@001a @#/ /rnam 'grel gyi thal 'phreng mkhas pa mgu ba'i rgyan rigs pa'i 'phreng ba las le'u bzhi pa'i mtha' dpyod bzhugs so// @001b @#/ /de spang phyir bdag mthong ba'i tshig /ces pa'i skabs su/ de sgrub kyi sngar gol rang gi tshad mas rtogs pa'i de sgrub kyi tshul gsum/ de sgrub kyi skabs su babs pa'i phyi rgol la lhag chad nor ba'i skyon gsum dang bral bar ston pa'i yan lag gnyis ldan gyi ngag rnam dag dang/ de sgrub kyi snga rgol rang gis tshad mas rtogs pa'i de sgrub kyi tshul gsum gang rung/ de sgrub kyi skabs su babs pa'i phyi rgol la lhag chad nor ba'i skyon gsum dang bral bar brjod pa'i sgo nas/ dngos su rang 'bras de sgrub kyi tshul gsum dran pa'i dran pa bcad shes skyed cing/ brgyud nas de sgrub kyi rtags can rjes dpag skyed par byed pa'i ngag rnam dag dang/ de sgrub kyi rtags tshigs rnam dag sogs/ de sgrub kyi gzhan don rjes dpag gi mtshan nyid yin zhes zer/ 'o na/ dang po la/ gang byas mi rtag dper na bum pa bzhin/ sgra yang byas/ de'i phyir sgra mi rtag ces pa'i ngag rnam dag chos can/ mtshon bya der thal/ mtshan nyid de'i phyir/ rtags de grub par thal/ de @002a @#/ /'dra ba'i ngag de/ ngag chad pa'i skyon can ma yin pa'i phyir/ der thal/ sgrub ngag skyon can yin na/ ngag skyon can yin mi dgos pa'i phyir/ /de sgrub kyi gtan tshigs skyon can yin na/ skyon can yin mi dgos pa'i phyir/ gzhan yang/ gang byas mi rtag dper na bum pa bzhin/ sgra yang byas/ de'i phyir na sgra mi rtag ces pa'i ngag rnam dag med par thal/ de 'dra'i ngag rnam dag de de 'dra'i ngag rnaM dag ma yin pa'i phyir/ ma grub na/ mtshan nyid dang po rigs pa 'bud/ 'dod par mi nus te/ sangs rgyas rang rgyud kyis bsdus pa'i ngag yin pa'i phyir ro/ /yan lag lnga ldan gyi sgrub ngag bzhed pa'i thogs med sku mched sogs yod pa yin pa'i phyir/ yang kha cig /'di mi rigs par thal/ thogs med sku mched kyi 'chad pa'i tshe yan lag lnga ldan bzhed kyang/ 'god pa'i tshe yan lag gnyis ldan kho na bzhed pa'i phyir zhe na/ thogs med sku mched yan lag lnga ldan bzhed par thal/ 'chad pa'i tshe thogs med sku mched yan lag lnga ldan gyi sgrub ngag @002b bzhed pa'i phyir/ phyogs glang yab sras yan lag lnga ldan gyi sgrub ngag bzhad par thal/ 'chad pa'i tshe de ltar du bzhed pa'i phyir zhe na/ gtan tshigs ma grub par thal/ phyogs glang yab sras 'chad pa'i tshe yang/ gzhan don rjes dpag la sgra skyon mtha' dag dang bral bar dgos par bzhed pa'i phyir/ 'chad pa'i tshe gzhan don rjes dpag la don skyon mtha' dag dang bral ba dgos par bzhed pa'i phyir/ 'chad pa'i tshe gzhan don gyi rtags yang dag la tshul gsum dgos par bzhed pa'i phyir te/ 'chad pa'i tshe rjes 'gro rkyang pa can gyi rtags yang dag mi bzhed pa'i phyir; gzhan don rjes su dpag pa ni/ /rang gi mthong don rab gsal byed/ ces pa sgrub ngag gzhan la 'chad pa'i dbang du byas nas brtsams pa ma yin par thal/ sgrub pa ngag gzhan la 'chad pa'i tshe/ sgra skyon mtha' dag dang bral ba mi dgos pa'i phyir/ der thal/ de'i tshe yan lag lnga ldan gyi sgrub ngag yod pa'i phyir te/ 'chad pa'i tshe de yod pa'i phyir/ der thal/ @003a @#/ /de yod par phyogs glang yab sras bzhed pa'i phyir/ khyab par thal/ phyogs glang yab sras ni mi mkhas pa yin la/ kho bo ni mkhas pa yin zhes par 'gyur ba'i phyir/ gnyis pa la; gang skyes pa yin na byas pa yin pas khyab/ dper na bum pa bzhin sgra yang skyes pa yin no zhes pa'i ngag chos can/ byas pa'i rtags kyis sgra mi rtag par sgrub pa'i tshul gsum gang rung dran pa'i dran shes dngos su skyed par thal/ byas pa'i rtags kyis sgra mi rtag par sgrub pa'i sgrub ngag yang dag yin pa'i phyir/ ma khyab na/ mtshan nyid rigs pa 'bud/ ma grub na/ sgrub ngag la rnam pa brgyud du 'byed rigs pa 'bud/ rtsa bar 'dod mi nus te/ sgrub ngag des sgra byas bar dran pa'i dran shes dngos su skyed mi nus pa'i phyir/ der thal/ sgrub ngag de brgyud nas rang 'bras sgra byas par rtogs pa'i rjes dpag skyed byed yin pa'i phyir/ der thal/ de sgra byas par sgrub pa'i sgrub ngag yin pa'i phyir/ 'khor gsuM/ byas pa sgra mi rtag par sgrub pa'i rang don skabs kyi rtags yang dag tu song ba'i rgol ba'i ngor/ gang byas mi rtag dper na bum pa bzhin sgra yang byas so zhes pa'i ngag chos can/ sgra mi rtag par sgrub pa'i gzhan don rjes dpag yin par thal/ sgra mi rtag par sgrub pa'i rtags tshigs @003b rnam dag yin pa'i phyir/ rtags grub par thal/ byas pa sgra mi rtag sgrub la rang don skabs kyi rtags yang dag tu song ba'i rgol ba'i ngor/ gang byas mi rtag dper na bum pa bzhin sgra yang byas so zhes pa'i ngag yod/ de sgrub ngag skyon can ma yin pa'i phyir/ gtan tshigs dang po grubs par thal/ gang zag des/ gang byas mi rtag dper na bum pa bzhin/ sgra yang byas zhes pa'i ngag smra bar nus pa'i phyir/ gtan tshigs gnyis pa grub par thal/ gang zag de'i ngor byas pa sgra mi rtag par sgrub pa'i rtags yang dag yin pa'i phyir/ rtsa bar 'dod mi nus par thal/ gang zag de'i ngor byas pa sgra mi rtag par sgrub pa'i gzhan don skabs kyi rtag yang dag ma yin pa'i phyir te/ gang zag de'i ngor byas pa sgra mi rtag par sgrub pa'i rang don skabs kyi rtags yang dag yin pa'i phyir/ sgra mi rtag par sgrub pa'i rtags yang dag yin na/ sgra mi rtag par sgrub pa'i gzhan don skabs kyi rtags yang dag yin dgos par thal/ sgra mi rtag par sgrub pa'i sgrub ngag yang dag yin na/ sgra mi rtag par sgrub pa'i gzhan don rjes dpag yin dgos pa'i phyir/ der thal/ rtags tshig rnam dag de gzhan don rjes dpag gi mtshan nyid yin pa'i phyir/ rtags rnams khas/ 'dod na/ rang don skabs @003a @#/ /kyi rtags dang gzhan don skabs kyi rtags gnyis 'gal ba 'bud/ sbyor ba skor cig gi gzhan don skabs kyi rtags yang dag yin na/ sbyor ba skor cig gi tshul gsum sbyor bskor cig gi snga rgol gyis rtogs pas khyab par thal/ sbyor ba skor cig gi gzhan don rjes dpag yin na/ sbyor ba skor cig gi tshul gsum sbyor ba skor cig gi snga rgol gyi tshad mas rtogs pas khyab pa'i phyir/ ma grub na/ mtshan nyid rnams 'thad pa 'bud/ 'dod na/ gsar du mi slu ba'i rig pa chos can/ byas pa'i rtags kyis sgra mi rtag par rtogs pa'i rjes dpag tshad mar sgrub pa'i tshul gsum sbyor ba skor cig po de'i snga rgol gyi tshad mas grub par thal/ byas pa'i rtags kyis sgra mi rtag par rtogs pa'i rjes dpag tshad mar sgrub pa'i gzhan don gyi rtags yang dag yin pa'i phyir te/ tshad ma'i mtshan nyid yin pa'i phyir/ rtsa bar 'dod na/ bum pa chos can/ tshad mar thal/ byas pa'i phyir/ khyab pa khas/ byas pa chos can/ khyod kyi rtags kyis sgra mi rtag par sgrub pa'i tshul gsum snga rgol gyi tshad mas grub par thal/ khyod byas rtags kyis sgra mi rtag par sgrub pa'i gzhan don skabs kyi rtags yang dag yin pa'i phyir/ 'dod na/ byas pa'i rtags kyis sgra mi rtag par sgrub pa'i rtags chos gnyis ldan gyi mthun dpe yang dag yod par thal/ 'dod pa'i phyir/ 'dod na/ bum pa de/ @003b byas pa'i rtags kyis sgra mi rtag par sgrub pa'i rtags chos gnyis ldan gyi mthun dpe yang dag yin par thal/ 'dod pa'i phyir/ 'dod na/ bum pa byas pa chos can/ khyod kyi rtags kyis sgra mi rtag par sgrub pas khyab pa yod par thal/ khyod kyi rtags kyis sgra mi rtag par sgrub pa'i rtags chos gnyis ldan gyi mthun dpe yang dag yod pa'i phyir/ 'dod na/ khyod yin na mi rtag pa yin pas khyab pa yod par thal/ 'dod pa'i phyir/ zhes gsungs/ 'o na/ gsar du mi slu ba'i rig pa chos can/ byas pa dang gcig yin par thal/ byas pa'i rtags kyis sgra mi rtag par rtogs pa'i rjes dpag tshad mar sgrub pa'i rtags yang dag yin pa'i phyir/ khyab par thal/ byas pa'i rtags kyis sgra mi rtag par sgrub pa'i rtaT yang dag yin na byas pa dang gcig yin dgos pa'i phyir/ rgyas par ni rang don le'ur bshad zin to/ /byas rtags kyis sgra mi rtag par sgrub pa'i sgrub ngag dang/ rtags 'dzin sems la sogs pa gzhi ma grub par thal/ byas pa'i rtags kyis sgra mi rtag par sgrub pa'i tshul gsum brjod pa'i ngag dang/ /tshul gsum dran pa'i dran shes la sogs pa med pa'i phyir/ ma grub na/ byas pa'i rtags kyis sgra mi rtag par sgrub pa'i tshul gsum med par 'bud/ 'dod na/ byas pa'i rtags kyis sgra mi rtag par rtogs pa'i rjes dpag med par thal/ 'dod pa'i phyir/ shes bya chos can/ sgra mi rtag par sgrub pa'i rjes khyab brjod na/ sgra mi rtag par sgrub pa'i tshul gsum gang rung brjod pas khyab par thal/ sgra mi rtag par sgrub pa'i sgrub dag yang@004a @#/ /dag yin na/ sgra mi rtag par sgrub pa'i tshul gsum gang rung brjod pas khyab pa'i phyir/ 'dod na sgra mi rtag par sgrub pa'i rjes khyab dngos su brjod na/ sgra mi rtag par sgrub pa'i tshul gsum gang rung dngos su brjod pas khyab par thal/ 'dod pa'i phyir/ 'dod na/ sgra mi rtag par sgrub pa'i rjes khyab shugs la brjod na/ sgra mi rtag par sgrub pa'i tshul gsum gang rung shugs la brjod pas khyab par thal/ 'dod pa'i phyir/ 'dod na/ sgra mi rtag par sgrub pa'i ldog khyab shugs la brjod na/ sgra mi rtag par sgrub pa'i tshul gsum gang rung bshugs la brjod pas khyab par thal/ 'dod pa'i phyir/ 'dod na/ gang byas pa yin na mi rtag pa yin pas khyab/ dper na; bum pa bzhin/ sgra yang byas zhes pa'i dag chos can/ sgra mi rtag par sgrub pa'i tshul gsum gang rung shugs la brjod par thal/ sgra mi rtag par sgrub pa'i ldog khyab shugs la brjod pa'i phyir/ 'dod na/ sgra mi rtag par sgrub pa'i tshul gsum gang rung dngos su brjod par thal/ sgra mi rtag par sgrub pa'i rjes khyab dngos su brjod pa'i phyir/ khyab pa rnams khas/ 'dod na/ sgra mi rtag par sgrub pa'i tshul gsum gang rung dngos gsum brjod par thal/ de sgrub kyi tshul gsum gang rung shugs la brjod pa'i phyir/ khyab ste/ de'i rnam pa shar ba'i tshad ma yin na/ de'i rnam pa ma shar ba'i tshad ma ma yin dgos pa'i phyir/ sgra mi rtag par sgrub pa'i rjes khyab la tshad ma yin na/ sgra mi rtag par sgrub pa'i tshul gsum gang rung la tshad ma yin dgos par thal/ sgra mi rtag par sgrub pa'i rjes khyab brjod na/ sgra mi rtag par sgrub pa'i tshul gsum gang rung brjod dgos pa'i phyir/ 'dod na/ sgra'i mi rtag pa la tshad ma yin na/ sgra dang @004b sgra'i mi rtag pa gang rung la tshad ma yin pas khyab pa dang/ sgra la bcad shes yin na/ de gnyis gang rung la bcad shes yin pas khyab pa yod par thal/ 'dod pa'i phyir/ 'dod na/ sgra mi rtag rtogs kyi rjes dpag chos can/ de gnyis gang rung la tshad ma yin par thal/ sgra'i mi rtag pa la tshad ma yin pa'i phyir/ 'dod na/ sgra dang sgra'i mi rtag pa gang rung la bcad shes su thal/ sgra la bcad shes yin pa'i phyir/ khyab pa dngos/ 'dod na/ sgra dang sgra'i mi rtag pa gang rung la tshad ma ma yin par thal/ sgra dang sgra'i mi rtag pa gang rung la bcad shes yin pa'i phyir/ gzhan yang/ sgra mi rtag par sgrub pa'i phyogs chos kyang rtoD rjes khyab kyang rtoD na/ sgra mi rtag par sgrub pa'i tshul gsum rtogs pas khyab par thal/ sgra mi rtag par sgrub pa'i rjes khyab rtogs na sgra mi rtag par sgrub pa'i tshul gsum gang rung rtogs pas khyab pa'i phyir/ 'dod na/ sgra mi rtag par sgrub pa'i tshul gsum ma rtogs pa'i gang zag chos can/ der thal/ de'i phyir/ de chos can/ sgra mi rtag par sgrub pa'i phyogs chos rtogs par thal/ sgra mi rtag par sgrub pa'i phyogs chos rtogs/ khyab pa ma rtogs pa'i gang zag gi rgyud kyi tshad ma/ khyod kyi rgyud kyi tshad ma yin pa'i phyir/ ma grub na/ sgra mi rtag par sgrub pa'i phyogs chos rtogs/ /khyab pa ma rtogs pa'i gang zag gi rgyud kyi tshad ma chos can; sgra mi rtag par sgrub pa'i tshul gsum ma rtogs pa'i gang zag gi rgyud kyi tshad ma yin par thal/ sgra mi rtag par sgrub pa'i khyab pa ma rtogs pa'i gang zag gi rgyud kyi tshad ma yin pa'i phyir/ rtags 'dzin sems @005a @#/ /kyi skabs su yang 'di lta bu'i 'khri tshul dran par bya'o/ /'di la yang/ lhas byin gyis ngor sgra mi rtag par sgrub pa'i rjes khyab dngos su brjod/ mchod sbyin gyi ngor sgra mi rtag par sgrub pa'i rjes khyab shugs la brjod pa'i rgol ba chos can/ sgra mi rtag par sgrub pa'i rjes khyab dngos sum brjod par thal/ sgra mi rtag par sgrub pa'i rjes khyab shugs la brjod pa'i phyir te/ mchod sbyin gyi ngor sgra mi rtag par sgrub pa'i rjes khyab shugs la brjod pa'i phyir/ 'dod na/ nges dngos su brjod par thal/ lhas byin gyis ngor sgra mi rtag par sgrub pa'i rjes khyab dngos su brjod pa'i phyir zhe na/ lhas byin gyi ngor sgra mi rtag par sgrub pa'i rjes khyab dngos su rtogs/ mchod sbyin gyi ngor sgra mi rtag par sgrub pa'i rjes khyab shugs la rtogs pa'i gang zag chos can/ sgra mi rtag par sgrub pa'i rjes khyab shugs la rtogs par thal/ mchod sbyin gyi ngor de ltar rtogs pa'i phyir/ 'dod na/ de dngos su rtogs par thal/ lhas byin gyi ngor de dngos su rtogs pa'i phyir/ 'dod na/ de'i rnam ba shar bar thal/ de dngos su rtogs pa'i phyir/ 'dod na/ de'i rnam pa ma shar bar thal/ de shugs la rtogs pa'i phyir/ 'khor gsum chos can dang bcas pa khegs so/ /gang byas mi rtag dper na bum pa bzhi na/ sgra yang byas so zhes pa'i ngag chos can/ sgra mi rtag par sgrub pa'i sgrub dag chad pa'i skyon can du thal/ sgra mi rtag par sgrub pa'i sgrub dag tu bkod pa gang zhig ;sgra mi rtag par sgrub pa'i tshul gsum gang rung ma brjod pa'i phyir/ rtags phyi ma khas/ 'dod na/ ma yin par thal/ sgra mi rtag par sgrub pa'i sgrub ngag yang dag yin pa'i phyir/ sbyor ba skor cig gi sgrub dag yang @005b dag gang zhig /sbyor ba skor cig gi rjes khyab dang phyogs chos dngos su brjod cing/ ldog khyab shugs la brjod pa/ sbyor ba skor cig gi chos mthun sbyor gyi sgrub ngag yang dag gi mtshan nyid/ de las log pa chos mi mthun sbyor gyi sgrub ngag yang dag gi mtshan nyid ces zer zhing/ ldog khyab rkyang pa brjod pa'i sgrub dag yang dag yod do zhe na/ gang zag gi bdag yod na/ gang zag gi bdag tshad mas dmigs pas khyab/ sgra ni gang zag gi bdag tshad mas dmigs pa yin no zhes pa'i sgrub dag chos can/ sgra bdag med du sgrub pa'i chos mi mthun sbyor gyi sgrub dag yin par thal/ sgra bdag med du sgrub pa'i sgrub ngag yang dag yin pa gang zhig / sgra bdag med du sgrub pa'i phyogs chos dang ldog khyab dngos su brjod/ sgra bdag med du sgrub pa'i rjes khyab shugs la brjod pa'i phyir/ khyab pa khas/ ma grub na/ ldog pa rkyang pa brjod pa'i sgrub ngag yang dag yod pa 'bud/ 'dod na/ gang zag gi bdag yod par thal/ 'dod pa'i phyir/ gang zag gi bdag tshad mas ma dmigs na/ gang zag gi bdag med pas khyab/ dper na gang zag gi bdag tshad mas ma dmigs pa'i rtags kyis bum pa gang zag gi bdag med du sgrub pa'i ldog khyab bzhin/ sgra yang gang zag gi bdag tshad mas ma dmigs pa yin no/ /zhes pa'i ngag chos can/ gang zag gi bdag tshad mas ma dmigs pa'i rtags kyis sgra gang zag gi bdag med du sgrub pa'i ldog khyab shugs la brjod par thal/ de'i rtags kyis sgra gang zag gi bdag med du sgrub pa'i chos mthun sbyor gyi sgrub ngag yang dag yin pa'i phyir/ khyab pa khas so/ /'dod na/ de ma yin par thal/ gang zag gi bdag @006a @#/ /tshad mas ma dmigs pa'i rtags kyis bum pa gang zag gi bdag med du sgrub pa'i ldog khyab dngos su brjod pa'i phyir/ /rtags grub par thal/ gang byas na mi rtag pas khyab/ dper na/ bum pa bzhin/ zhes pa'i ngag gis bum pa dngos su brjod pa'i phyir/ gang byas na mi rtag pas khyab/ dper na/ bum pa bzhin zhes pa'i ngag chos can/ byas pa'i rtags kyis sgra mi rtag par sgrub pa'i ldog khyab shugs la brjod par thal/ byas pa'i rtags kyis sgra mi rtag par sgrub pa'i chos mthun sbyor gyi sgrub ngag yang dag yin pa'i phyir/ 'dod na/ byas pa'i rtags kyis sgra mi rtag par sgrub pa'i ldog pa'i tshul dngos su ma brjod par thal/ 'dod pa'i phyir/ 'dod na/ grub mtha' la dngos/ kha cig/ sgra byas zhes pa'i ngag chos can/ sgra mi rtag par sgrub pa'i sgrub ngag yang dag yin te/ sgra mi rtag par sgrub pa'i khyab 'brel shes zin ma brjed phyogs chos mi shes shes rung du yod pa'i rgol ba'i ngor sgra mi rtag par sgrub pa'i sgrub ngag yang dag yin pa'i phyir/ yang kha cig na re/ sgra byas so zhes pa'i ngag de/ sgra mi rtag par sgrub pa'i khyab 'brel shes zin ma brjed/ phyogs chos tshad mas shes blo khams phyogs pa'i rgol ba'i ngor sgra mi rtag par sgrub pa'i sgrub ngag yang dag yin no zhes zer/ /gzhan dag na re/ sgra mi rtag par sgrub pa'i khyab 'brel shes zin ma brjed/ phyogs chos tshad mas shes kyang dran lam du med pa'i rgol ba'i ngor/ sgra mi rtag par sgrub pa'i sgrub ngag yang dag yin te/ rgol ba de'i ngor/ sgra mi rtag par sgrub pa'i khyab 'brel brjod pa'i sgrub ngag 'god mi dgos/ phyogs chos brjod pa'i sgrub ngag 'god dgos pa'i phyir/ gtam tshiD @006b dang po grub ste/ rgol ba de'i rgyud la sgra mi rtag par sgrub pa'i khyab 'brel dran pa'i dran shes yod pa'i phyir/ gnyis pa grub ste/ rgol ba de'i rgyud la phyoD chos dran pa'i dran shes skye dgos pa'i phyir zhe na/ lugs dang po mi rigs te/ sgra byas so zhes pa'i ngag de ngag rnam dag ma yin pa'i phyir te/ rgol ba de'i ngor dag de'i zhen pa'i brjod bya med pa'i phyir te/ de'i ngor sgra byas pa ma yin pa'i phyir te/ gang zag nges sgra byas par ma nges pa'i phyir/ lugs gnyis pa mi 'thad de/ sgra mi rtag par sgrub pa'i phyogs chos tshad mas shes pa'i rgol ba yin na/ phyogs chos la blo kha phyogs dgos pa'i phyir te/ grub mtha' tshad mas shes pa'i gang zag yin na/ grub mtha' la blo kha phyogs pa'i gang zag yin dgos pa'i phyir te/ de yin na/ grub mthas blo kha bsgyur ba'i gang zag yin dgos pa'i phyir/ lugs gsum pa mi rigs te/ rgol ba de'i ngor sgra mi rtag par sgrub pa'i tshul gsum brjod pa'i sgrub ngag 'god dgos pa'i phyir te/ rgol ba de'i rgyud la sgra mi rtag par sgrub pa'i tshul gsuM dran pa'i dran par shes skyed gos pa gang zhig /tshul gsum la dran pa skyed pa ni/ tshul gsum brjod pa'i sgrub ngag la ltos dgos pa'i phyir/ dang po grub ste rgol ba de'i rgyud la tshul gsum dran pa'i dren shes med pa'i phyir te/ de'i rgyud la phyogs chos dran pa dran shes med pa'i phyir/ gtan tshigs gnyis pa grub ste/ de la dran pa bskyed pa ni/ de nyid tshig la yang dag gnas; ;zhes pa'i don grub pa'i phyir/ rtsa bar 'dod na/ rgol ba de'i ngor sgra mi rtag par sgrub pa'i phyogs chos brjod pa'i sgrub ngag 'god dgos par thal/ 'dod pa'i phyir/ gsal ba rnams khas/ sgra byas so zhes pa'i ngag @007a @#/ /de rgol ba de'i ngor sgra mi rtag par sgrub pa'i sgrub ngag yang dag yin par thal/ mkhas pa rnams la ni/ gtan tshigs 'ba' zhig brjod par zad/ ces dang/ de'i rang 'grel las gang gi don du dpe brjod pa'i don de grub pa kho na yin pas de'i tshe de brjod pas ci zhig bya zhes bshad pa'i phyir zhe na/ dpe la de yi ngo bo dang/ rgyu dngos de dag mi shes la/ ston te zhes pas/ sgra mi rtag pas sgrub pa'i khyab 'brel brjod pa'i sgrub ngag de dngos su bstan par thal/ mkhas pa rnams la ni/ /zhes pas/ phyogs chos rkyang ba brjod pa'i sgrub ngag de dngos su bstan pa'i phyir/ 'dod mi nus te/ sgra mi rtag par sgrub pa'i khyab 'brel mi shes pa'i gang zag la khyab 'brel bsgrub dgos pa'i phyir/ mkhas pa rnams la ni/ /gtan tshigs 'ba' zhig brjod par zad/ /ces pas/ sgra mi rtag par sgrub pa'i phyogs chos rkyang pa brjod pa'i sgrub ngag bstan par thal/ des sgra mi rtag par sgrub pa'i phyogs chos rkyang pa sgrub pa'i sgrub ngag de bstan pa'i phyir te/ dpe la de yi ngo bo dang/ /zhes bas/ 'bras rang gi gtan tshigs gnyis kyi rjes khyab sgrub byed kyi rig pa de bstan pa'i phyir/ dpe la de yi ngo bo dang/ zhes sogs dang/ de nyid kyi phyir 'brel shes na/ zhes pa la bzlos skyon yod par thal/ gzhung snga mas khyab pa brjod pa'i sgrub ngag dngos su bstan pa'i phyir/ rtags khas/ byas pa'i rtags kyis sgra mi rtag par sgrub pa'i phyogs chos rkyang pa brjod pa'i sgrub ngag yang dag yod pa ma yin te/ byas pa'i rtags kyis sgra mi rtag par sgrub pa'i rjes khyab rkyang pa brjod pa'i sgrub ngag yang dag med pa'i phyir te/ byas pa'i rtags kyis sgra mi rtag par sgrub pa'i rjes khyab brjod pa'i sgrub ngag yin na/ ldog khyab yang brjod dgos pa'i phyir te/ de nyid kyi phyir 'brel shes na/ zhes @007b sogs kyi lung don grub pa'i phyir/ kha cig na re/ sgra mi rtag par sgrub pa'i gtan tshigs yang dag 'god pa skabs su babs pa'i rgol ba dang/ sgrub ngag yang dag 'god pa skabs su babs pa'i rgol ba 'gal lo zhes zer/ gzhan dag na re/ mi rigs te/ rgol ba de gnyis yin khyab mnyam yin pa'i phyir/ zhes zer zhing/ rang don sgrub ngag yang dag med zhes zer ro/ /dang po mi rigs te/ sgra mi rtag par sgrub pa'i sgrub ngag yang dag 'god pa skabs su babs pa'i rgol ba yin na/ sgra mi rtag par sgrub pa'i gtan tshigs yang dag 'god pa skabs su babs pa'i rgol ba yin dgos pa'i phyir te/ de yin na/ sgra mi rtag par sgrub pa'i tshul gsum tshad mas nges bsgrub bya la shes 'dod dang ldan pa'i rgol ba yin pas dgos pa'i phyir/ byas rtags kyis sgra mi rtag par sgrub pa'i sgrub ngag 'god pa skabs babs kyi rgol ba yin na/ byas pa sgra mi rtag par sgrub pa'i gtan tshigs yang dag tu song ba'i rgol ba ma yin dgos par thal/ byas pa'i rtaD kyis sgra mi rtaD par sgrub pa'i rtaD dang sgrub ngag 'god pa skabs babs kyi rgol ba 'gal ba'i phyir/ 'dod par mi nus te/ byas pa'i rtags kyi sgra mi rtag par sgrub pa'i sgrub ngag yang dag 'god pa skabs babs kyi rgol ba de'i ngor byas pa sgra mi rtag par sgrub pa'i phyoD chos gang zhig /de sgrub kyi rjes khyab yin pa'i phyir/ lugs gnyis pa mi rigs te/ sgra mi rtag par sgrub pa'i rang don skabs kyi rtaT yang dag 'god pa skabs babs kyi rgol ba de sgra mi rtag par sgrub pa'i sgrub ngag yang dag 'god pa skabs babs kyi rgol ba ma yin pa'i phyir te/ sgra mi rtag par sgrub pa'i rang don skabs kyi sgrub ngag yang dag med pa'i phyir/ sbyor ba 'god tshul la/ gzhan don rjes dpag gi mtshan nyid 'chad @008a @#/ /pa'i zur du bdag gis mthong ba zhes pa'i tshig smos pa chos can/ dgos pa yod de/ tshul gsum snga rgol gyi tshad mas ma grub pa'i rtags yang dag yod par 'dod pa'i log rtog dgag pa'i dgos pa yod pa'i phyir; zhes gsungs/ mkhas pa gzhan dag na re/ sgra mi rtag par sgrub par byed pa'i tshul gsum tshad mas grub par ston pa'i ngag las/ tshul gsum tshad mas grub par rtogs pa'i blo skye bar thal/ sngar gyi sbyor ba rigs pa'i phyir; 'dod na/ sgra mi rtag ces pa'i ngag las/ sgra mi rtag par rtogs pa'i tshad ma skye bar thal/ 'dod pa'i phyir/ des na/ gzhan don rjes dpag gi mtshan nyid 'chad pa'i zur du bdag gis mthong ba zhes pa'i ngag smos pa chos can/ dgos pa yod de/ tshul gsum snga rgol gyis tshad mas grub pa'i rtags yang dag yod par 'dzin pa'i log rtog skyed mi rung bar bya ba'i dgos pa yod pa'i phyir zhe na/ 'o na/ tshul gsum tshad mas grub par ston pa'i ngag las tshul gsum ma grub par 'dzin pa'i log rtog skye mi rung du byed nus par thal/ sbyor ba 'thad pa'i phyir/ 'dod na/ sgra mi rtag ces pa'i ngag las sgra rtag 'dzin gyi log rtog skye mi rung du byed nus par thal/ 'dod pa'i phyir/ 'dod na; sgra mi rtag par ces pa'i ngag las sgra mi rtag par rtoD pa'i tshad ma skye bar thal/ 'dod pa'i phyir/ 'khor gsum rnams rim bzhin/ dang po mi 'thad de/ de sgrub kyi rtags yang dag yin na/ de sgrub kyi tshul gsum de sgrub kyi snga rgol gyi tshad mas grub pas ma khyab pa'i phyir/ der thal/ de sgrub kyi rtags yang dag yin na/ de sgrub kyi tshul gsum de sgrub kyi phyi rgol gyi tshad mas grub pas ma khyab pa'i phyir/ der thal/ sgra mi rtag sgrub la byas pa rang don skabs kyi rtags @008b yang dag tu song ba'i tshe sgra mi rtag par sgrub pa'i phyi rgol rnam dag med pa'i phyir/ der thal/ sgra mi rtag par sgrub pa'i rang don skabs kyi rtags yang dag dang/ sgra mi rtag par sgrub pa'i gzhan don skabs kyi rtags yang dag 'gal ba'i phyir/ rtags rnams grub pa'i mtha' la song ngo/ /sgra mi rtag par tshad mas grub pa'i gang zag gi ngor/ /sgra mi rtag sgrub pa la byas pa rtags su bkod pa'i tshe/ sgra mi rtag par sgrub dgos kyi phyi rgol rnam dag yod par thal/ sgra mi rtag sgrub la byas pa rang don skabs kyi rtags yang dag tu song ba'i tshe/ sgra mi rtag par sgrub dgos kyi phyi rgol rnam dag yod pa'i phyir/ rtags gsal khas/ grangs can gyis sngar med gsar skye blo bde sems med du sgrub pa'i rtags yang dag tu 'dod par thal/ sngar gyi sbyor ba rnams 'thad pa'i phyir/ 'dod mi nus te/ grangs can de sngar med gsar skye med par 'dod pa'i phyir te/ nges sa bon gyis dus na myu gu yod par 'dod pa'i phyir/ grangs can de sngar med gsar skye 'dod par thal/ des mngon par gsal ba'i myu gu sa bon gyi dus na med/ /myu gu'i dus na yod par khas len pa'i phyir zhe na/ sangs rgyas bas bdag skye khas blangs par thal/ des bdag gi 'bras bu bdag las skye bar khas blangs pa'i phyir/ khyab pa khas/ rang gi lugs la/ gzhan don rjes dpag gi mtshan nyid 'chad pa'i zur du bdag gis mthong ba zhes pa'i tshig smos pa chos can/ rnam bcad kyi dgos pa yod de/ blo skyon can gyi sgrub ngag rnams sgrub yang dag ma yin par rtogs pa'i dgos pa yod pa'i phyir/ de ltar rtogs pa chos can/ dgos pa yod de/ sngar med gsar@009a @#/ /skye de sangs rgyas pa'i ngor blo bde sems med bem por sgrub pa'i gtan tshigs su 'dod pa'i grangs can gyi log rtog 'gog pa'i dgos pa yod pa'i phyir/ de la grangs can chos can/ sngar med gsar skye rtags yang dag tu 'dod par thal/ de sangs rgyas pa'i ngor rtags yang dag tu 'dod pa'i phyir zhe na/ de chos can/ sngar med gsar skye de sgrub kyi phyogs chos su 'dod par thal/ de sangs rgyas pa'i ngor de sgrub kyi phyogs chos su 'dod pa'i phyir/ blo bde skad cig gis 'jig par 'dod par thal/ de sangs rgyas pa'i ngor de ltar 'dod pa'i phyir/ khyab pa rnams khas/ khyad chos gsum dang ldan pa'i sgo nas de sgrub kyi phyi rgol gyi rgyud la yang dag shes pa skyed pa'i phyir du de sgrub kyi snga rgol rnam dag gis de sgrub kyi phyi rgol la de sgrub kyi sgrub ngag tu bkod pa gang zhig /de ltar sgrub pa'i yan lag gnyis dang ldan pa'i ngag rnam dag de sgrub kyi gzhan don rjes dpag gi mtshan nyid yin te/ gzhan don rjes su dpag pa ni/ /rang gi mthong don rab gsal byed/ /ces dang/ de la dran pa bskyed pa ni/ de nyid tshig la yang dag gnas/ zhes dang/ sgra ni byas yin 'di 'dra kun/ /zhes sogs kyi lung don grub pa'i phyir /go bde bar brjod na/ gang byas mi rtag /dper na/ bum pa bzhin sgra yang byas zhes pa'i ngag mtshan gzhi/ gzhan don rjes dpag tu mtshon/ khyad chos gsum dang ldan pa'i sgo nas snga rgol yang dag gis phyi rgol yang dag gi ngor bkod pa'i sgrub ngag yang dag gang zhig /yan lag gnyis dang ldan pa'i ngag rnam dag yin pa de chos can/ khyad chos gsum dang ldan te/ rgyu'i khyad par/ /brjod bya'i khyad par/ ngo bo'i khyad par gsum dang ldan @009b pa'i phyir/ rgyu'i khyad par dang ldan te/ sgra mi rtag par sgrub pa'i tshul gsum rtogs pa'i tshad ma snga ma las skyes pa'i phyir/ brjod bya'i khyad par dang ldan te/ don rang mtshan la brten pa'i sgra mi rtag par sgrub pa'i tshul gsum rang gi brjod bya yin pa'i phyir/ /ngo bo'i khyad par dang ldan te/ sgra skyon mtha' ngag dang bral ba'i sgo nas tshul gsum la dran pa bskyed nus pa'i yan lag gnyis dang ldan pa'i ngag rnam dag yin pa'i phyir/ zhes pa ni/ rnam par nges pa'i TIk chen gyi dgongs par mthong ngo/ /sgrub ngag yang dag /gzhan don rjes dpag rtags tshigs rnam dag rnams don gcig ming gi rnam grangs su grags kyang/ dogs pa'i gnas su snang ste/ sgra mi rtag sgrub la byas pa rang don skabs kyi rtags yang dag tu song ba'i rgol ba de'i dor sgra mi rtag par sgrub pa'i sgrub dag yang dag yod/ de'i ngor de sgrub kyi gzhan don rjes dpag med pa'i phyir/ dang po grub ste/ gzhan gyis sgrub ngag yi ger bkod pa mthong ba las tshul gsum la dran pa skye ba dang/ de las bsgrub bya rtogs pa'i rnam gzhag 'thad pa'i phyir te/ ji skad du yang/ rnam nges las/ de mthong ba las rang nyid kyis rtogs shing goms pa na yang de ltar rtogs par 'gyur ba'i phyir/ rang gi don gyi rjes su dpag pa la yang dbye ba bstan to/ /zhes gsungs pa'i phyir/ de ltar byas na tshul gsum tshad mas mi shes pa'i gang zag gis tshul gsum brjod pa'i sgrub ngag yi ger bkod pa dang/ brjod pa la rten nas tshul gsum la dran pa skyes pa dang/ de las bsgrub bya rtogs pa'i rnam gzhag 'thad pas/ gzhan don rjes dpag yin na blo skyon dang bral bas ma khyab par 'gyur ro zhe na/ skyon med @010a @#/ /de; sngar gyi sgrub dag de las tshul gsum la dran pa skye pa sogs 'thad kyang/ de sgrub dag tu mi 'dod pa'i phyir/ gang byas mi rtag /dper na bum pa bzhin/ sgra yang byas/ de'i phyir na sgra mi rtag ces pa'i ngag las tshul gsuM la dran pa skye ba sogs srid kyang/ de sgrub ngag yang dag ma yin pa bzhin/ sgra mi rtag par sgrub pa'i tshul gsum tshad mas ma nges pa'i gang zag gis/ sgra mi rtag sgrub pa la byas pa rtags su bkod pa'i byed las la brten nas sgra mi rtag par sgrub dgos kyi phyi rgol yang dag gis rgyud la byas pa'i rtags kyis sgra mi rtag par rtogs pa'i rjes dpag skye ba yod par thal/ rgol ba des sgra mi rtag par sgrub pa'i sgrub dag bkod pa'i byed las tshul gsum la dran pa skye ba'i rnam gzhag sogs 'thad pa'i phyir/ 'dod na/ rang nyid nges shing gzhan dag la/ /nges pa skyed par 'dod pa yi/ /zhes sogs dang/ phyogs kyi chos ni rgol ba dang/ phyi rgol ba gnyis ka la nges par gzung ngo/ /zhes sogs kyi don ma grub par thal/ 'dod pa'i phyir zhe na/ skyon med de/ rgol ba des de sgrub kyi rtags tshigs bkod pa las sgra mi rtag par rtogs pa srid par mngon te/ rtogs pa gzhan dag gtan tshigs des/ /ji ltar rtogs par 'gyur ma yin/ zhes bshad pa'i phyir/ 'on kyang tshul gsum tshad mas ma nges pa'i rgol bas gtan tshigs bkod pa las/ phyi rgol gyi ngor rtags yang dag tu song ba dang/ de'i byed pa las phyi rgol gyi rgyud la rtog pa skye ba mi srid par mngon te/ dper na/ dmus long gi ngag las nyi ma'i dkyil 'khor mngon sum du mthong ba srid kyang/ dmus long la nyi ma'i dkyil 'khor mngon sum du rtogs pa'i nus pa med pa ltar ro/ /yang phyogs kyi chos ni rgol ba dang/ phyir rgol ba gnyis @010b ka la nges par gzung ngo/ /zhes sogs kyi rnam gzhag spyir btang gi dbang du byas pa yin la/ tshul gsum tshad mas ma nges pa'i gang zag gis/ phyi rgol rnam dag gi ngor gtan tshigs bkod pa las gtan tshigs yang dag tu 'gyur ba sogs ni dmigs gsal du mngon no/ /gang ltar yang dpyad pa'i gnas su snang ngo/ /sgrub ngag 'god dgos kyi phyi rgol la/ sgra mi rtag par sgrub pa'i tshul gsum tshad mas nges/ /tshul gsum dran pa'i bcad shes rgyud la ma skyes pa'i rgol ba dang/ khyab 'brel tshad mas shes/ phyogs chos tshad mas shes kyang dran lam du med pa'i rgol ba'i ngor/ sgra mi rtag par sgrub pa'i tshul gsum brjod pa'i sgrub ngag yang dag 'god par rigs te/ de ltar bkod pa la dgos nus gnyis ka yod pa'i phyir ro/ sgra mi rtag par sgrub pa'i tshul gsum dran pa'i yid dpyod rgyud la ldan pa'i rgol ba'i ngor/ sgra mi rtag par sgrub pa'i tshul gsum sgrub pa'i sgrub ngag kho na 'god par rigs te/ de ltar dkod pa la dgos nus yod pa'i phyir/ sgra mi rtag par sgrub pa'i tshul gsum tshad mas nges/ tshul gsum dran pa'i yid dpyod tsam rgyud ldan gyi rgol ba srid na/ de la yang tshul gsum brjod pa'i sgrub dag 'god par rigs te/ dgos nus yod pa'i phyir/ sgra mi rtag par sgrub pa'i tshul gsum tshad mas nges/ tshul gsum dran pa'i bcad shes skyes pa'i rgol ba la sgra mi rtag par sgrub pa'i sgrub ngag 'god mi dgos te/ de ltar bkod pa la dgos pa med pa'i phyir dang/ de'i ngor sgra mi rtag par sgrub pa'i tshul gsum brjod pa'i sgrub dag ni/ sgra skyon can gyi sgrub dag tu 'gyur bar shAkya blos gsal bar bshad pa'i phyir/ sgra mi rtag @011a @#/ /par sgrub pa'i sgrub dag gnyis ka 'god pa skabs su babs pa'i rgol ba mi srid de/ sgrub dag gang rung bkod pas khyab pa'i tshul gnyis la dran pa skye nus pa'i phyir dang/ sgrub ngag gnyis ka sgrub ngag ltar snang yin pa'i phyir te/ sgrub dag lhag pa'i skyon can yin pa'i phyir zhe na/ 'o na/ dngos po'i rtags kyis sgra mi rtag par sgrub pa'i sgrub dag dang/ byas pa'i rtags kyis sgra mi rtag par sgrub pa'i sgrub dag gnyis ka sgra mi rtag par sgrub pa'i sgrub ngag skyon can du thal/ sngar gyi dam bca' rigs pa'i phyir/ des na sgra mi rtag par sgrub pa'i sgrub ngag gnyis ka 'god 'gos kyi phyi rgol yod de/ thog mar ldog khyab brjod pa'i sgrub ngag brjod/ de rjes rjes khyab brjod pa'i sgrub ngag brjod dgos kyi rgol ba yod pa'i phyir te/ dang por rtag pa byas stong du sgrub/ de rjes byas pa sgra mi rtag par sgrub pa'i mthun phyogs kho na la yod par sgrub dgos kyi phyi rgol rnam dag yod pa'i phyir zhes pa ni rnam des TIk chen gyi dgos pa yin la/ mkhas pa'i dbang po 'ga' zhig /sgrub dag gnyis ka 'god dgos kyi rgol ba mi srid de/ ldog khyab dran na rjes khyab dran dgos pa'i phyir te/ ldog khyab tshad mas nges na rjes khyab tshad mas nges dgos pa'i phyir te/ sgra mi rtag par sgrub pa'i ldog khyab kho na tshad mas nges/ rjes khyab tshad mas ma nges pa'i rgol ba'i ngor/ sgra mi rtag par brjod pa'i sgrub dag med pa'i phyir te/ ldog khyab rkyang pa brjod pa'i sgrub ngag yang dag med pa'i phyir/ zhes gsungs/ 'o na/ sgra mi rtag par sgrub pa'i khyab 'brel tshad mas shes/ phyogs chos tshad mas ma nges pa'i rgol ba med par thal/ rgol ba de'i ngor khyab 'brel brjod pa'i sgrub ngag yang dag med pa'i @011b phyir te/ khyab 'brel rkyang pa brjod pa'i sgrub ngag yang dag med pa'i phyir/ 'khor gsum rnams khas zhes gzhan dag zer yang/ sgra mi rtag par sgrub pa'i ldog khyab tshad mas nges pa'i gang zag yin na/ rjes khyab tshad mas nges pa'i gang zag yin dgos shing/ khyab pa tshad mas nges pa'i gang zag yin na/ phyogs chos tshad mas nges pa'i gang zag yin mi dgos pas/ mi mtshungs par mngon no/ /! gzhan gyis brtags pa yi/ zhes pa'i skabs su; thal 'gyur yang dag gi mtshan nyid/ lan gyis bzlog par mi nus pa'i thal dag dang/ rang gi 'khor gsum gang rung la lan don mthun gdab par nus pa'i thal dag dang/ rang gang la 'phang yul gyi rgol bas lan gyis gdab par mi nus pa'i thal dag dang/ rang gi bcad byar gyur pa'i dam bca' ltar snang gi zhen don sun 'byin pa'i phyir du brjod pa gang zhig /de sun 'byin par nus pa'i thal dag dang/ thal dag rnam dag ces zer/ rgol ba de la thal 'gyur du bkod pa gang zhig /rgol ba des rang gi 'khor gsum gang rung la lan don mthun gdab par mi nus pa/ rang nyid rgol ba de la thal 'gyur yang dag yin pa'i mtshan nyid/ sgra chos can/ ma byas par thal/ rtag pa yin pa'i phyir/ zhes pa'i thal 'gyur chos can/ mtshan nyid der thal/ mtshon bya de'i phyir/ 'dod na/ de chos can/ khyod la rtags ma grub kyi lan don mthun thebs par thal/ khyod rang rgyud 'phen pa'i thal 'gyur yang dag yin pa'i phyir/ rtags khyab tshad mas grub cing/ dam bca' la tshad mas bsal ba 'bab pa'i thal 'gyur med par thal/ mtshan nyid gnyis pa 'thad pa'i phyir/ 'dod na/ yod par thal/ bum pa chos can/ @012a @#/ /rtag pa'i dngos por thal/ rtag dngos ngag zhig /gang zag gi bdag med yin pa'i phyir/ zhes pa'i thal 'gyur gyi gtan tshigs grub pa'i phyir/ der thal/ bum pa chos can/ rtag dngos gang zhig bdag med yin par thal; gang zag gi bdag med yin pa'i phyir zhes pa'i thal 'gyur 'di la 'dod lan thebs pa'i phyir/ mdun gyi skyes bu lan 'debs pa po la 'khor gsum dngos 'gal du song ba'i thal 'gyur mi srid par thal/ mdun gyi skyes bu lan 'debs pa po la 'khor gsum dngos 'gal du song ba'i thal 'gyur de/ mdun gyi skyes bu lan 'debs pas lan gyis ldog par mi nus pa'i thal dag ma yin pa'i phyir/ der thal/ mdun gyi skyes bu lan 'debs pa po la 'khor gsum dngos 'gal du song ba'i thal 'gyur chos can/ rang gi 'khor gsum gang rung la lan don mthun gdab par mi nus par thal/ thal 'gyur yang dag yin pa'i phyir zhes pa'i thal 'gyur de la mdun gyi skyes bu lan 'debs pas 'dod lan don mthun thebs pa'i phyir/ der thal/ mdun gyi skyes bu lan 'debs pas thal 'gyur de'i 'khor gsum gang rung la lan don mthun thebs pa gang zhig /thal 'gyur de'i rtags khyab rgol ba de la dngos 'gal la song ba'i phyir/ rtaD rnams khas/ rtsa bar 'dod mi nus te/ mdun gyi skyes bu lan 'debs pa la sun 'byin yang dag yod pa'i phyir/ der thal/ mdun gyi skyes bu lan 'debs pa'i dam bca' ltar snang yod pa'i phyir/ thal 'gyur yin na/ thal 'gyur yang dag yin dgos par thal/ mtshan nyid gnyis pa rigs pa'i phyir/ 'dod na/ thal 'gyur ltar snang med par thal/ 'dod pa'i phyir/ 'dod na/ gzhi grub na/ thal 'gyur ltar snang med pas khyab par thal/ 'dod pa'i phyir/ 'dod na/ @012b bum pa rtag par khas len pa'i rgol bas dag pa'i sa phyogs chos can/ der thal/ de'i phyir/ 'dod na/ de yod par thal/ bum pa chos can/ ma byas par thal/ rtag pa yin pa'i phyir/ zhes pa'i thal 'gyur de thal 'gyur ltar snang yin pa'i phyir/ der thal/ de yod/ de thal 'gyur yang dag ma yin pa'i phyir/ de thal 'gyur yang dag ma yin par thal/ de thal 'gyur yang dag tu song ba'i rgol ba med pa'i phyir te/ bum pa rtag par khas len pa'i rgol ba med pa'i phyir te/ de'i dgag gzhi yin pa'i phyir/ mdor na bum pa rtag par khas len pa'i rgol bas dag pa'i sa phyogs kyi bum pa chos can/ ma byas par thal/ rtag pa yin pa'i phyir zhes pa'i thal 'gyur chos can/ thal 'gyur yang dag yin par thal/ thal 'gyur yin pa'i phyir/ khyab pa khas/ 'dod na/ bum pa rtag par khas len pa'i rgol ba tshad mas ma dmigs pa'i sa phyogs chos can/ bum pa chos can/ ma byas par thal/ rtag pa yin pa'i phyir/ zhes pa'i thal 'gyur de thal 'gyur yang dag ma yin par thal/ de thal 'gyur yang dag tu song ba'i rgol ba med pa'i phyir/ 'dod na dngos/ sangs rgyas pa la/ sgra chos can/ ma byas par thal/ rtag pa yin pa'i phyir zhes pa'i thal 'gyur chos can/ thal 'gyur yang dag yin par thal/ thal 'gyur yin pa'i phyir/ 'dod mi nus par thal/ sangs rgyas pas sgra rtag par khas ma blangs pa'i phyir/ dam bca' yin na/ dam bca' ltar snang yin dgos par thal/ sun 'byin yin na/ sun 'byin yang dag yin dgos pa'i phyir/ der thal/ thal 'gyur yin na/ thal 'gyur yang dag yin dgos pa'i phyir/ snga rgol yin na/ snga rgol ltar snang yin dgos par thal/ phyi rgol yin na/ phyi rgol yang @013a @#/ /ngag yin dgos pa'i phyir/ der thal/ sun 'byin la sun 'byin yang dag gis khyab pa'i phyir/ rtags rnams khas/ mkhas pa kha cig na re/ mdun gyi gzhi 'dir chos can/ sha za yod par thal/ sha za yod pa'i phyir zhes pa'i thal 'gyur chos can/ mtshan nyid gnyis pa yin par thal/ thal 'gyur yang dag yin pa'i phyir zhe na/ thal 'gyur 'di'i 'khor gsum gang rung la lan thebs par thal/ mdun gyi gzhi 'dir sha za yod med gang rung yin pa'i phyir/ khyab ste/ yod na thal 'gyur de la 'dod lan/ mdun gyi gzhi 'dir sha za med na/ rtags ma grub kyi lan thebs pa'i phyir/ sgra chos can/ ma byas par thal/ rtag pa'i phyir zhes pa'i thal 'gyur chos can/ rang gang la 'phang yul gyi rgol bas lan mi thebs par thal/ thal 'gyur yang dag yin pa'i phyir/ khyab pa khas/ 'dod na/ sgra chos can/ ma byas par thal/ rtag pa yin pa'i phyir/ zhes pa'i thal 'gyur chos can/ khyod thal 'gyur ltar snang du song ba'i rgol ba med par thal/ khyod 'phang yul gyi rgol ba yin na thal 'gyur yang dag tu song ba'i rgol ba yin dgos pa'i phyir/ thal 'gyur ltar snang chos can/ thal 'gyur yang dag yin par thal/ mtshan nyid bzhi pa yin pa'i phyir/ rtags grub par thal/ thal 'gyur ltar snang de lhas byin gyis 'phangs pa'i thal 'gyur ltar snang rtag par dam bca' ba'i zhen don sun 'byin pa'i phyir du brjod pa'i dag gang zhig/ dam bca' de'i zhen don sun 'byin par nus pa'i phyir/ der thal/ thal 'gyur ltar snang des lhas byin gyi thal 'gyur ltar snang rtag pa ma yin par sgrub pa'i rtags yang dag tu brjod pa gang zhig /des de ltar sgrub nus pa'i phyir/ sgrub ngag @013b rnam dag de sgrub ngag yang dag gi mtshan nyid du thal/ thal dag rnam dag de thal 'gyur yang dag gi mtshan nyid yin pa'i phyir/ sgra rtag par dam bcas pa'i dam bca'i zhen don sun 'byin par nus pa'i sgra chos can/ ma byas par thal/ rtag pa yin pa'i phyir zhes pa'i thal 'gyur chos can/ grangs can gyis khyod la rtags ma grub kyi lan don mthun mi thebs par thal/ grangs can la thal 'gyur yang dag yin pa'i phyir/ khyab pa las/ 'dod na/ grangs can gyis sgra rtag par dam bcas pa'i dam bca'i zhen don sun 'byin par nus pa'i sgra chos can ma byas par thal/ rtag pa yin pa'i phyir zhes pa'i thal 'gyur chos can/ khyod la rtags ma grub kyi lan don mthun thebs par thal; khyod rang rgyud 'phen pa'i thal 'gyur yang dag yin pa'i phyir/ sgra chos can/ mi rtag pa yin par thal/ don byed nus pa'i phyir zhes pa'i thal 'gyur chos can/ khyod thal 'gyur yang dag tu song ba'i rgol bas khyod la khyab pa ma grub kyi lan don mthun mi thebs par thal/ khyod thal 'gyur yang dag tu song ba'i rgol ba la khyod thal 'gyur yang dag yin pa'i phyir/ 'dod na/ sgra chos can/ mi rtag par thal/ don byed nus pa'i phyir zhes pa'i thal 'gyur chos can/ khyod thal 'gyur yang dag tu song ba'i rgol bas khyod kyi khyab pa tshad mas grub par thal/ khyod thal 'gyur yang dag tu song ba'i rgol bas khyod la khyab pa ma grub kyi lan don mthun mi thebs pa gang zhig/ rgyu mtshan mtshungs pa'i phyir/ 'dod na/ don byed nus pa chos can/ snga rgol gyis khyod kyi rtags kyis sgra mi rtag par sgrub pa'i khyab pa tshad mas nges par thal/ sgra chos can/ mi rtag par thal/ khyod@014a @#/ /yin pa'i phyir zhes pa'i thal 'gyur de'i khyab pa thal 'gyur de thal 'gyur yang dag tu song ba'i rgol bas nges pa'i phyir/ 'dod na/ shes bya chos can/ mi rtag par thal/ snga rgol gyis don byed nus pa'i phyir/ khyab pa dngos zhes pa ni 'khri tshul tsam mo/ /rang gi dngos bstan log pas tshul gsum pa can gyi rtags yang dag 'phen par nus pa'i thal ngag /rang rgyud 'phen pa'i thal 'gyur yang dag gi mtshan nyid yin zhe na/ bum pas dag pa'i sa phyogs chos can/ bum pa dang rdzas gzhan ma yin par thal/ gang zag gi bdag yod pa'i phyir zhes pa'i thal 'gyur chos can/ mtshon bya der thal/ mtshan nyid de'i phyir de der thal/ bum pa dang rdzas gzhan de bum pas dag pa'i sa phyogs gang zag gi bdag med du sgrub pa'i rtags yang dag yin pa'i phyir/ rtsa bar 'dod na/ thal 'gyur de chos can/ khyod la 'dod lan don mthun mi thebs par thal/ khyod rang rgyud 'phen pa'i thal 'gyur yang dag yin pa'i phyir/ 'dod na/ bum pas dag pa'i sa phyogs chos can/ bum pa dang rdzas gzhan ma yin par thal/ bum pa med pa'i phyir/ khyad chos gsum dang ldan pa'i thal 'gyur yang dag gang zhig /rang gi dngos bstan log na tshul gsum pa can gyi rtags yang dag 'phen par nus pa/ rang rgyud 'phen pa'i thal 'gyur yang dag gi mtshan nyid ces zer zhing/ brtag pa mtha' bzung phyogs gcig kho na khegs pa ni nang 'gal te; sgra chos can/ ma byas par thal/ rtag dngos yin pa'i phyir zhes pa'i thal 'gyur dang/ sgra'i don spyi chos can/ byas par thal/ rtag dngos yin pa'i phyir zhes pa'i thal 'gyur gnyis po de chos can/ khyad chos gsum @014b ldan du thal/ rang rgyud 'phen pa'i thal 'gyur yang dag yin pa'i phyir/ khyab pa khas so/ /'dod na/ re zhig song/ rtag dngos yin na/ byas pa yin pas khyab pa med par thal/ rtag dngos yin na/ byas pa ma yin pas khyab pa yod pa'i phyir/ 'khor gsum/ thal sgrigs kyis khyod bshags chod par 'dod pa rnams la 'di ltar brjod de/ byas pa chos can/ khyod sgra mi rtag par sgrub pa'i gzhan don skabs kyi rtags yang dag ma yin par thal/ /sgra chos can/ khyod ma yin par thal; rtag pa yin pa'i phyir zhes pa'i thal 'gyur de/ rang rgyud 'phen pa'i thal 'gyur yang dag ma yin pa'i phyir/ ma grub na song/ byas pa chos can/ sgra chos can/ khyod ma yin par thal/ rtag pa yin pa'i phyir/ zhes pa'i thal 'gyur de'i khyab pa yod par thal/ de rang rgyud 'phen pa'i thal 'gyur yang dag yin pa'i phyir/ 'dod na/ gang zag gi bdag med chos can/ khyod ma yin par thal/ rtag pa yin pa'i phyir/ khyab pa khyod bshags chod par 'dod pa'i lugs kyi dngos 'gal la 'bud/ mkhas pa/ kha cig na re/ thal 'gyur khyod kyi chos log tu bzung bya de/ thal 'gyur khyod kyi shes 'dod chos can du bzung bya'i steng du thal 'gyur khyod kyi rtags log tu bzung bar sgrub pa'i tshul gsum yin pa zhe na/ rtag pa chos can/ blo'i yul du bya rung ma yin par thal/ shes bya ma yin pa'i phyir zhes pa'i thal 'gyur chos can/ mtshan nyid der thal/ khyod rang rgyud 'phen pa'i thal 'gyur yang dag yin pa'i phyir/ 'dod na/ blo'i yul du bya rung ba de/ thal 'gyur rtag pa shes byar sgrub pa'i rtags yang dag yin par thal/ 'dod pa'i phyir/ 'dod na/ sgra rtag pa yod par thal/ 'dod pa'i phyir/ rtag pa ma yin pa de sgra chos can/ ma byas @015a @#/ /par thal/ rtag pa yin pa'i phyir zhes pa'i thal 'gyur gyi rtags log tu thal/ sngar gyi mtshan nyid rigs pa'i phyir/ 'dod na/ rtag pa de/ sgra chos can/ ma byas par thal/ rtag pa yin pa'i phyir zhes pa'i thal 'gyur gyi gtan tshigs su thal/ 'dod pa'i phyir/ gsal ba rnams khas/ byas pa de/ sgra'i steng du sgra chos can/ ma byas par thal/ rtag pa yin pa'i phyir/ zhes pa'i thal 'gyur gyi rtags log sgrub pa'i tshul gsum yin par thal/ sngar gyi mtshan nyid 'thad pa'i phyir/ 'dod na/ byas pa de sgra'i steng du sgra mi rtag par sgrub pa'i rtags su bzung bya sgrub pa'i rtags yang dag yin par thal/ 'dod pa'i phyir/ 'dod na/ byas pa de sgra byas par sgrub pa'i rtags yang dag yin par thal/ 'dod pa'i phyir/ rtag pa de sgra chos can/ ma byas par thal/ rtag pa yin pa'i phyir zhes pa'i thal 'gyur gyi gtan tshigs yin no zhe na/ thal 'gyur de'i gtan tshigs yod par thal/ rtag pa thal 'gyur de'i gtan tshigs yin pa'i phyir/ gzhan yang/ thal 'gyur de'i rtags dang shes bya'i gzhi mthun yod par thal/ rtag pa de 'dra'i gzhi mthun yin pa'i phyir te/ rtag pa de'i gtan tshigs gang zhig/ shes bya yin pa'i phyir/ rtag pa chos can/ thal 'gyur de'i gtan tshigs ma yin par thal/ thal 'gyur de'i gtan tshigs kyi dgag gzhi yin pa'i phyir te/ khyod yod pa gang zhig /thal 'gyur de'i gtan tshigs med pa'i phyir zhes zer zhing/ sgra rtag pa thal 'gyur de'i gtan tshigs yin no zhe na/ 'o na/ sgra dngos por grub pa de/ sgra chos can/ ma byas par thal/ rtag pa gang zhig/ dngos po yin pa'i phyir zhes pa'i thal 'gyur gyi gtan tshigs yin par thal/ sgra rtag pa de/ sgra chos can/ ma byas par @015b thal rtag pa'i phyir zhes pa'i thal 'gyur gyi gtan tshigs yin pa'i phyir/ 'dod na/ thal 'gyur de'i gtan tshigs yod par thal/ 'dod pa'i phyir/ 'dod na thal 'gyur de la rtags ma grub kyi lan mi thebs par thal; 'dod pa'i phyir/ thal 'gyur de'i rtags dang shes bya'i gzhi mthun yod par thal/ sgra dngos por grub pa de 'dra'i gzhi mthun yin pa'i phyir/ der thal/ sgra dngos por grub pa thal 'gyur de'i gtan tshigs gang zhig /shes bya yin pa'i phyir/ sgra dngos por grub pa chos can/ thal 'gyur de'i gtan tshigs ma yin par thal/ thal 'gyur de'i rtags kyi dgag gzhi yin pa'i phyir/ 'khor gsum rnams rim pa bzhin du khas blangs so/ /sgra chos can; ma byas par thal/ rtag pa yin pa'i phyir zhes pa'i thal 'gyur gyi gtan tshigs yod par thal/ thal 'gyur de'i gtan tshigs yin na/ yod dgos pa'i phyir/ gang zag gi bdag chos can/ med par thal/ med pa'i phyir zhes pa'i thal 'gyur gyi gtan tshigs ma grub par thal/ yod na thal 'gyur de'i gtan tshigs ma yin dgos pa'i phyir/ zhe na/ bum pa rtag par dam bcas pa'i dam bca'i chos kyi ngo bo yod par thal/ dam bca' de'i chos kyi ngo bo yin na/ yod dgos pa'i phyir/ 'dod na/ dam bca' de chos kyi ngo bo tshad mas bsal ba'i dam bca' ma yin par thal/ 'dod pa'i phyir/ 'dod mi nus ste/ gzhan du na sgra ni mnyan par bya ba min te/ bum pa rtag ces sogs dang 'gal lo/ gang zag gi bdag med par dam bcas pa'i dam bca'i chos kyi ngo bo med par thal/ dam bca' de'i chos kyi ngo bo yin na/ med dgos pa'i phyir/ khyab pa rnams khas/ 'dod na/ dam bca' de chos kyi ngo bo @016a @#/ /tshad mas bsal ba'i dam bcar thal/ 'dod pa'i phyir/ 'dod na/ dam bca' de dam bca' yang dag ma yin par thal/ 'dod pa'i phyir/ gzhan yang/ sun 'byin ltar snang mang du brjod pa rnams la sngar bshad kyi rigs pa la brten nas mi smra ba'i brtul zhugs spyin par bya'o/ /sgra rtag pa chos can/ khyod yin na byas pa ma yin pas khyab pa de/ sgra chos can/ ma byas par thal/ rtag pa yin pa'i phyir zhes pa'i thal 'gyur gyi khyab pa yin par thal/ khyod thal 'gyur de'i gtan tshigs yin pa'i phyir/ 'dod na/ sgra rtag pa yin na/ byas pa yin pas khyab pa de/ sgra chos can/ byas par thal/ rtag pa yin pa'i phyir zhes pa'i thal 'gyur gyi khyab pa yin par thal/ 'dod pa'i phyir/ 'dod na/ thal 'gyur de'i khyab pa yod par thal/ 'dod pa'i phyir/ sgra mi rtag pa de/ sgra chos can/ mi rtag par thal/ sgra mi rtag pa yin pa'i phyir zhes pa'i thal 'gyur de'i rtags dang gsal ba'i gzhi mthun du thal/ sgra rtag pa de/ sgra chos can/ ma byas par thal/ rtag pa yin pa'i phyir/ zhes pa'i thal 'gyur gyi gtan tshigs yin pa'i phyir/ 'dod na/ thal 'gyur de rtags gsal tha mi dad kyi thal 'gyur yin par thal/ 'dod pa'i phyir/ 'dod na/ de'i khyab pa yod par thal/ 'dod na/ shes bya chos can/ mi rtag pa yin par thal/ sgra mi rtag pa yin pa'i phyir/ khyab pa khas/ kha cig na re/ mi 'jig pa'i chos can; sgra chos can/ rtag pa yin par thal/ mi 'jig pa'i chos yin pa'i phyir zhes pa'i thal 'gyur gyi gtan tshigs yin par thal/ mi 'jig pa'i chos kyi rtags kyis sgra rtag par sgrub pa'i gtan tshigs yin pa'i phyir @016b zhe na/ thal 'gyur de'i gtan tshigs grub par thal/ sbyor ba de'i gtan tshigs grub pa'i phyir/ der thal/ sbyor bde'i rtags chos la 'brel pa grub pa'i phyir/ 'dod na/ sgra chos can/ rtag pa yin par thal/ mi 'jig pa'i chos yin pa'i phyir/ 'khor gsum 'bud/ gang zag gi bdag chos can/ med par thal/ med pa'i phyir zhes pa'i thal 'gyur gyi gtan tshigs ma grub par thal/ gang zag gi bdag chos can/ med de/ med pa'i phyir zhes pa'i sbyor ba de'i gtan tshigs ma grub pa'i phyir/ khyab pa khas/ rtags grub par thal/ med pa de de sgrub kyi rtags kyi ngo bo med nas ma grub pa'i gtan tshigs yin pa'i phyir/ khyab pa yod de/ rtags kyi ngo bo dang khyad par gnyis kyi nang nas ngo bo gtso che ba'i phyir/ kha cig na re/ sgra rtag pa de thal 'gyur de'i gsal ba yin no zhes gsung ngo/ /'o na/ thal 'gyur de rtags gsal tha mi dad kyi thal 'gyur yin par thal/ sgra rtag pa de thal 'gyur de'i rtags gsal gnyis ka yin pa'i phyir/ 'dod na/ de 'dra'i thal 'gyur chos can/ rang rgyud 'phen pa'i thal 'gyur yang dag ma yin par thal/ 'dod pa'i phyir/ kha cig/ sgra chos can/ ma byas par thal rtag pa yin pa'i phyir zhes pa'i thal 'gyur chos can/ grangs can la thal 'gyur yang dag ma yin par thal/ grangs can gyis khyab pa ma grub kyi lan don mthun thebs pa'i phyir/ der thal/ grangs can gyis rtag na ma byas pas khyab pa khas ma blangs pa'i phyir te/ sgra byas pa dang rtag pa'i gzhi mthun du khas blangs ba'i phyir/ zhes zer zhing/ phyogs kyi glang pos/ grangs can la 'phangs pa'i sgra chos can/ ma byas par thal/ rtag pa yin @017a @#/ /pa'i phyir zhes pa'i thal 'gyur de grangs can la thal 'gyur yang dag yin no zhe na/ nang 'gal te/ phyogs kyi glang pos/ grangs can la sgra chos can/ ma byas par thal/ rtag pa yin pa'i phyir zhes 'phangs pa'i thal 'gyur de chos can/ grangs can la thal 'gyur yang dag ma yin par thal/ grangs can gyis khyab pa ma grub kyi lan don mthun thebs pa'i phyir/ 'khor gsum rnams khas/ sgra chos can/ ma byas par thal/ rtag pa yin pa'i thal 'gyur de thal 'gyur yang dag tu song ba'i rgol ba chos can/ thal 'gyur de khyod la thal 'gyur yang dag ma yin par thal/ khyod kyis thal 'gyur de'i khyab pa khas ma blangs pa'i phyir/ der thal/ khyod kyis rtag pa dang byas pa'i gzhi mthun khas blangs pa'i phyir te/ sgra chos can/ ma byas par thal/ rtag pa yin pa'i phyir zhes pa'i thal 'gyur gyi rtags gsal khas blangs pa'i phyir/ byas pa mi rtag par sgrub dgos kyi phyi rgol yang dag chos can; byas pa dang mi rtag pa'i gzhi mthun tshad mas nges pa'i gang zag tu thal/ glog skad cig tha ma byas pa dang mi rtag pa'i gzhi mthun du tshad mas nges pa'i gang zag yin pa'i phyir/ ma khyab na/ sgra byas pa dang rtag pa'i gzhi mthun du khas blangs na/ byas pa dang rtag pa'i gzhi mthun khas blangs pas khyab pa 'bud/ grangs can chos can/ byas pa dang rtag pa'i gzhi mthun khas blangs par thal/ byas pa rtag par khas blangs pa'i phyir/ der thal/ sgra'i byas pa rtag par khas blangs pa'i phyir zhe na/ byas pa rtag mi rtag the tshom za ba'i phyi rgol rnam dag chos can/ byas pa mi rtag par khas blangs par thal/ glog skad cig tha ma'i byas pa mi rtag par khas blangs pa'i phyir/ khyab @017b pa khas/ 'dod na/ gang zag yin na byas na mi rtag pas khyab pa khas blangs pas khyab par thal/ 'dod pa'i phyir/ mdor na/ grangs can gyis/ /sgra byas pa dang rtag pa'i gzhi mthun khas blangs kyang/ byas pa dang rtag pa'i gzhi mthun khas ma blangs par mngon no/ /rang lugs ni/ rang gi rtags khyab rgol ba de'i ngor grub cing/ rang gi dam bca' la rgol ba de'i bsal ba 'bab pa gang zhig /rang nyid rgol ba de la thal 'gyur du 'phangs pa la brten nas rgol ba de'i dam bca' 'ga' zhig /dam bca' ltar snang du sgrub par nus pa/ rang nyid rgol ba de la thal 'gyur yang dag gi mtshan nyid yin sbyor 'god la brten pa'i dogs gcod 'og tu 'chad par 'gyur ro/ /! ngo bo tshig phrad bdag nyid 'dod/ ces pa'i skabs su/ ngo bo'i don sogs chos lnga tshang ba/ gzhan don bsgrub bya yang dag gi mtshan nyid ce na/ mthong ba'i don sogs chos gsum tshad ba/ gzhan don rjes dpag gi mtshan nyid du thal/ mtshan nyid de rigs pa'i phyir/ 'dod na/ dag rnam dag yin par thal/ 'dod pa'i phyir/ kha cig na re/ bstan bcos nam 'grel chos can/ gzhan don bsgrub bya yang dag yin par thal/ ngo bo'i don sogs chos lnga tshang ba yin pa'i phyir te/ ngo bo 'don sogs chos lnga brjod byar tshang ba'i phyir te/ de rjod byed kyi ngag rnam dag yin pa'i phyir/ ri bong gi rwa chos can/ ngo bo'i don sogs chos lnga tshang bar thal/ ngo bo zhes pa'i tshig gi don tshang ba gang zhig /gzhan rnams la yang rgyu mtshan mtshungs pa'i phyir/ ngo bo zhes pa'i tshig gi don tshang bar thal/ de bsgrub kyi gzhan don @018a @#/ /bsgrub bya yang dag yin na/ de sgrub kyi phyi rgol gyi tshad mas ma grub dgos pa'i phyir/ gzhan yang/ ngo bo'i don sogs chos lnga tshang bar thal/ ngo bo'i don sogs chos lnga yod pa'i phyir zhes zer zhing/ ngo bo'i don sogs chos lnga yin pa'i tshul gyis tshang ba/ gzhan don bsgrub bya yang dag gi mtshan nyid yin no zhe na/ ri bong gi rwa chos can/ ngo bo'i don sogs chos lnga yin pa'i tshul gyis tshang bar thal/ ngo bo zhes pa'i tshig gi don yin pa gang zhig / gzhan rnams la 'ang rgyu mtshan mtshungs pa'i phyir/ ngo bo zhes pa'i tshig gi don yin par thal/ de sgrub kyi gzhan don bsgrub bya yang dag yin na/ de sgrub kyi phyi rgol gyis tshad mas ma grub dgos pa'i phyir/ 'khor gsum rnams khas; bstan bcos rnam 'grel chos can/ rdzas yod chos gsum tshang ba yin par thal/ rdzas yod chos gsum brjod byar tshang ba'i phyir/ rdzas yod chos gsum med par thal/ rdzas yod chos gsum tshang ba ma yin pa'i phyir; khyab par thal/ ngo bo'i don sogs chos lnga ma tshang na/ ngo bo'i don sogs chos lnga med dgos pa'i phyir/ der thal/ ngo bo'i don sogs chos lnga yod na/ de tshang dgos pa'i phyir/ 'khor gsum rnams khas/ tshad mas ma bsal zhing/ rgol ba rtog ldan gyis gzhan don bsgrub bya yang dag tu khas blangs pa/ gzhan don bsgrub bya yang dag gi mtshan nyid ce na/ myu gu bden med chos can/ gzhan don bsgrub bya yang dag yin par thal/ mtshan nyid de'i phyir zhe na/ myu gu bden med chos can/ rgol ba rtog ldan gyis gzhan don bsgrub byar khas ma blangs par thal/ rgol ba rtog ldan gyis gzhan don bsgrub bya ma yin par khas blangs pa'i phyir te/ rgol ba rtog @018b ldan gyis gzhan don bsgrub bya yang dag ma yin par tshad mas nges pa'i phyir/ gzhan don bsgrub bya yang dag tu 'os shing rgol ba rtog ldan gyis gzhan don bsgrub bya yang dag tu khas blangs pa gzhan don bsgrub bya yang dag gi mtshan nyid ce na/ rgol ba rtog ldan gyi gzhan don bsgrub yang dag tu khas blangs na/ gzhan don bsgrub bya yang dag yin pas khyab pa med par thal/ sngar gyi mtshan nyid 'thad pa'i phyir/ 'dod na/ de'i khyab pa yod par thal/ rgol ba rtog ldan gyis gzhan don bsgrub bya yang dag tu 'dod na/ gzhan don bsgrub bya yang dag gis khyab pa yod pa'i phyir te/ gzhan don bsgrub bya'i mtshan nyid 'chad pa'i tshig zur du 'dod tshig smos pa las gzhan gyi 'dod pa thams cad gzhan don bsgrub bya yang dag ma yin par rtogs nus pa'i phyir te/ gzhan 'dod thams cad zlog na yang/ zhes sogs kyi don grub pa'i phyir/ gzhan don bsgrub bya'i mtshan nyid 'chad pa'i zur du ma bsal ba smos pa don med par thal/ gzhan don bsgrub bya yang dag gi mtshan nyid 'chad pa'i zur du 'dod pa zhes pa'i tshig smos pa las gzhan don bsgrub bya'i rigs mi mthun thams cad sel bar nus pa'i phyir zhe na/ rtags yang dag gi mtshan nyid 'chad pa'i zur du ldog khyab smos pa don med par thal/ phyogs chos dang rjes khyab kyi gzhi mthun des rtags yang dag gi rigs mi mthun thams cad sel bar nus pa'i phyir/ khyab pa khas/ der thal/ /de lta bu de rtags yang dag dang yin khyab mnyam yin pa'i phyir/ gzhan yang/ sngar gyi mtshan nyid de chos can /sgra dang@019a @#/ /mi rtag pa'i tshogs don khyod du tshad mas nges pa'i gang zag yin na/ de gzhan don bsgrub bya yang dag tu tshad mas nges pa'i gang zag yin mi dgos par thal/ khyod gzhan don bsgrub bya yang dag gi mtshan nyid yin pa'i phyir/ yang na/ chos der 'os na/ chos de yin pas khyab pa yod par thal/ sngar gyi mtshan nyid de rigs pa'i phyir/ 'dod na/ rgyang 'phen chos can/ theg pa chen por sems bskyed par thal/ der sems bskyed par 'os pa'i phyir/ 'dod na/ theg chen gyi gang zag tu thal/ theg pa chen por sems bskyed pa'i gang zag yin pa'i phyir/ kha cig na re/ sgra mi rtag pa gzhan don bsgrub bya yang dag min te/ rang don/ bsgrub bya yang dag dang gzhan don bsgrub bya yang dag 'gal ba'i phyir zhe na/ gang byas mi rtag /dper na bum pa bzhin/ sgra yang byas so zhes pa'i ngag gzhan don rjes dpag ma yin par thal/ sgra mi rtag pa gzhan don bsgrub bya yang dag ma yin pa'i phyir/ 'dod pa la gnod byed bstan zin to/ /byas pa sgra mi rtag par sgrub la rang don skabs kyi rtags yang dag tu song ba'i tshe byas pa chos can/ sgra mi rtag par sgrub pa'i rang don skabs kyi rtags yang dag ma yin par thal/ sgra mi rtag pa de khyod kyi rtags kyis sgra mi rtag par bsgrub pa'i rang don bsgrub bya yang dag ma yin pa'i phyir/ der thal/ sgra mi rtag pa rang don bsgrub bya yang dag ma yin pa'i phyir/ sgra mi rtag sgrub la byas pa gzhan don skabs kyi rtags yang dag tu song ba'i tshe na byas pa chos can/ sgra mi rtag par sgrub pa'i gzhan don skabs kyi rtags yang dag ma @019b yin par thal/ sgra mi rtag pa de khyod kyi rtags kyis sgra mi rtag par sgrub pa'i gzhan don bsgrub bya yang dag ma yin pa'i phyir/ der thal/ de gzhan don bsgrub bya yang dag ma yin pa'i phyir/ rtags rnams khas; sgra mi rtag sgrub la byas pa rab don skabs kyi rtags yang dag tu song ba'i tshe/ byas rtags kyi sgra mi rtag par sgrub pa'i snga rgol yang dag med par thal/ de'i tshe byas pa'i rtags kyis sgra mi rtag par sgrub pa'i gzhan don bsgrub bya yang dag med pa'i phyir/ rtags khas/ 'dod na/ de'i tshe dpal ldan chos kyi grags pa'ang med par thal/ 'dod pa'i phyir/ sgra rtag pa min pa dang/ sgras khyad par du byas pa'i mi rtag pa dang/ mi rtag pa'i khyad par du byas pa'i sgra sogs sgra mi rtag par sgrub pa'i gzhan don bsgrub bya yang dag yin no zhes zer zhing/ de sgrub kyi gzhan don bsgrub bya yang dag yin na/ de sgrub kyi phyi rgol gyis tshad mas ma grub pa dgos so zhes gsungs so/ /sgra rtag pa ma yin pa chos can/ sgra mi rtag par sgrub dgos kyi phyi rgol gyi sa bum pa khyod yin par tshad mas ma nges par thal/ khyod sgra mi rtag par sgrub pa'i gzhan don skabs kyi bsgrub bya yang dag yin pa'i phyir/ khyab ste/ chos sgrub bya na chos mthun med/ ces bshad pa'i phyir/ 'dod na/ sgra mi rtag par sgrub dgos kyi phyi rgol chos can/ bum pa sgra rtag pa ma yin par tshad mas nges pa'i gang zag tu thal/ bum pa rtag pa ma yin par tshad mas nges pa'i gang zag yin pa'i phyir/ gzhan yang de chos can/ sgra bum gnyis @020a @#/ /rtag pa ma yin par tshad mas nges pa'i gang zag tu thal/ sgra bum gnyis rtag par med par tshad mas nges pa'i gang zag yin pa'i phyir te/ bum pa rtag par med par tshad mas nges pa'i gang zag yin pa'i phyir/ rnam mkhyen rtag pa min pa chos can/ khyod la tshad ma yin na rnam mkhyen mi rtag pa la tshad ma yin dgos par thal/ khyod rnam mkhyen mi rtag par sgrub pa'i gzhan don bsgrub bya yang dag yin pa'i phyir/ rtags khas/ / 'dod na/ byang 'phags kyi rgyud kyi mngon sum chos can/ der thal/ de'i phyir/ 'dod na/ rnam mkhyen rtogs par thal/ rnam mkhyen mi rtag par rtogs pa'i mngon sum gyi tshad ma yin pa'i phyir/ 'dod mi nus te/ rnal 'byor rtog pa bsam mi khyab/ /ces gsungs pa'i phyir/ bum pa rtag pa ma yin pa chos can/ khyod yod na bum pa rtag pa ma yin par sgrub pa'i bsgrub bya yang dag yod pas khyab par thal/ khyod bum pa rtag pa ma yin par sgrub pa'i gzhan don bsgrub bya yang dag yin pa'i phyir/ 'dod na/ bum pas dag pa'i sa phyogs chos can/ der thal/ de'i phyir/ 'dod mi nus te/ bum pa med pa'i phyir/ ri bong gi rwa rtag pa ma yin pa chos can/ ri bong rwa mi rtag par 'dzin pa'i rtog pa'i zhen yul du thal/ ri bong rwa mi rtag par sgrub pa'i bsgrub bya yin pa'i phyir/ 'dod na/ rtog pa de'i zhen yul yod par thal lo/ /chos de'i rtags kyis sgra rtag pa ma yin par sgrub pa'i bsgrub bya yang dag yin na chos de'i rtags kyis sgra mi rtag par sgrub pa'i bsgrub bya yang dag yin dgos par thalo/ sgra rtag pa ma yin par sgrub pa'i bsgrub bya yang dag yin na/ sgra mi rtag par sgrub @020b pa'i bsgrub bya yang dag yin dgos pa'i phyir/ 'dod na/ sgra rtag pa ma yin pa chos can/ skad cig ma ma yin pa'i rtags kyis sgra mi rtag par sgrub pa'i bsgrub bya yang dag tu thal/ de'i rtags kyis sgra rtag pa ma yin par sgrub pa'i bsgrub bya yang dag yin pa'i phyir/ 'dod na/ skad cig ma ma yin pa de sgra mi rtag par sgrub pa'i rtags yang dag tu thal/ de'i rtags kyis sgra mi rtag par sgrub pa'i bsgrub bya yang dag yin pa'i phyir/ sgra bum gnyis rtag pa ma yin pa chos can/ sgra bum gnyis mi rtag par sgrub dgos kyi phyi rgol gyi tshad mas ma grub par thal/ de sgrub kyi gzhan don bsgrub bya yang dag yin pa'i phyir/ 'dod na/ sgra bum gnyis mi rtag par sgrub dgos kyi phyi rgol gyi tshad mas grub par thal/ sgra mi rtag par sgrub dgos kyi phyi rgol gyi tshad mas grub pa gang zhig /de'i dor byas pa sgra bum gnyis mi rtag par sgrubs pa'i rtags yang dag yin pa'i phyir; sgra mi rtag par sgrub dgos kyi phyi rgol des mi rtag pa'i rgyu tshad mas ma nges par thal/ rgyu mi rtag par sgrub dgos kyi phyi rgol des mi rtag pa'i rgyu tshad mas ma nges pa'i phyir/ der thal/ des mi rtag pas khyad par du byas pa'i rgyu tshad mas ma nges pa'i phyir/ ma grub na/ mi rtag pas khyad par du byas pa'i rgyu chos can/ rgyu mi rtag par sgrub dgos kyi phyi rgol gyis tshad mas ma grub par thal/ rgyu mi rtag par sgrub pa'i gzhan don bsgrub bya yang dag yin pa'i phyir/ 'khor gsum/ snga ma'i rtags gnyis kyang khas blangs so/ /de bzhin du/ mi rtag pas khyad par du byas pa'i ming chos can/ ming mi rtag par sgrub @021a @#/ /dgos kyi phyi rgol gyi tshad mas ma grub par thal/ ming mi rtag par sgrub pa'i gzhan don bsgrub bya yang dag yin pa'i phyir/ rtags khyab khas/ 'dod mi nus te/ phyi rgol nges mi rtag pa'i ming tshad mas nges pa'i phyir/ sgras khyad par du byas pa'i shes bya chos can/ bsgrub bya yang dag yin par thal/ sgra shes byar sgrub pa'i bsgrub bya yang dag yin pa'i phyir/ rtags khas/ 'dod na/ ma yin par thal/ shes bya sgra yin par bsgrub pa'i bsgrub bya yin pa'i phyir/ der thal/ mi rtag pa'i khyad par du byas pa'i sgra de/ sgra mi rtag par sgrub pa'i bsgrub bya yin pa'i phyir/ rtags rnams khas/ mtshon byas khyad par du byas pa'i sgra de/ sgra mtshon byar sgrub pa'i bsgrub bya ma yin par thal/ de mtshon bya ma yin pa'i phyir/ der thal/ mi rtag pas khyad par du byas pa'i sgra mtshon bya ma yin pa'i phyir/ der thal/ mi rtag pas khyad par du byas pa'i mnyan bya de/ mi rtag pas khyad par du byas pa'i sgra'i mtshan nyid ma yin pa'i phyir/ ma grub na/ mnyan bya mi rtag par nges na/ sgra mi rtag par nges pa'i dam bca' 'thad pa 'bud/ zla ba ces pa'i sgras brjod rung gis khyad par du byas pa'i bum pa chos can/ brda'am 'dod pa tsam gyis bzhag par thal/ bum pa zla ba zhes pa'i sgras brjod rung du sgrub pa'i bsgrub bya yang dag yin pa'i phyir/ rtags khas/ 'dod na/ bden par med par thal/ 'dod pa'i phyir; khyab ste/ drang nges rnam 'byed dang/ thar lam gsal byed gnyis las de ltar bshad pa'i phyir/ 'dod mi nus te/ dngos po yin pa'i phyir/ tshogs pa bsgrub bya nyid yin na/ zhes sogs kyi lung don ma grub @021b par thal/ sngar gyi dam bca' rnams mi 'thad pa'i phyir zhe na/ ma khyab par thal/ bsgrub bya'i sgras brjod rigs sum bshad pa'i phyir/ rgol ba de'i dor/ de sgrub kyi gzhan don bsgrub bya yin na/ rgol ba de'i tshad mas ma grub pas khyab po zhe na/ sgra mi rtag pa chos can/ sgra mi rtag par sgrub pa'i rtags yang dag gang zag gi bdag med du sgrub dgos kyi phyi rgol de'i tshad mas ma grub par thal/ de'i ngor sgra mi rtag par sgrubs pa'i gzhan don bsgrub bya yang dag yin pa'i phyir/ de der thal/ rgol ba de'i ngor de sgrub kyi gzhan don bsgrub bya yang dag yod pa'i phyir/ der thal/ de'i dor de sgrub kyi rtags yang dag yod pa'i phyir/ der thal/ de'i ngor de sgrub kyi gtan tshigs yang dag bdag med du sgrub pa'i shes 'dod chos can skyon med yod pa'i phyir/ rtsa bar 'dod mi nus te/ rgol ba des sgra mi rtag par sgrub pa'i rtags yang dag tshad mas nges pa'i phyir/ dpal ldan chos kyi grags pa'i ngor snga rgol yang dag dang/ phyi rgol yang dag med par thal/ de'i ngor sgrub byed yang dag dang bsgrub bya yang dag med pa'i phyir/ rtags khas/ 'dod na/ de'i ngor rang gzhan gyi rgol ba med par thal lo rgol ba de la bsgrub bya yang dag yin na/ rgol ba de'i tshad mas ma grub pas khyab ce na/ mi rtag pa chos can/ tshur mthong gi tshad mas ma grub par thal/ tshur mthong la khyod bsgrub bya yang dag yin pa'i phyir/ de der thal; tshur mthong la mi rtag pa bsgrub bya yang dag yin pa'i phyir/ chos kyi grags pa la bsgrub bya yang dag med par thal/ de la bsgrub bya yang dag yin na/ de'i tshad mas ma grub dgos pa'i phyir/ rtags dngos @022a @#/ /'dod na/ yod par thal/ de la skyes pa dang mi rtag pa'i tshogs don bsgrub bya yang dag yin pa'i phyir/ de sgrub kyi bsgrub bya yang dag yin na/ de sgrub kyi phyi rgol gyi tshad mas ma nges pas khyab par 'dod pa dang/ chos de la mngon sum yin na/ chos de la tshad ma yin pas khyab par 'dod pa nang 'gal te/ 'di ltar sgra mi rtag pa chos can/ sgra mi rtag par sgrub dgos kyi tshad mas nges par thal/ de'i rgyud kyi sgra 'dzin mngon sum de khyod la tshad ma yin pa'i phyir/ re zhig song mod/ de'i rgyud kyi sgra 'dzin mngon sum chos can/ sgra'i mi rtag pa la tshad mar thal/ de la mngon sum yin pa'i phyir/ khyab gsal khas/ rtags grub par thal/ de phyir dngos po mthong ba yi/ /zhes pa'i don grub pa'i phyir/ gzhan yang/ phyi rol don gyi khyad par du byas pa'i sems tsam pa'i bstan bcos chos can/ sems tsam pa'i tshad mas ma grub par thal/ sems tsam pa'i ngor bsgrub bya yang dag yin pa'i phyir/ rtags khyab khas/ 'dod na/ sems tsam pas rtogs par thal/ de'i bstan bcos yin pa'i phyir/ gzhan yang brjod par bya ba mangs ste/ sngar gyi rigs pa la brtags te khong du chud par 'gyur ro/ / de sgrub kyi gzhan don bsgrub bya yang dag yin na/ de sgrub kyi sgrub byed du bkod bzhin pa min pa dgos so zhe na/ sbyor ba skor cig gi sgrub byed du bkod bzhin pa yin na/ sbyor ba skor cig gi bsgrub bya ma yin gos par thal; sgra mi rtag par sgrub pa'i bsgrub bya yang dag yin na/ sgra mi rtag par sgrub pa'i sgrub byed min dgos pa'i phyir/ 'dod na/ sgra mi rtag pa chos can/ sgra mi rtag pa'i rtags kyis sgra mi rtag par sgrub pa'i sgrub byed du bkod bzhin @022b pa min par thal/ sbyor ba skor cig po de'i bsgrub bya yin pa'i phyir/ de sgrub kyi gzhan don sgrub bya yang dag yin na tshad mas ma bsal ba dgos so zhe na/ 'khri tshul 'di ltar/ don byed nus na mi rtag pas khyab pa dang/ yang pa'i tshogs don chos can/ tshad mas khyod ma bsal bar thal/ gzhan don bsgrub bya yang dag yin pa'i phyir/ khyab pa khas/ 'dod na/ tshad mas khyod grub par thal/ tshad mas khyod ma bsal ba'i phyir/ 'dod na/ khyod yod par thal; tshad mas khyod grub pa gang zhig /de yin na khyod yod dgos pa'i phyir/ 'dod na/ shes bya chos can/ mi rtag par thal/ tshad mas don byed nus pa'i phyir/ 'khor gsum/ sbyor ba skor cig gi gzhan don bsgrub bya yang dag yin na/ tshad mas ma bsal ba dgos par thal/ gzhan don bsgrub bya yang dag yin na tshad mas ma bsal ba dgos pa'i phyir/ rtags khas/ 'dod na/ rjes dpag tshad ma de rjes dpag tshad mar sgrub pa'i gzhan don bsgrub bya yang dag ma yin par thal/ sgra mi rtag par rtogs pa'i rjes dpag tshad ma de gsar du mi slu ba'i rig pa'i rtags kyis sgra mi rtag par rtogs pa'i rjes dpag tshad mar sgrub pa'i gzhan don bsgrub bya yang dag ma yin pa'i phyir/ ma grub na/ 'grig /gsar du mi slu ba'i rig pa'i rtags kyis sgra mi rtag rtogs kyi rjes dpag chos can/ khyod yod par thal/ khyod tshad mar sgrub pa'i gzhan don bsgrub bya yang dag yin pa'i phyir/ ma grub na/ 'grig /sgra mi rtag par rtogs pa'i rjes dpag tshad ma chos can/ gsar du mi slu ba'i rig pa'i rtags kyis sgra mi rtag rtogs kyi rjes dpag tshad mar sgrub pa'i gzhan don bsgrub @023a @#/ /bya yang dag tshad mas ma bsal bar thal/ gsar du mi slu ba'i rig pa'i rtags kyis sgra mi rtag par rtogs pa'i rjes dpag tshad mar sgrub pa'i gzhan don bsgrub bya yang dag yin pa'i phyir/ rtags gsal dngos/ khyab pa dngos dang 'dra/ gzhan yang/ tshad mas dmigs pa'i rtags kyis bum pa mtshon byar sgrub pa'i gtan tshigs yang dag yod par rtogs pa'i rjes dpag tshad ma de/ tshad mas dmigs pa'i rtags kyis bum pa mtshon byar sgrub pa'i gtan tshigs yang dag yod par rtogs pa'i rjes dpag tshad mar sgrub pa'i gzhan don bsgrub bya yang dag yin par thal/ tshad mas dmigs pa de bum pa mtshon byar sgrub pa'i gtan tshigs yang dag yod par sgrub pa'i rtags yang dag yin pa'i phyir/ 'dod na/ 'grig /tshad mas dmigs pa'i rtags kyis sgra mi rtag par rtogs pa'i rjes dpag tshad ma yod par thal/ de'i rtags kyis bum pa mtshon byar sgrub pa'i gtan tshigs yang dag yod par rtogs pa'i rjes dpag tshad ma yod pa'i phyir/ re zhig der thal/ de'i rtags kyis rjes dpag tshad mar sgrub pa'i bsgrub bya yod pa'i phyir/ der thal/ de'i rtags kyis bum pa mtshon byar sgrub pa'i rtags yang dag yod par rtogs pa'i rjes dpag tshad mar sgrub pa'i bsgrub bya yang dag yod pa'i phyir/ der thal/ de'i rtags kyis bum pa mtshon byar sgrub pa'i gtan tshigs yang dag yod par rtogs pa'i rjes dpag tshad ma yod pa'i phyir/ ma grub na/ de chos can/ yod par thal/ tshad mas dmigs pa'i rtags kyis bum pa mtshon byar sgrub pa'i rtags yang dag yod par rtogs pa'i rjes dpag tshad mar sgrub @023b pa'i gzhan don bsgrub bya yang dag yin pa'i phyir/ 'khor gsum/ tshad mas dmigs pa'i rtags kyis bum pa mtshon byar sgrub pa'i gtan tshigs yang dag chos can/ khyod yod par thal/ khyod yod par rtogs pa'i rjes dpag tshad ma yod pa'i phyir/ rtag dngos/ 'dod na/ lto ldir ba chos can/ mtshon byar thal/ tshad mas dmigs pa'i phyir/ 'khor gsum/ gang zag gi bdag tu 'dzin pa'i rtog pa log shes chos can/ khyod la tshad mas mi gnod par thal/ khyod gzhan don bsgrub bya yang dag yin pa'i phyir te/ gang zag gi bdag 'dzin rtog pa log shes su sgrub pa'i gzhan don bsgrub bya yang dag yin pa'i phyir/ rtsa khyab khas/ 'dod na/ khyod la tshad mas gnod par thal/ khyod la gang zag gi bdag med rtogs pa'i tshad mas gnod pa'i phyir te/ khyod gang zag gi bdag 'dzin yin pa'i phyir/ zhes pa rnams ni 'khri tshul tsam yin la/ 'di ltar yang brjod de/ dam bca' yang dag yin na; rang gi zhen don tshad mas grub mi dgos par thal/ lung rnam dag yin na/ rang gi bstan bya'i gtso bo la tshad mas mi gnod pas ma khyab pa'i phyir/ ma grub na/ gang zag gi bdag 'dzin la tshad mas gnod pa 'bud/ rjes dpag gi gzhal bya la yod pas ma khyab par thal/ bsgrub bya yang dag la yod pas ma khyab pa'i phyir/ 'dod na/ rjes dpag log shes su thal/ 'dod pa'i phyir/ sbyor ba 'god tshul mkhas pa'i dbang po kha cig / gzhan don bsgrub bya'i mtshan nyid 'chad pa'i tshig zur du ngo bo la sogs pa'i tshig dang po bzhi smos pa chos can/ dgos pa yod de/ rnam bcad dang yongs gcod kyi dgos pa yod pa'i phyir zhes gsungs pa ni/ @024a @#/ /'di don shin tu 'gril ba'i legs bshad yin la/ gzhan dag phrag dog gis 'gog pa ni/ wa skyes seng chen la 'gran pa dang mtshungs pa kho na'o/ /'khri tshul 'di ltar brjod de/ tshad ma'i mtshan nyid 'chad pa'i tshig zur du/ mi slu ba zhes pa'i tshig dang po smos pa chos can/ dgos pa yod de/ rnam bcad yongs gcod kyi dgos pa yod pa'i phyir zhes pa tshad ma slu med can shes pa/ zhes pa'i don sbyor rnam dag tu thal/ sngar gyi sbyor ba 'thad pa'i phyir/ 'dod mi nus par thal/ de ltar rgya bod kyi mkhas pa sus kyang ma bshad cing rang nyid kyang mi bzhed pa'i phyir ro/ / ! de ni ltos nas chos dag dang/ zhes sogs kyi skabs su/ 'gal rtags kyi mtshan nyid/ de sgrub kyi phyogs chos gang zhig /de sgrub kyi khyab pa phyin ci log tu nges pa dang/ khyod de sgrub kyi phyogs chos gang zhig /khyod kyi rtags kyi de sgrub kyi rjes khyab phyin ci log tu nges pa dang/ gang zhig /khyod kyi rtags kyi de sgrub kyi khyab pa'i tshul gnyis phyin ci log tu nges pa dang/ khyod de sgrub la phyogs chos can du song ba'i gang zag gis khyod kyi rtags kyi de sgrub kyi rjes khyab phyin ci log tu nges pa dang/ de sgrub kyi bsgrub bya phyin ci log tu sgrub pa'i tshul gsum du dmigs pa dang/ de sgrub kyi phyogs chos can gyi rtags ltar snang gang zhig /de sgrub kyi ma nges pa'i gtan tshigs min pa zhes zer na tshad ma chos can/g sar du mi slu ba'i rig pa rtag dngos su sgrub pa'i 'gal rtags su thal/ de sgrub kyi phyogs chos gang zhig /de sgrub kyi rjes khyab phyin ci log tu nges pa'i phyir/ 'dod na/ min par thal/ de sgrub kyi thun mong min pa'i ma nges pa'i gtan tshigs yin pa'i phyir/ @024b yang gsar du mi slu ba'i rig pa chos can/ tshad ma rtag dngos su sgrub pa'i mtshon bya der thal/ mtshan nyid de'i phyir/ de der thal/ gsar du mi slu ba'i rig pas tshad ma rtag dngos su sgrub pa'i rjes khyab phyin ci log tu rtoT pa'i phyir te/ des de med par rtogs pa'i phyir/ log shes chos can/ sgra rtag 'dzin rtog pa rtag par sgrub pa'i mtshan nyid der thal/ mtshon bya de'i phyir/ 'dod na/ de chos can/ sgra rtag 'dzin gyi rtog pa rtag par sgrub pa'i rjes khyab med par rtogs pa yin par thal/ khyod kyis de sgrub kyi rjes khyab phyin ci log tu nges pa ni gang zhig /des na de ltar rtogs dgos pa'i phyir/ kha cig na re/ byas pa chos can/ sgra rtag par sgrub pa'i mtshan nyid gsum pa de yin par thal/ de sgrub kyi 'gal rtags yin pa'i phyir/ 'dod na/ rtag pa ma yin na/ byas pa min pas khyab pa phyin ci log tu nges par thal/ 'dod pa'i phyir/ 'dod na/ rtag pa min na/ byas pa yin pas khyab pa rnal mar nges par thal/ 'dod pa'i phyir/ 'dod na/ ri bong gi rwa chos can/ byas par thal/ rtag pa min pa'i phyir zhe na/ byas pa chos can/ khyod kyi rtags kyis sgra rtag pa ma yin par sgrub pa'i ldog khyab rnal mar ma nges par thal/ khyod kyi rtags kyis sgra rtag par sgrub pa'i ldog khyab phyin ci log tu ma nges pa'i phyir/ 'dod na/ rjes 'gro rkyang pa can gyi rtags yang dag yod par thal/ 'dod pa'i phyir/ rtag pa min na byas pa min pas khyab pa de/ byas pa'i rtags kyis sgra rtag par sgrub pa'i ldog khyab yin par thal/ sbyor ba skor cig po de'i ldog khyab phyin ci log tu nges na/ rtag pa min na/ byas pa yin pas khyab pa phyin ci log tu @025a @#/ /nges dgos pa'i phyir/ rtags dngos/ 'dod na/ rtag na ma byas pa'i khyab pa de/ byas pa'i rtags kyis sgra rtag pa ma yin par sgrub pa'i ldog khyab yin par thal/ 'dod pa'i phyir/ 'dod na/ shes bya chos can/ rtag pa ma yin par thal/ rtag na ma byas pas khyab pa'i phyir/ rtags yod chos gsum tshang ba chos can/ mtshon bya min pa mtshon bya ma yin par sgrub pa'i 'gal rtags su thal/ mtshon bya ma yin pa mtshon bya yin par sgrub pa'i rtags yang dag yin pa'i phyir/ khyab pa khas/ 'dod mi nus te/ de sgrub kyi ma grub pa'i gtan tshigs yin pa'i phyir/ sgra mi rtag par sgrub par byed pa'i phyogs chos can gyi gtan tshigs ltar snang gang zhig /sgra mi rtag par sgrub par byed pa'i ma nges pa'i gtan tshigs yin pa chos can/ byas pa khyod min par thal/ byas pa khyod yin pa ma yin pa'i phyir/ ma grub na/ byas pa chos can/ sgra mi rtag par sgrub par byed pa'i phyogs chos can gyi gtan tshigs ltar snang gang zhig /sgra mi rtag par sgrub par byed pa'i ma nges pa'i gtan tshigs ma yin pa min par thal/ sgra mi rtag par sgrub par byed pa'i 'gal rtags ma yin pa'i phyir/ khyab gsal snga ma'i rtsa rtags dang bcas pa khas blangs so/ /bum pa chos can/ gser bum yod med gang rung ma yin par sgrub pa'i 'gal rtags su thal/ de sgrub kyi phyogs chos can gyi gtan tshigs ltar snang gang zhig /de sgrub kyi ma nges pa'i gtan tshigs ma yin pa'i phyir/ de sgrub kyi ma nges pa'i gtan tshigs ma yin par thal/ de sgrub kyi thun mong ma yin pa'i ma nges pa'i gtan tshigs kyang min/ @025b thun mong ba'i ma nges pa'i gtan tshigs kyang ma yin pa'i phyir/ dang po grub par thal/ de gser bum gyi spyi yin pa'i phyir/ rtags gnyis pa grub par thal/ de sgrub kyi dngos ma nges kyi gtan tshigs kyang min/ lhag ldan gyi gtan tshigs kyang ma yin pa'i phyir/ rtags dang po grub par thal/ de gser bum yod med gang rung du sgrub pa'i dngos ma nges kyi gtan tshigs ma yin pa'i phyir/ de de sgrub kyi dngos ma nges kyi gtan tshigs ma yin par thal/ de de ltar grub pa'i mthun phyogs kho na la yod mi mthun phyogs la med pa'i phyir/ bum pa de gser bum yod med gang rung ma yin par sgrub pa'i lhag ldan gyi gtan tshigs ma yin par thal/ de de ltar sgrub pa'i yang dag lhag ldan gyi ma nges pa'i gtan tshigs kyang ma yin/ de ltar sgrub pa'i 'gal ba lhag ldan gyi gtan tshigs kyang ma yin pa'i phyir/ der thal/ de de ltar sgrub pa'i mthun phyogs kho na la gtan nas med cing/ mi mthun phyogs kho na la yod pa'i phyir/ rtsa bar 'dod na/ bum pa chos can; gser bum yod med gang rung yin par sgrub pa'i rtags yang dag tu thal/ gser bum yod med gang rung ma yin par sgrub pa'i 'gal rtags yin pa'i phyir/ 'dod na/ de sgrub kyi rtags yang dag ma yin par thal/ de sgrub kyi tshul gsum tshad mas nges pa'i gang zag yin na/ de sgrub kyi bsgrub bya tshad mas nges pa'i gang zag yin dgos pa'i phyir te/ de yin na yod med dngos 'gal du nges shing/ gser bum la blo kha phyogs pa'i gang zag yin dgos/ yod med dngos 'gal du nges shing/ gser bum la blo kha phyogs pa'i gang zag yin na/ gser bum yod med gang rung du nges pa'i gang zag yin dgos pa'i phyir/ bum pa de gser bum yod med gang rung du sgrub pa'i phyogs chos @026a @#/ /min zhe na/ de de yin par thal/ bum pa tshad mas nges pa'i gang zag yin na/ bum pa yod med gang rung du tshad mas nges pa'i gang zag yin mi dgos pa'i phyir/ der thal/ yod min med min gyi lta ba la gnas pa'i gang zag gi rgyud la bum 'dzin dbang po'i mngon sum tshad ma yod/ de bzhin du byas ba'i rgyu de byas pa'i nyer len rtag par sgrub pa'i 'gal rtags su thal ba dang/ bu ram gyi ro da ltar ba de/ kha nang bu ram gong bu'i steng du bur gzugs med par sgrub pa'i 'gal rtags su thal ba sogs kyi gnod byed brjod tshul sngar gyi 'gal rtags kyi mtshan nyid dang/ ma nges pa'i gtan tshigs kyi rnam gzhag phal cher nang 'gal 'byung bar snang bas zhib tu brtags te shes par bya'o/ /de sgrub kyi phyogs chos gang zhig /khyod kyi rtags kyis rjes khyab phyin ci log tu nges pa/ /khyod de ltar sgrub pa'i 'gal rtags yin pa'i mtshan nyid/ chos de gzhi de yin par sgrub pa'i phyogs chos gang zhig /chos de gzhi de ma yin par sgrub pa'i rjes khyab tu dmigs pa/ chos de gzhi de yin par sgrub pa'i 'gal rtags kyi mtshan nyid ce na/ mi 'jags pa'i chos sgra rtag par sgrub pa'i rjes khyab tu 'dod pa dang nang 'gal te/ byas pa'i rgyu de/ byas pa'i nyer len rtag mi rtag gang rung yin par sgrub pa'i rjes khyab dang/ mnyan bya de sgra'i ldog pas khyad par du byas pa'i sgra mi rtag par sgrub pa'i rjes khyab tu thal dam bca' gnyis pa rigs pa'i phyir/ 'dod na/ mnyan bya de/ sgra'i ldog pas khyad par du byas pa'i sgra rtag par sgrub pa'i 'gal rtags dang/ mi rtag par sgrub pa'i rtags yang dag tu thal/ 'dod pa'i phyir/ 'dod na/ mnyan bya sgra rtag par sgrub pa'i 'gal rtags dang/ mi rtag par sgrub pa'i rtags yang dag tu thal/ 'dod pa'i phyir/ @026b snga ma la yang/ byas pa'i rgyu byas pa'i nyer len rtag par sgrub pa'i 'gal rtags dang/ mi rtag par sgrub pa'i rtags yang dag tu thal/ byas pa'i rgyu de/ byas pa'i nyer len rtag mi rtag gang rung yin par sgrub pa'i rjes khyab yin pa'i phyir/ byas pa chos can/ khyod sgra mi rtag par sgrub pa'i thun mong ma yin pa'i ma nges pa'i gtan tshigs yod par rtogs pa'i tshad ma rtag par sgrub pa'i phyogs chos gang zhig khyod kyi rtags kyi de sgrub kyi rjes khyab phyin ci log tu nges par thal/ khyod byas pa dang gcig yin pa'i phyir/ 'dod na 'grig /byas pa'i rtags kyis sgra mi rtag par sgrub pa'i thun mong ma yin pa'i ma nges pa'i gtan tshigs yod par rtogs pa'i tshad ma chos can/ byas pa de khyod rtag par sgrub pa'i 'gal rtags ma yin par thal/ khyod med pa'i phyir/ 'dod na 'grig /byas pa chos can/ khyod khyod kyi rtags kyis sgra mi rtag par sgrub pa'i thun mong min pa'i ma nges pa'i gtan tshigs yod par rtogs pa'i tshad ma rtag par sgrub pa'i 'gal rtags su thal/ khyod sgra mi rtag par sgrub pa'i thun mong ma yin pa'i ma nges pa'i gtan tshigs yod par rtogs pa'i tshad ma rtag par sgrub pa'i phyogs chos gang zhig /khyod kyi rtags kyis de sgrub kyi rjes khyab phyin ci log tu nges pa'i phyir/ 'khor gsum/ chos de gzhi der sgrub pa'i phyogs chos yod na/ chos de gzhi de ma yin par sgrub pa'i rjes khyab yod dgos par thal/ mtshan nyid gnyis pa 'thad pa'i phyir/ 'dod na/ bum pa shes bya ma yin par sgrub pa'i rjes khyab yod par thal/ bum pa shes bya yin par sgrub pa'i phyogs chos yod pa'i phyir/ khyab pa khas so/ /grangs can gyis sangs rgyas pa'i ngor mig sogs chos can/ gzhan don byed de/ 'dus @027a @#/ /bsags yin pa'i phyir zhes bkod pa'i tshe/ gdags gzhi dang bcas te shes bya nyi shu rtsa bzhi 'dus bsags kyi rtags kyis mig sogs gzhan don byed par sgrub pa'i shes 'dod chos can skyon med yin zhing; 'dus zhing bsags pa de mig sogs gzhan don byed par sgrub pa'i 'gal rtags yin te/ de de sgrub kyi zhe 'dod kyi 'gal rtags yin pa'i phyir te/ de mig sogs gang zag gi bdag gi don byed par sgrub pa'i 'gal rtags kyi pa'i phyir/ khyab ste/ mig sogs gang zag gi bdag g don byed pa de grangs can gyi 'dod yul gyi bsgrub bya yin pa'i phyir zhe na/ gdags gzhi dang bcas te shes bya nyi shu rtsa bzhi po de 'dus bsags yin par grangs can gyi tshad mas nges par thal/ grangs can gyis sangs rgyas pa'i ngor mig sogs gzhan don byed par sgrub pa la 'dus bsags rtags su bkod pa'i tshe/ gdags gzhi dang bcas te shes bya nyi shu rtsa bzhi po de 'dus bsags kyi rtags kyis mig sogs gzhan don byed par sgrub pa'i shes 'dod chos can skyon med de yin pa gang zhig /'dus bsags kyi rtags kyis mig sogs gzhan don byed par sgrub pa'i phyogs chos grangs can gyis tshad mas nges pa'i phyir/ rtags rnams khas/ 'dod mi nus par thal/ gdags gzhi dang bcas te shes bya nyi shu rtsa bzhi po de/ rdul 'dus shing bsags pa ma yin pa gang zhig /de rnams skad cig ma du ma 'dus shing bsags par grangs can gyi tshad mas ma nges pa'i phyir/ rtags dang po grub par thal/ blo 'am chen po'i gdags gzhi bem po ma yin pa'i phyir te/ gzung rnam bem po ma yin pa'i phyir/ rtags gnyis pa grub par thal/ grangs can @027b gyi sgra skad cig mar tshad mas ma nges pa'i phyir/ grangs can pas sangs rgyas pa la bkod pa'i sngar gyi sbyor ba de chos can/ khyod kyi khyab pa phyin ci log tu nges par thal/ khyod 'gal rtags kyi sbyor ba yin pa'i phyir/ 'dod na; de ma nges par thal/ khyod grangs can gyi zol sbyor yin pa'i phyir/ rtags de grub par thal/ bum pa chos can/ lus sems cha med rdzas gcig pa'i skyes bu'i lus kyi gnyis bcas dang/ bum pa'i gnyis bcas gang rung yin te/ utpal ma yin pa'i dngos po yin pa'i phyir/ dper na/ bum ldan gyi rtsig pa bzhin zhes bkod pa'i rgyang 'phen gyi sbyor ba de rgyang 'phen gyi zol sbyor yin pa'i phyir/ der thal/ de rgyang 'phen gyi gnyis bcas kyi sbyor ba yin pa'i phyir; der thal/ de ltar rigs pas grub cing/ snga rgol gzhan dag gis kyang khas blangs pa'i phyir/ grangs can gyis sangs rgyas pa'i ngor mig sogs gzhan don byed par sgrub pa la 'dus bsags rtags su bkod pa'i tshe mig sogs las gzhan de gang zag gi bdag yin par grangs can zhe bas 'dod par thal/ mig sogs gdags gzhi dang bcas te shes bya nyi shu rtsa bzhi po de/ sbyor ba skor cig po de'i shes 'dod chos can skyon med du grangs can gyis 'dod pa gang zhig /gdags gzhi dang bcas te shes bya nyi shu rtsa bzhi po de las gzhan pa'i shes bya gang zag gi bdag yin par grangs can 'dod pa'i phyir/ rtags dang po khas/ gnyis pa grub par thal/ grangs can gyi lugs la shes bya de la nyi shu rtsa lngar grangs nges par 'dod pa'i phyir/ rtsa bar 'dod na/ mig sogs gzhan don byed pa de mig sogs gang zag gi bdag gi don byed pa yin par grangs can zhe bas 'dod @028a @#/ /par thal/ 'dod pa'i phyir/ 'dod na/ mig sogs gang zag gi don byed pa de/ grangs can pas sangs rgyas pa la bkod pa'i sngar gyi sbyor ba de'i sgra zin gyi 'dod yul gyi bsgrub bya yi par thal/ 'dod pa'i phyir/ 'dod na/ sbyor ba de'i sgras zin gyi khyab pa phyin ci log tu nges par thal/ 'dod pa'i phyir/ 'dod na/ mig sogs chos can/ gzhan don mi byed par thal/ 'dus bsags yin pa'i phyir/ 'khor gsuM grangs can gyis sangs rgyas pa'i ngor de ltar bkod pa'i tshe/ 'dus shing bsags pa de gdags gzhi dang bcas te shes bya nyi shu rtsa bzhi gzhan don byed par sgrub pa'i sgras zin gyi 'gal rtags su thal/ gdags gzhi dang bcas pa'i shes bya nyi shu rtsa bzhi po de gang zag gi bdag gi don byed pa sbyor ba de'i sgras zin gyi bsgrub bya yin par grangs can 'dod pa'i phyir/ khyab gsal khas/ rtags re zhig song/ der thal/ gdags gzhi dang bcas de shes bya nyi shu rtsa bzhi po de rang las gzhan pa'i don byed pa ni/ de rnams kyis gang zag gi bdag gis don byed pa yin par grangs can 'dod pa'i phyir/ rtags gsal dngos/ grangs can gyis sangs rgyas pa'i ngor mig sogs chos can/ gzhan don byed de/ 'dus bsags yin pa'i phyir zhes bkod pa'i tshe/ grangs can gyi sbyor ba de mig sogs gzhan don byed par sgrub pa'i sbyor ba yin par thal/ sbyor ba de mig sogs gang zag gi bdag gi don byed par sgrub pa'i sbyor ba yin pa gang zhig /mig sogs shes bya nyi shu rtsa bzhi las gzhan pa'i shes bya de gang zag gi bdag yin par grangs can bden zhen gyis 'dod pa'i phyir/ rtags dang po dang rtsa ba'i gsal ba dngos grangs @028b can gyi mig sogs gzhan don byed par sgrub pa'i sbyor ba ma bkod par thal/ de ltar bkod pa'i sbyor ba de/ mig sogs gzhan don byed par sgrub pa'i sbyor ba ma yin pa'i phyir/ rtags khas/ 'dod na/ de bkod par thal/ de ltar bkod pa'i sbyor ba de mig sogs bdag don byed par sgrub pa'i sbyor ba yin pa'i phyir/ grangs can gyis mig sogs chos can/ gzhan don byed de/ 'dus bsags yin pa'i phyir zhes bkod pa'i tshe na 'dus bsags chos can/ khyod mig sogs gzhan don byed par sgrub pa'i rtags su bkod par thal/ khyod de sgrub kyi rtags su dngos su bkod pa'i phyir/ khyod de sgrub kyi rtags su dngos su bkod par thal/ khyod de sgrub kyi rtags su sgras zin la bkod pa'i phyir te/ de sgrub kyi sgras zin gyi rtags su bkod pa'i phyir/ gsal ba dang/ rtags phyi ma khas/ sangs rgyas pas dbang shes chos can/ myong byed yod de/ dran shes can gyi shes pa yin pa'i phyir zhes bkod pa'i tshe/ dran shes can gyi shes pa de dbang shes la myong byed yod par sgrub pa'i rtags su ma bkod par thal/ grangs can gyis mig sogs chos can/ gzhan don byed de/ 'dus bsags yin pa'i phyir zhes bkod pa'i tshe/ 'dus bsags de mig sogs gzhan don byed par sgrub pa'i rtags su ma bkod pa'i phyir/ rtags khas/ sangs rgyas pas mig sogs chos can/ gzhan don byed de/ 'dus bsags yin pa'i phyir zhes bkod pa'i tshe/ 'dus bsags de sgrub kyi rtags yang dag yin par thal/ grangs can gyis de ltar bkod pa'i tshe/ de de ltar sgrub pa'i 'gal rtags yin pa'i phyir/ rtags dngos/ 'dod na/ de ltar bkod pa'i@029a @#/ /tshe 'dus bsags chos can/ mig sogs gzhan don byed par sgrub pa'i rtags yang dag ma yin par thal/ mig sogs gzhan don mi byed pa'i phyir/ ma grub na/ ri zhig song/ grangs can gyis de ltar bkod pa'i tshe 'dus bsags chos can/ mig sogs gzhan don mi byed par thal/ mig sogs gzhan don mi byed par sgrub pa'i rtags yang dag yin pa'i phyir/ der thal/ mig sogs gzhan don byed par sgrub pa'i 'gal rtags yin pa'i phyir/ rtags rnams dngos/ sgra mi rtag par tshad mas grub zin ma brjod pa'i rgol ba'i ngor sgra chos can/ mi rtag ste/ byas pa'i phyir zhes bkod pa'i tshe/ byas pa de sgrub kyi phyogs chos su thal/ sangs rgyas pa'i ngor de ltar bkod tshe/ byas pa de sgrub kyi phyogs chos yin pa'i phyir/ der thal/ grangs can gyis sangs rgyas pa'i ngor mig sogs chos can/ gzhan don byed de/ 'dus bsags yin pa'i phyir zhes bkod pa'i tshe de ltar sgrub pa'i phyogs chos yin pa'i phyir/ rtags gsal rnams khas/ grangs can gyis de ltar bkod pa'i tshe/ de de sgrub kyi phyogs chos ma yin par thal/ grangs can gyis sangs rgyas pa'i ngor blo bde chos can; sems med yin te/ mi rtag pa'i phyir zhes bkod pa'i tshe/ de de ltar sgrub pa'i phyogs chos ma yin pa'i phyir/ rtags gsal khas/ gang zag gi bdag yod med the tshom za ba'i sangs rgyas pa'i grub mtha' smra ba bzhi po gang rung yod par thal/ grangs can gyis sangs rgyas pa'i ngor mig sogs chos can/ gzhan don byed de/ 'dus bsags yin pa'i phyir zhes bkod pa'i tshe/ de de ltar sgrub pa'i phyogs chos yin la/ sgra mi rtag par tshad mas grub pa'i gang @029b zag gi ngor/ sgra mi rtag sgrub la byas pa rtags su bkod pa'i tshe/ de de sgrub kyi phyogs chos ma yin pa'i khyad par 'thad pa'i phyir/ rtags khas/ 'dod na/ grub mtha'i rnam bzhag ma chags ba'i rtags yin no/ /mkhas pa'i dbang po 'ga' zhig mig gi sogs khong nas grangs can 'dod pa'i bem po nyi shu rtsa bzhi 'don la/ bem po nyi shu rtsa bzhi po de sbyor ba skor cig po de'i shes 'dod chos can skyon med yin no zhes gsungs/ mkhas pa gzhan dag/ mig gi sogs khongs nas/ dbang po lhag ma rnams kho na 'dzin pa yin no/ zhes gsungs/ grangs can gyis shes bya nyi shu rtsa drug khas len par thal/ mig gi sogs khong nas bem po nyi shu rtsa bzhi 'don pa rigs pa'i phyir/ 'dod na/ shes bya nyi shu rtsa lnga kho na'i grangs nges 'dod pa 'bud/ grangs can 'dod pa'i mtshan nyid lnga ldan gyi gtso bo 'dus bsags su thal/ grangs can 'dod pa'i bem po nyi shu rtsa bzhi po 'dus shing bsags pa yin pa'i phyir; rtags khas/ 'dod na/ mtshan nyid lnga ldan gyi gtso bo yod par thal lo/ /mig kho na grang can gyi sbyor ba de'i shes 'dod chos can yin pa la gnod byed med par thal/ dbang po gzugs can lnga po kho na grangs can gyi sbyor ba de'i shes 'dod chos can skyon med yin pa'i phyir/ mdor na/ grangs can gyis sangs rgyas pa'i ngor mig sogs chos can/ gzhan don byed de/ 'dus bsags yin pa'i phyir zhes bkod pa'i tshe sogs khong nas shes bya nyi shu rtsa bzhi sogs 'don pa dang/ 'dus bsags de sgrub kyi 'gal rtags su 'dod pa dang/ rgol phyi rgol la stos te ma grub pa'i gtan tshig kyi rnam gzhag gsungs pa sgra ji bzhin du zhal gyis bzhes pa sogs @030a @#/ /ni shin tu dka' bar snang bas dpyad par bya'o/ /grangs can gyis de ltar bkod pa'i tshe mig sogs las gzhan gang zag gi bdag la byed par grangs can gyi thun mong min pa'i lugs yin par thal lo/ /mi 'dod pa 'am 'bras med 'gyur/ /zhes sogs kyi don ni/ mig sogs gzhan tsam gyi don byed par sgrub na dgos nus med pa'i skyon du 'gyur zhes pa'o/ /tsam sgra'i don ni/ grangs can gyis btags pa'i mig sogs las gzhan 'gog pa'o; ;de sgrub kyi 'gal rtags yin na/ de sgrub kyi chos kyi ngo bo sgrub pa'i 'gal rtags yin pas khyab/ de sgrub kyi rtags yang dag yin na yang/ de sgrub kyi chos kyi ngo bo sgrub pa'i rtags yang dag yin pas khyab ce na/ 'khri tshul 'di ltar/ byas pa chos can/ rtag pa sgrub pa'i 'gal rtags yin par thal/ sgra rtag par sgrub pa'i chos kyi ngo bo sgrub pa'i 'gal rtags yin pa'i phyir/ rtags khas/ gal te/ de de sgrub kyi chos kyi ngo bo sgrub pa'i 'gal rtags yin par thal/ de sgra'i steng du de sgrub kyi chos kyi ngo bo sgrub pa'i 'gal rtags yin pa'i phyir zhe na/ rtag pa sgrub pa'i 'gal rtags su thal/ sgra'i steng du rtag pa sgrub pa'i 'gal rtags yin pa'i phyir/ shes bya chos can/ sgra rtag pa sgrub pa'i chos kyi ngo bo yin par thal/ rtag pa yin pa'i phyir/ ma khyab na/ sgra rtag par sgrub pa'i 'gal rtags yin na/ sgra rtag par sgrub pa'i chos kyi ngo bo sgrub pa'i 'gal rtags yin par 'bud/ skad cig ma ma yin pa'i chos chos can/ nam mkha'i steng du sgra rtag par sgrub pa'i chos kyi ngo bo sgrub pa'i rtags yang dag yin par thal/ nam mkha'i steng du rtag pa sgrub pa'i rtags yang dag yin pa'i phyir/ khyab pa yod par @030b thal; sgra'i steng du rtag pa sgrub pa'i 'gal rtags yin na sgra rtag par sgrub pa'i chos kyi ngo bo sgrub pa'i 'gal rtags yin dgos pa'i phyir ro/ rtags dang rtsa khyab khas/ 'dod na/ sgra rtag par sgrub pa'i chos kyi ngo bo sgrub pa'i rtags yang dag yod par thal/ 'dod pa'i phyir/ 'khri tshul ni/ sgra chos can/ ma byas par thal/ rtag pa yin pa'i phyir zhes pa'i thal 'gyur gyi gtan tshigs grub par thal/ rtag pa thal gyur de'i gtan tshigs yin pa'i phyir zhes brjod pa rnams ni mtshungs pa kho na yin la/ bum pa rtag par dam pa bcas pa'i dam bca'i chos kyi ngo bo yod par thal/ rtag pa dam bca' de'i chos kyi ngo bo yin pa'i phyir/ rtag pa tshad mas bsal bar thal/ dam bca' de chos kyi ngo bo tshad mas bsal ba'i dam bca' yin pa'i phyir zhes sngar sun 'byin brjod do/ de sgrub kyi 'gal rtags bzhi po gang rung yin na/ de sgrub kyi 'gal rtags yin pas khyab bo zhe na/ sgra rtag pa chos can sgra rtag ste/ byas pa'i phyir zhes rtags su bkod pa'i tshe/ byas pa chos can/ de sgrub kyi 'gal rtags yin par thal/ de sgrub kyi chos kyi ngo bo sgrub pa'i 'gal rtags dang chos can gyi ngo bo sgrub pa'i 'gal rtags yin pa'i phyir te; sgra rtag par sgrub pa'i 'gal rtags yin pa'i phyir/ khyab ste/ sgra rtag pa de/ de sgrub kyi chos kyi ngo bo dang chos can gyi ngo bo yin pa'i phyir/ byas pa chos can/ bum pa sgra rtag pa bum pa rtag par sgrub pa'i 'gal rtags su thal/ de sgrub kyi chos kyi khyad par sgrub pa'i 'gal rtags dang/ de sgrub kyi chos can gyi khyad par sgrub pa'i 'gal rtags yin pa'i phyir te/ sgra rtag par sgrub pa'i 'gal rtags yin pa'i phyir/ khyab ste/ @031a @#/ /sgra rtag pa de/ de sgrub kyi chos kyi khyad par dang chos can gyi khyad par du gzung ba'i phyir/ gzhan yang/ de sgrub kyi chos can gyi ngo bo sgrub pa'i rtags yang dag yin na/ de sgrub kyi 'gal rtags ma yin pas khyab bo zhe na/ byas pa chos can/ sgra mi rtag pa gang zag gi bdag bcas su sgrub pa'i 'gal rtags ma yin par thal/ sgra mi rtag pa gang zag gi bdag bcas su sgrub pa'i chos can gyi ngo bo sgrub pa'i rtags yang dag yin pa'i phyir te/ sgra mi rtag par sgrub pa'i rtags yang dag yin pa'i phyir/ gzhan yang/ de sgrub kyi chos can gyi ngo bo sgrub pa'i 'gal rtags yin na/ de sgrub kyi rtags yang dag ma yin pas khyab bo zhe na/ blo'i yul du bya rung chos can/ bum pa shes bya ma yin pa de gang zag gi bdag med du sgrub pa'i rtags yang dag ma yin par thal/ bum pa shes bya ma yin pa gang zag gi bdag med du sgrub pa'i chos can gyi ngo bo sgrub pa'i 'gal rtags yin pa'i phyir/ khyab pa khas so/ kho na re/ don byed nus pa chos can/ sgra rtag dngos su sgrub pa'i chos kyi khyad par sgrub pa'i 'gal rtags yin te/ sgra rtag par sgrub pa'i 'gal rtags yin pa'i phyir/ de sgrub kyi chos kyi khyad par sgrub pa'i rtags yang dag yin te/ sgra dngos por sgrub pa'i rtaT yang dag yin pa'i phyir zhe na/ don byed nus pa chos can/ de'i chos kyi khyad par sgrub pa'i rtags ltar snang yin par thal/ de'i chos kyi khyad par sgrub pa'i 'gal rtags yin pa'i phyir/ 'dod na/ de'i chos kyi khyad par sgrub pa'i tshul gsuM ma yin par thal/ 'dod pa'i phyir/ 'dod na/ yin par thal/ de'i chos kyi khyad par sgrub pa'i rtags yang dag yin pa'i phyir/ 'khor gsum/ don byed nus pa chos can/ bum pa rtag pa dang/ dngos po gang rung du sgrub pa'i 'gal rtags su thal/ bum pa rtag dngos su sgrub pa'i @031b chos kyi khyad par sgrub pa'i 'gal rtags yin pa'i phyir/ 'dod na/ bum pa chos can/ rtag pa dang dngos po gang rung ma yin par thal/ don byed nus pa'i phyir/ 'khor gsum/ ! ma yin te/ rtags kun rang gi bsgrub bya la/ skyon dang yon tan dpyad phyir ro/ /zhes pa'i skabs su/ byas pa chos can/ sgra rtag pa nam mkha'i yon tan la gnod kyang/ sgra mi rtag par sgrub pa'i gtan tshigs skyon can ma yin te/ de lta na yang sgra mi rtag par sgrub nus kyi tshul gsum yin pa'i phyir/ khyab ste/ rang gi bsgrub bya bsgrub par nus pa'i gtan tshigs de/ gtan tshigs yon tan can gyi mtshan nyid dang/ de ltar mi nus pa'i gtan tshigs de/ gtan tshigs skyon can gyi mtshan nyid yin pa'i phyir zhe na/ sgra chos can/ /ma byas par thal/ rtag pa yin pa'i phyir zhes pa'i thal 'gyur chos can/ rang gi bsgrub bya sgrub par nus par thal/ gtan tshigs yon tan can yin pa'i phyir/ khyab pa khas/ 'dod na/ mi nus par thar/ rang gi bsgrub bya tshad mas bsal ba'i phyir te/ rang rgyud 'phen pa'i thal 'gyur yang dag yin pa'i phyir zhes gsungs shing/ rang gi gzhal bya la gsar du mi slu ba'i rig pa tshad ma'i mtshan nyid/ dpyad pa gsum gyis dag pa'i lung de/ spyin pas longs spyod khrims kyi bde/ /zhes pa'i lung rang gi bstan bya rtogs pa'i tshad ma snga ma sngon du song bar sgrub pa'i rtags yang dag yin zhes gsungs/ rang gi gzhal bya la gsar du mi slu ba'i rig pa chos can/ tshad ma yod na khyod yod pas khyab par thal/ khyod tshad ma'i mtshan nyid yin pa'i phyir/ dpyad pa gsum gyi dag pa'i lung chos @032a @#/ /can; rang gi bsnyan don rtogs pa'i tshad ma snga ma med na khyod med dgos par thal/ spyin pas longs spyod khrims gyis bde/ zhes pa'i lung rang gi bstan don rtogs pa'i tshad ma snga ma sngon du song bar sgrub pa'i rtags yang dag yin pa'i phyir/ 'dod na 'grig /sgra 'dzin rtog pa chos can/ rang gi gzhal bya med par thal/ log shes yin pa'i phyir/ ma khyab na/ rang rgyud 'phen pa'i thal 'gyur yang dag yin na/ rang gi bsgrub bya tshad mas bsal bar 'bud/ 'dod na/ de chos can/ rang gi gzhal bya yod par thal/ rang gi gzhal bya rtogs pa'i tshad ma yod pa'i phyir te/ rang gi gzhal bya la gsar du mi slu pa'i rig pa yod pa'i phyir te/ tshad ma yod pa'i phyir/ sgra rtag ston gyi lung chos can/ rang gi bstan don rtogs pa'i tshad ma med par la/ /lung ltar snang yin pa'i phyir/ khyab pa khas/ 'dod na/ yod par thal/ dpyad gsum gyis dag pa'i lung yin pa'i phyir/ 'khor gsum/ byas pa chos can/ sgra rtag par sgrub nus kyi gtan tshigs yin par thal/ sgra rtag par sgrub pa'i gtan tshigs yon tan can yin pa'i phyir te/ de sgrub kyi phyogs chos yin pa'i phyir/ khyab ste/ de sgrub kyi phyogs chos de sgrub kyi gtan tshigs yon tan can yin pa'i phyir te/ de sgrub kyi rgol ba skyon can yin na/ de sgrub kyi rgol ba yon tan can ma yin dgos par thal/ de sgrub kyi gtan tshigs skyon can yin na/ de sgrub kyi gtan tshigs yon tan can ma yin dgos pa'i phyir zhe na/ sgra rtag par sgrub pa'i ma grub pa'i gtan tshigs @032b de de sgrub kyi rtags skyon du thal/ de sgrub kyi phyogs chos de sgrub kyi gtan tshigs yon tan can yin pa'i phyir/ rtags khas/ sgra rtag pa chos can/ sgra rtags par sgrub pa'i phyogs yon tan can du thal/ de sgrub kyi phyogs su bkod pa gang zhig de sgrub kyi phyi rgol gyis tshad mas ma grub pa'i phyir/ ma khyab na/ /sgra rtag par sgrub pa'i phyogs chos yin na/ de sgrub kyi gtan tshigs skyon can yin dgos par 'bud; rgol ba skyon can yin na/ rgol ba yon tan can ma yin dgos par thal/ rtags dngos med par sgrub pa'i gtan tshigs yin na/ de sgrub kyi gtan tshigs yon tan can ma yin dgos pa'i phyir/ khyab pa khas; de sgrub kyi gtan tshigs skyon can yin na/ de sgrub kyi gtan tshigs yon tan can ma yin dgos te/ de sgrub kyi bsgrub bya skyon can yin na/ de sgrub kyi bsgrub bya yon tan can ma yin dgos pa'i phyir te; de sgrub kyi sgrub ngag skyon can yin na/ de sgrub kyi sgrub ngag yon tan can ma yin dgos pa'i phyir/ ! 'di de dag gi skyon min nam/ zhes sogs kyi skabs su/ /rtags yang dag gi mtshan nyid kyi bsal bya/ rtags skyon can gyi mtshan nyid/ de sgrub kyi gtan tshigs kyi nyes pa dang/ de sgrub kyi rtags su gzung bya de/ de sgrub kyi rtags skyon can du sgrub pa'i tshul gsum dang/ de sgrub kyi rtags su gzung bya la ldan pa'i cha nas/ de sgrub kyi rtags su gzung bya de/ de sgrub kyi rtags skyon du song ba dang/ de sgrub kyi rtags su gzung bya de de sgrub kyi rtags skyon du 'jog par byed thun mong ma yin @033a @#/ /pa'i chos dang/ de sgrub kyi rtags su gzung bya de de sgrub kyi rtags skyon can du 'gyur ba/ khyod de sgrub kyi rtags su gzung bya de'i rtags kyis de sgrub kyi rtags skyon du 'gyur ba la ltos pa sogs de sgrub kyi rtags su gzung bya de'i rtags kyis de sgrub kyi rtags skyon gyi mtshan nyid ce na/ rjes 'gro rkyang pa can gyi rtags yang dag yod par 'dzin pa'i log rtog chos can/ rtags skyon du thal/ rtags yang dag gi mtshan nyid kyi bsal bya yin pa'i phyir te/ tshul gsum gyi bsal bya yin pa'i phyir/ ma grub na/ tshul gsum chos can/ de sel byed du thal/ rtags yang dag gi mtshan nyid yin pa'i phyir/ rtsa bar 'dod na/ de chos can/ dngos po ma yin par thal/ rtags skyon yin pa'i phyir/ nyes pa skyon gyi mtshan nyid du thal/ de sgrub kyi rtags su gzung bya'i nyes pa de/ de sgrub kyi rtags su gzung bya'i rtags kyi de sgrub kyi rtags skyon gyi mtshan nyid yin pa'i phyir; rtags khas/ sgra gang zag gi bdag med du sgrub pa'i rtags su bkod pa gang zhig /sgra'i steng du 'god tshul dang mthun par ma grub pa chos can/ sgra gang zag gi bdag med du sgrub pa'i rtags su gzung bya de/ de sgrub kyi rtags skyon can du sgrub pa'i tshul gsum du thal/ sgra gang zag gi bdag med du sgrub pa'i rtags skyon yin pa'i phyir/ 'dod na/ ma yin par thal/ de sgrub kyi rtags su gzung bya de/ de sgrub kyi rtags yang dag yin pa'i phyir/ gzhal bya chos can/ sgra rtag par sgrub pa'i rtags su gzung bya'i rtags kyis sgra rtag par sgrub pa'i rtags skyon yin par thal/ sgra rtag par sgrub pa'i rtags su gzung bya de/ de sgrub kyi gtan @033b tshigs skyon can du sgrub pa'i tshul gsum yin pa'i phyir/ 'dod na/ bdag med yin na sbyor bskor cig po de'i rtags skyon yin pas khyab par thal/ 'dod pa'i phyir/ mtshan nyid phyi ma rnams la thun mong du 'khri tshul 'di ltar brjod de/ byas pa'i rtags kyis sgra mi rtag par rtogs pa'i rjes dpag chos can/ khyod bdag med du sgrub pa'i rtags su bkod pa gang zhig /khyod kyi steng du 'god tshul dang mthun par ma grub pa de khyod bdag med du sgrub pa'i rtags skyon can yin par thal/ khyod bdag med du sgrub pa'i rtags skyon yod pa'i phyir te/ khyod bdag med du sgrub pa'i rtags skyon can yod pa'i phyir te/ khyod bdag med du sgrub pa'i gzhi rtags tha dad med nas ma grub pa'i gtan tshigs yod pa'i phyir te/ khyod khyod rang bdag med du sgrub pa'i gzhi rtags tha dad med nas ma grub pa'i gtan tshigs yin pa'i phyir te/ khyod gzhi grub pa'i phyir/ 'dod na/ byas pa'i rtags kyis sgra mi rtag par rtoT pa'i rjes dpag bdag med du sgrub pa'i rtags su bkod pa gang zhig /byas pa'i rtags kyis sgra mi rtag rtogs kyi rjes dpag gi steng du 'god tshul dang mthun par ma grub pa chos can/ khyod byas pa la ldan pa'i cha nas byas pa sgra mi rtag rtogs kyi rjes dpag bdag med du sgrub pa'i rtags skyon can du song ba dang/ byas pa de sgrub kyi gtan tshigs skyon can du 'jog pa'i 'jog byed thun mong ma yin pa dang/ byas pa de sgrub kyi rtags skyon can du 'gyur ba khyod byas pa'i rtags kyis de sgrub kyi rtags skyon du 'gyur ba la ltos par thal/ khyod byas pa'i rtags kyis sgra mi@034a @#/ /rtag rtogs kyi rjes dpag bdag med du sgrub pa'i rtags skyon yin pa'i phyir ro/ /rtags khyab khas/ 'dod na/ byas pa de sgra mi rtag rtogs kyi rjes dpag bdag med du sgrub pa'i rtaT yang dag ma yin par thal/ 'dod pa'i phyir/ 'dod na/ byas pa'i rtags kyis sgra mi rtag par sgrub pa'i rtags skyon yod par thal/ byas pa'i rtags kyis sgra mi rtag rtogs kyi rjes dpag bdag med du sgrub pa'i rtags skyon yod pa'i phyir; rtags dngos/ 'dod na/ byas pa de sgrub kyi rtags skyon can du sgrub nus yod par thal/ 'dod pa'i phyir/ gnod byed rgyas par phyogs chos de chas khyab pa yi zhes pa'i skabs su bshad zin to/ /de sgrub kyi rtags skyon can gyi mtshan nyid yin na/ de sgrub kyi rtags skyon yin pas khyab pa yod par thal/ sngar bshad kyi mtshan nyid rnams 'thad pa'i phyir/ 'dod na/ de sgrub kyi rtags skyon can gyi mtshan nyid yin na/ de sgrub kyi rtags skyon gyi mtshan nyid yin dgos par thal/ 'dod pa'i phyir/ 'dod na/ gang zag de'i skyon yang yin/ gang zag de'i yon tan yang yin pa'i gzhi mthun yod par thal/ de sgrub kyi rtags skyon yang yin/ de sgrub kyi rtaT yang dag yin pa'i gzhi mthun yod pa'i phyir/ ma grub na/ sngar bshad kyi mtshan nyid rnams 'thad par 'bud/ bdag med yin na khyod yin pa'i cha nas/ de sgrub kyi rtags skyon can ma yin mi dgos pa/ khyod de sgrub kyi rtags skyon yin pa'i mtshan nyid/ de sgrub kyi rtags skyon can thun mong ma yin par 'jog nus/ de sgrub kyi rtags skyon gyi mtshan nyid ce na/ de sgrub kyi rtags skyon can chos can/ de sgrub kyi rtags skyon du thal/ bdag med yin na/ @034b khyod yin pa'i cha nas de sgrub kyi gtan tshigs skyon can du song ba ma yin mi dgos pa'i phyir te/ bdag med yin/ khyod yin par tshad mas dmigs pa'i cha nas de sgrub kyi gtan tshigs skyon can du song ba yin dgos pa'i phyir; rtsa bar 'dod na/ rigs lam dang 'gal lo/ /mtshan nyid gnyis pa mi 'thad par thal/ de sgrub kyi gtan tshigs skyon can gyi mtshan nyid yin na/ de sgrub kyi rtags skyon yin pas khyab pa soT kyi gnod byed brjod zin pa'i phyir/ /gzhan yang rtog pas btags pa'i mtshan nyid 'jog tshul mang yang/ sngar bshad pa'i rigs pas khegs par 'gyur ro/ /de sgrub kyi phyogs su bzung bya la ldan pa'i cha nas de sgrub kyi phyogs su bzung bya de de sgrub kyi phyogs skyon can du song ba de/ de sgrub kyi phyogs skyon gyi mtshan nyid ce na/ de sgrub kyi phyogs su bzung bya de sgrub kyi phyogs skyon can yin par thal/ mtshan nyid 'thad pa'i phyir/ 'dod na/ sgra mi rtag par sgrub pa'i bsgrub bya'i chos su bzung bya de/ sgra mi rtag par sgrub pa'i bsgrub bya'i chos su bzung bya yin par thal/ 'dod pa'i phyir/ 'dod na/ sgra mi rtag par sgrub pa'i bsgrub bya'i chos su gzung bya de chos can/ sgra khyod yin par thal/ 'dod pa'i phyir/ gzhan yang/ de sgrub kyi dpe skyon can thun mong ma yin par 'jog nus de/ de sgrub kyi dpe skyon gyi mtshan nyid ce na/ de sgrub kyi mthun dpe'i skyon yin na/ de sgrub kyi dpe'i skyon yin dgos par thal/ mtshan nyid de rigs pa'i phyir/ 'dod na/ de sgrub kyi mthun dpe skyon can yin na/ de sgrub kyi dpe skyon can yin dgos par thal/ 'dod pa'i phyir/ 'dod na/ 'dus ma byas kyi nam mkha' @035a @#/ /chos can/ sgra mi rtag par sgrub pa'i dpe skyon can du thal/ de sgrub kyi mthun dpe skyon can yin pa'i phyir/ 'dod na/ de ma yin par thal/ khyod de sgrub kyi mi mthun dpe skyon med yin pa'i phyir/ khyab par thal/ de sgrub kyi chos mi mthun sbyor gyi sgrub dag yang dag yin na/ de sgrub kyi sgrub ngag yang dag yin dgos pa'i phyir/ gzhan yang sgra mi rtag par sgrub pa'i tshul gsum ma yin pa/ sgra mi rtag par sgrub pa'i rtags skyon can gyi mtshan nyid yin no zhe na/ sbyor bskor cig po de'i tshul gsum ma yin pa de/ sbyor ba skor cig gi rtags skyon yin par thal/ sngar gyi mtshan nyid de rigs pa'i phyir/ 'dod na/ de yin na/ sbyor ba skor cig gi rtags skyon can yin pas khyab par thal/ 'dod pa'i phyir/ 'dod na/ dngos po chos can/ byas pa'i rtags kyi sgra mi rtag par sgrub pa'i gtan tshigs skyon can du thal/ byas pa'i rtags kyis sgra mi rtag par sgrub pa'i tshul gsum ma yin pa'i phyir/ 'dod mi nus te/ gnod byed bstan zin pa'i phyir/ gzhan yang/ mig gi gzung bya'i rtags kyis sgra mi rtag par sgrub pa'i phyogs chos ma yin pa de/ mig gi gzung bya'i rtags kyis sgra mi rtag par sgrub pa'i rtags skyon yin no zhe na/ de chos can/ khyod yin na/ de'i rtags kyis de sgrub kyi rtags skyon can yin dgos par thal/ khyod de'i rtags kyis de sgrub kyi rtags skyon yin pa'i phyir/ 'dod na/ byas pa chos can/ der thal/ de'i phyir/ rtag pa'i rtags kyis sgra rtag par sgrub pa'i rtags skyon dang/ phyogs skyon mi 'gal te/ rtag pa sgra'i steng du dgos tshul dang mthun par ma grub pa de sbyor ba skor cig po @035b de'i rtags skyon dang/ phyogs skyon gnyis ka'i gzhi mthun yin pa'i phyir zhe na/ 'o na/ sgra rtag pa de/ rtag pa'i rtags kyis sgra rtag par sgrub pa'i rtags su gzung bya yin par thal/ sgra rtag pa tshad mas bsal ba de/ rtag pa'i rtags kyis sgra rtag par sgrub pa'i rtags skyon yin pa'i phyir/ 'dod na/ sgra byas pa de/ byas pa'i rtags kyis sgra mi rtag par sgrub pa'i rtags su gzung bya yin par thal/ 'dod pa'i phyir/ sgra chos can rtag ste sgra rtag pa'i phyir zhes bkod pa'i tshe na/ sgra rtag pa'i rtags kyis sgra rtag par sgrub pa'i rtags dang phyogs gnyis ka du bkod pa gang zhig /sgra rtag pa tshad mas bsal ba de sgra rtag pa'i rtags kyis sgra rtag par sgrub pa'i rtags skyon dang/ phyogs skyon gnyis ka'i gzhi mthun yin no zhe na/ sgra rtag pa ma yin pa'i rtags kyis sgra rtag pa ma yin par sgrub pa'i rtags dang phyogs gnyis ka du bkod pa gang zhig /sgra rtag pa ma yin pa tshad mas grub pa de/ sbyor ba skor cig po de'i rtags kyi yon tan dang phyogs kyi yon tan du thal/ sngar gyi dam bca' 'thad pa'i phyir/ 'dod na/ sbyor ba skor cig po de'i rtags yon tan can yod par thal/ 'dod pa'i phyir; 'dod mi nus par thal/ sbyor ba skor cig po de'i tshul gsum gang rung med pa'i phyir/ sgra rtag pa tshad mas bsal ba de/ sgra rtag pa'i rtags kyis sgra rtag par sgrub pa'i rtags skyon dang phyogs skyon gyi gzhi mthun ma yin par thal/ rjes su dpag par bya ba la yod pa nyid du nges pa zhes pa'i tshig gi bsal bya dang/ ma bsal ba zhes pa'i tshig gi bsal bya 'gal ba'i phyir te/ rtags yang dag gi mtshan nyid kyi bsal bya @036a @#/ /dang; phyogs yang dag gi mtshan nyid kyi bsal bya 'gal ba'i phyir te/ phyogs yang dag gi mtshan nyid kyi bsal bya sel ba rtags yang dag gi mtshan nyid kyi bsal bya sel ba la mi ltos pa'i phyir te/ rgyu soT mtshan nyid bsal bya la zhes sogs kyi bstan don yod pa'i phyir/ de phyir de tsam dang 'brel pa/ phyogs kyi skyon 'dod gzhan min te zhes sogs kyi don ma grub par thal/ sgra rtag par sgrub pa'i phyogs skyon yin na/ sgra rtag par dam bcas pa tsam dang rjes su 'brel ba'i nyes pa yin dgos pa'i phyir/ der thal/ sgra rtag pa'i rtags kyis sgra rtag par sgrub pa'i rtags su bkod pa tsam dang rjes su 'brel ba'i nyes pa yang yin/ sbyor ba skor cig po de'i phyogs skyon yang yin pa'i gzhi mthun yod pa'i phyir/ rtags rnams khas blangs/ yang na sbyor ba skor cig gi rtags skyon can dang phyogs skyon can 'gal bar thal/ sbyor ba skor cig gi rtags skyon dang phyogs skyon 'gal ba'i phyir/ 'dod na/ sgra mi rtag pa chos can/ sgra mi rtag pa'i rtags kyi sgra mi rtag par sgrub pa'i gtan tshigs skyon can ma yin par thal/ de'i rtags kyis de ltar sgrub pa'i phyogs skyon can yin pa'i phyir/ khyab pa khas/ der thal/ sbyor ba skor cig po de'i phyogs su bkod pa gang zhig/ sbyor ba skor cig po de'i snga rgol yang dag la khyod sgrub 'dod med cing/ sbyor ba skor cig po de'i phyi rgol yang dag khyod la shes 'dod med pa'i phyir/ sgra rtag par sgrub pa'i phyogs su bkod nas/ tshad mas bsal bzhuT pa sgra rtag par sgrub pa'i phyogs skyon gyi mtshad nyid yin no zhes gsungs so/ de chos can/ yod par thal/ @036b phyogs skyon yin pa'i phyir/ 'dod na/ tshad mas bsal ba yod par thal/ 'dod pa'i phyir zhe na/ sra rtag par sgrub pa'i phyogs su bkod nas tshad mas ma bsal ba yod par thal/ de sgrub kyi phyogs su bkod nas tshad mas bsal ba med pa'i phyir/ 'dod na/ sgra rtag pa yod par thal/ 'dod pa'i phyir zer na/ sgra rtag pa tshad mas bsal ba med par thal/ sgra rtag par sgrub pa'i phyogs su bkod nas tshad mas bsal ba med pa'i phyir; rang lugs ni/ sbyor ba skor cig po de'i rtags su bkod tsam dang rjes su 'brel ba'i sbyor ba skor cig po de'i rtags kyi nyes par dmigs pa/ sbyor ba skor cig po de'i rtags skyon gyi mtshan nyid/ sbyor ba skor cig po de'i phyogs su bkod tsam dang rjes su 'brel ba'i sbyor ba skor cig po de'i phyogs kyi nyes par dmigs pa/ sbyor ba skor cig po de'i phyogs skyon gyi mtshan nyid yin te/ de phyir de'i tsam dang 'brel pa; phyogs kyi skyon 'dod gzhan min te/ zhes sogs rtsa 'grel dang/ rnam nges TIka chen sogs kyi dgongs par mngon no/ snga ma'i mtshan gzhi/ mig gi gzung bya'i rtags kyis sgra rtag par sgrub pa'i rtags su bkod pa gang zhig/ mig gi gzung bya sgra'i steng du 'god tshul dang mthun par ma grub pa'i cha lta bu'o/ phyi ma'i mtshan gzhi/ sgra rtag par sgrub pa'i phyogs su bkod pa gang zhig/ sgra rtag pa dngos stobs rjes dpag gis bsal ba'i cha lta bu dang/ sgra mnyan bya ma yin par sgrub pa'i phyogs su bkod pa gang zhig /sgra mnyan bya ma yin pa dngos stobs rjes dpag gis gsal ba'i cha lta bu dang/ de mngon sum gyis bsal ba'i @037a @#/ /cha lta bu'o// ! de la khas blangs 'bras rtags te/ 'gro zhes pa'i skabs su/ yid ches kyi rtags yang dag gi mtshan nyid/ de sgrub kyi tshul gsum gang zhig /de sgrub kyi dngos kyi bsgrub bya yang dag yin na/ shin tu lkog gyur yin dgos pa dang/ de gang zhig /de sgrub kyi dngos kyis sgrub bya yang dag yin na/ yid ches rjes dpag tshad mar song ba'i gzhal bya yin dgos pa dang/ grags rtags yang dag gi mtshan nyid de sgrub kyi tshul gsum gang zhig /de sgrub kyi dngos kyi bsgrub bya/ yang dag yin na/ brda 'am 'dod pa tsam gyis bzhag pas khyab pa dang/ de gang zhig/ de sgrub kyi dngos kyi bsgrub bya yang dag yin na/ grags pa'i rjes dpag tshad mar song ba'i gzhal bya yin pas khyab pa zhes gsungs shing/ dngos stobs rjes dpag tshad mar song ba'i gzhal bya dang/ rjes dpag gzhan gnyis tshad mar song ba'i gzhal bya sogs ni 'gal bar bzhed do; byas pa chos can/ sgra rtag par sgrub pa'i tshul gsum gang zhig /de sgrub kyi dngos kyi bsgrub bya yang dag yin na/ shin tu lkog gyur yin pas khyab pa med par thal/ de sgrub kyi yid ches pa'i rtags yang dag ma yin pa'i phyir/ khyab pa khas/ 'dod na 'bud/ gsar du mi slu ba'i rig pa chos can/ yid ches rjes dpag tshad mar sgrub pa'i yid ches kyi rtags yang dag yin par thal/ de sgrub kyi tshul gsum gang zhig/ de sgrub kyi dngos kyi bsgrub bya yang dag yin na/ yid ches rjes dpag tshad mar song ba'i gzhal bya yin dgos pa'i phyir/ rtags grub par thal/ dngos stobs rjes dpag tshad mar sgrub pa'i dngos kyi bsgrub bya yang dag yin na/ dngos @037b stobs rjes dpag tshad mar song ba'i gzhal bya yin dgos pa'i phyir/ rtsa bar 'dod na/ yid ches rjes dpag tshad ma shin tu lkog gyur du thal/ 'dod pa'i phyir/ sbyin pas longs spyod khrims kyis bde/ zhes pa'i lung chos can; rang gi bstan don rtogs pa'i tshad ma snga ma shin tu lkog gyur yin par thal/ rang gi bstan don rtogs pa'i tshad ma snga ma sngon du song ba shin tu lkog gyur yin pa'i phyir/ ma grub na/ mtshan nyid rigs pa 'bud/ 'dod na/ rang gi bstan don rtogs pa'i tshad ma shin tu lkog gyur du thal/ 'dod pa'i phyir/ 'dod na/ spyin pa btang ba las longs spyod 'byung ba shin tu lkog gyur yin par thal lo/ 'dod na/ thar pa dang thams cad mkhyen pa shin tu lkog gyur yin par thal lo/ 'di la kha cig na re/ sbyin pa shin tu lkog gyur yin par thal/ spyin pa btang ba las longs spyod 'byung ba shin tu lkog gyur yin pa'i phyir/ de la khyab pa med na; spyin pas longs spyod khrims kyis bde/ zhes pa'i lung rang gi bstan don rtogs pa'i tshad ma snga ma sngon du song ba shin tu lkog gyur yin na/ de'i bstan don rtogs pa'i tshad ma snga ma shin tu lkog gyur yin pa 'bud; yid ches kyi rtags yang dag dang/ yid ches rjes dpag gnyis la rtog pa phan tshun rten pa'i skyon yod par thal/ sngar gyi mtshan nyid 'thad pa'i phyir/ 'dod na/ de gnyis rtogs pa'i dus mi srid par thal/ 'dod pa'i phyir/ ri bong can la zla ba zhes pa'i sgra dngos dbang gis brjod rung min pa chos can/ brda 'am 'dod pa tsam gyis bzhag par thal/ grags rtags yang dag gi dngos kyi bsgrub bya yin pa'i phyir/ @038a @#/ /'dod na/ de de ma yin par thal/ sgra dngos dbang gis mi 'jug pa brda 'am 'dod pa tsam gyis bzhag pa ma yin pa'i phyir/ der thal/ sgra de sel bas 'jug pa brda 'am 'dod pa tsam gyis bzhag pa ma yin pa'i phyir te/ sel 'jug brda 'am 'dod pa tsam gyis bzhag pa ma yin pa'i phyir te/ sel 'jug bden par grub pa'i phyir/ sbyin pa btang ba las longs spyod 'byung ba chos can/ yid ches rjes dpag tshad mar song ba'i gzhal bya ma yin par thal/ dngos stobs rjes dpag tshad mar song ba'i gzhal bya yin pa'i phyir te/ spyin pa dang longs spyod rgyu 'bras su rtogs pa'i dngos stobs rjes dpag de khyod la tshad ma yin pa'i phyir/ de der thal/ de ltar rtogs pa'i dngos stobs rjes dpag yod pa'i phyir/ der thal/ spyin pa dang longs spyod rang gi rgyu las skyes par rtogs pa'i dngos stobs rjes dpag yod pa'i phyir/ sbyin pa btang ba la brten nas longs spyod 'byung bar dam bcas pa'i dam bca' de/ dam bca' yang dag tu rtogs pa'i dngos stobs rjes dpag med par thal/ dam bca' de'i zhen don rtogs pa'i dngos stobs rjes dpag med pa'i phyir/ 'dod na/ yid ches rjes dpag tshad mar rtog pa'i dngos stobs rjes dpag med par thal/ 'dod pa'i phyir/ 'dod na/ yid ches rjes dpag shin tu lkog gyur du thal/ 'dod pa'i phyir/ zag bcas kyi las la brten nas rang 'bras sdug bden 'byung bar rtogs pa'i dngos stobs rjes dpag med par thal/ dge sdig gi las la brten nas bde sdug 'byung bar rtogs pa'i dngos stobs rjes dpag med pa'i phyir/ 'dod na/ bden bzhi rtogs pa'i dngos stobs rjes dpag @038b med par thal lo/ 'dod na/ mngon mtho nges legs rtogs pa'i dngos stobs rjes dpag med par thal lo/ /sbyin pa dkar chos su rtogs pa'i dngos stobs rjes dpag tshad ma med par thal/ sbyin pa gzhung 'dis yid ches rjes dpag tshad ma med pa'i phyir/ rtags khas/ 'dod na/ dkar chos rtogs pa'i dngos stobs rjes dpag tshad ma med par thal lo/ /'dod na/ dge mi dge lung ma bstan gsum rtogs pa'i dngos stobs rjes dpag med par thal lo/ tshur mthong gi rgyud kyi mngon sum tshad mar song ba'i gzhal bya de dang dngos stobs rjes dpag tshad mar song ba'i gzhal bya 'gal bar thal/ tshur mthong gi rgyud kyi mngon sum tshad mar song ba'i gzhal bya dang/ yid ches rjes dpag tshad mar song ba'i gzhal bya 'gal ba gang zhig /rgyu mtshan mtshungs pa'i phyir/ gzhan yang/ shin tu lkog gyur la tshad mar song ba'i tshur mthong gi mngon sum med par thal/ de la tshad mar song ba'i dngos stobs rjes dpag med pa'i phyir/ 'dod mi nus te/ yid mngon gyi skabs su gnod byed brjod zin pa'i phyir/ rjes dpag gsum tshad mar song ba'i gzhal bya 'gal bar 'dod pa dang/ rang nges gzhan nges sogs kyi rnam bzhag 'gal bar 'dod pa mang du 'dug pas sngar bshad gyi rigs pa rnaMs dran par bya'o/ gzhung 'dis yid ches kyi rtags mtshan nyid pa dang/ btags pa ba gnyis ka bstan pa/ rnam nges Twika chen sogs kyi dgongs pa yin la/ yid ches kyi rtags yang dag med par 'dod pa dang/ yid ches rjes dpag tshad ma ma yin @039a @#/ /par 'dod pa ni/ shin tu lkog gyur gzhal bya ma yin pa rang/ lung tshig rnam dgag med par 'dod pa dang mtshungs pas dgag pa sla zhing/ rnam par nges pas rigs byed 'gog pa'i skabs su 'thad ldan las/ yid ches rjes dpag tshad mar gsal bar gsungs pa/ rgyal tshab chos rje'i Twika chen du yang legs par bkod pas der blta'o/ ! yang dag nges ldan brjod 'dod pa/ /zhes sogs kyi skabs su shin tu lkog gyur mngon sum du rtogs pa'i yid ches pa'i gang zag gi smras pa'i dpyad gsum gyis dag pa'i lung/ lung tshig rnam dag gi mtshan nyid/ rang tshig rnam dag dang/ lung tshig rnam dag yang 'gal lo zhe na/ so skyes shin tu lkog gyur mngon sum du ma rtogs pa dang nang 'gal te/ tshur mthong gi rgyud la lung tshigs rnam dag med par thal/ sngar gyi mtshan nyid 'thad pa gang zhig/ tshur mthong gis shin tu lkog gyur mngon sum du ma rtogs pa'i phyir/ 'dod mi nus par thal/ tshur mthong gi rgyud la shin lkog bstan bya'i gtso bor byed pa'i bstan bcos rnam dag med pa'i phyir ro/ de'i rgyud la yid ches rjes dpag tshad ma med par thal/ de'i rgyud la lung tshig rnam dag med pa'i phyir/ yid ches rjes dpag tshad mar song ba'i gzhal bya dang/ dngos stob rjes dpag tshad mar song ba'i gzhal bya mi 'gal bar thal/ rang tshig rnam dag dang/ lung tshig rnam dag mi 'gal ba'i phyir/ rtags gsal dngos/ shin tu lkog gyur gyi yul la rang tshig rnam ngag dang/ 'gal ba'i dam bcas pa'i don la gnod byed yang dag tu 'gyur ba yod par thal/ lung tshig rnam dag yin na/ rang tshig rnam dag yin dgos pa'i phyir/ @039b 'dod na/ rang gi tshig kyang tha dad pa/ tshig tsam brjod la gegs byed yin zhes bshad pa mi 'thad par thal/ 'dod pa'i phyir/ lung tshig 'gal ba'i dam bca' yin na/ rang tshig 'gal ba'i dam bca' yin dgos par thal/ lung tshig rnam dag yin na/ rang tshig rnam dag yin dgos pa'i phyir/ yid ches rjes dpag yin na/ rang gi gzhal byar gyur pa'i shin tu lkog gyur yod pas khyab pa med par thal/ lung tshig rnam dag yin na/ rang gi bstan bya'i gtso bor gyur pa'i shin tu lkog gyur yod pas ma khyab pa'i phyir/ lung tshig 'gal ba'i dam bca' yin na/ rang gi zhen don gyi log phyogs su gyur pa'i shin lkog yod pas ma khyab par thal; rtags sngar bzhin/ shin lkog bstan bya'i gtso bor byed pa'i dpyad gsum gyis dag pa'i lung/ lung tshig rnam dag gi mtshan nyid/ tshig gnyis po 'gal lo zhes zer na/ 'khri tshul 'di ltar brjod de/ yid ches rjes dpag yin na/ shin tu lkog gyur la tshad ma yin dgos par thal/ lung tshig rnam dag yin na/ shin tu lkog gyur bstan bya'i gtso bor byed dgos pa'i phyir/ 'dod na/ dngos stobs rjes dpag yin na/ cung zad lkog gyur la tshad ma yin dgos par thal/ 'dod pa'i phyir/ 'dod na/ cung zad lkog gyur gang zag gi bdag med du rtogs pa'i rjes dpag chos can/ der thal/ de'i phyir/ 'dod na/ sgra mi rtag rtogs kyi rjes dpag sgra la tshad ma ra thal/ 'dod pa'i phyir/ spyin pas longs spyod khrims kyis bde ces pa'i lung chos can/ shin lkog bstan bya'i gtso bo byas pa'i lung du thal/ lung tshig rnam dag yin pa'i phyir/ 'dod na/ shin lkog @040a @#/ /bstan bya'i gtso bor byas par thal/ rang gi bstan bya'i gtso bor gyur ba'i shin tu lkog gyur yod pa'i phyir/ zhes pa'i thal 'gyur la khyab pa yod par thal/ 'dod pa'i phyir/ 'dod na/ rang gi bstan bya'i gtso bor gyur pa'i chos de yod na/ chos de bstan bya'i gtso bor byed pas khyab par thal/ 'dod pa'i phyir/ 'dod na/ bum pa zhes pa'i ngag chos can/ gang zag gi bdag med bstan bya'i gtso bor byed par thal/ rang gi bstan bya'i gtso bor gyur pa'i gang zag gi bdag med yod pa'i phyir/ 'dod na/ sgra dngos dbang gis 'jug par thal lo/ ! rang tshig 'gal ba bsal ba'i dpe/ lung la phyogs tsam bstan pa yin/ zhes pa'i skabs su/ chos can lung kho nas grub pa'i steng du chos 'gal ba dam bcas pa'i dam bca' gang zhig/ rang gi zhen don gyi log phyogs 'grub pa lung la ltos pa/ lung tshig 'gal ba'i dam bca'i mtshan nyid/ chos can dngos stobs kyis grub pa'i steng du/ chos 'gal ba dam bcas pa'i dam bca' gang zhig/ /rang gi zhen don gyi log phyogs 'grub pa lung la mi ltos pa/ rang tshig 'gal ba'i dam bca'i mtshan nyid ce na/ spyin pa btang ba las longs spyod mi 'byung bar dam bcas pa'i dam bca' de ni chos can/ chos can lung kho nas grub pa'i steng du chos 'gal ba dam bcas pa'i dam bca' yin par thal/ lung tshig 'gal ba'i dam bca' yin pa'i phyir/ ma grub na/ rang gi zhen don gyi log phyogs 'grub pa lung la mi ltos par thal/ rang tshig 'gal ba'i dam bca' yin pa'i phyir/ khyab pa khas so/ /ma grub na/ de lung tshig 'gal ba'i dam bca' ma yin pa 'bud/ snga ma'i @040b rtsa bar 'dod na/ spyin pa lung kho nas grub par thal/ 'dod pa'i phyir/ 'dod na/ gtong ba'i sems pa lung kho nas grub par thal/ 'dod pa'i phyir/ spyin pa btang ba la brten nas longs spyod mi 'byung bar dam bcas pa'i dam bca' des/ spyin pa btang ba las longs spyod 'byung mi 'byung gnyis kar dam bcas par thal/ des chos 'gal ba dam bcas pa'i phyir/ rtags khas/ 'dod na/ spyin pa btang ba las longs spyod mi 'byung zhes pa'i ngag gi spyin pa btang ba las longs spyod 'byung bar brjod par thal/ 'dod pa'i phyir/ 'dod na/ ha cang thal lo/ /rang tshig 'gal ba'i dam bca' dang lung tshig 'gal ba'i dam bca' gnyis 'gal bar thal; sngar gyi mtshan nyid 'thad pa'i phyir/ 'dod na/ 'khri tshul 'di ltar brjod de/ spyin sogs dkar po'i chos kyang yin/ spyad pa las bde ba mi 'byung ba yang yin pa'i gzhi mthun du dam bcas pa'i dam bca' chos can/ rang tshig 'gal ba'i dam bcar thal/ rang tshig snga phyi 'gal ba'i dam bca' yin pa'i phyir/ der thal/ kho bo'i ma mo gsham yin zhes pa'i ngag de/ rang tshigs snga phyi 'gal ba'i dam bca' yin pa'i phyir/ rtsa ba'i gsal ba khas/ ngag snga mas bzhag pa phyi mas nyam par byed pa rang tshig snga phyi 'gal ba'i dam bca'i mtshan nyid/ tshig rang nyid kyis rang gi nus pa nyam par byed pa/ rang tshig dngos shugs 'gal ba'i dam bca'i mtshan nyid ce na/ sgra byas pa rtag ces pa'i ngag chos can/ mtshan nyid der thal/ mtshon bya de'i phyir/ 'dod na/ sgra rtag go zhes ba'i ngag gis sgra byas pa nyams par byed par thal/ 'dod pa'i phyir/ 'dod mi nus par thal/ @041a @#/ /de lta min na rigs bral gyi/ zhes sogs kyi lung don grub pa'i phyir/ gzhal bya'i don can gyi tshad ma dag med do/ /zhes ngag chos can/ tshig rang nyid kyis rang nyid kyi nus pa nyams par byed par thal/ rang tshig dngos shugs 'gal ba'i dam bca' yin pa'i phyir/ 'dod na/ ngag des gzhal bya'i don can gyi tshad ma med pa la gnod pa dang/ yod par sgrub nus par thal/ 'dod pa'i phyir/ 'dod na/ dngos stobs yul la lung gnod sgrub tu 'jug par thal lo// ! kun tu rgol ba bdag nyid kyi/ /zhes pa'i skabs su/ shes 'dod chos can gyi mtshan nyid/ de sgrub kyi phyogs btags pa ba gang zhig/ de sgrub kyi bsgrub bya'i chos kyi dpag gzhir bzung rung dang; de gang zhig/ de sgrub kyi rtags tshul dang po gtan la 'bebs pa'i gzhir gyur pa zhe na/ rtag pa ma yin pa chos can/ sgra mi rtag par sgrub pa'i shes 'dod chos can du thal/ de sgrub kyi phyogs btags pa gang zhig/ de sgrub kyi bsgrub bya'i chos kyi dpag gzhir bzung rung yin pa'i phyir/ rtags dang po grub ste/ de sgrub kyi sgrub bya'i chos su bzung bya yin pa'i phyir/ khyab par thal/ rtags kyis bsgrub bya tshogs pa nyid/ ces sogs kyi lung don sgrub pa'i phyir/ gnyis pa ma grub na/ rtag pa ma yin pa chos can/ der thal/ rtag pa ma yin pa de sgra mi rtag par sgrub pa'i bsgrub bya'i chos yin par sgrub pa'i shes 'dod chos can skyon med yin pa'i phyir/ bsgrub chos bzhi ldog la byed na/ gzhugs chos can/ sgra mi rtag par sgrub pa'i shes 'dod chos can skyon med du thal/ mi rtag pa'i dpag gzhir bzung rung yin pa'i phyir/ ma khyab na/ mtshan nyid 'thad pa 'bud/ ma @041b grub na/ de chos can/ der thal/ gzugs mi rtag par sgrub pa'i shes 'dod ches can skyon med yin pa'i phyir/ 'khor gsum/ gson lus chos can/ gang zag gi bdag gi dag gzhir tha la/ gson lus gang zag gi bdag tu sgrub pa'i shes 'dod chos can/ skyon med yin pa'i phyir/ 'dod na/ /gang zag gi bdag gi sgrub gzhir thal/ 'dod pa'i phyir/ 'dod na/ de'i dag gzhi ma yin par thal/ 'dod pa'i phyir/ 'dod na/ de yin par thal/ gzhi grub pa'i phyir/ de sgrub kyi phyogs chos tshad mas des na/ de sgrub kyi shes 'dod chos can tshad mas nges pas ma khyab par thal/ mtshan nyid gnyis pa 'thad pa'i phyir/ 'dod na/ phyogs chos kyi mtshan nyid 'chad pa'i tshig zur du rjes su dpag par bya ba zhes sogs smos pa don med par thal/ 'dod pa'i phyir/ ba lang gi spyi rtag dngos chos can/ ba sbyi rtag dngos gsal ba rnams la 'phrod 'du ma 'brel bar sgrub pa'i rtags tshul dang po gtan la 'babs pa'i gzhi yin par thal/ de sgrub kyi shes 'dod chos can skyon med yin pa'i phyir/ 'dod na/ yod par thal/ 'dod pa gang zhig /de sgrub kyi rtags tshul dang po yin na/ yod dgos pa'i phyir/ rang brten la/ zhes smos pa chos can/ dgos pa yod de/ de sgrub kyi shes 'dod chos can tshad mas bsal na/ de sgrub kyi bsgrub bya tshad mas bsal dgos so zhes go ba'i dgos ba yod pa'i phyir zhe na/ gang zag gi bdag med par sgrub pa'i bsgrub bya tshad mas bsal bar thal/ de sgrub kyi shes 'dod chos can tshad mas bsal ba'i phyir te/ gang zag gi bdag tshad mas bsal ba'i phyir/ 'dod na/ gang zag gi bdag med tshad mas bsal bar thal/ @042a @#/ /'dod pa'i phyir/ rang brten la zhes smos pa chos can/ dgos pa yod de/ de sgrub kyi bsgrub bya'i chos kyi rten gzhir gyur ba'i shes 'dod chos can tshad mas bsal na/ de sgrub kyi bsgrub bya tshad mas bsal dgos so zhes rtogs pa'i dgos pa yod pa'i phyir zhe na/ dogs pa'i gnas 'di ltar yod de/ skyes bu sdug bsngal bar sgrub pa'i rtags su bkod pa gang zhig/ de sgrub kyi tshul gsum ma yin pa de/ ri bong gi rwas phug pa skyes bu sdug bsngal bar sgrub pa'i gtan tshigs ltar snang du sgrub pa'i tshul gsum ma yin par thal ri bong gi rwas phug pa'i rtags kyi skyes bu sdug bsngal bar sgrub pa'i rtags su bkod pa gang zhig /de sgrub kyi tshul gsum ma yin pa de/ ri bong gi rwas phug pa de ri bong gi rwas phug pa'i rtags kyis skyes bu sdug bsngal bar sgrub pa'i gtan tshigs ltar snang du sgrub pa'i rtags yang dag ma yin pa'i phyir/ ma grub na song/ ri bong rwas phug pa'i rtags kyis skyes bu sdug bsngal bar sgrub pa'i rtags su bkod pa gang zhig/ de sgrub kyi tshul gsum ma yin pa chos can/ ri bong gi rwas phug pa de/ de'i rtags kyis skyes bu sdug bsngal bar sgrub pa'i gtan tshigs ltar snang du sgrub pa'i rtags yang dag ma yin par thal/ de sgrub kyi bsgrub bya yang dag tshad mas bsal ba'i phyir/ ma grub na/ de chos can/ khyod kyi rtags kyis ri bong gi rwas phug pa de de'i rtags kyis de sgrub kyi gtan tshigs ltar snang du sgrub pa'i bsgrub bya yang dag tshad mas bsal bar thal/ khyod kyi rtags kyi de sgrub kyi bsgrub bya'i chos kyi rten gzhir gyur pa'i shes 'dod chos can tshad mas bsal @042b pa'i phyir/ 'di'i khyab pa dang gsal ba dngos/ gzhan rnams kyi rtags song ma grub na/ de chos can/ ri bong rwas phug pa'i don spyi khyod yin par thal/ khyod kyi rtags kyi de sgrub kyis bsgrub bya'i chos khyi rten gzhir gyur pa'i shes 'dod chos can skyon med yod pa gang zhig /de yod na/ ri bong gi rwas phug pa'i don spyi khyod yin dgos pa'i phyir/ re zhig dngos/ 'dod na/ sgra'i don spyi de/ byas pa'i rtags kyis sgra mi rtag par sgrub pa'i rtags su bkod par thal/ 'dod pa'i phyir/ ri bong gi rwas phug pa'i don spyi chos can/ med pa thal/ ri bong gi rwas phug pa'i rtags kyis skyes bu sdug bsngal bar sgrub pa'i rtags su gzung bya yin pa'i phyir/ rtaD khas; kha cig na re/ ba lang gi spyi rtag dngos rang gi gsal ba rnams la 'phrod 'du ma 'brel bar sgrub pa'i shes 'dod chos can skyon med med par thal/ chos de med na/ chos de de ltar sgrub pa'i shes 'dod chos can skyon med med dgos pa'i phyir/ ba lang gi spyi rtag dngos kyi don spyi de don byed nus stong gi gzhal bya'i rtags kyis ba lang gi spyi rtag dngos rtag pa ma yin par sgrub pa'i rtags yang dag gi shes 'dod chos can skyon med yin par thal/ ba lang gi spyi rtag dngos kyi don spyi de/ ba spyi rtag dngos rang gi bsal ba rnams la ma 'brel bar sgrub pa'i shes 'dod chos can skyon med yin pa'i phyir/ 'dod na/ ba lang gi spyi rtag dngos shes bya yin cing; de'i don spyi rtag pa ma yin par thal/ 'dod pa'i phyir zhe na/ mtshan nyid ldan ldan gyi gtso bo/ rnam 'gyur gyi dngos po'i nyer len du med par sgrub pa'i phyogs chos yod par thal/ rang 'grel las/ so sor rang gis @043a @#/ /rig par bya ba yin pa'i phyir spang bar 'os pa ma yin pa ni/ 'di la chos can yin la zhes pa de lta bu'i phyogs chos rang gis grub par gsungs pa'i phyir rtsa ba'i gsal ba khas/ shes bya ma yin pa chos can; du ldan la la med yod du sgrub pa'i phyogs chos med par thal/ du ldan la la med pa'i phyir/ khyab pa khas ma grub na/ yod par thal/ du ldan la la yod pa'i phyir/ gzhal bya'i rtags kyi sgra mi rtag par sgrub pa'i rjes khyab gang zag gi bdag med du sgrub pa'i phyogs chos med par thal/ gzhal bya'i rtags kyis sgra mi rtag par sgrub pa'i rjes khyab med pa'i phyir/ sgra mi rtag par sgrub pa'i rtags yang dag gang zag gi bdag med du sgrub dgos kyi phyi rgol gyi ngor/ de sgrub kyi phyogs chos med par thal/ de'i ngor sgra mi rtag par sgrub pa'i rtags yang dag med pa'i phyir/ rtags dngos/ khyab pa rnams song/ kho na re/ ba lang gi spyi rtag dngos chos can/ khyod ba lang gi don spyi rang gi gsal ba rnams la 'phrod 'du ma 'brel bar sgrub pa'i rten shes 'dod chos can skyon med du thal/ ba lang gi don spyi de khyod rang gi gsal ba rnams la 'phrod 'du ma 'brel bar sgrub pa'i shes 'dod chos can skyon med yin pa'i phyir/ ba lang gi don spyi chos can/ ba spyi rtag dngos rang gi gsal ba rnams la 'phrong 'du ma 'brel bar sgrub pa'i gzhi rtags tha dad med nas ma grub pa'i gtan tshiD su thal/ de sgrub kyi shes 'dod chos can skyon med yin pa'i phyir zhe na/ chos de gzhi de de ltar sgrub pa'i shes 'dod chos can skyon med yin na/ gzhi de chos de de ltar sgrub pa'i shes 'dod chos can skyon med yin pas @043b khyab par thal/ thal 'gyur dang po la khyab pa yod pa'i phyir/ sbyor ba skor cig gi shes 'dod chos can skyon med yin na/ sbyor ba skor skor cig gi gzhi rtags tha dad med nas ma grub pa'i gtan tshigs yin pas khyab par thal; thal 'gyur gnyis pa la khyab pa yod pa'i phyir/ 'dod na/ byas pa'i rtags kyis sgra mi rtags rtogs kyi rjes dpag de/ sgra mi rtag rtogs kyi rjes dang ga bdag med du sgrub pa'i shes 'dod chos can skyon med du thal; sgra mi rtag rtogs kyi rjes dpag de/ byas pa'i rtags kyi sgra mi rtag rtogs kyis rjes dpag bdag med du sgrub pa'i shes 'dod chos can skyon med yin pa'i phyir te/ sgra de byas pa'i rtags kyis sgra bdag med du sgrub pa'i shes 'dod chos can skyon med yin pa'i phyir/ sgra mi rtag rtogs kyi rjes dpag chos can/ byas pa'i rtags kyis sgra mi rtag rtogs kyi rjes dpag bdag med du sgrub pa'i gzhi rtags tha dad med nas ma grub pa'i gtan tshigs su thal/ byas pa'i rtags kyis de ltar sgrub pa'i shes 'dod chos can skyon med yin pa'i phyir/ khyab pa khas so 'dod na/ byas rtags mi rtag rtogs kyi rjes dpag de'i spyi ma yin par thal/ 'dod pa'i phyir/ 'dod na/ spyi gsal gyi rnam bzhag mchags pa'i gtam yin la/ gzhan yang/ brjod par bya ba mang ste/ dam par rnaMs kyis gsal bar bshad pas rtogs par sla zhing/ 'dir ni mang ba'i 'jigs pas re zhig bzhag go/ ! dis grub yan lag gyur pa yi/ zhes pa'i skabs su/ bsgrub bya brjod pa dam bca'i mtshan nyid/ dbye na/ yang dag dang/ ltar snang gnyis/ dam bca' gang zhig /rang gi zhen don tshad mas grub ba/ @044a @#/ lnga ma'i mtshan nyid/ dam bca' gang zhig /rang gi zhen don tshad mas bsal ba/ phyi ma'i mtshan nyid/ grang can gyis sgra mi rtag par dam cas pa'i dam bca' chos can/ dam bca' yang dag tu thal/ mtshan nyid de'i phyir/ 'dod na/ rang dam bca' ba pos rang gi zhen don rtog sa par thal/ 'dod pa'i phyir/ khyab par thal/ rang tshig rnams dag yin na/ rang smra ba pos rang gi zhen don tshad mas grub pas khyab pa'i phyir te/ yang dag nges ldan brjod 'dod pa/ zhes sogs kyi lung don grub pa'i phyir/ sgrub ngag yang dag yin na rang nyid smra ba po'i gang zag gis rag gi zhen don tshad mas nges pas ma khyab par thal/ dam bca' yang dag yin na/ de ltar du ma khyab pa'i phyir/ de la brten min dngos po la/ zhes sogs kyi don ma grub par thal/ sgra mi rtag par tshad mas nges pa'i gang zag gis smas pa'i sgra mi rtag zhes pa'i ngag de dam bca' yang dag yin pa'i phyir/ nam mkha' rtag pa yang yin dngos po yang yin no zhes pa'i ngag chos can/ khyod dam bca' yang dag tu thal/ dam bca' gang zhig /nam mkha' rtag pa yin pa de khyod kyi zhen don yin pa'i phyir/ khyab pa khas; nam mkha' yod pa yang ma yin/ med pa yang ma yin zhes pa'i dag chos can/ dam bca' yang dag tu thal/ dam bca' gang zhig /nam mkha' med pa ma yin pa de khyod kyi zhen don yin pa'i phyir/ sgra rtag ces pa'i ngag chos can/ rang gi zhen don tshad mas bsal bar thal/ dam bca' ltar snang yin pa'i phyir/ 'dod mi nus te/ rang gi bstan don rtogs pa'i tshad ma snga ma yod pa'i phyir te/ dpyad gsum gyis dag pa'i lung @044b yod pa'i phyir/ log shes yin na rang gi gzhal bya med pas khyab par thal/ dam bca' ltar snang yin na/ rang gi zhen don med pas khyab pa'i phyir/ 'dod mi nus te/ 'di de dag gi skyon yin nam/ zhes sogs kyi skabs su bshad pa'i rigs pas gnod pa'i phyir/ dpal ldan chos grags chos can/ dam bca' yin par thal/ bsgrub bya brjod pa'i phyir te/ sgrub ngag brjod pa'i phyir te/ sgrub ngag yang dag bkod pa'i snga rgol yin pa'i phyir; 'dod na/ ngag tu thal lo/ /sgra rtag ces pa'i ngag chos can/ mtshan nyid der thal/ mtshon bya de'i phyir/ 'dod na/ bsgrub bya zhen pa'i brjod byar byed par thal/ 'dod pa gang zhig /rgyu mtshan mtshungs pa'i phyir/ 'dod na/ khyod kyi zhen don yod par thal lo/ /rjod byed kyi sgra chos can/ dam bca' yin par thal/ bsgrub bya brjod pa'i phyir/ 'dod na/ ngag yin na/ dam bca' yin pas khyab par thal lo/ /rang gi zhen don rang dam bca' ba pos tshad mas grub pa'i dam bca' de/ dam bca' yang dag gi mtshan nyid ce na/ re zhig 'khri tshul 'di ltar/ grangs can gyi sgra mi rtag ces pa'i ngag chos can/ khyod kyi zhen don la rigs pa yang dag gis gnod par thal/ khyod dam bca' ltar snang yin pa'i phyir/ gwrtags khas/ khyab ste/ dam bca' yang dag yin na/ rang gi zhen don sgrub byed yang dag yod dgos pa'i phyir/ 'dod na/ sgra mi rtag pa la tshad mas gnod par thal/ 'dod pa'i phyir/ grangs can gyi rgyud kyis sgra mi rtag par 'dzin pa'i rtag pa chos can/ khyod kyi zhen yul khyod rgyud ldan gyi gang zag de'i tshad mas grub par thal/ rtogs pa don @045a @#/ /mthun yin pa'i phyir/ ma khyab na/ dam bca' yang dag yin na/ rang gi zhen don rang dam bca' ba po'i rang gi zhan don tshad mas grub pas khyab pa yod pa 'bud/ lung rnam dag yin na rang rgyud ldan gyi gang zag des/ rang gi zhen don tshad mas grub pas khyab par thal/ dam bca' yang dag yin na/ rang dam bca' ba pos rang gi zhen don tshad mas grub pas khyab pa'i phyir/ 'dod na/ phyi rol pa rnams kyi rgyud la de bzhin gshegs pa'i bka' yod pa nang 'gal lo/ /kha cig na re/ sangs rgyas rang rgyud gyis bsdus pa'i dam bca' chos can khyod kyis zhen don yod par thal/ khyod dam bca' yang dag yin pa'i phyir/ 'dod na/ khyod kyis zhen don med par thal/ khyod kun nas slong byed kyi shes pa'i zhen yul med pa'i phyir zhes zer/ gzhan dag na re/ gang zag gis bdag yod ces pa'i sangs rgyas kyi gsung chos can/ khyod dam bca' yang dag ma yin par thal/ khyod kyis zhen don med pa'i phyir zhes zer/ lugs dang po mi 'thad de/ mngon sum la yang zhen yul yod par 'thad ldan las bshad pa ltar rnam nges TI ka chen las bshad pa'i phyir/ mngon sum chos can/ zhen blor thal; khyod kyi zhen yul yod pa'i phyir zhe na/ de chos can/ nges shes su thal/ khyod kyi nges yul yod pa'i phyir te/ khyod tshad ma yin pa'i phyir/ gzhan yang mngon sum gyis rang gi gzhal bya nges par thal/ /mngon pa kun btus kyi ngar TIkka las/ rtog med shes pas rang yul ma nges par bshad kyang/ rnam nges Tig chen sogs las nges par bshad pa'i phyir/ sangs rgyas rang rgyud kyis bsdus pa'i dran pa chos can/ dran shes @045b su thal/ khyod kyis dran pa'i yul yod pa'i phyir/ khyab pa khas/ sangs rgyas rang rgyud kyis bsdus pa'i dam bca' chos can/ lung rnam dag ma yin par thal/ rang gi zhen pa'i brjod byas stong pa'i ngag yin pa'i phyir; rtags khas/ sangs rgyas 'phags pa chos can/ khyod snga rgol ltar snang du 'gyur ba srid par thal/ khyod kyi dam bca' ltar snang yod pa gang zhig /khyod gang zag yin pa'i phyir/ 'dod mi nus te/ khyod chos mthun gyis rgol bas tshar bcod mi nus pa'i phyir te/ mi 'jigs pa bzhi mthar phyin pa'i gang zag yin pa'i phyir/ gang zag gis bdag yod ces pa'i sangs rgyas kyi bka' chos can/ khyod kyi bstan don yod par thal/ gang zag gis bdag yod par bden zhen gyis 'dod pa'i rgol ba'i ngor/ gang zag gi bdag yod par bstan pa'i sgo nas de srid zhi'i sdug bsngal las skyobs pa'i gsung rab yin pa'i phyir/ rtags grub ste/ gang zag de'i ngor/ gang zag gis bdag yod pa gang zhig/ /dbu ma 'jug pa las/ kun gzhi yod cing gang zag nyid yod la/ phung po 'di dag 'ba' zhig nyid yod ces/ bstan pa 'di ni de ltar ches zab don/ rigs par mi 'gyur gang yin de la'o/ /zhes kun gzhi yod par ston pa'i mdo sogs kyis rang gi ched du bya ba'i gdul bya'i ngor/ kun gzhi'i rnam shes yod pa sogs bstan bya'i gtso bor byed tshul gsung pa'i phyir/ gzhan du na/ sgra ni mnyan par bya ba ma yin/ bum pa rtag ces sogs kyis rang 'grel la brjod bya med par thal/ sangs rgyas rang rgyud kyis bsdus pa'i bum pa rtag ces pa'i dag la @046a @#/ /bstan don med pa'i phyir/ rtags khas/ 'dod mi nus te/ de rnams kyis bum pa rtag pa sogs tshad mas bsal bar bstan pa'i phyir/ sgra mi rtag par tshad mas nges pa'i gang zag gis smras pa'i sgra mi rtag ces pa'i ngag des sgra rtag pa la mi gnod par thal/ de dam bca' yang dag yin la/ sgra mi rtag par tshad mas ma nges pa'i gang zag gis de lta bu'i ngag de dam bca' yang dag ma yin pa'i phyir/ rtags phyi ma khas; 'dod na/ dngos stobs yul la lung gnod byed du 'jug par thal/ 'dod pa'i phyir/ de dag gang la tshad ma yod/ des na gzhan la gnod byed 'gyur/ zhes bshad pa mi 'thad par thal/ sgra mi rtag par tshad mas nges pa'i gang zag gis smras pa'i sgra mi rtag ces pa'i ngag des sgra mi rtag pa la mi gnod pa'i phyir zhen/ ma khyab par thal/ de la rten min dngos po la zhes sogs kyis dam bca'i tshig rnams rang gi bstan don gyis log phyogs la gegs byed dang/ de dag gang la tshad ma yod/ ces sogs kyis tshad mas grub pa'i dam bca'i zhen don rnams kyis rang gi log phyogs la gnod par bstan pa'i phyir zhes kun mkhyen yon tan rgya mtshos gsungs so/ / ......../dam bca' ltar snang gang zhig /rang gi chos kyi ngo bo tshad mas bsal ba/ chos kyi khyad par tshad mas bsal ba/ chos can gyi ngo bo tshad mas bsal ba chos can gyi khyad par tshad mas bsal ba/ chos kyi ngo bo la tshad mas gnod pa'i dam bca' ltar snang sogs kyi mtshan nyid cen/ skyes bus gsar du byas pa'i ngag thams cad log pa'i don can yin no zhes pa'i spyod pa ba'i ngag chos can/ khyod kyi chos can gyi @046b ngo bo sogs la tshad mas gnod par thal/ khyod chos can gyi ngo bo la tshad mas gnod pa'i dam bca' ltar snang yin pa'i phyir/ 'dod na/ sgra rtag par dam bcas pa'i dam bca' de'i chos can gyi ngo bo la tshad mas gnod par thal/ 'dod pa'i phyir/ de la bum pa rtag ces pa'i dam bca' de'i chos can gyi ngo bo la tshad mas gnod par thal/ bum pa'i steng du rtag pa yod pa la tshad mas gnod pa bzhin du/ rtag pa'i steng du bum pa yod pa la tshad mas gnod pa'i phyir zhe na/ dam bca' ltar snang yin na dam bca' ltar snang bzhi ka yin pas khyab par thal/ bum pa rtag ces pa'i ngag chos can gyi ngo bo la tshad mas gnod pa'i dam bca' ltar snang (dam bca' ltar snang yin pa'i phyir/ 'dod mi nus te/ shes byed yin pa'i phyir 'dod mi nus te/ shes byed med cing grags tshod dang mi mthun pa'i phyir/ bum pa med par dam bcas pa'i dam bca' de/ chos kyi ngo bo la tshad mas gnod pa'i dam bca' ma yin par thal/ bum pa'i steng du med pa tshad mas grub pa'i phyir/ khyab pa khas/ 'dod na/ de dam bca' ltar snang ma yin par thal lo/ gang zag gi bdag med ces pa'i dag de/ chos can gyis ngo bo la tshad mas gnod pa'i dam bca' yin par thal/ med pa'i steng du gang zag gi bdag la tshad mas gnod pa'i phyir/ khyab pa khas/ 'dod na/ gang zag gi bdag med ces pa'i ngag chos can/ dam bca' ltar snang du thal/ chos can gyi ngo bo la tshad mas gnod pa'i dam bca' yin pa'i phyir/ gang zag gi bdag med ces pa'i ngag de chos kyi ngo bo la tshad mas gnod pa'i dam bca' yin par thal/ de chos can gyis ngo bo la tshad mas gnod pa'i dam @047a @#/ /bca' gang zhig /rgyu mtshan mtshungs pa'i phyir/ 'dod na/ de chos can/ dam bca' ltar snang du thal/ 'dod pa'i phyir/ 'on kyang/ dam bca' ltar snang yin na/ chos kyi ngo bo la tshad mas gnod pa'i dam bca' ltar snang yin pas khyab ste/ de sgrub kyi 'gal rtags yin na chos can gyi ngo bo bsgrub pa'i 'gal rtags yin pas ma khyab pa'i phyir/ dam bca' ltar snang yin na/ chos can gyi ngo bo la tshad mas gnod pa'i dam bca' ltar snang yin pas ma khyab ste/ de sgrub kyi 'gal rtags yin na/ chos can gyi ngo bo bsgrub pa'i 'gal rtags yin pas ma khyab pa'i phyir/ yang na 'gal rtags dang mi mtshungs te/ skyes bus gsar du byas pa'i ngag log pa'i don can yin zhen zhes pa'i spyod pa pa'i ngag de/ dam bca' ltar snang bzhi ka'i dper brjod du gsungs pa'i phyir/ ! gal te 'di lci 'og 'gror 'gyur/ zhes pa'i skabs su/ chos gsum ldan gyi khyad par du byas pa'i yan lag can/ rang gi yan lag rnams las rdzas gzhan du dam bcas pa'i bye brag pa'i dam bca' chos can/ khyod dam bca' yang dag ma yin te/ dam bca' khyod kyi zhen don la mngon sum sogs kyis gnod pa'i phyir/ khyod kyi zhen don la mngon sum gyis gnod de khyod kyi zhen don med par mngon sum gyis rtogs pa'i phyir/ de'i zhen don la grags pas gnod de/ chos gsum ldan gyis khyad par du.....byas pa'i yan lag can/ rang gi yan lag rnams las rdzas gzhan ma yin par 'jig rten na grags pa gang zhig /grags pa don dang mthun pa'i phyir/ kha cig na re/ de'i zhen don la grags pas gnod de/ de'i zhen don la rnam par @047b rtog pa gting tshugs kyis gnod pa'i phyir/ gzhan dag na re/ de'i zhen don la grags ba'i rjes dpag gis gnod de/ de la sgra brjod 'dod kyis dbang gis don thams cad la 'jug rung du rtogs pa'i grags pa'i rjes dpag gis gnod pa'i phyir te/ sgra dngos dbang gi 'jug pa la rjes dpag nges gnod pa'i phyir/ khyab ste/ sgra dngos dbang gi 'jug pa rgyu mtshan du byas nas chos gsum ldan gyi khyad par du byas pa'i yan lag can/ rang gi yan lag rnams las rdzas gzhan du dam bcas pa'i phyir zhes gsungs/ dam bca' de'i zhen don la dngos stobs rjes dpag gis gnod de/ de'i zhen don la chos gsum ldans gyis khyad par du byas pa'i yan lag can chos can/ rang gi yan lag rnams las rdzas gzhan ma yin pa'i lcid kyi yon tan lhag po med de/ de 'dra srad la brten nas mi rtogs pa'i phyir/ khas blangs snga phyi 'gal bas gnod pa'i tshul ni/ bye brag pas yan lag can la/ lcid kyi yon tan lhag po yod par khas blangs pa la gal te 'di lci 'og 'gro 'gyur/ zhes sogs kyi gnod byed bstan nas/ phyis de med par khas blangs pa'i phyir/ rang tshig dngos shugs 'gal bas gnod de/ dngos su yan lag can/ rang gi yan lag rnams las rdzas gzhan du dam bcas shing/ yan lag can du dam bcas pa'i shugs la tshogs tsam gyi kun rdzob par dam bcas pas yan lag rnams las rdzas gzhan ma yin par yang dam bcas pa'i phyir/ yang kha cig na re/ de la khas blangs snga phyir 'gal bas gnod de/ lcid sogs chos gsum po de yan lag can gyi khyad chos su dngos su khas blangs pa dang/ yan lag can cha med du @048a @#/ /khas blangs pa gnyis 'gal ba'i phyir/ rang tshig dngos shugs 'gal bas gnod de/ dngos su rang gi yan lag rnams dang rdzas gzhan du dam bcas/ shugs la rang gi yan lag rnams dang rdzas gzhan ma yin par 'phen pa'i phyir/ zhes sogs mang du smra bar byed do/ /rtag pa yod par dam bcas pa'i dam bca' chos can/ khyod dam bca' yang dag ma yin par thal/ dam bca' khyod kyi zhen don la tshad mas gnod pa'i phyir/ khyab pa khas/ sgra rtag pa yod par thal/ dam bca' rtag pa yod par dam bcas pa'i dam bca'i zhen don la tshad mas mi gnod pa'i phyir rtags khas/ dam bca' ltar snang yin na/ rang gi zhen don la khas blangs snga phyi 'gal ba sogs kyis gnod pas khyab par thal/ chos gsum ldan gyis khyad par du byas pa'i yan lag can rang gi yan lag rnams las rdzas gzhan du dam bcas pa'i dam bca'i zhen don la khas blangs snga phyi 'gal ba sogs kyis gnod pa'i phyir/ mngon sum don dang rjes dpag dang/ yid ches grags pas rang rten la'o/ /zhes pa'i skabs nas bstan pa'i grags pa de 'jig rten pa'i grags pa dang rnam par rtog pa gting tshugs tsaM la byed rigs par thal/ skabs 'di'i grags pa de rnams la byed rigs pa'i phyir/ rtags khas/ dam bca' de'i rgyu mtshan la gnod byed yin na/ dam bca' de'i zhen don la gnod byed yin pas khyab par thal/ sgra 'dod pa'i dbang gis don thams cad la 'jug rung du rtogs pa'i rjes dpag gis/ chos gsum gyis khyad par du byas pa'i yan lag can rang gi yan lag rnams las rdzas gzhan du dam bcas pa'i dam bca'i zhen don la gnod pa'i @048b phyir; 'dod na/ ha cang thal lo/ /yan lag rnams rang gi yan lag can las rdzas gzhan ma yin pa chos can/ khyod la grags pa'i rjes dpag tshad mar song ba ma yin par thal/ khyod la dngos stobs rjes dpag tshad mar song ba'i phyir/ rtags khyab khas/ chos kyis ngo bo la gnod pa'i dam bca' ltar snang 'chad pa'i skabs su/ dam bca' ltar snang cig nyid kyis zhen don la tshad ma rnam pa bzhis gnod tshul dngos su bstan par thal/ skabs 'dir; dam bca' ltar snang cig gi zhen don la tshad ma rnam pa bzhis gnod tshul bstan pa'i phyir/ rtags khas/ khyab ste/ chos kyi ngo bo la gnod pa'i dam bca' ltar snang gi zhen don la gnod tshul bzhi bstan pa la brten nas; dam bca' ltar snang phyi ma gsum gyi dper brjod dang gnod tshul rtogs par 'gyur ba'i phyir/ 'dis grub yan lag gyur pa yis/ zhes bshad pa'i phyir yan lag yin na/ yan lag tshogs tsam gyi kun rdzob pa yin pas khyab par thal/ bum pa yan lag can du dam bcas pa'i tshe bum pa yan lag tshogs tsam gyis kun rdzob pa yin pa'i phyir/ 'dod na/ yan lag can yin na/ rdzas su ma grub pas khyab par thal/ 'dod pa'i phyir/ 'dod na/ sa myug gnyis po chos can/ der thal/ de'i phyir/ 'dod na/ bdag nyid cig tu thal/ yod rdzas gzhan ma yin pa'i phyir/ 'dod na/ bdag skye yod par thal lo/ sa bon chos can/ yul rang ngos nas myu gu mi skyed par thal/ kun rdzob tsam yin pa'i phyir/ rtags khas/ 'dod na/ myu gu mi skyed par thal/ 'dod pa'i phyir/ khyab ste/ ci ste de ltar 'gyur/ zhes pa'i lung don grub pa'i phyir/ gang zag yin na/ khas blangs rang 'gal can yin pas khyab par thal/ gang @049a @#/ /zag yin na/ dang por dam bca' ltar snang khas blangs shing/ phyis dam bca' yang dag khas blangs pas khyab pa'i phyir/ khyab pa khas blangs/ bye brag pas yan lag rnams rang gi yan lag can dang rdzas gzhan du yang khas blangs/ rdzas gzhan ma yin par yang khas blangs par thal/ chos gsum ldan gyi khyad par du byas pa'i yan lag can rang gi yan lag rnams las rdzas gzhan du dam bcas pa'i dam bca'i zhen don la khas blangs snga phyi 'gal ba dang/ rang tshig dngos shugs 'gal ba sogs kyi gnod pa 'bab pa'i phyir/ rtags khas/ 'dod na/ skabs 'dir bye brag pa la rigs pa'i gnod byed bstan pa don med par thal/ 'dir khas blangs dngos 'gal gyi gnod byed bstan rigs pa'i phyir/ rtags khas/ yan lag can yin na/ cha bcas yin pas khyab par thal/ bum pa yan lag can du dam bcas pa'i tshe bum pa cha bcas su dam bcas pa'i phyir/ rtags khas/ 'dod na/ sngo rdul phra rab chos can/ der thal/ de'i phyir te/ khyod kyi yan lag yod pa'i phyir te/ khyod kyi ldog pa de khyod kyi yan lag yin pa'i phyir/ 'dod na/ phyogs kyi cha bcas su thal/ 'dod pa gang zhig /gzugs can yin pa'i phyir/ 'dod na/ khyod las chung ba'i gzugs can yod par thal/ khyod phyogs kyi cha bcas yin pa'i phyir/ 'dod mi nus te/ khyod gzugs can gyi chung mtha' yin pa'i phyir te/ rdul phra rab yin pa'i phyir/ dus mtha'i skad cig mas khyad par du byas pa'i shes pa chos can/ skad cig snga phyid cha bcas su thal/ shes pa gang zhig/ cha bcas yin pa'i phyir/ rtags phyi ma khas/ 'dod na/ khyod las thung ba'i dus yod par thal/ @049b khyod rang gi skad cig snga phyi'i cha dang bcas pa gang zhig /dngos po yin pa'i phyir/ 'dod na/ med par thal/ khyod dus mtha'i skad cig ma yin pa'i phyir/ phyi don med par thal/ rdul phra rab phyogs kyi cha med yin pa'i phyir; rtags khas/ yang na rdul phra rab chos can/ cha bcas su thal/ rang gi skad cig snga phyi'i cha dang bcas pa'i phyir/ khyab ste/ bya rdzogs kyi shes pa rnams cha bcas yin pa'i rgyu mtshan yod pa'i phyir/ gzhan yang; sngon po'i rdul phra rab chos can/ sngon po dang gcig yin par thal/ de dang rdzas gcig gang zhig /cha med yin pa'i phyir/ cha sed kyi khyad par du byas pa'i sangs rgyas 'phags pa'i rgyud kyi nyan blo chos can/ yi ge ring po thos pa'i nyan shes ma yin par thal/ cha med yin pa'i phyir/ 'dod na/ chos can grub pa 'bud/ 'bras bu yin na/ cha bcas yin dgos par thal/ de 'bras zhen dum dang/ zhes sogs kyis don grub pa'i phyir/ rdul phra rab chos can/ cha bcas su thal rang gi rgyu dus su skyes pa'i cha/ rang gi dus su gnas pa'i cha/ rang gi 'bras bu'i dus su zhig pa'i cha dang bcas pa'i phyir te/ 'dus byas yin pa'i phyir/ /skad cig so sor gzhan yin brjod/ ces pa'i don ma grub par thal/ dngos po yin na/ rang gi skad cig snga phyi'i cha dang bcas pa yin pas ma khyab pa'i phyir/ /rtags khas/ 'dod na/ rtsol ba las byung ba'i sgra rtag par dam bcas pa'i dam bca'i zhen don la khas blangs snga phyi 'gal ba dang/ rang tshig snga phyi 'gal ba'i gnod pa 'bab par thal/ rtsol ba las byung ba'i sgra yin na/ /rtag par 'gal ba'i phyir/ ma khyab na/ chos gsum gyis khyad @050a @#/ /par du byas na/ cha bcas yin dgos na/ chos gsum ldan gyis khyad par du byas pa'i yan lag can rang gi yan lag rnams las rdzas gzhan du dam bcas pa'i dam bca'i zhen don la khas blangs snga phyi 'gal ba dang/ rang tshig dngos shugs 'gal ba sogs kyis gnod pa 'bab pas khyab pa 'bud/ 'dod na/ dam bca' ltar snang yin na/ rang gi zhen don la khas blangs snga phyi 'gal ba sogs kyis gnod pas khyab par thal/ 'dod pa'i phyir/ chos gsum ldan gyis khyad par du byas pa'i yan lag can chos can/ lcid kyi yon tan lhag po med par thal/ rang gi yan lag la med pa'i lcid kyi yon tan lhag po med pa gang zhig/ rang gi yan lag rnams la med pa'i lcid kyi yon tan lhag po med pa'i phyir/ dang po dngos/ gnyis pa grub ste/ khyod kyi yan lag med pa'i phyir/ 'dod na/ lcid med par thal/ 'dod pa'i phyir/ 'dod na/ reg bya med par thal/ 'dod pa'i phyir/ sbyor 'god la/ chos gsum ldan gyis khyad par du byas pa'i yan lag chos can/ rang nyid la rang gi yan lag rnams la med pa'i lcid kyi yon tan lhag po med de/ de ltar srang gis ma rtogs pa'i phyir zhe na/ 'o na/ chos gsum ldan gyis khyad par du byas pa'i yan lag can rang gi yan lag rnams las rdzas gzhan ma yin par sgrub pa'i rtags yang dag yod par thal/ sbyor ba de 'thad pa'i phyir/ yan lag rnams ni yan lag can las gzhan ma yin pa'i phyir/ zhes gsungs pa mi 'thad par thal/ skabs 'dir chos gsum ldan gyis khyad par du byas pa'i yan lag can chos can du 'dzin pa rigs pa'i phyir/ /kha cig/ chos gsum ldan gyis khyad par du byas pa'i yan lag can rang gi @050b yan lag rnaMs las rdzas gzhan du dam bcas pa'i daM bca' de chos kyi khyad par la gnod pa'i bye brag pa'i daM bca' ltar snang du thal/ sbyor ba de 'thad pa'i phyir/ 'dod na/ chos gsuM ldan gyis khyad par du byas pa'i yan lag can rang gi yan lag rnaMs las rdzas gzhan du daM bcas pa'i dam bca' de chos kyis khyad par la gnod pa'i dam bca' ltar snang ma yin par thal/ de chos can gyi khyad par la gnod pa'i dam bca' ltar snang yin pa'i phyir te/ bye brag pa de lci soD chos gsuM po de yan lag can gyi khyad chos su 'dod pa'i phyir zhe na/ /sngar gyi dam bca' de chos kyi khyad par la gnod pa'i dam bca' ltar snang du thal/ bye brag pa de/ lci sogs chos gsum po de yan lag rnaMs las rdzas gzhan de'i khyad chos su 'dod pa'i phyir te/ yan lag rnaMs las rdzas gzhan du gyur pa'i yan lag can gyi khyad chos su 'dod pa'i phyir/ gzhan yang/ chos kyi khyad par la gnod pa'i dam bca' ltar snang dang/ chos can gyi khyad par la gnod pa'i dam bca' ltar snang gnyis mi 'gal bar thal/ skyes bu gsar du byas pa'i ngag thams cad log pa'i don du dam bcas pa'i spyod pa'i dam bca' de dam bca' lar snang bzhi ga'i dper brjod du gsungs pa la rgyu mtshan yod pa'i phyir/ kha cig/ lcid mnyam pa'i 'jim ril bcu tshan gnyis las/ gci cig car bsdoms/ gcig rim gyis bsdoms nas srang la bcal ba'i tshe/ 'jim ril lnga ma'i lcid gtan la 'beb pa'i sras de las/ snga ma'i lcid gtan la 'beb pa'i srang de/ mgo dma' bar 'gyur par thal/ phyi ma la yan lag can gyi lcid gcig /snga ma la dgu yod pa'i phyir zhe na/ de@051a @#/ /rnams mi rigs par thal/ bye brag pa des sngar gyi 'jim gong gnyis ka la yang yan lag can gyi lcid lhag po dgu dgu yod par 'dod pa'i phyir te/ 'jim gong re re la 'jim ril bcu phrad pa'i yan lag can gyi lcid yod par 'dod pa'i phyir te/ sngar gyi 'jim gong re re la yang 'jim ri la dang po dang gnyis pa phrad pa'i yan lag can gyi lcid yod par 'dod pa gang zhig /de bzhin du 'jim ril gnyis pa dang gsum pa phrad pa sogs la yang mtshungs pa'i phyir/ sngar gyi 'jim gong gnyis po de skabs 'dir yan lag dang yan lag can du 'dod par thal/ sbyor ba 'thad pa'i phyir/ 'dod na/ de rnams rgyu 'bras su 'dod par thal/ 'dod pa'i phyir/ khyab ste/ bye brag pas/ skabs 'di'i yan lag dang yan lag can rgyu 'bras su 'dod pa'i phyir te/ ma mthong ba la 'bras med pa/ mthong nas yag lag can sgrub 'dod/ ces bshad pa'i phyir/ rtsa bar 'dod na/ bye brag pa des/ rwa g.yas pa dang g.yon pa gnyis rgyu 'bras su 'dod par thal/ /'dod pa'i phyir/ gal te 'di lci 'og 'gror 'gyur/ zhes sogs dang/ de yi cig car ldan pa/ zhes sogs la zlos skyon yod par thal; sngar gyi sbyor ba 'thad pa'i phyir/ 'jim ril bcu tshan gnyis las/ sngar ma bsdoms par srang la bcal phyis cig car bsdoms nas srang la bcal ba'i tshe/ 'jim ril snga ma'i lcid gtan la 'beb pa'i srang de las/ phyi ma'i lcid gtan la 'beb pa'i srang mgo dma' bar 'gyur bar thal/ 'jim ril phyi ma la yan lag can gyi lcid lhag po dgu yod pa'i phyir zhe na/ skabs 'di'i thal 'gyur la/ phra mo @051b nas btsams rdzas phreng ngag /ces sogs kyi skyon spong 'byung ba mi 'thad par thal/ sbyor 'god 'thad pa'i phyir/ bum pa'i yan lag rnams chos can/ rang gi yan lag can gyi lcid de rang nyid kyi lcid las lhag pa ma yin te/ de ltar yin na srang la brten nas rtogs dgos pa las de ltar ma rtogs pa'i phyir zhes rtags yang dag gi sbyor ba yin no zhe na/ byas pa yin na/ mi rtag pa yin dgos pa gang zhig /byas pa de sgra mi rtag par sgrub pa'i rtag yang dag yin par thal/ sngar gyi sbyor ba de rnams rtags yang dag gi sbyor ba yin pa'i phyir/ 'dod na/ sgra mi rtag par sgrub dgos kyi phyi rgol des/ sgra byas na/ sgra mi rtag pa'i khyab pa nges par thal/ 'dod pa'i phyir/ 'dod na/ de sgrub kyi phyi rgol nges sgra'i byas pa mi rtag par tshad mas nges par thal lo/ 'dod na/ des sgra mi rtag par tshad mas nges par thal/ 'dod pa'i phyir/ rang lugs kyi sbyor 'god ni/ bum pa'i yan lag rnams chos can/ rang gi lcing gtan la 'beb pa'i srang de las/ rang gi yan lag can gyi lcing gtan la 'beb pa'i srang mgo dma' bar 'gyur bar thal/ rang gi lcing de las rang gi lan lag can gyi lcid lhag pa'i phyir/ de ltar bcal ba las de chos can/ rang gi lcing de las rang gi yan lag can gyi lcid lhag pa ma yin te/ rang gi lcid gtan la 'beb pa'i srang de las/ rang gi yan lag can gyi lcid gtan la bbeb pa'i srang mgo dma' bar mi rung ba'i phyir/ gzhan yang/ brjod par bya ba mang ste/ rtogs slabs re zhig bzhag go / ! bya ba dus gsum @052a @#/ /yul can phyir/ zhes pa'i skabs su/ sgra chos can/ mi rtag te/ mig gi gzung bya yin pa'i phyir/ dper na blo bzhin/ zhes bkod pa'i tshe na/ sgra blo mig gi gzung bya yin pa chos can/ bsgrub bya yin par thal/ bsgrub byar bstan par bya ba yin pa'i phyir/ der thal/ shes byed skabs kyi dbang du byas pa gang zhig / phyi rgol gyi tshad mas ma grub pa'i phyir zhe na/ sgra rtag pa bsgrub bya ma yin par thal/ sgra blo mig gi gzung bya yin pa bsgrub bya ma yin pa'i phyir/ rtags gsal khas/ sgra mi rtag par sgrub pa'i snga rgol gyis/ de sgrub kyi phyi rgol gyi ngor/ sgra chos can/ mi rtag te/ byas pa'i phyir zhes bkod pa'i tshe/ sgra byas pa de sgra mi rtag par sgrub pa'i rtags su bkod par thal/ sgra chos can/ mi rtag te mig gi gzung bya yin pa'i phyir zhes bkod pa'i tshe/ sgra mig gi gzung bya yin pa de sgrub kyi rtags su bkod pa'i phyir/ 'dod na song; de ltar bkod pa'i tshe sgra byas pa chos can/ sgra mi rtag par sgrub pa'i rtags yang dag yin par thal/ de sgrub kyi snga rgol yang dag gis de sgrub kyi phyi rgol yang dag gi ngor sgra mi rtag sgrub la byas pa rtags su bkod pa'i tshe/ sgra mi rtag par sgrub pa'i rtags su bkod pa'i phyir/ rtags khas/ kha cig na re/ sgra blo mig gi gzung bya yin pa chos can/ sgra mi rtag par sgrub pa'i bsgrub bya yin par thal/ bsgrub byar bstan bya ba yin pa'i phyir zhe na/ mi 'thad pa thal/ rigs pa can pas sgrub byar bstan bya ba yin na/ sgra mi rtag par sgrub pa'i bsgrub bya yin pas khyab pa khas ma blangs pa'i phyir/ sgra byas pa dang bum pa mi rtag par tshad mas ma nges pa'i rgol bas/ sgra chos can/ mi rtag te/ @052b byas pa'i phyir/ dper na bum pa bzhin/ zhes bkod pa'i tshe/ sgra byas pa dang bum pa mi rtag pa chos can/ bsgrub bya yin par thal/ bsgrub byar bstan bya ba yin pa'i phyir/ shes byed skabs kyi dbang du byas pa gang zhig / phyi rgol gyis tshad mas ma grub pa'i phyir zhe na/ mi rigs par thal/ rtags la gnod byed brjod zin cing/ 'dod lan thebs pa'i phyir te/ sbyor ba skor cig gi bsgrub bya dang sgrub byed mi 'gal ba'i phyir ro/ /rang lugs ni/ de ltar brjod pa'i tshe/ sgra blo mig gi gzung bya yin pa chos can/ sgra mi rtag par sgrub pa'i bsgrub pa'i bsgrub bya yang dag yin par thal/ sgra mi rtag par sgrub pa'i bsgrub byar bstan bya ba yin pa'i phyir/ der thal/ sgra mi rtag par sgrub pa'i bsgrub byar 'gyur rung yin pa'i phyir/ der thal/ sgra mi rtag par sgrub pa'i shes byed skabs kyi dbang du byas pa gang zhig /phyi rgol gyis ma grub pa yin pa'i phyir/ thal 'gyur dang po'i khyab pa dngos 'gal/ thal 'gyur gnyis pa la khyab pa yod de bsgrub byar bstan bya ba zhes pa'i ngag de/ bsgrub byar gyur zin pa dang/ 'gyur du rung ba dang gyur bzhin pa gsum ka la 'jug pa'i phyir/ thal 'gyur gsum pa'i khyab pa med na/ shes byed skabs kyi dbang du byas pa gang zhig /phyi rgol gyi tshad mas ma grub na/ bsgrub byar bstan bya ba yin pas khyab pa yod pa 'bud/ rtags dang po gnyis khas/ rtsa bar 'dod na/ sgra blo mig gi gzung bya yin no zhes pa'i ngag de sgra mi rtag par sgrub pa'i bsgrub bya brjod pa'i ngag yin par thal/ 'dod pa'i phyir/ 'dod na/ sgra blo mig gi gzung bya yin/ zhes pa'i ngag chos can/ de sgrub kyi dam bca' yin par thal/ 'dod pa'i phyir/ / @053a @#/ / ! gtan tshigs rab tu dbye ba'i don/ zhes pa'i skabs su/ de sgrub kyi rtags yang dag gang zhig/ de sgrub kyi mthun phyogs de khyod kho na'i steng du 'god tshul dang mthun par yod pa dang/ de gang zhig / de sgrub kyi mthun phyogs mtha' dag la 'jug pa dang/ yang de gang zhig /de sgrub kyi mthun phyogs la rnam gnyis su mi 'jug pa rnams/ de sgrub kyi mthun phyogs la khyab byed du 'jug pa'i rtags yang dag gi mtshan nyid ce na/ /brtags yod chos gsum tshang ba chos can/ bum pa mtshon byar sgrub pa'i mthun phyogs de/ khyod kho na'i steng du 'god tshul dang mthun par yod par thal/ de sgrub kyi mthun phyogs la khyab byed du 'jug pa'i rtaT yang dag yin pa'i phyir te/ mtshon bya'i mtshan nyid yin pa'i phyir/ 'dod na/ de chos can/ de sgrub kyi mthun phyogs su thal/ de sgrub kyi 'god tshul yin dgos gang zhig/ 'dod pa'i phyir/ 'dod na/ mtshon byar thal lo/ / shes bya zhes pa'i ngag chos can/ lhas byin gyi rgyud kyis bsdus pa'i ngag mi rtag par sgrub pa'i mthun phyogs la khyab byed du 'jug pa'i rtags yang dag tu thal/ de sgrub kyi mtshan nyid de'i phyir te/ de sgrub kyi rtags yang dag gang zhig/ de sgrub kyi mthun phyogs mtha' dag la dngos su 'jug pa'i phyir/ ma grub na/ de sgrub kyi mthun phyogs mtha' dag chos can/ shes bya zhes pa'i sgra dngos su 'jug par thal/ shes bya yin pa'i phyir/ rtsa bar 'dod na/ mi rtag pa yin na/ khyod yin pas khyab par thal/ 'dod pa'i phyir/ gzhal bya chos can/ sgra rtag par sgrub pa'i tshul gsum gang zhig /sgra rtag par sgrub pa'i mthun phyogs la rnam gnyis su 'jug pa'i gtan @053b tshigs min pa min par thal/ de sgrub kyi mthun phyogs la khyab byed du 'jug pa'i gtan tshigs ma yin pa'i phyir/ khyab pa khas/ 'dod na sla/ chos de gzhi de yin par sgrub pa'i tshul gsum gang zhig /gzhi de yin na khyod yin dgos pa/ khyod chos de gzhi de yin par sgrub pa'i mthun phyogs la khyab byed du 'jug pa'i rtags yang dag gi mtshan nyid ce na/ sgra mi rtag pa chos can/ dung sgra bdag med du sgrub pa'i mthun phyogs la khyab byed du 'jug pa'i rtags yang dag tu thal/ de sgrub kyi mtshan nyid de'i phyir/ 'dod mi nus te/ khyod mi rtag pa yin pa'i phyir/ chos de gzhi de yin par sgrub pa'i tshul gsum gang zhig/ gzhi de yang yin/ khyod ma yin pa yang yin pa'i gzhi mthun mi srid pa/ khyod chos de gzhi de yin par sgrub pa'i mthun phyogs la khyab byed du 'jug pa'i rtags yang dag gi mtshan nyid ce na/ bum pa med par rtogs pa'i rnam mkhyen gyi gzhal bya yin pa chos can/ sgra gang zag gi bdag med du sgrub pa'i mtshon bya der thal/ mtshan nyid de'i phyir te/ gang zag gi bdag med yang yin khyod ma yin pa yang yin pa'i gzhi mthun med pa gang zhig /khyod de sgrub kyi rtags yang dag yin pa'i phyir/ dang po grub ste/ khyod min pa med pa'i phyir/ ma grub na/ bum pa med par rtogs pa'i rnam mkhyen gyi gzhal bya ma yin pa ma yin pa med par thal/ de yin pa med pa'i phyir te/ bum pa yod pa'i phyir/ de sgrub kyi tshul gsum gang zhig /de sgrub kyi mthun phyogs yin na khyod yod pas khyab pa 'am/ khyod yin pa'i khyab pa gang rung/ khyod de sgrub kyi mthun phyogs la khyab byed du 'jug pa'i @054a @#/ /rtags yang dag gi mtshan nyid cen/ rtsol byung chos can/ dung sgra mi rtag par sgrub pa'i mthun phyogs la khyab byed du 'jug pa'i gtan tshigs su thal/ de sgrub kyi mtshan nyid de'i phyir/ 'dod na/ min par thal/ de sgrub kyis mthun phyogs la rnam gnyis su 'jug pa'i rtags yang dag yin pa'i phyir/ sbyor ba'i 'god tshul la/ slob dpon phyogs kyi glang pos/ phyogs chos can gyi rtags yang dag gi rab dbye dgur bsdus nas gsung pa chos can; dgos pa yod de/ mthun phyogs la khyab byed du 'jug pa dang/ rnam gnyis su 'jug pa'i rtags yang dag gi dbye ba bde blag tu rtogs pa'i dgos pa yod pa'i phyir zhe na/ phyogs chos can gyi gtan tshigs yin na rtags yang dag yin dgos par thal/ sbyor ba de 'thad pa'i phyir/ rtags gsal khas/ byas pa mthun phyogs la khyab byed du 'jug /rtsol byung mthun phyogs la rnam gnyis su 'jug pa'i khyad par 'thad par thal/ gtan tshigs sngar bzhin no// ! chos kyis tshig phrad tha dad par/ byed ces pa'i skabs su/ nges gzung khyad par gyi chos dang lhan cig tu sbyar ba'i mnyan bya/ mi ldan rnam gcod kyi sgra'i mtshan nyid/ nges gzung khyad par gyi gzhi dang lhan cig tu gyur pa'i mnyan bya de/ gzhan ldan rnam gcod kyi sgra'i mtshan nyid/ nges gzung bya ba dang lhan cig tu sbyar ba'i mnyan bya de/ mi srid rnam gcod kyi sgra'i mtshan nyid ce na/ de sbyar med kyang brjod 'dod las/ de don nyid ni rtogs par 'gyur zhes ba'i gzhung don ma grub par thal/ sngar gyi mtshan nyid 'thad pa'i phyir/ dper na nag pa 'phong skyen pa'am/ zhes sogs kyi lung don ma grub par thal/ @054b nag pa 'phong skyen zhes pa'i ngag de/ mi ldan rnam gcod kyi sgra ma yin pa'i phyir/ ma grub na/ mtshan nyid dang po rigs pa 'bud/ chos de gzhi de la mi ldan pa rnam par bcad nas chos de gzhi de la ldan nges su go bar byed pa'i mnyan bya de/ chos de gzhi de la mi ldan pa rnam par gcod pa'i sgra'i mtshan nyid/ chos de gzhi de kho na la ldan nges su go bar byed pa'i mnyan bya de/ chos de gzhi de las gzhan la ldan pa rnam par gcod pa'i sgra'i mtshan nyid ces gsungs shing/ rnam gcod gsum po 'gal lo zhe na/ sgra kho na mnyan bya yin zhes pa'i ngag chos can/ mnyan bya sgra la mi ldan pa rnam par gcod pa'i sgra yin par thal/ mnyan bya sgra la mi ldan pa /rnam par bcad nas mnyan bya sgral ldan nges kho nar go bar byed pa'i ngag yin pa'i phyir/ 'dod na/ rnam gcod kyi ngag gnyis po 'gal ba 'bud/ rnam gcod kyi don gnyis po 'gal bar thal/ ngag gnyis po 'gal ba'i phyir/ gzhan yang/ rnam gcod kyi ngag gnyis po mi 'gal bar thal/ mnyan bya sgra kho na la ldan nges su ston pa'i ngag yin na/ mnyan bya sgra la ldan nges kho nar ston pa'i ngag yin dgos pa'i phyir/ yang na 'di ltar brjod de mi ldan rnam gcod kyi ngag dang/ gzhan ldan rnam gcod kyi ngag gnyis 'gal bar thal/ sgra kho na/ mnyan bya yin zhes pa'i ngag 'di gzhan ldan rnam gcod kyi ngag tu song ba'i rgol ba dang/ sgra mnyan bya yin pa kho na zhes pa'i ngag mi ldan rnam gcod du song ba'i rgol ba gnyis po 'gal ba'i phyir/ der thal/ ngag snga ma de brjod dgos kyi rgol ba de dor/ ngag phyi ma de nyid brjod pa dgos pa med pa'i phyir/ @055a @#/ /ngag snga ma de nyid brjod pa skabs su bab pa'i rgol ba yin na/ mnyan bya sgra la ldan nges su rtogs pas khyab pa gang zhig /mnyan bya sgra la ldan nges su tshad mas rtogs pa'i rgol ba'i ngor/ ngag phyi ma de bkod pa la dgos pa med pa'i phyir te/ sgra mi rtag par tshad mas grub zin pa la slar sgra mi rtag par sgrub pa la dgos pa med pa'i phyir/ 'on kyang/ 'di rnams kyi khyad par brjod par 'dod pa dang/ shes par 'dod pa yul dus kyi khyad par la rag las ste/ de ltar grags dang nus pa dang/ sgra ni brjod 'dod rjes 'brang phyir/ zhes bshad pa'i phyir/ kha cig/ srid sgrub kho na yod par thal/ srid sgrub kho na yod ces pa'i ngag de/ gzhan ldan rnams gcod kyi ngag don mthun yin pa'i phyir/ 'dod na/ nag pa med par thal/ srid sgrub kho na yod pa'i phyir zhes zer zhing/ /srid sgrub 'phongs skyen zhes pa'i ngag gzhan ldan rnam gcod/ nag pa 'phongs skyen zhes pa'i ngag de mi ldan rnam gcod yin zhe na/ /nang 'gal te/ srid sgrub kho na 'phongs skyen par thal/ srid sgrub kho na 'phongs skyen zhes pa'i ngag de/ gzhan ldan rnam gcod kyi ngag don mthun yin pa'i phyir/ 'dod na/ nag pa 'phongs mi skyen par thal/ 'dod pa'i phyir/ 'dod mi nus par thal/ nag pa 'phongs skyen zhes pa'i ngag de mi ldan rnam gcod kyi ngag don mthun yin pa'i phyir/ 'khor gsum rnams khas blangs so/ / ! rang bzhin 'bras bu grub don du zhes sogs kyis skabs su/ rtags yang dag gnyis dang 'gal rtags gnyis kyi dper brjod smos pa chos can/ dgos pa yod de/ 'bras rang gi rtags gnyis po de 'brel ba'i dbang gis rang gi bsgrub bya @055b sgrub par byed pa'i rtags yang dag dang/ log phyogs sgrub pa'i 'gal rtags yin no zhes rtogs pa'i dgos pa yod pa'i phyir/ thun mong ma yin pa'i ma nges pa'i rtags kyi dper brjod dang/ dngos ma nges kyi rtags kyi dper brjod gsungs pa chos can/ dgos pa yod de/ rjes 'gro rkyang pa can gyi rtags yang dag dang/ ldog pa rkyang pa can gyi rtags yang dag dgag pa'i dgos pa yod pa'i phyir zhe na/ slob dpon phyogs kyi glang pos byas pa 'gal rtags kyi dper smos par thal/ slob dpon phyogs kyi glang pos 'gal rtags kyi dper brjod smos pa'i phyir/ rtags khas/ 'dod na/ byas pa rtags yang dag dang 'gal rtags kyi gzhi mthun tu thal; 'dod pa'i phyir/ brtags yod chos gsum tshang ba chos can/ bum pa mtshon byar sgrub pa'i mi mthun phyogs las ldog par thal/ de sgrub kyi rtags yang dag yin pa'i phyir/ 'dod na/ mtshan nyid ma yin par thal/ 'dod pa'i phyir/ gtan tshigs gzhan rnams kyi rnam bzhag gong du rgyas par bshad pa las rtogs par bya zhing/ thun mong ma yin pa'i ma nges pa'i rtags kyis rnam bzhag mdor bsdus brjod na/ de sgrub kyi ma nges pa'i gtan tshigs gang zhig /de sgrub kyi rtsod gzhi chos can dug zung bya'i thun mong ma yin pa'i chos yin pa/ yang de gang zhig de sgrub kyi phyogs chos can du song ba'i gang zag gis de sgrub kyi mthun phyogs dang mi thun phyogs gang rung la yod par ma nges pa/ de sgrub la phyogs chos can du song ba'i gang zag gis/ de sgrub kyi mthun phyogs la yod pa dang/ mi mthun phyogs la med pa gang rung du nges pa min pa gang zhig /de sgrub la phyogs chos can du @056a @#/ /song ba'i gang zag gis de sgrub kyi mthun phyogs la yod par ma mthong ba zhe na/ don dam par don byed nus pa'i ldog pa de chos can/ don dam par don byed nus pa'i chos su thal/ de rtag par sgrub pa'i thun mong ma yin pa'i ma nges pa'i gtan tshigs yin pa'i phyir/ khyab pa khas/ 'dod na/ rang mtshan du thal/ 'dod pa'i phyir/ mnyan bya chos can/ sgra mi rtag sgrub la phyogs chos can du song ba'i gang zag nges/ sgra mi rtag par sgrub pa'i mthun phyogs dang mi mthun phyogs gang rung la yod par ma nges par thal/ sgra mi rtag par sgrub pa'i thun mong ma yin pa'i ma nges pa'i gtan tshiD yin pa'i phyir/ 'dod mi nus par thal/ sgra mi rtag par sgrub dgos kyi phyi rgol des/ sgra rtag mi rtag gang rung du nges par bsgrub zin pa'i phyir/ ngag smra ba chos can/ lha skal don du song ba'i gang zag gi ngor/ ngag smra ba'i lhas byin lha las tshe 'phos par sgrub pa'i thun mong ma yin pa'i ma nges pa'i gtan tshig yin par thal/ rgol ba de'i ngor de sgrub kyi ma nges pa'i gtan tshigs gang zhig /rgol ba nges de ltar sgrub pa'i mthun phyoT la yod pa yang ma nges/ mi mthun phyogs la med par yang ma nges pa'i phyir/ 'dod na/ ma yin par thal/ rgol ba de'i ngor ngag smra ba'i lhas byin gyi thun mong ma yin pa'i khyad chos ma yin pa'i phyir/ mnyan bya chos can/ sgra mi rtag sgrub la phyogs chos can du song ba'i gang zag gis/ sgra mi rtag par sgrub pa'i mthun phyogs la ma rtogs par thal/ khyod sgra mi rtag par sgrub pa'i thun mong ma yin pa'i ma nges pa'i gtan tshigs yin pa'i phyir/ 'dod mi nus par thal/ mnyan bya sgra mi rtag sgrub la rtags yang dag tu song ba'i @056b rgol ba dbang rnon yod par bsgrub zin pa gang zhig /sgra mi rtag par sgrub dgos kyi phyi rgol gyi rgyud kyi sgra 'dzin dbang pa' mngon sum des/ sgra'i yon tan mtha' dag ma thong ba yin pa'i phyir te/ de phyir dngos po mthong ba yi/ yon tan mtha' dag mthong ba nyid/ ces bshad pa'i phyir// ! //phul byung blo gros gang ri'i 'phrod nas 'ong/ /thub bstan gser gyi mdzin ma'i ngos su lhung/ /dran shes dri gzhon tshogs kyis kun nas rten/ legs bshad yid 'ongs pa padmo'i dra bas khebs/ /nyes bshad dug chu'i rnyog pa dang bral zhing/ /dgag sgrub rlabs kyi 'phreng ba phyogs bcur g.yo/ /gzhan phan yid bzhin nor bu'i tshogs kyis bltams/ /skal bzang klu dbang stong gi nyer 'tsho'i gzhi/ /phas rgol dus mtha'i nyin byed 'bum gyis kyang/ /gnod pa'i go skabs ring du spangs pa'i phyir/ /rab byed 'di ni rigs pa'i rgya mtsho yin/ /mdo dang sde bdun rig pa'i dpung tshoT bzhis; ;bstan pa'i rgyal srid legs par skyong byed cig /legs bshad 'byor pa'i dpal yon rgyas pa des/ /rgyun chad med par gsung gis bskul ba'i ngor/ /chos grags gsung gi bdud rtsi myangs pa'i mthus; ;dri med rigs pa'i 'byor pa mi dman zhing/ /dpal ldan dam pa'i mgon la lhag par gus/ /'phrin las bzang pos thub bstan spel phyir sbyar/ /legs bshad nyi 'od 'bum phrag phyogs bcur g.yo/ / dam pas rjes bzung legs pa'i lam la gus/ /rmad byung 'phags nor bdun gyis phyug pa des/ /yi ge'i 'du byed shin tu dag par bgyis/ /'di yi dge bas bdag gzhan 'gro ba kun/ /bdud dang mu stegs rgol @057a @#/ /ba ngan pa'i tshogs/ /ma lus 'joms shing bstan pa spel phyir du/ /grangs med bskal par lus dang srog la yang/ /ltos pa med par rab 'byams zhing rnams su/ /'chad rtsod rtsom pas dus rnams 'da' ba yi/ /rgyal ba sras bcas ma lus mnyes byed shog /ces tshad ma'i bstan bcos kyi rab tu byed pa mdor bsdus pa 'di ni yongs rdzogs bstan pa'i mnga' bdag kun mkhyen pa'i skyes bu yon tan rgya mtsho yab sras brgyud pa dang bcas pa rnams dang/ /don gyi slad du mtshan nas smos te dge 'dun grub pa dpal bzang po zhes snyan pa'i grags pa'i sa'i steng ma lus par khyab cing/ /rnam par dkar ba'i mdzad pa rlabs po ches/ /bstan pa'i rgyal mtshan srid mtha'i bar du bsgreng par byed pa la ston pa nyid dang tshul kun nas mtshungs pa de'i bka' drin la bsten nas/ /chos 'byor dpal bzang pos chos grwa chen bkra shis lhun po dpal gyi bde chen phyogs thams cad las rnam par rgyal ba'i gling gi hgtsug lag khang du sbyar ba'o// dad gtong lhag bsam ldan pa bkras lhun rgya khams dge shes rdo rje rnam rgyal nas par bskrun zhal 'deb hen sgor 2000 tham pa rab 'byung ma bsod nams sgrol ma bsod nams bstob brgyad shes rab me 'bar tshe 'das 'bras blo gling dge shes a ba jang tsha sha bka' zur jang tsha chos mdzad sogs 'das son yong la bskyed phring kun gzhung bzang 'di yi lam la gus rtag 'byor ba'i gzhung don tha dag rtogs nas ma rgan rnam mkhyen rgyal ba'i sa la re 'gyur cig //dge legs 'phel/