@#/ /shAkya'i btsun gzugs b+hi k+Shu ma ti bod+hi rang nyid 'khor
bar 'khyams pa'i ngang tshul ji bzhin gsal bar bkod pa de nyid
gsal ba'i sgron me bi ha ra tasmi/ /

@001b @##/ /na mo badzra d+hA ra ya/ blo chen rgyal ba kun gyi
mkhyen pa'i gter/ /gcig tu bsdus pa 'jam dpal rdo rje'i sku/
/gang

gi zhabs rdul snying gi chu skyes dbus/ /'bral med gus bsten
ngag gi dbang phyug stsol/ /dge tshogs bye bas bskrun pa'i rmad
byung sku/ /thar 'dod

gtan 'dun mchog la 'god pa'i gsung/ /zab yangs chos kun skyong
ba'i rgya mtsho'i thugs/ /gsum ldan rdo rje 'dzin rgyal la phyag
'tshal/ /

blo gros bzang po'i gzhal med khang bzang rtser/ /bshad sgrub
bstan pa'i rgyal mtshan mngon par mtho/ /tshul gnas khrims ldan
'gro la bu

@002a @#/ /bzhin byams/ /lus can rgya mtsho'i mgon la gsol ba
'debs/ /blo bzang rgyal ba'i bstan pa'i snying po mchog /'dzin

la zla bral smra ba'i dbang phyug che/ /tshul khrims rgyan mdzes
phun tshogs yon tan 'bum/ /thugs rgyud legs gtams rdo rje 'chang
la 'dud/ /

drin can pha rgod rnam gsum zhabs skyes rdul/ /bdag gi spyi bo'i
gtsug tu legs bzhugs nas/ /nam yang 'bral med brtse bas rjes
bzung ste/ /

bdag gi sgo gsum byin gyis brlab tu gsol/ /rab rmongs bdag ni
thos pa dang bral zhing/ /sgo gsum dge la spyod pa de bas dben/
/phan byed yon

@002b tan nam mkha'i chu skyes bzhin/ /chos brdzu'i chu shing
khyogs la legs drangs nas/ /rang mgo rang gis bskor tshul 'di
bsam na/ /bdag gi snying la gdon chen ci zhig zhugs/ /gzhan ngor
mdzes

chos sgyu ma'i 'khrul 'khor sogs/ /sna tshogs thabs kyis rang
gzhan 'phung la sbyor/ /de phyir bdag 'dra'i 'khor bar 'khyams
tshul gyi/ /yig nyog dgos zhes dam pa'i skyes bu yis/ /yang yang

gsung mod dgos pa cher med pas/ /de las ma Ni skyabs 'gro bsags
na 'tshengs/ /'on kyang dam pa'i gsung tshig gyen lan du/ /ma ldog
tsam du rang nyid 'khor ba 'dir/ /'khyams tshul yid la gang

nges sgro 'dogs dang/ /gshom ra'i tshig sogs spangs te dgod par
bya/ /de la 'dir phyi chos brgyad kyi shun pa brtsegs pa'i phyi
tshugs tsam las nang dug gsum gyi rkyal bu chen po bsngags 'os
yon tan

gyi dri tsam yang mi bro ba'i so so skye bo 'ching ba kun ldan
rab rmongs tha shal ba bdag las nyon gyi gzhan dbang gis zhing
'dir gang du skye ba blangs pa'i gnas ni/ chos sde chen po sku
'bum dga' ldan byams

pa gling gi mchod gzhi zhing skyong tshe ba bcu gsum gyi nang
tshan khyung kyA 'am chur rgyal 'phyong rgyas sogs su 'bod pa'i
sde pa'i nang tshan thog gi la kha'i gong ba ba dan gnyis su yod
pa'i gong ba tsho ba'i nang

@003a @#/ /tshan pa sngags rgan dbang rgyal zhes pa kha 'don
bsnyen bsgrub la brtson pa can dang/ ma ka to zhes pa shin tu
drang ba byams brtse can de'i bur/ rab yid blo ngan zhes pa
lcags

bya lo'i chu stod zla ba'i tshes bzhi'i snga dro'i cha 'brug gi
dus su a ma la nga skyes so/ /de'i tshe rgyab ri sengge rdza'i
rtse nas rang khyim par 'ja' 'od zhig byung ba kun gyis mthong
zhes gleng mod spyir 'ja'

'od la dge mi dge rtags sna tshogs yod phyir gang yin ma nges/
skabs der pha rgan sku 'bum du smon lam la mjal bar phyin pas
khu rgan chos rje bstan 'dzin rin chen la sprum ma btsa' nye
ba'i rgyu mtshan

mol bas gos ser po'i gdan rgyab yol chung ngu zhig dang/ gos ser
po kha gang lhag lwa ba'i ngod bcas bskur nas myur bar song zhes
smon lam ltad mo 'ang bltar ma bcug bar mngags/ tshur 'byor dus

nga skyes zin pas dga' spro dang bcas ming rin chen dngos grub
ces btags/ nged cag ming sring bzhi yod pas nga gnyis pa yin/ de
ltar pha mas bskyed bsrings nas 'tsho ba'i skabs der/ sku 'bum
che

shos phyag mdzod chen mo ngag dbang nor bu/ dpon po chos rje
'jam dbyangs chos 'phel/ gnyer ba 'jam dbyangs rgyal mtshan rnams
nas rang gi bla ma'i yang srid 'khrul bral 'tshol phyir dbus
ljongs

@003b su ^ skyabs mgon rnam gnyis dang gzhan lha bla ma khag la
lung zhu sa bon phul ba phyir phebs su phyogs dang bsrung ba
ljags mdud dam rdzas bcas bstsal ba las 'di yin gyi gsal kha ma

gnang bas/ skabs der gdan sa'i mkhan po skyabs mgon shing bza'
rdo rje 'chang nyid bzhugs pa la slar lung zhu sa bon phul bas ^
rje nyid nas skyabs rje thar shul rin po che la zhu dgos/ nged
kyang

brtag pa byed ces phebs/ de tshe thar shul rin po che sku 'bum
gser khri sgar bar bzhugs dus 'grigs pas lung zhu sa bon phul/
dam pa rnam gnyis kyi phyir phebs gcig lta bu byung/ bod kyi
lung bstan

la dam pa rnam gnyis kyis lung bstan gong bsgrigs pas/ chos
sde'i lho brgyud khyung kya'i sngags brgyud bu rin chen dngos
grub la thugs thag chod nas/ khrag skyugs zhes pa chu phag lo'i
zla ba dang po'i

tshes gnyis nyin/ sku 'bum nas che shos dbon po 'jam dbyangs chos
'phel dang/ skyabs rje thar shul rin po che'i phyag mdzod chen
mo a khu lo ye zla grags gnyis kyis gtso byas mi sna 'ga' bcas
^gong

ma'i chibs rta/ sku'i nyer spyad phyag 'phreng sogs 'dra dngos
'ga' dang mgul bsrung sogs khyer nas bstan pas/ gong ma'i phyag
phreng bil 'bras dang/ mgul bsrung rnams dang/ paN chen bstan
pa'i

@004a @#/ /nyi mas bstsal ba'i rje tshe bum ma/ gdugs dkar bsrung
'khor nged la khyad dmigs bstsal/ gong ma'i rten gras grong
khyer grol ba'i bsrung ba sogs bdag sprod dang/ chibs

pa der bsod nams rin chen dang/ nged gnyis bzhag pas/ bsod nams
rin chen 'dril song/ nged gnas pa tsam byung bas sprul sku yin
'khul byas nas kha btags byin/ pha ma sogs la kha btags

g.yogs; mi sna rnams phyir log go /zla ba gnyis pa'i tshes gsum
nyin kun spangs 'dul 'dzin kun gyi gtsug rgyan skyabs rje thar
shul rin po che nas phran gyi pha rgan la bu chung nged kyi
rtsar khrid shog ces

phebs/ de mtshungs sku zhabs bde yangs rin po che gnam steng la
khar bzhugs pa nyin der shog ces phyag yig gnang nas rde'u tsha'i
gzims khang du bde yangs rin po che'i sku mdun du mjal bar zhal
nas/

de ring che shos sprul sku khyung kyAr gsal ba nged kyi gam du
'ong ba yod pas grogs bgyis zhes phebs/ phran gyi khu rgan chos
rje/ pha ma/ sku 'bum sgar ba'i mi sna 'ga' dang nged bcas sku
mdun du mjal

ba na/ bzhes spro sogs bkur bzos bdag rkyen bla na med pa gnang/
khu rgan nas chos 'brel zhig gnang dgos zhu bas/ bla mchod bde
stong dbyer med ma/ lam rim bsdus don/ 'jam dpal mtshan

@004b brjod/ lam mchog sgo 'byed/ lam gyi gtso bo rnam gsum gyi
lung bcas bstsal/ de tshe nged lo ngo gsum pa'i skabs song gshis
ko gnas 'gro ba'i skabs yin pas khu rgan gyi pang nas langs

te; sku zhabs bde yangs rin po che'i sku par du phyin/ de nas
yar sku mdun du phyin nas nyag nyog mang po bshad gin gda' zer/
khu rgan pas tshur len rtsis byas pas sku mdun nas cung zad zhog
gsung/

bka' chos grub nas tshur yong khar bsrung mdud shing tog bcas
gnang ba'i tshe phyir 'gro mi 'dod pa'i rnam 'gyur byed zer ro/
/sku zhabs bde yangs rin po che nyin der ngo sprad mdzad pa ni
phyis 'byung 'gyur gyi lung

bstan bla na med par khum mo/ /zla ba bzhi pa'i tshes bco lnga'i
nyin/ sgrub brgyud bstan pa'i mdzod 'dzin rje gser khang pa'i
nye tshan a rigs dge bshes smon lam bzang po nyid shong shan lha
chen du grags pa'i

jo bo chen po'i mdun du phebs nas khong gi spyan sngar yongs
rdzogs dge bsnyen gyi sdom pa bstsal/ ming blo bzang bstan pa'i
rgyal mtshan du btags/ phyi dro bkra shis rtse'i gzims khang la
phebs nas

bla mchod kyi lung gnang/ der zhag gcig bsdad/ phyi nyin khu
rgan dang 'grogs nas khyung kyA bsam gtan gling la phyin nas
sgar ba zer ba ri khrod kyi gnya' na gnas dben pa der gnas bcas
so/ /khu

@005a @#/ /rgan nas sbyar klog dang phral klog sogs bslab/ rtsed
mo sogs la g.yeng bzhin lo gcig 'das mtshams khu rgan drin can
de gshegs/ de nas lo de'i zla ba brgyad pa'i tshes bco

lnga la sku 'bum gdan sa'i tshogs 'dus nas rgyud pa dpon slob
nyA kya tshang dbus mdzad bla spyi brgyad dang sgar chen rnams
dang gong ma'i 'khrungs yul chu rul lung pa dang che shos yul ba
gnyer ba'i yul ba rgya

rtse'i mi sna rnams bcas 'byor nas thog ma'i rten 'brel maNDal
kha btags sogs byin/ mig dmar zhes pa shing byi gnam lo gsar
ba'i tshes bzhi'i nyin/ sku 'bum nas rang sde'i grwa rigs bshes

gnyen chen po blo bzang chos 'byor byon pa dge rgan du bsten nas
sbyar klog phral klog sogs yang skyar bslab pa gnang/ de nas
skyabs 'gro/ ltung bshags/ spyi bshags/ dga' ldan lha brgya ma/
sgrol

dkar ljang gnyis/ gang blo ma/ rigs gsum mgon po/ tshe lha rnam
gsum/ lo gyon bcas kyi gzungs sngags rnams bslab/ de ltar lo
gcig lhag bcas kyi ring rtsed mo dang sbrags nas gnas pa'i tshe/

dus gzings shin tu che ba'i skabs su song gshis/ skabs la lar ri
la bros/ skabs la lar rims nad drag pos mnar/ skabs la lar lam
mi thar ba'i rkyen gyis 'tsho bas bkren pa sogs mi

@005b zad pa'i duH khas mnar ba'i 'go brtsams so/ /smras pa/ blo
ngan lo la skyes pa'i las ngan bdag /skal ngan dus kyi rgud pa
ci yang mthong/ /mi la bzhin du zwa tshod dag la brten/ /nA ro
ta bzhin dka'

phran 'ga' zhig spyad/ /utpal mdog bzhin byur god sna tshogs
myong/ /sngon las dus su smin la rgyal ba stong/ /byon kyang
bzlog tu mi gtub mdo rgyud las/ /gsungs pa de phyir rang gi go
skal

lags/ /zhes pa ni ngal bso'i tshigs su bcad pa'o/ /skabs der
lcang skya rin po che dbus phyogs su phebs par la dmar brgyud
nas khyung kyA'i 'gag tu zhag bzhugs steng phran la dge rgan

gyis khrid nas mjal kha zhu/ sku 'bum bla spyi dmag mi'i dpung
bcas bsu bar rim 'byor gyi gtso bo sku zhabs gser tog rin po che
la'ang mjal/ de rjes lcang lung tshang lha sar byon nas mar

phebs lam nged kyi yul bar bzhugs zhag thog dam pa tshang la'ang
mjal/ de nas mi ring bar dge rgan dam pa gshegs/ rang bdag med
kyi dwa phrugs su lus/ mi ring bar sku 'bum nas gnyer ba

byon nas a ka blo bzang phun tshogs dge rgan du bzhag /des sngar
blo la bzung ba brjed gsos dang/ gsar du smon lam rnam lnga sogs
rim bzhin bzung nas lo gcig 'das 'tshams/ rab byung zhes pa me
@006a @#/ /yos lo'i zla ba lnga pa'i tshes nyer bzhi'i nyin/
skyabs mgon a kyA rin po che nas sgar ba'i gnyer ba 'jam
dbyangs rgyal mtshan la/ khyod kyi sprul sku deng sang dus gzings
che bas na sku

'bum du blangs na khyod la'ang sems khrel chung phyir nged kyis
grwa dmag gi dpung bcas khyod la grogs ngan byed pas myur du
long gsungs pa ltar der 'byor bas gong smos nyin lam so ma
brgyud sgo mang mdor bla spyi

sgar ba che chung bcas kyi rta bsu/ rgya yag thang la ja thab/
der a kyA rin po che nas phebs byams kyi bdag rkyen bstsal
ba'i nang bsdad nas sku 'bum dga' ldan byams pa gling gi nye
'dabs nas dge 'dun mang gi

ser spreng tshar du dngar ba'i mdun bstar nas las sne rgan pa'i
spos sna bcas che shos bla brang e waM dga' 'khyil du gdan
khrir bsdad thog las sne rgan pa rnams la ja gral lag 'jog /de
rjes rang sgar gyi maNDal/ grwa

tshang phan tshun gyi maNDal ja bral/ skyes chen dam pa du mas
mjal 'phrad/ rang yul sde dgon gyi skya ser rnams la ja gral/
gong ma'i phyag yul sde pa'i 'go byed rnams la ja gral sogs
dang/ nyin re gnyis

la thug 'phrad byed mi mi nyung btsam byung/ de rjes gser ldong
rin po che dang/ mkhan chen gdan sa pa/ a kyA rin po che gtso
mdzad pa'i skyes bu dam pa rnams la phyag dbang zhu bar phyin/
zla ba drug pa'i tshes bzhi

@006b la; 'dul 'dzin kun gyi gtsug rgyan grub pa'i go 'phang
mthon por gshegs pa sku 'bum sman pa khri zur dka' chen byang
chub rin chen dpal bzang po'i zhal snga nas mkhan po mdzad/ che
shos yongs 'dzin khri chen sprul sku

'jam dpal bstan pa'i nyi ma/ gser tog yongs 'dzin nyA kyA lha
rams pa ngag dbang chos grags/ gong ma'i mchod dpon sngags rams
pa bstan pa dar rgyas rnams kyis las kyi kha skong mdzad nas/
bslab

pa'i gzhi lnga 'dzin pa'i dge bsnyen dang bar ma rab byung gi
tshul khrims la 'god par mdzad pa'i bka' drin ni bskal ba brgya'i
bar du gzhal bar dka' ba'i gnas so/ /de tshe ming byang chub
bstan pa'i sgron me zhes pa

bstsal/ nyin der chos kyi thog mar dga' ldan lha brgya ma dang
'brel ba'i dmigs brtse ma/ rigs gsum mgon po/ tshe lha rnam gsum
gyi snying po/ rdo rje rnam 'joms kyi gzungs mdo bcas kyi lung
bstsal/ /

de'i nyin gong ma'i mchod dpon sngags rams pa bstan pa dar rgyas
dge rgan du bsten/ re zhig bar a ka blo bzang phun tshogs gam
'byar byas nas dgu pa'i nang rang yul du phyin/ de nas dge rgan
gsar ba gam 'byar byas nas lo bdun tsam

bzhugs ring la/ bla mchod/ chos spyod 'ga'/ rdo rje 'jigs byed
bcu gsum ma'i mngon rtogs sogs bslab byin bsdad/ khro bo zhes pa
sa 'brug lo gsar bzhad kyi dga' ston nyams su myong/ zla ba
gnyis pa'i tshes bcu

@007a @#/ /gsum nyin/ gong gsal mkhan chen rin po che'i zhal snga
nas/ sku zhabs gser tog rin po che dang yongs 'dzin mchog sprul
rnam gnyis kyis gtso mdzad pa'i nged cag 'khor slob bco lnga
lhag

la; mi 'khrugs pa'i sta gon gnang/ de'i nub rmi lam brtag par
tho rangs skabs 'du khang chen mo zhig gi thog dung cha 'bud kyi
sgra shin tu che ba thos par rmis/ phyi nyin mkhan chen rin po
cher gsol bas rmi lam

bzang zhes gsungs/ tshes bcu bzhi'i nyin/ mi 'khrugs pa lha bcu
gsum ma'i dbang dngos gzhi/ tshes bco lnga'i nyin/ rdo rje 'jigs
byed lha bcu gsum ma'i dbang chen/ tshes bcu drug gi nyin/ bla
med

lugs thun mong ma yin pa rdor sems kyi rjes gnang/ yig brgya'i
lung/ ma gcig grub rgyal lugs kyi tshe dbang/ thun drug rnal
'byor gyi lung bcas bstsal lo/ /der nged kyi ja ma yer rtsa'i
chab ril

nas 'jam dpal mtshan brjod kyi dpe rgya par shin tu legs pa zhig
byin pa de nas bzung kha bton byas/ rdo rje rnam 'joms gzungs
mdo/ thun drug rnal 'byor rnams nged kha bton no/ /de nas gsum
pa'i tshes

bco lnga'i nyin dus 'khor gyi sbyin sreg la mjal/ zla ba bzhi
pa'i tshes nyer bzhi'i nyin/ kla klo'i dus gzings kha dar ba sku
'bum nye 'khor ru gsar sde pa bcom/ nyer lnga'i snga cha mtshan
phyed yol tsam nas gtugs

@007b re byas nas ma thub par nyi shar la dgon pa'i lcags ri'i
nang du blugs/ ngag dbang rin chen zer ba sgar ba'i nang gzan
zhig 'ong nas nga khur nas tshogs chen 'du khang steng sgo gnyer
khang pa'i nang du bzhag /de tshe me mda'i

char babs mod nged gnyis kyi gzan bar du mde'u 'ga' 'dug kyang
nged gnyis kyi srog la skyon ma byung ba bla ma dkon mchog gi
bka' drin du sems/ slar yang nang gzan phyir 'khor nas phyin pas
dge rgan tshang dang/ ja

dem gang/ khur ba 'ga' bcas khyer nas byung bas/ dge rgan tshang
dang/ nged gnyis ja nyung zad re dang/ khur ba cung zad spyad
skabs/ rab gsal chen mor grwa mang me mda' phar gtong mkhan tshos
rub nas ja dang khur

ba gang yod rdzogs par spyad do/ /de nas nged dang dge rgan
gnyis lus gang gi gyon pa de las med/ btung phor yang med/ phyi
dro'i bar dmag phyir ma 'then pas 'du khang chen mo'i bar thog
tu bsdad/ dmag phyir log

'phral/ dge rgan gyis nga khur nas sgar bar phyin pas/ phyi nang
thams cad bcom nas chag grum sha stag dang/ gsung rab thang mar
brdal ba mthong nas phyir log ste sku 'bum spyi so sde pa'i
khang par bzhag /gzims khang

sprul sku'i zhabs la skyon byas pa bla rgan zhig gis khur nas
nged mnyam du bsdad/ mun rub nas yongs 'dzin sprul sku dre'u
zhig bzhon te/ nged sku rgyab tu 'chang bcug nas/ dgon pa lung
ba/ rgyud pa'i 'go /labdzi bya

@008a @#/ /gdong/ ra chag sogs su bros rtsis kyis phyin mod
phyogs phyogs nas mi mang dag phyir 'ong ba thug pas lam sgug
'dug zer bas phyir 'ong nas an 'ja' su sgar bar bsdad/ bla ma
rin po che

nged kyi gong ma'i zhal slob yin stabs/ nged la tsha ru'i gos
dmar gyi rgyab sha can/ 'go snam nyal gdan/ pin lang gi phor
chung bcas gnang/ de nyin khyung kyA'i khong bstan pa dar rgyas
kyis dkar yol

gcig byin/ nged dang dge rgan btung phor rnyed kyang kha zas
nyin gang ma reg pas/ bla ma rin po che nas nub chu byin/ rgyags
tshad zos nas nyal/ snga dro'i lha khang mchod 'bul skabs/ rgya
sog dmag phyir

'byor/ nged dang dge rgan tshang gnyis/ a kyA sgar bar shog
gsung ba ltar phyin/ nged ka bzhi ma'i rab gsal du 'byor bstun
ri nas me dmar 'tshub pa zhig byung ba/ an 'ja' su'i ban chung
zhig nged dang

mnyam du gnas pa nged phar la nyal bcug nas/ nang nas dgon gnyer
phyir bltas pa dang dpral bar phog pas 'gyel lo/ /der nged dang
zla bo gnyis ka bzhi ma'i sgo 'byor du bsdad/ a kyA rin po
ches

khur ba gang 'dod du gnang/ der phar bzhud/ tshur bzhud kyis nyin
gung yol skabs nged ro mang du yod pa de ma shes par de'i gseb
tu phyin pas skabs zhig gnyid 'thug po zhig gi ngang du gnas

@008b skabs bsgul bskyod kyis gnyid cung sangs nas bltas pas/
gong ma'i 'khrungs khang gi a yi bde spyid kyis 'o ma khar ldug
gin gnang/ de nas khur ba zhig byin pa khar bzung nas gnyid/
yang bsgul bskyod

kyis gnyid cung sangs pa dang/ khang pa zhig tu slebs 'dug /ja
'thung zer gyin gda'/ su yin snyam nas bltas pas khong ra mo 'od
zer spun gnyis su 'dug /nged kyi gong ma'i gsol dkar yin zer bas
rtags

brgyad kyi ri mo can gos ser po'i shub bcas dang phrugs ser po'i
nyal gdan nga la byin/ de nas yang gnyid la yur gcig sad skabs
'du khang chen mo'i rab gsal du 'byor 'dug /a kyA rin po che
nas khong tshang gi nye tshan grong

ba'i bsngo rten yin zer nas lwa 'ga'/ lham ya ma zung/ khong gi
na bza' yin zer nas chu su phrug gi lwa bcas gnang ba/ yongs
'dzin tshang gis na bza' bdag po rgyab/ gnyer ba dang nang 'khor
so so nas gos lham so sor

bdag po sprod/ de nas skar bar song nas bltas bas thal ba'i rdul
du brlag nas 'dug /nged kyi sdod sar rje tshe bum ma/ mgul bsrung
rnams dang 'dzin dpe/ btsan khang du rten thang zung dang/ gtor
chas bskang gso'i

dpe cha mchod cha 'dang tsam lus 'dug /gzhan rjes med thal ba
rang las 'ga' yang mi 'dug /de nas nyin bdun par rje gsung byon
ma'i rab gsal du sku bzhog rgya yag tshang gi sprul sku dang
mnyam du zhag lnga/ stag

@009a @#/ /'tsher dang nyin gcig /bum 'bar/ smar/ yongs 'dzin
tshang skabs la lar 'jal/ nyin bdun gyi tho rangs skabs su nged
kyi rmi lam du/ mtshon gyis mi tshugs/ dug gis mi tshugs

mes mi tshugs zhes sogs 'don pa dngos su thos zer/ nyin gsum par
pha rgan mi 'ga' bcas 'khrugs pa'i klong nang du 'byor/ gnyer
bas nged phar khyud kyA ra khyer grogs bgyis zhes bshad pas ma
nyan/

phu bo bstan 'dzin khos khyer chog /zhabs drung khos 'gan mi
bzod ces zer/ de nas nyin gsum pa na/ thu'u bkwan sgar gnyer a
khu gser khog rgyal mtshan bzang po zhes pa sku 'bum ma shor
gong/ gnyer ba'i

don gnyer zhig gi ched du stong 'khor du btang ba nyin de'i phyi
dror 'byor/ nub chu mnyam du byed skabs/ gnyer bas a khu gser
khog la khyod sprul sku rang yul du khyer ba'i grogs dan mdzad
grogs cis kyang mkhyen zhes nan

chen pos lan gsum bar bshad pas bsam blo zhib tu btang nas yA
khyed kyis khal rta thang ba zhig dang/ rked gri legs pa zhig
byin dang nged kyis khyer chog /bla rgan ma shin khyod kyi sprul
sku 'tshams por yod

bla rgan shi na khyod kyi sprul sku de ka red ces zer/ der gnas
thams cad kyis bka' drin che zhes zer/ zla ba lnga pa'i tshes
gnyis kyi nub mo thams cad mkhyen pa'i mchod 'bul skabs/ dge
rgan tshang gis

@009b nga khrid nas 'du khang chen mo'i khyams rwa'i sgor slebs
pa na sgo pa rnams kyis su yin zer/ dge rgan tshang gis sprul sku
chab sangs la 'gro rgyu red ces pas sgo phye song/ de nas or tu
su skar bar phyin pas

a khu gser khog grab gshom nas snang/ nged bla rgan gyis rum la
bcug nas phru gzan zhig gis phyi nas dam por dkris/ bla rgan
drel la bzhon/ dpung grogs 'ga' dang dge rgan tshang bcas ngag
thun bsdams

nas phyin/ rgya sog gi dmag sgar dkyil nas song bas dkon mchog
chos srung gi thugs rje la brten nas thams cad gnyid 'thug po
zhig log snang/ de'i nub grang ngad shin tu che bas skabs zhig
nged kyi rkang pa

lham bcas rum nas phyir phyung ste phyin pas lham por/ rkang pa
'phyid/ nam langs tsam na tshe 'gu'i klad la 'byor de nas me
btang ste thams cad ngal bsos nas bsdad/ nged cag khyud kyA
dang sku 'bum bya khyung

grwa pa bsngoms nyi shu lhag tsam 'dug /thams cad kyis da res
dkon mchog gi bka' drin la brten nas 'chi bdag gi kha nas thar
ba byung zhes kun gyis gleng mo byed/ de nas mar tshe 'gu'i mkhar
thog brgyud nas

'gro ba'i tshe rgya tshong zhig gis ko ri rlangs tshos gsar ba phyi
rol tu bsgrigs gin 'dug pas/ rgya mos rlangs tshos gsum nga la
byin rkang pa lham med pa mthong nas nang du song par 'bob zhig
dang he chung ngu zhig khyer ba

@010a @#/ /nged kyi rjes snyegs nas yong ste byin/ de nas mchod
rten rke no yon tshang gi sgar bar bsdad/ lcang ra'i zhang po
tshang gi dge bsnyen zer bas nga 'bod par 'ong/ dge rgan tshang

rgod rtse ri khrod du hor lding tshang la thug par song/ phyi dro
dge rgan phebs nas hor lding tshang gi bskur ma khur tshod byin/
phyi nyin lcang ra'i 'go sne zhes pa'i zhang po tshang gi nang du
bsdad/ tshes lnga la

rang yul du pha ma shi gson 'phrad pa ltar gyi dga' tshor myong/
zhag gsum bsdad/ de dus a ma la nu bo byams pa shAkya btsa'
ran pas/ nga bsam gling ri khrod du phyin na legs tshul gyis bsam

gtan gling gi sgar bar bsdad/ tshes brgyad la nu bo yang skyes/
der zhag nyi shu lhag bsdad/ rde'u tsha dgon pa'i grwa rgan rnams
nas dgon par shog zer ba ltar zla ba drug pa'i tshes gcig la
rde'u tsha dgon par

phyin/ der sne len gzab/ rje thar shul rin po che'i gzims khang
nang lo gcig lhag tsam bsdad/ der gnas pa'i ring la 'jigs byed
bcu gsum ma rdzogs par blo la bzung/ sngar bzung ba'i gdugs

sher seng gsum smon lam sna lnga/ sman thung rnams skyor gyin
dpe gzhan med stabs rol rtsed la g.yeng bzhin snga dro 'jigs
byed dang chos rgyal tho rangs la kha bton byas nas nang ja
'thung ba rgyun ldan yin/

@010b tshes bzhi skyes skar nyin pha ma nye 'brel rnams kyi dga'
ston yul dus dang bstun par 'byor tshad byin/ de'i phyi nyin dka'
bcu sku 'bum rgyud rgan zhig bkras lhun sngags phyogs par rnying
po ta gcig byin/ dge rgan tshang

nas dga' tshor chen pos gnang/ nged sems las su gyur/ bcu gsum
nyin bskang gsol btang/ nyin gung mtshams sku 'bum gnyer pas mi
sna ched mngags kyis gzhan zhig tu bros na ma gtogs rgya sog la

tshur nang du yong skad gda' zer/ myur mo byas nas bskang gsol
mjug bsdus nas 'gro grabs byas skabs gser tog bla rgan mo pa
shin tu thig pa zhig yod pa 'byor/ khyed tsho gang du 'gro zer/
rgyu mtshan

bshad pas khos mo blta zer skyon mi yong bros mi dgos 'dug zer
bas dge rgan tshang ma nyan pas 'o na song zhag gsum na khyod tsho
phyir 'ong de skabs nged nas ja bskol nas blta yin zer 'dug
/thag ring

por ma 'gro zer/ tshes gsum nyin rde'u tsha'i nang so 'ong nas ci
dgos nged kyis bsgrub chog zer bas na nang so tshang la 'gro bar
'cham nas phyin skabs mo pas sprul sku'i rta kha mo rigs la len
ma bcug

ces rgyang skad rgyab nas bshad snang/ nged cag 'byor skabs nges
par mo rigs rnams rta kha len du 'ong/ nang so bsdad mi snang/
dgung mo nang so 'byor/ nyin gsum par rgya dmag gi gtam tsam
@011a @#/ /yang mi snang bas phyir log nas dgon par 'byor/ mo pa
yang sgug snang/ khyed tsho ma yong na mi chog gam zer/ khyod kyi
mo shin tu thig byung zhes ko ri 'ga' byin/ de nas dpe 'dzin
byas nas

bsdad/ dge rgan tshang dgon pa'i mchod rten gsar ba bzhengs
rgyu'i thig dang bkod khyab gnang/ gnyer bas snga sor phyag
mdzod gshegs pa'i dus su nor rdzas yo byad dre'u khal brgyad cu
tsam khri kha'i phu dgon

rung sogs su sbed par bskyal ba phyir len rtsis byed dus kha sha
dang nya sha'i dpe bzhin rang mi sha tshugs kyis lan chags dag
par byas 'dug /ci bya gtol med la thug nas nged kyi pha rgan la
blo dris pas

'bru bsod 'dra byas na e dga'/ deng sang shor ma'i rigs sa
steng khengs pas ci 'dra 'ong/ yin kyang 'bru bsod la sprul sku
theng gcig phyin nas blta zer/ nged khyung kyA/ rde'u tsha/
lcang ra/ brag dmar

nang/ mi nyag bar phyin pas 'bru bsod lo gcig lhag za rgyu 'dang
tshod rnyed/ lnga mchod skabs khyung kyA/ rde'u tsha gnyis kyi
lnga mchod la phyin nas dkor nag za ba'i 'go tshugs so/ /bcu pa'i
nyer lnga'i nyin/

smad phyogs nas dpon po chos rje 'jam dbyangs chos 'phel snga
lo'i dgun thog yar 'ong nas a lag sha'i sa mtshams thun khir zla
ba 'ga' bsdad pas yar thar tshod med par brten kho pa phyir log
/gnyer ba

@011b mchog grub nyi ma mi rkyang rta rkyang bcas yar btang ba
nyin der 'byor nas chos rje'i mtshams zhu/ wwang gi mtshams zhu/
mar 'ong dgos tshul gyi gnas tshul rnams 'byor bas/ dge rgan dang
gnyer ba gros mthun gyis

sku zhabs thar shul rin po che la thugs dam zhus pas/ seng gdong
dmar mo'i gtor bzlog byas nas phyin na chog ces phebs/ de nas
dkar po zhes pa sa sbrul lo'i dga' ston byas/ zla ba lnga ba'i
tshes

gsum par 'dzin skyor la brtson 'khul byas nas sngags phyogs po
ti 'grub pa la nye bar gtugs/ dge rgan tshang nas khyod kyi blor
bzung ba gang yod nged la rgyug sprod dgos zhes nyin gsum gyi
ring la rgyug

'bul byas pas/ da legs po byung zhes dbugs dbyung gnang/ da dung
cung ma tshar ba rnams nyin 'ga' ngal bsos nas bzung zhes gsungs/
der ngal bsos byas pa'i nub nas mi bde ba zhig byung/ phyi

nyin snga dro li tshang ma zer ba'i sde ba'i mi rnams rgya sog
dang zla ba 'ga' g.yul sprad pa ma thub par bros nas dgon par
slebs byung bas de mthong ba tsam gyis dngangs skrag lta bu
byung nas zla ba gcig lhag

tsam nad kyis mnar/ de nas drug pa'i nyi shu skor la gnyer ba'i
spun zla tshe 'bum thar sogs 'ong nas nged sku 'bum la 'gro bar
byed dgos zhes pha ma sde pa rnams la spran pas dmag mi dpung
bcas me tog

@012a @#/ /khi khar ja thab bzung/ de nas mar phyin pas rdo thug
gong ma'i 'dabs su rgya sog sum cu skor thug byung ba gnyer ba'i
spun zla sogs ngo shes pas na rta las babs te nged la kha btags

ten shin sgam chung byin nas khyod la bsu mar 'ong bar bshad/
mnyam du sgo mang mdo bar phyin nas khong tsho ka zhur la 'gro
dgos zer nas de nas phyir log /sku 'bum rta bsu dmag bcas 'byor
ba dang mnyam

du sku 'bum la 'byor/ de'i nub nas mid pa skrangs zhag nyi shu
skor nad kyis zin/ tshes nyer gnyis kyi nyin dka' chen rdo rje
'chang gi spyan sngar mjal nas/ skyabs 'gro/ ltung bshags/ spyi
bshags/ klong rdol

mthol bshags/ bla mchod/ tshogs mchod/ smon lam rnam lnga/ byams
pa'i thos bsam ma/ bde chen lhun grub ma/ byin rlabs spungs zhu
bcas kyi lung bstsal/ tshes nyer gsum la/ sgrol dkar

ljang gnyis/ gdugs sher seng gsum/ bstan pa rgyas pa'i smon lam
bcas gnang/ tshes bco lnga'i nyin rang sgar du byon nas tshe dbang
byabs khrus gnang/ khyams kyi dkyil du rtsa 'dra ba gzhan las
ring

tsam skye ba a ka ru ngos 'dzin mdzad nas sprul sku'i bla shing
yin zhes gsungs/ hor zla bdun pa'i tshes nyi shu'i nyin/ rdo rje
'chang gi spyan sngar mjal bar/ mgon po/ lha mo/ begtse/ sku
lnga/ dam can

@012b rnams kyi gtor 'bul/ gang blo ma 'dod gsol/ shamb+ha la'i
smon lam/ bstan 'bar ma/ rje nyid kyis mdzad pa'i kho bo'i ring
'tsho'i gsol 'debs blo bzang rgyal ba ma sho lo ka gnyis/ kho
po'i ngor bstsal

ba'i tshe dpag med kyi bka' bsgo bsdus pa bcas kyi ljags lung
dang/ byin rlabs skyabs 'jug zhu/ nyer gsum nyin nam langs sgo
'bud byas nas 'du khang chen mo'i sgor 'byor bstun tshogs dung
btang ba 'phrod

pas gzhi byes rnams kyis rten 'brel legs zer/ zim char babs pa
nyin phyed tshar chad pa dang mnyam du yang kyA tsi la er shing
lo zer ba'i rgya sog gi 'go pa der zhag sdod byas/ nged cag
grogs dag zi ling la

ltad mo blta bar 'khyams/ nged gcig pu shing stegs zhig gi steng
du bsdad pa gnyid la yur/ gnyid sad dus rgya sog mang po zhig
gis mtha' bskor nas nged la blta bar 'dug /shing 'bras mang po
ster bar snang/

de tshe grogs rnams kyang 'byor/ dgong mo sgrol 'don byas nas
nyal/ phyi nyin chu ha cang che bas pa'i min zho khyo nas thon
'phral zam pa chu la khur/ pI zin zhes pa'i la chen po rgyab
nas ri rtser er shing lo mig chu

btang nas phyir log /nged cag dgu po bun yan brgyud chu bzang la
'byor/ chu bzang sprul sku rin po cher mjal/ jo khang khyams rar
zhag bco lnga bsdad/ sems nyid sgo mang rin po cher thugs dam
zhus pas/

@013a @#/ /bka' 'gyur/ sgrol ma sogs rim gro gang yod dang/ sku
rten pa zhig 'dug par lung zhu'i rim gro bcas tshang bar sgrubs/
nyin 'ga' sprul sku rin po che dang rtsed grogs zhu/ thon khar

gos dang ser gyi rgya bsha can gyi slog pa/ ja mar/ sha thud
sogs gsol ras rgya cher bstsal/ de nas 'gan chen 'dabs brgyud
nas 'ju lag zam chen phar thon nas mchod rten thang gi rje drung
bla brang la gnas

tshang byas/ de'i gnyer ba blo bzang phun tshogs zer bas sne len
bzang po byas/ zhag bcu bsdad/ a lags sngo kho tshar la thugs
brtag zhus pas/ mA ri tsyai brgya 'bum bcu gsum/ bka' 'gyur
sogs

babs der sgrubs/ gnyer pa phun tshogs dang dgon grong rnams la/
sgrol dkar ljang gnyis dang/ rigs gsum mgon po'i snying po'i
lung byas/ gnyer ba blo bzang phun tshogs nas ^skyabs mgon tshangs

dbyangs pa'i gsol dkar yin zer ba zhig byin/ brgyad pa'i nyer
gcig la/ gnyer ba phun tshogs nas dmag mi nyi shu lhag gi sgyel
ma btang ba rnams bcas thon nas/ 'dul ba dgon/ rab rgyas dgon/

?lung gi bar 'dir nyin gcig phyi dror la chung zhig gi phar
rgyab tu rgya sog lnga brgya tsam tshang bog byas pa so bas
mthong nas nged cag phan tshun mgo mda' mthong tsam du gab/ dgon
de tshor mtshan rgyag sha

@013b stag byas nas/ tsha khug yi/ cin 'chang yi/ tA cin thu min
tsi/ shong shan mkhar 'di rnams bgrod dus rta yi rmig pa lhan pa
sogs kyis gtum nas phyin/ de ltar byas nas zan yi cin la 'byor/
khyi skad

thos kyang mi gcig kyang mi rnyed par 'dug /phyi nyin dmag rnams
phyir log /der mi btsal bas ro mang po'i dkyil rgya mi zhig
rnyed dong tse bzhi brgyas gla brngan byin nas lam rnying bar mi
thar bas lam gsar rgyu

yod byas/ phyi dro'i tshod rta mang po zhig 'ong ba rgyang nas
mthong bas lam mkhan phyir bros/ nged rnams rta las babs nas
bltas tshe rta tshong bas rta 'ded nas 'gro bar shes/ mchog grub
nyi mas rta bdag phyir

bros ba sog lugs kyis bos pa'i tshe phyir 'khor nas gtam mang po
byas/ nged cag lam rgyus med phyir rta tshong pas spun zla tho ko
chi zer ba yul na yod pas de khrid na chog zer bas lag rtags
byin der phyin

pas sog po rnga mong steng chu bkal nas 'gro ba mthong nas de'i
rjes snyegs pas rnga mong bzhag nas sog po mi snang/ der bye
ma'i nang chu yang mi rnyed pas kho'i rnga mong steng gi chu
blangs nas ja zhig bskol/ de'i dus

nged cag gi lam rgyags kyang zad nas 'gro bas mi yang cung mang
du song bas dka' dka' ltar yod/ tho ko chi zer ba 'bad pas btsal
bas lan gcig rnyed kyang phyir bros/ nub gang po der khyim gyi
'dabs su

@014a @#/ /sgug pa khug byung/ phyi nyin de'i lam rgyus byas nas
zhag 'ga' song/ mtshan gcig rta drel dgu po glo bur du zhog nas
gar song cha med du gyur/ phyi btsal sa yang dka'/ bye ma'i

nang rkang rjes med stabs gzungs 'jug yang med pas 'gro mi thub/
nyin gung tshod la thams cad kha ma khyer bar phyir 'byor ba bla
ma chos srung gi thugs rjer nges/ der skye dman zhig gis ra dkar
mo zhig

nged la byin/ zla bo rnams kyis bsod grab gshom/ nged nas ra la
bsrung ba tshe thar btags nas phyir skye dman la su rug tu bzhag
/slar skye dman nas khyim du song nas la phug yin zer bas sngo
'thu

ba gang/ bye ma'i nang gi rtsam pa khug ma gang khyer nas byin
byung/ thams cad kyis srog 'tsho tsam gyi cha rkyen du gyur/ phyi
nyin snga dro tsam song bas ru ba ru bkal nas 'gro bas sku rten
pa zer ba zhig dang 'phrad

nas des nged cag la cha rkyen dpag med ster byung/ lam rgyus
pa'ang de nas phyir song/ ru ba rnams dang 'grogs nas zhag 'ga'
phyin pas bye ma de las thar tsam byung/ nub gcig mchod me re ma
chag

par yod pas nged 'dril nas mchod me ma bsod par nged kyi gos
rtsag bsregs/ gur chung du yang 'bar la 'thug pa'i tshe dge rgan
tshang la 'gram lcags zhu nas rem zer ba zhig gi sgra byung zer/
nged

@014b gnyid ma sangs/ de ltar bye chen zhag bcu gsum la rtsa med
chu med kyi mya ngan gyi thang las grol lo/ /rtsa chu 'dzoms sar
ngal bsos nas bsdad skabs/ mi zhig yong nas 'dir sdod mi nyan/
rgya sog

yar mar gyi bgrod lam yin/ do nub a lags sha ya mun la cis
kyang slebs par song zer/ sngon 'gro ba zhig ma song na mkhar
sgo mi phye/ da lta mgyogs par song zer/ de nas mgyogs shad kyis
phyin

nas mun ma rub tsam la 'grul mi gur me btang ba dang/ ro sogs
mthong nas shin tu dngangs shing skrag bzhin nam phyed ma zin
tsam la ya mun du 'byor nas bka' 'gyur bla brang la gnas bcas
so/ /der rgyal ba

tshangs dbyangs pa'i dmar gdung bzhugs pa'i khang par nged rnams
bsdad/ nyin gcig ngal bsos nas tshes bco lnga'i nyin sgrol chog
dang bskang bshags nged dang dge rgan tshang/ dbu mdzad blo bzang
bstan 'dzin

rnams kyis btang ba'i tsha rting skabs lo de'i zla ba lnga par
sngon 'gros su a kha gser khog /ye shes rab brtan sogs mi bzhi
btang ba'i nang tshan ye shes rab brtan dang sog po bstan dar
gnyis 'byor/ thams

cad dga' yal le song/ wwa ba gsum tsam khyer 'dug /de las gcig
dge rgan la/ gcig gnyer ba/ gcig pha rgan la g.yogs/ phying
ba'i bem po las grol/ de skabs rims nad rgyu gzer mang bas nged
la

@015a @#/ /de 'gos/ a lags bse tshang la thugs brtag zhu/ rim
gror glud rdzongs/ brgya bzhi/ 'bar ma sogs gnang ba 'phral du
bsgrubs nas dwangs bskyed byung/ bka' 'gyur phyag mdzod dpal
'byor

dang gsol dpon shes rab dar rgyas nas nged la phyi nang gi gon
pa/ nyer spyad sogs ster cha gzab/ bcu dgu la lam du thon nas
rim gyis/ u rad bA yan shAn te'i dgon pa'i mdun bye khug zhig
tu bsdad nas phyi nyin nyi

ma shar shar ma gtogs thams cad gnyid ma sad/ yar langs nas 'gro
skabs sog po mang po 'ur langs nas rgyug gi snang/ ci red ces
par mdang dgon pa rgya sog gis bcom pa khyed rnams khri la bsdad
nas ma shes

sam zer/ rang sdod sa'i nye 'khor du rkang rjes kyis khyab 'dug
/dgon pa yar la bltas pas me lce lhab lhub 'bar snang/ rgya sog
gang du thal zhes par rgyab phyogs su song zer/ de nas shar
brgyud zhag gnyis tsam

song ba'i phyi dror bye ri zhig gi rtser sum thog sprad pa'i mi
zhig rnga mong bzhon nas tshur bltas bsdad pa mthong ma thag kha
mar bltas nas phros rtsis byas kyang thag ring nas 'ong ba'i rta
drel cher rgyug mi thub pas

rta las zhol te me mda' sogs gra bsgrigs byas par a khu gser
khog dang dam chos ku shrI zer ba'i sog po gnyis yin 'dug /de
nas mi ring bar tsha gan b+hol zhes par kho rang tshos sgar rgyab
nas

@015b gnas par nged rnams mnyam du phyin nas slebs 'phral rang
sgar gyi maNDal rten gsum/ wang gi mi sna'i maNDal rten gsum/
gyon pa cha tshang gdan nyer spyad sogs/ so sor ras gur/ gyon pa/
bzhon pa

nyal chas/ nged la khyogs/ rta sogs gang 'dod/ mkho rgu'i yo
byad bza' bca' btung ba phun sum tshogs pa'i gter la longs spyod
par gyur to/ /'dir smras pa/ sngon bsags las kyi 'bras bu rab

smin te/ /mi bzad bzod dka'i sdug bsngal sna tshogs myong/ /mchog
gsum bka' sdod bden pa'i byin mthu dang/ /tshe sngon dge ba'i
stobs shugs 'joms pa'i mthus/ /dkar po zhes pa'i gnam lo bzhad
dang

lhan/ /rab dkar dge ba'i chu klung 'gram 'di ru/ /rten 'brel
lhan cig 'dzoms pa'i byed las las/ /tshe 'di bde zhing skying
ba'i 'go brtsams so/ /zhes pa ni ngal bso'i tshigs su bcad pa'o/
/tshes

gnyis nas rim bzhin blo bde'i ngang nas lam du zhugs nas rim
bskyod kyis tshes bdun la min gan shar cho lo'i dgon par phyin/
maNDal sogs kyi rten 'byung bsgrigs/ dge 'dun drug cu skor dang/
gzhi

byes kyi 'dus pa nyis brgya tsam la/ skyabs 'gro/ dga' ldan lha
brgya ma dang 'brel ba'i dmigs brtse ma/ ma Ni bsngo ba bka'
bsgo 'dod chos dang bsrung ba sogs byin/ tshes bdun la hal ha dar
han pe li'i
@016a @#/ /shog dgon chen dar rgyas chos gling gi bla ma khri
gdan zur bka' rab 'byams rnams dang blon po sogs kyi rtabs su
bcas 'byor ba ros 'phrad byas/ phyi nyin a dag sar zhes pa'i
khyim du

ja zhu dang/ dgon pa'i ja thab steng du phyin/ de nas dgon pa'i
bskor lam du dge 'dun mang gi ser sbreng tshar du dngar nas mchod
rol mchod rdzas mang pos mdun bstar/ mi dbang pE li chung ngu
dang blon chen

mer gen thu sa lag chi gtso mdzad skya ser gyi spos sna dang
bcas 'du khang chen mor thog mar phyin/ maNDal rten 'byung dang
ja dang 'bras sogs byin/ tshogs langs sogs kyi chos kyi dga' ston
byas nas

dge 'dun stong phrag lhag dang mjal mang bcas la lag pa'i 'degs
'jog byas/ de nas mchod rol dang spos snas thog drangs nas ^
gong ma'i gzims khang spro bde'i khang gsar du phyin/ bla brang

gnyer ba a ma bstan dar nas maNDal ja spro/ grwa tshang bzhi'i
ja dang gung tshig sogs rim bzhin bstar/ phyi nyin 'du khang chen
mor slar yang bos nas/ skyabs 'gro/ dga' lha dang 'brel ba'i
dmigs

brtse ma/ rigs gsum mgon po dang tshe lha rnam gsum gyi snying
po/ sgrol dkar ljang gnyis kyi lung bcas ser skya sbyin bdag
mchog dman 'bring la 'don 'khul byas/ ho sho spyi nas brtan
bzhugs ring 'tsho'i

@016b rten 'brel bsgrigs/ 'gro khar bla gnyer bstan dar nas rgya
phying gi sog gur legs pa zhig byin/ zla ba bcu pa'i tshes nyer
lnga la de nas bskyod de rim bgrod kyis zla ba bcu gcig pa'i
tshes lnga la pA ron su

nyid wang gi urger 'byor nye bar/ lwang gtso byas pas blon mang
gi rta bsu ser sbreng bcas 'byor nas maNDal sogs legs tshogs
bsgrigs/ nyin gcig ngal bsos/ rtsed rigs sna tshogs byin/ phyi
nyin

mkhan po bla ma'i dgon par mchod rol bcas bsu nas rten 'byung
maNDal sogs byin/ nyin gcig 'jag mal byas/ de nas rim bskyod
kyis tsun su nyid tho ko chi su mur mchod rol bcas 'byor bstun/
bla

ma gtso ba'i dge 'dun nyis brgya tsam dang phyogs 'dus stong
phrag lhag la lag pa'i 'degs 'jog byas/ dngos 'bul rgya chen
stabs/ tshes bcu la nu khu tsi'i g+hol zhes par dpon po chos rje
'jam dbyangs chos 'phel

bsu ba 'byor nas ngos 'phrad byas pas dga' skyo 'dres mar gyur/
nyin der sha ra tha la dgon par ja zhu byas pas tshogs pa mang
mas maNDal rten 'byung thog drangs nas lag pa'i 'degs 'jog byas/
tshes bcu gcig

la he li si thag gi hu ral zhes pa gong mas 'dzugs gnang byas pa
de'i ja thab bzung/ las sne thog drangs pa'i maNDal rten gsum
dang bcas skya ser mi nyung tsam la lag pa'i 'degs 'jog byas/
tshes bcu gnyis la sAn hu

@017a @#/ /tug ces par sa skyong mi'i dbang po a b+ha ka wang
blon 'khor rta pa nyis brgya tsam gyi bsu ba byas/ zhag babs
thog maNDal rten gsum bcas ngos 'phrad byas/ tshes bcu gsum la

khub pa'i tha la zhes par ja thab/ gong ma'i bla brang nor 'dzin
dga' tshal du dge 'dun mang nas ser sbreng mchod rol mchod rdzas
sna tshogs thogs pa'i yo lang dang bcas ras gur chen por gdan la

'khod bstun/ dbon po chos rje nas rang sgar gyi maNDal rten
gsum/ mi dbang yum sras bcas kyi maNDal rten gsum/ ho sho spyi'i
maNDal/ co sne mar nyung ho thog thu'i maNDal/ chol g+han su mu

bshad sgrub grags 'bar gling gi maNDal/ yan to/ pu lung/ khub/
sha ra mang hang/ ho le'i/ khe re se the/ tho sun/ pA yan khu
re/ sho pa ri'i hu ral/ cha har go go su the/ mtsho bdun gser

khri bla brang/ btsan po bla brang/ ra kho bla brang/ lcang lung
Ar+ya paNDi ta bcas so so'i maNDal rten gsum dngos po sna
tshogs kyi mjal dar bcas byin pa rnams la lag pa'i 'degs 'jog
byas/ ja gral

dkar sprod mar spro/ tshogs langs pa dge bshes thabs mkhas dang
smon rams pa ngag dbang dar rgyas gnyis kyis chos 'khor gyi
tshogs langs byas nas chos kyi dga' ston myong/ phyogs 'dus stong
phrag lhag tsam

@017b tshogs par lag 'degs dang/ dga' lha dang 'brel ba'i dmigs
brtse ma/ rigs gsum mgon po'i snying po/ sgrol dkar bstod pa/
bsngo ba bka' bsgo bcas bton/ tshes nyi shu la tsun ho chid e
rti ni wang ngos

'phrad byas par phebs nas maNDal rten gsum sogs gnang cha gzab/
dga' lha dang 'brel ba'i dmigs brtse ma/ rigs gsum mgon po'i
snying po'i lung bcas phul/ zla ba bcu gnyis pa'i tshes gcig la
a

b+ha ga wang gi urge'i steng du phyin pas rta bsu ser sbreng
bcas kyi sne len gzab/ 'byor gdong maNDal dngos 'bul bstar/ dkar
spro dmar spro sogs rgyas par byas/ zhag 'ga' bsdad/ tshes bzhi
la bla brang steng

du 'byor/ lha bsrung rnams la gtang rag gi mchod gtor bskang
gsol rgyas par btang/ gnas bdag la'ang bsangs mchod sogs rgyas
par byas/ nyin 'gar jal bsos/ tshes bcu gnyis la lo gtor gsar
bzhengs

nang sman lnga/ rin chen sna lnga/ dri lnga/ nang mchod gong
ma'i phyag bzhes bzhin dge rgan tshang nas gnang/ zla bskang dang
bskang gsol chen mo bcas dge rgan tshang nas gsar 'dzugs gnang/
de nas re zhig bar ngal bsos gyin

bsdad do/ /smras pa/ blang dor gnas la rab rmongs lug lta bu/
/rang mgo ma thon gzhan mgo bskor ba'i tshul/ /'gro 'chag nyal
'dug spyod dang gtam gtam lan/ /ngo bsrung mthun 'jug log 'tsho'i
g.yo sgyu sogs/ /

@018a @#/ /legs par bslab cing lder bzo'i sku lta bu/ /'gying
tshul byed rnams yang yang legs bstan kyang/ /rab rmongs dbang
gis bag med lang shor du/ /song ba'i ngang tshul 'di la rgod re
bro/ /

zhes kyang smras so/ /tshes nyer dgu la tA re gangga'i mol tshogs
su mu'i so nyin pi leg thu bla ma dang zhabs drung 'jam dbyangs
ho sho gsum gyi kA le tsun tA sogs 'byor bas/ de rnams kyis
maNDal rgyas pa sogs

'don nas rten gsum dngos 'bul bcas byin pa la lag pa'i 'degs
'jog /ja gral sogs btang/ rab myos zhes pa lcags rtag gsar tshes
kyi dga' ston la lha mo'i tshes gtor dang lo gsar rten 'byung gi
thog

ma rang sgar gyi maNDal zhabs brtan bzhugs sogs gong ma'i srol
phye dang gong du smos pa'i spyi sgar bla dpon hur la hos thu
shu med che rigs mang po'i lo gsar mtshams zhu 'ga' zhig ngos
'phrad la dngos ma dang

tshab ci rigs pa nyin 'ga' rgyun ma chad pa byung/ tshes gcig gi
nyin pA tA bla ma zer bas dngul tshos kyi rnam bum gnyis lag tu
thogs nas/ rin chen mdzes pa'i bkra shis bum pa 'di/ /zhes sogs
shlau ka

gcig brjod nas byin/ yang thod pa bcud ldan stegs bcas lag tu
thogs nas/ b+hyoH sha khrag la sogs bdud rtsi lnga dang bcas/
/zhes sogs shlau ka gcig brjod nas byin no/ /de nas tshes bzhi la
dge rgan

@018b tshang dang dbon po chos rje gnyer ba rnams gros mthun thog
gnyer ba 'jam dbyangs rgyal mtshan la phyag mdzod kyi bsko bzhag
dang/ mchog grub nyi ma la gnyer ba/ a kha gser khog la gsol
dpon/ dam

chos ku shrI la mgron gnyer/ pE li dge tshul dang stobs ldan
dge tshul gnyis la gnyer chung bcas so sor bsko bzhag byas/ de'i
nyin dar han pE zi'i dgon du grags pa phyis mar nyung dgon du
thogs pa'i grwa rigs

rgyud pa blo gsal rab 'byams pas dus 'khor cho ga cha lag dang
bcas pa sku 'bum dus 'khor par ma po ta gcig nged la byin byung
pas dge rgan tshang nas rten 'brel shin tu legs pa zhes mnyes
tshor chen pos

gnang/ tshes bzhi'i nyin gza' skar legs pas dus 'khor gyi bla
brgyud nas blor 'dzin gyi 'go tshugs/ tshes dgu la wang gi urger
phyin/ tshes bcu la lha gsol byas/ bcu gcig la phyir rang sgar la
'byor/ zla ba

gsum pa'i tshes gcig la mar nyung tshang la mjal bar phyin/ maNDal
rten gsum bcas mjal kha zhu/ khong rin po che nas kyang tshur
maNDal rten gsum bstsal/ khong gi zhabs gras rnams kyis nged la
mjal kha zhu bar

lag pa'i 'degs 'jog byas/ tshogs chen du bos nas maNDal sogs rten
'byung bsgrigs/ dge 'dun mang la lag pa'i 'degs 'jog byas/ byin
rlabs spungs zhu ma'i lung bton/ ngos kyi gong mas tshugs

@019a @#/ /pa'i lam rim grwa tshang gi tshogs dbur phyin nas yon
tan gzhi gyur ma'i lung bklags/ dge 'dun rnams la lag pa'i 'degs
'jog byas/ grwa rgan 'gar ming btags byin/ tshes brgyad la

dar han pe zi'i tshang la phyin/ maNDal rten gsum dngos 'bul bcas
byin/ ngos nas lag pa'i 'degs 'jog byas/ nyin 'gar bsnyen bkur
gzab/ tshes bcu gnyis la phyir rang sgar du 'byor/ zla ba bzhi

pa'i tshes nas nad kyis zla ba gsum bar mnar/ zla ba bdun pa'i
tshes nas he li si thag gi hu ral la phyin bsu ma dang ja thab
bcas 'byor 'phral 'du khang nang khrir bsdad maNDal rten gsum
gyis

thog drangs dge 'dun rnams la lag 'degs byas/ nyin 'gar smon lam
tshogs dbur phyin nas bsngo ba/ bstan 'bar ma/ bde smon rnams kyi
mthun 'gyur bcas zhag 'gar ma chad par phyin/ dus

'khor 'jam dpal dgongs rgyan gyi dus bzang pa'i tshogs dbur yang
phyin/ skabs de dag tu phyogs 'dus stong phrag lhag la lag pas
'degs 'jog dang/ sgrol ma rnam gnyis kyi bstod pa/ ma Ni/ dmigs

brtse ma/ shamb+ha la'i smon lam sogs kyi lung byas/ de nas phyir
rang gi sgar thog tu 'byor/ tshes nyer lnga la a b+ha ka wang gi
u rge'i smon lam tshogs la phyin nas bsngo ba/ bstan 'bar ma/
bde smon

@019b bcas kyi mthun 'gyur zhag 'ga' dang/ dang por 'byor skabs
dge bshes gnyis nas chos kyi bsgro gleng sogs byas/ mjug tu
brtan bzhugs maNDal rgyas pa sogs legs tshogs bsgrigs/ zla ba
brgyad

pa'i tshes nyer gnyis la wang sa skyong gi 'char can gyi g.yang
'bod rgyas pa'i mgor bsdad nas g.yang 'gugs byed 'khul byas/
bang rtsal/ rta rgyug sogs kyi rtsed sna dang/ dkar ston rgya
cher byas/ tshes bzhi la

ho sho spyi nas nged mar sog yul du 'ong ba'i dga' spro'i brtan
bzhugs zhes maNDal dngos skyes gya nom pa'i thog bang rtsal
'gran pa/ rta rgyug /dkar spro/ dmar spro/ g.yog 'khor rnams la
lag 'jog babs rim

bcas bstar/ tshes drug la chol g+hon su mur grags pa dar han u
le'i dgon bshad sgrub grags 'bar gling du bskyod pa'i lam bar du
wang gi gcung shri ge thu bla ma'i nang du zhag babs/ phyi nyin
ja thab/ rta bsu ser

spreng bcas thog mar 'du khang khri khar bsdad bstun/ maNDal
rten gsum dngos zog bcas byin/ dge 'dun sum brgya brgal bar lag
pa'i 'degs 'jog /dga' lha dang 'brel ba'i dmigs brtse ma'i lung
bton/

tshes bdun la dgon pa'i rgyab ri steng lab tse khar phyin nas
bsangs mchod gser skyems gang ser ma'i shis brjod sogs byas/
tshes brgyad la chos grwa'i tshogs la phyin nas byin rlabs spungs
zhu ma'i lung btang/ sku

@020a @#/ /'bum dge bshes rnying ba dan shrI nas bsgro gleng
btang nas kun gyis bzhad mo theg ge ba byung/ mi dbang chen po
gtsos dgon pa'i bla spyi'i gzhung nas dga' ston rgya cher bstar/
de nas rang sgar la

'byor/ tshes nyi shu la cha har gu lu khu kho'i nang ko ko su the
su mu zer bar phyin/ der bsu ba ser spreng sogs sne len gzab
spro thog dgon pa'i 'du khang du thog mar khri la 'khod/ maNDal
dngos 'bul sogs bsnyen

bkur gzab/ dge 'dun nyis brgya tsam la lag 'jog byas/ tshes nyer
gnyis la ngos kyi gong mas 'dzugs gnang gi lam rim grwa tshang gi
tshogs dbur phyin nas yon tan gzhi gyur ma'i lung bklags/ maNDal

rten gsum lag pa'i 'degs 'jog rang gzhan thun mong ba'i bya ba
byas/ tshes nyer gsum la tshogs chen du phyin nas dga' lha dang
'brel ba'i dmigs brtse ma/ rigs gsum mgon po'i snying po/ sgrol

dkar ljang sogs kyi lung bklags/ de nas phyir bskyod skabs sbyin
bdag sogs kyi ja zhu rnams rim bzhin snyegs nas rang sgar du
'byor/ zla ba dgu pa'i tshes nyer gnyis kyi nyin/ dpon chos 'jam
dbyangs chos

'phel nas nged la khyod kyi gong mas dgung lo dgu'i steng gsung
rtsom tshigs bcad gcig gnang ba red/ khyod lo bcu lon nas da lta
bar tshig phyed kyang rtsom ma byung/ gong ma'i skye ba 'khrul
bral yin na

@020b tshigs bcad gcig de ring lha babs dus chen 'di la rtsom
zhes brnyas smod kyi sgo nas bskul byung/ gong mas gang zhig
rtsom pa red ces dris par/ nged tsho kya tin hwa zhang red gang
zer ba ma shes/ rtsom pa gnang

ba red ces 'khrul med du thos zhes dge rgan tshang dang phyag
mdzod 'jam dbyangs rgyal mtshan yang yod par bden nam zhes dris
par/ thams cad kyis bden tshul mol byung/ ci zhig rtsom dgos zhes
dris par/

tshigs bcad gcig rtsom na de ka yin zer/ nged kyis yi ge bri mi
shes ji ltar bri zhes par/ cis kyang rtsom dgos rgyu mtshan gong
du bshad pa de red zer/ bla ma lha la gsol btab rtse gcig tu
byas pas/ yid la

thol byung lta bur/ 'gro don bcu gnyis thams cad dang/ /zhes
sogs tshigs bcad dran pas mol la/ dge rgan tshang la sems la 'di
'dra zhig shar byung byas pas/ dge rgan tshang nas kyang phyag
yig mi pher

bas; rgyud pa chos rje zer ba khri kha'i gong ba grwa tshang gi
grwa rigs zhig yod pa de bos nas saM Tar phabs/ de nas dbon chos
kyis legs so ster 'khul gyis zha dkar gyi bcu rdo zhig byin/
phyag mdzod nas

tshems grub ma'i khug ma zhig dang byur phreng chung ngu dang
spos shel sna ru bcas byin/ rtsom zer ba ci 'dra zhig yin nges
mi shes/ 'di rtsom zer bar 'gyur mi 'gyur khyod tshos ltos zhes
lab/ phyi nyin khi shig than
@021a @#/ /tA bla ma bde legs 'byung gnas zer ba byon/ de nyid
zhag 'gar bzhugs/ khong tshos de la bstan pas glen gtam rdol gtam
zhig gam/ snying po can zhig gam zhes dris par/ khong nas mkhas

pa chen po yin gshis snying po can yin tshul gyi 'grel ba khyad
'phags zhig mdzad 'dug go /de rjes ma 'gyangs par tsun ho chid
dar nyan chos rje bla ma tshang byon/ khong gong ma'i zhal slob
bgres shos yin pa'i rkyen

gyis ngos kyi rdol gtam chos mdzod zung gis bstan 'dug /khong
nas dbu ma'i lta ba'i ngos bstan zhig tu bkral 'dug go /de la
'di skad ces/ dus ngan skyes pa'i bla ming ser gzugs bdag /ya ma
brla

yi bslu brid tshig gis bslus/ /skal ngan lto gos 'tsho ba ngon
gnyer phyir/ /col chung bla rdol mu co 'di dag bsgrags/ /'on
kyang rgyal bstan sgor zhugs theg mchog chos/ /bag chags mthu
brtas phyir du

rten 'brel tsam/ /phyi nang khyad par gsum 'dzoms lha babs nyin/
/bsgrigs pas tshe 'dir ngag 'chal sgo tsam dbye/ /dam pa 'ga' yis
byis pa'i rdol gtam la/ /sna tshogs don gyi tshon snas legs spras

te; ;kun gyis yid smon 'cha' ba'i dpal gyur bar/ /ngo mtshar mig
gi bdud rtsi 'di ko mtshar/ /zhes kyang smras so/ /kha thi g+han
rta mgrin bi shri rel thu bla ma zer ba grub chen zhig 'ong nas
brkyang phyag brgya

@021b phrag 'tshal te ngos kyi lag pa'i 'degs 'jog byas zin
'phral/ mdun du 'khod nas dge rgan tshang dang chos mdzod zung
sogs nged la gtsang spra sogs gal che tshul las brtsams te bslab
bya rgyas par

byas nas phyin no/ /de nas dgun gyi ring rkyen sel rim gro
bsgrub dgos rigs dang/ rang nas dus 'khor cho ga'i 'dzin 'phro
rnams bzung bzhin dgun gyi ring 'das so/ /skyes bdag ces pa chu
mo lug gi lo'i

gsar bzhad kyi ring 'tsho'i rten 'brel dang tshes gtor sogs 'char
can rgyas par btang/ nyug mar gnas pa dang phyogs 'dus mang por
lag pa'i 'degs 'jog byas/ tshes drug la co sne mar nyung ho thog

thur mjal bar phyin/ tshes nyer gsum la cha har gu lu khu khu'i
phyogs bAr g+ho'i ku shrI bla ma'i sar phyin bla ma nyid grub
chen spyod pa gnang mkhan zhig tu 'dug pas nged la rtsed rigs
sna tshogs dang shog bu

mang po byin nas 'di rlung rta la phan pa red zer/ nyin gsum
tsam bsdad/ de nas brgyud de gong ma'i sbyin bdag rnams kyi sgo
snyegs la phyin nas so so'i re 'dod ltar lha bsangs/ g.yang
'bod/ ma Ni dmigs brtse ma'i

lung/ bka' bsgo/ bsngo ba sogs ngos kyi thub tshod kyis 'dod pa
bskong 'khul byas/ zla ba gnyis pa'i tshes lnga la rang sgar nas
theg ste lam bar du hab sha phun tshogs/ dus 'khor tsang gi pA
yan min d+hu sogs

@022a @#/ /khyim tshang sgo nyul nor skyong ltar ma chad par gu lu
khu khu'i yA mun steng du sne len gzab rgyas kyis 'byor/ am
b+han rnam sras dang/ ja lang che chung/ tsun tA/ khun tu/ ka le
sogs dpon che chung

rnams dang phyogs 'dus mang por lag pa'i 'degs 'jog /bsangs dang
shis brjod gang ser ma/ ja zhu gang rgyas thog dngos po'i ster
cha'ang gzab/ de nas rim gyis phyin te cha har gu lu cha gan su
rug phyogs

^'jam mgon bstan pa'i mnga' bdag sku zhabs thu'u bkwan rin po
che'i bla brang la tshes brgyad nyin 'byor nye bar ^ rje nyid kyi
mgron gnyer pE lo ye bsu bar 'phrad nas 'tshams dar gnang/ phar
yang dam chos mgron brgyud

kyis 'tshams zhu phul/ nyin der 'byor ma khad nas mjal kha gnang
nas mnyes tshor chen pos rjes su bzung/ phyi nyin chos 'brel zhus
par/ sang nyin tshes bcu la gza' skar legs pas der byed/ de ring
ngal bso

bgyis zhes phebs/ phyi nyin rta mgrin gsang sgrub kyi rjes gnang
skyer sgang lugs dang rgyal po sku lnga/ dam can rdor legs gnyis
kyi srog gtad/ 'jam dpal mtshan brjod dang gdugs dkar/ tshe mdo/
rdor

sems bsgom bzlas/ sgrol dkar ljang gnyis/ gtsug tor rnam rgyal
ma'i gzungs rtog pa dang bcas pa'i lung bcas bstsal/ nyin 'ga'
sdod ces nan chen pos bka' phebs/ tshes bco lnga'i nyin

@022b dgongs pa zhu nas bka' bsgo byin rlabs dang dngos po'i
gnang cha rgya chen dang g.yog rigs so sor gnang sbyin bcas
bstsal/ lam bar ye khe ja lang tshang la phyin/ de nas hol thu
dgon par ja zhu maNDal dge 'dun

rnams dang phyogs 'dus brgya lhag tsam la lag pa'i 'degs 'jog
ster cha sogs mi dman par phyin/ tshur yang de lugs su gzab/ de
nas sbyin bdag gi sgo snyegs kyis rang sgar du 'byor/ zla ba
gnyis pa'i tshes nyer

gsum la cha har ko ko si thi dang/ pA yan min d+hu phyogs kyi
sbyin bdag 'ga'i khyim la ja zhu sogs su zhag 'gar bskyod de
bsangs dang g.yang 'bod bsngo smon bka' bsgo sogs kyis 'dod pa
bskangs/ zla ba bzhi ba'i

tshes bdun la khe shig than ja sag dpon po nas yong dgos tshul mol
don ltar lam du zhugs nas dar han u la'i dgon par zhag sdod
byas/ de nas gung gar nor brgyud nas tho li'i su mu'i rta bsu
ser sbreng

bcas dgon par 'byor bstun maNDal dngos 'bul stabs/ der rigs gsum
mgon po'i snying po dang/ sgrol dkar ljang gnyis/ ma Ni dmigs
brtse ma bcas kyi lung bton/ ser skya brgya lhag tsam la lag
pa'i

'degs 'jog byas/ de nas bskyod de 'u su thu ru na zhes bar zhag
babs/ de'i phyi nyin ja sag no yon blon 'khor bcas kyi rtabs su
ser sbreng bcas urge steng du 'byor/ maNDal dngos skyes dang
bcas par lag pa'i

[missing page-23-a-and-b]

@024a @#/ /khyor gyi ngang nas 'bud song/ de 'phral zla bo rnams
me tog mang du rnyed nas 'byor/ da lta rgad po lug rdzi zhig
yong ba gang du thal ltos zhes pas phyogs nye ring gang du btsal
kyang ma rnyed do/ /de nas nang du

'ongs nas sgar ba'i gnyer ba sogs la dris pas gzhan du rtsad
bcad kyang mchod do/ /de 'phral dngos grub rab 'byams pa zer ba
zhig 'ongs nas tshogs kyi bag khug tshems grub ma zhig byin 'di
rjes sor

tshogs chos grwa 'grims dus dgos pa lags zer/ rdo'i lug 'dra ba
byon legs chung ngu zhig byin 'di 'dod 'jo'i ba yin zer rang
byon sha stag yin ma bor bgyis zer/ de song 'phral phyi'i rwa
skor du

nyul bas rdo'i gtor ma sha gzugs ma zhig rnyed de'i mdun ngos su
gri thod kyi ri mo bris pa 'dra zhig snang ba rnyed pas de dag
dge rgan tshang la bstan pas dge rgan tshang thugs shin tu dgyes
nas mchod gral du

zhog gsungs/ gtor ma ye shes mgon po la phul gsungs pas mchod
khang gsar ba'i dpal mgon don lnga'i mdun du bshams/ phyi nyin
nas a yig rum la bsdus nas 'bral spang du 'chang ngo//

tshe 'dir gong ma'i sku gsung thugs rten rnams/ /mjal ba'i skal
btsam las rten mchod kyi/ /skal ba chad de sku gsung thugs kyi
rten/ /til 'bru tsam yang med kyang sngon bsags kyi/ /bsod nams
zong

@024b gis nyer khug yig 'bru mchog /don chen a yig ngo mtshar
'di rnyed pas/ /tshe 'di'i gsung rten kun gyi phyi mo ru/ /nges
rnyed skal bzang snyam du yid rab 'tshim/ /de'i phyi nyin ja sag
no yon tshang nas rgya ma'i sgyu rtsed dang/

phod rtsal sna dgu'i rtsed rigs sna tshogs bstan/ de nas ja sag
u rgel slar phyin/ zhag 'ga' bsdad/ 'gro khar dpon tshang nas
sog gur rgya phying can nang cha sgam/ mchod bshams/ khri'u shi
tsi/ mdzod gos/ ma nu

sogs kyi stan nang tshang can/ khri rgyab snyel/ sa gdan 'go
snam/ shing khri bcas rang bsgrigs bsam las 'das pa byin/ de nas
sngar lam brgyud tho li su mu dang/ dar han o la brgyud nas
rang sgar nor 'dzin dga'

tshal du 'byor/ der gnas pa'i skabs ab+ha ka g.yas ru pE li yum
sras blon 'khor bcas 'byor bas sne len gzab rgyas phul bar/ tshur
brtan bzhugs rgyas pa dngos 'bul gang rgyas gnang/ zla ba lnga
pa'i tshes

bcu gnyis la wang gi ho sho'i lab tse chen mo hang o lar grags
pa'i dus mchod la phyin/ tshes bcu gsum gyi nyin yon mchod bcas
lab tse khar song nas brdan dang bsangs mchod dpang bstod rten
'bul g.yang

'bod sogs rgyas par btang nas mar 'khor bstun/ dkar spro/ dmar
spro/ bang rtsal 'gran pa rta rgyug sogs gna' bo'i srol bzang
rgyas par bstar/ tshur lam wang gi urge'i steng du phyin/ zhag
'ga' bsdad/ de nas rang

@025a @#/ /sgar la 'byor skabs/ tA re gangga'i su rug gsum gyi
mi sna rta khal bcas 'phrad pas/ ngos la kho rang tsho'i yul du
bskyod dgos kyi rgyu mtshan nan che stabs/ zla ba drug pa'i tshes
nyer drug la sgar

bteg nas a b+ha ka g.yas ru pE li'i phyogs tho yon blo ldan
shes rab kyi ja zhu thog rigs gsum mgon po'i snying po dang ma
Ni dmigs brtse ma'i lung bton/ de nas eng ker ha sha thu'i dgon
par ja zhu/ pE li'i bi

shi ril thu bla ma'i sgar thog tu ja zhu/ pE li no yon tshang
nas nged la mi khyim gcig byin pa kun dga' zer ba der ja zhu
bcas zhag babs byas/ pE li'i thu sa lag chi dpa' bo tshang gis
ja zhu maNDal brtan bzhugs dngos

'bul bcas/ pE li'i phyogs dang ja sag shog gi phyogs 'dus khri
phrag brgal bar chos 'brel 'das gson gyi bsngo ba bka' bsgo sogs
chag med du byas nas rim bgrod kyis zla ba bdun pa'i tshes drug
la rta bsu ser sbreng bcas

mon tshogs dgon pa'i 'du khang nang khrir 'khod bstun maNDal
brtan bzhugs dngos 'bul gang rgyas byin/ ser skya stong phrag
lhag la lag pa'i 'degs 'jog byas/ de nas so nyin pE lig thu'i
bla brang du bsdad/ bla ma dang zhabs

drung 'jam dbyangs dang rgya mtsho rnams gyis bsnyen bkur bla na
med pa byas/ nyin bzhin phyogs 'dus rnams la lag pa'i 'degs 'jog
/bsngo smon bka' bsgo/ rigs gsum mgon po dang ma Ni dmigs brtse
ma/ shamb+ha la'i smon

@025b lam bcas kyi lung chag med/ nyin bdun gyi ring bdud rtsi
sman dkar sogs bsten/ sku 'bum bkra shis tshang dang/ a b+ha ka
bla ma tshang gnyis phyogs der bzhugs pa nged kyi rtsar byon par
mjal 'phrad dang khong gnyis

la chos 'brel dgos tshul gsung bar dga' lha dang 'brel ba'i dmigs
brtse ma'i lung phul/ ho ne'i su rug gi am b+han gtsug tor
skyabs kyi nang du phyin/ bsnyen bkur gang rgyas zhu/ de nas ho
sho'i lab tse tsA re'i o

b+hor song nas bsangs dang gser skyems g.yang 'bod shis brjod
sogs byas/ gsham du 'ongs nas phyogs 'dus khrir brgal bar ma Ni
dmigs brtse ma/ bsngo ba bka' bsgo rang 'khos dang bstun par
gang rgyas byas/ /

a ya tA bla ma sogs su rug phyogs kyi bla dpon che phra du mas
ja zhu sar bsangs dang g.yang 'bod/ mdo klog pa sogs 'dod mos
dang bstun nas byas/ de nas mon tshogs su mu'i steng du phyir
'byor/ smon lam steng nyin

'gar bstan 'bar ma dang/ bde smon bsngo ba khrus smon rnams kyi
mthun 'gyur bya bar phyin/ rjes su tshogs dbus su phyin thog
/'jam dpal mtshan brjod/ shamb+ha la'i smon lam/ bstan pa rgyas
pa'i smon lam sogs kyi lung

bton/ de'i phyi nyin a to chin am b+han gyis brtan bzhugs sogs
kyi legs tshogs bsgrigs/ der 'jam dpal mtshan brjod kyi lung yang
btang/ de nas phyir lam a b+ha ka'i phyogs kyi shar sho ro thu/
tsha g+han o b+ho/ tsha g+han
@026a @#/ /cho lo/ mi 'khrugs pa/ dur bel cin/ on g+hon/ ha sha
thu/ smyung gnas/ zhabs brtan hu ral/ a yol he/ o la shrI'i
bka' 'gyur sogs dgon chung rnams dang/ tE chin bka' 'gyur/
stobs ldan

tE chin/ dbang 'dus tE chin/ mchog rgyas/ tshul khrims tho yon/
po yan tel ker ja kho rog chi/ pA yan mkhas grub/ pA yan pa si
tha/ drang nges sman rams pa/ phe kyA bla ma tshang gi sgar thog
tu zhag 'gar bsdad/

bshad sgrub chos rje sogs mi tshang mang po'i sgor nyul te rang
gzhan gyi don grub tshul gyi gzugs brnyan la bslab nas brgyad
pa'i tshes gsum la rang sgar du 'byor/ tshes bcu gsum la khe ri si
the hu ral gyi smon lam steng phyin

nas bsngo ba/ bstan 'bar ma/ bde smon sogs kyi mthun 'gyur zhag
kha shas song/ phyir bla brang du 'ongs nas ja sag ho sho'i rang
gi hu ral tu grags pa pA yan ho sho'i su mu'i smon lam 'char
can steng phyin/ smon lam

bsngo ba'i mthun 'gyur dang/ dgongs rgyan dus bzang sogs la
tshogs nas rgan pa 'ga' la ming btags byin/ phyir lam dkon mchog
dka' bcu dang/ dge legs the ci nor son ma ja khe rog chi sogs
kyi nang du phyin nas ja zhu

gzab/ de nas rang sgar du 'byor nas dge rgan tshang la sngar khe
shig than nas lug rdzi rgad pos da lo'i dgun thog ri bo rtse
lngar cis kyang 'gro dgos zer ba'i rgyu mtshan bsnyad pas dge
rgan tshang nas chos mdzod sogs la mol

@026b bstur byas pas 'gro rgyur thag bcad nas lam chas sogs
bsgrigs/ zla ba bcu pa'i tshes bcu dgu la lam du zhugs nas lam
bar du pA yan min d+hu phyogs/ padma pe che chi/ dus 'khor cang
gi /ha bong sogs kyis ja zhu/

ur sto e mig te dgon par ja zhu bla ma gtsos dge 'dun rnams la
lag pa'i 'degs 'jog maNDal dngos 'bul sogs rgya cher bstab/ de
nas rim bskyod kyis drang ja khug brgyud/ te thung/ ye mun
bkwan/ zha he su mu zhes

pa'i gnas kyi dang por mjal/ ri rtse'i shi hwan thang gi bsu ma
blo bzang gnyer ba der 'byor/ de nas no g+hon su bur g+ha zhes
pa'i gnas su khyogs bcas bsu bar der bsdad nas rim bzhin ri
rtse'i shi hwan thang gi dge 'dun

rnams kyis ser sbreng mchod rol bcas nub phyogs kun 'dus gling
du 'byor nas 'du khang gi khrir 'khod bstun maNDal dngos 'bul
dang dge 'dun rnams la lag pa'i 'degs 'jog byas/ bsnyen bkur
gang gzab ngos

ngal bsos/ phyi nyin snga bar langs nas shi hwan thang/ lo hwo
zi/ mchod rten dkar po/ klu rgyal nag po/ bka' 'gyur su mu/ bka'
'gyur dril chen/ zhAn thun zi/ thun wa ten/ phu sa ten/ chos
gwa lha khang/ dbyar gnas su mu/

sgrol ma lha khang/ 'jam dbyangs rgan pa/ paNDi ta lnga brgya/
sangs rgyas rabs bdun/ bde mchog su mu/ u lang mo'u/ rdo rje
phug /lcang skya bla brang e waM dga' 'khyil/ sher phyin lha
khang/ ma Ni b+ha dra/ 'jam dbyangs rigs lnga'i

@027a @#/ /lha khang/ the ho je'i sgrol ma/ 'jam dbyangs rtsam
mgo ma/ rigs gsum mgon po/ lcags kyi mgon po/ pha dam pa'i sgrub
phug /'jam dbyangs shing rtam/ kwan yin tung/ rnan san zi/ drang
srong

ri'i lha khang/ cin he zi/ 'jam dpal nag po'i sgrub phug /khyan
ho tung/ chu mig zla ba/ sman rgyal lha khang sogs so sor phyag
mchod 'bul khrus gsol sogs rgya srang sum brgya tsam gyis bsnyen
bkur byas zer snang/ ri rtse'i

ja sag ser smad rgya rong dge bshes paNDi ta bla mar dngos mjal
zhu/ nyin rer dge rgan tshang nas bdag khrid de phyi bskor re
dang/ mchod rten dkar po la bskor ba bdun nam nyer gcig re ma
chag tsam zhag nyi shu skor phyin/ zla ba

bcu gnyis pa'i tshes drug nas mtshams bcad nas dge rgan tshang dang
mnyam du a ra pa tsa na bgrang 'khul byas nas bdun gcig 'das/
de nas dmigs brtse ma bgrang rgyu'i 'go brtsams zla ba gnyis pa
ma tshes bar

'dug dgos zhes dge rgan tshang nas gsung mod shi hwan thang gi
bla ma thang tru/ gnyer bde mchi/ dpon po rnams kyis lo gsar la
mtshams grol dgos tshul gyi rgyu mtshan nan che bar brten nyer
dgu'i nyin bla mchod

tshogs mchod smon lam rnam lnga/ gser zhun ma sogs bton nas
mtshams grol lo/ /angki ra zhes pa chu sprel gsar tshes kyi dus
gtor sogs 'char can dge rgan tshang dang mdzod pa sogs nas ring
'tsho'i

@027b rten 'byung legs par bsgrigs/ shi hwan thang gi tshogs dbus
su phyin nas maNDal rten 'byung dang dge 'dun rnams la lag pa'i
'degs 'jog sogs byas mchod mjal zhu/ de nas thog mar lo hwo zir
mchod mjal la phyin/ de

nas phyir sgo'i them par 'gom nas phyir thon skabs mjal mi yang
mang zhing sngar khe shig than la thug pa'i lug rdzi rgad po
dang 'dra ba ra slog phyir log nas gyon pa zhig gis nged la
bzung nas dpe cha 'di khyer zer nas sa

skya'i 'jam bstod spros bral stong nyid ma'i dpe par ma sna
thung zhig byin/ de nas mchod rten dkar po la mjal/ klu rgyal
dang phu sa ten la mjal/ ja sag bla ma la'ang mjal kha zhu nas
phyi bskor brgyud de shi hwan thang la

'byor/ nyin rer mchod mjal re gnyis dang tshong 'dus ltad mor
rnam g.yeng rtsed mo sogs kyis dus 'da' bar byas/ nyin gcig
mchod rten dkar po'i hwa zhang gis rgya khyi chung du zhig byin/
de mtshungs thu med shog gi rab

'byams pa ngag dbang dpal ldan zer ba yong nas grub rgyal lugs
kyi tshe dbang nan che bar bskul/ dge rgan tshang nas zhag 'ga' la
tshe dbang bskur tshul bslab/ dang po'i tshes bcu gsum la kun 'dus
gling gi 'du khang du

ser skya bzhi brgya lhag la gzugs brnyan gyi tshe dbang bskur ba
ni tshe 'di'i gzhan mgo bskor ba'i thog ma'o/ /phyi nyin cha har
ye khe ja lang ngo g.yog gis tshe dbang dgos tshul mol ba ltar
tshes bco lnga la ser skya sum brgya brgal

@028a @#/ /bar slar yang tshe dbang lan gcig ste gnyis su bskur
ro/ /a to chin bka' 'gyur su mu'i bla ma ku shrI'i zhabs drung
gtso bos phyogs 'dus rnams la/ gdugs sher sgrol gsum/ smon lam
rnam lnga/ seng gdong

ma sogs kyi lung bton/ gnyis pa'i tshes gcig la kwan yin tung
zhes pa'i rgyal ba tshangs dbyangs pas byin gyis rlabs pa'i sgrub
phug tu dge rgan tshang dang dbu mdzad blo bzang bstan 'dzin
gnyis kyis smyung gnas bsrung/ nged nas ma Ni

bgrangs te zhag 'ga' bsdad nas phyir shi hwan thang la 'ong/
tshes dgu'i nyin phyir theg pa'i ngal bar zhugs nas drang ja khug
brgyud/ the pu su'i a kyA sgar ba'i zhabs gras rnams nas ja
zhu byas/ de nas rim bgrod kyis zla ba gsum

pa'i tshes gsum la rang sgar du 'byor 'phral dbon chos sogs nas
lo gsar rten 'byung bsgrigs/ de mtshungs mi dbang wang blon sogs
kyis lo gsar gyi dga' ston byas/ tshes brgyad la wang gi u rger
phyin/ ja gral

dga' ston byas zhag gnyis bsdad/ slar rang sgar du 'byor/ de
skabs dus 'khor cho ga cha lag tshang bar blor 'dzin sgrubs/ tsun
ho chid legs tshogs rab 'byams pa nas lcang lung gsung 'bum po ta
drug dang nyer

mkho'i po ta gcig bcas bdun byin/ de skabs sku 'bum dge bshes
zhig nas btsan po bsdus grwa sku 'bum par ma dang/ rgyan 'jug
dbus par sna thung bcas byin dge rgan tshang nas rten 'brel legs
chos grwar 'grims pa'i

@028b skabs mkho ba'i dpe 'byor ba legs tshogs che gsung/ skabs
der sku 'bum blon po rten khog nged cag gi nang du 'byor zhag
'ga' bsdad/ chos mdzod zung nas lha zhu byed rgyur bshad pas
khong tsho'i g.yog rigs rnams

kyis nged kyi chos skyong gsung mi byon lha khrid ma rgyab zer
bas/ chos mdzod zung gis cis kyang spyan 'dren zhu dgos zhes nan
tan byas pas 'thad par khas blangs nas/ rdo rje'i sgra dbyangs
tshogs 'khor bcas rgyas par lha

gsol byas nas spyan 'dren btang bas sku gzhan dang mi 'dra ba
phebs zhes zer/ nged cag pha yul du phyin pa dang/ lha sar phyin
pa gang legs brtag pa zhu bar lha sar bskyod pa legs/ bar chad
mi 'byung bar ngas khas len

byed/ dpung rgyan/ phyogs mun/ glang ru lung bstan/ sgrol chog
/srung ma'i bskang 'phrin bcas bsgrub gsung/ de nas kho rang
tsho'i g.yog rigs kyis lha khrid rgyag dgos tshul zhu bar/ sku
'bum bskor lam du ma

'byor bar lha khrid rgyag sa med ces phebs nas sku yal lo/ /de
nas zhag 'ga' nas kho rang tshos phyir thon/ zla ba bzhi pa'i nyi
shu'i nang sku 'bum chos skyong gi rten khog chos rje la u cu
mu chin chin wang gis pE

cing nas phyir sog yul du gdan drangs par nged cag gi sgar thog
tu 'byor/ zla ba lnga pa'i tshes gnyis la spyan 'dren lha gsol
rgyas zhu byas par/ nged cag pha yul du phyir log pa dang lha
sar 'gro rgyu'i lung zhu

@029a @#/ /bar/ lha sar bskyod pa legs tshul rim gro blon po dang
'dra bar phebs pas dge rgan tshang dang chos mdzod zung nas nged
cag bod du 'gro bar thag chod nas/ sku zhabs thu'u bkwan rin po
che dang/

mar nyung tshang la thugs brtag zhu bas rkyen sel rim gro phon
che tsam las gcig tu babs/ tshes lnga la khe shig than ja sag no
yon nas der 'ong dgos tshul ltar lam du thon nas dar han o la
sogs brgyud

nas bai ro'i su mu'i rang sgar du zhag 'ga' bsdad/ phyir 'khor
dus dpon tshang la phyin nas zhag gsum ngal bsos byas nas rang
sgar du 'byor/ zla ba drug pa'i tshes bzhi la skyes skar gyi rten
'byung sogs bsgrigs nas gnas

skabs rims drag pos mnar nas lha bla mar lung zhu/ sman dang rim
gro mar nyung tshang dang/ pA ga bla ma he/ a sne smar/ phe
kyA tshang sogs nas rim gro phon che bar bsgrub/ skabs der chos
mdzod zung nas khe shig than gyi sgar kha

gdugs dkar lha khang rten dang rten par bcas pa sa zhing gzhi
kha bcas skyabs gsol du sku zhabs thu'u bkwan rin po cher phul/
de nas mi ring por nad las kyang grol/ zla ba brgyad pa'i tshes
nang pA yan ho sho su mu'i smon

lam steng phyin nas zhag 'ga' bsdad/ de nas phyir 'khor bstun
chos mdzod zung nas mi dbang wang la nged lha sar 'gro rgyu'i
lha bla ma'i lung bstan chud yod tshul las brtsams te dgongs pa
zhu/ bla dpon ser skya thun mong nas

@029b bkag bsdam yang yang byas kyang u tshugs kyis gnang ba zhu
bar wang nas thabs tshul ma rnyed par dgongs pa khrol nas u rge
la shog gsungs pa ltar phyin pas dbus rdzongs phon che ba dang/
ho sho spyi nas kyang dbus rdzongs stong

'bul sogs gnang/ gzhan yang bla dpon ser skya mchog dman du mas
rang rang gi thub tshod kyis dbus rdzongs rgya cher byung/ skabs
der mar nyung ho thog thu rin po che las/ khyung khra'i rjes
gnang/ 'jam dbyangs nag po'i bsgom bzlas

kyi lung/ 'od zer can ma'i rjes gnang/ sman chog bsdus pa/ dpung
rgyan/ phyogs bcu'i mun sel/ myur mdzad ma/ 'chi bdag ma/ tha
'og bskangs bshags rgyas bsdus/ gshegs gtor bcas kyi lung thob/
tshes bcu bzhi

la wang blon 'khor bcas kyi skyel thung dang wang gi sku mched
shri thu bla ma dbus nas rang yul bar skyel mar mngags/ dge ba
ja lang nas rta khal bcas ri rtse bar skyel mar brdzang/ lam bar
sbyin bdag yod rigs la

ja zhu dbus rdzongs rnams ster ba blang bzhin drang ja khug sogs
brgyud de sngar mu bzhin dpon po'i rigs kyi bsu ma dang bcas ri
rtse'i shi hwan thang la tshes nyer bzhi la 'byor bas sngar lugs
bzhin sne len bstab byung/ phyi

nyin nas rten gsum sogs la mchod mjal gang thub byas/ ja sag
paNDi tar chos 'brel zhu bar/ thun drug rnal 'byor/ dga' ldan
lha brgya ma dang 'brel ba'i dmigs brtse ma/ slob dpon rdo rje
mtshon chas mdzad pa'i

@030a @#/ /gang blo ma/ dpung rgyan bcas kyi ljags lung thob/ ja
sag bla ma rin po cher lam yig zhu bar/ dar yig dang lam yig
bcas bstsal/ shi hwan thang la spyi 'jog tu hor spub legs

pa gcig /nged kyi shing rta rgya srang nyis brgya re ba dang/
rgya srang lnga bcu bcas phul/ zhag nyi shu bar tsam bsdad nas
mtshan brjod dang a ra pa tsa chag med bgrang bzhin pa'i ngang
nas mngon rtogs rgyan rang gi kha bton gyi

tshul du blo 'dzin gyi 'go tshugs/ zla ba bcu gnyis pa'i tshes bcu
gcig la ri bo rtse lnga nas dbus 'gyur chos kyi zhing du theg
pa'i lam la zhugs pa dang ri rtse'i kun 'dus gling gi dge 'dun
rnams dang/ sog phyogs

'grul rigs gzhi byes tshang mas skyel thung byas/ lam bar eng
ker tsha gan su pur g+har ja thab/ no g+hon su pur g+har zhag babs/
de nas zhA he/ tun nan yu/ te trug mkhar bar du a b+ha ka'i rta
khal gyis skyel

a b+ha ka'i skyel mi rnams phyir rang yul du bzlog skabs bka'
bsgo bsrung ba dam rdzas dngos po'i ster cha bcas rdzong sta
byas/ de nas shi hwan thang gi lin tho dbon po bstan 'dzin nyi
mas rta gla btsal nas de'i thog

the yin sin du slebs zhag lnga bsdad/ der yang kho ba nas rta
gla btsal thog dbon po de nas phyir log /nged cag rim bgrod kyis
hug ma zer bar 'byor/ dgon lung grwa ba gsum thug pa 'od zer
rgya mtsho zer ba'i

@030b btsun chung zhig dang grwa ba gcig nged cag gi rjes su
dbus phyogs su 'gro rgyur khrid rogs bgyis zhes chos mdzod la u
tshugs byas pas khas blangs nas khrid/ dpal gdugs zhes pa chu bya
lo'i gsar

tshes dga' ston dang rten 'byung bsgrigs/ tshes gnyis la chos
srung la bskang bshags/ rgyags brngan sogs bsangs chen btang/
tshes gsum nyin ngal bsos/ tshes bzhi nyin nas rim bskyed kyis
thun bkwan zhes

'gag rdzong chen por dbon chos lam yig dar yig khyer nas rdzong
dbon la rgyu mtshan zhu bar/ bkag cha sogs med par rma klung gru
thog nas bde bar brgal/ de nas zhag 'ga' song nas zhi nan zi
zhes pa'i mkhar chen

bkra shis sgo brgyar du grags par tshes bcu gsum la 'byor nas
sgrol ma lha khang du gnas tshang g.yar bar grang tA bla ma
zhes pas sne len tshul mthun byas/ grwa pa lnga brgya tsam bzhugs
pa kun la lag pa'i 'degs

'jog byas/ bcu bzhi'i nyin chos skyong gi dus mchod cung brgal
kyang nyin der bskang gsol btang/ tshes bco lnga'i nyin chen po
thang gur gyi dus lha ldan jo bo shAkya mu ne bzhugs pa'i lha
khang du grags pa der jo bo rang nyid

kyi sku tshab tu bzhag pa'i rje btsun sgrol ma dngos su byon nas
bzhugs pa der sgrol chog brgya mchod phul/ spyi 'bul du rta gcig
rgya srang nyi shu phul/ nyin der grang bla mas nged la rgya
mi'i rtsed rigs sna tshogs dang mtshan mo me'i
@031a @#/ /'khrul 'khor sogs bstan/ tshes bcu drug la thon nas rim
bgrod kyis la chen chu chen mang po brgal zhing lam 'phrang shin
tu ya nga ba sna tshogs bgrod skabs han krung zhes pa'i sar bgrod
par

nged tshab gsang gcig byas nas shing thog 'khur ba zhig nye gnas
nas nyos par cung 'gor bas/ dge rgan sngon du byon nas rgyang
ring tsam song 'dug /nged shing thog 'khur ba khyer nas rkang
thang bar rgyug pas dge rgan tshang

ma mthong bar myur bar rta bzhon nas rgyug snyam pas rta lhod
nas nged kyi sngon du 'gro 'dug pa rgyug nas rta'i rtsar slebs
dus rta zam chen zhig gi steng du 'gro bar 'dug pa zam steng nas
rta bzhon snyam nas rta 'dzin

bar chas pas rta zam pa'i kha sor 'gro ba nged nas rta nang du
yangs sar phud rgyag byas pa dang nged zam 'og tu lhung nas dran
med du brgyal/ mig phye mi thub/ rta 'tsher ba thos/ mi'i skad
kyang thos mod/ rang gi kha

grags mi thub/ de 'dra zhig la mi zhig gis bsgul bskyod btang
'dug /gdong la chu rgyag dus mig kyang phye nus bltas pas rgya
mi zhig snang/ sna la phu rgyag 'dug pas rgya mi'i tha mi'i du
ba btang snang/ mdun thad

'doms byed tsam na chu klung shin tu che ba babs 'dug /yar bltas
pas zam pa thag pa 'dra ba zhig las mi mthong/ nged rdo ba stegs
'dra ba zhig la rkub cag byas nas bsdad snang/ de nas rgya mis
rgyab tu nga khur nas thad rgyag

@031b la 'gro mi thub par phar bskor tshur bskor gyi ngang nas
yar phyin skabs rta ni 'tsher rgyang byed/ nye gnas phyi nas 'ong
bar rgya mis nga khur ba mthong nas kho rang dngangs skrag gi
skad 'chor zhing mar bltas pas thog tshad lnga drug

gi tshad 'dug pa mthong nas shin tu 'jig 'dug /rgya mi la nye
gnas bla rgan nas rgya lugs kyi phyag 'tshal dang karSha pA Na
byin pas rgya mis len ma nyan/ rgya mis gnya' la 'degs pa'i sgam
chung khur nas ma bsnad pa

legs so zer zhing song/ nged phar tshur phyin pas lus la na tsha
sogs cang ma tshor bas/ nged gnyis rta la bzhon nas shar rgyag
gis phyin nas dge rgan tshang dang thug nye bar dal bus phyin
skabs nged kyi snang bar 'phrul

ba'am ci yin ma shes/ nged lhung ba'i zam pa'i sner bu chung
gcer bu pa zhig gis rdo chung ngu 'phang ba nged kyi rkang ba
g.yas pa'i 'bol 'jam la phog snyam byed pa dang na tsha zug rngu
bzod dka' ba myong/ zhag kha shas sman gyis

bkrub sogs dang 'thung ba sogs kyi nyer len cung bde yang sdug
bsngal zla ba gcig gi bar myong ba ni lo skeg gi bar chad las
grol bar bsam/ de nas rim bskyod kyis zi khron khrin tug zin
zhes par 'byor/ zhag 'ga' bsdad/

sngon byang chub sems dbang ? chos 'phags kyis rtag tu ngu la
chos gsungs pa'i gnas yin zhes gleng/ dgon pa zhig kyang yod
'dug /kun bzang gi gnas rgya nag glang chen yang der le bar
brgya tsam na yod zer/ de

@032a @#/ /nas rta gla rnyed nas rim bskyod kyis lU tin khyo zer
ba'i lcags zam chen mor/ sku 'bum grwa rigs seng+ge gdong sogs
dang/ hal ha'i yongs 'dzin gyi mi sna bcas dar mdo nas bsu mar
'byor/ zla ba

gsum pa'i tshes bcu gsum la rgya nag dar rtse mdo grags par 'byor
nas zla ba gcig lhag tsam rta gla ma reg par bsdad ring la/
'byor nyin hal ha'i yongs 'dzin rin po cher mjal kha zhu/ zhag
shas grib kyi rnam pas

gzugs gzhi cung ma bde bar hal ha'i yongs 'dzin tshang las 'jam
dpal nA ga rak+Sha'i byabs khrus/ rta phyag khyung gsum gyi rjes
gnang zhig kyang nyid nas brtse bskyangs kyis bstsal/ nad kyang
'phral du dwangs/ der

smyung gnas dgon pa zhes par mchod mjal zhu ba'i phyi nyin dgon
pa'i chos skyong shugs ldan spyan 'dren yod ces thos pas rta
bla'i lung sogs zhu rtsis kyis dge rgan tshang dang chos mdzod
bcas phyin par/ chos skyong spyan 'dren

dang kha thug khel bar lam gyi rkyen sel rta gla myur du rnyed
min sogs kyi lung zhu bar/ phyir phebs su/ khyed zhabs gras
rnams kyis bla ma 'di'i zhabs 'degs la hur brtson dang/ gsol
chas sogs la gtsang sbra gang thon

byed dgos/ da lta snyigs ma'i dus 'dir gnas skabs mdo smad rje
sku 'bum du bshad sgrub kyi bstan pa kla klos nub skabs su gda'
na'ang/ slar dar rgyas su spel bar mdzad mkhan bla ma 'di ka
rang yin gshis khyed

@032b rnams kyis zhabs 'degs tshul bzhin ma bsgrub na/ nged kyis
mi mngon dbyings nas khyed cag rnams la ltas dang mtshan ma
'phral bstan yong bas khyed rang tshos sems la mnga' ba bgyis
zhes dang/ nged la khyed

rang grwa sar slob gnyer sogs chos ldan gyi bya ba la lhod med
khur bzhes thog /da lta mdo smad rje sku 'bum gyi bstan pa cung
zad nub pa de dag khyod kyis slar dar rgyas su spel dgos/ de
ltar sgrub tshe nged kyis grogs

dan byed bar chad med ces lung bstan gnang/ sku yal khar blo
bzang rgyal bstan 'bar bar byed gyur cig lha rgyal lo zhes gar
dang bcas rtsam pa spar gang nged kyi mgo la gtor ro/ /de ltar
nyin 'gar rta gla gtan nas ma

byung bar chos skyong la bskang gsol btang/ de'i phyi nyin lha
mo rtse dgon par mchod mjal la phyin par/ de ka'i dge 'dun rnams
kyis bsu ba ser sbreng bcas sne len byas/ dgon par mchod mjal
zhu/ lha ldan 'bras spungs

gO kham pa gzhung gi ja bsgrub pa sku zhabs rgyal mtshan zer ba
zhig der bzhugs pa'i gnas tshang der nged la sdod grogs bgyis
zhes lha mo rtse pa rnams kyis nan cher gsungs pa ltar nged dang
dge rgan tshang nye gnas a kha gser

khog gsum zhag 'ga' bsdad/ der gzhung ja bsgrub pa lags dang nye
gnas gnyis 'phros pa byas pas rta gla ma rnyed tshul rnams bshad
pas/ gzhung zhabs rang nas 'gan len byas thog 'di nas lha ldan
bar gyi rta gla dre'u sum cu

@033a @#/ /rtsa bdun dang drel pa gsum bcas gtong rgyu dang/ lha
sar gzhung zhabs ja bsgrub pa'i phu po mgron chen yin pas skyabs
mgon mjal kha sogs kho rang gis hur bskyed byed tshul dang/ sdod
gnas khong tsho'i

gzims gshag shar spyi khyab tu khong tsho'i gong ma sde pa 'jam
dbyangs dbang rgyal zhes pa bzhugs pa'i gnas tshul dang khong nas
rtsol shar gyi yig 'phrin gtong rgyu'i bka' drin bdag rkyen bla
na med pa rnyed nas

dar mdo'i gnas tshang du phyin/ tshes bcu gsum la ja bsgrub pa'i
dre'u so bdun pa'i steng lam du thon skabs rang gi rta dre'u
khyon bdun cu brgal bar khal dang bzhon pa bsgrigs thog nas lha
mo rtse'i mi sna'i

skyel ma byas/ rim bgrod kyis mi nyag ces pa'i chu khar slebs/
zhag 'ga' bsdad/ ser skya pho mo rnams la lag 'degs dang/ ma Ni
dmigs brtse ma'i lung bton/ de nas nya chu khar slebs

skabs nged chur 'jam du rtsed mo byed cing g.yeng nas 'gro bar/
glo bur bla rgan bgres song lwa ba can zhig lhags nas khyod gur
gyi nang du 'gro zer/ nged mi 'gro zhes pas u tshugs byas nas
gur gyi

nang du khrid pas mnyam du phyin nas mnyam bsdad byas/ de nas a
'bog nas dpe cha sna ring par ma zhig bton nas nged la ster
byung/ 'di klog rogs mdzod zer/ bltas pas gzhi sde slob zur
@033b bshes gnyen dpal 'byor gyis mdzad pa'i blo sbyong don bdun
ma'i khrid yig zhal lung snying po zer ba zhig snang/ mgo nas
mar cung zad bklags pas/ de'i don shod da zer/ glen rmongs pa'i
'chal gtam 'ga'

re bshad pas/ bla rgan yar langs te bla ma la skyabs su mchi'o
sogs 'don bzhin phyag byas/ lham phud/ sa la bsdad nas maNDal
phul/ skyabs 'gro'i dpe a 'bog nas bton te 'di'i lung thon zer/
skyabs

'gro'i lung bklags zin rjes/ maNDal rgyas pa rgyal ba khyab bdag
sogs bskul nas maNDal rgyas pa 'dod gsol 'ga' bcas bton nas yar
langs te brkyang phyag 'ga' 'tshal blo sbyang dpe khyod la byin
pa yin zer/ nged

kyi bus mor mgo gtugs nas tshe rabs rjes 'dzin gyi tshig mang po
bton smon lam btab nas phyir thon song ngo/ /de nas rim bgrod
kyis li thang thub chen byams pa gling gi nye 'dabs su sgar
rgyab nas/ li thang la

mchod mjal rgyas par zhu/ li thang mkhan po la mjal bar khong
nas bkur bzos tshad med pa gnang nged la mkhan po dang stan gcig
par bzhag /khyed grwa sa gang red zer/ chos mdzod rnams nas ser
smad gzhung pa yin

lags zhu/ 'o de yag po byung nga yang ser smad rgya rong yin/
nged gnyis grwa sa gcig pa red zer/ sprul sku yi ge shes sam
shes lags zhu bas/ gzab gshar gyi ka kha sogs bstan byung/ de
rnams pa klags pas

@034a @#/ /yi ge yag po bslab 'dug /rgyan 'jug bslab pas gsung/
rang gi blo la 'dzin 'khul byas lags zhu bas/ yA 'o na skyor
cig gsungs pas mgo nas shog bu gnyis gsum re

gnyis ka'i mgo nas skyor bas da yag po byung gsungs nas/ ja gral
thog dkar spro rgyas pa dang/ 'o da grwa sar slob gnyer la hur
thag bgyis gsungs nas shing tog bu ram sgor mo phon chen bstsal/

de nas rang gur bar dge 'dun rnams dang kham pa grong gseb pa
nyin gsum ring stong phrag mang po dang rgya gong rtse ra pa
sogs tshong pa mang po rnams la lag pa'i 'degs 'jog sog yul lta
bur byung/ /

ser skya mang por rigs gsum mgon po'i snying po'i lung bton/
nyin bzhin ja mar bu ram sbrang rtsi zho 'o ma shug pa phyogs
der skyes pa gzhan las khyad par du 'phags pa'i dri ldan rnams
mang po ster byung/ /

dar rtse mdo nas lha sar ma slebs kyi bar mjal pa zam ma chad pa
byung/ de nas rim bskyod kyis 'ba' chos sde zhes pa'i dgon par
'byor/ der rten gsum rnams la mchod mjal zhu ste zhag gsum

bsdad/ phyogs der lo snga mar sa g.yos chen po byung nas sa gas
pa gting mi mthong ba sogs dang bka' 'gyur par shing gi lha
khang gnyis thog sogs 'og tu nub nas thog khang sa khar steng
cha lta bur

@034b gnas pa mthong bas thams cad yid 'jigs shing zhum par
gyur/ der rgyal mtshan zer ba'i grwa rgan zhig gis gshag tu bos
nas rten la rab gnas dang bsdo smon gyi mtshams sbyor dang bsnyen
bkur gzab/ de nas

bskyod de sngon rgya bza' gung jo bi lha khang bzhengs par grags
pa'i rngo sku rnam snang rang byon la mjal te mchod 'bul byas/
rim bskyod kyis rtsa rung thang zhes pa rtsa chu shing sogs
'dzoms pa'i gnas sa gtsang zhing

yid du 'ong bar zhag nyi shu lhag tsam 'jag mal byas par/ a+yon
chos 'phel zhes kham 'brog rgan po zhig 'ong nas tshe dbang bskur
dgos zhes u tshugs nan che bar brten dge rgan tshang nas bod kyi
sa sne smar kham

nye 'dabs su 'byor bas rten 'brel legs bskur grogs bgyis zhes
gsungs pas/ kham 'brog skye pho mo lnga brgya tsam brgal bar tshe
dbang bskur gtang rag skabs/ rdo rje 'chang hal ha'i yongs 'dzin
rin po che

la bod nas phebs bsu dang po 'byor bas shing 'bras bu ram skyi
ri sogs phul ba phran la deng khyod kyis bod kyi sa sne bzung
bar tshe dbang bskur ba dang bod kyi mi sna 'byor bas rnyed phul
khyod la legs so ster ba

yin zhwa ser gyi bstan pa dar rgyas su mdzad rgyu thugs la
dgongs zhes gsungs nas kha btags shing 'bras sna tshogs bstsal
byung bas yid dga' lhang lhang ba byung/ de nas bskyod de drug
pa'i skyes skar nyin

@035a @#/ /smar kham the ji'i sgar thog la phyin zhag 'ga' bsdad/
skyes skar gyi rten 'brel bsgrigs/ the ji nas 'u lag sogs btang
bas tsha ba mdzo sgang la 'byor/ mdzo sgang sde bas sne len shing

'bras sogs byin/ de nas 'u lag sogs byin pas a rung thang
brgyud phyin nas chos grags la 'byor/ der zhag gcig 'jag mal
byas/ hal ha'i yongs 'dzin rin po che'i zhabs phyir shi bo'i
sngas mgor

phyin tshe 'di'i shi mgo gson las kyi thog ma yin yon du snag bum
zhig byin/ de nas yar lam bkra shis thag zam brgyud 'gro dgos
na'ang thag zam steng mi zog dro bo thams cad thag zhud gtong
bar 'jig ste

bskor lam zha yi zam pa zer bar song na bgrod thag ring zhing
zam par mi re TaM re ster dgos dang la chen por rtswa med kyang
la re nyin gsum re bzhi re brgal dgos pa ha cang bgrod dka' ba
mang po 'dug pas

nged cag kha gnyis bgos te dpon chos skor rnams thag zam brgyud
bgrod thag cung nye sar nas phyin/ nged cag hal ha'i yongs 'dzin
rin po che bcas zha ye zam pa brgyud nas yi dwags la/ yi phrugs

la/ chu tshugs la/ b+he da la/ khro bo la/ kong po pA la sogs
brgyud nas phyin/ mdor na dar mdo nas pA la skya mda' bar la
don gnyis/ chu phran che chung don gnyis rgyab nas phyin te
byang lha ri mgo zer

@035b bar nged cag skor gnyis phyin pa der 'dzoms 'jag mal zhag
'ga' byas/ dpon chos lha sar sngon 'gro bar de nas thon/ nged
cag ngal bur bskyod de kong po skya mdar slebs/ der 'bras jur
chid pa a b+ha ka nor bu

rab 'byams pa bsu mar 'byor nas da nas mi ring bar lha sar mjal
thub pa 'dra snyam pa yid la shar/ de na mal dro gzi chen/ ru
thog sogs brgyud nas rin chen gling du 'byor bar ser smad gzhung
pa dge gnyer

bcas pa'i rta bsu bcas 'byor nas kha btags byin/ de nas bskyod
de klu 'bog zer bar kham tshan gyi ja thab steng phyin par maNDal
rten gsum gsol ja bzhes 'bras sogs btang/ der ser smad rtag pa

khri chen gyi phyag mdzod 'byor nas mtshams dar gnang bla brang
la 'ong dgos tshul gsung bar brten mal gro sku mkhar brgyud nas
rtag pa bla brang du phyin/ khri chen rtag pa rin po cher maNDal
rten gsum dngul bcu mgo DaM

'dzar dril gdan sogs phul nas mjal kha zhu bar ^rje nyid nas
brtse bskyangs bla na med pa gnang bas rjes su bzung/ nyin gcig
'jag mal byas/ dkar spro dmar spro bro gzhas sogs kyi brtse
bskyangs gnang/

rje nyid phran gyi bla ma gong ma sogs chos kyi 'brel ba zab
pa'i rgyu mtshan gyis bong ba gser gzigs kyi tshul du gces par
bskyangs/ der dga' ldan klu 'bum pa'i dge gnyer sogs 'byor nas
rgya ma mdor thab bsu
@036a @#/ /yod tshul sogs smra mod/ mdzod pa nas kho bo klu 'bum
pa rang yin/ sprul sku co sne yin pas khyed cag la thob tu gzhug
mi thub sogs rtsis sprad nas rtsod pa cung zad byas/ phyi nyin
nged dang

dge rgan tshang gnyis shar rgyag gis phyin nas ba ga shod zer bar
dge rgan tshang gi dge phrug bsam blo bstan 'dzin shes rab nas ja
bskol bar ja thab byas nas bde chen rdzong du 'byor/ kham tshan
gyis der thab

bsu sngar lugs bzhin byas/ phag me mdor lha ldan shar spyi khyab
kyi bsu ma 'byor pas kha btags shing 'bras sogs byin/ mdzod pa
klu 'bum pa'i thab bsur phyin nas sne len gang rgyas byas nas

mtshan phyed tsam la bde chen du 'byor/ phyi nyin snga bar langs
nas phyin bde chen gsham du ser smad mkhan po bla spyi'i rta bsu
bcas 'byor bas lha sdong bshan khar grwa tshang dang kham tshan
gyi thab bsu rgyas pa gnang

'dug pa der phyin nas maNDal rten gsum gsol ja bzhes 'bras sogs
zhu nas ko bar zhugs te dbus chu brgal nas sku 'bum thang du blo
gling rgya kham tshan dang jur chid 'ga'i thab bsu byas par
phyin/ de nas

hor zla bdun pa'i tshes bcu gsum nyin lha ldan shar spyi khyab
pa'i gzims gshag tu 'byor gdong kham tshan gyi maNDal rten gsum
mjal dar gsol ja bzhes 'bras ser smad grwa tshang mkhan rin po
che dbus

@036b mdzad se ra bla spyi nas maNDal rten gsum mjal dar sogs
gnang/ bsam blo/ ha gdong/ kha ti/ bya khyud sogs dang/ 'bras
blo gling/ rgya kham tshan/ sgo mang phyogs/ klu 'bum 'gag shing
jur chid sogs kham

tshan mi tshan mang po'i maNDal rten gsum dang/ gzims gshag sde ba
'jam dbyangs dbang rgyal nas maNDal rten gsum gsol ja bzhes
'bras sogs gnang/ de dag so so la slog cha yul srol dang mthun
par

byin/ de 'phral jo bo rnam gnyis la mchod mjal la phyin pas
mchod mjal kha thug la khel bas dga' spro tshad med pa skyes/
de'i phyi nyin khras sde las khung nas gzhung zhabs le tshan pa
dang nang gzan gdong gzhungs

chen mo nas brtse bskyangs kyis kha btags a she rta thab ja mar
zhib 'bras gsol grum khog 'ga' chag chu sdod sogs ngo g.yog so
sor mchog dman phon cher bstsal/ de dag la gsol ras kyang babs
'brel byin/

gnas tshang gi mgron gnyer chen mo pa 'ba' ba chos mdzod byon
byung/ des kyang maNDal rten gsum sogs gnang/ ^skyabs mgon mjal
kha'i skor dgongs len byas/ nyid nas bkod khyab sogs gshis phyin
par

gnang/ de nas do bo kha phye nas dngos 'bul rigs bton te yod par
mgron chen rtse nas bka' mngags kyis phebs byung par rgya khyi
legs pa 'on cig ces phebs par mgron chen brgyud nas ri rtse nas
hwa zhang

@037a @#/ /gis byin pa'i khyi de yar phul/ 'bul ba'i tshan grangs
sogs la sbyan zhu phebs par bsgrigs tshul dang nang brda' 'bul
rgyu sogs khong la zhu bas bcu dgu la mjal chog pa'i bka' lan
rjes su

bstsal byung bar/ de nyin snga bar langs nas nged cag 'khor bcas
nor gling skal bzang pho brang du phyin nas sgug sdod byas par/
ma 'gyangs par yar bzhengs shig ces brda' btang 'phral gsol ja
bzhes 'bras dod

srang gsum dang/ rten dod srang lnga bcas pa'i dang po gsol
thebs su phul/ gnyis pa chen mo la phul/ 'gag sgo phye ba dang
mnyam du yar bcar shig ces brda' btang ba dang mnyam du nang du
phyin/ phyag gsum byas

nas ^phyag na padmo mi yi gar gyis rnam par rol ba rgyal dbang
thams cad mkhyen pa rje btsun ngag dbang blo bzang bstan pa'i
rgyal mtshan mkhyen rab 'phrin las rgya mtsho dpal bzang po'i zhal
dkyil mthong ba

don ldan mig gi bdud rtsi myong ba'i skal bzang thob pa'i rten
'byung gi thog mar/ lha reg nang mdzod dkar ser zung gis thog
drangs nas maNDal rten gsum phyag tu phul nas phyag dbang zhu/
tshan grangs la/

rgya dngul rta rmig ma gru bzhi gcig /ka pa la'i gzugs gcig
/mdzod dngul rta rmig ma gcig ste rdo tshad gsum bcas/ gos chen
tshos kha sna tshogs yug bcu/ 'go snam ser po gyon 'dang

@037b gcig dang rgya smug gyon 'dang gcig /phru sna tshogs gyon
'dang re/ khren shan tsu gyon 'dang gcig /yu ling gyon 'dang
gcig /gos chen ma nu'i bzhugs gdan rgyab snyel/ khran grong tshon
sna pa yug lnga/ gos lham

cha; shing lo dang bzang gos spel mar byas pa'i mchil lham ngo
mtshar can gyi he cha/ gos chen gyi dpe ras gnyis/ bzang gos
tshems grub ma'i glegs shing/ sgra snyan sgam chung/ yAng Ti'i
spyan ras

gzigs kyi sku brnyan/ phe tshos kyi shangs ru/ khran zi ma nu'i
shangs ru/ ma nu hu'i sho phor/ shel sder cha/ shel gyi me 'dam
cha/ shel gyi rkong bu/ shel gyi spos snod cha/ shel bum me tog
can/

rgyang mthong spyan shel sbrag ma/ byang chub ljon shing gi
phreng ba spus legs che chung gnyis/ phreng ser che chung nyi
shu/ spos shel gyi bgrang phreng/ shel phreng rgyan ldan/ dril
gdan tshems grub ma/ DaM 'dzar

tshems grub ma/ rgya khug tshems grub ma cha/ shog bu blugs snod
tshems grub ma/ shangs ru shub dang bcas/ khab shub tshems grub
ma/ sog btags dbang ldan dkar ser lnga bag brgyad bag so so nas

bcu tshan re/ chibs rta sngon po 'gros bzang gcig /chibs drel
dkar po gcig dang rkyang po gcig bcas 'bul la ma zhus te mjal
bar dug bzed rnga 'bras kham zas bsrung mdud bcas bstsal/ de nas
rgyal

@038a @#/ /ba'i yongs 'dzin phur lcog byams pa rin po che'i mdun
du mjal bar/ kha btags a she/ rten dod srang do/ nang gos ser
po kha bzhi/ dpe dril/ dril gdan/ DaM 'dzar/ rgya khug /shangs
shub/

tsandan phreng ba/ maN ras/ shel sder/ po li ser po'i shangs ru/
rgya srang bcu bcas phul te mjal zhu thog ja spro sogs gnang
skyes bsrung mdud bcas bstsal/ de nas sa skya bdag chen rin po
cher mjal bar/

kha btags a shi/ gos chen ser po kha bzhi/ gos chen gyi dril
gdan/ DaM 'dzar/ rgya khug /shangs shub/ shel sder/ tshos kyi
shangs ru/ dril rdzas tshon snas brgyan pa kha gang/ rgya srang
bcu/ gdung sras la/

sgra snyan sgam chung/ byang chub ljon shing dang tsandan na
phreng ba bcas/ de nas rim bzhin bstan gling rin po che la mjal
bar/ kha btags a she rten dod srang do/ gos chen kha bzhi/ dpe
thum/ dril gdan/ cod pan/

shangs shub dang ma nu'i shangs ru rang bsgrigs/ rgya khug dang
tsan phreng/ ru raksha'i bgrang phreng/ bsil g.yab/ rgya srang
bcu bcas/ kun snying rin po cher mjal zhur/ kha btags a she/
rten dod srang ngo/ gos ser

bo kha bzhi/ dpe ras/ dril gdan/ byang chub ljon shing dang tsan
phreng/ yang Ti'i shangs ru shangs shub dang bcas/ rgya khug
/rgya srang bcu bcas/ khri zur 'jam dbyangs dam tshos rin po cher
mjal dar a she/

@038b gos chen dmar po kha do/ shel sder/ za ma tog /shangs
shub/ dpe thum/ dril gdan/ DaM 'dzar/ rgya khug /tsan phreng/
shel phreng/ rgya srang gsum bcas phul te mjal/ dga' ldan khri
chen rin po che grags pa don grub la

mjal bar/ rten dod srang gang/ dri la gdan/ dpe dril che chun
gnyis/ shangs shub/ rgya khug cha/ nang gos dmar po kha do/ rgya
srang lnga bcas phul/ 'phan yul spos dkar sprul ba'i sku rin po
che la mjal bar/ kha btags

a she/ dril gdan/ shangs shub/ dpe thum/ nyi gdugs/ rgya khug
bcas phul/ tshes nyer bdun la ser smad grwa tshang las sne dang
kham tshan dge gnyer tshogs 'dus lhan rgyas nas rta bsu dang bcas
se ra theg chen gling du

bskyod pa'i lam bar gral zhi'i khar 'dabs su grwa tshang kham
tshan gyi tshe gsum thang du thab bsu byas par phyin nas maNDal
rten gsum so so nas dang ja gral bzhes bro sogs gnang/ de nas
theg ste tshe gsum thang brgal

'tshams nas kham tshan tshogs 'dus spos sna drangs te kham tshan
tshom gyi khrir 'dug bcug nas smad mkhan rin po che nas rten gsum
mjal dar grwa tshang kham tshan dge rgan nas kham tshan gyi rten
gsum mjal dar sogs

gnang nas ja gral bzhes bro sogs btang/ spyan yas bla brang dang
che shos bla brang sngon nas skyid sdug dril bas na kham tshan
tshom gyi thog khar rang sgar gyi gzims chung yid dga' chos 'dzin
du phyin nas 'khod par

@039a @#/ /slar yang smad mkhan po/ grwa tshang/ kham tshan so so
nas rten gsum mjal dar/ gsol ja bzhes spro sogs btang/ de'i phyi
dror mdzod chos sogs nas sngar gros byas nas dge rgan gsar

ba tsha brjid re dgos nges kyi gzhung pa'i bla ma la sogs 'ga'
'os tho bstun nas yongs 'dzin phur lcog pa chen por thugs dam
brtag zhu byas pas g.yer ba khang gi dge bshes la babs pas blor
ma babs pa'i rkyen

gyis se ra chos skyong bya khri bar gsang lung zhus par yang
sngon ma de ka rang la babs pas bya thabs zad nas dge bshes lcog
po'i gnas bla ma yin gshis khong la gsol ba nan cher btab nas
maNDal rten gsum

phul/ phyi nyin nyi ma rtse shar la dge bshes rin po che phyag
phebs par bzhugs gdan rgyab sar ma bzhugs par nged kyi gam
bzhugs gnang nas yar bzhengs te d+hIH skad btang/ gzhal bya'i
gnas phyir tshad ma gnyis

zhes sogs kyi gzhung bkod gnang nas/ kha dog yin na dkar po yin
pas khyab par thal/ zhes sogs khyab skor gcig gi rtags gsal
gnang/ slar sar bzhugs pa dang/ nged nas phyag byas nas mkhan

brgyud gsol 'debs dbu nas sho lo ka gcig bslab pa gnang/ de nas
dge rgan rin po che'i zhal nas/ dge rgan dge phrug zer ba 'di la
dge rgan 'jam pa'i dbyangs lta bu la dge phrug khyi rgan rgya bo
lta bu

@039b yang yong/ dge rgan nga lta bu la dge phrug 'jam pa'i
dbyangs lta bu yang yong/ dge rgan yag nyes la ma ltos par dge
dge phrug gi sngon gyi smon lam dang bag chags kyi mthu brtas pa
las legs nyes 'byung dgos pa

yin 'dug go /rang dpe cha la hur thag bgyis 'grus po bgyis
brtson pa gyis shig ces bslab bya gnang/ de nas dge rgan rin po
che nas nged la khrid nas mkhan rin po che'i mjal khar khrid pa
gnang/ der maNDal

rtan gsum/ dril gdan/ DaM 'dzer/ rgya khug /shel gyi me 'dam/
gos yug /rgya srang bcu bcas phyag rten phul nas mkhan po chu
bzang rin po cher mjal kha zhu/ ja gral bzhes spro gsung gros
gnang bas lan dge

rgan lags nas zhu/ de nas phyir thon pa dang dge rgan rin po che
dang lhan du gshag tu phebs/ nged cag grwa tshang gong 'og rnams
la mchod mjal dang rgyud stod mkhan po gzhung brtag pa rin po
cher slar yang rten gsum

a she/ gos yug /rgya khug /bsil g.yab shub bcas/ rgya srang
bcu phul te mjal/ byes grwa tshang/ a ra kham tshan/ sngags pa
tshogs chen sogs la mjal kha zhu/ de nas zhag 'gar dpe 'dzin
rtags gsal

sogs bslab/ zla ba brgyad pa'i tshes bco lnga'i nyin/ chos sde
chen po se ra theg chen gling gi tshogs chen gyi chos sgor zhugs
shing tshogs chen chos mdzad kyis gdan thob byams mgon gras su
bzhag byung ba'i

@040a @#/ /dga' ston du tshogs chen la mang ja/ spyi 'bul gos yug
/dge 'dun re re'i phyag tu dngul zho gang re 'bul lam zhu/ mang
ja grol 'phral ser smad thos bsam nor bu gling du sman bla'i
chos thog

tu grags pa'i chos grwar zhog chos su zhugs shing bong ba gser
gzigs gyi tshul dus khrir sdod du bcug nas grwa tshang gi maNDal
rten gsum dem ja bcas bstsal/ grwa ja tshogs pa dang gral 'gor
gdan

khri rgyab snyel can g.yon gral gyi dbur gdan thob bstsal ba
der bsdad/ grwa tshang rin po cher dga' spro'i bsnyen bkur grwa
ja ja thug gsum/ spyi 'bul du/ tA phrugs tshos sna lnga las
bskrun pa'i rgyal mtshan che

legs cha/ chos skyong la tsha gser las grub pa'i thugs gsal me
long dkyil hrIH yig gis spras pa sna lnga'i 'dzer can/ dge 'dun
re re'i phyag tu dngul zho gang skar lnga'i ljid ldan gyi 'khor
lo re/ de mtshungs

kham tshan du gdan khri sum brtsegs rgyab snyel can la 'khod bcug
pa'i bdag rkyen bstsal/ kham tshan la tshon ja ja thug gsum gyi
thog spyi 'bul du rgya srang lnga bcu'i rta rmig gzugs dang bod
srang lnga bcu bcas/ dge

'dun re re'i phyag tu dngul zho gsum re'i sku 'gyed bcas 'bul
lam zhu/ tshon ja grol 'phral kham tshan tshom khang du bzhugs gral
rgyas pa'i thog /^gong sa lha mi'i rnam 'dren rgyal dbang phyag
na padmo'i sku tshab

@040b rtse mgron grags pa bsam grub rdzongs sta mdzad nas nang
mdzod rtser son ljags mdud 'doms phyed lhag /gsol ja/ shing thog
thum bu bzhi/ bzhes kham ldang gcig /ljags smin gsol skad/ ko
tse 'khor drug gcig bcas

gsol ras rgya cher bstsal ba spyi bor smin/ ^rgyal ba'i yongs
'dzin phur lcog chen po nas sku tshab phyag mdzod chen mo phebs
par/ maNDal rten gsum/ kha btags a she/ 'go snam gyon 'dangs/
rtse ja 'khor drug bcas bstsal/

se ra tshogs chen bla spyi nas maNDal rten gsum kha btags a she/
grwa tshang so so'i mkhan po so so nas maNDal rten gsum/ smad chu
bzang mkhan rin po che nas pA tsa 'ching ma'i sku gzan shin tu
legs pa/ maNDal rten gsum/

a shes bcas bstsal/ dge rgan rin po che dang chos mdzod rnams
la gos theb shog cha dang phyi re bstsal/ kham tshan grwa tshang
tshogs 'dus nas kyang dge rgan chos mdzod rnams la gos theb shog
cha dang kha phyi re/ sku zhabs

rtag pa rgyud mkhan rin po che dang/ brag ri bla brang/ mkhar
rdo/ ri rtse/ ri rgya/ g.ya' bzang/ seng bzang mchog sprul sogs
grwa tshang byes smad kyi sprul sku che 'bring chung gsum so so
nas rten gsum maNDal kha btags bcas

gnang byung ngo/ /lha ldan gnas tshang shar spyi khyab nas sde pa
'jam dbyangs dbang rgyal bas maNDal rten gsum ja 'khor drug /'go
snam gyon 'dangs/ kha btags a she/ phog dpon 'brug rgya mkhan
po nas maNDal rten gsum/
 @041a @#/ /kha btags a she/ gzhan yang zi ling tshong pa 'ga'
dang/ co sne tshong pa blo bzang rgyal mtshan sogs dang/ ser bsam
seg /ha ma sog /kha ti mi tshan/ mkhar rdo yongs 'dzin/ bya
khyung mi

tshan/ rwa sgreng zhabs phyi bya khyung dge bshes shes rab dang
gnyer pa ngag dbang tshul khrims/ 'bras spungs phyogs blo gling
rgya kham tshan/ sgo mang nas 'gag shing/ jur chid/ sku 'bum mi
tshan/ bsam sog /ha ma sog

sogs sbyin bdag gi rigs rnams kyi maNDal rten dod/ kha btags
bcas byin byung ngo/ /tshes bcu drug nyin snga char/ ^ gong sa
lha mi'i rnam 'dren rgyal dbang thams cad mkhyen par chos zhugs
kyi mjal khar

phyin/ mgron chen la rten dod gsol ja bzhes 'bras dod DaM srang
brgyad phul bar mjal kha'i snyan gsan zhu/ 'phral du sku mdun du
gtong gnang thog /maNDal rten gsum/ sku skal DaM srang nyer
lnga/ kha btags nang

mdzod dri med bcas phul te phyag dbang zhu/ ja gral gsol ja
bzhes 'bras bsrung mdud bcas bstsal/ de nas yongs 'dzin phur
lcog pa chen po'i spyan sngar mjal bar/ sku skal DaM srang bcu
dang/ a she bcas

phul bar/ zhal nas grwa sar slob gnyer la hur thag bgyis zhes
zhal ta gnang nas bsrung ba zhig bstsal/ ser byes kha ti dang/
bya khyung mi tshan gnyis la tshon ja ja thug gsum re spyi 'jog re
phul/ tshes bcu bdun la 'bras

@041b spungs la phyin nas thob khang blo gling rgya kham tshan la
bsdad/ kham tshan tshogs 'dus nas bkur bzos bla na med pa gnang/
phyi nyin mchod mjal rgyas pa'i thog /tshogs chen la mang ja spyi
'jog dang/ rgya kham tshan

la tshon ja ja thug gsum sku 'gyed phyed brgyad bcas phul zhing
spyi 'jog gos yug gcig bcas phul/ sgo mang phyogs su/ 'gag
shing/ sku 'bum mi tshan/ jur chid bcas la tshon ja/ spyi 'bul re
phul/

gnas chung dang bstan ma khang gnyis sger gsol re yang byas/ nyi
shu'i nang la/ brag ri rdo rje 'chang gi sprul sku rin po cher
mjal bar/ maNDal rten gsum dod srang ngo/ shel bum me tog can/
dpe thum/

phreng ser/ yu ton kha gnyis bcas phul/ de nas dgon gsar ri
khrod du hal ha rje btsun dam pa rin po che'i yang srid la mjal
bar/ maNDal rten gsum/ dril gdan/ cod paN/ 'go snam gyon 'dangs/
yu ton

yug gcig /srang rmed kha tshang/ rgya srang bcu/ kha btags nang
mdzod bcas phul te mjal/ de nas phyir 'ong nas nyin rer tshogs
chos 'grims pa dang/ dpe cha 'dzin skyor la brtson khul gyis
chos thog grol/

zla ba dgu pa'i tshes nyer gnyis lha babs dus tshon nyin/ ^ rgyal
tshab mi pham mgon po gsum ldan rdo rje 'dzin pa'i skur bstan pa
bdag gi tshe rabs snga ma nas bdag la bu gcig pa ltar rjes su
bzung ba

@042a @#/ /gang gi spyan sngar/ yongs rdzogs dge bsnyen/ bar ma
rab byung gi tshul khrims/ tshigs snga ma dge tshul gyi sdom pa
bcas bstsal te sngar rab byung gi ming byang chub bstan pa'i
sgron

me thog blo bzang zhes sbyor gsung/ der dga' ldan lha brgya ma
dang 'brel ba'i dmigs brtse ma/ gang blo ma/ dge tshul phyir bcos
bcas kyi ljags lung dang/ 'bral spangs sku rten thub pa rdor
gdan ma/ ljags

mdud bcas bstsal/ gsol tshigs sku mdun du mnyam du byed dgos zhes
phebs nas mnyam zhu byas par/ phud mchod bzhengs lugs/ dkon
mchog rjes dran 'don tshul dang/ zas bsngo byed tshul/ lham

phud chab len byed tshul dgung bcad byed dgos sogs pha bzang gis
bu la 'doms pa ltar gnang ba'i bka' drin ni byang chub bar du
gzhal bar dka' ba'i gnas so/ /'dir smras pa/ sngon bsags bsod

nams zong gis nyer khug pa'i/ /dal rten bsam 'phel nor bus 'gran
min pa/ /thob pa'i rten 'di da res rgyal bstan sgor/ /rim bzhin
'dzud mdzad mi pham chos kyi rje/ /bka' drin byang chub bar du
gzhal

dka' gnas/ /'on kyang mgon po mchog nas rab rmongs bdag /nam
yang mi lhod dar mdud ji bzhin du/ /skye ba kun tu 'bral med
spyi bor mchod/ /ces srid lam ring bar bgrod pa'i ngal bso'i
tshig go /

@042b de nas grwa sar rang 'khos kyi 'dzin gshar sogs la brtson
'khul du gnas/ zla ba bcu pa'i tshes nyer lnga'i nyin la/ ^ rgyal
dbang thams cad mkhyen pa nor gling nas rtse po ta lar chibs
zhal bsgyur bar/ ser

'bras kyi bla ma sprul sku tshogs chen chos mdzad rnams chibs
rags gral du gtong srol yod pa bzhin phran la'ang mgron chen nas
bja' gtong gi phyag ri phebs par snga mo nas langs te nor gling
du phebs

sgug zhu/ chibs bsgyur bskyangs 'phral chibs rags gral mgo ma
thon tsam du ltag sgo'i sham du phyag dbang dang bsrung mdud
bstsal nas phyir log mdzad pa dang rim gyis dgon par 'ongs nas
sngar bzhin bsdad/ zla

ba bcu gcig pa'i tshes nyer gnyis la/ gtsang phyogs su 'gro rgyur
byed skabs/ gzhung sa rin po che nas rta bo u lag sne phyin pa
bcas gsol ras bstsal bar nyin bzhin sa tshugs u lag sne phyin
nas ru ngar

ba dang snye thang 'or du mchod 'bul rten mjal rgyas par zhu/ de
nas rim bskyod kyis byang rtse bar rang dbang ma 'dus phyir
bgrod gcig ma'i ngang las byang rtse dbang ldan du 'byor/ nyin
gcig 'jag mal byas/ sku

'bum mchod rten dang/ dpal 'khor chos sde/ rgyal rtse sogs la
mchod mjal rgyas zhu byas/ de nas thon te lam bar du mjal sa
mang po 'dug kyang sne phyin pa'i rkyen gyis 'gro ma thub gzhis
ka rtser

@043a @#/ /'byor 'phral/ bla brang rgyal mtshan mthon po nas rtse
mgron chen mo phebs nas gdan cha rta thab ngo g.yog babs rim
gyis gsol ba gsol tshigs phon chen bstsal zhing/ zla ba bcu gnyis
pa'i

tshes gsum la 'phrod sbyor gza' skar gshis bsan de nyin 'u cag
thug 'phrad byed ces mgron chen nas gong sa'i bka' gnang ba spyi
bor phebs/ nged cag gzhi kha rtser gnam gang la 'byor bas der
bsdad/ der

tse sne khang nas dge gnyer rnams 'byor nas maNDal rten gsum kha
btags sogs byin te dgon par 'ong dgos tshul gyis u tshugs nan
che/ bsam blo khang nas dge gnyer 'ong ba thug 'phrad dang sku

'bum pa hal ha zla ba mgar ba mgron gnyer yang thug 'phrad byas/
tshes gcig gi nyin bkras lhun mchod mjal rgyas par zhus te co sne
kham tshan la phyin par sne len gang gzab gnang/ tshes gsum

nyin bla brang rgyal mtshan mthon po'i gzims chung 'gag tu phyin
par mgron chen nas/ ^ gong sa mchog gi bka' phebs la khyed rnams
tshom chen nang phyin ma thag phyag gsum 'tshal nas gral du

'khod/ ngos nas thog mar chos 'brel zhig byas zin pa dang phyag
dbang sogs zhu zhes phebs/ bka' phebs bzhin 'khod par/ ^ gong sa
mchog nas brtse gzigs kyis dga' lha dang 'brel ba'i

@043b dmigs brtse ma/ shamb+ha la'i smon lam dpal ldan dang po ma
de yi lo ni bdun brgya yang skyar gyi tshul du lo ni bzhi brgya
zhes gsal bar gsungs so/ /de ltar ljags lung 'grub 'phral phyag
maNDal

rten gsum dod bcas thog kha btags nang mdzod/ rgya dngul rta
rmig ma gnyis/ rgyan ldan yug lnga/ dril gdan/ DaM 'dzer/ dpe
dril/ tshems grub ma'i glegs shing/ rgya khug /po li shangs

'dam/ sgra snyan sgam chung/ rgyang shel/ shel phor/ shel sder/
tsandan phreng ba rgyan can/ sku 'bum tsandan ljon pa'i lo ma
thum bu bcas phul te phyag dbang zhu/ ja gral thog dug bzed gsol
ja bzhes

'bras sogs kyi bdag rkyen bstsal skabs las ngan bdag glo bur du
sems rmongs nas mig chu dbang med du mang po btang byung/ ^ gong
sa mchog nas ljags mdung gsung gi dbugs dbyung sogs

bstsal/ de nas zhabs pad me ri ba ja sag bla ma 'am srid skyong
chen por mjal bar/ rten dod srang gsum/ kha btags a she/ dril
gdan/ cod paN/ dpe dril/ sgra snyan sgam chung/ tshos phra'i

dril ras/ spu ma'i lham cha bcas phul te mjal/ ja gral gsung
gros rags bsdus gnang/ gong sa rin po cher rang dang sbyin bdag
rnams kyi thugs dam brtag zhur/ DaM srang lnga/ kha btags par
mdzod

@044a @#/ /bcas dang/ dge rgan mdzod gnyer thun mong nas ngos kyi
ring 'tsho'i gsol 'debs zhu rten srang lnga/ mdzod btags bcas
phul nas skyabs dbyings chen mor snyan bskul zhu/ tshes

brgyad nyin skyabs mgon chen por bka' chos phran bu zhu bar/ rje
nyid kyi rjes 'dzin gsol 'debs/ zhabs brtan gsol 'debs/ 'pho ba
dpa' bo g.yul 'jug ma/ phran la bstsal ba'i ring 'tsho'i

'gro mun ma bcas kyi ljags lung bstsal ba'i sku yon du maNDal
rten gsum/ rgyang shes gnyis/ sgra snyan sgam chung/ mdzod gos
yug /kha btags a she bcas 'bul lam zhu/ de nas tshogs

chen la mang ja/ sku gdung lha khang so sor brgya mchod sna
lnga/ nang rten dam 'byar can rnams kyi mjal kha rtse mgron chen
mo sku tshab tu byon nas zhib rgyas su mjal kha gnang/ de nas
snang

thad du phyin par bla brang nas phyag dam gnang nas mchod mjal
nang rten yongs rdzogs mjal/ phyir 'byor nas co sne kham tshan la
tshon ja ja thug sku 'gyed bcas phul/ ^gong sa mchog la thon
phyag

zhu bar/ rten gsum maNDal nang mdzod bcas phul nas phyag dbang
zhu/ ja gral thog thon gnang la/ rje tshe 'dzin ma'i sku dang/
'jigs byed rwa par/ gdugs dkar bka' rgya ma thum bcas/ byin rten

@044b dam rdzas bdud rtsi/ skye ba dun sogs phon chen/ ljags sa
bka' rgya ma/ stod 'gag ding phon/ snam ther spos do/ mngar kham
ldang bcas sbam mtho ba dang/ g.yog rigs la'ang bsrung mdud dam

rdzas le tshan bcas bstsal/ co sne khang gi dge 'dun rnams la
ngos nas/ bla mchod kyi lung phul/ tshes dgu la phyir thon nas
rong chen brgyud sne phyin pas rta bo sogs bsgrigs thog nas rong
chen byams par

mjal der zhag sdod byas/ phyi dro mchod mjal la rang gcig pur
phyin nas mjal bar zhal nas 'phel gdung zhig dril nas yon chab
nang du lhung bar lag pas bsnom nas blang/ de nas ngur smig

sgrol ma bkras lhun du bzhugs shing sku tshab glang dar khrims
phog ma'i thub pa bzhugs pa mjal/ rim bzhin shar rtsol gyis snye
thang 'or du phyi dror 'byor nas mchod mjal zhu/ de nas rim
bskyod

kyis se rar 'byor nas tshogs chos sogs la 'grims shing dam bca'
la'ang bgro gleng sogs gtong 'khul byas nas bsdad par/ glo bur
du tshes nyi shu'i nyin lha sa gnas tshang nas 'bod mi 'ong bar

'phral du lha sar phyin nas/ 'phan po spos dkar sprul sku rin po
che nas rdo rje 'jigs byed dpa' bo gcig pa'i dbang gi sta gon
gnang rgyur phran la sgug nas bzhugs par mjal te sta gon la
bsdad

@045a @#/ /do nub rmi lam brtag dgos zhes nan tan mdzad/ de'i nub
rmi lam la khong rin po cher mjal bar phyin pas tshom chen zhig
gi 'gag tu mi nag po chen po zhig gis ma btang

bar nged nas ldeb gri chung du zhig yod pa de btsugs pas mi nag
po 'gyel ba zhig rmis/ phyi nyin sku mdun du thal byung du song
nas zhus pas/ 'o da yag po byung nga khyod la bdud kyi bar chad

las grol ba'i mtshan ma red nged nas bdud las rnam rgyal gyi
dbang bton pa khyed la phan thogs par 'dug gsung/ de nyin dpa'
bo gcig pa'i dbang dang rim pas nyi ma sbas pa'i lugs kyi

sgrol ma nyer gcig gi rjes gnang/ sman bla mtho brtsegs kyi rjes
gnang bcas bstsal ba grub nas jo mjal zhu ste se rar phyin/ nyin
'gar grwa sar lo gsar btang bas gu yangs kyi tshul du byas

so/ /dbang po zhes pa shing khyi lo'i gnam lo gsar bzhad la thog
mar mkhan rin po che la mjal kha zhu/ de nas mchod khang yongs
la mjal kha zhu nas rang sgar gyi lo gsar gzugs

brnyan tsam byas/ dang po'i tshes gsum nyin lha ldan smon lam
chen mo tshugs phyir lha sar bskyod de dpal 'byor rab brtan du
sku bzhog seng bzang dang dge rgan gsar ba gzhung pa bla ma la
lo

@045b de'i grwa skor ba nged rnams mnyam du bsdad nas smon lam
tshogs la phyin/ tshes bzhi'i nyin ^ gong sa mchog nas lha ldan du
chibs zhal bsgyur ba'i chibs rags la brda gtong ba'i yi ge
'byor/

phyi nyin snga bar rdo ring nang mar phebs sgug zhu nas phyag
dbang dang bsrung mdud bstsal thog chibs rags la zhabs zhu bgyis
te jo khang steng e waM du hal ha rje btsun dam pa skyabs mgon
mchod

yon zung 'brel thog gzhung gi zhabs gras phyi nang gsang gsum
sog po skya ser sba nag pa rkang tsha bla ma sogs mang por ston
chen bstsal bar mnyam spyod kyi skal bzang dga' ston myong /

de nas nyin re bzhin chag med kyi smon lam gsung chos snga phyi
bar gsum gyi tshogs dang dam bca' dgong zhog bar gsum la bgro
gling gtong re gang babs la ma chag par phyin/ tshes

brgyad nyin 'jam dbyangs gshag tu hal ha yongs 'dzin rdo rje
'chang gi spyan sngar/ sgra mi snyan gyi tshe dbang/ tshe khrid
rnam gsum/ sgrub chog gi lung bcas seng bzang mchog sprul rin po

che dang/ dge rgan bla ma la dang mnyam du thob/ phyi nyin nas
sman bla'i sta gon/ dbang chen/ bde mchog g+ha To ra'am bong zhal
ggyi sta gon dbang chen bcas dang/ rgyal dbang dge 'dun rgya
mtsho'i yi
@046a @#/ /dam sgrub skor gyi lung rjes gnang gang yod rnams
thob/ tshes bco lnga'i nyin/ rgyal dbang thams cad mkhyen pa snga
dror gso sbyong/ gsung chos rar skyes rabs stag mo lus sbyin gyi

skyes rabs chos thun gcig thob/ tshwa rting mar tshogs phebs la
mjal/ phyi dror smon lam la phebs te ljags bsngo bstan 'bar ma
bde smon bcas gnang ba nyan pa'i skal bzang dga' ston thob/

khri chen grags pa don grub las smon lam dang/ skyes rabs chos
thun bcu phrag tsam thob/ tshes bcu drug nyin la rgyud stod mkhan
chen rtag pa rin po che'i zhal snga nas/ rta phyag khyung gsum
gyi

rjes gnang dang/ tha 'og be'u bum gyi lung/ gser chos 'jam dpal
nag po'i rjes gnang dang/ rtsa ba'i yig rnying sgrub skor gyi
lung bcas thob/ smon lam chen mor mang ja ja thug gsum gyi
bsnyen

bkur zhu/ skabs der sku 'bum mkhan po gser tog rin po che dang
gzhung tshogs 'dus nas yi ge gnang byung bar/ sngar lam 'khrugs
gzings gis bla grwa dge 'dun 'thor rkyen 'byung bas na/

da lta yul khams gong ma rin po che'i bdag rkyen la brten nas
dus bde zhod 'jags su yod pas/ phyogs phebs su phyin rnams slar
gdan sar 'ong dgos tshul 'phrin yig nan cher

@046b 'byung bas/ mdzod bzung dang/ dge rgan/ rang dgon nas
mnyam thon gyi grwa rigs rnams rang yul du 'gro bar shin tu 'dod
pas rang yul du phyin na legs tshul mgrin gcig tu mol bas/ dge

rgan tshang nas lha bla mar brtag zhu gal che tshul smras pas
thams cad kyis tshul de 'thad par 'tsham nas/ 'bras spungs gnas
chung la gzab gsol zhu/ chos skyong chen mo nas mda' dar gyis

g.yang 'bod byas te nged la mda' dar gnang/ dpung rgyan lha
bsangs/ phyogs mun bcas kyi lung bstan babs/ mdzod par phyag
phyis bstsal/ phyi nyin karma gshag tu rgyal chen bya khri la
gzab gsol zhu

par; srung ma'i bskang 'phrin dang lha bsangs sogs gnas chung
dang 'dra bar lung bstan nas mda' dar thogs te g.yang 'bod byas
nas mtheb ra dang/ mda' dar bcas nged la gnang/ ^ rgyal ba'i
yongs

'dzin phur lcog rdo rje 'chang la mar 'gro rgyu'i gnas tshul
rgyas par g.yo 'phrul gyis zhu 'dug par/ da lta lo chung chung
grwa sar lo 'ga' bsdad nas slob gnyer byed na legs pas re zhig
'then pa

'gab ces phebs/ 'on kyang gongs sa ^ rgyal dbang mchog la dgongs
zhum grol bar mi yongs gsung/ de nas mgo 'dren gang che gang
drag bskul te ^ rgyal dbang rin po cher dgongs zhu nan tan

@047a @#/ /bgyis 'khul byas par re zhig bar dgongs pa khrol ma
byung/ rjes su yongs 'dzin rdo rje 'chang la sprul sku lo nyi
shu lon pa dang bsnyen rdzogs zhu bar 'ong lags pas de skabs lo
shas slob

gnyer mthar phyin zhu ba dang zab chos bdud rtsi la ngoms med du
longs spyad chog pa'i rgyu mtshan snyan lhong bar gsol zhing
khyad par de skabs sprul sku yar gtong rgyu'i 'gan len mdzod
zung nas dam bca'

phul bas/ 'o na legs nged kyang de tshe chos bka' gang yod byin
chog /^gong sa rin po cher zhu skyor thugs rje che dgos tshul zhu
bar/ de yongs/ khyed rang rnams dam bcas ma nyams pa gal che bar

gdams/ skabs der phyi dro smon lam dam bca' lam chag par phyin
pas/ ^ rgyal dbang mchog rab gsal du bzhugs pa nyin re zhal mjal
chag med 'byung/ nyin gcig nged kyis rma chen

gzims 'gag mi chen po'i rtsar phyin pa dang gong sa mchog nas
der byon pa dang mjal bas bsrung mdud phur mdud sbrags ma dang
shing thog bcas bskur ba thob/ de nas smon lam gtor rgyag gi

ltad mo sna mang mthong bas yid pham pa byung/ bar der/ nged
dga' ldan la mjal 'dod skom pas chu 'dod ltar yod kyang rang las
ngan pa'i dbang gis bskul ba'i dga' ldan co sne khang dang/ klu

@047b 'bum khang gnyis kyis nged la gang thob kyi rtsod pa byas
pas 'gro ma bde bas snga lor lam zhor la'ang 'gags/ da lta'i
smon lam steng du'ang de ltar byas pas 'gro ma phod pas/ mchod
'bul zhu mi nang so

mchog grub nyi ma dang/ dbu mdzad blo bzang bstan 'dzin gnyis
la/ tshogs chen la mang ja/ thob khang ngo ma co sne khang la
tshon ja ja thug /gser sdong chen por stong mchod/ chos rgyal la
phyag mtshan rgya

srang lnga bcu las grub pa'i thod dbyug /mchod khang so sor
snyan bshal bcas rdzong sta byas/ kham tshan gnyis kyis rtsod
gleng gi rgyu mtshan gzhung sar snyan zhu phul bar/ co sne khang
la thob nges kyi bka'

gtan bstsal/ smon lam grol 'phral phun tshogs khang gsar du/
skyabs rje yongs 'dzin rdo rje 'chang gi spyan sngar/ dpal rdo
rje 'jigs byed lha bcu gsum ma'i sta gon dbang chen/ 'dus pa
'phags

lugs mi bskyod pa'i dbang chen/ 'khor lo bde mchog lU hi pa'i
dbang chen/ kun rig rnam par snang mdzad kyi dbang chen/ dpal mo
lugs thugs rje chen po zhal bcu gcig pa'i dbang chen bcas rnal

'byor dang bya rgyud la sta gon so sor bcas bstsal/ zla ba bcu
gnyis pa'i tshes nyer dgu la smad mkhan po chu bzang sprul sku
rin po che las/ nyi ma mdung gang ma'i rjes gnang zhu/ de'i gtor
'bul zla gcig

@048a @#/ /chag med byed dgos mod 'on kyang deng sang steng grib
kyi gnod pa kha dar ba'i rkyen gyis zla shas re byed thub na
legs gsungs pas dge rgan tshang nas zla ba bdun bar du gtong
rgyu'i khas

longs zhes gsungs pa bzhin dam bca' phul/ zla ba gnyis pa'i tshes
la lha sar gnas tshang du phyin nas rgyud smad grwa tshang gi
mkhan pos gtso mdzad dge 'dun mang bcas/ jo bo chen por stong

mchod/ gser chab sgron/ mchod mjal snyan bshal phul bar phyin/
zhag shas lha sar bsdad/ phyi dro gtor ma gtong bar thog khar
phyin pas gnas tshang gi ltag rar hor ba 'ga' 'phros pa byed

snang/ sog po bla ma chung chung 'di gnas red zer gyin gda'/
gcig gis sog po yin las ma red/ a mdo rje sku 'bum pa yin zer
las go /gcig gis sa thag ring po'i mi red snying rje

zer/ gcig gis sa cha gang na gda' zer/ yang gcig gis a brag
rdza dmar dpon po dpa' bo phra sne tshang la sog po a mchod gcig
gis rje bla ma'i a ma'i ka pA la yin zer ba khur yong

mkhan de tsho lung pa gcig pa yin gda' mod ces zer gin 'dug par/
nged kyis gtor ma gtong rgyu bzhag nas mgyogs par dge rgan tshang
la don de zhib par bshad/ dge rgan tshang yar bzhengs nas

@048b nga la khyod gtor ma gtong bar rgyug /nged phyag mdzod la
gtam snyan bskyal bar 'gro zer/ phyi nyin phyag mdzod zung nas
hor ba la skad cha dris par shes she mi gda' zer/ de nas dge
rgan tshang brag ri

dam can la lung bstan zhu bar/ ngo ma yin/ srung mas nyin mtshan
gnyis kar byar byed bzhin yod/ sgrol chog /brgya bzhi/ 'bar ma/
srung ma'i bskang 'phrin la 'bad na lag tu chud par ngos

nas 'phrin las byed gsung/ de nas yongs 'dzin phur lcog rin po
cher thugs dam brtag pa phul bar/ legs ngo babs/ sgrol chog dang
'brel ba'i sgrol ma gang mang/ brgyad stong/ srung

ma'i 'phrin bcol la 'bad ces phengs/ tshes bco lnga'i nyin snga
dror rtse po ta lar ^ gong sa rgyal dbang rin po che la thon
phyag zhu bar/ mjal rten/ maNDal rten gsum dod TaM srang lnga/
gsol ja bzhes

'bras dod srang gsum mjal dar nang mdzod dri med/ dpe ras/ gos
zung sho bsgrigs ma/ shangs shub/ srang brgyad cu'i ma nu ho'i
shangs ru/ dngul shan gyi bum pa cha/ rgya srang lnga bcu las
grub pa'i g.yu

stegs/ spyi blugs/ bzed zhal/ yu ring gangs dkar sbus legs/ gser
thum bu che ba gcig /rgya dngul rdo tshad gnyis/ mdzod gos ser po
yug chen/ mdzod gos DaM rtsi bdun pa yug chen/ yu len

@049a @#/ /sngon po dang ljang khu gyon 'dang re/ yu mo ton rgya
smug gyon 'dang gnyis/ dmar po gyon 'dang gcig /manydzu gsar ba
spub gnyis/ 'go snam gyon 'dang gsum bcas 'bul lam zhus te mjal

bar; gsol ja bzhes 'bras ja gral bcas bstsal/ de 'phral phyag
'tshal nas gsung chos maNDal phul bar/ sgrol bstod rnam gnyis/
smyung gnas kyi po bstod/ shamb+ha la'i smon lam dpal

ldan dang po bcas bstsal ba'i sku yon du rgya srang bcu dang kha
btags nang mdzod bcas phul/ de 'phral du gong sa mchog nas gzigs
gsol 'phar ma'i gnang skyes su/ gus pa phran la pI lig thu nom

chi mkhan po'i cho lo dang/ bka' shog /tham ka gru gor zung/ rta
dar cha/ 'bog cha cha/ rta mgo gser tog /ze khab long khab sogs
mkhan chas cha tshang/ phran la grwa chas cha tshang 'phral du lus

la bgon bcug pa gnang/ de steng chos gos gyon/ zhwa ser bcas
bstsal/ mdzod pa 'jam dbyangs rgyal mtshan la mkhan chung gi go
gnas dang 'brel bar bO yin thu mkhan po'i cho

lo rtags thel/ phya ru phya bstod sogs mkhan chung gi chas cha
tshang/ dad rten du/ gong sa lnga pa chen po'i thugs dam rten rin
po che sna lnga las grub pa'i spyan ras gzigs nam mkha'

@049b rgyal po'i snang brnyan ngo mtshar byin rlabs kyi gzi 'od
'bar pa khri rgyab yol can khru gang ma dang/ gzhan yang dam
mdud/ byin rten phon che ba dang gzhung snam do bo/ spos ther
ngo bo/ shing tog ldang mang

po bcas gsol ras rgya cher bstsal/ bka' drin legs gsol gyi mjal
kha zhus te phyir thon nas/ rdo ring nang ma nas rta la bzhon
bcug thug rta dar/ rin chen rgyan cha rta mgo gser tog rgyab nas
gzhung sgo nang

brgyud de mar go rim ltar 'bog cha zung/ bka' shog /tham sgam/
rta dar cha/ de nas ngos dang rjes su mdzod pa ngo g.yog rnams
kyi gnang cha bstsal ba rnams btegs nas lha sa'i khrom brgyud de

shar spyi khyab pa'i gzims gshag tu 'byor gdong/ se ra bla spyi/
kham tshan tshogs 'dus/ bla khag che 'bring chung gsum gyi thon mi
rnams dang/ 'bras spungs rgya dang 'gag shing gi dge gnyer/ lha
sa

'brug rgya'i chos mdzad sogs mi drag zhan ngo shes rnams kyis
dga' dar dngos po sna tshogs ster mkhan mang rabs 'byung/ de
'phral du jo shAka rnam gnyis la/ gser rkong sbyangs te snyan
shal phul/

phyi dror rtse la yongs 'dzin rdo rje 'chang la mjal bar phyin
pas rdo rje 'chang nas phur lcog gi dge slong 'ga' dang nged
bcas la rta mgrin yang gsang gi bka' dbang dang/ tshe dbang
rdzong chung/ 'pho khrid

@050a @#/ /bcas bstsal/ phyi nyin ser theg chen gling du rang
gshag la phyin nas tshogs chen la mang ja'i bsnyen bkur dang/
grwa tshang la grwa ja ja thug spyi 'bul/ kham tshan la tshon ja ja
thug DaM

srang brgya'i spyi 'jog /dus gsum sangs rgyas kyi gser sku khru
tshad ma gsum/ sgrol ma'i gser sku gong mtshungs rnams phul/ sku
'gyed DaM ka re/ lo star rgyun 'dzugs la/ phran gyi gong

ma'i 'das mchod bdun pa'i tshes bdun mchod pa bla mchod tshogs
bcas 'char can chag med gtong rgyur srang nyi shu bcas bzhag
/ser byes kha ti/ bya khyung mi tshan bcas la DaM srang brgyad

brgyad kyi tshon ja'i dod 'bul byas/ snga lor rigs chung tshogs
langs gnang ba dgongs zhu byas/ grwa tshang lhan rgyas nas grwa
tshang thog khar nged cag bos te dgung tshig rgyas par btang nas

gsol ras la chos skyong rten gtso'i thugs kar rgyun bsgron gyi
me long tsha gser hrIH yig 'bur dod can/ tshe dpag li sku 'dod
li/ snam ther spos sogs phon cher bstsal/ de nas rim

bzhin kham tshan tshogs 'dus nas dgung tshig gsol ras rgya mi chung
ba dang/ seng bzang sprul ba'i sku dang/ dge rgan bla ma la/ lha
btsun/ rgyud stod mkhan chen rtag pa rin po che dang/ grwa tshang

@050b mkhan po chu bzang rin po che so so nas bza' btung dang
gnang cha shin tu rgyas par bstsal/ de nas mkhan rin po cher
'khor gshag gi dgongs pa zhu nas rang gshag tu/ dge rgan bla ma
la dang/

seng bzang sprul ba'i sku bcas nged cag mnyam du dgung tshig byas
skabs/ gzims khang nang gi tsong kha brgyad cu'i zhal thang gsum
bzhugs pa rlung ser bu gang yang med par glo bur du lhab

lhub bskyod de phyi rol tu zag /slar yang bkal ba dang yang
bskyod nas lan gsum zag pas/ dge rgan tshang nas sku thang a
mdor byon bzhed pas mar pha yul du gdan zhu byos gsung/

de ltar gdan zhu byas nas gzhan ma rten gsum chos skyong bla
brang nyer spyad gang yod phra yig bkod nas kham tshan tshogs 'dus
la rtsis sprad/ lo star gyi lo gtor/ bla brang gi grwa

tshang tshogs chen gyi 'gro sgo gang yod kham tshan nas gnang rgyur
byas/ ngos kyi grwa tshang tshogs chen kham tshan gyi 'gyed skal
phyir 'bul byas pas gtan len ma nyan phyir 'gyed skal

gang yod kham tshan nas bsdus te 'gro sgo gang yod byas thog lhag
ma bla brang gi lo gtor dang/ arga thig tshags sogs kyi rgyu
dang/ de lhag kham tshan gzhung la 'bul rgyur byas/
@051a @#/ /sngar yongs 'dzin sprul sku a kha bla mar grags pa
dbus phebs skabs kham tshan nas bu lon gang bzhes kyi ma skyed
bcas rtsis 'bul byas nas kha gang yang

lhag chad med par byas zer/ de nas lha sar phyin/ jo bo ra mo
cher/ gser chab dang brgya mchod/ rtse'i lo ki shwa rir gser
chab/ brgya mchod bcas phul/ yongs 'dzin rdo rje

'chang la thon phyag tu mjal bar/ skyabs rten/ rgya dngul rdo
tshad gcig /DaM rngo gcig /ri rtse nas grub pa'i zangs ting brgya
phrag gcig /gos yug gcig /dbu zhwa'i stegs tsandan

ma/ ri rtse rtsab phor rtsa 'brug gi ri mo rang byon ma/ phor
shub/ zho yo tsi'i khug ma/ tem chung/ sgam chung rgya nag ma/
kha btags nang mdzod bcas phul nas mjal/ der 'phral

gsol tshigs lhan rgyas thog /sku brnyan thub dbang rdor gang na/
rgyun bzhes kyi phyag 'phreng raksha/ thun mong dang thun mong
ma yin pa'i bsrung ba/ dam rdzas le tshan shin tu mang ba 'phel

gdung/ dngul chu chos bzang gi gsung 'bum/ chims mdzod phyag dpe
gras/ gser phyi ma'i stod 'gags/ snam ther spos do sogs ngo
g.yog tshang mar gnang skyes gya nom pa

@051b bstsal/ mdzod pa zung nas skyabs 'jug zhu bar/ zhal nas/
sprul sku deng na tshod cung zad gzhon zhing las byed rnams mar
'gro rgyur u tshugs tsha bas mar 'dren par snang mod/ sprul sku
rang yang blo pham

po rang byed mi dgos/ 'gyangs min lo nyi shu'i nang cis kyang
yar yong rog mdzod/ mdzod pa zung nas yid 'jags bgyis/ kha sang
sngar lab rnams ma brjed par/ mdzod pa zung nas sprul ba'i sku

yar cis kyang gtong grogs dang/ 'dir slebs phyin/ bsnyen rdzogs
dang chos bka' gang lcogs ci lcogs dang 'khos cha gang dgos gang
phan byed nges lags pas yid 'jags bgyis zhes

bstsal bar/ mdzod pa zung nas bla ma rin po che'i thugs dgongs
bzhin nged cag gis zhabs zhu zhu rgyu sngon nas 'gan len dam
bca' phul ba ltar da lta yang dam bca' nged kho na lags pas bsam

don ltar 'grub pa'i skyabs 'jug thugs rje che ba mkhyen mkhyen
zhu zer bar/ 'o yag byung yag byung zhes phebs/ rang yid skyo
ling nge ba'i ngang nas lha sa'i gnas tshang la 'byor nas bsdad
par/ 'bras

spungs lha ldan sar sogs nas lam rdzong ster mi mang dag byung/
phyi dror dgongs ja'i thog /rang gcig pu shar rtsol gyis jo mjal
du phyin par dpal 'byor rab brtan gyi sgo khar rgya gar a
tsar+ya

@052a @#/ /yin zer ba gzugs po shin tu che ba mi phal ba las gcig
dang phyed tsam pa'i che ba zhig gis nga la bzung nas rgya skad
sna tshogs smras pa zhig byung/ am phrag nas shing tog

mngar kham mang po bton nas nged kyi am phrag tu blug ma chud
par gzan khung du blugs nas a ra pa tsa la na mo zer nas skad
log zhig rgyab nas btang/ nged mchod mjal rjes lus thebs sam

snyam nas rgyug phyin pas mchod mjal phyin mi mi snang sgo phye
'dug par shar rgyags kyis jo bo rin po che'i mdun du phyin nas
DaM gcig phul te mjal kha zhu/ mdun gyi lhung bzed nas 'bru tshom
zhig

lag tu byung bar byi ru'i phreng ba chung ngu dang bcas 'dug par
slar phreng ba yar bzhag ste phul bar/ slar zag nas mdun du
'byung bas zhib tu bltas par byi ru'i a zhang du snang bas a
phrag tu

blugs nas phyir thon pa dang sku drag mjal kha 'go tshugs snang/
nang du slebs nas dge rgan rin po che la rgyu mtshan zhu bas legs
so red rten 'brel bzang zhes gsungs so/ /smras pa/ tshe

sngon bsod nams zong gis nyer khug pa'i/ /dal rten bsam 'phel
yid bzhin dbang rgyal las/ /rnyed dka'i rten bzang thob pa da
res tsam/ /don chen snying po ma lon khong du chud/ /gcig tu

@052b rang gi bsod nams dman pa dang/ /gnyis su grogs dag gti
thug dbang btsan zhing/ /gsum du dal ba don med byas pa rnams/
/ming skam phye gtor lhur len byed par nges/ /'on kyang sangs

rgyas byams pa'i spyan snga ru/ /skra breg lus bsgyur tshig
snga'i sdom pa mnos/ /zab gsang gdams pa'i bdud rtsi myong ba
dang/ /'byung 'gyur lung bstan dbugs 'byung bstsal bsam na/ /dus
babs

ma gyur nongs par ci 'gyur snyam/ /da lta'i cha la bla ma dge
'dun dang/ /spyan ras gzigs mgon rgyal sras rgya mtsho'i tshogs/
/lhan cig ngam chos bdud rtsi spyod pas 'tshengs/ /thos bsam

nor bu'i gling du rab zhugs nas/ /legs bshad nor bu tshol du mi
ster bar/ /pha yul srin mo'i gling du khyer bsam na/ /yid srubs
grogs kyi tshul du 'ong bar nges/ /'on kyang 'jam mgon bla

ma'i bka' srung gi /'phrin las stobs kyis bskul te dbus 'gyur
'chang/ /'byor ba'i dgos don 'jam mgon bskyed byed ma'i/ /bde
skyong 'dren slad 'ong bar gor ma chag /ces bya ba ni

ngal bso'i ring mo'o/ /zla ba gnyis pa'i tshes bcu dgu'i nyin
snga bar langs nas jo shAka rnam gnyis la gser rkong bzhengs su
bcug ste snyan bshal srid du ring ba phul nas slar mjal thub

@053a @#/ /cing bsam don yid bzhin 'grub pa'i smon lam btab/
mchod khang steng 'og bar gsum la mchod mjal rgyas par zhu/ de
nas kham tshan tshogs 'dus/ smad grwa tshang bla spyi'i

rta bsu dang bcas nas thon te gral bzhi thang du kham tshan grwa
tshang thun mong gi thab bsu byas pa'i steng phyin nas khri la
bsdad bstun smad mkhan rin po che nas maNDal rten gsum/ zhal
ngo/ byams

smon/ spyi so/ dge bskos/ kham tshan dge gnyer nas maNDal rten
gsum sogs gnang/ gsol ja bzhes 'bras sogs ngo g.yog la'ang chad
lus med par gnang/ de nas grwa tshang kham

tshan so sor slog cha phyir 'bul zhu thog lam du thon nas rim
bskyod kyis se ra ko la rgyab nas 'phan yul spos dkar ri khrod
du/ 'bras blo gling pa spos dkar rdo rje 'chang gi spyan sngar/
maNDal

rten gsum DaM srang gsum/ spu ma'i lham cha/ rtsi dom cha/ rgya
nag kog gdan cha/ kha btags a she bcas phul nas mjal kha zhu/
lhod lhod bcas sdod gsung bar/ tshe dbang gi snyan gsan phul/

phyi nyin tshar lugs kyi tshe dbang bsdus pa dbang bzhi byin rlabs
kyi tshul du bskur ba bstsal/ dge rgan tshang gis zhus ngor/ gtor
ma brgya rtsa'i phyag khrid/ chab gtor shAka thub ma'i khrid/

@053b tsha bsur gyi khrid/ phyag chos zung gi ngor/ rdor gcod/
bka' thang bsdus pa/ sgrol chog /lnga pa'i gsung gi yab yum
rkyang sgrub kyi lung bcas bstsal bstun sku yon du/ rten dod
srang gsum/ rgya nag

tsha gser ma'i gri chung/ rtse ri'i phrug zhi rtsi/ a she mjal
dar bcas phul/ phran la dad rten du/ mai tri'i phyag tshwa sgrol
ma/ gnyen po 'jam dbyangs dang/ gzhan spos snam phon che ba
bstsal/ chag la

brgyud rim bskyod kyis byang rwa sgreng rgyal ba'i 'byung gnas
kyi gdan sar mjal/ de nas la gnyis brgyud de rim bgrod kyis nag
chu zhabs brtan dgon du sgrub khang bla brang du gnas tshang byas
nas

zhag gsum bsdad/ bla brang phyag mdzod la dbu thod kyi byung
tshul dri sa par mi shes ma thos zer snang/ sgrub khang rin po
che sku yal ba'i dus su song ba'i rkyen gyis phyag gnyer sogs
'gul dka'

tsam du yod 'dra/ de nas mtsho mo rwar gzhi stegs nas bsdad/ chos
rje a brag rdza dmar du dpa' bo phra sne can la gtug phyin par
phra sne stod gangs rir mjal bar phyin/ de'i spun a sne la zer
bar dri

gtug byas par/ a sne'i ngag nas/ lo 'ga'i sngon du mdo smad rje
sku 'bum pa yin zer ba'i sog po chos 'dzin zer ba zhig 'ong nas
nged cag gi nang du a mchod byas lo 'khor tsam bsdad skabs

@054a @#/ /shig nad thebs nas shi khar kha 'chems la/ nged kyi
khres po'i nang rje tsong kha pa'i a ma'i dbu thod 'khrul med
byin can zhig yod/ nged ma shin sde pa gzhungs la 'bul

rtsis yin kyang da ni shi bar 'dug /phra rgyan mang po yod/ nged
khyed tsho'i nang la lo 'khor sdong pa'i lto glar phra rgyan
rnams ster/ thod pa khyed tshos nyar mi nyan/ de'i srung ma gdug
rtsub can zhig yod

pas gnod nges phyir/ phyir stor ba'am/ bla ma 'dra la phul ba
gang rigs byas na chog /khyed tshos shes zer 'dug /ma 'gyangs par
shi bas khres po kha phye nas bltas pas de kho na rang 'dug /

phra rgyan tsho blangs/ g.yu byu ru nyung zad bcas thod pa sgrub
khang rin po cher bsngo rten du phul zer/ chos mdzod de nas
phyir 'khor bstun/ slar zhabs dgon sgrub khang phyag gnyer la
'tshams rtags

khyer nas nan tan byas pas yin shes che nged tsho la rgyus med/
gsol mchod pa'i rigs la rgyus 'ong las che zer/ mchod dpon la
dris pas/ des a brag nas thod pa zhig 'byung ba nges

kyang/ phyis su dge slong zhig la gnang skad thos/ dge slong su
yin gsal po mi shes zer/ de nas dge slong ci 'dra zhig yin rtsad
re zhig mchod/ lha gsol yang yang byas pas/ zhabs

@054b dgon rang gi grwa rigs dge slong tshe 'tshams pa zhig yod pa
der gnang yod skad thos/ der rtag thug byas nas 'tshams rtags sna
mang byin kyang/ bslu mi gtong zer nas ster ma nyan/ chos

skyong la yang yang bskul bas re zhig na khyed tsho'i dgon pa'i
rten gtso yin na da bslu kha byas chog /nged nas rin po che la
ngo chen dang rnam grangs mang po phul ba'i rkyen gyis gnang
tsam byung/ da res

rgya srang nyis brgya byung na ster chog de min mi yongs zer/ de
ltar sprod rgyu byas nas rtsis sprod byas bstun/ dbu thod sprod
byung bas/ chos mdzod zung nas dbu thod gdan drangs nas 'ong
skabs

dge rgan nas bsangs chen btang/ dung cha 'bud/ nged nas spos sna
byas te stegs kyi khar/ spos/ mar me/ mchod pa sogs phul te sri
zhu dang bcas bzhugs su gsol/ thams cad kyis

mjal kha zhu/ de nas dge rgan tshang nas phyag bsil te dbu thod
mar zhu nas bltas pas dbu thod 'khrul med du 'dug gsung/ dge
rgan rin po che nas sngar rgyud pa'i dgon gnyer dus khram

blangs pas zhib bltas mdzad pas rgyu zhig 'dug /'di la lhan pa
zhig yod gsung/ nang mar gyis brgyan nas lo mang song snang/ kha
nas bal skud kyis dkris nas 'dug /de dag rim

@055a @#/ /gyis bsal nas bltas pas g.yu byur 'ga' snad/ de dag
chu tsha mos bkrus pa'i tshe bsdam thag bshig nas dum bu so sor
phral/ legs par grub zin nas dum bu bsgrigs pa'i rna

ltag g.yas par shing gi dum bu chung ngur a yig gi smad bskos
par gser shan byas pa'i lhan pa de kho na ltar snang/ phyi ru
oM AH hUM gsum 'bur du dod pa phyogs gsum du dang/ nang du
rtsa sngags/

snying po yi ge bcu pa/ nye snying yi ge bdun pa bkra lam gyis
gsal ba mjal/ khar 'ching thag gos dmar pos byas pa'i nang mar
khu rtsag thag chod pa'i nang du rin chen sna lnga gsar rnying
blug ste kha

dar snas brgyan sgam chung zhig grab byas pa'i nang bzhugs su
bcug /de'i phyir lag ras dmar ser gyis gtum nas sman rams pa
dbus mdzad blo bzang bstan 'dzin gyis rked par gdan drangs

nas 'ongs so/ /nyin der khrus gsol/ lha gsol gtang rag rgya cher
btang/ 'grul grogs rkang tsha bla ma rab brtan gtso bos rkang tsha
sde mang thams cad lha sa nas mar 'byor ba rnams dang

'grogs nas dbus lam rnying ba 'grul ngos brgyud rim bskyod kyis
chu dmar khar slebs pas chu shin tu che bas nyin gsum 'gag
/skabs der 'go log jag chen chu dmar nye 'dabs su

@055b 'byor bar rkang tsha'i so bas mthong nas nub gcig 'go log
gi so ba'ang nged cag gi sgar nang du 'ongs nas rkang tsha bla ma
dang gros byas khong tshos mnA bcad kyi drin las gnod pa cung
zad

kyang med par bde bar dgra 'jigs las thar/ chu dmar yang chung
ngur song bas brgal te rim bskyod kyis tsun khang thog tu 'byor/
zhag shas ngal bsos/ rkang tsha'i a khu bla ma hal ha

rje btsun dam pa gdan zhu'i khas len par rgya nag nas mngags
phyin slar pur han bod+hi nas phyir log rgyab/ nged cag la khyed
tshos dal bskyod kyis khong tsho'i ru bar zhag 'ga' ngal bsos

dang nged 'phral du slebs yong zer nas song/ khang thog tu gnas
skabs tsun pA ron gi ja sag gtsos dad ldan pho mo mang pos dbu
thod la mjal kha zhu/ de nas rim bskyod kyis du lan dgon pa'i

nye 'dabs su chin he wang gi bsu ma 'byor nas u rge la 'ong
dgos tshul nan tan byas pas tsha gan nor zhes par u rge'i steng
du phyin/ wang 'khor bcas kyi bsu ma se ra sbreng tshar du dngar/
ja

'phros skabs sog po dge slong zhig gis dung dkar che legs la kha
btags ser po dbang ldan ma btags pa zhig byin/ gzab ston/ thod
mjal/ nged cag la ster cha gzab/ de nas thon te
@056a @#/ /rim bsgrod kyis rkang tsha'i a khu'i ru bar zhag bcu
tsam ngal bsos/ nged cag 'byor nas zhag lnga'i steng a khu bla
ma yang slebs byung/ der sdod ring la a b+ha zhang

lo; ya shul a pha bkra shis/ pO khro rgyal 'bum sogs ru nyul
sha stag gis dus 'das/ rkang tsha'i skyes pa pho mo rnams kyis
thod mjal byas/ der gnas pa'i nyin bdun pa'i thog

pha rgan dang/ zhang po dge bsnyen/ mdzod pa'i nu bo tshe 'bum
thar/ che shos nas chos rje'i nye 'brel nor bu rtsi/ chi mi tsi/
sku 'bum sgar ba'i mi sna bcas 'byor bas shi gson 'phrad pa'i

dga' ba byas/ nyin gnyis tsam thams cad 'a 'ur gyi yo lang gis
'das/ de nas bskyod pas rim bzhin grwa tshang khe'i ltag der sku
'bum mkhan chen gser tog rin po che bla spyi brgyad sgar

chen bcas rje btsun dam pa'i bsu mar phebs pa mjal nas stong
'khor mkhar na wang kyA tshang la bsdad/ sku 'bum nas dus 'khor
bla ma gru kyA bla mas gtso mdzad bla spyi brgyad kyi bsu

ma 'byor/ phyi nyin 'jag mal byas/ tshes bcu gnyis la che shos
sde ba'i bsu ma dang bcas gong ma'i 'khrungs yul che shos nor bu
kwa ye zer ba'i khyim du babs/ rang yul khyung kyA bsam

@056b gling gi bla ma khong bstan pa dar rgyas gtsos ri khrod
grwa rigs dang/ sde pa'i hun phe/ len tsun/ rgad po bsam shes
bco brgyad sogs kyi bsu ma byas/ thang du sgar rgyab pa'i sar
phyin nas

gzhi bdag la bsangs gser skyems gtor ma sogs bsdos nas zhag sdod
byas/ hor zla bdun pa'i tshes bcu gsum gza' skar 'phrod sbyor dge
ba'i nyin sda dro'i char/ ^ rgyal dbang

thams cad mkhyen pas bstsal ba'i mkhan chas cha tshang sprad nas
phyin pas/ seng+ge'i rwar rgyud pa dpon slob bum 'bar tshang
gtsos sgar chen sgar chung gi bsu ma byas/ de nas phar cung zad
phyin

par che shos yongs 'dzin rin po che bsu mar phebs gnang dang
rang sgar nas a kha gser khog gis ja thab byas par phyin/ der
sku zhabs gzims khang tshang yang bsu mar phebs/ de nas

thon pas chu mig sbal khar sku 'bum spyi so'i ja thab dang sgar
khag rnams kyis mjal kha grub 'phral thon pas la rdze bya rog
gdong nas sman pa dpon slob lha rong bla ma gtsos dge 'dun

'dus pa rgya mtsho'i ser sbreng bsam gyis mi khyab pa dang bcas
rang sgar e waM dga' 'khyil du gnas bcas pa na/ bla ma las sne
sogs tshogs 'dus so so'i mjal kha dang ja gral lag

@057a @#/ /'jog sogs babs rim bzhin phul/ de nas gser sdong gtsos
lha khang mgon khang sogs la mchod mjal dang thug 'phrad byed mi
rnams la thug 'phrad kyis nyin 'ga'

'das/ tshes bco lnga'i nyin dka' chen rdo rje 'chang gi spyan
sngar mjal kha zhu/ bod du bla ma ji 'dra bsten/ bka' chos gang
zhu sogs kyi bka' 'dri gnang/ dge rgan tshang dang mdzod pas

rgyu mtshan rgyas par zhus pas 'o yag po byung 'dug gsung/ bcu
drug gi nyin ma drin mo che slebs pas dga' ba bsam tshod las 'das
pa smra mi shes pa lta bu byung nyin 'gar ma bu 'bral

med kyi ngang du gnas/ skabs der lha sa nas nged cag dang 'grogs
nas 'ong ba'i sbyin bdag pA ron ho chid mang+gal the ci zer
ba'i bzo bo mkhas pa khyo shug bcas yod par mdzod pa zung

nas ^ rje'i ma yum gyi dbu thod snga ma bzhin du dngul shan phra
bkod byed rgyur bsngags bzo bo nas dga' spro dang blang gis bzo
bkod rmad du byung bar bskrun/ nged chung ngu'i dus kyi sked

g.yu byu ru sogs dang/ rang gi btung phor dngul shan ma stegs
pu phul/ sngar yang dngul phor las thod lcags sogs med ces rgyud
rgan rnams kyi ngag sgros las byung/ rang

@057b yul gyi zhang po dge 'dun skyabs dang/ khyung kya'i rgan
gsum/ ri khrod bsam gling gi bla ma rgan pa rnams kyis nged skye
yul du 'ong dgos zer bar chos mdzod zung nas 'thad tshul du khas
blangs/ zla ba brgyad

pa'i tshes brgyad la/ rang dgon bsam gling phyogs su btegs pa'i
lam bar brag rgya sgor skya ser gyi bsu mi mang ba 'byor/
padma'i chu bzhir yul pa'i ja thab/ sle rgan sngo mdangs su ri
khrod kyi ja

thab; sa bzang la khar sde pa'i ja thab bcas thog mar ri khrod
bsam gling du babs/ maNDal rten gsum mjal kha ja gral dkar spro
dmar spro sogs rgyas par byas nas pha khyim du phyin skabs grong

khyims so so'i khang thog tu bsangs dud dung 'bud sogs yo lang
dang bcas babs/ rang rang phyogs gong pa dang/ pA tang tsho ba
gnyis kyis mjal/ phyi nyin sde mang gi mjal kha byas zin pa dang

yul lugs dang bstun pa'i rang sgar nas chang ston/ shing tog
/nye 'brel thams cad la lag rtags rang rang 'tsham pa'i dga' ston
nyin gsum tsam byas/ rang gi nye 'brel rnams dang/

lcang ra/ rde'u tsha dgon dang/ nang so/ sdom 'phong sogs kyis
rang khyim du 'ong dgos tshul ltar phyin/ rde'u tsha dgon par mang
ja chon 'gyed spyi 'jog rje'i sku li ma bcas phul/ bsam gling

@058a @#/ /ri khrod la'ang mang ja chon 'gyed spyi 'jog phrug ser
po sbub gcig bcas phul/ rten la mchod 'bul/ gzhi bdag la bsangs
gser skyems dang/ pha khyim du'ang lha gsol

bsangs sogs rgyas par btang/ drin can pha ma gnyis nas nged la
maNDal rten gsum/ rta sga 'khor/ sa bon shing tse lnga bcu'i sa
zhing rnams byin/ mdzod pa 'jam dbyangs rgyal mtshan

la mdzo mo gcig dang/ gdan dkar bcas byin/ de nas phyir sku 'bum
du bskyod ran pa na sngar dus gzing gi rkyen gyis sku 'bum du
bskyod pa tsam las gdan sar bkod pa'i bya ba byed ma nus par lus

pas da res chos zhugs gdan sa mnyam 'khod kyi bya byed las gsum
gcig tu 'dril bar bya phyir phyogs mgron so sor 'bod gtong sogs
byas nas tshes bcu gsum la/ khyung kyA/ lcang ra/ sdom

'phong/ rde'u tsha/ bya khyung/ ka zhur sogs kyi phyogs mgron/
rang gi pha ma nye 'brel grong ri dgon thams cad kyi rta ba skya
ser nyis brgya skor dang lhan cig bcas sku 'bum du phyin par/
sku 'bum rgyud pa

bla ma gtsos bla spyi sgar che chung gi bsu ma sgo mang mdor
phebs/ rgya yag mchod rten rtsar gzhung gi thab bsu/ de nas bkra
shis thang brgyud nas hong zi thang du ngur smrig gi rgyal mtshan
'chang ba rnams kyi

@058b ser sbreng tshar du dngar ba'i mdun bsus mchod rol sna
tshogs kyis kun nas mdzes pa'i rgyus lam dog por nang nas rang
sgar e waM dga' 'khyil du gnas bcas par/ tshogs chen gzhung nas
tshogs

chen dbus mdzad chen mo skad grwa pa rnams dang chab skad pa
tshogs 'dus mang mas brtan bzhugs maNDal rten gsum dang so so'i
mjal dar bcas gnang/ de 'phral ja 'phros lag 'jog snga lam ltar/
de mtshungs

grwa tshang so so'i maNDal dem ja/ rang sgar gyi maNDal rgyas pa
rten gsum kha btags bcas dang/ bya khyung gzhung dang/ rang
sgar/ chu bzang/ thar shul rdo rje 'chang nas maNDal rten gsum/
bla brang nang tshag

rnams dang skya ser rnams kyis dga' dar byin/ tshes bcu bzhi'i
nyin lU bang ye lo ye brtson 'grus kyis dge rgan gyi tshab byas
nas nged khrid de mkhan chen gdan sa pa skyabs mgon gser tog
tshang la

chos zhugs kyi mjal kha zhu/ tshes bco lnga'i nyin la mang ja'i
brda' btang 'phral langs nas zla grogs tshul khrims dar rgyas
bcas mang ja la tshogs/ tshogs chen zhal ngo nas gdong gral g.yon

gyi gral 'gor kha gdan rgyab par gral tshe byin/ nyi ma rtse shar
du gzhung gi mchod rol dang bcas sgar ba nas ^ rje bla ma'i ma
yum gyi dbu thod chos rje 'jam dbyangs chos 'phel gyis gdan
drangs nged

@059a @#/ /dang mdzod pa 'jam dbyangs rgyal mtshan gnyis kyis
gzhung gis gnang ba'i mkhan po'i bka' shog gnyis bcas mnyam du
drangs nas 'du khang chen mo'i gso sbyong thub

pa'i mdun du stegs bcas bzhugs su gsol/ bka' shog gnyis mkhan
khrir bzhugs su gsol/ ja dang por skyabs tho dang/ nged dang
mdzod pa'i bka' shog sgrogs/ chos mdzod zung

nas spos bskor byas/ chos mdzod zung la bla steng 'og gi dem ja
dang/ dbu thod spyan drangs pa'i legs dar sogs gnang/ nyin der
bsnyen bkur ja thug bdun/ rnam grangs rnam bzhag bla spyi gnyis
kyi

thebs rtsa/ spar khang sogs phyag rgyun ltar dang/ dge 'dun re
rer dong tse brgyad brgya re'i sku 'gyed bcas phul/ de nas dge
'dun mang nas dbu thod la mjal kha zhu/ tshogs grol nas rjes ma

la tshogs nas rang sgar du phyin pa na/ tshogs 'dus phebs nas nged
la'ang dga' dar dang dem ja sogs gnang/ las sne tshogs 'dus la ja
gral lag 'jog sogs phul/ de rjes

gdan sar 'khod pa'i skya ser thun mong gi ston mo byas par/ pha
ma gnyis la/ rta sga 'khor tshang ma/ mdzo mo gcig /dngul rta
rmig ma gnyis/ gos yug gnyis/ phrug bcu gnyis/ 'go snam

@059b gyon 'dangs gcig /zhwa lham ska rags/ kha btags bcas byin/
a zhang a ne gtso bos yul mi'i khyim gang por phrug /yang ta/
lA rgyu re byin/ phyi zhang sogs la phrug re byin/ bsam gling
grwa

rigs rnams la lag 'jog ston skal/ sde pa'i hun phe/ len tsun/
rgan po drug /bsam shes bco brgyad so sor lag 'jog kha btags/
gong ma'i yang gong ma'i 'khrungs yul che shos yul

pa dang/ gong ma'i 'khrungs yul chu rul kha lung pa'i yul ba/
mdzod pa'i yul ba rgya rtse sogs la so sor phrug re byin/ pha ma
gnyis nas phyir log rgyu nged la rta rmig ma gcig /mdzod zung la

phrugs brgyad phyir byin/ nor shul du phrug gcig bzhag /gzhan
yang bya khyung/ chu bzang bla brang/ thar shul rdo rje 'chang
gi zhabs gras pa/ che shos/ chu rul kha/ rgya rtse/ ka zhur/
rde'u tsha sogs

phyogs mgron thams cad la kha btags lag 'jog ston mo rgyas par
byin/ phyi nyin bshad sgrub gling la grwa ja/ sku 'gyed bzhi
brgya re/ grwa tshang so sor grwa ja sku 'gyed nyis brgya re/
'cham pa grwa

tshang dang/ spar khang/ skabs dang po gnyis bcas la skal 'phar
re/ sprang po rnams la ja thug khur pa brgya 'gyed bcas rten
'brel chos kyi sgo yangs por byas 'dug go /skabs der dus

@060a @#/ /'khor grwa tshang gi bla ma las sne tshogs 'dus bcas
yong nas 'brug lor dus gzing gis 'du khang me mchod btang ba nas
da bar grwa tshang tshogs sa ma rnyed par gzhan dag

la gnas tshang byas nas 'gro 'dug sgrub mchod sogs shin tu dka'
ba'i rgyu mtshan mig chu btang nas bdag po byed mi byed khyod la
rag las pas nged rnams thang dkyil du 'jog gam 'go 'jug

sa khang ba rtswa khang lta bu zhig phug nas ster rgyu khyod
shes zhes ar gtang byas par chos mdzod zung sprul skur ar gtad
ma gnang/ nged cag gis 'grigs thabs zhig byed ces khas blangs/

de nas chos grwar zhugs kyang dge rgan med pa dang/ dus gzing
bde ma khad du song ba'i rkyen gyis chos grwar 'dzin grwa bcu
gsum gyi go sa stong bar bzhag pa mang zhing/ tshogs chos 'grims
mkhan

dkon la zhwa zlag grwa chas kyang dkon pas gzugs brnyan tsam du
gyur skabs lags pas/ nged dang mnyam du gsar zhugs gcig las med/
'dzin grwar rtsod grwa yang shin tu dkon zhing nyam

thag gi ngang tshul du gyur bas tshogs chos su 'gro 'khul tsam
dang/ dge rgan zhig med na mi rung bas 'grigs lam la gnod dogs
nas chos mdzod zung nas gros bstur gyis re zhig tshab lta

@060b bu stag 'tsher dang/ gzims khang tshang gi dge rgan chi kyA
ye shes shes rab lags la dge rgan ngo ma rnyed tshe bar bzhugs
grogs kyi snyan bskul byas/ de ba tshang tshes bzang zhig la phebs
bstun/

sngar blo 'dzin byas 'khul gyi chos spyod gang dag brjed pa gsar
gsos/ bla brgyud gsol 'debs sogs gsar 'dzin dang/ grwa sar ra
stod bsdus grwa sogs bslab 'khul byas mod/ 'dir btsan

po bsdus grwa gsar du blo 'dzin dang/ dpe khrid/ rtags gsal sogs
bslab pa gnang/ chos grwar rtsod zla dkon pas blo gsar ba re
gnyis dang nged kyi nye gnas pand+he ser ser zer ba'i bla rgan
gsum

gyis chos mtshams rnams su bskyangs ba khul byas/ nyi shu'i nang
lA mo bde chen nas dga' ldan gser khri rin po che rgya nag tu
byon skabs rang sgar du byon nas lha dar dngos po sna tshogs
bstsal/

phran nas kyang mjal dar dngos po'i phebs rdzongs sogs phul te
skyabs 'jug zhu/ bde chen dgon gyi bla ma mang po dang nyid kyi
yum dang sku mched la sogs par bzos sgo yul bstun phul/ khri rin

po che'i zhabs khung du wang gi spun zla shrI ge thu bla ma
nged dang mnyam du lha sar btang ba dang gnyer pa pE li'i dge
tshul wang sogs sbyin bdag rnams la bde 'byor gyi rgyu mtshan dang
mtshams zhu
@061a @#/ /mi snar lhan cig par btang/ zla ba dgu pa'i nang a
kyA rin po che'i bla brang gi badzra de mchi ngo g.yog smad
nas 'byor te nged la nas bzed dang/ dkar yol gyi thod pa shin tu
legs pa zhig

byin/ mdzod par sprul sku zhu rgyu'i grogs bcol ba sogs bgyis
zer ro/ /zla ba dgu pa'i tshes nas bcu pa'i bar rang nad kyis
mnar nas sdug bsngal bar 'gyur/ dgun chos tshugs nas gsar

zhugs kyang dga' rab 'byor/ dge bskos gsar ba dka' chen sgar
ba'i khong ngag dbang grags pa bzhengs ma khad nas phran la lo
rting ma'i dpyid chos rjes ma'i bsdus grwa'i dam bca' 'jog

dgos kyi bsko bzhag byas/ tshul de dge tshab tshang dang chos mdzod
zung la mol bas dgongs zhu lan 'ga' byas kyang ma gnang/ rang
rtags gsal gyi rnam dbye/ rigs pa'i go ba gtan ma

chags pas ci bya gtol med kyi ngang du lus/ mkhan chen skyabs
mgon gser tog rin po ches dgongs zhu gnang nas sog yul du rje
btsun dam pa dang snga rting du phebs/ mkhan chen gsar

ba yongs 'dzin rin po che mkhan po gsar bzhengs thog brtsi bzhag
gi thog ma'i dga' ston myong/ mkhan chen snga ma'i brtsi bzhag
gcig kyang thob pa'i skal ba chad/ brtsi bzhag gnyis pa'i

@061b thog phran nged la tshogs rgyug rgyun ring 'bul dgos pa'i
bka' slob bstsal/ bar der dge tshab tshang nas bsdus grwa'i bshad
rta sngon ma'i phyag len shes pa kho bo tsam du lus pas de khyed
kyis legs par

slobs shig gsung nas bslab par mdzad/ skabs der dge tshab rin po
che sku smyung shin tu 'thu bar gyur nas gzims gshag la phebs
nas mi ring bar sku zhi bar gshegs tshul bstan/ mtshams

'dir yongs 'dzin mkhan chen nged cag nang gcig skyid sdug 'brel
ba yin kyang chos mdzod zung dang/ mkhan chen yongs 'dzin rnams
nang ma 'cham pas skyid sdug so sor byed dgos byung/

gzhung tshogs 'dus nas kyang de lugs kyi gam bca'i yi ge bzos nas
yig mdzod du bzhag zer ro/ /skabs de mtshungs su gzhung tshogs
'dus nas rgya yag sgar ba'i phyag mdzod khong chos

'byor dang/ nged cag gi sgar ba'i chos mdzod 'jam dbyangs chos
'phel gnyis la gser sdong chen mo'i 'bul bsdud la sog yul du
'gro dgos zhes bkod khyab gnang/ chos mdzod nas gzhung zhabs

'grub min gyi ched dang/ nged la dge rgan gang nas su 'dra zhig
bsten dgos bcas kyi ched du/ ^skyabs rje thar shul rdo rje
'chang gi spyan sngar lung bstan zhu bar phyin/ rdo rje 'chang
nas rkyen sel dang/ nged

@062a @#/ /kyi rim gror/ brgyad stong/ bskal bzang so so nas
brgya tshar sogs gnang/ chos mdzod kyi rkyen sel so sor bka' lan
dang/ dge rgan yongs kyi dge ba'i bshes gnyen chen

po smon rams pa gru kyA blo bzang nyi ma zhes pa dus 'khrugs
skabs khri khar snye sgar du bzhugs pa nyid nas phyag yig bstsal
te 'phral byon mdzad par rgyu mtshan zhib rgyas su gnang nas chos
mdzod

dang lhan du sku 'bum rang sgar du byon no/ /na tshod ldan zhes
pa shing mo phag gi lo gsar bzhad kyi dga' ston la sngar lugs
bzhin tshes gtor dang rang sgar gyi brtan bzhugs sogs byas nas
gser

sdong rin po cher mchod mjal/ mkhan chen gdan sa pa dang/ dka'
chen rdo rje 'chang/ gzhan bla sprul sogs la lo gsar mjal kha
zhu/ gzhung tshogs 'dus nas dang/ grwa tshang so so/

nang tshag ngo shes sogs nas rang la rtag thug sogs byas/ sog yul
gyi 'tshams zhu ba rnams dang 'phrad/ tshogs brda btang 'phral
tshogs la phyin nas mkhan slob so sor mjal

kha dang/ lo gsar shing 'bras sogs thob skal blangs/ tshogs grol
nas lo gsar nyin gsum gyi ring rtsed mos g.yeng/ tshes bzhi'i
nyin gza' skar 'phrod sbyor phun sum tshogs par/

@062b yongs kyi dge ba'i bshes gnyen chen po gtsug nor du bsten
nas rtags gsal brtsi bzhag blo 'dzin gyi 'go tshugs/ de ltar smon
lam steng rang yul gyi pha ma nye 'brel rnams 'ong skabs zhag
shas

gu yangs gnang/ de min dpe 'dzin rang la gnyis snang nub bzhin
chos thog tshugs par tshogs chos kyis dus 'da' bzhin dpyid chos
dang po grol/ dpyid chos rjes ma'i bar chos mtshams thung ngu
zhig

las med pas/ bar der chos mdzod gzhung don la sog yul du 'gro
ba'i ngal ba byed snang/ gsum pa'i tshes nas chos thog tshugs par
rtags gsal dang dpe 'dzin la brtson bzhin dam bca' nye bar

gtugs nged kyi zla bo gzhung gi dam bca' pa a lags sha dA na
mai tri zhes pa lags pas sngon du dam bca' btang/ de rjes nged
kyi bshad pa ma chad tsam byung/ bgro gleng rang la rtags gsal
gyi go ba ye

ma chags par bye ma btsir la mar med bzhin zhes pa'i dpe ru song
phyir lan bzhi 'dod 'dod du rgya ga 'khul byas nas dam bca' nyin
gsum 'phul thabs byas/ tshogs 'dus dang ngo shes nang tshag

rnams kyis phye gtor dang dga' dar byin/ rang gi zla bo nas rnam
thar sgo gsum gyi dpe zhig byin pa rten 'brel legs snyam shar/
de dag la ja dang ston mo sogs byas so/ /zla ba bzhi pa'i tshes

@063a @#/ /nas mdzod pas dus 'khor 'du khang gsar bzhengs kyi las
'go tshugs/ dbyar chos steng nged la dge rgan rin po che nas
sngon chad yin na bsdus grwa'i dam bca' blo rigs 'dzin grwa

nas ster srol yin mod da res khyod la dus dbang gis kha dog nas
byin 'dug pas na dam bca' yang btang tshar bar bsdus 'bring gi
'dzin grwar spor na legs gsungs pa ltar yar sbor bar byas/

skabs der bzhi ba'i chos 'tshams su mchod pa nyin gsum la tshogs/
tshes brgyad kyi nyin dka' chen rdo rje 'chang gi spyan sngar/
smad rgyud khrid chen brgyad kyi lung/ skyabs sems tshad med

bzhi'i khrid/ rgyal sras thogs med kyi blo sbyong don bdun ma'i
khrid/ blo sbyong mtshon cha'i 'khor lo'i bshad khrid/ dga' lha'i
khrid bcas bstsal/ tshes bcu drug la bya khyung du mjal bar

phyin/ bya khyung bla spyi'i rta bsu/ ja thab/ ser sbreng bcas
rang sgar anda cha ka'i chab ril gyi nang du bsdad/ las sne
rnam bzhi sogs tshogs 'dus rnams kyis mjal 'phrad byas/ gser

gdung rin po che gtso bos rten rnams la mchod mjal/ mtshod 'bul/
mang bskol/ dge 'dun re rer sku 'gyed nyis brgya re/ spyi 'bul/
las sne rnams la lag 'jog bcas phul/ bya

@063b khyung nas zin bkwan don grub tshang la ja zhur phyin/ yar
lam tsha phug gzhung lam rdo rje tshang la ja zhur zhag sdod byas/
phyi nyin shong shan lha chen nam jo bor brgya mchod phul/ de
nas gser khang ri khrod du

skyabs rje bde yangs rin po cher mjal kha zhu/ lha reg /lham
dang sgra snyan sgam chung/ rgyang shel chung ngu rnams phul te
sa skya kun dga' rgyal mtshan gyi zhal gzigs bstod par grags pa
'jam bstod

spros bral ma'i ljags lung bstsal/ nged kyi gong ma'i sku chas
gras mdzod kyi gu gu sha'i gsol sder tham ka can bstsal/ de nas
kha sha mthil gyi dus 'khor mchod rten mjal te phyi dror sdom
'phong

rgyal mtshan nang du zhag sdod byas/ phyi nyin rang yul du zhag
'gar ngal bsos/ rde'u tsha nang so tshang dang/ lcang ra'i zhang
po tshang gi nang du 'khyams nas zhag gnyis bsdad/ tshur stag gi
lab rje

bstod de khams sangs zhag gnyis bsdad/ bsam gling ri khrod
du'ang zhag shas bsdad ring grong chog sogs la rgyug /de nas
slar sku 'bum la 'byor nas tshogs chos 'grims 'khul gyis

'dzin shar sbyangs la brtson 'khul byas/ dbyar gnas gzhung tsam
la/ rdo rje 'chang dka' chen rin po che nas gsol thab par brgyud
de smad rgyud khrid chen brgyad kyi phyag dpe dang/ blo sbyong
mtshon

@064a @#/ /cha'i 'khor lo'i phyag dpe nga la sprod ces gsung nas
gnang/ gzhan ma gsung gang yang mi gnang gsung/ zla ba bdun pa'i
tshes gcig gi nyin rin po che gzugs sku dgongs pa

chos dbyings su thim tshul bstan pa'i gtam thos 'phral gdung mjal
zhu nas mchod tshogs spros/ de rjes zhag 'ga' nas skyabs rje bde
yangs rin po che sgar bar phyag phebs nas nyin 'ga'

bzhugs par/ rten 'brel bstod pa/ rgyan 'jug gnyis/ phaT bdun ma/
dka' chen gsung gi zhi khro sbrags sgrub thun mong ma yin pa/
sngar dge tshab dam pa ye shes shes rab lags nas

rgyun ldan gser skyems gtor 'bul re ma chag pa gal che zhes
gsungs pas/ chos srung rnams kyi gtor 'bul re dang/ sku lnga'i
gser skyems/ sde brgyad mchod pa bcas 'don bzhin yod par

yid la 'gro ba zhig mi 'dug pa'i rgyu mtshan zhu bar/ rje nyid
nas bka' rtsom gser skyems don bsdus pa zhig gnang ba de'i lung
bcas bstsal/ brgyad pa'i zla mjug la dus grwa'i 'du khang thog

med pa bde khang gsar 'grub kyi dga' ston byas/ nang bzhugs rten
gsum sogs med pas/ gzhung dang sman grwar zhus pas/ gzhung nas
rje sku mi tshad ma/ mchod rol sogs dang/ sman grwa

@064b nas mchod rdzas/ rol cha dbang chas sogs gnang/ skabs der
ngos nas gzugs gzhi mi bde bar yod pas/ lha blar lung zhu byas
par/ bsags sbyangs la brtson dgos par babs pas/

khri kha'i jo jo lha khang du phyag bskor byed par dge rgan rin
po che dang mdzod pa nged cag phyin nas rdo rje 'chang thar shul
rin po che la thog mar mjal/ de nas jo jo lha khang gi nye bar
gnas tshang

g.yar nas nyin bzhin phyag bskor grangs gsog byed bzhin yod par
glo bur du grwa pa rgyus med grwa sa'i grwa pa 'dra ba zhig
'ongs nas sku mdun nas da lta rang shog gsung gi zer nas thal
song/

nged phyag 'tshal 'phro bcad nas gnas tshang la phyin par dge rgan
dang mdzod pas khyod phyag mi 'tshal bar ci phyir 'ong zer sku
mdun nas da lta rang shog ces 'bod mi slebs byung byas pas/
khong gnyis

nas 'phral du 'gro zer nas nged cag mnyam du phyin pa na zhabs
gras rnams nas 'di nas grwa pa gcig kyang ma btang zer skad/ sku
mdun du mjal nas rgyu mtshan zhus pa'i tshe rje nyid nas zhal
'dzum pa

mdzad de/ nga 'dir zhag 'ga' sdong dang nged nas sprul sku la
bla mchod khrid zhig bya yi gsungs nas gsol tshigs rgyab la bla
mchod kyi myong khrid dbu tshugs/ nyin gsum la rgyas par bstsal/
rwa sgreng

@065a @#/ /zhabs zhu dge bshes shes rab pas/ rdor gcod dang/ rje
ngag dbang grags pas mdzad pa'i sgrol dkar bstod pa/ mkhyen
brtse dri med rnams kyi lung zhu/ phyi nyin sprul sku'i bgo

skal yin gsung nas sgrol dkar bka' babs dgu ldan gyi rjes gnang
zhig bstsal te sgrol dkar gyi snang brnyan byon legs can bstsal/
nged nas a kyA'i zhabs gras badzra de mchi nas byin

pa'i dkar yol dkar po'i thod pa tshad dbyibs thod tshad can nang
rgun 'brum dkar pos bkang ste phul ba rten 'brel shin tu bzang
zhes bstsal/ de nas sku mdun du dgung tshigs zhabs zhu zhu

nas bsdad par/ yongs 'dzin ye shes rgyal mtshan dang/ gung thang
slob gnyer bslab bya ltar slob gnyer byed tshul gyi zhal gdams
rgyas par bstsal/ slar jo jo lha khang du phyin nas bsags sbyang

gi 'phro kha bskang/ phyir lam hor rgya'i bun khrang/ ar rkong
jo mo/ ka zhur dpon tshang sogs brgyud nas sku 'bum la 'byor/
sngar mu bzhin slob gnyer la 'bad 'khul dang/ mkhan chen gdan sa
pa'i bka'

bzhin tshogs bsags sam tshogs rgyug 'go rtags rigs nas tshugs te/
blo rigs/ rigs rgyan/ don bdun cu/ rnam thar sgo gsum/ chos
'khor dogs gcod/ shing rta'i srol 'byed/ dge 'dun

@065b nyi shu'i mtha' dpyod/ skabs dang po'i mtha' dpyod/ zur
bkol gras/ rten 'brel/ kun gzhi/ legs bshad snying po sogs shog
grangs stong nyis brgya lhag tsam 'bul 'khul byas/ dgun mjug tu
phe

kyA tshang dang mi sna 'byor nas wang gis cis kyang mar 'ong
dgos tshul sogs 'byor/ lo snga phyi gnyis kar khyung kyA'i lnga
mchod la'ang phyin/ mdzod pas bskul te brgya mchod/ stong mchod
gang 'os dang/

bkra shis tshang gi dgongs rdzogs kyi gtso bo phyi nang gi grong
chog gang yod dang/ bde mchog gi dus bzang gras yin pa'i rgyu
mtshan gyis bsnyen pa yod med la ma bltos par rgyugs gang thub
sogs

byas so/ /'dzin byed ces pa me byi'i gsar tshes kyi dga' ston
myong bar tshes gtor/ brtan bzhugs 'char can dang/ mchod mjal bla
sprul khag gi mjal kha/ 'char can yong mi gtso phal rnams

la thug 'phrad sogs sngar mu bzhin no/ /tshogs la phyin nas mjal
kha zhus pa shing 'bras star ba sogs kyang sngar bzhin dang/ de
nas nyin gsum la rtsed mos bag yangs su spyod pa byas/ tshes

bzhi nas bya ba nyung ba don nyung ba la zhugs nas 'dzin shar
sbyangs la brtson 'khul du gnas/ smon lam grol 'phral skyabs
mgon a kyA rin po che'i yang srid rgya nag la byon pas phebs
rdzongs
@066a @#/ /dang phebs bskyel zhu bar chin shus ho er bar song
nas phyir log /de nas dpyid chos gnyis la chos 'grims byas par
chos grwa dge bskul nas bzhi pa'i smon lam

steng tshogs langs langs dgos kyi bsko bzhag byas par mdzod pa
nas tshogs langs gi dgongs zhu byas/ zla ba bzhi pa'i tshes nang
rang sgar dus 'khrugs kyi skabs gzhi med lta bu khang pa chag

grum du song ba khang mig 'ga' zhig las ma lhag cing nged cag
dbus nas mar ma thon gong a khu gser khog rgyal mtshan bzang po
sngon 'gros su 'ongs nas khang mig 'ga' brgyab pa las sdod

sa 'ang med pas nad lta gzhi nas gsar gsos byed rgyu'i ngal ba
bsten par/ nged dang dge rgan rin po che yar nang grwa gshag tu
gnas tshang bsdad/ de nas bzhi pa'i tshes brgyad kyi nyin 'du
khang

steng du mchod mjal la phyin par tshogs chen zhal ngos khyod cung
zad sdod rje gsung byon mar thang tog 'bul rgyu yin pas dam
'byar bshig nas mngon sum mjal ba'i skal bzang thob/ mchod

pa sogs la ma chad par phyin/ dbyar chos dge bsgos gsar bzhengs
thog nged de skabs gzhung gsar 'dzin grwar gnas skabs lags shing
skabs dang por spor bar zhu bas gnang zhing lnga pa'i

@066b tshes lnga la nged la bdun pa'i nang gi gzhung dam bca'i
bsgo bzhag gnang/ dge rgan dang mdzod pas rgyu mtshan zhu nas
dgongs pa zhu/ skabs der rje btsun skabs dang por dpe cha pa
rdog po gcig kyang

med pas rtsod zla dang bral bar gnas pa na lha sa nas bsam blo
kha ti kha pa kun dga' bo zer ba grwa rgyun rnying ba zhig 'byor
bas nged gnyis nyi ma 'phul thabs byas/ de bar sog po yo ga tsar
dgon

gyi grwa rigs dpe cha pa shin tu legs pa k+She tra pA la dang/
bstan pa'i nyi ma zhes pa gnyis 'byor nas lha sar 'gro rgyur
ches 'dug par mdzod pas re zhig bshol btab nas nged kyi rtsod
zlar chos grwar

zhugs rgyu byas/ de nas nged cag rnams kyis rtsod pa'i 'go tshugs
nas gnas pa na/ drug pa'i smon lam steng tshes drug nyin mkhan
chen gdan sa pas phran la da ltar nga sku mdun du shog gsung zer

bar 'phral du rgyugs phyin par kha btags zhig g.yogs nas khyed
la gling bsre ming btags byin pa yin/ khyed kyi zla bo rgya yag
tshang yin gsungs/ 'phral du langs nas phyag byas kha btags

phyir phul te nged da lta skabs dang por gsar gnas kyi rgyu
mtshan dang rtsod pa gtan ma song ba'i gnas tshul ji ltar zhus
kyang gsan dgongs cher ma gnang bar/ phyir 'ongs nas dge rgan
rin po

@067a @#/ /che dang mdzod par bshad pas dgongs pa zhu lugs byed
zer nas song/ phyir 'khor nas dgongs pa mi gnang bar 'dug /khyed
nas hur bskyed kyis dpe cha la brtson/ gtong sgo

nged kyis 'bad rtsol byed zer/ dge rgan tshang nas gzhung bka'
bod lnga zer ba tshe gang por sbyangs pas mthar son pa dka' na
zla ba gsum bzhi zhig la ji 'dra zhig sbyangs/ dpe klog tsam
yang rdzogs

dka' rgyu red/ khyed rnams dpe cha ma bltas pa'i 'chal gtam red
gsungs/ mdzod pa yang ngo nongs nas phyir thal/ dge rgan rin po
che nas khyod grwa sar phyin nas dpe cha yag po blta ru ma bcug

'dug /'dir yang dpe cha phyi nang gnyis nas blta ru mi bcug kho
thag chod gsung/ yin kyang rtags gsal gyi 'gro lugs re e chags
bltos/ dpe cha'i go pa len tshul la legs par brtson

gsung/ mdzod pa dang rgya yag sgar pa'i gnyer ba gnyis gros
bstun nas sprul sku gnyis la bka' chos kyi rgyun zhu sa zhig
btsal dgos pas nged cag thun mong nas skyabs mgon shing bza' rin
po

che la snyan gsan re phul na byas pas gros mthun par zhu yig
bzos nas ra rgyar bang mi mngags pas zhal bzhes thon nas dgu
pa'i nang mar byon par bka' lan thob/ zla ba brgyad pa'i tshes

@067b bcu gsum nyin/ rang sgar gyi ar las yongs su grub pas
nged dang dge rgan tshang gnyis sgar bar 'ongs nas 'grub ston
khang dar sogs phyi nang gis byin/ zla ba dgu pa'i tshes gsum
gza' skar 'phrod sbyor phun

sum tshogs pa'i nyin skyabs mgon shing bza' rdo rje 'chang ra
rgya nas phyag btegs te byon par mkhan chen gdan sa pas dbus
mdzad bla spyi brgyad/ sgar ba che chung/ rgya yag tshang dang
nged sogs sprul sku che chung

grwa gshag gi rta ba/ u cu mu chen pa k+Shi ge gen or tu su
sman pa sogs rta ba sum brgyar nye ba chu dkar mdor phebs bsu
byas/ rje nyid chibs bzhol te mkhan chen gdan sa par mjal dar
rtse sprod

gnang/ gdan sa pas sku zhabs rgya yag tshang dang nged so sor ngo
sprod gnang nas mjal kha zhu/ de nas er lo ye nas so so'i ming
nas smos te ngo sprod zhus te mjal kha gnang grub bstun rdo rje

'chang chibs kha bsgyur ba dang thams cad zhabs zhu byas nas
rgya yag mchod rten thang du thab bsu rgyas par phul te bkra
shis thang brgyud nas phebs par dge 'dun mang nas ser sbreng
mchod rol

sna tshogs pa'i sna drangs nas thog mar rgya yag sgar bar zhabs
sen bkra shis kyi ri mo mngon par bkod de bzhugs/ tshes lnga'i
nyin rang sgar du gdan drangs te nyin gang gi zhabs tog bsnyen

@068a @#/ /bkur zhus par lhod bzhugs mdzad/ re zhig gzhung nas
thams cad mkhyen pa'i lha khang la rab gnas zhus pa ltar rab
gnas chen mo nyin gsum la gnang/ tshes bco lnga'i

nyin or tu su sman pas sbyin bdag byas nas tshe dbang zhus par
tshogs chen nas kyang snyan gsan phab ste thams cad mkhyen pa'i
lha khang gsar bzhengs rgyu'i thog mar chos kyi sgo mo brgya
phrag 'byed pa'i rten 'brel du/ dga' ldan lha brgya ma'i khrid
mdor bsdus dang/ ma gcig grub rgyal ma'i tshe dbang gnang bar
nged la sku rtsed kyi rnam pas de ring mgron gyi gtso bo a bo
mthu chen

yin zhes gsungs nas zhal rtsed gnang/ tshe ril tshe chang skabs su
yang lan 'ga' gsung ste phyag gis mgo la byug byug gnang/ de
ltar dge 'dun mang la bka' chos gnang grub nas

rgya yag sgar bar nged dang mdzod pa gnyis song nas/ sku zhabs
rgya yag tshang dang dge rgan khong stong 'khor dang gnyer ba
byang chub nor bu lhan rgyas nas maNDal phul te mdzod pas bka'
chos

kyi snyan sgron thun mong nas phul bas thugs mnyes bzhin zhal
bzhes gnang/ de rjes ma 'gyangs par tshes bcu drug la thog mar yi
dam rdo rje 'jigs byed dpa' bo gcig pa'i sta gon dang

@068b dbang chen/ rta mgrin yang gsang lha dgu'i dbang chen/
bka' sdod ging lnga/ gza' gdong/ lcam sring/ sde brgyad srog
dbang/ rdzong chung tshe dbang/ mgon po bka' bcu gsum/ snar thang
brgya

rtsa; chos rgyal phyi nang gsang gsum/ gtsos gser khri'i gsung
gi yang gsang bskyed rim gyi ljags lung/ khu zhang gsung gi tha
'og sgrub 'phrin/ sku lnga'i sgrub 'phrin/ thar shul rdo rje
'chang gi

gsung bslab bya padma dkar po'i 'phreng ba/ mgon po'i bar do
'phrang sgrol bcas kyi lung dang/ rig byed ma'i rjes gnang bcas
bstsal nas bcad rgya mdzad/ lnga mchod steng gser sdong mdun du
mchod

rten cho ga'i bla mar bskos nas zhag 'ga' der phyin/ dgun chos
chen mo tshugs pa'i gong du/ ^sku mdun du skyabs 'jug zhu bar
mjal phyin pas mtshams tho las gshin tsakli can 'dug par/

nang du 'grom phod phyir yang yong ma nus/ bcad rgya'i khong du
chud par ma zhus pa'i rkyen gyis rgyang zhig had de bsdad par
ljags thun grol song/ dpa' ri 'jam dbyangs zer ba'i gsol dpon

phyir 'ong ba thug nas rgyu mtshan bshad pas khos sku mdun la zhu
la 'ong zer nas song/ ri ngas thabs su 'ong nas sur mthong ma
bcug par shog gsung/ de nas sku mdun du mjal nas

@069a @#/ /rang gi gnas tshul zhib par snyan du gsol bas thugs
dgyes pa chen pos gsung gi dbugs dbyung dang 'brel bar rje nyid
kyi mgul bsrung grol te khyod la g.yar ba yin/ dam

bca' tshar 'phral du phyir ster dgos zhes phebs/ legs po 'ong/
skyod med/ nged tsho'i ra rgya'i bla rgan zhig gi dpe ltar/ nged
kyis bsangs chen gtong/ dung dang dung 'bud zer ba ltar/

bsangs dang 'phrin bcol gang drag byed a ko gsung/ de nas phyir
'ong nas blo'ang bde 'khul byed/ gtong sgo sogs kyang legs par
byung ba bla ma'i thugs rje yin/ dam bca' nye bar

gtugs pa'i tshe 'jam dbyangs kun gzigs la mchod mjal zhu ste smon
lam brgyab/ rgyun ldan tshogs la 'gro dus 'jam dbyangs lha khang
gi spyan sngar phyag brgya phrag re ma chag tsam byed gin yod/

de nyin phyag nyis brgya tsam 'tshal/ mtshan mo rmi lam du kun
gzigs mas gzungs rgyal gyi mdo las gsungs pa'i nor bu byi dor
byed tshul spyi don du gsung tshul ngang cung mi 'dra ba bstsal

ba zhig rmis/ phyi nyin nas nyam nga bag tsha sogs cung chung
ngur song ba'i snang ba byung/ dam bca'i dus su bla ma rdo rje
'chang la gsol ba shugs drag tu btab pas rgyun bar 'dzin grwar
bsdad pa'i

@069b snang ba tsam ma gtogs dam bca'i blo yangs sogs gtan nas
ma byung ba bla ma rdo rje 'chang gi thugs rje kho na yin/ dam
bca' grub nas rdo rje 'chang gi spyan sngar mjal zhu dang/ mgul
bsrung phyir 'bul

byas/ 'o legs zhes shing 'bras mang po bstsal/ zla ba bcu gnyis
pa'i tshes brgyad nyin gling bsre dngos gzhi'i nyin mkhan chen
gdan sa pas gsol dpon btang nas mang ja grol 'phral gaNDe gtong

pas gung tshig myur bar drangs te dam bca' tshugs zhes phebs
gsung/ gzhung las par bshad pa rgyun ring byed dgos zhes bka'
bstsal/ dang por mkhan chen gdan sa pas bka' gnang la bshad pa

shog pu gnyis gsum lhag mi dgos zhes bstsal bas zla bo sku zhabs
rgya yag tshang nas bshad pa cher thugs 'dzin ma gnang bas thugs
'tshab 'dug /nged nas thugs 'tshab mi dgos/ nged nas

de ring nyin gang 'don dgos kyang bshad pas lag mi thogs par yod
pas thugs bde bar gnang zhes dbugs dbyung byas/ ngos kyi zla bo
snga gzhung dang phyi gzhung gnyis bshad pa nyung zad re las med
pas

zhum por gnas pas nged rang gis bshad pa la skrag mi dgos zhes
sems gso byas nas/ dam bca' tshogs sgrol 'don rigs lung chos
spyod tshar 'phral/ gzhung las pas tshogs gtam btang

@070a @#/ /de nas bshad pa'i dbu tshugs/ gzhung las pas dbus spos
ring mo sbar nas spos rkang gsum tshar nas dgungs sangs/ yang
spos rkang gcig dang phyed nas rigs lung btang/

snga gzhung pas bshad pa btang spos phyed tsam la rigs lung
btang bas thams cad thugs sang par gnas/ yang nged kyi phyi
gzhung la brda sbyar/ rigs lung snga phyi rgyun ring gtong long
ma byung par

gzhung las pas mtshams brda gnang ba dang sbyor ba tshig bkra
mchod yar/ bstan 'bar ma gsung nas grol te rang sgar la gzhung
gi las snes spos sna brda dung dang/ sgo 'byor du bkra shis

rdzas zho bcud dang lha dar bcas nang du phyin nas gdan la 'khod
par tshogs chen chos grwa dge bskos tshogs 'dus rnams nas legs
dar/ gzhan yang rang sgar dang ngo shes nang tshag sgar ba che
chung

sbyin bdag grwa rigs ser skya yul mi thams cad kyis legs dar
byin/ mkhan chen gdan sa par 'phral du mjal kha zhu/ zla bo sku
zhabs rgya yag tshang la legs dar phul zhing/ tshur yang phebs

nas legs dar gnang/ zhal ngo nas gral tshes kyi snyan gsan gnang/
phyi nyin gdong gral g.yon gyi gral 'gor kha gdan gsar ba bting
bar gral tshes byin/ sde pa gzhung gi mkhan po

@070b nang so skabs der 'byor nas dngos po sna tshogs dang bcas
legs dar byin/ co sne dar rtse mdo pa tshe smon gling gi zhabs
phyi nas kyang dga' dar byin/ de nas chos grwa'i dgongs pa zhu
nas rgyud grwar

zhugs dgos zhes mdzod pas bskul ba ltar/ rgyud rgan gnyis gdan
drangs te gsol ja gung tshig kha btags re phul nas che shos rgyud
pa chos dge rgan dang/ rgya yag rgyud pa khag khyag dge

rgan zhes pa gnyis bsten/ khong gnyis nas rgyud pa'i mkhan por
gsar zhugs kyi snyan gsan sogs zhu/ tshes bco lnga'i nyin rgyud
pa'i gtor sgrub chos thog btsugs pa'i nyin rgyud chas sprad

nas rgyud pa'i dpon slob gru kyA bla mar mjal kha zhu zhing
snyan gsan phul/ ming btags pa'i 'jug sgo yin stabs rgyug 'bul
gyi dmigs bsal thob/ nyer lnga'i nyin smad nas dpon po

chos mdzod 'byor nas dga' dar sogs byin/ sog po 'grul ba mang po
'ongs pa rnams dang thug 'phrad byas/ chos mdzod nas 'bul sdud
byas pas dngul dang gos chen bsdoms pa'i

nyis stong lhag tsam rnyed pa gzhung tshogs 'dus la rtsis sprod
phul/ dar han pE li'i mi sna dang/ a b+ha ka wang gi bang mi/
dar han pE li'i grwa rigs blo bzang dpal ldan rtsis rams pa
@071a @#/ /'byor bas dus grwar/ chos 'khor ri dwags pho mo/
kanydzi ra/ rgyal mtshan cha/ rnam bcu dbang ldan/ spen rgyan
me long bcas phul/ nged la mi 'khrugs pa'i gser sku glang khri
rgyab

yol can byin/ chos mdzod nas dus grwar/ dbang chas nyi shu cha
tshang bzhag /dbang phyug ces pa me glang gsar tshes kyi dga'
ston du/ tshes gtor/ brtan bzhugs sogs 'char can rnams sngar mu

bzhin dang/ mkhan chen gdan sa pa dang/ skyabs mgon shing bza'
rdo rje 'chang la lo gsar gyi mjal kha sogs zhu/ wang gi mi
sna dang/ pE li'i mi sna sogs phyi nang gi thug 'phrad byed
dgos sogs

byas/ tshogs chen dang rgyud pa'i grwa ja la tshogs nas nyin
'gar gzugs gzhi cung ma bde tsam gnas/ sku zhabs rgya yag
tshang dang/ nged gnyis kyis rdo rje 'chang la bde lam gyi
myong khrid zhu bar tshes

bcu bdun la gnang bar zhal bzhes thob/ tshes bcu bdun nyin snga
bar mang ja grol 'phral phe kyA sgar bar phyin pas chos nyan
pa yo tshogs nas sgug bzhugs par/ rang nas snang med kyis sku

mdun du thal byung bar rgyugs phyin pas phyag byas nas phyag
dbang zhu bar gnang byung/ de nas phyir cung zad bsnur nas
'greng bar gsung gcig kyang mi phebs 'dug /zhal gyi dkyil
'khor shin

@071b tu khros pa'i rnam par bzhugs/ g.yas g.yon du zhib tu
bltas pas g.yas su dar phud/ g.yon du sba lcag ring po zhig
bzhag snang/ cung zad phyir 'gyel nas sgo drung nye bar bsdad/
gsung gcig

kyang mi phebs par 'dug /rang nas 'jigs shing zhum pa dang
bcas bka' chos nga tshogs e ran lags zhes zhu bar/ khyed ci
zer nga ra rgyar sos dal du sdod mkhan la khyod gnyis nas u

tshugs byas nas mar 'ong dgos zer/ 'ong na khyed kyi zla bo rul
song/ da khyod tsho nam rul rtsis yin gsung/ kha rog por gnas/
khyod kyis cang ma thos sam gsung/ ma thos lags

zhu; a lags phyag mdzod ma thug gam gsung/ ma thug lags zhu/
yang dar cig cang mi gsung bar bzhugs/ chos nyan pa thams cad
'dus nas 'dug zhu bar/ khyod ci zer/ chos

byang chub lam gyi rim pa zhes pa 'chad nyan byed mkhan thams
cad kun slong byang chub kyi sems kyis rtsis zin pa dgos na/
nga da lta zhe sdang gi kun dkris drag po langs/ rgya yag
gnyer

ba byang chub nor bu gang zhig tu bzhag nas 'chad dgos/ khyod
kyis shod ces gsung drag tu phebs/ ya shod gsung nas sba lcag
phyag tu bsnams byung/ ma zhu na bka' chos skal ba

@072a @#/ /chad; zhu na gsung lan bzlog par 'gyur ram snyam nas
the tshom du gnas par shod shod gsung nas bzhengs rtsis mdzad
snang bar/ phyag phebs gnang na bka' bsgo yin snyam

nas spobs pa bskyed de lags/ lam rim tshogs zhing gi mtha' skor
gyi sems can gsal btab dus/ rang gi g.yas su tshe 'di'i pha la
dgra'i dwangs mas bskor ba'i dbus su bzhag na

e chog lags/ zhus par/ ha ha khyed kyis nga la blo bskyed
ster byung/ nga bzang bzang gsung nas sba lcags phar g.yugs
nas bzhag /ngas da nang nang chu ma bzhes par lus/ khyod kyis
nga

la ja dang rtsam pa rnams khyer shog gsungs bas gsol ja btegs
te drangs/ gsol ja grub bstun thugs gros la byon/ de bar du
zhabs phyi gcig kyang mi 'ong bar 'dug /de

nas phyir byon pa dang na bza' sgron pa dang phyag dpe 'bul ba
sogs tshags su tshud nas brda byas par bka' chos tshogs/ gsung
bshad skabs/ a lags phyag mdzod dang/ rgya yag

gnyer ba byang nor gnyis cung zad ma 'cham par kha tshabs che
ba 'ga' re thal bar a lags khros nas ^ sku mdun rin po che'i
snyan lam du zhus par/ rdo rje 'chang gi thugs dang 'gal

@072b ba'i rgyu mtshan mtha' dag gsal bar gnang nged kyi zhu
lugs sogs kyang rgyas par gsung bshad gnang bas/ rang sa 'og
tu thim 'gro ba lta bu'i 'jigs pa byung/ de ltar nyin gsum gyi
ring

la chos thun ring po re re bcas rdzogs par bstsal/ de rjes
gdugs dkar lha bcu bdun/ legs ldan mched gsum gyi rjes gnang/
mi 'khrugs pa lha dgu'i dbang dang 'dod chos sna tshogs

kyi lung bcas bstsal/ zhog gur smon gyi chos thog steng rgyud
par zhugs/ or tu su bla ma rgyud khrir gsar ba bzhugs/ zla ba
gnyis pa'i tshes bcu gcig nyin sku zhabs dang nged gnyis kyis

gsol ba btab pa ltar/ dus grwa'i 'du khang gsar par zhabs sor
'khod de dus kyi 'khor lo'i slob ma sta gon/ byis pa ltar 'jug
pa'i dbang bdun/ dbang gong ma bzhi/ gong chen bzhi/ rdo rje
slob

dpon bdag po chen po'i dbang chen bcas bstsal bar/ ngos nas
dngul gyi maNDal che tshad/ kha btags dkar ser/ sku gsung thugs
rten/ yang Ti'i tshe lha/ rgya nag gong ma'i nyer spyad yang
Ti'i

bzhes dkar/ sder ma/ ldem chung rnams/ tsandan gyi sgam chung
rang 'grigs/ rta gzugs cha/ dngul gyi rgya gling cha rnams
dbang yon mtshon byed tsam phul/ rdo rje slob dpon gyi dbang gi

@073a @#/ /skabs/ shing stan la dge slong rgya yag tshang/ dge
tshul la phran bu bzhag /khyim par chin he wang bkod/ rgyud kyi
glegs bam rdor dril sogs sku gong ma'i dus kyi che ba sogs

gsungs nas gzhan gnyis la gnang ba'i stangs ka mdzad nas nged
la bstsal/ tshes bcu drug la chin he wang gi ngor/ rta mgrin
yang gsang lha dgu'i dbang/ bka' sdod rnams kyi srog

gtad/ sde brgyad srog dbang/ rdzong chung tshe dbang bcas
bstsal bar wang nas kho rang gi pha ma'i dus kyi ma nu ho'i
shangs dam shin tu legs pa sogs gces nor 'phangs med du phul/

de nas phe kyA sgar bar phyag btegs nas tshes bco brgyad la/
dpa' bo gcig pa'i sta gon/ dbang chen dngos gzhi/ gshed dmar/
dgra nag /rnam snang mngon byang/ phyag rdor 'khor chen/  bka'
gdams thig le bcu drug gi bka' dbang bcas bstsal/ zla ba gsum
pa'i tshes gsum la rong po dgon chen gyi bla spyi dpon gsum
sogs bla grwa mang pos rdo rje 'chang rong por gdan

drangs nas dus 'khor dbang chen bstsal bar byon rgya yag gnyer
ba sogs sku 'bum nas zhabs phyir song/ de nas rang rgyud grwar
grwa tshogs shin tu chung bas zhog chos zhag zhe lnga'i chos
thog steng rtsig rwar

@073b rang gcig pu las med/ tshogs tshogs dus/ dung ba rnga
brdung rkang gling/ sbub dkrol pa/ spos phor pa gang sprad mgo
thon bya dgos pa sogs dka' tshegs shin tu che/ gzhung 'grel ba/
bskyed

rdzogs sogs nyin rer slob dpon pas gnang ba tsam las 'dri
gtugs zhus mi rnyed par snang/ chos grwa nas thon 'phral rgyud
par zhugs pas lus ngag gi sgo bsdams pas nyams myong gi

rtogs pa sna gcig kyang skye ru mi 'dug /'dri rtogs byed sa mi
snang/ dge rgan tshos phar ltos tshur ltos mi mngon par byas nas
'grigs lam shes dgos zer/ zhag zhe lnga la lo zhe

lnga'i yun snang byung/ skabs der rang gi mdzod pa dang chos
rje gnyis kyis khong skran shin tu 'thu ba byung bas/ gzhan
gyis bcos thabs gsos tsam byung/ gzhung tshogs 'dus nas chos

rje la/ skyabs mgon a kyA sku gong ma'i dus gser sdong gi
ched du 'bul sdud gnang ba dus 'khrugs drag po'i rkyen gyis
yar bsnams ma thub par lus pa da lam khyed rang smad phyogs

su a kyA sgar ba'i gnyer ba sogs la dri gtugs legs par byas/
sgar gnyer rnams kyis gzhung tshogs 'dus la rgyu mtshan bshad pa
bzhin yid ches bskyed phyir gzhung nas khyed kyi

@074a @#/ /lag g.yog tu sa ra dang/ grags pa gnyis mngags pa
yin pas gang 'byor ci 'byor re bsdus 'ong dgos zhes kha btags
lag 'jog gung tshig sogs gnang

bas; dgongs zhu ci tsam zhus kyang ma gnang bar tshes khar lam
du thon/ zhog chos rjes ma'i bzhugs 'ding brgya ba skabs dar
han pE li nas nged la bsu mi khal rta 'byor/ mdzod pa

nas rgyud pa'i dgongs zhu byas/ mar sog yul du bgrod pa'i ngal
ba la zhugs so/ /'dir smras pa/ sngon byon 'phags bod mkhas
grub du ma yi/ /mdzad srol las 'gong dge ldan ring

lugs par/ /khas 'chen yang rtogs brjod 'dun legs ma'i/ /tshig
don ji bzhin ma mjal mkhas sar rgyal/ /ma sbyangs mkhas shing
bslab tshe dgongs mi 'gyur/ /sngon byon

mkhas pas bslab nas mkhyen zhes grags/ /bdag ni bslab dbang mi
ster zhugs ma thag /mkhas pa'i go 'phang thob 'di e ma ho/
/tshul 'di bzhin du sa lam rim bgrod kyi/ /

ngal ba mi bsten kun mkhyen rgyal ba'i sar/ /bgrod pa'i lam
bzang stsol mkhan 'ga' mchis na/ /bdag lus rdul du brlag ste
phyag bgyi'o/ /skyabs gcig khyab bdag bla ma'i

@074b zhal khyim las/ /legs 'ongs zab gsang rgyud sde'i bsam
'phel dbang/ /bdag yid dad pa'i rgyal mtshan rtser bkod de/
/'di phyi'i dgos 'dod char chen phabs 'di 'tshengs/ /yan

lag bcu gnyis dang po thugs su chud/ /dge 'dun nyi shu'i dang
pos 'khor gyis bskor/ /'di nas na rag grong khyer gshegs mdzad
pa'i/ /mgrin bzang dbang po'i thos pa brtsam tshul

lo; ;ma thos bsam sgom stong pa'i mkha' dbyings su/ /rtsol med
nyams rtogs nyin byed 'ong snang che/ /dbang phyogs phan bde'i
pad tshal skyong ba'i slad/ /gus ldan shar ri'i phrag par

shar la ring/ /zhes bya ba ni ngal bso'i tshigs su bcad pa'o/
/de nas rang yul du phyin par pha ma nye 'brel rnams dang thug
'phrang byas/ skyabs rje bde yangs rdo rje 'chang rang yul du
phyag

phebs par/ kha rag sgom chung gi ang yig bdun cu ma/ spyod
'jug chen mo/ sa skya legs bshad/ rgya ma pa'i gsung gi bla
ma'i rnal 'byor dngos grub char 'bebs/ glang ri thang pa'i
tshig

rkang brgyad ma/ blo sbyong gcig dang lnga pa/ skyid sdug lam
khyer bcas kyi lung dang lam dar zhal gdams bcas bstsal/ srung
ma'i bskang 'phrin dang/ bsangs gser skyems sogs rgyas

@075a @#/ /par btang/ rde'u tsha dgon dang/ nang so/ lcang ra/
bsam gling ri khrod sogs kun la phyin par lam rdzongs ster cha
smar/ phyir sku 'bum du 'byor/ dar ha na pe li'i no yon nas

mdzod par gsang sgrub kyi dbang zhu rtsis yin 'khul gyi nang
brda byung bar brten/ skyabs mgon shing bza' rdo rje 'chang
rong po nas phyir ma phebs pas/ ngos kyi gong ma'i dbang rgyun
rtsad bcad pas/ ske

kyA rin po cher bzhugs par thos pas snyan gsan phul/ rje nyid
nas sku na ha cang smin pas nged kyi dge rgan rin po che sku
gong ma'i mchod dpon yin phyir da cha mchod g.yog gnang dgos
tshul phebs

pas; dge rgan rin po che'ang zhal bzhes mdzad de sta gon dang/
dbang dngos gzhi nyin gnyis la rdzogs par grub pa gnang/ skabs
der skyabs mgon shing bza' rdo rje 'chang rong po nas chibs

bsgyur gnang bar mjal/ mkhan chen gdan sa pa yongs 'dzin tshang
mtshams sbyor mdzad par legs dar phul/ gdan sa'i khri chen gsar
pa sne'u lung tshang la mjal kha zhu/ zla ba bzhi ba'i

tshes bcu gcig nyin/ skyabs mgon rdo rje 'chang gi spyan sngar/
bde gsang 'jigs gsum gyi rtsa rgyud dang/ bsdus rgyud snying
po/ 'jam sdud bzang gsum bcas kyi ljags lung dang/ phur

@075b mdud sku chings las byas pa/ ljags mdud/ phyag phreng/
dam rdzas yang gsang ril bu/ spos sbyor bcas bstsal/ skyabs
'jug rgyas par zhu bas/ rdo rje 'chang nyid kyang mi ring bar
dbang phyogs su

chibs bsgyur gnang bas nged cag myur du thug yong gsung/ tshes
bcu gsum la sku 'bum nas thon khar tshogs 'dus nas spos sna
drangs te ser sbreng gdung dbyangs dang bcas g.yang 'bod bla
spyi

sgar ba che chung thab bsu dang skyel thung byas te zi ling du
bsdad/ nang tshag rnams kyis gung tshig byin pa dang lam dar
'then/ de nas rim bskyod kyis u rad tun tA kyA tsi zhes par
tun tA gung gi 'bod mi

'byor/ de nas urge steng du phyin nas maNDal tshogs mang je
gral sogs byas/ phan tshun thug 'phrad lag 'jog sogs byin/ zhag
'ga' ngal bsos/ dpon 'khor tshang mar grub rgyal tshe dbang bton

rten la rab gnas byas/ gung gi phu bo mkhan po bla mas dpe cha
pota gcig lhag byin/ dpon tshang nas dngos po rgya cher byin/
de nas thon te rim bskyod kyis hal ha dar han pE li'i dgon pa

dang ho sho'i bsu ma 'byor/ pA yan cha gan zhes pa'i sar pE
li kun bzang blon po rnams dang/ dgon pa'i khri pa grwa tshang
bzhi'i bla ma bka' rams pa mang po'i bsu ma dang bcas zla ba
drug 
@076a @#/ /pa'i tshes gcig la dar rgyas chos gling du snga lugs
bzhin ser sbreng sogs rgya gang che thog rim bzhin rang gshag
spro bde'i khang gsar du gnas bcas/ de nas gnang

po'i srol bzang gang yod spro thog phyogs 'dus rnams la lag pa'i
'degs 'jog sogs byas nas nyin 'ga' thal/ rje gong ma'i btsugs
pa'i dus grwa'i tshogs yongs nas nged la sgrub

mchod la 'dug dgos dang 'don rta dbyangs phyag len sogs la dag
ther byed dgos zhes bskul bar rang dus 'khor la zhugs ma myong
ba'i rkyen gyis zhu rgyu cang med kyang dge rgan bka' drin can

gyi thugs rje las re re gnyis go thos sogs zhu bas 'thus sam
snyam nas sgrub mchod la zhag 'ga' bsdad/ de rjes drug pa'i smon
lam la 'ong dgos zhes tshogs chen las byed rnams

nas bskul ba ltar smon lam gyi mthun 'gyur gang dgos sogs byas/
dpon tshang nas rta mgrin gsang sgrub kyi dbang zhig bskur dgos
zhes nan chen pos bskul ba ltar khas blangs/ da lta

bsnyen pa byed dgos pas bdun gsum gyi ring bsnyen pa'i gzugs
brnyan dang me mchod tshogs mchod bcas grub nas/ bdun pa'i tshes
nang dpon tshang u rge steng du phyin nas sta gon sngon du

@076b 'gro ba'i dbang gis gzugs brnyan zhig 'don 'khul byas/
bsnyen yig dang cho ga'i lung sogs kyang bton no/ /de nas rim
bzhin ha shun su me/ tsha gan maNDal thu su me/ tsha gan ha da'i
su me

sogs dgon so sor tshe dbang re ma chad par byas/ bar bar du mi
tshang che chung gi ja zhu'i sar tshe dbang chag med bcas bton/ de
nas phyir dpon tshang urger 'byor/ lung chos 'ga' zhig bton

zla ba brgyad pa'i tshes gnyis la ho sho spyi nas ston chen byin/
bang rtsal 'gran pa/ rta rgyug /glu gar sogs rtsed mo sna tshogs
bstan/ de nas phyir dgon par 'byor/ a b+ha ka wang gi

mtshams zhu byed mi 'byor bar thug 'phrad byas/ pE li'i dge tshul
sogs gnyer ba mi gnyis mtshams zhu par btang/ dar han pE li dpon
po dang/ dgon pa'i bla ma tshogs 'dus bcas

nas da lo'i char phyogs 'dir sdod dgos tshul la nan tan byed mod
mdzod pas khas ma blangs/ de nas dpon tshang brgyud nas ha sha
the/ tho yon bla ma'i dgon pa/ tsun/ pA ron ho sa hu ral

tsun pE zi/ pA ron pE zi'i sgar thog dang/ de nas dgon pa
sogs thams cad myul nas tshe dbang re ma chad par byas/ glo bur
du rgya sdom ar jag 'ga' 'ong zhes thams cad 'ur langs nas

@077a @#/ /zhog ste bros/ nged cag nyin der dar rgyas chos gling
du mtshan phyed tsam la slebs/ thams cad kyang 'ur zhog langs nas
lam du chas par 'dug /nged nas mo brgyab par rkyen

sel rim gro 'ga' zhig sgrub pas zhi bar gnas so/ /tshogs chen las
byed rnams nas tshogs yongs la dga' lha'i khrid dang/ skyabs
khrid/ tshe dbang sogs dgos tshul ltar phul/

chos grwa grwa tshang la brtsi bzhag zhig btang nas dam bca' la
bsdad/ rgyud par bde mchog rtsa rgyud le'u nga gcig gi lung
btang/ sman pa la lam rim bde lam gyi lung btang/ dus

'khor la sgrub mchod kyis 'thus pa byas/ dge 'dun pa rang rang
gi 'dod chos rang la lung gang yod phul/ mjal mang la ma Ni/
dmigs brtse ma/ bka' bsgo bsngo ba chag med

byas; slar yang dpon tshang la phyin nas zhag 'ga' bsdad/ bar der
a b+ha ka'i bsu mi khal rta sogs 'byor bas/ dpon tshang nas dgon
par phyin/ bsu mi rnams dang thug 'phrad

byas; zla ba bcu pa'i tshes nyer gsum la lam du zhugs par bla
dpon ser skya tshang ma'i skyel ma dang bcas zhag 'gar phyin nas
skyel ma rnams phyir log /de nas rim bskyod kyis bA

@077b ron su nyid tho go chi su me'i steng du phyin/ de nas rim
gyis ja sag ho sho'i sha ra tha la'i dgon du phyin/ de nas thon
te 'gro bar a b+ha ka'i mi dbang blon bcas dang/ dgon pa'i las
byed sogs

rta bsu ser sbreng bcas snga lugs ltar pA yan khu re'i dgon
legs stsol gling du tshogs chen sogs rim bzhin bla brang 'chi med
dga' tshal du gnas bcas nas thug 'phrad mang po dang lag

pa'i 'degs 'jog sogs byed bzhin nyin 'ga' 'das/ dpon tshang la
phyin nas lag 'jog sogs byin/ zhag 'ga' bsdad nas rang sgar du
'ongs/ bar der u cu mu chin wang gis mi sna

btang nas kho'i bu pE zi nad kyis mnar nas yod cing/ shing bza'
rdo rje 'chang gdan zhur btang yod pas phebs tshe bar srog skyon
du mi 'gyur bar khyed la gtad pa yin pas tshe sgrub de bar du

ma 'chad par bsgrub zer/ tshe sgrub zhu chog /tshe'i 'gan len nga
lta bus zhus mi thub ces bshad/ de nas rgyu 'grul bcad de rdo
rje 'jigs byed lha bcu gsum ma'i bsnyen pa dbus mdzad sman

rams pa dang nged gnyis kyis zla gcig lhag bsdad nas 'jam po
gsum gyi bsreg blugs dang dpa' bo'i ston mo bcas phul nas mtshams
grol lo/ /rab tshes 'bru mang zhes pa sa stag lo'i

@078a @#/ /gnam lo gsar bzhad kyi tshes gtor/ brtan bzhugs snga
phyi sogs dang/ bla grwa las byed sogs dge 'dun rnams dang/ mi
dbang blon chen sogs skya ser rgyu 'grul gyi sne

len sogs sngar rgyun ltar nyin 'ga' zhig la bag yangs su spyod/
de nas dpon tshang gi urge steng lo gsar gyi thug 'phrad sogs
byas nas nyin gsum tsam bsdad de bla brang du 'byor/ lo star

'char can gyi bskang gsol rgyas pa dang lha bsangs sogs btang/
de'i skabs su tshes bzang zhig la bla dpon skya ser thun mong nas
nged la khyod kyi sku gong mas wang gi bur rnam bcu dbang

ldan gyi ming bstsal ba dang yA 'di nged kyi dus 'khor dbang gi
gdul bya yin gsung ba'i lung bstan dang/ nged cag gis 'dir sngar
dgon rigs gtan nas med par khyed lo dgu bar 'dir

phebs skabs nged nas dgon pa zhig brgyab na gang du legs zhes
zhu bar/ da lta'i 'du khang gi gnas su legs tshul dang rtsi thog
gis khang pa'i rnam pas sku rtsed mdzad par rtags brgyab

nas gtsug lag khang gsar bzhengs byas pa 'dir rten 'brel gyis
dus 'khor dbang chen zhig ci nas kyang gnang dgos zhes u tshugs
byas par nged nas cang ma bshad/ chos mdzod zung

@078b nas da res khas blangs na phun sum tshogs tshul sogs zer
kyang cang ma bshad/ mi dbang wa gindra nas thugs la gang mchis
gsung sgrog zer nas chos mdzod phyi rol tu song zhes par song/
des na

sku zhabs shing bza' tshang la thugs brtag zhu nas lan byed ces
zhu/ ho sho la spyan ras gzigs kyi dbang zhig 'don dgos zer/
yong zhu/ skabs der khe shig then paNDi ta tA bla ma bde legs

'byung gnas phebs nas nged la dpe cha'i rgyun dkon nges yin
gsung nas pota nyi shu lhag tsam gnang/ de tshe kun rtog la shar
tshod ni/ rang la dpe cha'i rgyun yang dkon la sngar yod dus
'khrugs

kyis bshul med du song/ da lta dpe cha zhig blta ru mi bcug
/rang ni ci yang mi shes/ gzhan gyis gsol 'debs sna tshogs/ lha'i
mngon rtogs/ bskang bshags/ bsangs gser skyems

bsgrigs dgos zer mkhan mang 'dug /chos mdzod gnyis ni kha bshad
mkhas tsam las gzhan phan cang mi thogs/ des na bla ma 'di sngar
ni rgyu yod kyang yin la 'di las rig gnas la bag chags

zhig bzhag na 'di tsho 'thad dam mi 'thad snyam nas mdzod par
shar tshod bshad pas des na bka' drin che/ nged nas bla ma la zhu
chog zer nas phyin/ bla mas kyang zhal bzhes gnang nas gza' skar
'phrod

@079a @#/ /sbyor phun sum tshogs par sum rtags kyi dbu tshugs nas
bslab par gnang/ de nas mi ring bar zla ba bzhi pa'i tshes gsum
la skyabs mgon rdo rje 'chang u cu mu chin chin wang gi sar

chibs bsgyur gnang ba'i phebs lam nged cag gnas pa nas nyin lam
tsam gyi sar chos mdzod nas gra bsgrigs byas par phyag phebs nas
bcag mal gnyis gnang/ bar der nged kyi mig na

bas rdo rje 'chang nas 'jam dpal nag po'i byabs bsrung gnang bas
'phral du bde ba thob/ wang gis dus 'khor dbang chen bskur dgos
tshul gyi rgyu mtshan zhu bar/ de los chog /bsnyen pa

bzang po zhig thongs dang bar chad med ces bstsal/ rdo rje
'chang gis phyag phreng/ paN zhwa bzhes 'phro can 'di nged kyis
bgon nas bka' chos mang po bton pa yin/ da khyod la ster/ 'di
bgon

la thon dang bar chad gtan nas mi yong/ shangs ru ma nu rang
byon mi can shub ldan/ sngar bstsal g.yar bo gnang ba'i mgul
bsrung bcas bstsal bas yid gting nas bde stong gi ye shes zer ba
ji

ltar yang 'di las lhag pa cang med dam snyam/ zla ba lnga pa'i
tshes bcu gsum la ho sho'i lab tse chen mo 'char can gsol mchod
byed pa/ ston mo/ rtsal 'gran/ rta rgyug sogs gna' bo'i

@079b srol ltar bskyangs/ lnga pa'i nyer gcig nas khe shig than
paNDi ta bla ma rin po che dang nged cag zung nas dus kyi 'khor
lo'i bsnyen pa zla gcig lhag tsam bdun pa'i tshes gcig nyin mjug
grub par gyis/

bsnyen grangs thebs rtsis lags kyang bsam bsgom ni ne tso'i ma
Ni'i rjes 'brang du zad/ 'bebs bzlas skabs rlung gi byed pa lta
bus g.yeng zhing g.yo ba sogs mi gnon tsam re byung/ dge rgan

bla ma tshang rdul tshon dkyil 'khor gyi slob dpon gnang grogs zhu
bar sngar 'dris cha gtan med stabs shin tu dka'/ 'on kyang khyod
nas dkyil 'khor bris thig bslab na de bzhin byed chog gsung

bar; nged nas stegs zur pa zhig la skam chags lta bu byas zin
'phral dkyil chog tshugs par bgegs med mthar phyin mig gi bdud
rtsi lta bu grub/ phyogs der btung chu dkon pas glo bur du

shwod lta bu zhig byung nas lung gshong thams cad chus khengs/
phyogs 'dus stong phrag bdun brgyad tsam byung ba blo bde ba'i
ngang nas bdun pa'i bcu gcig la slob ma sta gon/ bcu gnyis la

byis pa ltar 'jug pa'i dbang/ bcu gsum la gong ma gong chen gyi
dbang/ bcu bzhi la rdor slob bdag po chen po'i dbang/ bco lnga
la ri rtse'i shi hwan thang gi bla ma dang/ tA ba a ra'i bla
ma

@080a @#/ /mkhan po/ mtsho bdun no yon chos rje'i phyag mdzod sogs
nas mang mar tshe dbang gi mtha' rten pa dgos tshul ltar byas so/
/smras pa/ sngon byon mkhas grub bye ba'i phyag bzhes rgyun/

rdo rje 'chang dngos bla mas thugs brtse bas/ /pha nor bu la
'bogs bzhin rab bstsal kyang/ /snying med bu yi don du 'gyur ba
dka'/ /da lam bla ma'i gsung gnang bstsal ba'i phyir/ /khrom

tshogs dmar nag 'khrugs par gsang bsgrags kyi/ /nyes par mi 'gyur
de kun cha bsags kyi/ /nor bu'i grong du 'khrid nus byin gyis
rlobs/ /zhes pa'ang ngal bso'i tshigs su

bcad pa'o/ /de nas zhag 'gar ngal bsos nas dpon tshang dang/ hu
ral mang po dang/ khyim tshang so so'i g.yang 'bod sogs kun gyi
sgo rtsar nor skyong ltar myul lo/ /bla ma'i ming

snyan g.yer kha 'khrol na yang/ /don rtsa spre'u gar byed mkhan
dang mtshungs/ /'khor gyi g.yo thabs rgya 'bag mig 'phrul gyi/
/sgyu ma'i nor rdzas bsdus pa'i ched du 'bad/ /ces

kyang smras so/ /zla ba bcu pa'i tshes nang phyir 'khor nas dge
rgan bla ma rin po che'i mdun nas rig gnas kyi 'phros rnams
sbyangs 'khul byas nas bsdad par rna ba ser gog can

@080b 'ga' bze re can gyis gtam sna tshogs bsnyad par mdzod
pa'ang sems khong du chud par gyur/ dpon chos skabs der sku 'bum
du dngul gyi bsdud 'phros rnams bskyal bar btegs/ de la 'di

skad ces smras par 'dod do/ /rgya bod mkhas grub phal mo che
rnams kyis/ /mdo sngags bcu phrag rig gnas rgya mtsho che/ /brgal
ba'i rnam thar glegs bam brgya phrag rnams/ /phyis 'byung 'gro

ba'i nyams len don du nges/ /de phyir rigs dang rigs min phan
gnod sogs/ /chos kyi spyan ldan rnams kyis ma gzigs sam/ /nor
'khrul 'byung bar ma mkhyen khyod kho na'i/ /dgongs pa 'di ni

brag bral spre'u brgal dang/ /phor nang tshod ma'i rjes su mi
'gro snyam/ /gzhan gyi chos la bar chad gang byed pa/ /skye kun
'jur 'gag dgu mdud can mtshungs par/ /mdo las gsungs par zhal

gyis mi ches sam/ /bde legs bstan la rab ? tu byung nas kyang/
/ston pa'i bka' las 'gal bar 'gyur byed na/ /ston dang bstan la
'gal 'tshab mi 'gyur ram/ /phan pa'i srol gyis gnod

pa bskyal byed pa'i/ /yid bsrubs dbang po 'ong bar gor ma chag
/rang blo shes bya kun la mi brtson kyang/ /gzhan dag 'dod pa'i
bgegs chen ci phyir mdzad/ /rgya mtsho'i 'gram du skom grir shi
@081a @#/ /dang mtshungs/ /khengs pa'i ri rtser yur nga 'dren pa
bzhin/ /zhes kyang thal lo/ /lo de'i dgun mjug dge rgan bla ma
rin po che rang yul du phebs so/ /myos byed ces pa sa yos gsar

tshes kyi dga' ba'i yo lang sngar mu bzhin byas/ tshes bzang por
dpon tshang la phyin/ phyir 'khor nas rgyal khab chen mor bskyod
pa'i ngal bar zhugs/ tshes bco lngar lam du thon nas rim bgrod
kyis

mtsho bdun khri chen rgya nag pa'i mdun du mjal zhag shas ngal
bsos/ de nas rim bzhin theg ste rgyal khab pE cing gi pho brang
chen mo'i nub phyogs rgya nag pa'i bla brang du bsdad/ tsandan
jo bo chen por

phyag mchod bskor bsags dang stong mchod sogs phul/ nye 'dabs
kyi tshe dpag lha khang/ bde ba can gyi zhing bkod sogs dang/
zung Tu zi zhes lcang skya bla brang rnams mjal/ gser khri'i rta
ra'i

nang lab skyabs mgon la'ang mjal/ yung hwa gung/ mahA kA la/
chan min bkwan lo ye dang sgrol ma lha khang sogs dang/ de nas
shi hwan thang/ tung hwong zi/ shi hwong zi sogs mjal/ de nas

li kwan zhes par gnas spor te/ mkhar chen la phyi bskor du
phyin/ nyin gcig li kwan gyi tshong bdag gis nged cag la rgya zas
ston mo dang/ 'khrang zhi'i ltad mo blta ru bcug /khyon nyin
brgyad nas

@081b phyir theg go /smras pa/ tsha grang lto gnyid ngal dub
khyad bsad nas/ /song ba'i dgos don tsandan jo bo dang/ /mkhar
chen mig gis mthong ba tsam zhig las/ /skabs der 'grub byed dgos
pa cang ma

mchis/ /zhes so/ /rim bgrod kyis phyir 'khor bstun/ khe shig
than ja sag no yon nas 'bod mi 'byor ba ltar pai ro'i su mur
phyin/ dge rgan bla ma rin po cher mjal/ der zla ba gnyis tsam
bsdad ring

sngar 'phros rnams bskyangs bzhin gnas/ ja sag no yon nas dus
'khor dbang 'don dgos zhes snga lo nas bskul ba ltar/ dbon chos
thar shul rin po cher lung bstan zhus par song ba bzhi

ba'i tshes nas phyir 'khor bar lung bstan ma chud zer bas/ ja sag
dang/ dge rgan bla ma rin po che rnams kyi thugs 'dod ma khengs
par gnas/ de nas bskyod de u rang hang/ a b+ha ka nar pE li/

tA re gang+gA su rug sogs myul bar/ gang+gI brtson 'grus ku
shrI nas sku gsung thugs rten mchod rdzas gdan cha sbi dkar bA
chas sogs dngos 'bul sbam mtho ba btegs/ de nas nor skyong ltar

mi tshang sgor 'grims bzhin dgu pa'i nyi shu'i nang rang sgar du
slebs/ de dag gi skabs su sgrol ma nyer gcig /chos skyong rnams
kyi rjes gnang/ tshe dbang/ bsangs/ g.yang 'bod/ rab gnas

@082a @#/ /rta thog ma/ 'dod chos kyi lung phran tshegs/ bsngo ba
bka' bsgo sogs las su bya ba'i rim pa'o/ /de nas 'grul bcad thog
zas gdan gcig la gnas 'khul gyis spyan ras

gzigs sogs bya rgyud kyi lha bsnyen lta bus dgun dpyid bar sdod
'khul byas/ snga lor dgun thog rta mgrin gyi bsnyen pa zhig
kyang btang/ de dag gi skabs su yon chab kyang ci nus re 'bul
'khul

'dra byas/ skabs der dbus nas phur lcog rdo rje 'chang nas gsung
shog phebs par lcags 'brug lor cis kyang bod du 'ong dgos tshul
phebs par mnan pas mi gnon pa'i dga' spro shugs drag

zhig skyes/ mdzod par bshad pas a nge 'ong nge zhig zer/ ston
khar dar han pE li nas skya ser tshang mas da lo yar 'ong dgos
tshul gyi 'phrin yig snyan tshig gi lam nas drangs pa 'byor bas
de'i

lan bcad lhug spel ma zhig kyang bsgrigs nas bskur ro/ /dpa' bo
zhes pa lcags 'brug gsar tshes kyi dga' ston rnams sngar lugs
ltar phyi nang gi bya byed las gsum chag med du bstar/

dpon tshang la lo gsar byed par sngar srol ltar phyin/ bcu gsum
gyi chos skyong gi dus gtor/ lha bsangs gtong ba sogs kyang
sngar rgyun ltar byas/ dpyid nyi ring por dge rgan bla ma rin po
cher

@082b nan zhu byas te sngar zhu ba'i 'phros tshogs kyang rim
bzhin bslab sbyangs byed 'khul byas/ zla ba bzhi pa'i tshes bcu
bzhi la ho sho mang mar dpal mo lugs bcu gcig zhal gyi sta gon/
tshes bco lngar dbang

dngos gzhi gtong 'khul byas/ de nas lnga pa'i bcu gsum gyi nyin
ho sho'i lab tse chen mo sngar rgyun ltar bstod cing mchod de
dga' ston sogs 'char can ltar byas/ de nas phyir lam dpon tshang
la

phyir rang yul du log rgyu'i gnang ba zhu/ dpon blon sogs kyis
da dung lo shas sdod dgos kyi rgyu mtshan nan tan gnang mod khas
ma blangs/ drug pa'i nang yar theg rgyu'i ngal ba la zhugs skabs

dpon blon ho sho spyi sbyin bdag so so nas dngos po'i ster cha
gzab/ de nas lam du zhugs par dpon rigs skya ser rnams kyis
skyel thung byas/ lam bar gyi sbyin bdag so so'i ja zhu sogs
byed

bzhin hal ha dar han pE li'i shog dgon dar rgyas chos gling gi
bla dpon skya ser gyi bsu ma dang bcas rang sgar spro bde'i
khang gsar du gnas bcas/ de nas nyin mang por phyogs 'dus gnyug
mar

gnas pa rnams la lag pa'i 'degs 'jog bsngo ba bka' bsgo byams
smon sogs chag med du byas/ dpon tshang u rge la phyin/ zhag
'gar bsdad/ de nas phyir 'khor bar snga dus dus 'khor dbang

@083a @#/ /chen gyi snyan gsan snga phyi byas pa'i rgyu mtshan
rting bskul btang byung ba dang/ dus grwa'i tshogs 'dus nas rang
nyid dkyil chog gi slob dpon byed dgos tshul mol byung ba ltar
mdzod

pas kyang da lam dbang zhig cis kyang 'don dgos kyi u tshugs che
zhing/ nged nas 'das lor khe shig than ja sag dang/ dge rgan
tshang sogs dgongs khrel du mi 'gyur ram zhes bshad kyang mi nyan

par ma zad/ snga ma la lha bla'i lung bstan ma babs pa red/ 'dir
sku zhabs rdo rje 'chang la nged nas zhu ba'i lung bstan babs
yod ces nan shin tu che stabs/ dkyil chog gi slob dpon sogs byed
rgyur byas

bdun pa'i bcu sor dkyil 'khor bzhengs/ nyi shu'i nang dbang chen
'don pa'i mgo tshugs/ bgegs 'tshub lta bus gre ba cung zad 'gags
pas nyin gsum la dbang chen rdzogs par byas/ nyin 'gar ngal

bsos nas/ rgyud grwar 'jigs byed bcu gsum ma'i dbang chen/ sman
dus gnyis la lhag lha 'ga'i rjes gnang/ chos grwar brtsi bzhag
re gtong srol ltar btang/ de nas pE li'i u rge/ pa ron tsun pe
zi

gung/ dgon rigs che chung/ lam bar gyi sbyin bdag che chung
thams cad kyi sgo lam snyegs pa'i nor skyong bzhin no/ /bcu pa'i
nang chos rje a b+ha ka nas sku brnyan spyi 'jog sogs bsgrub
phyir lus pa

@083b der 'byor bas nged rnams mnyam thon gyis rim bzhin bskyod
pas krong lang la rgyab tu sku 'bum gnyer ba nang so mchog grub
nyi ma bsu mar 'ong ba thug /de nas rim bskyod kyis nan pir pha
rgan dang

chos mdzod kyi nye 'brel rnams kyi bsu ma phin trung yer bla
spyi khag brgyad dang sgar che chung rnams kyi rta bsu bcas zi
lang la nang tshag rnams kyi gsol mgron byed rigs rnams dang bcas
zla ba

bcu gnyis pa'i nyer bdun la dge 'dun rnams kyi mchod rol ser
sbreng bcas rang sgar e waM dga' 'khyil du phyag srol ltar gyi
las sne rnams la lag 'jog sogs sngar rgyun ltar byas/ gser

sdong sogs la mchod mjal/ mkhan chen gdan sa pa sogs bla sprul
rnams la yang mchod mjal/ mjal kha sbrags gcig byas/ phyi nyin
gtor rgyag sogs la ltad mo'ang bltas/ thug

'phrad byed mi rigs la ngos 'phrad sogs byas so/ /khyu mchog ces
pa lcags mo sbrul lo'i gsar bzhad kyi rten 'byung sogs phyi nang
gi 'char can rnams sngar lam ltar dang/ bla grwa tshogs

'dus sogs yong mi rigs rnams kyang sngar rgyun ltar thug 'phrad
byas/ rang yang mchod mjal lo gsar mjal kha 'gro dgos rnams
la'ang phyin/ smad phyogs nas 'ong ma khad yin phyir

@084a @#/ /phyogs 'dus 'ga' yang ngos 'phrad byas/ de ltar nyin
'gar yang rnam g.yeng gi ngang du shor/ de nas dge 'dun 'dus pa
rgya mtshor smad phyogs nas ston 'khor bde 'byor gyi legs

gsol du mang ja gsum/ sku 'gyed chon re/ bshad sgrub gling la
lnga brgya re/ grwa tshang rgyud sman dus gsum la nyis brgya re/
tshogs chen spyi 'bul du tsha gser gyi tsi pa tra'i rgya khyon
khri lnga lhag

yod par rgya gos tshos pras cod pan byas pa'i ka 'phan cha gnyis
srang stong phrag phyed gnyis las bskrun pa/ dus grwar rgya
srang lnga brgya las bskrun pa'i dus 'khor zhal phyag yongs
rdzogs/

dbang chas cha tshang bcu/ 'cham pa grwa tshang la 'cham gos bzhi/
gnas chung btsan khang du gser skyems yo byad ra ma lug sogs
phul/ zla ba gnyis pa'i tshes la skyabs mgon shing bza'

rdo rje 'chang shar phyogs rgyal khab chen po nas phyir chibs
bsgyur gnang bar/ skyabs mgon gser tog rin po ches dbus mdzad
bla spyi sgar ba che chung nged cag gi chos rje rta ba mang po
krong

lang bar phebs bsu byas/ mkhan chen gdan sa pa skyabs rje stag
'tsher rin po ches dbus mdzad rta bsu mang po zi ling man nas
phebs bsu gnang/ nged cag nyung bsdus sho sha'i

@084b nang lo kyA wan nas phebs bsur mjal bar thugs dgyes tshor
chen pos brtse bas bskyangs/ zhabs zhur 'brang ste sku 'bum rang
sgar du dge 'dun mang pos mchod rdzas thogs pa'i ser sbreng tshar

du dngar ba dang bcas phyag phebs so/ /rdo rje 'chang khri kha
gser mo ljong du chibs bsgyur ma gnang gi bar sku 'bum du bsdad/
rdo rje 'chang phyag btegs pa'i rjes su rang yul du pha ma drin
can

rnams dang thug 'phrad byed par song nas zhag 'ga' bsdad/ bsam
gling ri khrod/ rde'u tsha dgon pa/ nang so tshang/ lcang ra/ gser
khang ri khrod du bde yangs rin po cher mjal bar phyin nas zhag

gsum bsdad/ de nas phyir rang yul brgyud nas sku 'bum du 'ongs
so/ /de nas che shos gong ma'i yul bar song nas zhag shas dang/
mdo ba brgyud nas bkwan lo ye la mjal/ mdzod pa'i

yul pa rgya rtse la phyin nas zhag shas bsdad/ de nas phyir
'ongs te zla ba bzhi pa'i tshes drug la/ chu bzang rin po che la
mjal bar phyin/ rje chu bzang rin po che'i sku gong ma ngos kyi
gong ma'i bla ma

yin zer bas na sku thog 'di yang ngos na chung ba'i skabs mjal
bar bdag rkyen bla na ma mchis pas bskyangs pa'i phyir da lam
chos rgyun zab mo'i rigs zhu snyam pa kun rtog la shar mod cang
ma

@085a @#/ /zhu/ mjal kha mchod mjal zhus nas bsdad par/ bla brang
dbu chos gnyer rigs mang pos 'bul sdud/ dkar thig slong mi zam
ma chad par 'ong/ a khu gser khog dang nged gnyis

la mdzod pa nas mang dod zhal 'debs zhu ba la 'di byin gyi rgyu
rdzas zho gang yang ma byin pas ster rgyu ma rnyed/ phyi nyin
chu bzang bla brang nas sku mdun du bos nas gung tshigs gnang
thog bstod sprin rgya mtsho'i

chos 'brel zhig zhu/ de rjes mdzod chen skyid shod chos rje nas
kha btags phrugs yug bcas sku zhabs rin po che'i phyag brgyud
nas gnang bar/ bla brang gi gzims chung gsar bzhengs kyi rgyu
tshogs

bskrun pa'i sbyin bdag byed dgos tshul mdzod chen nas gsung bas
a khu gser khog gis de nged gnyis kyis zhu tshod mi theg /mdzod
chos la rgyu mtshan nged nas zhu chog lags zer bas/ 'o na

yong zer/ gzhan bu ston gsung 'bum gyi lung zhu rtsis yin kyang
zhu ma phod par bros so/ /de nas dgon lung la phyin nas sku
zhabs thu'u bkwan rdo rje 'chang la mjal bar gtsang par gyi rje
yab

sras gsum gyi gsung 'bum phul te mjal kha zhu/ nyin 'ga' sdod
ces nan cher gnang/ bla sprul rnams dang/ rten gsum rnams la
mchod mjal byas/ der zhal 'debs dkar thig

@085b zer mi gcig kyang mi snang/ de nas rdo rje 'chang la rta
mgrin chos skor yongs rdzogs kyi lung zhu bar dgyes bzhin
bstsal/ 'di'i skabs su bya khyung nas sku zhabs bde yangs rin po
che nas dus 'khrugs

skabs phyag tu 'byung ba'i rje d+harma badzra gyi thugs dam rten
gser 'gar blugs las grub pa'i gdung rten rje ngag dbang byams
pa'i gdung rus snying po can ri khrod pa gnyis 'bul du 'ong bar
snyan du

gsol bas de 'phral mjal kha gnang/ gdung rten phul te zhu yig
rgya can dang shing 'bras rgya ja sogs btegs 'bul zhu bar thugs
shin tu dgyes pa'i gsung gleng mdzad/ ri khrod pa zhag

shas ngal bsos zhes phebs/ thugs rten yid bzhin nor bu las/ lhag
pa da lam khyod la chos bka' byed skabs phebs pa bla slob dam
tshig gtsang ba'i rten 'brel yin gsung nas phran la

mjal kha gnang/ dgyes tshor chen pos rje d+harma badzra gyi ma
nu'i shangs ru rgyun bzhes nged la bstsal/ rta po ta mjug tu kun
mkhyen bla ma'i lam rim sku 'bum tshogs yongs la bstsal ba'i

zin bris ma zhu bar rten 'brel yin gsung nas mjug rdzogs par
gnang/ de nas zhag gnyis cis kyang ngal bsos zhes nan cher gnang
ba ltar bsdad/ der rgyal sras ri khrod sogs la mjal/
@086a @#/ /phyir 'ong nas phyir 'gro'i dgongs pa zhus te sku 'bum
la 'byor/ chos mdzod zung la mol ba/ na ning ston khar yongs
'dzin rdo rje 'chang nas nged la lha sar shog ces phebs pa

khyed gnyis kyis shes bzhin pa dang/ sngar lha sa nas mar 'ong
skabs khyed cag gis dam bca' phul yod pa rang sems la gsal bas
na nged da lta rang lha sar gtong ba'i grab bshom cig /der ma

zad rgya lo'i nang sku 'bum mkhan pos rgyud par bsko bzhag gnang
skabs kyang lha sar 'gro rgyu'i rgyu mtshan zhus nas dgongs pa
khrol tsam byung de red ces sogs bshad pas chos mdzod nas mgrin

gcig tu de ltar lags mod/ 'on kyang gdan sa'i khri'i las khur
sogs ma rdzogs par yar byon na phyis su khyod rang 'o brgyal bar
'ong bas da lta bla rgan gnyis yod thog la las ka'i rigs

tshar na khyed thugs sems bde bar phebs bzhugs gnang na legs
snyam shar lags zer/ 'on las ka ci yang med par rang gar bsdad
pas ga la 'thus/ slar chos grwar rtsod pa'i 'phro sbyangs

rgyu yin byas pas/ zhwa mo zla gam gcig kyang med thams cad
btsong tshar/ ming btags btang tshar nas chos grwa 'grims pa stabs
bde zhig mi yong/ de las ri khrod phan tshun dang bla ma ri khrod
pa 'dra

@086b las bka' chos gsung chos/ mtshams bsnyen bsgrub mdzad pa
rang 'thad zer/ der ma zad khri pa'i khag khur 'gyangs min 'ong
nges phyir bsnyen rdzogs kyang snga bar bzhes na legs pas/ sku
zhabs thar

shul rdo rje 'chang gi spyan sngar bzhes na gangs nas legs snyam
pas thugs la 'dogs par zhu zer/ nged nas mol ba/ rab bsnyen
rdzogs paN chen gyi zhal snga nas zhu 'dod che/ min kyang yongs

'dzin rdo rje 'chang gi spyan sngar tshig snga phyi yongs rdzogs
kyi sdom pa lhan skyes ltar yod pas bzlog tu mi thub/ 'on kyang
khyed dag gis bshad pa ltar ming tsam gyi dge slong zhig len
dgos na de lugs su

byas chog /bsam pa'i khyer so rdo rje 'chang nas los dgongs zhes
pas cang mi zer 'dug /de nas zla ba lnga pa'i tshes 'phral khri
kha gser mo ljongs du a khu gser khog ngo g.yog bzhi thon nas
phyin/ khri

kha'i jo jor mchod mjal zhu/ gong pa grwa tshang du sku zhabs
thar shul rdo rje 'chang la mjal kha zhu nas bsnyen rdzogs kyi
snyan sgron zhu bas zhal bzhes gnang/ slar zhal bkod zhu ba/
sngar sum rtags snyan

ngag sogs la bag chags re 'jog 'khul byas kyang tshig gcig ma go
/da dung sgra rig pa la bag chags re bzhag na snyam pas skal ba
re yod na rdo rje 'chang gis thugs brtse bas/ gang gi mdun nas

@087a @#/ /bslab pa'i zhal bkod dang/ phyag yig re thugs rjes
gzigs lags zhu bar 'o de legs/ sku zhabs skang tsha tshang zhes pa
ri khrod dbang po zhig bzhugs pas der ngos nas mi sna dang

zhu yig phul chog /bis kyA'i grwa tshang zer bar bzhugs yod pas
der song la chos 'brel kyang zhu/ rigs gnas kun la mkhyen pa
rgyas pa zhig yin pas na gang mos zhu bas chog gsung/ de nas

bis kyAr phyin nas sku zhabs skang tsha tshang la mjal kha zhu
nas chos 'brel lam rim chen mo/ sngags rim chen mo/ rje shes rab
rgya mtsho'i gsung 'bum dang/ rtsa ltung rnam bshad/ bla ma lnga
bcu

pa'i rnam bshad/ byams chos sde lnga/ dbu ma rigs tshogs drug /sa
sde lnga/ byang sems bslab bya/ 'jam dbyangs 'jing yon ma'i
bstod pa dang/ tsandra go mi'i gsung gi thugs rje chen po'i

bstod pa dri med dung mdog sogs lung gi snyan gsan dang/ sgra
dbyangs can ma'i phyag khrid kyi snyan sgron zhu bar/ sku mdun
nas kyang zhal gsung phyag yig 'byor bas/ ngas cang mi shes pa'i
bla

rgan yin mod/ khyed sa thag ring nas byon pa'i don gnyer can yin
gshis 'don 'khul bshad 'khul re byed/ 'dir khang pa'i go yul dog
phyir grwa tshang 'du khang du sdod/ tsha ba rgyas pa'i dus

@087b yin stabs nyung zad re las mi 'ong dal bur byas nas 'don
gsung/ nyi skar bzang po zhig la dbu tshugs te snga dro sgra'i ri
mo dang/ phyi dro bka' chos thun re bstsal/ zla ba drug pa'i
tshes gsum

gyi nyin sku mdun nas phyag yig phebs par de ring phyi dro me
long dgon du bsleb pa gyis zhes phebs/ rgyu mtshan rin po cher
zhu bas/ myur bskyod bgyis gsung/ a khu gser khog dang nged cag

me long du phyin nas mjal bar/ sang nyin chos 'khor bskor ba'i
dus chen yin gshis bsnyen rdzogs bsgrub ces gsung bar a khu
gser khog nas tshig snga phyi'i sdom pa bka' drin che dgos

tshul zhu bar yong gsung/ phyi nyin a khu gser khog la dge
bsnyen bar ma rab byung ming dge 'dun lhun grub ces bstsal zhing
dge tshul du sgrub/ de nas nged gnyis bsnyen rdzogs su thun mong
skor

mnyam du dang thun min skor so sor dpe thog nas bstsal/ gsang
ston blo bzang rin chen/ dus go a lags g.yi dkar/ a lags phun
tshogs/ me long dbus mdzad bcas dad pa'i dge 'dun grangs

tshang ba'i dbus su bsnyen par rdzogs pa'i dge slong gi dngos po
thob pa'i sku yon bcas phul/ sku mdun gsol tshig lhan rgyas
bstsal/ phyi dro bis kyAr 'ong nas 'phros sbyangs/ skabs skabs
su

@088a @#/ /gcod kyi cho ga rnams kyi lung yang bstsal/ bdun pa'i
chu skar shar ba'i bar du bka' chos dang sgra'i ri mo bying
sgrub kyi bar gnang/ de nas chos mtshams mdzad nas rin po che
chab kyi

'phrod bzhes bdun phrag bar mdzad de khre rtsi mtshams khang du
phyag btegs/ der glo bur gyi bar chad sku grib kyi bsnyun bzhes
tshul bstan/ nged cag rnams stab stab por gyur nas gong ba gwa
tshang du rdo rje

'chang gi spyan sngar lung zhu bar zhabs brtan sogs tshan che bar
bsgrub kyang skye 'gro'i bsod nams dman pa'i rkyen gyis re zhig
sku zhi ba'i dbyings su mnal ba'i tshul bstan no/ /smras pa/ skal
chad

las kyis 'phangs pa'i dwa phrug bdag /dam chos 'o mas bskyangs
pa'i ma ma yis/ /bor bas skal chad mya ngan thang du lus/ /yon
tan rin chen srog dang bral bar nges/ /e ma thar ba'i lam

ston sa mkhan rnams/ /skal chad bdag la brtse bas mi gzigs sam/
/myur mgyogs thugs rje'i phyag gis mi 'dzin nam/ /bkres skom
gdungs pa'i 'jigs las mi skyobs sam/ /thugs

bskyed dam bca' lhod par ma mdzad par/ /ngan bu srid pa'i mtsho
chen 'di nyid las/ /myur du sgrol ba'i thabs shes zung 'brel
lam/ /da lta stsol cig skyabs mgon dam pa mkhyen/ /zhes pa ni
ngal

@088b bso'i tshigs bcad do/ /de nas me long dgon du rdo rje
'chang gi spyan sngar mjal te chung ngu nas da bar lus sems la
nad kyis gdungs pa'i rgyu mtshan zhu bar gcod kyi gdams pa nyams
su blangs

na phan rlabs che bar 'ong gsung bar/ ma cig zhi drag gi bka'
dbang zhu bar yong gsung/ rje nyid kyi bka' rtsom gras blo
sbyong don bdun rnam bshad kyi lung dang/ bslab bya padma dkar
po'i phreng ba

sogs kyi lung/ gcod kyi cho ga'i lung sogs gnang/ bka' dbang
gnang la khad nye bar gtsang skar nas gtsang paNDi ta'i myur
byon zhu mi 'ga' mjal bar rdo rje 'chang gi spyan smyung ba'i
tshul bzhes

te da res dbang sku zhabs bde yangs rin po cher zhu/ nged nas
phyag yig gtong gsung bar cang zhu ma phod bar lags so zhu nas
rde'u tsha'i dgon du sku zhabs bde yangs rin po cher mjal te bka'
dbang

gi snyan gsan dang phyag yig phul bar zhal bzhes gnang/ zla ba
brgyad pa'i tshes bzhi la/ zhi dbang tshes lnga la drag dbang
gnang bar cho ga'i tshogs lhag skyong skabs ser drag mun rub pa
ltar shin tu 'jigs

pa 'byung bas/ khros ma'i mig khrag ser chen 'bebs/ /bye ba dung
phyur sa ma ya/ /zhes pa'i tshig dang 'grigs par gnam sgra drag
po byung bas snying gas pa'i tshod tsam gyi 'jigs skrag 'byung/
rdo rje 'chang gi

@089a @#/ /zhal nas shin tu legs po byung gsung/ nged chung ngu
nas sa sribs nas phyi rol tu grogs med par gtan 'gro mi nus pas
gsang 'tshams ji ltar byed snyam sems khong du chung

nas gnas pa'i rgyu mtshan rdo rje 'chang la zhu bar do nub rang
gnas su bsdad pas 'thus/ phyi nub 'du khang du sdod gsung/ de'i
phyi nub nas phyi rol tu ras gur brgyab nas grogs gcig bcas

sdod gsung/ de nas rang gar 'dod du sdod gsung/ phyi rol tu ma
bsdad na phyi 'tshams ji ltar 'gro gsung pas/ bka' gnang ltar
phyin/ nub lnga par dgon pa'i zhol du rgya lam nye bar gur
brgyab

ste bsdad nas lam zab kyi spyan 'dren maNDal skabs su dril chung
mang po'i sgra rna bar zug pa byung bas je nye je nyer 'ong ba'i
snang ba byung/ rdo rje 'chang gi zhal 'don mchod me'i mchod rol
yin nam

snyam du sems/ sgra je che je che je nyer 'ong snyam shar bas
rgya dmag g.yer kha can lam du 'gro mkhan yin nam snyam pa
shar/ gur 'dabs su 'ong snyam shar bas skra dang ba spu gzeng/
grogs

sog po gcig yod pa rgyug 'ong nas nged kyi gzan dang sham thabs
kho rang gi mgo btums nas nga la brgyus nas bsdad snang/ sgra de
gur nang du byung ba rta ba mang po'i g.yer kha byung ba'i
snang ba

@089b phar mthong rgyu rdul tsam mi 'dug rang yang snying gas
snyam gyi 'jigs skrag byung yang ngag 'don ma chad par mjug grub
byung bas/ sgra de gang du thal/ gar song cha med du gyur/ de'i
phyi nyin rdo rje 'chang la zhu bas

lhod byung ba red bzang gsung/ de'i rjes nas mtshan la rang gcig
pu gar phyin kyang nyam nga bag tsha med pas bla ma rdo rje
'chang gi thugs rje kho na las byung bar sems/ gsang 'tshams grol
nas rdo rje 'chang gi

mdun du lhan du cho ga tshogs 'khor lam zab rnams kyi phyag len
'di ltar byed dgos zhes gsung/ de nas nyin rer rdo rje 'chang
nas gcod kyi gdangs dbyangs thun mong dang thun mong ma yin pa
rnams bslab par gnang ba

DA rkang 'bud dkrol sogs kyang bslab sbyangs byas/ brgyang pa'i
nyer lnga nas nang 'tshams kyi 'go tshugs na bzang gsung/ phran
phyi 'tshams la 'gro rogs zhig btsal na zhus kyang gtan ma gnang/
ma cig

gi chos skor 'di rang gcig pus mi med lung stong du nyams len na
dga' shi skyid/ lam khyer phung po gzan bsgyur/ lta ba lha med
'dre med kyi rnal 'byor skyong ba zhig yin stabs grogs kyis dgos
pa

med gsung pas ci yang zhu ma nus par gnas/ yo byad sogs tshags su
tshud nas gnas gang du phyin na legs zhu bas/ rdo rje 'chang yab
sras rnams dang nged kyang chu mig 'grims pa rde'u tsha'i lung ba
'di yin

@090a @#/ /pas 'dir phyin na legs gsung/ thog mar nang 'tshams
zhag bdun ma mi nyag gi spyi khang du sdod gsung pa ltar der
gnas tshang g.yar nas rdo rje 'chang yang nged la skyel ma'i
tshul du byon nas

zhag gnyis bzhugs te khri kha'i sku mdun du mjal bar byon/ nang
'tshams grol khar rdo rje 'chang yang phyir byon nas/ khri kha'i
rdo rje 'chang nas nged la ma cig gi rnam bshad chen mo dang/
gser khri gcod

gzhung/ blo gros mig 'byed bcas gsol ras bstsal ba rdo rje
'chang nas bdag la gnang/ 'tshams grol nas gcod gur sku 'bum nas
'byor ba dus mtshungs byung/ rdo rje 'chang nas

chu mig dang po'i 'gor khrid nas nyin gcig gi cho ga phyag len
sogs bstan nas phyir rde'u tsha'i gzims khang du byon/ bdun phrag
dang po rdzogs 'tshams su slar byon nas chu mig gnyis pa/

gsum pa'i bar dmar khrid mdzad nas ri khrod du phyir byon/ de
nas rim bskyod kyi skabs su bying zhing 'thib pa gnyid kyis mnan
nas sngags sogs gtan mi 'gro bar bcu pa'i tshes bcu bar byung/

nyin de'i dgong thun tshogs spyan 'dren skabs su khri kha nas rdo
rje 'chang gi phyag DAr rkang gling bstsal ba ri khrod pa rnam
gnyis shar rgyags su 'ongs nas phyag yig dam rdzas gtad pas yid

@090b dga' dad spro gsum tshad med pa thob pas ri khrod pa gnyis
gur gyi phyi rol du bzhugs/ nged rnams mnyam du tshogs phul/ de
nas ri khrod pa rnam gnyis nged cag gi me gur rgyang ring du yod
pa der phebs/

nged nas cho ga'i 'phros sbyangs/ de nub nas bying rgod dang
bral zhing gnyid gtan g.yer zhi ba bla ma'i thugs rje'i kho na
yin snyam du bsam zhing grol bar mi bya snyam yang grol bar
'gyur zhes pa'i don

la gnas sam snyam/ de nas sgang gi chu mig nga bzhi bar bdun
phrag gnyis pa bsdad nas sang grol te nga lnga par 'gro bsam yod
par phyi dro srod thun gong der khri kha nas rdo rje 'chang gi
phyag yig 'byor bar

sang nyin nyin gcig bsdad nas phyi nyin 'gro bar gyis gsung/
gnam shin tu grang bas dar tshang na nged kyi phying gur yod pas
phub nas song/ grwa chas steng sog chas spyad nas lus 'khyag ma
bcug par

gyis gsung/ bde yangs rdo rje 'chang la rgyu mtshan zhu ma thub
pas ci drag snyam sems khong du tshud gnas par phyi nyin nyi shar
gyi thun ma tshugs gong der rdo rje 'chang nas phyag yig gnang
bar de ring lhod lhod

byas nas 'jag mal byas/ nga da lta mi ring bar 'ong lags gsung/
thun ha cang mi ring tsam bzung nas grol bar/ rdo rje 'chang
byon par nged kyis gsol ja phul/ ja mchod 'dod rgu ma rdo rje
'chang nas
@091a @#/ /dbu bskul bar nged kyis ra 'degs byed pa dang sa chen
po rnam pa drug tu g.yos so/ /nged 'jigs nas gcod gur bzung
bzhin 'greng bar yul mi sgo zog thams cad cho de'i sgra dang/
gang

ba rdib pa/ ri mtho dman du gyur ba lta bus 'greng mi nus par sa
la bsdad bsdad kyang mi nus/ rdo rje 'chang la 'di ci lags zhu
bar sa g.yos red skyon cher mi 'ong gsung/ rgyang zhig nas zhi
bar gyur/ de

ring rdo rje 'chang rnam gnyis kyis skyabs pa ma gtogs nges par
'chi bar gdon mi za snyam pa byung/ de nas phyi dro rdo rje
'chang phyir phebs/ nged nas skrag bzhin thun la bsdad/ yang sa
'gul yun thung du

zhig byung/ srong thun la yang de bzhin byung/ thun grol nas
nyal bar yang sa 'gul byung bar yar langs nas thun la zhugs de
phan ma byung ngo/ /de nas rim bskyod kyis zla ba bcu gnyis pa'i
tshes sum cu la chu

mig bkra shis don grub zer bar tha ma'i bdun 'tshams tshugs so/
/sna tshogs zhes pa chu rta'i gnam lo gsar bzhad kyi thor thun
grol ba dang rdo rje 'chang byon nas lo gsar gyi mjal kha zhu/
gsol ja

sogs btegs par/ rde'u tsha'i dgon gyi bla ma chos mdzod nas 'bud
dung gtsang ma gshog zung ma dbang ldan ser po btags pa zhig
khyer nas bdag la byin/ dgon pa'i grwa rigs rnams kyang ngos
'phrad byas/ khyung

@091b kyA'i bsam gling gi bla mas mar sogs byin cing grwa pa
kun la ngos 'phrad byas/ yul nas pha ma nye 'brel rnams kyang
gtugs par 'od/ rde'u tsha'i nang so dpon po dang len tsun sogs
rgan gsum mang por

lag pa'i 'degs 'jog byas/ nang so nas mjug gi sbyin sreg dpon
tshang du 'ong nas blugs dgos zer/ khyung kyA'i sde mang dang
gong pa btang tsho ba'i pho mo mang por lag pa'i 'degs 'jog byas/
lcang ra'i

zhang po tshang gis lo gsar ngos 'phrad byas/ de'i nyin 'ong mi
kun la ja sogs mgron thabs gang rgyas byas/ gung tshig rgya ba la
rdo rje 'chang ri khrod du byon/ phyogs mgron thams cad kyang so
sor gyes/ rang

gis thun sogs la 'bad gyin gnas/ phyi nyin sku 'bum rang sgar
nas lo gsar gyi dga' ston byed mi rnams 'ong bar/ skyabs mgon
gser tog rin po che nas phyag yig zhig gnang ba'i dgongs don

sda lo nas skyabs mgon shing bza' rdo rje 'chang la dbang mi tra
brgya rtsa dang/ dus 'khor dbang chen gyi snyan gsan phul ba
ltar da lta sku 'bum du zla ba dang po'i tshes nyi shu'i nyin sta
gon mdzad rgyur gtan

khel ba lags pas myur du byon grogs mdzod ces gsung 'dug pas na
bka' dbang ma zhu thub med phyir nges par 'gro dgos snyam pa
shar gzhan gnyan khrod gcig rjes gcig 'thud kyis ma mtha' lan

@092a @#/ /gsum 'gro snyam pa kun rtog la shar mod/ 'phral rkyen
dbang btsan phyir bshol/ tshes brgyad la sa bdag gnas 'gyed sogs
kyi mjug grub pa byas nas rdo rje 'chang yang byon yod pas dge

rtsa rnams bla med rdzogs byang du bsngo bar mdzad nas khyung
tho bskyed 'go tshugs nas de bar du bzhon pa dang them pa ma 'gom
pa'i dam bca' grub nas bzhon par bzhon te rdo rje 'chang gi
zhabs zhu byas nas

rde'u tsha'i dpon tshang la phyin 'phral mchod gtor bshams thog
cho ga sogs sngon du 'gro ba'i sgo nas sbyin bsreg phul/ de'i
skabs su rde'u tsha'i sde mang sogs 'dug pas skye pho mo 'dres
brlams

pa mang po thog babs byas nas yar shor byung bar nged de la
g.yeng/ rdo rje 'chang nas blta stangs drag po mdzad pas thab
rtsar thams cad dran med du brgyal lo/ /sbyin bsreg grub nas lus
sbyin btang

bar gcod 'og tu 'dug mkhan mang rabs snang/ nged nas rdo rje
'chang gi phyag DaM dang/ zhal gling g.yar po zhub phyir phul
bas/ phyag dpe/ phyag Dar/ rje nyid chu mig tu phebs skabs
bsnams

pa yin pas khyod la ster zhes gsungs nas gnang ngo/ /de ltar
sbyor dngos rjes gsum thams cad bla ma rdo rje 'chang gis pha
bzang gis bu bskyangs pa ltar phar skyel tshur len 'gro 'dug
spyod

@092b lam gang la gang dgos thams cad 'bad med yid bzhin du
bstsal ba'i bka' drin ni stong gsum gser gyis bkang ste bskal
par mchod kyang bka' drin gyi cha phra mo tsam yang gzhal bar
dka' ba'i

gnas lags so/ /smras pa/ thos pa'i rjes 'jug sgrub pa snying por
byed/ /ces gsungs bdag ni thos pa shin tu dbul/ /thos pa med
pa'i sgom chen gang dag ni/ /lag rdum brag la 'dzeg pa

'dra zhes gsungs/ /'on kyang bla ma'i gdams ngag la brten nas/
/grol bar mi 'gyur snyam yang grol zhes gsungs/ /de phyir bla
ma'i man ngag thugs rje las/ /gnyan sar ri khrod 'grims pa'i

skal bzang thob/ /ces pa ni ngal bso'i tshigs bcad do/ /tshes bcu
gcig gi nyin bde yangs rdo rje 'chang dang mnyam du zhabs zhu
bgyis te sku 'bum rang sgar du 'byor nas ngo shes nang tshags
thug

'phrad byed mi rnams dang 'phrad/ gser sdong sogs mchod khang
rnams la mchod mjal/ skyabs mgon shing bza' rdo rje 'chang la
mjal kha zhu/ mkhan chen gdan sa pa dang/ skyabs mgon

gser tog rin po cher mjal bar khyod 'ong ba legs/ nged gnyis
sbyin bdag byed nas chos bka' zhu bsam pas na khyed nas rdo rje
phreng ba'i dbang zhu grogs dang rjes sor dngos 'bul thun mong
du byed

@093a @#/ /na legs pas de lugs su dgongs par mdzod ces gsungs
par/ nged nas mdzod par gros byas nas mdzod pas lan 'bul du
gtong zhu bas de legs zhes gsungs/ tshes bco

lnga'i nyin skyabs mgon shing bza' rdo rje 'chang la bka' chos
kyi snyan gsan 'bul bar phyin pas thugs dgyes pa'i zhal bzhes
mdzad/ de'i nyin rnam sras bka' bco lnga'i nang tshan gar mkhan

mchog sogs rjes gnang bzhi bstsal ba thob/ rje nyid nas lhod
lhod bcas sdod dang 'phros pa byed ces bstsal/ khyod chu mig la
'gro 'dug gnas gsum/ cho ga'i gdangs 'dur sogs ji ltar

byas kyi bka' 'dri gnang bar thams cad kyi rgyug sprod lta bu
yongs rdzogs phul bar/ thugs mnyes tshor chen pos gnang nas yab
rje gser khang pa'i zhal gling dang por bya btang la byon dus su

bsnams pa dang/ rdo rje 'chang gnyan khrod la phebs dus kyi zhal
'don phyag dpe po ta zung bcas spyi bor bstsal/ skabs der mdzod
pas rje gser tog rin po cher de lugs su zhu chog pa'i snyan
sgron

zhu; de nas tshes nyi shu'i nyin/ 'du khang steng nas 'khar brda'
btang ba dang bstun gser tog sgar bar bka' chos tshogs/ thog mar
bya rgyud dbyangs can ma'i sta gon mdzad/ de nas rim bzhin zla

@093b ba gcig dang nyin gsum gyi ring la mi tra brgya rtsa'i
bka' dbang rdzogs par bstsal/ tshes nyer lnga'i nyin phran nas
rdo rje 'chang chen por rdo rje phreng ba'i dbang gi gsol btab
zhu bar dgyes bzhin zhal

bzhes thob/ nyer brgyad nyin gus pa phran gyi sgar bar byon nas
lhod bzhugs mdzad/ zla ba gsum pa'i tshes gcig nyin 'dus pa'i sta
gon gnang nas zhag bco brgyad kyi ring la nyin re bka' dbang

gnyis gnyis te dkyil 'khor zhe lnga rdzogs par bstsal/ de dag gi
skabs su rdo rje 'chang gi zhal nas/ da res phyogs 'dus kyi chos
nyan ba mang zhing khyad par bya btang spyi dang kun gyi gtsug
nor

rje 'jigs med bsam gtan rin po che sogs byon 'dug pas na chos
sde chen por dus 'khrugs rkyen gyis shi 'dre sogs kha dar bar
'dug phyir/ mchod khang btsan khang sgar ba bla spyi so sor kun

spangs rnams kyis lus sbyin zhag 'ga' gnang na phan rlabs shin
tu che bas dgongs 'jags dang/ chos sde rang gi bstan pa'i bdag
po khyed rnams da lta sku na phra zhing bstan pa'i snying po 'di
la

dgongs nas da reb rje rdzong dkar rin po che byon yod dus rje
bla ma'i thun mong ma yin pa'i man ngag rnam gsum sogs re re
gsan na phyis 'byung gi char phan rlabs che bas dgongs pa mi
lhod pa re thugs

@094a @#/ /rje che dgos tshul sogs bka' slob shin tu 'gangs che ba
bstsal/ phran la sku mdun du 'bod pa gnang nas rje rdzong dkar
rin po che lhan rgyas su bzhugs thog /a lags la phyag 'tshal

gsungs par phyag byas nas phyag dbang zhu ste bsdad par/ rdo rje
'chang nas kha btags zhig a lags rin po cher gnang nas sprul
sku 'di ya rabs zhig yin/ 'di srog rlung gi nad kyis lo mang
mnar

par 'dug /khyed kyis 'di la phan pa'i gdams ngag re dang khyad
par kha sang tshogs su zhus pa bzhin man ngag rnam gsum gyi khrid
rgyun kha tshang sbas gsang med pa re bstsol rgyu'i bka' drin
thugs rje mi

chung ba mdzod gsungs par a lags rin po che nas lags so gsungs/
sprul sku'i skye 'phreng gong ma'i mdun nas nged kyis rje yab
sras gsum gyi gsung 'bum dang yum gyi lung mnos pas na/

bka' drin gsab ched dang rdo rje 'chang gi gsung los brtsi/ gang
shes gang thob rnams chad lhag med par 'bul rtsis lags gsungs/
'o bka' drin che zhes rdo rje 'chang nas gsungs/ a

lags rin po che nas phran la nga sdongs thag nye bar gnas tshang
zhig dgos gsungs bar/ yar nang gshag chung zhig yod pa de e
chog zhu bar/ sgar ba'i nang du mi sdod grwa gshag

@094b gis chog /grwa gshag yin lags zhu bar/ 'o de legs gsungs
nas mar byon khar spyan phebs zhu bar bzang bzang gsungs/ de'i
phyi dro gshag chung ngur zhabs sen 'khod nas nged la bdud
rtsi'i chu rgyun gyi

khrid dmigs 'bogs par mdzad/ zhag kha yar nyams su blangs pas
nad ro lhag med du gyur/ nyin rer snga dro bka' dbang phyi dro
a lags rdo rje 'chang nas pha bzang gis bu la gdams pa ltar zhu

yang mi shes la zhu 'bul la ma ltos par gdams ngag dbang rjes
gnang khrid sogs mod mi dman pa thugs rjes brtse bas bskyangs/
rje bde yangs rdo rje 'chang dang thog mar mnyam zhu byas/ skabs

shig nas nged rkyang pa la bstsal/ man ngag bka' rgya ma/ bsnyen
chen skor gyi lung rnams kyang bstsal/ de ltar man ngag rnam
gsum gyi phyag khrid 'don rta dbyangs rol mo 'bud dkrol sogs kyi
phyag

len/ lteb 'ching byed lugs/ kham phor byed lugs/ bar bar du rje
yab sras dang brgyud 'dzin dam pa rnams kyi sgrub chog gi lung/
gsung rgyun ngo mtshar ba dang/ res rjes gnang bka' rgya ma/
gzhan

dag gis zhus pa'i sta phu dag snang/ sngags phyogs bkras lhun
par ma/ thar mdo/ sems nyid ngal bso'i rjes gnang stag phu'i
gsung nang ma rnams kyi rjes gnang rnams dang/ bar bar du 'khor

@095a @#/ /lo'i bris thig sogs la sbyangs 'khul sogs byas/ rdo
rje 'chang nas 'khor lo bsgyur drug la phyag len rgyas pa gnang
zhing rgyan drug sogs mchod de bskor ba mdzad/ skabs der ho chid

chos rje bla mas gser tog rin po cher rdor phreng dbang gi zin
bris bskul ma byas/ rje gser tog rin po che nas phran la bka'
chos mjug gi maN bshad 'bul dgos kyi rgyu mtshan gsung mod phran
spobs

pa zhan pas ji bzhin rdo mi thogs tshul sogs nan tan byas pas re
zhig cang mi gsung bar 'dug /skabs shig rdo rje 'chang nas gser
tog tshang gis khyed la maN bshad 'bul dgos kyi snyan gsan

btang ba bdag gir ma byas zer ba bden nam gsung/ 'jigs shing
zhum pa dang bcas nged nas spobs pa zhan pa'i stabs kyis chad pa
sogs byung na tshogs mang dbus su rten 'brel sogs la rgya gang

cir gnod snyam pas khas len zhu ma nus zhes zhu bas/ skyon med
gser tog tshang nas nga la yus bshad gin gda'/ khyed nas khas ma
blangs na maN bshad zhu mi dgos/ zhu na rten 'brel gyi ched du

khyed rang nas mdzod/ skyabs mgon thar shul rdo rje 'chang nas
da lam rdor phreng mi tra/ dus 'khor dbang mo che gnang ba'i
dga' ston rten 'brel ma bsgrigs rang byung gi rten 'brel 'grigs
tshul las

@095b brtsams te rtags rdzas brgyad rgyal srid sna bdun sogs kyi
gsung rtsom tshigs bcad shlau ka bzhi lhag gnang ba rnams maN
bshad kyi dkyus su 'jug dgos/ chos dung dngul gshog can cha gcig
gnang

ba'ang mjug gi nyin der sgrogs rgyu yin pas sems la bzung a ko
gsung/ lags so zhes chang smra ma nus par phyir 'ong ba na/ rje
gser tog rin po che nged kyi nang du bzhugs 'dug 'od res 'tshams
po

byung gsungs/ da khyed nas ke re ma byed par zhu rogs mdzod/ maN
bshad nged kyis bris pa 'di lags gsung/ lags lags zhu nas khas
blangs 'khul byas/ skabs der bka' chos kyi rkyen sel du/

ma tri skabs rje gser tog rin po che nas dbus mdzad mdzad de
yang gsang gtor bzlog gnang/ rdor phreng dang dus 'khor gnyis
char la/ yang gsang gtor bzlog rgyun ring khyed rang slob dpon
byas nas rdo rje

'chang gi nye sar bsgrub dgos zhes phebs par de ltar sgrub 'khul
dang/ yar nang nas a lags rdo rje 'chang gi spyan sngar bka'
chos zhu dgos dang/ nang nas bde yangs rdo rje 'chang nas bris
thig sogs la

sbyangs 'khul byas pas maN bshad blo 'dzin byed long med pa dang
'bul ba'i dus gtugs pa bcas nyin 'gar u thug pa byung/ zla ba
gsum pa'i tshes nyer gcig nas dus 'khor dbang mo che'i sta gon
mdzad de
@096a @#/ /nyer bzhi la rdor slob bdag po chen po'i dbang bcas
mjug grub par mdzad/ dbang chen la ma Na bshad zhu dgos stabs
'dug ma thub kyang rdo rje 'chang la bsu skyel spos sna mchad
par rje gser

tog rin po che dang nged gnyis gong smos kyi bka' dbang gcig
la'ang ma chad par zhu/ nyer lnga'i nyin tshogs chen 'du khang
chen mor gzhi byes kyi 'dus pa lnga stong brgal bar bla mchod
tshogs mchod dang 'brel bar

brtan bzhugs rgyas pa'i thog maNDal bshad pa ma chad tsam zhu
'khul byas/ phran la nang mdzod rtser son bstsal/ rje gser tog
rin po che dang phran thun mong nas dngos 'bul btegs/ rdo rje
'chang nas 'phral

phugs 'byung 'gyur gyi cha las brtsams te gsung rus pa can mang
du bstsal/ de nas rdo rje 'chang la mchod rol dang bcas gser tog
sgar bar spyan drangs/ tshogs 'dus la'ang sngar 'du khang du bka'
slob

gnang ba rnams nan tan tu 'doms par mdzad/ zhag shas a lags rdo
rje 'chang gi spyan sngar g.yu thog snying thig gi dbang dang/
sman gyi lha mo'i rjes gnang sogs bstsal/ man ngag gi 'phro bcas

bstsal te nyer dgu'i nyin sa thig btab ste rdul tshon bgye ba'i
thog manydzi'i khar shin tu drag po'i drug cu pa sogs phyag len
rgyas par bstsal/ de'i gtang rag gi skabs su 'brog pa zhig gis
khro

@096b zhal lnga can gyi phur bu zhig phul te bsngo ba zhu/ snga
nub phran gyi rmi lam la ngo shes la mi shes pa'i mi zhig gis
ngos la bsgral te snying dang sha khrag la rol ba zhig rmis/
gtang rag sogs grub

'phral phur bu phran la gsol ras bstsal/ phran nas rmi lam gyi
rgyu mtshan zhu bas mnyes tshor chen po gnang/ sang tshes gcig nyin
sku 'bum dge bshes zhig gis bde mchog dril bu lus dkyil

gyi dbang zhig zhu yod pas der sdod ces phebs/ phyi nyin nyi
'dzin zhig 'phrod par der bstun bka' dbang gnang nas thugs shin
tu dgyes par mdzad nas re zhig chos mtshams gnang/ shing bza'

rdo rje 'chang tshes gsum la chibs zhal bsgyur bar phran bu zhabs
phyir 'brang ste ka zhur/ ar kong/ hor rgya/ khri ka'i ser mo
ljongs brgyud 'ba' tshe'i klad nas rdo rje 'chang gis phyir theg
ces phebs

par phyir gong ba grwa tshang du phyin nas skyabs rdo rje thar
shul rdo rje 'chang gi spyan sngar mjal nas 'jigs byed bsnyen
chen gyi khrid lung gi snyan gsan zhu/ nyin 'gar ngal bsos
gsungs/ der rdo rje

'chang gis thugs dam nang rten rnams kyi mjal kha gnang/ phran
gyi rten rnams kyang rdo rje 'chang gis ston gsungs pa ltar
spyan phebs zhu/ der tsha ba shin tu rgyas pas brag dkar me long
la

@097a @#/ /dbyar gyi ring tsha zhol du chibs bsgyur bskyangs par
zhabs zhur phyin/ der thugs dgyes pa'i ngang nas bsnyen chen
sbyin bsreg dngos grub rgya mtsho bcas kyi bka' khrid lung bcas
cha tshang bar

bstsal/ bsnyen 'phreng dung chen/ sna ru ma nu ho/ yab rje gser
khang ba'i dbu snabs ri khrod bsgom zhwa rje nyid kyi bzhes dkar
ser po rma bya'i ri mo can bcas kyi byin rten bla na ma mchis pa
bstsal/

dgongs pa khrol ba dang bstun phyir sku 'bum du 'byor/ zla gcig
tsam bsdad/ de nas rde'u tsha'i dgon du skyabs rje bde yangs rdo
rje 'chang gi spyan sngar mjal te sngon 'gro bsgrub tshul gyi
bka'

slob zhu bar dgyes bzhin zhal bzhes gnang thog /snga dro'i char
ting stong phrag longs par bsags te rdo rje 'chang gi spyan
sngar yab rje gser khang ba'i phyag len bzhin bla mchod dang
'brel ba

gcig /sman thung dang 'brel ba gcig nyin rer chu mchod stong
gnyis lhag tsam re phul/ phyi dror khri chen ngag dbang mchog
ldan gyi phyag par mi 'khrugs pa'i sku gcig can stong phrag lhag

tsam par 'debs byas/ rdo rje 'chang gi thugs sang dang bstun nas
lcang skya ngag chos kyi lam rim tshigs bcad ma'i lung dang/
brgyad stong/ bskal bzang/ gzungs bsdus rtag brtan par ma'i

@097b steng nas lung bstsal/ de ltar zla ba gsum gyi ring la chu
mchod 'bum phrag gcig /sku par mi 'khrugs pa 'bum phrag gcig
/rdo rje 'chang gi phyag par gsang bde 'jigs gsum khri phrag

gsum/ rje'i sku par chung ngu sum stong sum brgya lhag tsam rdo
rje 'chang gi bka' slob ltar zla ba brgyad pa'i tshes nyi shu'i
nang phal cher grub/ srog shing rdo rje 'chang gi spyan sngar ru
ngar bar byas nas lag

brdar te bris/ gter bum rdo rje 'chang nas sgrub chog mdzad/ zla
ba dgu ba'i tshes gcig gi nyin skya rengs shar bar bdud rtsi thun
mtshams khel bar phran gyi nu bos srog shing gdan drangs/ bsod
nams nyi

mas dung bus/ nged nas spos sna byas/ rdo rje 'chang spyan
drangs nas 'bum khang gsar bzhengs byas pa'i rtsar byon/ thog
mar bum gter gzhug par 'tshangs la shug shun dang rma 'gram gyi
bye mas byas/

srog shing brtan por btsugs/ de nas gnyer ba mchog grub nyi mas
sku gdan drangs 'ongs par rdo rje 'chang nas thog mar bsgrigs
tshul legs par bslab nas phyis rang gis lag brdar byas te

bsgrigs/ sku gdan zhu byed mi de nyin rang gi pha ma nye 'brel
rde'u tsha'i dpon po sogs sbyin bdag dad can rnams kyis byas/
skabs skabs su rdo rje 'chang nas rog mdzad de tsha rting yol
tsam la 'bum

@098a @#/ /khang legs par bsgrun zin nas rdo rje 'chang gis rab
gnas rta thog ma mdzad/ de'i nyin gnam gshis shin tu dwangs
shing 'ja' 'od kyi gur dang/ dra ba dra phyed bla re 'phan gdugs
kyi rnam pa

mang po nye 'khor du 'grub 'grub par shar/ mtshams mtshams su
'brug sgra dal bar rgod cing char zim kha char 'dres ma sna
tshogs zhig 'byung ba ni rdo rje 'chang bla ma'i bka' drin kho na
las ngo mtshar ba'i ltas

du ma kun gyi mthong snang du byung ngo/ /de nas zhag 'ga' ngal
bsos nas bsdad/ mi ring bar bsnyen chen zhig sdod rtsis kyis
nyer bldog bgyid bzhin gnas pa'i tshe sku zhabs gser tog rin po
che

nas phyag yig bstsal ba'i nang/ bla brang bkra shis 'khyil gyi
a lags sgo mang chos dar tshang nyid nas gdan zhu bgyis yod pas
bka' chos dkon rigs zhu rtsis yin tshul dang khyed kyang 'ongs
nas

mnyam zhu bgyis na 'gab tshul bstsal bar rang yang bka' chos nyan
'dod che stabs de'i rgyu mtshan bde yangs rdo rje 'chang la zhu
bar re zhig bka' chos nyan na legs/ bka' chos nyan grub nas

bsnyen pa bsdad na chog ces phebs par zla ba dgu pa'i tshes nang
sku 'bum du 'ong/ mkhas grub dam pa rnam gnyis kyi zhal dkyil
mjal zhing gsung gi bdud rtsi la longs spyod pa'i skal bzang

@098b thob/ bka' chos gang yod la bsdad chog pa'i snyan gsan
rnam gnyis la zhu/ mi ring bar 'khor lo bde mchog nag po ba'i
dbang/ sa skya'i lcags ri las mi 'da' ba'i gser chos bcu

gsum/ lho brag snyan brgyud kyi rjes gnang rnams dang/ seng
gdong gtso 'khor gsum/ 'jigs byed zhal phyag yongs rdzogs yum
bcas kyi rjes gnang/ bka' po ta gzhung lnga'i rtsa ba'i

lung/ dbus 'gyur chos spyod bskal bzang rgya mtsho'i par byang
can/ grub mtha' rtsa ba/ lam rim chung ba'am bsdus don gyi bshad
lung/ gzhan yang 'dod chos 'ga' bcas skyabs rje

gser tog rin po che'i bka' drin la brten nas sgo mang rdo rje
'chang gi zhal snga nas thob bo/ /zla ba bcu ba'i tshes gcig nyin
bde yangs rdo rje 'chang gi spyan sngar 'gro rtsis la/ skyabs
mgon shing

bza' rdo rje 'chang sku 'bum la tshes gsum nyin phyag phebs pa'i
gtam gsar thos pas zhag 'ga' sgug sdod byas/ rdo rje 'chang chos
sder zhabs sor bkod 'phral mjal kha zhu bar sang nyin lhod

par thug dgos zhes bstsal/ tshes bzhi'i nyin snga dro sku mdun du
mjal rtsis byas yod skabs/ mkhan chen gdan sa pa khri chen rgya
nag pa'i sku mdun pa 'ong nas phran la dus 'khor dpon slob kyi
nang

@099a @#/ /brda byas/ de 'phral bla brang du phyin nas dgongs pa
thengs 'ga' zhu bar ma gnang/ da rdo rje 'chang la rgyu mtshan re
zhun mkhan por zhal bkod re gnang tshe dgongs khrol mi yong ngam
snyam

nas rdo rje 'chang gi spyan sngar mjal bar phyin pa'i tshe sku
mdun nas kyang phran la 'bod mi byung ba dus mtshungs byung/ rdo
rje 'chang gi spyan sngar mjal bar gsung 'phros 'ga' zhig gnang
rjes khyod

la dus 'khor dpon slob bsko bzhag byas pa red zer ba e bden
gsung/ de 'phral langs nas phyag gsum 'tshal nas bden lags/
dgongs pa ji ltar zhus kyang mi gnang bar 'dug /

rdo rje 'chang nas brtse gzigs kyis mkhan po la zhal bkod re
gnang ba'i thugs rje mi chung ba mkhyen mkhyen/ da lo'i dgun
thog 'dir rdo rje 'chang thar shul rin po che'i zhal snga nas
'jigs

byed bsnyen chen gyi bka' khrid zhu nas bsnyen pa gtong rgyur
khas blangs pa'i rgyu mtshan gyis da res dgongs khrol 'ong ba'i
thabs zhig ci nas kyang thugs rje gzigs pa mkhyen mkhyen/ zhes
gsol

bnan cher btab cing phyag mang du byas pas rdo rje 'chang nas
dbu sngas 'og nas gos btags zhig blangs te da khyod yar shog
gsungs nas rke la kha btags g.yogs/ khyod sdod dang nged bla
slob

@099b zung nas gros zhig byed gsung/ 'o khyod kyis bshad pa de
ltar bden mod/ 'on kyang nged kyi bsam na ngos kyi gong mas chos
sde 'dir khyod kyi gong ma mkhan po'i skabs dus grwa btsugs nas
khyod kyi gong

mar gtad pa red/ khyod kyi gong mas dus grwa 'dir chos srid zung
gi sgo nas bka' drin tshad med pas bskyangs 'dug /da lta nged
dpon g.yog gnyis kyi grwa tshang 'dir rang mkhos dang bstun pa'i
phan

ci thogs byed pa'i dus la slebs 'dug /nged gcig tun so rgas pa
dang/ gnyis su chos sde'i khri chen gyi las khur byas zin pa ma
gtogs nged kyang dus 'khor khri bar tshan kha brgyab na bsam pa

shar mod yul dus gang dang gang gis kyang 'gal bas na/ zas rgan
rim dang las gzhon rim gyi dpe ltar khyod da lta na gzhon pa
dang rang re'i dam gtsang gi bu slob yin gshis da re ba kho bo'i

tshab tu dus khrir nges par sdod dgos/ de ltar byas na lugs gnyis
kyi bya byed las gsum yid smon ltar 'grub pa'i grogs dan nged
kyis khag theg ces bka' mi 'gyur ba'i gzer btab

pas ci bya gtol med du gyur/ de nas slar yang dgongs pa lan 'ga'
zhu bar rdo rje 'chang gi zhal gsung ris su mi bor ba'i bka'
drin sbyongs zhes khri chen pas gsungs 'dug phyir thabs

@100a @#/ /zad de mjal kha zhu/ zla ba bcu gcig pa'i tshes gsum la
lugs srol ltar gyi snyan gsan phabs/ skabs der gzhung gi tshogs
'dus che nas/ ^ skyabs mgon rdo rje 'chang la

sdebs yig chen mo gsar rtsom snyan gsan zhu/ bar der rdo rje
'chang nas kun spangs 'dul 'dzin grub pa'i dbang phyug chen po
rdzong dkar a lags 'jigs med bsam gtan rin po che la sgrub

thabs rin 'byung gi rjes gnang zhu bar phran la'ang chos gral du
tshud par gnang/ rdo rje 'chang/ mkhan chen gdan sa pa/ phran
dang shong mo che'i dbus mdzad/ a lags rgya gar/ rong ba'i
mchod

g.yog bcas la bcu gcig pa'i tshes brgyad kyi nyin jo lugs sgrol
dkar gyi dbu tshugs bgegs gtor phyir skyong ba dang mnyam du
mchod g.yog pa phyir bskrad/ rjes gnang dngos gzhi gnang

skabs mchod g.yog med gshis a lags rdo rje 'chang nas khyod
yar longs la mchod g.yog bgyis zhes bstsal bar nged rjes gnang
yongs rdzogs kyi mchod g.yog thebs chags tsam gyis

zhabs tog zhu rgyu'i skal ba thob/ mjug tu bla slob 'khor bcas
la rje rigs gsum spyi sgrub kyi rjes gnang nye brgyud brag sgo
'jam dbyangs bzhad pa'i yig cha'i steng nas rje'i sku gling

@100b 'phur ma la brten nas bstsal/ de 'phral grub dbang rdo rje
'chang 'phral du bzhengs nas da lo'i dgun thog mi tshe stong zad
du btang bas 'chi ran pas 'dug mi khom gsung rdo rje 'chang nas
man ngag rnam

gsum gyi skor las ljags lung re dang rgyal sras gsung gi mi tra
dbang chog sogs kyi ljags lung zhu bar sang nyin tshes bcu drug
la gnang bar zhal bzhes mdzad/ phyi nyin nam langs ma thag tu

mgon kyA sgar nas yar byon te skyabs mgon rdo rje 'chang dang/
mkhan chen gdan sa pa/ rje gser tog rin po che/ nged rnams la
dgun nyi thung ngur nyin gcig la grub par mdzad nas ri grod du
byon no/ /

smras pa/ rdo rje 'chang dbang yab sras zhabs pad la/ /brten nas
nges gsang rdo rje theg pa yi/ /smin byed zab mo'i rjes gnang
brgya phrag gsum/ /bdag blo'i snying gi bum bzang yongs su
bkang/ /drin

can pha rgod yab sras thugs rje'i gter/ /rtag tu rjes su bzung
ba'i bka' drin cha/ /byang chen bar du stong gsum gser bkang
ste/ /phul kyang cha shas tsam yang nus ma yin/ /zhes pa ni ngal
bso'i

tshigs su bcad pa'o/ /nyi ma zhes pa chu lug lo gsar gyi rten
'byung mtshon byed snga phyi bar gsum rnams 'char can ltar byas/
tshes brgyad kyi gza' skar phun sum tshogs par bstun dus 'khor
@101a @#/ /dpon slob kyi khri ston bya/ mkhan por mjal kha zhu/
rgya lo'i smon lam gso sbyong gsung chos gang yod dang 'cham
mchod pa sogs khur gang yod la theg pa khur len gyi brtson 'khul
byas

dpyid chos chen mor bla brang mjal kha/ brtsi bzhag gso sbyong
sogs la chag med du phyin/ 'chad nyan sogs snga dus gang yod
rgya sog gi 'khrug pa'i skabs bcom nas ming tsam yang med par
'dug /

bca' yig kyang med stabs shing bza' rdo rje 'chang rang sgar du
spyan drangs te sku zhabs gser tog rin po che'ang lhan du ja zhu
bgyis thog /ngos nas bskul ma zhu bar de 'phral rdo rje 'chang
nas bka'

rtsom gnang drung yig rje gser tog rin po ches mdzad de mjug
grub par mdzad/ gtsang bshus mkhan chen gdan sa pa'i drung yig
nas gos chen steng phabs nas dmar mdangs rA ga'i phyag rgya'i

gzi 'od 'bar bar byin brlabs bstsal/ de 'phral dge bskos na rim
gyis lag brgyud du bzhag /zur yig lta bu grwa tshang rang gi 'gro
bsdang las gsum tshogs chen thun mong gi bya byed las gsum

gsal bar 'khod pa'i yig rigs med stabs phyi nang thams cad nas
gros mthun pa dka' zhing tshogs chen nas nam yang rgyu mtshan mang
po blang bar brten kun gsal phan bde'i 'dod rgu 'khyil ba

@101b zhig med thabs med par dgos zhes grwa tshang tshogs 'dus nas
yang yang rna ba 'dzer bar brten phran nas sug las su byas te
bla steng 'og gsum du tshar gsum bris nas dam 'byar 'gyur bkod
med pa

byas; tshogs par zhal 'don yang dbus mdzad dang skad grwa pa re
gnyis las zhal 'don gsung mkhan yang dkon/ ci phyir zhe na dpe
dkon pas bzung du med zer/ nged nas bla brang bkra shis 'khyil

dang; a ri gsar rgya/ rgya nag pe cing gi zangs par sogs tshar
bcu lhag tsam don du gnyer nas btsal te dpe mdzod du bzhag /de'i
steng du rtsis gzhung nyin byed snang ba/ yang gsal sgron me/

thu'u bkwan rtsis gzhung mkhas pa'i snying nor/ bya khyung rtsis
gsar/ chu bzang rtsis gsar/ rtsis gzhung legs bshad nyi ma'i 'od
zer gyi par 'phro zhig mjug ma tshang ba yod med gnyis ka'i

gzhi mthun zhig bzhag kyang mig ldan rnams la gtos su che zhing
mig med rnams la mthong ches par snang ngo/ /rgyug 'bul mkhan ni
nyi skar bas kyang dkon no/ /bai dkar/ g.ya' sel/

brtsi bzhag kyang khyi dang glo ba kham 'phrad las nges can zhig
mi snang phyir/ bskyed rim sde khri dang/ rdzogs rim mkhas grub
rje'i gsung du bcad/ de'i dpe yang bla brang/ skyor dpon sogs su
rtsis

@102a @#/ /sprod du bzhag /'grel pa sngar lag 'byor ma byung bar
brten paN chen chos rgyan gsung gi bsdus don de nyid snang ba
bla ma'i phyag brgyud rtsis sprod du bzhag /phyis su bu ston
'grel chen

mchan 'grel zhig 'byor bar dpe mdzod du bzhag /de ltar bong bu
mi'i khyur tshung pa'i ser gzugs zhig la nor skyong 'phrog byed
du btags pa'i g.yer kha ji ltar 'khrol kyang 'om med par gyur
ba'i ba/

dril bu btags kyang nyor mi 'dod ces pa'i dpe don 'byor ba zhig
nas grwa tshang rin po che'i 'chad nyan 'grigs lam kun spyod
skyong khur byed mi shes bzhin du mgo spu med la ral ba'i khral
gyi dpe ltar

snang mod/ 'on kyang las khur bzung nas ji bder sdod ma shes par
gzugs brnyan tsam gyi 'chad nyan 'grigs lam skyong 'khul rting
bskul gyi lad mo byas/ skabs der gzhungs tshogs 'dus

nas mkhan po spor mtshams su slebs gshis mkhan po gsar ba kun
mkhyen bla ma gdan zhu dang snyan gsan stabs gcig tu 'gro rgyur
bcad pas bla spyi sgar ba dbus mdzad skad bzang pa chab

skad pa bcas grangs re drug gi gtso bor 'gro dgos zhes phebs pa
ltar/ grwa tshang gi sgrub mchod chen mo dus gtugs ba'i gnas tshul
zhu bar tshab bzhag chog par byung bas dpon slob rnying ba u shi

@102b brag la bcol nas gsum pa'i tshes nang bla brang du phyin
nas tshes bcu bzhi'i nyin bkra shis 'khyil du 'byor bar bla brang
sde 'chang bas mthong bzos tshad med pa byas/ nged 'khor g.yog
nyung du bcas

sgrol ma lha khang gi khang mig zhig tu bzhag /gzhan rnams sngar
babs tshom nang du bzhag /tshes bco lnga'i snga dro'i char bla
brang chen mo'i tshom chen du kun mkhyen bla mar 'byor phyag zhus
par phyag mdzod chen

mos stabs gcig byas na bde gsung ba ltar/ phran nas snga ma'i
chos sde'i lam srol ltar gyi mkhan po rnying ba khri rgya nag
pa'i gsung shog bka' tham can sgrogs nas phul/ gsung lan zhal
bzhes

cang mi gsung/ phyag mdzod nas gsung lan zhu rgyu cang med/ zhal
bzhes gnang tshar yod/ da khyod tshos lam srol gang yod bzhin
bgyis zer/ de nas dbus mdzad skad bzang pas maNDal zhu 'bul

byas; dpal dar btegs nas phyir 'ong bar gzims 'gag zhig nas skad
chen pos/ sang nyin tshom chen nang du gsol ston yod ces 'gyed
skad lta bu lan gnyis gsum tsam brgyab byung/ nged cag

kha rog por bsdad/ bla spyi che ba'i sde gnyer bcas phyag mdzod
la thug 'phrad byed du song/ phran ngos nas bla ma gong ma'i dus
kyi 'brel la bsam nas sger mjal zhu/ gsung 'phro rgyun ring tsam
gnang/

@103a @#/ /de nas phyir 'ong nas nged cag lhan du mchod mjal
rgyas par zhu/ phyi bskor la'ang phyin/ dus grwar phyin par
mchod gar 'go ma tshugs tsam la slebs par las byed rnams nas bkur
bzos

che bar gnang nas mchod gar la mjal/ de nas gung thang mchog
sprul dang/ sde khri mchog sprul/ sgo mang rnam gnyis/ thu'u ba
kwan yongs 'dzin a lags thabs mkhas tshang la

mjal zhabs zhu gcig kyang mi snang nyid nas dus 'khor bdag 'jug
gnang gin 'dug pas sa ma ya ho ho ho zhes pa'i mtshams su mjal
bar dgyes tshor chen po mdzad/ phyi nyin

rang par khang du phyin nas shing bza' rdo rje 'chang dang sku
zhabs gser tog rin po che rnam gnyis nas 'jigs byed chos 'byung
par nas yong rogs gsungs pa ltar ji ltar bshad mi

nyan par/ dngul srang lnga phul ba phar g.yug byung/ ngo thog
yin nam byas pas/ yin gang la song nas bshad kyang mi 'gag zer/
de nas phyir phyin te kun mkhyen bla mar rgyu mtshan zhu nas

dngul bcas phul/ de ma khad nas yig chung dam 'byar can bskur
song/ nged a mo tshang la mjal bar phyin/ sgom zhi tshang la'ang
thug 'phrad byas nas phyir 'khor bar chos 'byung tshar

@103b gsum nyi ma ma nub tsam la 'byor 'dug /phyi nyin par khang
sgo nas phar 'gro bar par dpon 'ong nas lanydza'i phyis mo/
rtags 'jug gi 'grel ba'i dpe sogs byin nas phyin chad 'di 'dra
mi byed

pa'i ngo chen dang/ gang dgos 'phral du phul chog sogs zer/ a
mo tshang la phyi lor sku 'bum du phebs rgyu'i snyan gsan zhu/
sgo mang rnam gnyis las chos bka' zhu 'dod shin tu che mod/

kun mkhyen bla ma chibs bsgyur gyi dus tshod ma nges pas zhu ma
thub/ dge 'dun la bsnyen bkur phran bu zhu rtsis byed par sgo me
rma chen nas phyag mdzod tshang gi rigs grwa'i gtong sgo la 'bul

na legs tshul gsungs pas mang dod srang brgya dang lnga phul/ bco
brgyad nyin chibs bsgyur bstsal bar nyi ma lung du zhag gcig
bzhugs/ lha sde'i rta bsu mang tsam las/ dge 'dun mang gi

ser sbreng mi snang/ phyag gnyer 'ga' tha ba'i nang tsam du
phebs skyel zhu/ phyi nyin dkyil 'khor dgon du bzhugs zhag gnyis
mdzad/ der phran la sku mdun du shog gsung ba ltar phyin nas
gsung

'phros rgyun ring gnang/ phyi nyin bis mdo'i thab bsu'i steng
sgrol ma'i chos 'brel thob/ de nas rim bzhin ka mdo/ bA yan/
shin gong pa/ rtswa ring mor rje thu'u bkwan ho thog thu rin po
ches phebs

@104a @#/ /bsu dang/ tshom tshang nye 'dabs su bya khyung las sne'i
phebs bsu bcas/ thab bsu shin tu mang zhing tshom tshang du bzhugs
zhag gnang/ de'i phyi dror thu'u bkwan rin po che rnam gnyis
lhan

rgyas mdzad nas nam phyed yol tsam du bzhugs/ thu'u bkwan rin po
che bzhugs gnas su byon dus/ sku 'bum bla spyi thams cad zhabs
zhur bgyis te rtswa ring mor phebs skyel zhu nas bla spyi sgar

khag so so'i mjal kha zhu/ phyi nyin tsha rting ma slebs tsam
thu'u bkwan rin po che slar byon par brang ban zhu/ mtshan phyed
yol nas kyang rgyun ring tsam bzhugs nas phyir phebs skabs sku
'bum bla

spyi sgar khag sogs nas phebs skyel zhu ste bzhugs zhag sar
dgongs zhu thog zhal slob rgyas par bstsal/ de nas phyir 'ong
dus kha ba tshan cher babs rang rang gi sgar thog tu 'byor skabs
nam

langs; kun mkhyen bla ma chibs zhal bsgyur te shong shan lha
chen nam jo bor mchod mjal/ kha sha mthil dus 'khor mchod rten
la gnas gzigs mdzad/ de nas gnam steng la khar grags

par sku ngal bsos gnang/ der sman pa dpon slob gro tshang rgyud
pa tshang gtso bas phebs bsu bar ba mjal/ der nye 'khor sdom
'phong gi sde pas gsol zho mang po phul/ nged cag rnams

@104b la'ang bstsal/ zho snod gsum tsong kha'i skye ri/ brag nag
/rgod rtse rnams la mchod par mdzad/ de nas byon te khyung
kyA'i thog gi la kha'i phran gyi skye yul du bzhugs zhag mdzad/
pha ma nye 'brel rnams

kyis skyabs rten phul te phyag dbang bstsal/ sde mang nas mjal
zhu byas/ phyi nyin snga bar phyag btegs nas me tog khi zhes
par/ sku zhabs gser tog rin po che dbus mdzad bla sprul sogs rta

bsu brgyar nye bas bsu ma byas/ der thab bsu'i steng lhod tsam
bzhugs/ de nas chibs thon te rgya yag sku 'bum thang du bzhugs
zhag rgyas par bsgrigs pa'i sar bzhugs mal mdzad/ der rgyud

pa dpon slob rgya yag tshang gtso bas phebs bsu gsum pa mjal/
skabs der shing bza' rdo rje 'chang rtab nyis brgya lhag tsam
byon par sku 'bum spyi so'i mgron khang du gdan drangs te gsol
ja

phul; kun mkhyen bla mar zhal 'dzoms kyi snyan gsan zhu bar/
phebs ran pa'i brda byung 'phral rnam gnyis zhal 'dzoms mdzad de
sku 'bum gzhung gi gsol ja zhu/ rdo rje 'chang nas gsung

'phros en tsam zhu/ kun mkhyen bla mas 'phros lan tsam yod med
ma nges/ de nas phran gyi gur nang du rdo rje 'chang/ gser tog
rin po che/ rgya yag tshang/ rgyud pa tshang bcas gdan zhu byas
nas gsol ja

@105a @#/ /gsol tshigs dgongs ja gsol zho rnams phul/ rdo rje
'chang gi phyag phyir/ rje gser tog /gro tshang rgyud pa/ nged
cag thog mar bla brang du song rigs thams cad zhabs 'degs zhu
nas

sku 'bum du phyin/ tshes nyer brgyad nyin sku 'bum dga' ldan
byams gling du dge 'dun 'dus pa'i ser sbreng mchod rol rgyas
pa'i mdun bstar te phyag phebs so/ /sa zla'i tshes gcig gi nyin
khri ston

la phyin/ zhag shas nas kun mkhyen bla ma dgon lung du phyag
btegs/ smon lam bcu gsum gyi nyin phyir phebs pa'i phebs bsur
phyin/ de nas smon lam steng 'grigs rang khur byas/ dbyar chos

steng 'don rta dbyangs gsum rang gis gang nges kyi dbyangs chags
dang/ brtsi bzhag /'grel ba'i sa bcad ma stong tsam byas/ dbyar
gnas steng dgon lung du rje lcang skya rin po che'i khri phebs
la

sku 'bum bla spyi'i 'go bar 'gro dgos zhes gzhung nas tshags
brgyab par phyin te thu'u bkwan rdo rje 'chang la mjal/ rje'i
zhal nas bdun pa'i tshes gcig gi nyin nged kyi tshab la khyod rang
ngo g.yog

ma gtogs bla spyi sgar khag 'gro mi dgos/ thu'u bkwan zer ba'i
sde grong du mchog sprul rin po che gdan zhur 'gro dgos zhes
phebs/ zla ba bdun pa'i tshes gcig nyin nam langs sgo 'bud kyis

@105b phyin te nyi ma rtse shar la gdan zhu'i snyan gsan phul/
de nas chibs bsgyur bskyangs te pha bong thugs rje chen po'i lha
khang du thab bsu gnas gzigs sbrags ma mdzad/ de nas chibs zhal
bsgyur ba dang//

gnam gshis shin tu dwangs shing nyi dkyil gyi 'od zer rab tu
'bar ngos nas 'ja' 'od kyi gur khyim/ dra ba dra phyed lta bu
mang po dang/ 'dab ma lnga can gyi me tog gi char sogs kyi yo
lang 'khrigs shing/ rta bsu

stong phrag tshogs kyi khrom chen dmar nag tu 'khrigs bzhin pa
dang bcas phyag na me tog sna tshogs thogs pa'i dge 'dun mang pos
mchod rdzas rol mo dmigs brtse'i gdung dbyangs dang bcas ser
spreng

tshar du dngar bar byas nas bla brang chen mo'i nang sgor thu'u
bkwan rin po ches bkra shis pa'i rdzas mchog zho yol gor bskyil
ba nang mdzod dkar ser zung bcas btegs nas phul ba bzhes nas

gzims chung du lhan du phyag phebs/ re zhig bar mjal kha bsrung
nas yongs 'dzin zhang ston rin po che'i zhal snga nas yongs
rdzogs dge bsnyen dang/ bar ma rab byung gi tshul khrims bzhes
nas

nang lugs kyi legs gsol grub 'phral/ lha khang so so'i gser
'phru dar snes brgyan pa bslong bar mdzad/ mchod rol sogs spros
pa'i ngang nas/ thog mar sku 'bum bla spyi sgar khag la
@106a @#/ /mjal kha bstsal/ de nas rim bzhin phyogs 'dus skya
ser rgya bod kyi dpon chen rnams la mjal yangs bstsal/ mi ring
bar 'du khang chen mor bzhugs ston rgya bod phyogs 'dus

nye 'brel kun la ston chen bstsal/ tshogs langs/ maN bshad/
gtam 'phros/ lag 'jog /gnang sbyin kun gyi yid mgu bar sbro/
phyi nyin dgongs zhu bgyis te slar log /phyir 'byor nas ston
chos

thog thig dang/ rol mo 'bud dkrol 'don rta dbyangs chags rnams
la rang yang ma chag par phyin te rgyug sogs nar mar blang/
grwa tshang rin po che mthun rkyen gyis nyag phra bas g.yang
'bod byed dgos

zhes las byed rnams nas zer ba ltar 'du khang du g.yang 'bod
nyin gsum btsugs pa'i grol nyin rdzas brgyad gtad skabs thu'u
bkwan yongs 'dzin rin po ches glo bur du phebs nged la dbu
gtugs

zhig gnang nas mchod mjal mdzad de phebs song/ sems la dga'
lhang lhang ba zhig byung/ tshogs grol nas sgar bar phyin pas
yongs 'dzin rin po che nged la sgug bzhugs par mjal nas gsung

'phros rgyun ring bstsal nas phebs/ bar chos steng grwa tshang
la cho ga'i lung kha tshang dgos zhes las byed rnams nas mol ba
ltar lung rgyun gang thob tshogs yongs la phul/ de nas bar
mtshams

@106b su rta mgrin chos skor/ thar mdo'i lung/ dpa' bo gcig
pa'i dbang/ mgon po bka' bcu gsum gyi rjes gnang sogs 'don
'khul byas/ mi shes shes brdzu byas pa de sangs rgyas bstan
pa'i chom

rkun yin/ zhes pa'i mtshon gzhir gyur/ dgun chos chen mor brtsi
bzhag sogs bya byed las gsum sngar mu bzhin zhu/ grwa tshang la
slob dpon zhig med na nga lta bu ci yang mi shes pa'i blun
rgan dag gis

cho ga nyams chag gi rgyur gyur ba mang du mthong nas tshogs
'dus la mol bstur byas par 'thad par rigs nas rdo rje slob
dpon zhes pa bsko bzhag byas/ gral dbur kha gdan gcig /bsang
gtor

gyi skor sogs mdun bsgrigs byed par bcad/ skal yang 'phar ba
sogs byas/ bcu gnyis pa'i nang kun mkhyen gdan sa pas sku mdun
pa btang nas phran la rgyud khrir spor dgos tshul gyi nang brda
byung

par; 'phral bcar zhu nas dgongs pa lan grangs mang por zhus
kyang ma gnang bar mjal kha zhu/ dus 'khor khri'i dgongs pa
yang zhu/ de nas dus 'khor grwa tshang gi zla zad nyin bdun
steng nyin gsum

bsnan nas chos thog gi grar tshud par btsugs/ sngar bskang gso
dbyangs rta 'dur gang yang med pa las 'jigs byed rgyud rta
dang/ bskang gso tshogs chen dang bstun nas byed par bcad lags

@107a @#/ /so; ;nyi sgrol byed ces pa shing sprel gsar tshes kyi
dga' ston sogs sngar mu bzhin phyi nang gi bya byed las gsum
tshang bar skyong 'khul dang lo gsar gyi mjal kha tshogs chen
dang/

grwa tshang la lag pa'i 'degs 'jog gi srol ma nub tsam byas/
tshes dgu gza' skar tshes grangs phun sum tshogs pa'i nyin rgyud
chas sprad de rgyud pa'i khri pa'i snyan gsan dang mjal kha
zhu/ khri

gdan zur rnams la'ang mjal kha zhu/ tshes nyer gsum nyin rgyud
khrir 'khod cing khri ston khri 'gyed rtsis sprod blangs nas
rgyud pa bla brang du bsdad/ nyer bzhi'i nyin bla brang a
lags sgo mang

chos dar rdo rje 'chang snga gong zhog gsum nyin phran gyi
sgar bar phyag phebs par 'grel ba bzhi sbrags kyi snyan gsan
phul ba zhal gyis bzhes te rgyud pa bla brang du byon nas gsol
ja phul/ de

nas nged dang gsol dpon/ sog po rgyud pa bcas nas 'grel gtor
btang/ dbu tshugs nas zhag dgu la grub par mdzad/ de 'phral
grwa tshang la 'gul rgyu'i stabs mtshungs su byung

'grigs lam la 'grel ba'i dbe la shog rtags byed du mi rung bar
gsung zhing phyag len la'ang med ces gsungs phyir rtags zer ba
gcig kyang ma brgyab/ rdo rje 'chang gi spyan sngar

@107b thob ma khad du gyur phyir grwa tshang rin po che la legs
skyes kyi mchod par ma chad ma nor ba yin 'khul byas nas thog
ma'i rgyun mchod nas mjug gi rgyun mchod par grub zin thog
'grel

dbang bcas phyag len 'chug med yin 'khul du phul/ bla ma gsar
du bsdad 'phral/ kun mkhyen bla ma bya khyung du byon nas
phyir phebs pa'i lo gcig gi gdul bya'i thog mar byon par rta

ba ser sbreng yod pas na phran la rta ba'i 'go bar bskul/
phran gyi bsam par kho bo'i bla ma gong ma dag gis sku na smin
pa'i dus rgyud khri'i skabs/ paN chen rgya nag tu phebs pa'i
bsu

ba rdza sor bar zhabs thang la phebs pa'i rnam thar 'dug na/
rang na phra bas ci nas bla ma gong ma dag gi rjes su bzlos
dgos snyam nas rkang thang la snga char langs nas 'gro skabs
kha ba

ches shin tu 'thug pa babs 'dug par phyin pas bkra shis thang
gi thab bsur ngal bsos/ rta ba gzhan ma phar btang/ kun mkhyen
bla ma byon skabs brang ban zhu/ zhabs sor 'khod 'phral

mjal kha zhu zhing gnas tshul snyan lhong zhu nas sngon du 'gro
chog pa'i gnang ba bstsal/ de nas 'dam rdzab nang brgal te kun
mkhyen bla ma dgon nang du ma 'byor gong rang gi bla brang du
'ong

@108a @#/ /nas gon pa brjes 'phral bla brang du phyin mjal kha
srol ltar zhu/ de'i nub nas chu 'dam brgal ba'i byed pas lus
cung ma bde tsam byung mod/ lo gcig gi rgyud khri mthar ma

thon par bzhon pa mi bzhon pa'i dam bca' byas/ de phan gzhung
nas kyang rta ba'i tshags ma brgyab/ rang nas grwa tshang gi
zhog dang po gnyis pa/ bzhi pa'i smon lam gsung chos gang yod
la g.yo zol

med par zhabs 'degs byas/ bar skabs der a lags ngag dbang dge
legs rin po che sog yul du byon pa'i mjal kha kun mkhyen bla
mar zhu bar phebs pas/ dgun chos brtsi bzhag dang/ 'dod

chos sna tshogs/ nyid kyi gsung rtsom dbyangs can bstod pa le
tshan zung bcas kyi ljags lung thob/ de nas chos bar btegs nas
khri khar 'ja' mo/ mi nyag /dga' ldan la kha'i chos thog bdun

phrag tsam bsdad nas grwa tshang la dgongs zhu bgyis te rong
por sku zhabs a rol rin po cher mjal bar phyin/ chos 'brel
zhu bar/ srad rgyud lugs bla ma'i rnal 'byor gyi ljags khrid/
mkha'

'gro snyan rgyud kyi zhi drag gi dbang/ lung la cho ga bsdus
pa nyid kyi bka' rtsom bcas bstsal/ dgung lo brgyad cu gya
ston gyi gsol ras sogs bstsal/ de nas phyir lam bde chen du
gser

@108b khri tshang gis shog gsungs pa ltar phyin par tsha rting
tsam la 'byor/ khri rin po cher mjal bar/ sku zhabs zhwa dmar
rin po che 'dir phebs nas bka' chos gnang ba'i skabs yin pas
bka' chos la sdod gsungs

par; zhu 'dod che yang thar shul rdo rje 'chang la rgyu mtshan
ma zhu bas ci 'dra snyam the tshom byas pas/ de nged nas khag
theg gsungs/ de nas zhwa dmar rin po cher mjal bar mnyes tshor
chen po gnang/ snyan

gsan zhu bar yongs gsungs/ rje dge 'dun rgya mtsho'i yi dam
sgrub skor nang mi g.yo ba'i rjes gnang dang lung sogs
bstsal/ bde chen la mchod mjal byas zhag gsum bsdad/ phyir lam

gsol thab pa ban dkar gyi nang du ja sogs 'thung nas zhong mo
cher a lags rgya gar gyi nang du zhag sdod byas/ phyi nyin
lan ju'i lung bar lcags thar zer bar ja zhu byas/ gong ba grwa
tshang la 'byor

skabs gsol tshigs gong tsam du 'byor nas re skong du song ba'i
lo rgyus zhib par zhus pas dgyes dgyes mdzad/ rje bla ma mchog
nas bka' rtsom gras blo sbyong don bdun ma'i khrid kyi lung

bstsal zhing/ grwa tshang gi gtong thebs su rta sogs kyi gsol
ras bstsal/ gong ba grwa tshang du drug pa'i sgrub mchod
btsugs/ de nas phyir 'gro dus char zhod shin tu che zhing rma
chab yang shin tu rgyas

@109a @#/ /pas hor rgya nas grur thon nas ar gong du chos thog
rab gnas chen mo sogs byas/ chos thog gi shis brjod nyin nged
sngon du thon nas 'ong bar lo der than gdung che bas ngal

bzhin 'gro bar char brdung gcig dang 'phrad nas dbugs gsos
tsam byung/ mchod rten rker phyin nas a lags rdzong dkar rdo
rje 'chang la mjal bar gang nas 'ong char gyis ma gnod dam
gsungs

zhabs gras gcig kyang mi snang/ yA thab la me thongs ja bskol
gsungs/ rin po che nyid nas kyang rog mdzad nas gsol ja bskol
nas gsol ja drangs/ rang gis 'thung zhes bstsal/ bar der nye

gnas kyang slebs/ gsung 'phros rgyun ring gnang nas man ngag
rnam gsum skor gyi lung 'ga' bstsal/ der zhag sdod byas nas
sang nyin brgya rtsa lhan du gnang/ nang ja'i steng du zhun
mar chen po 'phangs

nas rtsam pa zo gsungs/ mi thub zhus bas/ mgo nag rtsam zan
gyi rtsam pa mi zan tsi za gsungs par 'jigs nas rgyags tshad
zos/ de nas gri chung zhig gnang nas khri chen ngag dbang
mchog

ldan rgyud pa 'grims skabs bsam yas rgod kha lar chom po 'ga'
dang thug nas/ khri chen nas rgyud gri sor do ba ko shub nas
phyung ste sems can stag zer bar mche ba sor gang las med/ mi
bsod

@109b pa re mi bsod ba la gri 'doms gang re mi dgos/ 'dis
'grigs yong nas gsung 'phar chom pas/ chom po rnams bros pa'i
lo rgyus sogs gsungs nas gnang/ man ngag gi lung 'gro 'ga'
bcas

bstsal/ de nas srib mo gong pa brgyud nas la yang a re che
yang stod 'tshang ma khris pa sogs ma byung ba bla ma'i byin
brlabs lag bcang du byung/ rang yul du zhag 'ga' ngal bsos nas
sku 'bum du gyin

skabs snga phyir rang sgar gyi mdzod zung gi khong skran 'thu
mo 'phar ba ngos nas btang snyoms su rgyun ring bzhag pas
rtsad zhir gyur/ dbyar gnas sngar gyi phyag rgyun ltar na gser
tog dgon par 'char can yin mod/

lo der gser tog tu 'dzugs mi khom pa'i rgyu mtshan byung ba la
brten khyung kyA bsam gling du gtan khel nas bsam gling du
phyin/ dbyar nang der khrid khang/ thig khang/ dbyangs ra/
blos bslangs rab gnas

sogs phyag len mtha' yas pa yod pa las/ khrid khang brtsi
bzhag chad nas lo mang rabs song bas shes mkhan yang dkon/
khri pa sngon ma rgya yag tshang la dris pas 'dus pa'i dmar
khrid lcang skya'i

gsung btang 'khul byas gsungs/ khrid khang brtsi bzhag dmar
khrid bton 'khul byas mod khungs thug par rtsad gcong byas na
legs mod/ de min thig khang/ dbyangs ra/ blos bslangs sogs la

@110a @#/ /rgyug len pa ngo sprod sogs zhib tshags byas/ rab
gnas chen mo sogs la phyag rgyun skyong/ skabs der ston chos
steng bde mchog gi rgyud dang sbas don kun gsal rtsa bshad
sprags pa'i

'chad nyan yang chad nas lo mang rabs song zer bar brten rdo
rje 'chang a lags rdzong dkar tshang la nged kyi bla ma gong
ma'i brgyud pa bzhugs pa gnang dgos tshul gyi snyan gsan zhus
pa bzhin rje nyid nas

bsam gling du 'ong mi thub khyod kyi yul du 'ong nas 'don
gsungs pa'i phyag yig gnang bar 'phral du rang yul pha khyim
du song nas grabs bshom pa'i tshe de 'phral du byon nas lhod
bzhugs mdzad de sbas don

kun gsal rtsa bshad sbrags pa'i bshad lung/ gong ma'i gsung gi
dus 'khor bsnyen yig /sbyin bsreg /phyir bcos/ khen kyA'i lam
zin sogs bstsal/ rdo rje 'chang phebs khar phyag na rdo rje
khyad

'phags/ ring bsrel mang po/ sku gdung lcags mdog ma/ rje nyid
kyi gzigs dpe 'grel ba bzhi sbrags/ rje nyid kyi mdzad pa'i
bsdus don/ gtong sgo'i thebs su phrugs ras tA dgu ma sogs
phon cher

bstsal/ phyir 'ong nas 'grel ba'i mjug grub par byas/ skabs
der snga lor bla brang du song skabs rje gzhung ba seng bzang
tshang la bka' 'gyur gyi lung gi snyan gsan zhus pa de nyid sku
'khor bcas

@110b byon/ sne len byas nas sku 'bum rang sgar du gdan
drangs/ ston chos dang por bde mchog gi 'chad nyan sbas don
kun gsal gyi bshad lung gi 'go tshugs nas le'u bcu pa'i bar
phul nas dgongs zhu bgyis

te sku 'bum du zla ba dgu pa'i tshes drug la 'byor/ rje seng
bzang rin po cher mjal/ tshes brgyad la bka' chos dbu tshugs
pa'i zhal bzhes gnang/ snar thang/ co sne/ rgya nag /'ba'i
bka' 'gyur/ sde

dge ;ra rgya/ lnga pa chen pos mu rin wang la bstsal ba'i bka'
'gyur bris ma ste tshar bdun bsags dgos zhes phebs don ltar
gdan drangs/ tshes brgyad kyi tsha rting ma'i skabs dbu tshugs
mdo mang gi bskal

bzang thog mar dbu tshugs nas dgung tshig gi gaNTe'i dus yongs
su rdzogs/ dgung tshig grub nas mdo rgya cher rol ba gsungs
phyi dro'i chos ra'i grwa ja'i skabs rdzogs/ de ltar nyin rer
bod gnyis gnyis

bcas tshes nyi shu'i bar gnang/ chos nyan mkhan rnams thog mar
yid gnyis the tshom gyi dra bar chud pas de dag la bka' 'gyur
re sprad nas nan tan tu ltos zhes phebs/ bar bar du gong nas
cung mi 'dra tsam

e 'dug ces phebs par gnon mkhan tshos stab stab por gyur/ rjes
su kun ha las nas bsdad/ dgu pa'i smon lam steng phran nas
smon lam gsung chos sogs la phyin chos 'tshams zhag bcu byas/
bcu 
@111a @#/ /pa'i tshes gcig nas dbu tshugs te nyin rer pod gsum gsum
gnang nas bcu pa'i nyer lnga'i nyin bka' 'gyur mjug grub par
mdzad/ phyi nyin nas se chen han gyi tho yon manydzu shrI'i

ngor yum slar yang tshar gcig nyin lngar grub/ de nas zhag shas
sku ngal bsos/ nged nas dgun chos brtsi bzhag 'brel ba'i sa bcad
ma stong tsam byas/ de nas rje yab sras gsum gyi gsung 'bum dal

bus gnang nas zhag bcu gsum la rdzogs par mdzad/ de nas bstan
'gyur nang lung gang yod dang/ lnga pa'i gsung lung gang yod chu
bzang gsan tho ltar dang/ bskal bzang rgya mtsho'i gsung 'bum

nyin gcig la grub par gnang/ blo bzang thugs rje/ rje ngag dbang
byams pa/ chu bzang bla ma/ khri chen bstan pa rab rgyas/ dpa'
bo nor bzang gi gsung 'bum/ klong rdol gsung 'bum/ lcang skya
ngag dbang

chos ldan/ mi la'i rnam thar/ bka' gdams bu chos/ ma Ni bka'
'bum/ rwa pod/ dpal bod/ rta bod bcas kyi ljags lung dang/ zur
bka' brgya rtsa'i rjes gnang/ pA ri'i brgya rtsa/ 'jigs byed

ser po'i rjes gnang/ tshe bdag mgon po'i rjes gnang/ rnam sras
bka' bco lnga mjug g.yang 'gugs dang bcas/ bde mchog sngags
btus/ dril bu lus dkyil gyi dbang/ g.yu thog snying thig gi

@111b dbang/ sman gyi lha mo'i rjes gnang/ sprul ba'i chos rgyal
chen po'i srog gtad chig brgyud ma/ 'jam dpal khro bo chen po'i
sgom lung/ las bzhi gshin rje la las bzhi'i dbyu gu gtor ma
bsngo ba'i phyag khrid/

sbas don kun gsal gyi bshad lung/ dam can be'u 'bum gras dpe
gang rnyed kyi lung tho ltar dang/ gzigs snang ma bu'i dbang
lung nyid nas gang gsan/ rdo rje rnal 'byor ma'i rtsa dbu ma'i
khrid yig /rnal 'byor

ma'i khrid rim bla ma'i gsung 'gros dngos grub myur mgyogs kyi
pho nya/ tshogs mchod nyung ngu rnam gsal/ thu'u bkwan bka'
rgya'i gras/ mkha' spyod bskyed rdzogs bde chen lam gyi snying
po/ mgon dkar sgrub thabs/

sku lnga'i bsnyen yig /mgon po snying zhugs dang 'brel ba'i 'pho
ba'i man ngag /mkha' spyod ma'i 'pho ba tshe sgrub mtha' rten
dang bcas/ dam can nor sgrub kyi gtor chog /ku ru ku lle'i sgrub
thabs le tshan gnyis/

'khor chen sgrub thabs/ paN chen chos rgyan gyi gsung 'thor bu'i
skor lung tho ltar dang/ blo gros legs bzang gi 'dul ba gzhi
stod/ gzhi smad/ sman rgyud bzhi/ lhan thabs/ kong pa'i 'dul
sdom/ bslab bya

nor 'phreng/ gcod gzhung blo gros mig 'byed/ khros nag dris lan
a khu'i gsung/ bdud gcod ral gri/ gcod zin dga' ldan chos 'khor
gling gi par ma/ le'u bdun dang bsam lhun kha skong bcas/ lha

@112a @#/ /bsangs rnam dag ma/ mgon po'i gser skyems/ dpal lha'i
gser skyems/ bse khrab pa'i gser skyems 'brug rgyal dbang chos
rje'i mdzad pa/ dus 'khor sgrub thabs mdor bsdus rgyal

sras gsung/ bka' thang shel brag ma/ dus 'khor paN chen dpal
ye'i gsung bdud rtsi'i 'byung gnas/ 'jigs byed bskyed rim dngos
grub snye ma/ stobs ldan yid 'gul/ tha 'og chos rgyal chen po'i

gtor chog cha lag dang bcas pa tshe smon gling gi par ma/ mkha'
spyod chos skor/ na bza' be'u bum/ nor bzang gi chos rgyal chen
mo'i las mtha' bka' rgya can/ rnam bshad chen mo/ dam pa rgya
gar pa'i gdan

thog gcig ma/ khri dge 'dun phun tshogs kyis mdzad pa'i yang
gsang gi zhi ba'i sbyin bsreg /rgyas pa'i sbyin bsreg 'od gsal
rdo rjes mdzad pa/ tshogs mchod rwa sgreng gsung/ drag po'i sbyin
bsreg rje drung

gis mdzad pa/ 'pho ba 'ja' tshugs ma/ rdo rje sgra dbyangs/ smon
lam mtha' yas rgya mtsho'i gcod gzhung/ sgrol ma'i be'u bum/
snying zhugs ma'i rjes gnang/ bA ri'i brgya rtsa'i sgrub thabs
kyi lung bcas

bstsal ba'i bka' drin ni bskal pa'i bar du bka' drin gyi cha
phra mo tsam yang gzhal gyis mi lang ngo/ /mgun mjug tu sbyin
bdag wang gi ma yum 'byor nas nged la smad du 'gro dgos kyi u
tshugs byas bas

@112b khas blangs/ de nas rgyud khri'i dgongs pa rim zhu byas
pas gnang ba bstsal lo/ /smras pa/ byol song mi yi gzugs can
zhig /dar zab gos kyis rab brgyan te/ /mthon po'i khri la 'gying
gyur kyar/ /lder bzo'i

sku dang khyad ci yod/ /brgyud lung khrid rgyun rnam dag dang/
/dbang bskur dam sdom bsrung bya rnams/ /grangs 'dren tsam yang
mi shes par/ /khrims ldan 'dus par 'chad spel ni/ /bum stong
gcig nas gcig byo dang/ /

ri mor bris pa'i 'chad nyan la/ /dpe zlar byas pa ma lags sam/
/rang yid khung du chud par gyur/ /'on kyang las dbang rlung
shugs dang/ /nyer 'brel bzlog med btsan po'i bka'/ /ri gzar 'bab
chu dang 'dra phyir/ /

dus rgyud khri la lo zung 'gying/ /zhes pa ni ngal bso'i tshigs
su bcad pa'o/ /sa skyong zhes pa shing bya lo'i gsar tshes kyi
dga' ston sngar srol bzhin phyi nang gi yo lang ma chag par
bstar/ rim bzhin khri pa'i

mtshams sbyor byed skabs bla ma'i phyag brgyud 'grel ba bzhi
sbrags/ brtsi bzhag rgyud chen sbyin pa dpal ba'i DI kka bkras
lhun par rnying cha tshang gcig /bla ma dbu mdzad pa'i phyag
brgyud rgyud chen sbyin pa dpal

ba'i DI kka sngar gyi phyag brgyud dam 'byar ma shog bu lnga
bcu can mjug ma tshang ba gcig /rgyud DIka dus gzings skabs me
skyon shor bas bla ma'i phyag brgyud thar shog gcig dang/ de
mtshungs bla ma dbu

@113a @#/ /mdzad par thar shog gcig las med tshul sngar phran dus
khri'i skabs brgyud pa'i bla ma tshogs 'dus nas khyod bla brang
'jam bzhad mkhan khrir gdan zhur 'gro skabs rgyud

DIka gi dpe zhig 'tshol dgos tshul gsungs par/ rgyud DIka sus
mdzad pa lags zhus par/ rgyal ba kun gyi bdag po rdo rje 'chang
zer ba'i mchod brjod can zhig yin su'i mdzad pa yin ma

shes zer/ phyis su sher seng/ kun dga' don grub/ sbyin pa dpal
ba sogs kyi rgyud DIka tu bltas pas sbyin pa dpal par snang bas
bris bshus byas/ phran rgyud khrir 'khod pa'i dga'

ston byed skabs rgyud 'grel/ rgyud DIka gong smos dang/ smad
rgyud pa'i bca' bsgrigs phran gyi dge rgan dam pa nyid nas rgya
srang sum cu tsam gyi 'gro song byas nas bshus pa dge rgan dam
pa mar

byon nas grwa tshang du sbyor 'jags mdzad rgyur bar chad kyis rim
lus su gyur pa phyogs gzhan du khyer nye bar chos skyong gis
rtags mtshan drag po 'ba' zhig byung ba'i rkyen gyis phran la
ster byung/ da

lam bca' bsgrigs de dang/ sngar yod kyi bca' bsgrigs bgres skyon
che bar snang bas/ a lags tshul khrims la zhal bshus gsar du
bgyis pa ma bu bcas dang/ rje sher seng gi rgyud

@113b DIka sogs khyon pot bcu drug dpe tho bcas rtsis sprod
byas nas rang sgar du bag phebs 'khul gyi gnas so/ /zla ba dang
po'i tshes bcu gcig la khri khar rdo rje 'chang thar shul rin po
cher mjal

bar phyin/ bcu gsum la mjal bcu bzhi la ngal bsos/ rdo rje
'chang gi zhal nas tshes bco lnga la snga bar phyir log gsung/ de
min zhag 'ga' sdod rtsis yin kyang bka' phebs ltar zhu

dgos byung/ bco lnga'i nyi ma rtse shar la sku mdun nas 'phral
du shog gsung/ mjal bar tshe lha yid bzhin 'khor lo/ mdzod btags
ser po rtser son/ dka' chen rin po che nas rje nyid

la phul ba'i dngul shan phra rgyan can gyi gri chung/ gsol rgyan
rtsa phor rtser son/ ma nu hu'i shangs ru shub ldan bcas bstsal
nas da khyod sa mthar 'gro dgos pas na spyod lam zhi dul bag yod
la gnas

nas rje bla ma'i bstan pa byang phyogs mun pa'i gling du nyi ma
shar ba lta bu dar bar mdzod o ko/ myur du thug yong/ yA da
song gsung/ a khu lo yi nas mngags bsdams 'ga' gnang nas cung

'gor song bar/ rdo rje 'chang nas rem ma 'gro chug ces phebs/
skabs der ar rkong 'gag dar chags pas der rgyugs gsungs pa ltar
shad rtsol gyis sum par slebs nas ja zhig bskol

@114a @#/ /ba'i bar la tig sgra chen po zhig byung bas ci red
dris par gnas tshang gi mi rnams kyis de ring khyed tshos yong
tshod zhig la 'byor ba red rma dar chad pa red zer bla ma'i thugs
rje

la nges pa gting nas rnyed pa zhig byung/ de nas rang yul du
nyin gung ma zin gong du 'byor/ zhag 'ga' nye 'brel rnams kyi ja
mgron du phyin/ de nas phyir sku 'bum du 'byor bar/ spyi sgar
rnams dang

phyogs so so nas ngo shes rnams kyis lam dar sogs byin/ skabs
der ra rgya nas rdo rje 'chang gi phyag mdzod a lags gshegs
pa'i bsngo rten rdo rje 'chang nas rta sogs kyi gnang sbyin
bstsal/

mkhan chen rgya yag rin po cher/ khen kyA'i lam zin sogs kyi
lung phul/ mkhan chen rin po che nas pE rin mkhan po'i zhal
snga nas bu ston gsung 'bum gyi ljags lung gsan bzhes kyi dbu

tshugs par snang mod phran smad phyogs su btegs nye ba'i rkyen
gyis zhu ma thub/ zla ba gnyis pa'i tshes bcu gsum la phran smad
phyogs su chas par gzhung gi ser sbreng dang dar 'bod bla spyi
che chung

gi skyil ring thung dang bcas zi ling du 'byor bar/ sku phyogs
mi nyag rin po che'ang phran la skyel ma dang lam rdzongs sogs
rgya cher bstsal/ phyi nyin bla spyi skyel mar phebs pa dang
sgar ba nang

@114b tshags sogs phyir log byas/ nye 'brel sogs 'ga' zhag shas
bskyal nas phyir log /de nas rim bzhin bskyod de a lags sha ya
mun du zhag 'ga' 'jag mal byas/ de nas bskyod de mar phyin

par dpyid kar song ba'i skabs kyis khal rta chad nas dpyis phyin
par 'gro ma thub par mdzod pa nas khal gla sprad nas a lags
sha'i khal glas mkhar sngon du phabs/ der zhag 'ga' bsdad/ dar
han pe li'i ca kho rog /

chi dpal 'byor sogs 'byor nas ho shor 'ong dgos tshul nan che mod
mdzod pas ma nyan/ ya mun nas bang chen sngon du a b+ha gar
btang ba des khal rta'i bsu ma shad rtsol du 'ong ba mkhar sngon
du 'byor/ ngos nas mkhar

sngon yAn chos rje gshegs pa'i dgongs rdzogs la nyin gcig gi
cho ga gtong bar phyin/ de nas bskyod de mi nyag rin po che'i
sgar khar sne len gzab rgyas bstar/ su nyid tA yan chi bla ma
phebs nas dgon par 'ong

dgos tshul gsung mod/ mdzod pas ma nyan/ no gon no ro zhes pa'i
su nyid kyi sa'i char a b+ha ga lwang 'khor mang po bcas bsu mar
phebs/ der lhan rgyas thog nas rim bskyod kyis u khur hu lu si
the

zhes par bla brang a lags sgo mang mkhan sprul ngag dbang dge
legs rin po che'i zhabs gras mang nas phran la thug 'phrad byed
par phebs/ phran a lags rin po cher mjal rtsis byas par lwang
nas 'gror ma

@115a @#/ /bcug pas yid shin tu pham pa zhig byung/ nged kyi
mdzod pa 'khor bcas song nas mjal dar dang skyabs zhu byas/ de
nas rim bskyod kyis drug pa'i tshes gcig gi nyin ho sho'i rtabs
su

mang ma 'byor bas thug 'phrad byas nas yan to'i tshogs chen 'du
khang gi khrir ser sbreng rgya cher dang bcas 'khod nas maNDal
brtan bzhugs dngos 'bul rgya chen btegs/ dkar spro'i thog tshogs
langs sogs

spros te ston 'khor bcas la bkur sti bla na med pa gnang/ de nas
rang sgar 'chi med 'dod 'jor ser sbreng bcas bskyod de 'khod par
sgar gnyer gyis maNDal dkar spro bcas bsnyen bkur gzab/ phyogs
mgron

rnams dang mjal mang rnams sngar rgyun ltar nyin der zam ma chad
pa byung/ drug pa'i tshes bzhi'i skyes skar nyin gnas bcu'i phyag
mchod kyi mgon du tshogs la phyin/ phyir 'ong nas brtan bzhugs
sogs sngar

srol ltar byas/ de'i nyin lwang blon mang bcas 'ong nas da res
khyod la zhu snying rang re'i yan to zhes par dgon gsar rgyag
byas pa nas da bar grwa tshang zhig med stabs grwa tshang yang
phyogs 'di'i bla ma spyi dang

khyad par cAn chi thu bla mar snga phyir yang yang zhus par
grwa tshang gsar 'dzugs kyi skabs su slebs yod kyang/ mtshan nyid/
rgyud pa/ sman pa/ dus 'khor/ sngags grwa sogs khyod tshol 'dzugs
skal med/

@115b de ma yin pa'i grwa tshang zhig che shos sprul skur 'dzugs
bcug na skabs su babs yod pas nges par bgyis zhes byams chos sde
lnga'i dpe thung zhig rten skal yin zhes wang la gnang yod pas
de lugs

kyi grwa tshang gsar 'dzugs zhig ci nas kyang byed dgos zhes u
tshugs mthar skyel byas byung bar/ re zhig brtag pa byas nas lan
'bul lags zhes btang/ skabs de mtshungs su kho rang tsho'i

dgon pa'i smon lam ma Ni sogs tshugs par tshogs 'gor yang yang
phyin/ smon lam grol bstun u rge steng du phyin nas zhag 'ga'
bsdad/ der wang dang blon po drag zhan thams cad slar bsdus
sngar

bshad pa'i lan dgos tshul zer/ da rang gis brtag pa theng 'ga'
byas pa'ang bzang ba sha stag babs mod yid brtan dka'/ 'on kyang
mar 'ong skabs skyabs rje thar shul rdo rje 'chang nas tshe sku
dang

nang mdzod ser po gnang nas da khyod smad phyogs su song nas
'jam mgon bla ma'i bstan pa nyi ma shar ba lta bur dar bar byos
shig ces gsung gi babs la brtags na 'di lta bu byed pa'i lung
bstan min

las che snyam pa yid la 'char ba'i rkyen gyis khas len byed
'khul dang/ rkyen sel gnas bcu/ sgrol chog /mdo gdugs sgrol gsum
grangs mang/ srung ma'i bskang bshags/ drug cu'i gtor
@116a @#/ /bzlog /yul lha gzhi bdag la bsangs gser skyems/ bstan
pa rgyas pa'i smon lam bcas phabs/ mi ring bar zhabs rim sgrubs
zin zer byung/ dgrwa tshang ci 'dra zhig 'dzugs

rgyu'i lan dgos tshul zer bar/ yongs su grags pa'i grwa tshang
gcig kyang 'dzugs skal med par khyod rnams kyi mchod 'os dag gis
smra bas na/ da nga ni 'dzugs rgyu grwa tshang zhig mi rnyed 'dug
pas/

gang ltar yang za thabs 'thung thabs kyi grwa tshang dkor sbyangs
thabs zhig byas na e chog byas par/ khyod kyis ci 'dra zhig
byas na nged cag la mi 'grigs pa med tshul dang mi ring bar bdun
pa'i tshes

'gor ci nas kyang 'dzugs dgos zer snang/ 'dzugs yul sngar yan to
su me zhes pa'i 'du khang rje stong sku bzhugs pa zhig 'dug par
der grwa khang byed rgyu yin tshul zer/ de rten 'brel legs po
byung

snyam pa yid la shar/ rang lo nyer lnga pa shing bya zla ba bdun
pa'i tshes gza' skar 'phrod sbyor phun sum tshogs pa'i nyin dge
bar tshogs yongs dkyil nas gsang 'dus ? ? ? ? ? 'dun sbyin bdag

wang yum sras blon dang bcas spos snas spyan drangs te stong sku
lha khang gi sgo 'byor du tshogs nas dung brda'i brda sbyar ba
dang/ rgan rim gyis bslab gral ltar dmigs brtse ma gdangs ring
dang bcas

@116b yar 'tshogs/ zhal 'don gnas bcu'i bstod pa sogs bca'
bsgrigs ltar gsungs/ grwa nga'i 'gor dge bskos bslang/ khrims
shing dang tshogs dung sprad/ phyag bde pa bslangs nas grwa ja
brgyud/ ja gnang zhus/

ja brgyab sher snying/ sgrol ma/ gtor 'bul/ bstan pa rgyas pa'i
smon lam gsungs nas grol/ dpon tshang nas rgya ting brgya phrag
/mchod 'os bla mas brgya ting/ ngos nas rgya ting brgya phrag
/chos dung cha/ stong

sku lha khang mchod ting bdun brgya bcas ting stong phrag /
gzhan dag gis sbyor 'jags byas pa rnams bsdoms stong lhag brgal
ba bcas yod 'dug par/ phyi nyin nas tshogs chen mang ja grol
bstun 'khar

brda btang 'phral 'du khang sgo 'byor du tshogs nas ltung bshags/
spyi bshags/ gtso rgyal ma dang sbrags nas phyag gang 'gro byas
bstun/ dung brda btang 'phral rtse zhwa gyon nas yar 'tshogs/ bla
mchod kyi

skyabs 'gro dbu bskul ba dang thams cad yar bzhengs nas yon chab
bshams/ tshar bstun gral du 'khod nas rje gser khang pa'i phyag
bzhes ltar mchod pa'i thun dang po'i 'don 'grigs ltar btang/

de'i steng du lam sgron/ lam gtso rnam gsum bcas gtong rgyur
byas/ zhog tshogs grol ba dang/ ngos phyin nas sbyor chos kyi
chos thun gcig tshogs/ tsha rting la mchod pa sngar ltar tshar gcig

@117a @#/ /bshams/ yongs 'dzin gsung gi lam rim dngos grub kun
'byung gdangs dang bcas gsung rgyur btsugs/ phyi dror lam rim
chos thun dang/ grwa ja la slar yang sman thung

mchod pa dang bcas bla mchod kyi mjug bsdu/ de nas sgrol 'don
yongs grags ltar tshogs rgyu bcas gsar 'dzugs byas/ tshogs par du
rtsig rwar bsdad nas bod sog gi skad du bsgyur bkod dang/

lam rim blo sbyong/ spyod 'jug rtsa 'grel/ bslab bya sna tshogs
dang/ byang sa/ tshul khrims le'u'i rnam bshad/ rtsa ltung rnam
bshad sogs la gshar sbyangs brtson par btsugs/ ming lam

rim grwa tshang zhes btags/ thog ma'i chos thog grol bar/ grwa
tshang las byed rnams nas chos skyong gang la bsten zer byung
bar/ chos thog thog mar btsugs pa'i nyin mgon po phyag drug pa'i
sku sgam bcas

gsar pa zhig 'dug pa bdag po su yin gyi rtsad bcad bar bdag po
ma byung bas chos skyong phyag drug pa de ka rab gnas khrus gsol
byas/ gnyer gtad drag po byas nas mgon khang gsar bcad nang gdan
drangs te

bskang gsol rgyas par btang gnas zil rngams che zhing thug chom
gyi sgra rgyun mar grags shing gtsang sme byung tshe rtags mngon
sum du bstan pa byung bas kun 'jigs zhum pa snang zer/ de rjes
bca' yig

@117b gsar brtsams byas te dge bskos lag brgyud du sprad/ de nas
a b+ha ka ja sag ho sho su me tshan the zhes par go 'phang ho
thog thu dang ja sag no yon tso rog thu wang sogs ser skya thun
mong nas yong dgos

zhes yang yang mol bar der phyin/ mgon chen bcu gsum sogs kyi
rjes gnang/ rta mgrin gsang sgrub kyi dbang sogs 'dod chos ci
rigs phul/ phyir 'ong nas nye 'khor gyi hus hu ral/ mi tshang so
so'i ja

zhus sgo snyegs la phyin/ phyir zla ba bcu pa'i tshes nang 'byor
bar mdzod pa la/ nged da lo dgun thog rgya nag ri bo rtse lngar
bla ma'i bka' bzhin 'gro rgyu yin tshul mol bar de bzhin gra
bsgrigs byed zer/ de nas dpon tshang

wang gi u rger phyin nas rgyu mtshan bshad par de lugs su khal
rta sogs kyi bdag rkyen bskyangs/ lnga mchod skabs lam du thon/
lam bar du mi tshang myul bzhin phyin/ tE thung du bla ma tEn
la ri rtse'i bsu ma 'byor/ lab

skyabs mgon yang der phebs pa mjal/ nged cag sngon du phyin/ lab
tshang der bzhugs zhag gnang/ rim bskyod kyis bcu gcig pa'i tshes
bcu gsum la kun 'dus gling zhes pa shi hwan thang gi bsu ma ser
sbreng bcas

te babs/ de'i phyi dro lab tshang yang phebs/ zhag gsum bsdad nas
nged cag shi hwan thang gi rta rwa'i rwa bskor du rje gser khang
ba'i bzhugs sar zur 'dug byas/ gnas chen gtso bo rnams la mchod
mjal byas nas

@118a @#/ /mdzod pa ngo g.yog rnams phyir theg / nged cag nyung
bsdus zhig zla shas sdod rgyur gnas/ der co sne tsha g+han ho thog
thu bkwan yin tun tu glo bur du phebs te sku mtshams la bzhugs pa
de'i mgron gnyer

zhig ched du mngags nas 'phrin yig rgyu mtshan lhug par bkod pa
sprad byung bar lan 'phral du dgos zer/ de 'phral lan mdor bsdus
zhig phul/ ring min zhig la ho thog thu'i phyag mdzod yin zer ba
zhig 'byor nas khyod

ho thog thu'i rtsar cis kyang 'ong dgos zer/ nged nas khyed kyi
bla ma mtshams la bzhugs zhes thos pa mi bden nam zhes pas mtshams
da nang grol nas khyed la drongs zhes 'ong ba yin zer/ de nas
mnyam du bkwan

yin tun zhes pa ^ rgyal mchog tshangs dbyangs pa'i sgrub gnas
byin can der bzhugs par mthong bzos bla na med pa bcas mjal/
nyin gang tsam la 'phros pa mang du byas/ 'dod chos 'ga'i lung
yang phul/ yang

yang 'dir mtshams nang la 'ong rog bgyis zer/ khas len 'khul tsam
byas nas phyir 'ong/ mchod rten chen mor nyin rer bskor ba 'ga'
re dang/ nye 'khor gyi rten rnams la mchod mjal zhus 'khul lta

bus lo rnying zad par byas so/ /smras pa/ khyab bdag dpal ldan
bla ma'i thugs rje yis/ /rlung shugs drag pos lo skeg nyer 'tshe
sogs/ /mgo nad srib tsam myong bas lhag med du/ /zhi bar byas
'di bka'

@118b dran gzhal du med/ /mgon po khyod kyis 'byung 'gyur lkog
gyur rnams/ /lag mthil rdzas bzhin rjen par lung bstan kyang/
/rmongs pa'i dra bar chud pa phran chung gis/ /las gang ma zin
bar du rtogs ma gyur/ /

khyod kyi thugs rje 'phrin las tsha zer mthus/ /bshad sgrub bstan
pa'i chu skyes gsar ba gang/ /ma bskyed rang shugs mkhas mang
bsti ba'i gnas/ /ma bros blo gsal bung ba mgron du khug /mtshan
ldan bla ma'i

bka' bzhin dwangs bsil rir/ /brtun pa bskyed de tsha grang khyad
bsad nas/ /rtse gcig dad pas phyag bskor bsnyen sgrub la/
/brtson pa'i skal bzang thob 'di e ma ho/ /mi zad ces pa me
khyi lo'i gnam lo gsar

bzhad kyi dga' ston rten 'byung gsar bsgrigs sogs ma chad tsam
dang tshes gtor sogs btang nas shi hwan thang gi bla ma de mchi
gtso bos dge 'dun rnams la lag pa'i 'degs 'jog sogs byas/ ngo
shes

phu tsi'i tshogs pa rnams dang/ lab tshang gi zhabs zhu rnams kyis
mjal 'phrad dang/ sog po te yan chi rnams dang/ sog po phyogs so
so nas 'ong ba rnams la lag pa'i 'degs 'jog byas/ nyi ma rtse

shar la la ba tshang la mjal bar phyin pas/ lab tshang nas khri
gnam la snyegs pa 'dra ba gnyis bshams 'dug par gcig gi steng du
nyid bzhugs snang/ phran la gcig gi steng du u tshugs byas

@119a @#/ /nas sdod bcug par maNDal rten gsum gsol ja bzhes 'bras
kha btags nang mdzod sogs kyi bkur bzos bla na med pa gnang/
phran de nas 'gro stabs byas par tshes gsum gyi nyin

'jam dkar ma ti lugs kyi rjes gnang zhig yod pas bzhugs na
gsungs par/ lags so zhu/ sngon chad zhal mjal zhus kyang chos
'brel med stabs cang zhus nus ma byung/ de nas thon te lo ho zi/

mchod rten dkar po/ klu rgyal bka' sdod/ bka' 'gyur su me/ zhan
thun zi/ thun wa ten/ phu sa ten/ ja sag bla ma/ sgrol ma lha
khang/ bsam gtan gling der ser smad ri rtse sprul sku bzhugs pa

'ang mjal te phyir 'khor/ tshes gsum la lab tshang gi mdun nas
'jam dkar rjes gnang gi chos 'brel thob/ mtshams mtshams su 'dir
shog gsungs/ lags so zhu/ nyin 'gar rnam

g.yeng gi ngang du shor/ tshes brgyad kyi nyin lab tshang gi mdun
du shog gsungs par phyin/ de nyin mdun du mjal bar sngar nas
chab kyi bsnyun bzhes pa slar cung 'thu mor song 'dug /zhabs

phyis rnams la zhabs brtan drag pa re gal che nges su 'dug tshul
bshad/ nyid nas khyod pha dam pa'i sgrub phug mjal byung ngam
gsungs/ ma mjal zhus pas/ khyod kyis de mjal te lam

@119b kha bde sdug sogs legs par bltas nas nga la shod gsungs/
nged 'dir cis kyang 'gro bsam yod gsungs/ 'gro stabs byas par
cung sdod gsungs/ mgron gnyer skad thong gsungs/ gsol

dpon nas mgron gnyer bos 'ong bar/ khyod phyi rol tu song nas
bod kyi tshogs phor zhig 'tshol la shog /yang 'phreng ser chung du
gcig dang/ grangs 'dzin chen po nyer gcig can bcas da lta

rang la 'tshol la shog ces gsungs/ mgron gnyer phyi rol tu phyin
par gnas bskor ba zhig gi tshogs phor tshong pa dang 'phrad par
nyos/ phu tsi nas 'phreng ba 'ang nyos nas 'phral du slebs/ gsol

dpon la phor ba khrus gsungs/ gsol dpon nas phor ba bkrus te
bsangs bdug rgyab nas gsol ja gang drangs/ 'phreng ser phyag la
dkris grangs 'dzin phyag tu bsnams nas da yag po byung

chung ngu'i skabs grwa sar bsdad skabs tshogs rgyan 'di dang
phreng ser 'di 'dra 'chang rgyu byung ba skyid po yin/ da skabs
sbyin bdag gi dkor la spyad nas yang DI sogs snod spyad la bag
med du spyad pa

nyes dmigs chen po yong rgyu red/ 'di 'dra spyad na dga' ba la
skyid pa la gsungs/ de nas nged phyir thon nas gsol mgron sogs
la zhabs brtan yag po gnang grogs mdzod/ bla ma'i

@120a @#/ /thugs dgongs ji 'dra gnang gin yod mi shes/ gtan gtan
dig dig ma gnang na rnam pa tsho 'o brgyal gzigs yong zhes bshad
nas log /? chos bcu'i nyin pha dam pa'i

sgrub phug btsal bar phyin/ nub ri'i zhol ri phran zhig gi 'gab
tu 'dug par der tshogs mchod bcas phul/ phyir lam rigs gsum lha
khang dang/ lcags kyi mgon po sogs mjal

nas rang gnas su log /de nyin phyi dro zhig la slebs/ phran 'ong
min rtsad gcod la mi theng gsum tsam 'ong zer/ phyi nyin mdun du
mjal bar phug pa'i lo rgyus dang lam sa rung rtsub pa'i

nyams rnams gsal por zhus nas phyir 'ong/ tshes bco lnga'i snga
char rang nas theg chen gso sbyong blangs nas mchod khang rnams
la mchod mjal rgyas par zhus/ de nas lab tshang gi mdun

du mjal bar phyin/ zhal nas da khyod 'di ru sdod dam gzhan du
'gro gsungs/ phran do nub mchod rten chen mor mtshan phud bskor
ba byed rtsis dang sang nyin zla 'dzin zhig yod par gleng bas
bsam

gtan gling du dbang chen yang gsang khros pa'i bsnyen pa theb
chag zhig gtong rtsis lags pas legs par bgegs med mthar phyin
'byung ba'i skyabs 'jug zhus par yong yong gsungs/ de'i

@120b phyi dror me'i 'khrul 'khor la ltad mo cung zad bltas nas
mchod rten bskor bar phyin pas 'tshang rgyag che bar mi thar tsam
'dug dal bur phyin pas rim bzhin je nyung je nyung la song mthar
rang gcig pu las

mi snang/ mtshan brjod bzhi brgya lhag tsam bton nyi ma rtse shar
la rang sdod sar phyin nas gtor ma sogs btang ste cung zad ngal
bsos snyam par mi mang yong nas do nub zla 'dzin mtshan ma brtan
po yod tshul

zer bar snga bar bsam gling du phyin/ mchod gtor sogs 'du byas
nas srod thun nas 'go tshugs te mtshams la bsdad zla 'dzin yang
phyed lhag tsam bzung ba ma grol bar thun la bsdad/ nyer bzhi'i
sa srod

tsam la sgo brdung bar 'dug mtshams g.yog pas lab tshang gi zhabs
phyis zhig 'ong 'dug khyod mtshams grol nas mar shog ces zer/ ci
red zhus par sku zhabs dgongs pa rdzogs pa 'dra zer/ bsam blo

zhig btang nas yA mtshams grangs ma rdzogs par bar du grol mi
nus zhes lan log cig ces lan bskur/ de'i nub lan 'ga' 'ong 'dug
mod thun la bsdad skabs 'phrod pas stabs legs byung/

gnyis pa'i nang mtshams grol nas sbyin bsreg blugs/ de nas gdung
mjal zhus par phyin brgya mchod sogs phul bar gzims chung gi kra
ma'i phyi log ka bar 'khril shing lta bu'i me tog ser po 'doms
@121a @#/ /gang lhag tsam skyes pa zhig mjal/ de nas lcang skya
bla brang gong ma e waM dga' 'khyil du gnas 'grel 'jog par
khang pa zhig g.yar par gzims chung du sdod zer/ thun gyi skabs

gzims chung du bsdad/ bza' btung skabs dang nyal sa gnas gzhan
du byas nas bdun phrag gcig bsdad/ sbyin bsreg grub nas mar 'gro
bar chas slabs sog po ti yan chi zhig 'ong nas dung

dkar lnga/ rdo ljang gu'i seng gi gsum byin/ de nas bde mchog su
mer mtshams sdod par 'gro lam rdo rje phug la mjal bar dgon gnyer
nas bla rdo sho lta bu lcam sring bla rdo yin zer ba thum

bu gcig byin/ de nas u lang mau zer bar der mjal spyan ras
skyabs zer ba'i sog po bla rgan lha bzo yin zer ba zhig gis nan
he 'phel gdung dang po d+hi'i phreng ba chung du zhig byin/

bde mchog su ma re gnas khang g.yar nas bdun phrag gnyis tsam
bsdad/ de nas phu sa ten zhes 'jam dbyangs mda' zug ma'i lha
khang gi lhor gnas khang khang rnying g.yar byung bar der

'jam dbyangs bstod sgrub kyi mtshams zhig bsdams par 'tshub lhongs
shin tu che bar byung yang skyon ma byung/ skabs der bsam gling
gi ri rtse sprul sku nas phran la rin 'byung brgya rtsa'i

@121b rjes gnang 'don dgos zhes nan che ba'i ngom bzlog par bsam
gling du phyin nas rin 'byung 'don khul byas/ khrom tshogs rgyas
par 'byung zhing/ rten 'brel sna tshogs zhig 'grigs/ de nas rang
sdod sar zhag 'ga'

ngal bsos pa'i skabs rgya mi rgya dkar po dbu rgyan dar dpyangs
phod dkar po gtsug tor ser po sgom zhwa lta bu gyon pa rang nyal
ba'i rmi lam 'khrul snang mang po rmis nas sad pa dang bstun
dril bu'i sgra lta bu

gra ma'i phyi rol tu bsgrags snyam byed pa bltas pas gong smos
nyid phyi rol tu 'dug pa mthong ba dang mgyogs par langs nas
khrus byas te sgo dbye ba dang nang du 'ong nas gar lta bu mang
po zhig byas nas

phu thung nas bag ril dkar po sder gang rtse lnga'i sa sna thum
bu re bcas ster byung/ phyag dbang zhu bar 'ong bas mtshan brjod
kyi glegs bam mgor bzhag /bzhugs zhes pa dang nged kyi g.yon
ngos

su skyil krung byas te bsdad/ sha mar 'o ma bzhes sam zhes par/
los 'thung sems bsrung ba gal che ba las kha 'dzem pas ci phan/
sngar gyi gnas brtan dzi tan dang bcu drug gras pho ba

gshags nas mgo thon pa/ mgog sa nas mgo thon pa thams cad sems
bsrung ba las kha 'dzem pa las byung ba min zer/ der ja dang
khur ba sha sogs nang ja mtshan nyid tshang bar byas nas

@122a @#/ /thon song ngo/ /dus rgyun thams cad kyi 'jam dbyangs
dkar po zhes sog po rnams la grags che ba zhig snang/ yul mi
rnams kyis brdzu 'bag mkhan zer 'dug / sngar rang lo

bcu par ri rtser mjal skabs 'jam dbyangs nag po zer ba'i smyon
spyod can dgun grang ngad shin tu che skabs gtser bu rkang rjen
pa zhig rgyugs 'gro ba yod par dong tshe nyis brgya'i 'brel zhig
bzhag /

da lta'i 'di kas khyod 'jam dkar phug ces pa rgya skad du tsho ya
tsi tung zhes par gnas 'brel zhig cis kyang zhog zer/ zhag 'ga'
nas cin he zi zer bar phyin nas bdun phrag gcig gi 'brel ba

bzhag /de nas 'gro ba'i nyin shi hwan thang na yod pa'i gnyer ba
ngag dbang bsam grub snga bar 'ong ba'i lam du 'jam dkar du
grags pa lam khar sgug bsdad snang zer/ khyod cin he zir

'gro ba yin nam zer/ yin zhes par/ sAn yo'i 'khur ba nyer lnga
khyod kyis bla ma la 'jam dkar phug tu 'gro ba'i lam rgyags la
byin zer nas mar song ngo/ /kho ya mtshan skyes bzhin

'ong nas rgyu mtshan bshad de phyin bag leb ser po ro mngar ba
zhig ni snang le bar brgyad cu tsam gyi sar tsho ya tsi tung zhes
par phyin nas nyin dang por lha khang zhig yod par bsdad/ de'i

@122b phyi nyin nas phug par zhag 'ga' bsdad/ de'i mdun thad hwo
the zhes pa bod skad du rdo rje lhun brtsegs zhes pa'i ri rtser
pha bong khang tshod tsam skas btsugs te steng du bsdad tshe ri bo
rtse lnga pang du blangs

pa lta bu'i nyams shin tu dga' ba snang ba 'gyur des ba'i gnas
mjal/ de nas phyir lam stag dgon par zhag sdod byas/ de ka'i bla
mar rab byung bsgrubs/ de nas shi hwan thang gi rang sdod sar

slebs pa dang/ lha bzo bla rgan 'ong nas rje dang sgrol ma'i
tsakli che tshad 'jam dkar de mtshungs/ smyug ma'i tshon sgam/ sgom
zhwa chung ngu spus legs bcas byin/ nan he hwo zhang gsum nas
nya'i 'gro rgyus

las gnas bcu rang byon tu phebs pa skud pa chun chen/ du ru ka
dang/ ar nag / rgya khab/ bo d+hri'i phreng ba bcas byin/ bde
mchog su ma'i las byed rnams nas yar 'ong nas chos 'brel dgos

tshul zer ba ltar phyin/ bde lam gyi khrid nyin gsum/ sman bla'i
dbang/ bde mchog sngags btus rjes gnang sogs 'dod chos 'ga'
bton/ bzhi ba'i tshes la ri bskor la 'gro khar chas skabs

khang chen zhig babs thams cad kyis mi thar tshul zer/ ma nyan
par phyin nas khyan ho tung zer ba'i sangs rgyas stong gi phug
par zhag sdod byas/ phug par 'dzul nas thun ring po bsdad/ phyi
nyin lho'i

@123a @#/ /ri rtser phyin par khang gtan nas mi 'dug / gnam gshis
legs shing sa bug dro bar yod pas zhag gcig bsdad/ chin lang shi
zer bar zhag sdod byas/ lo hun tung sogs

mjal; de nas cin ku zi/ tsar gro zi mjal/ der rten 'brel yang
ngo mtshar ba byung/ de'i phyi nyin chin lang 'tsho zer bar mjal
nas glang chen mchin pa 'dra ba'i rdo'i steng du ngal bsos par

bsdad pas bzhi pa'i tshes brgyad nyin yin pas khu byug gi skad
tshar brgyad bsgrags/ rten 'brel legs bsam grogs rnams dal bur
shog byas nas rang sngon la phyin nas rdo'i mchod rten

zhig yod pa mjal nas nub ri'i zla ba'i thod can gyi rtser slebs
phyag gcig byas par sa steng chu 'dam lta bus khyab 'dug par rje
sku par sleb chung ngu mdzub rtse tsam chu nas 'od 'tsher pa

mthong nas blangs/ yang phyag gcig byas pas yang gcig rnyed/
phyag bdun tsam la re rnyed skabs nyi ma'ang nub pa dang grogs
rnams 'byor nas ci 'dug zer sku 'dra 'dug byas pas

thams cad kyis btsal bas ma rnyed sa rub la gtugs pas sang nyin
btsal zer nas skam pa zhig tu gur brgyab nas bsdad/ phyi nyin
tsha rting yol yol par btsal bas ja mas sgrol ma cung zad che

@123b ba ma khyid gang tsam rnyed par tshur 'then pas rked pa nas
chag / skabs der nan he hwo zhang brgya lhag g.yon bskor byas
nas der thug pas de thams cad kyis btsal nas ma rnyed/ de nas de
rnams dbus rir

'gro bar chas nas rje btsun dang ma pham pa gnyis kyis chos kyi
bgro ba mdzad pa'i gnas su hal ha zhabs drung 'jam dpal rdo rje
nged gnyis nas bgro gleng re gtong 'khul byas par bya rog zhig
nged gnyis

kyi gam du rgyun ring bsdad nas gcin pa zhig btang nas 'phur/
zhabs drung nas rje btsun gyis nged gnyis la dngos grub gnang ba
'dra zer/ myang la blta zer/ de ltar bgyis zhes pas/ myang bas
mar

khu gsar ba'i ro bro bar 'dug zer/ nged kyis myang bas de kho
nar 'dug / da legs snyam pa'i dga' spro skyes/ de nas phyin pas
sengge'i zhabs rjes brag la yar bstan nas bzhag pa 'jim par

par btab pa lta bu rnams mjal nas dbus rir slebs/ rdo khang zhig
'dug par mjal/ yang Ti za ma tog gi rgya dpe zhig rnyed/ der
zhag sdod byas/ de nas byang rir rdo'i gaNTe sogs mjal nas zhag

tu bsdad/ phyi nyin nyin gung yol nas phyin par kha ba babs par
shar ri'i rtser phyin nas zhag sdod byas/ khang chen zhig babs/
shar ri nas phyi'i rgya mtsho mthong ba'i spo zhes pas na khang
'dis rgya mtsho

@124a @#/ /mthong e yong snyam nyal bsdad par nyi ma rtse shar
la na bun thams cad ri bo'i mthil du lhung par gnam shin tu
dwangs ba'i shar mtha' sngo long long zhig mjal/ de ma khang nas
sprin

'thibs shing kha ba sngar ltar babs/ de nas sred med kyi phug
sogs mjal nas 'jam dbyangs dmar ser gyi sgrub phug tu bsdad/
phyi nyin rje sgrub phug dang phyag rdor phug sogs mjal nas gnas

bcu lha khang du bsdad/ phyi nyin bkwan yin tung du mjal bar sku
phyogs tsha g+han ho thog thu la'ang mjal 'phrad byas lung chos
phran bu phul/ phyi dro sman bla'i phug dang/ 'jam dbyangs shing
rta mar mjal

nas yar 'ong bar/ bu chung lo bco lnga'i tshad tsam sha rgyas pa
zhig bong bu la kha phyir bltas nas bzhon te 'gro ba 'phrad bar
ya ki ri rtse la ltos zer nas mar thal song/ 'jam dbyangs rgan
po'i lha

khang gi mdun thad mi dpung chen po zhig mthong/ mun rub nas
song/ me dpung de 'dra bzhi lnga zhig tu song/ de nas gcig tu
'dres nas yar dbus ri'i rtsa la slebs/ de nas 'od chen po nyi ma
shar ba lta

bus ri klung khang khyim mi thams cad shin tu gsal bar mthong
'od chen 'di nged cag grogs rnams kun gyis mthun snang ngo/ /de
nas rang sdod sar slebs/ sog yul nas len mi khal rta sogs

@124b 'byor 'dug / de'i phyi dror 'jam dbyangs rigs lnga'i lha
khang gi phyi sgor mar me brgya phrag mang po bsgrigs pa gling
me lta bu g.yo 'gul med pa thams cad kyis mthun snang du byung/
phyi nyin ched gnyer gyis nor

bzang phug mjal te rigs lnga'i lha khang du mjal phyin par dgon
gnyer tsam yang mi snang/ mchod rkong btsal bas kyang ma rnyed/
phyi nyin slar yang stag dgon par nang rten sogs mjal nas zhag
tu

bsdad; de nas pi hwar mjal nas tsha kyan ling du/ mA phor tshon
er mjal/ slar 'khor nas swo lau wu zer ba dpag bsam shing mjal
bar song nas sa rub la nye bar ri lam zhig khang 'thug

pos lam bcad nas mi thar bar rta gcig yod pa mdun nas mar 'then
brgyab nas phyir 'then te nyin ngos kyi lam la zhugs nas phyin
par smag shin tu 'thug por gar 'gros mi shes par yod skabs

sgron me 'dra ba nye sar mthong bas der mi tshang zhig 'dug par
gnas tshang mi gtong 'dug / de nas yar yar la rgyab phyin par ci
yang mi mthong bar 'gro skabs dkar cha shin tu gsal bar snang
yar

mar la bltas pas/ mdun drang thad kyi ri me tshig pa lta bu'i
snang ba 'char bar zhib tu bltas cha snyoms pa mar me btegs pa
lta bu'i snang ba'i ngang mi khyim zhig la slebs/ gnas tshang
g.yar

@125a @#/ /po byas byung/ swo lau wu thag ji tsam dris par 'di ka
yin zer/ phyi nyin me tshig pa'i gnas ci 'drar 'dug pa ltas pas
sa phyogs thams cad gangs ri las mi snang/ rje

btsun la mi phyed pa'i dad pa thob/ der sgrub phug mang po mjal/
phyi nyin mgon po ri dang/ k+She tra pA la'i bla rdo sogs rnyed
nas phyir 'khor/ phyi nyin mchod rten bya rung kha shor dang/
thang zin bla

ma'i dgon pa sogs mjal/ 'phel gdung khyad par can sngar rin
'byung skabs rgya mi 'gas byin pa dang 'dra ba shel ltar dwangs
pa rnyed/ de nas phyir 'khor nas mi mang khal sogs sngon la

btang; shi hwan thang gi dge 'dun rnams la bla mchod sogs 'dod
chos 'ga'i lung phul/ zla ba bzhi pa'i nyer lnga'i nyin ri bo
rtse lnga nas lam du chas bar nan her phyin pa'i sog po zhig gis

bde mchog lhan skyes rgya gar ma tsandan dkar po'i 'phreng ba
spus logs dri ngad can zhig byin/ de nas u the shan la zhag
sdod byas/ rgya mi zhig nas zha he 'bob bcas byin/ de nas ting
shIng

shan du phyin nas chI nyang tung zer ba'i sgrol ma'i mar gdung
la mjal/ ngos kyi sring mos gnas rdo khyer shog ces mngags don
ltar sgrol ma'i sku rgyab nas chu mig chung ngu zhig 'dug par
lag

@125b mnom byas pas rdo gnyis rnyed/ de nas phyir lam ting shing
u the shan sogs brgyud yin trug mchod rten dkar por mjal nas
yin gung mai tri zhes pa'i byams chen mjal/ de nas te thung
mkhar du

lha khang shin tu che ba zhig la ka ba gcig kyang med pa rnams
mjal te grang kyA khug la slebs nas zhag gnyis gsum ngal bsos/
rta khal rnams dang lhan du 'dzoms/ de nas theg ste la 'gor bsu
ma

ngad thug nas rim bzhin mi khyim sgor nyul gyis lnga pa'i nang
rang sgar la 'byor bar dpon skya ser tshang ma'i sne len gzab
rgyas byas/ sngar lam bzhin lnga pa'i bcu gsum la ho sho'i lab
tse bstod bar

phyin nas 'char can gyi bya ba rnams byas nas pE zi tshang dang
mar nyung sprul skur tshe dbang phul/ rim bzhin mi tshang 'gar
nyul nas bla brang du 'byor bar tsun ho chid wang gi tA ye
'byor nas rang phyogs la

'ong dgos tshul zer bar khas blangs/ yang bA ron ho chid wang gi
mi sna 'byor bar ho shor 'ong dgos tshul zer ba khas blangs/ tA
re ganggA ho ni su rug gi am b+han gtsug tor skyabs nas mi sna
ched

mngags byung bar khas len 'khul byas kyang da lor 'ong mi thub
ces bshad nas drug pa'i tshes mgor lam du thon/ lcang lung dgon
par paNDi ta'i sprul skur tshe dbang dang bya bas khrus sogs
phul/ de
@126a @#/ /nas cun ho chid chos rje bla ma'i dgon par phyin/ lam
rim chen mo dang/ sgrol ma nyer gcig gi rjes gnang/ 'jigs byed
dpa' bo gcig pa'i dbang sogs 'dod ches 'ga' sprul

skur phul/ wang gi u rge steng phyin nas zhag shas bsdad par
lab tse rnying pa gsar gsos dang gsar ba gcig kyang brgyag dgos
tshul zer/ nged nas de 'dra byed ma myong bas mi thub byas par/
skyabs

mgon shing bza' rdo rje 'chang nas khyed la brgyag chug ces
phyag yig bstan par cang zer ma nus/ des na nged la rog zhig
dgos zhes par pe ligs thu no min han khyod kyi rog tu gdan 'dren
zhu

zer/ no min han phebs nas gros byas te dgos cha sogs gra bsgrigs
te no min han dang nged gnyis nas gter bum rnams bsgrub nas rim
gyis lab tse khar phyin/ no min han dang wang ye

'khor dang bcas pa rim bzhin 'byor nas mkho ba'i yo byad rnams
bsgrigs nas zhag 'gar bsdad/ de skabs shan tung zer ba'i jag
sdom skor 'ga' phyogs phyogs su 'gro skad thos/ no min

han dang wang ye la bshad pas nged kyi ho shor mi yod kho thag
yin khyed blo bde bar bzhugs zhes zer/ yang nyin gcig no min han
la bshad pas khyed nas wang ye la zhus nas myur mor lab tse

@126b bstod na bzang snyam/ jag sdom 'ong na 'o brgyal yong nges
snyam zhes lab/ wang nas nyag tsi gtong mi dgos zhes bshad snang
zer/ a b+ha ka dar han gung ni su me'i mi sna nged phyir ldog
skabs dbang

chos 'ga' 'don rgyur khas blangs yod pa de'i lan len mi tshur
'ong bar jag pas bzung nas zhag gcig btags nas bzhag 'dug /mtshan
mo kho rang tshos gros byed par sang nang nyin tsun ho chad

wang gis lab tse bstod par phyin na rta bzang mang po rnyed ces
bshad snang ba thos 'dug /phyi nyin rta ngan chad pa gnyis phyin
nas phyi dro zhig 'byor nas rgyu mtshan bshad/ de don ho chid
wang ye la

bshad pas rna bar 'gro mi 'gro tsam byas nas phyi nyin nged nas
lab tse gnyis ka de ring bstod rgyu yin 'tshags na mi 'tshags na
de ka yin zhes pas cang mi zer de ltar byed zer nas snga dro lab
tse rnying ba

gsar gso byas nas bsdad/ phyi dro lab tse gsar ba brgyab nas
bsdad yod par sang nyin dga' ston byed rgyu ma gtogs cang med
par byas nas bsdad/ sang zhog nyi ma shar nas chu tshod tsam gyi
tshod

la sgar mang 'ur shog che bar byung ba nye gnas la ltos dang ci
red ces dris par/ nye gnas phyi rol tu song nas stab stab por
'ong nas shan tung jag pa slebs 'dug zer/ gar 'dug ces par khyod

@127a @#/ /kyi gur brgyab der 'dug zer/ myur bar phyi rol tu
phyin nas bltas pas jag pa rta ba sum cu tsam wang dang no min
han/ nged cag gi gur gyi bar 'khrigs mer gyis gang bas

phyi rgyab nas mi mang gis bskor nas gnas 'dug /thams cad ha las
nas bsdad snang/ de 'dra zhig la bstan srung thu sa lag chi skad
chen pos mi mang la khyed rnams ci phyir ltad mo bar 'dus

ma rabs rnams bla ma dpon po'i dbu gur rtsog pa byed pa ma
mthong ngam/ myur bar bskrod ces zer snang/ lag cha med pa ci
yis bskrod zer bar rang rang gi gur shing med dam zer/ mi mang
de ma

thag 'thor nas gur shing blangs nas jag pa re gnyis zhig gi mgo
la brdeg par rta thog nas zag /de ltar mi mang gis gur shing
mang po khyer nas jag pa rnams bskor bzhin ya zad tsam du

phyin par mi mang thams cad rta bzung nas bskor 'dug /mar zag pa
rnams khrims ra ba rnams kyis bzung/ de bar wang ye 'ong nas ci
drag zer/ kha sang nas zhus pas gsan dgongs ye mi

mdzad 'dug /da gang ltar yang lab tse bstod zin pa dga' rabs
byung/ da ni nged la dgongs pa gnang grogs mdzod/ nga ni da lta
rang 'gro rgyu yin zhes pas phyag yang yang 'tshal te dus 'khor

@127b dbang chen ci nas bskur dgos zhes u tshugs gnang/ tshod lta
ye zhus nas nged lam du thon nas 'ong ste o ko mor su mer ja
thab byas nas wang gi urger slebs nas blo cung bde tsam byung/

mtshan phyed yol tsam la wang 'khor bcas byon 'phral/ wang ye
nged kyi gur sgor byon nas yar bzhengs mi dgos/ dgra thams cad
cham la phab tshar/ thugs bde bar gzims zer/ nyin

gsum tsam dal bsos/ de nas dznyA na ho sho su mer phyin te rdul
tshon dkyil 'khor bzhengs par zhag lnga'i khongs su 'grub nas sta
gon/ byis pa ltar 'jug pa'i dbang bdun/ gong ma gong chen/

rdo rje slob dpon bdag po chen po'i dbang bcas nyin bzhir phul/
mjug gtang rag klu chog chab 'dren rnams phyag len ltar byed
'khul byas/ de nas dga' ston nyin gsum sogs yul lugs

ltar byas/ nged cag phyir btegs nas lcang lung dgon par zhag
gnyis bsdad/ paNDi ta'i sprul sku rin po cher thugs mkho'i 'dod
chos 'ga' re phul te te'i bla ma'i dgon par phyin/ te'i bla mar

tshe dbang/ dbyangs can ma'i rjes gnang sogs dang/ rab gnas mdor
bsdus sogs byas nas thon te pA yan snyan grags tshang la zhag
'ga' bsdad/ de nas pA ron ho chid wang tshang la phyin

@128a @#/ /nas zhag 'ga' bsdad/ g.yang 'bod/ rab gnas/ rta mgrin
gsang sgrub kyi dbang sogs bton/ de nas ma Ni thu su mer phyin/
bla grwa rnams la 'dod chos sogs phul/ ho sho

mang mar dus 'khor dbang chen bskur/ de nas dga' ston sogs sngar
lam bzhin byas nas u rang hang brgyud nas yan tor slebs/ zhag
'ga' bsdad nas nye 'khor gyi hu ral rnams brgyud cha har gu

lu khu kho'i phyogs shi bi su mer rab gnas dge legs rgya mtsho'i
char 'bebs nyin gsum rab ston bcas grub nas cha har par g+hong
phyogs kyi mi tshang sgor nyul byas nas bcu pa'i nang rang sgar
la 'ong nas

zhag shas bsdad/ dpon tshang sogs la phyin nas zhag 'ga' bsdad/
slar 'ong nas mtshams tho bslangs te byi khung du yib pa ltar zla
ba gnyis tsam bsdad nas grol lo/ /thams cad 'dul zhes pa

me phag lo'i gsar bzhad kyi dga' ston tshes gtor sogs 'char can
gyi phyi nang gi rten 'brel sogs sngar lam bzhin bsgrigs/ dpon
tshang la sngar lugs ltar phyin/ lo gsar gyi dus gtor sogs ma

chag par rgyas par phul/ nyi shu'i nang da ra han pe li'i skya
ser nyi shu skor mtshams zhu dang 'brel bar yar lam la dus snga
bar yong dgos tshul sogs zer bar khas blangs/ de nas rim par tsun
su

@128b nyid wang gi mi sna dang/ pA ron su nyid lang gi mi sna/
ja sag shog gi tshan the sogs kyi mi sna rim 'byor rnams nas lo
gsar mtshams zhu dang 'brel bar yar lam so so'i phyogs su 'od
dgos tshul

zer ba rnams khas blangs/ tA re gang+gA'i mtshams zhu dang/ ho
chid gnyis/ lcang lung rnams kyi mtshams zhu 'ong ba sogs phyogs
mtha' dag mang rabs 'byor ba rnams kyi mtshams lan ched mi

mngags nas mtshams zhu phul/ slar yang dpon tshang la phyin nas
yar log rgyu'i gnas tshul bshad par dpon blon tshang mas lo 'ga'
sdod dgos tshul nan che yang ma nyan/ nye 'khor gyi mi tshang mang
phor

ja zhu sogs la skabs gcig par ma chad par phyin/ zla ba bzhi
pa'i tshes nang rang sgar nor 'dzin dga' tshal gyi lab tse bstod
par phyin/ lab tse bstod nas phyir sgar brgyab pa'i sar slebs pa
dang

'brug skad thog ma bsgrags shing char phran bu babs/ der co sne
mjal ba zhig 'ong bar rje bka' 'gyur pa a mo seng bzang ba'i
phyag yig dang rje bshad sgrub pa'i thugs dam rten 'jam dbyangs
dmar ser

byin rlabs kyi gzi 'od 'bar ba bstsal ba spyi bor son pas shin
tu dga' ba'i shugs kyis dad pa'i 'o mtsho drag tu 'phyur bar
'gyur/ cha har a b+ha ka'i mjal ba yang shin tu mang/ de nas mi
tshang nyul bzhin sgar

@129a @#/ /thog tu 'byor/ ho sho'i lab tse chen mo sngar srol
ltar bstod nas dga' ba'i yo lang sprin 'khrigs pa ltar rang
gzhan gyis nyams su myong/ de nas dpon tshang la phyin nas zhag
'ga'

bsdad/ yar 'gro'i lam rdzongs sogs spyi bye brag rnams bstar/ de
nas rang sgar du 'byor nas yar rang yul du 'gro ba'i nyer bldog
byas/ drug pa'i tshes la lam du thon nas mi khyim sgor myul

gyis rim par tshan the/ tsun su nyid lwang gi urge/ ken the'i su
me/ ba ron su nyid wang gi urge/ mkhan po'i su me/ tA yan chi
bla ma'i dgon pa sogs brgyud nas pA thu hal ga zhes dar han

pe li'i shog gi dgon chen dar rgyas chos gling gi bla ma khri
gdan zur bka' rab 'byams rnams dang/ dpon po pE li no yon gtso
bos skya ser mang po'i rta bsu dang bcas tshogs chen 'du khang

chen mor khri la 'khod de maNDal dkar spro tshogs langs mjal kha
sogs sngar lam ltar byas nas rang sgar spro bde'i khang gsar du
'byor/ der grwa tshang bzhi'i ja dang gung tshig sogs sngar srol

bzhin bstar/ de nas rim bzhin snga ma'i lam srol ltar chos grwar
brtsi bzhag /tshogs chen smon lam/ rgyud sman dus gsum so sor
'dod chos rnams phul te dpon tshang urge la phyin

@129b nas zhag 'ga' bsdad/ 'dod chos 'ga' re phul/ de nas rim
bzhin nye 'khor gyi dgon pa ha zhun su me sogs rim bskyod kyis
brgyad pa'i tshes nang 'byor/ dgu pa'i nang dpon tshang la phyin
nas yar

'gro rgyu'i rgyu mtshan bshad/ zhag shas bsdad/ rta khal sogs ho
sho nas ster chad byas/ zla ba bcu pa'i nang dpon tshang tA ye
dang tho yon shes rab rgya mtsho rnams nged dang mnyam du 'gro
rgyur thon nas

rim bskyod kyis min g+han shog sha ra cho lo/ tun tA gung gi
urge sogs brgyud nas rim bzhin me rin su me bcas myul te ya mun
la 'byor zhag 'ga' bsdad/ de nas ko me rin tshang la phyin nas
zhag

gcig bsdad/ de nas shar rgyag gis phyin nas krung lang la rgyab
nas sku 'bum sgar gnyer nang so ngo g.yog bsu mar 'byor/ krung
lang mkhar du zhag sdod byas/ de nas nen pe gsham du rgya rtse
che shos kyi

yul gzhis kyi bsu ma/ phin trung ye la sku 'bum bla spyi/ sho
sha la rang yul gyi bstan 'dzin sogs dang/ zi ling gi gsham du
pha rgan dang/ lcang ra'i dge bsnyen/ khyung kya'i sde ba bcas
kyi bsu ma bcas

sgar chung nang tshags sogs kyi gung tshig zi ling du zhag sdod
byas nas phyi nyin gzhung gi thab bsu dge 'dun mang gi ser
sbreng dang bcas rang sgar bla brang e waM dga' 'khyil du 'khod
nas bla ma tshogs

@130a @#/ /'dus la ja 'bras lag rtags sogs sngar srol rnams byas/
de nas mkhan rin po che gtso bos khri gdan zur sprul sku che
chung bka' rab 'byams las sne thon zin sgar che chung ngo shes

nang tshags phyogs mgron che chung rnams kyis nyin re ma khom par
lo zla zad du lus so/ /smras pa/ e ma yab rje gong ma'i dad
ldan sbyin bdag rnams/ /rab rmongs bdag la ra gan sa zla ltar
dgongs

nas/ /yang yang mgron du bkugs pas dus ngan sa mtha' ru/ /bskyod
pas lung stong 'chad nyan tshugs pa 'di rmad byung/ /bla ma'i
bka' bzhin mi 'jigs gnas chen dwangs bsil ri ra/ /bsags

sbyangs rnam dkar gzugs brnyan bcos ma'i dge sbyor dang/ /grub
pa'i gnas chen rnams la phyag mchod bkur bsti sogs/ /rang mgo
bskor ba'i dge la rjes su yi rang ngo/ /zhes pa ni ngal

bso'i tshigs su bcad pa'o/ /kun 'dzin zhes pa sa byi lo'i gsar
tshes kyi dga' ston tshes gtor rten 'brel brtan bzhugs sogs rang
sgar gyi 'char can gang yod grub 'phral gzhung gi las byed

sogs sdar srol gang yod phar 'gro ba tshur phebs pa dkyus ma sogs
zam ma chad par nyin 'gar yo lang 'khrigs/ tshes bzhi'i nyin smad
nas 'ong ba'i sbyin bdag rnams la grub rgyal ma'i tshe

@130b dbang byas/ rgya lo'i bcu gcig nyin khri kha gser mo
ljongs su rdo rje 'chang rnam gnyis la mjal bar phyin/ bcu gnyis
nyin rdo rje 'chang rnam gnyis kyi gser zhal mngon du gyur te
dga' spro tshad med pa skyes/

skabs der smad phyogs nas gsar 'byor du song ba'i sog chas sprad
de phyin par rje shing bza' rdo rje 'chang gi spyan sngar slar
mjal bar rdo rje 'chang nas sog chas la mnyes tshor chen pos
gnang gin yod stabs

zhal nas/ khyed kyi zhwa mo rna bzhi 'di nged la ston dang
gsungs par yar phul bas de ma thag dbu la bzhes pas nged kyis
bsangs bdug byas nas mchod na zhus par mi dgos/ nga la rnam rtog
spyir med

kyang khyad par khyod kyi bgon pa yo byad la rnam rtog gtan nas
med gsung/ khyod kyi lham de 'ang nga la ster dgos gsung/ mi
rung zhes par/ skyon med khyod la ser sna med na byin gsung/
zhwa mo dang

sbu ma'i lham gsar ba zhig yin kyang rang gis gyon zin pa'i
stabs kyis cu nga 'bul mi bde zhus par/ skyon med da lta rang
byin gsungs pas 'phral du brje sor byas nas bsang bdug byi dor
byas te phul/ /

der mgar ba sog po zla ba zhes pa sku mdun du mjal bar 'au legs/
khyod kyi mdzod pa 'jam dbyangs rgyal mtshan tshur shog ces 'bod
mi btang bar de 'phral sku mdun du 'byor bar/ rje nyid nas dbu
@131a @#/ /sngas steng nas kha btags gnyis bag 'doms do ma zhig
nged la bstsal/ lha gsum ma zhig mdzod par gnang/ kha btags che
legs kon bu ling zhig mgar bar gnang ste

zhal nas/ chu lug lor sku 'bum tshogs 'dus nas gser sdong gsar
bzhengs kyi bkod khyab byed dgos zer bar bkod khyab byas nas
gser sdong gi ar las phyi nang legs par sgrubs zin mod/

rgya phib mda' yab la gser tshos kyi las bgyis ma grub par lus pa
shing bya lor dza ya'i mgar ba ched mngags kyis bos pa 'byor nas
dad pa dag snang gi bzo 'khul byas 'dug mod/ bgegs

dbang gis skabs su ma babs pa lta bus bzo legs par ma thon par
da bar lus 'dug phyir/ da ni rang gis mchog gsum bden bskul gyis
brtag pa nan tan byas pa dang/ sku bzhog rdo rje 'chang la

thugs dam brtag pa gang 'thad legs pa'i mtshan ma shar bar gsungs
pa dang/ ma bsgrigs pa'i rten 'brel lhun 'grub tu 'byung ba/ da
lam mgar ba zla ba da res zhal 'dzoms pa bcas sku nyid sog

yul nas yar gsar du 'byor ba'i dga' spro bsdoms par las dpon
gtso bor bskos pa yin/ mdzod pa khong 'jam dbyangs rgyal mtshan
la las dpon nang mar bskos pa yin/ khyod kyi grogs su chu bzang

@131b sgar ba'i khong dang/ er lo ye rgyal mtshan bzang po/
khong 'brog pa ngag dbang bsod nams bcas la bskos rgyu yin/
sngon chad las dpon ha cang mang drag pas skyon zhig tu gyur
snyam/ da res las dpon nyung la

bya byed las gsum la bar chad mi yong ba nged nas dam can chos
kyi rgyal po la bcol ba yin pas khyed gnyis blo 'tshub blang mi
dgos zhes gsungs/ mdzod pa dang nged gnyis phyag 'tshal nas
dgongs zhu byas kyang

ma gnang/ mgar pas legs so zhes khas blangs/ mdzod pa nged gnyis
kyis skyabs 'jug re zhus par legs par mthar phyin po 'ong zhes
gsung gi dbugs dbyung ba bstsal/ phyag mdzod dang

mgar ba gnyis phyir song/ nged kyang phyir 'gro grab byas par
khyod gang du 'gro sdod gsungs par bsdad/ thar shul rdo rje
'chang gi zhabs zhu zhig 'ong nas khyed la 'phreng ba yag po yod
na bskur gsung

zer/ rum la lag mnom byas pas mig po d+hi tsi'i 'phreng ba gsar
ba rgyan can zhig yod pa phul/ de nas rdo rje 'chang la nged kyi
yo byad thugs la bab nges gang yod rnams brjes sor byas/ phyi
dror

gnas tshang du 'gro gin yod par rje thar shul rdo rje 'chang nas
zhabs phyis btang ste da lta shog gsungs/ rgyugs phyin pas sku
mdun du sdod gsungs/ da res 'phreng ba legs/ da 'phreng ba gzhan
med

@132a @#/ /dam gsungs/ med lags zhus/ cung zad bsdad nas da dung
'phreng ba zhig yod 'dug gsungs/ ji ltar btsal yang ma dran par
gnas par/ 'phreng ba dri ldan zhig 'dug gsungs/

de ma thag blo la shar bar ri bo rtse lnga nas thon nyin nan he
hwo zhang zhig gis tsandan dkar po'i 'phreng ba gsar ba zhig
byin pa lag mgor dkris par phu thung gis grib nas yod pa ma
mthong

bar de nyid phul bar ha cang gi dri shin tu che bar 'dug gsungs
nas bzhes/ de nas sku'i mdzod pa zla grags sku mdun du 'ong nas
kha btags mdzod btags dang bcas dngul srang sum cu'i

thum bu gcig bcas sku mdun rin po che'i phyag tu phul bar sku
mdun nas phran la da res khyod 'ong ba legs/ da khyod sku 'bum
gdan sa'i mkhan po khyod la bsko bar yod pa'i dga' rtags rten

'bbel du kha btags srid du ring ba dngul srang sum cu pho rta
gcig bcas byyn pa yin grwa tshang gi 'chad nyan 'grigs lam la
rting bskul gang drag re mdzod gsungs/ phran nas de ltab gnang

mi nyan/ sku 'bem nas mkhan po dgongc zhu ma gnang bas ? kho
rang tshos 'di 'dra byed pa zhes kun gyis ko long gi gnas su gyur
lags pas da res de ltar mi mdzad par zhus/ zhes pas

@132b cang mi gsungs par bzhugs/ de!nas gang yang zhu m phod/
zhal nas mi la'i 'cham mthong e myong gsungs/ ma myong lags
zhus/ 'o na sang nyin 'ja' mo na nged nas btsugs pa'i mi la'i

'cham sang tshes bco lnga'i nyin 'cham yod pas bltar phyin cig
gsungs/ lags so zhus nas phyir 'ong/ de nas rje shing bza' rdo
rje 'chang gi spyan sngar shog gsungs pa ltar phyin par zhal nas

rdo rje 'chang gi spyan sngar song ngam gsungs/ mjal lags zhus
par gang gsungs 'dug gsungs/ cang cher mi gsungs 'dug ces zhus
par/ bzhad mo zhig mdzad nas kha btags bzhi bag gos

btags zhig bstsal te nged kyi dpal dar yin skad cha thams cad go
zhes gsungs/ da bsdad na legs/ nged cag nas kyang rog ram byed/
khyod kyi mdzod pa bla rgan gnyis po yod dus khag khur thams

cad byas tshar na bla rgan gnyis kyang blo bde/ khyed kyang rang
'dod kyi bya bzhag ci byas kyang sems khrel med pa skyid po 'ong
zhes bka' gnang/ lags so zhus nas gnas tshang la 'ong/ phyi dror
byang chub dbus nas

'khor ba dang 'phrad/ phyi nyin 'ja' mor phyin nas mi la'i gar
'cham la nyin gang bltas nas phyir 'khor/ de'i phyi nyin jo jo'i
lha khang la mjal te yul lha la bsangs sogs gtong bar phyin nas
phyir 'ong bar

@133a @#/ /sku mdun du mjal bar 'ja' mo'i ltad mo chen po e
byung gsungs/ gang legs byung zhu/ nged nas bla brang bkra shis
'khyil du mjal nas phyis su bde chen dgon par btsugs

nye dus 'ja' mor gsar 'dzugs lta bu yin/ 'di blo kha chos la
phyogs par phan 'dogs che snyam nas btsugs pa yin zhes gsungs/
da phyir log nas mkhan po sogs bsdad na

legs/ bgegs med mthar 'khyol yong phyir mchog gsum la gsol 'debs
zhus/ sku bzhog shing bza' rdo rje 'chang la 'ang skyabs 'jug
zhus/ bla rgan a khu gnyis yod ring la

bsdad na nged cag thams cad blo bde rjes sor byed bsam na yang
bsam thog la rta rgyugs min mi shes zhes bka' nan gnang bas lags
so zhus nas phyir 'ong/ shing bza' rdo rje 'chang

la skyabs 'jug zhus par rdo rje 'chang rnam gnyis bka' gros
mdzad pa ltar gsungs/ bcu bdun la phyir 'ong nas ka zhur dpon
tshang la bsdad/ de nas phyir khyung kyA yul dang/ rde'u tsha/

lcang ra/ bsam gling ri khrod sogs myul/ gser khang ri khrod du
rje bde yangs rin po che la mjal nas zhag gsum bsdad/ slar 'khor
nas yul du zhag gnyis bsdad nas sku 'bum la 'ong

@133b de nas nyin re gnyis bsdad nas che shos/ rgya rtse sogs
myul nas brag dmar ri khrod du nyin 'ga' ngal bsos/ gcung blo
bzang bstan 'dzin nged kyi gam du gsar du bsdad/ kho bor klu
skyon zhig gis

'tshe ba che bar phyag rdor gyi bsnyen pa bdun mtshams zhig la
'dug tu bcug /skabs der sku 'bum nas mkhan po bsko bzhag gi nang
brda 'byor ba'i gnas tshul byung mtshams grol nas mjal chog pa'i

dgongs zhu btang/ mtshams grol ma thag sku 'bum du phyin nas
mkhan po gdan sa par lan lnga tsam dgongs pa nan tan tu zhus
kyang ma gnang bas/ thog ma'i mjal kha zhus/ gza' skar legs

pa zhig dang bstun nas snyan gsan phabs/ nged nas gdan sa par
'gro lugs ltar gyi mjal kha zhus/ de nas rim bzhin khri zur sogs
la mjal 'phrad byas shing mchod mjal sogs zhus/

de nas brtsi bzhag 'dzin rgyu'i 'go tshugs nas blo la gtan nas mi
'byar bar dka' las shin tu che ba byung/ hor zla gsum pa'i tshes
bcu gsum nyin gdan sa'i khri la 'khod de lam rim chos thun

sogs btang nas dge 'dun mang la mjal kha sogs grub bstun bla
brang bkra shis khang gsar bstan pa'i gsal byed rtags mtshan 'bar
ba'i gling du mkhan po gsar rnying lhan rgyas thog dpon slob

@134a @#/ /rnams dang bla ma las byed thun mong nas dga' ston
rgyas par bstar thog /mkhan po rnying bas rtsis sprod bka' shog
/rtags tham gru sgor/ 'cham pa grwa tshang gi mtshan tho gsar
rnying

bcas rtsis sprod byas/ de nas phan tshun mjal dar rtse sprod byas
nas mkhan po rnying ba nang sgo'i bar skyel thung byas te rang
gzims chung nang du phyin par las byed so so nas gzims chung
dpal dar sogs

byin/ de nas lha mo khang la mchod mjal zhu/ de'i nyin dge 'dun
mang la khri 'gyed khri ston phyogs mgron so sor ston mo lag
btags bcas byin/ khri kha nas rdo rje 'chang rnam gnyis nas dpal
dar

dang shing bza' rdo rje 'chang nas sngar khri chen bzhugs skabs
rgyun bzhes kyi sku 'gag /zhabs bcag gos lham dang/ zab ya'i
zhabs bcag cha gnyis bcas spyi bor bstsal/ phyag yig nang sku

'gag lham bcas khyod la byin pa yin pas 'di mtshams mtshams su
gzab 'khyor la bgyon na khyod la bar chad ming tsam yang mi
'byung zhes gsung gi dbugs dbyung bstsal/ thar shul rdo rje
'chang

nas kyang tshe lha'i sku dang nang mdzod dkar ser zung bcas dang
phyag yig nang bar chad kyi mtshan ma cung zad kyang ma shar
khyod kyis kun slong rnam par dag pa'i sgo nas grwa tshang gi
chos 'chad nyan 'grigs

@134b lam kun spyod sogs la dag ther legs po gyis zhes bstsal/
de nas brtsi bzhag zhig 'don dgos kyang blor mi zin pas dka' las
shin tu che bas yid zhum pa zhig byung/ tshes bcu drug nyin thog
ma'i brtsi

bzhag zhig gtong 'khul byas/ dam bca' chen mo nye phyir chos
thog der brtsi bzhag gcig min gtong ma thub/ dgongs pa rtsad zhu
zhu mkhan ha cang mangs pas re zhig bkag bsdam byas/ mchod pa
la'ang

phyin te nyin rer tshar bcu re phul/ smon lam sems bskyed mchod
pa sogs la ma chag par thus shor du ma song 'khul byas/ gser
sdong gi rgya phib kyi bzo grwa tshugs te mdzod pa de la nyin
mtshan du bya

ra byas/ zhabs brtan lcags mkhar dgu sogs kyang rim sgrubs byas/
ngos nas dbyar chos tshugs par gsar zhugs snga ma'i dgongs zhus
byas pa las gsum 'gyur tsam 'byung bar phyis su

dgongs zhu'i skor la bkag bsdam cher ma byas/ dbyar chos tshugs
par rim bzhin brtsi bzhag gsum bzhi tsam gtong thub pa byung/ de
nas rim bzhin dpe 'dzin je bzang du song/ chos thog skabs

tshig rgyug /don rgyug /yig rgyug sogs la rting bskul gtong 'khul
dang/ dus bzang/ gso sbyong sogs lam chag tsam du phyin/ bla
ma'i thugs rje la brten nas dus bzhir sog 'grul chad med du
byung

@135a @#/ /bas mthun rkyen kyang 'dzoms la/ lo tog sogs skya
rgyal bar byung bas kun kyang blo bde sos dal du gnas/ phyi nang
gi 'gal rkyen cung zad tsam yang med pas kun kyang chos la dkar

bar 'dug /chos mtshams rnams su sbyin bdag gi 'dod chos sogs gang
yod spyi dang khyad par mkhan po bla mar blo sbyong mtshon cha'i
'khor lo'i bshad lung/ spas don kun gsal gyi bshad

lung/ u cu mu chin hal cin tho yon la dpal mo'i lugs thugs rje
chen po'i dbang/ dar han pe li'i yon tan dbang phyug sogs la
thugs rje chen po'i dbang/ har chen zhabs drung la g.yu

thog gi dbang cha lag /man ngag bka' rgya ma rgyud bzhi'i lung
sogs dang/ yo ga tsa ri'i bla mar man ngag rnam gsum gyi khrid/
chon ji bla mar mnyam du phul/ rta mgrin pi shi ril thu sogs la
lung rjes

gnang 'dod chos 'ga' re phul/ u cu mu chin mkhan po ge gen la
'dod chos sogs nyer mkho dang phebs rdzongs phul/ a lags sha
mkhan po bka' 'gyur par phebs rdzongs dang/ shi la the ge gen
bla

ma dbus phebs la'ang phebs rdzongs/ kun gling bla mar yang gsang
gi dbang dang phebs rdzongs phul/ ston khar rang yul du phyin
nas zhag 'ga' bsdad/ sku zhabs zhwa dmar rdo rje 'chang lo der
tsha bug

@135b 'tsher mo cher byon par mjal te lam rim chung ngu'i bshad
lung dang/ dbyangs can lha mo'i rjes gnang thun mong ma yin pa/
srad rgyud lugs kyi dga' lha'i khrid bcas gser khri rin po che
dang mnyam du zhu/

phyir 'khor nas skabs der yongs kyi dge ba'i bshes gnyen dpa' ri
rab gsal bla brang nas tshur phebs te sku 'bum chos zhugs mdzad
rgyu'i rgyu mtshan gsungs par legs so phul/ bka' rams

par dam bca' bzung nas phebs chog pa ces gsungs par de 'dra'i
'grigs lam med tshul bshad nas bkags/ rim phebs byas na dmigs
bsal yod tshul zhus/ phyis su chos 'brel zhus

par thugs 'dod rnams bskangs/ dgu pa'i smon lam/ bar chos/ lnga
mchod la tshab ra sogs la tshags 'dzin dang/ mchod rten chog sogs
la tshogs/ dgun chos steng brtsi bzhag gnyis

tsam dang/ dam bca' chen mo la ma chad par phyin/ zla zad bskang
gso chen mor nyin gcig gi tshogs dbur bsdad/ dus gtor skabs kyi
me pra legs pa sogs kun gyis yid la rnam rtog med pa

byung ngo/ /'gal ba zhes pa sa glang lo'i gsar bzhad kyi tshes
gtor sogs phyag len 'phyugs med thog lha khang chen mor mchod
mjal/ las sne rnams lo gsar gyi mjal zhu sogs 
@136a @#/ /grub bstun tshogs chen mang jar ser sbreng mchod rol
sogs dang bcas tshogs dbur bsdad de dge 'dun mang la mjal kha lo
gsar shing tog ja thug gi bsnyen bkur sogs phul/

grwa ja la'ang de mtshungs byas te phyir yang bkur sti dang bcas
bla brang la 'ong/ bla brang nas las tshan kun la lo gsar ston mo
btang/ phyi nyin btsan khang chen mor lha tshes la phyin/ de nas
spyi so chen

mo'i lo gsar ston mo la phyin nas slar 'khor bar ngos kyi mdzod
pas kha btags zhig ster byung ci yin zhes par bsam gso yin zer/
ci byung zhes par thar shul rdo rje 'chang dgongs pa

chos dbyings su thim tshul zer nam zhig la byas par zhag 'ga'
song tshod 'dra zer/ 'o na myur bar brgya mchod sna lnga mtshan
'bar sha stag byas nas gser sdong bar thog tu bsgrigs par grwa
tshang

bzhi'i dbus mdzad skad grwa pa rnams dang lhan du bla mchod sogs
gdung mchod gtong 'khul byas/ gzhung nas kyang de'i phyi dro
gling me sogs phul bas shin tu bzhes pa byung/ rang nas gdung

mchod lta bu'i tshod du bla brang nang du bdag 'jug zhag 'ga' len
'khul byas/ smon lam steng zi ling amb+han sa tA rin zer ba
rngams nag zhig yod pa yong rgyu'i gnas tshul zin bkwang la

@136b lab 'dug par zin bkwang nas tshogs 'dus la zhus/ tshogs 'dus
nas nged la bshad par/ ngos nas gdan zhu byas na mi dga' 'am
byas par/ tshogs 'dus nas zin bkwang la gdan zhu

byas na legs tshul smra ba ltar gdan zhu byas pas shin tu dga'
bar gyur nas nang mi rnams dang rta dmag nyis brgya tsam dang
bcas 'ong bar thab bsu rta ba ser sbreng bcas bsgrigs par rim
bzhin 'ong/

smon lam de'i steng rgya bod hor gsum gyi mi sna shin tu mang
zhing khrom dmar nag tu 'khrigs par am b+han yang bar gyur nas
zin bkwang la mi mang 'di 'dra ci yin zer bar mjal ba red zhus
par ha

las nas bsdad/ kun bkwan mi nyag sgar bar nged cag tshogs 'dus
kyis sgor ser sbreng byas/ nang du 'ong nas khrus byas te nged
cag tshogs 'dus mang la thug 'phrad byed rgyu yin zer/ da shog

zer bstun lug sha sbub gcig /go min bag cha sum cu/ rgya ja gcig
/mar rgya ma bco lnga bcas mdun du bstar/ nged cag pus btsugs
byas par nged la 'di su yin zer bar mkhan po yin zhes thun zi

dang zin bkwang gnyis zhus bar/ yar langs te nged kyi lag pa nas
bzung ste kho rang gi 'khris su khri'u shi tsi'i steng du kha
mar bsgyur nas mnyam bsdad byas/ dge bskos/ tsho drug gi rgan pa/
bla steng 'og

@137a @#/ /sogs so sor dris pas so so'i lan btab/ zin bkwang dang
nged cag gi mdzod pa zung nas zhus pa/ nged cag dgon pa'i gnas
su tsha tshod sogs g.yos sbyar mkhas pa med stabs

tA rin la gsol tshig gi dod 'bul phran bu bla ma tshogs 'dus nas
phul ba lags zhus pas/ shin tu legs/ da gzhan mang po sogs gra
bsgrigs byed mi dgos/ dmag mi sogs ru gsar la

sdod rgyu yin/ 'dir mkho bya gang yang mi dgos/ mkhan po tshogs
la phebs dgos sogs yod na phebs chog /khyed rnams la dri gtugs
yod na zin bkwang la lan ster zer/ phyi dro smon lam

tshugs par tshogs mjal la 'ong nas nged la phyag dbang lta bu zhig
zhus te kho bo'i mig thang thang med pa zhal 'don skabs gsol
'debs yag po zhus rog ces zer thon song/ sang zhog mdun

mjal zhus par/ dge 'dun mang la mang ja yin zer nas ja nag
brgyad cu/ nged la gos ling/ sgam chung gnyis/ sna tham sogs
byin/ dge bskos la tog dmar po/ mdzod pa sogs che khag la

yIn phe/ ling dmar/ chung khag la ja sngon thum po/ sna tham
sogs byin/ tshogs 'dus nas ston pa'i sku brnyan sor do ba gcig
/phrugs gcig /spos bag cha gnyis/ lha dgu ma'i kha btags bcas

@137b phul; nged la khyod kyi dgon par mi sna shin tu mang bar
'dug phyir 'di dag la do dam gang drag byed dgos/ khyod kyi ngag
ma nyan pa byung tshe nga la sprod/ nged khyod kyi rog ram gang
drag byed pa yin/ nga gnyis

dgon bdag byed pa 'dra bas na khyod kyi g.yog tsho la'ang nged
kyis mngags par byed zer/ de nas gzhung gi las byed rnams kyi
zhu don res 'ga' phul ba sogs la ngo so legs par byin/ tshogs

'dus la nged la gang bshad skyar du bzlas nas rta ba ser sbreng
bcas nged la skyel thung sogs bkags nas 'gror mi bcug par gda'/
rje bla ma'i thugs rje la brten nas za 'dod nyes 'dod sogs

cung zad tsam yang ma byas par bde bar thon song ngo/ /de nas
dus 'khor grwa tshang la sa gzhongs thur bcu drug spyi 'jog tu
bzhag /or tu su bstan 'dzin la rtsis khrid dge rgan du bskos
nas bza' btung

cha rkyen gyi thebs sprad nas dus 'khor pa rnams la rtsis khrid
rgyu byas/ sman pa grwa tshang la 'bru sman sna tshogs nyos nas
ngo sprod byed dgos tshul dang/ kun rig gi phyag rgya sogs dag
ther byed dgos

tshul sogs bshad/ rgyud pa grwa tshang la thig sna tshogs dang blos
bslangs/ bskyed rdzogs kyi bshad pa sogs la rtsol ba gang drag
gi bkod khyab byas/ grwa tshang gi bca' yig snga nas bcu gsum

@138a @#/ /sogs yod pa dus gzir skabs 'thor rkyen du song mod/ de
dag thams cad phyag len mthun min sna tshogs yod 'dug kyang gtso
cher tshogs chen tshogs 'dus lhan rgyas

bka' gros thog tshogs chen bca' yig nang gsal bskal bzang rgya
mtsho'i bca' yig yid kyis bsrung 'dul ba'i lcags kyu'i nang gsal
ltar gnas dgos par bcad pa de nyid gos

chen steng du phabs nas rgyud grwa'i tshogs 'dus la sprad/ dus
'khor bca' yig phran nas ^rdo rje 'chang shing bza' rin po cher
zhus nas bstsal ba ltar gnas par bcad/ mtshan grwa dang sman grwa

rnams kyi bca' yig sngar yod ltar gnas dgos tshul sogs bshad/
rgyud sman dus gsum la gsar sprad rnams kyis rgyug sprod dgos
tshul sogs bshad/ dpon slob rnam gsum la so

so'i grwa tshang la 'chad nyan brtsi bzhag chag med dgos tshul
dang/ so so'i dge bskos rnams kyis 'grigs lam kun spyod sogs la
dro dam gang drag byed dgos kyi bkod khyab byas/ de mtshungs

tshogs chen zhal ngo/ grwa tshang dge bskos gnyis la yang bkod
khyab yang yang byas/ rang nas kyang rje bla ma'i bka' drin las
brtsi bzhag blo 'dzin ci bder song rkyen gyis gung zhog gnyis la
brtsi bzhag

@138b nyin re gnyis tsam dang phal cher nyin rer re re ma chag
par gtong 'khul byas/ dpyid chos gnyis dang dbyar chos/ dbyar
gnas thams cad la de ltar byed rtsis yin mod las don mang ba
dang/ skyor

dpon so so 'ang cung zad dka' tshul mthong zhing kun kyang thugs
bsun mi yong ngam snyam nas dbyar gnas phan chad ci bder byas/
sems bskyed 'don 'grigs med stabs chad lhag sna tshogs shor

bar rje gser tog rin po cher ngos nas bskul ba zhus te phyag len
'bring po'i 'don 'grigs gsar rtsom zhus/ shing bza' rdo rje
'chang la gso sbyong gi dus tshigs sna tshogs su song stabs dus

tshigs gsar rtsom zhus nas bla steng 'og gnyis su rtsis sprod du
bzhag /rje btsun par kun gzhi'i yig cha med stabs yang kyA lha
rams pa'i kun gzhi par du brkos/ dmigs brtse ma'i

'khor lo'i par par khang du bzhugs kyang sgrub chog med pas chab
mdo'i 'khor lo'i las tshogs par du brgos nas bzhag /zla ba lnga
pa'i tshes nang gser sdong rgya phib gsar bzhengs legs

par sgrubs pas tshogs 'dus nas nged la rab gnas rgyas ba byed
dgos zer mod/ sku zhabs shing bza' rdo rje 'chang la zhus na
legs tshul yang yang bshad pas da lta khyod rang nas bgyis

@139a @#/ /dang sku zhabs phebs tshe slar zhu chog zer/ grwa tshang
bzhi'i dge 'dun byang phyogs so bdun gyi grangs ldan tshogs pa'i
dbu byas nas spyan dbye'i cho ga rgyas pa nyin gsum la

phul bas nyin gnyis la char rgyun zad mi shes pa'i 'jam char
lhug par babs/ bzo bo rnams la yon gyis mnyes par byas/ ming
btags sogs kyang byin/ las dpon so sor bdag

rkyen go babs sogs byin/ gser srang drug brgya bcu drug las rgya
phib/ ganydzi ra/ nor bu cha bcas legs par bzo bkod rmad du
byung bar bskrun/ mda' yab kyi cha rkyen ma tshang bas re zhig

bshol; gser rkong rnying ba chag grum can 'ga' 'dug pa gser cung
zad bsnan te srang nyer lnga'i lcid ldan gyi rkong bu gsar legs
bskrun te rgyun ldan 'bul rgyur bzhag /bdun pa'i tshes la

skyabs mgon rdo rje 'chang ra rgya nas phyag btegs pa'i phyag
bres 'byor phyag bris nang gsal sgar chen btegs nas 'ong gin yod
pas khyod kyis mtshan grwar 'chad nyan smar po mdzod/ ra rgya'i
dge

bshes mang po'i mdun du la rgya ma shor bar gyis gsung 'dug par
brten/ nged dang dge bskos gnyis char nas tshogs la tshogs pa gang
che dang tshig rgyug don rgyug sogs dbyar gnas steng

@139b len rgyu yin tshul sogs yang yang zhus/ phebs nye ba'i lan
byung 'phral ngos kyang bsu bar phyin thab bsu rgya chen btegs/
rta bser sbred sngar las kyang shin tu rgya che bar bsgrigs pas
rdo rje 'chang

thugs shin tu dgyes pa'i tshul mdzad/ nged cag bla ma tshogs 'dus
nas gser sdong rgya phi btog bcas bskrun zin pa'i lo rgyus dang/
rab gnas chen mo'i snyan gsan phul bar/ zhal nas/ grub ma

thag rab gnas zhig kyang ma byas sam gsungs par/ mkhan po gtso
bos chog grwa ba so bdun gyis rab gnas rgyas pa bgyis kyang gtso
bo rdo rje 'chang nyid la re ltos byas tshul kun gyis 'dun pa
gcig

dril yin tshul zhus par/ rab gnas de kas 'bus/ nged kyis sems
bskyed mchod pa mchod gtor bzang zhing gya nom pa shoms dang
sems bskyed mchod pa las lhag pa'i rab gnas med gsungs

pas lags so zhus nas mchod pa rgya chen po sngar phul ma myong
ba ltar bu 'du byas nas dge 'dun tshogs pa 'du khang du mi chud
pa lta bu byung/ mchod pa yang 'du khang steng 'og bar gsum lha
khang che chung

thams cad yongs su gang bar byas pas thugs shin tu dgyes pa'i
ngang nas sems bskyed rgyas par gnang/ sku yon mtshon byed tsam
rnams phul/ zhag 'ga' bzhugs zhabs gras rnams chos grwar

@140a @#/ /tshogs snga gung tshogs mjal la phebs par de'i tshe tshogs
pa chos grwar mi chud tsam dang slob gnyer shin tu smar bar
byung bas zhabs gras kyi dge bshes kun ha las byung ba'i rgyu

mtshan snyan du zhus 'dug par mkhan po btsan po red mod/ de 'dra
zhig gi re ba yang yod gsungs zer/ mdun mjal zhus par 'o go bcad
nga rgan po'i re ba yid bzhin du 'grub/ legs so gnang

de nas gzhung tshogs 'dus nas bla ma rdo rje 'chang gi bka' drin
la brten nas gser sdong 'du khang chen mo sogs phyi nang bar
gsum bgegs med du bsgrubs zin pa'i gtang rag mtshon byed

du ka bzhi ma dang/ rgyal mtshan sogs kyi che 'bul dang sku'i
mdzod pa'ang tshogs 'dus kyi sar kha gdan sogs kyi bkur bzos phul
ba'i bka' shog bla steng 'og gsum so so'i

rtags thel dang/ spyi tham chen mo'i chod pa bcas phul/ de nas
rdo rje 'chang sgar btegs nas dgon pa so mar be ri bla mar dus
'khor dbang chen bstsal bar chibs bsgyur mdzad/ sgar ba che

chung; bla spyi brgyad kyi phebs skyel zhus/ dgu pa'i smon lam
steng a lags sha chin wang gi mi sna ched mngags kyis tham ka
can gyi yi ge zhig nged la bskur byung bar kho tsho'i yul du mdo
smad pa zhig

@140b bla ma yin min rgyu med la longs spyad bag med du 'du ba
zhig gshegs pa'i gdung dang dngos chas thams cad khyon khal bdun
mi sna bcas btang yod pas de khar bdag po byung na der sprod
dang med tshe

gser sdong gsar bzhengs kyi zhal 'debs su phul ba yin/ phyis su
rtsod gleng byed mi byung tshe nga la rtsis sprad pas chog zer ba
byung bas gdung bcos shin tu legs phyir zla re gnyis bzhag ste
phan tshun rtsad

bcad mang po byas kyang bdag po ma byung/ phyis su dgun thog rdo
rje 'chang byon skabs lung bstan zhus par/ bdag gir byas chog
ces phebs par gdung zhus te mchod rten bskor lam phyi rol tu
brtsigs/

tshogs la mang ja 'gyed bcas btang ba'i lhag ma gser sdong gi
mda' yab kyi thebs su gser srang bzhi bcu lhag tsam dang dngul
srang nyis stong lhag sogs gser sdong mdzod khang du bzhag pa
byas/

dgu pa'i smon lam steng gnas mjal ba zhig gis tham ka gru bzhi
zhig ster byung par bar brgyab ste bltas pas sku 'bum mkhan po'i
tham ka zer ba bod yig can zhig 'dug /dus 'khrugs

skabs phyir 'phyar ba yin snang/ ngo ma yin min la sku zhabs mi
nyag rin po che dang/ shing bza' rdo rje 'chang rnam gnyis la
spyan zhu byas par 'khrul med yin gsungs/ gzhan sngar rtsod yig
sogs
@141a @#/ /la brgyab pa dang che chung yi ge sogs go bstur bar
phun gang ma nor bar 'dug /bar chos dang dgun chos steng dam
bca' brtsi bzhag ma chad tsam re byas/ gling bsres dam bca'i

steng du'ang 'gro 'khul dang bar mtshams su rdo rje 'chang gi
zhal snga nas bka' chos phran bu sogs thob/ sog 'grul pa rnams
la 'dod chos phran bu sogs bgyid 'khul dang zla zad bskang gso

steng nyin gcig bsdad pa sogs byas te lo gcig gi byed sgo rnams
rdzogs par byas so/ /rnam 'gyur zhes pa lcags stag lo'i gsar
tshes kyi rang zhal mngon du gyur ba'i dga' ston spyi bye brag

dang mchod mjal tshogs dbus mjal kha sogs las su bya ba gang yod
rnams sdar lugs ltar byas/ de nas rdo rje 'chang la mjal kha
zhus/ nyin 'gar sog 'grul pa rnams kyi 'dod chos dang

thug 'phrad byed mi sogs rim 'phrad byas/ smon lam steng gsung
chos smon lam sogs dang mchod bskor sogs las su bya ba gang yod
tshags su tshud par byas/ skabs der rdo rje 'chang gi sku

don sogs la gzhung gi las byed rnams nas ram 'degs gang thub
zhus/ dpyid chos gsar zhugs kyi mjal kha dang chos thog gi mjal
kha rnams grub nas nyi skar legs pa zhig dang bstun

@141b nas rang gis gdan sa'i las khur gyi dgongs pa dge 'dun
mang la zhus/ las byed rnams dang mtshan grwa/ tshogs chen sogs
rim pas sdod dgos kyi u tshugs phyag len ltar byas/ mkhan po
gsar ba gro

tshang rgyud pa tshang la nang brda phul/ der rkyen sna tshogs
byung yang glo bur zhig la mjal khar phebs/ de min gzhan la 'bul
dgos snyam yang go rim ltar zhus 'khul lags/ skabs der spyi so'i
sde ba

rnam gsum gyis dgongs zhu byung bar gsar ba bsko bzhag byas/
gsum pa'i tshes nang mtshams sbyor byas nas rang sgar du 'ong/ de
nas chos mdzod zung la nged snga mo nas dbus phyogs su 'gro 'dod

lhan skyes ltar yod pa khyed gnyis nas shes bzhin pa ltar dang/
dbus bskyod grub nas mkhan po byed bsam mod bla ma rdo rje
'chang rnam gnyis kyi bka' dgongs gzhi can la bsam nas las khur
mthar

phyin pa byung bas na da 'dir bsdad kyang nyi ma dros nas 'dug
rgyu dang rta spang dkrugs pa las dgos pa lhag po gang yang med
phyir/ dbus 'gyur chos kyi ljongs su phyin nas zab chos bdud
rtsi bgo

skal len pa dang mkhan chen rdo rje 'chang gis bka' gnang ba
bsgrub pa'i slad du 'gro bar bsam yod pa'i rgyu mtshan dang khyed
gnyis kyang da snga phan chod la tshags brtson 'grus drag pos
dka' las dka'

@142a @#/ /spyad mang du byas pa bka' drin che/ da res phebs yang
mi dgos/ thugs ngal bsos te bde bar bzhugs/ nged kyi gcung blo
bstan dang/ bsod nams nyi ma byang chub bcas las

gzhon rim nas byed bcug na 'thus pas 'gro chas sogs brtson par
mdzod cig /ces pas cang smra ma nus par de ltar zhu lags so zer/
nyin gsum tsam ngal bsos te ka ring du a lags

rdo rje 'chang la mjal bar phyin/ a lags rdo rje 'chang la mjal
bar mkha' spyod skor 'ga' dang/ rig byed skor 'ga'i lung/ 'jigs
chung nag po'i dug dbang/ rma chen rjes gnang sogs

bstsal/ phur lcog rin po cher zhu yig sogs bskur gnang dang/ a
khu co sne la zhi khro sbrag sgrub dang/ bsnyen chen gyi bsnyen
yig dngos grub kun 'byung gi lung khrid dpe bcas bskur gnang

bstsal/ rtogs bdun mchan 'grel gyi lung bcas bstsal/ rje nyid
kyi phyag 'phreng/ tshe thang/ dbus rdzongs bcas rgya cher bstsal
nas phyir 'ong/ de nas phyir lam ban 'gror 'ong nas rje zhwa

dmar rdo rje 'chang la mjal nas zhag gnyis bsdad/ dbus nas bka'
chos 'di dang 'di zhu zhes zhal gdams rgyas par bstsal/ rdo rje
'chang rde'u tshar phyag btegs par lhan du zhabs

@142b zhur 'brang nas do sho'i stod tsam du thab bsu byas par
dgongs zhu bgyis te gser khang ri khrod du sku zhabs bde yangs
rin po cher mjal bar phyin/ der zhag gcig bsdad/ phyi nyin rdo
rje 'chang

ka ring du phebs par chas pas nged la nyid dbus su phebs dgongs
nas bzos pa'i phrugs wa dmar tshos ci na khebs kyi mtha' dril can
'di nged dbus la 'gro mi thub pa 'dra bas khyod la ster/

nged kyi tshab tu mjal phyag bskor gsum yag po byas/ nged la rten
rnams dang bla ma rnam gsum la skyabs 'jug yag po zhu rog mdzod
ces gsungs nas dngul srang lnga gnang jo bo rnam

gnyis la gser chab dang/ gser rkong sbyangs dgos gsungs/ de nas
skyabs zhu bgyis te mnyam thon byas/ la bsham nas so sor gyes te
'phrang bzhin phebs/ nged kyang phyi mig blta bzhin

song nas yul du zhag gsum bsdad/ lha gsol bsangs mchod sogs byas
nas phyir sku 'bum la 'byor bar/ mkhan po gsar ba'i khri ston
dus mtshungs byung snang/ khri ston la phyin te bka'

shog /phyag tham gru skor gnyis dang/ ngos kyis rnyed pa'i mkhan
tha ma rnying ba rgyu mtshan lo rgyus zhus shing dge 'dun mang la
bla spyi'i tshogs gtam skabs zhus zin pa'i rgyu mtshan zhus te
sprad/ 'cham

@143a @#/ /grwa'i mtshan tho gsar rnying gsum sgam bcas phul/ kha
btags brje sor byas nas skyel thung byas te phyir 'ong ngo/
/zhag 'ga' bsdad nas dbus 'gro'i nyer bsdog byas te khal mang

lam du thon/ rang nyin 'gar rjes su bsdad/ bzhi pa'i tshes gcig
la phyi bskor la phyin par ra chag gong ma'i 'bum khang gsham du
dung mang po zhig 'bud par snang/ da res lha sa'i 'dod don 'grub
bam

snyam pa'i dga' tshor skyes so/ /smras pa/ kun nas rmongs pa'i
rwa ba ru/ /chud de thar lam ma rnyed skabs/ /drin can yab sras
thugs rje yis/ /nyi zla gcig char shar ba'i mthus/ /'od kyis
drangs te

thar ba yi/ /khang bzang dam par bzhag par 'gyur/ /de lta na
yang rang bzhin rtul/ /blo gros dman pas don mi 'gyur/ /'jam
mgon thugs rjes rab bskul te/ /byin brlabs bdud rtsi rab myong

mthus/ /chos kyi dga' ston 'gyed la ring/ /lhag bsam dag pas
mtshams sbyar te/ /gna' bo'i srol bzang nyams pa rnams/ /sor chud
mi nyams dbyar mtsho ltar/ /gong du 'phel ba'i thabs

la bslab/ /'jam mgon thugs rjes rdzogs ldan gsar/ /mgron du
'gugs 'dra'i dga' ston la/ /kun nas spyod pa'i skal ba rmad/ /de
ltar ngo mthong gsum gyi lor/ /'dod rgur spyad nas skal

@143b mnyam 'gror/ /chos dang zang zing sbyin pas tshim/ /mi shis
rgud pa'i ming yang med/ /bstan 'gro'i phan bde 'byung ba'i
gnas/ /'dzam gling rgyan gcig gand+ho la'i/ /rgya phib tog bcas
su lwa rNa/ /mig gi

bdud rtsi nyid du bskrun/ /spyan dbye'i chog dga' ston bcas/
/kun gyis dang ba 'dren par 'gyur/ /da ni bdag gi bgyis pa gang/
/ma lus rdzogs par sgrubs zin pas/ /rang gi chos mthun bya ba
rnams/ /

bsgrub phyir dbus 'gyur a sa nar/ /bskyod pa'i dus la sleb po
ang/ /mkhan chen rdo rje 'dzin pa yi/ /zhal dkyil mjal zhing
zab gsang gi /bdud rtsi myong bar 'gro la ring/ /jo shAka rnam
gnyis rgyal ba

zung/ /lha rten 'gro 'dren mtha' dag la/ /mjal te phyi ma'i gtan
bde gnyer/ /lus can bde la 'god par smon/ /zhes sogs ngal bso'i
ring mo'i/ /tshes gcig la lab tse ka bzhir ba sangs mchod

phul te sgar 'bog byas/ shing bza' rdo rje 'chang gi spyan sngar
mjal skyabs 'jug zhus par skyon med 'dod don mtha' dag bgegs med
du 'grub yong gsungs nas phyag 'phreng rnying pa nged kyi rke la
g.yogs/

rgyun du sems la 'dzin zhes bstsal/ tshes gnyis la mchod mjal
rgyas par byas/ tshes gsum la tshogs 'dus nas sgor skyel thung
dang bcas lam du thon/ de'i tshe rdo rje 'chang thog kha nas
phran cag

@144a @#/ /la spyan ras kyis btsa' bzhin bzhugs pa mjal/ bskor
lam phyir thon par rdo rje 'chang gi phyag mdzod chen mos skyel
thung la byon nang tshags 'gas kyang skye lam byas nas chu mig

sbal kha'i bar skyel nas phyir log /de nas nged cag mi bzhi sgar
ba'i mi sna skyel mkhan bcas dred khog tu zhag babs byas/ de nas
rim bzhin stong 'khor dgon brgyud nas rig mor sku 'bum

dbus 'gro ba mnyam dang 'grogs nas nyin gcig 'jags mal shar
rtsol gyis du lan/ khu khed/ tshwa 'dam/ the ci nar gyi sa sne
na'i ci zer bar zhag nyer gcig tsam ngal bsos/ drug pa'i

tshes bzhi'i skyes skar nyin rten 'byung dga' ston sogs byas/
tshes lnga nas shar rtsol gyis phyin te drug pa'i nyer gcig gi
nyin mtsho mo rar 'byor/ byang chub/ samb+ha ra gnyis sngon 'gros
su

phyin/ nged cag dal bur phyin nas lha khang gdong du kham tshan
gyi bsu ma 'byor/ nged cag rnams rwa sgreng la mchod mjal zhus
nas lha khang gdong du bsdad/ de nas rim bgrod kyis lhun grub
rdzong du 'bras

spungs sog po 'ga' bsu mar 'byor/ de nas ser rgod la brgyab ste
khang pa ser por zhag sdod byas/ phyi nyin tshogs chen grwa tshang
bla spyi/ kham tshan dge gnyer sogs dang mkhan po bcas kyi bsu

@144b ma dang thab bsu rgyas pa gnang 'dug par babs nas so so'i
maNDal rten gsum/ gsol ja bzhes 'bras sogs gnang ba zhus te lha
ldan pe ling khang du gnas tshang byas 'dug par babs/ der yang
gong gsal

rnams kyis maNDal rten gsum ja 'bras sogs rgyas par bstsal/ god
gsal rnams la slog cha rim babs byas/ gzhungs nas sne shan gdong
rta thab gsol 'phar bcas bstsal/ de mtshungs yongs

'dzin phur lcog rdo rje 'chang nas gnyer ba klu sgrub la'i gdong
maN dod rta thab gsol ras rgyas par bstsal/ ser smad chu bzang
sprul ba'i sku dang/ rtag pa sprul pa'i sku/ lha btsun sprul
pa'i sku sogs kyis

rta thab sogs bstsal/ gzhung pa kham tshan dang/ grwa tshang tshogs
'dus nas kyang rta thab bstsal/ sgar dpon dar tse mdo ba dang/
byams smon pa bstan 'dzin bcas nas rta thab sogs yong/ tshe 'bum

dka' chen sogs kyang thug 'phrad la byon/ khre tse zhabs drung
yang thug 'phrad la 'byor/ bya khyung mi tshan/ kha ti mi tshan
gnyis nas kyang thug 'phrad la phebs/ 'jam dbyangs dkar po zer
ba'i ra rgya'i dge

bshes zhig kyang phebs/ de ltar 'byor ma thag lha ldan jo shAka
rnam gnyis la mchod mjal rgyas zhu byas/ phyi nyin phur lcog
yongs 'dzin rdo rje 'chang gi spyan sngar mjal bar phyin/ rdo
rje 'chang nas

@145a @#/ /mnyes tshor chen pos gnang/ ^ rgyal ba'i mjal zhu'i
rgyu mtshan rdo rje 'chang la zhus par rdo rje 'chang nas nged
kyis 'go 'dren byed chog ces phebs/ de nas 'bul tshan rnams

bsgrigs nas bsdad par/ glo bur du mjal khar shog ces phebs par
nor gling skal bzang pho brang du nged cag 'grul mang bcas phyin
nas sgug par/ mgron gnyer nas 'bul tho ltar/ maNDal rten

gsum/ gsol ja/ bzhes 'bras dod DaM srang brgyad/ gos chen yug
/rgya rta brgyad/ rta sngon po 'gros bzang rang mkhan por sdod
skabs kyi gser sga / srag rmed/ gong thag /rtsi sdom cha bcas
rang

'grigs nang mdzod dkar ser gyi thur mda'/ srab mda'/ mdzod gos
ser po tshon phra'i khra seng can kha brgyad ma/ spos shel gyi
shangs dam/ ma nu ho'i shangs dam shub bcas/ dril gdan/

dpe dril/ Dam 'dzar/ rten khebs/ nyer spyad sna tshogs khyon dril
srang stong gis lhag pa btegs te mjal kha zhus/ gsol ja/ dug
bzed/ gsol ja bzhes 'bras/ ljags mdud bcas

bstsal/ de nas yongs 'dzin rdo rje 'chang la brgya 'bul/ nyer
spyad 'ga' bcas dang/ maNDal rten gsum bcas phul te mjal par/ ja
dang shing tog bcas bstsal/ de nas lha ldan gnas

@145b tshang du 'ong/ phyi nyin nas po ta la dang/ lcog po ri
sogs la mchod mjal/ zhag shas nas se rar bskyod de mchod mjal
rgyas zhu thog /tshogs chen la mang ja sku 'gyed zho re/ grwa
tshang smad la ja thug sku

'gyed zho gang dang skar ma lnga re/ kham tshan la tshon ja ja
thug sku 'gyed zho gsum re/ spyi 'jog gong smos thams cad sa
bcad ma stong tsam re phul/ de nas 'bras spungs la mchod mjal
rgyas zhu

thog tshogs chen la mang ja/ blo gling grwa tshang la grwa ja/
rgya kham tshan la ja thug sku 'gyed zho gang dang skar ma lnga
re bcas phul/ de nas brag ri rdo rje 'chang la maN dod mjal rten
phran bu bcas mjal

zhu byas thog ri khrod la mchod mjal zhus nas lha sar gnas tshad
du 'ong/ zhag 'ga' bsdad nas nyang phran chu bzang du ser smad
chu bzang mkhan po'i gzims gshag g.yar po zhus nas ngos

dang gcung blo bstan/ bsod nyi ja ma bcas zur 'dug byas/ byang
chub ngo g.yog pe ling du bsdad nas mar thon gyi gra bsgrigs
sogs la brtson/ nyin 'ga' bsdad nas lha ldan du tshe smon gling
dang/

rgyud smad/ rme ru/ gzhi sde bstan gling/ kun gling sogs la rim
mjal dang/ nor gling du yongs 'dzin rdo rje 'chang gi spyan
sngar mjal nas dbang lung rjes gsum gyi bka' chos snyan gsan
phul
@146a @#/ /bar; zhal nas dbang rjes gnang khrid sogs nged kyis
phul chog /lung mang po nged kyis mi lcogs/ 'bras blo gling lho
ba sprul skur zhu gsungs/ yang rang sngon chad grwa sar

zhugs 'khul byas mod slob gnyer byed rgyu ma byung phyir da res
slar grwa sar slob gnyer thebs chags tsam byas na bsam pas
skyabs 'jug zhus par/ khyod da lta sku 'bum gdan sa'i khri zur

du song gshis slob gnyer byed pa cung mi bde bas bka' chos dang/
gnas mjal kha bton sogs la brtson na legs/ mkhan po sogs las
khur 'dra ma byas gong yin na slob gnyer byas na

yag po yong rgyu red de da ni sgrub pa nyams len spyi dang bsags
sbyangs yan lag bdun pa rang la 'grus par mdzad na legs/ skabs
skabs su rtag thug yong phyir bslab g.yar byas chog ces

phebs/ rwa sgreng dge bshes zhig gis skyabs rten du dril bu zhig
phul 'ong bar/ dril bu phyag tu bsnams nas 'di karma sgam dril
'dra gsungs nas phran la bstsal/ da re zhig chu bzang du seng

gdong ma'i bsnyen pa tshad ldan zhig mdzod o ko gsungs/ shing
'bras dang/ rgyal ba'i gsol skang sogs mang po gnang/ de nas chu
bzang du ngag bcad byas nas seng gdong ma'i mtshams bdun

@146b gsum tsam bsdad/ mjug sbyin bsreg bcas grub nas 'bras
spungs la phyin/ stag phu rin po che dang/ sle lung rje drung/
rgyal sras rnams la mjal/ lho sprul rin po cher mjal bar phyin
pas

rje yab sras gsum gyi sku mi tshad tsam gsum la gzungs gzhug phul
grub par thug /mjal ba zhig 'dug zhus par gang nas red gsungs
par/ rje sku dbu ma ba'i bla ma zhig 'dra zhus par/ da lta rang

thong gsungs zhes zer bar mjal te sku 'bum tsandan lo ma sogs
phul bar thugs mnyes tshor chen po byung/ bka' chos gang yod la
tshud chog pa'i snyan gsan zhus par/ nga'i bka' chos la sdod ces
sus

zer gsungs/ yongs 'dzin phur lcog rdo rje 'chang nas gsungs zhus
pas ha cang mnyes tshor bla na med pa mdzad/ der grwa pa 'gas dge
'phel 'bri zho zho snod 'ga' phul bar/ de ring mi srid pa'i rten

'brel legs po byung gsungs nas zho snod gcig gsol ras bstsal/
nam bkar chos gtod dus brda yig gtong chog gsungs/ phyir chu
bzang du 'ong nas bsdad par tshe gling rin po che nas chab zhugs

la shog gsungs par zhag 'ga' bsdad/ de nas chu bzang du 'ong bar
ri khrod chab zhugs la'ang bsdad/ ri khrod kyi chab cung ma
'phrod pa'i nyams shar bar rdo rje 'chang la thugs dam zhus par/
klu gtor/

@147a @#/ /klu bsangs bcas dang gzhi bdag gi gsol mchod phul
gsungs pa ltar byas pas na tsha rang zhir song/ de 'dra zhig la
'bras lho sprul rin po che nas brda yig 'byor bstun/

lha sar tsha rdi nas gnas tshang byas te stag phu'i gsung nang ma/
lcang skya sku snga phyi klong rdol rnams kyi gsung 'bum gyi
ljags lung bstsal/ de nas phyir chu bzang du phyin par ri khrod
dge slong rnams

kyi gso sbyong la theng kha shas phyin te mdo yang bton/ ri
khrod pa'i spyi pa nas ja thug sku 'gyed sogs kyi skal ba nam
rgyun mi dgos zhus kyang mi gsan par yang yang gnang/ glo bur du
yongs 'dzin

rdo rje 'chang nas phur lcog tu shog gsungs par mi sna 'byor te
phur lcog la phyin/ thog mar sems bskyed zhig zhu/ mchod pa
rnams gang rgyas su phul te sems bskyed mchod pa gnang/ de nas
rang

gis sngar nas rdo rje 'chang gi mdun nas rab byung dge tshul zhus
pa nas brtsams te bsnyen rdzogs kyi sdom pa sogs sdom pa gsum ka
cis kyang zhus snyam pa lhan skyes ltar gnas mod/ mdo

smad nas mdzod pa rnams kyis chos sde'i las khur cis kyang
rdzogs par byed dgos zhes khral babs kyi las byed pa la bsnyen
rdzogs med par mi rung bas dang po sku bzhog thar shul rin po
che'i

@147b zhal snga nas zhus pas rje nyid nas las chog dpe steng nas
gnang bar rang sems mkhyen pa'i ngang tshul du go bar/ rang 'dod
yid bzhin du smin pa'i re 'bras don ldan du gnang ba mkhyen
mkhyen zhes zhus

pas; de 'dra yin na yong/ de min skyar sgrub byed pa'i dgos pa
med gsungs/ glo bur du zla ba bcu gcig pa'i tshes bco lnga la dge
'dun grangs tshang ba'i dbus su nged gcig pu la bsnyen par rdzogs

pa dge slong gi dngos po bstsal bas sa gnon pa lta bu'i dga' ba
thob/ de'i nyin lha ldan jo bo rnam gnyis la gser rkong bzhengs/
dngul gyi lhung bzed chen mor 'bru dkar lha'i dkar mos sbyangs

pas cung zad lhag pa sogs rten 'brel legs zhes gsungs/ rje nyid
nas lhung bzed dang bsil byed bcas bstsal/ jo bo rnam gnyis la
nyin 'gar phyag bskor sogs byas pa'i skabs der phur

lcog tu mkhan chen rdo rje 'chang gis shog ces phyag bris phebs
par myur du phyin/ rje sgrub khang sprul skus gsang 'dus 'jam
rdor/ bde mchog dril bu lha lnga phyi dkyil/ 'jigs byed dpa' bo
gcig

pa bcas kyi sta gon dbang bcas zhus par mnyam du zhus pa'i skal
bzang thob/ de nas rim bzhin sbyor chos thub bstan lhun po'i
mdzes rgyan gyi khrid/ lam rim 'jam dpal zhal lung gi khrid/ bla

@148a @#/ /ma lnga bcu pa'i bshad lung/ rdor sems bsgom bzlas kyi
khrid/ thun drug rnal 'byor gyi khrid/ lam gtso'i bshad lung/
sgrub thabs rgya mtsho'i rjes gnang bcas bstsal/ der

phran gyi khong nad zhig yod rin chen mang sbyor chen mo bstsal
bas gtong tshul sogs rdo rje 'chang nas bka' slob ltar btang bas
gzhi med du gyur/ rdo rje 'chang bcad rgya ga nang/ phran la
gsang 'dus

kyi bsnyen pa thongs zhes phebs par phran chung ngu'i skabs nas
gsang 'dus 'dzin gshar byed skabs 'tshub lhongs che tshul zhus pas
skyon mi 'ong zhes gsungs par mtshams la bsdad/ skabs

zhig so na nas sdug bsngal bar byung skabs rdo rje 'chang glo
bur du byon nas bka' bsgo byin brlabs mdzad par 'phral du sing
dwangs la song/ sbyin bsreg bcu cha byed dgos zhes phebs par ci

ltar byed tshul bka' slob zhus par sbyin bsreg gi cho ga bka'
rtsom ma gnang/ sbyin bsreg blug pa'i mtshan mo zla 'dzin dang
'phrad gza' 'dzin grol grol gyi bar bsdad nas mtshams grol lo/ /

de'i rjes su da bar 'dus pa'i 'chad nyan sogs ci ltar byas
kyang bar chad kyi mtshan ma las grol ba mkhan chen rdo rje
'chang gi byin brlabs nyid du sems so/ /bong bu zhes pa lcags
yos

@148b lo'i gsar tshes kyi dga' ston dang 'brel ba'i rten 'byung
mtshon byed rnams bgyis shing tshes gtor chag med phul grub bstun
ser 'bras nas ngo shes nang tshags sogs thug 'phrad byas/ lha
ldan jo bo rnam

gnyis la mchod mjal zhus/ mkhan chen rdo rje 'chang la dgungs
gsar mjal kha zhus par gsol tshigs bzhes bro lo gsar gyi shing
'bras sogs gsol smin gang rgyas dang ljags mdud bcas bstsal/

yongs 'dzin gling la mjal kha zhus par de bzhin bstsal/ gong sa
mchog la zhal mjal yang byung/ rtse'i mchod khang rnams la mchod
mjal rgyas bar zhus nas lha sa'i gnas tshang du phyin/ phyi nyin
rgyal

po lo gsar gyi thag rtsed sogs la ltad mor phyin/ tshes gsum nyin
tshe gling rme ru sku zhabs byang rtse dang/ sku zhabs lho ba/
kun gling/ sku zhabs brag ri sogs la mjal kha zhus/ phyi dror
zhal ngo sogs

phebs par ltad mor phyin/ smon lam chen mo'i gral 'dzin nyin
tshogs la tshogs/ nyin 'gar smon lam gsung chos/ tshes bco lnga'i
nyin gong sa lha mi'i rnam 'dren snga dror gso sbyong/ gsung
chos/

tsha rting la bstan gling srid skyong chen mos tshogs phebs zhus
par tshogs/ phyi dror smon lam steng du tshogs nas smon lam btab/
nyin der gcung blo bzang bstan 'dzin dang/ bsod nams nyi ma

@149a @#/ /gnyis mkhan chen rdo rje 'chang gi zhal snga nas yongs
rdzogs dge bsnyen dang/ bar ma rab byung gi tshul khrims/ tshigs
snga ma dge tshul gyi sdom pa zhus nas gcung la byams

pa shAkya zhes dang/ bsod nyi la byams pa bsod nams zhes ming
bstsal/ tshes dgu nas gzhi sde grwa khang du skyabs rje lho ba
rin po che'i zhal snga nas tshe gling yongs 'dzin ye shes rgyal
mtshan gyi

gsung 'bum gyi ljags lung dbu tshugs par bsdad/ tshes bcu drug
nyin mkhan chen rdo rje 'chang gi zhal snga nas stag phu dag
snang sgrol ma'i thun mong dang thun min gyi bka' dbang bstsal
ba rje lho

ba mchog dang mnyam du zhus/ yongs 'dzin gsung 'bum grub nas hal
ha mgon po dang nged gnyis nas 'jigs byed dmar po'i dug dbang
zhus par/ de'i rdzas gzhungs nas g.yar zhu byed

dgos zhes phebs par/ phran nas mkhan chen rdo rje 'chang la zhus
par rdo rje 'chang nas gzhungs dga' ldan pho brang gi dam 'byar
gras nas g.yar bo mdzad de sku tshab drung yig chen po bzhi nas

bsnams phebs par nyin gang gi zhabs tog dngos 'bul 'phar zur
bcas phul te bka' dbang zhus/ rje ngag dbang byams pa'i gsung
'bum/ zhog don yod mkhas grub/ skyid shod

@149b bka' 'bum/ dben sa bka' 'bum/ rje dge 'dun grub pa/ spang
lung blo bzang thugs rje/ lcog ri ba ngag dbang bstan 'dzin gyi
gsung 'bum/ chu bzang bla ma/ skyabs rje dam pa rang nyid kyi
gsung 'bum/ bka' 'gyur kha skong/ blo sbyong

brgya rtsa bcas tshogs smon gyi bar du zhus/ tshogs mchod la mjal/
ser sbreng la ltad mo bltas/ gnyis pa'i gnam gang gi gso sbyong
la bsdad/ gsum pa'i tshes shar nas rje lho sprul rdo rje 'chang
'bras

spungs kun dga' ra ba'i gsang sngags bde chen khang du phebs nas
dngul chu d+harma b+ha dra'i gsung 'bum/ dbyangs can grub rdor/
kong ba'i 'dul sdom/ sdom gsum bslab bya nor bu'i 'phreng ba/
rje nyid dang lhan du

'bras spungs gso sbyong la'ang kha yar bsdad cing/ gling bskor
la'ang phal cher chag med lta bur phyin/ de nas lha sar byon nas
bla mchod dang phyag chen sbrags pa'i khrid/ grub rgyal ma'i tshe
khrid/ tshe dbang bcas

gnang/ rgyud smad mkhan chen rin po che'i zhal snga nas/ rje lho
pa'i zhabs zhur bsdad nas nA ro chos drug gi khrid stag phu rin
po che sogs mnyam du zhus/ de nas nyin gcig rje nyid nas phyi
dro zhig la sang bzhi pa'i

tshes bco lnga'i nyin nged nas gnas bcu'i cho ga gtong rgyu yin
pas snga bar sku mdun du shog gsungs zer bar zhabs phyis gtong
gnang mdzad pa ltar snga bar sku mdun du phyin par/ sku zhabs
bA yar/ brag ri/

@150a @#/ /stag phu/ sku zhabs nyag ri/ sku zhabs co sne/ khang
kyA/ stag lung brag /sku bzhog mi nyag /snye mo chos mdzad/ bla
mkhyen sogs bla ma bcu drug dbus mdzad nyid kyi mdzod pa zhabs

sdod pa 'phel rgyas kyis dbu bskul nas gnas bcu'i cho ga tshar
bzhi dal 'don mdzad/ de'i nyin thugs shin tu dgyes pa'i nyams
chen po gnang/ gsol tshig rgyab la thams cad khrid nas lha sa'i
gling

bskor la phebs/ sku rtsed sna tshogs mdzad/ gsung gi nyams shin
tu rtogs dka' ba mang po phebs/ de nas nyin 'ga' sku ngal bsos
nas thu'u bkwan chos kyi nyi ma'i gsung 'bum gyi ljags lung dbu

tshugs par bsdad bod bzhi pa'i zhi byed kyi grub mtha'i skor gyi
mtshams su phur lcog nas phyag bris phebs par dgongs zhu byas te
phyin par rdo rje 'chang nas kun gzigs lnga pa'i rgya can chos
skor gsan bzhes

mdzad de gong sa mchog la 'bul dgos zhes gnas chung gis lung
bstsal bas mi rgas po da lta bka' chos zhus pa'i rngo mi thogs
mod 'on kyang chos rgyun rnam dag rtsad bcad pas sku zhabs brag
ri la

bzhugs tshul thos pas rang re bla slob dam tshig gtsang phyir
gnang dgos tshul gyi snyan gsan btang pas ljags bsnyen gnang ste
da lta phebs yod pas nged cag gnyis kyis lhan du zhu bsam yod
pas skad btang ba

@150b yin gsungs pas thugs rje shin tu che zhus nas sku zhabs
brag ri la 'di'i gong bka' chos lhan du zhus pa ma gtogs chos
'brel zhu ma myong phyir snyan gsan phul pas thugs dgyes bzhin
zhal bzhes thob/

de nas mkhan chen rdo rje 'chang dang gtsang pa bla chung sku
mdun mchod bzhengs pa rnams bcas rgya can gyi bka' dbang zhe
bzhi rdzogs par bstsal ba thob pa'i skal bzang dga' ston myong/
mjug tu bla mchod tshogs

mchod rgyas pa rdo rje 'chang rang nyid nas zhal bkod mdzad cing
bshams tshul phyag khrid du bstar/ rdo rje 'chang nyid nas brag
ri rdo rje 'chang la sku phyag mdzad de sang nyin tshogs mchod
chung ngu zhig sta gon bgyis

pa'i mgon du byon te lam rim gser zhun ma'i ljags lung zhig
thugs rjes gzigs zhes snyan gsan zhus/ phyi nyin ri khrod dge
slong mang nas ser sbreng bsgrigs par rdo rje 'chang sku phyag
'tshal te byon

pas snyan gsan zhus nas phyag tu spos bsnams te ma lus sems can
zhes dbu bskul te kun gyis 'ur ding nge gsungs bzhin bzhugs
khrir zhabs sor 'khod bstun dbu paN sne ring gsar ba rdo rje
'chang

nyid nas bsgron par mdzad/ de nas rdo rje 'chang nyid nas sku
phyag 'tshal ba dang thams cad kyis phyag 'tshal rdo rje 'chang
bzhugs khrir phebs bstun thams cad gral la 'khod de bla mchod
dbu bskul nas gdangs
@151a @#/ /bcas khrus gsol rgyas pa/ bar bar du gsol ja/ phyag
'tshal/ phyi nang gi mchod pa/ tshogs mchod rnams gzhung ltar
btang nas rdo rje'i sku la zhes pa'i 'gro mkha' 'gro bsun

bzlog dar thag rnams rdo rje 'chang nyid nas paN chen sgom zhwa
bzhes te dar thag bsdus/ blo bzang dang po'i 'gor bka' chos
maNDal phul te lam rim gnang/ mjug tu rdo rje 'chang nas brkyang
phyag gsum 'tshal

ba gnang nas maNDal bshad pa zab cing brling ba gnang/ mjug chog
rnams dkyus ltar btang nas grol lo/ /brag ri rdo rje 'chang ri
khrod du byon/ phran kyang lha sar phyin nas skyabs rje lho
sprul rdo rje 'chang gi spyan sngar

mjal bar gsung 'bum gnang grub 'dug /rdo rje 'chang gi zhal nas
ngas khyod la mngags bsdams bya rgyu zhig 'dug gsungs/ lags so
zhus par/ khyod tsho'i pha yul nas rag gi stong ting srang gsum
pa

can zhig mngags nas yong grogs bgyis gsungs par lags so zhus nas
'phral du sku 'bum mdzod par yi ge btang/ der 'brong rtse be'u
bum gyi ljags lung bstsal bar zhus/ ser smad tsha khang du rje
yab sras

kyi gsung 'bum lung zhus par zhal bzhes mdzad/ skabs der glo bur
du phur lcog nas bka' yig phebs par/ 'phral du mjal bar mkhan
chen rdo rje 'chang nas rgya can gyi bcad rgya gnang bar phran
la mnyam du

@151b 'dug dgos zhes phebs par zhabs phyir zhu 'khul byas/ bcad
rgya grub nas sbyin bsreg mdzad par nyin dang por dbus mdzad
byas/ gnyis par rdo rje 'chang nas phyag snyung bar khyod kyis
blugs zhes bka'

nan lci bar phebs pas nyin gsum la blugs/ nyin lnga par rdo rje
'chang nas slob dpon mdzad/ phran nas dbus mdzad byas te mjug gi
bar rdzogs par byas so/ /rdo rje 'chang gi zhal nas khyod mchod

g.yog byed dgos pas nyin re bka' dbang ci gnang dang bca' shoms
rnams nges nges tig tig byos shig ces phebs par/ phyag 'tshal nas
dgongs zhu yang yang zhus/ phran rab tu rmongs shing gongs

mchod yon gyi spyan sngar 'jigs shing bag khum pas rdzogs chen
sha stag byas na mi 'ong bas nyin re'i bya byed las gsum gzhan
la phran nas rtsis 'bul zhus chog pa thugs rjes gzigs zhes zhus
pas

dgongs khrol byung/ rgya chos mdzad zer ba'i rnam grwa'i grwa
rgyun de la rtsis 'bul byas te/ phran gtsang phyogs su paN chen
khri phebs la mjal 'dod che ba'i rgyu mtshan zhus par yong zhes
phebs/ de nas lha

sa'i gnas tshang du phyin nas zhag shas bsdad nas rta gla btsal
bar bka' drung gi mdze bcu gnyis byang rtse'i dbang ldan du
sprod rgyur nged cag la bskur bar stabs 'grigs byung/ rje lho ba
rin po cher gtsang

@152a @#/ /thon gyi gnas tshul zhus par/ dkyil zur gsung gi bdag
'dzin gshags 'debs dang phyag chen gyi khrid yig gi lung sogs
zhu dgos kyi bka' slob bstsal/ de nas rim thon

gyis 'chi med sgang dang/ snye thang sgrol ma lha khang sogs
dang jo bo'i sa 'bum bcas mjal te phyin par btsun rtags can ra
bzis pa zhig thug par gnas bskor ba do nub gang du sdod zer/ gar
sleb tshod du sdod

ces par gnam du sdod/ ngas gnas tshang gtong zer nas rgyugs song
ngo/ nged cag nas ra bzis pa'i gtam rang red gnam du ji ltar
sdod ces brjod bzhin phyin par 'phrang phar brgal mtshams nas
bong gu pa

rnams la dris pas/ gnam zhes pa pha gi lung bar yod zer/ cung
zad phyin par mi tshang 'ga' 'dug /sngon gyi btsun pa des skad
chen pos yar shog ces 'bod snang/ der rwa bskor che zhing khang
pa

chung du las mi snang/ der bya 'dab tu bsdad/ nad pa zhig kyang
bya 'dab tu nyal 'dug /phyi dror khong tshos khang pa'i nang gad
brdar byas nas bsangs bdug gtang 'dug /btsun pa des nged la
khang pa'i nang

du sdod zer/ dang por de ltar mi byed pa la da 'di ci byung
snyam par/ nad pa kho rang gi spun zla yin zer/ de la mo dang
sman byin zer/ nged tshos lam khar sdod mkhan tshe/ ha cang dad pa
chung mi nyan/ sangs

@152b rgyas sgo khar phebs nyen yod/ ha cang dad pa che mi nyan/
zog po dag dang 'phrad nyen yod/ zer ba bden snang zer/ sman
dang bka' bsgo sogs byas/ dngos 'bul gzab/ de nas rim bgrod kyis
gnod

sbyin gang ba bzang po'i gangs ri steng du slebs par gzhung
zhabs drung yig pa tsha rdor rgyal mtshan tshul khrims nas skyabs
mgon shod phebs pa'i lam bcos kyi sa bskor la 'ong bar 'phrad
par/ a mur san dge

bshes bsangs gtong shes sam zer/ thebs chags tsam shes lags byas
pas 'o na bsangs zhig thon zer bar bla ma'i brgyud bsangs zhig
bton/ DaM ga gcig ster byung/ do nub gang du sdod zer/ gar sleb

tu sdod ces par/ ra lung du sdod/ nged nas rtsan chu chag dang
zhugs shing gnas tshang gtong zer/ lags thugs rje che zhu/ de nub
ra lung du bsdad/ sku drag nas gang gzab gnang byung/ de nas
byang rtser kho ba'i

rtsar shog ces zer/ lags so zhus/ khong tshos sngon la theg song/
nged cag zhag gnyis nas byang rtse dbang ldan du phyin nas mdzo
bcu gnyis rtsis sprad/ sku drag nas 'byor gdong ja dang rtsam pa
gsol grum

sogs gnang sbyin gzab/ sku drag la ngos 'phrang byas te lag
rtags sogs byin/ da khyod gar 'gro zer/ gnas rnying la mjal bar
'gro zhes bshad pas/ rkang rten med par ji ltar bya zer/ rkang
thang la

@153a @#/ /'gro lags zhes par/ ma red nged nas rta drel gtong/ de
ring mjal nas phyir 'ong na dga' zer/ lags so zhes nas rta drel
thog nas gnas rnying la mchod mjal dang rdo rje phag mo

la mjal kha zhus nas phyi dror phyir 'khor nas rta drel rtsis
'bul byas/ da gang du 'gro zer/ bkras lhun du 'gro zhes par/ da
re khyod rang tsho yong tshod legs pas zhwa lu ma he dus ston dang
kha thug pas

ngos kyang bskyod pas mnyam du phyin na legs zhes zer ba ltar/
de ka rang zhus lags/ sku drag dang mnyam bskyod kyis zhwa lur
phyin/ zhwa lu gser khang la mchod mjal rgyas zhus dang/ ri sbug
bla ma

rin po che la mjal nas chos 'brel zhus par/ bu ston gsung gi dus
'khor sku gsung thugs yongs rdzogs kyi bstod pa'i ljags lung
bstsal/ ma he dus ston la ltad mo shin tu che bar mthong/ bcu

gcig pa'i tshe gcig nyin ri sbug ri khrod du grub chen bir wa
pa'i dbang bum chen mo'i bum bshad dang 'brel ba'i byin rlabs
gang 'dod du zhus nas/ sku drag la sku drin legs so phul te
bkras lhun co sne khang du

phyin nas bsdad/ mchod khang khag la mchod mjal rgyas zhus dang/
mgron gnyer chen mo bar nang brda phul te paN chen thams cad
mkhyen par bde chen pho brang du mjal kha zhus/ yongs lho rdo
rje 'chang la

@153b mjal te bka' chos snyan gsan phul bar/ lung chos mang po
re zhig brel g.yeng gis mi lcogs pas/ grub dbang rin po che
deng sang sngags chen la bzhugs pas kho bo'i brgyud pa khungs
thub yod

phyir der zhu dang/ tshe dbang rjes gnang sogs kho bos gang lcogs
ci lcogs zhu thub pa zhu gsung/ de nas grub dbang sngags 'chang
rin po cher mjal te gu ge ba'i gsung 'bum dang/ dkyil zur gyi

gsung skor rnams zhu rgyu'i snyan gsan zhus/ mi ring bar dbu
tshugs pa gnang gsung/ paN chen khri phebs kyi mdzad chen la
mjal/ dbus nas srid skyong de mo hu thog thus gtsug phud rab
byung phul

bar phebs/ gnam sa g.yo ba lta bu'i ngo mtshar ba'i mdzad pa yo
lang sprin 'khrigs pa lta bu rnams mjal/ slar paN chen thams cad
mkhyen par gzims chung mjal kha zhus dngos 'bul rnams

btegs/ zhabs pad srid skyong bar yang mjal kha zhus/ sa skya
bdag chen rin po cher mjal kha zhus par/ slob dpon/ spyan ras
gzigs/ 'jam dbyangs/ phyag rdor bcas kyi rjes gnang

gnang/ snar thang la mchod mjal dang nang rten rnams mjal/ slar
'khor nas yongs lho rdo rje 'chang nas tshe dbang bu ston gong
khug ma dang/ ma gcig rab brtan ma'i thun mong dang thun mong ma
yin pa'i rjes

@154a @#/ /gnang bstsal/ paN chen thams cad mkhyen par sku 'bum
smad rgyud par sngar sku 'phreng gsum pa rgya nag pas btsan
khang du dam can la spyan gzigs phyag shang/ phyag mda'

phul ba phyis su dus gzir skabs me skyon byung bas na da lam
rgyud rgan rnams nas rgyu mtshon gsol te thugs smon mdzad nas
sngar lam ltar thugs rjes gzigs e 'tshal zhes zhu rog zer ba
snyan lhong

bar zhus pas/ blo bzang lha mo'i btsan khang nas phyag shang/
phyag mda' 'khrul med mig mthong du bstsal/ shangs dga' ldan
chos 'khor gyi khri pas kun rig gi dbang 'don dgos zhes u tshugs

mdzad mod bsnyen pa ma song bas khas ma blangs/ de nas phyir
thon nye bar/ paN chen rin po cher thon phyag zhus par rje'i
gong ma bstan pa'i nyi ma'i sku 'gag byin can/ 'jigs byed/ rje
tshe bum ma/ gdugs

dkar bsrung 'khor bka' rgya ma/ dam rdzas byin rten skye bdun
ljags sa bka' rgya ma sogs phon chen dang/ sku 'gag/ snam ther/
spos sogs phon chen po dang/ bur sdang/ sngar 'byor gdong la

yang; rta thab phyi nang rgya cher bstsal/ yongs lhor mjal bar
gnang skyes gya nom pa bstsal/ de nas phyir thon nas dben mdar
bsdad/ dben dgon la mchod mjal zhus/ de nas rim bskyod kyis

@154b rong byams chen/ ngur smrig sgrol ma sogs la mjal te snye
thang sgrol ma la brgya mchod 'bul/ de nas rim bzhin lha sar
'byor nas jo shAka rnam gnyis la mchod mjal zhus nas zhag shas
ngal gsos

nas bsdad/ rdo rje 'chang gi spyan sngar nor gling du mjal/ de
nas brag ri rdo rje 'chang la bka' chos kyi snyan gsan phul nas
zhag 'ga' bsdad/ rje lho sprul rin po che la mjal bar phyag dpe
bka' mngags

rnams phul/ chos zhu tshul gyi rgyu mtshan rnams zhu skabs der rje
nyid se rar rje'i gsung 'bum gyi lhong lta bu chab kyi bsnyun
bzhes bab lci tsam bzhes 'dug /de nas mi ring bar se ra gzhung
pa khang du brag ri rdo rje

'chang gi zhal snga nas phran nas zhus pa'i skor las paN chen
chos rgyan/ mkhas grub sangs rgyas ye shes/ paN chen blo bzang
ye shes/ paN chen bstan pa'i nyi ma/ 'jam dbyangs bde ba'i rdo
rje/ kong po phag

mgo bla ma ye shes brtson 'grus/ dmigs brtse ma'i chos skor pod
gsum/ rnam grwa'i sngags chog pod gnyis/ bkras lhun sngags chog
pod gnyis/ rgyal ba dge 'dun rgya mtsho'i gsung 'bum/ rgyal

mkhan chen skal bzang rab rgyas kyi gsung 'bum/ 'dul 'dzin grags
pa rgyal mtshan gyi gsung 'bum bcas ljags lung bstsal lo/ /dga'
ba zhes pa chu 'brug lo'i gsar tshes kyi rang zhal ston pa'i dga'

@155a @#/ /ston gyi rten 'brel rnams ma chad par byas thog /lha
ldan jo bo rnam gnyis sogs la mchod mjal rgyas zhu dang/ gru
'dzin gnyis par mkhan chen rdo rje 'chang la lo gsar gyi mjal

kha dang gsol tshigs gsol ston ljags smin ljags mdud sogs bstsal/
dga' ldan khri rin po che dang/ byang rtse gtsang pa mkhan chen/
tshe smon gling tsha rdor rin po che dang/ brag ri rdo rje 'chang
sogs

la lo gsar mjal kha zhus/ de nas smon lam chen mo'i gral 'dzin
la phyin/ smon lam chen mor tshogs theng 'gar tshogs shing/ smon
lam gsung chos gso sbyong sogs la smon lam re btab/

dge 'dun mang la thon pa mang ja zhig kyang btang/ smon lam
skabs brag ri rdo rje 'chang nas/ zhang g.yu grags pa'i bka'
'bum gyi lung bstsal/ karma gshags dang gnas chung la gzab gsol
re

zhus; smon lam grol nas jo bo chen por stong mchod 'bring po
phul/ de nas tshogs smon par 'bras spungs la brag ri rdo rje
'chang byon par zhabs phyir phyin nas gung ru khang du rgya mtsho
gling sprul sku'i

zhal snga nas/ nA ro mkha' spyod ma'i dbang khrid lung gsum
dang/ 'brug pa mi chen lugs kyi lus sbyangs brgyad cu'i skor gyi
dbang khrid lung gsum rnams thog/ de nas rgya gling rin po che
dang/ gung ru

@155b pA yer mkhan rin po che/ brag ri rdo rje 'chang bcas brag
rir byon nas/ brag ri rdo rje 'chang nas rnam sras bka' bco
lnga'i rjes gnang shin tu bka' gnyan pa ser chen thun mong ma
yin pa bcas dang/ de'i be'u

bum; rigs byed/ mkha' spyod skor gsum/ dur bdag /rta pod/ rgyal
dbang gsung skor/ brag ri dam rdor gsung lung gang bzhugs dang/
mkhar rdo'i tshogs brgya tshogs bskang gi lung bcas bstsal

lha ldan du phyin nas zhag 'ga' bsdad/ stag phu rin po che'i
zhal snga nas sgrol ma snying zhugs kyi rjes gnang zhus/ de'i
skabs su gzhungs mchog nas yang dgon bla ma rin po che nas kun
gzigs lnga pa

chen po'i gsung 'bum ljags lung khungs thub sel med rtsad gcod
byed dgos su phebs pas phyogs kun tu rtsad gcod zhib 'jug gnang
bar smin gling slob dpon sha gzugs pa 'gyur med o rgyan phun

tshogs lags su bzhugs tshul snyan sgron btang bar/ gzhungs mchog
nas chos rgyun nub par 'phangs sems kyis sbyin bdag mdzad de bla
ma rin po che gdan zhu thog /gdan sa gsum gyi bla sprul dge

bshes rnams dang rgyud grwa'i dge bshes rnams su bzhugs la gdan
sa so so'i dgongs khrol dgos tshul gyi bka' rgya phebs don ltar
mtshan tho gsar bkod dang skabs skabs su gzhung sa mchog[@#missing page-156
a@#]

@156b gsang sman zhal shes kyi lung bstsal bar bla ma rin po che
dang mnyam du zhus/ phyi nyin bla ma rin po che nas dgongs pa
dbyings grol sogs bstsal bar/ brag ri rdo rje 'chang dang mnyam
zhu byas/ nor gling du/

rdo rje 'chang gi spyan sngar mjal bar yag po byung gsung/ da
lho gnas khag la gnas mjal zhig la 'gro 'dun yod pas skyabs 'jug
dang khyad par dga' ldan du snga bar mjal ma thub pas kham tshan

klu 'bum dang co sne gnyis kyis nged la rtsod gleng gi rkyen
gyis da lam mjal thub pa'i skyabs 'jug zhus par a bo tsi gang
yang byed dogs med gsung/ 'ol kha bsam gling gi gnas de byin can
gzhan dang

mi 'dra bas der gnas 'brel re zhog /chos lung/ chos bzang/ rgya
sog lha'i lding sogs rje'i grub gnas khyad par can rnams la smon
lam yag po rkyob ces bstsal/ bsam gling ba rnams la nyid nas

phyag yig zhig bskur gnang mdzad/ drug pa'i tshes bzhi'i skyes
skar nyin bskal bzang me tog khres po lnga nyos nas jo bo rnam
gnyis dang mkhan chen rdo rje 'chang bcas la phul/ de nas nged
cag ngo g.yog

bzhi thon te lha'i gdong sham khar rtsang po bgrod nas chu'i pha
rir sa'i gting nas rje'i sku thon pa mjal nas tshal gung thang du
mchod mjal zhus nas bsdad/ phyi nyin bde chen rdzong la mjal nas
bag ka shod

@157a @#/ /du bsdad/ de'i phyi nyin snga char dge ldan rnam par
rgyal ba'i gling du sleb nas co sne khang du bsdad/ mchod mjal
rgyas zhus byas/ tshogs chen la mang ja spyi 'jog /grwa tshang la
grwa ja

ja thug 'gyed bcas/ kham tshan la tshon ja ja thug 'gyed spyi 'jog
/brgya mchod sna lnga stong mchod rnams phul te zhag 'ga' bsdad/
de nas bla mo/ mtsher srab/ lho brag bum pa sogs mjal/ ba so

ri khrod/ btsun mo'i tshal/ ka thog sogs rim bzhin mjal nas mal
dro sku mkhar brgyud nas brtag pa ri khrod du zhag 'ga' bsdad/
chu phar nang nas rim bzhin mjal nas mal dro bang sa'i ri khrod/

sogs mjal nas/ slar chu tshur brgal nas rin chen gling du bsdad/
de nas ru thog dgon mjal nas dmag dpon la rtsar bsdad/ phyi nyin
la rgyab nas 'ol kha rdzing phyir bsdad/ byams pa

la brgya mchod sogs phul te mjal/ khang pa ser bor rje'i phyag
bris rnam sras la mar rkyang bas 'dzin gtor tshul du phul/ de nas
'gar phug gong 'og sogs mjal te phyin par char 'bebs

nang 'ol kha bsam gling du phyin nas gnas tshang g.yar bas sgo
'byor du sdod zer/ sgo 'byor du bsdad/ rdo rje 'chang gi phyag
ri yang sbrad/ phyi nyin ngal bsos/ rje'i sgrub khang du gnas
'brel zhig

@157b bzhag na byas pas mjal na de ka yin zer/ de nas sgo 'byor
du zhag gnyis bsdad nas chos 'khor rgyal du phyin nas mjal bar
bla mtshor phyin/ mtsho mjal yang 'gag tu byung/ de nas phyir 'ong
nas rgyal

du mchod mjal rgyas par byas/ dga' tshal sogs la'ang mjal/ rgyal
lha thog tu phyin nas nA ga ba thar rgyan gyi sgrub rdzas khyad
par pa rnams mjal/ phyir 'khor nas tshes bcu nang dang thar ba
gling sogs

mjal nas dwags po rong brgyud rgya zar zhag sdod byas/ ri bong
thang brgyud nas dwags lha sgam po mjal/ zab mo gong 'og mjal
nas nyin gcig ngal bsos/ rtsa ri gnas ri sogs mthong bar mjal

thub pa'i smon lam btab/ de nas slar 'khor nas rong lam brgyud
rgyal du 'byor bar mnga' dwags rgyal gsum 'dus nas dbyar gnas
tshogs par 'dug pa mjal/ nyin gcig ngal bsos nas phyi

nyin char chen nang rgyal rlung lar ru ba zhig gi nye sar bsdad
pa 'brog pa de sba gur nang du shog zer der phyin nas gung gi
cag skyid nyal rgyab/ phyi nyin gnam gshis dwangs par 'dug pas
snga mor phyin te

'ol kha bsam gling mdar slebs nas yar bltas pas bsam gling pa
rnams bsangs chen mang po btang/ ser sbreng 'grigs nas 'dug par
de ring 'dir bla ma zhig byon kin yod 'dra bas mjal nas

@158a @#/ /'gro zer/ thag nye sar bsdad nas bltas pas ser sbreng
nged cag gi nye sar tshur 'ong kin 'dug par yar langs nas phar
'gro bas mdun bkag nas mi gtong bar ngos la ser sbreng

yin tshul bshad snang thabs ma rnyed par phyin pas rje'i sgrub
khang du khrid nas bzhag /kha sang nged tshos ngo ma shes par sgo
'byor du bzhag pa dgongs 'gal mi mdzad pa mkhyen mkhyen zhes bla
grwa thams cad nas

phyag 'tshal rgyab byung/ nga ni ci yang ma yin pa'i sa mtha'i
gnas bskor ba zhig la 'di 'dra mdzad pa 'os ma yin pa'i rgyu
mtshan ji ltar bshad kyang mi nyan par gda'/ bsam gling grwa
tshang dang/ 'ol kha rdzing

mi ser bcas la chos 'brel tshe dbang dgos tshul bshad/ nged 'ba'
chas sprad pa zhig gis tshe dbang ji ltar gtong zhes bshad par
rje'i na bza' kha tshang yod pas de bgyon la gnang grogs mdzod
zer/

gnas bskor pa zhig gis mjal bar dka' ba'i na bza' ar cu pas
bgon pa ga la rigs/ gzhan gyis ma gyon pa'i grwa chas gsar ba
'dra yod na bgon chog /bgyon zin ngos nas bgon tu mi

gtub ces bshad/ 'dir ji tsam bzhugs 'dun ltar bzhugs grogs
mdzod/ zan me shing gsol ba gsol chas/ nged cag gis 'bul ba lags
zer/ tshe dbang zhig dang 'dod chos 'ga'i

@158b bklags lung 'bul khul byas/ rje'i dbu zhwa cis kyang byin
rlabs rten tu gyon grogs mdzod ces u tshugs byas pas ma gyon
'thu med byung/ zhag bdun gnas 'brel bzhag /de nas thon bar lam

bar du bsangs gtong ba dang/ mar/ 'phyur/ 'o ma zam ma chad par
'ol kha'i lung ba ma grol gyi bar du byung/ de nas sman rgyal
lha khang/ nyi ma gling/ chos bzang/ chos lung/ rgya sog phur

bgrod skabs chos lung gi grwa pa zhig gis a yu zhig byin pa de
bzhon nas phyin/ sman lung lha mo/ lha'i lding/ rje'i gzims
khang dkar/ mkhas grub nor bzang gi gdan sa rin chen gling/ sle
lung

sogs la nang rten mtha' yas par mjal lo/ /kha btags la rgyab nas
zangs ri mkhar dmar du nang rten pa men gyi ra phor dang sa le
ra dung sogs mjal/ der lus sbyin dang tshogs bsdus pa re brgya

mchod zhig kyang phul/ de bsam grub pho brang na phyag lde zhus
nas/ gdan sa mthil gyi nang rten la/ phag gru rdo rgyal gyi na
bza' 'ja' sa shel dang ba so'i phyag tham rnams mjal zhing gzhan
yang nang

rten mang dag mjal/ de nas mnga' ri grwa tshang/ bkra shis do
kha'i gnas bcu'i lha khang/ 'on chos lding bcas mjal/ rtsang chu
phar brgal nas rtsed thang lnga mchod pa rje'i ser dung byin can
rnams mjal/

@159a @#/ /dga' ldan chos 'khor gyi nang lha rgyal/ klu rgyal
sogs dung mi 'dra ba mjal/ rtse tshogs par nang rten mtha' yas pa
mjal/ rnam rgyal lha khang zhes rje thugs rdzogs mdzad pa/

bya sa lha khang/ sne'u gdong gdan sa spen tshang/ phra 'brug
/bkra shis bsam gling/ pho brang g.yam bu bla mkhar/ rtag spyan
bum pa/ ri bo bsam gling/ ras chung phug /sol nag po che/ jo
bo'i

gzims khang/ 'phyong rgyas rdzong dang ri bo bde chen/ chos
rgyal bam so/ gong thang 'bum mo che/ btsan thang g.yu yi lha
khang/ yar lung shel gyi phug pa sogs rten gsum gnas gsum rnams

mjal te rtsang chu ger ba shan thog nas sgrol te/ rdo'i nang
mchod rten bkra shis 'od 'bar/ bka' bcu'i lha khang du rang gcig
pu sngon du phyin par khyi zhig rgyugs 'ong nas sgo nang du nged
kyi lag par

'chang/ cen 'phrug gi 'og mjug zhig las med/ phrag sha phud de
yod par/ gcung byams shAka rgyugs nas khyi la brdeg rtsis byas
pas 'og mjug nas mche bas cung zad ral te bros so/ /sha la skya

shul tsam yang med pa dkon mchog gi thugs rjes so/ /de nas bsam
yas la sleb/ mchod mjal rgyas par zhus/ tsi'u dmar la gzhung sa
nas lha gsol zhus pa dang thug nas mjal/ byang chub chen

@159b por brgya mchod phul/ has po ri ra bsangs dang gser skyems
btang/ zung mkhar rdo'i mchod rten/ chims phu/ ya ma lung sogs
mjal te rgod kha la rgyab nas bde chen rdzong du bsdad/ phyi
nyin snga bar lha sar

'byor rtsis kyis phyin par lha'i gdong sham khar gzhung ko mang
po ma rdzogs par sgug dgos byung/ phyi dro zhig la ko bar chud
nas sgrol tsam byung/ rab chung zhig brgal nas thon dgos par chu
nu ma yan rgyag

pa phan tshun gcig la gcig rten gyi brgal thub tsam byung/ de nas
sa sros srod 'khor la sleb mun pa shin tu nag pa gar 'gro sa
yang mi shes par yod par glo bur glog 'khyug char rlung drag po
byung

bar phur lcog /rked tshang sogs glog 'od kyis mthong byung bar
sku 'bum thang brgyud 'ol tshod kyis phyin par rme ru sgo 'gram
du 'byor/ char ba yang chad/ thang je dkar la song/ gnas tshang
du 'byor

bas ja bskol nas 'thung bas bla ma jo bo yab sras kyi thugs rjes
bde bar 'byor bas dga' spro'i ngang la gnyid du yur/ zhag shas
ngal bsos jo bo rnam gnyis/ mkhan chen rdo rje 'chang/ brag ri
rdo rje

'chang bcas la 'byor phyag zhu/ de ltar gnas skabs zi ling song
ba dang mnyam du sgar gnyer byang chub kyang 'byor/ stong ting
mngags pa'ang 'byor mod rje lho sprul dam pa zhing du gshegs
rjes mdzod pa

@160a @#/ /'phel rgyas zhabs sdod yin gshis rgya nag tu song/ sku
gdung su'i bdag rgyab pa'ang ma tshor bas gdung mdun du 'bul sa
ma rnyed/ mi tshos rgya ting tshong rog ces rna ba

sos dal du mi bcug par gda'/ skabs der 'gro ran par bka' chos
mjug ma 'grub phyir se rar phyin nas brag ri rdo rje 'chang la
bka' chos 'phros/ rgyal sras gsung 'bum/ bka'

gdams glegs bam/ le lag bcas dang/ lam rim thar rgyan/ dwags po
lam rim/ gzhon nu rgyal mchog gi blo sbyong rtsa 'grel/ rgyal
dbang dge 'dun rgya mtsho'i gsung 'bum sogs kyi

ljags lung zhus/ lung tho zhib par brgyud yig na gsal/ mjug sems
bskyed mchod pa stong ting gsar bar bshams te sems bskyed
bstsal/ sku yon mtshon byed du stong ting phul te pha bla

ma'i thugs dgongs rdzogs pa'i skyabs 'jug zhus/ de nas rgyal
dbang mchog la thon phyag zhus/ gsol 'phar dang/ nang rten rgyal
dbang bskal bzang rgya mtsho'i sku'i phyam rtse bcas

bstsal/ mkhan chen rdo rje 'chang la'ang thon phyag zhus/ gnang
'char/ sku 'gag /sku sham/ sku gzan/ dbu zhwa bla ma sgro rtse
ma/ sku chos snam ther sogs mod mi dman pa bstsal/ bka'

@160b chos 'phros kyi snyan gsan zhus par/ srid skyong chen mor
dgongs zhus byed dgos tshul bstsal bar/ skyabs mgon srid skyong
chen mor thon phyag zhus par nang mjal gnang/ der mkhan chen rdo
rje 'chang

la bka' chos 'phros rtsa zhu rgyu yod tshul/ ri khrod du zhag
shas gdan 'dren zhus chog pa'i dgongs zhu byas par/ de yongs
gsung/ gnang cha gya nom pa bstsal/ phyir 'ong nas lha ldan jo
bo rin po cher

brgya mchod sna lnga tshar gsum/ thugs rje chen po/ rje rin po
che/ byams pa chos 'khor/ sgrol ma/ bar khang srong btsan/ ayon
nga 'dra ma/ ra che/ tshe dpag lha khang/ rtse lo ki shwar bcas
la gser cha pa

brgya mchod sna lnga re/ rgyud grwa gnyis la grwa ja re/ gnas
chung gzab gsol thog /sku 'bum chos sde'i rten khog myur gsal
gyi lung zhus par pho brang nang ma'i rten chas kyi phyag shang
mdud pa por bar/ rten mdung

steng gi sna lnga'i snyan bshal slob dpon chen mo'i snyan bshal
du bstsal ba'i zhal byang can phyag gri mdud steng sgron te phur
mdud rgyab nas bstsal/ 'di gtsug lag khang gi dbus kyi char
thogs zhes bstsal/

nged la'ang gri gug pa dpung rgyan btags nas bstsal/ de mtshungs
gong sa rgyal dbang rin po cher rten khog la zhal myur gzigs kyi
'dod gsol 'phrin bcol zhus pa'ang skabs de mtshungs su bstsal/
@161a @#/ /karma gshag la gzab gsol zhus par phyag shang gug pa
zhig dang phyag nas bcas gnang/ dga' ldan gser mdung mdun stong
mchod 'bul rgyu bskur/ de nas nor gling du phyin

nas rdo rje 'chang la dgongs zhu bgyis pa'i rgyu mtshan zhus/ 'au
de yag po byung/ khyod kyi chos gos gsum sa thag ring por 'gro
dgos phyir byin rlabs dbyung na ma gtogs mi yong bas nged kyis
dbyung bar

byed gsungs pas chos gos len par chas pas dngos su med kyang
rung bar gsung nas dbyung bar gnang/ bde mchog lha lnga'i mngon
rtogs rgyal sras gsung gi lung gnang/ da khyod sang ngam nang

gang rigs zhig la ri khrod du 'byor bar bgyis/ nged kyang sleb
'ong gsung/ phyag dbang zhus nas lags so zhus nas phyin par
mchod rten gser mgo ma'i thad ya tshad tsam nas rtse pho brang la
g.yas skor du

'gro snyam par chas pa'i sar lde mig zhig rnyed/ grogs rnams
kyis mi legs zer/ rang gis sngar shing bza' sku gong ma rgyud
pa'i bla ma dbu mdzad skabs dgon gnyer gyis lde mig mang po gtad
pa rmis tshul

gzhan dang mi 'dra ba'i rnam thar yin tshul shing bza' rdo rje
'chang gis rdor 'phreng skabs bstsal ba thos pas na dngos su
rnyed pa mi legs pa med snyam/ mi brgya 'gro stong 'gro gshar
ba'i lam du gzhan gyis

@161b ma mthong bar nged kho na'i skal bar thob bam snyam nas
rum du bcug /phyir 'ong nas bsdad pas dga' yal le snang ba
byung/ phyi nyin jo bo rnam gnyis la pha ma'i ched du gser rkong
re sbyangs/ bskal bzang

gser rkong rang dang spun zla'i ched du sbyangs nas phyi dror
phur lcog tu phyin par rdo rje 'chang chibs bsgyur gnang grub pa
mjal/ phyi nyin nas thub pa dam tshig gsum bkod/ zhe dgu ma/ ro
langs brgyad bskor/

dben sa snyan brgyud kyi zhi ba nam mkha' sgo 'byed/ tshe dpag
lha dgu /mi 'khrugs pa lha bcu gsum ma dang lha dgu /gdugs dkar
lha mang dang lha bcu bdun/ phag dkar shes rab gsal byed yig
rnying/

phag mo don grub ma/ 'dod rgyal gsang sngags sgra'i rjes gnang/
'chi med rdo rje'i srog shing/ 'jam lugs lha lnga/ 'chi med dpal
ster/ tshe rta zung 'brel/ yang gsang lha dgu /'chi med rdzong

chung bcas bstsal/ mjug tu sems bskyed dang bla mchod tshogs
mchod brtan bzhugs mkha' 'gro'i bsun bzlog bcas zhus par gnang
thog chos grwa'i 'du khang na thog mar sems bskyed rgyas par
bstsal/

de nas slar yar tshogs nas bla mchod rgyas par gnang tshogs mchod
phul nas mkha' 'gro'i bsun bzlog brtan bzhugs rgyas 'bul maNDal
bshad pa rje brag ri rdo rje 'chang nas mdzad par gsol ba bzhin

@162a @#/ /gnang/ dngos 'bul phran tshegs nyer spyad sna tshogs/
dngul gyi rgya gling/ maNDal rten gsum dngos 'bul bcas zhus/
brag ri rdo rje 'chang la maNDal rten gsum dngos 'bul phran
tshogs/

sgrub khang sprul pa'i sku la maNDal rten gsum dngos 'bul phran
bcas/ byang rtse la maNDal rten gsum dngos 'bul phran bcas/ stod
pa mkhan rin po cher maNDal rten gsum/ sprul pa'i sku gang

bzhugs la maN dod a She re bcas/ ri khrod pa'i dge slong spyi
par spyi 'bul dang/ dge slong rnams dang chos nyan thams cad la
DaM re phul/ sku mdun gsol gnyer/ sger g.yog thams cad

la so so'i go babs dang bstun pa'i dngos 'bul/ sku'i mdzod chen
zhabs sdod ba/ ri phyag gnyis la srang bcu dang gos yug re/ bla
brang phyi nang gi zhabs phyis byings la thun mong du srang nyi
shu bcas

'brom gyi 'bul mo che bsam pas btegs/ rdo rje 'chang nas slog
cha'i tshul du sgrol ma dang byams sku gser zangs ma/ thub pa
rdor gdan ma se'u lha khang rang bsgrigs/ rje nyid kyi rgyun
bzhes phyag

Dal/ rgyun bzhes rtsa ba ya'i shangs ru shub ldan/ rtsa ba ya'i
gsol phor che chung/ gong ther sbub gnyis/ stag tsha'i mngags
btags ma'i sku 'gag /'og 'jug spu ras/ 'ja' chen dmar po/

@162b mchil lham 'go snam bcas brjod las 'das pa bstsal/ ri
khrod gzhung spyi nas rdze ngag dbang byams pa'i phyag par can
gyi dga' lha'i zhing bkod sogs bcas gnang/ bla brang zhabs phyis
spyi pa nas maNDal

rten gsum/ zhabs phyis che rigs rnams so so nas dngos po'i ster
cha gzab/ de nas thon phyag zhus nas se rar phyin/ mchod mjal
rgyas zhu dang/ yi dam chos skyong rnam gnyis la gser rkong
sbyangs

pa dang/ chos skyong la rgyan ldan gyi stod le bang ldan bcas la
rdo rje 'chang nas 'phrin bcol tshigs bcad 'byar ma bcas phul/
kham tshan nas chos gos kyi rgyu ther ma spus ldan/ rje'i phyag
tshwa tshogs bdag

sogs gnang/ grwa tshang nas chos skyong chen mo'i thugs gsal me
long hrIH yig can dang/ rgyun gsol stod le/ pang ldan 'dzar
bcas/ snam phrugs/ sgrol ma'i stod le bcas bstsal/ sku zhabs
rtag pa

rin po che nas/ dam shing/ chos skyong gi zhal 'bag chung du/
snam ther sogs bstsal/ de nas bag ri rdo rje 'chang la mjal bar/
byin rten sna tshogs/ dam shing/ dam rdzas thugs rten/ gsung
rten/ ril bu

sku rten yi dam sku thang dang/ phyag tshwa sogs phon che bstsal/
sku 'gag /sku sham/ sku gzan gong ther/ snam spos/ phyag phreng
gsar rnying/ ma nu ho'i shangs dam/ po li'i shangs dam/ ri khrod
mchod

@163a @#/ /rgyan bcas bstsal nas/ yi dam lha dgu'i dkyil 'khor
tshems grub ma/ dbu zhwa/ phod kha/ bang ldan khro zhal bcas
mngags bsdams gnang/ de nas lha sar 'byor bar/ se 'bras 

dge gsum gyi ngos shes rigs kyis ster cha gzab/ brgyad pa'i tshes
nang thon nyin jo bo rnam gnyis la gser rkong phul nas phyir
'ong bar/ tshogs chen bla spyi/ mkhan po/ kham tshan/ mkhan chen
rdo rje 'chang gi

gnyer ba klu sgrub la dang/ brag phyag /rtag phyag sogs phebs
par lam du thon nas sku 'bum thang du thab bsu steng du phyin
nas maNDal rten gsum gyi slog cha sogs byas nas phyir phebs par
byas/

rang dpon g.yog bzhi rnams lam rkyang 'ded byas par rdo rje
'chang rnam gnyis kyi zhabs phyis rnams ri rgya ri khrod par
phebs nas phyir log go /'dir smras pa/ dag pa'i zhing mchog nor
bu'i grong khyer du//

gdan gsum tshang ba'i sde dpon rnam gsum la/ /brten nas mdo
sngags zab dgu'i gces nor kun/ /pha nor bu la dpogs bzhin brtse
bas bskyangs/ /tshe sngon las 'phro'i rlung shugs nyer drangs
te//

shAkya mu ne dngos dang mi gnyis pa/ /mi bskyod mgon po lo ki
shwar sogs/ /chu bur mig gi spyod yul las 'das pa'i/ /rten gsum
rgyu skar bkra ba'i dkyil 'khor kun/ /dpral ba'i dbyings dang

@163b mig gi bdud rtsir gyur/ /ngo mtshar mi lus rin chen 'di ko
rmad/ /lan gcig thob pa don dang ldan par sems/ /stabs legs stes
dbang shugs kyis brgya lam na/ /res 'byung ma he dus ston bir

lwa ba'i/ /dbang bum chen po a b+hi Shenytsa'i chu/ /myong ba'i
skal bzang thob pa e ma rmad/ /snang mtha'i zlos gar paN chen
thams cad mkhyen/ /skal ldan gdul bya'i shar ri'i phrag pa nas/
/mngon par

shar ba gdan sa'i chos kyi khrir/ /zhabs sor 'khod pas lha mi'i
dga' ston ni/ /thub dbang lha yul nas byon tha dad ci/ /de phyir
da re dbus 'gyur chos kyi ljongs/ /lan gcig mjal bas bskal mang

sdig ltung ri/ /lhan cig bstil bar byas sam 'phyang mo nyug /ces
pa ngal bso'i tshigs su nga cad pa'o/ /de nas rim bskyod kyis
brag yer bar phyin/ mchod mjal rgyas par zhus/ rgyud stod dbyar

zhal bzhes mdzad par/ yongs 'dzin gling la mjal nas skyabs 'jug
zhus/ de nas rim bgrod kyis byang rwa sgred rgyal ba'i 'byung
gnas su phyin/ jo bo 'jam pa'i rdo rje la mchod mjal brgya mchod
sogs

phul; de nas mar rang yul du 'gro 'dod cher med kyang a lags
'jigs med rdo rje 'chang dang/ bde yangs rdo rje 'chang/ shing
bza' rdo rje 'chang rnam gsum gyi phyag yig nan cher mdzad stabs
dang/ pha ma

@164a @#/ /drin can gnyis kyis yi ge nan tan che phyir rim bskyod
kyis seng gzhung tshong bar zhag 'ga' dang nag chu brgyud nas
mtsho mo rar zhag shas 'jag mal byas par brgyad pa'i tshes nyer
gnyis

la mtshan mor rmi lam zhig byung bar yid a thang chad pa zhig
rmis/ 'dir smras pa/ kye ma bskyed byed drin can a ma/ /da lta
gar bzhugs gar gnas gang du/ /ci mdzad drin can bla ma mkhyen
no/

dwa phrugs spun gnyis byang 'brog thang du/ /dmus long mig bu
pral ba ji bzhin/ /gnyen bshes brtse gdung mgon skyabs med par/
/ya nga'i thang stong 'di las sgrol thabs/ /pha rgod drin can
bla

ma mkhyen no/ /khyod min re sa gzhan na ma mchis/ /'di phyi gnas
skabs bar do kun tu/ /skyabs mgon drin can bla ma mkhyen no/
/bla ma mkhyen/ bla ma mkhyen/ bla ma mkhyen/ zhes kyang ngag
nas thal

lo; ;de nas byad stong gi 'go tshungs nas rim bskyod kyis la
rdzas ka la zer bar zhag tu sdod skabs nyin mo pho rog dgu phyi
ba zhin 'brang bar mthong/ mtshan gnyid sad ma sad kyi ngang du
yod skabs

me mda'i sgra skyo mdog kha ba zhig nyis gsum tsam thos/ mel tshe
byed mkhan la dris pas rkun ma red zer/ byang rgyan dang/ co sne
'jam dbyangs gnyis nas phar me mda' 'ga' btang bas rang zhir

@164b gyur; phyi nyin nas pho rog dgu po mel tshe bzhin phyi
bzhin 'brang/ de'i phyi nyin re brtag bzhin phyin par tsha lam du
co sne sgar dpon ngo g.yog yar 'ong la thug par brag nag me'i
bar dang/ dung 'bud sgra/ khu khu shi

rig rnams la jag rkun 'dug pas stabs gang gzab re byed dgos zhes
lan gsol bshad snang/ byang chub snga 'gros bar song nas ma thug
/tshugs par 'byor nas rgyu mtshan bshad pas/ sgar dpon kha la

tan tan med/ kha chags po zer/ phyi nyin brag nag mar snga tshad
zhig la rkang btsugs nas bsdad pa 'dra byung/ sa 'di'i ming la
ci zer byang chub la dris pas brag nag ma zer/ do nub nged cag
'dir bsdad nas/

sgar dpon gyi bden brdzun blta'o zer/ nged cag mi nyung/ bang
kha gsum las med/ byol na mi dga' 'am zhes pas/ skyon med zer/
kho dang co sne tshong ba gnyis bag rgyab nas nyi ma 'das/ 'bab
ja 'thung

nyin yod pa'i skabs la nged kyi sems 'khrugs/ pho rog lder
'dzings byed/ mdun thad bye sgang mi ring ba zhig 'dug par skabs
re mi 'dra po yar langs snyam byed/ skabs re mgo tog tog byed pa
zhig

mthong bar zla bo rnams la dris par/ khal ma 'tsho mkhan red zer/
nged cag mi kha gsum gyi rta drel nyer gcig las gcig khu re
snang 'tsher rkyang byed bzhin sleb byung/ gcig po de sog po bla
ma'i zhabs phyi'i rta red/

@165a @#/ /rog pa 'tshol bar gang nas rnyed/ byang chub la bshad
par phyi dro chag zar na skabs slebs yong zer/ phyi dros srib la
rta drel gcig kyang 'od rgyu mi 'dug /da ni ci bya brdol med du

gyur; phar cer/ tshur cer/ rngam ba bsrang ba las gzhan thabs
kyis rtug par gyur/ byang ming ba rang gyi nyin 'tshol ba la
zhugs so/ /nged cag khal ma 'ded bzhin cung zad re re sa spor
bzhin

zhag gsum bzhin/ byang ming bas sna lo grangs ma chad pa tsam
rnyed nas 'byor/ khu bu shi rig la bsdad nub bla brang phur lcog
pa'i khal ma sdang gcig bcad nas 'ded song/ phyi snyegs la bod
pa

gnyis dang byang ming bcas rjes 'dod la song/ ci yang ma reg
srog la ma skyon tsam du 'khor/ de'i phyi nyin nas phar bltas
pas na'i ci zer ba'i the ci nar gyi sa sne mthong bar/ nged nas
lam 'di nas 'gro

bar mi 'thad/ the ci nar gyi sa sne las ltas nas 'thad 'gro byed
ces par thams cad kyis tshul de 'thad par phyogs der gzas nas
song ngo/ /rtswa chu cung dka' tsam las lam yang bgrod bde bar
mchis

so; ;na'i ci lung bar zhag'ga' ngal ba sos gyin theg /rtswa chu
med pa'i sha lar nyin gcig gis phud de tho'u le zer bar zhag
'ga' 'jag mal byas/ de nas rim bskyod kyis no mo ga na ho tho
zer bar

@165b 'byor nas do bo thams cad der spungs/ nged dang gcung
byams shAka/ byams bsod/ bod pa a grung zer ba gcig bcas la
sbis gcig /rtsang khyi bcas bzhag nas gzhan thams cad khi chad
rnams 'dod

nas nged rnams la sog po rta gla myur bar sleb 'od de bar sgug
sdod bgyis zer nas thon song ngo/ /nye char mi khyim ri dwags pa
gcig las mthod thos kyi sar mi khyim gyi sgra dri gang yang mi
tshor bar snang/ nye

char ja rta'i nags gseb/ ci yang mi mthong/ g.yas su sha la zer
ba'i rtswa chu med pa'i mya ngan thang/ sems can gcig kyang 'gro
'ong med pa'i 'brog dgon pa der rta gla sgug nas zla gcig lhag
lus so/ /

do bo rnams mkhar chag nang skyel/ mtha' rdo rtsig byas/ de'i
mthar shing brtsigs nas bzhag /nged cag bzhi po bsam gtan rtse
gcig la mnyam par bzhag nas gnas so/ /smras pa/ las kyi rgyal
pos bka'

phab ste/ /de bang tta gnyis pa zhig /'ong bas rnam smin cho
'phrul 'gyed/ /su la yus su 'ang ma mchis so/ /tshe sngon dge
bskyed udzdza la/ /ma mthong dwa phrugs a d+hwanydza/ /a shu
grol ba'i nA tha mchog/

brtse chen thugs rje chen pos skyongs/ /skya kas sbal long khur
ba'i dpe/ /rang stobs las gzhan yongs la 'phya/ /'gro 'dug nyes
pas 'brog dgon par/ /b+ho ga gter du sbos la ltos/ /zhes kyang
'@166a @#/ /smras so/ /zla ba bcu gcig pa'i tshes gnyis la sog po'i
khal gla 'ong bar myur du rtsis sprod bgyis te chas bar du lam
du byang chub sogs la thug nas ja theng gcig bsdad nas

nged cag sngon du phyin nas sku 'bum la bcu gnyis pa'i tshes 'gor
'byor/ byang chub rnams bco lnga'i rjes su sleb/ phur lcog gzims
khang du lan nas nged cag mnyam du phyin/ 'byor gdong la tshogs

'dus bla spyi rnams dang khri gdan zur sogs bla sprul byings
rnams thug 'phrad byed mi rnams rim bzhin 'byor/ skyabs mgon
shing bza' rdo rje 'chang khri khar byon pa'i gtam thos 'phral/
khri

khar phyin nas rdo rje 'chang la mjal/ zhag 'ga' bsdad/ seng
gdong dmar mo'i dbang dang bka' srung dam can gsang ba yang
'khor gyi rjes gnang dang 'jam dpal nag po'i rjes gnang/ bkrus
byabs

bsrung gsum sogs kyang gnang/ seng gdong dmar mo'i rgyun khyer
gyi lung bcas bstsal zhing dgun mjug la gtor bzlog zhig bsgrub
gsung/ rang gis kyang bsnyen pa re gal che zhes gnang/ de nas

jo jo dang lha khang sogs mjal nas/ ar kong/ ka zhur brgyud nas
sku 'bum la 'byor/ phyir 'ong nas rang gis seng gdong dmar mo'i
bsnyen pa thebs chag tsam dang/ gtor bzlog tshad ldan zhig

@166b bsgrubs/ mjug tu gser 'od g.yang skyabs bcas btang/ skabs
der smad phyogs nas wang gi mi sna bcas 'ong nas sog yul du cis
kyang 'ong dgos tshul gyi bskul ma nan cher byas/ phyogs 'grul ba
rnams la

rtag thug dang/ de'i ngang du lo de'i mjug 'grub par bgyis so/
/smras pa/ ring na gnas kyang nye bar gnas pa 'ga' yang mchis/
/nye bar gnas kyang ring du 'gro ba 'ga' yang mthong/ /tsandan
sa mchog sol bar

gtong ba 'ga' yang mthong/ /gnyen bshes b+he daH bcad de rang
gtsor byed pa mthong/ /'khor ba'i chos la gad mo bro/ /zo 'tshun
'khyud mo ji bzhin du/ /res dga' res sdug sna tshogs pas/ /mdza'
dang mi 'dza'i gnas

kyis stong/ /de phyir gtang snyoms legs bsgom na/ /rang gzhan
kun la gnod pa chung/ /gzhan las khyad par 'phags pa spong/ /bya
byed ma mang smra ma mang/ /rang gzhan kun la phan 'dod na/
/rtag tu

yig drug kha bton dang/ /bla ma yi dam rang sems gsum/ /dbyer
med mchog gi rnal 'byor skyongs/ /zhes kyang rang gi dran gso'i
ched du'o/ /rnam rgyal zhes pa chu sbrul lo'i gsar tshes

kyi rang zhal mngon du gyur ba'i rten 'byung gi thog mar tshes
gtor rten 'byung 'char can rnams byed tsam las lo gsar ma byas/
ma rgan drin can dus 'das pa'i rkyen gyis lha khang chen mo sogs
la mchod mjal rgyas

@167a @#/ /zhus dang/ ngo shes nang tshag thag nye ring rnams rim
thug byas/ rgya lo'i smon lam steng mchod bskor sogs kyang ma
byas/ de nas gong ma'i 'khrungs yul che shos dang/ mdzod pa'i

yul ba rgya rtse sogs la phyin/ de nas gser khog tu phyin nas
khong bsam gtan nang du bsdad/ mchod mjal rgyas zhu byas/ sku
zhabs btsan po tshang la mjal/ de nas chu bzang du phyin jo khang
du mchod

mjal dang/ chu bzang rin po che dang/ lcang skya mchog sprul rin
po che la mjal/ de nas dgon lung byams pa gling du phyin/ skyabs
rje thu'u bkwan rdo rje 'chang la mjal/ mjal rten du rje yab
sras gsum

gyi gsung 'bum gtsang par bcas phul/ zhag 'ga' bsdad/ rje'i mdun
nas 'dod chos 'ga'i lung dang/ phar yang thugs 'dun ltar gyi
chos tshan 'ga'i lung phul/ rje nyid nas rta lug lo gang

rung la pho brang chen mor cis kyang 'ong dgos/ rta bota ? kyi
lung yang gtong dgos tshul nan cher bstsal/ de nas phyir sku 'bum
du 'byor nas ma 'gyangs par rang yul du phyin/ pha rgan dang/
nye tshan rnams

la thug phrad byas/ ri khrod rde'u tsha dgon dang/ dpon tshang/
lcang ra rnams la phyin/ zhwa dmar rdo rje 'chang dang/ bde
yangs rdo rje 'chang la mjal/ de nas ka ring du a lags rdo rje
'chang la mjal

@167b nas zhag 'ga' bsdad/ phyir 'ong nas sku 'bum la 'byor/ de
nas dpyid mjug dang dbyar stod skabs su rta mgrin chos 'khor
dang/ thar ba/ sngags phyogs po ti sogs 'dod chos sna tshogs bcas

kyi lung sogs bton nas nyi ma 'phul thabs byas/ dbus phyogs nas
gdan drangs pa'i 'dam sku rnams la nyams gsos gser chab na bza'
bsgron pa sogs kyis dus 'da' bar byas/

dbyar smad la ka ring du a lags rdo rje 'chang gi spyan sngar
mjal bar phyin/ rje nyid nas drag po 'khor lo mi tshad tsam gsar
bzhengs gnang kin 'dug /zhal nas/ khyed tshos ji 'dra tsho mthong
rgyu red/ ha po ha po

red gsung/ ci zhig mthong rgyu red lags zhus pas/ rgya hos hos
dang/ rgya ser mig ser 'di tsho ji 'dra byed 'ong na gsung/ gzhan
cang mi gsung/ de 'dra yang yang gsung zhing thugs khril gyi
rnam pa

mdzad/ sku zhabs bde yangs rin po che yang nged gnyis mnyam mjal
byas nas kyang de ltar gsung/ 'gro khar skyabs 'jug zhus par 'o
skyon med gung ru mkha' 'gro ma'i phur mdud dang/ mkha' 'gro

ma'i 'dod gsol gnang ba'i mkha' spyod kyi sku thang/ rigs ldan
drag po'i sku thang sku zhabs bde yangs rin po che dang nged
gnyis la 'dra bar gnang/ nged la zur du phyag phreng/ sgrol dkar
bzhengs sku

@168a @#/ /'jigs byed dang bka' sdod bcas kyi sku thang bcas
bstsal nas zhal shes gsang gtam gyi khrid bcas dang/ kha kya'i
sdom tshig gi khrid bstsal/ gcung byams shAka la

dbu zhwa dad rten tu gnang/ bde yangs dpon po la sku gzan dad
rten tu bstsal/ de nas phyir bde yangs rdo rje 'chang dang mnyam
du tsha bug brgyud nas bya khyung du phyin zhag shas bsdad/ de
nas rde'u tshar

zhwa dmar rdo rje 'chang la mjal nas skyabs 'jug zhus/ rang yul
du pha rgan sar zhag 'ga' bsdad/ gser khang/ kha sha mthil/
shong shan jo bo sogs la mchod mjal zhus/ de nas khri khar

phyin par rdo rje 'chang ser rgya'i grwa tshang du dbyar bzhugs
mdzad pa der mjal zhag 'ga' bsdad/ 'gro khar skyabs 'jug zhus
nas chas par phyag 'phreng dang mgul bsrung/ gcung byams shAka

la'ang phyag 'phreng bcas bstsal/ de nas phyir sku 'bum du 'ong
nas mar thon rgyu'i 'gro chas byas/ skyabs mgon a kyA rin po
ches mar byon par mjal kha dang phebs rdzongs phul/ bshad sgrub
lo

ye nang du ja mgron la phyin par rje gser tog rin po che dang/
don grub bsod nams bcas nyin gang 'da' bar byas/ khri chen gdan
sa pa stag 'tsher rin po cher mdun mjal zhus te mar 'gro

@168b ba'i gnas tshul zhus/ tshogs 'dus sogs bla grwa so so nas
lam rdzongs ster mi 'ga' tsam mchis/ che shos rgya rtse sogs kyi
lam rdzongs rnams kyang bstar/ de nas brgyad pa'i tshes bcu gcig

la nged dang mdzod pa grwa 'khor bcas lam du thon/ rta ba ser
sbreng sogs bkag /chos rje nang bsrung du bzhag /nged cag rim
bskyod kyis sngar lam ltar/ zi ling/ krung lang/ ya mun/ dar han
pe

li sogs brgyud nas phyin par wang ye nas chol g+han tsam zhes lam
chen nas 'ong dgos zer ba rang ma nyan/ e li si'i lam brgyud
dgun cung dro ba'i khyad par mchis phyir/ su nyid gnyis dang/
tho go

chi su me sogs dang/ shar thal brgyud nas phyin par wang gis lam
'di su'i 'dod thog yin zer bar nged kyi 'dod pa yin dgun dro ba
dang me shing mod pa sogs la 'dod nas 'ong ba yin zhes bshad

par cang mi zer bar 'dug /de nas yan tor dpon skya ser tshang
ma'i bsu ba ser spreng sogs sngar lugs ltar nyin 'gar yo lang
'khrigs pa byung/ de nas dpon tshang la phyin zhag gsum bsdad/
phyir

'ong nas mtshams mtho bzhag /lo gsar la'ang mtshams 'bud rtsis min
mod dpon tshang grwa tshang sogs nas cis kyang grol dgos zhes u
tshugs byas par lo mjug tu grol bar bya'o/ /rgyal ba

@169a @#/ /zhes pa shing rta lo'i gsar tshes kyi dga' ba mngon
pa'i dus char tshes gtor dang phyi nang rten 'brel legs par
bsgrigs nas dpon tshang sogs phyogs mtha' dag gi mtshams zhu ba

rnams rim phrad dang tshogs chen grwa tshang ba rnams la mjal kha
kham zas sogs kyi ster cha byas/ nyi ma'i snga char dpon po
wang/ thu sa lag che sogs blon 'khor mang bcas kyi lo gsar mjal
kha

byas par/ yul lugs ltar gyi gung tshig sogs btang/ de nas nye
'khor gyi mjal mang gis nyin re 'phro ma chad pa byung/ phyogs
mtha' dag gi mtshams zhu ba dang mi drag sogs kyang nyin re zam

ma chad pa byung/ long skabs dang bstun nas wang gi u rge'i
steng du phyin/ zhag 'ga' bsdad nas phyir 'ong/ de nas tshes bcu
gsum nyin gzab gsol dang/ lha bsang sogs btang/ tshes bcu

drug nas bang chen ched mngags kyis phyogs mtha' dag 'tshams lan
'bul mi mngags/ sa cha shin tu grang ba'i stabs kyis re zhig zla
ba bzhi pa'i tshes ma tshes kyi bar mtshams tho bslang ste bzhag

nas lkog nyal byas nas bsdad/ bzhi pa'i bco lngar sems bskyed
mchod pa gsar 'dzugs la/ sems bskyed mchod pa'i dpe gcig kyang
med gshis lam rim chen mo'i sems bskyed cho ga'i steng

@169b nas 'don snyam du yod skabs/ tshes bcu gsum gyi zhog khar
yar langs skabs shog thum ngam 'byar ma zhig sngas kyi rtsar
bzhag 'dug /nye gnas rnams la dris par sus khyer 'ong ma shes/
nga

nang su gang yang 'ong ba med/ nged cag gis khyer ma 'ong zer/
khrus byas nas kha phye ste bltas par sems bskyed mchod pa'i cho
ga dngul chu'i gsung red/ nang du bltas pas brag ri rdo rje
'chang gi

phyag dpe sngar sngags khang du lnga pa'i gsung 'bum mjug bla ma
rin po che nas sems bskyed mdzad skabs rdo rje 'chang nas phyag
rtags mdzad pa'i dpe de kho nar 'dug /'di sus khyer 'ong ba yin
snyam

nas nang mi thams cad la rtsad bcad pas yi ge 'di 'dra gtan nas
mthong ma myong sha stag zer snang/ da ni smon 'jug gcig char du
len pa'i cho ga'i steng nas bya dgos par bla ma lha'i lung bstan

yin par nges shes rnyed nas rgyu mtshan dang bcas zhus te btsugs
par byas/ lnga pa'i tshes shar rang gi gzhi rnying gi lab tse
sogs mchod/ bcu gsum la ho sho'i lab tse bstod par phyin nas
'gro lugs

ltar gyi lha mi'i mchod tshogs rgyas par bstar/ de nas bla brang
du 'ong nas zhag shas bsdad nas/ dar han pI zi/ ma nu'i dgon pa
sogs la myul bar phyin/ phyir 'khor bar/ ho chid wang phebs nas

@170a @#/ /rang yul du 'ong dgos tshul dang khal rta bcas 'byor/
tA re gang+gI k+She tra tA'i bu dang mi sna mang po 'byor nas
dus 'khor dbang gtong dgos tshul gyi snyan gsan lta bu byung/ de
nas rim

bskyod kyis tsun ho chid wang gi sar phyin/ chos rje bla ma'i
dgon par phyin nas dpa' bo gcig pa'i dbang sogs btang/ zhag 'ga'
bsdad/ de nas wang gi u rge'i steng du zhag shas bsdad thog u

cu mu chin wang gi sras mo snyung par mo phywa theng 'ga' byas
pas rim 'gro mang po phab mod des mtshim par nged la cis kyang
yong dgos tshul gyis blon po ched mngags dang khal rta 'byor bar
thabs ma byung

bar chin wang urgel phyin par gung tA ye lo bcu gsum pa gzhan
ngo gsar 'phrad ma myong ba de nyin bsu mar phebs/ mkhan po ge
gen sogs skya sa re lnga brgya tsam gyis bsu ma dang bcas thab
bsu rgya

shin tu che bar babs te dkar dmar gyi spro ba shin tu che ba'i
bsnyen bkur gzab/ de nas bskyod de chin wang gi u rge'i steng
du 'byor bar mi dbang nyid kyi bsu ma dang bcas yul lugs kyi
bsnyen bkur

gzab/ de nas nged cag ston 'khor la sgar gzhi gsar bsgrigs byas
par babs/ der cung zad bsdad skabs dpon po zhig 'ong nas chin
wang rgyun bzhugs sar 'ong dgos zer gnas dben pa dpon yab

@170b yum sras mo nad pa lo ma 'khor ba lha 'brum phyir log gi
snyung gzhi can der nged dang mdzod pa gnyis las gzhan g.yog
rigs mi gtong bar gda'/ der phyin pas dpon yab yum nas nad pa de
ma drag gi bar du

sdod dgos tshul nan cher gsung/ mdzod pas myur du 'gro dgos tshul
gyi rgyu rkyen mang po bshad kyang gsan dgong sa ye ma mdzad par
mdzod pa khyod khu re sgar gsar steng bag phebs par sdod ces
gsungs/ nged la

nad par bka' bsgo zhig bgyis zer ba ltar bton/ de nas 'gro grabs
byas par khyod la 'dir gur gsar du rgyag gin yod pas der nye sar
bsdad na nged cag blo bde khyad 'dug ces gsung/ der zhag shas
rkyen sel

rim gro 'ga' bsgrub/ 'jigs byed dpa' bo gcig pa'i dbang zhig
'don dgos zer/ sta gon gyi bgegs gtor btang 'phral mid pa'i phyi
nang gi 'brum bu shin tu 'thu mo de brdol/ de'i nub mo nu ma
gnyis dang/

mtshan bar gyi 'brum bu rnams brdol bas ji bder song/ bla ma dkon
mchog gi thugs rje la brten nas zhag 'ga' rang gzhan kun gnyid
ma thub par gnas pa de nas bzung ste rim bzhin bde lhod kyis
song/

dbang grub nas chu mig gnyan po zhig yod pa der gdon grol 'don
dgos zer/ der 'gro grabs byed skabs nged kyi mal 'og nas sprul
ljang khra khru gang lhag tsam thon song ba kun gyis mthong/
gdon grol bton
@171a @#/ /nas tshur 'ong bar/ ho sho'i lab tse bstod dgos zer/
phyi nyin wang gi phebs byams nang nged la bzhag nas yo lang
dang sri zhu chen pos lab tse bstod/ de nas phyir 'ong bar ho
sho mang mar thugs

rje chen mo'i rjes gnang dang 'dod chos 'ga' bton/ de'i phyi
nyin dga' ston rgya cher byas/ de nas tA re gang+gA su rug
phyogs k+She tra tA zer bas dus 'khor dbang chen 'don dgos zhes
bshad yong kyang dkyil

chog pa rang la med stabs chin wang chen pos dkyil chog pa bzhi
gtong gnang mdzad de rdul tshon dkyil 'khor bzhengs grub ba'i
brda' 'byor bas/ de nas ta'i bla ma'i dgon pa brgyud nas tA re
gang+gA'i mon

tshogs su mer skya ser mang po'i bsu ma dang bcas 'byor/ der su
rug gsum gyi amb+han kA le tA mang bcas dang phyogs 'dus nyi
khri brgal bar dbang chen nyin bzhi la bskur/ bla ma'i thugs
rjes phyogs der jag

rkun sdang shugs che bgrags can yin yang lham tsam yang ma shor
bar bde bar mthar phyin pa byung/ de nas ru myul byas nas rim
bzhin su rug gi sbyin bdag rnams dang/ a b+ha ga'i sha ra sho ro
thu/ tsha g+han

o b+ho thu/ tsha g+han cho lo/ smyung gnas/ mi 'khrugs/ du rbal
cin/ ong kong/ u la shrI'i bka' 'gyur sogs hos hu ral/ mi
tshang du ma brgyud nas rang sgar du 'byor/ ston mjug tu mi tshang
ru myul byas

@171b nas phyir 'ong bar mtshams tho bzhag nas dgun gsum bsnyen
pa zhig gtong khul byas/ myos byed ces pa shing lug lo'i gsar
tshes kyi ches gtor rten 'brel sogs 'char can ltar byas nas lnga
pa'i bco

lnga'i bar mtshams bsdad nas grol lo/ /skabs der 'byung 'khrugs
kyi nad cung zad bskyed par sman bcos sogs kyis ngo lon nas dar
han u'u la sogs nye 'khor gyi dgon pa dang ru myul sogs byas
nas

phyir 'ong bar dpon po wang pe cin du pA yar chen mor phyin/
bcu ba'i nang nged cag pe cing du 'gro rgyu'i ngal bar zhugs/
mdzod pa nang bsrung byas/ gnyer ming byang chub dang/ mdun pa
ngo g.yog rim bgrod kyis lto chas

srab pa dang grang ngad shin tu che zhing la ma nor yang yang
byung bzhin pho brang du 'byor nas then shu'i car zer bar wang
gi phu yong par bsdad/ skyabs rje thu'u bkwan rdo rje 'chang de
skabs dgongs pa chos dbyings su gshegs

pa'i tshul bstan zin par/ dgongs rdzogs su 'ong dgos zhes nan che
bar bshad pas phyin/ yung dgon dus grwa dang mnyam du rdo rje
'jigs byed lha bcu gsum ma'i bdag 'jug nyin gcig la tshogs/ gdung

mchod kyang phul/ myur byon gsol 'debs zhig dgos zhes dgongs
bzhed bzhin 'phral rtsom byed khul gyi thebs char tsam phul/ de
nas nyin 'gar phyogs kun tu myul/ du rbed tA wang la tshe dbang
zhig phul

@172a @#/ /bar/ thu med gung/ a b+ha ga tA wang sogs dpon chen
'ga' bzhugs/ 'jam dbyangs gong ma zhal mjal zhus na legs zhes
dpon po wang nas mol don ltar/ zla ba bcu gcig

pa'i tshes bcu gsum nyin/ gong ma te gu ten du phebs pa'i phebs
lam hwo shang gi dgon gar bsdad nas mjal rgyur dpon po dang
mnyam du lam du thon nas/ tung hwong min sgor 'byor bar rgya
dmag

zhig gis/ then sha the phin zer ba'i glu chung lta bu zhig len
bzhin keng shung btegs te nged cag la zhib bltas byed snang/
skabs der pho brang phyogs der lho brgyud nas dmag 'khrugs sogs
gzings

cha che bar yod skabs su yin phyir rten 'brel legs snyam shar/
u min grol nas wang ye sogs nan he zer ba'i pho brang phyogs su
phyin/ ded cag nub phyogs su hwo shang gi dgon par bsdad/ chu
tshod

gsum par dpon chen khag skor mang po thon/ phebs lam g.yas
g.yon du dmag mi 'khrigs mer gyis gtams/ dmag mi rnams lam
g.yas g.yon khang pa kun myul te mi cha med med dam zer

bar bsgrags/ mar me sbar mi rung zhes bsgrags/ mi ring bar mi
skad khyi skad gang yang mi bsgrags par 'jam thing ri ba zhig
la/ chu zhes skad theng gsum ring po grags pa'i skabs rta'i rmig
pa'i sgra

@172b las gzhan gang yang mi tshor ba'i skabs na/ gong ma chen po
phebs byams mi brgyad kyis btegs pa phyogs ren keng shung brgyad
brgyad kyis mi'i lag pas btegs pa/ nged cag yod pa'i khrir blon
chen

rnams kyis bu phas khrid de mtshams zhu byed pa gcig byung bar/
gong mas zhal ras tshur 'khor nas gsol ras gnang 'dug pa legs par
mjal/ g.yas g.yon gnyis su blon chen rta ba sha stag gis mgul

phreng gi sgra dang rmig pa'i sgra las gzhan mi thos/ gong ma
byon tshar ba dang mi mang gi 'ur sgra snga ma kho na bzhin
mchis/ slar tshur byon skabs kyang mjal ba sngar ltar ro/ /nged
cag gi g.yog rigs 'ga'

dpon po'i phyag g.yog pa dang mnyam du bsdad pa tsho gong ma
phar byon tshur byon gcig kyang ma shes par lus snang/ kho rang
tsho'i bas mtshod la amb+han tsho 'dra mo bsil bsil 'khrol 'khrol
'bud brdud sna

tshogs zhig los byed snyam nas ma mjal lo/ /de nas phyir 'ong bar
nyi ma rtse shar la gnas tshang du 'byor bar/ dar han pi li'i
phyogs tho go pI zi nas gong ma'i phyag bris gsol ras bstsal ba
wu zhes pa'i

yi ge 'brug dgu ma nged la byin/ de nas mkhar bskor la song/
khrang zhI sogs la ltad mo bltas/ de nas mi ring bar phyir
'khor nas bla brang du 'byor bar/ dgon pa'i las byed dge 'dun
rnams dang blon

@173a @#/ /po ho sho'i las byed rnams dang/ mi mang mjal pa sogs
kyis nyin re zam ma chad par lo de'i dgun mjug rdzogs so/ /gdong
ngan zhes pa me sprel lo'i gsar tshes kyi dga' ba

mngon du gyur ba'i dga' ston tshes gtor 'char can rten 'brel phyi
nang gi rim pa rnams nyams su bstar/ phyi nang gi g.yog bcas
dang/ bla dpon ser skya mi mang byings bcas nyin re bzhin 'du
long rgyas/

dpon tshang urge steng yang phyin/ phyir 'ong nas lo gsar gyi
gzab gsol/ lha bsang sogs 'char can rnams btang/ skabs der a
lags rdo rje 'chang nas phyag bris snga mo nas gnang ba bskor

bskor nas spyi bor phebs pa'i nang a mdo'i sa cha yul phyogs
thams cad hos hos bcom nas dka' dkar gtad yod/ rgya gong ma zhig
zer ba yod na da yod ran red/ sems la bzung zhes bstsal/

skabs der gzhung gi yi ge re gnyis kyang 'byor/ nged cag la
thabs med/ skyabs mgon a kyA rin po cher 'tshams zhu dang 'brel
bar rgyu mtshan zhig zhu na snyam nas mi sna ched mngags btang
nas 'tshams

zhu dang gzhung gi zhu yig kyang phul/ bka' las nged cag gi don
skor 'di dag zhu ba'i gnas med/ khrims lugs la khag 'khris med
pas zhu ba mi rung yang/ ngo shes nang tshags la lkog tu rgyu
mtshan

@173b bshad na phan pa srid snyam gsung/ gnyis pa'i nang rmi lam
za zi sna tshogs rmis pa'i don mdzod par mol ba/ mdzod pa nyid
nged kyi gang bshad dang du len cing rtsis 'jog shin tu che bas
gnyer tshang wang kyA zer ba

rta rkyang mi rkyang du bza' btung rin babs tsam rked la bcang
nas snga 'gros nyug ma'i tshod du btang/ thang skad la mi phar
zad bya byi tsam yang thar dka' bar sgrogs/ bzhi pa'i tshes nang
mdzod par 'cham pa 'dra

zhig byung ba rim bzhin je thur song ba thabs rim gro sna tshogs
ji snyed bsgrub kyang ngo thon dka' ba zhig byung/ skabs la lar
bltas na gdon ngo yod pa 'dra ba/ lus zungs shor nas dbugs rgyu
btsam du lus par

da nas rang yul du ma phyin thu med yin shes dam bca' bkar nas
dpon po sogs la gnas tshul bshad par/ bla rgan sa stong zhig la
shin khyed kyi drin can drin log tu mi 'gro'am zer/ bla rgan pha
yul du kha

bltas nas 'gom gsum gnon na de kas thus zhes ma bzlog par 'gro
chas tshags byed mkhan yang med rang gis bsgrigs cha byas nas
drug pa'i tshes gcig la thon nyin mdzod pa dbugs rgyu tsam las mi
ngo mi

shes/ shing rtar bzhag nas tsha lam tsam nas zhag babs byas/ char
rlung drag po zhig byung bas char chad tsam nas khams sangs
dwangs la song/ de nas bla ma dkon mchog gi thugs rjes nyin re
bzhin je drag tu

@174a @#/ /song/ zhag gsum bzhi'i steng nged kyi skyes skar gyi
pA yer steng du bkod khyab sogs byed cing yar 'gro mar 'gro
sogs legs par thub tsam byung/ de nas rim bzhin su nyid gnyis su

wang gi sgar thog dang/ dgon pa mi tshang sogs myul bzhin bgrod
par/ du rbed tA wang gi mi sna 'byor te wang gi urge steng
yong dgos tshul nan che bar sngon chad nged cag gi gong ma'i
skabs nas 'gro lam

med cing gzhan bla ma rnams phebs skabs kyang bar chad che bar
yod skad thos pas bshol na zhes par mdzod pas yon bdag gsar ba
ngo log byas na mi legs pas chos srung rnams la 'phrin bcol byas

nas phyin na skyon med mod zer/ de ltar du 'gro bar khas blangs
nas urge'i steng du phyin par/ de'i nyin nyi ma ha cang tsha bas
sa smug lta bu zhig 'thibs 'dug /slebs nas dpon tshang yar mar la
'gro rgyu sogs

phyin nas lhod chags par bsdad/ dpon po nged kyi gam du phebs
nas spyan ras gzigs kyi dbang gi snyan gsan lta bu gnang/ skabs
der yid 'khrugs shing lhod lhod po lta bu byung/ phyi rol tu
phyin nas chab

sangs la phyin par phyogs thams cad du char sprin ser nag
'khrigs pa 'jigs su rung ba phyogs mtha' dag nas langs 'dug /der
nang du 'ong bar glo bur du ser ba bya sgong lta bu kha shas
babs nas chad

@174b tsam byas/ gung yol tsam nas slar skam lug gi lto tshil lta
bu'i sprin dang/ ser nag /dmar nag 'khrugs pa'i ngang nas mun
nag 'thibs 'brug sgra rgyun ma chad par char rlung/ ser pa/ thog
chogs pa/ glog

zhags 'khyug ba par mtshams med par rgyun ring por byung/ shwa
'od kyi sgra yang che bar sgrags mod ci yin ma shes/ skabs shig
thag sgra lta bu che bar sgrags pa dang gur gyi klad khebs bsal
byung mi zhig gis

bsal lam snyam pa'i ngang nas gnas par/ nye gnas tsho 'byor bar
dris pas dpon tshang gi gur brgyad cu lhag tsam thams cad kyi
klad khebs dus gcig la bcad zer/ de nas nged cag gi sgar ha cang
me ring bar mdzod

pa bla rgan bcas yod par ci 'dra byas yod blta bar btang bas
nyin par phyogs der mig chu tsam yang med pa la chu chen tsong
chu lta bu brgal mi thub pa zhig 'dug ces phyir 'khor/ sa rub
pas ci yang mi mthong/ phyi nyin mi

rnams 'ong skad la dpon tshang nye rgyud la skyon gtan ma byung
bar 'dug /le bar lnga tsam nas ho sho su me maNDal thu sogs mar
brgal bar sa slog rgyab pa lta bu gshags ser ba mtshon cha sna
tshogs kyi dbyibs can

dang/ khang pa'i klad dam thog thams cad phyir g.yug byas/ mi
khyim gur sgo nor thams cad khur zhes zer/ bla ma dkon mchog
chos bsrung rnams kyi thugs rje 'phrin las la brten nged cag gi
sgar yod sar char chung

@175a @#/ /ngu tsam las ser drag shwa 'od sogs gtan ma byung 'dug
/sgra chen po rgyun par bsgrags pa thos 'dug /phyi nyin gnam
gshis sogs legs/ phyi dro sta gon byed par sbrin nag cung zad

'khrigs kyang bgegs gtor btang mtshams nas 'jam char du gyur/
dbang sogs la'ang bar chad dang bral zhing dge bar gnas/ nyin
'gar bsdad nas phyir theg /ho tho'i g+hol la dar han pe li'i bsu

ma skya ser mang po 'byor/ de nas ar g+hal lang thu zer bar sku
'bum la btang ba'i gnyer tshang wang kyA 'byor/ dpon po pE li
no yon sogs dang/ dgon pa'i khri ba bla ma sogs mang po phebs/
de nas dgon

dar rgyas chos gling gi tshogs chen du thog mar ser sbreng dang
bcas 'byor nas maNDal tshogs langs/ ja 'bras sogs btang 'phral
mjal kha zhes lag pa'i 'degs 'jog byas nas rang sgar spro bde
khang

gsar du gnas bcas so/ /mi mang la mjal kha dang/ thug phrad byed
mi sogs kyis nyin 'gar g.yeng/ snga lo nas slar yang dpon po
gsar ba'i ngor dus 'khor dbang chen bskul don ltar rdul tshon

dkyil 'khor gsar bzhengs kyi slob dpon dang cho ga'i gdangs 'dur
phyag len sogs la zhus dag byas pa dang chab gcig dbang chen
nyin gsum la 'grub par byas/ rgyud par 'jigs byed bcu gsum

@175b ma'i dbang/ sman par yon tan gzhir gyur ma'i khrid/ dus
'khor la bsdus rgyud kyi lung/ mtshan nyid la brtsi bzhag bsdus
pa zhig bcas btang/ de nas dpon tshang la phyin par zhag 'ga'
bsdad/ nA ro

mkha' spyod ma'i byin rlabs zhig byas pa'i nyin dpon po la te'i
tu tA zhes pa'i ho sho drug gi spyi dpon chung ba'i go sa reg
pa'i dga' ston byas/ de nas dgon che chung mi tshad ru myul byas
nas phyir 'od par sku

'bum nas grwa rgyun 'ga' 'byor bar chos mdzod gshegs pa'i gtam
thos 'phral sbyangs chog sogs byas/ sngar gnyer tshang 'od dus
nad shin tu bab lci zhes pa las gzhan ma tshor/ yar lam bde zhing
rang yul

du tun tA rin dmag gi dpung chen po btegs nas phebs pas dus bde
shod 'jags su gyur ba'i gnas tshul rang mi btang ba'i ngag dang
phyis su 'ong ba thams cad sgo mthun phyir a lags rdo rje
'chang nas da

lo cis kyang 'ong dgos zhes phebs don ltar dpon po skya ser
rnams la rgyu mtshan bshad nas 'gro rgyu'i ngal bar zhugs pa'i
âŒskabs smad phyogs nas byang gnyer 'byor lam du thon/ skyel ring
thung rnams rim

bzhin phyin slog dang de nas lam rkyang 'ded dang/ shar cho lo/
me rin su me tsam ma gtogs shar rkyang gis a lags sha ya mun du
'byor/ zhag gnyis bsdad nas shar rtsol gyis grung lang la 'gor
@176a @#/ /bsdad pa'i nub mo rmi lam mngon mtshan can zhig rmis/
nub der jo tsi'i dre'u shi/ phyi nyin mdzod par rmi lam gyi rgyu
mtshan bshad/ pha rgan la chags che bar yod 'dra bas myur bar
phyin

na e thub gi re bas grung lang nas ho cho yi/ de nas nan pi/ de
nas lo kyA wa na/ da nas re ba ma grub pas phyi nyin shu mo yar
bsdad par yul mi rnams 'byor bas dgos pa ma byung ba'i rgyu
mtshan

bshad snang/ dge 'dun mang gi ser sbreng bkag ma thub par gdan
sar 'byor/ bla ma las sne sogs dang/ khri gdan zur/ thug 'phrad
byed mkhan rnams bkag mi thub pas rim phrad byas/ gser sdod

chen mor gser rkod dang/ brgya mchod sogs phul/ mchod mjal rgyas
zhu byas/ gdan sa pa dang/ khri gdan zur rnams mjal 'phrad byas/
zhag 'gar ngal bsos/ de nas rang yul lcad ra/

zhwa dmar rdo rje 'chang/ bde yangs rdo rje 'chang/ khri khar
skyabs mgon shing bza' rdo rje 'chang la mjal/ mdzod par skyabs
zhus dang/ dgongs zhu'i skor rnams bka' slob zhus par/ dad dang
dam

tshig bsrung nus can zhig yin na tshe bdun cu thub par khag theg
kyang de 'dra dka' bsan/ lo rjes mar dgongs pa byin nas gsar pa
dbon rigs byang gnyer la brkos na 'phral phugs gtsang bar 'ong
gsung

@176b de nas phyir 'ong nas zla ba bcu gcig pa'i tshes bco lnga
la sku 'bum la 'byor/ de'i nub dus 'khor btsan khang du rkun ma
'dzul/ de'i gong mdzod pa'i nad sing sa dwangs lta bur yod kyang
nu ba der glo bur du

sngar ltar nad log rgyab sman dang rim gro phran bu byas pas
cung drag /de nas bod lo'i bskang gos chen mo'i nub mo yang phar
sdang byas nam langs nas cung drag tu song/ de nas sing dwangs
la 'gro rgyu mi 'dug /

nyag nyog tu gnas par lo do'i mjug rdzogs so/ /gser 'phyang me
bya'i gsar tshes la tshes gtor dang/ 'char can rten 'brel rnams
mchad par byas/ lo gsar med pas/ phyi nang gi ru 'grul yang

med; smon lam steng gcung byams shAka khri shing bza' rdo rje
'chang lam la dar mtshams zhur mngags/ bcu drug nyin byas ????
bsod la sgo mang skabs dang po'i skyor dpon bzhag /de'i nub nas
mdzod pa'i

nad gzhi che tsam du gyur/ nub mor bO wang gi sman gsar 'byor
skad che tsam zhig snang ba 'bod du btang/ de 'ong nas lag rtsa
bltas nas sang nyin bya'i dus tshod la sman gtong zer/ sman pa
nged kyi ???

'ong nas bla rtsa chad snang/ nad pa mgo bskor byas/ bya'i dus
la tshe zad par 'gyur ram snyam zer nas thon song ngo/ nam sangs
pa dang thug gzer ni/ khams dwangs shing blo mthun rnams dang
gtam tshogs

@177a @#/ /smras nas nyin gung bar bsdad/ nged nas sku zhabs rgya
yag rin po cher thugs brtag zhig zhus par/ mchod khang la rab
gnas dang mnol bsangs thong gsung/ gzhan rim gro cang mi gnang

'dug /phyir 'ong bar mdzod pas rim gro ci 'dug zer/ brgyad stong
mtshan 'don zhag gsum pa bces bshad/ de nas mdzed par sang nyin
sku zhabs bde yangs rin po che phebs zhes skad 'byor/ nged nas

bzhugs yul sta gon byed ces lab par/ kho rang dad 'dun che phyir
dga' tshor byed zer/ phyi dro grwa ja tshogs tshod la sog 'grul
phyir log rnams la ster cha sogs ci byed dris par/ 'di dang de
zhes bkod

khyab bshad/ de nas cud tsam nas mi zhig blta bar btang tshe dus
kyi chos nyid du gyur zin to/ /der bla ma dbu mdzad pa bsod nams
bstan 'dzin gdan drangs nas/ khar byin rten blug /thu'u bkwan
gsung

gi 'chi kha'i gdams pa nyam thag dbugs 'byin rna bar bsgrags/
thams cad kyis gdung chos byed rgyur 'ur langs mod/ gdung 'chos
de'i nub byed ma bcug /phyi nyin byas na chog ces bshad/ nub der

thar mdo mtshan 'don byas/ phyi nyin gdung 'chos nas chog grwa ba
rnams tshogs/ nyin gung tshod la bde yangs rdo rje 'chang phebs
par 'phral du ma zhus/ mdzod pa'i snyung gzhi ci 'dra red phebs/
de thur 'gro snang

@177b zhus; srod 'khor la bsngo rten phul te 'pho ba zhus/ gser
sdong la gser rkong bzhengs su bcug /rim bzhin mkhan chen gdan
sa pa dang/ dpon slob rnams rim bzhin zhus te dge rtsa bsgrubs/
tshogs

chen la mang ja sku 'gyed nyung bsdus/ grwa tshang sogs la grwa
ja bcas phul/ gdung sa dur byas/ bkra shis brtsegs pa/ nyes pa
kun sel/ gang ser ma/ rnam 'joms bum chus phyogs kun tu gtor ba
sogs

byas so/ /rten la rab gnas/ mnol bsad sogs yang yang byas nas
byin chags par byas khul lo/ /smras pa/ rang lo bdun pa nas
bzung so bdun par/ /drin gyis khur du lci ba'i pha ma dang/
/khyad par

shin tu che ba'i mdzod pa mchog /'jam rgyan dus chos gyur 'di
snying nas skyo/ /srin bu dmar cang lta bu chos skor du/ /btsud
cing lam ston bshes gnyen dam pa rnams/ /mjal ba 'di yang khyod
nyid 'ba'

zhig drin/ /drin can glo bur 'chi bdag zin 'di skyo/ /dam pa'i
skye bar sgro btags gdan sa ru/ /'ong nas lo tsam ma 'khor 'khor
ba'i chos/ /mi rtag rang mtshan ston cing gcer bur lus/ /mig
'phrul

lta bur bza' btung gyon gos bral/ /de skabs nyin gcig 'tsho ba
chad pa med/ /tsha grang 'jigs bral byas pa khyod kyi drin/ /lha
dang bla ma'i bka' bzhin dus gzir nang/ /bya byi tsam yang thar
bar dka' na yang/ /

@178a @#/ /dka' spyad snying rus bskyed de ngo g.yog dgu/ /sna
tshogs thabs kyis dbang phyogs sbyin bdag sar/ /bskyod de kun
kyang lus sems ngal dub bral/ /khyod dang 'jam chos gnyis ka'i

drin du 'khums/ /deng skabs khyod gnyis 'chi bdag zhags pas zin/
/brtse med 'chi bdag de la ci byar yod/ /drin can khyod gnyis
bral ba sdug bsngal lo/ /bdag ni de'i tshe na so phra ba'i phyir/
/

skyes bu gso ba'i thigs pa las/ /'o ma med par gyur ba'i ba/
/'gying tshul dgos pa ci zhig yod/ /dril bu btags kyang nyor mi
'dod/ /ces gsungs pa bzhin dpe don mtshungs pas na/ bla ma yon
tan

med pa dang/ /gtor ma byin rlabs med pa ni/ /rgyan gyis ji ltar
mdzes gyur kyang/ /mchod 'os mig bltos btegs 'khod tsam/ /gzhan
ma dgos pa ci zhig yod/ /de phyir ngo bsrung mthun 'jug dang/

sna tshogs thabs kyi cho 'phrul las/ /rnyed pa'i zang zing longs
spyod kyis/ /dbus 'kyur chos kyi gdan sa ru/ /bskyod pa'i skal
bzang khyod kyis byas/ /longs spyod lhag med byas dogs nas/
/slar yang

rang yul myur ba ru/ /'dod nas chos zhugs khri ston sogs/ /byed
sgo sna tshogs legs zin nas/ /dus dbang nyams chags mir 'khyud
thabs/ /khang bzang rwa bcas dus grwa yi/ /dri bzang khang rnams

@178b legs bskrun nas/ /ming snyan g.yer kha dril bus brgyan/
/gsang sngags rgyud la bag chags thebs/ /grwa tshang gsum gyi
'chad nyan par/ /gnas skabs zang zing gtong sgo sogs/ /kun las
khyad

par 'phags pa byas/ /khyad par 'dzam gling rgyan gcig dang/ /'du
khang dkar mo mchod rten brgyad/ /sgo bzhi mchod rten khri khang
dang/ /dus grwa slar yang gnyis thog bcas/ /bya ba las kyi 'khor
lo la/ /

lag rjes ngo mtshar ches phul byung/ /khyod gnyis gzhung dang
rang sgar gyi/ /bya byed zla bral drin can gnyis/ /gzhan yang
srog gi 'jigs pa las/ /skyobs mdzad gser khog dge lhun can/
/drin can khyod

kyis sgar las la/ /brtson pa zla bral tsha grang dang/ /dka'
spyad snying stobs nang so yis/ /ri khrod skyong khur mthar ru
son/ /bla rgan drin can khyod bzhi ltar/ /mthun pa rnam bzhi'i
dpe ma btogs/ /mtshungs

zlar 'os pa srid na dkon/ /mthu stobs thugs rje'i rdzu 'phrul
gyis/ /lus sems las su rung byas pa'i/ /'jam rgyan khyod kyi
bdag nyid kyi/ /bsgo ba las ni 'das ma byas/ /mkho rgu'i yo byad
ci 'dod sgrubs/ /

bya ba che chung ji ltar yang/ /nged la bstun nas bya ba las/
/rang dbang btsan pa'i las ma byas/ /na tshod phra ba'i dus su
yang/ /lus ngag ngan sbyor bsham ma myong/ /'di 'dra'i mdzod
bsrung srid na dkon/ /kye ma

@179a @#/ /kye hud snying grogs khyod/ /mthar byed dus kyi pho
nyas 'phrog /skyobs shig bla ma dkon mchog mkhyen/ /zhes pa ni
skyo glu ring mo'o/ /gnyis pa'i nang dge las sgrubs nas gza'
tshes

bzang por/ gnyer ba byang chub rgya mtsho la mdzod pa'i ming
btags nas rgyu nor longs spyod rnams rtsis sprad/ grogs su chos
mdzod kyis bskos pa'i co sne gnyer ba rang sor bzhag /nged nas
rag ting stong dang/

li ting brgya yod pa der dge rtsa sogs la dmigs nas bla mchod
dang sman thung 'brel ba'i chu mchod nyin rar lan gnyis re 'bul
'khul gyis dpyid kyi nyi ring 'phul thabs byas/ skabs skabs su
sbyin bdag

rnams la 'dod chos kyi lung 'dra btang/ sems stong shig ge bas
ci yang byed par mi spro/ de 'dra'i ngang bdun pa'i tshes shar
bar ka ring a lags rdo rje 'chang gzugs sku chos dbyings su
bsdu tshul

bstan pa'i gtam thos par/ mdzod ming ba byad rgyam gdung mchod
'bul bar mngags/ phyir 'ong bar li ting stong tshang ba zhig byed
rog bgyis zhes mngags par ya zhes pa'i ngang du lo 'ga' thal
glang

lor grangs tshang ba byung/ rang gi ngos nas rgyun ldan bdag 'jug
re len pa las gzhan bya thabs zad/ ston mjug che shos/ rgya rtse
sogs su phyin nas phyir 'ong bar skyabs mgon shing bza' rdo rje

@179b 'chang khri khar byon pa'i gtam thos 'phral mjal bar chas
skabs 'cham pa sdug pa zhig phog /rdo rje 'chang nas 'cham pa
gsan 'phral bzhes 'gro bas na cung zad drag nas 'gro snyam nas
gnas pa'i

tshe glo bur du nyid kyi mdzod pa bstan skyong 'ong bar rdo rje
'chang tshes bcu bdun nyin chos dbyings bde ba chen po'i pho
brang du sku zhi bar gshegs pa'i tshul bstan pa'i gnas tshul thos
pa'i mod la snying la 'tsher ma

btab pa lta bur gyur/ de nas skabs der gser sdong du brgya mchod
gser rkong bcas bzhengs su bcug /byang rgyam gdung mchod 'bul
bar khri khar mngags/ ngos nas bdag 'jug sogs len 'khul byas/ /

skabs der nged tshang la dbus nas thog te bla ma zer ba nang sog
bod du ngo shes pa zhig yod par slebs nas bsdad yod par nged la
ja 'thung bar rang sdod sar shog zer bar phyin pas ja 'thung tshe
chu dri chil le ba

zhig dang/ sha bag leb byin pa zos tshe glang ma'i shing dri kha
ngan lta bu dang gcig bltas na pags dri lta bu bro bas za ma
nus/ slar 'khor bar rang gi nang nas yang sha bag leb ster byung
bar sngon gyi dri dang

gnyis su med pa bro bas yid gnyis za ba zhig byung/ phyi dro
thug pa zhig 'thung nas nyal bar phyi nyin nas nya re nyo re
langs 'dod mi byung ba/ kha bsgrags mi 'dod pa/ bza' btung byas
ma byas chad med pa byung

@180a @#/ /nyin re zhag re je thur je zhan/ mi tsho nas nad 'dri
byed mi mang ba dang/ khyad par tshogs chen grwa tshang bla ma
khri gdan zur sogs 'ong nas rim gro ci bsgrub rgyu yod na gzhung
nas bsgrub rgyu

yin tshul zer/ gcung byams shAka nas lha bla mar lung zhu zhu na
zhes u tshugs rang byed/ rang gi bsam na da 'chi yang 'gyod pa
med snyam shar/ 'on kyang bla ma rnams la skyabs rten re 'bul
dgos bsam nas

co sne gnyer ba la rgya rkong brgya dang dngul rkong ma bcas sku
zhabs zhwa dmar rin po che la phul nas skyabs zhu las thugs
brtag zhu mi dgos/ sku zhabs bde yangs rin po che la mchod rkong
bdun dang dngul

rkong mar gyis bkang ba phul la skyabs zhu las brtag zhu mi dgos
zhes bshad nas btang bar/ phyi nyin snga dro zhig la 'byor bar
rdo rje 'chang rnam gnyis nas rim gro dang rtag par gnas dgos
tshul gyi gsung nan che ba

dang tshe ril lha reg srid du ring ba bcas bstsal/ rnam rgyal
stong mchod bka' slob ltar phul bar rang nas phyag mchod zhig
byed bsam nas phyin par 'degs chos par byed pas na nges par mi
ring bar 'gro ran 'dra

snyam; skabs der rgya yag rin po che dang/ khong ho trug /kan
kyA sman pa sogs mang mod phan thogs che bar rang ma byung/ sku
zhabs bde yangs rin po ches phyag sman bstsal ba 'thung/ tsha
g+han ho thog thu

@180b nas har chen ye shes rgya mtsho zer ba bsten na zer ba ltar
mngags nas 'ong/ des lag rtsa zhig bltas nas hong len khaNDa zer
ba zhig sha kha ma dang sbyar nas btang/ de rjes ril bu nag po
ka ra dkar po dang sbyar

nas zhag bdun btang nas bskyed thon pa byung/ de nas rim bzhin
bla ma dge 'dun chos bsrung rnams kyi bka' drin las glo bur 'chi
bdag gi zhags pa las grol tsam byung/ sog 'grul ba rnams kyang
slebs/ de ltar lo

de'i mjug rdzogs so/ /rnam 'phyang zhes pas khyi lo'i gsar tshes
kyi tshes gtor rten 'brel rnams ma chad pa tsam las lo gsar med/
sog 'grul rnams kyi yig lan dang/ gzhan ma 'grul rigs rnams la

thug 'phrad phran bu re byas nas/ gnyis pa'i tshes nas mchod pa
la brtson par byas nas lnga ba'i tshes 'go bar slebs/ skabs der
sku zhabs zhwa dmar rdo rje 'chang gser dgon dam chos gling du
lam rim chen mo'i

bshad lung gnang bar thos pas/ lnga pa'i tshes bcu gcig la thon
bcu gnyis char che bas 'jag mal byas/ bcu gsum la shan khrin nan
min la bsdad/ bcu bzhi la thon nas zam khar gser khog nas de
ring bka'

chos dbu 'dzugs rgyu red myur bar shog ces 'bod mi slebs/ myur
bar phyin nas gser khog gi phyi rgya sgo'i 'gram du slebs pa
dang dung brda btang ba dus mtshungs byung/ gnas tshang du khal
rta phu thung rnams bzhag
@181a @#/ /nas bde yangs chen mo'i sgro 'byor du slebs par/ byin
rlabs spungs zhu'i dbu tshugs pa kha thug rgyab/ phyi rol sgo
'byor du bsdad par/ sku mdun nas cis kyang nang du sdod dgos
zhes phebs

par nang du byin nas sku mched rin po che dang a rig dge bshes
gnyis kyi bar du bzhag byung/ bka' chos grol nas bla ma rnams la
mjal kha zhus/ tsha g+han ho thog thu nas zin bris zhig 'debs dgos
zhes u tshugs

gnang/ zin bris 'debs tshul ngo mi shes mod/ blo rten lta bu re
'dri khul byed ces zhus/ phyi nyin nas mchod mjal sogs zhus nas
bka' chos la rtse gcig tu bsdad/ blo rten re bris khul byas/
bka' chos

grub nas bla mchod tshogs mchod sogs byas/ de nas rab gnas chen
mo gnang/ lo der char zhod shin tu che bas shar blta chen mo
dang/ tshogs chen 'du khang du chu mig brdol/ gzims chung rnams
char

khebs g.yogs/ zam pa thams cad khur/ smon lam chen mo dang/
'cham dang/ gsung chos rnams la mjal/ chu bzang du phyin nas sku
zhabs chu bzang rin po che sku mtshams su bzhugs pa chud par

mjal/ lcang skya mchog gi sprul sku rin po che la mjal/ jo khang
sogs la mchod mjal zhus nas phyir gser khog du 'byor/ sku 'bum
tshogs 'dus nas zhwa dmar rdo rje 'chang la gdan zhu byas/ cha
g+han

@181b ke ken nas kyang gdan 'dren zhu/ phran nas kyang rang sgar
la gdan zhu'i snyan gsan btang ba zhal bzhes gnang/ de nas cha
g+han ho thog thu dang nged cag phyir 'ong bar lam bar gyi zam pa
chus khyer bas sho sha

brgyud nas sku 'bum la 'byor/ gzhung nas rang sgar nang zhwa
dmar rdo rje 'chang phebs rgyur gra bsgrigs byas/ mi ring bar
rdo rje 'chang byon nas tsha g+han hu thog thu'i sgar bar phyag
phebs/ bde yangs rdo rje 'chang yang

skabs der sku 'bum la byon yod pas nged gnyis mjal bar 'gro
gsung nas sku rten sgar bar phyin nas mjal/ zhal nas sang snga
bar rang sgar la 'ong rgyu yin gsung/ lags so zhus/ phyi nyin
nyi shar la

chibs bsgyur gnang/ gsol ja bzhes 'bras phul nas mchod pa dang
thun la bzhugs/ tshogs 'dus 'ong nas dge 'dun mang la chos 'brel
dga' lha'i khrid zhu/ de'i phyi nyin tshogs chen la nyin gung
sngon du

khrid gnang/ de'i phyi nyin dus grwar gdan drangs nas thun drug
gi khrid gnang/ de'i phyi nyin sgar bar shar spyi khyab pa'i
sgar dpon sogs la tshe dbang dang/ ku ru kulle'i mngon rtogs sogs
kyi ljags lung

bstsal/ grwa pa zhig nas a mgron gcod gzhung zhig phul ba phran
la bstsal/ de nas chu dkar ri khrod du bzhugs sbi rgyab nas spro
sings mdzad rgyur phebs pas bsgrigs cha byas/ phebs khar maNDal
rten

@182a @#/ /gsum/ khri gnyan sa la'i bzhugs gdan/ gsol dkar spris
mas gang ba/ dngos po sna tshogs bcas phul/ zhabs gras re re la
ri rtse'i phor ba re dang/ sog ja re/ byang chub

ljon shing gi phreng ba re bcas phul/ chu dkar ri khrod du phebs
nas/ chos rje don rin pa'i sgrub phug tu bzhugs 'ding rgyab par
bzhugs nas/ sems bskyed/ byin rlabs spungs zhu/ gsol ja sogs

bzhes/ thugs dgyes nyams mdzad/ de nas dbu gur nang lhod bzhugs
mdzad/ zhag bdun tsam bzhugs/ sku zhabs bde yangs rdo rje 'chang
yang der phebs nas lhan rgyas mdzad/ mkhas grub chig brgyud

sogs kyi khrid lung gnang/ phyi dror thun mtshams su shing bza'
rdo rje 'chang gi rnam thar ljags rtsom mdzad/ mtshams mtshams su
rdo rje 'chang gis bka' chos gang nang sems la gang yod dang/ /

phebs bzhugs gang nges sogs kyi 'phros pa gnang bar shar tshod
rnams zhu 'khul byas/ de nas rdo rje 'chang khyung kyAr phyag
btegs/ bde yangs rdo rje 'chang slar sku 'bum du byon nas zhag
'ga' bzhugs/

man ngag rnam gsum gyi skor las 'thor bu 'ga' dang/ rgyal mtshan
'khor lo'i phyag khrid sogs zhus/ skabs der thar shul rdo rje
'chang gi sprul sku sku 'bum du dge 'dun dar rgyas zer ba nyid
kyi zhabs gras

@182b nang du phebs pa'i gtam thos par mjal du phyin/ bde yangs
rdo rje 'chang phyir byon/ mchod pa sogs 'bul khul dang/ skabs
skabs su sbyin bdag gi 'dod chos/ chang chung 'dra 'don khul
gyis lo de'i mjug

rdzogs so/ /bsgyur byed ces pas phag lo'i dga' ba mngon du gyur
bar chos gtor dang 'char can rten 'brel rnams kyang bsgrigs khul
gyis ma chad par byas thog /phyi nang gi lo gsar 'gro 'ong dang

mchod mjal sogs sngar lam ltar byas/ sog 'grul ba rnams la yig
rigs sogs sngar bla rgan drin can yod dus khag khur med mod/ da
nas rang la khur gyi gtso bor babs snang phyir de dag gtong

khul 'dra byas/ gnyis pa'i tshes nas mchod rten rker rdo rje
'chang zhwa dmar rin po cher mjal bar phyin pas/ grub rgyal tshe
khrid/ dmar po skor gsum gyi gtor ma'i dpe ris dang/ paN chen
gzigs dpe rgya

can ma yig /a lags rdo rje 'chang gi phyag bsil chung ngu rnams
bstsal/ bod la 'gro rgyu'i skor gyi gnas tshul rnams zhus par
legs zhes phebs/ nged la dpe phran bu rtsol sgrub dgos tshul gyi
bka'

mngags gnang/ rin babs tshod rgya srang re dgu gnang/ mi dgos
zhus par cis kyang khyer gsung nas blang/ de nas khyung kyA
rde'u tsha lcang ra 'tshams ring sogs su song nas bde yangs rdo
rje 'chang la mjal te

@183a @#/ /dbus bskyod kyi don skor rnams zhus par/ rje nyid
kyang dbus phyogs su phebs rgyu'i rgyu mtshan dang phran la nam
'degs zhu dgos dang gzhan la gsang ba thub dgos tshul rnams
bstsal/ de nas phyir sku

'bum la 'ong nas bsgrigs cha byas/ co sne gnyer ba nged yar
skyel du 'gro rgyu dang/ byang rgyam nang bsrung du bsdod rgyur
gtan khel/ phyi nang nas dbus rdzongs ster mi 'ga' byung/ dbus
pa rnams thon skabs khal rnams

btang/ gzhung gi rta ba ser sbreng rnams bkag /nang tshags re
gnyis rnams dang byang rgyam gyis bskyel te stong 'khor du a
lags sha phun tshogs nang du bsdad/ de nas dgon pa so ma'i 'dabs
su zhag gcig /rang dgon pa so mar

byin nas bde yangs rdo rje 'chang la mjal/ rdo rje 'chang sang
nyin mur gu tshig la sgar lhag gcig byed rgyur byas nas sgar thog
tu 'ong/ sang nyin byang rgyab phyir log /de nas char 'bebs nang
bgrod pas mur gu tshig la rdo rje 'chang der

bzhugs sgar rgyab 'dug par der sgar 'dres par babs/ de nas phyi
nyin nas dbus 'gro ba rnams bsdebs nas rim bgrod kyis khe re
nyag khar zhag gnyis bsdad/ de nas shar rtsol gyis mtsho sngon
nyin brgyud/ du lan/ khu khed/ tsun khang

thog ;bur g+han bo d+hi nas byang stong brgal te 'bum rdzi lar
gnam sgra drag po zhig byung/ drug pa'i nyer gsum la mtsho mo rar
'byor/ rdo rje 'chang sngon du shar rtsol gyis byon/ nged cag
rjes su rim bgrod kyis lha khang gdong du 'byor bar

@183b kham tshan gyi gsum 'byor ba thug /de nas byang sgra sgreng
la mjal/ phur mdor rje rgya yag rin po cher mjal/ de nas rgod la
rgyab ste mdar bsdad/ nyer dgu'i nyin se ra bla spyi'i thab bsu
steng babs nas grwa tshang kham tshan rnams kyi maNDal

rten gsum/ gsol ja bzhes 'bras sogs zhus te lhan rgyas btegs nas
me tog lcang gseb tu gnas bcas/ der yang maNDal rten gsum gsol
ja bzhes bro sogs gnang/ slog cha rim babs ltar phul/ de nas bla
brang phur

lcog gnyer bas rten dod/ rta thab rgyas par bstsal/ gzhung sa
dga' ldan pho brang nas drung skya ser gyis gsol 'phar bcas
bstsal ba chang rin sogs byin/ brag ri rdo rje 'chang nas gsol
dpon thub bstan rab rgyas gdong na bza' cha tshang/ rta thab

rgyas pa bstsal/ rtag pa rin po che nas rta thab/ smad chu bzang
dang/ lha btsun nas rta thab/ dge legs sprul ba'i sku nas rta
thab/ sgrub khang bla brang nas rta thab/ tshe gling nas rta
thab/ byams smon sbom po ra bstan 'dzin dang rwa sgreng bla
brang nas

rta thab/ ngo shes bod sog gi dge bshes rnams nas thug 'phrad
byed mkhan mang rabs snang/ 'byor mkhad nas jo bo chen mor gser
rkong bzhengs su bcug nas snyan shal bcas/ mchod khang so sor
snyan shal/ be lha zhi drag sogs la bsangs

dang gser skyems/ jo bo ra mo che la'ang gser rkong snyan shal/
mgon po se gdong la gser skyems/ de nas khrom pa khang du bde
yangs rdo rje 'chang la mjal nas lhod chags par bsdad/ phyi dror
yang jo mjal zhus/ phyi nyin

@184a @#/ /tshes gcig la phur bu lcog ri khrod du phyin nas rdo
rje 'chang la maNDal rten gsum/ sum pa ye shes dpal 'byor gyi
gsung 'bum dang lcang lung gsung 'bum/ rgya dngul rdo tshad
gnyis/

dngos po sna tshogs chibs pa 'gros bzang bcas phul/ brag ri rdo
rje 'chang yang der bzhugs par maNDal rten gsum/ rgyang shel
spus ldan sogs dngos po 'ga' bcas phul te mjal/ rdo rje 'chang

nas thogs med lugs sgrub dus kyi byams pa thogs tshad ma bzhengs
bsgrub nas gzungs sgrubs gnang ba'i skabs su mjal bar dgyes tshor
chen po mdzad/ tshes gsum nyin rab gnas chen mo byed rgyu

yin pas khyod rang rab gnas la sdod grogs bgyis zhes bka' phebs
par lags so zhus/ de nas phyir log nas tshes gnyis nyin rtse'i lo
ke shwa rar mchod mjal sogs rgyas zhu byas nas bsdad/ phyi

nyin nyi ma rtse shar la phur bu lcog tu phyin nas rab gnas chen
mor rdo rje 'chang dang sku bzhog byang rtse/ sku bzhog brag ri
gtsang ba bla chung/ ri khrod dge slong khyon 'dus pa'i lha
grangs dang bcas bzhugs pa'i khongs

su sdod khul byas/ nyin rer phyogs mtha' dag nas rab ston dang
'brel ba'i mchod pa sna lnga 'bul mi zam ma chad par 'dus/ gzugs
bsgyur nyin kun gyi mthun snang la byams sku bag dro byin chags
pa sku tshad

@184b chung ngur phebs nyams zhig thams cad la mthun snang du
byung/ rab gnas grub nyin bde yangs rdo rje 'chang mjal bar
byon/ phran la lo tstsha zhu dgos zhes rdo rje 'chang nas bka'
phebs par zhu khul byas/ phyi nyin

tshe dbang/ sems bskyed zhig gnang bar bde yangs rdo rje 'chang
bzhugs/ sems bskyed kyi rdzas tA phrugs ser po'i sku gzan zhig
phul ba byams sku la 'bul bar mdzad/ dka' chen sprul sku sogs
bsgrub bya sum

cu nye bar bsnyen rdzogs gnang rgyur 'dug par/ phran gyi gcung
byams shAk snyan gsan phul bar yongs zhes phebs/ byams bsod nas
kyang snyan gsan phul bar skyabs mgon mdun nas zhu zhes zhal
bzhes ma

gnang/ tshes brgyad nyin byams pa'i spyan sngar bsnyen rdzogs
mdzad skabs phran la las gral du sdod ces phebs/ brag ri rdo rje
'chang dang/ sku bzhog stod pa lho brag pa/ phran dang/ gnyer ba
klu sgrub bcas las

gral la bsdad pa'i thog ma'o/ /de nas phyir 'ong khar skyabs
mgon mjal kha'i bka' slob zhus par 'di nas snyan gsan zhu chog
ces phebs/ dngos 'bul sogs sta gon byas nas ang seng nge bsdad
par/ glo bur

du phyag mdzod dbang bsdus nor bu lags nas sang nyin mjal khar
'gro dgos zhes phebs/ phyi nyin mjal ba rnams lhan du nor gling
skal bzang pho brang du phyi dror khyams rar sgug sdod byas par/
chen mo la phebs par

@185a @#/ /'bul ba'i tshan grangs dang/ gsol maN dod phul/ de nas
yar phebs zhes brda byung 'phral/ nang du song nas phyag 'tshal
zhus pa dang maNDal lag tu gtad/ 'bul tshan go rim bzhin du

gshar nas gsol lcog 'bul ba dang 'phral bde'i gnyis 'dzoms su
phul/ dug bzer zhus te gsol ja bzhes 'bras/ ljags mdud/ khams
'dri sogs bstsal nas/ slar yang yongs 'dzin rdo rje 'chang

la mjal kha zhus/ de nas phyir 'ong nas nyin 'gar grwa sar 'gyed
dang mang bskol byed rgyu'i las don brtsams par yod skabs/ sog
po lo tstsha ba gong sa nas ched mngags kyis gzims chung mjal
khar shog

ces phebs par/ mjal kha zhus zin pas ci zhig nongs par gyur
stam/ sang nyin mang bskol byed rgyur gtan khel phyir/ nang mjal
chog pa zhus zhes par rgyal ba thams cad mkhyen pa sku dbang che
ba zhig la/ slob bu dbang

btsan pa zhig 'dzoms pas khyed gnyis shes pa ma gtogs nged cag
la zhu rgyu med zer nas song ngo/ der tshe gling phyag mdzod
'byor bar dris pas/ sog po'i kha la nyan rgyu yod dogs med zer/
phyi nyin snyan gsan

sogs phab grub phyir ma phyin thu med grwa tshang tshogs chen kham
tshan rnams la mang bskol sku 'gyed spyi 'jog gzab gsol rnams
bgyis thog gzhan dag nas legs gsol maN dod rnams byung ba dag la

@185b phyir slog rnams kyang babs bstun phul/ 'gyed gdong 'go
bar phur lcog phyag mdzod chen mo bzhugs par dris pas/ sang nyin
'phral du phebs na legs tshul dang dgongs 'gal yod dogs mi 'tshal/

thugs bde bar dngos 'bul phran bcas phebs na nang tshags mjal kha
yin snyam bsam gsung/ 'bras spungs ljongs rgyu'i nyin yar langs
nas gtor ma gtong rtsis byed skabs gzims chung gad pa zhig 'ong
nas

sku bzhog lo tstsha bas da lta rang shog zer/ de nas 'phral du
rgyugs phyin pas/ po ta la'i shod du slebs skabs sku drag 'ga'
'ong bar lo tstsha bas mgyogs par shog ces zer/ bka' gnyan sgo
bzhir brgal

tsam du gzims 'gag zhig 'ong bar lo tstsha bas da ltar nga shog
zer mgyogs par rgyugs zhes bshad snang/ rgyugs gang thub byas
par gzhung sgo'i nang lo tstsha bas lag g.yug byed 'dug /rgyugs
gang thub kyis

stod tshang rgyab nas 'gyel la khad nas gzhung sgor slebs/ lo
tstsha bas da ki nas shog ces sbug nas bka' phebs pa red/ nya re
nyo re byas nas da bar lus/ da sbug nas ljags thun tshugs song
zer/ kho rang

gis gshag la khrid nas ja zhig blud/ da pha tse yod pa ma red
zer/ ci yang ma lab/ de 'dra zhig la gzims chung gad pa 'ong nas
da phebs shog gsung zer/ lo tstsha bas da red pas zer/ ma red
sprul pa'i sku
@186a @#/ /lags zer/ lo tstsha pas nga khrid nas phyin pas/ bde
yangs nang brgyud nas dkar sbib nang khrid nas bltas pas phug
zhig tu bzhugs par bzhad cing dgyes pa'i 'dzum zhal bstan pa
mthong nas

yid rang dbang med par g.yos phyag 'tshal 'bul tshan med rgya rdo
gcig /gos chen gcig /chu shel gyi shangs ru/ gnas bcu'i shing la
brkos pa'i grangs 'dzin rgyan can rnams phul nas phyag dbang
zhus par

phyag gnyis mgo bor bzhag nas/ sku gzugs bde po byung ngam zhes
bstsal bar/ lags gang yag yag byung zhes zhus/ bzhugs zhes phebs
par sa la bsdad par/ kha gdan steng du bzhugs zhes

bstsal/ lo tstsha pa der gnas par/ khyod rang mar rgyugs/ khong
bod skad bde bo red ces phebs/ gsol dpon chen pos sbug la gsol
ja phul/ de nas nged la gsol ja nas bstsal bar lag tu bzung nas

bsdad par/ sa la tshugs zhes phebs/ thugs lhod lhod gnang zhes
phebs/ mdo sngags kyi skor la slob gnyer ji ltar byas/ rig gnas
chung ba rnams la bslab sbyangs ji 'dra byas sogs kyi bka' 'dri

zhib par gnang/ gus pa phran ni las kyis bdas te stod smad par
gsum du 'khyams pa'i dbang gis slob gnyer dpyis phyin pa byed ma
thub pa'i gnas tshul rags bsdus zhus par bzhad mo gnang dpon po
chen

@186b mod gsol 'phyur lo ma gang khe shog gsung nas bstsal/ rang
yul du chos sde'i las khur gang byas sogs kyi bka' 'dri gnang/
'di dang 'di bsdad kyi gnas tshul sogs zhus/ dpon po la la shel
kar lo ma

gang khe shog gsung nas gsol ras bstsal/ bka' chos ji zhus dang
bla ma su bsten sogs kyi bka' 'dri bstsal/ bod du bla ma yongs
'dzin rdo rje 'chang sogs bsten tshul rags rim zhus par/ dpon po
chen

mor ljags smin rgun 'brum lo ma gang phul bcas bstsal/ ya da re
'di tsam byed/ ngo shes song bas par 'dir phebs zhes bstsal/
nged nas gso sbyong bya rgyu yin gsung/ gnang mdzod/ ljags mdud/
thub pa

rdor gdan bcas bstsal/ phyag dbang zhig zhus nas phyir 'ong ngo/
lo tstsha bar gsol tshig phul na rung ngam zhes par rung zer/ dod
'bul ci 'dra byed ces par/ srang bcu phul na chog zer/ sang nyin
gsol tshigs

zhig 'bul ba lags na de'i dod lo tstsha par rtsis sprad de thugs
rjes gzigs dgos zhes sprad/ yong zhes zer/ da tshod tsam la 'ong
grogs bgyis zer/ legs so zhes nas thon yong ngo/ phyi nyin se
ra'i ljongs

rgyu'i nyin mjal bar song bas gzims chung bde yangs nang bzhugs
khri'i mdun du kha gdan gdan ring steng nged dang gcung byams
shAka/ byams bsod bcas bsdad bag phor so sor bsgrigs/ gsol tshig

@187a @#/ /btegs rjes sku mdun nas gsol ras dpon po chen mos
bsnams te nged cag so sor bstsal zhing/ gsol ja gsol grum sogs
gang rgyas gnang/ de'i rjes lngags mdud re g.yogs/

nged rnams phyir thon 'phral sbug bzhugs khri chen mor zhabs sor
'khod bstun/ se ra bla spyi dge 'dun mang bcas kyi mjal kha
gnang/ rang rnams phyir gnas tshang du 'ong/ gnyer pa co sne
rnams phyir rang yul

du log /nged cag dpon g.yog lnga las med/ sngar bod thengs
gnyis pa'i skabs byams shAka byams bsod gnyis na phra zhing bod
kyi 'gro lugs sogs mi shes pas/ rang nas bya byed las gsum thams
cad

byed khul byas/ da ni sngar lan gcig mjal ba dang yul lugs
mthong thos su yod phyir bya byed las gsum gang ci khyod gnyis
khag khur byos shig ces rtsis su sprad/ rgya che rigs sogs rang
nas bkod khyab byed

dgos byung na de dang de min rang 'khos dang bstun nas brtson
par bgyis zhes bslab/ nged 'bras spungs la mchod mjal byas shing
mang bskol sngar srol ltar byas/ kun gling stag tsha/ rgyal sras/
sle lung rje drung

sogs dang/ lho sprul sogs la mjal/ de nas kho rang gnyis nas
rang rang gi kham tshan sogs la mang bskol sogs byas/ nged nas
brag ri rdo rje 'chang la mjal bar ri khrod du phyin/ maNDal
rten gsum/ rje

@187b nyid nas phran la bka' mngags gnang ba'i rta mgrin yang
gsang lha dgu'i dkyil 'khor tshems grub ma/ phod ka dang/ zhwa
nag gi rgyu kha tshang/ bang ldan khro zhal/ mkha' spyod kyi
sgrub dkyil dngul las byas par

byi ru'i chos 'byung dang/ yi ge sogs bkod pa/ sku tshom bu'i
'jog snod yang Di las byas pa/ btags grol gyi ga'u phra rgyan
bcas rnams dang/ gos chen dngul sogs dngos po sna tshogs bcas

phul nas zhags 'ga' bsdad/ dkyil 'khor gsar par byin rlabs gnang
thog bka' dbang bstsal bar zhus pas/ bka' dbang smin rgyas su de
'phral du gnang/ bka' sdod tshe dbang bcas bstsal/ shing rta lo'i
sa

zla'i nang sngar lnga pa chen po'i bka' 'bum gsan bzhes gnang
ba'i mjug sems bskyed gnang ba'i rje nyid kyi phyag dpe glo bur
phran gyi sdas 'gor rgya bcas bstsal 'dug pa bka' drin che zhes
zhus pas/ rje nyid nas

bzhad mo cher gnang ste/ gzhan la mi gsung bar mdzod ces phebs/
de nas lha ldan du phyin par bde yangs rdo rje 'chang la mjal
bar/ mkhan chen rdo rje 'chang la/ chos rje don rin pa'i
'khrungs rabs zhig zhus

rgyu dang/ nyid kyi thugs bzhed mtha' dag zhu dgos pas khyed lo
tstshar 'gro dgos zhes phebs/ de nas phur lcog ri khrod du rdo
rje 'chang gi zhabs zhur phyin gang zhu thams cad snyan lhong du
gsol/ zhag gcig bzhugs/

@188a @#/ /gsol tshig lhan rgyas thog bka' mol rgyun ring mdzad/
thugs bzhed gang yod snyan lhong du gsol/ bka' lan mtha' dag
kyang rjen gsol zhus/ de nas phyir byon nas rdo rje 'chang rwa

sgreng dang/ sgrub khang rin po cher man ngag rnam gsum gyi lung
khrid sogs 'bul bar mdzad/ ngos nas brag ri rdo rje 'chang dang
sku zhabs bA yer sogs la lung rgyun dkon rigs 'ga' phul/ skabs
der

rdo rje 'chang yang yab phyi gsar bar mgon po'i gtor sgrub dang/
jo khang nang dkyil 'khor mthil du chu mchod sogs gnang/ skabs
zhig sku khams cung zad snyogs pa'i tshul mdzad par/ ngos lan cig
mjal

bar chab mi 'phrod pa'i rgyu mtshan gsung/ sku dpon nas snang ba
cher med pa'i snyam zhig 'dug /phran de 'phral nor gling du
mkhan chen rdo rje 'chang la thugs dam brtag zhu byas par/ zhabs
brtan 'ga' dang/ btso

bkrus zla shel rdog bdun bstsal/ khyed rang gnyis gnas bskor la
phyin na legs zhes bstsal/ phyir 'ong nas rgyu mtshan mtha' dag
zhus par/ sku dpon la shod gsung/ dpon por bshad pas zhabs brtan

'phral sgrub byas/ zla shel zhag bdun la mchod pas sku snyung
sangs dwangs su phebs/ da nged gnyis gtsang phyogs su mjal bar
'gro gsung/ lags so zhus/ de nas mkhan chen rdo rje 'chang lha
sar bdud rtsi

@188b 'phrod bzhes mdzad par mjal/ 'o gnas bskor la phyin na
legs/ skyabs 'jug zhus par yong gsung/ de nas rdo rje 'chang
dang phran rnams snga phyi rim bskyod kyis byang rtse brgyud nas
bkras lhun du 'byor/

paN chen thams cad mkhyen pa kun khyab gling du bzhugs par chen
mo par brgyud nas mtshan brjod kyi lung gi snyan gsan bcas 'bul
bar zhal bzhes thob/ rdo rje 'chang dang lhan du gsol ja bzhes
'bras rten

gsum maNDal rnams kyis thog drangs rgya dngul srang nyis brgya
dang gos chen sogs dngos po sna tshogs dang chibs pa rag dkar
bcas phul te mjal/ dug gzed/ gsol ja/ bzhes 'bras/ ljags mdud

bstsal nas mtshan brjod kyi ljags lung gnang/ sham smon bka' rgya
can gyi lung bstsal/ de nas phyir 'ong yongs lho rin po cher
dngos 'bul bcas mjal kha zhus/ ngos co sne khang du bsdad cing
rdo rje 'chang

bsam blor bzhugs/ kham tshan la tshon ja ja thug sku 'gyed 'bul/
tshogs chen la mang ja thon pa phul/ gser gdung sogs la mchod
'bul dang bcas mchod mjal rgyas zhu byas/ rdo rje 'chang nas
nang rten

mjal bzhed la/ phran nas gser sogs bsgrigs nas nang rten rnams
la gser chab phul chog pa'i snyan gsan zhus par/ sbug nas gser
gsol 'bul skabs chabs gcig phul bas 'thus zhes

@189a @#/ /phebs/ dgu pa'i bco lngar skyabs mgon chen mo'i gser
chab sgron bar phran rnams mjal bar nang rten dam 'byar rnams
grol 'dug pa kun la mjal ba dang/ rten sgam rnams gdan drangs

te mjal kha byin rlabs rgyas par bstsal/ nang rten rnams las
dgon gnyer gyis byin rlabs zhu gsung bar spar gang do zhig 'bru
sna tshogs gnang bar ba li ba rdog gnyis tsam byung bar khyer
zer/ gcig rdo rje 'chang

la phul/ gcig rang gis nyar tshags byas/ 'bru sna 'ang rdo rje
'chang dang phran gnyis bgo bshA byas/ de nas bla brang nas
phyag lde zhus nas snar thang du phyin/ snar thang la mchod mjal
dang/ nang rten rnams

rdo rje 'chang dang phran bu bcas nas mjal/ phran sa skyar mjal
rtsis su yod pas snar thang du rdo rje 'chang dang lhan du
bsdad/ sang phran sa skyar 'gro rgyu'i gleng mo rdo rje 'chang
la zhu skabs tshogs dung cha 'bud byed pa

'grigs pas rdo rje 'chang nas da re khyod sa skyar phyin na 'dod
don yid bzhin du 'grub pa'i rten 'brel legs gsung/ phyi nyin rdo
rje 'chang dang mnyam du byang chen sgang du phyin nas mjal/ de
nas phyir 'ong nas rdo rje

'chang bkra shis lhun por phebs/ phran nas snar thang gi sde bar
thug nas tsong kha brgyad cu/ dpag bsam 'khri shing/ paN chen
bsang rnam/ gnas bcu rnams par rgyag rgyu'i skor rnams ras gzhi
brdar

@189b bar byed chog pa ngos nas mi sna nam 'byor la bkag bsdams
mi byed par zhus/ de nas nged cag lnga po sa skyar phyin/ dgu
pa'i nyer gcig la sa skyar sleb/ bdag chen rdo rje 'chang chu
tshan khar byon nas de nyin phyir

bla brang chen mor zhabs sor 'khod/ nged cag phyi nyin bdag chen
rin po cher mjal kha zhus/ bka' chos kyi snyan gsan zhus par
khyed gar bsdad yod gsung bar kha sang 'byor gdong la grong gseb
pha gir yod

zhus par/ da 'di ru sdod shog zhugs shing gro chas bla brang nas
len shog ces phebs/ lags so zhus par/ sa skyI ngo mtshar rten
rnams la mchod mjal zhu zhes gsung/ de nas phyir phyin nas gtsug

lag khang gi nang du phyin par dge 'dun bzhi gras mtshan brjod
gsung snang/ nged cag gis phyag 'tshal nas yod par/ chos kyi dung
ste sgra chen ldan/ /zhes mtshams bzhag nas gsol ja bzhes 'dug /

gnas bskor ba gang nas yin zer/ a mdo rje sku 'bum nas yin zhes
bshad/ nam 'byor zer/ kha sang 'byor lags zhes bshad/ ya yag po
red/ sa skya zer ba 'dir ngo mtshar ba'i rten bzhi zer ba zhig
yod

'jam dbyangs phyag mtshan ral gri la 'jam sprul bdun thim pa zhig
'dir yod/ nged cag gis mjal kha gtong ki zer nas/ gcig yar langs
nas 'jam dbyangs sku pang nas ral gri chung du zhig khyer 'ong
bar bzhi

@190a @#/ /gras khrus gsol phul nas/ nged cag gi mig lam du
bstan/ nged kyi lag tu bzung zhes gtad/ grogs rnams kyi mgor
gtugs tsam khyod kyis mdzod/ lag tu 'chang ma bcug zer/

de bzhin byas nas smon lam btab/ slar phar byin par/ slar yang
khrus gsol byas nas sngar ltar sku pang du bzhag /da chos dung
dkar mo rgyang grags zer ba zhig yod/ de cung mjal khag /sa
skyar mang ja dang/

chos dung gdan zhu la srang bco lnga phul na yong/ de min dka'
zer/ khong rnams nas chos kyi dung ste sgra chen ldan/ /zhes 'ur
'don mdzad snang/ nged cag glo sgo zhig 'dug pa nas thon phyin
par mdun nas/ grwa ba

zhig zhwa mo dmar po gyon nas lag tu spos bzhin bsnams rgyab tu
sgam dar gyi sham bu can zhig khur/ de'i rgyab nas grwa ba zhig
gis gdugs zhig bskor nas 'ong snang/ ci lags zhes dris par/ chos
dung dkar

mo rgyang grags pa zer/ de'i rjes su yar thog khar phyin nas
bltas par/ rten mjal zhu'am zer/ lags thugs rje che ba zhig
mkhyen mkhyen zhes par/ kha gdan zhig bting/ spos sna dang bcas
mdun

du gsol lcog che bar rten sgam gdan 'dren zhu nas/ ma lus sems
can sogs 'don bzhin chos dung tshur zhu nas mjal kha gnang/ ston
pa thugs rje can la klu dung skyong gis phul tshul sogs byung

@190b rim che ba mtha' dag brjod par gnang/ 'di'i sgra thos na
ngan song gi sdug bsngal med tshul dang zhi sogs kyi las 'grub
tshul sogs mtha' dag gi bshad pa rgyas pa brjod rjes dung thengs
gsum gtang/ ma

bsgrigs rten 'brel lhun grub zhig byung/ de nas gur mgon btsan
khang du phyin nas zhal 'bag zil chen po dang khri dar lung
rnams mjal/ pu dra ming sring gi bla mtsho sogs mjal/ srin po'i
lag ngar gang po

dang; bla ma sa skya pa'i chibs pa 'dzam gling yud tsam gyis
bskor ba'i gsob sogs mang por mjal/ de nas lha khang chen mo
zhes rten bgrang las 'das pa rnams mjal te phyi dror bla brang
nas nged cag la 'bod mi

btang byung bar/ bla brang du phyin nas bsdad/ phyi nyin sku
mdun du shog gsung bar/ da cha nged nas gdung sras rnams la gser
bum chen mo'i dbang bskur byin pa'i skabs su 'phrod pas khyod
rang yang mnyam zhu

gyis gsung/ legs so zhus/ de nas kyai rdor gyi rgyu dbang dang
lam dbang rdul tshon dkyil 'khor la brten nas gdung sras rnams
dang lhan du zhus pa'i skal bzang thob/ de nas mkha' spyod/ rig
byed/ zhal

phyi sgrub/ gur/ zhing skyong rnams kyi rjes gnang bstsal/ zhal
gyi rjes gnang nyer dgu'i nyin gnam kha'u brag rdzong du bla rdo
len par song zhes phebs par/ nged cag lnga po bla rdo 'tshol bar
phyin/ der sgrub phug tu
@191a @#/ /mjal/ zhing skyong gdong pa rnyan gyi phyag shing
gzhung thur nang mu tig rang rang gi las skal dang mtshungs par
thon pa ngos la ji ltar dkrugs kyang bcu re/ gcung bdun/ byams
bsod la gsum

zhang po padma la gsum/ lha ri bar bdun/ ci tsam dkrugs kyang
chad lhag med par byung ba rnams mjal/ bla rdo che chung sna
tshogs rngo nag gru gsum mis bzos pa lta bu 'ga' rnyed nas mdun
du phul bar byin

rlabs rab gnas gnang/ mtshan mor bsnyen sgrub kyi mgon po'i rjes
gnang bstsal/ tshes shar nas byin rten zhus par/ phur ba dang/ mi
la'i mthu rkang/ na bza' bcas bstsal/ phyag dpe 'ga' g.yar zhu

byas pa bcu pa'i lnga mchod par cis kyang phyir phul zhu dgos
zhes nan cher gsung/ tshes gsum nyin thon skabs rje btsun yum sku
bzhog nas khrom pa rkyang la nyid kyi 'khrungs khang yod pas der
zhag sdong dang gnas

mjal zhu zhes gsung/ 'bras chag lo ma gang dang/ shel kar bcas
bstsal/ rang gi bas mtshod la rtsibs ri/ ding ri brgyud nas bal
po mthil du mchod rten rnam gsum sogs mjal 'dod shin tu che ba'i
rgyu

mtshan bdag chen rdo rje 'chang la zhus par re zhig phyir log
byas na 'gab/ phyis su phyin chog ces phebs/ de nas lha khang
chen mo'i 'dabs su 'gron bu gcig dang khab gcig rnyed/ de nas
rim bgrod kyis khrom

@191b pa rkyang gi 'bul mo cher zhag sdod byas par/ 'khrungs
khang nas gsol rtsam/ gsol grum/ gsol 'phyur/ zhugs shing rnams
gsol ras bstsal/ phyi nyin gnas mjal rgyas zhu byas nas lha
rtser bsdad/ lha

rtse mkhan po nas bkur bzos sogs gnang/ de nas tA ra na tha'i
gdan sa jo nang du phyin par sgrol ma gling bskor du zhus pa
'phrad par mjal nas bsdad/ der gnas mjal rgyas zhus byas/ par
tho gang yod sogs

bklags/ phyi nyin gangs can du bsdang/ mchod mjal zhus/ de nas
bkras lhun du 'byor/ phyag dpe g.yar po byas pa kun 'phral
bshus byas/ skabs der zhwa lu ri phug bla ma dgongs pa rdzogs
pa'i bsngo rten 'byor/

gdung rten bzhengs rgyu'i zhal 'debs su rgya srang bcu dang gos
yugs sogs phul/ dbyen zlum mchod rten la bskor ba cung zad
bsags/ yongs 'dzin lho ba rin po che la thugs bzhed ltar gyi
bka' chos 'ga' phul

skabs der lha bzo 'jam dbyangs nas ras gzhi btul te/ snar thang
du mngags nas sngar bshad pa'i sku rnams par 'debs su phyin/
phyir 'ong nas sku par rnams paN chen thams cad mkhyen par phyag
nas zhu/

bar der sa mgron phebs par phyag dpe g.yar zhu rnams rtsis 'bul
byas/ bcu pa'i gnam gang nyin sa chen rdo rje 'chang zung 'jug
bde ba chen po'i pho brang du sku gshegs pa'i tshul bstan/ rang
'khos dang bstun pa'i gdung

@192a @#/ /mchod re 'bul khul byas/ sngags chen grub dbang rin po
che'i sku mdun du rdo rje 'jigs byed lha bcu gsum ma'i bka'
dbang/ rje rigs gsum spyi sgrub tsha byams pa skal bzang gi yig
cha'i

steng nas gnang ba thob/ nang rten li rnying gi thub dbang zhig
bstsal/ nyin der byams sku li ma ka gdong byams pa dang mi gnyis
pa zhig bslus/ gdung rten bka' gdams rnying ma zhig kyang bslus/
bcu gcig pa'i

tshes shar la paN chen rin po cher thon phyag gi snyan gsan phul/
de nas gzims chung bka' gdams pho brang du mjal kha zhus par
maNDal rten gsum sogs phul te mjal/ gong sa nas thub pa rgya gar
ma/ phran

la paNTi ta'i bka' shog /bka' tham gru skor/ dbu gdugs/ rta dar
cha gnyis/ 'bab lcags cha/ rta mgo gser tog /se khab/ long khab/
rin chen rgyan cha/ mkhan chas cha tshang/ gyon pa cha tshang/
gzims

chung nang rten gras gzigs snang lnga thang/ rje sku pad spung
ma/ paN chen dpal ye'i gzigs dpe bde gsang 'jig gsuM sogs rgyud
bzhi'i glegs bam gser bris bcas bstsal zhing/ mngar kham sdang/

bur sdang/ snam ther/ gzims spos sogs do bo bcas/ gcung byams
shAk la'ang snam phrugs sogs/ byams bsod la'ang de bzhin gsol
ras rgya cher bstsal/ yongs lho mchog nas lham

@192b 'ja' chen/ stod 'gag sogs dang snam ther sogs gya nom pa
bstsal/ sgron dod padma dang/ rgya phrugs mgron gnyer/ nor bu
brang khang sogs nas gnang cha sogs rmar ba byung/ nyin der ngo
shes nang tshags

kham tshan dge 'dun thams cad nas legs so'i dga' dar ster mi mang
rabs byung/ phyi nyin kham tshan la tshon ja ja thug sku 'gyed
sogs phul bar dge 'dun rnams la chos 'grel ? dgos tshul gsung bar
bla mchod

mtshan brjod byams smon bcas phul/ der nged nas gcung byams shAk
dang byams bsod gnyis la mol ba/ khyed tshos mi dgos pa'i las ka
'di 'dra byas nas ci byed ces par byams shAk nas lags/ rang re
la

srid kyi las don byed par brkos pa lags na/ sngar sku thog gong
ma'i dus khu bo chos rje bstan 'dzin rin chen nas sgar ba'i sku
don du lha sar rdzongs rta mdzad par/ chos rje pas kyang bka'
bkod rdzogs par bsgrub

thog ;paN chen thams cad mkhyen pa'i zhal snga nas paNTi ta'i
cho lo rdzogs par zhus nas nyid kyi gong mar phul ba'i rnam thar
'dug na/ de skabs kyi cho lo bka' shog thams cad rkyen lam du
gyur phyir/ phran rnams

la skabs su babs par bsam nas da lam stabs legs gang 'grigs
byung bas nang rten dang bcas zhu bder byung bas nyid nas bka'
bkyon mi mdzad par bstan 'gro'i don chen mdzad phyir zhabs pad
brtan par

@193a @#/ /'tshal/ kham tshan du lo star 'char can 'khrungs skar
nyin tshes bzhir mchod pa gnas bcu rgyun 'dzugs zhig kyang byas
lags pas dgongs 'jags 'tshal zer/ nga la skyabs mgon

gyi mkhan chas gnang ba de yis ma 'thus pa gang yang med/ paNDi
ta zer ba nga lta bu yon tan spu tsam yang med pa zhig la mdzes
pa'i go sa ma red/ glen pa khyod tshos ci yang mi shes par nga la
dris nas byas na

mi chog gam/ ngo re tsha ngo re tsha/ hUM phaT mi shes pa'i paNDi
ta a kha kha/ da phyir 'bul ni mi shes gang drag /ci drag /a
kha kha zer gyin bsdad/ glen pa 'di tshos a zhes bshad/ de skabs
sku mched rin

po che'i mdzod pa a khu co sne zer ba gnyer tshang chen mo'i sar
bsdad pa/ nged la mar lha sar khrid rog zer bar mnyam du 'gro
ched byas/ bkras lhun du mchod mjal rgyas zhu thog mar thon nas
dben sa chos kyi

pho brang du mjal bar phyin pas phyi dro a khu co sne nas rke
lam nas theg zer bar phyin pas 'phrang lta bu brgal bar 'gro tshe
nged kyi rta gcig yod par khal bkal nas yod pa g.yang du 'dril
nas 'khor lo ltar 'dril

nas mar rong du bsdad song/ khal dang sga rnams phyogs phyogs su
'thor/ rta yang shi snyam du ha las nas bsdad/ rgyangs zhig na
'gul 'gul byed pa 'dra zhig byung/ de nas cung zad zhig na 'gul
gyin 'gul

@193b gyin yar langs stabs dkrugs byed/ 'tsher rkyad byed par
sems dga' nas len phyin par thog bcu tshod la lam ha cang rtsub
pas mi thar bskor nas phyin pas rta khrid nas 'ong bar gzugs
byad la brag

gis phug nas rnag khrag chu ser wu ba lta bu lhug lhug byung bar
'dug /khal rnams thams cad kyis bgo bshA byas nas khur/ co sne
bla rgan dre'u zhig la bzhon yod par yang cung zad bzhag nas sa
rub la

dben dgon du 'byor/ gnas tshang g.yar bar spyi so sde pas btang/
da bar ci nyes zer/ rta g.yang du gzags/ ma shi'am zer/ dkon
mchog gi thugs rje la dbugs rang ma chad par snang zhes pas gar
yod

zer/ 'dir rta rwa ra mchis zhes pas/ kho rang phyin nas bltas
pas ha las par 'ong/ ngo thog dkon mchog gi bka' drin red zer/
kho rang khri pa'i sku mdun nas gnyan sman dang sa sngags bsnams
nas ster

byung/ de nub chag dang mnyam du zos/ phyi nyin der yod thams
cad kyis mthong bas 'jigs shing zhum la/ nged rnams mchod mjal
rgyas par zhus te/ bong gu bzhig la khal gla btang nas rim bzhin
rta khrid

nas ga ler phyin pas zhag bcu nas lha sar 'byor/ rta'i rma thams
cad kyang sos/ skyon ci yang ma byung 'dug /rdo rje 'chang yab
sras rnams la mjal/ bde yangs rdo rje 'chang la mjal bas mnyes
tshor chen pos

@194a @#/ /mdzad/ de nas brag rir phyin pas brag ri rdo rje
'chang bcad rgyar bzhugs 'dug /phran la bcad rgya'i khongs su
btang nas/ khyod rang yang mtshams la bsdad ces gsung bar lags

so zhus/ de'i nub nas rje nyid kyi thog kha'i gzims chung yang
rtser 'dug tu bcug /lo der bcu gcig pa gnyis brtsegs yod pas
tshes bcu nas bcu gnyis pa'i nyer lnga bar 'dug 'khul byas/ rdo
rje 'chang bcu

gnyis pa'i tshes bcu bar nas grol rgyu yin zhes phebs/ mtshams
nang du dus 'brel gso sbyong tshogs par shog ces phyin/ skabs der
nged la rdo rje 'chang gis dgongs pa can gyi bka' yang yang
gnang bar

mdzad/ lo der gzhung sa dga' ldan pho brang nas gtong ba'i sgo
'phar yangs por phye ste lo lnga phyi gsum la dang po skyabs
mgon thams cad mkhyen pa/ bar ma gzhung sa dga' ldan pho brang/
lo 'dir rgya

nag gong ma'i chab srid la dmigs nas srid pa'i mdos chen nam bde
gshegs spyi mdos su grags pa zla ba drug gi ring la las mi sum
brgyas nyin mtshan du bzo bkod grub nas bcu gnyis pa'i tshes nyi
shu

nang mdos chen skyong bar 'tshub lhongs shin tu che bar byung/
skabs mtshungs par gdan sa gsum dang lha ldan sogs su rtags mtshan
sna tshogs byung zhes grags/ nged kyi lha bris par kun 'khor chen
mo

@194b dang/ dkyil 'khor che chung sna tshogs bris par mdzad/ nyid
kyi sku mtshams grol bstun phran gyi g.yog po byams bsod dang/
lha ri bcas nas sku gsung thugs rten thams cad dam 'byar nyin
'gar mdzad/ bcu

gnyis pa'i bco lnga'i gso sbyong thog dge slong rnams kyi spyi
dngul phog thebs/ bca' yig /sdebs yig sogs thams cad dge slong
rnams la rtsis sprad mdzad/ ngos nas dge slong spyi so'i bu lon
gang yod thams

cad byin tshar/ lhag dngul 'di bcas 'phro lag tu ma song ba
mdzod/ dus sang nged byang hor yul du 'gro dngos ??? pas na
khyed rang rnams la 'bul ba yin gsung/ dge slong thams cad kyang
hang sangs nas tshig gcig

kyang zhu ma nus/ da de ring nas lo gsar gtong rgyu yin/ nyi
shu'i nang rgyal ba'i zhabs brtan la 'gro dgos yod ces ? phebs/
lo gsar nyin gsum btang nas/ phran la mnyam du sbyin sreg byed
gsung bar zhabs

phyir bsdad nas sbyin sreg phul rdo rje 'chang ser ra rgyal ba'i
sku tshe tshe sgrub la byon/ ngos nas lha sar phyin nas bde yangs
rdo rje 'chang la mjal bar/ khyed gar song gsung/ phran nas
bsnyen pa zhig bsdad tshul

zhus/ se rar phur mjal 'tshang kha med par mjal thabs shig khyod
kyis bgyis zhes phebs/ de nas lags so zhu/ phyi nyin se rar rdo
rje 'chang gi spyan sngar phyin par lha 'brum lta bu zhig snyung
tshul bzhes snang/

@195a @#/ /phur mjal skor zhu bar yong yang 'gro dgos khyod kyis
rgyag e thub gsung/ gang thub ci thub ces zhus pas 'o na yongs
gsung/ snyung gzhi la bde yangs rin po cher phyag rtsa bstan na
zhus par/

'o de legs gsung/ phyi nyin bde yangs rdo rje 'chang sku mdun du
mjal bar/ phyag rtsa/ chab brtags rnams phul bar/ gsol sman zhig
'bul zhes gsung/ der ser byes dbu chos nas phur bu gdan zhu
gnang bar

gsol ja bzhes 'bras/ sku yon bcas phul/ phur bu zhib mjal mdzad/
de'i phyi dro bde yangs rdo rje 'chang phyir byon nas gsol sman
gnang ba yar phul/ nyin re chab brtags mar bskur/ gsol sman
'phrod

brten mdzad pas myur du dwangs bskyed bzhes par snang/ nyer
brgyad kyi phyi dror gzims chung gad pa zhig 'ong nas sang nyi
ma rtse shar la sku mdun du phebs zhes brda' gtong ba zhig
'byor/ nam langs 'phral rgyugs

phyin pas rtse la nyi ma shar 'phral 'byor bar sku mdun du mjal/
ja zhig gnang kha sngon ljongs rgyu nas da bar ci gnang gsung/
gtsang khul du phyin sku bzhog zhwa dmar ba'i phyag dpe rtsol
sgrub dang 'brel bar gnas

mjal/ sa skya/ lha rtse/ jo nang/ gangs can sogs mjal te bkras
lhun du bsags sbyangs dang phyag dpe sogs bslus/ de nas phyir
'khor te brag rir mtshams lta bu zhig bsdam khul byas nas khe
nyin phur

@195b mjal la phyin/ kha sang sku mdun du shog ces bka' phebs pa
ltar mjal lags zhes zhus par/ 'o yag byung/ de ring rnam grwa'i
gso sbyong yin/ khyed ljongs rgyu'i gso sbyong la bzhugs ma song
dar cis ??? kyang bzhugs

dgos zhes phebs/ chos gos sogs g.yar po zhus par phyin 'ong
zhes par/ chos gos 'di nas ngas phul chog gsung bar/ lags so
zhus/ de 'phral 'phags pa rin po che'i spyan sngar gso sbyong gi
mgon du

thams cad mkhyen pa bzhugs rnam grwa'i tshogs yongs dang lhan du
gso sbyong nyams su myong/ gso sbyong grol nas sku mdun du shog
ces phebs/ btsan po no min han sku mdun du gsol tshigs lhan rgyas
gnang rgyu

yin pas khyed rang lo tstsha byed dgos phebs/ der btsan po tshang
phebs par/ yongs 'dzin gling rin po che dang/ mtshan zhabs ngag
dbang sku bzhog nged bcas sku mdun du gsol tshigs lhan rgyas
bstsal/ de nas

gong sa nas btsan po tshang dang/ phran bcas de ring dgu gtor
chen mo'i 'cham la phyogs mgron du bos pa yin pas lhod gzigs
mjod ces bstsal/ lags so zhus nas phyag 'tshal rgyab ste rnga
khang steng du

song nas bltas/ der btsan po tshang dang nged la shing 'bras/
ngsol ja mu med bstsal/ 'cham grol nas sne shan la slar sku mdun
du thugs rje che zhu zhus par 'gro dgos mi dgos dris pas mi dgos
zer/ de nas
@196a @#/ /rang rang gi gnas tshang du phyin/ lo de'i mjug grub
par byas so/ /kun ldan zhes pa lcags byi lo'i gsar tshes kyi dga'
ba mngon du gyur pa'i dga' ston tshes gtor rten 'brel

sogs ma chad par byas nas/ jo bo rnam gnyis la mchod mjal/ rdo
rje 'chang yab sras la mjal kha gsol tshigs shing 'bras kham zas
shing 'bras ljags smin ljags mdud bcas bstsal/ dga'

ldan khri sogs dang gling phan tshun rnams la lo gsar mjal kha
zhus/ smon lam steng nyin 'gar phyin/ chos skyong rnam gnyis la
gzab gsol zhus/ btsan po tshang la mjal kha zhus/ de bar nyin
gcig

brda gtong ba zhig yi ge dam 'byar can zhig khyer nas bstan 'ong
bar bltas pas/ gong sa rgyal dbang mchog la/ yongs 'dzin mkhan
chen rdo rje 'chang nas/ rgyal dbang na rim nas sdom rgyun
bstsal ba/

rgyal dbang dgu pa nas dbar lo grangs bdun cu skor bar sdom
rgyun chad par 'dug pas na/ gong sa mchog nas da lo nas sdom
rgyun re cis kyang thugs rje che dgos zhus par zhal bzhes mdzad
pas/ mkhan

po gong sa thams cad mkhyen pa/ las slob yongs 'dzin phur lcog
pa/ gsang ston byang rtse chos rje/ dus bsgo pa sku zhabs sgrub
khang sprul sku/ lhung gzed ston pa po sku zhabs bde yangs mtshan

@196b zhabs/ las kyi kha skong pa yongs 'dzin gling/ ngag dbang
mtshan zhabs/ sku car mkhan po/ mchod dpon mkhan po/ gus phran
bcas bcu tshogs kyis bsnyen par rdzogs pa dge slong gi dngos po
bstsal

par mdzad pas na las kyi kha skong du 'du ba dag las chog tshig
phyed kyang ma 'khrul bar blo thog nas thon dgos pas nges par
byed dgos/ de las 'gal bar byung srid na gser srang gsum gyi
nyes pa phog

par gyur bas bag yod par byed dgos zhes sogs kyi bka' rgya phebs
par mthong ba dag rtags 'byar dgos tshul ltar rang rtags phran bu
phog par byas nas phyin/ smon lam gtor rgyag gi nyin zhog kha

brda gtong ba zhig 'byor bar/ sku zhabs btsan po gdan zhu byas
nas sku mdun du yong dgos tshul phebs/ der rdo ring du phyin nas
sku zhabs btsan po gdan zhu byas nas sku mdun du mjal bar/ gsol
tshigs

lhan rgyas mdzad/ de ring smon lam chen mo'i gtor rgyag gi ltad
mor mnyam gzigs mdzod gsung/ phran la'ang zhabs zhur sdod ces
phebs par/ phyag 'tshal nas phran zhabs 'bring ba rnams dang
mnyam du sdod

chog pa'i dgongs zhu byas/ de nas nyin 'ga'i ring se rar mchod
mjal sogs byas nas phyir 'ong bar brda gtong ba 'byor bar sang
snga char nor gling du chos gos rnam gsum gding ba bcas gzims
chung 'gag tu shog

@197a @#/ /zer; tshes gnyis snga bar nor gling du mkhan chen rdo
rje 'chang gi spyan sngar mjal te 'gro bsdad las gsum gang dang
gang byed dgos kyi bka' slob zhus/ gsol tshigs grub nas

gzims chung 'gag tu song gsung/ thams cad gzims chung 'gag tu
'dus par gzims 'gag rnams dang/ chen mo pa rnams ljags mdud/ so
phag /ku sha/ gdan gtong 'go bas lde mig

rnams phran cag rnams la rtsis sprad/ sku drag rnams gzims chung
mdo sbug khyed rnams la rtsis sprad pa yin no/ /nged rnams ngal
bsos par 'gro'i zer nas phebs song/ gzims chung gad pas yar

shog gsung zer/ nang du phyin par spug chibs bsgyur nang 'dug
par/ kun gyis mjal/ da nga tsho'i bzhugs gdan rgyag ces phebs/
nged cag thams cad sbug gi bzhugs gdan rgyag /las gral ba'i

gdan dang/ bsgrub bya'i gdan sogs sbug nas bka' khyab ltar theng
'ga' rgyab/ so phag /ku sha sogs sta gon/ 'bral spangs thub pa/
ljags mdud sogs ang seng byas/ mchod pa las chog sogs

bshams/ thams cad 'dus nas bshags bsdams phyir bcos sogs rgyas
par mdzad nas/ mthong sdom dris/ slar mthong sdom sogs mkhan
chen rdo rje 'chang nas mdzad/ de nas rab byung dge tshul gyi
gtso bo

@197b tshe gling mchog sprul sogs sum cu lhag rnams sgrub par
mdzad/ de bar gsol tshig btang/ slar tshogs nas/ so phag /ku sha/
bsgrub bya'i chos gos rnams legs par 'grigs/ bsgrub bya'i gtso
bo mnga' ri

sprul sku sogs sum cu skor 'dus par/ bsnyen rdzogs kyi cho ga
rgyas par gnang/ phyi dro grol skabs chu tshod dgu pa tsam la
slebs/ rang re lha sar 'byor skabs mtshan phyed tsam la 'byor/ de
ltar bsnyen rdzogs theng

lnga drug tsam gyi zhabs phyir bsdad/ nor gling du thams cad
mkhyen par ngag dbang mtshan zhabs pas tshe dbang dang spyan ras
gzigs bcu gcig zhal gyi rjes gnang zhus par/ mkhan chen rdo rje
'chang dang lhan du zhus/

de rjes mtshan zhabs pas thams cad mkhyen par bsnyen rdzogs las
chog gsar ba'i lung zhus par/ yongs 'dzin gling dang mnyam du
zhus/ de skabs yang bsnyen rdzogs mdzad skabs zhig la snga bar
phyin nas

yongs 'dzin gling rdo rje 'chang gi zhal snga nas bsnyen chen
skor rje nyid nas ljags bsgrigs mdzad pa'i lung mnos/ skabs der
lha sa ru bzhi/ gdan sa gsum/ phyogs mtha' dag tu rdo rje 'tsher
mas khyab par

gyur zhing jo bo chen po'i sku la phra btab pa ltar bzhes pas/
gnas chung chos skyong chen mos jo bo'i sku la gser chab hril
bor bsgron par mdzad cing thams cad mkhyen pas thugs smon sogs
mdzad/ nag zla'i

@198a @#/ /nang sbug nas dus 'khor gyis gar dang mchod gar blta
bar shog ces phebs/ skabs der sa gsum las rnam par rgyal ba'i
gzims chung du bsgrub bya lnga bcu nye bar yang bsnyen rdzogs

mdzad par zhabs phyir bsdad/ lo der ^ gong sa mchog chos 'khor
rgyal du chibs bsgyur khad nye bar gtugs phyir/ phran kyang rang
yul du bskyod par gtan khel bas thon phyag gi snyan gsan phul
bar/ nang

mjal la shog ces phebs/ sku mdun du nag zla'i tshes bco lnga'i
nyin mjal bar khyod da lta nas thon phyag zhus nas ci byed ces
phebs par/ sbug rgyal du chibs bsgyur bskyangs tshe nged cag

mar thon khar phyir chibs zhal ma bsgyur na lus dogs kyis da lta
nas zhus pa lags/ de bar ci byed rgyu yin zhes phebs/ rtsa ri
bskor ba zhig dang/ sngar lho gnas mjal kyang da lor gnas bskor

byed dgos par lha bla ma'i lung bstan yod phyir lho gnas slar
mjal 'dod lags/ 'o de legs/ khyod lho gnas 'gro tshe nged gar
thug sar yang yang phrad dgos zhes phebs/ khyod la bkag mi mi

yong; shar rgyag shog ces phebs/ lags so zhus/ phran gyi yi dam
rnam gnyis kyi sku thang la phyag nas zhus par/ de ma thag lo
de'i 'brug skad thog ma bsgrags shing char zim bu babs/ rten
'brel

@198b bsgrigs zhes phebs/ ljags mdud/ phyag phreng/ byin rten
sna mang/ phyag tshwa sgam bcas/ cin dmar ser sbub gnyis/ gzims
spos gsum/ thub pa rdor gdan sger gsol bstsal/ phyi dror mchod
gar

mjal zhing thon phyag zhus par/ gzhung sa nas gsol 'phar bcas
gya nom pa bstsal/ mkhan chen rdo rje 'chang gi spyan sngar gsol
tshigs zhus nas lha sar thon no/ /tshes bcu drug gi nyin rtser
mchod mjal

zhus par mkhan chen rdo rje 'chang gis tshe rta zung 'brel gyi
rjes gnang bstsal bar zhus nas phyir log /tshes bcu bdun nyin nam
langs khar brda btong ba zhig 'byor bar phyag bris phebs/ de nas
nyi shar la

sog po lo tstsha pa ched mngags kyis khyod lho gnas su 'gro khar
^ sbug gang du bzhugs na der mdun mjal ci nas kyang zhu dgos
phebs 'dug /lkog 'gros rgyags yod pa ma red da zhes bshad nas

'phral du thon song ngo/ /de nas nged cag chibs bsgyur bskyangs
par lha gdong shan khar phyin nas mjal/ rma bya chen mo sogs dbu
gur rnams dang/ rwa sgreng rdo rje 'chang sogs mdun du grang pan
zhus nas

bzhugs sa sogs yo lang chen po rnams mjal/ sgar bsgrigs rgyas pa
de gong du gzhung gling chen mor mjal zin/ de nas phyir 'ong nas
phur lcog rdo rje 'chang la mjal bar phyin/ rdo rje 'chang tshes
bcu gsum

@199a @#/ /nyin bsnyen rdzogs las gral du byon par sa gsum du sha
la'i steng rgyun ring bzhugs pas zhabs snyung cung zad phar tshul
mdzad pa mi ring bar sangs dwangs su phebs/ nyin 'ga' thugs

spro'i ngang du bzhugs skabs brag ri rdo rje 'chang byon nas
rtsa rir gnas bskor du thugs dam brtag pa zhus par phebs chog
ces phebs/ gsol tshigs lhan rgyas thog phran la khyod kyang gnas
bskor du 'gro bar

bshad pas na sku bzhog rin po che la zhabs phyi hur thag zhu
grogs bgyis zhes phebs/ lags so zhus/ skyabs 'jug thugs rjes
gzigs grogs mkhyen zhes gsol/ de nas phyir brag rir byon/

gang rgyA nas rta mgrin gsang sgrub kyi dbang zhus par bgegs
dpung kun 'joms thog nas bstsal/ rang lha sar phyin 'gro chas
'dra bsgrigs/ rdo rje 'chang dang lhan du 'gro rgyur sems khrel
shin tu che bar byung/

'brum yams phyogs kun tu khyab phyir ji ltar phyir 'ong snyam du
sems khong du chud par gyur/ de nas rdo rje 'chang phyag btegs
par nged cag lha sa nas thon te phyin par lha'i gdong shan khar
lhan du 'dzoms/ brag phyag

bla rgan yang der phyin 'dug /nged la sku bzhog sku 'khor bcas
khyed la rtsis sprad pa yin/ bde bar gdan zhu bgyis nas phyir
rtsis sprod rgyu yod pa bgyis zer/ de 'dra'i khag nged la bkal
ba de'i 'gan len

@199b byed mi nus byas par/ yongs 'dzin rin po che nas khyed la
rtsis 'bul ma byas sam zer/ de ltar gsungs kyang khag nas bkal
med byas pas rdo rje 'chang nas khang 'than rgyab nas gang yong
gsung bar kho rang phyir theg

nged cag shan la zhugs nas chu phar brgal nas tshal du bzhugs
zhag mdzad/ der mchod mjal dang gung thang la yang mchod mjal/
nye 'khor gyi grong ba rnams kyis mjal kha zhus par gnang/ rdo
rje 'chang nas res

'ga' la bya dga' 'ang bstsal/ de nas bde chen rdzong du gser
khri dang/ rje'i zhal 'don ta li lo mar rgya yig lanyidzI
brgyad stong sogs mjal/ de nas dga' ldan du byon bzhed la/ gong
sa rgyal dbang mchog sku bcad

rgya mdzad par phebs bzhugs mi bde bar dogs nas ma byon/ mda'
brgyud nas lho brag bum par zhabs skor cung zad bsags nas bla
mor sku do rnams nas gdan zhu byas par byon zhag gnyis bzhugs/
tshangs

pa zhi drag gi rjes gnang sogs bstsal/ dngos 'bul rgya cher
stabs/ de nas 'dul 'dzin gdan sa btsun mo'i tshal dang/ ba so/
'tsher srab sogs mjal nas mal gro sku mkhar brgyud nas brtag pa
khri

sprul gyi bla brang du gdan drangs nas zhag 'ga' bzhugs/ mal gro
nang karmad sum cu'i ming can gyi dgon pa bzhugs pa'i lam khar
gang yod rnams mjal/ rin gling/ ru thogs sogs mjal te dmag dpon
la

@200a @#/ /rgyab nas phebs par rdzing phyi'i zhal ngo rnams kyi
phebs bsu dang bcas te gdan 'dren zhus/ rdzing phyir mchod mjal
rgyas zhus mdzad/ brgya mchod sna lnga phul/ phyi nyin lha klu'i
'khrungs khang

nas gdan zhu byas/ sku gong ma 'khrungs skabs ka bar 'o ma babs
pa sogs mjal/ de nas 'ol kha bsam gling pas gdan zhu byas par
'gar phug gong 'og sogs brgyud nas phebs te bsam gling du phyag

phebs; mchod mjal brgya mchod sna lnga'i mchod sprin btegs/ de
nas rlung la rgyab nas rgyal mkhan pos gdan drangs nas zhag shas
bzhugs/ mchod mjal rgyas par mdzad/ 'dus tshogs yongs la tshe

dpag med dwangs ma bcud 'dren gyi rjes gnang bstsal zhing gzhan
yang 'dod chos 'ga'i lung sogs gnang/ de nas rgyal lha thog tu
byon nas gnas gzigs mdzad/ phyir phebs bstun chibs bsgyur nye
bar thos

pas shar rtsol gyis dwags po rong brgyud nas zhag gnyis tsam
phebs par pha bong kha'i mkhan sprul rin po ches phebs bsur
'byor nas/ rgya gza' rdzong gi spro khang du gdan zhu byas/ der
bzhugs zhag gcig

mdzad skabs/ ^rgyal dbang rin po ches rgyal du phebs par phran
la bka' yig 'byor bar rdo rje 'chang la dgongs zhus byas nas
'gro skabs myur bar yong thabs bya dgos zhes phebs rta drel der
bzhag /bzhon ba

@200b rta gla bsgrigs nas rtag log rgyab nas phyin lam zhag gcig
shar rtsol gyis rgyal du 'byor bar gnas tshang gtan mi reg par/
rgyal mkhan po'i spun zla dge bshes nag tshang pa'i sar zhag sdod
byas/ phyi nyin lo tstsha ba

btsal bar phyin pas re zhig ma rnyed par mjal kha'i rgyu mtshan
bshad pas nged cag gis zhu mi nus/ dgongs 'tshom bzhes pa'i skabs
su su yang mi thar bas/ khyed rang phebs dang mkhyen yong/ rgyal
bla spyi gram

bsgrigs byung pas dgongs 'tshom bzhed po bzhes pa'i skabs su 'dug
/nged cag thar ba'i gnas med zer/ phyir 'ong nas thog khar phyin
par yongs 'dzin gling rin po cher mjal te gnas tshul zhus par/ lo
tstsha

bas bshad pa bden par snang/ gling rdo rje 'chang nas khyod rang
gsol gzims mchod gsum gang rung zhig thug na mjal kha zhus dang
'grigs 'ong 'gro gsung/ de nas ga ler gzims chung nye 'khor du
phyin su gcig

kyang mi snang/ yar 'gro mar 'gro 'ga' byas par/ gzims dpon sku
mched rdor brag mjal byung bar/ sbug nas bka' rgya 'byor bar
'ong tshul zhus pas/ khyod rang der sdod dang nas tshod blta yi
gsung nas phebs/

de ma thag myur du shog ces phebs/ rgyugs phyin nas phyag 'tshal
bar sham thabs kyang ral bar sbug bzhad mo mdzad/ maNDal rten
gsum phul nas mjal/ khyod gang du 'byor/ gang nas 'ong zhes
phebs par/@201a @#/ /phran kha sang dga' ldan du mjal 'dod kyis phyin par
sku bcad rgyar bzhugs tshul thos pas mal dro'i nang mjal bzhin/
'ol kha'i nang dang rgyal du 'byor nas zhag shas phebs sgug byas

par cang ma thos par dwags po rgyag brar rta drel rtsa khar
btang nas gnas par bka' rgya phebs 'phral/ rta gla'i thog nas
rtag log rgyab ste kha sang gung rar 'byor bas gnas tshang ma reg
par phar bzhud tshur bzhud 'khyams

par dge bshes nag tsheng bar thug nas gnas tshang zhus par/ nga
gsang spyod du bsdad yod pas khyed der spro na bzhugs chog ces
zer/ khong bzhugs sa thab tshang du gnas lags zhus par/ bzhad mo
yang yang

mdzad/ gsol ja gsol bskang sogs dang ljags smin sogs lhug par
bstsal/ rgyal lha thog tu mjal lam gsung/ mjal lags zhu/ mtsho
mjal byas sam/ snga ma mjal yang da lta ma mjal zhu/

khyed rang zhabs phyi med pas gsung/ gnyis tsam yod lags zhu/ da
lta yar thong gsung nas mjal kha gnang zhing sku bzhog rin po
che'i zhabs sdod brgyud nas zhabs gras gsum la cho lo zhig dgos
tshul ltar

chos rje'i cho lo byin pa yin gsung nas bka' shog dang ljags
mdud sogs bstsal nas mar btang/ de nas 'di kar rab gnas rgyas pa
zhig byed dgos dang/ bla mtsho dang lha thog tu 'gro rgyu'i lam
po ru yod sogs

@201b byed dgos zhes phebs par/ yar langs nas phyag yang yang
'tshal te phran la da re dgongs 'khrol thugs rjes gzigs pa dang/
g.yog dang rta drel rgya gzar gnas pa dang/ 'dir rta gla sgug
min la brten/ rtsa ri

gnas mjal snga tsam byas nas phyir ma 'khor na/ zi ling tshong pa
slebs 'phral rjes ma zin dogs sogs yod phyir thugs brtse bas
gzigs pa mkhyen mkhyen zhes yang yang gsol bas dgongs pa 'khrol

bar mdzad/ slar bod phyogs su nam 'ong na gsung/ sngar theng
gsum tsam 'ong ba lags shing/ lam po dgra chu sogs kyis nyen
phyir mjal 'dod shin tu che yang cung zad dka' tsam bsam mod/
skyabs 'jug

gis zin pa gnang tshe slar yang mjal bar smon lam btab lags/ slar
yang lan gcig phebs yong/ lan gcig ma zad lan gnyis phebs yod
zhes dam mdud/ phur mdud/ nang mdzod bcas gnang/ de ring

gso sbyong yin pas bzhugs ki min nam gsung/ chos gos sogs med pa
ma gtogs bsdad na legs kyang zhes zhu bar/ da phebs kyang chog
ces phebs/ kho tsho skad gtong rog gsung/ lags so zhes

nas mar 'ong bar/ gso sbyong gnang gi yin gsung gi zhes zhabs
gras nang ma la zhus par/ de ring khyed phebs pa yag po byung/
zhag shas bzhugs grogs mdzod zer/ da dgongs pa zhu zin pas
'phral du

@202a @#/ /'gro rtsis lags zhes pas a kha zhag shas bzhugs na
yag po yong nge zer/ de nas gling rdo rje 'chang gi spyan sngar
skyabs 'jug zhu bar/ 'o khyed rang de ring go chod po byung
gsung nas/

sbug gi chab shub/ chu shel gyi phreng ba bcas dang ljags mdud
nang mdzod bcas bstsal/ de nas mar phyir log nas rgya gzar rdo
rje 'chang gi sku mdun du 'byor bar sku ldem tshul bzhes par 'dug
ci bya

brdol bral lta bur gnas/ rgyal tu thugs dam brtag zhu byas par
phyin na zhu bar mi dgos gsung a bo tsi drag 'gro gsung/ phyi
nyin u tshugs gnang nas dwags lha sgam por byon/ der gnas

gzigs lam tsam gnang/ phyi nyin sku shin tu brnyel tshul mdzad/
der lung zhu re bgyis na zhus par/ rkyag pa 'dra la zhu'am
gsung/ nyid nas zhabs brtan re thugs rjes gzigs zhus par/

tshogs brgya tshogs bskad 'bul chug ces phebs/ 'phral du grwa
bsgrigs nas phul/ de'i phyi nyin zhag gcig bzhugs nas sgam po'i
'dabs su byon skabs stag lung brag sprul sku dang mjal 'phrad

mdzad de gsung 'phro rgyun ring gnang/ de nas lung ba khug lcog
zhig tu dbu gur rgyab/ der zhag bco brgyad bsdad/ skyabs mgon
sgam por phebs pa'i bzhugs zhag gnang sa 'ang nye sar 'dug
/skyabs

@202b mgon la thugs dam mi zhu na/ yongs 'dzin gling la brtag
zhu re zhu na zhus par mi dgos gsung/ 'o na bla sman pa byams pa
thub dbang gdan zhu re bgyis na zhus par/ 'o de yongs zhes
phebs/ der skyabs

mgon chibs bsgyur bskyangs nas mi zhig btang ste bla sman sku
bzhog gdan zhu bgyis par/ do nub sbug sku gzims grub nas 'ong
gsung/ mtshan gang sgug nas nam langs nye bar de nas phebs byung/
phyag rtsa

bstan nas gsol sman thun gcig btang/ da gang yang skyon mi 'ong/
rtsa rir cis kyang byon pa'i thugs rjes gzigs gsung nas u tshugs
gnang/ bla sman phar byon tshar 'phral/ rdo rje 'chang gi snyung
gzhi 'phral

dwangs la song ba 'tsher ma bton pa bzhin du gyur/ de nas lung
kha gru bton nas khu ru rdzong la zhag gnyis bzhugs/ de rtsa
ri'i gnas kyi thog ma pu tra srid mor bzhugs zhag gnang/ de nas
tshugs kyi thog ma sgrub chu

khar bzhugs zhag mdzad/ de nas la'i thog ma gung mo la rgyab nas
mchod zam du bzhugs zhag mdzad/ mjal mkhan yang shin tu mang/ de
nas rta drel sogs 'tshos mkhan bcas bzhag /rdo rje 'chang pha
bong kha'i

mkhan sprul bcas nged cag thams cad rkang thang la phyin nas/
cig kyA rdo rje phag mo'i sgrub chur khrus byas nas tshugs khang
du bsdad/ bza' btung gi bya ba grub bstun mchod pa sogs dang
tshogs 'du byas/ rdo rje phag mo la

@203a @#/ /gser chab phul/ cho ga tshogs bcas rgyas par phul/ de
nas rtsa ri'i chu 'bi zhes shug pa'i 'khar pa che chung rnams
nyos/ 'ga' zhig na som 'khar nyos/ phyi nyin nam langs sgo 'bud

byas sgrub chus khrus byas nas do khur glas pa rnams kyi lam
rgyu byas ngag bsdams nas sgrol ma la rgyab bzhin phyin mtshams
mtshams su yi ge gsum rdo la brkos sar chab sangs 'dra byas/ cung
zad ngal

bsos; der sgrub chu re 'dug pas khrus byas ngag bsdams bzhin wa
pa phug tu slebs/ der ja bskol/ rdo rje 'chang pha bong mkhan
sprul phran bcas klu khang zer bar mjal/ de nas ya tshod zhig na
lha mo bla mtshor mjal/

mtsho mjal yong 'dug ces rdo rje 'chang nas gsung bar cung zad
bsdad/ char cung zad babs/ de nas tshur byon nas wa ba phug tu
gsol ja bzhes par mnal phebs pa'i tshul mdzad par lam tsam song/
mnal sad

tshul mdzad nas sku khams rnyog pa'i rnam pa mdzad/ gsol ja sogs
kyang cher mi mdzad par 'gro zhes phebs/ de nas lam du thon par
gangs ri sha stag brgyud nas phebs dgos phyir cung zad phebs pa
nas ngal

bsos gyin byon/ ya tshad du byon par sgra chen po zhig byung/ do
khur par dris pas gangs 'ud rgyab pa red zer/ de ltar 'brug sgra
lan gsum tsam byung/ 'brug skad rtsa rir sgrogs srol med zer/
rdo rje 'chang gi sku babs

@203b shin tu lci bar phebs/ nged cag gi rked par gdan drangs na
zhes zhu bar gtan nas mi gnang 'dug /la 'go cung nye bar phebs
nas rdo rje 'chang nas/ phran la khyod kyi ngo g.yog dang nged
kyi g.yog po mkhan sprul gyi

zhabs phyi bcas khrid nas bskor bar phebs shog /nged mkhan sprul
do khur gcig bcas phyir bskor nas yus smad rdo rje phag mo'i sar
khyed rnams la sgug sdod byed ces phebs/ phran nas phyag 'tshal
te rdo rje

'chang phyir byon na nged cag thams cad phyir log byed rgyu yin
zhes u tshugs byas par/ spyan chab bsil nas gsung nan lci ba dam
tshig la bkar ba bstsal bar lags so zhu nas/ nyid mkhan sprul
bcas phyir

bskor la byon par rgyang zhig bltas pas dang po 'o brgyal ba'i
rnam can gyis byon/ wa ba phug nye bar byon skabs rgyug sha then
nas byon pa mjal bar nged cag la rgyab nas ri rtse nas phyir
bltas pas cig kyA 'byor la

khad du phebs par mthong bas sems dga' nas mar gangs shud rgyab
nas phyin par do khur pas gtan bzod po ma byas na/ mtsho sogs yod
par lhung nyen yod zer/ gangs shud lan gsum byas pas g.ya' 'dab
tu

slebs; g.ya' nang bgrod dka' tsam snang/ mar tsam phyin pas
g.ya'i nang nas thon te spangs mtshams su slebs khar sku 'khar
zhig mthong bar phyin pas rdo zhig la rkang ba thogs nas thang
la rdebs/ 'khar dbyug

@204a @#/ /gcig chags/ de nas do khur pas zhing skyong thang la
rdabs pa'i gnas red zer/ 'o na nga la khag mi 'dug bzhes pas
thams cad gad mo di ri ba byung/ de nas chu phran zhig la zam pa
rkang

gcig bzhag pa de la brgal bar ya kir brag 'jigs byed kyi rtsa
zhal lta bu nas chu wu ba 'khrigs pa rgyug byung ba la yengs
bzhin phyin par grogs dag myur du shog zer bar rgyugs nas brgal
te bltas par chu

brub nas zam pa khyer la khad du 'dug /de nas cung zad phyin par
me phag ces pa 'bri gung/ 'brug pa rnams kyi rang rang gi bla
ma'i zhabs brtan du tshugs khang btsugs par skyid nyal rgyab/
phyi nyin nas sngar srol

ltar khrus byas te phyin sha skam la rgyab par stod tshang nas
'gro mi thub par rjes lus byas/ ngal bsod byas nas bltas par
gangs khrod du gser sbyangs kyi rgyal mtshan lta bu phyogs thams
cad du re re gnyis

gnyis mthong bar do khur ba zhig 'dug par dris pas mkha' 'gro la
phug yin zer zos na rung ngam zhes par rung zer/ gog na char
rdung btang yong zer/ nyin rer char ba bar mtshams med par babs
'dug na de lhag char

ba 'bab dogs med/ gog rog bgyis lab par kho rang rgyugs nas gcig
gog nas khyer byung bar/ lo mtshod dkar gyi lo 'dab lta bur 'dug
'di za rgyu min zer/ mgor tog lta bu zhig snang/ srog shing lta
bu

@204b grab ma 'bring tshad bcag pa'i chus bkang bar 'dug pas
'thung zer/ rgyags tshad 'thung bas lus yang du song/ stod tshang
yang sel/ de nas lhag mkhyer nas rgyugs phyin tshugs par grogs
dag la bgo bsha'

byas; phyi nyin lhag ma cung yod pa zos nas phyin pas grogs
rnams las mgyogs du song/ sha ngu la rgyab par la phug gog nas
zos pas gzugs phung bde zhing yang bar song/ de nas stag ma la/
pho brang

sgo la/ dam can la/ mkhar g.yug la sogs gang la yang bgrod bde
bar phyin/ pho brang g.yu mtsho/ maNDal thang/ gsol lcog sgang/
mkha' 'gro'i btsong yang bag med du zos/ tshogs gzhung nang

tshogs 'khor phul/ la phug re gnyis gog nas rdo rje 'chang la
'bul rgyu khyer nas phyin/ rta phag dkyil 'khor sogs brgyud nas
yus smad du sleb par rdo rje 'chang dang pha bong kha'i mkhan
sprul rnam gnyis rgyang ring

bor bsu mar phebs/ mkha' 'gro la phug rnam gnyis la phul nas
bzhes/ de nub nas sku khams sngar las je bder phebs/ phyi nyin
sku gzugs dwangs shing sku stobs rgyas par byung/ der phyag chen
pa rnams

mjal bar mkha' 'gro 'gron bu/ shel rdo/ mkha' 'gro'i snyug tshig
/sind+hur byang sems dkar dmar sogs mang du phul/ rtsa ri rong gi
b+ho ba rnams nas rtsa ri rong gi smyug ring sogs 'bul mkhan mang
du

@205a @#/ /byung; phyi dror mkhas spyod tshogs mchod rgyas par
phul/ phyi nyin mgon po gdong du nang rten rnams mjal nas/ mchod
zam du zhag phebs/ de nas rta drel sogs thug nas lhan du gong

mo'i la rtsar zhag gcig kha pa char babs pas lus/ phyi nyin
sgrub chu khar bzhugs/ de'i phyi nyin pu tra sring mor zhag
gnyis bzhugs/ de nas kha ru rdzong du mchod mjal zhu nas/ dwags
po bkra shis

rnam rgyal gyi gdan sa mjal nas lung kha grur rgyag pa'i 'phrang
brgal bar zam pa rkang gcig steng rdo g.yam pa bsgrigs bzhag
par rdo rje 'chang chibs drel chebs par phebs snang/ phran rkang
thang la

rgyugs nas rjes zin tsam la zam sner thon nye bar rdo gcig mar
zag pas chibs drel 'chongs rgyag rgyab pas phar bde la slebs/
phran nas snying gas pa lta bu'i 'jigs skrag byung/ 'og tu dbus

gtsang gi chu bo gnyis 'dres rba klong drag tu 'khrugs par 'gro
ba la gzhan 'gro sa med pas na bar do'i 'khrul snang gcig der
myong bar byas/ de nas rdo rje 'chang chibs drel nas zhol te
tshur phebs nas

phran gyi lag pa nas 'then te phar brgal/ yar mar la 'gro sa
gtan med pa'i 'phrang las grol te lung kha gru zhes ko bar bsdad
nas phar brgal/ de nub rgya gzar bsdad/ de nas rim bskyod kyis
rdo rje

@205b 'chang shar rgyags su lha mo bla mtshor byon nged cag rgyal
du phyin nas rgyal mkhan po'i sar bsdad par rdo rje 'chang byon/
zhag gcig 'jags mal byas/ de nas rgyal lung la rgyab nas 'ol
kha'i phyogs kyi rten

kun la mjal te sle lung la phyin/ der mjal nas kha dag la rgyab
nas zangs rim par dmar mjal te bsam grub pho brang gi sku ngo'i
gling khar gdan zhu byas nas bzhugs/ phyi nyin mi sna ched
mngags kyis

gdan sa mthil gyi nang rten mjal kha rgyas zhu byas/ phyi nyin
'o na chos sdings su byon nas rgyal sras rin po che'i gzims
chung phyi nang kun tu mchod mjal zhus te/ rgyal sras rin po che
gling khar chab

bzhugs gnang bar lhan rgyas bzhugs nas gsol tshig sogs rgyas par
phul/ de nas rgyal sras rin po che nas maNDal rten gsum btegs
nas rdo rje 'chang la bka' chos snyan gsan phul ba zhal

bzhes mdzad/ phyi dror mnga' ri grwa tshang la mjal nas mar byon
par grwa tshang gi chab zhugs gling khar gdan zhu byas nas bzhugs
zhag mdzad/ phyi nyin gru thon nas gnas chen mgon po ri brgyud/
rtse thang lnga

mchod pa mjal nas dga' ldan chos 'khor du mkhan po'i gdan zhu
byas/ der nang rten kun mjal/ phyi nyin rtse tshogs par nang rten
rten sgam bzhi sogs mjal nas/ phra 'brug sogs yar lung khul gyi
@211a @#/ /bstsal ba'i cho lo ngom so byed dgos tshul yang yang
bshad pa'i ngo ma bzlog par sa li si li dang bcas nas thab bsu/
ser sbreng bcas sgar bar 'byor/ bla ma las sne sogs

la lag 'jog sogs sngar srol ltar dang/ khri gdan zur/ grwa tshang
so so thams cad nas dga' dar/ ngo shes nang tshags phyi nang
thams cad nas dga' dar ster mi mang rabs byung/ zhag 'ga' nas

mdzod pa/ byams bsod/ gcung byams shAg so so la gzhung sa nas
zhu gnang gi cho lo rnams sprad nas/ 'dus tshogs yongs la ja thug
'gyed kyi bsnyen bkur sa bcad ma stong tsam gyi thog rang

gi bka' shog /mdzod pa dang/ byams bsod/ byams shAka rnams kyi
bka' shog 'dus tshogs yongs la snyan sgron zhu/ de nas nged cag
slar yang dga' dar ster mi mang tsam byung/ phyogs so so

nas kyang dga' dar ster mi mi dman tsam byung/ /rde'u tsha/
khyung kyA/ lcang ra/ ka zhur sogs kyi dga' dar ster mi rnams
dang/ che shos rgya rtse nas kyang de bzhin byung/ de nas rang
yul du phyin/ rdo rje

'chang zhwa dmar rin po che la mjal/ phyag dpe rtsol sgrub kyi
tho ltar pod brgya dang nyer lnga phyag dngul gnang ba las lhag
rgya srang lnga bcu lhag song ba zhu mi dgos par phul lags zhes
zhus/ bris shog

@211b 'doms gsum ma dang 'doms gang/ cen shog /par shog /rab
brtan bka' shog sogs sne 'dzom du phul/ thugs dgyes nyams mdzad/
rwa kho ba'i zhabs gras 'byor bar phyag dpe pod drug cu

tsam dang/ a lags sgom zhi tshang la pod bdun tsam/ bde yangs
rdo rje 'chang la bod bdun tsam bcas phul/ chu bzang rin po che
nas 'od zer brgya pa sogs gsung mod ma rnyed/ de nas phyir 'khor
bar

dgun mjug tu sog 'grul ba rnams 'byor bar thug 'phrad byas/ nged
dbus bskyod rjes su sngas 'gor sgam zhig yod par sgo lcags bcus
te sna ru zhe lnga mig shel bcu bzhi dam rdzas mgul bsrung

rnams chom rkun gyis khyer snang/ mdzod bsrung pas nged cag thon
nyer skad thos pa'i dus su ma gtogs shes mi snang/ nang tshags
grogs la spran nas rgyu mtshan bshad 'dug par lan chags kyi phung
po gtos

che phyir bu lon chags pa gsab dgos las khyed la ci bshad/ las
lan chags pa la nongs pa las gzhan su la yus bshad ces mol khul
byas/ de ltar dbus bskyod sogs grub pa'i lo rgyus te lo

de'i mjug rdzogs so/ /'dir smras pa/ sna tshogs sgyu ma'i rten
'brel la/ /ma brtag ma dpyad gnas gyur na/ /don gyi bzhin ras
gsal mi mthong/ /brtags shing dpyad tshe ci yang shar/ /gnas lugs

@212a @#/ /dngos ston 'dren mchog gang/ /zab gsang lung gis bstan
gyur cing/ /rmongs pa'i sgrib g.yogs ma bsal phyir/ /mtshan
'dzin 'ching bas bcing nas thal/ /drin ldan bi tA ambA

gang; ;rang zhal mthong ba'i skal ba chad/ /khyab bdag swa mi a
b+hyaH mchog /glo bur chu lha'i 'phang bar gzims/ /drug pa rdo
rje 'chang chen gang/ /rtag 'dzin chos la bskul ba'i ched/ /chos
dbyings bde

chen ke la sha'i/ /khang bzang dam par zhi bar gshegs/ /de
'dra'i sdug bsngal mi bzad pa/ /bya chad thang stong gnas lhung
ltar/ /dwa phrugs mgon skyabs su la zhu/ /'khor ba'i mtsho las su
yis sgrol/ /bar

do'i 'phrang las ji ltar brgal/ /ngan song gnas las su yis
'dren/ /kye ma kye hud thugs rje can/ /nyam thag bu la thugs
rjes gzigs/ /brtse bas spyan ras rtag tu gzigs/ /myur mgyogs
phyag gis

myur bzung nas/ /bde chen khang bzang dam par drongs/ /lan gcig
sems kyi khye'u chung/ /grogs med dub pas yi chad nas/ /lha ldan
phyogs su nyer drangs te/ /mkhan chen rdo rje 'chang chen dang/
/brag ri rdo rje

'chang chen sogs/ /bstan 'dzin rgyu skar phra zhig ke /mjal bas
yid kyi gdung ba sel/ /khyad par gangs can lhag pa'i lhas/
/mngon sum zhal mjal gsung bdud rtsi/ /yang yang myong zhing
lhag don du/ /

@212b thog ma'i las kyi gral tshud par/ /chos kyi bgo skal zhabs
gras par/ /tshud pas skal bzang dga' ston myong/ /zhal bzang mig
gi dga' ston las/ /gsung gsang myong ba sa mtha'i mir/ /yod pa
sku 'phreng

'gar yod min/ /zhes pa kun la rlung ltar grags/ /des na drin can
bla ma yis/ /gsang gsum 'phrin las 'od stong gis/ /bu yi snying
mun sel ba'i ched/ /sna tshogs sprul bar gor ma chags/ /khyab
bdag bla

ma he ru ka'i/ /zhabs pad legs brtan lho brgyud dang/ /khyad par
ngo mtshar tsa ri trA/ /gnas chen mjal ba'i skal bzang thob/
/slar yang mkhan chen me tri yi/ /spyan sngar brag ri rwa sgreng
dang/ /sgrub khang thugs sras

rnam gsum dbus/ /phran bcas nang 'khor 'ga' zhig la/ /gsung chos
mjug sdud lta bu bstsal/ /de nas dbang chen he ru kaH bstan
'gro'i bde ched tshogs 'bum bcas/ /bsags phyir gzhung nas gdan
zhu byas/ /

snga phyir bod yul phyi nang kun/ /rdo rje 'tsher mas srib med
par/ /yongs khyab de dbus zla mang por/ /bsres pa'i nyes pas ye
ma 'gos/ /skabs der glo bur sems can gyi/ /las kyis nongs pa'i
nyes pa yis/ /khyab

bdag dbang chen he ru kaH kun bzang gdod ma'i klong du gshegs/
/zhabs 'bring mdzod bsrung u tra yis/ /dga' ston cher rgyas
mgron tshogs la/ /dga' ston ster ba'i srol yang mthong/ /pha bsad
pa la rgyal rnga'i

@213a @#/ /dpe; ;bod du'ang yid srub pho nya zhig /byung bar bdag
yid 'phyang mo nyug /de phyir b+ho Da'i ljongs 'di ru/ /mtho dman
bya spyod sna tshogs rnams/ /mthong bas 'jigs te phyis 'byung la/
/

ci mthong ma nges byol nas 'dengs/ /zhes ngal bso'i ring mo zhig
go /'phar ba zhes pa lcags glang lo'i gsar tshes kyi rang zhal
mngon pa'i dga' ston dang 'brel bar tshes gtor sogs dang phyi
nang gi rten 'brel gyi

sgo 'phar yangs por phye ba'i srol bzang gna' bo'i byed srol
ltar legs par byed 'khul dang phyi nang gi ru 'grul g.yo 'gul
dang rang yang par 'phrad mjal sogs lhag lus med par byed khul
dang/ mchod mjal

rgyas zhu sogs legs par sgrub bstun nyin 'gar rnam g.yeng 'du
long gi ngang du shor/ skabs der mdzod byang sog yul du phyin/
byams bsod nang bsrung byas/ gnyis pa'i tshes gcig nas ting stong
gnyis nang

yon chab nyin re lan gnyis re phul te zhag nyer lnga'i khongs su
'bum re 'gro nges dang de'i mjug tu bla mchod tshogs mchod rgyas
pa re bcas phul/ de bzhin rgyun 'thud de lnga pa'i bcu so bar
phul/ de nas zhwa dmar rdo rje 'chang

la mjal bar mchod rten rke la phyin/ rdo rje 'chang yer rtsa'i
thang rgan du spro sing nge la byon 'dug phyir der phyin nas
zhag gsum tsam bsdad/ phyir 'khor nas mgon kyA bla brang la
zhag gcig bsdad/ de nas lcang rar zhang po

@213b padma rig 'dzin nang du zhag sdod byas nas khyung kyA'i
nang la zhag 'ga'/ de nas sog ra yod sar nyin 'ga' dang lab tse
rnams mchod nas/ tsong kha skyes ri'i dbu rtser sku 'bum gzhung
gi gter 'bum bskur ba rnams dgon par

phyogs nas sbas/ spro sangs byas phyi dror tshe rig skyo bug ces
par rnga ma'i nang du bsdad/ phyi nyin mtshams ring du phyin nas
bde yangs rdo rje 'chang la mjal nas/ dbyangs can dmar mo dang/
shra ma Na'i rjes gnang/ sa

skya'i legs bshad kyi lung sogs zhus nas zhag 'ga' bsdad/ de nas
rang yul brgyud nas sku 'bum la 'byor/ slar yang drug pa'i smon
lam grol 'phral nas mchod pa phul ba'i 'go brtsams te snga dro
mchod pa tshar

gnyis grub rjes don gnyer ba rnams la gsung 'bum sogs kyi bklags
lung re 'don pa tsam ma gtogs khrid bshad lung dbang rjes gnang
sogs phran gyi spyod yul las brgal bas na a mchod kho na byed
pa

lags mod de yang sgra dag gsal gsum thon pa shin tu dka' bas
rgyun tsam mi nub par spel khul gyis de lo gnyis pa'i tshes shar
nas dbu brtsams te/ paN chen chos rgyan/ dngul chu chos bzang/
lcang skya

sku snga phyi/ klong rdol/ chu bzang/ phur lcog dpon slob byams
pa/ sman gyi rgyud bzhi/ man ngag bka' rgya ma/ gser 'od/ thar
ba/ gzungs bsdus/ paN chen dge 'dun grub pa/ rta bot gsum/

@214a @#/ /dmigs brtse ma'i chos skor pod gsum/ 'jam dbyangs chos
skor gyi rjes gnang/ mgon chen bcu gsum/ mkha' 'gro snyan rgyud
kyi zhi drag gi dbang lung sogs dang sngags phyogs

po ti bkras lhun par gsar pot gnyis sogs kyi rgyun gnyug mar
gnas pa dang/ phyogs 'dus rnams kyi thugs bzhed bskad phyir 'bul
khul byas/ de ltar mchod pa lnga mchod nyin mtshams bzhag nas/

tho zhig bslang khul gyi nang du gti mug kho na dang bza' btung
kho na'i ngang la mnyam bzhag ci nus su mtshams pa'i ming bzung
nas gnas so/ /lo mjug tu sog 'grul 'ga' 'byor bar cis kyang thug
'phrad byed dgos

la brten nas mtshams grol nas ha la ha 'khor lo chos rje sogs la
bsnyen rdzogs dang dpa' bo gcig pa'i dbang/ gzhi gsum cho ga'i
lung sogs btang nas glang lo'i mjug rdzogs so/ /dga' byed

ces pa chu stag dang/ mdzes byed ces pa chu yos gnyis kyi gsar
tshes kyi dga' ston dang phyi nang gi rten 'brel sogs 'char can
ltar dang/ phar phyin pa dang tshur 'ong ba sogs kyi yul lugs
ltar chad med

byas; zla ba dang po'i tshes bco lnga nas mchod pa phyag maNDal
sogs snga lo ltar brtson khul byas/ dang por rang dang grogs
gnung byams shAka las med cing ting phyis pa'i tshe dgon gnyer
jam gnyer ba gnyer

@214b tshang rnams kyis rog byed khul byas/ long med stabs nged
cag mi bzhi rang gis brtson par byas/ lo gnyis tsam zhig song
bar phyi nas khyed kyi mchod par grogs byed chog pa zhes tshur
'ong mkhan 'ga' re byung/

bsnyen chen sngon 'gro gtong mi rnams kyang mnyam du byed mkhan
yang 'ga' re byung/ mchod pa grub nas lung sogs gtong rgyu yod
na sngar lam ltar dang/ med tshe kha bton 'dra byas nas nyal
bsdad pa yin/ cha g+han

ho thog thu mar byon skabs gsang 'dus dbang chen zhig phul/ ho
thog thu'i yongs 'dzin sangs rgyas chos grags la 'grel ba bzhi
sbrags kyi bshad lung lta bu zhig 'bul khul byas/ rgyud pa grwa
tshang la bkras

lhun sngags phyogs po ta gnyis dang/ bshad pa rdo lag brgyud
dang khrid yig rdo lag brgyud/ 'dus pa'i bskyed rdzogs bcas kyi
lung phul/ dus grwar cho ga bcas kyi lung gang yod kyang phul/
bshes gnyen chen

po rab gsal lags la/ sman bla'i mdo chog chen mo/ lcam sring
be'u bum/ rwa pod/ bal pod/ thu'u bkwan rta bod bcas kyi lung
sogs phul/ co sne yi li mkhan chen yang rta pod la bzhugs/ chu
yos lo'i zla

ba lnga pa'i tshes shar la/ zhwa dmar rdo rje 'chang la lo 'ga'i
sngon du gsol ba btab pa'i bka' chos 'grel chen dang/ sngags rim
sogs mi ring bar gnang rgyu'i bka' bzhes thob pas myur bar gnam
steng du phyin/

@215a @#/ /der bka' chos zla gcig gi ring bstsal nas phyir sku
'bum du 'byor/ de ltar lo gsum gyi ring la mchod pa 'bum gter
sum cu tsam dang sngar phul zin dang phyis su phul ba rnams
khyon

'bum gter lnga bcu tsam 'bul 'khul byas pa dag ni bsags sbyangs
lta bu'i gzugs brnyan byas tshul lo/ /lo de gnyis la bya byed
mang po med par ri khrod bcos ma lta bu'i ngang la lo'i mjug tu
lcang lung

paNTi ta smad nas gsar du 'byor/ a b+ha ga gung tA ye yang
'byor nas nged la smad sog tu ched gnyer du 'ong dgos tshul zer
bar khas blang/ ho chid mkhan po zhabs drung dang tho yon rnam
gsum sogs kyang phebs

nas; tho yon blo bzang dbang phyug nged kyi nye gnas su byin/ de
ltar lo de'i mjug rdzogs so/ /khro mo zhes pa shing 'brug lo'i
lang tsho mngon par bzhad pa'i dga' ston la tshes gtor phyi nang
gi 'char can rnams

'grub nas tshes bcu'i nyin lcang lung la dbang chen yang gsang
lha dgu'i dbang rdzong chung tshe dbang bka' sdod rjes gnang bcas
phul te 'du long gi ngang la smon lam bco lnga bar gnas/ lcang
lung rgya khog brgyud nas bod

du byon/ ho chid mkhan po byang brgyud nas bod du phebs/ lcang
lung gung tA ye sogs phyir phebs mtshams nas gzugs brnyan gyi
dge tshogs bsags phyir mchod pa'i 'go brtsams nas 'bum gcig 'grub
par/

@215b smad phyogs nas khal rta bcas 'byong/ rang zhwa dmar rdo
rje 'chang rde'u tshar bzhugs par mjal nas lung bstan zhus par
'gro chog ces phebs/ nged la rgyal ba rigs lnga'i stong sku zhig
bzhengs nas lo gcig gi

khongs su yar slebs pa bgyis zhes bstsal/ lags so zhu/ rin babs
rgya srang stong gsum drug cu lhag bcas gnang/ de zhu mi dgos
phyis su yar 'ong nas zhu chog pa zhes ji ltar zhus kyang mi
gsan par gnang/

sku dbyibs rgya gar li dkar zhig dang/ mtho tshad nyid kyi gung
mtho gang gi shing tshad/ gtso sku mi tshad dgos zhes phebs/ de'i
dpe tshad re bris pa bstsal gnang zhu bar rgya yi bzo legs par
byung na de ka yin gsung/ de

nas skyabs 'jug zhu nas bde yangs rin po che'i sku mdun du mjal
nas snga ma ltar lung zhu byas par brtag pa legs zhes phebs/
nyid nas kyang thugs dam thub pa jo bo'i skur bsgyur bar byed
'dod pas gser sbyangs

btso ma'i dbu rgyan/ snyan rgyan/ mgul rgyan sogs bzo rgyu dang/
mgul bsrung rje sku'i bzhugs khang gsar bskrun byed rgyur bka'
mngags gnang/ der zhag 'ga' bsdad nas slar rang yul brygud de
sku 'bum la 'byor/

'gro chas sogs bsgrigs nas sa zla'i tshes nang la thon skabs rta
pa ja thab ser spreng sogs bkag nas shar rgyag gis rim bgrod
byas nas dar han pe li'i phyogs dgon chen dar rgyas chos gling
du zhag 'ga' bsdad/ de
@216a @#/ /nas urge steng du skyes skar gyi pA yer sogs byas
nas thon te shar mu ren gyi ltag rgyab der ja thab rgyab nas
bsdad par lo der dbyar than gdung gis gzir skabs yin pas glo bur
'brug bsgrags

char rdung lta bu byung pas char thig cung zad re dang 'khyug
zhig mi mang gi sbi nang gi ka bar rgyab pas gnyer tshang gis rdo
rje gcod pa kha bton byed pa thug pas g.yo 'gul tsam yang ma
byung/ gzhan mi dgu yod pa 'gyel

yang skyon yem byung/ ka bar zhur ring mo 'then nas sa 'og tu
song 'dug go /mdzod byang glo bur du pho ba'i nad byung/ gzhan
mi thams cad bde bar thon/ de nas mar cung zad phyin par shwa
'od rgyug shul sogs

mthong/ de'i phyi nyin mdzod byang nad sing dwangs su song/ rim
gyis pA ron su nyid wang gi khang bar phyin/ zhag 'ga' bsdad/
wang la tshe dbang bskur/ mo mang po sogs rgyab/ mdzod byang glo
bur du pho

glang lta bu'i nad kyis nyin 'gar ci drag la gtugs/ rim gyis
dwangs/ de nas tsun su nyid ken the su me brgyud nas bdun pa'i
tshes 'gor tA wang gi rta pa skya ser mang po dang bcas yan tor
'byor ston sogs

snga lam bzhin byas nas rang sgar 'chi med 'dod 'jor gnas bcas
so/ /thag nye ring gi thug 'phrad byed mi mang po dang mtsho bdun
dgon pa'i bla brang nang tshags rnams dang/ khyad par zangs mgar
tA le

@216b rnams 'byor bas bla ma'i thugs rje'i 'phrin las kyis bkug
ste 'ong bar sems/ sngon mgar ba sogs nam yang yong ma myong ba
da re 'byor gdong la 'di tsho sus pos snyam pa byung/ der ma
'gyangs par

stong sku bzhengs rgyu'i skor mol bar dga' spro dang bcas khas
blang/ rin babs sku'i mthong tshad kho rang tsho'i khri tse gang
la srang bzhi zho brgyad kyis thag bcad nas bzhi stong brgyad
brgya gtso sku mi tshod tsam la bzhi

brgyas bcad khri drug 'jog mchog zung bcas de'i khongs su bsdu
par bshad/ dus grwar rigs ldan mi tshad chung shos khri bcas la
srang brgyad cu bcas 'grigs nas/ gzo bo lag shes mkhas pa nged
kyi gam du

'ong nas rgya li ji bzhin sbra tshil gyis yang yang bzos nas nyin
lnga drug nas rgya li khyad med du byung 'phral blugs rgyab par
ji bzhin byung ba 'di bzhin stong sku dgos tshul bshad/ brgya
phrag re re tsam nas nged la mig ston

dgos tshul byas nas phyir log /rang wang gi urge dang/ hus hu
ral mi tshang ru myul gyis bcu gcig pa'i nang tsam la bla brang
steng du 'byor bar/ sku blugs rgyab pa 'ga' mig ston la khyer
'ong bar snga ma dang ye mi 'dra

bar gyur/ skabs der grang zug shin tu che bas re zhig 'gro ma
nus/ nyin gcig wang ye byon nas gtam shin tu snyan pa zhig thos
pas khyed la zhu bar 'od zer/ ci red zhu bar/ tA le bla ma tA
khu rer byon bzhes thos

@217a @#/ /bas rmi lam min na rung snyam/ bden rdzun shes ched du
mi sna zhig mngags bsam yang ngo mi shes pa'i phyir mdzod byang
dang lhan cig mngags na gcig tu ngo shes pa/ gnyis su khyod kyis

mtshams zhu 'bul ba dang/ gsum du nged kyis mtshams zhu zhig phul
na khyed kyis zhu yig gis gsal bar mdzad pa zhig mkhyen zhes
zer/ de ltar bya'o zhes nas skyabs yig skyabs rten bcas mdzod
byang la

sprad/ wang gi mi sna tse sang ja lang nor bu bzang po bcas
rdzong sta byas/ thag ring gi mjal mi 'gar bsnyen chen gyi khrid
sogs btang/ sngar lha sa nas ^gong sa mchog gi bka' mngags la
sku 'bum chos

sde chen po'i 'dra thang gsar bzhengs thog yar 'bul dgos zhes
bstsal ba/ de 'dra sngar dpe med phyir lo 'gar sgrub ma nus/
snga lor lha bris pas yang yang bris pas skabs zhig na 'dra
thang khyad 'phags zhig

thon par gong sham mi rnyed phyir gcung byams shAk wang lung
dgon du phyin nas sngar gyi mdzod gos rnying pa zhig lag tu chud
par gong sham gdags/ sbyin bdag gung pi li la stag sgron gyi
dbang bskur byas/ de

ltar lo de'i mjug grub par byas so/ /sna tshogs dbyig ces pa
shing sbrul lo'i dga' ston la tshes gtor dang phyi nang gi rten
'brel sna tshogs nas bsgrigs pa dang/ rang sgar dang dgon pa'i
bla spyi dge 'dun

@217b mang dang/ dpon po wang/ thu sa lag chi gnyis sogs blon po
che 'bring chung gsum rnams dang/ phyogs mtha' dag gi bla chen
dpon chen drag rigs rnams kyi 'tshams zhu sogs sngar lam ltar
byung rigs

rnams la gsol ja gsol tshigs sogs ma chad par 'char can ltar
byas/ mi ring bar urge steng du zhag 'ga' bsdad/ bco lnga'i
rgyab la khu re chen mor btang ba'i bang chen rnams 'byor bar/
skyabs mgon

thams cad mkhyen pa 'khrul med red/ zhu yig sogs phul bar/ bka'
lan so sor bstsal ba rnams lag tu son/ phran la phyag yig bstsal
don gyi snying por/ sbug lha ldan du phyi gling dbyen ci dus
gzir la

brten sa smad du b+hog to lhan 'dzoms bgyis thog sa yi dbang
phyug la snyan bskul zhus te bod khams dus bde shod 'jags su
mdzad rgyu la me tog mda' can gyis ji bzhin 'grub min gyis sa
mthar thugs nang gshin

rigs dben pas na/ khyod rang dka' tshegs la ma 'dzoms par ngos
mjal dgos tshul phebs gshis ma phyin 'thu med du gyur mod/ 'on
kyang mtsho bdun la stong sku'i ched du sngon du song nas phyir
'khor 'phral khu re chen

mor 'gro rgyur thag bcad nas mtsho bdun la phyin/ slar par gsar
du bzo bcug nas blug rgyag bcug sngar 'dra min rnams phyir
sprad/ ji bzhin byung rigs tshur rtsis blang ba sogs byas/ skabs
der rgya mi'i phu tse'i

@218a @#/ /nang tA yan gyi dri mas mig na bar gyur/ de'i ngang
nas phyir 'ong skabs lam du dpyid rlung 'tshub shin tu che bas
kyang cung zad gnod par gyur/ bla brang du 'ong bar mar smyung
hu thog thu phyi dror phebs

nas sgrol sku che tshad zhig gnang nas mtshan thog thag bzhugs nas
'phros pa sogs gnang/ nam sangs nas phyir byon/ der mkhan po
khri ba lha rams pa'i sprul skur rab byung dge tshul bcas bsgrub/
phyi nyin

lam du thon nas sas tu bI li brgyud nas tA re gang+gA mon
tshogs su me/ bA shing the su me sogs brgyud nas tA khu re la
phyin par nag zla'i tshes gnam gang la 'byor/ sa zla'i tshes gcig
nyin ^gong sa rgyal dbang

thams cad mkhyen par 'byor phyag nang brda phyi brda sogs mi
dgos par 'phral mjal zhus/ thugs dgyes tshor chen pos gnang/ de
nas bzung nyin re bzhin sku mdun du chag med du mjal zhing/ nyin
re tshe dbang

rjes gnang chag med du zhu/ phyi dror kun dga' chos gling dang/
dge 'phel chos gling gnyis kyi 'dzin grwa re re ste dpe khrid
zhu zhing rtsod pa rgyun ring mdzad pas mtshan zhabs khong du
bsdad/ grol nas 'ong skabs skar

chen shar ba dus mnyam sha stag byung/ skabs der sbyin bdag a
b+hag tA wang dang/ u cu mu chen tA chin wang/ su nyid wang/
ho chid wang/ dar han pi li'i mkhan po/ cha har zhabs drung/
bka' 'gyur bla ma/ a

@218b b+ha ga khri ba lha rams pa'i sprul sku sogs kyi mjal kha
sogs zhu rgyu'i ram 'degs byas/ de ltar zla gcig bsdad nas
dgongs pa zhu 'khrol dka' tsam byung bar gsol sman mkhan pos ram
'degs byas nas dgongs pa gnang/

gong sa mchog nas thugs mkho phran la rtsol sgrub bya rgyu/
dbang chas cha tshang sna lnga tshems grub dang/ dbu zhwa za mo
tsi cha gnyis/ gsol ja chin khra rgya ma drug cu/ rgya shang
dril me tog can/ phyag dpe rje yab sras gsum gyi gsung

'bum sku 'bum par snying sogs mdo smad dang/ sog yul gyi gsung
'bum bcas bka' mngags bstsal/ de nas thon phyag zhus par rje sku
brgya thang sogs bstsal/ zla ba lnga pa'i tshes gsum la thon nas
chin wang gi khu re

brgyud nas mkha' 'gro wang la thugs 'phrad byas/ de nas 'ong bar
se chen hang gi sgar thog tu shog zer kyang ma phyin par shar
rtsol gyis a b+ha ga tA wang dang lam du zhag 'ga' lam du
phyin/ tA re gang+gA su rug gi am b+han

tshang dang mi tshang 'ga' ru myul byas nas wang gi shog su bur
g+ha zer ba dus 'khor mchod rten yod par dus 'khor dbang chen
zhig bskur/ der yo ga tsa ri bla ma/ tA'i bla ma sogs skya ser
lnga stong lhag tsam 'dus/ der

bsgrub bya mang por rab byung bsnyen rdzogs kyang bsgrubs/ phyir
lam u rang hang brgyud nas hos hu ras mi tshang mang po brgyud
yan to'i bla brang du 'byor bar sku 'dra bzhengs grub nas 'byor
'dug /de la dbye

@219a @#/ /gsal sogs btang/ bang mi ched mngags kyis pho brang
nas gongs sa mngags pa'i dbu zhwa/ gsol ja sogs 'byor bar 'bul
mi btang/ yan to dgon legs stsol gling

du dus 'khor dbang chen gtong dgos zhes dpon skya ser rnams kyi
ngor dbang chen zhig bskur/ der gong sa mchog la bka' mngags
'bul mi btang ba phyir 'byor bar nang mdzod/ thub dbang bsnams
ldan/

dngul bcas gsol ras bskyangs/ der yang rab byung bsnyen rdzogs
mang po bsgrub khul byas/ nye 'khor gyi hus hu ral rnams cung
zad myul nas tA wang gi urge steng du phyin nas rab gnas rgyas
pa nyin gsum

byas/ skabs der u cu mu chin tA chin wang gis 'bod mi snga
phyir lan 'ga' byung/ dgongs zhu byas par ma nyan par khal rta
sogs khyer nas bsu bar 'ong bas thabs ma byung bar phyin/ lcang
lung dgon

brgyud nas tA wang gi urge steng du slebs/ yang dus 'khor
dbang chen zhig 'don dgos zhes u tshugs nan che bas ngo ma bzlog
par u lan hal ga zhes pa'i dgon chen steng du rdul tshon sogs
bsgrubs zin

'dug par/ pakshi ke ken/ bla ma'i ke ken sogs bla sprul mang po
dang/ tA wang gtso ba'i dpon chen rigs mang po skya ser khri
brgal ba la dbang chen nyin bzhir phul/ bla dpon so so'i 'dod
chos 'ga' zhig kyang

@219b phul grub nas ston chen sogs byas nas gnang cha shin tu
rmar bar byung/ de nas urge brgyud nas phyir a b+ha ga tA wang
gi urger slebs/ der zhag gcig bsdad/ bla brang steng du zhag
gcig bsdad nas

yar lam du thon par/ dpon skya ser thams cad kyis skyel ma byas/
de nas yar lam ru myul bzhin dar han pE li'i shog dgon dar
rgyas chos gling du zhag 'ga' ngal bsos/ smad nas mdzod byang
sogs

'byor bstun lam thon gyis rim bzhin bgrod nas rang sgar sogs kyi
phyi nang gi bsu ma sku 'bum nas rta ba thab bsu ser sbreng bcas
rang sgar e waM dga' 'khyil du gnas bcas par/ las byed rnams la
lag

'jog sogs sngar srol ltar dang/ bla ma khri gdan zur phyi nang
gi thug phrad byed mkhan rnams la rim thug dang/ mchod mjal/
khri gdan zur rnams la mjal 'phrad sogs byas/ rdo rje 'chang
zhwa dmar rin po che nas

zhabs gras ched mngags kyis 'tshams dar sogs gnang/ rdo rje
'chang bde yangs rin po che nas kyang 'tshams dar sogs bstsal/
zhag shas ngal bsos/ rang yul brgyud nas ban 'gror bde yangs rdo
rje

'chang la mjal nas zhag gcig bsdad/ phyi nyin sngo skya'i rab
nas rma dar brgal nas ka phug rdzong nang du zhag bsdod byas/ de
nas 'ben rtsa mar khu thang brgyud phyin par rdo rje 'chang nas
bsu ma btang ba 'phrad nas la mo

@220a @#/ /gur dgon rnying mjal te dgon gsar steng rdo rje 'chang
bzhugs sar mjal/ la mo zhabs drung la'ang mjal/ stong sku rnams
rtsis 'bul zhus shing 'gro song gi khra tho zhib rtsis byas nas
phul/ zhal gser yod cing yid la 'gro nges zhig med stabs gser
shog khri

bam gnyis dang/ bzhugs khri phra rgyan/ longs sprul gang gnang
ma shes pas longs skur mdzad na dbu rgyan/ mgul rgyan/ phyag
zhabs kyi rgyan sogs dang/ smad khebs/ sprul skur mdzad na phyag
mtshan

lhung bzed/ mchog zung bcas rnams phul/ khyon rgya srang lnga
stong nyis brgya lnga bcu thob/ chad tho rnams ma zhus/ phran la
bdag rkyen kha btags dkar ser sa zla srang rgya dngul rdo tshad
gsum/ phrugs gos

chen sogs sbam mtho ba bstsal mod phyir 'bul zhus pas mna' tshig
gis bka' gnang bas ma zhu thu med byung/ der zhag 'ga' bsdad nas
phyir lam bde yangs rdo rje 'chang la mjal/ bka' mngags bzhugs

khang dang/ sa le sbram gyi dbu rgyan/ yang mgul/ ga'u sogs nyer
spyad na bza' phran bu rnams phul nas zhag 'ga' bsdad/ de nas
rang yul brgyud nas sku 'bum la 'byor bar lcang lung tshang sgar
bar byon

snang/ bod nas ri rgya sprul sku sogs kyang phebs 'dug pas so
sor mjal/ de nas nyin 'gar za zi 'du long gi ngang du lo de'i
mjug rdzogs so/ /zil gnon zhes pa me rta'i lang tsho mngon par
shar ba'i dga'

@220b ston la spyod pa'i thog mar chos gtor sogs 'bul zhing phyi
nang gi 'char can rten 'brel sogs bsgrigs bstun khri chen gdan
sa pa dang dpon slob rnams pa gsum las sne sogs dang/ khri zur
khri sprul che chung

sogs gdan sa rang gi dge 'dun 'gres gzhon bar gsum 'brel thogs
rnams dang ngo shes nang tshags sogs dang/ sog 'grul phyi nang
rnams dang/ lcang lung sogs thams cad la mjal 'phrad byed dgos

thams cad tshags su tshud nas/ mchod mjal dang 'brel bar khri gdan
zur thams cad la mjal 'phrad sogs la phyin/ de ltar 'du long gi
ngang du zla gcig tsam nas ri rgya tshang dang lcang lung sogs
smad phyogs

su byon zin nas rgyun ldan chu mchod la brtson par gnas/ sa
zla'i nyi shu'i nang rang yul gyi gnas chen rnams la mjal 'dod
kyis rang dang gcung byams shAk/ sman pa sbyin pa/ zhang po
padma/ ja ma bcas rta

gcig drel gcig khal cung zad bcas zi ling brgyud nas/ dmar
gtsang bla chen mjal te gro tshang rdo rje 'chang la mjal bar
phyin nas gro tshang brag tshang dang rgyud pa tshang rnam gnyis la
mjal/ zhag 'ga' bsdad/ rdo rje

'chang la mchod 'bul sogs byas/ rgyud pa tshang la thugs brtag
zhus par/ rang sems la chu pha rir te thung/ dga' sprod/ lang
trug brgyud nas chu tshur rir 'gro bsam mod gang ltar byas na
legs zhu bar/ chu tshur
@221a @#/ /ri nas phyin na legs gsung par/ phul na brgyud nas/
pA trug /thang ring/ ma yin nas/ mdzo mo mkhar der brgya mchod
phul/ rgan pa rnams kyis zhag sdod byed dgos zhes nan che

bas bsdad/ de nas kan kug zi/ khun kya zi brgyud nas lan trug
/shi cin zir zhag 'ga' bsdad/ de nas o khyo zir zhag gnyis shi
kwan nas zhag 'ga' bsdad/ deng kyi rtsar rab byung bsnyen rdzogs

bsgrub pa'i grwa ba 'ga' yod pa rnams kyis rgyu yod byas te/ rug
mu zi/ lwu tshon zi sogs dgon pa mang po mjal/ khrang zhi nyin
gcig bltas/ de nas phyir nas sngar lam brgyud nas pE tha zi
mjal

nas lo kyA tung zer ba bde mchog rang byon du phyin thag nye
sar 'byor skabs rgya gling po wang gling bu sogs kyi sgra snyan
pa yun ring por bsgrags pa nged cag rnams dgon ro rnying bar
'cham mam gar lta bu zhig

byed kin yod tshod re zhes mgyogs par phyin pas dgon par grwa ba
gcig kyang mi 'dug /der lha khang kog zhig 'dug par khyams dkyil
du ja gcig bskol nas ja mchod 'dod rgu'i char 'bebs rgyud rta
zhig

btang bar sngar gyi rol mo zhig sgra bsgrags pa zhig byung/ brag
phug tu bsgrags snyam pa zhig byung/ grwa ba rnams brag phug tu
tshogs 'tshogs pa 'dra zhes bshad/ de 'dra zhig la ldig sgra sa
g.yos pa lta

@221b bu zhig byung/ ci yin ma shes/ ja mgyogs par 'thung nas
sgrub phug tu phyin par mi gcig kyang mi snang mchod mjal zhus
nas yun ring bsdad par phyi dror nyi ma rgas khar grwa ba rnams
rma chu pha ri nas tshur

'ong bar bla rgan sha rgyag pa zhig 'dug par gnas tshang g.yar
bar btang byung/ de nas nged mar phyin par grwa rgan 'ga' 'ong
nas mjal bar 'ong bas khyed rnams cho gar phebs lags sam byas
par cho gar phyin

lags zer/ khyod rnams kyi rol mo snyan pa de 'dra sus kyang dka'
zhes pas nged cag la rol mo dril bu tsam las med zer/ 'o na nged
cag 'byor skabs sgra snyan mang po thos pas de gang na red ces
par/ nged

cag gi sa 'dir sgra snyan 'khrol ba ye med zer/ de nas ya mtshan
snyam du gnas/ phyi nyin lha ri ba yod dam zhes dris pas med
zer/ rwa sgreng rdo rje 'chang nas DaM gser bskur ba dang rang
gis kyang cung zad yod pa

phabs nas zhal gser 'bul chog gam zhes par chog zer/ rang gis
lag brdar nas 'bul khul byas nas/ snyan shal zung/ dar dpyangs
cha sogs phul/ tshogs mchod dang dpyid glu sogs byas rkang

brgyad kyi bstod pa dang 'brel bar phyag mchod smon lam 'debs
khul byas so/ /phyir 'ong bar dge 'dun rnams la mang ja'i dod
'bul byas par/ nged la gzab gsol bla na med pa byas/ sind+hur rwa
sgreng rje la

@222a @#/ /'bul rgyu dang ngo skal sogs byin/ de nas byams pa
'bum gling dgon gong mar mjal te dgon 'og ma rma 'gram du yod pa
der bsdad/ der bla ma bgres gzhon gnyis la thug phrad

byas/ gzab gsol sogs byed snang/ de nas pA to sa na brgyud nas
mu run khri pe zer bar sbyin pa'i yul bar zhag gsum bsdad/ phyi
nyin lwun ? kyA dgon par phyin pas bkur bzos bla na med par
byas/

mchod mjal byas nas phyi dro sbyin pa'i nang du 'ong/ de'i phyi
nyin nye 'khor gyi mjal ba mang por lag pa'i 'degs 'jog byas/ de
nas thon te gru kyA phe kyA dgon sogs mjal bar phyin pas sdod
mi rnams grong

chog la song bas dgon gnyer mi snang/ kha thi khar phyin par
grwa ba rnams chos bskor la phebs 'dug /nang du phyin par sgo
phye snang/ a jo zhig 'dug par mjal e chog dri par nang du
song zer/ mchod

mjal zhus nas phyir thon te cung zad 'gro bar grwa ba rnams
phyir 'byor nas rjes snyegs la 'ong bar phyir 'gro zer min zhes
par ja zhig btung grogs zer/ min zhes kyang u tshugs che bar
mchod thebs zhig byin

nas phyir log byas/ phyi dro u shi dgon du phyin/ bla rgan zhig
thug par gnas tshang g.yar bas 'du khang khyams rar sdod zer ya
zhes nang du phyin par phug ron gyi brun rnams bsal te gdan
gding/ nged 'du

@222b khang sgor phyin par sgo phye snang/ mchod mjal zhu nas
mar 'ong bar bla rgan gnyis sum zhig 'ong nas bltas snang/ nged
rnams shing chu zhig bsgrigs par bla rgan gzugs thung zhig gis
kho bo'i shag tu 'gro zer

mi dgos zhes bshad kyang mi nyan par khrid nas nang du song nas
bsdad/ bla rgan gcig gis zho zhig byin/ yang bla rgan zhig gis
mar zhig ster byung/ sa rub nas hor skad mang po zhig bshad
snang/ g.yog po tshol

ltos dang lug 'dra mi bsod pa'i nges pa med byas pas/ lug zhig
khrid 'ong song ci byed dris pas gung tshig byed zer/ bkag nas
byed ma bcug /'di 'dra mdzo mo la mkhar du'ang byung/ phyi nyin
'gro khang 'khar rda zhig

gtong snang/ ci yin snyam du bsam/ phyir 'phud par ser sbreng
dang bcas 'du khang du khyer song nas khri steng du bzhag /thams
cad kyis mjal kha zhus/ chos 'brel zhig dang skya ser rnams la
bsngo smon byas/ de nas

mchod mjal rgyas par zhus nas/ ri khrod la song nas mjal te tshe
ldan dgon par mjal phyin pas 'dag 'byar byas snang/ glo sgo zhig
nas nang du mjal bar sku gsung thugs rten rdul gyis gnon par
mchis/ de nas pI

kyAr bsdad nas mjal/ phyi nyin ra ma 'dan ma brgyud nas 'khor
lo sna khar bsdad/ snga bar phyin nas tan tig dgon par 'byor
bar/ tshe ldan zhabs drung gi mi sna 'ong nas bsnyen bkur gzab/
mchod mjal rgyas par

@223a @#/ /byas/ mang dod zhig phul/ phyi nyin yang tig tshe chu
rdo bka' 'gyur sogs mjal/ de'i phyi nyin mthil du song bar char
rgyun bzang po dang ngo mtshar ba'i gnas phul du byung ba mjal

nas khor bar du bsdad/ de nas phyin par cha rgyar nye bar mi
skya zhig 'ong nas zhabs drung der bzhugs yod pas cis kyang 'ong
dgos zer nas phyin/ der sde mang mi tsho so so nas ja zhu rgyas
par byas/ rim bzhin

stag tshang dang pA yan brgyud nas tig rgyar bde yangs rdo rje
'chang la mjal nas zhag 'ga' bsdad/ de nas tsha bug /tshe rug
brgyud de shong shan jo bor mjal nas brgya mchod phul/ kha sha
mthil mchod rten

mjal nas gnam lding la khar zhwa dmar rdo rje 'chang la mjal bar
phyin par ri khrod mang bas ser sbreng 'grigs nas mjal kha zhus
par lag pa'i 'degs 'jog byas/ nang chen nas ja sogs bstsal/ de
nas

rdo rje 'chang la mjal nas gnas bskor du phyin pa'i rgyu mtshan
sogs zhus par thugs dgyes dgyes mdzad/ stong 'khor rin po cher
mjal kha zhus nas bde yangs rdo rje 'chang gis phra bsdom bskur
ba phul/

skabs der nged cag rgyu med pas 'phros pa mang po ma byas/ sku
mdun du zhag 'ga' bsdad nas rang yul du phyin/ der zhag 'ga'
bsdad nas sku 'bum la 'byor/ sngar ltar mchod pa'i 'phro sbyangs
nas bsdad do//

@223b 'dir smras pa/ mtshan ldan dam pa'i gsung gsang bdud rtsi'i
rgyun/ /blo mun snying gi bum bzang yongs 'khyil ba/ /don ldan
bya bar 'dod kyang gnad la rmongs/ /gnyis su d+ha nA d+hi baH pr-i
taH bzhin/ /

de phyir sgrub rgyud gdams pa'i phyag len ltar/ /bla mchod sman
mdo'i sgo nas chu mchod la/ /brtson na bsags sbyangs yan lag
bdun pa rnams/ /nyams su blangs par gyur snyam lo 'ga' zhig
/snga phyir

bsdoms pas 'bum gter lnga bcu bsags/ /chags gcig tshogs mchod mar
me spos bzang rnams/ /ma chad tsam las yid rab tshim ma gyur/
/snga phyi'i mtshams su 'chad nyan gzugs brnyan tsam/ /

skabs re bya khul byas mod bdag 'dra yi/ /nyams len med pa'i
lung chos rgyun tsam las/ /ri mor bris pa'i mar me ji bzhin no/
/bshad kyang kun spyod tsam yang mi 'gyur na/ /bshes gnyen bsten
tshul

nam mkha'i mtha' ltar ring/ /nyams len snying po bsgrub mkhan de
bas ring/ /de lta na'ang dam chos zab mo'i rgyun/ /chad par
'phangs nas snying stobs sdug rus bskyed/ /drin can bla ma'i
zhal gdams bdag

gir byas/ /slar yang khyab bdag drin can bla ma'i bkas/ /rnam
'dren stong gi sku gzugs phul byung zhig /rgya li dang mtshungs
bzhengs dgos phebs pa'i slad/ /mtsho bdun bzo bo mkhas par mngags

@224a @#/ /pa las/ /yang yang bzo bcos byas pas gang drin las/
/bzo khyad thon pa drangs te 'bul bar byas/ /dgyes 'dzum zhal
dkyil ston zhing gsung dbugs dbyung/ /zang zing dngos dang

rgya li'i thub sku bstsal/ /phran ni dbang phyogs nyid du gnas
pa'i skabs/ /glo bur mi bdag dbang po byon gyur nas/ /mdongs
ldan rna bar dbyar rnga ldir ba bzhin/ /snyan pa'i gtam zhig
thos zhes 'di skad

do/ /rgyal ba'i dbang po dbang ldan phyogs 'di ru/ /chibs bsgyur
mdzad ces thos pas rmi lam mam/ /dngos su gang yin bya ma rta
mngags nas/ /nges 'drong bya phyir dbye gsal rtogs slad du/
/khyod

kyi mdzod byang mnyam du gtong bar rigs/ /de de bzhin du bya bar
'os zhes smra/ /ring min 'ong bar gong sa mchog nyid nas/ /phran
dang mi bdag gnyis la phyag bris phebs/ /phran la gnang bar
khyod ni ring min

char/ /nged kyi gam du 'ong nas 'phros pa sogs/ /byed dgos rigs
yod myur bar shog ces phebs/ /'gyangs min khu re chen mor bgrod
byas nas/ /sa zla'i tshes la thams cad mkhyen par mjal/ /dgyes

'dzum zhal gyi dkyil 'khor 'dzum me re/ /tshangs dbyangs gsung gi
gdangs snyan snyan lhang nge/ /brtse gdung byams pa'i thugs
bskyed skyo chil li/ /bzhugs par mjal bas dga' dad skyo gsum
rnams/ /

@224b phan tshun gar gyis brel bar gyur bzhin gnas/ /lhod par
sdod ces zla gcig lhag bcas bsdad/ /nyin re drung mjal tshe dbang
chag med dang/ /mtshan mor grwa tshang gnyis kyi 'dzin grwa zung/
/dpe khrid dang bcas

rtsod pa rgyun ring gnang/ /de dag kun gyi zhabs phyir chag med
zhu/ /phyir thon skabs su mdo smad dpe rgyun dang/ /dam rdzas
nyer mkho thugs mkho la sogs pa/ /bka' mngags bstsal te phyir
lam la

sogs par/ /dus 'khor dbang chen gsum dang dbang rjes gnang/
/'dod chos sna tshogs lung rgyun spel ba dang/ /bsgrub bya brgya
phrag mang bar rab byung dang/ /dge tshul bsnyen rdzogs mang po
bsgrubs byas pas/ /

bstan la bya ba byas skad smin ma gzengs/ /dbang chos khrom
tshogs bskur bas grags pa che/ /mthar thug gsang sgrogs rkyen
gyis gar 'phen pa/ /ma mthong 'du sgo 'byor la rjes yi rang/
/snying med smyon pa'i

ngang tshul shin tu skyo/ /zhes pa ni ngal bso'i tshigs su bcad pa
ring mo zhig go /de nas zla ba brgyad pa'i tshes nyer gsum nyin
tshogs 'dus chen mor 'du dgos zhes zhal ngo nas snyan gsan byung/
dgongs zhu

byas par da re do gal chen po'i bya ba yod gshis cis kyang 'ong
dgos zer bar phyin/ tshogs 'dus chen mo'i bka' gros la/ /gong sa
rgyal ba'i dbang po chibs bsgyur gnang nye bar zi ling nas am
b+han chen mo'i

@225a @#/ /bka' yig 'byor bas na/ rang re chos sde nas thab bsu
rim pa lnga tsam ma ma de lhag byed dgos pa gros thog nas rim
bzhin byed rgyu la/ gal che ba thab bsu dang po yin phyir/ de la

gdan sa'i mkhan rin po ches dbu mdzad/ khri zur stag 'tsher ho
thog thu dang/ khri zur rje rgya yag rin po che dang/ khri zur
mgon kyA tshang/ khri zur 'bum par/ khri zur bkra shis tshang/
khri zur ming 'dzin phran la

khyod sngon mjal myong phyir der thab bsu dang po 'di kho na la
hur thag re ci nas byed dgos gsung/ thab bsu dang po gra bsgrigs
phyin phyi ma rnams la bltos pa cher med ces bla ma tshogs 'dus
nas gsung/

na bza'i rigs la'ang bgros nang nas bla ma thams cad kyis grwa
chas tA bkwa tsi mnabs rgyur byas/ stag 'tsher ho thog thu nyid
nas nged la ho thog thu'i chas sprad rgyu yin gsungs so/ /bla
spyi thams cad

sog chas byed dgos gsung/ de ltar zla ba brgyad pa'i tshes nyer
lnga la thab bsu dang po lam du thon rgyur bka' gros gnang nas
tshogs 'dus grol lo/ /smras pa/ sngon tshe hor rgyal dus su sa paN
dang/ /

chos rgyal 'phags pa rim byon sa smad du/ /phebs zhes gna' bo'i
gtam dang chos 'byung du/ /gsal zhing de rjes phyag na padmo yi/
/sku 'phreng gsum pa bsod nams rgya mtsho dang/ /kun gzigs lnga
pa

@225b rgyal mchog bdun pa rnams/ /mdo smad tsong kha'i yul byon
rnam thar mchis/ /snang mtha'i zlos gar paN chen dpal ye mchog
/chos sder phyag phebs rnam thar rang na gsal/ /de phyin yab
sras lo grangs

du ma'i bar/ /'byon pa'i gtam snyan rmi lam na yang dkon/ /des
na da lam phyogs 'di'i skye 'gro yi/ /'dres ma'i las kyi khyung
sngon skyes drangs te/ /rmad byung thugs rje'i rta bdun dbang po
gang/ /lus can

bsod nams shar ri'i phrag pa nas/ /ngo mtshar 'od stong dkyil
'khor shar la rings/ /zhes bya ba ni ngal bso'i tshig gi phreng
ba'o/ /de nas brgyad pa'i tshes nyer lnga'i nyin mkhan chen gad
nas pa an 'ja' su dbus

mdzad mkhan zur rnams dang slob zur bla spyi brgyad bcas 'khar
brda dang bstun nas thon te zi ling du phyogs so sor bkram nas
bsdad nge ddang rje rgya yag rin po che thab 'dres byas thog hun
jo zi zer ba 'jam sgar du bsdad/

phyi nyin mar gtsang du zhag sdod byas par/ mkhan chen gdan sa
ba dang spyi gnyer bcas byon nas sil tog kha btags phran la
gnang nas thab bsu dang por gra gang 'grigs re dang mjal kha
sogs gang legs 'ong rgyu

khyed nas hur thag dgos tshul gsung/ de phan la khag khril chen
po med/ nged tshos gang 'grigs byed/ thab bsu dang po rang gal
che zhes nan tan tu gsung nas byon/ de nas rim bzhin nan pi/ lo
ya/ mA nyan thang/
@226a @#/ /phe lu gug /krong lang du tshes gcig la 'byor bar go
thos gang yang ma byung/ tshes gsum nyin mkhan chen gdan sa pa'i
drung du tshogs 'dus byas par/ go thos gang yang med par

'gro tshod mi thig /khal rta chad pa sogs byung na bla spyi rnams
shin tu dka' tshul sogs bka' gros mdzad par rje stag 'tsher rin po
che nas bsu mar 'ong ba yin phyin/ zhal mjal mjal bar 'gro dgos/

'dir sdod phyir 'ong ba min gsung/ nged nas sang cis kyang 'gro
nges yin gsung nas phebs song/ tshogs 'dus kyang grol/ bla spyi
che gnyis nas mnyam du byon par zhu ba nan tan byas kyang ma
gsan par byon

song; tshes bzhi'i phyi dror/ ^gong sa mchog nas tsun tul phyag
yig 'byor bar bod sog shan sbyar phebs pa yi ge klog ma thub par
rje rgya yag dang phran gnyis la zhan yA mun du 'ong dgos zhes
u tshugs nan tan

che bas phyin/ bod sog gi yi ge rgya skad du bsgyur kha 'dra rje
rgya yag dang phran gnyis thun mong nas byas/ tshes lnga'i zhog
pa nam langs sgo thon byas nas phyin par lcags ri ring mo'i
rtsar nye bar thang bde zhig tu slebs par

phran nas 'dir sa cha cung khad yangs shing rdul chung pas 'dir
phebs sgug byas na zhu bar 'ong gsung nas thams cad chibs zhol
te rang rang gi mjal dar sogs lag tu bzung bar de ma khad la
mgron gnyer zhig sngon du

@226b phebs nas pus btsugs byas gsung/ thams cad pus btsugs
rgyab nas mjal dar lag tu bzung nas bsdad par mgron gnyer nas so
so'i kha btags so so'i rke la g.yogs/ thams cad mkhyen pa sngon

du shar rtsol gyis byon pa la nye sar byon skabs dal bur byon
nas spyan 'bras kyis so sor gzigs rtogs bskyangs nas phar cung
zad tsam byon nas shar rtsol gyis byon/ mi ring bar gsol tshan
thog chi bas bsgyur

gnang/ nged cag rgyang ring tsam nas rta las zhol te bsdad par/
thams cad kyis khyod kyis mjal kha 'ong thabs zhig ci nas byed
dgos zhes gsung bar/ phran nas tA kwa tsi phud de shar rtsol
gyis gsol tshan sar phyin par

gsol mchod bla sman sogs la mjal gtugs byas par de 'phral sku
mdun du btang nas rten gsum mjal dar phul te phyag dbang zhu/
der gsol ja/ gsol grum sogs bstsal te bka' 'dri rgyas par gnang/

der phran nas sku 'bum bla spyi phebs pa'i gnas tshul snyan lhong
du zhus par/ nang ma khang gi mkhan po rnams la gnas tshul shod
gsung/ nang ma khang gi mkhan po la gnas tshul zhus pas/ de
'phral mkhan chen

gdan sa pa dang/ mkhan zur che chung/ bla zur rnams nang ma
khang du bos nas gsol ja sogs btang/ phran sku mdun du shog
gsung bar phyin nas bka' 'dri sogs bstsal bar cung zad bsdad/
dus rgyun gsol

@227a @#/ /tshan dang/ bzhugs khag la phebs nyin drag zhan su
la'ang mjal kha gnang srol med gsung/ da re sku 'bum bla spyi la
khyod kyis zhus ngor mjal kha zhig gtong dgos zhes bka' phebs

nas thams cad la mjal kha rgyas par bstsal/ de nas chibs zhal
bsgyur nas phebs byams nang bzhugs nas phebs par/ lan gru tsun
tu phebs bsur 'byor/ bla spyi thams cad zhabs zhu byas nas/
krong lang

gi jo brang nang bzhugs sgar rgyab par der chi bas bsgyur gnang/
rang re bla spyi rnams rang rang gi gnas tshang du phyin/ bla
spyi che gnyis kyi phyag gnyer rnams nas phran la gzhung gi gsol
dod dang/ sku drag rigs la gzhung gi 'tshams zhu re 'bul dgos pas
do nub

bam; sang nyin gang 'gab dgongs len zhu rogs bgyis gsung bar/
phran de 'phral nang ma khang la dgongs len zhus par phyin pas
tsun tu mdun du 'ong bar thug pas cung zad sgug par phyir log
mdzad/ de

nas nang ma khang la dgongs len zhus par/ do nub tsun tu 'ang
phyir log byas na gzhan ma lta ci/ sang nyin mi mang mjal kha
reg zin phyir 'ong dgos med le tshan rnams rag bsdus zhig phebs
na chog gsung/

de nas phyir 'ong bar rgyu mtshan bshad/ sang nyin mkhan chen
gdan sa pa dang/ rje rgya yag /sne shan lta bu phran bcas bla
spyi che gnyis kyi phyag mdzod/ spyi gnyer bcas song nas gsol
dod rgya srang lnga bcu sogs

@227b phul nas nang mjal zhu/ de nas phyir thon 'phral bla spyi
phyag gnyer nas nang ma khang gi mkhan po rnams dang/ mgron
gnyer chen mo/ drung yig chen mo/ tA bla ma/ phog dpon sogs sku
drag thams cad la gzhung gi

'tshams zhu mjal dar phul/ nged cag rnams phyir 'ong/ de'i nyin
'jag mal mdzad/ nang ma khang nas sang nyin bla spyi rnams sngon
du rang 'dod kyis phyin pas chog /bzhugs zhag thog 'greng pan ma
chad pa zhu dgos zhes

gsungs pa rnams mkhan chen gdan sa pa dang bla spyi rnams la
bshad/ gdan sa par phran gyi las su bya ba dag sgrub zin pa'i
rgyu mtshan dang da ni las gang gnang spyi so sde gnyer rnams nas
nang ma khang la dgongs len

mdzad na 'thus par ngo sprad byas yod lags/ 'di phan bdag la
'gan khur cang med par snga nas gsung ba dgongs dbyings su bsti
lags zhes dgongs zhu byas/ phyi nyin rje rgya yag rin po che
dang phran bcas nam

langs sgo 'bud byas nas sngon du phyin/ skyabs mgon mchog chu
tshod dgu par chibs bsgyur mdzad ces gsung/ nged cag mA nyan
thang du 'byor skabs/ ^gong sa rin po che nas nged cag gi phyis
rjes zin la khad tsam du

byon; bzhugs sgar steng 'greng pan zhu thub tsam byung/ lu thu
zi sogs dung sne drangs pa'i bsu ma phon che ba byung/ de'i nub
mtshan la nged cag lam du thon mun nag phyir bgrod dka' snyam
kyang nyin mo ji bzhin mi mang gi

@228a @#/ /'du tshogs shin tu che bas lam mi thar ba'i tshod du
gda'/ ba ni gug zer ba'i la chen rgyab nas lo ya zhes par bzhugs
sgar sa'i nye sar sbi rgyab nas bsdad/ phyi dro chu tshod gnyis
par chibs

bsgyur gnang bar 'greng pan zhu/ rje chu bzang ho thog thu yang
phebs bsur byon/ mjal kha sang nyin ma gtogs mi yongs zhu zhes
mkhan sde nang mas phran la zhu zer ba ltar zhu/ de nas phran
chu bzang rin po cher mjal

par phyin/ phyir 'ong bar gro tshang rnam gnyis dang/ phyogs
mtha' dag gi mjal ba ches shin tu mang yang phyi nyin ma btogs
mjal kha ma byung/ phyi nyin nam langs nas phyin lam khar sku
'bum nas rta bsu gnyis

pa sogs rim bzhin 'byor/ nye 'khor bkra shis chos gling/ se ra
lung/ ma yin/ len hwa the/ lo dkar/ pa Tu/ thang rin sogs thag
nye ring gi bla dpon ser skya brjod las 'das pa phebs sgug byas
snang/ de

nyin nen pi mdun thad du bzhugs zhag steng 'greng pan zhu/ phyir
gnas tshad du song bar sgom zhi tshang phebs pa mjal/ phar yang
mjal bar song/ phyi nyin phen drung yer bzhugs zhag mdzad par
'greng pan zhu/

^gong sa mchog ngon chung gis mar gtsad du byon/ de'i phyi nyin
stong 'khor ho thog thu sogs phebs sgug zhus par mjal/ se tan
zhabs drung sogs bla dpon mang po lam mi thar bar 'gro snang/ zi
ling jo phran

@228b che bar ya mun lnga'i dpon khag rnams kyis gra bsgrigs
bca' shom rgyas par bstar snang/ dpon po so so nas phebs bsur
phyin pa snga 'gros kyis 'greng pan lhan cig tu byas/ chi bas
bsgyur gnang 'phral

ded cag zi ling den khang du bsdad/ sku 'bum rta bsu nyin rer
lan re re bcas zi ling bar bar du lan bzhi lnga tsam 'byor/ tshes
bcu gnyis bcu gsum nyin sku ngal bsos mdzad/ gong sa mcho nas
khyed la rgya khyi e

yod ces phebs par yod zhu/ da lta 'dir khrid shog ces bstsal/
blang nas mdun du phul/ sku mdun gzim khyi sog yul du thog mar
byung ba yin gsung nas tshur gsol ras bstsal/ tshes bcu bzhi'i
snga char dal bur

phyin pas chin shu hwo er sgug gi gsol tshan steng lhod bzhugs
mdzad/ nged cag sngon 'gros kyis hwong zi thang du phyin par/
skyabs rje gser tog no min han rin po che dang/ rje mtshan sgrog
no min han rnams bzhugs

par mjal/ der sku 'bum gzhung gi thab bsu'i dbu gur rgyab snang/
dge 'dun mang gis mchod rdzas sna tshogs thogs pa mtshar du dngar
bar bsgrigs zhal mjal zhu mi nyug mar gnas pa dang/ phyogs mtha'

dag gi skya ser bla dpon 'bangs mi sa'i dreg pa ltar ri klung
srang bar kun 'khrigs mir gyis gtams par mchis/ mkhan chen gdan
sa pa dang dpon slo ba rnam gsum tshogs 'dus zhal ngo dge bskos
rnams

@229a @#/ /'greng ban zhu bzhin bzhugs 'dug par chibs dpon dang/
rtse'i mgron bcas kyi bzhugs lugs sogs la zhib bltas kyis bkod
khyab byed par snang/ mtshams zhig na mkhan chen

gdan sa par mang po zhig bshad snang/ skyabs rje gser tog rin po
che nas phran la 'bod par gnang ste/ mkhan pos paN zhwa sne ring
bgyon mi chog pa zer ki yod 'dra bas khyod bgyon chog pa zhig ma
byas na

rten 'brel mi legs pas myur bar rgyugs gsung/ phran chibs dpon
dang/ lo mgron gyi sar phyin par mkhan pos dbu zhwa phyag tu
bsnams bzhugs 'dug /phran nas dbu zhwa ma nabs nas bzhugs zhes
 
zhu bar/ khong nas dbu zhwa mchod chog pa ma red zer/ grwa sar
mkhan po sus dbu zhwa bzhes pa khyod kyis mthong ngam zer/ phran
nas nged cag gi mkhan po grwa sa'i mkhan po dang mi 'dra/ grwa
sa'i mkhan po'i tshod de

gsham na bzhugs pa'i dpon slob rnam gsum yod pa de rnams red/
mkhan po nyid ^gong sa rgyal ba bsod nams rgya mtsho'i sku tshab
tu bzhag pa yin phyir/ sku mdun pa bzhi/ gar phebs la mchod rol
bcas

gna' nas rgyal ba'i sku tshab tu bzhag pa yin phyir sku chos dbu
zhwa sne ring rgyun bzhes mdzad pa lags na mchod mi chog gam
zhes par/ de 'dra yin na mchod chog rgyu red zer/ 'on kyang
^gong sa mchog nas

@229b bka' 'dri phebs na de lugs su zhu dgos zer/ lags so zhes
bgyon du bcug /der ^gong sa mchog kyang chibs bsgyur rgyas pa
mdo 'dar spyan 'dren rgya gling dang bcas gzhung gi thab bsu'i
steng byon par

skyabs rje gser tog rin po che nas dbu la paN chen sgom zhwa sku
chos bzhes shing phyag tu spos bsnams nas ser sbreng bcas bzhugs
khri'i steng du phebs 'phral zhabs sor 'khod pa'i rten 'brel du
maNDal

rten gsum phul nas/ mkhan chen gdan sa pa dang/ skyabs rje gser
tog no min han/ mtshan sgrog no min han sogs tshogs 'dus thams cad
kyis mjal kha zhu nas gral la 'khod/ thams cad la ja 'bras sogs

dang bsrung mdud sogs bstsal/ de nas chen mo lags nas yar
bzhengs zhes brda btang bstun thams cad bzhengs nas mchod rol
dang spos sna bcas skyabs rje gser tog rin po che phebs byams
kyis mdun

kho na sngar ltar spos sna sku gzan 'dom phebs mdzad de byon/
dge 'dun mang nas dmigs brtsim sogs gsung chen pos 'ur 'don sogs
gtan nas mdzad mi bcug par snang/ phran rnams rim gyis snga
phyir ci rigs

par bla brang bkra shis khang gsar gyi sgo drung bar phyin nas
bltas par rab gsal/ ke khung thams cad la yol ba ser po 'ba'
zhig rgyab snang/ thams cad mkhyen pa gzhung sgo nas yar byon
'phral nged rnams phyir rang

@230a @#/ /sgar du 'ong ngo/ /mi mang po la bltas tshes chen po
g.yo ba ltar du snang/ tshes bco lnga'i nyin skyabs mgon rgyal
ba'i dbang po gso sbyong gi mgon du phebs rgyu red ces kun gyis
gleng

'dug /nyin gung yol yol mtshams nas rje gser tog rin po che nas
nang mjal zhu/ ri khrod dbang po a rigs tshang dang/ kho tshe
sogs 'ga' zhig kyang mnyam du nang mjal zhu zer/ de rjes su gso
sbyong gi

gaNDi btang 'dug /gzhi byes kyi dge 'dun bgrang las 'das pa 'du
khang chen mor mi chud pa'i tshod du tshogs nas bzhugs par/ phyi
dro gung yol yol tsam gyi skabs su thams cad mkhyen pa chibs
bsgyur

bskyangs nas dus 'brel gso sbyong mjug ljags bsngo bcas bstsal
ba'i dga' ston la nyams su myong ba'i skal bzang thob/ de nas
nyin re phyi dro nyi ma gung ja'i tshod la gzhi byes kyi mjal
mngal phyag dbang

gis re 'dod bskang/ nyin gsum tsam nas chos grwa'i 'dzin grwa re
re bzhin nyin rer sku mdun du bos te dpe khrid dang rigs lung
rgyun ring mdzad/ rang nyin gsum tsam ngal bsos nas rgyun gyi
mchod pa la brtson

bar gnas/ skabs der sku mdun nas gzims khyi bdun tsam nyar tshags
bgyis gsung nas lha btsun sprul sku gtong gnang mdzad/ bco
brgyad phyi dror rdo rje 'chang zhwa dmar rin po che phran gyi
sgar bar glo bur du byon/

@230b phyi nyin mjal kha zhu rogs gsung ba ltar nang ma'i mkhan
po rnams la snyan gsan zhu bar/ 'phral du phebs gsung/ rdo rje
'chang sku 'khor ri khrod pa mang mod hrag bsdus zhig la nang
mjal gnang/ phran la lo tstsha

zhu gsung bar zhu 'khul byas/ skyabs mgon mchog nas sku zhabs ni
lnga pa chen po lta bu dbu dmar po zhig 'dug ces phebs pa sogs
gsung 'phros cung zad mdzad de rim mjal zhu chog ces phebs

nas phyir gdan zhu byas/ de'i phyi nyin sku zhabs bde yangs rdo
rje 'chang sgar bar byon/ yang mjal kha'i snyan gsan zhu gsung
ba ltar zhu/ phyi nyin nang mjal gnang/ lo tstsha zhu gsung ba
ltar zhu 'khul byas

par/ 'o sku zhabs 'di skyabs rje rdo rje 'chang dang 'dra bo
snang gsung/ dgung lo ci tsam sogs bka' 'dri mdzad/ gar bzhugs
sogs bka' 'dri phebs/ rim mjal zhu chog ces phebs/ de nas phyir

thon pa na dpa' ri rab gsal gzims chung phyi sgo'i 'gram na
bzhugs 'dug par phran la khyod kyis nged la mjal kha zhig zhu
rogs bgyis zer nas ma btang bar/ 'o na sku bzhog bde yangs rin
po che la dgongs

zhu byas nas nang ma khang la dge bshes sku rkyang gi snyan gsan
zhus par/ khyed sku mdun la dgongs len zhu nas mjal bcug gsung/
sku mdun du phyin par gang red ces phebs par dpa' ri rab gsal
zhes pa'i
@231a @#/ /dge bshes nyid sku mjal zhu rgyu'i snyan gsan nang ma
khang du phul mod sku mdun du zhu zhes gsung bas nam mjal chog
na zhu bar/ gang na yod gsung bar/ gzims chung phyi

log gi sgo 'gram na bzhugs zhu bar/ da lta shog ces gsung/ dge
bshes bla brang gi dge bshes grags pa can de red lags/ da lta
sku 'bum na chos zhugs gnang nas sku 'bum dge bshes gras lags

zhu bar/ myur bar khrid shog ces phebs/ phyir song nas da lta
rang phebs zhus par/ zhabs bcag bsal nas gna' kar rnying ma rgun
'brum gyis bkang ba/ gsol thud chung ba gcig dang/ che ba gcig
bcas/

che ba 'di nang ma khang gi mkhan po rnams la phul/ chung ba 'di
gtsang ma zhig yin sku mdun du 'bul rgyu yin gsung nas brkyang
phyag gzing po gsum gnang nas mjal kha zhu/ phran nas thud che
ba nang ma khang la 'bul bar 'gro

rtsis byas par/ gong sa mchog nas khyod lo tstsha byed dgos zhes
phebs par bsdad/ dge bshes la gsol ja zhu gsung bar gsol ja
phul/ gong sa mchog nas spyi'i bka' 'dri lam tsam dang khyad par
kham 'ju mi

pham par dgag lan byin zer bden nam ci'i don sogs bka' 'dri
phebs par/ dge bshes tshang nas rgyu mtshan don bsdus tshul du zhu
ba rnams snyan lhod du zhu bar thugs dgyes dgyes mdzad/ dge
bshes nyid nas mdzad

@231b pa'i dgag lan le tshan gnyis kyi dpe sku mdun du bskur
gsung/ sku mdun nas sog dar chos 'don snying khung zhig dang/
rgya srang bcu rdo ma zhig bstsal nas sku 'bum gnas bstod snyan
ngag gi lam nas drangs pa

gsar rtsom gnang dgos zhes phebs pa dge bshes tshang la zhu bar
de yod/ dngul dang kha btags mi dgos sogs gsung bar nan gyis
phul/ de nas gong sa mchog nas dge bshes khams yangs po zhig
'dug /

bar bar du phebs gsung/ de nas phyir phebs/ dge bshes nas de
ring snga se zhig 'ong mod mjal kha zhu sa ma rnyed par yod pa
khyed la thug pa skal ba bzang zhes mnyes tshor chen po gnang/
dge bshes kyi gsol

thud sku mdun du shog gsung/ nang ma khang la phul ba mkhan po
rnams la phul bas thugs dgyes dgyes mdzad/ rang sgar bar phyin/
de'i phyi dro nang ma khang nas phran la da lta rang shog gsung
ba ltar phyin pas zhwa

dmar phar myur du phebs mi 'gro ang gsung/ mi 'gyangs par phebs
rtsis yod 'dra zhu/ re zhig bzhugs dgos kyi zhu ba zhwa dmar
dang/ bde yangs gnyis la zhu grogs bgyis zhes gong sa mchog nas

bka' bstsal yod pas khyod kyis de don zhu grogs dang/ sku zhabs
stong 'khor da lta bzhugs yod pas gsung/ bzhugs e yod nged la
gsal cha med ces zhu/ de la'ang ma phebs zhes zhu grogs mdzod

@232a @#/ /gsung/ de nas phyir 'ong bar zhwa dmar rdo rje 'chang
sang nyin phar phebs grab shom 'dug /khong gi mdzod pa a khu
dge zhi sku tshem zin pa'i lan 'byor 'dug phyir rje nyid sku mya
ngan

gyi gnang tshul bzhes par/ phyag 'tshal sngon du 'gro bas kha
btags sil tog sogs phul te thugs gso sogs zhu 'khul byas nas/
nang ma khang gi mkhan po rnams kyi ^ skyabs mgon mchog gi

bka' bsgyur tshul zhib par snyan du gsol bas/ ya da ci 'dra byed
dgos dgongs nas cung zad thugs bsam bzhes tshul mdzad nas/ 'o mi
'gyangs par nged tshur 'ong thabs zhig bya dgos 'dug /phyir 'ong

na sgar bar mi 'ong yar lam bgrod lam ring bas sku'i nye sar
grwa gshag zhig khyed kyis thabs bgyis zhes phebs/ lags so zhu/
phyi nyin snga par byon/ sku zhabs bde yangs rdo rje 'chang
la'ang gong sa'i

bka' bsgyur tshul snyan du zhu/ de nas stong 'khor tshang de skabs
nged cag rgyu med stabs rtsar gcod byas par ra chag tu grwa
gshag zhig la bzhugs zhes thos pas der phyin nas/ gong sa mchog
gi bka'

bsgyur tshul rnams zhu bar/ ya nged sang nyin dgon par 'gro rtsis
byas yod pas khal rnams btang zin/ rgyu mtshan ci yin na gsung/
mi shes lags zhu/ ya de na sdod rtsis byed dgos rgyu red la
gsung/ /

@232b nga la zhu rgyu med zhu/ de nas nang ma khang la gnas tshul
zhu zin skor rnams lhug par zhu/ 'o byung zer/ nang ma'i mkhan
po rnams nas/ gong sa rin po che lha babs dus chen bstun nas
gser sdong mdun bsags

sbyangs sku phyag dang zhabs bskor mdzad bzhed gnang 'dug /nged
cag kyang phyag bskor byed rgyu yin/ dus chen nam de rjes la
bsnyen rdzogs zhu mi phon chen yod pas khyed rang yang sngon nas
las gral rnying khungs yin phyir

phebs dgos pa red gsung/ lags so zhu zhes phyir 'ong nas rang gi
mchod pa sogs gzugs brnyan gyi dge sbyor skyong khul du gnas/
lha babs dus chen nyin phyi dro brda gtong ba 'ong nas/ de ring
phyi dro sman pa grwa khang du chos

gos rnam gsum bzhugs gding bcas chad lus med par bsnams nas snga
bar 'ong dgos/ sbug nas bsnyen rdzogs gnang rgyu red zhu zhes
nang ma khang nas gsung zer ba ltar bla brang chen mor gsol
tshigs la'ang phebs

dgos zhes kyang bshad snang/ de nas gaNDi'i rjes su bla brang
chen mor phyin pas gzims chung ka bzhi ma'i sgo 'byor du tshogs
nas bsdad par gsol ja gung tshigs sogs btang/ de rjes sman pa'i
grwa khang du phyin nas

bzhugs gdan sogs rgyab/ yo byad rnams dang mchod pa sogs bsgrigs
nas phebs sgug byas par/ chibs bsgyur bskyangs nas kun la gzigs
rtogs mdzad de chos gos rigs rgyag bcos byas nas/ sbug rang

@233a @#/ /nas dbu bskul mdzad de/ dang por phyag 'tshal/ bar du
mdo 'don pa/ tha mar dge bsngo sogs mdzad nas phyir bcos lan
gsum thabs legs par byas nas/ ltung bshags spyi bshags

lan gsum/ cha bzhi gtor ma sngags lugs sogs mdzad nas bzhugs
khrir rgyab mnyel sogs med pa rkang gang tsam la rting ma'i
steng bzhugs khri gding ba'i khar bzhugs nas phyag phreng chab
ril sogs

mdun du mngon par bzhag ste bzhugs par/ bsgrub bya rnams kyi
rtswa dang pha gu sogs gsum tshan du byas nas legs par bsgrigs te
mdun du bzhag pa la/ bsgrub bya rnams pos te gsum tshan du 'khod
par/

las gral thams cad kyis bsgrub bya rnams kyi bla gos thang gos
brgyad sdebs dang/ gding ba nang sbyar ba bzhi sdebs/ de rnams
brtsegs te bcag 'tshams mkhan po la bstan te rang rang gi mdun du
bzhag /de'i

logs su chab ril phreng ba sogs g.yas g.yon 'os 'gab su bzhag
/thog mar bar chad dris te dge bsnyen rab byung dge tshul sogs
rim gyis 'grub par mdzad de grol/ skabs der skyabs mgon mchog

nas gsol ja sogs bzhes nas slar bsnyen rdzogs rkyang ba rnams
mdun du bos te bsgrub bya la me tog bkram/ mkhan pos dge 'dun la
sku phyag gnang ste gsang ston dus bsgo sogs bskos bzhag mdzad
de khri la

@233b bzhugs 'phral bsgrub bya rnams kyis mkhan slob dge 'dun
dang bcas la me tog 'thor/ de nas phyag 'tshal bcu gcig byas te
rim gyis bsnyen rdzogs kyi sdom pa bstsal/ phyir phebs skabs
byams khang du byon te snyan dang

phul ba byams pa'i gtsug tor gyi rtser bzhes pa'i rtags mtshan
khyad par can byung/ de nas bla brang chen mor phyag phebs/ de
ltar nyin 'gar bsgrub bya nyin rer brgyad cu lhag tsam re bar ma
rab byung/ dge tshul/ dge slong

bcas thar ba'i sa la 'god pa gnang/ der nyin gcig nang ma khang
gi sku bzhog bla sman nas phran la ^ gong sa mchog mdo smad du
chibs bsgyur bskyangs pa ^ gong sa snga ma bdun pa chen po'i lam
'don ltar 'di ka nas lha

ldan khul du dkon pa'i chos bka'i rigs gsan bzhed kyi dgongs pa
bla na med pa bzhes pas na/ khyed rang nas sgo gsum rnam dag gi
zhabs zhu zhu dgos pas/ da lam sku zhabs zhwa dmar dang/ sku
zhabs bde yangs

gnyis la chos 'brel zhu rtsis mdzad 'dug phyir chos dkon rigs
rnams snyan lam gsal 'debs dang sbrags chos bka'i rigs gnang
skabs bla ma rin po che phar skyel tshur zhu/ maNDal zhu 'bul nas
mtshon bka' chos

zhabs zhu khyed rang sku rkyang nas mdzad dgos yod pas mthus
shor sogs su ma song ba dgongs 'jags gnang grogs zhu zhes thams
cad mkhyen pa'i bka' 'khrul med bsgyur ba yin gsung/ phran nas
de ltar zhu ba'i kha

@234a @#/ /stabs zhan pa ma gtogs skal ba bzang po lags mod 'on
kyang khong rnams nas ram 'degs gang drag re bka' drin skyong
dgos zhes zhu/ zla ba bcu pa'i tshes gnyis la dud sol 'khyud

gsum 'dzom pa'i nyin yin gshis sku zhabs bde yangs nas ^ sbug la
man ngag rnam gsum gyi dbu btsugs dgos pas/ gong sa mchog nas
bka' phebs pa dgongs len zhu rgyu khyed rang nas sku zhabs bde
yangs

la snyan gsan phul zhes gsung 'don ltar/ phran nas skyabs rje
bde yangs rdo rje 'chang la snyan gsan zhu/ bcu pa'i tshes gnyis
la phyi dror bde yangs rdo rje 'chang la yar gdan 'dren zhu zhes
nang ma khang nas brda

gtong 'byor bstun phran nas ^ sku zhabs bde yangs rin po che
gdan zhu byas nas nang ma khang du phebs te cung zad bzhugs/ ^
sku mdun nas phebs brda 'byor ba dang/ ^ sku zhabs bde yangs rin
po che dang phran

gnyis yar mjal bar chas skabs nang ma khang gi sku zhabs mkhan
pos sku mdun nas maNDal mjal dar zung phran la rtsis sprad de
nyin rer mjal dar 'di nas bzhes dgos tshul dang/ sku mdun dang
sku bzhog rin po

che la gsol ja khyed rang nas zhu dgos/ gzhan nyer mkho sogs 'di
nas mchod pa khang nas bzhes dgos dang/ phyag mdzod khang nas
bzhes dgos sogs khyed rang nas bkod khyab mdzad dgos tshul sogs
gsung/

@234b de nas sku mdun du byon nas sku phyag mdzad skabs sbug nas
kyang yar zhal log nas sku phyag mdzad yar bzhengs bzhin phyag
dbang gnang nas rnam gnyis zhabs sor 'khod/ phran nas kyang
phyag 'tshal te phyag dbang zhu

nas/ rnam gnyis la gsol ja btegs/ gsung 'phros cung zad mdzad
nas/ stegs bu sogs 'du byas/ mchod pa khang nas mchod gtor
blangs te mchod bshams sogs byas/ skyabs rje mchog nas dbu

bskul te gtor ma 'bul/ bshags pa tshar gsum/ brkyang bskum ma/
'chi bdag ma/ stobs chen gshin rje tshar gsum/ phran nas maNDal
zhu 'bul byas/ ^ rje nyid nas dbu bskul te/ sangs rgyas chos
tshogs ma

lan gsum/ spyi bye brag gi gsung bshad mdor bsdus re mdzad nas
rgyud rtog gsum gyi dbu nas rtsi bzhag tshar gsum/ sbug dang
phran nas ram 'degs zhus te yar lan gcig sbyor/ de nas thig gi
las la 'jug

par mdzad do/ /mjug tu chos rgyal bshags pa lan gsum/ maNDal
bsdus pa/ dge bsngo'i tshigs bcad bcas gsung nas chos thun grol/
yar bzhengs nas sku phyag dang dbu pad gtugs te phyag dbang
bstsal/ phyir

rang sgar du gdan zhu byas/ de ltar nyin re bzhin phyag len
sngar ltar byed bzhin man ngag rnam gsum so so'i thig phyag len
'chugs med mdzad nas gnang/ bar bar du khams gsum rnam rgyal gyi
bshad lung dang/ yig chung

@235a @#/ /yang chung/ le lag /'jam bzhad gsung gi las bzhi
'khrul 'khor/ rtog 'dun mchan 'grel/ ska phug gsung skor/ kho
cho'i gsung skor/ de mo'i gsung skor/ lcags mkhar

skor gyi khrid dang/ paN chen gsung skor/ rgyal mchog bskal
bzang gi gsung skor/ lcang skya ngag dbang chos ldan gyi gsung
skor/ a lags 'jigs med rin po che'i gsung skor/ zhwa lu'i rtsa
tshig

gi steng nas khrid dang man ngag phyag khrid/ rje'i sbyin sreg
dngos grub rgya mtsho'i steng nas las bzhi'i sbyin sreg gi khrid/
bsnyen yig dngos grub rgya mtsho'i lung khrid/ dar rgyas no mon
han gyi gsung gi sbyin sreg

dngos grub rgya mtsho'i mchan gyi bshad lung/ a lags 'jigs med
rin po che'i gsung gi skor dang/ khyab bdag rje nyid kyi gsung
gi skor sogs rim pas ljags lung dang skabs skabs su bris thig

sogs dang 'jam po gsum gyi 'khrul 'khor sbyor dngos mjug gsum
tshang bar phyag len du 'debs pa'ang mdzad/ de dag gi skabs su
rtags mtshan rmad du byung ba rnams mig mthong lag zin gyi skal
bzang

dga' ston myong/ lcang skya rol rdor gyi gsung bka' rgya'i gras
dang/ ko'u tsha rol rdor gyi gsung skor/ dpal mang gsung skor/ a
lags 'jigs med rin po che'i bsnyen chen skor rnams kyi ljags
lung/

@235b yang skabs 'gar gdugs dkar rgyal mtshan 'khor lo'i phyag
khrid dang/ de'i sgrub chog le lag a lags rin po che'i gsung
dang/ de mo lha dbang bstan rgyan/ lcags ra/ lho drag grub chen/
gtsug tor

gsang gter/ khyab bdag rje nyid kyi gsung skor rnams kyi ljags
lung/ yang skabs der slob dpon ro langs bde rdor gyis mdzad pa'i
pra sdom che chung sogs kyi 'khor lo'i khrid dang/ gtad rul
bzang gling ma

sogs kyi phyag khrid rnams bstsal/ re 'gar ^ gong sa mchog gi
zhabs brtan/ khro bcu'i sbyin sreg dang/ chos rgyal bskang chen
sogs kyang spong pa pa bsnyen chen song nges sha stag nyi shu
skor gyis bsgrubs gnang mdzad

re 'gar dmigs bsal gzhung gi zhabs brtan/ gnas bcu'i mchod chog
grangs mang dang khyad par byi zhabs brtan glo bur ba sogs kyang
mang du mdzad/ rgyal mtshan 'khor lo'i bri bsgrub tshad ldan mdzad
de re zhig par bla brang

thog khar 'dzugs par mdzad/ skabs skabs su sku mdun du gsol tshig
lhan rgyas dang/ gsol 'phar sogs lan kha yar brtse bskyangs bla
med gnang/ zla ba bcu pa'i tshes nang ^ gong sa mchog nas lha
khang chen

mor khri mchod dang/ ^ rje yab sras kyi gsung 'bum rgyal mchog
bskal bzang rgya mtshos rten skal du bstsal ba'i rgya can lha
khang nang du gra bgres dge bshes rnams nas ljags klog byed par
bstsal/ de mtshungs sku
@236a @#/ /mdun nas lha khang bar thog tu sku phyag gnang ba'i
dbu btsugs/ 'dzin grwa bcu gsum las 'dzin grwa re re phyi dror
sku mdun du dpe khrid dang blo bskyed zhu rgyur nyin re chag med
du bcar/ dgongs

ja kha la drung mjal dang mjal mang stong phrag mang po nyin re
'char can gyi mjal kha chag med bstsal/ dmigs bsal phyogs phyogs
nas bla chen/ dpon chen/ mi drag ser skya sprin phung 'khrigs pa
bzhin

'dus par sku drag sogs la/ sger mjal nang mjal sogs babs bstun
bstsal/ skabs skabs su bsgrub bya brgya phrag mang por bslab
pa'i gzhi la 'god par mdzad/ skyabs rje shing bza' rdo rje
'chang gi

sprul sku phebs par phran mjal khar phyin nas maNDal rgya srang
lnga bcu phul te mjal kha zhu/ ngos ^rgyal dbang mchog la mjal
kha'i dgongs len dang nged cag khrid nas mjal du bcug dgos zhes
gsung/ phebs

tshe lo tstsha 'ang khyed nas byed dgos gsung/ der phran nang ma
khang la mjal kha'i dgongs len byas par gsung/ da lta khrid
phebs zhes par/ ngos nas gdan zhu byas te nang ma khang du 'ong
bar sku zhabs mkhan pos/ /

^gong sa'i sku mdun du phyin nas/ slar phebs par phran la khyed
nas rgyu yod dang lo tsA 'ang zhu dgos phyir khrid phebs zhes
gsung/ de nas sprul sku gdan zhu byas nas mjal kha zhu/ maNDal
rten gsum/ dngos 'bul

@236b rnams btegs/ gsol ja/ gsung 'phros sogs bstsal/ sprul sku
nyid nas gsung lan thogs med du phul/ phran nas zhu rog sogs zhu
'khul byas/ lnga mchod nyin sku mchod zhabs phyir 'ong dgos

phebs par zhabs zhur bcar/ sku mchod skabs glo bur dus g.yos a
re che tsam byung/ skyabs mgon mchog nas dgyes 'dzum chen po
mdzad/ sku mchod grol nas phyir skabs gling me la gzigs rtogs

rgyun ring mdzad de bla brang chen mor byon/ lcags mkhar gyi
thig gsan skabs rang re'i rgyud pa'i thig ji ltar byed ces bka'
'dri phebs par srad rgyud ltar byed tshul zhus pas rgyud rgan
zhig la thig btab nas khe shog

ces phebs par/ bka' bstsal bzhin thig btab bcug nas spyan zhu
byas/ bla brang dang dben sa pa'i phyag len so sor zhib gzigs
mdzad/ rgyud grwa stod smad kyi phyag len rnams zhabs zhur yod
pa'i bla ma rgyud pa

rnams la thig btab bcug nas gung bsgrigs te thugs zhib btsag po
gnang/ 'khrul 'khor dang lcags mkhar gyi thig sogs zhib tu thugs
sbyangs tshud nas sa thig btab ste rdul tshon bgyes/ phyag len
rgyas

pa ltar sa stegs rtsar khrid zhabs sor 'khod de khyab bdag bde
yangs rin po che dbur bzhugs/ phran nas mchod g.yogs dang zhabs
'degs zhu 'khul gyis drug cu ma drag bsdos byas/ bzhengs nas sku
phyag

@237a @#/ /mdzad de rdul tshon dngos grub kyi tshul du bzhes/
gshegs gsol byas te las kyi rjes mi mngon par mdzad do/ /mtshams
rnams su 'khrul 'khor gyi cho ga'i rigs dang/ lcags mkhar

'don chog sogs kyi ljags lung dang/ khams gsum rnam rgyal gyi
mdzub khrid dang yig chung yang chung rnams kyis zur brgyan te
bstsal/ slar yang ^gong sa mchog nas de dag rgyug 'bul gyi tshul
du slar

yang 'go mjug tshang bar skyabs rje mchog la 'bul bar mdzad pa'i
gral du'ang skal bzang dga' ston myong/ zla ba bcu gcig pa'i
tshes la/ sku zhabs zhwa dmar rin po che rde'u tsha nas tshur
phebs/ phran cag nas che

shos bkra shis bzang po'i nang du spyan drangs nas bzhugs/ phyi
nyin phran nas nang ma khang du snyan 'debs zhu/ 'phral du spyan
drongs zhes phebs par/ sku mdun du phebs nas mjal kha zhu bar
dgyes tshor chen pos

mdzad/ gsol ja gnang gsung 'phros cung zad mdzad rjes ^sbug nas
re zhig thugs ngal bso mdzod la rim pas mjal chog ces phebs/
phyir byon nas nyin 'gar ngal bso gnang/ sku zhabs bde yangs rdo

rje 'chang nyin 'gar bzhugs nas phyir 'tshams ring gzims khang du
phyag btegs/ tshes la skyabs rje zhwa dmar rin po che la gdan
zhur song zhes phebs/ phran sku mdun du mjal te sku mdun du
'byon pa'i snyan

@237b gsan zhu/ de 'phral sku mdun rin po che dang zhabs gras
bcas dal bur ngal gso mdzad bzhin byon/ sgo 'byor du byon nas
cung zad bzhugs/ de nas nang ma khang nang du byon/ gsol sman
mkhan pos gzims chung

shar du gdan 'dren zhu/ phebs brda 'byor 'phral rdo rje 'chang
gi zhabs gras rnams sku mdun du mi chud phyir 'khyam tshe gsol ja
bzos ma mi 'phrod phyir rdo rje 'chang rang nyid kyis gsol ja me
phor/ bzed zhal/ spyan

shel; bzhugs gding ? sogs nyer mkho'i yong byad rnams dang/
phyag dpe bcas sku zhabs stong 'khor ho thog thu dang phran
gnyis nas bzhugs gding sogs dang/ 'khyam tshe sogs sngon du btang
nas bting/ rdo rje

'chang yar phebs nas sku phyag dang/ skyabs mgon rdo rje 'chang
nas zhal yar bsgyur te sku phyag mdzad nas bzhengs par/ rdo rje
'chang nas phyag dbang zhu ste rnam gnyis zhal sprod kyi tshul du
bzhugs/ rje stong 'khor dang

phran cag gnyis nas kyang phyag 'tshal te phyag dbang zhu/ phran
cag zung nas ^skyabs mgon chen por gsol ja btegs/ de rjes rdo
rje 'chang la gsol ja zhu nas mar sdod gsung bar gsham du bsdad/
gong sa

rnam gnyis nas gsung 'phros cung zad gnang bar lo tsA zhu 'khul
byas/ de nas thog mar lam rim sku tshab ma zhes rgyal rong chos
mdzad kyi gsung de dpe rgyun dkon phyir ljags lung bstsal zhes
zhu gsung bar rdo rje 'chang

@238a @#/ /la zhu skyor byas par/ 'o de legs/ dpe rgyun dkon
gshis phran nas rde'u tshar par gsar 'khod byas lags pas de ka
rang bya'o gsung nas/ dbu zhwa phud de phyag thal mo sbyar nas
phran

mgo por rlung rgyab na mgo na ba zhig lags phyir zhwa chung gyon
chog pa'i dgongs pa re thugs rje gzigs dgos zhes zhu gsungs pa
ltar phran nas ^rgyal dbang mchog la zhu 'khul byas/ /yong yong
gsung/ de nas

mdo dbu bskul mdzad nas bdud bzlog thal brdeb mdzad/ bgegs rigs
ma dbu bskul gnang/ de nas phran la maNDal zhu phul byos zhes
rnam gnyis bka' bstsal ba ltar rdo rje 'chang gi phyag len ltar
zhu 'bul

byas; de nas rdo rje 'chang gis dbu bskul mdzad de sangs rgyas
chos tshogs ma lan gsum skabs nang ma khang nas gnang ba'i kha
btags yar phul/ de nas rdo rje 'chang gis spyi bshad mdor bsdus
re mdzad nas

ljags lung bstsal/ dbu nam rgyu dgongs ja khar sha stag las mi
gnang bas phyi dro nyi nub khar chos mtshams gnang dgos pas/
drung ja mjal kha/ gser sdong mdun du sku phyag sogs dang zhal
'don sogs

phyag las mang phyir 'tshams gnang rgyu/ ^gong sa mchog la dgongs
lan zhu bas 'o yong gsung ba ltar mtshams mdzad de maNDal/ dge
bsngo sogs mdzad de grol/ rdo rje 'chang rnam gnyis nas sku
phyag mdzad de dbu

@238b pad gtugs/ phran cag zung nas kyang phyag byas te na bza'
bzhugs gding/ gsol tem/ me phor/ bzed zhal/ shangs phyi sogs
gdan drangs te 'ong skabs zhabs gras rnams/ nang ma khang gi nye
'khor du yod

par rtsis 'bul byas te phyag phyir 'brang nas bzhugs gnas su sku
ngal bso bzhin byon no/ /de ltar nyin re bzhin sku mdun du thugs
brel dmigs bsal ma byung tshe tshul de ltar gnang/ dgun chos gong
tshes

gsum nyin u shi brag tshang nas sbyin bdag zhus te dge 'dun mang
la yar nang chos grwar tshe dbang zhu bar dgongs ja khar/ khri
gdan zur/ bla ma dge ba'i bshes gnyen dge 'dun mang dang dad mos
can gyi gdul bya

chos grwar mi shong ba tsam la ma gcig grub rgyal lugs kyi tshe
dbang smin rgyas su bstsal/ rdo rje 'chang gi bka' chos gnang
ba'i phyi nyin chab mdo dpon pos rje'i gser sku rtse khru gang
lhag tsam bzo bkod phul du byung

ba phul bas dgyes tshor chen po mdzad/ dgun chos tshugs nas zhag
gnyis tsam la co sne dgon chen gyi bla ma tshogs 'dus bcas 'byor
nas phran la mjal kha'i dgongs len sogs zhu dgos kyi u tshugs
nan che ba'i

ngom ? bzlog par nang ma khang la snyan sgron zhu bar/ 'phral du
mjal kha gnang ba'i bka' bzhes thob pa kho rang tsho la mol bar/
co sne bka' bsgyur par gsar shin tu legs nges dang/ phyag spub
shang shang ma spus

@239a @#/ /dag ;rgya dngul rdo tshad/ chos dung dngul gshog ma
sogs kyi dngos 'bul bstar te mjal kha zhu/ co sne dpon po'i mi
snas kyang dngos 'bul tshan cher bstar/ de ltar nyin re bzhin
phyogs

mtha' dag gi dad ldan mang po mtsho la ngang mo 'du ba lta bur
gyur/ de nas dgun chos chen mo'i dam bca' chen mo nye bar dge
bskos nas dgongs len zhu bar chibs bsgyur bskyangs rgyu'i bka'
bzhes thob/ phran la

skabs der skad btong ba 'byor bar 'phral du phyin/ lus gang gi
na bza' cha tshang dang gos lham bcas dang/ yang Di'i shangs ru
shub ldan/ ba so'i yu ba can gyi ldeb khri bcas gsol ras phon
che ba bstsal/ zhal

nas; sang nang dam bca' la shog zer 'dug pas/ khyed rang yang
dam bca' la phebs dgos par ma zad bzhengs dgos pas rtags gsal
gang gnang rgyu yin pa zhes phebs par/ phyag 'tshal te zhu ba
phran kha

stabs zhan zhing snga mo dpe cha gang bltas brjed nges kyi rkun
pos 'phrog song na/ rtags gsal gcig kyang gtong rgyu med pas/
khri zur zhig yin 'khul gyi rtags gsal khyab log sha stag btang
na shin

tu smad pa'i gnas su 'gyur phyir da lan phran la brtse ba chen
po'i klong nas dgongs khrol yong ba'i skyabs 'jug thugs rje
gzigs pa ci nas kyang mkhyen mkhyen zhes gsol ba phur tshugs btab
pas yA yA

@239b 'o na dam bca' zhabs zhur cis kyang phebs dgos zhes bstsal
bar/ la las se zhes zhu/ shing bza' sprul sku dam bca' la phebs
ki yin gsung 'dug pas khyed rang gis khrir nyar bzhugs/ kho rang
tsho'i

zhabs phyir der 'ong mkhan med pas khyed rang bdag sprod gyis
zhes phebs/ lags so zhes zhu/ dam bca'i nyin tshogs chen las snes
spos sna dang bcas gdan zhu byas te byon skabs phran nas rje
shing bza' sprul

sku yang mnyam du zhabs zhur phebs/ chos grwa'i khri khang gi
bzhugs khri chen mor ma bzhugs/ g.yon phyogs su ma Ni bla ma'i
sdod sar rtsi bzhag gi bzhugs khri rgyab par zhabs sor 'khod/
'gan sbyar mchod

de bzhugs/ dam bca' pa rnams bzhugs khri chen mo'i rtsar rim
bzhin 'khod/ rje shing bza' sprul sku dang/ stong 'khor/ zhabs
gras byings dang phran rnams sku'i rgyab dang g.yas g.yon logs
su 'khod/ dam

bca'i zhal 'don grub nas/ bla ma gzhung las pas gzhung bkod
byas/ de nas gzhung las pas rtags gsal btang nas rgyun ring tsam
la dge bskos nas 'tshams brda phul/ de nas dge bshes bgres pa re

bzhengs/ gzhung las pas mtshams brda sbyar/ skabs shig nas ^gong
sa thams cad mkhyen pa sku bzhengs mdzad de rigs lung rgyun ring
tsam mdzad de/ mtshan zhabs pa 'dul ba mkhan por brda sbyor mdzad
de

@240a @#/ /bzhugs khrir zhabs sor 'khod/ mtshan zhabs pas rigs
lung rting gnon gyi tshul du rgyun ring byas par/ gzhung las pas
brda sbyor byas/ sku mdun pa phran ma gtogs pa thams cad

rim gyis bzhengs te yar nang grol/ ^gong sa mchog bla brang du
chibs bsgyur bskyangs/ phran cag zhabs gras rnams nas phyag
dbang re zhus te so so'i bshag tu phyin/ sku mdun drung mjal du
tshogs mkhan

rnams drung mjal du tshogs/ phyi nyin gaNDe btang 'phral sku mdun
du mjal bar/ ^gong sa mchog gi zhal nas/ phran la/ da res rje'i
gdan sar rang zhal 'dzoms pa lan gcig yin gshis smon lam lan

gcig btab na skal ba bzang po nyid du gyur bsan/ rten 'brel gyis
khyed rang ci nas kyang bzhengs grogs mdzod mdzod ces bka' nan
tan tu bstsal bas/ rang yang ci bya gtol bral du gyur bas/ lags
so/

'on kyang lo mang dpe bltas ma byas pa'i rkyen gyis chad 'dra mi
'gyur ram snyam pa'i dogs pas gang drag ces zhus par/ ngos nas
khyed kyi ram 'degs gang drag byed ces phebs/ la las se zhes zhu
nas sngar

nyin bzhin byon/ gzhung las pas gzhung dang rigs lung grub
'phral/ ^gong sa mchog nas phran la bzhengs zhes phebs/ de nas
phran kyang yar langs te khyab mtha' mdor bsdus bkod nas chos
'khor zhig

@240b btang 'khul byas/ brda byung 'phral mtshams byas/ thams cad
mkhyen pa sku bzhengs mdzad/ de nas rim bzhin mtshan zhabs 'dul
ba mkhan po dang/ dga' ldan mkhan po rig grol dang/ ser mgo
chen/ bkras

lhun mkhan po bsam gtan/ sku 'bum dus 'khor khri zur skal bzang
chos grags/ sman zur u shi brag zhabs drung lha rams pa/ sngar
nyin dge bshes chen mo dpa' ri rab gsal sogs bzhengs/ bka' rams

dge bshes 'ga' bcas bzhengs nas grol lo/ /de'i phyi nyin la/
gzhung las bas las gzhung bkod rdzogs 'phral/ bgro gleng dang
sku zhabs stong 'khor/ phran la yang bzhengs zhes bka' phebs
'phral/ sems bskyed

sogs btang ste/ dam bca' ba nE mAn dge 'dun la ku re byas te/
mdun gyi dam bca' pa mo gsham gyi bur khas blangs bcug ste kun
gyis bzhad gang thog ke bar byas/ phran gyi rjes su skyabs mgon
mchog sku bzhengs

gnang ste 'khor bsgyur sogs kyi bgro gleng bka' drin bskyangs/
de nas 'dul mkhan dang/ se 'bras kyi mkhan rigs dang/ sku 'bum
sman zur don grub chos grags/ dpa' ri dge bshes chen mo/ 'dul
mdzod kyi

dge bshes 'ga' sogs bzhengs/ de ltar dam bca' rdzogs kyi bar
tshul de ltar du sku bzhengs mdzad do/ /zla ba bcu gnyis pa'i
tshes nang/ phran skyabs rje gser tog rin po che la/ snga sor
skyabs mchog shing
@241a @#/ /bza' rdo rje 'chang gis gus pa phran dang rje nyid dus
'khor 'du khang gi bar thog gsol tshigs lhan rgyas zhu skabs rdo
rje 'chang nas 'u cag zung la lha rdzas bstsal te bka' nan che
ba gnang bas/

grwa tshang dus gar mchod gar gyi phyag rgyun re ci nas kyang
tshugs dgos zhes bka' bstsal ba bla brang dang chu bzang sogs su
'gro rgyu'i rngom thogs par da bar lus shing sprul sku yang sku
tshad 'di ltar du phebs 'dug

pas na/ da lam skyabs mgon rin po che rang re'i gdan sar byon
pa'i stabs dus gang sar 'grigs phyir rnam grwa'i zhabs zhu yang
phon cher 'dug pas na/ ^gong sar zhu nas gar khrid dge rgan zhig
bstsal na/ rang

res dus grwar khrid rgyun re spel bcug na e 'gab lags zhes
dgongs len zhu bar/ 'o de shin tu legs/ khyod kyis dang du longs
dang nged kyis kyang rogs ram byed do ces bka' bstsal/ de nas
dus grwa'i bla

ma tshogs 'dus rnams la'ang dgongs bstun par 'thad tshul zer
snang/ de nas nyi skar legs nges dang bstun/ nang ma khang la
rgyu mtshan zhus nas/ yong zhes zhal bzhes thob par/ ^gong sa
mchog la maNDal

rten gsum phul te rgyu mtshan zhib rgyas snyan sgron zhus par/ 'o
de yong zhes bka' bzhes thob nas/ rnam grwa'i bsod nams la zhes
pa dge rgan du bstsal/ rang sgar dang grwa khang du gsol tshigs
dang dngos

@241b 'bul phran bu phul/ dge 'dun mang la yang snyan bskul byas
te sa gar mchod gar gsar 'dzugs byed rgyur kun gyis theg pa khur
len ba gal che zhes nan tan du mol/ zla de'i nang du kun gyis
grang reg la ma

'dzem par legs par bslab/ phran rang nas kyang bslab 'dun che
mod/ ^gong sa'i bka' chos zhabs zhur 'gro dgos phyir ma lcogs/
'on kyang thams cad la rting bskul ci thub re byas so/ /tshes
brgyad kyi nyin

sku mdun nas gzims 'gag khri ba rdo rje 'chang gi sku mdun du
bcar te ^sbug gi sku tshe tshe sgrub bsgrub gnang mdzad dgos zhes
tshe bum sgam chung gos chen ser pos g.yogs pa dam 'byor tsan
phul/ de phyin bka'

chos kyang mtshams bzhag /skabs der gser khog nas btsan po bla
brang gi phyag mdzod mjal te yang srid skor lan 'gar rnam gnyis
la zhu/ skyabs rje a kyA rin po che sku snyung bzhes tshul gyis
gsang stabs su phebs nas

bzhugs/ skabs der sog 'grul ba phon che ba dang/ du rbed tA
wang yum sras blon 'bangs khyon che tsam phran gyi sgar bar ma
chud par/ dus 'khor spyi pa/ mi nyag sgar ba/ sku rten sgar ba
rnams la bsdad/ tA wang gi

mjal kha'i snyan gsan dang dngos mjal skabs su lo tsA sogs byed
'khul byas/ a b+ha ga tA wang gi mi sna rta mgrin jo nang sogs
kyang 'byo bas zhu 'bul sogs nang mkhan brgyud nas dngos mjal
zhu/ skabs der

@242a @#/ /phyogs 'dus kyi mjal pa sa steng ma chud tsam du 'dus
pa rnams kyi rim mjal zhu/ bla brang nas kun mkhyen bla ma'i
mtshams zhu pa ngo g.yog mang po dang/ rde'u tsha nas sku mched
rin po ches

gtso ba'i ri khrod dge slong mang po dang/ khri kha nas sku
zhabs a rig tshang gtso ba'i a lags kho tshe sogs ri khrod pa
mang po rnams snga phyi dus mtshams ma nges kyang thams cad kyi
mjal kha zhu ba sogs brjod kyis mi

langs so/ /tA re ganggA'i chos dbyings tA bla ma sogs 'ga'
zhig la tshe dbang bstsal/ nyi shu'i nang skor la/ dgon lung
zhabs drung phran gyi rtsar 'ong nas sku zhabs ^lcang skya phebs
kin yod pas sgar bar gnas

tshang dgos tshul zer snang/ nged nas mdzod ming las byed byang
chub la mol bar/ da lta sog 'grul gyis nged cag kyang gnas tshang
byas nas bsdad yong pas na sku bzhog lcang skya gar bzhugs bcug
zer/ de nas cang

ma smra; dgon lung zhabs drung gis nged la u tshugs mthar skyel
byed snang/ sku bzhog nyid kyang rang sgar la phebs bzhed khon
'dug na ci drag zer/ 'ong ma'i bang chen mgron gnyer byang chub
la thug bcug ces bshad/

mgron mi kho rang dngos thug byas pas nged cag la bshad tshod na
mi 'dug /da lta phebs ran pas gang du bzhugs zhes dris pas/ kho
rang yang 'ur langs nas nged kyi rtsar 'ong nas/ lcang skya gang
du bzhugs rgyu byas

@242b na zer/ nged kyi khang zar ? bzhugs na zhes pas de rang
drag zer/ 'o na gra bsgrigs na ma gtogs phebs ran zer/ ngos
kyang phug 'khyog gi khang par spos/ gzims chung che chung la
gad bdar 'dra byas nas gdan

sogs rgyab 'phral shar shar chibs bsgyur gnang/ zhabs gras dang/
zi ling dmag mi yang mang tsam 'dug /maNDal rten gsum bcas mjal
thog /gsol ja bzhes 'bras sogs phul te/ gzims chung

chung bar gdan zhu byas/ de 'dra zhig la/ sku 'bum tshogs 'dus/
a kyA'i mi sna/ du rbed mi dbang sogs dang/ ^gong sa mchog
nas/ gsol ja/ ljags smin sogs mkhan chen gsol dpon/ 'dul ba

mkhan po sogs phebs nas 'bul lam zhu/ 'dul ba mkhan po phebs lam
du'ang mtshams zhur phebs 'dug /'phral du mjal kha'i dgongs len
zhu bar phran la song zhes phebs pa ltar phyin nas nang ma khang
la dgongs

len zhu bar/ da lta rang chi bas bsgyur bskyangs chog ces
gsungs/ gzhung sgo lcang skyam gtogs su la'ang phye srol med
gsung/ gsol gzims mchod gsum/ rim pa dang po/ gnyis pa/ gsum pa
rnams

gzhung sgo'i 'gag tu brang ban zhu dgos bas kun os seng byas
snang/ de nas phran mar gdan zhur phyin pas 'phral du byon/
phran la snga mgyogs kyi 'ong dgos zhes gsungs pa ltar sngon du
sleb tsam byung/ shar

@243a @#/ /rgyag la sku mdun du byon nas/ gong sa chen mor mtshams
zhu phul lugs ltar gnang nas phyag dbang zhu/ 'os babs kyi
bzhugs khrir bzhugs pa'i gong du ^gong sa mchog nas shangs

'dam bstsal/ shangs 'dam dbu pad gtugs nas yar phul/ bzhugs
khrir bzhugs par rnam gnyis la gsol ja ba tegs/ ^gong sa mchog
nas bka' dri bstsal bar/ phran nas ram 'degs zhu

ste; 'phros pa 'ga' zhig rnams lo tsA'i tshul tsam byas/ de nas
gong sas bar gseng la lhod mjal zhus chog /bstsal bar yar
bzhengs nas man ju lugs kyi phyag 'tshal zhu ste/ sgo gsham du
sku bzhog

zhwa dmar dang dbu pad gtugs/ de nas shar rgyag la sgar bar
byon/ phran rdo rje 'chang sku mdun du gdan zhu byas nas bka'
chos gnang ste lo de'i bka' chos kyi mtshams bzhag /de nas phyir
bzhugs gshag tu gdan

drangs/ bar der sku zhabs bde yangs rin po che dgon pa so mar
bzhugs te zhabs brtan sgrub gnang mdzad skabs yin pas phran gyi
nu bo shA kyas/ ^gong sa'i bka' rgya khyer nas sku mdun du
phyin nas 'ongs so/ /de

nas lcang skya rin po che'i sku mdun du nang ma khang gi mkhan
po rim pa dang po/ gnyis pa/ gsum pa/ bzhi pa le tshan rnams so
so'i mjal kha zhu/ lcang skya nyid kyang sku mdun du bar mtshams
su phebs te nang mjal

@243b zhu nas gsung 'phros rgyun ring mdzad/ de nas gnam gang
nyid phyi dror lcang skya dang/ stong 'khor/ phran rnams sku
mdun zhabs phyir lha khang chen mor tshes gtor gyi byin 'bebs la
'od dgos zhes nang brda phebs par

dbu zhwa/ rtse zhwa/ na bza' grwa chas zab 'chor bcas phebs dgos
zer/ sku bzhog rnam gnyis la dbu zhwa med pas phran gyi zhwa mo
phul/ skyabs mgon mchog la yang dbu zhwa med pas/ rtse zhwa zhig
g.yar dgos gsung/

yongs 'dzin rdo rje 'chang gis phran la bstsal ba'i dbu zhwa bla
ma sgro gzan zhig yod pa phul/ de nas lha khang chen mor byin
'bebs zhabs phyir phyin nas tshogs thebs gcig rnam grwa rnams
dang lhan cig tu 'tshogs nas grol/

zhabs zhu bgyis nas bla brang chen mor phebs skyel zhu/ nang ma
khang nas sang nyin tshes gtor la sku bzhog rnam pa thams cad
phebs dgos gsung/ phran la sku mdun lo gsar skabs spyi khyab
mkhan po'i tshab byas nas maNDal

rten gsum 'bul dgos zhes phebs so/ /'dir smras pa/ sngon tshe
'phags yul grong khyer gnyan yod du/ /rnam 'dren sarba dznyA yi
cho 'phrul bzhin/ /deng 'dir tsong kha'i ljongs 'dir rgyal dbang
mchog /byon pa'i ngo

mtshar sgyu 'phrul ci mi mtshungs/ /byon 'phral gso sbyong mgon du
legs byon nas/ /nyams pa gso zhing ma nyams legs sbyangs te/
/thugs smon rgya cher mdzad de ba sngo smon gnang/ /'di lta bu
yi rnam thar su yis

@244a @#/ /rtogs/ /de nas rim bzhin don gnyer can rnams la/ /rnam
dag tshul khrims bslab pa'i gnas bkod de/ /thar pa'i sa bon smin
bar legs mdzad nas/ /rgyal bstan gser

gyi gzhi ma brtan par byas/ /rim bzhin 'jam mgon bla ma'i legs
bshad rnams/ /gsung sgrog mdzad dang chab gcig rje nyid nas/
/bsags sbyang dbu tshugs chos grwa'i blo gsar rnams/ /nyin bzhin

phyi dror mdun mjal blo skyed bstsal/ /sna lnga'i khri mchod
lnga mchod bar du phul/ /lnga mchod dus su sku mchod mdzad pa'i
tshe/ /glo bur sa chen rgyun ring g.yo ba de'i/ /rtags mtshan
legs nyes su yis rtogs

par nus/ /nyin bzhin phyogs 'dus dad ldan stong phrag snyed/
/phyag dbang 'dod chos gsung rtags brgya phrag rnams/ /thus shor
med par bstsal zhing thugs dam rnams/ /chag med mdzad cing thugs
seng

gang yod la/ /drag rigs rnams la sger mjal gsung rtsom dang/
/bcu pa'i tshes nas bde yangs mchog gi drung/ /man ngag rnam gsum
skor gyi 'chad nyan tshugs/ /mgo zla nas bzung sgrub rgyud bstan

pa'i bdag /rdo rje 'chang dbang zhwa dmar zhal snga nas/ /lam
rim sku tshab sogs kyi 'chad nyan tshugs/ /rim bzhin dgun chos dam
bca'i mgon byon nas/ /rgya gar mkhas pa'i rigs lung ji bzhin du/
/

@244b dpe zla bral ba'i rigs lung nyin bzhin bstsal/ /mkhas mang
dgyes pa'i 'dzum zhal mjon par gyur/ /lha rnams dgyes pa'i glu
dbyangs srid rtser sgrog /bdud kyi sde rnams pham pa'i sgra chen
sgrags/ /snyan pa'i

sgra dbyangs phyogs kun khyab pa las/ /rgya bod hor gyi mgron
rnams dbang med 'dus/ /skabs der tA kau shrI lcang skya mchog
/yab sras zhal mjal slad du bang chen brdzangs/ /phran bu'i bsti
gnas phyag

phebs mdzad bzhed par/ /rang nang sog 'grul gang phyir gnas
bsrung rnams/ /nged kyis bshad 'khul byas mod don mi 'gyur/
/bang ming rdzogs byed par gyur ta re/ /do gal gtugs na thabs
kyang rnyed par

'gyur/ /lcang skya mchog nas phran gyi bsti gnas su/ /yab sras
zhal 'dzoms mdzad pa'i dga' ston kyang/ /mthong ba'i skal bzang
dga' ston mchog reg gyur/ /de ltar gnam lo gsar ba yi/ /dgung
gsar

nye bar gtugs pa'i tshes/ /byin 'bebs byed par ho thog thu/ /rnam
gnyis phran rnams zhabs gras su/ /'ong dgos bka' yi me tog thod/
/bcings par zhabs rdul mgo bor bsten/ /ces bya ba ni bar skabs
kyi

ngal bso'i tshigs su bcad pa'o/ /spre'u zhes me mo lug lo'i gnam
lo gsar bzhad kyi dga' ba dang po'i nyin snga char langs te nang
gi dus ston 'char can rnams sa bcad ma stong tsam du byas nas
bla brang chen mor

@245a @#/ /phyin pas nang ma khang du cung zad bsdad par/ spug
nas gzims chung tshes gtor grub 'phral sku mdun du spyi khyab
mkhan po'i tshab byas nas maNDal rten gsum 'bul/ gsol ja bstsal

ba myang nas phyag dbang zhus te nang ma khang du 'ong/ de nas
bkra shis bde legs byas/ phebs brda'i dar ma btang 'phral chibs
bsgyur bskyangs te lha khang chen mo'i bar thog tu byon nas rnam
grwa'i sku mdun grwa tshang

rnams dang rje lcang skya ho thog thu/ stong 'khor manydzu
shrI/ phran rnams dang/ gsol mchod bla mkhan rnams dang/ mtha'
gral du du rbid tA wang yum sras bcas bzhugs par gnang/ de nas
tshes gtor rgyas

pa rnam grwa'i phyag len rgyas par mdzad/ tshes gtor grub nas bla
brang bkra shis khang gsar du phyag phebs nas gsol ston nang
ma'i dkar spro dmar spro rim pas btang/ dar ma btang 'phra tshogs
chen 'du khang du bla ma

lo gsar gyi bzhugs gral du gdan drangs par spyan 'dren rgya
gling mchod rol bcas byon/ zhabs sor 'khod pa'i rten 'byung
maNDal rtse'i drung yig nas phul/ g.yas phyogs su lcang skya ho
thog thu dang/ stong 'khor

ho thog thu sogs bla chen rnams/ gzhung zhabs/ drung skye ser
rnams babs rim du 'khod/ g.yon phyogs su gdong gral ka ring
gsum pa'i thad mkhan chen gdan sa pa dang/ skyabs rje khri zur
gser tog no min

@245b han dang/ mtshan sgrog khri zur/ gro tshang khri zur/ gzims
khang sprul sku/ rgya yag khri zur/ phran dang co sne khri zur
sogs bla sprul che chung rnams dang/ dpon slob rnam gsum las sna
che chung/ dge 'dun bgres

gzhon bar gsum gang shong bzhugs/ yar nang ka ring gsum pa'i
thad phyogs 'dus kyi bla dpon che phra'i rigs rnams sgo babs
bstun nas bzhugs/ gral gsham du gor chen sogs ston chen/ gral
'go'i

'og tsam du shing 'bras dkar spro rgyas par bstar/ thog mar gsol
ja/ de nas skyabs rje lcang skya ho thog thun sa maNDal ljags
bshad mdzad de 'bul chen btegs/ dge bshes rab gsal/ 'dul ba
mkhan po

rnam gnyis nas tshogs langs mdzad/ de rjes gar gzigs/ dkar spro
na sa mtho dman rim par gsol ras bstsal/ de rjes bzhes thug /de
nas ton chen mi mang ha ba 'phrog byas te grol/ skyabs mgon spug

yar bla brang chen mor chibs bsgyur bskyangs nas gsol tshigs
rgyas pa/ stong 'khor la gsol 'phar gnang spyin mdzad pa sogs
nyin dang po'i rim pa'o/ /gsol tshigs grub nas phran zhwa dmar
rdo rje 'chang gi spyan

sngar lo gsar mjal khar phyin/ der gsol ja dgung tshigs kyi gnang
sbyin bstsal/ de nas rang sgar du 'ong nas lcang skya rin po
cher lo gsar mjal kha zhus nas cung zad bsdad par lo gsar gyi ja
'bras sogs bdag
@246a @#/ /rkyen bstsal/ de nas rang gi sdod gnas su phyin par
lcang skya mchog phran gyi sar byon nas shing 'bras bstsal/ mi
mang thug 'phrad byed mi rnams nyin gang 'das so/ /rgyal po lo
gsar nyin/

zhog pa snga bar langs nas bla brang chen mor phyin nang ma
khang du phebs sgug byas nas cung zad bsdad par phebs brda dar
ma btang 'phral/ spug byon par spyan 'dren rgya gling btang
bstun phran cag rnams zhabs phyir

'brang ste lha khang chen mor snga nyin dang 'dra bar phyag
mchod sogs byas nas yar tshogs tshes gtor ji bzhin btang nas
gshegs gtor snga nyin cung mi 'dra tsam ma gtogs phal cher
mtshungs/ de nas zhal 'don

grub 'phral bla brang chen mor phyag phebs/ lo gsar gtong tshul
dkar spro dmar spro gsol 'bras nang tshul sngar nyin ji bzhin no/
/dar ma'i phebs brda byung 'phral/ thams cad ang seng nge bsdad
par spyan 'dren rgya gling

btang 'phral spug chibs bsgyur bskyangs pa dang phran cag rnams
zhabs zhu bgyis te tshogs chen 'du khang dkar mor zhabs sor 'khod
pa dang bstun/ rdzas brgyad/ rtags brgyad/ mchod rol gyi tshig
dang bstun

nas phul/ lcang skya ho thog thu dang/ stong 'khor manydzu shrI
sogs sngar nyin bzhin g.yas gral/ du rbed tA wang sogs sngar
nyin ltar 'khod/ chos sde'i khri gdan zur bla sprul khag rnams
dang las sne che chung

@246b rnams ^gong sa'i zhabs gras sku drag che chung sgo babs
ltar mgron chen/ gzims 'gag khri bas gral bsgrigs dang dge 'dun
che phra chung gsum kyang gral bsgrigs tshar bstun/ gsol ja
phebs/ tshogs

langs bzhengs mkhan dga' ldan dge bshes dang/ bkras lhun dka'
bcu sogs bzhengs/ gri gar skor gsum bzhes 'bras/ gsol tshigs gsol
ras bskyangs gnang/ ston chen sogs sngar nyin bzhin rgyas

par bstar/ mi mang hab rgyug sogs sngar nyin dang mtshungs/
bzhugs ston grol 'phral bla brang chen mor byon nas gsol tshigs
chen mo sngar nyin bzhin gnang nas grol lo/ /de nyin zi ling
rgya dpon sogs kyis lo gsar

mjal kha zhu/ phran cag nas khri gdan zur sogs la lo gsar mjal
kha dang/ lha khang so sor mchod mjal sogs zhu/ rang la thug
'phrad byed mi la thug 'phrad byas nas nyin gang rdzogs/ tshes
gsum snga char

langs nas nang ma khang du tshogs nas os song byas nas bsdad
par/ dar ma dang spyan 'dren rgya gling btang 'phral zhabs zhu
bgyis te lha khang chen mor byon nas gsung bskang rgyas par
btang tshes gsum brtag ril

bsgril nas gtang rag bkra shis sogs byas te grol lo/ /de nas
spug spyan 'dren dang bcas bla brang bkra shis khang gsar du
phyag phebs lo gsar bcas btang nas grol lo/ /phran rang sgar du
phyin sku zhabs

@247a @#/ /lcang skyar mjal nas cung zad thogs pa na zhwa dmar
rdo rje 'chang gi sku mdun nas 'bod mi byung bar/ 'phral mjal
zhu bar/ de ring gza' tshes dge bas phran la nged gnyis sku tshe
tshe bum 'bul

bar 'gro gsung/ lags so zhu ste phran sngon du phyin nas dgongs
len zhu ste 'ong lags zhu bar/ yong zhes phebs/ phran shar rtsol
gyis nang ma khang du rgyu mtshan zhu bar/ gsol sman mkhan pos/
khyed sku

thang tsam bzhugs gsung/ nged gab gsang zhu nas 'od ki gsung/
'phral du phebs chog gsung bar/ khyod rang mgyogs par gdan 'dren
zhu shog gsung byung/ de nas rang rtsol shar gyis gdan zhur
phyin/

phebs chog ces bka' gnang 'dug lags zhu bar/ de 'phral rdo rje
'chang sku 'khor bcas phebs nas gzims chung shar du cung zad sku
ngal bso mdzad/ nang ma khang du lan phul bar/ gsol sman mkhan
po sku

mdun du phyin nas dgongs len zhu ste tshur 'ong nas rdo rje
'chang dang khyed rang ma gtogs zhabs zhu byings de ring mjal
kha mi 'ong gsung/ de nas rdo rje 'chang la nyid zhu grogs mdzod
ces phran nas mkhan por zhu bas yong zer nas

kho rang nas rdo rje 'chang la zhus so/ /rdo rje 'chang nas yA/
de ring khyod tsho la mjal kha gnang rgyu ma red ces gsung phebs/
rdo rje 'chang nas sku bzhog mkhan por sku zhabs dang nged gnyis
mjal e ran phebs par da

@247b phebs chog lags zer/ de nas rdo rje 'chang nas phran la
yA da nged gnyis sku tshe tshe sgrub 'bul bas 'don cha khyed nas
ram 'degs byed dgos zhes dang/ de ring khong la chos 'brel zhu
rgyu yin pas/ khyed nas zhu

lugs bgyis phebs/ tshan grangs rnams kyang ram 'degs sogs khyed
kyis hur bskyed mdzod ces bstsal/ der sku mdun du byon nas sku
phyag mdzad/ ^gong sa mchog nas lo gsar gyi che bas bzhugs bzhin
du

phyag thal mo sbyar nas gus pas phyag lan mdzad/ de nas rdo rje
'chang gsham du bzhugs 'bol bting bar sku bzhugs mdzad nas sgrol
bstod gdangs bcas dal bur gzungs spel tshig can ljags bzlas byas
nas 'dod

gsol gdangs dbyangs mdzad pa rnams la phran nas ram 'degs zhu/
de rjes kha btags dkar ser zung bcas sbrags pa'i tshe bum btegs
nas zhabs pad brtan pa'i zhu tshig rgyas par zhu nas bum pa phyag
tu phul bar/

^gong sa mchog nas phyag gnyis kyis tshe bum bzhes te dbu pad
gtugs nas phran la bstsal bar mchod gral du bzhag /rdo rje
'chang bzhugs gdan steng bzhugs par/ phran la spyan brda gnang
bar/ gcig tu zhal

bzhes bka' gnang dang/ gnyis su bka' chos kyi 'brel pa'i snyan
gsan 'bul phyir phran phyag 'tshal sngon du 'gro ba'i sgo nas de
dag zhu bar/ ^gong sa mchog nas zhal bzhes bka' lan rgyas par
bstsal/ ngos nas

@248a @#/ /khyod la byin pa'i bla ma'i rnal 'byor gyi dpe zhig
mchod pa khang du yod pas len du song gsung bar/ 'phral rgyugs
kyis phyag dpe blangs nas phul/ rang nas phyag byas nas maNDal
bod lugs kyi

kyi bka' chos gdangs su btang nas phul/ rnam gnyis nas mnyes
tshor chen po mdzad/ ^gong sa mchog nas sangs rgyas chos tshogs ma
lan gsum gyis dbu bskul mdzad par ram 'degs byas/ ljags lung

bstsal grub nas kyang maNDal sngar bzhin phul te tshan grangs
rnams mdun bsgrigs zhu/ sku phyag mdzad de phyir phebs khar dbu
pad gtugs nas byon/ gzims chung shar du byon par zhabs gras
rnams dang lhan du

byon; phran la ^gong sa mchog nas shog ces phebs par phyin pas/
tshes lnga nas brtsams sngar zhus pa'i bka' chos 'phros gnang
dgos kyi snyan gsan zhu gsung/ de nas phebs rjes snyegs te phyin
par gnas

gshag tu byon par/ phyag byas nas bka' chos kyi snyan gsan zhu
bar yong gsung/ phran la cung zad sdod ces phebs/ gsol tshigs
gnang bar phran la'ang bstsal/ gsol tshigs grub nas rang sgar du
'ong bar/

lcang skya rin po che phran gyi rtsar byon nas gsung 'phros cung
zad mdzad nas khyed ^gong sa'i sku mdun du 'gro dgos zhes phebs/
phran gyis bka' chos snyan gsan zhig 'bul dgos pas lo tsA byed
dgos phebs/ de

@248b ltar bya'o zhes zhu nas lcang skya rin po ches bla brang
du byon par/ phran sngon du phyin nas nang ma khang la brda
sbyar/ mkhan po rnams brang ban zhu ste sku mdun du mjal nas
bka' chos snyan gsan zhu/ sang nyin par zhig la bya'o gsung/
khyod sngon du 'ong nas mchod g.yog byed

dgos zhes phebs/ lags so zhu/ phyi nyin sngon du phyin par rig
byed ma phyi grub nang sgrub kyi rjes gnang gi bca' gzhi sogs
bshams te sgrub chog mdzad nas gdan zhur btang/ sku zhabs stong
'khor yang byon/ phran cag gsum la rjes gnang dang/ sbug rang gi
bka' rtsom rig byed sgrub skor

gyi ljags lung bcas bstsal/ lcang skya rin po che nas dpe khrid
re yang thugs rje che dgos tshul zhus pas yong zhes phebs/ nam
phebs ljags lan phul chog gsung/ de'i phyi nyin nas gong sa
mchog gi sku glo cung zad bzhes tshul mdzad kyang phyi dro'i bka'
chos chag med du gnang/ nyin 'gar

mi mang gi mjal kha sogs cher ma gnang/ gzhung nas smon lam chen
mo'i gso sbyong/ gsung chos/ smon lam/ 'cham gzigs mchod gzigs
kyi snyan gsan dang/ zi ling las byed amb+han sogs dpon khag
ldan sa me'i 'phrul 'khor gyi gzigs mo'i snyan gsan sogs phul
bar bdag gir bzhes/ de

nas smad sog 'grul ba thag ring rnams la nang mjal/ tshe dbang
sogs dmigs bsal 'ga' re las byings la mjal kha zhag 'gar ma
gnang/ nyin re'i dgongs ja bar rje zhwa dmar rin po che'i mdun
bka' chos 'phros sogs gsan bzhes mdzad/ tshe lnga la skyabs rje
bde yangs rin po che

rang sgar du byon/ phyi nyin sku mdun du mjal kha'i zhabs zhu
zhu/ de nyin gsung 'phros rgyun ring dang gsol tshigs lhan rgyas
gnang/ de'i phyi nyin rdo rje 'chang gi spyan sngar byon nas
gsung 'phros yud tsam zhig mdzad nas

@249a @#/ /phyir phebs skabs bya khyung khri pa las sne rnams
phebs nas ^gong sar mjal kha'i snyan gsan sogs zhu/ sa ra'i
mkhan chen yang mjal khar byings dang lhan cig tu maNDal can
rnams sdebs

gcig mjal/ lo gsar tshes bcu gsum bcu bzhi bar du gsung 'gags nas
ma byon pa'i tshul mdzad de phran la gsang stabs skad 'don pa'i
sman byin zhes phebs/ phran yang 'ur nas gsol sman mkhan po

bzhag nas phran lta bu ci yang mi shes pas rtsi 'bul zhus par/
cis kyang ster dgos zhes bka' nan che pas/ mai tung zer ba'i
rtsa sman zhig yod pa cung zad phul pas/ 'phral du dwangs bskyed
gnang tshul bstan/

de nas lo gsar tshes bco lnga'i skya rengs shar ma thag gso
sbyong gi mgon du byon/ dge 'dun rnams rjes lu the ba mang bar
byung/ gso sbyong grol 'phral 'du khang chen mo'i rab gsal du
bzhugs gdan sogs rgyab par

der gsol ja phul nas lhod bzhugs mdzad/ mang ja grol 'phral chos
rar gsung chos la byon nas lha ldan smon lam chen po ji bzhin
skyes rabs stag mo lus sbyin pa'i chos mthun gcig rgyas par
bstsal zhing bka'

slob snying rus mang po 'doms par mdzad nas maNDal phul te grol/
de nas bla brang rtser byon lhod bzhugs gnang/ 'chams gzigs la
mi byon gsungs/ phyi dro smon lam gyi mgon du chibs bsgyur
mdzad/ phran rnams

@249b kyang zhabs gras su sdod ces gso sbyong/ gsung chos/ smon
lam thams cad kyi zhabs zhur dpon slob rnams kyi ltag tsam du
gdan bting bar bsdad nas zhabs zhu zhu 'khul byas/ smon lam grol
nas bla brang

rtse la yongs grags kyi mchod rol bcas gdan zhu byas/ dgongs mo
mchod gzigs kyi dgongs len zhal ngo sogs kyis zhu bar mi phebs
gsung/ zi ling las byed rnams me 'phrul sogs bla brang chen

mo'i mdun du bstar bar/ gzigs rtogs rgyan ring mdzad/ zhwa dmar
rdo rje 'chang khyogs kyi steng du spyan drangs nas mchod gzigs
mdzad/ phran rnams mchod bskor sogs mjal te 'dzin grwa'i sku rim
sogs la 'dug

'khul byas so/ /de'i phyi nyin tA re ganggA'i chos dbyings tA
bla ma ngo g.yog bzhi la tshe dbang bstsal/ bar der sku zhabs
bde yangs rin po che slob dpon mdzad de re ba skong dus grwa'i
slob zur dbu mdzad byas ri khrod pa bsnyen

song bcu phrag gnyis tsam gyis sbug gi zhabs brtan chos rgyal
bskang chen dang bzlog pa'i sbyin sreg khro bcu'i sngags grangs
bsog sogs zhabs brtan phon cher sgrub gnang mdzad cing rtags
mtshan yang shin tu legs

zhes phebs/ de'i rjes su u tstsha Da'i las sbyor sogs kyang
mdzad snang/ de mtshungs bya khyung du lcam sring bskang bshags
'bum/ tig rgyar yang bskang bshags 'bum/ sku 'bum du'ang bskang
bshags

@250a @#/ /'bum/ glo bur las bcol/ phyogs gzhan dag tu'ang zhabs
brtan sogs phon chen por sgrub gnang mdzad/ nyi shu'i nang mkhan
po zhal ngo sogs la mkhan po'i bka' tham/ bca'

yig chen mo sogs gzigs rtogs mdzad rgyur bka' phebs pas/ so so
nas yar spyan phebs zhu ste zhag 'gar bzhag nas dpyid chos skabs
phyir bstsal skabs su bka' bsgyur la tA khu re chen mor zhu

yig ji ltar phul ba'i lo rgyus dang sbrags 'dir byon nas zla ba
lnga'i bar du rgyu mtshan zhu mkhan tsam yang ma byung ba'i gnas
tshul gyi bka' bsgyur rgyas par gnang/ 'grigs lam nyams pa sor
tshud ma nyams

gong 'phel gyi thabs tshul la thabs shes gang drag dgos tshul gyi
bka' slob zhib rgyas sogs bstsal/ de bstun gzhung tshogs 'dus
rnams de 'phral du bka' gros te 'grigs lam sogs dag ther byed

'khul gyi bka' blo mi bde ba'i rigs 'ga' zhig byung ba'i tshe
nang ma khang nas thabs shes gang drag gis ci bder byed dgos
tshul phebs/ 'dor len ma mkhas na rang gzhan gnyis phung du gyur
nyen che bar gsung/

de nas ^gong sa mchog nas bla ma tshogs 'dus rnams la nyin bdun
gyi bar du bka' bsgyur btang/ mkhan po dang zhal ngo gnyis zur
bzhugs mdzad/ re zhig bar dge tshab zhig bzhag /mkhan po re zhig
tshab

@250b kyang ma byung/ de nas ra kho tshang la mkhan khrir bsko
bzhag byed rtsis byas kyang 'phral rkyen sna tshogs kyis don du
ma gyur/ skabs der ^gong sa mchog nas zhal ngo gnyis dang/ dge
g.yog gnyis/ chab ril

gnyis/ dgon gnyer gcig bcas bsko bzhag gsar du gnang/ skabs der
drag zhan bar gsum la mol bstur gyi yi ge brgyud/ rjes su rtsa
tshig gsar ba bzhengs te gnang ba sogs mdzad pa rlabs ches so/ /

gnyis pa'i tshes 'gor rdo rje 'chang mchod me dang zhabs brtan
bsgrub phyir rde'u tshar byon/ rje bde yangs rin po ches zhabs
brtan khag mang po gnang nas sku cung zad ngal bso mdzad/ du
rbed tA wang nas dge 'dun la bsnyen

bkur mdzad nas ^gong sa mchog la tshogs dung byin rlabs dang/
dzaM b+ha la'i gter ga'u bsgrub gnang zhu nas phyir rang yul du
phebs so/ /phran la co sne bka' 'gyur phul ba chad lhag sogs
zhus dag bgyid dgos

phebs nas u shi brag tshang dang ngos gnyis zhus dag byas 'khul
byas/ skabs der gong sa mchog nas zhabs bsnyun tshul bstan nas
rgyun ring tsam song bar phran la nang lugs kyi thabs zhig ston
dgos tshul

phebs par/ phran bu cag nas ci bya btol bral gyis khyud 'byung
po 'ur 'ded kyi sngags lanydza paN chen dpal ldan ye shes nas
rgyal mchog bdun par phul ba de bod du chos 'khor rgyal gzims
chung du bzhugs pa chu
@251a @#/ /bzang rin po che phyag bris su mdzad bshus gnang ba
phran la yod pa phul bas sku thang gsar bzhengs gnang nas sku
rgyab tu bkram pas sku bsnyung sang dwangs su phebs tshul bstan/
sku zhabs

bde yangs rin po ches u tstsha Da'i 'khor lo'i las sbyor gnang
dgos tshul phebs par brten 'khor lo sgrub chog gnang ste phul/
nag zla'i nang dus 'khor grwa tshang du gar sbyangs byas pa spyan
phebs byed rgyur stabs

gcig tu sa gar nyin chibs bsgyur mdzad de spyan zhu byas/ mchod
gar nyin kyang chibs zhal bsgyur te spyan zhu byas par bka'
phebs pa rnam grwa dang mi gnyis par gyur snang/ gar dpe med pa
ma byung 'dug phebs/

phran nas chu bzang du ched mngags kyis gar dpe g.yar po zhu
nas spyan zhu byas par ma dag pa mang 'dug ces phebs par/ phran
nas maNDal rten gsum phul nas zhus tig gnang nas bstsal grogs
mkhyen zhes

gsol ba btab pas zhal bzhes gnang/ slar yang zhal nas sgrub
mchod steng sbug chibs bsgyur nyin gnyis tshes bcu bzhi dang bco
lnga'i nyin phebs rgyur bka' phebs/ de lugs grwa tshang tshogs
'dus su sbran/

tshes bcu bzhir phran dang stong 'khor ho thog thu rin po che
gnyis ka zhabs gras su sdod dgos phebs par zhabs gras su bsdad/
sku mdun zhabs gras mchod dpon mkhan pos dbu mdzad gnang/ rnam
grwa'i slob zur

@251b ram 'degs mdzad nas nam rgyun rjes ma tshogs 'phral du
chibs bsgyur bskyangs nas tshogs te phyi dro mun ma rib tsam la
tshogs grol/ de yang zhal 'don dal zhing gdangs 'dur tshogs mchod
bcas dal bus

gsung/ tshes bco lnga'i rjes ma tshogs 'phral chibs bsgyur gnang
nas sngar nyin dang 'dra bar zhal 'don dal brel ran par gsung
chog mdzad/ grwa tshang la rten skal du ^sbug gi rta phrugs kyi
sku gzan/ phyag

sbub che legs/ rgya srang nyis brgya lnga bcu'i gtong rtsa/
phyag sdebs bcas gsol ras spam mtho ba dang lo star bzhin nyin
gnyis 'phar bcas 'dzugs rgyur bka' phebs dang gtong rtsa bcas
bstsal/ phran

shamb+ha lar skye ba'i rten 'byung du dmigs nas gser gyi mthe bo
rdo rje/ chibs pa 'gros bzang rkyang po/ nang mdzod bcas 'bul
lam du zhu/ dpyid chos rjes ma'i gzhung bsdus kyi dam bca'i
steng du snyan gsan 'bul ba

ltar nyin 'ga' chibs bsgyur gnang/ de rjes sa zla'i nang bod nas
zhu rgya du ma dang/ kham rdzogs chen nas rig 'dzin pad 'phrin
dang ka thog sku skyes dang/ gter ston sogs nas sum rkang can
gyi zhu rgya mang ba

phul snang/ de dag so sor bka' lan sogs rgyas par bstsal/ de nas
mi ring bar rgyal khab nas mkhan chen 'jam dbyangs bstan pa
dang/ mkhan chung blo bzang bstan 'dzin rnams 'byor te sku bcar
thog nang

@252a @#/ /ma'i gsung gleng sogs nyin 'gar rgyas zhu gnang/ lnga
pa'i tshes gsum la/ rgyal khab nas gser yig chen mo phebs par zi
ling aM b+han dang/ yA mun lnga'i dpon khag rnams nas

rgya lugs kyi mchod rol dang bcas gdan drangs nas bla brang chen
mo'i ka bzhi mar ^gong sa stong 'khor bcas phebs bsu dang/ rgya
dpon sku tshab nas bka' yig bsgrags/ bod yig drung yig

chen mos bsgrags skabs ^gong sa mchog zhal shar du bstan nas
zhabs pus btsugs nas dgu phrugs kyi phyag mdzad nas gsan/ brtse
bskyangs kyi gsol ras 'phar rnams rgya lcog steng

du spyan lam du bstar/ slar dgu phyag mdzad nas bzhugs khri chen
mor zhabs sor 'khod/ dpon rigs rnams nas phyag dbang zhu zhing
gsol ja sogs bstsal/ de rjes 'du khang chen mo'i dkar spro

sogs rgyas par spro thog mdo dar lan gsum btang thog spyan 'dren
rgya gling bcas gsol ston chen mor gdan drangs/ rgya bod kyi
drag zhan bar gsum tshogs nas ston chen gnang grub 'phral slar
bla brang

chen mor gdan drangs nas bzhugs/ tshes lnga'i nyin 'khrungs skar
la zi ling dpon khag lnga nas sba yer steng rgya mi 'khrang zhI
'bul bar gsol ba btab pas zhal bzhes gnang 'phral/ bla brang
chen mo'i gzhung

@252b sgo'i nang phE lu'i drang thad du phE lu zhi btsugs/
dpon khag so so nas gral bsgrigs zhus te gsol tshigs rgyas par
rgya lugs ltar zhus shing/ dngos gzhi 'khrungs skar la sba yer
rgyas par phul/ 'khrang zhi'i gzigs mo

spyan lam du bstar/ dpon khag so sor babs bstun gyi gsol 'phar
sogs bstsal/ de nas mi ring bar mkhan chen dang mkhan chung bcas
phyir log rgyab nas rgyal khab chen mor bka' drin legs 'bul zhu
bar thon phyag zhu/ de nas rtse drung ched

mngags kyis zhwa dmar rdo rje 'chang gdan zhur btang/ bzhugs
gnas 'khod yangs shing bsil ba zhig dgos zhes phebs pa ltar/
shing bza' sgar bar gnas chung tsher gshag yin kyang glo bur sbo
dgos byung ba la brten dgongs khrel gyi rnam pa

zhig shar ba 'dra/ mi ring bar rdo rje 'chang byon par mjal kha
zhu/ ^gong sar mjal zhus kyi dgongs len zhu gsung bar phyin te
dgongs len zhu bar/ 'phral du phebs chog ces gsung zhu bar/ da
lta byon zhes gsung zhu bar/ sku mdun du mjal 'phrad mdzad

nas gsung gleng cung zad mdzad nas rim mjal zhu chog ces phebs
pas slar gzims chung du gdan zhu byas/ de nas re zhig zla gcig
lhag par bka' chos sogs gang yang ma gnang/ sku mdun du dbus
phyogs su phyag bris sogs kyis thugs brel gyis zhag shas

gzhan dag gi ngal ba ma gnang bar bzhugs/ skabs der bla brang
bkra shis 'khyil nas/ ^gong sa mchog gdan zhur/ kun mkhyen bla
ma/ bla brang khri pa/ mkhan po ngag dbang dge legs kyi sprul
sku/ dge bshes bcu phrag gnyis lhag tsam

@253a @#/ /dang; phyag mdzod 'go log chos mdzad sogs rgya dmag gi
skyel mi sogs mang bar 'byor/ 'dul ba mkhan pos shangs len byas/
phran kyang bzhugs gshag khong bshad sgrub kyi

gshag tu mjal khar bcar/ de rjes gzims chung mjal khar phebs
skabs nang ma'i mkhan po rnams nas ? khyod rang rgyus yod zhu
zer ba ltar nang ma khang du gdan 'dren zhu/ phyag mdzod dang
gsol dpon sku

'khor nyung bsdus las med/ mkhan po rnams nas yar gdan 'dren zhu
gsung ba ltar gdan drangs nas maNDal bcas nang mjal bstsal/ gsol
ja btegs nas kun mkhyen bla mar yang gsol ja zhus/

rnam gnyis bka' mol cung zad gnang/ thugs 'tshub nyams kyis lhod
chags par rang mi gnang/ de nas bar sangs su mjal chog ces phebs
par dgongs zhus te bzhugs gshag tu byon/ de'i phyi dror dgongs
ja yol

tsam la drung ja'i thog 'byor phyag mjal kha rgyas pa zhabs gras
mang bcas dang mjal mang mjal yangs thog gsol ja bzhes 'bras
ljags mdud sogs bstsal zhing kun mkhyen nyid nas kyang dngos
'bul

sogs bstar ro/ /phyi nyin nas nyin rer dpe khrid la/ phyi dror
nyin 'gar kun mkhyen bla ma mchog dang bla brang khri pa las
thog pa a lags rab brtan rgya mtsho/ sgo mang ngag dbang dge
legs kyi sprul sku/ phyag

@253b mdzod 'go log chos mdzod/ gung thang blo gros/ thu'u bkwan
yongs 'dzin jo khri/ smad sog mgon dkar sogs dpe cha pa nyin rer
res mos su sku bcar zhu/ sku mdun pa mtshan zhabs gras 'dul ba

mkhan po/ dpa' ri rab gsal/ bkras lhun dka' chen bsam gtan/ dga'
ldan mkhan po blo bzang rig grol/ ser stod mkhan po/ phran rnams
zhabs gras su bsdad/ kun mkhyen bla mas shing rta'i

srol 'byed kyi bsgro gleng phul/ de rjes phyag mdzod pas rab
'degs zhu/ de rjes khri pas bsgro gleng phul/ sgo mang mkhan
sprul pas shing rta'i srol 'byed/ jo khri nas dus tshigs sogs kyi
bsgro gleng phul

zhing; ^gong sa mchog bka' lan thogs med du bstsal/ de ltar nyin
rer dpe khrid dge bshes rdzogs par gnang/ kun mkhyen mchog nas
tshogs yongs la mang 'gyed sa bcad ma stong tsam dang/ ^gong

sa mchog la bla brang du gdan zhu'i snyan gsan sogs phul zhes
thos/ de nas phyir bla brang du byon pa'i thon phyag sogs dang
gnang cha babs bstun byas nas phyir btegs so/ /drug pa'i tshes la
smon lam 'dzugs

skabs/ zi ling las byed aM b+han sogs yA mun lnga char gyi dpon
po rnams sku mdun du mdun bcar thog /skyabs rje a kyA ho thog
thu mchod yon zhal 'dzoms kyi mjal kha zhu/ dbyar gnas ma tshugs
gong u

@254a @#/ /shi brag tshang la mkhan po'i bsko bzhag dang 'brel dbu
zhwa paN chen sne ring bcas bstsal/ de rjes zhwa dmar rdo rje
'chang la gsol phog gnang/ de bstun sku mdun la sbyong rgyud
dkyil 'khor

bcu gnyis/ rngog dkyil bdun/ rdor dbyings sogs kyi bka' dbang
gnang rgyu'i snyan zhu dang 'brel/ rim bzhin nyin re dbang re re
bcas bstsal/ skabs der zhabs drung sgar ba dbang gral du tshud
dgos tshul

gyi snyan zhu gong 'og kun nas phul bas tshud tsam byung/ bka'
dbang rdzogs 'phral bka' chos sngon ma'i 'phros la zhugs sum
gnang ngo/ /bka' dbang grub 'phral tsam la shar skal ldan rgya
mtsho ston 'khor

dang; a rol rin po che dang/ mtshan sgrog ho thog thu sogs mang
du phebs/ shar rin po che phran gyi nang du byon pas mjal kha'i
bka' 'dri dgongs len sogs phran gyis zhu/ de rjes tshogs phebs
zhus

te 'bul chen mod mi dman pa dang chos 'brel tshogs la lhan du
bstsal/ nang mjal zur ba sogs kyang lan 'ga' mdzad nas phyir
phebs skabs thon phyag dang gsol bskyangs bla na med pa mdzad

nas byon no/ /dbyar gnas grol bstun gzims chung chab bzhugs nyin
'gar gnang thog /zhabs drung dkar po sogs la'ang bdag rkyen
bstsal/ phran bu rnams kyang gsol ras kyis bskyangs/ de nas

@254b phran la tA khu re nas bzhugs dus bka' mngags mdzad de
dbang rdzas tshems grub ma las bzhir mthun pa'ang 'byor ba dang
bstun phyag dpe yab sras gsum gyi gsung 'bum sku 'bum par rnying
sogs sog yul

mdo smad yul du par yod gras dang/ par med 'od 'jo ba'i skyes
rabs bris ma khyon pu sti brgya dang lnga bcu rtsa lnga rje yab
sras kyi gsung 'bum la dpe thum gdong dar tshems grub ma bcas de
min byings thum med

bcas 'bul lam du zhu/ dza ya'i chos grags nas dkar chags bsgrigs
par byas/ phran gyi dge rgan rin po che nas bstsal ba'i a kyA
yongs 'dzin rin po che'i sa gzhong sa thur rang bsgrigs kyang
phul/ skabs

der skyabs mgon nyid nas par khang chen mo'i par gang yod khrur
bcug nas par gsar 'debs byas pa rnams phran 'u cag sogs kyis
dkar chag sogs bsgrigs 'khul dang kha tshang min zhu dag byas/
'bras prA sti

sprul sku'i phyag dpe sogs la'ang tho yig dang zhib bltas su
dkar chag bkod pa byas nas phul/ rdo rje 'chang dang khyab bdag
bde yangs rin po che rnam gnyis so so'i bzhugs yul du phebs nye
phyir re zhig chos

mtshams gnang/ skabs der co sne tsha gan ho thog thu'i yang srid
phran gyi nang du byon/ mjal phyag dang po ti lnga'i rtsa ba'i
rgyugs 'bul bcas kyi snyan 'debs nang ma khang la brgyud nas
zhu/ dgyes brtses kyis gzims

@255a @#/ /khang mjal kha sogs gnang/ phyi nyin nas rgyugs 'bul
skabs sgra dag gsal gsum gyis phul bas dam pa'i rang rtags mngon
du gyur/ ^gong sa mchog dgyes tshor bla na med par gyur/

brtse bskyangs kyi gsol 'phar tshad med pa gnang/ bca' yig gsar
rtsom zhu ba dang 'phral du gnang/ zhu don skor sogs phran nas
zhabs zhu zhu 'khul grub 'phral thon phyag zhu nas phyir phebs
so/ /mtshams

'dir phran la bde yangs rdo rje 'chang nas tig kyar 'ong nas
nyin 'gar ngal gso bgyis phebs don/ ^gong sa mchog la rgyu mtshan
zhu nas tig kyar phyin zhag bcu phrag lhag tsam dang/ de nas
tshur rang yul du zhag

'ga' bsdad/ bsam gling ri khrod du phyin nas zhag 'ga' bsdad
skabs phran gyi nu bo ri khrod kyi bla ma'i rim babs yod pa bla
tshab sogs bskos bzhag byas nas sku 'bum du phyir 'ong bar chu
dkar thang du lcang skya'i

mgron gnyer 'ong nas mtshams zhu gnang/ sgar bar 'byor gdong ^
rje lcang skya rin po ches phran gyi nang du byon 'dug pas mjal
kha zhu/ rje nyid kyi yongs 'dzin dza zur kyang byon snang bas
thug 'phrad byas/ zhabs

gras byings rnams ngos 'phrad byas/ phyi nyin sku mdun du byon
rgyu'i snyan gsan sogs nang ma khang la zhu bar/ nam bzhed byon
chog ces phebs par de 'phral du byon pas sngar lam bzhin gzhung
sgo phye nas phebs

@255b sgug byas snang/ shar rgyags su sku mdun du byon rje nyid
dang yongs 'dzin phyag mdzod bcas byon nas mjal kha zhus nas
yongs 'dzin bod skad bde bas gsung rgyun ring tsam gnang/ phyir
phebs nas mchod mjal

sogs dal bar phebs/ zla ba bcu gcig pa'i tshes bdun la dgongs
ja'i tshod la rgyal khab chen mo'i mong g+hol cor g+hon ya mun
brgyud de gong ma'i nang gnas kyi bka' phebs pa'i dgongs don la/
ta la'i bla ma mdo

smad rje sku 'bum du sa chu sogs 'phrod lam cher med na/ re zhig
rgya nag ri bo rtse lngar phebs na bsil drod skoms po yod pas de
lugs su bgyis zhes bka' phebs/ de nas drung skya ser kun gyis
dgyes tshor chen po

dang bcas pa pA yer phul/ phyi nyin skyabs mgon lcang skya
mchog nas sku 'bum 'dus tshogs la phog rgya srang nyis stong gi
sbyor 'jags gnang/ bstan pa nam gnas kyi bar du nyams pa med pa
byed dgos kyi bka'

nan tshogs 'dus la phabs/ ^gong sa mchog nas rgyal khab tu byon
pa lan bza' nyer spyad ji ltar dgos tshul gyi bka' 'dri phebs
par/ rje lcang skya mchog nas bla ma zhwa li zer ba'i sdeb zhig
yod de'i nang gsal

ltar dus bzhi'i bkon pa bsgyur dgos yod zhus pas sdeb de g.yar
gnang zhu bar phebs pas 'phral phul zhu bar gsung/ zhag 'ga'
bzhugs nas dgongs zhu thon phyag zhu nas phyir byon/ tshes bco
lngar gza'
@256a @#/ /skar 'phrod sbyor legs pa'i nyin der zhabs brtan brtan
bzhugs 'bul rgyur drung skya ser spyi nas snyan gsan zhu ba ltar
zhal bzhes gnang/ skyabs rje khyab bdag bde yangs rin po che de

'phral du byon yod pas maNDal ljags bshad gnang bar nang ma
khang nas gsol ba btab pas zhal bzhes gnang/ phran la'ang zhabs
brtan du tshogs dgos zhes nang ma khang nas bstsal zhing brtan

bzhugs re yang phul na legs phebs don ltar/ phran nas rin po che
sna lnga las grub pa'i dbu rgyan bzo bkod khyad thon sgam rang
bsgrigs kyis thog drangs/ rgya srang lnga brgya'i 'bul lam zhu/
bde yangs rdo rje

'chang nas maN bshad rgyas bsdus 'tshams pa phul bas thugs mnyes
tshor chen po gnang kha btags nang mdzod bstsal/ bla mchod dang
'brel ba'i mkha' 'gro'i bsun bzlog tshogs mchod bcas phul thog
bod

pa spyi nas rten 'byung phul/ thams cad kyi sog chas sprad nas
legs lam bsgrigs/ sku 'bum gzhung nas mar zhabs zhu byed mi
dgongs len zhu bar thon mi spyir gtong mi dgos snyam yang/ ci
ste gtong na

che shos nged cag 'dris cha che phyir kho rang de kas 'thus/
gzhan ma mi dgos zhes phebs zer/ sku 'bum tshogs 'dus phebs nas
phran la ^skyabs mgon zhabs zhur 'gro mi dgongs len zhu bar
khyod rang

@256b ma gtogs mi dgos tshul phebs phyir da lam ^skyabs mgon chen
po rgya nag tu byon pas sku 'bum thon mi nges can du ma song thu
med du 'dug pas dgun dang lam gyi ngal tshegs la ma 'dzem par
chos sde'i

sku don gal chen yin phyir cis kyang phebs grogs mkhyen zer
snang/ phran nas dka' tshegs la mi 'dzems kyang chos sde'i thon
mir go chod 'ong rgyu dka' bas na gcig tu ^gong sa'i zhabs
'degs/ gnyis

su chos sde'i bstan don la rgya gang sa nas rang blo shin tu
dman pa'i rkyen gyis sde ba gzhung gi tshogs 'dus che chung gi
bka' sna tshogs gnang tshe phran nas pher dka' bas ci ste 'gro
dgos na de'i rigs la gzhung gi rgan

pa re phebs na khag khur bzhes mkhan re yod na legs/ de min
zhabs zhu ring thung chu me shing dkrugs rgyu sogs phran nas
gang lcogs ci lcogs 'thus shor med pa zhu chog lags zhu bas/
thams cad kyis

bka' drin che zer nas nyer mkho yo byad bsgrigs rgyu'i dod 'bul
mtshon byed rgya srang sum brgya gnang bas mi dgos zhus kyang u
tshugs mthar skyel gnang bas len dgos byung/ phyi nyin nang ma
khang nas 'phral du sku mdun

shog ces phebs gsung ba ltar phyin par/ gzhung tshogs 'dus nas
khyod la cang mi zer ram zhes bka' 'dri gnang 'dug par/ lags
^sbug gi zhabs phyir 'gro dgos tshul mol snang zhu bar/ khyod
kyis khas

@257a @#/ /blangs sam phebs par/ u tshugs nan cher gnang stabs
khas ma blangs thu med byung zhu bar/ 'o yags po byung/ da nged
cag mnyam du rgya nag ri bo rtse lnga dang/ gong ma chen

po'i gser zhal mjal 'gro/ 'gro chas myur bsgrigs gnang/ mi
'gyangs par thon rtsis yin zhes dang/ khyed rang ma gtogs gzhan
ma mi dgos nged kyis lab pa yin zhes bstsal bar/ la les

so zhu nas phyir rang sgar du 'ong nas bkod khyab byas te 'gro
chas bsgrigs/ ^gong sa mchog nas gzhung tshogs 'dus la phog chen
thebs su rta rmig ma bdun cu don gcig gi sbyor 'jags gnang/ nyi
shu

bdun gyi nyin stong skad la ^gong sa mchog rang sgar du byon
bzhed snang zer mod/ gdan zhu'i rngo mi thogs phyir ci bya gtol
bral du gnas/ de'i phyi dro ^gong sa mchog le'u che'i gnas ri
dang/ hwong si'i sgang du

byon snang/ phyir lam phE kyA sgar bar chibs bsgyur gnang/ kun
gyis de nas rang sgar du byon nges zhes kun gyi ca co sgrog par
gnang/ phe kyA sgar nas phyir bla brang chen mor sa srib la
byon 'dug /phyi nyin

'dar ma dang po gtong dus phran nas sog chas sprad dgos zhes
gsungs nas bka' 'gyur phebs pa bzhin sog chas gyon/ zhog ja grub
'phral nang ma khang nas dgon gnyer 'byor bas ^sbug rang sgar du

@257b byon bzhed par gnang 'dug pas gra bsgrigs bgyis zhes nang
brda phebs/ phran smad phyogs su 'gro bar chas pas na gang yod
bsdus gsogs byas tshar bas da ji ltar bsgrigs snyam pa'i ngang la
^sbug sku

'khor bcu grangs tsam dang bcas glo bur du chibs bsgyur bka'
drin bskyangs pas mchod khang du gdan zhu byas/ skyabs rje shing
bza' rdo rje 'chang gis rdor phreng gnang dus kyi bzhugs khrir
mnga' gsol zhabs sor

'khod 'phral rten 'byung/ maNDal rten gsum/ rgya dngul rdo tshad
gnyis/ nang mdzod bcas phyag dbang zhu/ sku'i gam du phran gcig
pu ma gtogs/ sku drag rnams mgron khang du gsol ja sogs phul/
gsol ja

phul rgyu gsol thab pa ma phebs phyir rngo mi thogs pas ci drag
gsol sman mkhan por zhu bas/ gsol 'o zhu na chog ces gsungs pa
ltar 'o ma phul/ shing 'bras rgya khur sogs phul na chog ces bla
sman pas

gsungs pa ltar phul/ thugs lhod chags par bzhugs nas gsung gleng
rgyun ring tsam phebs skabs zhig la bka' chos 'dra 'don dgos pa
med dam zhes phebs pas/ dga' lha dang 'brel ba'i dmigs brtse ma/
sbug

gi bka' rtsom bla ma'i rnal 'byor gnyis kyi ljags lung zhus par
yongs zhes phebs/ phran gyi nang mi rnams chos gral du chud e
chog na zhu bar/ yongs zhes bstsal/ chos gral du phyi nang gi mi
yang a re mang tsam

@258a @#/ /'dus/ thams cad sku'i zil gyis dong tse 'bul mi rnams
nas chon thag chod nas phyi nang dong tses khyab par gyur/ zhabs
grwas rnams nas bsdu tshul byas pas ^gong sa nas bzhog ces

phebs/ sbug nas rgyun bzhes tsandan dmar po'i phyag Dal phran la
gsol ras bstsal/ mchod khang gi lha tshogs rnams la phyag nas
snyan shal rgyas par bstsal/ btsan khang du byon nas phyag nas
dang snyan

bshal thugs smon gnang/ phran gyi sdod sar byon nas gzigs rtogs
mdzad cing rten la phyag nas snyan dar gnang/ de nas phran la
khyed nged mnyam du yar phebs dgos phyir da mnyam du 'gro zhes
phebs pa

dang/ lags so zhu nas zhabs phyir bcar nas bla brang du phyin/
da dung cung zad byon ma nye pa'i stabs rang 'gro ba mi rigs
phyir/ gcung byams shAk la sbug nas bstsal ba'i phyag Dal rked
par khur nas shog ces

bshad/ gzims chung steng shod rnams kyi sgo sogs legs par bsdams
nas shog ces bshad/ kho rang 'ong nas cung zad bsdad nas bzhon
pa rnams or bar gyis shig ces mngags nas cher ma 'gyangs

par phebs brda gsum pa btang 'phral phran rnams rang rang gi
bzhon pa'i sar phyin nas phebs sgug byas par gzims 'gag nas go
rim mthar chags su bsgrigs nas phebs ko zhes pa dang/ dal brel
ran

@258b pa/ rta bang ma nor ba phreng gcig pa/ phran sku mdun
'khris su kun dza dang mnyam du 'gro ba las mi 'da' bar bya dgos
zhes gsung/ sku 'bum gzhung gi ser sbreng mchod 'dzin dang spyan
'dren rgya gling dang gzhung gi

mdo dar ma bcas hwong si thang nas mkhan po mjal dar/ dar 'bod
lan gsum dang bcas chibs 'khor mdzad nas rim bzhin byon no/
/rde'u mar thang du ja thab/ sku 'bum bla spyi sgar ba'i rta ba
dang bcas/ chin sho hor

gzhung rkyang gi gsol tshan steng sku lhod tsam la bzhugs/ phran
la yang nang mi'i gras su bzhag nas ja sogs kyi bdag rkyen
bstsal/ bla sman mkhan pos 'di phan nang ma khang gi gras su
bzhugs gnang mdzad dgos

gsung/ na bza' 'ang ser rkya nga rang gyon dgos tshul dang brang
pan chag med dgos tshul chibs bsgyur skabs sku mdun thang stong
'khor dang mnyam du phebs/ stong 'khor skabs 'gar bzhugs med tshe
kun gling ja sag

dang mnyam du 'gro dgos tshul/ nam rgyun ji dgar phebs chog
/zhing sa chen po dang mdzad chen skabs zhabs zhu byed tshul 'di
ltar chag med dgos tshul gsung/ rgyun ldan bzhugs zhag la brang
pan nam rgyun chag med

gnang dgos/ de ltar do nub dgongs gros nas shing byang 'bul rgyu
yin pas len mi gtong gnang dang dus rgyun shing byang ltar gsol
phog thus shor du ma song ba gal che tshul bcas nang mas gsung
gros dang gzhan ma

@259a @#/ /skabs skabs su zhu chog pa dgongs dgos bcas gsung/ de
nas chibs thon la sngar ltar phebs thang ma hwang la zi ling aM
b+han rang gi che rtags sna tshogs kyis phebs bsur bcar/

nan sAn la rtsar deng sang gi dmag rtags gsar ba can gyi ser
sbreng tshar du dngar ba gnas/ ^gong sa mchog nas phebs byams
nang bzhugs te mdo dar btang bzhin chibs bsgyur gnang/ mkhar
rtsa nas rim

bzhin byon te tA co phrang nang chibs bsgyur gnang bar phran bu
rnams sngon 'gros su phyin te brang pa na g.yon ngos su zhu/
rgya dpon rnams g.yas ngos su brang pan zhu/ gzims chung phyi
sgor phebs byams nas phyir

byon te phan tshun g.yas g.yon la gzigs rtogs bskyangs te nang
du byon/ aM b+han sogs dpon khag lnga nang du phyin nas chin nan
zhus te 'phros pa nyung du zhus nas phyir thon/ phran rnams
brang pan byas nas kho rang

rnams phyir log pa dang/ phran rnams nang ma khang du phyin par
gsol ja bstsal ba 'thung nas sang nyin snga phyi'i dgongs len
byas par sang bzhugs 'jags mdzad pas snga phyi babs ltos kyis
'dir ru byon na

yar mar phebs bzhugs sogs ma nges phyir zhabs zhu gnang dgos
phebs/ de nas phran mkhar nang gnas tshang ten la phyin nas
bsdad/ phog dpon sar btang nas shing byang blang ste phog rnams
zhus

@259b nas 'ong/ phyi nyin tsha rting tsam la mjal phyin par 'bod
mi nang ma khang gi g.yog po 'byor bar ^sbug chibs bsgyur
bskyangs zin mkhar nang mkhas pa mi gsum gyi lha khang sogs gnas
gzigs la byon pas lam

po ru yod rtsol shar phebs zer snang/ de 'phral lho sgo brgyud
nas phebs pas snga gong du phebs lam khar rjes zin nas/ gshin
rje'i lha khang sogs la gnas gzigs mdzad/ tshur lam mkhas pa mi
gsum

gyi lha khang sogs la gnas gzigs mdzad nas phyir lam rgya grang
chen mo nas phebs par phran la khyod dpon po yin 'khul byas nas
sngon du song nged rnams g.yog po'i tshul du 'gro/ de ltar ma
byas na dpon khag

rnams ngo shes na mi legs pas gsang ba byas nas 'gro dgos gsung
phran nas bkwa tsi gyon yod pa gzhung rang du phyin/ gzhan thams
cad kyi ca car gyon yod phyir gtso 'khor lta bu byas so/ /de nas
gzhung sgar du

byon 'phral yA mun lnga'i dpon po rnams 'ong/ ^gong sa'i mchog
la rgya'i sgyu ma'i rtsed rigs sna tshogs spyan phebs zhu bar/
^gong sa mchog nas dgyes tshor mdzad nas gzigs rtogs cung zad
tsam mdzad/ de'i

phyi nyin chibs zhal bsgyur skabs rgyal khab chen mo nas zi ling
phU la bkas mngags pa'i chin tsher bsngags shing tA la'i bla
ma'i zhabs 'degs zhu dgos zhes bstsal ba dang/ zi ling krIn the
mA wu shang zhabs zhur

@260a @#/ /bcar/ aM b+han dang to the/ zhAn gsum nas phebs
rdzongs thams cad kyis kyang phul zhing dmag mi'i ser spreng
bcas chibs thon mdzad nas/ phIn drung yer bzhugs zhag mdzad/ de
nas

sku 'khor/ drag bsdus bcas dmar gtsang bla chen gyi bzhugs gnas
rten gsar dge bshes rab gsal lags nas bzhengs pa la phyag nas
dang gnas gzigs bcas mdzad par byon/ phyi nyin nAn

pIr bzhugs zhag thog lcang skya rin po che byon nas phebs
rdzong zhu/ phran kyang lcang skya rin po cher mjal kha zhu/ chu
bzang ho thog thu yang phebs rdzong zhu/ dgon lung sgo mang
mkhan sprul phebs nas mjal kha

zhus shing/ phran la yang ngos thug gnang zhing gnang spyin
gzab/ de nas rim bzhin chibs bsgyur bskyangs te tI thun thu sI
ngo g.yog rnams kyis mjal kha zhus shing/ gzhan mjal mi lam
khar nyin bzhin

zam ma chang par 'ong/ de nas krOng lang zhAn gyi co 'phrad la
bzhugs zhag gnyis mdzad/ der dpa' ri dang sog 'grul mang po nyin
bzhin mjal/ de nas phyag btegs te zhag bzhugs gnyis pa hun khren
tsir

bzhugs zhag mdzad pa'i mtshan nang gung sku mdun nas phran la
zhabs phyi btang nas rma chab la sang gi phebs lam gong mar
'khyag rgyab bam ma rgyab mo rgyob zhes bka' gnang 'dug zer/ da
lta rgyob gsung bar

@260b ci drag la thug nas rgyab 'khul byas par 'khyag pa yod
snyam shar bas ci 'gyur na zhes zhu byas/ de'i mtshan phyed yol
nas thams cad langs nas 'gro ki snang zer/ lam gang la 'gro ki
byas pas lam gong mar 'gro

yi snang zer/ rang 'khor rnams lam gong la phyin pas 'khyag pa
rgyab snang/ mi ring bar spug kyang chibs bsgyur gnang/ der
sngon nas gra bsgrigs ma byas pas 'phral du chibs bsgyur gnang
spyin gyis zhugs shing

sogs dka' bas mi dpon rnams nas mi tshang gi khang ba rin babs
gtad de nyos nas zhugs shing byas nas he tsu tsir bzhugs zhag
mdzad/ phyi nyin phran bu rnams kyang zhabs phyir phyin chibs ra
rgyas pa mdzad de dal

bus chibs bsgyur bskyangs te gsol tshan thog sku lhod de bzhugs
mdzad/ de nas phyag btegs te rim bzhin byon pas rnam gra'i slob
dpon rnams kyis mkhar sgor khrus gsol gang rgyas dang mnol
bsangs sogs

gnang 'dug /de nas mkhar sgo'i phyi nang thams cad du gnyug mar
gnas pa thams cad nas pus btsugs rgyab lag pa spos thogs nas
bsdad snang/ de'i nang rim du dmag mi'i ser spreng zi ling dang
'dra bar che rtags

rnams bsgreng te zhabs zhur 'ong/ ^gong sa mchog le bar bcu lhag
nas phebs byams nang bzhugs te phebs so'i mdun thad stong 'khor
dang phran gnyis kyi sngon du kun ja/ de'i g.yas g.yon du ru
bzhi bsgrigs
@261a @#/ /dang dkyil du gzhung zhabs pa'ang go rim ma 'chol bar
rim bzhin dang/ de'i sngon du sger g.yog so so rnams bcas go
rim ma 'chol bar byon te shar phyogs kyi co 'phrang nang bzhugs

sgar rgyab pa'i ltag ngos su gzims chung bzhi sgor du yod pa'i
nang spyan drangs te bzhugs/ yA mun lnga'i dpon pos bzhugs
khang phyi nang du tsandan sha stag gi dud sprin 'thul bzhin pa
dgon khag gnyug mar

gnas pa rnams ser sbreng mchod rol sogs mtshar du dang ra
'khrigs/ phran bu rnams brang pan zhu bar/ dpon chen rnams so so
nas chin nan mjal phyag zhu bar/ chin khre gnang sbyin sogs
bstsal/ tsun tu

sngon du phebs lam khar bsu ma 'ang byas/ mjal kha grub nas
phran rnams tu na bkwan ten khang sar bzhud do/ /der bzhugs zhag
'gar sku ngal bso mdzad/ mi dpon so so nas shing 'bras ten shin
sogs

phul; rgya mis rtsed rigs sna tshogs spyan lam du nyin bzhin
bstar mod 'ga' re ma gtogs gzigs rtogs ma mdzad/ phebs nye bar
mi dpon so so'i phebs rdzongs rgya cher phul/ de nas chibs thon
thog

zi ling krIn the mA zi tA bzhin phebs rdzongs phul te dgongs
zhu dang phyir log gnang chas yid mgu bar byas/ de bzhin tsun tu
tA bzhin/ tshin the/ nye the/ krIn the/ ko lan shAn sogs so
sor phyir log gi gnang

@261b cha sngam mtho ba bstsal/ de dag so so nas kyang shing
'bras tsha li ma/ a mra/ ten shin sogs phebs lam kha'i ldags
smin sogs btegs/ chibs bsgyur bskyangs skabs dpon chen rnams sku
bcar dang/

dmag mi ru bzhi ba sgrigs kyi ser spreng dang bcas rim bzhin
byon te gsol tshan bar phebs gnang bzhugs nas/ der sku drag sogs
dang sku zhabs stong 'khor/ phran chung rnams la shing 'bras tsha
li ma'i bdag rkyen

bskyangs/ de nas chibs thog nas byon/ de ltar nyin re 'char can
la gsol tshan bar le bar lnga zhabs thang dang de min chibs thog
/gsol tshan rjes su sa le bar lnga zhabs thang la phebs pas sku
drag che chung rgya mi chin

tshe bcas rkang thang la 'gro ba mthong/ de nas chibs nas byon
bzhugs zhag sar rgya mkhar che chung re nges can du yod pas le
bar bcu'i sleb sa nas phebs byams bcas byon/ rgyun ldan le bar
brgyad cu dgu bcu brgya tsam

bar bar du brgya dang lnga bcu/ brgya dang nyi shu sum cu sogs
byon pas/ de'ang ring thung ji ltar yang snga dro chu tshod gsum
ma zin tsam/ phyi dro chu tshod gsum ma zin tsam tshod gcig las
ring thung shor mi srid/ de yang

phebs lugs ha cang mi myur ha cang mi dal rkang 'gros rnams
kyang phebs rjes zin par yong 'dug go /nyid kyi zhabs gras su
phyin skabs snang rtags ma shar yang rang gcig pur phyin skabs
chu tshod drug la phar

@262a @#/ /zhog nyin gang por rgyugs 'dur gyis rjes su mi snyegs
'dug pa rmad du byung ba'i rnam thar bsam gyis mi khyab par
snang ngo/ /de ltar nyin re bzhin sarga so so'i dpon khag rnams
nas sa

bkra'i ri mo le bar du yod kyi grangs zhib 'khod rnams spyan
zhur bgyis te phebs gra bsgrigs pa sogs byed snang/ sAn zhi
dang phran zhi'i dpon khag rnams kyang zi ling bar du rgya mi
tshong ba'i cha byad byas nas 'ong

ste zi ling man chad sogs kan zin gyi bsgrigs cha blta rtogs
byed par 'ong snang/ bA theng du bzhugs zhag mdzad nyin cin ci
phU nas tun we tA bzhin gyi 'tshams zhu mjal dar dngos 'bul gya
nom pa dang phebs skyel

dmag mi bcu gnyis ri rtse'i bar du zhabs zhur btang ba mjal/ de
rnams kyi zhabs zhu hur thag zhu/ de nas rim bzhin byon te jin
drug tu bzhugs zhag gnyis mdzad/ kan zin gyi sa cha de nas
rdzogs/ de'i phyi nyin tshong

ba'i cha byad kyi rgya mi dus rgyun shing rta'i steng la phred
nyal byed mkhan zhig yod pa des dre'u zhig dom dom rgyab zhwa
dmar po tog sgro mdongs byas pa sngon 'gros rgyab nas 'gror
snang/ de'i phyi dro bzhugs zhag steng sleb bar/

kan zin gyi bcu 'gyur cha las 'das pa'i phebs gra bsgrigs snang
'di phran zhi'i gzigs cha red zer bar snang/ de ltar nyin re
bzhin gyi bsgrigs cha rgya je che je che bshad tshod mi thig pa
lta bur stobs che zhing gus zhabs

@262b yang je che je che ba'i sgo nas pa'i na trug zer bar byon/
zhabs gras chin tshe nas rgya mi lo gsar khar slebs pas nyin gsum
gyi dgongs zhu byas te log sar byas/ phran rnams mkhar nang du
bsdad par chin tshe nas

phran la thug 'phrad bya bar 'ong/ phran bu yang thug 'phrad bya
bar phyin par/ trug bkwan tA bzhin dang/ chin tshe zhU bkwan
tA bzhin gnyis char la chin nan sogs byas/ kho ba gnyis nas
khyod la tshE zi yod

med sogs mol bar phran sku 'bum gzhung gi thon mir mngags phyir
tshE zi ga la yod/ rang chas nas zhabs zhur 'ong ba lags byas/
kho ba gnyis nged rang nas khyod la tshE zi byin pa yin/ dgung
zhog gi za

ma dEn khang sogs la bdag sprod gyis zhes gnang/ bka' drin che
zhes zhu/ phyir dEn khang du 'byor bar ngo g.yog bcas la za ma
rgya lcogs gnyis/ zhun mar lA/ zol shing sogs bdag rkyen tshad
med pa

gnang/ de'i phyi dror co sne ma tha sprul ba'i sku phran gyi
rtsar byon nas bzhugs/ sku mdun mjal khar khrid nas mkhan po
rnams la dgongs len zhu nas/ mjal kha gnang/ skabs der rgya yul
du mjal mi mang po

med phyir stabs bde byung/ ma tha tshang yang zhi nan bar du
zhabs zhur bcar/ sku zhabs stong 'khor nas phran rnams la me
'khor gyi rtsed mo sna tshogs bltar bcug /de nas rim bzhin byon
te mkhar bkra shis sgo

@263a @#/ /brgya'am zhi nan du byon par zhing sa chen po'i stobs
'byor tshad med pa'i phebs bsu gong smos bzhin tshad med pa'i bkur
sti dang chen po thang the tsun rgyal po'i pho brang nang mar
bzhugs

sgar rgyab par chibs bsgyur bskyangs te bzhugs zhag mdzad/ phran
bu rnams nas brang pan rgyas zhu bcas gnas par shun wu sogs dpon
khag rnams rim bzhin mjal te 'tshams zhu dang gsol ja

sogs gnang ste bka' 'dri cung zad gnang ste phyir gyes/ phran
rnams nang ma khang du drung ja zhus te rang gi dEn khang du
bzhud/ der nyin 'gar sku ngal bso mdzad/ gsang stabs kyis sgrol
ma lha khang

sogs sngon lha sa'i jo bo bzhugs khri rnams gnas bcu'i lha khang
sogs la gnas gzigs mdzad/ gzhugs yul mkhar nang mar yang chen po
thang gi phyag zhabs kyi rjes yod pa'i rdo dkar po bug pa can

gyi brag ri lta bu shin tu ngo mtshar ba sogs mjal zhu gnang/
nyin gsum la gsung bskang lha bsangs sogs rnam grwas rgyas par
btang/ rgyal khab nas mkhan chen 'jam bstan lnga lam du gyur
ba'i zhu

yig dang/ mkhan chung blo bzang bstan 'dzin ngo g.yog nas phebs
byams gsar bzos rnams bsnams te mjal kha zhus/ lA dag /g+hor
Sha'i dpon rigs rnams kyang mjal khar bcar/ de nas mi ring

@263b bar chibs bsgyur gnang nye bar/ zhi nan shun wu sogs dpon
khag rnams nas phebs rdzongs rgya cher phul/ slog cha yang yid
tshim par gnang/ shing 'bras khur ba sogs khyon chen phul bar sku
drag sogs zhabs

gras rnams la gsol ras bstsal/ de nas dmag mi ru bzhi bsgrigs
kyi ser sbreng mtshar du dang ra ba'i mdun bdar te byon/ de'i
nyin khab cung zad btang ba'i nang zhabs thang le bar lnga'i bar
byon pa dang chag med

thog gsol tshan la lhod bzhugs mdzad/ de nas sngar lugs ltar rim
byon gyi thun bkwan zhes pa'i rdzong gnyan rma khar bzhugs zhag
mdzad pa'i phyi nyin gnam sgra chen po zhig byung ba tun we gnam
du gshegs

pa'i brda yin zer/ nyi dros tsam la rma chu brgal nas gshegs dus
rdzongs 'debs sogs mdzad de phar byon par sAn zhi'i the yan gyi
sgang dmag skya dmag bzhi brgya lhag tsam gyi phebs bsu ru
bsgrigs te yod pa

rnams kyi brda dang brda yi phyag dang phyag lan byas nas zhabs
zhur 'ong/ de ltar nyin zhag 'ga' nas chin shu shan zer bar
dgung gsar kha thug 'phrod pas de yang rgyal rabs sngon ma rnams
kyi zhang kun gyo

thog ser po 'ba' zhig yod par bzhugs sgar rgyab nas gzims chung
sogs kyang phyi nang can/ tshom chen gyi tshod kyang 'grigs pas
phun sum tshogs pa zhig gnang/ nyer dgu'i nyin nam langs nas
bzung khab rgyun

@264a @#/ /chad med par babs/ ^gong sa mchog nas phran la bka'
phebs pa gnam lo kha bas bcad pa ltas ngan par bshad pas kha ba
gcod dgos tshul phebs pas/ phran nas phyag

byas te mi nus tshul gyi dgongs zhu byas pas re zhig gnang/ dpa'
ri rab gsal dang stong 'khor ho thog thu rnam gnyis la bka'
phebs pas/ khong gnyis nas bsangs gser skyems nyin gang bor
gnang

pas kha ba lhag par je ches su song bas bkag mi nus par byung/
gnam gang nyin zhog ja'i khar sku mdun nas bka' nan cher phran
la babs pas bka' gyen ldog ma nus par shing byang 'khor lo bskor
snyam

yang lhags pa cung zad tsam yang med pas na 'khor mi nus/ lag
'khor zhig rang dang g.yog po res mos kyis bskor bas je chung
la song/ sa srib tsam nas cung zad chad/ mtshan gang g.yog po
rnams nas

res mos kyis bskor bas kha ba chod do/ /'dir smras pa/ shar
phyogs tsong kha'i yul ljongs 'dir/ /rgyal ba gnyis pa slar byon
bzhin/ /mdo sngags bstan pa'i pad tshal kun/ /bshad sgrub bstan

pa'i nyi mas gsos/ /de lta na'ang me khyer gyi/ /rang 'od spro
la su zhig mtshar/ /'on kyang legs bshad rgya mtsho 'bum/ /phyur
ba'i skal bzang ngang dur kun/ /ca co sgrog la rab tu 'bad/ /sa
gsum

@264b brnyes pa'i 'phags pa rnams/ /thos pas ngoms pa med bzhin
du/ /rnam dag gtsang ma'i chos brgyud gang/ /bstan pa'i dme ro
rmang gsos ltar/ /brgyud ldan dam pa'i man ngag mtsho/ /khyod blo
dza ha nu yis

hub; ;gcig gis drangs pa'i gtam snyan ni/ /srid rtse'i bar du
lha rnams sgrog /zhing 'di'i skal dman rjes bzung phyir/ /mtshan
dpe'i rgyan ldan zla mchog gang/ /rab mdzes mig gi bdud rtsi
mchog /

nyin bzhin ngoms pas 'gro yid tshim/ /rgya hor bod kyi dreg ldan
kun/ /ma bos mgron du 'ong ba bzhin/ /khyod drung snyegs nas
mjal ba'i tshe/ /khengs phor nye kir so la lhung/ /nyin bzhin 'du
long 'khrigs

pa'i nang/ /khyod sku bag phebs gtsug lag nor/ /khyad par bsags
spyangs yan lag bdun/ /nor sna mang po'i 'du bkod bsags/ /phal
ba'i blo yi ra ba las/ /brgal ba'i rnam par thar ba la/ /dus

gsum phyogs bcu'i rgyal ba kun/ /ched du byon nas gzigs sam
snyam/ /de phyir stong khun rgyal po yang/ /mgrin pa btegs nas
gzengs bstod nge/ /shar phyogs ri bo dwangs bsil du/ /myur du
byon

pa'i bya ma rta/ /btang nas gser gyi glegs bu babs/ /zhes bya ba
ni ngal bso'i tshigs su bcad pa'o/ /phur bu zhes pa sa pho sprel
lo'i dgung gsar gyi dus ston sprel ba'i snga char phran bu yang
tshes gtor

@265a @#/ /'du bar sngar lam ltar gzims chung rten gsum phul te
mjal zhu dang/ gsung 'phros lam tsam phebs/ dge bshes tshang dang
stong 'khor gsum char la yang gsung 'phros

lam tsam phebs/ de nas rnam gra dang lhan du tshes gtor btang nas
grol skabs nyi ma yang lam tsam bstan/ tshes gnyis nas sa thang
rdo thang la song/ de nas bzung lnga ba'i tshes shar bar kha char
thig pa

tsam ma byung/ tshes bzhi'i nyin chibs bsgyur bskyangs nas rim
bzhin the yan zin la nye bar ri bo rtse lnga'i phebs bsu rnams
mjal/ mi ring bar the yan zin gyi dmag mi'i ser sbreng rol mo
sna tshogs kyi

mchod rol dang bcas bzhugs sgar steng shun wu sogs dpon po rnams
dang/ stong 'khor ho thog thu phran gtsos gzhung gi sku drag
rnams kyis brang pan g.yas g.yon du zhus te zhabs sor 'khod/
der

phran rnams la gung bkwan rgya cher/ khran zhi dang khyad med
rgya che 'gro 'dug gi thog mar me mda' gsum gsum dang/ sha ma
ten shin/ tshon zhi'i bkur bzo sogs bla na med pa byas/ der nyin
'gar bzhugs

zhag mdzad/ rgyal khab nas grung thang chen po yang byon nas
mjal 'phrad gnang/ mthong bzo bla med mdzad/ de nas rim bzhin
byon gyis tun nan te trug sogs brgyud nas zha he su mer hwo
zhang rnams kyis

@265b phebs bsu zhus nas bzhugs zhag mdzad/ phyi nyin de nas
phyag btegs te pI mu yAn zhes pa gnas brtan mU chA bzhugs
pa'i gnas dang nye bar bzhugs sgar rgyab/ de'i phyi nyin nyi ma
bzhi cha'i skabs chibs

thog thon nas nub ri'i zla ba'i thod can gyi zhol nas ^spug
zhabs thang la byon/ sku 'khor rnams rkang thang la dal bur
phyin/ phran la ^spug nas che shos myur bar shog ces phebs pas
phran la brgal dus stod

tshang rgyab nas 'gro dka' bar yod dus/ ^sbug nas cung zad re
bzhugs nas phran la sgug pa mdzad/ sku zhabs stong 'khor nas
phran la snga 'then phyis phul gnang nas phebs rjes zin ma khad
la/ yang shar rtsol

gyis chibs bsgyur gnang/ de ltar rim gyis la 'gor phebs rjes zin
nas zhabs zhu bgyis te no g+hon su pur g+ha zhes par gnas gzigs
mdzad/ zhabs gras byings rnams re re gnyis gnyis kyis 'byor

bas phebs rjes zin/ de nyin gnam gshis dwangs shing nyi ma legs
par bstan kyang ri 'gor lha gas ba che ba'i rkyen gyis nge nas
mar byon dus sku 'khor kun gyi zhwa mo lhags pas khe nas ri
klung thams cad du kun

gyis zhwa mo'i rjes 'ded la song/ phran dang sku zhabs stong
'khor zhabs zhur song bar/ ^sbug thad kar lam 'gag gzar po la
thal byung du phebs nas en ger tsha g+han su pur g+ha zhes par
gsol tshan yod par
@266a @#/ /shar rgyag la byon/ de nas sku drag rnams rim bzhin
phebs te gsol tshan gnang thugs lhod chags par bzhugs/ de nas
chibs rags bsgrigs te byon par/ ri bo rtse lnga'i ser sbreng
rnams

kyang rgyang ring po nas bsgrigs pa mthong bas ^spug 'phral du
phebs byams nang du phebs/ phran rnams rta ra bsgrigs nas 'dar
ma dang ser sbreng dang mchod rol dang bcas dal bur byon/ skabs
der nam mkha'

nas tshogs dung cha 'bud pa'i sgra gsal bar kun gyi thos 'dzin
gyi yul du gyur bas phar blta tshur blta byas kyang mthong rgyu
mi snang/ chos kyi 'khor lo zer ba'i lha khang gsar ba zhig lam
gyi 'khris su 'dug pa der

yod pa yin snyam nas bltas kyang mi gcig kyang mi snang/ nam
mkhar bkra shis phra ring bris pa ltar 'ja' tshon sna tshogs pa'i
lnga ldi/ 'phan/ phye 'phur lta bu rnam pa sna tshogs pas nam
mkha' bkang ba kun gyi mthong

snang du byung/ dung gi sgra skad kyang ha cang rgyun ring ba
byung/ de nas mi ring bar klu rgyal pho brang du gnas gzigs
mdzad/ der rgya bod hor gyi skye rgu khrom dmar nag tu 'khrigs
pa'i dbus nas dbus ri'i lha zhol phus ten

tu grags pa'am bya rgod phung po'i rir 'jam dbyangs rigs gsum/
rigs lnga'i lha khang/ smyung gnas khang/ bka' 'gyur lha khang
so sor sna lnga'i mchod sprin brgya phrag mang po snga nyin nas
bshams zin bcas phul

@266b ba stabs mtshungs par ri rtse'i ja sag bla ma'i bsti gnas
su gzims chung byas par zhabs sor 'khod nas lhod bzhugs mdzad/
drung ja tshogs nas grol bstun so so'i mtsher shag so sor byings
phran cag nub phyogs

kun sdud gling zhes grags pa'am shi wan thang du gnas tshang byas
nas bsdad/ sku zhabs stong 'khor kyang der bzhugs mtsher mdzad/
de nas rim bzhin nyin rer mchod khang so sor mchod mjal sogs
zhu/

skabs skabs su sku mdun du mjal kha re zhu las dmigs bsal can
yod skabs ma gtogs dang sku mdun du 'phral du 'bod mi ma byung
na rang gi gnas tshang rang du lhod chags par du bsdad/ re zhig
nas gnas po tA

bla mar bshad nas kho rang tshe'i rta ra'i nang mchod rten rar
gshag chung gyan gsum ma zhig 'dug pa de g.yar nas spos/ der
nged cag ngo g.yog lnga der sog gur rgyab nas me tshang sdod
gnas gra bsgrigs pa byung/ de ltar

nyin rer mjal phyag skor gsum dang smad phyogs kyi sog 'grul/
gnyug mar gnas pa rnams la chos bka' phran bu dang/ ngo bsrung
mthun 'jug gis dus 'da' bar byas/ gnyis pa'i bco brgyad nas bzhi
pa'i

bco lnga'i bar de ltar nyin zad mtshan zad byas/ bco lnga'i nyin
phu sa ten gi 'du khang chen mor sku zhabs stong 'khor manydzu
shrIs dbu mdzad sgrub bya brgya phrag brgal bar bsnyen rdzogs
kyi bslab pa'i gzhi la 'god par mdzad

@267a @#/ /ba'i las gral du bsdad/ de'i phyi ngo'i char phyogs
kun nas 'dus pa'i dge bshes/ lha rams pa/ tshogs rams pa/ gling
bsre/ rab 'byams pa/ rdo rams pa sogs shin tu

mang ba'i stabs kyis rtsod pa btsugs ^spug rang gi lha sa'i gra
bskor ba/ bla ma brgyud pa stod smad pa rnams kyang tshogs nas
dam bca' nyin rer chag med gnang/ snga dro'i char dge bshes rab
gsal

tshang gi zhal snga nas sngar sku 'bum na bzhugs dus snyan ngag
sdebs sbyor/ rtsis sgra sogs gsan bzhes pa'i tshul mdzad pa'i
'phros skabs der sgra rigs pa dbus tshugs nas nyin rer chag med
du

gsan; skabs der pho brang chen po rgyal khab nas zi mkhan po
brgyud gser yig chen mo phebs ba'i sna len du 'du khang chen mor
phebs gra bsgrigs/ ^gong sa mchog nas phyag dgu phrugs sogs
mdzad

nas zhabs pus btsugs mdzad de gsan/ rgya yig the yan shun wu
dang/ maN dzu mkha' 'gro wang gi tA ye/ bod yig drung yig chen
pos ljags klog phul/ slar phyag dgu phrugs mdzad nas bzhugs
khrir

mnga' gsol/ g.yas g.yon du ^gong mas bstsal ba'i gsol 'phar
rnams la zhib rtogs gnang/ gsol ja/ bzhes 'bras/ dkar spro rags
bsdus/ 'dar ma bcas mdzad chen grub nas gzims

@267b chung du byon/ nyer dgu'i nyin bod phyogs nas se 'bras dge
gsum gyi mkhan po thon mi drung skya ser gyi thon mi/ lA gnyis
sogs 'byor nas 'byor phyag grub 'phral mkhan po rnams dam bca'
la tshogs nas sku

bzhengs gnang/ lnga ba'i tshes 'gor ^sku 'bum nas gro tshang mkhan
zur rin po ches 'byor phyag mjal kha zhu/ de nas mi ring bar
phyi dror gzims chung phyi bskor rgyud grwa rnam gnyis nas phebs
pa'i bla ma brgyud pa

rnams nyi shu rnams kyis rgyud gzhung dang/ zur tshogs pa rnams
kyi gtso bor gro tshang rin po ches dbus mdzad nas zhabs brtan
bstan pa rgyas pa'i smon lam rtogs brjod 'dun legs ma chag med
gnang/ skabs der spo

rang dar rgyas zer ba'i ri khrod pa'am te yan chi zhig gis rmi
lam gyi snying 'phrul gyi lo rgyus dang dung g.yas 'khyil ^spug
la phul te kho bos gnas 'dir ^rgyal ba'i gzims chung rang 'khos
dang bstun pa zhig bzhengs

chog pa'i gnang ba zhus par/ legs so'i dar mdud bcas bstsal nas
yongs zhes phebs/ de nas bka' 'gyur su me'i hwa zhang las rmang
gzhi'i sa cha sangs rgyas rabs bdun gyi lha khang gi 'og gi cha
ras khad bde ba'i sa

nyos nas gzims chung bzhengs pa'i ar las kyi 'go tshugs/ skabs
der zla ba dang po nas lnga pa'i tshes bar than gdung shin tu che
skabs yin pas/ ^spug sku 'khor spyan gsal bcas dbus ri'i 'dab
thang sin

@268a @#/ /bla ma'i dgon par gnas gzigs la byon/ der gnas pa'i
zhing pa mi tshang bdun brgyad lhag tsam rnams tshogs nas ^spug la
pus phyag grangs med 'tshal nas u tshugs drag pos

char rgyun bzang po 'phral du stsol dgos zhes zhus pas yongs/
'phral du bab yongs zhes dbugs dbyung bstsal nas/ mar byon te
phu sa ten gyi lung ba'i phug der chu khar bzhugs nas spyan gsal
rnams

dang chu rtsed mang po byed bcug pa gnang/ skabs der glo bur du
sog po 'dra ba zhig gar 'ong cha med zhig nas byung/ dung g.yas
'khyil zhig phul te gar song cha med du gyur/ ^spug nyid nas
dung g.yas

'khyil phyag tu bzhes nas lan mang po 'bud par mdzad/ spyan gsal
la khyod mgyogs par rgyugs la char gdugs zhabs bcag chu lham len
shog ces phebs pas/ khos mi tshos kha gtang yong zhu bas/ myur

bar rgyugs ces phebs 'phral khos rta shad kyi sa phyin pas dbu
gdugs zhabs bcag blang 'ong bas/ ^spug zhabs thang la mar byon
pa mthong bas myur du phyin nas phul char brdung btang bar kho
yang yid ches

pa byung skad/ gnas de kho nar nub gang por babs pas yid tshim/
phyi nyin sgrol ma lha khang la byon par nub ri'i zhol ba rnams
'dus nas char zhu bar/ yongs zhes phebs/ sa cha rgya khyon rnams
zhu bar yongs

@268b {@# missing page@#}

@269a @#/ /sna tshogs 'thus drug pa'i tshes bzhi'i nyin ^gong sa
mchog la phul pas thugs mnyes tshor bsam gyis mi khyab pa gnang/
de ring nged sgra yi ri mo rdzogs nas kun bshad mtshan

rtags blang ba yin pas rten 'brel nged cag gnyis 'dzoms pa yin
phyir shin tu legs/ dkar spro zhig byas pa yin gsung nas shing
'bras sogs mang po gnang/ phran ri bskor la phyin rjes der sku
'bum nas

'tshams zhu 'bul mi sku brten sgar ba'i khong byang chub dang/ ye
shes chab ril ngo g.yog 'byor nas ^gong sa chog la 'tshams zhu
phul/ ngo g.yog la phog dod rnams bstsal/ phran nas ri rtse te
yan

chi 'gar 'jam dbyangs a ra pa tsa lha lnga'i ras bris kyi dkyil
'khor du dbang bskur sogs byin/ lung sogs 'ga' re bklags/ 'jam
dbyangs rigs lnga'i bstod pa gsar rtsom byas pa'ang bklags/

mtshams der phran gyi nu bo byams shAg rims nad 'thu mo zhig
phog pas/ ^spug la thugs dam zhu nas sku rim sogs gang thub ci
thub bsgrubs/ em chi mkhan po'i phyag nas sman 'dra mang du
bsten/ rjes su

me btsa' btab nas rims dwangs su song/ de'i rjes rna rtsar
skrangs 'bur zhig byung na tsha sogs med lus zungs zhan pas rim
bzhin je dwangs la yong/ skabs der sku zhabs stong 'khor gyi
zhabs brtan re gnyis

@269b 'dra bsgrubs/ sku zhabs nyid sog yul sbyin bdag sar srib
tsam byon nas rgyal khab tu byon/ smon lam grol 'phral ^spug ri
bskor du byon nye bar/ ri rtsi gzhung pa rnams kyis sngon du
rang lugs kyi char

'bebs ci yod kyi rtsal spugs kyang ngo thon ma byung ba'i rkyen
gyis u thug nas ^spug la char slong zhu bar/ da 'jam char dkon/
drag char ma gtogs re ba med pas ci drag phebs pas/ drag char
yin kyang

thugs rje che dgos tshul zhu bar/ nyin de'i phyi dro nas drag
char shwa 'od shin tu 'tshub che ba babs pas/ lung rdo ri rdo
srang bar chu mi thar ba babs shing/ phyogs de'i gnas khang
chang chung sogs zhig ral la song rbab rdo yang

mang byung bas kun ha las pa gyur/ de'i phyi nyin ^spug nub ri
nas dbus brtsams te ri bskor la byon/ lam khar hwa zhang smyon
pa'i tshul can zhig thad kar 'ong nas ^spug la kha btags ser po'i
sgril rdzas zhig

phyag tu phul bar mkhan chung nas bsgrod grab byas bar hwa zhang
nas sgeg mo byas/ ^spug nas ci 'ong yang tsug ke shog ces phebs/
byang ri dang shar rir char shod che zhing yo lang bsam gyis mi
khyab pa byung snang/

kun gyi mthong thos lam tsam re byung snang/ than gdung 'phral
du zhi zhing/ ston thog spangs la sha mo thon pa ltar 'phral du
rgyas pas shes ldan rnams kyis mi phyed pa'i dad pa 'gyur ba med
pa skyes/ skal med rnams

@270a @#/ /kyis ci bya gtol med du gyur nas mig bskrad par gyur/
de nas ^spug skyabs mgon drug pa'i bzhugs gnas bkwan yin tung
zer bar byon nas thugs smon rgya cher mdzad/ de'i

gong bod pa rgya po zer ba'i gnas 'di'i ri sked tsam du er kyA
the zer bar gzims chung kha tshang rtsig pa ser po sgo ske zhu
thams cad la yol bsham bu ser po can nyams dga' ba bzhengs pa
der yun ring tsam

bzhugs/ thugs sbro snang shin tu che bar gnang/ de'i cung zad
ltag der mtshams khang zhig yod par rong po a lags bzang po zer
ba bsnyen chen bsgrub nas yod pa'i rtsar glo bur du byon nas
gsung gleng sogs

mdzad/ khong yang thugs 'tshub nas 'bul rgyu zhig kyang glo bur
du ma dran/ lam zin gyi dpe dang kha btags phul nas skyabs 'jug
zhu/ phyis su brtse bskyangs kyis rjes su bzung/ de ltar ri
bskor grub nas

bya rgod phung po'i rir byon nas mjal mang la mjal kha tshe dbang
sogs bstsal/ skabs der sbo rang kyi gzims chung gsar bzhengs
grub pas gdan zhu byas pa bzhin tshes bzang dus bzang gi nyin
mchod rol

spos sna bcas spyan drangs te 'og khang 'du khang gi dbus su
bzhugs khri'i steng du zhabs sor 'khod bstun/ maNDal legs 'bul/
dug bzed gsol ja bzhes 'bras/ dge bshes gnyis nas tshogs

@270b langs bzhengs/ dkar spro bsdus pa bcas grub nas steng
khang du gzims chung phyi gling gi bzo bkod byas pa'i nang du
gsol ja dgung tshig sogs phul/ sbyin bdag kho bor mkhan po'i cho
lo bka' tham rnams

kyis gzengs bstod dang gnang cha rgyas par bstsal/ phyi dro nas
dge bshes mang po tshogs nas dam bca' btsugs/ nyin rer dam bca'
chag med/ 'og khang du gnas bcu phyag mchod dbyar gnas kyang
'dzugs pa gnang/

mdo thog mar ^spug rang nas so thar gyi mdo yongs rdzogs phyag
bzhes 'dzugs/ gnas bla ma ong nod dkon mchog dpal bzang bskos
'di bas ^gong sa mchog la lam rim chen mo'i rgyug 'bul byas/ kho
bar

tshe lha sku gsum dang nang mdzod kyi bdag rkyen bstsal/ rgyud pa
rnam gnyis nas zhabs brtan rgya cher bsgrubs/ re bkwan yin tung
gi gzims chung du byon nas dge bshes rab gsal tshang gi spyan
sngar lanydza/ sha chen/

khong sang/ wa rtul/ rtsegs ma sogs yig rigs sna tshogs la thugs
zhib chub par mdzad/ 'tshams zhig na zhal nas/ dge bshes rin po
che 'di bla chen dgongs pa rab gsal gyi yang srid 'khrul bral du
gda'

nged khong la de lugs kyi gsol 'debs zhig kyang phul yod gsung/
dgongs gzhi shin tu che ba'i brdar snang ngo/ /bdun pa'i tshes
'gor yan phin tO dang the yan shun wu/ u the shan sogs rgya
nag nas mi bzang tA
@271a @#/ /bzhin bcas kyi gser yig phebs pas bzo sgo bla na med
pa bcas phu sa ten gyi gtsug lag khang du sngar bzhin ^gong sa
mchog dang sku 'khor drag zhan thams cad kyis phu dud bla na

med pa'i gser yig chen mor gus phyag zhus par yan phin tO the
nas gser yig sgrog /drung yig chen mo dang sog po gung tA ye
gnyis kyis bod sog so sor bsgrags nas sngar bzhin phyag 'tshal
rgyab/

bka'i dgongs don la ring min ston zla'i nang nyid kyi thugs dang
bstun nas phebs lam gnyis las gang la phebs pa'i bka' gnang na
yan phin tO the sogs kyis bsgrigs cha sogs byed dgos pa dang/
ngos gnyis

zhal 'dzoms pa la ches shin tu ring bas de lugs dang/ 'phrad nas
kyang bdag ma 'das kyi bar lhod bzhugs mdzad dgos de dag kyang
dgongs 'jags 'tshal/ de la dga' skyo 'dres ma'i ngang du gnas so/
/

der gser yig phebs pa'i sba yer sogs legs dar phul/ dga' ston
rgya cher byas phebs lam gar phebs dgongs len zhu bar/ Ti li po
tin wu brgyud nas chibs bsgyur gnang bar bstsal/ kho bo rnams

kyis de lugs kyi snyan zhu phul/ mkhan chen stag 'tsher ba sogs
kyang nang mjal zhu/ sog 'grul phon chen 'byor bas phyag dbang
tshe dbang/ gsung rtags rten skal skabs dang sbyar te bstsal/
phran la thugs

@271b mkho rtsad phreng/ rtsa ba ya'i shangs ru bka' mngags
gnang ba rnams kyang sgrub nas phul/ mtshams su yongs 'dzin rdo
rje 'chang dang/ ^gong sa nyid kyi bka' 'bum rnams kyi ljags
lung kyang bstsal/ phran nas

gsol ba btab pa'i ngor bstsal ba'i 'jam dbyangs chu mchod/ 'jam
dbyangs rigs lnga'i bstod pa sogs bka' rtsom ljags lung thugs
rjes bstsal/ skabs der zhag bdun gyi bcad rgyar bzhugs nas sbyin
sreg

bcas bsgrub gnang mdzad/ de ltar dgu pa'i tshes bzhi la pho brang
chen mor chibs bsgyur bskyangs skabs ri bo rtse lnga'i bla grwa
dpon khag bcas kyi ser sbreng dang/ dkon mchog dpal bzang la lam
rim rgyugs 'bul

gyi gsol ras tshe lha sku gsum bcas kha gtags che legs bstsal/ de
nas byon te tE shing gung sar gsol tshan gnang/ bAr su mer
bzhugs zhag bskyangs sku zhabs stag 'tsher mkhan chen nas the ho
tsO bar phebs

skyel zhu/ tsha can min bar sku cung zad bsnyel tshul gnang nas
zhag gcig bzhugs mal mdzad/ de nas shar rgyag la phebs te tin
trug la bzhugs zhag mdzad/ de nas me 'khor nang nas byon te bo
ting wu'i zhing sa chen

mor gsol tshan gnang bar/ bO gung gong mi'i sku tshab tu mngags
pa mjal 'phrad zhu bar/ sngar lugs 'dra bar dgu phyag gnang bar/
bO gung ye nas gong mas 'tshams zhu gsung tshig 'ga' gnang/ dgu
phyag

@272a @#/ /gnang nas bzhugs khrir bzhugs pa dang/ gung ye nas
phyag 'tshal te phyag dbang zhu nas/ gsol ja btegs nang mdzod
rtser son spyan ras gzigs kyi gser sku bcas gnang sbyin mdzad/

de'i nyin me 'khor nang sku 'khor bzhi brgya lhag gzhan tshong
ba/ mjal ba/ phebs bsur 'ong ba bcas nyis stong tsam la gong
ma'i gsol ras bla na med pa bskyangs/ de nas chibs thon skabs
chu tshod dang po'i 'gor

thon chu tshod gnyis par me 'khor sdod 'tshams su slebs/ de nas
^sbug phebs byams nang du bzhugs nas byon skabs mkhar sgo'i
steng 'gag 'phrang bar thams cad mis phyur bur gtams/ phyi gling
rnams nas

'dra bar 'degs byed phyogs mtha' dag nas gzas kyang sku bar len
re dang brel ba byung/ tshAn min nam gzhung sgo'i 'gag tu thab
bsu byas par byon par/ stong 'khor ho thog thu dang/ po ja sag
/thun ja sag /gru

chi tA bla ma/ dgon khag rnams kyis gtso ba'i ser mo pa rnams
dang/ cu min thi thu sogs zhi drag gi las byed dpon chen mtha'
dag gi phebs bsu/ brang ban dang rgyun ldan sku drag rnams nas
kyang brang ban rgya cher

zhu nas/ thab bsu'i sar yud tsam bzhugs nas phyag btegs par/ sku
zhabs stong 'khor phebs byams khrir phebs/ de nas kun dza phran
dang/ gsol mchod mkhan po rnam gnyis/ gsol sman mkhan po sogs

@272b drag rim rnams byon/ rnam gra'i slob dpon nas rten thang
gdan zhu byas/ de ltar du skya ser rnams babs rim dang/ mdo
'dar/ thams cad kyi sngon du srid ba hu'i phyag rgya/ de'i
g.yas g.yon du rta dmag phyogs rer bzhi

bsgrigs/ de'i sngon g.yas g.yon du yun hwa gung gi ser sbreng
mchod rol sna tshogs dbang rdzas rigs lnga can sogs 'dar ma dang
bcas gzhan yang dgon khag bco brgyad kyi ser sbreng mtha' yas
pas mkhar chen phyi nas

bzung ste btsan po bla brang bar phyur bur gtams/ de'i g.yas
g.yon bar gsum mkhar chen gyi ba gam mtha' dag la skar ma'i
tshogs kyis nam mkha' brgyan pa ltar sa chen 'di yang snod du
chung ba lta bur gyur ba'i lam nas btsan

po no min han gyi bla brang phyi nang thams cad gong ma'i bkas
bzo bkod phun sum tshogs par byas pa'i nang du gdan zhu byas par/
gzims chung phyi ma'i bar khyams su/ chibs rta rkyang po sga
srab gong rmed dom dom rgya lcags rang

'grigs grab mtshungs brgyad kyis thog drangs/ gos chen tshos kha
sna tshogs yug lnga brgya phying dmar bting bar brtsigs nas bzhag
/g.yas phyogs su rgya lcogs bcu drug bsgrigs pa'i steng yang
tA ser pos g.yogs

par/ de'i steng du shel gyi sgam sum cu lhag tsam nang nyer
spyad sna tshogs bkra lam me so sor yi ges brgyan pa'i spyan lam
du bsgrigs shing bstar/ ^sbug phebs byams nas phyir byon 'phral
spyan lam du chud par mdzad/ de

@273a @#/ /nas gzims chung mtshan gzims khang gi g.yas su rgyun
bzhugs mdzad par tsandan dmar po'i bzhugs khri/ khri'u lcog yod
par zhabs sor 'khod de lhod bzhugs mdzad/ phran rnams

gzims chung bde yangs kyi tshod du drung ja tshogs/ drung ja phebs
grub nas sku drag sogs rang rang gi 'tsher gshag la phyin/ phyir
ra skor phyi mar tsur kAn yA mun gyi thang bkwan sogs ^sbug gi
zhabs phyir sdad

snang/ de nas mkhar nang lcags skud kyi yi ge dang skad cha
gtong byed sogs btsugs snang/ de'i phyi nang bar gsum mthar skor
du dmag mi rta ba/ rkang thang khri phrag gi sku bsrung btsugs
snang/ pho brang

g.yas phyogs su sku drag rnams kyi 'tsher gshag byas par phran
gyi 'tsher gshag sgo yig btsal te phyin par khang mig gnyis can
par ngo g.yog bcas la mkho rgu'i yo byad cha tshang bar 'dug par
bsdad/ de ltar

nyin rer brang pan sogs byas par gong ma'i sku tshab grang tA
bzhin 'tshams zhur phebs pas bzos sgo bla na med pa mdzad/ nyin
re bzhin dpon khag rim bzhin chin chin wang/ drang ci tun/ su
chin wang/ gong ma'i

sku mched tho be mi/ shun bi li/ cu min the thu sogs dpon zhi
drag gi tshogs rnams dngos ma dang/ tshab ci rigs dang/ phyi gling
rgyal khag nas/ ri bin rgyal po'i sku mched/ mi gus/ te gus/ de
gus/ he gus/ tA

@273b yan gus sogs kyi sa yab rnams kyi mjal phyag rgyun chad
med pa zhu/ phran nyin kha shas 'tsher gshag la bsdad par shi wan
thang gi tA bla ma/ er bla ma/ san bla ma/ tA dem chi sogs
nas phran la shi wan thang

la 'ong nas sdod rog bgyis zer bar/ ^gong sar dgongs zhu byas
par/ ci phyir 'gro gsung/ phran la chab mi 'phrod pa'i rkyen
lags zhus par/ 'o na yongs gsung/ 'dir nam dgos dus su 'thus
shor med par

mdzod ces phebs de ltar nang ma khang la 'ang dgongs zhu byas
pas gong sar zhu dgos/ dgongs khrol yod tshul zhus pas/ 'o na de
ka rang phebs chog /sku mdun la zhabs zhu 'thus shor med pa
gnang dgos/ sa

khad cung ring phyir sku bsnyel ba mi 'ong ngam gsung/ a bo ci
zhes zhus nas shi wan thang la phyin nas lhod chags par bsdad/
tshes bcu drug gi nyin ^gong sa mchog gong ma chen mo'i sku mdun
du skya 'khor rgyas pa mi chud

pas mkhan po bcu drug phyag phyir zhu dgos/ des 'gro lugs sdod
thang bslab dgos pas/ de bslab phyir ci kun ke'i pho brang du
shog ces phebs par brda gtong ba byung bar phyin pas mkhan po
bcu drug nang la chud yod

phyir 'phral du phebs zhes nang ma khang nas gsung bar/ mkhar
chen nang du yan li la tsi kung ker phyin pas/ sku zhabs stong
'khor dang/ bO ja sag /thun ja sag /san bla ma/ tsur kAn gyi
thang bkwan/ drang tA bzhin sogs

@274a @#/ /dpon rigs mang po mtshan tho ltar yar shar mar shar lan
lnga drug tsam byas/ gzims chung gi sgo phye nas g.yas g.yon
du bgos nas bzhag pa sogs byas/ gzims chung nang du ltad mo

dga' rab bltas/ de nas phyir 'ongs so/ /phyi nyin tun hwang zir
thub dbang mdun du ^gong sa mchog la/ hal ha ngag dbang/ pO
gung sogs mi bzang drag rigs rnams 'ong nas yAna li bslab sbyar
phul/

de nas nyer bzhi'i nyin chu tshod dang por bzhengs brda btang/
gnyis par byon/ gsum par phebs brda btang 'phral mdun bsgrigs
dang por srid pa hu'i phyag rgya/ 'dar ma dang bcas/ sku drag
chung 'bring che rigs rnams

go rim ma 'chol bar phebs/ de rjes sku'i 'khris su kun dza dang
phran gnyis/ phebs byams g.yas g.yon du rwa shel gyi keng shu
phyogs rer brgyad re rkang thang bas btegs pa/ de'i rjes su dbu
gdugs

mkhan po/ mtshan zhabs mkhan po/ sku drag 'ga' bcas rnams so/
/g.yas g.yon phyogs rer rta dmag bzhi bsgrigs re bcas phebs
lam gsar bzo'i steng gong ma chen po byon pa ji bzhin bcas chibs

bsgyur bskyangs dus g.yas g.yon gyi lam khar mjal zhu mi ser
sbreng bsgrigs pa bzhin sgra med par zhi dul gyis gnas 'dug /de
nas nyi ma bzhi cha shar ba'i dus su/ rgyal khab chen mo nas sa
le bar lnga

@274b bcu lhag tsam gyi sar/ pho brang chen mo wan shu zan zer
ba'i nye 'dabs su 'byor bar gsol tshan bsgrigs par phyag phebs
nas gsol ja sogs btegs/ sku mdun nas bkas mngags pa li a li ha
ta

sogs mngags pas mtshams zhu 'bul du 'or/ thugs lhod chags tsam
gnang nas chibs bsgyur gnang zhes bka' phebs zhes gsol/ 'brug
dus mgo smad tsam la/ bkas mngags pa'i chan chi min khA

bcas 'byor ba phebs chog ces pus bzhugs rgyab nas zhus 'phral/
phebs brda 'dar ma dang spyan 'dren rgya gling btang bstun rta
rwa bsgrigs te sngar lam bzhin phebs/ rgya sgo gsum bsgrigs thad
phebs byams nas

phyir phebs te zhabs thang la gzims chung rwa skor du yar byon/
zhabs gras thams cad phyi rol tu bsdad/ sku mdun zhabs phyir lo
tsA ba bzhi gcig mtshan zhabs/ li bla ma/ pO gung/ nA wang
bcas song/ the hug

dang/ gong ma chen mo gnyis ka so sor mjal 'phrad mdzad nas
gsung 'phros tshig bzhi tsam gnang/ der the hug nas sher snying
gi dpe rang gi phyag bris ma dang/ rang nyid kyi rgyun bzhes bo
d+hi ci'i phyag 'phreng rnams phyag

nas bstsal 'dug /gong mas rgyun bzhes byu ru'i khro tru bcas
bstsal 'dug /de nas phyir byon skabs phran rnams rgya sgo gsum
bsgrigs rtsar phebs sgug byas bsdad/ rgya sgo'i phyir rol tu
thang lta bur ^sbug gi

@275a @#/ /yar 'bul lam zhus pa'i rten chas snam do nyis brgya
dngul rdo tshad ma brgya/ gser thum bu lnga brgya/ sku mdun nyid
nas phyag tu 'bul rgyu'i the hug la sgrol ma'i gser sku/ gong ma
la

tshe dpag gser sku/ gser rkyang brdung gi phra lcag kha khebs/
gsol dkar ma rgad/ grab mtshungs bcas 'khor lo re/ la btags nang
mdzod rtser son bcas phul zhes mthong thos su gyur/ de nas phyir
byon

nas phebs byams du bzhugs 'phral spyan 'dren rgya gling dang
'dar ma btang bzhin du bsgrigs nas sngar bzhin chibs bsgyur
bskyangs nas pho brang du byon/ der de'i nyin gyi gsol 'phar
chibs ba sga srab gong rmed

dom dom cha tshang bzhi bsgrigs/ na bza' grwa chas cha tshang/ sku
per/ dbu paN/ sne ring steng ma Ni'i yig drug rtsag grub ma
khyad mtshar can/ sog chas dus bzhi'i na bza'/ shangs ru sogs
nyer spyad sna tshogs/ /

gos chen tshos sna brgya phrag mang po/ sku 'khor rnams la yang
de mtshungs bdag rkyen sbam mtho ba/ sbug la rgya dngul bre chen
brgya phrag sogs spyan lam du bstar bar bsgrigs pa gzigs lam du
chud pa bskyangs

nas gzims chung du byon/ phran rnams drung ja tshogs nas grol
'phral 'tsher gshag so sor phyin/ zhag 'ga' ngal bsos/ zla ba bcu
pa'i tshes bzhi'i nyin tsi gung ker wi ko yAn yAn zhes ston
chen gnang

@275b rgyu'i bka' phebs par/ zhabs phyi nang la dril bsgrags/
snga dro nyi shar la snga lugs ltar chibs bsgyur rgyas par
bskyangs/ g.yas g.yon gyi ru bzhi bcas byon te tsi kung ke
zhes pa'i ston chen gyi gzims khang

sku 'bum rgyud pa'i 'du khang tsam gyan grangs zhe dgu ma'i mdun
chu dkar thang tsam gyi rwa ba ljon shing sogs rgya che ba'i pho
brang gi mdun du ras gur shel sgo can khang ba nang bzhin bar
tshang can/ de'i dbus su ^sbug

gi bzhugs khri tsandan dmar po sha stag las grub pa/ bzhugs gdan
gos chen ma nu ser po'am bzhugs gdan rgyab snyel che chung/
tsandan gsol lcogs 'bar zhig /khri'u chung yang de bzhin du byas
par

zhabs sor 'khod/ phran cag mkhan po bcu drug la/ ras gur sngon
po bar tshang dang shel sgo phyogs bzhir bzhi re yod par khri'u
chung/ mdun lcogs rgya lcogs gru bzhi bcas nang yangs bar khang
ba ji bzhin du yod par

gnas bcas par ja dang/ ten shin ji 'dod du dpon khag rnams nas
gnang/ re zhig ngal bso byas par dpon chen byur tog can zhig
'ong nas khyed rnams gong ma byon nye bas phebs bsur 'gro dgos/
tA li bla

ma byon mi dgos zer/ nged cag rnams khrid nas me 'khor gyi lcags
lam yod sar 'phreng bsgrigs byas par pus btsugs rgyab bcug
g.yas g.yon nas bltas te de ltar ma red zer nas yang phar sbos
tshur
@276a @#/ /sbos tshar 'ga' byas/ de 'dra zhig chu zhes pa'i skad
ring po rgyab 'ong ba dang/ sngar pus btsugs rgyab pa'i sar sbos
nas sngar ltar bsdod zer/ mkhan po re re'i rgyab tu rgya dpon re

re bcas gnas/ de nas chu skad gnyis pa rgyab dus sngon 'gro ba
rnams 'byor/ de 'phral chu skad gsum pa'i skabs gong ma byon pa
stabs mtshungs sgra med par rang zhir gyur/ rlag cor gyi sgra
gtan

nas med pa/ rta'i rmig sgra dang/ mi'i rkang pa'i sgra las gzhan
cang mi thos pa byung/ sku rgyab tu stag gi rnga ma can gyi ru
mtshon sum cu/ sku'i g.yas g.yon du stag pags kyi kwa ci can
bzhi gri phra can brdeg

chog tu gzas pa rnams bskor ba/ gong ma'i phebs byams phran
rnams kyi 'khris nas phebs pas zhal mjal legs par zhu/ phran
rnams kyi nye ba'i sar phebs byams nang nas phyir byon skabs sku
ngal

bso dang g.yas g.yon nas sku la brten nas gzims chung sbug tu
byon nas cung zad ngal bso mdzad/ phran rnams phyir dong nas
sbug gi mdun du mjal rtsis kyis ras gur du phyin sbug bzhugs mi
snang

gar phebs yod na snyam tshom chen du phyin par tshom chen g.yon
dos su bzhugs khri'i steng du bzhugs snang/ phran rnams bcu drug
g.yas g.yon du brgyad brgyad bgos nas gral du gdan bting bar
'khod

@276b dkyil du gdan spu rug gi kha gdan drug de min gdan sogs mi
snang/ g.yas g.yon mkhan po bcu drug /stong 'khor manydzu
shrI/ ja sag rnams dang/ san bla ma rnams chu ba rgyan bzhi can
rnams ma

gtogs gdan mtho ba can gcig kyang mi snang/ de lta zhig la tshom
chen gyi phyi rol tu gser rnga shin tu legs pa zhig dang/ dril
bcas 'phyang 'dug pa de nyid glo bur du sgrog pa dang/ skad
mthun pa'i

byis pas glu dbyangs stabs gcig tu len pa dus mtshungs su gong ma
chen mo ltag sgo nas mar byon nas ^gong sa mchog dang mjal
'phrad lis shin mdzad nas dbus kyi bzhugs khri 'brug dgu mar
bzhugs

g.yas g.yon du stag gi slog pa can gyis gri brdeg chog tu
'dzin pa g.yas g.yon bzhi bzhi/ gsol gzims tshod kyi sha dar ho
chi g+ho rnams de'i mdun du 'greng bzhin gnas gsol ja btegs spug

la yang de bzhin/ phran bu rnams la kho rang tsho'i phor ba dkar
po'i nang 'o ma nyung zad re blug nas byin pas 'thung/ de rjes
su gong ma chen mor mchod chang 'bul dpon chen padma rA ga'i
tog dang sgro mdongs can zhig tA

kwa ci phud de ma nu chu ba khro tru'i sne rked par gzar nas
gral mthar pus mo btsugs dgu phyag byas te pus 'dzugs byas par
lag gnyis mgo bor btegs par ton phan nang bzhes dkar btsugs par
mchod chang

@277a @#/ /blugs 'phral dal bur langs nas gzhung gral nas dal bur
phyin te bzhugs khri stegs bu gru bzhi rgya khyon shin tu che
bar phyogs gsum nas skas kyi gdang bu gsum gsum can

btsugs pa'i mdun gyi skas gdangs gsum 'dzegs nas g.yas phyogs
su dal bur bskyod de grur slebs pa dang pus btsugs byas sngar
snur gyi sku mdun du phyin pa dang gsol kha pas bzhes dkar

blangs te gong ma'i phyag tu phul ba dang/ gong mas mchod chang
bzhes 'phral bzhes dkar gsol kha par gnang/ de slar yang ton
phan nang du slar btsugs/ 'bul mkhan phyi snur gyi g.yas phyogs
kyi

skas mgor sleb pa dang yar langs nas mdun bstan gyis phyir 'gros
rgyab nas gzhung gral mthar sngar gyi sdod gnas su slebs pa dang
mgor bzung bzhin par gnas pa'i bzhes dkar mchod chang bkang ste

ton phan nas blang ste 'bul mkhan gyi lag tu gtad/ des mchod
chad btung tshar ba dang/ bzhes dkar rang gi am phrag tu bsdu/
de nas tA kwa ci gyon tshar 'phral phyag dgu phrugs 'tshal nas
rang gnas su

'greng/ de na 'khod pa'i tA li bla ma dbus mdzad bla dpon thams
cad kyis sdeb gcig tu phyag dgu phrugs su 'tshal/ de rjes rol mo
sna tshogs kyi bir sgra dus gcig tu ldir ba dang bstun/ gzhung
sgo'i phyi

@277b rol tu sa gdan chen po bting ba'i khar ab dang 'or mi bcu
drug gi rtsal 'gran/ de'i phyi rol gyad mi rnams kyis bskor/
sengge'i seng phrug gis rol rtsed sogs rtsed rigs sna tshogs
spyan gzigs bstar/

stabs mtshungs par gsol kha pas tA li bla mas dbus mdzad de na
gdong gral gyi go chog go am b+han cun ci tA khrin rnams dang
phran cag mkhan po bcu drug sogs dang yung hwa gung gi gru chi
ja sag rnams/ lcang skya'i

ja sag thun ja sag sogs/ stong 'khor ho thog thu/ san bla ma/
drung yig mkhan po sogs gnyug mar gnas pa'i bla ma dpon po/ gsar
du 'ong ba'i phyogs mgron mi drag rnams la bab 'brel gyi bdag
rkyen

gong ma'i gsol ras ston chen nang nas gsol kha pas bab ltos kyis
snod cha dang bcas so sor bstsal/ de rjes gsol tshigs thams cad
la shing gro dang bcas rgya zas phon chen bstsal/ gong ma'i gsol
tshigs

nas kyang bdag rkyen bstsal/ de rjes gnang sbyin rnams sngon
'gros nas rang rang gshag tu bstsal 'dug /de 'phral gong ma chen
mo chibs bsgyur skabs phran rnams sngar ltar pus btsugs byas nas
phebs skyel zhu/

de 'phral spyan 'dren rgya gling mdo 'dar dang bcas phyir chibs
bsgyur bskyangs lugs sngar ltar byas nas pho brang du byon
skabs/ ^spug la gsol 'phar sngar lugs spyan gzigs su bstar bar
spyan lam du chud nas

@278a @#/ /gzims chung du lhod bzhugs gnang/ phran rnams drung
jar phebs nas drung ja btung tshar 'phral so so'i 'tsher gshag la
phyin/ de nas sku mdun nas phran rnams la gong ma'i gsol ras

yin zhes ^sbug nas shing 'bras/ ten shin/ gsol lder/ me tog bum
pa/ gos yug lnga/ rgya dngul srang brgya dang nyer lnga bcas pa
gnang/ de nas zhag 'ga' bsdad nas tshes brgyad nyin slar

yang ^sbug tshe rdzas 'bul bar bka' smon gnang bar chibs bsgyur
bskyangs/ phran rnams kyang sngar ltar zhabs zhu zhu nas nan he
zhes pa'i pho brang du phyin nas/ gzhung sgo gsum bsgrigs thad/
phebs

byams nas phyir phebs te/ zhabs 'gros kyis byon/ mtshan zhabs
dang/ lo tsA ba gcig bcas nang du byon/ sku drag byings rnams
gzhung sgo'i thad du bzhag /der yun ring tsam song/ sku drag
rnams re

gnyis bcas nang log tu song/ phran rgya sgo'i nang du sgug sdod
byas par lo gung zhes pa nyug rum pa rnams kyis phran la khyod
kyi rog tsho rnams nang du phyin na khyod ci phyir nang du mi
'gro zer/ phran gyis khyod 'di

ru sdod ces gsungs pa ltar bsdad lags zhes par/ khyod kyis skad
go ba legs/ gzhan rnams skad kyang mi shes u tshugs che bas gya
sun 'dug /da khyod kyang lan gcig 'ong bas gong ma chen mo'i

@278b gzims chung rnams la ltad mo ltos shig zer phran nang du
rim bskyod ltad mo che bar mthong gnyug rum pas lam khrid byas
nas ci 'dod du phyin nyin phyed ma yol tsam du phebs sgug zhus/
de nas phebs byams ser

po gsum pho brang nas thon byung/ mi gnyis kyis gnya' bar shel
gyi sgam brgya phrag lhag steng du gos ser por yi ges brgyan pa/
mi re'i phrag par yang ta ser po'i khug ma dngul gyis rkyang ba
lnga brgya tsam/

shel sgam cung zad chung ba spyad pa sna tshogs kyis bkang ba mi
gnyis gnya' bar btegs pa brgya phrag 'ga' khyon bsdoms mi stong
gnyis dang brgya brgal ba sngon du 'gro ba'i rjes su/ ^ gong sa
mchog mtshan zhabs

rnams phyir byon/ phebs byams rtsar byon nas nang du bzhugs/
phran rnams rtar bsgrigs dmag mi g.yas g.yon du bsgrigs byas
phyir rang gi bzhugs gnas pho brang du phyag btegs/ de tshe rgyal
khab chen po'i

phyi nang gi srang bar mi'i brtsegs pa bcu brtsegs lhag gtams pa
kun gyis ltad mo blta ba la mngon du phyogs/ thag cung ring ba
rnams khang ba'i thog dang/ phyi gling rnams brtsegs pa'i steng
du ltad mor

'dus/ phyogs kun tu mi 'dus pa nam mkha' la rgyu skar bkra ba
bzhin/ sngon shAkya'i rgyal po gnyan yod du cho 'phrul chen
po'i 'du ba dang mi gnyis par 'khums so/ /de nyin sngon 'gros pa
rnams ha cang dal

@279a @#/ /zhing ^sbug nas myur bar theg ces phebs mod sngon du
lam mi thar ba'i rkyen gyis dal bur mi byon 'thu med byung/ de
ltar rim gyis pho brang du byon nas/ gong ma'i gzigs gsol

la spyan lam du chud pa gnang nas gzims chung du sku lhod bzhugs
mdzad/ phran rnams tshom chen du drung ja phebs pa myong ste gnas
so sor phyir log /de nas tshes bcu'i nyin rgyal yum the hug chen
mo'i

bdun cu'i bA yer la chu tshod brgyad pa'i skabs chibss bsgyur
sngar lam bzhin bskyangs nas nan he'i pho brang gi sgo chen gsum
bsgrigs kyi nang phebs byams las phyol te zhabs 'gros kyis byon/
de'i nyin

gsol mchod mtshan gsum zhabs phyir phebs/ sku drag che khag rnams
sgo'i nang logs su gnyug rum pa'i khang bar ngal bso gnang/
phran sgo'i phyi rol sogs la ltad mo cung zad bltas/ gnyug

rum pa rnams kyis kho rang tsho'i khang bar khrid nas ja blud/
ten shin rnams byin/ sku drag rnams nang logs su ltad mor phyin/
phran la gnyug rum pa rnams kyis nang logs su ltad mo ltos zer
nas

nang du khrid der sku drag rnams bzhugs par/ mnyam du phar ltos
tshur ltos byas bsdad/ de skabs su the hug dang gong ma chen mo
nas gong sa mchog la gzims chung so sor khrid nas gzigs rtogs
rgyang

@279b nas mthong/ gnyug rum pa'i dpon pos sku drag so sor zhib
bltas byed gyon pa rnams la zhib bltas byas nas rim bzhin phran
chu 'gram du brag them zhig rkub chag byas nas bsdad par 'ong
nas gzan stod

'gags sham thabs rnams la legs par bltas yar brjes nas 'go 'jug
smad g.yogs rnams brjes nas sha rjen mthong bar 'o kho grwa ba
ngo ma red gzhan rnams dor rta gyon 'dug pas grwa ba brdzus ma
'dra

zer/ de ltar gru chung zhig sleb par gnyug rum pa'i dpon po zhig
sleb nas phran gyi rtsar 'ong nas sngar bzhin byed/ de nas phran
phyir sku drag la phyi nang med par bltas nas tshur 'ong ste/
phran la khyod kho bo'i nang du 'gro zer

khang pa g.yas g.yon logs rnams su shel sgos brgyan par khrid
nas ja byin/ de ring gnam gshis sdug pas ja dang tsha bo byas/
khyod rang tsho bod pa mi'i ngag mi nyan pa rang 'dod che skyon
gyis bzhugs gral

yang ma reg pa red/ de min bzhugs gral du bsdad nas ltad mo blta
zhing shin tu legs mod de ltar ma byung/ de ring phyi dro chu
tshod bzhi pa ma sleb par du gsol ston phrad zhi mi 'grub zer nas
kha gla rgyag tshod byin/

dngul zhig ster rtsis byas kyang mi len par 'dug /der lhod chags
par bsdad/ chu tshod bzhi ba ma sleb par re ba med/ nged sku mdun
du song nas 'ong zer thon song/ ngos kyang sku drag rnams rgyab
log nas phar

@280a @#/ /phebs song/ ngos kyang de rjes su phyin pas gzims 'gag
khri pas bag khur 'ga' bsnams nas phran la gnang byung/ lo mgron
nas kyang shing thog dang bag leb sogs gnang byung

nyi ma dgung ja'i tshod la ^sbug chibs bsgyur bskyangs te phebs
byams nang du bzhugs/ phran rnams rtar bsgrigs nas sngar ltar
gzims chung du byon pa'i sgo'i rtsar bar gzigs gsol 'phar bcas
'khyams nas

gzims sgo'i bar bsgrigs pa la ^sbug phebs byams nang nas phyir
byon te spyan lam du chud par mdzad nas gzims chung du byon/
phran rnams drung ja tshogs nas drung ja phebs pa myang nas so
so'i 'tsher gshag la phyin

no/ /de nas nyin 'gar bsgrub bya brgya phrag mang por bsnyen
rdzogs par ma rab byung dge bsnyen sogs gnang ba'i las gral du
zhabs zhu bgyis/ skabs der dge bshes chen mo rab gsal tshang sbo
rod phyogs su

'gro don la me 'khor steng nas byon/ ma 'byangs par sku tshe 'du
byas so/ /nyi shu'i nyin gong ma chen mo gnam du gshegs/ nyer
gnyis nyin rgyal yum the hug gnam du gshegs pa'i gtam ngan gyis
kun kyang mya

ngan gyi khung bar tshud/ de rjes zhag rer me mda'i sgra dang me
'khor gyis klong brdol ba lta bu zhag 'ga' rgyun bar byung/ nyer
brgyad nyin la/ sbug gong ma chen mo dang rgyal yum gyi gdung
mchod 'bul bar srog mkhar

@280b dmar po'i nang du byon par sku drag rnams dang rgyud grwa
gnyis kyi rgyud pa sogs brgya phrag bcas tun hwa min gyi sgo'i
phyi rol tu phebs byams nas phyi rol tu byon nas chibs thog tu
phebs/ phran rnams rkang thang la

rgyug gang thub kyis phyin/ g.yon ngos kyi pho brang yang nyI
gung gi gzhung sgo'i phyi rol tu gzims gur sngar dang 'dra bar
rgyab pa'i nang du gdan zhu byas/ phran rnams la yang ras gur
khang ba 'dra ba shel sgo bar tshang

can gyi nang sku drag rnams bzhugs par ja dang/ ten shin sogs
phon chen bstsal/ de nas gzhung sgo phye ste/ ^sbug yar chibs
bsgyur gnang/ phran rnams sku'i gam du bcar nas zhabs zhu zhu/
zhabs grwas gang

yod gzhung gral lta bur 'greng/ g.yas g.yon logs su blon po
thams cad mya ngan gyi chas gos dkar po byon pa tog dang sgro
mdongs dza la med pa sha stag gis sgo 'byor nas rwa bskor mthil
thams cad 'khrigs

mer gyis bkang snang/ de'i phyi rol tu gong ma'i che rtags kyi
ru mtshon dbu gdugs sogs gang yod la tshon wu lon kyAn zer ba
rnams nyal nas bzhag /khyer mkhan rnams mya ngan gyi 'dug stangs
su gnas/ sku

mdun du rgya lugs zhal zas sna tshogs bsgrigs/ yol ba dkar po sgo
dang bcas par dbus su sku gdung/ g.yas g.yon du sku'i nye
'brel snags kyi gnyen mtshams kun 'dus kun gos dkar gyis g.yogs
te
@281a @#/ /mya ngan du byas nas bsdad snang/ ba gam steng du ^
sbug nas phul ba'i mchod pa sna lnga brgya tshar stegs chen por
bsgrigs/ rdo bcal 'og tu rtswa gdan bting bar sbug bzhugs nas

phyag 'tshal sogs 'gro lugs gnang/ zhal 'don la/ skyabs 'gro/
legs bris ma/ gang ser ma bcas gsung nas grol lo/ /de nas phyir
byon te gong ma chen mo'i pho brang g.yas phyogs su byon

bcug cug lUn ten tu sngar ltar byas nas bzhugs/ bka'i blon chen
thams cad bsgrigs rim sngar ltar chen por 'os pa'i rtags mtshan
tshon wu lon kyAn nyal ba sogs kyang sngar bzhin/ sna lnga'i
brgya mchod

sngar ltar bshams pa'i stegs bu'i 'og tu rdo bcal mdun thad du
rtswa'i gdan la/ ^gong sa mchog gis phyag dgu phrugs gnang ste
'greng bar bzhugs/ zhal 'don skyabs 'gro/ sa lam skabs gsum/

gang ser ma bcas gsung/ skabs gsum gsung skabs gnam sgra dang
dbang gzhu phyogs kun tu 'khrigs/ bsi ra bu yang nyam che tsam
ldang/ 'on kyang mar me nub mi nus/ mjug gi bstan pa nyi 'od

bzhin du gsal ba dang/ /zhes gsung skabs glo bur me lce gcig tu
dril nas zhal zas rnams dang me tog bcas 'bar/ mdun na 'don
rnams khrir yod pas gnyug rum par chu long shig ces pas chu
khyer

@281b 'ong nas gsod rtsis byas nas chu blug ma thag snum blug ba
bzhin me lce dgung la snyegs/ stegs bu'ang 'tshig kyang 'bar/
rkong bu yang zhur snang/ zhal 'don grub 'phral stegs bcas rwa
bskor du mar blang ba ma

gtogs gzhan yin min na yang ba'i gnas su gyur grab byas/ de yang
rtags mtshan ngo mtshar ba zhig go /de nas phyir byon nas chibs
bsgyur bskyangs tun he min sgor phebs nas phebs byams nang du
bzhugs

te sngar ltar gshegs nas gzims chung du byon no/ /phran tsho
drung ja grub nas so sor gyes te rang gshag tu phyin no/ /de nas
tshes brgyad kyi nyin snga dro gong ma'i sku gdung mkhar ser po'i
nang bcos ma'i rir lha khang du

gdan drangs/ nyin gung ma zin tsam la nang blon thams cad mya
ngan gyi gos phud de khro gzhi khro mO tshogs rgyal chas sprad
de sngon rgyal yum the hug sku gshegs khar zhing sa bcu gsum gyi
blon chen rnams dang/ pho brang gi zhi

drag gi blon chen thams cad bka' gros te shon thun rgyal sar
'khod rgyur thag bcad pa bzhin ston byas ^gong sa mchog gi sku
tshab kun dza mgron gnyer chen mo drung yig chen mo sogs sku
'khor bcas nas rten chas

dang bcas nyin der 'brug dgus bteg pa'i bzhugs khri chen mor
zhabs sor 'khod de pA yar rgyas par phul/ ^gong sa nas zhabs
brtan smon tshig kyang phul/ de'i phyi nyin nas sa khung so so'i
dpon thams cad nas tog zhwa

@282a @#/ /rdza la med pa dang/ chub nag po 'ba' zhig gyon/ de
nas mi ring bar yar chibs bsgyur gnang rgyu'i rgyu mtshan las
khung rnams la bka' gnang/ de dag gis kyang phebs gra bsgrigs/
zla ba bcu gcig pa'i tshes

nyer brgyad la chibs thon gnang rgyur gtan khel/ bka' blon che
'bring chung gsum gyis phebs rdzongs so so nas gang rgyas su
phul/ smad phyogs nas u tsum chin chin lwar ma yum bcas phebs
nas mjal phyag dang phebs rdzongs

phul; nyer brgyad nyin tA lwang ngo g.yogs kyang phebs skyel
la bcar/ dza ya'i phebs byams pa chos grags la lnga pa chen po'i
gsung 'bum yongs rdzogs dang bdag rkyen sogs rgya cher bstsal/
snga thog chu tshod gsum par sngar lam ltar chibs

bsgyur bskyangs chan min phyi sgor thab bsu dang/ dpon chen
rnams nas skyel thung zhu/ de nas me 'khor nang bzhugs nas pO
tin wur bzhugs sgar steng byon/ chin wang ngo g.yogs sku mdun
du bcar nas bka' mol rgyas par mdzad/ phyi nyin wang sku 'khor
phyir

slog ;bdag rkyen tshad med gnang/ de nas phyi nyin chu tshod gnyis
par me 'khor nang du bzhugs nas byon te hwo nan wur bzhugs sgar
steng byon/ der lcang skya ho thog thu a mdo nas mar byon pa
nang mjal zhu nas thugs lhod par bzhugs gsung gleng smar/ de nas
lcang skya phran

sar byon nas cung zad bzhugs te phyir byon/ phran kyang de
'phral du phyin nas mjal bar bcar/ sku zhabs stong 'khor kyang
de'i nyin thon phyag zhu/ sku drag rnams la phebs rdzongs kyang
bstar/ de'i phyi nyin nas sngar mar byon pa'i phyag bzhes ltar
phebs bzhugs

@282b ji ltar mdzad pa bzhin byon nas hwa yi mai zhes par bzhugs
zhag thog gsang stabs kyis hwa yi san zhes par byon snang/ de
nas lin thun thang tsi zhes pa'i chen po thang gi chab tshan khar
byor te chab tshan gyi 'phrod bzhes nyin

bdun mdzad/ der phran rnams nas zhabs brtan la mdo phal chen
tshar bcu mkhan po rnams nas bklags shing bar bar du chab la'ang
bzhugs/ de nas byon te mkhar bkra shis sgo brgya 'am shi nan
shun wu brgyud

sngar bzhin yo lang dang bcas te byon/ der zhag 'ga' sku ngal
bos mdzad/ de nas mkhar chen sha stag brgyud nas sngar bzhin
byon te kan zin la sngar ltar byon/ de dag nas bkur bzo bab tshod
kyis zhu/ zhag 'ga' sku

ngal bsos mdzad nas bzhugs par/ sku 'bum nas mtshams zhu 'bul mi
rim bzhin 'byor/ lha sa nas bkri khang blon chen sogs phebs bsur
'byor/ de nas chibs thog lcags zam thog nas rim gyis byon par
sku

'bum bla spyi sgar ba rnams rim bzhin 'byor bar mjal kha zhu/ de
ltar sngar lugs bzhin byon nas a mdo dgon khag rnams dang bla
sprul sogs kyi phebs bsu bcas zi ling tA co phrang chen mor
bzhugs sgar rgyab par

^sbug gzims chung nang dang sku drag rnams dang phran dag sgar
rgyab par bsdad/ der dgung sar khrel bas zhag shas bzhugs so/ /
'dir smras pa/ e ma rnam 'dren shAkya'i tog /zhing 'dir byon
nas gang

@283a @#/ /'dul 'gror/ /rgya chen mdzad pa bstan ji bzhin/ /deng
'dir 'phags mchog thugs rje can/ /gsum ldan rdor 'dzin skur
bstan nas/ /rgya bod yul gru tha dad par/ /la

lar gsan bzhes snod ldan la/ /theg mchog dam chos bdud rtsi yis/
/yid kyi bum bzang phyur bur gtams/ /la lar rgyal tshul srid
skyong gi /mdzad pa bzhes te tshar gcod dang/ /rjes 'dzin

byams skyong bla na med/ /la lar rig pa phra mo dang/ /shes
bya'i gnas kun mtha' dag la/ /thugs nyams bzhes pa'i tshul yang
mdzad/ /mdo sngags bstan pa'i rgyun gang dag /nyams pa thugs

rjes ma bzod par/ /bstan 'dzin khungs dag rnams las ni/ /chos
rgyun gang dag 'bad rtsol gyis/ /khyod thugs ka la shar bltams
nas/ /kun la sman pa'i thugs rje mdzad/ /la lar ngo bsrung

mthun 'jug gi /rnam pas bstan pa'i zham 'bring du/ /dbang med
tshul mdzad e ma rmad/ /mtha' yas rgyal phran bye ba rnams/ /nor
bu do ker mdzes rnams kyis/ /gang gi zhabs rdul gtsug bsten

nas; ;gces nor 'phangs med phul la ltos/ /de ru ma zad sa'i
dbang phyug /sa yi tshangs chen hwong d+hi dang/ /skye dgu'i bdag
mo zhI the hug /mchod yon rnam gsum zhal 'dzoms dus/ /yab

@283b sras mjal ba ji bzhin du/ /mkho dgu'i yo byad gya nom
dang/ /dngos po sna tshogs khyad par du/ /rin gnyis srang ni khri
phrag 'ga'i/ /bdag rkyen lan 'ga'i bar du gnang/ /khyad par gsol
dod lo

star du/ /chag med khri bdun gnang bar bstsal/ /de ltar sri zhu
mod mi mnga'/ /bstsal ba'i byin mthus rang dbang du/ /bsdus te
sku tshe 'du byed kyang/ /lha sras rgyal yum mnyam gcig tu/ /gnam

du gshegs pa'i ngo mtshar ltas/ /rnam par bkra ba 'di ngo mtshar/
/de rjes lha sras shon thun yang/ /gser 'brug lnga yis btegs
pa'i khrir/ /phebs rgyu'i bslab ston rgyal yum nas/ /zhal chems

ltar du bskos pa'i tshe/ /zhabs brtan bden tshig btegs lhan cig
/rten 'byung dngos po skyes bcas phul/ /de nas mi ring dbus
'gyur 'chang/ /gshegs pa'i ngal ba mdzad lags so/ /zhes bya ba

ni bar skabs kyi tshigs su bcad pa'o/ /rab tshes zhi ba zhes pa sa
mo bya lo'i dga' ba mngon du gyur ba'i gsar tshes nyin sku mdun
tshes gtor grub 'phral sku mdun du rten dod maNDal sogs sngar lam
bzhin

phul; tshes gtor chen mor ^gong sa mchog gi tshul bstan phyag
g.yas bsnyung tshul mdzad phyir/ gus pa phran la khyod rang nged
kyi tshab tu sdod ces bstsal/ de nyin gyi bla ma lo gsar gyi dkar
spro dmar spro sogs

@284a @#/ /snga lugs bzhin btang/ phyi nyin rgyal po lo gsar yang
snga phyi gnyis kar spros dor te dkar spro dmar spro sogs gsol
tshig rgyas pa bkra shis sogs dod thub tsam gnang/ tshes

gsum brtag ril phran la byed dgos phebs par ngo tshab zhu 'khul
byas/ de nas dpon khag sogs kyis gzigs mo spyan zhu byed 'khul
zhu yang ma gnang/ tshes brgyad kyi nyin sku 'bum bla spyi sgar
ba rta bsu

sogs gang rgyas par byas 'khul thog/ ^ gong sa mchog nas ^ gong
mas bstsal ba'i gser 'brug dgu can gyi dbu gdugs sogs bsgreng
ste chen por 'os pa'i gzengs bstod rnams lam tsam mgnon

par byas/ rang gi gsol tshan dang/ sku 'bum gzhung gi thab bsu
sogs su yud tsam byon nas/ dge 'dun tshogs pa'i ser sbreng/ zi
ling mi bzang rnams kyi chibs skyel sogs yo lang dang bcas bla
brang

chen mo bstan pa'i gsal byed rtags mtshan 'bar ba'i gling du
zhabs sor 'khod de dkar spro bsdus pa sogs phul te lhing bzhugs
mdzad/ sku drag so so'i 'tsher gshag so so sngar btab par bzhugs

'jag dang/ phran bu bdag kyang rang sgar du phyin par gzhung gi
las sne rnams dang thug 'phrad byas nas mar song ba'i lo rgyus
rags bsdus rtsis sprod byas/ gsar 'byor la thug 'phrad byed mi
rnams kyis

@284b nyin zad byas/ nyin 'gar phyogs mtha' dag gi thug 'phrad
byed mi rnams kyis rim 'gyangs su lus par/ ^sku mdun nas sgo
gnyer btang ste 'bod mi byung bstun 'phral mjal byas par bka'
chos

gsan bzhes kyi 'phros slar tshugs rgyu bka' bzhes phebs don sku
zhabs rnam gnyis la bka' lan phul/ de nas rim bzhin sngar lam
ltar nyin bzhin dgongs zhogs gnyis la sku zhabs rnam

gnyis gdan zhu thog bka' chos 'phros rnams gsan bzhes mdzad/ bar
seng rnams su bka' rtsom thugs dam/ nang mjal phyi dro mjal
yangs sogs mdzad/ mus kyis zla ba gnyis pa'i tshes nyer

lnga bar gnang mus su mdzad/ skabs re phyag gi bsnyung bzher sku
zhabs bde yangs rin po che la bstan pa gnang nas/ byugs sman
zhig phul pas gzhi med sangs dwangs su song/ skabs zhig sku

zhabs bde yangs mchog gi snyan gnyis la skrangs 'bur byung tshul/
zhabs 'bol skrangs tshul mdzad par/ ^ gong sa mchog nas dngul chu
btul ma gsol ras bskyangs pas de 'phral du ling dwangs la songs

bas rnam gnyis kyi mdzad pa ches khyad par du 'phags so/ /zhwa
dmar rdo rje 'chang la nyer lnga'i nyin bka' chos re zhig rdzogs
pa'i sku yon maNDal rten gsum/ na bza' gsar sgrub cha tshang/ ra
ma lug gi bum pa che

@285a @#/ /tshad chu bum tsam/ gzims spos chag sum cu/ byin rten/
spyan shel/ spyad pa sna tshogs/ rgya dngul rdo tshad mang dag
bcas 'bul lam zhu/ sku zhabs bde yangs rin po cher/

maNDal rten gsum/ gser rtsis ma'i phyag saM Ta/ ku ku shel snag
bum/ ku ku shel gyi thig shing/ na bza'i gras rgya ser sku 'gag
/sku sham tsi ther/ zhabs bcag gos lham nag po/ 'bu ras

yug chen/ phyag khri che chung/ spyan shel gyi shub ku ku shel/
sbug gi na bza' 'go snam rnying brten skal dang/ sbug gi 'dra
thang phyag par ma/ phyag tshwa sna mang/ dri bzang sogs khyon
chen bstsal/ rnam

gnyis phyi nyin rang rang bzhugs pa'i gzims khang phyogs su
phebs/ phran yang sku zhabs bde yangs tshang la zhabs phyir
'brang nas tig kyAr song/ der zhag shas ngal bso/ ^sbug nas
phyag ri phebs

par sku zhabs mchog nas thugs dam brtag pa dang/ ^sbug sku khams
ldem tshul mdzad par zhabs brtan gnas bcu gtong dgos tshul nang ma
khang nas phebs par phran rnams 'ga' zhabs brtan tshugs

dgos zhes rdo rje 'chang nas bka' stsal ba ltar gnas bcu stong
tshar bsgrubs tshar bstun/ ^sbug nas bka' rgya phebs par/ phran
dang sku zhabs rdo rje 'chang gnyis 'phral du bcar dgos tshul
phebs/ ring

@285b min bod phyogs su chibs bsgyur bskyangs tshul sogs kyi rim
pa rnams kyang phebs par/ phran sngon 'gros su bcar/ rdo rje
'chang de 'phral du phebs rgyur byas/ phran sku 'bum du 'byor
nas de 'phral du nang ma khang

du bcar bar/ sbug sku khams zhan tshul mkhan po rnams mol 'dug
/phran la khyod sku mdun la mgyogs par bcar ces gsung/ phran
thag ring nas 'ong phyir sang mjal na zhu bar mi yongs/ da lta
rang mjal na legs

sbug nas khyod rang yong gi mi 'dug gam yang yang bstsal phyir
skyon dogs med zer/ der sku mdun du mjal bar mjal mi phod kyi
tshod du snang/ zhabs pus la mgo bo gtugs nas smon lam btab/
phyag gnyis

skrangs po brla'i phra spom tsam snang/ de las chu mang du 'dzag
snang/ sku'i babs la mjal na snyung ba'i snang ba tsam yang mi
'dug /bzhugs bzhes phebs par sa la bsdad/ gsol ja bstsal ba
myang nas sdod skabs

gsung gros rgya cher phebs/ sku zhabs bde yangs ma phebs sam
bstsal bar/ sang nyin phebs pa yod zhu/ da ngos bya khyung la
mjal bar 'gro ki yin zhes phebs par/ sku bsnyel tshul gzhi med
sangs dwangs su

phebs na chibs bsgyur gnang na legs mod/ tshul 'dis ji ltar byon
ces zhus par/ gang ci mi yong/ nang phyi zhig la 'gro ki yin
khyed rang dang sku zhabs bde yangs rnam gnyis rgyu yod bgyis
kyi nged tsho mnyam du
@286a @#/ /'gro zhes phebs/ 'o na phebs byams nang nas chibs
bsgyur bskyangs na zhu bar/ 'o mi dgos chibs thog nas 'gro zhes
phebs/ cang zhu ma nus re zhig nas sun po zhig kyang 'dug

pas; khyed la lung 'dra bklag rgyu ma tshar ba/ de bklag rgyu yin
zhes phebs/ de nas yar langs te phyag byas bka' drin shin tu che
mod/ da lta sku tshul bstan snyung gzhi bzhes skabs bdag gis zhu
mi phod lags/

khyad par nang ma khang gi sku zhog mkhan po rnams nas bka'
bkyon yang phog nyen che phyir zhu rgyu ha cang nyen che lags
zhu bas/ zhal nas nga'i lag pa na ba las kha mig ni thang thang
yin ci zhig gnod ces phebs/

nang ma khang gi mkhan po rnams ni ko long bsdams phyir ngas de
'dra shod 'dug ces lob shog gsung/ phran de 'phral phyin rgyu
mtshan zhib tu zhus pas/ mkhan po rnams nas sbug gi gnang na nged
tshos ci bshad/

da lta sku snyung rgyun ring bzhes pas thugs sun po gnang gin
yod dogs kha bas sku zhabs rang bka' gnang bzhed yod na gsan pa
rang dga' zhes zer/ de ltar rgyu mtshan zhu bas 'o legs gsung/ de
'phral dpon

po chen po dang gsol sman mkhan po bcas phebs par/ da ni nad
rgyun ring zhing skad cha shod sa zhig kyang med pas sun snang
che skabs sku zhabs rang phebs pas skyid po zhig 'dug /der khong
la bka' chos 'phros

@286b 'dra 'bul kin skad cha 'dra shod ki bsdad bsam pa yin zhes
phebs par/ thugs rje che zhes rnam gnyis nas zhu/ rnam gnyis nas
sku zhabs rang sbug la gsol ja sogs zhu kin rang yang gsol ja
bzhes nas

bka' chos 'dra gsan par mdzod/ dgos rigs nged cag la gsung bar
mdzod ces gsung nas phyir phebs/ phyag dpe khang nas do dam
sngar zhu ste phyag dpe blang nas sku mdun du phul/ phran la
khyod yar bzhugs phyag dpe

phar rdzogs tshur rdzogs byed dgos/ nged la gsol ja phul gsung ba
ltar phul/ shangs bsil kyang phul gsung ba ltar phul/ de nas
bka' chos gnang dgong ja khar gsol sman mkhan po byon nas sku
zhabs bde

yangs phebs yod tshod 'dug zhu bar/ sbug nas phran la sku zhabs
yar 'phral du spyan 'dren zhu shog bka' chos sang nyin lon chog
ces phebs par/ de 'phral phran sgar bar phyin nas sku zhabs bde
yangs rin po che la

mjal bar khyod gang du song gsung bar sku mdun du song/ da lta
sku mdun du byon gsung lags/ de 'phral du byon nas sku mdun du
phebs te mjal kha zhu bar sku zhabs bde yangs mchog nas spyan
chabs bsil te gsung

gros mang po phebs ma nus/ der kun dza dang bla sman sogs mkhan
po che rigs rnams mdun bcar zhus te phyag 'tshal rgyab nas sku
zhabs mchog la zhu sbyor 'bul zhu bas dgos tshul zhu ba ltar nged
cag mgrin gcig tu

@287a @#/ /bya khyung re phebs zhol gnang rgyu dang/ gal srid ma
byung na phebs byams nang chibs bsgyur bskyangs rgyu ji ltar
zhus kyang zhal bzhes ma gnang/ tshes 'gor chibs thon mdzad rgyu
'dzol

med kyi bka' rus pa can gnang bas ci bya gtol med du thug /mkhan
rnams phyir byon/ sku zhabs dang phran re zhig bzhugs nas gsung
gleng mdzad/ de nas phyir rang sgar du byon/ phyi nyin gsol
tshigs

rgyab la phran la 'bod mi 'ong bar myur du phyin nas mjal bar
bka' chos 'phros sogs bstsal zhing phran yang sngar ltar zhabs
zhu zhu/ de ltar nyin gsum tsam nas 'phros bzhag ste bya khyung
chos sder phebs pa'i

sta gon mdzad/ sku zhabs bde yangs rdo rje 'chang nas nye gnas
ngag dbang rtsol shad kyis sngon 'gros su btang/ tshes bzhi la
sang nyi shar la chibs thon mdzad rgyu'i bka' bzhes phebs/ sku
zhabs mchog

dang phran snga thon gyi bkra shis thang du phebs sgug byed
rgyun byas/ lha khang mchod 'bul skabs sku bzhengs gnang ste
gsung gtor gsol ja grub 'phral sku zhabs mchog dang phran cag
lam du thon nas bkra

shis thang du phebs sgug byas par/ nam langs skabs gsol thab
rnams sngon 'gros su sleb/ nyi shar skabs sbug sku 'khor bcas
chibs thon nas byon par sku zhabs dang phran gnyis zhabs pus

@287b la byin rlabs re zhu bar/ sku zhabs rnam gnyis snga bo
byung/ sgug yun ring po ma byung ngam zhes phebs/ de nas rtsol
shar gyis byon/ phran rnams zhabs zhur bgyis te yang mO gug zer
bar shing sdong zhig gi

bsil grib la rgyun mi thugs tsam bzhugs par/ shangs bsil 'dra
gsol chung nas phul/ phran rnams la'ang gsol ras bstsal/ de nas
chibs bsgyur gnang skabs chibs lcag long zhes phebs par/

chibs lcag da re khas ma 'ong zhes chibs chen zhal ngo nas zhu
bar kho rang gi rta lcag bzhes nas sngon du zhal ngo nas chibs
pa khrid nas byon pa la/ de nas phar khrid du ma gnang nam rgyun
ltar nyid nas thur mda' bsnams

nas byon/ phyag bsnyung ba'i rnam pa gtan mi shes pa mdzad de
gsol tshan sar byon nas lhod bzhugs mdzad/ nyin gung yol nas chu
tshod dang por chibs thon mdzad de/ thun lan thes chu khar ngal
bso gnang/ dpon po chen mo nas/

'gram chu grang mo khur shog gsung nas mchod rgyan gang lde ba
gcig bzhes nas lhag ma phran la bstsal yar khur shog ces phul
bar/ sku zhabs bde yangs rin po che'i mchod rgyan du blugs nas
phul/ yang mchod

rgyan do blang nas phran la bstsal/ skabs der sha rdzong gnyer
bas phyag dar phul/ de nas chibs bsgyur bskyangs nas sha rdzong
ri khrod du byon par nyi ma nub pa dang ri khrod lam 'phrang
bgrod dka' bar thugs snang med par

@288a @#/ /byon song/ stag 'tsher bla brang gi gzims chung du
phyag phebs te bzhugs/ phyi nyin tshes lnga'i nyi shar rjes su
chibs thon mdzad nas phran rnams kyi gnas sar byon par skabs
mjal

kha zhu bar phyag dbang bstsal/ phyag rjen pa bstan par skrangs
spos chu rgyun 'dzag pa sogs gang yang mi snang/ bsnyun gsol zhu
bar skyon mi 'dug ces phebs/ de nas phran rnams zhabs zhur
'brangs

te phyin par then 'byung la rtsar khang chu gzigs nas chibs zhol
nas khang chu bzhes nas thugs dgyes mdzad/ khang chu sku zhabs
bde yangs la mchod rgyan gang bstsal/ phran la mchod rgyan gsum
bstsal bar

lhag med du 'thung/ de nas sku zhabs bde yangs mchog la chibs pa
chibs zhes bka' phebs sbug zhabs 'gros kyis la phar rgyab bde
sar bar byon nas phebs pa der bya khyung rta bsu 'byor nas mjal/
de

nas chibs pa chibs te chom tshang la nyag tshun chad bya khyung gi
thab bsu rgyas par bsgrigs par zhabs sor 'khod de thugs lhod
bzhugs gnang/ chibs chen rnams rtsa bar rmig lcags rgyab par
phyin/ phyir

'khor bstun chibs bsgyur bskyangs nas tsha phugs sde pa'i mdar
gzhung lam tshang gi chu 'khor rtsar lcang gseb chung bar sku
ngal bsos rgyun ring bzhugs/ chu 'khor la zhib gzigs gnang nas
chu gtong bar mdzad/

@288b spyan gsal nam mkha' la chu chod gsung bar spyan gsal nas
gcod ma nus par phran la shog zer bar/ sku zhabs bde yangs mchog
kyang byon nas phran gyis rgyus med tshul zhus/ rje bde yangs rin
po ches

bcad pa gnang/ de nas phan tshun du zhabs bcag mdzad nas chibs
bsgyur mdzad de lcags thag kha sgang zer ba'i la ring bsgrod par
bya khyung chos sde'i ser sbreng mtshar du dngar ba bsgrigs/ dge
'dun thams cad

kyis me tog padma phyag tu bsnams nas bzhugs 'dug /de dag spyan
gyis chud steng nas rim gyis byon nas bla brang bkra shis 'od
'bar du phyag phebs te zhabs sor 'khod nas lhod bzhugs mdzad/
phran sku

zhabs bde yangs rdo rje 'chang gi sgar bar zhabs zhur phyin nas
der bsdad/ nyin der bya khyung mkhan po las sne bzhi sogs nang
mjal tsam zhu/ gzhan mar mjal kha med/ phyi nyin tshes drug gi
nyin seng khri khang zer

bar mkhan pos dbu mdzad 'dul mngon dbu phar sogs don bdun cu'i
bar gyi dge bshes rnams dpe khrid kyi dbu tshugs nas nyin 'gar
gnang/ tshes bdun gyi nyin tshogs chen khyams rar spyan drangs te
zhabs sor

'khod bstan/ maNDal/ dam bca' bcas 'khod par dkar spro sogs
rgyas par bstar der bgro gleng rgyun ring mdzad pas thugs dgyes
tshor bla na med pa gnang/ phyi nyin 'du khang chen mor zhabs sor
'khod de gsol ja/

@289a @#/ /bzhes 'bras/ dkar spro sogs rgyas par btegs/ de nas
dge 'dun mang la byang chub lam rim gyi dbu nas chos thun gcig
bstsal/ gser sdod nang tshes brgyad kyi phyi dror/

gzhung sa rang nas bla mchod tshogs kyi bsgrigs cha rgyas par
bsgrigs te/ ^skyabs mgon mchog nas bla mchod tshogs 'khor dang
mchod 'bul rgyas par mdzad/ de dag gi skabs su phyag gi bsnyun
gzhi

sangs dwangs sum song ba'i rkyen gyis phyag gis 'degs 'jog mi
gnang bas phran nas phyag dpe phar bsal tshur bsal phyag dbang
sogs thams cad phran nas gzungs thag gi sne phyag tu bsnams pa
ma gtogs

dngos gzhi bya khyung gi gdan sar byon nas phyag dbang thams cad
phran nas zhabs zhu byas/ tshes lnga'i phyi dro rma chu phar kha
nas sku zhabs zhwa dmar rdo rje 'chang gi zhal snga nas mi sna
mngags te 'ong bar phyag yig nang

gsal/ nyid karma thang du bzhugs yod pas da lta bya khyung du
sku mdun la mjal na e 'grigs dgongs len zhu zhes phebs don ltar
sku mdun du snyan zhu zhu bas da lta rang phebs chog ces bstsal
ba'i zhu lan

'phral 'bul byas/ phyi nyin nyi shar la bya khyung du do sho
dpon po'i nang du phyag phebs pa mjal sku mdun du mjal kha'i
dgongs len zhu gsung ba zhus pas 'phral du chibs bsgyur gnang
zhes bka' lan

@289b phul; phran nas gdan zhu byas te dngos 'bul tshan grangs
brgya phrag bstar/ rnam gnyis thugs yid gcig tu 'dres pa'i gsung
gleng rgyun ring gnang/ phyi nyin thugs seng la rnam sras be'u
bum smad cha dang/

rje nyid kyi bka' rtsom gras/ shing bza' rdo rje 'chang gi rnam
thar gyi ljags lung sogs kyi snyan gsan phul/ de nas phyir
bzhugs gshag tu phar skyel zhu/ phran la cung zad sdod ces phebs
par cung zad

bsdad nas gsung 'phros zhu/ der sku mdun du 'phral du shog ces
phebs par sku mdun du mjal gling skor la chibs bsgyur gnang/
phyir byon nas sman grwar gnas gzigs mdzad/ de nas bde yangs

rin po che'i bla brang du phebs nas gsung sgros gnang nas lhod
bzhugs mdzad/ rdo rje 'chang nas lcang skya rol pa'i rdo rje'i
bzhugs gdan rgyab bsnyel rgya gos thun ti rnying ma byin rlabs
can phul te brtan bzhugs

nan tan mdzad/ de nas lha khang che zer bar gnas gzigs dang rten
rdo rje phag mo la snyan dar zhal khebs kyi tshul du phul ba
gnang/ de nas phyir byon gser sdong nang gnas gzigs dang zhabs
bskor rgyun

ring mdzad nas a ra pa tsa na'i sgrub khang du mtshan bzhugs
mdzad/ zhabs gras nang nas bla sman bcas sku bcar du bzhugs/
phyi nyin tshogs chen du mkhan pos tshogs phebs zhu bar mchod rol
spyan 'dren

@290a @#/ /rgya gling gtang nas gshegs/ bzhugs khrir zhabs sor
'khod bstun maNDal bcas tshogs chen khri bas btegs nas phul/
tshogs langs maN bshad mkhan po bya tshang bas snyan ngag gi lam
nas drangs

ba rgyas zhu thog rgya rdo lngas thog drangs te 'bul ba gzab
'dus pa rgya mtshor ^sbug nas phyag tshwa zung re gnang/ mjal kha
rgyas par phran nas ram 'degs zhus te phyir bla brang du byon
nas tshogs 'dus phebs skyel zhu bar

bka' phebs pa khyed rang rnams kyi 'dus tshogs la rgyun ja yod
dam zhes bstsal bar chag med rgyun ja med zhu/ dus 'brel gso
sbyong yang mang ja yod par khel na byed kyang med tshe gso
sbyong yang chag 'gro lags zhus par/ a

kha de mi 'grigs/ da nas rgya rdo lnga mang dod du gsol ras
bstsal te/ ja gso zhes che chung gnyis bsko bzhag gnang nas de
la rtsis sprad de ji srid bstan pa nam gnas par chag med dgos
tshul/ gso sbyong yang dus kun chag med

byed dgos/ khyad par a ra pa tsa na'i lha khang la ngos nas
gser zangs kyi rgya phibs 'bul rgyu yin pas ring min lha ldan
nas mar bzos te bskur ram yang na bzo ba rnams mar mngags pa
gang rigs byed rgyur khas blangs pa yin pas

khyed rnams nas lha khang gsar bzos dang de'i thig tshad rnams
'khrul med yar bskur rgyu ma bsnyel ba bgyis zhes bstsal/ /kho
rang tshogs 'dus nas thams cad mkhyen par ji srid bstan pa nam
gnas par/ ^sbug la sku

@290b skal 'bul rgyu khas blangs byas/ skabs skabs su sku skal
yar 'bul rgyu yin zer ba zhu/ yongs zhes phebs/ 'chad nyan hur
thag bgyis/ kun spyod gtsang ba gal che/ 'grigs lam do dam la
brtson

zhes phebs de'i nyin nyin gung la/ phran la sku zhabs zhwa dmar
la gdan zhu phul gsung ba ltar snyan sgron zhu nas tshur gdan
drangs nas snga ma'i pe'u bum 'phros dang gsar rtsom rje rdo rje
'chang shing bza'i rnam thar gyi

ljags lung sogs rim par phul/ dpe khrid kyang thugs seng la
gnang/ tshes bcu'i nyin bka' chos mjug grub par mdzad de dar mdud
phur mdud bcas bstsal nas da re 'dir gang yang bsnams rgyu ma
byung bas

zhabs phyi gcig ngos dang mnyam du phar gtong mdzad na chos kyi
che ba'i cho lo zhig 'bul rgyu yod pas brtse bzhes dang/ zhabs
pad yun brtan ngos bstan 'gro'i don chen mdzad pa'i thugs dgongs
nam yang bsnyel ba

med ngos phran la yang bka' slob 'phral yun sman pa re ci nas
kyang thugs rjes gzigs dgos zhes bstsal/ nyid nas phran la jo
'brom yab sras kyi sku par re thugs rjes gzigs 'tshal zhes zhus
pas/ sbug

nas dgyes bzhin zhal bzhes gnang/ slar yang rdo rje 'chang nas
kha btags dkar ser zung gis thog drangs 'bul dngos rnam grangs
brgya dang bcu gsum bcas phul nas phyag bcas gsol ba 'debs pa'i
snying@291a @#/ /po ni/ rnam kun mkhyen pa'i bdag nyid brtse ldan bdag
la yud tsam dgongs su gsol/ phran gyi dman blor shar tshod zhu
na/ rje nyid nas chos srid gnyis ka'i mdzad sgo nyid la sku la
'o brgyal

shin tu che ba'i stabs kyis re zhig srid skyong gi phyag bzhes
zur du byas nas bstan don kho na phyag mtshan du bzhes nas ^rgyal
mchog bskal bzang rgya mtsho nyid dang rnam dbyer med pa'i rnam
thar bdag gir bzhes nas

'jam mgon rgyal ba gnyis pa'i mdo sngags zung 'brel gyi bstan pa
'di nyid snyigs dus 'dir nyam thag pa 'di la gces spras kyis
'dzin skyong spel gsum re gnang rgyu'i bka' drin ci nas kyang
skyong ba mkhyen mkhyen

zhes gsol ba phur tshugs su btab pa lags zhes zhus pas dgyes
bzhin zhal bzhes gnang/ rgyal dbang mchog nas kyang 'phral yun
gyi skyabs 'jug rgyas par zhu gnang mdzad/ de'i phyi dror skyabs
rje zhwa dmar rdo rje 'chang

gi nye gnas tshar kyA na sa dngul rta rmig ma gcig ^gong sa
mchog la phul te phran la 'phral yun gyi skyabs 'jug zhu rog
mdzod ces zer ba ltar zhu/ de bzhin zin bkwan don grub nas kyang
rta rmig ma gcig

phul te sngar ltar skyabs 'jug zhu/ tshes bcu gcig gi nyin snga
dror skyabs mgon thams cad mkhyen pas phyag btegs skabs/ tshom
chen ka bzhi ma'i nang zhwa dmar rdo rje 'chang nas phebs skyel
zhu bar/ skyabs

@291b mchog rnam gnyis dbu pad gtugs te thugs smon rgyun ring
mdzad de so sor gyes/ de skabs 'du khang chen mo'i steng nas dar
'bod dang dge 'dun mang nas ser sbreng bcas bsgrigs te bzhugs
par/ ^rgyal dbang mchog

nas phyi mig yang yang gzigs te phyag thal mo sbyar nas rim
bzhin chibs bsgyur mdzad de gsol tshan gyi sar phyag phebs te
lhod gzhugs gnang/ dgon pa'i phebs skyel ba rnams phyir log
mdzad/ de nas rim bzhin

byon te them 'byung la brgyud nas bya rdzong chu khar sku ngal
bso rgyun ring mdzad/ der zhabs bcag mdzad nas de pho de mo
gnyis sku mdun du bcar bar phyag gis byugs byugs sogs mdzad nas
bsnams te byon/ de nas

phyag btegs te thun lun the re 'gor zhag bzhugs mdzad/ phyi nyin
tsha rting ma zin tsam la chibs bsgyur bskyangs te gsol tshan dang
bcas sku 'bum du nyin gung tsam la chibs ba sgyur bskyangs/
gzhung gi las tshan

rnams kyis mjal kha zhus te lhod bzhugs mdzad/ phyi nyin zhwa
dmar rdo rje 'chang gi zhabs zhu dzaM b+ha la phebs ba sur mjal
ba la/ skyabs rje zhwa dmar rdo rje 'chang la no min han gyi cho
lo bka' tham gru skor dbu

gdugs thug rta dar 'bab lcag rin chen rgyan cha phebs byams
ljang gu bcas bkur bzo bla na med pa bstsal/ de bzhin du skyabs
rje bde yangs rdo rje 'chang la yang no min han gyi cho lo bka'
tham gru skor dbu gdugs

@292a @#/ /thug rta dar 'bab lcags rin chen rgyan cha phebs byams
ljang gu/ na bza' chos gos/ dbu zhwa sne ring rgya ser sham logs
can bcas bstsal zhing bya khyung chos sde'i mkhan po rim byon la
phyag mtshan du bsnams rgyu'i

bka' tham gru skor sgam rang bsgrigs sgo lcags can bka' shog kha
btags ser bos brgyan pa bcas rje nyid la rtsis 'bul zhu nas rje
nyid la dpal dar dar mdud bcas bstsal nas rang sgar du byon/
rang sgar nas kyang phebs bsu dang nang sgo'i

thad du lha dar bcas rten 'brel gyi rdzas mchog gsol zho drangs/
de nas gzims chung du byon nas nged cag kun gyis gos chen las
grub pa'i paN chen sgom zhwa dang dga' dar bcas phul te mjal kha
zhu/ de nas gsol ja bzhes 'bras sogs

btegs/ rje nyid nas bka' shog phran cag rnams la bklags par
gnang/ bya khyung mkhan po'i bka' shog kyang phran cag rnams la
mig bstan mdzad/ phran bu la nang ma khang nas 'phral du shog
ces phebs par/ rgyug phyin pas/ sku mdun du song

zhes zer/ phyin par phran la ^gong sa mchog nas ru raksha dang
bod+hi tsi'i phyag phreng rgyun bzhes gnang ba bcas bstsal/ tshes
bcu bzhi'i nyin dge 'dun mang la phyag dbang rgyas par bstsal/
phyogs 'dus kyi nang chen khag la nang mjal gsol ras

sogs dang byings rnams la phyag dbang rgyas par bstsal/ skyabs
rje ser tog rin po che nas phran la lam dar gos chen yug bcas
bstsal bar/ phran bu'ang mjal khar phyin te mkhan po gsar bzhugs
kyi

@292b dpal dar dang skyabs 'jug sogs zhu/ phyi dro'i char mi
mang 'du long cung zad chad tsam la dgung tshig byed skabs ^gong
sa mchog glo bur du rang sgar du byon par/ ci bya gtol 'bral gyi
ngang du mgo rmongs pas rang sdod sa'i gnyis

gyan gyi khrir zhabs sor 'khod de lhod bzhugs mdzad/ gsol 'o
btegs/ shing 'bras ljags smin sogs spyan lam du bstar/ nged gyi
gnyis gyan nang sog dpe hor yig dam rdzas cha tshang gi ri mo can
zhig yod pa

^gong sa mchog nas dgyes bzhes mdzad/ bde yangs rin po che nas
tshur sku mdun du phebs nas gsung gleng rgyun ring mdzad/ phran
nas mdzod btags nang mdzod rgya dngul rdo tshad gnyis bcas phul
lam zhu/ de nas rje bde

yangs bzhugs sar ^sbug chibs bsgyur mdzad de cung zad bzhugs/ de
nas phyir bla brang bkra shis khang gsar du chibs bsgyur gnang/
skabs der rang sde'i khyung rgyal khong ngag dbang don grub nas
^skyabs mgon rin po che

la dngul bcu mgo ma phul te tshe 'di phyi'i skyabs 'jug zhu
rgyu'i u tshugs byas par phran gyi nu po byams shAka btang ste
'bul bcug par 'byor lan du phyag tshwa dam rdzas phyag mdud phur
mdud bcas gnang ba kho bor gtad pas

dga' thag chod/ sa zla'i tshes bco lnga'i nyin snga bar langs te
skya rangs 'char ba dang mnyam du skyabs rje bde yangs rin po
che la zhabs zhu zhu ste brag dmar ri khrod du gdan drangs/ tsha
rting khar mdo dar lan gsum pa'i phebs

@293a @#/ /brda dang bstun ^skyabs mgon mchog nas chibs bsgyur
bskyangs/ gdan sa'i mkhan po skyabs rje gser tog rin po ches
dbus mdzad pa'i dge 'dun mang ma'i ser spreng mchod rol

dang bcas bla ma gzhung las pas gdung dbyangs dang bcas dar 'bod
lan gsum byas nas phyag btegs te thab bsur yud tsam rol te nyin
gung tsam la ko kyA mkhar gyi nye 'debs su bzhugs sgar sted
phyag phebs

de nas dgongs ja'i sngon du rang re'i ri khrod du glo bur du
chibs bsgyur bskyangs te lhod bzhugs mdzad/ de nas yar byams
khang du chibs bsgyur gnang nas rab gsal du sa srod kyi bar du
lhod bzhugs mdzad/ der

gsol 'o drangs/ de nas mar byon te gzims chung du bzhugs par
gsol 'o phul/ phran nas kha btags nang mdzod dang rgya dngul rdo
tshad gnyis bcas phul nas skyabs 'jug zhu bar/ ^gong sa mchog nas
sku

'jug ri khrod kyi rten skal du bstsal/ zhal nas rgya dngul rdo
tshad gnyis bstsal te ri khrod 'dir rjes su brgyad grwa zhig
btsugs rgyu sems la bzung de'i thebs su yin gsung/ slar bka' las
sgar bsgrigs steng

du gsol dpon mkhan po'i khrir khyod la gur thab gur gnyis rgyab
ste yod der bzhugs ring mdzod/ de nas nged cag bod du lhan cig
tu 'gro zhes bka' bstsal ba bzhin dbu gur steng du phyir phebs
pas/ mun rub

@293b phyir; keng shu can kha shas mdun bsgrigs te gdan zhu byas
dbu gur steng du byon no/ /phyi nyin stong 'khor mkhar gyi co
'phrang du bzhugs zhag rgyab sar zhag mal gsum mdzad/ phyi nyin
sku zhabs bde yangs

rin po che la zhabs zhu byas nas yon chab phul te khrom pa'i
khar klu gtor rab gnas sogs gnang/ spyir chu bo rgyas phyir
dang/ ri khrod kyi gam du chu mig rgyas pa'i sa sogs gnas gzigs
mdzad/ sku ngal

bso ste nyin gcig 'jags mal mdzad/ phyir phebs skabs ri khrod du
phebs rgyu'i snyan gsan yang phul/ tshes bco brgyad nyin phran
cag zhabs zhu zhu ste stong 'khor du phun tshogs rab gnas kyi
khang bar gnas

tshang byas te gzhugs/ de'i phyi nyin sku mdun nged cag lhan
rgyas byas te mjal bar ^gong sa mchog nas bklag lung 'ga' dgos
zhes phebs pa ltar/ skyabs rje rdo rje 'chang nas bklag lung
'ga' phul/ phyir

phebs te gnas tshang sar bzhugs/ de'i phyi nyin yang bzhugs 'jags
mdzad phyir nged cag ngal gso ste nyin gcig bsdad/ nyer gcig gi
nyin dgon pa so mar chibs bsgyur bskyangs te bzhugs zhag mdzad/
skyabs

rje rdo rje 'chang dang phran rnams a lags rdzing nga tshang gi
sgar bar gnas tshang byas te bsdad par/ ^skyabs mgon mchog gis
dgon pa so ma'i gnas gzigs la byon par rdo rje 'chang dang phran
rnams phyag phyir phyin

@294a @#/ /par bya khyung gi a ra pa tsa na'i lha khang gi rgya
phibs che chung gi tshad/ de'i rgya phibs la dpags nas che chung
tshad ran pa gzhal dgos zhes phebs pa bzhin rdo rje 'chang nas
tshad gzhal te

^gong sa mchog la phul/ de'i phyi nyin chibs bsgyur bskyangs te
rdo stag g.yag tu zhabs drung sgar ba sku 'khor bcas phebs bsur
mjal/ de nas byon te pA yan ho sho zhes pa'i sar zhabs drung
sgar pas

sgar bsgrigs zhu sar bzhugs zhag gsum mdzad par/ nyin re bzhin
sku mdun du rdo rje 'chang byon nas gsung gleng smra bar gnang/
de skabs ^gong sa mchog nas kha gur dang phyag tshwa mang po/
spyan ras gzigs

kyi mngon rtogs gong sa mchog gi bka' rtsom gnang ba brgya phrag
kha shas nyid la dad pa'i bla sprul sbyin bdag sogs la gnang
rogs kyis zhes gsungs te bstsal/ mkha' 'gro chin wang gi khu ror
dus 'khor

'grel chen bu ston 'chan 'grel par gsar du bskos pas par phud
^skyabs mgon mchog la phul ba rje nyid la gsol ras bstsal/ gzhan
yang dngos 'bul ci rigs pa sogs 'bul gnang mdzad/ rdo rje

'chang nas ^gong sa mchog gi zhabs phreng la dbu pad gtugs te
thugs smon rgyun ring mdzad/ skabs der sgar ba'i urge'i steng
du rnam gnyis byon nas zhabs drung gi nang rten gyi gtso bo rje
sku ^rgyal ba bskal

@294b bzang rgya mtshos rten skal du bstsal ba byin rlabs bdud
rtsi'i chu rgyun 'bab pa rnams la gzigs rtogs sogs mdzad/ sgar
ba la yang gar gyi gnang sbyin sogs sbam mtho ba dang/ sgar bas
kyang dngul bre chen dang pho rta bzhi

brgya sogs kyi 'bul pa sbam mtho ba btegs zhes grags/ tshes nyer
lnga'i nyin de nas zhabs drung sgar ba mda' bzhi'i mi skya sogs
phyogs 'dus kun gyis skyel thung byas te ^gong sa mchog sku
'khor bcas dbus 'gyur

'chang gi ljongs su rim bzhin phyag btegs so/ /slar yang brjod
pa ^gong sa mchog gis mdo smad tsong kha'i ljongs 'dir phyag
phebs nas gangs can gyi ljongs su zab chos kyi rgyun gang dag
nyams pa mtha' dag thugs

kyis ma bzod par slar gso ba'i ched du bstan pa'i bdag po rnam
gnyis las phyogs 'dir rgyun gang bzhugs mtha' dag mgon po khyod
kyi thugs rgyud bum bzang yongs su gang bar mdzad pa gang dag gi
tho rags rim tsam

dgod pa la/ rje nyid kyi lam rim gsar ba dge legs 'od snang
'gyed pa'i nyin byed kyi nyams khrid nyin bcu'i ring la bstsal/
ngag byin rlabs thugs thog nas gnang/ sgra mi snyan gyi tshe
khrid/ 'pho ba dpa' bo g.yul 'jug

ma'i khrid/ dga' ldan 'pho khrid/ lta khrid dran pa bzhi ldan
gyi khrid/ blo sbyong tshigs brgyad ma'i khrid/ sbyong rgyud
dkyil 'khor bcu gnyis dang bka' gdams thig le bcu drug gi dbang/
'brom gyis mdzad pa'i mi chos gnad kyi

@#*@#[missing page 295 a and b]@#*@#@296a @#/ /'gyur bcos mdzad pa bu ston rin po che'i
mchan dang
sbrags pa'i bshad lung/ sngags rim chen mo'i bshad lung/ lcang
skya'i lta mgur gyi 'grel ba tshig gi sgron me'i bshad lung/ rnal
'byor rgyud kyi

rtsa rgyud de nyid bsdus pa'i dum bu las gsungs pa'i rdo rje
dbyings kyi dbang/ bcom ldan 'das ngan song thams cad yongs su
sbyong ba gzi brjid kyi rgyal po brtags pa las gsungs pa'i kun
rig rtsa ba'i dbang/ lho brag snyan

rgyud las gsungs pa'i snur lugs kyi rdo rje rnam 'joms rtsa ba'i
lha so lnga 'khyams kyi rdo rje pho nya mo drug cu rtsa bzhi
dang bcas pa'i dbang/ bde gsang 'jigs gsum gyi sngags btus rjes
gnang/ dpal gsang

pa'i bdag po phyag na rdo rjes lho brag grub chen nam mkha'
rgyal mtshan la dngos su gnang ba'i rjes gnang gi skor cha tshang
bcas/ tshe dpag lha dgu'i dbang/ bcu gcig zhal mkha' 'gro lnga
bskor gyi rjes gnang/

rtse ba sher bzang gi bshad pa rdo lag brgyud ma/ chu mig lung
gi rim lnga'i dmar khrid rdo lag brgyud ma/ dpal mang ba'i mdo
rgyan 'grel ba'i bshad lung/ rnam sras gser can ma/ mdung dmar
can gnyis kyi

be'u bum/ lcam sring gi be'u bum/ mkha' spyod skor gsum gyi be'u
bum/ na bza' be'u bum/ sgyu ma'i be'u bum/ zhal gyi be'u bum/ ha
la nag po'i be'u bum/ 'jam dbyangs smra seng gi chos skor dang/
pha

@296b dam pa'i 'khyud dpyad dkar nag khra gsum/ lha mo dang rig
byed ma gnyis kyi be'u bum/ 'jam dbyangs bde ba'i rdo rje'i
gsung 'bum/ srung ma zhi drag gi skor/ sgrol ma nyer gcig so sor
phye ba'i rjes gnang bcas dang/

cha lag bco brgyad/ rngog dkyil bdun gyi dbang/ lcang skya gong
ma'i 'grel ba'i steng nas blo sbyong tshigs brgyad ma'i khrid/
rgyal sras thogs med kyi 'grel ba'i steng nas blo sbyong don
bdun ma'i khrid/ paN chen e waM

nang gi khrid yig dang/ rgyal dbang bdun pa'i mgur ma gnyis
sbrags pa'i steng nas lta khrid dran pa bzhi ldan gyi khrid/
grub chen mi tra dzo ki'i rtsa tshig steng nas thugs rje chen po
snying po don gsum gyi khrid/ rgyal ba dge 'dun

rgya mtsho'i khrid yig la/ mkhar rdo blo bzang sgom chung gi
khrid yig sbyar te me tog bcud len gyi khrid/ 'jam dbyangs chos
skor gyi gras ral gri 'khor lo'i sdom tshig dang/ 'phrin las lha
bzhi bskyed pa gnyis sbrags pa

'jam dbyangs chos skor gyi khrid/ rje rin po che'i gsung gi
steng nas sgra mi snyan gyi tshe khrid/ de dang 'brel ba gser gyi
rdo rje rtse dgu pa'i khrid/ 'jigs med dbang po'i gsung steng
nas gnang/ rdor sems bsgom bzlas kyi khrid/

'jam bzhad gsung gi khrid yig 'bring po'i steng nas 'jam dbyangs
zhi khro sbrags sgrub kyi khrid/ tshe gcig nyams len nang gi ngag
byin rlabs kyi khrid/ thugs thog nas grub rgyal tshe khrid sogs
khrid mang po dang/ gzhan yang

@297a @#/ /mgon chos lha mo/ seng gdong ma/ rigs gsum spyi sgrub
sogs kyi rjes gnang bcas dang/ ^rje nyid kyi bka' 'bum gras/
skyabs mgon rin po ches bskul gnang mdzad pa'i rig

byed ma'i tshe sgrub/ 'khor chen dang rig byed ma gnyis kyi chog
/snyan ngag dper brjod sogs le tshan 'ga' zhig gnang ste bka'
chos kyi mjug shing bza' rin po che'i rnam thar gyis grub pa
mdzad/ /'dir smras pa/

sngon goms thugs bskyed dus su smin/ /bsod nams zong gis nyer
khug ste/ /rnam mang 'dul bya'i nyer 'tsho ru/ /gshegs pa'i skal
bzang mchog 'di rmad/ /dwangs gsal ri yi ngos yangs su/ /mtshar

sdug 'phags pa 'jam dpal dang/ /rgyal sras rgya mtsho'i tshogs
rnams kyi/ /ngo mtshar sgyu 'phrul bsam mi khyab/ /las can bsod
nams dam pa las/ /skal ba med pas bzang mi myong/ /skal ldan
skye

bo'i tshogs rnams kyi/ /rang rang ji ltar smon pa'i don/ /'bad
med 'grub pa e ma mtshar/ /chos bzhin spyod pa'i rgyal po dang/
/yum 'khor blon po skar tshogs ltar/ /bkra ba gang gi thugs bzhed
kyang/ /

sngon gyi thugs bskyed dus smin pas/ /nyi 'od me shel 'phrad pa
ltar/ /bzhed dgu lhun gyis grub par 'gyur/ /zhes pa ni ngal
bso'i tshigs su bcad pa'o/ /sngon tshes skyong shun ci yis/ /kun

@297b gzigs lnga pa spyan drangs te/ /rgyal khab chen por legs
byon nas/ /rgyal khams bde la 'god mdzad bzhin/ /'gro rnams las
kyis legs bskul te/ /gong sa bcu gsum bdag nyid che/ /re zhig
bod

khams rmongs brtul gyis/ /bya spyod rtsing ba'i las sna tshogs/
/bsags te rgya ser nyer bkug nas/ /'khrug long 'tshub ma g.yo
ba'i skabs/ /dbang phyogs skye 'gro'i bsod nams kyi/ /'bras bu
dus su smin

la nye/ /thugs bskyed drags pos nyer bskul nas/ /lha ldan phyogs
nas chibs bskyod de/ /rwa sgreng rgyal ba'i 'byung gnas su/
/'jam pa'i rdo rje'i spyan snga ru/ /thugs dam brtag pa phul
ba'i tshe/ /rgyal khab chen

por byon legs kyi/ /thugs dam phebs don ji bzhin du/ /rim byon
dbang po'i phyogs su btegs/ /byang lam ring bo legs brgal te/
/tshwa 'dam khur lugs u rger gshegs/ /mi dbang bi zis yon

sbyar nas/ /mchod ston bzang po legs par phul/ /de nas rim bzhin
phyag btegs nas/ /rgya mkhar mang po nyer brgyud de/ /hal ha tshe
chen nang brgyud nas/ /khu re chen mor byon pa'i tshe/ /byang
phyogs bstan

'gro'i dpal mgon mchog /rje btsun dam pa'i mi sna sogs/ /phebs
bsu rgya chen dang bcas te/ /dga' ldan chos sde chen por byon/
/de nas zhag 'gar lhod bzhugs mdzad/ /'gro mgon rje btsun dam pa

@298a @#/ /mchog /sku bcar zhus te gzims chung du/ /byon pa'i
gsol ba legs par btab/ /zhal bzhes mdzad de gzims chung du/
/byon te gsung 'phros lam tsam mdzad/ /ring min rgya

nag gong ma yi/ /bka' yi blon chen mdun na 'don/ /mi bzang mang
po'i tshogs dang bcas/ /gser yig dang bcas gser dngul bcas/ /dus
bzhi'i na bza' gsol ras sogs/ /rgya cher bstsal

ba e ma hoH phyogs bzhi'i gnas nas skye 'gro kun/ /rgya mtsho
chen por chu bo bzhin/ /dus kun chad med yongs 'dus nas/ /khyod
zhal bsnyen pa ngo mtshar che/ /res 'ga' yid bsrubs sde bcas
kyis//

ngan gros sna tshogs gzhom na yang/ /mdzes sku mig gi bdud rtsil/
/gnod par gyur ba ga la srid/ /dga' ldan chos grwa rnam gnyis
kyi/ /'dzin grwa gnyis gnyis nyin re bzhin/ /mdun bcar zhus te
bsgro

gleng dang/ /chos kyi dga' ston tshim par mdzad/ /gzhan yang
phyogs 'dus blo gsar rnams/ /'dzin grwa gnyis kyi khong 'dus
nas/ /dam chos bdud rtsi'i dga' ston mchog /thob pa'i skal bzang
shin tu

rmad; ;nyin rer phyogs 'dus skye bo la/ /tshe dbang don zhags
spyan ras gzigs/ /kha sarpa Ni phyag bzhi sogs/ /'dod chos chu
bo'i rgyun bzhin bstsal/ /skabs rer bstan dar sngags rams pa'i/
/

@298b mdun nas zab gsang bdud rtsi'i chu/ /chos rgyun dkon pa
'ga' zhig gi /rgyun bzang zhal gyi yol kor sim/ /sku 'bum chos
kyi sde chen nas/ /u shi brag sprul thon mi 'ga'/ /ched mngags
mtshams zhu gdan zhu

sbrags/ /chabs gcig btang ma 'byor ba'i skabs/ /'phral du 'byor
phyag nang mjal zhu/ /dgyes tshor chen mos zhal bzhes bstsal/
/mchu zla'i tshe nang gong sa nas/ /gus pa cag la bka' phebs
bzhin/ /rim

bzhin bsgrod de nag zlar slebs/ /sa zla'i tshe la dngos mjal
zhus/ /dgyes tshor chen pos bka' drin bskyangs/ /de nas mtshan
zhabs gral bcug mdzad/ /rim bzhin chos grwa rnam gnyis kyi/
/'dzin grwa zung la dpe

khrid skabs/ /zhabs zhu zla gcig lhag tsam zhu/ /lnga pa'i tshe
nang dgongs zhu byas/ /de skabs gong nas thugs mkho sogs/
/bsgrub dgos bstsal ba spyi bor blangs// /thon phyag zhu skabs
gong sa nas/ /

rje sku brgya thang re 'bras ltar/ /rgyal ba rgya mtsho'i rnal
'byor dang/ /bslab bya snying thig gsol ras sogs/ /spam mtho
bstsal te phyir log go /de nas rim bzhin su rug dang/ /u ran
han gi mchod rten

dgon/ /de ru dus 'khor dbang chen byas/ /rim bzhin mi tshang dgon
sde sogs/ /myul bzhin bla brang rang du 'byor/ /legs stsol gling
du dus 'khor gyi/ /dbang chen slar yang tshar gcig byas/ /de nas
bla dpon

@299a @#/ /che phra sogs/ /phyogs 'dus mang por 'dod chos bcas/
/re 'bras smin pa'i 'khul du byas/ /ston mjug u lan hal ga ru/
/dpal ldan dus kyi 'khor lo yi/ /dkyil 'khor chen po

zhal phye ste/ /phyogs 'dus khri phrag rgal ba ru/ /dbang gis
yongs su smin 'khul byas/ /de nas phyir btegs rang sgar du/
/'byor ba'i skabs su mtsho bdun nas/ /stong sku bsgrubs pa'ang
legs 'byor bas/ /

yid kyi re ba'ang yongs su smin/ /gong sa mchog gi thugs mkho
rnams/ /khu re chen mor legs btang ba'i/ /'byor lan bka' yig
snam rten bstsal/ /gsol 'phar dang bcas spyi bor smin/ /de nas
rim

bzhin rang yul du/ /btegs pa'i ngal ba la bzhugs te/ /mi tshang
mang po'i sgor myul dang/ /dpon chen dgon sde'i che phra sogs/
/myul bzhin rang yul sar gnas su/ /bsu mi rnams ni rim bzhin
'byor//

chos sde chen po'i bla spyi sogs/ /rta ba dang bcas thabs bsu
dang/ /dge 'dun mang po'i mchod rol bcas/ /rang sgar spro bde'i
khang gsar slebs/ /zhag 'gar mi mang 'du long gis/ /za za'i
ngang du zhag

'ga' thal/ /de nas stong sku gdan drangs te/ /gur gyi dgon par
sku mdun du/ /phyin nas stong sku legs phul bas/ /dgyes tshor
chen pos bdag rkyen bstsal/ /zhag 'gar bsdad nas slar log ste/
/bAn

@299b mdor bde yangs rdo rje 'chang/ /mjal te zhag 'gar zhabs
zhu byas/ /de nas rang yul nas brgyud nas/ /rang sgar slebs te
ngal bso skabs/ /'dus tshogs yongs la mang 'gyed bcas/ /bsnyen
bkur cung zad stabs tshul

byas; ;gnam lo'i gsar tshes dga' ston bcas/ /yo lang dang bcas
rim bzhin gnas/ /hor zla gnyis pa'i tshes 'go la/ /ting phror
stong phrag gnyis kyi nang/ /sa zla'i mjug bar yon chab phul/
/de nas zhing mjal

rim bzhin ches/ /gro tshang pA tru mdzo mo mkhar/ /gAng ko zi
dang mchod rten dkar/ /lo kyA tun tu mjal pa'i skabs/ /glo bur
gnam nas sgra chen bsgrag /rol mo sil snyan rgya gling sogs/
/snyan cing brjid pa'i dbyangs

sna tshogs/ /rgyun ring bsgrags pa'i yid la ni/ /ngal bso dga'
tshong dpag med thob/ /bde mchog rang byung sku la ni/ /gser chab
byugs shing snyan shal phul/ /tshogs 'khor yid glu smon lam btab/
/de nas

phyir log lan tru mkhar/ /sgrol ma lha khang gnas bcas te/
/mkhar gyi phyi nang lha rten sogs/ /mchod khang mang por rten
mjal zhu/ /mkhar nang gnas kyi yo long mthong/ /de nas nub
phyogs shi rtin sir/ /rang gi bu

slob 'ga' zhig la/ /'dod chos dag gi lung yang byas/ /zhag 'ga'
ngal bso rim bskyod de/ /byams pa 'bum gling gnas mjal zhu/ /bla
sprul che chung rnam gnyis kyi/ /bkur bsti dag kyang bdag gir
myong/ /de nas

@300a @#/ /pa to sAn brgyud de/ /phyag rdong thar ngam sAn
khron du/ /bskyod de 'un kyA dgon du phyin/ /mchod mjal zhu
zhing gzab ston byas/ /gro kyA phe kyA kha ti kar/ /bskyod
skabs dge 'dun mang

ma yis/ /chos bskor byed pa dag dang mjal/ /rten gtso 'jam mgon
bla ma yi/ /phyag bzo sku thang byin can la/ /byin rlabs zhu ste
phyir 'ong skabs/ /dge 'dun rnams kyang phyir phebs te/ /phran
la bzo

sgo byed par che/ /de nas rim bskyod brag dgon du/ /gnas tshang
byas te mchod mjal zhu/ /phyi nyin bzo sgo bla med kyis/ /'du
khang nang du pos te phyin/ /chos 'brel bsngo smon 'brel ba
byas/ /nang rten khag

rnams legs mjal te/ /ri khrod thub pa myang 'das sogs/ /mjal te
tshe tan dgon par mjal/ /pE kyAr mjal te zhag tu bsdad/ /phyi
nyin 'khor lo rna khar phyin/ /de nas ri bo tan tig tu/ /mchod
mjal

rgyas par legs zhu ste/ /yang tig mthil sogs gnas mjal zhu/
/slar yang 'khor lo rna kha ru/ /mi tshang 'gar phyin char kyA
ru/ /phyin nas tshe tan zhabs drung gis/ /sna len byas te sde
mang gis/ /ja zhu mang

pos shin tu gzab/ /de nas stag tshang gnas brgyud de/ /trug kyAr
bde yangs rdo rje 'chang/ /mjal te zhag 'gar ngal bso byas/ /de
nas bskyod de tsha phub tu/ /zhag sdod byas nas lha chen dang/
/gser khang kha

@300b sha mthil sogs la/ /gnas mjal zhu ste gnam lding du/
/bskyod skabs bya btang mang po yis/ /sna len dang bcas sku mdun
du/ /mjal te ngal bso byas pa'i skabs/ /bka' las sngon chad
khyed nyid

kyis; ;'grel chen sngags rim chen mo yi/ /bshad lung dgos tshul
gsungs pa de/ /da res stabs legs byung bas na/ /'bul lo zhes
gsungs dbugs dbyung mdzad/ /phyi nyin nyid nas bka' chos tshugs//

zla gcig bar du bka' drin bskyangs/ /de nas rim bzhin sku 'bum
du/ /'ong nas yon chab 'bul 'phros bskyangs/ /skabs re snga dro
yon chab dang/ /phyi dror 'dod chos sna tshogs kyi/ /bklag lung
phran bu'i

gzugs brnyan byas/ /zla ba brgyad pa'i nyi shu'i nang/ /skyabs
mgon thams cad mkhyen pa yi/ /bka' yig phebs pa'i dgongs don la/
/ring min chos sde chen po ru/ /chibs bsgyur bskyangs pa'i bka'
phebs

tshe; ;tshogs 'dus lhan rgyas bka' gros te/ /phebs bsu dang por
phran bu la/ /'gro dgos zhes pa'i bka' nan bstsal/ /nyer lnga'i
nyin la 'phral thon byas/ /mkhan chen khri zur zhabs drung sogs/
/sne mo pa

bcas rim bskyod kyis/ /grong lang zhes pa'i mkhar 'dabs su/
/zhag gnyis 'jag mal byas pa'i skabs/ /tshogs 'dus gros mthun
byas pa'i tshe/ /nam phebs gsal cha ma nges phyir/ /re zhig sgug
sdod byas
@301a @#/ /pas 'thus/ /zhes pa'i gros mthun byed skabs su/ /mthun
min sna tshogs byung ste grol/ /de yi phyi dro zhan bkwan la/
/bka' yig phebs 'phral phran bu dang/ /mkhan chen rgya yag

nged gnyis la/ /bka' yig 'khrol bar gyis shig zer/ /ji bzhin
rngo ni mi thogs kyang/ /lam tsam bgrol ba'i tshul du byas/ /phyi
nyin snga bar phran cag rnams/ /phebs bsur phyin te 'phrang
yangs por/ /

bskyod skabs mgron gnyer sngon du sleb/ /khyod rnams brang ban
zhu dgos zer/ /kha btags dang bcas brang ban zhu/ /mjal kha mi
'ong zer te phyin/ /de 'phral chibs bsgyur gnang byung bas/
/phran cag

rnams la spyan ras kyis/ /gzigs pa bskyangs skabs chen mo nas/
/rang rang kha btags ske la g.yogs/ /gong sa mchog nas gsol
tshan steng/ /chibs bsgyur bskyangs te bzhugs ba'i skabs/ /

phran bu cag rnams rgyang ring por/ /phebs sgug byas te gnas
pa'i tshe/ /skyabs rje khri chen gdan sa pas/ /phran la bos nas
mjal kha zhig /'ong ba'i thabs tshul khyod kyis sems/ /phebs bsu
dang po gal

che zhes/ /rgyu mtshan de ltar yin no lags/ /de 'phral gos stod
legs bzhag nas/ /shar rtsol dang bcas gsol tshan sar/ /phyin te
nang ma'i mkhan po la/ /mjal kha'i dgongs len rab zhus pas/ /de

@301b 'phral sku mdun mjal kha dang/ /rten gsum dang bcas phyag
dbang zhu/ /gsol ja phebs te phran la bstsal/ /brtse ba'i bka'
mchid rgya cher bstsal/ /de skabs phran nas gong sa la/ /sku
'bum tshogs 'dus mjal

phyag gi /dgongs len zhu bas yongs zhes phebs/ /'phral du nang
ma'i mkhan po la/ /phran bu phyin nas rgyu mtshan zhu/ /rgyun
ldan 'di ltar mi 'ong yang/ /da res khyed rang phebs pas na/
/mjal kha yongs zhes gnang

ba bstsal/ /sku 'bum bla spyi gang du yod/ /'phral du phebs zhes
gsungs pa'i tshe/ /phran bu bdag gis brda sbyar bas/ /bla spyi
shar rtsol phebs byung bas/ /nang ma khang du gdan drangs nas/
/gsol ja bzhes

'bras sogs kyang bstsal/ /phran bu slar yang sku mdun du/ /phyin
par gsung gling rgyun ring gnang/ /da ni mjal kha gnang ngo
zhes/ /bka' bstsal byung bas phran bu yang/ /bla spyi'i gral du
zhugs te mjal/ /gsol ja

bzhes 'bras bka' phebs sogs/ /brtse gzigs bla na med pa bstsal/
/de 'phral chibs bsgyur legs bskyangs nas/ /lam tsam phebs skabs
zhing sa'i dpon/ /mi bzang tsun tu 'khor bcas bstsal/ /de nas

khrom tshogs dmar nag tu/ /'khrigs te phebs pa'i skabs su yang/
/brgya byin lha yi dmag tshogs kyis/ /sa la phebs 'dra bzhin du
byon/ /ring min bzhugs sgar rgyab pa'i sar/ /rgya bod gnyis kyis
brang ban zhu//

@302a @#/ /bzhugs sgar steng du phyag phebs mdzad/ /mi ring tsun
tu tA rin nas/ /sger mjal zhu ste gsung gleng smar/ /phyir
bskyod skabs su brang ban dang/ /bcas te rang gi gnas su byon/
/phyi

nyin sku 'bum bla spyi nas/ /dngos mjal zhus te gsol ston phul/
/sku drag phyi nang rnams la yang/ /mtshams zhu babs bstun gsol
dod bcas/ /phul te rang gi gnas su phyin/ /slar yang tsun tu
mdun

mjal zhu/ /gsung gros smar zhing nang gnas sogs/ /zhu zhing re
zhig dgongs zhu thob/ /babs bstun gsol ras bstsal te log /de nas
phyi nyin chibs bsgyur bskyangs/ /rim bzhin phebs skabs phyogs

'dus bcas/ /bla dpon skya ser sbrin bzhin 'dus/ /mjal kha chos
sbyin gsung gleng sogs/ /kun gyi re 'dod skong bzhin phebs/ /rim
par zi ling sar gnas su/ /zi ling ya mun lnga yi dpon/ /rta dmag

rkang dmag ru bsgrigs te/ /phebs bsu bkod pa tshar dngar dbus/
/byon te co 'phrang phyi ma'i nang/ /bzhugs sgar steng du zhabs
sor 'khod/ /dpon chen so sos rang mkho dang/ /bstun pa'i bzo sgo
ci nus

zhu; ;nyin bzhin gzigs mo rgya ston sogs/ /tshar du dngar bar
'bul bzhin mchis/ /zla ba dgu pa'i bcu bzhi'i nyin/ /lumba'i
dga' tshal gnyis pa ru/ /chibs bsgyur bskyangs te byon pa'i tshe/
/te'u

@302b dmar thang du gsol tshan thog /chibs bsgyur bskyangs te
rgyun ring bzhugs/ /phran cag phebs bsu snga phyi skor/ /rang
dgon gnas su sngon du phyin/ /gsol tshan steng nas phyag btegs
te/ /hwang zi thang du rang

dgon gyi/ /gsol tshan steng du chibs bsgyur bskyangs/ /bzhugs sar
zhabs sen 'khod bstun la/ /skyabs rje gser tog rin po ches/
/maNDal phul te phyag dbang zhu/ /rim bzhin khri chen bla sprul
sogs/ /

las sna rnams kyis phyag dbang zhu/ /de nas gsol ja bzhes 'bras
btegs/ /de skabs chos sde'i bla spyi rnams/ /bzhugs gral 'khod
cing bzhes 'bras dang/ /bsrung mdud bstsal skabs gzims

'gag nas/ /yar bzhengs zhes bstun thams cad kyis/ /langs te spos
sna dang bcas pas/ /spyan 'dren rgya gling rdun bsus te/ /dge
'dun mang po'i ser sbreng bcas/ /bla brang bkra shis khang gsar
du/ /

seng khri'i steng du zhabs sor 'khod/ /gsol ja bzhes 'bras legs
btegs nas/ /gzims chung nang du zhabs sor 'khod/ /tshes pa bco
lnga'i phyi dro'i skabs/ /gso sbyong mgon du legs bzhugs nas/ /

dge 'dun che phra du ma dang/ /lhan du gso sbyong nyams su
myong/ /mjug tu ljags bsngo rgyas par mdzad/ /de bzhin chos
sde'i bzhugs ring la/ /gso skyong mgon du chag med phebs/ /phyi
nyin nyid nas rim

@#*@# [missing page 303 a and b] @#*@#

@304a @#/ /bstar/ /skabs su sku bsnyung bzhes tshul sogs/ /lam
tsam mdzad kyang myur du dwangs/ /mkhan chen 'jam dbyangs bstan
pa sogs/ /pho brang che nas 'phral 'byor bar/ /gsung

gleng mdzad cing dngos spyad sogs/ /gzigs rtogs mdzad de bdag
gir bzhes/ /de nas ring min mkhan chen gyis/ /thon phyag zhu ste
phyir thon mdzad/ /sngar bzhin chos spyad chos bka' dang/ /ngad
ldan

mang por mjal phyag sogs/ /sngar bzhin mdzad de bzhugs mu la/
/kun mkhyen bla ma yab sras sogs/ /stong 'khor bcas pa legs
'byor bar/ /drung mjal sger mjal dpe khrid sogs/ /nyin

'ga'i bar du legs gnang bas/ /thugs rab tshim zhing dga' spro
rgyas/ /de nas ring min dus kyi char/ /rong po skal ldan rgya
mtsho dang/ /sku 'khor brgya phrag dang bcas te/ /'byor bar drung
mjal sger

mjal dang/ /tshogs phebs zhu ste 'bul chen btegs/ /gsung chos
bstsal zhing log cha gnang/ /chab mdo dpon dang co sne dpon/
/dgon chen bla grwa 'dus spyi nas/ /bka' 'gyur la sogs

dngos 'bul btegs/ /dbyar gnas grol 'phral ljongs rgyu yi/ /mchod
ston zhag 'ga'i bar du bskyangs/ /de nas rim bzhin sdar mu
bzhin/ /bzhugs par chos sde chen po la/ /phog thebs

@304b la sogs gsol ras bstsal/ /de nas ring min lcang skya mchog
/byon te 'dod chos 'ga' zhig gsan/ /lcang skya mchog gis chos
sde la/ /phog thebs mthun rkyen phon chen bstsal/ /mgo zla'i

tshes brgyad phyi dro'i char/ /pho brang rgyal khab tsur g+han
nas/ /gsung nang gre tsi dang 'byor bar/ /gong sa mchog nas mdo
khams kyi/ /sa chu 'phrod bzhes cher med pa'i/ /gtam thos de
phyir u the ru/ /bsil

drod snyoms pas der bzhugs legs/ /zhes sogs gong ma'i gsung nang
ma/ /phebs dang lhan cig mar byon pa'i/ /bsgrigs cha sta gon
mdzad do lo/ /tshes pa bco lnga'i snga cha ru/ /sku drags byings
nas

brtan bzhugs sogs/ /'bul ba'i yo lang 'du byas so/ /de nas zi
ling sar gnas kyi/ /dpon khag sogs la rgyu mtshan bshad/ /de dag
rnams kyang pho brang nas/ /bsgrigs cha dgos tshul bka' phebs

pas; ;g.yel med brtson par byas pa lags/ /zhes pa'i rgyu mtshan
zhu ste 'ong/ /'dir yang chos sde rang nas kyang/ /thon mi la
sogs 'du byas so/ /dmar phyogs rgyal ba gsum pa'i nyin/ /snga
dror che

sgar srib tsam byon/ /mdo dar lan gsum dang bcas pas/ /nyi dros
tsam la chibs bsgyur bskyangs/ /dge 'dun mang mas ser sbreng
dang/ /chibs zhal lan gsum bsgyur nas ni/ /rim gyis dal bur legs

@305a @#/ /byon te/ /gzhung gi thab bsur yud tsam byon/ /de nas
gsol tshan steng du gshegs/ /rim gyis chibs bsgyur bskyangs pa'i
skabs/ /zi ling phebs bsu rim 'byor zhing/ /

dal bur gshegs te co 'phrang nang/ /dpon chen rnams nas brang
ban zhu/ /bzhugs sgar steng du phebs te bzhugs/ /zhag gsum
bzhugs mal mdzad skabs su/ /nyin gcig glo bur skad gtong

bas; ;phran la myur du shog ces phebs/ /myur du phyin pa'i lam
bar du/ /gong sa mchog nas mkhar nang du/ /phebs zhes zer bas
lho sgo nas/ /myur du phyin pas phebs rjes zin/ /gshin rje'i

lha khang nang du byon/ /de ru gnas gzigs legs mdzad de/ /mkhas
pa mi gsum lha khang du/ /byon skabs mi mang 'khrul phyir du/
/phran la nyid kyi sku tshab tu/ /gtso bor byas te 'gro dgos

gsung/ /nyid kyang 'khor gyi tshul du phebs/ /ji ltar byas kyang
mi mang gis/ /dngos dang phal ba dbye 'dug go /de nas bzhugs
sgar steng phebs par/ /dpon chen so sos gzigs mo yis/ /

bye brag sna tshogs bstar zhu bar/ /sgyu ma'i rtsed mo tsam ma
gtogs/ /gzhan rnams spyan lam ma chud do/ /phyi nyin phebs bsu
dang bcas te/ /phen trung yi ru bzhugs zhag steng/ /byon te dge
bshes

@305b rab gsal dang/ /lhan du dmar gtsang gnas gzigs mdzad/ /de
nas ni'u bir bzhugs zhag steng/ /sar gnas dpon pos bsgrigs cha
smar/ /de ru lcang skya mchog byon te/ /phebs rdzongs bstar
zhing

gsung gleng gnang/ /de nas rim bzhin byon skabs su/ /snga dro
chibs thog le lnga'i sar/ /zhabs 'gros byon zhing gsol tshan
steng/ /lhod bzhugs mdzad de phebs skabs su/ /chibs thog byon te
le lnga'i

sar; ;zhabs 'gros byon zhing le bcu'i sar/ /phebs byams nang du
bzhugs nas phebs/ /rnam kun byon pa'i ngang tshul lags/ /dus kun
chu tshod dgu pa nas/ /chibs bsgyur bskyangs te gnyis pa'i bar/ /

bzhugs zhag steng du byon pa lags/ /le ba brgya dang lnga bcu'i
sar/ /gsum pa las ni thal ma byung/ /phebs tshe mi myur mi dal
zhing/ /kun la gnod par mi 'gyur par/ /byon pa 'phags pa'i khyad
chos yin/ /

sus kyang zlo bar mi nus so/ /de ltar rim bzhin byon nas ni/
/krong lang lan trug zhing sa sogs/ /bzhugs zhag 'ga' bcas rim
bskyod kyis/ /cin tru zhes pa'i sar gnas su/ /bre ta bu ri'i
gnas dang bral/ /

phyi nyin phran zhI'i sar gnas kyi/ /dpon khag rnams kyi phebs
bsu dang/ /phebs gral la sogs snga ma las/ /bcu drug char yang
mi phod do/ /de ltar rim bzhin byon nas ni/ /phin trug ces pa'i
sar gnas
@306a @#/ /su/ /rgya ma'i lo gsar khel ba la/ /zhabs gras chin
khri tA rin gyi/ /zhag gsum bar du dgongs zhu byas/ /rgya dpon
so sos lo gsar dang/ /rgya ston sna tshogs me'i 'phrul

'khor/ /spyan lam bstar ste gzigs mor phul/ /phran bu cag la'ang
rgya dpon nas/ /gzigs bskyang sa tshE zi'i nang chud byas/ /de
nas rim bzhin btegs byon nas/ /rgya mkhar bkra shis sgo brgya
'am//

zhi nan zhes pa'i zhing sa ru/ /ru bsgrigs skar tshogs dang bcas
par/ /dbus byon thab bsu rgyas pa'i sar/ /shun wu la sogs mi
bzang rnams/ /phebs bsu dang bcas mchod ston sogs/ /rgya

cher phul te slar gshegs nas/ /chen po thang gi srog mkhar nang/
/phebs gral bsgrigs sar byon te bzhugs/ /zhag bdun bzhugs mal
mdzad skabs su/ /rang byon sgrol ma'i lha khang sogs//

gnas gzigs mdzad cing stong mchod phul/ /gzhan yang gong ma'i
gzims chung sogs/ /gsar rnying kun la zhib gzigs mdzad/ /gzhan
yang gnas bcu pA shan sogs/ /sngar byon bzhugs gnas

so so rnams/ /mngon chung tshul du gzigs rtogs mdzad/ /de skabs
kor kha'i rgyal po sogs/ /mdun mjal zhu zhing pho brang nas/
/mkhan chung rnams kyis 'byor phyag zhu/ /co sne ma tha sprul
sku sogs//

@306b dngos mjal zhu mkhan shin tu mang/ /de nas chibs bsgyur
legs bskyangs nas/ /rim bzhin thun bkwan zhes pa'i sar/ /byon
skabs sAn zhi'i shun wu nas/ /phebs gral bsgrigs pa'i 'go ba
sogs/ /

'tshams zhu 'bul mi 'byor te mjal/ /phyi nyin snga dro nam mkha'
la/ /'ja' 'od 'khrigs shing gnam sgra sgrog /de bstun shan tu
legs bzhugs nas/ /rma chu brgal te pha rol byon/ /de ru sAn
zhi'i

ru bsgrigs sogs/ /ser sbreng dang bcas phebs bsu byas/ /rim
bzhin byon nas chin shu shan/ /sngon rabs gong ma'i pho brang
nang/ /bzhugs zhag mdzad skabs kha chen babs/ /dgung gsar nye
shar

kha ba ni/ /gnam lo kha bas bcad pa 'di/ /ltas ngan yin gshis
grags pa'i phyir/ /kha char 'di ni bcad dgos zhes/ /bka' yid byu
gu bsnun pa'i tshe/ /dbang med rnga sing lnga ri skad lo/ /gnam
lo rang zhal

ngoms pa'i tshe/ /kha char chad cing tshes gtor sogs/ /sngar rgyun
bzhin du zhag gsum gnang/ /de nas rim bzhin phyag btegs te/ /the
yan shun wu'i phebs bsu dang/ /ri bo rtse lnga'i bla grwa sogs//

phebs bsu mang po 'byor te mjal/ /gsol tshan steng nas phyag
btegs te/ /spyan 'dren mchod rol sna tshogs dang/ /dmag mi ru
bsgrigs dpung dang bcas/ /bzhugs sgar steng du zhag 'ga'
bzhugs//

@307a @#/ /de skabs rgyal khab chen mo nas/ /grung thang blon
chen 'khor mang bcas/ /gong ma'i mtshams zhu 'bul du 'ong/ /zhal
'dzoms mdzad de gsung gleng smar/ /de nas rim bzhin phyag

btegs te/ /zha he su mer hwa zhang sogs/ /phebs bsu ser sbreng
rgyas par bstar/ /gong sa mchog nas gnas gzigs mdzad/ /phyi nyin
mchod rten ljang khu yi/ /la rtsa nas ni zhabs 'gros kyis/ /eng

ger cha gan su bur g+har/ /gsol tshan steng du lhod bzhugs mdzad/
/de nas phebs byams nang bzhugs te/ /chibs ra bsgrigs shing byon
pa'i tshe/ /nam mkhar 'ja' 'ong gur khyim dang/ /mchod rdzas sna

tshogs bkram pa shar/ /de mtshungs chos 'khor su me'i thad/ /dung
gi sgra dbyangs yun ring bsgrags/ /kun gyi rna ba'i spyod yul
gyur/ /de mtshungs ri bo rtse lnga yi/ /dgon chen lnga yi ser
sbreng dang/ /mchod

rol sna tshogs bstar nas bsu/ /klu rgyal nag po'i lha khang du/
/gnas gzigs mdzad de phyag nas 'thor/ /rim bzhin byon te phu sa
ten/ /zhes pa'i ri 'dabs gnas brtsams te/ /them skas brgya

rtsa brgyad la gshegs/ /'jam dbyangs rigs gsum lha khang dang/
/mda' zug lha khang 'du khang bcas/ /gnas gzigs mdzad cing snga
nyin nas/ /sna lnga'i mchod pa stong phrag sogs/ /spyan 'dren

@307b khrus gsol legs 'bul te/ /thugs smon rgya cher yun ring
mdzad/ /ja sag bla ma'i gnas khang du/ /zhag 'ga' lhod bzhugs
mdzad de bzhugs/ /nyin re bzhin du phyogs kun nas/ /dad ldan
skye bo mang

po la/ /phyag dbang bstsal te re 'dod bskang/ /'dod chos tshe
dbang rjes gnang sogs/ /chag med lta bur gnang bzhin bzhugs/
/skabs 'gar gnas chen gtso bo la/ /gnas gzigs mdzad cing thugs

smon gnang/ /bla dpon mi chen 'ga' zhig la/ /nang mjal gnang
zhing bkur bzo bstsal/ /yongs kyi bshes gnyen dam pa las/ /sgra
khrid gtsug lag thugs nyams bzhes/ /skabs rer bsgrub bya

mang po la/ /rab byung dge tshul bsnyen rdzogs sogs/ /bslab pa'i
gzhi la 'god pa mdzad/ /yun kun ja sag bla ma la/ /gong ma'i
gser yig phebs pa'i tshe/ /gna' bo'i srol bzhin phebs bsu dang/ /

phyag mchod bkur sti rgyas par mdzad/ /gsol ras bla med bstsal
ba la/ /gus pa'i tshul gyis bdag gir bzhes/ /sa zla'i tshe nang
'du khang du/ /sku bzhog stong 'khor dbus mdzad de/ /bsgrub bya
brgya phrag

mang po la/ /bslab pa'i gzhi la 'god bar mdzad/ /de rjes phyogs
'dus dge bshes rnams/ /brgya phrag tsam zhig 'ong ba la/ /dam
pa'i chos kyi bsgro gleng sogs/ /nyin re bzhin du smar bar
mdzad/ /lha ldan

@308a @#/ /phyogs nas gzhung sa dang/ /gdan sa gsum gyi mkhan po
rnams/ /'tshams zhu gdan zhu chabs gcig tu/ /mjal kha bzo bkod
bla med gnang/ /de 'phral mkhan po rnam gnyis

kyang/ /phyi dro dam bca' tshugs pa'i tshe/ /bsgro gleng rgyun
ring gnang bar mdzad/ /dam bca'i tshogs pa nyin re bzhin/ /dbyar
gyi chu gter bzhin du gyur/ /dga' ldan sa la 'phos 'dra zhes/
/snyan pa'i ba dan srid

rtse'i bar/ /bsgrags pa phyogs kun khyab par gyur/ /sum rtsen
lha rnams bar snang du/ /'ongs te dga' ba'i ca co sgrog /de tshe
rigs sad dge smon can/ /b+he rod ngar rgyas lhas bskul te/ /rgyal
ba'i gzims

chung bzhengs par bsam/ /phyi nyin 'bud dung g.yas 'khyil cha/
/dar tshon sna lngas 'dogs byas te/ /skyabs mgon chen mo'i mdun
sa ru/ /mjal te chos dung g.yas 'khyil zung/ /phul te skyabs
mgon chen

mo la/ /gzims chung gsar ba chung ngu zhig /gsar bzhengs byas te
'bul bsam na/ /brtse bas dgongs te gnang rigs sam/ /legs so myur
du bsgrub cig ces/ /bka' yi gnang ba legs thob ste/ /de

'phral myur song sa nyos nas/ /ar las 'go tshugs zla gcig nang/
/gzims chung phyi nang ra ba gsum/ /bsgrubs par bgyis te spyan
'dren gyi/ /snyan gsan zhu ste zhal bzhes gnang/ /gro zhun zla
ba'i tshes

@308b bco lnga'i/ /nangs par snga thog legs byon te/ /zhabs sor
'khod bstun maNDal dang/ /gsol ja bzhes 'bras zhal bsros bgyis/
/rten 'brel legs bsgrigs tshogs langs sogs/ /dam chos bdud

rtsi'i dga' ston 'gyed/ /gong sa mchog nas dbus mdzad de/
/phyogs 'dus dge 'dun mang po rnams/ /'dus te gso sbyong rgyas
par gnang/ /so thar mdo ni yongs rdzogs mdzad/ /de nas bstan pa
gnas kyi bar/ /

chags med dge slong bcu drug gis/ /dbyar gnas mdzad pa'i srol
bzang tshugs/ /de bstun phyi dror dam bca' yang/ /zla 'ga'i bar
du chags med gnang/ /dbyid gsum dbyar zla gnyis pa'i bar/ /than
gdung che bas

char mi 'bab/ /rna ba ser kog can rnams kyis/ /rang lugs 'dod pa
a 'thas 'dzin/ /dbus ri zhol ba rnams kyis ni/ /gong sa mchog
ni byon pa'i skabs/ /pus btsugs thal sbyar dang bcas te/ /gdung
ba'i

dbyangs kyis char slong bar/ /gong sa mchog nas khyed rnams kyi/
/sa cha che chung ji 'dra zhib/ /rang rang sa cha'i bab tshod
zhu/ /da lta nyid du bab po zhes/ /gsung gi gnang ba dbugs
dbyung bstsal/ /gong sa mchog ni

phyir byon te/ /gzhung chu kha ru khrus mdzad cing/ /nang mis
zhabs zhur chu rtsed mdzad/ /de 'phral dbus rir char chen dbabs/
/gar yang cha med mi zhig 'ong/ /'bud dung g.yas 'khyil legs
phul te/ /gang du

@309a @#/ /thal ba sus ma mthong/ /de bzhin shar nub byang gsum
gyi/ /zhol ba rnams kyis char slong bar/ /sngar bzhin gnang ste
re 'dod bskangs/ /dbus kyi lte ba'i cha dag la/ /

gnas pa'i mi rnams rang rang gi /las kyis 'bras bu bdag gir
gyis/ /gong sa sku 'khor hrag bsdus bcas/ /ri bskor byon skabs
gzigs snang sogs/ /ngo mtshar khyad 'phags yod na yang/ /

ma dag snang bar su zhig mthong/ /thogs med byams mgon bsgrubs
pa bzhin/ /las kyis nongs pa bya thabs ci/ /skal ba med pas
bzang mi myong/ /hor zla bdun pa'i tshes gcig nyin/ /sngar bzhin

gong ma'i gser yig phebs/ /bka' las pho brang chen mo ru/ /nam
'dod dus su phebs chog kyang/ /phebs lam gar phebs bsgrigs cha
byed/ /phebs tshe bdag gi phyi mtha'i bar/ /bzhugs dgos

thugs la dgongs par rigs/ /zhes pa'i gser yig phebs pa la/ /sku
'khor byings rnams som nyir gyur/ /bsgrigs cha dpon po yin phin
to/ /phebs lam dgongs len zhus pa'i tshe/ /Di li zhing

sa brgyud phebs par/ /bka' bstsal dang du blangs nas song/
/brgyad pa'i nyer brgyad chi bas thog thon/ /ri rtse'i blo dpon
ser sbreng sogs/ /sngar bzhin zhu ste 'jam dkar gyi/ /chu mig
dang ni shing kun sar/ /gsol

@309b tshan steng du lhod bzhugs mdzad/ /de nas byon te lo hwo
sir/ /bzhugs zhag gnang ste gnas gzigs mdzad/ /phyi nyin sku ni
ldem tshul mdzad/ /'phral du snyan zhu gtong bar byas/ /de yi
phyi nyin chibs

bsgyur bskyangs/ /bi hwar gsol tshan tsha cin len/ /ma phO tshOn
er gnas gzigs mdzad/ /de nas btegs te rim bzhin du/ /ti na trug
ces par bzhugs zhag mdzad/ /bkas mngags thun khre'i nang du

bzhugs/ /bo ting zhing sa chen mo ru/ /gsol tshan rgya cher gtegs
ba'i skabs/ /bkas mngags bO gung 'tshams zhus par/ /dgu phrug
phyag gis rdun bsus te/ /bka' yi 'tshams zhu thod du bzhes/ /

de nas bsgrigs chas gzims chung du/ /zhabs sor 'khod bstun po
gung nas/ /phyag 'tshal zhabs rdul spyi bor blangs/ /'tshams zhu
dad rten spyan ras gzigs/ /gser sku khyad 'phags gsol ras

bstsal/ /de nyin gong sa'i thugs rje la/ /brten nas rgya bod hor
gsum sogs/ /sum stong brgal bar gla rngan sogs/ /med par bza'
btung sogs tshim par/ /myangs pa'i dga' ba mchog tu thob/ /de nas

btegs te gnyis pa'i skabs/ /rgyal khab chen mo'i chAn chin
thad/ /gsol tshan steng bzhugs slar btegs te/ /dmag mi skar tshogs
bkra ba'i dbus/ /mchod rol sna tshogs thogs pa yi/ /dge 'dun

@310a @#/ /mang mas ser sbreng dang/ /bcas te smin grol bla brang
du/ /byon skabs gong ma'i phebs ston la/ /rta pho sga chas 'dra
mtshungs brgyad/ /gos chen ldib dril brgya phrag lnga/ /na

bza' nyer spyad dngos sna tshogs/ /phyur bur gtams pa spyan lam
bstar/ /gong ma'i tsandan bzhugs khri steng/ /zhabs sor 'khod de
lhod bzhugs gnang/ /zhabs gras mang rnams drung jar tshogs/ /

drung ja grol te 'tsher gshags phebs/ /phyi nyin nas bzung nyin
re bzhin/ /rgyal khag so so'i mjal kha dang/ /gong ma'i blon
chen rnams kyis mjal/ /dgu pa'i nyer bzhir mdun sa ru/ /wan shu

shan tu mjal bar phebs/ /zhes pa'i bka' yig phebs pa'i tshe/
/mjal tshul yan le slob mkhan gyi/ /ngag dbang la sogs 'byor ba'i
tshe/ /tun hwang si ru thus dbang mdun/ /yan le legs par

zhu ste bslab/ /nyer bzhi'i snga dro chu tshod gnyis/ slebs steng
'dar ma brdung bzhin par/ /chibs ra bsgrigs shing g.yas g.yon
nas/ /ru bzhi bsgrigs pa'i dmag mi sogs/ /mdun bdar tshar du

dngar bar phyin/ /phebs byams g.yas g.yon ra shel gyi/ /keng
shu bcu drug 'od 'bar btegs/ /lam lam 'gros kyis btegs shing
phyin/ /chu tshod drug par gsol tshan steng/ /lhod bzhugs

@310b mdzad skabs sku mdun nas/ /byur tog can gyi dpon chen
gnyis/ /'ong ste pus btsugs byas nas ni/ /da lta phebs chog zhes
zhus so/ /de 'phral chibs thog thon nas ni/ /gzhung sgo g.yon
gyi ngos

thad du/ /seng sgo'i phyogs su phebs byams las/ /zhol te zhabs
'gros tshul gyis byon/ /gsol chen gnyis dang thun zi gnyis/
/zhabs zhu bgyis te rgyal yum mdun/ /sku phyag mdzad cing sgrol
sku

dang/ /mjal dar sbrags te phul nas bzhugs/ /gong nas bka' gros
lan bzhi mdzad/ /bka' lan thun zi brgyud nas phul/ /yum gyi
phyag bris sher snying dang/ /phyag 'phreng rgyun ring bsnams pa
phul//

dgyes tshor chen pos gnang bar 'dug /rim gyis mjal chog ces
gsungs nas/ /phyir phebs gong ma'i mdun sa ru/ /sngar ltar sku
phyag tshe sku dang/ /mjal dar sbrags te phul nas bzhugs/ /dgyes
pa'i

gsung gleng lan bzhi mdzad/ /sngar dang 'dra bar zhu lan phul/
/gong ma'i rgyun bzhes khro gru bstsal/ /de nas phyir phebs rang
gnas byon/ /slar yang smin zla'i tshes bzhi nas/ /gong sa sku
'khor hrag bsdus

bcas/ /gong ma'i mdun sar mjal du byon/ /de nyin nang don gsung
gleng smar/ /snyan zhu'i rim pa'ang rgyas par phul/ /de don
thugs dgongs ltar du 'grub/ /skyar ma'i gsol ras rgya cher
bstsal/ /slar yang
@311a @#/ /rang gi gnas su byon/ /bka' ltar tshes brgyad snga
dro'i char/ /mdun bcar mdzad de tshe dbang phul/ /mtshan zhing yi
ge 'phar bzhi dang/ /gser 'brug dgu can gdugs mchog dang//

ka rgyan cha yi bstod tshig sogs/ /bkur bzo bla na med pa dang/
/lo re'i gsol dod rgya dngul ni/ /khri phrag bdun bcas chags med
phebs/ /gzhan yang gos dar dngos spyad sogs/ /gya nom bstsal

zhing sku 'khor la'ang/ /gsol 'phar sgo babs dang bstun bstsal/
/chen po'i bkur bzo che ston phyir/ /dal bur byon te bzhugs sgar
phebs/ /gong sa rgyal yum chen mo yi/ /bdun cu'i sba yer tshes

bcu'i nyin/ /mdzad chen steng du chibs rags bcas/ /byon te gong
ma the hug nas/ /gong sa mchog la dgyes brtse bcas/ /gsung mol
gnang zhing rang rang gi /pho brang kun tu khrid nas phebs/
/spyan

zhu bstar te dngos gzigs mdzad/ /de nas phyir phebs nan he ten/
/shan la mnyam du bzhugs te phebs/ /pho brang kun tu legs byon
nas/ /gsol tshigs lhan rgyas legs gnang ste/ /phran zhi'i

gzigs mo bstar te phul/ /nyin gang bzhugs te phyi dro'i char/
/dngos po'i gnang cha sbam mtho ba/ /btegs te rang gi bzhugs
gnas byon/ /de nas zhag 'gar ngal bso mdzad/ /glo bur rgyal yum
bsnyun

@311b tshul bstan/ /gong sa mchog gi bka' phebs te/ /zhabs gras
rnams kyis zhabs brtan bsgrub/ /tshes grangs nyi shu'i gnam smad
char/ /gong ma gnam du gshegs par gyur/ /kun kyang mya ngan
thang la 'grims/ /

rgyal yul mchog nas bka' phebs te/ /zhing sa bcu gsum dpon chen
rnams/ /gros bsdur byas te shon thun la/ /rgyal srid 'khod par
bkas bcad do/ /de nub rgyal yum gnam du gshegs/ /kun kyang mya

ngan thang chen la/ /mya ngan byed cing ku co 'don/ /dmag dpon
rnams kyis bya ra byed/ /de ltar skyabs med mgon med du/ /zhag
'gar mya ngan byas pa'i skabs/ /gong sa mchog nas gdung mchod
phul/ /ya mtshan

cho 'phrul rtags snang byung/ /mgo zla'i tshes brgyad snga dro'i
char/ /bam so me sAn zhes par drangs/ /nyin gung shon thun
rgyal srid 'khod/ /kun gyis sba yer legs phul te/ /gong sa mchog
nas zhabs brtan

phul/ /de ltar zhag 'ga' song ba'i skabs/ /gong sa phyir phebs
snyan zhu rnams/ /mong g+hol tsur g+han brgyud nas phul/ /zhal
bzhes thob ste phebs gra bsgrigs/ /dpon khag so sos phebs
rdzongs bstar/ /

mgo zla'i nyer brgyad tshes bzang por/ /chibs thog thon zhing sog
phyogs nas/ /chin wang sku 'khor dang bcas mjal/ /rim bzhin Di
li zhing sa ru/ /bzhugs zhag bkur bzo bla med byas/ /de nas rim
bzhin

@312a @#/ /phyag btegs te/ /pU shan la sogs sar gnas kyi/ /dpon
khag so sos rang mkho dang/ /bstun pa'i bkur bsti tshad med byas/
/lin thun thang tsi zhes pa yi/ /chab gtsang kha ru

bzhugs zhag skabs/ /zhag bdun chab tshan 'phrod bzhes gnang/
/zhabs brtan phal chen tshar bcu bklags/ /de nas zhi nan zhing sa
ru/ /zhag 'gar ngal bso legs gnang ste/ /rim byon

bkwan zi zhing sa ru/ /zhag 'gar bzhugs skabs sku 'bum dang/
/bya khyung dbus gtsang la sogs nas/ /phebs bsu 'byor ba'i rim
mjal zhu/ /de nas chibs thon mdzad nas ni/ /rim bzhin a mdo'i

dgon khag sogs/ /phebs bsu'i tshogs la phyag dbang bstsal/ /zi
ling nye bar byon ba'i skabs/ /rlung dmar ldang zhing byur ngan
gyis/ /rtags sam ci yang 'phyang mo nyug /zi ling co 'phrang
chen mo ru/ /

dpon khag lnga yi phebs bsu bcas/ /phebs gra bsgrigs par zhabs
sor 'khod/ /de nas dgung gsar rab nye bas/ /bsgrigs cha sna
tshogs 'du byas te/ /dgung gsar skabs su gong sa yi/ /

phyag gnyis ldem tshul mdzad pa la/ /tshes gtor mgon du ma phebs
pas/ /phran la tshes gtor brtag ril sogs/ /zhabs zhu byed dgos
bka' phebs bzhin/ /phran nas phyag bzhes 'grub 'khul

@312b lags/ /de nas chi bas thon gdan sa ru/ /phebs bsu thab bsu
ser sbreng sogs/ /yo lang dang bcas gdan sar byon/ /skyabs rje
zhwa dmar rdo rje 'chang/ /bde yangs rdo rje 'chang sogs nas/
/rim mjal zhu ste

gsung gros smar/ /gzhan yang phyogs 'dus mang po la/ /phyag
dbang 'dod chos yongs smin mdzad/ /skyabs rje zhwa dmar mdun sa
nas/ /sngar zhu'i bka' chos 'phro rnams gsan/ /nyin gung bde
yangs mdun sa

nas/ /bka' chos 'phros kyang gsan par mdzad/ /bde yangs mchog
las phyag sman zhu/ /lhag med bsnyun dwangs tshul yang mdzad/
/zla ba gnyis pa'i tshes nyer lngar/ /bka' chos 'phros rnams
rdzogs byas

te/ /dngos 'bul la sogs rgya cher btegs/ /rnam gnyis so so'i
rang dgon du/ /gshegs te thugs dam 'phel bar gnang/ /gsum pa'i
tshes nang tshul bstan gyis/ /phyag bsnyun slar yang ldem pa'i
tshul/ /

dgon khag so sor zhabs brtan sogs/ /phon cher bsgrubs shing bde
yangs par/ /yig chung gnang ste zhabs brtan zhu/ /gnas bcu stong
phrag bsgrubs gnang mdzad/ /slar yang phyag ri phebs pa'i tshe/
/myur bar

mdun sar phebs dgos zhes/ /bka' bstsal byung ma thag tu ni/
/'phral du sku mdun mjal ba'i skabs/ /sku ni shin tu ldem pa'i
tshul/ /gzigs ma thag tu spyan chab shor/ /re zhig gang yang zhu
ma nus/ /gong sa'i

@313a @#/ /zhal nas bsnyun 'dri dang/ /ring min nga ni bya khyung
du/ /mjal bar 'dod pas rje nyid dang/ /phran bu cag la'ang 'gro
dgos zhes/ /bka' bstsal byung bas ldog ma nus/ /sa zla'i

rgyal ba dang po'i nyin/ /chibs thog thon te bya rdzong du/
/bzhugs zhag mdzad de gnas gzigs mdzad/ /phyi nyin bya khyung
'dus sde yi/ /phebs bsu thab bsu dang bcas te/ /bla brang chen
mor phyag phebs

so/ /gnas gzigs tshogs 'pheb dam bca' dang/ /dpe khrid phyag
dbang 'dod chos bstsal/ /mchod 'bul ja so gsar 'dzugs dang/
/rgya phibs sogs kyi bdag rkyen bstsal/ /zhwa dmar rdo rje
'chang

chen yang/ /sku mdun mjal bar byon pa'i tshe/ /shing bza'i rnam
thar rnam sras kyi/ /be'u bum sogs kyi lung yang gsan/ /gong sa
mchog nas cho lo dang/ /rta dar 'bab lcags rgyan cha dang/
/phebs byams

ljang ser na bza' sogs/ /chen por 'os pa'i bdag rkyen bstsal/
/rnam gnyis gsung gleng rus pa can/ /shin tu smar zhing skyabs
zhu mdzad/ /de nas chibs bsgyur bskyangs nas ni/ /chos sde chen
po byams

gling gi /bla brang chen mor phyag phebs so/ /phyi nyin bde
yangs rin po cher/ /snga ma lta bur cho lo dang/ /rta dar babs
lcags rgyan cha dang/ /phebs byams ljang ser bka' shog dang/ /na
bza' sne ring sku chos

@313b dang/ /rgya ser sku 'grag ther sham sogs/ /na bza' cha
tshang 'dra thang bcas/ /dngos 'bul sbam mtho rgyas par bstsal/
/bya khyung chos sde'i mkhan po la'ang/ /cho lo bka' shog bskur
gnang mdzad/ /phyi

nyin sku 'bum 'dus sde la/ /mjal yangs mdzad cing gnas gzigs
sogs/ /mdzad de phran gyi gshag chung du/ /chibs bsgyur bskyangs
te rgyun ring bzhugs/ /phran la lha sar 'gro dgos zhes/ /bka'

bstsal gnang ba spyi bor blangs/ /tshes pa bco lnga'i tho rangs
skabs/ /bde yangs rdo rje 'chang chen la/ /zhabs zhu zhu ste ri
khrod phyin/ /snga dro'i cha la gong sa mchog /chibs bsgyur
bskyangs skabs dar 'bod

dang/ /ser sbreng bcas dang thab bsu bcas/ /dbus 'gyur chos kyi
ljongs su gshegs/ /phyi dro zhugs zhag ko kyA nas/ /phran gyi
ri khrod bsam gling du/ /chibs bsgyur bskyangs te rgyun ring
bzhugs/ /gsol

'o phul zhing na bza' dang/ /brgyad grwa 'dzugs zhes thebs kyang
bstsal/ /mun rub cha la keng shu bcas/ /bzhugs sger steng du
gdan drangs so/ /phyi nyin stong 'khor co 'phrang du/ /bzhugs
zhag 'ga' bcas

ngal bso mdzad/ /skyabs rje mchog dang phran bu cag /stong 'khor
mkhar nang gnas bcas te/ /sku mdun mjal bar bka' chos sogs/
/phran bu gsan zhing rim byon thog /dgon gsar gnas gzigs mdzad

@314a @#/ /ba'i skabs/ /bde yangs mchog la bka' rgya'i skor/
/zhabs 'khul zhu ste ljags rtsom mdzad/ /phyi nyin bA yan ho
sho'i sar/ /zhabs drung skar ba'i bsgrigs char thog /

zhag 'ga' bzhugs shing nang rten sogs/ /mjal zhing gar gyi gnang
cha bstsal/ /zhabs drung nyid nas 'bul chen btegs/ /skyabs rje
rdo rje 'chang chen la/ /phyag tshwa dri bzang sku gzan dang/
/dngos

po'i gnang cha spam mtho btegs/ /skyabs 'jug zhus te mdzad de
gyes/ /phyi nyin khE re la rgyab nas/ /dbus 'gyur ljongs su
bder gshegs so/ /skyabs rje nyid kyang rang dgon du/ /'phrang
bzhin dal

bur phyir gshegs so/ /de ltar rgyal dbang phyag na padmo yi/
/ngo mtshar sgyu 'phrul gsang gsum rol gar gyis/ /sprul ba'i bkod
pa sna tshogs ji snyed kun/ /dman blo'i yul du chud min skal ba
zhan/ /ngo

mtshar bsod nams brgya yi mthu smin pas/ /skal bzang mkhar nyal
tshogs rnams mgrin gcig tu/ /zhing 'dir shAka thub gnyis pa byon
pa bzhin/ /dga' ba'i ca co srid rtse'i bar du sgrog /sna tshogs
zhing

du rnam mang 'gro ba'i don/ /sna tshogs sgyu 'phrul bkod ba ji
snyed cig /cir yang ston pa'i mig 'phrul mdzad pa'i tshe/ /yid
bsrubs sde rnams bzhin ras ngo nongs gyur/ /rgyal ba rgya mtsho'i
rnam thar mchog /phyogs

@314b tsam 'dzin pa'i dge ba gang/ /tshe rabs 'phreng bar rjes
bzung ste/ /rgyal ba'i go 'phang myur thob shog /ces pa ni bsdus
ba'i don no/ /da ni dkyus la 'jug par bya ste/ mtsho sngon yas
man gyi dgon ba che chung

mtha' dag dang skang tsha stod smad sbra nag khag gsum sogs kyi
mjal ba nyin rer sprin 'du ba ltar 'ong ba rnams la phyag dbang
ljags bsngo yig drug gi lung sogs bstsal bzhin byon te tshwa khar
hor zla lnga ba'i tshes

bzhi la phebs par phyi nyin tshes lnga 'khrungs skar nyin 'jag
mal mdzad de mdzad sgo ston chen sogs gnang/ de nas rim bzhin
byon te shang snger phebs pa dang mnyam du dug sbrang skad cig
nyid la lhag med du zhi bas ngo

mtshar chen po 'byung/ der lha ldan phyogs nas phebs bsu dang po
gsung chos khri ba/ dga' ldan thel dAg sprul sku dpon chen sogs
bsu mi mang 'byor/ der zhag 'gar bzhugs mal mdzad/ de nas tsun
ho sho'i

ur gen tsu su lang zhes pa'i sa char byon te ring tsam bzhugs/
der zi ling rgya dpon dmag mi ngo g.yog rnams la gnang cha sogs
bstsal te phyir log mdzad/ de nas zhag 'ga' nas bA ron ja sag
gis zhus ngor/

kag tsha nAm g+ha zhes pa'i sa char zhag 'gar bzhugs/ de nas byon
te tsun ho sho'i b+hor go so the'i bel chir zhes pa'i sa char
zhag 'gar bzhugs/ thog mar tsun ho shor phebs pa nas khri ngag
dbang nor bu/ ser lha

@315a @#/ /btsun sprul sku/ dga' ldan thel dAg sprul sku rnam pa
gsum la gong sa mchog nas sgra'i bstan bcos bslab pa gnang/
phyogs nye ring gi dad ldan skyes bu rnams la nyin re bzhin
phyag dbang

'dod chos sogs chag med gnang/ der lha ldan nas dmag dpon ka mdo
lcags 'dra sogs 'go ba bzhi ste dmag mi brgya phrag gnyis zhabs
zhur 'byor/ de nas rim bzhin por han bo d+hi brgyud nas byon te
am mtha'

shu ger zhag 'ga' bzhugs par bod nas bsu ma rim pa gcig 'byor/
zla ba drug ba'i tshes lnga la bstan 'dzin o b+her gser tog rgyal
mtshan dang me mda' ral gri sogs phul te gsol mchod gnang/ der
nyin gang la

'tshang rag sogs rgyas par byas/ /dmag mi gsar rnying ru bzhi
bsgrigs byas te byon/ de nas yar rim gyis phyag btegs te byon
par chu dmar dang cung dga' sogs chu cher ma rgyas shing thog
thag dang 'bri chu la

lha sa nas ko ba 'byor ba'i steng nas phebs/ de dag gi skabs su
yang lha sa nas bsu mi rim par 'byor zhing khyad par rje sgrub
khang ba 'bri chu'i tshur rol tu bsu bar phebs pa mjal/ gdan sa
gsum gyi mkhan

po yang rim bzhin 'byor/ de nas dwangs lar gsol mchod rgyas par
gnang ste/ gser tog rgyal mtshan mtshon cha sna tshogs sogs spyan
gzigs rten du 'dzugs/ gdan sa'i mkhan po rnams la bka'

@315b 'gyur btang ste phyir log byas/ 'bum rtsi lar sa skya bdag
chen phebs bsur byon/ nyin re bzhin sa stong zer ba ming tsam
yang med par lhag med du zhi/ de dag gi skabs su chu med pa'i sa
zhig la cis kyang bzhugs

zhag khel dgos zhes bka' phebs par/ blon chen dang phebs brda'i
'go ba rnams kyis rgyu mtshan zhus par ma gsan par dmag mi rnams
kyis chu brkor bcug ces phebs/ dmag mi lnga bcu rnams kyis der
phyin

skabs dwangs shing gsal ba'i 'gram chu rgyang grags tsam yod pa
mthong nas kun ha las par gyur/ de lta bu'i mdzad pa ngo mtshar
mang du yod kyang brjod du mi lang ngo/ /de nas rim bzhin byon
te 'tsho mo rang bzhugs

zhag thog rma bya ang gnyis pa brgyab par phyag phebs/ der paN
chen rin po che la yang dbu gur sogs gra bsgrigs par/ paN chen
rin po che sku 'khor bcas phebs bsur byon te rnam gnyis zhal
'dzom mdzad de lhan

rgyas rgyun ring bzhugs te phyi dro srod 'khor la bzhugs sgar
steng du byon/ phyi nyin zla ba brgyad pa'i tshes bzhi la snga
dror lha ldan gyi lugs srol ltar chibs rag rgyas pa 'dar ma dang
bcas nag chu zhabs brtan dgon  

par sgrub khang bla brang du byon pa'i skabs sa chen po khrom
dmar nag tu 'khrigs pa'i dbus su kun gyis zhal mjal zhus bzhin
phyi sgo'i 'gram du rwa sgreng ho thog tu dang rje sgrub khang
pa gdan sa gsum gyi sprul sku che phra
@316a @#/ /chung gsum gzhung gi blon chen/ gung/ bka' blon drung
'khor ser skya rnams kyis brang pan zhus pa'i dbus nas byon te
tshom chen gyi seng khrir zhabs sor 'khod bstun maNDal rten gsum/

gsol ja bzhes 'bras dkar spro sogs rgyas par btegs te gzims
chung sbug tu gdan drangs cung zad bzhugs te 'dar ma dang po
dang/ de nas 'dar ma gnyis pa btang skabs bla grwa dpon chen
rnams tshogs

chen 'du khang du tshogs/ gsum pa'i skabs spyan 'dren rgya gling
dang bcas gzhung zhabs rnams kyis spos sna byas te gong sa mchog
gi 'du khang dkar mo'i seng khri chen mor zhabs sor 'khod

bstun maNDal rten gsum/ gzhung gi ston chen rim bzhin btegs/
dkar spro/ dmar spro/ tshogs langs/ mchod gar ston chen yar btegs
mar gnang sogs mdzad chen rgyas par bskyangs/

de ltar nyin bdun gyi ring la ston chen skabs paN chen thams cad
mkhyen pa dang gtsang gi drung skya ser dang/ sa skya bdag chen
rin po che dang/ gnas ning dpa' po rin po che/ yar 'brog /rdo
rje phag mo/

sde ba lha rgya ri/ sprul sku rnam gsum bcas gdan sa gsum gyi
bla sprul che phra chung gsum/ gdan sa'i mkhan po rnams dang
gzhung zhabs drung skya ser mtha' dag la yang ston chen rgyas
par phul/

@316b ston chen grol 'phral gong sa mchog nas bka' 'gyur phebs
te lha ldan nas gzhung zhabs drung skya ser gsol thab pa gzims
'gag sogs 'byor ba gcig kyang ma lus pa phyir log mdzad/ paN

chen thams cad mkhyen pa dang phyogs mtha' dag nas 'ong ba'i
phebs bsu pa rnams kyang rim bzhin phyir log go /de nas zhabs
brtan dgon gyi sman 'grub chen mo bsgrub bzhin pa'i skabs yin
phyir

mjug gi bdud rtsi sman dbang gong sa mchog la rje sgrub khang
bas zhus pa ltar zhal bzhes gnang ste bdud rtsi sman dbang dang
mkha' 'gro ye shes mtsho rgyal gyi byin rlabs bcas 'dus pa stong
phrag bdun

tsam la bstsal/ de skabs mjug chog la ging 'cham/ rnga 'cham/
'cham chen/ sngags 'cham/ gtso bo la rje sgrub khang ba dang rje
bsam gtan pa rnam gnyis la gnang dgos zhes gong sa mchog nas
bka'

phebs bzhin rnam gnyis rdams brjid dang ldan pa zil che bar
gnang/ phyi dro gtor rgyab la'ang rje sgrub khang bas zhwa nag
phod ka gyon te rol gar dang bcas gtor rgyab la byon/ phyir
phebs skabs bsrung

'khor mnga' gsol sogs la sku 'cham rgyas par gnang/ der chos
skyong nas bkra shis legs gsol gyi mjal dar gnang/ gong sa mchog
nas kyang dar mdud bstsal/ phyi nyin snga dror tho bsdu skabs
rje sgrub

@317a @#/ /khang bas pho rog 'gying thod dang phod ka mig can
rnams gsol te tho bsdu mdzad/ de nas zhag 'gar rgyud grwa rnam
gnyis kyi dge 'dun bcu phrag gnyis nas chos rgyal gtor chen dang

lha mo'i gtor chen sogs zhabs brtan bsgrubs/ phan bde legs bshad
gling bas gzab gsol 'phar ma mdzad pa'i mgon du gong sa mchog
kyang bzhugs/ de ltar khyon zhag zhe lngar bzhugs

nas rwa sgreng phyogs su phyag btegs/ phran snga 'gros su rwa
sgreng du phyin/ gong sa mchog rwa sgreng du byon skabs bla
spyi'i phebs bsu dang thab bsu rgyas par byas te ser spreng tshar
du dang ra bar bstar te spyan drangs

nas rwa sgreng bla brang du phyag phebs mdzad/ nyin 'gar sku
ngal bso/ de nas rwa sgreng gi 'du khang dkar mor spyan drangs
te dkar spro sogs rgyas par bstar zhing brtan bzhugs chen mo
phul te rje sgrub khang bas maNDal

ljags bshad shin tu rgyas pa mdzad par kun gyis ngo mtshar bar
gyur/ gong sa mchog nas rten gyi gtso bo gsang 'dus 'jam pa'i
rdo rje la mchod mjal dang mchod 'bul snyan shal sogs phul te
thugs smon yun

ring mdzad/ de ltar gtsug lag khang gong 'og kun la gnas gzigs
dang bka' gdams chu rgyun ring mo dang po to pa sku mched sogs
kyi sa 'bum ming chen shug pa gang yod rnams dang gling bskor
sogs

@317b la zhabs bskor mdzad/ de nas nyin gcig chos grwar spyan
drangs te 'dus pa rnams la byang chub lam rim gyi ljags lung
bstsal/ de'i phyi nyin yang dgon brag sengge'i zhol du chibs
zhal bsgyur te

bka' gdams pha chos bu chos chos thun re bstsal/ de nas bla
brang du rwa sgreng rdo rje 'chang/ sgrub khang rdo rje 'chang/
mi nyag dge bshes yon tan phran cag rnams la las chen kun rgyal
ba'i bka' gdams

chos 'byung chen mo'i lung nyin rer chos thun thung du re bcas
zhag lngar bstsal/ gong sa mchog nas rje dbu yon ma che chung
dang gsang 'dus 'jam pa'i rdo rje dbu sngas su gdan drangs te
bka' gdams thig le

bcu drug gi ljags bsnyen phran kyang zhabs zhur bsdad de zhu
'khul byas/ de rjes phran nas gnas tshang du bka' gdams glegs pa
ma tshar gcig bklags/ a ho/ sngon byon bka' gdams gong ma'i gdan

sa ru; ;yab rje bla ma mchog gi zhabs pad la/ /gus pas bsnyen te
thig le'i rnal 'byor sogs/ /bsgom pas skal bzang thob pa e ma
hoH zhes kyang smras so/ /de nas gling bskor dang mkha' 'gro'i

maNDal rta mchog pho brang sogs la rtag tu mjal zhing smon lam
sogs 'debs bzhin gnas/ don gnyer ba 'ga' re la lung chos 'ga'
zhig 'don/ res 'ga' rwa sgreng rdo rje 'chang dang sgrub khang
rdo rje 'chang

@318a @#/ /la mjal te zhabs zhu yang zhu/ de ltar zhag zhe lnga
bsdad nas stag lung du chibs bsgyur bskyang skabs phran kyang
snga 'gros su phyin te si li rgod tshang du rten rnams mjal te
stag lung du

'tsher bshag sar phyin mA rin po che la mjal/ phyi nyin 'brom
rgyal ba'i 'byung gnas dbu skra rang skye/ mi la ras pa'i tshems
sogs byin rten 'gangs che ba rnams la zhib mjal zhu/ gong sa
mchog kyang gnas

gzigs zhib rgyas mdzad/ de'i phyi nyin 'phan po dga' ldan chos
'khor du byon/ der yang nyin gcig bzhugs zhag mdzad/ phran dga'
ldan chos 'khor gyi nang rten la mjal skabs rdo bcal steng nas
dbus DaM zhig rnyed/

gong sa mchog gsang sgor phebs par DaM ka gong sa mchog la phul/
gong sa mchog nas phran bu khrid de mchod mjal dang rten bshad
sogs gnang/ 'di ni thang sag pa dngos grub rgya mtsho'i gdan sa
yin no gsung/ de nas skyabs

mgon mchog lhun grub rdzong dang shar bum pa/ 'chad kha/ lcang
lung mchod rten sogs gnas gzigs mdzad de phyi dro chibs bsgyur
bskyangs/ mgo zla ba'i tshes brgyad nyin gnam langs khar chibs
bsgyur bskyangs skabs 'phan yul gyi

dgon che phra chung gsum rnams kyis ser spreng tshar du dang ra
ba spyan lam du bstar ba gzigs bskyangs mdzad de sgo la brgyab
ste phur lcog ri khrod du phyag phebs/ rdo rje 'chang gi yang
srid mchog sprul rin po

@318b ches gong sa mchog la maNDal rten gsum phul te mjal kha
zhus dgyes tshor chen pos lhan cig mdzad/ de nas chos grwar spyan
drangs te ser byes grwa tshang gi dkar spro phul/ de nas 'du
khang chen mor spyan drangs

te sgrub sde gsum gyis dkar spro phul/ 'dod dgu'i 'khyil du bla
brang gzhung rkyang gis dkar spro rgyas par btegs/ sku drag
rnams phyi dro rang rang gi 'tsher zhag tu phyin/ tshes dgu'i nyin
phebs brda btang ba dang

mnyam du rim bzhin sku drag so so bla brang du 'tshogs/ de nas
ser smad thos bsam nor bu gling dang sngags pa grwa tshang gnyis
kyis dkar spro sogs kyang rim bzhin btegs/ phebs brda gnyis pa
btang pa dang

chibs rag bsgrigs/ gsum pa'i skabs su chibs bsgyur bskyangs/
grwa bzhi thang la rma bya chen mo'i nang gsol tshan thog chibs
bsgyur bskyangs te gzig gur nang du lhod bzhugs mdzad/ der lha
sa'i

amb+han sku'i gam du mdun bcar zhu/ de rjes grwa bzhi tA lo ye
dang car go chi gnyis kyang mdun bcar zhu/ de nas dbu gur chen
mo'i nang du seng khrir zhabs sor 'khod bstun gdan sa gsum gyi
ho thog thu sogs sprul sku

che khag rnams dang tshogs chen chos mdzod/ grwa tshang chos mdzod
sogs bla sprul rnams dang chibs zhabs su mjal mi rnams kyis
phyag dbang zhu/ de nas chibs bsgyur bskyangs te phebs byams du
bzhugs te

@319a @#/ /chibs bsgyur bskyangs skabs kun dza dang phran bu cag
rnams mdun car zhus te gsol gzims mchod gsum rim gyis bsgrigs/
nang ma khang gi mkhan po rnams de'i gdong du rim

bzhin bsgrigs te thams cad kyi sngon ma rnams lha sar slebs/
gzhug ma rnams de nas gsar du phebs/ ser sbreng ba rnams rim
bzhin bsgrigs te lha sar slebs/ g.yon du dmag mi rnams ru bzhi
bsgrigs

bcas lha sar slebs/ de'i g.yon du bro ba gzhas pa sogs rtsed
rigs rnams spyan lam du bstar/ gnyug mar gnas pa rnams sa chen
po khrom dmar nag tu 'khrigs te bkang/ de rnams kyi dbus nas
rgyal mtshan

gyi tog ltar mngon par mtho ba gzi brjid kyi 'od zer phyogs kun
tu 'phro bzhin sngon du gong mas bstsal ba'i gser 'brug dgus
brgyan pa'i dbu gdugs mis dgus 'degs bzhin byon te shing rwa'i
sgor phebs byams nas

phyir byon te jo khang thog kha'i gzims chung nang mar phyag
phebs/ drung ja tshogs te sku cung zad ngal bso/ de nas tshom chen
du gdan drangs te dkar spro rgyas par btegs te grol/ zhag lnga'i
ring la gzhung gi tshogs langs

gar dang bcas pa'i ston chen btegs/ gong gzhogs la gnas gzigs
mdzad/ phran cag rnams kyang mchod mjal yang yang zhu/ ston chen
rnams la dgongs zhu byas/ tshes bcu bzhi'i nyin ra mo cher gnas

@319b gzigs mdzad de chibs rag rgyas pa'i thog rtser chibs
bsgyur bskyangs/ tshes bco lnga'i nyin phran bus rtse la mjal kha
zhu/ gong sa mchog nas rtser sdod dgos rgyu'i bka' phebs/ phran
bu 'byor ma khad gzhung gi 'tsher

gshag sog ra phug tu bsdad/ rtser dgongs zhus te sa te shod du
lcang ra phug tu 'tsher gshag byas/ snga gong gzhogs gsum nam
'dod du mjal/ rtser nyin ra bzhin ston chen dga' spro sogs zhag
mang po'i bar btegs/

phran nas se ra sogs la mchod mjal dang skyes bu dam pa rnams la
mjal phyag bskor gsum byas/ zla ba bcu gnyis pa'i tshes shar nor
bu gling khar chibs bsgyur bskyangs/ der lha mo dang zhwa lu'i
dus 'khor sa gar dang mchod gar

sogs la gzigs rtogs bskyangs/ der yang nyin bzhin sde khag so
sos dga' spro mang po btegs/ skabs der rgya dmag gi gzing cha
khol bas gtam ngan sna tshogs byung bar brten/ gzhung sa chen mo
nas zhabs brtan khag

mang po dang phran bu la yang khro bcu'i gtor bzlog bsgrub dgos
rgyu'i bag 'phebs byung bar brten/ dpal ldan stod rgyud pa'i dge
'dun bcu phrag gi slob dpon lta bur byas nas zhags bdun du gtor
bzlog bsgrubs te nyer

dgu la gtor ma skyong dus 'tshub slong yang che bar byung/ gtor
ma skyong skabs gzhung gi las tshan rnams kyis spos sna dang dmag
mi'i rgyab brten sogs gnang/ smras pa/ lta ngan yid bsrubs sde
tshogs kyis/ /phan bde'i

@320a @#/ /snang ba ring bskrad de/ /skye 'gro'i bde skyid rab
bcom pas/ /gangs can mun pa'i gling du gyur/ /de lta na yang
sngon bsags bsod nams zong gis nyer khug pa'i/ /phan bde'i snang
ba chen po'i thugs

bskyed rta ljangs rlung shugs kyis/ /nye bar drangs te bod yul
mun pa'i smag rum gsal bar byas/ /de lta'i ngo mtshar rmad byung
grags snyan srid rtse'i bar du sgrog /gangs can skye dgu res
'ga' ni/ /dga' ba'i ca co sna tshogs ldir/ /skal med

skye bo res 'ga' zhig /bzhin gyi padmo ngo zum gyur/ /zhes pa ni
bar skabs kyi tshigs su bcad pa'o/ /thun mong zhes pa lcags khyi
lo'i gnam lo gsar bzhad kyi dga' ston la sngon 'byung gi rten
'brel sogs mnyams tsam dang jo shAka rnam

gnyis gtso ba'i rten gtso khag rnams la mchod mjal dang/ gong sa
rgyal dbang mchog la mjal kha gsol bskyangs bla na med pa gnang/
nyin rer khri rin po dang tshe gling mchog sprul rin po che dang
dga' ldan khri rin po che sogs

skyes chen dam pa khag la mjal kha zhu ste gsol ras bla na med
pa bstsal/ tshes gnyis nyin rgyal po lo gsar gyi ltad mo sogs
bltas te nang du 'ong skabs gong sa mchog nas bka' phebs la/
rgyud grwa bcu phrag dang bcas pa'i

slob dpon du bsdad nas khro bcu'i bye ba bsgrub dgos rgyu'i bka'
phebs bzhin phran bu rnams la nyer mkho rnams gzhung sa nas
gnang byung bar brten/ mchod gtor sogs 'du byas/ phyi nyin snga
par tshogs te zhabs brtan

@320b tshugs/ phyi dro grol skabs/ nye gnas pas mtha' yi rgya
'dre mang po slebs byung bas/ dge 'dun pa rnams rang gshag tu
phebs e nyan zer/ sa srib nas gnam phyed du dge 'dun rnams rang
gshag tu phyin/ phyi nyin tshod

gzigs te phebs rog bgyis zhes brda sbyar/ sang gzhogs nyi ma
shar ba dang dge 'dun rnams phebs byung bar nyin gang gi zhabs
brtan tshogs/ nyi dros skabs phran rgya sgo'i phyi rol tu khams
seng la phyin par/ rgya sgo'i 'gag

gi bu chung zhig nas skyabs mgon chen po phebs song zhes gtam
zer skad/ gang du phebs zhes par/ kha sang gung brda'i mtshan sa
phyed tsam la phebs/ rgya gar la phebs pa 'dra zer/ de nas cang
mi smras par phyir 'khor bar

yongs skabs sku mdun na yod pa'i rgya phrugs na tshon du bzhin
slebs byung bar gtam dris par/ gong sa chen po rgya gar la chibs
bsgyur bskyangs/ bdag mgon med skyabs med du lus/ pho brang nang
du su 'dug ces par/ dpon

po chen po 'dug /gzhan su mi snang zer/ rang yang ci drag la
thug nas gnas tshang du 'ong ste zhabs brtan la tshogs/ ci rang
drag snyam nas sems khong du chud nas bsdad par/ phyi dror zhabs
brtan grol 'phral dge 'dun rnams

la sang nyin nas dus gzing che stabs lha sar rang gzims gshag tu
kha gcig tu 'am so so'i gzims gshag tu zhabs brtan grangs tshang
ba re bsgrub na e legs snyam zhus pas/ de ka rang zhu zer/ der
gzhung gi gsol
@321a @#/ /phog rnams dge 'dun rnams la rtsis sprad de phul/
phran brag ri ri khrod du phyin nas zhabs brtan bsgrub rgyu yin
zhes zhu/ de nas so sor gyis/ phyi nyin phran brag rir phyin nas
zhabs brtan zla

gcig lhag tsam bar du bsgrubs/ dpal ldan stod rgyud pa'i dge
'dun rnams grangs tshang ba'i rgyu mtshan nged la mol byung bar/
nged cag rnams kyis zhabs brtan bsgrubs zin pa'i rgyu mtshan
zhabs brtan bsgrubs zin pa'i rgyu mtshan zhabs brtan khang

la snyan zhu byas/ de skabs 'bras spungs nas zung chu khri ngag
dbang nor bu nas phran la 'bras spungs du 'ong dgos tshul mol
byung bar/ phran 'bras spungs zung chu khang du phyin par/ khri
chen nas phran la chos bka'

sogs bton dgos tshul bka' nan che bar byung bar brten/ de nas rim
bzhin 'dul 'dzin dang rje ngag dbang byams pa/ phag mgo bla ma
ye shes brtson 'grus sogs kyi gsung 'bum dang dus 'khor 'grel
chen

gyi bshad khrid/ rdo rje 'jigs byed kyi bsnyen chen gyi khrid
sogs thugs bzhed ltar gyi lung chos mang po zla gnyis kyi ring
la phul/ zla ba bzhi ba'i tshes shar nas lho kha phyogs su gnas
mjal/ lho brag /

sras mkhar dgu thog /ra lung/ lcang rtse/ dga' dong/ zhwa lu
bcas mjal nas bkra shis lhun po'i co sne khang du slebs/ rten
gsum sogs la mchod mjal/ dge 'dun rnams la bsnyen bkur/ kham

@321b tshan co sne khang la tshon ja/ sku 'gyed rang mkho dang
bstun nas phul/ co sne khang du drug pa'i tshe bzhi la gnas brtan
phyag mchod lo bstar bzhin gsung rgyu'i thebs rtsar TaM srang
lnga bcu thams pa 'byor 'jags

byas; de nas nyin re bzhin gling bskor re gnyis chag med/ paN
chen sku gong ma'i mchod khang gi mdun du nyin re bzhin rgya
khab re dang tsampa ka re chag med du rnyed/ yongs 'dzin lho ba
rin po che dang grub dbang rin po

che la yang mjal kha zhu/ 'byor bstun skyabs mgon paN chen rin
po che nas gnang skyes dang rta thab sogs bstsal/ de nas rim
bzhin nang brda phul te gzims chung mjal kha bstsal/ skabs zhig
phan bde

khang gsar nas yongs 'dzin lo chen gyi rje drung chen pos 'jams
dbyangs a ra pa tsa na'i dbang zhig dgos tshul gsungs pa ltar
rdul tshon dkyil 'khor la brten nas dbang zhig dus 'khor ba blo
bzang rig grol sogs dge

'dun mang la nyin gnyis la phul/ de nas yongs 'dzin lho ba rdo
rje 'chang la skyabs mgon paN chen sku gong ma'i rnam thar gyi
ljags lung zhu/ skabs der gong sa mchog nas kun gzigs nang du
gong sa mchog dang yongs

'dzin rdo rje 'chang rnams gnyis la dus 'khor gyi thig rgyug
bka' bstsal ba bzhin phul/ de mtshungs bkras lhun dus 'khor pa'i
dbus chos rnams dang/ zhwa lu'i dus 'khor ba'i dbus chos rnams
la'ang dus 'khor gyi thig

@322a @#/ /rgyug lhan du byas/ de nas mi ring bar shangs bde chen
rab rgyas su/ gong sa mchog chibs bsgyur bskyangs/ phran bu cag
sku bcar zhu/ der gong sa mchog bsgrubs pa'i dkyil 'khor ba'i
tshul

gyis dgongs gtad dang/ yongs lho rdo rje 'chang nas dkyil 'khor
gyi gtso bo'i skur bzhengs te dpal dus kyi 'khor lo'i sta gon/
byis pa ltar 'jug pa'i dbang bdun ste nyin gcig sku ngal bso/
de'i phyi nyin gong ma/

gong chen rdo rje slob dpon/ bdag po chen po'i dbang smin rgyas
su bstsal ba mnos/ de nas gong sa mchog shangs dga' ldan chos
'khor du chibs bsgyur bskyangs/ phran bu cag sku bcar zhu/ dga'
ldan chos 'khor rnams

la tshe dbang smin rgyas su bstsal ba mnos/ dge 'dun rnams dang
lhan cig tu chos kyi bsgro gleng gnang ba thos pas skal bzang
thob/ de nas gong sa mchog bkras lhun du chibs zhal bsgyur/
phran bu cag rnams rim bzhin

dal bskyod kyis yongs 'dzin rdo rje 'chang gi ri khrod dga' tshal
du mjal/ yongs 'dzin rdo rje 'chang yang der byon/ zhag shas
ngal bso/ chab zhugs gling kar phran bu cag la shog ces phebs pa
ltar phyin nas rdo rje 'chang la nyin

re bzhin sku bcar zhu ste man ngag rnam gsum gyi nang tshan las
kha tshar ba 'ga' re'i ljags lung dang khrid sogs phul/ nyin
bzhin chab la zhugs/ de nas yongs 'dzin rdo rje 'chang bkras
lhun du chibs bsgyur bskyangs/

@322b phran bu cag kyang bkras lhun du phyin te dbyen zlum mchod
brten la phyag bskor byas/ bar bar du thugs bzhed can rnams la
lung chos 'ga' re yang phul/ co sne khang gi dge 'dun mang la
yang 'dod chos 'ga' re phul/

skabs der mdo smad nas yig 'phrin sogs 'byor/ de nas ljongs
rgyu'i skabs kun khyab gling du/ gong sa mchog chibs bsgyur
bskyangs te dge 'dun mang la nyin 'gar gzigs mo sna tshogs bstar
ba

mjal/ de nas gong sa mchog la thon phyag zhu skabs/ bsnams rten
dang gsol ras sbam mtho ba bstsal/ bka' las 'gro skabs nged kyi
gam du shog ces phebs/ 'gro khar sku mdun du mjal bar/ skyabs

rje bde yangs rin po cher gsung shog dang/ phran la chos rgyal
dug ri nag po'i be'u bum bka' rgya ma gzhan lag ma brgyud par
'chang zhes gsol ras bstsal/ skyabs 'jug sogs zhu ste lam du
thon/ dben

dgon dang rong byams chen/ ngur smrig sgrol ma gsung byon rnams
'jal bzhin gam pa la brgyab ste rim bzhin 'ong nas snye thang
'or du jo bo chen po'i sku gdung dang sgrol ma'i lha khang sogs
la brgya mchod sogs phul

te mjal/ de nas phyi dror stag lung brag tu stag brag rin po
cher mjal te nyin gcig ngal bso/ de'i phyi nyin dung dkar rdzong
du slebs par rgya sgo'i gdong gi mdzub drug gis 'gags nas do bo
sogs sngon 'gro

@323a @#/ /brgyab ste yig sna sogs mi snang bar phyin cig ces
zer/ de nas nged cag rnams rim bzhin bskyod de brag ri ri khrod
kyi gnas khang du slebs/ mdo smad nas yong ba'i 'grul rigs rnams
dang

'phrad/ nyin 'gar mdo smad du bskur rgyu'i yi ge sogs 'du byas/
bya khyung du a ra pa tsa na'i lha khang du 'bul rgyu'i dngul
rkong che chung gnyis srang brgya dang bcu las bde yangs rdo rje
'chang gi bka' ltar bsgrubs pa

gnyer pa dge 'dun rgya mtsho'i gdong la rtsis sprad de yig sna
sogs dang lhan cig tu bskur/ zhag shas ngal bso/ zla ba dgu pa'i
tshes bcu so'i nang ser ra sgo la brgyab ste 'phan yul du phyin/
tshes bco lnga la zla

'dzin yod par thos nas lhun grub rdzong sogs brgyud nas sbyang
lung chos sder phyin/ tshes bco lnga'i nyin nas mchod gdung rin
po che'i spyan sngar brgya mchod sna lnga phul te bskor pa'i 'go
brtsams/ phyi dro srod dus

padma dbang gi rgyal po'i bsnyen pa'i 'go brtsams te zla 'dzin
ma grol gyi bar du thun rgyun ring byas/ phyi nyin nas bzung
nyin rer snga dros mchod gdung rin po che'i drung du yon chab
brgya re dang phyag bskor brgya phrag 'ga'/ dgung

tshig rgyab gung thun dang srod thun snga thun bcas zla gsum gyi
ring bsnyen pa byas/ de nas zla ba bcu gnyis pa'i tshes brgyad
nas sbyin sreg gi 'go tshugs rdzas ril 'bum phrag gsum gyi bsreg
blug byas/ de skabs gnam

@323b sa g.yo ba tsam gyi sgra chen po rgyun ring bzhin byung/
sbyin sreg thog khar blugs kyang rtsig thab yin pas nyin mtshan
du bsreg blugs byas pas khang ba la skyon chags sam snyam/ sbyin
sreg bsgrubs rjes bltas pas thab kyi

dkyil 'khyag brgyab nas snang/ khang pa la me skyon ma byung ba
ni yi dam lha yi thugs rje kho na yin snyam du bsam mo/ /de dag
gi zhugs shing rnams dgon pas mthun rkyen bstsal zhing khyad par
rdzas rwa sgreng rdo rje 'chang nas

rwa sgreng shug shing khyad 'phags bcas bstsal ba rnams kyis
bgyis pa lags so/ /'dir smras pa/ sngon bsags bsod nams zong gis
nyer khug pas/ /dal rten yid bzhin dbang gi rgyal po thob/ /dam
pa'i drin

las zab chos 'dod dgu'i char/ /skal ldan yid kyi zhing sar ci
yang 'bebs/ /dge ba'i rlung shugs drag pos nyer bdas te/ /'dren
mchog rin chen rnam gsum mchod pa'i rten/ /phyag mchod bkur bsti
rang mkho dang

'tshams par/ /babs pa'i rnam dkar thob la rjes yi rangs/ /'od
mtshan stong 'bar chos kyi rgyal po dang/ /rdo rje 'chang dbang
zhabs kyi padmo las/ /dpal ldan dus kyi 'khor lo'i dkyil 'khor
du/ /zhugs nas smin

byed dbang bzhi rnam dag thob/ /gnas mchog spyang lung mchod
gdung chen po'i drung/ /dbang chen lha yi bsnyen bsgrub legs
byas te/ /tshe 'dir gtan gyi 'dun ma sgrub pa'i thabs/ /ngo mtshar
dga' ston myong ba'i skal

@324a @#/ /bzang thob/ /ces kyang smras so/ /'gal byed ces pa
lcags mo phag lo'i gnam lo gsar bzhad kyi dus ston sogs mtshon
tsam byas/ sbyang lung dgon pa'i gnas bla mas tshe dbang dgos

tshul mol ba ltar/ dge 'dun rnams la tshe dbang byas/ gzhan yang
dad ldan 'gas phongs sel sgrol ma'i gter sgrub byed dgos tshul
mol byung ba ltar gter sgrub zhig kyang byas/ gzhan yang sbyin
bdag 'ga' la tshe

dbang sogs byas/ skabs der lha ldan nas gzims dpon chen pos lha
ldan 'phral du 'ong dgos tshul gyi yig chung bskur ba ltar/ de
nas rim bskyod kyis shar bum pa/ 'chad kha/ po to/ kham lung
sogs la gnas

mjal zhu ste glang thang du phyin/ der mchod mjal brtag pa sogs
bgyis te rgya lcags ri dang nA lendra sogs mjal te lha ldan du
'byor/ de nas po to la rtser phyin nas gzims dpon chen por thug
'phrad byas par/ gong sa

mchog gi bka' yig gnang bar/ phran la yar 'phral du shog ces
phebs pa'i dgongs don la/ phran bu cag rnams rgya gar tsha ba che
bas/ sa chu mi 'phrod pa'i rgyu mtshan zhus te dgongs zhu nan tan
phul/ gzims dpon

la yang gnas tshul zhu/ ring min char zla ba gnyis pa'i tshes nyer
gcig nang bka' lan phyir 'khor nas dgongs khrol byung/ de kar
gong sa mchog gi zhabs brtan la drug cu ma khri tshar 'ga' bton
dgos rgyu'i bka'

@324b rgya phebs/ zhabs brtan khang nas dgos cha dang zur phog
sogs gnang cha bstsal ba'i bka' rgya phebs/ gzims dpon chen po
nas kyang mdzod chung nas rang lha sar sdod ring la lo star
bzhin bkur bzos DaM srang bzhi

brgya re gsol 'phar bstsal/ de nas zhabs brtan khang nas dgos
cha sogs 'byor bstun/ phran brag rir zhabs brtan gyi dbu tshugs
te nyin rer drug cu ma zhi drag tshar nyi shu re rim bzhin 'phar
te bsgrub 'khul byas/

skabs skabs su mdzod dge khu zhang dang zung chu khri ba sogs la
'dod chos spyi dang bye brag sogs mang po phul/ zla ba bzhi pa'i
tshes nang 'bras spungs zung chu khang du phyin nas stag brag
khri sprul/ zung chu khri sprul/ hor bar

thog sogs ser 'bras kyi bla sprul dge bshes rnams la gsung bum
sna tshogs dang bsnyen chen sogs kyi khrid sogs chos bka' ci rigs
pa phul/ de nas lnga pa'i nang gnas chung khang du/ sku bzhog
zung chu/ stag brag /

sku bzhog 'bul sdud/ gung ru dge bshes lung rig /rgyud smad pa
'dan ma chab ri la sogs nyung bsdus la/ dpal rdo rje 'jigs byed
chen po'i 'khrul 'khor gyi zab khrid nyin 'gar phul/ mjug gi sa
thig gi skabs

su rtags mtshan bzang po sogs byung/ de rjes stag brag ri khrod
du phyin nas stag brag khri sprul rin po che la/ blo sbyong
snyan rgyud chen mo sogs 'dod chos mang po'i ljags lung zhus/
mtshams mtshams su phar yang

@325a @#/ /chos bka' ci rigs phul la/ skabs der nor gling du paN
chen thams cad mkhyen pa phyag pheb te bzhugs skabs/ yig chung
phebs par 'phral du shog ces gnang bas de ma khad du phyin nas
mjal

bar bka' las/ bu ston dus 'khor 'grel chen gyi bshad lung/ bdag
med lha mo bco lnga ma'i dbang rgyun 'bul dgos tshul phebs par/
phran nas dgongs zhus nan tan bgyis kyang ma gnang bas/ dpe sogs

'byor tshe de bzhin zhu rgyu byas/ de nas skyor mo lung du sku
bzhog stag brag dang lhan du phyin/ der gnas mjal zhus te mnga'
ri sprul sku sogs la mjal kha zhu/ gsol tshigs rgyas par bstsal/
gzhong ba lha chu sogs

mjal te stag brag ri khrod du phyin/ re zhig bsdad rir rang
gshag tu nyin 'ga' bsdad/ de nas se rar phyin rang gshag tu zhag
shas bsdad/ lha sar phyin te mchod mjal sogs zhus/ skyabs rje
dAg pa

rin po che'i zhabs drung du zhag 'ga' bsdad/ de skabs ljongs
rgyu'i skabs gzims dpon nas yar shog ces a krong 'byor ba ltar/
rtser ljongs rgyu la phyin te rgyal tshab co sne no min han la
mjal kha zhu/ nyin gang gi

chab zhugs la bsdad/ phyi dro brag rir 'ong/ de nas chu bzang ri
khrod du skyabs rje pha bong kha pa rdo rje 'chang gi zhabs
drung du mjal nas chab zhugs nyin 'ga' khri chen rnam gsum sogs
kyi sprul sku dang lhan cig tu spyod/

@325b de nas rang 'dod kyis chos 'ga' sogs mang du zhus/ phar
yang chos bka' k+She tra pA la'i sprel khrid kyi rjes gnang sogs
ci rigs pa phul/ de skabs rtags mtshan ngo mtshar ba byung/ dgu
pa'i tshe nang slar ri khrod du 'ong

nas zhabs brtan sogs bsgrub gyin gnas/ de dag gi skabs su gzig
chen po zhig 'ong ste drug cu ma zo bzhin rgya sgo'i phyi rol
phred nyal gyis nam langs bar rtag tu bsdad/ dgu pa'i lha babs
nyin phran gyi gcung byams

pa shAka kyas lha sar gser rkong sbyong par phyin/ phyir 'ong
dus 'tshub slong nas ci nyes zhes par/ lha sar 'khrug slod byung
ste aM b+han ya mun sogs bcom zer/ ci rang drag snyam du bsdad/
tshes nyer lnga'i nyin se ra rang

gshag tu phyin nas zhag 'ga' bsdad/ lo gtor gsar bzhengs byas/
'khrug long zhag 'ga' byas te slar 'jam/ kha ti mi tshan du phyin
nas g.yang sgrub byas skabs rten 'brel gyi rtags ngo mtshar ba
re byung/ zhag gsum

bsdad/ slar ri khrod du 'ong/ kun mkhyen bla ma lha sar chibs
bsgyur gnang ba dang mjal kha zhus/ kun mkhyen bla ma 'ja' tshon
chu mig khar chab zhugs la phebs/ glo bur nyin gcig ri khrod du
phran gyi gam du phebs par bla

brang du gdan 'dren zhu/ bla brang nas gsol ja bzhes 'bras sogs
gtegs/ bran gam bcar zhu nas gsung rgyun ring tsam gnang/ ri
khrod gnas gzigs la phebs/ phran gyi sdod sar srib tsam phebs
nas phyir byon no/ /
@326a @#/ /brag ri bla brang nas gzims chung bde yangs nang du
rten gyi gtso bo jo sku mi tshad lhag tsam bzhengs par phran la
gzungs bcug 'bul dgos par nan che byung bar brten/ gzungs
bsgrubs dang

gzungs 'jug tshul mthun du bcug 'khul byas/ de rjes dpal ldan
smad rgyud pa'i rgyud rgan bcu phrag zung gi slob dpon du bsdad
nas rab gnas chen mo zhag gsum mtha' rten dang bcas par rgyas
par byas/

de nas brag ri mchog sprul rin po cher padma dbang gi rgyal po'i
dbang chen se ra thun mong ma yin pa'i phyag len bzhin bka' sdod
ging lnga gza' gdong chos skyong dregs pa lcam srid rdzong chung
tshe dbang mtha' rten

bcas legs par phul/ skabs skabs su ser 'bras nas phebs mkhan tsho
la 'dod chos dang rnam grwa'i grwa bgres 'ga' zhig la dus 'khor
cho ga'i lung sogs kyang phul/ rgyud smad nas phebs mkhan tsho

la khrid yig rdo lag brgyud ma bshad pa rdo lag brgyud ma sogs
kyi ljags lung yang phul/ e bla ma'i yang srid dang khang dmar
sprul sku/ dge legs sprul sku/ ma dzo dge khu zhang sprul sku
sogs la rang rang

gi 'dod chos smin rgyas su phul/ de ltar gnam lo 'di'i bya bzhag
rag rim tsam brjod zin to/ /smras pa/ rgyal dbang phyag na padmo
yi/ /bka' bzhin khams gsum bza' byed kyi/ /drug cu rtsa bzhi'i

@326b gtor ma'i las/ /khri phrag 'ga' song bsgrub dgos zhes/
/spyi bos nod de rim bzhin bsgrubs/ /zhar la ser 'bras dge bshes
dang/ /skyes chen rnams kyi bka' bzhin du/ /dbang lung khrid
sogs chos

rgyun rnams/ /gang lcogs tshul du 'bul 'khul byas/ /de min ci
dga' bya bzhag dang/ /lo gtor lha gsol la sogs pa/ /gzhan gyi
g.yang sgrub sogs byas so/ /zhes pa ni bar skabs kyi tshigs su

bcad pa'o/ /yongs 'dzin zhes pa chu byi lo'i gnam lo gsar bzhad
kyi tshes gtor dang brten 'brel sogs sa bcad ma stong tsam byas
nas chu bzang ri khrod du skyabs rje pha bong kha pa rdo rje
'chang la mjal kha zhu/

de nyin rdo rje 'chang la 'jam lugs tshe dpag lha lnga'i tshe
dbang sku 'khor bcas la phul/ de nyin gnam gshis sdug cing kha
ba ches cher babs shing gnam lo kha pas bcad pa ltas ngan zer ba
don gnas su gyur/

phyir lam tha 'og gur khang du mjal nas bsangs chen btang ste ri
khrod du 'ong/ zhag shas lo gsar thug 'phrad kyi mi rnams yo
lang gi ngang du lus/ de nas lha ldan du phyin te jo shAka rnam
gnyis dang rtse'i lo ki

shwa ra sogs la mjal te 'ong/ nyin 'gar bag yangs su 'khod/ snga
lo nas de bar lha ldan du 'khrug slong sogs cher med cing re
tsam las ma byung mod/ skabs der gtam ngan sna tshogs kyi 'go
tshugs/ smon

@327a @#/ /lam grol nas zla ba gnyis pa'i tshes gsum nyin sog po
zhabs sdod pa 'ong ste mi ring bar zhag gcig gnyis nang du se ra
la skyon yong nyen che zer/ de nas phyi nyin mtshan gung tsam la

me mda' gcig gnyis sogs je 'phel je 'phel du song nas nam langs/
der bltas pa'i tshe dmag mi mang po mi 'dug /nyi shar tsam la lha
ldan nas ru mang po bsgrigs nas 'ong snang/ se ra la me mda'i
skad

dang me lcogs kyi skad sgra rgyun mi 'chad du nyin mtshan gsum
gyi bar du bsgrags/ ser rtse ri khrod dang/ se ra chos lding
sogs la me skyon btang/ de nyin rang re'i brag ri ri khrod la
yang rgya dmag 'ong/ rang dang spun

zla gnyis rgyab kyi brag khung du yib/ g.yog po rnams kyis brag
khung gi sgo bcad de 'bras spungs du 'bros/ me mda' mang po
brgyab/ bla brang chen mor skyon ma byung/ rang re'i sdod sa 'du
khang gi 'khyams ra'i nang du

yin gshis rang sdod sar ma phyin/ spun zla'i nang du phyin nas
rang gi rta'i sga chas skor gsum/ spun zla'i gri/ chu tshod/
lham/ 'du khang nang gi gnas bla ma'i chos gos/ tshogs dung/ rta
ra'i nang gi gzhan gyis

bcol ba'i drel zhig yod pa de la nged kyi rta sga brgyab ste
bzhon nas phyin 'dug go /do nub mtshan phyed tsam la se ra'i chos
skyong gi 'phrin las bskul te rgya dpon rnams bcom ste rgya dmag
rnams lha ldan du 'bros

@327b 'dug go /phran kyang phyi dro'i tshes g.yog po rnams 'bras
spungs du 'bros pa zung chu khri par mjal te rgyu mtshan rnams
zhu dus da lta nyid du tshur der 'phral du drangs la shog ces
phebs par kho pa dag kyang tshur 'ong/ phran dang spun zla

gnyis brag khung du yib pa ri khrod ja mas sgo bsal te phyir
thon/ der bla brang phyag mdzod kyang chu thog brgyab pa phyir
'ong ba'ang nged cag brag khung du cung zad ngal bso/ de nas bla
brang phyag mdzod bla brang du phyir thig /phran dang spun zla

gnyis phyir thon nas spun zlas ja thug zhig bskol/ rang 'jam
'jam byas/ ja thug bskol nas 'thung gyin gnas par/ g.yog po
gnyis slebs/ g.yog po gnyis kyis rgyu mtshan sogs bshad/ ja thug
'thung tshar nas

ca lag sogs brag khung du bcug nas sgo 'dag sbyar byas/ de nas
phran cag rnams 'bras spungs du phyin/ tho rangs khar 'bras zung
chu khang du slebs/ zhag 'gar ngal bso/ der zung chu khri rin po
che dang stag brag rin po

che rnams gnyis nas chos bka' sogs bton dgos tshul phebs par/
smra seng chos skor sogs chos bka' ci rigs pa zla shas kyi bar
du 'bul 'khul byas/ de nas phyir brag ri ri khrod du phyin nas
zhag 'ga' bsdad/

chu bzang ri khrod du skyabs rje pha bod kha pa rdo rje 'chang
la mjal bar phyin te g.yu thog chos skor dang dbang lung sogs
gzhan yang chos bka' ci rigs pa zhu/ zung chu khri rin po che
dang/ stag prag khri rin po che/ tsha 'od zer

@328a @#/ /rin po che sogs bla sprul mang po phebs par/ chos tshan
mang po phul/ skyabs rje pha bong kha pa rdo rje 'chang dang
khri chen rnam gnyis sogs la/ zhi khro sbrags sgrub kyi bshad
lung sogs 'gang che ba

'ga' re phul/ rdo rje 'chang sku rkyang la man ngag rnam gsum
gyi khrid lung rdzogs par phul te chab zhugs nyin 'ga' byas/ de
nas so sor gyes te phran lha ldan du phyin nas jo bo rin po cher
stong mchod dang brgya mchod sogs

phul/ de nas 'bras spungs du phyin par/ skyabs mgon thams cad
mkhyen pa bsam lding du byon pa'i gtam snyan thos/ de 'phral
bsam lding du phyin nas thams cad mkhyen par mjal/ thams cad
mkhyen pas 'tsher

gshag sogs bkur bzo bla na med pa gnang/ zhag 'ga' bsdad/ rim
bzhin pha yul du 'gro rgyu'i dgongs pa zhus par/ da lta brel ba
mi dgos rim gyis bka' mol gyis chog ces phebs/ phran da lta lha
ldan du

'gro rgyu'i dgongs pa yang zhu/ de yongs gsung/ slar yang lha
ldan nas 'dir yong dgos gsung/ de nas phyi nyin lha ldan du
phyir theg /ri khrod du 'byor skabs/ lha ldan gyi 'khrugs pa
yang re zhig 'jags

skabs su gnas/ zi ling ba dang byang chub sogs 'byor 'dug /byang
chub dngos 'phrad thog /sku 'bum mkhan chen gser tog rin po che
dang tshogs 'dus lhan bcas kyi yi ge /ngo shes nang tshig rnams
kyi yi ge /

@328b rim bzhin sprad byung bar/ mkhan rin po che dang tshogs
'dus kyi yi ge'i nang phran la 'phral du sku 'bum du 'ong dgos
par nan cher 'dug /de nas byang chub kyis rta drel sogs rim
bzhin 'grims tshar 'phral/ se ra

tshogs chen/ grwa tshang kham tshan sogs la sku 'gyed/ mang ja/
grwa ja/ tshon ja/ ja thug sogs gang rgyas phul/ lha ldan jo
shAka rnam gnyis sogs la stong mchod dang brgya mchod/ rtse'i
lo ki shwa rar brgya mchod/

dga' ldan gser sdong la stong mchod/ ser 'bras kyi rten gtso
rnams la gser chab dang gser rkong brgya mchod sogs gang rgyas
su phul/ skabs der gong sa mchog nas bka' rgya phebs par/ 'phral
du 'ong dgos

tshul dang/ rta bo 'u lag sogs 'phral du gtong dgos tshul nan che
bar phebs don/ gzhung sa nas phran la yig chung bskur bar 'phral
thon gyis zer/ phyi nyin lam du thon/ de skabs lha sa'i aM b+han
yang yar thon skabs

su song bas 'u lag ma tshags par dal bskyod kyis phyin/ bsam
lding du 'byor skabs/ 'tsher gshag sogs sngar las mi g.yo bar
bsgrigs snang/ skabs der gong sa mchog sku 'khor hrag bsdus ra
lung tshong 'dus

su gnas gzigs la byon nas phyi dror chibs bsgyur bskyangs/ phyi
nyin sku mdun du mjal bar/ gsung 'phros rgyas par bstsal/ de'i
phyi nyin sku mdun du shog ces gsungs par/ sngar bde yangs rdo
rje 'chang gi spyan

@329a @#/ /sngar bka' khrid gsan pa'i phyag bzhes rnams zhus dag
mdzad/ der bka' nang la gser khang rdo rje 'chang gi phyag len
ltar yon chab 'bul tshul dang mar me 'bul tshul sogs kyi phyag len

mthong thos su ma gyur bas khyod nas 'don cha bsgrigs rim dang
phyag len sogs 'phyugs med bslab rog gyis bka' bstsal bzhin/ bla
mchod dang sman thung gi yon chab 'bul tshul rang blor gang des
rnams snyan du phul

bar/ de tsam gyis mi 'ong/ dngos su lag khrid ltar dgos zhes
phebs par/ phyag len bzhin gong sa mchog dang zhabs gras nang
'khor rnams nas ting gsum stong brgal bar nyin re bzhin yon chab
lan re phyag

len bzhin rgyas par phul/ de ltar nyin bdun gyi ring la 'phyugs
med kyi phyag len dbyangs 'dur rol cha sogs kun gyi thugs nges
su drongs par phul/ de rjes gong sa mchog nas nyin re bzhin yon
chab lan re phyag

bstar mdzad/ phran la skyabs rje bde yangs rdo rje 'chang nas
sngar phul ma grub pa'i man ngag rnam gsum gyi lung khrid sogs
dang ro langs bde rdor gyi bsrung sdom chen mo sogs kyi khrid
rnams rang gang shes sogs phul/

des mtshon man ngag than thun phyag dpe gang 'byor rnams zhu
'khul byas/ de nas dgongs zhu bgyis te rang yul du 'gro rgyu'i
zhu ba nan tan u tshugs mthar skyel zhu ste dgongs pa khrol tsam
byung/ phran la bdag rkyen

@329b maNDal rten gsum/ gsol lhung shub ldan/ snam rten thub
dbang shar li/ DaM srang rdo tshad gsum/ sku 'gag rtag tshas
mngags btags/ sku chos/ sku sham/ sku gzan/ nang mdzod rtser son
sogs gsol

ras sbam mtho ba mod mi mnga' ba bstsal/ de nyin sku mdun du
gsol tshigs lhan bcas gsung 'phros gang rgyas sogs gnang/ nged
kyi gam bcar ba rnams la'ang byin rten gnang cha sogs sbam mtho
ba bstsal/ 'gro

khar sku mdun du shog ces phebs/ de nas rdo rje phag mo la mjal
kha sogs zhu/ gnang cha sogs bstsal/ 'tsher gshag tu 'ong bar/
sku mdun nang ma khang gi zhabs gras rnams phran la dngos 'phrad
byas par phebs/ phyi

nyin 'gro khar sku mdun du mjal bar/ bka' las de nas lha sa'i
bar lha ldan nas nag chu'i bar rta po 'u lag gang dgos bsgrigs
cha sogs gzims dpon la mngags yod/ de nas mar sogs 'grul sogs
'gro mkhan

med tshe nag chu'i mkhan nang la mngags yod pas/ byang rigs sde
bzhi nas rta khal sogs rang yul bar du skyel ma gtong rgyur
mngags yod/ gong sa mchog gi mgul phur byin rten a she bcas dus
rtag tu ma 'bral

bar 'chang zhes phebs par bstsal/ de nas phran rnams phyir log
byas te 'ong bar/ gong sa mchog thog kha nas phran bu cag rnams
la spyan cer gyis gzigs te bzhugs/ phran bu rnams rim bskyod
kyis pe te rdzong du zhag

@330a @#/ /sdod byas/ phyi nyin rta bo thog nas rim bskyod kyis
snye thang mjal te stag brag tu phyin/ rdo rje 'chang la mjal te
nyin gcig ngal bso/ phyi nyin rim bskyod kyis brag ri ri khrod
du slebs/ pha bong kha

pa rin po che brag rir byon/ rdo rje go khrab sogs kyi lung zhu/
phyi nyin chu bzang ri khrod du phyin/ nyin par rje nyid la lung
sogs phran nas phul/ mtshan nang gong la rje nyid nas mkhar rdo
dgongs gter sogs kyi lung khrid

dbang gsum zhal po ta kyi kha skong rje nyid la gang bzhugs sogs
bstsal/ de rjes bka' chos snga ma'i 'phro tsam sogs zhus nas 'di
phyis dge ba'i skyabs 'jug zhus/ rje nyid nas gsol ras sbam mtho
fba

bstsal/ de nas se ra la mchod mjal dang/ phur lcog ri khrod du
rdo rje 'chang gi mchog sprul rin po cher rgya dngul srang brgya
sogs phul he kun tu dge ba'i skyabs 'jug sogs zhu/ rje nyid nas
lus gang gi gyon pa

sogs cha tshang dang byin rten sogs phon che ba bstsal/ de nas
lha ldan du phyin/ jo shAka rnam gnyis gtso ba'i rten gsum khag
rnams la gser chab/ brgya mchod/ gser rkong sogs phul te smon
lam btab/ po

ta la rtser 'phags pa rin po che la gser chab dang brgya mchod/
rgyal tshab co sne no min han rin po che la maNDal rten gsum/ DaM
srang lnga bcu sogs phul te skyabs 'jug zhu/ gnang cha yang shin
tu rgya che ba bstsal/ phyir

@330b brag rer slebs skabs/ ser 'bras kyi bla brang khag dang
sku drag sogs ngo shes rnams kyis lam rdzongs dang rta thab sogs
mang bar gnang byung/ 'bras spungs phyogs su yang mang ja/ grwa
ja/ tshon ja/ sku 'gyed sogs

phul/ chos skyong rnams gnyis la sger gsol sogs zhu/ skabs der
lha ldan nas rta bo 'u lag sogs rim bzhin 'byor/ brag ri rdo rje
'chang dang/ ke'u tshang rin po che/ 'od zer rin po che sogs kyis
lam rdzongs rgyas par gnang/

phan tshun skyabs 'jug zhus res byas/ 'bras spungs dang se ra'i
dge bshes don gnyer can 'ga' zhig 'ongs te mtshan nang gong dang
lam du thon kha'i bar bka' chos sogs thugs bzhed bzhin phul/ se
ra bla spyi/ mkhan rin po che

sogs dang lha ldan bla brang khag bcas skyel mi rnams dang lhan
cig tu se ra bla spyi'i thab bsu'i steng du phyin/ se ra bla
spyi nas maNDal rten gsum/ gsol ja bzhes 'bras rgyas par btegs/
gzhan skyel mi rnams kyis maNDal rten

gsum sogs gnang/ de dag thams cad la babs bstun gyi log cha sogs
zhu 'khul byas/ de nas ser sbreng bcas lam du thon/ phran cag
rnams rim bskyod kyis 'bog 'dod du zhag babs byas/ phyi nyin der
mchod mjal

sogs zhus nas rim bskyod kyis 'phan po'i nang brgyud rim gyis
rwa sgreng du slebs/ der mchod mjal brgya mchod sogs phul/ de
nas rim bskyod kyi nag chu phar brgal ba na/ zhabs brtan dgon
gyi grwa rigs zhig 'ongs te nged kyi rta
@331a @#/ /kha blang nas phyin pa la/ nged kyi sems la gnas tshang
gi mi zhig yin snyam zhes phyin pas/ sgrub khang bla brang gi
sgo rtsar slebs/ nged kyis gnas tshang bla brang du byas sam byas
pas/ gnas tshang

zur du yod/ skyabs rje rdo rje 'chang nas nged la 'dir gdan
'dren zhu rog gyis gsung nas 'ong ba yin lags zer/ 'dir rta las
babs te nang du phyin pa dang phyag gnyer sogs phebs bsu lta
bu'i tshul du bzhugs pa rnams dang

mjal bar/ rdo rje 'chang mar byon/ phran gyi lag pa'i 'khrig ma
nas bzung ste yar gzims chung rtser phyin te mjal dar rtsis
sprod dang maNDal rten gsum 'bul res byas nas phyag dbang zhus
te lhod bzhugs mdzad/ der rdo rje

'chang nas kha btags gnang ste sngags rim chen mo'i bshad lung
sogs 'don dgos tshul phebs pas/ dgongs zhu nan cher zhus kyang
dgongs khrol ma byung bas/ mtshams tho bzhag nas zhag 'gar sngag
rim chen mo'i

bshad lung sogs 'bul 'khul byas/ phran nas kyang rje nyid la
dgongs gter gyi 'phros tsa lus yod pa rnams snyan 'khul zhus
par/ mtshan nang gong sha stag la gnang/ nyin par phran nas rje
nyid la yar 'bul 'khul

mtshan nang gong la rje nyid nas bdag la 'dod chos ci rigs pa
rnams bstsal nas zhag bco lnga tsam lus/ skabs der khang 'khyag
chen mo lhung/ phran rnams kyi 'gro rog sog po tshwa 'dam pa
rnams kyis phyin yod las che snyam

@331b yang sgug snang zer/ sgug yod tshe ma phyin 'thus med lags
pas dgongs pa thugs rje gzigs dgos zhes zhu/ de nas byang rigs
sde bzhi'i rta khal sogs zhu ma dgos shing/ sogs 'grul sogs sgug
'dug rkyen gyis

mar bgrod pa'i rgyu mtshan snyan zhu bris te mkhan nang la sprad/
de nas rdo rje 'chang la skyabs 'jug nan zhu dang/ rdo rje
'chang nas kyang byams sku thog tshad ma la snam sbyar tshems grub
ma sku rgyan zhig mngags pa dang/ de'i mdun du

'bul rgyu'i yon chab kyi li ting stong phrag srang gsum can spus
dag bsgrub dgos rgyu'i bka' mngags gnang ba de bzhin du zhus
pa'i rgyu mtshan rnams zhus te so sor gyes/ thon khar rje nyid
nas 'bru gsum gyi sgra bsgrub tshul

sang nyin sgar thog nas bskur zhes phebs/ de bzhin du bgyis so
zhes zhu/ de nas rim bskyod kyis mtshan nang gong la sgar ma
rnyed par 'brog pa'i rug pa zhig tu gnas bcas/ phyi nyin sgar
thog tu phyin nas 'bru gsum

'phral du bris te 'bul bar byas/ de nas rim bskyod kyis dwangs
la'i la rtsa tshur brgyab nas phran la dngul gyi thur ma zhig
dang ldeb gri zhig rnyed/ de'i tshun chad nas kha ba rdul tsam
yang med/ de nas rim bskyod kyis ne ci brgyud

de ton ta thu'u la zhes par 'byor/ rang phyogs kyi gtam bzang
ngan sna tshogs thos/ der zhag shas ngal bso/ sog po rnams kyis
rta khal brdze spor sogs byas te rim bskyod kyis tshwa khar zi
ling thun zi dang thug /sku 'bum

@332a @#/ /tshogs chen 'du khang la me skyon byung ba'i gtam ngan
thos pas yid mya ngan gyi khung bur chud/ po ha'i gzhung du jag
pa rta ba bzhi brgya tsam thug /mtha' bskor nas yong bar jag
chings byas

pas skyon ma byung/ de nas bskyod de zla ba bcu gnyis pa'i tshes
gsum la stong 'khor du slebs nas zhag gcig 'jag mal byas/ phyi
nyin mar 'ong ste zhwan hor gyi nye 'dabs su sku 'bum bla spyi'i
bsu ma dang khyung kyA/

lcang ra'i bsum sogs dang thug 'phrad byas/ de nas brag dmar ri
khrod du 'byor/ sku 'bum bla spyi rnams kyis sku 'bum du nam
'ong rgyu'i dgongs len byas par/ da lta 'phral du 'ong mi thub
ces bshad/ kho ba rnams

kyis 'phral du 'ong dgos tshul nan che/ des na zhag gsum nas 'ong
zhes bshad/ rta pa ser sbreng rnams mi dgos zhes bshad/ kho rang
rnams u tshugs che phyir ser sbreng gtan nas mi dgos/ rta pa
dang ja thab yong na

chog ces lab/ nyin gsum pa bco brgyad nyin sku 'bum du phyin/
sgar ba'i sgor tshogs 'dus rnams kyis phebs bsu/ nang sgor rten
'brel gyis rdzas/ sngar lugs ltar khri khar 'khod/ tshogs 'dus
rnams la

ja dang lag 'jog sogs kyis bkur bzos byas/ mchod mjal sogs la
rim gyis phyin/ mkhan chen gdan sa pa chu rul kha tshang la'ang
mjal/ khri zur rnams dang sprul sku khag la mjal kha sogs byas/

@332b dngos 'phrad 'ong mi rnams dang thug 'phrad byas/ de nas
phyi nyin phyir brag dmar du phyin nas nyin 'gar ngal bsos so/
/smras pa/ sngon bsags dkar min las kyi 'bras bu yi/ /nye bar
thog tu babs pa'i rnam smin gyis/ /

mtha' yi rgya 'dre 'gong po'i tshogs rnams gang/ /bod khams
'phung bar byed pa 'di la ltos/ /'on kyang gong sa lha mi'i rnam
'dren gyis/ /'gal rkyen thog brdzi byed pa'i rkyen sel rnams/
/'phral dang 'phral du gnang

ngo'i mthu dpal las/ /mthun rkyen nyi ma shar ba'i dus gcig
'byung/ /lha gcig jo bo'i gzi 'bar las/ /sprin gseb nyi ma shar
ba bzhin/ /chos spyod rnams kyang blo bde'i ngang/ /sgrubs 'di
e ma shin tu mtshar/ /

zhes pa ni bar skabs kyi tshigs su bcad pa'o/ /bag med ces pa chu
glang lo'i gnam lo gsar bzhad kyi dga' ba'i lang tsho dar ba'i
dga' ston du ring 'tsho'i rten 'brel tshes gtor sogs gang rgyas su
byas thog nyin 'gar

sos dal du gnas/ tshes bcu gnyis la sku 'bum du 'byor/ bcu gsum
la lha gsol byas/ aM b+han chen po sku 'bum du 'ong nas phran la
shog ces zer/ phran ma phyin par phran gyi tshab tu nu bo mngags/
lha ldan phyogs kyi skad cha

sogs dris/ gzhan cang mi snang zer/ phyi nyin mchod mjal dang
mchod pa sogs bltas/ tshes bcu drug la pha yul bsam gling du
phyin/ rang yul gzhis dang lcang ra zhang bo'i nang du zhag 'gar
bsdad nas phyir lam khyim 'ga'i

@333a @#/ /ja zhu byas te lhun chags par bsdad do/ /dpyid kyi
ring la kha 'don sogs byas bzhin gnas/ dbyar gyi ring la skyes
lha yul lha sogs kyi lab tse sogs bstod de nyin 'gar khams sed
byas/ phyir

ri khrod du 'ong nas chab bzhugs sogs byed bzhin gnas/ dge bshes
tshang dang to shul nyin thub kyis bos te bkra shis rtser zla
gcig tsam bsdad/ lho brag bka' 'bum sogs chos bka' rnams bton/
phyir lam rde'u tshar phran gyi

ma Ni dur phyur gsung gin yod par mjal nas bsam gling du 'ongs/
zla ba drug pa'i tshes bzhi skyes skar yin phyir sba yer maNDal
brtan bzhugs sogs byas/ rang gi nye tshan rnams 'ongs nas dga'
ston byas/ de ltar spro seng byed bzhin

kha 'don sogs bgyid mu nas nyin mtshan 'das/ grong chog sogs la
re gnyis phyin/ dgun gyi char de ka'i ngang la smad phyogs kyi
'grul ba sogs ci rigs pa 'byor/ ngo bsrung mthun 'jug gi ngang
nas nyin mtshan 'das so/ /smras pa/

skal ldan dngos slob bsgom rim gyi/ /gdan sa ri khrod bsam gling
du/ /'du 'dzis dben zhing skyil nyal brgyab/ /kha 'don ne tso'i
ma Ni bzhin/ /zhes kyang smras so/ /kun dga' zhes pa shing stag
lo'i gnam lo lang tsho rgyas

pa'i char ring 'tsho'i rten 'brel dang tshes gtor sogs sngar lam
bzhin byas/ nyin 'gar dgon pa dang dgon grong gi lo gsar byed mi
rnams 'du long 'khrigs/ smad phyogs kyi yig rigs 'ong ba'i lan
sogs byas te bskur/ sku

@333b 'bum bla spyi sogs lo gsar byed par 'ong/ grwa rigs 'ga'
zhig kyang lo gsar byed par 'byor/ de nas zla ba gsum pa'i tshes
bcu drug nas mi nyag rin po che dang dge bshes tshang sogs la/
rgyal dbang lnga pa chen po'i gsung

'bum sogs kyi lung phul/ zla ba lnga pa'i nang du 'tshams ring du
phyin nas bka' chos 'ga' re phul ste phyir 'ong/ sku 'bum tshogs
'dus nas 'du khang gsar bzhengs 'grub la khad nye bas yong rog
bgyis zhes nan

cher stabs sku 'bum la phyin/ mchod mjal sogs dang khri gdan zur
rnams la mjal kha rim bzhin zhu/ slar tshogs 'dus 'ongs nas
skyabs mgon gser tog rin po che'i bka' bzhin sngon gyi nang rten
gang yod me lha'i

zhal du bstabs phyir da lta nang rten gcig kyang med pas/ sku
bzhog che shos rin po ches dbus phyogs su lan mang du phebs
phyir rten sna mang du yod pas/ gzhung nas zhu rog gyis zhes
gsung yod pas thugs rje gzigs

zhes kha btags sogs byin/ phran la de lta bu'i rten mang po med
mod/ 'on kyang re gnyis yod pa rnams 'bul chog ces bshad/ de nas
tshes bzang dus bzang phun sum tshogs pa'i nyin gzhung sa nas
tshogs 'dus

mchod rol dang bcas 'ong bar/ rgyal mchog bskal bzang rgya
mtsho'i sku phyam rtse 'dam 'byar ma/ rgyab sha 'go snam ser po
nang bcug phrugs 'dam 'byar can/ gos chen gyi dril rdzas bcas/
paN chen bstan pa'i nyi ma'i

@334a @#/ /sku 'gag /gos chen gyi dril rdzas bcas/ skyabs mgon
rnam gnyis kyi phyag nas bstsal ba tshogs 'dus la phul/ mchod rol
bcas gdan drangs so/ /de ltar nyin 'ga' nas tshogs

'dus 'ongs te 'du khang dkar mo'i sgo mo che thog mar dbye ba'i
mgon du 'ongs dgos zhes skyabs mgon gser tog rin po che'i bka'
yin zhes nan tan byed/ phran ni mig la skyon chags pa'i phyir mi
shis ltas ngan

du mi 'gro 'am zhes bshad/ thog ma'i rten 'brel la dbang po ma
tshang ba sogs mi legs par mi 'gyur ram/ bkra mi shis pa shis par
byed pa'i bkra shis brtsegs pa lta bu'i thabs 'dra gnang na
phran kyang 'ong chog

ces zhu/ de min phran gcig pus mi gtub ces lab/ de nas tshogs
'dus rnams phyir theg /tshes bcu drug la phran ri rtser nyi ma
shar ba dang mnyam du theg /phyi khyams ra'i sgo 'byor du khri'u
sha tsi bzhag par stag 'tsher

rin po che la phebs sgug byas/ khong phebs pa dang mnyam du nang
du phyin nas sgo 'byor du kha sprod kyis khri'u chung la bzang
po'i 'dug stangs kyis 'khod de phran nas mgo bskul byas te rten
'brel snying po tshar bdun rigs lnga'i

shis brjod sogs shis brjod mthar chags su btang/ mjug gang ser
ma bcas btang nas nged gnyis lhan du 'du khang gi sgo mo dbye/
de nas sku bzhog sngon du phebs bcug nas phran rjes su phyin/
gral 'gor slebs

@334b pa dang/ sku bzhog nas lha dar dang dngul rdo tshad gru
bzhi ma bdun brgyad sogs phul/ phran nas sku'i rten la/ btsong
kha brgyad cu'i zhal thang 'dra mtshungs bco lnga bzang gos can
ldan tshos sna bzhi ba'i gong sham pho li si'i

thang tog can/ gsung rten la/ gser bris kyi brgyad stong glegs
bam che ba gos chen gyi thum can/ yongs 'dzin rdo rje 'chang gis
bstsal ba'i po ti lnga'i rtsa ba po ti gcig dril rdzas bcas/
gser zangs kyi srin mgo can gyi ka

'phan cha/ ja bag gcig /sog ja gnyis/ mar ldang gcig /dngul rdo
tshad gcig /dong tse chon brgya bcas gral mgor bzhag /gzhung nas
gsol ja bzhes 'bras sogs btegs/ gzhung nas sku bzhog dang nged
gnyis

la lam rim chen mo re byin/ dngul sogs byin pa phyir 'bul byas/
de nas tshes bcu dgu'i nyin 'du khang dkar mo'i nang du dge 'dun
rnams tshogs dang po 'tshogs pa'i mgon du phran la 'ong dgos zhes
tshogs 'dus nas snyan

gsan btang bar/ phran dang po'i tshogs la 'ong mi thub/ sku bzhog
la gdan 'dren zhu zhes lab/ tshogs 'dus nas sku bzhog rdo rje
'chang nas khyod la nan tan tu 'ongs te khri dbang bskur byed
dgos zhes gsung/ nyin bdun

du gso sbyong byed dgos gsungs pas de'i thog ma'i mgon du khyed
rang sdod dgos zer/ de nas thabs ma byung bar khas blangs/ gza'
skar tshes grangs phun sum tshogs pa zla ba dgu pa'i tshes bcu
dgu'i nyin rang mkhan chas

@335a @#/ /sprad nas sku mdun pa bzhi mchod rol dang bcas gtsug
lag khang chen mo'i nang du phyin nas phyogs bzhi dang dbus su
me tog 'thor/ phyag gsum btsal nas seng khri chen mo'i steng du
'khod/ ja

dang po ja gnyis pa sogs rdzogs 'phral bka' chos maNDal 'bul ba
gnang/ thog mar khri dbang bskur mtshon byed du dga' ldan lha
brgya ma dang 'brel ba'i dmigs brtse ma bcas kyi ljags lung
phul/ de rjes gtang rag

gi maNDal dang sman pa khri ba sne'u lung mkhan sprul nas maN
bshad rgyas par gnang/ las sne sogs kyis mjal kha dang/ dngos
'bul dong chon brgya sogs bstsal/ gser tog chos mdzod nas kha
btags ches legs

bcas mjal kha zhu/ phar yang kha btags ches legs g.yogs/ mang
ja grol 'phral bkra shis gso sbyong tshogs/ mdo sogs bton 'khul
byas/ de nas phyir mchod rol bcas rang sgar du 'ongs so/ /phyi
dro yang nyin

bdun gyi gso sbyong gi mdo sogs bton dgos tshul zhal ngo nas
snyan gsan gnang yang phran nas mi lcogs pa'i dgongs pa zhus so/
/nyin kha shas ring la ngal bso zhing lo gtor gsar bzhengs byas/
zla ba bcu pa'i tshes nas

re 'dod can rnams kyi 'dod chos ci rigs pa dang bstan 'dzin dam
pa rnams la brgya rtsa'i khrid sogs rgyas par phul/ tshes drug
nyin phyir rang yul bsam gling du bskyod do/ /lnga mchod nang
gro tshang brag rin po che bsam

@335b gling du byon/ bya khyung nas dge bshes tshang dang/ a
lags rwa sgreng tshang rnams la rdo rje 'jigs byed chen po'i man
ngag rnam gsum gyi khrid rgyas par phul/ gzhan yang chos bka' ci
rigs pa sogs thugs 'dod bzhin phul lo/ /

smras pa/ tshang tshing nags klung stug po'i khrod/ /lhang lhang
dal gyis sgra sgrogs pa'i/ /yang zhing bsil ba'i chu rgyun 'bab/
/dga' ba'i ca co sna tshogs zhig /sgrogs pa'i byi'u chung tshar du
dngar/ /dus bzhi'i 'gyur ba sna

tshogs kyis/ /dus kyi mi rtag tshul yang ston/ /rang la sems zhig
yod na ni/ /phyin ci log bzhi spyod tshul la/ /ngang tshul gting
nas legs bsam ste/ /rang sems yid bzhin nor bu mchog /myur du
mjal ba'i thabs

la brtson/ /zhes so/ /yang smras pa/ rnam dag dge ba'i rlung
shugs kyis/ /nye bar bskul te chos kyi khrir/ /dbang bskur chos
kyi sgo brgya byas/ /dri med smon lam mtshams yang sbyar/ /zhes
pa ni bar skabs kyi tshigs su

bcad pa'o/ /srin bu zhes pa shing yos lo'i gnam lo'i gsar bzhad
kyi dga' ston sngar lam bzhin rgyas par byas nas smad phyogs nas
'ong mi rnams dang sku 'bum chos sde'i bla spyi sogs thag nye
ring 'grul mi rnams

nyin 'gar yo lang byas/ khyad par pA gru mkhan rin po che dang
smad phyogs nas sog 'grul gto che ba 'byor ba rnams dang thug
'phrad byas/ de rjes brag rin po che dang/ rde'u tsha'i ri khrod
dbang po sogs la 'dod chos ci rigs pa
@336a @#/ /rnams 'bul 'khul byas/ skabs der gzhung tshogs 'dus nas
khong khyung kyA btang bar/ phran la mkhan po sdod dgos tshul
mol byung bar/ skyabs rje rdo rje 'chang gi bka' yin tshul sogs
zer/ /

der phran gyi nu bo byams shAka la skyabs mgon gser tog rin po
cher zhu yig dang tshogs 'dus dang mkhan rin po che la zhu yig
phul te dgongs zhu btang/ de 'phral dgongs khrol yang byung/ de
rjes brag tshang la bsgo bzhag

mdzad/ gro tshang rgyud pa tshang nas u tshugs mthar skyel gyis
dgongs pa zhus te dgongs khrol byung/ de rjes pA gru tshang la
bsko bzhag mdzad do/ /phran rnams der chos bka' ci rigs pa sogs
zla ba gsum pa'i tshes mgo

bar 'don 'khul byas te brag rin po che rang dgon du byon/ hor
zla gsum pa'i nang skyabs mgon lcang skya rin po che chu bzang
du byon nas phran la bya ma rta mngags nas khyod gar 'dug sar
dngos bskyod byed tshul phebs

bar/ ri khrod dus khyon dog phyir sku 'bum du 'ong rgyur byas/
phran kyang 'phral du sku 'bum du bskyod de grwa bsgrigs byas
nas phebs sgug byas par/ rje nyid kyang 'phral du chibs bsgyur
bskyangs te phyag 'tshal res byas mjal

dar rtsis sprad byas nas phyag dbang zhus/ gsol ja bzhes 'bras
sogs btegs te gzims chung chung bar gdan drangs/ phan tshun nang
du phebs res dang lhod bzhugs mdzad dgos tshul sogs zhus/ gong sa
nas nas

@336b phran la chu bzang du 'ong dgos tshul gsung/ 'ong bar khas
blangs/ bzhi pa'i zla mjug nang mjal rgyur byas/ gong sa mchog
zhag 'gar bzhugs te phyir byon no/ /phran nas bzhi pa'i tshes
nang rin 'byung don gsal gyi rjes

gnang sogs byas/ de 'grub nas chu bzang la 'gro rgyu'i sta gon
dang tshur bsu mi rnams kyang 'ong/ bzhi pa'i zla mjug la 'di nas
thon te rim gyis phyin par/ gzims dpon dang gang gi sku gcung
ther gun the ci rnams dang lhan

cig tu hu tsi hwor ja thab/ g.yag ri'i 'dabs kyi sde grong chen
por zhag babs/ bla brang nas bsgrigs cha sogs rgyas par bstar/
phyi nyin snga dro nyi shar la sku mdun dmag mi sogs kyi bsu ba
'byor ba dang 'phral thon byas/

thab bsu'i nye sar ma Ni dang 'bum khang mang du yod pa'i la
rtsar gong sa mchog dang yab chen gung/ chu bzang bla brang gi
phyag mdzod chen mo/ dgon pa'i khri gdan zur grwa mang dang lha
sde sogs kyi bsu ba skya mi nyis brgya skor de rnams

'byor 'phral phran kyang rta las byol/ gong sa mchog kyang chibs
la byol te phan tshun phyag 'tshal res dang mjal dar rtsis sprad/
phyag dbang zhu skabs glo bur du char chen babs/ gong sa mchog
kyang chibs la chibs/ phran kyang

rta la bzhon te gong sa mchog rtsol shed kyis sngon du chibs
bsgyur bskyangs/ phran thab ba su'i steng du phyin/ der mi tshang
thams cad kyis bsangs chen dang dung 'bud/ de nas theg ste dgon
pa'i nye 'dabs su 'byor skabs

@337a @#/ /mchod rol dang bcas pa'i gser sbreng tshar du dngar/
bla brang chen mo'i sgo chen nye 'dabs su rta las byol te nang
du phyin pa dang/ gong sa mchog nas kha btags dkar ser gyis
brgyan pa'i g.yang

Di'i dkar yol nang rten 'brel 'o ma'i rdzas kyis bkang ba phran
gyi lag tu gtad mchod de myang/ de nas 'gro res kyi tshul du
phyin/ ja dang bzhes 'bras sogs myang/ gzims chung du phyin te
mjal dar sogs phul/

phyogs kun tu mchod mjal rnams zhu ste slar bde bar 'khod/ gong
sa mchog kyang 'phral 'phral du phebs/ phyi nyin yab yum sogs
kyi rtsar phyin te gung tshigs lhan bcas mdzad/ de nas gong sa
mchog nas

bka' chos sogs 'don dgos tshul rgyu'i bka' phebs bzhin/ dus tshes
dge bar 'go tshugs/ de skabs sku 'bum dang chu bzang/ gser khag
go /dgon lung sogs kyi dge 'dun mang dag bzhugs/ rim bzhin

rje'i gong ma ngag dbang chos ldan dang rol ba'i rdo rje rnam
gnyis kyi bka' 'bum yongs rdzogs kyi ljags lung/ rgyal ba dge
'dun rgya mtsho'i yi dam sgrub skor/ bde mchog dril bu lus dkyil
gyi bka' dbang/ de skabs

phran la rus rgyan sogs bgos su bcug /ma cig zhi drag gi dbang
khrid lung gsum dang tshe dbang sogs phul/ drug pa'i tshes bzhi la
phran gyi skyes skar nyin gnas brtan phyag mchod/ sba yer skabs
gong sa mchog

@337b nas maNDal rten gsum/ phran la che brjod kyi cho lo gnang
ba ni 'di ltar/ blo bzang rgyal ba'i ring lug dri ma med pa'i
lus can mtha' dag gtan gyi bde ba byang chub chen por 'god par
mtshungs zla med pa nges pa don gyi bstan pI

sgron me 'jig rten gsum gyi mig gcig pu gsum ldan rdo rje 'dzin
pa gang gi drung/ 'dzam gling yangs pa'i khyon la 'dod rgur
dbang bsgyur ba/ gnam bsgos sa yi tshangs pa chen po bahwang
rda'i bkas/ bkwan ting phu shan

bkwan tshi hung ci bkwang ming ta kau shri ho thog thu zhes pa
bod skad du bsgyur na/ bstan pa'i rtsa lag phul du byung zhing
thugs rje'i 'od zer rnon po kun la snyoms par khyab cing yongs
kyi skyabs mgon gtan gyi mchog bstsol

ba la thogs pa mi mnga' ba chab srid chen po'i bla ma 'phags pa
zhes bsngags shing/ ^ shAkya'i btsun pa blo bzang dpal ldan
bstan pa'i sgron me dpal bzang por 'bod pas gsol 'bras/ ^rgyal
ba'i ring lugs

dri ma med 'di nyid 'dzin skyong spel gsum gyi sgo nas 'gro ba'i
don rlabs po che byed mkhan byung na gzengs bstod byed pa ni/
sngar byon chos rgyal rnams kyi srol bzang yin cing/ des na/
khyad bdag rdo rje sems dpas dur

smrig gar gyis rnam par rol zhing dmigs pa med pa'i thugs rje
chen po dang ldan pa che shos rin po che zhes mtshan snyan pa'i
ba dan dkar po srid pa'i khongs las rab tu brgal ba de nyid
gsang gsum rdo rje'i rang bzhin gyi sgo

@338a @#/ /nas bstan 'gro'i don mdzad tshul ni rgyal ba'i rnam
mkhyen gyi yul du'ang ma gyur na/ bdag lta bu'i brjod pa'i skabs
ga la rnyed/ des na da lam/ mtshungs med zla bral nges pa don gyi
'phags

pa sog skad du theng sel 'u ge u nyin od kon ho thog thu zhes
mtshan dang/ dbu gdugs khra po gser yu can/ rta dar brgyad/ rgya
nag lcags spobs cha/ shang lang shub ser can cha/ phyag dam gru
skor bcas

kyi gzings su bstod cing mnga' gsol ba lags pa/ rgyal ba'i bstan
pa rin po che'i srog shing dam pa dang/ 'gro ba'i dpung gnyen
gcig pur ^zhabs pad rdo rje'i khams ltar brtan cing/ bdag la'ang
thugs

mtshan dpal be'u'i grwa mig nas dus rnam kun tu 'dor med skyong
ba'i bka' drin mi chung ba ^thugs dbyings zab mor bsti ba 'tshal/
shing mo yos lo'i zla ba drug pa'i tshes bcu gnyis la mchog tu
dge bar phul zhes pa

dang/ gcung la'ang 'di ltar/ tshe ring gnam gyi shi mong gi
/'dzam gling yangs po'i khyon la dbang bsgyur b+hwang rda'i bkas/
bkwang ting phu shan bkwang tshi hung ci bkwang ming ta kau shri
ho thog thu bod skad du bsgyur na/ bstan

ba'i rtsa lag phul du byung ba thugs rjes kun tu khyab cing
yongs kyi skyabs mgon gtan gyi mchog stsol chab srid chen po'i
bla ma lcang skya 'phags pa'i bka' yig /'dzam bu pr-i k+Shi'i ljon
shing gis nye bar mtshon pa'i

@338b 'dzin ma'i khyon yangs por longs spyod pa'i ser skya drag
gzhan mchog dman mtha' dag la bzlo ba/ kun mkhyen rgyal ba'i
ring lugs dri ma med pa 'di nyid la bslab pa nan tan tu brtson
thog /bstan 'gror sman pa'i zhabs tog

gzhan las khyad du 'phags pa byung ba na gzengs bstod byed pa
sde nas dar ba'i lugs srol yin cing/ des na/ skyabs mgon nyid
kyi sku'i gcung byams pa shAkya 'di pa gzhon nu nyid nas rab tu
byung zhing/ bslab par

'os pa'i yon tan gyis rab tu phyug pa sogs dam pa'i rang bzhin
las mi 'da' bar 'dug pas/ da lam er ti ni sku bcar mkhan po
zhes pa'i cho lo dang tham ka gru skor bcas lung las mngon par
byin pa yin pas/ gong

gsal rnams kyis bkur sti dang len las/ gnod 'gal gyi rigs gtan
nas ma byed tshul bzhin sgrub pa rnams la 'di phyi kun tu dge
ba'i 'jug pa rgyun ldan bgyid/ ces go bar bya ba'i yi ge shing
yos lo'i zla ba

drug pa'i tshes bcu gnyis mchog tu dge ba la zhes pa'i cho lo
bstsal/ nyin gang gi yo lang sogs byas/ phyi nyin nas rim bzhin
chos bka' sogs thugs bzhed ltar phul/ de nas dgongs pa zhus te
phran rgya rtser brgyud de

brag dmar du phyin/ skyel mi rnams phyir log /rje nyid nas gser
khog gi smon lam la byon/ dus grwa'i dbu chos skad 'dra ba rnams
sgrub mchod gsar 'dzugs rgyu'i 'don rta dbyangs gsum bslab par
'ong/ nyi shu'i

@339a @#/ /nang nged cag rnams sku 'bum du phyir 'ong skabs/ rje
lcang skya rin po che nas sku 'bum tshogs 'dus la rta ba ser
sbreng sogs byed dgos tshul gsungs pas snyan gsan 'bul mi byung
bar mi dgos

sogs bshad de phyir log byas/ de nas dus grwa pa rnams dang lhan
cig tu sku 'bum du 'byor/ dus grwa'i grwa rigs khur lugs sbyin
pas lo snga mar khyung kyA bsam gling du nged kyi gam du 'ong
nas dpa' bo gcig pa'i

sgrub mchod zhig 'dzugs 'dun yod pas/ phran grwa rkyang yin
phyir/ grwa tshang tshogs 'dus nas snyan dgongs mi gnang bas thebs
rtsa khyod la gtad nas khyed kyis bshad na khyed kyi ngag las mi
'da' phyir khyed nas cis

kyang thugs rjes gzigs zer/ de'i rgyu mtshan grwa tshang tshogs
'dus la nged nas yi ge bskur bas 'dzugs mi 'dzugs rgyu'i lan
gsal kha 'phral du bskur zhes dang/ bla ma tshogs 'dus nas kyang
grwa gnyer sogs

'ong ste ji bzhin bsgrub pa'i dam bca' sogs byed/ lo der dngul
sogs tshogs 'dus la rtsis sprad nas bskal ba ma stong gi bar du
g.yo med kyi 'gan rgya sogs byas/ grwa tshang nas kyang phran la
dbang bskur dang

sgrub mchod gsar 'dzugs rgyu'i bkod khyab sogs byed dgos tshul
mol ba ltar nyer bzhi'i la sta gon/ nyer lnga la dbang dngos
gzhi/ khyud kyA bsam gling gi dge 'dun rnams kyang tshul de ltar
du mos pas na dbang

@339b gral du zhugs/ bdun pa'i tshes gcig la sgrub mchod gsar
btsugs byas/ nyin 'ga' ngal bso/ bdun pa'i tshes 'gor/ skyabs
mgon lcang skya rin po che sku 'bum du phyag phebs/ nyin 'ga'
nas bla brang

brgyud par ma bzhugs pa'i rwa sgreng brgyud par lung lhag gang
yod rnams phul/ sbas don kun gsal gyi bshad lung dmigs brtse
ma'i chos skor sogs kyi ljags lung phul/ tshe dbang kha shas
kyang phul/ skabs

der gzhung nas lcang skya rin po che la tshogs dbus kyang zhus/
phran la mgon dkar gter bum bsgrub dgos tshul gsungs pa ltar gter
bum bsgrubs/ rje nyid gro tshang rdo rje 'chang du phebs/ der
zhag shas bzhugs nas

phyir sku 'bum du phebs/ de bar phran nas bum bsgrub kyin bsdad/
da bum sgrub 'tshams byas na chog gsung/ de nas rgyas pa'i sbyin
sreg blug /de'i phyi dror bum pa rje nyid la phul/ khri kha nas
shing thog khal mang po rje nyid

la 'bul mkhan 'byor bas rje nyid ni thugs dgyes te phran la'ang
shing thog yor chen bstsal/ dgu ba'i tshes nas rje nyid phyir chu
bzang du byon khar phran la rgyal khab chen mor 'ong dgos tshul
gnang ste byon no/ /de nas

zhag shas chos 'dod can rnams la 'dod chos smon lam grol tshes
bar phul/ zhag 'gar 'byung lus cung zad 'khrugs/ tshes drug nyin
rang yul bsam gling du phyin pa'i lam bar du 'byung lus yang bde
zhing 'phral rkyen

@330a @#/ /'byung yang nyams nyes cher ma byung/ ri khrod du
phyin nas blo bde bag phebs par gnas so/ /'tshams 'tshams su rde'u
tsha'i ri khrod dbang po rnams dang bya khyung gi grwa rigs rnams
la 'dod chos

sogs 'ga' re phul/ kha 'don sogs byed bzhin lo de'i mjug rdzogs
so/ /'dir smras pa/ gnam lo de yi gsum pa'i nang/ /skyabs mgon
lcang skya ta kau shri/ /chos kyi sde chen sku 'bum du/ /zhabs

bcag gsung gi gnang ba thob/ /ring min phran la chu bzang du/
/nges par 'ong dgos zhes bstsal te/ /slar yang chu bzang dgon du
byon/ /sa zla'i nang du bla sprul khag /bshes gnyen mang po lhan
cig tu/ /tshogs

pa'i dbus su chos kyi skyes/ /rin 'byung don gsal sum brgya
gsum/ /rjes su gnang ba'i rgyun yang phul/ /ring min zla smad
chu bzang du/ /nye bar btegs te gong sa mchog /zhal dkyil mjal
zhing gsung lan

bcas/ /sman mchog bdud rtsi yang dag thob/ /dus tshes dge bar
gong sa nas/ /phran la bka' chos 'bul dgos tshul/ /bka' nan spyi
bor thog ltar lhung/ /thabs dang 'bral phyir 'bul tshul rgyu'i/ /

'go tshugs dbang bka' rjes gnang dang/ /bka' 'bum la sogs ci rigs
phul/ /chos 'khor bskor ba'i dus chen nyin/ /phran gyi skyes
skar sba yer lo/ /gong sa mchog nas gzigs gsol gyi/ /

@330b ra gan sa zlar mngon dgongs te/ /ho thog thu yi cho lo
dang/ /bka' shog gnang cha rgyas par bstsal/ /phran gyi gcung po
shAkya la/ /bka' shog cho lo rim par bstsal/ /phran cag zung ni
lug ltar lkug /lugs

gnyis bya spyod spang blang la/ /tshul 'di 'thad par ma mthong
yang/ /chos kyi che ba bton phyir du/ /gong sa mchog nas 'di
bstsal yang/ /ngo ni nongs kyang bya thabs zad/ /ring min sku
'bum chos sde ru/ /gong sa

mchog kyang phyag phebs te/ /chos kyi sde chen byams gling gis/
/tshogs dbus zhu ste chos bka' bstsal/ /dge 'dun mang la phyag
dbang dang/ /rten cing 'brel bar 'byung ba'i tshul/ /legs par
byas so bar skabs

la/ /bka' chos than thun mang dag phul/ /de nas rje nyid gro
tshang du/ /chibs zhal bsgyur ba'i bar de ru/ /phran la gter bum
bsgrub ces bstsal/ /mi bzad gter gyi sgo phye ste/ /zab mo'i
rten 'brel ci yang

bsgrigs/ /zla ba dgu pa'i tshes nang la/ /rang dgon phyogs su
chibs zhal bsgyur/ /phran la ring min myur bskyod dgos/ /zhes
gsungs so/ /me zhes pa mi 'brug lo'i gnam lo gsar tshes kyi dga'

ston rnams sngar lugs bzhin gnyug mar gnas pa dang phyogs kyi
'du bkod rnams sngar mu ltar la/ de nas bgyi ba gnas sel gyi
ngang du gnas bzhin pa'i ngang nas zla ba gsum pa'i tshe la sku
'bum du 'ongs/
@341a @#/ /mar phyogs su theg rgyu'i ngal ba shom/ phyogs nye
ring nas lam rdzongs byed mi rnams rgyun mar 'ongs/ skabs der
sku 'bum gyi sog po rnams kyi nang 'khrug bslang/ tshogs chen 'du

khang gi rab gsal du bde mchog dus bzang ba rnams kyi sgrub
mchod tshugs/ phran skabs der mar 'gro bar nye skabs tshogs ma
thub/ bzhi pa'i tshes nang mar theg /rim bskyod kyis a lags
sha'i nye 'dabs thun

ger slebs pa na lo der than pa ha cang che bas phyogs de'i skya
ser thun mong nas ded la char 'bebs byed dgos tshul zer/ phran
gam du bya khyung a lags rwa sgreng yod pas klu gtor thongs
zhes bshad/ de nub phyi nyin tsha rting

bar zim char babs/ nged cag de nas rim bskyod kyis ya mun brgyud
de skyir the'i ta po si'i sar thu sa lag chir zhag sdod byas
skabs nang 'khor bcas 'ongs nas char 'bebs byed dgos tshul nan
che bar/ rwa sgreng la klu

gtor thongs zhes bshad pas de 'phral nyin zhag gcig la babs pas
ho sho'i mtha'i tshun chad du babs 'dug /de nas rim bskyod kyis
o red mIng gan ja sag gi u rger phyin/ der dar han pi li'i mi
sna 'byor/ skabs

der tol ti zhes pa'i chom rkun kha dar ba'i dus su song gshis/
dar han wang nyid bsu mar 'ong ba'i tsha dpog gi sar dngos 'phrad
byed dgos tshul zer ba ltar phyin/ ja thog gcig gi ring la gsol
bzhugs byas/ de nub

@341b wang nyid u rge'i steng du 'byor bar phebs/ nged cag bar
zhags byas/ phyi nyin nged cag lam du thon nas rkyang grags
gnyis gsum tsam 'gro skabs chom rkun sum cu lhag rnams nged cag
gi rjes nas bdas te

'ongs/ nged cag gi khal rnams sngon du song zin/ rang mi ngo
g.yog lnga drug las med/ rang khyogs kyi nang du bsdad pa
khyogs mar phabs/ chom rkun rnams sngon du song nas rta las
phabs te nged kyi gam du 'ongs/ /

me mda' sogs sa la btsugs te bzhag /chom rkun gtso bos phran la
legs par bltas te mjal kha zhus/ gzhan dag la yang mjal kha zhu
zhu zer/ thams cad kyis mjal kha zhus/ gtso bos mo brgyob zer/ /

mo sna kha shas brgyab/ de nas gtso bos dngul gyi dong tse sum
cu tsam sprad/ kho tshos bzhon rta gcig khrid 'ongs nas thur mda'
nged kyi leg tu byin/ thams cad la bsrung ba re dgos zhes pas
mdud pa re byin/ kho rang rnams

kyis khyogs btegs nas bkal/ da bla ma byon zhes zer/ de nas nged
cag rnams u rge'i steng du phyin/ kho rang rnams phyir log /u
rger 'byor nas ja gral sogs byas nas lhod chags su gnas/ phyi
nyin dar rgyas

chos gling gi tshogs 'dus 'ongs/ dgon par gdan 'dren snyan gsan
zhu/ deng sang tol ti kha dar ba'i rkyen gyis khyed rnams kyis
'gan len byas nus na phyin chog /de min 'gro mi thub ces bshad/
da lta phebs na 'gan

@342a @#/ /len nus zer/ tol ti thag nye sar med/ de nas phyi
nyin/ dgon pa'i nye sar slebs nas phran khams seng zhig byas/ de
skabs dgon pa nas grwa ba zhig gzan med rtsol shed kyis 'ong ste

tol ti rta ba brgya dang sum cu tsam dgon par 'byor bas ci rang
drag zer/ bla ma tshogs 'dus ho sho'i mi sna thams cad ci drag la
thug /tshogs 'dus tshogs nas ded la rgyu mtshan bshad/ khyed rnams
kyis 'gan len nus

zer ba gar thal/ cang mi zer bar 'dug /da ci byed khyed shes
zer/ des na 'gro zhes lab pas phyin/ dgon pa'i nye 'dabs su
'byor bar/ ser sbreng sogs bsgrigs snang/ mjal ba yang mang tsam
'dus/ /

tol ti rnams ser sbreng rgyab dang gra gshag gi thog kha phyogs
mtha' dag nas bltas snang/ dus grwa'i 'du khang du phyin te khri
la 'khod/ sngar srol ltar gyi ja gral dang tshogs langs bzhes
'bras sogs btegs/ /

maNDal dang grwa tshang mjal kha sogs byas tshar 'phral tol ti'i
gtso bos mjal mang bkags nas/ kho rang tshos mjal du 'ongs nas
dbus mdzad skad 'dra ba sogs bos nas maNDal 'bul du bcug /de nas
gor mo

bdun cu maNDal dang chabs gcig nged la byin nas rim bzhin mjal
kha zhus nas phyir theg go /de rjes mi mang gi mjal kha zhus/ de
nas rang sgar du 'ongs nas las byed rnams dang thug 'phrad byas/
las byed rnams

@342b kyis tol ti'i dpon po gsum nang sgo'i phyi rol tu bsdad
snang zhes 'jigs 'jigs lta bur bshad snang/ nang du 'ong bcug
ces par/ nang du 'ong nas mo sogs rgyob zer mo sna kha shas
brgyab/ kho rang tshol

grwa tshang so so'i ston skal byin pa rnams byin/ ja dang thug pa
sogs kyang byin/ 'grangs te dga' bzhin phyir 'khor dang bcas pa
bzhud do/ /phyi dro phran rnams zhag babs kyi sar phyin nas
bsdad/ zla ba drug pa'i

tshes bzhi la u rger phyin nas skyes skar gyi sba yer byas/ nyin
'gar bsdad de tshe dbang sogs bton/ de nas thon te sha ra mu rin
dgon par phyin/ dgon pa'i bla ma las sna rnams kyis bsu ba ser
sbreng dang bcas

bla brang du bsdad/ ge gen sogs la thug 'phrad/ mjal mang la
mjal kha/ phyi nyin nyin gcig 'dzags mal byas/ ge gen la bka'
chos sogs phul/ wang gi lha sras sogs la thug 'phrad byas/ de'i

phyi nyin theg ste rim bskyod kyis bA ron su nyid kyi bsu mi
rnams dang thug 'phrad byas nas u rger 'byor/ der nyin gcig
'jags mal byas nas wang la tshe dbang phul/ de nas rim bskyod
kyis tsu'un su nyid khu khe

nOr or su me'i nye 'dabs su zhag babs byas par/ tsu'un su nyid
wang 'khor bcas phebs pa dngos 'phrad byas/ de nas rim bskyod
kyis a b+ha ka ja sag tshan the'i su mer go 'phang ho thog thu
dang ja sag

@343a @#/ /no yin ho sho'i blon 'khor rnams la thug 'phrad byas/
nyin gcig 'jags mal byas te tshe dbang phul/ de nas theg ste zhag
babs sar/ a b+ha ga tA wang gi lha sras be le bsu

mar phebs par dngos 'phrad byas/ nged la ma nu ho'i shangs ru
che tshad zhig gnang/ de nas rim bskyod kyis yan to'i su me'i
thag nye sar zhag sdod byas par/ tA wang gtso bas blon mang
bcas bsu bar

phebs/ lhod bzhugs mdzad de phyi dro phyir phebs/ de'i phyi nyin
snga dro'i cha la/ dgon pa dang ho sho'i bsu ma ser sbreng kha
lnga dang nged nas kyang thug rta dar sogs rgyas par btegs nas
khrom dmar nag tu 'khrigs

dkyil ba gshags nas 'du khang chen mo'i sgo 'gram du rten 'brel
gyi rdzas 'o ma sogs btegs par mchod de rol/ 'du khang chen mo'i
khri'i steng du 'khod nas maNDal rgyas pa dngos 'bul gya nom pa
dang ja gral

dang tshogs langs rgyas par bstar nas rang sgar du sdod gnas su
'khod par ja gral tshogs langs sogs sngar mu bzhin byas nas yo
langs 'khrigs so/ /mjal mang rnams la mjal kha nyin mang por
byas/

phyogs 'dus mang po la nyin re bzhin dngos 'phrad byas/ nyin
'gar song nas wang gi u rger phyin/ ser sbreng dang ja gral
sogs sngar bzhin no/ /zhag 'ga' sdad nas phyir bla brang du
'ong/ de nas lha gsol

@343b sogs gtang rag dang dgon pa'i smon lam la yang bsdad/ nye
'khor gyi hu ho ral sogs thams cad la rim bzhin 'grims/ mi tshang
mang po'i nor skyong bzhin sgo myul byas/ dgu pa'i tshe dgu la
lcang skya

rin po ches zhabs phyis tsun bkwan btang ste phran la 'phral du
mtsho bdun dgon par 'ong dgos tshul gyi bka' phebs/ phran kyang
ring min dngos bskyod thog lam bar du dgon pa dang mi tshang
rnams la sgor myul

byas te 'gro bar/ gong sa nas slar yang phyag yig bstsal bar/ da
lta phyogs 'dir jag pa sogs rgod pas myur phebs mdzod khe bun
brgyud nas 'ong dgos tshul phebs/ 'phral bskyod kyis phyi nyin
tsha dbog

sar gong sa mchog dang mtsho bdun dgon pa'i che rigs rnams 'byor/
der mjal 'phrad byas nas 'phral du chibs btegs/ phran bu rnams
khe bun bla brang du 'byor bar ser sbreng dang bcas bkur bzo bla
na med

pa gnang/ gzims chung nang du phyin nas kyang/ rje nyid zhal mar
log tu ma bzhugs bar/ phran la sdod bcug nas phran ci drag la
thug /gsol ja bzhes 'bras sogs rje nyid kyis phyag btegs nas
phran

la gnang/ de ltar zhag gcig bsdad nas phyi nyin khe bun gyi gzhi
bdag dang bzhugs gnas rnams la shis brjod sogs byas/ de ltar
lhan du dal bskyod kyis mtsho bdun dgon ser du ser sbreng kha
lnga mdo

@344a @#/ /dar dang bcas gzims chung tshoms chen nang maNDal rgyas
pa phul te rten gsum/ gsol ja zhes 'bras sogs btegs nas rgyun
sdod byed sa'i gos chen ser po'i dbu gur nang

lha mo bcu gnyis tshems grub ma'i yol ba can bla bre sogs ngo
mtshar ba'i nang sa rgyan gnam rgyan phun sum tshogs par sdod bcug
nas gsol ja bzhis 'bras sogs bstsal/ de nas rje nyid bla brang

du byon/ cung zad bsdad nas phran bu cag rnams sku mdun du mjal
khar phyin/ de nas 'ong ste mtsho bdun dgon pa'i grwa brang khag
rnams kyis ja gral sogs rgyas par bstar/ mtsho bdun shu rngan shi

sogs las byed por g+hal rigs rnams 'tshams zhur 'ongs/ phar yang
lan sogs byin/ mjal mi rnams kyang mang por slebs/ phyi nyin
gser khri tshang la mjal bar phyin/ de nas gong sa mchog

nas tsun khu khe su mer 'ong dgos tshul gyi bka' ltar phyin te
dge 'dun rnams la tshe dbang phul/ gong sa'i spyi sor shis brjod
sogs kyi bden tshig brjod/ de nas tshur 'ong nas dgon pa nyid kyi
bsgrub

bya brgya phrag lhag tsam la sha ra su me'i thog khar sdom pa
snga phyi sogs 'bogs/ tA le thun cong gis rang khyim du 'ong
dgos zer ba ltar phyin/ gong sa mchog la paN chen thams cad
mkhyen pas bstsal

@344b bstsal ba'i shaM b+ha lar byon dus kyi chibs sga me mda'
sogs mjal/ de nas gong sa mchog chibs bsgyur bskyangs pa dang
mnyam du thab bsu dang bcas rim bzhin bskyod de bgrang kya khug
ces par 'byor/ de ka'i

dpon chen rnams kyis gong sa mchog la chibs ra ru bsgrigs sogs
byas te gung bkwan du gdan drangs te yo lang sogs byas par 'dug
/phran la'ang thug rgyu zer mod phran gab ste bsdad/ phyi nyin
snga bar gong sa

mchog ru bsgrigs dang bcas me 'khor la zhugs/ phran rnams kyang
me 'khor du bsdad/ phyi dro chu tshod gsum pa'i skabs rgyal khab
chen mor 'byor/ ho thi gran tu gong sa mchog la rgyal khab chen
mo'i zhi drag gi dpon

chen stong phrag mang po thab bsu btegs/ phran la'ang der bsdad
zer kyang phran ma nyan par sngon du bla brang gi thab bsu'i
steng du phyin/ mun rub nas gong sa mchog gi bla brang nas mi
sna btang ba dang da lta phebs zhes brda btang

'phral phyin/ sun tru si dgon pa'i nye 'dabs su 'byor ba dang
mdo dar sogs ser sbreng rgyas par bstar ba'i thog phran khyogs
las babs te rkang 'gros kyis phyin pa dang/ gzims chung nang
ma'i gzhung sgo'i thad du gong sa

mchog nas rten 'brel gyi rdzas gnang ste phran nas myang/ gzhan
rnams kyis brang ban zhus bzhin nang rim bskyod kyis gzigs ?????
nang du phyin/ gong sa mchog nas phran la khri thog tu u tshugs
kyis bzhag nas maNDal

@345a @#/ /rgyas pa btang nas phran la maNDal rten gsum gnang/ de
nas ja sag bla ma gtso bo'i dge 'dun mang dang bla brang gi
zhabs gras rnams mjal kha zhu/ de nas gsol ja bzhes 'bras sogs

gnang/ de nas rang sdod sa rwa kho bla brang gi gzims chung du
bskyod/ gong sa mchog kyang phebs nas cung zad bzhugs te phyir
gzims chung du byon/ phyi nyin snga bar sku mdun du nged cag
'khor bcas mjal bar phyin/

gsung sgros cung zad zhus te phyir 'ong/ yung bkwan gyi tA bla
ma ja sag sogs dang gro'u chi tA bla ma ja sag sogs las byed
rnams rim gyis 'ongs/ mi dpon khag sogs dngos 'phrad byed mi
rnams rim par thug /

zhag shas ngal gso/ gong sa mchog la bka' chos thugs bzhed ltar
'ga' re phul/ bcu gcig pa'i tshes nang 'khrungs skar nyin snga
thog chu tshod dang po'i skabs gong sa sku 'khor dang dus 'khro
paNDi ta rnams

la bu ston sgom khug ma'i tshe dbang phul/ de'i zhog kar rje nyid
gzims chung phyi rol tu phebs pa dang nam mkha' nas kha char zim
po dang bcas shog chag gnyis lding bzhin sku mdun du lhung ba
phyag tu bzung/ shog

chag gcig la thang stong rgyal po'i dbu skra/ gcig la thang
stong gin bza' zer ba zhig snang/ de gnyis phyag tu bzung nas
nged kyi gam du byon nas rgyu mtshan gsung/ rten 'brel legs zhes
phyir phul/ de rjes

@345b sba yer sogs rim gyis phul/ nyin gang la gsol ston dang
gzigs mo sogs bstar/ de nas zhag 'gar gong sa mchog dang ja sag
bla ma rnam gnyis chAn min phyi rol tu she bkwan tu 'khrad sha
nged cag rnams ltad

mo bltar bcug /za ten tu ston mo rgyas par gnang/ de bzhin ja
sag bla ma dang dus 'khor paNDi ta rnam gnyis kyang za ten ltad
mo sogs nyin rer gnang/ skabs der tun li pAr yin phyir rje nyid
de ka'i smon lam la

byon/ phran bu rnams zhag 'gar ngal gso/ yung bkwan gyi grwa ba
zhig gis bka' thang shel brag ma'i lung zhu bar/ gong sa mchog
kyang bzhugs/ tsinta ma Ni'i chos skor dang dbang sogs re 'dod
can rnams

la phul skabs rje nyid kyang bzhugs/ de skabs tsinta ma Ni'i
bsnyen yig gi yang chung zhig kyang bris/ de ltar lo de'i bya
byed las gsum rnams rag rim zhig rdzogs so/ /smras pa/ dbang
phyogs ci na'i yul

gru cher/ /las kyi dbang gis rab bskyod pas/ /tshom rkun tshogs
dang lan gnyis thug /za 'dod nyes 'dod ma byas par/ /bzhon rta
dngul sogs 'phongs med sbyin/ /de yang mchog gsum bla ma'i drin/
/rang

yang sbyin bdag gang yod sar/ /nor skyong bzhin du rab myul te/
/dpag med lan chags phung po bsags/ /mtsho bdun dgon ser bla
brang du/ /gang gi thugs rje'i nyer bskul te/ /bag med byis pa'i
@346a @#/ /rol rtsed myong/ /tsi na'i rgyal khab chen po ru/
/gang gi thugs rje la brten nas/ /sum rtsen lha yi pho brang gi
/bde ba mchog la bdag reg go /ces pa ni bar skabs kya tshigs

su bcad pa'o/ /dmar ser zhes pa me sbrul lo'i gnam lo gsar tshes
kyi dga' ston mchog tu myong/ gong sa mchog la'ang lo gsar gyi
mjal kha zhus/ thug 'phrad byed mi rnams dang rim thug byas/
phyogs

'grul rnams dang dngos 'phrad byas/ de nas yung ha bkwan du mjal
bar phyin/ der ja sag tA bla ma de mchi/ dge bskos sogs dang/
gro'u chi ja sag tA bla ma/ de mchi dge bskos sogs las byed
thun mong nas

ser sbreng byas par dngos bskyod thog rten gsum khag la mchod
mjal rgyas par zhus te phyir 'ong/ yung bkwan dang sun tru si'i
bsgrub bya brgya phrag brgal bar rab byung bsnyen rdzogs tshangs
spyod dpal la bkod par byas/

ring min char a b+ha ga tA wang dang dar ha na bi li tA wang/
ta re gangga'i wang/ tsun su nyid wang sogs rim par 'byor ba
rnams la thug 'phrad byas/ gong sa mchog nas pho brang nang mar
srog mkhar nang du phran la khrid nas

rten mjal dang ltad mo sogs ches shin tu rmar ba mthong/ de
bzhin du zhag 'ga' nas gong sa mchog dang ja sag nged cag dpon
g.yog rnams sAn be si'i hwA yOn sogs la ltad mo nyin gang
bltas/ de nas mi ring bar

@346b chI khri'i ? nang du gong sa mchog dang nged cag rnams
bsdad de wan shus na zhes par gong ma'i pho brang phyi nang
mtha' dag legs par mjal/ de nas phyir 'ongs te gong sa mchog gi
sku tshe tshe sgrub bsgrubs/ de skabs lI yAng hon

zhes pa tA tsun thun phran la kho'i gan du shog ces zer bar/
gong sa mchog dang ja sag rnams la phran rgya skad mi shes pas
'gro bsdad mi shes phyir thug mi thub ces zhu/ yang skyar bod
skad sha se mkhan gyi dpon po zhig btang nas

gzhung don 'gangs che ba bod phyogs su bsgrub rgyur yod pas der
'gro dgos rgyu'i mIn len ster rgyu yin pas/ gong sa mchog dang
khyed rang rnams kyis bka' mol thog nas don 'di bsgrub dgos tshul
gnang byung bar/ phran

la de lta bu bsgrub rgyu'i kha stabs zhan pas gang thad nas
bsgrub rgyu phar zhog /don nyan tsam yang mi shes so zhes yang
yang nan zhu byas te dgongs pa khrol lo/ /de nas zla ba bzhi
pa'i tshes nang gong sa mchog gi zhabs phyis zhus

bzhin mtsho bdun du 'byor/ mtsho bdun gyi dpon khag rnams kyi
mtshams zhu kha so so 'ong ba rnams phyir 'bul byas/ bza' btung
gi don du 'bod pa rnams thugs rje che zhes phyir lan skyel/ der
chos bka' phran bu rnams dang bsnyen

rdzogs sogs rim phyed thog zhag 'ga' bsdad nas phran sngon du
sog yul du phyin/ gong sa mchog rjes su phebs rgyur byas/ 'gro
khar sku 'khor rnams la tshe dbang phul/ gnang cha sogs gya nom
pa bstsal/ bla brang rgyab kyi

@347a @#/ /gzims chung khyod la byin pa yin pas der rten skal
zhig dgos zhes gsungs pa ltar 'ding ba phul/ phyi nyin de nas
phyin te yan to su mer slebs te zhag 'ga' bsdad/ gong sa mchog
kyang

yan tor phyag phebs/ wang dang ho sho thu she mel rnams kyis ho
sho'i lab tse chen mo gsar bzo rgyu'i snyan gsan gong sa mchog
la phul/ gong sa mchog nas ji ltar byed dgos rgyu'i zhal slob
smin rgyas su bstsal/

lnga pa'i tshes bcu gsum par rjes zin pa bgyi zhes gsung/ nyin
mtshan du 'bad pas rjes zin ma thub/ phrig tshud nas lab tsi gsar
rgyag byas te tshes grangs phun sum tshogs par ho sho spyi 'gro
thog lab tse

bstod de nA 'er sogs rgyas par byas/ de thog gong sa mchog nas
wang gi zhabs drung dang phran gyi mdzod pa byang chub bcas la
mkhan po'i cho lo gnang/ de nas phyir phebs nas lcang lung dgon
du chibs bsgyur

bskyangs/ zla ba drug pa'i tshes bzhi'i nyin sba yer sogs grub
nas tshes lnga'i nyin a ra o ran han phyogs su sgo myul byas te
rim bskyod skabs/ ong bkwan ho ral gyi nye 'dabs su sgar brgyab
par/ gong sa

mchog chibs zhal bsgyur te der mjal lhod bzhugs gnang nas phyir
byon no/ /phran de ka nas hu ho ral mang po 'grims nas te'i bla
ma'i dgon par slebs/ der yo ga tsa ri bla ma'i rta khal 'byor
bar/ yo ga tsi ra

@347b dgon par 'byor skabs bla ma dang dpon po hur tsha wang sogs
skya ser rta pa brgya phrag mang po 'byor/ thab bsu'i steng
phyin te bu yug zhig 'tshub/ de nas dgon pa'i 'du khang chen mor
phyin nas maNDal tshogs langs ja gral

sogs rgyas par byas te bsdod gnas su phyin/ der nyin 'gar bsdad
nas thams cad la tshe dbang dang 'dod chos kyi lung sogs phul/
dgon pa'i cham sogs kyang bstar/ de nas phyir 'khor te smyung
gnas dang

zhabs brtan ho ral du gdugs dkar byad grol gyi dbang dang legs
ldan mched gsum gyi rjes gnang bcas bskur/ de nas khur ged gor
ban 'o ler co sne ho thog thu'i nang du phyin te zhag shas
bsdad/ de nas mi 'khrugs

dgon par phyin/ sman grwar rgyud bzhi'i lung phul/ mang ma la
tshe dbang/ de nas rim gyis hu ho ral mi tshang sogs brgyud nas
yan tor 'byor/ zhag 'ga' bsdad nas nye 'khor gyi hor la rnams la
yang phyin/ de

nas dgu pa'i nyi shu'i nang rgyal khab chen mor phyin te bcu
ba'i tshes 'gor 'byor nas gong sa mchog la mjal/ zhag shas tshong
'du dang 'khrang zhi'i ltad mo sogs la g.yeng/ tshes bco lnga la
gong sa mchog la rang

yul du bskyod pa'i dgongs pa zhus/ tshes bcu drug la gong sa
mchog nas gzab ston gnang/ tshes bcu bdun la me 'khor sogs gung
bsgrigs te rim pa gnyis phye nas/ khal dang rta drel khyogs sogs
sngon

@348a @#/ /du theg /phyi nyin me 'khor thun khwi su nged rnams
zhugs te nyin gnyis la kwan yon thang la slebs/ gzhug gi rta
khal ma 'byor bar zhag lnga sgug sdod byas/ blo ma bde bas ten
po btang

bde bar yod tshul thos pas blo bde/ phyi nyin 'byor/ de nas mnyam
du thon nas zhag gsum bzhi'i tsha dpog steng mi mang thams cad
phyir logs 'ong bar dris pas thun bkwan gyi mkhar sgo brgyab yod
zer/

zhi nan phan chad du 'khrugs pa che bas/ de nas tsha dpog steng
zhag sdod byas/ mo btab na nyes skyon med par babs/ mi zhig
rtsol shad kyis thun bkwan du btang/ de nub srod 'khor bar ma
'ong/ phyi nyin

nyi ma rtse shar la 'byor/ mkhar sgo brgyab mi snang zer/ de nas
nged cag rnams thun bkwan du phyin par/ sa sgo dpon po nged kyi
rtsar 'ongs/ khyed rnams gar theg zer/ nged rnams rang yul du'o/
/yul gang

yin zer/ yul bkwan su'o byas pas nged cag gi lam yig ston zer/
de bstan pas cang mi zer bar nged cag rnams la bza' btung sogs
sta re cha byas/ zhi nan du da skabs 'khrugs pa che bas/ nged
cag

gi dpon po dang dmag mi sogs zhi nan du yod/ zhi nan gyi 'khrugs
pa bde tshe nged cag la yi ge 'byor bas khyod la rgyu mtshan shod
zer/ nyi ma ma nu ba tsam la dpon po slar 'byor/ 'khrugs pa bde
zin pas yi ge

@348b lag tu bzung bzhin sang nyin ci bder theg /phyi nyin snga
bar lam du phyin/ rim bzhin lin thun shan tu tsha dpog skabs yang
phyogs der 'khrugs pa bslong yod pas 'gro mi nyan zer/ dkon
mchog mkhyen snyam

pa'i blo gtad de phyin pas gang yang ma thug /zhi nan gyi mkhar
sgo da dung brgyab yod ces zer/ phyin nyin phyin pas rdo zam
ring po'i rtsar slebs skabs thun bkwan gyi dmag rnams phyir 'ong
ba thug /sgo

yang phye yod zer/ nged cag gi mjal mi rnams nang du phyin/ nged
cag rnams mkhar gyi rgyab rol nas phyin te zhAn yang du zhag
bsdod byas/ de'i phyi nyin gzhan zhig gi sa sner sdod skabs/ yul
der thO phI zer ba'i

jag rgod rnams nye bar 'byor bas/ yul mi rnams 'jigs shing zhum
par gyur/ phyi nyin nged cag 'gro lam mi gcig pas rim bzhin
bskyod pas lan grur 'byor te zhag gsum bsdad/ gong sa mchog la

yu ten gsum bris te bskur/ de nas bskyod de zi ling du 'byor/
gzhug gi khal rnams ma 'byor bar zhag gsum sgug sdod byas/ de
nas sku 'bum bla spyi sgar ba'i rta ba dang ser sbreng mchod rol
dang bcas

rang sgar du 'byor bas/ tshogs 'dus rnams la lag 'jog dang mjal
mi rnams la thug 'phrad byas/ nged cag 'ongs nas zhag gsum thog
mdzod pa byang chub phyir log brgyud nas 'byor/ de nas 'dus pa

@349a @#/ /rgya mtshor mang ja 'gyed bcas mtshon tsam zhus/ gzhung
gi rten khrod du lcang skye rin po ches gnang pa'i gong ma khang
shu rgyal po'i chibs sga spyi 'jog tu phul/ de ltar dbang phyogs
tsi na'i

yul nas yar theg pa'i bya byed las gsum rag rim tsam smos zin
to/ /smras pa/ mchog gi bka' dang sbyin bdag gi /ngo bsrung
mthun 'jug bsgrub slad du/ /mi tshe stong zad byas pa'i rgyu/
/don med

spun pa legs 'phyar ro/ /don med ngan song rgyu sgrubs te/ /rang
gzhan phan pa'i bya ba ni/ /mo gsham bu yi spun zlar gyur/
/snying med smyon pa 'di su zhig /chos brgyad dkar nag khra gsum
gyi/ /g.yo khram

rdzun gyis mgo 'khor te/ /snying po'i bya ba kun bor nas/ /khrel
med smyon pa bzhin du rgyug /ces pa ni bar skabs kyi tshigs su
bcad pa'o/ /dus kyi pho nya zhes pa sa rta lo'i gnam lo gsar
bzhad kyi dga'

ba'i lang tsho mngon par bstar ba'i rten 'byung bgyi 'os rnams
sngon bzhin du byas te rang gzhan thug 'phrad sogs 'du long gi
ngang du zhag shas 'das/ de nas lha gsol sogs 'char can rnams
tshags su tshud par

byas/ byams pa shAkya dang slob dpon zur ba karma bstan dar
gnyis nas dus 'khor 'du khang gsar bzhings rgyu'i 'bul sdud cung
zad byas pa rgya srang drug brgya dus 'khor tshogs 'dus la kho ba
gnyis nas rtsis

@349b sprad/ nged nas dpal rdo rje 'jigs byed lha bcu gsum ma'i
blos bslangs dkyil 'khor bzhugs sgam rang bsgrigs shel sgo dang
bcas/ mdun du zangs dmar gyi bal ting bdun tshar gcig 'byor 'jigs
byas/

de bar bka' chos dang bsnyen rdzogs sogs bag re byas/ zla ba
bzhi pa'i tshes brgyad la sku mched rin po 'dir byon nas nyin
gcig 'jags mal gnang/ skabs der rje nyid kyi bya spyod sogs
sngar dang mi 'dra bas yid

cung zad 'tsher/ tshes bcu bzhi la tshogs chen 'du khang gi rab
gsal du phran slob dpon bgyis nas dge 'dun bcu phrag gcig gis
lhag pas rab gnas dge legs rgya mtsho'i char 'bebs nyin gsum gyi
ring la

rgyas par sbyin sreg dang bcas phul/ de skabs su sku mched rin
po che dgongs pa chos dbyings su gshegs pas nged la zhugs 'bul
byed par 'ong dgos tshul ri khrod mang pos nan che bar brten rab
gnas bzhag nas 'gro

ma shes par dgongs pa zhus/ de nas bsam gling du phyin te rang
yul dang mi khyim 'gar ja zhu sogs la phyin/ de nas ngal bso ste
bde bar gnas/ drug pa'i sba yer sogs la yo lang byas/ bdun pa'i
tshes gnyis la

bsam gling gi las byed rnams kyis 'jigs byed dpa' bo gcig pa'i
sgrub mchod 'jugs dgos zer ba ltar/ ras bris la brten nas sgrub
mchod nyin bdun gyi ring la mjug sbyin sreg dang bcas pa gsar
btsugs byas/

@350a @#/ /byams pa shAkya nas lcang skya rin po ches gnang ba'i
lhung bzed dang/ gral gdan cha gcig dang sgrub mchod kyi mkho
ba'i yo byad sogs kyi 'jog pa bzhag /nged nas gser zangs kyi
byams

mgon mi tshad tsam rten khrod du phul/ dngul srang lnga bcu spyi
'jog tu bzhag /skabs der dus grwa'i dpa' gcig sgrub mchod kyi ja
mtshams 'don bsgrigs 'gyur med rdo rje'i re kha gsar bsgrigs
byas/ bar der

dus grwa'i skad 'dra ba rnams 'ongs nas rab gnas kyi dbyangs
chags byas/ de nas chab zhugs sogs la phyin/ dgu pa'i tshes nang
rgya yag sgar ba'i chos mdzod 'ongs nas/ ^skyabs rje rgya yag
rin po che'i yang srid

'khrul bral ston dgos tshul nan che bar/ phran la de lta bu'i
rigs zhu rgyu'i rngo mi thogs mod/ 'on kyang 'jam mgon bla mar
gsol brtse gcig tu btab ste brtag pa rim zhus byed ces mol/ dgun
gyi ring bgyi pa

gnas sel du 'tsho bzhin gnas so/ /smras pa/ sngon byon mkhas grub
gor ma'i gdan sa 'dir/ /'jam mgon thugs bcud bdud las rnam rgyal
gyi/ /ras bris brten pa'i sgrub mchod khungs ldan gang/ /

dad brtson rnam dpyod dbang po'i rten du bsgrubs/ /sngon rabs
gong ma rnams kyi lhag bsam mthus/ /dam pa'i chos kyi sgra
dbyangs brgyud mar sgrog /mkhas grub mang po 'du zhing bsti pa'i
gnas/ /'og min zhing

@350b des la phebs 'dra snyam/ /zhes pa ni bar skabs kyi tshigs
su bcad pa'o/ /don grub ces pa sa lug lo'i gnam lo gsar tshes kyi
dga' ston bzhad pa'i dus ston sogs sngar lam bzhin rgyas par
bstar nas phyogs

'dus kyi mgron tshogs rnams dga' ba'i yo lang 'dus bzhin gnas/
sne'u lung mkhan chen bsam gling du phebs par/ sems bskyed mchod
pa phyag len 'bring po ltar phul/ zla ba gnyis pa'i nang sku
'bum du 'ongs nas

grong chog zhig la yang phyin/ de nas re 'dod can rnams kyi 'dod
chos sna tshogs skabs skabs su phul/ bzhi ba'i nang bsgrub bya
rnams rang mkho dang mthun par thar pa'i sa la 'god 'khul byas/
drug pa'i nang 'char can gyi 'khrungs

skar brtan bzhugs sogs byas/ dus grwar hor zla bdun pa'i tshes
bzang por rab gnas 'bring po'i phyag len gyi rgyun tshugs/
bsgrigs cha'i rdzas tho sbyin sreg gi rdzas cha sogs gsal bar
bkod pa'i yig 'jog

sogs kyang bzhag /de rjes bgyi ba rim sel du gnas/ dgu pa'i tshes
gcig la skyabs mgon gser tog rin po che'i mchog sprul ngos 'dzin
dgos tshul sgar ba'i chos mdzod chos rje ngag dbang rgya mtsho
dang sku gong ma'i sku tsha

chos rje byang chub sbyin pa gtso ba'i gser tog dgon pa'i grwa
rgan rnams dang ho sho'i sE 'od thun mong nas dngos skyes gya
nom pa dang bcas/ gong sa'i yang srid 'khrul bral ston dgos tshul
nan che bar/ phran nas de rigs kha
@351a @#/ /mtshon gcod rgyu rngo mi thogs kyang/ dkon mchog rin po
che la gsol btab kyis brtag pa re byed ces zhus/ de rjes rim
bzhin zhabs brtan gnad smin bsgrubs pa'i mthu las ngos

'dzin zhig byed 'khul byas/ zla ba bcu gcig ba'i tshes nang chu
bzang du phyin/ tshes lnga gza' skar phun sum tshogs pa'i nyin
snga dro nyi shar skabs/ chu bzang jo bo chen po'i mdun du/ chu
bzang ho thog thu'i mchog sprul

rin po che la tshigs snga ma dge bsnyen dang bar ma rab byung gi
tshul khrims rnam par dag pa phul/ chu bzang rin po dang phran
gnyis bzhugs khri mnyam pa'i steng du gnas par/ phyogs 'dus kyi
mgron chen mtha' dag la ston

chen phul/ phyi nyin gzims chung nang mchog sprul rin po che la
chos spyod zhal 'don skor gyi ljags lung phul/ de nas brag dmar
ri khrod du 'ong/ stag 'tsher rin po che dgongs pa chos dbyings
su gshegs pa'i tshul

bstan pas zhugs 'bul du 'ong dgos zhes nan che stabs sku 'bum du
'ongs nas zhugs 'bul zhu/ skabs der phyir ri khrod du 'gro bsam
yang sbyin bdag wang 'ong rgyur thos bsam song bar gnas/ zla ba
bcu

gnyis pa'i tshes bcu la bde mchog dus bzang dang bskang gso sogs
grub 'phral bya ma rta 'byor/ byams bsod dang byang chub gnyis
sogs rim bzhin bsu mar phyin/ tshes bcu bdun la mi dbang tA wang
chen mo

@351b 'dir slebs pas dngos 'phrad byas/ mgron 'khor rnams la
yang dngos 'phrad byas/ nyin gcig gnyis nas mi dbang chen mo sku
ldem tshul byas par/ zhabs brtan sogs cung zad bsgrubs/ dge 'dun
mang la dngul

sgor sogs kyi sku 'gyed mang ja bcas bsnyen bkur zhus pas 'phral
du dwangs/ skyes chen dam pa rnams la mjal kha sogs zhu/ de nas
dgu gtor chen mo rnams la gzigs rtogs sogs mdzad/ 'di dag ni lo
gcig

gi khongs su bsdus pa'i rim pa'o/ /smras pa/ lo 'di'i gro bzhin
zla ba'i nang/ /rigs ldan blo gling dus grwa ru/ /dpal ldan
'jigs mdzad rdo rje yi/ /rab gnas 'bring po'i phyag len btsugs/
/de nas dbang

zla'i tshes bzang por/ /gser tog dgon grong thun mong nas/ /yab
rje skyabs mgon ho thog thu/ /gser tog chos kyi rgyal po yi/
/yang srid 'khrul bral dgos tshul phebs/ /bdag 'dra'i rmongs
brtul mthar thug gis/ /

kha mtshon gcod par ga la nus/ /yang yang bka' nan che ba'i
stabs/ /'jam mgon chos kyi rgyal po yi/ /thugs rje bskul te
brtag babs rim/ /gsal bar byas te snyan sgron zhus/ /'jam mgon
bstan pa'i nyin byed

mchog /chu bzang mchog gi sprul sku la/ /mgo zla'i tshes la chu
bzang gi /jo bo'i spyan sngar rab byung dang/ /dge tshul sdom pa
legs phul nas/ /thub bstan snying po gser gyi khrir/ /mnga' gsol
dge mtshan 'di rmad

@352a @#/ /byung/ /tshogs 'don chos spyod rim pa yi/ /ljags lung
'ga' yang 'dzul bar byas/ /de nas phyir 'khor ri khrod du/
/'ongs nas bsdad pa'i skabs zhig la/ /zla de'i nyer lngar mkhan
chen mchog /

stag 'tsher dgongs pa chos dbyings thim/ /bla brang rang nas 'bod
mi slebs/ /tshes la rang dgon 'ongs nas su/ /sku gdung sbyang
chog shes tshod kyis/ /'bul ba'i ngal ba dag kyang byas/ /zhes pa
ni bar skabs kyi tshigs su

bcad pa'o/ /drag po zhes pa lcags sprel lo'i gnam lo gsar tshes
kyi lang tsho mchog tu dar ba'i dga' ston phun sum tshogs pa'i yo
lang 'khrigs pa'i dus ston dang 'brel bar spyi sgos spyi dang
khyad par mi dbang chen po tA wang

sogs kyis rten 'brel phun sum tshogs pa'i dga' ston mngon du
byas/ spyi sgos kyi 'char can rnams sngon srol bzhin bstar/ tshes
grangs phun sum tshogs pa'i nyin bla mchod mkha' 'gro'i bsu bzlog
tshogs mchod dang 'brel

ba'i sgo nas tA wang chen pos brtan bzhugs rgyas pa phul te
drug cu'i spa yer byas/ tA wang yum sras tshang la yang drug
cu'i spa yer brten 'brel bsgrigs/ wang blon 'khor bcas la rgya
ston sogs phul/

tshes gangs bzang por wang gi thugs 'dod ltar tshe dbang yang
phul/ lo gcig gi lha gsol chen mo sngar lam bzhin 'grub/ skabs
der wang gi mar phebs rgyu'i rkyen sel rim gro yang gnad smin
byas/

@352b wang la phran gyi li ting sum brgya phul/ mar phebs skabs
phebs rdzongs sogs rgyas par bstar/ gzhung tshogs 'dus lhan bcas
nas 'dus tshogs yongs la dus 'khor dbang chen gyi snyan gsan
byung/

re zhig 'bul mi thub kyang rim gyis phul chog ces zhus/ zla ba
gnyis pa'i nang ri khrod brag dmar du phyin/ chu bzang ho thog
thu rin po che brag dmar du phebs nas dpa' bo gcig pa'i dbang
chen dang skyabs 'gro'i

khrid sogs phul/ hor zla gsum pa'i nang/ skyabs mgon gser tog
rin po che'i yang srid mchog sprul rin po cher dge bsnyen gtsug
phud rab byung sogs 'bul dgos tshul gsungs ba ltar/ 'di nas bcu

so'i nang du phyin/ lo rgyal hor tshang du zhag sdod byas/ der
btsan khang sogs la mchod mjal dang 'phrin bcol zhus/ phyi nyin
ra mo the tser ja thab rgyas par gnang/ de nas bsod nams bla mas
dbus mdzad pa'i dge

'dun mang mas ser sbreng dang bcas gser tog dgon pa'i bla brang
chen mor yang srid rin po cher mjal te bde bar gnas/ dgon pa'i
'du khang sogs la mchod mjal zhus/ zhag shas ngal bso ste tshes
bco lnga'i nyin/

dge bsnyen dang gtsug phud rab byung phul/ grub rgyal lugs kyi
tshe dbang dang dga' ldan lha brgya ma sogs chos tshan 'ga'i lung
phul/ rten 'byung mtshon byed du dngos 'bul phran tshogs kyang
phul/ tshur gsol ras rgya

@353a @#/ /cher bstsal/ de nas phyir lam yang lo rgyal hor tshang
brgyud nas mdo ba'i chu khar zhag sdod byas/ phyi nyin sku 'bum
du 'byor/ dka' chen mchog sprul rin po che gdul bya'i mgon du
byon

pa skal dman slob bu rnams kyi bsod nams kyi ra bar ma 'chun pas
zhing gzhan du gshegs pa de'i sku gdung rin po che 'dir 'byor
bas/ zhugs 'bul byed dgos par mol ba ltar/ nag zla'i tshes bzang
por/

bdag 'jug sngon du 'gro ba'i sbyang chog phyag len mthong brgyud
ltar 'bul 'khul byas/ de'i phyi nyin ka ring dge slong dkon
mchog 'byor/ der dge slong la zhal bka' bcu bdun sogs kyi rjes
gnang dang/ sman gyi

rgyud bzhi sogs kyi lung byas/ yang re 'dod can rnams kyi 'dod
chos sogs bton/ gnyan khrod pa rnams la bskor lam phyi rol dbang
zhig thengs 'ga' btang/ bzhi pa'i tshes gsum nyin/ gzhung tshogs
'dus

nas gser srang bcu bdun ljid ldan gyi gser rkong spus legs gcig
dang/ de bzhin rgya yag sgar ba nas kyang gser srang bcu bdun
ljid ldan gyi gser rkong spus legs gcig dang/ dar han chos rje
byams pa

bstan dar nas gser srang lnga bcu'i gser rkong spus legs gcig
dang gtong rtsa gser srang bcu bcas 'bul skabs/ phran la gong
smon rnams kyis thog ma'i zhal phye dang smon 'debs gnad smin
dgos tshul gsungs

@353b pa ltar/ sems bskyed yan lag bdun pa sngon du 'gro ba'i
sgo nas smon lam bzang po 'debs 'khul tsam byas/ bzhi ba'i tshes
nang bsam gling du dkon mchog dge slong dang nged cag mnyam du
phyin/ der dkon mchog

dge slong la paN chen dpal ldan ye shes dang/ paN chen bstan
pa'i nyi ma'i gsung 'bum dus 'khor 'grel chen sogs kyi lung
phul/ skabs der a lags kho tshe tshang la yang gser chos bcu gsum
gyi rjes

gnang sogs phul/ de nas zla ba drug pa'i tshes nang/ sku 'bum
dpal ldan smad rgyud grwa tshang gi dge 'dun mang la gsang bde
'jigs gsum gyi dbang rnams yongs rdzogs dang sngags phyogs cho
ga'i lung dang bcas

phul/ dbang brgyud kha skong rnams kyang phul/ grwa tshang nas
bsam gling la rkyen sel bzlog chen zhig kyang gnang/ bdun pa'i
nang ri khrod bsam gling gi sgrub mchod dang sbyin sreg sogs
kyang byas/ zhwa dmar mchog

sprul rin po ches rde'u tshar gdan sa bkod skabs mjal khar yang
phyin/ rgyal tshab rin po che dang rde'u tsha'i chos rje'i nang du
jal du phyin/ phyir 'ong ste sku 'bum nas 'ongs pa'i dus 'khor
bla ma ca rod zhabs drung sogs

bstan pa dar rgyas rnams la mkha' spyod ma'i byin rlabs dang
khrid yongs rdzogs byas/ zla ba dgu pa'i nang bzang skor sman pa
bla zur dang bla brang dge bshes sogs la man ngag rnam gsum gyi
lung khrid sogs byas/

@354a @#/ /snga mchod thog ri khrod grong rigs dgon rnams la tshe
dbang zhig bton/ sku mched rin po che'i yang srid der byon nas
mjal 'phrad byas/ de nas ma Ni sogs bgrang bzhin gnas/ smad
phyogs

kyi 'grul ba sogs 'byor nas sbyin bdag rnams kyi yig rigs mang
po sogs 'byor/ de ltar lo gcig gi za zi'i 'du long rnams rdzogs
so/ /smras pa/ dang ldan sa skyong mi dbang che/ /dbang phyogs

khams kyi rgyal po yang/ /'jam mgon bstan pa'i zhabs stegs su/
/dad gus lhag bsam gyis bskul te/ /dbang med gdan sar legs 'byor
nas/ /rtse gcig gus mchod lhur len byas/ /phran

bu ring 'tsho'i rten 'byung sogs/ /ngo mtshar 'byams klas nyer
btegs nas/ /brgyud 'dzin kun la smon lam 'debs/ /skabs der
gzhung sa mchog nas kyang/ /'dus tshogs yongs la shrI kA la/
/tsakra

a b+hi She nytsa'i chu/ /rgyun bzang nyams med khyon yangs po/
/stsol zhes yang yang nan tan zhu/ /de ltar legs so zhes khas
blangs/ /'on kyang rang gi dam sdom rnams/ /gso phyir bsnyen
bsgrub byed dgos

pas/ /sngon du bsnyen pa byas nas ni/ /de nas rim bzhin 'bul bar
'tshal/ /dbo zla'i tshes nang chu bzang nas/ /ho thog thu dang
khri ba bcas/ /phebs par bdud las rnam rgyal gyi/ /dbang chen
phyag len

@354b bzhin du phul/ /skyabs khrid la sogs 'ga' re byas/ /nag
zla'i tshes nang hor tshang brgyud/ /gser tog chos kyi dga' tshal
du/ /gong ma'i yang srid mchog la ni/ /gtsug phud rab byung tshe
dbang sogs/ /'dod

chos zang zing dang bcas phul/ /de nas phyir btegs skyel thung
sogs/ /mdzad cing rim bzhin hor tshang brgyud/ /mdo ba'i chu khar
zhag sdod byas/ /phyi nyin rang dgon gnas su slebs/ /mi ring
zhig nas dka' chen

mchog /sku gdung rin chen sbyang chog byas/ /drin can bla ma
mchog de yis/ /nye gnas mngags nas chos rgyun blangs/ /dbang
dang rjes gnang 'ga' re byas/ /de nas rang yul 'gro skabs su/
/gzhung gi gser rkong

rnam gsum la/ /smon 'debs zhal shes la sogs pa/ /bka' bzhin
bsgrub par bdag byas so/ /ri khrod rang du gnas nas ni/ /gsung
'bum 'dod chos thugs mkho sogs/ /rang la gang yod sprugs nas

phul/ /drug par rang dgon rgyud smad kyi/ /bla grwa 'khor bcas
phebs pa la/ /bde gsang 'jigs gsum la sogs pa'i/ /dbang chen
'don chos rim pa yi/ /ljags lung phyur bur bkang te phul/ /ri
khrod dbang

po kho tshe la/ /thugs bzhed gser chos rnams kyang phul/ /bdun
pa'i sgrub mchod la yang tshogs/ /skyabs rje zhwa dmar mchog
sprul che/ /rde'u tshar gdan sa bkod la'ang mjal/ /dad ldan 'ga'
la mkha' spyod dang/ /

@355a @#/ /man ngag rnam gsum la sogs byas/ /rnam mang 'gro ba'i
nyer 'tsho ru/ /kun gyi byed po yin skad kyis/ /rnam dag dbang
mchog lung rgyun sogs/ /kun la chos ston byed do lo/ /zhes

pa ni bar skabs kyi tshigs su bcad pa'o/ /blo ngan zhes pa lcags
bya lo'i gnam lo gsar bzhad kyi dga' ston la ? chos bzhin rgyas
par bstar/ zla ba gnyis pa'i nyi shu'i nyin/ dus kyi 'khor lo'i
bsnyen pa

sogs slar yang bsnyen sogs dag par byas 'khul gyi tshul du bsnyen
pa tshar gcig byas/ skabs der dus gzar sogs cung zad yod phyir
nags khrod du cung zad gab ste bsdad/ tshogs 'dus nas kyang dbang
chen

gyi rting bskul yang yang byung bar/ lnga pa'i tshes gcig la tshon
dkyil 'khor bzhengs rgyu'i bkod khyab sogs byas/ de nas dkyil
'khor bzhengs rgyu'i bkod khyab sogs byas/ de nas lnga pa'i tshes
bcu

bzhi la/ gdan sa'i bstan 'dzin gyi skyes bu dam pa rnams dang
phyogs 'dus kyi bla sprul khag dang gnyug mar gnas pa'i dge 'dun
rnams dang phyogs 'dus kyi ser skya stong phrag lnga lhag tsam
la/ dpal dus

kyi 'khor lo'i sta gon/ de nas byis pa ltar 'jug pa'i dbang
bdun/ dbang gong ma/ gong chen bzhi/ rdo rje slob dpon bdag po
chen po'i dbang bcas nyin bzhi'i ring la rdzogs par phul/ shing
stan la dge slong

@355b rdo rje 'dzin pa sku 'bum mkhan chen mi nyag rin po che/
dge tshul rdo rje 'dzin pa an 'ja' su mchog sprul rin po che/
khyim pa rdo rje 'dzin pa mtsho sngon pA ron ja sag bcas bkod/
mjug tu shamb+ha la'i smon lam gyi

lung bcas phul par gzhungs mchog nas phran la maNDal rten gsum/
rje yab sras gsum gyi gsung 'bum/ phran la bong ba gser gzigs
kyi tshul du bka' shog /khang pa'i yang thog tu gser zangs kyi
gnydzir/

sgar skal 'phar gnyis/ rgya srang lnga bcu'i rta rmig ma/ dong
tshe khyon brgya thams pa bcas gsol ras tshad med pa bstsal/ bla
steng 'og gsum dang tsho drug rgan pa bcas la kha btags ches legs
rtser son re g.yogs/

phyi nyin dgon gsar sprul pa'i sku nas zhus pa ltar de'i cha lag
rdo rje shugs kyi rjes gnang bstan 'dzin dam pa che long tsam
dang dge 'dun rnams la phul/ de nas dgon lung gi mnga' zhabs bde
chen rab rgyas gling gi

dge 'dun rnams la mgon po zhal bka' bcu bdun gyi rjes gnang
phul/ ri khrod pa don grub rgya mtsho sogs la paN chen blo bzang
ye shes kyi gsung 'bum gyi ljags lung phul/ gzhan yang chos 'dod
can rnams kyi

'dod pa'ang bskangs/ drug pa'i tshes bzhi sba yer nyin skabs rje
gser tog mchog sprul rin po che dang chos mdzod bcas nas dngul
gyi maNDal bcas btegs nas phran gyi 'khor bar spyod tshul gyi yig
nyog re dgos
@356a @#/ /tshul gsung nan che bar brten/ dgos pa chung yang thugs
'dod bskang ched 'bul chog zhus/ de mtshungs bya khyud mdo pa pe
zi tshang nas bzhugs gdan rgyab snyel byin nas rang 'khor bar

spyod tshul yig nyog zhig dgos tshul gsung bar re zhig khas blangs
tsam byas/ yang de'i rjes su skyabs mgon gser tog chos kyi rgyal
po'i 'khrungs rabs rnam thar yang spel dgos tshul sogs gsung nan
lci

bas phran la de lta bu zhu rgyu rngo mi thogs kyang bka' ma bcag
tsam 'chi tshe bar spel e thub ces zhus/ zla ba bdun pa'i tshes
nang las byed byang chub sogs snga sor gzhung sa nas 'grigs
khrims dang 'gal bas phyir

dam phud byas pa mang rabs yod pa'i nang nas dge bskos rnying
ba'i ring re gnyis phyir chud pas da res ngo chen re zhus na
chud dam snyam nas gser tog phyag mdzod sogs la ngo chen bskul
bar/ bla ma grwa tshang nas brtse

gzigs kyis slar chud par gnang/ de nas mi ring bar brag dmar du
phyin nas chos 'dod can rnams kyi re 'dod bskang bzhin gnas/
skabs der dgu pa'i nyer gnyis la skyabs rje gser tog rin po
che'i rnam thar dang

rang gi yig nyog sogs kyi 'go brtsams/ de nas rim bzhin bgyi
'khul du gnas/ bcu gnyis pa'i nang smad phyogs nas rnam rgyal
dar han thu sa lag chi sogs 'byor bar dngos 'phrad byas/ de ltar
lo gcig

@356b gi rim pa rag rim rdzogs so/ /smras pa/ dpon par bsnyen
bsgrub legs bsdams nas/ /bsnyen pa bsgrubs rjes dpa' ston byas/
/de nas snron zla'i tshes bzang por/ /dkar phyogs gza' tshes

dge ba'i nyin/ /dpal ldan dam pa dang po'i sangs rgyas kyi/
/smin byed dbang gi chu bo'i rgyun bzang po/ /sngon byon mkhas
dang grub pa'i phyag srol ltar/ /rmongs pa'i dri mas ma spags
'khul du phul/ /

de lta na yang nyes tshogs kyi/ /rgyun ring goms pa'i mthu nyid
las/ /bsags pa'i nongs tshogs gang mchis pa/ /de kun mkhas pa'i
spyan sngar 'chags/ /de las 'ongs pa'i dkar ba'i cha/ /ji snyed
mchis

kun skye kun tu/ /sa lam bgrod pa mthar phyin nas/ /bcu gsum rdo
rje'i sa thob shog /ces pa ni bar skabs kyi tshigs su bcad pa'o/
/rnga chen zhes pa chu khyi lo'i gnam lo gsar tshes kyi dga' ston
rten 'brel

gyi sgo 'phar yangs por phye/ sku 'bum mkhan rin po che gtso
ba'i bla spyi sogs phyogs 'dus kyi mgron tshogs rnams kyi yo lang
byas/ dar han thu sa lag chi nas lo gsar gyi mjal kha dang tshe
dbang zhus pa ltar phul/

dngos shugs ci rigs pa'i nyer len gyis gso btab nas gsung 'bum
par du 'khod rgyu'i rgyu mtshan mol byung ba ltar dang du blangs/
phran la gser zangs kyi tog sogs ster rgyu'i rgyu mtshan yang
bshad byung/ lam

@357a @#/ /rdzong ster cha sogs gzab par byas/ de nas phyir log
go /skabs der sne'u lung mkhan chen phebs te nyid kyis bskul ma
mdzad pa bzhin rig byed ma'i tshes brgyad mchod pa'i cho

ga 'phro can zhig gi bklags lung dang brgyad stong pa'i lung
dang sgrol ma'i dngos grub len chog nged nas bsgrigs pa zhig gi
lung sogs phul/ de nas rnam thar gyi 'phro rnams bskyangs bzhin
gnas/

skyabs rje zhwa dmar rdo rje 'chang gi sku tsha sbyin pa la cha
lag bco brgyad kyi lung bklags/ skabs der re ba skong nas a rol
rdo rje 'chang nas phyag yig 'byor bar sa zla'i nang du sku 'bum
du chibs bsgyur gnang

rgyur gsung/ khri kha nas a lags kho tshe phebs byung bar rgyun
ring tsam bzhugs/ chos rgyun yang 'ga' re phul/ sa zla'i nang
nged cag snga phyir sku 'bum du 'byor/ zhag shas la a rol rin
po che phebs

par phran cag rnams or tu su sgar ba g.yar te bzhugs mal
mdzad/ dngos mjal thog ki rti'i gsung 'bum dang lcang lung khri
rgan gyi gsung 'thor 'ga' gnang/ de nas mi ring bar chos rgyun
re 'bul dgos

tshul gyi bka' nan che bar brten/ tshes bzang por dka' chen gsung
'bum gyi dpu tshugs/ tshes bcu bzhi bco lnga'i nyin bsnyen rdzogs
rab byung rnams bsgrub/ de nas mu 'thud de chag med du phul/
gzhan

@357b yang rgyal dbang gsung 'thor bu sogs gsung 'bum re 'ga'
phul/ stag phu gsang ba bcu gsum gyi rjes gnang sogs kyang phul/
'jigs chung dmar po'i biSha'i dbang nyid kyi rdzas bsnams te
phebs

'dug par lan gnyis su 'bul bar byas/ skyabs rje nyid las phran
rje thar shul rin po'i gsung 'bum dang rje gong ma'i gsung 'bum
gyi 'phro dang zhwa dmar rdo rje 'chang gi gsung 'bum/ rje grub
khang rdo rje 'chang gi

gsung 'bum/ khya dge dpon slob rin po che'i gsung 'bum sogs
dang/ lcang lung khri rgan tshang gi gsung 'ga' rje nyid kyi bka'
rtsom dpag bsam snye ma sogs zhus/ de ltar bka' chos sogs kyi
rim pa rnams grub

nas rje nyid phyag btegs/ de bar re 'dod can rnams la chos bka'
rjes gnang ci rigs pa phul/ sman pa dge bskos smon rgyam thog
/rab gsal du gung tshig /mchod khang so sor rab gnas rta thog ma
byas/ de nas

mi ring bar rang yul du phyin nas cung zad chags/ don gnyer ba
'ga' la sind+hu ra'i dkyil 'khor du rje btsun ma'i byin rlabs
kyis yongs su smin par byas te bskyed rdzogs kyi khrid/ chos
nyid dngos ston gyi rjes gnang

sogs phul/ de nas rnam thar gyi 'phro sogs rim bzhin bskyangs/
lnga mchod nang grong rigs dgon la grub rgyal tshe dbang dang ma
Ni dmigs brtse ma sogs kyi bklags lung/ lnga mchod rjes su
sngags 'chang

@#*@# [missing page 158 a and b] @#*@#

@359a @#/ /ra yang yod skad thos pas yod na gzungs 'jug sogs phul
te gza' skar phun sum tshogs pa'i nyin tshogs yongs la rab gnas
zhu nas mchod rol dang bcas bla ma tshogs 'dus

nas gdan drangs te 'bul rgyu yin zer/ de don bzhin yongs zhus/
de nas ganydzi ra gzungs 'jug sogs phul te bzhag par/ gza' skar
tshes grangs phun sum tshogs pa'i snga nyin tshogs 'dus nas ganydzi

ra mar zhu/ phyi nyin mang jar dge 'dun mang nas rab gnas gnang/
tshogs grol nas mkhan rin po ches dbus mdzad bla ma tshogs 'dus
nas mchod rol dang bcas ganydzi ra gdan 'dren nas 'ongs pa e
waM dga'

'khyil gling gi yang thog tu brtan por btsugs/ de nas tshogs pa
rnams kyis shis brjod byas nas shing tog gtor/ nged ni khri khar
'khod pa dang mkhan rin po ches dbus mdzad bla ma tshogs 'dus
thams cad kyis

sba yer gnang/ bla ma tshogs 'dus thams cad la gsol ja bzhes
'bras sogs phul/ sku zhabs a kyA rin po che dang sku zhabs
gser tog rin po che rnam gnyis dbus mdzad skyes sprul dam pa
rnams dang

dge 'dun bgres gzhon par gsum dang phyogs 'dus kyi mgron tshogs
rnams nas dga' dar ster mi ches mang ba phebs pa rnams la shing
thog 'khur ba sogs phul lo/ /de nas mi ring bar rang yul du

@359b theg /mtshams mtshams su rnam thar dang bka' chos spel mar
gyi nang dang mtshams su ci bder ngal bso ba sogs kyi ngang la
zla zad lo zad du 'gyur ro/ /smras pa/ sngon tshe sa chen dbus
gtsang du/ /dka'

spyod ? 'jug ? rus la brten nas/ /phyogs dang phyogs mtshams
mtha' dag nas/ /theg mchog dam pa'i chos rgyun rnams/ /legs par
mnos shing rang phyogs su'ang/ /chos rgyun 'gangs chen nub la
khad/ /

nyams pa sor chud spel ba'i slad/ /snying rus bskyed de legs
bstsal pa'i/ /cha shas tsam zhig dad rten du/ /thob pa gang de
don dang ldan/ /da lta gzhan las gal chung du/ /chos la byed
pa'i dus ngan

'dir/ /nyams chung chos spyod gzugs brnyan la/ /spyod pa'i skal
ba a re zhan/ /zhes pa ni bsdus pa'i tshigs su bcad pa'o/ /mig
dmar zhes pa shing byi lo'i gnam lo gsar bzhad kyi dga' ston

ring 'tsho'i rten 'brel sogs legs par bsgrigs/ tshes gtor sogs
kyang sngar rgyun bzhin btang/ gnyug mar gnas pa dang phyogs
'dus rnams sprin bzhin 'dus/ dga' ba'i gar gyis brel/ dge ba'i

rtags mtshan mngon du gyur/ sngar med pa'i yid la dga' ba re kun
la skye bar mngon no/ /zla ba gsum pa'i nang du sku 'bum du
'ongs te mchod mjal dang mjal kha sogs sngar bzhin zhus/ skyabs
rje a rol rin

@360a @#/ /po che chibs bsgyur gnang/ sa ga zla ba'i tshes gcig
nas brtsams te skyabs rje a rol rin po che sogs la/ gu ge yongs
'dzin gdong drug grub pa'i rdo rje'i gsung 'bum/ dbyangs can

grub pa'i rdo rje'i gsung 'bum/ stag phu'i gsung nang ma bka'
rgya ma sogs kyi ljags lung dang/ sman pa grwa tshang nas lo snga
mar snyan gsan 'bul ba las sman pa grwa khang du kun rig gi
dbang dang chos bka'i

rim pa rnams legs par phul btab zin no/ /grwa tshang nas phran la
skyabs mgon gser tog rin po che'i gsung 'bum cha tshang gnang/
dus chen gsum 'dzoms nyin/ gser tog sgar bar bla brang chen

mo'i nang du/ dad pa'i dge 'dun grangs tshang ba'i dbus su mchog
sprul rin po che la/ thog mar dge bsnyen gyi sdom pa bar ma rab
byung gi tshul khrims/ tshigs snga ma dge tshul gyi sdom pa bcas
phul nas

brje ba gsum gyi nang tshan blo bzang 'jam dpal bstan 'dzin rgya
mtsho zhes mtshan gsol lo/ /phran la gnang skyes gya nom pa
bstsal/ skabs der ri khrod dbang po a lags kho tshe tshang byon
par zur bka' brgya

rtsa'i rjes gnang dgos tshul gsung ba ltar lnga pa'i tshes nyer
drug nas zur bka'i brgya rtsa'i rjes gnang rnam 'joms pa'i skor
ma gtogs cha tshang phul/ dmigs brtse ma'i chos 'khor gyi lung
yang phul/ ma

@360b Ni bla mas zhus ngor/ ma Ni bka' 'bum gyi lung/ gzhan yang
don gnyer can rnams la chos spyod sku 'bum par ma'i steng nas
lung dang chos bka' ci rigs mang rabs phul/ de nas zla ba drug
pa'i tshes bco lnga'i nyin

san khron chin kya bla mas snga lo nas gser gyi ral gri chung
ngu bcas phul te yang yang zhus ngor/ ^rgyal ba'i bka' rin po
che'i dbu tshugs/ skabs der nub phyogs bde ldan zhing gi mgon po
mkha' mnyam 'gro

ba'i nyer 'tshor zhing 'di'i lan gru zhing sar chibs zhal bsgyur
bar sku 'bum gyi bla spyi bstan 'dzin dam pa rnams phebs bsur
mjal bar byon/ de nas rim bzhin chos thun thung du re byed
skabs/ dbyar gnas yon

bdag gis nangs snga bar mi tshugs pa'i bka' drin dang dge 'dun
rnams mang ja re bzhes thub pa'i bka' drin re skyong dgos tshul
zer/ de nas rjes ma grol 'phral tshogs rgyu dang chos grwa tshogs
skabs grol rgyu byas nas

zla gcig 'gro skabs pot bco lnga tsam bklags/ mtshams der gong sa
mchog nas bka' rgya phebs par/ dgongs don la/ phran la sku tshe
tshe sgrub 'phral sgrub byas te 'bul mi dngos bskyod dgos tshul
phebs pa

bzhin/ de nyin mtshams bzhag ste tshe sgrub kyi dbu tshugs/ bdun
phrag gcig gi mthar 'od zhu byas nas de 'phral lam du thon/ rim
bskyod kyis zhag drug gi nang gong sa mchog gi sku mdun du
'byor/ mgron brgyud
@361a @#/ /kyi nang brda phul bar de 'phral sku mdun du shog ces
bstsal pa ltar mdun bcar zhus skabs tshe bum dang yang Di'i tshe
lha sgam rang bsgrigs/ gos chen ldeb ri/ rgya rdo gcig /cin hu'i

shangs ru shub ldan bcas phul/ de nas 'tsher gshag sgrol ma lha
khang du phyin nas bag phebs par gnas/ mtshams mtshams su sku mdun
du bcar/ gong sa mchog nas phran la zar babs rgya se ra

kha do bcas gsol ras bstsal/ phran gyi bzhon rta spyan zhur
khrid chog ces phebs pa ltar spyan lam du bstar bar/ de'i rin
babs ji ltar dgos tshul ces phebs/ rin babs zhu mi dgos gong sa
mchog

la phul ba yin/ phyi mar skyabs 'jug thugs rje gzigs zhes zhus/
rang 'tsher gshag tu 'ongs par/ chibs chen gras nas chibs sngon
po zhig bstsal/ de nas phran la zhabs brtan mang po bsgrub
rgyu'i

bka' phebs par/ phyogs 'dir sa khyon dog cing dgos cha gang ci'i
rigs dkon pas sku 'bum du phyin nas bsgrub chog pa zhus par
gnang/ zhabs brtan bsgrub rten chen mo nas phon chen bstsal/
gong sa

mchog nas/ sku 'bum gser sdong chen mo'i mdun du gser rkong gsar
bzo mdzad gin yod pas khyod kyis gser sdong chen mo'i mdun du
'bul dgos smon lam yag po zhig rgyo ba shig ces phebs/ zhag gcig

@361b gnyis la sgug sdod byas phebs par lags so zhus/ yang nyin
gcig bka' las skyabs rje bde yangs rin po che gong ma'i gsung
gang yod 'bad rtsol gyis bsdus nas par gsar bskrun zhig cis
kyang dgos tshul

dang theb rtsa rgya srang brgya phrag gcig gsol ras gnang bas de
bzhin du bgyi'o zhes zhu/ zhag gcig gnyis la sgug sdod byas par
bzo bos ma grub gshis phran gyi rta gla bsgrigs pa sgug ma nyan
par/ gong sa

mchog la rgyu mtshan zhus te gser tog tshang sogs la bskur gnang
mdzad na phran gyis phul chog ces zhus/ 'gro khar mdun mjal zhus
te skyabs 'jug zhus par/ ^gong sa mchog nas nang mdzod rtser
son/ tshe

sbyin lha mo'i sku bcas bstsal nas 'byung 'gyur gyi bka' lung
mang po bstsal/ de nub char gyi rgyun chen po yang babs/ de nas
phran sngon la theg ste zhag lnga nas phran la chab kyi gnod pa
byung/ lam bar sdug

bsngal bar rim bskyod kyis sku 'bum du 'byor/ 'dir gser tog
tshang rgya yag tshang phebs par gser rkong gnang mi 'dug /sku
mdun spyan gsal khrom kha sbug pa phebs par der yang bstsal mi
snang/ spyan gsal

nas zhabs brtan la/ tshe lha rnam gsum gyi stong mchod 'bul rgyu
yin pas stong mchod gsum khar khyod rang sdod dgos zhes gsungs
par/ de mi yongs zhus/ sku 'bum gdan sa pa dang/ a kyA rin po
che

@362a @#/ /rnam gnyis la stong mchod re re'i dbur bzhugs bcug
/mjug gi stong mchod la phran nas zhabs phyi zhu chog ces bshad/
de bzhin byas par/ mjug gi tshe dpag med kyi stong/

mchod nged kyi skal bar babs 'dug /sang tshugs rgyu'i do nub gser
rkong yug po steng nas 'byor/ sang zhog gser rkong sbyangs te
bar thog tu stong mchod kyi sar gser rkong phul nas smon lam
gang shes

tshad btab/ de nas tshogs chen las sna dang spyan gsal rnams phebs
nas gser rgong spyan zhu byas/ stong mchod grol 'phral tshogs
chen dang sman grwa'i tshogs 'dus la paN chen thams cad mkhyen
pa'i zhabs

brtan tshogs chen la lcam sring bskang ba 'bum gter dang glo bur
las bcol bsgrub rgyu'i dgos cha bcas sprad/ sman pa la lha mo'i
bskang mdos de'i dgos cha gong nas bstsal ba bcas sprad/ rde'u
tsha'i

a lags kha rgya tshang la tshe sgrub bye chen bsgrub rgyu'i dgos
cha dang li ting bdun tshar bcas gong nas bstsal ba sprad/ spyan
gsal khrom kha spug par sku mdun du rgya khyi chung ngu gnyis
bskur 'bul byas/ skabs

der rang bro 'tshal ba sdug du song bas sman dpyad dang rim 'gro
sogs la 'bad pa'i ngang du gnas/ dgu pa'i nyer gnyis nyin gro
tshang rgyud pa mkhan chen gyi sprul skur rab byung phul/ gzhan
yang bsnyen rdzogs

@362b 'ga' yang bsgrubs/ nad snga ma cung drag kyang de rjes nad
gsar ba thebs te thur du song/ rim gro sogs la 'bad 'bungs byas
kyang dwangs bskyed cher ma byung/ zla ba bcu gcig pa'i tshes
'gor gzhung tshogs 'dus

dang gser tog bla brang dang rang sgar bcas nas brtan bzhugs
rgyas pa nang/ mchog gsum thugs rje'i mthu la brten na dga' mo
re e yong zhes bshad/ tshul de la brten nas rang sgar nas dge
'dun mang la bsnyen

bkur mang ja chon re'i sku 'gyed bcas phul bas je dwangs su 'gro
ba'i nyams shar/ skabs der gser tog sgar ba'i chos mdzod nas
khyod la tshe sgrub zhig kho ba nas bsgrub 'dun yod pas lha gang
la brten nas tshe sgrub

zhig bsgrub rgyu'i bkod khyab dgos tshul gsungs par/ rdzong chung
la brten nas tshe sgrub zhig bsgrub na rang gzhan gnyis kar e
phan zhes zhus/ khong nas tshe sgrub rnam dag bsgrubs nas tshe
bsnyen 'khyol mthar sgrub grogs

dang bcas las byang bsrang ste mkha' 'gro'i bsu bzlog mchog
sprul rin po che nyid nas mdzad/ brag ri dam rdor gyi gsung ltar
tshe rta zung 'brel gyi tshe'i gdams pa ltar tshe'i 'brang rgyas
tshe chang tshe ril tshe bum bcas phul te

brtan bzhugs maNDal zhabs brtan bcas phul ba gnang/ mthu ldan
dam tshig gtsang ma'i mthu la brten nas rgan po'i bro 'tshal
ba'ang rim gyis je dwangs je dwangs la song nas grol bar 'gyur
ro/ /smras pa/ dad

@363a @#/ /ldan dad pa'i zhing sa ru/ /theg mchog dam chos bdud
rtsi'i char/ /yongs su babs pas don gnyis kyi/ /'bras bu sku
gsum thob la nye/ /theg mchog gsung gi nyid khu mchog /rab dang

phul dang gya nom pa/ /rgyal bas legs gsungs bka' 'gyur zhes/
/mtshan snyan sa gsum khyab pa de/ /gang gi bklags lung dbu tshugs
nas/ /pu sta ka nas bco lnga'i grangs/ /bklags mtshams bde ldan

zhing mgon gyi/ /bka' yig nor bu phreng ba phebs/ /phran la sku
tshe tshe sgrub zhig /bsgrubs te dngos bskyod dngos mjal thog
/gsung gi nyid khu smin par byas/ /gzhan yang gsung gi gsang ba
dang/ /lung

bstan zhabs brtan bsgrub dgos tshul/ /bka' slob dgos cha la sogs
dang/ /khyad par su warNa yi rkong/ /mchod sdong spyan sngar
legs smon bcas/ /bsgrubs pa'i bka' slob legs par phebs/ /

de nas ring du bro 'tshal te/ /mi bzad sdug bsngal chen pos
gtses/ /mo bon sman dpyad rim gro sogs/ /khyer mkho dang bstun
bsgrubs pas sel/ /zhes pa ni bar skabs kyi tshigs su bcad

pa'o/ /khro bo zhes pa shing glang lo'i gnam lo gsar tshes kyi
dga' ston sngar lam ltar gnas sel du bgyis/ lo gsar nang ban bun
gyi ngang du lus/ smad sog gi yig lan sogs bskur/

@363b bka' chos than thun re yang bton/ zla ba bzhi pa'i nang
bka' 'gyur chen mo'i 'phro bskyangs te drug pa'i tshes bco lnga'i
bar mjug grub te bla mchod tshogs mchod rgyas par phul te grol/
lnga pa'i tshes nang rang sgar du rje btsun

skabs dang po'i mchod rdzas gsar bzhengs la rab gnas byas/ dza
ya'i sman pas zhus ngor/ g.yu thog snying thig gi dbang/ 'chi
med tshe dbang/ sman gyi lha mo'i rjes gnangs/ drang srong ser
skya'i rigs gtad bcas

bskur/ gzhan yang theg chen gso sbyong dang ma Ni bka' 'bum gyi
ljags lung dang chos bka' ci rigs phul/ brgyad pa'i tshes gcig
nyin gser tog sgar bar phyin nas tshom chen du/ mchog sprul rnam
gnyis gtso

ba'i 'dus pa rgya mtshor/ skyabs 'gro'i khrid/ phyi dro 'jigs
byed dpa' bo gcig pa bdud las rnam rgyal gyi sta gon/ tshes gnyis
la dpal rdo rje 'jigs byed chen po'i dkyil 'khor du 'jug nas
dbang bzhi

yongs su rdzogs pa sku bzhi'i sa bon thebs nges su phul/ tshes
gsum nyin yongs 'dzin rdo rje 'chang gi gsung steng nas bla ma'i
rnal 'byor dngos grub kun byung ngam dga' ldan lha brgya mar
grags pa'i khrid/

maNDal gyi khrid/ brag dgon pa'i yig cha'i steng nas rje tshe bum
ma'i tshe dbang bcas phul/ phran la yum dum bu bcu gnyis kyi dpe
bcas gsol ras gya nom pa bstsal/ de'i phyi nyin nas rang yul du
phyin nas ngal

@364a @#/ /ba so/ skabs skabs su rnam thar dang sa bon cung zad
re bris te bde bar gnas so/ /smras pa/ gangs can ljongs su rgyal
dbang sku drin can/ /sngon byon rnams kyi thugs brtun

rab bskyed de/ /bde gshegs rnams kyi bka' 'gyur chen mo zhes/
/grags pa lha yul na yang gtam du gleng/ /rgyal ba'i gsung rab
gang dag nyan pa dang/ /bklags lung spel las byung ba'i dge ba
gang/ /

skye dang skye bar thos bsam sgom gsum la/ /gcig tu brtson pa'i
sgrub pa lhur byed shog /de'i tshe bdud kyi brdzi ba med pa dang/
/'gal rkyen zhi zhing mthun rkyen legs tshang nas/ /ji ltar smon
pa'i don kun 'grub

pa dang/ /rtag tu dam chos 'dzin pa'i rgyur gyur cig /ces pa ni
bar skabs kyi tshigs su bcad pa'o/ /zad pa zhes pa me stag lo'i
gnam lo gsar tshes kyi dga' ba sngon du byas te sngar lam ltar
rten 'brel

phun sum tshogs pa'i sgo 'bar yangs por phyi/ gnyug mar gnas pa
dang phyogs 'dus kyi mgron sogs rnams kyi 'du bkod lang long du
'khrigs bzhin zla gcig 'das so/ /gnyis pa'i tshes 'gor bya khyung

phyogs su phyin par/ dar tshang la zhag sdod byas/ bya khyung
dgon pa'i zin bkwang sogs 'byor/ bya khyung nas sku zhabs bde
yangs tshang gi phebs byams dang btegs mi lnga bcu tsam rnams
'byor/ chu kyA'i

@364b 'gram pa'i nang bya khyung mkhan po gtso ba'i rta bsu mang
po phebs/ shing rlon la rtsar gzhung gi ja thab/ lcags thag kha
skong steng rgyud pa dang sman pa'i ja thab so so gang rgyas/
lab tse'i rtsar bde yangs mchog sprul

rin po che bsu mar phebs/ mtshams tho gdong du mkhan rin po che
dbus mdzad pa'i dge 'dun mang nas ser sbreng brgya brdung bcas
bde yangs bla brang du phyin nas tshogs 'dus rnams la dngos
'phrad sogs byas nas phyir

byon/ de nas bla brang gi ja gral sogs byas nas ci bder ngal
bso/ de'i nyin bla sprul sogs mang po phebs/ phyi nyin gser
sdong chen mo sogs lha khang so sor mchod mjal zhus/ de'i phyi
nyin nyin gcig ngal

bso ste tshogs chen 'du khang dkar mo'i nang bca' shom sogs legs
par 'du byas nas rin 'byung don gsal gyi steng nas jo lugs sgrol
dkar yid bzhin 'khor lo'i rjes gnang thog mar phul/ phyi nyin
nas

rim bzhin rjes gnang bcu phrag tsam rim bzhin phul te zhag bco
lnga'i khongs su 'grub par byas/ mjug tu rje tshe bum ma'i tshe
dbang bcas phul/ dge 'dun mang la mjal kha sogs btang/ chos sde
chen

mor mang 'gyed sogs kyang phul/ de skabs su stong mchod kyang
phul/ a lags pe zi tshang dang a lags rwa sgreng tshang gi gzims
khang du phyin/ a lags pe zi tshang dang sku zhabs bde yangs
tshang la lcam sring

@365a @#/ /be'u bum dang gzhan yang 'dod chos ci rigs phul/ de
nas phyir gsum pa'i tshes 'gor dge 'dun mang ma'i gser sbreng
dang rta bsu khyogs btegs mi dge 'dun lnga bcu lhag tsam

bcas khyogs btegs nas phyir 'khor bar mkhan rin po che dang bde
yangs mchog sprul sogs bla sprul rnams lcags thag kha skong nas
phyir log byas/ rta pa mang po tsha bug 'gram pa nas phyir log
byas/ bde

yangs phyag mdzod kyi yul bar ja zhu byas/ de nas gzhung lam du
zhag sdod byas/ phyi nyin shong shan lha chen du phyin nas mchod
mjal dang brgya mchod phul/ de nas khyogs btegs mi rnams khyogs
bcas

phyir log byas/ kha sha mthil du phyin nas mchod mjal dang yul
lha la 'phrin bcol/ sgo gnyer nas ja zhu byas/ de nas bsam gling
du slebs/ zhag shas ngal bso/ de nas sgrub rgyud bstan pa'i
mnga'

bdag a rol rin po che la sbyong rgyud dkyil 'khor bcu gnyis kyi
dbang zhag drug gi ring la phul/ mi nyag mkhan chen dang bde
yangs rin po che sogs rde'u tsha'i ri khrod pa 'ga' la spungs pa
rnam gsum/

'grel ba bzhi sbrags kyi bshad lung/ gzhan yang 'dod chos ci
rigs pa bcas phul/ de nas lnga pa'i tshes 'gor sku 'bum du 'byor/
mi nyag rin po che gtso ba'i khri gdan zur dang gser tog mchog
sprul rin

@365b po che rgya yag mchog sprul rin po che sogs bla sprul khag
rnams dang gser tog chos rje bcas thams cad kyis mgrin gcig tu
rje yab sras gsum gyi gsung 'bum chos sde 'dir cis kyang bton
dgos tshul nan che zhing/

gzhan bya khyung du bton rgyu'i thag chod mod/ de'i dod 'bul lta
bu da lo zhu zin/ da 'di kar bton chog ces zhus/ slar yang tshogs
'dus rnams kyang phebs nas tshul de ltar du sngar zhu ltar nan
che bas/ des na da lo tshes

bco lnga nas dbu tshugs par byed ces zhus/ tshes bco lnga'i nyin
dbu tshugs par tshogs 'dus kyang chos thun gcig la bzhugs/ de nas
rim gyis nyin 'gar phul bar/ skabs der shing bza' mkhan rin po
che'i ma

yum zhi bar gshegs pas tshogs dbur cis kyang yong dgos zhes bka'
nan che bas bzlog ma nus par tshogs dbus kyi mgon du 'gro 'khul
byas/ de nas phyir 'ongs te mkhan rin po che la mkhan chen rdo
rje 'chang gi

gsung steng nas rje tshe 'dzin ma'i tshe dbang dang dmar khrid bde
lam gyi lung bcas phul/ de rjes gser chos bcu gsum gyi rjes
gnang yongs rdzogs dang sgra mi snyan gyi tshe dbang skyabs rje
shing bza' rin po che dang gser tog mchog

sprul rin po che/ bde yangs mchog sprul rin po che rnam pa gsum
kho na la phul/ de nas zla ba drug pa'i tshes bzhi skyes skar
nyin tshogs chen tshogs 'dus nas maNDal brtan bzhugs bcas gnang/
rang sgar nas kyang
@366a @#/ /ring 'tsho'i rten 'brel bsgrigs/ tshes drug nas gsung
'bum gyi 'phro bskyangs/ bcu gcig la sgo mang spyi khang du rab
gnas byas/ bcu gnyis la mkhan rin po che dang gser tog

mchog sprul rin po che dang lhan du sgo mang 'dzin grwa'i mchod
rdzas gsar bzhengs la rab gnas byas/ tshes bcu gsum nas slar yang
gsung 'bum gyi 'phro bskyangs/ bdun pa'i tshes gcig nyin tsha ba
yang shin

tu che/ phyi dro grol mtshams su 'tshub ma lta bu'i drod rlung
gdong la phog 'phral mig mi gsal bar gyur/ phyi nyin nas chos
thun gcig tshugs par mig rab rib kyi ngang du gnas pas yi ge klog
mi thub par

'dug /de nas chos thun grol/ dge 'dun mang nas zhabs brtan
tshugs/ rje mi nyag mkhan chen dang gser tog mchog sprul rin po
che sogs bstan 'dzin dam pa rnams dang dge ba'i bshes gnyen sogs
chos

nyan dang 'dus pa mtha' dag gis phran gyi mig mi gsal ba'i rkyen
sel du dmigs nas 'du chas bzhengs pa'i mig 'byed spyan ras gzigs
kyi sku rnam pa lnga gsar bzhengs byas te gong gsham legs thang
tog bcas bsgrubs

nas zhabs brtan zhu 'bul dang bcas nged la byin/ zhag shas sman
gyi 'phrod rten byas/ tshes brgyad nyin slar yang chos thun tshugs
par res klog res mi gsal bas lam rim chen mo'i mchod pa spyi
bslab kyi brtson

@366b 'grus rdzogs nas bsam gtan gyi 'gor mtshams bzhag ste smon
lam btab nas mtshams byas so/ /tshes bcu drug gi nyin sgo me chu
tshan la 'gro bar chas nas lam so ma'i sman chu khar zhag sdod
byas/ phyi nyin la brgal

nas sgo me mchod rten rked kyi grwa rkan rnams kyis gra bsgrigs
byas par bsdad/ mchod brten rked kyi grwa rigs bcu lhag rog ram
byas te rig gzhung brgyud nas sgo me tshab chen khar phyin/ de
ka'i bla dpon rnams kyis bsu

ma sogs byas nas chab tshan khar bsdad/ a rig dge bshes chen mos
bzhugs pa'i chab khang nang bkru zhing bsangs bdug sogs yang
yang byas nas steng du rgya yab sogs brgyab nas gur lta bu byas/
de nas dang

por chab la zhugs skabs chab grang mor snang/ bsangs bdug sogs
legs par btang bas rim bzhin tsha mor gyur/ chab de ha cang byin
rlabs che bas ya mtshan zhig snang/ chab tu zhugs pa'i dus

mig mi gsal ba sogs cher mi mngon/ rang sdod sa'i gur du 'ongs
par sngar bzhin mi gsal bar gyur/ nam zhugs de bzhin no/ /skabs
der gsang sngags bde chen dgon pa'i sku tshab sogs phebs

nas gsang sngags bde chen du 'ongs dgos tshul nan che lan gsum
tsam 'ongs pas 'od rgyur byas/ de nas rim bzhin theg ste sgo me
chu nag sde bas rog ram dang bcas la chen brgyab/ gzhung brgyud
nas gsang

@367a @#/ /sngags bde chen du phyin/ bsu ba ser sbreng sogs yo
lang dang bcas 'du khang du phyin te maNDal ja gral sogs byas/
de nas gzims khang du phyin nas bde bar bsdad/ dge 'dun

rnams la 'jigs byed cho ga'i lung bton/ phyi nyin dge 'dun rnams
kyis skyel ma dang bcas sgo me la chen brgyab nas chu chen khar
gsang sngags bde chen pa rnams phyir log /yer rtse'i bsu ma
rnams kyi

'go ba nor bu dgra 'dul sogs der 'byor/ yer rtse thang rgan khug
tu zhag 'ga' spro sang byas/ der ma Ni khang du rab gnas byas/
sde mang la 'pho lung dang ma Ni dmigs brtse ma'i lung/ 'das
gson

rnams kyi bsngo smon byas/ mar dang zho sogs mang po byin/ der
mchod rten rked dgon pa'i bsu ma 'byor/ phyi nyin mchod rten
rked la phyin par dge 'dun mang ma'i ser sbreng mchod rol bcas
mgon kyA sgar

bar bsdad/ brgyad pa'i bco lnga'i nyin mchod rten gsar bzhengs
la rab gnas byas/ phyi nyin mgon kyA dpon po'i nang du phyin/
sde mang la 'pho lung dang bsngo smon sogs byas/ de nas khyud
kyA sde ba'i bsu

ma 'ong/ sne'u gzhung du khyud kyA'i ja thab steng du phyin/ de
nas khyud kyA'i ma Ni khang du phyin te ma Ni dung phyur gsum
la rab gnas byas/ de nas bsam gling du phyin nas bsam gtan sems
la dbang bsgyur rgyal

@367b po ste/ /bzhag na g.yo med ri yi dbang po bzhin/ /btang
na dge ba'i dmigs pa kun la 'jug /ces gsungs pa'i dgongs don
ltar ci bder gnas so/ /dgun thog skyabs mgon shing bza' mkhan
rin po che

chibs bsgyur gnang ste phran la 'jam dpal nag po'i byabs khrus
dang mgon po'i bcad kham nyer gcig drug cu ma gnang/ mgul bsrung
zab mo'i man ngag zhig rje nyid la phul/ de ltar lo gcig gi rim
pa rag rim

tsam zhig brjod zin to/ /smras pa/ shar phyogs rigs pa'i dbang
po zhes grags pa'i/ /gang gi gdan sa rmad byung brag bya khyung/
/chos sde chen po'i gtsug rgyan bde yangs rje/ /gang gi mchog
sprul nyi ma gzhon nu

yi/ /bka' lung ji bzhin ma nus 'phral rkyen gyis/ /dod thub rin
'byung don gsal rtse mo'i grangs/ /byin rlabs rjes gnang ma lus
rdzogs par phul/ /gzhan yang 'dod chos kha skong tshul du byas/
/bya bral

grub pa'i thugs kyi cha rkyen du/ /spungs pa rnam gsum 'grel ba
bzhi sbrags dang/ /gzhan yang 'dod chos lung dang rjes gnang
sogs/ /ma lus thugs kyi dpal be'ur gtams te phul/ /lumba'i tshal
du

'jam mgon bdag nyid che/ /yab sras gsum gyi bka' 'bum lung gi
chos/ /mkhas grub nyi zla skar tshogs bkra ba'i dbus/ /ngo mtshar
bklag lung 'bul la shin tu ring/ /'on kyang spyir ni bstan pa'i

@368a @#/ /bgegs cha dang/ /gnyis su bdag ni bsod nams dman pa'i
stabs/ /yid bsrubs sde bcas kha ni dar rkyen gyis/ /chos bzhin
bsgrub pa'i skal ba ma byung ngo/ /zhes

pa ni bar skabs kyi tshigs su bcad pa'o/ /rab byung rgyal po me
yos lo'i gnam lo gsar tshes kyi rang zhal mngon du gyur ba'i dus
ston sogs sngar bzhin chag med byas 'khul dang/ phan tshun 'gro

'ong gi bya byed las gsum mtha' dag sor bzhag gnas pa'i mur/
tshes bcu gsum la stong 'khor ho thog thu mgron 'khor bcas phebs
par/ mjal 'phrad sogs byas/ nyin gcig sku ngal bso/

tshes bco lnga'i snga char dge bsnyen dang bar ma rab byung gi
tshul khrims tshig snga ma dge tshul gyi sdom pa bcas phul te bstan
pa'i rgyal mtshan bsgreng ngo/ de nyin ma gcig grub rgyal lugs
kyi tshe dbang mgron

'khor rnams la phul/ lung chos phran bu re yang phul/ de'i phyi
nyin phyag btegs so/ /de nas ma Ni bgrang bsogs kyi ngang du zla
gsum gyi ring du gnas/ skyabs mgon shing bza' mkhan rin po che

la ma gcig zhi drag gi dbang khrid lung gsum gdangs dbyangs bcas
phul/ der gsang mtshams zhag bdun dang mjug gi tshogs mchod dang
bcas gnang/ de nas bdud rtsi'i chab tshan la zhag nyer gcig

@368b bsten 'phrod byas/ drug pa'i nang gi 'char can sba yer
sogs byas nas nyin 'ga' ngal bso/ thag ring nas 'ongs pa'i mgron
sogs kyi gnas len dang mo sogs brgyab nas bsdad/ a rol rin po
che

nas tshe dpag gos thang lo snga mar bstsal/ em chi nas thO phi
ling zhes pa'i sman zhig bsten na bzang tshul mol bas zhag nyer
gcig bar du 'du long bcad nas bsten 'khul byas/ lus zungs gso
zhing

'byung lus bde 'khul du byas/ skabs der gdan sa nas tshogs 'dus
zin bkwang sogs slebs te nged cag gi ri khrod sar rgya yis yin
phan gsar rgyag byas par/ dmag mi phar 'gro tshur 'gro sogs kyis

rgyu 'grul mang bas na khyed kyi dge sbyor sogs la bar chad 'gro
nyen che ba'i phyir/ bla ma tshogs 'dus nas nged cag la gdan zhur
song zhes mngags pas cis kyang phar phebs dgos zer/ der ma zad
khyogs

btegs mi lnga bcu skor yang yong nges yin pas nam phebs rgyu'i
zhal lan thugs rje gzigs 'tshal zer/ bcu pa'i tshes bcu'i nyin
yong rgyur gtan khel/ grong rigs dgon thams cad kyis dgun thogs

ri khrod du sdod dgos tshul yang yang mol byung bas/ sku 'bum
tshogs 'dus yong dgos tshul nan che phyir/ da lo dgun thog sdod mi
thub kyang rjes sor yang yang yong chog ces bshad/ tshes bcu'i
nyin snga

@369a @#/ /par phyin te la rtsar khyogs btegs mi rnams dang thug
/khong rnams kyis drangs te la phar brgyab shing sgor rang sgar
gyi ja thab/ de nas chu dkar thang dbang bsdus kyi khyim du ja
zhu

byas nas sku 'bum rang sgar du 'ongs/ bla ma tshogs 'dus kyis ser
sbreng dang mjal kha sogs zhu/ phyi nyin nas mchod mjal dang
gdan sa pa sogs la rim mjal zhus/ thug 'phrad byed mi rnams dang

dngos 'phrad sogs zhag 'ga' byas/ bcu pa'i nyer lnga'i nyin
mkhan chen mi nyag tshang dang/ don gnyer can rnams la ma gcig
zhi drag gi dbang khrid lung gsum gdangs dbyangs bcas rdzogs par
phul/

skyabs mgon shing bza' rin po che gnyan khrod du phebs nye bar
phyag len 'ga' zhig sngar zhu ma grub pa sogs kyang phul/ de nas
shing bza' mkhan rin po ches gnyan khrod du chibs bsgyur gnang/
rang ma Ni bgrang gsog

la zhugs shing gnas so/ /smras pa/ cho 'phrul zla ba'i yar tshes
su/ /stong 'khor manydzu shrI la/ /rnam dag bslab pa'i gzhi la
bkod/ /tshe dpag lha gcig bum gcig gi /tshe yi dbang bskur bklag
lung

sogs/ /mun nag 'doms mjal byas nas phul/ /de nas zla 'gar ne tso
yi/ /ma Ni bgrang ba'i mched zla ru/ /rtsal 'gran byas nas yig
drug bzlas/ /de nas lha rje'i ngag bzhin du/ /bdud rtsi'i 'phrod

@369b bsten 'ga' yang byas/ /drug pa'i sba yer la sogs dang/
/lus po ngal bso byas nas bsdad/ /chu skar shar mtshams lha rje
yi/ /ngag bzhin tor go thO phi ling/ /sman dug sel ba'i sman
yang bsten/ /

de skabs cun min 'phral 'ongs nas/ /ri khrod nye 'dabs dmag sgar
brgyab/ /dmag mi dang po rang re yi/ /ri khrod bltar bcug 'ongs
nas su/ /ja thab gcig sogs btung nas phyin/ dmag dpon khag

nas slan chad du/ /gnas 'dir mi 'ong byas zer nas/ /dmag sgar
gnas su phyin thal lo/ /ring min sku 'bum tshogs 'dus nas/ /phran
la gdan sar 'ong dgos tshul/ /nan che khyogs btegs mi mngags

nas/ /skabs bstun myur du legs bskyod de/ /gdan sa chen po 'dir
'ongs nas/ /yab rje'i gdan sa mkhan chen la/ /lung chos khrid
dmigs 'ga' zhig sogs/ /phul nas lo de'i byed las rdzogs/ /

zhes pa ni par skabs kyi tshigs su bcad pa'o/ /rnam 'byung zhes
pa sa 'brug lo'i gnam lo gsar chos kyi dga' ba mngon du byas nas
yul chos kyi bya byed las gsum rim par rdzogs nas smad phyogs

kyi 'grul rigs 'byor rigs la yi ge rnams legs par bskur/ skabs
der gnyer ba dge 'dun rgya mtshos ar las sogs kyi brtag pa byed
dgos zer bar/ mo brgyab pas legs ngo babs par bshad/

@370a @#/ /de nas kho rang nas ar las kyi 'go tshugs te nyos cha
dang ar las bzo ba sogs kyi gla rngan sogs thag bcad/ kha 'go
ba sogs kyang bskos/ gnyis pa'i tshes shar la/ kho rang

gi gcong nad drag po zhig yod pa 'phar nas sman dpyad rim gro
gang gis kyang ma phan par dus 'das so/ /de nas mang ja sogs dge
rtsa dang cho ga bdun phrag gcig gi ring la bsgrubs so/ /kha 'go
ba

rnams bsdus te byams shAka la bkod khyab byed dgos sogs u
tshugs byas te las don thus shor med pa cis kyang dgos tshul mol
bar brten/ kho rang nas kha 'go pa rnams dang gros bsdur nas ar

las ma brtsams na legs mod/ brtsams zin nas bzlog par bya mi
rigs pas khong kha 'go ba rnams nas bkod khyab gnang na nged
kyang de'i rjes su 'jug pa las mi 'da'o zhes gros nas ar las
kyi 'go

brtsams/ skabs der bshad tshan cung zad che ba'i phyir btsan
khang thog mar bshig bzo byed rgyur byas pas/ gsum pa'i nyer
bzhi'i nyin lha rten mchod khang du spyan drangs/ de nyin bshig
bzo rgyu'i 'go

brtsams/ bzhi pa'i bcu gcig nyin btsan khang phyi nang 'grub
pas/ bcu gnyis nyin gzims chung chen mo'i rten rnams thog khang
du gdan drangs/ de nas bshig bzo rgyu'i 'go tshugs so/ /skabs der

@370b bshad tshan yang nyung/ drug pa'i tshes la steng shod bar
gsum legs par 'grub ste tshes bzhi'i nyin khang ston gyi tshul lta
bu byas/ bla steng 'og gsum dang tshogs 'dus/ bla brang che
chung/ ngo shes rnams nas

khang dar sogs byin pa de dag la ston chung gi tshul tsam byas/
de nas kha 'go pa rnams kyis gzims chung gi rwa bskor snga bsnur
phyir 'gyed sogs ma byas na khang ba'i sgo babs mi bsgrigs pa'i
rkyen gyis gzims chung

chung ba sogs de phyin bshig bzo byas te zla ba bdun pa'i tshes
nang steng shod bar gsum rwa bskor 'grub zin nas nged kyang
khang ba'i nang du 'ongs nas bag phebs par gnas/ gzims chung
gsar bar steng shod dbus

khang du byams shAka nas rang gi dad 'dun gyi 'gyed skal sogs
cung zad yod pa rnams las thogs med bsgrub dus kyi byams mgon mi
tshad lhag tsam kun dga' rwa bshel sgo dang bcas bsgrubs te nged
la byin no/ /bzo

bo nas kyang mig 'byed spyan ras gzigs kyi sku mda' tshad ma
bzhengs te nged la byin/ nged khang pa'i nang du thog mar 'ongs
skabs kha 'go ba khong khyung kyA bzang po bkra shis nas mthun
pa rnam bzhi'i bris thang zhig kyang

byin/ de ltar mchod khang snga ma'i rten rnams phar bsgrigs tshur
bsgrigs 'os skabs kyis legs par gdan drangs/ steng shod dang 'og
khang du chos sgam 'dra mtshungs gsar bzo'i nang/ bstan 'gyur rin
po

@371a @#/ /ches thog drangs rje yab sras gsum gyi gsung 'bum/
skyes chen dam pa rnams kyi gsung 'bum gang yod rnams gdan
drangs te tshon rtsi sogs bris so/ /stag 'tsher sgar bar

phyin nas mchog sprul rin po che la rab byung dge tshul gyi sdom
pa phul te tshe dbang sku 'khor bcas la phul/ ma shan khong blo
bzang bstan 'dzin la/ 'jigs byed bsnyen chen gyi khrid kyang
byas/ brgyad pa'i tshes nang

nas chog grwa pa rnams dang bcas nyin gsum gyi ring la dpal rdo
rje 'jigs byed kyi bdag mdun 'jug pa gcig pa'i rnal 'byor gyi
sgo nas bdag 'jug dang rab gnas cha lag tshang bar byas/ de rjes
gnyer ba thub

bstan lha dbang nas zhus ngor/ grub rgyal lugs kyi tshe dbang
zhig bskur/ kho rang nas sngar bstan 'gyur zhus pas de'i don
thog tu ma khel bas dngos 'bul rjes kyi rten 'brel gyi ched du
btegs/ de nas gzhung nas

gdugs dkar rgyal mtshan 'khor lo lnga 'du khang chen mor 'dzug
rgyu'i bsgrigs cha sogs byas/ tshes bco lnga'i nyin gzims chung
gsar ba'i nang du bca' shom sogs legs par byas nas nged dang sku
bzhog mi nyag

mkhan rin po che dbus mdzad pI chog grwa pa nyer lnga bcas nyin
brgyad kyi ring bsgrub chog gnad smin byas te lha babs kyi nyin/
gzhung tshogs 'dus nas phran la maNDal dang rgya srang lnga bcu
bcas gnang cha sogs smar/ tshogs

@371b 'dus la yang ja grwal sogs byas/ de nas dge 'dun mang mas
mchod rol dang bcas rgyal mtshan lnga gdan drangs te lha khang
dang gtsug lag khang sogs la g.yas bskor gyis bskor ba byas nas
'du khang dkar mo'i yang thog tu

lan gsum bskor nas rang rang gi phyogs su brtan par btsugs te
rab gnas cho ga sogs legs par bsgrubs so/ /de skabs su nged kyi
rwa ba'i nang gi me tog gsar ba shar ba dang gnam gshis dwangs
shing me tog gi char babs

pa sogs rtags mtshan legs par 'ongs so/ /de nas stag 'tshar mchog
sprul rin po che la dpa' bo gcig pa'i dbang zhig bskur/ mkhan
chen shing bza' rin po che phebs par/ sde brgyad srog dbang/ rma
chen sbom ra'i srog

gtad/ thang stong rgyal po'i tshe dbang/ chos rgyal yang gsang
dug ri'i rjes gnang/ man ngag rnam gsum gyi phyag khrid/ zab lam
nA ro chos drug dang ma ning ha 'don gyi khrid/ 'jam dbyangs
zhi khro sbrags sgrub/ me tog

bcud len/ mgon po snying zhugs kyi rjes gnang/ rigs drug gnas
sbyong gi lung sogs phul/ de ltar lo gcig gi byed sgo rnams rag
rim smos zin to/ /smras pa/ mi rtag chos rnams ma rtogs pas/
/chos brgyad

dkar nag khra gsum gyis/ /'jig rten spyi dang mthun phyir du/
/khang bzang gsar bzhengs legs par bskrun/ /mchod gnas rten
rnams sa rdul du/ /mi mang 'gom yug byed rkyen la/ /ma bzod dag
gtsang khang bzang zhig /

@372a @#/ /bskrun la gnongs pa ci zhig mchis/ /rang dang sgrub
grogs dang bcas te/ /'jigs mdzad khro bo chen po yi/ /rnal 'byor
la gnas rab gnas kyi/ /chog gzhung bzhin legs par bsgrubs/ /

rgyal bstan spyi dang bye brag gi /bgegs sel ched du gdugs dkar
mo'i/ /rgyal mtshan 'khor lo legs bsgrubs nas/ /gand+ho la yi
phyogs lngar btsugs/ /khyab bdag rdo rje 'chang chen dang/
/bstan pa'i bdag

po yab sras la/ /dpal chen dus dgra'i dbang po yi/ /man ngag
rnam gsum phyag khrid dang/ /yang gsang las gshin rma rgyal
sogs/ /snyan rgyud 'chi med dpal ster gyi/ /tshe yi dbang bskur
rnams kyang phul/ /

gzhan yang chos bka' ci rigs phul/ /zhes pa ni bar skabs kyi
tshigs su bcad pa'o/ /dkar po zhes pa sa sprul lo'i gnam lo gsar
tshes kyi rang zhal mngon tsam la/ dus kyi rgud pa'i rlung dmar
glo bur du 'tshub

ste tho phi zhes pa tshes gnyis kyi nyin gung tsam la mu med pa
zhig slebs kyang 'jam mgon bla ma bka' sdod chos srung dge 'dun
mang po'i thugs rje byin rlabs la brten nas gnod 'gal nye zho
sbu tsam yang med par nye 'khor gyi grong

dang grong brdal la sogs par bkang bar zhag gsum tsam nas log go
/de rjes se ma thag tu mtha' yi rgya 'dre mu med pa zhig 'ongs
te dgon pa'i nang du gnas bcas kyang skyon ma byung ngo/ /de
rjes su yang lan kha yar byung ste zhag

@372b 'gar bsdad/ khyad gsod brnyas smod cung zad re byas/ dngos
rdzas sogs la brkam chags shin tu che bas/ gzhung gi spyi rdzas
la gnod tshabs che bar byas te phyir log go /zla ba gsum pa'i
nang khyab bdag shing bza' rin

po ches mkhan khri brje nas yar phebs khar mig 'byed spyan ras
gzigs kyi gser bris brgya thang gsol ras bstsal/ 'jam dpal nag
po'i byabs khrus lan mang du bstsal/ zla ba bzhi pa'i nang dge
bshes tshang la rab

byung dang 'char can ltar bsnyen rdzogs mang dag bsgrubs/ bde
chen ri khrod pa sogs la bsnyen chen gyi khrid/ zla ba lnga pa'i
nang ca rod dus 'khor bla mas zhus ngor/ 'jigs byed dpa' bo gcig
pa'i dbang phyag len rgyas par

bskur/ de rjes mi nyag mkhan chen dang gser tog mchog sprul rin
po che dang rgya yag mchog sprul rin po che bstan 'dzin dam pa
rnams la rang gi ngag rtsom gang yod thob yig sogs kyi lung
phul/ de nas drug pa'i sba yer

sogs la tshogs chen gzhung gi maNDal bya lo nas tshugs pa bzhin lo
star chags med du gnang/ rang gi rten 'brel sogs sngar bzhin
spros/ zla ba dgu pa'i nang rang gi ngag rtsom 'khor bar spyod
tshul gyi yig nyog gi

lung dgos tshul nan che bsam bzlog par phul/ zla ba bcu pa'i nang
rims nad kyis cung zad gzer/ nyi shu'i nang dwangs bskyed byung/
bcu gcig pa'i nyi ldog nyin slar yang phyir phar ldang byas/
zhag 'gar lus nyams

@373a @#/ /chung ngur song/ kun gyis ci byed na snyam pa'i rnam
rtog shar te/ mkhan rin po ches dbus mdzad gzhung gi las byed
thun mong nas brtan bzhugs gnang tshul gyi rgyu mtshan gsung par/
re

zhig bkag cha byas/ tshes shar la zhu chog ces bshad/ zla ba bcu
gnyis pa'i tshes gcig nyin/ mkhan rin po ches dbus mdzad pa'i
bstan 'dzin dam pa mtha' dag gis gzhung bsrang tshogs 'dus lhan
rgyas rnams kyis

mtha' rten/ bla ma mchod pa'i cho ga'i sgo nas sdun bsus te
mkha' 'gro'i bsu bzlog tshogs 'khor bcas phul te brtan bzhugs
rgyas par mdzad nas ring 'tsho'i rten 'brel bsgrigs par/ bslu med
mchog gsum gyi

byin mthu la brten nas rim bzhin gsal dwangs kyi do shar ro/
/smras pa/ dkar po'i lo der rang gzhan gyi/ /dkar min las kyis
nongs pa las/ /rnam smin gzugs grub ji snyed pa'i/ /de snyed
thog tu babs par

gyur/ /de lta na yang mchog gsum gyi/ /bden pa'i mthu las sprin
bar gyi/ /nyi ma bzhin du shar pa'i mthus/ /skad cig gcig la
ngal bsos thob/ /de bar rang gi ngag rtsom gyi/ /lung sogs thugs
bzhed

can la phul/ /yi dam bdud las rnam rgyal gyi/ /dbang chen phyag
len man ngag bzhin/ /sla chos ma song tsam byas nas/ /bton 'khul
gzugs brnyan dag kyang phul/ /gong gsal rnams la skabs zhig tu/
/

@373b rang gi 'khor bar spyod tshul gyi/ /ngag 'chal co ka'i drug
'gyur dbyangs/ /snyan 'khul byas nas legs par phul/ /bstan 'dzin
bstan pa'i mgon nyid la/ /bslab pa'i thugs bskyed legs par
bkang/ /zhes bya ba ni

bar skabs kyi tshigs su bcad pa'o/ /rang lo bdun cu ba rab myos
zhes pa lcags rta lo'i gnam lo gsar tshes kyi rang zhal mngon du
gyur ba'i dga' ston mchog la spyod par byas so/ /lo der sda lo'i
'khrugs pa sogs zhi

nas blo cung zad bde khul du gnas skabs sngar gyi gsung 'bum gyi
lung gi 'phro sogs kha bskangs/ de rjes gser tog ho thog thu'i
'khrungs rabs rnam thar gyi ljags lung phul/ dus grwar dngul
srang don gsum

las bsgrubs pa'i rgya gling cha gcig /bal bsil cha gcig /bzang
gos sna tshogs las grub pa'i skyabs rje shing bza' rdo rje 'chang
gi sku thang gcig /yang gos las grub pa'i rigs ldan drag po
'khor lo can gyi sku thang

gcig bcas phul/ zla ba bzhi pa'i nang stong 'khor ho thog thu
rin po che la/ dpa' gcig bdud las rnam rgyal gyi dbang ras gris
la brten nas yongs su rdzogs pa phul/ /bcu sa'i nang bsnyen
rdzogs 'ga' re

bsgrubs/ zla ba lnga pa'i tshes gcig nyin char zim po dang bcas
phO kyA yin la tsha 'bogs byas te dal bus zam chen gsar ba phar
brgal bar mdo ba sde ba'i ja thab steng du phyin nas cung zad
bsdad/ sde mang gis mjal kha zhus/

@374a @#/ /de nas rim gyis ri khrod du phyin nas lus sems bde bar
ngal bsos so/ /phyi nyin chu rul kha khong dkon mchog dpal ldan
khyogs dang bcas phyir log /de nas nye 'dabs kyi sde ba'i mi
rnams dang/ stong 'khor/

sku 'bum/ bum 'bar/ zin/ mo pi shang/ a rig /mda' bzhi/ dgon
lung/ dpa' ris/ mchod rten rged/ khyung kyA/ rde'u tsha/ bya
khyung sogs kyi 'grul mang rnams rim bzhin mjal 'phrad byas/
khong byams pa

bsod nams la tshogs chen zhal ngo bsko bzhag byas pa thug 'phrad
byed par 'ong/ drug pa'i tshes nang 'char can gyi spa yer dang/
sku 'bum gzhung tshogs 'dus nas maNDal gnang mi tshogs 'dus bcas
'ong ba rnams la gsol

ja dang bzhes 'bras sogs phul/ dus 'khor grwa tshang gi bla ma
rgan pa rnams kyis brtan bzhugs maNDal tshe sgrub bum pa sogs
gnang ba rnams la ja gral sogs phul/ nye 'khor gyi sde pa dang
yul mi rnams kyis kyang spa yer

'bul du 'ong/ de dag rnams la ja gral rgyas par byas/ de nas
nyin kha yar skyo bsangs la phyin/ bdun pa'i tshes nang sku 'bum
nas pA rin zhabs drung sogs nyi shu skor la khros nag gi dbang
khrid lung gsum byas/ gdangs

dbyangs sogs bslab/ gsang mtshams grol tshes bar der bsdad/ dgon
lung nas hor ljongs tshang la bsnyen chen gyi khrid sogs bton/
brgyad pa'i nang smad phyogs a b+hag tA wang nas skyabs 'phrin
bsnyen bkur phul

@374b pa 'dus tshogs yongs la bkye/ dgu pa'i tshes nang rgyal tshab
rin po che byon te zhag 'gar bzhugs/ bdag la thu ba'i nang sha
tsha ru sogs gnang/ bcu ba'i nang mA cin san gyi tA mal sogs
'grul ba mang po 'ong nas

thug 'phrad byas/ nyer dgu'i nyin bsam 'grub gling bas zhus ngor
mi nyag mkhan chen rin po che dang rnam gnyis la byad grol chang
khrus ma'i man ngag sogs phul/ don gnyer can 'ga' la sbyor chos
thub bstan lhun po'i

mdzes rgyan sogs kyi lung bton/ bcu gcig pa'i tshes 'gor dgon
lung sum pa mkhan chen gyi sprul sku la bar ma rab byung phul/
mi nyag sprul ba'i sku dang bsam 'grub gling rnam gnyig la gong
sa ^ sku 'phreng

bcu gsum pa'i gsung 'bum dang/ yongs 'dzin mkhan chen rdo rje
'chang gi gsung 'bum gyi lung rgyun yod rigs rnams bton/ bcu
gnyis pa'i tshes brgyad kyi nyin smad phyogs nas a b+hag tA wang
phebs pa'i gtam

thos par/ tshes dgu la ri khrod nas phyin te phO kyA yin du
'tshams zhus pa 'byor/ phar yang 'tshams lan btang/ sku 'bum du
'byor bstun/ ^ skyabs rje gser tog rin po che dang/ mi dbang tA
wang bcas la thug

'phrad byas te gzims chung du mjal dar rtse sprod dkar skyems
gsol ja bzhes 'bras sogs rim par btegs/ gzims mal so sor gdan
drangs te lhod bzhugs mdzad/ de ltar lo gcig gi bya byed las
gsum

@375a @#/ /gyi rim pa rnams mdo tsam brjod zin to/ /dus kyi
snyigs ma'i mtha' 'di ru/ /skal ngan 'byung po'i bya tshogs
rnams/ /glo bur lhags te bstan 'gro yi/ /phan bde'i pad tshal
bcom

la nye/ /'on kyang dkar po'i sa bon gyi/ /mthu nyid smin te skye
'gro yi/ /phan bde'i 'od stong legs shar bas/ /bde skyid dpal la
ngal bso thob/ /ces pa ni bar skabs kyi tshigs su bcad pa'o/ /

skyes bdag ces pa lcags mo lug lo'i tshes zhal ngoms pa'i dga'
ston dang 'brel bar 'char can gyi tshes gtor dang/ ring 'tsho'i
rten 'brel bsgrigs pa sogs sngar mu ltar dang/ chos sde chen
po'i mkhan slob

bstan 'dzin dam pa rnams kyis gtso ba'i dge 'dun mang ma phra
rags rnams dngos mjal thug 'phrad sogs sngar rgyun ltar byas/
rang yang phyi nang gi mchod mjal bstan 'dzin dam pa rnams la
mjal 'phrad sogs

gang lcogs byas/ de nas skyabs rje thu'u bkwan rin po che phebs
pas mjal khar phyin/ nyin gcig rang sgar du phebs te chos bka'
ci rigs phul/ sbyin bdag mi dbang chen por yang thug 'phrad
byas/ tshes bzang

por tho yon bla mas zhus ngor/ 'jam dbyangs smra seng gi rjes
gnang dang/ mi dbang nyid kyis zhus ngor tshe dbang zhig phul/
tshes lnga la mi dbang nyid nas ring 'tsho'i yun brtan gyi rten
'brel bsgrigs phyir/ brtan

@375b bzhugs bsun bzlog bcas gnang/ slog cha yang go babs dang
bstun par phul/ de nas nyin 'gar mi mang thug 'phrad kyi yo lang
gis dus 'das/ smon lam grol 'phral mkhan chen shing bza' rin po
che la

mkha' spyod ma'i dbang bzhi byin rlabs sogs thugs 'dod bzhin
phul/ de'i phyi nyin gsol tshigs phul te phebs rdzongs sogs
btegs/ nyer gnyis nyin 'dir chibs bsgyur bskyangs te/ gsung gros
than thun

gnang ste skyabs 'jug zhus res byas nas rgya nag tu chibs zhal
bsgyur/ tA wang chen mor phebs rdzongs dang dga' lha'i zhing
bkod chibs rta bcas phul/ gnyis pa'i tshes gcig la mi dbang chen
mo phyir rang yul du

phebs gdong phebs skyel sogs zhus/ dga' ldan gser khri rin po
che 'dir byon te chos bka' ci rigs sogs thugs 'dod bzhin phul/
gser khri sgar bar phyin nas phebs rdzongs sogs btegs/ nyer gcig

la 'dir byon te skyabs 'jug zhus res byas te gsung gros gang ci
gnang/ de nas nyer gnyis la mar chibs bsgyur bskyangs/ zla ba
bzhi pa'i tshes nang sgrub bya 'ga' zhig la bsnyen rdzogs sogs
bsgrub/ /tshes nyer bdun la

skyabs rje a rol rdo rje 'chang phyag phebs/ nyer brgyad nyin
rje nyid la dgongs zhus byas te phran gong ma'i 'khrungs yul
sogs su bgyi ba 'ga' zhig gi ched du 'gro dgos stabs zhag shas
lhod bzhugs mdzad nas ri khrod du byon rgyu'i
@376a @#/ /snyan gsan phul lags zhes zhus te phran gong ma'i
'khrungs yul du phyin pa'i lam khar sengge'i ri'i mi tshang gcig
la grong chog tu phyin/ sde ba'i lab tse khar gnas bdag sogs
kyis

dga' ba'i gar dang bcas te bsu ma byas/ bsangs dang gser skyems
sogs rgyas par btang/ nya bi sde ba'i gung tshigs sogs byin/ de
nas gong ma'i 'khrungs khang du phyin nas zhag gsum bsdad/ phyi
nyin rta mgrin

lha khang du phyin/ ded yang gnas bdag thog bab brgyab ste
'byung 'gyur gyi lung bstan 'ga' zhig gnang/ der che shos sde
bas gung tshigs phul/ phyi nyin mi tshang rnams su ja zhu la
phyin/ zla ba lnga pa'i tshe gcig la ri khrod

du 'ong/ tshes gnyis la a rol rin po che chibs bsgyur gnang/ der
lhod bzhugs mdzad/ de nas phran gyi sems la sngon nas shin tu
brnag pa'i 'dod don 'grub phyir skyabs rje nyid la lung bstan
zhus par/ dus la

'babs par bka' phebs/ rje nyid phran gyi mchod rten gsar du
bzhengs rgyu'i sar gdan drangs nas byin rlabs thugs smon dang/
gnas bdag rnams la bsangs dang gser skyems sogs gnang/ de nas
zhag shas bzhugs

te chu bzang du byon/ tshes bcu nyin lto 'phye'i thig btab ste sa
chog byas/ bcu gcig nas rim bzhin 'og tu 'od zer can ma'i gzungs
bye ba'i sgo nas rde'u 'bum blugs/ don yod grub pa'i mtshan ma
btab/ de'i steng

@376b 'og gzhi'i sa legs par 'khod snyoms par byas/ de nas sa
'dzin nas rim bzhin yar bslangs/ srog shing brtan par btsugs/
seng khri/ bang rim/ bum pa'i bar legs par bslangs/ seng khri'i
nang 'od zer

can ma 'bum gter lnga/ bang rim nang dus kyi 'khor lo sku rkyang
khrigs mer gyis gtam/ bum pa'i nang dpal ldan dus kyi 'khor lo
lhan skyes rtse khru gang/ mdun du dus kyi 'khor lo zhal rang
re'i chos sde la gzigs pa/ gzungs

'bul ba'i nyin der don grub nas rje tshong dpon dge legs ma/ sa
tstsha stong rtsa gcig /rje'i phyag tshwa gzungs 'phred bcug ma
gcig /der byung ba 'khrigs pas/ srog shing gi g.yas su thub pa
bdud btul ma/ de'i mdun

du tshong dpon dge legs ma/ srog shing gi g.yon du dpal ldan
'bras spungs mchod rten khru tshad ma/ rgyab tu stong tshwa/ bar
bar du dus kyi 'khor lo'i sku phyur bur gtam/ dus 'khor sgrub
thabs mkhas grub zhal lung/ bsdus

rgyud snying po nyer lnga sogs gsung rten sna tshogs 'khrigs mer
gyis gtams/ de'i steng du rgyal ba rin po che'i 'khrungs rabs
sogs bod nas spyan drangs ba rnams legs par bkrams/ thog phug
nas thugs rje mdo

gzungs dang bre'i nang du sangs rgyas sum cu so lnga'i sku
brnyan stong phrag gnyis/ ma dros pa'i sku dang dzaM lha'i
bsrung 'khor bcas bzhugs su gsol/ de nas chos 'khor bcu gsum
char khebs tog dang bcas pa rgyud legs

@377a @#/ /grub nas gsungs pa ltar gyi dus kyi 'khor lo'i mchod
rten padma kha sbyor zhes pa nyin bco lnga'i khongs su legs par
bskrun te mar ngo'i tshe bcu'i nyin dge bar ngos nas der bskyod
de/ dpon g.yog

bzhi bcas skyabs sems sngon du 'gro ba'i sgo nas 'jigs byed bdud
las rnam rgyal gyi gzhung bsrangs te bgegs bskrad rab gnas rgyas
par byas/ de skabs nam mkha' la chu 'dzin lang long du 'khrigs
shing dbyar rnga dal

gyis rgod de me tog gi zim char rdul gnon pa tsam du babs/ kun
kyang dga' ba'i ca co lhur len par byas so/ /chos skyong rnams
kyi gtor 'bul dang lha klu gzhi bdag rnams la bsangs mchod sogs
rgyas par byas/

skabs der nye 'khor gyi sde ba rnams rab ston rgyas par btegs/
drug pa'i tshes bzhi'i nyin 'char can gyi spa yer la sku 'bum
gzhung gi brtan bzhugs par nye 'khor gyi sde grong thams cad kyi
sba yer 'bul mi rnams la nyin gang gi

bza' btung sogs kyis tshim par byas so/ /nyin 'gar spro sangs
byas te chab zhugs la zhag 'gar bsdad/ de nas yar 'ong ste mchod
rten dpal ldan 'bras spungs kyi thig brtab/ de nas rim bzhin dri
bzang dang

rten gsum sna tshogs bsres te sa zhib bos dpal ldan 'bras spungs
mchod rten brtsegs te bum pa'i stod kyi char slebs pa na/ sprul
ba'i ljon shing gis srog shing brtan par btsugs/ gzungs 'jug
'bul bar

@377b phyogs pa na/ lha ldan nas nged kyi slob ma 'khor lo chos
rje can 'ong ste/ rgya gar rdo rje gdan gyi sa sna spyi dang/
khyad par ston pa'i bzhugs khri'i sa/ chu bo ne re nydza na'i du
rab/ shing thog bil ba/ gzhan yang gnas chen rnams

kyi sa sna/ chu sna/ rdo sna/ jo bo kha sarpA Ni'i sku brnyan
tsan dan dkar po las grub pa khyad mtshar/ 'phags yul gyi chos
gos gsar ba sogs byin te rten 'brel rmad du byung ba 'grigs
snyam/ de nas gnas chen rnams kyi sa sna sogs

kyis thog drangs te dur ba shing thog bil ba rnams gzungs gzhug
tu phul/ gzhan yang mtshan brjod nyer lnga/ bsdus rgyud/ dus
'khor chog /rigs ldan gsol 'debs/ sham smon/ bstan pa rgyas pa'i
smon lam/ gzhan dag

gis byin pa'i dpe sna rnams gzungs 'jug 'gang che tshad phyur bur
gtam/ de'i steng chos 'khor char khebs nyi zla dang bcas legs
par bskrun nas nged nas shes tshod kyis rab gnas rgyas par byas/
de'i stengs rdul dang gzhan gyi gnod pas

mi 'jig phyir sgrom lta bu bzo skabs gzhan nas seng sogs kyis
mthun rkyen 'byor bas de dag legs par sprad/ de mtshungs mgar ba
'od nas rlung dril gnyis phul ba de yang btags/ gzhan yang
g.yung drung rdo rje nas me tog gi

bum pa gnyis phul ba de yang mdun du phul/ g.yas g.yon du lha
mo bcu gnyis kyi tsak li gsar ba bzhengs te phul/ mdun du li
ting brgya tshar/ li'i mchod rkong bcas phul/ de ltar dpal ldan
'bras spungs mchod rten gyi thig

@378a @#/ /a rol rin po che'i phyag nas gnang ba ltar legs par
bskrun zin to/ /nged kyi thog khang gi rgyab tu mchod rten khang
bu brtsegs par 'dra byas te nang du dus kyi 'khor lo'i 'bum
khang dang/ mi 'khrugs

pa; 'od zer can ma/ nang rten rgyal ba byams pa 'bum khang bdun
phrag gcig byas te rab gnas byas skabs rtags mtshan phun sum
tshogs pa byung ngo/ de nas se ri'i bla ma la seng gdong ma'i
rjes gnang sogs phul/

brgyad pa'i bco lnga'i nyin mdzod pa byang chub 'ong ste nyin
gnyis gsum la ngal bsos te bsdad/ nged kyis gsar du bzhengs pa'i
rten rnams mig lam du phabs/ nged cag gnyis tshe 'dir 'phrad pa'i
thamO/ /de nas byang chub

rang yul du log /dgon lung sprul sku mkhan po/ rkang tsha'i gnas
brtan/ a rig bla ma som/ ri khrod pa kha yar/ khyung tshang
zhabs drung gi mi sna/ grwa tshang khi'i grwa ba kha shas/ khur
lugs a ma no yon gyi mi sna

sogs rim kyis 'ong/ zla ba bcu pa'i nang sku 'bum nas gser tog
mchog sprul rin po che/ chos mdzod bcas phebs nas bka' bsko sogs
zhu ste phyir phebs/ bcu gnyis pa'i tshes bcu bdun la ho chid e
rte ni lwang

ngo g.yog bcas sku 'bum du phebs/ tshes bcu dgu la ri khrod du
phebs nas zhag shas bzhugs/ de rjes su nyid tA yan chi bla ma
phebs nas ngos 'phrad byas/ de ltar lo gcig gi bya byed las gsum
rnams

@378b rdzogs so/ /smras pa/ ring nas goms pa'i don chen po/
/phyi nang bdud kyi bar chad kyi/ /gnod pas rtag tu gtses pa
las/ /skyes bdag lo 'dir e ma ho/ /g.yang dkar lug gi lo 'di
ru/ /shrI kA la

tsakra yi/ /mchod sdong rin chen rnam gsum bsgrubs/ /phyi nang
mthun rkyen kun kyang tshang/ /ngo mtshar rmad byung skal ba
bzang/ /phyi nang bdud sde kun las rgyal/ /grags pa'i dbyar rda
srid rtser snyegs/ /gtan gyi

don chen 'grub 'di mtshar/ /zhes pa ni bar skabs kyi tshigs su
bcad pa'o/ /angkir zhes pa chu sprel lo'i gsar tshes kyi dga' ba
dang po'i nyin dpal ldan srid gsum rgyal mor tshes gtor ring
'tsho'i rten 'byung sngar lam

bzhin bsgrigs/ /lo gsar la phyogs 'dus kyi 'grul rigs rnams dang
dngos 'phrad byas te dga' ston btegs/ nyin 'gar yo lang gi dang
du lus/ de nas mi dbang sa skyong ngo g.yog 'khor bcas dang/
tA yan chi bla

ma; rde'u tsha chos rje sogs la yi dam padma dbang chen gyi dbang
cha lag dang bcas pa phul/ mkhan chen an 'ja' su tshang/ sman pa
bla ma me ri'i ka ken/ pe rin zhabs drung/ ho chid yongs 'dzin
zhabs drung sogs

bsgrub bya 'ga' la bsnyen rdzogs phul/ gzhan ma rnams phyir log
/bla mi dbang nyid zhag shas bzhugs par thugs 'dod ltar gyi gsar
rtsom 'ga' dang srid zhi'i gtsug rgyan lcang skya rin po che'i
thugs 'dod bzhin gyi

@379a @#/ /'bol rtsom rnams bris te mi dbang nyid la bskur/ mi
dbang nyid kyis thugs bzhed ltar 'dod chos sogs kyang phul/ mi
dbang mar phebs rgyu'i phebs rdzongs dang rten dang bsrung mdud

'khor lo sogs phul/ de nas sku 'bum du phyir phebs so/ /mkhan
chen mi nyag rin po che dang/ rgyud pa bla ma phebs pas mjal
'phrad sogs byas/ sku 'bum gzhung nas nged la tshur 'ong dgos
tshul snga phyir rgyu

mtshan lan gsum byed/ lo gsar na a lags bzang skor dang/ a lags
mgon kyA/ mkhan chen gro bzang brag tshang/ stag 'tsher tshang/
rgya g.yag tshang/ gser tog mchog sprul rin po che rnams rim
bzhin phebs

te mjal 'phrad byas/ gnyis pa'i tshes nang bde yangs rin po che
ri khrod du phebs nas dbus su phebs rgyu'i rgyu mtshan gsung ba
ltar brtag pa byas pas legs ngo shar ba'i rgyu mtshan zhu ste
phebs rdzongs sogs btegs/ skabs

der chos dar bod du rdzongs da byas pa phyir 'byor bas rgyal
dbang mchog gi phyag yig dang/ skyes chen dam pa rnams kyi phyag
yig rten gsum gnang skyes sogs spyi bor 'byor ba dang du blangs/
zla ba gsum pa'i tshes nang sman pa'i

tshogs 'dus phebs nas gsir tog mchog sprul rin po che'i rnam thar
gsar rtsom dgos tshul nan che bar dang du blangs/ de skabs dga'
ldan gser khri rin po che glo bur du dgongs pa chos dbyings su
gshegs pa'i dgongs

@379b rdzogs su bde chen dang/ sku 'bum phyag gnyer thun mong
nas na bza' cha tshang/ sku'i nyer spyad yongs rdzogs/ chibs/
chibs rog /chibs chas kha tshang/ snam phrug /gos chen rgya dngul
srang lnga bcu phyag 'khor bcas gnang

ste gnas skabs kyi dgongs rdzogs dang/ phyis kyi sku skye myur
gsal sogs kyi bkod khyab mtha' dag khyod la re tshul sogs gsung
nan che bas rim babs byis bla rgan ma shi tshe ring byung tshe
zhabs zhu ci thub byed rung zhu/ sku dpon gyi bsngo rten

sogs kyang gtos che ba byung/ bcu so'i nang gser tog mchog sprul
rin po che'i rnam thar nyung bsdus shig bris khul byas par/ mi
nyag mkhan chen rin po che gdan drangs te 'bri ba por mdzad/
lnga pa'i tshes lngar chu bzang rin po che

dang; yongs 'dzin ston 'khor bcas chibs bsgyur gnang/ tshes drug
la dkon mchog rjes dran/ dus dran/ phyir bcos/ gung thang rin po
che'i tshe gcig nyams len sogs kyi lung phul/ tshes bdun bza' skar
phun sum

tshogs pa'i nyin/ chu bzang ho thog thu sogs bsgrub bya 'ga' la
bsnyen rdzogs kyi sdom pa phul/ phyi nyin nyin gcig 'jags mal
gnang/ de nyin ngi khrod pa bdun cu skor tshogs 'dus bcas phebs
te bzhugs mal mdzad/ tshes

dgu'i zhog khar chu bzang rin po che phyir byon/ ri khrod mang
mas tshe sgrub dang 'brel ba'i brtan bzhugs rgyas par phul te
nyin gcig 'jags mal byas/ de dang 'brel bar rde'u tsha dgon bas
kyang brtan bzhugs gnang/ ri khrod pa

@380a @#/ /rnams la mang 'gyed kyi thibs su rta rmig ma bcas
phul/ de nas phyir btegs/ nyin 'gar chab zhugs byas te spro
sangs la phyin/ mi la ras pa'i sgrub khang nang brag ri sogs
gsar bzhengs byas/ mi la'i sku dang/

ras chung/ nA ro paN chen/ mgon po rdo rje/ sha khyi sogs rim
bzhin bzhengs te gzungs 'jug phul grub par/ drug pa'i tshes gcig
gi nyin spyan dbye'i cho ga rgyas par bstar skabs bkra shis dang
dge mtshan gyi mtshan

ma ngo mtshar bar shar ba dang bcas bzhugs khang du spyan drangs
te mdun du mi lag mi brgyud phyir lcags kyi drwa mig gis legs
par bsdoms/ mdun du mchod pa sna lnga sogs bkod pa mdzes par
bshams/ mdun ngos su

mtshams khang thab dang bcas legs par byas so/ /gong gi dus 'khor
mchod rten padma kha sbyor gyi sbyin bdag ja ya'i sman pa 'ong
bar gsol tshigs rgyas par bstar te dngos 'byor gyi bdog pa cung
zad phul/ tshes gsum nyin

sku 'bum du nye bar bskyod skabs zin mdo bar/ po hu thin 'ong
dgos tshul zer ba ltar phyin nas bza' bca' btung ba gya nom pa
byin/ de nas tshur 'ong ste phO kyA yin du ja thab steng du
phyin nas yun ring du ngal bsos/ de nas rim gyis

rang sgar du 'byor/ phyi nyin skyes skar yin pas rang gi 'char
can gyi rten 'brel dang/ rten 'byung sogs bsgrigs/ sku 'bum
gzhung tshogs 'dus nas brtan bzhugs maNDal dang/ grwa tshang gsum
po nas kyang brtan

@380b bzhugs maNDal tshe sgrub bum pa bcas phul/ de nas mkhan rin
po che gtso bo'i skyes chen dam pa rnams dang gzhung brgya smra
ba'i dge ba'i bshes gnyen dge 'dun rnams dang/ nang tshag ngo
shes rnams mjal 'phrad byas/

nyin 'gar ngal gsos/ drug pa'i tshes la mkhan rin po che gtso
bo'i bstan 'dzin dam pa rnams dang/ gzhung tshogs 'dus bcas nas
brtan bzhugs kyi snyan gsan maNDal rgyas par gnang ste phul/ de
nyin mchod rten rked dgon

pa'i mgon kyA tshang gtso ba'i tshogs 'dus nas kyang brtan bzhugs
dang/ nged kyi zhabs pad brtan pa'i ched du ma Ni dung phyur
bcas gsung nas maNDal bcas phul/ sku yon mtshon byed du phrugs
yug gcig /dngul srang lnga bcu bcas

phul; nyi shu'i nyin a rol rin po che byon te tshogs yongs la
sku 'gyed gnang/ gzhung tshogs 'dus nas rje bla ma'i sku mchod
rol dang bcas gdan drangs te rten skal du phul/ lo gsum re'i
nang du bde mchog dus bzang ba rnams kyis lha khang

nang du bde mchog sgrub mchod rab gnas dang bcas pa rdul tshon la
brten nas tshugs rgyur bcad pa bzhin/ lo der tshugs rgyu khel te
bdun pa'i tshes gcig nas rab gnas chen mo nyin gsum/ tshes bzhi'i
nyin dus bzang ba rnams kyis

nged la mgon du pas pa ltar song nas bsdad skabs sgrub mchod pa
rnams kyis brtan bzhugs rgyas par gnang/ ja sun gcig bsdad de
phyir 'ong/ tshes dgu'i nyin gzhung tshogs 'dus nas bla mchod dang
'brel ba'i tshogs mchod rgyas
@381a @#/ /pa mkha' 'gro'i bsun bzlog dang 'brel bar gnang rgyu
gsung ba bzhin/ snga dro'i char bla mchod tshogs mchod rgyas pa
phul tshar 'phral/ bsun bzlog gi 'gor mkhan rin po che dang
skyabs mgon a kyA rin po

ches dbu mdzad/ bstan 'dzin dam pa rnams gtso ba'i dge 'dun mang
mas chos gos rnam gsum gyon te 'du khang chen mo nas rang sgar
gyi sgo drung bar zam ma chad par dmigs brtse ma gsung bzhin ser
sbreng mchod rol dang bcas

nged la sri zhu chen po'i sgo nas 'du khang nang du gdan drangs
par byas/ khri'i rtsa nas phyag gsum byas te khri thog tu bsdad/
tshogs mchod sogs rim bzhin btegs/ de nas thams cad kyis tshogs la
rol/ zhal 'don

sogs rim par gsungs te mkha' 'gro'i bsun bzlog mdzad skabs mkhan
po rin po che nas dar thag sogs bsdu/ gdan khri sogs kyang dngos
su mjal ba gnang/ de nas brtan bzhugs maNDal phul te

dngos 'bul rgya chen po gnang/ dge 'dun mang mas mjal kha zhus
nas sngar bzhin ser sbreng mchod rol dang bcas rang sgar du 'ong
ngo/ de nas tshes bco lnga'i sman bla'i dus bzang nyin/ sman
grwa'i rab gsal

nang nged kyi gong ma rje ngag dbang bstan pas phul pa'i sman
bla'i sku brnyan khyad 'phags byin rlabs kyi gzi 'od 'bar ba'i
mdun du nged gser tog rin po che chos mdzod sman pa bla ma bcas
'dug tu bcug nas ja gral

@381b rgyas par byas te/ brtan bzhugs maNDal phul/ gsol tshigs
btegs/ sman bla'i sku sman bla chen po'i mdun du bzhugs rgyu'i
bkod khyab sogs byas/ nged nas kun rig gi sku thangs dang/ gos
sku'i

rje rin po che sbyor 'jags byas sman bla'i mdun du dngul srang
bcu las bsgrub pa'i mchod rkong zhig phul/ de nas rang sgar du
'ong ngo/ /lo snga phyir bya khyung to shul mkhan po snyan grags
kyi yang srid/ thang ring rgyal ba tshang

gi yang srid/ shong shan stag lung mkhan po che chung rnam gnyis
kyi yang srid/ a lags sha tsun ke ken gyi yang srid/ the ci nar
sku bcar mkhan po'i yang srid/ sku 'bum pA gru mkhan chen gyi
yang srid/ jo nang

sgar sde sku 'bum mkhan po'i sbrul sku tA li ho thog thu'i yang
srid bcas mchog gsum thugs rje bskul te brtags pa byas shing
thag bcad 'khul byas/ a rig bla ma so ma la/ gdugs dkar rgyal
mtshan 'khor

lo'i lag khrid sogs zhib tu bshad/ brgyad pa'i tshes bcu gcig la/
stong 'khor ho thog thu chibs bsgyur bskyangs te mjal 'phrad
byas/ chos zhugs kyi skor/ ma Ni bla ma tan tig khong dge 'dun
chos 'phel

yongs 'dzin gyi tshab byas te mkhan po'i mjal kha dang/ zhal ngo/
chos grwa dge bskul rnams la thug 'phrad dang rgyug 'bul sogs
kho ba nas zhu skabs rgyug dmigs bsal phul/ gzhan phyag len gang
yod

@382a @#/ /khong chos 'phel nas rgyu yod byas te bco lnga'i nyin
gtong sgo rgyas par bstar te tshogs la phebs/ tshogs grol 'phral
mkhan chen gdan sa pa la mjal kha zhu/ nged la brtan bzhugs

maNDal rgyas par btegs te dngos 'bul rgya skor sum cu/ phrug
g.yug gcig /bzhugs gdan rgyal yol/ zas tog sna lnga bcas phul
te brtan bzhugs rgyas pa zhu bar mdzad/ ston chos grol nas smon
lam gyi

bar du rje mi nyag mkhan chen rin po che nas zhus ngor/ na bza'
be'u bum/ sgyu ma'i be'u bum sogs kyi lung phul/ gser tog mchog
sprul rin po che nas dpal ldan smad rgyud grwa tshang la bka'
dbang bstsal skabs

rdo rje 'jigs byed dpa' bo gcig pa'i dbang sta gon nas bzung ste
dbang gi phyag len gyi rim pa mtha' dag nyin gsum gyi ring la
rang gi sems la gang nges de nas rtsis 'bul zhus/ de yang rang
gi bsam tshod la skyes

nas da lta'i bar du bsam rgyu nyon mongs dang byed rgyu sdig pa
las med pas/ nyin gcig la mtshon na 'gro 'chag nyal 'dug gi spyod
lam mtha' dag dang/ bza' btung gnas mal longs spyod mtha' dag
kyang/ sdig

pas ye ma gos pa gtan nas med phyir/ kha ton sogs cung zad byed
khul yang dge sdig gi cha ma gtogs pa gzugs brnyan tsam las med
pas na/ rang mgo rang gis bskor ba'i ngang tshul la bsam na/
snying med kyi

@382b smyon pa zhig las 'os med pas/ de'i phyir rang la rang
dbang cung zad yod pa'i gnas skabs 'dir sdig dang 'dres nas byas
na rang shin tu nyam chung zhing/ mi bzad pa'i duH kha chen pos
mnar ba la 'jigs nas phung po

gsum pa'i mdo chog dang 'brel bar ltung bshags khri tshar sogs
'don na snyam nas/ dus chen rnams la 'gyur khyad che bar re nas
lha babs dus chen nyin dge 'dun bcu phrag gcig gis ltung bshags
cho ga dang 'brel bar

phung po gsum pa'i mdo de nyin drug brgya/ lnga mchod la tshig
stong/ rgyal zla'i tshes brgyad dang bco lnga la stong phrag re/
dgu pa'i nang skyabs rje a rol rin po che rong phyogs nas tshur
phebs te zhag shas bzhugs/ gos phrug

bcas phul te skyabs 'jug zhus/ de nas sprel rdzong du byon/ bcu
ba'i nang chos thog rjes su stong 'khor ho thog thu nas zhus
ngor dga' ldan lha ma'i ljags khrid/ ma ni ha 'don gyi khrid
sogs phul/ tshes bcu dgu la/

skyabs rje shing bza' rdo rje 'chang smad phyogs nas chibs
bsgyur gnang ste/ mjal kha zhus/ paN chen rin po che nas phyag
yig dang sgor mo brgya lnga bcu bcas gsol ras bstsal/ skyabs rje
rin po che nas kyang bdag rkyen phon

che ba bstsal/ bcu gcig pa'i tshes gnyis la rje nyid kyis brgya
rtsa'i yo byad gsar ba dngul las grub pa de'i nang du nged nas
brgya rtsa'i khrid byed dgos tshul gsung pa ltar brgya rtsa'i
phyag khrid phul/ rgya yag rin po che nas nyi ldog nas brtsams

@383a @#/ /te dpal rdo rje 'jigs byed kyi bsnyen pa bzhugs skabs
'go mjug par gsum gyi phyag len thun mong dang thun mong ma yin
pa phra zhib mtha' dag legs par zhu/ mkhan rin po che nas zla ba
bcu gnyis pa'i

tshes gcig nas brtsams te bla ma'i rnal 'byor dngos grub kun
'byung gi bsnyen pa bzhugs skabs thog mtha' bar gsum gyi phyag
len phra zhib mtha' dag dang thun mong ma yin pa'i sgos chos
rnams legs par snyan sgron zhus/

de ltar lo gcig gi bya byed rnams rags ra mi tsam brjod zin to/
/rab rgyal nang tshan bya lo'i nang/ zla ba gnyis pa'i tshes nyer
bdun la/ a lags sha tsun dgon pa'i stobs tshang ho thog thu
dang/ po tsun

bla ma'i sprul sku'i yang srid ngos 'dzin/ zla ba bzhi pa'i tshes
drug la sku bsnyung bzhes skabs sku 'bum gzhung nas bla mtshogs
'du dang bla sprul khag rnams kyis maNDal rten gsum phul/ rang
sgar nas kyang gnas brtan

phyag mchod kyi sgo nas shing bza' rdo rje 'chang gtso ba'i
tshogs grwa ba rnams kyis brtan bzhugs maNDal phul/ bzhi ba'i
tshes brgyad la dus grwa nas brtan bzhugs maNDal phul/ bzhi ba'i
tshes bcu la bla brang bkra shis

'khyil gyi dge ba'i bshes gnyen rnams kyis shing bza' rin po
gdan 'dren zhus nas brtan bzhugs maNDal phul/ zla ba drug pa'i
tshes nyer lnga la chu dkar thang skal bzang nor bu nas rdo dkar
dpung gsum gyi gser

@383b skyems dang de'i tshe thar dgos zhes zhus/ bdun pa'i tshes
'gor tan tig mgon po thar nas zhus ngor zhi khro sprag sgrub kyi
khrid dang/ lung 'ga' bstsal/ rje nyid kyi gsan yig gi mjug
dang/ gsung 'bum gyi

'phro rdzogs par lung gnang/ yang rjes gnang 'ga' dang/ mgon po
snying zhugs kyi rjes gnang bcas/ gser tog rin po che/ stag
'tsher mchog sprul sogs 'ga' la gnang/ zla ba dgu pa'i tshes nyer

gnyis la yang kyA bla ma'i yang srid dang pA rin bla ma'i yang
srid ngos 'dzin gnang/ shing khyi lo'i zla ba gsum pa'i tshes la
cA led shog gi bla ma'i sprul sku ngos 'dzin/ zla ba dgu pa'i
tshes bco lnga la chu

dkar bla ma rab byung bsgrubs/ tshes nyer gsum la a lags bE zi
tshang gi yongs 'dzin do ba mkhan po'i yang srid ngos 'dzin/
stong 'khor dgon pa'i chu dkar tshang gi yang srid ngos 'dzin/
bcu ba'i tshes la phran

nas zhus ngor rgyal dbang bcu gsum pa'i gsung khrod chos tshan
'ga'i lung gnang/ bcu gcig pa'i tshes brgyad la zhal bka' bcu
bdun nang tshan gyi rjes gnang zhig gnang/ shing phag lo'i zla ba
dang po'i tshes

bzhi la yan tu lam rim grwa tshang nas bde mchog dkar po'i sgo
nas brtan bzhugs maNDal dang/ tshes drug la gzhung bla ma tshogs
'du nas brtan bzhugs maNDal phul/ tshes brgyad la a b+ha ga tA
wang gis gnas

@384a @#/ /brtan phyag mchod kyi sgo nas brtan bzhugs maNDal
rgyas pa phul/ tshes bcu la rgyud grwa nas brtan bzhugs maNDal/
tshes nyer bzhi la tA wang 'khor dang bcas pa la dga' ldan lha
brgya

ma'i khrid gnang/ 'dir slar smras pa/ dngos grub 'byung gnas
drin can bla ma dang/ /dbyer med lhag pa'i lha yi zhabs bsten
nas/ /'khos chung snying med smyon pa'i brtul zhugs can/ /'khor
bar

spyod pa'i tshul la gting nas skyo/ /gang tshe yul gyi mtha' 'dir
las dbang gis/ /kun tu zhags pa'i 'ching bas rab bsdams te/
/'gal me'i 'khor lo lta bu rab 'khor bas/ /kun tu dga' bas

spyod de yid ? la brnag /ra gnas zlar mthong ba 'ga' zhig gis/
/khyod kyi gsang gsum spel ba'i rnam thar zhig /bri zhes yang
yang rna ba 'dzer ba'i rkyen/ /ma bzlog tsam du dge slong lha
chen dpe/ /rang

blo rang la lkog tu ma gyur gshis/ /dam pa'i rnam thar dri tsam
mi bro bas/ /tshul 'chos mkhan po'i 'dob dang zob zog gis/ /gzhan
dag 'brid pa'i 'phyon ma'i gar gzhan ci/ /sde snod gsum sogs
lung

chos 'chad nyan dang/ /rnam dag bslab pa gsum gyi nyams len te/
/mkhas shing grub pa'i rnam thar rmad byung sogs/ /yid kyi gud
na'ang med pas ci zhig bri/ /tshe 'dir mthon pa'i khri la legs
'gying ste/ /

@384b dar zab gos klubs ldir bzo'i sku brnyan bzhin/ /yon bdag
ngo bsrung mthun 'jug legs bskyangs nas/ /brgya shi stong 'gugs
byed pa rnam thar mchog /ces kyang smras so/ /phran la rnam thar
du grags pa 'ga'

yang med mod/ tshe 'dir sku gsung thugs rten sogs cung zad
bsgrubs pa ni/ phan pa che bar bsam nas sku'i rten la/ byams
'jam dbyangs/ mnyam med jo bo chen po/ rje bdag nyid chen po/
dpal ldan dus kyi

'khor lo/ rje btsun rnal 'byor ma/ lha sa'i jo bo chen po'i
sku'i dbyibs dang mi gnyis par bzhengs pa jo bo yid bzhin nor bu
byin rlabs can/ lus tshad dang ldan pa'i tshe dpag med gcung byams
shAka nas phran gyi zhabs

brtan du dmigs nas phul ba/ bde gshegs so lnga/ rigs lnga'i bde
bar gshegs pa stong/ gtso sku ston pa mchog zung bcas/ thang
sku'i skor/ 'khri shing so gcig /btsong kha brgyad cu bcu bdun/
paN chen 'khrungs

rabs bco lnga/ btsong kha brgyad cu tshar gnyis/ gnas bcu bdun/
yang gnas bcu nyer gsum/ grub chen brgyad cu bcu gcig /gzigs pa
lnga ldan lnga thang/ mdzad bcu dgu thang/ zhing bkod gsum
thang/ 'khri

shing kha 'thor brgyad/ byams pa/ 'jigs byed/ dus 'khor/ rnam
snang/ phur ba/ rta gsang/ 'jam dbyangs rigs gsum/ 'jam dbyangs
rigs lnga/ 'khor chen/ dpung rgyan/ rnam sras/ ma lus sems

@385a @#/ /can/ thog med byams pa/ zangs mdog dpal ri'i zhing
bkod/ rnam rgyal ma'i sku thang /spyan ras gzigs/ yang 'jigs
byed/ mig 'byed spyan ras gzigs kyi gser thang bcas/

gsung rten skor la/ rang gi dad rten du phebs pa pot stong phrag
ma long tsam/ skyabs mgon thams cad mkhyen par pot brgya dang
lnga bcu rtsa lnga/ skyabs rje zhwa dmar rdo rje 'chang la/ pot
brgya dang nyer shu rtsa lnga/ yongs

'dzin rdo rje 'chang la/ sum b+ha dang/ a kyA yongs 'dzin dang
lcang lung pa NTi ta'i gsung 'bum/ brag ri rdo rje 'chang la/
gung thang dang lcang lung gsung 'bum/ pha bong kha pa rdo rje
'chang la/ gsung 'bum pot bcu lhag

tsam/ stag brag rdo rje 'chang la/ pot bcu grangs tsam/ lcang
skya rin po cher pot nyi shu lhag tsam/ rwa kho ho thog thu la/
pot drug cu lhag tsam/ dge bshes tshang la pot nyi shu rtsa lnga/
a rol tshang la pot nyi shu/

rdzong dkar sprul sku tshang la/ pot gsum/ chos sde rang gi mkhan
po na rim phyag brgyud rtsi bzhag cha tshang/ 'dzin grwa so so'i
skyor dpon la rang rang gi rtsi bzhag dang rtsod yig bcas/ grwa
tshang so sor pot nyi shu lhag

tsam re dpe mdzod du bzhag /thugs rten skor la/ skyabs rje zhwa
dmar rin che'i sku gdung gser zang gyi mchod rten/ a lags rin
po che'i sku gdung mchod rten dngul srang bzhi brgya las bsgrubs
pa thog tshad ma/

@385b byams chen chos rje'i sku gdung mchod rten tsandana dkar
po 'ba' zhig las bsgrubs pa khru gang ma/ lha ldan se ra theg
chen gling gi gzhung pa khang du yongs 'dzin bla ma la'i sku
gdung gser zangs mchod rten bcas/ 'di dag ni

phran gyi tshe 'di dang phyi ma'i 'char can byed pa'i smon lam
gyi rten no/ /phran nas bstan 'dzin gyi skyes bu dam pa rnams la
theg mchog chos kyi 'brel ba byas pa'i mtshan tho tsam la/ ^ gong
sa rgyal dbang/ lho ba yongs 'dzin/

brag ri rdo rje 'chang sku snga phyi/ pha bong kha'i mkhan sprul
rin po che/ sba yer mkhan rin po che/ gung sprul rta tshag yongs
'dzin/ rje sgrub khang rin po che/ e bla ma'i sprul sku/ zung
chu khri sprul rin po che/ 'bul sdud

rin po che/ dge legs mchog sprul/ khang dmar sprul sku/ a tsa
tshag pa/ hor bar thog sprul sku/ hor 'dul ba mkhan po/ khu zhang
sprul sku/ mdo smad du/ ^ lcang skya ho thog thu/ thu'u bkwan ho
thog thu sku snga

phyi/ chu bzang ho thog thu/ stong 'khor ho thog thu sku snga
phyi/ chos sde rang nas skyabs mgon shing bza' rin po che/ mi
nyag khri zur rin po che/ gser tog mchog sprul rin po che/ rgya
yag mchog sprul sku snga phyi/

stag 'tsher mchog sprul rin po che/ rwa kho ho thog thu mchog
sprul rin po che/ sne'u lung mkhan chen/ pA gru mkhan po/ chu
dkar mkhan chen sku snga phyi/ bkra shis mkhan chen sku snga
phyi/ gzims khang mchog sprul/
@386a @#/ /an 'ja' su mkhan chen/ brag tshang mkhan chen/ gro
tshang rgyud pa sprul sku/ zhal dkar mkhan chen/ 'bum 'bar mkhan
chen/ co sne mkhan po/ dge kyA mkhan chen/ mgon kyA mkhan

chen; yongs 'dzin khri sprul/ u shi brag mkhan chen/ yang kyA
mkhan chen/ dka' chen mchog sprul rin po che/ a ka tshang sku
snga phyi/ tshe 'bum ho thog thu/ gro mu khron zhabs drung sku
snga phyi/ phe kyA zhabs drung/

pha gzhi zhabs drung/ smar grub chen sprul sku/ phun tshogs zhabs
drung/ tha kya zhabs drung/ ngo she bla ma/ shi la the ge gen
bla ma/ shi la the rgyud pa bla zur/ bde yengs mchog sprul rin
po che/ mdo pa'i ze mkhan chen/

a rol rin po che/ rgya lo tshang/ a rigs dge bshes tshang/ rtsa
ba che chung gnyis/ rwa sgreng tshang/ tor shul mkhan po/ sku
mched rin po che sku snga phyi/ a lags kho tshe tshang/ a lags
kha rgya tshang/ a lags pi

kya; a lags sgom 'tsher/ sum pa mkhan chen/ wang tshang/ gser
khog rgyud pa tshang/ leng he the'i zhabs drung/ har gdong zhabs
drung/ dgon lung sgo mang mkhan po/ gong ba tshang/ mkhar sngon
shi re ge thu/ smad phyogs su lcang

lung paNTi ta/ te'i bla ma/ ho thog thu bla ma/ co sne mar nyung
ho thog thu sku snga phyi/ khri pa lha rams pa/ pi li'i mkhan po
bla ma/ co sne tsha gan ho thog thu/ co sne ho thog thu bla ma/
go 'phang ho thog thu sku snga phyi/ u cu mu

@386b chin pakshi ge gen/ wang gi zhabs drung/ dpa' thar mkhan
po/ a ra hor chen tsha gan ho thog thu/ gnam sngon zhabs drung/
ha ran ko tA yan chi/ o b+ho the bla ma/ dur bde shar mu rin ge
gen/ dus 'khor paNTi ta/ dar

han bla ma/ il ko san bla ma/ khe re'i mkhan po bla ma/ tho yon
bla ma/ 'o red mkhan po bla ma/ zhal ta pa'i bla ma/ ba ron su
nyid mkhan po bla ma/ stobs tshang ho thog thu/ dar rgyas no min
han sogs skyes chen dam

pa rag rim tsam mo/ /bstan 'dzin gyi skyes bu dam pa rnams ngos
'dzin byas pa'i tho rags bsdus/ gser tog rin po che/ rgya yag
rin po che/ gro tshang rgyud pa tshang/ co sne mkhan rin po che/
an 'ja' su mkhan

chen; chu dkar rin po che/ chu rul kha mkhan chen/ sne'u lung
mkhan chen/ yongs 'dzin sprul sku/ dka' chen mchog sprul rin po
che/ tshe 'bum ho thog thu/ mdzod ge zhabs drung/ u shi brag
mkhan chen/ gro mo

khron zhabs drung/ tshe tan zhabs drung/ pha gzhi zhabs drung/ mi
nyag bakshi tshang/ a rigs dge bshes tshang/ gzhi ma nang a
lags/ rwa sgreng tshang/ yer tse a lags/ nom chi tshang/ shong
shan stag lung mkhan

sprul; 'dan ma sprul sku/ ngo kho tshang/ ma zur tshang bcas lags/
'dir smras pa/ dad ldan bstan pa'i sbyin bdag rnams/ /'das gson
kun gyi dge rtsa la/ /dmigs nas sgyu ma'i nor rdzas sogs/
/'phangs med

@387a @#/ /byin pa de dag gis/ /rang gzhan kun gyi legs tshogs su/
/dmigs nas sku gsung thugs rten sogs/ /rang 'khos dang bstun ser
sna yi/ /dri mas ma sbags legs byas te/ /

bdag dang pha ma nye 'brel dang/ /'brel thog sems can mtha' dag
gi /dge rtsar dmigs nas legs bsgrubs pa'i/ /dge rtsa ji snyed
bsags pa rnams/ /bdag dang ma rgan 'gro ba kun/ /dam pa'i mgon
gyis

legs zin nas/ /lam lnga sa bcu rab bsgrod de/ /myur du sangs
rgyas thob gyur cig /slar smras pa/ sngon tshe rang lo bdun pa
nas/ /mtshan brjod rim par bsags pa yang/ /khri phrag 'ga' tsam
bton pa'i steng/ /

gzhan la bskul ba 'bum phrag gcig /chag med gtan 'dzug re re
yang/ /lo grangs bzhi bcu zhe lnga la/ /sa ya gsum dang 'bum
phrag gnyis/ /bzhi khri lhag bcas song tsam lags/ /yig drug 'gro
ba smin byed

dag ;brgya 'bum lhag tsam byas 'khul lo/ /mthar byed gnyis kyi
rtsa sngags kyang/ /snga ma'i grangs dang 'dra ba'o/ /yon chab
bsags pa'i grangs dag ni/ /'bum phrag drug cu lhag tsam mo/
/satstsha btab

pa'i grangs dag ni/ /lnga 'bum lhag tsam byas 'khul lo/ /bla
ma'i bka' bzhin yan lag bdun/ /kha med mig med grangs tsam la/
/skyabs su 'chol ba'i nyams len ni/ /gzugs brnyan tsam du 'grub

@387b par byas/ /bskyed byed zung dang bla ma'i bka'/ /ji bzhin
bsgrubs par byed pa'o/ /lo rabs brtan cing gzhung brgya bsring/
/brtson 'grus che zhing nang khong lhod/ /shes brtan byang sems
che ba po/ /rtse mo

mkha' yi thog dang ni/ /ri bo mkha' yi bar dag tu/ /rgya hor bod
kyi yul gru ru/ /'khyams 'khyams 'gal me'i 'khor lo bzhin/ /bar
mtshams med par yongs theg ste/ /yid la gdung ba ma bskyed par/ /

phan tshun mdza' ba byed do lo/ /rtsa brgyud bla ma'i bka' drin
las/ /dge ba'i rta la rab bzhon te/ /smon lam srab kyi kha los
sgyur/ /brtson 'grus lcag gis rab bskul te/ /mkha' spyod zhing
du badzra muH

de ltar lhag bsam rnam dag gi /smon pa ji bzhin legs bsgrubs pa/
/rtsa brgyud bla mas byin gyis rlobs/ /gang zhig reg cing mthong
thos dran pas kyang/ /mi shis rgud pa kun bsal dgos 'dod kun/ /

yid la re ba ji bzhin bgegs med du/ /'bad med lhun gyis grub
pa'i bkra shis bstsol/ /zhes rang nyid 'khor bar 'khyams pa'i
ngang tshul gsal bar bkod pa tshul 'di lta bu zhig dgos zhes
skyabs mgon gser

tog chos kyi rgyal po'i yang srid mchog sprul rin po che dang/
rgya yag mchog sprul rin po che/ gser tog chos rje ngag dbang
rgya mtsho bcas dam pa rnams nas yang yang bskul zhing/ khyad par
^ skyabs mgon rgyal ba'i dbang po

@388a @#/ /ljongs 'dir byon pa'i lo rgyus sogs rgyas par 'khod
dgos tshul slar gser tog chos rje nas su wa rNa gzugs kyi grangs
ldan dang/ mu tig chung ba'i phreng ba lha reg bcas nan chen pos
bskul bas

bka' gyen ldog ma nus par/ spyir rang gis 'khor ba'i gnas tshul
brjod pa ngo tsha ba'i gnas su gyur yod/ lhag don khyad par can/
^ gong sa rgyal po'i dbang po'i rnam thar rgya mtsho lta bu las
chu thigs tsam zhig rang gzhan gyi

dad pa'i gsos sman du sbel bar byed pa po ni dge sbyong gi sha
tshugs can chos med b+hu su gu pa ^ chos kyi rdo rjes g.yar khral
tsam du sbel ba'i ri mo'i lam du spel ba po chos la blo mig
mchog tu yangs pa dpyod ldan dus grwa ba dge slong ngag

dbang rgya mtshos bris pa dza yantu// //oM swa sti/ bloO chen
'jam dpal snying po'i dgongs bzangO bcud/ /byangO chubO lam
bzang mtshon pa'i mig gcig pu/ /bstanO pa'i yang snying gsal byed
sgronO

me mchog /rdo rje 'chang dbang zhabs rdul gtsug tu bsten/ /phul
byung bshad dang sgrub pa'i rlabs 'phreng gis/ /nye bar brgyan
pa'i mdo sngags chu gter che/ /mkhyen dpyod hub kyis gsol te
mtha' klas 'gror/ /

stsol mdzad thar lam ston pa'i sa mkhan mchog /yab gcig 'khor
lo'i mgon po'i gsang gsum gyi/ /rlabs chen mdzad bzang pha mtha'
bral ba las/ /tshur mthong byis blo'i yul du gyur ba rnams/ /nyid
kyi

@388b zhal khyim las 'ongs rtogs brjod 'di/ /gus ldan skye bo'i
dad pa 'phel phyir dang/ /rang gzhan dge tshogs rgya chen spel
pa'i slad/ /ho chid mi dbang gtso ba'i dad ldan rnams/ /lhag
bsam dag pas rgyu yon

legs sbyar te/ /mi bzad dpar du bskrun pa'i dge tshogs mthus/
/yab rje mchog gi thugs dgongs rdzogs pa dang/ /yang srid nyin
byed gzhon nu myur gsal te/ /'chad rtsod rtsom pa'i 'od snang
rtag 'gyed shog  /

mi dbang chab srid mnga' thang rigs rgyud 'phel/ /'brel thogs
kun kyang chos mthun bsam don 'grub/ /tshe rabs 'phreng bar rje
btsun bla ma yi/ /gsung gi bdud rtsir ngoms med longs spyod shog
/khyad par ma 'ongs

byang phyogs kA la par/ /'khor gyi 'dus pa dang por rjes bzung
ste/ /sgo gsum mnyes pa 'ba' zhig lhur blangs nas/ /dang po'i
sangs rgyas go 'phang mchog thob shog / //(ces rigs dang dkyil
'khor kun gyi mnga'

bdag drug pa rdo rje 'chang gsum ldan ngur smrig gar gyi rnam
par rol ba ^ rje btsun bla ma dam pa che shos mkhan chen rdo rje
'chang chen po don gyi slad du mtshan nas smos te mtshan brjod par
dka' ba ^ rje btsun blo bzang byang chub bstan pa'i sgron me
dpal bzang po'i

zhal snga nas kyi rnam par thar pa rje rang nyid kyis mdzad pa
'di nyid/ bsod nams stobs kyis mngon par mtho ba'i sa skyong mi
dbang chen po tsun ho chid wang nas rgya sgor lnga brgya phul te
cis kyang par du 'khod dgos tshul gsung nan che bar brten/ gzhan
yang

@389a @#/ /gser tog sgar ba nas dngul srang bcu/ a b+ha ga yan to
dgon pa'i rdor skyabs dka' bcu nas gor mo brgya/ a b+ha ga don
yon gnyer bas gor mo lnga bcu/ a b+ha ga dge slong chos 'khor
nas sgor mo lnga/ sku 'bum dus 'khor grwa

tshang nas gor mo nyer lnga/ dza ya sman pas yang tA kha nyer
gcig /sgar gnyer nas gor mo bcu bcas zhal 'debs su phul ba rnams
bsdus te/ par yig 'bri mi a ru hor chen shog gi grwa rigs dpyod
ldan dge slong blo bzang dkon mchog /bsgo mkhan

dpa' ris dge tshul skal bzang sbyin pa/ sgo dmar mi skya brtson
'grus/ rde'u tsha'i dpon phag mo rdo rje rnams kyis bgyis te mjug
grub par nye skabs/ rje nyid kyi sku'i gcung chos mdzod mkhan po
byams shAk lags nas lha rdzas srid du ring ba bdog pa'i dngos
skyes bcas par byang smon tshig

'di bzhin dgos tshul bskul ma gnang ba'i ngo bzlog ma nus par/ ^
mgon po mchog gi bka' drin gyis 'tsho ba'i dge sbyong gi sha
tshugs 'du gsum snyom las mkhan mi nyag skyes ming bas sug las su
bgyis pa dza yantu// //