@001a @#/ /dge slong gi bslab bya gnam rtsed ldeng mar grags pa
bzhugs so/ /

@001a @#/ /snyan pa'i ba dan 'jig rten gsum du grags/ /dam pa'i
chos sgra sengge'i sgra bsgrags pa/ /thams cad mkhyen pa dkon
mchog mdzod brnyes pa/ /zhabs la tshangs dbang gtsug gi nor bus
gtugs/ /

sdug bsngal rgya mtsho gting mtha' med brgal ba/ /'gro ba'i gtso
la spyi bos phyag 'tshal te/ /thams cad mkhyen pa'i bslab gzhi
dkon mchog snod/ /'phags pa'i tshogs kyi dbus su dbye bar bya/
/nges par 'byung ba'i tshul

khrims sdug bsngal spong/ /'jig tshogs lta ba gdon gyi rtsa ba
'joms/ /dpal 'byor sa dang me tog mda' can 'joms/ /sangs rgyas
la ni ma gos gtugs bshad par bya/ /'di dang phyi ma'i phun sum
tshogs pa thams cad

'grub pa dang/ rgud pa thams cad sel ba'i 'byung gnas ni bde bar
gshegs pa'i bstan pa kho na yin la/ de la 'jug pa'i tshul ni
mdzod las/ tshul gnas thos dang bsam ldan pas/ sgom pa la ni rab
tu sbyor/ zhes thos

bsam sgom gsum gang byed kyang thog mar tshul khrims rnam par
dag
pas gzhi bzung nas bya bar gsungs pas rab tu byung ba dang
bsnyen par rdzogs pa'i rten gyis ni thog mar rang gis khas
blangs pa'i tshul khrims dag pa la

'bad par bya'o/ /de skad du yang mgon po klu sgrub kyis/ dang
por bslab la rab gus bya/ /so sor thar pa 'dul bcas pa/ /mang
thos don gtan dbab la bsgrim/ /zhes gsungs pa'i phyir ro/ /de
ltar bslab par bya ba'i gnas ston pa'i

@002a @#/ /'dul ba ni/ chos kyi rje mya ngan las 'das nas ston
pa'i dod du bzung ste gus pas nyan pa dang/ thos nas kyang nyes
spyod rags pa lta ci smos/ phra ba rnams la yang 'bad pa chen
pos bsrung dgos pa la sogs pa ni/ rgyal ba'i

lung rnam par 'byed pa las/ nga ni mya ngan 'das gyur na/ /'di
ni khyed kyi ston pa zhes/ /rang byung nyid kyis gus bcas pas/
/nan tan dge slong tshogs mdun gtad/ /'dul 'di so so thar pa
de'i/ /rnam 'byed yin par dgongs pas na/ /thar

'dod rnams kyis gus byas te/ /'di ni nan tan mnyan par bya/
/zhes dang/ thos nas drang srong chen po yis/ /ji skad gsungs
bzhan bsgrub par bya/ /kha na ma tho phra rnams la/ /brtun cing
byed pa nyid du gyis/ /rtag tu 'bad pas bda' ba yi/ /

sems rta kha glan dka' ba la/ /mthun pa'i gzer rnon brgyab pa
yi/ /srab ni 'dul ba 'di yin no/ /che ba gang dag ngag tsam
gyis/ /ldog cing mtshams las mi 'da' ba/ /de dag mi rta bzang po
ste/ /nyon mongs g.yul las nges rgyal

'gyur; ;su la srab 'di med pa dang/ /nam du'ang 'dod par mi
'gyur ba/ /de dag nyon mongs g.yul gyis dkrugs/ /'jog bral rnam
par 'khyam par 'gyur/ zhes gang gsungs pa bzhin no/ /de'i phyir
rab tu byung ba dang bsnyen par

rdzogs pa'i sdom pa dang ldan pas bslab pa bsrung ba'i tshul la/
ma thob pa thob par byed pa dang/ thob pa mi nyams par bsrung ba
dang/ nyams na phyir bcos pa'i bcas pa las mi 'gal bar bya ba
gsum/ dang po la sdom ldan gyi

@002b rten sgrub pa dang/ bsgrubs nas ji ltar bsrung ba'i tshul
gnyis/ dang po la gang gis sgrub pa'i rten/ gang la bsgrub pa'i
yul/ ji ltar sgrub pa'i cho ga gsum/ dang po la dge tshul dang
bsnyen rdzogs su sgrub pa'i rten gnyis/ dang po la/ mkhan po/
slob dpon/ zhu

ba'i gang zag /zhu sa'i yul dang bzhi/ dang po mkhan po ni/
btsun pa'i yan lag tu rtsa ba'i ltung bas ma gos shing/ rang
bzhin gyi kha na ma tho ba la 'dzem pa/ brtan pa'i yan lag tu
bsnyen par rdzogs nas bar ma chad du lo bcu lon pa/ mkhas pa'i

yan lag tu 'dul ba shes pa/ phan 'dogs kyi yan lag la lta ba
mthun pa/ mtshan mthun pa/ tha snyad gsum dang ldan pa/ lus tha
mal du gnas pa/ sa rang bzhin du gnas pa/ snying rje dang ldan
pa/ bzod pa dang ldan pa/ nang 'khor ba dag pa/ chos dang

zang zing gi phan 'degs la brtson pa/ dus su 'doms pa ste chos
bcu'o/ /dus su 'doms pa de yang mkhan po byas nas mkhan bu la
bslab bya rnams tshul bzhin du ston pa la bya ste/ de ltar yang
lung las/ bzhin bzang/ bcom ldan 'das kyis/ dge slong dag shan

pa byed du bcug pa ni zla'i rab tu phyung zhing bsnyen par
rdzogs par byas nas yal bar bor ba ni mi rung ngo zhes bka'
stsal pa/ 'di yang sems can dmyal bar 'gro bar 'gyur la kho be
yang ltung ba dang bcas par 'gyur bas kho bo 'di rab tu mi 'byin
to/ /zhes

gsungs pa yin no/ /de'i phyir mkhan po byas nas de'i las su bya
ba mkhan bu la bslab bya mi ston par yal bar 'dor ba ni ches mi
rigs so/ /gal te dag slong 'ga' zhig gis 'di rab tu phyungs shig
dang kho bos bslab bya rnams bstan par bya'o zhes

@003a @#/ /khas len na rang gis mi ston kyang nyes pa med par
sprul pa rab tu phyung ba dang/ spangs pa la stobs pa'i byung
ba'i mtha' las shes so/ /gnyis pa slob dpon ni/ bsnyen par
rdzogs pa'i sdom pa dag pa/ lta ba mthun/ mtshan mthun/ tha snyad

gsum dang ldan/ lus tha mal du gnas/ sa rang bzhin du gnas/
mkhan po las gzhan yin pa/ dge tshul gyi sdom pa 'bogs par nus pa
ste chos brgyad ldan no/ /gsum pa zhu ba'i gang zag ni mkhan po
las gzhan yin pa yan chad slob dpon dang

'dra la de'i steng du mtshams nang na gnas pa/ zhu ba'i cho ga la
mkhas pa ste chos dgu dang ldan pa'o/ /bzhi pa zhu sa'i yul ni/
grangs tshang/ sa rang bzhin du gnas/ thos pa'i nye 'khor du gnas
pa ste chos gsum ldan na/ /gnyis pa bsnyen rdzogs su sgrub pa'i

rten la/ mkhan po/ slob dpon/ dge 'dun/ dus go ba dang bzhi/
dang po ni sngar dang 'dra la/ gnyis pa slob dpon la gnyis las
las las byad pa ni kha skong du 'os shing las kyi cho ga shes
pa'o/ /kha skong du 'os pa'i las mkhan med pa'i tshe dge 'dun
mtshan nyid

dang ldan pa tshang na rtsa ba'i ltung ngas ma gas pa tsam gyis
kyang las 'chags la/ ltung pa nyas byas su 'gyur ro/ /gsang ste
ston pa ni bsnyen rdzogs kyi sdom pa dag pa nas sa rang bzhin du
gnas pa'i bar drug dge tshul gyi slob dpon dang 'dra la/ de'i
steng du bar chad dri

ba'i chog la mkhas pa ste rang gi ngo bo chos bdun dang ldan
zhing/ bsko ba'i dus su/ 'dun pa/ zha sdang/ 'jigs pa/ rmongs
pas mi 'gro ba/ tshogs su ma longs pa/ spro ba dris nas spro ba/
sngar ma bskos pa ste chos bcu bzhi dang ldan pa'o/ /gsum pa dge
'dun la/

@003b yul dbus su bcu dab mtha' 'khob tu med na lnga'i sgo nas
grangs tshang ba/ kha skong du 'os pa/ mi mthun pa gnyis dang
bral ba ste chos gsum dang ldan pa'o/ /bzhi pa dus go ba ni/ las
mkhan las gzhan pa'i dge slong dus brjod pa'i cho ga la mkhas
pa'o/ /de ltar gong du smos

pa'i mtshan nyid de rnams las gang yang rung ba gcig mi ldan par
yang rab tu byung ba dang bsnyen rdzogs sgrub par byed na byed
pa po mtshan nyid dang mi ldan pa'i cha nas gzhis bsdus pa'i nyes
byas su 'gyur ro/ /bsgrub bya yul la mthun rkyen tshang ba dang/
'gal rkyen spangs pa

gnyis/ dang po la lus dang/ bsam pa dang/ rtags phun sum tshogs
pa dang gsum/ dang po lus phun sum tshogs pa ni dge tshul la lo
bdun lon zhing bya rog skrod nus pa dang/ bsnyen rdzogs la skyas
nas lo nyi shu lon pa'o/ /de yang mngal ba shol dang bcas te lo
nyi shu

lon pa tsam gyis ni mi rung ste/ 'grel chen las/ bsnyen par
rdzogs par 'dod pa'i gnas skabs su ni brtsi bar mi bya ste/ gal
te rtse bar byed na rdzogs par bsnyen pa ni 'chags la rdzogs par
bsnyen par byed pa dag la ni 'gal tshabs can du 'gyur ro zhes
gsungs pa'i phyir ro//

gnyis pa bsam pa phun sum tshogs pa ni yan lag ris su ma tshad
pa'i sgo nas sdom pa len par 'dod pa dang/ thob par shes pa/ mya
ngan las 'das pa'i bsam pa dang ldan pa'o/ /gsum pa rtags phun
sum tshogs pa la gos dang/ snod spyad dang/ lus kyi byi byad kyi
rtags gsum

mo/ /dang po gos kyi rtags ni dge tshul la bla gos mthang gos
gding ba chu tshags/ bsnyen par rdzogs pa la de'i steng du snyam
sbyar rnams rung zhing tshad dang ldan pa brnyan po yan chad kyi
sgo nas tshang ba'o/ /gnyis pa snod spyad ni lhung bzed rung
zhing tshad dang ldan pa brnyan po yan chad kyi sgro

@004a @#/ /nas tshang ba'o/ /gsum pa lus kyi byi bya'i kyi rtags
ni skra dang kha spu tshad las lhag pa rnams tshul dang mthun par
bregs shing yan lag lnga yan chad kyi khrus byas pa'o/ /gnyis pa
'gal rkyen spangs pa ni mtshams med sogs skye ba'i bar chad dang/
pha

mas ma gnang ba sogs gnas pa'i bar chad dang/ nad pa sogs khyad
par du 'gyur ba'i bar chad dang/ lag rdum sogs mdzes pa'i bar
chad dang bral ba'o/ /de ltar bshad pa'i mthun rkyen gang rung
ma tshang ba dang 'gal rkyen gang rung ma spangs par rab byung
bsnyen rdzogs byed na

bsgrub bya yul mtshan nyid dang mi ldan pa'i cha nas sgrub par
byed pa po la nyes par 'gyur zhing/ lhung bzed brnyan po yang ma
'byor na rab tu byung ba tsam byed pa la nyes pa med la/ bsnyen
rdzogs byed du mi rung ngo/ /gsum pa ji ltar sgrub pa'i cho ga
la dge tshul dang/ bsnyan rdzogs

su sgrub pa'i cho ga gnyis/ dang po la sbyor ba/ dngos gzhi/
mjug gi cho ga gsum/ dang po ni thog mar dge tshul gyi mkhan por
phyogs pa des rab tu 'byung 'dod de la bar chad dri zhing yongs
su dag par shes nas rab tu dbyung bar khas blang ngo/ /de'i 'og
tu skyabs 'gro

rtsom byed du byas nas dge bsnyen du khas blang ba dngos gzhi'i
cho ga lan gsum dang mjug bslab pa brjod pa lan cig bya'o/ /dge
bsnyen tsam la gnas par 'dod na dus go bar bya zhing sngon du
bar chad 'dri mi dgos la/ sngar nas dge bsnyen gyi sdom pa dang
ldan pa cig

rab tu byung ba byed na bar chad rnams dris nas zhu ba byed pa
la gtad par bya'o/ /de yang 'dir skyabs 'gro'i brda 'phrod pa'i
sgo nas bsgrub bya 'a mya ngan las 'das pa'i bsam pa skyes pa
cig dgos te/ de med par so sor thar pa'i sdom pa mi skye la 'di
dang dge tshul gyi skabs su  

@004b skyabs su 'gro bas myang 'das kyi bsam bsgrub dgos pa'i
phyir ro/ /de lta na bsnyen rdzogs kyi skabs su myang 'das kyi
bsam pa gang gis sgrub snyam na/ gsol 'debs kyi cho ga las bdag
bsnyen par rdzogs par mdzad du gsol zhes bya ba las te/ rdzogs
pa ni mya ngan

las 'das pa yin la/ bsnyan pa ni de la nye ba ste/ de thob par
mdzad du gsol zhes pas chos la skyabs su 'gro ba'i don tshang
zhing skyabs 'gro'i gtso bo yang de nyid yin pa'i phyir ro/
/myang 'das kyi bsam pa med par so sor thar pa'i sdom pa mi skye
na 'khor ba mtha' dag gi

nyes dmigs shes nas 'dor 'dod kyi blo bcos ma ma yin pa ma skyes
kyi bar du sdom pa mi sbyin par 'gyur ro snyam na/ 'dir myang
'das kyi bsam pa ni srid pa'i skyon dang zhi ba'i phan yon bsams
pas yid 'gyur ba'i myong ba shugs drag la mi byed kyi/ skyabs
'gro'i

brda 'byor ba'i go ba brtan po la byed do zhas gsung ngo/ /de
ltar rang gis dag bsnyen du bsgrubs nas rab byung gi zhu ba byed
pa'i dge slong la tshig gis gtad cing des kyang yongs su dag gam
zhes dris la dag go zhes zer na zhu bar bya'o/ /zhu ba'i tshul
yang mtshams

nang der gtogs pa'i dge 'dun thams cad gnas gcig tu 'dus pa 'am/
so so na 'khod kyang phan tshun gcig gis gcig gi kha bskang ste
dge 'dun du longs pa byas nas thams cad la zhu bar bya zhing/
mtshams nang de na dge 'dun du longs pa med na sngags kyi

zhu mi dgos so/ /mkhan po las gzhan pa'i yul gyis gal te yongs
su dag na'o zhes brjod par bya'o/ /de'i 'og tu mkhan por gsol ba
lan gsum btab la gtsug phud ma gtogs pa skra dang kha spu bregs
shing khrus byas nas gtsug phud breg ;

@005a @#/ /skabs gang yang rung bar mtshan brtag go /mkhan po'i
rkang pa gnyis la gtugs pa'i phyag byed du bcug nas mkhan pos
bla gos mthang gos lhung bzed gdir ba chu tshags rnams sbyin
zhing bskon la skyabs 'gro rtsom byed du byas nas

rab byung bar ma sbyin no/ /de nas mkhan pos dge tshul du sgrub
pa'i slob dpon la gtad la des kyang bar chad kyi chos kyis dag
gam zhes dri zhing mkhan pos lan gdab bo/ /gnyis pa dngos gzhi'i
cho ga ni/ skyabs 'gro rtsom byed du byas nas dge tshul du sgrub

pa'i cho ga lan gsum brjod do/ /gsum pa mjug gi cho ga ni/ bslab
pa brjod pa'i cho ga lan cig dang/ de ma thag tu bsnyen rdzogs
mi byed na slob dpon las gzhan pa'i dge slong gcig gis dus go
bar bya'o/ /gnyis pa bsnyen rdzogs su sgrub pa'i cho ga la sbyor

ba/ dngos gzhi/ mjug gi cho ga gsum/ dang po ni mkhan por phyogs
pa des las gral la ma 'dus pa'i snga rol tu slob dpon gnyis dang
dge 'dun la tshig tsam gyis zhu ba dbul/ dge 'dun yang 'dir mtha'
'khob kyi cho ga'i dbang du byas pa yin pas mtshan nyid dang

ldan pa lnga'i grangs tshad nges par dgos shing de las lhag pa
bsag sa yod bzhin du mi gsog na nyes byas su 'gyur ro/ /mtshams
nang gi dge slong 'du bar 'os pa ma 'dus pa rnams la 'dun pa
blang zhing dngos su 'dus pa rnams kyis snga rol tu nyes pa
bsdam par

'os pa rnams bsdams/ bshags par 'os pa rnams bshags/ byin gyis
brlab par 'os pa rnams byin gyis brlabs nas 'dus la/ de'i 'og tu
mkhan por gsol ba lan gsum gdab/ mkhan pos chas gos gsum byin
gyis brlabs te byin la gding ba chu tshags

@005b tshig gis sbyin no/ /de nas mkhan pos lhung bzed brtags te
tshig gis bskos pa'i dge slong gcig gis dge slong re re lhung
bzed bstan la mkhan pos byin gyis brlabs te sbyin/ de'i 'og tu
bsgrub bya de las mi thos shing ba ltar snang ba'i nye 'khor du
bzhag ste/

dge 'dun rnams kyis gnas kyi blo mthun dgos pa yod na byas la
las byed pas gsang ste ston pa bcal/ spro ba dras nas gsol ba'i
las kyis bsko/ de nas gsang ston gyis lkog tu bar chad dri/ dag
par shes nas nang du 'ong ba zhu/ dge 'dun gyis lan gdab/ de'i

'og tu las byed pas bsnyen par rdzogs par gsol ba lan gsum 'debs
su bcug la/ gsol ba'i las kyis thugs bstun nas bar chad dri bar
bya'o/ /gnyis pa dngos gzhi'i cho ga ni las byed pas gsol bzhi'i
las kyis bsnyen par rdzogs pa nye bar bsgrub

par bya'o/ /gsum pa mjug gi tshig ni sdom pa thob pa'i dus go bar
bya ba dang gdams ngag bcu gcig brjod pa'o/ /'di dag na tshig la
mkhas pa'i yan lag tu mdo tsam smos par zad kyi rgyas par ni las
kyi cho ga khung ma nas 'byung ba rnams dang/ gzhan yang la

tshigs mi shes na mtshan gyi nye 'khor du spu skyes pa sgyu thabs
kyis brtag pa dang/ bsnyen par rdzogs 'dod shing la sogs pa la
mdzeg tu mi gzhug pa dang/ mtshams kyi phyi rol tu mi gtang ba
dang/ bsnyen pa rdzogs ma thag pa la gnas rnams nges par

rjod dgos pa la sogs pa rnams legs par shes par byas nas rab tu
byung ba dang bsnyen par rdzogs par bsgrub par bya'o/ /de ltar
cho ga de dag las gang yang rung ba re re dang 'gal bar byas na
yang cho ga tshul bzhin du ma bsgrubs pa'i cha nas nyas byas su
'gyur

@06a @#/ /ro/ /gnyis pa bsgrubs nas ji ltar bsrung ba'i tshul la
gnas la brten pa'i tshul/ bsnyen bkur gyi gnas dang gnas ma yin
pa la ji ltar bsgrub pa/ rang gi bya ba la ji ltar bsgrub pa/
nad pa dang nad g.yog gis ji ltar bsgrub pa/ gnyug mar gnas

pa dang gsar bu'i kun spyod/ gnas dang g.yog 'khor bskyang ba'i
tshul dang drug /dang po la gnas la brten pa'i tshul dngos dang/
de dang rjes su mthun pa'i bslab bya gnyis/ dang po la gnas bca'
ba dang/ bcas nas ji ltar bsgrub pa'i tshul gnyis/ dang po la
gang la

gnas pa'i yul/ gang gis gnas pa'i rten/ ji ltar gnas pa'i chog
/bla mar gyur nas mtshan nas smos pa'i tshul/ gnas bcas pa 'jig
pa'i rgyu/ gnas la brten pa dang bya ba gzhan 'doms pa'i tshe ji
ltar bya ba/ gnas la brten pa'i dmigs bsal dang bdun

dang po ni mkhan po'i skabs su bshad pa'i chos bcu gsum dang
ldan pa'o/ /gnyis pa ni bla ma la gus pa/ sde lnga'i sdom pa gso
rung dang ldan pa/ dge ba la brtson pa/ bla ma'i bya ba la grims
pa/ dul ba dang ldan pa/ bzod pa dang ldan pa ste drug dang/ dge
slong

yin na bsnyen par rdzogs nas lo bcu ma lon pa'am lan yang lnga
chen gang rung dang mi ldan pa'o/ /gsum pa cho ga la gsum las
sbyor ba ni gzhan la dri ba dang rang gis kun spyod lta ba sogs
kyis bla ma'i mtshan nyid brtags te tshig gis zhu ba dang/ des
kyang gnas

pa'i mtshan nyid brtags nas skabs dbye ba dang/ gnas kyi rkang
mthil gnyis la lag pa gnyis kyis bcangs nas so/ /dngos gzhi ni/
btsun pa dgongs su gsol/ bdag ming 'di zhes bgyi ba btsun pa la
gnas bca' bar gsol na/ btsun pas bdag la

@06b gnas bca' ba stsol cig /bdag btsun pa la gnas 'cha' zhing
mchi'o/ /zhes lan gsum brjod/ mjug thabs yin no'i lan du/ legs
so brjod/ gnas de na rang las bslab pa rgan pa med na gzhon pa
brtan mkhas dang ldan pa la gnas bca' bar bya la de

la phyag mi dgos zhing mkhan po la gnas na cho ga'i sgo nas
'cha' mi dgos so/ /mkhan po dang gnas kyi bla ma gzhan tshogs na
mkhan po kho na la gnas par bya zhing mkhan po las gzhan pa'i
gnas kyi bla ma du ma tshogs na gang 'dod pa la gnas par bya'o/
/bzhi pa

mtshan nas smos pa'i rim pa ni/ mkhan po dang slob dpon min pa la
mkhan po dang slob dpon zhes mi brjod la/ mkhan po dang slob
dpon zhes ma sbyar bar mkhan slob kyi ming mi gzung zhing/ khyad
par du don gyi slad du mtshan nas smos te zhes ma sbyar bar mkhan
po'i

ming nas mi brjod/ bslab pa rgan pa la yang gnas brtan dang tshe
dang ldan pa zhes pa la sogs pa'i nye tshig med par ming mi brjod
do/ /lnga pa 'jig pa'i rgyu la gsol ba btab pa dang/ bya ba byed
pa'i 'jig rgyu gnyis/ dang po ni ma dad pa sogs chad pa'i rgyu
lnga dang/

spyo ba dang/ song ba dang/ chos ma yin pa'i phyogs su song ba
dang/ mkhan po mthong ma thag tu gnas bcas pa btang bar gyur pa
dang/ gnyi ga la mi ltos pa byung ba dang/ shi ba dang/ dge
slong min par gyur pa dang/ mtshan gyur pa'o/ /gnyis pa ni snga
ma

rnams kyi steng du mtshams tha dad du gyur ba'o/ /'jig rgyu de
gnyis kyi khyad par ni gsol ba btab pa'i 'jig rgyus ni gnas bcas
pa'i cho ga yang 'jig la/ bya ba byed pa'i 'jig rgyus ni gnas
med kyi nyes pa 'gegs pa tsam 'jig par byed do/ /drug pa

@07a @#/ /gnas dang bya ba gzhan 'doms pa'i tshe ji ltar bya ba
ni/ gnas gang na gso sbyong yod cing gnas kyi bla ma med pa der
las su mi bsko ba dang/ gnas khang dang 'khor 'bul ba la sogs
pa'i bsnyen bkur bstabs pa'i sgo nas gnas kyi bla

ma gnas gzhan nas btsal bar bya zhing/ ma rnyed na gso sbyong
yal bar dor nas gnas kyi bla ma yod sar 'gro bar bya'o/ /de
bzhin du dbyar snga ma khas len pa dang/ blangs zin nas zla ba
dang po bsrung ba dang/ dbyar phyi ma'i zla ba dang po gnyis las
lhag pa bsrung

ba dang gnas kyi bla ma med pa 'doms pa'i tshe yang gnas kyi bla
ma btsal zhing ma rnyed na gzhan du 'gro par bya'o/ /dbyar snga
ma'i zla ba phyi ma gnyis bsrung ba dang/ dbyar phyi ma'i khas
len dang/ blangs nas zla ba dang po gnyis bsrung ba dang gnas
kyi bla ma med pa 'doms

na sngar bzhin du las su mi bsko ba la sogs pas gnas kyi bla ma
btsal zhing ma rnyed na gnas la brten pa yal bar dor nas dbyar
gyi dam tshig bsrung bar bya'o/ /de'i tshe yang de rnams kyi nang
nas ches rgan pa la gzhan rnams kyi bya ba zhu dgos shing dgag

dbye la gzhan du 'gro bar bya'o/ /gnas kyi bla ma spo mgu spyod
pa la sogs pa'i tshe yang gnas su 'os pa gzhan med na ches rgan
pa la bya ba zhu bar bya'o/ /glo bur du 'ongs pas nyi ma gnyis
pa'am gsum pa la gnas bca' bar bya zhing zhag gcig gi

ched du gnas mi bca' la gnas nye bar mi gnas na gzhan la bya ba
zhu bar bya'o/ /bdun pa dmigs bsal ni/ lo lnga lon zhing lnga
tshan tha ma dang ldan pa ljongs rgyu ba'i dus dang/ dbyar snga
ma'i zla ba phyi ma gnyis dang phyi ma'i zla ba dang po gnyis
kyi dus dang

@07b gnas pa gzhan na gnas pa'i dus dang/ gnas tshal ba la zhugs
pa ma rnyed pa'i dus dang/ glo bur bas ngal bso ba'i dus dang/
zhag gcig gzhan du phyin pa'i dus dang/ gnas nas phyung ba'i dus
dang/ gnas dkag pa dang/ de rnams kyi dod thub pa ste

dgu'o/ /gnyis pa bcas nas ji ltar bsgrub pa la/ gnas pas ji ltar
bsgrub pa dang/ gnas kyi ji ltar bsgrub pa gnyis/ dang po la
bsam pas bsten pa dang/ sbyor bas bsten pa'i tshul gnyis/ dang po
ni gnas kyi bla ma la pha'i 'du shes skyed pa dang/ khrel 

yod pa dang/ bag skyong ba la zhum pa'i ngo tsha dang ldan pa
dang/ de'i dbang gis dam pa ma yin pa'i las la mi 'jug pa'i gus
pa dang bcas pa dang/ rje sa dang bcas pa dang/ nga rgyal dang
rgyags pa bcom pas sems dma' bar bya'o/ /gnyis pa sbyor bas
bsten pa

la snyun gsol zhing bya ba zhu ba dang/ zhus nas ji ltar bsgrub
pa'i tshul gnyis/ dang po la de'i sngon 'gro dang/ snyun gsol
dang bya ba zhu ba dngos gnyis/ dang po ni/ nang par langs ma
thag tu chu mkhur ba do'am gsum gyis kha legs par bkru/ dkon
mchog

dang bla ma'i drung la sogs pa ma yin par so shing dang lce
bzhar mi rno bas so dang lce'i sha la mi gnod par dal bus byi
dor bya/ rna ba bru dgos pa yang de bzhin du byas la/ so shing
dang lce bzhar kha'i dri mas gos pa chu'am sas bkrus nas se gol
la sogs

pa'i sgra byas te dben par dor/ bla ma dang dkon mchog gi drung
dang gtsug lag khang gi phyag bdar byad pa'i gnas dang bshad gci
bya ba'i gnas dang skye bo phal mo che rtag tu gnas pa'i shing
ngam rtsig pa'i drung du mi dor/ bshad gci dang mchil ma la la ?

@08a @#/ /sogs pa'i ming tsang ba 'dor ba yang de bzhin du bya'o/
/gnas khang du chol zangs dang wa khar yang so shing dang lce
bzhar 'dor du rung la lce bzhar ni lcags la sogs pa las byas
pa'am so shing gi tshal pas kyang rung ngo/ /so

shing gi tshad ni sor bcu gnyis man chad brgyad yan chad ha cang
mi sbom pa dang mi phra ba bya zhing/ bad kan mang bas ni ma
rnyed na sor phyed dang lnga yan chad kyang rung ngo/ /so shing
med na 'dag rdzas la sogs pas kyang kha spyang par bya'o/ /de
ltar lus

kyi bya ba bsgrubs nas rang gi gtsug lag khang du dkon mchog la
phyag byas te/ de la bu dang yun mi ring bas bla ma gnas pa'i
sgo glegs la brdab pas nang du 'ong ba go bar byas la sgo glegs
drag tu mi 'phul zhing/ sgo skyes la chos gos mi drud

bar dal bus shes bzhin du nang du 'jug pa dang/ phyir 'byung bar
bya'o/ /de ltar gnas pa'i kha bkru ba nas shes bzhin du phyir
'byung ba'i bar ni gnas pa 'ba' zhig tu ma zad kyi dge slong
thams cad kyis bsgrub par bya'o/ /gnyis pa snyun

gsol ba dang bya ba zhu ba dngos la snyun gsal ni gnas kyi bla
ma la phyag byas te sku khams dri'o/ /'di ni 'bags pa la phyag
mi bya ba'i dmigs bsal te skabs gzhan du gnas kyi bla ma la yang
mi rung ngo/ /bya ba zhu ba la gzhi gang la zhu ba/

tshul ji ltar zhu ba de'i dmigs kyis bsal ba'o/ /dang po ni/ mi
rung bar ngas pa rnams mi zhu zhing/ rung bar nges pa dang the
tshom za ba rnams zhu'o/ /rung bar nges kyang zhu ba ni gnang ba
thong dgos pa'i phyir ro/ /gnyis pa zhu ba'i tshul ni lung dang
mdo rtsa 'grel ltar na

@08b bya ba re re la zhu dgos par mngon la/ ma grub na 'od ldan
las bshad pa bzhin du bya ste/ cho ga ni mkhan po'am slob dpon
dgongs su gsol/ bdag ming 'di zhes bgyi ba deng gi gdugs dang
mtshan gyi rim pa'i kun du spyad par rung ba dag bgyid par zhu
'tshal

zhes brjod pa'o/ /gsum pa dmigs bsal la bya ba'i dang/ zhu ba'i
dmigs bsal gnyis/ dang po ni bshad gci dang so shing 'dor ba
dang/ nye 'khor dang bcas pa'i gtsug lag khang du mchod rten la
phyag bya ba dang/ 'chag pa'i bsam pas 'dom bzhi

bcu rtsa dgu tshun chad du 'gro ba dang/ chu btung ba dang/ zhu
rin med pa'i bya ba phran tshegs dang/ zhus te phyin pa na bya ba
chas ldan gzhan byung ba dang/ de rnams kyi dod thub ste brgyad
de/ /gnyis pa zhu ba'i dmigs bsal la zhu ba bo'i dmigs bsal
dang/ zhus

yul gyi dmigs bsal gnyis/ dang po ni lo lnga lon zhing lnga tshan
tha ma dang ldan pa ljongs rgyu ba'i dus dang/ dbyar snga ma'i
zla ba phyi ma gnyis dang/ phyi ma'i zla ba dang po gnyis la bab
pa na gzhon nu'i nang nas rgan pa dang/ 'tshol ba la zhugs

ba'i tshe zhag lnga dang/ glo bur bas ngal bso ba'i nyi ma dang
po'am gnyis pa dang/ zhag gcig gnas gzhan du phyin pa dang/ gnas
bkag pa dang/ gnas nas phyung ba dang/ dod thub ste brgyad de/
/gnyis pa yul gyi dmigs bsal ni gnas pa gzhan na

gnas pa dang/ nye bar mi gnas pa dang/ dbyar snga ma'i zla ba
phyi ma gnyis dang/ phyi ma'i zla ba dang po gnyis dang/ dod
thub ste bzhi'o/ /gnyis pa zhus nas ji ltar bsgrub pa la/ bya ba
gnyug ma la ji ltar bsgrub pa dang/ glo bur ba la ji ltar bsgrub
pa gnyis/ dang po

@09a @#/ /ni bsnyun gsol ba'i 'og tu gnas kyi bla ma la 'dag
rdzas dang so shing dang khrus byed pa'i chu sogs phul la/ tshad
mang du gnas pas bza' btung sta gon bya bar 'dod na ji lta bu
zhig sta gon bya zhes brjod la bla ma zas gang la dga' ba de
bstab

snyam du yid la bya zhing gdugs tshod la bab pa'i dus brjod par
bya'o/ /de'i 'og tu gnas kyi lhung bzed bkru zhing/ gnas bsod
snyoms pa yin na sil byed dang dgos na chu tshags kyang byi dor
bya la/ ngang yang bsod snyoms pa yin na gnas la zhus te gnang
na lhan

cig tu 'jug cing nyam nga ba le sogs par ni bla ma'i mdun du
'gro ba dang/ rang la zas bsod pa 'bul ba na bla ma la 'bul du
gzhug go /gal te so sor bsod snyoms la phyin na zas de khyer te
bla ma la bstan nas chos mchog tu gyur pa dbul bar bya'o/ /zas

zos nas bla ma'i lhung bzed la sogs pa bkrus te rang rang gi
gnas su bzhag pa dang/ bla ma'i ril pa spyi blugs la sogs pa'i
chu snod dgang ba dang/ bla ma mchod rten la phyag dang byi dor
byed pa na de la dgos pa'i 'dag rdzas dang chu dang phyags ma
sogs dbul ba

dang; bla ma'i rkang pa bkru ba dang/ sku mnye sogs la nan tan
bya'o/ /dgongs mo'i dus su bla ma'i mal dang stan bsham pa dang/
mtshan mo bgo ba'i sham thabs kyi gzan dbul zhing sham thabs
blang ba dang/ rkang ba bkru ba'i chu dang rkang rten dang/ chol
zangs dbul zhing

mchil lha ma gnyis phyi'o/ /de ltar 'dag rdzas dang so shing
dbul ba sogs bla ma'i bya bsgrub dgos rnams gnas pa mang na re
mos kyi bya ba'am gcig gis thams cad sgrub par spro na gzhan
gyis ma byas kyang rung ba ni lung phran tshogs las gsungs pa
ltar ro/ /

@09b gzhan yang gnas dang gnas pa gnyi ga gtsug lag khang gcig
na 'dug na bla ma'i drung du nyin mor la lan gsum dang/ gnas kyi
bla ma dgon pa na 'dug la rgyang grags gcig gis bar du chos na
nyin re la lan re dang/ rgyang grags lngas bar du chod na zhag
lnga 'am

drug na lan re dang/ dpag tshad phyed dang gsum gyis bar du chod
? na gso sbyong gi tshe lan re mjal du 'gro bar bya'o/ /'di bya
ba zhu ba la sbyor ba ni nor pa ste/ rgya cher 'grel gyis kyang
blta ba'i phyir 'gro ba la bshad cing phran tshegs su nye dgas ?
rab tu phyung zhing bsnyen rdzogs

byas pa rnams de gnas ngan len spyod par ma shes bar du de la
bsten nas sdod la/ shes pa na gnas gzhan la bsten cing 'on kyang
ston pa'i bkas nyin re la lan gsum gsum blta ba la 'gro bar
gsungs pa'i phyir ro/ /mkhan po dang gnas kyi bla ma langs pa

mthong ma thag tu stan las ldang ba dang bkur sti bya ba dang/
thag nye bar 'dug par bya zhing/ bla ma dang zhe 'gras pa dang
nye bar 'dug par mi bya'o/ /bla ma'i bya ba la grims par bya ba
dang/ gus par bya ba dang spyod lam mdzes pas 'jug par bya'o/
/gnyis pa bya ba

blo bur ba la ji ltar sgrub pa'i tshul ni/ gnas kyi bla ma'i
lhung bzed dang chos gos kyi las dang nad g.yog dang/ de la
'gyod pa dang sdig lta skyes pa sel ba rnams rang gis byed pa'am
gzhan byed du 'jug pa dang/ gnas kyi bla ma la dge 'dun gyis nan
tur byed na

dge 'dun la/ nan tur mi mdzad du gsol zhes brjod nas bla ma nan
tur gyi rgyu las ldog pa'i don du brtson par bya zhing/ nan tur
byas na bzod pa gsol du gzhug pa dang/ gnas kyi bla ma de spo
mgu dang dbyung ba sogs nod dgos na dge 'dun la gsol ba

@10a @#/ /gdab par bya'o/ /bla ma nyes pa la 'jug na zlog pa
dang/ de'i drung du rang gi dge ba mi 'phal na gnas gzhan la
gtad par gsol bar bya'o/ /dge 'dun gyis bskos pa ma yin par bla
ma gos 'tshem pa dang gtsug lag khang gi byi dor byed pa na

yang rang gis bsgrub pa dang/ bla ma dang dge 'dun gyi ched du
shing thog la sogs pa'i rung ba bya ba dang/ mchod rten la sogs
pa'i sngo chung ngu rnga ba dang me tog dang 'bras bu btog pa
dang so shing sgrub pa la sogs pa la dge tshul bsko bar bya'o/
/gnyis pa gnas

kyis ji ltar bsgrub pa la rjes su bzung ba'i tshul gyis bsgrub pa
dang/ chad pas bcad pa'i tshul gyis bsgrub pa gnyis/ dang po ni
gnas kyi bla mas rang gi 'khor du rigs dang lus la skyon chags
pa rab byung bsnyen rdzogs bsgrubs zin pa mi gzhag la/ gnas pa
dge tshul gcig las lhag pa nye bar mi gzhag

go /gal te rab tu 'byung 'dod gnyis byung la so sor rab tu
'byung bar mi 'dod na lhan cig rab tu phyung ste rgan pa bsnyan
par rdzogs par bya zhing des kyang lo nyi shu ma lon na dge
slong gzhan la re shig gnas pa'i don du gtad la dge slong des
kyang lo lon

pa'i tshe mkhan po la gtad par bya'o/ /gal te mi gtod na mkhan po
des mthus bkug ste bsnyen rdzogs bya zhing rang gi 'khor du gyur
pa'i gnas pa la bsam pas bu'i 'du shes bzhag pa dang/ bsnyen
bkur bstabs pa thams cad la tshod rig pa'i

sgo nas gnas pa la mi gnod par bya ba dang/ lhung bzed dang chos
gos kyi las gnas pa rang gis ma lcogs pa byed pa dang/ nad
g.yog dang spom ? gu dang dbyung ba'i bar bla ma la ji ltar
byed pa bzhin 'dir yang bya dgos la gnas pa dge ba 'phel ba'i

@10b don du gzhan la gtad par gsal na gnas kyi 'os nges par shes
par byas nas gtad pa dang/ gnas bde ? sdig grogs la bsten na
bzlog pa dang dge ba la sbyar ba dang/ chos dang zang zing gis
dge ba de sgrub pa dang/ ltung ba phyir bcos su 'jug

ba dang/ rkyen du 'bab cing kha na ma tho ba med pa'i 'tsho ba'i
yo byad sgrub pa la brtson par bya'o/ /gnyis pa chad pas bcad
pa'i tshul gyis bsgrub pa la yul gang la dang/ rten gang gis
dang/ dus nam gyi tshe dang/ chad pa gang gis bcad pa dang/ chad
pas

bcad pa la ji ltar bsgrub pa dang lnga'o/ /dang po ni ma dad pa
dang/ le lo can dang/ tshig mi bzod pa'i bka' blo mi bde ba dang/
ma gus pa dang/ sdig pa'i grogs byed pa ste lnga po gang rung
dang ldan pa la chad pas bcad cing mi 'os pa la gcad par

bya'o/ /gnyis pa rten ni rang chad pa'i rgyu dang mi ldan pa'i
gnas kyi bla ma'i/ /gsum pa ni dbyar nang las gzhan pa'i dus so/
/bzhi pa ni gnas pa de dang gtam 'dre bar mi bya ba dang/ gdams
ngag mi sbyin pa dang/ bsnyen bkur bdag gir mi bya zhing chos

dang zang zing gi bgo bsha' gsar du mi bya ba dang/ dge ba'i
phyogs sngar brtsams pa rnams rgyun bcad pa dang/ bya ba zhu
ba'i gnas dgag pa ni chad pa ste de dag thams cad kyis gcad par
bya'o/ /lnga pa ni chad pa'i rgyu btang ste bzod pa gsol

bar byed pa la bzod pa blang bar bya zhing mi 'os pa la bzod pa
blang bar mi bya'o/ /gal te bzod pa gsol bar mi byed na yal bar
mi 'dor bar dge slong mkhas pa zhig gros gdab tu gzhug go /de
ltar byas kyang rnam pa thams cad du bzod pa gsol bar

@11a @#/ /mi byed na dge tshul la bla gos mthong gos lhung bzed
chu chags ril ba spyi blugs te lnga/ bsnyen par rdzogs 'dod
dang rdzogs pa la ni de dag gi steng du snam sbyar dang gding
ba byin ta gnas nas bskrad par bya zhing/ bskrad nas kyang
bzod pa gsol bar

byed na gya tshem mi bya bar bzad pa blang bar bya'o/ /chad pas
bcad pa de dge slong gzhan gyis 'khor du sdud par byed na
lhung ba sbom por 'gyur ro/ /gnyis pa de dang rjes su mthun
pa'i bslab bya la gnas brtan gyi bya ba/ 'khor gyi bya ba/
thun mong gi bya ba dang gsum/

dang po la gnas brtan spyi'i bya ba dang/ so so'i bya ba
gnyis/ dang po ni gnas brtan gyis rang gi 'khor du gtogs pa
chos kyi gtam 'dod pa dag la blo dang 'cham pa'i chos bstan
par bya zhing/ mi smra bar tshul bzhin yid la byed pa la dga'
ba btang snyoms su

gzhag par bya'o/ /bsod snyoms la sogs pa'i spyod yul gyi gnas
dang gnas ma yin pa dang/ 'chag pa la sogs pa'i spyod lam 'di
ltar bya'o zhes bstan pa dang/ lung nod pa sogs sbyin pa dang/
zas kyi rnyed pa dang/ nad pa la sman dang nad g.yag la sogs

pa'i bgo bsha' bya bas phan gdags par bya'o/ /gnas brtan kho
nar ma zad 'khor dang ldan pa thams cad kyis rang rang gi
'khor la brtags te don med pas dus yol bar byed na tshar bcad
pa dang/ gsar bu dag la 'du 'dzi'i gtam kun du smra bar mi bya
ba

dang/ 'khor la rnam par 'phros pa'i gtam dang/ 'dul ba dang 'gal
ba'i gtam mi bya zhing/ spyod lam la sogs pa 'khor la ji ltar
bstan pa bzhin du rang gis kyang bya'o/ /gnyis pa la grong du
'gro ba dang/ gnyug mar gnas pa dang/ glo bur du

@11b 'ongs pa dang/ 'gro bar chas pa dang/ dbyar gnas pa'i
gnas brtan gyi bya ba dang lnga'o/ /dang po ni dge 'dun rnams
grong la sogs par 'grong ? na gnas brtan de mdun du 'gro bar
bya zhing/ 'khor 'ga' zhig thogs na sgug pa dang khyim dang
phyi rol tu yang 'khor la

brtags te stod g.yogs dang smad g.yogs tshul bzhin du ma bgos
na mdzes par bya ba'i phyir brda bya zhing ma go na drung na
'dug pa'i dge slong brda byed du gzhug la/ des kyang mdzes par
ma gyur na rang gis bcos par bya'o/ /khyim dang nye ba na
'khor thams cad mi

rgod pa dang ma khangs pa la dgod par bya'o/ /gnyis pa ni
gtsug lag khang dang dgon pa de'i khrims su bya ba rnams gsar
bu la go bar bya zhing nan tan byed pa la sbyar ba dang/ gnas
der khyim pa 'ongs pa la rang gi 'khor dag zas sbyor du gzhug
cing sbyor bar mi byed

dam khyim pa zas mi 'dod na khyim pa de la chos kyi gtam
bya'o/ /gsum pa ni gang du phyin pa'i gnas der rang gi 'khor
mang nyung brtags la gnas mal gyi phyir gnyug mar gnas pa'i
dge slong rnams la brjod par bya'o/ /bzhi pa ni gang du 'gro
ba'i phyogs

dang 'gron zla dang gnas khang dang gnas mal dang 'ga' zhig na
bar gyur na grogs kyis mi 'dor ba rnams brtags nas 'gro bar
bya zhing/ gnas de nas ring por ma son par/ la la'i cung zad
ma lus sam zhes 'phral du dran par bya ba dang/ gsar bu rnams

mi rgod pa dang ma khengs pa la dgod pa dang/ ming la sogs
pa'i mtshan mas 'khor kun shes par bya'o/ /lnga pa dbyar gnas
pa'i gnas brtan gyi bya ba ni dbyar nang du gtsug lag khang
dang mchod rten gyi byi dor mi byed pa rnams byi dor byed du
gzhug cing byi dor

@12a @#/ /byed pa la spro ba bskyed par bya'o/ /gnyis pa 'khor
gyi bya ba ni grong la sogs par lhan cig tu 'gro ba na gnas
brtan gyi mdun du 'gro bar mi bya zhing/ de'i tshe gnas brtan
lam du thogs na bsgug pa dang/ gnas khang nas ma byung

na mi ring bar song ste bsgug pa dang/ grong gi nye 'khor du
thogs pa dang 'khor rnams grong du 'jug pa'i tshe gnas brtan
'ong ba mthong na bsgug par bya'o/ /de'i tshe sbyin bdag gis
sbron pa 'ongs na/ gnas brtan 'ongs kyi bar du sdod cig ces
bsgom dang/

khyim du phyin nas lag chu drangs ba'i tshe yang dus yol bar mi
'gyur na gnas brtan bsgug par bya zhing/ sgug pa'i long med na
gral der gnas brtan gyi stan gzhag go /gnas brtan gyi gong du
'dug pa dang 'greng bar mi bya ba dang/ gnas brtan gyis

ma smras kyi bar du mi smra ba dang/ smras pa bzhin bsgrub pa
dang/ gnas brtan gtam smra ba'i bar du bcad de mi smra ba
dang/ chos ma yin par smra na bzlog pa dang/ chos smra ba'i
rjes su yi rang bar bya ba dang/ de la chos ldan gyi rnyed pa
byung na blang bar bya zhing des

ji ltar bstan pa bzhin bsgrub par bya'o/ /gsum pa thun mong gi
bya ba ni gnas brtan dang bar ma dang gsar bu thams cad kyis
khyim du dbang po mi rgod pa dang/ ma khengs pa dang/ yun ring
du mi gnas pa dang/ mig smad par bya ba dang/ khyim pa rnams
la sbyin pa dang/

dbang po dul ba dang/ lus ngag yang dag par sdom pa dang grong
pa'i chos las bzlog pa'i sgo nas tshangs spyod la gnas pa dang/
yan lag brgyad pa'i gso sbyong dang/ skyabs su 'gro ba dang/
dge bsnyen la sogs pa'i bslab pa'i gzhi gzung ba la sbyar ba
la sog

@12b pa chos ldan gyi gtam bya zhing khyim pa de dag la tshangs
spyod 'phel ba'i gnas bzhi la sogs pa mi brjod do/ /dge 'dun
du gyur pa'i dge slong dag gis ma byas kyang nyes pa med cing
gzhan la gnod par 'gyur ba'i khrims su bya ba mi bca'o/ /gnyis
pa

bsnyen bkur gyi gnas dang gnas ma yin pa la ji ltar bsgrub pa
ni rang las bslab pa'i sgo nas rgan pa la gral dang phyag la
sogs pa'i bsnyen bkur bstab par bya zhing des bstabs pa dang
du mi blang ba dang/ gzhon pa la phyag dang gral gyi bsnyen
bkur mi

byed pa dang/ bslab pa rgan gzhon mnyam pa rnams gcig la gcig
phyag mi bya la/ sngar 'ongs pa gral gong du 'khod cing rnyed
pa dang por brim pa dang/ las su phyis 'ongs pa bsko bar bya
ba dang/ tshangs pa mtshungs par spyod pa rgan gzhon bar ma
rnams la gus

pa la sogs pas gnas pa dang/ mkhan po dang slob dpon las gzhan
pa'i tshul khrims 'chal ba la bsnyen bkur mi bya la/ mkhan po
dang slob dpon tshul khrims 'chal ba la yang bsnyen bkur nges
par sgrub dgos shing/ de yang gnas kyi bla ma la ma zhus

par mi bya'o/ /pha ma dang nad pa khyim pa yin na yang bsnyen
bkur bya'o/ /gsum pa rang gi bya ba la ji ltar bsgrub pa la
dge ba'i bya ba la ji ltar bsgrub pa dang/ bya ba phal pa la
ji ltar bsgrub pa gnyis/ dang po ni rab tu byung ba dang
bsnyen par rdzogs pa rnams kyis

mi 'tshe bzhin du bsten pa mu stegs can gyi dka' thub lta bu
dang/ lhag par rnyed pa'i tshe tshod mi zin par spyod pa spangs
te gos phyag dar khrod pa dang/ zas bsod snyoms dang/ gnas mal
shing drung dang/ sman bkus te bo ra ba ste changs spyod 'phel
ba'i

@13a @#/ /gnas bzhi la brten par bya zhing/ sbyangs pa'i yid ma
blangs pa las gzhan pa rnams la gnas bzhi la ma brten pa'i
nyes pa mi 'byung ngo/ /de ltar mtha' gnyis spangs pa la gnas
nas gzhan gyis gshe ba dang khro ba dang rdeg pa dang

mtshang 'bru ba la slar gshe ba sogs mi byed pa dang/ klog pa
dang kha ton dang tshul bzhin yid la byed pa la sogs pa'i dgos
pa rjes su bsgrub pa dang/ bslab pa bsrung pa'i phan yon dang
ma bsrungs pa'i nyes dmigs bsams pa'i sgo nas bslab pa la gus

shing bag yod pas bsgrub pa dang/ khyim du 'jug pa la sogs
pa'i bya ba gang la brten nas ltung ba 'byung ba'i skabs yod
pa de la dang po nyid nas dran pa nye bar bzhag ste ci nas
kyang ltung ba mi 'byung bar bsgrub pa dang/ bla ma'i bya ba
la sogs pa byed pa'i tshe yang

shes bzhin gyis rang gi don bsam gtan dang klog pa la sogs pa
mi nyams par bya ba dang/ bya ba'i gzhi 'di dag las dge bar
gang 'gyur ram zhes dge ba tshol ba la brtson par bya'o/ /gnyis
pa bya ba phal pa la ji ltar bsgrub pa la lus kyi byi byed
dang/

yo byad ji ltar bsgrub pa gnyis/ dang po la skra spu sen mo
breg pa/ khrus bya ba/ lus kyi bya ba gzhan bsgrub pa dang
gsum/ dang po la breg pa'i tshul/ gos gang gis breg /gnas gang
du breg /bregs nas ji ltar bya ba dang bzhi/ dang po ni dgon
pa pa rnams kyi

skra sor gnyis dang/ grong mtha' pas phyed dang gnyis las lhag
pa mi gzhag cing/ gtsug phud kyang mi gzhag go /rma'i mtha'
skor ma gtogs pa'i skra ba lang gi spu ltar mi breg pa dang/
gsang gnas dang byin pa dang mgrin pa man chad lus gzhan gyi

@13b yang spu breg par mi bya zhing/ rma'i ched du breg dgos
pa'i tshe yang gnas brtan mkhas pa dag la dris te breg par
bya'o/ /sen ? mo yang dbus mtho zhing mtha' dma' ba'am mnyam
par breg cing/ dri ma bsal ba'i phyir drud par bya la/ tshon
gyis byug par

mi bya'o/ /gnyis pa gos gang gis breg pa ni bla gos gyon bzhin
pa la sogs pas mi breg cing/ rgyar ni phyed dang gnyis khru
la/ srid du khru ni gsum yin te/ zhes pa'i tshad dang ldan pa'i
skra bzed dam/ med na rdul gzan gyis stod bkab ste breg par

bya'o/ /gsum pa gnas gang du breg pa ni stan la sogs pa bting
ba dang/ dge 'dun gyi phyag dar 'phyag pa'i gnas su skra sen
sogs mi breg cing/ rlung dang nyi ma dang char ba'i dus dang/
rgan po dang nad pa ma gtogs pas khyams dang gnas khang sgo

khang sogs su breg par mi bya'o/ /bzhi pa bregs nas ji ltar
bsgrub pa ni skra la sogs pa bregs pa'i sa phyogs de byi dor
bya ba dang/ skra la sogs pa phyag dar khrod du dor ro/ /gnyis
pa khrus bya ba'i tshul ni/ skra dang kha spu bregs nas yan lag
lnga yan chad

kyi khrus bya zhing/ sgren mor khrus mi bya bar khrus ras sam
med na dben pa'i phyogs su lo ma la sogs pas gsang gnas bkab
ste khrus bya zhing khrus ras nyis rim pas ni mi rung ngo/
/gtsug lag khang du khrus byed pa dang/ btsog chu dbo ba ni
stor khung du bya ba

dang/ khrus byas nas lus la chags pa'i chu ma bskams kyi bar
du chos gos mi bgo ba dang/ de'i ched du lus phyis bcang ba
dang/ med na yud tsam zhig tsog phur 'dug la khrus ras kyis
dbyi bar bya'o/ khrus byas nas rkang pa bkru bar bya zhing/
gtsug

@14a @#/ /lag khang du wa khar bkru'o/ /legs sbyar sgyi khrus
dang rkang khrus kyi gzhi la sogs pa ni gnang ba'i bslab
bya'o/ /gsum pa lus kyi bya ba gzhan bsgrub pa ni/ rkang mthil
gnyis las gzhan pa'i lus la so phag gi dum bu la sogs pa

rnon pos drud par mi bya ba dang/ sham thabs kyi mtha' ma mdud
par skas la sogs pa la mi 'jeg pa dang/ gzhan gyi dus su de
ltar mi bya ba dang/ glel ba? la sogs pa'i tshe kham bkab par
gdang bar mi bya'o/ /bsro khang bsten pa ni gnang ba'i bslab

bya yin la/ gal te bsten pa rnams kyis ni bsro khang byed tshul
dang/ ji ltar sgrub pa'i tshul rnams bsgrub pa'i bslab bya yin
zhing/ de'i zhar la byung ba yo byad thams cad dben par bzhag
pa'i sgo nas sba ba dang/ bkru ba la sogs pa'i byi dor gyi las
bya ba

dang/ stod g.yogs rdul gzan tsam med par byi dor gyi las
thams cad mi bya ba dang/ lus kyi byi dor dad pa mi brtan pa
byed du mi gzhug pa rnams bsro khang 'ba' zhig tu bya bar ma
zad kyi rab tu byung ba thams cad kyis gnas thams cad du
bsgrub par bya'o/ /

gnyis pa yo byad la ji ltar bsgrub pa la/ lhung bzed dang chos
gos kyi bya ba gnyis/ dang po la lhung bzed med du mi rung ba
dmigs bsal dang bcas pa/ longs spyod pa'i tshul/ gzhag pa'i
gnas/ bkur ba'i tshul/ gus pa bskyed pa/ bcos legs

ji ltar bya ba dang drug /dang po ni dbyar nang du lhung bzed
nges par bcang bar bya zhing/ dus gzhan du yang dgos mod kyi
dbyar kho na smos pa ni dbyar phal cher sbyin bdag la brten
pa'i phyir bsod snyoms kyi brel ba chung bas lhung bzed med
kyang rung ngam

@14b snyam pa'i dogs pa bsal ba'i phyir ro/ /lhung bzed med
par ljongs rgyu bar mi bya zhing/ 'jigs pa dang bcas par
ljongs rgyu ba'i tshe lhung bzed chung ngu khyer te 'gro bar
bya'o/ /gnyis pa longs spyod pa'i tshul ni lhung bzed du snod
gzhan gyis dor ba'i

chu la sogs pa dang/ lag pa dang kha bkrus pa'i chu mi blugs
pa dang/ des phyag dar dang/ shing thog zos pa'i shun pa la
sogs pa'i ngan pa yang mi dor ba'i sgo nas 'os par spyad pa
dang/ 'greng bzhin du lhung bzed snod du gzhug pa dang dbyung
ba dang

bskam par mi bya ba dang/ dge tshul bag med pa byi dor byed du
mi gzhug pa dang/ sa bye ma can dang lci bas byi dor mi bya ba
dang/ gsher bzhin du snod du mi gzhug pa dang/ ha cang bskam
par mi bya ba'o/ /gsum pa gzhag pa'i gnas ni rdo'i steng dang

mi gtsang ba'i phyogs dang gar bab bab rnams su gtan du dang
re zhig kyang mi gzhag go /grong mtha' pa rnams kyis lhung
bzed gzhag pa'i ched du ngos khung gtsug lag khang la sogs pa
rtsig pa'i tshe bya zhing gsar du bsko bar mi bya ba dang/ dgon

pa pa rnams kyis lcug ma'am srad bu las byas shing lci ba'am
sas byugs pa'i skon bu kha sbyar kha dgab dang bcas pa bya ba
dang/ de sa la mi gzhag par shing ljon pa la gdags so/ /bzhi
pa bkur ba'i tshul ni skon bu kha sbyar de yul gzhan du 'gro

ba'i tshe mi bskur ba dang/ de'i tshe phying ba la sogs pa'i
snod du bcug ste bskur zhing snod dang bcas pa de yang lag pas
mi bskur bar lung thag gis mchan khung g.yon du bskur ba
dang/ lhung bzad dang sman dang lhan pa la sogs pa par bur dag

@15a @#/ /snod so sor gzhug cing snod de dag bcang ba dang/ de
dag gi khung thag ring thung mnyam par mi gdags pa dang/ lung
thag de zhing chung du mi bya ba dang/ zhum par mi 'gyur bar
bya ba'i phyir dbus su bying bu sbyar zhing de gnas pa'i phyir
gzungs

gdab par bya'o/ /lnga pa gus pa bskyed pa'i tshul ni/ lhung
bzed mig bzhin du bskyang bar bya'o/ /drug pa bcos legs bya
ba'i tshul la/ glan pa dang bsreg par bya ba'i tshul gnyis/ dang
po ni/ dben pa'i phyogs su lhung bzed glan zhing/ de'i phyir
du dge 'dun gyi

mgar dpyad bcang ba dang/ lcags kyi lhung bzed kyi bu gu'i
lhan par bu ram dang rgya skyegs kyi tshigs ma dang spra tshil
dang zha nye dkar nag gis mi glan par lhan rings la sogs pa
bya'o/ /sa las byas pa'i lhung bzed la 'jim pa sogs kyis glan
no/ /gnyis pa

bsreg pa'i tshul ni/ lhung bzed zas la nar mar spyod pa yin na
lcags las byas pa zla ba drug na bsreg par bya zhing sa las
byas pa ni zla ba phyed na bsreg par bya'o/ /lhung bzed bsreg
pa dang dbyar 'dom na nyin re zhing zas zos nas 'bru mar la
sogs pas bskus te gzhag

cing/ phyi de nyid zas la spyod pa'i gong du lci skam la sogs
pas rtsub bkrus bya ba dang/ bsreg pa'i sngon du srog chags la
gnod pa spang pa'i phyir nye 'khor dang bcas pa chag chag dang
phyag bdar bya'o/ /glan pa dang bsreg pa'i tshul rgyas pa rnams
'dir ma spros so/ /

gnyis pa gos kyi bya ba ni snam sbyar la sogs pa'i chos gos
rang gi pags pa dang 'dra bar bskyang ba dang/ bku ba dang kha
sgyur ba dang drub pa la sogs pa'i bcos legs tshul bzhin du
bya'o/ /bzhi pa nad pa dang nad g.yog gi bya ba la nad g.yog
ji ltar bya ba dang/

@15b sman dpyad dang rim gro bya ba'i tshul/ nad pa'i bya ba
dang gsum/ dang po ni lhan cig gnas pa dang nye gnas dang/
mkhan po dang slob dpon dang/ mkhan po gcig pa dang slob dpon
gcig pa dang/ gtam 'dres pa dang phebs par smra ba dang smon
'drin dang 'grogs po shes

rnams kyis rab tu byung ba chos 'di ba'i rtags tsam pa yan
chad kyi nad g.yog bya la/ de dag kyang snga ma snga mas bya
zhing snga ma med na phyi ma rnams kyis so/ /nad g.yog byed
dgos du ma yod na gnas kyi nad g.yog bya zhing/ gnas kyang du
ma na ba'i tshe gang la gnas

shing bya ba zhu ba de'i nad g.yog bya ba dang/ gnas kyi bla
ma nad che bas chung zhing nad pa gzhan nyam thag pa yod na
de'i nad g.yog bya'o/ /gong du smos pa'i nad g.yog de rnams
med na dge 'dun gyis nad g.yog ci tsam dgos pa gzhag par
bya'o/ /nad g.yog

des nad pa la bsnyen bkur legs par bya ba dang/ nad pa de'i
tshig don dang ldan pa dang chos dang ldan pa mi bcag pa dang/
nad pa des lhag par chags pa'i dngos po 'gugs na bstan cing
nad pa de la gdams ngag sbyin pa dang/ gal te de 'chir dogs na
sku mnye dang

khrus bya ba la sogs pa'i sgyu thabs kyis dge 'dun gyi mal
stan las blangs te gang zag gi la gzhag pa dang/ de'i lus la
'chi ltas la sogs pa byung ma byung brtag pa dang/ nad pa de
shi ba'i 'og tu de'i gos bkru bar bya'o/ /gnyis pa sman dpyad
dang rim gro

bya ba'i tshul ni rang la sman med na dge 'dun gyi sman nas
spyad du rung la/ dge 'dun la yang med na nad g.yog gis sbyin
bdag tshol du gzhug cing/ nges kyang ma rnyed na dge 'dun gyis
sman gyi rin sbyin pa dang dge 'dun la med na sku gzugs dang
mchod rten gyi rgyan dang na bza' 

@16a @#/ /yan chad kyis sman nyos te nad pa bskyang ba dang/ rim
gro'i rdzas kyang rang la med na dge 'dun gyi rdzas las dkon
mchog mchod pa sogs bya zhing dge 'dun la med na sangs rgyas kyi
rdzas las kyang nad pa'i rim gra bya'o/ /gsum pa nad pas ji ltar

bya ba ni/ nad g.yog gis gdams pa las mi 'da' ba dang/ nad sos
pa'i tshe dkon mchog gi dkor las rdzas blangs pa de 'byor pa yod
na bsab par bya'o/ /lnga pa gnyug mar gnas pa dang gsar bu'i kun
spyod la gnyis las gnyug mar gnas pa'i bya ba ni gnas

der khyim pa'am rab tu byung ba 'ga' zhig 'ong pa la 'ongs pa
legs so zhes sngar brjod pa dang/ gzhan gyi mdangs gsal zhing/
khro gnyer med pa dang/ yid tsam 'dzum par bya zhing/ khyim pa
yin na chos kyi gtam bya ba dang/ grong mtha' bas gnas der khyim
pa 'ongs

na zas som la sogs pa ci nus pa bstab pa dang/ dgon pa pas der
'ongs pa rnams la chu dang stan bstab par bya'o/ /gnyis pa gsar
bu'i bya ba ni gnas khang la sogs pa'i phyag bdar dang/ dge 'dun
gyi khang par mal dang stan bsham pa dang chu gzhag

pa dang/ shing thog sogs mi pa dang zan drang ba la sogs pa
bya'o/ /drug pa g.yog 'khor dang gnas bskyang ba'i tshul la
gnyis las g.yog 'khor bskyang ba'i tshul ni lha 'bangs la sogs
pa 'khor 'ga' zhig lha rten gzugs pa sogs bya ba mi mthun pa

byed pa na/ das dge slong rang dang gzhan yul mi sogs la mi gnod
na btang snyoms su gzhag pa dang/ gnad par 'gyur na bya ba ngan
pa rgyun bcad la chos ldan gyi gros gdab pa dang/ de'i tshe
g.yog 'khor mi dga' ba'am gzhan du 'gro na sbyin pa la soD

@16b bas bsdu ba dang/ bya ba ngan pa rgyun bcad par mi nus na
rang nyid gnas gzhan du 'gro ba dang/ de dag gi rkyen gyis ?
'khor dang lhan cig rtsod par mi bya'o/ /gnyis pa gnas bskyas
ba'i tshul ni dge 'dun gyi kun dga' ra ba bdun po la sogs pas
gnod pa byed

na de dag 'dzin du gzhug pa'i phyir g.yog 'khor gtang ba dang/
mi 'gro na bab cel du su la yang mi brjod par rgyal bu gzhon nu
la sogs pa la skad sbyar te chos dang mthun pas tshar gcad par
bya'o/ /mi nyams par bsrung ba'i tshul la rnam 'byed nas 'byung

ba'i nyes pa las bsrung ba'i tshul dang/ gzhi lhag ma nas 'byung
ba'i nyes pa las bsrung ba'i tshul gnyis/ dang po la ltung ba sde
lnga'i dang pa pham pa'i sde la bzhi las dang po mi tshangs spyod
la ltung ba ngos gzung ba dang/ de las sems bsrung ba'i tshul
gnyis

dang po la ltung ba rnam gzhag dang/ bslab bya'o/ /dang po la
bzhi las dang po gzhi'i yan lag la gang la brtsal ba'i yul dang/
gang gis rtsol ba'i rten gnyis/ dang po la pa ma gsum dang/ de
gang la gnas pa'i lus gnyis/ dang po ni kha dang bshang lam

dang me'i zag byed gsum gyi phyogs kyi dang po yan chad nad la
sogs ? pas ma nyams pa'o/ /de gang la gnas pa'i lus ni lus tshang
ba'am lus kyi stod smad gang rung tshang ba bsten du rung ba ste/
de yang shi ba dang gson po'i lus dang/ mi dang mi ma yin

pa dang/ skyes pa dang bud med dang ma ning dang/ rang dang
gzhan gyi lus kyi rma'i sgo gang yin yang pham par 'gyur pa la
'dra'o/ /rtsol byed kyi rten ni nor bu yin pa/ rang gi rgyud
dang 'brel ba/ las su rung ba/ nad dang bral bA/ /bsam pa la
gnyis las

@17a @#/ /'du shes 'khrul ma 'khrul 'dra zhing/ kun slang na lam
dang yan lag gi rnam pa sprad pa'i reg pa bdag gir byed 'dod
rgyun ma chad pa'o/ /sbyor ba bsams pa'i don la de ltar rtsol
ba'o/ /mthar thug gi yan lag ni bcug pa'i reg pa

lus shes kyis myong zhing yid shes kyis bdag gir byas pa'o/ /'di
la dge slong dang dge slong ma dang/ dge slob ma dang dge tshul
dang dge tshul mas yul byas na de dag gis pho'i dbang rten gyi
reg pa bdag gir byas na de dag la pham pa dang pham pa dang 'dra
ba'i

nyes byas su 'gyur ro/ /ltung ba skyed pa'i rim pa ni/ kun slong
de skyes nas lus ngag tu ma thon na bsdam bya yin la thon pa nas
pham pa ma gtogs pa ni bshags bya'o/ /de yang 'khrig pa'i phyir
du 'gro bar rtsom pa nas lam dang yan lag ma phrad kya bar du
nyes byas

dang/ phrang nas dang po'i mtshams ma 'das tshun chad du sbom
po'o/ /'on kyang rang gis 'khrig pa bsten par gzhan la khas
blangs pa dang/ gzhan la bskos pa ni de tsam nas spom po'o/
/'khrig pa'i bsam pas brtsal du zin kyang lam gsum gyi rnam pa
las

gzhan pa'i lus kyi bu ga dang/ 'jig snod la sogs pa'i snod dang/
lam du 'du shes pa'i sgo nas lam ma yin par brtsal ba rnams la
sbom po'o/ /lam gsum gyi rnam pa yin yang nad la sogs pas nyams
pa dang/ bsten bya dbus bye ba'i mtshams 'byor

bar mngon pa dang/ lus kyi phyed ma tshang ba'i lam gsum dang/
tshang yang lag pa la sogs pa sprad du mi rung ba dang/ phag la
sogs pa'i lus btsos pa'i lam gsum dang/ kha'i so drung tshun chad
dang/ shing la sogs pa'i sems can gyi gzugs la mi ma yin

@17b gyi mthus lam gyi rnam pa tsam ded pa dang/ gzhan gyi mthus
brtsal ba na 'khrig pa'i ro rdzogs par ma myong zhing yid g.yo
ba tsam dang/ ma ning ma sbubs mad pa'i zag byed rnams su rtsol
ba dang/ lam dang yan lag ma 'cham pas ma chud pa dang/ chud
pa'i phyir du rma

nyed pa dang/ sprad kyang skrag pa dang/ ngo tsha bas 'khrig pa'i
ro ma myong ba dang/ rma'i sgo gsum gyi phyi rol tu yan lag gi
rnam pas rag pa tsam la yang sbom po'o/ /lam gsum du brtsal
kyang yan lag gi rnam pa ma yin pa rkang pa'i mthe bo sogs 'dzud
pa dang/

yan lag gi rnam pa yin yang nad la sogs pas nyams pas ro ma
myong ba dang/ las su mi rung ba dang bltab pa dang/ gos la sogs
pas g.yogs te mi reg par 'dzud pa rnams la yang sbom po'o/ /lam
dang yan lag gi rnam pa sprad kyang bsten bya sten byed

gang rung lus las tha dad du byas pa dang/ gnyig tha dad du byas
pa dang/ gzhan gyi bsten bya sten byed gnyi ga lus las tha dad
du ma byas pa rnams sprad pa la yang sbom po'o/ /gnyis pa bslab
bya'i nyes byas ni/ sgo bcad cing bskor ba dang grogs dge slong

gas bsrungs ba dang sham thabs kyi mtha' bcings pa ste srung ma
gsum gang rung gis ma bsrungs par nyin mo glos phab ste gnyid
log pa dang/ bud med kyis brdod pa'i khyim du 'gro ba dang/ mi
ma yin gyis 'khrig pa sten du 'jug pa la sogs pa'i sgo

nas tshul khrims dang srog la gnod pa'i gnas su gnas pa dang/
khyi'i mdun du zag byed phyung ste gtsi ba byed pa dang/ yan lag
gi rnam pa 'dzin pa'i 'jigs pa yod pa'i chu klung la sgren mor
rgol ba dang/ gru rgol ba dang ba lang gi nang du 'gro ba dang
khron ? pa

@18a @#/ /brtag pa dang grong du 'gro ba ste bzhi po de'i tshe
shes bzhin ma bzhag pa dang/ skyes pa dang bud med gang yin legs
par ma brtags par rab byung byas pa dang/ gcig pu bla gab med
par glos phab pa'i nyes byas te bcu gnyis so/ /'jig snad

dang 'brel ba'i bslab bya ni 'brel chung ba'i phyir ma smos so/
/gnyis pa de las sems srung ba'i tshul la ltung ba rnam gzhag las
sems srung tshul ni/ lam gsum dngos sam de dang 'dra ba'i phyi
nang gang rung du yan lag gi rnam pa dnges sam de dang 'dra ba
sprang

par 'dod pa tsam nas dgag pa'i ched du dran shes bsten pa'o/
/bslab bya'i nyes pa las sems srung tshul ni de rnams kyi mtshan
nyid shes par byas nas so sor dran shes bsten cing khyad par yul
dus la sogs pa'i stobs kyis 'byung nye ba rnams la 'bad pa

cher bya'o/ /gnyis pa ma byin len la ltung ba ngos gzung/ de las
sems srung ba'i tshul gnyis/ dang po la ltung ba rnam gzhag dang
bslab bya gnyis/ dang po la bzhi las/ gzhi'i yan lag la gang las
brku ba'i yul ni mi yin pa/ rang las nar tha dad pa'o/

gang brku ba'i dngos po ni yul dus der sbyor ba gcig gis brku
bya rku byed gnyi ga la ltos pa'i rin thang tshang ba/ mi'i rgyud
kyis bdag gir byas shing dbang ba/ g.yos su byas pa'i kha zas
dang gshed ma la sogs pas glo bur du bdag gir byas pa'i dur
khrod

pa'i rdzas ma yin pas mi dman pa'o/ /bsam pa la gnyis las 'du
shes ni mi'i rdzas la yid gnyis yan chad kyis der 'du shes pa/
kun slong ni gzhan gyi yin pa ste ma gnang yang rang nyid 'tsho
ba'i ched du gtan du dbral 'dod rgyun ma chad pa'o/ /sbyor

@18b ba ni mthus 'phrog pa'i nan 'gugs dang/ gzhan gyi rdzas
khyer ba phyir mi ster ba'i dang na 'then dang/ spring yig la
sogs pa'i sgo nas rku ba'am rkur bcug pa'o/ /mthar thug ni thob
blo skyes pa'o /ltung ba skyed pa'i go rim ni/ brku sems skyes
nas lus

ngag tu ma thon pa'i bar ni bsdam bya yin la/ lus ngag tu thon
nas kun slong dang sbyor ba rgyun gcig pa rnams la brku ba'i
ched du 'gro ba dang/ gros byed pa la sogs pa rdzas la nom nyug
mi byed pa'i bar ni sbyor ba'i sbyor ba'i nyes byas gcig dang/
kun slong

log na log mtshams re re la ltos pa'i nyes byas tha dad pa re rer
'gyur ro/ /nom nyug byed pa nas mthar thug ma grub kyi bar sbyor
ba'i sbom po yin la/ gang rku bar nges pa de la nom nyug byang
pa'i sngar yang 'dams te rku ba yin na/ 'dam pa'i ched du nom

lcag byed pa dang chas kyis brngod pas rta la sogs pa 'khrid
pa'am zhon pa'am grur zhugs te 'di brku bar bya'o snyam pa dang/
rta dang gru 'di las 'di'i rdzas 'di ltar brku bar bya'o snyam
nas 'thob nges pa'i spro bas lus 'gyur ba la yang sbom po'o/
/lam

du 'gro ba'i tshe phyir brnur ba sogs kyis chos gos la sogs pa
rku bar byed na gom pa re re la nyes byas tha dad pa re skyed
cing rdzas bdag la mi snang nga'i sar 'jug pa'i tshe sbom po
dang/ mi snang ba'i tshe pham par 'gyur ro/ /brnyas pa dang
bskyis pa dang rdzas bdag gis

bzhag pa'i gnas mi shes pa'i gtams pa rnams la ni brku sems kyis
bsnyon pa'i tshe sbom po dang/ mi sbyin par thag bcad pa'i tshe
pham pa'o/ /rdzas bdag gis bzhag pa'i gnas shes pa'i gtams pa
rku ba la rdzas de gnas nas spo ba'i snga rol

@19a @#/ /tu brnog pa'i bsam pa skyes pa'i tshe sbom po dang/
rdzas de spo ba dang lhan cig dang/ spos pa'i 'og tu brnog pa'i
bsam pa skyes na de nyid nas pham par 'gyur ro/ /gshags kyis
brtsad de rku ba la ni rgyal po'i grar gshags rgyal

tsam gyis pham pa dang/ blon po sogs kyi grar ni rgyal ba'i tshe
sbom po dang/ pha rol pos gshags kyis sbyor ba btang pa'i tshe
pham pa'o/ /rgyan la dor byas te rku ba la ni rgyal bar ma gyur
pa'i tshe sdom po dang/ rgyal ba'i tshe pham par 'gyur la/ grangs

la dor byed pa dang/ mtshan ma phyis pa la sogs pa dang/ sngar
tshoms gzhan du bgrangs nas yang phyi mar bgrang bar byed pa
dang/ tshoms snga phya gang rung du bgrangs pad ma bgrangs pa'i
tshoms su bgrangs so zhes bsnyon pa dang/ rnyed pa mi dbang ba la
dbang po zhes

sgrog pa dang/ gzhan gyis long zhig ces ma sgo bar de'i tshig gis
len par byed pa rnams kyi tshe nyes byas dang/ de rnams kyi mthus
rdzas thob par phyogs pa'i tshe sbom ? po dang/ thob pa na pham
pa'o/ /rang gis rku ba'i bya ba dngos su mi byed kyang rkun po

la lam rgyus go bar byed pa dang/ brku ba'i don du gros byed pa
dang/ lam srung ba la sogs pa dang/ brkus shes bdag gir byed
'dod pa rnams la yang pham par 'gyur bar 'dra'o/ /de ltar sngar
bshad pa'i yan lag de dag las gzhi'i yan lag ma

tshang ba bdag tu ma bzung ba'i gtar la sogs pa dang/ rang gi
rdzas dang/ rang dang nor gcig pa'i nye du dang dge 'dun la sogs
pa'i nor dang/ mi ma yin gyi rdzas dang/ gzhan la bskur ba'i
rdzas bskur sa des bdag gir ma byas pa dang/ sangs

@19b rgyas lcag med du mya ngan 'das pa'i dgor dang/ gshed ma la
sogs pas glo bur du bdag gir byas pa'i dur khrod pa'i rdzas
dang/ g.yas su byas pa'i kha zas rnams rin thang ched ba dang/
mi'i rdzas rin thang mtshang ba rku ba la sbom por 'gyur la/ de
yang yan lag gzhan

chang na til gyi phub mtsam gyis kyang sbom po skyed pa la
'dra'o/ /yan lag gzhan tshang yang kun slong ma tshang ba rang
dang nor mi gcig pa'i don du rku ba dang/ rang mi dbang ba la
dbang ba dang/ bdag po yod kyang med pa'i 'du shes kyis rku ba
dang/ gsang sngags la sogs

pas yid bsgul te 'bul du 'jug pa dang/ gzhan gyi rdzas brnyas pa
dang bskyis pa mi sbyin par sems btsam dang/ brnyas pa sogs la
bsri ba med par longs spyod pa rnams la yang sdom po dang/ bdag
gir byed 'dod med par gzhan gyi rdzas chu la sogs par snga ba

dang/ sreg pa la sogs pas chud gzan pa dang me tog dang 'bru la
sogs pa gsang sngags kyis skom par byed pa dang ri dwags la sogs
pa gzhan gyis zin pa gtong ba rnams la rdzas chud gzan gyi sbom
por 'gyur zhing de yang snying rjes gtong na nyes byas so/ /de
bzhin du sku gzuD la

sogs pa mchod pa'i don tsam du rku ba la yang nyes byas so/ /ri
dwags zin pa la sogs pa bsgoms byung gi rdzu 'phrul gyis gtong
ba la nyes pa med do/ /gnyis pa bslab bya'i nyes byas ni/ 'dams
po la sogs pas gzhan gyi 'tsho ba'i thabs gtol ba dang/ yid gcugs
kyi /

gnas ma yin pa la yid gcugs byed pa dang/ chos gos kyi las la
sogs pa lag pod dang bsod nams kyi blos ma yin par gla rngan
'dod pa'i bsam pas byas pa dang/ gzhan gyi rdzas lhung ba blangs
pa yun ring du bsrel ba dang/ bdag po gang yin mi shes po'i

@20a @#/ /tshe dge lkos la ma gtad ba dang/ dge skos kyis kyang
rdzas de rab byung gi yin par dogs na dge 'dun la ma bstan pa
dang/ bstan kyang bdag po ma byung na thams cad kyis mthong sar
ma gzhag pa dang/ nad pas ma gnang ba la sman blangs pa dang/
dang

po rang dbang yang gzhan gyis glo bur du bdag tu bzung ba'i nor
ma gnang bar bdag gir byas pa dang/ rkun pos khyer ba'i rdzas
rang gi blos ma btang yang chos bshad pa'am rin sbyin par mi
byed par nan gyis dgug pa dang/ ro ma rmas pa las gos blangs pa

dang; ro'i rdzas blang ba'i phyir ro rmas par byed pa dang/ rab
tu byung ba mi 'dod bzhin du nye dus khrid pa ma bzung ba dang/
mgron du ma bos pa'i khyim du zas za ba dang/ gzhan gyis ltos
med du bor ba'i rdzas len pa'i tshe gzhan gyis bdag tu bzung ma
bzung ma

brtags par blangs pa dang/ ma bzung bar nges kyang skye bo mang
po'i mngon du ma bab par blangs pa dang/ lus bsnyal ba dang/
gnang la bsgre ba dang/ dge slong gi gnas su sgo nga med pa ma
gtogs pa bya la sogs pa'i tshang gzhig pa dang/ gnas der ma

gnas par de'i rnyed pa blangs pa dang/ chom rkun par ma grags
pa'i rkun po las rdzas blangs pa dang/ chom rkun par grags pa
las blangs pa yang kha sgyur ba sogs ma byas par bcangs pa dang/
de ltar byas kyang dang po'i rdzas bdag gis slong ba'i tshe mi
sbyin

pa dang/ rngon pas gcos pa'i ri dwags gnas khang du zhugs pa shi
ba'i tshe sha rngon pa la mi ster ba rnams so/ /sho gam rku ba la
ni sho gam gzhal dgos kyi rdzas khyer nas sho ga ma gyis ? las
'das na pham par 'gyur la/ mtshams su phyin nas nam

@20b mkha' la 'khyer bar byed na sbom po dang/ gzhan la sho gam
drol cig ces bsgo ba dang/ sho gam gzhal mi dgos pa'i lam gzhan
ston pa la nyes byas su 'gyur ro/ /de dang 'brel ba'i bslab bya
ni/ sho gam gzhal dgos kyi rdzas khyer te 'gro ba dang/

gzhan la rngan pa byin pa la sogs pa'i thabs kyis sho gam mi
'jal ba sogs yin la/ 'brel chung ba'i phyir rgyas par ni ma smos
so/ /sho gam gyis mtshon gru btsas la sogs pa gzhal dgos pa mi
'jal ba la yang ma byin len gyi nyes pa dang bslab

bya las 'gal ba'i nyes par 'gyur ro/ /gnyis pa de las sems srung
tshul la ltung ba rnam gzhag las sems srung tshul ni/ gzhan gyis
ma gnang ba'i rdzas dpral 'dod dang/ g.yar po bsri ba med par
spyad 'dod dang/ brkus shas bdag gir byed 'dod

dang/ mi dbang ba la dbang ba dang/ bdag po yod pa la med pa'i
'du shes 'khrul pa gnyis rnams 'gog pa'o/ /'du shes 'khrul pa
'gog pa ni gzhan gyis bor ba'i rdzas len pa'i tshe bdag po yod
med sogs legs par brtag pa'o/ /bslab bya'i

nyes byas las sems srung tshul sngar bshad pa ltar shes par
bya'o/ /gsum pa srog gcod la ltung ba ngos gzung/ de las sems
srung ba'i tshul gnyis/ dang po la ltung ba rnam gzhag /bslab
bya'i nyes byas gnyis/ dang po la bzhi las/ gzhi'i yan lag

ni mi yin pa rang las rgyud tha dad pa'o/ /bsam pa la gnyis las
'du shes ni spyi dang bye brag la ma 'khrul ba'o/ /kun slong ni
phan pa'i bsam pas kyang rung ste gsod par 'dod pa rgyun ma chad
pa'o/ /sbyor ba ni mtshon dang dug dang mthu dang sgyu thabs kyis
'chi ba'o

@21a @#/ /sar gtong ba dang/ gsong sems kyis gsad bya ston pa
dang/ gzhan gyis gsod pa'i gnang ba gsol ba ster ba la sogs pa
rang ngam bskos pas lus ngag tu grub cing ma 'khyogs pas gsod
par rtsom pa'o/ /mthar thug sbyor ba de'i rkyen

gyis dus de'i tshe'am gzhan gyi tshe shi ba'o/ /ltung ba skyed
pa'i go rim ni gsod sems skyes nas lus ngag tu ma thon pa'i bar
bsdam bya yin la/ lus ngag tu thon nas gsod pa'i sbyor ba la
dngos su ma zhugs pa'i bar sbyor ba'i sbyor ba'i nyes byas

dang/ dngos su zhugs pa'i tshe sbom po dang/ srog 'gags pa'i tshe
pham par 'gyur la/ de yang shi ba'i snga rol tu 'dun pa log pa
dang/ gsad bya'i snga rol dang dus mnyam du rang nyid shi ba la
mthar thug mi 'byung ngo/ /de dag las gzhi'i yan lag ma tshang ba
dud

'gro las gzhan pa'i mi ma yin gzugs gzhan du bsgyur ma bsgyur
gang yang rung ba bsad pa dang/ bdag nyid gsod pa'i don du
g.yang sa nas mchong ba sogs sgrub pa rnams la sbom po'o/ /kun
slong gi yan lag ma tshang ba mi dang mngal na gnas pa gang rung
gcig

gsod par bsams pa las ma bsams pa shi ba dang/ des mtshon pa gsad
bya du ma'i nang nas gang rung gcig gsod par bsams te gsod byed
la bstan pa las ma bsams pa bsad pa dang/ gsod sems med par mi'i
yan lag gcod pa dang/ srog chags mang

po yod par shes pa'am dogs pa'i nags mes gtong ba dang/ mi'i
'gro ba pa 'tshong pa dang/ chom rkun pa la sogs pa rgyal po'i
grar 'bul ba dang/ nad pa bskyad pa sogs byas na 'chir 'ong ngo
zhes zer ba la yid mi ches pas bskyod pa sogs byed pa dang/ nad
pa shi

@21b bla'o zhes g.yog mi byed pa dang/ mi 'phrod pa'i zas sbyin
pa dang/ 'bras la sogs pa ma smin pa brtol ba dang/ dong du 'jug
pa dang sgo glegs kyis 'tshir ba la sogs pas nyon mongs par byed
pa rnams la sbom por 'gyur la/ srog chags nyung ngu yod par

shes pa'am dogs pa'i nags mes gtong ba dang/ gnod sems med kyang
gsad bya ston pa sogs byed pa la ni nyes byas so/ /sbyor ba'i
yan lag ma chang ba rang nyid la rag ma las par gzhan gyis rang
dgar gsod pa la 'jug pa dang du len par byed na sbom bo'o/ /

gnyis pa bslab bya la lnga las nad pa dang 'brel ba'i bslab bya
ni/ nad pa dang mi na ba yang rung ste 'chi ba dang mthun pa'i
gtam smras pa dang/ nad g.yog mkhas pa yod bzhin du mi mkhas pa
bzhag pa dang/ med pa'i tshe mi mkhas pa la mi 'chi ba'i thabs ma
smras par

nad g.yog tu bzhag pa dang/ nad g.yog gis nad pa'i nye 'khor
du mtshon cha sogs bzhag pa dang/ nad pa 'chi ba'i thabs sgrub pa
nad g.yog gis ma bzlog pa dang/ nad pa la mtshon cha sogs ma
brtags par sbyin pa dang/ sman pa sogs la ma dris par nad pa la
gya

chom du sman sbyin pa dang/ legs par ma bslabs par mtshon gyi
dpyad la sogs pa byed pa dang/ nad pa 'go mi nus pa lam du
'khrid pa rnams so/ /lag gi bla dang 'brel pa'i bslab bya ni
shes bzhin med par lag dpon gyi las byas pa dang/ srog chags la
gnod

mi gnod ma brtags par shing la sogs pa sgril ba dang/ 'degs byed
nyung pa'i phyogs kyis khur lci ba 'dags pa dang/ las byed pa'i
tshe so phag mi 'brim par 'phang ba dang/ 'brim pa'i tshe bye ba
dang gas pa ma brjod par sbyin pa dang/ khur 'degs par mi nus
pa'i

@22a @#/ /grogs byed pa dang/ 'degs pa dang gzhag dgos pa'i tshe
yang khyim pa dag la skad sbyar te cig car ma byas pa rnams so/
/lam du 'gro ba dang 'brel ba ni/ lam du 'gro ba'i che ngal ba
dang ngal ba ma yin pa'i dge slong la sogs pa 'phul ba dang/ de
jal

sor ma bcug pa dang/ snod spyad ma blangs pa dang/ sngar phyin
te lhung bzed bkru ba dang byug ris dang byin lan dang 'ongs ma
'ongs brtag pa rnams ma byas pa dang/ zas kyi dus su mi sleb na
zas khyer te bsu ba la sogs pa'i grogs mi byed pa rnams so/
/bzhi pa bsam

ngan bzlog pa dang 'brel ba ni/ rdzas kyi phyir gzhan 'chi bar
'dod pa dang/ bya ba ma yin pa byed pa la sems kyis rjes su yi
rang bar byed pa'o/ /lnga pa bag med dang 'brel ba'i nyes pa ni/
shes bzhin med par gsang sngags kyi thal lcag byed pa dang/ shes
bzhin

med par mgul bar zas thogs pa bsal ba'i phyir bsnun pa dang/
spyi'u tshugs su 'gro ba dang/ mtshon la sogs pa 'phongs shig ces
bsgo ba rnams so/ /gnyis pa de las sems srung tshul la ltung ba
rnam gzhag las sems srung tshul ni/ rang gzhan gyi lus

srog la gnod pa byed 'dod dang/ gzhan gyis de'i gnang ba gsol ba
dang du len 'dod dang/ gnod par mthong yang ltos pa med par 'jug
'dod dang/ gnod pa'i dgag bya nye bar gnas pa na shes bzhin ma
bstan pa dang/ mi'i 'gro ba pa 'tshong 'dod rnams

'gog pa'o/ /bslab bya'i nyes byas las sems srung ba ni sngar
dang 'dra'o/ /bzhi pa smra ba'i pham pa la ltung ba ngos gzung
ba/ de las sems srung ba'i tshul gnyis/ dang po la ltung ba rnam
gzhag /bslab bya'i nyes byas gnyis/ dang po la bzhi las gzhi'i
yan

@22b lag la smra ba'i yul ni mi yin pa smra shes pa don go ba
bsam pa rang bzhin du gnas pa/ ma ning mchan gnyis ma yin pa ste
tha snyad lnga dang ldan pa/ lus tha mal du gnas pa/ rang las
rgyud tha dad pa'o/ /gang smra ba'i dngos po ni 'dod pa las 'das
pa'i yon tan mi rtag pa

la sogs pa'i 'du shes nyi shu dang/ bsam gtan gzugs med dang/
tshad med pa dang/ rgyun du zhugs pa la sogs pa'i 'bras bu rnams
dang/ mngon shes la sogs pa rnams so/ /bsam pa la gnyis las 'du
shes ni spyi dang bye brag la ma 'khrul ba'o/ /kun slong ni

'du shes bsgyur te bdag nyid mi chos bla ma dang ldan par smra
'dod rgyun ma chad pa'o/ /sbyor ba ni ngag tu grub pa/ rang gi
yin pa/ ma nor ba/ bdag gi rgyud dang sbyar ba/ gsal por smras
pa ste ngag mtshan nyid lnga dang ldan pas mi chos bla ma de dag
thob pa'am thob pa las nyams

par smras pa dang/ mi chos bla ma thob pa'i yon tan mi ma yin
gyis gnod pa mi byed pa la sogs pa de dag kho bo la yang byung
ngo zhes pa dang/ mngon shes ma thob pa'i yul du mi rung ba'i
lha la sogs pa rnams dang phan tshun mthong ba dang thos pa dang
gtam 'dre

ba sogs byed ngo zhes smras pa dang/ gzhan gyis de ltar smras pa
na ngag gis dang du len pa'o/ /mthar thug ni yul gyis don go
ba'o/ /ltung ba skyed pa'i go rim ni smra bar 'dod pa nas lus
ngag tu ma thon pa'i bar bsdam bya dang/ lus ngag tu thon nas
sbyor ba'i sbyor

pa'i nyes byas dang/ sbyor ba'i sbom po dang/ mthar thug pham pa
rnams ni rim pa bzhin no/ /de dag las gzhi'i yan lag ma tshang ba
rdul khrod kyi sha za sogs mthong ngo zhes smra ba dang/ 'dod
pa'i sas bsdus pa'i mi sdug pa la sogs pa'i sems rtse gcig pa
thob

@23a @#/ /bo zhes smra ba dang/ mi chos bla ma go bar 'dod nas so
sor thar pa la slob par bsams te/ slob pa'o zhes sogs rjod pa la
sbom po'o/ /sbyor ba'i yan lag ma tshang ba rgyun zhugs thob bo
zhes smra bar 'dod pa la phyir 'ong thob bo zhes smras pa

lta bu nor ba dang/ khyod kho bo dang 'dra na dgra bcom pa la
sogs par 'gyur ro/ /kho bo ni dgra bcom pa sogs ma yin no zhes
pa dang/ rang nyid mi chos bla ma dang ldan par go bar 'dod nas
'di na mi chos bla ma thob pa dag yod do zhes gzhan la sbyar nas
smra ba dang/

gzhan gyis khyod dgra bcom pa la sogs pa yin no zar ba la cang
mi smra bas dang du len pa dang/ dgra bcom pa la sogs pa yin na
khyim du zhugs shig /bsod snyoms long zhig ces zer ba la cang mi
smra bas khyim du 'jug pa sogs byed na sbom par 'gyur ro/ /

gnyis pa bslab bya'i nyes byas ni/ ma bsams par 'das ma 'ongs
sogs lung bstan pa'o/ /ltung ba rnam gzhag las sems srung tshul
ni/ 'du shes bsgyur te smra 'dod dang/ gzhan gyis smras pa 'du
shes bsgyur te dang du len 'dod 'gag pa'o/ /gnyis

pa lhag ma'i sde la 'dod pas kun nas bslang ba/ gnod pas kun nas
bslang ba/ bsgo ba las gyur pa'i dge 'dun lhag ma gsum mo/ /dang
po la nang sems can la chags pa dang/ phyi longs spyod la chags
pa'i lhag ma gnyis/ dang po la rang 'dod pa bsten pa'i

dang/ gzhan 'dod pa bsten du 'jug pa gnyis/ dang po la reg pa'i
bde ba la chags pa dang/ smra ba'i bde ba la chags pa gnyis/
dang po la rang gi sa bon gyi reg bya la chags pa 'byin pa dang
gzhan gyis lus kyi reg bya la chags pa reg pa'i dge 'dun

@023b lhag ma gnyis/ dang po la ltung ba ngos gzung/ de las sems
srung tshul gnyis/ dang po la bzhi las/ gzhi'i yan lag la gang
dbyung ba'i dngos po ni rang gi khu ba yin pa/ dang po'i gnas
nas ma 'phos pa'o/ /gang las dbyung ba ni rang gi yan lag gi
rnam pa las so/

gang gis dbyung ba ni sems can gson po'am shi ba'i lus sam de'i
du ma bu keng rus dang mgo dang rna ba la soD pa rang rang gi
yan lag gi rnam par gnas pa so/ /bsam pa la 'du shes 'khrul ma
'khrul 'dra zhing kun slong ni bde ba myong ba'i phyir ram/ sa
bon dang sman la sogs

pa'i phyir yang rung ste 'byin par 'dod pa rgyun ma chad pa'o/
/sbyor ba ni reg cing rtsal ba'o/ /mthar thug ni sbyor ba de'i
rkyen gyis dang po'i gnas nas 'phos pa'o/ /ltung ba skyed pa'i
go rim ni kun slong skyes nas lus ngag tu ma thon pa'i bar bsdam
bya yin pa sogs dmigs

bsal dngos su bshad pa ma gtogs pa lhag ma'i skabs kun la sngar
bzhin shes par bya'o/ /gang dbyung ba'i gzhi'i yan lag ma tshang
ba sbubs su 'ongs ba dang/ gzhan gyi khu ba 'byin pa dang/ gang
las dbyung ba'i gzhi'i yan lag ma tshang ba yan lag gi rnam pa

las gzhan pa'i lus la reg ste 'byin pa dang/ gang gis dbyung
ba'i gzhi ma tshang ba chu'i rgyun las bzlog phyogs dang rlung gi
rdzi phyogs ma yin par gtad de 'byin pa dang/ sems can du bgrang
pa ma yin pa stan dang khri la sogs pa dang/ sems can du bgrang
ba

yin yang yan lag gi rnam par gnas pa ma yin pa sha'i dum bu la
sogs pas reg ste 'byin pa dang/ kun slong gi yan lag ma tshang ba
chags sems kyis gzhal ba'i ched du yan lag gi rnam pa la reg pa
dang/ mnyer pa dang/ 'tshir ba dang/ las su rung ba la nom pa
dang/

@24a @#/ /yan lag gi rnam pa'i bu ga 'chir ba dang/ sbyor ba'i
yan lag ma tshang ba gar byed pa dang/ nam mkha' la rked pa
bskyod pa dang/ skyes pa dang bud mod sprod pa'i sbyor ba'i bde
ba dang/ khu ba 'byung kha'i bde ba dang/ gdung ba dang bral
ba'i bde ba rnams yid la

byas te 'byin pa dang/ dbyung 'dod med par rmi lam sogs su khu
ba dbyung ba'i ro myong ba dang/ sman zos nas 'byin pa dang/
dbyung ba'i phyir 'gro ba'i lam du khu ba phyung ba dang/ tshul
bzhin ma yin pa yid la byed pa tsam dang/ rtsal ba mad par yan
lag gi rnam pa la reg

pa rnams kyis khu ba 'byin na sbom po'o/ /mthar thug gi yan lag
ma tshang ba 'byin par brtsams pa tsam na sbyor ba btang ba dang/
dang po'i gnas nas 'pho bar 'gyur ba'i gnas skabs su dbyung ba'i
bya ba btang na sbom po'o/ /chags sems kyis chu'i rgyun dang
rlung

gi rdzi phyogs su gtod pa dang/ chags sems kyis de la blta ba
dang/ yan lag gi rnam pa las su rung ba la sems can du bgrang ba
ma yin pas reg pa dang/ gzhan gyi yan lag gi rnam pa'i bu ga
'tshir ba dang/ reg pa med par yan lag gi rnam pa 'gul ba

tsam gyis 'byin pa rnams la nyes byas so/ /de las sems srung
tshul ni/ rang ngam gzhan gyi sa bon la dmigs nas dbyung 'dod
dang/ chags sems kyis yan lag gi rnam pa la reg pa dang blta bar
'dod pa dang/ dbyung 'dod med pa las byung ba'i ro myang 'dod
'gog

pa'o/ /gzhan gyi reg bya la chags pa reg pa'i dge 'dun lhag ma
la ltung ba ngos gzung ba/ de las sems srung tshul gnyis/ dang po
la ltung ba rnam gzhag dang/ bslab bya'i nyes byas gnyis/ dang
po la bzhi las/ gzhi'i yan lag la gang la reg pa'i yul ni

@24b bud med kyi mchan don byed nus pa dang ldan pa/ lus bsten
du rung ba/ ma nyams pa/ lus dngos sam skra'am de dang 'brel
ba'i gos la sogs pa yin pa/ mi yin pa/ shes pa rang bzhin du
gnas pa/ lus tha ma la du gnas pa/ rma'i sgo gsum las gzhan yin

pa rnams so/ /reg byed ni yan lag gi rnam pa las gzhan pa'i rang
gi lus dngos ma nyams pa'o/ /bsam pa la gnyis las 'du shes ni
spyi dang bye brag la ma 'khrul ba'o/ /kun slong ni reg pa'i bde
ba myong bar 'dod pa'i 'dun pa 'dod chags dang ldan pa'o/ /

sbyor ba ni rang gis nom pa dang nyug pa sogs kyis reg pa'am
gzhan gyis reg pa dang du len pa'o/ /mthar thug ni reg pa'i bde
ba nyams su myong ba'o/ /yan lag de dag las gzhi'i yan lag ma
tshang ba bsten du mi rung ba'i bud med dang/ skyes pa dang/
mtshan

gang yang med pa'i ma ning pho mo dang/ sprul pa mo rnams la reg
pa dang/ bud med kyi lus la gos kyis bar du bcad de reg pa dang/
zas dang sa la sogs pa mo'i dbang por 'dzud pa dang/ kun slong
gi yan lag ma tshang ba 'jam pa dang dro ba dang snyi ba'i bsaM

pas reg pa rnams la sbom po'o/ /rkang pa la sogs pas bud med la
'phul ba dang/ bud med kyang de'i stan 'phul ba dang/ bud med
'gyel ba ldang nus bzhin du slong ba rnams la nyes byas so/
/gnyis pa bslab bya'i nyes byas ni/ chags sems med kyang

dge slong ma dang bud med la reg pa dang/ chu la sogs par nyam
thag pa bsgral ba'i phyir ma reg pa dang/ reg dgos pa'i tshe yang
ma la sogs pa'i 'dus shes kyis lag pa'am skra sogs las ma reg pa
dang/ dran pa rnyed pa'i thabs la ma 'bad pa dang/ de ma

@25a @#/ /bsrungs pa dang/ zas la 'gro ba la sogs pa'i tshe gzhan
la ma bcol ba dang/ srog 'tshe mi 'tsho ma brtags pa rnams so/
/sems srung tshul la ltung ba rnam gzhag las sems srung tshul ni/
mtshan mi mthun gyi lus dngos sam de dang

'brel ba'am de'i stan sogs la dgos pa med par reg 'dod dang/
mtshan mthun gyi lus dngos sam de dang 'brel ba'am de'i stan sogs
la chags sems kyis reg 'dod 'gog pa'o/ /gnyis pa smra ba'i bde
ba la chags pa'i lhag ma la ltung ba ngos gzung ba

dang/ de las sems srung tshul gnyis/ dang po la gnyis las 'khrig
tshig smra ba'i lhag ma la bzhi las/ gzhi'i yan lag la gang la
brjod pa'i yul ni mi yin smra shes legs smras nyes smras kyi don
go /gsam pa rang bzhin du gnas pa ste tha snyad gzhi ldan

dang/ bud med kyi mtshan don byed nus pa dang/ lus tha mal du
gnas pa/ bsten du rung ba/ rdzu 'phrul can ma yin pa'o/ /gang
brjod pa'i dngos po ni/ yul dus der 'khrig par gsal por grags
pa'o/ /bsam pa la 'du shes spyi dang bye brag la ma 'khrul

ba'o/ /kun slong ni 'khrig pa smras pa'i bde ba myong bar 'dod
pa'i 'dun pa 'dod chags dang ldan pas smra 'dod rgyun ma chad
pa'o/ /sbyor ba ni mi chos bla ma'i skabs su bshad pa'i ngag
mtshan nyid lnga ldan gyis smra bar rtsom pa'o/ /mthar thug ni
yul gyis don go

ba'o/ /de dag las gzhi'i yan lag ma tshang ba bud med rdzu 'phrul
can la smras pa dang/ skyes pa la smras pa dang/ legs smras nyes
smras kyi don mi go ba la smras pa dang/ 'khrig pa dang 'brel
ba'i don khyod kyi rma'i sgo legs par dod do zhes sogs dang/
tshur shog

@25b de dang de bya'o zhes sogs dang/ kho bo ni khyod la dga' ba
dang yid du 'ong ngo zhes sogs dang/ kho bo dang lhan cig nyol
cig ces sogs brjod pa dang/ kun slong gi yan lag ma tshang ba
chags sems med par goms pa'i dbang gis gnas ngan len brjod pa
rnams la sbom

po'o/ /gnyis pa bsnyen bkur bsngags pa'i lhag ma la bzhi las/
gzhi'i yan lag la gang brjod pa'i dngos po ni 'khrig pa'i bsnyen
bkur dang/ kun slong ni 'khrig pas bsnyen bkur bsdags pa smras
pa'i bde ba myong 'dod kyi yid kun du 'dod chags dang ldan

pa'o/ /sbyor ba ni bdag lta bu'i dge slong la 'khrig pas bsnyen
bkur byas na bsnyen bkur rnams kyi mchog go zhes sogs ngag mtshan
nyid lnga ldan gyis smra ba'am gzhan gyis de ltar smras pa na
ngag gis dang du len par rtsom pa ste yan lag lhag ma rnams sdur

dang 'dra'o/ /yan lag de dag las gzhi'i yan lag ma tshang ba
skyes pa la smras pa dang/ legs smras nyes smras kyi don mi go
ba la smras pa dang/ bdag nyid dang 'khrig pa gang rung gcig
dang sbyar te smra na sbom po dang/ gnyi ga dang ma sbyar bar
'khrig pa la bsams/

dge slong rnams la bsnyen bkur byas na zhes sogs smra ba ni nyes
byas so/ /gnyis pa sems srung tshul ni 'khrig tshig dang 'khrig
pas bsnyen bkur bsngags pa smra bar 'dod pa'am/ gzhan gyis smras
pa dang du len 'dod 'gog pa'o/ /gnyis pa gzhan 'dod pa bsten

du 'jug pa smyan byed pa'i lhag ma la bzhi las/ gzhi'i yan lag
la gang sprad par bya ba ni mi yin smra shes don go ba bsam pa
rang bzhin du gnas pa/ bsten du rung ba/ skyes pa dang bud med
kyi mtshan don byed nus pa dang ldan pa/ rang las rgyud tha dad
cing sprad bya yang

@26a @#/ /rgyud tha dad pa/ pha ma sogs kyis 'di khyod kyi
chung ma gyis shig ces chu tshigs kyis byin pa dang/ pha ma
sogs la rin bcal te 'di bdag gi chung ma bya'o zhes bsrungs pa
rin chas nyos pa dang/ gzhan las phrogs te 'di bdag gi chung

ma bya'o zhes bsrungs pa btsan phrogs su thob pa ste chung ma
bzang po gsum dang/ bud med kyis yid gcugs pa'i sgo nas skyes
pa la bdag gi khyim thab mdzod cig ces pa dang du blangs te
bsrungs pa dang sems 'dus pa dang/ bud med kyis skyes pa la

bdag gi gos zas stsol cig dang bdag gis khyed kyi chung ma
bya'o/ /zhes smras pa dang du blangs te bsrungs pa gos zas
kyis 'tshos pa dang/ bud med kyis skyes pa la bdag cag gnyis
kyi nor gcig tu bsdus te mnyam du 'tsho bar bya'o zhes pa dang
du blangs te

bsrungs pa kha dum pa dang/ skyes pas bud med 'di dang dga'
mgur spyad par bya'o snyam nas glags shing yud tsam par gyur
te bsrungs pa thang 'ga' phrad pa ste chung ma ngan ma bzhi
dang/ chung ma ma yin yang gla rngan med par lan bzhi yan chad
zhugs pa gang

rung gi sgo nas mthun pa ma thob pa'am sngar mthun pa thob
kyang nyams pa ste/ de yang chung ma ngan ma bzhi dang lan
grangs kyis mthun pa ni 'thab pa tsam dang phra ma sogs gang
rung gis nyams la/ chung ma dam pa gsum ni chung ma min par
bsgrags pa dang dril 

bsgrags pa'i 'thab mo gang rung gis mthun pa nyan sa so/
/'phrin bya ba'i yul ni sprad bya de gnyis sam de gnyis kyis
bdag po pha ma la sogs pa de gnyis la dbang byed cing tha
snyad lnga dang ldan pa'o/ /sbyor ba ni dang ngor skyes pa lta
bu las 'phrin nod pa dang/

@26b de bud med lta bu la skyel ba dang/ de'i 'phrin lan phyir
skyel ba rnams rang ngam rang gis mngags pa'am spring yig la
sogs pas byed par rtsom pa'o/ /'phrin lan skyel ba ni rang gis
brda la sogs pas go bar byas pa'am rang la ma ltos par gzhan
la

thos pas kyang 'grub bo/ /bsam pa la 'du shes ma 'khrul zhing
kun slong ni sprang pa'i don du mthun pa sgrub 'dod rgyun ma
chad pa'o/ /mthar thug de'i de dbang gis lam dang yan lag
phrad pa'o/ /ltung ba skyed pa'i go rim ni sbyor ba'i sbyor
ba'i bar gong dang 'dra la/

sbyor ba la 'phrin gsum po re re la ltos pa'i sbom po tha dad
pa gsum 'byung ngo/ /mthar thug la sprad bya zung gcig dge
slong du mas sprod pa la dge slong re re la lhag mar 'gyur la/
sprad bya du ma dge slong gcig gis sprod pa la sprad bya zung
de snyed la ltos pa'i

lhag mar 'gyur ro/ /de dag las gzhi'i yan lag ma chang ba
chung ma dam pa gsum rde'u gsum gtor ba dang cho ga btang ba
gang rung gis 'thab mo byas pa dang/ mngal du ma zhugs pa
dang/ zhugs pa tsam dang/ brtul zhugs la gnas pas 'khrig pa mi

bsten par nges pa dang/ mo'i dbang po med pas bsten mi rung
dang/ rin gyis nyos zin pa dang/ mthun pa thob zin pa dang/
sngar chung mar byin pa las phyis mi ster ba sprad pa dang/
rang gi ched du smyan byed pa dang/ kun slong gi yan lag ma
tshang ba dge 'dun gyi chos

ston dang/ khyim dang nor gyi bdag po la sogs pa'i phyir du
'phrin byas te bos pa'i dbang gis phrad pa dang/ sbyor ba'i
yan lag ma tshang ba 'khrig pa sprad pa'i phyir dus byas pa
ston pa dang/ 'thab krol gyis bud med 'phrog pa'i 'phrin byed
pa dang/ chung ma'aM

@27a @#/ /bud med che ge mo nyos shig ces zer ba rnams la sbom
po'o/ /sprad bya dang de gnyis kyi bdag po las gzhan la 'phrin
nod pa dang skyel ba sogs byed pa dang/ chung ma dam pa gsum
tshig rtsub po smra ba sogs kyis 'thab mo byas pa'i gnas

skabs dang/ 'thab mo byas ma thag dang/ dum pa bcad pa'i 'thab
mo byas pa sprod pa dang/ ci'i phyir khyi'u 'di dang bu mo 'di
mi sprad ces sogs zor ba dang/ ming ma smos par bud med nyos
shig ces zer ba tsam dang/ skyes pa dang bud med brda byas pa
dris pa

na rnyed med ces zer ba rnams nyes byas so/ /de las sems srung
tshul ni mi tshangs spyod srung tshul du 'dus so/ /gnyis pa phyi
longs spyod la chags pa'i lhag ma la ltung ba ngos gzung/ de
las sems srung tshul gnyis/ dang po la ltung ba rnam gzhag dang

bslab bya'i nyas byas gnyis/ dang po la khang pa dang khang
chen gnyis las khang pa'i lhag ma la bzhi las gzhi'i yan lag
la gang du brtsig pa'i gnas ni rang ngam bskos pas ngag mtshan
nyid lnga ldan gyis gzhan las btsal ba dang/ grog spur

sogs la gnod pa'i gzhi mi rung ba dang/ gzhan dang rtsod pa
dang bcas pa'i gnas dang/ rtsig pa'i phyi rol 'dom gang tshun
chad du chu klung ngam ngam grog gam/ khron pa sogs yod pas
brtsam du mi rung ba ste de gsum tshang ba'i gzhi ma dag pa dag

'dun la ma bsan pa'o/ /gang gis brtsig pa'i yo byad ni rang
dam rang gis 'tshol bar rjes su gnang ba'i gang zag gis gzhan
la bslangs pa'o/ /gang brtsig pa'i gnas ni gnas kyi ngo bor
grub pa/ spyod lam bzhi shong ba/ nang gi srid du khru bco

@27b brgyad zheng du khru phyed dang bcu gcig las khru phyed
yan chad kyis lhag pa/ sngar chad la gnod pa'i bzo'i rtsom pa
ma byas pa'o/ /bsam pa la 'du shes ma 'khrul zhing kun slong
ni dkon mchog gi don ma yin zhing bdag po gcig gi don du rtsig
'dod rgyun

ma chad pa'o/ /sbyor ba ni rang dga' 'am gzhan gyis bskos pa
gang rung gis rang gis rtsig pa'am gzhan rtsig tu 'jug par
rtsom pa'o/ /bskos pa des brtsig pa'i gnas la sogs pa ji skad
bsgo ba bzhin mi byed pa la lus ngag gis dang du len pa

des kyang lhag mar 'gyur ro/ /mthar thug de'i rkyen gyis thog
bkab cing bskor ba yongs su rdzogs pa'o/ /de dag las gzhi'i
yan lag ma tshang ba gang zag gnyis sam gsum gyi don du rtsig
pa dang/ gzhan dbang ba'i sar de nyid kyi don du de la ma dris

par rtsig pa dang/ gzhan gyis khang pa byas pa'i 'phro zin par
byed pa dang/ yo byad ma btsal bar rtsig pa dang/ gzhi ma dag
pa gsum ga'am gang rung ma tshang ba dang/ dge 'dun las gnang
ba ma thob par rtsig pa dang/ mthar thug gi yan lag ma tshang
ba

thog med pa'i gnas rtsig pa rnams la dkon mchog dang bdag po
bzhir longs kyi don ma yin zhing btsal ba dang tshad lhag pa
gnyi ga'am gang rung tshang na sbom po dang/ yan lag gzhan
thams cad med kyang btsal ba dang tshad lhag gang rung gcig

tshang ba la yang sbom po'o/ /btsal ba dang tshad lhag gang yang
med na yan lag gzhan thams cad tshang yang nyes byas so/ /gnyis
pa khang chen gyi lhag ma la bzhi las/ gzhi'i yan lag la gang
du brtsig pa'i gzhi ni gzhi ma dag pa gsum

@28a @#/ /dang ldan pa'o/ /gang brtsig pa'i gnas ni tshad lhag
ma gtogs pa khang pa dang 'dra'o/ /bsam pa la 'du shes ma
'khrul zhing/ kun slong ni dkon mchog dang bdag po bzhir longs
kyi don du byed 'dod rgyun ma chad pa'o/ /sbyor ba

dang mthar thug khang pa'i skabs bzhin no/ /de dag las gzhi'i
yan lag ma tshang ba dkon mchog dang bdag po bzhir longs gang
rung gi don du gzhan gyis gtsug lag khang byas pa'i 'phro zin
par byed pa dang/ kun slong gi yan lag ma tshang ba dkon

mchog dang bdag po gnyis sam gsum gyi don du rtsig pa dang/
dkon mchog gi don ma yin par bdag po bzhir longs kyi don du
bdag po de nyid dbang ba'i sar de la ma dris par rtsig pa
dang/ mthar thug gi yan lag ma tshang ba dkon mchog

dang bdag po bzhir longs gnyi ga'am gang rung gi don du thog
med pa'i gnas rtsig pa rnams la gzhi ma dag pa gsum ga'am gang
rung tshang na sbom por 'gyur la gzhi ma dag pa gsum gang yang
ma tshang na yan lag gzhan thams cad tshang

yang nyes byas so/ /gnyis pa bslab bya'i nyes byas ni/ gzhi
dag par khang pa dang khang chen gyi gnang ba gsol ba'i 'og tu
sgrub par nus bzhin du mi byed pa'o/ /gnyis pa de las sems
srung tshul ni/ sa gzhi dang yo byad btsal ba dang/ gzhi

ma dag pa dang/ dag kyang gnang ba ma thob pa dang/ gnang ba
thob kyang tshad las lhag pa byed 'dod dang/ gnang ba thob pa'i
'og tu mi byed pa rnams 'gog pa'o/ /gnyis pa gnod pas kun nas
bslangs ba'i lhag ma la dngos bzhi dang na smad gnyis/

@28b dang po la gzho med pa gtsam gnyis/ dang po la bzhi las
gzhi'i yan lag la gang la skur ba gdab pa'i yul ni mtshan dang
lta ba mthun pa yin na bsnyen rdzogs sdom pa gsor rung yan
chad dang/ mi mthun pa yin na rnam par dag pa dang/ smra shes
don go

bsam pa rang bzhin du gnas pa ste tha snyad gsum ldan dang/
lus tha mal du gnas pa dang/ rang las rgyud tha dad pa'o/
/gang la go bar bya ba'i yul ni skur ba gdab pa de nyid dam
gzhan gang yang rung ba tha snyad lnga dang ldan pa lus tha
mal du

gnas pa rang las rgyud tha dad pa'o/ /gang gis skur pa gdab
pa'i dngos po ni pham pa yin no/ /bsam pa la 'du shes ni pham
pa byung ba dang ma byung ba gnyi ga de ltar 'du shes pa yod
med 'dra zhing/ kun slong nyams par 'dun pas skur pa 'debs

'dod rgyun ma chad pa'o/ /sbyor ba ni ngag mtshan nyid lnga
ldan gyis dge slong che ge mos mi tshangs par spyod pa'i pham
pa byas so zhes sogs skur pa gdab pa'i ming nas smos te byed
pa po dang bya ba sbyar nas skur pa 'debs par rtsom pa'o/
/mthar thug ni smra ba'i

yul gyis don go ba'o/ /gnyis pa bag tsam gyis lhag ma la gzhi
dang bsam pa mthar thug gi yan lag rnams gong dang 'dra zhing
sbyor ba ni dge slong 'di dang bud med 'di mthong ngo/ /mi
tshangs par spyod pa mthong ngo/ /zhes sogs byed pa po dang bya

ba ma sbyar bar ngag mtshan nyid lnga ldan gyis skur pa 'debs
par rtsom pa'o/ /gzhi med bag tsam gnyi ga la mthong thos dogs
gsum gyi gzhi yod kyang gang gis glengs pa de'i gzhi med bzhin
du gleng ba dang/ sngar mthong thos dogs gsum gyis

@29a @#/ /gzhi yod kyang brjed nas de gsum gyis skur pa 'debs
pa rnams la yang lhag mar 'gyur te lung las mthong thos dogs
pa gsum med pa la 'du shes bsgyur te mthong thos dogs gsum
gyis skur pa 'debs pa gsum dang/ sngar mthong

thos dogs pa gsum yod kyang brjed nas mthong thos dogs gsum
gyis skur pa btab pa gsum dang/ thos pa la yid ches nas dang
ma ches par mthong ngo zhes pa gnyis dang/ thos pa la dogs pa
dang mi dogs par mthong ngo zhes pa gnyis dang/ dogs pa dogs

pa na mthong ngo zhes skur pa 'debs pa ste ma dag pa la skur
pa 'debs pa'i gzhi bcu gcig gsungs pa'i phyir ro/ /gnyis pa na
smad ni/ zag byed la bsams nas ma ning mo sbubs med pa la mi
tshangs par spyod do zhes dge slong la skur pa 'debs pa dang/  

ma ning pho dang lhan cig mi tshangs par spyod do zhes dge
slong ma la skur pa 'debs pa dang/ skur pa gdab bya'i ming ma
smos par skur pa 'debs pa rnams la sbom po dang/ de bzhin
gshegs pa la ngan sems kyis khrag phyung ba dang dge 'dun gyi
dbyen byed

pa'i mtshams mad kyis skur pa 'debs pa dang/ bdag gis bsams te
smras so zhes sogs gzhogs smos kyis skur pa 'debs pa rnams la
nyes byas so/ /gsum pa bsgo ba las gyur pa la ltung ba ngos
gzung/ de las sems srung tshul gnyis/ dang po

la dngos gzhi dang na smad gnyis/ dang po la bzhi'i dang po
dge 'dun dbyen gyi lhag ma la bzhi las gzhi'i yan lag la gnas
ni mtshams kyi nang yin pa/ dus ni bstan pa la skyon byung ba/
yul kha skong du 'os pa brgyad yan chad du tshang ba/ dngos po
ni chos

@29b ma yin pa'i lta bas 'byed pa'o/ /rten kha skong du 'os
pa'o/ /bsam pa la gnyis las 'du shes ma 'khrul zhing kun slong
ni dbyen la zhugs pa dge 'dun gyis bzlog pa na mi gtong bar
'dod pa rgyun ma chad pa'o/ /sbyor ba ni bzhams bsgo ba dang
las

chos ldan gyis bzlog kyang mi gtong bar rtsom pa'o/ /mthar
thug ni brjod pa gsum pa'i mtha' la mi gtong ba'o/ /gnyis pa
rjes su phyogs pa'i lhag ma la bzhi las gzhi'i yan lag la rten
ni bsnyen rdzogs kyi sdom pa dag pa/ 'byed pa po dang

lta ba dang mtshan mthun/ tha snyad gsum dang ldan/ lus tha mal
du gnas pa'o/ /bsam pa 'du shes ma 'khrul zhing kun slong
dbyen gyis grogs byed pa la zhugs pa bzlog kyang mi gtong bar
'dod pa rgyun ma chad pa'o/ /sbyor ba ni lhag ma skyed nus kyi
dbyen

gyi grogs la zhugs pa bzhams bsgo sogs kyis bzlog kyang mi
gtong bar rtsom pa'o/ /mthar thug ni sngar bzhin no/ /gsum pa
khyim sun 'byin pa'i lhag ma la bzhi las gzhi'i yan lag gang
sun 'byin pa'i yul ni rab byung gi rtags sdom gang

dang yang mi ldan pa'i khyim pa'o/ /grong gis sun 'byin pa'i
dngos po ni rang gi tshul khrims dang 'gal ba dang gzhan gyi
nyes pa bsgrags pa'o/ /gang la skur pa gdab pa'i yul ni bsnyen
par rdzogs pa'i sdom pa dag pa lta ba rang mtshan mthun tha
snyad gsum

ldan lus tha mal du gnas pa/ rang las tha dad pa ste dge slong
chos drug ldan tshogs su longs pa/ rang skrod pa la chos dang
ldan par zhugs pa'o/ /gang la go bar bya ba'i yul ni tha snyad
lnga dang ldan pa/ lus tha mal du gnas pa/ bdag las tha dad
pa'o/ /rten ni

@30a @#/ /bskrad pa nan tur byas pa'o/ /bsam pa la 'du shes ma
'khrul zhing kun slong rang skrod pa po'i dge 'dun la skur pa
'debs pa bzlog kyang mi gtong bar 'dod pa rgyun ma chad pa'o/
/sbyor ba ni khyim sun 'byin pa la dge 'dun gyis bskrad

las byas pa'i tshe skur pa 'debs par zhugs pa la bzlog kyang mi
gtong bar rtsom pa'o/ /mthar thug ni sngar bzhin no/ /bzhi pa
bka' blo mi bde ba'i lhag ma la bzhi las gzhi'i yan lag la
gleng ba dang du mi len pa'i yul ni dge slong mtha'

dag go /gang la go bar bya ba'i yul ni rang la gleng ba po yin
no/ /rten ni gleng dran byas pa'o/ /bsam pa la 'du shes ma
'khrul zhing kun slong bka' blo mi bde ba'i tshig smra ba bzlog
kyang mi gtong bar 'dod pa rgyun ma chad pa'o/ /sbyor ba ni
bka' blo mi bde

ba la zhugs pa bzlog kyang mi gtong bar rtsom pa'o/ /mthar
thug gong dang 'dra'o/ /na smad ni lhag ma bzhi po de'i sbyor
ba la zhugs pa na bzhams te bsgo ba dang/ gsol ba dang brjod
pa dang po dang gnyis pa rnams kyi mtha' dang/ brjod pa gsum
pa'i mtha'

la ma btang ba'i lhag ma'i snga rol rnams su sbom po re rer
'gyur ro/ /gzhan gyi 'khor kha 'dren pa dang/ gnas pa chad pas
bcad pa dge slong gzhan gyis sdud pa dang/ dge 'dun 'dus pa na
chos ma yin pa chos su dang chos chos ma yin par ston pa dang/

mtshams nang du las la dbang ba'i dge slong yod par shes pa'am
dogs bzhin du tha dad du 'dod pas las byed pa dang/ 'dis dag
pa dang grol ba 'thob snyam pa'i bsam pas mi smra ba'i yi dam
byed pa dang/ gcar bu dang skra las byas pa dang 'ug pa'i

@30b rgyal mtshan 'chang ba dang/ mi 'chags par shes bzhin du
dbyen dang gnas dbyung byed pa dang/ kun gyis shes pa dang
bsod nams chen po dang sde snod 'dzin pa dang thos pa dang
phyogs dang 'khor mang ba rnams la nan tur byed pa dang/ rig
sngags sgrub  

pa la sogs pa'i don du sha rlon pa za ba rnams la dbyen du
gtogs pa'i sbom po dang/ dbyen byed pa sogs bzhi la zhugs pa
tsam dang/ khyim sun 'byin pa dang bka' blo mi bde ba la bskad
pa dang gleng dran ma byas pa'i snga rol tu dge 'dun la skur

pa 'debs pa dang bka' blo mi bde ba'i tshig brjod pa rnams la
nyas byas so/ /bslab bya'i nyes byas ni/ dge 'dun gyi dbyen
byed pa dang de'i grogs byed pa dang bskrad pa dang gleng dran
byas nas skur ba 'debs pa dang bka' blo mi bde ba'i tshig brjod
pa rnams

la bzhams bsgo dang gsol bzhi'i las kyis ma bzlog pa dang/
bskrad pa dang gleng dran ma byas par skur pa 'debs pa dang/
bka' blo mi bde ba'i tshig brjod pa la bzhams bsgo sogs byed pa
rnams so/ /de rnams la sems srung tshul ni/ gzhi med bag

tsam gnyis bsgo gyur dang po gsum rnams ni mi chos bla ma'i
srung tshul du 'dus so/ /bka' blo mi bde ba las sems srung tshul
ni/ ltur ba gleng dran byas pa dang du mi len par 'dod pa 'gog
pa'o/ /ltung byed la zhag gi chad las dang 'brel ba srang ba'i

lhung byed dang/ bshags pa tsam dang 'brel ba ltung byed 'ba'
zhig pa gnyis/ dang po la gos la brten pa/ nor la brten pa/
snod spyad la brten pa/ zas la brten pa dang bzhi/ dang po gos
dngos la brten pa/ stan la brten pa/ bal la brtan pa gsuM/ 

@31a @#/ /dang po la gos yod pa la log sgrub dang/ med pa tshol ba
gnyis/ dang po la 'chang ba 'jog pa 'bral ba gnyis 'khrur 'jug
mtho gang gi slang ba ste drug las dang po la bzhi las gzhi'i
yan lag la gang 'chang ba'i dngos po ni gos yin pa/

rgyu'i sgo nas rung ba/ tshad ldan/ rang dbang zhing gnas skabs
dbang byar yod pa/ kha skong gi gos la re ba byed du mi rung
ba'am rung yang re ba med pa/ byin gyis ma brlabs pa'am brlabs
kyang shan rjes su zhugs pa dang bcas pa yin pa'o/ /rten ni sra
brkyang ma bting ba'o/ /

bsam pa la 'du shes ma 'khrul zhing kun slong rang dgar 'chang
'dod rgyun ma chad pa'o/ /sbyor ba rang stobs sam shan stobs
gang rung gis zhag bcu bar ma chad du 'chang bar rtsom pa'o/
/mthar thug rang ngam shan stobs kyis zhag 'das pa'o/ /ltung bar

'gyur tshul ni 'chang 'bral 'jog pa gsum dang lhung bzad 'chang
ba dgon pa pa'i 'bral bar sa chen dang dbyar rnyed bzhag 'phyis
gsog 'jog gi spang ba ste brgyad po rnams gnang la tshad bzung
yin pas sbyor ltung med la/ gos dang lhung bzed zhag bcu 'chang
ba

zhag bdun pa'i gsog 'jog gi spang ba rnams la shan stobs kyis
ltung bar 'gyur tshul ni/ 'chang ba la rang stobs kyis spang ba
skyed pa'i dngos po de rnyed nas zhag bcu'i nang rol tu gos sam
lhung bzed du rigs mthun pa gzhan zhig rnyed pa las byin gyis ma

brlabs pa'am 'tsho ba'i yo byad dang mkho ba'i yo byad kyi byin
rlabs byas kyang gzhan la bsngo ba dang/ rnam brtag ma byas par
'chang na sdams zhag bcu 'das pa na phya ma la yang shan stobs
kyis spang bar 'gyur la/ de yang byin gyis ma brlabs pa la shan
'byung

@031b ba la ni shan rdog byed las zhag gcig gi 'og tu rnyed pa
dgos la/ byin rlabs can ni rdeg byed dang mnyam du rnyed pa la
yang shan 'byung ngo/ /zla bar 'jog pa la ni byin gyis ma brlabs
pas byin gyis ma brlabs pa nyid la rdeg pa'i tshul sbyar te shes
par bya'o/ /zhag

bdun pa'i gsog 'jog gi spang ba la ni brdeg bya rdog byed gnyi
ga zhag bdun pa'i byin rlabs can dang brdag bya zhag gcig gis
phyis rnyed pa dgos shing rdeg byed bu ram yin na brdeg bya yang
bu ram lta bu nang tshan gyi rigs mthun pa dgos so/ /de dag las

gzhi'i yan lag ma tshang ba khru gang du ma longs pa re ba med
par 'chang ba dang/ 'khor gsum gyi phyed mi khebs pa dang rgyu
mi rung ba rnga ba la las byas pa sogs la re ba mi 'chags pas re
ba dang bcas te 'chang ba la yang zhag bcu 'chang ba'i nyes byas
so/ /dri'u

thog la sogs pa la yang re ba mi 'chags pas zhag bcu 'chang ba'i
ltung bar 'gyur ro/ /gnyis pa zla bar 'jog pa'i spang ba la
ltung ba rnam gzhag dang bslab bya'i nyes byas gnyis/ dang po la
bzhi las gzhi'i yan lag la gang 'jog pa'i dngos po ni gos yin

pa/ rgyu'i sgo nas rung ba/ khru gang du longs shing 'khor gsum
khebs pa las chung ba/ rang dbang zhing gnas skabs dbang byar
yod pa/ kha bskang gi gos la re ba dang bcas pa/ byin gyis ma
brlabs pa'o/ /rten ni sra brkyang ma bting ba chos gos ma tshang
pa'o/ /bsam

pa la 'du shes ma 'khrul zhing kun slang rang dgar rang don du
'chang 'dod rgyun ma chad pa'o/ /sbyor ba rang ngam shan stobs
kyis zhag sum cu bar ma chad du 'jog par rtsom pa'o/ /mthar thug
de'i dbang gis rang ngam shan stobs kyis zhag sum cu 'das pa'o/
/khru gang

@32a @#/ /las chung zhing re ba 'chags rung zhig re ba dang bcas
te 'chang na zla ba 'das pa'i tshe nyes byas so/ /gnyis pa bslab
bya'i nyes byas ni/ snam sbyar dang gding ba sar ba la nyis rim
dang bla gos dang mthang thos tshig rkyang du ma byas pa dang/
dus

tshigs su spyad pa la rim pa de rnams las nyis 'gyur du ma byas
pa dang/ rim pa de dag las lhag par byas pa dang/ rim pa de dag
la byi dor sogs byed pa'i tshe 'di nyid du sbyar bar bya'o snyam
pa'i blo ma bskyed par phog pa dang/ snam sbyar gyi snam phran
dgu

ma longs pa dang/ nyi shu rtsa lnga las lhag pa dang/ snam phran
bcu pa sogs su byas pa dang/ snam phran dgu ba bcu gcig pa bcu
gsum pa rnams la glegs bu phyed dang gsum pa dang/ snam phran
bco lnga pa bcu bdun pa bcu dgu pa rnams la glegs bu phyed dang

bzhi pa dang/ snam phran nyer gcig pa nyer gsum pa nyer lnga pa
rnams la glegs bu phyed dang lnga pa rnams ma byas pa dang/ snam
phran glegs bu dang bcas pa'i chos gos gsum la srid du khru lnga
zheng du khru gsum las lhag par byas pa dang/ phyed dang lnga
dang

phyed dang gsum las chung ba byas pa dang/ snam phran glegs bu
med pa'i bla gos la srid du khru bcu gnyis dang zheng du khru
gsum las lhag pa dang/ phyed dang gsum las chung ba dang/ snam
phran med pa'i mthang gos la srid du khru bdun zheng du khru do
las

lhag pa dang 'khor gsum khebs pa'i tshad las chung ba byad pa
rnams la nyes byas so/ /bla gos dang mthang gos la ma dras pa
byas kyang nyes pa med la byed na bla gos la snam phran bdun pa
glegs bu phyed dang gsum pa dang/ mthang gos la snam phran lnga

@32b pa dang glegs bu phyed dang gnyis pa bya'o/ /gsum pa 'bral
ba'i spang ba la ltung ba rnam gzhag dang bslab bya'i nyes byas
gnyis/ dang po la bzhi las gzhi'i yan lag la gang dang 'bral
ba'i dngos po ni chos gos gsum gang rung tshad ldan dngos kyi
byin rlabs

dang ldan pa/ dgon pa pas 'jigs pa dang bcas pa'i tshe gnas gzhan
du bzhag pa'i snam sbyar ma yin pa'o/ /gnas ni chos gos kyi gnas
nye 'khor dang bcas pa las gzhan yin pa'o/ /gang gis 'bral ba'i
rten ni sra brkyang ma bteng ba snam sbyar gyi cha

nas mi 'bral ba'i gnang ba ma thob pa'o/ /bsam pa la 'du shes ma
'khrul zhing kun slong rang dgar 'bral 'dod rgyun ma chad pa'o/
/sbyor ba 'bral bar rtsom pa/ mthar thug zhag gcig gi mtshan mo
'das pa'o/ /gnyis pa bslab bya ni nyi ma de nyid la phyir 'ong

ba'i bsam pa med par gding ba bzhag ste 'gro ba dang/ phyir 'ong
bar bsams te song ba las ma nus na gding ba ma g.yar bar gnas
pa dang/ ma rnyed na bla gos kyis gnas mal la ma bskyabs pa
dang/ der yun ring du nyal ba dang/ dge slong dang sgo glegs

med pa'i gnas su ras chen 'jog pa dang/ char bab pa dang chu
klung gis chod pa dang de gnyis 'byung bar dogs pa rnams su 'gro
ba'i tshe ras chen ma khyer ba dang/ gzhag pa'i gnas su dge slong
dang sgo glegs yod pas rlag pa'i nyes dmigs med cing khyer

ba'i tshe char 'bab pa sogs kyis chud za ba'i nyes dmigs yod pa'i
tshe snam sbyar khyer ba dang/ gzhag pa'i gnas su nyes dmigs yod
cing khyer ba'i gnas su nyes dmigs med pa'i tshe ma khyer ba
dang/ gnyi gar nyes dmigs yod pa'i tshe ma khyer

@033a @#/ /ba dang/ gnyi gar nyes dmigs med pa'i tshe gnang ba ma
thob pa dang/ sra brkyang ma bting ba rnams kyis snam sbyar ma
khyer ba dang/ snam sbyar bzhag ste nyi ma de nyid la phyir mi
sleb pa'i gnas su 'gro ba dang/ gnas gzhan du song nas

snam sbyar yod pa'i gnas su ldog ma nus pa'i tshe snam sbyar gyi
byin rlabs ma phyung ba dang/ rgan po dang nad pas snam sbyar
dang mi 'bral ba'i gnang ba gsol ba'i tshe ma byin pa rnams la
nyes byas so/ /bzhi pa dgon pa pa'i 'bral spang la bzhi las

gzhi'i yan lag la gang dang 'bral ba'i dngos po ni dgon pa pa'i
gnas 'jigs pa dang bcas pa'i dus kyi snam sbyar byin rlabs can
no/ /gang gis 'bral ba'i rten ni dgon pa ba'i yi dam dang ldan
zhing sra brkyang ma bting ba dang/ mi

'bral ba'i gnang ba ma thob pa dang/ dgon pa pa dang chos gos
kyi gnas su 'ong ba'i bar chad dang mi ldan pa'o/ /gang du 'bral
ba'i gnas ni chos gos yod pa'i gnas dang dgon pa las gzhan yin
pa'i/ /bsam pa la

'du shes ma 'khrul zhing kun slong rang dgar 'bral 'dod rgyun ma
chad pa'o/ /sbyor ba 'bral bar rtsom pa/ mthar thug zhag drug
pa'i mtshan mo 'das pa'o/ /lnga pa 'khrur 'jug pa'i spang ba la
ltung ba rnam gzhag dang bslab bya'i nyes byas gnyis/

dang po la bzhi las gzhi'i yan lag la gang la 'khrur 'jug pa'i
yul ni dge slong ma'i sdom pa dag pa/ lta ba mthun pa/ mtshan mi
mthun pa/ lus bsten du rung ba/ tha snyad gsum dang ldan pa/ lus
tha mal du gnas pa/ nya du dang rdzu 'phrul can

@033b ma yin pa'o/ /gang 'khrur 'jug pa'i dngos po ni chos gos
gsum dang gding ba rnams gang yang rung ba tshad ldan dnges kyi
byin rlabs can yin pa/ rnying pa'am mi gtsang ba sogs kyis gos
pas 'khrur 'jug par 'os pa/ sngar 'khru ba'i rtsom pa ma byas
pa/ rnam

brtags ma byas pa/ dge 'dun gyi ma yin pa/ rang dbang ba'o/
/bsam pa la 'du shes dge slong ma nye du ma yin pa la ma yin par
'du shes pa'am yid gnyis za ba'o/ /kun slong rang don du 'khru
ba sogs byed du 'jug 'dod rgyun ma chad pa'o/ /sbyor ba ngag

mtshan nyid lnga ldan gyis 'khru ba dang 'tshed pa dang 'chag pa
gang rung byed du 'jug pa'i tshig smra bar rtsom pa'o/ /mthar
thug de'i rkyen gyis phyogs gcig yan chad la 'khru ba sogs byas
pa'o/ /ltung ba skyed pa'i tshul ni/ sbyor ba gcig gis 'khru ba
dang 'tshed pa

dang 'chag pa rnams thams cad byed du bcug na yang ltung byed
gcig kho na'o/ /de dag las gzhi'i yan lag ma tshang ba dge slong
ma nye du ma yin pa la ma yin par 'du shes pa'am yid gnyis za
bas 'khrur bcug pa dang/ dre'u rdog /khyim pa'i gos/ sngas nang

tshangs can/ spang ltung byung ba'i gos rnam brtags byas pa/ dge
'dun gyi gos 'khrur bcug pa rnams dang/ sbyor ba'i yan lag ma
tshang ba mdags pas 'khrur bcug pa sogs la nyes byas so/ /gnyis
pa bslab bya'i nyes byas ni/ sangs rgyas kyi gsung dang mi 'gal

ba'i dge 'dun gyi khrims su bya ba ma bsrungs ba dang/ glo bur
du 'ongs pas ngal bso ba sogs byas ma thag tu khrims su bya ba
ma dris pa dang/ de las 'gal ba dang/ chos gos sogs lhag pa 'bul
ba dge 'dun gyi don du gzhag pa'i phyir ma brangs pa

@034a @#/ /rnams la nyes byas so/ /drug pa mtho gang gi spang ba
la bzhi las gzhi'i dngos po gding ma ? rung zhing tshad dang ldan
pa/ rang gi yin pa/ dus tshigs su ma spyad pa'i gsar pa yin pa/
rnying pa bde bar gshegs pa'i mtho gang gis ma glan

pa'o; ;rten ni gding ba rnying pa 'thud cing sbyar ba yan chad
kyis bde bar gshegs pa'i mtho gang du longs pa yod pa'am/ rang
dgar btang ba'i sgo nas med pa gang yang rung ba'o/ /bsam pa la
'du shes ma 'khrul zhing kun slong rnying pa mtho gang gis ma
glan

par sbyad par 'dod pa'o/ /sbyor ba lus kyis spyod par rtsom
pa'o/ /mthar thug longs spyad pa ste de yang rnying par ma gyur
par du longs spyad pa re re la ltung ba re rer 'gyur ro/ /gnyis
pa med pa tshol ba las gyur pa la khyim pa'i yul las gyur ba
dang/

rab byung gi yul las gyur pa gnyis/ dang po la gos sgrub pa'i
tshul la brtan pa dang/ dus la brten pa gnyis/ dang po la bdun
las gos slong ba'i spang ba la bzhi las gzhi'i yan lag la gang
la bslar ba'i yul ni rab tu byung ba'i rtags sdom

dang mi ldan pa'i khyim pa yin pa/ tha snyad lnga dang ldan pa/
lus tha mal ru gnas pa/ rang las nor tha dad pa/ nye du ma yin
pa/ ma bslangs par dngos su 'bul ba ma yin pa ste chos drug ldan
no/ /gang bslang ba'i dngos po ni gos rung zhing khru gang du
longs

pa/ sbyin bdag de nyid kyi yin pa'o/ /gang gis slong ba'i rten
ni sra brkyang ma bting zhing gang slong ba'i gos de rang la yod
pa/ sbyin bdag gis rang la bsdos par ma shes pa'o/ /bsam pa la
'du shes mu 'khrul zhing kun slong 'dod rgyun ma chad pa'o//

@034b sbyor ba ngag mtshan nyid lnga ldan gyis slong bar rtsom
pa'o/ /mthar thug ni rin thang dang kha don dang khru tshad gang
bslangs pa de thob pa'o/ /gzhi'i yan lag ma tshang ba ras ma dang
kha tshar slong ba la ltung ba med/ rgyu spun dang bal slong ba
rnams la nyes

byas so/ /gnyis pa slong bar rigs pa'i spang ba la bzhi las
gzhi'i yan lag la gang la slong ba'i yul ni khyim pa chos drug
ldan/ gang bslang ba'i dngos po ni gos yin pa/ rung ba/ khyim pa
de nyid kyi yin pa/ zung gcig las khru gang yan chad

kyis lhag pa'o/ /rten ni sra brkyang ma btang ba/ rang la dgos
pa'i 'tsho ba'i yo byad gsum yan chad ma tshang ba'o/ /bsam pa la
'du shes ma 'khrul zhing kun slong rang don du zung gcig las
lhag pa slong bar 'dod pa'am ma bslangs kyang lhag ma'i cha

mi ster bar 'dod pa'o/ /sbyor ba ngag mtshan nyid lnga ldan gyis
sbyin bdag gcig la slong bar rtsom pa'am lhag ma mi sbyin par
rtsom pa'o/ /mthar thug lhag pa thob pa'am mi sbyin par thag
bcad pa'o/ /lhag par bslangs pas ltung bar 'gyur tshul ni/ dang

po nyid nas sbyin bdag gcig las gos zung gcig las khru gang gis
lhag par bslangs pa/ khyim pa'i gos la 'bring tshad ma bshad pas
stod g.yogs khru phyed dang lnga pa dang phyed dang gsum pa
nas
che tshad la ma slob pa'i bar dang/ smad g.yogs

'khor gsum khebs ba nas che tshad la ma sleb pa'i bar ni chung
ngu yin la/ de dag las 'khor gsum khebs pa yan chad gang rung
thob pa las khru gang yan chad du kha bskangs te bslangs pa la
spang bar 'gyur ro/ /lhag pa ma byin pas ltung bar 'gyur tshul
ni/ khyim

@035a @#/ /pa'i gos chung ngu bslangs pas chen po thob pa na lhag
pa mi sbyin pa la spang bar 'gyur zhing/ chung ngu gang bslangs
pa de las lhag pa thob kyang che tshad du ma longs na lhag pa mi
sbyin dgos te/ chung ngu las lhag pa ma thob pa'i phyir ro/ /rab
byung gi tshad

gsum las snga ma bslangs pas phyi ma thob pa na lhag pa mi sbyin
na yang spang bar 'gyur ro/ /gzhi'i yan lag ma tshang ba rnga bal
la sogs pa rab byung la mi rung ba bslangs na sbyor ba dang
dngos gzhi gnyi ga la nyes byas so/ /gsum pa dang bzhi pa spags
pa slong

ba dang so so nas spags pa slong pa'i spang ba gnyis la bzhi la
gzhi'i yan lag la gang la slong ba'i yul ni khyim pa chos drug
ldan thun mong du dgos shing/ so so nas spags pa slong ba la
sbyin bdag pho mo so so nas gos re re bsngos pa dang/ spags pa

slong ba la gos gcig bsngos ? pa'o/ /gang bslang ba'i dngos po
ni gos dngos su grub pa/ rung zhing tshad dang ldan pa/ sbyin
bdag de nyid dbang zhing rang la bsngos pa'o/ /rten ni sra
brkyang ma bting ba/ sbyin bdag gis bsngos par shes pa'o/ /bsam
pa 'du

shes ma 'khrul zhing kun slong slong 'dod rgyun ma chad pa'o/
/sbyor ba ngag mtshan nyid lnga ldan gyis sbyin bdag gis ma phul
ba'i snga rol du slong bar rtsom pa'o/ /mthar thug lag tu grub
pa'o/ /lnga pa 'thag tu 'jug pa'i spang ba la bzhi las/ gzhi'i
yan

lag la tha ga pa ni thags gla ci bder stobs pa po ma yin pa
sbyar ba'i khyim pa chos drug ldan no/ /gang 'thag tu 'jug pa'i
dngos po ni rung zhing tshad du longs pa/ rang gi yin pa/ sngar
gzhan gyis tshad la gnod pa'i 'thag pa'i rtsom pa ma byas pa'o/
/bsam

@035b pa la 'du shes ma 'khrul zhing kun slong rngan pa ma byin
par 'thag tu 'jug par 'dod pa'o/ /sbyor ba rngan pa ma byin par
rang ngam pho nya ba khyim pa nye du ma yin pa tha snyad lnga
ldan gyis ngag mtshan nyid lnga ldan gyis 'thag tu 'jug par rtsom
pa'o/ /mthar thug

gis btags zin pa'o/ /drug pa 'thag pa skyed pa'i spang pa la
bzhi las gzhi'i yan lag la 'thag pa skyed pa'i sbyin bdag dang
thag pa gnyi ga khyim pa'i chos dang po lnga dang ldan pa'o/
/dngos po ni rang la bsngos pa'i dog pa yin pa/ rung zhing tshad
du longs pa/

khyim pa de nyid kyi yin pa/ sngar gzhan gyis chod la gnad pa'i
'thag pa'i rtsom pa ma byas pa'o/ /rten ni sbyin bdag gis 'thag
pa skyed pa'i gnang ba ma byin pa'o/ /bsam pa la 'du shes ma
'khrul zhing kun slong 'thag pa skyed 'dod rgyun ma chad pa'o/
/sbyor ba

rang 'am bskos pas ngag mtshan nyid lnga ldan gyis kho lag che
ba'am 'bras bzang ba gyis shig /ces sogs kyis bsgo bas 'thag pa
skyed par rtsom pa'o/ /mthar thug rngan pa byin kyang sbyin bdag
gis bsngos pa las lhag pa'i dog pa gos khru gang gi

rgyu'i ched du longs pa zad pa'am/ ma zad kyang rngan pa ma byin
par 'thag pa zin pa'o/ /sbyor ba'i yan lag ma tshang ba tshig gis
mi bsgo bar 'thag pa bskyed pa'i don du 'gro ba tsam la nyes
byas so/ /bdun pa sngos sgyur gyi spang pa la ltung ba rnam
gzhag

dang bslab bya gnyis/ dang po la bzhi las gzhi'i yan lag la
sbyin bdag ni khyim pa yin pa/ tha snyad lnga dang ldan pa/ lus
tha mal du gnas pa/ rang dang bsngos pa'i yul gnyis las nor tha
dad pa'o/ /gang bsgyur ba'i dngos po ni zas las

@036a @#/ /gzhan pa'i rnyed pa yin pa/ rung zhing tshad du longs
pa/ sbyin nas dag gis gzhan la bsngos pa yin pa'o/ /gang bsgyur
ba'i yul ni bdag las nor tha dad pa ste dge slong chos drug ldan
no/ /bsam pa la 'du shes ma 'khrul zhing kun slong brku

sems las gzhan pas bdag nyid la sgyur 'dod rgyun ma chad pa'o/
/sbyor ba ngag mtshan nyid lnga ldan gyis bspos sgyur gyi tshig
smra bar rtsom pa'o/ /mthar thug de'i rkyen gyis thob pa'o/
/gzhi'i yan lag ma tshang ba gzhan la bsngos pa gzhan la sgyur ba

dang/ zas kyi rnyed pa sgyur ba dang/ gnas khang la bsngos pa
gzhan la sgyur ba sogs dbral ba dang sbyar ba'i yul gnyi ga'am
gang rung sems can ma yin pa la sgyur ba dang/ gtsug lag khang
de nyid kyi shar phyogs la bsngos pa nub phyogs la sgyur

ba dang/ shar phyogs nyid kyi yang gzhan la bsngos pa gzhan la
sgyur ba sogs la nyes byas so/ /de bzhin du yid kyis gzhan la
bsngos pa mi sbyin pa dang/ shi ba'i yo byad la sogs pa'i rnyed
pa mtshams kyi phyi rol tu song ste byin gyis rlob pa dang/ phyin
gyis

ma brlabs par bgo ba dang/ rnyed pa de la gtogs pa'i gang zag
thams cad ma tshogs par bgo ba dang/ dbyar rnyed sogs kun dbang
ba'i rnyed pa dge slong gnyis sam gsum gyis len pa rnams la nyes
byas so/ /byang chub chen po dang chos kyi 'khor

lo dang cho 'phrul chen po dang lha las babs pa'i mchod rten
bzhi po gcig la bsngos ma grub pa'i tshe phan tshun bsgyur du rung
zhing/ de dag la bsngos pha ma grub na'ang mchod rten gzhan la
bsgyur du mi rung la/ gzhan la bsngos pa ma grub pa'i tshe

@036b bzhi po de dag la bsgyur du rung ngo/ /bzhi po de dag las
gzhan pa'i dkon mchog la bsngos pa nang phan tshun ma grub na
bsgyur du rung la/ gzhan du rnam pa thams cad du bsgyur bar mi
bya'o/ /gnyis pa bslab bya'i nyes byas ni srung ma ma bzhag par
gtsug

lag khang rang dgar dor ba dang/ srung ma des gnas der dge slong
gzhan ma byung na lo bcu ma bsdad pa dang/ de'i tshe nye 'khor
gyi gtsug lag khang dang gso sbyong tha dad cing rnyed pa thun
mong ba'i las ma byas pa dang/ 'gro ba'i tshe rdzas rnams nye
'khor gyi gtsug

lag khang du ma bcol ba dang/ gnas der sdod pa 'ga' zhig byung
na bcol sa des rdzas rnams ma byin pa dang/ bcol sa des ma byin
na 'chol ba pos blangs te ma byin pa dang/ gtsug lag khang du
phul ba'i rdzas gtsug lag khang gzhan du sbyin pa dang

sbyin bdag gis gtsug lag khang gi rdzas gtsug lag khang gzhan du
bsgyur ba'i tshe mthus ma bzung ba dang/ gtsug lag khang gi rdzas
gtsug lag khang gzhan du g.yar por mi sbyin pa rnams so/ /gnyis
pa gos sgrub pa'i dus la brten pa la gnyis las dang po

ras chen gyi spang pa la gnyis las dang po ltung ba rnam gzhag
la bzhi'i dang po la gzhi'i yan lag la gang la btsal ba'i yul ni
khyim pa chos lnga ldan gyi steng du ci bder stobs pa po ma yin
pa'o/ /gang btsal ba'i dngos po ni ras chen nam ras chen gyi
rgyu rung

zhing tshad dang ldan pa/ dus tshigs su ma spyad pa/ char chu
skyob pa'i bya ba byed nus pa/ sbyin bdag de nyid kyi yin pa'o/
/tshol ba'i dus ni rang gi khas len la ltos nas zla ba gcig las
snga ba'o/ /bsam pa la 'du shes ma 'khrul zhing kun slong rang
don du slong

@037a @#/ /bar 'dod pa rgyun ma chad pa'o/ /sbyar ba dag mtshan
nyid lnga ldan gyis slong bar zhugs pa'o/ /mthar thug de'i rkyen
gyis khas len gyi zla ba gcig gi snga rol du thob pa'o/ /de ni
btsal ba'i spang ba yin la/ sbyin bdag de nyid kyi yin pa zhes
pa'i gnas su rang

gi yin pa zhes sbyar nas lhag ma gang bslang ba'i dngos po'i
chos tshang ba'i ras chen de rang gi khas blangs la ltos pa'i
dgag dbye byas nas sbed pa po lam gtad par zla ba phyed bcang
ste/ zhag phyi ma'i skya rengs shar nas ras chen bzhag pa 'phyis
pa'i spang bar 'gyur ro//

dus tshigs su spyad pa bzhag pa 'phyis pa dang/ btsal ba sngas pa
dang/ dus ma yin par btsal ba las dus su grub pa rnams la nyis
byas so/ /bslab bya'i nyes byas ni rang gi khas len la ltos pa'i
zla ba gcig nas brtsams te ma btsal ba dang/ dgag dbye zin

pa'i 'og tu zla ba phyed kyi bar du ma bcangs pa'o/ /gnyis pa
brtad pa las byung ba'i spang pa la bzhi las/ gzhi'i yan lag la
gang las bdag gir bya ba'i sbyin bdag ni nye du ma yin pa ma
gtogs pa'i khyim pa chos bzhi ldan no/ /gang bdag gir bya ba'i
dngos po ni dbyar

gnas las byung ba'i gos rnyed yin pa/ phal cher rung zhing chad
dang ldan pa/ nad pa la sogs pa'i brtad pa las byung ba'i rnyed
pa ma yin pa'o/ /rten ni snga rol du rnyed pa bdag gir byas na
dge 'dun gyi rnyed pa'i bar chad spong ba ma yin pa'o/ /bdag gir
byed pa'i dus ni

dbyar gyi nang yin pa'o/ /bsam pa la 'du shas ma 'khrul zhing
kun slong bdag gir byed 'dod rgyun ma chad pa'o/ /sbyor ba bdag
gir byed pa la zhugs pa/ mthar thug bdag gir bya bar nges pa'o/
/de ni dbyar rnyed bdag gir bya ba sngas pa'i spang ba yin la/
brtad pa'i dbang

@037b gis dgag dbye las zhag bcu'i nang du bdag gir byed pa la
nyes pa med cing de yang dbyar nang du bgo bar byed na bgo
bsngas pa'i spang bar 'gyur la/ de'i tshul ni kun slong rang gi
skal ba nod par 'dod pa dang; mthar thug rang gi skal ba thob pa
yin la gzhan rnams glong

dang 'dra'o/ /dbyar rnyed bzhag pa 'phyis pa'i spang ba la dngos
po'i khyad par rang gi yin pa dang bgos na bar chad du 'gyur
ba'i rkyen dang mi ldan pa/ rten ni sbyin bdag gis tshig gis
dbang med pa ma yin pa dbyar rnyed sbed pa po ma bskos pa dang/
dus ni dgag dbye'i phyi de nyin yin

pa; kun slong rang don du 'chang bar 'dod pa/ sbyor ba 'jog pa
rtsom pa/ mthar thug tshes bcu drug gi mtshan mo 'das pa rnams ni
thun mong ma yin pa'i yan lag yin la lhag ma sngar dang 'dra'o/
/gnyis pa rab byung gi gzhi las gyur pa'i spang pa la gnyis las
dge slong

ma la gos len pa'i spang ba la bzhi las gzhi'i yan lag la gang
len pa'i gzhi yul ni 'khrur 'jug gi skabs su bstan pa'i dge
slong ma chos brgyad ldan gyi steng du dad pa dang sems yangs
rgya che ba ma yin pa'o/ /gang len pa'i dngos po ni gos rung
zhing tshad dang ldan

pa/ dge slong ma de nyid kyi yin zhing de nyid dang 'brel bar
gnas pa/ gang gis len pa'i rten ni dge slong mas dge 'dun la gos
'bul ba'i tshe de'i khongs su ma gtogs pa/ dge slong ma de la
chos ston pa dang gzhan bsnyen rdzogs byed pa dang nyo tshong
sogs kyi

do na ma yin pa dang chos gos tshang bar yod pa'o/ /bsam pa la
'du shes ma 'khrul zhing kun slong rang don du len 'dod rgyun ma
chad pa'o/ /sbyor ba dag mtshan nyid lnga ldan gyis len par zhugs
pa/ thar thug thob pa'o/ /gnyis pa byin 'phrog gi spang ba la
bzhi

@038a @#/ /las gzhi'i yan lag la gang la 'phrog pa'i yul ni dge
slong chos drug ldan no/ /gang 'phrog pa'i dngos po ni gos sam
lhung bzed yin pa/ rung zhing tshad dang ldan pa/ rang ngam gzhan
gyis byin pas yul de dbang ba'o/ /bsam pa la 'du

shes ma 'khrul zhing gang zag de gnod pa las bzlog pa dang rdzas
kyi cha nas chud gzan pa dang rang ngam gzhan longs spyod pa'i
ched ma yin pa/ khro ba sogs kyis gtan du'am re zhig dbral bar
'dod pa'o/ /sbyor ba rang ngam bskos pas lus ngag gnyi ga'i

gang rung gis 'phrog par zhugs pa'o/ /mthar thug lus las bral
ba'am lus dang ma 'brol ba 'phrog na gnas nas sbags pa'o/
/gzhi'i yan lag ma tshang ba bsnyen par ma rdzogs pa las 'phrog
pa dang/ kun slong gi yan lag ma tshang ba mtho 'tsham pa'i bsaM

pas re zhig tsam 'phrog pa rnams la nyes byas so/ /ltung ba
phyir bcos byed pa'i tshe phyir ma byin na bslab bya'i nyes byas
su 'gyur la phyir bcos kyang mi 'chags so/ /gnyis pa stan las
gyur pa la bzhi las dang po srin bal gyi stan byed pa'i spang ba
la bzhi las

gzhi'i yan lag ni srin bal yin pa rung zhing tshad dang ldan pa
rang gi yin pa dkon zhing rin che ba ma nyams shing nyams pa
dang ma 'dres pa sngar tshad la gnod pa'i bzo'i rtsom pa ma byas
pa'o/ /bsam pa la 'du shes ma 'khrul zhing kun slong rang gi don
du

glings pa'am nang tshangs can gyi stan byed 'dod rgyun ma chad
pa'o/ /sbyor ba rang ngam bsgos pas byed par rtsom pa/ mthar
thug de'i rkyen gyis glings pa'am nang tshangs can gang rung gi
bkram pa rdzogs pa'o/ /yan lag ma tshang ba srin pa la nyams pa
la stan

@038b byed pa dang/ bal dkar po sogs nyung du dang bsres te stan
byed pa rnams la nyes byas so/ /gnyis pa bal nag 'ba' zhig gi
stan byed pa la bzhi las gzhi'i yan lag ni srin bal yin pa ma
gtogs pa'i sngar gyi gzhi'i yan lag rnams kyi steng du kha

bsgyur bas nag por byas pa ma yin pa'i lug nag gi bal nag po
'ba' zhig yin pa dang/ bsam sbyor dang mthar thug sngar dang
'dra zhing/ bal sngon po dang kham pa dang 'dam kha 'ba' zhig gi
stan byed pa'i spang bskyed pa'i tshul yang de bzhin du shes

par bya'o/ /de rnams ni glings pa'i sten gyi dbang du byas so/
/gsum pa cha gnyis bsre ba'i spang ba la gzhi'i yan lag ni/ lug
bal nag po 'ba' zhig gi stan gyi phyed las lhag par byas pa thun
mong ma yin pa'i yan lag yin la yan lag lhag ma sngar

bzhin no/ /cha gnyis bsres pa'i stan byed pa'i phyed kyi cha
dkar po dang mkhos bal cha mnyam du bya dgos pa la dkar po lhag
pa byas na bslab bya'i nyes byas so/ /de ltar srin bal dang bal
nag sogs las ltung ba skyed pa yang yul dus der rin che ba'i
dbang

du byas kyi dkar po sogs rin che ba la ni de dag las ltung bar
'gyur ro/ /bzhi pa lo drug gi nang du stan gnyis pa byed pa'i
spang ba la ltung ba rnam gzhag dang bslab bya'i nyes byas
gnyis/ dang po la bzhi las gzhi'i yan lag la gang bsgrub pa'i
dngos

po ni stan gyi rgyu yin pa/ rung zhing chang dang ldan pa/ ma
nyams pa/ rang gi yin pa/ sngar tshad la gnod pa'i bzo'i rtsom pa
ma byas pa'o/ /gang gis sgrub pa'i rten ni stan snga ma byas nas
lo drug ma lon pa/ stan snga ma yod pa'am med kyang rang dgar
btang ba gnang

@039a @#/ /ba ma thob pa'o/ /bsam pa la 'du shes ma 'khrul zhing
kun slong glings pa'i stan byed 'dod rgyun ma chad pa'o/ /sbyor
ba rang ngam bskos pas byed par zhugs pa/ mthar thug bkram pa
rdzogs pa'o/ /lo ngo mthong drug lon na ltung ba med de/

rnam 'byed las/ drug pa la byed na ltung ba med do zhes gsungs
so/ /ltung ba 'byung ba'i tshul ni/ gnang ba'i stan dang lhan cig
gam rdzas su ma gnang ba'i stan byed par brtsams pa tsam na nyes
byas dang/ phyi ma sngar zin par byed tsam na mthar thug gi
ltung

ba med cing gnyi ga zin pa'i tshe spang ltung du 'gyur ro/ /gnyis
pa bslab bya'i nyes byas ni stan byed pa'i gnang ba gsol bar mi
'os bzhin du gsol ba dang/ gang la gnang ba gsol ba'i dge 'dun
gyis rang ngam bskos pas gnang ba sbyin par 'os mi

'os ma brtags pa dang/ rtog pa po 'am stan longs spyod pa gzhan
gyis kyang stan gyi chu dang zheng du lhag na ma bcad pa dang/
tshad las chung na ma bskyed pa dang/ ral pa ma btsams pa dang/
rdol ba dang sha zad pa la ma sbyar ba dang/ bcos

dka' ba'i tshe gnang ba ma byin pa rnams so/ /gsum pa bal las
gyur pa la gnyis las/ bal 'khur ba'i spang ba la bzhi las gzhi'i
yan lag la gang 'khur ba'i dngos po ni bal yin pa/ rung zhing
khur du longs pa/ rang gi yin pa/ ngo ma spos pa'o/

gang du 'khur ba'i lam ni sa'i lam dang/ rgyang grags kyi mtha'
yin pa'o/ /dus ni nyi ma gcig yin pa/ bsam pa la 'du shes ma
'khrul zhing kun slong rang don du 'khur 'dod rgyun ma chad
pa'o/ /sbyor ba 'khur bar rtsom pa/ mthar thug rgyang grags 'das
pa'o/

@039b ltung bar 'gyur tshul ni khur 'khyer ba gzhan med na dpag
tshad gsum 'khyer du gnang ba las de las rgyang grags gcig 'das
pa na spang ba dang/ 'khyer ba yod na khur tsam nas nyes byas
gcig dang/ rgyang grags gcig 'das pa na spang bar 'gyur zhing
gnyi ga la yang

rgyang grags phyed re re la nyes byas dang/ bsgoms byung gi rdzu
'phrul las gzhan pas nam mkha' la 'khur ba dang/ sprul pas khur
ba la nyes byas so/ /lus phrag rdang gis 'khur 'khur ba dang/
glo dang rgyab dang rked pa dang mgo bos khur ba dang de las
gzhan du yang khur

phyed las lhag pa 'khur ba la nyes byas so/ /gnyis pa bal rmel
du 'jug pa'i spang ba la bzhi las gzhi'i yan lag la gang la rmel
du 'jug pa'i yul ni 'khrur 'jug dang 'dre la/ gang rmel du 'jug
pa'i dngos po ni gos khru gang yan chad kyi rgyur gyur pa'i bal
yin

pa; rung ba/ rmel bar 'os pa/ tshad la gnod pa'i rmel ba'i rtsom
pa ma byas pa/ rang gi yin pa'o/ /yan lag lhag ma 'khrur 'jug
dang 'dra ba las bal 'khru ba dang 'tshed pa dang rmel du 'jug pa
gang rung byas pa'o zhes sbyar ro/ /gnyis pa nor la brten pa'i
spang ba la

bzhi'i dang po bskur ba'i spang ba la bzhi las gzhi'i yan lag la
gang la bslang ba'i yul ni sbyin bdag dang pho nya ba dang zhal
ta pa gsum ga khyim pa chos lnga ldan yin pa'o/ /gang slong ba'i
dngos po ni sbyin bdag gis gos kyi rin du pho nya ba la rin po
che bskur zhing

des zhal ta pa la gtad pa las grub pa'i gos khru gang gi tshad du
long pa yin pa'o/ /bsam pa la 'du shes ma 'khrul zhing kun slong
skul bsdad drug las lhag pa'i zhal ta pas sbyin bdag gi sems
bsdu bar khas mi len pa las rang don du len 'dod rgyun ma

@040a @#/ /chad pa'o/ /sbyor ba len par zhugs pa/ mthar thug gos
thob pa'o/ /ltung bar 'gyur tshul ni zhal ta pa la skul bsdad
drug las lhag par byas te gos len pa'am ma lhag kyang skul bsdad
drug byas pa'i 'og tu ma grub pa'i tshe sbyin bdag la spangs

pa las de'i tshe zhal ta pas gos 'bul bar byed pa na sbyin bdag
gi sems bsdu bar khas mi len pa las blangs pa gnyi ga la spang
bar 'gyur ro/ /pho nya bas dge slong la zhal ta pa'i lag nas gos
long zhig ces ma smras par blangs pa dang/ pho nya bas rin po
che

gtad pa na ma spangs pa dang/ pho nya bas ma dris par zhal ta ba
ston pa dang/ skul bsngad drug byas kyang ma grub pa'i tshe sbyin
bdag la ma sbran pa dang/ skul bsngad drug las ma lhag kyang
skul ba gsum las lhag pa rnams la nyes byas so/ /gnyis pa

gser dngal la reg pa'i spang ba la gnyis kyi ltung ba rnam gzhag
la bzhi las gzhi'i yan lag ni rin po che yin pa/ nyo tshong la
sogs pa'i tha snyad gdags su rung ba/ rang gi yin pa 'thob par
lcogs pa na gnas pa/ bdag gir bya ba rdzogs pa/ sbyin

bdag la yid brtan te bcang ba dang zhal ta ba khyim pa sogs bdag
por khas len du gzhug pa dang byin gyis brlab pa ste rung ba
gsum po gang yang ma byas pa dang/ chud 'dza' ba'i rkyen dang mi
ldan pa'o/ /bsam pa la 'du shes ma 'khrul zhing kun slong

reg 'dod rgyun ma chad pa'o/ /sbyor ba rang ngam bskos pas mngon
sum du reg bar zhugs pa/ mthar thug reg pa rdzogs pa'o/ /de dag
las gzhi'i yan lag ma tshang ba 'thob par lcogs pa na gnas pa ma
yin pa bdag gir byas pa dang/ snyad gdags su rung

@040b ba'i rin po cher smos pa lnga dang/ sog ma'i phreng ba
gser chus byugs pa la sogs pa bcos mnang/ rin po chegs pa la
sogs pas snyad gdags su mi rung ba rnams la reg gam reg tu 'jug
na nyes byas so/ /bslab bya'i nyes byas ni mi dang chu'i don du
me

shel dang chu shel bzhag pa'i tshe ma sbas pa dang/ de rkun po la
brtan pa dang/ me dang chu phyung nas rkun po lam byen pa dang/
rgya la sogs pa gnang ba'i yo byad la rin po che'i shan bsres pa
bdag gir byas pa dang/ ra gan la sogs pa mi rung ba las byas
pa'i

lhung bzed rab tu byung nas bdag gir byas pa dang/ rab tu ma
byung ba'i tshe bdag gir byas pa'i lhung bzad dmi rung ba de dag
tu longs spyad dgos pa'i rkyen byung ba'i tshe sman phor gyi 'du
shes gyis ma spyad pa rnams so/ /gsum pa mngon mtshan can gyis
spyod pa'i

spang ba la gnyis kyi ltung ba rnam gzhag la bzhi las gzhi'i yan
lag la gang la mngon mtshan bya ba'i yul khyim pa chos lnga ldan
no/ /gang bya ba'i dngos po ni rin po che'am 'bru la sogs pa'i
nor yin pa/ rang dbang ba/ gos khru gang yan chad kyi rin du

chog pa'o/ /bsam pa la 'du shes ma 'khrul zhing kun slong rang
dgar rang kho na'i don du bskyed 'dod pa rgyun ma chad pa'o/
/sbyor ba ngag mtshan nyid lnga ldan gyis skyed par zhugs pa'o/
/mthar thug yul dus de'i bskyed gang yin pa thob pa'o/ /bslab
bya'i

nyes byas ni dkon mchog gi rdzas kun dga' ra ba'am dag bsnyen la
sogs pa bskos te bskyed gtong ba'i gta' nyis re blang ba sogs
dang/ rgyus mi shes pa'i dge slong la brjod pa rnams ma byas
pa'o/ /bzhi pa nyo tshong gi spang ba la gnyis kyi ltung ba rnam

@41a
@#/ /gzhag la bzhi las gzhi'i yan lag la nyo tshong bya ba'i
yul dang/ gang nyo tshong bya ba'i dngos po ni mngon chan can gyi
spyod pa dang 'dra la/ bsam pa la bdu shes ma 'khrul zhing kun
slong khe 'dod pas nyo tshong byed 'dod rgyun ma chad pa'o/
/sbyor ba ngag

mtshan nyid lnga ldan gyis nyo tshong byed par zhugs pa/ mthar
thug de'i rkyen gyis nyo tshong gi bskyed thon pa'o/ /bslab bya'i
nyes byas ni khyim pa'i nyo tshong gi bar 'tshangs byas pa dang/
rang gi chos gos sogs nyo ba'i tshe khyim pa yod bzhin du de la
ma bcol ba/ rang gis

rin thang btab pa dang/ khyim pa med na 'os pa'i rin 'di tsam
zhes lan gsum gyi bar du ma byas pa dang/ dkon mchog las gzhan
gyi don du zong la rtseg pa dang/ 'di kho na ltar ma yin na
rdzas 'di sbyin no zhes pa lta bu gta' gzhug pa dang/ dge 'dun
gyi

rdzas bskyed gtong ba'i gang zag la las byed pas ma gtad pa
dang/ bskyed gtong ba des kyang rgan rabs la ma zhus par bskyed
gtong ba sogs la brtson pa dang/ dge 'dun gyi rdzas las bskyed
ci tsam thob pa dang/ ji tsam longs spyad pa sogs yi ge bra be
la

nan tan ma byas pa rnams so/ /gsum pa snod spyad las gyur pa la
gnyis las lhung bzed 'chang ba'i spang ba la yan lag rnams gos
zhag bcu 'chang spang dang 'dra ba las gos khru gang du longs pa
zhes pa'i gnas su lhung bzed tshad du longs pa zhes sbyar

bar bya'o/ /lhung bzad tshad las lhag pa dang/ so ma tshos pa
dang/ kha dog skya bo rnams 'chang ba dang/ chung ngu lhung
bzed
med pa'i dus su lhung bzed kyi don du 'chang ba la nyes byas so/
/gnyis pa lhung bzed tshol ba'i spang ba la gnyis kyi lhung ba
rnam gzhag la bzhi

@041b las gzhi'i yan lag la gang la slong ba'i yul ni khyim pa
ches drug ldan no/ /gang bslang ba'i dngos po ni lhung bzed rung
zhing tshad dang ldan pa/ sbyin bdag de nyid kyi yin pa'o/ /gang
gis slong ba'i rten ni 'bral med ma yin pa'i lhung bzed longs
spyod par bzod pa

yod pa'o/ /bsam pa la 'du shes ma 'khrul zhing kun slong rang
don du slong 'dod rgyun ma chad pa'o/ /sbyor ba dag mtshan nyid
lnga ldan gyis slong bar zhugs pa/ mthar thug lag tu thob pa'o/
/lhung bzed med kyang yod pa'i bsam pas slong ba dang/ yod bzhin
du nye ba dang/

rin yod bzhin du gzhan la slong ba dang/ bzang po 'dod pas brje
ba dang/ nye du las slong ba rnams la nyes byas su 'gyur ro/
/bslab bya'i nyes byas ni lhung bzed la sogs pa'i yo byad dang
dngos po kun la ha cang chags pa dang/ lhag par zhen pa'i rdzas
da bcangs pa dang/

lhung bzed med pa'i cha ma bslangs pa dang/ spang ltung de phyir
bcos byed pa'i tshe lhung bzed lhag pa dge 'dun lam spang pa
dang/ lhag pa du ma yod na bzang ba dge 'dun dang/ gzhan rnams
nang pa'i rab byung la gtan du ma spangs pa dang/ lhung bzed
'bral med

'brim pa ma bskos pa dang/ bskos pa des de'i ched du dge 'dun
bsdu ba'i don du nan tan ma byas pa dang/ lhung bzed kyi yon tan
ji lta ba bzhin brjod nas 'brim par me byed pa dang/ len pa pos
rang gi 'og ma de la brims pa'i tshe len pa dang/ de'i tshe 'brim
par byed

pas tshigs gsum pa'i snga rol tu spyan pa dang/ gsum pa la ma
byin pa dang/ ltung pa byung ba de 'khrims bas bsnyigs pa'i
lhung bzed tha chad ma byin pa dang/ lhung bzed spang pa dang
byin rlabs mi bya'o zhes go bar ma byas pa dang/ dal bus spyod
par ma bsgo ba dang/

@42a @#/ /ltung ba byung ba des lhung bzed byin rlabs can dang
'bral med gnyi gas ma spyad pa dang/ 'brel med de la snod la
sogs pa ches bzang ba dang/ byi dor dang por ma byas pa dang/
zas yang ba las gzhan blugs pa dang/ zas bza' ba'i snod byas pa
rnams

so; ;bzhi pa zas la brten pa gsog 'jog gi spang ba la bzhi las
gzhi'i yan lag ni sman rnam pa bzhi las gang rung yin pa/ mi sha
sogs ngo bo dang lag nyar song ba sogs cho ga'i sgo nas mi rung
ba ma yin pa/ mid pa'i tshad du long pa rang gi yin pa sham

thang ma bye ba sogs ngo bo ma rdzogs pa ma yin pa/ rang ngam
rang dang 'dra bas byin len dang byin rlabs gang rung byas pa'o/
/bsam pa la 'du shes ma 'khrul zhing kun slong bza' ba'i ched du
'jog 'dod rgyun ma chad pa'o/ /sbyor ba 'jog par rtsom pa/ mthar
thug

byin brlabs med pa'i sman bzhi po snga dro phyin len byas pa
gung tshigs 'das pa dang/ phyi dro byin len byas pa thun tshod las
'das pa dang/ byin brlabs can rang rang gi byin brlabs kyi dus
las 'das pa'o/ /mi rung ba'i mtshams nang du zhag lon pa dang
btsos pa dang

lag nyar blangs pa sogs mi rung ba'i zas nyin mtshan 'das par
'chang na gsog 'jog gi cha la brten pa'i nyes byas so/ /snar
blugs pa dang sku mnye bya ba'i sman la ni gsog 'jog byas kyang
nyes pa med do/ /zhag bdun bar byin gyis brlabs pa'i nyi ma 'das
so

cog dge slong ma la brjod na bslab bya'i nyes byas so/ /gnyis pa
bshags pa tsam dang 'brel ba ltung byed 'ba' zhig pa la gang zag
dang chos la ma gus pa ngag gis bskyed pa dang/ gnas su gyur pa
dge 'dun gyi gzhi la log par sgrub pa dang/ phan gdags

@42b par bya ba dge slong ma'i yul la log par sgrub pa dang/
'tsho bar byed pa zas kyi gzhi la log par sgrub pa dang/ bslab
bya phun sum tshogs pa bzhi'i yul la log par sgrub pa dang
lnga'o/ /dang po la gang zag la ma gus pa dang/ chos la ma gus
pa gnyis/ dang po la

lnga las dang po shes bzhin du rdzun du smra ba'i ltung byed la
gnyis kyi ltung ba rnam gzhag la bzhi las/ gzhi'i yan lag la
gang la go bar bya ba'i yul ni tha snyad lnga dang ldan pa/ lus
tha mal du gnas pa/ rang las rgyud tha dad pa'o/ /gang brjod bar
bya ba'i dan ni

pham pa dang lhag ma dang 'og gi ltung byed du 'gyur ba'i rdzun
dang 'di nas bshad pa'i sbom po dang nyes byas su 'gyur ba gnyis
dang nyes byas kyi sde tshan gyi 'bras chan gyis tshod ma 'gebs pa
ste drug po las gzhan pa'i 'du shes bsgyur ba'i don can no/
/bsam

pa la 'du shes ma 'khrul zhing kun slong 'du shes bsgyur te smra
bar 'dod pa rgyun ma chad pa'o/ /sbyor ba ngag mtshan nyid lnga
ldan gyis smra bar rtsom pa'o/ /mthar thug yul gyis don go ba'o/
/ltung bar 'gyur tshul ni ltung ba byung ba la byung bar shes
bzhin du ma

byung zhes smra ba lta bu dngos po dang 'du shes mthun pa dang/
ltung ba ma byung ba la ma byung bar shes bzhin du byung ngo
zhes smra ba lta bu dngos po dang 'du shes mi mthun pa gnyi ga
la ltung byed du 'gyur zhing dang por 'du shes bsgyur 'dod med
kyang smra ba'i tshe gsar

du 'du shes bsgyur 'dod byung na yang dngos gzhir 'gyur ro/ /gso
sbyor la ci 'di la khyed yongs su dag gam zhes dris pa na ma dag
par shes pa'am yid gnyis za bzhin du tsang mi smra bas 'da' ba
ni nyes byas su 'gyur ro/ /mna' 'dor ba ni bslab bya'i nyes

@43a @#/ /byas so/ /gnyis pa skyon nas smra ba'i ltung byed la
bzhi las gzhi'i yan lag la gang gi skyon nas smra ba'i yul ni
dge slong chos drug ldan no/ /gang go bar bya ba'i dngos po ni
yul dus der skyon du grags shing rung ba ma yin pa'o/ /bsam

pa la 'du shes ma 'khrul zhing kun slong skyon gdags 'dod kyi
bsam pa kho nas smra bar 'dod pa rgyun ma chad pa'o/ /sbyor ba
ngag mtshan nyid lnga ldan gyis 'jam po'am rtsub po gang rung gis
smra bar rtsom pa'o/ /mthar thug mi dga' bar ma gyur na yang

yul gyis don go ba na ltung byed du 'gyur zhing/ 'du shes bsgyur
te smra na ni rdzun gyi ltung bar 'gyur ro/ /rgyal rigs la yul
dus de na skyon du grags pa skyon gdags 'dod kyis smra ba dang
tshig bkyal ba dang rtsub mo smra ba ni nyes byas so/ /gsum pa
phra ma

byed pa'i ltung byed la bzhi las gzhi'i yan lag la gang dbye
ba'i yul ni gnyi ga dge slong chos drug ldan gyi steng du bye
zin ba ma yin pa'o/ /bsam pa la 'du shes ma 'khrul zhing kun
slong dbye 'dod pa rgyun ma chad pa'o/ /sbyor ba ngag mtshan nyid
lnga ldan

gyis ming nas smos te 'byed par rtsom pa/ mthar thug don go ba
ni bye bar ma gyur kyang ltung byed do/ /ming nas ma smos pa
dang/ dge slong las gzhan pa'i phra ma byed pa sogs yan lag ma
tshang ba la nyes byas so/ /bzhi pa skye sngogs byed pa'i ltung
byed la bzhi las

gzhi'i yan lag la gang la skyo sngogs byed pa'i rtsod pa ni dge
slong mtshan nyid dang ldan pa gnyis yan chad kyi rtsod pa bzhi
po gang rung yin pa/ dge 'dun mtshan nyid dang ldan pas chos
phyogs su zhi bar byas pa'o/ /gang la go bar bya ba'i yul ni dge
slong chos

@43b drug ldan gyi steng du rtsod pa zhi bar byed pa la gtogs
pa'o/ /rten ni rtsod pa'i rgyus shes shing 'dun pa phul ba yan
chad kyis rtsod pa zhi byed la gtogs pa'o/ /bsam pa la 'du shes
ni rtsod pa chos phyogs su zhi ba la der nges pa'am yid gnyis za
bas 'du shes pa'o/ /

de yang rtsod pa spyi la skyo sngogs byed 'dod pa'i tshe 'khrul
ma 'khrul 'dra zhing bye brag la skyo sngogs byed 'dod pa'i tshe
'du shes ma 'khrul ba dang kun slong bsam pa thag pa nas skyo
sngogs byed 'dod rgyun ma chad pa'o/ /sbyor ba dag mtshan nyid
lnga ldan gyis skyo sngogs byed par

rtsom pa/ mthar thug de'i rkyen gyis don go ba'o/ /rnal du ma
phebs pa dang rgyus mi shes pas skyo sngogs byed pa dang/ bslab
pa spyod pa sogs las kyi 'bras bu la gnas pa la de'i rgyu la ma
chags so zhes skyo sngogs byed pa sogs yan lag ma tshang ba la
nyes byas so/

lnga ba bshes ngor byas so zhes skur ba 'debs pa'i ltung byed la
bzhi las gzhi'i yan lag la gang gis skur pa 'debs pa'i dngos po
ni zas las gzhan pa'i dge 'dun mtshan nyid dang ldan pa'i rnyed
pa yin pa/ phal cher rung zhing tshad dang ldan pa/ yul de la

log par byin pa ma yin pa'o/ /gang la skur pa gdab pa'i yul ni
dge slong chos drug ldan gyi steng du rang dang bsdos pa gnyis
las nor tha dang cing/ leg par sngo ba po ma yin pa'o/ /bsngo
sa'i yul ni tha snyad lnga dang ldan/ lus tha mal du gnas/ rang
las nor

tha dad pa/ dge 'dun ma yin pa'o/ /gang la go bar bya ba'i yul
ni tha snyad lnga dang ldan/ lus tha mal du gnas/ rang las rgyud
tha dad pa'o/ /rten ni gos sbyin pa'i las de la 'dun pa phul ba
yan chad kyis mthun pa/ bsam pa la 'du shes ma 'khrul

@44a @#/ /zhing kun slong skur ba 'debs par 'dod pa rgyun ma chad
pa'o/ /sbyor ba ming ma smos kyang rung ste ngag mtshan nyid lnga
ldan gyis skur pa 'debs par rtsom pa/ mthar thug don go ba'o/
/mal cha stobs pa po la sogs pa bsko ba'i tshe mas kyis ma bskos

na bslab bya'i nyes byas so/ /gnyis pa chos la ma gus pa la
gnyis las lung gi chos la ma gus pa la gsum gyi dang po khyim pa
mo la ston pa'i ltung byed la bzhi las gzhi'i yan lag la gang la
ston pa'i yul ni bud med kyi mtshan don byed nus pa dang

ldan pa/ lus tha mal du gnas pa/ bsten du rung ba/ ma ning mtshan
gnyis ma yin pa las gzhan pa'i tha snyad bzhi dang ldan pa/ rdzu
'phrul can ma yin pa/ khyim pa yin pa/ nye du ma yin pa/ ngo ma
spos pa/ mkhas pa'i rang bzhin ma yin pa/ rten ni mi yin

pa smra shes pa don go ba/ bsam pa rang bzhin du gnas pa/ skyes
pa'i mtshan don byed nus pa/ long ba ma yin pa/ thos pa'i nye
'khor na gnas pa/ spyod pa dang mtshon gyi sgo nas 'gyur ba mi
bsten pa'i khrims grogs dang mi ldan pa'o/ /gang ston pa'i

chos ni sangs rgyas kyi bka' yin pa/ don gyi bdag nyid yin pa/
tshig lnga 'am drug las lhag pa/ sngar shes pa'i don las gzhan
yin pa'o/ /gang du ston pa'i gnas ni gnas gcig yin pa/ dus nyi
ma gcig yin pa'o/ /bsam pa la 'du shes ni

tshig lnga'am drug las lhag pa la der nges pa'am yid gnyis gang
rung gis shes shing kun slong chos ston 'dod rgyun ma chad pa'o/
/sbyor ba ngag mtshan nyid lnga ldan gyis ston par zhugs pa/
mthar thug don go ba'o/ /tshig lnga'am drug las lhag pa

@44b gnas tha dad du bstan pa dang/ mo'i mtshan shas che ba'i
mtshan gnyis pa'i khrims grogs dang bcas te ston pa dang/ ma ning
pho mo dang sprul pa mo la chos ston pa sogs yan lag ma tshang ba
dang/ bud med g.yem zhing rgod bag can la khrims grogs mtshan

nyid dang ldan pa dang bcas te yang chos ston pa nyes byas so/
/tshig lnga pa la lnga ston pa dang/ gzhan drug tshun chad ston pa
la nyes pa med cing/ dmigs kyis 'dri ba'i lan brjod pa dang/
sngar bzung zin pa ston pa dang/ bsnyen gnas 'bogs pa dang/ yan

bshad byed pa sogs la tshig drug las lhag kyang ltung ba med do/
/gnyis pa 'don pa'i ltung byed la bzhi las gzhi'i yan lag la
gang dang lhan cig 'don pa'i yul ni bsnyen par ma rdzogs pa tha
snyad lnga dang ldan pa/ lus tha mal du gnas pa/ bsam

pa thag pa nas dge slong las cig car ram sngar 'don par 'dod pa/
ngo ma spos pa'o/ /gang 'dod pa'i dngos po ni/ ston byed du gyur
pa'i chos sam yi ge gang yang rung ba/ ngag gi bdag nyid yin pa/
sngar shes pa las gzhan yin pa'o/ /bsam pa

la 'du shes ma 'khrul zhing kun slong bsnyen par ma rdzogs pa'i
mjug tu 'am cig car 'don 'dod rgyun ma chad pa'o/ /sbyor ba ngag
mtshan nyid lnga ldan gyis de ltar 'don par rtsom pa/ mthar thug
'don pa rdzogs pa'o/ /gsum pa khyad du gsod pa'i

ltung byed la bzhi las gzhi'i yan lag la gang la khyad du gsod
pa'i gzhi ni 'dul ba'i tshig yin pa/ bdag nyid kyi bslab pa las
brtsams pa yin pa'o/ /go bya yul ni dge slong chos drug ldan no/
/bsam pa la 'du shes ma 'khrul zhing kun slong khyad du gsad

@45a @#/ /pa'i tshig smra bar 'dod pa rgyun ma chad pa'o/ /sbyor
ba ngag mtshan nyid lnga ldan gyis dge slong rnams 'gyod pa dang
zhum par 'gyur ba'i bslab pa'i gzhi phran tshegs 'di lta bu zla
ba phyed ring gdon ci dgos zhes pa lta bu smra bar rtsom pa/
mthar

thug don go ba'o/ /mngon pa la khyad du gsod na yang ltung byed
du 'gyur ba'i tshul sngar bzhin yan lag brtsis nas shes par
bya'o/ /'dul ba dang thun mong ma yin pa'i mdo sde la khyad du
gsod na nyes byas so/ /gnyis pa rtogs pa'i chos la ma gus

pa la gnyis kyi dang po gnas ngan len rjod pa'i ltung byed la
bzhi las gzhi'i yan lag la gang la brjod pa'i yul ni bsnyen par
ma rdzogs pa/ tha snyad lnga dang ldan/ lus tha mal du gnas/
pham lhag gi mtshan nyid mi shes pa'o/ /gang brjod pa'i

dngos po ni dge slong sdom pa gsor rung yan chad kyi chos drug
ldan gyi rgyud kyi pham lhag gi ltung ba yin pa'o/ /gang gis
rjed pa'i rten ni gnas ngan len rjod par ma bskos shing gnang ba
ma gsol ba/ dge 'dun thams cad kyis gleng ba'i tshe de'i khongs
su

mi gtogs pa'o/ /bsam pa la 'du shes ni nyan pa po mi shes pa
dang bsnyen par ma rdzogs pa la der shes pa'am yid gnyis za
ba'o/ /kun slong gnas ngan len rjod pa'i tshig smra bar 'dod
pa'o/ /sbyor ba ngag mtshan nyid lnga ldan gyis smra bar rtsom pa
pa'o/ /

mthar thug den go ba'o/ /pham lhag las gzhan pa'i gnas ngan len
rjod pa dang/ bsnyen par ma rdzogs pa'i dang/ nyan pa po mi shes
pa dang/ bsnyen par ma rdzogs pa ma yin pa la yin bar 'du shes
pa dang yid gnyis za bas rjod pa rnams la nyes

@45b byas so/ /bslab bya'i nyes byas ni khyim pa sun 'byin pa'i
dge slong dang dge slong ma khyim du so sor go bar byed pa'i dge
slong ma bskos pa dang/ bskos pa des khyim rnams su go bar ma
byas pa dang/ gnas ngan len rjod par spro ba'i gang zag ma byung
na dge slong thams

cad kyis gleng ba'i phyir gsol ba'i las ma byas pa rnams so/
/gnyis pa mi chos bla ma bden par smra ba'i ltung byed la bzhi
las gzhi'i yan lag la gang la brjod pa'i yul ni bsnyen par ma
rdzogs pa tha snyad lnga dang ldan pa/ lus tha mal du gnas pa/
bden pa ma

mthong ba'o/ /gang brjod pa'i dngos po ni rang rgyud la yod pa'i
mi chos bla ma'o/ /bsam pa la 'du shes ma 'khrul zhing kun slong
mi chos bla ma bden par smra 'dod rgyun ma chad pa'o/ /sbyor ba
dang mthar thug snga ma dang 'dra'o/ /khyim pa'i mdun du dgos pa
med par

cho 'phrul ston pa la bslab bya'i nyes byas so/ /gnyis pa gnas
su gyur pa'i dge 'dun gyi gzhi la log par sgrub pa la bya ba
mang ba las gyur pa/ gnod pa las gyur pa/ gnas sgrub pa las gyur
pa gsum mo/ /dang po sa bon dang skye ba 'jig pa'i ltung

byed la gnyis kyi dang po ltung ba rnam gzhag la bzhi las gzhi'i
yan lag la gang nyams par bya ba'i sa bon dang skye ba rang gi
ngo bor grub pa/ ma nyams pa/ rung ba ma byas pa'o/ /rten ni
chom rkun pas rtswa la sogs pas bcings pa'i tshe ma yin pa'o/
/bsam pa

la 'du shes ni ma nyams pa la ma nyams par shes pa'am yid gnyis
za ba'o/ /kun slong nyams par byed 'dod pa'o/ /sbyor ba rang
ngam bskos pas 'dam rdzab sogs kyis gnon pa dang khu tshan sogs
dpo ba dang/ rlung dang nyi ma dang sa bzhi skam por 'jo

@46a @#/ /pa
sogs kyis nyams par rtsom pa'o/ /mthar thug nyams
par gyur pa'o/ /de yang sbyor ba gcig gis du ma nyams par byed
na sbyor ba'i nyes byas gcig dang/ dngos gzhi la grangs re re la
ltos pa'i ltung byed du 'gyur zhing sdong

bu lta bu rtsa ba nas gcong ? na yal ga du ma yod kyang ltung
byed gcig dang sbyor ba la sta re sogs bsnun pa'i grangs de
snyed kyi nyes byas su 'gyur ro/ /gzhi'i yan lag ma tshang pa/
shing thog la sogs pa'i tshi gu ma bcom par mid pa dang/ snying
po

la ma reg pa'i shing shun dang/ shun pa'i bar gyi phri dang/
'dab ma skya bo dang/ me tog /dbye ba dang/ 'bras bu smin pa
rnams dang/ khyi'u kha ma thon pa dang/ sa 'bus pa dang sha mo
dang sha bal dang snod la sogs pa'i rla ma nyams par byed pa
rnams la nyes

byas so/ /gnyis pa bslab bya'i nyes byas ni/ lag gi blas dkon
mchog gi don du shing ljon pa sogs gcod pa'i tshe mdun rol nyi ma
bdun nam brgyad nas shing la gnas pa'i mi ma yin sogs la sbyin
pa'i phan yon la sogs pa bshad pas spro

ba ma bskyed pa dang/ de ltar byas kyang mi gtong ba'i tshe gcod
pa dang/ thun tshod du rung ba dang zhag bdun pa dang 'tsho ba'i
bar du bcang ba rnams phyi dro longs spyod pa'i tshe chu grang
mos ma btab pa rnams so/ /gnyis pa gnod pa las gyur pa la drug
las

dang po las byed pa la gnod pa 'phya ba'i ltung byed la bzhi las
gzhi'i yan lag la gang 'phya ba'i yul ni dge slong chos drug
ldan gyi steng du zhal ta par bskos pa'am ma bskos kyang bya ba
byed bzhin pa dang sngar bskos pa bag yangs su byas pa

@46b gang rung yin pa/ rang la zas gos dman pa ched du stobs pa
ma yin pa'o/ /rten ni las kyis dman pa'i grangs su bgrangs pa'o/
/bsam pa la 'du shes ma 'khrul zhing kun slong bdag dang 'brel
ba'i don gyis 'phya bar 'dod pa'o/ /sbyor ba dag mtshan nyid

lnga ldan gyis 'phya ba'i yul des thos par ming nas gsal por
smos pa'am gsal por ming ma smos par zur gyis 'phya bar zhugs
pa/ mthar thug don go ba'o/ /tshig cung zad tsam yang mi bzod pa
la dran skul byed pa dang/ de lta bu rang dang zhe 'gras pa da
rang gis

dngos su dge 'dun gyi las su bsko ba la bslab bya'i nyes byas
so/ /gnyis pa bka' bsgo ba la gnod pa bsgo pa rna la gzon pa'i
ltung byad la bzhi las gzhi'i yan lag la bsgo ba rna la gzon
pa'i yul ni dge slong chos drug ldan gyi steng du bdag la tshul

khrims kyi sgo nas chos mthun du gleng bar zhugs pa'o/ /bsam pa
la 'du shes ma 'khrul zhing kun slong bsgo ba rna gzon gyi tshig
smra bar 'dod pa'o/ /sbyor pa ngag mtshan nyid lnga ldan gyis lan
log par rjod pa ste me reg gi ltung ba klengs ba nas rko ba'i
ltung ba

ma byung ngo zhes pa lta bu'o/ /mthar thug don go ba'o/ /lung
ltar na dra ba rna gzon la yang ltung byed dngos gzhi skyed par
sems so/ /cang mi smra ba dang mi dran no zhes pas bsgo brna la
gzon pa sogs yan lag ma tshang ba la nyes byas so/ /gzhan gyi
srog

gi bar chad bsrung ba la sogs pa'i don du bsgo ba rna la gzon pa
la nyes pa med do/ /gang zag bcu gnyis po la 'phya ba dang bsgo
ba rna la gzon pa rnams la gsol ba'i las kyis dman pa'i grangs
su mi bgrang ba dang/ che bzhi bya dgos pa'i gnas de

@47a @#/ /las ma byol ba dang/ gnod pa'i sgo ma gcad par che bzhi
byed pa rnams la bslab bya'i nyes byas so/ /gsum pa mal cha la
gnod pa la gnyis kyi dang po gnas mal gyi ltung byed la bzhi las
gzhi'i yan lag la gang la log par bsgrub pa'i gnas

mal gyi dge 'dun ni gnas mal rung zhing tshad dang ldan pa/ rang
ngam bskos pas longs spyad pa/ chud za ba'i nyen dang bcas pa'o/
/gnas ni phan phun du 'gyur ba'i nyen can yin pa'o/ /rten ni
nyam nga ba dang phrad pa dang brtul ba byas sam byed du bcug pa
ma

yin pa'o/ /bsam pa la 'du shes ma 'khrul zhing kun slong gnas
mal bzhag ste lam du 'gro ba'am phan phun gyi nyen can du 'jog
par 'dod pa'o/ /sbyor ba bsams pa'i don la log par sgrub par
zhugs pa/ mthar thug ni rlung ngam char gyis rim pa

gzhan sleb pa'am sril gyis zos pa sogs kyis phan phun du gyur
pa'am bskor ba'i gnas la ni sgo khang nas 'dom bzhi bcu rtsa dgu
las 'das par phyin pa'o/ /de yang gnyis kyis thun mong du longs
spyad pa yin na phyis langs pa dang/ langs pa mnyam na

bslab pa gzhon pa dang/ langs pa dang rgan gzhon gnyi ga mnyam
na gnyi ga la ltung bar 'gyur zhing bsdu ba bcol bas ltung ba
khegs pa la yang bsnyen par ma rdzogs pa dang rgas pa dang na ba
dang zha 'gras pa dang bslab pa las g.yel ba rnams ma yin pa la

bcol ba dgos so/ /gnyis pa bslab bya'i nyes pa la 'gro bar chas
pa dang 'brel ba khyim dang 'brel ba nad pa dang 'brel ba dge
ba'i phyogs brtsam pa dang 'brel ba gtsugs lag khang dang 'brel
ba'i bslab bya'i nyes pa ste lnga'o/ /dang po ni gnas mal ma
bsdus

@47b par bsod snyoms la song ba'i tshe rlung dang char byung na
gtsug lag khang na gnas pa rnams kyis ma bsdus pa dang/ gnas mal
ma bsdus par phyin te lam du dran na phyin chad 'di ltar mi bya
zhes ma brjod cing sems ma bskyed pa dang/ de'i tshe lam du dge
slong dang phrad na

bsdu ba ma bcel ba dang/ gnas nas 'gro ba'i tshe nyam nga ba dang
phrad par mi 'gyur na bdag po la ma gtad pa dang/ ma bsdus par
'gro ba dang/ gnas mal dri ma can ma sprug pa dang/ rang gis
bsdu ba mi khom na dge slong sogs la ma bcol ba dang/ 'chol sa
med na

lde mig ma sbas par 'gro ba dang/ lam du dge slong 'ong ba
mthong na lde mig sbas pa'i phyogs de ma bstan pa'o/ /gnyis pa
ni dge slong rnams mgron du 'bod pa'i khyim du stan g.yar po mi
sbyin pa dang/ khyim nas phyir 'ong ba'i tshe khyim pa dang dge
tshul sogs la mi

'chol bar rang gis bkur ba dang/ de dag med pa dang khyim pas
bskyal lo zhes zer na mi bzhag pa dang/ khyim pas ma bskyal na
gnas pa dag gis ma blangs pa dang/ gnas pa med na rang ngam des
kyang mi lcogs na dge 'dun thams cad kyis kyang ma blangs pa
dang/

gtsug lag khang du sbyin bdag gis rang gi don du stan g.yar
ba'i tshe mi sbyin pa dang/ de'i srung ma mi 'jog pa dang/ bzhag
pa des kyang phyogs gcig tu bsdad de kha ton sogs dang/ stan la
lta bar mi byed pa dang/ khyim pa dong pa'i tshe ma bsdus pa
dang/ khyim

pas stan ma rungs par gyur pa byi dor ma byas pa dang/ khyim pas
bting ba'i stan ma bsdus pa mthong na mi bsdu ba dang/ mthong ba
de rgas pa dang nad pa yin na gzhan la ma spran pa'o/ /gsum pa
ni tshangs pa mtshungs par spyod pa na ba'i tshe ltar mi 'gro ba
dang/ der stan

@48a @#/ /khyer te 'gro ba dang/ mi 'dug par lta ba dang/ nad
g.yog gis stan mi gshom pa rnams so/ /bzhi pa ni ma ngan po'am
slob dpon nyin mo spyod pa sogs la 'gro ba'i tshe phyi bzhin du
mi 'gro ba dang/ 'gro ba'i tshe yang de'i stan mi bkur ba dang/

bla ma la ma zhus par stan khur te 'gre ba dang/ bla gab med par
ches nyan pa'i tshe rlung dang char byung na gnas mal mi bsdu ba
dang/ de'i tshe gzhon nu rnams kyis rgan po'i gnas mal lci ba
dang ma brjes pa dang/ khri dang khri lta bur mthun par mi bzhag
pa'o/ /

lnga pa ni char 'bab pa la sogs pa'i dogs pa med pa'i tshe gtsug
lag khang gzhan du stan g.yar po mi sbyin pa dang/ lam khar
char la sogs pa byung na 'os par bcer te rdzas ngan pa zhig gis
ma g.yogs pa dang/ gtsug lag khang du phyin nas rdzas

rnams ma bskams pa dang/ me la sogs pa'i gnod pa byung ba'i tshe
dang por rang gi yo byad dang/ rjes su dge 'dun gyi yo byad mi
'don pa dang/ gton zin pa bsrung ba'i phyir dge slong rdzas 'don
pa la sogs pa'i las mi nus pa ma bzhag pa dang/ lus

srog la gnod pa'i me la sogs pa'i nang nas rdzas 'don pa rnams
so/ /gnyis pa gding ba'i ltung byed la ltung ba rnam gzhag la
bzhi las gzhi'i yan lag la gang du log par sgrub pa'i gnas ni
dge 'dun gyi gnas yin pa/ gnas kyi mtshan

nyid du grub pa/ spyod nyam bzhi shong ba/ phan phun du 'gyur
ba'i nyen yod pa'o/ /gang gis log par sgrub pa'i dngos po ni
rtswa dang lo ma gang rung gi gding ba yin pa/ 'jig rten na
grags pa'i tshad du longs pa/ rang ngam bskos pas longs spyad
pa'o//

@48b rten ni gnas mal dang 'dra'o/ /bsam pa la 'du shes ma
'khrul zhing kun slong bsdu bar mi 'dod pa tsam mo/ /sbyor ba
dang mthar thug sngar dang 'dra ba la char gyis phan phun du
gyur pa ma gtogs pa'o/ /bslab bya'i nyes byas ni khyim du rtsa
lo la sogs pa'i gding ba

byas pa ma dor ba dang/ ma dris bar dor ba dang/ dgon par ni mgo
mjug bzlog pas slong pa'am dor ba ma byas pa dang/ gos bskam
pa'i phyir rtswa bting ba ma dor ba dang/ gzhan slong ba la ma
byin pa dang/ 'chag sar rtswa bting ba'i tshe rlan che ba'i gnas
su nyi ma

re re la dang/ de las gzhan pa'i gnas su zla ba phyed phyed na
srog chags yod med brtag pa dang sgyur zlog ma byas pa dang/
'chag pa'i bya ba gtong ba'i tshe dor bar 'os pa ma dor ba dang/
bsod snyoms la 'gro ba dang 'brel ba'i bslab bya gzhi gnas mal
gyi skabs su

bstan pa rnams so/ /bzhi pa gang zag la gnod pa la gnyis kyi
dang po skrod pa'i ltung byed la bzhi las gzhi'i yan lag la gang
bskrad pa'i yul ni dge slong chos drug ldan gyi steng du phan
pa'i rkyen dang mi ldan pa'o/ /gang nas skrod pa'i gnas ni phan
phun gyi nyen can ma

gtogs pa snga ma bzhin no/ /bsam pa la 'du shes ma 'khrul zhing
kun slong skrod par 'dod pa'o/ /sbyor ba rang ngam bskos pas
skrod par rtsom pa/ mthar thug de'i rkyen gyis gnas nye 'khor
dang bcas pa las 'das pa'o/ /bzhad gad kyis skrod pa dang/
bsnyen par ma rdzogs

pa skrod pa la nyes byas so/ /gnyis pa phyis gnon byed pa'i
ltung byed la bzhi las gzhi'i yan lag la phyis gnon byed pa'i
yul dang gnas sngar dang 'dra ba las yul la rang las sngar gnas
pa zhes bsnan no/ /bsam pa la 'du shes ni rang las sngar gnas pa
la

@49a @#/ /der nges pa'am yid gnyis za ba'o/ /kun slong na ba dang
'jigs pa'i dbang ma gtogs par phyis gnon byed par 'dod pa'o/
/sbyor ba gzhan mi 'dod bzhin du gnas der 'dug par rtsom pa/
mthar thug 'dug pa rdzogs pa'am don go ba'o/ /des

mtshon nas/ ngan dang gsod dang grang dro dang/ /chal zangs
dang
ni bkru sman dang/ /rnal 'byor mthun dang kha ton mthun/ /'jigs
dang bcas dang 'jigs med pa'o/ /zhes pas mtho 'tsham pa rnams la
yang yan lag rtsis sngar bzhin du sbyar te ltung byed

du 'gyur bar shes par bya'o/ /gnas der rang gi snga rol du zhugs
pa ma yin pa zhugs par shes pa dang yid gnyis za ba la nyes byas
so/ /lnga pa gnas dngos la gnod pa rtsa ba 'byung ba la 'dug
pa'i ltung byed la bzhi las gzhi'i yan lag la gnas

ni dge 'dun gyi gnas spyod lam bzhi shong ba/ gnas kyi ngo bor
grub pa/ rdol ba'i nyen dang bcas pa'i steng gi thog yin pa'o/
/dngos po ni khri'am khri'u yin pa/ rgya 'khor gsum khebs pa'i
tshad du chog pa/ rtsa ba phur bu lta bu yin pa/ bkan pa'am

rkang rten bcug pa ma yin pa'o/ /bsam pa la 'du shes ni rtsa ba
'khrul ba'i skabs dang bcas pa la der nges pa'am yid gnyis za
ba'o/ /kun slong gnon par 'dod pa'o/ /sbyor ba gnon par zhugs
pa/ mthar thug 'dug pa rdzogs pa'o/ /thog

rdol ba'i nyen dang bcas pa ma yin pa la yin par shes pa dang
yid gnyis za bas 'dug pa la nyes byas so/ /drug pa gzhan gyi
srog la gnod pa dud 'gro 'debs pa'i ltung byed la bzhi las
gzhi'i yan lag ni dud 'gro yin pa/ tha mal pa'i

@49b mig la snang du rung ba/ gzhi dang bcas pa yin pa'o/ /bsam
pa la 'du shes ni srog chags dang bcas pa la der nges pa'am yid
gnyis za ba'o/ /kun slong rang gi don ma yin par spyod par 'dod
pa/ sbyor ba rang ngam bskos pas spyod par zhugs pa/ mthar

thug dud 'gro shi ba'o/ /srog chags dang bcas pa ma yin pa la
yin par ngas pa'am yid gnyis za bas spyod na nyes byas so/ /gsum
pa gnas sgrub pa las gyur pa rim pa lhag par rtsig pa'i ltung
byed la bzhi las gzhi'i yan lag la gang rtsig

pa'i gnas ni gtsug lag khang yin pa/ spyod lam bzhi shong ba/
phal cher bskor ba'i gnas su grub pa/ sngar tshad la gnod pa'i
rtsom pa ma byas pa'o/ /dus ni nyi ma gcig yin pa'o/ /rten char
chu skyob pa'i g.yog pa ma byas pa'o/ /bsam pa la 'du

shes ma 'khrul zhing kun slong rim pa gsum las lhag par rtsig
'dod rgyun ma chad pa'o/ /sbyor ba rang ngam bskos pas rdo'am so
phag so btang ba'am shing la sogs pa sra ba ma yin pas rtsig par
rtsom pa mthar thug rim pa gsum las lhag par brtsigs

ba'o/ /de ni nyi ma gcig la rim pa lhag par rtsig pa'i ltung
byed kyi dbang du byas kyi/ 'jim pa med pa dang/ sgo cha gong ma
ma bcu gcig pa dang/ chu khung ma gtod pa dang/ rtsig pa'i rmang
ma btsugs par rtsig pa rnams la ni nyi ma gzhan la rim pa lhag
na yang

ltung byed du 'gyur zhing chu khung btod pa sogs byas kyang de'i
steng nas rim pa lhag par rtsig na yang ltung byed du 'gyur ro/
/rim pa gsum pa rtsig pa la nyes pa med cing bzhi pa rtsig par
rtsom pa na nyes byas so/ /gtsug lhag khang rtsig pa'i sgo

@50a @#/ /cha dang sgo glegs ma btsug pa dang skar khung ma btod
pa rnams la bslab bya'i nyes byas so/ /gsum pa phan gdags par
bya ba dge slong ma'i gzhi la log par sgrub pa la lnga las dang
po chos kyi gzhi las gyur pa la gsum gyi dang po ma bskos

bar chos ston pa'i ltung byed la bzhi las gzhi'i yan lag la gang
la chos ston pa'i yul ni nye du ma yin pa las gzhan pa'i dge
slong mchos bdun ldan no/ /gang ston pa'i chos ni sangs rgyas
kyi bka' 'am/ gdams ngag dang rjes su bstan pa gang yang

rung ba'o/ /rten ni mi chos bla ma thob pa dang/ 'os pa la gsol
ba btab pa ma yin zhing ston par ma bskos pa'am bskos kyang
mtshan nyid dang mi ldan pa'o/ /bsam pa la 'du shes ma 'khrul
zhing kun slong ston par 'dod pa'o/ /sbyor ba ngag mtshan nyid
lnga

ldan gyis ston par rtsom pa/ mthar thug don go ba'o/ /ston par
'os pa'i mtshan nyid ni bsnyen par rdzogs nas bar ma chad du lo
nyi shu lon cing lta ba mthun pa/ tha snyad gsum dang ldan pa/
lus tha mal du gnas pa/ sa rang bzhin du gnas pa/ rig

pa dang grol bar smra ba'i dge slong sde snod gsum pa dang/ se
thar ram lci ba'i chos brgyad dang pham ba brgyad gang rung 'don
nus pa dang/ bag yod par sgrubs shig ces brjod nus pa dag las
mgang rung dang ldan pas te de dag las btsun pa dang brtan pa'i

yan lag pa dmigs bsal med cing/ mkhas pa'i yan lag de dag las
snga ma dang ldan pa yod bzhin du phyi ma bskor mi rung zhing/
mtshan nyid de dag tha ma yan chad las gang rung re re dang mi
ldan na bskos kyang ltung byed du 'gyur ba mi khegs so/ /

@50b gnyis pa nyi ma nub kyi bar du chos ston pa'i ltung byed la
bzhi las gzhi'i yan lag gang la chos ston pa'i yul dang gang
ston pa'i chos sngar dang 'dra la/ gnas ni 'jigs pa'i nyen dang
bcas pa/ dus ni mtshan thog thag chos ston pa'i dus ma yin zhing
nyi ma

nub nas skya rangs mshar bA par yin pa'o/ /'du shes ni nyi ma
nub pa la nub par nges pa'am yid gnyis za ba ste yan lag lhag ma
sngar bzhin du sbyar ro/ /nyi ma ma nub pa la nub par nges pa'am
yid gnyis za bas ston na nyes byas so/ /gsum pa zas cung

zad tsam gyi phyir chos ston pas skur pa 'debs pa'i ltung byed
la bzhi las gzhi'i yan lag gang la skur pa 'debs pa'i yul ni dge
slong chos drug ldan gyi steng du log par ston pa ma yin pa'o/
/go bya yul ni tha snyad lnga dang ldan/ lus tha mal du gnas/
rang las

tha dad pa'o/ /bsam pa la 'du shes dang kun slong ni zas gos
cung zad tsam gyi phyir chos ston pa ma yin pa la der shes bzhin
du da ltar ston to zhes skur pa 'debs par 'dod pa'o/ /sbyor ba
ngag mtshan lnga ldan gyis so/ /mthar thug don go ba'o/ /gnyis

pa gos las gyur pa la gnyis kyi dang po gos byed pa'i ltung byed
la bzhi las gzhi'i yan lag la gang gi gos byed pa'i yul ni dge
slong ma chos brgyad ldan no/ /gang byed pa'i gos ni gos rung
zhing tshad dang ldan pa/ dge slong ma de nyid kyi yin pa/ sngar
tshad

la gnod pa'i bzo'i rtsom pa ma byas pa'o/ /bsam pa la 'du shes
ni dge slong ma nyi du ma yin pa la der nges pa'am yid gnyis za
ba'o/ /kun slong ni bzo byed par 'dod pa/ sbyor ba de ltar rtsom
pa/ mthar thug bzo'i rtsom pa yongs su rdzogs pa'o/ /nye du yin
pa

@51a @#/ /lam yin par shes pa'am yid gnyis za bas byed na nyes
byas so/ /gnyis pa gos sbyin pa'i ltung byed la bzhi las
gzhi'i yan lag gang la gos sbyin pa'i yul ni dge slong ma chos
brgyad ldan gyi steng du dge 'dun la gos 'bul

ba'i khongs su gtogs pa dang bor brlag byung ba dang legs par
smra ba dang bsnyen par rdzogs par byed pa rnams ma yin zhing
rang las nor tha dad pa'o/ /dngos po ni gos rung zhing tshad
dang ldan pa rang gi yin pa'o/ /rten ni rung mi rung brje ba'i
phyir

ma yin pa'o/ /bsam pa la 'du shes snga ma dang 'dra zhing kun
slong sbyin par 'dod pa/ sbyor ba de ltar rtsom pa/ mthar thug
yul gyi lag tu thob pa'o/ /'du shes 'khrul pas nyes byas su
'gyur ba yang snga ma dang 'dra'o/ /gsum pa la ma

gyi gzhi las gyur pa la gnyis kyi dang po dge slong ma dang
lhan cig lam du 'gro ba'i ltung byed la bzhi las gzhi'i yan
lag gang dang lhan cig 'gro ba'i yul ni nye du ma yin pa ma
gtogs pa dge slong ma chos bdun ldan gyi steng du phan tshun
phan 'dogs

pa ma yin zhing ngo ma spos pa'o/ /gang du 'gro ba'i lam ni sa
la brten pa/ rgyang grags gcig phan chad yan pa/ 'jigs pa dang
bcas pa ma yin pa'o/ /dus ni nyi ma gcig yin pa'o/ /bsam pa la
'du shes ma 'khrul zhing kun slong lam

gcig la 'gro bar 'dod pa/ sbyor ba 'gro bar rtsom pa/ mthar
thug rgyang grags gcig las 'das pa'o/ /rgyang grags phyed red
nyes byas so/ /bslab bya ni lam du zhugs pa'i tshe tshangs pa
mtshungs par spyod pa na ba lam du dor ba dang/ de ma

@51b bkur ba dang/ dge slong ma lam du na ba'i tshe mgo logs
nas bzung bas bkur ba'i grogs ma byas pa dang/ grong du phyin
pa na mtshan dang lta ba mthun pa'i nad g.yog ma bzhag par
song ba rnams so/ /dge slong dang dge slong mas phan tshun lam
brgyags

'khur ba dang byin len byed du rung ngo/ /gnyis pa grur 'jug
pa'i ltung byed la bzhi las gzhi'i yul dang dus na sngar dang
'dra la/ lam ni chu la brten pa yin pa/ rgyang grags gcig phan
chad yin pa/ thad kar pha rol tu 'gro ba ma yin pa/ 'gram

gnyis 'jigs pa dang bcas pa ma yin pa/ rba klong la bzur ba la
sogs pa'i rkyen gyis 'jug pa gzhan du song ba ma yin pa'o/
/bsam sbyor mthar thug rnams snga ma bzhin no/ /bzhi pa gnas
kyi gzhi las gyur pa la gnyis kyi dang po 'dug pa'i ltung byed

la bzhi las gzhi'i yan lag la gang dang 'dug pa'i yul ni bud
med kyi mtshan don byed nus pa/ bsten du rung ba/ tha snyad
bzhi dang ldan pa/ lus tha mal du gnas pa/ rdzu 'phrul can
dang nye du ma yin pa ste chos drug ldan dang gcig pu yin
pa'o/ /gnas

ni dben pa dang rtsig pa dang mun pa sogs kyi skyabs dang bcas
pa dang/ bar 'dom gang gi nang yin pa'o/ /bsam pa la 'du shes
ma 'khrul zhing kun slong 'dug par 'dod pa'o/ /sbyor ba 'dug
par zhugs pa/ mthar thug gnyi gas 'dug pa rdzogs

pa'o; ;gnyis ma 'greng ba'i ltung byed la yan lag rnams snga
ma dang 'dra ba la 'dug pa zhes pa'i gnas su 'greng bzhes
sbyar ro/ /'dir 'dug pa bud med dang 'greng ba dge slong ma la
sbyar ba ni mtshon byed tsam yin no/ /lnga pa zas kyi gzhi

@52a @#/ /las gyur pa dge slong ma sbyor du bcug pa'i ltung
byed la bzhi las gzhi'i yan lag la gang gis sbyor du bcug pa'i
dge slong ma ni nye du ma yin pa las gzhan pa'i chos bdun ldan
no/ /gang gis sbyor ba'i sbyin bdag ni khyim pa chos

lnga ldan no/ /gang bza' ba'i dngos po ni dus su rung ba/ rung
zhing zas gcig gi tshad dang ldan pa/ sbyin bdag de nyid kyi
yin pa/ dag slong la med pa'i lung rtogs gang rung gi yon tan
gyis sbyor du bcug pa/ mgron du ma bos pa'am bos kyang lhag
par

sbyar ba'i zas yin pa'o/ /bsam pa la 'du shes ni dge slong mas
sbyor du bcug pa la de ltar nges pa'am yid gnyis za ba'o/ /kun
slong za bar 'dod cing sbyor ba za bar rtsom pa/ mthar thug
mgul du mid pa'o/ /gzhan gyi don du sbyor du bcug pa za ba
dang/

bsod snyoms la zhugs pa na dge slong mas 'di la byin cig /ces
bsgo ba tsam byas pa za ba dang/ sbyor du bcug pa ma yin pa la
yin par nges pa'am yid gnyis za ba sogs yan lag ma tshang ba la
nyes byas so/ /bzhi pa 'tsho bar byed pa zas kyi gzhi

la log par sgrub pa la tshad las 'das pa'i ltung ba/ gnas ma
yin par zos pa'i ltung ba/ dus ma yin par zos pa'i ltung ba
cho ga las 'das pa'i ltung ba/ blang bya ma yin pa blangs pa'i
ltung ba dang lnga'o/ /dang po la blang ba tshad las 'das pa
dang/

za ba tshad las 'das pa gnyis/ dang po la gsum gyi dang po nyi
ma gcig la blang ba tshad las 'das pa yang yang za ba'i ltung
byed la bzhi las gzhi'i yan lag la blang ba'i yul ni khyim pa
chos lnga ldan gyi steng du bsam pa thag pa nas zas mtshan nyid

@52b dang ldan pa la dge 'dun gyi ched min par rang ched du
'bod pa yin pa'o/ /gang blang ba'i zas ni bza' ba lnga gang
rung ge khongs su gtogs pa/ nar ma'i zas ma yin pa/ rung zhing
zas gcig gi tshad du longs pa/ sbyin bdag snga phyi so sor
dbang ba/ zas phyi ma la

gos khru gang du longs pa'am de'i rin gyi rnyed pa med pa'o/
/dus ni nyi ma gcig gi dus yin zhing mu ge'i dus ma yin pa'o/
/rten ni zas gcig gis 'tsho mi nus pa'i nad pa dang dkon mchog
gi don du phyag bdar re la de tsam mam dkyil 'khor ba mal tsam

gyi las byes pa dang nyi ma de nyid la dpag tshad phyed yan
chad kyi lam du phyin pa rnams ma yin pa dang/ sra brkyang ma
bting ba'o/ /bsam pa la 'du shes ma 'khrul zhing kun slong zas
gnyis pa za bar 'dod pa/ sbyor ba za bar rtsom pa/ mthar thug
mgul du mid

pa'o; ;dus la ma bab par khyim du zan la 'jug pa dang/ khyim
du zan la 'jug pa'i tshe rang rang gi 'khor dang glo bur du
'ongs pa rnams gnas brtan gyis tshang ma tshang ma brtags pa
dang/ dgos pa med par khro ba sogs kyis rang gi zan gcod pa
rnams

bslab bya'i nyes byas so/ /gnyis pa gnas gcig nas blang ba
tshad las 'das pa 'dug gnas su za ba'i ltung byed la bzhi las
gzhi'i yan lag la gang gi za ba'i sbyin bdag ni khyim pa chos
lnga ldan mu stegs can kho na'i sbyin bdag yin zhing ci bder

stobs pa po ma yin pa'o/ /gnas ni mu stegs can kho na'i 'dug
gnas su grub cing spyad lam bzhi shong ba/ bdag po khyim pa
gnas bzhin pa'o/ /de na gnas pa'i phyi rol pa'i rab byung
rnams kyang mtshan dang lta ba mthun/ tha snyad gsum dang ldan/
lus tha mal

@53a @#/ /du gnas pa'o/ /gang bza' ba'i zas ni dus rung ga zas
rung zhing zas gcig gi tshad dang ldan pa/ sbyin bdag de nyid
kyi yin pa/ nyi ma gnyis pa'i zas yin pa'o/ /rten ni nang pa
ma yin zhing gnas der zhag lon pa'o/ /bsam pa la 'du shes

ma 'khrul zhing kun slong zas gnyis pa za bar 'dod pa'o/
/sbyor ba ngag mtshan nyid lnga ldan gyis blangs shing za bar
rtsom pa/ mthar thug mgul du mid pa'o/ /gnas der zas mi za bar
nyi ma gnyis pa la sdod pa dang/ khyim bdag dngos su mi gnas
pa

dang; phyi nang gi rab byung dang nye du dbang ba'i 'dug gnas
su za ba la nyes byas so/ /gsum pa sbyin bdag gcig las blang
ba tshad las 'das pa lhung bzed do gsum tsam las lhag par len
pa'i ltung byed la bzhi las gzhi'i yan lag la gang la

blang ba'i sbyin bdag ni khyim pa chos lnga ldan gyi steng du
tshad yongs su bcad pa dang/ ci tsam dgos pa long zhes stobs pa
po ma yin pa'o/ /gang blang ba'i dngos po ni g.yos su byas
pa'i dus rung gi zas rung zhing 'bras ma ga d+ha'i bre'u chung
phyed dang lnga

bcos pa las lhag pa'i chad dang ldan pa/ sbyin bdag de nyid
kyi yin pa'o/ /za ba'i gnas ni gang blangs pa'i gnas de las
gzhan yin pa/ bsam pa la 'du shes ma 'khrul zhing kun slong
lhag pa blangs nas za bar 'dod pa/ sbyor ba ngag mtshan

nyid lnga ldan gyis blangs te gnas gzhan du za bar rtsom pa/
mthar thug mgul du mid pa'o/ /gzhan la lhag pa len du bcug ste
za ba la nyes byas so/ /gnyis pa za ba tshad las 'das pa la
gnyis kyi dang po spangs pa za ba'i ltung byed la bzhi

@53b las gzhi'i yan lag la bza' bar bya ba rung zhing ma gul
du mid pa'i tshad dang ldan pa/ thug pa las gzhan yin pa/ rang
ngam rang dang 'dra bas lhag por ma byas pa'o/ /za ba'i dus ni
mu ge'i dus ma yin pa/ rten ni slangs pa rdzogs shing nad pa
ma

yin pa/ bsam pa la 'du shes ni spangs pa dang lhag por ma byas
pa la der nges pa'am yed gnyis za ba/ kun slong za bar 'dod
pa/ sbyor ba za bar rtsom pa/ mthar thug mgul du mid pa'o/
/spangs pa yongs su rdzogs pa'i mtshan nyid la bzhi

las gzhi'i yan lag ni mu ge'i dus ma yin par rung zhing tshad
dang ldan pa'i dus rung gi zas byin len snyobs par 'os pa'i gang
zag byin lan 'thob pa'i phyogs na gnas pas bsam pa thag pha nas
stobs pa'o/ /kun slong bsam pa thag

pas de ring 'di las mi bza' 'o snyam nas spong bar 'dod pa/
sbyor ba ngag mtshan nyid lnga ldan gyis ra zhig gi sgra ma
sbyar bar chag go zhas sogs brjod pa'am ldang bar rtsom pa'o/
/mthar thug smras pa'i don go pa'am 'dug pa'i gnas btang

ba'o; ;bca' ba spangs pa yongs su rdzogs nas bcal ba lhag por
ma byas par za ba la yang ltung byad du 'gyur ro/ /lhag par
gyi mtshan nyid la gang gis lhag por bya ba'i rtan ni dge slang
chos drug ldan gyi steng du sa rang bzhin du gnas pa/

mtshams kyi nang du gnas pa/ bra ba'i gnas ma btang ba'o/ /lhag
por gsal ba po ni dge slong gi sdom pa gsor du ba yan chad
dang ldan pa/ bsam pa rang bzhin du gnas pa/ lus tha mal du
gnas pa/ gnas nas ma phyung ba/ nad pa ma yin pa/ zas

@54a @#/ /spangs pa yin pa'i/ /gang lhag por bya ba'i zas ni
rung zhing tshad dang ldan pa'i dus rung gi zas yin pa/ rang gi
yin pa/ byin len byas shing sngar lhag por byas pa dang ma
'brel ba'o/ /gnas ni mtshams kyi nang dang/ byin len

'thob pa'i phyogs yin pa'o/ /dus snga dro dang spangs pa'i dus
yin zhing mu ge'i dus ma yin pa'o/ /cho ga ni lag pa bkrus
byin len byas shing lag tu blangs nas spyod lam 'greng bas
rten la gsol ba 'debs pa'i sngags lan cig brjod de rten des
zas ma spangs na

kham gnyis sam gsum zos nas/ khyod kyi 'gyur gyi bzhud cig ces
brjod do/ /lhag por byas pa dang spangs pa ma yin pa la yin
par nges pa dang the tshom za bas zos na nyes byas dang/ bza'
ba spangs nas bca' ba za ba la ltung byed do/ /bca' ba spangs
nas

bza' ba za ba la ltung ba med la/ bslab bya'i nyes pa ni mi
rung ba dang 'dres pa'i zas la lhag por byed pa dang spangs pa
rdzogs pas lhag por byas pa dang/ yul gyis ma gsol bar lhag
por byas pa dang/ zas 'tsho ba tsam las lhag par za ba dang/
rten ni

nad pa min pa/ chog par ma zos pa/ mgul du mid par mngon pa'i
tshad dang ldan pa'i 'phro dang bcas pa/ gnas de nyid du bza'
ba'i phyir byin lan blangs te 'dug pas zas kyi bya ba ma
rdzogs par langs pa rnams so/ /gnyis pa spangs pa la stobs
pa'i ltung

byed la bzhi las gzhi'i yan lag la gang la stobs pa'i yul ni
dge slong chos drug ldan gyi steng du zas spangs pa yongs su
rdzogs pa'o/ /zas dang dus ni snga ma bzhin no/ /bsam pa la
'du shes ma 'khrul zhing kun slong stobs par 'dod pa/ sbyor ba

@54b stobs par rtsom pa/ mthar thug stobs par go ba'o/ /gnyis
pa gnas ma yin par zos pa 'dus shing za ba'i ltung byed la
bzhi las gzhi'i yan lag la gang du/ ba'i gnas ni gang las 'dus
shing za ba'i yul gyi dge 'dun de dang rang bzhin gyi mtshams

gcig cing nar ma'am glo bur ba gang yang rung ba'i bkad sa'i
gnas mi gcig pa'o/ /gang za ba'i zas ni rung zhing zas gcig gi
tshad dang ldan pa'i dus su rung ba'i zas yin pa/ 'dus pa chen
po'i zas dang phyi rol pa'i dge sbyong gi zas ma yin pa'o/
/gang

gis 'dus shing za ba'i rten ni dge slong chos drug ldan bzhi
yan chad yin pa/ na ba dang las byas pa dang lam du song ba ma
yin pa'o/ /dus ni mu ge'i dus ma yin pa/ bsam pa la 'du shes
ni 'dus shing za ba'i yul rten gyi dge 'dun gnyis zas lhan

cig ma yin pa la der nges pa'am yid gnyis za ba/ kun slong
'dus shing za bar 'dod pa/ sbyor ba rang gi grogs de dag dang
lhan cig dus cig car za bar rtsom pa/ mthar thug mgul du mid
pa'o/ /'dus shing za ba'i ltung byed skyed pa la yul rten gyis

dge 'dun gang yang rung bas nar ma'am glo bur ba'i bkad sa
nges pa can der zos pa yan lag tu mi dgos so/ /zas lhan cig
yin pa la ma yin par nges pa dang yid gnyis gang rung gis za
ba dang/ dge 'dun thams cad nar ma'am glo bur du za ba'i

bkad sa der de na gnas pa dag gis 'du bar 'os pa'i dge 'dun du
longs pa ma 'dus par za ba rnams nyes byas so/ /'gro bar chas
pa dang glo bur du 'ongs pa dang nad pa dang nad g.yog dang
dge skos las gzhan pa rnams kyis dge slong gral la 'khor

@55a @#/ /ba thams cad kyis zas ma brtsams par spyi spungs las
mnos te za ba dang/ gtsug lag khang du dge slong gcig las med
na yang des bkad sa las gzhan du zos pa dang/ gcig mgron du
bos pa'i tshe yang sbyin bdag gis ma bsgo

bar mnos te za ba rnams la bslab bya'i nyes byas so/ /gsum pa
dus ma yin par za ba'i ltung byed la bzhi las gzhi'i yan lag la
gang za ba'i dngos po ni rung zhing mgul du mid pa'i tshed dang
ldan pa'i dus rung gi zas yin pa/ mid pa gnyis pa

la sgregs pa'i zas ma yin pa/ dus ni rang gnas pa'i gling gi
nyi ma phyed yol nas skya rengs ma shar ba'i dus yin pa'o/
/rten ni phyi dro'i zes kyis phan pa'i nad can ma yin pa'o/
/bsam pa la 'du shes ni dus ma yin pa la ma yin par nges pa'am
yid

gnyis za ba/ kun slong za bar 'dod pa/ sbyor ba za bar rtsom
pa/ mthar thug mgul du mid pa'o/ /dus yin pa la min par nges
pa'am yid gnyis za na nyes byas so/ /bzhi pa cho ga las 'das
pa'i ltung ba la gnyis kyi dang po gsog 'jog tu song ba za
ba'i ltung

byed la dngos dang cha la brten pa bslab bya'i nyes pa gsum
mo/ /dang po la bzhi las gzhi'i yan lag la gang za ba'i dngos
po ni sman bzhi gang yang rung ba'i ngo bor grub pa/ rang ngam
rang dang 'dra bas gsog 'jog byas pa/ gzhi gzhan gyi cha nas
rung ba/

mgul du med pa'i tshad dang ldan pa'o/ /rten ni des phan pa'i
nad can ma yin pa/ dus ni mu ge'i dus ma yin pa/ bsam pa la
'du shes ni gsog 'jog tu song bar nges pa'am yid gnyis gang
rung yin pa/ kun slong za bar 'dod pa/ sbyor ba za bar rtsom
pa/

@55b mthar thug ma gul du mid pa'o/ /gsog 'jog tu ma song ba
la song bar nges pa'am yid gnyis gang rung gis za ba dang/
gsog 'jog tu song ba'i zas kyis kha dang lhung bzed la sogs pa
'bags pas za ba dang/ lan tshwa dang 'gyur byed kyi chu dang
rnyog chu rnams gsog 'jag tu song

ba za ba sogs yan lag ma tshang ba rnams la nyas byas so/
/gnyis pa cha la brten pa'i nyes pa la bzhi las lag nya dang 
'brel ba'i nyes pa ni rang ngam rang dang zas kyi cho ga gcig
pa dbang ba'i zas sam nye ba'i sta gon du gnas pa/ rung zhing
tshad dang ldan pa/ gzhi

brtan pa dang/ byin len stobs pa dang ma 'brel zhing chud za
ba'i rkyen med pa'i tshe byin len ma byas par za ba'i bsam pa
las gzhan pas rang ngam rang dang 'dra bas reg na lag nya'i
nyes pa dang/ de rang ngam rang dang 'dra bas zos na lag nyar
blangs pa za ba'i nyas byas

so; ;gnyis pa mtshams btsos dang 'brel ba'i nyes pa ni rang
ngam rang dang 'dra ba dbang ba'i zas sam nye ba'i sta gon du
gnas pa rung zhing tshad dang ldan pa'i rjen pa chud za ba la
sogs pa'i rkyan med pa'i tshe rang ngam rang dang 'dra ba'i dge
slong 'byung 'jug la dbang che

zhing rung khang du ma byas pa'i gnas su me dang 'brel bas
btsos pa ni mtshams btsos kyi nyes par 'gyur la de za ba na
mtshams bcos zos pa'i nyes byas so/ /gsum pa zhag lon dang
'brel ba'i nyes pa ni rang ngam rang dang 'dra ba dbang ba'i
zas sam nye ba'i ste

gon du gnas pa rung zhing tshad dang ldan pa zhig chud za ba
sogs kyi rkyen med pa'i tshe rang ngam rang dang 'dra ba dbang
zhing rung khang du ma byas pa'i gnas su zhag lon pas ni zhag
lon gyi nyes par 'gyur la de za phan zhag lon za ba'i nyes byas so/
/bzhi pa dge slong gis

@56a @#/ /btses pa dang 'brel ba'i nyes byas ni rang ngam rang
dang 'dra ba dbang ba'i zas sam nye ba'i sta gon du gnas
shing/ rung zhing tshad dang ldan pa'i rjen pa zhig gnas gang
yang rung ba'i dge slong gis me'am rangs ba yan chad kyis
'tshod par byed na dge slong gis

btsos pa'i nyes par 'gyur la de za na dge slong gis btsos pa
zos pa'i nyes byas so/ /rjen dang bral ba yin min gyi tshad ni
sha skam la sogs pa sra ba rnams la sum cha pangs pa dang/ lo
ma la sogs pa snyi ba rnams ni kha dog gyur pa dang/ 'o ma la
sogs pa'i khu ba

rnams ni lan gnyis khol pa'i tshe na rjen pa dang bral ba yin
no/ /gsum pa bslab bya'i nyes byas ni zas kyi phyogs gcig tu
mi rung ba dang 'dres pa mi bsal ba dang/ khra ta la sogs pa'i
mchus reg na than 'khor dang bcas pa ma bsal ba dang/ kha ma
bkrus bar zos

pa dang/ nor ba dang brjed pas lag nyar 'gyur ba'i rdzas
blangs ma thag nye bar ma bzhag pa dang/ lag nyar song ba la
sogs pa gzhan la ltos pa dang bcas pa btang ba dang/ ltos med
du btang ba shes bzhin du len pa dang/ gru dang shing rta la
reg ngags pa'i rkyen byung

ba'i tshe kha lo pa dang ru skya dang ru skya 'dzin pa'i stan
la reg pa dang/ zas blugs pa'i gru dang shing rta la rkyen med
bzhin du reg pa dang/ dge 'dun gyi sman lud pa na chud za ba
las ma bskyabs pa dang/ dang por shing 'bri ba sogs byar yod
bzhin du reg pa dang/ lam

brgyags 'khur ba'i dge tshul sogs med pa'i tshe de 'khur ba'i
sbyin bdag sogs ma bcal ba dang/ rang gis lam brgyags khyer ba
de bsnyen par ma rdzogs pa la skal ba byin pas ma brjes par za
ba dang/ rang gis brgyags su bzung ba'i zas phyin len ma byas

@56b par za dgos pa'i tshe nyi ma dang po la zas ma bcad pa
dang/ nyi ma phyi ma gnyis la rim pa bzhin spar ba kha thur
bstan gang dang de las lhag bzos pa dang/ byin len ma byas pa
dang dus ma yin pa'i kha zas la sogs pa rung ba min pa za dgos
pa'i rkyen byung ba'i tshe sgra

mi snyan pa'i rdzas dang 'dra bar bdag gir bzung ba med do
snyam pa'i sems ma bskyed par za ba dang/ lag pa bkrus ba dang
'dab ma dag yod bzhin du chu snod kyis skom 'thung ba dang/
med na ma bsgribs par 'thung ba dang/ chu snod de chu dang
bcas pa yin na kha ma

bkag par bzhag pa rnams so/ /gnyis pa byin len gyi cho ga las
'das pa'i ltung byed la bzhi las gzhi'i yan lag la gang bza'
ba'i dngos po ni so shing yan tshad med par bya ba'i kha zas
rung zhing mgul du med par mngon pa'i tshad dang ldan pa/ rang
ngam

rang dang 'dra bas byin len ma byas pa'o/ /gnas ni sgra me
snyan las gzhan pa/ rten na des phan pa'i nad pa min pa'o/
/dus mu ge'i tshe ma yin pa'o/ /bsam pa la 'du shes ni byin len
ma byas pa la ma byas par shes pa'am yid gnyis za ba/ kun
slong za bar 'dod

pa/ sbyor ba za bar rtsom pa/ mthar thug mgul du med pa'o/
/byin len byas pa la ma byas par shes pa'am yid gnyis gang
rung gis za ba la nyes byas so/ /byin len bya ba'i tshul ni/
mtho ba'i phyogs ma yin pa mdun drang po nas rigs pa sogs kyis
bar du

mchod pa'i bsnyen par ma rdzogs pa'am de dang 'dra bas zas
gyen du 'degs nus shing bsam pa thag pa nas sbyin par 'dod pas
lag pa'am de dang 'brel bas bstabs pas/ len po pas lag pa
gnyis bkan pas lus sam da dang 'brel ba'i snod la sogs

@57a @#/ /par blangs ba'o/ /rigs ngan la sogs pas byin len
bstabs pa na mdun du dkyil 'khor bris te 'jog tu 'jug pa dang/
spre'u rnams kyis shing gi steng nas bstabs pa la yang byin
len 'byung ngo/ /byin len 'jig pa'i rgyu ni gzhan gyis

phrogs pa dang/ gnas nas ma 'phags par len mi nus pa'i sar
'dril ba dang/ dge slong gis ma bzung bar bsnyen par ma rdzogs
pas reg pa dang/ bsnyen par ma rdzogs pa la bsngos pa dang/
rten dge slong ma yin par gyur pa dang/ zho mar du gyur pa 

lta bu sman ngo bo gyur pa dang/ mtshan gyur pa lta bu skye ba
gyur pa dang/ mtshams gzhan du dor ba rnams so/ /byin len 'jig
pa'i rgyu gsal bar bsdus pa rnaM 'byed las/ 'phrog dang 'dril
dang reg pa dang/ /bsngos dang dge slong min gyur dang/ /ngo
bo gyur dang skye ba gyur/ /'dor ba yis ni

byin len 'jig ces gsungs pa'i don no/ /bslab bya'i nyes pa ni/
gnas pas shing thog la sogs pa ma brtags pa dang/ snyoms par
'brim par byed pa mos par ma byas pa dang/ zhun mar la sogs pa
'brim pa'i tshe lo ma la sogs pas gos ma

bskyabs pa dang/ brim par bya ba bzang ngan bar ma rnams so
sor mi 'brim pa dang/ 'brim par byed pa'i skal ba rang gi
mkhan slob kyis gral mtshams su 'thob bzhin du ma blangs pa dag
mi 'thob na drung na 'dug pas ma blangs pa dang/ mkhan slob
kyi

blangs pa rnams so/ /lnga pa bsod pa slong ba'i ltung byed la
bzhi las gzhi'i yan lag la gang la bslang ba'i yul ni khyim pa
chos lnga ldan ci bder stobs pa po ma yin pa/ gang za ba'i
dngos po ni rung zhing tshad dang ldan pa'i sman yul dus der
bsong par

@57b grags shing sbyin bdag de nyid kyi yin pa'o/ /rten ni nad
pa ma yin pa/ bsam pa la 'du shes ma 'khrul zhing kun slong
rang don du bslangs te za bar 'dod pa/ sbyor ba ngag mtshan
nyid lnga ldan gyis bslangs te za bar rtsom pa/ mthar thug
mgul du mid pa'o/ /zas

bsod ba mi za bar bslangs ba tsam dang/ bsod pa stobs pa na
ngan pa bslangs pa la nyas byas so/ /lnga pa bslab bya phun
sum tshogs pa'i gzhi la log par sgrub pa la tshul khrims rnam
dag dang/ lta ba rnam dag dang/ tsha ga rnam dag dang/ 'tsho ba
rnam dag

la log par sgrub pa bzhi'o/ /dang po la gzhan gyi srog la gnod
pa dang/ 'dod pa'i longs spyod dang/ sbyin par bya ba'i chos
bsham pa dang/ rang gzhan gyi lus srog dang/ tshangs par
mtshungs par spyod pa'i gzhi dang/ reg par byed pa'i lus dang/
blo

mthun pa dang/ 'dod chags dang bral ba'i dngos po la log par
sgrub pa ste brgyad kyi dang po gzhan gyi srog la gnod pa srog
chags dang bcas pa la spyod pa'i ltung byed la ltung ba rnam
gzhag dang bslab bya'i nyes byas gnyis/ dang po la bzhi las
gzhi'i

yan lag ni dud 'gro yin pa/ tha mal pa'i mig la snang du rung
ba/ lus sam yo byad kyi don du dgos pa'i chu la sogs pa'i gzhi
dang bcas pa'o/ /bsam pa la 'du shes srog chags yod pa la yod
par nges pa'am yid gnyis za ba/ kun slong ni rang

don du srog la ltos med du longs spyod par 'dod pa/ sbyor ba
rang ngam bskos pas lhung bzed dang chos gos kyi las la sogs
pa dang/ chu'i srol dgag pa dang bsal ba la sogs pa gang yang
rung bas spyod par rtsom pa/ mthar thug de'i rkyen gyis

@58a @#/ /srog chags shi ba'o/ /srog chags med pa la yod par
nges pa'am yid gnyis za bas spyod pa dang/ chu'i srol dgag pa
dang/ khrus ras nyis rim bkru ba sogs byas kyang ma shi ba la
nyes byas so/ /gnyis pa bslab bya'i nyes

byas ni chu tshags gang yang rung ba ma bcangs pa dang/ rang la
yod pa'am gzhan gyis chu tshags khas blangs pa med par ljongs
rgyur 'gro ba dang/ ljongs rgyu ba'i tshe 'bral ba na sbyin par
khas ma blangs pa'i chu tshags la brten pa dang/ rang dang zhe

'gras pa'i chu tshags la ltos pa byas te 'gro ba dang/ chu
tshags la srog chags yod pa chus ma bshal ba dang/ dri ma chags
pa ma bkrus pa dang/ rul bar mi 'gyur ba'i phyir ma bskams pa
dang/ chu tshags gzhag pa'i ched du gdang bu dang/

chu snod gzhag pa'i ched du khri'u'am so phag gi stegs bu sogs
ma byas pa dang/ chu brtag pa'i tshe g.yo ba dang rnyog pa
dang bcas pa dang/ snod ma khengs pa la ha cang yun ring por
brtag pa dang/ rtswa la sogs pa'i rtse mo rtsub pas srog

chags bsten pa dang/ srog chags 'chi ba'i lam du dor ba dang/
chu bcags pa'i srog chags de dag bsal snod dam chu tshags kyis
chu la ma dor ba dang/ mar me'i nang du srog chags lhang na
'od khang ma byas pa dang/ skra'i rnyis sbrul bzud

pa dang/ sbrul skrod pa na se gol gyi sgra la sogs pas ma
bskrad pa dang/ das mi 'gro na bum pa sogs su bcug pas kha
bcad cing bu ga btod nas ma bsal ba dang/ de ma grub na tha gu
ras ma dkris pa sogs kyis mgul ba bcings te

@58b ma dong ba dang/ chad du gzhug par ma byas pa dang/ tshang
tshing gi nang du dor ba dang/ khung du zhugs kyi bar du ma
bsdad pa dang/ rtswa shig rnams gsing ma'am phyogs bsil bar ma
dor ba dang/ shig rnams ras mar bcug ste rtsig pa'i gseb tu
gzhug pa sogs

mi byed par rang dgar dor ba dang/ rkang khrus snod stong pa
chus ma bkang ba dang/ chu la sogs pa'i snod ma bzhag pa dang/
snod spyad 'brub par bskos pas dge 'dun gyi chu snod bzhag pa
dang/ g.yar por sbyin pa dang/ de phyir blang ba dang/ chus
dgang ba sogs

ma byas pa dang/ khyim pa snod spyad g.yar ba dang rnying pa
yod bzhin du ma btang ba dang/ gtsug lag khang de nyid du
sbyin bdag gis snod spyad g.yar ba la mi sbyin pa dang/ dge
slong snod spyad slong ba la gtan du ma byin pa dang/ snod
spyad gzhag pa'i phyir mdzod khang ma

byas pa dang/ rdza dang zangs ma'i snod spyad so sor ma bzhag
pa dang/ chu nye bar ma bzhag pa dang/ gar bab bab tu bzhag pa
dang/ chu khang dgos pa'i tshe mi byed pa'am tshul dang mi mthun
par byas pa dang/ chu snod gtsang sbra ma byas pa dang/ btung
ba'i chu de lag pa dang

gos rung ba ma yin pas brims pa dang/ chu snod dus dus su ji
ltar 'os pa bzhin du bkru bshal dang skam pa sogs ma byas pa
dang/ zas kyi zer ma mi srung ba dang/ chu snod rnams dus gcig
tu bkru ba dang/ chu snod dang 'bral ba'i las rnams gnas pas

ma byas pa rnams so/ /gnyis pa la gnyis kyi dang po nyal po
byed par gshom pa'i khyim na 'dug pa'i ltung byed la bzhi las
gzhi'i yan lag la 'dug pa'i yul ni khyim pa yin pa/ skyes pa
dang bud med kyi mtshan don byed nus pha dang ldan pa/ bsten

@59a @#/ /du rung ba/ tha snyad bzhi dang ldan pa/ lus tha mal
du gnas pa/ rdzu 'phrul can ma yin pa/ sprod pa la zhugs pa'am
phyogs pa yin pa'o/ /gnas ni dge slong gi gnas las gzhan yin
pa/ bar 'dom gang gi nang yin pa/ gnas gcig

yin pa/ gegs byed gzhan med pas sprad du rung pa/ mngon sum
yin pa'o/ /rten ni bar chad dang mi ldan pa/ bsam pa la 'du
shes ni sprod pa la phyogs pa'am zhugs pa la der nges pa'am
yid gnyis za ba/ kun slong ni gegs byed pa'i bsam pas 'dug

par 'dod pa'o/ /sbyor ba 'dug par rtsom pa/ mthar thug 'dug pa
rdzegs pa'o/ /gsum pa 'greng ba'i ltung byed la bzhi las
gzhi'i yan lag ni sngar dang 'dra ba las mngon sum yin pa zhes
pa'i gnas su rtsig pa la sogs pa'i skyabs yod pa zhes

sbyar ro/ /bsam pa la 'du shes ni sngar dang 'dra zhing kun
slong gegs byed pa'i ched du 'greng bar 'dod pa'o/ /sbyor ba
de ltar rtsom pa/ mthar thug tshor bya tshor byed gnyis gas tshor
ba'o/ /sprod par zhugs pa'am phyogs pa ma yin pa la yin par
nges pa'aM

yid gnyis za bas 'dug 'greng byed pa dang/ bya ba gzhan la
sems gtad pas 'dug 'greng byed pa dang/ sprod byed gnyis dang
dge slong gang rung gis ma tshor ba rnams la nyes byas so/
/gsum pa gcer bu la sbyin pa'i ltung byed la bzhi las gzhi'i
yan 

lag la yul ni mu stegs can yin pa/ tha snyad lnga dang ldan
pa/ lus tha mal du gnas pa/ nye du dang nang pa dang chos 'di
pa la ltos pa rnams ma yin pa'o/ /dngos po ni yul rten gnyi ga
la rung zhang tshed dang ldan pa'i dus rung gi zas rang dbang
ba yin pa'o/

@59b bsam pa la 'du shes ma 'khrul zhing kun slong sdig lta
dang dbral ba'i ched ma yin par ster bar 'dod pa'o/ /sbyor ba
rang gis ster bar rtsom pa/ mthar thug yul gyis lag tu thob
pa'o/ /gzhan sbyin du 'jug pa dang/ lag par mi ster bar bgo
bsha'

byas te 'jog pa dang/ yul rten gang rung la mi rung pa'i zas
byin pa rnams la nyes byas so/ /bzhi pa la gsum gyi dang po
dmag la lta ba'i ltung byed la bzha las gzhi'i yan lag la gang
la blta ba'i yul ni khyim pa tha snyad bzhi dang ldan pa/ lus
tha

mal du gnas pa/ skyes pa'i mtshan dang ldan pa/ dmag gi mtshan
nyid dang ldan pa/ tshogs su tshang ba/ 'thab pa'am de'i sta gon
du gnas pa'o/ /lta ba'i gnas ni rang gi gnas nye 'khor dang
bcas pa nas 'phags pa'o/ /rten ni rgyal po la sogs pas

bos pa'am bar chad dang ldan pa ma yin pa'o/ /bsam pa la 'du
shes ma 'khrul zhing kun slong dmag la dga' ba'i dbang gis lta
bar 'dod pa/ sbyor ba lta bar zhugs pa/ mthar thug mthong
na'o/ /nye 'khor gyi mtha' las ma 'das par lta na nyes

byas so/ /gnyis pa dmag nang na gnas pa'i ltung byad la bzhi
las gzhi'i yan lag la 'thab pa'am sta gon du gnas pa ma gtogs
pa gang gi nang du gnas pa'i dmag dang/ gang gis gnas pa'i
rten ni snga ma dang 'dra'o/ /bsam pa la 'du

shes ma 'khrul zhing kun slong gnas par 'dod pa/ sbyor ba dgos
pa mid bzhin du gnas par rtsom pa/ mthar thug zhag phyi ma'i
skyang ngas shar na nyin zhag re re la ltos pa'i ltung byed du
'gyur ro/ /gsum pa bshams pa dkrug pa' ltung byed la

@60a @#/ /bzhi las gzhi'i yan lag dmag la lta ba dang 'dra
zhing/ bsam pa la 'du shes ma 'khrul zhing kun slong bshams pa
dkrug par 'dod pa/ sbyor ba de ltar rtsom pa/ mthar thug
bshams pa dkrug pa sogs nyams su myed ba'o/ /'thab

pa la ma phyogs pa'i dmag dkrug pa sogs yan lag ma tshang ba
rnams la nyes byas so/ /bya dang skyes pa bud med sogs 'thab
pa bya ba dang byed du gzhug pa dang lta ba la nyas byas so/
/lnga pa la bzhi'i dang po rdeg pa'i ltung byed la bzhi las
gzhi'i yan lag

la gang la brdeg pa'i yul ni dge slong chos drug ldan no/
/bsam pa la 'du shes ma 'khrul zhing kun slong rnyog pa can
gyi sems kyis rdeg par 'dod pa/ sbyor ba lus dngos sam de dang
'brel ba'am des 'phangs pa gang rung gis rdeg par rtsom pa/
mthar

thug lus la 'phog pa'o/ /ma 'phog na nyes byas so/ /rang gi
lus dang ka ba sogs la rdeg na bslab bya'i nyes byas so/
/gnyis pa gzas pa'i ltung byed la yan lag dang po gsum snga ma
dang 'dra ba las rdeg pa zhes pa'i gnas su rdeg par gzas pa
zhes

sbyar ro/ /mthar thug gzas pa rdzogs pa na'o/ /'di dang rdeg
pa gnyi ga la yang rdeg spyad du ma yod na brdeg spyad re
re la ltos pa'i ltung bar 'gyur ro/ /gsum pa gnas ngan len
'chab pa'i ltung byed la bzhi las gzhi'i yan lag la gang gi
gnas ngan

len 'chab pa'i yul ni sdom pa gsor rung yan chad dang ldan
pa'i dge slong chos drug ldan no/ /gang 'chab pa'i dngos po ni
pham lhag gang rung yin pa'o/ /gnas ni mthol yul mtshan nyid
dang ldan pa yod pa'o/ /bsam pa la 'du shas ni yul de la pham
lhag

@60b gang rung byung ba la byung bar shes pa/ kun slong ni
srog dang dge sbyong gi tshul dang tshangs par spyod pa'i bar
chad dang/ dge 'dun 'khrug tu dogs pa'i dbang ma gtogs par
'chab par 'dod pa'o/ /sbyor ba 'chab par rtsom pa/ mthar thug
mtshan mo 'das na'o/ /pham lhag las

gzhan pa'i ltung pa 'chab pa la nyes byas so/ /bzhi pa zan
gced du 'jug pa'i ltung byed la bzhi las gzhi'i yan lag la
sbyin bdag ni khyim pa chos lnga ldan yul de la bsam pa thag
pa nas star ba yin pa'o/ /zan gcod pa'i yul ni dge slong chos
drug ldan gyi

steng du zas bcad bas phan pa'i nad can ma yin pa'o/ /zas ni
rung zhing tshad dang ldan pa'i dus rung gi zas yul de la sbyin
bdag des bsngos pa yin pa'o/ /bsam pa la 'du shes ma 'khrul
zhing kun slong gcod par 'dod pa'o/ /sbyor ba ngag mtshan nyid
lnga ldan gyi

dngos su zan gcod pa'i tshig smra ba'o/ /mthar thug don go ba'o/
/drug pa me la rig pa'i ltung byed la bzhi las gzhi'i yan lag
gang la reg pa'i me ni 'jig rten la grags pa'i me tshad du longs
shing bud shing dang ma 'brel ba'i me ma mur me lce las gzhan 

yin pa/ ten ni ston pa mchod pa sogs chos ldan gyi dus byin gyis
brlab pa'i dbang dang/ nad pa lam yin pa'o/ /bsam pa la 'du shes
ma 'khrul shing kun slong reg par 'dod pa'o/ /sbyor ba rang ngam
bskos pas sbar ba dang gsod pa dang bud shing gzhug pa sogs

kyis teg par rtsem pa/ mthar thug reg pa'o/ /bud shing dang ma
'brel ba'i me ma mur dang me lce la reg pa dang/ mchil ma sogs
dang til la sogs pa 'bru dang mar la sogs pa met gzhug pa dang/
mkhan po la sogs pa'i bya ba la gzhan slog dpon sogs kyi

@61a @#/
/ched du dus byin gyis brlabs te me la reg pa rnams la
nyes byas so/ /dkon mchog mchod pa la sogs pa'i don du me la reg
dgos pa'i tshe 'di'i ched du reg snyam pa'i dus sbyin gyis ma
brlabs na me reg gi ltung byed dang dus byin gyis ma brlabs pa'i

nyes pa gnyis ka 'byung ngo/ /seng ge la reg pa dang/ dus byin
rlabs byed pa na bya ba de ji tsam gyis 'grub pa'i dus de srid
du byin gyis rlob par mi byed pa la bslab bya'i nyes byas so/
/bdun pa 'dun pa phyir sgyur ba'i ltung byed la bzhi las gzhi'i
yan lag

la gang gi 'dun pa phyir bsgyur ba'i yul ni dge slong gi ched du
byas pa'i las chos ldan byas la chags pa'o/ /go bar bya ba'i yul
ni dge slong chos drug ldan las de la gtogs pa yin pa'o/ /phyir
bsgyur ba'i dngos po ni rang gis phul ba'i 'dun pa yin

pa'o; ;bsam pa la 'du shes ma 'khrul zhing kun slong 'dun pa
phyir sgyur ba'i tshig smra bar 'dod pa/ sbyor ba ngag mtshan nyid
lnga ldan gyis de ltar rtsom pa/ mthar thug don go ba'o/ /brgyad
pa nub lhag par nyal ba'i ltung byed la bzhi las gzhi'i yan lag

la yul ni bsnyen par ma rdzogs pa'am de dang 'dra ba tha snyad
lnga dang ldan/ lus tha mal du gnas/ bsten du rung/ rdzu 'phrul
can ma yin pa'o/ /gnas ni gnas kyi ngo bo nyid du grub pa/ spyod
lam bzhi shong ba/ gnas gcig yin pa/ 'dom gang gi nang

yin pa'o/ /rten ni nad pa dang nad g.yog gi dbang ma yin pa/
dbyar phyi ma'i zla ba gnyis kyi dus su dge slong sdig can nye
bar gnas pa ma yin pa'o/ /bsam pa la 'du shes ma 'khrul zhing
kun slong nyal ba'i spyod lam gyis gnyid log par 'dod pa/ sbyor

@61b ba zhag par ma chad du gnyi ga nyal zhing gnyid log par
rtsom pa/ mthar thug zhag gsum pa'i mtshan mo 'das pa na'o/ /gnas
ngo bo tha dad kyang gnyi ga phal cher g.yogs shing phal cher
bskor bas gnas kyi mtshan nyid du grub pa dang/ sgo'i ngos dang
'brel

pa dang/ khru phyed dang dgus bar du chod pa gsum gyi steng du/
thad ka yin na nye 'khor gnas su grub cing sgo rang phyogs nas
ma bcad pa'am/ steng 'og yin na thog gnyis kyis bar du ma chod
cing skas rang phyogs su ma bsdus pa gnyis gang tshang na gnas

gcig tu 'jog go /gnyi ga'am gang rung gnas kyi mtshan nyid du ma
grub pa shing drung sogs su nyal ba dang/ gnas gcig gi 'dom gang
gi phyi rol khru phyed dang dgu'i nang du nyal ba dang/ nyin mo
lhan cig nyal ba dang/ mtshan mo gsum 'das kyang

yul rten gnyis spyod lam mi mthun par gnyid log pa rnams la nyes
byas so/ /dge slong sdig can gnas pa'i tshe dge tshul 'khor du
ldan pa'i dge slong gis dbyar snga ma khas len pa dang/ khas
blangs zin pa na snga ma zla gcig srung ba dang/ dge slong sdig

can yod pa'i tshe dge tshul gsar du 'jog pa dang/ nyi ma dang zla
ba ma gtogs pa mar me la sogs pa'i snang ba dang bcas par rkyen
dang mi ldan bzhin du nyal ba rnams la bslab bya'i nyes byas so/
/snang ba dang bcas par mi nyal bar 'dug pa la nyes byas phra

mor 'gyur ro/ /gnyis ba lta ba rnam dag la log par sgrub pa la
rang sdig lta bsten pa dang/ gzhan bsten du 'jug pa gnyis kyi
dang po sdig lta mi gtong ba'i ltung byed la bzhi las gzhi'i yan
lag la gang brjod pa'i dngos po ni/ bcom ldan 'das kyis

@62a @#/ /bar du gcod pa'i chos su gsungs pa de dag bstan kyang
bar du gcod par mi 'gyur ro/ /zhes sogs kyi don no/ /go bya yul
ni dge slong chos drug ldan no/ /bsam pa la 'du shes ma 'khrul
zhing kun slong bzlog kyang mi gtong bar 'dod

pa'o/ /sbyor ba dge 'dun mtshan nyid dang ldan bas las chos ldan
gyis bzlog kyang ngag mtshan nyid lnga ldan gyis mi gtong ba'i
tshig smra bar rtsom pa/ mthar thug rjod pa gsum pa rdzogs pa'o/
/bzhams bsgo dang gsol ba dang rjod pa dang po dang gnyis pa
rnams

kyi mtha' dang/ gsum pa'i mdun rol tu mi gtong ba rnams la nyes
byas re rer 'gyur la/ zhugs tsam la nyes byas phra mor 'gyur ro/
/sdig pa can gyi tshig smra ba la gsol bzhi'i las kyis nan tur mi
byed pa ni bslab bya'i nyes byas so/ /gnyis pa gzhan

sdig lta bsten du 'jug ba'i ltung byed la gnyis kyi dang po
spangs ba rjes phyogs kyi ltung ba la bzhi las gzhi'i yan lag la
rjes su phyogs pa'i yul ni dge slong gi sdom pa dag cing mtshan
mthun/ tha snyad gsum dang ldan/ lus tha mal du gnas/ rang

las rgyud tha dad sdig lta ma btang bas gnas nas phyung zhing
bzod pa ma gsol ba'o/ /rten ni gnas nas ma phyung ba'o/ /bsam pa
la 'du shes ni spangs shing phyir bcos ma byas pa la der nges
pa'am yid gnyis za ba/ kun slong chos sam zang zing gis

longs spyod byed dam gnas gcig tu nyal bar 'dod pa'o/ /sbyor ba
nad dang sdig lta dang dbral ba'i ched ma yin par lung 'bogs pa
sogs dang/ bsnyen bkur bdag gir byed pa'am mtshan nyid dang ldan
pa'i gnas gcig gi 'dom gang gi nad du nyal bar

@62b rtsom pa'o/ /mthar thug chos sam zang zing gi longs spyod
lhan cig myong pa'am zhag gcig gi mtshan mo 'das pa'o/ /gnyis pa
dge tshul bsnyil ba sdud pa'i ltung byed la bzhi las gzhi'i yan
lag la gang bsdu ba'i yul ni dge tshul gyi sdom pa dag cing
bsnyil

ba; bzad pa ma gsol ba zhes sbyar nas yan lag lhag ma snga ma
bzhin du shes par bya'o/ /sdig pa ma btang bas gnas nas phyung
ba dang dge tshul bsnyil ba dang gnas gcig tu mi nyal bar 'dug pa
la nyes byas so/ /dge slong dang dge tshul spangs pa ma yin

pa la yin par nges pa'am yid gnyis za bas zang zing gi longs
spyod myong ba sogs la nyes byas so/ /dge tshul sdig pa can gyi
lta ba la zhugs pa na bzlog pa lngas ma bzlog pa dang/ bzlog pa
re re'i mthar dge slong gcig gi /gsol ba la sogs pa byas kyi
sdig

lta thong zhig ces ma brjod pa dang/ bzlog pa snga ma la btang
yang phyi ma byas pa dang/ rjod pa gsum pa'i mtha' la ma btang
ba'i tshe bsnyil bar mi byed pa rnams la bslab bya'i nyes byas
so/ /gsum pa cho ga rnam dag la log par sgrub pa la gsum las
dang po chog

spyi la log par sgrub pa la gsum gyi dang po kha ma bsgyur ba'i
ges gyon pa'i ltung byed la bzhi las gzhi'i yan lag ni gos yin
pa/ gzhi gzhan gyis rung zhing tshad dang ldan pa/ rang gi yin
pa/ sngon po'am dmar po'am ngur smig ste rung ba'i tshon gyis kha
ma

bsgyur ba/ chu chags las gzhan yin pa'o/ /bsam pa la 'du shes ma
'khrul zhing kun slong longs spyod par 'dod pa'o/ /sbyor ba
longs spyod par zhugs pa/ mthar thug spyad pa rdzogs pa'o/ /li
khri/ mthing shing/ rgya skyegs/ mtshal/ gur gum/ btsang/ sman

@63a @#/ /shing; le brgan rtsi ste mi rung ba'i tshon chen po gang
rung gis kha bsgyur ba'i gzhan gyi gos dang/ khyim pa'i gos
rkyen lam ltos par longs spyad pa dang/ spyad dgos pa'i tshe yang
gtsug lag khang gi nang du ngur smig gis ma g.yogs pa dang/
g.yogs

kyang phyi rol tu longs spyad pa dang/ thun mong du g.yar ba'i
gos rgan rim bzhin du ma g.yogs pa dang/ gcig gis gyon te bcags
pa dang/ khyim pa'i gos kha tshar ma bcad pa yan chad la bsod
nams spel ba'i ched du longs spyod dgos pa'i tshe mi rtag pa'i

'du shes ma bzhag par spyad pa rnams la bslab bya'i nyes byas
so/ /gnyis pa longs pa bzhir gtogs kyi ltung byed la ltung ba
rnam bzhag dang bslab bya'i nyes byas gnyis kyi dang po la bzhi
las gzhi'i yan lag gang la reg pa'i dngos po ni gzhan dbang

ba'i rin po che 'am rang gzhan gang rung dbang ba'i rin po cher
smos pa ral gri la sogs pa'i mtshon cha dang/ pi wang la sogs
pa'i rol mo dang/ sku gdung dang bcas pa'i sku gzugs la sogs pa
rang rang gi dgos pa bsgrub pa'i phyir rung bar gyur pa/ chud za

ba'i rkyan med pa/ sbyin bdag bsod nams 'dod pas bstabs pa ma
yin pa/ mi ma yin pa'i gnas su de dag gis bsod nams las grub pa
ma yin pa/ bar chad dang mi ldan zhing chos 'chad pa la sogs
pa'i don khyad par can sgrub pa'i skabs ma yin pa'o/ /

bsam pa la 'du shes ma 'khrul zhing kun slong reg par 'dod pa/
sbyor ba rang ngam bskos bas reg par rtsom pa/ mthar thug reg pa
rdzogs pa'o/ /rgyan cha'i tha snyad gdags su mi rung ba'i rin po
che dang gser gyi stegs bu la sogs pa dang/ mtshon cha dang

@63b rol mo rang gi bya ba sgrub mi nus pa dang/ sku gdung med
pa'i sku gzugs dang/ sog ma'i phreng ba gser chus phyugs pa sogs
dang/ rdza rnga kha gcig pa dang/ gzhu dang mda' ltar bcos pa la
sogs pa la reg pa rnams la nyes byas so/ /sku gzugs la ston pa'i

'du shes bzhag ste reg pa la nyes pa med do/ /gnyis pa bslab
bya'i nyes byas ni gzhan gyi rin po che la sogs pa chud za ba'i
tshe ma bsdus par yal bar dor ba dang/ bdag pos rnyed pa'i sar ma
bzhag pa dang/ ma brtags par kho bo'i yin no zer ba tsam la

gtad pa dang/ bdag po ma byung na zla ba drug tshun chad du dge
'dun gyi mdzod du ma bskyangs pa dang/ de'i 'og tu bdag po ma
byung bas dkon mchog gi don du spyad pa'i tshe bdag pos slong na
gnang ba gsal te mi ster na ma gtad pa dang/ bskyed slong na kho
bo cag gis

bskyangs pa drin mi che'am zhes ma smras par bskyed byin pa
dang/ rgas pa dang na ba las gzhan pas bzhon pa la brten pa
dang/ rgan po dang nad pas kyang chos ldan gyi don las gzhan pa
dang/ chas sgeg dang ldan pas bzhon pa la brten pa dang/ chos
'chad pa'i phyir rin

po che'i khri dang khyim pa bsod nams 'dod pas rin po ches spras
pa'i gos la sogs pa bshams pa la mi rtag pa'i 'du shes ma bzhag
par longs spyad pa dang/ rgyan 'dogs pa dang/ rin po che las
byas pa'i dam rgya 'chang ba dang/ so mang gis skra bshad pa

dang; dgos pa med par me long gis bzhin lta ba dang/ 'phral ris
gsum bsten ba dang/ gi had la sogs pa'i dris bsku ba dang/ khyim
pa bsad nams 'dod pas rkang pa gnyis la dris bskus pa de nyid
kyi mdun du dor ba dang/ dris bskus nas dge 'dun gyi

@64a @#/ /nang du 'jug pa dang/ khyim du 'gro zhing khyim pa la
chos ston pa dang/ dris bskus pa dor ba'i 'og tu khrus ma byas
pa dang/ bram bre'i srad bu thogs pa dang/ dgos pa med par
sngags skud 'chang ba dang/ nad gso ba'i phyir sngags skud bsten

pa'i tshe yang dphung pa g.yon pa las gzhan du 'chang ba dang/
nad sos nas ka ba dang rtsig pa'i gseb ma yin par gar bab bab tu
dor ba dang/ gar dang rol mo spyod pa dang slob pa dang/ bzlas
pa dang blta ba'i phyir 'gro ba dang/ dge slong ma gar byed du
'jug pa

dang; mtho 'tshams pa dang/ kun tu rtse ba dang/ kun tu ca co
'don pa dang/ rgod pa dang dregs pa dang/ lus la rdeg pa dang/
rgod pa'i bsam pas lus dang ngag gi rnam 'gyur byed pa dang/
snod brgyud pas zas kyi bya ba byed ba dang/ me tog rna rgyan
rgyu pa dang/

gar mkhan sogs la blta ba'i phyir bya dga' ster ba dang/ mi
rdings pa rgyug pa dang mchong ba dang/ drag tu 'gro ba dang/
brla dang lag pa nya ltar bskor te 'gro ba dang/ chur gseg ma
'debs pa dang/ chu la rol mo'i sgra ltar byed pa dang/ rdzab la
phyil mo

nyug pa dang/ glang po che dang rta la sogs pa'i skad 'don pa
dang/ dung dang sil dkrol la sogs pa rol mo'i sgra byed pa rnams
so/ /gsum pa khrus byed pa'i ltung byed la bzhi las gzhi'i yan
lag la gang gis bkru ba'i dngos po ni 'jig rten na

grags pa'i chu yin pa/ dus ni so ga'i zla ba lhag ma phyed dang
gnyis dang dbyar gyi dang po zla ba gcig dang/ zla ba phyed
phyed cing khrus byed du gnang ba'i dus ma yin pa/ rten ni nad
pa dang las byas pa dang lam du phyin pa dang/ gos kyi gra sgal
ba

@64b yan rlung gis bskyod pa dang/ char gyi thigs pa gnyis yan
chad kyis lus la 'phog pa dang/ skra bregs pa la sogs pa khrus
byed dgos pa'i skabs ma yin pa'o/ /gnas ni ha cang tsha ba'i gnas
ma yin pa'o/ /bsam pa la 'du shes ma 'khrul zhing kun slong
khrus

byed par 'dod pas sbyor ba mgo'am rkang pa gang rung nas brtsams
te khrus byed par rtsom pa/ mthar thug lte bar son pa'o/ /chu ma
yin pa 'o ma sogs kyis khrus byed pa la nyas byas so/ /na ba la
sogs pas khrus byed dags pa'i tshe dus dran ma byas pa dang/ zla
ba

phyed na khrus byas pa des dgos pa 'grub bzhin du de'i snga rol
tu khrus byed pa la bslab bya'i nyes byas so/ /de gnyis ni 'di
'ba' nag tu ma zad kyi dus dran byed dgos pa dang spyir btang
dmigs bsal yod pa'i bslab pa'i gzhi thams cad la sbyar bar
bya'o/ /

gnyis pa zhar la tshul khrims rnam dag la log par sgrub pa la
gnod pas kun nas bslang ba/ 'dod pas kun nas bslang ba/ gnod pas
kun nas bslang ba gzhan bstan pa/ 'dod pas kun nas bslang ba
gzhan bstan pa bzhi las dang po la gsum gyi dang po dud

'gro gsod pa'i ltung byed la bzhi'i dang po gzhi'i yan lag ni
tha mal pa'i mig la snang du rung ba'i dud 'gro yin pa'o/ /bsam
pa la 'du shes ma 'khrul zhing kun slong gsod par 'dod pa/ sbyor
ba gsod par rtsom pa/ mthar thug srog 'gags pa'o/ /sems

can gyi gzugs sems can ma yin pa la gsod pa'i sems kyis bsnun na
nyes byas sa/ /gnyis pa 'gyod pa skyed pa'i ltung byed la bzhi
las gzhi'i yan lag la gang la 'gyod pa bskyed pa'i yul ni dge
slong chos drug ldan no/ /gang gis 'gyod pa skyed pa'i

@65a @#/ /dngos po ni dge slong gi sdom pa ma skyes pa'am pham pa
byung ba sogs dge slong ma yin pa'i don can no/ /bsam pa la 'du
shes ma 'khrul zhing kun slong 'gyod pa bskyed par 'dod pa/
sbyor ba ngag mtshan nyid lnga ldan gyis smra bar rtsom pa/ mthar

thug 'gyod pa ma skyes kyang don go ba'o/ /lhag ma byung ba sogs
kyis 'gyod pa skyed na nyes byas so/ /gsum pa gag tshil byed pa'i
ltung byed la bzhi las gzhi'i yan lag la yul ni dge slong chos
drug lan gyi lus pham pa skyed pa'i rma dang zag byed las gzhan

pa'i lus dngos ma nyams pa'o/ /gang gis reg pa'i rten ni rang
nyid kyi lus dngos ma nyams pa'i sor mo la sogs pa'o/ /bsam pa
la 'du shes ma 'khrul zhing kun slong skyi g.ya' bar bya ba'i
sems kyis reg par 'dod pa/ sbyor ba reg par rtsom pa/ mthar

thug reg ba rdzogs na reg byed du mas kyang ltung ba gcig tu
'gyur ro/ /gnyis pa la gnyis las dang po chu la rtse ba'i ltung
du bed la bzhi las gzhi'i yan lag la 'jig rten la grags pa'i chu
lte bar sleb pa'i tshad du tsheg pa'o/ /bsam pa la 'du shes ma

'khrul zhing kun slong rgod pas dga' ba nyams su myong bar bya
ba'i 'dun pas so/ /sbyor ba rang ngam bskos pa mtshan nyid dang
ldan pas chu'i nang du zhugs te rgyun phyogs dang rgyun las
bzlog phyogs su rtsol ba dang/ chu la rnga la sogs pa'i sgra
'byin pa dang/

chu bsrubs 'dren pa sogs byed par rtsom pa'o/ /mthar thug rtse
brdzogs pa'o/ /kham por la sogs pa'i snod du zlugs pa'i tshad du
mchog pa dang/ thug pa la sogs pa la rtse ba dang/ gar gyi rtse
ba ma yin pa bod pa 'phen pa la sogs pa lus kyi rtsed

@065b mar gyur ba gzhan thams cad dang/ chu la bem rdol gyis
rdeg pa rnams la nyes byas so/ /gnyis pa bud med dang lhan cig
nyal ba'i ltung byed la bzhi las gzhi'i yan lag la yul ni bud
med chos drug ldan gyi steng du srung ma dang mi ldan pa'o/
/gnas ni gnas

kyi ngo bo nyid du grub/ spyod lam bzhi shong/ bar 'dom gang gi
nang gi gnas gcig yin pa'o/ /dus ni mtshan mo yin pa'o/ /rten ni
khrims grogs dang mi ldan pa'o/ /bsam pa la 'du shes ma 'khrul
zhing kun slong nyal bar 'dod pa/ sbyor ba gnyi ga nyal

ba'i spyod lam gyis lhan cig gnyid log par zhugs pa/ mthar thug
mtshan mo 'das pa'o/ /gsum pa gnod pas kun nas bslang ba gzhan
bstan pa la bzhi'i dang po sngangs bar byed pa'i ltung byed la
bzhi las gzhi'i yan lag la sngangs par byed pa'i

yul ni dge slong chos drug ldan no/ /sngangs par byed pa'i dngos
po ni yi drags dang sha za la sogs pa'i 'gro ba dang/ lwa ba nag
po la sogs pa lta bu'i gzugs dang/ seng ge la sogs pa'i skad
dang/ bshang ba la sogs pa'i dri dang/ phyar pa la sogs

pa'i reg pa lta bu 'jigs pa'i rgyu yid du mi 'ong ba'o/ /bsam pa
la 'du shes ma 'khrul zhing kun slong bzhad gad yan chad kyis
sngags par 'dod pas 'jigs pa'i rgyu nye bar sgrub par 'dod pa/
sbyor ba rang dam bskos pas 'jigs pa'i rgyu sgrub par rtsom

pa/ mthar thug don go bas sangs par ma gyur kyang ltung byed do/
/yid du 'ong ba'i gzugs la sogs pas sngags par byed pala nyes
nbyas so/ /skyo ba'i ched du ngan 'gro la sogs pa'i 'jigs pa
skyed pa la ltung ba med do/ /gnyis pa sbed pa'i ltung byed la

@66a @#//bzhi las gzhi'i yan lag gang gi sbed pa'i yul ni rab
byung sde lnga gang rung gi sdom pa dag cing lta ba mthun/ tha
snyad gsum dang ldan/ rang las rgyud tha dad pa'o/ /gang sbed
pa'i dngos po ni 'tsho ba'i yo byad rung zhing tshad dang ldan
pa yul de

nyid kyi yin pa'o/ /bsam pa la 'du shes ma 'khrul zhing kun
slong brku sems dang phan 'dod ma gtogs pas sbed par 'dod pa/
sbyor ba rang ngam bskos pas sbed par rtsom/ mthar thug sbed
pa rdzogs pa'o/ /gsum pa gdeng med par spyod pa'i ltung byed
la

bzhi las gzhi'i yan lag la gang gi spyod pa'i yul ni dge slong
chos drug ldan no/ /gang spyod pa'i dngos po ni rung zhing
chad dang ldan pa'i gos rang gis de la ltos med du byin pa
gnang ba ma thob pa'o/ /bsam pa la 'du shes ma 'khrul zhing
kun slong brku

sems yid gcugs khyad par can las gzhan pa rang gi yin pa'i
blos gzhi des mi dga' bar shes bzhin du spyod par 'dod pa/
sbyor ba spyod par rtsom pa/ mthar thug de'i rkyen gyis spyad
pa rdzogs pa'o/ /gos las gzhan pa'i yo byad spyod pa la nyes
byas so/ /

bzhi ba skur ba 'debs pa'i ltung byed la bzhi las gzhi'i yan
lag gang la skur ba gdab pa'i yul ni mtshan dang lta ba rang
phyogs gso rung dang gzhan phyogs rnam dag tu gnas pa/ tha
snyad gsum dang ldan pa/ bdag las tha dad pa'o/ /skur pa 'debs
pa'i dngos

po ni lhag ma'i ltung ba gang rung ngo/ /go bya'i yul ni rang las
rgyud tha dad cing tha snyad lnga dang ldan pa lus tha mal du
gnas pa'o/ /bsam pa la 'du shes ni gang gis skur pa 'debs pa'i gzhi
des dag par shes pa'o/ /kun slong 'du shes bsgyur te smra bar 'dod
pa/

@66b sbyor ba ngag mtshan nyid lnga ldan gyis gsal po'am bag
tsam gang rung gis skur pa 'debs par rtsom pa'o/ /mthar thug
don go ba'o/ /bzhi pa bud med dang lhan cig lam du 'gro ba'i
ltung byed la bzhi las gzhi'i yan lag la gang dang lhan cig
'gro ba'i yul ni bud med

chos drug ldan gyi steng du khyim pa mo yin pa/ ngo ma spos
pa/ lam gyi bsel byed pa dang lam ston pa dang dge slong 'gro
mi nus pa lam du 'khrid pa rnams ma yin pa'o/ /lam ni sa la
brten pa'i lam rgyang grags su longs pa/ dus ni nyi ma gcig
yin pa/ rten ni khrims grogs

mtshan nyid pa dang mi ldan pa'o/ /bsam pa la 'du shes ma
'khrul zhing kun slong rang dgar lhan cig lam du 'gro par 'dod
pa/ sbyor ba 'gro bar rtsom pa/ mthar thug rgyang grags 'das
pa'o/ /rgyang grags phyad tshun chad du nyes byas so/ /gsum pa
cho ga'i bye brag la log

par sgrub pa la 'phral gyi cho ga /zas kyi cho ga /grogs kyi
cho ga /cho ga rnam dag gi rgyu/ dus khyad par can gyi cho ga
/yul khyad par can gyi cho ga la log par sgrub pa dang drug gi
dang po la gsum las dang po rkun ma dang lhan cig lam du 'gro
ba'i ltung byed la bzhi las

gzhi'i yan lag gang dang lhan cig 'gro ba'i yul ni khyim pa
tha snyad bzhi dang ldan zhing lus tha mal du gnas/ skyes pa'i
mtshan dang ldan/ grong 'joms pa'i chom rkun pa'am sho ga ma
'dral ba'i tshong pa gang yang rung ba/ ngo ma spos pa/ phan
gdags bya 'dogs byed

pa yin pa'o/ /dus dang lam dang bsam sbyor mthar thug rnams
snga ma dang 'dra'o/ /gnyis pa nyi shu ma lon par bsnyen par
rdzogs pa'i ltung byed la bzhi las gzhi'i yan lag la gang
bsnyen par rdzogs par byed pa'i yul ni bsnyen par ma rdzogs
shing rdzogs

@67a @#/ /par 'dod pa/ sdom pa skye ba'i bar chad gzhan dang mi
ldan zhing mnga' shol dang bcas te lo nyi shu ma lon pa'o/
/rten ni yul de'i mkhan po byas pa'o/ /bsam pa la 'du shes ni
lo nyi shu ma lon pa la dar nges pa'am yid gnyis za pa/ kun
slong mkhan po

byas pa'i sgo nas bsnyen rdzogs byed par 'dod pa/ sbyor ba cho
ga byed par rtsom pa/ mthar thug rjod pa gsum yongs su rdzogs
pa'o/ /mkhan po las gzhan pa'i slob dpon dang dge 'dun la nyes
byas so/ /lo nyi shu lon pa ma lon par nges pa'am yid gnyis
gang

rung gis shes pa dang/ mngal shol dang bcas te nyi shu lon
kyang skyes nas lo nyi shu ma lon pa la der shes bzhin du
bsnyen rdzogs byed na mkhan po la nyes byas so/ /nyi shu ma
lon pa la lon par 'du shes na sdom pa skye la/ des mngal shol
dang bcas te nyi shu ma

lon pa'i snga rol tu ma lon par bsnyen rdzogs byas par shes na
sdom pa gtong ngo/ /gsum pa sa rko ba'i ltung byed la bzhi las
gzhi'i yan lag ni 'jig rten na grags pa'i sa yin pa/ 'og gzhi
dang 'brel ba ma nyams pa 'thas par gnas pa'o/ /rten ni

rung ba byed pa med pa'i tshe rgyu skar gyi sbyor bas thur ma
sor bzhi tsam 'dzugs pa'i lag gi bla ma yin pa'o/ /bsam pa la
'du shes ma 'khrul zhing kun slong rko'am rkor 'jug par 'dod
pa/ sbyor ba rang ngam bskos pas phur pa 'debs pa dang/ rtsig
pa 'jig

pa sogs gang rung gis rko bar rtsom pa mthar thug bya ba
rdzogs pa na'o/ /gzhi dang ma 'grel ba dang/ sa gzhi dang phal
ba char cha zhod pa'i tshe zla ba gsum ma lon pa dang/ gzhan
gyi tshe zla ba drag ma lon pa dang/ rdo thal rgya dang bye ma
shas che ba dang 'dres

@67b pa'i sa dang sa zhag dang/ skyang nul grugs nas 'gogs pa
la sogs pa dang/ phung pa 'byin pa dang/ ri mo 'dren pa dang/
sa'i phye ma 'dres pa'i lci ba 'gegs pa dang/ 'dam skyod pa la
sogs pa yan lag ma tshang ba rnams la nyes byas so/ /gnyis pa
zas kyi

cho ga la log par sgrub pa mgron gnyer ring 'dug gi ltung byed
la bzhi las gzhi'i yan lag la sbyin bdag ni khyim pa chos lnga
ldan/ rang nyid mgron du 'bod pa po yin zhing yang dang yang
du dang dus nges pa can gyis 'bod pa ma yin pa'o/ /dngos po ni
rung

zhing zas gcig gi tshad dang ldan pa'i dus rung gi zas yin pa/
sbyin bdag de nyid kyi yin pa/ 'phro dang bcas pa yin pa'o/
/rten ni nad pa ma yin zhing bslab rgyun gcig pa yin pa'o/
/bsam pa la 'du shes ma 'khrul zhing kun slong zla ba bzhi las
lhag

par za bar 'dod pa/ sbyor ba za bar rtsom pa/ mthar thug zla
ba bzhi 'das pa'i 'og tu zas mgul du mid na'o/ /sbyin bdag gis
bstabs pa las lhag par slong ba dang/ gsol bzhi'i las la sogs
pa tshig de nyid las gzhan du sgyur ba la bslab bya'i nyis byas

so; ;gsum pa grogs kyi cho ga la log par sgrub pa la bzhi las
gzhi'i yan lag la gang la spong ba'i yul ni dge slong chos
drug ldan rang gi bslab pa las brtsams te bsgo ba po yin pa/
'dul ba shes pa'o/ /gang spong ba'i dngos po ni 'dul bar gtogs
pa'i

rang gi bslab pa yin pa'o/ /bsam pa la 'du shes ni smra ba po
mngon par shes pa la der nges pa'am yid gnyis gang rung gis
shes pa/ kun slang gang zag la mi shes pa dang/ bslab pa la mi
slob pa'i tshig smra zhing go bar 'dod pa'o/ /sbyor ba ngag
mtshan nyid lnga

@68a @#/ /ldan gyis smra bar rtsom/ mthar thug don go ba'o/
/mdo sde las gsungs pa'i bslab pa la nye bar 'jog pa spong pa
la nyes byas so/ /gnyis pa nyan rna las gyur pa'i ltung byed
la bzhi las gzhi'i yan lag la nyan rna byed pa'i yul ni lta ba

mthun pa ma gtogs pa'i dge slong chos lnga ldan gyi steng du
rang dang brtsod pa'i phyir gros byed pa'i dge slong gnyis la
sogs pa'o/ /rtsod pa ni rtsod pa bzhi las gang rung yin pa'o/
/bsaM pa la 'du shes ma 'khrul zhing kun slong rtsod pa sbar
ba'i ched du nyan par 'dod/

sbyor ba nyan par rtsom/ mthar thug don go ba'o/ /sgra tsam
thos pa la nyes byas so/ /gzhan gyi 'thab mo sbar ba dang
'thab mo byed pa nyan pa dang/ de'i drung du 'dug pa dang/
rtsod pa zhi bar bya ba'i phyir mi 'bad pa rnams la bslab
bya'i nyes byas so/ /gsum pa mi smra bar

'gro ba'i ltung byed la bzhi las gzhi'i yan lag la gang nas
'gro ba'i gnas ni las mtshams kyi gnas yin pa/ las ni dge 'dun
gyi las chos dang ldan zhing rang la mi mthun pa'i las ma yin
pa'o/ /rten ni dge slong gral na 'khod pa la ma smras shing

bar chad dang mi ldan pa las thos pa'i nye 'khor du 'dus pa/
dus ni gsol ba ma byas pa'i dus yin pa/ bsam pa la 'du shes ma
'khrul zhing kun slong thos pa'i nye 'khor las 'das te 'gro
bar 'dod/ sbyor ba 'gro bar rtsom/ mthar thug thos pa'i nye
'khor

las 'das pa'o/ /don med pa dang mi rigs pas dge slong 'khod pa
la smas te 'gro ba dang/ chos dang mi ldan pa'i las dang/ las
chos ldan gyi gsol ba byas nas 'gro ba rnams la nyas byas so/
/bzhi pa ma gus pa'i tshul gyi ltung byed la bzhi las gzhi'i
yan

@68b lag sangs rgyas sam dge 'dun nam de'i zhal ta pa gang
rung gi bka' bsgo ba chos ldan yin pa/ bsam pa la 'du shes ma
'khrul zhing kun slong ma gus shing shad sbyang med par 'da'
bar 'dod pa/ sbyor ba glo bur du gtam zer ba la sogs pas bka'
chas

ldan las 'gal bar byed par zhugs pa/ mthar thug bka' las 'gal
bar byas pa rdzogs pa'o/ /mkhan po dang slob dpon gyi bsgo ba
dang/ dge 'dun gyi chos dang mi ldan pa'i bsgo ba las 'gal ba
dang/ shad sbyang med pa dang/ ma gus pa gang rung gcig ma

tshang bas bka' chos ldan las 'da' bar byed pa la nyes byas so/
/cho ga rnam dag gi rgyu la log par sgrub pa myos par 'gyur ba
'thung ba'i ltung byed la bzhi las gzhi'i yan lag 'bru'i chang
dang bcos pa'i chang gi srang ma dang tshigs ma'am khu ba gang
rung myos

par 'gyur ba yin pa/ mid par mngon pa'i tshad dang ldan pa'o/
/bsam pa la 'du shes ma 'khrul zhing kun slong 'thung bar 'dod
pa/ sbyor ba 'thung bar rtsom/ mthar thug mgul du mid na'o/
/phabs kyi chang bu dang rtsa ba la sogs pa rtsis ma mnan cing
myos par

'gyur ba dang/ myos par mi 'gyur zhing myos 'gyur gyi dri dang
ro bro ba'i thug pa la sogs pa 'thung ba dang/ myos par 'gyur
ba mi mid cing mkhur bar bsrel ba dang/ lus la skud pa rnams
la nyes byas so/ /nad pas mkhur bar bsrel ba dang lus la skud
pa tsam

nyes pa med la srog la bab kyang mid du mi rung ngo/ /lnga pa
dus khyad par can gyi cho ga la log par sgrub pa la gsum gyi
dang po dus ma yin par grong du 'gro ba'i ltang byed la bzhi
las gzhi'i yan lag gang du 'gro ba'i gnas ni khyim pa mtshan
nyid dang

@69a @#/ /ldan pa'i gnas yin zhing gnas kyi mtshan nyid du grub
pa/ spyod lam bzhi shong ba/ grong pa'i chos lhag par spyod pa
yin pa/ gang nas 'gro ba'i gnas ni sde lnga'i sdom pa dag cing
lta ba mthun la brda 'phrod pa'i smra sa yod pa'o/ /rten ni

'khod pa la ma smras pa dang bar chad dang mi ldan zhing don
khyad par can sgrub pa'i skabs ma yin pa/ dus ni rang gi gling
gi nyi ma phyed yol nas skya rengs ma shar ba'i dus yin pa/
bsam pa la 'du shes ni dus ma yin pa la der nges pa'am yid
gnyis gang

rung gis shes pa/ kun slong ma smras par grong du 'gro bar
'dod pa/ sbyor ba 'gro bar rtsom/ mthar thug gtan pa'am nye
'khor las 'das pa'o/ /dus yin pa la ma yin par nges pa'am yid
gnyis za pas grong du 'gro ba dang/ grong gcig gi khyim shar
ma

lta bur 'gro bar smras te nub ma lta bur 'gro ba la nyes byas
so/ /gnyis pa grong rgyu ba'i ltung byed la gnyis kyi dang po
phyi dro grong rgyu ba'i ltung byed la bzhi las gzhi'i yan lag
gang du rgyu ba'i gnas dang dus ni snga ma dang 'dra ba las
khyim bzhi la sogs

pa yin pa'o/ /bsam pa la 'du shes ma 'khrul zhing kun slong
khyim bzhi pa la sogs par 'gro bar 'dod pa/ sbyor ba bar chad
dang gzhan gyis bos pa'i dbang ma yin par 'gro bar rtsom/
mthar thug dge slong 'khod pa la smras kyang khyim bzhi pa la

sogs pa'i gtan pa'am nye 'khor 'das pa na ltung byed du 'gyur
ro/ /gnyes pa snga dro grong rgyu ba'i ltung byed la bzhi las
gzhi'i yan lag la gang du rgyu ba'i gnas ni snga ma dang 'dra
ba las khyim bzhi pa zhes pa'i gnas su khyim gsum yan chad yin
pa

@69b zhes sbyar ro/ /dus ni snga dro'i dus su rang gi ming gis
dge 'dun rung zhing tshad dang ldan pa'i dus rung gi zas la
spyan drangs pa'i dus yin pa/ bsam pa la 'du shes ma 'khrul
zhing kun slong khyim gsum la sogs par rgyu bar 'dod pa/ sbyor
ba bar chad dang mi

ldan bzhin du sbyin bdag la kho bo ma 'ongs pa'i dbang gis zas
brim pa'i dus yol bar ma byed ces ma bsgo bar rgyu bar rtsom/
mthar thug khyim gsum pa'i sgo'i gtan pa'am nye 'khor 'das
pa'o/ /gsum pa rgyal po'i pho brang du mtshan mo 'gro ba'i
ltung

byed la bzhi las gzhi'i yan lag la gang du 'gro ba'i gnas ni
rgyal po'am btsun mo gang rung gi gnas spyod lam bzhi shong
ba/ gnas kyi ngo bor grub pa'o/ /dus ni nub phyogs kyi 'od
dmar po chags pa 'das nas skya rengs tha ma ma shar gyi bar
yin pa'o//

rten ni rgyal pos bos pa dang bar chad dang ldan pa gdul bya
'dul ba'i dgos pa khyad par can med pa'o/ /bsam pa la 'du shes
ni nam ma langs pa la der nges pa'am yid gnyis za ba'o/ /kun
slong 'gro bar 'dod pa/ sbyor ba nyin mo phyin te mtshan mo
'dug pa'i mtshan

mo 'jug par rtsom pa/ mthar thug bskor ba med na phyi rol nye
'khor dang/ bskor ba yod cing sgom btsugs na bskor ba'i nang
dang/ sgo btsugs te bcad na gtan pa'i gnas dang/ ma bcad na
gtan pa nyis 'gyur du bcal ba'i mtshams rnams gang rung 'das pa
na

dngos gzhir 'gyur te/ de yang mtshan mo'i nang du lan du mar
'gro ba la grangs de snyed kyi ltung bar 'gyur la/ mtshan mo
'das pa la mi ltos so/ /ma smras par 'gro ba la ni dus ma yin
par grong du 'gro ba'i ltung byed du yang 'gyur ro/ /rgyal
po'am btsun mo'i pho brang

@70a @#/ /du 'jug pa'i phyir song ba lam de dang 'brel ba'i
grong du zhugs pa tsam la nyes byas so/ /pho brang du 'jug
dgos pa'i tshe gya tshom du zhugs pa la bslab bya'i nyes byas
so/ /drug pa yul khyad par can gyi cho ga la log par sgrub pa
bslab pa'i gzhi'i

dngos po la khyad du gsod pa'i ltung byed la bzhi las gzhi'i
yan lag la khyad du gsod pa'i gzhi ni bdag nyid kyi so sor
thar par gtogs pa'i bslab pa yin pa/ go bya yul ni dge slong
chos drug ldan no/ /dus ni gso sbyong la so thar gyi mdo 'don
pa'i dus yin

pa; rten ni so thar gyi mdo lan gnyis thos shing yid rmongs pa
ma yin pa/ gso sbyong gi las de la gtogs pa'o/ /bsam pa la 'du
shas ma 'khrul zhing kun slong bzhad gad yan chad kyis khyad
du gsod pa'i tshig smra bar 'dod pa/ sbyor ba ngag mtshan nyid
lnga ldan

gyis chos 'di yang mdo'i nang du gtogs par bdag gis gzod shes
so/ /zhes sogs kyis khyad du gsod pa'i tshig smra bar rtsom/
mthar thug don go ba'o/ /dge slong ma'i so thar 'don pa'i tshe
thun mong gi bslab bya la khyad du gsod pa dang/ so thar gyi
mdo

'don pa las gzhan pa'i dus su khyad du gsod pa dang/ mdo sde'i
bslab pa khyad du gsod pa rnams la nyes byas so/ /so thar gyi
mdo 'don pa na ma gus pas nyan pa ma bzlog pa la bslab bya'i
nyes byas so/ /bzhi pa 'tsho ba rnam dag la log par sgrub pa la
snod spyad

dang gos la log par sgrub pa gnyis las dang po la gnyis kyi
dang po kha ba ral 'tshes pa'i ltung byed la bzhi las gzhi'i
yan lag ni khab ral gyi rgyu ba so dang rus pa sogs rung ba
tshad ldan rang gi yin pa/ sngar tshad la gnod pa'i bzo'i rtsom
pa ma byas pa'o//

@70b bsam pa la 'du shes mi 'khrul zhing kun slong rang don du
byed par 'dod pa/ sbyor ba rang ngam bskos pas byed par rtsom/
mthar thug bzo rdzogs pa'o/ /gnyis pa khri rkang 'chos pa'i
ltung byed la bzhi las gzhi'i yan lag ni dge 'dun dbang ba'i
khri'am khra'u

bu gar gzhug pa'i phyogs ma gtogs khru gang gi tshad las lhag
pa/ rgyar 'khor gsum gyi tshad dang ldan pa/ sngar tshad la gnod
pa'i bzo'i rtsom pa ma byas pa'o/ /bsam pa la 'du shes ma
'khrul zhing kun slong khri rkang tshad las lhag pa byed par
'dod

pa'o/ /sbyor ba dang mthar thug snga ma bzhin no/ /rkang pa
dma' ba'i khri la nyal ba dang/ lham yod pas mal dang 'brel
ba'i nye 'khor du rkang pa 'khru ba dang/ lham med pas kyang
mgo logs dang rkang logs sogs las gzhan du 'khru ba dang/
khri'am

khri'u tshad las mthe ba dang/ gser dngul la sogs pa'i khri la
'dug pa dang nyal ba dang khri brtsegs mA steng du 'dug pa
rnams la bslab bya'i nyes byas so/ /gnyis pa la lnga las dang
po shing bal gyis gos par byed pa'i ltung byed

la bzhe las gzhi'i yan lag la gos par bya ba'i yul ni dge 'dun
gyi gnas mal rung ba tshad ldan yin pa'o/ /gang gis gos par bya
ba ni lus sam gnas mal nyams par byed pa'i rdzas sbar gang gi
tshad du longs pa/ bsam pa la 'du

shes ma 'khrul zhing kun slong ni zhe sdang ba'i bsam pas gos
par 'dod pa/ sbyor ba rang ngam bskos pas gos par byed par
rtsom/ mthar thug shing bal la sogs pas gnas mal la reg na'o/
/gnyis pa gdang ba'i ltung byed la bzhi las 

@71a @#/ /gzhi'i yan lag gding ba'i rgyu rung zhing srid du
khru gsum mam phyed dang lnga zhing du khru do sor drug las
lhag pa/ rang gi yin pa/ sngar tshad la gnod pa'i bzo'i rtsom
pa ma byas pa'o/ /bsam pa la 'du shes ma 'khrul zhing kun
slong lhag pa

byed par 'dod pa/ sbyor ba rang dam bskos pas byed par rtsom/
mthar thug zin pa'o/ /g.yan pa dgab pa dang ras chen gyi
ltung byed kyang de dang 'dra ba las g.yan pa dgab pa'i tshad
ni srid du khru drug zheng du khru gsum/ ras chen ni srid du
khru dgu zheng du khru gsum dang sor

bco brgyad kyi tshad las lhag pa byed na zhes sbyar ro/ /gding
ba dang g.yan pa dgab pa dang ras chen chod las chung ba
rnams la byin gyis rlob na nyes byas so/ /gang las ltung ba
byung ba'i khab ral dang khri rkang ma bcag pa dang/ shing bal
la sogs pas gos pa ma bsdus pa

dang/ gding ba dang g.yan pa dgab pa dang/ ras chen ched las
lhag pa rnams bcad pa ma dris par bshags pa len pa la bslab
bya'i nyes byas su 'gyur la/ de dag ma byas par bshags kyang
mi 'dag go /lnga pa bde bar gshegs pa'i chos gos kyi bzo byed
pa'i ltung

byed la bzhi las gzhi'i yan lag dngos po ni chos gos gsum gang
yang rung ba rung zhing bde bar gshegs pa'i chos gos kyi tshad
dam de las lhag pa/ rang gi yin pa/ sngar tshad la gnad pa'i
bzo'i rtsom pa ma byas pa'o/ /rten ni bde bar gshegs pa'i lus
tsam med

pa'o/ /yan lag lhag ma rnams sngar bzhin no/ /bzhi pa so sor
bshags pa'i sde mtshan la rab byang dang khyim pa'i gzhi las
gyur pa gnyis las dang po la gnyis kyi dang po dge slong ma
las zas len pa'i sor bshags la bzhi las gzhi'i yan lag ni dge
slong ma

@71b chos bdun ldan grong ngam grong gi nye 'khor ram lam po
che gsum gang rung na 'dug pa'o/ /dus ni mu ge'i dus ma yin
pa'o/ /dngos po ni dus su rung ba'i zas rung zhing zas gcig gi
tshad du longs pa/ dge slong ma rang nyid za ba'i ched du
bsgrubs pa yin pa/ dge slong ma rang nyid

dang 'brel bar gnas pa/ rtan ni rang nyid grong ngam grong gi
nye 'khor ram lam po che na 'dug pa'o/ /bsam pa la 'du shes ni
dge slong ma nye du ma yin pa la der nges pa'am yid gnyis gang
rung gis shes pa/ kun slong rang don du blangs nas za bar 'dod
pa/ sbyor ba za bar rtsom/

mthar thug mgul du mid pa'o/ /dge slong ma grong ngam grong gi
nye 'khor ram lam po che/ grong gi nam mkha'/ dbyar khang/
de'i nye 'khor/ gtsug lag khang/ de'i nye 'khor te brgyad na
'dug pa la dge slong gis nam mkha' nas blangs pa dang/ dge
slong grong dang de'i nye 'khor

dang lam po che gsum na 'dug pas dge slong ma gro ba dang de'i
nye 'khor ma gtogs pa'i gnas drug na 'dug pa las blangs pa ste
nyi shu rtsa drug la nyes byas su 'gyur ro/ /sor bshags gnyis
pa la bzhi las gzhi'i yan lag la sbyin bdag khyim pa chos lnga
ldan

bsko ba sham byed pa po'i nye du ma yin pa'o/ /grogs ni dge
slong chos drug ldan gnyis yan chad yin pa'o/ /zas ni rung
zhing zas gcig gi tshad du longs pa'i dus rung gi zas yin
zhing/ dge slong mches bdun ldan bsko rung na 'dug pas bsko
bsham phyin ci log tu byas pa'i/ /rten ni

dge slong ma de'i tshig gis ma yin par mgron du bos shing bsko
bsham byed pa rang ngam rang dang 'dra bas ma bzlog pa'o/
/bsam pa la 'du shes ni bsko bsham byed pa la ma bsko ba la
dar nges pa'am yid gnyis gang rung gis shes pa/ kun slong ma
bzlog par za bar

@72a @#/ /'dod pa/ sbyor ba za par rtsom/ mthar thug mgul du
mid na'o/ /bsko bsham byed pa bzlog pa lam bzlog par nges
pa'am yid gnyis gang rung gis za ba dang/ bskor mi rung ba'i
gnas na 'dug pa lam bsko bar za na nyes byas so/ /dge slong

mas bsko bsham byed par dogs pa na ma byas sam zhes ma dris
par za ba la bslab bya'i nyes byas so/ /gnyis pa la gnyis kyi
dang po bslab pa dral te khyim du 'jug pa'i song bshags la
bzhi las gzhi'i yan lag khyim pa chos lnga ldan bslab pa'i

sdom pa byin zhing bag yangs su ma byas pa'o/ /zas ni rung
zhing zas gcig gi tshad dang ldan pa'i dus rung yin pa/ sbyin
bdag de nyid kyi yin pa/ mod pa ma yin pa'o/ /rten ni bdag
nyid khrims kyi khongs su gtogs pa/ sdom pa byin pa'i snga rol
tu mgron du

ngos pa min pa/ bsam pa la 'du shes ma 'khrul zhing kun slong
bslab pa dral te za bar 'dod/ sbyor ba dang mthar thug snga ma
bzhin no/ /bslab pa'i sdom pa sbyin par 'os pa la ni sbyin pa
dang/ bag yongs su byed dgos pa mi byed pa dang/ sdom pa byin
pa de'i khyim

du chos ston pa sogs kyi ched du mi 'gro ba dang/ lhung bzed
stong par 'gro ba dang/ de'i byis pa sogs zas slong ba la bsod
snyoms ril gyis sbyin pa dang/ snum 'khur tsam mi sbyin pa la
bslab bya'i nyes byas so/ /gnyis pa nags mo brtag pa'i sor
bshags

la bzhi las gzhi'i yan lag la sbyin bdag ni khyim pa chos lnga
ldan dge 'dun la zas la sogs pa bsngo ba po yin pa/ zas ni
rung zhing zas gcig gi tshad du longs pa'i dug rung sbyin bdag
gis bsngos pa yin pa/ gnas 'jigs pa dang bcas shing

@72b gtsug lag khang nas rgyang grags kyi phyi rol yin pa/
rten ni nags myul bar bskos shing ma myul ba'o/ /bsam pa la
'du shes ni nags ma myu la ba la der nges pa'am yid gnyis gang
rung gis shes pa/ kun slong nags ma myul bar za bar 'dod pa/
sbyor ba dang mthar thug

snga ma dang 'dra'o/ /'jigs pa dang bcas pa'i tshe nags myul
ba'i dge slong dang de la grogs dgos na grogs dang bcas pa ma
bskos pa dang/ de la khyi'u sus mi ster ba dang/ bskos pa des
kyang dpag tshad phyed la sogs pa ma brtags pa dang/ 'jigs pa
che chung la sogs

pa'i brda mi byed pa rnams la bslab bya'i nyes byas so/ /lnga
pa nyes byas kyi sde tshan la dgu las dang po gos bgo ba'i sde
tshan la sham thabs kyi ma mtha' mnyam par ma bgos pa dang/ pus
mo'i gong du thal ba'i brtsengs pa dang/ long pu la reg pa'i
ha cang 'i zol ba

dang; kha char phun tshar gyi mtha' nar ba dang/ lte ba'i gong
tsam du sham thabs kyi mgo ltebs pa dang/ lte ba'i 'og tu
sbrul mgo'i gdengs ka ltar ltebs pa dang/ ske rags kyi bar bar
du 'bru'i phur ma ltar 'dug pa dang/ stod g.yogs la yang zlum
por ma

bgos pa dang/ ha cang brtsengs pa dang/ ha cang 'jol ba ste
bcu'o/ /gnyis pa khyim du 'jug pa'i sde tshan la rkang lag
rkyong ba la sogs pa ma bsdams pa dang/ gos mnyam par ma bgos
pa dang/ ca co'i sgra ma bsgyur ba dang/ mig g.yeng ba dang/
gnya'

shing gang las lhag par lta ba ste lnga dang/ mgar sa la sogs
pas g.yogs pa dang/ 'dams snang bar brdze ba dang/ gos phrag
pa gnyi gar gzar ba dang/ lag pa ma dun nas btang ste gnya'
gong du bsnol ba dang/ ltag khung du lag pa gnyis phyogs

@73a @#/ /phyogs nas bsnol ba ste lnga dang/ ma tshang pa dang/
sgyid pa brkyang bskums byed cing 'gro ba dang/ tsog pus 'gro
ba dang/ rting pa bteg ste brang bas 'gro ba dang/ lag pa
gnyis rked pa la brten te gru mo phyir smyung por byas te 'gro
ba lnga dang/ lus sgyur

zhing 'gro ba dang/ lag pa kyog cing 'gro ba dang/ mgo sgyur
ba dang/ gzhan dang phrag pa gnyis sprad pa dang/ gzhan dang
lag pa sbrel te 'gro ba lnga ste nyi shu'o/ /gsum pa khyim du
'dug pa'i sde tshan la/ khyim du ma bsgo ba dang ma brtags par
stan la 'dug pa

dang/ lus kyi ljid phab ste 'dug pa dang/ pus mo man chad kyi
rkang pa bsnol ba dang/ brla bsnol ba dang/ long bu'i steng du
long bu bzhag pa dang/ rkang pa khri'i 'og tu dgug pa dang/
rkang pa gdangs pa dang/ 'doms snang ba ste dgu'o/ /lag pa
'gram pa la

brten pa dang stan rgyab tu bkur ba gnyis ni bslab bya'i nyes
pa'o/ /bzhi pa zas blang ba'i sde tshan la zas legs par ma
blangs pa dang/ mu dang kha da chad du blangs pa dang/ tshod ma
dang zan mnyam por blangs pa dang/ mthar chags su ma blangs pa
dang/ lhung bzed

la yid kyis ma bltas par blangs pa dang/ bca' ba dang bza' ba
ma 'ongs par lhung bzed bzed pa dang/ yang 'dod pa'i phyir
'bras chan dang tshod ma gcig gis gcig 'gebs pa dang/ zas kyi
steng du lhung bzed bzed pa rnams so/ /lnga pa zas bza' ba'i
sde tshan ni

zas legs par ma zos pa dang/ kham ha cang chung ba dang/ che
ba dang/ kham ran bar ma byas pa dang/ zas kha'i sgor ma slob
pa kha gdangs pa dang/ kha kham gyis bkang ste smra ba dang/
tsug tsug dang/ cag cag dang/ hu hu dang/ phu phu zhes pa'i
sgra dang bcas pa

@73b dang; lce phyir phyung ste zas za ba lnga dang/ 'brur re
re nas btus te za ba dang/ zas la dpyas 'dogs pa dang/ mkhur
ba spo zhing za ba dang/ rkan gtog pa dang/ kham 'phrer bcad
de kha lnga dang/ lag pa bldag pa dang/ lhung bzed sor mos
'byog pa dang/ lag ba zas kyis

gos pa sprug pa dang/ zas dang bcas pa'i lhung bzed bskyom pa
dang/ zas la mchod rten 'dra bar byas te gzhom pa dang lnga
ste nyi shu rtsa gcig go/ drug pa lhung bzed du spyad pa'i sde
tshan ni gzhan gyi lhung bzed la dbyas gdags pa'i phyir lta ba
dang/ lag pa zas dang

'bags pas chu snod la bzung ba dang/ dge slong la zas dang
'bags pa'i chus gtor ba dang/ khyim pa'i khyim du de la ma
dris bar zas dang 'bags pa'i chu dbo ba ste bzhi dang/ lhung
bzed du zas kyi lhag ma blugs te dor ba dang/ 'og gzhi med pa
dang/ gad kha dang/

g.yang sa dang dkon gzar po rnams su lhung bzed bzhag pa
dang/ 'greng ba dang/ gad kha dang/ g.yang sa dang/ dkan gzar
po rnams su lhung bzed bkrub dang/ 'bab chu drag po'i rgyun
las bzlog ste chu bcu ba dang/ bcu ste de ltar bcu bzhi'o/
/lhung bzed kyi chu sleng

ban lan gsum bkrus te gtsug lag gi tshigs bcad bzlas pa'i chu
ma byin pa dang/ lam gyi bzhi mdor lhung bzed 'khru ba gnyis
ni bslab bya'i nyes byas so/ /bdun pa chos ston pa'i sde tshan
ni min pa'i dbang du byas te/ nyan pa po 'dug pa la 'greng ba
dang/ nyal

ba la 'dug pa dang/ stan mthon po dang bzang po la 'dug pa la
dma' ba dang ngan ba la 'dug pa dang/ mdun du 'gro ba la phyi
nas 'gro ba dang/ lam nas 'gro ba la lam gyi 'gram nas 'gro ba
rnams kyis chos bshad pa ste lnga dang/ mgo g.yogs pa dang/
brdzes ba

@74a @#/ /dang/ gzang ba dang/ gnya' gong du bsnol ba dang/
ltag par bsnol ba la chos bshad pa lnga dang/ mgo dkor can
dang/ zhwa gyon pa dang/ cod pan can dang/ phrod ba can dang/
ras la sogs pas dkris pa la bshad pa lnga dang/ glang po che
dang rta la sogs

pa zhon pa dang/ khyogs dang bzhon pA steng na 'dug pa dang/
lham gyon pa la bshad pa lnga dang/ lag na gdugs dang/ 'khor
ba dang/ mtshon dang/ ral gri dang/ dgra cha thogs pa dang/ go
cha gyon pa la bshad pa drug dang nyer drug go/ brgyad pa
bsgrub pa'i sde

tshan ni/ min bas 'greng ba dang/ chu'i nang dang/ rtswa sngon
po yod pa'i sa phyogs rnams su bshad gci byed pa dang/ bshad
gci dang/ mchil ma dang/ snabs dang/ skyugs pa dang/ blugs pa
rnams chu dang rtswa sngon po yod pa'i phyogs su 'dor ba ste
bzhi'o//

dgu pa rgyu ba dgag pa'i sde tshan ni/ gnod ba byung ba ma
gtogs par shing la mi gang tsam las mtho bar 'jog pa'o/ /bstan
pa dang sems can la phan rgya chen po thogs shing bdag gzhan
sems can thams cad bshes gnyen dam pas mnyes bzhin du

rjes su 'dzin par gyur cig/ //stod lung su ar byang chub ye
shes kyi gtsug lag khang gnam rtsed ldeng du lo chen skyabs
mchog dpal bzang rje btsun red mda' ba chen po rje btsun tsong
kha pa chen po ste chos rje rnam gsum zhal 'dzom

ste bstan pa rin po che'i byi dor sngon sangs rgyas mthong
ba'i lha dang dam pa'i chos skyong ba'i srung ma rnams mchog
tu dga' ba skyed pa mdzad pa'i tshe rje btsun tsong kha pa chen
pos ches grwar gsungs pa/ rgyal tshab thams cad mkhyen pa dar
ma rin chen zhes

@74b bya ba mkhas pa'i snyan grags kyis tshangs pa'i 'jig rten
gyi bar du khyab cing tshul khrims kyi dri dad dpag tshad kyi
bar du ldang ba/ 'di nas 'jig rten gyi khams bde ba can du
gshegs pa de nyid kyis zin bris su mdzad pa'o/ /tshul khrims
rnam dag gi gzungs/ de bzhin

gshegs pa thams cad la phyag 'tshal lo/ /byang chub sems dpa'
sems dpa' chen po 'phags pa spyan ras gzigs dbang phyug thugs
rje chen po la phyag 'tshal lo/ /oM a mo g+ha shI la saM b+ha
ra/ b+ha ra b+ha ra mahA shudd+ha sa tA/ padma bi b+hU  Shi ta
b+hu dza/ d+ha ra d+ha ra/ sa manta a wa lo ki te hUM phaT
swAhA// //mangga lam/