@#/ /rje rin po ches ba so chos rje la gcig brgyud kyi tshul du
gnang ba'i bla ma'i rnal 'byor bzhugs so//

@01a @#/ /na mo gu ru/ skyabs 'gro sems bskyed tshad med bzhi sogs
sngon du btang nas/ rang gi spyi bor sengge chen po brgyad kyis
bteg pa'i rin po che'i khri yangs shing rgya che ba'i steng du/
padma dang zla ba'i gdan

la ngo bo drin can rtsa ba'i bla ma chos kyi rgyal po tsong kha
pa yin pa la/ rnam pa rje btsun 'jam dbyangs sku mdog dmar ser
zhal gcig phyag gnyis kyi g.yas ral gri 'phyar zhing g.yon
gyis glegs bam thugs kar

'dzin pa/ zhabs rdo rje skyil krung gis bzhugs pa/ rin po che'i
rgyan dang dar sna tshogs kyi na bza' can/ mtshan dpes brgyan pa'i
lha'i sku snang la rang bzhin med pa/ nam mkha'i 'ja' tshon lta
bu 'od zer gyi phung po chen

po'i dbus su bzhugs pa/ de'i spyi bor oM dkar po/ mgrin par
AH dmar po/ thugs kar hUM sngon po/ thugs ka'i hUM las 'od
zer 'phros/ zab mo lta brgyud/ rgya chen spyod brgyud/ nyams len
byin rlabs brgyud pa'i

bla ma rnams dang/ gzhan yang/ rang gi chos 'brel dngos su thob
pa'i bla ma yi dam sangs rgyas byang sems/ dpa' bo mkha' 'gro
chos skyong bsrung ma'i tshogs dang bcas pa thams cad spyan
drangs/ spyi bo'i bla ma la thim

pas/ de nyid skyabs gsum kun 'dus kyi bdag nyid du mos nas/
gdung shugs drag pos dmigs brtse ma 'dren cing gsol ba btab pas/
bla ma'i spyi bo'i oM las 'od zer dang bdud rtsi dkar po dpag
tu med pa

@02a @#/ /byung/ rang gi spyi bor thim/ bla ma'i sku'i byin rlabs
zhugs/ dbang bzhi'i nang nas bum dbang thob/ thoD med nas lus
kyi sgo nas bsags pa'i sdig sgrib bag chags dang bcas pa thams
cad dag /sku rdo rje

'grub pa'i nus pa bzhag byung snyam du mos nas dmigs brtse ma
'dren cing/ yang sngar bzhin gsol ba btab pas/ bla ma'i mgrin
pa'i AH las 'od zer dang bdud rtsi dmar po dpag tu med pa
byung/ rang gi mgrin par

thim; thoD med nas ngag gi sgo nas bsags pa'i sdig sgrib bag
chags dang bcas pa thams cad dag /bla ma'i gsung gi byin rlabs
zhugs/ dbang bzhi'i nang nas gsang dbang thob/ gsung rdo rje
'grub pa'i nus pa

khyad par can bzhag byung snyam du mos nas/ dmigs brtse ma 'dren
cing/ yang sngar bzhin gsol ba btab pas/ bla ma'i thugs ka'i
hUM las 'od zer dang bdud rtsi sngon po dpag med byung/ rang gi
snying khar thim/

thoD med nas yid kyi sgo nas bsags pa'i sdig sgrib bag chags
dang bcas pa thams cad dag/ bla ma'i thugs kyi byin rlabs zhugs/
dbang bzhi'i nang nas shes rab ye shes kyi dbang thob/ thugs rdo
rje

'grub pa'i nus pa khyad par can bzhag byung snyam du mos nas
dmigs brtse ma 'dren cing/ yang sngar bzhin gsol ba btab pas/
bla ma'i gnas gsum gyi yi ge gsum las 'od zer dkar dmar mthing

@02b gsum byung/ rang gi gnas gsum du thim/ thoD med nas lus
ngag yid gsum gyi sgo nas bsags pa'i sdig sgrib bag chags dang
bcas pa thams cad dag /bla ma'i sku gsung thugs gsum gyi byin
rlabs zhugs/ dbang bzhi'i nang nas tshig dbang rin po che thob/

sku gsung thugs rdo rje gsum dbyer mi phyed pa'i zung 'jug rdo
rje 'chang 'grub pa'i nus pa khyad par can bzhag byung snyam du
mos nas dmigs brtse ma 'dren/ de nas rang gi spyi bo nas snying
ga'i bar du rtsa dbu ma phyi dkar la nang dmar ba/ yar sna spyi
bo la zug

pa rgya mthongs kha bye ba lta bu/ bu ga skya thal le yod pa/
mar sna rag dung gi zhabs kyi rnam pa can snying gar gnas pa/
rang gi snying gar padma dmar po 'dab ma brgyad pa/ kha gyen du
shag phye ba/ de'i dbus su rang gi sems nyid d+hIH dmar ser du
gsal

btab de nas spyi bo'i bla ma la dmigs nas/ bla ma rin po che
bdag gi blo chos su 'gro bar byin gyis rlobs/ chos lam du 'gro
bar byin gyis rlobs/ chos la bar chad med par byin gyis rlobs/
phyin ci log gi blo sna mtha' dag 'gag par byin gyis

gyis rlobs/ phyin ci ma log pa'i blo sna mtha' dag bde blag tu
rang rgyud la skye bar byin gyis rlobs/ byams snying rje byang
chub kyi sems khyad par can bdag gi rgyud la skye bar byin gyis
rlobs/ bdag med rtogs pa'i shes rab khyad par can bdag gi rgyud
la

skye bar byin gyis rlobs/ lam rim pa gnyis kyi rtogs pa khyad
par can rang rgyud la skye bar byin gyis brlab tu gsol/ zhes
gsol ba btab pas/ bla ma rtsa dbu ma'i nang nas mar byon nas/
rang gi sems d+hIH dmar sar du gsal ba la thim/ bla

@03a @#/ /ma dang rang gi sems rje btsun gsum dbyar mi phyed pa'i
ngang la dar gcig mnyam par gzhag go /de nas rang gi snying kha
padmar gsal ba kha 'ub 'dus pa'i rje btsun gyi ral ba'i thor ceg
gi mtshams/ oM a ra pa tsa na d+hIHI

sngags kyis bskor bar msam mo/ /de rjes skye ba kun tu yang dag
bla ma dang/ /'bral med chos kyi dpal la longs spyod cing/ /zhes
sogs brjod// mangga laM//