyab ste/ mdzod las/ rnam smin rgyu ni mi
dge dang/ dge ba zag bcas rnams kho na/ zhes bshad pa'i phyir/
kha cig /rgyu kun 'byung rab skye rkyen bzhi'i tshogs pa/ kun
'byung bden pa'i mtshan nyid ces zer/

'o na/ nyon mong pa dang mtshungs ldan gyi gtso bo rnams shes
chos can/ mtshon bya der thal/ mtshan bya der thal/ mtshan nyid
de'i phyir/ nyon mongs pa dang mtshungs ldan rnams pa lnga
mtshungs yin pa'i phyir/ 'dod mi nus te/ gtso bo sems yin pa'i
phyir

khyab ste/ kun 'byung bden ba sems byung gis bsdus pa'i phyir
te/ las nyon gyis bsdus pa'i phyir te/ kun las btus las/ kun
'byung gi bden pa gang zhe na/ nyon mongs pa dang nyon mongs
pa'i dbang gis byung ba'i las so

zhes bshad pa'i phyir/ gzhan don sgrub pa'i thabs rnam dag tu
gyur pa'i nyon mongs chos can/ mtshan nyid der thal/ mtshon bya
de'i phyir te/ nyon mongs pa'i kun 'byung bden pa yin pa'i phyir
te/ nyon mongs mtshan nyid pa@030a @#/ /yin pa'i phyir/ 'dod mi nus te/ thar pa sgrub
pa la
gegs byed ma yin pa'i phyir te/ sngar gong du bsgrubs zin pa'i
phyir/ lhag bcas myang 'das la gnas pa'i dgra bcom pa'i rgyud
kyi kun 'byung bden pa skad cig tha ma chos

can; mtshan nyid der thal/ mtshon bya de'i phyir/ 'dod mi nus te/
lhag med myang 'das la gnas pa'i dgra bcom pa'i rgyud la sdug
bden med pa'i phyir te/ rgyud bla ma las/ med phyir zhes sogs
bshad pa'i phyir/ /de la kho na re/ lhag

med myang 'das la gnas pa'i dgra bcom pa chos can/ khyod kyi
rgyud la sdug bden yod par thal/ khyod kyi rgyud la shes sgrib
yod pa'i phyir/ zhe na/ zag bcas la sdug bden gyis khyab par
thal/ shes sgrib la des khyab pa'i phyir/ rtags

khas/ 'dod na/ dag pa'i zhing gi zag pa dang bcas pa'i snod kyi
'jig rten rnams chos can/ der thal/ de'i phyir/ 'dod mi nus te/
dag pa'i zhing gi snod bcud kyi 'jig rten rnams/ sdug bden ma
yin par khas blangs pa dang 'gal

ba'i phyir/ gzhan yang/ gang zag gis bdag med rtogs pa'i zag
bcas kyi las dang 'khor ba mtha' dag sdug bsngal gyi rang bzhin
du rtogs pa'i nges 'byung rnam dag dang mtshungs ldan gyi zag
bcas kyi las chos can/ mtshan nyid der

thal/ mtshon bya de'i phyir/ 'dod mi nus te/ de rnams kun 'byung
gi bden pa rjes mthun pa tsam yin pa'i phyir/ der thal/ bsdu ba
las/ 'jig rten pa'i chos gang dag yang 'byung ba'i srid pa sun
'byin zhing/ de la mi phyogs pa 'jig

rten las 'das pa'i lam skyed par byed pa de dag ci'i phyir/ kun
'byung pa'i bden pas bsdus pa yin zhe na/ de dag ni/ ngo bo nyid
kyi yang 'byung bas srid pa la mi phyogs pa yin mod kyi/ 'on
kyang/ yang 'byung ba'i lus dang/ ngag dang yid

@030b kyis nyes par spyad pa dang rjes su mthun pa yin pas/ de'i
phyir de dag kyang kun 'byung ba'i bden pas bsdus pa yin par rig
par bya'o/ /zhes bshad pa'i phyir/ kha cig /nges legs kyi rang
bzhin du gyur pa'i sems de/ 'gog pa'i mtshan nyid

yin te/ de ltar du 'thad ldan las bshad pa'i phyir zhe na/ mi
rigs te/ de na nges legs kyi rang bzhin du gyur pa'i sems kyi
steng gi 'gog pa la dgongs pa'am/ yang na/ 'gog pa nyid nges par
legs pa'i sems de'i rang bzhin du bstan pa tsam

yin pa'i phyir/ kha cig /'gog pa zhi ba gya nom nges byung
bzhi'i tshogs pa/ 'gog bden gyi mtshan nyid ces zer/ 'gog bden
chos nyid yin te/ ngo bo nyid sku chos nyid yin pa'i phyir/ der
thal/ de sku lhag ma gsum gyi chos nyid yin pa'i phyir te/

sku lhag ma gsum po don dam par chos nyid kyi ngo bo zhes bshad
pa'i phyir/ zhe na/ ma khyab ste/ rang bzhin rnam dag gi char
gyur pa'i ngo bo nyid sku la dgongs pa'i phyir/ de ltar ma yin
na/ 'gog bden chos can/ khyod la dmigs pa'i slob pa'i

rgyud kyi mnyam bzhag ye shes yin na/ rigs shes tshad ma yin pas
khyab par thal/ khyod don dam bden pa yin pas phyir/ rtags khas/
'dod na/ 'gog bden la log zhugs bzhi po de chos kyi bdag 'dzin
yin par thal/ 'dod pa'i

phyir; gzhan yang/ 'gog bden don dam bden pa ma yin te/ sngar
gong du de ltar bkag zin pa'i phyir/ de la kho na re/ 'gog bden
don dam bden pa yin par thal/ de ltar du 'jug pa'i rang 'grel
sogs las bshad pa'i phyir/

zhe na; ma khyab ste/ de ni thal 'gyur ba'i dbang du mdzad pa'i
phyir/ gzhan du na bden 'dzin thams cad nyon sgrib tu 'gyur ro/
/kho na re/ skabs 'dir yang/ 'gog bden stong nyid bcu drug gi
sgo nas bshad pa mi 'thad par thal/

@031a @#/ /'gog bden yin na/ gnas lugs su 'gal ba'i phyir/ zhe
na/ skyon med de/ blo bur gyi dri ma 'gal zhig dang bral ba'i
stong nyid bcu drug la dgongs nas gsungs pa'i phyir/ 'on kyang/
dbyad gzhir snang ste/

legs par bshad pa gser gyi phreng ba dang/ bskal bzang mig 'byed
las/ sems tsam pa yan gyi lugs la 'gog bden don dam bden bar
gsungs shing/ 'jug pa'i rnam bshad chen mo las kyang/ 'gog bden
kun rdzob bden par

'dod pa ni tha chad pa'o/ /zhes gsungs pa yang mngon par rtogs
pa'i rgyan 'chad pa'i skabs su/ lo chen sogs kyi 'gog bden kun
rdzob bden par gsungs pa la dgongs pa yin nam snyam du sems so/
/kha cig /lam rigs pa

sgrub pa nges 'byin bzhi'i tshogs pa lam bden gyi mtshan nyid ces
gsungs/ nyan thos kyi sbyor lam chos can/ mtshon bya der thal/
mtshan nyid de'i phyir/ gang zag gi bdag med la mnyam par bzhag
pa'i sgo nas nyon mongs pa'i gnyen

por gyur pa'i thar lam yin pa'i phyir/ 'dod mi nus te/ so so
skye bo'i rgyud kyi mkhyen pa yin pa'i phyir/ khyab ste/ kun las
btus las/ so so skye bo nyid gang zhe na/ gang lam gyi bden pa
ma thob pa la so so skye bo nyid ces

gdags pa'o/ /zhes bshad pa'i phyir/ gzhan yang/ nyan thos 'phags
pa'i rgyud kyi tshad med bzhi chos can/ sgrub pa'i rnam pa yin
par thal/ lam bden yin pa'i phyir te/ 'phags rgyud kyi mkhyen pa
yin pa'i phyir/ rtsa khyab khas/

'dod mi nus te/ bdag med phra rags gang rung gi rnam pa can yin
pa'i phyir/ khyab ste/ lam bden gyi sgrub pa'i rnam pa ni bdag
med phra rags gang rung gi rnam pa kho nar bshad pa'i phyir/
gzhan yang/ de chos can/ rang gi spang

@031b byar gyur pa'i sa bon gyi dngos gnyen yin par thal/ ('phaT
rgyud) kyi mkhyen pa gang zhig lam bden gyi nges par 'byin pa'i
rnam pa yin pa'i phyir/ rtags phyi ma khas/ 'dod mi nus te/
byams sogs rmongs dang 'gal med phyir/ shin tu nyes pa

tshar gcod min/ zhes bshad pa'i phyir/ kha cig /so so skye bo'i
rgyud la lam bden med cing/ dgra bcom pa'i rtogs pa sngon du
song ba'i tshogs lam pa so skyer 'dod pa ni mi rigs te/ nang 'gal
ba'i phyir/ ji ltar na/ so skye yin na/

lam bden ma thob pas khyab par thal/ de'i rgyud la lam bden med
pa'i phyir/ 'dod na/ dgra bcom pa'i rtogs pa sngon du song ba'i
tshogs lam pa chos can/ der thal/ de'i phyir/ rtags dang gong gi
gsal ba khas/

'dod mi nus te/ dgra bcom pa'i rtogs pa sngon du song ba'i gang
zag yin pa'i phyir/ yang kha cig /thar pa don gnyer gyi gtan la
dbab bya'i gtso bo la bden pa bzhir grangs nges/ tshogs rnams
sdug bden gyis bsdus/ 'phags pa

thams cad dang/ (dag pa'i zhing gi) snod bcud gyi 'jig rten
rnams lam bden gyis bsdus pa'i phyir/ zhes gsungs/ 'o na/ dag
pa'i zhing gi snod bcud kyi 'jig rten chos can/ 'phags rgyud
kyis bsdus par thal/ (la bden gyis) bsdus pa'i phyir

rtags khas/ 'dod na/ ma dag pa'i zhing gdul bya'i rgyud kyis
bsdus par thal lo/ /'dod mi nus te/ tshor ba 'byung ba'i gnas
kyis ma bsdus pa'i phyir/ kha cig /byang sems kyi sbyor lam chos
can/ spang bya yin par thal/ sdug bden

yin pa'i phyir/ 'dod na/ khyod kyi dngos gnyen bar chad med lam
yod par thal/ 'dod pa'i phyir/ zhes zer zhing/ sgrib pa de'i
dngos gnyen yin na/ sgrib pa de dang dngos su phrad dgos/ zhes
zer/ lam ma bzhugs kyi gang zag gi rgyud

@032a @#/ /la shes sgrib kyi dngos gnyen bar chad med lam med
pa'i phyir/ 'di ni spang gnyen skye 'gag byed tshul 'chad pa'i
skabs su dran par bya ste/ rong TIka pa'i rjes 'brangs rnams
kyis/ bskal pa grangs med du

mar bsam kyang lan gdab par mi nus pa'i phyir/ gzhan yang/ rgyun
zhugs srid pa lan bdun pa chos can/ spang byar thal/ sdug bden
yin pa'i phyir/ khyab pa khas/ 'dod na/ khyod kyi dngos gnyen
bar chad med lam

yong par thal/ khyod spang bya yin pa'i phyir/ 'khor gsum/ gzhan
yang/ zag bcas la/ spang byas khyab par thal/ sdug bden la spang
byas khyab pa'i phyir/ 'dod na/ byang sems so skye'i mngon par
rtogs pa thams cad

chos can/ der thal/ de'i phyir/ de la kho na re/ sdug bden la
spang byas khyab par thal/ de ltar du mdzod las bshad pa'i phyir
zhe na/ 'o na/ gzugs kyi phung po dang dbang shes gang rung la
sgom spang gis khyab par thal/

de ltar du mdzod las bshad pa'i phyir/ gzhan yang brjod par bya
ba mang ste/ yi ge mangs dogs pa'i 'jigs pas re zhig bzhag go/ !
//mi shes srid pa'i rgyu yin yang/ /zhes sogs kyi skabs su rten
'brel gyi

rnam gzhag dang/ ! skye 'dod nyes pa bcom pa'i phyir/ zhes sogs
kyi skabs su/ spang gnyen gyi rnam gzhag sogs/ phar phyin gyi
rnam bshad du legs par bshad pas der blta bar bya zhing/ bden
'dzin log rtog

yin min gyi khyad par 'ga' zhig ma gtogs 'di dang 'thun pa 'ba'
zhig yin no//

@032b