@001a @#/ /bstan bcos chen po dbu ma la 'jug pa'i rnam bshad thar
'dod 'jug ngogs zhes bya ba/ zla ba'i dgongs rgyan bzhugs so//

@001a @#/ /na mo gu ru manya dzu g+ho ShA ya/ mi mjed zhing gi
'dren mchog shA kya'i tog /mu med rgyal ba bskyed mdzad 'jam
dpal dbyangs/ /rgyal bas lung bstan 'phags mchog klu sgrub la/ /

sgo gsum dAng ba'i sgo nas phyag bgyi'o/ /'jam dbyangs rnam
sprul dpal ldan zla ba'i zhabs/ /lnga brgya'i gtsug rgyan kun
mkhyen mar me mdzad/ /rgyal ba kun dngos blo bzang grags pa'i
dpal//

sras dang bcas pa'i zhabs la gus phyag 'tshal/ /mkhyen pa'i gter
chen chos kyi rgyal mtshan dang/ /lung rigs smra ba byams pa bkra
shis zhabs/ /thar lam gsal mdzad sgom sde he ru kar/ /

lus ngag yid gsum dAng bas phyag bgyi'o/ /'jig rten dbang phyug
thub bstan rgya mtsho'i sde/ /snang mtha'i rang gzugs chos kyi
nyi ma'i zhabs/ /rigs kun khyab bdag ye shes dpal 'bar

rje/ /'bral med snying ga'i pad mor bzhugs su gsol/ /gang gi
mtshan tsam 'dzin pa'i skye bo la/ /mthar 'dzin 'ching las grol
ba'i dpal ster ba/ /thog mtha' bar gyi yongs 'dzin rnam

@002a @#/ /gsum la/ /rtse gcig gus pa'i yid kyis phyag 'tshal nas/
/rang nyid tshe rabs kun tu 'dris phyir dang/ /rang dang skal
mnyam gzhan la'ang phan pa'i blos/ /dbu ma 'jug pa'i tshig don
rab bshad kyi/ /blo gsal don gnyer can rnams gus pas nyon/ /de
la 'dir zab pa dang rgya che ba'i don gnyis phyin ci ma log par
gtan la 'bebs pa bstan bcos chen po dbu ma la 'jug

pa 'chad pa la bzhi/ /mtshan gyi don/ 'gyur gyi phyag /gzhung gi
don/ mjug gi don no/ /dang po la gnyis/ mtshan bsgyur ba dang/
mtshan bshad pa'o/ /dang po ni/ rgya gar na skad rigs chen

po bzhi yod pa'i nang nas saM skri ta ste legs sbyar gyi skad du
/bstan bcos 'di'i mtshan la/ ma da hya ma ka a ba tA ra nA ma/
zhes 'byung la/ de bod skad du bsgyur na/ dbu ma la 'jug pa zhes
bya ba zhes par 'gyur te/

ma da hyA ma ka ni dbu ma/ a ba tA ra ni 'jug pa/ nA ma ni
zhes bya ba la 'jug pa'i phyir/ bstan bcos bsgyur ba'i thog mar
rgya bod kyi skad shan sbyar ba la chos can/ dgos pa yod de/ dus
gsum gyi sangs rgyas kun gyis

@002b chos rnams legs sbyar gyi skad du ston pas/ rang cag rnams
skad de la bag chags gzhog pa dang/ bstan bcos 'di yang khungs
btsun zhing/ der ma zad lo paN rnams la bka' drin bzo ba sogs
kyi dgos pa yod pa'i

phyir/ gnyis pa mtshan bshad pa ni/ bstan bcos 'di chos can/
khyod la dbu ma la 'jug pa zhes brjod pa'i rgyu mtshan yod de/
dbu ma rtsa ba shes rab de khyod 'jug yul gyi dbu ma dngos yin
la/ khyod de la

zab pa dang rgya che ba gnyis kyi sgo nas 'jug pa'i rgyu mtshan
gyis de ltar brjod pa'i phyir/ bstan bcos 'di chos can/ rtsa
shes la zab pa'i sgo nas 'jug tshul yod de/ rang rgyud pa dang
mthun mong ma yin pa rang gi mtshan

nyid kyis grub pa tha snyad du yang med pa dang/ sems tsam pa
dang thun mong ma yin pa phyi don dang shes pa gnyis ka tha
snyad tsam du grub par bstan pa'i dgos pa gnyis kyi sgo nas rtsa
she'i dgongs pa 'grel ba'i phyir/ bstan

bcos 'di chos can/ rtsa she la rgya che ba'i sgo nas 'jug tshul
yod de/ de nyid las rgya che ba'i lam gyi rim pa ma bstan kyang/
rgya che ba'i lam ston pa 'phags pa'i gzhung gzhan rin chen
phreng ba sogs kyi man

ngag gis kha bskangs te/ mchod brjod kyi skabs su so so'i skye
bo'i sa'i chos gsum/ lus kyi skabs su 'phags pa slob pa'i sa bcu
dang mi slob pa 'bras bu'i sa dang/ khyad par sems bskyed lnga
pa dang drug pa'i

@003a @#/ /skabs su bsam gtan gyi ngo bo zhi gnas la brten te/
bdag med gnyis la so sor rtog pa'i shes rab kyis dpyod pa'i lhag
mthong sgom tshul sogs rgyas par bstan pa'i sgo nas rtsa she'i
dgongs

pa 'grel ba'i phyir/ 'o na rang rgyud pa sogs kyis rtsa she'i
dgongs pa bkral ba de 'phags pa'i dgongs pa mthar thug tu mi
'gro bar ma zad/ lugs 'di'i phyogs snga ma'i gtso bor 'gro ba'i
gnad mthar thug pa gang

la thug ce na/ de ni rang gi mtshan nyid kyis grub pa'i don khas
blangs pa la thug ste/ de yang da lta thal 'gyur pa'i grub mtha'
chen po brgyad kyi rnam gzhag 'jog pa'i sgo nas bshad du rung
yang/ rje nyid kyi gsung las/

dus gsum gyi 'jog tshul thun mong ma yin pa sogs yin no/ /zhes
sogs khongs nas 'dren rgyu yang gsungs shing/ de'i mjug tu yang/
shes sgrib mtshams gang nas spong ba mi 'dra ba sogs kyi khyad
par mang po

zhig yod do/ zhes gsungs pas brgyad du grangs nges pa mi 'thad
cing/ 'on kyang grub mtha'i khyad par gtso che ba 'ga' zhig
bshad na/ rang rgyud pa sogs kyis chos thams cad ming rkyang
btags yod tsam du 'jog ma

shes par chos gang dang gang 'jog na yang brtags don btsal ba'i
sgo nas 'jog pa kho na yin pas/ 'di nyid rang gi mtshan nyid kyis
grub pa khas blangs pa'i don yin no/ /thal 'gyur ba'i lugs 'di
la ni de lta bu

@003b mi bzhed de grags che'o/ /kun gzhi 'dod mi 'dod kyi don ni
kun gzhi 'dod pa rnams kyis/ tshogs drug las ngo bo tha dad pa'i
kun gzhi rnam shes ces pa bdag rkyen dbang po'i sgo nas 'jug mi
dgos par dmigs pa dang rnam pa ris su ma chad pa

'di 'dra zhig yod do zhes dpyad nas 'jog pa yin la/ de ni nang
shes pa las logs su phyi don 'jog mi shes pa'i gnad kyis yin
pas/ rang gi mtshan nyid kyis grub pa khas blangs pa la thug go
/lugs 'di la ni phung po la brten nas

brtags pa'i nga tsam las 'dras kyi rten gzhir bzhed pas kun gzhi
mi 'dod kyi don ni/ sems tsam pa sogs kyis gzugs 'dzin dbang
shes lta bu la phyi yul gyi rnam pa can gyi shes pa gcig dang
nang shes pa

rang nyid kyi rnam ldan du skyes pa'i shes pa gnyis dpyad nas
'jog pas/ phyi ma 'di rang rig tu 'dod do/ /'di yang shes pas
rig tsam gyis yul grub pa dang yul gzhal ba tsam gyis yul can
grub pa'i grub mtha' 'jog ma shes pa'i skyon yin

pas/ rang mtshan khas blangs pa la thug go /lugs 'dir ni yul
'grub byed las logs su yul can shes pa 'grub byed gnyis pa zhig
gtan nas 'jog mi dgos te/ shes pas yul gzhal ba na yul can rang
nyid kyang nges par

'grub pa'i phyir ro/ /phyi don 'dod mi 'dod kyi don ni sems tsam
pa sogs kyis 'jig rten pa'i tha snyad la bsnyon du med pa mig
sogs rgyud kyis bsdus pa la nang dang/ gzugs sogs rgyud kyis ma
bsdus pa la phyi zhes pa'i tha snyad tsam

@004a @#/ /yang 'jog ma shes par phyi don yod na shes pa las logs
su rdul phran cha med bsags pa'i rags pa lings por grub dgos
snyam du bzung nas phyi don 'gog la/ 'di yang rang mtshan khas
blangs pa la thug go /

lugs 'di la ni phyi snong dang nang bcud ces pa 'jig rten pa'i
tha snyad la ji ltar grags pa dang mthun par rgyud kyis ma bsdus
pa'i gzugs sgra sogs phyi don du tha snyad kyi dbang gis 'jog
cing/ 'di yang rang mtshan mi bzhed pa la thug go /yang

zhig pa dngos por 'dod mi 'dod kyi don ni/ rang rgyud pa man
chad kyi lugs la dngos po yin phyin chad 'di'o zhes gdags gzhi'i
yul steng nas btsal te brnyed rgyu yod pa cig dgos par 'dod pas
bum pa lta bu'i zhig pa ni sngar yod bum pa'i ngo

bo log cing/ phyis dngos po gzhan gang gi yang ngo bo ma thob
pa'i gnas skabs kyi med dgag zhig la 'dod pas dngos por 'jog ma
shes te/ rang mtshan khas blangs pa la thug go /lugs 'di la ni
bum pa zhig pa'i don bum

pa'i ngo bo sngar yod log tsam gyi med dgag ma yin gyi de 'dra'i
med dgag de nyid gdags gzhir byas nas sgra rtog gis par btags
pa'i ma yin dgag zhig yin te/ de yang bum pa'i 'jig rgyur gang
song gi rgyu des bskyed pa'i dngos por

bzhed do/ /'dis ni ma 'ongs pa dngos por 'jog tshul yang shes par
bya'o/ /bden 'dzin nyon sgrib yin pa'i don yang 'jug shes drug
la yul rang ngos nas grub par snang ba ltar zhen pa'i dbang gis
chags sdang skyed cing des

@004b las bsags nas 'khor bar 'khor bas/ 'khor ba bzlog pa la
bden 'dzin bzlog dgos shing de la yang dngos por rang bzhin med
par rtogs pa sngon du 'gro dgos pa'i gnad kyis yin pas/ 'phags
pa thams cad kyis chos kyi bdag med rtogs pa'i don yang 'di yin
no/ /grub mtha' 'di rnams chos thams cad ming rkyang btags yod
tsam du 'jog shes pa'i mkhas pa thal 'gyur ba'i khyad chos chen
po yin te/ tha snyad du yang rang gi mtshan nyid kyis

grub pa mi bzhed pa la thug go /gnyis pa 'gyur phyag ni/ 'jam
dpal gzhon nur gyur pa la phyag 'tshal lo/ /zhes gsungs/ skabs
'dir lo paN rnams kyis 'gyur phyag mdzad pa la chos can/ dgos pa
yod de/

'gyur mthar phyin pa'i dgos pa yod pa'i phyir/ 'gyur phyag gi
yul du 'phags pa 'jam dpal bkod pa'i rgyu mtshan yod de/ de shes
rab kyi lha yin pas bstan bcos 'di lhag pa shes rab kyi bslab pa
brjod bya'i gtso bor ston pa'i mngon

pa'i sde snod kyi khongs su gtogs pa'i ched du bkod pa'i phyir/
gsum pa gzhung gi don la bzhi/ bstan bcos brtsom pa la 'jug pa'i
thabs mchod par brjod pa/ brtsam pa'i bstan bcos kyi lus dngos
bshad pa/ bstan bcos

ji ltar brtsams pa'i tshul/ brtsams pa'i bstan bcos kyi dge rtsa
bsngo ba'o/ /dang po la gnyis/ snying rje chen po la so sor ma
phye bar bstod pa dang/ so sor phye nas phyag 'tshal ba'o/ /dang
po la gnyis/ snying rje byang sems kyi gtso bo'i rgyur bstan pa

@005a @#/ /dang/ byang sems kyi rgyu gzhan gnyis kyi yang rtsa
bar bstan pa'o/ /dang po la gsum/ nyan rang thub dbang las skyes
tshul/ sangs rgyas byang sems las 'khrungs tshul/ byang chub sems
dpa'i rgyu'i gtso bo gsum

bstan pa'o/ /dang po ni/dpal ldan zla ba grags pas/ bstan bcos
'di brtsom pa'i thog mar gzhung gzhan gyi mchod brjod kyi yul du
bkod pa'i nyan rang rnams la dngos su mchod brjod ma mdzad par
ma zad/ sangs rgyas dang byang sems rnams la yang

dngos su mchod brjod ma mdzad par/ brtse ba snying rje chen po
kho na la dngos su mchod brjod mdzad pa'i rgyu mtshan de gang zhe
na/ de 'chad pa la/ nyan thos sangs rgyas 'bring rnams zhes sogs
sho lo ka gnyis gsungs/ ngag don ni nyan thos dgra bcom pa dang/

de kho na nyid rtogs pa 'bring po'i rang rgyal dgra bcom pa
rnams chos can/ thub dbang las skyes pa yin te/ thub dbang gis
rten 'brel zab mo'i chos bstan pa nyams su blangs pas rang rang
gi byang chub thob pa'i gang zag yin pa'i phyir/ nyan thos

dgra bcom pa chos can/ khyod kyis gdams ngag thos par byed tshul
yod de/ 'di ltar 'khor ba las grol ba'i bya ba byas so/ /'di las
srid par skye ba gzhan len pa mi shes so/ /zhes pa lta bu'i sgo
nas yin pa'i phyir/ gnyis pa

ni/ 'o na nyan rang thub dbang las 'khrungs na/ thub dbang gang
las bltams zhe na/ thub pa'i dbang po sangs rgyas bcom ldan 'das
chos can/ byang chub sems dpal las 'phrungs pa yin te/ byang
sems kha cig gis yongs 'dzin

@005b byas/ rang dang rgyud gcig tu gyur pa'i byang sems kyis
nyer len byas pa la brten nas 'khrungs pa'i phyir/ byang sems
rgyal sras su bzhag pa ni rang gi bdag rkyen du gyur pa'i rgyal
ba la brten nas bzhag pa yin pas/ sangs rgyas byang sems las

'khrungs par bshad pa dang mi 'gal lo/ /gsum pa ni/ nyan rang
gnyis thub dbang dang byang sems las 'khrungs na/ byang sems de
dag ci'i rgyu can te gang las 'khrungs zhe na/ gang phyir brtse
nyid zhes sogs dang/ dang por nga zhes sogs kyi skabs su

'chad par 'gyur ba'i snying rje'i sems dang/ rtag chad kyi mtha'
gnyis su med pa ste gnyis rang bral ba'i don rtogs pa'i blo shes
rab dang/ 'dir bstan byang chub kyi sems gsum ni chos can/ rgyal
sras rnams kyi rgyu yin te/ de rnams skye byed yin pa'i phyir/
byang

sems 'dir bstan chos gsum las 'khrungs pa yang dbang po rno rtul
gnyis ka'i dbang du byas pa yin te/ dang por stong nyid rtogs
pa'i shes rab btsal nas de'i rjes su sems bskyed pa'i dbang rtul
du ma yod pa'i phyir ro/ /gnyis pa ni/ kho na re/ theg pa

gsum gyi dge legs kyi rtsa ba 'dir bstan chos gsum kar thug pa
la/ chos gsum gyi nang nas snying rje chen po kho na la bstod
phyag mdzad pa'i rgyu mtshan gang yin zhe na/ dpal ldan zla ba
grags pa bdag gis chos can/ bstan bcos 'di rtsom pa'i thog mar

snying rje chen po kho na la dngos su bstod par bgyis 'os te/
rgyu mtshan gang gi phyir na brtse ba snying rje chen po nyid
rgyal ba'i lo thog phun sum tshogs pa 'di'i thog mar bskyed pa la
gal che ba sa bon dang ni 'dra la/ bar du gong nas gong du spel
ba la chu dang 'dra zhing@006a @#/ /tha mar gdul byas yun ring du longs spyod
pa'i gnas la
'bras bu smin pa lta bur 'dod par gyur pa de'i phyir/ 'o na
snying rje'i sngon du gnyis med rtogs pa'i shes rab skye ba yod
pas/ chos gsum gyi rtsa ba snying rje chen po la thug pa ji ltar

'thad ce na/ theg chen rigs nges rnams kyis ni snying rje chen
po'i rjes su stong nyid rtogs pa'i shes rab 'tshol ba yin la/
nyan rang rtogs pa sngon du song ba rnams kyi stong nyid rtogs
pa'i shes rab chos gsum nang mtshan du 'gyur ba snying rje chen
pos zin

pa la rag las pa'i phyir/ dang po grub ste/ snying rje'i sems
dang gnyis su med blo dang/ /zhes sogs kyis rigs nges dbang rnon
gyi rgyud la chos gsum skye rim dang/ 'di ltar snying rje chen
po can ni zhes sogs kyis rigs nges dbang rtul gyi rgyud la chos

gsum skye rim bstan pa gang zhig /rtsa 'grel gnyis kas snying
rje sngon du gsungs pa'i phyir/ 'o na rnam bshad las don dam pa
gtan la phab pa'i 'og tu sems can la snying rje chen po bskyed
pa la brten nas/ sems bskyed cing zhes gsungs pa'i don ji

ltar yin zhe na/ de ni stong nyid gtan la phab pa'i 'og tu
snying rje la brten nas sems bskyed pa'i don yin te/ byang sems
dbang rnon gyi rgyur snying rje gsum ka yod par 'chad pa'i skabs
yin pa'i phyir ro/ /gnyis pa so sor phye nas phyag 'tshal ba la
gnyis/ sems can

tsam la dmigs pa'i snying rje la phyag 'tshal ba/ chos dang dmigs
med la dmigs pa'i snying rje la phyag 'tshal ba'o/ /dang po ni/
snying rje'i yon tan dang bstod pa'i dgos pa de ltar yin na/ de
lta bu'i snying rje'i ngo bo de gang/ dbye ba de ji lta bu zhe
na/

@006b sems can thams cad pa rang gi bu gcig pa dang 'dra ba'i
tshod tsam gyi rang gi ngang gi skye ba'i brtse ba de/ snying rje
chen po'i ngo bo yin la/ de yang dbye ba so so'i ngo bo bshad na
go bar nus pas de 'chad pa la/ dang por nga zhes bdag la zhes
sogs rkang pa drug

gsungs/ don ni dpal ldan zla grags chos can/ sems can la dmigs
pa'i snying rje la phyag 'tshal ba yin te/ ngar 'dzin pa'i 'jig
ltas dang por nga zhes bdag la bden par zhen par gyur cing/ de
nas nga yi bar 'dzin pa'i 'jig ltas bdag gi 'di'o

zhes mig rna sogs kyi dngos po la bden par chags pa ste bdag
'dzin bskyed pa'i zo chun gyi 'phrul 'khor 'phyan pa ltar rang
dbang med par 'khor bar 'khor ba yi 'gro ba la dmigs nas snying
rjer gyur pa gang yin pa de la 'dud pa'i phyir/ de yang dang

por zhes sogs rkang pa gnyis kyis sems can rnams 'khor bar
'khyams pa'i rgyu de bstan/ rkang pa gsum pas dpe'i sgo nas
'khor bar 'khor tshul de bstan/ rkang pa bzhi pas bstod yul gyi
snying rje ngos bzung nas de la bstod tshul de bstan no/ /

gnyis pa ni/ 'o na sems can la dmigs pa'i snying rje la phyag
'tshal tshul de ltar yin na/ chos dang dmigs med la dmigs pa'i
snying rje la phyag 'tshal tshul dang ngo bo ji ltar yin zhe na/
de 'chad pa la/ 'gro ba g.yo ba zhes sogs rkang pa gnyis
gsungs/

de chos can/ chos la dmigs pa'i snying rje la phyag 'tshal ba yin
te/ 'gro ba rlung gis g.yo ba'i chu yi nang gi zla ba'i gzugs
brnyan ltar g.yo ba ste skad cig gis 'jig par mthong nas 'gro
ba la dmigs nas sdug bsngal dang bral bar 'dod pa'i snying rje

@007a @#/ /la 'dud pa'i phyir/ de chos can/ dmigs med la dmigs
pa'i snying rje la phyag 'tshal ba yin te/ chu yi nang gi zla
ba'i gzugs brnyan ltar rang bzhin gyis grub par snang yang rang
bzhin nyid kyis stong par mthong nas 'gro ba la

dmigs nas sdug bsngal dang bral bar 'dod pa'i snying rje la 'dud
pa'i phyir/ gnyis pa bstan bcos kyi lus dngos bshad pa la gnyis/
rgyu'i sa dang/ 'bras bu'i sa'o/ /dang po la gnyis/ sa so so'i
rnam gzhag dang/ sa bcu thun mong gi yon tan bstan

pa'o/ /dang po la gsum/ rab dga' la sogs pa sa lnga bshad pa/ sa
drug pa mngon du gyur pa bshad pa/ ring du song ba sogs lhag ma
bzhi bshad pa'o/ /dang po la lnga/ sa dang po rab tu dga' ba
gnyis pa dri ma med pa/ gsum pa 'ong byed pa/ bzhi pa 'od

'phro ba/ lnga pa sbyangs dka' ba bshad pa'o/ /dang po la gsum/
khyad gzhi sa'i ngo bo mdor bstan/ khyad chos sa'i yon tan rgyas
par bshad/ sa'i yon tan brjod pa'i sgo nas mjug bsdu ba'o/ /dang
po 'chad pa la/ rgyal ba'i sras po zhes sogs rkang pa bzhi

gsungs/ 'o na bstan bcos 'di'i ched du bya ba'i gdul bya snying
rje chen pos drangs te stong nyid kyi lta ba phu thag chod pa
btsal/ de gnyis kyis drangs te kun rdzob byang chub mchog tu
sems bskyed de tshogs sbyor du bsgrod pa la brten nas lam gong ma
ci zhig 'thob

ce na/ sa dang po rab tu dga' ba thob po zhes khong nas drangs
nas/ 'o na sa de'i ngo bo ji ltar yin zhe na/ de 'chad pa la
drangs ma thag pa'i gzhung 'di byung/ don ni 'gro ba rnams 'khor
ba'i sdug bsngal las rnam par grol bar bya ba'i phyir du snying
rje chen po'i gzhan

@007b dbang du gyur cing/ dge rtsa rnams byang sems kun tu bzang
po'i smon pa ste bzang po spyod pa'i smon lam gyis rab tu bsngos
pa'i rab tu dga' ba zhes pa'i sa la gnas pa'i rgyal ba'i sras po
'di yi stong nyid la mnyam par bzhag pa'i sems gang yin pa de ni

chos can/ 'jig rten las 'das pa'i sems dang po zhes bya ste/
bden stong la gnyis snang nub pa'i sems bskyed dang po yin pa'i
phyir/ gnyis pa la gsum/ rang rgyud mdzes pa'i yon tan/ gzhan
rgyud zil gyis gnon pa'i yon tan/ sa dang por lhag pa'i yon

tan bstan pa'o/ /dang po la gnyis/ yon tan so sor phye ste bstan
pa dang/ yon tan mdor bsdus te bstan pa'o/ /dang po la gsum/ don
ldan gyi mtshan thob pa'i yon tan/ rigs su skyes pa sogs bzhi'i
yon tan/ sa gong ma gnon pa sogs gsum gyi yon

tan no/ /dang po 'chad pa la/ de nas bzung te zhes sogs rkang pa
gnyis gsungs/ don ni sa dang po thob pa de nas bzung te byang
sems de ni chos can/ don dam pa'i byang chub sems dpa' zhes bya
ba'i sgra ste ming nyid kyis bsnyad shing brjod rigs te/ don dam

sems bskyed thob pa'i sems dpa' yin pa'i phyir/ gnyis pa ni/ yon
tan de tsam du ma zad rigs su skyes pa sogs bzhi'i yon tan dang
ldan zhes 'chad pa la/ 'di ni de bzhin zhes sogs rkang pa bzhi
gsungs/ don ni byang sems sa dang po ba 'di ni chos

can/ de bzhin gshegs pa rnams kyi rigs su'ang skyes pa yin te/
so skye dang nyan rang gi sa las 'das shing sangs rgyas su bgrod
par nges pa'i lam rgyud la skyes pa'i byang sems yin pa'i phyir/
'o na de ring sangs rgyas rigs su skyes/ /zhes sems

@008a @#/ /bskyes ma thag nas sangs rgyas kyi rigs su skyes par
bshad pa ji ltar yin zhe na/ de dang 'di mi 'gal te/ 'di ni theg
pa gsum po gang rung gi mthong lam thob pa na rang rang gi lam
du rigs nges par 'jog pas rigs nges pa'i yon

tan khyad par can yin no/ /'o na nyan thos ma nges rnam gnyis
te/ /zhes pa dang 'gal lo zhe na/ mi 'gal te skabs 'dir de khas
mi len zhes rje btsun dam pa chos kyi rgyal mtshan gyis gsungs
so/ /byang sems sa dang po ba 'di ni chos can/ mthong

spang gis bsdus pa'i kun tu sbyor ba gsum po thams cad spangs pa
yin te/ de dag slar mi skye ba'i don du byas pa'i phyir/ byang
chub sems dpa' de ni chos can/ dga' ba mchog tu gyur pa 'chang
pa yin te/ sa dang po'i yon tan dang ldan zhing spang

bya'i skyon ci rigs dang bral bas thun mong ma yin pa'i dga' ba
mang po bskyed pa'i phyir/ zhing ni 'og ma 'dren pa'i tshig go
/de chos can/ nus mthu khyad par can dang ldan pa yin te/ dus
gcig la 'jig rten gyi khams mi 'dra ba brgya kun nas

g.yo bar nus par gyur pa'ang yin pa'i phyir/ gsum pa ni/ yon
tan de tsam du ma zad sa gong ma gnon pa sogs gsum gyi yon tan
dang ldan no/ /zhes 'chad pa la/ sa nas sar gnon zhes sogs rkang
pa gsum gsungs/ don ni/ de chos can/

sa gong ma gnon pa'i yon tan dang ldan te/ sa dang po nas sa
gnyis par gnon par byed pa la spro ba shin tu che zhing/ de nas
kyang sa gong ma gong mar rab tu 'gro bar 'gyur ba'i phyir/ sa
dang po thob pa de'i tshe byang sems 'di yi chos can/ ngan 'gror 

@008b 'gro ba'i lam rnams mtha' dag 'gag bste zad par gyur te/
ngan 'gror skye ba'i sa bon spangs pa'i phyir/ de yang bzod thob
ngan song yongs mi ltung/ /zhes sbyor lam bzod pa thob nas ngan
song du mi ltung bar bshad pa ni/ rkyen ma tshang ba'i dbang

gis yin zhing/ 'di ni ngan 'gror skye ba'i sa bon spangs pa la
byed pas de dang khyad par che'o/ /sa dang po thob pa de'i tshe
byang sems 'di yi chos can/ so so skye bo'i sa rnams las 'das
shing byis pa'i rgud pa thams cad zad pa yin te/ byang sems

'phags pa yin pa'i phyir/ gnyis pa dpe'i sgo nas yon tan mdor
bsdus te 'chad pa la/ 'di ni 'phags pa zhes sogs rkang pa gcig
gsungs/ don ni byang sems sa dang po ba 'di ni chos can/ 'phags
pa brgyad pa rgyun zhugs pa ji

lta ba de ltar nye bar bstan pa'i rgyu mtshan yod de/ rgyun zhugs
zhugs pa de 'phags pa'i chos thob pa las rang dang rjes su mthun
pa'i skyon zad cing spang rtogs kyi yon tan 'byung bar 'gyur ba
de bzhin du khyod kyis kyang sa dang po thob pa las de'i skyon
zad cing

yon tan rnams 'byung bar 'gyur ba de ltar yin pa'i phyir/ gnyis
pa gzhan rgyud zil gyis gnon pa'i yon tan la gnyis/ sa 'dir nyan
rang rigs kyi sgo nas zil gyis gnon pa dang/ sa bdun par blo'i
sgo nas zil gyis gnon pa'o/ /dang po ni/ rang rgyud

mdzes pa'i yon tan de ltar yin na/ gzhan rgyud zil gyis gnon
pa'i yon tan ji ltar yin zhe na/ 'di la gnyis yod pas thog mar
rigs kyi sgo nas zil gyis gnon tshul 'chad pa la/ rdzogs pa'i
byang chub zhes sogs rkang pa gsum gsungs/ don ni rdzogs

@009a @#/ /pa'i byang chub kyi sems lta gnyis pa sogs su ma zad
sa dang po rab tu dga' ba la gnas pas kyang chos can/ nyan rang
rnams rigs kyi sgo nas zil gyis gnon pa yin te/ thub pa'i dbang
po'i gsung las skyes pa'i nyan thos dang de

bcas pa rang sangs rgyas rnams ni/ kun rdzob byang chub kyi sems
dang snying rje chen po'i bsod nams dag gi dbang gis pham par
byas pa ste zil gyis mnan nas de dag las bsod nams rnam par
'phel ba'i phyir/ 'o na rigs kyi sgo nas nyan rang zil

gyis gnon pa byang sems so skye la yang yod par byams pa'i rnam
thar gyi mdo las gsungs pas/ de sa dang po'i yon tan du ji ltar
rigs zhe na/ skyon med de 'di'i rigs de lhag bsam dag pa'i sems
bskyed la byed pa'i phyir ro/ /gnyis pa ni/

sa 'dir nyan rang rigs kyi sgo nas zil gyis gnon na/ 'o na/ sa
gang nas blo'i stobs kyi zil gyis gnon zhe na/ de 'chad pa la/
de ni ring du zhes sogs rkang pa gcig gsungs/ don ni byang sems
sa dang po ba de ni chos can/ sa bdun pa ring du

song bar son pa na/ kun rdzob byang chub kyi sems su ma zad blo
don dam sems bskyed yang nyan rang las lhag par 'gyur te/ de'i
tshe 'gog pa yang dag pa'i mtha' la bya rdzogs kyi skad cig ma'i
thung mtha' re la mngon sum du 'jug ldang byed

nus pa'i phyir/ gsum pa sa dang por lhag pa'i yon tan bstan pa
la bzhi/ sa dang po la gnas pa'i sbyin pa bshad pa/ rten dman pa
rnams kyi sbyin pa bshad pa/ byang sems rnams kyi sbyin pa bshad
pa/ sbyin pa'i phar phyin gyi dbye ba bstan

@009b pa'o/ /dang po ni/ 'o na rang rgyud mdzes par byed pa dang
gzhan rgyud zel gyis gnon pa'i yon tan de ltar yin na/ sa 'dir
spyod pa phar phyin gyi yon tan ji 'dra zhig thob ce na/ de ston
pa la/ de'i tshe de la zhes sogs rkang pa bzhi gsungs/ sa dang po
thob

pa de'i tshe byang sems de chos can/ khyod la phar phyin bcu'i
nang nas rdzogs byang gi rgyu 'jig rten las 'das pa'i chos dang
po sbyin pa'i phar phyin nyid ni phar phyin gzhan las ches lhag
par 'gyur te/ lus longs spyod gtong ba la ser sna'i kun 'dzin
gyi dri ma

med pa'i byang sems gang zhig/ tshul khrims sogs la yon tan de
tsam du ma thob pa'i phyir/ dang po zhes pa phar phyin dang po
zhes pa'i don ma yin te/ rang 'grel las/ sbyin pa de yang thams
cad mkhyen pa nyid kyi rgyu dang po yin no/ /zhes dang po'i don
rgyu'i

dang po la bshad pa'i phyir ro/ /kho na re de mi 'thad de/
rdzogs byang gi rgyu dang po tshogs lam na yang yod pa'i phyir
zhe na/ Tik chen las/ de yang 'jig rten las 'das pa'i dbang du
byas po'o/ /zhes gsungs pa ltar ro/ /'o na/ sa 'dir sbyin pa'i


phar phyin lhag pa'i rgyu mtshan ci yin zhe na/ phyi rol gyi
dngos por ma zad slod ba po la rang gi sha ster ba la'ang ches
gus par byas pa yis chos can/ sa dang po ba'i rgyud la gang zag
phal cher la snang du mi rung ba'i yon tan khyad par can dpogs
pa'i rgyu ste rtags

yang dag tu 'gyur te/ de ltar sgrub pa'i tshul gsum yin pa'i
phyir/ gnyis pa rten dman pa'i sbyin pa bshad pa la gnyis/ sbyin
pas 'khor ba'i bde ba 'thob pa/ sbyin pas myang 'das kyi bde ba
'thob pa'o/ /dang po ni/ sa 'dir sbyin pa'i phar phyin lhag

@010a @#/ /na sbyin pa'i phan yon de ji ltar yin zhe na/ 'di la
gnyis yod pas/ dang por sbyin pas 'khor ba'i bde ba 'thob par
'chad pa la/ skye bo 'di kun zhes sogs tshigs bcad gnyis gsungs/
don ni shes bya chos can/ thub pas

gdul bya la tshul khrims sogs kyi dang por sbyin pa'i gtam mdzad
pa'i rgyu mtshan yod de/ mi la sogs pa'i skye bo 'di kun bkres
skom la sogs pa'i sdug bsngal phyir bcos pa'i bde ba mngon par
'dod cing/ mi rnams kyi bde ba de'ang bza' btung

sogs kyi longs spyod med par 'byung ba min la longs spyod de
rnams kyang ni sngon sbyin pa btang ba las 'byung bar mkhyen
cing thabs de bsgrub pa yang ches sla ba'i phyir/ 'o na/ sbyin
pa'i 'bras bur longs spyod phun sum tshogs pa 'byung ba la gtong
ba po tshul

dang mthun pa cig dgos sam zhe na/ de mi dgos te gtong ba po
snying rje shin tu dman zhing der ma zad sems can la shin tu
rtsub pa'i sems dang ldan pa rang don mnon mtho'i bde ba rtsam
lhur len pa nyid du 'gyur ba gang yin pa de dag gi ste de dag la
yang ma 'ongs

pa na bkres skom gyi sdug bsngal nye bar zhi ba'i rgyur gyur
pa'i 'dod pa'i longs spyod rnams tshe 'dir sbyin pa btang ba las
'byung ba'i phyir/ gnyis pa sbyin pas myang 'das kyi bde ba thob
pa ni/ 'o na/ sbyin pa'i 'bras bur 'khor ba'i bde ba de tsam du

zad dam zhe na/ de'i lan 'chad pa la/ 'di yang sbyin pa'i zhes
sogs rkang pa bzhi gsungs/ shes bya chos can/ sbyin pas 'khor
ba'i bde bar ma zad myang 'das kyi bde ba yang 'thob te/ snying
rje dman zhing zhes par bstan pa'i rten dman pas sbyin pa

@010b gtong ba 'di yang sbyin pa gtong ba'i skabs kyi dus nam
zhig gi tshe slong ba po 'phags pa'i skye bo dang 'phrad pa myur
du 'thob la/ de dang 'phrad pa de nas des chos bstan pa mnyams
su blangs pas/ srid pa 'khor ba'i rgyun yang dag par bcad par
byas te 'phags

pa dang 'phrad ba de yi rgyu can te 'bras bu zhi ba myang 'das
su 'gro bar 'gyur ba'i phyir/ gsum pa byang sems kyi sbyin pa la
bzhi/ byang sems kyi sbyin pa'i phan yon thun mong ma yin pa
bstan pa/ rten gnyis ka la sbyin pa'i gtam gtso bor bstan pa/
byang sems

kyis sbyin pa'i tshe dga' ba ci 'dra zhig 'thob bstan pa/ byang
sems kyis lus sbyin pa la sdug bsngal yod med bstan pa'o/ /dang
po ni/ 'o na/ rten dman pa rnams la sbyin pa'i 'bras bur long
spyod 'thob nas bde ba 'byung na/ byang sems kyi sbyin pa'i

'bras bu bde ba ji 'dra zhig dus nam gyi tshe thob ce na/ de
'chad pa la/ 'gro la phan par zhes sogs rkang pa gnyis gsungs/
don ni byang sems rnams chos can/ sbyin pas ring por mi thogs
par pha rol po'i yid tshim par mthong ba na/ sbyin 'bras

dga' ba mchog tu gyur ba 'thob par 'gyur te/ 'gro ba la 'phrad
dang yun du phan bde bsgrub par dam bcas pa'i yid can yin pa'i
phyir/ yang na 'gro ba la 'phral dang yun du phan bde bsgrub par
dam bcas pa'i yid can gyi byang sems rnams

chos can/ rten dman pa las sbyin pa gtong ba la ches gus pa'i
rgyu mtshan yod de/ sbyin pas ring por mi thogs par pha rol po'i
yid tshim par mthong ba na sbyin 'bras dga' ba mchog tu gyur pa
'thob pa'i phyir/ rtags 'di don gyis grub pa yin no/ /@011a @#/ /gnyis pa ni/ 'o na/
thub bas dang por sbyin pa'i
gtam mdzad do zhes bshad na/ rten byang sems dang byang sems
min pa gang la mdzad ce na/ de 'chad pa la/ gang phyir brtse
bdag zhes sogs rkang pa gnyis gsungs/ shes

bya chos can/ rten de gnyis ka la sbyin pa'i gtam nyid gtso bo
ste gal che ba yin te/ rgyu mtshan gang gi phyir na brtse ba'i
bdag nyid byang sems dang/ brtse ba'i bdag nyid byang sems ma
yin pa gnyis ka'i mngon mtho dang nges legs thams cad sbyin

pas 'dren pa de'i phyir/ byang sems kyi mngon mtho sbyin pas
'dren te/ 'gro la ban par zhes sogs tshig rkang gnyis kyis
bstan pa'i byang sems kyi rgyud kyi sbyin pas drangs pa'i yid
bde mngon mtho yin pa'i phyir/ de'i nges legs

sbyin pas 'dren tshul ni/ de tshe de la rdzogs sangs byang chub
rgyu/ /dang po sbyin pa zhes pas bstan no/ /gsum pa ni/ sbyin
pas ring por mi thogs dga' ba 'thob/ /zhes bshad na 'o na/
byang sems rnams la dga' ba khyad par

can ci 'dra zhig 'byung ce na/ de ston pa la/ ji ltar byin cig
cis sogs rkang pa bzhi gsungs/ shes bya chos can/ lus longs
spyod thams cad sbyin par btang bas slong ba po'i yid tshim par
mthong ba na/ byang sems de la bde ba nyan rang

zhi pa'i dbyings su zhugs pa las ches lhag par 'byung ba lta
zhig smros ci dgos te smros mi dgos par thal/ ji ltar slong mo
bas sbyin pa byin cig ces pa'i sgra thos shing bsam pa las
byang sems rang nyid la slong bar go ba na/ rgyal sras de la

@011b dga' ba dang bde ba yang dang yang du 'byung ba ni thub
pa nyan rang dgra bcom rnams la zhi bar zhugs pa'i bde ba de
lta bu bskyed par byed pa ma yin pa'i phyir/ bzhi pa byang
sems kyis lus sbyin pa la sdug bsngal yod med bstan pa ni/ 'o
na/ thams cad btab

pas lta zhig smros ci dgos/ /zhes bshad na/ byang sems kyi lus
gtong ba la sdug bsngal yod dam med ce na/ de'i lan 'chad pa
la/ lus bcad ster zhing zhes sogs rkang pa bzhi gsungs/ don ni
sa thob pa rnams la sdug bsngal med la/ sa ma thob pa'i byang

sems rnams chos can/ sdug bsngal 'byung yang lus gtong ba la
'jug te/ slong ba po la rang gi lus bcad nas ster zhing/ de
ltar bcad pa'i bdag gi sdug bsngal la dpags na sems can gzhan
dag rnams kyi dmyal ba la sogs pa'i sdug bsngal bsran du med

par rang nyid kyis rig cing myong ba dang 'dra ba nyid du
mthong nas ni/ dmyal ba la sogs pa'i sdug bsngal de rgyun bcad
par bya ba'i phyir du myur du lam la brtson 'grus brtsom pa'i
phyir/ bzhi ba sbyin pa'i phar phyin gyi dbye ba bstan pa ni/
sa 'dir sbyin pa'i phar phyin lhag par

bshad na/ 'o na/ sbyin pa'i phar phyin de la ji tsam yod ce
na/ de 'chad pa la/ sbyin pa sbyin bya zhes sogs rkang pa bzhi
gsungs/ shes bya chos can/ sbyin pa'i phar phyin la gnyis su
yod de/ sbyin bya dang/ len pa po dang/ gtong ba po gsum po
rang bzhin gyis grub pas

stong par mngon sum du rtogs pa'i shes rab kyis zin pa'i sbyin
pa de la 'jig rten las 'das pa'i sbyin pa'i phar phyin zhes
bya la/ sbyin pa'i 'khor gsum po dag la bden par chags pa
skyes par gyur pas bcings pa'i sbyin pa de la 'jig rten pa'i
sbyin pa'i phar phyin zhes

@012a @#/ /yum gyi mdo las bstan pa'i phyir re/ /gsum pa sa'i
yon tan brjod pa'i sgo nas mjug bsdu ba ni/ sa dang po'i yon
tan rgyas par phye na de ltar yin mod/ mdor bsdus na/ sa dang
po de 'jig rten pa'i dpe gang dang

chos mtshungs zhe na/ de ston pa la/ de ltar rgyal ba'i sras
kyi zhes sogs rkang pa bzhi gsungs/ sa dang po rab tu dga' ba
'di ni chos can/ nor bu chu shel las grub pa'i zla ba'i dkyil
'khor nya gang ba ji lta ba de bzhin du gnas pa yin te/ zla ba

de rten nam mkha' mthon por gnas shing/ rang gang la gnas pa'i
nam mkha' de 'od dkar pos mdzes par byed pa dang/ mun pa stug
po thams cad rnam par bsal nas gnas pa de bzhin du/ khyod
kyang sngar bshad pa de ltar rgyal sras sa dang po ba rnams

kyi yid la rab tu gnas shing ste gnas pa dang/ rang gi dam
pa'i rten sa dang po ba'i yid la ye shes kyi 'od chags pas
mdzes pa rnyed par gyur pa dang/ rang gi mi mthun phyogs
mthong spang las rgyal ba rnams yin pa'i phyir/ 'dir smras pa/
rab dga'i yid kyi

gung sngon yangs pa la/ /sbyin pa'i dkyil 'khor kun nas rab tu
rgyas/ /'jungs pa'i mun nag 'thug po drung phyung nas/ /phan
bde'i ku mud rgyas 'di em mtshar/ /zhes bya ba ni bar skabs
kyi tshigs su bcad pa'o/ /dbu ma la 'jug pa'i rnam bshad thar
'dod 'jug ngogs

las don dam pa'i sems bskyed dang po'i bshad pa'o/ /! gnyis
pa sa gnyis pa dri ma med pa bshad pa la lnga/ sa 'dir tshul
khrims yongs su dag par bstan pa/ tshul khrims kyi bsngags pa
bstan pa/ tshul khrims kyi mi mthun phyogs dang ma 'dres pa'i
dpe

@012b bstan pa/ tshul khrims phar phyin kyi dbye ba bstan pa/
sa'i yon tan brjod pa'i sgo nas mjug bsdu ba'o/ /dang po la
bzhi/ sa 'dir tshul khrims phun sum tshogs par bstan pa/ de la
brten nas yon tan yongs su dag par bstan pa/ sa dang po las
tshul khrims lhag par

bstan pa/ tshul 'khrims yongs su dag pa'i rgyu gzhan bstan
pa'o/ /dang po ni/ 'o na/ sa dang po bas sbyin pa'i phar phyin
lhag par nyams su blangs pas lam gong ma'i yon tan ji 'dra
zhig 'thob ce na/ tshul khrims kyi phar phyin lhag par 'thob bo
byas pa la/ 'o na nge lhag pa'i don ji

ltar yin zhe na/ de ston pa la/ de tshul phun tshogs zhes sogs
rkang pa gnyis gsungs/ ngag don ni/ sa gnyis pa la gnas pa'i
byang sems de chos can/ sad par ma zad rmi lam gyi gnas skabs
su'ang bcas rang gi kha na mtho ba'i 'chal ba'i tshul khrims
kyi dri ma spangs pa

ste des ma gos pa yin te/ tshul khrims phun sum tshogs pa'i yon
tan yongs su dag pa dang ldan pa'i phyir/ 'dir bstan tshul
khrims ni mi dge bcu spangs pa'i dge bcu'i tshul khrims la rang
'grel las gsungs par ba tshab dang nag tsho'i 'gyur du bshad do/
/gnyis pa ni/

sa 'dir tshul khrims phun sum tshogs pas yon tan yongs su dag
par ji ltar 'gyur zhe na/ de ston pa la/ lus ngag yid kyi zhes
sogs rkang pa gnyis gsungs/ de chos can/ tshul khrims phun sum
tshogs pas yon tan yongs su dag pa dang ldan par 'gyur te/ lus
ngag

yid kyi rgyu ba ste kun spyod rnams sad rmi gnyis ka'i gnas
skabs kun tu ltung ba phra mos kyang dag par gyur pas dam pa
ste dge ba'i las lam bcu char ma tshang ba med pa bsog par byed
pa'i phyir/ de yang tshul khrims phun sum tshogs pa'i don ni
dgag bcas

@013a @#/ /kyi mtshams las ldog pa dang/ yon tan yongs su dag
pa'i don ni sgrub bcas kyi phyogs kun rdzogs pa'o/ /gsum pa sa
dang po las tshul khrims lhag par bstan pa ni/ kho na re/ dge
bcu mtshang ba med par bsog pas gnyis pa'i yon tan du

'chad pa mi rigs te/ de sa dang po ba la yang yod pa'i phyir
zhe na/ de'i lan 'chad pa la/ dge ba'i lam 'di zhes sogs rkang
pa bzhi gsungs/ don ni/ sa dang po ba la de yod mod kyang/ sa
gnyis pa la gnas pa'i byang sems de chos can/ sa dang po las
tshul khrims

lhag pa yin te/ dge ba'i las kyi lam 'di lta zhig bcu char
yang khyod la klags pa ste shin tu phul du byung ba dag par
'gyur ba de lta bu ni sa dang po ba la med pa'i phyir/ 'o na/
nang du tshul khrims rnam dag dang ldan pas phyi'i rtags sam
mtshan ma ji lta bu 'byung

zhe na/ de 'chad pa la/ ston ka'i zla ltar zhes sogs rkang pa
gnyis gsungs/ don ni/ rtag tu tshul khrims rnam par dag pa dang
ldan pa'i sa gnyis pa ba de chos can/ khyod ston ka'i zla ba
ltar gyur ba yin te/ ston ka'i zla ba la tsha gdung zhi bar
byed pa dang/ dkar

ba'i 'od kyis mdzes pa gnyis yod pa bzhin du khyod kyang dbang
po'i sgo bsdams pas 'chal tshul gyi tsha gdung zhi ba dang/ lam
mer gsal ba'i lus kyi 'od chags pa de dag gis rnam par mdzes
pa de yin pa'i phyir/ bzhi pa tshul khrims yongs su dag pa'i
rgyu

gzhan bstan pa ni/ 'o na/ so thar las brtsams pa'i bcas rang
gi kha na ma tho ba'i ma gos pa tsam gyis byang sems kyi
khrims rnam dag tu 'gyur ram zhe na/ de'i lan ston pa la/ gal
te 'di ni zhes sogs rkang pa bzhi gsungs/ gal te so thar las

@013b brtsams pa'i tshul khrims yongs su dag kyang rang bzhin
gyis grub par blta ba mi spong na gang zag de ni chos can/
'jig rten las 'das pa'i byang sems kyi tshul khrims rnam dag tu
mi 'gyur te/ 'khor gsum rang bzhin gyis grub par blta ba de'i
phyir/

'o na/ byang sems kyi tshul khrims yongs su dag pa'i rgyu gzhan
de ji 'dra zhig yin zhe na/ 'khor gsum rang bzhin gyis grub
par blta na tshul khrims yongs su mi dag pa de'i phyir/ byang
sems gnyis pa ba de ni chos can/ 'jig rten las 'das pa'i byang
sems kyi

tshul khrims yongs su dag pa yin te/ rtag tu tshul 'chal gang
spong ba dang/ gnyen po gang gis spong ba dang/ tshul ji ltar
spong ba'i 'khor gsum char la'ang dngos po dang dngos po med
par bden par blta ba'i gnyis blo'i rgyu ba dang yang dag par
bral bar 'gyur

ba de yin pa'i phyir/ gnyis pa tshul khrims kyi bsngags pa
bstan pa la lnga/ sbyin 'bras bde 'gro'i rten la spyod pa tshul
khrims la rag las pa/ sbyin 'bras la skye ba brgyud mar spyod
pa tshul khrims la rag las pa/ tshul khrims dang bral na ngan
'gro

las thar ba shin tu dka' ba/ sbyin pa'i gtam gyi rjes su tshul
khrims kyi gtam mdzad pa'i rgyu mtshan/ mngon mtho dang nges
legs gnyis ka'i rgyur tshul khrims bsngags pa'o/ /dang po ni/
sa 'dir tshul khrims lhag tshul de ltar yin na/ 'o na tshul
khrims

de yon tan ji lta bu dang ldan zhe na/ de ston pa la/ sbyin
pas longs spyod zhes sogs rkang pa bzhi gsungs/ shes bya chos
can/ sbyin 'bras bde 'gro'i rten la longs spyod 'dod pas tshul
khrims bsrung dgos te/ tshul khrims dang ldan pas sbyin pa
btang ba

@014a @#/ /las sbyin 'bras longs spyod dag ni lha mi'i nang d
 'byung la/ skye bo tshul khrims kyi rkang pa nyams pa la sbyin
'bras 'gro ba ngan pa ste ngan 'gro'i nang du 'byung ba'i
phyir/ na'ang zhes pa'i don ni gtong ba po tshul khrims dang ma
ldan pa la'ang sbyin 'bras

tsam 'byung ba yod kyang bde 'gro'i rten la 'byung ba med ces
pa'i don no/ /gnyis pa ni/ 'o na/ sbyin 'bras ngan 'gro'i rten
la smin na nyes pa ci yod ce na/ de ston pa la/ bskyed bcas
dngos 'du zhes sogs rkang pa gnyis gsungs/ shes bya chos can/
sbyin

'bras la skye ba bar mchad du longs spyod pa yang tshul khrims
la rag las te/ tshul khrims nyams pa'i dbang gis sbyin 'bras
ngan 'gro'i rten la smin na sngon sbyin pa btang ba'i bskyed
dang bcas pa'i dngos po'i 'du bste rtsa ba yongs su zad pa na
phyin chad gang zag de la

longs spyod skye ba brgyud mar 'byung bar mi 'gyur ba'i phyir/
dper na zhing pa 'ga' zhig sa bon mi 'debs par gro nas sogs la
longs spyod pa bzhin no/ /gsum pa ni/ tshul khrims nyams na
sbyin 'bras bde 'gro'i rten la mi 'byung bar ma zad ngan 'gro
kho nar brgyud dgos

pa'i rgyu mtshan ci yin zhe na/ de ston pa la/ gang tshe rang
dbang zhes sogs rkang pa bzhi gsungs/ shes bya chos can/ tshul
khrims nyams na ngan song las thar ba shin tu rnyed dka' te/
gang gi tshe chos byed pa la rang dbang du 'jug cing mthun pa'i
yul lha mi'i 'gro

ba na gnas pa'i tshe/ gal te gang zag 'dis tshul khrims bsrung
ba'i sgo nas bdag nyid 'dir ngan 'gror 'gro ba las 'dzin par
mi byed na/ phyis tshul khrims dang bral ba'i rkyen gyis ngan
'gro'i g.yang sar lhung bas rang la dbang med par las nyon
gyi gzhan dbang

@014b gis 'jug par 'gyur pa'i tshe/ ngan song de las phyis nas
thabs gang gis slong bar 'gyur ba rnyed dka' ba'i phyir te/
ngan 'gro'i rten la dge ba bsgrub pa shin tu dkon zhing/ sdig
pa bsog pa la shin tu thubs ngan 'gro kho nar brgyud dgos pa'i
phyir/ bzhi pa ni/ 'o na ston

pas sbyin pa'i rjes su tshul khrims kyi gtam mdzad pa'i rgyu
mtshan gang yin zhe na/ de ston pa la/ de phyir rgyal bas zhes
sogs rkang pa gnyis gsungs/ don ni sdig pa mtha' dag pham par
mdzad pa'i rgyal bas sbyin pa'i gtam mdzad nas/ de'i mjug
thogs su tshul khrims sbyin

pa'i rjes su 'gro ba'i tshul khrims bsgrub dgos zhes pa'i gtam
nyid mdzad pa'i rgyu mtshan yod de/ sbyin sogs kyi yon tan mi
zad cing 'phel ba'i ched dang/ tshul khrims nyams pa nyes pa du
ma'i 'byung gnas yin pa de'i phyir/ 'o na sbyin pa'i 'bras bu
longs spyod

yun ring du 'byung ba tshul khrims la rag las pa'i rgyu mtshan
gang yin zhe na/ de ston pa la/ yon tan tshul khrims zhes sogs
rkang pa gnyis gsungs/ shes bya chos can/ sbyin sogs kyi 'bras
bu la yun ring du longs spyod pa tshul khrims la rag las te/
yon tan thams

cad kyi rten du gyur pa'i tshul khrims kyi zheng du sbyin sogs
kyi yon tan rnam par 'phel ba na/ rgyu sbyin sogs kyi 'bras bu
longs spyod phun sum tshogs pa skye ba brgyud mar nye bar longs
spyod pa rgyun chad pa med par 'gyur bar 'gyur la/ tshul khrims
nyams na de ltar mi 'byung ba'i phyir

lnga pa mngon mtho dang nges legs gnyis ka'i rgyur tshul khrims
bsngags pa ni/ tshul khrims 'chal na ngan 'gror lhung zhing der
lhung na sdig pa bsog cing dge ba mi byed pas mngon mtho dang
nges legs gang yang 'thob dka' bar bshad na/ 'o na/ de gnyis
ka'i rgyur med du mi rung ba de

@015a @#/ /gang yin zhe na/ de yang tshul khrims yin no zhes
ston pa la/ so so skye bo zhes sogs rkang pa bzhi gsungs/ shes
bya chos can/ so so skye bo lam du ma zhugs pa rnams kyi mngon
mtho'i rgyu dang thub dbang gi

gsung las skyes ba'i nyan thos dang rang gi byang chub la bdag
nyid nges pa rang rgyal rnams dang/ rgyal sras rnams kyi nges
par legs pa'i rgyu ni tshul khrims dang 'brel ba las gzhan med
de/ mngon mtho'i rten dang/ rten

de la sbyin 'bras la longs spyod pa gnyis ka tshul khrims la
rag las shing/ de gnyis nges legs 'thob pas yang med du mi
rung ba yin pa'i phyir/ gsum pa tshul khrims kyi mi mthun
phyogs dang ma 'dres pa'i dpe bstan

pa ni/ rmi lam du yang 'tshul 'khrims dri ma spangs/ /zhes sa
gnyis pa ba'i rgyud la 'chal tshul gyi dri ma rmi lam du yang
mi 'byung bar bstan pa la/ kho na re/ de'i thugs rgyud 'chal
tshul gyi dri ma dang lhan cig tu mi gnas pa'i

rgyu mtshan gang yin dpe de ji lta bu yin zhe na/ de ston pa
la/ ji ltar rgya mtsho ro zhes sogs rkang pa bzhi gsungs/ bdag
nyid chen po sa gnyis pa bde chos can/ tshul khrims 'chal ba
dang rgyud lhan cig tu nam yang gnas par

mi 'dod de/ sngar bshad pa de ltar tshul khrims rnam par dag
pa'i dbang du byas pa'i phyir/ ji ltar te dper na rgya mtsho
chen po na klu gtsang spra can gnas pas ro dang zhag tu lha
cig mi gnas pa dang/ bkra shis pa'i phun sum

@015b tshogs pa ni/ rna nag ma ste bkra mi shis pa dang lhan
cig tu mi 'grogs pa bzhin no/ /bzhi pa tshul khrims phar phyin
gyi dbye ba bstan pa ni/ sa 'dir tshul khrims kyi phar phyin
lhag na/ 'o na/ tshul khrims kyi phar phyin de la

dbye na ji tsam yod ce na/ de ston pa la/ gang gis gang zhig
zhes sogs rkang pa bzhi gsungs/ shes bya chos can/ tshul khrims
kyi phar phyin de la gnyis su yod de/ gang zag gang gis spong
ba dang/ spang bya gang zhig spong

ba dang/ yul sems can gang la spong bar byed pa'i tshul khrims
kyi 'khor gsum du bden par dmigs pas bcings pa yod na/ des
bcings pa'i tshul khrims kyi phar phyin de la 'jig rten pa'i
tshul khrims kyi phar phyin

zhes mdo las bshad la/ tshul khrims kyi 'khor gsum dag la bden
par chogs pas stong pa ste bden med mngon sum du rtogs pa'i
shes rab kyis zin pa'i tshul khrims kyi phar phyin de/ 'jig
rten pa'i tshul khrims kyi phar phyin

zhes mdo las bshad la/ tshul khrims kyi 'khor gsum dag la bden
par chags pas stong pa ste bden med mngon sum du rtogs pa'i
shes rab kyis zin pa'i tshul khrims kyi phar phyin de/ 'jig
rten las 'das pa'i

tshul khrims kyi phar phyin yin pa'i phyir/ lnga pa sa'i yon
tan brjod pa'i sgo nas mjug bsdu ba ni/ 'o na tshul khrims kyi
phar phyin rgyas par bshad na de ltar yin mod/ mdor bsdus na/
sa gnyis pa de 'jig rten

pa'i dpe gang dang chos mtshungs zhe na/ de ston pa la/ rgyal
sras zla ba las byung zhes sogs rkang pa bzhi gsungs/ sa gnyis
pa dri ma med pa 'di yang chos can/ ston ka'i dus kyi zla ba'i
'od ni ji lta ba bzhin@016a @#/ /du gyur pa yin te/ sa gnyis pa'i rgyal sras kyi zla
ba las byung zhing/ 'chal chul gyi dri ma dang bral bas tshul
khrims kyi 'od dang ldan pas/ 'chal tshul gyis bskyed pa'i 'gro
ba'i yid kyi

gdung ba bsel bar byed pa yin pa'i phyir/ sa gnyis pa ba de
chos can/ srid pa 'khor ba pa ma yin kyang srid pa ba'i dpal
du gyur pa yin te/ nang du yon tan phun sum tshogs pa la mnga'
bsgyur zhing/ phyi rol du

gzhan gyi don du gling bzhi la dbang ba'i 'khor los bsgyur
ba'i rgyal po'i skye ba 'dzin pa'i phyir/ 'dir smras pa/ tshul
khrims gser gyi sa gzhi'i mngal las 'khrungs/ /'chal tshul nyes
pa'i skyon gyis rnam par

dag /rgya chen spyod pa'i bang rim bzhi dang ldan/ /rgyal sras
ri dbang mchog 'di 'gro ba'i dpal/ /zhes bya ba ni bar skabs
kyi tshigs su bcad pa'o/ /dbu ma la 'jug pa'i rnam bshad thar
'dod 'jug

dogs las don dam pa'i sems bskyed gnyis pa'i bshad pa'o// !
//gsum pa sa gsum pa 'od byed pa bshad pa la bzhi/ khyad gzhi
sa'i nges tshig /khyad chos sa'i yon tan/ phar phyin

dang po gsum gyi khyad par gyi chos/ sa'i yon tan brjod pa'i
sgo nas mjug bsdu ba'o/ /dang po ni/ 'o na/ sa gnyis par tshul
khrims kyi phar phyin lhag par goms pa la brten nas lam gong
ma ci zhig 'thob

@016b ce na/ sa gsum pa 'ong nyed pa 'thob bo zhes khongs nas
drangs nas/ 'o na/ sa de la 'od byed pa zhes brjod pa'i rgyu
mtshan gang zhe na/ de 'chad pa la/ shes bya'i bud shing zhes
sogs rkang pa bzhi gsungs/ don ni/

byang sems kyi sa ni gsum pa 'di chos can/ khyod la 'od byed
pa zhes brjod pa'i rgyu mtshan yod de/ mnyam gzhag tu gnyis
snang gi shes bya'i bud shing ma lus pa bsreg pa'i ye shes kyi
me'i 'od dang/ de'i stobs

kyis rjes thob tu 'od kyi snang ba khyad par can 'byung bas de
ltar brjod pa'i phyir/ 'od khyad par can ji lta bu 'byung zhe
na/ sa gsum pa thob pa de'i tshe bde gshegs sras po chos can/
rjes thob tu 'od snang khyad par can 'byung

ste/ nyi ma 'char la khang pa'i dus su zangs 'dra ba'i snang
ba 'byung ba ltar rjes thob tu 'od dmar ser gyis khyab pa'i
snang ba 'byung ba'i phyir/ gnyis pa khyad chos sa'i yon tan
la bzhi/ sa 'dir bzod pa lhag par bstan pa/

bzod pa gzhan ji ltar bsten pa'i tshul/ bzod pa'i phar phyin
gyi dbye ba/ sa 'dir 'byung ba'i dag pa'i yon tan gzhan bstan
pa'i/ /dang po ni/ sa nges tshig de ltar yin na/ sa 'dir sa
gnyis pa sogs las lhag pa'i

yon tan ci zhig thob ce na/ bzod pa'i phar phyin lhag par thob
bo zhes 'chad pa la/ gal te gnas min zhes sogs rkang pa bzhi
gsungs/ shes bya chos can/ sa gsum par snying rje'i sgo nas
bzod pa'i phar phyin lhag

@017a @#/ /pa yin te/ gal te khong khro ba'i gnas ma yin pa
byang sems sa gsum pa bde la ni rgyud rab tu 'khrug pa 'ga'
yis/ byang sems de'i lus las sha ni rkyang bar ma zad rus pa
dang/

bcas pa dus yun ring du che ba mi gcod par srang re re nas te
chung ngu chung ngur bcad par gyur kyang byang sems de'i bzod
pa rang gi sha gcod par byed pa la dmigs nas lhag pa skye ba'i
phyir/ 'o na/ gnod pa la

ji mi snyam pa'i bzod pa skye tshul de ltar yin na/ chos la
nges rtogs kyi bzod pa skye tshul ji ltar yin zhe na/ de 'chad
pa la/ bdag med mthong ba'i zhes sogs rkang pa bzhi gsungs/
shes bya chos can/ sa gsum par snying rje'i

sgo nas bzod pa lhag par ma zad/ shes rab kyi sgo nas kyang
bzod pa lhag pa yin te/ rgyu mtshan gang gi phyir na bdag med
mngon sum du mthong ba'i byang sems sa gsum pa ba de'i lus la
gcad bya gang zhig gcod byed gang gis dus

gang gi tshe tshul ji ltar du gcod pa'i 'khor gsum gyi chos kun
sa gsum pa ba de yis gzugs brnyan ltar bden med du mngon sum
du mthong ba ste rtogs pa des kyang byang sems de yis bzod par
'gyur ba'i phyir/ kyang sgra'i don ni/

bzod pa lhag pa'i rgyu snga mar ma zad 'dir yang yod ces pa'o/
/gnyis pa bzod pa gzhan ji ltar bsten pa'i tshul la gnyis/
khong khro bya bar mi rigs pa dang/ bzad pa bsten par rigs
pa'o/ dang po la bzhi/ dgos pa med cid nyes

@017b dmigs che bas khong khro ba mi rigs pa/ phyis kyi sdug
bsngal mi 'dod pa dang gnod lan byed pa gnyis 'gal bar bstan
pa/ sngar yun ring bsags pa'i dge rtsa 'joms pas khong khro ba
mi rigs pa/ mi bzod pa'i skyon mang po bsam

nas khong khro ba mi rigs pa'o/ /dang po ni/ sa 'dir bzod pa
lhag tshul de ltar yin na/ bzod pa'i phan yon dang khong khro'i
nyas dmigs ji ltar yin zhe na/ de yang bzod pa de skye 'phags
gnyis ka'i dge rtsa 'phel ba'i rgyu yin pas khong

khro can rnams bzod pa bsgom par rigs zhes spyir ston pa la/
gnod pa byas pas zhes pa nas myur bsten bya/ zhes pa'i bar
gsungs/ rkang pa dang po bzhi'i don ni/ shes bya chos can/
bdag legs su 'dod pa dag rang la gnod pa

byas pa'i gnod lan du gal te gnod byed de la dkon na sta khros
nas gnod lan byed pa 'di ni nges par tshe 'dir don nam dgos pa
med de/ gnod byed de la dkon pa ste khros nas gnod lan byas
pas sngar rad la gnod pa byas zin pa'i rma srol

la sogs pa ldog gam ci ste mi ldog pa de'i phyir/ 'dir dkon pa
zhes pa ni zhe kham pa dang/ zha kham pa ni zhe la rtsu ba
ba'i sems kar kar ba ste khong khro ba dang don gcig go /shes
bya chos can/ gnod lan byed pa tshe 'dir dgos  pa med par ma
zad/ 'jig rten phyi ma pha rol gyi don dang yang ni 'gal bar
'gyur te/ khong khros rnam smin yid du mi 'ong ba 'phen pa
rang gis myong dgos pa'i phyir/ gnyis pa ni/ gnod lan mi rigs
pa'i rgyu mtshan de tsam du zad dam zhe na/ ma

@018a @#/ /zad de rgyu mtshan gzhan yang yod pa'i phyir zhes
ston pa la/ sngon byas pa yi zhes sogs rkang pa bzhi gsungs/
don ni/ shes bya chos can/ phyis kyi sdug bsngal spong bar
'dod pas gzhan la gnod lan byed

pa dang ni khong khro ba mi rigs te/ de gnyis sdug bsngal byir
te slar yang sdug bsngal phyi ma'i sa bon nam rgyu nyid yin
pas sdug bsngal mi 'dod bzhin du de'i rgyu la ji lta bur na
'khrid par byed de byed mi rung ba'i phyir/ de chos can/ rang
la

gnod pa byed pa'i dgra bo la khong khro bar mi rigs te/ nges
byas ba'i sdug bsngal de nyid sdon rang gis byas pa'i mi dge
ba'i las ngan gyi rnam smin dang rgyu mthun gyi 'bras bu gang
yin pa zad par byed pa brjod par 'dod pa de nyid ko

ste de nyid yin pa'i phyir/ dper na/ gsad bya'i mi zhig skyes
bu gzhan zhig gis lag pa bcad nas thar bar byed na de nyid la
dga' bar byed dgos pa bzhin no/ /gsum pa sngar yun ring bsags
pa'i dge rtsa 'joms pas

khong khro ba mi rigs pa ni/ khong khros rnam smin yid du mi
'ong ba 'ben ba 'ba' zhig tu ma zad/ sngar yun ring bsags pa'i
dge rtsa 'joms pas khong khro dgag dgos zhes 'chad pa la/ gang
phyir rgyal sras zhes sogs

rkang pa bzhi gsungs/ shes bya chos can/ dge rtsa 'joms pa la
mi bzed pa khong khro las gzhan pa'i sdig pa stobs che ba yod
pa ma yin te/ rgyu mtshan gang gi phyir na byang sems bdag nyid
chen po rang las blo dman

@018b pa'i rgyal sras rnams la khros pa yi khro sems skad cig
ma gcig gis sbyin pa dang tshul khrims goms pa las byung ba'i
bsod nams kyi tshogs kyis bsdus pa'i dge rtsa bskal ba brgyar
bsags pa 'joms pa de'i phyir/

spyod 'jug tu/ bskal ba stong gi dge rtsa 'joms par gsungs pa
ni byang sems ma yin pas byang sems la khros pa'i dbang du
byas pa yin no/ /'o na/ khong khros dge rtsa 'joms pa'i don
gang yin zhe na/ dge rtsa'i rnam smin gyi

'bras bu yin 'ong 'byin pa la gnod pa byas pa de de'i don yin
gyi nus pa gtan med du byed pa dang rnam smin rgyangs ring du
byed pa sogs ni de'i don ma yin pas/ khong khros bcom pa'i dge
rtsa dge rtsa yin no/ /de la yang zad pa chung

'bring che gsum ste dge rtsa'i nus pa cung zad bcom pa dang/
phyed tsam bcom pa dang/ phal cher bcom pa la go rim bzhin du
srabs pa dang yongs su byang ba dang yongs su gtugs pa'i tha
snyad kyis gsungs so/ /'dir kha cig  na re/ theg chen sbyor
lam du myur du 'pho nus pa zhig gis lung bstan thob pa'i byang
sems la khros pas dge rtsa 'joms par bshad pa mi 'thad par
thal/ theg chen tshogs lam chen po ba'i rgyud la khong khro med
pa'i phyir te/

de yin na/ bsam gtan gyi dngos gzhi snyoms 'jug thob la mnyams
pa'i gang zag yin dgos pa'i phyir na ma khyab ste/ theg chen
tshogs lam chen po ba'i rgyud la khong khro yod par thal/ theg
chen sbyor lam drod pa

@019a @#/ /ba'i rgyud la khong khro yod pa'i phyir/ ma grub na/
der thal/ dber na 'dam bu'i tshal de mes tshig par sla ba bzhin
du/ theg chen sbyor lam drod pa ba'i rgyud kyi dge rtsa yang
khong khros 'joms

par sla ba yin pa'i phyir te/ de ltar du dpe don sbyar nas yum
gyi mdo las gsungs pa'i phyir/ bzhi pa mi bzod pa'i skyon mang
po bsam nas khong khro ba mi rigs pa ni/ khong khros dge rtsa
'joms par ma zad/

tshe 'dir lus kyi lang mtsho'i yon tan sogs 'joms pas khong khro
dgag dgos zhes ston pa la/ mi sdug gzugs su zhes sogs rkang pa
gsum gsungs/ shes bya chos can/ khong khros lang mtsho'i yon
tan

'joms te/ khong khro skyes pa nyid kyis bzhin yang mi sdug
pa'i gzugs su byed cing de'i dbang gis bya ba ngan pa la 'jug
pas dam pa ma yin par dkri ba ste 'khrid par byed pa'i phyir/
der ma zad khong khros yid kyi

blang dor 'byed pa'i shes rab 'joms te/ khong khros 'di ni bya
bar rigs pa'i tshul dang/ 'di ni bya bar mi rigs pa'i tshul min
shes pa'i rnam dpyod ste blo gros 'phrog par byed pa'i phyir/
shes bya chos can/ der ma zad mi bzod

pa khong khro yis shi ba'i 'og tu myur du ngan 'gror bskur bar
byed de/ khong khro sdig pa stobs chan mthar thug yin pa'i
phyir/ myur du zhes pa'i don ni skye srid mang po bar ma chad
par zhes pa'o/ /gnyis pa bzod pa bsten par

@019b rigs pa la gnyis/ bzod pa'i yon tan du ma bsams pa dang/
don bsdus te bzod pa bsten par gdams pa'o/ /dang po ni/ khong
khro'i nyes dmigs de ltar yin na/ bzod pa'i phan yon ji ltar
yin zhe na/ de ston

pa la/ bzod pas bshad zin zhes segs rkang pa lnga gsungs/ shes
bya chos can/ bzod pa ni yon tan du ma dang ldan te/ bzod pa
bsgom pas sngar bshad zin pa'i khong khro'i skyon dang 'gal
ba'i yon tan rnams skye bar byang

pa'i phyir/ 'o na/ yon tan ji lta bu 'byung zhe na/ shes bya
chos can/ bzod pa las khong khro'i skyon dang 'gal ba'i yon
tan 'byung te/ bzod pa bsgom pas tshe rabs kun tu gzugs mdzes
pa thob shing/ der ma zad/ skya bo dam pa

rnams la phangs shing te gces pa dang/ lugs te bya bar rigs pa
dang/ lugs min pa ste bya bar mi rigs pa'i tshul shes pa la
mkhas par 'gyur zhing/ shi ba de yin 'og tu ni lta dang mi'i
skye ba len pa dang/ khong khro sogs

kyis bsags pa'i sdig pa rnams zad par 'gyur ba'i phyir/ gnyis
pa ni/ khong khro'i skyon dang bzod pa'i yon tan shes par byas
nas ci zhig bya zhe na/ de'i lan ston pa la/ so so'i skye bo
dang ni zhes sogs rkang pa bzhi

gsungs/ shes bya chos can/ so so skye bos khong khro ba'i
skyon gyi nyes dmigs dang ni/ rgyal sras rnams kyi sa bzod pa
bsgom pa'i phan yon rnams rig par byas te mi bzod pa'i khong
khro spangs nas 'phags pa'i skye

@020a @#/ /bo yis yang dang yang du bsngags pa'i bzod pa rtag
tu sta dus thams cad du myur du bsten par bya dgos te/ khong
khro nyes pa kun gyi 'byung gnas dang/ bzod pa yon tan du ma'i
'byung gnas

yin pa de'i phyir ro/ /gsum pa bzod pa'i phar phyin gyi dbye
ba bstan pa ni/ 'o na/ sa 'dir bzod pa'i phar phyin lhag par
thob na/ bzod pa'i phar phyin de la dbye na ji tsam yod ce na/
de ston pa la/ rdzogs sangs rgyas kyi

zhes sogs rkang pa bzhi gsungs/ shes bya chos can/ bzod pa'i
phar phyin la dbye na gnyis su yod de/ bzod pa yang rdzogs
pa'i sangs rgyas kyi byang chub kyi phyir bsdos kyang/ gang
bzod pa dang gang gis bzod pa

dang sems can gang la bzod pas bzod pa'i 'khor gsum dag la
bden par dmigs pas bzings pa yod na/ de 'dra ba'i bzod pa'i
phar phyin de ni 'jig rten pa'i bzod pa'i phar phyin dang/
'khor gsum bden

par dmigs pa med na sta bden med mngon sum du rtogs pa'i shes
rab kyis zin na de 'dra ba'i bzod pa'i phar phyin de nyid la/
sangs rgyas kyi 'jig rten las 'das pa'i bzod pa'i phar phyin
zhes yum gyi mdo las bstan

pa'i phyir ro/ /bzhi pas 'dir 'byung ba'i dag pa'i yon tan
gzhan bstan pa la gnyis/ rang don gyi yon tan dang/ gzhan don
gyi yon tan no/ /dang po ni/ 'o na sa 'dir bzod pa lhag tshul
de ltar yin mod yon

@020b tan gzhan ci zhig thob ce na/ de 'chad pa la/ sa der
rgyal sras zhes sogs rkang pa gnyis gsungs/ sa gsum pa der
gnas pa'i rgyal sras chos can/ bzod par ma zad rang don spang
rtogs kyi yon tan khyad par can

thob te/ rtogs pa'i yon tan bsam gtan bzhi dang/ gzugs med
bzhi dang/ tshad med bzhi dang/ mngon shes lngal sogs pa'i ting
nge 'dzin gyi bslab pa phul du byung ba thob pa'i phyir dang/
sgang ba'i yon tan rang

gi ngo skal gyi spang byar gyur pa'i 'dod chags zhe sdang gti
mug sa bon dang bcas pa yongs su zad pa thob par 'gyur ba'i
phyir/ 'o na 'dir ngo skal gyi spang bya zhes sbyar na dug
gsum chung ngu skor gsum po de lam gang gi gnas

skabs su spong zhe na/ de ni sa bdun pa'i gnas skabs su spong
te/ de rnams theg chen gyi sgom spangs nyon mongs 'bring gi
chung ngu'i nang tshan yin pa'i phyir dang/ theg chen sgom
spangs nyon mongs la cung ngu skor gsum

gyi tha snyad med pa'i phyir te/ Ti ka chen las/ de'i 'og tu
mdo las/ log pa'i 'dod chags dang gti mug bskal pa khrag khig
du mar 'grib par ma byas pa sa 'dir spong bar gsungs pa ni
spang bya'i sa bon spong pa la dgongs

la/ de yang lhan skyes kyi sgom spangs nyon mongs che 'bring
drug sa gnyis pa nas bdun pa'i bar gyi spong bas sa 'di'i
spang bya la dgongs so zhes gsungs pa'i phyir/ zhib tu mtha'
dpyod las shes par bya'o/ /gnyi 
@021a @#/ /pa ni/ 'o na rang don spang rtogs kyi yon tan de ltar
yin na/ gzhan don 'phrin las kyi yon tan ji ltar yin zhe na/ de
'chad pa la/ des kyang rtag tu zhes sogs rkang pa gnyis gsungs/
sa gsum pa ba des

kyang chos can/ rtag tu 'jig rten pa yi ni/ 'dod pa'i 'dod chags
rnams kyang 'joms par nus pa la mkhas par 'gyur te/ phal cher
brgya byin du skyes nas bag med pa'i lha rnams la 'dod pa rnams
ni dug gi lo ma lta bu'o/ /

spu gri'i sor chags pa'i sbrang rtsi lta bu'o/ /khang bzang
rnams ni khyim 'bar ma lta bu'o/ /zhes pa la sogs pa'i mi rtag
pa dang/ sdug bsngal ba'i chos bstan nas 'dod pa'i 'dam nas 'don
pa la shin tu mkhas pa thob pa'i

phyir/ kyang gi sgra ni nag mtsho'i 'gyur las/ 'dod pa'i 'dod
chags kyang rtag tu spong 'gyur/ /zhes byung ba ltar bde bas yon
tan snga mar ma zad ces bsdu pa'i tshig go /gsum pa phar phyin
dang po gsum gyi khyad chos bstan pa ni/

kho na re/ sngar bshad pa'i phar phyin dang po gsum rten gyi
gang zag gang la bsngags/ ngo bo tshogs gnyis gang du gtogs/
'bras bu chos gzugs gang gi rgyu yin zhe na/ de'i lan 'chad pa
la/ sbyin sogs chos gsum zhes sogs rkang

pa bzhi gsungs/ sbyin sogs kyi chos phar phyin dang po gsum po
de dag chos can/ khyod phal mo che ste gtso bor bde bar gshegs
pas rten byang sems khyim pa rnams la bsngags pa yin te/ byang
sems khyim pas bsgrub sla pa'i phar phyin yin pa'i phyir/

@021b gsum po de dag nyid chos can/ ngo bo bsod nams zhes bya
ba'i tshogs kyang yin la/ 'bras bu sangs rgyas kyi gzugs kyi sku
yi rgyu'i gtso bo yang yin te/ sangs rgyas kyi gzugs sku'i lag
rjes 'jog byed dam nyer len yin pa'i phyir/

gzhung 'dis/ bsam sogs chos gnyis de dag phal mo che/ /bde bar
gshegs pas rab byung rnams la bsngags/ /ye shes zhes bya'i tshogs
kyang de dag nyid/ /sangs rgyas chos kyi bdag nyid sku yi rgyu/
/zhes bya ba yang don gyis

bstan no/ /bzhi pa sa'i yon tan brjod pa'i sgo nas 'jug bsdu ba
ni/ 'o na/ sa gsum pa'i yon tan rgyas par phye na de ltar yin
mod/ mdor bsdu na 'jig rten pa'i dpe gang dang chos mtshungs zhe
na/ de 'chad pa la/ rgyal ba'i sras po

nyi ma zhes sogs rkang pa bzhi gsungs/ don ni rgyal ba'i sras po
nyi ma dang 'dra ba'i rgyud la gnas pa'i sa gsum pa 'od byed pa
'di chos can/ rang gzhan gyi sgrib pa'i mun pa bsel ba yin te/
rang rgyud ldan gyi gang zag gi rgyud du gtogs

pa'i mi shes pa'i bun pa sa gsum pa skye ba'i gegs su gyur pa
rnams dang por te rang skye bzhin pa'i gnas skabs su yang dag
par bsal bar byas nas/ rnam pa de lta bu'i chos gzhan la nye bar
bstan pa las 'gro ba gzhan rnams kyi rgyud

la sa gsum pa skye ba'i gegs byed pa'i mun pa yang rnam par
'joms par mngon par 'dod pa'i phyir/ sa gsum pa 'dir gnas pa'i
byang sems chos can/ gzhan gyi nyon mongs 'joms pa la blo gros
shin tu rno bar gyur kyang skyon ldan la

@022a @#/ /khro bar mi 'gyur te/ bzod pa'i phar phyin lhag par
gyur cing/ snying rjes rgyud smin par byas pa'i phyir ro/ /'dir
rten dang brten pa nyi ma dang de'i 'od dang mtshungs tshul ni/
nyi ma de rang 'od kyis rang gi mun pa bsal

bar byas nas 'od zer spros te gzhan gyi mun pa bsal ba bzhin du/
byang sems 'di yang rang rgyud kyi sa 'di'i ngo skal gyi spang
bya bcom nas rang nyid kyi rtogs pa'i don gzhan la bstan te sa
gsum pa'i gegs

'joms par byed do/ /nyi ma ni gzhan gyi mun pa sel ba la lhag
par rno zhing gsal yang mun pa gnas pa'i gzhi la gnod pa byed
la/ 'dis ni skyon ldan gyi skyon sel ba la mkhas kyang skyon
ldan la gnod par

mi byed ces sbyar dgos te/ 'di'i nyi ma dus mtha'i nyi ma la
byed par sa 'di skem par byed do/ /rtsi shing rnams bsreg par
byed do/ /zhes sogs kyi mdos grub pa'i phyir ro/ /'dir smras pa/
brlabs

chen tshogs gnyis gshogs stobs rab tu rgyas/ /sna tshogs bzod pa'i
lus mdangs rnam par legs/ /zhe sdang brang 'gro ming gi lhag mar
mdzad/ /rgyal sras khyod ni mkha' ldings dbang por

gsal/ /zhes bya ba ni bar skabs kyi tshigs su bcad pa'o/ /dbu ma
la 'jug pa'i rnam bshad thar 'dod 'jug ngogs las/ don dam pa'i
sems bskyed gsum pa'i bshad pa'o// ~ //bzhi pa

@022b sa bzhi ba 'od 'phro ba bshad pa la gsum/ sa 'dir brtson
'grus lhag par bstan pa/ sa'i nges tshig bstan pa/ spang ba'i
khyad par bstan pa'o/ /dang po ni/ sa gsum par bzod pa'i phar
phyin lhag par nyams

su blangs pas lam gong ma'i yon tan ci zhig 'thob ce na/ brtson
'grus kyi phar phyin lhag par 'thob bo byas pa la/ 'o na/ brtson
'grus de yon tan ji lta bu dang ldan zhe na/ de 'chad pa la/ yon
tan ma lus

zhes sogs rkang ba bzhi gsungs/ brtson 'grus chos can/ sbyin
sogs kyi yon tan ma lus pa khyod kyi rjes su 'gro ldog byed de/
khyod med na sbyin sogs kyi yon tan mi 'byung la/ khyod la brten
nas sbyin

sogs kyi yon tan ma thob pa 'thob cing/ thob zin gong nas gong
du 'phel bar 'gyur ba'i phyir/ de chos can/ yon tan der ma zad
bsod nams kyi tshogs dang/ blo gros te ye shes kyi tshogs ni gnyis
kyi rgyu yang

yin te/ khyod kyis tshogs gnyis sar du bsog cing thob zin gong
nas gong du 'phel bar byed pa'i phyir/ 'o na/ brtson 'grus kyi
yon tan de ltar yin na sa 'dir brtson 'grus lhag tshul ji ltar
yin zhe na/ sa de

bzhi ba 'od ni 'phro ba chos can/ tshogs gnyis kyi rgyur gyur
ba'i brtson 'grus gang du ches 'bar ba ste lhag par gyur ba yin
te/ sa gsum par thob pa'i ting nge 'dzin gyi bslab pa khyad par
can gyis thob pa'i shin sbyangs

@023a @#/ /le lo gtan nas 'gog byed khyod kyi skabs su thob pa'i
phyir/ gnyis pa sa'i nges tshig ni/ sa 'dir brtson 'grus lhag
tshul de ltar yin na/ sa 'di la 'od 'phro ba zhes brjod pa'i rgyu
mtshan

gang zhe na/ de 'chad pa la/ der ni bde gshegs zhes sogs rkang
ba gsum gsungs/ sa bzhi pa chos can/ khyod la 'od 'phro ba zhes
bya ste/ sa der ni bde gshegs sras po la rdzogs pa'i byang chub
kyi phyogs

kyi chos so bdun sngar las lhag par bsgom pa las skyes pa'i ye
shes kyi 'od snang ba khyad par can/ sa gsum par thob pa'i zangs
kyi 'od las kyang lhag par 'byung ba'i rgyu mtshan gyis de ltar
brjod pa'i phyir/ gsum

pa spang pa'i khyad par bstan pa ni/ 'o na/ sa'i yon tan dang
nges tshig de ltar yin na/ spang pa'i yon tan gang zhe na/ de
'chad pa la/ rang du lta ba zhes sogs rkang pa gcig gsungs/ sa
bzhi pa ba chos can/

spang pa khyad par can dang ldan te/ sa bzhi pa'i ngos skal gyi
spang bya rang ste bdag tu lta ba phra mo dang/ de dang 'brel ba
ste des drangs pa'i gang zag rang skya thub pa'i rdzas yod du
'dzin pa'i sa bon yongs su zad pa thob

pa'i phyir/ 'di'i bdag lta phra mo 'jig lta la byed do/ /'dir
smras pa/ mi ldog brtan pa'i brtson 'grus go cha bgos/ /zhi lhag
zung du 'brel ba'i mtshon cha bsnams/ /le lo'i dgra bo thal bar
brlags pa

@023b 'di/ /rgyal sras dpa' bo khyod kyi mdzad pa lags/ /zhes
bya ba ni bar skabs kyi tshigs su bcad pa'o/ /dbu ma la 'jug pa'i
rnam bshad thar 'dod 'jug dogs las don dam pa'i sems bskyed bzhi

pa'i bshad pa'o// ~ //lnga pa sa lnga ba sbyangs dka' ba bshad
pa la gnyis/ sa'i nges tshig bshad pa/ bsam gtan lhag cing bden
pa la mkhas par bstan pa'o/ /dang po ni/ sa bzhi par brtson

'grus kyi phar phyin lhag par nyams su blangs pas lam gongs ma
ci zhig 'thob ce na/ sa lnga ba sbyangs dka' ba 'thob bo byas pa
la/ 'o na sa de la sbyangs dka' ba zhes brjod pa'i rgyu mtshan
gang zhe na/ de 'chad pa la/ bdag nyid che de

zhes sogs rkang ba gnyis gsungs/ sa lnga ba'i ye shes chos can/
khyod la sbyangs dka' ba'i sa zhes brjod pa'i rgyu mtshan yod de/
khyod la gnas pa'i byang sems bdag nyid chen po de/ lta'i bu'i
bdud rnams kun

gyis kyang pham par nus pa ma yin pas de ltar brjod pa'i phyir/
gnyis pa ni/ 'o na/ sa'i nges tshig de ltar yin na/ sa 'dir sngar
ma thob pa'i yon tan lhag bo gang thob ce na/ de 'chad pa la/
bsam gtan lhag cing

zhes sogs rkang ba gnyis gsungs/ sa lnga ba chos can/ bsam gtan
gyi phar phyin lhag par gyur ba yin te/ rang gi mi mthun phyogs
rnam g.yeng gis gtan nas mi brdzi ba'i bsam gtan gyi phar phyin
thob pa'i phyir/ de chos

@024a @#/ /can/ bsam gtan lhag par ma zad bdag med phar rags la
mkhas pa'i shes rab dang ldan te/ blo gros bzang pos 'phags pa'i
bden pa bzhi'i rang bzhin zhib mor rtogs pa la'ang ches shin tu
mkhas pa thob pa

yin pa'i phyir/ 'dir smras pa/ don dam gzigs pa'i ting 'dzin
g.yo med kyis/ /dngos 'dzin rnam g.yeng go skabs med par byas/
/nyag phran bdag po'i dpung tshogs bcom pa segs/ /e ma ngo mtshar
gnas su su mi 'dzin/ /zhes

bya ba ni bar skabs kyi tshigs su bcad pa'o/ /dbu ma la 'jug pa'i
rnam bshad thar 'dod 'jug ngogs las don dam pa'i sems bskyed
lnga ba'i bshad pa'o// ~ //gnyis pa sa drug pa mngon du gyur ba
bshad pa la bzhi/ sa'i nges tsheg dang

sher phyin lhag par bstan pa/ shes rab phar phyin gyi bsngags pa
bstan pa/ zab mo rten 'byung gzigs pa'i de kho na nyid bstan pa/
sa'i yon tan brjod pa'i sgo nas mjug bsdu ba'o/ /dang po ni/ 'o
na bsam gtan lhag cing zhes sa lnga bar bsam

gtan gyi phar phyin lhag par nyams su len par bshad na/ de la
brten nas lam gong ma ci zhig thob ce na/ sa drug pa mngon du
gyur ba thob po zhes khong nas drangs nas/ 'o na sa de la mngon
du gyur ba zhes brjod pa'i rgyu mtshan ci/ sa der yon tan gyi

khyad par gang zhig thob pa yin ce na/ de'i lan 'chad pa la/
mngon du phyogs par zhes sogs rkang ba bzhi gsungs/ ngag don ni/
sa drug pa mngon du phyogs pa ste mngon du gyur par stong nyid
la mnyam par gzhag pa'i sems phul du byung ba la gnas te/ de la
brten

@024b nas sa 'dir rten cing 'brel bar 'byung ba'i rkyen nyid 'di
ba tsam gyi zab mo'i de kho na nyid mngon sum du mthong ba'i
byang sems sa drug pa ba de chos can/ 'dir bstan thun mongs ma
yin pa'i 'gog pa'i snyoms 'jug thob par 'gyur te/ shes rab lhag

par thob pa la gnas pa'i sems dpa' yin pa'i phyir/ sa drug pa'i
ye shes chos can/ khyod la mngon du gyur ba zhes brjod pa'i rgyu
mtshan yod de/ shes rab lhag pa'i sgo nas bden pa dang/ rten
'brel gzugs brnan dang 'dra ba'i chos nyid mngon

du gyur cing/ sa lnga par bden bzhi la mkhas pa'i shes rab
rdzogs pas/ sa 'dir rdzogs pa'i sangs rgyas kyi chos 'thob pa la
mngon du phyogs shing nye ba'i rgyu mtshan gyis de ltar brjod
pa'i phyir/ /gnyis pa sher phyin gyi bsngags pa bstan pa ni/

'o na shes rab gnas pas 'gog pa thob par 'gyur ces pa 'dis sher
phyin lhag par bshad na/ 'o na/ bshad bya sher phyin de yon tan
ji lta bu dang ldan zhe na/ de 'chad pa la/ ji ltar long ba'i
zhes sogs rkang pa bzhi gsungs/ shes bya chos can/ phar

phyin dang po lnga sangs rgyas kyi sar bgrod pa sher phyin la
rag las te/ ji ltar te dper na long ba'i tshogs kun mig dang ldan
pa'i skyes bu gcig gis rang rang 'dod pa'i yul du bde blag tu
'khrid par byed pa de bzhin du/ don gyi skabs 'dir yang blo ste
shes

rab phar phyin gyis de kho na nyid lta ba'i mi nyams pa'i sbyin
sogs kyi yon tan rnams blangs ste yongs su bzung nas rgyal ba
sangs rgyas nyid kyi go 'phangs su 'gro bar byed pa'i phyir/
gsum pa rten 'byung gzigs pa'i de kho na nyid bshad pa la lnga/
zab mo'i

@025a @#/ /don bshad par dam bca' ba/ zab mo'i don bshad pa'i
snod ngos bzung ba/ de la bshad na yon tan 'byung ba'i tshul/
snod ldan gyi gang zag la nyan par bskul ba/ rten 'byung gi de
nyid ji ltar bshad pa'i tshul lo/ /dang po ni/ 'dir rten 'byung

ba'i de nyid mthong bas na/ /zhes bshad na/ 'o na/ byang sems sa
drug pa bas gzigs pa'i rten 'byung gi de kho na nyid ji ltar yin
zhe na/ de kho na nyid mngon sum du rtogs pa la dri na/ sangs
rgyas dang byang sems gong ma rnams la dri bar bya

ba yin gyi/ kho bo cag lta bu la dri bar bya ba ma yin no byas
pa la/ kho na re/ yum gyi mdo dang sa bcu pa'i mdo sogs las de
kho na nyid rgyas bar bstan pas/ long la brten nas bshod cig ce
na/ lung gi dgongs pa yang nges dka' bas rang

dbang du 'chad par mi nus mod/ 'on kyang mgon po klu sgrub kyi
man ngag la brten nas 'chad ces ston pa la/ ji ltar de yis zhes
sogs rkang pa bzhi gsungs/ dpal ldan zla grags chos can/ sa drug
pa bas rten 'byung gi de kho na nyid gzigs pa'i

tshul de ltar 'phags pa klu sgrub kyis dbu ma'i gzhung lugs las
de kho na nyid kyi don ji ltar bstan pa ltar gnas pas de'i lugs
bzhin brjod par bya ste/ ji ltar byang sems sa drug pa ba de yis
chas shin tu zab pa'i chos rten 'byung gi de kho na

nyid rtogs pa de ltar slob dpon klu sgrub kyis thugs su chud nas
dbu ma'i bstan bcos su mdo sde'i lung dang/ lung las gzhan yang
rigs pa yang dag gis gtan la phabs pa yin pas na de'i rjes su
'brangs rigs pa'i phyir/ gzhung 'di rtsa

@025b she'i dgongs 'brel brtsam par dam bca' ba'i gzhung yin te/
sems bskyed gzhan rnams kyis bstan pa'i rgya che ba'i lam rim
rnams gzhung gzhan gyis kha bskangs nas bshad pa yin gyi/ rtsa
she'i dgongs 'grel dngos ni sems

bskyed drug pa 'di nyid yin pa'i phyir ro/ /'dir slob dpon klu
sgrub nges don 'grel ba la tshad mar gyur pa lung gis bsgrub pa
yin no/ /gnyis pa ni/ ji ltar gnas pa'i lugs bzhin brjod par bya
zhes bshad na/ gang zag ji 'dra zhig la brjod ce na/

snod dang ldan bzhig la brjod par bya yi/ snod dang mi ldan pa
la mi brjod de/ de la bshad na phan yon mi 'byung bar ma zad
nyes dmigs shin tu che ba'i phyir zhes khongs nas drangs nas/ 'o
na/ snod ldan de ji lta bu zhe na/ de 'chad pa la/ so so skye
bo'i

dus na zhes sogs rkang pa bdun gsungs/ don ni so so skye bo las
dang po ba'i dus na'ang stong pa nyid kyi gtam phyin ci ma log
par thos pa go nas de'i dbang gis nang du rab tu dga' ba yang
dang yang du 'byung la/ rab tu dga' ba las byung ba'i mchi mas

mig brlan zhing lus kyi ba spu ldang ba skye bar 'gyur ba gang
yin pa'i gang zag de ni chos can/ khyod la 'chad par 'gyur pa'i
dam pa'i don gyi bden pa bstan par bya ste/ de kho na nyid nye
bar bstan pa'i snod rung gi gang zag de ni khyod yin pa'i phyir
te/

khyod la rdzogs pa'i las sangs rgyas kyi blo ste stong nyid
rtogs pa'i sa bon nus pa mthu can yod pa'i phyir/ 'di la nus pa
mthu can zhes nges par sbyar dgos te/ stong nyid rtogs pa'i sa
bon tsam ni snod ma yin pa la'ang yod pa'i phyir ro/ /gsum pa de
la@027a @#/ /bshad na yon tan 'byung ba'i tshul ni/ 'o na stong
nyid nyan pa'i snod ldan de la stong nyid bstan pas yon tan ci
zhig 'byung zhe na/ de 'chad pa la/ de la de yi zhes sogs
rkang pa drug gsungs/ stong nyid bstan pa'i gdul bya snod ldan

de chos can/ khyod la stong nyid bstan pas mi spong bar ma zad
de yi rjes su 'gro ba'i spyod phyogs kyi yon tan mang po
'byung te/ stong nyid rtogs pa'i lta ba skye ba gzhan du mi
nyams par bya ba'i phyir du rtag tu tshul khrims yang dag par
blangs

nas gnas par 'gyur la/ stong nyid bsgom pa la longs spyod kyis
mi phongs bar bya ba'i phyir du sbyin pa gtong ba la 'jug par
'gyur zhing/ stong nyid kyi lta ba snying rjes zin pa las
sangs rgyas 'thob par shes nas snying rje bsten par byed

la/ 'phags pa rnams dgyes ba'i phyir du bzod pa bsgom par byed
pa dang/ snod ldan gang zag de yis tshul khrims la sogs pa'i
dge ba de rnams 'gro ba 'khor ba las dgrol bar bya ba'i phyir
du byang chub tu yongs su bsngo bar byed

cing/ stong nyid ston pa'i rdzogs pa'i sangs rgyas dang byang
chub sems dpa' rnams la gus par byed pa'i phyir/ bzhi pa snod
ldan gyi gang zag la nyan par bskul ba ni/ de la de yi rjes su
'gro ba'i yon tan 'byung/ /zhes snod ldan pa de la stong nyid
bstan

pas zab pa dang rgya che ba'i lam la slob pa'i yon tan 'byung
bar bshad na/ 'o na des lam gong ma ci zhig 'thob ba'i ched du
stong nyid nyan par bskul rigs zhe na/ de 'chad pa la/ zab
cing rgya che'i zhes sogs rkang pa gsum gsungs/ shes bya chos
can/

@027b sa rab tu dga' ba de ni don du gnyer bas 'chad par 'gyur
ba'i zab mo'i lam 'di mnyan par gyis zhes bskul rigs te/ stong
nyid zab cing sbyin sogs rgya che ba'i tshul la mkhas pa'i skye
bos ni rim gyi rab tu dga' ba'i sa ni thob par 'gyur ba de'i

phyir/ 'dis ni bstan bcos 'di'i ched du bya ba'i gdul bya yin
na/ sa ma thob pas khyab pa yang bstan no/ /lnga pa rten
'byung gi de kho na nyid ji ltar bshad pa'i tshul la gnyis/
yang dag pa'i lung non rigs pas bsgrub pa dang/ des grub pa'i
stong nyid

kyi rab dbye bshad pa'o/ /dang po la gnyis/ chos kyi bdag med
rigs pas bsgrub pa dang/ gang zag gi bdag med rigs pas bsgrub
pa'o/ /dang po la bzhi/ mtha' bzhi'i skye ba bden pa gnyis kar
dgag pa/ de ltar bkag pa la rtsod pa spong ba/

rten 'byung gi skye ba nyid kyis mthar 'dzin gyi log rtog 'gog
tshul/ rigs pas dpyad pa byas pa'i 'bras bu ngos bzung ba'o/
/dang po la gsum/ rang bzhin gyis skye ba med pa'i dam bca'
bzhag pa/ de rigs pas sgrub pa'i bsgrub byed bstan pa/ mtha'

bzhi'i skye ba bkag pa'i grub pa'i don no/ /dang po ni/ de ni
don du gnyer bas lam 'di mnyan par gyis/ zhes rab dga' don du
gnyer bas 'og nas 'chad pa'i zab mo'i lam 'di mnyan par gyis
zhes bshad na/ 'o na zab mo'i lam de ji lta bu zhig yin

zhe na/ de ni/ bstan bcos las dpyad rtsod la chags pa'i phyir/
ma mdzad rnam grol phyir na de nyid bstan/ /zhes gsungs pa
ltar dbu ma'i bstan bcos su rigs pa'i dpyad pa mang du mdzad
de stong nyid/ gtan la phabs pa'i dgos pa'i gtso bo

@028a @#/ /ni/ rtsod pa lhur len pa tsam gyi ched du ma yin par
gdul byas rnam grol 'thob pa'i ched du yin pas/ grol byed kyi
lam yang dngos po rang bzhin med par rtogs pa'i lam la bzhed
do/ /de yang dgag bya ngos ma bzung na de

bkag pa'i stong nyid blo'i yul du mi shar bas/ mid gi tha
snyad kyi dbang gis phar btags pa btsam ma yin par yul rang
ngos nas tshur grub pa lta bu ni dgag bya phra mo yin la/ 'di
khyad gzhi gang zag gi steng du med pa gang zag gi bdag med
phra mo dang/

phung po'i steng du med pa chos kyi bdag med phra mo yin no/
/de'i phyir 'dus byas rang bzhin gyis skye na mtha' bzhi gang
rung gi skye ba las ma 'das shing/ de gang las skye na yang
'og nas 'chad pa'i rigs pas gnod tshul legs par khong du chud

par byas te/ 'dus byas rang bzhin med pa la nges pa gting
tshugs pa drangs par bya'o/ /de ltar rang bzhin gyis med na
gtan nas med dam snyam na/ ma yin te/ gang phyir rgyu med pa
dang dbang phyug gi /rgyu la sags dang bdag gzhan gnyis ka
las/

dngos rnams skye bar 'gyur ba ma yin pa/ /de phyir brten nas
rab tu skye bar 'gyur/ /zhes gsungs pa ltar brtags shing dpyad
pa'i tshe mi skye yang tha snyad tsam du rgyu dge sdig las
'bras bu bde sdug 'byung ba ni bsnyon du med pa'o snyam du
snang phyogs

las dang 'bras bu'i gnas tshul la myong ba 'don par bya ste/ de
med na stong nyid sgom pa yang 'khor ba'i rgyur gsungs pa'i
phyir ro/ /de bzhin du gang zag rang bzhin gyis grub na 'og
nas 'chad pa'i rnam bdun gyi rigs pas gnod tshul legs par

@028b shes par byas te/ gang zag rang bzhin med pa'i stong
phyogs la yang dang yang du nges pa drangs par bya'o/ /'o na/
gang zag rnam pa bdun du btsal ba'i tshe med na de las gzhan
gang du grub snyam na/ rang gi yan lag brten nas 'dogs pa yin

zhes gsungs pa ltar brtags don btsal na mi rnyed kyang phung
po la brten nas btags pa tsam du bde sdug myong ba'i gang zag
ni bsnyon med du snang bas/ ming rkyang btags yod tsam du yod
pa la nges pa drangs pa byed dgos te/ des mtshon

nas chos gzhan rnams la yang shes par bya'o/ /'o na bstan bcos
'dir bdag med gnyis gtan la phabs pa'i dgos pa dang/ nyams su
len tshul de ltar yin na/ de gnyis kyi nang nas thog mar chos
kyi bdag med gtan la 'bebs pa dang/ chos

la yang 'dus byas dang 'dus ma byas gnyis kyi nang nas 'dus
byas dang/ 'dus byas la yang skye gnas 'jig gsum yod pa'i nang
nas skye ba bdag med du gtan la 'bebs shing/ de la yang mtha'
bzhi'i skye ba tsam 'gog pa'i rgyu mtshan rnams gang

yin zhe na/ bshad par bya ste/ bdag med gnyis bsgom pa'i rim
pa la thog mar gang zag gi bdag med bsgom par byed kyang/ 'dir
rtogs dka' sla'i rim pa'i dbang du byas nas dang por chos kyi
bdag med gtan la 'bebs

par mdzad do/ /de yang dngos smra ba rnams kyi 'dus byas rang
bzhin gyis grub par 'dzin pa'i log rtog 'gog dka' zhing/ log
rtog de'i rtsa ba yang 'dus byas la skye gnas 'jig gsum mthong
bas yin la/ 'dus byas la

@029a @#/ /skye ba bden par grub pa khegs na/ 'dus ma byas dang
gnas 'jig bden par grub pa yang zhar la khegs pa'i phyir thog
mar mtha' bzhi'i skye ba 'gog par mdzad do/ /khyab ste/ rang
bzhin

gyis skye ba khas len na/ mtha' bzhi gang rung las skye ba
nges par khas len dgos pa'i phyir ro/ /'o na mtha' bzhi'i skye
ba 'gog pa'i go rim de ltar ston pa'i rgyu mtshan gang yin zhe
na/ mtha' bzhi'i skye ba 'dod tshul de yang gzhan rgyu

las skye bar 'dod pa dang/ rgyu med las skye bar 'dod pa gnyis
su 'dus la/ de yang rgyu med las skye bar 'dod pa ni log rtog
gi gzhi chung zhing rgol ba dbang rtul gyi 'dod pa yin pas/ de
'gog tshul mjug tu bstan/ dang po gsum gyi go rim yang

'di ltar yin te/ ya gyal bkag na tshogs pa 'gog sla bas/ bdag
gzhan re re ba las skye ba 'gog tshul dang por bstan nas/ gnyis
ka las skye ba 'gog tshul de'i mjug tu bstan/ dang po la yang
bdag skye 'gog pa gzhan skye 'gog pa'i

yan lag yin pas dang por bstan no/ /yan lag yin tshul ni/ sa
myug gnyis lta bu rang bzhin gyis gzhan yin na/ dus thams cad
du gzhan yin dgos pas sa bon gyi dus su'ang gzhan yin dgos/ de
yin na myu gu sa bon gyi dus

su yod dgos la/ myu gu sa bon gyi dus su yod pa 'gog pa bdag
skye 'gog pa'i rigs pa la ltos pa'i phyir ro/ /'o na mtha'
bzhi'i skye ba 'gog pa'i gtan tshigs la rdo rje gzegs ma'i gtan
tshigs zhes brjod pa'i rgyu mtshan gang zhe na/

@029b gnam lcags rdo rje'i gzegs ma ste cha shas dum bu re res
kyang/ shin tu khregs pa'i brag ri sogs thal byung du 'bigs
zhing 'joms par nus pa de bzhin du/ gtan tshigs 'dis kyang bden
'dzin gyi zhen yul lhag ma ma lus pa khegs

shing 'joms par nus pas de ltar brjod pa'i phyir/ de ltar yang
dbu ma snang ba las/ de lta bas na rang dang gzhan gyis smras
pa'i dngos po'i brag ma lus pa gzhoms pa'i phyir/ bdag nyid
chen po rnams kyis rdo rje gzegs ma bzhi po 'di dag rab tu
gsungs

zhes gsungs pa'i phyir/ de yang mtha' bzhi skye 'gog gi rigs
pa bzhi ka tshogs pas/ dngos por smra ba rnams kyis rang bzhin
gyis skye ba'am bdag las skye bar dam bca' ba'i zhin don 'gog
nus par ma zad/ rigs pa gang yang rung ba gcig gi

don go bas kyang de 'dra ba'i dam bca' mi 'thad par go nus
zhes pa'o/ /'o na de lta bu'i gtan tshigs de gang zhe na/ de
'chad pa la/ de nyid de las 'byung min zhes sogs rkang pa
gnyis gsungs/ myu gu de nyid chos can/ rang dang ngo bo gcig
pa'i rgyu de las

'byung ba ma yin zhing/ rang gi mtshan nyid kyis grub pa'i grub
pa'i rgyu gzhan dag las kyang 'byung ba lta ga la zhig ste mi
'byung la/ bdag gzhan gnyis ka las 'byung ba ma yin zhing/
rgyu med par ni 'byung ba ga la yod de med do/ /de dag la 'og
nas 'chad pa'i

rigs pa rnams kyis gnod pa'i phyir/ gnyis pa de rigs pas sgrub
pa'i bsgrub byed bstan pa la bzhi/ bdag skye dgag pa/ gzhan
skye dgag pa/ gnyis ka las skye ba dgag pa/ rgyu med las skye
ba dgag pa'o/ /dang po la gnyis/ 'grel pa mdzad

@030a @#/ /pa'i rigs pas dgag /rtsa she'i rigs pas dgag pa'o/
/dang po la gsum/ de kho na nyid rtogs par 'dod pa'i grub
mtha' mkhan gyi lugs dgag pa/ grub mthas blo ma bsgyur ba'i
tha snyad du yang med par bstan pa/ de

ltar bkag pa rnams kyi don bsdu pa'o/ /dang po la gnyis/ rang
dang ngo bo gcig pa'i rgyu las skye ba dgag pa/ rgyu 'bras ngo
bo gcig pa dgag pa'o/ /dang po la gsum ngo bo gcig pa'i rgyu
las skye na don med du thal ba/ ngo bo gcig pa'i rgyu las skye
na  rigs pa dang 'gal ba/ de dag gi nyes spong dgag pa'o/
/dang po ni/ grangs can na ro/ rgyu dang 'bras bu'i rang bzhin
la khyad par cung zad kyang med pas/ 'bras bu thams cad rgyu'i
dus su mngon par mi gsal ba'i tshul gyis yod la/ de nyid rang
gi

rang bzhin las mngon par gsal ba'i tshul gyis skye ba na skyes
pa zhes pa'i tha snyad bya zhing/ gsal zin pa de nyid slar
yang skye bar mi 'dod do zhes smra'o/ /de 'gog pa la/ de ni de
las zhes pa nas 'gyur phyir ro/ zhes pa'i bar gsungs/ de yang
rkang pa dang po'i

don ni myu gu de ni chos can/ sa bon de las 'byung na de las
'byung dgos pa'i yon tan lhag pa 'ga' yang yod pa ma yin par
thal/ sa bon gyi dus na khyod kyi ngo bo rdzogs par grub zin
pa'i phyir/ gnyis pa ni myu gu bdag las skye na don med du
'gyur

bar ma zad rigs pa dang 'gal lo zhes 'chad pa la/ skye bar
gyur pa slar yang zhes sogs rkang pa bzhi gsungs/ rgyu'i dus
na grub zin pa zhig rgyu las skye na don med du 'gyur bar ma
zad/ shes bya chos can/ sa bon gyi dus na skyes zin par gyur

@030b pa'i myu gu slar yang sa bon las 'dab nas skye ba rigs
pa'ang ma yin pa nyid yin par thal/ skyes zin slar yang skye
ba la rigs bas gnod pa'i phyir/ 'ang gi sgra ni rang gi rang
bzhin las skye na don med du 'gyur bar ma zad ces pa'o/ /'o
na/ rigs pa

ji lta bus gnod ce na/ thal ba rigs pa gnyis kyis gnod pa las/
dang po ni/ shes bya chos can/ myu gu'i sdong bu dang/ sbubs
'cha' ba la sogs pa rnams kyi skye ba 'jig rten 'dir gtan nas
rnyed par mi 'gyur bar thal/ sa bon skyes zin pa

slar yang 'dab nas skye bar yongs su rtogs par 'gyur na ste
rigs pa'i phyir/ khyab ste/ sa bon ma 'gag par myu gu skye ba
mi srid pa'i phyir/ rigs pa gnyis pa ni/ shes bya chos can/ sa
bon srid pa'i mthar thug par rab tu skye ba nyid du 'gyur bar
thal

rtags snga ma de'i phyir/ khyab ste/ sa bon lan gcig skyes zin
slar yang 'dab nas skye na 'khor ba ma stong bar du 'dab nas
skye dgos pa'i phyir/ kho na re/ skyes zin slar yang skye bar
yongs su rtog par gyur na ni/ zhes 'chad pa mi 'thad par thal/

grangs can gyis skyes zin slar yang skye bar khas mi len pa'i
phyir te/ tshig gsal las/ khyod kyis skyes pa slar yang skye
bar mi 'dod cing zhes gsungs pa'i phyir zhe na/ skyon med de/
gzhung 'dis de ltar gsungs pa rigs pa 'phul na de ltar

khas len dgos zhes pa'i don yin pas/ tshig gsal dang mi 'gal
lo/ /khas len dgos tshul ni/ rgyu dus na yod pa zhig rgyus
bskyed par khas len na slar yang skye bar sangs rgyas pa rang
lugs la song bas so/ /de yang zhib tu bshad na/

@031a @#/ /sa bon gyi dus na myu gu skyes zin par thal/ de'i
dus na myu gu skyes pa'i ngo bo'am rang bzhin yod pa'i phyir/
rtags khas/ khyab ste/ myu gu skyes pa'i ngo bo las don gzhan
du myu gu skyes pa mi srid pa'i phyir/ 'dod na/ myu gu skyes

zin slar yang skye bar thal lo/ /'dod pa de'i phyir/ zhes pa'i
don yin te/ grangs can gyi 'dod pa 'chad pa na/ Ti ka chen
las/ de bzhin du myu gu'i rang bzhin zhes pa nas bdag skye'i
'dod tshul lo/ /zhes pa'i bar gsungs nas de la gnod byed

ston pa na/ de nyid las/ de ltar myu gu'i ngo bo'am zhes pa
nas slar yang skye ba la don gtan med do zhes pa'i bar gsungs
pa'i phyir/ gsum pa de dag gi nyes spong dgag pa ni/ de la kho
na re/ sngar bshad pa'i skyon gnyis med de/ chu lud drod gsher

rnams kyis sa bon spang ro lta bur byas nas myu gu bskyed par
byed la/ myu gus sa bon 'jig par byed pa'i phyir zhe na/ de
'gog pa la/ ji ltar de nyid kyis de zhes sogs rkang pa gcig
gsungs/ shes bya chos can/ ji ltar myu gu de nyid kyis sa bon

de rnam par 'jig par byed par 'gyur te mi 'gyur bar thal/ sa
myug gnyis rang bzhin gcig yin pa'i phyir/ dper na myu gus myu
gu 'jig par mi byed par bzhin no/ /gnyis pa rgyu 'bras ngo bo
gcig pa dgag pa la gsum sa myug gnyis la

dbyings sogs tha dad med par thal bas dgag/ de'i nyes spong gi
lan dgag/ gnas skabs gnyis kar bzung du yod med mtshungs par
thal bas dgag pa'o/ /dang po ni/ de yang rgyu 'bras ngo bo
gcig tu 'dod pa la/ sa myug gnyis la dbyibs

@031b dang kha dog sogs mi 'dra ba'i khyad par mi 'thad pa'i
skyon yod ces ston pa la/ byed rgyu sa bon gyi las zhes sogs
rkang pa gnyis gsungs/ grangs can chos can/ khyod kyi lugs la
skye bar byed pa'i rgyu sa bon gyi dbyibs dang kha dog dang ro
dang nus pa dang

smin pa las tha dad pa'i/ skye bya myu gu'i dbyibs dang kha
dog dang ro dang nus pa dang smin pa'i tha dad med par 'gyur
bar thal/ sa myug gnyis rang bzhin gcig yin pa'i phyir/ 'dod
na mngon sum gyis gnod do/ /gnyis pa ni/ kho na re/ gal tes
myug

rang bzhin gcig yin kyang/ sa myug gnyis la dbyibs sogs tha
dad med par thal ba'i skyon med de/ sa bon de sngar gyi bdag
gi dngos po'i gnas skabs bsal nas/ sa bon gyi gnas skabs las
gzhan myu gu'i gnas skabs kyi ngo bor 'gyur ba'i phyir zhes

kho'i nyes spong de 'chad pa la/ gal te sngar gyi bdag gi zhes
sogs rkang pa phyed gnyis gsungs/ de 'gog pa la/ de'i tshe de
yi de nyid ji ltar 'gyur zhes gsungs/ shes bya chos can/ sa
bon de'i rang bzhin dang myu gu'i rang bzhin de nyid gcig yin

zhes pa ji ltar rigs par 'gyur te mi 'gyur bar thal/ sa bon de
sa bon gyi gnas skabs btang nas myu gu'i ngo bor 'pho dgos pa
de'i tshe ste de'i phyir/ khyab ste/ sa myug gnyis la so so'i
gnas skabs la ma ltos pa'i ngo bo gzhan med pa'i phyir/ gsum

pa ni/ skyon gyi rnam grangs gzhan yang yod ces ston pa la/
gal te khyod kyi sa bon zhes sogs rkang pa bzhi gsungs/ gal te
grangs can khyod kyi lugs ltar na nyes pa 'di yang yod de/ myu
gu'i dus na sa bon tshad mas bzung du med pa de bzhi du/@033a @#/ /myu gu zhes
bya ba de yang tshad mas bzung du med par
thal/ sa bon gyi rang bzhin dang myu gu'i rang bzhin 'jig rten
'dir gzhan ma yin par gcig yin pa'i phyir/ 'am zhes pa rigs pa
phyi ma bsdu byed de/ /yang na ji ltar myu gu'i dus na

myu gu 'di dbang shes kyis bzung du yod pa de bzhin du sa bon de
yang dbang shes kyis bzung du yod par 'gyur bar thal/ sa myug de
dag rang bzhin gcig yin pa'i phyir/ des na sa myug gnyis rang
bzhin gcig yin pa 'di ni khas blang bar mi

bya ste/ sa myug rang bzhin gcig yin pa la rigs pa yang dag gis
gnod pa de'i phyir/ gnyis pa grub mtha' blo ma 'gyur ba'i tha
snyad du yang med par bstan pa ni/ grangs can gyis bdag skye
btags don bcal nas khas blangs pas 'gog par

rigs na yang/ ma brtags ma dpyad pa'i 'jig rten gyi tha snyad du
bdag skye khas len pas 'gog mi rigs so snyam na/ de 'gog pa la/
gang phyir rgyu zhig na yang zhes sogs rkang pa gnyis gsungs/
shes bya chos can/ sa bon gyi rang

bzhin dang myu gu'i rang bzhin de dag gcig pa yin zhes 'jig rten
gyis kyang khas mi len te/ rgyu mtshan gang gi phyir na rgyu sa
bon zhig pa na yang sa bon de'i 'bras bu myu gu 'jig rten gyi
tshad mas mthong ba'i phyir/ gsum pa de ltar bkag pa

rnams kyi don bsdu ba ni/ 'o na sngar bshad pa'i rigs pa rnams
kyi don bsdu na ji lta bu yin zhe na/ de 'chad pa la/ de phyir
dngos po bdag las zhes sogs rkang pa gnyis gsungs/ dngos po
rnams chos can/ khyod bdag las 'byung

@033b ba ste skye ba yin zhes gzhan gyis rab tu btags pa 'di ni
de nyid don dam dang ni 'jig rten gyi kun rdzob tu yang rigs pa
ma yin te/ de la gnod byed bstan zin pa de'i phyir/ kho na re/
bdag skye don dam du yod pa la gnod byed gang du

bstan zhe na/ bstan pa yin te/ grangs can gyis bdag skye btags
don bcal nas khas blangs pas don dam par khas blangs par song
la/ de la gnod byed bstan pa'i phyir/ 'o na/ 'dir 'grel ba mdzod
ba'i rigs pa zhes pa'i 'grel pa

mdzad pa po gang yin zhe na/ mkhas pa mang pos slob dpon sangs
rgyas bskyangs yin gsungs kyang/ rang lugs dpal ldan zla ba
grags pa yin te/ rtsa she'i rigs pas 'gog pa'i skabs su/ rang
'grel las/ rgyu dang 'bras

bu gcig nyid du/ /nam yang 'thad par mi 'gyur ro/ /zhes dang/
gal te shing de ma yin na/ /zhes sogs rtsa she'i lung khungs su
mdzad la/ 'grel pa mdzad pa'i rigs pa'i skabs su lung gzhan
khungs su ma mdzad pa la rgyu mtshan yod pa'i

phyir dang/ Tik chen las kyang/ bstan bcos 'di dang rtsa sher
rgya cher bshad pa'i nyes pa thal bar 'gyur ba'i phyir ro/ /zhes
gsungs pa'i don la'ang rtog dpyod dgos so/ /gnyis pa rtsa she'i
rigs pas dgag pa ni/ kho na re/ bdag skye

mi rigs pa'i rgyu mtshan de tsam du zad dam zhe na/ de'i lan
'chad pa la/ bdag las skye bar 'dod na zhes sogs rkang pa bzhi
gsungs/ myu gu chos can/ khyod bdag las skye ba khas blang bar
bya ba rigs pa ma yin te/ khyod bdag las skye bar

@034a @#/ /'dod na skye bar bya ba 'bras bu dang/ skye bar byed
pa rgyu dang/ gang zhig bya ba'i las dang/ gang gis byed pa'i
byed pa po yang gcig nyid du 'gyur na de dag ni gcig nyid ma yin
pa des na'i phyir te/ de la bstan bcos 'di

dang rtsa sher rgya cher bshad pa'i nyes pa thal bar 'gyur ba'i
phyir ro// ! skabs 'dir thal ba bzlog tshul mdor bsdus sheg brjod
pa la gsum/ sangs rgyas bskyangs kyi 'grel ngag nas bdag skye
'gog pa'i rigs pa ji ltar

'byung tshul/ de la legs ldan 'byed kyis skyon brjod tshul/ skyon
de sangs rgyas bskyangs la mi 'jug pa'i tshul lo/ /dang po ni/
bud d+ha pA li ta las/ dngos po rnams bdag las skye ba med de/
de dag gi skye ba don med pa

nyid du 'gyur ba'i phyir dang/ shin tu thal bar 'gyur pa'i phyir
ro/ /zhes pa'i mdor bstan gnyis dang/ dngos po bdag gi bdag nyid
du yod pa rnams la ni yang skye ba la dgos pa med do/ /ci ste
yod kyang skye na nam yang mi skye

bar mi 'gyur ro/ /zhes pa'i rgyas bshad gnyis gsungs so/ /don ni
dngos po rnams chos can/ slar yang skye ba don med par thal/
rang gi bdag nyid du grub zin pa'i phyir/ zhes pa bstan bshad
dang po'i don dang/ ma khyab

na/ thug med du skye bar thal/ rang gi bdag nyid du grub zin
kyang slar yang skye dgos pa'i phyir/ rtags khas/ zhes pa bstan
bshad gnyis pa'i don yin no/ /gnyis pa ni/ sangs rgyas bskyangs
kyi 'grel ngag des 'gal brjod

@034b kyi thal 'gyur gnyis po de bstan pa ma dgongs par/ sher
sgron las/ de ni rigs pa ma yin te/ gtan tshigs dang dpe ma brjod
pa'i phyir dang zhes pa nas grub pa'i mtha' dang 'gal bar 'gyur
ro zhes pa'i bar gsungs so/ /don ni

legs ldan na re/ sangs rgyas bskyangs kyi 'grel ngag de rigs pa
ma yin te/ 'grel ngag des bdag skye 'gog nus kyi rang rgyud kyi
rtags dpe yang dag brjod dgos pa las ma brjod pa'i phyir dang/
gzhan grangs can gyis khyod kyis dngos po

rnams bdag las skye ba med de zhes pa'i don/ rgyu dus mi gsal ba
las mi skye zhes pa yin nam/ 'bras dus gsal ba las mi skye zhes
pa gang yin/ dang po ltar na/ khyab pa 'gal te/ skye ldan thams
cad de las

skye ba kho na yin pa'i phyir/ gnyis pa ltar na/ grub zin bsgrub
pa yin te/ 'bras dus gsal ba las mi skye ba kho bo cag kyang
'dod pa'i phyir/ zhes gzhan gyis smras pa'i nyes pa ma bsal ba'i
phyir dang/ gzhan gyis klan ka'i glags yod

pa'i tshig yin pa'i phyir ro/ /glags ji ltar yod na 'grel ngag
de'i dngos zin gyi skye ba don med dang thug med tsam rtags su
byed pa mi rigs shing/ phyogs chos yang mi grub la/ des na 'gyur
ba'i phyir zhes pa'i tshig gi nus pa las/ myu gu

bdag las skye na skye ba don med dang thug med du 'gyur dgos pa
las/ skye ba don bcas dang thug bcas yin pa'i phyir/ zhes 'thon
pas/ dngos zin gyi rtags de nyid bzlog nas skye ba don bcas dang
thug bcas rtags su 'god par mngon

@035a @#/ /la/ de ltar na dngos zin gyi dam bca' yang bzlog dgos
par thal/ dngos zin gyi rtags bzlog dgos pa gang zhig/ mtshungs
pa'i phyir zhes 'phul lo/ /de yang rtags la skye ba don med dang
thug med log nas skye ba

don bcas dang thug bcas rtags su 'gyur dgos na yang/ dam bca' la
bdag las skye ba med de zhes pa log nas bdag las skye ste zhes
pa ni byar mi rung te/ bdag skye 'gog pa'i skabs yin pa'i phyir
ro/ /'o na ji ltar zhe na/ bdag

skye rnam par bcad tsam ma yin pa'i skye ba dam bca' zlog pa'i
don yin par thal/ dngos po rnams chos can/ bdag las skye ba med
de/ skye ba don bcas dang thug bcas yin pa'i phyir/ zhes pa'i
sbyor ba 'di 'grel ngag des bstan

pa'i sbyor ba gang zhig/ sbyor ba de'i dam bca' la bdag skye
rnam par bcad tsam ma yin pa'i gzhan skye 'phangs pa'i phyir/
rtags dang po khas/ phyi ma der thal/ sbyor ba des skye ba dngos
su bstan pa'i sgo nas bdag skye dngos su

bkag pa gang zhig/ skye ba la bdag skye dang gzhan skye gnyis su
ba tshon chod pa'i phyir/ 'dod na/ bdag skye 'gog pa'i dam bca'
med dgag tsam du bzhad pa'i klu sgrub kyi grub mtha' dang 'gal
bar 'gyur ro zhes skyon brjod par

mdzad do/ /gsum pa skyon de sangs rgyas bskyangs la mi 'jug pa'i
tshul ni/ tshig gsal las/ skyon 'di dag thams cad ni rigs pa ma
yin par kho bo cag gis mthong ngo/ /zhes sogs gsungs/ don ni
legs ldan gyis

@035b brjod pa'i skyon de rnams sangs rgyas bskyangs la med de/
sangs rgyas bskyangs rang rgyud mi bzhed pas bdag skye 'gog pa
la rang rgyud kyi rtags dpe brjod mi dgos shing/ de lta na yang
'grel ngag des gzhan grags kyi rtags dang/ 'gal

brjod kyi thal 'gyur tsam bstan pa'i sgo nas bdag skye bkag pa
gang zhig/ de la khyod kyis bshad pa'i skyon de rnams gang yang
med pa'i phyir/ de yang gzhan grags kyi rtags ni/ dngos po rnams
chos can/ slar yang skye ba don med de/

rang gi bdag nyid du grub zin pa'i phyir zhes pa'di'o/ 'gal rjod
kyi thal 'gyur gnyis ni gong du bshad zin pa de'o/ /de'i phyir
dngos po rnams chos can/ bdag las skye ba med de/ skye ba don
bcas dang thug bcas yin pa'i phyir zhes pa ni legs ldan 'byed
kyis dgongs tshod blangs

pa yin gyi/ sangs rgyas bskyangs kyis bkod pa ma yin no/ /'o na
legs ldan 'byed kyi 'grel dag la skyon chags tshul ji ltar yin
zhe na/ de ni/ bdag las ma yin gzhan las min/ /zhes pa'i thad du
bdag skye 'gog pa la don dam gyi khyad par

nges par sbyar dgos te/ gzhan skye 'gog pa la don dam gyi khyad
par nges par sbyar dgos pa'i phyir te/ gzhan skye tha snyad du
grub pa'i phyir zhes pa legs ldan 'byed kyis bzhad pas/ de la
dgos med kyi skyon brjod pa yin gyi/ tshul gsum ma grub

pa'i cha nas ma yin pa'i phyir/ skyon de ltar brjod pa'i gnad
kyang shin tu che ste/ skabs 'dir legs ldan 'byed kyis bdag skye
'gog pa la don dam gyi khyad par nges par sbyor dgos zhes pa
gzhan skye khas blangs pa la thug pa'i phyir ro/ /

@036a @#/ /smras pa/ thal ba bzlog tshul dka' ba'i gnas/ /mkhas
pa'i bzhed pa ji lta bar/ /nyung ngu'i tshag gis bked pa yis/
/don gnyer can rnams dga' dgur byos/ /zhes bya'o/ /'o na chos
can mthun snang ba zhes pa'i don

gang yin/ de 'gog tshul ji ltar yin zhe na/ de ni rgol phyi rgol
gnyis kas chos can 'jal ba'i tshad ma de nyid chos can de'i rang
bzhin nam gnas tshod 'di 'dra zhig la tshad mar song zhes mthun
par zhe nas 'dod pa zhig chos can mthun

snang ba'i don yin te/ de yang legs ldan gyis grangs can la/ mig
sogs nang gi skye mched rnams chos can/ don dam par bdag las
skye ba med de/ yod pa'i phyir/ dper na sems pa can bzhin/ zhes
bkod pa'i tshe chos can

'jal ba'i tshad ma mig sogs kyi rang bzhin la tshad mar song ba
rgol phyi rgol gnyis kas 'dod pa lta bu yin pa'i phyir/ des na
thal 'gyur ba dang grub mtha' 'og ma gnyis la chos can mthun
snang ba med pa ma gtogs/ grub mtha' so so nang

phan tshun dang 'og ma rnams la chos can mthun snang ba yod pa
rje yab sras kyi dgongs pa yin te/ thal 'gyur ba nang phan tshun
la yang btags tsam gyi chos can la tshad mar song ba rgol phyi
rgol gnyis kas 'dod pas chos can tshad mas grub

tshul mthun snang ba bstan du yod pa stong thun dang drang nges
rnam 'byed du gsungs pa'i phyir/ /'o na bye brag pa dang sangs
rgyas pa 'og ma gnyis la/ drang nges rnam 'byed las/ de gnyis
kyi sgra 'jal ba'i tshad ma sgra'i don 'di 'dra zhig la tshad mar

@036b song zhes smras pa ltar gyi tshad ma ni med do/ /zhes
gsungs pa dang 'gal lo zhe na/ de ni 'byung 'gyur dang nam
mkha'i yon tan gyi khyad par la dgongs pas skyon med do/ /de'i
phyir rgol phyi rgol gnyis kas tshul gsum 'jal ba'i tshad ma yul

gyi rang mtshan la tshad mar song ba khas len bzhin du/ rang mtshan
'jal ba'i tshad mar song sa'i chos can gyi steng du bsgrub bya
sgrub byed du bkod pa rang rgyud kyi rtags kyi don yin no/ /de
'dra ba'i chos can de 'gog tshul ni/ dpal ldan zla bas tshig

gsal du/ /phyin ci log pa dang ma log pa dag ni tha dad pa yin
no/ /zhes gsungs/ don ni legs ldan nam dbu ma pa'i rgyud kyi
chos can 'jal ba'i tshad ma chos can gyi rang bzhin la tshad ma
yin na/ /de nyid phyin ci ma log pa don dam 'jal ba'i

tshad ma yin dgos la/ de yin na tshad ma des rnyed pa'i yul na/
phyin ci log grangs can gyis sam kun rdzob 'jal ba'i tshad ma'i
rnyed don yod pa mi rigs pas/ chos can ma grub bo zhes 'gog pa
yin te/ drang nges rnam 'byed las/ shes pa phyin ci ma log pas

rnyed pa'i yul na phyin ci log rang mtshan gyis med bzhin du der
snang ba'i rdzun snang med pa'i phyir ro/ /zhes dang/ 'jug pa
las/ yang dag mthong yul gang yin de nyid de/ /mthong ba rdzun
pa kun rdzob bden par gsungs/ /zhes tshad ma gnyis kyi

rnyed don bden gnyis kyi don du gsungs pa dang gnad gcig yin
pa'i phyir/ mdor bsdu na/ chos can 'jal ba'i tshad ma ni kun
rdzob 'jal ba'i tshad ma yin pas/ de nyid chos can gyi rang bzhin
nam gnas lug la tshad mar 'gro ba mi rigs zhes

@037a @#/ /'gog pa yin no/ /de la rang rgyud pa rnams kyis bden
gnyis kyi khyad par dor ba'i mig sogs tsam tshad mas grub tshul
bstan du yod pas/ chos can ma grub pa'i skyon med do/ /zhes smra
mod kyang skyon spong mi nus te/ rang gi ngo

bos yod pa dang bden par yod pa la khyad med pa'i phyir ro/
/snyam du dgongs so/ /'o na/ dpe la yang 'dra ba yod pa ma yin
no/ /zhes pa'i don gang zhe na/ de ni bden grub khas len pa ltar
na chos can mthun snang ba 'dzin rigs kyang/ dbu ma'i

ba la gnas par khas len bzhin du chos can 'jal ba'i tshad ma chos
can gyi rang bzhin la tshad mar song ba khas len pa mi rigs zhes
pa'i don yin te/ stong thun las/ chos thams cad bden med du khas
len pa dang rang rgyud khas len pa la 'gal

ba ston pa yin la/ zhes gsungs pa'i phyir/ zhib tu drang nges
rnam 'byed dang stong thun chen mo blta bar bya'o/ /'khrul bral
gzhung lugs las btus nas/ /chos can mthun snang 'gog pa'i tshul/
/mdor bsdus gsal bar bkod pa

'di/ /blo gsal rnams kyi dga' ston mdzod/ /ces bya'o/ /gnyis pa
gzhan skye bkag pa la gnyis/ phyogs snga ma brjod pa dang/ lugs
de dgag pa'o/ /dang po ni/ rang sde dngos smra pa rnams na re/
rang las skye ba med pas bdag

skye mi rigs shing/ de med pas gnyis ka las skye ba mi rigs la/
rgyu med las skye bar 'dod pa ni shin tu tha chad pas mi rigs
mod/ 'on kyang gzhan dag las lta ga la zhig/ ces gzhan skye 'gog
pa mi rigs te/ dngos po rnams

@037b rang bzhin gyis grub pa'i rkyen bzhi las skye bar mdo las
gsungs pa'i phyir zhe na/ gnyis pa lugs de dgag pa la gnyis/
gzhan skye 'dod pa'i phyogs spyir dgag pa/ sems tsam pa'i lugs
bye brag tu dgag pa'o/ /dang po la lnga/ gzhan

skye dgag pa dngos/ bkag pa la 'jig rten gyis gnod pa spangs pa/
de ltar bkag pa'i yon tan bstan pa/ rang bzhin gyis skye ba 'gar
yang med par bstan pa/ bden pa gnyis kar rang bzhin gyis skye ba
bkag pa'i yon tan bstan pa'o/ /

dang po la gsum/ gzhan skye spyir dgag pa/ gzhan skye bye brag
tu dgag pa/ 'bras bu la mu bzhir dpyad nas dgag pa'o/ /dang po
la gnyis/ ha cang thal bas dgag/ skyon spong gi lan dgag pa'o/
/dang po 'chad pa la/ gzhan la brten

nas gal te zhes sogs rkang pa bzhi gsungs/ gal te rang gi ngo
bos grub pa'i rgyu gzhan la brten nas rang gi ngo bos grub pa'i
'bras bu gzhan zhig 'byung bar 'gyur na ni/ 'o na/ shes bya chos
can/ sa lu'i sa bon las sa lu'i myu gu 'byung ba bzhin

du/ gsal byed me lce rab tu 'bar ba las kyang bsal bya mun pa
'thug po 'byung bar 'gyur par thal/ sa myug gnyis dang me lce
dang mun pa rnams rang gi ngo bos grub pa'i gzhan yin par
mtshungs pa'i phyir/ zhing ni 'og ma 'dren pa'i tshig go/

gzhan yang/ sa lu'i sa bon las sa lu'i myu gu 'byung ba bzhin
du/ nas kyi sa bon sogs thams cad las kyang sa lu'i myu gu sogs
thams cad skye bar 'gyur bar thal/ rgyu mtshan gang gi phyir na
skye bar byed pa dang/ skye bar bya ba ma@038a @#/ /yin pa nas kyi sa bon dang
sa lu'i myu gu sogs rgyu
'bras kyi chos ma lus pa la yang rang gi ngo bos grub pa'i gzhan
nyid yod par mtshungs pa'i phyir/ 'o na/ rigs pa snga phyi gnyis
kyi khyad par gang zhe na/ snga ma

ni 'gal rkyen grub zin pa'i tshe na'ang 'bras bu skye bar 'phen
pa dang/ phyi ma ni/ mthun rkyen ma tshang ba'i tshe na'ang 'bras
bu skye bar 'phen pa'o/ /'o na/ gzhan skye la kha cang thal ba
de lta bu 'jug pa'i rgyu mtshan gang zhe na/ sa myug gnyis lta bu

rang gi mtshan nyid kyis grub pa'i gzhan yin na/ tshugs thub gyi
gzhan yin dgos/ de yin na phan tshun ltos med du 'gyur dgos la/
de la mi ltos bzhin du de las skye na me lce las mun pa sogs
kyang skye dgos par thal ba 'phen pa'o/ /de

ltar yang/ rtsa she las/ rgyu dang 'bras bu gzhan yin na/ /rgyu
dang rgyu min mtshungs par 'gyur/ /zhes dang/ Tik chen las/ de
yang rang gi mtshan nyid kyis grub pa'i gzhan yin na zhes pa nas
ha cang thal ba 'jug pa'o/ /

zhes pa'i bar gsungs so/ /gnyis pa la gnyis/ skyon spong gi lan
dang/ de dgag pa'o/ /dang po ni kho na re/ rgyu 'bras gnyis rang
gi ngo bos grub pa'i gzhan yin kyang/ me lce las mun pa byung ba
dang/ sa lu'i myu gu nas kyi

sa bon sogs las 'byung ba sogs rgyu yin min thams cad las 'bras
bu yin min thams cad 'byung bar thal ba'i skyon med de/ rang gi
mtshan nyid kyis grub pa'i gzhan yin na'ang/ rgyu des phan pa rab
tu bya bar nus pa'i dngos po de nyid ni

@038b rgyu de'i 'bras bu yin par nges par brjod cing/ rgyu gang
zhig gis 'bras bu de skyed par nus pa de ni 'bras bu di'i rgyu
yin la/ de'i rgyu mtshan gyis rgyu 'bras so sor nges pa'i phyir
dang/ sa lu'i myu gu de rang dang rgyud gcig tu gtogs pa dang/
rang

skye bar byed pa'i rang gi rigs 'dra snga ma sogs las skye ba
yin la/ gzhan gyi sa bon ni/ sa lu'i myu gu dang rgyud gcig pa
dang/ de skye byed kyi de'i rigs 'dra snga ma sogs ma yin pa
de'i phyir zhe na/ zhes kho'i skyon spong de 'chad pa la/ rab

tu bya bar nus pa zhes sogs rkang ba bzhi gsungs/ de yang rkang
pa dang po gnyis kyis spyir chos de'i rgyu yin na chos de skye
nus dang/ de'i 'bras bu yin na de'i skye bya yin dgos zhes
bstan/ rkang pa gsum pas khyad par de'i nyer len yin na/ de

dang rgyud gcig pa'i de'i sngar byung yin dgos zhes bstan/ rkang
pa bzhi pas sa lu'i myu gu dang nas kyi sa bon gnyis phan bya
phan byed ma yin pas rgyu 'bras su mi rung zhing/ khyad par
rgyud mi gcig pas nyer len rgyu 'bras su mi rung zhes bstan

no/ /gnyis pa de dgag pa ni/ ji ltar nas dang ge sar zhes sogs
rkang pa bzhi gsungs/ sa lu'i sa bon yang ni chos can/ sa lu'i
myu gu de'i skye byed dang/ de skyed pa'i nus ldan dang/ de dang
rgyud gcig pa dang/ de'i

rigs 'dra snga ma dang bzhi po gang yang ma yin par thal/ de
dang rang bzhin gyis grub pa'i gzhan nyid yin pa'i phyir/ ji
ltar te dper na/ /nas dang pad ma'i ge sar dang ni keng shu ka'i
me tog la sogs pa rnams sa lu'i myu gu dang 'brel med

@039a @#/ /don gzhan yin pa'i rgyu mtshan gyis de rnams sa lu'i
myu gu skyed par byed pa 'dod pa ma yin zhing/ de skyed pa'i nus
ldan ma yin pa dang/ de dang rgyud gcig pa'i khongs su gtogs pa
ma yin pa dang/ de'i rigs 'dra snga

ma ma yin par khyod 'dod pa de kho na bzhin no/ /khyab pa yod
de/ rang bzhin gyis grub pa'i gzhan yin na 'brel med don gzhan
yin dgos pa'i phyir/ gnyis pa gzhan skye bye brag tu dgag pa la
gnyis/ rgyu 'bras snga phyi pa la gzhan skye dgag

pa/ rgyu 'bras dus mnyam pa la gzhan skye dgag pa'o/ /dang po la
gnyis/ dngos kyi don dang/ bkag pa la rtsod pa spang pa'o/ /dang
po 'chad pa la/ myu gu sa bon dang ni zhes sogs rkang pa bzhi
gsungs/ shes bya chos can/

myu gu sa bon la ltos te/ gzhan las skye ba yin zhes bya ba'i
phyogs 'di btang bar byos shig ste bya rigs te/ myu gu rang las
rang bzhin gyis gzhan du gyur pa'i sa bon las skye par 'grub par
gyur pa ma yin pa'i phyir te/ sa bon la

myu gu las ngo bos grub pa'i gzhan nyid med la/ de med par sa
bon de myu gu las rang bzhin gyis gzhan pa nyid du ga la 'gyur
te mi 'gyur ba de na'i phyir te/ myu gu sa bon dang ni dus mnyam
yod pa ma yin pa'i phyir/ khyab ste/ myu

gu sa bon la ltos te gzhan skye yin na/ myu gu'i dus na rang las
rang bzhin gyis gzhan du grub pa'i sa bon yod dgos/ de yod nas
myug dus mnyam pa yin dgos pas/ 'dir gzhan skye 'gog pa na/ myu
gu sa bon

@039b dang ni dus mnyam yod pa ma yin te/ /zhes gsungs pa yin
no/ /de ltar yang Tik chen las/ 'di ni sa bon myu gu las zhes pa
nas dgag bya la gtugs par shes dgos so/ /zhes pa'i bar gsungs
pa'i phyir/ /gnyis pa ni/

kho na re/ myu gu sa bon dang ni dus mnyam yod pa ma yin te/
/zhes bshad pa mi 'thad par thal/ ji ltar te dper na srang gi
mda' gnyis gcig mtho ba dang ni gcig shos dma' ba'i bya ba dag
dus mnyam pa ma yin par ni min pa ste dus

mnyam par mthong ba de bzhin du/ skye bar bya ba myu gu dang/
skye bar byed pa sa bon dag gi go rim bzhin du skye ba dang 'gag
pa'i bya ba gnyis dus mnyam pas/ byed pa po sa bon dang myu gu
gnyis dus mnyam du 'gyur ba'i phyir zhe na/ zhes kho'i

rtsod pa 'chad pa la/ ji ltar srang gi mda' gnyis zhes sogs
rkang pa gsum gsungs/ de 'gog pa la/ gal te gcig tshe yin na zhes
sogs rkang pa lnga gsungs/ shes bya chos can/ srang gi dpes sa
myug dus mnyam du grub

pa ma yin par thal/ gal te srang mda'i mgo mjug dus gcig gi tshe
yod pa yin na'ang don gyi skabs 'dir sa myug dus gcig tu med pa
yin te/ gal te skye bzhin pa'i myu gu de sa bon gyi dus der skye
ba la mngon du phyogs pa'i

ma 'ongs ba yin pas dus der yod pa ma yin zhing/ 'gag bzhin ba'i
sa bon ni sa bon gyi dus der yod kyang 'jig pa la mngon du
phyogs pa'i da lta bar 'dod par 'gyur bas/ de'i skad cig gnyis
par mi sdod pa'i phyir/ shes

@040a @#/ /bya chos can/ sa myug gi skye 'gag gi bya ba dus gcig
pas sa myug gnyis dus gcig pa 'di ni ji lta bur na srang mda'i
bya ba gnyis dus gcig pas srang mda' gnyis dus gcig pa dang dpe
don mtshungs pa yin te

ma yin par thal/ srang mda'i bya ba gnyis byed pa po srang mda'
dus gcig kyang/ sa myug gi skye 'gag gi bya ba gnyis byed pa po
sa myug dus mi gcig pa de'i tshe ste de'i phyir/ 'o na/ sa lu
ljung pa'i mdo la/ srad mda' mtho

dma' dang dpe don sbyar ba ji ltar yin zhe na/ de ni tha snyad
du srang mda' mtho dma' dus mnyam pa de/ sa myug gnyis kyi skye
'gag gi bya ba dus mnyam pa'i dper gsungs pa yin gyi/ 'dir ni
gzhan skye khas len pa'i rgol ba'i 'dod pa yin

pas/ skye 'gag rang bzhin gyis grub pa'i bya ba yin la/ de la ni
sa myug dus mnyam du med pas de gnyis skye 'gag gi bya ba dus
mnyam du mi rung zhes dgag pa mdzad do/ /kho na re/ byed pa po
sa myug gnyis dus mi mnyam yang sa

bon 'gag pa'i bya ba dang/ myu gu skye ba'i bya ba gnyis dus
mnyam du rang bzhin gyis grub bo zhe na/ shes bya chos can/ myu
gu skye ba'i bya ba 'di ni sa bon 'gag bzhin pa'i bya ba dang
dus mnyam du rang bzhin gyis yod pa rigs

pa'i ngo bo 'ang ma yin par thal/ sa bon 'gag bzhin pa'i bya
ba'i dus na byed pa po myu gu med pa'i phyir/ 'di nyid gsal bar
bshad na/ myu gu skye ba'i bya ba ni 'di skye zhes pa'i byed pa
po myu gu la brten dgos pas/ myu gu skye

@040b ba'i bya ba dang byed pa po myu gu gnyis rten dang brten
pa yin la/ brten pa rang bzhin gyis grub na dus nam yang der
'gyur dgos/ de yin na bya ba yod dus thams cad du byed pa po de
nyid kyang yod dgos pa las/ myu gu skye bzhin pa'i dus der

byed pa po myu gu med pa'i rgyu mtshan gyis bya ba rang bzhin
gyis med ces pa'o/ /gnyis pa rgyu 'bras dus mnyam pa la gzhan
skye bkag pa ni/ kha cig na re/ sngar bshad pa'i nyes pa rgyu
'bras snga phyi pa la yod kyi kho bo cag la med de/ kho bo

cag rgyu 'bras dus mnyam par khas len pa'i phyir/ rgyu 'bras
kyang dus mnyam du grub ste/ gal te mig gi blo rnam par shes pa
la rang gi skye byed rang dang dus gcig pa mig dbang dang/ la
sogs pas gzugs dang de dang lhan cig tu 'byung ba'i

'du shes dang/ la sogs pas tshor ba las mig blo rang bzhin gyis
gzhan nyid du yod pa'i phyir zhe na/ zhes kho'i 'dod pa de 'chad
pa la/ gal te mi gi zhes pa nas gzhan nyid yod na zhes pa'i bar
rkang pa phyed gsum gsungs/ de

'gog pa la/ yod la 'byung bas zhes pa nas bshad zin to zhes pa'i
bar rkang pa phyed gnyis gsungs/ mig gi rnam par shes pa chos
can/ mig dbang las slar yang 'byung ba'i dgos pa cig zhig yod de
med par thal/ mig sogs kyi

dus na yod pa'i phyir/ cig ste nyes pa de spong bar 'dod nas mig
sogs kyi dus na med ce na/ spyir de ltar yin mod/ 'on kyang
khyod la 'gal 'du yod de/ mig blo chos can/ mig sogs dang ngo bo
nyid kyis grub pa'i gzhan ma yin par thal/

@041a @#/ /khyod mig sogs dang dus mnyam du med pa'i phyir zhes
'di la nyes pa bshad zin to/ /gsum pa 'bras bu la mu bzhir dpyad
nas gzhan snye dgag pa ni/ de ltar skye byed rgyu la brtags nas
gzhan skye mi 'thad par ma zad/ bskyed

bya 'bras bu la brtags kyang gzhan skye mi 'thad do zhes 'chad
pa la/ skyed par byed pa skye bya zhes sogs rkang pa bzhi
gsungs/ 'bras bu skyed par byed pa'i rgyu/ bskyed bya rang las
ngo bo nyid kyis gzhan du grub pa skyed par byed pa

de 'bras bu de'i rgyu yin par khyod 'dod na/ 'bras bu rang bzhin
gyis yod pa zhig rgyu las skyes pa'am/ 'on te de gtan nas med pa
dang/ yod med gnyis ka dang/ yod med gnyis po gang rung dang
bral bzhig rgyus skyed pa yin grang/ dang po

ltar na/ 'bras bu chos can/ khyod skyed byed kyi rgyu ci zhig
dgos te mi dgos par thal/ khyod rang bzhin gyis yod pa'i phyir/
khyab ste/ rang bzhin gyis yod na rgyu la ltos pa 'gal ba'i
phyir/ gnyis pa ltar na/ de chos can/ khyod

la'ang skyed byed kyi rgyu des cig zhi bya ste don med par thal/
khyod gtan nas med pa'i phyir/ bong bu'i rwa bzhin no/ /gsum pa
ltar na/ de chos can/ yod med gnyis ka tshogs pa nyid la'ang rgyu
des cig zhig bya ste dgos pa med par

thal/ yod med gnyis ka tshogs pa mi srid pa'i phyir/ bzhi pa ltar
na/ de chos can/ yod med gnyis ka dang bral ba ste de gnyis gang
rung ma yin pa la'ang rgyu des cig zhig bya ste don med par
thal/ yod med gang rung ma yin pa'i 'bras bu mi srid

@041b pa'i phyir/ gnyis pa bkag pa la 'jig rten gyis gnod pa
spangs pa la gnyis/ 'jig rten gyi grags pas gzhan skye khas
blangs nas 'jig rten gyi gnod pa spangs pa/ 'jig rten gyi tha
snyad du yang gzhan skye med pas 'jig rten gyi gnod pa

spangs pa'o/ /dang po la gnyis/ 'jig rten gyis gnod pa'i rtsod
pa dang/ des mi gnod pa'i lan bstan pa'o/ /dang po ni/ rang sde
dngos smra ba rnams na re/ kho bo cag gis gzhan skye bsgrub byed
kyi rigs pa ci dang ci smras pa de dag thams cad bud shing

skam po mar gyis bran pa ltar khyod dbu ma pa'i gzhan skyes 'gog
byed kyi rigs pa'i me'i grogs su songs bas da ni gzhan skye
bsgrub pa'i rigs pa mi 'god do/ /de ltar na'ang gzhan skye
bsgrub byed med pa ni ma yin te/ gzhan skyes sgrub pa'i skabs
'dir ni mngon sum

las gzhan pa'i rigs pa smras pa nyid kyis lta ko ci zhig bya ste
dgos pa med par thal/ ngo bo nyid kyis grub pa'i rgyu gzhan las
'bras bu gzhan 'byung ba yang 'jig rten pa yi mngon sum kyi tshad
mas rtogs par 'gyur ba'i phyir/ khyab ste/ gang gis

'jig rten pa rnams rang gi lta ba mngon sum gyi tshad ma la gnas
pas na 'jig rten gyi mngon sum tshad ma stobs dang ldan par 'dod
dgos pa'i phyir ro/ /des na gzhan las skye ba yod par sgrub pa'i
skabs 'dir ni gzhan skye mngon sum gyis grub pa'i de

las gzhan pa'i rigs pa ci zhig dgos te dgos pa med do/ /zhes
kho'i 'dod pa de 'chad pa la/ gang gis rang lta la gnas zhes
sogs rkang pa gzhi gsungs/ gnyis pa ni bden gnyis 'chad do/
/gzhan skyes bkag pa la 'jig rten gyis gnod do zhes smra

@042a @#/ /pa ni/ bden gnyis yul can dang bcas pa'i rnam gzhag ji
lta ba bzhin ma shes pa'i skyon yin pas thog mar khyod la bden
gnyis kyi rnam gzhag bstan par bya'o zhes 'chad pa la/ dngos kun
yang dag brdzun pa mthong ba yis/ /

zhes sogs yin pas 'di la lnga/ bden gnyis spyi'i rnam gzhag/
skabs kyi don la sbyar ba/ bden gnyis so so'i ngo bo bshad pa/
bkag pa la 'jig rten gyis gnod par 'dod pa la gnod byed bstan
pa/ 'jig rten gyis gnod pas gnod tshul bstan pa'o/ /

dang pa la gsum/ bden gnyis su dbye ba'i chos rnams la ngo bo
gnyis gnyis yod par brjod pa/ 'jig rten la ltos te kun rdzob kyi
dbye ba bshad pa/ zhen yul la 'khrul ba'i zhen yul tha snyad du
yang med par bstan pa'o/ /dang po 'chad pa la/ dngos kun

yang dag zhes sogs rkang pa bzhi gsungs/ phyi nang gi dngos po
kun chos can/ kun rdzob bden pa'i ngo bo dang/ don dam bden pa'i
ngo bo gnyis gnyis ni 'dzin par 'gyur te/ yang dag pa mthong ba
rigs shes tshad mas rnyed pa'i dngos po'i ngo bo dang/

brdzun pa mthong ba tha snyad pa'i chad ma yis rnyed pa'i dngos
po'i ngo bo gnyis gnyis ni 'dzin pa'i phyir/ khyab ste/ yang dag
pa mthong ba'i rigs shes tshad mas rnyed pa'i yul gang yin pa de
nyid don dam pa yin zhing/ mthong ba brdzun pa tha snyad pa'i
tshad

mas rnyed pa'i don ni kun rdzob bden par gsungs pa'i phyir/ 'o
na/ bden gnyis spyi'i rnam gzhag ston pa'i gzhung 'di rnams
gzhan skye 'gog pa'i rtsod lan du 'gro tshul de dag gang zhe na/
'dir gzhan skye bkag pa ni 'bras bu rang bzhin gyis skye ba

@042b bkag pa yin pas gzhan skye yod na rang bzhin gyis sam don
dam par yod dgos la/ de bkag pa la 'jig rten gyi tshad mas gnod
sgrub 'jug na don dam pa tha snyed pa'i tshad ma'i rnyed don gyi
rtso bor 'gyur dgos la/ de ltar na bden gnyis kyi rnam gzhag
chol

bar 'gyur bas thog mar bden gnyis kyi rnam gzhag mtshol bar ston
zhes pa'o/ /gnyis pa la gnyis/ 'jig rten la ltos te yul can gyi
yang log dang/ de la ltos te yul gyi yang log go /dang po ni/
shes bya la bden pa gnyis su dbye bar ma zad/ kun rdzob

bden pa la'ang 'jig rten shes ngo la ltos te yang log gnyis su
'jog ces ston pa la/ mthong ba brdzun pa'ang zhes sogs rkang pa
bzhi gsungs/ shes bya chos can/ shes bya la bden pa gnyis su
dbye bar ma zad/ brdzun pa mthong ba'i blo la'ang 'jig

rten shes ngo la ltos te yang dag pa ma khrul ba'i blo dang/ log
pa 'khrul ba'i blo rnam pa gnyis su 'dod de/ 'bral gyi 'khrul
rgyu'i gnod med kyi dbang po gsal ba la brten pa dang/ 'phral
gyi 'khrul rgyu'i gnod pa can gyi dbang po skyon ldan la brten
pa'i

shes pa gnyis su yod pa'i phyir/ 'phral gyi 'khrul rgyu'i skyon
dang ldan pa'i dbang po la brten pa can rnams kyi shes pa gang
yin pa de ni chos can/ 'phral gyi 'khrul rgyu'i gnod med kyi
dbang po legs par gyur pa'i shes pa la ltos te log pa 'khrul
ba'i

shes par 'dod de/ 'phral gyi 'khrul rgyus bslad pa'i shes pa yin
pa'i phyir/ 'di ni spyi btang la yin gyi khyab pa khas mi len
te/ gang zag gi bdag 'dzin kun btags skyon du 'gyur ba'i phyir
ro/ gnyis pa ni/ 'jig rten shes ngo la ltos te/ yul can la yang@042a @#/ /log gnyis
su yod par ma zad/ yul la'ang de ltar yod do
zhes 'chad pa la/ gnod pa med pa'i zhes sogs rkang pa bzhi
gsungs/ 'phral gyi 'khrul rgyus gnod pa med pa'i dbang po drug
po rnams kyis bzung bar bya ba'i don gang zhig/

'jig rten gyis rtogs pa'i gzugs sgra sogs chos can/ 'jig rten
gyi shes ngo la ltos nas bden pa yin te/ de kho na nyid ma rtogs
pa'i snga rol tu khyod nyid der snang dang des stong gi tshogs pa
de rtogs mi nus pa'i phyir/ lhag ma me long nang gi gzugs

brnyan ni chos can/ 'jig rten nyid la ltos nas log par rnam par
gzhag ste/ stong nyid ma rtogs pa'i snga rol tu khyod der snang
dang des stong gi tshogs pa de rtogs nus pa'i phyir/ gsum pa zhen
yul la 'khrul ba'i zhen yul tha snyad du yang med par bstan pa
ni/ 'o

na/ 'jig rten nyid la ltos te log pa gzhan ji lta bu zhe na/ de
'chad pa la/ mi shes gnyid kyis zhes sogs rkang pa bzhi gsungs/
shes bya chos can/ mi shes pa ma rig pa'i gnyid kyis rab tu
bskyod pa'i mu stegs can rnams kyis rang gi gzhung lugs

las bdag nyid ji lta ba bzhin du brtags pa'i yon tan gsum ldan
gyi gtso bo sogs dang/ sgyu ma la rta glang dang smig sgyu la
chu dang sogs pas byang bzhin gyi gzugs brnyan la brtags pa'i
byad bzhin sogs gang yin pa de dag chos can/ shes pa

'khrul ba'i ngor yod mod/ 'jig rten gyi tha snyad las kyang yod
pa ma yin pa nyid yin te/ tha snyad du tshad mas ma grub pa'i
phyir/ /gnyis pa skabs kyi don la sbyar ba ni/ 'o na/ gong gi
dpe de don la sbyar na ji ltar yin zhe na/ de 'chad pa la/ mig
ni rab

@042b rib can gyis zhes sogs rkang pa bzhi gsungs/ shes bya chos
can/ 'phags pa'i mnyam gzhag gi gzigs ngo la ltos te gzhan skye
bkag pa la 'jig rten gyi grags pas mi gnod de/ dri ma med pa'i
'phags pa'i ye shes spangs pa ste de dang bral ba'i so skye'i

blo 'khrul bas gzhan skye mthong kyang/ 'khrul pa'i dri ma med
pa'i blo ste ye shes kyis gzigs ngor gzhan skye bkag pa la 'jig
rten gyis gnod pa yod pa ma yin pa'i phyir/ ji ltar te dper na
mig ni rab rib can gyi shes pas skrad shad sogs dmigs pa

yis/ rab rib med pa'i shes pa la skra shad sogs mi snang ba la
gnod pa ma yin pa ji lta ba de bzhin no/ /'dir ni don dam par
gzhan skye bkag pa'o/ /gsum pa bden gnyis so so'i ngo bo bshad
pa la gnyis/ kun rdzob bden pa'i ngo bo bshad pa dang/ don

dam bden pa'i ngo bo bshad pa'o/ /dang po ni kho na re/ dngos
rnyed ngo bo gnyis ni 'dzin par 'gyur/ /zhes chos thams cad kyi
steng du kun rdzob dang don dam pa'i rnam gzhag gnyis gnyis
'thad par gsungs na/ 'o na/ kun rdzob bden pa zhes pa'i bden pa

gang gi ngor 'jog pa'i kun rdzob de gang yin/ de la kun rdzob
zhes brjod pa'i rgyu mtshan de ji lta bu yin zhe na/ de lan 'chad
pa la/ gti mug rang bzhin zhes sogs rkang pa bzhi gsungs/ gzugs
sogs bden par 'dzin pa'i gti mug chos can/ khyod la kun rdzob

zhes brjod pa'i rgyu mtshan yod de/ khyod gzugs kyi rang bzhin
nam gnas lugs mngon sum du mthong ba la sgrib byed yin pa'i rgyu
mtshan gyis de ltar brjod pa'i phyir/ 'di ni kun rdzob kyi skad
dod sam pri ta zhes pa sgrib byed la 'jug pa'i bshad pa'o/ /'o
na/ gzugs la

@043a @#/ /kun rdzob bden pa zhes brjod pa'i rgyu mtshan gang zhe
na/ blo kun rdzob bden 'dzin des bchos ma ste de'i dbang gis
bden par med bzhin du bden par snang ba'i gzugs gang yin pa de
ni chos can/ khyod la kun rdzob bden pa zhes thub pa des gsungs

pa'i rgyu mtshan yod de/ khyod blo kun rdzob pa bden 'dzin gyi
ngor bden pas de ltar brjod pa'i phyir/ gang du gsungs na/ lang
gshegs las/ /dngos rnams skye ba kun rdzob tu/ /dam pa'i don du
rang bzhin med/ /rang bzhin med la 'khrul ba gang/ de ni

yang dag kun rdzob 'dod/ /ces bya ba der gsungs so/ /'o na/
gzugs sogs de blo kun rdzob pa thams cad kyi ngor bden pa yin
nam zhe na/ gzugs sogs de dag chos can/ nyan rang dgra bcom pa
dang dag sa la gnas pa'i byang sems kyi blo ngor kun

rdzob tsam du grub kyi bden grub ni ma yin ste/ de rnams kyis
bcos mar gyur pa'i dngos po gzugs sogs bden par zhen pa med pa'i
phyir te/ bden 'dzin spangs pa'i phyir/ 'di'i bchos ma dang po
bden 'dzin gyis gzugs sogs gnas tshul bzhin du bchos

pa dang/ gnyis pa shes sgrib kyis bchos par 'grel ba las gsungs
pa ltar yin no/ /gnyis pa ni/ 'o na/ kun rdzob bden pa'i ngo bo
de ltar yin na/ don dam bden pa'i ngo bo ji ltar yin zhe na/ de
ni mngon sum du mthong ba ltar bstan par mi nus pas dpe'i

sgo nas bstan par bya'o zhes 'chad pa la/ rab rib mthu yis zhes
sogs rkang pa bzhi gsungs/ shes bya chos can/ don gyi skabs 'dir
phung sogs kyi de kho na nyid shes par gyis shig ste shes par
bya tshul yod de/ so skye rnams la snang ba ltar gyi

@043b phung sogs bden grub phung sogs kyi de kho na nyid ma yin/
/sangs rgyas rnams kyis gzigs pa ltar gyi phung sogs bden med
phung sogs kyi gnas lugs yin pa'i phyir/ dper na rab rib kyis
mig bslad pa'i mthu yis rab rib can gyis bse ru

sogs kyi snod gang du skra shad dang sbrang bu la sogs pa'i ngo
bo log pa gang zhig ste de med bzhin du yod par rnam par brtags
shing mthong nas bsal ba'i tshegs byed pa na/ rab rib med pa'i
mig dag pas snod der bltas pa'i tshe skra shad de nyid kyi bdag
nyid mi snang

ba'i sgo nas skra shad med par mthong nas med do zhes smra ba
na/ skra shad de'i de kho na nyid dam gnas tshul ni rab rib can
gyis mthong ba ltar ma yin gyis/ rab rib med pas mthong ba ltar
yin pa de bzhin no/ /bzhi ba bkag pa la 'jig rten gyis gnod par
'dod pa

la gnod byed bstan pa ni/ gzhan skye bkag pa la 'jig rten gyis
gnod na/ de kho na nyid mngon sum du rtogs pa la 'phags pa'i lam
mi dgos par thal ba'i skyon yod ces 'chad pa la/ gal te 'jig
rten zhes sogs rkang pa drug gsungs/ gal

te 'jig rten gyis mthong ba de kho na nyid la tshad ma yin na ni/
'o na shes bya chos can/ de kho na nyid mngon sum du mthong ba
la so skye las mchog tu gyur pa'i 'phags pa'i lam gzhan gyi ci
zhig dgos te mi dgos par thal/ 'jig rten so skyes de kho

na nyid mngon sum du mthong ba'i phyir/ 'dod na/ de kho na nyid
mngon sum du mthong ba'i phyir du tshul khrims bsrung ba dang
thos bsam byed pa sogs 'phags pa'i lam 'tshol ba'i thabs kyi ci
zhig bya ste don med par thal/ rtags snga ma de'i phyir/

@044a @#/ /gzhan yang/ so skye chos can/ khyod kyi mngon sum de
kho na nyid la tshad mar rigs pa'ang ma yin par thal/ khyod de
kho na nyid blta ba la blo gros blun po yin pa'i phyir/ dper na
nor bu brtag pa la rmongs pa'i gang zag bzhin

no/ /de kho na nyid la spyod pa'i skabs su gzhan skye bkag pa la
'jig rten gyis gnod pa med par thal/ de kho na nyid la rnam pa
kun tu ste thams cad du 'jig rten gyis mthong ba tshad ma ma yin
pa de'i phyir/ lnga pa 'jig rten gyis gnod pa'i

gnod tshul bstan pa ni/ 'o na/ gzhan skye bkag pa la 'jig rten
gyis mi gnod na 'jig rten gyis gnod pa'i yul de gang zhe na/ de
ston pa la/ 'jig rten don ni zhes sogs rkang pa gnyis gsungs/
'jig rten na grags shing grub pa'i

don rdza'am bum pa lta bu ni chos can/ khyod gal te bsel ba ste
bkag na 'jig rten gyis gnod par 'gyur te/ khyod 'jig rten gyi
grags pa nyid kyis grub pa'i phyir/ gnyis pa 'jig rten gyi tha
snyad du yang gzhan skye med pas 'jig rten

gyis gnod pa spangs pa ni/ spyir 'jig rten gyi grags pas gzhan
skye mi grub mod/ grub na'ang don dam par gzhan skye bkag pa la
'jig rten gyis mi gnod par bstan nas/ de ni 'jig rten gyi tha
snyad du yang gzhan skye med pas gzhan skye bkag pa la

'jig rten gyis mi gnod ces 'chad pa la/ gang phyir 'jig rten
zhes sogs rkang pa bzhi gsungs/ shes bya chos can/ gzhan las
skye ba don dam par ma zad 'jig rten gyi tha snyad las kyang med
de/ rgyu mtshan gang gi phyir na 'jig rten na bu dang shing gi

@044b sa bon tsam btab nas/ phyis bu dang shing skyes pa'i tshe
bdag gis bu 'di skyed ces smra bar byed cing shing 'di yang bdag
gis btsugs so snyam du rtog pa des na ste de'i phyir/ khyab
'brel ni/ rgyu 'bras rang mtshan gyis grub pa'i so so bar 'dzin
pa'i blo lhan skyes med pas

de 'dra'i blo de grub mthas blo ma bsgyur ba la med do/ /ci ste
yod na ngas bu 'di ma de'i khong du bcug nas bton to snyam du
blo skye ba'am/ yang na pa ma yin pa la'ang bu 'di ni nga'i bu'o
snyam du blo skye bar 'gyur ro/ /de'i phyir gzhan skye 'jig rten
gyi tha

snyad du yang med bces pa'o/ /gsum pa de ltar bkag pa'i yon tan
bstan pa ni/ kho na re/ khyod kyis gong du rnam grangs du mar
bdag skye bkag nas gzhan skye ma bkag na nyes dmigs dang/ bkag
na yon tan 'byung bar bshad na/ de ji ltar yin zhe na/

de 'chad pa la/ gang phyir myu gu zhes sogs rkang pa bzhi
gsungs/ shes bya chos can/ myu gu skyes pa'i tshe sa bon zhig pa
ste rigs 'dra rgyun chad pa'i nyes pa med de/ rgyu mtshan gang gi
phyir na sa myug gnyis rang bzhin gyis grub pa'i gzhan yin na
nyes pa de

yod kyang/ myu gu sa bon las rang bzhin gyis gzhan min pa'i
phyogs la de gnyis rgyu 'bras su mi 'gal zhing ches 'thad pa
de'i phyir/ dang po grub ste/ sa myug gnyis rang bzhin gyis grub
pa'i gzhan yin na 'brel mid kyi gzhan yin dgos la/ de

la ni myu gu yod kyang sa bon gyi rigs rgyun ma chad pa la mi
phan pa'i phyir/ dper na/ so skye yod pas dgra bcom pa'i rgyud
la nyon mongs rgyun ma chad pa la mi phan pa bzhin no/ /gzhan
yang/ shes bya chos can/ myu gu skyes pa'i tshe sa bon yod ces

@045a @#/ /kyang brjod par mi bya ste/ rgyu mtshan gang gi phyir
na sa myug gnyis rang bzhin gyis gcig yin na nyes pa de yod
kyang/ sa myug gnyis rang bzhin gyis gcig nyid du yod pa ma yin
pa'i phyogs la myu gu'i dus na sa bon zhig zin pa

de'i phyir/ dang po grub ste/ sa myug rang bzhin gyis gcig yin
na dus thams cad du gcig yin dgos/ de ltar na myu gu'i dus su sa
bon yod dgos pa'i phyir/ mdor na sa myug gnyis rang bzhin gyis
grub na rang bzhin gyis grub pa'i gcig dang

tha dad gang rung yin dgos la/ de ltar na rtag chad gang rung
las ma 'das shing/ sa myug rang bzhin gyis ma grub pa'i phyogs
la de gnyis rgyu 'bras su bzhag chog pas rtag chad kyi mtha' las
grol lo zhes pa'o/ /bzhi pa rang bzhin gyis skye ba

'gar yang med par bstan pa la gnyis/ rang bzhin gyis grub par
'dod pa'i 'dod pa dgag pa/ de ltar bkag pa la rtsod pa spangs
pa'o/ /dang po la gsum/ 'phags pa'i mnyam gzhag dngos po'i 'jig
rgyur thal bas dgag/ tha snyad bden

pa rigs pa'i dpyad bzod du thal bas dgag/ don dam pa'i skye ba
mi khegs par thal ba'i dgag pa'o/ /dang po ni/ dbu ma pa kha
cig/ don dam par gzhan skye 'gog pa rigs mod/ gzhan las skye ba
'jig rten las kyang med/ /zhes 'jig rten gyi

tha snyad du gzhan skye 'gog pa mi rigs te/ dngos po rnams kun
rdzob tu rang bzhin gyis skye ba'i phyir zhe na/ de 'gog pa la/
gal te rang gi zhes sogs rkang pa bzhi gsungs/ gal te gzugs sogs
kyi dngos po rnams rang gi mtshan nyid kyis grub

@045b pa'i rgyu rkyen la brten nas skye bar gyur na/ stong nyid
rtogs pa'i 'phags pa'i mnyam gzhag ye shes chos can/ khyod kyis
dngos po'i rang bzhin de la bskur ba btab pa ste yod bzhin du
med par rtogs pa'i sgo nas stong nyid rtogs par thal/ dngos po
rang bzhin

gyis yod/ khyod kyis dngos po rang bzhin med par rtogs pa'i
phyir/ dang po dngos/ phyi ma der thal/ dngos po rang bzhin gyis
yod na khyod kyis dmigs dgos pa las ma dmigs pa'i phyir/ phyi ma
khas/ dang po der thal/ rang bzhin gyis grub na

gnas lugs su grub dgos/ der grub na stong nyid rtogs pa'i 'phags
pa'i mnyam gzhag ye shes kyis dmigs dgos pa'i phyir/ rtsa bar
'dod na/ de chos can/ khyod dngos po rang bzhin gyis yod pa 'jig
pa'i rgyu yin par thal/ khyod kyi sngar dngos po

rang bzhin gyis yod/ khyod skyes pa'i tshe dngos po rang bzhin
gyis med par song ba gang zhig/ de ltar byed pa po khyod las
gzhan pa med pa'i phyir/ des na dngos po rang bzhin gyis yod pa
de ni rigs pa ma yin te/ de yod na stong nyid rtogs pa'i 'phags

pa'i mnyam gzhag ye shes dngos po 'jig pa'i rgyur thal ba'i
skyon yod pa de'i phyir/ gnyis pa ni/ gzhan yang/ gzugs sogs
rang bzhin gyis ma grub ste/ de grub na rigs pa'i dpyad bzod du
grub dgos zhes 'chad pa la/ gang phyir dngos po 'di

dag zhes sogs rkang pa bzhi gsungs/ shes bya chos can/ gzugs
sogs 'jig rten gyi tha snyad bden pa rnams la bdag las skye'am
gzhan las skye zhes rigs pas brtags nas sam rnam par dpyad pa'i
sgo nas khas blang bar mi bya ste/ rgyu mtshan

@046a @#/ /gang gi phyir na gzugs sogs kyi dngos po 'di dag bdag
las skye'am gzhan las skye zhes rnam par dpyad na/ de kho na
nyid kyi bdag nyid can rang bzhin gyis ma skyes pa'i dngos po
las tshu rol te gzhan du bden par grub

pa'i gnas rnyed pa ma yin pa de'i phyir/ gsum pa ni/ kho na re/
tha snyad du gzhan skye yod de/ de med na kun byang med par
'gyur pa'i skyen yod pa'i phyir zhe na/ de mi 'thad par thal/
gzhan skye yod na don dam pa'i skye ba mi khegs par thal ba'i
skyen

yod pa'i phyir zhes 'chad pa la/ de nyid skabs su zhes sogs
rkang pa bzhi gsungs/ gzugs sogs chos can/ khyod rang bzhin gyis
skye ba tshad ma gang gis grub pa yin par 'gyur te mi 'gyur bar
thal/ de kho na nyid don dam la dpyod pa'i

skabs su skye ba don med dang thug med du thal ba'i rigs pa gang
zhig gis bdag dang gzhan las skye ba rigs pa ma yin par bsgrubs
zin pa'i rigs pa des/ tha snyad du yang bdag dang gzhan las skye
ba rigs pa ma yin par 'grub

pa'i phyir/ de'i phyir rang bzhin gyis yod na don dam par yod
dgos pa'i phyir ro/ /gnyis pa de ltar bkag pa la rtsod pa spang
ba ni/ kho na re/ tha snyad du rang bzhin gyis skye ba med na
rgyu las 'bras bu 'byung ba ji ltar 'thad ce na/ de'i

lan 'chad pa la/ dngos po stong pa zhes sogs rkang pa drug
gsungs/ shes bya chos can/ rgyu 'bras kyi dngos po thams cad
rang bzhin gyis grub pas stong na yang rgyu las 'bras bu 'byung
ba 'thad de/ rang bzhin gyis stong pa'i rgyu

@046b dag las rang bzhin gyis stong pa'i rang gi 'bras bu rab tu
skye bar 'gyur pa'i phyir/ dper na/ dngos po stong pa brdzun pa
gzugs brnyan la sogs pa'i 'bras bu rnams/ me long dang byad
bzhin la sogs pa rang gyi rgyu rkyen

tshogs pa la ltos nas skye bar ma grags pa ma yin par grags
shing/ ji ltar me long der grags pa'i gzugs brnyan sogs bden pas
stong pa'i brdzun pa de las mig gi rnam par shes pa gzugs brnyan
de'i rnam pa

can du skye bar 'gyur ba ltar dpe de bzhin no/ /lnga pa bden pa
gnyis su rang bzhin gyis skye ba bkag pa'i yon tan bstan pa la
gnyis/ rtag chad kyi lta ba spangs sla ba'i yon tan dang/ las
'bras kyi 'brel ba ches 'thad pa'i

yon tan no/ /dang po ni/ kho na re/ bden pa gnyis car du yang
rang bzhin gyis skye ba bkag pa la yon tan gang yod ce na/ de
'chad pa la/ bden pa gnyis su'ang rang bzhin zhes sogs rkang pa
gnyis gsungs/ gzugs

sogs de dag chos can/ rang bzhin gyis grub pa'i rtag pa ma yin
la sngar rang bzhin gyis grub la phyis med pa'i chad pa'ang ma
yin te/ bden pa gnyis su ste gnyis char du'ang rang bzhin gyis
grub pa rdul tsam yang med pa'i

phyir/ gnyis pa la gsum/ rang bzhin gyis grub pa mi 'dod pa la
kun gzhi sogs khas len mi dgos par bstan pa/ las 'gags pa las
'bras bu 'byung ba'i dpe bstan pa/ de ltar bstan pa la rtsod pa
spangs pa'o//@047a @#/ /dang po ni/ dngos po rang bzhin gyis skye ba bkag pa
la sngar bshad pa'i yon tan yod par ma zad/ las 'bras kyi rten
du kun gzhi sogs khas ma blangs kyang las 'bras kyi 'brel ba
ches 'thad do zhes

ston pa la/ gang phyir rang bzhin zhes sogs rkang pa bzhi
gsungs/ las rang bzhin gyis med par 'dod pa'i lugs la chos can/
kun gzhi sogs sa khas blangs pa med kyang/ sems can gyi rgyud la
lar las

'gags nas yun ring du lon pa las kyang las kyi 'bras bu yang dag
pa ste ma 'khrul bar 'byung ba rig par gyis shig te bya rigs te/
kun gzhi sogs khas blangs pa med kyang las zhig pa las/ las kyi

rnam smin gyi 'bras bu 'di 'byung ngo zhes 'jog nus pa'i phyir
te/ rgyu mtshan gang gi phyir na las de rang bzhin gyis mi 'gag
par rgyun gnas pa de'i phyir ro/ /gnyis pa ni/ de phyir kun gzhi
med kyang 'di nus phyir/

zhes kun gzhi med kyang las zhig pas 'bras bu skye nus zhes
'chad na/ de'i dpe de ji lta bu yin zhe na/ de 'chad pa la/ rmi
lam dmigs pa'i zhes sogs rkang pa bzhi gsungs/ shes bya chos
can/ rang bzhin gyis yod

pa ma yin pa'i las 'gags pa las kyang ni las kyi rnam smin gyi
'bras bu 'byung ba yod pa yin te/ dper na/ rmi lam na bud med
bzang mo dmigs pa'i yul dag mthong nas ni gnyis sad kyang te sad
pa'i tshe na'ang skye

@047b bo blun po la dus der 'gags pa'i bud med la dmigs nas
chags pa drag po skye bar 'gyur ba de bzhin yin pa'i phyir/ gsum
pa de ltar bstan pa la rtsod pa spong ba la gnyis/ rnam smin
thug med du 'byin pa'i rtsod pa spangs pa/

kun gzhi ston pa'i lung dang 'gal ba'i rtsod pa spangs pa'o/
dang po ni/ kho na re/ gang phyir rang bzhin gyis de mi 'gag pa/
/de'i phyir kun gzhi med kyang 'di nus phyir/ /zhes las rang
bzhin gyis mi 'gag kyang las zhig

pas 'bras bu bskyed par bshad na/ 'o na dge sdig gi las kyis
rnam smin 'byin pa thug med du 'gyur par thal/ dge sdig gi las
kyis rnam smin 'byung nas kyang rnam smin 'byin par 'gyur ba'i
phyir zhe na/ de'i lan 'chad

pa la/ ji ltar yul ni zhes sogs rkang pa brgyad gsungs/ shes bya
chos can/ rnam smin 'byin zin pa'i las dang 'byin ma zin pa'i
las gnyis rang bzhin gyis mi 'gags par mtshungs kyang/ rnam smin
'byin ma zin pa'i

las kyis rnam smin 'byin la/ 'byin zin pa'i las las slar yang
rnam smin 'byin pa ma yin pa'i khyad par shes par gyis shig te
shes dgos te/ ji ltar te dper na yul sgra shad dang bong bu'i
rwa ni yod pa nyid ma yin par

mtshungs kyang/ rab rib can gyi mig gis skra shad la sogs pa'i
rnam par ni mthong gi /dngos po gzhan bong bu'i rwa sogs kyi
rnam par mthong ba ma yin pa ltar de bzhin du rgyu 'bras so sor
nges pa mthong ba'i phyir/ shes bya

@048a @#/ /chos can/ dge mi dge'i las gnyis rang bzhin gyis med
par mtshungs kyang/ las gnyis kyi 'bras bu so sor nges pa yin te/
rnam smin mi dge ba ste yid du mi 'ong ba ni nag po'i las las
'byung gi dge ba'i las las mi

'byung la/ rnam smin dge ba ste yid du 'ong ba nyid ni dge ba'i
las las 'byung ba yin par mthong gi/ mi dge ba las 'byung ba ma
yin pa'i phyir/ dper na skra shad dang bong bu'i rwa gnyis med
par mtshungs kyang/ rab rib can la skra

shad snang la bong bu'i rwa mi snang ba'i khyad par 'thad pa de
bzhin no/ /des na dge ba dang mi dge ba'i las rang bzhin gyis
med par rtogs pa'i blo can gyi gang zag chos can/ myur du 'khor
ba las thar bar 'gyur te/ dge mi dge'i

gnas lugs rtogs pa'i gang zag yin pa'i phyir/ khayb te/ bden
'dzin 'khor ba'i rtsa ba yin pa'i phyir/ rgyu mtshan de'i phyir
shes bya chos can/ las rnams kyi rnam par smin pa ni bsam gyi mi
khyab bo/ /zhes lung la/

ma brten par so skyes las 'bras rnams la sems pa ste dbyad
pa'ang dgag par mdzad pa yin te/ so skyes las 'bras la bskur ba
btab par dogs pa'i phyir/ don ni/ las 'bras kyi 'brel ba lung la
brten nas bshad

dgos kyi rigs pa tsam gyis dpag mi nus zhes pa'i don no/ /gnyis
pa kun gzhi ston pa'i lung dang 'gal ba'i rtsod ba spangs pa la
gnyis/ lung 'gal spong ba'i tshig don dngos/ dgos pa'i dbang gis
gsungs

@048b pa'i dpe bstan pa'o/ /dang po ni/ kho na re/ de'i phyir
kun gzhi med kyang 'di nus phyir/ /zhes kun gzhi med kyang las
'bras kyi 'brel pa 'jog nus par bshad na/ 'o na dgongs 'grel
sogs las kun gzhi las 'bras kyi rten

du gsungs pa dang 'gal lo zhe na/ de'i lan 'chad pa la/ kun gzhi
yod cing zhes sogs rkang pa bzhi gsungs/ kun gzhi gsungs pa'i
mdo dang mi 'gal te/ tshogs drug las ngo bo tha dad pa'i kun gzhi
yod cing/ gang zag

nyid rjes su yod la/ phung po 'di dag 'ba' zhig te de tsam nyid
bden par yod ces bstan pa 'di ni rang bzhin med pa'i stong nyid
sngar bshad pa de ltar/ ches zab pa'i don re zhig rig par te
rtogs par mi 'gyur ba'i gdul bya gang

yin pa de la dgongs nas gsungs pa'i phyir/ gnyis pa ni/ 'o na de
ltar gsungs pa de dgos pa gang gi phyir du gsungs pa yin/ dpe de
ji ltar yin zhe na/ de 'chad pa la/ 'jig tshogs lta dang zhes
sogs rkang pa bzhi

gsungs/ dngos po rnams rang bzhin gyis grub pa med mod kyi 'on
kyang rang bzhin gyis yod ces drang pa'i don nyid du bstan pa
yang chos can/ dgos pa yod de/ gdul bya de kho na nyid la bkri
ba'i thabs yin pa'i phyir/ ji ltar

te dper na 'jig tshogs la lta ba bag chags dang bcas pa bral bas
nga dang nga yi bar 'dzin pa'i rnam rtog med na yang/ sangs
rgyas kyis gdul bya gzhan gyis chos kyi don khong du chud pa'i
thabs su nga dang nga yi zhes bstan

@069a @#/ /ba ltar gyi dpe de bzhin no/ /'o na drang don nyid du
ji ltar bstan zhe na/ theg dman gyi mdo las/ zhig pa med cing
skye med la/ /chos kyi dbyings dang mnyam gyur kyang/ /sreg pa'i
bskal pa brjod mdzad pa/ /'di ni 'jig

rten mthun 'jug yin/ /dus gsum dag tu sems can gyi/ /rang bzhin
dmigs pa ma yin la/ /sems can khams kyang ston mdzad pa/ /'di ni
'jig rten mthun 'jug yin/ /zhes gsungs so/ /gnyis pa sems tsam

pa'i lugs bye brag tu bkag pa la gsum/ phyi don med par shes pa
rang bzhin gyis grub pa dgag pa/ gzhan dbang rang bzhin gyis
grub pa'i sgrub byed tshad ma dgag pa/ sems tsam du gsungs pa'i
tsam gyis sgras

phyi don mi 'gog par bstan pa'o/ /dang po la gnyis/ gzhan lugs
brjod pa dang/ lugs de dgag pa'o/ /dang po ni/ sems tsam pa na
re/ 'dir rten 'byung ba'i de nyid mthong bas de/ /shes rab gnas
pas zhes sa drug

pa bas rten 'brel rang bzhin gyis skye med du rtogs pa de nyid/
khyod kyis sher phyin lhag pa'i don du bshad pa mi 'thad pas sa
drug pa bas rten 'byung gi de kho na nyid rtogs pa'i don kho bos
bshad par bya'o/ /ji ltar bshad na/

sher phyin lhag pa la gnas pa'i byang sems sa drug pa ba chos
can/ khyod kyis phyi nang gi dngos po rnams rnam par shes pa'i
bdag nyid tsam du rtogs pa'i sgo nas chos rnams kyi de kho na
nyid rtogs par 'gyur te/ rdul phran cha med 'gog

@049b pa'i rigs pas phyi don khegs shing/ phyi rol gyi gzung ba
med bar de las don gzhan pa'i 'dzin pa ma mthong zhing/ srid pa
khams gsum po rnam par shes pa'i bdag nyid tsam du rab tu rtogs
pa'i sgo nas gnyis stong gi de kho na nyid mngon

sum du mthong ba'i phyir/ phyi don med kyang don snang gi shes
pa skye ba mi 'thad pa'i skyon med de/ ji ltar te dper na rlung
gis bskul ba'i rgya mtsho ni che las chu rlabs 'byung ba de bzhin
du phyi nang gi dngos po kun gyi sa bon kun gzhi rnam par shes

pa zhes bya ba las don snang gi rnam par shes pa snga ma 'gag
bzhin pa 'byung la/ des rang dang rjes su mthun pa'i nus pa ste
bag chags ba zhag pa smin pa las don snang gi rnam shes phyi ma
tsam zhig 'byung pa'i phyir/ des na gzhan gyi

dbang gi ngo bo phyi rol don snang gi 'khrul shes gang yin pa de
chos can/ bden par grub te/ rang rgyu don snang gi bag chags
smin pa las 'byung ba de'i phyir dang/ rang 'bras dngos po btags
par yod pa'i ste gzung 'dzin

rdzas gzhan du 'dzin pa'i rtogs pa'i rgyur 'gyur ba'i phyir/
rtags phyi ma grub te/ don du snang ba la brten nas don du zhen
pa 'byung ba'i phyir/ de lta bu'i gzhan dbang de chos can/ khyad
par gsum dang ldan te/ rgyu'i khyad par phyi rol gyi

don bzung ba med par rang gi bag chags kho na las 'byung bar
'gyur la/ ngo bo khyad par rang bzhin gyis yod pa dang/ yul can
gyi khyad par don dam par sgra rtogs gi spros pa kun gyi yul ma
yin pa'i rang bzhin du

@050a @#/ /yod pa'i phyir/ zhes sems tsam pa'i 'dod pa de 'chad
pa la/ gzung ba med par zhes sogs sho lo ka gsum gsungs/ gnyis
pa lugs de dgag pa la gnyis/ dgag pa rgyas par brjod pa dang/ de
ltar bkag pa'i

mjug bsdu ba'o/ /dang po la gsum/ phyi rol med pa'i shes pa rang
bzhin gyis grub pa'i dpe dgag/ bag chags kyi nus pa las don gyis
stong pa'i shes pa skye ba'i don dgag/ de ltar bkag pa dang mi
sdug pa sgom pa gnyis

mi 'gal bar bstan pa'o/ /dang po la gnyis/ rmi lam gyi dpe dgag
pa/ skra shad mthong ba'i dpe dgag pa'o/ /dang po la gsum/ rmi
lam gyi dpes shes pa rang bzhin gyis yod par mi 'grub pa/ rmi
lam gyi dpes sad dus su

phyi rol med par mi 'grub pa/ rmi lam gyi dpes dngos po thams
cad brdzun par 'grub pa'o/ /dang po ni/ gong gi sems tsam pa'i
'dod pa de rnams 'gog pa la/ phyi rol med sems zhes sogs rkang
pa brgyad gsungs/ don

ni sems tsam pa khyod kyis phyi rol med la sems rang bzhin gyis
yod par 'dod na/ dper na 'di bzhin zhes 'di'i dpe ni gang du yod
ces dri bar bya'o/ /de la sems tsam pa na re/ de'i dpe yang dag
yod de/ rmi lam na

glang chen med kyang glang chen gsal bar snang ba'i shes pa rang
bzhin gyis grub pa ji lta ba de bzhin no zhe na/ de nyid 'dir
bsam pa ste dpyad par bya'o/ /tshul ji ltar zhe na/ sems tsam pa
khyod kyis bkod pa'i rmi lam gyi

@050b shes pa de/ phyi rol med la sems rang bzhin gyis yod pa'i
dpe yang dag ma yin par thal/ gang gi tshe dbu ma pa nga yi lugs
la sad par ma zad rmi lam na yang yul glang chen med ba ltar
de'i rnam pa can gyi sems kyang rang bzhin

gyis yod pa ma yin pa de'i tshe ste de'i phyir/ gal te kho na re/
rmi lam na glang po che snang ba'i yid rang bzhin gyis yod de/
sad pa'i tshe glang po che snang ba'i rmi lam gyi yid dran pa'i
phyir rol zhe na/ 'o na/ rmi lam gyi shes pa la snang ba'i phyi

rol gyi yul glang po che yang/ rmi lam gyi yid de bzhin du rang
bzhin du rang bzhin gyis yod par 'gyur bar thal/ ji ltar khyod
kyi ltar na yang sad pa'i tshe ngas rmi lam gyi dus su glang chen
mthong snyam pa'i yid dran pa yod pa de 'dra ba phyi rol gyi yul

glang chen la'ang de mthong snyam du dran pa yod pa yin pa'i
phyir/ mdor na pas mthong zhes yul can dran pas yul can rang
bzhi gyi yod dgos na/ 'di mthong zhes yul dran pas yul yang rang
bzhin gyis yang dgos

zhes pa'o/ /gnyis pa rmi lam gyi dpes sad dus su phyi rol med
par mi 'grub pa ni/ de skad byas pa la/ gal te kho na re/ gnyid
log pa na mig gi blo ste mig shes mi srid pas rmi lam na glang
po che la sogs pa'i gzugs mig

gi gzung bya yod pa ma yin zhing/ de'i phyir yid kyi shes pa kho
na yod do/ yid shes de la phyi rol de yi rnam pa snang ba tsam
la phyi rol nyid du zhen pa yin pas/ rmi lam na phyi rol med par
shes pa rang bzhin gyis yod pa

@051a @#/ /ji lta ba de bzhin du sad pa'i skabs 'dir phyi don med
par shes pa rang bzhin gyis grub pa 'dod do zhe na/ zhes sems
tsam pa'i 'dod pa de 'chad pa la/ gal te gnyid na zhes sogs
rkang ba bzhi gsungs/ de 'gog pa

la/ ji ltar khyod kyi phyi yul zhes sogs rkang pa lnga gsungs/
shes bya chos can/ sems tsam pa khyod kyi lugs ltar na phyi rol
gyi yul te don rmi lam du ma skyes pa de bzhin du yid kyi rnam
shes kyang rang bzhin gyis skyes pa ma yin

par thal/ rmi lam na mig dang mig gi yul gzugs gnyis med pa de
bzhin du de gnyis las skyes pa'i sems mig gi rnam shes kyang yod
pa ma yin pa'i phyir/ der thal/ rmi lam gyi mig gzugs yid gsum
po thams

cad kyang ni mig sogs su snang zhing mig sogs kyis stong pa'i
brdzun pa yin pa'i phyir/ shes bya chos can/ mig sogs gsum po de
bzhin du rmi lam gyi rna ba la sogs pa lhag ma'i yul dbang rnam
shes gsum po la'ang

bden brdzun gyi khyad par med par thal/ gsum ka rang bzhin gyis
skye ba med par mtshungs pa'i phyir/ gsum pa rmi lam gyi dpes
dngos po thams cad brdzun par grub pa ni/ /rmi lam gyi dbes shes
pa bden par mi 'grub

par ma zad/ dpe des dngos po thams cad brdzun par grub pa yin no
zhes 'chad pa la/ rmi lam ji lta zhes sogs rkang pa bdun gsungs/
shes bya chos can/ rmi lam gyi yul dbang rnam shes gsum brdzun
pa yin pa ji lta ba de

@051b bzhin du sad pa'i skabs 'dir yang dbang don shes pa'i
dngos po rnams brdzun pa yin te/ bden par snang yang der ma grub
pa'i phyir/ de'i phyir sems de rang bzhin gyis yod pa ma yin la/
de bzhin du dbang po'i spyod yul

gzugs sogs rnams dang mig sogs dbang po rnams kyang rang bzhin
gyis skye ba med do/ /gzhan yang/ sems tsam pa khyod kyis yul
dbang rnam shes gsum pa bden brdzun gyi khyad par phye ba 'di
yul gyi gnas tshul

ma grub par ma zad/ yul can blo la ltos nas kyang ma grub pa yin
na/ /ji ltar ma grub ce na/ shes bya chos can/ sad rmi'i skabs
kyi dbang po don shes gsum sad rmi rang rang gi skabs su ngo bo
nyid kyis snang bar mtshungs pa yin te/

'jig rten 'di na ji ltar gti mug gi gnyid ma sad cing tha mal
pa'i gnyid sad pa'i shes ngor yul dbang rnam shes gsum ka yod
pab de bzhin du/ ji srid du tha mal pa'i gnyid ma sad pa de srid
du rmi lam gyi shes pa de la ste

de'i ngor yang rmi lam gyi yul dbang rnam shes gsum po yod pa'i
phyir/ sad rmi'i de gsum tha mal pa'i gnyid dang ma rig pa'i
gnyid sad pa'i ngor mi snang bar yang mtshungs pa yin te/ tha mal
pa'i gnyid sad par gyur na

ste de'i dus su rmi lam gyi yul dbang rnam shes gsum char yod pa
ma yin pa ltar/ de bzhin du gti mug gi gnyid sad pa ste ma rig
pa drung phyung ba las de kho na nyid mngon sum du gzigs pa'i
angor sad pa'i dbang don@053a @#/ /shes pa de gsum char med pa'i phyir/ gnyis pa
skra
shad mthong ba'i dpe dgag pa ni/ de ltar bkag pa la sems tsam pa
na re/ phyi don med kyang phyi rol don snang gi shes pa rnag
bzhin gyis yod de/ dper na skra shad med

kyang skra shad snang ba'i blo rang bzhin gyis yod pa bzhin no
zhe na/ de 'gog pa la/ dbang po rab rib ces sogs rkang pa brgyad
gsungs/ shes bya chos can/ skra shad dang der snang gi blo la
bden brdzun gyi khyad par med par thal/

mig gi dbang po rab rib dang bcas pa'i blo gang gis rab rib kyi
mthu las skra shad kyi rnam pa rnams gang mthong ba'i gang zag
de'i blo ba ltos pa ste de'i blo ngor skra shad du snang ba'i
yul dang de snang ba'i mig shes gnyis car bden

pa ste yong la/ don gsal mthong ba ste rab rib med pa'i mig shes
la ltos na ni de gnyis ka'ang brdzun pa ste ma skyes pa yin pa'i
phyir/ gal te shes bya skra shad med par skra shad 'dzag snang
gi blo rang bzhin gyis yod na/ gang

zhig rab rib can gyis skra shad mthong ba de'i yul der mig gi
rjes su 'brel ba ste blo gtad pa na rab rib med pa de la 'ang
rab rib can dang 'dra bar skra shad med par mthong ba'i blo skye
bar 'gyur bar thal/ yul skra shad med par

mtshungs/ blo rang bzhin gyis grub pa yang mtshungs pa'i phyir/
khyab te/ skra shad snang ba'i blo bden par grub na rab rib tsam
la ltos pa 'gal pa'i phyir/ skra shad med par skra shad 'dzag
snang gi blo de rang bzhin gyis yod

@053b pa ma yin par thal/ de yod na rab rib med pa'i gang zag
la'ang skra shad snang ba'i blo skye bar 'gyur dgos na de lta ma
yin pa de'i phyir ro/ /gnyis pa bag chags kyi nus pa las don
gyis stong pa'i shes pa skye ba'i don dgag pa la gsum

bag chags smin ma smin las don snang gi rnam shes skye ba dad mi
skye ba dgag /slar yang phyi rol med par rnam shes yod tshul
brjod pa dgag /sems tsam gyi lugs bkag pa la lung gis gnod pa
med par bstan pa'o/ /dang po

la gnyis/ gzhan lugs brjod pa dang/ lugs de dgag pa'o/ /dang po
'chad pa la/ gang phyir mthong ba zhes sogs rkang pa gsum
gsungs/ don ni kho na re/ rab rig med la'ang skra shad blor
'gyur na/ /zhes pa'i skyon med de/

rgyu mtshan gang gi phyir na rab rib can la skra shad snang pa'i
blo skye ba ni skra shad snang ba'i bag chags smin pa'i dbang
gis yin gyi/ yul skra shad kyi dbang gis ma yin la/ rab rib med
par yul legs par mthong ba dag la skra shad snang

ba'i blo'i nus pa bag chags ni smin pa med pa de'i phyir rab rib
med pa de la skra shad snang ba'i blo skye bar mi 'gyur ba yin
gyi/ shes bya skra shad yod pa'i dngos po dang bral ba'i dbang
gis blo de mi skye ba ma yin no zhe na/ gnyis pa lugs

de dgag pa la gsum/ rnam shes da lta ba la nus pa rang bzhin
gyis yod pa dgag/ ma 'ongs pa la nus pa rang bzhin gyis yod pa
dgag/ 'das pa la nus pa rang bzhin gyis yod pa dgag pa'o/ /dad
po 'chad pa la/ nus de

@054a @#/ /med pas zhes sogs rkang pa gnyis gsungs/ shes bya chos
can/ nus pa rang bzhin gyis grub pa smin ma smin las skrar snang
gi blo skye mi skye'i khyad par 'di ni 'grub pa ma yin par thal/
de 'dra'i rnam shes skye ba'i nus

pa de rang bzhin gyis med pa'i phyir/ tshig rkang 'dis nus pa
'gog pa'i gzhung lhag ma rnams mdor bstan pa yin no/ /de chos
can/ nus pa rang dus na skyes pa'i rnam shes da lta ba la nus pa
rang nyid phan 'dogs byed du grub pa srid

pa yod pa ma yin par thal/ de ltar na rnam shes de la rang las
gzhan pa'i rgyu med pa sogs kyi skyon yod pa'i phyir/ ji ltar
yod ce na/ nus pa de rang dus na yod pa'i skrar snang rnam shes
skye byed yin na nus pa dang rnam shes

gnyis dus mnyam du 'gyur la/ de ltar na de gnyis ngo bo gcig
gam/ tha dad gang yin/ dang po ltar na/ skrar snang rnam shes
chos can/ khyod la rang las gzhan pa'i rgyu med par thal/ rang
dus su rang rgyu dang ngo bo gcig yin

pa'i phyir/ myu gu'i dus su sa bon ma zhig par thal/ rgyu 'bras
ngo bo gcig yin pa'i phyir/ gnyis pa ltar na/ de chos can/ slar
yang skye ba don med par thal/ rang rgyu'i dus na grub zin pa'i
phyir/ gnyis pa ma 'ongs pa la nus

pa rang bzhin gyis yod pa dgag pa la/ ma skyes ngo bo zhes sogs
rkang pa bdun gsungs/ shes bya chos can/ nus pa rang dus nam
skyes pa'i rnam shes ma 'ongs pa'i ngo bo la yang nus pa rang
nyid phan 'dogs byed du yod pa

@054b ma yin par thal/ rnam shes ma 'ongs pa nus pa'i dus na med
pa'i phyir/ khyab pa yod de/ rnam shes 'di'i nus pa zhes rnam
dbye drug pa yin pa de'i tshe rnam shes khyad chos dang nus pa
khyad gzhi yin la/ de la ni rnam shes ma 'ongs

pa nus pa'i dus su med na nus pa 'di ni rnam shes 'di'i nus pa'o
zhes bstan du med pas rnam shes gtan med du 'gyur la/ de ltar na
khyad par rnam shes med bar des khyad par du byas pa can gyi nus
pa'ang yod pa ma yin pa'i phyir/

phyi ma ma grub na/ 'o na/ mo gsham bu la'ang rang rgyu nus pa
de ni yod par thal/ rnam shes med kyang de skye ba'i nus pa yod
pa'i phyir/ gal te kho na re/ khyad par med par khyad par can
yod min/ zhes pa'i skyon med de/ rnam shes ma

'ongs pa nus pa'i dus na med kyang phyis 'byung bar 'gyur bas de
la bsam nas rnam shes de'i nus pa 'di 'o zhes snyad par 'dod
pa'i phyir/ dper na 'byung 'gyur la bsam nas 'bras chen tshos/
ras yugs thogs zhes dang/

mang la du 'jug pa gsum dag ste/ /'khor los bsgyur dang rang
'byung gnyis/ /zhes 'khor bsgyur sogs su 'gyur rgyu zhi mngal du
'jug pa la de dag mngal du 'jug par bshad pa bzhin no zhe na/
shes bya chos can/ skra

snang rnam shes skye ba'i nus pa'i dus na rnam shes 'di yi
'byung bar 'gyur ba med par thal/ skrar snang rnam shes skye
ba'i nus pa rang bzhin gyis med pa'i phyir/ yang na rnag bzhin
gis grub pa'i rnam shes nus pa'i dus na med

@055a @#/ /pa'i phyir/ khyab te/ rang bzhin gyis grub pa zhig dus
gcig tu med na thams cad du med dgos pas gtan med yin dgos pa'i
phyir ro/ kho na re/ 'byung 'gyur gyi rnam shes nus pa'i dus na
med pas med mi dgos te/ nus pa dang

de gnyis dus mnyam du ma grub kyang phan tshun ltos nas 'jog pa'i
phyir zhe na/ de gnyis chos can/ rang bzhin gyis ma grub par
thal/ phan tshun ltos nas grub pa'i phyir/ khyab te/ phan tshun
gcig gi don la gcig shes brten

pa'i tshul gyis grub pa ni/ rang bzhin gyis grub pa ma yin pa
nyid ces dam pa mkhyen rab mnga' pa rnams kyis gsungs pa'i
phyir/ gang du gsungs na rtsa she dang bzhi brgya par gsungs so/
/gsum pa 'das pa la nus

pa rang bzhin gyis yod pa dgag pa la/ gal te kho na re/ nus pa
med par 'di yi 'byang 'gyur med ces pa'i skyon mde de/ nus pa'i
dus na 'gags pa'i rigs mthun gyi rnam shes snga ma kha cig gis
rnam shes phyi ma

skye pa'i nus pa kun gzhi'i steng du bzhag la/ de 'dra'i nus pa
de smin pa las 'byung 'gyur gyi rnam shes rnams skye bar 'gyur
ba'i phyir zhe na/ zhes kho'i 'dod pa de 'chad pa la/ gal te
'gags pa'i zhes sogs rkang pa

gcig gsungs/ de 'gog pa la/ gzhan gyis nus pa zhes sogs rkang pa
bcu gcig gsungs/ shes bya chos can/ 'o na/ rnam shes snga ma
gzhan gyi nus pa las rang dang rigs mi mthun pa'i 'bras bu rnam
shes phyi ma

@055b gzhan 'byung bar 'gyur bar thal/ rgyun can skad cig ma
rnams rim can du 'gyung ba der khyod ltar na snga phyi pha tshun
rang bzhin gyis grub pa'i tha dad du yod pa'i phyir/ 'dod na/
dngos po thams cad rgyu yin min kun las 'gyung

bar 'gyur bar thal/ 'dod pa de'i phyir/ de la kho na re/ gal te
skad cig ma rnams rim can du 'byung ba der ni rgyun can skad cig
snga phyi ngo bo nyid kyis grub pa'i tha dad yin mod kyi/ de lta
na 'ang skad cig snga phyi de dag la rgyun tha dang med

par rgyud gcig kho na yin pa de'i phyir thams cad las thams skye
bar thal ba'i nyes pa med do ce na/ 'di ni gzhan skye la ha cang
thal ba spong ba'i lan gyi dngos gzhi yin no/ /'o na/ ngo bo
nyid kyis tha dad pa la rgyun gcig pa

'di ni bsgrub bya zhig te ma grub par thal/ ngo bo nyid kyis
grub pa'i snga phyi tha dad pa'i rgyun yod pa'i go skabs mi rigs
pa'i phyir ro/ /snga phyi gang dag ngo bo nyid kyis grub pa de
dag chos can/ rgyud gcig tu

gtogs pa rigs pa ma yin te/ rang gi mtshan nyid kyis grub pa'i so
so ba yin pa'i phyir/ dper na byams pa dang nyer spas la brten
pa'i chos rnams ni gang zag so so'i gzhan nyid yin pa'i phyir na
rgyud gcig tu gtogs

pa ma yin pa bzhin no/ /gnyis pa slar yang phyi rol med par rnam
shes yod tshul brjod pa dgag pa la gnyis/ gzhan lugs brjod pa
dnag/ de dgag pa'o/ /dang po ni/ yang sems tsam pa na re/ phyi
don med kyang dbang

@056a @#/ /shes kyi bdag rkyen yod de/ mig blo ste mig gi rnam
shes kye ba'i rang gi nus pa bag chags gang zhig kunn gzhi la
bzhag pa smin pa las de ma thag tu mig shes kun nas skye bar
'gyur zhing/ mig rang gi rnam shes dngos

su skye ba'i rten gyis nus pa smin pa'i skabs kyi kun gzhi la
mig dbang snang ba de la gti mug gi 'jig rten pa rnams phyir rol
don du gyur pa'i dbang po gzugs can pa mig yin no/ /ces bya bar
rtogs par byed kyi/ rnam shes las

rdzas tha dad pa'i mig dbang ni med do/ /de bzhin du rnab sogs
la yang shes par bya'o/ /phyi don med kyang dbang shes kyi dmigs
rkyen yod de/ 'jig rten 'di na dbang po lnga las byung ba'i rnam
par rig pa lnga sngon po sogs

phyi rol gyi gzung ba med par rnam shes rang gi sa bon kun gzhi
la bzhag pa smin pa las sngon po sogs su snang ba nyid 'byung ba
ma rtogs par/ skye bas sems sngo sogs su snang ba la phyi rol
gyi gzung bar khas lan pa ste

mngon par zhen pa tsam yin pa'i phyir/ gzugs sogs sems kyi bdag
nyid tsam yin pa'i don yang 'di yin no/ /'o na/ phi don med
kyang don snang gi shes pa skye ba'i dpe ji lta bu yin zhe na/
bzhag tu yod de/ rmi lam na ni gzugs

don gzhan du gyur ba med par rang gi bag chags kyi nus smin pa
las gzugs sgra sogs de yi rnam pa can gyi sems 'byung ba ji lta
ba de bzhin du/ sad pa la 'ang skabs 'dir phyi rol gyi den med
par de snang ba'i yid ni rang

@056b bzhin gyis yod pa'i phyir ce na/ zhes kho'i 'dod pa de
'chad pa la/ mig blo skye bar zhes sogs sho lo ka gsum gsungs/
gnyis pa ni/ sho lo ka gsum po de'i nang nas phyi ma'i don gtso
bor 'gog pa yin pas/ de 'chad pa la/ ji ltar mig

med par ni zhes pa nas brtsod 'di sel byed ce sa pa'i bar
gsungs/ shes bya chos can/ ji ltar mig med par ni rmi lam du
sngo sogs snang ba'i yid kyi sems rang bzhin gyis 'byung bar
'gyur na/ 'o na/ rmi lam de ltar bzhin du mig dbang

med par te med kyang rnam shes rang gi sa bon gyi bag chags ni
smin pa las/ long ba la 'ang sad pa'i skabs 'dir sngo sogs gsal
bar snang ba'i yid sems cis mi skye ste skye rigs par thal/ sad
rmi gnyis kar long pa la mig dbang med cing

bag chags yod par mtshungs pa'i phyir/ de la kho na re/ ma khyab
ste/ de ltar mtshungs kyang bag chags kyi nus pa smin pa'i rkyen
yod med mi mtshungs pa'i phyir te/ de 'dra'i rkyen rmi lam na yod
cing long ba la sad pa'i tshe med pa'i phyir zhe na/ gal te sems

tsam pa khyo ltar na rmi lam na sngo sogs gsal bar snang ba'i
drug pa yid kyi rnam shes rang bzhin gyis skya ba'i nus pa smin
pa yod la/ sad par na de med par 'gyur bas mi mtshungs par 'dod
na/ 'o na sngo sogs gsal snang gi drug pa yid kyi rnam

shes rang bzhin gyis skye ba'i nus pa smin pa sad pa'i skabs
'dir long ba la med pa ji lta ba de ltar rmi lam gyi tshe yang
med ces cis mi rigs te rigs par thal/ rmi lam na de 'dra'i nus
pa smin byed yod pa'i sgrub byed tshig tsam du

@057a @#/ /zad pa'i phyir/ kho na re/ sgrub byed med pa ma grub
te/ rmi lam na sngo sogs gsal par snang ba'i yid shes skye ba'i
rgyu bag chags smi byed gnyid yod pa'i phyir zhe na/ shes bya
chos can/ ji ltar te dper na/ mig med pa de

sad dus su long ba la sngo sogs gsal snang gi bag chags smin pa
'di yi rgyu ma yin pa ltar/ rmi lam du yang gnyid ni sngo sogs
gsal snang gi bag cags smin pa'i rgyu ma yin par thal/ rmi lam
du de 'dra'i yid shes skye ba

rkyen la mi ltos pa'i phyir te/ de rang bzhin gyis grub pa'i
phyir ngon bsdu na/ sad pa'i skabs de bzhin du rmi lam du yang
yul gyi dngos po gzugs brdzun pa dnag/ mig brdzun pa de gnyis ni
rdzun pa yul can te rmi

lam gyi mig shes des rang yul rtogs pa'i rgyur khas blang bar
bya ste/ bden pa khegs shing sang tsam dgag mi nus pa'i phyir
dang/ bag chags brdzun pa las don sngang gi shes brdzun pa skye
bar khas blangs dgos pa

de'i phyir de la kha cig na re/ rmi lam gyi mig shes yod par
thal/ khyod kyis dgongs pa 'grel tshul de 'thad pa'i phyir/ 'dod
na/ rmi lam na mig shes yod par thal/ 'dod pa'i phyir na ma
khyab/ 'o na rmi lam na glang chen yod par thal/ rmi lam gyi
glang chen yod pa'i phyir/ rtags grub te/ de chos kyi skye mched
pa'i gzugs yin pa'i phyir te/ de ltar du Tik chen las gsungs
pa'i phyir/ shes bya chos can/ sems tsam pas phyi don

@057b med cing shes pa rang bzhi gyis grub par brtsod pa'i rtsod
pa 'di rnams dbu ma pas sal bar byed nus te/ gzhan dbang rang
bzhin gyis grub pa bkag pa la sems tsam pa 'di yis lan ni gang
dang gang btab pa'i sgrub byed dpe

dang bcas pa de dang de ni dam bca' te bsgrub bya ma grub pa
dnag mtshungs par mthong ba'i phyir/ ji ltar zhe na/ dbu ma pas
sad dus kyi yul dbang rnam shes gsum chos can/ rang bzhin gyis
ma grub te/ tshad mas dmigs

pa'i phyir/ dper na rmi lam bzhin zhes bkod pa na/ sems tsam pas
sad dus kyi shes pa chos can/ rang yul phyi rol don gyis stong
pa yin te/ shes pa yin pa'i phyir/ dper na rmi lam gyi shes pa
bzhin zhes dang/ yang

sad dus kyi dngon po chos can/ phyi rol don du med pa'i rdzun pa
yin te/ yul yin pa'i phyir/ dper na rmi lam gyi gzugs bzhin zhes
phyi don med par sgrub pa'i sbyor ba gnyis bkod pa ni/ dpe ma
grub cing khyab pa yang ma nges

te/ rmi lam na chos kyi skye mched pa'i gzugs phyi don grub pa
yod pa'i phyir ro/ /yang kho na re/ kun byang gi chos rnams chos
can/ gzhan dbang gi rnam shes rang bzhin gyis grub pa med na
rang nyid mi 'byung ba yin te/ de med

ni rnag gi rten med dgos pa'i phyir/ rus sbal gyi spu'i gis
ybzhin no/ /zhes smra ba yang phyogs chos ma grub pa'i sgo nas
sgrub byed bsgrub bya dang mtshungs pa yin no/ /gsum pa sems tsam
pa'i lugs bkag pa la lung gis@058a @#/ /gnod pa med par bstan pa ni/ de ltar lugs
de bkag pa
la rigs pas mi gnod par ma zad lung gis kyang mi gnod pa yin te/
sangs rgyas rnams kyis ni rang lugs la gsung rab 'gar yang dngos
po bden par yod ces ma bstan pa'i phyir

ro/ /zhes 'chad pa la/ sangs rgyas rnams kyis ni zhes sogs rkang
pa phyed gnyis gsungs/ gsum pa de ltar bkag pa dang mi sdug pa
sgom pa gnyis mi 'gal bar bstan pa ni/ kho na re/ phyi don med
par shes pa rang bzhin gyis grub pa med na/

rnal 'byor pas mi sdu gang sgom pa'i tshe sa gzhi thams cad keng
rus kyis gang bar mthong bar bshad pa dang 'gal lo zhe na/ de'i
lan 'chad pa la/ rnal 'byor ba yis zhes sogs rkang pa bcu
gsungs/ shes bya chos can/ de gnyis mi 'gal

te/ mi sdug pa sgom pa'i rnal 'byor pa yis bla ma'i man ngag las
keng rus kyis gang ba'i sa gzhi mthong ba gang yin pa der yang
yul dbang rnam shes gsum char rang bzhin gyis skye ba med par
mthong ba'i phyir te/ ting nge 'dzin de log pa ste de kho

na nyid ma yin pa'i yul yid la byad par mdo las bstan pa'i phyir
ro/ /khyab ste/ ting nge 'dzin de rang bzhin gyis grub na de la
snang ba'i yul de yang rang bzhin gyis grub dgos la/ de ltar na
ting nge 'dzin de de kho na nyid kyis yul can du 'gyur dgos

pa'i phyir/ de chos can/ ting nge 'dzin de rang bzhin gyis grub
na lung dang 'gal bar ma zad/ rigs pa dang yang 'gal ba yin te/
sems tsam pa khyod kyi lugs la gar mkhan gyi gzugs la blta ba'i
ltad mo ba'i dbang blo ste mig gi rnam shes

@058b yul de rnams kyi rnam par can du skye ba na/ de'i gnan yod
pa gzhan yang de rnams kyi rnam pa can du skye ba ji lta ba de
ltar du mi sdug pa'i yid can gyi rnal 'byor pas sa gzhi keng rus
kyis gang bar yang mthong bar gyur pa na/ de

bzhin du yul der blo gtad pa na gcig shos rnal 'byor pa ma yin
pas kyang sa gzhi keng rus kyis gang ba rtogs pa ste mthong bar
'gyur bar thal/ ting nge 'dzin de rang bzhin gyis grub pa'i
phyir/ khyab ste/ rang bzhin

gyis grub na gang la yang ltos med du grub dgos pas/ ting nge
'dzin de skye ba yang mi sdug pa sgom pa la mi ltos dgos pa'i
phyir/ ting nge 'dzin de ni chos can/ yul rdzun pa ste log pa
yid la byed par yang mi 'gyur

bar thal/ rang bzhin gyis grub pa'i phyir/ khyab 'brel sngar
bzhin no/ /de bzhin du rab rib dang ldan pa'i dbang po can dang
mtshungs pa ste de lta bu'i rigs can sgyu ma dang gzugs brnyan
sogs mthong ba'i blo dang

chu 'bab pa'i klung la yi dwags sna tshogs kyis bltas pa'i tshe
rnag khrag tu snang ba'i blo yang chos can/ phyi rol med par
shes pa rang bzhin gyis grub pa'i mthun dper mi rung te/ de yang
bshad ma thag pa'i rigs

pas khegs pa'i phyir/ 'dir mtha' cung zad dpyad na/ 'o na/ chu
klung rnag khrag tu snang ba'i yi dwags kyi mig shes tshad mar
'jog tshul ji ltar yin zhe na/ de ni las can gyi yi dwags 'ga'
zhig gis chu klung

@059a @#/ /la ltas pa'i tshe sngon bsags pa'i las ngan gyi bdag
'bras bu chu klung gi steng du rnag khrag gsar du grub pa yin
pas de la tshad mar song ba yin gyi/ chu klung rnag khrag yin pa
la tshad mar

ma song byas pa la/ kho na re/ de 'dra'i yi dwags kyi mig shes
de chu klung la blta ba'i tshe chu klung rnag khrag la tshad ma
yin par thal/ de'i tshe chu klung rnag khrag yin pa'i phyir/ ma
grub na/ der thal/

de'i tshe chu klung rnag khrag tu rtogs pa'i tshad ma yod pa'i
phyir te/ de'i tshe chu klung rnag khrag tu snang ba'i tshad ma
yod pa'i phyir na ma khyab/ 'o na bum pa bden grub tu rtogs pa'i
tshad ma yod par thal/ bum

pa bden grub tu snang ba'i tshad ma yod pa'i phyir/ khyab pa
khas/ rtags grub te/ bum pa bden med du rtogs pa'i rigs shes
rjes dpag thams cad de yin pa'i phyir/ de la kho na re/ de
'dra'i

rigs shes rjes dpag la bum pa bden grub tu mi snang bar thal/ de
la bum pa bden med du snang ba'i phyir/ zer na ma khyab byas pa
la/ 'o na/ gangs ri sngon por snang pa'i tshad ma yod par thal/

chu klung rnag khrag tu snang ba'i tshad ma yod pa'i phyir na ma
khyab pa shin tu gsal lo/ /yang kho na re/ las can gyi lha mi yi
dwags gsum gyis brlan zhing gsher ba phor pa gang la thun mong
du bltas pa'i tshe/ brlan zhing gsher ba phor ba gang gi gos na

@059b chu dang/ bdud rtsi dang/ rnag khrag phor pa gang re tshad
grub tu yod par thal/ las can yi dwags 'ga' zhig gis chu klung
la bltas pa'i tshe chu klung gi steng du rnag khrag tshad grub tu
yod pa'i phyir/ 'dod na/

gzugs can gcig gi go sar gzugs can gyi dngos po gzhan gnas pa
yod par thal/ 'dod pa'i phyir/ 'dod na/ chu'i go sar me dang sa
rdo sogs gnas pa yod par thal/ 'dod

pa'i phyir na ma khyab ste/ gzugs can brag rigs sogs kyi go sar
gzugs can bar do'i lus rgyu zhing gnas pa yod pa'i phyir ro/
/yang kho na re/ brlan zhing gsher ba phor ba gsal las can de
gsum

gyis thun mong du bltas pa'i tshe/ de na phor gang gsum yod par
thal/ de'i tshe de chu phor gang yod pa gang zhig /bdud rtsi phor
gang dang/ /rnag khrag por gang yang yod pa'i phyir na ma khyab/
khyab ste/

de gsum de phor gang gsum yin pa'i phyir na yang ma khyab bo/
/'o na skyes bu lhas byin la de'i dgra gnyen gnyis kyis thun
mong du blta ba'i tshe/ lhas byin gnyis yod par thal/ de'i tshe
gnyen la yid

'ong du snang ba'i lhas byin yod pa gang zhig /dgr la yid mi
'ong du snang ba'i lhas byin yang yod pa'i phyir/ khyab pa
'grib/ /des na las can yi dwags 'ga' zhig gis ljon shing 'bras
bu can la bltas pa'i

@060a @#/ /tshe/ ljon shing 'bras bu can ma mthong bar de nyid
shing sdong skya hul por snang ba yin pas/ tshad mar song sa yang
shing sdong skya hul po de nyid yin gyi/ ljon shing 'bras bu can
med par rtogs pa

min no/ /de bzhin du chu klung skam par snang ba'i yi dwags kyi
mig shes kyang 'og gzhi gram pa sogs la tshad mar song ba yin
gyi/ chu klung skam pa de'i gzhal byar 'jog mi dgos pas tshad ma
dngos gnas pa

yin no/ /de la kho bo'i dogs pa ni las can mi dang yi dwags
tshogs pa'i tshe skad cig gnyis par skam par nges pa'i ljon shing
dang/ skam par ma nges pa'i ljon shing gnyis ljon shing 'bras bu
can cig gi steng du yod par thal/ las can mi

dang yi dwags gnyis kyis ljon shing 'bras bu can gcig la thun
mong du bltas pa'i tshe gzhi der skam pa'i cha dang ma skam pa'i
tshe gnyis yod pa'i phyir/ zer na/ 'di 'dra ba'i rtsod pa'i lan
du/ rang

re'i yig char chu'i cha shas snga mas nyer len dang/ yi dwags
kyi las ngan pas bdag rkyen byas te rnag khrag gsar du grub ces
'byung ba dang bstun nas lan 'debs dgos te/ khas len 'dzin
mtshams

dka' ba 'di 'dra ba mang du snang ba'i phyir ro/ /yang kho na
re/ dgun gyi dus su nyi ma'i 'od zer dang yi dwags kyi lus shes
phrad pa'i tshe nyi ma'i 'od zer gyi steng na grang reg yod par
thal/ las can gyi yi

@060b dwags dang chu klung phrad pa'i tshe chu klung gi steng du
rnag khrag yod pa'i phyir/ 'dod na/ de'i tshe grang reg de chos
can/ grang reg ma yin par thal/ tsha rag yin pa'i phyir/ ma grub
na/ der thal/ tshwa rig ba'i reg bya yin pa'i phyir/ zer na ma

khyab/ rtags grub te/ nyi ma'i 'od zer gyi reg bya yin pa'i
phyir zhes zer ro/ /gnyis pa de ltar bkag pa'i mjug bsdu ba ni/
'o na/ sngar gyi rigs pa de rnams kyi don mdor bsdu na ji ltar
yin zhe na/ de 'chad pa la/ mdor na

ji ltar zhes sogs rkang pa gnyis gsungs/ sngar bshad pa de rnams
kyi don mdor bsdu na ji ltar shes bya phyi don rang bzhin gyis
grub pa med par lta ba de bzhin du shes bya'i rnam pa can gyi
blo yang rang bzhin gyis med ces pa'i

don 'di shes par gyis shig te bya rigs te/ do gnyis gcig la ltos
nas cig shos bzhag dgos pa'i phan tshun ltos grub yin pa'i phyir/
gnyis pa gzhan dbang rang bzhin gyis grub pa'i sgrub byed tshad
ma dgag pa la bzhi/

gzhan dbang gi sgrub byed rang rig dgag pa/ sems tsam pa'i lugs
bden pa gnyis char las nyams par bstan pa/ des na klu sgrub kyi
lugs kho na'i rjes su 'brangs bar rigs pa/ gzhan dbang dang 'jig
rten pa'i tha snyad 'gog pa

gnyis mi mtshungs par bstan pa'o/ /dang po la bzhi/ gzhan dbang
gi sgrub byed dris nas de mi 'thad par bstan pa/ de 'thad pa'i
gzhan gyi lan dgag pa/ rigs pa gzhan gyis kyang rang rig mi
'thad par bstan pa/ gzhan dbang rang

@061a @#/ /gyis grub pa mo gsham gyi bu dang mtshungs par bstan
pa'o/ /dang po ni/ gzhung gong ma rnams su phyi don med pa'i
shes pa rang bzhin gyis yod pa bkag nas da ni phyi don med pa'i
khyad par du ma byas par gzhan dbang gi dngos

po tsam zhig rang ngos nas grub pa 'gog pa la/ gal te gzung med
ces sogs rkang pa lnga gsungs/ gal te phyi rol gyi gzung ba med
pas de las rdzas gzhan pa'i 'dzin pa nyid dang bral zhing/ gzung
'dzin rdzas tha dad pa gnyis kyis stong ba'i gzhan

dbang gi dngos po rang bzhin gyis grub pa cig yod par 'dod na/
shes bya chos can/ gzhan dbang gi shes pa de rang bzhin gyis med
par thal/ gzhan dbang 'di yi rang bzhin gyis yod pa tshad ma gang
gis shes par 'gyur te mi 'gyur pa'i

phyir/ khyab ste/ tshad mas ma bzung bar yang yod ces bya bar mi
rung ba'i phyir/ rtags grub ste/ de rang gzhan gang rung gis mi
'jal ba'i phyir/ shes pa don gzhan gyis 'jal na sems tsam pa
rang gi grub mtha' dang 'gal ba'i phyir te/ gal te 'bras bu'i

gnas 'gyur ma thob pa'i gnas skabs su rnam par rig pa don gzhan
zhig rnam par rig pa'i snang yul yin na/ rnam par rig pa tsam
nyid du smra ba nyams par 'gyur ro zhes sems tsam pa rang gi
gzhung las 'byung ba'i phyir/ de la kho na re/

rang gzhan gang rung gis ma 'jal ba rtags ma grub ste/ shes pa
don gzhan gyis ma 'jal kyang/ rang rig mngon sum gyis 'jal ba'i
phyir zhe na/ shes bya chos can/ rang rig mngon sum de nyid kyis
gzhan dbang gi shes pa de myong bar grub

@061b pa ma yin par thal/ rang rig mngon sum ma grub pa'i phyir
te/ rang nyid rang la bya ba byed pa 'gal ba'i phyir/ dper na
ral gri'i so de nyid kyis de nyid mi gcod la/ sor mo'i rtse mo
de nyid kyis de nyid la mi reg pa bzhin no/ /gnyis pa de 'thad
pa'i gzhan gyi lan

dgag pa la gnyis/ dgag pa dngos dang/ rang lugs la rab rig med
kyang dran pa skye tshul lo/ /dang po ni/ de ltar rang rig gi ngo
bo bkag nas de'i sgrub byed 'gog pa la/ gal te phyis dus zhes
sogs rkang pa bdun gsungs/ gal te sems tsam pa na re/ sngo

snang dbang shes chos can/ khyod myong byed yod de/ khyod dran
pa yod pa'i phyir/ dper na sngon po bzhin/ zhes phyis dus kyi
dran pa'i rtags las sngon 'dzin la myong byed yod par grub la/
de grub pas myong byed rang rig yod par grub ste/ myong byed la
rang myong

dang gzhan myong gnyis su kha tshon chod pa gang zhig/ gzhan
myong rigs pas khegs pa'i phyir zhe na/ 'o na/ dran pa'ang bzhin
gyis grub ba rtags su 'god dam/ tha snyad tsam du grub pa'i dran
pa rtags su 'god/ dang po ltar na phyi rol la rang rig ma

grub pa bsgrub par bya ba'i phyir du rtags su brjod pa yi dran
par rang bzhin gyis ma grub pa 'di ni chos can/ khyod phyi rgol
la rnag rig sgrub par byed pa'i sgrub byed yang dag ma yin par
thal/ khyod rang bzhin gyis ma grub pa'i phyir/ dper na sgra mi
rtag par sgrub pa la

mig shes kyi bzung bya rtags su bkod pa bzhin no/ /gnyis pa ltar
na/ rang rig gi 'bras bur gyur pa'i dran pa rtags su byed dam/
dran pa tsam rtags su byed/ dang po ltar na/ phyogs chos ma grub
te/ rang rig ma grub pa bzhin du rtags de ma grub pa'i phyir/
gnyis pa ltar na

@062a @#/ /khyab pa ma nges te/ chu yod pa tsam dang/ me yod pa
tsam las chu shal dang me shel yod par sgrub mi nus pa bzhin yin
pa'i phyir te/ chu shel med par yang char pa sogs las chu dang/
me shel med par yang rtsub shing dang rtsu brten sogs

las ma 'byung ba yod pa'i phyir/ rang rig ma grub pas dran myong
rgyu 'bras su mi grub par ma zad/ rang rig grub na'ang dran
myong rgyu 'bras su mi grub bo zhes bshad pa/ ji ltar rang rig
pa ni grub pa la rag las mod kyi ste grub tu chug rung de lta

na'ang phyis kyi dran pa'i shes pas sngar gyi myong ba dran pa
ni rigs pa ma yin te/ phyis kyi dran shes dang sngar gyi yul
myong gnyis rang bzhin gyis grub pa'i gzhan yin pa'i phyir/ dper
na byams pa'i rgyud kyi shes pas ma shes pa ste ma myong ba'i
nyer

sbas kyi rgyud la skyes pa'i yul myong mi dran pa bzhin no/ /kho
na re/ mi mtshungs te/ byams pa'i rgyud kyi myong dran gnyis rang
bzhin gyis grub pa'i gzhan yin na yang/ rgyud gcig pa dnag rgyu
'bras su gnas pas dran pas yul myong dran du rung ba'i phyir

zhe na/ de mi 'thad de/ rang bzhin gyis grub pa'i gzhan yin pa'i
phyir/ gzhan yin pa'i phyir/ zhes pa'i gtan tshigs 'dis ni rgyud
gcig pa dang rgyu 'bras su gtogs pa'i khyab par gzhan dag kyang
'joms par bshad zin pa'i phyir/ gang du bshad na/ byams pa nyer
sbas la

brten zhes sogs kyi skabs su'o/ /gnyis pa ni/ 'o na/ rang rig
med na dran pa skye tshul ji ltar yin zhe na/ de 'chad pa la/
gang phyir gang gi zhes sogs rkang pa bzhi gsungs/ shes bya chos
can/ rang rig med kyang nga yis sngar sngon po mthong snyam du
dran pa skye bar

@062b 'gyur te/ rgyu mtshan gang gi phyir na dbang shes gang gis
sngar yul sngon po myong par gyur pa'i shes pa de las phyis
sngon po dran pa'i shes pa 'di nyid rang gi mtshan nyid kyis grub
pa'i gzhan du dbu ma pa nga yi lugs la yod pa ma yin pas/ myong
dran gnyis yul gcig la dmigs

nas rgyud gcig la skye ba'i phyir/ myong dran gnyis rang bzhin
gyis gzhan yin na de mi rung yang de gnyis rang bzhin gyis gzhan
ma yin pa de'i phyir/ de gnyis rang bzhin gyis gzhan yin na
sngar gzhan skye 'gog pa'i rigs pas gnod pa'i phyir/ de yang
ngas sngon po mthong

snyam pa'i blo'i phyogs gcig gis ngas mthong snyam pa ni yul can
dran pa dang sngon po 'di mthong snyam pa ni yul dran pa yin
pas/ blo des yul dang yul can gnyis ka dran pa yin no/ /yul dang
yul can gnyis ka shes pas mthong ba yin kyang dran tshul la ngas
mthong ces pa 'ong ba ni

lag pa na bas ngan par 'jog nus pa ltar ro/ /nges na nga yi zer
ba sngon 'dzin la zer ba ma yin no/ /dran tshul 'di yang chos
can/ 'jig rten gyi tha snyad tsam la brten pa'i tshul lugs yin
gyi brtags don btsal nas bzhag par bya ba ma yin te/ brtags don
btsal na mi rnyed pa'i

'jig rten pa'i tha snyad yin pa'i phyir/ gsum pa rigs pa gzhan
gyis kyang rang rig mi 'thad par bstan pa ni/ dran pas rang rig
mi 'grub par ma zad rigs pa gzhan gyis kyang rang rig mi 'grub
bo zhes 'chad pa la/ de phyir rang rig zhes sogs rkang pa bzhi
gsungs/ sems tsam pa chos can/ khyod

kyi gzhan dbang gi shes pa rang bzhin gyis grub pa tshad ma gang
gis 'dzin par 'gyur te mi 'gyur par thal/ de 'dzin pa yod na
rang rig gis 'dzin dgos pa gang zhig/ rang rig yod pa ma yin
pa'i phyir te/ de bkag zin pa de'i phyir/ gzhan yang rang rig
'dod pa mi 'thad de/ de la shes byed med cing gnod byed yod pa'i@063a @#/ /phyir/ ji
ltar yod na/ rang rig de nyid kyis gzhan
dbang gi shes par rang bzhin gyis grub pa de 'dzin par rigs
pa'ang ma yin te/ byed pa po dang las dang bya ba gsum ni gcig
nyid du rigs pa ma yin pa'i phyir/ khyab

ste/ rang rig 'dod na bya byed las gsum gcig tu 'gyur ba'i
phyir/ ji ltar 'gyur na/ de yang rang rig 'dod pas sngon 'dzin
shes pa'i steng na de ma thag rkyen gyis lag rjes bzhag pa'i
myong ba gsal rig gi ngo bo gcig dang/ dmigs

rkyen gyis lag rjes bzhag pa'i sngon snang dbang shes gnyis yod
la/ de'i snga ma de myong byed rang rig dang/ phyi ma de'i myong
bya'i yul du 'dod cing/ myong bya myong byed gnyis kyang tha dad
kho nar 'dod la/ de lta bu'i rig bya rig byed la yid ci tsam

gtad kyang tha dad pa'i rnam pa char rgyu med cing sgrub byed
kyang mna' tsam du zad la/ de lta na'ang 'thad pa'i bya byed du
'dod na/ bya byed las gsum gcig tu 'gyur zhes pa'o/ /legs par
bshad do/ /bzhi pa gzhan dbang rang bzhin

gyis grub pa mo gsham gyi bu dang mtshungs par bstan pa ni/ de
ltar gzhan dbang gi shes pa de bdag dang gzhan las skye ba sngar
bkag zin la/ 'jal byed rang rig kyang bkag zin pas sgrub byed
med bzhin du yod par 'dod na ha

cang thal bar 'gyur ro zhes 'chad pa la/ gal te skye ba zhes
sogs rkang pa bzhi gsungs/ shes bya chos can/ /rgyu mtshan gang
gi na mo gsham gyi bu 'di yod par mi rigs par 'dod pa gzhan sems
tsam pa khyod la mo gsham

@063b gyi bus gnod pa ci zhig bskyal nas yod par mi 'dod pa yin
nam/ 'on te gnod ma bskyal na de yang yod par 'dod rigs par
thal/ gal te rang bzhin gyis skye ba med cing tshad mas ma shes
pa'i bdag nyid can gyi gzhan dbang

la sgrub byed med kyang rang gi ngo bos grub pa'i dngos por yod
pa khas len pa'i phyir/ gnyis pa sems tsam pa'i lugs bden pa
gnyis char las nyams par bstan pa ni/ des na gzhan dbang rang
bzhin gyis med pas/ de'i

phyir gzhan gyi dbang gi ngo bo gang/ /dngos po brtags par yod
pa'i rgyur 'gyur zhing/ /zhes zer ba de yang mi rigs so zhes
'chad pa la/ gang tshe gzhan dbang zhes sogs rkang pa bzhi
gsungs/ shes bya chos can/ kun rdzob

'khrul ba'i rnam rtog gi rgyu'am gzhi rdzas su grub par ni gzhan
dbang gi shes pa gang zhig 'gyur te mi 'gyur bar thal/ yul dus
gang gi tshe ste gang du yang gzhan dbang gi shes pa rang bzhin
gyis grub pa cung zad cig kyang

yod pa ma yin pa'i phyir/ shes bya chos can/ sems tsam pa gzhan
gyi ltar na don dam las nyams par ma zad 'jig rten la grags pa'i
tha snyad zo shig 'dug shig song kun rdzob la brten pa'i rnam
gzhag kun

kyang brlag pa ste mi rung bar thal/ gzhan dbang gi rdzas shas
tsam la bden par chags pa'i sgo nas gnas ma yin par rigs pa bcug
te phyi rol bkag pa'i phyir/ khyab pa yod de/ bzhi brgya pa las/
gcig yod gcig med

@064a @#/ /ces bya ba/ /de nyid min zhing 'jig rten min/ /zhes
gsungs pa'i phyir/ gsum pa des na klu sgrub kho na'i rjes su
'brang rigs pa ni/ 'dir sems tsam pa bden pa gnyis ka las nyams
par bshad cing/ gong du

'phags pa klu sgrub gzhung lugs las/ /ji ltar gnas pa'i lugs
bzhin brjod par bya/ /zhes bshad na 'o na klu sgrub kho na'i
lugs la brten dgos pa'i rgyu mtshan gang zhe na/ de 'chad pa la/
slob dpon klu sgrub zhes

sogs rkang pa brgyad gsungs/ slob dpon klu sgrub zhabs kyis srol
phye ba'i lam las ni phyi rol du gyur pa'i grub mtha' smra ba de
dag chos can/ khyod la zhi ba myang 'das thob pa'i thabs kyi
gtso bo med de/ rnam gzhag gi phyi rol du gyur

pa de dag ni kun rdzob kyi bden pa dang de nyid ste don dam bden
pa'i rnam gzhag phyin ci ma log par shes pa las nyams pa'i gang
zag yin pa'i phyir/ khyab ste/ bden gnyis de las nyams pas de ma
btang gi bar du thar pa

'grub pa yod pa ma yin pa'i phyir te/ tha snyad bden pa'i rnam
gzhag phyin ci ma log par shes pa ni don dam pa rtogs pa'i thabs
su gyur pa dang/ don dam bden pa ji lta ba bzhin rtogs pa ni tha
snyad bden pa phyin ci ma log par shes pa'i thabs

las byung bar gyur pa yin zhing/ bden pa de gnyis kyi rnam dbye
phyin ci ma log pa gang gis mi shes pa de ni phyin ci log gi
rnam par rtog pa'i lam ngan pa srid pa'i lam du zhugs pa'i
phyir/ /bzhi ba gzhan dbang dang 'jig rten gyi tha

@064b snyad 'gog pa gnyis mi mtshungs par bstan pa ni/ sems tsam
pa na re/ dbu ma pa khyod kyis gzhan dbang rang bzhin gyis grub
pa 'gog na 'jig rten gyi tha snyad kyang 'gog par mtshungs so zhe
na/ de'i lan 'chad pa la/ ji ltar khyod kyis zhes sogs

rkang pa bcu gnyis gsungs/ shes bya chos can/ de gnyis mi
mtshungs te/ ji ltar sems tsam pa khyod kyis gzhan dbang dngos po
ste rang bzhin gyis grub par 'dod pa ltar/ kun rdzob kyang ni
rang bzhin gyis grub par dbu ma bdag gis khas ma

blangs pa'i phyir ro/ /'o na/ skabs gang du yang phung sogs rang
bzhin gyis grub par khas mi len nam zhe na/ skabs 'gar phung
sogs 'di dag rang bzhin gyis med kyang yod do zhes 'jig rten gyi
ngor byas nas dbu ma pa bdag gis ni smra bar byed

pa'i rgyu mtshan yod de/ gdul bya 'ga' zhig grub mtha' ngan pa
las bzlog nas de kho na nyid la kha drangs pa'i 'bras bu ste
dgos pa'i ched du yin pa'i phyir/ 'o na/ kun rdzob kyang ni bdag
gis khas ma blangs/ /zhes kun rdzob rang bzhin gyis grub


par khas mi len na/ 'o na/ khyod kyis kun rdzob ji ltar yod par
khas len zhe na/ shes bya chos can/ 'jig rten gyi tha snyad la
ltos nas bdag gis kun rdzob khas blangs kyi de la ma ltos par
rang dbang du kun rdzob khas ma blangs te/ ji ltar te dper na

sems tsam pa khyod ltar na zag bcas kyi phung po spangs nas lhag
med kyi zhi bar zhugs pa'i dgra bcom pa rnams kyi rgyud la zag
bcas kyi phung po yod pa ma yin par 'dod pa/ de ltar du 'jig
rten gyi tha snyad la yang kun rdzob 'di dag med na lhag med

@065a @#/ /pa'i zag bcas kyi phung po de bzhin du kun rdzob 'di
dag 'jig rten gyi tha snyad la ltos nas kyang yod ces bdag gis
mi smra ba'i phyir/ de la sems tsam pa na re/ khyod kyis gzhan
dbang rang bzhin gyis grub pa 'gog na/ kho

bos kyang khyod 'dod pa'i kun rdzob kyi rnam gzhag 'di dag 'jig
rten gyi tha snyad du yang dgag par bya'o zhe na/ sems tsam pa
chos can/ gal te khyod la 'jig rten gyi grags pas mi gnod na
'jig rten nyid la ltos nas kun rdzob 'di

ni tha snyad du yang dgag par bgyis rigs par thal/ ma dag 'khrul
ba'i snang ba 'di sel phyir lam la dka' ba brgya phrag rtsom mi
dgos par nged kyis kyang khyod la grogs bya bar rigs pa'i phyir/
de chos can/ khyod dang 'jig rten gnyis

kun rdzob yod med 'dir ni rtsod par bgyis dang brtsad pa'i phyis
nas gang stobs dang ldan pa 'jig rten gyi tha snyad de la dbu ma
bdag gis brten par bya ste/ khyod kyis phyi rol kun rdzob bkag
pa la 'jig rten gyi tshad mas gnod pas 'jig

rten stobs dang ldan pa'i phyir/ gsum pa sems tsam zhes gsungs
pa'i tsam gyi sgras phyi don 'gog pa min par bstan pa la gsum/
sa bcu pa las sems tsam du gsungs pa'i dgongs pa bshad pa/ phyi
rol dang nang gi sems gnyis

yod med mtshungs par bstan pa/ lang kar gshegs pa las sems tsam
du gsungs pa'i dgongs pa bshad pa'o/ /dang po la gsum/ tsam gyi
sgras phyi rol mi 'gog pa sa bcu pa'i lung gis bsgrub pa/ don de
nyid mdo gzhan gyis kyang

@065b bsgrub pa/ tsam gyi sgras sems gtso bo nyid du bsgrub
pa'o/ /dang po ni/ kho na re/ gal te byod 'jig rten gyi gnod pas
'jigs nas phyi don khas len na/ 'o na lung gi gnod pas 'jigs nas
phyi don med par yang khas len dgos te/ sa bcu pa'i

mdo las/ de 'di snyam du sems te 'di ltar khams gsum po 'di ni
sems tsam te/ zhes phyi don med par yang gsungs pa'i phyir zhe
na/ de 'gog pa la/ mngon gyur mngon phyogs zhes sogs rkang pa
bzhi gsungs/ shes bya chos can/ mdo de'i

tsam sgras phyi don 'gog pa ma yin par thal/ sa drug pa mngon du
gyur pa chos dbyings la mngon du phyogs pa'i byang chub sems
dpa' de yis srid gsum rnam shes tsam du rtogs par gsungs pa gang
yin pa sa bcu pa'i mdo des ni

bdag rtag pa khams gsum gyi byed pa po yin pa bkag nas sems tsam
zhig khams gsum gyi byed pa por rtogs pa'i phyir du/ mdo der
khams gsum gyi byed pa po ni sems tsam yin par sa drug pa ba des
rtogs zhes bstan pa yin

pa'i phyir/ gnyis pa ni/ der ma zad don de nyid mdo gzhan gyis
kyang grub bo zhes 'chad pa la/ de phyir blo ldan zhes sogs
rkang pa brgyad gsungs/ tsam gyi sgras byed pa po don gzhan 'gog
pa sa bcu pa'i mdo'i don yin pa de'i phyir te

de'i rgyu mtshan mdo gzhan la brten nas kyang grub pa yin te/
lang kar gshegs pa'i mdo de las kun mkhyen gyis mu stegs pa'i
rgyud kyi bdag dang gtso bo sogs 'jig rten gyi byed pa por 'dod
pa'i lta bar na pa'i ri spo mthon po 'joms pa'i

@066a @#/ /ngag gi rang bzhin gyi rdo rje/ gang zag rgyun dang
phung po dang/ /de bzhin rkyen dang rdul dag dang/ /gtso bo
dbang phyug byed po rnams/ /sems tsam du ni ngas bshad do/ /zhes
gsungs pa 'di ni sa bcu pa'i mdo las/ sems tsam zhes

gsungs pa'i dgongs pa gcad pa ste gsal bar gsungs pa'i phyir/ de
ltar gsungs pa'i dgos pa yod de/ de 'o na nyid rtogs pa'i blo
ldan gyi blo ni 'phel bar bya ba'i ched yin pa'i phyir/ 'o na
lang kar gshegs pa'i lung des sa bcu pa'i

mdo'i dgongs pa ji ltar gsal bar byed ce na/ lang gshegs kyi
lung chos can/ khyod kyis sems tsam du gsungs pa'i dgongs pa
gsal bar bshad pa yin te/ ji bzhin te ji ltar rang rang gi bstan
bcos kyi grub pa'i mtha' de dang

de las mu stegs pa rnams kyis gang zag dang rgyun la sogs pa de
dag 'jig rten gyi byed pa por smras pa de dag byed pa por ma
gzigs nas rgyal bas sems tsam zhig 'jig rten gyi byed pa por
gsungs par bstan pa'i phyir/ gsum pa tsam

gyis sgras sems gtso bo nyid du bsgrub pa ni/ de ltar tsam sgras
dgag phyogs nas byed pa po don gzhan 'gog gi phyi don 'gog pa
min par bstan nas/ sgrub phyogs nas don sems gnyis kyi nang nas
sems gtso bor bstan gyi phyi don

'gog pa mdo'i don min no zhes 'chad pa la/ de nyid rgyas la zhes
sogs sho lo ka bzhi gsungs/ shes bya chos can/ khams gsum po 'di
ni sems tsam mo zhes gsungs pa'i mdo 'dir te 'dis phyi rol gzugs
ni 'gog pa de ltar

@066b bshad pa ni mdo'i don min te/ de kho na nyid la blo rgyas
pa la sangs rgyas zhes 'chad pa na/ tshig snga ma sangs zhes pa
mi mngon kyang sangs rgyas zhes bsnyad rgyu yin pa ji lta ba de
bzhin du gzugs sems gnyis kyi nang nas sems tsam zhig

gtso bor gyur pa la chog phyi ma gtso bor gyur pa mi mngon par
byas nas/ mdo las 'jig rten la ste khams gsum po 'di ni sems
tsam mo zhes gsungs pa'i phyir/ mdor bsdu na mdo las/ sems tsam
mo zhes gsungs pa'i tshe

gtso bo zhes pa mi mngon kyang don sems gnyis kyi nang nas sems
gtso bo yin zhes pa'i don no/ /gal te mdo'i don de ltar ma yin
par khams gsum po 'di dag rang bzhin gyis grub pa'i sems tsam mo
zhes mkhyen nas sa bcu pa'i mdo

de las phyi rol gyi gzugs nyid dgag par mdzad na ni/ 'o na slar
yang sa bcu pa'i mdo de las bdag nyid chen po sangs rgyas kyis/
sems te rnam par shes pa'i rten 'brel gti mug ste ma rig pa
dang/ las te 'du byed kyi rten 'brel

gnyis las skyes bar ci'i phyir gsungs te gsungs mi rigs par
thal/ rnam par shes pa rang bzhin gyis grub pa'i phyir/ khyab
te/ rang bzhin gyis grub na/ rgyu las skye ba 'gal ba'i phyir/
gsungs tshul ni/ sa bcu par ma rig

pa'i rkyen gyis 'du byed/ 'du byed kyi rkyen gyis rnam par shes
pa zhes gsungs pa'i phyir/ 'o na/ rgyal bas bdag rtag pa sogs
'jig rten gyi byed pa po yin pa de bkag nas sems tsam zhig 'jig
rten gyi byed pa po yin par gsungs na

@067a @#/ /de'i rgyu mtshan gang zhe na/ shes bya chos can/ 'jig
rten gyi byed pa po la sems gtso bor gyur pa'i rgyu mtshan yod
de/ sems nyid kyis ni sems can gyi 'jig rten dang snod kyi 'jig
rten mi'ang ba shin tu sna tshogs

pa 'god pa ste skyed pa'i phyir te/ bcud kyi 'gro ba ma lus pa
rang rang gi thun mong ma yin pa'i las dang snod kyi 'jig rten
thun mong ba'i las las skyes par gsungs pa'i phyir/ khyab te/
sems dang bcas pa kho nas las

bsog kyi sems yod pa spangs nas ni/ las kyang yod pa ma yin pa'i
phyir/ gsungs tshul ni/ mdo las/ sems can las kyi dbang gis ri/
/nag po dus su skyes te dper/ /sems dmyal mtho ris 'jig rten du/


mtshon dang rin chen shing bzhin no/ /zhes gsungs so/ /'o na sems
can 'khor bar skye ba la gzugs sems gnyis kyi nang nas sems gtso
bas rgyu mtshan gang zhe na/ gal te 'gro ba skye gnas su 'jug
pa'i rgyu'am

der nyid 'tshams sbyor ba la gzugs kyang yod mod kyi gzugs de la
ni smes bzhin du 'gro 'ong gi byed pa po nyid po ma yi te/ gzugs
bem po yin pa'i phyir/ khyab te/ bem po med kyang sems can skye
ba yod

pa'i phyir/ des na khams gsum po 'di ni sems tsam mo zhes pa'i
mdo chos can/ khyod kyis rnam rig tsam bstan pa'i sgo nas lung
'gal gyi skyon med de/ khyod kyis sems las gzhan pa'i bdag rtag
pa sogs byed

@067b pa po yin pa bzlog pa ste bkag gi phyi rol gyi gzugs ni
bkag pa ma yin pa'i phyir/ gnyis pa phyi rol dang nang gi sems
gnyis yod med mtshungs par bstan pa ni/ sems tsam pa khyod kyis/
phyi rol med par yid ni yod ce na/ /zhes

phyi don med la sems yod par 'dod pa mi 'thad de/ de gnyis yod
med mtshungs pa'i phyir zhes 'chad pa la/ 'jig rten pa yi zhes
sogs sho lo ka gsum gsungs/ don sems gnyis tha snyad dang don
dam gang du yang yod med/

mtshungs par thal/ 'jig rten pa yi de nyid te rnam gzhag la gnas
pa la gzugs sogs phung po lnga 'jig rten la grags pa ste der
lnga char yang yod la/ de kho na nyid mngon sum du rtogs pa'i ye
shes 'char bar 'dod pa na

rnal 'byor pa mnyam par bzhag pa de'i dor phung po de lnga ka
'byung bar mi 'gyur ba'i phyir/ de yang snga ma ni tha snyad du
yod mnyam pa'i sgrub byed dang/ phyi ma ni don dam du med mnyam
gyi sgrub byed yin no/ /des na shes bya chos can

phyi rol gyi gzugs med par 'dod na ni nang gi sems yod par ma
'dzin cig /nang gi sems yod par 'dod pa nyid na'ang phyi rol gyi
gzugs mmed par ma 'dzin cig ste 'dzin mi rigs par thal/ don sems
gnyis gang du

yang yod med mtshungs pa de'i phyir/ de gnyis yod med mtshungs par
rigs pas grub par ma zad lung gis kyang grub pa yin te/ gzugs
sogs phung po lnga po de dag shes rab kyi pha rol tu phyin pa'i
tshul lugs ston pa'i@067a @#/ /mdor ni sangs rgyas kyis lnga char yang mtshungs
par
rang bzhin gyis grub pa spangs pa ste bkag shing/ mngon pa'i
chos te de'i mdo las ni/ phung po lnga char yang rang spyi'i
mtshan nyid kyi sgo nas mtshungs par gsungs pa'i phyir/

sems tsam pa chos can/ don sems gnyis don dam par med mnyam dang
tha snyad du yod mnyam du lung rims du mas sgrub pa'i bden gnyis
kyi rim pa 'di dag bshig nas kyang khyod kyis gzhan dbang rdzas
su grub pa ni bsgrub kyang 'grub par

mi 'gyur te/ de sngar lan du mar bkag zin pa'i phyir/ shes bya
chos can/ sngar bshad pa de lta bu'i lung rigs kyi rim pas don
sems gnyis la sogs pa'i dngos po rnams gdod ma nas de kho na
nyid du ma skyes shing 'jig rten gyi tha snyad du skyes

pa rig par bya ste/ bden gnyis kyi rim pa mi bshig par 'dod na
de gnyis don dam du med mnyam dang/ tha snyad du yod mnyam du
'dod dgos pa de'i phyir/ gsum pa lang gshegs las sems tsam du
gsungs pa'i dgongs pa bshad pa la

gnyis/ phyi rol med par sems tsam du gsungs pa drang don du
bstan pa/ mdo'i drang nges kyi don rtogs pa'i thabs bstan pa'o/
/dang po la gnyis/ drang don du lung gis bstan pa/ rigs pas
bstan pa'o/ /dang po la gnyis/

dngos kyi don dang/ de 'dra'i mdo gzhan yang drang don du bstan
pa'o/ /dang po ni/ kho na re/ sa bcu pa'i mdo'i don de ltar
bshad mod/ de lta na'ang phyi rol med par sems tsam du ston pa'i
lung gzhan yang yod de/ lang gshegs las/

@067b phyi rol snang pa yod min te/ /sems ni sna tshogs rnams su
snang/ /lus dang longs spyod gnas 'dra ba/ /sems tsam du ni ngas
bshad do/ /zhes gsungs pa'i phyir zhe na/ de 'gog pa la/ mdo sde
gang las zhes sogs rkang pa drug gsungs/ lang kar

gshegs pa'i mdo sde gang las phyi rol du snang ba yod pa min
kyang sems ni lus dang longs spyod la sogs pa sna tshogs par
snang ngo zhes gsungs pa de yang chos can/ khyod kyis phyi don
med par bstan pas phyi don med par mi 'grub ste/ khyod gzugs

la shin tu chags nas nyon mongs drag po skyes ba gang yin pa de
dag la phyi rol gzugs la brten pa'i nyon mongs drag po bzlog
pa'i phyir du gsungs pa'i drang don dgongs pa can nyid yin pa'i
phyir/ dper na chags can gyi chags pa gzhom pa'i phyir du

bcom ldan 'das kyis keng rus kyi ting nge 'dzin bstan pa lta
bu'o/ /'o na mdo de drang don yin pa'i rgyu mtshan gang zhe na/
phyi rol snang ba zhes sogs kyi mdo 'di ni chos can/ drang don
gyi mdo yin te/ khyod ston pas drang don nyid du gsungs pa'i

phyir dang/ 'di ni 'chad par 'gyur ba'i rigs pas kyang drang don
nyid du 'thad pa ste grub pa'i phyir/ gnyis pa ni/ 'di ni ston
pas drang don nyid gsungs shing/ /zhes bshad na/ 'o na/ lung de
ston pas drang don du ji ltar gsungs zhe na/

phyi rol snang ba zhes sogs lang gshegs kyi lung 'di dang/ rnam
pa de lta bu'i mdo sde drang don yin pa las sems tsam pas nges
don du 'dod pa'i dgongs 'grel gyi mdo gzhan yang ni chos can/
khyod drang don yin te/ khyod drang don nyid du/

@068a @#/ /ji ltar na dpe na nad pa la/ /sman pas sman ni gtong
ba ltar/ /de bzhin sangs rgyas sems can la/ /sems tsam du ni rab
tu gsungs/ zhes pa'i lung 'dis gsal bar byed pa'i phyir zhes
'chad pa la/ rnam pa de lta'i zhes sogs rkang pa gnyis

gsungs/ 'o na/ skabs 'dir drang don du 'grel rgyu'i mdo la ji
tsam yod ce na/ de la rnam pa bzhir yod de/ phyi don med par
ston pa'i mdo/ /kun gzhi yod par ston pa'i mdo/ mtshan nyid gsum
la bden par yod med kyi khyad par phye nas ston pa'i mdo/

mthar thug theg pa gsum du grub par ston pa'i dgongs 'grel gyi
mdo rnams su yod pa'i phyir/ de yang dang po drang don du 'grel
ba'i mdo ni/ ji ltar nad pa bzhes sogs kyi mdo'o/ /gnyis pa
drang don du 'grel ba'i mdo ni/ rtag brtan gyi snying po yod

par ston pa'i mdo'o/ /gsum pa drang don du 'grel ba'i mdo ni/
blo gros chen po stong pa nyid dang mi skye ba dang zhes sogs
lang gshegs kyi mdo'o/ /bzhi pa ni skabs 'dir drang don du 'grel
mi dgos te/ de kun btus su rgyas par bkral zin pa'i phyir/

gnyis pa drang don du rigs pas bstan pa ni/ 'o na/ 'di ni drang
don nyid du rigs pas 'thad/ zhes bshad na/ rigs pa de gang zhe
na/ de 'chad pa la/ shes bya med na zhes sogs rkang pa bzhi
gsungs/ shes bya chos can/ sangs rgyas rnams

kyis dang por shes bya phyi rol dag gi par mdzad pa yin pa'i
rgyu mtshan yod de/ shes bya med na ste phyi rol bdag med par
mthong na de'i rigs pas shes pa bkag pa ste de'i bdag med pa
yang bde blag tu grub pa'i phyir tu shes bya phyi rol med par

@068b bstan nas/ de'i 'og tu shes pa bden grub bsal ba na bde
blag tu rnyed ces sangs rgyas rnams kyis gsungs pa'i phyir/ mdor
bsdus na/ phyi don med par bstan pas phyi don bdag med par rtogs
la/ phyi don bdag med par rtogs na shes pa yang bdag

med du rtogs pa 'ongs zhes pa'o/ /gnyis pa mdo'i drang nges kyi
don rtogs pa'i thabs bstan pa ni/ 'o na/ mdo'i drang nges 'byed
pa'i tshul de ji lta bu zhe na/ de 'chad pa la/ de ltar lung gi
zhes sogs rkang pa bzhi gsungs/ shes bya chos can/ sngar bshad
pa de ltar

du lung gi le rgyus te rnam gzhag shes par byas nas mdo'i drang
nges kyi khyad par rig par bya ste/ mdo sde gang zhig de kho na
nyid ma yin pa ste kun rdzob gtso bor dngos su bshad pa'i don
can gyi mdo de drang don du gsungs pa'ang drang don du rtogs nas
de kho na nyid dam

gzhan du drang bar bya zhing/ stong nyid dngos su ston pa'i don
can gyi mdo ni nges don du shes par gyis shig ste shes par bya
ba yin pa'i phyir/ 'dir drang nges 'byed pa'i mdo ni/ ting nge
'dzin rgyal po las/ stong pa bde bar gshegs pas

bshad pa ltar/ nges don mdo sde dag gi bye brag shes/ /gang las
sems can gang zag skyes bu bstan/ /chos de thams cad drang ba'i
don du shes/ /zhes gsungs pa 'di yin no/ /gsum pa gnyis ka las
skye

ba dgag pa ni/ gcer bu ba rnams na re/ rdza bum ni 'jim pa la
ltos te bdag skye dang/ rdza mkhan dang 'khor lo sogs la ltos te
gzhan skye yin la/ de bzhin du nang gi chos la'ang skyes bu ni
tshe snga ma'i srog la ltos te bdag skye dang/

@069a @#/ /pha ma sogs la ltos te gzhan skye yin pas/ bdag gzhan
re re ba la brjod pa'i nyes pa de rnams nged la med do zhe na/
de 'gog pa la/ gnyis las skye ba zhes sogs rkang ba bzhi gsungs/
shes bya chos can/

bdag gzhan re re pa las skye ba mi rigs pas gnyis ka tshogs pa
las skye ba rigs pa'i ngo bo ma yin te/ rgyu mtshan gang gi phyir
na bdag gzhan re re ba las skye ba la bshad zin pa'i nyes pa de
dag gnyis char las skye

ba la'ang thog tu babs pa nyid yin pa'i phyir ro/ /shes bya chos
can/ mdor na bdag gzhan gnyis ka las skye ba 'di ni 'jig rten
gyi tha snyad las kyang yod pa min zhing/ de nyid du ste don dam
du yang 'dod par

rigs pa ma yin te/ rgyu mtshan gang gi phyir na bdag gzhan re re
ba las ni skye ba bden pa gnyis char du 'grub pa yod pa ma yin
pa'i phyir/ dper na bye ma gcig la til mar 'byin pa'i nus pa med
na chang po

la'ang med dgos pa bzhin no/ /bzhi pa rgyu med las skye ba dgag
pa ni/ rgyangs 'phen pa na re/ rgyu las skye na ji skad bshad
pa'i skyon du 'gyur yang/ kho bo cag ni rgyu med las skye bar
'dod pas skyon de dag

med de/ dper na phyi rol du pad ma'i 'dab ma 'jam pa dang rtsub
pa dang 'tsher ma sogs rgyu med las 'byung ba yin zhing/ nang du
yang rma bya'i mdongs la sogs pa'i khra bo de rnams sus kyang ma
byas par 'byung ba bzhin no

@069b zhe na/ de 'gog pa la/ gal te rgyu med kho nar zhes sogs
sho lo ka lnga gsungs/ gal te 'bras bu rnams rgyu med pa kho nar
skye bar lta zhig 'gyur na ni/ 'o na/ dngos po mtha' dag chos
can/ yul dus rtag tu rang gi rgyu

yin min thams cad las kyang skye bar 'gyur bar thal/ rgyu med
las skye ba de'i tshe ste de'i phyir/ 'bras bu ston thog 'byung
ba'i ched du 'jig rten pa 'di yis sa bon la sogs pa ni dka' ba
brgya phrag dag gi sgo nas

bsdud pa sta bsogs par byed pa yang mi 'gyur bar thal/ 'bras bu
rgyu med du 'byung ba'i phyir/ des na 'jig rten mtha' dag chos
can/ rang gi rgyu kho na las skye ba yin pa shes par gyis shig
ste shes par bya rigs te/ gal

te 'gro ba rgyu yis stong ba ste rgyu med par 'gyur na 'gro ba
'di dag nam mkha'i ung pa la yi dri dang kha mdog ji lta ba de
bzhin du 'jig rten du gzung du med pa nyid du 'gyur pa yin na/
zhes shin tu bkra ba'i 'jig rten

tshad mas 'dzin pa'ang yin pa de yi phyir/ dper na rang gi blo
sngon po'i rnam pa can ni sngon po las skye ba bzhin no/ /de la
yang tshu rol mdzes pa ba na re/ 'jig rten 'di skye ba'i rgyu yod
de/ mer mer bo la sogs

pa'i skabs kyi 'byung bzhi smin pa las skye ba'i phyir/ dper na
chang gi nus pa las myong pa'i sems bskye ba bzhin no/ /de yang
'jig rten 'di kho na'i dbang du byas pa yin gyi 'jig rten pha
rol ni med do zhes smra'o/ /de 'gog pa

@070a @#/ /la/ 'byung ba 'di dag zhes sogs gsungs/ rgyad pa na
des ni chos can/ ji ltar ches shin tu phra ba'i 'jig rten pha
rol yod pa dang med pa sogs gang yang dag par rtogs par 'gyur
ste mi 'gyur bar

thal/ 'jig rten 'di nyid du mngon sum du mthong ba'i shin tu
rags pa'i don gang la yid kyi mun pa 'thug po yod pa'i phyir/
rtags grub ste/ sa la sogs pa'i 'byung ba bzhi po 'di dag khyod
kyi gzhung las bshad pa'i

bdag nyid gang zhig gis ni khyod kyi blo'i yul du gyur ba de lta
bu'i bdag nyid can du ni yod pa ma yin pa'i phyir/ don hril gyis
'dril na/ 'byung bas sems can gyi nyer len byed pa khyed kyi
gzhung las bshad kyang de ltar

ma grub ces pa'o/ /'jig rten pha rol 'gog par byed pa'i dus su
rgyang phan bdag nyid ni chos can/ shes bya'i rang bzhin la
phyin ci log tu blta bar rtogs par bya ba yin te/ 'jig rten pha
rol la skur 'debs

dang 'byung bzhi bden grub tu sgro 'dogs pa de gnyis ka'i lta
ba'i rnam pa'i rten du mtshungs pa'i lus dang ldan pa nyid yin
pa'i phyir/ dper na gang gi tshe 'byung ba'i bdag nyid bden par
yod pa nyid du khas len pa de'i

tshe bzhin no/ /mdor bsdus na rgyad phen gyi lus rten de lta ba
ngan pa'i rten yin pas blo phyin ci log tu grub ces pa'i don no/
/de la kho na re/ dpe ma grub ste/ 'byung ba bden par yod pa'i
phyir zhe na/ rang bzhin

@070b gyis skye ba spyir bkag pa'i sgo nas sngar bden stong du
ma bshad pa'i 'byung ba 'di dag lta zhig yod pa ma yin te/
'byung ba de dag ji ltar bden par yod pa ma yin pa de ltar sngar
bshad zin pa'i phyir te/ rgyu mtshan gang gi phyir na

gong du rang dang gzhan las dang gnyis ka las skye ba dang/ rgyu
med las skye ba bkag pa'i sgo nas rang bzhin gyis skye ba thun
mong du ni ste spyir bkag zin pa de yi phyir dpe ma grub pa min
no/ /gsum pa mtha' bzhi'i skye ba

bkag pa'i grub pa'i don ni/ 'o na mtha' bzhi'i skye ba bkag pas
dgos pa ci zhig 'grub ce na/ de 'chad pa la/ gang gi phyir na
bdag dang zhes sogs rkang pa gnyis gsungs/ phyi nang gi dngos po
rnams chos can/ rang

bzhin gyis skye ba dang bras te/ rgyu mtshan gang gi phyir na
bdag dang gzhan dang gnyis ka las skye ba dang/ rgyu la ma ltos
par skye ba yod pa ma yin pa de'i phyir/ gnyis pa de ltar bkag
pa la rtsod pa spong ba la gnyis/ dngos kyi don

dang/ de'i don bsdus te bstan pa'o/ /dang po ni/ kho na re/ rgyu
la ma ltos yod pa min pas dngos rnams rang bzhin bral/ zhes
bshad na/ 'o na/ mngon sum tshad mas sngo sogs kyi rang bzhin ma
mthong bar thal/ dngos

po kun rang bzhin gyis med pa'i phyir/ 'dod na/ thams cad kyi
mngon sum la sngo sogs kyi rang bzhin snang ba mngon sum du
mthong ba dang 'gal lo zhe na/ de 'gog pa la/ gang gi sprin
tshogs dang mtshungs zhes pa nas smra 'di

@071a @#/ /ma nges pa'o zhes pa'i bar gsungs/ stong nyid ma rtogs
pa'i 'jig rten pa chos can/ sngo sogs kyi rang bzhin ma mthong
bar yul de rnams rang bzhin gyis grub pa'i log pa dag tu snang
bar 'gyur te/

rgyu mtshan gang gi phyir na char sprin nag po'i tshogs dang
mtshungs pa'i gti mug stug po ste 'thug po rang rgyud la yod pa
des na'i phyir/ kho na re/ gti mug gi sgrib pas de kho na nyid
mi mthong du chug kyang yul phyin

ci log tu mthong ba ji ltar yin zhe na/ shes bya chos can/ gti
mug gi skyon gyis rgyud bslad pa'i dbang gis mi mkhas pa rnams
kyis sngon po sogs 'dus byas lta zhig sna tshogs pa blo gros kyi
ste de dag gi

shes pa yis ni bden par rtogs pa mthong bar 'gyur te/ ji ltar te
dper na rab rib kyis mig bslad pa'i mthu yis rab rib can 'ga'
zhig la skra shad dang zla ba gnyis dang/ mar me'i dkyil 'khor
la rma bya'i

mdongs kyi rnam pa dang sbrang ma la sogs pa log pa ste med
bzhin du yod pa ltar 'dzin cing mthong bar byed pa de bzhin du
ni yin pa'i phyir/ 'o na/ mi mkhas pa rnams gti mug gi dbang gis
'dus byas

bden par 'dzin pa la skyon ci yod zhe na/ shes bya chos can/ gal
te rten 'brel gyi mdo las gti mug ste ma rig pa'i rten 'brel la
brten nas 'du byed kyi las 'byung la gti mug med par las de mi
'byung zhes bya bar

@071b gsungs pas ma rig pa dang 'du byed sogs rang bzhin gyis
grub bo snyam du 'dzin pa ni mi mkhas pa kho nas rtogs pa ste
de'i dbang du byas pa gor ma chag pa yin te/ dre la brten nas
'khor bar dam du 'ching zhing gti mug shin tu srabs

pa'i mkhas pa dbu ma ba dag ni ma rig pa las 'du byed 'byung
ba'i rgyu mtshan gyis rten 'brel rang bzhin med pa'i stong nyid
khong du chud cing/ de la brten nas rim gyis stong nyid mngon
sum du rtogs pa'i blo gros bzang po'i nyi mas mun pa stug

po dang 'dra ba'i ma rig pa rnam par bsal ba ste spangs nas
'khor ba las grol bar 'gyur ba'i phyir/ yang kho na re/ dbu ma
ba khyod kyis/ de'i phyir de lta'i rim pas dngos gdod nas/ /de
nyid du skyes 'jig rten skyes rig bya/ /zhes dngos bo

rnams rang bzhin gyis ma skyes shing tha snyad du skye zhes pa
'gal ba yin no/ /ji ltar zhe na/ gzugs sogs de dag rang bzhin
gyis ni yod pa nyid yin te/ gal te dngos po rnams de kho na nyid
du ste rang bzhin gyis med na tha snyad du yang

mo gsham gyi bu ji lta ba bzhin du gzugs sogs de dag med pa nyid
du 'gyur na/ de dag tha snyad du yod pa de yi phyir ro zhe na/
'di ni tha snyad pa'i tshad ma la gzugs sogs rang gi mtshan nyid
kyis grub par snang zhing snang ba ltar du de la

tshad mar ma song na gzugs sogs de dag yod par 'jog mi shes par
'dod pa'i dngos smra ba spyi'i rtsod pa'o/ /'di la bshad par bya
ste/ gang dag rab rib can gyi mig la sgra shad snang la mo gsham
gyi bu mi snang ba'i khyad par med par thal@073a @#/ /rab rib can sogs kyi blo'i
yul du gyur pa'i sgra shad
la sogs pa de dag dang mo gsham gyi bu gnyis ma skyes par
mtshungs pa'i phyir/ zhes re shig ste sngon la rab rib can de dag
nyid la brtsad par bya zhing/ de'i phyi

nas te rjes su bden snang can la khyod kyis gzugs sogs mthong
la/ mo gsham gyi bu mi mthong ba'i khyad par med par thal/ de
gnyis rang bzhin gyis ma skyes par mtshungs pa'i phyir/ zhes ma
rig pa'i rab rib dang rjes

su 'brel ba ste blo ma rig pas sgrib pa rnams la brgal zhing
brtag par bya rigs par thal/ de ltar brtsad pa'i tshe de gnyis
kyi rtags bsal la lan mi thebs shing/ khyod ltar na khyab pa
yang tshad mas grub pas 'khor

gsum la lan med pa'i phyir/ 'di'i re shig ces pa dang po'i don
yin pas rtsod pa'i go rim ston zhing de yang rtsod pa snga ma go
sla bar ston no/ /khyab pa khas blangs te/ rang bzhin med par
mtshungs na tha snyad du yod med

mtshungs par khas blangs pas/ de ltar na rang bzhin gyis med par
mtshungs na gsal bar snang mi snang yang mtshungs par khas len
dgos pa'i phyir ro/ /rab rib can las kyang thog mar yid nang du
bsdus nas dngos

smra ba khyod rang gi blo 'khrul ba'i skye tshul brtag shing
dpyad par bya dgos so/ /ji ltar zhe na/ gal te dngos smra ba
khyod la rmi lam gyi khang khyim dang dri za'i grong khyer dang
bcas pa snang ba dang/ smig rgyu la chu dang/ mig 'khrul

@073b mkhan gyis sprul pa'i skyes pa bud med dang/ gzugs brnyan
la byad bzhin du mthong ba sogs rang bzhin gyis skye ba med pa
rnams mthong ba na/ ji ltar bdag gis rmi lam gyi khang khyim
sogs mthong ba der 'gyur la/ mo gsham

gyi bu mi mthong ba de mi rigs par thal/ de dag dang mo gsham
gyi bu gnyis yod pa nyid ma yin par mtshungs pa'i phyir/ zhes
dngos smra ba khyod rang la rtsod rigs par thal/ de ltar rtsod
pa'i tshe rtags bsal la lan mi thebs shing/

khyab pa yang khas blangs pas 'khor gsum dngos 'gal du song ba'i
phyir/ dbu ma pa'i lan bzlog par mi nus pas rtsod par mi rigs pa
ni/ de ltar brtsod na lan gyis bzlog par mi nus pas rab rib can
gnyis dang dngos smra ba

khyod rang la rtsod rigs kyi/ dbu ma pa la brtsod mi rigs te/
dbu ma pas rang bzhin gyis grub pa bsgrub byed dang bcas pa
bzlog nus pa'i phyir/ ji ltar zhe na/ shes bya chos can/ dngos
po rnams don dam par med na tha

snyad du yang mo gsham gyi bu bzhin du blo'i yul du mi 'gyur
zhes smra ba'i gtan tshigs 'di ni khyab pa ma nges pa yin te/
rgyu mtshan gang gi phyir na gzugs sogs kyi dngos po 'di dag de
kho na nyid du ji ltar ste gtan nas skye ba med kyang

mo gsham gyi bu ltar 'jig rten gyis mthong ba'i yul du mi 'gyur
pa ma yin pa de yi phyir ro/ /mdo las kyang/ me long shin tu
yongs dag la/ /ji ltar rang bzhin med pa yi/ /gzugs brnyan snang
ba de bzhin du/ /ljon pa chos rnams so

@074a @#/ /shes par gyis/ zhes gsung pa'i phyir/ gnyis pa de'i
don bsdus te bstan pa ni/ rtsod spang de rnams kyi mdor bsdu na
ji ltar yin zhe na/ de 'chad pa la/ mo gsham bu la zhes sogs sha
lo

ka gsum gsungs/ gzugs sogs kyi dngos po rnams chos can/ rang
bzhin gyis grub par thal/ tha snyad pa'i tshad mas de ltar grub
pa'i phyir/ zhes pa'i thal ba 'di kho bo cag la gnod

byed ma yin te/ de la kho bo cag gis rtags ma grub kyi lan thebs
pa'i phyir/ der thal mo gsham gyi bu la rang nyid bdag nyid kyis
sam ngo bo nyid kyis skye ba de kho na nyid du med cing/

'jig rten gyi tha snyad du'ang yod pa ma yin pa de bzhin du/
gzugs sogs kyi dngos po 'di kun rang gi ngo bo nyid kyis 'jig
rten gyi tha snyad dang de kho na nyid gang du yang ma skyes pa
de'i phyir/ rtags

lung dang sbyor ba ni dngos po rnams chos can/ dus rtag tu rang
bzhin gyis skye ba 'ga' yang yod pa ma yin te/ rgyu mtshan 'di
ltar ston pa bcom ldan 'das kyis chos rnams kun gdod ma nas

zhi zhing rang bzhin gyis skye ba dang bral ba dang rang bzhin
gyis yongs su mya ngan las 'das pa'o zhes gsungs pa 'thad par
gyur pa de'i phyir/ gang du gsungs na dkon mchog sprin las/

chos kyi 'khor lo bskor ba na/ gdod nas zhi zhing ma skyes pa/
/rang bzhin mya ngan 'das pa yi/ /chos rnams mgon po khyod kyis
bstan/ /zhes gsungs so/ /de'i phyir don dam par med

@074b na mo gsham gyi bu dang mtshungs par tha snyad du yang med
par thal ba'i skyon du mi 'gyur te/ bye brag smra ba khyod ltar
na yang bum sogs 'di dag de nyid du ste don dam par med cing/
'jig rten la rab tu

grags pa ste tha snyad du yod pa'i ji lta ba bzhin du dngos po
thams cad kyang de bzhin du 'gyur ba des na'i phyir/ tshigs bcad
tha ma'i skyon spong 'di bye brag smra ba la yin pas don dam
yang mdzod las bshad

pa ltar yin no/ /gsum pa rten 'byung gi skye ba nyid kyis mthar
'dzin gyi lo rtog 'gogs tshul ni/ kho na re/ gang gi phyir na
bdag dang gzhan dang gnyis ka las skye dang rgyu la ma ltos yod
pa min pas dngos

rnams rang bzhin brel zhes mtha' bzhi gang rung las skye ba bden
pa gnyis char du med par bshad na/ 'o na/ sa bon las myu gu skye
ba sogs mi 'thad par 'gyur ro zhe na/ de'i lan 'chad pa la/ gang
phyir rgyu med zhes

sogs tshigs bcad gsum gsungs/ dngos po rnams chos can/ rang gi
rgyu rkyen dang cha shas la brten nas rab tu skye bar 'gyur te
rgyu mtshan gang gi phyir na rgyu med pa dang /dbang phyug gi
rgyu dang la sogs pas gtso bo

dang bdag gzhan re re ba dang gnyis ka tshogs pa gang las kyang
skye bar 'gyur ba ma yin zhing/ khyod skye ba'ang yin pa de'i
phyir/ 'o na/ de'i phyir rten nas rab tu skye bar 'gyur zhes
dngos po rnams

rten 'byung du bsgrub pas dgos pa ci zhig grub ce na/ shes bya
chos can /rten nas 'byung ba yin pa'i phyir/ zhes pa'i rigs la
'di yis

@075a @#/ /ni mtha' bzhi'i skye bar ma zad rang bzhin gyis grub
pa'i sngar 'byung bar lta ba'i rtag lta dang phyis med par lta
ba'i chad lta sogs kun btags kyi lta bden pa'i dra ba mtha' dag
gcod

par byed de rgyu mtshan gang gi phyir na dngos po rnams rgyu
rkyen la brten nas rab tu 'byung bar rtogs pas/ bdag gzhan las
skye bar 'dzin pa sogs log par rtog pa bzhi po 'di dag gis bzung
ba

ltar brtags pa ste bzhag par mi nus pa de'i phyir/ 'o na/ rten
'byung gi rigs pas mthar 'dzin gyi log rtog 'gog nus pa'i rgyu
mtshan gang zhe na/ de'i rgyu mtshan yod de rten 'byung gi rig pas

dngos rnams la rang bzhin gyis grub pa ji ltar med pa de ltar
yongs su dpyad zin pas/ dngos po la bden 'dzin spong nus pa'i
phyir/ khyab ste/ mthar 'dzin gyi rtog pa rnams la dngos po rang

bzhin gyis grub par 'dzin pa yod na 'byung bar 'gyur ba rigs
shing/ dngos po rang bzhin gyis grub par 'dzin pa med par mthar
'dzin gyi rtog pa 'di rnams mi 'byung ba'i phyir/ dper na rgyu
bud shing med

par 'bras bu me yod pa ma yin pa'i dpe de bzhin no/ bzhi pa rig
pas dpyad pa byas pa'i 'bras bu ngos bzungs ba ni/ dngos po ji
ltar med pa yongs dpyad zin/ zhes bshad na/ 'o na/ dbu ma'i
bstan bcos

su rang bzhin med pa'i de kho na nyid gtan la phabs pa'i dgos pa
gang zhe na/ de 'chad pa la/ so so skye bo rnams ni zhes pa nas
rnam dpyod pa ni myur du grol bar 'gyur zhes pa'i bar rkang pa
bcu gnyis gsung/

@075b shes bya chos can/ mthar 'dzin gyi rtog pa rnams log par
'gyur ba gang yin pa de ni dbu ma'i bstan bcos las bshad pa'i de
kho na nyid la/ rnam par dpyad pa'i 'bras bur mkhas pa rnams

kyis gsungs pa 'thad pa yin te/ so so skye bo chos nyid ma
mthong ba rnams ni mthar 'dzin gyi rtog pas 'khor bar bcings
shing/ chos nyid mthong ste phyin ci log tu mi rtog pa'i rnal
'byor pa

'phags pa rnams ni 'khor ba las grol bar 'gyur ba de'i phyir/
dbu ma pa chos can/ khyod kyi bstan bcos las rigs pa'i rnam par
dpyad pa mang du mdzad pa ni rtsod pa la chags pa ste/ gzhan zil
gyis

mnon pa'i phyir ma mdzad de/ khyod kyi bstan bcos las rigs pas
rnam par dpyad pa'i sgo nas/ de kho na nyid bstan pa ni skye bo
rnams 'khor ba'i sdug bsngal las rnam par grol bar bya ba'i ched
du yin pa'i

phyir/ kho na re/ bstan bcos las dpyad rtsod la chags pa'i
phyir/ ma mdzad ces smra ba mi rigs te/ dngos smra bas ji ltar
brtag chod thams cad khyod kyi gzhung du bgod nas 'gag pas gzhan

lugs 'gog pa lhur len pa'i phyir zhe na/ dbu ma chos can/ khyod
kyi bstan bcos de rtsod pa'i phyir du smras pa min na yang gal
te khyod kyi bstan bcos su rigs pas rnam par dpyad pa'i sgo nas
de kho

na nyid rnams par bshad pa ni/ nyi ma shar ba'i tshe mun pa 'then
mi tshugs pa ltar/ gzhan gyi gzhung lugs las btags pa rnams rang
gi ngang gis 'jig par 'gyur na'ang kho bo cag la nyes pa med de/
de ni gzhan lugs kho

@076a @#/ /na'i nyes pa yin pa'i phyir/ dper na mi bus pa btud
bskol ba'i phyir yin kyang bud shing sreg pa la nyes med pa
bzhin no/ kho na re/ bstan bcos las dpyad rtsod la chags pa'i
phyir/ ma mdzad rnam grol

phyir na de nyid bstan zhes bshad na/ 'o na/ de ni khyab 'brel
ji ltar yin zhe na/ shes bya chos can/ rnam grol lam 'thob pa'i
phyir du mdzad na yang rtsod pa kho na'i chad du ma mdzad pa la
khyab ste/ rtsod

pa la brten nas rang phyogs kyi lta ba la chags pa dang de bzhin
du gzhan gyi lta ba la brgyud 'khrug pa byung bar 'gyur la chags
sdang gang yin pa de ni 'ching byed kyi rtog pa nyid len pa'i
phyir/ khyab ste/

'ching byed kyi lam dang grol byed kyi lam yang 'gal ba'i phyir/
des na slob dpon klu sgrub chos can/ rtsod pa'i phyir ma yin par
gdul byas rnam grol 'thong pa'i phyir du dbu ma'i bstan bcos su
de kho na nyid

gtan la phab pa yin te/ rang phyogs la 'dod cing chags pa dang/
gzhan phyogs la khong khro ba rnams bsal ste de kho na nyid la
rig pas rnam par dpyad pa ni myur du 'khor ba las grol bar 'gyur
zhing

chags sdang gis rtsod pa ni/ 'khor bar 'ching byed yin pa de'i
phyir ro/ mdo las kyang/ gang zhig chos 'di thos nas chags byed
cing/ /chos ma yin pa thos nas khong khro byed/ /nga rgyal rgyas
pas bcom

pa log pa ste/ /nga rgyal dbang gis sdug bsngal rjes su myong/
/zhes gsungs so/ 'dir smras pa/ chos kun ngo bos grub dang mtha'
bzhis skyed/ /rnam par dpyad pas grub pa mi rigs mod/ /'on kyang

@076b snang tsam skye 'gag bsnyon med la/ /blang dor 'byed pa
mtha' bral dbu ma'i lam/ /zhes bya ba ni bar skabs kyi tshigs su
bcad pa'o/ de yan chad kyis chos kyi bdag med rig pas grub pa
rgyas par bshad zin to/ ! gnyis pa

gang zag gi bdag med rig pas bsgrub pa la gsum/ thar 'dod kyis
thog mar bdag rang bzhin gyis grub pa nyid dgag dgos par bstan
pa/ bdag dang bdag gi ba gnyis rang bzhin gyis grub pa 'gog pa'i
tshul/ bdag

dang shing rta'i dpyad pa dngos po gzhan la yang bsgre bar bstan
pa'o/ dang po ni/ de'i phyir 'dod chags khong khro rnams bsal
te/ /rnam dpyod pa ni myur du grol bar gyur/ /zhes chags sdang
gis 'khor bar 'ching shing/

chags sdang spang nas de kho na nyid rnam pas 'khor ba las myur
du grol bar bshad na/ 'o na/ 'khor ba'i skyon skye rga na 'chi'i
sdug bsngal dang chags sdang spogs kyi rtsa ba gang yin/ thog
mar gang rnams dgos zhe na/ de 'chad pa la/ nyon

mongs skyon rnam zhes sogs rkang pa bzhi gsungs/ thar pa don
gnyer gyi rnal 'byor pa de yis chos can/ thog mar bdag rang
bzhin gyis grub pa de ni 'gog par byed pa'i rgyu mtshan yod de/
'dod chags

la sogs pa'i nyon mongs pa dang skye rga na 'chi la sogs pa'i
skyon rnams ma lus pa 'jig tshogs la lta ba las byung bar blo yis
mthong bar gyur cing/ bdag ni 'jig lta

'di yi dmigs yul du rtogs par byas nas/ 'jig lta spong bar 'dod
pa'i phyir/ khyab ste/ de'i zhen

@077a @#/ /yul sun ma phyung bar de tsher ma 'don pa ltar spong
bar mi nus pa'i phyir/ des na thar 'dod kyi rnal 'byor pas 'khor
ba'i nyes dmigs dang 'jug rim legs par bsam ste/

bdag tu 'dzin pa ldog par bya ba'i phyir/ de'i dmigs yul gyi
bdag de ji 'dra zhig tu grub snyam du thog mar bdag la rnam par
dpyad nas de nas bdag rang bzhin med par gtan la 'bebs pa ni

thar pa'i lam gyi gzhi rtsa dam pa yin te/ ji skad du mdo las/
zhi ba'i blo gros 'di lta ste/ dper na shing rtsa ba nas bcad na
yal ga dang lo ma dang yal ga phra mo thams cad skam par 'gyur
ro/

zhi ba'i blo gros de bzhin du 'jig tshogs la lta ba nye bar zhi
na/ nyon mongs pa dang nye ba'i nyon mongs pa thams cad zhi bar
'gyur ro zhes gsungs pa'i phyir/ gnyis pa la gnyis/ bdag rang
bzhin

gyis grub pa dgag pa bdag gi ba rang bzhin gyis grub pa dgag
pa'o/ /dang po la drug/ gzhan sdes btags pa'i phung po las ngo
bo tha dad pa'i bdag dgag/ rang sdes btags pa'i phung po bdag

tu 'dod pa dang/ de gnyis kyi lhag ma'i phyogs rten dang brten
pa sogs gsum dgag /de nyid dang gzhan nyid du brjod du med pa'i
gang zag rdzas yod dgag/ bdag brten nas btags pa

tsam du bzhag pa dpe dang bcas pa bshad/ de ltar bzhag pa la
mthar 'dzin gyi rtog pa spangs sla ba'i yon tan bstan pa'o/ dang
po la gnyis phyogs snga ma brjod pa dang/ lugs de dgag

@077b pa'o/ dang po la gnyis/ grangs can gyi lugs brjod pa dang/
bye brag pa la sogs pa'i lugs brjod pa'o/ dang po ni/ kho na re/
bdag ni 'di yi yul du rtogs byas nas zhes bshad na/

'o na/ 'jig lta lhan skyes kyi dmigs yul du 'gyur pa'i bdag de
ji ltar yin zhe na/ de 'chad pa la/ za po rtag dngos zhes sogs
rkang pa gnyis gsungs/ shes bya chos can/ mu stegs grang

can pa rnams kyis ni phung po las don gzhan pa'i gang zag rdzas
yod bdag gi ngo bo de lta bu'i bdag de khyad chos lnga ldan du
khas len pa yin te/ grang can gyis bdag de 'khor ba'i gnas

gnas skabs su bde sdug gi 'bras bu la longs spyod pa'i zab po
thar pa'i gnas skabs su rnam 'gyur ma lus pa gtso bo la thim
yang bdag de rang skya bar gnas pa'i rtag pa'i dngos po dang/

rang bzhin ma yin pas rnam 'gyur gyi byed pa po ma yin pa dang
rdul mun snying stobs kyi yon tan med pa dang yul thams cad la
khyab par yod pas yul rnams su 'gro 'ong gi bya ba med par

gtags nas 'dod pa'i phyir/ gnyis pa byed brag pa la sogs pa'i
lugs brjod pa ni/ de'i dbye ba cung zad ces sogs rkang pa gnyis
gsungs/ phung po las don gzhan pa'i bdag de'i

dbye ba ste 'dod tshul mi 'dra ba'i khyad par cung zad cung zad
la brten nas mu stegs can rnams kyi lugs ni tha dad du 'gyur te/
bye brag pas bdag de zab po yin pa rtag dngos yin pa byed pa po
yin pa@078a @#/ /yon tan dang ldan pa/ bya ba med pa'i khyad chos dang
ldan par 'dod/ bye brag pa kha cig skum pa dang rkyong ba'i bya
ba dang ldan par 'dod/ reg byed gsad ba pa dag ni bdag snod bcud
thams

cad la khyab pa'i gcig yin kyang rten lus tha dad pas sna tshogs
par 'char bar 'dod de/ dper na nam mkha' gcig yin kyang snod mi
'dra ba'i nang du tha dad par 'char ba bzhin no zhes zer ro/
/gnyis pa

lugs de dgag pa ni/ mo gsham bu ltar zhes sogs sho lo ka bzhi
gsungs/ mu stegs pa de dag gis ji ltar brtags par de ltar du
gyur pa'i bdag ni chos can/ de dag gis brtags pa ltar du yod

pa ma yin te/ skye ba dang bral ba'i phyir/ dper na/ mo gsham
gyi bu ltar ro/ de dag gis brtags pa'i bdag ni chos can/ ngar
'dzin lhan skyes kyi rten te dmigs yul du'ang mi rigs te/ ma
skyes

pa'i phyir/ 'o na/ Tik chen las/ de ltar bdag yod pa dang/ nga
'dzin gyi yul yin pa bkag pa la dgag byas don dam gyi khyad par
sbyar ba'i dbang du byas pa'o zhes pa'i don gang zhe na/ mu
stegs pa rnams

kyis bdag gi ngo bo dang khyad chos brtags don btsal nas khas
blangs pa yin pas/ brtags don btsal nas rnyed pa zhig bdag tu
'jog na/ bden grub kyi bdag tu sang bsad lta bu'i bdag bkag

pa la bdag don dam du bkag pa'i tha snyad mdzad pa yin zhes rje
btsun dam pa chos kyi rgyal mtshan gyis gsungs so/ mu stegs pas
bdag gi ngo bo dang de ngar 'dzin gyi yul yin pa gnyis chos

@078b can/ don dam du ma zad kun rdzob tu yang yod par mi 'dod
de/ tha snyad du yang tshad mas ma dmigs pa'i phyir/ yang na
phung po las don gzhan pa'i bdag chos can/ de kho nar rdzas su
med de

zhes dang/ de kho nar ngar 'dzin gyis dmigs yul ma yin te/ zhes
dang/ kun rdzob tu yang rdzas su med de zhes dang/ kun rdzob tu
yang ngar 'dzin gyi dmigs yul ma yin te/ ma skyes pa'i phyir/

mo gsham gyi bu bzhin/ zhes 'god na'ang dgongs pa dang mthun no/
de dag gis bdag gi ngo bo bkag nas/ khyad chos 'gog pa la/ shes
bya chos can/ mu stegs pas btags pa'i bdag gi ngo

bor ma zad bdag de'i khyad par kun kyang yod pa ma yin te/ rgyu
mtshan gang gis phyir na grangs can gyi bstan bcos dang bye brag
pa sogs kyi bstan bcos las bdag de'i khyad chos za ba po dang/
rtag

dngos yin pa sogs mu stegs pa rnams kyis gang bstan pa'i gzhung
de kun la mu stegs pa rang la grags pa'i ma skyes pa'i gtan
tshigs kyis gnod pa de'i phyir/ gzhan yang phung po

las ngo bo gzhan pa'i bdag 'ga' yang med de/ mu stegs pas btags
pa'i bdag de'i ngo bo dang khyad par gnyis ka med pa de'i phyir
te/ phung po bzung ba ma gtogs par bdag de yan gar du

'dzin pa ma grub pa'i phyir/ rtags dang po'i khyab 'brel ni
phung po las ngo bo tha dad pa'i bdag khas len pa'i grub mtha'
smra ba ni mu stegs pa yin la/ des 'dod pa'i bdag gi ngo bo dang
khyad par khegs

@079a @#/ /na phung po las ngo bo tha dad pa'i bdag kyang med pa
'bad med du thub bo zhes pa'o/ /gnyis pa'i khyab 'brel ni bdag
phung rang bzhin gyis grub pa'i gzhan yin na/ 'brel med

don gzhan yin dgos la/ de ltar na phung po bzung ba la ma ltos
par bdag de yan gar du 'dzin rgyu ci zhig yod dgos te/ dper na
bum pa ma bzung bar snam bum 'dzin du yod pa bzhin no/ phung po
las ngo bo

gzhan pa'i rtag gcig rang dbang can gyis bdag 'di ni chos can/
'jig rten 'khor ba po'i ngar 'dzin gyi blo yi rten te dmigs yul
du yang mi 'dod de/ de 'dra ba'i bdag de rig pa ma yin pa ste
dmigs yul du

ma byas par yang bdag lha'i blo skye ba yod pa'i phyir/ rtags
der thal/ sems can gang dag dud 'gror bskal pa mang por ches
brkyal bar gyur pa des kyang mu stegs pas btags pa'i ma skyes pa
dang rtag pa'i

bdag 'di ma mthong la/ ngar 'dzin 'jig lta ni de dag la yang
'jug pa ste skye bar mthong ba'i phyir/ kyang gi sgras dmyal ba
pa sogs bsdud do/ de'i rtags khyab tshad mas grub cing bsal ba mu
stegs pa'i

dngos 'gal lo/ shes bya chos can/ phung po las ngo bo gzhan pa'i
bdag 'ga' yang med de/ de ltar sgrub zin pa de na'i phyir/
/gnyis pa rang sdes rtags pa'i phung po nyid bdag tu 'dod pa
dgag pa la

lnga/ phung po bdag tu 'dod pa la gnod byed bstan pa/ de ltar
'dod pa mi rigs pa'i sgrub byed bstan pa/ phung po bdag tu smra
ba la gnod byed gzhan bstan pa/ phung po bdag tu gsungs pa sogs
kyi

@079b dgongs pa gzhan gyis lugs 'brel med du bstan pa'o/ dang po
la gnyis/ dngos kyi don/ skyon spong gi lan dgag pa'o/ dang po
la gnyis/ phyogs snga ma brjod pa dang/ lugs de dgag pa'o/ dang
po ni/ rang sde mang

bkur bdag na re/ phung po kho na bdag tu lta ba ste/ 'jig pa'i
'jig lta'i dmigs yul bdag yin te/ de'i dmigs yul gyi bdag yod pa
gang zhig/ phung po las ngo bo gzhan pa'i bdag grub pa med pa'i
phyir zhes zer

ro/ de'i nang tshan kha cig na re/ bdag lta'i rten du ste dmigs
par nas phung po lnga char yang 'dod de/ mdo las/ dge slong dag
dge sbyong ngam bram ze gang su dag cig bdag go snyam du yang
dag par rjes su lta ba dag ni/ nye

bar len pa'i phung po lnga po 'di kho na la yang dag par rjes su
lta'o/ zhes gsungs pa'i phyir dang/ ngar 'dzin lhan skyes la
'jig pa'i tshogs pa can la lta ba zhes kyang gsungs pa'i phyir/
zhes smra'o/ mang bkur ba

kha cig sems cig pu bdag tu 'dod de/ mdo las/ bdag nyid bdag gi
mgon yin gyis/ /gzhan ni su zhig mgon du 'gyur/ /bdag nyid legs
par thul bas ni/ /mkhas pas mtho ris thob par 'gyur/ zhes bdag
gis bdag 'dug par gsungs pa ni sems yin pa'i phyir/ 'o na/ de
sems yin pa gang gis sgrub ce na/ phung po las don gzhan pa'i
bdag med pa'i phyir dang/

mdo gzhan las kyang/ /sems 'dul ba ni legs pa ste/ /sems 'dul
bas ni bde ba 'dren/ /zhes sems 'dul byar gsungs pa de yis so
zhe na/ zhes kho'i 'dod pa de rnams 'chad pa la/

@088a @#/ /phung po las gzhan zhes sogs rkang pa bzhi gsungs/
/gnyis pa lugs de dgag pa ni/ gal te phung po zhes sogs rkang pa
brgyad gsungs/ shes bya chos can/ gal te rang rgyud kyi phung

po lnga bdag yin pa'i phyogs ltar na gang zag gcig gi rgyud la
phung por ma zad bdag de dag kyang mang por 'gyur bar thal/ bdag
phung gcig yin phyir/ khyab ste/ phung po de rnams mang ba yin
pa'i

phyir/ rnam shes bdag yin pa ltar na/ bdag chos can/ du mar
thal/ rnam shes lnga dang gcig yin pa'i phyir/ yid shes gcig tu
bdag yin pa ltar na bdag chos can/ du mar thal/ yid shes

kyi cha shes su gyur pa'i skad cig du ma dang gcig yin pa'i
phyir te/ khyod yid shes dang gcig yin/ yid shes rang gi cha
shes su gyur pa'i skad cig du ma dang gcig yin pa'i phyir/ thal
ba gsum ka

'dod mi nus te/ mdo las/ 'jig rten skye ba na gang zag nya gcig
skye'o/ zhes gsungs pa'i lung khas blangs pa dang 'gal ba'i
phyir/ 'o na/ rang sde 'og mas bdag phung gcig tu khas ma blangs


pas skyon de dag ji ltar 'jug ce na/ 'di ni rang sde 'og mas
bdag phung gnyis rang bzhin gyis grub pa'i ngo bo gcig tu 'dod
la/ de ltar na/ de gnyis cha shes thams cad nas gcig yin dgos/

de yin na ldog pa gcig yin dgos pa'i phyir/ dang po grub ste/
rang ngos nas grub pa'i ngo bo gcig yin na/ rang gi ltos sa rgyu
rkyen dang cha shas gang yang med dgos pa'i phyir/ gzhan yang/
bden

@080b grub kyi ngo bo gcig yin na/ ldog pa gcig yin dgos te/ de
yin na/ rang snang ba'i blo gang la yang tha dad du mi snang
ba'i yod pa yin dgos/ de yin na/ ldog pa gcig yin dgos pa'i
phyir/ dang po grub

ste/ bden grub kyi gcig yin na/ rang snang ba'i blo de de kho na
nyid yul du byed pa'i blo ma 'khrul ba yin dgos pa'i phyir/ bdag
de ni chos can/ rdzas yod du 'gyur bar thal/ phung po rdzas yod
gang zhig/ khyod

phung po dang gcig yin pa'i phyir/ 'dod mi nus te/ btags yod yin
pa'i phyir te/ mdo las/ dge slong dag lnga po 'di dag ni ming
tsam tha snyad tsam btags pa tsam ste/ gang 'di lta ste/ 'das
pa'i

dus dang/ ma 'ong pa'i dus dang/ nam mkha' dang/ myang 'das
dang/ /gang zag go zhes bya ba dang de bzhin du/ ji ltar yan lag
tshogs rnams la/ /brten nas shing rtar brjod pa ltar/ de bzhin
phung

po rnams brten nas/ /kun rdzob sems can zhes bya'o/ /zhes gsungs
pa'i lung khas blangs pa'i phyir/ bdag der lta ba'i 'jig lta
yang chos can/ khyod kyi 'dzin stangs phyin ci log tu mi 'gyur
bar thal/ khyod gang zag rdzas yod la 'jug pa'i yul can gang
zhig gang zag rdzas yod yin pa'i phyir/ dang po khas/ gnyis pa
grub ste/ phung po rdzas yod gang zhig gang zag dang phung po
gcig

yin pa'i phyir/ 'dod na/ khyod slar mi skye ba'i tshul gyis spong
ba 'dun pa'i 'dod chags bzlog pa'i tshul gyis spong bzhi spang
bya yin par thal/ spang bya gang zhig 'dzin stangs phyin ci ma
log pa'i

@081a @#/ /blo yin pa'i phyir/ 'dod na/ mthong lam gyis slar mi
skye ba'i tshul du spong bar 'dod pa dang 'gal lo/ gzhan yang/
lhag med mya ngan las 'das pa'i tshe nges par rgyun chad par gyur
ba thal/ de'i

tshe phung po rgyun chad pa gang zhig bdag phung gcig yin pa'i
phyir/ dang po khas blangs/ 'dod na/ mang bkur chos can/ khyod
chad pa'i mthar lha can du thal/ de'i tshe bdag yod pa gang zhig
khyod kyis de'i tshe bdag rgyun

chad par 'dzin pa'i phyir/ 'jig ltas gang du bzung ba'i yul nyid
rtag chad du 'dzin pa mthar lta gnyis khyod kyi khas blangs pa'i
phyir/ shes bya chos can/ lhag med mya ngan las 'das pa'i sngon
rol du

dus skad cig re re dag la ni bdag ngo bo nyid kyis skye 'jig
byed par thal/ de'i tshe phung po skad cig re rer ngo bo nyid
kyis skye 'jig byed par gang zhig bdag phung gnyis gcig yin pa'i
phyir/ 'dod na/ de de'i tshe

de'i dus na rgyal po nga la nu zhes bya bar 'gyur ro/ zhes skye
ba dran pa mi 'thad par thal/ tshe snga phyi'i bdag ngo bo nyid
kyis grub pa'i so so ba yin pa'i phyir/ khyab ste/ de yin na/
'brel med don gzhan

yin dgos/ de ltar na skye ba dran pa mi 'thad dgos pa'i phyir/
gzhan yang/ las byed pa pos rang gis byas pa'i las de'i 'bras bu
rnam smin myong ba med par thal/ las byas rjes su byed pa po
rgyun

chad nas med pa'i phyir/ der thal/ bdag snga phyi rang bzhin
gyis grub na 'brel med yin dgos gang zhig snga phyi 'brel med la
phyi ma snga ma'i rgyun du med pa thad dgos pa'i phyir/ byas pa
la kho na re/ ji skad

@081b bshad pa'i nyes pa med de/ bdag snga las bsags pa'i las
kyi 'bras bu la bdag phyi mas longs spyod pa'i phyir zhen na/ 'o
na/ gzhan lhas byin gyis bsags pa'i las kyi 'bras bu las lhas
byin

las gzhan mchod byin gyis za ba ste longs spyod par 'gyur bar
thal/ phyogs snga ma de gang zhig bdag snga phyi gnyis lhas
mchod ltar 'brel med du mtshungs pa'i phyir/ skabs 'dir phung po
bdag yin

na/ bdag skye 'jig can du thal ba/ skye ba snga phyi mi dran par
thal ba/ las 'bras chud zos su thal ba dang gsum gsungs so/
/gnyis pa skyon spong gi lan dgag pa ni/ kho na re/ sngar bshad
pa'i skyon

med de/ bdag snga phyi rang bzhin gyis grub pa'i gzhan yin
kyang/ de kho na nyid du rgyad gcig du yod pa'i phyir zhe na/
zhes kho'i skyon spong de 'chad pa la/ de nyid du rgyud zhes
sogs rkang pa gcig gsungs/

de 'gog pa la sngar rnam dpyad tshe zhes sogs rkang pa gnyis
gsungs/ de yang mi 'thad de/ rang bzhin gyis grub pa'i tha dad
pa rnams la rgyud gcig yod do zhes smra ba la sngar rnam par
dpyad pa'i tsho nyes

pa bshad zin pa'i phyir/ gang du bshad na/ byams pa nyer sbas la
brten zhes sogs kyi skabs su'o/ rgyu mtshan de na phung po lnga
dang sems bdag yin pa mi rigs te/ de la ji skad bshad pa'i rigs
pa

pas gnod pa de'i phyir/ gnyis pa de ltar 'dod par mi rigs pa'i
sgrub byed bstan pa ni/ 'o na/ bdag phung gcig ma yin pa la
sgrub byed ji ltar yod ce na/ de 'chad pa la/ 'jig rten mtha'
ldan zhes

@082a @#/ /sogs rkang pa gcig gsungs/ shes bya chos can/ bdag
phung gnyis gcig ma yin te/ yin na bdag dang 'jig rten mtha'
dang ldan pa dang/ la sogs pas mi rtag pa sogs su lung ston

rig pa gang zhig/ de ltar lung bstan pa med pa'i phyir te/ de
dag lung ma bstan gyi lta bar sde ba kun gyis khas len pa'i
phyir/ dang po grub ste/ phung po mtha' dang ldan pa dang mi
rtag par lung

bstan pa'i phyir/ der thal/ khyod kyi lugs la lhag med kyi tshe
phung po med cing/ phung po ngo bo nyid kyi skye 'jig byed par
bshad pa'i phyir ro/ mdor na/ bdag rgyun chad pa'i mi rtag min
pa'i rgyu mtshan

gyis mi rtags par lung ma bstan ces dang/ bdag mtha' med pa'i
rgyu mtshan gyis mtha' ldan du lung ma bstan ces dang/ de bzhin
gshegs pa grong phan chad 'gyur ba'i rgyu mtshan gyis mi 'byung
bar lung

bstan pa dang/ lus de nyid srog min pa'i rgyu mtshan gyis lus de
nyid srog tu lung ma bstan ces dang/ khyad gzhi btags pa tsam
gyis bdag bstan du mi rung bas rtag par lung ma bstan ces sogs
bya ba'i

skabs 'dir lung ma bstan gyi lta ba bcu bzhi gsungs so/ /gsum pa
phung po bdag tu smra ba la gnod byed gzhan bstan pa ni/ 'o na/
phung po bdag tu smra ba la sngar ma bshad pa'i skyon ji ltar
yod ce na/

de 'chad pa la/ khyod kyi rnal 'byor la sogs rkang pa brgyad
gsungs/ shes bya chos can/ mang bkur ba khyod kyi lugs la rnal
'byor pas bdag med mngon sum du mthong ba de'i tshe des nges par

@082b bar phung po'i dngos po rnams med par rtogs par 'gyur bar
thal/ phung po rang bzhin gyis grub pa'i bdag yin pa'i phyir/
khyab ste/ rnal 'byor pas bdag med thong ba'i don ni rang bzhin
gyis

grub pa'i bdag med par rtogs pa la byed rigs pa'i phyir ro/
rtags 'di rang lugs la grub bo/ don thob ni bdag med mthong ba'i
tshe phung po med par rtogs par 'gyur zhes pa'o/ kho na re/ bdag
med

pa mthong ba'i tshe phung po med par rtogs ba'i skyon med de/
phung po bdag tu bzhag pa ni las 'bras kyi rten du gyur pa'i
bdag yin gyi dgag bya'i bdag min la/ rnal 'byor pas bdag med
rtogs pa'i

tshe rtag pa'i bdag tsam spong ba ste med par mthong rgyu'i dgag
bya'i bdag ni rtag gcig rang dbang can du gyur pa'i nang gi byed
pa'i skyes bu la byed do zhe na/ 'o na/ mang bkur ba khyod kyi
lugs la sems so/

phung po lnga btags don brtsal nas rnyed pa'i bdag tu mi 'byung
bar thal/ bdag med mthong zhes pa de'i tshe rtag pa'i bdag tsam
bdag tu 'jog gi phung po bdag tu mi 'jog pa de'i phyir/ khyab
ste/

phung po btags don btsal nas rnyed pa'i bdag yin na dgag bya'i
bdag yin dgos pa'i phyir/ don bsdu na/ khyod kyi lugs la bdag gi
sgra las 'bras kyi skabs dang/ dgag bya'i skabs gnyis su

dbye nas gang dgar 'jug par mi rigs zhes pa'o/ gzhan yang mang
bkur ba khyod kyi lugs la rnal 'byor pas bdag med mngon sum du
mthong ba de yis gzugs sogs kyi de kho na nyid mngon sum@083a @#/ /du rtogs
par mi 'gyur bar thal/ de'i tshe rtag gcig
rang dbang can gyi bdag tsam med par rtogs pa'i phyir/ 'dod na/
bdag med mthong ba'i rnal 'byor ba chos can/ khyod la nyon

mongs spong ba'i lam med par thal/ khyod kyis gzugs sogs rtag
pa'i bdag gis stong ba tsam rtogs kyi gzugs sogs kyi de kho na
nyid ma rtogs pa'i phyir/ dper na/ me tog gi ze'u 'bru'i ro
mngar po rang nyid kyis

ma myangs par ze'u 'bru la khu byug gi sbrang rtsi yod ces brjod
pa tsam gyis de'i ro mngar mo mi dmigs pa bzhin no/ khu mdo sdu
'bar/ zhang thang khag nag rgyur rnams mi 'di'i khu byug srog
chags la bshad

de/ de yang kho na re/ ma d+hu zhes pa sbrang rtsi la 'jug pas
'gyur nor ba yin zer ro/ de la blo gros rin chen gyis/ de bden
pa 'dra ste/ nag 'gyur dang 'ga' zhig gis sbrang rtsi mngar

ba nyid ma myangs par sbrang rtsi'i nang na ko ki la med de zhes
bya ba de tsam gyis sbrang rtsi len par byed na'ang de la sbrang
rtsi'i mngar ba nyid myang bar byed pa ni ma yin ces 'byung ngo/
zhes

gsungs so/ dgra bcom pa chos can/ khyod kyi rgyud la da dung
'dod chags sogs skye bar 'gyur bar thal/ gzugs sogs la bden par
dmigs nas 'jug pa'i phyir

dang/ gzugs sogs de yi ngo bo ste yin lugs rtogs pa med pa'i
phyir/ dper na/ ze'u 'bru la khu byug med ces brjod kyang ze'u
'bru'i ro mngar bo rang gis myangs nas

@083b chags pa skye ba bzhin no/ don ni/ nyon mongs skye byed
yod la spod byed med ces pa'o/ /bzhi pa phung po bdag tu gsungs
pa sogs kyi dgos pa bshad pa lnga/ bdag tu gang lta ba thams cad

phung po kho nas lta bar gsungs pa'i don bshad pa/ mdo gzhan la
brten nas phung po tshogs tsam bdag min par bshad pa/ phung po
tshogs tsam gyi dbyibs kyi bkod pa bdag yin pa dgag pa/

phung po tshogs tsam bdag tu 'dod pa la gnod byed gzhan bstan pa/
thub pas bdag de khams drug sogs la brten nas btags par gsungs
pa'o/ dang po la gsum/ lung gi dgongs

pa dgag bya gcod pa'i dgag phyogs nas yin par bstan pa/ sgrub
phyogs nas yin du chugs kyang phung po bdag tu ston pa min pa/
de dag la gzhan gyi rtsod spong dgag pa'o/ dang po ni/

yang mang bkur ba na re/ phung po bdag tu 'dod pa la khyod kyis
rtog ge'i rigs pa'i gnod byed de ltar bshad mod kho bo cag ni
lung tshad mar byed pas phung po bdag tu 'dod de/ rgyu mtshan gang
gi

phyir na ston pas dge slong dag dge sbyong ngam bram ze gang su
dag cig bdag go snyam du yang dag pa lta ba de dag ni/ nye bar
len pa'i phung po lnga bo 'di kho na la lta'o zhes phung po bdag
tu gsungs

pa de'i phyir zhe na/ zhes kho'i 'dod pa 'chad pa la/ gang phyir
ston pas zhes sogs rkang pa gnyis gsungs/ de 'gog pa la/ de ni
phung las zhes sogs rkang pa drug gsungs/ mdo

@084a @#/ /'di ni brgya shug gi bus zhus pa'i mdo las byung la/
mdo 'di'i kho na zhes pa'i nges bzung gi tshig de ni phung po las
gzhan pa'i bdag bdag lha'i dmigs pa yin pa 'gog pa'i phyir/

gsungs kyi/ phung po bdag tu ston pa ma yin te/ rgyu mtshan mdo
gzhan las/ gzugs bdag ma yin zhes sogs gsungs pa'i phyir ro/ ji
ltar gsungs zhe na/ dge slong dag bdag tu lta

ba ni phung po kho na la lta ba'o/ zhes mdo las bstan pa de'i ni
phung po bdag tu bstan no ces pa ston pa'i bzhed pa ste dgongs
pa ma yin te/ rgyu mtshan gang gi phyir na mdo gzhan nam mkha'

mdog gi mdo las/ gzugs bdag ma yin/ tshor ba bdag ma yin/ 'du
shes kyang bdag ma yin/ 'du byed rnams kyang bdag ma yin/ rnam
shes kyang bdag ma yin par gsungs pa'i phyir/

des na mdo de'i bstan don yod de/ kho na zhes pa'i tshig gis
phung po las don gzhan pa'i bdag bkag nas shugs la phung po la
brten nas btags pa'i nga tsam bdag lta'i dmigs par

bstan pa'i phyir ro/ /gnyis pa ni/ spyir mdo de'i phung po bdag
tu ma stan mod/ bstan pa'i phung po re re nas bdag tu ma grub
ces 'chad pa la/ phung po bdag ces zhes sogs rkang

pa bzhi gsungs/ nye bar len pa'i phung po lnga po 'di kho na la
bdag tu lta ba'o/ zhes pa'i mdo des phung po bdag tu bstan pa
yin ces 'dod pa khyod kyi ltar na yang/ de ltar

@084b brjod pa de'i tshe phung po rnams kyi tshogs pa tsam du bdag
tu brjod pa yin par thal/ de yin pa'am phung po'i ngo bo re re
nas bdag tu brjod pa gang rung gang zhig/ phyi ma ma yin pa'i
phyir/ dper na/

shing rnams ni nags tshal lo zhes brjod pa'i tshe shing gi tshogs
pa nags tshal du brjod pa yin gyi shing re re nas nags tshal du
brjod pa min pa bzhin no/ 'dod na/ phung po'i tshogs pa bdag ma
yin par thal/

phung po'i tshogs pa de sdug bsngal las skyo ba'i mgon yang ma
yin nyon mongs 'dul bar byed pa'i 'dul ba po 'ang ma yin/ legs
nyes shan 'byed pa'i dpang po nyid kyang ma yin pa'i phyir/ der
thal/ phung

po tshogs pa de rdzas su med pa'i phyir/ snga ma la khyab ste/
mdo las/ bdag nyid bdag gi mgon yin te/ /bdag nyid bdag gi dgra
yang yin/ /legs dang nyes par byas pa la/ /bdag nyid bdag gi
dpang

po yin/ /zhes bdag mgon dang dpang por gsungs pa dang/ bdag nyid
legs par 'thul bas ni/ /mkhas pa mtho ri thob par 'gyur/ /zhes
gsungs pa'i phyir/ /gsum pa de dag la gzhan gyi rtsod spong 

dgag pa ni/ kho na re/ mgon min 'dul ba'ang dpang po nyid kyang
min zhes pa rtags ma grub ste/ tshogs pa can rnams mgon dang
dpang po sogs yin pas tshogs tsam yang mgon dang dpang por 'gyur
te/ tshogs pa dang tshogs pa

can gnyis ngo bo tha dad du med pa'i phyir zhe na/ de 'gog pa
la/ de tshe de yi zhes sogs rkang pa gnyis gsungs/ shes bya chos
can/ shing rta de yi yan lag gi tshogs pa phyogs gcig tu gnas pa
rnams shing rta nyid du 'gyur bar thal/

@085a @#/ /phung po tshogs pa bdag yin pa de'i tshe ste de'i phyir/
khyab ste/ shing rta dang bdag gnyis rang gi yan lag tshogs pa la
'jog mi 'jog mtshungs pa'i phyir te/ mdo las ji ltar yan lag
tshogs

rnams la zhes sogs gsungs pa'i phyir/ /gnyis pa mdo gzhan la
brten nas phung po tshogs tsam bdag min par bshad pa la/ mdo las
phung po zhes sogs rkang pa gnyis gsungs/ des

na phung po 'dus pa ste tshogs pa tsam bdag min te/ mdo las phung
po tshogs pa la brten nas bdag 'dogs pa yin pa de'i phyir/ khyab
ste/ gzhi gcig la ltos te gdags gzhi btags chos su 'gal

ba'i phyir/ gang du gsungs na/ ji ltar yan lag tshogs rnams la/
zhes sogs su'o/ /gsum pa phung po tshogs tsam gyi dbyibs kyi bkod
pa bdag yin pa 'gog pa ni/ kho na re/ shing rta'i yan lag tshogs

tsam shing rta min gyi shing rta'i yan lag rnams sgrig pa'i
dbyibs shing rtar 'jog ste/ de'i tshe shing rta'i ming rnyed par
'gyur ba'i phyir/ de bzhin du gang zag gi rgyud kyis bsdus pa'i
phung po'i dbyibs

bdag yin no zhe na/ zhes kho'i 'dod pa de 'chad pa la/ dbyibs
zhe na zhes gsungs/ de 'gog pa la/ de gzugs can la yod pa'i
phyir zhes sogs rkang pa phyed dang bzhi gsungs/ shes bya

chos can/ mang bkur ba khyod kyi lugs la gzugs can de dag nyid
de kho na bdag ces bya bar 'gyur gyi/ sems dang sogs kyis bsdus
pa sems byung gi tshogs pa rnams ni bdag nyid du 'gyur ba

@085b ba ma yin par thal/ rgyu mtshan gang gi phyir na phung po'i
dbyibs bdag yin pa gang zhig /dbyibs de gzugs can kho na yod kyi
sems byung de dag la dbyibs yod pa ma yin pa'i phyir/ de dag
gzugs can

ma yin pa'i phyir/ /bzhi pa/ phung po tshogs tsam bdag tu 'dod pa
la gnod byed gzhan bstan pa ni/ 'o na/ phung po bdag tu 'dod pa
la sngar ma bshad pa'i skyon gzhan ji ltar yod ce na/ de 'chad
pa la/

len po rang nyer zhes sogs rkang pa bzhi gsungs/ gnod byed der
ma zad nye bar len pa po bdag rang dang nye bar len pa'i phung
po tshogs pa gnyis gcig yin zhes pa rig pa'i dngos po ste ma yin
par

thal/ de yin pa de lta na las dang byed pa po gnyis gcig nyed du
'gyur dgos pa gang zhig/ de gnyis gcig ma yin pa'i phyir te/
rdza mkhan dang rdza bum sogs gcig tu mi rig pa'i phyir/ khyab
ste/ len po

byed pa po dang blang bya las yin pa'i phyir/ rtsa shes las/ de
bzhin nyer len shes par bya/ zhes pa'i don yang las dang byed pa
po phan tshun ltos nas 'jog pa'i dpe de bzhin du/ nye bar blang
bya dang len pa po

yang 'jog ces pa'o/ /kho na re/ mdo las/ gang la byed pa po ni
ma dmigs kyi las kyang yod la rnam par smin pa yang yod do/ zhes
byed pa po bdag med la las su bya ba phung po tsam gyi gseb nas

len bya len byed 'jog par gsungs pas bya byed gcig tu thal ba'i
skyon med do snyam du blo la sems pa yin no zhe na/ shes bya
chos can/ byed pa po med la las bsags pa'i khyad par gang zhig/
yod

@086a @#/ /pa ma yin par thal/ las su bya ba phung po tshogs pa
yang med pa'i phyir te/ rgyu mtshan gang gi phyir na byed pa po
bdag med pa de'i phyir/ khyab ste/ las su bya ba ni byed pa po
ltos nas 'jog

dgos pa'i phyir/ des na mdo des byed pa po'i bdag rang bzhin
gyis yod pa bkag nas las 'bras chud mi za bar bstan no/ /lnga
pa/ thub pas bdag de khams drug sogs la brten nas brtags par
gsungs

pa ni/ 'o na/ phung po re re ba dang tshogs pa bdag yin pa la
gnod byed rgyas par bshad na de ltar yin mod mdor bsdu na ji
ltar yin zhe na/ de ston pa la/ gang phyir thub pas zhes sogs
rkang pa brgyad gsungs/

shes bya chos can/ bdag de'i sa'i khams sogs kyi ya gyal de
rnams dang de nyid ma yin pa ste phung po re re nas bdag tu mi
rung la/ de rnams kyi tshogs pa tsam nyid bdag tu mi rig te/ rgyu
mtshan gang gi phyir

na thub pas yab sras mjal ba'i mdo las/ gang zag de sa dang chu
dang me dang rlung dang rnam par shes pa dang sna'i bu ga sogs
bu ga nam mkha'i khams zhes bya ba'i drug la brten pa dang/ mig
gis 'dus te

reg pa dang/ sogs kyis bsdus pa yid kyi 'dus te reg pa'i bar gyi
rten drug dag la brten nas nye bar brten zhing/ sems dang sems
byung gi chos rnams gdags gzhi nye bar bzung ba la rten nas bdag
tu

'dog so zhes nges pa ste gsal ba gsungs pa de'i phyir/ gsungs
tshul ni/ mdo las/ rgyal po chen po skyes bu gang zag de ni khams
drug dang reg pa'i skye mched drug dang yid kyi nye bar rgyu ba
bco brgyad

@086b do/ zhes gsung ba 'di'o/ des na ngar 'dzin lhan skyes kyi
blo des sa la sogs pa'i khams re re ba dang tshogs pa de rnams la
dmigs nas 'jog pa ma yin te/ re re ba dang tshogs pa gang yang
bdag ma yin

pa de'i phyir/ /lnga pa gzhan gyi lugs 'brel med du bstan pa ni/
phung po rang bzhin gyi grub pa'i nga yi bar 'dod pa rnams ltar
na nga yi pa rang bzhin gyis grub par 'dzin pa ni 'jig lta lhan
skyes yin pa

pas ji srid phung pos dmigs pa de srid du 'jig lta 'byung la/ de
ltar na/ bdag med sgom pas 'jig lta ldog par mi 'gyur ro/ zhes
'chad pa la/ bdag med rtogs tshe zhes sogs tshigs bcad gnyis
gsungs/ shes

bya chos can/ rtag gcig rang dbang can gyi bdag tsam med par
shes shing mthong na goms pas thogs med nas zhugs pa'i bdag tu
lta ba dpyis te drungs kyang 'byin zhes smra ba 'di ni shin tu
ngo tshar che ba ste/ khrel

ba'i gnas yin te/ rnal 'byor pas bdag med mngon sum du rtogs
pa'i tshe ni rtag pa'i bdag tsam spong ba ste med par mthong
zhing/ rtag pa'i bdag 'di ni ngar 'dzin lhan skyes kyi rten te
dmigs rnam gang gi yang yul

du mi 'dod pa de'i phyir/ khyab ste/ ngar 'dzin lhan skyes spong
ba la de dang dmigs pa gcig la dmigs nas 'dzin stang dngos 'gal
zhugs pa cig dgos pa'i phyir/ rtag pa'i bdag tsam med par mthong
bas

bden 'dzin gyi sa bon spong bar 'dod pa mi 'thad par thal/ de
ltar 'dod pa ni/ dper na/ blun po kha cig rang khyim gyi rtsig
phug na sbrul gnas pa mthong nas 'jigs bzhin du gnas pa la

@087a @#/ /gzhan zhig gis kye ma khyod ma 'jig shig/ khyim 'di na
glang po med do zhes smras pas 'jigs pa'i dogs pa bsal te de
tsam gyis sbrul gyis 'jigs pa spong bar byed pa ni kye ma gzhan
gyi gnam po te bzhad gad

du 'gyur ba nyid bzhin no/ de'i phyir rtag pa'i bdag tsam med
par mthong nas bag phang ste sdod pa ni/ sbrul dang 'dra ba'i
ngar 'dzin gyis bzung bar 'gyur bas 'khor ba las mi grol lo/
/gsum pa de gnyis lhag ma'i

phyogs brten pa sogs gsum dgag pa la gnyis/ rten dang brten pa
ldan pa'i phyogs bkag pa/ bkag pa de rnams kyi don bsdoms te
bstan pa'o/ /dang po ni/ de ltar bdag dang phung po ngo bo nyid
kyis gcig dang tha dad gang rung

yin pa bkag nas/ de ma zad bdag dang phung po ngo bo nyid kyis
rten dang brten par ma grub po zhes 'gog pa la phung por bdag
yod shes sogs tshigs bcad gnyis gsungs/ shes bya chos can/ bdag
dang phung po ngo bo

nyid kyis rten dang brten par 'dod pa 'di phyin ci log gi rtog
pas bzhag pa tsam yin te/ phung por te de la bdag ngo bo nyid
kyis brten pa'i tshul gyis yod pa ma yin te/ bdag la yang phung
po de rnams ngo bo nyid

kyis brten pa'i tshul gyis yod pa ma yin pa'i phyir/ rtags gnyis
ka grub te/ rgyu mtshan gang gi phyir na/ bdag dang phung po 'dir
ngo bo nyid kyis grub pa'i gzhan nyid du yod na de gnyis ngo bo
nyid

kyis rten dang brten par rtog pa ste 'dod pa de rigs par 'gyur
na'ang/ de gnyis ngo bo nyid kyis gzhan nyid du grub pa de med
pa de'i phyir dang bdag ni gzugs sogs dang ldan pa ngo bo nyid
kyis

@087b grub par mi 'dod la bdag dang phung po la ldan pa'i sgra
sbyor ba'i don ngo bo nyid kyis grub pa med pa'i phyir/ der
thal/ gzhan dang ldan pa ni lha sbyin gnag ste gzugs dang ldan
pa lta bu dang/ gzhan

yin pa dang ldan pa ni lha sbyin gzugs dang ldan pa lta bu yin
na/ bdag ni gzugs las de nyid de gcig rang gzhan nyid du rang
bzhin gyis med pa'i phyir/ der thal/ rgyu mtshan gang gi phyir na
bdag dang phung po

gcig dang tha dad gang rung du rang bzhin gyis yod pa min par
bshad zin pa de'i phyir/ gang du bshad na/ gal te phung po bdag
ni de'i phyir de zhes dang/ phung po ma gtogs de 'dzin ma grub
phyir zhes sogs

kyi skabs su'o/ gnyis pa ni 'o na/ bdag dang phung po rang bzhin
gyis gcig dang tha dad dang ldan pa dang rten dang brten pa'i
phyogs bkag pas ci zhig grub ce na/ de bkag pas de ltar du 'dzin
pa'i rtog pa rnams

'jig lta kun btags su grub bo byas pa la/ 'o na/ de lta bu'i
'jig lta kun btags la dbye na ji tsam yod ce na de 'chad pa la/
gzugs bdag ma yin zhes sogs tshigs bcad gnyis gsungs/ don ni
phung po

de la bdag tu lta ba'i cha nyi shur 'dod pa yin te/ gzugs bdag
ma yin pa la bdag tu lta ba dang/ bdag ni gzugs dang ngo bo nyid
kyis ldan pa min pa la ldan par lta ba dang/ gzugs bdag la phung
po

rten rang bzhin gyis med pa la der lta ba dang/ bdag la gzugs
tshur brten nas rang bzhin gyis yod pa min pa la der lta ba dang/
gzugs phung la bshad pa de dag ltar du phung po lhag ma kun@088a @#/ /la
rnam pa bzhi bzhir lta ba shes par bya ba yin pa'i
phyir/ kho na re/ 'dir 'jig lta nyi shur bshad pa de/ rtsa she
las/ bdag phung ngo bo tha dad du lta tshul bstan nas/ 'jig lta
nyer lngar

gsungs pa dang 'gal lo zhe na/ mi 'gal te/ mdo las/ phung por
lta tshul la phye nas 'jig lta'i cha nyi shur bshad pa'i don de
nyid 'dir bshad pa yin la/ de'i rgyu mtshan yang bdag tu

'dzin pa'i 'jig lta'i sngon du bdag gi gdags gzhi phung po 'dzin
pa'i blo gzhan sngon du 'gro dgos te shes par bya ba'i ched yin
gyi phung po las gzhan la lta ba la 'jig lta'i don ma tshang ba'i
phyir/

rtsa sher phung po las gzhan la lta ba'i phyogs 'kag pa ni/ mu
stegs pa'i 'dod pa 'gog pa'i phyir yin no/ 'o na/ mdo las/ 'jig
tshogs la lta ba'i ri'i rtse mo nyi shu mtho ba

ye shes kyi rdo rjes bcom nas rgyun du zhugs pa'i 'bras bu mngon
sum du byas so zhes bshad na rgyun zhugs kyis spangs pa'i 'jig
lta nyi shu po dag gang yin zhe na/ de yang bzhag

tu yod de/ mthong spangs su gyur pa'i rtsa ba'i 'jig lta ri bo
mthon po chos mtshungs pa de nyid/ bdag med mngon sum du rtogs
pa'i ye shes kyi rdo rje yis bcom pa ste spangs pa na bcom pa'i
bdag tu lta

ba gang dang lhan cig tu 'jig par 'gyur ba bshad ma thag pa'i
rtsa ba'i 'jig tshogs la lta ba'i ri bo lhun zhing stug pa la
gnas pa'i rtse mo mthong bar gyur pa nyi shu po 'di dag yin pa'i
phyir/

@088b bzhi pa de nyid dang gzhan nyid du brjod du med pa'i gang
zag rdzas yod dgag pa la gnyis/ phyogs snga ma brjod pa dang/
lugs de dgag pa'o/ dang po ni/ rang sde mang bkur ba kha cig

bdag dang phung po gnyis rang bzhin gyis grub pa'i ngo bo gzhan
yin pa la phung po ma gtogs de 'dzin ma grub phyir/ zhes pa'i
gnod byed dang de gnyis ngo bo gcig yin pa la bdag skye 'jig can
du

'gyur ba sogs kyi gnod byed yod pa'i phyir/ bdag phung ngo bo de
nyid te gcig dang/ ngo bo gzhan nyid du brjod du med cing/ de ma
zad rtag pa dang mi rtag pa la sogs par yang brjod du med kyang
gang

zag de rdzas su yod par ni 'dod de/ gang zag de rgyu'i gnas
skabs na las byed pa po dang/ 'bras bu'i gnas skabs na rnam smin
myong ba po dang/ 'khor ba'i gnas skabs na bcings pa

po dang/ myang 'das kyi gnas skabs na grol ba po yin pa'i phyir/
bdag de'i gzugs sogs skye mched drug blo'i yul du byas pa'i sgo
nas de shes par byed pas/ rnam par shes pa drug gi shes

byar yang bdag de 'dod cing/ de ni ngar 'dzin gyi gzhi ste dmigs
par yang 'dod pa yin no/ zhes kho'i 'dod pa de 'chad pa la/ kha
cig de nyid zhes sogs tshigs bcad gcig gsungs/

gnyis pa lugs de 'gog pa la/ gang phyir gzugs las zhes sogs
tshigs bcad gsum gsungs/ gal te bdag 'ga' zhig rdzas yod kyi
dngos por grub par gyur na/ 'o na bdag gi

@089a @#/ /dngos po chos can/ phung po dang de nyid dang gzhan
gang rung du brjod du med par mi 'gyur bar thal/ khyod sems ltar
du ngo bos rdzas su grub pa'i phyir/ khyab ste/ dngos po rdzas
su yod na phung po dang

de nyid dang gzhan nyid du brjod du med par rtogs pa ste 'dod
par rigs pa'ang ma yin pa nyid yin dgos pa'i phyir te/ rgyu
mtshan gang gi phyir na khyod kyi lugs la sems rdzas su grub pas
gzugs las sems de nyid dang gzhan nyid du

brjod du med par mi rtogs pa ste mi 'dod pa bzhin no/ bdag gang
yin pa de ni chos can/ btags yod tsam du grub pa yin te/ yod pa
gang zhig phung po las rdzas gcig dang tha dad gang rung du
brjod du med par 'gyur

ba'i phyir/ khyab ste/ rgyu mtshan gang gi phyir na mang bkur ba
khyod kyi lugs la bum pa rdzas yod kyi dngos por ma grub pa'i
btags yod tsam yin pa'i rgyu mtshan gyis bum pa'i ngo bo de rang
gi yan lag gzugs sogs las de nyid

rdzas gcig dang rdzas tha dad gang rung du brjod du med par
'gyur ba'i btags yod yin pa bzhin no/ bdag chos can/ rang gi ngo
bo nyid kyis yin par grub pa rtogs pa ste bzung bar mi bya ste/
btags yod yin pa'i phyir/ rigs

pa de rnams mdor bsdu na/ bdag chos can/ rdzas su med de/ rdzas
yod dngos po'i khyad chos rdzas gcig dang tha dad gang rung dang
bral ba'i phyir/ khyab ste/ rdzas yod kyi dngos po la rdzas gcig
dang tha dad kyi rnam pa

de gnyis nges par mthong ba'i phyir/ dper na/ khyod kyi lugs la
rnam shes de rang gi bdag nyid las rdzas gzhan du mi 'dod pa ste
gcig tu 'dod cing/ de gzugs sogs las rdzas gzhan gyi dngos por
'dod

@089b pa bzhin no/ /lnga pa bdag rten nas btags pa tsam du bzhag
pa dpe dang bcas pa bshad pa la bzhi/ bdag mtha' bdun du med
kyang brten nas btags pa shing rta dang 'dra bar brtan nas/
sngar bshad pa'i phyogs lhag ma

gnyis rgyas par bshad pa/ de ltar bshad pa la gzhan gyi rtsod
pa'i lan bstan pa /ming gi tha snyad kyi don gzhan yang grub par
bstan pa'o/ dang po ni/ gzhung gong ma rnams su gang zag rdzas
yod rgyas par

bkag pa la brten nas 'jig lta'i dmigs pa bdag med par grub pa
'bad med du khegs nus so zhes 'chad pa la/ de'i phyir ngar 'dzin
zhes sogs tshigs bcad gnyis gsungs/ shes bya chos can/ ngar 'dzin
lhan skyes

kyi rten te dmigs yul du gyur pa'i bdag de ni dngos po ste rang
bzhin gyi grub pa min te/ rigs pas rnam par dpyad pa na bdag gi
dngos po rdzas su med pa de'i phyir/ der thal/ bdag de rang gi
gdags gzhi phung

po las ngo bo gzhan ma yin la phung po'i ngo bo tshogs pa dang ya
gyal gang yang bdag ma yin pa dang/ bdag de ni ngo bo nyid kyis
phung po rnams kyi rten du bdag la phung po ngo bo nyid kyis
rten du yod pa ma yin zhing

phung po de rnams dang ldan pa yang ngo bo nyid kyi yod pa ma
yin pa'i phyir/ 'o na bdag rig pas dpyad pa'i tshe med na de'i
yod tshul ji ltar yin zhe na/ shes bya chos can/ bdag 'di ni
'dogs

gzhi phung po rnams la rten nas btags tsam du grub par 'gyur te/
yod pa gang zhig dpyad na mi rnyed pa'i phyir/ dper na/ myu gu
mtha' bzhi las mi skye bas btags yod du grub pa bzhin no/ dpe
sngar sgrub

@090a @#/ /zin/ shes bya chos can/ bdag shing rta ltar dpyad pa'i
tshe mi rnyed de/ dper na/ shing rta de rang gi yan lag las rdzas
gzhan du 'dod pa ma yin la/ gzhan min pa gcig tu grub pa yang ma

yin/ shing rta de rang gi yan lag dang ngo bo nyid kyis ldan pa
yang ma yin zhing/ shing rta de rang gi yan lag la phar ngo bo
nyid kyis brten pa yang ma yin/ yan lag dag shing rta der tshur
ngo bo nyid kyis

brten pa yang ma yin/ yan lag 'dus pa tsam yang shing rta ma
yin/ yan lag gi dbyibs tsam yang shing rta ma yin pas/ shing rta
dpyad na mi rnyed pa ji lta ba bzhin du bdag phung gnyis la yang


shes par bya ba yin pa'i phyir/ gnyis pa la gnyis/ dngos kyi don
dang/ rig pa de gzhan la kha spo ba'o/ dang po la gnyis/ tshogs
pa shing rtar 'dod pa dgag pa/ dbyibs tsam shing rtar 'dod pa
dgag pa'o

dang po ni/ gal te kho na re/ 'dus pa tsam shing rta min zhes pa
rtags ma grub ste/ 'khor lo dang gzer bu la sogs pa'i yan lag gi
tshogs pa shing rta yin pa'i phyir zhe na/ 'o na/ tshogs tsam mam/
tshogs

dbyibs gang yin/ dang por ltar ro zhe na/ de 'gog pa la/ gal te
tshog tsam zhes sogs rkang pa gnyis gsungs/ shes bya chos can/
shing rta bshig pa'i yan lag sil bur gnas pa la'ang shing rta

nyid yod par 'gyur bar thal/ gal te shing rta'i yan lag tshogs
tsam shing rtar 'gyur ba de na'i phyir/ khyab pa yod de/ shing
rta bsgrigs pa'i gnas skabs 'khor lo dang gzer bu sogs

@090b shing rta'i yan lag tu rang bzhin gyis grub na/ de dag dus
kun tu shing rta'i yan lag yin dgos/ de lta na shing rta bshig
nas sil bur gnas pa'i tshe 'di de dag shing rta'i yan lag yin
dgos/ de ltar na

de'i tshe yan lag can du shing rta yod par 'gyur ro zhes 'phen/
/gnyis pa ltar yin pas/ dbyibs yin zhes brtags ma grub bo zhe
na/ de 'gog pa la/ gang phyir yan lag can med zhes sogs rkang pa
gnyis

gsungs/ shing rta'i dbyibs tsam shing rtar rigs pa ma yin par
thal/ shing rta'i yan lag med pa'i phyir/ der thal/ rgyu mtshan
gang gi phyir na yan lag can gyi shing rta med pa'i phyir/ tshogs
tsam ma yin yan

lag can ni med tshogs tsam yan lag can du mi rung ba'i phyir/ rje
bla mas 'ang gi sgras tshogs pa bsdu bar gsungs pas/ de lta na/
gang phyir yan lag can med yan lag dag med pas tshogs tsam shing
rtar

rig pa min/ zhes 'don par 'gyur te/ don ni shing rta'i yan lag
tshogs tsam shing rta ma yin par thal/ shing rta'i yan lag med
pa'i phyir te/ yan lag can gyi shing rta med pa'i phyir/ der
thal/ tshogs tsam ma

yin pa'i yan lag can ni med/ de ni yan lag can du mi rung ba'i
phyir/ rtags rang lugs la grub bo/ /gnyis pa la gnyis/ yan lag
so so'i dbyibs shing rtar 'dod pa dgag tshogs pa'i dbyibs shing
rtar

'dod pa dgag pa'o/ dang po ni/ yan lag so so'i dbyibs shing rta
yin par 'dod na/ 'o na/ ma bsgrigs dus kyi dbyibs dang khyad par
med pa'i yan lag so so'i dbyibs shing rta yin par 'dod dam/ de
dang khyad

@091a @#/ /par yod pa'i dbyibs gzhan zhig shing rta yin par 'dod/
dang po ltar ro zhe na/ de 'gog pa la/ khyod dbyibs yan lag ces
sogs rkang pa bzhi gsungs/ don ni/ 'o na/ sngar shing rta'i yan
lag ma bsgrigs

pa'i so sor bye bar gyur pa de dag la ji ltar shing rta yod pa
ma yin pa de bzhin du/ de ltar yan lag bsgrigs pa'i tshe yang ni
'phang lo sogs kyi shing rtar yod pa ma yin par thal/ khyod ltar
na 'phang lo la sogs

pa'i yan lag re re la sngar ma bsgrigs pa'i dus su dbyibs ji
ltar yod par 'gyur ba de bzhin du phyis shing rtar rtogs pa la
ste yan lag bsgrigs pa'i dus su 'ang yan lag gi dbyibs sngar ma
bsgrib pa'i

dbyibs de bzhin du gnas pa'i phyir/ khyab ste/ yan lag snga
phyi'i dbyibs la khyad par med na de gnyis shing rtar 'jog mi
'jog gi khyad par med dgos pa'i phyir/ gnyis pa ltar ro zhe na/
de 'gog pa

la/ da lta gal te zhes sogs rkang pa bzhi gsungs/ gal te da lta
shing rta nyid du grub pa'i dus 'dir sngar ma bsgrigs pa'i dus
kyi 'phang lo sogs kyi dbyibs las rigs rgyun tha dad pa'i 'phang
lo sogs

kyi dbyibs gzhan zhig gsar du skyes pas de nyid shing rtar 'dod
na/ de ni rigs pa ma yin par thal/ de 'dra'i dbyibs gsar du
skyes pa yod na/ yan lag so so'i dbyibs rgyun mi mthun pa'i

dbyibs 'di mig shes kyis bzung du yod par 'gyur dgos na'ang/ de
yang mig shes kyi bzung du yod pa ma yin pa'i phyir/ de na shing
rta bsgrigs dus kyi yan lag so so'i dbyibs tsam shing

@091b rtar yod pa ma yin par thal/ ma bsgrigs pa'i yan lag so
so'i dbyibs dang rigs 'dra ba'i yan lag re re ba'i dbyibs kyang
shing rta ma yin pa de dang rigs mi 'dra ba'i yan lag re re ba'i
dbyibs kyang shing rta ma

yin pa de'i phyir/ gnyis pa ni/ kho na re/ shing rta'i yan lag
tshogs pa'i dbyibs shing rtar 'dod pas skyon de rnams med do zhe
na/ de 'gog pa la/ gang phyir khyod kyi zhes sogs rkang pa bzhi
gsungs/ de yang yan

lag tshogs pa shing rta yin pa ni/ gang phyir yan lag can med yan
lag dag zhes pa'i rigs pas khegs pas/ 'dir ni tshogs pa nyid la
brten pa'i dbyibs shing rta yin pa 'gog pa yin no/ ji ltar 'gog

na/ shing rta'i dbyibs de shing rta'i yan lag tshogs pa gdags
gzhir byas nas 'dogs pa ma yin par thal/ rgyu mtshan gang gi
phyir na khyod kyi lugs la shing rta'i yan lag tshogs pa rdzas su
cang med pa

ste cung zad kyang yod pa ma yin pa'i phyir/ khyab ste/ khyod
kyi lugs la btags yod thams cad rang gi 'dogs gzhi rdzas yod kho
na la brten dgos pa'i phyir/ shes bya chos can/ yan lag tshogs pa
gang zhig

rdzas su grub pa ci yang ma yin pa de dag la brten nas shing
rta'i skabs 'dir ni shing rtar 'jog pa'i dbyibs su lta zhig ji
ltar 'dogs par 'gyur bar mi rigs par thal/ khyod kyis btags yod
kyi dngos

po rnams gdags gzhi rdzas yod la brten nas 'dogs dgos par khas
blangs shing tshogs pa dang de'i dbyibs gnyis ka btags yod du
khas blangs pa'i phyir/ gnyis pa rigs pa de gzhan la kha

@092a @#/ /spo ba ni kho na re/ ma khyab ste/ tshogs pa bden pa
med kyang de la brten pa'i dbyibs btags yod du grub po zhe na/
de'i lan 'chad pa la/ khyod kyi 'di ni zhes sogs rkang pa brgyad
gsungs/

'o na ma rig pa dang sa bon la sogs pa'i mi bden pa'i rgyu la
brten par byas nas 'du byed dang myu gu la sogs pa'i 'bras bu'i
rnam pa mi bden pa'i rang bzhin can thams cad kyang ni skye ba
shes par

gyis shig ste shes par bya rigs te/ khyod kyi lugs la tshogs pa
btags yod la brten nas dbyibs btags yod du 'jog pa 'di ni ji
ltar 'dod pa de ltar du 'thad pa'i phyir/ shing rta'i yan

lag tshogs tsam shing rta yin par 'gog pa'i rigs pa 'dis ni chos
can/ dgos pa gzhan yang yod de/ bum pa'i gzugs dri sogs rdul
rdzas brgyad po de ltar 'dab 'byor du gnas pa'i tshogs

pa rnams bum pa yin pas/ de la bum pa'o snyam pa'i blo don mthun
skye bar 'gyur ro zhes bya ba de'ang rigs pa ma yin pa nyid du
bstan pa'i dgos pa yod pa'i phyir/ bum pa'i gdags gzhi gzugs dri

sogs kyang chos can/ rdzas yod du yod pa ma yin te/ rang bzhin
gyis skye ba med pa des na'i phyir/ rtags mtha' bzhi'i skye ba
bkag pas grub bo/ 'dod na/ bum pa'i gzugs sogs de

dag gi dbyibs kyang bum pa ma yin par thal/ bum pa med pa'i
phyir te/ bum pa'i rten rdzas su med pa'i phyir/ khyab pa khas/
yang gi sgra ni snga mar ma zad ces pa'o/ gsum pa de ltar bshad

@092b pa la gzhan gyi rtsod pa'i lan bstan pa ni/ de la kho na
re/ khyod ltar na 'jig rten na shing rta'i tha snyad don mthun
rgyun chad par 'gyur bar thal/ shing rta'i tha snyad 'dogs pa'i
gzhi med pa'i

phyir te/ shing rta rnam pa bdun gyi rigs pas btsal ba na med
pa'i phyir zhe na/ de 'gog pa la/ de ni de nyid du'am zhes sogs
rkang pa bzhi gsungs/ dbu ma pa chos can/ khyod kyi lugs

la shing rta la brten pa'i tha snyad rgyun chad pa'i nyes pa med
de/ shing rta de ni de nyid don dam du 'am 'jig rten kun rdzob
tu rnams pa bdun gyi rigs pas btsal ba'i tshe grub par 'gyur ba
ma yin

mod kyi/ de lta na'ang brtags don btsal ba'i rnam par dpyad pa
med pa 'jig rten gyi tha snyad nyid las shing rta'i skabs 'dir
rang gi yan lag 'phang lo dang gzer bu sogs la brten nas shing

rta'i tha snyad 'dogs pa yin pa'i phyir/ /! bzhi pa/ ming gi tha
snyad kyi don gzhan yang grub par bstan pa ni/ dbu ma ba'i lugs
la khyad gzhi shing rta rtog pas btags pa tsam du grub pa

'ba' zhig tu ma zad/ shing rta'i ming gi khyad par gzhan rnams
kyang rtog pas btags pa tsam du grub bo zhes 'chad pa la/ de
nyid yan lag zhes sogs rkang pa bzhi gsungs/ shes bya

chos can/ dbu ma pa'i lugs la khyad gzhi shing rta rten nas
btags pa tsam du grub pa ma zad shing rta de nyid yan lag can du
'jog pa'i ming gi khyad par gzhan rnams kyang brtags don@092a @#/ /btsal na
med kyang 'jig rten la grags pa'i sgo nas
khas blang bar bya ste/ shing rta de nyid 'phang lo sogs rang gi
yan lag la ltos nas yan lag can dang/ de rang gi cha shas can
dang shing

rta de nyid rang gi nye bar blang bya len pa'i bya ba la ltos
nas byed pa po zhes 'gro ba la bsnyad pa dang/ 'phang lo sogs
rang gi nye bar len pa la ltos nas skye bo rnams la nye bar len
pa po nyid du grub pa'i phyir/

de la dngos smra ba rnams na re/ yan lag tshogs pa tsam yan lag
can yin gyi tshogs tsam min pa'i yan lag can ni med de/ tshogs pa
las ngo bo tha dad pa'i yan lag can ma dmigs pa'i

phyir zhe na/ dngos smra ba khyod la kho bos 'jig rten na grags
shing grub pa'i kun rdzob shing rta sogs ma brlag cig ces bzlog
ste smra bar bya dgos par thal/ shing rta'i yan lag re re ba
dang tshogs pa

gang yang ma yin/ de las don gzhan pa'i shing rta yang med pa
gang zhig rang gi gdags gzhi la btags pa tsam gyi shing rta ni
khyod kyis 'jog mi shes pa'i phyir/ rtags sgrub zin/ /drug pa/
de ltar

bzhag pa la mthar 'dzin gyi rtog pa spang sla ba'i yon tan bstan
pa la lnga/ dngos kyi don dang/ de la rtsod pa spong ba/ shing
rta dang bdag gi tha snyad rnams dpe don du sbyar ba/ brten nas
btags pa'i bdag

khas len pa'i yon tan gzhan bstan pa/ mkhas rmongs kyi 'ching
grol gyi gzhi'i bdag ngos bzung ba'o/ dang po ni/ rnam dpyad med
par 'jig rten nyid las 'dir/ rang gi yan lag brten nas 'dogs

@092b pa yin/ zhes chos rnams dpyad nas mi 'jog par rang gi yan
lag gam cha shas la brten nas 'jog par bshad na/ 'o na de ltar
'jog pa'i rgyu mtshan dang dgos pa gang zhe na/ de 'chad pa la/
rnam bdun

gyis med zhes sogs rkang pa bzhi gsungs/ shes bya chos can/ dbu
ma pa'i skabs 'dir shing rta de'i grub tshul ni ma btags ma dpyad
pa'i sgo nas 'jog pa de bzhin du 'dod par bya ste/ grub tshul de

shes na kun rdzob 'thad par ma zad rnal 'byor pa de kho na nyid
la'ang bde blag tu 'jug par 'gyur ba de'i phyir/ der thal/ rang
bzhin gyis yod na btags don btsal ba'i tshe rnyed dgos pa las
rnam

pa bdun gyis btsal ba'i tshe med pa'i shing rta gang yin pa de/
rang gi yan lag dang rang bzhin gyis grub pa'i gcig dang tha dad
sogs ji lta bur yod ces btsal ba'i tshe rnal 'byor pas shing rta
'di'i yod

tshul mi rnyed pa'i phyir/ khyab ste/ btags don btsal bas mi
rnyed pa de'i tshe shing rta'i de kho na nyid rnyed pa yin pa'i
phyir/ de yang/ dgag bya legs par ngos bzung nas/ rnal 'byor pas
thog mar

gang zag shing rta'i dpe'i sgo nas brtags don 'tshol zhing btsal
bas ma rnyed pa na gang zag gi gnas lugs rnyed pa yin la ma
rnyed pas med par 'jog na kun rdzob brlag par 'gyur ro/ des na
yod

tsam dang rang bzhin gyis yod pa gnyis las ma 'das pas btags
tsam ma yin pa'i yod pa ni khegs des na btags tsam du yod par
'jog dgos so/ 'jog tshul 'di shes na don

@093a @#/ /dam rtogs pa'i yon tan yod par ma zad/ kun rdzob nyams
pa'i skyon las grol bas nges par 'di khas blang bar bya'o/ zhes
mgrin pa bsal nas smra bar byed do/ /gnyis pa ni/

kho na re/ rnam bdun gyis med gang de ji lta bur yod ces rnal
'byor pas 'di'i yod mi rnyed/ zhes shing rta brtags don btsal
ba'i tshe mi rnyed pas rang bzhin med par bshad pa yin du chug
mod/ de

lta na'ang/ shing rta'i yan lag rang bzhin gyis yod de/ de mngon
sum du dmigs pa'i phyir zhe na/ de 'gog pa la/ shing rta yod
nyid zhes sogs rkang pa bzhi gsungs/ shes bya chos can/ shing

rta rang bzhin gyis yod pa nyid min na de'i tshe shing rta de'i
yan lag kyang rang bzhin gyis med par grub ste/ yan lag can gyi
shing rta rang bzhin gyis med pa'i phyir/ khyab ste/ stong nyid
rtogs pa'i

blo gros gyi mes yan lag can gyi shing rta rang bzhin gyis grub
pa bsregs pa ste med par mthong ba na/ shing rta'i yan lag rnams
rang bzhin gyis med par mthong dgos pa'i phyir/ dper na/

shing rta phyi rol gyi mes tshig na de'i yan lag rnams kyang tshig
nas med dgos pa bzhin no/ ! gsum pa shing rta dang bdag gi tha
snyad rnams dpe don du sbyar ba ni/ rang gi yan lag brten nas

'dogs pa yin zhes dpe shing rta rang gi yan lag la brten nas
'dogs pa la bshad na des ci zhig bya zhe na/ de'i lan 'chad pa
la/ de bzhin 'jig rten zhes sogs rkang pa bzhi gsungs/

@093b shes bya chos can/ shing rta rang gi yan lag la brten nas
btags pa de bzhin du 'jig rten la grags pa'i sgo nas nye bar len
pa'i phung po lnga dang khams drug dang de bzhin du skye mched
drug la brten nas

bdag kyang nye bar len pa po nyid du btags pa tsam du 'dod de/
bdag ni phung khams skye mched de dag la brten nas 'dogs par
gsungs pa'i phyir/ shes bya chos can/ nye bar len pa'i phung po
lnga

ni bdag gi las yin la/ bdag 'di ni phung po rnams kyi byed pa
po'ang yin te/ shing rta'i yan lag dang shing rta byed pa por
grub pa gang zhig /de bdag la'ang mtshungs pa'i phyir/ /bzhi pa
brten nas

btags pa'i bdag khas len pa'i yon tan gzhan bstan pa ni/ 'o na/
brten nas btags pa'i bdag khas blangs pa la yon tan ji lta bu
yod ce na/ de 'chad pa la/ dngos yod min phyir zhes

sogs rkang pa bzhi gsungs/ shes bya chos can/ bdag 'di ni brtan
pa min zhing mi brtan pa nyid du'ang rang bzhin gyi grub pa ma
yin te/ bdag 'di ni skye 'jig can du'ang rang bzhin gyis

grub pa ma yin no/ bdag 'di la ni rtag pa nyid dang sogs kyis
bsdus pa mi rtag pa dang/ gnyis ka la sogs pa bzhi yang rang
bzhin gyis yod pa ma yin zhing/ bdag de phung po dang de nyid

ste gcig dang gzhan nyid du'ang rang bzhin gyis med de/ bdag de
ni dngos po ste rang bzhin gyis yod pa ma yin pa'i phyir/ khyab
ste/ khyad gzhi med na/ khyad chos med dgos pa'i phyir/

@094a @#/ /'o na/ 'di'i brtan mi brtan rtag mi rtag gi khyad par
gang zhe na/ brtan mi brtan ni 'jig rten gyi tha snyad dang
bstun pa yin la/ rtag mi rtag dang skye 'jig sogs ni gsungs rab

las bshad tshod kyi dbang du byas par bdag gi bla ma dam pas
gsungs so zhes 'byung ngo/ rang 'grel du/ bdag brtan na tshe snga
ma'i khyad par gyi bdag tshe 'dir yod dgos pa dang/ mi

brtan na bdag phung por thal ba sogs kyang gsungs so/ /lnga pa
mkhas rmongs kyi 'ching grol gyi gzhi'i bdag ngos bzang ba ni/
btags don btsal ba'i bdag gi ngo bo dang khyad chos sogs gang

yang ma grub na/ 'o na/ 'ching grol gyi gzhir gyur pa'i bdag de
ji lta bu yin zhe na/ de 'chad pa la/ gang la rtag tu zhes sogs
rkang pa bzhi gsungs/ mi la sogs pa de ni chos can/

rtags don btsal bas med kyang med pa ma yin te/ ma brtags ma
dpyad pa'i 'jig rten la grags pa'i ngor gti mug ste mi shes pa
la grub pa yin gyi rang gi ngo bos grub pa'i tshad mas dmigs

ma yin pa'i phyir/ 'di'i gti mug ni 'jig rten pa'i rgyud kyi
nga'o snyam pa'i tha snyad pa'i tshad ma la byed pa yin pas gti
mug mtshan nyid pa min no/ de la gti mug zhes brjod pa'i rgyu

@094b mtshan yod de/ de kho na nyid ma rtogs pas de ltar brjod
pa'i phyir/ /gnyis pa bdag gi ba rang bzhin gyis grub pa dgag pa
ni/ kho na re/ bdag rang bzhin gyis med kyang bdag gi ba

rang bzhin gyis yod do zhe na/ de 'gog pa la/ gang phyir byed po
zhes sogs rkang pa bzhi gsungs/ shes bya chos can/ rang bzhin
gyis grub pa med pa bdag gi ba rang bzhin gyis

grub pa yod pa ma yin te/ rgyu mtshan gang gi phyir na byed pa po
rdza mkhan med pa can yin na las su bya ba rdza bum yang med
dgos pa de'i phyir/ des na bdag dang bdag gi ba rang bzhin gyis
grub

pas stong par lta zhing goms par byed pa'i rnal 'byor pa de
'khor ba las myur du grol bar 'gyur te/ bdag dang bdag gi ba
rang bzhin gyis grub par 'dzin pa ni 'khor ba'i rtsa ba yin pa
de'i

phyir/ /gsum pa bdag dang shing rta'i dpyad pa dngos po gzhan la
bsgre ba bstan pa la gsum/ bum snam sogs kyi dngos po la bsgri
ba/ rgyu dang 'bras bu'i dngos po la bsgri ba/ de la gzhan

gyis rtsod pa spong ba'o/ dang po ni/ sngar gyi rnam bdun gyi
rigs pa de rnams bum snam sogs kyi chos thams cad la rigs 'dres
nas shes par bya'o zhes 'chad pa la/ bum pa snam bu re lde

zhes sogs tshigs bcad gnyis gsungs/ don ni bum pa dang/ snam bu
dang/ re lde dang/ dmag dang/ nags tshal dang/ phreng ba/ ljon
shing dang/ khang khyim dang/ shing rta phran dang/

@095a @#/ /mgron gnas la sogs pa'i dngos po rnams gang dag dang
bum sogs de bzhin te de lta bu'i rigs can gyi dngos po ming gang
dag gi sgo nas skye bo 'dis bsnyad pa ste tha snyad btags

pa de rnams kyang shing rta ltar ma brtags par grub pa rtogs par
bya dgos te/ rgyu mtshan gang gi phyir na thub pa'i dbang po de
ni 'jig rten pa dang lhan cig mi mthun pa'i rtsod pa mi mdzad

par 'jig rten na gang yod pa de zhal gyis bzhes pa'i phyir ro/
'o na/ de bzhin gang dag sgo nas skye 'dis bsnyad pa de rnams
rtogs bya ste/ zhes bshad na de lta bu'i dngos po de gang zhe
na/

bum pa yan lag can dang/ gyo mo sogs de'i yan lag dang bum pa
yon tan can dang/ me ris sngo bsang sogs de'i yon tan dang/ yul
yid du 'ong ba la chags pa'i sems can ni 'dod

chags can dang yul de la dmigs nas lhag par sred pa ni 'dod
chags dang bum pa mtshan gzhi dang/ lto ldir ba mtshan nyid dang/
me sregs byed dang/ bud shing sreg bya yin pa sogs

don gang dag snga phyi sbyar na de rnams chos can/ de kho na
nyid la dpyod pa'i rigs pas dpyad nas bzhag par bya ba ma yin
te/ sngar shing rta'i rnam dpyad byas pa ltar rang rang gi

brtags don rnam pa bdun du btsal bas yod pa ma yin zhing/ btsal
ba de las gzhan du gyur pa ma dpyad par 'jig rten grags pa'i sgo
nas yod pa yin pa'i phyir/ ! gnyis pa ni/

@095b yan lag dang yan lag can du ma zad rgyu 'bras rnams kyang
phan tshul ltos nas grub pa yin no zhe na 'chad pa la/ gal te
rgyu yis bskyed par zhes sogs sho lo ka gsum gsungs/

shes bya chos can/ rgyu 'bras gnyis kyang phan tshun ltos pa'i
sgo nas grub pa yin te/ gal te rgyu yis bskyed par bya ba rang
gi 'bras bu skyed pa de lta na skyed byed de rgyur 'jog

pa yin zhing/ gal te rgyus rang gi 'bras bu mi bskyed na ni
rgyus rang 'bras skyed pa de med pas skye bya skyed byed gnyis
rgyu 'bras so sor 'jog pa'i rgyu mtshan med pa can du 'gyur la/

'bras bu ni rang gi rgyu yod par gyur na de las skye bar 'gyur
bas 'bras bur 'jog pa de'i phyir/ rgyu 'bras phan tshun ltos nas
grub tsam yin gyi rang bzhin gyi ma grub te/ gal

te rang bzhin gyis grub na rgyu 'am 'bras bu gang la ltos nas
gang zhig grub par 'gyur ba de gnyis las gang yang rung ba zhig
snga bar grub dgos pa gang zhig rang bzhin gyis

grub par 'gyur ba de smos shig ste smra dgos na smra rgyu med
pa'i phyir/ de la rang bzhin gyis grub pa la rgyu snga bar mi
rigs te/ rgyu'i dus su rgyu'i ltos pa 'bras bu med pa'i phyir/

khyab ste/ ltos nas rang bzhin gyis grub na dus thams cad du
ltos grub yin dgos pa'i phyir/ 'bras bu snga bar yang mi rigs
te/ de ltar na 'bras bu rgyu med du 'gyur

@096a @#/ /ba'i phyir/ gzhan yang/ rgyus 'bras bu rang bzhin gyis
skyed na 'bras bu dang phrad nas skyed dam/ 'on te ma phrad par
rang bzhin gyis skyed/ dang po ltar na/ rgyu 'bras de dag

nus pa gcig tu 'gyur bar thal/ gal te khyod kyi lugs la rgyu yis
'bras bu dang phrad nas skyed par byed pa de'i tshe ste de'i
phyir/ dper na/ rgya mtsho dang chu rlung phrad pa bzhin no/ 'dod
na/ skyed

byed rgyu dang/ skye bya 'bras bu gnyis tha dad med par 'gyur
bar thal/ 'dod pa'i phyir/ zhing ni 'og ma bsdud pa'o/ gnyis pa
ltar na/ 'bras bu'i rgyu 'di 'bras bu'i rgyu min pa rnams dang

'bras bu skye mi skye la khyad par med par 'gyur bar thal/ rgyu
'bras gnyis so sor ma phrad par rgyus 'bras bu rang bzhin gyis
skyed pa'i phyir/ khyab ste/ rang bzhin gyis grub pa'i so so ba
yin na 'brel med don gzhan

gyis so so ba yin dgos pa'i phyir/ des na rgyu'i 'bras bu skyed
par rang bzhin gyis ma grub par thal/ rgyu 'bras phrad ma phrad
kyi 'bras bu gang yang rang bzhin gyis mi skye pa'i phyir/ khyab
ste/

rgyu 'bras rang bzhin gyis grub pa'i lugs la skye bya skye byed
la phrad ma phrad kyi rtog pa gnyis po 'di dag spangs nas der ma
gtogs pa'i rgyus rang bzhin gyis skyed pa rtog pa gsum

pa gzhan yang yod par 'gyur ba ma yin pa'i phyir/ rgyus 'bras bu
bskyed par rang bzhin gyis med kyang rgyu 'bras gnyis rang bzhin
gyis yo do/ 'bras bu zhes bya ba de rang

@096b bzhin gyis yod pa ma yin te/ ci ste khyod kyi ltar na rang
bzhin gyis grub pa'i rgyu yis 'bras bu skyed par mi byed pa de'i
phyir/ khyab ste/ rgyu med kyi 'bras bu mi srid pa'i phyir/ de
ma zad

rgyu yang rang bzhin gyis yod pa ma yin te/ 'bras bu rang bzhin
gyis med pa gang zhig rgyu 'bras dang bral na rgyu ni rgyu nyid
du 'jog pa'i rgyu mtshan med pa can du 'gyur ba de'i phyir/

kho na re/ rgyu 'bras rang bzhin gyis grub na phrad ma phrad la
brtag pa'i sngar gyi skyon de yod la rgyu 'bras rang bzhin gyi
med na'ang med par 'gyur bas chad pa'i skyon yod pas/ khyod

kyi lugs la rgyu 'bras 'jog tshul ji ltar yin zhe na/ kho bo cag
la skyon dang po med de/ ji ltar yin zhe na/ dbu ma pa dag la ji
skad bshad pa'i rgyu 'bras phrad ma phrad la brtag pa'i

skyon du mi 'gyur te/ rgyu mtshan gang gi phyir na kho bo cag gi
lugs la rgyu 'bras 'di dag gnyis char yang ni sgyu ma dang gzugs
brnyan dang 'dra bar rang bzhin gyis med pa de'i

phyir/ skyon gnyis pa yang med de/ bdag dbu ma pa'i lugs la 'jig
rten na grags pa'i dngos po rgyu 'bras dang shing rta la sogs pa
rnams kyang btags don 'tshol mi dgos

pa tha snyad du yod pa'i phyir/ /gsum pa de la gzhan gyis rtsod
pa spong ba la gnyis/ rgyu 'bras rang bzhin gyis grub pa 'gog pa
la skyon mtshungs pa'i rtsod pa/ rang la skyon mi@098a @#/ /mtshungs pa'i lan
bstan pa'o/ dang po la/ kho na re/
rgyu 'bras phrad ma phrad la brtag pa'i sgo nas rgyas 'bras bu
rang bzhin gyis skyed pa 'gog pa'i tshul de ni/ khyod

dbu ma pa'i sun 'byin gyis rgyu 'bras rang bzhin gyis grub par
dam bca' ba'i dngos smra ba'i dam bca' sun 'byin 'dod pa la yang
mtshungs pas sun 'byin de skyon can yin no/ ji ltar

mtshungs na/ khyod dbu ma pa'i sun 'byin 'dis sun dbyung bya
dngos smra ba'i dam bca' dang phrad nas sun 'byin pa yin nam/
'on te ma phrad pa yin zhes brtag pa'i nyes pa 'di ni khyod dbu
ma

pa'ang 'gyur ba ma yin nam ste 'gyur ba yin par thal/ phrad nas
sun 'byin na de gnyis gcig tu 'gyur bas gang gis gang zhig sun
'byin par byed/ ma phrad par sun 'byin na ni ma

phrad par mtshungs pa thams cad thams cad kyang sun 'byin par
'gyur bas mi rigs shing/ brtag pa gnyis po 'di dag spangs nas
brtag pa gsum pa gzhan yang med pa de'i phyir/

dbu ma pa khyod kyi sun 'byin sun dbyung bya dngos smra ba'i dam
bca' sun 'byin par nus par ma yin par thal/ gang gi tshe sun
'byin ltar snang de skad smra zhing des ni rang phyogs kho na
rnam par

'joms pa de'i tshe ste de'i phyir/ 'dod na/ rgyu 'bras rang bzhin
gyis grub par thal/ 'dod pa'i phyir/ gzhan yang dbu ma pa khyod
ni skye bo dam pas bzhed par mi 'gyur ba ste/ @098b dam pas
smrad par rigs pa'i chad lta can du thal/ rgyu mtshan gang gi
phyir na dbu ma pa khyod rang gi smras pas tshig la'ang tshur
bzlog nas thal ba mtshungs pa'i lhag chod kyi sun 'byin ltar

snang brjod pa'i sgo nas/ rigs pa med pa'i dam bca' ma phrad na
rgyu 'bras ma yin par khas blangs nas bya byed kyi dngos po
mtha' dag la skur ba 'debs pa de'i phyir/ rig pa med

tshul ni/ dper na khab len dang mig gis ma phrad kyang rung ba'i
yul na lcags len cing gzugs mthong gi yul thams cad la bya ba mi
'jug pa bzhin du rgyus kyang 'bras bu ma phrad par skyed

kyang rigs mthun 'ga' zhig skyed kyi thams cad mi skyed do/ shes
bya chos can/ dbu ma pa khyod ni chad lta tsam du ma zad sun
'byin ci phyin du smra ba'i rgol ba po 'ang yin te/ rang phyogs
bzhag te

med par gzhan phyogs 'gog pa 'ba' zhig la zhugs pa'i rgol ba yin
pa'i phyir zhes kho'i rtsod pa de 'chad pa la/ sun 'byin 'dis
sun dbyung bya zhes sogs sho lo ka gnyis gsungs/ gnyis

pa la bzhi/ rang phyogs la sun 'byin dang sgrub pa 'thad tshul/
gzhan gyi thal ba mi mtshungs pa'i rgyu mtshan gsal bar bshad pa/
rang bzhin med pa sgrub nus pa bzhin du gzhan gyis bzlog ste
sgrub

mi nus pa/ 'dir ma bshad pa'i sun 'byin lhag ma shes par byed
tshul lo/ dang po la gnyis tha snyad du gzhan phyogs sun 'byin pa
khas len tshul dang/ rang gi phyogs sgrub pa khas len tshul lo/

@099a @#/ /dang po ni/ gong gi kho'i rtsod pa de rnams 'gog pa la
sun 'byin pas sun dbyung bya zhes sogs sho lo ka gcig gsungs/
shes bya chos can/ sun 'byin gyis sun dbyung bya de phrad nas
sun

'byin nam/ 'on te ma phrad par sun 'byin zhes brtag nas phyogs
gnyis ka la skyon bstan pa'i thal bar 'gyur ba 'di ni bdag dbu
ma pa la 'jug pa srid pa ma yin te/ dbu ma pas sun 'byin bas

sun dbyung bya dngos smra ba'i dam bca' dang phrad nas sun 'byin
par byed dam/ 'on te ma phrad par sun 'byin pa yin zhes sngar
smras zin pa'i nyes pa ni 'dir rgol ba gang la nges par phyogs
yod pa ste rang bzhin

gyis grub pa'i don dam bca' ba de la skyon du 'gyur gyi bdag dbu
ma pa la rang bzhin gyis grub pa'i don dam bca' ba'i phyogs 'di
ni yod pa ma yin pa des na'i phyir/ mdor na/ rang

bzhin gyis grub pa khas len pa'i phyogs la phrad ma phrad dpyad
nas gnod byed 'jug la/ de khas mi len pa'i phyogs la dpyad pa de
mi 'jug pas mi mtshungs zhes pa'o/ gnyis pa ni/ tha snyad du
gzhan

phyogs sun 'byin pa'i rnam gzhag 'thad par ma zad rang phyogs
sgrub pa'i rnam gzhag kyang 'thad do zhes 'chad pa la/ ji ltar
khyod kyis zhes sogs sho lo ka gnyis gsungs/

shes bya chos can/ bden par med pa la/ rtags dang rtags can gyi
rnam gzhag 'thad pa'i dpe yod de/ ji ltar ste/ dpe na/ khyod
kyis ltar na yang chu nang gi nyi ma dang me long nang gi gzugs
brnyan

@099b mthong ba la brten nas/ nam mkhar nyi ma'i dkyil 'khor
dang byad bzhin la yod pa'i khyad par rnams nyi ma gzas bzung ba
dang/ byad bzhin la nag nog chags pa la sogs pa rnams gang gi
tshe mthong bar

'gyur ba de'i phyir/ gzugs brnyan gnyis po de chos can/ brtags
don btsal ba'i tshe med kyang tha snyad tsam du yod de/ nyi ma
dang byad bzhin dang ni de dag gi gzugs brnyan rnam par phrad pa
dang ma phrad par skye zhe

btags don btsal ba na skye ba mi rigs mod kyi/ 'on kyang/ nyi ma
dang byad bzhin la brten nas tha snyad kyi dbang gis bzhag pa'i
gzugs brnyan tsam zhig 'byung bar 'gyur bsnyon du med pa'i
phyir/ phyi ma 'di

bden med la skye bya skye byed 'thad pa'i dpe yin no/ dpe de
bzhin du dpe don sbyar nas bsgrub pa ni/ don gyi skabs 'dir yang
chos can/ bdag med la sun 'byin gyi bya byed 'thad de/ phyogs
snga dang thal 'gyur rang

bzhin gyis stong yang thal 'gyur gyi phyogs snga ma bkag nas
phyi rgol gyi shes rab gdong pa dang 'dra ba thal/ log rtog gi
dri ma sbyang bar bya ba la nus pa mthong bar 'gyur ba de'i
phyir/ dper na byad bzhin gyi

gzugs brnyan mi bden bzhin du de la brten nas rang gi byad bzhin
la yod pa'i nag nog bsal te byad bzhin mdzes par bsgrub par bya
ba'i phyir du bya ba byed pa byad bzhin gzugs brnyan de la nus
pa

yod pa ji lta ba bzhin no/ shes bya chos can/ bdag med la rtags
dang rtags can gyi bya byed 'thad de/ rten 'brel sogs kyi gtan
tshigs ni rang bzhin gyis grub pa'i 'thad pa dang bral ba yin
kyang/ rten 'brel sogs

@100a @#/ /kyi rtags las rang gi sgrub bya bden med rtogs pa yod
ces shes par bya ba yin pa'i phyir/ dper na/ chu'i nang du nyi
ma'i gzugs brnyan la brten nas mkhar nyi ma'i khyad par mthong
ba 'gyur ba de

bzhin no/ gnyis pa gzhan gyi thal ba mi mtshungs pa'i rgyu mtshan
gsal bar bshad pa ni/ kho na re/ gzhan gyi thal ba mi mtshungs pa
gzhung gong ma rnams su bshad na/ 'o na/ de mi mtshungs pa'i rgyu
mtshan gang zhe na/

de 'chad pa la/ gal te rang gi sgrub bya zhes sogs rkang pa bzhi
gsungs/ dngos smra ba chos can/ ma dag pa'i phyogs la bkod pa'i
skyon dag pa'i phyogs la khyod kyis bkod pa 'di ni kho bo cag la
don med pa'am

gnod byed ma yin pas khyod kyi 'chad pa ste yid 'byung ba 'ba'
zhig yin te/ gal te rang gi bsgrub bya go bar byed pa'i gtan
tshigs kyi dngos po ste ngo bo rang bzhin gyis grub pa dang/ gtan
tshigs

kyis dngos su go bar bya ba nyid 'gyur ba sgrub bya'i ngo bo'ang
rang bzhin gyis yod par gyur na/ bsgrub bya dang sgrub byed
phrad pa dang la sogs pas ma phrad par bsgrub pa gang yin zhes
brtag pa'i rigs pa nye bar sbyor bar

'gyur ba rigs pa zhig na'ang/ kho bo cag gi lugs la go bya go
byed de yang rang bzhin gyis yod pa ma yin pa des na'i phyir/
'dis ni mig dang khab len gyis ma phrad par bya ba byed pa yang
bkag go/ gsum pa/

rang bzhin med par sgrub nus pa bzhin du gzhan gyi bzlog ste
sgrub mi nus pa ni/ kho na re/ rgyu 'bras phrad ma phrad la
brtag pa'i skyon de rnams khyod kyi sun 'byin dang gtan tshigs la
yang 'jug ste/ dngos po rang

@100b bzhin gyis rigs pas bsgrub nus pa'i phyir zhe na/ de'i lan
'chad pa la/ dngos rnams mtha' dag dngos po zhes sogs rkang pa
bzhi gsungs/ snga rgol dbu ma pas phyi rgol dngos smra ba la
dngos po rnams mtha'

dag dngos po med pa ste rang bzhin med par rtogs su gzhug par ni
nus par ches sla la/ de sla ba ji lta ba de ltar snga rgol dngos
smra bas phyi rgol dbu ma pa gzhan dag la dngos po rang bzhin
gyis grub pa khong du chud

par byed pa na bde blag tu nus pa ma yin te/ snga rgol dbu ma pa
gnyis ka la grags pa'i rang bzhin med pa'i dpe bstan du yod la/
dngos smra bas snga rgol byas pa'i tshe gnyis ka la grags pa'i
rang

bzhin gyis grub pa'i dpe bstan du med pa'i phyir/ des na dngos
smra ba chos can/ khyod 'dir su zhig gis bcol ba ste sbad nas
'jig rten rnams rang gi nyon mongs lhan skyes kyi rnam rtog ngan
pa'i sbubs

kyis gtum pa'i steng du slar yang khyod kyis dngos po bden grub
tu sgrub pa'i rtags dang dpe ltar snang gi rtog ge ngan pa'i dra
ba ste srad bus bcings te 'ching bar ci ste phyed byed mi rigs
par thal/ rang gzhan

la phan pa sgrub rigs kyi gnod pa byed mi rigs pa'i phyir/ don
bsdu na/ 'jig rten pa rnams nyon mongs lhan skyes kyis gzir ba'i
steng du kun btags bsnan nas ma spel zhig ces pa'i don no/ bzhi
pa

'dir ma bshad pa'i sun 'byin lhag ma shes par byed tshul ni/ 'o
na/ sngar bdag med gnyis rgyas bshad kyi skabs su dngos smra ba
la ma bshad pa'i sun 'byin lhag ma rnams ji ltar shes par bya
zhe na/ de 'chad

@101a @#/ /pa la/ sun 'byin lhag ma gong du zhes sogs rkang pa
bzhi gsungs/ shes bya chos can/ sngar bdag med gnyis rgyas par
bshad pa'i skabs su dngos smra ba la sun 'byin bshad pa'i lhag
ma rgyu

'bras phrad ma phrad brtag nas 'gog pa'i sun 'byin gong du bstan
pa yang ni shes par byas nas rgyu 'bras phrad pa dang la sogs
pas ma phrad par brtag nas bkag pa'i phyogs kyi lan gyi ched du/
pha rol

pos sun 'byin la phrad ma phrad brtag nas skyon mtshungs par
brjod pa'i skabs 'dir de'i brtag pa rang la mi mtshungs pa'i rgyu
mtshan bshad ma thag pa 'dis mtshon nas sun 'byin gzhan yang rgya
chen gtong

bar bya ste rang bzhin med par 'dod pa'i phyogs btags don btsal
ba'i dpyad pa mi 'jug pa'i phyir/ dbu ma pa chos can/ khyod
gzhan phyogs dgag pa tsam yin gyi rang phyogs sgrub rgyu med
pa'i sgo nas sran ci phyin

du byed pa'i rgol ba po yin pa'i nyes pa yang ji ltar yod pa ma
yin te/ khyod kyi bstan bcos su dgag sgrub legs par byas nas lam
gtan la phab pa ni gdul bya thar pa thob pa'i ched du yin gyi
rtsod

pa lhur len tsam gyi ched du ma yin pa sngar bshad zin pa'i
phyir/ tha snyad du rang phyogs yod cing don dam par gzhan
phyogs mi sel ba'i phyir/ skabs 'dir dngos smra ba'i rtsod pa mi
'jug pa'i tshul bstan pa

'di nyid kyis chos can/ dgos pa gzhan yang yod de/ dngos smra
bas dngos su bkod pa'i rtsod pa'i lhag ma dngos su ma bkod pa'i
rtsod pa gzhan la yang phan lan 'debs tshul dang tshur sun mi 'jug
pa'i

@101b tshul rnams de skad de de ltar sngar bshad ma thag pa'i
phyogs 'dis mtshon nas rtogs par bya ba'i ched yin pa'i phyir/
gnyis pa de grub pa'i stong nyid kyi rab dbye bshad pa la gnyis/
stong nyid kyi dbye ba mdor

bstan pa/ phye ba so so'i don rgyas par bshad pa'o/ dang po ni/
de ltar gzhung gong ma rnams su mtha' bzhi skye 'gog dang/ rnam
bdun gyi rigs pas bdag med pa'i stong nyid rgyas par gtan la
phabs pa

la/ 'o na/ de lta bu'i bdag med phra mo de la dbye na ji tsam
yod ces na/ de 'chad pa la/ bdag med 'di ni zhes sogs rkang pa
brgyad gsungs/ rang bzhin gyis stong pa'i bdag med 'di ni chos
can/ mdor

bsdu na rnam pa gnyis su yod de/ ston pa bcom ldan 'das kyi
stong gzhi chos cang gang zag gi dbye bas rnam pa gnyis gsungs
pa'i phyir/ 'o na/ de ltar gsungs pa'i dgos pa gang zhe na/ ston
pas de

ltar gsungs pa la chos can/ dgos pa yod de/ theg pa che chung gi
'gro ba rnams sgrib gnyis kyi 'ching ba las rnam par grol bar
bya ba'i ched yin pa'i phyir/ stong nyid mdor bsdus nas bstan
pa'i dgos

pa de ltar yin na/ rgyas par bshad pa'i dgos pa gang zhe na/
sngar de ltar gsungs pa'i bdag med gnyis po 'di ni chos can/
ston pas slar yang gdul bya rnams la phye ste rnam pa mang por
gsungs pa

de la dgos pa yod de/ gdul bya gdul bya'i phyir du skal ba dang
'tsham par de ltar phye ba'i phyir/ 'o na/ gdul bya rnams la phye
ste rnam mang gsungs/ zhes bshad na/ rnam pa mang po ji ltar
gsungs zhe

@102a @#/ /na/ bdag med de gnyis la gnyis las mang bar phye nas
gsungs pa yin te/ bsam pa sna tshogs pa'i gdul bya'i ngor rnam pa
mang po'i sprod pa dang bcas te/ nang stong pa nyid nas dngos po
med pa'i ngo

bo nyid stong pa nyid kyi bar bcu drug tu bshad nas/ slar yang
mdor bsdus te/ dngos po stong pa nyid dang/ dngos po med pa
stong pa nyid dang/ rang bzhin stong pa nyid dang/ gzhan gyi
dngos po stong pa nyid dang/ bzhir bshad

pa'i stong nyid nyi shu po de dag ni theg chen gyi mdo'i don du
yang bzhed pa yin pa'i phyir/ der thal/ de dag ston pa'i mdo sde
theg chen gyi mdo yin pa'i phyir/ /gnyis pa/ phye ba so so'i don
rgyas par bshad pa la gnyi stong

nyid bcu drug tu dbye ba rgyas par bshad pa/ stong nyid bzhir
dbye ba rgyas par bshad pa'o/ dang po la bzhi/ nang stong pa
nyid la sogs pa bzhi bshad pa/ chen po stong pa nyid la sogs pa
bzhi bshad pa/ mtha' las 'das pa

stong pa nyid la sogs pa bzhi bshad pa/ chos thams cad stong pa
nyid la sogs pa bzhi bshad pa'o/ dang po la gnyis/ nang stong pa
nyid bshad pa dang/ stong nyid lhag ma gsum bshad pa'o/ dang po
ni/ spros dang bcas pa'i

stong pa nyid bcu drug bshad na/ 'o na/ stong nyid bcu drug po
de ji ltar yin zhe na/ de 'chad pa la/ gang phyir de yi zhes pa
nas de skad rab tu zhes pa'i bar gsungs/ de yang nang stong pa
nyid 'chad pa la/ gang phyir de yi

zhes sogs rkang pa dgu gsungs/ shes bya chos can/ mig ni mig
rang gi ngo bo nyid kyis grub pas stong ste/ rgyu mtshan gang gi
phyir na mig de yi rang bzhin ni mig ngo bo nyid kyi grub pas
stong pa de yin pa'i phyir/

@102b mig de bzhin du rna ba dang/ sna dang lce dang lus dang
yid kyang chos can/ bden pas stong par bsnyad par bya ste/ khyod
bden pa stong pa khyod kyi rang bzhin yin pa'i phyir/ rtags snga
phyi gnyis ka grub ste/ mig sogs de dag don

dam par ther zug ste rtag par gnas pa ma yin pa dang/ 'jig pa mi
rtag par bden pa ma yin pa nyid kyi phyir ro/ mig la sogs pa
nang gi skye mched drug po rang bzhin med pa nyid gang yin pa de
ni chos can/ nang stong pa

nyid du 'dod de/ stong gzhi nang gi skye mched bden pas stong
pa'i stong nyid yin pa'i phyir/ ther zug ces pa'i rkang pa gnyis
lhag ma kun la sbyar bar bya zhing/ don ni/ rtag mi rtag gang du
yang mi bden zhes pa'o/

/gnyis pa ni/ 'o na/ nang stong pa nyid de ltar yin na/ phyi
stong pa nyid sogs ji ltar yin zhe na/ de 'chad pa la/ gang
phyir de yi zhes sogs tshigs bcad bzhi gsungs/ shes bya chos can/
gzugs ni gzugs rang gi ngo bo

nyid kyis grub pa stong ste/ rgyu mtshan gang gi phyir na gzugs
de yi rang bzhin ni gzugs ngo bo nyid kyis grub pas stong pa de
yin pa'i phyir/ gzugs de bzhin du sgra dang dri ro rig bya dang
chos rnams kyang chos can/

bden pa stong ste/ khyod bden pa stong pa khyod kyi rang bzhin
yin pa'i phyir/ gzugs sogs phyi yi skye mched drug rang bzhin
gyis med pa nyid chos can/ phyi rol stong pa nyid du 'dod de/
stong gzhi phyi'i skye mched bden pas

stong pa'i stong nyid yin pa'i phyir/ dbang rten khog pa chos
can/ khyod la phyi nang gnyis car zhes bya ste/ shes rgyud gyis
bsdus pas nang dang dbang pos bsdus pas phyi yin pa'i phyir/ de
'dra'i phyi nang gnyis car rang@0103a @#/ /bzhin gyi med pa nyid ni chos can/
phyi stong pa
nyid yin te/ stong gzhi phyi nang gnyis ka bden pa stong pa'i
stong nyid yin pa'i phyir/ phyi nang gi chos rnams rang bzhin
gyis med pa nyid chos can/ khyod la

mkhas pa stong pa nyid ces bsnyad pa yin te/ phyi nang gi chos
rnams rang bzhin mthar thug yin pa'i phyir/ de 'dra'i stong
nyid de yang chos can/ stong nyid rang gi ngo bo nyid kyis
grub pas stong par 'dod pa yin te/ rtag mi

rtag gang rung du mi bden pa'i phyir/ stong nyid zhes bya ba'i
ngo bo bden pas stong pa gang yin pa de ni chos can/ stong pa
nyid 'dod te/ stong gzhi stong nyid bden pas stong pa'i stong
nyid yin pa'i phyir/ stong nyid bden stong

yum las gsungs pa la chos can/ dgos pa yod te/ stong nyid la
dngos po ste bden par 'dzin pa'i blo can gyi bden par 'dzin pa
bzlog par bya ba'i ched yin pa'i phyir/ gnyis pa chen po stong
pa nyid la sogs

pa bshad pa ni/ sems can snod kyi zhe sogs tshigs bcad drug
gsungs/ phyogs bcu po rnams chos can/ chen po nyid yin te/
sems can gyi 'jig rten dang snod kyi 'jig rten ma 'dus pa la
khyab par byed pa nyid yin pa'i

phyir dang/ khyod tshad med pa'i dpe yis khyod kyis khyab pa'i
sems can la dmigs pa'i byams sogs tshad med bzhi yang phan yon
mu dang mtha' ni med pa'i tshad med par bzhag pa'i phyir/ shar
la sogs pa'i phyogs

rnams kyi rang gi ngo bo nyid kyis grub pa stong pa'i stong
nyid gang yin pa de ni chos can/ chen po stong pa nyid yin te/
stong gzhi chen po bden pa stong pa'i stong nyid yin pa'i
phyir/ chen po stong pa nyid du gsungs

@0103b pa la chos can/ dgos pa yod te/ phyogs rnams la chen
por 'dzin pa bzlog par bya ba'i ched yin pa'i phyir/ mya ngan
las 'das pa'i chos sku de chos can/ don dam pa yin te/ thob
par bya ba'i dgos pa mchog tu

gyur pa'i grol ba yin pa'i phyir/ mya ngan las 'das pa de ni
de'i rang gi ngo bo nyid kyis grub pa stong pa nyid gang yin
pa de ni chos can/ don dam pa stong pa nyid yin te/ stong gzhi
don dam pa bden pas stong ba'i stong nyid yin

pa'i phyir/ don dam khyen pa'i sangs rgyas kyis don dam pa
stong pa nyid ni bstan par mdzad pa la chos can/ dgos pa yod
de/ myang 'das la dngos po ste bden par 'dzin pa'i blo can gyi
bden par 'dzin pa bzlog par

bya ba'i ched yin pa'i phyir/ khams gsum po chos can/ 'dus
byas yin par nges par bsnyad de/ rang gi rgyu rkyen las byung
ba'i phyir/ khams gsum po de ni rang bzhin gyis grub pas stong
pa'i stong nyid gang yin

pa de ni chos can/ 'dus byas stong pa nyid yin par gsungs te/
stong gzhi 'dus byas bden pa stong pa'i stong nyid yin pa'i
phyir/ nam mkha' chos can/ 'dus ma byas yin te/ khyod gang la
thog mar skye ba dang bar du

gnas pa dang tha mar 'jig pa'i mi rtag pa nyid kyi mtshan nyid
gsum po de dag med pa'i phyir/ 'dus ma byas de ni de'i rang
bzhin gyis grub pa stong pa'i stong pa nyid gang yin pa de ni
chos can/ 'dus ma byas stong

pa nyid yin te/ stong gzhi 'dus ma byas bden pa stongf pa'i
stong nyid yin pa'i phyir/ gsum pa/ mtha' las 'das pa stong pa
nyid la sogs pa bzhi bshad pa la/ gang la mtha' ni zhe sogs
tshigs bcad bdun

@0104a @#/ /gsungs/ rtag chad kyi mtha' dang bral de ni chos
can/ mtha' las 'das pa zhes bya bar brjod de khyod gang la
rtag chad kyi mtha' ni yod pa ma yin pa'i phyir/ mtha' bral de
ni de'i rang bzhin gyis grub pa kho

nas stong pa'i stong nyid de ni chos can/ mtha' las 'das pa
stong pa nyid du bsnyad de/ stong gzhi mtha' bral bden pa
stong pa'i stong nyid yin pa'i phyir/ 'khor ba de ni chos can/
thog ma dang tha ma med pa zhes

bya bar brjod de/ thog ma dang po'i mtha' dang tha ma phyi
ma'i mtha' de dag med pa'i phyir/ rmi lam lta bu'i srid pa 'di
chos can/ skye 'chi gcig nas gcig tu 'khor bar rang bzhin gyis
ma grub ste/ skye ba snga phyi'i

'gro 'ong rang bzhin gyis grub pa dang bral pa'i phyir/ srid
pa de'i ngo bo rang bzhin gyis grub pas bden pa nyid gang yin
pa de ni chos can/ thog ma dang mtha' ma med pa'i stong pa
nyid do zhes bstan bcos chen po

rgyal ba'i yum las ninges pa bsnyad de/ stong gzhi thog ma
dang mtha' ma med pa bden pas stong pa'i stong nyid yin pa'i
phyir/ theg chen gang yin pa de ni chos can/ dor ba med yin
te/ phar la bor nas gtong

ba med pa ste rang gi ngo bo 'ga' dang dus 'ga' yang mdor du
med pa ste dor du mi rung ba'i phyir/ khyab ste/ dor ba zhes
bya ba ni 'thor ba dang 'khor ba la nges par brjod pa'i phyir/
dor ba med pa de nyid kyis rang

bzhin gyi stong pa'i stong nyid gang yin p[a de ni chos can/
dor ba med pa'i stong pa nyid ces bya bar brjod de/ stong gzhi
dor ba med pa bden pas stong pa'i stong nyid yin pa de na'i
phyir/ shes bya chos can/ 'dus byas la sogs

@0104bpa nrams kyi ngo bo nyid dam chos nyid de ni skabs 'dir
rang bzhin nyid du bsnyad pa yin te/ rgyu mtshan gang gi phyir
na 'dus byas la sogs pa rnams kyi ngo bo nyid dam chos nyid de
ni slob ma nyan thos dang/ rang

sangs rgyas dang/ rgyal sras byang sems dang/ de bzhin bshegs
pa rnams kyis gsar du ma mdzad cing gdod ma nas de dag gi
gshis lugs su gnas pa de'i phyir/ rang bzhin de nyid kyis de
nyid rang bzhin gyis

stong pa'i stong nyid gang yin pa de ni chos can/rang bzhin
stong pa yin te/ stong gzhi rang bzhin bden pas stong pa'i
stong nyid yin pa'i phyir/ bzhi pa / chos thams cad stong pa
nyid la sogs pa bzhi bshad pa la gsum/

chos thams cad stong pa nyid dang/ rang gi mtshan nyid stong pa
nyid dang/ mi dmigs pa dang sngos po med pa'i ngo bo nyid
stong pa nyid bshad pa'o/ /dang po 'chad pa la/ khams bco
brgyad dang zhe sogs rkang pa drug

gsungs/ rten mig sogs dbang po'i khams drug dang/ brten pa mig
gi rnam shes sogs rnam par shes pa'i khams drug dang/ dmigs
yul gzugs sogs khams drug ste bco brgyad dang/ mig gi 'dus te
reg pa

nas yid kyi 'dus te reg pa'i bar reg pa drug dang reg pa de la
byung ba'i tshor ba drug dang/ gzugs can dang gzugs can ma yin
gnyis dang/ de bzhin du 'dus byas dang 'dus ma byas kyi chos
rnams chos can/

khyod la chos thams cad zhes brjod rung ste/ khyod la ma 'dus
pa'i chos 'ga' yang med pa'i phyir/ chos de dag thams cad kyis
de dag rang bzhin dben pa'i stong nyid gang yin pa de ni chos
can/ chos thams cad

@0105a@#/ /stong nyid yin te/ stong gzhi chos thams cad bden
pa'i stong pas stong nyid yin pa'i phyir/ gnyis pa la gsum/
mdor bstan dang rgyas par bshad pa/ don bsdu ba'o/ dang po ni/
gzugs

rung la sogs zhe sogs rkang pa gnyis gsungs/ gzugs kyi mtshan
nyid gzugs rung ba la sogs pa dngos po ste bden grub tu med pa
gang yin pa de ni chos can/ rang gi mtshan nyid stong pa nyid

yin te/ stong gzhi rang gi mtshan nyid bden pas stong pa'i
stong nyid yin pa'i phyir/ gnyis pa rgyas par bshad pa la
gsum/ gzhi'i chos dang/ lam gyi chos dang/ 'bras bu'i chos kyi
rang gi

mtshan nyid do/ /dang po ni gzugs rung la sogs dngos med gang
de ni rang mtshan stong pa nyid zhes bshad na/ 'o na/ gzugs
sogs kyi ngo bo nyid ji lta bu zhe na/ de 'chad pa la/ gzugs
ni gzugs rung zhes

sogs tshigs bcad gsum gsungs/ gzugs ni chos can/ gzugs su rung
ba'i mtshan nyid can yin te/ gzugs rung de khyod kyi rang gi
ngo bo yin pa'i phyir/ de yang yin te/ rnams bshad las/ rang
gi

mtshan nyid 'di rnams don ldog yinpas nges pa med par rang rang
gi rang bzhin ma tshon pa'i gtso bo smos pa'o/ /zhes gsungs
pa'i phyir/ tshor ba ni chos can/ bde sdug gtang snyoms gsum
myong ba'i bdag

nyid can yin te/ de khyod kyi rang gi ngo bo yin pa'i phyir/
phyi nang gi yul gyi mtshan ma ste khyad par 'dzin pa'i blo ni
chos can/ 'du shes kyi mtshan nyid yin te/ de'i rang gi ngo bo
yin pa'i phyir/ phung po bzhi

@0105b las gzhan pa'i rang 'bras mngon par 'du byed pa chos
can/ 'du byed kyi rang gi mtshan nyid yin te/ de'i rang gi ngo
bo yin pa'i phyir/ gzugs sgra la sogs pa'i yul la so sor rnam
par rig pa chos

can/ rnam shes kyi rang gi mtshan nyid yin te/ de'i rang gi ngo
bo yin pa'i phyir/ sdug bsngal ba chos can/ zag bcas kyi phung
po'i rang gi mtshan nyid yin te/ de'i rang gi ngo bo yin pa'i
phyir/

sbrul gdug pas gzhan la bzung nas gnod pa skyel ba dang 'dra
ba'i sems can rnams 'khor bar 'dzin pa ni chos can/ 'khor bas
bsdus pa'i khams kyi bdag nyid dam mtshan nyid du 'dod de/

de'i rang gi ngo bo yin pa'i phyir/ 'khor bas bsdus pa'i skye
mched rnams ni chos can/ sangs rgyas kyi sdug bsngal skye ba'i
sgor gyur pa nyid kyi rnag gi mtshan nyid kyi can du gsungs pa
yin te/ sdug bsngal

skye ba'i sgo byed de khyod kyi rang gi ngo bo yin pa'i phyir/
rten cing 'brel bar 'byung ba gang yin pa de ni chos can/ rgyu
rkyen gyi 'du 'phrod la brten nas byung ba'i rang gi mtshan
nyid can yin pa'i phyir/ de khod

kyi rang gi ngo bo yin pa'i phyir/ gnyis pa lam gyi chos kyi
rang gi mtshan nyid ni/ stong pa sbyin pa'i zhes sogs tshigs
bcad lnga gsungs/ lus long spyod dge rtsa rnams gzhan la gtong
ba'i sems pa ni chos can/ sbyin

pa'i pha rol tu phyin pa'i rang gi mtshan nyid yin te/ de'i
rang gi ngo bo yin pa'i phyir/ 'chal tshul gyis gdung ba med
pa'i spong ba'i sems pa chos can/ tshul khrims kyi rang gi
mtshan nyid yin te/ de'i rang

@0106 @#/ /gi ngob bo yin pa'i phyir/ khong khro ba med pa ni
chos can/ bzod pa'i rang rang gi mtshan nyid yin te/ de'i rang
gi ngo bo yin pa'i phyir/ kha na ma tho ba med pa'i dge ba la
spong ba'i sems pa nyid ni chos can/ brtson

'grus kyi rang gi mtshan nyid yin te/ de'i rang gi ngo bo yin
pa'i phyir/ bsam gtan gyi phar phyin ni chos can/ sems dge
ba'i dmigs pa la rtse gcig tu sdud pa'i mtshan nyid can yin te/
de khyod kyi rang gi

ngo bo yin pa'i phyir/ dmigs yul bden par chags pa med pa ste
bden med du rtogs pa'i blo ni chos can/ shes rab phar phyin
gyi rang gi mtshan nyid yin te/ de'i rang gi ngo bo yin pa'i
phyir/ pha rol tu phyin

pa drug po 'di rnams kyi mtshan nyid sngar bshad pa 'di dag
chos can/ rab dgar bshad pa ma yin te/ de'ltar yin pa sher
phyin gyi mdo las brjod pa'i phyir/ bsam gtan bzhi po rnams
dang tshad

med pa bzhi dang de bzhin du de gnyis las gzhan pa gang gzugs
med pa'i snyoms par 'jug pa bzhi po de dag chos can/ yang dag
mkhyen pa regyal ba yis mi 'khrug pa khro ba med pa'i mtshan
nyid can du gsungs/

pa yin te/ khyod khong khro ba spongs pa'i stobs kyis 'thob
pa'i rgyu mtshan gyis de ltar gsungs pa'i phyir/ thar par nges
par 'byung bar byed pa chos can/ byang chub kyi phyogs chos
sum cu rtsa bdun

gyi rang gi mtshan nyid yin te/ de'i rang gi ngo bo yin pa'i
phyir/ chos rnams kyi ngo bo bden par dmigs pa med par rtogs
pa'i bden 'dzin gyis rnam par dben pa nyid ni chos

@0106b can/ rnam par thar pa'i sgo stong pa nyid kyi ting nge
'dzin gyi rang gi mtshan nyid yin te/ de'i rang gi ngo bo yin
pa'i phyir/ rgyu la bden 'dzin gyi mtshan ma med pa de nyid
chos can/ rnam par thar pa'i sgo mtshan

ma med pa'i ting nge 'dzin gyi rang gi mtshan nyid yin te/ de'i
rang gi ngo bo yin pa'i phyir/ 'du byed kyi sdug bsngal la
sdug bsngal du shes nas srid pa'i phun tshogs la yin smon pa
med pa dang/ rang bzhin med

par rtogs pa'i sgo nas gti mug bden 'dzin med pas 'jig rten
las 'das pa'i go 'phang la'ang bden par 'dzin pa'i sgo nas yid
smon pa med pa ni chos can/ rnam par thar pa'i sgo gsum pa

smon pa med pa'i ting nge 'dzin gyi rang gi mtshan nyid yin te/
de'i rang gi ngo bo yin pa'i phyir/ snyoms 'jug gi sgrib pa
las rnam par grol bar byed pa nyid ni chos can/ rnam par thar
pa brgyad po rnams

kyi rang gi mtshan nyid yin te/ de'i rang gi ngo bo yin pa'i
phyir/ gsum pa 'bras bu'i chos kyi rang gi mtan nyid ni/ stobs
rnams shin tu zhes sogs tshigs bcad lnga gsungs/ stobs bcu po

rnams chos can/ yul shin tu rnam par ni gtan la 'bebs pa ste/
chags thogs med par rtogs pa'i rang bzhin nam mtshan nyid can
du gsungs pa yin te/ de khyod kyi rang gi ngo bo yin pa'i

phyir/ skyobs pa'i mi 'jigs pa bzhi po rnams ni chos can/ rgol
ba sus kyang gzhan du bya bar mi nus pas shin tu brtan pa'i
ngo bo 'am mtshan nyid can yin te/ de khyod kyi

@0107a @#/ /rang gi ngo bo yin pa'i phyir so sor yang dag rig
pa bzhi po rnams ni chos can/spobs pa la sogs pa bzhi 'chad pa
sne gtugs pa med pa'i mtshan nyid can yin te/ de khyod kyi

rang gi ngo bo yin pa'i phyir/ 'gro ba rnams la phan pa dang
bde ba nye bar sgrub pa ni chos can/ byams pa chen po zhes bya
ba'i rang gi mtshan nyid yin te/ de'i rang gi ngo bo yin pa'i
phyir/ sdug

bsngal can gyi sems can rnams yongs su skyobs pa ni chos can/
thugs rje chen po zhes bya ba'i rang gi mtshan nyid yin te/
de'i rang gi ngo bo yin pa'i phyir/ dga' ba chen po chos can/

sems can bde ba dang ldan pa la rab tu ste mchog tu dga' ba'i
mtshan nyid can yin te/ de khyod kyi rang gi ngo bo yin pa'i
phyir/ btang snyoms chen po ni chos can/ chags sdang dang ma
'dres

ba'i mtshan nyuid can du shes par bya ste/ de khyod kyi rang gi
ngo bo yin pa'i phyir/ sangs rgyas kyis chos ni ma 'dres pa
bcu dang brgyad du gang 'dod pa bco brgyad po de dag chos can/
gzhan

gyis ma'i 'khrogs pa'i rang gi mtshan nyid can yin te/ rgyu
mtshan rang gi phyir na ston pa sangs rgyas la ma 'dres pa'i mi
mthun pa'i phyogs des mi 'khrog pa ste thub par mi nus pa

de'i phyir/ rnam pa kun mkhyen pa nyid kyi ye shes ni chos
can/ shes bya thams cad mngon sum du mkhyen pa'i mtshan nyid
can du 'dod pa yin te/ de khyod kyi rang gi ngo bo yin pa'i

@0107b phyir/ rnam mkhyen de las gzhan pa'i nyan rang gi rgyud
kyi mkhyen pa ni chos can/ shes bya thams cad mngon sum du
mkhyen pa zhes bya bar mi 'dod de/ yul nye tshe ba la 'jug pa
nyid kyi yul can

yin pa des phyir ro/ /gsum pa/ don bsdu ba ni/ gang zhig 'dus
byas zhes sogs rkang pa bzhi gsungs/ gang zhig 'dus byas kyi
rnams kyi rang gi mtshan nyid gang yin pa de rnams rang bzhin
chos rnams kyi rang gi mtshan nyid gang yin pa de rnams rang
bzhin gyis sgrub pa de kho nas stong ba'i stong nyid de ni
chos can/ rang gi mtshan nyid stong pa nyid yin te/ stong gzhi
rang gi mtshan nyid

bden pas stong pa'i stong nyid yin pa'i phyir/ gsum pa mi
dmigs pa dang dngos po med pa'i ngo bo nyid stong pa nyid
bshad pa ni/ da lta ba 'di zhes sogs tshigs bcad gsum gsungs/

shes bya chos can/ dus gsum po de la ma dmigs pa zhes brjod
pa'i rgyu mtshan yod de/ dus gang du dus gsum po de dag lhan
cig tu tshogs pa mi dmigs pas na de ltar brjod pa'i phyir/ der

thal da ltar ba 'di rang dus skad cig gnyis par mi gnas shing/
'das pa dang ma 'ongs pa gnyis da ltar gyi dus su yod pa ma
yin pa'i phyir/ yang na/ bden par ma dmigs pas de ltar brjod
pa'i phyir/ zhes

bya'o/ /mi dmigs pa de rang gi ngo bo nyid kyi grub pa de yis
dben pa gang yin pade ni chos can/ mi dmigs pa zhes bya ba'i
stong pa nyid yin te/ stong gzhi mi dmigs pa bden pas stong
pa'i stong nyid yin pa'i phyir/@108a @#/ /mi dmigs pa chos can/ don dam par med
de/ don dam par
ther zug gnas pa ma yin pa dang/ 'jig pa ma yin pa des phyir ro/
/dngos po rnams chos can/ khyod la dngos po med pa'i ngo bo nyid
ces

bya ste/ khyod la rgyu rkyen 'dus pa las byung ba yi bden pa'i
ngo bo nyid med pa'i phyir te/ khyod rang gi rgyu rkyen la brten
nas byung ba'i phyir/ khyab ste/ bden grub dang ltos grub 'kal
ba'i phyir/ rgyu rkyen 'dus

pa las byung ba de ni de nyid rang bzhin gyis grub pas stong
pa'i stong nyid de ni chos can/ stong gzhi dngos po med pa'i ngo
bo nyid bden pas stong pa'i stong nyid yin pa'i phyir/ des na
'dir stong nyid bcu drug

bshad pa ni/ rigs pa mi 'dra ba'i sgo nas bshad pa ma yin te/
stong gzhi thams cad rtag mi rtag gang rung du mi bden pa'i rigs
pas bshad pa'i phyir/ gang zag gcig gi ngor re re nas bden med

du sgrub dgos pa'i dbang du byas pa yang ma yin te/ chos gcig
bden med du nges na chos gzhan la bden med rtags bkod nas nges
can du sgrub mi dgos pa'i phyir/ des na gang zag

gcig gis rigs pa de rnams gtan la phab nas sgom pa'i dbang du
byas pa dang/ gzhi so so la bden zhen shas che ba'i gang zag so
so'i dbang du byas pa gnyis kar shes par bya'o/ /gnyis pa stong
nyid

bzhir dbye ba rgyas par bshad pa ni/ dngos po'i sgras ni zhes
sogs tshigs bcad lnga gsungs/ shes bya chos can/ dngos po stong
pa nyid ces bya ba'i dngos po'i sgras ni phung po lnga rnams
brjod pa yin te/

@108b dngos po rnams so sor ma phye bar mdor bsdus nas phung po
lngar 'du ba'i phyir/ phung po lnga po de rnams de yi rang bzhin
gyis stong pa'i stong nyid gang yin pa de ni chos can/ dngos po
stong pa nyid du bshad pa yin te/ stong gzhi dngos po

bden pas stong pa'i stong nyid yin pa'i phyir/ shes bya chos
can/ dngos po med pa ni 'dus ma byas kyi chos rnams la brjod pa
yin te/ dngos po med pa rnams mdor bsdus na ni 'dus ma byas gsum
ma ma bzhir 'du ba yin pa'i

phyir/ 'dus ma byas de nyid dngos med de'i ngo bor rang bzhin
gyis stong pa'i stong nyid de chos can/ dngos po med pa stong pa
nyid yin te/ stong gzhi dngos po med pas bden pas stong pa'i
stong nyid yin pa'i phyir/ chos rnams kyi rang bzhin chos

nyid de chos can/ rang bzhin zhes bya bar bsnyad pa yin te/ rgyu
mtshan 'di ltar rang bzhin de nyid nyan thos la sogs pas ma byas
par dngos po'i gshis lugs su gnas pa'i phyir te/ rang bzhin de
nyid ngo bo nyid kyis med pa ni chos can/ rang bzhin

zhes bya ba'i stong pa nyid yin te/ stong gzhi rang bzhin bden
pas stong pa'i stong nyid yin pa'i phyir/ sangs rgyas rnams 'jig
rten du 'byung ba'am ma byung yang rung dngos su na ste dngos po
kun gyi rang bzhin stong pa nyid ni chos can/

gzhan gyi dngos po ste ngo bor rab tu bsgrags pa la rgyu mtshan
yod de/ kun rdzob las gzhan mchog tu gyur pa'i rgyu mtshan gyis
de ltar brjod pa'i phyir dang/ 'jig rten pa'i shes pa las gzhan
'jig rten las 'das pa'i ye shes

kyis mngon sum du rtogs par bya ba yin pas de ltar brjod pa'i
phyir/ yang dag pa'i mtha' myang 'das chos can/ gzhan gyi dngos
po zhes brjod pa'i rgyu mtshan yod de/ 'khor ba las gzhan pha rol
tu gnas pas de ltar brjod

@109a @#/ /pa'i phyir/ 'dir dngos su na zhes pa rang bzhin la go
rgyu yin te/ nag tshos/ ma byung yang ni rang bzhin nyid ces
sgyur ba'i phyir ro/ de la gzhan gyi sgra 'jug pa'i tshul ni gsum
ste/ kun rdzob

las gzhan mchog tu gyur ba de bzhin nyid dang 'jig rten pa'i
shes pa las gzhan du gyur pa rnam par mi rtog pa'i ye shes dang/
'khor ba las gzhan pha rol tu gyur pa myang 'das gsum la 'jug
pa'i phyir/ gzhan

gyi ngo bo bden pas stong pa'i stong nyid de chos can/ gzhan gyi
dngos po'i ste ngo bo stong pa nyid yin te/ stong gzhi gzhan gyi
ngo bo bden pas stong pa'i stong nyid yin pa'i phyir/ stong nyid
kyi dbye ba dang/ stong

tshul de dag ni chos can/ rang dgar bshad pa ma yin te/ shes rab
kyi pha rol tu phyin pa'i tshul lugs ston pa'i mdo las 'dir bshad
pa de skad du rab tu bsgrags pa ste bshad pa yin pa'i phyir ro/
/bzhi pa sa'i

yon tan brjod pa'i sgo nas mjug bsdu ba ni/ /kho na re/ sa drug
pa'i yon tan dang sher phyin gyi bsngags pa sogs rgyas par phye
na de ltar yin mod sa drug pa'i yon tan mdor bsdus na ji ltar
yin zhe na de 'chad

pa la/ de ltar blo gros zer gyis zhes sogs tshigs bcad gsum
gsungs/ sngar bshad pa de ltar rnam par dpyad pa'i blo gros kyi
'od zer gyis de kho na nyid kyi snang ba gsal bar byas pa'i
byang sems sa drug pa

de ni chos can/ tha snyad bden pa'i stobs kyis te kun rdzob tu
'gog par 'gro ba ste de la rnam par 'jug ste rang gi lag mthil
la gnas pa'i skyu ru ra rnyed pa'i 'bras bu bzhin du srid pa
gsum zhing dag ma

@109b lus pa gdod ma nas rang bzhin gyis skye ba med par mngon
sum du rtogs pa yin pa'i phyir/ gzhung 'dir shes rab khyad par
can dang ldan par bstan nas/ thabs khyad par can dang ldan tshul
na/

yang de chos can/ 'gog pa la snyoms par 'jug kyang 'gro ba skyob
pa'i bsam pa 'dor ba ma yin te/ rtag tu 'gog pa 'od gsal du
gtogs pa'i bsam pa dang ldan pa yin mod kyi/ 'gro ba mgon skyabs
med pa la snying rje'ang

bskyed pa ste 'phel bar byed pa'i phyir/ de chos can/ sa drug pa
de'i gong ste sa bdun pa thob pa na bde bar gshegs pa'i gsungs
las skyes pa'i nyan thos dang/ sangs rgyas 'bring po ste rang
rgyal dang bcas pa

ma lus pa rnams ni shes rab blo yi stobs kyi sa pham par byed pa
ste zil gyis gnon pa yin te/ sa bdun pa de'i tshe 'gog pa la skad
cig re re zhing 'jug sdang byed nus pa'i phyir/ byang sems sa
drug pa

de chos can/ thabs shes cha tshang ba'i lam gyis rang gzhan rnams
sangs rgyas kyi sar 'grod par byed pa yin te/ kun rdzob rgya che
ba'i lam gyi rim pa rnams dang/ de kho na nyid rtogs pa'i zab
pa'i lam gyis rim

pa'i g.yas g.yon gshogs pa yangs pa la rang don yid byed dang
bden 'dzin gyi dri mas ma gos pa'i dkar po rgyas par gyur pa'i
dang pa'i rgyal po khyod ni gdul bya'i skye bo dang pa yon tan
phul du byung ba du ma skyed pa rnams kyi

mdun du bdar nas de dag dang lhan cig sngon yang yang goms pa'i
dge ba'i rlung gi shugs chen po'i stobs kyis rgyas pa'i yon tan
zad mi shes shing mu mtha' med pa'i rgya mtsho chen po'i pha rol
mchog tu 'gro ba yin pa'i

@109a @#/ /phyir/ 'dir ngang pa'i rgyal po sa srung dang ngang
pa'i blon po bzhin bzang gnyis kyis ngan pa'i rten la'ang gzhan
gyi don sgrub tshul ston pa'i 'khrungs rabs nas byung ba dper
mdzad pa'o/ /'dir

smras pa/ brlabs chen spyod pa'i lus stobs rnam par rgyas/ /bden
gnyis gshog pa'i rlung shugs rab skyod nas/ /zab yangs yon tan
rgya mtsho'i pha rol tu/ /bgrod mkhas dang pa'i ded dpon e ma
mtshar

zhes bya ba ni bar skabs kyi tshigs su bcad pa'o/ /dbu ma la 'jug
pa'i rnam bshad thar 'dod 'jug ngogs las don dam pa'i sems
bskyed drug pa'i bshad pa'o/ /gsum pa ring du

song ba sogs lhag ma bzhi bshad pa la bzhi/ sa bdun pa ring du
song ba/ brgyad pa mi g.yo ba/ dgu pa legs pa'i blo gros/ bcu
pa chos kyi sprin bshad pa'o/ /dang po ni/ sa drug par shes rab
kyi

phar phyin lhag par nyams su blangs pas lam gong ma'i yon tan ci
zhes thob ce na/ thabs mkhas kyi phar phyin lhag par 'thob po
zhes 'chad pa la/ ring du song 'dir zhes sogs rkang pa gsum

gsungs/ sa bdun pa ring du song ba 'dir gnas pa'i byang sems 'di
ni chos can/ shes rab khyad par can dang ldan pa yin te/ sems
kyi skad cig ma dang skad cig ma re la sa drug par thob pa'i
'gog

pa la snyoms par 'jug par 'gyur zhing ldang bar byed nus pa'i
phyir/ sa bdun pa ba chos can/ thabs mkhas kyi pha rol tu phyin
pa legs par 'bar ba ste chos yongs su dag pa'ang thob pa yin te/
de ni mi mthun

@109b phyogs kyi dri mas gtan ma gos pa'i tshul gyis spyod nus
pa'i phyir/ 'dir smras pa/ /snyoms 'jug gangs ri'i spo la mngon
par 'gyings/ /rgyud dang shes rab sbar khyim 'phyur bor bsgrad/
/thabs la mkhas pa'i

ral pa'i khur gyis brjid/ /rgyal sras khyod ni gdong lnga'i
dbang po lags/ /zhes bya ba ni bar skabs kyi tshigs su bcad pa'o/
/dbu ma la 'jug pa'i rnam par bshad thar 'dod 'jug ngogs las don
dam pa'i sems bskyed bdun

pa bshad pa'o/ /gnyis pa sa brgyad pa mi g.yo ba bshad pa la
gsum/ sa 'dir smon lam lhag cing 'gog pa las slong tshul/ nyon
mongs thams cad zad par bstan pa/ dbang bcu thob par bstan pa'o/
/dang po

ni 'o na/ sa bdun par thabs mkhas kyi phar phyin lhag par nyams
su blangs pa la brten nas lam gong ma'i yon tan ci zhes thob ce
na smon lam gyis phar phyin lhag par thob bo zhes 'chad pa la/
yang yang sngar dge

zhes sogs rkang pa lnga gsungs/ bdag nyid chen po sa bdun pa ba
de chos can/ sa gang du phyin pa na byang sems de phyir mi ldog
pa nyid du 'gyur bas mi g.yo ba zhes bya ba'i sa brgyad pa de
la 'jug pa'i rgyu mtshan yod de/ yang

dang yang du sngar sa bdun pa man chad kyi dge ba las ches lhag
pa 'thob par bya ba'i phyir du de la 'jug pa'i phyir/ sngar gyi
dge ba las lhag tshul ni sa brgyad pa thob par nas yud tsam re la
thams cad mkhyen pa'i sa

gnon pa ste 'thob pa'i chos de 'dra' ba 'o/ /sa bdun pa man chad
la bskal pa 'bum du 'bad kyang gnon mi nus par sa bcu pa'i mdo
las gsungs so/ /sa brgyad pa 'di chos can/ smon lam gyi phar
phyir lhag

@110a @#/ /par thob pa yin te/ sa dang po thob pa nas smon la
'bum phrag grangs med pa bcu btab pa de dag shin tu dag par
'gyur ba thob pa'i phyir/ byang sems de chos can/ rgyal ba rnams
kyi 'gog pa las slong

bar mdzad pa'i rgyu mtshan yod de/ de 'ba' zhig la mnyam par
bzhag na chad mtha' ma zhi mthar lhung shing der lhung na gzhan
don rgyun chad par 'gyur bas/ de'i phyir gzugs sku'i yon tan
stobs bcu sogs

bsgrub pa'i phyir du de las slong bar mdzad pa'i phyir/ gnyis pa
ni/ 'o na/ sa brgyad par rtogs pa'i yon tan de lta bu thob na/
spang pa'i yon tan ji lta bu thob ce na/ de 'chad pa la/ chags
pa med pa'i zhes sogs rkang pa

bzhi gsungs/ sa brgyad pa la gnas pa'i byang sems de chos can/
nyon mongs pa'i dri ma de dag rtsa ba ste sa bon dang bcas pa
nye bar zhi ba thob pa yin te/ rnam par mi rtog pa'i ye shes la
dbang thob pa'i byang sems

yin pa'i phyir/ khyab ste/ chags pa med pa'i blo rnam par mi tog
pa la dbang thob pa'i ye shes ni/ chags sogs kyi skyon de dag
rnams dang rgyud la lhan cig tu mi gnas pa'i phyir/ byas pa la
kho na re/ byang sems

sa brgyad pa chos can/ lam la 'bad pa don med par thal/ nyon
mongs zad pa'i theg chen pa yin pa'i phyir zhes na/ byang sems
de chos can/ nyon mongs thams cad zad cing sa gsum ste khams
gsum gyi bla mar

gyur kyang/ lam la 'bad dgos te/ de ltar yin kyang lam la ma
'bad na sangs rgyas rnams kyi ni yon tan gyi 'byor ba nam mkha'
ltar mtha' dang bral ba ma lus pa 'thob par nus pa ma yin pa'i
de 'thob phyir du lam la

@110b brtson dgos pa'i phyir/ lugs 'dir nyon mongs mtha' dag
spangs nas shes sgrib spong ba'i 'go rtsam pa'i shes byed kyang
'di yin no/ /gsum pa ni/ kho na re/ sa 'dir nyon mongs thams cad
zad pa bshad na

'o na/ sa brgyad pa ba chos can/ srid par skye ba mi len par
thal/ nyon mongs zad par spangs pa'i phyir/ srid par skye ba len
pa la rgyu las nyon dgos pa'i phyir/ 'dod na/ sangs

rgyas kyi chos rdzogs par byed mi nus par thal/ 'dod pa'i phyir/
khyab ste/ sangs rgyas kyi chos rdzogs par byed pa la skye ba du
mar brgyud nas lam la slob dgos pa'i phyir/ zhe na/ de'i lan
'chad pa la/ 'khor

ba 'gag kyang zhes sogs rkang pa gnyis gsungs/ sa brgyad pa ba
chos can/ las nyon gyi dbang gis 'khor bar 'khor ba 'gags mod
kyang/ skye ba brgyud nas tshogs rdzogs par byed pa mi 'gal te
tshe la dbang

ba sogs dbang rnam pa bcu po thob par 'gyur zhing dbang bcu po
de dag gis sam nang mtshan skye ba la dbang bas yid kyi rang
bzhin gyi lus len pa'i sgo nas srid pa'i 'gro bar byang sems
rang gi lus kyi bdag nyid

sna tshogs ston par byed par 'gyur ba yin pa'i phyir/ 'dir smras
pa/ zab yangs tshogs gnyis chu gter chen po ni/ /brlabs chen
brtsun 'grus smon lam srub shing gis/ /bsrub las byung ba'i
rgyal sras dpa'

bo khyod/ /thar 'dod rnams la zla ba'i spun zla bzhin/ /zhes bya
ba ni bar skabs kyi tshigs su bcad pa'o/ /dbu ma la 'jug pa'i
rnam bshad thar 'dod 'jug ngogs las don dam pa'i sems bskyed
brgyad pa

@112a @#/ /bshad pa'o/ /gsum pa sa dgu pa legs pa'i blo gros
bshad pa ni/ 'o na/ sa brgyad par smon lam gyi phar phyin lhag
par nyams su blangs pas lam gong ma ci zhig thob ce na/ stobs
kyi phar

phyin lhag pa'i sa dgu pa 'thob bo zhes 'chad pa la/ dgu pa la
ni zhes sogs rkang pa gnyis gsungs/ sa dgu pa la gnas pa'i byang
sems de ni chos can/ stobs kyi phar phyin lta zhig mtha' dag
yongs su

rdzogs par dag pa thob par 'gyur ba yin te/ stobs kyi phar phyin
gyi mi mthun phyogs kyi dri mas gtan nas ma dgos pa'i tshul gyis
spyod nus pa'i phyir/ byang sems sa dgu pa ba chos can/ sa
brgyad

pa las yon tan lhag pa yin te/ stobs kyi phar phyin dag par thob
pa de bzhin du so so yang dag pa rig pa bzhi'i chos rang gi yon
tan yongs su dag pa'ang thob pa de yin pa'i phyir/ 'dir smras
pa/ srid

zhi'i g.yul las rgyas pa'i dpa' bo khyod/ /thogs med stobs kyi
ru mtshon legs bsnams nas/ /nyon mongs chos rkun 'gro ba rnams/
/'jigs med gnas su dgrol ba 'di rmad byung/ /zhes

bya ba ni bar skabs kyi tshigs su bcad pa'o/ /dbu ma la 'jug pa'i
rnam bshad thar 'dod 'jug ngogs las don dam pa'i sems bskyed dgu
pa'i bshad pa'o/ /bzhi pa sa bcu pa chos kyis sprin bshad pa ni/


'o na/ sa dgu pa ba des stobs kyi phar phyin lhag par nyams su
blangs pa la brten nas lam gong ma'i yon tan ci zhig 'thob ce
na/ 'od zer chen po'i dbang bskur ba sogs yon tan mtha' yas pa
zhig 'thob

@112b bo zhes 'chad pa la/ bcu pa'i sa la de yis zhes sogs rkang
pa bzhi gsungs/ sa bcu pa la gnas pa'i byang sems de yis ni chos
can/ rang rgyud la sangs rgyas rnams kyis byin gyis brlobs pa'i
yon

tan khyad par can thob ste/ phyogs rnams bcu po kun nas sangs
rgyas rnams las 'od zer chen po'i dbang bskur ba dam pa ste
mchog tu gyur pa thob pa'i phyir/ 'o na/ 'od zer chen po'i dbang
bskur de ji ltar

yin zhes na/ phyogs bcu'i sangs rgyas thams cad kyi mdzod spu
nas thams cad mkhyen pa'i mngon shes dang ldan pa zhes bya ba'i
'od zer gcig 'khor 'od zer grangs med 'bum dang bcas pa byung
ste/ phyogs

bcu thams cad snang bar byas/ ngan song zhi zhing bdud zil gyi
mnan nas byang sems 'di la dbang bskur bas sngon ma thob pa'i
ting nge 'dzin dpag tu med pa thob cing 'od zer rnams kyang/
byang sems de'i

mgo la dus gcig tu 'bab par gsungs so/ /rgyas par gzhan tu blta
bar bya'o/ /byang sems sa bcu pa ba chos chos can/ ye shes kyi
phar phyin lhag pa ste ches mchog tu gyur pa phul du byung
ba'ang thob pa yin te/ de'i

mi mthun phyogs kyi dri mas gtan nas ma gos pa'i tshul gyis spyod
nus pa'i phyir/ shes bya chos can/ sa bcu pa ba chos kyi sprin
zhes brjod pa'i rgyu mtshan yod de/ ji ltar te dper na char sprin
rnams las 'jig

rten pa'i lo thog spel ba'i slad du chu char 'bab pa de bzhin
du/ rgyal sras sa bcu pa ba 'di las kyang gdul bya'i 'gro ba
rnams kyi dge ba'i lo thog spel ba'i ched du lhun gyis grub par
dam pa'i chos kyi char pa@113a @#/ /'bebs pa yin pa'i phyir/ 'dir smras pa/ tshogs
gnyis
nam mkhar mkhyen pa'i klog stong phyur/ /thugs rje'i chu 'dzin
par mtshams med par 'khrigs/ /zab dang rgya che'i sprin gyi me

tog gis/ /'dul bya'i dge ba'i lo thog 'dzad med bskrun/ /zhes
bya ba ni bar skabs kyi tshigs su bcad pa'o/ /dbu ma la 'jug pa'i
rnams bshad thar 'dod 'jug ngogs las don dam sems

bskyed bcu pa'i bshad pa'o/ /gnyis pa sa bcu thun mong gi yon
tan bstan pa ni/ kho na re/ sa so so'i yon tan de ltar yin na/
sa bcu thun mong gi yon tan ji lta bu yin zhe na/ de 'chad

pa la/ de tshe 'di ni zhes pa nas skad cig la ni ston par nus
zhes pa'i bar yin pas/ 'di la gsum/ sa dang po'i yon tan bshad
pa/ sa gnyis pa nas bdun pa'i bar gyi yon tan bshad pa/ dag pa

sa gsum gyi yon tan bshad pa'o/ /dang po 'chad pa la/ de tshe
'dis ni zhes sho lo ka gsungs/ shes bya chos can/ sa dang por
skye ba med pa'i yon tan brgya phrag bcu gnyis thob pa yin te/
sa

dang po thob pa de'i tshe byang sems 'dis ni skad cig thang cig
yud tsam zhig la sangs rgyas brgya mthod ba dang/ brgya po de
dag gis rang nyid byin gyis brlabs kyang ste brlabs pa yang
byang sems 'di yis

rtogs pa dang/ skad cig thang cig yad tsam nyid kyi tshe bskal ba
brgyar gnas nus pa dang/ sngon dang phyi ma'i mtha'i brgya yang
ye shes kyi gzigs pa yang dag par 'jug pa dang/ blo ldan byang
sems

@113b 'dis ni ting nge 'dzin brgya phrag gcig la snyoms par 'jug
cing gtong ba ste ldang bar byed pa dang/ byang sems 'di yis
'jig rten gyi khams brgya kun nas g.yo par nus pa dang/ 'jig
rten gyi khams brgya

snang bar byed nus pa dang/ de bzhin du rdzu 'phrul gyis byang
sems des sems can brgya phrag smin par byed pa dang/ brgya phrag
gi grangs dang rjes su 'brel ba ste de'i grangs dang ldan pa'i
sangs rgyas kyi zhing

dag tu 'gro bar 'gyur ba dang/ byang sems des ni chos kyi sgo mi
'dra ba brgya rnams yang dag par 'byed par byed pa dang/ thub
dbang gi sras po 'di ni rang gi lus la lus brgya rnams kun nas
ston par byed

pa'ang yin pa dang/ lus ni brgya phrag re re zhing rgyal ba'i
sras po brgya phrag re re dag dang rjes su 'brel pa'ang ston
pa'i rang gi 'khor dang bcas pas mdzes shing 'byor ba dang bcu
gnyis thob pa'i phyir/ gnyis

pa nas bdun pa'i bar gyi yon tan 'di bshad pa ni/ blo ldan rab
tu dga' bar zhes sogs tshigs bcad gnyis gsungs/ blo ldan sa rab
tu dga' ba la gnas pas yon tan brgya phrag bcu gnyis po de dag

ni thob par 'gyur nas/ sa gnyis par 'phos pa nas dang po la
bshad pa de bzhin kho nar sa gnyis pa dri ma med pa la gnas pas
kyang chos can/ sa dang po las lhag pa'i yon tan thob pa yin

te/ skad cig thang cig yud tsam zhig la yon tan bcu gnyis po de
dag re re nas stong du byas pa ni yang dag par thob par 'gyur
pa'i phyir/ shes bya chos can/ sa gsum pa nas bdun pa'i

@114a @#/ /bar sa lnga po 'di dag rnams la gnas pa'i byang chub
sems dpa' lnga pa yis ni/ snga ma snga ma la phyi ma phyi ma'i
yon tan lhag par thob pa yin te/ sa gsum pa yon tan bcu gnyis po
de dag re re nas 'bum phrag

re dang/ bzhi par bye ba brgya phrag stong thob cing/ lnga par
byang sems de yis bye ba stong 'gyur thob la/ de nas sa drug par
bye ba brgya phrag stong 'gyur te bye ba 'bum yang thob cing/
bdun par bye ba phrag khrag khrig phrag

brgyar rdzogs par bsgyur ba dang de nyid slar yang stong phrag
tu yang dag par ni bsgyur pa mtha' dag ste khrag khrig 'bum
phrag bcu gnyis rab tu 'thob par 'gyur ba'i phyir/ gsum pa dag
pa sa gsum gyi yon tan bshad pa

ni/ mi g.yo'i sar gnas zhes sogs tshigs bcad bzhi gsungs/ sa
brgyad pa mi g.yo ba'i sar gnas pa bden 'dzin gyi rnam rtog med
pa'i byang sems des ni chos can/ sa bdun pa las lhag pa'i yon
tan thob ste/

yon tan bcu gnyis po de dag re re nas stong gsum brgya phrag
stong bsdoms pa ste stong gsum 'bum phrag gcig gi 'jig rten na
rdul gyi grangs tshad ji snyed yod pa de rnams dang grangs mnyam
pa'i yon tan dag ni

'thob par 'gyur pa'i phyir/ sa dgu pa legs pa'i blo gros la gnas
pa'i byang chub sems dpa' de yis ni chos can/ sa brgyad pa las
lhag pa'i yon tan 'thob ste/ sngar bstan pa'i yon tan bcu gnyis
po

de dag re re nas kyang stong gsum grangs med brgya phrag stong
du yang dag par bsdoms pa phrag bcu ste stong gsum grangs med
'bum phrag bcu'i rdul gyi grangs tshad dang mnyam pa 'thob par
'gyur pa'i phyir/ re

@114b shigs sa bcu pa 'dir gnas pa'i byang sems de chos can/ sa
dgu pa las lhag pa'i yon tan 'thob ste yon tan bcu gnyis po de
dag re re nas kyang ngag gi spyod yul las ches 'das par 'gyur
zhing/ ngag gi spyod yul ma yin pa

bsdoms rnams te/ bsdoms na ni sangs rgyas kyi zhing brjod du med
pa'i yang brjod du med pa na rdul gyi grangs tshad dag ji snyed
yod par de snyed kyi grangs dang mnyam pa dag ni 'thob par 'gyur
pa'i phyir/ re shig ces

pas go rim bstan nas de yang yon tan snga mar ma zad ces pa'o/
/byang sems de chos can/ yon tan lhag po gzhan yang 'thob ste
kun slong gi rtog pa med par rang gi lus kyi ba spu'i khung bu
re rer byang chub sems dpa'i

'khor rnams dang lhan cig tu bzhugs pa'i rdzogs pa'i sangs rgyas
kyi sku bgrang ba las 'das pa dang/ de bzhin du 'gro ba rigs
lnga'i lha dang lha min dang mi la sogs pa tha dad pa dag kyang
ma 'dres par dus skad cig

skad cig re re la ni ston par nus pa'i phyir/ kyang gi sgras ni
brgya byin sogs su ston pa'ang bsdud do/ de yang yon tan bcu
gnyis po de dag spyir thob pa tsam gyi dus skad cig ma gcig la
'thob pa'i don no/ /

'o na/ bskal pa brgyar gnas nus pa'i don de ji lta bu yin zhe
na/ dus skad cig ma gcig bskal pa brgya'i ched du byin gyis
brlobs nus zhes pa yin nam/ yang na tshe lhag skad cig ma

gcig las med pa'i tshe bskal pa brgyar bsrings nus ces pa'i don
gang yin dpyad par bya dgos te/ 'di dag rang cag gi blo'i yul
las 'das pas ji lta ba bzhin du 'chad par dga' ba'i phyir/ /

@115a @#/ /gnyis pa 'bras bu'i sa la lnga/ dang por sangs rgyas
pa'i tshul/ sku dang yon tan gyi rnam bzhag /sprul pa'i sku bstan
pa/ theg pa gcig tu bsgrub pa/ mngon par byang chub pa dang
bzhugs

pa'i dus kyi bshad pa'o/ /dang po la gnyis/ dngos kyi don dang/
rtsod pa spang ba'o/ /dang po ni/ 'o na/ rgyu'i sa bcu'i mthar
chos sku mngon du mdzad na/ gnas gang du sku ji lta bu zhig
mngon du mdzad

ce na/ de'i lan 'chad pa la/ gang phyir nam mkha' zhes sogs
tshigs bcad gnyis gsungs/ sangs rgyas bcom ldan 'das chos can/
gnas 'og min du ni gang gi don du 'bad pa brtsom

bar gyur pa'i go 'phang mchog tu zhi ba bla na med pa dran pa
nyer bzhag la sogs pa'i yon tan mtha' dag gi mthar thug 'di dang
'dra ba med pas mtshungs pa med pa'i ye shes de khyod kyis brnyas
te/ gang

gi phyir dper na/ ston kha'i nam mkha' dri ma med pa la zla ba
nya gang ba'i snang bas mun pa bsal ba'i sgo nas 'gro ba ma lus
gsal bar 'gyur pa'i phyir snang bar byed nus pa de bzhin du/
sngon gyi tshe sa dgu

pa man chad du 'bad pa ma zad/ stobs bcu pa sangs rgyas kyi sa
skyed par byed pa'i sa bcu pa'i skabs la'ang khyod kyis sku bzhi
myur du 'thob par shes nas/ slar yang 'bad par

gyur pas 'bras bu mthar thug de khyod kyis brnyed pa'i phyir/
'dir zla ba'i dpe ni sa bcu pa dang sbyor la/ de yang ston dus
kyi nam mkha'i dri ma med pa la shar ba'i zla ba nya gang ba des
mun pa bsal bas

@115b gzugs gsal bar byed pa ltar/ rgyun mtha'i ye shes des
kyang nam mkha' dang 'dra ba'i chos dbyings la mnyam par bzhag
bzhin pa'i ngang nas mun pa 'dra ba'i shes sgrib ma lus pa bsal
ba'i sgo nas

chos can ji snyed pa mtha' dag mngon sum du rtogs pa'i ye shes
skyed nus zhes pa'i don no/ /'o na/ thams cad mkhyen pa'i ye
shes de gnas 'og min du brnyes na dus ji lta bu la tshul ji lta

bur mngon du mdzad ce na/ sangs rgyas bcom ldan 'das chos can/
mkhyen pa bzang po can khyod kyis skad cig gis ni shes bya thams
cad thugs su chud pa'i ye shes brnyes te/ shes bya thams cad
rang bzhin

med pa'i ro mnyam pa nyid du khyod kyis yang dag par thugs su
chud par mdzad pa mthar phyin par gyur pa de'i phyir/ ji ltar te
dper na bum pa dang 'khar gzhong sogs snod kyi mi 'dra ba'i dbye
ba tha dad kyang de dag la

khyab pa'i nam mkha' la ni sgrib thogs dang bral tsam du mtshungs
pas mi 'dra ba'i dbye ba med pa de ltar du de kho na nyid dngos
po byas pa'i dbye ba mi 'dra ba 'ga' yang med pas na de nyid la
ro mnyam pa ste yang dag

tshul gyis mnyam par bzhag pa'i de'i phyir ro/ /gnyis pa rtsod pa
spong ba la gnyis/ phyogs snga ma 'god pa dang/ lugs de 'gog
pa'o/ /dang po ni/ dngos smra ba na re/ gang gi

tshe gzugs sogs rang bzhin gyis skye ba zhi ba ste med pa kho na
nyid yin no/ /'o na/ de kho na nyid la blo gros 'jug par mi
'gyur par thal/ gzugs sogs rang bzhin gyis med

@116a @#/ /pa de kho na nyid yin pa'i phyir/ khyab ste/ gzugs
sogs rang bzhin gyis med na med dgos la/ med nges la blo ci tsam
gtad kyang rnam pa ci yang 'char rgyu med pa'i phyir/

'dod na/ shes bya'i yul de kho na nyid de yul can gyi blos nges
pa ste shes par rigs pa'ang ma yin par thal/ yul can gyi blo de
yul de kho na nyid la ma zhugs pa'i phyir/ khyab ste

yul de kho na nyid kun nas shes par med pa ni/ de kho na nyid
dngos su rtogs pa'i shes par ji ltar 'gyur pa'i phyir/ gzhan
yang/ khyod kyi lugs ltar na gdul bya gzhan dag la de kho na
nyid

ni 'di lta bu'o/ /zhes su zhig gis ston par byed pa mi rigs par
thal/ de kho na nyid mkhyen pa po med pa'i phyir te/ de kho na
nyid rang bzhin gyis med pa'i phyir/ zhe na/ zhes kho'i rtsod pa
de 'chad pa la/

gang tshe zhi ba de nyid yin na zhes sogs rkang pa bzhi gsungs/
gnyis pa la gnyis/ de kho na nyid rtogs pa mi 'thad pa'i rtsod
pa spong dang/ mkhyen pa po mi 'thad pa'i rtsod spong ngo/ /dang

po 'chad pa la/ gang tshe skye med de nyid yin zhing zhes sogs
rkang pa bzhi gsungs/ shes bya chos can/ rnam pa 'char rgyu med
pa'i sgo nas de kho na nyid la blo mi 'jug pa ma yin par thal/ /

yul can gyi blo de de kho na nyid kyi rnam pa ci 'dra ba de 'dra
bar skye na tha snyad bden pa la nye bar brten nas de kho na
nyid rigs pa yin par 'dod pa'i phyir/ der thal/ gang gi tshe rang
bzhin gyis

@116b skye ba med pa ni de kho nyid yin zhing blo yang rang
bzhin gyis skye ba dang bral ba'i rnam par chu la bzhag pa bzhin
du zhugs pa de'i tshe de kho na nyid de'i rnam pa bsten pa ste
'dzin pa las blo des de kho na nyid

rtogs par bzhag pa yin pa'i phyir/ ji ltar te/ dper na/ khyod
ltar na yang sems ni yul sngon po sogs gang gi rnam pa can du
'gyur ba na sems de yis yul de yongs su shes par 'jog nus pa de

bzhin no/ /'dir nag tsho'i bsgyur du/ de yis de rnams bsten las
de nyid rtogs par brjod par bya/ zhes 'byung ba ltar lta bu med
pa dag pa yin no/ /gnyis pa la gnyis/

dngos kyi don dang/ de'i 'thad pa dngos bstan pa'o/ /dang po ni/
kho na re/ ro mnyam nyid du yang dag thugs su chud par mdzad
gyur pa/ zhes sangs rgyas kyi ye shes de kho na nyid la rtag tu

mnyam par bzhag pa bshad na/ 'o na/ sangs rgyas bcom ldan 'das
chos can/ khyod kyis gdul bya la chos ston pa mi 'thad par thal/
khyod kyi rgyud la chos ston pa'i kun

slong gi rtog pa yin pa'i phyir zhe na/ de'i lan 'chad pa la/ de
yi long spyod zhes sogs rkang pa bzhi gsungs/ shes bya chos can/
kun slong gi rtog pa med kyang chos ston pa mi

'gal te/ bsod nams kyi tshogs brgya phrag du mas zin pa ste mngon
par 'dus byas pa de yi longs spyod rdzogs pa'i sku de las byung
ba'i chos nyid ston pa'i sgra las byung sems rnams

@117a @#/ /kyis chos nyid rtogs nus pa'i phyir/ rnam rtog med
kyang chos ston pa gzhan yang yod de/ longs skur ma zad des byin
gyis brlabs pa'i sprul pa dang/ sprul sku de'i mthus nam mkha'

dang/ gzhan shing dang rtsig pa sogs sems med pa las kyang sgra
gang zhig chos kyi de kho na nyid ston pa 'byung ba yin la/ de
las kyang gdul bya 'jig rten pa rnams kyis de kho na nyid rig

par 'gyur pa'i phyir/ khyab ste/ nam mkha' dang rtsig pa sogs
rtogs bral yin pa'i phyir/ gnyis pa na kho na re/ sangs rgya la
chos ston pa'i kun slong med cing lus ngag gi 'bad

rtsol kyang med par chos ston pa'i bya ba la 'jug pa bshad na/
'o na/ de ltar 'jug pa'i rgyu mtshan gang zhe na/ de'i lan 'chad
pa la/ ji ltar rdza mkhan zhes sogs rkang pa brgyad gsungs/

shes bya chos can/ sangs rgya la da lta chos ston pa'i 'bad
rtsol dang rtog pa med kyang sngar goms pa'i stobs las byung ba
gdul bya la chos ston cing/ gzhan don byed pa'i rgyu mtshan yod
de/ da lta skyes

pa'i 'bad rtsol med bzhin du chos kyi bdag nyid can gyi sku la
bzhugs pa'i sangs rgyas de'i 'phrin las chos ston pa sogs la
'jug pa ni/ gdul bya'i skye bo skal ba can gyis sngar thar pa'i
sa

bon bzhag pa'i dge ba yongs su smin pa dang/ sangs rgyas rang
nyid kyis sngon byang sems kyi gnas skabs su 'bad rtsol med par
chos ston par gyur cig ces pa'i smon lam gyi khyad par gnyis

@117b 'phangs pa'i stobs las yin pas/ 'phrin las de 'dra ba 'jug
pa ni ches bsam gyis mi khyab pa yin pa'i phyir/ ji ltar te/
dper na rdza mkhan stobs chen po dang

ldan pas 'jig rten 'dir yul ring du ches 'bad pa chen pos bskor
ba'i 'khor lo ni/ rdza mkhan de'i rtsol ba da lta skyes pa med
bzhin du'ang 'khor zhing rdza bum la sogs pa'i rgyur mthong ba

ltar dpe de bzhin no/ /gnyis pa sku dang yon tan gyis rnam bzhag
la gnyis/ sku'i rnam bzhag dang/ stobs kyi yon tan gyi rnam
bzhag go/ /dang po la gsum/ chos

kyi sku dang/ longs spyod rdzogs pa'i sku dang/ rgyu mthun pa'i
sku bshad pa'o/ /dang po ni/ rgyu sa bcu bgrod pa brten nas
'bras bu chos sku de gnas 'og min du brnyed par bshad na/ 'o na/

der rnyed pa'i chos sku de ji ltar yin zhe na/ de 'chad pa la/
shes bya'i bud shing skam po zhes sogs rkang pa bzhi gsungs/
gnyis snang gi shes bya'i sgrib pa bud shing skam

po dang 'dra ba ma lus ye shes me dang 'dra bas bsreg pa'i dri
ma mtha' dang bral ba'i de bzhin nyid zhi ba de chos can/ rgyal
ba rnams kyi chos kyi sku yin te/ dri ma mtha' dag dang bral
ba'i

de bzhin yi yin pa'i phyir/ de la kho na re/ de 'dra ba'i chos
sku de sangs rgyas kyi mngon sum du mdzad par bshad pa mi 'thad
par thal/ sangs rgyas kyi rang mngon su du byed 'dod kyi@118a @#/ /rtogs pa med
pa'i phyir zhe na/ ma khyab ste/ chos sku
mngon du mdzad pa de'i tshe sems sems byung gi rnam rtog 'gag pas
rtog pas de mngon du byed pa med kyang skye ba med cing

'gag pa'i chos sku de ni dang por longs spyod rdzogs pa'i sku
yis mngon sum du mdzad pa yin pa'i phyir/ gnyis pa longs spyod
rdzogs pa'i sku bshad pa ni/ sems 'gags pas de sku

yis mngon du mdzad/ ces longs sku de chos sku mngon du mdzad pa
por bshad na/ 'o na/ de lta bu'i longs sku de yon tan ji lta bu
dang ldan zhe na/ de 'chad pa la/ zhi sku dpag bsam

shing ltar zhes sogs rkang pa bzhi gsungs/ sems sems byung gi
rnam rtog dang 'bad rtsol nye bar zhi pa longs spyod rdzogs pa'i
sku de ni chos can/ khyod dpag bsam shing ltar dag yid

bzhin nor bu ji lta ba bzhin du dpe'i sgo nas gsal bar gyur cing
bstan pa yin te/ rnam par mi rtog bzhin du gdul bya'i 'dod don
'grub pa'i rgyur 'gyur ba'i phyir/ /der thal/ 'gro

ba thams cad srid zhi'i 'dzig pa las ma grol gyi bar du gdul
bya'i 'jig rten gyi 'byor ba'am don gyi slad du rtag tu g.yo
med par zhugs pa'i phyir/ longs sku 'di ni chos can/ spros

pa dang bral ba'i byang sems 'phags pa rnams la mngon sum du
snang bar 'gyur gyi so skye la ni ma yin te/ nges pa lnga ldan
gyi gzugs sku yin pa'i phyir/ gsum pa

@118b rgyu mthun pa'i sku bshad pa la gsum/ sku dang ba spu'i
khung bu gcig tu rang gi spyod kun ston tshul/ gnas der gzhan gyi
spyod pa kun ston tshul dang/ bzhed pa la mnga'

bsgyur ba phun sum tshogs pa bshad pa'o/ /dang po ni/ 'o na/
sngar bshad pa'i chos sku dang longs sku'i ngo bo de ltar yin
na/ de gnyis kyi mthu las byung ba'i sprul sku la nus pa ji lta
bu yod

ce na/ de 'chad pa la/ thub dbang dus gcig zhes sogs tshigs bcad
bzhi gsungs/ shes bya chos can/ thub pa'i sprul sku la nus pa
sun sum tshogs pa mnga' ba yin te/ /

thub pa'i dbang pos dus gcig kho nar chos khongs de'i rgyu mthun
pa'i gzugs sku gcig sngon thog ma med pa nas rang gi skye ba'i
gnas skabs su skye ba ji ltar blangs pa'i sngar gyi byung mtha'
da lta

'gags zin pa thams cad gsal ba dang ma 'chol ba ste phan tshun ma
'dres par byung tshul ni/ /ma lus pa rnams kyis bkra ba mtha' dag
'bad med du ston pa mdzad nus pa'i phyir/

thub pa'i dbang po chos can/ khyod la sngar bshad pa de tsam du
ma zad nus pa phun sum tshogs gzhan yang mnga' ste/ sngon byang
sems su gyur nas sbyin pa'i phar phyin

la spyod pa'i gnas skabs su sangs rgyas kyi zhing khyad par can
ci 'dra bar thub pa'i dbang po de rnams bltam pa sogs mdzad pa
bcu gnyis ston pa dang/ sangs rgyas de dag gi sku

@119a @#/ /dang spyod pa'i mthu dang stobs phul du byung ba ji
'dra ba dang/ 'khor nyan thos kyi dge 'dun 'dus pa ji snyed pa
dang/ chos gang la nan tan du byas pas dge 'dun der gyur pa ji
lta

ba ste ji 'dra ba dang/ sangs rgyas kyi zhing der byang chub
sems dpa' rnams gzugs mtshan dpe dang chos gos sogs kyis spras pa
ji 'dra ba dang theg pa gcig dang gsum las brtsams nas ji

'dra ba'i chos ston pa dang/ zhing der bdag nyid bram ze sogs
kyi rigs su skyes te khyim pa dang rab byung gang rung gyur pa
ji 'dra ba dang/ chos thos nas bslab pa'i gzhi ji 'dra ba rnams
khas

blangs te rgyal sras kyi spyod pa gang la spyad pa dang/ sangs
rgyas byang sems dang nyan thos sogs de dag la bza' btung dang
rgyan gos sogs sbyin pa gang dus ci tsam zhig tu tshad ji tsam

zhig phul ba de dag thams cad ni gcig kyang ma lus par sku gcig
la ston par mdzad nus pa'i phyir/ thub pa'i dbang po chos can/
nus pa phun sum tshogs pa mnga' ste/ sngon

sbyin pa'i phar phyin la spyod pa'i skabs kyi byung ba'i mtha'
kun sku gcig la ston par mdzad pa de bzhin du tshul khrims dang/
bzod pa dang/ brtson 'grus dang/ bsam gtan gyi ting

'dzin dang/ shes rab kyi phar phyin la spyod pa'i tshe sngar gyi
gnas skabs gang du sangs rgyas kyi zhing ji 'dra bar thub dbang
de 'dra ba byon pa sogs ma tshang ba med pa de dag thams cad sku
gcig la ston

@119b par mdzad pa'i phyir/ thub pa'i dbang po chos can/ rang gi
spyod pa ston pa'i nus mthu khyad par can dang ldan pa yin te/
sngon rang nyid kyis phar phyin drug la spyod pa'i spyod tshul
kun sku

gcig la ston par ma zad de dag thams cad sku yi ba spu'i khung
burAng gsal la ma 'dres par ston nus pa'i phyir/ gnyis pa gnas
der gzhan gyis spyod pa kun ston tshul ni/ 'o na/

rang gi spyod pa ston pa'i nus pa de ltar yin na/ gzhan gyi
spyod pa ston pa'i nus pa ji ltar yin zhe na/ de 'chad pa la/
sangs rgyas gang dag zhes sogs tshigs bcad gsum gsungs/ /

thub pa'i dbang po chos can/ gzhan gyi spyod pa ston pa'i nus
mthu khyad par can dang ldan pa yin te/ sangs rgyas gang dag
'das pa dang/ 'byung 'gyur ma 'ongs pa dang/ sangs rgyas gang
dag

da lta nam mkha'i mtha' thug par gsung gi gdangs mthon pos chos
ston pa'i sgo nas sdug bsngal gyis bzung ba ste gzir ba'i 'gro
ba rnams dbugs 'byin par mdzad cing 'jig rten na bzhugs pa

pa dang/ dus gsum gyi sangs rgyas de rnams kyis dang po'i thugs
bskyed pa nas bzung byang chub kyi snying po'i bar gyi sangs
rgyas de dag ni spyod pa kun kyang bdag gi spyod tshul ston pa de

bzhin du ba spu'i khung bu re rer dus skad cig ma gcig la ni
gsal la ma 'dres par ston nus pa'i phyir/ der thal/ dngos po
rnams mig 'khrul gyi rang bzhin dang bden brdzun 'dra

@120a @#/ /bar mkhyen nas bskal pa du mar goms par mdzad pa mthar
phyin pa yin pa'i phyir/ thub pa'i dbang po chos can/ gzhan gyi
spyod pa ston pa'i nus mthu khyad par

can gzhan dang ldan pa yin te/ sangs rgyas rang dang gzhan gyi
spyod pa kun ston pa'i de bzhin du dus gsum gyi byang chub sems
dpa' dang/ rang rgyal 'phags pa dang/ nyon thos 'phags

pa ma lus pa rnams kyi spyod pa dang/ de'i lhag ma so so skye
bo'i gnas skabs kyi spyod tshul thams cad ni ba spu'i khung bu re
rer dus gcig gi tshe gsal bar ston nus pa'i phyir/ gsum pa bzhed
pa la

mnga' bsgyur ba phun sum tshogs pa bshad pa ni/ kho na re/ sprul
pa'i skus rnam par mi rtog bzhin du sku'i bkod pa ston tshul de
ltar yin mod/ bzhed pa la dbang bsgyur tshul ji ltar

yin zhe na/ de 'chad pa la/ dag pa 'di ni zhes sogs tshigs bcad
gnyis gsungs/ thub pa'i dbang po chos can/ yul mnga' bsgyur ba'i
nus pa phun sum tshogs pa dang ldan pa yin te/

nyes pa ma lus pas dag pa'i bcom ldan 'das khyod kyi mdzad pa
'di ni bzhed pa tsam gyi 'jug pa yis de'i sgo nas rdul phra rab
gcig gi yul gyi khyon la nam mkha'i mthas gtugs pa'i 'jig rten
khams

ma lus pa chud par ston par dang/ 'jig rten gyi khams mtha' yas
pa'i phyogs ma lus pa rdul phra rab gcig gis khyab par ston mod
kyang rdul rags te che bar yang mi 'gyur 'jig rten gyi khams

@120b phra ba ste chung bar yang mi 'gyur ba'i phyir/ thub pa'i
dbang po chos can/ dus la mnga' bsgyur ba'i nus pa phun sum
tshogs pa dang ldan pa yin te/ rnam

par rtog pa mi mnga' ba khyod kyis srid mtha' bar skad cig dang
skad cig de 'dra ba re re la sprul pa'i spyod pa sna tshogs pa ji
snyed pa de snyed kyi grangs ni 'dzam bu gling ma lus pa na rdul
gyi grangs

gang ji snyed yod pa de snyed la med pa'i phyir/ gnyis pa stobs
bcu'i yon tan bshad pa la bzhi/ stobs bcu mdor bstan pa/ de
rnams rgyas par bshad pa/ yon tan kun

brjod mi nus pa'i tshul/ yon tan gnyis shes pa'i phan yon bstan
pa'o/ /dang po ni/ sangs rgyas kyi sku'i rnam bzhag de ltar yin
na/ thugs kyi yon tan ji lta bu yin zhe na/ spyir

mtha' yas mod/ 'on kyang stobs kyi yon tan tsam zhig ston par
byed pa yin la/ de yang re zhig mdor bstan gyi tshul du 'chad pa
la/ gnas dang gnas min zhes sogs tshigs bcad

gsum gsungs/ 'o na/ stobs kyi yon tan la dbye na ji tsam yod ce
na/ sangs rgyas kyi stobs kyi yon tan chos can/ dbye na bcu po
'di dag tu yod de/ gnas dang gnas ma

yin pa mkhyen pa'i stobs dang/ de bzhin du las rnams kyi rnam
par smin pa'i blo ste mkhyen pa'i stobs dang/ mos pa sna tshogs
thugs su chud pa'am mkhyen pa'i stobs dang/

@121a @#/ /khams ni sna tshogs pa mkhyen pa'i stobs dang/ de bzhin
du dbang po mchog dang mchog ma yin pa mkhyen pa'i stobs dang/
srid zhi thams cad du 'gro ba'i lam mkhyen pa'i stobs dang/

bsam gtan dang rnam par thar pa dang ting nge 'dzin dang snyoms
par 'jug pa sogs blo ste mkhyen pa'i stobs dang/ sngon gyi gnas
rjes su dran pa mkhyen pa'i stobs rnams dang/ de bzhin du 'chi
'pho ba

dang skye ba'i blo ste mkhyen pa'i stobs dang/ zag pa rnams zad
pa mkhyen pa'i stobs su yod pa'i phyir/ gnyis pa ni/ stobs bcu'i
rnam grangs de ltar yin mod/ so so'i ngo bo ji ltar yin zhe na/
'di

la gnyis/ gnas dang gnas ma yin pa mkhyen pa sogs kyi stobs lnga
bshad pa/ thams cad du 'gro ba'i lam mkhyen pa sogs kyi stobs
lnga bshad pa'o/ /dang po 'chad pa la/ rgyu gang zhig

las gang zhig ces sogs tshigs bcad lnga gsungs/ sangs rgyas kyi
mkhyen pa'i ye shes de ni chos can/ gnas dang gnas ma yin pa
mkhyen pa'i stobs su bshad pa yin te/ rgyu dge ba

gang zhig las 'bras bu bde ba gang zhig nges par skye bar 'gyur
ba'i dge ba de ni bde ba de skye ba'i gnas su de ltar mkhyen
pa'i sangs rgyas rnams kyis gsungs/ bshad pa de las bzlog pa dge

ba las sdug bsngal 'byung ba lta bu ni gnas min pa ste de lta
bu'i gnas dang gnas ma yin pa'i shes bya'i yul mtha' yas pa
mkhyen pa la thogs pa spangs pa ste thogs med du 'jug pa'i ye
shes yin

@121b pa'i phyir/ de chos can/ las kyi rnam par smin pa mkhyen
pa'i stobs su 'dod de/ 'dod pa ste/ dge ba dang mi 'dod pa ste
mi dge ba'i las dang de gnyis las bzlog pa dkar

nag 'dres pa'i las dang/ zag bcas kyi las ngan pa zad par byed
pa'i zag med kyi dngos po'i las dang/ las de yi rnam smin shin
tu mi 'dra ba sna tshogs pa la'ang mkhyen pa'i nus

mthus chags thogs med par so sor 'jug par 'gyur ba dus gsum gyi
las dang 'bras bu'i shes bya kun la khyab par mdzad pa'i ye shes
yin pa'i phyir/ de chos can/ mos

pa sna tshogs mkhyen pa'i stobs zhes bya ba yin te/ 'dod chags
kyis mtshon pa'i zhe sdang sogs kyi nyon mongs dang/ sogs kyis
bsdus pa dad pa sogs kyi 'byung ba ste sa bon gyi stobs

kyis bskyed pa'i 'dod pa ste mos pa ni shin tu mi 'dra ba sna
tshogs pa dman pa dang 'bring dang gang yang khyad par du 'phags
pa'i 'dod pa dang/ mos pa de las gzhan pa'i

chos la kun tu spyod pa rnams kyis sngar bshad pa'i mos pa'i sa
bon g.yogs pa ste bsgribs pa'i mos pa la'ang mkhyen pa dus gsum
du 'gro zhing 'jugs pas mos pa'i rab dbye ma lus pa la

khyab par byed pa'i ye shes yin pa'i phyir/ mdor bsdu na/ 'dod
chags sogs kyi spyod pa la gnas shing mos pa dang/ /

@122a @#/ /'dod chags med pa spyod pa la gnas shing mos pa'i mos
pa kun ji lta ba bzhin du mkhyen ces pa'i don no/ /mchog dman
gyi khyad par ni nyon mongs kyis skyed pa'i mos pa

dman pa dang/ dad sogs kyis skyed pa'i mos pa mchog dang/ de
gnyis gang yang ma yin pa'i mos pa ni 'bring yin no/ sangs rgyas
kyi ye shes de ni chos can/ khams sna tshogs

mkhyen pa'i stobs su 'dod de/ khams kyi rnam par dbye ba la
mkhas pa'i sangs rgyas rnams kyis/ mig sogs khams bco brgyad
dang de rnams kyi rnag bzhin nang stong pa nyid la

sogs pa gang yin pa de rnams khums su ji lta ba bzhin du gsungs
pas/ khams kyi rab dbye rnam pa kun gyi khyad par rnams la
rdzogs pa'i sangs rgyas rnams kyi mkhyen pa

mtha' yas shing chags thogs med par 'jug pa'i ye shes de yin
pa'i phyir/ de chos can/ dbang po mchog dang mchog ma yin pa
mkhyen pa'i stobs su gsungs

te/ /yang dag pa ma yin par lhag par sgro 'dogs pa'i kun tu rtog
pa chags sogs bskyed pa la dbang byed pas na dbang po yin la/
sogs kyi bsdus pa dad pa'i

dbang po sogs chos rnam pa nyid ni mchog tu bzhed la dad sogs
dbang po 'bring gi gnas skabs ni 'bring dang/ rtul po nyid ni
dbang po mchog ma yin par mkhyen cing bshad pa dang/ mig la sogs
pa'i dbang

@122b nyer gnyis dang/ dbang po rnams phan tshun 'bras bu chud pa
ste sgrub nus pa'i dbang po'i ngo bor re re la yang chags thogs
med par 'jug pa'i rnams pa thams cad mkhyen pa'i ye shes yin
pa'i phyir/ gnyis

pa/ thams cad du 'gro ba'i lam mkhyen pa sogs kyi stobs lnga
bshad pa la/ lam 'ga' rgyal ba nyid dang/ zhes sogs tshigs bcad
lnga gsungs/ sangs rgyas kyi ye shes chos can/ /

mtha' yas pa ste thams cad du 'gro ba'i lam mkhyen pa'i stobs su
'dod de/ lam 'ga' zhing rgyal ba nyid du 'gro ba'i lam dang/
'ga' zhig rang rgyal gyi byang chub tu 'gro ba'i lam dang ni

'ga' zhig nyan thos kyi byang chub tu 'gro ba dang/ la la yi
dwags dang/ dud 'gro dang/ lha dang/ mi dang/ dmyal ba rnams su
'gro ba'i lam dang/ la sogs pas yang dag pa dang log par

nges pa'i lam de rnams la chags thogs med par 'jug pa'i mkhyen
pa yin pa'i phyir/ sangs rgyas kyi ye shes 'di ni chos can/ kun
nas nyon mongs pa dang rnam par byang ba mkhyen pa'i stobs su

bshad de/ 'jig rten mtha' yas pa na yod pa'i rnal 'byor pa'i bye
brag la ste yon tan gyi khyad par tha dad pa mang po bsam gtan
bzhi dang/ rnam par thar pa brgyad gang dang/ zhi gnas gang dag
ste ting nge 'dzin

dang/ snyoms 'dzug gi khyad par gang dag gcig dang brgyad du
gyur pa'i mthar gnas snyoms 'jug dgu ste/ kun byung gi gnas su
gyur pa'i rab dbye de dag la thogs med du 'jug pa'i mkhyen pa
yin pa'i phyir/@123a @#/ /sangs rgyas kyi ye shes gang dang gang yin pa de ni
chos can/ sngon gyi gnas rjes su dran pa mkhyen pa'i stobs su
bshad de/ ji srid thog ma med pa nas gti mug rgyud la yod pa de
srid du

srid pa 'khor bar gnas pa na/ bdag dang sems can gzhan re re yi
srid par skyes pa'i sems can ni ji snyed pa de snyed kyi sems
can mtha' yas pa'i sngon 'das pa'i gnas skabs kyi skye ba thams
cad gzhi ste

rgyu dang bcas pa dran pa dang/ kha dog 'di lta bur 'gyur zhes
rnam pa dang bcas par dran pa dang/ yul 'di nas 'dri 'dra zhig
tu skyes zhes yul phyogs dang bcas pa dran pa ste dran pa'i yul

de rnams la thogs med du 'jug pa'i blo ste ye shes yin pa'i
phyir/ sangs rgyas kyi ye shes chos can/ mtha' yas pa'i sems can
'chi 'pho ba dang skye ba mkhyen pa'i stobs su 'dod de/ sems

can rnams kyi sems can re re'i rten gang nas 'chi tshul dang/
phung por nyid 'tshams sbyor tshul gyi skye 'chi bzang ngan sna
tshogs pa gang nam mkha' mthar thug pa'i 'jig rten la gnas pa

rnams la/ sna tshogs pa'i las kyi bzo bos ches bkra bar byas pa
mang po de la dus der bzhed pa tsam gyi 'jug pa yis/ rnam pa kun
tu yongs su dag pa ma chags pa ste thogs med du 'jug pa'i mkhyen
pa yin pa'i phyir/

chos can/ mtha' yas pa'i zag pa zad pa'i mkhyen pa'i stobs su
'dod de/ rnam pa kun mkhyen pa'i stobs kyis myur du rgyal ba
rnams kyis/ nyon mongs pa dag ni bag chags dang bcas pa thams
cad 'jig par 'gyur ba ste/

@123b spangs pa dang/ slob ma nyan thos dang la sogs pas rang
rgyal rnams kyis nyon mongs rnams bdag med mngon sum du rtogs
pa'i blo yis 'gog pa ste spangs pa gang yin pa de la chags thogs
med par 'jug pa'i mkhyen pa yin pa'i

phyir/ gsum pa yon tan kun brjod mi nus pa'i tshul ni/ 'o na/
sangs rgyas la yon tan de tsam du zad de zhe na/ de'i lan 'chad
pa la/ nam mkha' med pas 'dab chags nyes sogs tshigs bcad gnyis
gsungs/ slob ma

nyan thos dang de dang bcas par rang sangs rgyas dang/ sangs
rgyas kyi sras sa thon po la bzhugs pa rnams chos can/ khyod
rnams kyis sangs rgyas kyi yon tan kun brjod par mi nus te/
khyed rnams kyi sangs rgyas

kyi yon tan nam mkha' ltar mtha' yas pa rdzogs par ma brjod par
brjod pa las ldog par 'gyur la/ de ltar 'gyur ba ni sangs rgyas
kyi yon tan zad pas ma yin gyi rang gi blo'i mthu zad nas ldog
par

'gyur ba yin pa'i phyir/ dper na/ 'dab chags nam mkha' la phur
ba de zhi gnas ldog par 'gyur ba ni nam mkha' med pa ste zad pa
las ldog par mi 'gyur gyi/ /'dir ni 'dab chags kyi dbang pos
'phur

'gyur pa las re zhig na rang gi lus kyi mthu zad pas ldog par
'gyur ba bzhin no/ /dge slong zla grags chos can/ 'grel par
mdzad pa bdag 'dra bas thub pa'i dbang po khyod kyi yon tan 'di
dag ci ste ma lus la lta zhog cha tsam yang

rang stobs kyis shes pa dang ni brjod par nus 'gyur ram ste
brjod mi nus te/ sangs rgyas kyi yon tan mtha' yas shing tshad
bzung du med pa de'i phyir/ 'o na/ 'dir brjod pa dang 'gal lo
zhe na/ dge slong zla grags chos can/ sangs rgyas kyi yon tan
cha tsam

@124a @#/ /yang rang stobs kyis mi shes mod 'on kyang dogs pa
spangs te the tshom med par sangs rgyas kyi yon tan cung zad tsam
zhig smras pa la 'gal ba med de/ sangs rgyas kyi yon tan de dag

'phags pa klu sgrub kyis bshad pa las rtogs pa'i phyir/ bzhi pa
yon tan gnyis shes pa'i phan yon bstan pa ni/ kho na re/ bstan
bcos 'dir bshad pa'i yon tan rnams bsdu na gang du bsdu/ de rnam

shes pa la phan yon ci zhig yod ce na/ de'i lan 'chad pa la/ zab
mo stong pa zhes sogs rkang pa bzhi gsungs/ shes bya chos can/
bstan bcos 'dir bshad pa'i yon tan rnams bsdu na zab rgyas kyi
yon

tan gnyis su bsdu ste/ yon tan zab mo ni stong pa nyid kyi chos
kyi sku dang/ gzhi lam gyi de kho na nyid yin la de las gzhan pa
sa bcu'i yon tan dang stobs la sogs pa rnams ni rgya che ba'i
yon tan yin pa'i phyir/

bstan bcos 'di chos can/ khyed kyi de lta bu'i zab pa dang rgya
che ba'i yon tan gnyis bstan pa la dgos pa yod de/ de la brten
nas zab pa dang rgya che ba'i lam gyi tshul shes nas bsgom pas
sangs rgyas

kyi yon tan 'dir gnyis po 'di dag 'thob par 'gyur ba'i phyir/
gsum pa sprul pa'i sku bstan pa ni/ kho na re/ sngar bshad pa'i
sku de dag dang por mngon du mdzad nas chos longs gnyis rtag tu
bzhugs

par bshad mod/ sprul sku lan gcig bstan pa de tsam du zad do zhe
na/ de'i lan 'chad pa la/ slar yang mi g.yo sku mnga' zhes sogs
rkang pa bzhi gsungs/ de ni ma yin

@124b te/ nam mkha'i ji srid gnas kyi bar du sprul sku rgyun mi
chad du ston pa'i phyir/ ji ltar zhe na/ longs spyod rdzogs pa'i
sku chos can/ nyan rang dang so skye rnams kyi don dngos su byed
pa'i sprul pa'i sku phul

sum tshogs pa rgyun mi chad du ston pa mnga' ba yin te/ chos sku
brnyes su zin kyang de kho na nyid la mnyam par gzhag pa las mi
g.yo ba'i sku mnga' ba khyed kyis slar yang sa 'og sa steng sa
bla'i srid

pa gsum du byon nas/ sprul pa'i sku rnams kyis kyang dga' ldan
nas mi'i yul du gshegs pa dang ni der sku bltams pa la sogs pa
mdzad pa dang/ gdul bya rnams la byang chub zhi ba

myang 'das su bgrod pa'i chos kyi 'khor lo dang dbang po dang
'tshams par ston par mdzad pa'i phyir/ longs sku chos can/ khyod
kyi mchog gi sprul sku gzhan don dpag tu med pa byed de/ mdzad 

pa bcu gnyis kyi tshul de ltar bstan pa'i sgo nas/ 'jig rten te
sems can gyi khams g.yo bag ste sna tshogs pa'i spyod pa can
rnams re ba ste srid pa'i zhags pa ni/ mang pos dam por bcings

pa ma lus pa rnams grags 'dod dang phan lan sogs la ma ltos par
thugs rje chen pos theg pa gsum gyi mya ngan las 'das pa la bkri
ba ste 'god par mdzad pa'i phyir/ bzhi pa theg pa gcig tu

bsgrub pa ni/ kho na re/ de ltar na mthar thug theg pa gsum du
yod par 'gyur ro/ /zhe na/ de'i lan 'chad pa la/ gang phyir 'di
na de nyid zhes sogs tshigs bcad

@125a @#/ /gsum gsungs/ sangs rgyas bcom ldan 'das chos can/
khyod kyis gdul bya'i 'gro ba la theg pa gang dang mi mnyam pa
dbyer med pa'i mthar thug theg pa gcig kho nar bstan pa

yin te/ rgyu mtshan gang gi phyir na 'jig rten 'dir chos rnams
kyi de kho na nyid shes pa las/ sgrib gnyis kyi dri ma mtha' dag
sel ba ni lhur byed pa ste gtso bor gyur pa'i sel byed gzhan med

cing/ de kho na nyid kyi yul can gyi blo gros te ye shes kyi 'di
la yang yul la 'jug pa'i 'dzin stangs kyi rnam pa tha dad du
'gyur ba yod pa ma yin pa'i phyir dang/ chos rnams kyi de kho na
nyid ni rnam

'gyur mi 'dra ba'i dbye ba tha dad pa bsten pa'ang ma yin pa
de'i phyir/ mdor bsdu na/ mthar thug theg pa la mi 'dra ba du ma
med de/ sgrib pa thams cad bral rung yin zhing/ chos nyid la ngo
bo mi 'dra

ba'i dbye ba med pa'i phyir/ ces pa'i don na/ 'o na/ mthar thug
theg pa gsum du gsungs pa'i rgyu mtshan gang zhe na/ sangs rgyas
bcom ldan 'das chos can/ thog ma nyid du gdul bya 'ga' zhig theg

pa dman pa'i lam la 'jug par mdzad pa'i rgyu mtshan yod de/ 'jig
rten te gdul bya kha cig sangs rgyas kyi spyod yul zab pas gting
dpag par dka' ba la yid 'jug par mi 'gyur ba'i phyir/

der thal/ rgyu mtshan gang gi phyir na/ 'gro ba rnams la nyon
mongs pa'i nyes pa shas chen po skyed par byed pa'i sems can
dang/ bskal ba dang/ nyon mongs pa dang

@125b lta ba dang/ tshe yi snyigs ma lnga po 'di dag yod par gyur
pa de'i phyir/ bde bar gshegs pa chos can/ re zhig theg chen gyi
snod du mi rung ba'i gdul bya yod kyang/ de dag kyang rnam grol
lam la 'god pa dus

las mi 'da' ste/ rgyu mtshan gang gi phyir na/ khyod la gdul bya
'dul ba'i thabs la mkhas pa'i mkhyen rab dang/ dus las mi 'da'
ba'i thugs rje'i thabs dang lhan cig pa mnga' ba dang/ gang gi
phyir

bdag gis sems can thams cad dang sdug bsngal las bsgrol bar
bya'o zhes khyod kyis zhal gyis bzhes pa de mthar phyin par
mdzad pa'i phyir/ khyab ste/ dman pa la mos 'ga' zhig la theg
chen gyi gzhan

pa'i thabs kyis kyang de'i don sgrub dgos pa'i phyir/ 'o na/
theg pa gsum du gsungs pa'i dgos pa gang zhe na/ bcom ldan 'das
chos can/ khyod kyi theg chen gyi tshul rol tu nyan rang gi theg
pa 'di

ni gsungs pa la dgos pa yod de/ thog mar theg chen la bkri bar
mi btub pa'i slob ma nyan thos dang/ rang rgyal gyi rigs can
rnams sdug bsngal nye bar zhi ba'i tshul gyi bde ba la yid sbyar
bar

bya ba'i ched yin pa'i phyir/ dper na/ ded dpon thabs la mkhas
pa tshong phrug dang bcas pa rin po che yi gling du ches pa'i tshe
skye bo'i tshogs kyis yun ring por bgrod bgrod pa'i ngal ba ste
nye bar sel

ba'i ched du/ rin po che'i gling du ma son pa'i lam bar du grong
khyer yid du 'ong ba rnam par bkod pa ste sprul pa ltar ro/ /'o
na/ nyer zhi'i bde ba la sbyar ba de

@126a @#/ /tsam gyi chog gam zhe na/ shes bya chos can/ nyan rang
nyer zhi'i bde ba la sbyar ba de tsam gyis thar thug pa ni ma
yin te/ phyis nyon mongs pa rnam par dben pa'i blo sbyangs pa de
rnams la'ang logs

su gsungs nas sangs rgyas kyi sar 'god pa'i phyir/ dper na sha
ri'i bu rdzogs byang du lung bstan pa ltar ro/ /lnga pa mngon
par byang chub pa dang/ bzhugs pa'i dus kyi bshad pa la gnyis/
mngon par byang

chub pa'i dus kyi dbang du byas pa'i bshad pa dang/ bzhugs pa'i
dus kyi dbang du byas pa'i bshad pa'o/ /dang po ni/ slar yang mi
g.yo sku mnga' khyod kyis srid gsum byon nas sprul rnams kyis
gshegs pa

dang ni bstam dang byang chub zhi ba'i 'khor lo'ang ston par
mdzad/ ces thub dbang gis slar yang srid pa gsum du byon nas
mdzad pa bcu gnyis kyi tshul yang ston par dang bshad na/ 'o na/
de

ltar snon pa'i dus dang bskal pa'i grangs ji ltar yin zhe na/ de
'chad pa la/ bde bar gshegs pa zhes sogs rkang pa bzhi gsungs/
bde bar gshegs pa'i sprul sku chos can/ khyod

kyis byang chub snying por sangs rgyas tshul ston pa'i grangs
bsam gyis mi khyab ste/ phyogs bcu'i sangs rgyas kyi zhing ma
lus pa'i yul mtha' dag na rdul phra rab kyi rdul gyi grangs
rnams

ji snyed bdog pa ste yod par gyur pa de ltar du/ bde bar gshegs
pa khyed kyis byang chub mchog rab dam par gshegs shing sangs
rgyas tshul ston pa'i skal ba'i grangs

@126b kyang de snyed du yod pa'i phyir/ 'on kyang khyod kyi
gsang ba'i gnas 'di lta bu ni blo dman pa rnams la bsnyad par
bgyi ba ma lags te/ sngon dge rtsa ma bsags pa rnams/

de la mos par dka' bas bshad na nyes pa skye ba'i phyir/ gnyis
pa ni/ sprul skur sangs rgyas tshul ston pa'i grangs tshad de ltar
yin na/ sangs rgyas nas

gzhan don du ji tsam du bzhugs she na/ de'i lan 'chad pa la/
rgyal ba ji srid 'jig rten na zhes sogs tshigs bcad gsum gsungs/
rgyal ba bcom ldan 'das chos can/ ji srid gdul bya'i

'jig rten mtha' dag go 'phang/ mchog la rab tu zhi bar 'gro ba
min pa ste/ sangs ma rgyas kyi bar dang/ nam mkha' rnam par 'jig
par 'gyur ba ma yin pa de srid du gzhan don du bzhugs pa yin

te/ shes rab phar phyin gyi yum gyis mthar thug gi sras su
bskyed nas thugs brtse ba chen po'i ma ma la gtad pa yis/ 'khor
ba ma stong bar du bzhugs nas tshul lugs ni ston par byed pas

na/ khyod la rab tu zhi ba phyogs re bar 'gyur ba gang la mnga'
ste mi mnga' ba'i phyir/ dper na/ 'khor los bsgyur ba'i rgyal bu
rang gi mas bskyed nus ma ma gzhan la gtad pas rang gi rigs kyi
spyod

tshul mi 'dor ba ltar ro/ /'o na/ thugs brtse'i ma ma yis/ zhes
sangs rgyas 'jig rten du bzhugs pa thugs rje'i dbang gis yin par
bshad na/ sangs rgyas kyi snying rje'i ngo bo ji ltar yin

@127a @#/ /zhe na/ sangs rgyas bcom ldan 'das chos can/ khyod kyi
rgyud la sems can kun la dmigs pa'i snying rje khyad par can yod
de/ gti mug ma rig pa'i skyon gyi dbang gis 'jig rten pa rnams

kha zas te 'dod yon lnga la sred pas longs spyod pa na sdug
bsngal rgya chen po bskyed pas/ kha zas dug dang bcas pa za ba
po nyid skye bo nang mi ste thub pa nyid kyis bdag gir mdzad pas
na/ de rnams la khyod brtse

ba skye ba ji lta de lta bu ni/ dug zos nas sdug bsngal gyis
nyen pa'i bu gcig yid du 'ong ba la/ ma yis sdug bsngal gyi yid
skyid pa ma yin pa'i phyir/ des na mgon po bcom ldan 'das chos
can/ khyed

gzhan don dor nas rang nyid mchog tu rab tu zhi ba phyogs re bar
gshegs par 'gyur ba ma lags pa'i rgyu mtshan yod de/ snying rje
khyad par can gyi gzhan dbang gis gzhan don du bzhugs pa de yi
phyir/

kho na re/ /rgyal ba ji srid 'jig rten mtha' dag mchog tu rab
zhi bar/ /'gro ba min zhing nam mkha' rnam 'jig 'gyur med de
srid du/ /zhes bcom ldan 'das snying rje'i dbang gis 'khor ba ma
stong gi

bar du bzhugs par bshad na/ 'o na/ de'i rgyu mtshan ji ltar yin
zhe na/ bcom ldan 'das chos can/ thugs rje chen po khyed kyi
thugs ni zhi ba phyogs re bar 'jug pa las bzlog pas na/ khyod la

'khor ba ma stong gi bar du gzhan don rgyun chad pa'i myang ngan
las 'das pa mngon du byed pa mi mnga' ste/ 'khor ba gnas kyi bar
du sdug bsngal sna tshogs kyis mnar pa'i sems can yod pa gang
zhig

@127b sdug bsngal can gyi 'jig rten pa rnams thugs brtse ba'i
yul du rab tu gdong ba ste song bas na/ thugs rje yang skye bo'i
sdug bsngal gyi tshod la dmigs nas 'jug pa'i phyir/ dang po grub
ste/ rgyu

mtshan gang gi phyir na/ 'khor bar ji srid gnas kyi bar du de kho
na nyid la mi mkhas pa dngos po bden par mngon par zhen pa yi
blo can gyi skye bo rnams/ skye ba'i sdug bsngal dang 'jig pa
ste

'chi ba'i gnas skabs kyi sdug bsngal dang/ yul sdug bsngal ba
dang bral ba dang/ mi sdug pa dang phrad pa sogs kyis skyed pa'i
sdug bsngal myong ba dang/ 'ga' zhig las 'bras la mi mkhas pas

rgyu 'bras kyi dngos po med par bden par zhen pa'i blo can te
log lta can gyis sdig can gyi sa 'gro ba ste/ dmyal ba la sogs
pa'i sdug bsngal dang/ sngar bshad pa'i sdug bsngal de dag kyang
'thob pa des

phyir ro/ gsum pa bstan bcos ji ltar rtsoms pa'i tshul ni/ lugs
'di dge slong zla grags kyis/ zhes sogs tshig bcad bzhi gsungs/
dge slong dpal ldan zla grags chos can/

khyod kyi dbu ma la 'jug pa'i lugs 'di nyid/ lung rigs man ngag
gsum dang ldan pas rang bzo'i nyes pa med de/ rigs pa ni dbu
ma'i bstan bcos rtsa ba shes rab las gsungs pa'i

don gtso che ba rnams btus nas nges don gyi lung rnams ji lta ba
bzhin dang/ klu sgrub kyi man ngag ni ji lta ba bzhin du brjod
pa yin pa'i phyir/ ji ltar dbu ma'i bstan bcos 'di las gzhan
dngos smra ba'i@128a @#/ /gzhan lugs ni stong pa nyid ces bya ba'i chos 'di ni
phyin ci ma log par brjod pa med pa de bzhin du/ kho bo cag gis
lugs gang zhig brgal lan dang bcas te tha bsnyad pa 'dir byung
ba'i lugs kyang bstan

bcas gzhan na ni med do ces mkhas pa rnams kyis nges par mdzod
cig ste mdzad rigs te rang ngos nas sgrub pa tha snyad du yang
med bzhin du bya byed kyi rnam gzhag ches 'thad pa'i rten 'brel
zab mo gtan la

phabs pa'i phyir/ kho na re/ 'dir byung lugs kyang gzhan na ni/
med ces mkhas rnams nges par mdzod/ ces bshad na/ 'o na/ thun
mong ma yin pa'i bstan bcos 'di brtsom pa'i dgos pa gang zhe na/
shes

bya chos can/ bstan bcos 'di brtsams pa la dgos pa khyad par can
yod de/ 'phags pa klu sgrub kyi zab mo rtogs pa'i blo'i rgya
mtsho shin tu rgya che la gting dpag par dka' ba'am gnag pa'i kha
dog gis

'jigs pa'i skye bo sems tsam du smra ba sogs kyis klu sgrub kyi
lugs bzang po gang dag rgyang ring du spangs pa ste spangs mod
kyang/ klu sgrub de'i dbu ma rtsa ba'i gzhung gi tshig le'ur byas
pa kha 'bus pa me tog

ku mud lta bu/ zla ba grags pa'i blo gros kyi bsil zer gyi kha
phye ba las/ de'i nang gi legs par bshad pa'i bcud chu de sbrang
rtsis kha 'byed byed zla ba grags pa la sogs pa'i mkhas pa rnams
kyi da lta

yid kyi re ba rnams rab tu skong bar byed pa'i phyir/ de la kho
na re/ skye bos lugs bzang gang dag rgyang ring spangs pas zhes
slob dpon dbyig gnyen dang/ phyogs glang dang chos grags sogs

@128b kyis klu sgrub kyi lugs spangs shing zab don ma rtogs par
bshad pa mi 'thad de/ slob dpon de dag mang du gsan pa dang rgya
chen po dang ldan pa'i phyir/ zhe na/ shes bya chos can/ de kho
na nyid kyi don de

nyid gsan pa rgya chen po dang ldan yang/ dbyig gnyen sogs sems
tsam pa'i slob dpon gzhan dag gis thugs su chud par mi 'gyur
ba'i rgyu mtshan yod de/ de kho na nyid kyi don sngar bshad zin
pa'i

zab mo'i gnas blo gros dman pa'i ngo bor 'jigs su rung ba 'di
ni/ sngon stong pa nyid la lhag par mos pa'i bag chags goms pa
nyid kyis stobs las skye bo de yis nges par rtogs par 'gyur

ba yin la/ slob dpon de dag ni zab mo stong pa nyid la lhag par
mos pa dang bral pa'i phyir/ des na thar 'dod kyi gdul bya rnams
chos can/ dbu ma'i lugs las gzhan pa don dam

ston pa'i tshul lugs 'phags pa'i dgongs pa ma yin pa/ rang blos
rang dgar sbyar pa'i dngos smra ba'i gzhung 'di dag mthong ba
ste bltas nas gang nag gi bdag tu brjod pa ste de ston par byed

pa yi mu stegs kyi gzhung lugs rnams la bya ba ltar du/ sems
tsam pa'i slob dpon gzhan gyi lugs kyis bzhed pa'i gzhung klu
sgrub kyi lugs 'di las gzhan pa rnams la dga' ba'i blo don

par bya ste sems tsam pa'i ni dag gis de kho na nyid kyi don
thugs su ma chud pa de'i phyir/ bzhi pa brtsams pa'i bstan bcos
kyi dge rtsa bsngo ba ni slob dpon klu sgrub lugs bzang sogs
tshig bcad bzhi gsungs/ shes bya

@129a @#/ /chos can/ dpal ldan zla ba grags pas bstan bcos
brtsams pa'i dge ba bsngo ba'i tshul khyad par can yod de/ slob
dpon 'phags pa klu sgrub kyi dbu ma'i lugs bzang po lung dang
rigs

pa'i tshogs shin tu bsal bas bsnyad pa ste bshad pa las byung
ba'i bsod nams zla ba grags pa bdag gis gang zhig thob pa des/
'jig rten ma lus pas zab mo'i de kho na nyid ji lta bzhin du
rtogs nas

myur du bde bar gshegs pa'i sa kun tu 'od ces bya ba der bgrod
par shog cig ces bsngo ba'i phyir/ 'o na/ bsngo rgyu'i dge rtsa
de ji 'dra zhig yin zhe na/ bzhag tu yod de/ bsod nams phyogs
dang dus

kyi mthar khyab pas rgya che zhing/ yid kyi nam mkha' nyon mongs
kyi sngo zhing gnag par byas pa'i dkyil du dge ba ston kha'i
rgyu skar gyis bskor ba'i zla 'od ltar dkar ba 'am/ rtsom pa
po'i sems

kyi sprul la ste/ sems rgyud gnod pa'i rang bzhin can gyi sbrul
gdug pa dang 'dra yang/ dge ba phen pa'i rang bzhin can gyi
sbrul gyi gdengs ka'i yid bzhin nor bu dang 'dra bas/ khar par
gsum

ldan gyi dge ba de bsngo rgyu'i dge ba yin pa'i phyir/ de yang
khyad par phyi ma gnyis khengs skyung yin la/ so sor phye na
gnyis pas dkon pa'i khyad par dang/ gsum pas yul dman pa la yang
brten ste zhes pa'i

khyad par bden pa yin te/ rtags rim pa bzhin/ nam mkha' sngon po
la zla 'od dkar po 'char ba ltar/ yid nyon mongs kyis slad pa
la/ dge ba dkar po 'byung zhes dang/ sbrul zhe sdang shas

@129b che bas ngan pa yin yang de'i spyi bor nor bu yod pa ltar/
sems rgyud gnong pa'i rang bzhin can la dge ba med 'od yod ces
bstan pa'i phyir/ bzhi ba 'jug gi don la gnyis/ slob dpon gang

gis mdzad pa dang/ lo paN gang gis brgyur pa'o/ dang po ni/ dbu
ma la 'jug pa klu sgrub lugs kyi zab pa dang rgya che ba'i tshul
gsal bar byed pa 'di nyid/ yul sa man tar sku 'khrungs pa slob
dpon

chen po zla ba grags pa rig pa 'dzin pa sgyu ma lta bu'i ting
nge 'dzin brnyes par grags pa/ theg pa bla na med pa'i mchog la
thugs rab tu gzhol ba mi mthun pa'i phyogs kyis mi 'grog pa'i
mkhyen

rab dang thugs rje phul du byung ba mnga' ba/ ri mor bris pa'i
ba brus ma las/ 'o ma bzhos pas sems can gyi bden par zhan pa
bzlog par mdzad pas sbyar ba'o// gnyis pa ni/

kha che'i yul gyi grong khyer dpe med kyi dbus rin chen sbas
pa'i gtsug lag khang du kha che'i rgyal po dpal 'phags pa lha'i
sku'i ring la rgya gar gyi mkhan po ti lag ka la sha ste thig le
bum pa

dang/ bod kyi lo tsa ba'am 'jig rten mig ban de pa tsha ba nyi ma
grags kyis kha che'i dpe dang mthun par bsgyur/ phyis ra sa ra
mo chen rgya gar gyi paN Dri ta ste gnas lnga rig pa ka na ka la
rma ste gser

gyi go cha dang/ 'jig rten sdebs par byed pa'o/ 'jig rten 'dun
par byed pas na/ 'jig rten gyi mig tu gyur pa'i lo tsa ba de
nyid kyis nyi 'og shar phyogs dpe dang bstun shing tshig gi

@130a @#/ /ma legs par bcos te don gyi cha 'chad nyan gyis gtan
la phabs pa'o/ /smras pa 'dren pa zla bral bu ram shing pa nges/
/skye dgu nyon mongs nad kyis gzir ba la/ sman mchog

chos 'khor rim pa gsum bskor nas/ /sgrib gnyis nad las grol ba'i
mchog sbyin mdzad/ /rgyal ba gnyis pa klu sgrub snying po yis/
/rgyal ba'i gsung rab drang nges legs phye nas/ /

mthar lta'i dgra tshogs gzhoms byed mtha' bral lam/ /skal ldan
rnams la ji bzhin gsal bar mdzad/ /klu sgrub lugs bzang kun ta'i
tshal chen po/ /legs par 'byed pa'i mkhyen rab

'od stong can/ /'phrin las phyogs brgyar g.yo ba'i zla ba
grags/ /'dzam gling shar ri'i rtse la mngon par mdzes/ /de ltar
nam mkha' mi zad brtsod dus 'dir/ /'ga' zhig rtag lta'i chom

rkun tshogs kyis gtsos/ /gzhan dag chad pa'i chu bos rnam par
g.yengs/ /mtha' bral nor bu brnyed pa srid mtha' tsam/ /rgyal
ba kun gyi ye shes 'jam dpal dbyangs/ /blo bzang

rgyal ba grags pa'i ba dan can/ /smon lam dbang gis gangs ri'i
khrod byon nas/ /log rtog rgol ngan mtha' dag pham par mdzad/
/thugs bstan spyi dang khyad par rten byung lam/ /klu sgrub

zla ba'i bzhad pa ji lta bar/ /phyogs dus kun tu rgyas pa'i
'phrin las ni/ /slar yang rgyal ba'i bstan la rgyal ba bzhin/
/rgyal kun mkhyen brtse'i rang gzugs tsong kha pa'i/ /gral 'dzin

@130b rgyu skar dbus na zla ba ltar/ /yongs su grags pa nam
mkha' rgyal mtshan zhes/ /'phags bod mkhas mang dbus na mngon par
mdzes/ /gang gi gsung rab mthar thugs nyin byed dbang/ /

gzu lum chu 'dzin 'thug pos bsgribs pa'i tshe/ /rnam dpyod lung
rigs drag po'i rlung shugs kyis/ /thub bstan mkha'i la ches cher
gsal bar byas/ /bdag ni thos chung sbyangs pa'i

stobs dman pas/ /ma bshad pa dang log par bshad pa sogs/ /gal te
de la nong pa'i tshogs mtshis na/ /chos kyi phyan ldan rnams la
bzod par gsol/ /'dir 'bad dge ba

tung dang kun da ltar/ /mchog tu dkar dang gang zhig bsags pa
des/ /srid pa'i lam gyis dub pa'i 'gro ba rnams/ /rgyal ba dgyes
pa'i lam la 'jug par shog /bdag kyang deng nas tshe

rabs thams cad du/ /yon tan bdun gyis mdzes pa'i rten thob nas/
/phan bde'i 'byung gnas rgyal bstan 'dzin pa la/ /rgya ba tsong
kha pa dang mtshungs par shog /gnas skabs

kun tu bshad dang sgrub pa'i gegs/ / ma lus bde blag nyid du zhi
ba dang/ /mthun rkyen grogs dang bshes gnyen la sogs la/ /thams
cad bsam pa tsam gyis 'grub par shog/ /

ces mtha' bral dbu ma mchog gi rnal 'byor pa sgom sde nam shin
tu che rung/ sngon dpar du brkod pa'i yig nor chad lhag shin tu
che rung/ sngon dpar du brkod pa'i yig nor chad lhag

@131a @#/ /go 'khrugs sogs mang ba'i skyon gyis klog mi shes pa
tsam du yod pas phan pa cher med du lus pa/ deng dus blo gsal du
ma nas bcos legs mthar phyin byed dgos kyis skul

ma byung ba la rten nas/ dga' byang gtsang pa dge bshes dam chos
bstan spel gyis sgom sde rang gi gsung 'khrul med gang des rnams
rang sor bzhag pa'i steng du/ rje btsun pa yab sras

dang/ khyad par rje bla ma'i dgongs pa ji lta ba bzhin chad lhag
kha bskang zhing go rim 'khrugs pa sogs legs par bcos/ gzhung go
mi bde ba rnams go bde bar bya ba'i phyir 'bru bsnon

'ga' re btab par/ ma zad thal ba bzlog tshul/ chos can mthun
snang 'gog tshul/ chu 'bab sogs kyang bskul ba'i don du grwa
tshang rang gi zhal bzhes nang btun pa'i steng nas nyung du'i

tshig gis go bde bar byas te dga' ldan rnam par rgyal ba'i gling
gi rang shag tu bris pa'o/ /blun rmongs bdag gis mi shes shes
mdog byas pa 'di la nor 'khrul mchis na/ mkhas pa

rnams kyis dag par mdzad du gsol// dge'o// zhes pa 'di yang lhag
bsam gyi thugs rgyud legs par phyug pa'i sbyin bdag bal yul
'phags shing nye 'dabs su gnas bzhugs stod gnya'

snang ba blo bzang tshe ring lags dang/ bza' zla blo bzang sgrol
dkar/ ma bstan 'dzin chos skyid/ spun blo bzang bkra shis/ tshe
'das pa pad ma rdo rje bcas kyi khyim tshang nas/ 'di phyi'i rnam
dkar gyi

@131b dge tshogs du ma'i ched/ dga' ldan byang rtse thos bsam nor
gling grwa tshang gi yig cha sgom sde nam mkha' rgyal mtshan gyis
mdzad pa'i dbu ma'i spyi don 'di bzhin pod grangs bzhi brgya
tham pa'i par

'debs zhus pa'i 'gro gron gnang ba 'dis kyang rang gzhan sems
can thams cad kyi sgrib gnyis sbyang tshogs gnyis rdzogs myur du
mngon par rdzogs par sangs rgyas pa'i rgyur 400 gyur cig/ //

grwa tshang gi yig cha/ mtha' bral dbu ma mchog gi rnal 'byor ba
chen po sgom sde nam mkha' rgyal mtshan dpal bzang po mchog gis
mdzad pa'i dbu ma'i spyi don zla ba'i dgongs rgyan 'di bzhin

dpe grangs sum brgya tham pa dpar bskrun zhus pa'i 'gro gron gyi
yor sbyor gnang ba'i smon tshig tu/ ! rnam grol zhi ba'i rgya
mtshor ro gcig tu/ /gzhol ba'i mtha' yas chos tshul

@132a @#/ /dal 'bab klung/ /tshig gi gzegs ma res kyang dug gsum
gyi/ /dri ma yongs 'khrud legs bshad bdud rtsi 'di/ /dpar du
bskrun pa'i rnam dkar phung po'i mthus/ /yang

dag chos kyi sgo mo stong phag brgya/ /gdangs te rgyud lnga'i
'gro ba ma lus pa/ /nges legs nor ba'i mdzod la dbang 'byor
shog/ /ces dge bsngo'i smon 'di bzhin gong sa skyabs

mgon rgyal dbang thams cad mkhyen cing gzigs pa chen po sku'i
'phreng ba bcu bzhi ba rje btsun 'jam dpal ngag dbang blo bzang
ye shes bstan 'dzin rgya mtsho srid gsum dbang bsgyur

mtshungs pa med pa'i sde dpal bzang po mchog gis mdzad pa'o//
bkra shis// //mar gyur

'gro ba'i 'gal rkyen kun zhi nas/ /mthun rkyen dge tshogs mtha'
dag 'grub pa dang/ /'chad rtsod rtsom dang sa lam myur bgrod
nas/ /rnam mkhyen rgyal ba'i go 'phang

thob par shog/ /dge 'o// bkra shis// phyi lo 1989 dpar theng
dang po pod grangs 500 dpar bskrun zhus pa'o/f