@#/ /rje btsun tsong kha pa'i rnam thar chen mo'i zur 'debs
rnam thar legs bshad kun 'dus bzhugs so/ /

@01a @##/ /na mo gu ru b+hyaH rje rin po che thams cad mkhyen pa
mtshan brjod par dka' ba blo bzang grags pa'i dpal sku bltams
pa ni/ shar tsong kha mal gyis yin la/ yab yum gnyis ni

dad pa dang byang chub kyi sems dang ldan zhing; dam pa'i chos
sgrub pa la brtson pa zhig yod la/ spre'u lo'i mjug tu yab kyi
mnal lam du/ rgya nag ri bo rtse lnga nas 'ongs zer ba'i btsun
pa me tog gi 'phreng

ba du ma sbrel ba'i chos gos dang/ sum cu rtsa gsum gyi shing
lo yin zer ba dar ser po 'dra ba'i sham thabs can/ po ti khyer
ba zhig byung nas/ nga khyed la gnas shig g.yor ba yin zer
nas

khang thog na mchod khang zhig yod pa'i nang du song ba'i
snang ba byung bas/ yab de mtshan brjod kho na zhal 'don mjed
cing yod pas/ 'jam dbyangs kyi rnam sprul yin snyam pa byung
skad/ yum gyi

mnal lam du yang me tog gi thang zhig na/ bud med stong phrag
gcig gral byas pa'i nang du khong pa yang bsdad pas/ shar nas
khyi'u dkar po bum pa 'dzin pa gcig dang/ nub nas bu mo dmar
mo rma bya'i

sgro mdongs sder ma tsam yod pa zhig g.yas su bzung/ me long
chen po zhig g.yon du bzung nas byung bas/ de gnyis gros byas

te bud med thams cad la 'dis rung ngam zhes khye'u des bu mo 
@02a @#/ /de la 'dri zhing/ bu mo des gzhan rnams re re la
skyon re btags nas/ yum la mdzub mo btsugs nas rung ngam zhes
'dri ba la/ bu mo des 'dzum byas nas rung zer bas/

'o na khyod kyis khrus gyis zer nas ji ltar bltams pa zhes
sogs dbyangs dang bcas te khrus byas pas/ lus kyi dri ma dag
nas bde sang sang ba'i snang ba zhig byung bas/ gnyid sad nas
lus yang

ba dang sems bde ba sogs kyi dge mchen du ma byung ste/ gang
gi rtags yin nam snyam the tshom du gyur gsungs/ dus de nas
bzung ste khyim mtshes dang yul mi rnams kyi rmi lam du/ dge
'dun

mang pos jo bo rin po che dbus nas gdan drangs byung ba dang/
nyi zla skar gsum dus gcig la shar ba dang/ nyin par yang me
tog gi char/ spos kyi dri/ nam mkha' la rol mo'i sgra dang sa
g.yo ba la

sogs pa ngo mtshar ba'i ltas yul der mthun snang du grub pa du
ma byung ba ni mdo dbus thams cad du grags pa yin no/ /de nas
bya lo zla ba dang po'i tshes bcu'i nub mo yum gyi mnal lam du
dge

'dun la sogs pa'i pho mo bsam gyis mi khyab pa/ rgyal mtshan
dang/ rnga bo che la sogs pa rol mo'i bye brag mtha' yas pa
bzung ste/ spyan ras gzigs 'byon pa la bsu ba byed zer gyin
'dug pas/

@02b phyogs kun tu ngas bltas kyang ma mthong/ rjes la bltas
bas/ sprin gyi thad du gser sku ri bo tsam pa/ 'od zer nyi ma
ltar phyogs thaMd du 'phro ba/ chos kyi sgra dbyangs dang bcas
pa zhig lha'i bu dang bu mo yin zer ba'i cha lugs phun

sum tshogs pa du mas bskor ba zhig mar mar babs byung bas/ gser
sku de je chung je chung la song /spyi gtsug gi thad tsam du
sleb pa'i tshe mtho gang tsam shin tu mdzes par gyur nas lus la
thim/ de'i 'khor rnams dang/ bsu mi rnams

kyang rang la thim par mthong bas/ rang la phyag dang skor ba
dang/ mchod pa bkra shis brjod pa sogs rmis pas/ phyi de nang
par nas rig pa dwangs pa skyid snang che ba/ de phyin chad ma
brtags ma dpyad pa'i dus na'ang nga'i lus 'di

la brnyas bcos mi nyan snyam nas/ gces spras dang gtsang sbra
la brtson pa sogs rang shugs kyis byung 'dug /yab kyi mnal lam
du lcang lo can nas phyag na rdo rjes 'phangs sam snyam pa'i
gser gyi rdo rje 'bar ba zhig yum la thim

pa rmis pas/ bu stobs ldan zhig skye ba yin nam zhes glengs
so/ /sku bltams pa'i dus la babs pa'i tshe yum gyi mnal lam du
dge 'dun la sogs pa'i khrom chen po mchod pa rnam pa lnga
khyar nas mchod khang mjal zer/ de gang

na yod dris pas sngar gyi khye'u dkar po des chu shel gyi lde
mig gcig bzung nas 'di na yod zer zhing/ rang gi brang na sgo
chung ser po gcig 'dug pa phye ba'i nang nas sngar lus la thim
pa'i gser sku de bton pas gser sku da dri mas cung zad nogs

@03a @#/ /'dug par/ sngar gyi bu mo da byung nas de la bum chus
khrus byas/ rma bya'i sgros byabs/ rgya gar gyi skad yin nam
snyam pa'i dar dir mang po dbyangs su len cing/ lha de la
mchod pa 'bul gyin 'dug pa'i snang ba

byung ba dang/ gnyid sad nas tho rangs kyi cha la skar chen
shar ba dang/ stabs gcig tu bde bar 'khrungs pa'i nang par yul
de na bla ma sngags mtshan nyid kyi yon tan rgya chen po dang
ldan zhing/ khyad par du rdo rje 'jigs byed la grub pa brnyes
pa don

grub rin chen zhes bya ba zhig yod pa des gsol ras dang/ bdud
rtsi ril bu bsres pa'i ril bu/ bsrung mdud/ rten 'brel bsgrig
par dgongs te/ rdo rje 'jigs byed kyi bris sku byin rlabs can
gcig dang/ bu chung bskyang lugs kyi yi ge la sogs

pa nye gnas tshul khrims dang ldan pa zhig la bskur nas byung
ste/ bla ma des thugs mkhyen gyis mkhyen par 'dug /phyis rgyu
mtshan zhus pas/ ngas rmi lam du rdo rje 'jigs byed dang mjal
bas gsol ba btab/ khyad par du zhal yang yang bstan du

gsol zhes zhus pas/ sang phod da tsam lung pa 'di'i mda' ru
yod/ de bar du bde bar gyis gsung pas/ de gang yin dpyad pa'i
phyir ting nge 'dzin la mnyam par bzhag pas/ khyed kyi bur
'dug pa thigs pa yin gsung ba la sogs pa'i gsang ba'i

gnas du ma gsungs nas/ phyis kyang bu chung bskyed bsring ba
dang/ 'jam dpal dbyangs dang dbyangs can ma la sogs pa'i sgo
nas shes rab 'phel ba'i thabs du ma'ang mdzad/ chos sgor 'jug
pa dang/ rdo rje 'phreng ba la sogs pa'i lag len

@03b dang; spyod rgyud la sogs pa'ang gnang nas mthun rkyen
dang bcas te dbus gtsang du rdzong ba'i rtse lag kyang bgyis
pa yin pas bka' drin che gsungs nas/ bla ma de'i mtshan brjod
pa tsam gyis thal mo sbyor/ spyan chab bsil /da lta yang dus
mchod ma chag par

mdzad do/ /de yan chad sku 'khrungs pa'i lo rgyus cung zad
brjod pa yin la/ da ni gdul bya rnams kyi mthun snang du grub
cing rang gi mthong thos su gyur ba'i gzhan du ma bkod ba'i
rnam thar che long tsam zhig brjod na byang chub sems dpa' 'di
dgung lo gnyis gsum bzhis

pa nas bcu gsum bar la/ bla ma don rin pa'i zhal snga nas la
gong du smos pa ltar/ rdor dbyings rtse mo dpal mchog /chos
dbyings gsung dbang/ gtsug dgu mi 'khrugs pa/ grwa lnga la
sogs pa'i rgyud snga 'og ma gsum gyi rgyud rgya gzhung/ dkyil
chog /man

ngag la sogs pa phal che ba gsan cing thugs su chud par mdzad/
dgra nag /'jigs byed/ gshed dmar skor gsum/ lo nag dril gsum/
khyad par du phyag rngor 'khor chen la sogs pa bla med kyi
skor mang du gsan cing/ ji lta ba bzhin mkhyen/

bla ma pa'i zhal nas/ khyed kyi bar chad bsrung ba'i lha 'khor
chen dang/ shes rab bskyed pa'i lha 'jam dpal a ra pa tsa na/
tshe lha tshe dpag med dze ta ra/ mthun rkyen bsgrub pa'i lha
rnam thos sras/ mi dang mi ma yin gyi gnod pa bskyab cing/
mthun rkyen bsgrub

pa'i lha ye shes mgon po phyag drug pa rnams nga'i yang yi dam
yin zhing/ da khyed la ster ba yin pas 'di rnams kyi bsnyen
sgrub dang/ gtor ma dang bcas pa ma chag pa gyis gsung yang/
dang po lo gcig tsam de ltar 'grub/ de nas dbus gtsang du 'ong
ba'i

@04a @#/ /lam dang/ bde ba can dang tshal du slob gnyer byed
pa'i skabs rnams su phal cher chag pas/ dang por mtshan nyid la
zhugs 'phral longs spyod dbul ba dang/ skabs 'ga' zhig tu 'tshe
ba mang ba dang/ da lta nad

mang ba 'di rnams rim pa bzhin du rnam thos sras/ phyag drug
pa/ gsang ba'i bdag po la sogs pa'i bsnyen sgrub dang/ gtor
bsngos la sogs pa sngar chag cing/ bla ma'i bka' bzhin rngo ma
thogs pa'i rten 'brel du 'dug gsungs nas/

de phyin chad 'khor chen gyi bdag 'jug bsnyen sgrub ma chag pa
mdzad/ de nas dbus su mdo smad pa'i 'grul pa mang po dang
stabs gcig tu zhang po gnyis dang 'grogs nas byon/ 'bri gung
du chos rje d+harma rA dza la zab chos dang/ 'bri gung ba'i
bka'

'bum phal che ba gsan/ de rjes bde ba can du phar phyin gyi
slob gnyer thogs pa zhig mdzad pa'i rjes su/ chal du yan lag
brgyad pa la sogs pa gso dpyad kyi skor rnams bslabs pas
gzhung man ngag lag len dang bcas pa la shin tu 

mkhas par gyur te/ phyis snyung dus su sman pa bcu bdun bco
brgyad tsam 'tshogs pa'i dus su'ang nad gang la sman gang 'jug
pa dang/ sman gyi sbyor sde/ bsil drod la sogs pa'i khyad par
thams cad drung du zhus nas lag len bdag cag

rnams kyis byed ba yin zer ba dang/ sman pa mkhas par grags pa
thams cad kyang da lta kha ba can na chos rje rin po che las
sman pa mkhas pa mi 'dug pa'i gnad kyi bdag cag rnams kyang
drung du sman sbyor la phyin pas sman gyi rnam dbye

@04b mang du gsung pa thos pa la brten nas/ sngar lo mang du
bslabs pa bas/ blo bskyed che bar byung zhes gleng ba yang
mang bar 'dug go/ de rjes bde ba can du phar phyin slob gnyer
mthar phyin pa mdzad/ po ti gzhan mang po la yang thugs spyod
mdzad/ dbus

gtsang du phar phyin gyi grwa skor mdzad pa'i tshe/ gangs can
du phar phyin smra bo cog la gzhung don legs pa dang/ rgya bod
kyi gzhung don mang ba dang/ ston pa bzang bar grags/ de nas
nyang stod la sogs par nya dbon kun dga' dpal dang/ red

mda' ba sogs la tshad ma sde bdun 'gral pa 'grel bshad dang
bcas pa la thugs spyangs pas 'gran zla med pa'i mkhas par
gyur/ rje red mda' pa la dbu ma'i gzhung gangs can na 'chad
nyan yod pa phal che ba gsan cing/ tsheg don

ma lus pa thugs su chud pa kun gyi mthun snang du grub/ yang
skyer mo lung du 'dul mngon rnams mthar phyin par thugs sbyong
mdzad/ gzhan yang grwa sa rnams su slob dpon rnam pa'i spyan
sngar mdo phyogs thams cad dang/ de dag gi dgongs

'grel bstan bcos du ma dang bcas pa gsan cing thugs su chud
par mdzad do/ /dka' bzhi'i grwa skor mdzad pa'i tshe yang mkhas
pa rnams na re/ bod du dka' bzhi'i grwa skor byas pa la 'di
las lhag pa ma byung gsung ngo/ /de nas gdan sa mthil du

bde gshegs phag mo gru pa'i bka' 'bum nas bzung ste/ bla rabs
gsung bgros dang/ nA ro chos drug sogs gdams pa mang po dang/
rje su bstan pa thams cad dang/ mdor na dwags po bka' brgyud
kyi chos skor thams cad spyan snga grags

@05a @#/ /byang ba la gsan cing thugs nyams su bzhes pas/ de
ba'i lugs kyi nyams rtogs mthar phyin pa 'khrungs so/ /'ol kha
la sogs par bo dong pa sgra pa nam bzang la ka lA pa dang/
tsandra pa la sogs pa gsan nas

mkhas par ma khyen kyang dngos su zhal gyis ma bzhes so/ /de
yang de nyid la me long ma la sogs pa snyan ngag gi gzhung
lugs rnams gsan nas thugs sbyong mdzad pas shin tu mkhas par
gyur nas/ de dus dbyangs

can ma la bstod pa/ padma'i bzhin la g.yo ldan bung ba'i mig
/ces sogs mdzad pas /rgyan gyi nyams 'char zhes grags so/
/de'i phyi lo spyan snga grags byang ba sku gshegs nas mi dpon
bla dpon rnams kyis rnam thar zhig rtsom

par zhus par rtogs brjod lhun po zhes pa brtsams pas/ 'di las
dang gas med ces grags so/ /phyis dbyangs can ma bsgrubs pas
bsgrubs pas gsang phur zhal gzigs pa nas bzung ste /rtag par
rjes su bzung bas 'chad rtsod

rtsom gsum gyi bya ba shin tu rgyas shing /khyad par nyid kyis
mdzad pa'i yo ga dang /bla med kyi chos skyong la sogs pa'i
dbyangs dang /mgur ma chos gzhas la sogs pa snyan cing shin tu
'jebs pa gzhan las khyad par

du 'phags pa gda'/ de yang yo ga la sogs pa'i dbyangs chen mo
rnams ni brjid pa'i mthar thug par snang/ red mda' pas 'chad
nyan la bskul nas/ bde ba can la sogs par lo bdun tsam bshad
nyan mdzad/ po ti bcu tsam gung

@05b bsgrigs nas/ rang rang gi bzhed gzhung bzhin/ po ti re re
la 'grel pa gnyis gsum dang sbrel nas gsung ba lan mang du
mdzad/ khyad par bya bral la 'byon khar po ti nyer dgu sbrel
nas gsungs par kun ngo mtshar bar gyur to/ /de'i snga gong bde
ba can du

phar phyin gyi TIkka mdzad/ bya bral mdzad nas zha lur bla ma
khyung po lhas pa gzhon nu bsod nams la rgyud sde bzhi ga'i
dbang rgyud man ngag phal che ba gsan cing/ khyad par dus skya
pa dang bu ston pa'i lugs kyi yo ga dang/ bla med kyi skor ma
lus pa /de'i nad

nas kyang gsang 'dus mar lugs/ 'gos lugs jo bo lugs sogs
'phags lugs dang/ ye shes zhabs lugs/ kun snying gi lugs la
sogs pa rgya bod kyi bshad srol dang bcas pa gsan cing thugs
su chud par mdzad do/ /dam pa

'dis tho gdan tshegs chen pa las bsnyen par rdzogs phyin chad/ 
'dul ba'i gnang bkag shin tu phra ba rnams kyang phyag len la
thebs par mdzad do/ /de nas 'ol kha la sogs par byon nas/
byams pa gling la sogs pa'i gtsug lag khang

la zhig gsos mdzad/ de nas thugs dgongs la kha ba can na da
lta yod pa'i bka' bstan bcos man ngag dang bcas pa legs par
nyan cing/ khong du chud nas da dung sgro 'dogs gcod pa'i the
tshom som nyi la sogs pa gcod pa dang/ khyad par

dbu ma dang sngags kyi skor/ bye brag tu gsang 'dus dang/ bde
mchog gi skor rnams gtan la 'bebs pa'i ched du rgya gar du
byon nas/ o tan na lendra la sogs pa rnams su klu'i byang
chub sogs la gtugs par dgongs te/ dpon slob bcu 

@006a @#/ /gsum tsam rtags dang rmi lam sogs la dpyad nas/ smon
lam dang rten 'brel gcig tu bsgrigs na gnyal nas lho brag la
lam btod/ rgya gar shing gi ri nas lam byas grub thob mi tra
dzwa ki dang mjal nas ma ga d+har 'byon dgongs te/ lho

brag tu gshegs grub chen phyag rdor pa nam mkha' rgyal mtshan
dang mjal bas/ rgya gar du byon na rje rang rig pa'i gnas bco
brgyad la mkhas pa'i paNDi ta chen po rdo rje gdan gyi mkhan
po byed ba zhig tu gyur na'ang sku tshe thung bas slob ma rnams
la phan dka' bas/

de bas bod du bzhugs nas 'jam dbyangs la gsol ba thob dang/
myur du rjes su 'dzin par 'dug gsungs nas/ khong rang la mnga'
ba'i lung man ngag rnams dang/ khyad par du mtshan nyid lam rim
la sogs pa bka' gdams kyi chos skor rnams dang/

phyag rdor gyi sgrub skor/ de'i rdzogs rim la sogs nyams khrid
mdzad/ de nas tshur gnyal du byon/ dka' bzhi pa chos skyabs
bzang po la 'dul mngon dbu ma la sogs pa mtshan nyid kyi skor
rnams dang/ bka' gdams kyi chos thams cad/ gzhan

yang chos mang du gsan cing thugs su chud par mdzad/ gnyal
gser phye skad du 'jam dbyangs bsgrubs pas zhal gzigs te/
gsung rab kyi dka' gnad du ma chod cing/ dbu ma'i rtogs pa
khyad par can 'khrungs/ de'i dus su thub dbang la rten 'brel
gyi

sgo nas bstod pa/ rtogs 'bul gyi rtogs pa mthar thug pa mdzad
do/ /de nas 'bri gung dang nyang po la sogs pa'i gnas nges med
rnams su bzhugs nas thugs dam kho na mdzad cing/ thun par
mtshams nyid kyang cung zad mdzad do/ /phyis gnam rtse ldeng du

@006b mkhas pa rnam gsum gyis chos 'khor bskor bar mdzad/ dga'
gdong du 'jam dbyangs kyi grub thob dbu ma pa brtson 'grus
sengge/ gsang mtshan dpa' bo rdo rje zhes pas/ rje rin po che
dang 'jam dbyangs kyi bar du lo tsA bzhus te/ sngags mtshan
nyid dang/ nyams len gyi gnad

bsam gyis mi khyab pa'i the tshom bcad de nges shes khyad par
can 'khrungs so/ /des na rje rin po che 'di'i grub mtha' rnams
'jam dbyangs kyi grub mtha' yin gsung ngo/ /yang dpa' bo rdo
rje brgyud nas 'jam dbyangs la mtshan nyid kyi bshad nyan kho
na dang/ sngags kyi dbang bka' rgyud kyi bshad nyan/ sgom

sgrub nyag gcig byed pa rnams bstan pa'i rgyun la gang phan/
bdag gis ji ltar bgyi/ phyi ma zhing khams gang du skye/ khyad
par bde ba can dang/ dga' ldan gang du 'brel pa che zhes bya
ba la sogs pa'i sku tshe 'di phyi thams cad kyi mdun ma rnams
zhus pas gsal bar

gsungs shing/ khyad par du sngags mtshan nyid gnyis ka'i sgo
nas bstan pa la bya ba gyis/ dbang bka'i rigs ma byed/ gzhan
du tshe thung bar 'gyur zhing/ dngos grub las ring bar 'gyur ba
dang/ bstan pa la phan thogs kyang chung du 'gro gsungs pas/
zhal

bzhugs dus su rjes gnang re tsam ma gtogs/ dbang bskur gtan mi
mdzad pa'i rgyu mtshan de yin gsung/ de nas rwa sgreng du lo
chen dpal bzang dang stabs gcig tu bzhugs te/ lo chen gyis dbu
ma sogs gsungs/ rje rin po ches lam rim la sogs

pa gsungs/ khyad par du dgon pa gong du jo bo'i sku 'dra dbu
yon ma che bar grags pa'i drung du zhag mang po gsol ba btab
pas/ thub pa nas nam mkha' rgyal mtshan gyi bar yan chad kyi
bka' gdams kyi bla ma brgyud pa rnams dang/ khyad par du'ang
jo bo rje/ 'brom ston pa//

@007a @#/ /po to ba/ shar ba rnams zla ba gcig gi bar gzigs
shing/ gdams pa dang/ rjes su bstan pa'ang mang du stsal nas/
mthar po to ba sogs gsum jo bo la thim/ a ti shas phyag spyi
bor bzhag nas/ bstan pa la bya ba rgya

cher gyis dang/ byang chub bsgrub pa dang/ sems can gyi don
byed pa'i grogs bdag gis bya yi gsungs nas/ mi snang bar gyur
pa la sogs pa'i ngo mtshar ba'i bltas mang du byung/ de rjes
mkhan chen zul phu ba/ lo chen skyabs mchog dpal

bzang/ 'bri gung chos rje la sogs pa dbus gtsang gi mkhas pa
dang/ chen por grags pa phal che bas mtshan nyid kyi lam rim
rtsom par nan gyis gsol ba btab pas/ gong gi dge mtshan rnams
dang bsgrigs pas rten 'brel 'grig

nas/ skyes bu gsum gyi lam gyi rim pa brtsams pas/ gnyan chen
thang lha dang/ zhogs lha phyug po la sogs pa dbus phyogs kyi
gzhi bdag dkar phyogs la dga' ba du mas/ nged padma saM b+ha
ba dang/ jo bo la sogs pa'i dge

bsnyen yin/ da khyed kyi mthun rkyen rnams sgrub pas thugs
rjes 'dzin par zhu zhes sgo gsum gus pas 'dud par gyur to/
de'i phyir na mtshan nyid lam rim gyi bsngo ba'i skabs su/ lam
bzang sgrag pa'i mthun rkyen sgrub byed

cing; ;'gal rkyen sel byed mi dang mi min kun/ /tshe rabs kun
tu rgyal bas bsngags pa yi/ ;rnam dag lam dang 'bral bar ma
gyur cig /ces gsungs pa lags/ gzhan yang 'bri gung ches rje la
sogs pas bskul nas/

@007b bla ma lnga bcu ba'i rnam bshad la sogs pa gnas der
rtsom pa mang du mdzad/ de nas nyang po'i ri brag rnams dang/
'bri gung tsha yug phyogs dang/ gangs ri'i dbang po 'o de gung
rgyal sogs thugs dam gang 'phel gyi gnas rnams su sbyangs pa'i
yon tan bcu

gnyis la brten nas/ lam bslab pa rin po che rnam pa gsum thugs
nyams su bzhes pas/ bdag gzhan gyi don thams cad 'bad med lhun
grub tu 'byung ba'i gzhi tshugs par gyur to/ /de yang ji skad
du/ res 'ga' rgyal la dmigs pa'i dad pa skyes//

skabs 'gar shing rta chen po'i sku drin dran/ /gzhan tshe dge
ba'i bshes la gus pa dang/ /nyam chung 'gro la snying nas
brtse ba dang/ /bstan pa rin chen ring nas gnas 'dod pa/ /'di
dag phan tshun 'gran bzhin 'phel bar gyur/ /ces gsungs te/
rgyal ba sras dang

bcas pa'i rnam thar 'dzin pa'i gsung du gda'o/ /de tsam du mdo
sngags kyi gzhung lugs rnams la ring du sbyangs pa la brtan
nas/ rigs pa dang mi rigs pa'i gnas rnams rang stobs kyis
'byed nus pa'i blo gos kyi nus pa mtha' yas pa rgyas pa'i
steng du/ rje

btsun 'jam dpal dbyangs kyis rjes su bzung zhing byin gyis
brlabs pas/ mkhas btsun bzang gsum gyi grags pas gangs can gyi
khrod 'di khyab par gyur te/ karma pa dkon gzhon lta bu'i bla
ma chod pa kun gyis kyang gus pas 'khur bar snang ngo/ /

khyad par du rje btsun 'jam dpal dbyangs kyis rjes su bzung
tshul yang/ rje nyid kyis 'di skad du/ mtshams sprin gzhon nus
'khyud pa'i gser gyi ri/ /indra nI la'i thor lcog bcings pa
bzhin/ /dmar ser sku yi yid 'phrog gang gi gtsug /

@008a @#/ /mthon mthing ral pa'i zur phud lngas mdzes pa'i/
/'jam dbyangs de yis tshe rabs kun tu bdag /dgyes bzhin rjes su
bzung ba'i drin las ni/ /gting dpag dka' ba'i chos tshul rgya
mtsho la/ /blo gros thogs pa med par 'jug par

'gyur/ /zhes gsungs te/ sngags rim la sogs pa lo chen skyabs
mchog dpal bzang po la sogs pas bskul nas brtsams pa rnams
kyang rje btsun 'jam dpal dbyangs kyi gsung ji lta ba bzhin
yin pas/ 'di lta bu'i rtsom pa sngon chad byung ma byung 

mkhas pa rnams kyis dpyad na rig par 'gyur ro/ /de ltar 'jam
dpal dbyangs kyis rjes su 'dzin pa'i rgyu rkyen yang sngags
rim du/ rgyal ba kun gyi yab gcig 'jam dpal dbyangs/ /dgyes
pa'i spyan ras tsam gyis btsa' ba las/ /rgyal ba'i dgongs

zab rtogs pa'i rnam dpyod kyi/ /mchog sbyin mdzad ces thos pas
ring zhig nas/ /rgyun mi 'chad du lhag pa'i lhar bsten cing/
/da dung khyod kyi zhabs pad spangs nas ni/ /nam yang skyabs
gzhan med do mkhyen pa'i gter/ /bdag gi re ba'i

'bras bu mchis par mdzod/ /ces gsungs shing/ lha 'di'i mtshan
rjen par mi brjod par mkhyen pa'i gter zhes gsung ngo/ /de dus
sngags spyi dang khyad par du bla med/ bye brag tu bde mchog
gi skor bod du 'gyur ro cog gi don rnams gsungs

pas; lung pa de la gsang sngags nang zhes gsung zhing/ gzhan
rnams kyi'ang de ltar du sgrog go /de nas se ra chos sdings
sogs la byon/ dbus gtsang gi dge ba'i bshes gnyen yongs su
grags pa phal che ba 'dus/ mdo sngags kyi bshad nyan rgya

@008b tsher mdzad/ de yang sku mtshams dam pa'i khog nas/ gung
ru dge sbyong la sogs pa'i bgres pa ci rigs la zhal ta byon
te/ rang de dpon slob rnams la bar chad kyi rnam pa cung zad
cig snang bas/ de sel ba'i phyir du nged 'di nas gzhan du zla
ba

'ga' 'gro gsung/ gar 'byon zhus pas/ da res bshad na mi yong
ba'i gnad cig yod gsungs nas/ dpon slob gsum gyis mtshan mo
gcig gzhan gyis ma tshor bar ra kha brag tu byon/ sku mtshams
dam par mdzad pa'i tshe/ 'jam pa'i dbyangs kyis

dbu sems kyi grub mtha'i gnad rnams gsungs nas/ da 'di rnams
kyi don bsdus pa zhig yi ger gyis gsung ba la brten nas drang
nges rnam 'byed brtsams pa yin te/ de nyid du/ rab 'byams
rgyal ba spro bar mdzad pa po/ /ma lus ye shes sdud pa

'jam pa'i dbyangs/ /shugs drag rgyun mi 'chad pa'i dad pa yis/
/snying kha'i padma'i lte bar gus bsten pas/ /gsung rab de
nyid mthong ba'i rigs smra de/ /rmad byung gtam gyi sbyor ba
'di byas so/ /zhes kyang 'byung bas so/ /de'i skabs su rje rin
po che

'di'i snyan pa'i ba dan 'jig rten gsum du g.yo ba la brten
nas/ mi dbang ta ming rgyal pos nan chen pos rgya yul du spyan
'dren pa'i 'ja' sa dang/ phyag rten gyi rnam pa du ma dang/
tA shin spel pos gser yig dang bcas pas sngar lan mang du
spyan drangs

kyang ma byon pas/ da res 'bul ba byed zer nas 'di nas 'phan
yul brgyud nas nam langs ba'i tshe se ra chos sdings su sleb pa
byas nas/ rje dang mjal phrad byed pa'i lugs su byas te/ glo
bur du lhags pas dge 'dun mang po mtshams 'grol

@009a @#/ /dgos pa dang/ chos rje ma bzhugs pa'i dag tshangs
sogs sne'u pa dpang por bzhag nas byed dgos pa byung ste/ de
dus drang por ma bshad na ni brdzun du 'gro la/ bshad na ni
dpon slob rnams la thugs g.yeng ba la dgongs

nas; gang du 'byon ma gsungs pa'i gnad kyang de ltar gda' bas/
sems dpa' chen po 'di nyid mkhyen pa la thogs pa mi mnga'
zhing/ thabs mkhas pa'i pha rol tu phyin pa yin zhes grags so/
/de nas ci zhig ltar de/ yi dam gyi lung

bstan pa dang/ bstan pa rin po che dang rgyas su bzhed pa
dang/ gzhan yang rgyu mtshan du ma la brten nas/ smon lam chen
mo mdzad par dgongs te/ rje nyid la gser 'bul ba mang du byung
ba dang/ sne'u bas mthun rkyen gyi gzhi byas/ 'bri ldan

rnams kyis dngos po'i grogs byas pa dang/ mdo dbus khams gsum
gyi dad ldan 'byor ldan du mas dad 'bul mang du byas pa la
brten nas/ gangs ri'i khrod kyi dge 'dun rnams phyogs gcig tu
bsdus nas/ bstan pa'i gtso bo sku tshab

shAkya mu ni'i drung du/ smon lam rgya mtsho lta bu cho 'phrul
chen po'i zla ba'i tshes gcig nas gnam gang gi bar mar me lha
bshos la sogs pa'i mchod pa'i khyad par dang/ sdom brtson sde
snod 'dzin pa'i 'du long de las che ba sngar

gangs can du ma byung bar nges shes grags so/ /de'i skabs ston
pa'i sku tshab shAkya seng ge longs sku'i cha lugs su mdzad
bzhed pa dang/ sngar jo bo ayon du byon nas rgya gar du phebs
pa'i dus su/ de rnams kyi mos rten du dbu rgyan der bzhag

@009b par grags shing/ de yan chad du dbu rgyan yod pa dang
cha mthun par bya ba'i phyir dang/ gzhan yang rten 'brel gyi
gnad du ma la dgongs/ gser gar blug gi brog zhu phul ba 'di
bstan pa dang sems can la phan pa'i thabs bla na med pa yin
na'ang/ rmongs pa

'ga' zhig kha mthun par 'di lta bu mi rigs te/ sprul sku la
longs sku bzos pa yin zer ba 'di longs sku gang la zer yang
ngo ma shes pa'i blun skad do/ /'ga' zhig ni lcags gzer gyis
dbu dang sbrags snang zer ba ni/ e bden lha sa'i dmus

long la dres pas kyang shes so/ /de nas yun mi ring bar 'brog
ri bo che dga' ldan rnam par rgyal ba'i gling btab/ sde snod
gsum dang bslab pa rin po che rnam pa gsum gyi sangs rgyas kyi
bstan pa dkar lam la btang/ bar skabs su snyun pa'i tshe yang
bde

bar gshegs pa gnam gyi skar ma tsam zhal gzigs/ gdams pa dang
rjes su bstan pa tshad med pa thob/ khyad par du 'jam dbyangs/
byams pa/ spyan ras gzigs/ sgrol ma/ ltung bshags kyi sangs
rgyas sum cu so lnga sogs rgyun mi

'chad du gzigs shing/ chos du ma gsan/ sangs rgyas sum cu so
lnga zhal gzigs chul yang/ de nyid kyi logs bris 'dri bar
bzhed nas/ de'i phyag mtshan gyi gsal kha bka' bstan bcos rnam
dag rnams su ma gzigs pas ga 'dra

zhig byas na rigs snyam pa'i tshe/ rgyal ba de rnams nam mkha'
la byon nas/ sku mdog dang phyag mtshan mi 'dra ba rnams gzigs/
de ji lta ba bzhin du dga' ldan gyi gtsug lag khang yangs pa
can dang/ dge 'dun gyi 'du khang la sogs par bris

@010a @#/ /nas snang/ bsnyung ba'i dus der chos skyong gi rigs
ma gzigs pa med cing/ bye brag tu dpal mgon phyag drug pa 'di
ni/ se ra chos sdings su zhal gzigs pa nas bzung ste 'du 'bral
med gsung zhing/ mgon po rnams kyi'ang mchog

tu 'dzin cing/ mgon khang du'ang phyag drug pa'i sku gcig
bzhengs zhes zhal tshams la byung bas/ chos rje dka' bcu pa la
sogs pa rnams kyis phyag len la btab pa'i tshe yang/ rgyu tshogs
bsags pa tsam gyis 'bad pa chen po ma dgos par

rang byon lta bur byon zhes grags so/ /gzhan yang rdo rje
'jigs byed chen po bzhengs dus/ rtsa zhal rang byon du byon pa
dang/ blos blangs rnam gsum bzhengs dus rdor dbyings dang/ mi
bskyod rdo rje dang/ lU i pa'i gtso bo gsum rang byon lta
bur byon zhing

bde mchog gi thugs ka na drong rta rnga tsam yod cing/ gzugs
can ma la sogs lha mo bzhi rang byon du byon/ da lta gzims
khang na bzhugs pa'i bde mchog gi dar sku khru gang tsam pa'i
zhal bzhi mdog dang bcas pa'i rang byon du byon pa sogs

dang/ rdo rje 'jigs byed chen po'i rab gnas kyi nyin par nam
mkha' dwangs pa'i dkyil nas sgra chen po 'brug sgra tsam zhig
byung nas/ mchod khang du bzhugs pa kun gyis tshor la/ de dang
mtshungs pa'i gsang 'dus rim lnga dang/ bde mchog gi rim

lnga'i rnal 'byor pa 'gas/ rdo rje 'jigs byed kyi dkyil 'khor
nam mkha' gang ba tsam phyogs bzhi gnas byung nas/ lder sku la
thim pa sogs su gzigs so/ /de la sogs pa grub pa brnyes pa'i
dge mtshan du ma dang/ grub chen brgyad cu la sogs pa'i

@010b bla ma dam pa rnams dang mjal tshul dang/ khyad par du
slob dpon sangs rgyas bskyangs byung nas/ 'grel pa budd+hA pA
li ta'i steng nas rtsa she tshar gcig gsungs pas/ de'i phyi de
nyin par 'grel pa de 'bul mi byung bas/ rten 'brel 'grig ste/
dbu ma'i

rtogs pa phun sum tshogs pa shar/ rje'i zhal nas/ 'grel pa
'di'i steng nas rtsa she'i bshad nyan byas na bstan pa la phan
pa'i rten 'brel 'dug gsung/ da lta sku tshe 'dir 'gro don rgya
chen po byung ba yang/ sngon rdo rje gdan du thub pa la shel
dkar gyi

'phreng ba brgya rtsa gcig phul nas/ byang chub tu sems bskyed
pas 'bras bu'i cha shas yin gsung/ de la sogs pa bsam gyis mi
khyab la/ skal ldan ma yin pa'i blo yul du mi shong ba'i rnam
thar du ma yod pa rnams/ gsang ba'i rnam thar lcang

ra dka' bcu pas byas par blta ba'o/ /gzhan yang grwa'i ltag gi
ri gzar po de nas pha bong chen po rnams 'gril te/ dge 'dun
rnams skrag pa dang/ cha'i phyogs nas rlung chen po gnam sa
'brel ba tsam byung ba gnyis ka la sdigs mdzub

gtad pa tsam gyis log pa dang/ rgyal 'gong la sogs pas gtses
pa rnams la byin rlabs mdzad pa tsam gyis lus sems kyi zug rdu
zhi ba sogs kyi 'phral rtags ni/ rang re rnams kyis mthong ba
la mang du yod do/ /rje rin po che 'di'i

thugs dam gyi rim pa ni/ nam phyed yol tsam nas gsang 'dus mi
bskyod rdo rje'i bdag 'jug rgyas par mdzad nas rim lnga yun
ring du bsgom par mdzad/ nam langs nas nyi ma ma shar bar la/
'jigs byed kyi rim gnyis rgyas par

@011a @#/ /bsgom/ nyi ma shar ba nas tsha bzhis la thug gi bar
la mdo rgyud gang rung gi shog ldebs sum cu tsam gsung ba
dang/ grwa lngas thog drangs pa'i bya spyod kyi gtor ma du
ma'i mjug tu zas kyi rnal 'byor dang ldan pa'i

gsol ba mdzad rin dge bshes rnams la rtsom gyi 'phro dang/ don
gnyer ba rnams kyi the tshom gcod/ de nas zab mdo gsum thugs
thog nas sdud pa gang thon bsngo ba dang bcas pa mdzad nas/
sAtstsha bcur/ che dpag med/ sman bla/ 'jam dbyangs/

sgrol ma rnams kyi sku par bdun bdun/ nyin gung la bka' 'gyur
dang/ bstan 'gyur gang rung gi gsung sgrog re dang/ rtsom gyi
'phro/ phyed yol nas srod kyi bar la dmar nag 'jigs gsum/
gdong drug rnams kyi sbyin sreg /'khor chen/ phyag bzhi pa

dang; phyag drug pa'i mngon rtogs/ gtor bsngos/ gur mgon dang
seng gdong/ gri gug dang dud gsol ma la sor ba'i gtor bsngos
rgyas pa/ bde mchog lU i pa'i bdag 'jug /bde mchog rim lnga
bsgom pa rnams go rims nges pa yin/ gzhan

yang zhag gcig la hrIH ShTrIH khri tsho/ bde mchog gi yi ge
bdun pa sum stong/ a ra pa tsa na bdun stong/ sku mtshams kyi
khog nas/ mdo sngags kyi chos thun gnyis gsum re gsung ba
rnams mthun snang ba yin/ chos gsung bzhin du gter bsngos
dang/

lha bsgom pa rdzogs rim gyi ting nge 'dzin rnams las mi g.yo
ba la sogs pa thun mong ma yin pa'i chos spyod kyang mtha' yas
so/ /de ltar zur 'debs shin tu bsdus pa'i rnam thar 'di ni
'jam dpal rgya mtshos bgyis pa'o// 'dis kyang bstan pa

@011b rin po che rgyas par gyur cig/ /rje btsun red mda' ba'i
thugs las 'khrungs pa'i sras bdun ni/ nyid kyi zhal nas/
sbyangs pa'i mchog gyur kun mkhyen shes 'od dang/ /sras kyi
mchog gyur blo bzang grags pa'i dpal/ /nyams len mchog gyur
kun

dga' dpal bzang po/ /shes rab mchog gyur nyi ma rgyal mtshan
dang/ /brtse ldan mchog gyur dpal 'byor shes rab dang/ /'chad
mkhas mchog gyur bsod nams shes rab dang/ /rtsod pa mchog gyur
dar ma rin chen te/ /gzhung lugs rab 'byams

smra ba'i bshes gnyen bdun/ /zhes gsungs so// sarba mangga
laM// //