@#/ /rje'i rnam thar shin tu gsang ba ngo mtshar rmad du byung
ba'i gtam zhes bya ba bzhugs so/ /

@01a @##/ /slob dpon chos kyi rje thams cad mkhyen pa blo bzang
grags pa'i dpal gyi rnam par thar pa khyad par can ji lta bu
zhig lags zhis/ rje btsun la zhus pas/ de nyid kyi rnam par thar
pa

snying stobs kyi spyod pa rlabs che ba/ gsang ba las kyang chos
shin tu gsang ba ngo mtshar rmad du byung ba'i gtam bya ba ni/
'di dag yin te/ sngags mtshan nyid kyi phyogs rnams gang zag gcig
'tshang rgya

ba'i thabs su/ rgyab rten tshad ma can gyis grub pa ni/ rnam par
thar pa phul du phyin pa'i don gyi gtso bo skal pa bzang po dang
ldan pa rnams la/ ngo ma tshar rmad du byung ba'i dge tshogs spel
ba'i gtam ni

'di lta ste/ snying stobs phul du phyin pa'i sems dpa' chen po
'di nyid/ sngon rje btsun 'jam pa'i dbyangs kyis yang yang du
theg pa chen po'i dge ba'i bshes gnyen mdzad/ phyi nang gi rigs
pa'i

gnas rnams la thogs med du smra ba'i spobs pa'ang thob/ mngon
par shes pa lnga la yang mnga' brnyes/ de bzhin gshegs pa dbang
po'i tog gi drung du/ rje btsun dang 'khor mang po dang bcas

@02a @#/ /te bya na/ de'i tshe de bzhin gshegs pa dbang po'i tog
gis/ lus srog la mi lta bar lta ba rnam par dag pa dang 'bral
ba'i sngags ma dag pa'i zhing rnams su rgyas par byed pa ni/
myur

du mngon par rdzogs par 'tshang rgya'o zhes sogs kyis bsngags pa
mang du brjod/ de'i tshe sems dpa' chen po 'di nyid kyis 'khor
rgya mtsho'i dbus su bzhengs te/ ma dag pa'i zhing rnams su lta
ba rnam

par dag pa dang 'brel ba'i sngags lus srog la mi lta bar bdag
gis rgyas par byed nus par gyur cig /ces smon lam btab bo/ /de'i
mod la de bzhin gshegs pa dbang po'i tog dang 'khor byang sems

rnams kyis kyang smon lam gnang/ de bzhin gshegs pa de'i mthus/
phyogs bcu'i rgyal ba rnams kyis kyang/ thugs kyis dgongs te
sngar bzhin mdzad/ de bzhin gshegs pa thams cad

kyis/ 'di ni snying stobs phul du phyin pa'o zhes mgrin gcig tu
brjod/ de'i tshe snying stobs phul du phyin pa'i sems dpa' chen
po 'di nyid ni/ sangs rgyas kyi zhing dpag tu med pa 'das pa'i
byang shar

@02b mtshams su/ ngo mtshar rmad du byung ba'i bkod pa sna tshogs
pas mdzes pa zhes bya ba'i zhing du/ de bzhin gshegs pa seng
ge'i nga ro zhes bya bar 'tshang rgya'o zhes lung bstan/ de nas
bzung ste ma dag pa'i zhing rnams su sngags rgya

cher spel ba/ bkod pa sna tshogs kyi sgo nas grangs las 'das pa
thabs mkhas kyi mdzad pa dang/ yang zhing khams mtha' yas pa
rnams su skad cig gcig gis yang de nyid mang du rgyas par mdzad
de zhes pa dang/ de lta rtogs pa'i tshad

ni/ mtshan nyid theg pa dang bstun na zhing sbyong ba sogs kyi
'go rtsom zhes gsung/ 'o na de bzhin gshegs pa de'i sku'i tshad
dang/ rgyun pa'i 'od zer rnams kyi tshad ji ltar lags zhus pas/
rgyun pa'i sku dpag tshad gcig/ sku mdog ljang

sngon/ phyag g.yas chos 'chad g.yon mnyam gzhag gi steng na
lhung bzed bdud rtsis gang ba'i nang na bdud rtsi'i kho dog las
khyad par 'phags pa'i dbus na/ mchod sdong zur bzhi pa dbus en
cig mtho ba/ 'od zer sna tshogs kun tu

'phro ba/ bdud rtsi dang kha dog rigs gcig/ de bzhin gshegs pa
de'i zhing du dbang po rab rnams kyis mchod sdong mthong ba'i
mod la/ lta ba rnam dag dang 'brel ba'i sngags rang 'khrungs su
rang rgyud la rtogs nas bdud rtse mngon du byed/

dbang po 'bring dang tha ma rnams la gsung gis lta ba rnam dag
dang 'brel ba'i sngags 'doms pa'i ltas yin gsung/ 'khor ni lta
ba rnam dag dang 'brel ba'i sgo nas 'tshang rgya ba sha stag go
gsung/ 'o na de lta bu'i zhing du skya ba la rgyu tshogs ci

@03a @#/ /bsgrubs na skye zhus pas/ rnyed bkur la mi blta bar
snod min spangs ba'i shes brtson dad pa dang ldan pa'i dbang po
rab rnams kyis gsang sngags lam rim nas bshad pa ltar nyams su
blangs/ gzhan la'ang

bstan na zhing der skye ba dang/ dbang po 'bring dang tha ma
rnams kyang bskyed rdzogs kyi go yul mtha' gnyis su ma lhung
tsam re gus pa'i sgo nas go yul skyed/ dam tshig dang sdom pa med
mi rung gi yan lag rnams gus sbyor gyi sgo nas nyams

su blangs na zhing der skye zhes gsung/ de nas phur tshugs su
gsol ba btab pa'i skabs shig tu de lta bu'i sku'i rnam pa de
gsal ba'i 'dun pa yang dang yang du byas/ rang rgyud kyi tshogs
gsog sgrib sbyong la rtse gcig tu bsgril te 'dun pa

shugs drag po mang du byas pa'i mtshams shig tu/ de bzhin gshegs
pa de'i sku'i rnam pa mi bong gnyis las che tsam sprul sku'i cha
lugs kho lag shin tu rgyas pa sngar bshad pa ltar zhag bco
lnga'i bar du gsal po byung/ phur tshugs

su gsol ba btab ste/ zhing der skye ba'i smon lam yang dang yang
du btab/ 'o na dbang po rab rnams kyis/ zhing der skye ba'i rgyu
tshogs ji lta bu zhig bsgrubs na skye zhes bsnan nas zhus pas/
sngar bshad pa gzhir zhog/ da'i steng du

gsang sngags lam rim la gtso bor bya ste/ gzhan sngags la sogs
pa de'i yan lag tu byas la/ slar bzhin nyams su blang zhes
gsung/ sngar bshad pa bzhin dad sogs kyis nges pa gting nas
'drongs pa dang/ de bzhin gshegs

@03b pa'i sku'i don spi yid la gsal po bya ste/ sngags mtshan
nyid gang rung gi yan lag bdun pa don spyi gsal por byas te phul
na/ de nas smon lam gang 'grub thun bzhir bcad de gal po cher
byas la gdab gsung/ de lta bu'i ngo mtshar rmad du

byung ba'i gtam du bya ba/ slob dpon thams cad mkhyen pa shar
tsong kha pa blo bzang grags pa'i dpal gyi rnam par thar pa/
gzhan las phul du phyin pa 'di/ slob dpon rin chen rgyal mtshan
bas bka' gnang zhing/ rang gi slob ma mdo smad pa

bsod she dang/ mnga' ris pa dbon po nam mkha' bzang po gnyis
kyis/ gser gyi maNDal phul te bskul ba la brten nas/ spong ba pa
'jam dpal rgya mtshos gsol ba yun ring du btab nas/ rje btsun gyi
bka' ji lta ba bzhin du/

yos lo zla ba brgyad pa'i tshes brgyad la yi ger bkod pa'o//
manggalaM//