@001a @#/ /rje btsun bla ma tsong kha pa chen po'i ngo mtshar rmad
du byung ba'i rnam par thar pa dad pa'i 'jug ngogs zhes bya ba
bzhugs so/ /

@001a [dd] @##/ /rje btsun bla ma tsong kha pa chen po'i ngo mtshar
rmad du byung ba'i rnam par thar pa skyes pa rabs kyi tshogs
nyung zad

cig yongs su brjod pa'i gtam du bya ba/ dang pa'i 'jug ngogs
zhes bya ba/ rje btsun bla ma dmigs pa med pa'i thugs

rje chen po dang ldan pa de'i zhabs la gus pa chen pos phyag
'tshal lo; ;tshogs gnyis spyod pa rlabs chen shar ri'i rtser/
/rgyal

sras dpa' bo smra ba'i zla ba 'dzegs/ /thub bstan ku mud bzhad
pa'i dpal yon can/ /rje btsun bla ma snying gi mun sel rgyal/ /

@002a [dd] @#/ /blo bzang dbyangs can ngag gi dpal mnga' ba/
/grags pa'i rdza rnga phyogs kyi mdzes mas brdung/ /dpal ldan
mkhas pa kun gyi mgos gtugs

pa/ /khyod kyi zhabs la bdag kyang phyag bgyid do/ /mi dman
brtul zhugs mchog gis legs bsdams shing/ /rnam dpyod ches phra
thub pa'i gzhung lugs

kun; ;zhib mor 'byed la zla dang bral gyur pas/ /gcig tu sgrub
la dgyes pa 'di rmad de/ /mgon po de yi yon tan rgya mtsho che/
/'byams klas gyur pa'i gting mtha'

ji tsam zhes/ /mthu chen rnams kyang khyogs la 'phyang 'gyur na/
/bdag ltas cung zad dpog 'ang ga la nus/ /'on kyang 'di na shugs
drag dad pa'i mes/ /snying gi chu  

@002b gter khol ba 'dzin byed pa/ /'di dag gdung sel spobs pa'i
rnga yab rtses/ /chu thigs tsam zhig blangs te gar bgyi'o/ /'di
nyid phyir na 'jig rten gzhan du yang/ /'di lta'i mgon gyis nam
yang mi

gtong zhing/ /de yi legs bshad bdud rtsis 'tsho gyur zhes/ /rang
don la gus re ba'i zhags pa yis/ /bdag gi snying ni yang dag
drangs gyur cing/ /shes ldan dad pa rab dkar ngang mo'i tshogs/
/dpag

yas yon tan 'o ma'i chu gter la/ /rab dga' rgyas pa'i slad du
'dir 'bad do/ /sos ka char sprin rgyas pa'i sgra dbyangs can/
/dpyid kyi dpal mo me tog do shal dgod/ /rma bya gzhon nu rol
pa'i

rtsed 'jo ston/ /'di dag 'jig rten ya mtshan ci yang byed/ /mkhas
rnams yid kyi brtan pa nyams byad pa/ /dam pa'i spyod pa rmad
byung brjod pa'i gtam/ /skal bzang rna ba'i btsud len

bsgrags pas kyang/ /thub rnams yid ni ci yang chags par 'gyur/
/gzhon nu nyid dang nges par 'byung ba'i tshul/ /don chen gnas la
dka' ba lhur blangs pas/ /rgyal ba dgyes pa'i go 'phang mchog

@003a @#/ /brnyes pa/ /'di dag ngo mtshar gtam gyi gleng gzhi yin/
/de yang bdag gi dpal ldan bla ma dam pa sangs rgyas bcom ldan
'das kyi ring lugs pa chen po/ 'jig rten thams cad la rgyu med
par yang gcig tu

mnyes gshin pa'i ngang tshul can/ ring mo zhig nas byang chub
sems dpa'i spyod pa rlabs po che dag gi pha rol tu byon pa/ rje
btsun 'jam pa'i dbyangs kyi thugs kyi 'od zer gyis blo gros kyi
padmo kha phye bas shes bya'i dkyil 'khor mtha'

dag la gzigs pa dag pa'i spyan dang ldan pa/ thun mong dang thun
mong ma yin pa'i mngon par rtogs pa'i yon tan rin po che'i tshogs
kyis thugs kyi bang mdzod yongs su gtams pa'i bdag nyid chen po
mtshan brjod par dka' ba

'di ni/ bskal pa dpag tu med pa'i snga rol nas sa bcu yongs su
rdzogs par mdzad de/ ma dag pa'i 'jig rten gyi khams rnams su
yang/ la la la ni 'khor los sgyur ba dang/ la la la ni khams kyi
rgyal po dang/

'ga' zhig tu ni brgya byin dang tshangs pa'i gzugs dang/ de bzhin
du byang chub sems dpa' khyim pa dang rab tu byung ba'i tshul la
sogs pa gdul bya dang 'tsham pa'i sku'i rnam par 'phrul pa dpag
tu med pa ji ltar nam mkha'i

lam las zla ba'i dkyil 'khor gcig nyid kyis sa'i stang du chu
snod tha dad pa sna tshogs pa zhig gi nang du cig car rang gi
gzugs brnyan ston pa de bzhin du 'bad rtsol med par nye bar
bstan pa las/ bdag cag

@003b rnams la ni/ 'u bu cag rang dang 'gro ba rigs mthun par
skye ba bzhes pa'i dge ba'i bshes gnyen nyid kyi rnam par bstan
pas don mdzad do/ /zhes bya bar khong du chud par bya ba yin pa
gor ma chag ste/ 'di la bdag nyid yid ches

par bya ba'i lo rgyus kyi gtan tshigs gtam du gleng ba'ang thos
so/ /de lta mod kyi tshul de ni skye bo phal mo che dag gis bsam
par bya dka' ba'i gnas yin pa'i phyir dang/ bdag cag dad pa dang
bsam pa'i stobs dman pa

dag gi rang bzhin dang skal pa ji lta bu yin pa nye bar gzigs
pa'i dbang gis bdag nyid kyang don 'di zhal gyis 'ches par mi
mdzad pa'i phyir/ gnas 'di ni bsnyad par bgyi bar mi nus so/ /de
lta na yang/ 'di nyid byang chub sems

dpa' lam la slob pa'i tshul nye bar bzung nas don mdzad cing phan
pa mdzad pa'i yongs su spyod pa dag gi phul du byung ba'i yon
tan gyi mtha' yang/ bdag cag sa'i dbang phyug ma thob pa dag gis
ni/ phyogs tsam zhig gzhal bar bya ba'i rngo

yang mi thogs mod kyi/ re zhig gdul bya dman pa dag la yang thun
mong du snang ba tsam gyi mdzad pa nyid la nye bar brten nas/
bdag nyid kyi khong du chud pa'i rnam par thar pa'i cha shas
'ga' zhig dang pa'i sor mo lan cig min par bskyod pa'i

'du byed kyis/ /gtam du bya ba'i me tog gi phreng bar brgyus te/
skal bzang skye bo dag gi rna ba la dgod par bya'o/ /de yang 'di
skad ces rjes su thos te/ bdag nyid chen po 'di thog mar sku
bltams pa'i mdzad pa gang du bstan pa'i yul ni/ mdo 

@004a @#/ /khams smad kyi sa'i cha/ shar tsong kha zhes grags pa/
sngon dus kha ba can pa rnams kyi rje bo lha btsan po dag gi
mnga' ris kyi chab 'og tu gtogs pa'i yul gyi ljongs la/ 'di nyid
sa'i yon tan phul du byung bar rgan

po dag gi brgyud pa'i kha las sgog par byed pa de nyid de/ 'di'i
yab ni/ dpa' zhing des pa dang/ sgrin cing brtul phod pa dang/
'byor cing rang bzhin drang ba la sogs pas/ skye bo gzhan gyi
yid du 'thad pa'i chos kyis

brgyan pa/ da ra kha che klu 'bum dge zhes bya ba yin la/ yum
ni/ bud med kyi rten la g.yo sgyu chung ba dang/ sems kyi ngang
rgyud mchog tu bzang ba nyid do/ /zhes ljongs de'i skye bo dag
mthun par gleng ba shing mo a

chos zhes bya ba ste/ yab yum de gnyis la sras drug mnga' ba
las/ bdag nyid chen po 'di ni bzhi pa yin zhing/ 'di'i gdung rus
ni mal yin la/ rje nyid dang gdung chos gcig pa tsam du gtogs pa
la mi ngo stong phrag longs pa yod

cing/ bdun brgyud ma chad pa'i gnyen dang snag gi gnyen mtshams
yang rgyas pa zhig ste/ de dag las snga phyir rab tu byung ba
yang dag par blangs pa mang po zhig byon pa thams cad kyang
brtul zhugs ma smad cing/ rnam dpyod yangs pa'i

mig can sha stag go/ /zhes grags so/ /de bas na sems dpa' chen
po de ni rnam pa de lta bu'i rigs dang rus dang cho 'brang phun
sum tshogs pa'o/ /de yang 'di nyid gang gi tshe yum gyi lus las
nye bar bltams pa de'i tshe/ 'di'i dbu

@004b ni gdugs lta bu dang/ dpral ba dbye sa che zhing smin ma
'dzar la shangs kyi gzengs mtho ba dang/ snyan shal ring du
'phyang zhing yan lag dang nying lag rgyas la dku skabs phyed pa
dang/ dbang po yongs su gsal zhing pags pa'i mdog ni me tog

ku mu da ltar dkar bas 'jig rten gyi skye bo gzhan dang mi mthun
pa'i mtshan gyi dpal gyis mdzes pa mig gi bdud rtsi zhig btsas
te/ de dang lhan cig tu 'dzin ma mtha' dag nor bu rin po che'i
cod pa na blangs pa ltar gyur to/ /gzhon nu de

nyid ni byis pa'i gnas skabs nyid nas kyang byis pa'i rgud pa
thams cad las yang dag par 'das shing/ bag med par rtse ba mtha'
dag las ni ngang gis log /nyes par spyod pa rnams ni rang bzhin
gyis bsdams/ kun la snyan par smra

zhing khro ba spangs pa dang/ 'grogs na bde zhing slong ba'i
skye bo dag la gtong ba'i lag brkyangs pa dang/ mgon med pa dag
la snying brtse zhing bden par smra ba dang/ blo gros dpag par
dka' zhing chos 'tshol ba la ngang gis zhugs pa la sogs

pa byang chub sems dpa'i spyod pa rlabs po che dag ni/ byis pa
gzhan dag skyes tsam nyid nas nu zho len pa'i kun tu spyod pa
dag ched du bslab par bya mi dgos pa ji lta ba de bzhin du gyur
to/ /de yang sangs rgyas bcom ldan 'das kyis/

bstan pa rin po che la thog mar 'jug pa'i sgo dam pa ni so sor
thar pa'i sdom pa dang/ yon tan kun gyi gzhi yang tshul khrims
nyid du gsungs shing/ so sor thar pa'i sdom pa yang khyim pa
dang rab tu byung ba'i phyogs gnyis su

@005a @#/ /gnas pa las/ gzhon nu 'dis rab tu byung ba'i lo'i
grangs su ma son pa'i snga rol tu/ chos rje karma pa rol pa'i
rdo rje las dge bsnyen gyi sdom pa yongs su rdzogs par mnos te/
mtshan yang kun dga' snying po

zhes btags so/ /de lta bu'i gzhon nu de nyid dgung lo gsum bzhes
pa'i tshe/ chos kyi rje don grub rin chen pa de nyid/ rje 'di'i
yab kyis gdan drangs pa zhig gi dus na/ khong pas yang la rta
dang lug la sogs pa zang zing gi gnang

sbyin dpag tu med pa mdzad nas/ khyod kyi bu 'di nga la phul
zhig ces bka' gnang ba yab kyis kyang dang du blangs te spro
dga' dang bcas pas phul/ de nas dgung lo bdun pa la nye bar bab
pa na/ chos rje de'i zhabs drung du phebs par

mdzad de/ rab tu ma byung ba'i snga rol nyid du chos rje des
gsang sngags rdo rje theg pa'i sgor smin par mdzad cing/ bcom
ldan 'das 'khor lo bde mchog dril bu pa dang/ kyai rdo rje dang
phyag na rdo rje la sogs pa'i dkyil

'khor du bcug cing dbang bskur /gsang mtshan don yod rdo rje zhes
btags/ rig pa 'dzin pa'i sdom pa dang dam tshig yongs su rdzogs
par mnas te/ mig gi 'bras bu ltar gces par bsrung bar mdzad do/
/de yang

chos rje de'i drung du thog mar 'phebs ma khad nas/ gsung rab
klog pa po mang du 'dug pa rnams la gzigs shing thugs kyis dpyad
pas de tsam gyis klog rang nyid kyis thogs med du 'don par nus
pa byung zhing ched du gtad nas

@005b bslab dgos pa ma byung/ dbang thob nas rab tu ma byung
ba'i gong dgung lo bdun du nye ba tsam gyi dus nyid du'ang/ bde
mchog dgyes rdor kun rig gshin rje'i gshed la sogs pa'i dkyil
chog mang po thugs la bzung/ bde mchog dril bu ba'i

bdag 'jug kyang lan mang du mdzad cing/ lha'i rnal 'byor dang
bzlas pa'i rim pa la sogs pa la gcig tu gzhol bar mdzad pa yin
no/ /de ltar rab tu ma byung ba'i dus de'i tshe nyid na skabs
shig nas bcom ldan 'das phyag na rdo rje

gtum po phyag gnyis pa'i rnam pa zhig yun ring po'i bar du nub
re zhing mnal lam gsal bar 'char ba dang/ khyad par jo bo chen
po dpal ldan a ti sha mnal lam du nar mar 'ong ba zhig byung/
phyis dbus su phebs dus sku 'dra gzigs

pa na rnam pa ji lha bar 'dug go /zhes gsungs te/ phyis jo bo
nyid slar yang kha ba can pa'i bstan pa nyams pa gso ba'i slad
du byon pa ltar/ mdo sngags kyi lam gyi rim pa yongs su rdzogs
pas gdul bya rnams smin cing grol bar mdzad de/ bstan pa

rin po che mi nub pa'i rgyal mtshan 'dzin pa rnams kyi gtsug gi
nor bur 'gyur ba 'di nyid kyi snga ltas su gdon mi za'o/ /de la
'di skad ces bya ste/ dad brtson dran dang bag yod shes bzhin
dang/ /brtul zhugs mchog dang blo gros dpag

dka' ba/ /ring nas 'dris pa'i yid gcugs grogs rnams kyis/ /gzhon
nu nyid na'ang mdza' ba ma btang ngo/ /lus kyi myu gu dang por
gyur pa yi/ /gnas skabs der yang yon tan me tog ni/ /dpag med
dri bzang rdzogs pa'i snying po

@06a @#/ /can; ;'di lta'i ngo mtshar su yis
bsam mi bya/ /zhes
bya ba ni/ rje btsun bla ma tsong kha pa chen po'i rnam par
thar pa yongs su brjod pa'i gtam du bya ba/ dad pa'i 'jug
ngogs zhes bya ba las/ gzhon nu nyid kyi gnas

skabs yongs su brjod pa'i rim par phye ba ste dang po'o// ! de
lta bu'i gzhon nu de yang/ sngon lan cig ma yin par goms par
byas pa'i bzang po'i rigs kyi bag chags yongs su sad pas/ byis
ba'i gnas skabs nyid na yang 'di

ltar rtogs te/ khyim na gnas pa ni bya ba ngan pa sna tshogs
pa'i las kyis brel ba'i 'ching ba dam pos bsngams pa/ bag med
pa'i gnas su gyur cing/ nye bar zhi ba dang 'gal ba/ zas gos
dang khyim gyi so tshis dang nor mngon par sgrub

pa sogs kyis rnam par dkrugs pas bzod par dka' ba'i sdug
bsngal gyi me 'obs lta bur gyur la/ rab tu byung ba ni nyes pa
de dang de 'dra ba gzhan dag las kyang rgyab kyis phyogs par
byed pa'i sgo dam pa ste/ dus gsum gyi sangs

rgyas thams cad kyis kyang/ rab tu byung ba nyid yang dag par
blangs sa snyam du dgongs nas dgung lo bdun pa'i tshe/ khyim
nas khyim med par rab tu 'byung bar mdzad de/ ngur smrig gi
rgyal mtshan yang dag par bzhes so/ /de la rje rin

po che 'di nyid/ thog mar yongs su 'dzin pa dang/ rab tu 'byin
par mdzad pa la sogs pa'i dge ba'i bshes gnyen ni/ gong du
brjod pa chos rje don grub rin chen ba zhes grags pa de nyid
yin la/ de'i rnam par thar pa phyogs mtshon tsam

@06b zhig zhar byung du brjod na/ de'i 'khrungs yul ni mdo
khams smad yin la/ gzhon nu la rab tu byung zhing dbus gtsang
du byon/ snye thang pa bkra shis sengge sogs la phar phyin
dang byams chos thams cad mkhas par bslabs/ gtsang

gi snar thang du byon/ bcom ldan rigs ral gyi bu chen/ bcom
ldan pa rang gi gdan sa pa/ ldong ston rigs pa'i sengge la
tshad ma rnam nges gsan sbyong mdzad/ de'i tshe rigs pa'i gnas
kyi dgag sgrub cung zad 'char dka' ba byung ba la/ zha lur

byon nas thugs rje chen po rang byon gyi drung du gsol ba drag
tu btab cing/ zhabs la khrag rdol gyi bar du nyin mtshan du
skor ba mdzad pas/ blo gros kyi nus pa mchog tu gyur pa
'khrungs te/ rigs pa'i gnas la thogs pa med par gyur nas/

rtsod pa bzang ba'i mchog tu grags pa byung zhing/ mthun rkyen
dkon po byung yang snar thang pa'i skyo tshul la brten nas
kyang legs par sbyangs/ de rjes zhwa lur grwa skor la byon
pas/ rin po che bu ston thams cad mkhyen pa gdan sar phebs

nas 'dug pa la'ang/ tshogs su bgro gleng mdzad pas legs par
zin/ mkhas pa'i grags pa'ang thob/ slar mdo smad du byon/
shing kun sde gsar gyi mkhan po mdzad/ de'i skabs shig tu bde
ba can gyi gdan sa mdzad par

zhu ba'i gdan 'dren byung bas dbus su phebs/ 'on kyang gdan
sa'i stabs ma 'phrod/ yo byad mang du bsnams byon pa rnams
kyis bde ba can dang snar thang sogs su gtsug lag khang dang
dge 'dun gyi zhabs tog rgya chen bsgrubs

@007a @#/ /nas/ yab chos sdings su skyes mchog rtogs ldan pa'i
drung du sgrub pa la byon/ phyag rdzas gang yod bla ma la
phul/ sgrub po la rtse gcig tu dril bas/ zhi gnas kyi myong ba
khyad par can

'khrungs/ de rjes mdo smad la byon/ bya khyung dang/ sha
sbrang dgon zer ba'i dgon pa gnyis btab/ lo sbrel gyi bar du
phar tshad kyis thog drangs/ byams chos rnams dang/ brtag
gnyis/ spyod 'jug sogs kyi bshad pa mdzad kyang/

bzhed pa ltar gyi phan thogs cher ma byung bas thugs skyo bar
gyur te/ sha sbrang du dpon po shAkya bzang po zer ba zhig
gdan sar bskos/ khong rang gi bya khyung du sgrub pa rtse gcig
tu mdzad pa yin te/ 'di ni mkhas shing grub pa brnyes pa/

lhag pa'i lhas dngos su rjes su bzung zhing byin gyis brlabs
par yang grags pa/ sku 'da' bar nye ba na lha'i sil snyan dang
me tog gi tshegs la sogs pas mchod cing 'di nas byang phyogs
logs su/ rnga sgra sgrogs zhes bya ba'i

de bzhin gshegs pa'i zhing du 'byon par nam mkha' las sgra
mngon sum du byung ba/ lkog tu gyur pa'i yul mngon sum du
gzigs pa thogs pa med pa la sogs pa'i mngon par rtogs pa'i yon
tan dpag tu med pa mnga' ba zhig te/ de

yang khong pas snar thang dang bde ba can du ja skol dang 'bul
ba mang du btang/ de dus ston ser zhig /rje 'di pa sku drung
na bzhugs pa la/ tshes grangs dang dus nges par yid la zungs
shig /de ring snar thang na rang re'i ja skol dang

@007b 'bul ba byed kyin 'dug gsungs/ rje 'di pas kyang/ dus
tshigs thugs la bzhag nas/ phyis 'bul skyel ba rnams kyis mar
la slebs dus legs par dris pas/ ja skol byas pa'i nyi ma de
nyid rang du 'dug gsung ba dang/ yab

tu rtogs ldan pa sku gshegs nas byang sems pa gdan sar bskos/
khong gi gsung yig 'bul skal dang bcas pa mdo smad du khong pa
la'ang bskur byung ba'i lan rnams yar la bskur dus/ sngar gyi
'bul skal bskur ba sogs

'phrod pa'i rgyu mtshan dang gsung shog thams cad gu ru dkon
gzhon pa la mdzad/ sngar rang re la byang sems pas byung ba
yin pas de la mdzad pa drag lags zhus pas/ 'di gas 'ong gsung/
lan 'khyer mi rnams kyis

dbus su sleb tsa na/ byang sems pa'ang 'das nas/ gu ru dkon
gzhon pa yab kyi gdan sar bskos tshar 'dug gsung/ de lta bu la
sogs pa'i lo rgyus mang du bsnyad du yod kyang mdas par 'gyur
bsam bris la/ de 'dra ba'i yon

tan gyi tshigs kyis mngon par mtho ba'i bla ma don grub rin
chen pas mkhan po mdzad/ dbus gtsang dang bal po sogs su mkhas
grub dang paNDi ta du ma la mdo sngags du ma sbyangs pa'i
bshes gnyen chen po/ ta dben gzhon nu seng ge

zhes grags pa'i slob ma gzhon nu byang chub ces bya bas slob
dpon mdzad de/ tshigs snga ma dge tshul gyi sdom pa yang dag par
mnos shing/ mtshan yang blo bzang grags pa'i dpal zhes bya bar
gsol to/ /bla ma 'dis byis pa nyid nas

@008a @#/ /bdag gir mdzad de/ bstan pa rin po che'i bdag po
chos kyi rgyal por 'gyur bar dgongs nas/ thugs kyi yul du shin
tu gces par bzung ste/ sman gyi shing ljon pa chen po mngon
par 'grub pa'i myu

gu ltar legs par bskyangs/ rab tu byung zhing rdo rje theg
pa'i sgor smin par mdzad de/ dbus gtsang du 'byon pa'i rdzong
tar dang do dam sogs shin tu che bar mdzad pas/ bka' drin che
ba'i bla ma zhig tu mdzad pa yin no/ /'dir

smras pa/ dbang po rab zhi dul ba'i dpal gyis ni/ /tshangs
spyod kyis rgan lha yi drang srong yang/ /mi bspun byis pa
ltar mdzad gzhon nu de/ /'dir ni gangs can sa yi thig ler
gyur/ /rgyal sras gzhon nu snying rje'i zla ba de/ /thun
mtshams

ngur smrig gos bzang 'dzin gyur pa/ /de yi mdo la khyim gyi
skyed tshal du/ /'dod pa'i ku mud la dga'i rtse dga' btang/
/zhes bya ba ni/ rje btsun bla ma tsong kha pa chen po'i rnam
par thar pa yongs su brjod pa'i gtam du bya ba dad

pa'i 'jug dogs zhes bya ba las/ khyim nas khyim med par nges
par byung ba yongs su blangs pa'i rim par phye ba ste/ gnyis
pa'o// ! de ltar rab tu byung nas 'di snyam du yongs su rtog
par mdzad de/ chos kyi rje sangs rgyas

bcom ldan 'das nyid kyis rjes su legs par gsungs pa'i chos
'dul ba la rab tu byung ba dag gi las su bya ba ni gnyis shig
bka' stsal te/ 'di ltar klog pa thos bsam dang/ sgrub pa bsam
gtan gyi rim pa'o/ /de bas na bdag

@008b gis kyang je dang por klog pa thos bsam gyi sgo nas
rgyal ba'i gsung rab legs par gsungs pa'i rgya mtsho chen por
bshes gnyen mkhas pa'i ded dpon la bsten te/ brtson pa'i gru
bo dus dang mthun pa'i rlung gis bskyod nas/ rnam par

dpyod pa'i skya ba 'dzin pa la bzo bas 'jug par bya'o snyam du
dgongs te/ de yang gangs ri dpal dang ldan pas yongs su bskor
ba'i kha ba can gyi ljongs 'dir sngon gyi chos rgyal byang
chub sems dpa' rnams dang lo paN mkhas grub

rim par byon pa rnams kyis byin gyis brlabs shing/ bstan pa
rin po che yongs su rdzogs pa'i sgron me ches cher dang por
gsal bar mdzad pa dang/ bar du bshes gnyen dam pa dag gis
rgyas par mdzad cing/ da lta'ang rgyun cung zad gnas

pa'i yul gyi ljongs mchog tu gyur pa ni/ dbus gtsang gi sa'i
cha 'di nyid yin pas phyogs 'dir 'byon par bzhed pa 'khrungs
te/ dam pa'i chos 'tshol ba la dpa' zhing/ brtul phod pa byang
chub sems dpa' rtag tu ngu ltar/ ring nas

bgrod pa'i lam gyi sdug bsngal bzod par dka' ba dag la'ang ji
snyam du mi sems shing/ legs bshad tshol ba la rings par chas
pa zhig go /de ltar dgung lo bcu drug pa'i tshe/ bla ma'i bkas
kyang bskul zhing/ bdag nyid kyang sgro

shugs drag pos dbus gtsang gi phyogs la 'byon par brtsams
shing/ de'i tshe chos rdza don rin pa'i zhal nas/ ngas khyod la
chos shig 'chad pa yin/ ci 'dra zhig 'dod gsungs pa la/ sems
la phan pa'i zhal ta zhig thugs

@009a @#/ /la 'dogs 'tshal zhus pas/ bla ma de ma 'ongs pa'i
'byung bar 'gyur ba mkhyen pa'i mngon par rtogs pa mnga' ba'i
stobs kyis/ 'byung 'gyur dang mthun par/ dang por thos bsam
'di la gyis/ de'i rjes su 'di

la gyis zhes sogs kyi rim pa dang/ de nas de dag gi don nyams
su longs la/ de rjes gdul bya rnams smin par gyis shig /ces pa
tshigs su bcad pa'i sgo nas gsungs/ gdams pa de zin bris su
mdzad nas byon pas dbus

su phebs tsam nas de bor/ rtsad bcad kyang ma rnyed/ dus phyis
phal che ba'i tshig bsnyel 'dug na'ang/ thos bsam sogs mdzad
pa'i rim pa thams cad de dang mthun par byung 'dug gsung
zhing/ gdams pa de'i tshig

phyis kyang thugs la bzhugs pa tho re ba 'dug pa ni 'di ltar/
gzhon nu blo bzang grags pa khyod/ /sngon sbyangs dge ba'i las
'phro can/ /sngon tshe dam chos bdud rtsi'i ro/ /'thungs pa'i
bag chags yod par nges/ /zhes pa dang/

yum chen rgyas 'bring bsdus gsum gyi/ /rgyan du gyur pa'i
mngon rtogs rgyan/ /thog mar bslab cing nan tan bya/ /de la
mkhas par gyur pa na/ /lung chos kun la 'phrig tshud 'gyur/ /d
yang sems kyi zur la zhog /de nas byang

chub sems dpa' yi/ /lam dang spyod pa'i rnam gzhag dag /ston
par byed pa'i mdo sde rgyan/ /mkhas pa'i yan lag dag tu bslab/
/'khor ba mya ngan 'das pa yi/ /rten du ston pa'i chos dang
ni/ /chos nyid rnam 'byed bstan

@009b bcos dang/ /thog ma tha ma rnam spangs pa'i/ /dbu ma'i
lam ni ston pas na/ /dbus dang mtha' ni rnam 'byed dang/ /sems
kyi chos nyid dag pa ni/ /sems can kun la yod pa ste/ /de nyid
bde gshegs snying por ni/ /ston byed

theg chen rgyud bla ma/ /byams chos lnga po de dag la/ /mkhas
par byed pa'i go cha gyis/ /rgyas pa'i bstan bcos rnam 'grel
dang/ /'bring du ston pa'i rnam nges dang/ /shin tu bsdus pa
rigs thigs te/ /lus dang 'dra ba'i bstan bcos

gsum/ /gtan tshigs thigs pa 'brel brtag dang/ /rgyud gzhan
sgrub pa rtsod rigs te/ /'phros pa yan lag lta bu zer/ /chos
kyi grags pa las byung ba'i/ /tshad ma sde bdun 'dzam gling na/
/sangs rgyas bstan pa gsal byed pa/ /nyi ma zla ba lta

bur grags /'di yi 'og tu de rnams slobs/ /de nas 'ga' zhig
brjed 'dug /mtshams shig nas/ blo gros bzang ldan khyod kyis
ni/ /mtha' bral chen po'i lta ba la/ /gal te mos pa yod gyur
na/ /'phags pa klu sgrub kyis mdzad pa'i/ /dbu

ma rigs pa'i tshogs rnams dang/ /de yi rjes 'brang zer ba zhig
yod de/ lhag ma rnams brjed 'dug gsung ngo/ /de nas 'bri khung
thel pa'i 'bul dpon ldan ma rin chen dpal gyis gdan drangs nas
'phrin las pa dang 'grogs te byon/ glang

lo ston gyi dus su/ 'bri khung dpal gyi nags khrod du phebs/
de'i tshe/ 'bri khung gi spyan snga rin po che chos kyi rgyal
po bzhugs pas/ khong gi spyan sngar mjal/ theg chen sems
bskyed kyi cho ga dang/ phyag chen lnga ldan la sogs pa

@010a @#/ /gsan/ de nas slob gnyer zhig la 'byon par bzhed pa
la/ grogs 'ga' zhig gis dbang med du khrid nas mi 'dod bzhin
du/ tshal pa'i sman pa mkhas pa dpon dkon mchog skyabs zhes bya
ba'i

gam du byon nas/ gso dpyad kyi gzhung la sbyangs shing/ yan
lag brgyad pa thugs la bzung/ der yun ha cang mi ring ba zhig
bzhugs nas chos grwa chen po bde ba can du byon/ bde ba can
pa'i rin po che snye thang pa bkra shis sengge dang/

gdan sa pa dge bskongs pa gnyis la chos 'brel gsan/ klog pa'i
slob dpon gtso bo slob dpon chen po yon tan rgya mtsho dang/
zhar chos pa slob dpon chen po u rgyan pas mdzad nas/ shes
rab kyi pha rol tu phyin pa'i man ngag gi

bstan bcos mngon par rtogs pa'i rgyan rtsa 'grel la legs par
thugs sbyong mdzad/ zhag bco brgyad tsam gyis gzhung gi tshig
mtha' dag shin tu byang bar thugs su chud cing/ 'jam skya'i
TI ka'i stang nas chos gsan cing

don kun chub par mdzad de/ sbyor ba brtsi ba sogs kyi thugs
rtsol cher ma mdzad par yang/ ring po ma lon pa la shes rab
kyi pha rol tu phyin pa'i tshig don la shin tu mkhas par gyur
nas/ slob dpon dang gogs mched thams

cad kyang blo gros kyi rtsal la dpag par dka' ba'i blos ches
cher ngo mtshar ba'i gnas su 'dzin la/ theg pa chen po mdo
sde'i rgyan ni/ sngar mdo smad du bzhugs pa'i dus nas thugs la
chud cing/ bshad gsar dang/ 'chad

@010b pa la sogs mdzad kyang/ bde ba can pa'i bla ma 'jam rin
pa zhes grags pa'i dge bshes chen po de byams ches la shin tu
mkhas par byed kyin 'dug pas/ mdo sde rgyan la sogs pa'i byams
chos rnams legs par gsan cing

thugs su tshud par mdzad/ bde ba can na thugs sbyong la bzhugs
pa'i tshe/ skabs shig tu/ rje btsun 'jam pa'i dbyangs kyi rnam
'phrul/ sa skyong mi'i dbang po'i cod pan/ dpal ldan bla ma
dam pa bsod nams rgyal mtshan

pa dben gnas chos rdzong du phyag phebs pa'i spyan sngar mjal/
'jam dbyangs a ra pa tsa na'i rjes gnang/ bde mchog dril bu
pa'i lus dkyil gyi dbang/ bur gyi mgon po'i rjes gnang rnams
gsan to/ de ltar lo gnyis tsam

la phar phyin gyi tshig don la shin tu mkhas par gyur nas/
dgung lo bcu dgu'i steng du gsang phu dang bde ba can la sogs
pa rnams su grwa skor la byon/ blo gros dang chos skad phun
sum tshogs pa'i snyan pa ring du song zhing/ bshes gnyen mkhas
pa

dag gi yid kyi dbang po rnam par dpyod pa'i lcags kyus drangs
par gyur to/ /de nas gtsang phyogs la 'byon par bzhed de/ rin
spungs kyi rong che ba la mdzad/ gzhung lam bsrangs nas sa
skya la 'byon par bzhed pa la lam grogs jo gdan

pa zhig yod pa'i stabs kyis/ rin spungs kyi rgyang mkhar phu'i
la la byon/ nyang stod mkhar kha la mdzad nas zha lur phebs/
bu ston rin po che ba'i dam pa'i chos kyi rgyal srid 'dzin
pa'i gdan sa pa/ lo tsA ba mkhan chen rin chen rnam 

@11a @#/ /rgyal ba'i drung du mjal/ bde mchog mai tri bcu gsum
ma'i dbang zhig gsan/ de nas snar thang la byon/ de nas gdan sa
chen po dpal ldan sa skyar phebs/ sa skya'i dus chos ma tshugs

kyi ring la sa bzang du byon nas/ sa bzang paN chen ma ti ba'i
drung du chos bka' ci rigs pa gsan/ chos tshugs nas sa skyar phar
phyin gyi grwa skor mdzad/ de ka'i 'phro 'thud pa la/ la stod
byang la byon/ 'dar bzang ldan/ ngam

ring 'ga' rong chos sde rnams su'ang grwa skor mdzad nas/ jo mo
nang du phebs/ chos rje phyogs las rnam rgyal ba'i drung du
sbyor ba yan lag drug gi 'khrid la sogs pa gsan/ de nas bo dong
la byon/ mar res spyi bo lhas su phebs/

de'i mkhan chen pa la bka' gdams lam rim gyi lung thob cig
mdzad/ de nas chos grwa chen po er grwa skor mdzad nas snar
thang du phebs/ sngar gyi phar phyin gyi TI ka 'jam skyas mdzad
pa de'i nang na/ mngon pa mdzod kyi lung mang

po drangs 'dug pa la 'bru gnon pa dka' bar 'dug pas rkyen byas
nas mdzod cig gsan par bzhed pa'i thugs bzhed che bar byung ste/
snar thang gi mkhas pa/ bla ma lo tsA ba don bzang pa la bsam
bzang gi TI kka'i steng nas mdzod kyi

bshad pa tshar gcig gsan kyang/ bdag nyid chen po 'di blo gros
dkyil ches bas de tsam du thugs khengs pa ma byung/ de'i dus
snar thang du dge bshes shig gi lag na phar phyin gyi nya TIka
cig 'dug pa gzigs pas/ sngar gyi

@11b 'jam skya'i TAkki la ltos na/ shin tu gsal zhing go ba
skyed pa zhig 'dug pas thugs spro bar gyur te/ khong pa la phar
phyin gyi bshad pa zhig gsan par bzhed pa dang/ nya TIka de na
mdzod kyi gzhung ci rigs la yang bshad pa gsal po 'dug pas/

mngon pa la yang legs po yod pa 'dra dgongs pa 'khrungs nas/
nyang stod du phyag phebs/ gnas rnying du thogs tsam zhig
bzhugs/ gnas rnying pa'i gzungs sgrub kyi steng du phar phyin
gyi grwa skor mdzad/ dbyar chos la rtse chen du phebs

pa mdzad nas/ mkhas pa'i dbang po rin po che/ nya dbon kun dga'
dpal ba'i spyan sngar phar phyin gyi gzabs bshad tshar gcig gsan/
thugs rab gsal zhing rnam dpyod yongs su rno ba dang/ bshad par
bya ba'i gnas rnams

brda sprod pa phul du byung bas gdul bya'i rna bar 'bab cing/
mkhas pa'i rnam 'gyur gyis shin tu thugs rangs par gyur/ de'i
tshe khong pa la mngon par mdzod cig gsung bar zhus pas/ ngas
legs po shod par yod de don gnyer byed

mkhan ma byung bas lta rtogs kyang re dga' dgos/ khams kyang ma
bde zhing phar tshad 'chad dgos pa 'dis 'phral la 'chad pa mi
'grub pa 'dug /nged kyi slob ma red mda' ba 'di blo gros can
mngon pa la shin tu ma khas pa zhig yod pas khyod

rang yang 'di la nyan na 'thad cing/ nyan par mi spro na mdzub
khrid cig bcol ba drag ces yang yang gsung gin 'dug pa dang/
khong gi slob ma sngar nas zhal 'tsho ba yod pas kyang mtshams
sbyar nas/ rje btsun red mda' ba dbyar de sa skya

@12a @#/ /nas rtse chen na phebs 'dug pa la mngon pa mdzod kyi
rang 'grel gyi steng nas mdzub khrid du mdzad de gsan pas/
gzhung gi tshig ris tsam la brten pa ma yin par/ bstan bcos kyi
lus yongs su rdzogs

pa'i don gyi khog legs par bsgrigs nas 'gangs 'chun pa'i go ba
bogs chod du ster nus pa zhig 'dug pas dad pa chen po 'khrungs/
gang gsungs thams cad lan re kho nas tshig don lhag ma med par
thugs su chud cing/ dka' ba'i

gnad rnams la dri gtugs legs par mdzad pas/ rje btsun pa yang
shin tu thugs 'phrogs par gyur te/ khyed la mdzub khrid byed pa
la legs par bsgrim dgos pa 'dug ces gsungs/ de yang bskal pa
dpag tu med pa'i

snga rol nas/ snyigs ma'i dus la bab pa na/ rgyal ba'i dam chos
mtha' dag legs par bzung nas/ bstan pa'i snying po mi nub pa'i
rgyal mtshan 'dzin pa'i smon lam phyogs gcig tu yang dag par
'byor zhing/ sku tshe snga

ma dag tu yang lan cig ma yin par theg pa bla na med pa dag gi
dam tshig yongs su dag pa'i dri bsung rdzogs pa'i snying po can/
dam chos padma dkar po'i phreng brgyud ring pos mkhas pa ngang
pa'i ded dpon zung 'di phan tshun lu gu rgyud

du 'khyud pa'i 'brel pa yongs su chad pa med pa'i rten cing
'brel bar 'byung ba'i chos nyid kyis/ thog ma nyid nas dpon slob
shin tu thugs gcugs par gyur to/ /de la rje btsun dam pa red
mda' pa chen po ku mA ra ma ti

@12b zhes 'jig rten gsum na mchog tu dkar ba'i grags pa'i ba dan
ches cher gsal ba 'di ni/ gzhon nu na tshod yongs su ma smin pa'i
skabs nyid nas/ legs par spyad pa'i nus pa yongs su smin pas/
byis pa nyid na yang/

chos brgyad bung ba'i rol rtsed la chags pa'i kun rtog spros
pa'i nyi 'od ni nub/ chags sdang 'byung po'i bya tshegs rgyu ba'i
bdag 'dzin mun pa'i smag rum ni sangs/ thub bstan gangs kyi ri
sul skyong ba'i rnam dpyod gdong lnga'i lus

rtsal ni yongs su rdzogs/ srid gsum dri za'i grong khyer ltar
gzigs nas rgyal sras sgyu ma'i rnam rol gyis spyod pa zhig ste/
gzhon nu la rab tu byung nas rgyal ba'i bstan pa lung gi chos
mtha' dag la legs par sbyangs/

dbang dang lung gsan pa tsam ma gtogs/ da lta'i bshes gnyen
gzhan dag gi kha la rag las pa med par yang/ mdo rgyud dgongs
'grel dang bcas pa gang la yang lan cig gam gnyis shig zhib tu
gzigs pa tsam gyis

bstan bcos de'i rtsa 'grel legs par sbyar ba'i don gyi lus yongs
su rdzogs pa khog bsgrib te rang rang gi lus ma 'dres par thugs
su chud nas rigs pa'i lam nas mtha' dag par drangs ta gzhan la
'doms pa la

thogs pa mi mnga' zhing/ khyad par dbu tshad kyi rigs pa'i lam
thams cad legs par nub nas ming tsam yang ma mchis par gyur pa
na rang stobs kyis dbu tshad kyi rigs pa'i lam srol phye nas
byang phyogs kyi mkhas pa kun gyi

@13a @#/ /mgo bo la bka'i phreng ba ngal bso bgyid pa'i shing rta
chen por gyur pa yin no/ /dam pa 'di'i mngon par rtogs pa'i yon
tan ni/ lhag pa'i tshul khrims nyes spyod kyi dri ma thams cad
dang bral ba zhig mnga'

bas gnas brtan 'dul ba 'dzin pa gser ri'i phreng ba'i dbus na
lhun po ltar mngon par 'phags shing/ bdag pas gzhan gces pa'i
byang chub kyi sems bcos ma ma yin pa thugs la rgyun chags par
mnga' bas 'gro ba

kun la bu gcig pa ltar dgongs te/ gzhan la phan par gzigs na
dmyal ba'i me yang padmo'i tshal ltar gzigs nas 'jug pa la ya mi
nga zhing/ rang gi ched du yongs su dag pa'i zhing gi 'byor ba
yang rmi lam gyi dga' ston

ltar gzigs nas ltos pa med pa gang yin pa 'di ni so so skye bo'i
byang chub sems dpa' phal mo che dag gis rjes su yi rang ba tsam
yang bya dka' ba'i rgyal sras kyi snying stobs phul du byung ba
mnga' ba/ dpal gsang ba 'dus pa

dang 'khor lo bde mchog sogs kyi bskyed rdzogs kyi ting nge
'dzin shin tu brtan po brnyes pas/ thun mong dang thun mong ma
yin pa'i mngon par rtogs pa'i yon tan gyi chogs la 'gran pa'i
zla thams cad dang bral ba/ rgyal

ba'i spyan sngar khas blangs pa'i dam tshig las mi g.yel ba'i
srung ma khyad par can dang/ dkar phyogs mngon par skyong ba'i
lha dag gis dngos su bsnyan bkur zhing/ legs so gsol ba'i tshig
gis mngon par bsngags pa/

@13b gzhan la chos ston pa'i 'phrin las lhur mdzad pa la dgongs
pa mngon du phyogs pa'i tshe/ nub gcig nam mkha'i dbus nas/
'phags pa klu sgrub dang thogs med la sogs pa shing rta'i srol
'byed chen po dag gis

dam pa'i chos kyi rnga bo che bzhi mngon par brdungs ba'i sgra
chen pos 'jig rten gang bar byas pa'i ltas mngon par gzigs pa la
sogs pa brjod kyis mi lang ba'i yon tan gyi tshogs kyis mtho ba
zhig ste/ rje rin po che 'di

nyid kyis kyang rgyal ba'i gsung rab kyi drang nges rnam par
'byed pa'i shing rta chen po dag gi lam srol/ dbu tshad kyi rigs
pa'i sgo dang por rje btsun 'di nyid las rnyed pas/ de'i phyir
'gran zla med pa'i bla ma gtso bar mdzad pa yin

no/ /de lta bu'i bla ma de nyid la mdzad kyi chos mthun 'ga'
zhig mjub khrid kyi lugs su mdzad/ de lhag don la khyad par mi
'dug kyang da lta'i mtshan nyid pa rnams la grags pa dang bstun
nas chos nyan bshad kyi lugs

su byas nas gsan gsung/ rtse chen gyi dbyar chos de grol nas/
ston bla ma rje btsun pa dang dpon slob gnyis kas nyang stod
bsam gling du chos par la byon nas/ rje btsun pa la/ dbu ma la
'jug pa tshar gcig gsan/

rje btsun pas kyang dbu ma gsung ba'i snga shos der 'dug /de'i
dus su grub pa brnyes pa'i rnal 'byor gyi dbang phyug chen po
gnas lnga rig pa'i mkhas pa mkhan chen lotstsha ba byang chub
rtse mo dbus su byon/ dgun chos

@14a @#/ /la skyid shod kyi po ta lar mngon pa kun las btus gsung
ba 'dug ces gsan nas/ de dus khong mngon pa'i bdag por byed kyin
'dug pas/ ci nas kyang kun las btus tshar gcig gsan par bzhed de/

ston gyi mjug la nyang stod nas phyag bteg nas dbus su phebs pa
mdzad/ po tA lar byon nas mngon pa gsung bar zhus pas/ khong pa
rang shin tu gsung bar bzhed pa 'dug pa la/ 'on kyang dgung lo
mang du bzhed pa sogs

kyi dbang gis myur du khong rang gi gdan sar phebs pa 'thad
snyam pa yed la bzhag nas/ myur bar gtsang phyogs la theg par
'dun pa'i zhu ba rdzong chi bas phul ba la brten nas/ de 'phral
la dbus nas gtsang phyogs

su phyag bteg /yar lam chos rdzong du chos rje bla ma'i sku 'dra
la mjal nas 'byon gyin 'dug /mngon pa'i thugs bzhed ma grub
kyang chos 'brel zhig gsan/ de'i dgun chos bde ba can du byon
nas bzhugs/ de rjes skyor mo

lung pa'i mkhan po dka' bzhi pa blo gsal ba zhes grags pa 'dul
mdzod la shin tu mkhas par byed pa de'i drung du skyor mo lung
du byon/ khong sngon dus kyi 'dul ba 'dzin pa rgya mtsho'i khrod
na nyi ma ltar grags pa'i 'dul 'dzin

chen po /dge ba'i bshes gnyen thag ma pa'i bu chen/ sbal te dgra
bcom pa'i bshad rgyud 'dzin pa'i gdan sa pa 'dul ba la shin tu
mkhas par 'dug pas/ de'i legs par bshad pa'i bgo skal blang bar

@14b bzhed de/ khong la 'dul ba mdo rtsa ba 'grel ba cha lag
dang bcas pa rdzogs par gsan te/ khong gi thugs la mnga' ba'i
'dul ba'i bshad srol lhag ma med par thugs su chud cing khyad
par lhag par rtogs/ de'i tshe chos

gsan pa'i zhor la mdo rtsa'i rgya cher 'grel gyi dbu nas nyin re
zhing mda' tshad bcu bdun re tsam ma chag par thugs la bzung/ dus
de dag gi tshe na/ tshogs su mang ja la byon pa sogs kyi skabs su/
dge 'dun rnams yum gyi sgrub

pa mdzad pa'i mdo 'don pa'i ring la/ sher phyin zhal ton du
mdzad cing chos thams cad snang la ngos gzung med pa'i don la
mnyam par bzhag pas/ dge 'dun gyi chos spyod dang/ bdud bzlog
sogs kyi tshig 'bru tsam 'ang thugs

kyis mi nges par/ rnam rtog gi rgyu ba rags pa thams cad log
nas/ gsal stong 'dzin med kyi ngang la thugs rtse gcig tu gnas
pa mang ja'i 'go mjug 'khyongs pa 'bad rtsol med par 'jug pa
byung/ bod kyi grub thob tu byed pa'i

rtogs pa bzang shos mthar thug pa de thugs la 'khrungs 'dug
na'ang/ gsung rab kyi gnad ma lus pa thugs su chud pa'i bdag
nyid chen po 'di ni de 'dra ba la yang sems gnas kyi nyams bzang
po thugs la 'khrungs pa'i ting nge 'dzin

thun mong ba'i khyad par tsam ma gtogs/ de kho na nyid rtogs
pa'i ting nge 'dzin thun mong ma yin par 'khrul pa'i dri tsam
yang mi bro ba 'di lta bu ni mkhas pa mgu ba'i yon tan dpag par
dka' ba yin no/ /de'i tshe rgya cher 'grel gyi bam po bzhi

@15a @#/ /bcu lhag tsam thugs la chud par gyur pa tsam gyi mtshams
su/ bar gcod kyi rnam pa sku stod bsnyung ba'i snyung drag po
zhig byung/ yun ring du ma phan pas/ stod lung phur u rgyan
bsnyen sgrub la mkhas pa zhig gi

gam du byon nas/ man ngag thugs nyams su bzhas kyang phan pa ma
byung/ bde ba can du byon nas kyang bcos thabs ci rigs par mdzad
kyang ma phan/ bde ba can na kha mchu dang 'khrug long mang du
'dug pas kyang thugs skyo

bar gyur te/ dpon slob 'ga' zhig gis dgun gtsang phyogs la byon/
sa skyar 'byon bzhed pa la/ lam du ha cang grang ba'i reg pas 'o
brgyal bar 'dug pa dang bshul lam thag ring bas ngur smrig gi
phu la mdzad

gnas rnying du byon/ de'i dgun gnas rnying du bzhugs/ gnas
rnying pa'i don gnyer ba dang phyag phyi la byon pa 'ga' zhig
gis nan cher gsol ba btab pa la brten nas/ de gong mngon pa kun
las btus la ched du gtad pa'i

gzigs rtog ma mdzad kyang/ de dus tshig la gzigs pa tsam gyis don
yang thugs la cig car du gsal bar 'char bas/ thog mar gzigs pa'i
rim pa bzhin gzhan la yang 'doms pa'i sgo nas/ mngon pa kun las

btus tshar gcig rtsal bshad mdzad do/ /de'i dpyid ka snar thang
la mdzad nas sa skyar byon/ de'i tshe sa skya na bla ma rje btsun
red mda' pa chen po lam 'bras gsan gyin 'dug pa dang mjal nas de
nas bzung ste zla ba bcu gcig

@15b tsam gyi ring las skyar khong gi spyan sngar bzhugs/ rje
btsun pa khong rang lam 'bras sogs gsan pa'i ngang nas/ bla ma
'di la mngon pa kun las btus gzabs bshad tshar gcig mdzad/ gzhan
yang de'i tshe tshad ma rnam

'brel la gtso bor sbyangs shing gsan ba dang/ dbu ma 'jug pa
sogs kyi bshad pa dang/ 'dul ba lung la sogs pa bka' bstan bcos
mang po'i lung yang gsan/ bla ma rdo rje rin chen pa'i drung du
brtag gnyis sa lugs kyi

bshad pa tshar gcig kyang gsan cing/ sa skyar bla ma rje btsun
pas mtshams sbyor mdzad nas bla brang shar pa tshang gi sngags kyi
dge bshes bgres po man ngag la mkhas par byed pa zhig 'dug pa
las/ man ngag blangs te bla brang

rin chen sgang gi rgyab phyogs de la 'byon gyin ma ning gi ha
'don pa sogs lan 'ga' yar mdzad pas sngar gyi sku stong kyi
bsnyung gzhi de lhag ma med par thon/ sa skya nas dpon slob
rnams kyis la stod byang gi sa'i cha dam ring du

chos bar la byon nas/ dpyid dang dbyar gnyis ka ngam ring du
bzhugs/ bla ma rje btsun pas der mngon pa kun las btus kyi TIka
chen mo de'i rtsom pa mdzad/ brtsams tshar rim bzhin rje 'di pas
kyang thugs la chud par mdzad cing/

rgyas pa'i bstan bcos tshad ma rnam 'grel phyi rang 'grel de zhib
tu gsung bar zhus nas tshar gcig gsan to/ /de'i ston 'khrungs yul
tnas rkyen du bab pa'i 'tshog chas ci rigs pa 'phrin las pa'i
nang du 'bul ba bskur yod pa 'dra zer nas de bzhes

@16a @#/ /ba la sogs
pa'i slad du nga ma ring nas sa skya la
mdzad de dbus su byon/ dbus su phebs nas/ grogs dang slob 'brel
mang pos bskul zhing/ mdo smad nas yum gyis kyang zhu ba nan
cher byung bas rkyen byas nas/

lan cig mdo smad la 'byon par bzhed pa 'khrungs te/ mal gro lha
lung du byon/ lag len 'ga' zhig la thugs sbyong yang mdzad par
brtsams pa la mtshams shig nas/ ci phyed de 'dra ba la dgos pa mi
'dug /da ni mdo khams

dang yul gyi phyogs la gtan nas mi 'gro ba'i yi dam bca' bar
bya'o/ /snyam du dgongs pa shugs drag po skyo shas dang bcas pa
zhig 'khrungs nas de 'phral du mdo smad la mi 'byon pa'i thugs
thag bcad do/ /lar yang bla ma

'di nyid kyi skye bas thob pa'i mngon par rtogs pa'i yon tan gyi
tshogs bgrang ba las 'das pa'i yal 'dab rnam par rgyas pa'i
tsandan gyi shing ljon pa chen po'i ngos las zags pa/ gsar du
mngon par 'bad pa'i rkyen gyis cung

zad kyang ma bsgos par yang lhan cig skyes pa'i dri bsung gis
srid pa'i che gdung 'jil bar mdzad pa'i ga bur gyi thigs pa'i
cha shas re re snying la reg ba'am/ de'i ngo mtshar ba'i rnam par
thar pa'i me tog rnam par bkra ba gcig tsam

yang; tshig gi srad bus gang gi rna lung mdzes par byas pa'i shes
ldan rnams kyi mig gi padmo chu'i khur gyis mngon par non pa
dang lhan cig tu lus kyi skyed tshal ba spu g.yo ba'i mgo lcog
dang bcas pas yid kyi brtan pa nyams

@16b pa gsal bar byed cing/ dad pa'i shugs kyis brtabs par gyur
ba'i bstod cing smre ba'i tshig bab col du sgrogs par 'gyur pa
'di lta bu mngon par skyed pa'i rgyu ni bsam par bya dka' ba
ste/ de yang bdag nyid chen po 'di la ched du bsams

pa'i sgo nas rnyed bkur dang/ snyan grags dang/ 'khor ba'i phun
tshogs gzhan gang yang rung ba/ tha na tshangs pa dang brgya byin
gyi dpal la 'ang mngon par 'dod pa'i sred pa skye ma myong ba
lta zhog gi /phun sum tshogs pa'i dpal ji tsam

'byor ba de tsam gyis slar zhing sred pa zad pa'i stobs ches
cher rgyas par 'gyur ba'i grogs byed pa ni/ dam pa rnams kyis
dran shes kyi lcags kyus yid kyi gnyis 'thung yongs su bzung
ba'i 'bad pa la ltos nas nyams su blang ba yang

shin tu bya dka' ba'i gnas yin na/ 'di ni blo sngon du gtong ba
la cung zad kyang ltos pa med par yang gzhan dag gis bsnyen bkur
ba dang/ snyan par smra zhing legs par bsngags pa dang/ 'byor
ba'i khyad par mchog tu gyur pa rgya chen pos

mngon par mchod pa sogs phun sum tshogs pa ji tsam zhig byung ba
de tsam gyis kyang slar zhing 'du byed thams cad la mi rtag pa'i
'du shes dang/ mgon med pa thams cad bskyabs par 'dod pa'i brtse
ba dang/ rgyal ba sras bcas

thams cad bsnyen bkur bar bzhed pa'i dad pa rnams phan tshun
'gran pa bzhin du 'phel bar 'gyur gyi/ gzhan du na sred pa 'phel
ba dang/ rjes su mthun pa ni gnas med cing go skabs med do/ /'di
ni 'di'i skye bas thob pa lhan skyes

@17a @#/ /kyi yon tan yin gyi/ sku tshe 'di nyid du gnyen pos gsar
du bskyed pa'i sbyor byung ni ma yin no/ /de yang kho bo la
gzhan gyis stan bzang po bshams pa dang/ gus pa'i bsnyen bkur
sogs ci tsam byas

pa tsam gyis ched du bsam mi dgos par dus de'i skabs rang du/
'di thams cad mi rtag cing yid brtan du mi rung ba/ sgyu ma'i
blo brid dang 'dra ba yin snyam pa'i skyo bshugs drag po snang
ba bun long du thongs pa yid gting nas 'gyur ba

rgyun ring po re skye ba zhig dang po nyid nas rang chas su yod
pa yin/ zhes gsung ngo/ /'di ni shin tu mtho ba'i rtogs pa khyad
par can du bod la grags pa mang po zhig gis cha tsam du yang
bsgrun par mi nus pa'i mngon par rtogs pa'i

yon tan yin la/ zag bcas kyi phun tshogs la sred pa 'gog pa med
du mi rung ba'i dgos ba nye bar gzigs nas/ chos kyi rje sangs
rgyas bcom ldan 'das kyis kyang/ de'i gnyen po yid la byed pa
theg pa che chung gi mdo sde rnams su lan

cig ma yin par bka' stsal ba lta zhog gi /tha na dge slong rnams
la rin po che'i khri la 'dug pa sogs bya dgos pa byung na mi
rtag pas nyen pa'i 'du shes nye bar gzhag par bya ba sogs kyi
bslab pa bcas pa'i sgo nas kyang dan de sgrub

par mdzad pa yin te/ de bas na tshul 'di ni mkhas pa mgu ba skyed
pa'i rnam par thar pa ches ngo mtshar rmad du byung ba yin no/
/de nas ston de ma la gro lta lung pa'i bla ma bsod grags pa la
chos lung yang mang rab

@17b gsan cing/ bar zhig tu sku mtshams bcad nas thugs dam mdzad/
rnam 'grel gyi rnam bshad rigs mdzod la gzigs rtog mdzad cing/
le'u gnyis pa'i skabs kyi lam gyi rnam gzhag ston pa'i skabs la
legs par gzigs

pas rkyan byas nas/ chos kyi grags pa'i gzhung lugs dang rigs
pa'i srol la dpag tu med pa'i dad pa shugs drag po mnan pas mi
non pa 'khrungs shing/ ston der bzhugs kyi ring la rnam 'grel
gyi gzhung la gzigs

tsam nas dad pa'i spu long g.yos te spyan chab kyi rkyun bcad
par mi nus pa rtag tu 'ong ba zhig byung gsung ngo/ /de'i dgun
chos bde ba can du bzhugs/ dpyid chos sngon ma la/ grwa skor
mdzad bzhed pa'i po ti 'ga' yar gyi gzigs

rtog mdzad nas gtsang la byon/ snar thang du phebs/ bla ma
lotstsha ba don bzang pas tshad ma'i TIkka zhig mdzad 'dug pa de
tshar gcig cis kyang nyon/ zhes bka' gnang nas gsan dgos pa
byung/ dbyar chos de snar thang du rnam

'grel mngon pa gong 'og mdo rtsa dang bcas pa'i grwa skor mdzad/
snar thang du gzhung bskyur btsugs pa'i thog ma de yin/ de nas
ston chos la/ bla ma rje btsun chen po bo dong na chos par la
phebs pa gsan nas er byon/ bla ma lotstsha

ba na mkha' bzang po la/ snyan dngags me long gi bshad pa la
sogs pa gsan/ gtso bor bla ma rje btsun pa la dbu ched mngon pa
sogs gsan cing/ phar phyin dang 'dul ba yang rang re'i drung du
tshar re nyan na rten 'brel gyi khyad par

@18a @#/ /zhig 'ong du re bas gsung 'tshal zhus nas tshar re gsan/
dbu ma 'jug pa'i bshad pa ma gtogs/ rtsa she la sogs pa'i rigs
tshogs gzhan gyi bshad pa gsan pa ma byung zhing/ dbu ma rigs
tshogs thams cad

kyi lung zhig snar thang mkhan po kun dga' rgyal mtshan pa las
blangs/ khong gis ni khong rang gi zur chen gyi go sa de sngar
dbu ma'i zur chos pa zhig gi go sar 'dug pas de nas brgyud par
'dug gsung zhing/ bde ba can pa'i bla ma

'jam rin pa la'ang lung gsan/ khong gis chos rje bla ma la gsan
par 'dug /bla ma rje btsun gyis dbu ma rigs tshogs rnams kyi lung
brang mo che'i gdan sa pa bla ma chos bshes pa las blangs/ khong
gis snar thang pa sher seng gi drung du

lung gsan par 'dug gsungs te/ mdor na de'i tshe khong dpon slob
la rigs tshogs rnams kyi bshad pa lta zhog /lung len pa'i yul
yang dka' bar byung 'dug go /de nas dpon slob gnyis ka thabs cig
tu sa skyar byon/

rje rin po che 'dis/ de'i tshe sa skyar gong du smos pa'i dka'
chen rnams kyi grwa skor mdzad/ de dus po ti gzhan bcu lhag tsam
gyi grwa skor yang mdzad pas chog pa yod kyang/ de dus kyi grwa
sa rnams na po ti gzhan rnams kyi grwa skor

byed pa'i lugs mdar 'dug pas ma byas gsung ngo/ /de nas de
'phral la nga bus la byon nas/ sos gung thang tshes bcu'i gnas
skabs nas brtsams te/ rim pa bzhin du gsang phu dang rtsas thang
la sogs pa'i

@18b grwa sa chen po rnams su/ phar phyin sngar nas mdzed tshar
bas/ de ma gtogs pa bka' chan lhag ma bzhi'i grwa skor mdzad
cing/ de'i tshe dbus gtsang gi grwa sa chen po rnams kyi dge ba'i
bshes gnyen sde snod 'dzin pa rgya mtsho

lta bu mtha' dag kyang/ dam pa 'di'i blo gros kyi bang mdzod las
'ongs pa'i legs bshad gsar pa'i dus ston nyams su myong bas ni
yid tshim/ rnam dpyod 'dab bzang dbang po'i spar khyim las thon
pa'i dngos stobs

rigs pa'i sder mo mi bzad pas bsdigs pas ni snying 'dir/ mkhyen
rab gting mtha' yangs pa'i chu gter chen po nga rgyal khengs
pa'i rlabs 'phreng zhi bas dul ba'i dpal gyi ni dad pa'i spu
long kun nas g.yos te/ 'jig rten

ma lus pa ngo mtshar ba'i gtam gyi dga' ston la rol bar byed pas
dus 'da' zhing/ sa gsum na snyan pa'i ba dan btsugs par gyur te/
/smras pa/ snying stobs zla ba rdzogs pa de yi snying/ /bde
gshegs bstan pa bdud rtsi'i

dpal la chags/ /legs bshad lam du blo gros gom pa ni/ /rtag tu
ngal bso med par khyod kyis bkod/ /dge legs rtsa ba bshes gnyen
nyin byed kyi/ /legs bshad 'od stong ma lus 'thungs gyur pa/
/dam chos sbrang rtsi'i

rgyal mtshan dbang po de/ /skal bzang pbung ba kun gyi nye 'tshor
gyur/ /srid pa'i phun tshogs gdug pa'i sprul gyi lca/ /bskyod
pa'i zlos gar lta bur gzigs pa de/ /yul la mngon 'dod sred pa'i
'ching ba ni/ /mi gtsang mngal gyi rgya dang mnyam

@19a @#/ /du grol/ /nu ma mngon dga' padmo'i bzhin ras can/ /lus
phra'i mig zur 'phangs pas chags ldan bzhin/ /thub pa'i legs
bshad sbrang rtsi'i dog pas kyang/ /khyod thugs rkang drug ldan
pa'i brtan

pa phrogs/ /mi bzang rigs pa'i sder mo phyogs kun gyi/ /rgol ba
glang chen spyi bor ngal bso ba/ /khyod kyi rnam dpyod yangs
pa'i khyon gyis ni/ /mtha' dge shes bya'i tshad kyang nyung ngur
byas/ /khyod kyi rab dkar grags pa'i

do shal gyis/ /phyogs kyi mdzes ma'i mgrin pa skal bzang byed/
/mgon khyod bsngags pas brel pa'i 'jig rten 'di/ /bya ba kun la
chags bral blangs pa bzhin/ /zhes bya ba ni/ rje btsun bla ma
tsong kha pa chen po'i

rnam par thar pa yongs su brjod pa'i gtam du bya ba dad pa'i
'jug ngogs zhes bya ba las/ thog mar pha rol tu phyin pa'i theg
pa las gtso bor brtsams pa'i mang du thos pa yongs su btsal ba'i
rim par phye ba ste gsum pa'o// //

! de'i tshe chos grwa chen po rnams su grwa skor la byon pa'i
skabs dag tu yang/ dad pa'i shugs kyis gsol ba 'debs shing/ dam
pa'i chos kyi bka' stsal mnyan nas/ bdag nyid kyi slob mar khas
len pa'i sde snod 'dzin pa'ang du ma

zhig byung la/ legs su 'dod pa dag ni/ 'di 'dra ba'i dam pa'i
mgon la brten pa las 'dod pa'i gnas 'thob par 'gyur gyi/ gzhan
gyis ni ma yin no snyam du bsams nas bdag nyid chen po 'di'i
zhabs 'breng du khas len par

@19b yang byed do/ /de nas rtses thang gi grwa skor tshang nas/
yar lung rnam rgyal du/ ma byon sangs rgyas gsum pa kha che'i
paNDi ta bsod snyoms pa chen po shAkya shrI b+ha dra'i mkhan
brgyud/ tshogs chen po'i mkhan po/ dka' bzhi pa tshul rin pas

mkhan po mdzad/ tshogs pa bye rdzing pa'i mkhan po gnas brtan
'dul ba 'dzin pa sher mgon pas las kyi slob dpon mdzad/ byi
rdzing pa'i dbu mdzad sdom brtson bsod nams rdo rjes gsang ste
ston pa mdzad cing/ tshogs pa gnyis kyi dge slong kha skong

du 'os pa grangs tshang bas dad pa'i dge 'dun mdzad nas bsnyen
par rdzogs pa'i sdom pa yang dag par bzhes te/ lhag pa tshul
khrims kyi bslab pa yongs su rdzogs pa'i lha'i chu bos thugs
rgyud kyi bum bzang nye bar gtams shing/ lha dang bcas

pa'i 'jig rten gyi yon gnas gcig pur gyur te/ /de nas gdan sa
thel du byon/ spyan snga rin po che grags pa byang chub pa'i
drung du mjal/ legs bshad kyi skyes phul zhing dam pa'i chos kyi
bka' mched mdzad pas/ chos rje spyan snga ba dad

pa'i shugs kyis spyan chab byung/ phyis kyang drung na 'khod pa
dag dang phebs pa'i mchid gleng ba na/ skun gzhon nu 'di 'dra ba
la'ang yon tan gyi gter chen po 'di lta bu 'dug na/ kho bo'i
skye sa 'di 'dra ba zhes thugs phyung ba'i gsung yang yang

'byon pa'i gtam gleng bar grag go /de'i tshe/ spyan snga rin po
che de nyid la lam 'bras bu dang bcas pa'i man ngag yongs su
rdzogs pa dang/ nA ro pa'i chos drug dang/ rje phag mo gru pa
dang/ chos rje 'jig rten mgon po'i bka' 'bum

@20a @#/ /la sogs pa gsan/ de dus bla ma lotstsha ba naM bzang pa
spyan snga bas gdan drangs nas phebs 'dug pas/ khong pa'i drung
du sgra'i sa ris yongs su rdzogs pa zhig mdzad par bzhed pa'i
thugs 'dun che bar

yod pa la/ 'gal rkyen cung zhig byung bas mdzad pa ma grub/ de
nas 'on gyi lha khang ke rur tshas bar la byon/ tsha go dpon po
sogs sde snod 'dzin pa mang po zhig la phar tshad dbu ma sogs kyi
chos mang du gsungs/ de nas skyid

shod du phebs te/ tshal du bzhugs nas/ bka' dang bstan bcos bod
yul du 'gyur ro 'tshal la gzigs rtogs zhib par mdzad/ gsung rab
mtha' dag gi don la rnam par dpyod pa'i sgo dum zhig thugs la
'khrungs/ mngon

par rtogs pa'i rgyan 'grel pa dang bcas pa'i rnam bshad chen mo
de nyid kyi rtsom pa'ang mdzad/ de'i tshe 'dzin bzang bar grags
pa'i gling mtshungs med dang/ mdo smad pa 'jam dpal bkra shis
dang/ shAkya grub ces pa gsum

dang/ rje 'dis 'dzin gyi khyad par che chung nyams sad mdzad
pas/ rdza 'des tshal dbus gling gi gtsug lag khang gi tog gi rtse
la nyi ma shar ba dang mnyam du sngon gzigs ma myong ba'i mda'
tshad phreng dgu ma zhig gi shog lde bzhi/ shin tu

dag par thugs la chud 'dug cing/ gling mtshungs med kyis phyed
dang gsum tho re ba zhig dang/ gzhan gnyis kyis re re las ma zin
par 'dug ces zer re/ /skabs shig tu/ tsha go dpon po mkhan chen
ngag dbang grags pa phyag phyi la khrid nas/ lha

@20b sar jo bo thugs rje chen po rang byon lnga ldan gyi drung
du byon nas smyung gnas mang du mdzad/ de'i dus nub gcig gi tshe/
dpon slob gnyis kas gsol ba drag tu btab nas ma nal lam gyi ltas
brtags pas/ tsha go ba la

dung dkar chen po gnyis nam mkha' las babs nas khong gi thu bar
lhung byung ba/ de ma khad de gnyis 'dres nas gcig tu song 'dug
/de lag tu blangs nas bus pas/ sgra chen po dpag tu med pa grag
pa zhig rmis 'dug

ste/ phyis khong gis rgyal mo rong gi smad du sangs rgyas kyi
bstan pa dar zhing rgyas par mdzad de/ 'phrin las rgya chen po
byung 'dug pa de'i ltas yin pa 'dra/ rje 'di pa'i mnal lam du/
snye thang gi yar 'phrang yar la then

pa'i brag mda' sgro zer ba de 'dra ba zhig gi brag ri gzar po
zhig la 'dzegs byon pas/ rdo leb dkar po shin tu 'jam pa zhig gi
steng na/ utpa la sngon po ches cher rgyas shing kha dog gsal
ba/ 'dab ma ma rnyings pa yu ba dang

bcas pa zhig 'dug/ de phyag tu blangs/ 'di rje btsun ma sgrol
ma'i phyag mtshan du 'dug pas des rjes su 'dzin pa'i ltas yin nam
dgongs pa na/ da lan de ma yin/ tshe'i ltas yin gsung ba zhig
byung gsungs/ tshal nas

dgun chos la bde ba can du byon/ sde snod mang du gsungs/ dpyid
chos dbu stod bya yul du phebs/ dge ba'i bshes gnyen bdun cu
tsam zhig la/ phar tshad dbu ma 'jug pa/ mngon pa kun las btus
rnams gsungs/

@21a @#/ /slar yang tshal du byon nas/ phar phyin gyi rnam bshad
kyi 'phro mdzad cing mjug bde ba can du rdzogs par mdzed/ tshal
ba/ mdo rgyud kyi gzhung che chung du ma la mkhas par spangs
shing/ khyad par dus kyi 'khor lo

cha lag dang bcas pa la mkhas par grags pa/ bla ma rtogs ldan
ye shes rgyal mtshan pa la dus 'khor gsung bar zhus/ khong gis
kyang zhal gyis bzhes nas dpon slob gnyis kas skyor mo lung du
bzhugs te/ dus kyi 'khor lo'i

'grel chen dri ma med pa'i 'od kyi bshad pa zhib par gsan
cing/ rgyu mtshan rtsis dang lag len rnams la'ang mkhas par
sbyangs/ skyor mo lung du sde snod 'dzin pa mang po la gzhung
che chung mang po'i bshad pa'ang gsungs nas/ slar

yang de'i phyi de/ dbyar chos bde ba can du bzhugs/ blo gsal
'dus pa rgya mtsho'i tshogs la sde snod kyi bshad pa mang du
gnang/ de nas dgun stod lung mtsho smad dang ngang dkar du/ dus
'khor la thugs sbyong shin tu 'grus par mdzad/

bshes gnyen blo gsal mang po la sde snod kyang mang du gsungs/
de nas rdzong chi grags pa rin chen pa de rje 'di pa la de
gong nas mi phyed pa'i dad pa yod pas sngar phyir gsol ba mang
du btab pa la dgongs nas yar lung phyogs la 'byon

par bzhed de srin por ri phebs pa na/ de dus gong dkar na sgom
pa chos rgyal yod pa/ khong yang rje 'di pa la snying nas dad
pa yod pa'i dbang gis zhu ba nan cher phul te/ sos de rigs
lnga lha khang du bzhugs/ sde snod 'dzin pa bdun

@21b cu lhag tsam la phar tshad mngon pa gong 'og 'dul ba mdo
rtsa dbu ma 'jug pa sogs gsungs/ gong dkar nas bsnyen bkur
dang zhabs tog tshad med pa byas/ de nas yar lung du byon nas
smon mkhar du bzhugs te sde snod mang du gsungs

shing/ rdzong ji bas/ yo byad mkho dgu thams cad kyis gus pas
mchod/ de ltar snga phyir sde snod dpag tu med pa nar mar
gsungs pa de dag gi skabs rnams su yang/ rgyud sde gong 'og gi
dkyil 'khor chen po rnams su skal ba dang

ldan pa'i gdul bya dbang gis smin par mdzad pa dang/ gzhan
yang lha so so'i rjes gnang dang/ lung dang man ngag la sogs
pa gang la gang 'tshams kyi chos kyis gdul bya dpag tu med pa
smin cing grol bar mdzad do/ /lhag par yang de'i tshe/

bla ma 'di nyid ngag gi lha mo dbyangs can mas rjes su bzung
bar grags shing/ de'i rjes gnang zhu ba gar byon du mang ba
zhig 'ong zhes grag go /de nas dgun mon mkhar bkra shis gdong
du bzhugs/ de dus nub cig zhugs me la

bzhugs nas bod kyi mkhas grub rnams kyi rnam par thar pa ci
rigs pa gsung ba'i skabs su/ dka' bzhi pa sher seng gis ches
thag gcig la po ti bcu gcig gsungs 'dug /dus phyis bod du po
ti dus gcig la gsungs pa de mang

shos su 'ong ba 'dra gsung/ de nas dge bshes sha ston la sogs
pas/ 'di nas kyang de tsam zhig dus gcig tu gsung 'tshal zhus
pas/ rtsol ba byas na de tsam zhig 'chad thub pa 'dra gsung/
'o na cis kyang gsung 'tshal/

@22a @#/ /zhes nan gyes gsol ba btab pas zhal gyis bzhes te/
zla ba de'i tshes bcu nas gnam gang gi bar skye mtshams bcad nas
gzigs rtog mdzad/ gnam gang gi nyin phyag dpe thams cad kyi
sku rags

bcings/ tshes gcig nas chos 'dzugs par bzhed pa la/ gsang phu
sogs nas 'byon pa'i don gnyer ba sde snod 'dzin pa mang po
zhig sgug dgos pa byung bas/ nyi ma gsum tsam gyi bar du mi
dal dang mar pa sogs kyi gsung

rgyun thor bu ba 'ga' gsungs/ tshes lnga nas nyi ma gcig la
rgya gar skad bco lnga'i dbu dus gcig tu btsugs nas/ nyin re
zhing tho rangs nas srod kyi bar la chos thun bco lnga re ma
chag par thugs bshad mdzad/ de'i nang nas

po ti chung ba gnyis rdzogs par gsungs tshar ba na/ de'i dod du
slar yang chung ba gnyis btsugs nas/ tshad ma rnam 'grel/ phar
phyin/ mngon pa gong 'og gnyis/ 'dul ba mdo rtsa ba/ byams
chos phyi ma bzhi/

dbu ma rigs pa'i tshogs lnga/ 'jug pa/ bzhi brgya pa/ spyod
'jug ste bstan bcos bcu bdun gyi bshad pa dka' chen 'ga' zhig
bod kyi Ta'ikka chen mo re gzhir bzhag pa'i thog tu 'grel
pa'i 'chad tshul du ma dgag

sgrub dang bcas pas gtan la phab cing/ gzhung gzhan rnams phal
che ba rang rang gi 'grel pa'i steng nas gzhung phra rags ma
lus pa la bshad pa zhib par mdzad de zla ba gsum la rdzogs par
mdzad cing/ de'i skabs

@22b su 'ang/ srod chos grol nas rdo rje 'jigs byed kyi bdag
'jug la sogs pa thugs dam rim gnyis kyi rnal 'byor rnams ma
chag par mdzad de/ skye bo kun kyang 'di ni lhag pa'i lhas
dngos su byin gyis brlabs pa'am/

gzungs thob pa'i byang chub sems dpa' chen po zhig yin par
nges kyi gzhan la 'di lta bu 'byung ba mi srid do/ /zhes mthun
par gleng ngo/ /de'i dbyar kha yar lung o kar brag tu bzhugs
nas sku mtshams dam po mdzad/ bcom ldan

'das dpal 'khor lo bde mchog gi sgom bzlas dang thun bzhi'i
rnal 'byor/ bdag 'jug shin tu mang bar mdzad cing/ ne gu chos
drug gi dmigs skor rnams thugs nyams su bstar nas legs par
sbyangs

te/ zhag re la gtum mo'i rlung sbyor yang brgyad brgya re tsam
mdzad do/ /zhes gsung zhing/ gtum mo la sogs pa'i thugs dam
gyi nyams bzang po mang du 'khrungs so/ /de nas ston skyid
shod du phebs/ rje btsun red mda' ba'i zhal

snga nas kyang dbus su ches bar la phebs pas dpon slob gnyis
kas bo ta lar bzhugs nas dam pa'i chos kyi bka' bgro ba mang
du mdzad cing/ gdul bya rnams la'ang legs par bshad pa'i skyes
stsal nas/ rje btsun pa slar yang

gtsang la byon/ rje bla ma 'di nyid kyis de'i dgun /skyor mo
lung gi brag tu bzhugs nas/ sde snod 'dzin pa chen po du ma
la/ dus 'khor dang/ phar tshad mngon pa sogs mang du gsungs so/
/de nas de'i dpyid rta'i lo la/ rgyud sde chen po

@23a @#/ /rnams kyi bshad pa/ dbang lag len man ngag dang bcas
pa mtha' dag rdzogs pa zhig rtsad gcong mdzad par bzhed pa
dang/ bla ma rje btsun pa dang dpon slob gsung gleng mdzad
pa'i dgos pa 'ga' zhig gi phyir du gtsang

la byon/ rong gi snubs chos lung du bzhugs/ tshogs pa'i mkhan
po rin po che grags pa bshes gnyen pa la bka' lung ci rigs pa
gsan/ de dus rje 'di pa'i zhabs 'bring la yod pa'i sngo phyi
dpon po bsod nams grags dang/ mdo smad

pa dge bshes shes rab grags/ zhes pa gnyis kyis/ bla ma dbu ma
pa brtson 'grus sengge bde mchog steng zhes pa'i dben gnas
shig na bzhugs pa'i drung du mjal ba la phyin/ chos 'brel
zhus/ gsung gleng byung bas/ khong pa na re/

nged khyed kyi slob dpon pa de la dbyangs can ma'i rjes gnang
zhig zhu dgos gsungs/ de nas khong pa dang rje 'di pa zhal
'dzom mdzad de/ rje 'di la dbyangs can ma'i rjes gnang zhus/
de'i tshe gsung gleng zhib tu mdzad pas/ bla ma dbu ma pa

khong rang la mdo khams na phyugs ma skyong ba'i dus nyid nas
rje btsun 'jam pa'i dbyangs kyi sku dang gsung gi snang ba nar
mar 'ong tshul dang/ de la snga phyir brtag pa byas tshul la
sogs pa zhib par zhus nas/ da dung nged 'di la gting nas nges
pa

rnyed pa med pas brtag dpyad yang dag cig thugs la 'dogs par
zhu/ da lan yang rje btsun gyi sku'i snang ba de'i gsung nas/
rang ra la dbyangs can ma'i rjes gnang zhu ba la rgyug gsungs
nas 'ongs pa yin/ zhes gsungs pa la rje

@23b 'di pas dbu ma'i lta ba sogs chos kyi gnad zab mo rnams
kyi dri gtugs mdzad pa sogs kyi sgo nas legs par brtags pas
brtag thub par 'dug pas/ thugs yid gnyis za dgos par mi gda'/
gsol ba drag tu thob mdzod/ 'on kyang

rje btsun gyi sku dang gsung rang mtshan pa da lta dbang shes
la snang ba min/ yi dam gyi sku dngos kyis gtad pa'i rnam pa
yid shes la dngos su snang ba zhig yin/ nged kyang 'jam pa'i
dbyangs kyi sgrub skor man ngag sogs 'di phyogs la

shes 'dod che bar yod pas zhu dgos na 'ang/ da lan rje btsun
red mda' ba'i drung nas stag tshang du 'byon pa dang dpon slob
dus nges mdzad pa'i mjal phrad dgos par yod pa sogs kyis brel
nas mi 'grub par 'dug /rjes su rten 'brel zhig

cis kyang sgreg 'tshal zhes gsungs/ de nas stag tshang rdzong
khar byon/ mkhan chen lo tstsha ba grags pa rgyal mtshan pa
dang/ /rje btsun dam pa red mda' ba dang/ bla ma lo tstsha ba
don bzang ba dang/ rje rin po che 'di pa'i zhal snga nas dang/
de

dag gi zhabs 'bring du lhags pa'i bshes gnyen sde snod 'dzin
pa phun sum tshogs pa du ma dang/ gnyug mar gnas pa'i dge 'dun
gyi tshogs dang bcas pa'i yul mchog tu gyur pa gdan mngon par
'dzoms pa thams cad kyi nye bar mkho

ba'i 'tshog chas/ zhal zas dang gnas mal la sogs pa phun sum
tshogs pa'i mthil len gyi thugs khur rgya chen po dag /rgyal
sras 'dul ba 'dzin pa chen po gzhung lugs rab 'byams la mkhyen
pa rgyas shing/ gcig tu bstan pa rin

@24a @#/ /po che'i khur gnyis 'khyer ba la mi mnyam pa'i brtul
zhugs can/ chos rje lo tstsha ba skyabs mchog dpal bzang pos
bzhes shing/ khong gis mtshams sbyor mdzad nas/ mkhas mchog
dang pa'i ded dpon dag gi 'bel

gtam mgrin pa'i sgra dbyangs sgrog pas/ thub bstan padmo'i
mtsho yang skal bzang nyid du byas la/ de'i tshe rin po che
grags pa rgyal mtshan pas phar phyin dang/ chos rje skyabs
mchog pas brtag gnyis gsungs shing/ rje btsun dam pa

red mda' ba'i zhal snga nas/ khong rang gis mdzad pa'i rnam
'grel rgyan gyi 'grel bshad chen mo de gsung ba rje 'dis gsan
cing/ dpon slob gnyis kyis dka' ba'i gnas gtan la 'bebs pa'i
rigs pa'i brgal

brtag kyang mang du mdzad/ de nas dpon slob gnyis kyis 'ba' 'u
'ba' gnyer du chos bar bteg nas byon/ rje rin po che 'dis bla
ma rje btsun red mda' pa'i zhal snga nas la/ rgyud kyi rgyal
po dpal gsang ba 'dus pa'i rtsa rgyud kyi bshad pa

tshar gcig gsan/ de'i tshe gong gsum sde chen pa'i bla ma rin po
che chos kyi dpal ba'i drung du dus 'khor zhig gsan dgos
dgongs pa byung ba'i nub gcig mnal lam du/ chos kyi dpal gyis
bu ston rin po che la dus 'khor

'grel chen tshar bcu bdun nyan pa yin no zer ba zhig byung/
phyis khong dang mjal dus/ rin po che bu ston gyi drung du dus
'khor tshar du gsan pa lags zhus pas/ bcu bdun nyan zhes gsung
ngo/ /de dus rje btsun pa'i zhal

@24b nas/ sngags kyi rtsad gcod de tsam mdzad pa la yun ring
'gyang/ da lta sde snod kyi bshad pas phan thogs rgya chen po
'ong gin 'dug pas re zhig bshad pa mdzad pa mi 'thad dam zhes
gsungs pa la/ bdag sngags kyi phyogs la

'dun pa drag po bdog pas sngon la sngags phyogs kyi rtsad gcod
bgyid pa lags/ zhes zhus gsungs/ de yang da lta'i dus kyi thos
pa tshol ba rnams ni phal cher mtshan nyid theg pa'i phyogs kyi
gzhung la cung zad blo kha phyogs na sngags kyi gzhung

la rang nyid kyang 'jug par mi 'dod cing/ rang gi tshig nyan pa
dag 'jug pa'ang thabs du ma zhig gis phyir phyogs par byed la/
kha cig ni sngags phyogs la mos pa ltar snang zhig skyes na de
nyid rgyu mtshan du byas nas/ pha rol tu

phyin pa'i sde snod la dgos pa chung zhing dman par sems pas
rang gzhan phyogs de nyid las phyir phyogs par byed de/ chos
spong ba'i las kyi sgrib pa shin tu mi bzad cing rnam par smin
pa rab tu tsha ba ngag blo sngon du btang nas len

par byed la/ rang bzhin bzang ba'i ngang tshul can du khas len
pa dag kyang cig shos kyi phyogs la 'jug par spro ba yang dang
du mi len la dngos su smod par yang mi byed pa tsam zhig de'i
snying por zad de/ rgyal ba'i bstan pa la sgo

thams cad nas 'dzin par 'dod pa'i las bzang po yongs su bsags
pa de lta bu ni 'ga' tsam yang mthong bar bya dka' ba nyid du
gyur la/ sngon dus kha ba can gyi bshes gnyen chen po dag la
'ang phyogs rer ma chad pa'i chos

@25a @#/ /kyi spyan mda' ba ni shid tu dkon par byung snang
ngo/ /de lta mod kyi bdag nyid chen po 'di ni/ gzhon nu'i dus
nyid nas kyang bstan pa yongs su rdzogs pa'i khur 'khyer bar
rings bar chas bzhig ste/ rje'i zhal nas/

nga la sngags kyi phyogs la gzhan gyis bskul dgos pa med/
chung du nas 'di la shes 'dod drag po yod cing/ de yang rgyud
sde mtha' dag yongs su rdzogs par bslab dgos snyam pa zhig
dang po nas yod ces gsung ngo/ /de nas bla ma rje

btsun pas sa skya la phyags bteg /rje 'di pas rong chos lung
du byon/ bla ma dbu ma pa dang chos kyi gsung gleng mang du
mdzad/ rje btsun 'jam pa'i dbyangs kyi chos skor yang mang du
gsan/ de dus nas sngags kyi thugs bzhed rnams gsan te sgrub

pa la 'byon pa'i thugs thag chod/ de nas nyad stod du rin po
che sde chen pa'i drung du 'byon par bzhed pa la/ phag mo gru
pa'i dmag chen la stod la khyer ba log 'ong gin 'dug zer nas/
de'i dmag thag mchod kyi bar gyi ston ka de rong gi ring

lung phug tu bzhugs/ de nas ston gzhug nyad stod kyi gong gsum
sde chen du phebs nas/ thams cad mkhyen pa bu ston rin po
che'i bu chen rnams kyi nang nas dus kyi 'khor lo la mkhas
pa'i mchog tu gyur pa/ gzhan yang sngags kyi gzhung dang

lag len man ngag sogs mtha' yas pa la mnga' 'byor pa'i rin po
che chos kyi dpal ba'i drung du mjal/ thog mar mjal ba'i
dgongs mo de phyag phyis dar ser po zhig phul/ sang nyin ja
zhal zhig mdzad de/ gos ne co kha yug gcig phul

@25b nas dus kyi 'khor lo'i 'grel chen cha lag dang bcas pa
gsung bar zhus/ de dus kyang 'grel chen gsung pa'i le'u dang
po rdzogs pa'i mtshams la 'dug bas/ khong gi zhal nas/ mdang gi
dar ser po de sa'i khams sdud rim dang mthun pas rdzogs

rim yongs su rdzogs par 'ong ba 'dug /da nangs kyi gos yug 'di
ljang gu nam kha'i khams yin/ bskyed rim dang mthun pas bskyed
rim yongs su rdzogs par 'ong bar 'dug /chos mtshams le'u gnyis
pa'i 'go /gang zhig chen po'i mi rnams

smon par bya ba'i don du/ zhes pa'i skabs la slebs byung bas
rten 'brel shin tu legs/ chos thams cad yongs su rdzogs par
byed dgos/ zhes dgyes bzhin du zhal gyis bzhes/ le'u de nas
dbu btsugs te gsungs shing/

slar yang le'u dang po'i go nas bskyar te gsungs/ ston mjug de
nas dpyid chos snga ma rdzogs ring la bzhugs nas /rgyud 'grel
gyi bshad pa phyag len gyi mdzub khrid/ sbyor drug gi nyams
khrid sogs rdzogs par gsan to//

de nas yo ga'i bka' lung bshad pa mtha' dag gsan par bzhed pa
la/ sngon du phyag len zhig sbyang bar bzhed nas/ zha lu na de
dus bu ston rin po che pa'i mchod g.yog pa gtso bo zhig yin
pa yo ga'i lag len la shin tu mkhas

par grags pa'i yo ga ba tshe dbang zhes pa'i slob ma drag pa/
yo ga ba mgon bzang zhes bya ba gdan drangs nas/ khong dang
gnyis kyis nyang stod smad kyi mtshams/ 'khris rtswa khang zhes
par bzhugs nas/ rdo rje dbyings dang dpal 

@026a @#/ /mchog rtse mo la sogs pa yo ga'i dkyil 'khor chen po
mtha' dag gi bri thig gar dbyangs/ dkyil chog gi chog khrigs/
phyag rgya 'ching ba sogs la shin tu byang bar sbyangs/ de'i tshe
nub gcig

mnal lam du/ khri chen po zhig gi steng na bla ma khyung po lhas
pa yin zer ba'i bla ma bgres po dbu rgyan gsol/ rdo rje bril bu
phyag na bzung ba zhig bzhugs/ de'i sku mdun na rje'i drung nas
bzhugs 'dug pa la/ bla ma

de bzhengs nas rdo rje'i 'gros kyis dril stabs dang bcas rje 'di
nyid la g.yas su skor ba lan gsum mdzad cing/ phreng ba nas
'byung ba'i e kA pa tsikA zhes sogs kyi sgra bsgrags nas
rje'i dbu'i steng du rdo rje dril bu bzung ste/

karmA badzra zhes bya'o/ /zhes gsungs nas khri la bzhugs song
ba zhig byung/ man la sad nas brtags pa na/ sngar gyi gsang
mchen don yod rdo rje yin pa dang/ karmA badzra yang don grub
kyi rigs kyi ming du 'dug pas 'dra bar 'dug

dgongs pa zhig byung gsung ngo/ /slar yang dpyid smad de nas
dbyar dang ston 'go ma'i ring la sde chen du byon nas/ rin po
che chos kyi dpal ba la rdo rje phreng ba'i dbang lung mdzub
khrid bshad pa gar thig dbyangs gsum gyi phyag len

khrid dang bcas pa'i sgo nas phreng ba skor gsum la mkhas par
sbyangs/ gzhan yang/ bcom ldan 'das phyag na rdo rje 'khor lo
chen po la sogs pa'i dbang lung man ngag dang bcas pa la sogs
pa/ zab cing rgya che ba'i chos

@026b mang du gsan/ de nas zhwa lur rin po che khyung po lhas pa
la yo ga'i skor gsan pa la 'byon par dgongs yod pa la/ nub gcig
mnal lam du/ khri chen po zhig gi steng na rin po che khyung po
nga yin zer ba bla ma bgras po rang zhig

bzang po'i 'dug stangs mdzad nas bzhugs/ de'i drung na rje 'di
pa'ang bzhugs yod pa la/ bla ma des phyag gnyis kyis thugs ka'i
na bza' bsal nas/ thugs ka ston gyin 'dug pa la gzigs pas/ bla
ma de'i thugs ka nas

sngags kyi phreng ba ring po rim pa du mas skor ba'i 'khor lo
yig 'bru rnams hram me 'dug pa gzigs pas sngags rnams phal che
ba bkrags pa zhig rmis/ phyis mjal ba na sku'i rnam pa mnal lam
du byung ba de nyid rang du 'dug

gsung ngo/ /de nas ston phyi ma dgun dpyid dbyar rnams sbrel nas
zhwa lur bzhugs/ sngags 'chang rdo rje 'dzin pa chen po rin po
che khyung po lhas pa'i drung du/ yo ga'i dkyil 'khor chen po
rnams kyis thog drangs rgyud sde 'og ma rnams kyi

bka' da lta bod na rnam par dag pa'i dbang gi chu bo rgyun ma
chad par yod pa phal che ba yongs su rdzogs par gsan cing/ bcom
ldan 'das 'khor lo bde mchog lU i pa dang nag po pa'i lugs la
sogs pas thog drangs pa'i bla med kyi bka'

lung yang dpag tu med pa gsan te/ khong la mnga' ba'i bka' lung
phal cher bum pa gang byo'i tshul du thugs rgyud la gtams par
mdzad de/ de'i tshe 'bul ba tshogs 'khor/ zhabs tog nar ma sogs
kyis mnyes par mdzad cing/ dad

@027a @#/ /pa'i lcags kyus thugs kun tu drangs par gyur to/ /de
dus rje btsun khyung lhas pa'i zhal snga nas/ dbang re re gnang
tshar ba'i mjug tu 'di nga la yang bla ma 'di zhes bya bas dgyes
bzhin du gnang ba yin bya ba re cis kyang

gsung zhing/ bka' lung rnams rdzogs pa na/ da ni chos bdag po la
'phrod pas 'gyod pa med do zhes gsung zhing/ dang po bu ston
thams cad mkhyen pa dang/ bla ma khyung lhas pa gnyis kas/ kun
mkhyen 'phags 'od pa'i drung du dpal

gsang ba 'dus pa dang yo ga la sogs pa'i dkyil 'khor chen po
rnams kyi dbang gsan dus tshogs 'khor zhig gi gral du/ kun mkhyen
pa'i zhal nas/ rje mar pas/ nyi ma shar du ka chan btsugs pa de/
/zhes sogs kyi mgur

ma de 'don pa spos nas/ nyi ma shar du ka chen btsugs pa de/
/khyung po ston sgom khyod la mi zer ram/ /zhes gsungs pa'i lo
rgyus kyang gsungs/ de ni rje btsun khyung lhas pas/ kun mkhyen
'phags pa dang/ bu ston thams

cad mkhyen pa gnyis las sngags kyi gdams pa rgya mtsho lta bu
bzhes pa'i byin rlabs kyi bcud ma nyams par/ rje rin po che 'di
pa'i phyag tu rdo rje theg pa'i bstan pa yongs su rdzogs par
'phrod nas phyogs 'dir skye dgu thams cad kyi

phan bde'i rtsa lag tu gyur pa 'di'i don la dgongs par gsal lo/
/rje rin po che 'di ba'i zhal nas/ sngags kyi dngos grub thams
cad kyi rtsa ba gtso bor bla ma mnyes par byas pa 'ba' zhig la
rag las 'dug pas/ dbang gnang ba'i

@027b dus thams cad du bla mas mnyes bzhin du rjes su gnang ba
yin no/ /zhes gsungs ba de la dpyad rgyu chen po zhig 'dug go
/zhes gsung ngo/ /de nas rje btsun dam pa khyung po lhas pa las
gsan dgos rnams kyi thugs thag legs par

chod nas/ pa rnam gyi phag pa ri na bla ma sde chen pa chos kyi
dpal ba gdan drangs nas bzhugs 'dug pa'i spyan sngar byon/ slar
yang rdo rje snying 'grel/ phyag rdor stod 'grel/ nA ro 'grel
chen la sogs pa dus 'khor gyi cha lag

mang po zhig gsan cing/ dpal gsang ba 'dus pa lugs gnyis la/ bu
ston rin po che bas yig cha mdzad pa ci yod kyi bshad lung la
sogs pa chos bka' mang du gsan/ de nas khong pa sde chen du
thegs /rje 'di pas

phag pa rir/ zhwa lu ba'i yo ga ba mkhas pa sde snod 'dzin pa
chen po rgyal mtshan grags pa spyan drangs nas/ yo ga'i gar
dbyangs sogs phyag len rnams kyi dag ther yang mdzad/ bka' yang
ci rigs par gsan/ khyad par

rin po che bu ston gyis mdzad pa'i rdo rje 'byung ba'i rnam
bshad chen mo gsan cing/ yo ga'i rtsa rgyud de nyid bsdus pa/
bshad rgyud rdo rje rtse mo/ dpal mchog /ngan song sbyong ba'i
rgyud la sogs pa dang/ de nyid snang ba/ ko sa la'i rgyan/ dpal

mchog 'grel chen la sogs pa/ rgyud dang 'grel pa rgya gzhung gi
rigs dpag tu med pa'i lung yang gsan to/ de nas sprel lo'i ston/
bla ma dbu ma pa dang lhan cig tu dpon slob gnyis ka dbus kyi
dga' ba gdong du phyags phebs/

@028a @#/ /lha sar jo bo rin po che'i drung du gsol ba 'debs pa
la byon nas/ dpon slob gnyis kas dga' ba gdong du sku mtshams
legs par bcad nas bzhugs so/ /de yang bla ma dbu ma pa 'di'i
rnam par thar pa zur tsam smos

na/ khong dang po mdo khams na byis pa gzhon nu phyugs ma
skyong
ba'i dus nyid nas/ sngon gyi las bsags pa'i mthu ches pas/ tshe
'dir 'bad pa mdzad pa la ma bltos par/ rang gi khong pa'i nang
nas a ra pa tsa na'i sngags kyi sgra

drag po 'byung ba dang/ sku'i snang ba'ang cung zad 'byung ba
rang rdol du byung/ de nas lung dang rjes su gnang ba mnos nas
bsnyen sgrub la 'grus par mdzad pas sku dang gsung gi snang ba
mang du 'byung ba zhig yod/ 'on kyang de la thugs

nges rang ni ma mdzad/ de nas dbus kyi gsang phur slob gnyer la
byon/ phar phyin gyi gzigs rtog mdzad pas ches skad phun sum
tshogs pa byung/ grwa skor mdzad par dgongs pa la/ yi dam gyi
gsung gis yo byad ci yod thams

cad tshogs su thongs gsung/ slob gnyer byed pa'i chas mi 'ong bar
'dug zhus pas/ gter zhig 'don rgyu yod kyis gsung/ der yo byad
thams cad tshogs su btang tshar nas/ da gter 'don 'tshal zhes zhus
pas/ da bya bral

thag chod gyis la dge sbyor gyis shig ces bskul lo/ /de nas bya
bral mdzad nas kong po phyogs la byon/ skam tshang gi chos skor
phyag rgya chen po la sogs pa zhus/ thugs dam mdzad pas/ sngar
las kyang yi dam gyi sku

@028b dang gsung gi snang ba ches gsal zhing brtan pa byung/ de
nas bsam yas su rtogs ldan mcho dkar ba la sbyor drug gsan pas/
de'i tshe yi dam gyi rnam 'phrul gsal zhing brtan pa dpag tu med
pa byung/ rtogs ldan pa la zhus na byas pas/

ma zhu gsungs/ de nas dpal ri ba'i bla ma gzhon rgyal ba la zhus
na byas pas/ zhus bas 'ong gsungs/ khong gi lam 'bras nas bshad
pa'i man ngag dbang bzhi'i brda rnams bstan pas brda lan rgyud
nas bshad pa ltar 'jal gyin 'dug /brda

lan 'jal lugs rnams zhus pas/ khyed kyi 'di rnam dag cig yin pa
'dug ces gsung/ yi dam gyi zhal nas/ brda ston pa la phyag rgya
rnams yid la bsams pas chog /lus kyi rnam 'gyur mi dgos pa yin
te khong rang gis mi shes pa

'dug gsung ngo/ /de nas gtsang la 'byon par bzhed pa la/ de dus
'bar 'jig gnyis grags pa che bar 'dug pas su'i drung du phyin pa
'thad zhus pas/ khyod rang song dang/ 'bum tsho gdong gi 'phrang
der mi gcig dang 'phrad par 'dug /de gang zer ba ltar

gyis gsung/ byon pas 'phrang der btsun pa gcig dang phrad/ de la
dris pas 'ba' ra ba can song zer/ der 'ba' ra ba can du byon/
phyag chen sogs zhus/ khong skyo shas can zhig 'dug pas/ de'i
stobs kyis nges 'byung dang skyo shas drag po skyes/

snang shas chung ngu 'gro ba'i tshabs chen po byung/ de la dgongs
par 'dug /khong gis bstan pa'i lhag mthong de lhag mthong mtshan
nyid pa e yin zhus pas/ cis kyang min gsung ngo/ /de nas yang
yi dam gyis lung bstan nas sa skyar byon/ rje btsun

@029a @#/ /red mda' pa la dbu ma dang 'dul ba gsan/ de nas mar
byon/ rong chos lung na bzhugs pa'i tshe/ rje rin po che 'di
la'ang 'jug pa'i rang 'grel tshar gcig gsan to/ /mdor na rje
btsun 'jam pa'i dbyangs kyis dge ba'i bshes

gnyen mdzad nas/ tha rangs mnal sad res kyis chos sho lo ka re
ma chag par gsung bar zhal gyis bzhes/ nges 'byung dang/ byang
chub kyi sems dang/ lta ba rnams bsgom pa'i dmigs rnam skyong
tshul sogs mtha' dag par dngos su

'doms shing/ thugs rgyud nyon mongs pa gang shas che ba de'i
gnyen po ston par mdzad/ 'phral gyi sgo gsum gyi bya ba phal pa
thams cad kyi 'jug ldog kyang yi dam gyis ston pa ma gtogs par
rang dgar 'jug tu mi ster/ thugs dam la

brtson pa dpag tu med pa'i tshul skye bo gzhan gyis bsam par dka'
zhing/ mya ngan las 'das nas/ gdung zhugs la phul ba'i tshe yang/
me lce dang du ba rnams lha bris pa mkhas pas bris pa lta bu'i
ral gri dang utpa la'i gzugs su rgyun

ma chad par 'ongs nas rim pa bzhin nam mkhar yal 'gro ba der
'tshogs pa kun la mthun par snang ngo/ /zhes zer zhing/ ring
bsrel shel ltar dwangs pa gur kum gyi mdog can grangs las 'das
pa byon pa rnams kyang 'phel gdung du gyur pa las/

kha cig ni ring bsrel phra mo mang po gcig las gcig 'phel ba
'khor lo rtsibs drug pa lte ba mu khyud dang bcas pa shin tu
legs shing ngo mtshar ba'i rnam pa can yang snang ngo/ /de lta
bu'i yon tan gyi tshogs kyis mngon par mtho ba'i bla

@029b ma dbu ma pa dang thabs cig tu dga' ba gdong du bzhugs kyi
ring la'ang khong la rje btsun 'jam pa'i dbyangs kyi chos skor
mang du gsan cing/ bla ma dang yi dam thwa mi dad du byas pa la
gsol ba drag tu 'debs pa dang/ yi dam gyi bsnyen sgrub la shin
tu 'grus par

mdzad/ khyad par rje rin po che 'di ni thog ma med pa nas legs
par sbyangs pa'i rigs kyi nus pa yongs su smin pa'i dbang gis
gsung rab dgongs 'grel dang bcas pa la thos bsam sgom pa ji
snyed cig mdzad pa thams cad la'ang/ tshe 'di'i rnyed  

bkur dang/ snyan grags dang/ 'khor dang/ 'du 'god phun sum tshogs
pa dang/ bdag nyid gzhan las khyad par 'phags pa nyid du mthong
bar gyur na ci ma rung snyam pa sogs kyi kun slong gi dri tsam
yang ma 'dres par gcig tu thams

cad mkhyen pa'i ched du dmigs pa 'ba' zhig gis thugs rang dbang
med par phrogs pas/ tshig 'grig 'grig mo dang/ don mkhas pa gzhan
gyis bshad pa las khyad du then thon mo dang/ mang po tshogs pa'i
dbus su rang gi lugs

rnam par bzhag pa la gzhan gyis brgal bar mi nus shing/ gzhan
gyi 'dod pa thabs sna tshogs kyi sgo nas dgag nus pa tsam gyis
thugs tshim pa dang de 'dra ba tsam zhig lhur mdzad pa'i dri tsam
yang mi mnga' zhing/ de bas na

bdag nyid rgyal zhing pha rol sma dbab par bzhed pa dang/ rang
nyid mkhas par rlom pa'i nga rgyal gyis de nyid gzhan la grags
par bya ba'i ched du/ 'chad pa'am/ rtsod pa'am/ rtsom pa 'di lta
bu zhig /dang po thos bsam gtso bor

@030a @#/ /lhur mdzad pa'i thog ma nas brtsams te ding sang gi
bar gang gi skabs su'ang dus 'di'i tshe/ tshul 'di ltar mdzad do/
/zhes gzu bor gnas pa sus kyang lan cig kyang drang por gleng
ba'i skabs mi rnyed pa 'di

ni/ chos la blo kha cung zad cig phyogs pa yan chad sus bsams
kyang/ gzu bo'i blos bsams na ni/ rang dbang med pa nyid du dad
pa lhag par skyed pa'i skyes bu dam pa'i rnam thar ngo mtshar ba
yin no/ /de'i phyir gsung rab dgongs

'grel dang bcas pa'i don rnam par gtan la 'bebs pa na'ang/ thar
pa dang thams cad mkhyen par bgrod pa'i lam gong 'og thams cad
rgyal ba'i dgongs pa ji lta ba dang/ shing rta chen po rnams kyi
lugs ji lta ba bzhin du

rnyed pa zhig ji ltar byas na 'ong zhig gu snyam du 'di nyid
'ba' zhig thugs la gcags pas dpyod par mdzad cing/ de yang dbang
po rnon po chos kyi rjes su 'brang ba'i rigs mchog tu gyur pas/
gzhan gyi tshig tsam la brten

nas rnam par dpyod pa/ lung tsam skyabs su gyur pa rnams kyi
ngang tshul ni ngo bo nyid kyis mi mnga' bas/ 'di snyam du/ rgyal
bas gsung rab 'grel ba'i mchog tu lung bstan pa'i shing rta'i
srol 'byed chen po dag gis

bstan pa'i rigs pa la brten nas rgyal ba'i gsung rab kyi drang
nges tshul bzhin du phye ba'i nges don gyi gsung rab kyi don shin
tu phra ba'i rigs pas rnam par dpyad kyang mtha' gzhan du mi
'gyur ba'i tshul gyis rnyed pa zhig /

@030b skyes bu skom pas gdungs pa btung ba don du gnyer ba lta
bu'i thugs kyis/ tshul 'dis gsung rab kyi don 'tshol ba 'ba' zhig
lhur mdzad do/ /de yang rje nyid kyi zhal nas/ da lta bod na
shes rab go ba bzang ba'i

mthar thug tu brtsi ba 'di tsho ltar/ gsung rab dgongs 'grel dang
bcas pa'i bstan bcos phal cher la/ bltas pa tsam nas 'di'i don
'dir 'dug snyam pa 'bad med du lam lam 'char ba/ de gzhan la
bstan

na go ba chen po blo yul du bde sang sang ba 'char thub pa zhig
nga la snga mo nas yod de/ de 'dra la yid brtan pa cang mi rung/
rigs pa phra mos legs par dpyad pa na/ dang por yin yin 'dra
ba'i go ba rnyed pa rnams

kyang phal cher zhig 'gro ba ka mang/ des na rigs pa rnam par
dag pa phra mo zhig gis legs par dpyad pa'i dpyad pa ma rdzogs
bar du don der kha tshon bcad kyang shab shob tu 'gro ba yin/
zhes gsung ngo/ /de yang

de'i tshe 'phags pa klu sgrub yab sras kyi dgongs pa mthar thug
pa'i lta ba dang/ gsang ba 'dus pa'i lam rim pa lnga/ de'i nang
nas kyang sgyu lus 'di shin tu rtogs dka' ba dang/ rtogs na don
che zhing/ ma rtogs

na ni log par ltung ba'i g.yang sa'ang shin tu che la/ de kho
na nyid bsgom pa dang/ sngags bla med kyi lam la brten nas sangs
rgya 'tshol ba sogs tshig tsam du 'gyur bar dgongs te/ 'di dag
mgon po klu sgrub yab

@31a @#/ /sras kyi dgongs pa bzhin 'khrul med du ston pa'i
bshes gnyen dam pa rgya bod bal gsum/ dbus gtsang khams gsum
sogs gang na yod kyang de'i khungs shig rnyed na ni/ de tshol
ba'i phyir du lus srog thed la

bor nas dka' ba ci byung yang dang du blangs te da lta nyid
du'ang 'gro dgos dgongs pa snying nas shugs drag po de'i tshe
yod do/ /zhes rje nyid gsung ngo/ /de'i phyir na/ de'i dus
su'ang bla ma dbu ma pa la lotstsha ba bcol nas/ rje btsun

'jam pa'i dbyangs la dbu ma'i lta ba dang/ sngags mtshan nyid
kyi khyad par/ sngags bla med kyi lam gyi gnad che shos rnams
dang/ rim pa lnga'i go rim/ grangs nges sogs mtha' yas pa zhig
gi dri ba dang/ dogs pa ched pa'i ched du

brgal zhing brtag pa'i sgo nas 'dri ba la sogs pa 'ba' zhig
gtso bor mdzad do/ /de'i tshe rje 'di'i thugs yul na wang khas
len ci'ang mad cing gang yang rang lugs la bzhags med par
gzhan do 'ba' zhig la skyel ba'i dbu ma'i lta ba

de cung thugs la bde bar yod pas/ bdag gi dbu ma'i lta ba 'di
thal rang gang gi lta ba yin zhus pas/ gang gi'ang min/ zhes
gsung zhing/ gzhan yang gsung rab kyi gnad dang/ dpyad pa
mdzad pa'i sgo bstan pa la tshad med do/ /

de'i tshe gzhan yang rje btsun gyi zhal nas/ da phyin chad/ bla
ma dang yi dam tha mi dad du byas pa la gsol ba 'debs pa/
sngar bsags kyi sdig ltung sbyong zhing tshogs rgya chen po
gong nas gong du spel ba'i bsag sbyang la 'bad pa/ shing rta

@31b chen po rnams kyi rigs pa la brten nas mdo rgyud dgongs
'grel dang bcas pa'i don la zhib tu dpyod pa gsum sum sgril du
gyis la rgyun ma chad par nyams su long dang/ ring por mi
thogs par lta ba'i gnad mthar thug pa dang/ mdo rgyud kyi don
mtha'

dag la mi 'khrul ba'i nges pa rnyed par 'gyur/ da lta nas
bshad pa byas kyang phan 'dogs ltar snang las mi 'ong bas/ re
zhig bya bral byas/ dben pa bsten nas sgrub pa snying por gyis
shig /ces bskul bar mdzad do/ /de ltar bskul ba dang/

rje nyid kyis kyang tshul de legs par dgangs nas bya bral mdzad
cing dben pa bsten nas sgrub pa snying por mdzad pa la thugs
thag bcad do/ /'dir smras pa/ rig sngags 'chang gi gzhung lugs
rgya mtsho che/ /rnam dag dbang bzhi'i rlabs 'phreng cher g.yo

zhing; ;rim gnyis dbu ba'i 'dzum dkar rol pa can/ /dngos grub
rin chen bye ba'i gter gyur te/ /bdag don la chags rab dkar
dge ba'i gshed/ /srid pa'i lha min snying rje'i lto bar ni/
/nyid kyis zhu mdzad khyod thugs drang srong ches/ /ma lus

rnam dpyod yangs pa'i zhal du drangs/ /mang du thos pa'i 'dren
byed stong ldan zhing/ /blo gsal 'chi med tshogs kyi ral ba'i
rgyan/ /theg mchog bdud rtsi'i dpal la dbang sgyur ba/ /thung
bstan yongs 'du'i bdag po rgyal gyur cig /ces bya ba ni/

rje btsun bla ma tsong kha pa chen po'i rnam par thar pa yongs
su brjod pa'i gtam du bya ba dad pa'i 'jug dogs zhes bya ba
las/ gtso bor sngags kyi theg pa las brtsams pa'i mang du thos
pa yongs su btsal ba'i rim par phye ba ste bzhi pa'o/ /

@32a @#/ / ! de nas bla ma dbu ma pa de kha'i ston mdo khams la
'byon par chas/ rje'i zhal snga nas kyang lha sar skye la ma
la byon/ dpon slob gnyis kas gsol ba drag tu btab/ lha sa'i
sgo khang steng gi gtsug lag khang

du/ bla ma dbu ma pa la rje 'dis dpal gsang ba 'dus pa mi
bskyod pa'i dbang bzhi rdzogs par gnang/ de nas rje rin po che
pas skyor mo lung du phebs/ ston gzhug de chos mang du gsungs/
dgun la nye ba spre'u lo zla ba bcu pa la

bab pa/ dgung lo sum cu rtsa drug pa la skyor mo lung nas
phyag bteg /slob dpon rin po che 'jam dkar ba zhes grags pa
dpal ldan bzang po ba dang/ rtogs ldan byang seng pa/ gnas
brtan rin chen rgyal mtshan pa/ gnas brtan

bzang skyong ba ste dbus pa bzhi/ bla ma rtogs ldan 'jam dpal
rgya mtsho ba/ dge bshes shes rab grags/ dge bshes 'jam dpal
bkra shis/ dge bshes dpal skyong ste mdo smad pa bzhi dang
bcas pa phyag phyir khrid/ da gong nas/

gzhis ka sne'u rdzong bas zhabs tog legs po mdzad kyin yod
cing/ de dus kyang khong gi zhabs tog bsgrubs te/ dpon slob
dgus gzhung ko mdzad nas bya bral la byon/ 'ol khar phebs/
de'i dgun dpyid rnams 'ol kha

chos lung du bzhugs shing/ de nas bzung ste 'ol kha ba yab
sras rnams kyis dad pa chen pos sbyin bdag mdzad de zhabs tog
phun sum tshogs pa bsgrubs/ der bzhugs kyi ring la yang/ thog
mar bsag sbyang gnad che bar

@32b dgongs te dpon slob thams cad kyis stobs bzhi tshang ba'i
bsag sbyang la shin tu 'grus par mdzad/ rje rin po che rang
gis kyang/ ltung bshags brgya phyag dang bcas pa dang/ phyag
sor gyi rtse mo rnams ser khar song gi bar du maNDal

'bul ba sogs la dbag par dka' ba'i brtson pa drag po mdzad
cing/ dge ba'i bshes gnyen gro lung pa chen po'i gsung las/
mdo sangs rgyas phal po che 'di ma 'gyur na/ bod kyi byang
chub sems dpa' rnams spyod pa la slob

tshul ji ltar byed dam/ zhes 'byung ba ltar du/ sangs rgyas
phal po che la sogs pa/ byang chub sems dpa'i spyod pa rlabs
po che rnams ston pa'i mdo sde rnams la gzigs rtog zhib par
mdzad de/ theg pa chen po'i rigs kyi nus pa yongs

su rgyas par byed pa'i thabs rmad du byung ba/ byang chub sems
dpa'i snying stobs dpag par dka' bas/ rgyal sras kyi spyod pa
rlabs shin tu che zhing rnam pa mtha' yas pa rnams la sngar
gyi byang chub sems dpa' chan po rnams kyis

bslabs shing/ da lta dang ma 'ongs pa'i byang chub sems dpa'
chen po rnams kyis slob pa dang/ slob par 'gyur ba'i tshul mdo
sde las mtha' yas pa gsungs pa de rnams la/ bdag nyid kyang da
lta nas de lta bu'i tshul la 'jug pa la

zhum pa gtan mi skye zhing/ spro dga' shugs drag pos 'jug par
bya ba'i ched du/ mdo sde nas 'byung ba'i rgyal sras kyi
snying stobs dang spyod pa gang rlabs che che rnams la re re
nas dmigs phug gi na thugs sbyong ba'i dmigs rnam nar mar

@33a @#/ /bsten pas/ dang po zhig cung dka' tsam byung yang/
phyis legs par goms nas 'bad rtsol mi dgos par rang shugs kyis
rgyal sras kyi snying stobs dang spyod pa rmad du byung ba ji
'dra ba'i dpag dka' ba zhig la'ang

zhum pa nam yang mi skye zhing/ spro dga'i shugs drag po ngang
gis 'jug pa zhig byung zhes rje nyid kyi zhal las thos te/
gsung 'di tsam yang theg pa chen po la slob par 'dod pa'i gdul
bya rnams la rmad du byung ba'i gdams ngag dang/ blo chen dag

gis kyang dpag par dka' ba'i rnam par thar pa'o/ /de'i dbyar
rdzing ji'i jo bo byams pa ma jal/ mchod pa dang smon lam
rlabs po che mang du mdzad/ de nas dgun dwags po sman lung
rgya sog phur byon/ thugs dam shin tu 'phel zhing yon tan gyi

khyad par bsam gyis mi khyab pa mang du brnyes/ de nas bzung
ste/ da bar du rdo rje 'jigs byed bcu gsum ma'i bdag 'jug nam
yang ma chag par mdzad do zhes gsung ngo/ /dpyid 'ol khar
byon/ de yang rdzi nga ji'i gtsug lag khang de/ sngon

gar mi yon tan g.yung drung gis bzhengs pa/ jo bo byams pa'i
sku li 'dra mi tshad lhag tsam shin tu byin rlabs che zhing ngo
mtshar ba bzhugs pa phul du byung ba zhig 'dug na'ang/ phyis
lha ris thams cad nyams shing legs par gogs/ jo bo'i

sku de yang rdul khrod na 'o brgyal zhing/ sku la bya thal
sogs kyi mi gtsang bas gos par gyur ba gzigs pas thugs kyis ma
bzod par spyan chab byung zhing/ de'i zhig gsos mdzad par
dgongs nas/ 'ol kha stag rtse ba la zhal ta gnang ste/

@33b rtsig pa dang thog dang zhal ba sogs 'chos dgos rnams
khong gis legs par bsgrubs shing/ de nas ri mo ba dpon slob
rnams la rang gis che rkyen dang zhal ta mdzad nas sgrub par
brtsams pa'i tshe/ dpon slob bcu gnyis yod pa'i

phyag rdzas gtor cha sogs gang yod la rin btab pas zho bcu
gnyis las ma byung/ ji ltar mdzad kyi rngo ma thogs pa la/
rnam sras kyi 'dzin gtor zhig bcas nas 'phrin las 'chol bar
dgongs pa'i tshe mar med pa la/

btsun pa zhig gis mar grod bu gang phul/ de la mar gyi 'dzin
gtor bcas nas 'phrin las bcol bas/ de'i sang nyin rang la/
'brog pa 'gas mar thud mang po bkal byung ste phul/ de nas
bzung ste 'bul ba

mang po rim pa bzhin byung bas yo byad kyis ma thogs/ 'dir ma
zad chos ldan gyi dges pa khyad par can gzigs pa'i skabs gzhan
du'ang/ rnam sras la mar gyi gtor ma dang bcas te 'phrin las
bcol bas yo byad dpag tu med pa slo

bur du byung ba'i le rgyus mang du yod do/ /de nas yar lung
phyogs nas kyang lha bzo ba tshon rtsi khyer nas ri mo'i dad
blangs la 'ongs pa'ang mang du byung/ de'i tshe lha bzo ba
rnams kyang bsnyen gnas dang gso sbyong gi sdom pa la bkod nas
'drir 'jug

pa dang/ las byed pa'i mi phal ba rnams kyang/ tha mal ba'i
tshig smra ba spangs nas/ smon lam gyi tshigs su bcad pa sogs
shas cher kha ton du byed pas las sgrub pa la gzhol bar mdzad
la/ thog mar rje btsun 'jam pa'i dbyungs

@34a @#/ /kyi zhing bkod 'bri ba'i skya ris btab tshar ba de la
rab gnas shig mdzad nas/ kod ba chung chung zhig tu srod kyi
'go la mar me phul ba sang nyin phyed bar du ma zad par bzung/
de nas bzung ste/ zhing bkod re bris tshar

rim gyis rab gnas mdzad de/ mar me phul ba la ma bzung pa gcig
kyang ma byung/ de ltar ri mo legs par grub nas/ 'jam dpal
gsang ldan gyi dkyil 'khor bzhengs te/ rje nyid kyis rab tu
gnas pa rgyas par mdzad cing/

de'i tshe slob ma skal ldan bcu lhag pa zhig la gsang ldan gyi
dbang yang gnang la/ rab ston mdzad pa'i skabs su gdan sa phan
tshun gyi mdo smad pa sogs kyis/ gos dar sogs kyi 'bul ba mang
du byung bas/ rten 'bur du dod pa

rnams kyi na bza' logs bris thams cad la zhal khebs dang bcas
pa legs par grub bo/ /de'i tshe rab gnas dngos gzhi'i nyin/
thugs dam nar mar mdzad pa dang/ las byed dang/ bya ba'i dus
tshigs 'dzin pa mang po zhig gis thugs

dam dang bya ba sogs sngar las ches snga ba'i tshod la zin nas/
'di ci zhig snyam du grib tshod btsugs shing zhib tu brtags
pas/ de'i nyin nyi ma tshad las ches ring du gyur par snang
ngo/ /zhes du ma zhig mthun par gleng ngo/ /gzhan yang

'ga' zhig gi rmi lam na/ mkha' 'gros ri mo 'dri ba mthong ba
dang/ lho brag mkhan chen phyag rdor ba'i gzigs snang la/
sangs rgyas rabs bdun nam mkha' la byang phyogs su 'byon pa
gzigs/ gang du bzhung/ ces gsol pas/

@34b rdzing ji'i rab gnas la spyan 'dren gyin 'dug /ces gsung
pa'i tshes grangs dang rab gnas mdzad pa'i tshes grangs gnyis
phyis brtsis bas mthun par 'dug go /zhes zer re/ /de nas rin
po che lho brag pa nam mkha' rgyal mtshan pas/ 'dir gcig ci

nas phyag phebs par zhu/ bka' 'dra zhu ba'i 'dod pa'ang yod/
sku tshe bsring pa'i rten 'brel sgrig pa sogs kyi/ snyan bskul
'dra yang 'bul ba lags/ zhes pa'i gsung yig nan cher byung ba
la brten nas lho brag bra bo dgon par byon/

mkhan chen lho brag pa rang gis gtso mdzad pa'i lho brag gi
dge 'dun rnams la bslab btus la sogs pa'i chos mang du gsungs
shing/ rin po che lho brag pa rang la/ grwa lnga'i dbang la
sogs pa dbang rjes gnang mang du gnang/ rje nyid kyis kyang
khong pa la

byang chub lam gyi rim pa'i khrid gsan cing/ gnas der zla ba
bdun tsam bzhugs/ de nas phyis 'dul ba'i bslab khrims rnam par
dag pa'i sgo nas bstan pa la phan pa rgya chen po 'byung ba'i
rten 'brel khyad par can zhig yod par dgongs nas/ chos

gos gsum lhung bzed 'khar gsil/ gzhan yang mchod rdzas du ma
zhal gser dang bcas pa dang/ bstod pa tshangs pa'i cod pan zhes
bya ba/ don rmad du byung zhing tshig sbyor yid 'phrog pa mdzad
de/ rdzing ji'i rje btsun byams mgon la 'bul ba la

bskur zhing/ slar rgya gar shing gi ri la 'byon par dgongs te
lam du zhugs shing 'byon par chas pa la/ yi dam gyi sku dang
gsung gi gnang ba yod pa 'ga' zhig gis rje rang la shing gi
rir phebs nas grub chen mi tra dang mjal ba sogs ngo mtshar ba
'ong na'ang/

@35a @#/ /'khor phal ches la ched pa 'ong zhing mang po zhig
tsha'i dus khyad par 'dug zer ba dang/ rje rang nyid kyis kyang
de ltar dgongs nas slar log ste gnyal la byon/ gnyal lo ror
bebs nas/ lo ro stod stag tu zla ba lnga tsam bzhugs

der dge ba'i bshes gnyen chen po brin las pas mdzad pa'i bstan
rim chen mo gdan drangs byung ba la/ bsu ba mdzad/ mchod pa
phul/ zhib bar gzigs pas thugs nges chen po 'khrungs/ der
bstan rim tshar gcig gsungs/ lar yang bya

bral la byon pa nyid nas/ rgyal ba'i gsung rab mtha' dag gi
don/ tshig spyi tsam la ma lus par da lta las dang pos nyid nas
rang gi rgyud la bskor nas nyams su blangs pas chog pa'i tshul/
lam gyi ngo bo/ grangs nges/ go rim sogs

thams cad shing rta chen po rnams kyi lam srol dang mthun pa
zhig med du mi rung bar gzigs nas bla ma yi dam la gsol ba
drag tu btab cing/ gsung rab dgongs 'grel dang bcas pa mtha'
dag la zhib tu dpyod pa rgyun mi 'chad du mdzad

pas/ thog mar bshes gnyen bsten pa nas 'go brtsams te/ mthar
zhi gnas dang lhag mthong la bslab tshul gyi bar theg pa che
chung thun mong dang/ theg chen thun mong ma yin pa'i lam spyi
dang/ de'i steng du sngags kyi thabs mkhas kyi khyad par

thun mong ma yin pa rnams snon pa btang nas nyams su len tshul
gyi lam gyi ngo bo dang go rim dang grangs nges phyin ci ma
log pa'i nges pa 'khrungs nas gsung rab dgongs 'grel dang bcas
pa gang la'ang khol bton re tsam ma yin

@35b par thams cad gang zag gcig 'tshang rgya ba'i cha rkyen du
sbyar nas nyams len gyi phyogs su 'khyer shes pa/ de yang
bshad pa tsam ma yin par/ da lta blo mtho dman dbang po rab
'breng tha ma gang yin gyi rgyud la bskor nas dmigs rnam gyi

rim par nyams su len pa'i lag len du 'khyer bde zhing 'chun
che la/ sems 'dul ba'i rim pa 'ba' zhig lhur mdzad pa'i sgo
nas gdul bya mchog dman thams cad ji ltar bkri pa'i rim pa la
mnga' brnyes shing/ gangs ri'i khrod 'dir tshul

'di ni/ sems dpa' chen po dpal mar me mdzad ye shes kyi gdams
pa byang chub lam gyi rim pa'i mtshan nyid dang sngags kyi theg
pa'i lam gyi rim pa/ phyin ci ma log par gtan la phab pa'i
shing rta'i srol 'di nyid ya mtshan par gzigs shing

de'i srol la brten nas thugs nges cher 'khrungs/ dpal ldan a
ti sha'i gdams pa'i srol la yang dge ba'i bshes gnyen chen po
po to bsogs kyi gdams pa la yang rmad du byung ba'i thugs nges
yod mod kyi/ 'on kyang lhag par/ bla ma lotstsha

ba chen po blo ldan shes rab kyis mdzad pa'i bstan rim dang/
de'i sras kyi thu bo dpal ldan gro lung pas mdzad pa'i bstan
rim chen mo sogs dang/ rang nyid kyis dgongs pa'i lam gyi rim
pa rnams mthun shas che zhing srol phul du byung bar gzigs

so/ /dpal ldan a ti sha'i gdams pa de yang/ gsung rab dang
dgongs 'grel gyi bstan bcos man ngag mtha' dag lam gyi rim pa
gcig tu dril nas ston par snang bas/ 'chad shes pa dang nyan
shes pa gnyis kyis bshad cing 

@36a @#/ /nyams su blangs na man ngag chad chung du ma zad gsung
rab mtha' dag gi gung 'grig nas 'ong bar snang bas/ lam thun mod
pa la blo sbyong pa nas 'khrid dgos pa'i gdul bya rnams la khrid
kyi rnam grangs mang po

ston pa ma byas gsung zhing/ 'di kho na'i ster nas gtso bor
'khrid bar mdzad do/ /de nas gnyal smad gsal rje gangs kyi yar
'dren dgon par dbyar thog gcig bzhugs/ de'i tshe dpon slob rnams
mthun rkyen dkon par byung ba

la rnam thos sras la gtor ma 'bul dgos pa'i mtshan ma dgongs nas
phul bas myur du mthun rkyen phun sum tshogs pa lhag dang bcas
par byung/ de nas dpon slob sum cu lhag tsam gyis rtsa ri ma
chen la byon/ zhag 'ga' bzhugs

ri pa rnams la mang ja gnang sbyin dang bcas pa mdzad/ ri khrod
gzigs shing bde mchog gi bdag 'jug la sogs pa mdzad/ ngo ma tshar
ba'i ltas mang du byung/ rtsa rir phebs 'byon pa'i la kha na mar
'byon dus/ gnas 'dir

yang nang mchod dang bcas pa'i tshogs 'khor rang byed pa mi 'ong
dgongs pa zhig thugs la 'khrungs pas/ de mkhad nas zhabs kyi
khol bu zhig la glo bur du tsher ma zug pa 'dra ba'i cho zug dang
snyung zug chen po rang yod pa/

skrangs pa/ nag po chen po dang bcas pa zhig byung ba la/ skabs
shig tu nang mchod dang bcas pa'i bde mchog gi tshogs 'khor zhig
mdzad pas/ tshogs 'khor ma grol ba nas zug med par/ de mkhad
dwangs so/ /de

@36b nas yang gnyal la byon te/ gnyal smad seng ge rdzong du
bzhugs/ gser phye 'bum pa la mchod pa chen po phul zhing/ der
'dul ba'i chos mang du gsungs/ lag len phran tshegs rung chu
'debs pa yan chad zhib par mdzad/ yon tan

thams cad kyi gzhi ma khas blangs pa'i tshul khrims dag dgos pa
yin/ nged la ni so sor thar pa'i pham lhag spom po dang bcas
pa'i ltung ba 'ong ma myong/ ltung byed nyes byas dang bcas pa
'ga' re byung ba rnams bshags bsngam

byed gsung nas mdzad cing 'khor rnams kyang tshul de nyid la
sbyar bar mdzad de/ gangs ri'i khrod 'dir sangs rgyas kyi bstan
pa ches cher nyams par gyur pa la/ gting nas ma bzod pa'i thugs
kyi shugs drag pos/ bstan pa rin po che'i

rmang dka' ba chen pos gzhi nas btsugs par mdzad pas/ phyi rabs
gangs ri'i khrod kyi skye bo yongs la/ rgyal ba nyid dang
mtshungs par bka' drin che ba yin no/ /de nas dpyid gnyal gyi
sgang chung du bzhugs/ dge 'dun rnams la

chos sna tshogs gsungs/ grong ba skye bo'i tshogs dpag tu med pa
thugs rje'i shugs kyis dad pa drag po dang bcas te 'dus pa thams
cad kyang/ bsnyen gnas dang skyabs 'gro sogs 'phral dang yun du
phan pa'i dge ba

la legs par sbyar cing/ rje nyid kyis thog ma mdzad de/ thams
cad bskul nas tsha tsha 'bum gter mang po btab cing/ phyis kyang
tshul de nyid sgrub pa la sbyor bar mdzad do/ /de nas gnyal stod
rab grong du byon/ dbyar bzhugs mdzad/

@37a @#/ /slob dpon rin po che dar ma rin chen pa'i zhal snga nas
dka' bcu'i grwa skor mdzad tshar nas/ der mjal ba la phebs/ de'i
tshe rab grong mkhan po la zhal ta gnang nas khong gis sbyin bdag
gi mthil len byas/

gzhan yang dad 'bul mang du byung ba la brten nas/ gnyal phyogs
kyi dge 'dun gyi sde phal che ba'i sde snod 'dzin pa thams cad
bsdus te chos kyi 'khor lo zhag mang po'i bar du mdzad cing/ de
bar dge 'dun tshogs pa la zhabs tog

bsnyan bkur phun sum tshogs pa grub/ de yang gnyal gyi sde pa
rnams phan tshun gral sogs la ye mi 'cham pas lhan cig tu tshogs
pa mi srid pa tsam yin pa la/ de dus rje nyid kyi thugs rje'i
stobs dang thabs mkhas pa'i dbang

gis thams cad rtsod pa med cing/ dam pa'i chos kyi dga' ston
gyis dus 'da' bar gyur la/ der rje nyid kyis so so la dad 'bul
dang bsnyen bkur rgyun pa'i khas len gyi dad bskul sogs kyi zhal
ta gnang bas/ thams cad

spro dga' dang bcas par gyur te/ ding sang gi bar du 'ang/ de'i
lo dus la chos 'khor zhag mang po re byed pa ma chag par yod la/
de'i tshe sngar ltar thams cad rtsod pa med cing/ chos 'khor de
las gzhan pa'i skabs su ni phan tshun

gral sogs la rtsod pa dang bcas pas lhan cig 'du 'god mi byed
do/ /de ltar gnyal phyags su bstan pa dang sems can gyi don rmad
du byung ba rnams legs par mdzad nas slar yang 'ol khar phebs/
de nas 'o de gung rgyal gyi lha zhol

@37b dben gnas lha sdings su lo gcig bzhugs chos mang du gsungs/
de yang thal rang gi lta ba'i gnad rnams la/ bya bral la 'byon
pa'i gong nyid nas de bar du dpyad pa nar mar mdzad na'ang/
mthar thug pa'i gnad la mi bde ba gtan nas log

pa'i nges pa 'dren ma thub/ gnas der bla ma dang rje btsun 'jam
pa'i dbyangs tha mi dad du byas shing gsel ba drag tu 'debs pa
dang/ rigs pa'i dpyad pa zhib par mdzad pas/ byin gyis brlabs
pa'i mtshan ma khyad par can yang byung/ slob

dpon sangs rgyas bskyangs kyi 'grel pa budd+ha pA li ta la legs
par gzigs pas kyang mtshams sbyar te/ mgon po klu sgrub yab sras
kyi lta ba'i gnad mthar thug pa dang dgag bya'i mtshams 'dzin
sogs la sngar dang mi 'dra ba'i nges pa gting

tshugs pa 'khrungs shing/ mtshan 'dzin gyi dmigs gtad thams cad
zhig /de kho na nyid kyi don la mtha' gzhan du dogs pa'i sgro
'dogs lhag ma med par drungs phyung bar gyur te/ ston pa la shes
nas dad pa thob pa'i shugs kyis drangs pa/

zab mo rten cing 'brel par 'byung ba gsung ba'i sgo nas bstod pa
legs par bshad pa'i snying po zhes bya ba'ang mdzad do/ /de ltar
de kho na nyid kyi don la rigs pa'i stobs kyis sgro 'dogs lhag
ma med par chod de/ stong pa nyid la thugs rtse

gcig tu mnyam par 'jog pa'i ting nge 'dzin lhur mdzad cing/ yang
dag pa'i dran shes kyis legs par bskyangs pa'i goms pa phul du
phyin par mdzad pa'i stobs kyis/ rje nyid kyi zhal nas/ da lta
legs par goms pas rjes thob tu'ang

@38a @#/ /sna tshogs pa'i snang ba 'di thams cad stong bzhin du
snang ba'i sgyu ma ltar 'char gyi/ song pa nyid kyi rgyas ma
thebs pa'i snang ba rang dga' ba cher mi 'char bar 'dug /ces
gsung ngo/ /tshul 'di ni mkhas pa mgu

bar byed pa'i rnam par thar pa ches dpag par dka' ba/ rgyal ba
sras dang bcas pas kyang bstod pa'i phreng bas bsngags par bya
ba'i yul yin ni/ bdag cag dag gis lta smos kyang ci zhig 'tshal/
de yang bra ma 'di ni/ gong du brjod pa

ltar bla ma dang yi dam tha mi dad du byas nas gsol ba 'debs pa
dang/ bsag sbyang sogs la rtse gcig tu brtson par mdzad cing/
skye bo phal pa rnams kyi blo yul du bya dka' pa tsam gyi bsnyen
sgrub la rgyun mi 'chad du brtson par mdzad pas/ lhag

pa'i lha du mas byin gyis brlabs pa'i tshul dpag par dka' ba yod
la/ khyad par rgyal ba kun gyi yab gcig rje btsun 'jam pa'i
dbyangs kyi zhal mngon sum du yang yang gzigs shing/ dge ba'i
bshes gnyen mdzad pa'i stobs

kyis/ gsung rab mtha' dag gi don la 'khrul pa mi mnga' bar gyur
pa yin la/ ji 'dra ba'i rtags dka' ba zhig yin na'ang/ thog mar
rigs pas zhib tu dpyad pas phal cher dgongs 'ong/ de ltar mdzad
kyang thugs nges mtha' chod pa 'dren

ma thub pa rnams la/ bla ma dang rje btsun 'jam pa'i dbyangs tha
mi dad la gsol ba drag tu btab cing maNDal phul bas/ de mkhad
'bad med du dpyis phyin par dgongs nas 'ong ba bsnyon mi nus par
yod la/ gzhan yang rje btsun 'jam

@38b pa'i dbyangs kyi sku dang gsung gi snang ba sogs kye ?
rnam par thar pa zhib par ni dngos su yongs la bsgrag par mi nus
mod/ 'on kyang gsung rab kyi don la tshul ji ltar dpyod/ dpyad pa
rdzogs ma rdzogs/ nyams len gyi gnad/ gdul bya ji ltar

bkri/ 'khor ji lta bu bsten/ gnas ji lta bur bzhugs pa sogs phal
cher rang bzos zhugs pa ma byas/ zhes gsung ngo/ /de nas ston
'ol khar byon/ dgun dpyid mgar phug tu bzhugs nas 'ol kha'i dge
'dun rnams la chos mang du gsungs

de nas e'i ste'u rang byo na/ dbyar bzhugs mdzad/ dbye pa'i dge
'dun rnams la chos mang du gsungs shing/ skye bo thams cad dge
ba'i lam la bkod/ de nas 'ol kha'i brag gdong du byon/ dgun
bzhugs mdzad/ de nas rdzing jir jo bo byams

pa'i drung du mjal/ cho 'phrul chen po'i dus mchod la dgongs nas
zhag bco lnga'i ring la mchod pa rgya che zhing bkod pa yid
'phrog pa rgyun mi 'chad par mdzad de/ bstan pa dang sems can
'ba' zhig la dgongs nas 'phral dang yun du phan

bde rgyas pa'i smon lam rlabs che ba mdzad do/ /de nas dar
dpyid/ slob dpon dka' bcu pa'i zhal snga nas gtso mdzad/ sde
snod 'dzin pa nyis brgya lhag tsam la chos mang du gsungs/ de
nas nyang po phyogs nas dad pa chen pos gsol ba btab pa

la brten nas/ nyang po ma dangs mdo'i dgon par byon/ dbyar
bzhugs mdzad/ nyang po phyogs kyi dge 'dun rnams la chos mang
du
gsungs shing/ skye bo'i tshogs la phan pa rgya chen po mdzad/
de'i skabs su/ dpon nam mkha'

@39a @#/ /bzang po pas rngog lo chan po'i gdan sa pa slob dpon
chen po dkon mchog tshul khrims pa ngo chen la sbran te skyid
shod phyogs su phebs par zhu ba'i gsol ba 'debs pa snga mo nas
nar mar yod pa'i rting bskul

gyi gsal bab dabs pas slebs pa dang/ jo bo rin po che mjal bar
bzhed pas kyang thugs drangs te/ ston skyid shod du phebs/ po ta
lar bzhugs nas/ gsang bde gung gsum/ dga' skyor zul gsum gyi
gdan sa pa rnams

kyis thog drangs pa'i sde snod 'dzin pa brgya phrag du ma la/
dbu ma snang ba/ 'dul ba/ lam rim la sogs pa'i chos mang du
gsungs/ de'i phyi res sos ka dga' ba gdong du byon/ theg pa chen
po bar khas 'che ba rnams kyis/ sangs rgyas

dang byang chub sems dpa' thams cad dpang por byas te khas
blangs pa'i sems bskyed kyi bslab bya rnams la ji ltar slob pa'i
tshul mtha' dag par shes nas tshul bzhin du slob pa zhig ma byung
na/ de'i theg pa chen po pa ming tsam du 'gyur bar

dgongs shing/ gsang sngags rdo rje theg pa la 'jug par 'dod na
lam thun mong ba la legs par blo sbyangs pa'i steng du/ bla ma
bsten tshul theg chen thun mong ba'i skabs su bstan pa las kyang
ches khyad par du gyur pa zhig gi sgo nas/

dbang bskur rgyud sde dang mthun pa zhig bla ma mtshan nyid dang
ldan pa las mnos te/ de'i dus su khas blangs pa'i dam tshig dang
sdom pa rnams mig gi 'bras bu ltar gces par 'dzin cing/ khyad
par rtsa ltung la srog bsdos byas nas legs

@39b par sdom pa zhig ma byung na/ khas blangs pa'i dam tshig yal
bar dor nas/ sngags kyi lam la slob pa skad byas kyang ngan 'gro
mi bzad pa'i sgo 'byed par dgongs nas/ e ma theg pa chen po
spyi dang khyad par ba la slob par khas 'che ba

'di dag /tshul 'di lta bus spyod par gyur na ci ma rung snyam du
snying nas shas ma bzod pa'i thugs brtse ba chen pos kun nas
bslangs te/ gdul bya rnams la'ang tshul de nyid 'doms par mdzad
pas/ der yang/ byang sa'i tshul khrims

le'u/ bla ma lnga bcu pa/ rtsa ltung bcu bzhi pa rnams kyi bshad
pa shin tu zhib par gsungs/ de'i chos gzhug la/ bla ma rje btsun
red mda' pa chen po'i zhal snga nas mnga' ris nas byon/ dbyar
gnas stag ched du mdzad de/ dbus

su byon nas/ dga' ba gdong du phyag phebs/ bsu ba dang/ bsnyen
bkur dang/ zhabs tog rmad du byung ba mdzad nas/ dpon slob gnyis
kas chos mang du gsungs/ de nas yab sras gnyis ka'ang dben pa la
dgyes shing/ dbyar rwa sgreng

gi dben pa'i gnas kyi bsngags pa gtam du brjod pa snyan du son
pas kyang thugs g.yos par gyur la/ dpal ldan a ti shas lung
bstan pa'i gnas/ ston pa rin po che yab sras kyi gdan sa/ bka'
gdams pa'i dam pa'i chos kyi chu bo

thams cad kyi 'byung khungs su gyur pas kyang gzigs par bzhed
de/ yab sras gnyis kyis thog ma mdzad pa'i dge 'dun sde snod
'dzin pa mang po'i tshogs dang bcas pa rwa sgreng la phyags btag
/dgun bzhugs rwa sgreng du mdzad/ bla ma

@40a @#/ /rje btsun chen pos/ rigs pa drug cu pa dang gsang 'dus
rim lnga sogs gsungs/ rje rin po che 'dis/ theg pa chen po mdo
sde rgyan dang/ dbus mtha' dang/ kun las btus dang/ nyan sa la
sogs pa thams cad

kyi gung legs par bsgrigs te/ zhi gnas kyi bshad pa mtha' dag
par gsungs shing/ bsgom du bcug pas/ 'ga' zhig gi rgyud la gsung
rab dang mthun pa'i zhi gnas kyi myong ba khyad par can
'khrungs/ yab sras gnyis kyis sngags mtshan

nyid kyi lam gyi gnad du ma la 'bel ba'i gtam gyi bka' mchid
shin tu zhib par mdzad/ de nas chos rje lotstsha ba dang/ 'bri
khung chos rje gnyis kas zhal 'dzom par zhu ba'i pho nya dang
gsung 'phrin nar mar byung bas/ rje rin po che 'dis dpyid

'go 'bri khung du byon/ chos mang du gsungs/ spyan snga rin po
che chos kyi rgyal po la nA ro chos drug dang/ phyag chen lhan
cig skyes sbyer la sogs pa gsan/ de rjes yab sras gnyis kas
phyags bteg nas byon/ rin po che lotstsha ba skyabs

mchog dpal bzang po'i zhal snga nas dang chos rje rnam pa gsum
ga gnam rtsed ldeng du par chen po byang chub ye shes kyi gtsug
lag khang du zhal mngon par 'dzom zhing/ dpon yon tan rgya mtsho
bas dad pa dang gtong ba shin tu yangs

pa'i bsam pa brgya chen pos zhabs tog mdzad de/ sde snod 'dzin
pa rgya mtsho lta bu du mas thog drangs pa'i dge 'dun drug brgya
lhag tsam gyis dbyar gnas par zhal gyis bzhes nas/ chos rje gsum
gas kyang/ bstan pa rin po che'i dag

@40b ther rnam par dag pa zhig mdzad par dgongs shing/ de yang
ji srid du rgyal ba'i nang mdzod 'dul ba rdzogs par yod pa de
srid du sangs rgyas kyi bstan pa yong la/ de med na med par
gsungs pa de nyid thugs la lci bar gyur nas/ bstan pa 'ba' zhig

la dgongs pa'i thugs kyis/ 'dul ba mdo rtsa'i bshad pa rgyas par
gsung zhing de'i dus su/ gzhi bcu bdun nas gsungs pa'i bcas pa
phra mo zhig yan chad/ da lta'i gang zag gis nyams su blangs nus
tsam rnams dang/ rnam 'byed nas 'byung

ba'i bcas pa rnams las 'das pa'i ltung ba thams cad rang rang gi
ming rigs kyis phyir 'chos pa'i cho ga ji ltar bshad pa bzhin
gyi phyag len rnam par dag pa'i srol legs par btsugs te/ de'i
tshe 'dul ba gsan pa phal che bas kyang rang rang gi

rgyud la brtags nas/ ltung ba phra rags thams cad bshags yul
mang nyung gi bye brag dang/ dngos po spangs pa'i chad las sngon
du gtong ba sogs ji ltar bshad pa bzhin du phyag len la btab nas
phyir bcos mdzad de/ de phyin chad phyag phyi la

gnyug mar gnas pa phal che bas nyin re zhin/ rang rang gi rgyud
la brtags nas ltung ba dang yun du mi 'grogs par phyir 'chos pa
dang/ yo byad byin rlabs/ rung khang gcod pa/ nub lhag nyal
bsrung ba sogs kyi phyag len dag la'ang

ches brtson par mdzad na/ de tsam du bsgrub mi dka' ba rnams la
ni lta smos kyang ci dgos/ de bas na sangs rgyas kyi bstan pa'i
rtsa ba so sor thar pa'i rmad rdzogs par gsos pas bstan pa la
bya ba mdzad pa zhig la 'di ya mtshan pa yin

@41a @#/ /no; ;gzhan yang dbu tshad la sogs pa'i chos kyi 'khor lo
mang du bskor/ dgag dbye thon nas/ rje btsun chen po gtsang la
phyags bteg /chos rje rnam gnyis 'khor dang bcas pa slar rwa
sgeng du byon/ brag seng ge'i zhol du

dben gnas btab/ chos rje lotstsha bas nan cher bskul zhing/ gzhan
yang gsol ba 'debs pa du ma'i ngor/ rgyal ba'i gsung rab mtha'
dag gi gnad bsdus pa/ shing rta chen po klu sgrub dang thogs med
gnyis kye lam srol/ byang chub lam

gyi rim pa'i sgo nas skal ba dang ldan pa sangs rgyas kyi sar
'khrid pa'i tshul rgyas par ston pa'i lam rim chen mo'i rtsom pa
mdzad/ de nas de phyin chad sngags kyi chos than thun 'chad 'dod
pas/ khyed drag pa 'ga' res chos rje lotstsha ba la dpal

gsang ba 'dus pa mi bskyod pa'i dbang zhus la sngags kyi sdom pa
sor chug gsung/ slob dpon rin po che 'jam dkar ba dang/ slob
dpon rin po che 'dul 'dzin pa'i zhal snga nas gtso mdzad/ nyi
shu rtsa lngas dbang zhus/ de yang rje rin po che

rang gis smon 'jug gi sdom pa phog pa 'ga' zhig ma gtogs pa
rnams la/ chos rje lotstsha bas smon 'jug gi sdom pa phog cing/
de nas dbang bskur bar mdzad do/ /gzhan yang gnas de nyid du rje
rin po che rang nyid kyis sngar gnam rtsed

ldeng dang lam pa dgon pa sogs su smon 'jug gi sdom pa gnang ba
'ga' zhig gi ched du gtso bor dgongs nas/ byang sa'i tshul khrims
le'u'i rgya cher 'grel pa'ang mdzad cing/ don gnyer can mang pos
gsol ba drag tu btab pa la brten

@41b nas/ rtsa ltung dang bla ma lnga bcu pa'i rnam bshad kyang
mdzad do/ /de nas chos rje lotstsha ba lam rim gyi glegs bam
phyag tu bzhes shing/ legs bshad rin po che'i skyes kyis thugs
kyi bang mdzod gtams te/ gtsang la phyags bteg /rje

'dis dbyar dgun gnyis tsam de nyid du bzhugs nas/ lam rim la
sogs pa chos mang du gsungs/ cho 'phrul chen po'i dus mchod la
mchod pa dang smon lam shin tu rlabs che zhing ngo mtshar ba
mdzad de/ rim gyis byon nas lhas

phu dgon gsar du phyag phebs/ blo gros dang ldan pa'i sde snod
'dzin pa du ma la/ tshad ma rnam 'grel gyi brjod bya'i gtso bo
mtha' dag rigs pa'i lam nas drangs te/ gzhung lam gyi rim par
bsgrigs nas nyams len la sbyar

te gsungs pas/ sde snod 'dzin pa thams cad sngon lan cig kyang
ma myong ba'i legs par bshad pa'i bdud rtsi'i ro phul du byung
ba myong bas yid kyi skyes bu rang dbang med par phrogs te ngo
mtshar ba'i gtam gyis dus 'da' bar byed

cing/ de phyin chad kyang skabs skabs su gsungs pas/ sngon chad
gangs ri'i khrod 'dir tshad ma tshig gi na yam mam/ phyi'i go rgya
gcod pa'i tshe bstan bcos gzhan lta ba la blo cung zad drag tu
'gro ba'i yan lag gtsam du

nye bar mkho bar 'dzin par zad kyi/ 'di nyams len la mkho ba'i
the tshom tsam yang su la'ang med pas/ pha la mo che zhig don ma
yin pa skyed par byed pa la/ da lta blo gros dang ldan zhing gzu
bor gnas pa dag la/

@42a @#/ /'di nyid nyams len ston pa'i bstan bcos shig la rmad du
byung ba'i phyogs mthong tsam yod pa 'di ni/ rje rin po che 'di
'ba' zhig gi thugs rje la brten pa yin te/ 'di tsam gyi bka'
drin yang gangs can la

yongs kyis bsab par sla ba ma yin no/ /de nas mi'i dbang po
grags pa rgyal mtshan pas nan cher gsol ba btab pa la brten nas/
'on sde chen steng du phebs/ sde snod 'dzin pa brgya phrag du ma
'dus pa rnams kyis de nyid du

dbyar gnas par zhal gyis bzhes te/ rgyal bzang smon mkhar nas
zhabs tog bsam gyis mi khyab pa bsgrubs/ byang chub lam gyi rim
pa'i khrid dang/ dbu tshad kyi dga' ba'i gnas 'grol ba'i chos
mang du gsungs/ de nas

'o de gung rgyal gyi lha zhol 'ol kha'i byams pa gling du phyag
phebs/ don gnyer can rnams la lam rim dang bskyed rdzogs kyi
chos re gsungs/ dpon slob rnams sku mtshams shin tu dam pa'i
ngang nas/ thugs dam la lhur

mdzad pa'i skabs su/ slob dpon klu byang gis mdzad pa'i rnam
gzhag rim pa'i TIkka mdzad de/ don gnyer can rnams la zhib par
gsungs/ de yang spyir rim lnga'i don dang/ khyad par rim pa gsum
pa'i sgyu lus kyi sgrub tshul

sogs dpal gsang ba 'dus pa rtsa bshad kyi rgyud dang/ 'phags pa
yab sras lnga'i gzhung nas 'byung ba'i don thun mong ma yin pa
rags pa rnams dpyis phyin pa zhig legs par go nas de dus lo bcu
lhag tsam song ba la de bar du smram

@42b nus/ de nas zur tsam smras pa yin/ zhes gsung ngo/ /de nas
dam pa mang pos gsol ba btab pa la brten nas/ rgyud sde bzhi'i
lam gyi lus yongs su rdzogs pa ston pa'i bstan bcos chen po
gsang chen lam gyi rim pa

mdzad/ sde snod 'dzin pa du ma la sngags lam rim gsungs/ de'i
tshe bar chad kyi ltas shin tu rtsu ba pa ci rigs pa byung/ dge
bshes gcig gnyis kyang 'das pa la/ dpon slob rnams kyis sku
mtshams dam par mdzad de/

thugs dam dang/ zlog pa sogs la shin tu 'grus par mdzad pas
tshegs ? med par bzlog /de'i tshe bcom ldan 'das rdo rje 'jigs
byed kyi sgrub thabs bdud thams cad las rnam par rgyal ba dang/
sbyin sreg gi cho ga rgyas pa'i

rtsom pa yang mdzad/ thugs dam shin tu 'phel lo/ /de ltar thugs
dam sgom bzlas sogs mdzad pa'i skabs su/ sku mdun rang na yod pa
rnams kyis/ sgo gsum gyi spyod pa ci byas kyang/ chad du gtad
nas thugs bcug na ma gtogs/

thugs kyis de rnams ci yang mi des pa zhig yod/ 'di dus ji tsam
nas lags zhus pas/ dge sbyor gyi dus su de ltar 'ong ba byams pa
gling nas yin/ lta rtog dang dpyad pa zhib po byed pa'i skabs su
de lta ba 'ong pa snga mo nas yod de 'dra

ba 'dug /ces gsung ngo/ /lo gnyis bzhugs nas/ de nas byang chub
lung du dgun bzhugs mdzad/ sngags mtshan nyid kyi sde snod 'dzin
pa brgya phrag du ma la gsang sngags lam rim gsungs/ shed du
byon/ sne'u nas

@43a @#/ /dad pa drag pos zhabs tog tshad med pa nar mar mdzad de/
dbyar gnas se rwa chos sdings su bzhugs/ sku mtshams shin tu dam
par mdzad/ gsang 'dus rim lnga dang/ ma rgyud kyi rdzogs rim
'ga' zhig gsungs/

der gsol ba 'debs pa mang po'i ngor dbu ma rtsa she'i rgya cher
'grel mdzad par bzhed nas gzhung gi rigs pa'i gnad phra mo rnams
la dpyad pa zhib tu mdzad pas/ rigs pa phra mo 'ga' zhig la dogs
pa cung zad dpyad dka' ba byung nas/ bla ma

dang rje btsun 'jam pa'i dbyangs la gsol ba drag tu btab pas/
skabs shig na/ shes rab kyi pha rol tu phyin pa'i mdo'i stong
nyid nyi shu'i 'grel rkang rnams gser btso ma'i yi ger bkod pa'i
rnam pas bar snang khrig gis gang par gziD

pa yang yang byung bas/ rtsa she'i rigs pa shin tu phra ba rnams
la'ang dogs pa lhag ma med par 'bad med du chod song gsung ngo/
/da nas myur du gsung rab kyi drang ngas rnam par 'byed pa'i
bstan bcos dang/ rtsa she'i rnam bshad chen mo

mdzad/ de'i tshe rgya nag gi rgyal po chen po tu ming gis bla ma
'di la dad pa chen pos lung dang gnang sbyin dpag tu med pa'i
'bul skyel dang/ rgya yul du bsod nams kyi zhing dang/ skye bo
mtha' dag la dam pa'i chos kyis bka' drin mdzad ?

pa'i slad du spyan 'dren pa'i gsol ba nan cher 'debs pa la/ gser
yig pa tA zhing bzhis mgo byas brgya phrag mang po mngags byung
ba la/ dang por cung zad dben pa 'drar mngon chung bar bzhugs
te/ gser yig pa rnams mjal du ma

@43b gnang/ rjes su mi dbang grags pa rgyal mtshan pas gtso
mdzad/ dpon nam mkha' bzang po ba dang bcas pa ngo chen la sbran
nas/ gser yig brnams mtshi ? ma byung zhing/ zhu ba nan gyis phul
bas se rwar phebs/ mjal kha gnang/ 'bul ba

rnams bzhes/ rgya yul la 'byon pa dgag bya che zhing dgos pa
chung ba'i rgyu mtshan dang bcas pa'i zhal ta nan can zhib par
byon nas/ spyan ma 'drongs par gser yig pa rnams phyir la thegs/
de nas se rwar/ rtsa she/ drang nges rnam 'byed/

bzhi brgya pa/ gsang sngags lam rim/ rtsa ltung dang/ bla ma
lnga bcu pa la sogs pa'i bshad pa zhib par gsungs shing/ byang
chub lam gyi rim pa'i khrid kyang gnang/ sde snod 'dzin pa chen
po gsang bde dang/ dga' skyor zul gsum gyi

gdan sa pa/ thang sag pa'i gdan zur la sogs pa dge ba'i bshes
gnyen drug brgya tsam re 'dus/ sne'u nas dbyar gnas kyi bdag
rkyen dang/ dpon slob rnams kyi spyi sgos kyi zhabs tog phun sum
tshogs pa mdzad/ de ltar ser chos sdings su lo

gnyis tsam bzhugs nas/ dgag dbye thon pa dang/ mi dbang grags pa
rgyal mtshan pas gsol ba btab pa la brten nas/ skyid smad grum bu
lung du phyags bteg /phyag phyir byon pa'i bshes gnyen lnga
brgya tsam re la phyogs dang zhabs teg phul du byung ba

mdzad cing/ gzhan yang phyogs tha dad nas dam pa'i chos kyi
gsung gi bdud rtsi len pa la 'dus pa dang bcas pas/ dge 'dun
stong longs pa tsam re tshogs shing/ dgun bzhugs der mdzad/ lam
rim dang bde mchog la'u i pa'i sgrub

@44a @#/ /thabs dang/ ma rgyud kyi rdzogs rim sogs rgyas par
gsungs/ se rwa nas phyag mi 'degs pa'i gong tsam nas/ lha sar
smon lam chen mo mdzad pa'i thugs kyi 'dun pa btang/ dpon nam
mkha' bzang go ba la'ang

zhal ta byon/ khong pas kyang lha sa'i dkyil 'khor steng dang
seng g.yab sogs kyi zhig gsos rlabs chen mdzad cing/ smon lam
gyi mchod pa'i yo byad rnams kyi sta gon yang legs par mdzad/
gzhan yang grum bu lung du bzhugs

kyi ring la/ 'bri khung dang rwa sgreng tshun chod /'ol kha yan
chad kyi sde dgon/ mi chen yon bdag bu slob kyi tshegs la dad
'bul bskul ba phyogs phyogs su mngags pa sogs kyi zhal ta dang/
thugs rtsol cher mdzad cing/ mi dbang

grags pa rgyal mtshan pa la'ang zhal ta zhib par byon/ de ltar
mdzad pas thugs rje'i shugs kyis dad 'bul ba mtha' yas shing
dpag par dka' ba byung/ dpon slob rnams rang la'ang/ smon lam
gyi thugs 'dun mdzad phyin chad

phyag tu yo byad ci byung phal cher smon lam phyi chas la
bsngos/ de nas grum bu lung nas phyag mi 'degs pa'i gong tsam
nas/ lha sar zhal ta mdzad de/ lha bzo ba mang du bsags/ tshen
rtsi gser shog sogs mtha' yas pa 'dzom pas/ lha sa'i

bris sku dang sku 'bur du ded pa thams cad dri mas spags nas
'ga' zhig gi sku mdog tsam yang ji ltar yod nges dka' bar gyur
pa rnams/ dri bzang gi chu la sogs pas legs par bkrus shing/ dag
byed kyi rdzas kha na ma tho ba med pa rnams

@44b kyis legs par dag par bgyis te/ slang tshon bzang po rnams
kyis legs par gsos shing/ gser sheg la sogs pas legs par spras
te/ gsar du bzhengs pa lta bur mdzad/ gzhan yang bzo rigs pa du
ma bsags nas/

gos dar gyi dad 'bul byung ba rnams la sku gzugs rnams kyi na
bza' dang/ ba dan 'tshem pa sogs kyi sta gon rnams legs par mdzad
de/ byi ba lo zla ba bcu gnyis pa'i smad la lha sar phyag phebs/
gnam gang gi nyin snyan

gsan 'bebs pa'i mchod pa mdzad/ dge 'dun stong phrag brgyad lhag
tsam byung ba la/ dpon slob rnams rang gis sbyid bdag mdzad nas/
mi re la mar lha sa'i srang gi nyag bzhi ma tsam re dang/ ja
dkar zho drug cu rtsa ba grangs pa'i

mang ja dang bcas pa'i tshugs ston drangs/ glang gi lo zla ba
dang po'i tshes gcig nas bco lnga'i bar du cho 'phrul chen po'i
dus kyi mchod pa dngos gzhi mdzad pa la/ jo bo rin po che'i
drung du/ de bzhin gshegs pa rigs rnam pa

lnga 'phul las bten pa dar dpyangs dang bcas pa'i dbu rgyan rgyu
gser bzang po 'ba' zhig las bsgrubs pa/ rin po che nal dang/ mu
tig dang/ g.yu la sogs pa'i phra bzang po bkod pas mdzes par
byas pa dang/ jo bo

mi bskyod pa dang bcu gcig zhal la/ dngul bzang po las byas pa'i
dbu rgyan phun sum tshogs pa dang bcas pa phul zhing/ jo bo rin
po che'i drung du dngul gyi lhung bzed che tshad du longs pa/
de'i kha la 'tsham pa'i dngul gyi maNDal

@45a @#/ /dang bcas pa dang/ jo shAka zhal gnyis bcu gcig zhal
dang bcas pa la cho 'phrul gyi ring nyin re zhing zhal gser/
tshes brgyad dang bco lnga la sku yongs rdzogs kyi gser chab dang
bcas pa phul zhing/

jo shAka zhal gnyis dang thub pa gangs chen mtshos gtso mdzad
sprul sku'i rnam pa can gyi sku 'bur du dod pa thams cad la/ gos
dar phun sum tshogs pa las byas pa'i bla gos dang snam sbyar
dang/ sems dpa' dang

sems ma bcu drug la sogs pa dang khro bo'i rnam par bzhugs pa la
sogs pa rnams la ni dar chen dang/ gan gos la sogs pa'i stod
g.yogs dang smad g.yogs dang/ gzhan yang gtsug lag khang che
chung

rnams kyi tog dang bya 'dab la sogs pa'i rtse zur phan tshun du
thag gus sbrel ba thams cad la ba dan dang rnga yab dang dril bu
la sogs pas bar ma chad par mdzes par byas shing/ phyi'i skor
lam chen mo'i phyi rol nas shing chen po 'phang

shin tu mtho ba rnams la gos dar sogs las byas pa'i ba dan chen
po 'jigs su rung ba la phyogs skyong de dang de'i skus tog la
brgyan cing/ de dang de'i sngags ba dan nyid la bris pa bco lnga
phyogs skyong ba bco lnga po

rang rang gi kha dog dang mthun pa rang rang gi phyogs su legs
par btsugs nas nub re zhing de dag gi rtsa ba'i gtor stegs khar
phyogs gtor gtong ba dang/ de dag gi bar bar du gdugs dkar la
sogs pa'i rgyal mtshan rang

@45b rang gi cho ga bzhin du legs par btsugs shing/ ba dan dang
rgyal mtshan de dag gi shing rnams thag gus sbrel ba la 'phan
dang rnga yab dang/ dril bu la sogs pas bar ma chad par mdzes
par byas pa ni 'ja' tshon kun

nas bkra bas nam mkha' lam khyab par byas pa lta bu dang/ gzhan
yang/ nyin par yang khyams nang ma yan chad la dkar me brgya
phrag bzhi re tsam dang/ bar skor la brgya phrag lhag pa dang/
phyi skor la rdo ring gi 'gram/ jo

bo rin po che'i zhal gyi drang thad du/ kong bu chen po gru bzhi
pa/ phyogs re la 'dom tshad ma gsum gsum yod pa/ de nyid mar gyis
legs par bkangs pa la 'tsham pa'i sdong bu las 'bar ba'i me lce
ni gser gyi mchod

sdong gis nam mkha' lam 'gog par byed pa lta bus thog drangs/
rdza'i khog ma chen po mar gyis bkang ba'i sdong bu mi chen po'i
lag pa'i sbom tsam la/ 'phang mda' tshad lhag tsam gyi mar ya bar
thag 'tsham par bkod

pas phyi skor gyi phyi rim 'khor ba dang/ gzhan yang nga mo che/
klu phug /po ta la/ gung thang rnams su'ang dkar me du ma dang/
mtshan mo ni/ bar skor gyi rtsig 'gram 'khor ba dang/ khyams grwa
phyi ma'i ka cher ji ltar yod

pa bzhin du mar me'i phreng ba bkod pas mig gis blta ba tsam
yang bzod dka' bar byas te/ ji ltar sa chen po la mngon par bris
pa'i sgron me'i phreng bas/ lha'i lam la 'khrigs pa'i rgyu skar
gyi tshegs la 'phya ba

@046a @#/ /gsal bar byed pa'i so so'i 'od zer gyis/ mtshan gung la
bab pa'i mun pa'i tshogs dpung dang bcas pa'ang rab tu zhum zhing
ngo tsha bas sa'i 'og tu song ste kun gyi mig lam du mi mngon par
gyur to/ /de'i

phyir/ ra mo che dang po ta la tshun chad kyi lcang ma'i lcug
phran gzhon nu dag gi rang rang gi lus kyi grib ma'ang nyin mo
ji lta bar/ sa la 'bab pas nyin mtshan khyad par mi phyed pa ltar
du gyur cing/ rgyu skar gyi tshogs ni nyi ma brgya phrag

mang po cig car sa gzhi las thon par gyur to snyam du 'jigs pa
lhur len pa'i bab col gyis/ mtshan phyed la nam mkha' lam btang
ste rgya mtsho chen por bros pa ltar/ mtshan mo'i gung la'ang/
steng du mngon par bltas pa na/ nam

mkha' mar me'i 'od kyi gos dang bcas pas kha dog dmar skya nyid
du mthong ba ma gtogs skar ma gcig gi gzugs kyang mthong ba'i
yul las 'das par gyur to/ /gzhan yang yon chab brgya phrag brgal
ba nyin re zhing gsar du

mngon par bshams pa rnams la nyin re zhing kha che gur kum
sbangs pa'i khu bas kha legs par bsgyur ba'i gur kum gyi ro ma
ni nyin re la'ang bres gzhal dgos pa dang/ gzhan yang spos kyi
rgyal mtshan dang/ gdugs dang/

spos snod tha dad du mngon par bsregs pa la sogs pa'i dri bzang
pos phyi rol gyi khor yug thams cad du'ang nyin mtshan gnyis ka
mngon par khyab cing/ du ba rnams ni bar snang la sprin gyi sna
ring po dag phan tshun mdud pa'i lda ldi

@046b bris pa lta bu/ thon phyi skor gyi skor lam rnams kyang
spos kyi chus chag chag btab par byas na/ gzhan lta ci smos/
zhal zas mda' tshad lhag tsam la mar gyi rgyal srid rin po che
sna bdun la sogs pa'i rgyan yid 'phrog pas brgyan pa brgya rtsa

brgyad re nyin re zhing gsar pa gsar pa phul zhing/ kong bu chen
po'i g.yas g.yon du sa stegs la/ rtsam pa khal bzhi brgya re
las byas pa'i lha bshos rgyan bzang po dpag tu med pas spras pa/
'phyar dar btsugs pa dang bcas ma mngon

par bshams pa'i zhal zas rnying pa rnams ni bdag gir byed pa med
par skye bo phongs pa sprang po'i tshogs la ltos pa med par byin
pas/ phongs pa dag kyang bkren pa'i 'du shes kyi 'ching ba las
grol nas bza' btung gis tshim pa lhag par thob

pas slar bza' ba yid la mi byed pa lta bur gyur to/ /gzhan yang
mchod pa'i bye brag mtha' yas pa dang/ rgyal srid rin po che sna
bdun la sogs pa'i bkod pa yid 'phrog pa dpag tu med pa dang bcas
pas mngon par mchod de/ rje bla ma nyid kyi zhal

snga nas sngags dang phyag rgya dang ting nge 'dzin gyis byin
gyis brlabs nas/ mdo sde dang rgyud sde nas byung ba'i cho ga
rnam par dag pas mngon par mchod cing/ bstan pa dang sems can
'ba' zhig la dgongs pa'i thugs kyi shugs drag pos bstan pa

rgyas pa dang sems can la phan bde 'byung ba'i smon lam rnam par
dag pa nyin re zhing mdzad la/ dge 'dun skye bo'i tshogs dang
bcas pa la nyin re zhing slob dpon dpa' bos mdzad pa'i skyes
rangs kyi chos thun re gsungs so/ /de'i tshe/ lha mchod mi

@047a @#/ /mchod rnams kyi mthil len/ phyogs phyogs nas 'dus pa'i
bla ma dge ba'i bshes gnyen/ mi dbon so so/ dad 'bul skyel ba la
byon pa so so/ bzo rigs pa so so la sogs pa thams cad kyi sna
len chas ka

sogs kyi mthil len/ dpon nam mkha' bzang po khu dbo gyis thugs
dad pa dang gtong ba rgya chen pos gus par bsgrubs shing/ bdag
po chen po mi dbang grags pa rgyal mtshan pas kyang mchod pa
rnams kyi mthil len gyi thugs khur

cher bzhes pa dang/ gzhan yang 'bri khung sogs kyi dad 'bul
dang/ bsnyen bkur mang bas/ zhag bcu drug po'i ring la/ dge 'dun
khri rwa can tsam re'i tsha dro/ tsha ja dro ja dang bcas pa 'chag
med du byung zhing/ tsha dro la dge 'dun

tshogs pa'i tshe bsod nams che ba la dgongs nas/ gral du tsha dro
mi bzhes par skor ba mdzad pa'i dge 'dun yang stong lhag tsam re
yong bar nges so/ /de bas kyang skye bo mi nag pa'i tshogs 'dus
pa ni shin tu mang ste khri phrag bgrang pa

yod par mngon la/ thugs rje'i shugs kyis/ de tsam du tshogs pa'i
skye bo thams cad kyang/ phan tshun tshig rtsub mos 'thab mo mngon
tshan can byed pa ni gcig kyang ma mthong zhing/ skor ba gzhan
gyi skabs ltar glu gzhas dang rkang bro dang

chang 'thung ba la sogs pa bag med pa dag kyang lhur mi byed
kyi/ gzhan du na thams cad rang bzhin gyis rgyud 'jam pa dang/
dad pa dang/ dge ba la spro ba sogs kyi gzhan dbang du gyur pas
nyin mtshan khor yug tu/ chos nyan pa dang/

@047b phyag dang skor ba dang/ smon lam 'debs pa dang/ gzungs
kha ten du byed pa sogs 'ba' zhig gis dus 'da' bar gyur cing/ de
yang mtshan phyed la bab pa'i dus rang na phyi skor byed pa nyin
mo las cung zad nyung bar mngon pa tsam ma gtogs/

skor ba byed pa bar chad pa ni cung zad kyang ma byung ngo/
/de'i tshe nyams snang bzang po rang yod pa'i thugs dam pa zhig
gi mnal lam du/ bud med chen mo zhig gis lag pa gnyis kyis gtsug
lag khang la 'khyud 'dug /ci byed byas pas

me'i gnod pa bsrung ba yin zer ba zhig rmis 'dug /de'i phyi de
nub/ kong bu chen mo'i mar phal che ba rdzogs/ mar gsar pa ma
blugs pa'i mtshams shig tu/ kong bu'i nang gi ras rdog rdog rnams
dang mar lhag ma dang bcas pa thams cad la

me 'bar nas shin tu che ba'i me'i phung por gyur te/ skye bo
thams cad 'jigs skrag tu gyur pa la/ rje'i zhal snga nas de ma
khad gzim khang du byon song nas thugs dam la bzhugs pas/ rlung
gcig kyang med cing thabs rnams kyis kyang bzlog

shin tu sla bar byung nas de ma khad zhi zhing gnod pa cung zad
kyang ma byung ngo/ /de ltar lha mchod mi mchod kyi chos phyogs
kyi dad 'bul dang bcas pa thams cad rags pa tsam zhig brtsis nas
phyogs gcig tu dril ba la/ gser zho dgu brgya

dang nyer gcig /gser zho phyed dang lnga brgya'i dngul/ mar khal
khri tsho gsum/ stong phrag bdun dang drug cu tham pa/ nas rtsam
khal khri tsho gcig /stong phrag brgyad dang nyis brgya dang bcu
gcig /ja dkar zho bzhi brgya dang bcu drug /

@048a @#/ /ja nag sigs brgya drug cu re gsum/ bu ram ka ra ltang
bco brgyad/ sha skam khog pa nyis stong dang brgya bdun cu don
gnyis/ 'phan dang rgyal mtshan chen po so gsum/ na bza' dang gos
btsems ma sum

cu/ gos dar yug nyis brgya dang dgu bcu/ ras yug bdun brgya so
gcig /ka dan bsgril ma lnga bcu lhag gcig /g.yu rnying rdog po
che chung 'dres pa drug cu lhag tsam/ mdzo rta sogs kyi rin gong
brtsis pa smar zho nyes stong dang

don gsum/ sdong ras la phul ba'i ja ther bcu bzhi/ spos dkar
khal nyi shu rtsa gcig /bla bre btsems ma gsum/ spos reng mda'
tshad ma khri tsho gsum dang sum stong nyis brgya bdun cu/ spang
spos dang dri bzang bsres

pa phad bu chen po nyer lnga/ gzhan 'dir ma brtsis pa'i phran
tshegs mtha' yas mod/ 'di rang ge dkar chag chen mo logs su mdzad
par blta bar bya'o/ /de nas tshes bcu drug gi nyin grol ston
bzang po dang smar drug nam re'i 'gyed

dang bcas pa mdzad cing/ de lta bu'i smon lam bsam las 'das pa'i
sgo nas bstan pa dang sems can kun gyi gsos su 'gyur bar mdzad
cing/ de'i tshe thuD dam pa nyams snang shin tu bzang po zhig gi
mnal lam du/ lha sa'i nye

skor gyi sa gzhi las skye bo'i tshegs grangs las 'das pa thon
nas/ thams cad nam mkha' la yar thal byung du 'gro yi 'dug /'di
ci yin byas pas/ nged rnams jo bo rin po che la 'di ltar mchod
pas tshangs pa'i 'jig rten du 'gro

@048b ba yin zer ba de 'dra ba'i rmi lam yang byung 'dug cing/
de yang 'ga' zhig ni 'di skad du gleng ste/ sngon chos rgyal
srong btsan sgam pos ka ba shing lo can du gter du sbas pa'i
dkar chag gi shog dril/ jo bo chen po dpal ldan a ti sha

la mkha' 'gros lung bstan te gter nas byung ba la shog dril gsum
yod de/ blon po rnams kyis mdzad pa'i zla ba 'od 'jo/ je mo
rnams kyis mdzad pa'i dang dkar gsal ba/ rgyal po rang nyid kyi
bka' chems chen mo ka

khol ma'o/ /de la rgyal po rang gi bka' chems de'i nang nas
bstan pa la bya ba mdzad pa dang/ jo bo rin po che la mchod pa
mdzad pa'i skyes bu dam pa 'di 'dra ba 'byung bar 'gyur zhes
pa'i lung bstan mang du yod pa la/ khong rang gi

brgyud pa'i rgyal pa 'byon lugs dang/ lo chen rin bzang 'byon
par lung bstan pa'i rjes nas rngog lo chen po lung bstan/ de nas
de'i legs bshad nyams te/ ci yang yid la mi byed pa lam gyi
mchog yin zer nas

kun rdzob khyad du gsod pa'i lta ngan dar bar 'gyur bar lung
bstan/ bar skabs su drags po lha rje khu dbon gyis lha sa la
zhig gsos dang zhabs tog phun tshogs mdzad par lung bstan/ de nas
dus 'phyi mo nas/ rigs pha la

mkhas pas gong gi lta ngan de lta bu cung zad nyams par byed par
lung bstan cing/ dge slong byang sems rdo rje 'dzin pa zhig gis
jo bo'i zhal bsgyur zhing mchod pa phul du byung ba mdzad par
lung bstan pa ni rje bla ma 'di nyid yin no

@049a @#/ /zhes zer te/ ji skad du/ bka' chems las/ de nas khyad
par bsnyen bkur cher mdzad pa/ dge slong byang sems shar phyogs
sku 'khrungs pa/ /gsang sngags 'tshang zhang rnal 'byor chen po
ni/ /snying

po'i mtha' brten skyes chen dam pa ni/ /zhal yang bsgyur zhing
bsnyen bkur dam pa mdzad/ /de la bsnyen bkur cher byed de dag
ni/ /'phags pa'i gang zag dge sbyong sha stag go /zhes 'byung
ngo/ /zhal yang bsgyur zhes pa ni/

jo bo rin po che'i zhal sngon dbu rgyan dang mi ldan pa las dbu
rgyan dang bcas pa nyid du bsgyur ba'o/ /de yang 'khor la 'byon
pa rnams 'byon bzhud mangs pas cung zad thuD sun nas/ dben dgon
zhig 'dings pa'i zhu ba snga

mo nas 'bul kyin yod pas/ de'i tshe sde pa dang yon bdag bu slob
so so nas dgon pa rnying pa 'bul ba dang/ gsar pa 'dings ba'i
bdag rkyen byed zer nas gsol ba 'debs pa mang du byung ba de
rnams gang bzang/

jo bo rin po che'i drung du gsol ba btab nas/ mar me dang mnal
lam sogs kyi ltas brtags pas/ thams cad kyi nA nas 'brog ri bo
che bzang bar byung ste/ smon lam grol ba dang rje nyid kyis
kyang zhabs kyis bcags/

de nas dpyid sngon ma se rwa chos sdings su bzhugs/ sde snod
'dzin pa drug brgya re tsam la/ rtsa she dang/ tshul khrims le'u
drang/ sgrub thabs kun bzang dang/ lam rim la sogs pa mdo sngags
kyi chos mang du gsungs/

@049b de nas spyan snga rin po che bsod nams bzang po bas gsol
ba nan cher btab pa la brten nas/ dpyid rting ma rje'i zhal snga
nas dpon slob nyis brgya tsam gyis zangs ri'i phu mchin du byon/
spyan snga rin po che bsod bzang ba dang/

mkhan chen rgyal bzang bas gtso mdzad pa'i thel pa'i ri dge mang
po dang/ gzhan yang sde snod 'dzin pa mang du 'dus pa rnams la/
lam rim la sogs pa'i chos mang du gsungs/ slob dpon dka' bcu pa
dang/ slob dpon 'dul 'dzin

pa rnam gnyis kyis thog ma mdzad pa'i dge 'dun phal che bas
'brog ri bo cher byon te dge ldan rnam par rgyal ba'i gling
btab/ phyogs kyi yon bdag dang/ nye skor gyi ban skya'i sde pa
thams cad kyis dang bslangs sogs tshad med pa/

dga' spro dang bcas pas bsgrubs nas da ga'i lo la gzims khang
gis thog drangs brang khang rdzogs par grub pa bdun cu lhag
tsam
dang/ gzhi bting ba brgya phrag brgal ba byung/ brang khang so
so phal che ba la'ang/ 'dul ba

nas ji ltar gsungs pa bzhin du/ dang por gzhi brtag pa dang/
brtags nas dge 'dun la gsol ba dang/ de nas dge 'dun gyis gnang
ba sbyin pa dang/ lag gi bla sko ba dang/ rdo bteg pa'i mtha'
las byung ba'i rung khang gcod pa dang/

khang pa'i tshad las ma lhag par rtsig pa sogs kyi phyag len dag
ther can mdzad pas mkhar las kyi phyag len tsam gyis kyang bstan
pa rin po che gsal bar mdzad do/ /rje nyid kyis de'i dbyar gnas
'ol kha bas gdan drangs nas

@050a @#/ /'ol kha bsam gtan gling du mdzad/ 'ol kha dang dwags
po sogs kyi rab byung mang po dang bcas pa la chos mang du
gsungs/ gnyal gyi dge bshes 'das pas/ khong rang gi kha chems
bzhag pa'i lugs

ltar/ 'brel pa shul na mchis pa dag gis kyang g.yo zol med par
rje bla ma nyed la mgur mo'i gser phye ma zho stong phrag gcig
gis thog drangs dngul la sogs pa'i 'bul ba dpag tu med pa byas/
ston ka'ang phyogs der rang

gzhan gyi don rgya chen po mdzad nas/ stag lo zla ba gnyis pa'i
tshes lnga la ri bo dge ldan rnam par rgyal ba'i gling du phyag
phebs/ lam rim gsang 'dus sgron gsal rim lnga dang bcas pa
gsungs shing/ mngon pa kun las btus dang

sa sde la sogs pa'i 'gangs kyi rnam gzhag dang/ tshad ma'i dka'
gnad kyang mang du gsungs/ dpal gsang ba 'dus pa'i bshad rgyud
lha mo bzhis zhus dang ye shes rdo rje kun las btus gnyis kyi
rnam bshad rgyas pa'i rtsom pa'ang

mdzad/ de'i phyi lo de rim pa lnga rab tu gsal ba'i sgron me
zhes bya ba'i legs par bshad pa'i gter chen po de nyid dang/ rim
lnga gdan rdzogs kyi khrid yig dang bcas pa'ang mdzad nas/ theg
pa chen po'i chos kyi 'byor pa dpag

tu med pa stsal bar mdzad de/ de nas dgung lo lnga bcu nga bdun
pa'i steng du sku tshe'i bar chad chen po yod pa'i mtshan ma de'i
lo bcu bzhi'i gong du rje bla ma rang nyid kyis ji ltar dgongs
pa bzhin du 'khor gyi thog ma 'ga' zhig la

@050b zhal ta gnang ste/ yos bu'i lo lnga bcu rtsa lnga pa'i
dgun stod nas/ rje bla ma rang nyid kyis gtso mdzad dpon slob
sum cu rtsa bgrangs kyis/ sku tshe 'phel ba dang bar chad zlog
pa'i thabs/ dpal rdo rje 'jigs byed kyi rgyas pa'i 'khrul 'khor

mang du mdzad nas/ sku mtshams dam par bcad de/ snga dro rgyas
pa'i bzlas sgom/ phyi dro phyir zlog gi bzlas sgom shugs drag la
rgyun ring ba mdzad pas/ rje'i zhal snga nas/ da dung lan mang
du byas na dga' rab yong ba a yin

gsung/ nga drug pa'i steng du phebs pa na'ang dpon slob bzhi bcu
rtsa bgrangs kyis sngar bzhin mdzad na'ang bar chad bzlog pa'i
mtshan ma gsal ba rang ni ma byung gsung/ 'brug lo'i ston/ da
yang yang bshad pa e yod mi shes

pas da lan rgyud sde bzhi'i gtso bo rnams kyi bshad pa re smon
lam gyi rten du byed pa yin gsung ba la/ 'khor gyi thog ma rnams
kyis bka' bgros nas/ nga mtshan ma ngan pa'i lo dus kyis gtugs
pas/ rje'i zhal snga nas sku

mtshams dam par bzhugs pa thugs rjes gzung 'tshal/ bdag cag rnams
kyis kyang sku rim 'bad nas bsgrub par bgyi zhes nan cher gsol
ba btab pa la brtan nas/ 'brug lo zla ba brgyad pa'i tshes bdun
gyi nyin nas rje'i zhal snga nas

gtso mdzad dpon slob sum cu rtsa bgrangs sku mtshams la bzhugs
shing/ de nas drag shos rnams rim gyis sku mtshams la bzhugs nas
sngar bzhin sku rim bsgrubs na'ang/ zla ba bcu gcig pa'i nang
nas sku khams

@51a @#/ /cung mi bde ba zhig byung ste/ de nas bzung ste
sku
khams bsnyel ba yun ring du byung ba'i gnas skabs su'ang/ mnal
gtan nas med pa zhag nyi shu rtsa re tsam 'thud pa dang/ sku'i
smad kyi cha la snyung zug tu mngon pa

re 'ga' yod gsung ba ma gtogs/ thugs dam zab mo la mnga' brnyes
pa'i ting nge 'dzin las g.yo ba mi mnga' ba'i dbang gis/ gsol
ba cher 'gag pa dang/ thugs dam la sbyor mi bzod pa sogs ye med
pas/ phyi nas

mngon pa'i mi bde ba mngon chan can rang ni med/ de'i skabs su
slob dpon dka' bcu pa'i zhal snga nas gtso mdzad dge 'dun byings
dang/ nang du sku la nye bar gnas pa 'ga' zhig dang bcas pas lo
ngo sbrel gyi bar du cung zad

kyang g.yel ba med par sku'i rim gro nyin mtshan khor yug tu
sgrub pa la bsam gyis mi khyab cing/ sngon chad gangs ri'i khrod
'dir bla ma'i sku'i rim gro bsgrubs pa la 'di lta bu gzhan ma
byung zhes mthun par gleng la/ de

dag gi skabs su dge 'dun gyi mang ja dang gdugs tshod la sogs
pa'i bsnyen bkur/ bu slob dang sbyin bdag thad thad nas bla ma'i
sku'i rim gro 'ba' zhig la dmigs te/ 'di nyid mi bzhugs na bdag
cag thams cad mgon

dang bral bar 'gyur ro/ /snyam pa'i gdung shugs drag pos bsgrubs
pa la yang tshad med de/ sku rim gyi skabs su dge 'dun gyi mang
ja 'dren pa phyi nang kun dril ba la/ ja dkar zho stong drug
brgya lhag tsam zhig song 'dug

@51b cos zer ro/ /de ltar thugs dam dang sku rim gyi stobs kyis/
shin tu bzlog par dka' ba'i bar chad kyi mtshan ma ngan pa thams
cad bzlog ste sku khams legs par drangs nas/ lha dang bcas pa'i
'gro ba yongs kyis dbugs

phyin pa thob par gyur te/ de'i phyi lo de dbyar gnas la mi
dbang grags pa rgyal mtshan pas gsol ba btab nas/ 'on gyi bkra
shis do khar gdan drangs/ sde snod 'dzin pa brgya phrag du ma la
dbu tshad dang lam rim la sogs pa'i chos

mang du gsungs shing/ gdan sa'i spyan snga rin po ches thog
drangs/ shin tu mtho ba'i dpal dang ldan pa kun gyis mchog tu
dang pa'i bser bus bskyod ba'i gtsug gi padmo zhabs kyi ngos la
g.yo bas tshim pa med par gyur to/ /de nas

slar yang gdan sa chen po dag ldan rnam par rgyal ba'i gling du
phyags phebs/ de nas brtsams te rim pa bzhin du/ dpal 'khor lo
bde mchog lU i pa'i TIkka chen mo dang/ rdzogs rim rnal 'byor
bzhi ldan gyi khrid yig che chung/

sgrub thabs/ dpal gsang ba 'dus pa'i rtsa rgyud dang 'grel pa
sgron gsal gyi zhus dag dag ther can mdzad nas/ tshig don shin tu
zhib par 'chad pa'i mchan bu dang/ le'u so so dang spyi'i dka'
ba'i gnas rnam par gtan la

'bebs pa'i mtha' gcod dang/ don tshan so so'i dmigs 'byad pa'i
bsdus don dang bcas pa mdzad cing/ rgyud sde bzhi dang 'brel
ba'i bshad pa mtha' dag pa rgyun mchad par gsungs pas/ rgyal
ba'i bstan pa rin po che'i snying po

@52a @#/ /mtha' dag legs par nyams nas ming tsam yang med par
gyur pa 'di gzhi nas bslangs te legs par gsal bar mdzad pas
rgyal ba bas kyang bka' drin che bar gyur pa yin no/ /de lta
bu'i skabs su

rje'i zhal snga nas/ sgrub mchod sogs tshogs khang du byas na
dbang ma thob pa rnams kyis kyang dkyil 'khor sogs mthong ba'i
dgag bya che bar 'dug pas/ sngags kyi sgrub mchod khang pa 'gol
ba zhig logs su byed dgos

par snang gsungs nas/ lug lo'i dbyar rmang gting shing/ de'i
mthun rkyen dang dad bskul sogs kyi thugs 'dun mdzad pas/ phyogs
phyogs nas 'phul ba dpag tu med pa byung zhing/ cung zad zangs
dkon par yod pa

la'ang/ gnyal sogs nas zangs ru mangs dang ru gnyis ma tsam yan
chang che chung 'dres pa brgya rtsa brgyad dang/ zangs phan
mang
pos thog drangs pa'i zangs kyi dad 'bul mtha' yas pa byung bas/
bya lo zla ba gsum pa

nas bzo rigs pa shin tu mkhas pa du ma bsags te/ rten rnams
bzhed ba'i bya ba nye bar brtsams so/ /de yang gtsug lag khang
khyams gcang khang dang bcas pa la ka ba bdun cu rtsa gnyis kyi
sa la dbus kyi gtsang

khang du ston pa'i sku jo bo rin po che'i sku tshad las cang zhig
gis che ba dang/ steng gi gtsang khang du dpal gsang ba 'dus pa
lha sum cu rtsa gnyis/ dpal 'khor lo bde mchog lU i pa lha
drug cu rtsa gnyis/ dpal rdo rje

@52b dbyings kyi dkyil 'khor chen po rnams kyi rten dang brten
par bcas pa'i gzhal yas khang blos bslangs rnams rgyu rin po che
'ba' zhig las bsgrubs pa/ de yang gzhal yas khang dang lha gzhan
rnams zangs la gser gsol ba/

gtso bo rnams dang/ phyogs kyi de bzhin gshags pa dang snying
po'i rnal 'byor ma rnams dngul bzang po 'ba' zhig las bzhengs
pa'i gtso bo yum dang bcas pa rnams re re la'ang dngul bre chen
gnyis lhag re dang

rdor dbyings kyi gtso bo la dngul bre chen gnyis ma long tsam
dang/ 'khor gyi lha bcu gnyis la re re la'ang dngul bre chen
byed dang gnyis re cung ma long tsam dang bcas pa dang/ de dag
la rin po che dang/ g.yu rnying bzang po

dpag tu med pa'i phra bsam gyis mi khyab pa dang/ gzhan yang rje
btsun 'jam pa'i dbyangs/ rgyal ba tshe dpag med/ rje btsun byams
mgon/ bcom ldan 'das rdo rje 'jigs byed zhal phyag yongs su
rdzogs pa rnams kyi gser

sku mda' chad re dang/ bcom ldan 'das ma gtsug tor rnam par
rgyal ma dang/ gtsug tor gdugs dkar gnyis kyi gser sku khru tshad
re dang/ gos dar bzang po mtha' yas pa brdungs pa'i dar 'dag
'ba' zhag las bsgrubs

pa'i bcom ldan 'das rdo rje 'jigs byed zhal phyag yongs su
rdzogs pa'i sku la rgyab mtho bcu bdun yod pa rnams bzhengs
shing/ de dag thams cad kyang/ lha bzo'i bzo thig dang phyag
tshad phal pa ma yin par/ shA ri'i

@53a @#/ /bu dang tshangs pa o Da'i bu la sogs pas zhus pa'i
phyag tshad kyi yi ge'ang mang du yod mod kyi/ gtso bor dpal
'khor lo bde mchog sdom pa 'byung ba'i rgyud kyi le'u gcig gis
lha'i phyag tshad zhib par ston cing/

de'i rgya cher 'grel ratna rak+Shi tas khyad par zhib tu gtan la
phab pa dang/ dpal gshin rje'i gshed dmar po dang nag po'i rgyud
gnyis kyi le'u re res lha'i phyag tshad ston pa rnams gung legs
par bsgrigs pa'i thig khog nas

drangs te/ lha rnams rgyal bas gsungs ba'i phyag tshad dang ldan
par bzhengs shing/ de dag rnams la'ang rgyu'i byin rlabs sogs
tshul bzhin du mdzad pas/ lugs btang ba la 'di 'dra ba'i lugs
'dren bde ba dang mtshar ba sngar

'ong ma myong zhes lha bzo ba dag zer la/ thams cad kyang bltas
pa tsam gyis yid 'phrog par byed pa'i mig gi bdud rtsi 'ba' zhig
nye bar byon to/ /de dag las kyang/ khyad par du gzhal yas khang
gsum bzhengs pa'i lugs

snga ma btang ba'i lugs phud la/ dpa' bo khaNDa ka pa lA 'ja'
tshon ma byon te/ de yang rgyu zangs yin kyang/ lugs kong nas
byon ma khad la/ zangs kyi kha dog yungs 'bru'i rjes tsam yang
mi mngon par/ sku thams cad 'od

zer lnga'i gong bur gyur pa'i sngon po rnams ni rgya mthing
bzang po'i mdangs kyis bsgrun du med la/ dmar pa dag ni da chu
btul ma bzang po'i kha dog las bdun 'gyur gyis lhag cing/ dmar
ser dag ni li khri'i mdangs mog mog por byed la/

@53b ser po dag ni gser bzang po'i rgyan gyi mdangs kyang rag
gan ltar byed pa/ gzhan yang dkar po dang/ ljang khu dang/ bcod
kyi kha dog sogs du ma spel ba nam mkha'i 'ja' tshon sku la
'khyung pa'i rnam pa lta bu mig gis bzod par dka' ba'i

'od zer gyi phung po chen po zhig byon te/ brad brdar sogs cung
zad kyang ma byas kyang shin tu 'jam zhing gtsang ba/ shin tu
ngo mtshar bar gyur nas/ 'di lta bu ci zhig ces gzigs su phul
zhing/ dag byed kyi rdzas du mas shin tu dag par

byi dor byas kyang/ sngar las kyang 'od zer rnams ches cher kha
dog gsal bar gyur nas/ lugs kha bcad pa'i mtshams la bltas pas/
zangs kyi kha dog thams cad kyang de 'dra ba 'ba' zhig tu gnas
gyur nas/ bcad mtshams

'od zer sna lngar khrig ge snang ngo/ /rje'i zhal nas rten 'di
la rgyan dang na bza' khyad par can phul la gsol ba thob/ brad
brdar ma byed ces gsung ngo/ /de ltar rten de rnams dang/ gtsug
lag khang dang bcas pa'i rags rim zhig lo de ga'i

khongs su grub/ nya skor gyi dge 'dun gyi sde rnams dang/ lhas
kyi grong pa skye bo'i tshogs dang bcas pa thams cad bsags te/
rab ston bzang po rmad du byung ba mdzad cing/ rgyud snga nas
gsungs pa'i cho ga rnam par dag pas rab tu gnas

paM phun sum tshogs pa rgyas par mdzad de/ de phyin chad dbu ru
stod smad kyi phyogs kun tu lo legs pa dang/ char chu dus su
'bab pa dang/ bshad sgrub rgyas pa la sogs pa'i khyad par sngar
las phul du byung ba'i ngo mtshar dang ldan par gyur to/

@54a @#/ /khyi lo la sde snod 'dzin pa brgya phrag du ma phyogs
thad thad nas byan pa dang/ gnyug mar gnas pa'i dge 'dun dang
bcas pa la dge ldan nyed du chos kyi 'khong lo rgyun ma chad par
bskor cing/ dpal gsang ba 'dus pa'i

'grel pa sgron gsal mchan dang bcas pa dang/ bshad rgyud 'ga'
zhig dang/ rim lnga'i khring rgyas pa dang/ sbyor ba yan lag
drug pa'i khrid rgyas pa dang/ dus kyi 'khor lo'i 'grel chen dri
ma med pa'i 'od kyi bshad pa ches zhib pa dang/

gzhan yang dbu chad/ bde mchog /lam rim la sogs pa'i chos zab
cing rgya che ba dpag tu med pa gsungs/ de'i dbyar dang ston la/
gtsug lag khang gi khyams la logs bris kyang grub par mdzad/ dbu
ma la 'jug pa'i rnam bshad chen

mo mdzad pa'ang legs par rdzogs par mdzad do/ /lo de'i gzhug nas
thugs kyi dgongs pa dang sta gon mdzad nas/ dpal gsang ba 'dus
pa'i rtsa rgyud 'grel pa sgron gsal dang bcas pa par du brko
ba'i sbyor ba nye bar brtsams te/

'bad rtsol med par phag lo'i nang du legs par mthar phyin par
mdzad la/ phag lo la sde snod 'dzin pa mtha' yas pa la dpyid
dang dbyar gyi ring la/ dpal 'khor lo bde mchog gi rtsa ba'i
rgyud la sogs pa'i chos dpag tu med pa

gsungs shing/ bde mchog rtsa rgyud kyi TIkka rmad du byung ba'i
rtsom pa rdzogs par mdzad do/ /mdor na bdag cag rnams kyi 'dren
pa/ 'jig rten ma lus pa'i mig gcig pu 'di ni/ lhag pa'i lhas
dngos su rjes su bzung ba/ dge

@54b legs thams cad kyi rtsa ba theg pa chen po'i yongs su 'dzin
pas nye bar bzung ba'i tshul la 'gran pa'i zla dang bral zhing/
sdom pa gsum gyi bcas pa phra zhing phra ba yang mig gi 'bras bu
lta ba gces par 'dzin pas/ thub pa'i brtul zhugs 'dzin

pa thams cad kyi cod pan/ rtag tu bstan pa dang sems can 'ga'
zhig la dgongs pa'i theg pa chen po'i lhag bsam rnam par dag
pa'i rgyal sras kyi snying stobs rlabs po che'i gzhan dbang du
gyur pas/ sgo gsum gyi kun tu spyod pa phra zhing phra ba tsam
yang

don du ma gyur pa'i go skabs mi mnga' ba/ rigs pa'i lam du ngal
ba brgya phrag lhur byas pa'i mang du thos pa blo'i nus pa mchog
tu gyur pa ji tsam gyis legs par brtags kyang gting dpog par rdo
yang mi thogs pa'i blo gros kyi lus yongs su rdzogs

shing/ rigs pa dri ma med pa'i lam la legs par sbyangs pa'i nyer
len dam pa/ bsag sbyangs mtha' yas pa'i grogs kyis rgyun ldan du
bskyangs shing/ mang du thos pa'i lhan cig byed rkyen bsam gyis
mi khyab pas zin par mdzad pas/ rgyal

ba'i dam chos ma lus pa rgyal ba'i dgongs pa 'grel par rgyal ba
nyid kyis lung bstan brnyes pa'i shing rta'i srol 'byed chen po
rnams kyis ji ltar bkral ba'i dgongs don 'byed pa la 'khrul pa'i
dri ma tsam yang mi mnga' bas bstan pa rin po che mi

nub pa'i rgyal mtshan 'dzin pa thams cad kyi nang na ston pa
gnyis pa lta bur gyur pa yin te/ de yang tshul 'di ni gtam bu'i
ngag gam snyan dngags kyi gtam gyis rab tu btags te brjod pa ma
yin gyi/ kho bo cag gis mi 'khrul ba'i

@55a @#/ /tshad mas legs par grub pa yin no/ /'di cis mngon zhe
na/ ji ltar rgyal bas lung bstan brnyes pa'i shing rta'i srol
'byed chen po dag gi gzhung lugs rnams la rigs pa'i dbang phyug
dag gis ji tsam dpyad kyang

khas blangs snga phyi 'gal ba sogs kyi dri tsam yang brtag par
mi nus pa ltar/ bdag nyid chen po 'dis kyang/ mdo sde dang rgyud
sde'i dgongs pa 'grel ba'i bstan bcos shin tu mang po 'di tsam
zhig mdzad pa thams cad la'ang/ bdag cag

gi dge ba'i bshes gnyen gyi gsung yin pa rgyu mtshan du nye bar
bkod pa'i rang gi yin pa'i 'du shes kyis sgro 'dogs pa dang/ yid
phrag dog gi dug chus ches cher myos pas skyon gdags par 'dod pa
'ba' zhig gi sems kyis skur pa

'debs pa gnyis ka spangs te/ dri ma med pa'i rigs pa'i lam nas
'ongs pa'i blos ji tsam legs par brtags kyang/ rgyud sde gong
'og /theg pa che chung/ grub pa'i mtha' so so la sogs pa gang
yin pa de'i gzhung lugs

de dang de las phyi rol tu gyur par lung dang rigs pa 'dis gnod
do/ /zhes bya ba'am/ lugs de nyid gzhir byas pa la'ang/ rang
tshig 'gal ba'i nyes pa 'di lta bus reg go /zhes bya ba'i dri
tsam yang brtag par mi nus par

mngon sum gyis grub pa 'di nyid 'di'i rigs pa yang dag pa yin
no/ /de'i phyir tshul 'dis ni ji 'dra ba'i mkhas pa rmad du byung
ba grags pa'i ba dan gyis mdzes par byas pa sngon byon pa'i chen
po dag la'ang rang rang gi gzhung lugs la

@55b rnam par dpyad na/ lugs de nyid gzhir byas pa la'ang rang
tshig 'gal ba'i nyes pa lan cig ma yin par 'bab pa dag mthong ba
las na/ bdag nyid chen po 'di'i bla gros dang mkhyen rab rmad du
byung ba la bsgrun par bzod

pa'i bshes gnyen ni sngon chad gangs ri'i khrod 'dir lan cig
kyang ma byon pa nyid du kho bos yid ches pa'i ched mas grub pa
yin no/ /de lta mod kyi ji tsam mang du thos pa de tsam du/ de
dang de'i don thugs nyams su bstar

nas sgrub pa snying por mdzad pas bslab pa gsum gyi mngon par
rtogs pa'i yon tan gyi cha la 'gran pa'i zla thams cad dang bral
ba 'di ni de bas kyang dpag par dka' ba'i yon tan gyi phung po
yin no/ /de ltar rje btsun rin

po che 'di nyid kyis kha ba can gyi ljongs 'dir sangs rgyas bcom
ldan 'das kyi bstan pa rin po che sgo thams cad nas rnam par dag
pa'i srol chen po rmad du byung ba gzhi nas btsugs shing/ ches
cher rgyas par mdzad pa yin te/

de yang sngon chad bod 'dir rab tu byung ba dag gis bsgrub cing
lag tu blang ba'i bya ba'i tshul ni 'di lta ste/ gang zhig klog
pa kha ton gyi tshul la zhugs nas bstan bcos chen po dag gi tshig
blo la len pa dang/ slob dpon las lung nad pa

dang/ don yid la sems pa dang/ brgal zhing brtag pa dang 'bel
ba'i gtam gyis rnam par gtan la 'bebs pa dang/ 'chad pa dang/
rtsod pa dang rtsom pa'i sgo nas thos bsam lhur len pa'i dus
gang yin pa de'i tshe ni myos

@56a @#/ /pa'i chang gi btung ba dang/ dus ma yin pa'i kha zas
dang/ bag med pa'i rtsed mo sna tshogs pa dag dang/ glu dang
gzhas dang bro gar la sogs pa khyim pa ya rabs kyi ngang tshul la
brten pa dag gis kyang lag tu blangs pa la ngo tsha ba'i

gnas su byed pa gang ci yang rung ba thams cad longs spyod cing
lag tu len pa ni thos bsam la nan tan lhur len pa'i lus gso ba
dang/ khams bsang ba'i phyir skyon med pa yin no/ /zhes bya ba'i
gtam 'di bshes gnyen chen por rlom pa dag nas

byis pa ngur smreg gsar du blangs pa dag yan chad la rlung ltar
grags pa yin no/ /de bzhin du thos bsam lhur len pa'i tshe 'thab
pa dang rtsod pa dang g.yul 'gyed ba dang dmag gi bya ba la
gnas kyi bar thams cad nyams su len pa la'ang/

'di ni bya ba ma yin pa/ chos ma yin pa/ rab tu byung ba'i tshul
nyams par byed pa'o/ /zhes smod par byed pa su yang med kyi/
gzhan du na/ klog pa thos bsam gyi gar zhugs tsam nas/ phal che
ba dag /bya ba ma yin pa de dag la the tshom tsam yang

med par ngang gis 'jug pa la su yang ya nga ba med do/ /de las
gzhan pa thos bsam gyi tshe rgyal ba'i gsung rab mthar thug pa'i
lam ston pa'i phyogs/ rdo rje theg pa'i bskyed rdzogs dang/
dkyil 'khor gyi cho ga la sogs pa dag la don du

gnyer zhing slob par byed pa mthong na/ slob dpon dang/ grogs
dang/ nye zhing snying brtse bar sems pa thams cad kyis/ 'di ni
bya ba'i dus ma yin/ dgos pa chung/ snying po med pa ste nam
zhig thos bsam dang 'chad nyan gyi bya ba ma lcogs

@56b pa'i tshe/ grong dang nye ba'i dgon pa zhig tu song ste/
gtor ma dang/ khrus kyi cho ga dang/ gshin po rjes su gzung ba
la sogs pa'i sgo nas rang gi lto btsal bar bya ba'i thabs yin
gyi/ da lta ni thos bsam gyi bar du gcod pa chen po'o/ /zhes rdo
rje 'chang

gi go 'phangs las 'bad pa du mas phyir phyogs bar byed kyi/ gang
zag gcig la sngags dang mtshan nyid kyi thos bsam gzhi mthun du
'du ba cung zad kyang med do/ /yang gang zhig gsang sngags rdo
rje theg pa par khas 'che ba zhig yin na ni/ myos

par 'gyur ba'i btung ba dang/ dus ma yin pa'i kha zas la sogs pa
longs ma spyad pa las ltung bar 'gyur zhing dam tshig dang 'gal
ba yin no/ /zhes bya ba la sogs pa'i log pa'i gtam gyi sbyor ba
rgya cher spel bas 'dod yon la ches cher sred

pa dag/ rang gi 'dod pa dang mthun pas yid shin tu rangs par
gyur cing/ de'i stobs kyis gsang sngags kyi tshul la zhugs phyin
chang rab tu byung ba'i tshul khrims rtsa ltar dor nas/ gdul bya
du ma'i 'dren par rlom pa/ chen po dag gis bkur

ba yin du zin kyang/ ngur smrig gi rgyal mtshan dang bcas bzhin
du bu dang bu mo dang chung ma'i tshogs chen po mngon sum du bab
pa la rang nyid kyang ya mi nga zhing/ su yang smod par mi byed
la/ de lta na'ang rang gi srid du gtogs pa dag gi rab tu

byung ba dang bsnyen par rdzogs par 'dod pa dag the mi tshom par
sgrub pas/ rgyal ba'i bstan pa ched du nyams par byed pa'i sbyor
ba ngan pa lhur len pas khyab par gyur pa ni gsang sngags pa la
'dod pa spyod pa skyon ma yin no/ /zhes bya ba'i tshig

@57a @#/ /gis 'jig rten bslus ba yin no/ /de bzhin du gsang
sngags la rigs pa'i dpyad pa dor bar bya ba yin no/ /zhes bya
ba'i blun gtam tshogs su bsgrags pas/ sde snod la blo kha cung
zad kyang ma phyogs pa'i gsang sngags

par khas 'che ba dag/ blun po rang dang mtshungs pas mgu /zhes
bya ba'i tshul gyis shin tu ya mtshan par gyur te/ gsang sngags la
rtog ge'i dpyad pa byar med do/ /zhes bya ba'i tshig 'di tsam la
skyabs su bzungs nas/

phyi rol ba'i grub pa'i mtha' las kyang smad par bya ba'i lugs/
lung rigs la blo kha ma phyogs pa'i blun po dag gis bsams nas
rnyed pa'i don la/ bla ma'i man ngag las 'ongs pa'i gsang sngags
kyi lam gyi gnad

mthar thug pa'o/ /zhes bsgrags pas/ phal che ba dag rtog dpyod
mi byed par/ tshul de nyid la yid rton par byed cing/ de'i mthus/
rgyud sde'i dgongs pa grub chen gyis bkral ba'i lam gyi gnad
mthar thug pa dag

ming tsam yang ma lus par byed do/ /yang gang zhig ri khrod dgon
pa dag tu song ste/ dben pa'i gnas la brten nas bsam gtan lhur
len par 'dod pa dag ni 'di skad du/ myos pa'i btung ba dang/
phyi dro'i kha zas spong ba la sogs pa'i

'dul ba las gsungs pa dag ni nyan thos pa'i dbang du byas pa/
theg pa 'og ma/ dman ba la mos pa dag gi dbang du byas pa yin
gyi/ theg pa gong ma dang/ sems kyi rang ngo shes pa la de 'dra
ba 'ching byed yin pas dgos pa med do/

@57b zhes gleng zhing/ rab tu byung ba'i kun tu spyod pa dag yal
bar 'dor ba la ji mi snyam par ma zad kyi/ kha cig ni bla gos
dang thang gos la sogs pa'i rtags kyang ched du 'dor bar byed
do/ /de bzhin du bsam gtan lhur len pa nang la gzhol bas

ni/ gsung rab dang/ dgongs 'grel gyi bstan bcos dag la blta ba
dang nyan pa la sogs pa ni spang bar bya ba yin te /de dag ni
phyi'i go rgya gcod pa tsam ma gtogs/ nang sems kyi gnas lugs
sems pa'i tsha rnam par g.yeng ba'i rgyu yin

zhing/ de dag med kyang bla ma'i man ngag las gnas lugs rtogs
par 'gyur bas so/ /de bzhin du dkyil 'khor gyi 'khor lo bsgom ba
dang/ gzung sngags khyad par can gyi bzlas brjod dang/ phyag
'tshal ba dang/ mchod pa

'bul ba la sogs pa spros bcas kyi dge sbyor dag dor nas/ spros
pa med pa gnas lugs kyi don 'ba' zhig bsgom par bya la/ gnas
lugs kyi don bsgom pa la rigs pa'i rjes su 'brang ba'i nges pa
rnyed mi dgos kyi/ tsa yang yid la mi byed par

tha mal gyi shes pa so ma rang babs su bzhag pas chog /ces bsam
gtan pa dag mgin gcig tu sma bar byed do/ /de ltar rgyal bas
tshul khrims gzhir byas nas gnas lags thos bsam gyis gtan la phab
cing/ de'i don sgom byung gis

yid la byed pa'i bslab pa gsum gyi go rim rjes su 'gro ldog mi
'khrul bar gsungs pa de nyid 'bad pas 'gog cing/ sngags dang pha
rol tu phyin pa dang/ thos pa dang sgom pa la sogs pa phan tshun
tsha grang ltar 'gal bar bsams nas sun 'byin

@58a @#/ /pa dang/ thams cad kyis kyang dam pa'i chos 'dul ba'i
bslab khrims rnam par dag pa la snying thag pa nas sun 'byin par
byed pa'i sgo nas/ kha ba can gyi ljongs 'dir rgyal ba'i bstan
pa gzugs brnyan tsam zhig lhag mar gyur pa'i

tshe/ rje btsun rin po che 'di nyid dam pa'i chos 'dzin pa'i smon
lam rlabs po che yongs su grub pa'i mthus byang phyogs kyi rgyud
'dir bstan pa rin po che gso ba'i slad du nye bar byon te/ gong
du ji skad brjod pa'i tshul gyis/ rang gzhan gyi don bsam gyis

mi khyab pa dag la rmad du byung ba'i brtsen ba drag po lhur
mdzad pas ding sang gi dus na thos bsam pa dag gis thos bsam la
brtson pa lhur byed pa'i tshe yang bslab pa'i gzhi la gces spras
su byed pa dang/ khyad par du yang sde snod 'dzin pa cung zad
drag par

rlom phyin chad chang dang dus ma yin pa'i kha zas sogs 'jol
nyog tu spyod pa la ngo tsha ba'i gnas su byed pa dang/ sngon dus
grwa sa chen po dag gi rab tu byung ba phal che bas kyang/ gding
ba dang lhung bzed la sogs pa'i dge sbyong gi yo byad dag ngo

shes pa'ang dka' bar gyur cing/ bla gos dang thang gos snam
phran glegs bur sbyar ba la sogs pa ni rna bas kyang thos par ma
gyur pa las/ ding sang kha che dang rgya nag gi bar thams cad
du/ dge sbyong gi rtags dang cha lugs rnam par dag pa de

lta bu dang/ chang dang phyi dro'i kha zas spong ba dang/ byin
len dang rung chu dang/ nub lhag nyal srung ba sogs bslab pa'i
gzhi phra mo gcig yan chad la nan tan du byed pa'i dge sbyong
tshul dang mthun pas khyab par gyur pa 'di 'dra ba ni/ bdag cag
gi

@58b dpal ldan bla ma dam pa rje btsun rin po che 'di 'ba' zhig
gi bka' drin ma yin na/ gzhan gang zhig la brten nas byung bar
gyur pa soms shig /de bzhin du gang zhig sde snod la thos bsam
lhur byed pa de nyid 'ba' zhig la zhen pa ches cher

'thas par gyur pa/ grags pa'i ba dan gyis mdzes par gyur pa dag
la'ang/ nyams su len pa la nye bar mkho ba'i tshe/ rang gi rgyud
'dul bar byed pa'i tshul/ gzhung lugs chen mo dag nas gsungs pa/
lag tu blang ba'i rim pa

'di lta bu'o/ /zhes bya ba ni cung zad kyang bstan du med cing/
gzhung lugs chen mo dag na de lta bu'i nyams len gyi gnad yod
pa'i the tshom tsam yang med par/ gang gi tshe rang nyid na so yol
ba'i pho nyas zin pas/ 'chi bdag gi chad pa la 'jigs

pa cung zhig skyes par gyur pa na/ blun po ci yang ma bslabs pa/
ri'i phug tu mi tshe yol bar byas pa zhig gi drung du song ste/
des ji skad gdams pa'i ngag las cung zad kyang 'da' bar mi nus
shing/ sngon chang thos bsam la ji snyed 'bad pa byas

pa thams cad/ 'gyod pa lhur len pa'i yul du byas nas/ ci yang
yid la mi byed pa dud 'gro'i sgrub thabs/ hwa shang gi ring lugs
la gnas bzhin du/ gsung rab chen po rnams 'chi ba'i tshe dgos pa
med par 'dzin pa'i chos spong ba'i las kyi

sgrib pa shin tu che bas non bzhin du tshe'i dus byed par 'gyur
ba 'di nyid 'ba' zhig tu zad pa las/ ding sang gi tshe nyams len
gyi gnad mthar thug pa ston pa ni gzhung lugs chen po dag yin
par yid ches nas cung zhig nyams su len par 'dod pa

@59a @#/ /na'ang tshul khrims la gces spras su byed pa gzhir byas
nas/ bsag sbyang 'bad de gsung rab chen po dag gi dgongs pa
shing rta chen po dag gis bkral ba dang mthun par nyams su len
pa dgos kyi/ gzhan du na ngal ba lhur len pa'i dka'

ba ji tsam zhig spyad du zin kyang/ 'bad pa 'bras bu med pa yin
no snyam pa'i go ba rnam par dag pa chags pa dang/ tshul de dang
mthun par nyams su len pa'i bshes gnyen dam pa mtha' yas pa zhig
gi kha ba can gyi tha gru kun tu khyab par gyur te/ chos

ma yin pa ches cher nyams dmas par gyur pa 'di yang/ bdag cag gi
rje btsun 'di nyid 'ba' zhig gis bka' drin mdzad pa ma yin na/
yod kyang snang du mi rung bsu zhig gi bka' drin rjes su dran
par bya/ de bzhin du ding sang gi tshe na mtshan nyid kyi chos la
thos

bsam lhur len pa'i bshes gnyen dag kyang/ de tsam zhig gis yid
mi tshim par gsang sngags rdo rje theg pa la spro ba chen pos
'jug pa lhur len zhing/ sngon chad sngags kyi man ngag mthar
thug pa ni rgyud sde la ltos mi dgos par/ bla ma'i

ngag las thos pa tsam gyis chog par 'dzin pa la/ da lta man ngag
gis rtogs par bya ba'i zab don mthar thug pa ni rgyud sde rin po
che rnams kho na na yod par rtogs nas/ de rtogs par bya ba'i don
du rgyud sde rin po che dag la 'bad pas don du gnyer

ba dang/ sngon chad rgyud sde'i dgongs pa grub chen gyis bkral
ba dang mthun pa'i man ngag gi gnang thams cad phal che ba ming
tsam yang ma mchis par gyur pa las/ ding sang gi tshe rje bla ma
'di nyid kyi gsung gi bdud rtsi myang ba la brten nas//

@59b rang gi brtson pas sgom pa la 'grus par byas na ni gdon mi
za bar tshe 'di nyid la rdo rje 'chang gi go 'phang 'thob par nus
pa'i man ngag gi gnad grub chen gyi dgongs pa ltar 'khrul med du
go nas bskyed rdzogs kyi lam la dbyis phyin pa'i nges pa rnyed
cing tshul

bzhin du sgrub pa dang/ dam tshig dang sdom pa la gces spras su
byed cing lha'i rnal 'byor la gnas pa dang/ rgyud sde'i don la
mi 'jigs pa rnyed pa dang skal ldan rjes su 'dzin pa'i rdo rje
slob dpon chen po'i go 'phang thob pa dang/ bskyed rdzogs

la gom par byas pas rgyud sde dang mthun pa'i myong ba phul du
byung ba 'khrungs te/ bod la grub thob tu grags pa du ma zhig
gis bsgrun par mi nus pa'i ting nge 'dzin brtan po rnyed pa
dang/ lhag pa'i lhas byin gyis brlabs pa'i

bsnyen sgrub dang bzlas pa la goms pa rmad du byung bas/ rang
gzhan gyi bdud dang bar du gcod pa tshar gcod pa la thogs pa med
pa'i nus pa dang ldan pa la sogs pa/ mdor na rgyud sde dang
mthun pa'i rdo rje 'dzin pa/ so sor thar pa dang

'dul ba'i kun spyod rnam par dag cing byang chub sems dpa'i
bslab pa'i gnas dag la theg pa chen po'i sde snod dang mthun par
gces spras su byed pa/ sdom pa gsum gyi chu bo yan lag brgyad
dang ldan pas thugs rgyud rnyog pa med par

legs par gtams pa'i sde snod 'dzin pa stong phrag mang po zhig
gis/ nub phyogs dza lan d+ha ra nas bzungs te/ shar phyogs rgya
mtsho chen po la thug pa'i rgya nag gi rgyal khams yan chad du ci
rigs par khyab par gyur pa 'di

@60a @#/ /lta bu ni/ rje bla ma 'di nyid 'ba' zhig gi rmad du
byung ba'i 'phrin las dpag par dka' ba yin no/ /gzhan yang bdag
cag gi rje bla ma 'di ni/ sngon du legs par spyad pa'i rgyu'i
stobs bsam gyis mi khyab pa zhig la goms

par mdzad pa'i stobs kyis/ sku tshe 'di nyid la chos dang mthun
pa'i 'tshog chas kyis cung zad kyang 'brel bar mi 'gyur ba lta
zhog gi /gangs dang/ ri sul dang/ bas mtha' dang/ dgon pa'i gnas
dag tu gcig tu dben pa la thugs gzhol

ba'i tshe yang/ dbus gtsang mdo khams rgya nag kha che tshun chad
kyi 'byor pa'i khyad par rmad du byung ba dang/ nye bar mkho
zhing rkyen du babs pa'i yo byad kyi khyad par gang ci yang rung
bdag thams cad/ dad pa'i shugs kyis yid kyi brtan pa nyams

pa'i skye bo mchog dang gtso bo dang dman pa dang bar ma dag gis
dam pa 'di'i bsod nams kyi zhing la dge ba'i lo tog bskrun pa'i
slad du rgyun mi chad par spyan lam du bang par nye bar 'god pa
dang/ mchod cing bsnyen bkur ba'i tshul la ni

sus kyang tshad bzung bar mi nus shing/ grangs su brtsi bar mi
nus la/ sngon chad bod kyi dge ba'i bshes gnyen phyogs chen po
can/ grags pa'i ba dan gyis mdzes pa su la'ang de lta bu byung
ba'i gtam brjod pa med do/ /de lta na'ang de dag thams

cad/ rgyal po dang/ gtso bo dang/ mi dpon dang/ skyes pa dang/
bud med sogs kyi ngor lta ba dang/ lan la re ba sogs kyi ched du
zang zing gi 'du 'god lhur len pas dad pas byin pa chud gzon par
byed pa lta ci smos kyi/ bdag

@60b nyid yongs su 'dzin pa'i dri tsam yang mi mnga' bas bstan
pa 'ba' zhig la dgongs pa'i thugs kyis gdul bya mtha' yas pa dag
la ched bzung mi nus par sbyin pa'i skyon thams cad dang bral
bar gtong ba lhur mdzad pas bsdu ba'i

dngos po bzhi'i sgo nas gdul bya mtha' dag rang rang gi skal ba
dang 'tsham par smin cing grol bar mdzad la/ gzhan yang gtsug lag
khang dang/ bde bar gshegs pa'i sku gsung thugs kyi rten dang/
dkon mchog gsum gyi mchod pa

dang/ bla ma gong ma dag gi 'das mchod nar ma dang/ de bzhin
gshegs pa'i dus mchod chen po bzhi la sogs pa'i mchod pa nar ma
dang/ klog pa dang sgrub pa lhur len pa brgya stong phrag mang
po zhig gi 'tsho ba'i yo byad du gtong ba la

sogs pa'i tshul bsam par mi nus te/ de'i phyir dam pa 'dis sku
tshe ril po la/ yo byad 'di 'dra ba zhig la thugs kun tu chags
par gyur to zhes bya ba'am/ nas 'bru gcig yan chad kyi bskyed
bdag gir mdzad do zhes bya ba'am/ bdag nyid

kyi 'tsho ba'am yo byad kyi slad du zhing bre gang gi sa tsam
yang bdag gir mdzad do zhes gleng ba'i skabs cung zad kyang med
pas tshul ma yin pa'i las kyi mtha' thams cad thog ma nyid nas
rang gi ngang gis spangs pa zhig ste/ 'di ni 'di'i rnam par

thar pa cha phra mo zhig yin mod kyi/ de lta na yang/ gangs ri'i
khrod kyi chen po du ma zhig gi rnam par thar pas 'di tsam la
yang bsgrun par bzod pa ma yin no/ /de lta bas na/ sngon 'phags
pa'i yul du ston pa mya ngan las 'da' ba'i mdzad pa bstan

@061a @#/ /nas lo brgya phrag mang po dag 'das/ sdud par byed
pa'i 'phags pa dag zhi ba'i dbyings su bsil ba'i dngos po thob
par gyur pa na/ theg pa chen po bka' ma yin no/ /zhes skur ba
'debs pa dag gis khyab par gyur te/ re zhig 'phags pa'i

yul du theg pa chen po ming tsam yang ma lus pa lta bur nub
par gyur pa'i tshe/ 'phags pa klu sgrub byon te/ rgyal bas lung
bstan pa ltar/ sngags dang mtshan nyid kyi theg pa chen po'i
snying po mtha' dag gzhi nas gsos shing/ log par smra ba thams
cad

tshar bcad de/ theg pa chen po'i bstan pa nyi ma ltar gsal bar
mdzad pas/ 'phags pa'i yul du 'phags pa klu sgrub rgyal ba
nyid las kyang bka' drin che bar bsnyon mi nus par shing rta'i
srol 'byed chen po phal che ba dang/ grub chen phal che ba

dag mthun pa nyid du yid la brnags te 'dug go /'phags pa'i yul
du 'phags pa klu sgrub kyis rgyal ba'i bstan pa la bya ba chen
po mdzad pa ji lta ba de bzhin du/ dus kyi tha ma 'di lta bur
gyur pa na/ rje bla ma 'di nyid kyis gangs ri'i khrod 'dir/

rgyal ba'i bstan pa'i snying po mtha' dag rgyal ba'i dgongs pa
ji lta ba bzhin du gzhi nas bslangs te gsal bar mdzad pa yang
tshul de dang khyad par ma mchis pa yin pas/ skyes bu dam pa'i
ngo mtshar ba'i mdzad pa phul du byung ba dag mthong zhing

thos pa tsam nyid nas/ dug sprul gyis gla rtsi'i dri tshor ba
bzhin du yid tsher ma'i mal du nyal ba lta bur ma byed par bdag
nyid la rjes su lta bar byos shig /'dir smras pa/ dpal ldan
gsung rab kun la lta ba'i mig /dri med rigs pa'i

@061b 'dren byed stong ldan pa/ /khyod kyi dngos stobs rigs
pa'i lag nyal gyis/ /mthar 'dzin ri bo ming gi lhag mar mdzad/
/bzod dka' rigs pa'i dri bzhon rlung shugs kyis/ /ma lus
phyogs kyi go skabs la gnas pa'i/ /log pa'i gzhung lugs sprin
tshogs

kun bcom ste/ /phan bde sbrang rtsi'i gnyen gcig mkha' la
mdzes/ /dri med rigs pa rnon po'i mtshon 'chang ba/ /khyod kyis
rtsub mo'i sbyor brgyang bsrings kyang/ /smra ba'i sengge kun
gyi nga rgyal gyi/ /ral pa ma lus cig car sa la lhung/ /bde
gshegs bstan

pa'i sa chen khyod kyi ni/ /legs bshad dpung pa'i ka ba la
brten pa/ /theg mchog 'khor lo bsgyur ba khyod kyi bka'/ /dpal
ldan mkhas pa kun gyi mgo bos 'dzin/ /mi dman rgyal ba'i sa
bon snying rje'i khams/ /shes rab yum gyi lte bar bsam

gtan gyi/ /bde drod snyoms par bsten bas legs smin pa/ /dus
gsum rgyal ba'i gdung 'tshob sras 'di bskrun/ /snying rje'i zla
ba rdzogs pa'i gzhon nu ni/ /lhag bsam kun gsal mdzes ma'i
pang pa las/ /rmad byung brtson pa'i mgyogs 'gros

rab blangs te/ /gzhan don shar ri'i ba gam rtse la 'dzegs/ /de
tshe dam chos ku mud bzhad pa dang/ /mnyam du thub bstan gos
dkar gyon pa'i lus/ /gzigs nas sa gsum 'gro 'di mun bral zhes/
/dgyes ldan rgyal ba kun ni btang snyoms mdzad/ /

rtsod dus 'phrog slad ched du 'ongs pa yi/ /rdzogs ldan bzhin
du khor yug ri bo'i khongs/ /ma lus khyab par bslab gsum rgyal
mtshan ni/ /khyod grags snyan pa'i ba dan bzhin du btsugs/ /de
phyir dus mthar legs bshad sbrang rtsi'i gnyen/ /sgrub

@062a @#/ /pa'i nyi ma ma lus zil gnon pa'i/ /sa gsum 'od mdzad
'gro ba'i bla ma gang/ /khyod dang mtshungs pa'i snang ba gzhan
yod min/ /zhes bya ba ni/ rje btsun bla ma tsong kha pa chen
po'i rnam par thar pa yongs su brjod pa'i

gtam du bya ba dad pa'i 'jug ngogs zhes bya ba las/ rang nyid
chos kyi rgyal po'i go 'phang brnyes nas/ bstan pa dang 'gro
ba'i don ji ltar mdzad pa mdo tsam smos pa'i rim par phye ba
ste lnga pa'o// //de ltar bstan pa dang

gdul bya'i don rmad du byung ba rgya cher mdzad pas gangs ri'i
khrod kyi skal ba dang ldan pa sku dngos kyis gdul ba dag gi
don ni phal cher mdzad pa mthar phyin pa la nye bar gyur pa
phag gi lo'i ston/ stod lung gi chu tshan la byon na sku lus

la shin tu 'phrod par 'gyur ro zhes gsol ba dag gis 'phral du
mtshams sbyor ba'i rkyen byas shing/ don gyi gtso bo ni/ rang
nyid jo bo rin po che'i drung du sku de nyid kyis phyi ma med
pa'i phyag bya bar bzhed pa dang/ kun tu rgyu rab bzang dang
dri

za'i rgyal po bzhin du/ sku de nyid kyis dngos su gdul ba'i skye
bo mang po zhig gi don bya bar yang dgongs shing/ sngon nas
rang nyid kyis smin par mdzad pa'i skye bo mtha' yas pa dag la
legs par bshad pa'i gsung gi tha ma stsal

bar bzhed nas/ ri bo dge ldan nas phyags bteg ste lha sar
mchod pa dang smon lam rnam par dag pa mdzad nas stod lung gi
chab tshan khar byon/ 'on kyang chab tshan gyis ni zhabs la cung
zad tsam bdug pa las ma mdzad/ gtso bor stong lung phu mda'i

@062b skye ba'i tshogs mtha' yas pa dag la chos dang byin rlabs
kyi skyes gnang zhing/ bsnyen bkur ba dang 'bul ba rmad du
byung ba dag bdag gir mdzad pa dang/ tha na zhal mthong zhing
gsung thos pa tsam gyi sgo nas kyang don dang ldan par mdzad
de/ slar 'bras

spungs su byon pa'i tshe/ mdo li la gdan drangs pa'i mdo li'i
sna la 'ja' tshon kha dog lnga pa kun nas bkra ba thal byung du
zug pa dang/ 'bras spungs su phebs nas kyang/ chos gsung ba'i
tshe chos grwa'i dbus su 'ja' tshon sna lnga pa nam mkha'i

dbyings nas ka ba btsugs pa ltar ches gsal bar zug pa sogs kyi
ltas mngon sum du bab par gyur la/ gzhan yang 'bras spungs su
bzhugs kyi ring la dge ba'i bshes gnyen sde snod 'dzin pa
stong phrag gnyis re tsam 'dus shing/ sne'u

nas zhabs tog dang spyi sgos kyi phogs bsnyen bkur 'bul nod
sogs bsam gyis mi khyab pa mdzad la/ de'i tshe laM riM gyi
khrid/ nA ro chos drug /dbu ma 'jug pa/ gsang ba 'dus pa'i
rgyud la sogs pa gsungs shing/ de yang sngon chad grong pa'i
skye bo

pho mo du ma la khrid cher mi gnang/ khyad par lam rim gyi
khrid la'ang 'tshog tu mi rung ba la sogs pa'i dam bzhag che
bar yod pa la/ da dus grong pa'i skye bo ji tsam zhig 'ongs pa
dang/ dus nam zhig na 'ongs pa thams cad la khyad par med par/

tha na sprang po'i tshogs du ma 'dus pa yan chad thams cad la
lam rim dbu ma la sogs pa'ang bkag pa med par gnang/ 'bras
spungs su skabs shig nas gzhan phal mo che la lkog tu gyur
pa'i mngon chung bar gyis gsungs nas lha bzo ba la

@063a @#/ /dam bzhag che bar mdzad de/ bcom ldan 'das rnam par
snang mdzad kyi dngul sku chen po zhig bzheng ba'i zhal te
mdzad/ de ltar chos kyi 'khor lo rgya cher bskor nas/ sngon
chad dus 'khor ma gtogs pa'i rgyud la la mtshams mdzad pa'i

lugs med pa la/ de'i tshe gsang 'dus kyi le'u dgu pa'i skabs la
chos mtshams mdzad nas/ myur du dgen par 'byon bzhed pa'i zhal
ta gnang/ de la sbyin bdag dang/ ches gsan pa rnams kyis da
dung zla ba gcig gam zla ba phyed tsam du'ang

bzhugs nas chos 'phro rdzogs par gsung ba zhig thugs rjes
gzung 'tshal/ tha na rgyud kyi 'phro bklags lung mdzad pa tsam
zhig kyang gnang 'tshal zhes gsol ba nan cher btab kyang gsan
du ma bzhed nas/ nga lan myur du bteg pa thams

cad la dga' bas 'degs/ rgyud dang lam rim 'phro la 'jog pa'i
'dun pa kha sing du btang tshar gsungs nas chos mtshams mdzad
de/ de yang da dung sngags dang mtshan nyid kyi gsung bgros kyi
bshad rgyun rdzogs pa med par 'phre ring du

gnas pa'i rten 'brel sgrig pa'i dgongs pa sngon du mdzad pa
yin par gdon mi za'o/ /de nas lha sar phyag bteg /jo bo rin po
che'i drung du byon te/ phyag dang mchod pa dang smon lam rnam
par dag pa rgya cher mdzad nas da dung yang bstan pa rin po

che yun ring du gnas pa'i gsol ba btab/ de nas chos rje
shAkya ye shes pas spyan drangs te se rwa chos sdings su
byon/ khong pa la sngar nas zhal ta byon pa dang/ khong pa
rang la thugs kyi 'dun pa che bar yod cing/ khyad par gangs
ri'i khyod

@063b 'dir sngags kyi rgyud sde la 'chad nyan rnam par dag pa
yong ye thams cad du nub par gyur nas ring zhig lon/ rje rang
nyid kyis bshad pa rnam par dag pa mdzad pa'i gsung gi bdud
rtsi nyams su myong bas blo gros kyi lus yongs su tshim pa mang
du byon mod

kyi/ de lta na'ang de dung rgyud sde'i 'chad nyan rkang tshugs
pa'i grwa sa things pa sngon chad med pas/ de 'dra ba'i 'chad
nyan gyi gzhi rnam par dag pa tshugs na ci ma rung snyam du
bstan pa 'ba' zhig la dgongs pa'i thugs kyi 'dun pa shugs drag
pos

de'i tshe zhal ta gnang ste/ se rwa chos sdings su chos rje bas
bdag rkyen gyi thugs khur ches cher bzhes nas/ gzhi 'dul ba'i
bslab khrims rnam par dag pa la brten te/ dpal gsang ba 'dus
pa dang bde mchog gi rtsa rgyud la 'chad nyan rkang

btsugs pa'i grwa sa rnam par dag pa 'jugs pa'i zhal skos dang/
chos dpon bsko ba la sogs pa mdzad cing/ rten 'brel khyad par
can bskrig pa'i ched du gnas der gso sbyong mdzad/ rgyud kyi
rgyal po gnyis kyi dbu nas chos thun re gsungs so/ /

de nas rim gyis ba lam bde chen rtser phyags phebs/ der yang
brag dkar rdzong dpon pa yab yum la zhal ta byon cing/ khong
pas kyang dad pa chen pos dga' spro dang bcas te bka'i khur
spyi bos mnos nas/ bde chen rtser dpal gsang ba 'dus pa'i

'chad nyan rnam par dag pa rkang btsugs pa dang/ gzhi 'dul
ba'i bslab khrims phyag srol ma nyams pa la brten pa'i grwa sa
btsugs/ rje rang nyid kyis kyang bdag rkyen gyis gnas gzhi
'dzugs pa sogs kyi rkyen du bab pa'i yo byad dpag tu med pa'i

@064a @#/ /gnang sbyin dang/ rdzong dpon pas bdag rkyen phun
sum tshogs pa'i thugs khur bzhes so/ /da nas gnas de nyid la
rab tu gnas par zhus pas/ da lan min pa rab gnas byed pa mi
'ong bas da lan rgyas pa zhig byed dgos gsungs nas

rab tu gnas pa rgyas par mdzad de/ gnas de nyid kyi gtsug lag
khang la sngags mkhar zhes bya bar ming du gdags pa yang mdzad
de/ de nas brag dkar du byon/ de nas gru bzhir gdan 'dren zhus
nas byon te/ de nas 'bras spungs nas phyags

bteg nas/ dgon par ma phebs kyi ring la gang du spyan drangs
pa thams cad du da yang yang 'ong ba mi 'ong bas da lan 'gro
dgos gsungs nas zhal gyis bzhes par mdzad do/ /gru bzhir phebs
pa'i nub gaNDi brdungs pa'i sgra chen po

grag pas/ thams cad the tshom du gyur nas brtags kyang/ mi zhig
gis brdungs pa ma yin par nges pa tsam du zad kyi/ gzhan du na
rdung bar byed pa su zhig gis gnas gang du brdungs pa sogs
gang du'ang brtag par mi nus par yun ring du sgra shin

tu drag cing gsang mtho ba rdung bar byed do/ /gzhan yang/
'bras spungs nas yar la phyags ma bteg pa'i gong tsam gyi
skabs su'ang/ sa chen po glo bur nyid du g.yo ba dang/ nam
mkha'i dbyings mtha' mi mngon pa'i lam ring po nas 'ongs pa'i

'ja' tshon rnam par bkra ba lha'i pho nya lta bu ri bo dge ldan
gyi rtse la yang dang yang du 'dzug pa la sogs pa lan mang du
byung ngo/ /de nas gru bzhi nas phyag bteg nas dge ldan du
phebs pa na thag mar yangs pa can gyi gtsug lag khang chen

@064b por byon te/ 'dir nga yang yang 'ong pa mi 'ong bas/
mchod gtor rgya cher shoms gsungs nas ston pa'i sku dang/
gzhal yas khang rnams dang/ yi dam gyi drung du mchod pa dang
gtor ma rgya cher gdzad de gsol ba gdab pa dang smon lam gyi
rim pa la sogs pa

mang du mdzad/ de nas 'du khang du dag 'dun gyi mang dza 'dren
pa zhig gis gdan drangs pas tshogs kyi dbus su phebs te/ bsngo
ba mdzad pa'i mjug tu sbyin bdag sogs kyis ched du zhu ba
su'ang med par/ bde ba can gyi smon lam rgyas pa zhig mdzad
de/ dge

'dun gyi tshogs pa rgya mtsho'i dbus su shis brjod dang bcas pa
mdzad nas phyis kyi rten 'brel khyad par can sgrig pa'i ched
du thugs gtad pa'i rnam pa yin par gsal lo/ /de nas gzims
khang du phebs te/ bzhugs gdan la bzhugs pa na/ da ni

rang re'i dgon pa rang dbang thob pa 'dir slebs byung bas blo
bde'o/ /zhes gsungs zer ro/ /de nyid kyi nyin mo 'das pa'i
mtshan mo'i gung thun la bab pa tsam nas sku khams cung zhig
bsnyel ba'i tshul bstan te/ de'i sang nyin nas dge 'dun thams
cad

kyis kyang sku rim la 'bad pa 'don pa sogs bgyis/ de lta
na'ang sang gi nyi ma phyed tsam bar du sku lus kyi cha so so
la bsnyung zug tu mngon pa cung zad yod gsung ba ma gtogs/ de
nas bsnyung zug kyang chen po med bar cung zad thugs nyog

par gsal tsam gyi bar la nyin zhag gnyis kyi ring du sku rim
bsgrubs/ da yang slob dpon rin po che dka' bcu pa la sogs pa
la bstan pa'i bya ba mdzad tshul 'di ltar dgos bya ba la sogs
pa'i zhal ta zhib par snga mo nas gnang cher bas

@065a @#/ /de'i tshe rgyas par ma gsungs/ gnas brtan rin chen
rgyal mtshan pa la sogs pa sku drung na 'khod pa la/ tshul 'di
shes par gyis la byang chub kyi sems sgoms shig ces sogs tsam
gsung/ gzhan sku khams cung zad bsnyel bar

tshul bstan pa'i ring la'ang sngar gyi thun bzhi'i rnal 'byor
dang bdag 'jug la sogs pa'i thugs dam gyi rim pa rnam 'chag
med du mdzad pa dang/ gzhan yang gtso bor nang gi ting nge
'dzin la mchog tu gzhol ba'i thugs dam la khor yug

tu bzhugs par gyur to/ /de nas nyi shu bzhi'i dgong phyi ma
red du song tsa na/ bcom ldan 'das bde mchog 'khor lo'i mchod
pa rgyas pa zhig mdzad de de'i tshe ka pA la mar med pa zhig
khyer shog gsungs nas der nang mchod byin rlabs

rgyas pa zhig mdzad de/ bdag nyid kyis bdud rtsi myang ba lan
sum cu rtsa gnyis sam/ bcu drug phrag gnyis su mdzad la/ de
yang bde mchog gi mchod pa de dang 'brel bas/ de nyid kyi
dbang du mdzad pa yin la rag cing/ gzhan du na lha'i

'khor lo 'di 'dra ba zhig gi dbang du mdzad nas bdud rtsi
myang ba mdzad do zhes bya bar ni sus kyang khong du ma chud
de/ sku drung na 'khod pa kha cig ni grangs la dpags nas bcom
ldan 'das dpal 'dus pa'i sgo nas mdzad par yang rtog go/

gzhan yang de dag gi tshe yi dam gyi khyad par mngon sum du
gzigs pa la sogs pa'i gzigs snang khyad par can mang du yod
pa'i rnam pa du ma mngon mod kyi/ sku drung na 'khod pa dag
gis ji ltar mchis pa zhu bar rngo ma thog

@065b go; zhes zer ro/ /de nas mtshan mo'i ring la thugs dam la
rtse gcig tu bzhugs te/ de yang phyi rol nas mngon pa la rdo
rje bzlas pa la sogs pa mdzad pa shas che bar mngon no zhes
zer te/ mdor na 'chi ba 'od gsal chos sku dang bsre ba'i man
ngag

rnams thugs nyams su bstar ba yin par nges so/ /de'i sang nyin
nyi shu lnga'i snga dro dang po nas zhabs rdo rje skyil mo
krung du mdzad/ phyag gnyis mnyam par bzhag ste thugs dam la
rtse gcig tu bzhugs pa las nyi ma shar rjes tsam la stong pa

gsum rim gyis thim nas thams cad stong pa 'do gsal don dam
pa'i bden pa mngon du mdzad de/ de yang shangs kyi sgo'i rlung
rags pa rgyu ba nang du thim pa nas/ zhal gyi dkyil 'khor de
gong cung zad sku khams bsnyel ba sogs kyis sngar

las sku ma dang sa cung zhig chung bar yod na'ang/ de'i tshe
blo bur du zla ba rgyas pa ltar gyur te/ sku'i cha thams cad
'od kyi lus can gyi lha bu gzhon nu ltar gyur cing/ sku'i sha
zhu ba dang/ ltar ltar bor gyur pa dang/ khang khung du gyur
pa

la sogs pa cung zad kyang med la/ sngar gyi sku'i gnyer ma
rnams kyang skra'i rtse mo brgyar gshegs pa'i tshod tsam du'ang
thams cad kyis thams cad du med par gyur te/ blta bar mi bzod
pa'i 'od kyi phung po dang ldan zhing/ de yang kha cig ni
sku'i

'od dmar ser du snang ngo zhes zer/ kha cig ni dkar ser du
snang ngo zhes zer/ kha cig ni gser btso ma lta bur snang ngo
zhes zer te/ lo bcu drug lon pa'i na tshod dang ldan pa'i lha'i
lus can/ ji ltar 'jam dpal gzhon nur gyur pa 

@066a @#/ /rgyan dang cha lugs spangs nas/ nang du yang dag
'jog la mnyam par bzhag pa ji lta ba de ltar gyur pa na/ de'i
tshe glo bur nyid du mgon dang bral bas/ yid mya ngan gyis
brlams te/ rang gi 'tsho ba la yang

mi lta bar gyur pa'i skye bo drung na 'khod pa dag thams cad
kyang/ e ma ma la 'di 'dra ba'i ngo mtshar ba ni brjod par
dka' ba zhig ste/ bdag cag rnams kyis lha'i lus mngon sum du
mthong ngo/ /zhes mya ngan gyis myos pas rang

dbang bral bzhin du yang ngo mcher bas bskyod pa'i mu cor gyi
gar byed do/ /de yang sku 'da' ba'i tshe sku'i mdangs dang
gzhon sha la sogs te/ mdor na mi'i lus gnas gyur nas lha bu
gzhon nu'i lus lta bur gyur pa 'di 'dra ba

sngon chad su zhig la byung ba'i lo rgyus bsnyad pa 'ga' thos
pa'am/ 'di'i rgyu mtshan ni 'di lta'o zhes brjod par bya ba ci
zhig yod ce na/ sngon gyi tshe rgya gar gyi grub thob paNDi ta
ga ya d+ha ra zhes bya ba de nyid mkha' reg tu 'das pa na sku
lus

shin tu chung zhing gzhon sha dang ldan pa'i byis pa'i na tshod
lta bur gyur to zhes thos kyi/ bod kyi bla ma snga ma su zhig
la'ang tshul de ltar brjod pa ma thos so/ /'on kyang de'i rgyu
mtshan ni 'di yin par 'khums te/ bcom ldan 'das kyi gsung rab

dag las/ gang gi rgyud la mthong ba'i lam skyes pa dang/ dgra
bcom pa mngon du byas pa la sogs pa'i sgo nas bdud rtsi thob
par gyur pa na/ dbang po yongs su gsal zhing/ bzhin gyi mdog
ni dag la/ pags pa'i mdog ni dkar ba la sogs

@066b pa lus kyi mdangs sngar las gnas gyur pa 'byung ba du ma
zhig gsungs te/ de bas na rje 'di yang de'i tshe 'od gsal don
dam pa'i bden pa mngon du mdzad de/ 'chi ba chos kyi skur
bsgyur ba'i sgo nas bar do sgyu ma'i skur bzhengs te/

bar dor longs spyod rdzogs pa'i sku mchog gi dngos grub kyi go
'phang mthar thug pa mngon du mdzad pa yin par gdon mi za bas/
de'i ngo mtshar ba'i lhas yin par shes par byos shig /gzhan
yang bar do longs spyod rdzogs pa'i sku mngon

du mdzad pa la ni/ sku tshe 'di nyid du de'i rgyu tshogs rnams
legs par thugs rgyud la 'khrungs tsha ra ba 'di 'dra'o/ /zhes
bya ba la sogs pa'i rgyu mtshan ches zhib pa nyid du kho bo la
bsnyad par bya ba yod mod kyi/ 'on kyang tshogs su bskrag par
ma gnang

bsam bras la/ cung zad brda go bar nus pa tsam zhig rnam par
thar pa thun mong ma yin par brjod zin to/ /'o na dga' ldan du
byang chub sems dpa' 'jam dpal snying po zhes bya bar 'gyur ba
nyid du lung bstan cing zhal gyis bzhes pa ma

yin nam zhe na/ de ni 'phags pa klu sgrub sa dang po thob ste
bde ba can du gshegs par gsungs pa dang/ yang sku tshe de nyid
la rdo rje 'chang chen po'i go 'phang mngon du mdzad par
gsungs pa'i tshul gnyis ka 'gal ba med pa dang 'dra ste/

sprul pa'i sku'i ston tshul gyi dbang du byas pa'o/ /de ltar
chos kyi sku la mnyam par bzhag pa'i ring la/ sku'i zhal gyi
dkyil 'khor gyi thad drang shin tu nya bar/ 'ja' tshon kha dog
sna lnga pa shin tu dwangs shing 'od 'tsher ba rnam par

@067a @#/ /bkra ba sgyu ma'i sku nyid nye bar mtshon pa'i slad
du ched du sprul pa bzhin g.yo ba med pa zhig yun ring po'i
bar du ka ba btsugs pa bzhin gnas par gyur to/ /ngus de dag gi
tshe nam mkha' ni thams cad stong pa 'od

gsal mngon du mdzad pa'i tshul ni 'di 'dra'o/ /zhes 'jig rten
thams cad la go bar byed pa bzhin du shin tu g.ya' dag par
gyur te ches dwangs shing/ tha mal gyi sprin dang rdul la sogs
pa thams cad dang bral

sa gzhi rlung gi rgyu ba thams cad dang bral nas bser bu phra
mo'i 'gro 'ong yang rgyun chad pa/ zhag bzhi bcu rtsa dgu tsam
gyi bar du byung la/ de'i tshe dgon pa'i gling gseb nas gzims
khang gi phyogs su rang rang gi brang khang

gi steng gi la bad kha rnams su mtshan mo mar me'i phreng ba
mtha' yas pa phul ba rnams dang/ gzims khang gi sgo drung dang
phyi rol gyi chos gra'i zhal dkar thad so rnams su mar me'i
phreng ba tshar du dang ra ba thams cad kyang mtshan ring gang
la me

lce'i rtse mo cung zad rlung gis g.yo ba tsam yang med par
gyur to/ /gzhan yang lha rnams kyis mngon par mchod pa dang/
dpa' bo dang mkha' 'gro ma rnams kyis mngon par bsgrags pa'i
rol mo'i bye brag bsam gyis mi khyab pa

mtshan gung la grags pa dang/ nyin mo yang sngon tshor ma myong
ba'i sgra'i bye brag du ma 'ga' zhig gi rna lam na grags pa la
sogs pa dang/ lha rnams kyis mngon par gtor ba'i me tog gi
tshogs ni phal che ba kunda ltar dkar zhing

@67b mu tig ltar 'od gsal bas mthon po nas 'byung ba na zla ba
ltar 'tsher ba dang/ 'ga' zhig ni kha dog sngon po dang/ 'ga'
zhig ni ser po dang/ 'ga' zhig ni dmar po la sogs pa mi chen
po'i lag pa'i mthil tsam pa dang/ shing rta'i

phang lo tsam pa dpag tu med pa char ltar du bab par gyur to/
/gzhan yang phal che bar nam mkha'i lam thams cad 'ja' kha dog
dkar po shin tu yid 'phrog bas bla re ltar bres pa dang/ ba
dan ltar 'phyar ba dang/ dge ldan

gyi g.yas g.yon dang mdun gyi lung pa thams cad 'ja' kha dog
sna tshogs pas lda ldi ltar khrig gis gang bar gyur pa la sogs
pa zhag mang po'i bar du byung zhing/ gang gi tshe bcom ldan
'das grong khyer rtswa can du gzims mal gyi

tha ma la gzims te mya ngan las 'da' ba'i mdzad pa bstan pa'i
lha rnams kyis mngon par mtshad pa ji lta ba de ltar gyur to/
/smras pa/ legs bshad 'od dkar stong gi dra ba can/ /thub
bstan ku mud mdzes pa'i gnyen gcig pu/ /

glo bur nyid du zhi ba'i dbyings su nub/ /sa gsum 'gro 'di cig
car mun pas khyab/ /ring nas khyod la brten pa'i skye bo 'di/ /yid
la mya ngan me lce'i sbyin sreg dang/ /bzhin la mchi ma'i rgyun
gyi dag byed dag /sdug bsngal bsam gtan drag pos

rtse gcig bsgrubs/ /blo gsal 'chi med tshogs kyi 'dod dgu'i
gzhi/ /mkhyen brtse'i grib bsil phyogs kyi ma thar 'gro ba/
/sngon med yongs 'du'i dbang po dbyings su 'dzegs/ /thar 'dod
yid kyi gdung sel su zhig bston/ /thub bstan

@68a @#/ /gangs ri'i stod g.yogs ni/ /cig car nyid du ltung
ngo zhes/ /lha rnams skrag pa'i cho nge bzhin/ /sprin bral nam
mkha'i rnga chen brdungs/ /chu gtar du ku la yi gos/ /mya ngan
rlung gis rlabs bskyod pa'i/ /ljon shing spu long

g.yo ba can/ /nor 'dzin lus 'di ring zhig 'dar/ /'jig rten
kun gyi lta byed ne/ /lhung bas yid kyi brtan nyams te/ /kun
gsal mdzes mas mu cor du/ /chu 'dzin smad g.yogs rgya mtshor
dor/ /de yis skabs gsum lha

rnams ni/ /ngo tshas bab col gyur pa bzhin/ /'phrog byed bla
gos bak ba yis/ /nam mkha'i bu mo khyab par bsgribs/ /kun rtog
rlung gi gzhon pa kun/ /ma lus bcom pas skrag gyur te/ /mtha'
dag dri bzhon g.yo ba ni/ /stobs ldan

bzhin du sa 'og zhugs/ /mgon 'dis chos sku mngon du mdzad pa
na/ /bdag cag btang snyoms 'dug par mi rigs zhes/ /mtho ris
padmo ma lus lha rnams kyis/ /mkha' la gtor ba'i rnam 'phrul
ci yang byas/ /khyod thugs

zhi ba'i bdud rtsis myos mthong nas/ /mngon dga' rgyas pa'i
zla bas sku la 'khyud/ /de tshe de yi rjes 'brang rgyu skar
tshogs/ /rang gnas btang ste mkha' las lhung ba bzhin/ /mgon po
khyod kyis bdag cag rab btang ste/ /phun

tshogs sku yi sgyu mas brid gyur kyang/ /mya ngan lcags kyus
yid kyi gnyis 'thung ni/ /gtong ba min zhes kun gyi cho de
byas/ /'on kyang bla ma mchog gis sku gsum gyi/ /go 'phang
rgya chen mngon du mdzad do zhes/ /bdag cag

@68b yid la gdung ba ci ltar rigs/ /slar yang tshul der dang ba
lhur byos shig /de nas dus de nyid du/ dge 'dun brgya phrag du
mas zhag mang po'i bar du/ phyi nang gi dkyil 'khor chen po
dag zhal phye nas/ bla ma dang rdo rje 'chang tha mi dad

pa la/ phyi nang gsang ba'i mchod pa rgya chen pos mnyes par
byas shing/ bdag nyid 'jug cing dbang blang ba la sogs pas dam
tshig dang sdom pa rnam par dag par bgyis te thugs kyi dgongs
pa rdzogs pa dang/ bdag cag thams cad la

nam du yang bla ma mchog gi ye shes gzigs pa 'bral ba med par
gyur cig /ces yid la brnag pa lhur byed pa'i smon lam gyi rten
rgya cher bsgrubs la/ de bzhin du dbus gtsang gi dge 'dun gyi
sde chen po du mar yang mang ja dang 'bul nod

phun sum tshogs pa rgya cher bsgrubs shing/ de yang phyis kyi
rab tu byung ba dag la/ mkhan po dang/ slob dpon dang/ bla ma
dag 'das pa na thos bsam sgom pa dang chos 'chad pa la sogs pa
dge ba'i sbyor ba dag rgyun bcad de/ skra tshad las

lhag par 'jog pa dang/ gos bsgyur ba dang/ gtsug lag khang gi
ba dan sdud pa la sogs pa/ grong pa'i chos lugs dag yongs su
grags med kyi/ bdag cag rnams kyis ni rje nyid kyi thugs kyi
dgongs pa dang mthun par grong pa'i chos lugs

de dag ring du spangs te/ 'du byed thams cad kyi mtshan nyid ni
'di 'dra'o snyam du skyo bar 'gyur ba'i mtshan ma yid la byed
pas slar yang 'khor lo gnyis kyi bya ba la ches cher brtson
par bgyis nas thugs kyi dgongs pa yongs su rdzogs pa'i

@69a @#/ /bya ba rgyun mi 'chad par sgrub pa la zhugs par gyur
to/ /de nas sgrub mchod thon 'phral la/ slob dpon rin po che
dar ma rin chen pa'i zhal snga nas/ bdag nyid chen po'i chos
kyi khri la bzhugs te/ gzims khang du phyags

phebs nas/ rjes 'jug yongs kyi gtsug rgyan dam par ring du
bzhugs shing/ rje nyid kyi mdzad srol dam pa rgyun mi 'chad
pa'i bdag rkyen du slob dpon rin po che grags pa rgyal mtshan
pa'i zhal snga nas thog ma mdzad pa'i gnas

brtan yongs kyi dge ba'i bshes gnyen chen po dag gis mgrin
gcig tu gsol ba btab ste/ chos kyi rgyal srid chen po'i bdag
por mnga' gsol nas/ sngar rje nyid kyi zhal snga nas zhal ta
mdzad pa'i bcom ldan 'das rnam par snang

mdzad kyi dngul sku chen mo yang legs par grub ste/ rab tu
gnas pa tshul bzhin du mdzad do/ /de yang sku de bzhengs ba'i
dgongs pa gang yin zhes 'ga' zhig glang bar byad mod kyi/ de
ni rje rang nyid kyi zhal snga nas sngar bde mchog

dang/ gsang 'dus dang/ rdor dbyings kyi gzhal yas khang rmad
du byung ba 'di dag bzhengs pa'i dgongs pa'i gtso bo ni bla
med dang yo ga'i rgyud sde chen po rnams kyi 'chad nyan legs
par nyams pa 'di cung zad gso e thub

bsams nas/ de'i rten 'blel pa sgrig pa'i ched du bzhengs pa
yin/ da dung spyod rgyud rnam snang mngon byang 'di la bshad
pa zhig gi srol cung zad tsam ma tshugs na/ rgyud sde bzhi'i ya
gyal gcig gtan med du nub song la khad

@69b 'dug pas/ de'i rten 'brel cig sgrig dgos zhes gsung ba de
la dgongs pa yin par gdon mi za'o/ /zhes kho bos 'buD ? so/
/de nas chos kyi sku la mnyam par bzhag pa las bzhengs nas/
sku gdung zhugs la gzhen pa dang/ ma nyams par bzhugs pa

ji ltar bya zhes bka' bgro ba mdzad pa las ma nyams par bzhugs
na bstan pa'i rgyun la shin tu phan pa'i dgos pa che bar
dgongs te/ mnyams par bzhugs su gsol ba la thag bcad nas/ so
so nas dad pas phul pa'i dngul bre chen bco brgyad

tsam las grub pa'i gdung rten chen po/ rin po che'i phra sna
tshogs pa bkod pas spras pa bzhengs te/ de'i bum par sku gdung
snam sbyar gyis legs par g.yogs te tsandan 'ba' zhig las
bsgrubs pa'i sgrom du bcug nas bzhugs su gsol lo/ /de'i rjes
su

sne gdong dang 'bri khung nas thog drangs pa'i sbyin bdag bu
slob rnams kyis/ zho stong phrag dang brgya phrag bgrangs pa'i
gdung 'bul byung ba rnams dang/ gzhan yang phyags phyogs su
zangs kyi dad 'bul bskul ba'i zhal ta mdzad nas zangs kyi 'bul
ba byung ba

rnams la brten nas/ slob dpon rin po che pa rnam gnyis kyis
zhal ta mdzad cing/ nang rten gyi gser sku chen mo/ jo bo rin
po che'i sku tshad las khru gang du nye bas che ba shin tu byon
legs shing rmad du byung ba dang/ sku gdung dang/ nang rtan
bzhugs

pa'i slad du gtsug lag khang shin tu che zhing legs pa dang
bcas pa gsar du bzhengs te/ byi ba lo'i nang du rab tu gnas pa
yan chad thams cad yongs su rdzogs par grub par mdzad la/ de
yang/ sku gdung gtsug lag khang gsar bar gdan

@70a @#/ /'dren pa'i tshe na mkha' 'dza' tshon gyis khyab cing/
me tog gi char bar snang gang ba bab po/ /gzhan yang byi lo
zla ba bcu pa la dge ldan du rdo rje slob dpon brgya phrag du
mas/ dkyil 'khor dpag tu med pa sgrub cing/ mchod pa'i dus kyi

mched pa zhag du ma'i bar du bsgrubs pa na/ nyi ma dang po
dang rjes ma la me tog gi char bab ba ni/ me tog mu tig gi
mdog lta bu chung ngu 'dab ma drug pa la sogs pa yu ba dang
bcas pa bab cing/ nyer lnga'i nyin me tog chung ngu de lta bu
ni sa la kha pa ltar

chags pa dang/ gzhan yang me tog 'dab ma drug pa la sogs pa
kha cig gi mdog ni dung dang/ kha cig ni gser btso ma dang/
kha cig ni li khri lta bu dang/ kha cig ni rgya mthing bzang
pos byugs pa lta bu mi chen po'i lag pa'i khyon tsam pa  
dp
pag tu med  

pa bab pa dang/ de'i tshe dpon nam mkha' bzang po ba khu dben
pa'i drung nas/ ra ga brag tu chos rje shAkya ye shes pas
thog ma mdzad pa'i dge 'dun du ma spyan dngas nas dus kyi
mchod pa rgya cher mdzad de/ gsol ba btab pas kyang me tog gi
char chen po bab bo

zhes grag go /mdor na mya ngan las 'da' ba'i mdzad pa bstan
pa'i rjes su'ang/ nyid kyi ngo mtshar ba'i mdzad pa dag gis
gdul bya dpag tu med pa smin grol gyi lam la bzhag par mdzad
do/ zhes bya ba ni rje btsun bla ma tsong kha pa chen po'i
rnam par thar pa yongs su

brjod pa'i gtam du bya ba dad pa'i 'jug dogs zhes bya ba las/
mya ngan las 'da' ba'i mdzad pa ji ltar bstan pa'i rim par
phye ba ste drug pa'o// ! //khyed kyi yid la ring nas gnas
bcas mun pa'i lag 'gra gdug pa'i lce/ /gnyis pa dang bcas

@70b chags dang sdang ba'i glog 'phreng g.yo ba ltar rno ba/
/dge legs sreg 'phrog chen po'i dug gis myur du khyab byed
rmongs pa ni/ /rgyal ba'i thugs kyi bum pa las 'ongs legs
bshad bdud rtsis 'phrog gyur cig /rma bya dag gi rna ba la/
/dbyar skyes sprin gyi sgra

dbyangs bzhin/ /dam pa'i skye bo ma lus pa/ /dam pa'i spyod
tshul thos pas tshim/ /de phyir tshig gi dog pa ni/ /sbyor tshul
rdzogs pa'i dri bzang can/ /phyogs kyi mdzes ma'i rna ba la/
/'khyud par rtsom pa bdag gis byas/ /chen po'i gtam gyi sbyor
bas kyang/ /dman rnams

yid la zug rdu ni/ /phrag dog me yis bcos pa bzhin/ /zhum pa
dag dang lhan cig 'byung/ /nyi ma'i 'od zer 'thungs pa yi/
/pad gzhon kha yi bdud rtsi la/ /khros pa'i bud ba glang chen
gyi/ /'gram pa'i chang la 'thung bar rtsom/ /de lta na yang
bdag gis ni/ /

dam pa ri dwags mig can gyi/ /zur phud dag la 'os pa gang/
/ngo mtshar gtam gyi phreng ba bkod/ /gang gi blo gros blo yi
bang mdzod ni/ /legs bshad rin chen bye bas gang gyur pa/ /blo
chung tshad kyis bgrang bar mi spyod pa'i/ /snyan dngags 'byung
khungs de las

'di nyid 'ongs/ /gang zhig zab yangs chu gter bzhi yi tshad/
/shes ldan su zhig chu thigs grangs kyis bgrangs/ /de ltar
khyod kyi yon tan phung po'i tshad/ /bgrang bas mthu chen kun
kyang sgyid lug 'gyur/ /'on kyang lho phyogs dri bzhon gyis
bos pa'i/ /rkang 'thung

me tog rgyas pa'i snye ma bzhin/ /mgon khyod yon tan padmo'i
dri bsung gis/ /bdag yid bung ba'i brtan nyams mu cor gyur/
/de phyir rje btsun bla ma'i yon tan gyi/ /rin chen 'byung
gnas dad pa'i 'jug ngogs der/ /cheg ga 'bab stags rim

@71a @#/ /par spel ba yis/ /bdag blo'i dri ma bkru ba 'di
brtsams so/ /dge ba 'di yis tshe rabs kun tu bdag /gang gi
mtshan yang bskal par rnyed dka' ba/ /theg mchog dge ba'i bshes
khyod zhabs kyi rdul/ /'bral med

gtsug phud rgyan du bsten par shog /dar ni sgo gsum bya ba kun
gyis kyang/ /khyod mnyes bgyid pa 'ba' zhig lhur blangs nas/
/de yi mthu las thugs kyi bcud phyung ba/ /khyod gsung bdud
rtsi'i ro yis 'tshe bar shog /theg mchog

lam gyi gzhung shing byang chub sems/ /yang dag lta ba'i gnad
dang rim gnyis la/ /'khrul med nges pa rnyed nas brtson pa
yis/ /khyed gsung sgrub pa snying por byed par shog /ces rgyal
ba thams cad kyi mkhyen brtsa gcig tu bsdus pa lnga

brgya pa rnams kyi gtsug gi nor bu/ snyigs ma'i dus 'dir rgyal
ba'i bstan pa la rgyal ba nyid dang mtshungs pa/ skye dgu ma
lus pa'i gnyen gcig pu/ thams cad mkhyen pa blo bzang grags
pa'i dpal gyi zhal snga nas kyi rnam par

thar pa yongs su brjod pa'i gtam du bya ba dad pa'i 'jug dogs
zhes bya ba 'di ni/ lung dang mngon par rtogs pa'i yon tan
mtha' yas pa'i nor gyis thugs kyi bang mdzod yongs su gtams
pa'i gnas brtan yongs kyi dge ba'i bshes

gnyen chen po chos bzang ba dang/ rin chen rgyal mtshan pa
gnyis kyi bkas nan cher bskul zhing/ gzhan yang dge ba'i bshes
gnyen chen po du ma zhig gis yang yang bskul ba la brten nas/
dpal ldan bla ma dam pa dmigs pa med

@71b pa'i thugs rje chen po dang ldan pa de nyid kyi zhabs
rdul la nye bar gtugs pa'i bka' drin gyis 'tshe ba/ mang du
thos pa'i btsun pa dge legs dpal bzang po/ /gtsang nyang stod
rig pa'i 'byung gnas kyi sa'i char grub par sbyar ba

phyogs dus thams cad du bkra shis par gyur cig/ //dge legs
'phel// /