@#/ /rje brtsun bla ma blo bzang grags pa'i dpal gyi gsang ba'i
rnam thar gsol 'debs bzhugs so/ /

@01a @##/ /chos kyi rgyal po tsong kha pa la phyag 'tshal lo/
/gang gi mkhyen pa rab yangs nam mkha' la/ /ji lta ji snyed
mkhyen pa'i 'od zer can/ /rgyal sras nyi ma rje btsun chos kyi
rje/ /dpal ldan bla ma'i zhabs rdul spyi bos

bsten/ /khyod kyi sku gsung thugs kyi yon tan rnams/ /phyogs
bcur bzhugs pa'i rgyal ba sras bcas kyis/ /ma lus brjod par mi
nus 'on kyang ni/ /dad pas spel la cung zad mnyan par gyis/
/yon tan rgya mtsho'i bstod tshig

me tog gi /phreng ba spel legs blo gsal mgrin pa'i rgyan/ /dad
pa'i bsod nams spel ba'i rin chen 'di/ /bdag gis bsgrubs la
mkhas rnams dgyes par mdzod/ /khyod kyi legs par spyad pa'i
bsod nams sprin/ /

gdul bya'i dge legs spel ba'i char rgyun can/ /zab dang rgya
che snyan pa'i 'brug sgra sgrogs/ /dpal ldan bla ma chu 'dzin
dbang po bzhin/ /ting 'dzin bye ba mang la dbang bsgyur zhing/
/legs bshad rtsom dang sgrub la mngon brtson pa/ /rnal

'byor dbang phyug sngags rig kun gyi gtso/ /dpal ldan bla ma
lus can gtsug na rgyal/ /sngon tshe rdo rje gdan du rgyal ba
la/ /rin chen shel gyi phreng ba brgya rtsa gcig /legs par
phul te byang chub sems bskyed nas/ /yang dag lta ba

rtogs pa'i skal ldan gyur/ /dpal ldan bla ma'i zhabs la gsol
ba 'deb/ /dgung lo bdun nas rje btsun gsang bdag dang/ /shing
rta chen po dpal ldan mar me mdzad/ /mngon sum gzigs shing
rgyun du rjes bzung bas/ /

@02a @#/ /sngags dang pha rol phyin gzhung gdams par bshar/
/dpal ldan bla ma'i zhabs la gsol ba 'debs/ /indra nI la'i
mdog ltar rab sngo ba'i/ /rab mdzes 'od zer lnga yi dra ba
can/ /shin tu zlu ma pa'i dbus

su 'jam pa'i dbyangs/ /mngon sum gzigs pa rje btsun chos kyi
rje/ /dpal ldan bla ma'i zhabs la gsol ba 'debs/ /de nas
brtsams te rje btsun mkhyen pa'i gter/ /nam 'dod gzigs shing
dpal ldan 'dus pa dang//

shes rab pha rol phyin gzhung zab mo'i don/ /rgyun du gsan pa
rgyal sras chos kyi rje/ /dpal ldan bla ma'i zhabs la gsol ba
'debs/ /yan lag bdun pa'i cho ga mdzad pa'i tshe/ /sangs rgyas
sum cu so lnga mngon sum

du/ /rang rang sku yi dbyibs dang phyag mtshan sogs/ /ji bzhin
rgyun du gzigs pa chos kyi rje/ /dpal ldan bla ma'i zhabs la
gsol ba 'debs/ /g.yas g.yon phyag ga chos 'chad phyag rgya
can/ /bzang po'i bzhugs stangs

mdzad pa'i byams mgon gyis/ /slar yang stobs bcu mnga' ba
gshegs pa bzhin/ /rgyal ba'i mdzad pa bsgrub par lung bstan
pa/ /dpal ldan bla ma'i zhabs la gsol ba 'debs/ /lha mi'i ston
pa shAkya'i rgyal po dang/ /sman

gyi bla dang 'dren pa 'od dpag med/ /'khor tshogs rgya mtsho'i
dbus na ltam me ba/ /mngon sum gzigs pa rgyal sras chos kyi
rje/ /dpal ldan bla ma'i zhabs la gsol ba 'debs/ /dngos grub
'byung gnas rje btsun

@02b sgrol ma dang/ /gtsug tor rnam rgyal 'phags ma 'od zer
can/ /bar chad kun sel gtsug tor gdugs dkar sogs/ /lhag pa'i
lha rnams yang yang gsal bar gzigs/ /dpal ldan bla ma'iX rgyal
sras klu sgrub rje btsun sangs rgyas bskyangs/

'phags pa lha dang dpal ldan zla ba'i zhabs/ /rnal 'byor dbang
phyug klu yi byang chub rnams/ /mngan su byon nas rgyun du
rjes bzung ba/ /dpal ldan bla ma'i x sa gsum brnyes pa 'phags
pa thogs med dang/ /kun mkhyen gnyis pa rgyal

sras dbyig gi gnyen/ /'phags pas rjes bzung phyogs kyi glang
po rnams/ /mngon sum byon nas rgyun du rjes bzung ba/ dpal
ldanX smra ba'i zla ba chos kyi grags pa dang/ /yon tan 'od
dang rgyal sras shAkya 'od/ /zhi ba lha dang dpal ldan

a b+hya ya/ /mngon sum byon nas rgyun du rjes bzung ba/ /dpal
ldanX indra b+hU ti dpal ldan sa ra ha/ /lU i pa dang rje
btsun dril bu'i zhabs/ /nag po spyod pa padma'i ngang tshul
sogs/ /mngon sum byon nas rgyun du rjes bzung ba/ /dpal ldan
bla ma'iX

'di dag gzhung la brten nas rang gzhan la/ /phan pa rgya chen
'grub pa'i rten 'brel zhes/ /'jam dpal dbyangs kyis gsal bar
lung bstan pa/ /gzhan don lhun gyis grub pa'i sems dpa' che/
/dpal ldanX zhi lhag zung du 'brel ba'i rnal 'byor gyi//

ting 'dzin yar ngo'i zla ltar 'phel ba na/ /bcom ldan rdo rje
'jigs byed rab brjed pa/ /zhal phyag yongs su rdzogs pa'i sku
mchog gzigs/ /dpal ldanX 'jam pa'i dbyangs dang rje btsun bla
ma yi/ /thugs kar shes rab ral gri 'phrel pa las/ /

@03a @#/ /zag med bdud rtsi'i chu rgyun thugs kar zhugs/ /lhan
skyes bde ba'i ting 'dzin bzang po 'khrungs/ /dpal ldan bla
ma'iX bde ba can du skye ba'i smon lam dang/ /mi pham mgon gyi
yang dag don bstod pa/ /don gyi ngo bo go rim

'jam dbyangs kyis/ /gsal bar gsungs nas tshig sbyor legs sbyar
ba/ /dpal ldan bla ma'i zhabs laX sku gsung thugs rten rab
gnas mdzad pa'i tshe/ /dam tshig pa la ye shes mngon sum zhugs/
/gang gis byin gyis brlabs pa'i

lha tshogs rnams/ /skye dgu'i bsod nams zhing du legs grub pa/
/dpal ldanX rgyal sras klu sgrub yab sras gtso 'khor lnga/
/zab mo rten 'byung gtam gyi bgro ba mdzad/ /de yi nang nas
dpal ldan sangs rgyas bskyangs/ /rgya dpes byin

brlabs 'phags pa'i dgongs pa 'khrungs/ /dpal ldanX rgyud kyi
mthar thug dpal ldan dus 'khor lo'i/ /yan lag drug gi gnad
rnams dgongs pa na/ /bcom ldan dus kyi 'khor lo mngon sum
gzigs/ /zla ba bzang po 'dra bar lung bstan

pa/ /dpal ldanX chos 'khor lha sar cho 'phrul chen po'i dus/
/ngo mtshar bkra shis sna tshogs rgyan bkod pa'i/ /mchod pa bde ba
chen por byin brlabs nas/ /phyogs bcu'i rgyal ba sras bcas mnyes
par mdzad/ /dpal ldanX

tha mal snod bcud snang stong sgyu ma dang/ /zab gsal gnyis su
med pa'i rnal 'byor gyis/ /bde chen lha yi rnam par shar ba
yi/ /sku yi rdo rje rnal 'byor chos kyi rje/ /dpal ldanX
snying kha'i padmar sgo gsum rdo rje yi/ /'gyung 'jug sngags

@03b kyi gdangs su bzlas pa na/ /zhugs gnas thim pa'i 'od gsal
phyag rgya che/ /gsung gi rdo rje'i rnal 'byor chos kyi rje/
/dpal ldanX lte ba'i 'khor lo'i gtum mo tsaNDa lis/ /spyi po'i
haM yig dbu mar zhu ba las/ /lhan skyes bde chen dpal la rnam
rol ba/ /thuD

kyi rdo rje'i rnal 'byor chos kyi rje/ /dpal ldanX phyogs bcur
bzhugs pa'i rgyal ba sras bcas rnams/ /rnam dag smon pa'i
dpang pong  spyan drangs tshe/ /rang rang phyogs kyi de bzhin
gshegs pa yi/ /sku yi bkod pas mchod pa bdag gir mdzad/ /dpal

ldan bla ma'iX 'jam pa'i rdo rje'i dkyil 'khor gtso bo yis/
'jam pa'i dbyangs dang rje btsun byams pa gnyis/ /chos kyi
bgro ba mdzad pa'i chus bkang ba'i/ /rin chen bum bzang ster
ba gsal bar rmis/ /dpal ldanX rin chen du mas

spras pa'i khri steng na/ /thams cad mkhyen pa bu ston rin
chen grub/ /'dus pa rtsa ba'i rgyud kyi glegs bam ni/ /gtad
nas 'di yis bdag po gyis zhes gsung/ /dpal ldanX glegs bam
gtad de sngags dang phyag rgya yis/ /lan gsum dbu yi steng du
byin

brlabs pas/ /lho brag mar pa'i dgongs pa bsre 'pho'i gnad/
/rgyud dang 'phags pa'i man ngag yin par dgongs/ /dpal ldanX
bde mchog 'khor lo'i sgrub pa mdzad pa'i tshe/ /dkyil 'khor pa
rnams mngon sum gsal bar gzigs/ /phyi nang gnas

gsum mkha' 'gro'i tshogs rnams kyis/ /rdo rje'i glu yi mchod
pas dkyes par mdzad/ /dpal ldanX bdud dpung gzhil ba'i thugs
dam mdzad pa'i tshe/ /gser sbyangs btso ma'i mdangs ltar rab
gsal zhing/ /nyi ma bye ba'i 'od kyi khor yug can/ /bdud

@04a @#/ /'dul chen po'i thub pa mngon sum gzigs/ /dpal ldan
bla ma'iX rje yi sku dang rgyal ba'i sku gsung thugs/ /dbyer
med mdzad nas bdud sde zil mnan pas/ /bstan srung rnams kyis
bdud rigs tshar bcad tshe/ /bdud kyi dmag

dpung pham pa'i sgra chen grag /dpal ldanX bstan srung rgya
mtsho'i tshogs kyis mngon sum du/ /sngon tshe rdo rje 'chang gis
bka' stsal bzhin/ /khyod kyi bstan pa 'dzin dang spel ba la/
/lhag par gus pa'i yid kyis tshul bzhin sgrub/ /dpal ldan bla
ma'i

zhabs laX dga' ldan gnas su mi pham chos rje'i drung/ /rgyal
ba'i sras po 'jam dpal snying po zhes/ /'jam pa'i dbyangs dang
gsang ba'i bdag po yis/ /gsal bar lung bstan rje btsun chos
kyi rje/ /dpal ldanX de ltar dang ba'i yid

kyis gsol btab pas/ /mkha' mnyam 'gro ba'i sdug bsngal sel
byed cing/ /skye dang skye bar rje btsun bla ma yis/ /rje
bzung dam chos 'dzin par byin gyis rlobs/ /bde chen lhan skyes
ye shes 'char bar mdzod/ /dngos 'dzin khrul pa'i

dri ma bsal tu gsol/ /sems nyid the tshom dra ba bcad du gsol/
/myur du khyed rang lta bur byin gyis rlobs/ /thos bsam sgom
pa'i shes rab spel du gsol/ /'chad rtsod rtsom pa'i blo gros
rgyas par mdzod/ /mchog dang thun mong

dngos grub stsal du gsol/ /myur du khyed rang lta bur byin
gyis rlobs/ /kun bzang mchod sprin nam mkha' mnyam pa dbul/
/thog med nas bsags sdig ltung so sor bshags/ /rgyal sras kun
gyi dge la yi rang zhing/ /mya ngan

@04b mi 'da' tshes 'khor bskor bar bskul/ /'di ltar bgyis pa'i
bsod nams rgya mtsho des/ /'gro kun ting 'dzin dpal la rnam rol
zhing/ /legs tshogs yar ngo'i zla ltar 'phel ba dang/ /kun
mkhyen rgyal pa'i bstan pa rgyas par shog /

ces bsod nams chen po'i dpal gyis mtho ba drung grags pa dpal
bzang po sku mched kyi gsung gis bsgrul ba bzhin gzhung lugs
'bum phrag du ma la blo'i 'od 'phro ba rigs pa smra ba
shAkya'i dge slong bkra shis dpal ldan gyis dpal

ldan 'bras spungs chos kyi sde chen por sbyar ba'o// //bkra
shis//