@00/ /'dul ba mdo rtsa ba'i zin bris bzhugs/ / @001a @#/ /rten gyi gang zag bstan nas des bslab par bya ba la gnyis las/ ldog pa'i tshul khrims ston no/ /de la so so ba dang/ spyir bstan pa gnyis las/ so so ba la yang rnam 'byed gnyis las/ dang po ston pa la/ bslab pa 'bul ba'i cho ga dang/ ltung ba rnams kyi mtshan nyid bstan pa gnyis so/ /dang po la gnyis las/ spyi'i don ni/ ltung ba sde lnga bskyed pa la bsnyen par rdzogs pa dang/ rdzogs nas ma btang ba zhig dgos na/ dang po ni/ rab tu 'byung ba'i gzhi dang/ gnyis pa ni/ 'phul ba'i le'u dngos dang/ shugs la bstan no/ /des na sde lnga'i dang por gsungs so/ /gzhan yang mi mthun phyogs ngo shes pas bsrung ba la/ sdom pa spyi dang 'gal ba dang/ so so dang 'gal ba gnyis las/ 'di spyi dang 'gal ba'i phyir brjod bya'i gtso bo yin pas kyang dang por bstan zer ro/ /'di mi tshangs spyod las le'u logs shig tu byas pa ni/ ltung ba gzhan thams cad la yang 'di'i log phyogs dgos par rtogs pa'i phyir te/ mi tshangs spyod dang gcig tu byas na de nyid kyi chos su go bar 'gyur ba'i phyir ro/ /'dis mtshon nas gtong rgyu rnams gtan la dbab pa la bzhi las/ dbye ba la gnyis las/ thun mong ba ni/ mdzod las/ bslab pa phul dang shi 'phos dang/ /mtshan gnyis dag ni byung ba dang/ /rtsa ba chad dang mtshan 'das las/ /so sor thar pa'i 'dul ba gtong/ /zhes gsungs pa @002a @#/ /lnga'o/ /thun mong ma yin pa la/ mtshan lan gsum du gyur pa/ ma lon pa la der shes /dam chos nub pa/ rtsa ltung byung ba de bzhi zer ro/ /mngon pa nas bshad pa la thun mong yin min byed pa ni/ rang gi sde pa spyi'i 'dod pa dang/ so so'i 'dod pa yin pas/ snga ma lnga la mi mthun pa med pas so so'i thun mong ngo/ /so so'i 'dod pa la/ kha cig ltung bar 'gyur las smra/ /gzhan dag dam chos nub pa las/ /kha che rnams ni byung ba la// bu lon nor can bzhin du 'dod/ /ces gsungs pa gsum mo/ /de la pham pa byung bas gtong ba ni/ mdo sde pa dang slob dpon 'phags pa sku mched la sogs pa yang bzhed do/ /dam chos nub pa gos dmar ba'i sde pas 'dod kyang/ de sngar med kyi sdom pa mi thob pa'i rgyu mtshan gyis sngar yod gtong ba ma yin no/ /zhes 'phags pa sku mched gsung ngo/ /mtshan lan gsum gyur pa dang/ nyi shu ma lon pa la der shes pas gtong ba la ni/ mi mthun pa ma mthong zhing/ pham pa'i ltung bas gtong ba rtsa 'grel gyi lugs ma yin pas/ skabs 'dir/ de dag gtong rgyu thun mong ma yin pa la bgrang bar mi rigs so/ /bsdu ba ni/ 'phen pa zad pa dang/ gzhi chad pa dang/ rten nyams pa dang/ sdom pa dang 'gal ba'i rig byed gnas pa bzhi ni/ shi 'phos pa dang/ ma lon pa la der shes dang/ mtshan mo 'das pa gsum dang/ log lta dang/ dam chos nub pa gnyis dang/ mtshan gnyis pa dang/ @002b mtshan lan gsum du gyur pa gnyis dang/ bslab pa phul ba dang/ pham pa byung ba gnyis dang go rim bzhin no/ /zhes zer ba'i dpyad pa yang snga ma las shes par bya'o/ /shi 'phos pa rten chad pa dang/ log lta bskyed pa gzhi chad pa dang/ bslab pa 'phul ba yang dag par blangs pa dang 'gal ba'i rig byed skyes pa yin no/ /btang ba'i rang bzhin ni/ bye brag tu smra ba/ gang zag glang bu la sdom pa khal lta bu/ thob pa thag pa lta bus sbrel ba'i sbrel thag chad pa ltar 'dod do/ /sems tsam pa spyir mngon gyur btang ba dang/ sa bon btang ba dang/ dbang gi rang bzhin btang ba gsum las/ dang po min te/ gnyid log pa la sogs pa'i tshe yang/ spong sems mngon gyur pa log pas sdom pa btang bar thal ba'i phyir ro/ /gnyis pa yang min te/ phul ba la slar mi skye bar 'gyur ba'i phyir ro/ /des na gsum pa yin te/ de yang kun gzhi la mngon gyur byed pa dang bcas pa btang la/ /sa bon byed pa dang bcas pa ma btang ba'o/ /zhes zer ro/ /de la gang gtong na sdom pa dbang gi tshul du ldan pa btang bar yin gyi/ mngon gyur dang sa bon du ldan pa btang ba ni sdom pa btang ba'i don min no/ /de ni med sde pa yan chad 'dra bar sems so/ /bye brag tu smra ba ni/ sdom pa'i thob pa zhig par 'dod do/ /de dag gi don yang/ sdom pa yod pa'i don dgos pa drug gi chos dang/ zang zeng ltung dag ltung med par song ba'o/ /'di smos nas gzhan mi smos pa ni/ sde lnga bskyed pa la ma phul ba dgos par bstan nas/ shi 'phos pa sogs kyis kyang ma btang ba zhig dgos par go @003a @#/ /nus la/ 'di gnyen po bsrung nus pa ltar shi 'phos pa sogs mi nus pas smos pa dgos ba med do/ /zhes zer ro/ /bye brag tu bslab pa 'bul ba'i dgos pa ni/ lnga las/ gzhi la gsum las/ yul gang la 'bul ba ni/ tha snyad lnga ldan/ lus tha mal pa/ bdag las tha 'dod gsum/ dngos po ni bdag nyid kyi bslab pa'o/ /rten ni rang bzhin dang tha mal par gnas pa'o/ /bsam pa la gnyis las/ 'du shes ma 'khrul ba dang/ kun slong bsam pa thag pa nas 'bul bar 'dod pa'o/ /sbyor ba bsam pa'i don la lus ngag gi rig byed kyis 'bul bar zhugs pa'o/ /mthar thug de'i rkyen gyis don go ba'o/ /phul nyams kyi khyad par ni/ lus la bsrung ba'i nus pa yod kyang bsam pas bsrung mi 'dod nas btang ba ni phul ba yin la/ de las ldog pa ni nyams pa'o/ /zhes kha cig zer ro/ /rig byed gang gis dngos su gtong ba go bar byed pa ni phul ba yin la/ brgyud nas go bar byed pa ni nyams par byas pa yin par rnam 'byed 'grel pa las bshad zer ro/ yan lag gi don la bslab pa phul ba'i mtshan nyid bstan pa ni/ myos pa la sogs pa rang bzhin nyams pas bslab pa 'bul bar byas pa nyid ni'o/ /rang bzhin nyams pa de ni'o/ /rnam pa thams cad du smra mi nus pa'i lkugs pa'o/ /ma go ba ni brda ma phrad pa ste glen 'on snyoms par zhug pa mtha' 'khob pa la dbus pas phul ba yang bsdu ba'o/ /dben par dben pa'i 'du shes sam mi dben pa'i 'du shes kyis 'bul bar zhugs pa'i dben pa yang lkugs pa'i yul la zhugs pa bzhin du 'gyur te/ skye bo thams cad @003b la grags pa'i 'du shes med pa'i phyir ro/ /mi dben par dben pa'i 'du shes kyis sam rnam pa thams cad du dben pa'i 'du shes kyis phul na yang ngo/ /'bul ba'i tshig bstan pa ni/ bslab pa 'bul lo ni dngos su brjod pa'o/ /rten btang ba ni/ sangs rgyas nas ma mo'i bar ro/ /nye bar sbyor ba btang ba ni/ slob dpon nam zhes pa gnyis so/ /dman pa'i sa bzung ba ni/ bdag khyim pa sogs so/ /mthun pa'i grogs spangs pa ni bdag tshangs pa sogs so/ /'di la skyabs 'gro btang na sdom pa gtong ste/ 'di las 'byung bas so/ /zhes zer ba ni/ dri ba rgya cher 'grel las/ dge slong ma nag mo dper bzhag nas bkag go /TIkka las/ dbul ba'i tshig dag ni rnam pa de lta bu dag dang/ cho ga de lta bu dag dang/ rang bzhin de lta bu dag yin no/ /zhes pa ni/ bdag tshangs pa sogs dang/ bslab pa sogs dang/ rang bzhin nyams pa sogs dang rim pa bzhin sbyar zer ro/ /TIkka las/ ngag dang lus kyi rig byed gnyis kas gtong bar gsungs so/ /mi mthun phyogs bye brag pa ngos bzung ba la gnyis las/ dge slong ba'i rnam 'byed la ltung ba sde lnga las/ dang po pham pa'i sde ni bzhi'o/ /de la spyir sde lnga bskyed pa la thun mong dang thun mong min pa'i yan lag gnyis so/ /dang po la gnyis te/ bslab pa'i yan lag ni bzhi ste/ bsnyen par rdzogs pa'i sdom pa gsor rung ba dang ldan pa dang/ tshig gcig pa dang/ rgyun gcig pa dang/ las dang po min pa/ bsam pa'i yan lag ni rang bzhin du gnas pa'o/ /de dag ni kun gyi thun mong ngo/ /phal che ba'i thun mong ni gnyis las/ lus kyi yan lag ni srog gcod pa dang/ pham lhag dang po gnyis dang/ rku ba dang bdun ma gtogs @004a @#/ /pa la/ lus de nyid kyi kha dog dang dbyibs su gnas pa'i lus tha mal par gnas pa dang/ mtshan gyi yan lag ni pham pa dang po sogs mtshan nyid ji 'dra'i ltung ba sde lnga ma gtogs pa la mtshan nyid de nyid la sbyor ba byas shing mtshan nyid de nyid la mthar thug grub pa'o/ /thun mong min pa la bzhi las/ gzhi'i yan lag la gnyis las/ gang la brtsal ba'i yul ni rma'i sgo gsum dang/ ma nyams pa dang/ dang po'i mtha' phan chad/ rten du rung ba'o/ /rtsol byed kyi rten ni/ nor bu dang ldan pa dang/ nad med pa dang/ las su rung ba dang/ rgyud du gtogs pa'o/ /'du shes ni 'khrul ma 'khrul 'dra'/ /kun slong ni mi tshangs par spyod 'dod rgyun ma chad pa'o/ /sbyor ba yan lag gis rma la reg par rtsom pa'o/ /mthar thug reg pa'i bde brdzags par bdag gir byas pa'o/ / tshig gi don la/ lung gi bye brag bzhi las/ rnam 'byed kyi brjod pa la gnyis las/ ltung ba'i rnam gzhag la mdor bstan pa ni/ bcu ces pa'i sgra gnas sgrub pa la sbyar na ni rma'i sgo gsum yin te/ der yan lag gi rnam pa gzhug par bya ba yin pa'i phyir ro/ / de gsum gyi bcug pa'i reg pa nyams su myong na ni rten par byed pa'i dge slong pham la byed pa po sgrub pa'i phyogs la ni pho'i dbang po yin te/ rma'i sgo gsum du de 'jug par bya ba'i phyir ro/ /rma'i sgo gsum dang ldan pa'i phyogs des reg pa nyams pa nyams su myong na ni rten par byed pa'i dge slong dang/ dge slong ma la pham pa'o/ /de ltar mdo'i bye brag tu sgrub pa gnyis so/ /des ni lan gnyis su bzlas pas thob po/ /gzhan rgyal bar byed du bcug pa la yod pa'i nyes pa ni pham pa yin la/ de byed par 'gyur ba'i @004b phyir pham par 'gyur ba'o/ /lung las rab tu byung ba sde lnga ga la byed pa po dang gnas gang rung gi sgo nas ro myang bar byed na bsnyil dgos par gsungs so/ /zag byed do zhes pa ni sngar gyi byed pa'o/ /der ro ni gzhan du sgrub pa'o/ /rtsol ba'i zag byed la ji lta bu la ltung bar 'gyur ba ni/ /ma nyams par ro/ /yul gzhan pa ni/ kha'am zhes so/ /ma nyams pa la pham pa yin na/ nyams pa dag la cir 'gyur zhe na/ nyams pa zhes te/ lam dang yan lag gnyis ka'o/ /bgrod par bya ba pho mo ma ning 'khrig pa spyad du mi rung ba la/ bgrod par byed pa pho'i dbang pos rtsol bar byed pa la na smed de gang la mthar sbom por 'gyur ba la sbyor ba la nyes byas dang/ reg pa la sogs pa'i sbyor ba la nyes byas dang/ khri las ldang ba la sogs pa'i sbyor ba'i sbyor ba la nyes byas phra mo'i/ /mi min pa zhes pa nas rang gi sten pa byar ro/ /zhes pa'i bar ni bgrod par bya ba la dogs pa bcad pa'o/ /sngar zhes pa gnyis ni/ bgrod par byed tshul la dogs pa bcad pa'o/ /bslab par bya ba ni/ bsrungs pa zhes te/ kha cig nyis su byed kyang 'grel pas gsum du mdzad do/ /phran tshegs kyi brjod pa la/ khyim la sogs pa gang du bud med kyi tshul ma yin pa'i bsam pas rdod pa dang/ dgon pa la sogs pa gang du mi ma yin pas 'khrig pa bsten pa la sogs pas gnod pa'i phyir rtsal ba der zhas sam/ 'jag snod la sbom por gsungs pa ni/ nyon mongs pa can gyi sems kyis yin la/ 'dir ni nyon mongs pa can min pa'i cha ma yin pas 'chang ba'o/ /skam pas gdab cing byi dor bya ba dang/ dus dus su bkrub bskam par bya'o/ / @005a @#/ /'jag snod kyi skor rnams gnang ba'i bslab byar byed ba yod kyang bcas pa de dang 'brel ba'i dge slong la sgrub bcas su gsal lo/ /zhu bas brjod pa la/ yan lag gi mtshan nyid ni kha zhes sogs so/ /lus rnams kyang rma mi nyams pa bstan pa'i phyir bgrod par zhes so/ /de yang 'dus byas yin gyi/ rma'i sgo ched du bcos pa ni ma yin no/ /sel ba cir 'gyur dang bcas pa ni/ mngon pa zhes sogs so/ /sbom po'i dbang du byas pa zhes pas ni mtha' nyid ces pa yan chad 'dzin no/ /bcos pa rma'i sgo nyams na spu yod med 'dra mod kyang/ spu med pa smos pas ni pags pa mi dang 'dra bas pham par 'gyur ram snyam pa'i dogs pa bsal ba'i phyir/ shi ba'i rma'i sgo gsum char la dngos gzhir bstan pa la kha la bye brag smra bar 'dod nas mgo zhes so/ /de yang lam gzhan gnyis ni dngos gzhi'o/ /rma'i sgo gsum gyi gnas skabs kyi bye brag bstan nas/ pho'i dbang po'i sbom po bstan pa'i phyir bstan par zhes so/ /de la bsten par bya ba ni rma'i sgo gsum mo/ /sten par byed pa ni pho'i dbang po'o/ /gnyis zhes pa ni bsten bya lus las tha dad du byas shing/ sten byed tha mi dad du byas pa dang/ de las ldog pa'i phyogs gnyis so/ /dang po ni/ /gzhan gyi bsten bya lus las tha dad du byas par rang gi sten byed lus las tha dad du ma byas pa sbyor ba'o/ /'di la rang dang gzhan gyi bsten bya tha mi dad byas na pham par 'gyur zhing/ rang gi bsten bya tha dad par byas na sten byed gnyis ka rang gi phyogs su 'gyur ba'i phyir ro/ /gnyis pa las/ dge slong gi dbang du byas pa ni rang dang gzhan gyi @005b sten byed tha dad par byas pa rang gi bsten bya tha dad du ma byas par sbyor ba'o/ /dge slong ma'i dbang du byas pa ni/ gzhan kho na'i sten byed rang gi bsten bya tha mi dad du byas par sbyor ba'o/ /de ltar na snga ma la sbom po gsum/ bar pa la bzhi 'am gnyis/ tha ma la gsum ste/ brgyad dam bcu'o/ /rang dang gzhan gyi bsten bya sten byed gang rung gcig tha dad du byas/ gcig tha dad du ma byas pa las gzhan/ gang zag gzhan 'ba' zhig gi bsten bya sten byed gnyis ka lus las tha dad du byas pa dang/ tha mi dad gnyis kyang gzhan pho mo ma ning gi bsten bya sten byed gnyis dang/ gzhan du ste/ de gnyis rigs mthun nang la ma yin gyi/ rigs mi mthun du sbyor bar byed na sbom po ste 'di las drug go /de ltar na gnyis ka bsdoms pas bcu bzhi 'am/ bcu drug tu 'gyur ro/ /'dul byed kyi brjod pa la gnyis las/ thun mong ba bsams pa'i mtshan nyid ni/ dge slong gi zhes te/ rnam 'byed las/ myos pa/ sems 'khrugs pa/ tshor bas gzir ba rnams la ltung med du gsungs la/ 'dul byed las/ de gsum la rgyu du ma chis ngo bo ji lta bu la zhes dris pa'i lan du/ rgyu lnga lnga dang/ ngo bo dge slong du mi shes par gsungs pa'i phyir ma 'dir bsdus pa'o/ /dang po'i rgyu lnga ni nor dang/ longs spyod zad pa dang/ nye du zad pa dang/ 'byung ba cha ma snyoms pa dang/ mi ma yin pa'i stobs dang/ sngon gyi las kyi rnam smin no/ /gnyis pa'i rgyu lnga ni/ mi ma yin pas brlams pa dang/ bzhin gyi mdangs 'phrogs pa dang/ rdeg pa dang/ khams ma snyoms pa dang/ las kyi rnam smin no/ /gsum pa'i rgyu lnga ni/ rlung dang bad kan dang mkhris pa dang/ 'dus pa yongs su gyur pa ste/ @06a @#/ /las kyi rnam smin no/ /dge slong du mi shes pas ni bdag nyid la bstan par 'jug mi nus par stan la/ des yul dang bya ba la bstan par 'jug mi nus pa yang mtshon no/ /smyo ba sogs gsum gyi khyad par ni/ rgyu se sos skyed pa'i bsam pa 'dren mar gnas pa dang/ rang bzhin du mi gnas pa la rgyun du gnas pa dang/ de'i steng du lus kyang las su mi rung bar gnas pa'o/ /zhes snga ma rnams zer ro/ /thun mong ma yin pa la ltung ba la rnam dag gis sel ba la na smad pa ni nyams pa sogs te phyin tshul ni nang nas brtsams pa'o/ /'khrugs zhes pa ni btang ba ste/ gang 'khrugs na bcu gnyis spong byed kyi dge slong ma'i bslab pa yin gyi/ dge tshul ma'i bslab pa ni ma yin te/ dben pa sdig can gyi lhan cig sbyar ba'i gnas skabs nad nyams su ma myong ba'i phyir ro/ /gzhan du na pham pa dang 'dra ba'i nyes byas 'byung bas/ de'i lus la skye ba'i chos nyid med par 'gyur ro/ /gang gi tshe 'khrugs na rang la gzhan gyis bsten pa'i phyir rjod pa na de lta bu rung ngo/ / zhes dge slob mas gzhan la blangs pa'i phyir na myong ba'i phyir yin gyi/ btsal ba'i dus su ni ma yin te/ mngon par mi dga' ba'i phyir ro/ /khas blangs pa'i dus kho nar nyes byas byung la/ de nyid gtong ba'i rgyu yang yin no/ /skrag pa dang/ ngo tsha bas kyang zhes pa ni/ mtshams las 'das kyang nyams su myong na bdag gir byed pa med pas mthar thug gi de la bya'o/ /'o na klu rang gi lus sbrul du rgyu lnga las chags pa'i stobs kyi sprul pa zhig la lus kyis nyams su myong ba min nam/ des na bstan @06b gyis kyang myong bas pham par rigs so zhe na/ 'di la kha cig sngon la yul gyis nyams su myong ba yin zer ro/ /de ltar na rnam par dag pa la sun 'byin gyi bar chad mi srid pas des na sbyor ba'i chags pas sprul pa zhes zer ro/ /brngos pa zhes pa ni/ reg pa nyams su myong bar mi byed pa'i dbang du byas pa'o/ /mi 'dod bzhin du zhes pa ni/ phyugs zhes pa la yang sbyar ro/ /shes bzhin zhes pa ni/ 'og ma gsum la yang sbyar te/ bud med la reg pa spang ba'i phyir ro/ /legs par zhes pa ni/ rab tu byung 'dod legs par so sor brtag pa byas nas rab tu byung bar bya'o/ /'di rab tu 'byung ba'i gzhir don gyis bstan mod kyang/ 'dir brjod pa/ gal te bud med skyes pa gzhon nu 'dra ba rab tu byung ste/ dge slong dag gi nang du bzhag na gnod pa che bar 'gyur bas/ rab tu 'byung 'dod rtog pa la/ gus pa chen po bskyed pa'i phyir ro/ /'di ltar bslab pa thams cad la sbyor ba lhod na nyes byas su 'gyur bas mi lhod par bya dgos la/ lhag par yang rab tu byung ba la bya dgos so/ /zhes TIkka las so/ /'di la kha cig de lta na mtshungs pa'i phyir gzhi'i chos kun smis dgos par 'gyur zhes bkag nas/ mtshan gyi dbyibs tha dad pa'i dbyibs dang/ kha dog 'dra ba rab tu 'byin pa bkag ste/ pham pa'i rgyur 'gyur ba'i phyir ro/ /zhes rang lugs 'jog pa ni mi rigs te/ phyogs snga mar byas pa'i don yang de nyid yin pa'i phyir ro/ /rab byung bzhi'i chos kun slob dgos par mi 'gyur te/ 'di dang gzhi'i chos gzhan la pham pa dang po'i rgyur 'gyur ba'i dgag bya yod de gtan mi mtshungs pa'i phyir ro/ /dge slong mas zhes par yang dag gis ni/ grogs mo yod du zin kyang/ @07a @#/ /der blos dbab par mi bya bar ston no/ /ma byin par len pa la/ rnam 'byed kyi brjod pa la bzhi las/ gzhi la gnyis te/ gang la brku ba'i yul dang gang la brku ba'i dngos po'o/ /dang po ni/ mi yin pa/ rang la rdzas kyi sgo nas tha dad pa ste gnyis so/ /gnyis pa ni/ yul der dus de'i tshe sbyor ba gcig gis brku bya rku byed la bltos pa'i karsha pa Na bzhi cha tshang ba dang/ yul de dbang zhing bdag gir byas pa dang/ mi dbang ba ste gsum mo/ /bsam pa la gnyis las/ 'du shes ni yid gnyis yan chad kyis rnam pa ma dor ba'i ma 'khrul pa dang/ kun slong ni gzhan gyi yin te/ ma gnang yang/ bdag nyid kyi 'tsho ba'i ched du gtan du 'bral 'dod rgyun ma chad pa'o/ /sbyor ba ni/ gang la bsam pa de nyid la/ rang ngam bskos pas lus ngag tu grub par byas pa'o/ /mthar thug de'i rkyen gyis thob blo skyes pa zhes zer ro/ /tshig gi don la gnyis las/ ltung ba rnam gzhag gnyis la mdor bstan pa ni/ gang byas na ma byin par len pa'i pham par 'gyur zhe na/ dge slong gi gang la brku ba'i phyir rang kho nas bya ba byed pa'i brku ba'am/ rang gis bcol nas gzhan gyi rdzas rku bar byed pa'i brkur bcug pa dag gis brkus na'o/ /rang gi lus ngag 'ba' zhig tu yang ma zad do/ /mngags pas brku ba'am/ brkur bcug pa dag gis kyang ngo/ /rku ba ni mngags pa rang gis lus kyis byed pa'o/ /brkur bcug pa ni/ mngags pas song la rang gis rkus shig song la rkur chug cig ces byed du bcug pa'o/ /mngags pa'i mngags pas bcug pa yang bye brag med do/ /ci zhig tu brku ba'am/ brkur bcug pa dang/ mngags pas @07b kyang kha na ma tho ba der 'gyur zhe na/ ma byin pa zhes te/ byin pa la yang rku sems kyis len pa srid pas bye brag tu bya'o/ /tshad ci tsam zhe na/ ma sha ka zhes so/ /sems ji lta bus zhe na/ rku sems kyis so ci mi ma yin pa'i rgyud kyis yongs su bzung ba'am zhe na/ mi yis zhes so/ /de yan chad la mdo dang po gnyis sbyar ro/ /mis bzung ba'i rdzas la/ 'gro ba gzhan gyis bzung ba'i 'du shes kyis rku na kha na ma tho ba de nyid du 'gyur ram zhe na/ mi'i rgyud kyis yongs su bzung ba der 'dus pas so/ /de ltar na ma byin par len pa'i phas pham pa ni/ yan lag lnga dang ldan pa yin te/ ma byin pa/ ma sha ka lnga la sogs pa/ rku sems/ mi'i rgyud kyis bzung ba/ der 'du shes pa/ yan lag gang yang rung ba ma tshang na na smad pa kho nar 'gyur ro/ /rgyas par bshad pa la yan lag gi mtshan nyid la gsum las/ bdag po'i mtshan nyid kyi spyi don la gsum ste/ mtshan nyid dang/ dbye ba dang/ 'doms na gang gtso bo'i don no/ /dang po la/ kha cig /dngos po la dbang ba/ bsam pas bzung ba/ gzhan la ma bsngos pa dang/ gsum ldan du 'dod la/ kha cig /rigs ma 'phos pa dang bzhir 'dod pa la/ gzhan dag na re/ de dag bdag po tsam gyi mtshan nyid du byed na/ dang po gcig pus chog pas lhag ma don med cing/ pham pa skyed nus kyi bdag po'i mtshan nyid du byed na/ dud 'phro dang mi ma yin la ha cang thal lo/ /gzhan yang gsum pa smos mi dgos te/ dang por 'dus pa'i phyir ro/ /des na dngos po la dbang zhing bdag gir byas pa'o/ /gnyis pa la dbye ba'i gzhi ni/ bdag po tsam mo/ /dbye ba'i sgo ni/ mtshan nyid tha dad pa'i sgo nas bzhi ste/ @08a @#/ /bsam pa dang sbyor bas bdag por gyur ba dang/ yul gyi chos kyis bdag por gyur pa dang/ rigs brgyud kyis bdag por gyur pa dang/ sangs rgyas bka' stsal gyi stobs kyis bdag por gyur pa'o/ /dang po la gsum ste/ sbyin pa pos btang zhing len pa pos bdag tu byas pa dang/ sbyin pa pos yongs su btang ba tsam gyis bdag por gyur ba dang/ bdag po med pa la len pa po'i bsam sbyor gyis bdag gir byas pa tsam gyis bdag por gyur pa'o/ /gnyis pa ni/ sho gam ni srung ba po dbang ba lta bu'o/ /gsum pa ni/ pha'i nor bu dbang ba lta bu'o/ /bzhi pa la gsum ste/ sangs rgyas la phul ba ni/ de kho na dbang ba dang/ chos la gnyis las/ don dam pa'i chos la phul ba de kho na dbang gi /gang zag gis spyad du mi rung ba dang/ brdar brtags pa'i chos la gnyis las/ sgrub pa'i chos la phul ba ni/ dge 'dun gyi rnyed pa ste/ de'i rgyud la mnga' ba'i phyir ro/ /lung gi chos la phul ba ni/ gtsug lag gi tshigs su bcad pa gcig yan chad dbang ngo/ /dge 'dun la gnyis te/ dus dang blo bur gyi rnyed pa la bdag por 'gyur tshul/ shi ba'i yo byad kyi rnyed pa la bdag por 'gyur tshul lo/ /dang po la gnyis las/ dus kyi rnyed pa la bdag por 'gyur tshul ni/ sra brkyang gi rnyed pa der gtogs dbang ba dang/ dbyar rnyed la yun ring du gnas pa bdag por 'gyur ba'o/ /glo bur du rnyed pa bzhi ste/ khrims su byas pa dang/ mtshams kyis bsgrubs pa dang/ so sor nges pa dang/ mngon du gyur pa ste/ yon bdag gam mchod gnas kyis ji ltar dbang bar khrims su byas pa dang/ dge 'dun tsam la bye brag tu ma phye bar phul ba mtshams @08b gcig gi khongs su gtogs pa rnams dbang ba dang/ sde pa'am gang zag 'di la 'bul zer na dbang ba dang/ sbyin bdag gi mngon sum na gnas pa de nyid dbang ba ste go rim bzhin no/ /shi ba'i yo byad la bdag por gang 'gyur ba la gnyis te/ rab byung dang/ rtags can shi ba'i yo byad la bdag por gang 'gyur ba'o/ /dang po la gnyis te/ dge 'dun la dbang ba dang/ mi dbang ba'i rnyed pa'o/ /de la lnga ste/ shi ba'i snga rol tu nges par byas pa dang/ bu lon pa'i rdzas ji tsam spong ba dang/ sde tshan gyi yo bya dang/ nad g.yog gi yo byad dang/ khyim na gnas pa'i rnyed pa'o/ /phyi ma gnyis ni/ chos lnga dang ldan pas dbang ste/ sde lnga'i sdom pa gso rung yan chad dang ldan pa dang/ shi ba dang/ lta spyod gyi sgo nas mthun pa dang mtshan mthun pa dang/ gnas nas ma phyung ba ni thun mong yin la/ g.yog gi bya ba byas pa dang/ yo byad kyis 'phongs pa ni so sor ro/ /lhag ma ni dge 'dun dbang ba'i rnyed pa ste/ glegs bam la sogs pa bzhag pa dang/ gos la sogs pa bgo ba dang/ 'bru la sogs pa bza' bcar ci rigs su bya'o/ /rtags can shi ba'i yo byad la rin po che dang 'bru la sogs pa la dkon mchog gsum bdag por 'gyur la/ khyad par du/ mu tig ni sangs rgyas dbang zhing/ gzhan rnams ni ci rigs pa'o/ /go cha la sogs pa ni/ rgyal po 'khor dang bcas pa dbang ngo/ /'doms na/ gang gtso ba ni/ rags par ni khyim pa'i rdzas la yul chos gtso zhing/ rang byung gi sangs rgyas kyis ji ltar gsungs pa gtso bo'o/ /zhib mor ni/ dang por shi ba'i gong du nges par byas pa dang/ de nas bu lon pa dang/ de nas nad g.yogs pa dang/ de nas te mtshan gyis te/ rigs brgyud ni mi dbang ngo/ /tshig gi don ni mi'i rgyud kyis @09a @#/ /bzung ba zhes smras na/ rlung la sogs pas khyer ba de bdag po dang bral ba yin nam min zhe na/ btso blag mkhan gyi gos dang/ dge slong gi yo byad rlung dang/ rkun po la sogs pa dag gis khyer ba nyid na/ bdag pos bdag gi ba'i bsam pas btang ba ni/ dang po'i bdag po nyid dang ma bral ba nyid yin pas/ dang po len na pham par 'gyur shing/ phyi ma la na smad do/ /phyi ma la bdag gir byed pa'i bsam pa btang ba ni ma byin len du 'gyur ro/ /mi'i rgyud kyis bzung ba zhes gsungs na/ mi'i bdag po dang bcas pa'i dud 'gro'i rdzas rku na ci 'gyur zhe na/ 'jig rten gyi tha snyad smra mi shes pa dbang ba'i rdzas ni skyong ba'i zhal ta byed pa bdag po nyid yin no/ /gnyis ka dbang na 'du shes kyis bzhag ste/ bya la btags pa'i rgyan lta bu la/ 'di ni mi yi yin gyi/ bya la ga la yod snyam na rin thang brtsi bar bya zhing/ de las ldog na na smad do/ /ci dud 'gro'i zas skom rku ba la yang de nyid rnam par bzhag gam zhe na/ bza' btung gi zhes so/ /nags mes btang ba la sogs pa dag gis ri dwags la sogs pa gsod pa na bdag po gang yin zhe na/ nang zhes te/ lings pa ma yin pa'i rku sems kyis len par byed na rkun por 'gyur te/ bdag po gzhan yod kyang de'i dus na lings pa kho na dbang ba'i phyir ro/ /ri dwags la sogs pa smos pa ni mtshon pa ste/ phyugs dang/ mi lings btab pa bdag po dang bcas ma bcas rnams kyang 'dra'o/ /bdag po ma nges pa'i rdzas la ltung ba ji ltar bzhag ce na/ 'di bdag po dang bcas pa zhig gam/ 'on te min zhes bye brag ma phyed pa gter la sogs pa'i rdzas gang yang rung @09b ba brkus pa la ni/ gzhi'i ngo bo nyid nas ltung ba rnam par bzhag gi /'du shes las ni min te/ bdag po dang bcas pa zhig na yan lag tshang na pham pa dang/ bdag po med na sbom po'o/ /bdag po ma yin pa la yin par 'du shes pa'i cha nas brkus na de la bltos pa'i na smad pa re rer 'gyur te/ de la rku sems yod pa'i phyir dang/ don dang phrad pa med pa'i phyir ro/ /grangs ji snyed pa'i ltung ba 'byung mi 'byung ni/ thams cad kyi yin yang sku snyam pa byung ma byung gi ste/ snga ma srid pa tsam mo/ /rin thang gi mtshan nyid ni/ rin thang zhes so/ /'o na sbyor ba gnas dang/ dus gzhan du byas shing mthar thug gzhan gyi tshe grub na ji ltar zhe na/ mthar thug gi gnas dang dus kyis bzhag ste/ bshig ste zhes bshig pa'i tshe rin thang brtsi bar gsungs pa'i phyir ro/ /de'i tshe lus byed pa po dang mi 'gal te/ med mi rung gi sbyor ba de'i tshe na yod pas so/ /de la len pa pos thob kyang rdzas bdag gis shor ba med par mi rigs so zhe na/ mthar thug gi dus na bsam pa btang na dogs pa med la/ ma btang na rdzas dang/ bdag po yul so sor gnas kyang shor ba yod do/ /de lta na yul gzhan nas gzhan du spogs byas pa'i skyed la thob blo skyes na yang pham par thal lo zhe na/ snga ma brkus pa'i sbyor ba de nyid kyi rkyen gyis rin thang tshang ba thob cing shor ba yin la/ 'di ni spogs kyis sbyor ba gzhan gyis rin thang tshang ba thob pas mi mtshungs so/ /sbyor ba'i sar rin thang tshang na thob pa la/ rin thang ma tshang ba'i sar thob blo skyes na bdag po dang/ rkun ma'i gnas gang nye bas 'jog la/ mnyam na ni rkun ma'i gnas kyis 'jog ste/ sgra mi snyan du rku na rkun ma'i yul gyis 'jog pa bzhin no/ /sel ba la @10a @#/ /spyi'i don la bzhi ste/ dbye ba/ mtshan nyid gang gis sel ba gang yin pa/ 'das na cir 'gyur tha dad pa bcas pa'o/ /dbye gzhi ni/ sel ba tsam mo/ /dbye sgo ni yan lag gi rjes su 'brang nas yin te/ 'di ltar yan lag la thun mong yin min gnyis yod pa dang/ thun mong la bslab pa/ bsam pa/ lus/ mtshan gzhi yod pa ltar de dang de'i sel ba'i grangs kyang de ltar dang/ thun mong min pa la gzhi la sogs pa bzhi yod pa ltar du sel ba yang de dang 'dra bar ro/ /gnyis pa la mtshan gzhi ni de dag gang yang rung ba'o/ /mtshon bya ni sel ba'o/ /mtshan nyid ni rang rang gi dngos gzhi bskyed pa la gegs su gnas pa'o/ /rang rang gi zhes pa ni/ dud 'gro gsod pa de pham pa'i gegs su gnas kyang ltung byed kyi sel bar mi 'gyur bas gang gi gegs su song ba de'i sel bar go ba'i ched du'o/ /dngos gzhi'i gegs zhes ma smos na yan lag rnams la yang rang rang gi mtshan nyid yod pa khyab ches pa spang ba'i phyir ro/ /zhes zer te/ sbyor ba gnyis dang/ bslab bya'i nyes byas kyi sel ba la ma khyab pa 'dra'o/ /gsum pa ni/ ci rigs su shes par bya ba ste/ skabs 'dir ni ma bsam pa zhes sogs rku sems kyis sel ba ste/ de yang ma bsam pa ni gzhan gyi yin te snyam pa dang rnya ba dang/ yid gcugs ni ma gnang yang/ snyam pa'i sel ba'o/ /sngar zhes dang/ nom pa dang/ phri ba zhes dang/ phur ba zhes pa ni sel ba gtso bor ma zhugs par dogs pa spong ba dang/ yul gyi dbye ba ston pa de/ sngar rku ba'i sbyor ba sgrub pa la phyis 'gyod na snga ma 'dag gam snyam pa spang ba dang/ sbyor ba la sbom po dang/ sbyor ba'i sbyor ba la nyes @10b byas su smras pa'i mtshams gang nas 'dzin bstan pa dang/ phur pa las bkrol ba la no ma nyug gi sbom por 'gyur ro snyam pa spang ba'i phyir ro/ /sel bar byed na ni/ kun slong rgyun chad pa dang/ mthar thug gi sel ba ste/ dang po ni dang po dang/ gnyis pa ni/ bar pa gnyis so zhes zer te/ phyi ma la sel ba'i don med do snyam mo/ /de'i gzhi zhes pa ni 'dra ba'i zhar la 'dra ba byung ba'o/ /bzhi pa la bzhi ste/ na smad du dang ches na smad du/ /gzhan du 'gyur ba dang/ ltung ba med par 'gyur ba'o/ /dang po ni/ pham lhag gi skabs su sbom po dang/ de dang ltung byed/ sor bshags gsum gyi skabs su nyes byas dang/ de'i skabs su nyes byas/ ma mor na smad de/ dper na mi rdzas rin thang tshang ba la thob blo skyes na dngos gzhi la pham pa/ sbyor ba la sbom po/ sbyor ba'i sbyor ba la nyes byas so/ /mi ma yin gyi rdzas rin thang tshang ba la thob blo skyas na dngos gzhi la sbom po/ sbyor ba la nyes byas/ sbyor ba'i sbyor ba la nyes byas phra mo ste/ de bzhin du pham lhag kun la sbyar ro/ /dge slong ma rnam dag la 'khrur bcol na dngos gzhi la spang ba sbyor ba dang/ sbyor ba'i sbyor ba la sngar ltar ro/ /de bzhin du sor bshags la sbyar ro/ /sham nthabs rung ba tshad ldan zlub por ma bgos pa la/ dngos gzhi la nyes byas/ sbyor ba la phra mo/ sbyor ba'i sbyor ba la ches phra mo ste/ de bzhin du gzhan la yang shes par bya'o/ /zhes snga ma rnams gsungs te/ pham pa zhar byung du go bar bya'o/ /gnyis pa ni/ pham lhag la dngos gzhi legs par gsum du nyes byas dang/ de phra mo dang/ ches phra mo gsum dang/ spang pa la sogs pa gsum la ni nyes byas phra mo la sogs pa gsum du 'gyur ba ste/ @11a @#/ /dper na lha rdzas rin thang ma tshang ba la dngos gzhi la nyes byas dang/ sbyor ba gnyis la phra mo dang/ ches phra mor 'gyur ba lta bu ste/ pham lhag gzhan kun la'ang de bzhin du shes par bya'o/ /dge slong ma ma dag pa/ lta ba mi mthun pa la 'khrur bcol ba la yang snga ma bzhin du 'gyur ba yin no/ /de'i phyir 'di la dngos gzhi la nyes byas phra mo byed pa ma yin te/ gzhan la yang de bzhin no/ /sham thabs mi rung ba sogs zlum por ma bgos pa la dngos gzhi la phra mo legs par 'gyur ro/ / 'dir ches phra mo zer ba ni ma yin no/ /de bzhin du gzhan la yang sbyar ro/ /gsum pa la gsum ste/ sde tshan dang bcas pa dang/ gnas skabs gzhan du 'gyur ba'o/ /dang po ni/ pham pa'i sde ni yan lag yin la/ sde tshan bzhi ni sel ba ste/ dper na/ mi gsod kyi sel ba dud 'gro bsad pa ni ltung byed kyi sder 'gyur ba bzhin no/ /gnyis pa ni/ mi tshangs par spyod pa'i pham pa yan lag yin la/ gzhan gsum sel bar 'gyur ba lta bu ste/ dper na/ sbyor ba gsal ba'i sel ba mi gsal bas skur ba la bag tsam gyi bcas pa bzhin mdzad pa lta bu'o/ /gsum pa ni/ tha snyad gzhan du brjod pa tsam yin gyi/ don ni sngar bstan pa gsum dang/ phyis ston pa las tha dad pa mad de/ pham pa'i gnas skabs las lhag ma dang/ ltung byed dang/ so sor bshags pa dang/ dngas gzhi'i nyes byas su 'gyur na ni/ sde tshan tha dad par 'gyur la/ sbom por 'gyur na na smad dang/ nyes byas su 'gyur na ches na smad dang/ ltung med ni der 'gyur bas bstan pa'i phyir ro/ /bzhi pa la bzhi ste/ dngos gzhi'i ltung ba med pa dang/ @11b ltung ba rnam dag bzhed pa dang/ skabs 'dir gtogs pa'i ltung ba med pa dang/ ltung ba gtan med pa la dgongs te/ ltung byed du gsungs so/ /dang po ni/ tshe dang ldan pa dag /nyung du nyung du nas brkus na ltung bar mi 'gyur ro zhes pa dang/ gzhan la ni ltung ba med ces pa lta bu'o/ /zer te/ snga ma yid ches pa'i lung du mi rung la/ phyi ma la 'grel pas rgyun gcig la ltung ba yod pa dang/ ldog pa la ltung ba med par gsungs pa dang mi mthun par snang ngo/ /gnyis pa ni/ sho gam mi gcod pa'i sa nas rdzas dang bcas te 'gro ba dang/ nye sde la ltung ba med do/ /zhes gsungs pa lta bu'o/ /de ni bslab par bya'i nyes mad ni ma yin no/ /gsum pa ni/ las su ma byas pa yang ngo/ /zhes pa lta bu ste/ skabs gzhan du 'bru brjen pa gnyis bkag pas so/ /'di gsum la de lta ma yin na ltung ba gtan med dang zlos pas zhes zer yang/ de dag thams cad ltung ba gtan med pas gzhan yin min rtsod pa'i gzhir gyur pas gnod byed du mi rung ngo/ /bzhi pa la gnyis/ bcas par mtha' dag gi ltung med/ bcas pa 'ga' zhig ltung med do/ /dang po ni/ sdom pa med pa/ yod kyang ma bcas pa/ rang bzhin du mi gnas pa/ rang rang gi kun slong med pa zer te/ kun slong la mi bltos pa bya rgyu mi byed pa'i ltung ba 'ga' zhig la ma khyab bam snyam mo/ /gnyis pa la/ dgag bya nyes dmigs med pa dang/ rnam dag bag yangs dang 'brel ba dang/ bar chad kyi rkyen dang ldan pa dang/ sgrub par mi nus pa'i phyogs gcig gis ltung ba med par gyur pa'o/ /rang bzhin rnam dag la ltung med du mi 'gyur ba'i rgyu mtshan ni/ ngo bo nyid kyis sdig tu 'gyur bas/ dgag bya med @12a @#/ /pa mi srid pa'i phyir dang/ de'i phyir bcas pa gzhig mi nus pa'i phyir dang/ bcas pa yod pas ltung ba yod la/ de la zhugs na de la tshul khrims kyi bar chad du 'gyur ba'i phyir dang/ tshul khrims kyi don du sreg yal bar 'dor dgos par gsungs pa'i phyir ro/ /dang po ni/ rdo ba la rim pa lhag par brtsig pa dang/ bye ma brko ba la sogs pa la ltung ba med pa lta bu ste/ rgyu mtshan ni bcas pa med pa'i phyir te/ dgag bya med pa'i phyir ro/ /ma nges pa ni dgag byas don med par 'gyur te/ dgag bya mi 'gegs pa'i phyir ro/ /'o na srog chags la mi gnod pa'i sa brko ba dang/ mi bzi tsam gyi chang 'thung ba la yang ltung med du 'gyur te/ dgag bya med pa'i phyir ro/ /zhe na/ dngos kyi dgag bya med pa ni ma nges te/ skyon smra ba bzhin no/ / brgyud pa'i dgag bya med pa ni ma grub ste/ ha cang thal ba sogs yod pas so/ /snga ma la mi mtshungs te/ dngos po nges pa sogs kyis mtshams zin pa'i phyir ro/ /gnyis pa ni/ gang zag rlabs po che bstan pa la gzhug pa'i don dang/ rkyen dka' bas 'tshe ba'i don du gang zag mang po tshogs te/ bag yangs byas pas nyes pa med pa'o/ /de yang gnyis te/ bag yangs chen mo dang/ bag yangs kha 'thor ba'o/ /de la nyes pa med pa'i rgyu mtshan ni/ rten de la yul dus der bcas pa bshig pa'i phyir te khrims bshig pa bzhin no/ /de yang yul der cho ga byas pa'i gnas skabs la ma bcas pa la bshig par ming btags pa yin la/ gnang ye gnang yin pa'i phyir ro/ /gang gis bshig pa tsam gyis gzhig par mi nus te/ gzhan du na rang gzhan la thal bar 'gyur ba'i @12b phyir ro/ /zhes zer ba ni/ bkag pa thams cad ye bkag dang/ gnang ba thams cad ye gnang gi lugs 'ongs pa yin no/ /gsum pa la gnyis/ rang gi dang/ gzhan gyi bar chad kyi rkyen dang ldan pas ltung ba med pa'o/ /dang po la gnyis/ gtso bo'i dang/ gtso bo ma yin pa'i bar chad dang ldan pas ltung ba med pa'o/ /dang po la gsum/ tshul khrims kyi dang/ dge sbyong tshul gyi dang/ srog gi bar chad kyi don du ltung ba med pa'o/ /de dag gi don du ltung ba med pa'i tshul ni/ chang ma gtogs pa'i bcas rkyang mtha' dag srog gi bar chad spang ba'i phyir gnang ste/ phran tshegs las/ chang ma gtogs pa bcas pa mtha' dag gis nad pa bskyang zhes gsungs zhing/ rigs pas kyang/ bcas rkyang las de spangs pa dgos pa che ba'i phyir ro/ /ma nges pa ma yin te/ bcas pa mtha' dag dgag dgos la ltos pa'i phyir ro/ /tshul khrims kyi bar chad kyi don du yang gnang bar 'gyur te/ srog gi bar chad las de'i bar chad che ba'i phyir/ chu tshags med par 'gro ba'i byung ba'i mtha' bzhin no/ /dge sbyong gi tshul gyi bar chad ni/ lam lnga ci rigs su skye ba'i gegs te/ de spang ba'i phyir du yang gnang bar 'gyur te/ tshul khrims dag par bya ba nyid de'i don du yin pa'i phyir te/ dgra bcom pa thob pa na rab tu byung ba'i bya ba byas so zhes sgra sgrog pa'i phyir ro/ /zhes snga ma rnams zer ro/ /'on kyang nad pa la mi'i sha ma gnang ba'i don brtag par bya'o/ /dang po la gnyis/ dngos kyi don dang/ zhar las byung ba'o/ /dang po la gnyis/ de'i rang bzhin dang/ ltung med du 'gyur ba'i tshul lo/ /dang po ni/ bcas pa 'ba' zhig drung na/ sdig dang 'brel ba'i pham pa nas bsdam bya yan chad 'byung la/ de bag yangs @13a @#/ /su byas na de dag mi 'byung ba'o/ /gnyis pa ni/ rang gzhan gyi ltung ba bsdam bya yan chad kyi ngor/ chang ma gtogs pa'i bcas rkyang pham pa man chad kyang gnang ste/ sngar smos pa'i lung dang/ rigs pa yang bcas rkyang mtha' dag bcas pa'i rten rnams dngos dang/ brgyud pa'i sgo nas rang gzhan spang ba'i don du bcas pa'i phyir ro/ /de ltar yang smyug tshal zhes so/ /dpes mtshon na mngon tshan nyo tshong la spang bar 'gyur la/ chags rgyud sbyang ba'i don du nyes byas su gsungs pa lta bu'o/ /de yang nyes pa med tsam ma yin gyi ma byas na ltung bar 'gyur te/ 'di ltar de ma byas na bu lon mi 'khor la/ des ma byin len gyi pham par 'gyur bas tshul khrims kyi bar chad du 'gyur zhing/ g.yo sgyu ma 'brel bas nyo tshong byas pas yul dus dang sbyar ba'i khe thob nas bu lon 'khor bas tshul khrims kyi bar spong ba'i dgos pa yod pa'i phyir ro/ /yang na cho ga btsan po yod bzhin du bag yangs su byas pa'i skyon yod de/ 'di ltar de'i tshe de gnyis dgag bya chen pos zil gyis mnan pa dang/ de gnyis bsrung ba'i dgag bya chung ba bar chad spangs pa'i dgos pa chen pos zil gyis mnan pas dgag dgos chung ba can gyi ngor che ba gnang ba nyes med yin la/ ma byin len gyi ltung ba ni/ bsrungs pas nyes pa med pa'i phyir ro/ /nyes pa gnyis ka mi 'byung ba thabs bzang po yin la/ de bzhag ste thabs dman shos dgag dgos chung ba can gyi bya ba bsrungs pa'i phyir ro/ /de bzhin du kun la shes par bya ste/ rgyu mtshan mtshungs pa'i phyir ro/ /gnyis pa ni/ kha cig /rang gzhin che chung 'doms na che ba'i ngor chung ba gnang ste/ @13b bshags pas chog pa'i phyir zhes zer ro/ /de ni mi rigs te/ ngo bo nyid kyis sdig pa dang 'brel ba'i gnang ba 'gal ba'i phyir ro/ /sgrub par mi nus pa'i nyes pa yang med de/ de'i nyes pa mthar thug srog la gnod pa yin la/ de'i don du srog gtong bar gsungs pa'i phyir ro/ /srog la ma bltos pa rang gzhan yang min te/ tshul khrims dag pa'i don du sems dpa' zhugs kyi/ ma bltos pa la ma zhugs pa'i phyir ro/ /rang gzhan la gnang ba med na/ rnam 'byed las/ smyo ba sogs la ltung med du gsungs pa dang 'gal zhe na/ de ni bcas pa sgrub nus kyi bsam pa las nyams pa'i skyon med do/ /bcas pa'i rten ma yin pas gnang ba'i tha snyad med par 'dod pa la/ nad pa la phyi dro'i kha zas gnang bas ma nges par smra ba'i lan du sde lnga'i bcas pa yod med smra ba ni 'thad pa ma mthong ngo; ;sgrub byed kyang mi 'thad de/ gnang na bshags pa mi dgos pa'i phyir ro/ /bcas rkyang nang 'doms pa la/ ltung ba che ba'i ngor chung ba gnang ba'i nges pa med de/ /lag nyar reg pa'i nyes byas spong ba'i don du me la reg pa'i ltung byed gnang ba'i phyir ro/ /kha cig /ltung byed gnang ba ma yin te/ dus dran par byas nas reg pa la ltung ba med pa'i phyir ro/ /zhes zer ro/ /de la kha cig /de ni mi rigs te/ me la reg 'dod kyis bsam pa reg pa'i bya ba dang bcas pa ltung byed skyed pa'i rgyu yin la/ de gnang ba'i phyir ro/ /de lta ma yin na ltung ba gnang ba'i tha snyad rgyun chad par 'gyur te/ ltung ba'i ngo bo nyid du grub pa la gnang ba gcig kyang med pa'i phyir ro/ /gzhan yang/ gnang na ji lta bu gnang/ gal te nad pa la phyi dro'i kha zas lta bu'o zhe na/ de la dang po nyid nas ma bcas pa'i phyir ro/ /ltung ba nyid du @14a @#/ /ma grub ste/ gnang ba'i tha snyad rgyun chad 'dod na/ ltung byed du gyur pa bag yangs su gnang ngo zhes pa dang 'gal lo/ /de ltung byed kyi kun slong yin pas snyam na/ 'di yang me la reg 'dod bcas pa yin pas so/ /dus byin gyis brlabs pas ltung ba med do snyam na yang/ snga ma la yang rang dga' med pas so/ /des na chung ba'i ngor che ba gnang ba'i tha snyad thob pas ma nges so/ /dgag dgos che chung ba gzhan na ni/ che ba'i ngor chung ba gnang ba'i phyir te/ /bcas pa mtha' dag dgos pa la bltos pa'i phyir ro/ /dgag dgos snyam pa la bcas pa che chung 'doms na che ba'i ngor chung ba gnang bar nges te/ bcas pa'i chad pa che ba'i phyir te/ de che ba'i don gyi 'jog byed kyi dgag bya'ang che bar grub pa'i phyir ro/ /'o na bcas pa che chung dang/ dgag bya che chung 'brel lam/ ma 'brel zhe na/ tsha rong pa na re/ ma 'brel te/ dbyen dang khrag 'byin pa dgag bya che yang/ bcas pa sbom po las med la/ 'chab pa dang spangs pa rjes phyogs la de lta bu'i dgag bya med kyang pham par bcas pa'i phyir ro/ /zhes zar ro/ /de la kha cig de ni ma yin te/ bya ba de 'brel gyi dgag dgos la bcas pa gnyis 'chab pa'i nges pa med la bcas pa rnam 'jog gi dgag dgos yod na/ nges pas 'brel ba yod de/ 'di ltar dgag bya'i khyad par gyis/ mi dang dud 'gro bsad pa dang/ mi dang 'gro ba gzhan la brkus pa dang/ bsnyen par rdzogs pa dang/ ma rdzogs pa la skur pa btab pa dang/ dge slong las gyur pa rnams la bya ba ma yin pa byas pa la sogs pa bcas pa che chung bzhag pa'i gzhung du ma @14b dang 'gal lo/ /sgrub byed du mi phye ba ni/ bya ba de 'brel gyi sdig che yang bcas pa mi phye ba ni/ 'byung ring pa'i phyir te/ dper na bud med kyis yang yang zos pa la ma dad pa'i dgag bya yod kyang skyes pa nas 'byung ring ba'i phyir ro/ /bcas pa chung ba bzhin no/ /'chab pa dang ldog pa la dgag bya chung bar ma grub ste/ bud mad la 'chab pa'i sred pa stobs che bas ltung ba la 'dzem pa med par 'gyur ba dang/ rang rigs kyi dge tshul ma'i khrims las 'gal te/ rang rigs la gnod tshangs che ba'i phyir ro/ /'o na bcas pa che ba'i 'chab pa'i dgag bya'ang zhe na/ nges pa med de/ kha cig 'byung nye ba dang/ kha cig ltung ba gzhan gyi rgyur 'gro ba log ba ci rigs so/ /'o na bcas pa che ba'i rigs gnang bar ma nges pa dang/ dgag bya cha ba'i ngor snang ba 'gal lo zhe na/ skyon med de/ gnang ba'i rgyur byed pa ni/ bya ba de 'brel gyi dgag dgos che bas kyang 'gyur ba'i phyir ro/ /gsum pa la gnyis/ de'i rang bzhin dang/ ji ltar gnang ba'i tshul lo/ /dang po ni/ bcas pa 'ga' zhig yal bar dor na/ lam lnga ci rigs pa rgyud la skye la/ bsrung na de lta ma yin pa'o/ /gnyis pa ni/ chang ma gtogs pa'i bcas rkyang mtha' dag gnang ste/ de mtha' dag dngos sam/ brgyud pa'i sgo nas lam mtha' dag rgyud la bskyed pa'i don du bcas pa'i phyir ro/ /kha cig na re/ gnang ma gnang la dgag dgos mi gtso yi/ bcas pa 'ba' zhig gtso bo zhes zer ro/ /de ni ma yin te/ dgag dgos kyang gzhan la gnas la bcas pa'ang gzhan du 'gyur ba'i phyir zhing dang/ rim pa bzhin/ zhes zer ro/ /gsum pa la yang sngar lta bur gnyis las/ dang po ni/ bcas pa 'ga' zhig bsrungs na nges par 'chi la/ @15a @#/ /ma bsrung na de lta ma yin pa'o/ /gnyis pa ni/ chang ma gtogs pa bcas pa'i mtha' dag gnang ste/ lung sngar ltar dang/ rigs pa ni/ srog gi bar chad ma bsrungs pa'i dgag bya gnyis phyi ma che ba'i phyir ro/ /gnyis pa la gsum/ lus kyi dang/ dge ba'i dang/ longs spyod kyi bar gcod de dag gi lus srog dang tshul khrims dang dge sbyong gi tshul gnyis mi zlos te/ snga ma gnyis la thug kyang phyi ma gnyis la mi thug pa'i phyir ro/ /de gsum la yang gnyis las/ rang bzhin gyi bcas pa 'ga' zhig bsrungs na lus la gnod pa dang/ dge ba'i sbyor ba nyams pas bsod nams mi thub pa dang/ phrogs pa la sogs pas longs spyod la gnod pa 'byung ba ma bsrungs na de lta ma yin pa'o/ /gnang ba'i tshul ni/ gsum gyi dgag dgos 'gran pa'i tshe/ de gsum dgag dgos che na gnang/ bcas pa dgag dgos che na mi gnang bas bcas pa mtha' dag gnang ba'i nges pa med do/ lus la sogs pa gsum gyi don du gnang ba ni/ dper na nad par gnang ba nyal ba dang/ dkon mchog mchod pa'i don du glu len pa dang/ chom rkun pas 'jigs pa'i tshe rin po che la reg tu rung ba bzhin no/ /gzhan gyi bar chad bsrungs pa'i don du nyes pa med pa la gtso bo yin min gnyis las/ dang po la/ tshul khrims sogs kyi bar chad gsum gyi rang bzhin sngar bzhin te/ gzhan gyi rgyud las zhes pa ni khyad par ro/ /ji ltar gnang ba'i tshul ni/ rang gi gtso bo gsum dang ma 'doms pa'i tshe/ chang ma gtogs pa mtha' dag gnang ste/ bar chad bsrungs pa nyid dgag dgos che ba'i phyir ro/ /gtso bo gsum la kha cig na re/ @15b 'doms na mi gnang ste/ dgag dgos che ba'i phyir ro/ /de ltar rtsa 'grel las/ rang la mi gnod na zhes dang/ rang dang gzhan bsrung bar nus na zhes 'byung zhing/ rigs pa yang las dang po la rang bsrung ba gtso ba'i phyir ro/ /rgya na re/ gzhan gyi srog gi don du rang gi gtso bo gsum dang ma 'doms yang/ thams cad gnang bar ma nges te/ snying rje dang ldan pa'i zhes dang/ ma'i rnam 'byed las/ bud med skyon gsum ldan rab tu 'byin pa la lhag mar gsungs pa'i phyir ro/ /zhes zer ro/ /de ni mi rigs te/ bcas pa mtha' dag dgag dgos la ltos pa yin la/ rang gi gtso bo gsum dang ma 'doms nas bcas pa bsrungs pa bas bar chad spangs pa dgos pa che ba'i phyir ro/ /gzhan yang rang gi skabs su gtso bo gsum gnang ba'i tshul 'dra bas/ gzhan gyi la yang gnyis pa'i don du gnang bar mthun pas/ srog gi don du yang gnang bar 'ongs te/ gsum po nang gi rgyu mtshan mtshungs pa'i phyir rgyu mtshan la khyad par 'byung bar 'gal bas so/ /nyes byas su gsungs pa ni/ rku sems kyis byas pa la yin pas bcas rkyang ma gnang ba'i khungs su mi 'gro zhing/ rab tu 'byin pa lhag mar gsungs pa yang rab tu phyung yang/ bar chad mi spong zhing/ bstan pa la rma 'byin pa dgongs pa yin te/ ma'i rnam 'byed las so/ /kha cig na re/ rigs pa yang btsun mo 'phreng ldan ma la skyabs su song bar gsungs pa'i phyir dang/ de lta ma yin na reg pa gnang la 'di ma gnang bar 'gal te/ lhag mar mtshungs pas so/ /zer ba'i phyi ma'i rgyu mtshan ni mi 'thad de reg pa gnang ba la lhag ma'i kun slong med pa'i phyir/ gzhan gyi dbang du byas pa'i bar chad gsum pa'i tshe/ rang gi gtso bo @016a @#/ /gsum dang ma 'doms pa na gnang ba'i dpe ni/ dpal yon can la bden pa mthong ba'i phyir du bstan pa dang/ nub lhag par nyal ba la gsungs pa dang/ reg pa la gsungs pa gsum dang/ rim pa bzhin no zhes zer/ dpal yon can ni dpal ldan ma yin min brtag go/ gtso bo ma yin pa'i bar chad gsum ni/ rang gzhan gyi khyad par ma gtogs pa sngar dang 'dra la/ gnang ba'i dpe ni/ nad g.yog la nub lhag par nyal bar gnang ba dang/ dri phul ba lus la 'byug par gnang ba dang/ gzhan gyi rin po che la reg pa la nyes pa med par gsungs pa lta bu'o/ /sgrub bar ma nus pas ltung ba med pa la gsum las/ shes pa la rang dbang med pas ltung ba med pa ni bshad zin to/ /bcas pa nang 'doms pas ltung ba med pa bzhin sngar bshad pa ltar yin la/ dgag dgos mnyam pa'i bcas pa 'doms na gang rung gnad ste/ gzhan du na bsgrub par mi nus par 'gyur pas so/ /bya dka' bas bsgrub mi nus pa'i ltung med ni/ mtha' 'khob tu lnga'i tshogs kyis bya bar gsungs pa lta bu'o/ /tshig gi don la gsum las/ gtso bo'i sel ba po ltung ba med pa ni/ ma bsam pa brkus na ci zhig tu bzhag ce na/ ma bsams pa zhes te/ 'khrul pas rku sems med pa ste/ gdang gi zhar la gos blangs pa lta bu'o /rku sems kyis so zhes smras na/ sems gzhan gyis cir 'gyur zhe na/ rang dang zhes so/ /rang gi rdzas la rku sems med pa smos pa dang/ gzhan zhes pa la 'di dag gi bskur ro zhes gsungs kyi/ gzhan la go bar bya'o zhes ma gsungs pa ci zhe na/ rang gi rdzas su shes kyang @016b rku sems srid pa dang/ gzhung las/ gzhan la go bar bya'o zhes 'byung bas nyes pa med do/ /snga ma gsum las gzhan pa'i rku sems med pas blangs pa la yang nyes pa med de/ dper na/ dge slong gis dge slong la song la che ge mo'i ye byed rkus shig ces bsgo ba na/ des rku sems kyis rku bar byed na ni gnyis ka la 'dra bar ltung bar 'gyur la/ 'di ni de'i 'o snyam na len pa po la mi 'gyur la/ rkur 'jug nos la 'gyur ro/ /zhes zhus pa las gsungs pa lta bu'o/ /snying rje sngon du btang ba'i sems ni/ bsgom pa las byung ba yin pas 'og ma dang mi 'dra'o/ /gtso bo ma yin pa'i sel ba ni/ thams cad du zhes pa gnyis te/ spyir btang dang dmigs bsal te/ rin thang gi sel ba ni/ ma sha ka lnga la sogs pa brkus sam/ rkur bcug pa dag gis pham par 'gyur bar bstan na ma chog pa'i brjod par bya ba bstan pa'i phyir ma chog pa zhes te'o/ /zhes pa ni/ 'di nas snying rje dang zhas pa yan chad sbom po'i dbang du byas par ston pa'o/ /'di ni ma byin pa sogs bzhi yod kyang rin thang du ma chog pa brkus sam/ rkur bcug pa dang/ mngags pas kyang sbom por 'gyur ba'o/ /'dir TIkka las kha cig tu ni/ yan lag gsum mam gnyis ma tshang ba la nyes byas su 'dod de/ 'di lta ste/ mi ma yin pa'i rgyud kyis yongs su bzung ba la/ der 'du shes pa'am/ mi'i rgyud kyis yongs su bzung bar 'du shes pa dang/ ma chog pa brkus pa ni nyes byas te/ yan lag rnams ma tshang ba'i phyir ro/ /de bzhin du bdag po gang yang rung bas yongs su ma bzung ba dang/ mchog pa dang/ mi ma yin pa'i rgyud kyis yongs su bzung ba dang/ / @017a @#/ /der 'du shes med pa la nyes byas kho na'o/ /rku sems med na ni ltung ba med pa'i phyir/ de ni dngos gzhi'i yan lag yin la/ lhag ma rnams ni de'i bye brag go zhes bshad de/ gsum mam gnyis ma tshang ba ni/ pham pa'i yan lag lnga'i steng nas brtsi/ sbom po'i yan lag lnga'i steng nas min te/ ma chog pa ma tshang bar mi rung ba'i phyir ro/ /de ltar na mi ma yin gyis bzung ba la der 'du shes nas ma chog pa brku ba ni/ gnyis ma tshang ba'i nyes byas dang/ mi'i rgyud kyis bzung bar shes nas ma chog pa rku ba na gsum pa tshang ngo/ /bdag po gang rung gis ma bzung ba dang/ mi ma yin gyis bzung ba gnyis gzhi gcig la mi 'du bas snga ma dang ma chog pa sbyar zhing/ phyi ma dang der 'du shes med pa gnyis sbyar te/ nyes byas re rer bya'o/ /sngar mi ma yin gyis bzung ba la nyes byas su bshad pa dang mi zlos te/ 'di rin thang tshang yang 'du shes 'khrul pa'i gnyes ma tshang gi nyes byas yin pa'i phyir ro/ /bdag gir byas pas sal ba ni/ bdag po zhes te/ don la dbang zhing/ blos bdag gir ma byas pas brkus pa la sbom po ste/ nad pas nad g.yog la dge 'dun la bsngos pa'i zong phog pa nad g.yog gis brkus pa la sbom por gsungs te/ phul ba'i dge 'dun la bdag gir bya ba'i blo ma skyes pas pham pa med do/ / don rtogs ma rtogs kyi bdag po gnyis ka med pa'i gter la ji ltar 'gyur zhe na/ sgra mi snyan gyi rdzas dang 'dra bar rku sams med na bdag gi ba med pa'i phyir ltung ba med la/ rku sems kyis len na sbom po'o/ /bdag pas don ma rtogs pas gter @017b de nyid ma sha ka lnga la sogs pas nyung la/ bdag po med pa'i phyir/ de dang bcas bar ram/ bdag po mi'am/ mi ma yin pas yongs su bzung shes nas rku ba nyes byas te/ sbom po'i yan lag las nyung ba'i phyir ro/ /gzhan gyis brkus na dngos gzhir 'gyur na/ rang gi la cir 'gyur zhe na/ rang gi rdzas rin thang chang? la dar 'du shes pa dang/ rku sems kyis brku ba'am/ rkur bcug ba dang/ mngags pas kyang sbom po'o/ /'dir TIkka las/ rang gi la gzhan gyis yongs su bzung bar 'du shes pa la yang sbom po kho na ste/ rang gir 'du shes pa dang/ yongs su ma bzung bar 'du shes par byas pa ni ltung ba la 'dra ba'i phyir ro/ /de bzhin du yongs su ma bzung ba la yongs su ma bzung bar 'du shes pa'am/ yongs su bzung ba dang bcas par 'du shes pa'i yang sbom po kho na'o/ /zhes gsungs de'i don ni rang dbang ba'i rdzas la rang gir 'du shes nas rku ba ni bstan pa ltar ro/ /gzhan gyir 'du shes nas rku ba la rdzas de gzhan gyis yongs su bzung ba dang/ ma bzung ba gnyis la der 'du shes pa dang/ gzhan du 'du shes na brkus pa'i sbom po bzhi yin pa 'dra'o/ /rang gi rdzas la mi las 'gro ba gzhan gyir 'du shes na brku ba sbom po ste/ gzhung ni/ bya'i rku'i mi'i ni ma yin no/ /snyam na zhes pa la sogs pa'o/ /'gro ba gzhan gyi rdzas la mi'i 'gro ba'i rdzas su dang/ yongs su ma bzung bar 'du shes na'ang sbom po kho na'o/ /bdag nyid kyis bdag gir bya bar brkus na pham par bstan na bdag po dang bral ba'i sems 'ba' zhig gis na cir 'gyur zhe na/ bdag gir zhes te/ sogs pa ni/ bcing pa dang/ dral ba dang/ bskyod pa dang/ bsad pa la sogs pa bsdu'o/ /'dir rku'am @018a @#/ /zhes pa'i yan lag gnyis med kyang/ ma byin pa/ rin thang tshang ba/ mis bzung ba/ der 'du shes pa'i yan lag dang ldan na mngags pas kyang sbom por gsungs te/ de ltar byas na/ rdzas chud gson gyi sbom po la rin thang tshang dgos par gsal lo/ /'dir TIkka las/ sbom po'i dbang du byas pa'i yan lag dag las ches nyung na nyes byas so/ /ji ltar gang yang rung ba'i rgyud kyis yongs su bzung ba gang yang rung bar 'du shes pas ma sha ka la sogs pa las nyung ba bral bar byas na nyes byas yin pa de bzhin du mi'i rgyud kyis yongs su bzung ba la 'gro ba gzhan gyi rgyud kyis yongs su bzung bar 'du shes pas bral bar byas pa la sbom po'i dbang du byas pa las nyung bas kyang nyes byas so/ /de bzhin du mi ma yin pa'i rgyud kyis yongs su bzung ba la mi'i rgyud kyis yongs su bzung ba'i 'du shes pas bral ba byas na yang nyes byas kho na'o/ /ji ltar gzhan du rku sems kyis ltung bar byas pa bzhin du 'dir ni bral ba'i 'du shes kyis ltung bar byas pa nyid do/ /yongs su ma bzung ba la yongs su bzung ba dang bcas pa'am/ yongs su ma bzung bar 'du shes pa la ni ltung ba med de/ bral ba'i bsam pa med pa'i phyir ro/ /zhes gsungs so/ /de la yongs su ma bzung ba ni bdag po gtan med pa dang/ bzung bar 'du shes pa ni 'du shes 'khrul pa'i dbang du byas pa ste de la ni rang dang gzhan gyi phyir bdag gir byad 'dod kyi rku sems med na rdzas bral bar byas pa cam la nyes pa med pa 'dra ste dpyad de/ gnod pa'i sems kyis phral ba la sbom por smras na/ sems gzhan gyis phral ba la ci 'gyur zhe na/ snying rje dang zhes so/ /pham pa'i sbyor ba la @018b sbom por smras na pham pa ma byas par bar skabs su phyir bzlog na sbom por mi 'gyur bar dogs pa bzlog pa'i phyir ro/ /khyim de na bud med ni mang/ skyes pa ni nyung ngo sngar spran pa la sogs pa 'byung ba'i mtha'i sbyor ba byas na phyis rkun po rnams phyir bzlog pa'i phyir/ phyir bcos pa gnyen po byas su zin kyang/ rkun po de'i rtsom pa dang por gyur pa de ma byas pa nyid ma yin te sbom po kho nar 'gyur ro/ /sbyor ba la sbom po dang/ sbyor ba'i sbyor ba la nyes byas su smra na/ de ni de gnyis kyi yul gyi dbye ba bstan pa'i phyir rdzas la nom pa'i snga rol du khri las ldang ba dang/ sham thabs la 'dzin pa la sogs pa'i bya ba ni sbyor ba sbom po'i sbyor ba nyid de nyes byas dang /nom pa nas gnas nas gnas su mi sbed pa'i bar du sbom po'o/ /nom pa mang po yod pa la ji srid rku ba'i bsam pa ma log pa'i bar du ni sbom po gcig kho na dang/ phyir bzlog pa'i bsam pa byung nas kyang/ nom na sbom po gzhan no/ /sbyor ba thams cad la nyes byas su smra na/ khri las ldang bal sogs pa'i sbyor ba la nyes byas gcig yin pa bzhin du thams cad la'ang yin nam zhe na/ dge slong lam du zhugs pas mkhan slob la sogs pa'i chos gos lag tu gtad pa la rku bar 'dod na khad kyi khad kyis gom pa phri ba'i gom pa re re la sbyor ba'i sbyor ba la nyes byas pa dad pa re re dang/ gang nas mi snang bar 'gro ba'i rkang pa bteg pa la ni sbom po dang/ mig sngar snang bar ma gyur pa na rin thang brtsi bar bya zhing zhas sogs gsungs so/ /'di la bdun pa ldog mtshams yod pa dang/ rdzas la nom pa/ yod cing che ba'i spro ba @019a @#/ /shas che ba dang/ rgyu tshogs tha dad pas tha dad mtshan nyid pa'o/ /zhes lugs gsum mo/ /kha cig de ni rang dgar zad pas tha dad dgongs pa can te/ dgongs gzhi ni goms pa tha dad pa'o/ /dgos pa ni mi sngon par 'gro ba'i goms pa sbyor bar gsungs pas de'i snga ma nyid sbyor ba'i sbyor ba dang/ de'i snga ma rnams la nyes pa med dam snyam pa'i dogs pa bsal ba'i phyir te/ nyes byas su bstan pa'ang tha dad du ma bstan na dogs pa mi slong ste/ snga mas rgyu byas pa'i nyes byas yin nam snyam du dogs par 'gyur ba'i phyir ro/ /tha dad du bstan na spong ste/ nyes byas snga ma phyi ma'i rgyur mi rung ba'i phyir ro zhes zer ro/ /dngos la gnod byed med pas tha dad sgra ji bzhin par byed pa legs so/ /bya ba gcig pas ltung ba yang gcig gam tha dad du dogs pa bsal ba'i phyir de'i zhes te/ sems can de'i gzhi la rku ba dang/ mtshon gyis 'debs pa dang/ gzas pa dang/ skur 'debs sogs byed pa na so so la brten pa'i dngos gzhi dang sbyor ba'i ltung ba tha dad pa ste/ dper na/ dge slong gnas nas spo ba la sogs pa'i sbyor ba gcig gis bdag po mang po'i rdzas rku zhing/ rin thang yang tshang na sems can so so las pham par 'gyur zhing/ sbom po zhes pa'i sbyor ba ni gcig kho nar 'gyur ba lta bu'o/ /gang gi tshe sems can so so las rin thang ma tshang na ni de'i tshe sems can so so las sbom po tha dad par 'gyur te/ dper na dge slong gis mda'i sbyor ba gcig gis mi mang po la 'phangs na sbom po tha dad pa dang/ nyes byas ni gcig tu 'gyur ba lta bu'o/ /zhes TIkka las so/ /'di la snga ma rnams sbom po gcig tu @019b bshad pa ni ldog mtshungs kyis gcig la dgongs te/ mda' gcig gi sbyor pas du ma bsad pa la sbom po tha dad du bshad pa'i phyir dang/ sbyor dngos rdzas gcig cing dngos gzhi tha dad du bshad pa'i phyir/ zhes smra ba ni mi 'thad de/ de ltar ma mtshams sbyor gyi don sbyor ba rigs gcig pas dngos gzhi'ang rigs gcig gam snyam pa'i dogs pa bsal dgos na/ de bsal bar mi nus pa'i phyir/ mi mang po la mnga' gcig 'phangs pa'i sbom po/ /bsad pa la byed na pham par thal ba'i phyir/ des na srog la ma gnod pa'i mtshon gyis btab pa tsam mo/ /sbyor dngos kyis ltung ba rdzas gcig na rdzas tha dad pa'i dngos po mi srid par yang thal bar 'gyur ro/ /phyir bcos gcig gis 'dag pa yang sgrub byed du mi rung ste/ sdug bsngal la chos shes pa'i bzod pa gcig gis spong ba'i phyir/ sdug bsngal mthong spangs kyis phra rgyas bcu'ang rdzas gcig tu ha cang thal lo/ /phur pa zhes pa ni rdzas la nom nyug sbom por smras pas 'di la'ang sbom por dogs pa bsal ba'i phyir ro/ /gnas nas gzhan du sbed par byed na/ rkus pa zhes bya'o; ;zhes spyir btang ba de'i dmigs bsal bya bar 'dod nas de byas nas zhes sogs kyis mthar thug gi rab dbye gsungs so/ /'di'i mthar thug la rma 'tsho ni/ gnas spags yin gyi/ thob blo ni ma yin te/ rnam bshad las/ gnas su spags na zhes dang/ 'grel pa che chung gnyis ka nas kyang de la bshad cing/ tha na lnga bcu pa las kyang/ rang gi yul nas byung ba gang/ zhas dang/ khyad par du sdom pa'i snga rol zhes pa'i 'grel ba las/ rim pa ni 'di ma yin te/ bsam pa'i dbye bas bya ba dbye'o/ /bya ba'i dbye @020a @#/ /bas ltung ba dbye'o/ /zhes bya ba grub bo/ /zhes dang/ yang thob blo de ma byin len gyi bsam ba dang/ sems pa'i las gang du mi gtong ba'i phyir ro/ /zhes zer ro/ /de la kha cig na re/ de mi 'thad de/ gzhung dang 'gal ba ni/ 'grel pa las/ mig gis ma mthong na rkang pa'i drung du 'ongs kyang pham par mi 'gyur te/ grub pa'i blo med pa'i phyir/ zhes dang bsdu ba dang/ btu'o snyam pa'i blo yod kyi/ rku'i snyam pa'i blo med ces 'byung la/ de gnyis sbyor ba la bltos pa'i blo med pa ni ma grub ste/ sbyor ltung gsungs pa dang/ mi dbang ba len pa'i phyir ro/ /des na mthar thug la bltos pa yin la/ de'ang blos khyad par du byas pa'i phyir dang/ zhu ba'i 'brel pa las kyang 'og tu ma ltung na yan lag pas 'bral ba tsam gyis ma yin te/ grub pa'i rnam par mi gnas pas zhes dang/ blo gros du ma'i skabs las kyang/ so sor ma bgos pa la ltung bar mi 'gyur te/ grub pa med pas zhes pa dang 'gal lo/ /gal te de rnams gnas pa dang/ mthar thug tu 'jog pa'i rgyu mtshan yin gyi/ yan lag ni ma yin te/ srog chags la gnod pa la sogs pa sa brko'i ltung ba skyed pa'i rgyu mtshan yin/ yan lag min pa bzhin no zhas pa/ rgyu mtshan de gnas spags thams cad la dgos la don la grub blos khas blangs pa'i sa/ tshig tsam la mi rtsod la/ phal che ba la yod pas chog na dud 'gro gzhug ma ba rku ba na mi snang bar song ba thams cad la pham par song zhing/ 'dod na 'grel ba dang 'gal lo/ /rgyu mtshan yin yang yan lag yin pa mi 'gal te/ rma mnyams pa bzhin no/ /rigs pa dang 'gal ba ni gnas spags kyi don rdzas 'dug @020b pa nas phral ba la byed na sa gzhi dang/ khang khyim rku ba lam khyab la/ re ba ma chang ba'i gnas nas chad pa'i gnas su spags pa lta bu la byed na thob blo'ang gnas spag sung gyur ba mi 'gal lo/ /gos bslang ba la sogs pa'i mthar thug thob blo la gsungs pa ma phyin len pa'ang mtshungs so/ /bsam pa'i dbye ba zhes sogs kyi don du 'dod na gzhung 'di'i mtshams sbyor dang 'gal zhing skabs 'tshol bar yang 'gyur ro/ /las gnyi su ma gtogs na sbyor ba dang kun slong du khas blangs pa la gnad kyi/ mthar thug tu 'dod pa mi 'gal te/ brdzun gyi mthar thug don go ba la 'jog pa bzhin no/ /des na mthar thug ni grub blo'am/ thob blo yin la de'ang rang la grub dgos so/ /kha cig gzhan la skyes kyang go chod de/ gsang sngags kyis rku ba'i skabs su zla bos mthong ba la pham par gsungs pa'i phyir zhes zer ba la lam rgyus go bar byas nas rku ba la rang gi thob dgos pa gsungs pa dang/ gzhan gyi nyes bas gzhan la gos par mi 'gyur ba'i phyir dang/ zla bos mthong ba sbran pa la dgongs pa'i phyir mi rigs so zhes sun 'byin te/ 'on kyang bsam sbyor mthun pa'i gros byas pa lta bu med na thob pa dgos te/ lam rgyus zhes dang/ blo gros du ma nyid ces gsungs pa lta bu'o/ /yod na ni rang la thob blo ma skyes kyang/ gregs la skyes na chog pa 'dra ste/ gsang sngags kyi rka ba'i skabs su gsungs pa bzhin no/ /de ltar 'dod pa tha dad pa du ma las ma byin len gyi mthar thug gad? la bya zhe na/ rtsa bar rku ba'i ma zhes pa nas/ der 'du shes pas so zhes pa'i bar gyi pham pa'i yan lag gsungs la/ de'i don TI kkar/ ma byin pa la @21a @#/ /sogs pa yan lag lnga dang ldan pa tsam gyi pham par 'gyur bar gsungs ba'i phyir yod dgos te/ gzhan du na pham par mi 'gyur ba'i phyir ro/ /mthar thug yod chul ni/ ma byin pa la sogs pa re re bzhin rku na zhes pa dang sbyar dgos te/ gzhan du na tshig 'brel ba med par 'gyur bas so/ /de'i phyir mthar thug ni brkus pa kho na'o/ /de'i don yang/ rdzas 'di ni rdzas bdag mi dbang zhing/ /kho bo dbang ngo snyam pa'i blo skyes pa'o/ /gal te mthar thug gi dus de la byed na/ zhu bar brkus pa na'am zhes segs mthar thug gi rab dbye bshad pa don mad par 'gyur te/ sngar gyi blo de skyes na ni khur du grags pa sogs med kyang mthar thug cheng la/ ma skyes na ni khur du grags pa sogs yod kyang mthar thug mi 'grub pa'i phyir ro/ /gzhan yang/ gzhung las khur du grags pa sogs kyi sgo nas dngos po'i sa mtshams bstan gyis/ rang dbang ba'i blo skye ba'i sa mtshams ma bstan pa'i phyir mthar thug gi dus de mi 'thad do zha na/ rtsod pa snga ma la kha cig na re/ gzhung nas bshad pa'i mthar thug ni ma nges kyang/ phal che bas der bzhag go zhes lan 'debs mod kyang/ 'dir ni/ dang po la mtshon khur du ma grags pa'i sngon du grub blo skye ba dang/ grags pa'i tshe'ang mi skye ba yong mod/ de'i dbang du ma byas kyis/ 'on kyang gos rlung gis gter blta bu la/ /bo bos rdzas 'di bsdus te khur du byed thub na nges par thob la/ de'i sngon du ni mi thob bo snyam pa'i/ the tshom za na rku ba'i dge slong de'i dbang du byas nas gsungs pa ste/ 'grel par yang/ spyir sbyor bar byas pa de'i dmigs kyis bsal bar bya bar 'dod nas/ de byas nas zhes bya ba ni/ /bur du byas pas gzod rku'o snyam @21b pa'o/ /zhes pa dang/ btus nas zhes bya ba ni/ btus zin nas gzod rku'o snyam pa'o zhes sogs gsungs ba'i phyir ro/ /rtsod pa phyi ma'ang mi 'thang de/ TIkka las/ gang gi tshe rlung gis gos dag rnam par gtor bar gyur pa'am/ rdzas gzhan dag gtor bar gyur pa na/ dge slong gis de dag khur du grags te/ rku'o snyam pa'i bsam pas/ des de dag sdud par byed na/ 'di ltar ma sha ka lnga la sogs pa'i rin thang gi tshad kyis gos la sogs pa dag khur du grags pa'i snga rol du gnas nas spo bar byed kyang de ltar na'ang pham par mi 'gyur te/ de'i tshe na de la bsdu'o snyam pa'i blo yod kyi rku'o snyam pa'i blo med pa'i phyir ro/ /'dir gzhung ni/ 'di ltar bco blag mkhan gyi gos bting ba rlung gis khyer zhing/ dge slong de la sbyor bas ji srid du nom par mi byed/ nyug par mi byed pa de srid du nyes byas su 'gyur ro/ /nom par byed/ nyug par byed/ gos dag sdud par byed/ bam por sgre bar byed cing/ ji srid du gnas nas gnas su sbed par byed na zhes gsungs pas gos 'thor ba sdud pa dang/ ma tog dang 'bras bu thogs pa gnas su sped par byed na rkus par brjod par bya ste/ rin thang brtsi bar bya zhing zhes gsungs te/ de bzhin du 'og mar yang gzhung drang zhing dogs pa bcad do/ /dogs pa ni lung las/ khur dang phung po'i gsal kha med par gnas nas gnas su sbed par byed na zhes gsungs pa gos thor ba sdud pa dang/ me tog dang 'bras bu thogs pa'i tshe'ang gnas spags yod pas rin thang rtse ba'i dus yin nam snyam pa'o/ /de gcod pa la TI kka ra/ gnas nas spo bar byed kyang pham par mi 'gyur te/ de'i tshe rku'i snyam pa'i blo med pa'i phyir te/ zhes gsungs pa'i shugs la pham par 'gyur ba'i dus su ni rku'o snyam pa'i @22a @#/ /blo yod par khas blangs pas mthar thug bsam pa la ltos par gsal zhing/ de yang sngar bshad pa ltar mthar thug la ltos pa'i rku ba'i bsam pa yin la/ de ni thob blo las gzhan du mi 'thad pa'i phyir ro/ /mdo dang po gnyis las mthar thug gi dus su rku ba'i bsam pas dgos par gsungs pa ni/ gzhan la'ang mtshon pa yin te/ rgyu mtshan khyad par med pa'i phyir ro/ /khyab pa'i zhes pas gcad par bya ba'i dogs pa'i gzhi ni lung las/ mtshams las 'das na zhes smos kyi/ rdzas kyis khyab pa'i phyi rol gyi mtshams zhes mi 'byung bas/ rdzas kyi khyab pa'i mtshams yin nam snyam pa'o/ /zhes snga ma rnams zer ro/ /de'i mtshan nyid ces pa la mtshams gnyis las gsal bas bcad pa'i mtshams ni/ brkos pa dang/ rtsig pa dang/ chu klung gang gis bcad pa 'jig rten las grags pa'o/ /cig shos ni/ rab tu mi mngon pa'i spyad pa 'jig rten las ngo bo bdag nyid ma grags pa de/ de'i mtshan nyid ni/ sa zhag 'dra bar gyong zhing grugs pa ni gyong grugs pa'o/ /phyogs gcig tu ral ba ni gas pa'o/ /yi ger bris pa ni bris pa'o/ /tshon kha dog gcig las kha dog tha dad ni kha dog gzhan no/ /sgo glegs dang/ re lde la sogs pa ni bar mtshams so/ /zhing log pa'i snang rgal la sogs ni bar chad de/ snang rgal gyi ngos gnyis ni khongs su gtogs pa ma yin zhing/ ngos de gnyis nas gnas pa'i sa gzhi'i cha gnyis kyi dbus na gnas pa'i phyir mtshams so/ /gal te brkos pa de mu dang kha da chad du gang na ched gcig tu brjod par bya la/ gal te ma gang ste der dbyig gu'am/ 'beg gam/ re ldes bar bcad pa @22b ni phyogs so sor brjod par bya'o/ /srog chags kyi lus gcig pos bar chad gcig yin par dogs pa bsal ba'i phyir srog chags zhes te/ sogs pas ni so dang/ snas bar du bcad pa la sogs pa bsdus te/ des na rtsi ba ma zhe gcig gi phyogs tha dad pa rtag tu rung ba bzhin gyi bar du spos na brkus pa'o/ /sa la segs pa rtswa la sogs pas g.yogs pa la'ang/ sa la sogs pa de gzhi yin pa'i phyir gnas yin gyi/ g.yogs ma ni ma yin no snyam du dogs pa bsal ba'i phyir gding ba zhes so/ /rtswa dang/ naD tshal sogs pa 'byung ba'i skye ba ni/ rdzas gzhag pa bskyod pa tsam nas brkus pa dang 'dra bar skye ba yang gnas nas bskyed pa kho nas brkus pa zhes bya'i/ rtsa ba nas bton pa tsam gyi ma yin te/ ril gyis khyer na'o/ /sho gam rang gi gnas na 'dug pa'i phyir ji ltar brkus par 'gyur zhe na sho gam zhes so/ /sho gam gyi gnas su phyi nas phyir bzlog gam/ skabs su gzur te 'gro ba la ni yul chos dang sbyar ro/ /mi ni 'gro 'ong la sogs pa dang ldan na/ de ji ltar brkus par 'gyur zhe na/ mi la zhes so/ /btags pa ji ltar rkus par bzhag ce na/ dud 'gro zhes te/ ri dwags sbubs su chud pa dang/ nya dol la thogs pa phyung ba lta bu'o/ /brtod pa na/ dud 'gro'i nang du 'gro ba phur pa la sogs pa la btags pa'o/ /de yang bdag po dang/ rdzi bo phyi bzhin du 'brang na de las dang/ de gnyis ga shed na 'dug na gnas de las dag de gnyis med na/ khyu las mi snang ba na brkus pa yin te/ de ni dud 'gro rang gis ngang gis 'gro ba'o/ /mthus dkri dgos pa'o/ /sgra phyung ste brda dgos na ni/ bag tsha ba med pa'i yul du na ma phyin tam/ dbang du byas par ma gyur @23a @#/ /gyi bar du brkus pa ma yin no/ /mi la sogs pa'ang da bzhin no/ /bsngags pa zhes pa la/ rkun ma mang po zhig yod pa las gcig kho na zhig gis gal te mthong na yang/ de'i tshe thams cad kyis mthong ba kho na yin no/ / 'di ltar gter la kho na bstan pa bzhin du rnam pa de lta bu rku ba gzhan dag la yang de kho na gzhan sgrub par bya'o zhes gsungs pas 'di dang 'di lta bu'i sbyar ba gros byas thams cad la gang rung gcig la grub blo skyes pas chog go /phyi bzhin 'brang ba ni phyi bzhin 'gro ba'o/ /nang byan byed pa ni chos gos la sogs pa 'bul ba'o/ /nur ba ni phyi nur du 'gro ba'o/ /'byangs pa ni/ rdzas bdag gis mdun nas ring du phyir nur te song ba'o/ /'byams pa ni/ gshod nas thang la byung ba dang/ mngon par skabs yod nas thebs par 'jug pa dang/ gnas khang nas khyim du dang/ yang thog nas yang thog gzhan du 'dzeg pa dang/ de dag nas zlog pa dang/ dang po la 'bab pa dang/ gnyis pa la 'gro ba dang/ bzhi ba la 'bab pa zhes sbyar ro/ /'jug pa ni gnas khang du'o/ /'dzeg pa ni yang thog gzhan du'o/ /gzhan gyi zhes pa ni/ dge slong gis rang gi las kyi mtha' grub par bya ba'i ched du gzhan gyi las kyi mtha' dag tu chu dkon pa'i dus su 'gog pa'am/ mod pa'i dus su gtong ba/ rang dang gzhan gyi las kyi mtha' grub pa dang/ phung bar bya ba'i bsam pas byed la/ rgyu des de ltar gyur na zhing gi yon tan las gyur ba'i skyed grub pa ma gtogs pa/ chu gtong 'gog las gyur pa'i rang gzhan gyi las kyi mtha' grub pa dang/ phung ba gang yin pa de @23b brkus pa'o/ /'og gzur ni/ 'og gzur yul mi'i nang du bshags 'gyed na zhes dang/ sbyor ba ma btang pa'i rgyal ba de ni zhes so/ /bslab bya la gnyis las/ sho gam dang 'brel ba la brgyad de/ gang nas gzhal ba'i gnas/ gang las gzhal ba'i rdzas/ gang la gzhal ba'i bdag po/ /cha ci tsam gzhal ba/ de las 'das pa'i ltung ba/ ldog mtshams ltung med/ brgyud pa'i bslab bya/ mtshon pa'i don no/ /dang po ni/ gzhan las 'das pa la ltung ba med pas sho gam gyi sa yin zhing/ de yang blangs pa dang/ nam mkha' las 'das pa lta bu ma yin par sa kho nas yin pa dang/ yul chos kyi gcod na gzhal gyis/ bsrung yang mi gcod na gzhal mi dgos te/ mnyan yod kyi legs par sbyar ba'i sho gam bzhin no; ;gnyis pa ni/ nyo tshong gi rgyur byed pa'i zong ngo/ /kha cig na re/ zong ma yin pa las kyang gzhal dgos te/ pha ma dang/ dkon mchog gi don du khyer ba la yang byin pas zhes dang/ kha tshar bcad pa la sogs pa gsungs pa'i phyir ro/ /zhes zer ro/ /de ltar na sngo ma tsam lam du mi 'jug par 'gyur te/ 'tsho ba'i spyod la yang sho gam gcod pa'i phyir ro/ /ma nges so zhe na/ lam du 'jug dgos dang bcas te 'jug na/ sho gam gzhal dgos dang bcas te 'jug na sho gam gzhal dgos bcas te lam du 'jug par mi bya'o/ /zhes pa dang 'gal zhing/ phyi ma ltar rab tu byung ba'i rtags nyams par 'gyur ro/ /bye brag tu bshad pa las kyang/ mchod pa dang/ lam brgyags dang/ skyes dang/ pha ma'i don du khyer ba sho gam sbyin par mi bya ste/ @24a @#/ /nyo tshong gi rgyur mi khyer ba'i phyir ro/ /sho gam pas kyang de la zong dang 'dra bar mi blang ste/ ma byin len gyi sdig par 'gyur ba'i phyir ro/ /zhes gsungs pas 'tsho ba'i spyod la sogs pa la yang sho gam gzhal mi dgos so/ / kha bsgyur ba dang kha tshar gcod pa sogs ni/ de ltar byas na yul chos kyi sho gam med pa'i dbang du byas pa'o/ /pha ma dang dkon mchog don du khyer ba la bsngags pa brjod kyang 'dod na sbyin zhes pa ni/ dbang nas 'jal ba ma yin gyi/ kha mchu spangs pa'i phyir/ gsum pa ni/ bye brag tu bshad pa las chos bzhin du bsrung ba dang/ skyob pa dang/ sbed pa dang/ kun 'ged par byed pa zhes gsungs te/ rgyal po gzhan gyi dmag gi dang/ rang gi dang/ tshong pa nang gi 'jigs pa las dang/ rigs tshod du len pa dang/ go rim bzhin no/ /bzhi pa ni/ 'dul ba las/ ci tsam gzhal ma gsungs kyang/ yul chos dang sbyar nas zong la nyi shu cha legs pa'o/ /lnga pa ni/ yan lag gzhan tshang na pham pa dang/ ma tshang na sbom po sogs so; ;drug pa ni/ rku sems med pa'o/ /bdun pa ni gzhung ltar ro/ /brgyad pa ni/ rab tu byung ba la gru btsas 'bebs pa'i tshe de gzhal dgos pa'o/ /tshig gi don ni/ rku sems med pa zhes te/ dge slong la sho gam mi bcad par ma gnang ba'i tshe rku sems med pas rang gi rdzas sho gam gzhal dgos pa mi gzhan gyi la gnas sho gam gyi gnas nas 'da' bar byed pa dang/ sho gam mi bcad par gnang ba'i tshe rku sems med pas gzhan gyi rdzas sho gam gzhal dgos pa rang gi sho gam gyi gnas nas 'da' bar byed pa @24b lam byin len du gtogs pa'i nyes pa med do/ /de la dang po ni/ dge slong gis tshong pa'i lag tu gtad pa la ltung bar mi 'gyur bar gsungs te/ mi 'gyur lugs ni/ dge slong 'di snyam du/ tshong pa 'di dag ni sho gam pa rnams kyi sems len par byed pa yin no/ / snyam na rku sems med par rigs kyi/ gzhan du ni ma yin no/ /gnyis pa ni/ dge slong gis gzhan gyi sho gam bzlas pa la ltung bar mi 'gyur bar gsungs pa ste/ de yang rang gzhan gyi rdzas la sho gam gnang mi gnang gi bye brag mi shes na ltung bar mi 'gyur gyi; shes pa na ni las 'bras kho na'o/ /de rnams ni rku sems med pa zhes bya bas bsdus te/ mdo dang po 'dis rnam 'byed las ltung bar mi 'gyur ba'i tshig gnang ba de'i dgongs pa bshad do/ /de ni sho gam gyi gnas nas gzhal dgos pa'i snod 'da' bar bya ba la gang gi sho gam gzhal bar bya ba de bstan pa'i phyir/ gang gis zhes ta/ tshong pa log pa gang gis dge slong las sho gam gzhal dgos kyi/ snod blangs pa de nyid kyis de la sho gam sbyin par bya zhing dag slong gis kyang 'dis rang gi sho gam sbyin par 'gyur ro/ /snyam pas rang gzhan gyi lag tu snod gtad par bya'o/ /sho gam mi bcad par gnang ba la tshong pa la sogs pa gzhan gyi rdzas sho gam mi bcad par gnang bas/ tshong pa la sogs pa gzhan gyi sho gam gnang ba'am/ gsug byin pa la log pas mi bcad par byas pa dag gis rang gi rdzas sho gam gzhal dgos pa zla bar mi bya'o/ /de ni tshong bas dge slong gi rdzas 'da' bar byed pa ma yin pas ma byin len dang 'brel ba ni ma yin te/ thabs des zla bo la nyes pa med pa'i phyir ro/ /'on kyang tshul ma yin pa'i phyir bkag ste/ dge @25a @#/ /slong 'di dag ni sgyu thabs kyis 'da' bar byed pas thabs kyis rku'o zhes kha zer ba dgag pa'i phyir ro/ /sho gam gzhal dgos pa dang bcas pa zhes pa la/ rgyang grags su song na dngos gzhi'i nyes byas re re dang/ rgyang grags phyed du ni sbyor ba'i nyes byas phra mo re re'o/ /tshig de ni 'phongs pa'i dus su dmigs bsal dang bcas pa yin te/ der dge 'dun gyi la sogs pa gser gyi mthar thug pa bskur bar bya ba'i phyir/ zhes bya ba'i phyir ro/ /btags zin pa'i chi ba la sogs kyi kha tshar dang/ dang po 'thag par rtsom pa'i srog shing gi sbubs kyi phan tshun tshar bcad pa'o/ /gzhan gyi spyod pa ni gzhan gyi 'tsho ba'i thabs so/ /de bdag po la sogs pa gzhan la 'dam po mi bya'o/ /de nyid ni yid gcugs pa ma yin pa nyid do na/ 'og ma ste/ mdza' bshes tha ma la yid gcugs 'bring dang/ chen po mi bya zhing/ 'bring la chen po mi bya'o/ /yid gcugs par bya ba'i rnam par dag pa de'i rgyu bstan pa'i phyir/ de ni zhes te/ sdug pa ni 'grogs bshes so/ /yid du 'thad pa ni smon 'drin no/ /bla ma ni mkhan slob bo/ /sgrub par 'os ni tshul khrims dang/ thos pa dang/ gtong ba la sogs pa'i yon tan rjes su dran zhing/ dran na yon tan de dag sgrub par byed pa'o/ /sbyin pa dang/ bsnyen bkur la sogs pas mchod par 'os pa dang/ tshul khrims/ thos pa/ gtong ba la sogs pas bstod par 'os pa dang/ blangs na dga' ba ni bdag gis de'i chos gos dang lhung bzed la sogs pa blangs na de dga' 'o snyam du yid ches pa yod pa ste/ lkug pa la sogs pa de dag ni yid gcugs par bya ba ste/ chung ngu/ 'bring dang/ chen po la sogs @25b pa'i bye brag gis so/ /phran tshegs kyi bslab bya la yongs su bzung ba dang 'brel ba'i bslab bya ni/ chom rkun dag gis 'gron po bcom pa dang/ yongs su 'dzin pa dang bcas pa'i dur khrod dang/ 'jig rten pa'i lha khang dang/ srog shing gi dbyug ma la sogs pa yongs su bzung ba dang bcas pa'i rdzas bdag pos gnang ba las gzhan pa'i thabs 'di phyag dar khrod de/ /zhes dang/ 'di ni ngas 'jig rten pa'i lha khang brtsigs pa las byung ba'i phyir/ nga'i yin no zhes pa la sogs pa'i thabs kyis bdag gir mi bya ba ste/ bdag gis thob par mi bya'o/ /dge slong dang zhes pa ni/ rab tu byung ba'i bar spong ba dang/ mi spong ba'i ldog pa nas bstan gyi/ ma byin len spangs pa'i phyir ni ma yin no zhes kha cig zer ro/ /kha cig ni/ de dag 'gro 'dod na bzung ba la ma byin len dang/ mi 'dod na ltung ba med do/ / rdzas rang la mos pa'i phyir ro/ /zhes smra ba la rdzas mos pa tsam gyis rang dbang na mi rta rku ba la sogs pa la pham pa mi skye bar thal lo zhes zer ro/ /zhus pas brjod pa la dang po'i skabs ni/ ka ka ni zhes sogs so/ /rku ba'i gnas dang zhes dang/ rnam 'byed gnyis kyi khyad par ni/ snga mas karSha pa Na'i bzhi cha ngos 'dzin la/ 'dis ma sha ka du la karSha pa Nar byed pa ngos bzung ba'o/ /che ba zhes pa ni rin thang gi tshad med pas de brkus pa la pham par mi 'gyur ro/ /snyam pa bzlog pa'i phyir ro/ /ma sha ka la sogs pa zhes pa'i sogs kyis ni drug nas grangs med pa'i bar 'dzin no/ /chung ba zhes pa la sbom po'i nyes byas su 'gyur ro zhes pa ni/ mi dang 'gro ba gzhan gyis yongs su bzung ba'o/ /mchod pa'i don du 'di ni bdag gi ston pa'o/ /bdag gis 'di la bkur sti @26a @#/ /bya'o snyam du rku na nyes byas so/ /gang la bltas nas gzhan du dpe 'dri bar byed pa de ni dpe bri pa'o/ /'di dang snga ma gnyis la rku sems yod par gsungs pa'i dgongs pa thal lo/ /bdag po'i skabs ni de'i zhes te mdo gnyis so/ / phyi ma la kha cig /mya ngan las ma 'das pa'i dus kyi dkor brkus pa la pham pa dang/ 'das pa la spom po'i zhes rma 'tsho 'dod pa la/ gzhan dag so thar gyi 'grel pa mgo gnon las/ sangs rgyas kyi dkor brkus na mi pham ste/ yongs su bzung ba med pas sbom po'o/ /zhes dang/ de'i 'grel chung las/ bcom ldan 'das dang nyan thos rang rgyal ba'i nor brkus pa ni/ lha'i nor brkus pa dang 'dra'o/ /zhes 'byung ba dang/ bdag 'dzin med pa'i phyir sbom po'o/ /zhes zer mod kyi/ rtsa 'grel mkhan gyi bzhed pa ni snga ma'o/ /ltung ba'i sa tshigs la gsum las/ sbom po rang skya ba ni/ snyan pa zhes so/ /'di la kha cig /rin thang ma tshang ba'i sbom por byed pa dang/ kha cig rdzas logs su grub pa med pas/ pham pa mad pa yin zhes pa dang/ kha cig mthar thug ma tshang ba'i sbom po'o zhes dang/ kha cig ni rku sems med pas sbom po mtshan nyid pa ma yin no/ /zhes zer mod kyi/ TIkka'i dgongs pa ni skabs gzhan du rku sems med pa la ltung med du gsungs shing/ 'di ma byin len gyi sbom po bstan pa'i phyir rku sems yod la/ dngos po ma tshang ba la sbom por 'gyur ba ni/ 'dir ma smras kyang/ sngar grub pa yin no/ /des na dngos po tshang na yang pham pa med do/ brnyan pa'i rtog pa'i dbang gis zhugs pa'i phyir ro /de'i phyir sbom po yin @26b la/ de yang dngos gzhi'i yin te/ sbyor ba bzhin no/ /zhes smos pa'i phyir ro/ /des na gtan du dpral 'dod ma tshang bas rku sems kyis ngo bo ma rdzogs pa yin zhes smra ba ni 'thad par snang ngo/ /rtog pas kyang ngo/ /zhes pa gnyis las/ dang po ni/ kha cig gshags 'gyed pa'i dus na khyad gsod kyis gsod pa'i sgo nas pha rol gyis tshig gi skabs med par bya ba'i phyir lan 'debs pa ste/ de la ni dngos gzhi nyid du 'gyur ro/ /gnyis pa ni/ kha cig rtog par byed pa'i dus nyid na/ bsam pa'i dbang gis rang gi yin pa'i 'du shes skye ste/ 'on kyang de nyes pa'i rnam pa'i the tshom dang 'brel ba yin pas de la ni dngos gzhi'i rnam par 'gyur gyi/ dngos gzhir mi 'gyur te/ dper na/ 'di ni bdag gi yin snyam pa'am/ yongs su bzung ba ma yin no snyam pa'am/ lhas byin la sogs pas bdag la byin no snyam pa'am/ de lta bu la sogs par rtog pa ste/ rtog pa 'di ni gzhan gyis yongs su bzung ba la sogs pa'i 'du shes kyis nyes pa 'brel pa'i phyir des na dngos gzhi'i rnam pa'o/ /mdo 'di'i yul 'di la 'du shes bzhin du yid gnyis ni med de/ gang yang rung ba'o snyam pa de lta bu'i yul can yin pa'i phyir ro/ /'di ni kha na ma tho ba dang bcas pa yin no zhas nges par byas nas/ de lta'ang 'jug par byed de/ des na yul gzhan du kho na yin no zhes TIkka las gsungs pa'i dgongs pa btsal bar bya'o/ /gdams te zhes pa ni/ gang bzang ngan med pa rku'o snyam pa de ltar 'dod pa yang gang gdams pa la dngos gzhi'i rnam pa ste sbom po'o/ /'di ni skabs gzhan du brku ba'i phyir sbom par @27a @#/ /bstan pa de las tha dad pa'i sbom po gzhan du 'gyur ro zhes bstan pa'i phyir yin te/ gdams te logs shig tu bkar yang rung/ ma bkar yang rung ste sbom po'o/ /des na gdams pa na yang sbom po gcig dang/ gdams te brku ba'i ched du nom pa na'ang sbom po gzhan gnyis par 'gyur ro/ /ltung ba'i sa tshigs ni brgyan la zhes sogs so/ /brnogs pa ni/ mi sbyin par thag bcad pa'o/ /gang gi tshe rku ba'am/ 'on te gtong ba yid gnyis za ba de'i tshe ni gnas nas spo zhing dngos po tshang yang sbom po yin gyi pham pa ma yin te/ rku bar nges pa med pa'i phyir ro/ /zhes gsungs so/ /gdams pa la gnyis las/ bdag pos mi shes par zhal ta ba rang gis sbas pa ni sngar bstan la/ zhal ta ba'i mngon sum du bdag po rang gis sbas pa ni/ brnogs pa tsam gyi brkus par mi rung gis gnas nas spo ba ni brkus par bstan pa'i phyir gdams pa zhes so/ /gzhan nyid ces pa ni/ sngar brnogs par byed la/ phyis bsnyon na brnogs pa de/ bsnyon pas bar du chod pas brnogs pa ni sbyor ba ste/ dngos gzhi rnam pa'i sbom po'o/ /sngar bsnyon nas phyis brnogs pa bsnyon pa de na brnogs pas bar du chod pa'i phyir sbyor ba nyid ces pa ni nyes byas ma yin te/ 'di'i shes byed du drangs pa'i gzhung las sbom por gsungs pa'i phyir/ yan lag du ma'i sel ba ni/ skyes pa zhes te sngar chud gzan pa'i spros pa'o/ /mthar thug gi skabs ni nan khugs zhes sogs so/ /nan khugs ni mthus rku ba'o/ /dngan 'then ni rdzas khyer ba mi ster ba'o/ /'dir gzhung ni/ btsun pa brku ba rnam pa du mchis/ nye bar 'khor drug ste/ nan khugs kyis @27b brku ba dang/ sgyu thabs kyis brku ba dang/ gtams pas brku ba dang/ phyir bsab pas brku ba dang/ dngan 'then gyis brku ba dang/ chos brku'o/ /btsun pa bcom ldan 'das kyis brku ba drug po de dag bka' stsal na/ de dag du zhig gis mtha'i ltung bar 'gyur nye bar 'khor chos rku ba ma gtogs pa gzhan thams cad kyis mtha'i ltung bar 'gyur ro/ /zhes gsungs so/ /de la chos brku ba ni/ mdo sde la sogs pa'i chos 'dzin pa ste/ de la rku sems med pas ltung ba med do/ /sgyu thabs kyis brku ba ni gnyis te/ chom rkun gyis len pa dang/ dor byed pa'o/ /snga ma ni rku ba yin pa la dogs pa med do/ /phyi ma ni brgyan la zhes par bshad zin to/ /gtams pa rku ba ni/ gtams pa rnams bsnyon pa ni sbyor ba'o/ /zhes so/ /phyir bsab pa rku ba ni/ brnyas pa dang/ skyes pa sngar 'o/ / nan khugs kyis rku ba ni/ dbang gis gnan zhing len pa yin pas rku ba ma yin par dogs pa yod la/ dngang 'then gyis rku ba yang mi ster ba tsam du zad kyi/ brkus pa ma yin par dogs pa yod pas/ de gnyis bsal ba'i phyir mdo 'di byas so/ /'dul byed kyis brjod pa la gsum las/ dogs gcod kyi sgo nas bdag po dang/ rku sems kyi mtshan nyid dang/ sel ba bstan pa ni/ blang ba zhes sogs so/ /mthar thug gi mtshan nyid ni/ yongs su bskor ba zhes so/ /yan lag du ma'i sel ba gnyis las/ ltung ba med pa ni/ de bdag nyid ces so/ /sel ba la na smad pa ni/ sbom po ni zhes so/ /yongs su 'dzin pa zhes pa ni dur khrod kyi yongs su 'dzin pa dang bcas pa ni gnyis te/ bdag nyid kyis bdag gir byas pa dur khrod 'di thams cad bdag gi'o/ /zhes bdag gir byas pa gang yin pa ste brkus @28a @#/ /na ni pham par 'gyur ro/ /gzhan yang gsod po gshed ma la sogs pas thob pa nyid kyis bdag gir byas pa gang yin pa des brkus na ni sbom por 'gyur ro/ /'di ltar dur khrod kyi rdzas de dag la bdag po nyid med mod kyi/ 'on kyang bkres pa la sogs pas 'dir bdag gis thob snyam du de la bdag gir bya ba'i blo skye ba ste gal te/ dge slong gis rku sems kyis len na de'i tshe sbom por 'gyur ba'o/ /zhes TIkka las so/ /de la 'od ldan las/ de ltar phyi ma las kyang pham pa rigs te/ sho gam dang 'dra ba'i phyir/ zhes 'chad do/ /de la kha cig na re/ sho gam snyam du bskyis pa dang 'dra bar nges par gzhal bar bya ba yin la/ dur khrod kyi rdzas ni phongs na sbyin par bya ba yin gyi/ dbang ba ni ma yin pas mi mtshungs so zhes smra ba la/ gzhan dag na re/ de ltar na 'dul byed du dur khrod pa'i rdzas la na smad du bstan pa don med de/ rnam 'byed du/ skyes pa/ bud mad/ ma ning gis bzung ba zhes yan lag dang/ bdag po med pa'i gter la sbom po'o/ /zhes sel ba'i ldog nas bstan pa'o/ /des na g.yos su kha zas dang 'dra bar rdzas mi dman sel bar 'thad do/ /zhes zer yang/ TIkka'i lugs nyid 'thad do/ /bdag po med pa'i gter zhes pa dang khyad par yod de/ de'i don ni/ bdag po gtan med pa dang/ don la dbang yang blos ma bzung ba tsam yin la/ 'dir ni de las lhag pa'i brjod bya yod pas so/ /dge slong gi skal ba dag slong gzhan zhig gis blangs la/ des kyang mi shes na yang rang gi don du len na/ de gzhi med pa nyid ma yin no/ /de bzhin du gzhan gyi skal ba dge @28b slong gzhan gyis blangs pa la yang de nyid kyi skal ba gzhan gyis len na yang nyes pa med do/ /gal te dge slong gis bdag la dge slong 'gas kyang skal ba ma nod pa'i phyir/ kho'i skal ba khyed kyis longs shig ces ma bcol la/ 'on kyang ma bcol ba'i dge slong des bdag por 'gyur ba'i dge slong de'i mi dbang ba'i skal ba mtshon pas na bdag por 'gyur ba de la ni gzhi med pa nyid ma yin te/ rang gis ma blangs pa'i phyir dang/ gzhan la yang ma bcol ba'i phyir ro/ /gzhan dag ni ma bcol bar dge slong gis gzhan gyi don du mi dbang bal dbang ba'i blos blangs na de la gzhi med pa nyid ma yin no zhes zer te/ de la yang gzhung snang ngo/ /mgron du ma bos pa la sbyin bdag gis shes pa dang/ ma shes pa gnyis ka dang/ kha zas dang yon bzang po thebs pa gnyis ka la'ang nyes byas tsam du zad kyi/ pham pa dang sbom por mi 'gyur te/ ya rabs kyi tshul ma yin pa'i phyir dang/ ma byin pa ma yin pa'i phyir dang/ rku sems med pa'i phyir ro/ /tshang mi gzhig pa ni/ dge slong gis gnas su na sgo nga med par gzhig par bya ba/ gnas gzhan du ni de yang mi gzhig go /gnad la sgre pa ni g.yog po dang/ gya gyu'i rnam pas gnod par byed pa ste/ de su la yang mi bya'o/ /ma byin par len pa yang 'di yod de gnad la sgre bas gtong ba dang/ sbyin du 'jug na brkus par 'gyur ba'o// ! gsod pa'i pham pa la bzhi las/ rnam 'byed kyi brjod pa'i bslab bya la gsum las/ chos bshad pa dang 'brel ba ni/ nad pa ni mtshon pa ste/ mi na ba dang/ gnyis ka la nye bar sgrub pa gang gis 'chi ba'i bsam pa skye bar 'gyur @29a @#/ /ba bsgrub par mi bya'o/ /'di ni 'di shi na snyam pa'i bsam pa'i nyes pa med pa'i nyes byas te/ gzhan du na de'i tshe sbom po'o/ /g.yog bsko ba dang 'brel ba ni/ nad g.yog mi shes pa glen pa la khyed kyis 'di 'chi ba la dgra pos gnas par bya ste/ rang nyid 'chi bar 'dod na yal bar mi 'dor ro/ /grogs kyang ma byed cig ces ma smras par ro/ /gnas kyang nad g.yog mdzangs pa bzhag pa'i gnas yod na'o/ /bsam ngan bzlog pa dang 'brel ba ni rdzas kyis zhes so/ /bya ba ma yin pa mngal na gnas pa blugs pa la sogs pa ni mtshon pa ste/ rab tu byung bas byar mi rung ba thams cad dus gsum dang 'brel bar blugs pa la yid rang bar mi bya ste/ sems can gyi lus ngag gi mtshon byed do/ /ltung ba rnam dag la gzhi'i yan lag ni mi dang/ gzhan yin pa gnyis so/ /tshig gi don la gnyis las/ mdor bstan pa ni/ srog ces sogs so/ /rgyas bshad la gnyis las/ dngos gzhi'o/ /de la gsum las sbyor ba'i dbye ba ni/ bye brag ces te/ rjes su sbyor ba ni/ chos la sogs pas te/ zhas pa la/ ma rnam 'byed las/ ri mo 'dren pa yi dang/ yam sreg shing gi snam sbyar 'tshem pa yi dang/ til dang/ yungs kar gyi dang/ 'o ma dang/ zho'i sbyor ba'o/ /zhes 'byung ngo/ /yul gyi mtshan nyid ni/ sbyor ba snga ma'i gzhi des/ de'i tshe'am gzhan gyi tshe'o/ /sel ba gnyis las/ bsam pa'i sel ba'o/ /de gnyis las/ rgyu'i sel ba ni 'du ba zhes so/ /ngo bo'i sel ba ni/ rku zhes te ma bsam pa cig shos shi na sbom po ste/ gnod pa byas par nges pa yod pa'i phyir ro/ /bsam pa cig shos shi na pham pa'o/ /gsod par byed pa gsod @29b pa la 'jug pa de dang du len na sbom po'o/ /'jug pa'i khyad par ni/ gzhan gyis gnang ba gsol ba dang du len pa'i gzhi de las 'jug pa'o/ /'di dang bya ba ma yin pa zhes pa gnyis mi zlog pa la kha cig snga ma khyab che zhing/ 'di srog gcod 'ba' zhig yin pas zhes dang yang na 'di bsad sems kyis dang du blangs pa'o/ /zer mod kyi/ TIkka las/ rnam pa de lta bu dang du len pa'i rnam pa de la 'jug pa na lus 'gyur ba yang gdon mi za bar skye la/ ngag gis 'gyur ba kho bo ni 'gog par mi byed la bskul bar yang mi byed do/ /khyod nyid shes so/ /zhes bya ba yang 'byung ba de'i phyir sdom por bzhag go zhes gsungs pa lta bur bya'o/ /TIkkar/ 'dir gzhung ni gzhan las tshe dang ldan pa nye sde'i dbang du mdzad da zhes pa la/ bsad sems dang bcas pa'i dang du len pa'i sa gzhan bsad sems med pa'i dbang du mdzad de zhes zer ba ni don ma yin te/ nye sde'i dbang du mdzad de gsungs pa snga ma ni dang du ma blangs par yi rang tsam byas pa yin la/ phyi ma ni dang du blangs pa yin par 'byung bas snga ma snga ma la kha cig las zhes dang/ phyi ma gzhan las zhes gsungs pas nye sde'i dbang du mdzad par 'dra yang/ gzhung mi 'dra ba gnyis yod par bsam mo/ /gzhi'i sel ba la sprul pa bsad pa la yang sbom po'o/ /de yang mi las gzhan pa'i 'gro ba pa dang/ dud 'gro ma yin pa'o/ /sprul pa la gnyis las/ 'dir ni srog chags gyur pa bzung gi /srog chags ma yin pa mi bzung ste/ de la srog bcad pa med pa'i phyir/ 'dir ni srog bcad pa'i ltung ba yin pa'i phyir/ sprul pa'i phyi na zhes pa ni/ sprul pa gnyis bshad pa'i phyi ma srog chags su ma gyur pa'o/ /bslab par bya ba gzhi las/ nad pa @30a @#/ /la sman sbyin pa dang/ 'brel ba zhar byung dang bcas pa ni/ dri bar bya ba zhes so/ /gsol ba la mkhas pas tshangs pa mtshungs par spyod pa'i nad g.yog bya'o zhes gsungs pas/ 'di ni mkhas pa la bkag go /lag gi las dang 'brel ba ni/ khur zhes te/ bdag dang gzhan la gnod pas 'gyur bas so/ /de'i dmigs kyis bsal ba ni/ gal te me shor ba la sogs pa'am/ la sogs pa'i las su bskos pa de lta bu'i rkyen gyis na khyim dag mod mod nas 'dzin cing btub pa nyid la gcig par 'deD par skad sbyar te/ 'degs pa'i grogs byas te/ de yang skad sbyar yang 'degs ma nus na'o/ /'di la bya'o zhes pa'i byed tshig rgya dpe la thog mar yod pas ci dgar bstan pa'o/ /so phag mi 'phang ba ni/ lag gi las dag byed pa la bstan yang/ yul thams cad la rigs pas sbyar ba'o/ /rkun po dang 'brel ba ni/ rkun po zhes te/ 'di la'ang byed tshig sngar ltar yod do/ /rdzi phyogs zhes pa ni/ rdul dang thal bas phog par bya ba'i phyir yin te/ gzhan du na mdo snga'i ma'i sogs kyis bsdus pas 'di don med do/ /'ur rdo bcang bar bstan pas rkun pos pa bkong ba'i phyir bong ba la sogs pa bcug ste/ ma phog par 'phang ba ni ma bstan yang don gyis thob bo/ /dge slong dang ngal ba'i tshig gnyis smos pa ni/ de gnyis ma yin pa phul ba la yang nyes byas phra mo'o/ /dge slong ngal ba de'i grogs bya ba ni mtshon pa ste/ chos 'di pa thams cad kyi'o/ /grogs ji lta bu bya ba ni/ ngal bsor zhes sogs so/ /byug ris bzhag pa ni/ zas kyi bya ba byed pa'i bkad sar chus byugs te/ re'u chung ngus @30b bris pa'o/ /phran tshegs kyis brjod pa ni mi'i zhes sogs so/ /'di la kha cig bsad pa'i bsam pa dgos zer ba ni mi rigs par smra ba yin te/ de lta na gzhan nas gsod pa'i pham pa'i sbyor ba la sbom por gsungs pa dang zlos pa'i phyir ro/ /des na lag pa bcad pa tsam gyis bsam pas zhugs pa'o/ /'di dang 'dul byed kyi skabs su sbom por gsungs pa mang po zhig snga ma rnams ltung ba rnam gzhag gi kun slong med pas btags pa bar 'dod pa ni don ma yin no// nags mes gtong ba gsum ste/ srog chags yod par shes pa'i dang/ dogs pa'i dang/ med pa'i phyogs so/ /dang po la mang nyung gnyis las/ srog chags yod pa bsad par ma bsams kyang/ sngar srog chags mang po yod pa'i bsam pas me btang na sbom po ste/ srog chags du ma'i yul la mi bltos par spyod pa'i phyir ro/ /srog chags nyung ngu yod pa'i blos me gtong ba ni nyes byas so/ /dogs pa'i phyogs la yang de bzhin no/ /'di dag ni mi la sogs pa gzhan bsad pa'i bsam pa med pas ltung ba gzhan te/ bsam pa de yod na ni gzhi ji lta ba bzhin du 'gyur te/ mi dang/ dud 'gro dang/ 'gro ba gzhan bsad na pham pa dang/ ltung byed dang sbom po'o/ /phyogs gsum pa la ltung ba med par gsungs te/ 'dir gtogs kyi yin nam snyam mo/ /zhu bas brjod pa ni/ ston pa zhes sogs te/ dge slong gis bsad pa'i bsam pas gsod byed la 'dir 'gro'o/ /der song ngo zhes gsad bya ston na/ gsad pa'i phyir bsgo ba byas pa yin pas pham par 'gyur te/ ston pa ni bsgo ba'i rang bzhin yin pa'i phyir ro/ /bsad sems zhugs pa bstan pa'i phyir ma bsam pa gzhan yang zhar la ston cing/ bsad na sbom po @031a @#/ /ste/ ma dang mngal na gnas pa gnyis ni/ 'di'i dpe'am mtshen byed do/ /sems gyur pa zhes pa ni/ bsad sems ma bzhag par gzhan ston pa lta bu ste/ shes bzhin lam yin par zhugs pa'i phyir ro/ /bsad pa la sogs par ched du ma bsams par grub pa ni/ bzhad gad kyis mtshon 'phangs pas shi ba lta bu ste/ de la ni mtshon 'phangs pa kho na las nyes byas yod kyi/ shi ba la ni ma yin no/ /tshe rabs zhes pa ni/ gsad bya gsod byed dang mnyam du'am/ phyi ma'i rting la shib la dngos gzhir mi 'gyur ba'o/ /'dul byed kyis brjod pa ni sbom po zhes sogs so/ /'di dag la lung du sbyor ba de'i rkyen gyis shi ba kho na byung yang/ sbom por gsungs pa ni/ bsad pa'i bsam pa ma byung bar nyon mongs pa 'ba' zhig gi bsam pas de skad smras pa'i phyir khro ba ldan pa dpyad pa'i skabs yin pas sbom po gzhan no/ /yangs pa zhes pa ni/ bdag nyid gsod na zhes pa'i spros pa'o/ /bslab bya la gnyis las/ nad pa dang 'brel ba ni/ nad pa zhes te/ 'chi ba tshogs chas zhes pa dang mi zlog pa ni/ sngar ni nad g.yog nyid la bkag la/ 'dir ni de ma yin pa'ang bkag pa'i phyir ro/ /lag gi las byed pa'i zhal ta bya ba la sogs pas bya ba de shes bzhin du bya'o/ /'di spyi la yin yang bltas pa zhes pa ni/ bya byed mang bas shes bzhin gyis zin dka' bas zhas kha cig zer ro/ /lag gi las dang 'brel ba ni/ shes bzhin kho na la gnas pas ci nas mi la sogs pa gang la yang gnod par mi 'gyur ba de ltar legs par so sor brtag par bya ste/ rdo ba dang shing la sogs @31b pa de dag dril bar bya'o/ /dge slong ma bslab pa gzhan gyis phyir bslab pa la sbyar bar mi bya ste/ mtshon gyi las la sogs pas gzhan la gnod pa nus pa'i phyir ro/ /mi mkhas pas bslab pa la sbyar bar mi bya'o/ /khyi 'tshod pa dgag par byed pa'o// zhes kha cig zer ro/ /smra ba'i pham pa la gsum las/ rnam 'byed kyi brjod pa'i spyi'i don la/ go bya'i yul ni/ tha snyad lnga dang ldan pa/ lus tha mal ba/ bdag las tha dad pa gsum mo/ /go bar bya ba ni/ mi'i chos bla ma'i lam gnyis yon tan dang bcas pa dang/ da lta bdag la mi ldan pa'o/ /tshig gi don gnyis las/ mdor bstan pa ni/ 'du shes zhes sogs so/ /rgyas bshad la gnyis te/ dngos gzhi dang/ sel ba lan smad pa zhar byung dang bcas pa'o/ /dang po la gsum las/ dang po ni/ 'bras bu'i sgo nas smas pa'o/ /de la gnyis las dngos gzhi'i ltung ba la mi'i chos bla ma dang ldan pa nyid du smra ba ni/ mthong ngo zhes sogs te/ lhan cig gtam 'dre bar byed sogs sbyar ro/ /ci mthong ngo zhes pa de tsam gyis tshig las pham par 'gyur ram/ 'on kyang zla ba bcu gcig la bltos nas yin/ bltos pa la yang zla lhag gang rung ba'am/ 'on te khyad par zhig yin zhe na/ lha dang zhes te/ de dag ni lha'i mig mi chos bla ma dang ldan pa rnams kyis mthong ba'i phyir/ de dag mthong ba log pa'i sgo nas bdag nyid mi chos bla ma dang ldan par bstan no/ /lha ni brgya byin la sogs pa dang/ klu ni dung skyong la sogs pa'i klu phra mo rnams dang/ gnod sbyin ni rnam thos kyi 'khor du gtogs pa'i ri rab byang na gnas pa dang/ dri za ni lha'i phyogs gcig glu gling la dga' zhing/ mgrin pa bde ba zas @32a @#/ /su dri za ba/ mi'am ci ni/ dud 'gro'i phyogs gcig 'phrog ma la sogs pa dang/ lto 'phye chen po dga' bo la sogs pa klu chen po rnams/ yi dwags ni phyogs gcig rkang pa'i sor mo phyir lta ba dang/ sha za ni/ yi dwags kyi phyogs gcig zas su sha za ba nag po chen po dang/ grul bum ni/ yan lag gi 'bras bu bum pa bzhin du gyur pa bum sna la sogs pa dang/ lus srul po ni/ yi dwags kyi phyogs gcig mi'i srog 'phrog pa kha sna brang la dod pa yin par/ gzhi 'grel las bshad zer ro// sel ba ni/ sbom po zhes te/ mthong ba sogs bcu'i zlar sbyar ro/ /ngo bo nyid kyi sgo nas smra ba la gnyis las/ dngos gzhi ni/ mi rtag pa zhes sogs so/ /sel ba ni sbom po zhes te/ zhi gnas ni ting nge 'dzin te/ de la gnyis las/ mos pa yid la byed pa ni/ tshad med la sogs pa'o/ /de kho na nyid yid la byed pa ni mi rtag pa la sogs pa'o/ /ting nge 'dzin de gnyis ka yang sgom byung mi lcogs med kyis bsdus pa la ni pham pa yin pas de'i rgyu mtshan rang gi mtshan nyid 'dzin pa ste/ 'dod pa'i thos bsam las byung ba'i shes pa nyon mongs gnod pa'i mi gnon gnyis las/ dang po ni/ mi sdug pa la sogs pa dmigs pa'o/ /de'i chos kyi sgo nas smra ba ni/ de dang ldan pa zhes te/ khyab pa spyir brjod nas rgyu mtshan rang la sbyor ba'o/ /sel ba la na smad pa ni/ de yod do zhes pa'o/ /bslab par bya ba ni ma bsam par zhes so/ /zhu bas brjod pa la gnyis las/ bla ma zhes sogs/ 'di la TIkkar dge sbyong gi 'bras bu bzhi la sogs pa la gsungs pa la zag bcas las nyams srid pas 'jig rten las @32b 'das pa kho na'o/ /zhes zer te brtag go /gal te ma thob las nyams pa la bsam zhing smra na yon tan du yid ches 'dod spong na gzhogs kyi spom po dang/ bsam pa dngos yin na nyes med do/ /sel ba ni bla ma zhes sogs gsungs so/ /'dul byed kyi brjod pa la gnyis las/ yon tan bsngags pa la dang du len pa ni/ sbom po ni/ zhes te/ dgra bcom pa dang chos gos la sogs pa mchog 'os pa dang/ bram ze sdig pa'i chos bsal ba sogs la 'gor btsun pa ni zhes dang/ mjug tu cang mi smra ba sogs sbyar ro/ /shin tu dul ba ni/ mi sdug pa la sogs pa bsgoms pas so/ /sbas pa ni zag pa med pa'i laM skyes pa'o/ /shin tu bsrungs pa ni dran pa dang/ shes bzhin dag gis so/ /shin tu bsgom pa ni/ nyon mongs pa med pa la sogs pa mngon du gyur pa'o/ /dang du len pa ni gnyis las/ tshig gis ni pham par 'gyur bas cang mi smra bas so/ /de yang gzhan gyis de'i don go na spom po dang/ ma go na nyes byas so/ /rig byed du thon pa dgos par 'od ldan las bshad zer ro/ /bsnyen bkur bsngags pa dang du len pa ni btsun pa zhes so/ /long la zhes bya ba ni byin len gyis shig pa'o/ /de bzhin du bsgrub pa ni/ cang mi smra bar bsod snyoms len pa la sogs pa dang/ sde tshan gnyis pa/ ltung ba'i lhag ma dge 'dun gyis gso bar byas gso bar byas bas na dge 'dun lhag ma'i sde la gsum las/ 'dod pa las gyur pa la gnyis las/ nang sems can la chags pa'i 'dod pa las gyur pa rang gi sa bon gyi bde ba la chags pa 'byin pa'i lhag ma ni/ rmi lam ni/ gnyid log pa'i sems/ de'i yul bud med lta bu yin la/ de rdzas su yod kyang 'jig rten gyi tha @33a @#/ /snyad las 'das pas/ med pa dang 'dra ba'i rmi lam/ de'i 'bras bu lus ngag gi 'gyur ba dang/ khu ba 'byin pa sogs ni ma byas pa de nyid do/ /gang byas na 'byin pa'i lhag ma bzhi 'gyur zhe na/ phyung na'o/ /kun slong ni 'byin pa dar 'dun pas yin gyi/ rgyug pa la sogs pa'i sems kyi phyung ba ni ma yin no/ /dngos po gang byung na ni/ khu ba dang/ rang gi dang/ dang po'i gnas na gnas pa de gsum mo/ /bde ba sogs ni ched du bya ba ste/ de dag la ltung bar bye brag med pa'o/ /rnam pa gang gis 'dzin pa ni/ tshul min yid byed la sogs pa tsam gyis ma yin gyis reg pa dang/ de yang phrad pa tsam ma yin gyi drud pa la sogs pa'i brtsal bas so/ /gang la reg pa'i gzhi naM la sogs pa'i brtsal bas so/ /gang la reg pa'i gzhi ni brla'i phyogs la sogs pa gzhan gyi phyogs ma yin gyi/ yan lag gi rnam pa pho'i dbang po la'o/ /reg byed ni nang gi tang dang/ gzhan gyi lag pa tsam du ma zad kyi phyi rol gyis kyang ngo/ /de la yang sems can du bgrang ba shi ba'i lus dang/ sems can du bgrang ba ma yin pa gos la sogs pa gnyis las/ sems can du bgrang ba ste lag pa sogs bcad na'o/ /phyi rol tu bgrang ba la yang sems can gyi rnam pa ma yin pa srid pas da las gar ba'i phyir/ rang gi rnam pa gang yin pa de'i rnam par gnas pa ste/ yan lag gang yang rung ba rang gis rnam pa las ma nyams pas reg ste phyung na/ lhag mar 'gyur gyi lag pa kho nas reg ste phyung bar ma zad do/ /lus kyi rnam pa las nyams pas phyung ba ni spom po ste/ sha'i dum bus ni sbem po'o/ /zhes gsungs pa'i phyir ro/ /sems can du bgrang ba/ de'i rnam par gnas pa/ @33b pham pa skyed nus pa rma'i sgo las gnas pa ste/ gsum pa ni/ gang gi 'byung ba'i dngos po ste/ bar pa ni lag pa lta bu la rtsol na mkhrig ma man chad tshang ba zhes zer ro/ /brtsal bas so/ /zhes pa la 'chang bas bcangs pa'i brtsal ba 'ba' zhig tu ma zad de/ ri la ? gyis se zhes so/ /de gnyis su ma zad/ bde ba nyams myong shas chen po med gang lhag par 'gyur ba ni/ bye brag sogs so/ /de la dang po ni/ skyes pa dang bud med dang por sprad pa'i gnas skabs kyi bde ba'o/ /gnyis pa ni/ khu ba lus kyi dbang po las 'thon ka'i bde ba'o/ / gsum pa ni/ khu ba phyung nas de'i med la 'dod chags kyis gdungs pa dang bral ba'i gnas skabs kyi bde ba'o/ /dang po 'dir nyams su myong ba mi srid pas de dang 'dra ba la dogs pa bcad pa'o/ /'dir yan lag bcur 'gyur te/ phyung ba/ der 'dun pa/ rang gi khu ba/ dang po/ /reg pa/ brtsal ba/ yan lag gi rnam pa/ phyi rol/ sems can du bgrang pa/ de'i rnam par gnas pa'o/ /de las gang rung gcig ma tshang na ni sbom po'o/ /sbubs su zhas te dang po'i don no shugs kyi skabs su lus kyi brtsal ba btang na ste/ reg cing brtsal ba ma chad pa'i sel ba'o/ /gar byed pa dang/ nam mkha' ni reg cing brtsal ba'i sel ba'o/ /phyogs gzhan du ni yan lag gi rnam pa'i sel ba'o/ /rgyun las dang/ rdzi phyogs dang/ mngon par gsum ni phyi rol sogs kyis reg cing brtsal ba'i sel ba'o/ / mngon par ni sngar bshad pa'i gsum gyi dang po'o/ /sgrub pa ni nan tan byed pa'o/ /des gzhan gnyis kyang mtshon pa ste/ 'dir ni de gsum gyi bde ba la yid kyis kun tu btags nas 'byin pa'o/ /sbubs su ni dang po'i sel ba'o/ /chags pa'i sems la dbyung 'dod kyi @34a @#/ /chags sems zhes rnam 'byed 'grel pa las bshad zer ro/ /gzhal ba'i gzhi ni yan lag gi rnam par ma smos kyang 'grub bo/ /chags sems kyis lta na'o/ /rang dang gzhan gyi la nyes byas dang/ der phra mo zer ro/ /rgyun la yang chags sems sbyar ro/ /g.yan pa 'phrug pa ni/ khyi rngo dang/ 'brum bu la sogs pa'i sdug bsngal gyis nyen pa'o/ /reg bya ma yin pa myong nas khu ba byung ba la/ bab col du de'i don ma yin pa zhugs par sbyar ro/ /dran nas byung ba la ni reg bya de la yang ltung ba med do/ /bab col sogs sbyor ro/ /de gnyis kyang nyer gnas las byung ba yin gyi chags par 'gyur ba'i gzugs la lta'o snyam nas don ma yin par zhugs pa las byung na ni nyes byas so/ /zhu ba'i skabs nas 'byung ba ni/ khu ba rang gi gnas nas skad cig gnyis pa la 'pho ba dang/ 'phos ma thag pa'o/ /gang du 'pho ba dang/ 'pho ba ni yan lag gi rnam pa'i spubs kyis rtsa bar ro/ /dbyung ba'i ched du rtsom pa byas kyang btang na sbyor ba'o/ /shugs kyi skabs su btang ba la spom po yin na de'i snga rol la nyes byas su dogs pa bsal ba'i phyir ro/ /sbyor ba/ gnyid ma log pa'i brtsal ba med par dang/ bab col du byung ba la'o/ /cung zad dang/ yongs su ni phyogs gcig thams cad nas so/ /de yang bdag gir byed pa la sbom po'o/ /las su rung ba mtshon pa ste/ ma rung ba la yang zhes zer ro/ /sems can du bgrang bas rag pa la spom po dang de ma yin pas ni nyes byas so/ /dbyung ba'i phyir sman 'thung nas 'byin na 'gyur ba yod na sbom po dang/ med na lci bar 'gyur bas nyes med do// @34b gzhan gyi yan lag gi rnam pa las 'byin na 'gyur ba yod rung med rung nyes byas te/ shin tu smras par bya ba yin pa'i phyir ro/ /'dul byed kyi skabs nas 'byung ba ni phyi rol dang/ de'i rnam par gnas pa'i spros pa ni/ rnam par bsngos pa nas dngos gzhi'i bar ro/ /sogs kyis ni rnam par rnags pa/ rnam par bam pa/ rnam par 'bus gzhigs pa/ rnam par zos pa/ rnam par dmar ba rnams bsdu'o/ /rnam par zhig pas ni rnam par 'thor ba bsdu ste/ klad pa bgo pa dang yan lag dang bral ba ni rnam par zhig pa'o; ;rma ni rang gi yan lag gi rnam pa'i bu ga ste/ gzhan gyis 'tshir na nyes byas so/ /mo'i dbang por lhag par spyad pa rtsom pa'i tshe lag pa la sogs pas de 'tshir na sbom po yin gyi/ lhag par spyad pa la zhugs zin pa 'tshir ba ni ma yin te/ de'i rtsom pa gcig tu gyur pa'i phyir ltung ba gcig nyid kyis lhag par spyad par spyad pa nyid bsdus pa yin no/ /mo'i dbang po der ro/ /de gnyis ni mi tshangs spyod du gtogs pa ste/ phyi ma ni/ de'i gzugs brnyan yin pa'i phyir ro/ /mthe bong dang mo dbang mtshon pa ste ba so'i rid ba la sogs pa dang/ kha dang gshang lam yang ngo/ /nye bar 'gro ba ni mi tshangs spyod dang/ khu ba dbyung ba'i don du yin na/ de dag tu gtogs pa dang/ 'chag pa sogs kyi don du yin na/ ltung ba med do/ /dbyung ba'i don du gnas nas zhes so/ /tshul bzhin min pa ni dbyung ba'i don du skra dang/ sen mo dang/ se dang/ rked pa dang/ brla dang nu ma sogs yid la byed pa'o/ /'dzin pa ni brtsal ba med pa'o/ /'dzag snod la dbyung ba'i don ma yin par zhugs pas/ khu ba byung ba la ltung ba med do// @35a @#/ /gzhan gyi lus kyi reg bya la chags pa la gsum las/ rnam 'byed nas 'byung ba ni/ 'di la zhes sogs so/ /'dir bud med yul du dgos pa'i ltung ba lhag ma la gsum dang/ 'ba' zhig pa la bdun te bcu'o/ /'o na bud med yul du dgos pa thams cad mi sdud par 'di tsam zhig sdud pa ci zhe na/ 'di rnams la don go dang/ rten gyi yan lag gnyis po dgos la/ dge slong ma yul du dgos pa'i ltung ba rnams la/ de gnyis mi dgos par ma bshad de/ mdor na yan lag gnyis po dgos pa'i bud med yul du dgos pa rnams bsdus so/ /zhes zer ro/ /kha cig na re/ de lta na dge slong ma las gyur pa rnams la dgag bya chags pa 'gegs sam/ mi 'gegs/ dang po ltar na mtshan mi mthun pa yan lag tu mi dgos par 'gyur te/ rdeg pa bzhin no; ;ma las gyur pa rnams pha las kyang 'byung bar 'gyur te/ chags pa ni mi 'gegs la/ gzhan mtshungs pa'i phyir ro/ /gnyis pa ltar na yan lag gnyis dgos te/ de la chags pa rdzogs pa ltar gzhan la ma yin pas so/ /gal te don la dgos kyang blos mi dgos te/ sdom pa dag pa dang ldan pa'i nang du 'dus pa'i phyir te/ gzhon nu ma ni nyi shu dang khyim so bzung ba bcu gnyis la sbom po ster bas des rten rung grub cing/ tha snyad mi ldan pa mdzes pas bar chad yin pas de la sdom pa ster ba bkag pas tha snyad dang ldan par grub bo zer na/ mdzes pa'i bar chad can la byin na skye ba dang/ skyes nas kyang de ltar 'gyur ba srid de/ rna ba'i sbubs dgags pa dang/ dbus pas mtha' 'khob tu phyin pa yang/ don mi dge ba'i bye brag tu gsungs pa'i phyir ro/ /des na sdom pa @35b dang ldan yang/ yan lag gnyis smos dgos so/ /gnang mi dgos pas ma bshad pa de lung du yin na/ zhu ba nas/ don go dgos par kun la sel ba'i cha nas bshad la/ rten rung ni 'grang ba la dngos su gzhon nu ma la smad par bshad cing/ gzhan la rung mthun du sbyor dgos pa dang 'gal lo/ /bstan bcos su yin na spyir bstan pa gnyis ka bshad pa dang 'gal lo/ /gzhan yang bcu po'i bdun la rten rung dang/ gsum la don go smos pa de phan tshun du 'khrul ba'am/ so sor nges/ phyi ma ltar na/ reg pa soD bdun la zhus pa nas/ sel ba'i cha nas tha snyad bshad pa dang/ 'khrig tshig sogs gsum la 'dul byed nas rdzu 'phrul gyi chos can ma yin pa ni zhes bshad pa'i rung mthun gyis rten rung dgos par gsungs pa dang 'gal lo/ /rigs pa yang dgag bya chags pa 'gegs sam/ mi 'gegs/ phyi ma ltar na/ sngar ltar dang/ snga ma bshad pa ltar na/ bdun la don go dang/ gsum la rten rung dgos te/ de gnyis la dgag /zlog pa la min pa'i phyir ro/ /yan lag 'khrul ma yin na nges can du smos pa'i phyir/ lung gi thad ka'i don tsam bsdus pas zhe na/ sngar 'di rnams yan lag gnyis dgos pa rnams bsdus par 'dod pa nyams so/ /des na rang lugs ni/ thad ka ba'i don tsam bsdus pa yin cing/ yan lag gnyis kyang 'khrul ma'o/ /zhes zer ro// khyim pa me la ston pa'i skabs su phyi rol pa'i rab byung mo la yang nyes byas su gsungs so/ /de ltar ltung ba bcu la spyir bud med dgos pa tsam du 'dra ba las/ yan lag khyad par ma gsungs pa ni/ lnga las/ rigs pa'i skyes pa med pa'i yan lag ni/ lam du @36a @#/ /'gro ba dang/ chos ston pa gnyis la ste/ snga ma la so thar las ma smos kyang chos ston pa la rigs pa'i skyes pa med pa gsungs pa'i gnad mtshungs sbyar ba'o/ /spyir khrims grogs tsam dang/ mtshan nyid dang ldan pa gnyis las/ dang po ni/ dben pa na 'dug 'greng la bud med tsam dang/ nyal po byed pa la gegs byed par nus pa dang/ lhan cig nyal ba la bsrung nus pa tsam gyi khrims grogs kyis chog go /khrims grogs mtshan nyid dang ldan pa ni/ lam du 'gro ba dang/ chos ston pa la dgos pas/ mi smra shes don go bsam pa dang/ lus rang bzhin du gnas pa/ skyes pa'i mtshan rkyang pa dang ldan pa/ 'gyur ba mi ston pa dang/ long ba ma yin pa/ thos pa'i nye 'khor pa gnas pa de/ brgyad dam dgu zer ro/ /de la don go ba ni/ rigs te 'khrig pa dang ldan pa'i brjod pa dang/ spyod pa shes pa'o/ /'gyur ba rten pa ni/ spyod pa dang/ mtshan gyi sgo nas so/ /gling gcig yang bsnan dgos so/ /mtshan gyi yan lag ni mtshan gnyis pa skyes pa'i mtshan shas che ba'i rnam pa de lta bu nyid la ni/ mtshan cig shos bud med kyi mtshan don med pa ste des snga ma la gnod pa'i phyir cung zad kyang byas pa med do/ /bzlog pa la de ltar ro/ /mdor na mtshan gang shas che ba des de'i bya ba byed nus na chung ba de yod kyang mtshan gnyis la brten pa'i ltung ba rdzogs par bskyed pa'i don te/ 'di ltar bud med kyi mtshan shas che na/ dge slong la bud med kyi skabs kyi kha na ma tho ba rdzogs par 'gyur la/ skyes pa'i mtshan shas che na @36b dge slong ma la skyes pa'i skabs kyi kha na ma tho ba rdzogs par 'gyur ro/ /de'i tshe reg pa sogs bcu la bud med kyi mtshan rkyang pa dang/ de shas che ba gnyis ltung ba la 'dra'o/ /'o na skyes pa'i mtshan shas che ba'i rigs pa'i skyes ba de khrims grogs la 'dra'o zhe na/ rigs pa'i skyes pa mtshan gnyis pa dang ldan pas bud med dang lam du 'gro ba dang/ de la chos ston la phyed de nyid de nyes byas so/ /'dir zhes pa la mtshan cig shos mo'i mtshan gyi skabs 'dir/ zhes gsungs pa ni/ mo'i mtshan gyi bya ba byed nus pa yan lag tu dgos pas na skabs 'dir zhes yul la bzung gi /grogs la mi bzung ngo/ /'di la byed pa po bud med do zhes smras na/ bud med thams cad dam/ bye brag 'ga' zhig yod ce na/ 'og ma zhes te/ legs nyes smras pa'i sgra dang/ don shes pa'i mthu yod na dngos gzhi'i byed pa po yin gyi/ bud med tsam gyi ma yin no/ /gzhan la ni 'ba' zhig pa drug la mdzad kyang de ma thag tu/ mthu yod pa'i bud med la lus kyi reg pa'i dge 'dun lhag ma gnas yin pa de la mthu med na nyes pa sbom po'o/ /zhes gsungs pas reg pa dang bcas pa bdun la ni/ 'khrig pa bsten pa'i mthu yod na bud med de dngos gzhi'i byed pa'o/ /'di gnyis yan lag 'khrul mar 'dod kyang mi 'thad pa 'dra ste/ rtsa 'grel gnyis kar nges can du mdzad la/ don la yang/ gsum po ngag gi tha snyad la brten pa'i don go dgos kyang gzhan bdun te de ltar ma yin pa'i phyir dang/ gong ma gsum gyi dgag bya rdzogs pa rten rung la mi ltos pa'i phyir snyam pa dang ste dpyad do/ /mthu stobs yod pa las gzhan du med na tshig @37a @#/ /'og ma'i byed pa por 'gyur te/ mthu yod pa la bar du gcod pa'i tshe/ reg na sbom po ni mthu med pa la nyes byas/ mthu yod pa dang lhan cig nyal ba sogs la ltung byed ni med pa la nyes byas so/ /pho mo'i mtshan gang yang med kyang/ dbyibs pho mo'i rnam pa can gyi ma ning gnyis dang sems can du bgrang ba kho na sngags dang sman la sogs pas bsgyur ba'i sprul pa mo yang mthu med pa dang 'dra bas sngar ltar na smad do/ /reg pa/ 'khrig tshig /bsnyen bkur bsngags pa gsum po 'di la skyes pa mthu med pa dang 'dra'o/ /kun slong gi yan lag ni/ de dag ni gsum po'i lhag ma'i yul la bde ba gang yod pa nyams su myong ba'i phyir du bdun po'o/ /de yang kun tu 'dod chags dang ldan pa ste/ so thar las bral zhing gyur pa'i sems kyis zhes gsungs pa'i bral ba ni 'dod chags mngon du gyur pa'o/ /gyur pa ni chags pa rgyun ring ba'o/ /de gnyis kyis khyad par can du gyur pa'i chags pa ni kun tu 'dod chags so/ /skyo dogs ni gsum po 'di la dang sbyar ba'o/ / 'di 'dun pa yod la chags pa dang mi ldan na na smad la/ chags pa yod la 'dun pa med la/ gnyen pos bzlog na ltung med dang/ ma bzlog na na smad zer te brtag go /lus kyi reg pa bdag gir byed na zhes pa la/ reg bya'i yul ni/ bud med kyi mtshan don yod pa/ rten du rung ba/ mi yin pa dang/ smyo ba sogs bzhi las bzlog pa'i tha snyad phyed dang gnyis dang ldan pa/ lus tha mal pa/ lus dngos yin pa/ ma nyams pa/ pham pa skyed nus kyi rma'i sgo las gzhan yin pa bdun zer ro/ / @37b mi'i sel ba dud 'gro lta bu la reg pa ches na smad do/ /reg byed ni/ lus dngos/ ma nyams pa/ pham pa skyes pa'i zag byed las gzhan pa ste gsum zer ro/ /lan bu dang/ 'dug pa la sogs la ltung ba med pas de las dgar ba'i phyir 'dir ro/ /de dang 'brel ba'i gos ni lan bu dang 'brel ba'i skud pa la sogs pa lan bu'i yan lag tu gyur pa'o/ /cod pan dang kha chu la sogs pa la reg pa ni sen mo dang 'dra bar sbom po'o/ /nom pa ni dang por lan cig lus la sbyor ba'o/ /nyug ba ni yang dang yang du sbyor ba'o/ /spros pa ni/ mthang sbyar ba'i bsam pas rang gi lus bud med kyi lus dang bar du ma bcad par spros pa'o/ /gos kyi bar du chod pa la reg pa ni tshigs 'og mar na smad de/ dngos gzhir 'gyur ba la sbom po dang/ sbom por 'gyur ba la nyes byas so/ /lus kyi reg pa tshor ba la yang ltung ba la bye brag med de/ thams cad du lus kyi reg pa med pa'i phyir ro/ /zhes gsungs pa ni gos kyis bar bcad pa la yang srab mos song bas tshor na'ang 'og mar na smad pa la khyad med de/ thams cad du ste/ dngos su lus reg pa med pa'i phyir zhes pa'i don no/ /'di la kha cig nyams myong la mi gnod pa'i srab mos bar chod pa dang/ bar ma chod par reg pa gnyis ltung ba la bye brag med de/ thams cad du lus kyi reg pa dang khyad par med pa'i phyir ro/ /zhes kha bskang bar byed de/ thams cad du zhes pas so zer te de gnyis ka ma yin te/ bsam pa'i nyes pa med kyang/ dge slong ma sogs la mi reg go /snying brtse bas zhes pas chog mod/ chur zhes ci'i phyir smos she na/ bden mod kyi/ 'on kyang ma dang zhes pa'i yul bstan pa'i phyir/ bsten par @38a @#/ /bya bas zhes par yang kun tu 'dod chags pa'i sems med par snying brtse ba la sogs pa sems gzhan gyi reg pa la nyes pa med do/ /zhes so/ /sems dag pas zhes pas yul rten gnyis ka la sbyar ro/ /zhu ba nas 'byung ba ni/ 'jam pa sogs kyi mthar bsam pa sbyar ba ni/ reg pa'i bye brag nyams su myong bar 'dod bas reg pa ste kun tu 'dod chags pas sel ba'o/ /'dir 'khrig pa dang ldan pa'i ro myang ba'i bsam pas ma yin na/ sbom po'o zhes gsungs pa ni dpyad par bya'o/ /khyad par can gyi spyod pas reg pa la gsum las/ snying brtse bas reg pa ni/ me dang chu dang/ g.yang sa la sogs pa'i sdug bsngal las thar bar bya ba'i phyir snying brtse bas reg pa la nyon mongs pa can gyi sems med pa dang/ khyad par can gyi spyod pa yin pa'i phyir ltung ba med do/ /nye du shes pas mthong bas reg pa ni/ ma dang zhes so/ /'dir kha cig /reg pa la nye du ma yin pa dgos pas de'i sel ba'o/ /zhes zer ba la/ de lta na sngon spyad pa la yang thal bar 'gyur ro/ /zhes zer ba ni 'thad do/ /des na 'di dang 'og ma gnyis ka la chags sems med pa'i reg pa la dgongs so/ /sngon kun tu dga' ba nyams su myong bas reg pa ni sngon spyad pa zhes so/ /'di gnyis ka sngar bsam pa'i nyes pa med du zin kyang dge slong ma dang/ bud mad la reg par mi bya bar gsungs pa'i sel bar 'grig go /'dul byed nas 'byung ba ni/ zas dang sogs so/ /rkang pa dang/ de'i bstan zhes pa gnyis kyis rgod bag gis reg par bya ba kho nas reg pa bstan par mdzad de/ snga ma yang de'i bsam pas reg par bya dgos @38b pa 'dra'o/ /sogs pas ni rtsib logs la sogs pas 'phul na'o/ /rten ni bud med dang bcas ma bcas gnyis ka ste/ khri'u la sogs pa rnams gsung ngo/ /khyad par can gyi spyod pa dang 'dra ba ni/ 'greng bar 'gyel ba'i bud med rang ldang nus bzhin du slong na zhes gsungs pas ldang bar mi nus na nyes pa med do/ /bud med kyis dge slong la phul ba sogs gsum mi 'dod bzhin byed pa ni ltung ba med do/ /bzung ba ni bud med kyis yin la/ de dang 'og ma rnams mi 'dod bzhin du byed pa la ltung ba med do/ /smra ba'i bde ba la chags pa 'khrig tshig gi lhag ma la gsum las/ rnam 'byed las 'byung ba ni/ gang la smra ba'i yul la/ /bud med kyi mtshan don yod pa/ rten du rung ba/ tha snyad bzhi ldan/ lus tha mal pa/ rdzu 'phrul ma thob pa ste lnga yin la/ 'og ma la yang de ltar zer ro/ /gang brjod par bya ba ni/ yul dus der 'khrig tshig gis gsal por grags pa zer ro/ /sngar bshad pa'i bud med don go ba la/ gnyis kyis gnyis sprod pa'i 'khrig pa smras na de'i lhag ma'o/ /sgra ji lta bus smras zhe na/ rgya dang rna ru zhes bya ba'i sgra gang rung gnyis kyis gnyis sprod pa brjod bya'i don du yod pa'i sgras so/ /rgya la sogs pa'i don bzhin nyal po zhes bya ba la sogs pa'i sgra yang rgya la sogs pa'i don 'grel par/ 'dir don zhes bya ba'i sgra cig shos bri bar rigs par bya ste/ rgya la sogs pa'i don gyis so/ /zhes bya ba ni/ des smras na'o zhes gsungs pa ni/ sgra cig shos nyal po zhes bya ba lta bu 'khrig pa la gsal bar ma grags pa la dgongs pa 'dra'o/ /'khrig pa go bar byed pa'i sgra ni gnyis te/ dngos dang nye bar 'dogs pa'o/ /dang po la ni 'dir rnam gzhag go /gnyis @39a @#/ /pa la ni/ gal te rgya la sogs pa'i don yul dang/ dus der chags pa der smras na dngos gzhi'o/ /ma chags pa/ dper na/ phrad pa dang/ nyal ba la sogs pa brjod na ni sbom po'o/ /chags ma chags ni de la/ grags ma grags so/ /bud med de sgrin me zhig yin pas nye bar 'dogs pa'i tshig de 'khrig pa la brda phrad du zin kyang/ dngos gzhir mi 'gyur te/ rgya la sogs pa'i don chags pa med pas so/ /de ltar yang lung las/ kho bo dang lhan cig phrad par gyis shig ces pa la/ sbom por gsungs te/ rgya la sogs pa'i don dag la dngos su zhugs pa med pas so/ /dper na/ pha dang bu phrad pa zhes pa'i don bzhin no/ /'dir 'grel par/ nyal po dang lhag par spyod pa'i sgra la dngos gzhir bstan pa ni/ 'khrig pa la yul dus gsal por grags pa la dgongs so/ /rgya la sogs pa'i don byed pa'i tshig med par brjod pa byed cing/ bud med kyis thos nas brda phrad pa la dngos gzhir gsungs pa ni/ rang gi don bsam zhing/ dngos su tshig gi bdag nyid la sbyar ba med pa la dgongs so/ /gzhan gyi bsam pas smras pa la sbom por gsungs pas rang don du smras pa dgos so/ /mthar thug grub pa'i dus ni yi ge dang tshig la dpe yod na'ang/ bud med kyi tshig go ba'i yi ge dang tshig gi dus der dngos gzhi bskyed pas phyis brjod pa rnams ni de nyid kyi khongs su gtogs te/ rtsol ba'i rtsom pa gcig tu gyur pa'i phyir ro/ /rgya dang rna ru tshig med par dngos gzhi dang 'brel ba'i don/ rma'i sgo la sogs pa smras pa ste/ dper na/ sru khyod kyi rma'i zhes pa lta bu smras pa'o// @39b rgya dang rna ru zhes bya'i sgra la ni/ dngos gzhi dang 'brel ba'i sbyor ba yod par the tshom mi za yang/ sru zhes sogs la dngos gzhi'i tshig med na ci'i phyir sbyor bar 'gyur snyam du dogs pa bsal ba'i phyir mdo 'di byas so/ /bsngags pa ni/ sru'i rma'i sgo gsum ni legs par dod/ gnas gyur pa'o/ /zhes bstod pa'o/ /bsngags pa ma yin pa ni de las zlog pa'o/ /gsol ba ni/ sru tshur shog /de dang de bya'o zhes zer zhing/ rgya dang rna ru dngos su mi brjod pa'o/ /nye bar gsol ba ni/ bud med dang skyes pa de dang byed pa gang yin pa de dang/ de ni dga' ba dang yid du 'ong ba yin gyis/ sru bdag cag kyang de dang de byas na dga' ba dang/ yid du 'ong bar 'gyur ro zhes pa'o/ /'dri ba ni/ sru skyes pa gang bud med gang la de dang de byed pa de ni dga' ba dang/ yid du 'ong bar 'gyur na/ kho bos kyang sru la de dang de bya na sru kho bo la dga' ba dang/ yid du 'ong bar 'gyur ram/ zhes pa'am/ yongs su 'dri ba ni/ dang po gsum 'dri ba'o/ /brjod pa ni sru ni khyod la dga' ba dang/ yid du 'ong ba bden na/ khyod de la ji lta zhes pa'o/ /smon pa ni/ sru nam zhig na kho bo khyod dang lhan cig de dang de byed zhig gu zhes pa'o/ /gshe ba ni/ khyod la bong bu de byed par gyur cig /der mgal du ma chu gcig ces bya ba la sogs pa'o/ /phyir smra ba ni/ bud med kyi bsngags pa sogs smra ba na dge slong gis phyir rnam pa de nyid kyis lan 'debs pa la dngos gzhi'i dbang du byas pa'i sbyor ba nyid yin par bye brag 'ga' yang med do/ /bsnyen bkur bsngags pa la/ 'khrig tshig gsal pos bsnyen bkur bsngags pa dgos par 'dod pa la/ de lta na 'khrig tshig gi lhag mas @40a @#/ /khyab pa dang/ dgag bya dod mi thub par 'gyur te rgya la sogs pas smra dgos pa dang/ 'di la bdag nyid dang sbyar ba yang dgos pa'i phyir ro/ /des na rgya la sogs pas bsngags na ni/ 'grel par 'byung ba ltar gnyis kar 'gyur la/ 'khrig pa tsam gyas bsngags na ni bsnyen bkur bsngags pa kho na'o/ /bdag lta bu'i dge slong tshul khrims dang ldan pa/ dge ba'i chos can/ tshangs par spyod pa la 'khrig pas bsnyen bkur byas na/ bsnyen bkur dang phul du byung ba/ khyad par du 'phags pa/ bzang ba/ mdzes pa/ dge ba/ mchod par 'os pa/ bstod par 'os pa/ rgya che ba yin no/ /zhes pa dang/ chos mchog la sogs pa ste bco brgyad lung las gsungs so/ /'di yon tan gnyis gnyis smos nas re re mad pa'i bco brgyad pa phrag gsum dang/ re re yod cing/ gnyis gnyis med pa phrag gsum dang/ gsum ga med pa'i bco brgyad pa phrag gcig ste mu brgyad do/ /tshul khrims sogs gsum ni/ bslab pa gsum la lung 'grel pas bshad zer ro/ /des bsngags pa dang/ ches na smad la yang mu brgyad brgyad dang/ de dang zhes pa la mu brgyad tshan gnyis dang/ des bsngags pa la yi rang ba ni/ mi chos bla ma sogs sbyor ba dag gis 'jug cing/ mthar thug don go la 'jog pa thams cad la sbyar te/ rgyun la khyad par med pa'i phyir ro/ /chos ston pa dang/ 'don pa lta bu la dmigs bsal yin te/ yan lag gzhan ma tshang ba'i phyir/ zhes zer ba ni brtag par bya'o/ /gzhan 'dod pa bsten du 'jug pa smyon byed pa la gsum las/ rnam 'byed las 'byung ba la/ gang sprang ba'i yul ni/ skyes pa dang bud med gnyis @40b ka mtshan don byed nus pa rten du rung ba/ tha snyad bzhi ldan/ lus tha mal pa rdzu 'phrul can kla yin pa/ rang las tha dad cing/ de gnyis kyang tha dad pa/ da lta mi mthun pa ste bdun ldan dang/ phyi ma ni mthun pa gtan ma thob pa'o/ /thob kyang nyams pa zer ro/ /'phrin go bar bya ba'i yul la/ tha snyad lnga dang ldan/ lus tha mal pa/ de gnyis la dbang che bar gnas pa ste gsum zer yang/ de gnyis sam de gnyis la dbang che ba zhes bya'o/ /snga ma'i drug pa yang dang pos chog par snang ngo/ /'dir sbyor ba la 'phrin gsum med na/ na smad par 'dod pa ni dpyad do/ /su dang phrad pa la gzhan dang po/ zhes mi'i 'gro bas/ sten par byed pa po'i dbang pho dang ldan pa dang po/ /sur phrad na/ bdag nyid du phrad pa ma yin gyi/ gang zag gzhan du'o/ /gzhan ji 'dra ba zhig tu zhe na/ mi'i 'gro ba po'i bud med la sogs pa sten par byed pa rma'i sgo dang ldan par ro/ /'di la kha cig /sogs kyis skyes pa ma yin pa rku rgyu med pas skyes pa nang sprad pa la yang lhag mar 'gyur te/ 'grel pa dga' ba skyes pa las kyang/ skyes pa dang bud med sprad pa la yang lhag mar 'gyur na/ skyes pa nang sprad pa la ches 'gyur te/ ches sdig lci bas so/ /zhes bshad pa'i phyir ro/ /zhes 'dod pa la/ gzhung 'grel las/ smyan gyi byed pa po skyes pa dang bud med do zhes pa dang so thar rnam 'byed rtsa ba gsum las 'byung bas mi 'thad do/ /rigs pa yang/ 'byung nye ring gi dgag bya gnas skabs kyi sgo nas rdzogs mi rdzogs yod pas so/ /des na rnam pa de bzhin du zhes bshad pas sogs kyis mtshan gnyis pa sdud zer ro/ /rgyu gang gis gzhan dang/ gzhan du @41a @#/ /prad na ltung ba 'dir 'gyur zhe na/ sprad bya gnyis mi mthun pa ste gcugs par ma gyur pa mthun pa ste/ bcug pa bsgrub pa'i phyir du sprad par bya ba zhes so/ /brjod pa ni snga ma la go bar byas pa'o/ /mthun pa bsgrub pa de gang gi ched yin na phrad pa de'i don du'o/ /sprad bya gzhan gyi 'phrin lan lus kyi rig byed dam/ ngag gi rig byed dam cang mi smra bas 'jug pa ni 'jug pa'o/ /'phrin mnos pa dang/ skyel ba gnyis kyi bar na gnas pas bar ma'o/ /'jug pa bar ma de'i phyed par thos pa ni/ dge slong de'am/ gzhan las mngon sum du'o/ /mig gis sam/ rna bas sam/ yid kyi rnam par shes pas sprad bya dang po des rig pa'o/ /des nod pa dang go bar byed pa gnyis byas na brjod pa dge slong gis ma byas kyang lhag mar 'gyur ba'o/ /nod pa dang go bar byed pa dang/ brjod pa'i tshig gsum po de dag gis bya ba ni sbyor ba tha dad pa yin te/ dge slong gnyis kyis spring pa mnos nas/ gcig gis phar yang skyel/ tshur yang skyel ba la lhag ma dang/ gcig gis phar ni skyel la/ tshur ni mi skyel lo zhes zer ba la sbom po gnyis dang/ yang dge slong gnyis kyis sbring ba ma mnos nas phar tshur du skyel bal sngar ltar dang/ gcig ni phar yang mi skyel la tshur yang mi skyel lo/ /zhes zer ba la sbom po gcig go /zhes sogs/ de lta na 'phrin nod pa la sogs pa re re dag la phyi ma med na'ang/ tshig snga ma la sbom por gsungs pa 'dir bsdus par gsungs so/ /'di tha dad mtshan nyid pa dang/ btags pa ba dang/ kha cig dang po yin te/ tha dad pa'i rgyu ni 'dun pa bzlog pas zer ro/ /kha cig ni/ lung dang rtsa ba las/ @41b tha dad du gsungs shing rigs pas kyang grub ste/ rgyu tshogs tha dad pa'i phyir ro/ /zhes zer ro/ /de la gzhan dag na re/ 'dun pa bzlog pa la lung dang/ rtsa 'grel gang nas kyang mi gsal lo/ /rgyu tshogs tha dad pa yang ma grub bo/ /dus snga phyi dang/ zhen pa che chung tha dad du ma yod pas snyam na/ 'phrin re re la yang dag dang/ lus kyi rig byed du ma yod cing rgyun ldan gyi ltung ba thams cad la yang de yod pa'i phyir/ ltung ba du mar thal lo/ /des na sbom po gcig yin no/ /tha dad du gsungs pa'i dgongs gzhi ni 'phrin tha dad gsum la'o/ /dgongs pa ni 'phrin tha mas dngos su sprad pas sbyor sbom du 'gyur gyi/ dang po la nyes byas so snyam pa bsal ba'i phyir te/ 'di ltar dang po gnyis la sbom por bstan kyang/ tha dad par ma bstan na snga ma gnyis kyis rgyu byas nas phyi ma la sbom por 'gyur gyi/ snga ma la sbom po med do snyam nas dogs pa mi chod par 'gyur bas so/ /zhes zer ro/ /gzhan yang/ dril bsgrags pa'i 'grel pa las/ 'phrin gsum ga la sbom po gcig tu bstan pas kyang gnod de/ mthun pa ye ma thob pa dang/ thob nas nyams pa la khyad par med pa'i phyir ro/ /zhes zer te/ 'grel pa las de ltar bshad pa ni med do/ /phyogs snga phyi de dag ni gzhung gi don ma yin no/ /'o na gang zhe na/ 'phrin nod pa la sogs pa re re dag la phyi ma med na'ang zhes gsungs pas 'phrin tha ma'i dngos gzhi skyes pa la phyogs pa cem la spom por 'gyur ba dang/ gnyis ka ma tshang na sbom por mi 'gyur ba bsal ba'i phyir/ mdo 'di gsungs te 'phrin dang por mnos pa nas brtsams te sbom po bskyed par bstan cing/ de yang phyi ma rnams dang ma tshogs kyang/ re re na @042a @#/ /sbom por 'gyur ba yin no/ /des na 'phrin gsum ma tshogs par re re nas sbom po skye mi srid par 'dod pa ma yin no/ /'grel par gcig gam/ gnyis byas nas gzhan mi byed pa khungs su mdzad nas/ de bsdus par bzhed pas 'phrin gsum ga byed pa lta bu la/ 'phrin re re nas sbom por mi 'gyur gyi/ de la gsum ga la sbom po gcig bskyed pa bya dgos te/ mtha' tshig bdun gyi tha ma gnyis la bsdums byas pa la sbom po re re las ma gsungs pa'i phyir ro/ /de'i phyir 'phrin gsum po de dag gi bya ba ni tha dad ces pas re re yang gzhan la ma ltos par sbom por bskyed pa yod par ston gyi/ nges par ston pa ma yin no/ /mi nyid kyi za ma dang mngal na gnas pa dang/ chung ma dam pa gsum po rde'u gsum gtor ba dang/ cho ga gtong ba la 'phrin gsum gyis smyan byas na phrad pa med pa dang/ mi mthun pa mthun par bsgrub pa med pa'i phyir/ mtha' lhag ma'i byed pa po ma yin kyang ngo/ /zhus pa dang mi zlos pa ni 'di dogs gcod la gtso bor zhugs la/ 'og ma ltung ba'i ngo bo ston pa la gtso bor zhugs pas so/ /zhes so/ /sprad bya gnyis nyid dge slong du mas sprad na ltung ba gnyis grangs cir 'gyur la dogs pa bcad pa ni/ 'bras bu zhes so/ /'dir zhes pa ni 'khrig tshig sogs las dgar ba'o/ /de gnyis kyi bdag pos ni pha ma la soD pa de/ pha ni bsgo ba dang/ bzlog pa la dang/ ma ni sbyin pa dang/ dbrog pa la bdag po yin pa'am/ yang na yul chos bzhin bya'o/ /de dag gi don ni bu la chung ma len par go ba dang/ mi len par bzlog pa dang/ bu mo gzhan la sbyin pa dang/ sbyin pa las dbrog pa @42b la bdag po zhes zer ro/ /gzhan de gnyis kyi bdag po ma yin pa de gnyis dang ma 'brel ba'o/ /yul phyogs ni skyed mos tshal la sogs pa'i sa phyogs so/ /brda ni snga dro la sogs pa'i dus kyi bye brag go /mtshan ma ni skra dang kha spu bregs nas ring po ma lon pa'am/ gos dmar ser gyon pa nyid na'o zhes bya ba lta bu'o/ /smad 'tshong ma ni skyes pa thams cad dang mthun par grags pas de'i yul la spring pa nod pa dang/ phar skyel tshur skyel sogs byed na lhag mar mi 'gyur ram snyam pa bsal ba'i phyir/ smad 'tshong zhes te/ chu tshigs kyis byin pa/ rin ches nyos pa/ btsan phrogs su thob pa/ dang bsam du 'dus pa/ gos zas kyis 'tsho ba/ kha dum pa/ thang 'ga' phrad pa zhes bya ba'i chung ma rnams las/ smad 'tshod ni thang 'ga' phrad pa ste/ yun thung bas mtshan gcig la sogs pa'i mtha' yin pa'i phyir sngon dang phyis mi mthun pa nyid du 'gyur ba'i phyir ro/ /bzhi pa man chad ni gsum zhugs pa'o/ /bdag po min pa ni bdag por khas blangs pa med pa/ bdag po dang bcas pa med pa'o/ /rin ches nyos pa la sogs pa'i bdag po yin na ma zhugs kyang mthun pa'o/ /zhes zer ro/ /rtsub mo smras pa dang/ phyir yang rtsub mo smras pa dang/ phyir yang rtsub mo smras pa'i 'thabs pa nyid na/ mthun pa nyams so/ /su'i zhe na/ chung ma tha ma bzhi po dang sam du 'dus pa sogs so/ /ma 'thabs kyang phra ma sogs kyis/ mdza' gcugs nyams na'ang de bzhin no/ /des na de dag gis bsdums 'thabs pa'i mdo la sogs par byed na lhag ma'o/ /de'i dmigs kyis bsal ba ni/ rin ches nyos pa la sogs skyes pa la rag las pa/ lam po che @43a @#/ /la sogs par 'di kho bo'i chung ma dang/ kho bo yang 'di'i khyim thab min no zhes bsgrags pa'i tshe na/ mthun pa nyams kyis/ 'thabs pa tsam gyis nyams par ma zad do/ /de bzhin du dril bsgrags pa yang ngo/ /srog dang ldan pa nyid dag bzhin no/ /zhes pa ni/ ji ltar sprad par bya ba bdun lta bu smyan byas na/ sprad bya ji snyed yod pa de snyed kyi ltung bar 'gyur ba bzhin du chu tshigs kyis byin pa lta bu gcig 'thab tshig bdun dang ldan pa na/ 'thab tshig re re la smyan byas na yang/ de snyed kyi ltung ba 'byung ngo/ /dang po ni/ 'thab mo'i rtsom pa ma rdzogs pa ste/ de ltar 'thob pa na'o/ /gnyis pa ni/ 'thab mo mthar phyin pa na'o/ /gsum pa ni/ dum pa zhes bya ba ni/ shing gi rnam pa yod do/ /de gnyis kyis de skad gcod cing/ ji ltar shing dum 'di gnyis phan tshun sbyor ba med pa de bzhin du yu bu cag gnyis kyang de bzhin no zhes zer ba'o/ /kha cig/rtsa ba'i rigs ti linti la ka zhes bya ba dum bur bcad nas zhes zer ro/ /bzhi pa ni/ rde'u gsum phyogs dang/ mtshams su 'phangs na sngar ltar re/ /gzhan dag rde'u mang po'i snun pa nyid kyis brtags pa'o/ /zhes zer ro/ /lnga pa ni khyim gyi las sam/ khyim thabs kyi rkang pa bkru ba sogs 'phral gyi bya ba btang ba'o/ /drug pa ni sngar ltar ro/ /bdun pa bdag po btang ba'i phyir/ lha khang la sogs par dril bsgrags pa'o/ /'di chung ma dam pa gsum gyi dbang du byas pa ste/ de la 'thab tshig dang po gsum du bsdums byed cing/ mthun par gyur na nyes byas gsum dang/ de nas gnyis la sbom po gnyis dang de nas gnyis la sbom @43b po gnyis dang lhag ma gnyis so/ /'dir 'thab tshig bdun byas pa'i bsdums byed cing/ mthun par gyur na nyes byas gsum dang/ sbom po bzhi dang/ lhag ma gnyis su 'gyur bar gsungs pa la/ kha cig /chu tshigs kyis sbyin pa lta bu gcig gis 'thab tshig bdun byas pa la/ 'phrin gsum lan cig byas nas phrad pa la ltung ba bdun du 'gyur te/ 'thab tshig tha dang pa'i phyir ro/ /zhes smra ba la/ gzhan dag na re/ de ma yin te/ lung dang 'gal ba ni 'thab tshig bdun la ltung ba bdun du gsungs pa ni/ smyan lan bdun byas pa yin zhes sogs kyi 'grel pa lung gi rnam 'byed las gsungs pa dang/ rigs pa yang 'thab tshig bdun gyis mthun pa thob pa las nyams nas mi mthun par gnas pa dang/ mthun pa ma thob nas mi mthun par gnas pa gnyis mi mthun par gnas pa'i ngo bo la khyad par med pas phyi ma la 'phrin gsum gyis phrad pa la ltung ba gcig dang/ snga ma la bdun du 'gyur ba mi rigs so/ /sgrub byed du mi 'gro ba ni/ 'thab tshig tha dad kyang ltung ba tha mi dad pa mi 'gal ba'i phyir/ nom nyug tha dad kyang sbom po gcig tu 'gyur ba bzhin no/ /gzhung las gsungs pa ni/ 'thab tshig re re sbyor ba re re byas pa la dgongs te/ de ltar yang lung 'grel las so/ /dogs pa ni/ sprad bya skyes pa dang/ bud med gcig las med pas ltung ba gcig tu zad dam snyam pa bsal ba'i phyir zhes zer ro/ /'grel pa'i dgongs pa ni/ 'thab tshig bdun byas pa'i bsdums byed cing/ mthun par gyur na ltung ba bdun 'byung ba'i lung drangs nas/ de'i don bkral ba ni/ de ltar na 'dir chung ma dang po gsum po dag gi yul la @44a @#/ /tshigs bdun yod pa las tshigs gsum ni nyes byas byed pa yin/ tshigs gnyis ni sbom po byed pa yin/ tshigs drug pa dang bdun pa zhes bya ba gnyis ni dge 'dun lhag ma byed pa yin no/ /zhes tshig re re la smyan byed thebs re re la ltung ba cir 'gyur bstan cing/ de yang snga ma snga ma'i steng du phyi ma phyi ma'i 'thab tshig bsnan pa ste/ dang po gnyis ni rim pa nges la phyi ma rnams ni ma nges te/ dang po nas de dag re re bzhin byas pas chog go /de'i phyir lnga nges can dang/ gnyis ma nges par 'dod pa don ma yin no/ /bdun po des nyams par byed tshul ni/ snga ma gsum gyis yid du 'ong ba dang/ de nas gnyis kyis bya ba byed pa dang/ de nas gnyis kyis phrad pa la phyogs pa'i gcugs pa las nyams par rnam 'byed 'grel pa las bshad zer ro/ /ci'i phyir khye'u 'di mi sprad/ khyim mi dbub/ bu mo 'di mi sprad/ gnas mi btsal/ ci'i phyir khyi'u 'di gyos po'i gan du mi 'gro/ bag ma mi len/ bu mo 'di gyos bo'i gan du mi bkri bag mar mi btang/ zhes zer ba ni nyes byas su zhu ba'i skabs nas 'byung ba la/ med pa ni da dung mngal du yang ma chags pa'o/ /nges pa ni dge slong ma sogs brtul zhugs la gnas pa thams cad do/ /mi bsten pa ni za ma dang ma ning pho mo dbang po med pa'o/ /nyos pa ni rin gyis thob pa'o/ /mthun pa gsum las lhag par zhugs pa lta bu gcugs par gyur pa'o/ /gang gi smyan byed pa la phar bskyal ba tsam yod kyi/ nod pa dang/ tshur bskyal ba med do/ /khas blangs pa mthun par gyur pa dang sprad pa'i phyir de ga ge @44b mo zhig na 'dug go zhes skad sbyar ba ston na sbom po'o/ /khyod kyis 'thab krol gyis shig dang/ kho bos de dprog par bya'o/ /zhes de skad zer ba'i spring ba dge slong gis mnos te/ 'thab krol gyis 'phrog tu 'jug na'o/ /rnyed mod kyi gzhung ni/ btsun pa re zhig skyes pas bud med dang lhan cig brda bgyis pa na dge slong der mchis nas 'di skad ces rnyed mod ces/ mchis na ltung ba cir 'gyur/ nyes pa sbom por ro/ /zhes sbom por ston mod kyi/ lung gi yi ge nor ba 'dra bas nyes byas su rigs par snang nas/ slob dpon gyis nyes byas so/ /zhes mdor byas so/ /'dul byed nas 'byung ba ni /chos kyi phung po las gzhan pa'i don dang ldan 'di ni khyod kyi khyim mo/ /'di ni khyod kyi mi ste/ zhes bya ba la sogs pa rgyur byas nas bos te/ phrad na sbom po'o/ /phyi longs spyod la chags pa khang pa khang chen gyi lhag ma la gnyis las/ rnam 'byed las 'byung ba la gnyis las/ thun mong ba khang pa la mtshen pa la/ nyes pa med pa'i gzhi'i tshad kyi skabs kyi don la sbyar na ni 'greng ba dang/ 'dug pa dang/ nyal ba dang/ 'chag pa'i spyod lam bzhi'i snod ma yin pa la 'di gnyis su gtogs pa'i nyes pa gtan med do/ /'di gnyis ni gnas kyi ngo bo nyid du grub pa'i ltung ba yin la/ de la gnas kyi tha snyad med pa'i phyir ro/ /spyod lam bzhi'i snod ni/ lus ma btud par 'greng ba dang/ rgyar skyil mo krung bcas te 'dug pa dang/ rkang pa brkyang ba la sogs pas nyal ba dang/ gom pa tha mal pa gsum 'dor ba'i 'chag pa byar rung ba ste/ de dag mi rung ba ni snod min pa'o/ /zhar la gnas la brten pa'i ltung ba rnams spyir bstan pa la bab pa ni gnas kyi khyab pa @45a @#/ /ni khang pa/ khang chen/ skrod pa/ phyis gnon rtsa ba 'phyung ba la 'dug pa/ ma rdzogs pa/ bud med dang nyal ba/ 'dug gnas su za ba/ rim pa lhag par rtsig pa/ snyil ba dang nyal ba/ dus ma yin par grong du 'gro ba/ grong rgyu ba/ rgyal po'i pho brang du 'gro ba/ zas len pa ste bcu gsum mam/ bcu bzhir byed de/ spangs pa rjes phyogs kyang snon dgos ba 'dra'o/ /ngo bo ni spyod lam bzhi shong zhing/ phal cher g.yogs pa dang bskor ba'o/ /sel ba ni mi shong ba'o/ /cir 'gyur ni/ khang pa khang chen gnyis rim lhag dang gsum la ltung ba gtan med la/ gzhan la na smad du'o/ /spyod lam bzhi shong na ni/ khang pa ma gtogs pa rnams la dngos gzhi rdzogs par 'gyur ro/ /mi shong na na smad du 'gyur ba ni/ TIkka las/ nub lhag dang/ bud med dang nyal ba'i skabs su/ rtsig drung la sogs par nyes byas su gsungs shing/ 'grel chung las kyang/ dbye la 'dom gang gis nye bar nyal ba la nyes byas su 'byung ba'i phyir ro/ /gnas yangs par chags pa soS kyi dgag bya che ba la ltung ba na smad/ gnas yangs par de las bzlog pa la dngos gzhir 'gyur ba mi rigs so snyam na/ dog par 'byung ring zhing/ yangs par 'byung nye bas/ dgag bya gnas skabs kyi sgo nas rdzogs ma rdzogs khyad par yod de dge slong ma la yang yang za ba bzhin no/ /zhes zer ro/ /zhar la nub lhag gi gnas kyi tshad bstan pa ni/ dngos gzhi'i tshad dang/ nyes med kyi tshad do/ /dang po ni/ 'dom gang gi nang dgos pa thams cad mthun zer ro/ /gnyis pa la nyen kor dang bcas pa nas gnas khang @45b tsam gyi pha rol na zhes gsungs pa la mi mthun pa du ma ste/ 'di ltar khru phyed dang bco lnga dang/ bcu bzhi dang/ phyid dang dgus bar du chod par 'dod do/ /de la gnas khang dang nyen kor gnyis gsungs pa'i nyen kor la khru bzhi phyed pa la thams cad mthun no/ /'on kyang dang pos ni/ ma rdzogs pa kho nas kyang nyan kar 'chag pa la sogs pa med pas khru bzhi yod pa de rtsi dgos pas gnyis ka'i nyen kor la khru brgyad do/ /'greng ba dang/ 'dug pa ni gnas kyi dpangs dang/ zheng yin pas de'i tshad mi rtsi ba yang thams cad mthun no/ /des na gnas khang la nyal pa'i spyod lam la rkang pa brkyang ba la sogs pa'i/ sogs kyis lag pa brkyang ba sdud dgos pa yod la khru phyed yod pas phyed dang lnga'o/ /rtsig pa med pa'i gnas khang mi srid pas phan tshun gyi rtsig zheng la khru re yod pas/ phyed dang bco lnga zhes rgya gsung ngo/ /gnyis pas ni ma rdzogs pa dngos kyi nyen kor mi rtsi ba ma gtogs pa gnas khang dang nyen kor dang/ rtsig zheng sngar ltar yin la/ 'chag pa mi rtsi na logs su smos pa don med du 'gyur bas de la khru phyed dang bzhi yod pas bcu bzhi'o/ /zhes sogs gsung ngo/ /gsum pas ni nyen kor dang/ gnas khang bcu bzhi dang 'dra la/ nyal 'chag gnyis gdam nga can yin zhing/ rtsig pa ni ma nges pas mi rtsi zhes rma tsho gsung ngo/ /de dag kha cig na re/ nyen kor bsnyen par rdzogs pa ngos nas gsungs kyi/ ma rdzogs pa nas ma gsungs pa dang/ de la dngos po la nyen kor yod kyang mi gsung ba mi 'gal te/ 'bral ba la nyan kor yod kyang/ las la ni rtsig pa @46a @#/ /mtshams yin no/ /zhes ma gsungs pa bzhin no/ /de la tsha rong pa 'chag pa'i spyod lam gsungs pa don med du 'gyur te/ nyal ba la sogs thag logs su mi 'jal ba'i phyir zhes sun 'byin pa mi rigs te/ de gnyis 'grel chung las/ khang bu'i mchur nyal/ 'phres pa shong ba'am/ 'gro/ gom pa tha mal pa gsum shong ba/ zhes gdam nga can du gsungs pas so/ /de la kha cig de gnyis thag mnyam de ltar rigs kyang mnyam pas mi 'thad par smra ba'i mi mnyam pa rtags su byed na ma grub la/ dam bcar byed na mngon sum gyis bsal lo/ /gcig bzhi pa yang mi rigs te/ 'grel chung dang 'gal bas so/ /rigs pa yang 'greng 'dug nyal ba'i sa nas rtsi la/ 'chag pa mi rtsi bar rigs te/ rgyu mtshan mtshungs pa'i phyir ro/ /phyed dang dgu pa yang mi 'thad de/ rtsig zheng yod pas mi rtsi pa mi rigs te/ gnas khang dang rgyu mtshan mtshungs pa'i phyir ro/ /des na rang gi lugs ni/ dngos gzhi 'dom gang gi nang yin te/ 'grel chung dang so thar 'grel pa kha cig las dbye la 'dom gang gis nye bar nyal ba nyes byas so/ /zhes dngos gzhi bskyed pa'i gnas su na smad gsungs pas so/ /nyes med kyi tshad ni khru phyed bcu gcig ste/ phyed dang dgu'i steng du rtsi gzheng bsnan pa yin zer ro/ /khang pa khang chen gyi ming gi sgo nas khyad par ngos bzung pa ni/ kha cig gcig don dang/ tshogs don du byas pa'i gnas la khang pa dang khang chen zer ro/ /de la gzhan dag na re/ rnam 'byed las/ khang chen zhes bya ba ni/ sbyin @46b par bya ba'i chos kyi cha ba yin gyi/ tshad kyi che ba ni ma yin no/ /zhes gsungs pas ched du bya bas che ba la gsungs pa dang 'gal lo/ /rigs pa yang dkon mchog gi don du ni byed la/ bdag po tsho gsu ni ma longs pa ste/ khang chen ma yin par 'gyur te/ tshogs don med pa'i phyir ro/ /gzhan yang du ma'i don du byed pa ste khang pa khang chen gang du yang ma 'dus par 'gyur te/ gnyis ka'i mtshan nyid du 'dod tshod de la med pa'i phyir ro/ /'di nyid las tshogs dang/ gcig gi don du gsungs pa ltung ba'i yan lag yin gyi/ gnas gnyis kyi khyad par bsnan pa ma yin no/ /gal te de nyid kyi khyad par du 'gyur ro zhe na/ de kho na'am/ mtshan nyid gzhan yang yod/ phyi ma ltar mtshan nyid du mi 'gyur ro/ /de ltar btsal dgos mi dgos la sogs pa'i khyad par du mas kyang de gnyis mtshon par 'gyur ro/ /gal te gnyis don byed pa ste khang pa dang/ gsum du byed pa de khang chen du gtogs par 'gyur te/ shas che bas mchan nyid rab tu dbye ba yin pa'i phyir ro zhe na/ de dang mtshan nyid dang ldan nam/ mi ldan yang sdud dang po ltar na khas blangs pa dang 'gal la/ phyi ma ltar na khang pa yang khang chen du sdud par ha cang thal lo/ /yang kha cig na re/ dkon mchog rnam gnyis kyi don du byed na khang chen dang/ dge 'dun gyi don du byed pa khang pa yin te/ zhu ba mang shos nas/ gtsug lag khang chen po nas gzhan dge 'dun dkon mchog gi don du byed pa zhes/ dge 'dun gyi phyir byed pa la gtsug lag khang chen po min par bshad pa'i phyir ro/ zhes zer ba la gzhan dag na re/ @47a @#/ /dge 'dun gyi ched du byed pa de/ sbyin par bya ba'i chos kyis che bar bshad pa de yin te/ dkon mchog gsum dod thub tu gsungs pa'i phyir ro/ /rigs pa yang/ dge 'dun gyi phyir yin la/ dge 'dun la so so'i brangs ma gsungs pas brgya stong la sogs pa yang srid pas dge 'dun gyi don du khru bco brgyad las lhag pa yang ma gnang bar 'gyur te/ gzhan yang/ dge 'dun la 'dod pa ches pa'i dgag bya yang yod par 'gyur te/ khang pa'i dgag bya de yin pas so/ /'o na gang zhe na/ dkon mchog gsum gang rung gi don du byed pa ni khang chen yin la/ de las gzhan pa'i don du byed pa ni khang pa'o/ /'o na gnas gcig gi ngo bo gcig la cha gcig dkon mchog gi don du byed cing/ cha gcig gzhan gyi don du byed na gang du gtogs snyam na/ gnyis kar gtogs pa'i na smad par 'gyur zhing/ dngos gzhir mi 'gyur te/ gcig don dang/ tshogs don nges bzung du dgos pas yan lag 'gal ba'i phyir ro/ /zhes zar ta dpyad par bya'o/ /'dir TIkka las/ 'dir khang pa dang/ gtsug lag khang gi dge 'dun lhag ma gnyis kyi yan lag ni 'di dag yin te zhes/ mthar lhag ma la snga rol du sbom por 'gyur ba'i mu gcig dang/ mthar sbom po la snga rol du nyes byas su 'gyur ba'i mu gsum dang/ nyes byas la snga rol yang nyes byas su 'gyur ba'i mu gnyis te drug gsungs so/ /dang po ni/ sa gzhi dang/ shing so phag /mi glas/ gla rngan la sogs pa'i spyod gzhan la rtsa ba dang/ rung ba @47b rtsod med tsam rung/ bstan pa'i yan lag bzhi/ mi bsgrub pa dang/ tshad las lhag par byed pa'o/ /'di thun mong du 'gyur tshul ni/ khang chen la btsal ba dang/ tshad? lhag yan lag ma yin kyang/ de gnyis 'gyur ba la lhag mar 'gyur ba yod de/ 'di ltar ma dag pa dang/ ma bstan pa'i gzhi/ tshad las lhag pa dang/ btsal ba yod de/ don du byed na khang chen dang/ gcig don du byed na khang pa'i lhag mar 'gyur ba'i phyir ro/ /de yang tshad las ma lhag bar du gnas su ma grub pa'i dbang du byas pa'o/ /gnyis pa ni/ btsal ba dang/ tshad lhag yod pa dang/ yan lag bzhi po kha cig sgrub/ kha cig mi sgrub pa'o/ /de yang gzhi dag nas gnang ba ma gsol ba'am/ gzhi ma dag pa'i gcig gam/ gnyis ma tshang ba lta bu'i;; 'di gcig don du byas na khang pa'i sbom po dang/ tshogs don du byas na khang chen gyi sbom po'o/ /'dis khang pa khang chen gyi lhag ma skyed pa ji bzhin par bzung na gcig tu mi 'gyur zhes mi bya ste/ 'di gnyis ma bskos pa tsam du 'dra yang don mi 'dra ste; 'dir ni rang dbang ba'i gzhir/ gzhan gyis ma bskos par rang dbang du rtsig pa yin la/ 'og ma ni rang yang mi dbang la bdag pos ma gnang bar gzhan gyis ma bskul bar/ rang nyid kyis bdag po'i don du rtsig pa yin no/ /des na de la na smad du 'gyur zhing/ 'di la dngos gzhir 'gyur ba mi 'gal lo/ /'o na gtso bo ma yin pa ci zhe na/ gzhan gyis ma bcol bar rang dgar byed pa yan lag min te/ bskos pa la skyes pas so/ /gzhan gyis bcol ba yan lag @48a @#/ /min te/ rang dgar byed pa la yang skyes pas so/ /zhes pa'i don de dogs gcod gtso bo ni snga ma'o/ 'o na bsko ba po'i ltung ba rnam par dag pa yang 'dis bstan pas mdo 'og ma don med par 'gyur ro/ /zhe na/ mi 'gyur ro/ /'dis rang dbang du rtsig pa la ltung bar 'gyur zhes bstan gyi/ rang gis mi rtsig par/ bskos nas rtsig tu 'jug na rang gis brtsigs pa dang ltung ba 'dra'o/ /zhas ma bstan pa'i phyir ro/ /ma bskos par zhes pa'i TIkkar yang/ gzhi de gang dbang ba de nyid kyi phyir gtsug lag khang rtsag tu 'jug pa'i phyir ro/ /zhes gsungs pas kyang/ de khang pa kho na la sbyor ba mi rigs so/ /bod kyi 'dul ba 'dzin pa snga ma rnams kyis 'dir dngos gzhir 'gyur ba'i ma bskos pa dang/ zhus pa'i ma bskos pa sgra ji bzhin pa'i phyir byas na gnyis gcig tu mi 'gyur bas na/ 'og ma sgra ji bzhin pa ma yin par gzhi ma btsal ba la sbyar te/ khang pa kho nas sbyar ba yang don med par gtogs te/ da dung yang 'chad par 'gyur ro/ /ji skad bsgo ba zhes pa ni/ bstan pa dang/ dag pa'i gzhir byed du bcug pa'i ji skad bsgo ba bzhin du mi byed par de las zlog par byed pa la ni lus kyis so phag sogs phul ba la/ ngag gis legs so brjod na/ bskos pa ni rang nyid dang 'dra ba'i/ mi byed na rtsig pa po kho na la ltung bar 'gyur bas rang nyid dang mi 'dra'o/ /byas pa ni gcig nyid kyis ni bar bar du bzhag cing/ yun ring por byed pa la ltung ba du mar 'gyur ram snyam pa'i dogs pa bcad pa ste/ bdun pa btang zhing byed na ni tha dad do/ / @48b yan lag rnams ni zhes pas 'thab tshig bdun la ltung ba re rer 'gyur ba bzhin du/ yan lag so so la ltung ba tha dad dam snyam pa bsal ba'o/ /snga ma dang 'di'i skabs su TIkka las/ mi stobs pas bar du ye btang ba las/ phyis yang bsam pa gzhan gyi rtsom pa la ni ltung ba tha dad da/ ma zin par rang bzhin gyi rjes su bsgrub pa la ni nyes byas so/ /zhes gsungs pa'i phyir ro/ /zhes dang/ rjes su bsgrubs pa gcig kho na yin du zin kyang/ dper na 'thab pa'i mad la dang/ 'thab pa'i 'og tu bsdums byed pa la sogs pa'i tshig dag la ltung ba tha dad par byas pa bzhin du/ ci 'dir yang rung ba nyid min pa la sogs pa yan lag dag la ltung ba tha dad bya'o snyam du dogs pa bsal ba'i phyir/ zhes gsungs pa'i snga ma ni 'phro zin par byed na sbom por gsungs pa sbyor ba la dgongs pa 'dra'o/ /phyi mar 'thab tshig du ma byas pa la 'phrin gyi rjes gcig byas pa'i tshe ltung ba tha dad pa bstan pa ltar snang yang/ mod la dang 'og tu bsdums byed pa zhes pa'i bsdums byed pa ni mtha'i gsal byed du bya la rjes su bsgrubs pa gcig ni smyan gyi 'phrin tsam du gcig pa la bzung ngo/ /gang la khang pa'i dge 'dun lhag mar 'gyur zhe na/ btsal ba nas thogs zhes pa'i bar ro/ /gang gis btsal ba ni ltung ba 'byin pa po dang/ gang btsal ba ni sa gzhi dang/ gang la btsal na ni/ TIka las/ gzhi de chos 'di la rab tu byung ba las kyang btsal na'o/ /zhes 'byung la/ snga ma rnams tha snyad lnga ldan la/ ngag mtshan nyid lnga ldan gyis bslangs pa'i sgo nas @49a @#/ /btsal ba dgos zer te/ rang dang rdzas kyi sgo nas tha dad pa yang dgos so/ /dge slong gang gis sa gzhi btsal bar gyur pa des gal te rjes su gnang ba'i gzhi la/ zhes gsungs pa ni/ 'og tu gla rngan la sogs pa 'di yang ltung ba 'byin pa po'i ltung ba 'byin pa pos rjes su gnang ba'i slong ba pos btsal ba ma yin pas zhes gsungs pas/ gzhi de ltung ba 'byin pa pos btsal ba'am/ yang na des 'tshol bar rjes su gnang ba'i slong ba pos btsal ba gcig dgos te/ spyod kyang de dang 'dra bas rnam pa de lta bus so zhes gsungs so/ /sa gzhi dang/ sa gzhi spyod btsal ba dgos par ni/ zhus pa la la nas gsungs shing/ gang zag gi gzhir byed na sbom por gsungs pa dang/ so thar las kyang/ rang gis btsal ba zhes sogs so/ /'dir khang pa'i lhag ma skyes pa la/ dge slong gis btsal ba'am/ rjes su gnang nas btsal ba yan lag tu dgos so/ /gnas ni khang pa'o/ /mthar ro ni gnas kyi ngo bo nyid ni thog bkab cing sgo ma gtogs pa kun nas bskor ba nyid do zhes gsungs pas/ thams cad g.yogs shing/ thams cad bskor ba dgos pa 'dra ste dpyad do/ snga ma rnams gang rtsig pa'i gnas ni/ gnas kyi ngo bor grub pa/ spyod lam bzhi shong ba/ tshad la gnod pa'i bze'i rtsom pa ma byas pa/ khru gang gi tshad las lhag pa de/ bzhi dang/ mang po ni/ nub lhag ltar phal cher g.yogs shing bskor ba la 'dod do/ /gang du rtsig pa'i gnas ni/ mi rung ba sogs @49b gsum blangs pa de bzhi zer ro/ /gang gis rtsig pa'i yo byad ni/ yul mtshan nyid dang ldan pa la/ ngag mtshan nyid dang ldan pas khas blangs pa zer ro/ /'on kyang gzhi la ma bstan pa yang bsnan dgos so/ /tshad las lhag pa ni/ khrus tshad pa'i skabs su/ khru phyed las lhag pa la mdzad de/ 'dir ni srid dang/ zheng gnyis ka la brtsigs pa 'dra'o/ /'og ma la yang zhes pas/ spyod lam bzhi zhes sogs kyi mdo rnams 'og ma la yang sbyar dgos par bstan zhing/ ma btsal ba nyid do zhes pa ni/ btsal ba yan lag tu ma gtegs pa'o/ /bzhi dang yo byad rang gi'am/ gzhan gyis gnang ba gang yang rung bas chog go /gnyis ka'i sbyor ba la/ rang gi mtshan nyid dang ldan pa la/ ngag mtshan nyid dang ldan pas bskos te/ byed pa zhes zer ba ltar dgos pas bdag po yang min la/ des gnang ba yang ma yin pa ma bskos par ro/ /zhes pa lta bus rtsig na na smad do/ /de'i phyir 'og ma sgra ji bzhin par bzung yang spyod pa'i yan lag ma tshang bas lhag pa'i don med do/ /skabs 'di dag tu byed tu bcug na zhes phal cher 'byung ba ni lung du/ rtsig tu 'jug na zhes bya ba ni bdag nyid kyis sam/ gzhan gyis so/ /zhes rang gis byed pa la yang rtsig tu 'jug sgra sbyar bas gzhan la 'tshol ba kho na la go bar mi bya'o/ /lung du bdag gis bslangs pa/ bdag po med pa dang/ bdag gi phyir khang pa rtsig tu 'jug tu 'jug gam zhes pa dang/ bdag po yod pa dge 'dun gyi phyir gtsug lag khang chen po rtsig tu 'jug gam zhas khang pa la rtsig pa'i gnas de'i bdag po med pa dang/ khang chen la bdag po yod @50a @#/ /par gsungs pa'i phyi ma la/ TIkka las/ gtsug lag las ni gling bzhi'i dbang gis bdag po dang bcas pa zhes smos par zad kyi/ yan lag ni ma yin te/ bdag po med pa la yang sa gzhi nyo ba la sogs pa'i phyir ro/ /dge 'dun gyis gzhir byed du 'jug na'ang de bzhin no zhes gsungs pa ni/ khang pa la yang mtshon pa 'dra'o/ /gcig gi don du zhes dmigs bsal ma mdzad pas/ rang gcig pu'am/ dge slong gzhan gcig gam/ khyim pa gcig gi don du byed na'ang lhag ma'o/ /zhes TIkka las gsungs pa'i phyir/ rnam 'byed las/ bdag gi phyir zhes bya ba ni bdag nyid la bsngos te'o/ /zhes gsungs pas gcig don dang/ tshogs don ni/ longs spyod pa dang bdag po gnyis ka la drang du rung yang 'dir ni bdag po la dgongs so/ /skye ba po phra mo'i gnas dang ldan pa la sprul gyi sdig pa'i sbrang bu tre ma bu ga'am/ dre la ta ka'i gnas yod par gsungs pa ni dpe tsam ste/ grogs sbur la sogs pa skya ba po phra mo rnams kyang bzung ngo zhes TIkka las gsungs shing/ da lta rnam 'byed na phyi ma gnyis la srin gyi gnas sam/ grog ma'i gnas zhes snang nge/ /rtsod pa dang bcas pa la rnam 'byed las/ mchod rten dang/ khyim bdag gi gzhi dang/ dge slong ma'i dbyar khang gsum yang 'byung zhing/ lha'i gnas mi snang ngo/ /brtsam du mi rung ba la/ rnam 'byed las/ lam la brten pa zhes 'byung zhing/ chu klung sogs dang 'doms pa la/ dbus sam mtha'i phyogs gang rung du de gsum gang rung gcig dang phrad pas chog pa dang/ khor khor yug tu @50b chu gkung la sogs pa las bskor ba mi dgos so zhes TIkka las so/ /tshad ni srid du khru bco brgyad dang/ zhang du khru phyed dang bcu gcig go /ma dag pa gsol/ bar mi bya ba'i bzlog phyogs lnga las/ yul gang la sbyin pa ni/ sde lnga'i sdam pa gsor rung yan chad dang ldan pa/ rang bzhin du gnas pa/ gnas nas ma phyung ba/ lta ba dang spyod pa gzhan gyi phyogs su ma gyur pa/ mtshan mthun pa/ tshogs su ma tshang ba/ gsol ba lan gsum 'debs pa/ sa gzhi legs par brtags pa/ sngar gnang ba sbyin pa dang ma 'brel ba bcu'o/ /dge 'dun gang gis sbyin pa ni bzhir longs pa'i grangs tshang ba sogs gsum mo/ /gzhi gang la sbyin pa ni dag pa'o/ /cho ga ji lta bus sbyin pa la gsum las/ sbyor ba la/ gang zag gi sbyor ba ni/ 'du ba'i skabs bsgrubs pa/ rgan pa'i mtha' logs su phyag 'tshal zhing/ spyod lam la brten pa gsol ba lan gsum btab pa'o/ /dge 'dun gyi sbyor ba ni rang gam/ bskos pas brtag pa dang des dge 'dun la brjod pa'o/ /dngos gzhi ni gsol gnyis so/ /mjug ni mjug sdad do/ / gnang ba 'jig pa'i rgyu ni/ gzhi ma dag par 'phos pa'am/ zhing ma yin par gyur pa la sogs pa'o/ /rnying pa 'chos pa las/ rnying pa ni dpe ste/ gsar rnying gnyis ka 'chos shing/ byi dor byed pa ltung ba med do/ /zhes gsungs pa'i 'chos pa'i byi dor byed pa yin min brtag par bya'o/ /gtsug lag khang gi lhag ma la/ yan lag thun mong ba rnams brjod zin nas khyad par ba gsungs pa ni/ tshogs kyi don du'o zhes te/ slob dpon dmigs bsal mdzad pas/ rab byung dan @051a @#/ /khyim pa gang yang rung ba'o/ /rnam 'byed las/ tshogs kyi phyir zhes bya ba ni/ de bzhin gshegs pa'i nyan thos kyi dge 'dun no/ /zhes gsungs pa ni gling bzhi'i dbang gi ste/ dpe tsam du zad pas nyes pa med do/ /zhes TIkka las so/ /rnam 'byed las khang pa dang/ gtsug lag khang zhes bya ba ni/ gang du spyod lam bzhi po 'chag pa dang/ 'greng ba dang/ 'dug pa dang/ nyal ba dag shong ba'o/ /zhes gnyis ka la mchungs par bshad nas phyi ma la khyad par mdzad pa ni/ chen po zhes bya ba ni/ chen po gnyis po sbyin par bya ba dang/ tshad kyis te/ de las 'dir ni sbyin par bya bas chen por dgongs pa yin gyi/ tshad kyis ni ma yin no/ /zhes gsungs pas/ gnas 'di gnyis kyi gnas kyi sgo nas ni khyad par bye bar mi nus la/ 'on kyang chen por 'jog pa sbyin par bya bas 'jog par gsungs te/ de yang ched du bya ba tshogs don nyid du snang ngo/ /zhu ba las/ khang pa la gcig don dgos pa sel ba'i sgo nas gsungs pas/ khang pa dang khang chen gyi khyad par chad du bya ba de gnyis kyi sgo nas 'jog par lung dang rtsa 'grel gyi dgongs pa kha na ma tho ba med pa'o/ /'di las gzhan du dkon mchog gsum gang rung gi ched du byed na khang chen dang/ de las gzhan pa'i don du byed na khang pa yin gyi/ sngar ltar ma yin te/ gzhan du na gnyis dang/ gsum gyi don du byas pa'i gnas de la/ gcig don dang tshogs don med bas gnas gnyis po gang yang ma yin pa'i phung gsum du thal lo/ /zhes smra ba @051b la ni snying po med de/ de ltar khyim pa tshogs longs 'ba' zhig gi phyir du byas pa'i gnas de la yang de ltar thal ba dang/ rtsa 'grel gnyis ka las khang pa dang/ khang chen ngos ma bzung bar de gnyis kyi lhag ma mtshan nyid rdzogs par bshad par 'gyur ba'i phyir ro/ /thun mong ba zhu ba'i skabs nas 'byung ba la rtsom pa ni gnas rtsom pa ste de yang mthar lhag mar 'gyur ba'i sbyor ba sbom po dang/ mthar sbom por 'gyur ba'i sbyor ba la nyes byas so/ /khang pa dang gtsug lag khang ste/ ma g.yog pa byed du gzhug go /snyam pa'i bsam pas zhugs pa'i dge slong gis gnas de'i mtha' yang sbyor ba de dang 'dra bar sbom po ste/ sngar ni nyes byas so/ /khang pa mi rung ba nyid la sogs pa'i yan lag thams cad las 'das pa/ du ma'i don du byed pa'i mtha' yang sbyor ba dang 'dra'o/ /'di la zhus par gnyis kyis spyi la byed du 'jug na zhes pa ni mtshon pa ste/ gsum gyi don du byed pa yang de dang 'dra'o/ /zhes TIkka las so/ /rnam 'byed las/ khang pa khang chen gyi skabs su yang ma dag pa gsum dang ma bstan par byed pa la re re zhing sbom por gsungs pas/ du ma'i don gyi sgo nas sbom por song ba de dag re re ba la/ mi 'ong ba 'dra'o/ /de phyir ma dag pa gsum tshang zhing/ ma bstan pa'i bzhir btsal ba dang/ tshad lhag yod pa'i tshe lhag ma gnyis ka skyed du rung ba la ched du bya ba'i sgo nas sbom po skyed pa gnyis 'dug pa ni/ btsal ba dang/ tshad lhag yod pa'i tshe khang pa'i sbom po dang/ med pa'i tshe khang chen gyi sbom por byed dgos pa 'dra ste/ brtag par bya'o/ /kha cig gnyis don ni/ khang @052a @#/ /pa la nye zhing/ gsum don khang chen la nye bas de'i sgo nas dbye'o zer ba la snying po mi snang ngo/ /'tshol ba po'am/ gnas pa pos ma bskos pa ste/ rjes su ma gnang bar gnas byed pa'i mtha' yang sbyor ba dang 'dra'o/ /dngos po tshang yang pham par mi 'gyur te/ gzhi de gang dbang med pa'i phyir gtsug lag khang brtsig pa'i phyir ro/ /lhag mar yang ba mi 'gyur te btsal ba'i yan lag med pa'i phyir ro/ /des na rjes su gnang ba la yan lag gzhan tshang ba dngos gzhi yin la/ ma gnang ba la ni sbom por gsungs te/ 'dir gnang ma gnang ni bdag pos rtsig par bskos ma bskos so/ /des na lhag ma bskyed pa la bdag por gyur pa'i dge slong rang gis rtsig pa'am/ rtsig par bskos pa gcig dgos pa la/ 'di la ma tshang bas sbom po'o/ /'o na btsal ba'i yan lag mad pa'i phyir zhes ci'i phyir gsung zhe na/ der ni khang pa'i lhag ma la gzhan gyis ma bskos kyang skyed dam snyam pa'i dogs pa bcad pa yin te/ de la gzhan gyis ma bskos par bskyed pa yod kyang 'dir rang gis btsal pa dang/ 'tshol du bcug pa'i yan lag gang yang med pa'i phyir ro/ /des na rjes su ma gnang ba la ni sdom po'o/ /zhes da ma thag tu gsungs pa ni bdag po ma yin pas/ rtsig pa la rjes su gnang ba yan lag tu dgos par gsungs pas 'di rjes su gnang ba'i sel ba'o/ /de ltar 'dod pa kha cig na re ma bskos pa nyid ces pa drangs nas 'gog cing/ sbyor ba'i yan lag la rang dam/ rang gis bskos pa dgos par 'dod pa nang @052b 'gal zhing/ 'di ma bskos pa sgra ji bzhin pa yin yang/ dngos gzhir mi 'gyur ba ni bshad zin to/ /gang zag gis so zhes pa yo byad la sbyar yang/ sngar khang pa'i skabs su sa gzhi dang yo byad gnyis ka la mdzad pa ltar bzung ngo/ /skabs 'dir rang bzhin ni mi mthun pa yang ngo/ /zhes pa'i gzhung gcig yod par TIkkar 'byung la/ de'i don ni khang pa khang chen mi rigs par rtsig pa'i zhal ta byed na de'i mtha' yang spyor ba dang 'dra ste/ de yang bdag po dang/ bskos pa las gzhan pa'o/ /bdag po las gzhi yang btsal zin la gsol ba dang/ las brjod pa yang byas pa'i 'og tu ma grub na nyes byas so/ /zhes pa la/ khang pa la btsal ba yod na sbom por gsungs pas khang chen la sbyar zer yang/ rnam 'byed las/ dge slong lag gi bla ming 'di zhas bgyi ba 'dis/ khang pa dang gtsug lag khang gi gzhi rung ba/ rtsod pa ma mchis pa/ brtsam du rung ba zhig btsal te/ zhes 'byung ba'i phyir dang/ bdag po las nyos te btsal ba yod pas/ btsal ba tsam la nyes pa dang bcas par ma nges so/ /gnod pa las gyur pa'i lhag ma gnyis las/ rnam 'byed las 'byung ba la/ gzhi med par skur pa 'debs pa'i skur ba gdab bya'i yul ni/ dge tshul la sogs pa min pas dge slong dang/ tshul khrims dag pa dang ldan pa kho na ma yin gyi; nyams pa la yang ngo/ /de yang rang phyogs yin na dge slong gi sdom pa gsor rung dang/ gzhan phyogs yin na rnam dag dang ldan pa/ tha snyad gsum ldan/ lus tha mal pa/ bdag las tha dad pa ste bzhe zer ro/ /gang gis skur pa gdab pa'i dngos @053a @#/ /po ni/ mi tshangs spyod la sogs pa'i pham par 'gyur ba lhag par spyad pa dang/ gzhi gsum gang yang med pa ste gnyis so/ /go bya'i yul tha snyad lnga ldan/ lus tha mal pa/ bdag las tha dad de gsum mo/ /ma dag pa la skur pa btab pas lhag mar 'gyur ba'i khungs ni/ rnam 'byed las/ gang zag ma dag pa la skur pa 'debs par byed na ltung ba'i gzhi bcu gcig dang/ ltung ba med pa'i gzhi drug tu 'gyur bar gsungs pa ste/ bcu gcig ni/ mthong thos dogs gsum gyi gzhi med pa la yod par 'du shes par bsgyur nas gsum dang/ gzhi gsum yod pa brjed pa la 'du shes bsgyur ba gsum ste drug /thos pa la yid ches ma ches kyi tshe mthong zhes smras pa gnyis dang/ thos pa la dogs mi dogs kyi tshe mthong zhes smras pa ste bzhi dang/ dogs pa la dogs pa na mthong zhes smras pa ste lnga'o/ /zhus pa las kyang/ dge slong rang gis mi tshangs bar spyod zer ba/ gzhan gsum gyis gzhi ma mchis par skur na lhag mar gsungs so/ /'dir zhes pa ni/ mtshan dang/ lta ba khas blangs pa dag gis rang gi phyogs nyid kyi khungs su gtogs pa'o/ /zhes pa la dmigs kyis bsal ba'o/ /des na mtshan dang/ lta ba gzhan phyogs pa la skur ba yang lhag ma'o/ /rnam 'byed las/ dril bsgrags na ltung ba med do/ /ngos la ri mo bris pa thams cad la yang ltung ba med de/ ji ltar bdag gis shes pa de bzhin du 'jig rten thams cad kyis kyang shes so snyam na'o/ /zhes gsungs pa ni/ skur pa gdab bya'i yul la mnan dgos so/ /'dir zhes pa ni/ mtshan dang/ lta ba khas @053b blangs pa dag gis/ rang gi phyogs nyid kyi khongs su gtogs pa'o/ /zhes pa las dmigs kyis bsal ba'o/ /des na mtshan dang/ lta ba gzhan phyogs pa la skur ba la yang lhag ma'o/ /'o na gsor rung mnyam pa rang phyogs pa yin pa cis shes zhe na/ TIkka las/ nyams pa la skur pa 'debs pa la yang kha na ma tho ba yongs su rdzogs par 'gyur ro/ /zhes pa las na khas len pa dang/ mi len pa gnyis la skur pa 'debs pa shin tu kha na ma tho ba yongs su rdzogs par 'gyur te/ pham par ma gyur ba'i phyir ro/ /zhes gsungs pas shes zer te brtag go /nyams par 'dug pa na/ dge sbyong gi tshul dang bral bar 'dod pa'i bsam pas yin gyi/ khros pa'am/ rgod pag gam/ byung rgyal gyis ni ma yin no/ /ltung ba rnam par dag pa ni/ pham pa lhag ma/ ltung ba gzhan/ nyes byas kyis skur na/ lhag ma/ sbom po/ nyes byas/ phra mor 'gyur zhing/ the tshom dang bcas pa yang yid gnyis ni 'du shes dang 'dra'o/ /mthong ba de ni gzhi gzhan thos pa dang/ dogs pa ma yin la/ gzhan gnyis kyang de bzhin no/ /des na gzhi gzhan yod kyang/ gang gis gleng ba'i gzhi de med na lhag ma ste/ sngar ltung ba'i gzhi bcu gcig gi skabs kyi phyi ma lnga 'dir khungs so/ /bzhi gsum byung yang brjed pa ni yod pa ma yin pas de la 'du shes bsgyur nas smras na lhag ma'o/ /de ni zhes pa dang/ brjod pa ni zhes pa gnyis nyams pa'i yul la skur ba lhag mar 'gyur ba'i khungs yin la/ don gyi de nyid ni de gnyis sgrub par byed pa'o/ /de yang pham pa dang po @054a @#/ /byed pa mthong ba thos so zhes smras na mthong ba'i gzhi yod kyang thos pa'i gzhi med pas lhag mar 'gyur ba dang/ mthong nas brjed pa la 'du shes bsgyur nas mthong zhes smras pa lhag mar gsungs pa gnyis ma dag pa'i khungs so/ /'du shes bsgyur na don gyi de nyid yod kyang rdzun du 'gyur la/ ma bsgyur na med kyang bden par smra bas lhag mar mi 'gyur te/ bden rdzun gyi 'du shes dang 'bral gyi/ don dang ma 'brel ba'i phyir ro/ /rnam 'byed las 'byung ba'i pag tsam ni/ sngar bstan pa rnams thun mong bar shes par byas la/ khyad par ni/ gang zag 'dis pham par 'gyur ba lhag par spyad par byas so/ /zhes pa'i brjod byar bya ba don gsal ba de las gzhan mi gsal ba'o/ /de'i tshig ni brjod bya gzhan la gnas pa'i tshig ste/ des skur pa btab nas lhag ma'o/ /de la yang yang dag pa srid pas de gsal ba'i phyir rdzun pa'o/ /zhes smras so/ /gzhan la brten pa ni gzhan gyi cha'o/ /de'i rjes su mthun pa ni gzhan gyi cha dang mthun pa'o/ / gzhi med par skur pa 'debs pa/ don gsal ba las rnam pa gzhan gyis skur pa 'debs pa don mi gsal ba'i tshig dge 'dun lhag ma byed pa ni gzhan gyi cha dang mthun pa ste/ pag tsam zhes kyang bya'o/ /zhes TIkka las so/ /rnam 'byed pa ni/ gzhan gyi cha ma yin pa dang mthun bzhes bya ba la/ gzhan zhes bya ba ni mya ngan las 'das pa'i/ /de'i cha dang mthun pa ma yin pa ni/ /pham par 'gyur ba'i chos bzhi po dag gi zhes gsungs so/ /gnyis ka'i thun mong ba zhu ba'i @054b skabs nas 'byung ba ni/ mi bstan pas zhes te/ dge slong la ma ning mo'i zag byed du dang/ dge slong ma la ma ning pho'i zag byed kyi skur pa 'debs na sbom po ste/ lam gzhan du yin na lhag ma'o/ /'di sbom po dngos yin te/ rtsa 'grel nas bshad pa dang/ pham pa'i ming gis skur ba'i phyir ro/ /zhes smra ba la/ de lta na don ji lta ba nyid la ni zhes dang/ bsam pa ni de nyid ces pa dang 'gal zhing/ pham par 'gyur ba lhag par spyod pas zhes don yan lag tu gsungs pa dang 'gal zhing/ sham thabs zlum por ma gyen pa'i pham pa 'byung nge/ /zhes pa la yang thal bar 'gyur ro/ /zhes sun phyung nas rang gi lugs ni nyes byas la sbom por btags pa yin te/ gang gis skur pa 'debs pa'i ltung ba ni sbom po yin pa dang/ sbom po lci shos dbyen dang/ khrag 'byin pas skur pa la yang nyes byas las med pa'i phyir dang/ zhus pa las sbom pos skur pa la nyes byas su gsungs pa'i phyir/ gzhan du na pham pas skur pa la yang pham pa bskyed par ha cang thal lo/ /zhes zer ro/ /kha cig sbom pos skur pa la sbom por 'gyur ba ma yin te/ sde chan na smad pa'o/ /'di ltar mi bstan pa la spyad pa pham pa'i sbom pos skur pa la lhag ma'i sbom po byung ba'o/ /zer ba ni khrag 'byin pas skur pa la nyes byas su gsungs pa dang 'gal lo/ / khrag 'byin pa'i mtshams med ni/ sreg gced kyi pham par gtogs pa'i sbom po'o/ /dge 'dun gyi dbyen byas pa'i mtshams med ni dbyen du gtogs pa'i sbom po zer ba ni dpyad par bya'o/ /bsams te zhes pa la/ TIkka las/ bsams te smas @055a @#/ /so/ /zhes rnam pa de lta bus gzhogs smos byed na nyes byas so/ /'dir sogs pa'i sgra ni/ rnam pa gzhan gyi don bstan pa'i phyir ro/ /zhu ba las/ dge slong stan las langs te/ bdag gis bsams te smra so zhes zer zhing/ skye bo thams cad las nyes byas su 'gyur ro zhes bya ba lta bu'o/ /zhes gsungs pa'i dgongs pa btsal bar bya'o/ /TIkka las/ bab tsam la yang rnam pa de dag shes par bya ste/ bdag gis dge slong ma che ge mo zhes bya ba ma ning pho dang mi tshangs par spyod pa 'khrig pa'i ches bstan pa mthong ngo/ /zhes gsungs pa la sogs pa'o/ /zhes gsungs pas dge slong la skur na ma ning mo dang sbyar ro/ /des na 'di gzhi med kyi skur lugs yin la/ dge slong dang/ dge slong ma che ge mo dang/ ma ning pho mo dang/ mi tshangs par spyod pa 'khrig pa bstan pa mthong ngo zhes sbyar dgos te/ rnam 'byed kyi gnad kyis so/ /de'i phyir 'di ltar skur ba na/ skur mkhan gyis zag byed la bsam pa yin na sbom po dang/ kha dang bshang lam bsams nas smras na lhag ma 'ong pas 'di'i skur pa 'debs lugs shes na/ sngar gyi rtsod lan rnams ji ltar yin pa bde blag tu shes par 'gyur ro/ /'di smra ba pos bsam pa ltar/ go bya yul gyis kyang de ltar shes pa dgos sam snyam mo/ /des na lhag ma bskyed pa 'khrig pa'i bsten yul de ma ning pho mo lta bu min pa sbyar ba dgos so/ /bsgo ba las kyang gyur pa la gsum las/ skabs su gtogs pa'i sbom po ni/ gzhan gyi 'khor lhan cig gnas @055b pa sogs te/ de kha 'dren pa ni/ rang gi phyogs su 'jog pa ste/ de byed na sbom po'o/ /bya spyod de las tha dad par byas te/ dbyen gyi rnam pas zhugs pa'o/ /zhes zer ro/ /pha mas ma gnang ba rab tu 'byin pa la nyes byas dang/ lhan cig gnas pa dang/ nye gnas gzhan gyis brkus pa rang gi sar bros su bcug pa la pham pa dang/ ma'i rnam 'byed las/ khyim thab kyis ma gnang ba'i nye du rab tu 'byin pa la lhag mar gsungs pa dang/ 'dir sbom por gsungs pa rnams/ gzhan dbang ba rang gi phyogs su 'jeg par mtshungs pa la ltung ba thad dad pa ji ltar yin zhe na/ gnyis pa ma gtogs pa rnams la pham pa med de/ rku sems med pa'i phyir ro/ /rab tu 'byin pa gnyis ltung med yin te/ gzhan la gnod pa'i bya ba la zhugs pas so/ /de lta na'ang dbyen gyis sbom por mi 'gyur te/ khyim 'khor ba'i rgya mtsho las sgrol snyam pas zhugs kyi/ bya ba dang spyod pa tha dad pa'i sgo nas 'byed pa la ma zhugs pas so/ /ltung ba che chung ni yul gnod pa che chung gis zhes snga ma rnams zer ro/ /thun mong gi mtshan nyid la gsum las thun mong du bzhag pa'i chos ni lnga ste/ bsgo gyur bcu las/ bsgo ba yod par 'dra ba'i thun mong dang/ bzlog pa lnga lnga yod par 'dra ba dang/ bzlog pa dang/ ltung ba'i grangs 'dra ba dang/ nyer len dang bzlog pa'i lhan cig byed pa'i rkyen gnyis mthun pa'i thun mong ngo/ /dang po ni/ bzhams bsgo sogs bzlog pa yod na ltung ba rdzogs la/ med na mi rdzogs pa 'dra'o/ /gnyis pa ni/ tha mal pa'i gros kyis bzlog pa bzhams @56a @#/ /bsgo dang/ bzlog pa dngos ma yin yang de'i rgyu gsol ba dang/ bzlog pa dngos/ brjod pa gsum ste/ lnga tshang na ltung ba rdzogs la/ ma ched na de lta ma yin te/ tshad bzung gi ltung ba yin pas/ tshad ma rdzogs na de ltar mi 'gyur bas so/ /gsum pa ni/ zlog byed lnga yod pa gzhan du de dag byas kyang mi gtong ba na/ ltung ba yang sngar 'gyur ba'o/ /bzhi pa ni bzlog pa la sbyor ba'i sbyor ba dang/ sbyor ba dang mthar thug gsum yod pa la ltung ba yang nyes byas dang/ sbom po dang/ lhag mar 'gyur ba'o/ /lnga pa ni/ gang mthun pa ni/ bzhams bsgo sogs bzlog pa lnga'o/ /gang dang mthun pa ni/ dang po rang rang gis kun slong gis bslang ba'i rjes sgrub dang/ bar du mi gtong bar rjes su sgrub pa'i nyer len gyi rgyu dang po/ gang la mthun pa ni dbyen la sogs pa bsgo ba las gyur pa rnams la'o/ /thabs gang gis mthun pa ni/ gsol ba zhes bya ba'i gros su bsdur ba'i bdag nyid kyis so/ /tshul ji ltar mthun pa ni/ bzlog pa rkyen byas nas nyer len de dag sbyor ltung la sogs pa bskyed pa la nus pa cher 'gro bar ro/ /de ltar mthun pa'i 'thad pa ni rkyen de dag gis byas pa'i byed pa mngon zhen dam pa dang/ sdig pa'i bsam pa shas che bar 'gyur ba'i phyir ro/ /bsgo gyur pham pa dang ltung byed la mi 'dra ba shes par bya'o/ / zhes snga ma rnams zer ro/ /ltung ba bskyed pa'i tshul ni/ kha cig par 'jug la gnyis yod pas sbyor ltung bcu bzhi dang/ dngos gzhi dang bco lnga ste/ de dag rdzas tha dad do/ /zhes 'dod de/ bzhams bsgo'i gong gi 'jug pa rtsis pa 'dra'o/ /kha @56b cig par 'jug gnyis gnyis byed na/ de dag gi 'ang bar 'jug go dgos pas gsum gsum du 'gyur bas bar 'jug re re ste/ sbyor ltung dgu dang/ dngos gzhi ste bcu yin la/ de dag kyang rdzas tha dad do/ /des na bzhams bsgo'i 'og ni gsol ba'i gong dang gcig go/ /de bzhin du gzhan la lta'o zhes zer ro/ /kha cig ni sbyor ltung lnga dang/ dngos gzhi ste drug yin la de dag kyang rdzas tha dad do/ /zhes zer ro/ /de la kha cig /TIkka las/ bar 'jug bshad pa med pa mi rung la/ gnyis gnyis mi 'thad pas snga ma gnyis kyi lugs ma yin no/ /rdzas tha dad ni ma yin te/ yin na 'dod pa bar pa ltar bya dgos la/ de'i tshe gsol ba dang/ brjod pa dang po'i bar 'jug de gsol ba'i ltung ba dang 'brel na gnyis las mi 'da' bas/ ngos 'byar ba'i tshul gyis 'bral na de gzugs can gyi chos yin la/ ltung ba gzugs su med pa'i phyir dang/ yod du chug kyang rig min yin pas de la 'gal ba'i phyir ro/ /thim pa'i tshul gyis 'brel na rdzas tha dad pa nyams so/ /ma 'brel na bar du ltung med kyis chod dgos la/ de ni mi 'thad de/ 'dun pa bzlog pa sogs rgyu med pa'i phyir ro/ /sgrub byed du 'dod pa'i rgyu tshogs tha dad pa'i phyir ro/ /zhes pa ma grub ste/ dngos gzhi gcig bskyed pa'i rgyu yin pa'i phyir/ dus snga phyi sogs tha dad pas snyam na/ gsol ba sogs re re la yang cha du ma yod pa dang/ rgyun ldan gyi sbyor ba thams cad la de ltar thal ba dang/ dngos gzhi bshags pas mi 'dag par thal ba'i phyir ro/ /bzlas pa ni tha dad pa nyid do/ /zhes pa yang khungs su mi rung ste/ @57a @#/ /dgongs pa can yin pa'i phyir te/ dgongs gzhi ni/ bzlog sgo'i bzlog mtshams tha dad pa'o/ /dgos pa ni/ brjod pa tha ma'i tshe/ sbyor ltung du 'gyur gyi/ snga ma rnams la mi 'gyur te/ ring ba'i rgyu yin pa'i phyir/ sbyor ba'i sbyor ba'o/ /snyam pa'i log rtog spangs pa'i phyir ro/ /'o na de la sbom por bstan pas chog gi /tha dad don med do snyam na/ mi chog go snga mas rgyu byas na tha mas sbom po bstan no/ /snyam du 'dzin pa mi bzlog la/ tha dad du bstan pa na sbom po'i rgyur mi 'dzin gyi/ sbom po nyid du go bas so/ /des na rdzas gcig la gnas skabs tha dad pa'o/ /zhes zer ro/ /dus snga phyi'i dngos po rang bzhin gcig la gnas skabs tha dad par smra ba ni ser skya'i lugs 'ongs ba yin no/ /ltung ba che chung gtan la dbab pa ni/ kha cig bzhams bsgo'i mtha' nas sbom po 'byung ste/ rnam 'byed las de ltar gsungs pa dang/ rigs pas kyang gsol ba la sogs pa dang 'dra bar bzlog pa la zhugs par mtshungs pa'i phyir/ zhes 'dod pa la/ gzhan dag na re/ de mi 'thad de/ ma'i so thar 'grel pa las/ de ltar bsgo ba na mi gtong ba nyes byas so/ /zhes pa dang/ tshig le'ur byas pa las kyang/ bzhams te bsgos kyang mi gtong na/ nyes byas nyid du bzhag pa yin/ gsol ba'i las ni dang po gang; ;brjod tshe mi gtong sbom po yin/ /brjod pa yang ni de bzhin te/ /mtha' ni dge 'dun lhag ma yin/ /zhes gsungs pas so/ /rigs pa yang/ TIkka las/ bzhams te bsgo ba zhes bya ba ni/ 'dir dge 'dun du ma gyur pa'i dge slong/ tshangs par @57b mtshungs par spyod pa gtsugs pas phan tshun zlog par byed pa yin par rig par bya'o/ /'jug pa 'di ni mi gtong ba'i bdag nyid kyi 'jug pa bas shas chung ba yin no/ /zhes gsungs pa la/ de yang bzhams bsgo'i dus kyi mi gtong ba gsol ba la sogs pa'i dus kyi mi gtong ba las shas chung bar bstan pas ltung ba yang chung bar gsal bas nyes byas so/ /gzhan yang/ TIkka las/ gsol ba dang/ las brjod pa'i dus de gnyis ni ltung ba'i byed pa po yin gyi/ dus phyi ma gzhan gyi rtsom pa gcig tu gyur pa'i phyir de'i khongs su gtogs pa nyid do/ /zhes gsungs pas bzlog pa dang 'brel ba'i sbyor ltung skye ba'i thog ma dang/ tha ma dngos gzhi'i dus gnyis bzung bas gsol ba ni sbom por gsal te/ 'di ltar ltung bar grub tsam nas 'dzin na/ rtsom pa la 'jug pa nas dang/ bzlog pa dang 'brel tsam nas 'dzin na/ bzhams bsgo smos par rigs pa'i phyir ro/ /rtsa ba las gsungs/ gsol ba ni bzlog pa dang 'dra zhes brjod pas/ bzlog pa'i rkyen byed pa bzhin du gsol ba yang yin zhes dngos su dogs pa dpyad kyang/ zhar la/ brjod pa la sbom por 'gyur ba bzhin du gsol ba la yang ngo/ /zhes dogs pa dpyad pa'i phyir te/ bzhams bsgo nas sbom por 'gyur na/ gsol ba la sbom po'i dogs pa bsal mi dgos pa'i phyir ro// rnam 'byed ? las/ sbom por gsungs pa ni dgongs pa can te/ nyes byas la der btags pa'o/ /bzlog par zhugs par mtshungs pa ni/ bzlog pa tsam du mtshungs pa ni/ ma nges te/ bla ma'i chos gos la nom nyug nyes byas su 'gyur la/ rdzas gzhan la @58a @#/ /sbom por 'gyur ba bzhin no/ /khyad par med par zhugs pa ni ma grub ste/ rten tshogs longs pa dang/ cho ga'i las dgos mi dgos kyi khyad par dang bcas pa'i phyir ro/ /des na dbyen la rtsol ba lta bu nas bzhams bsgo'i bar ni sbyor ba'i sbyor ba nyes byas yin la/ gsol ba nas sbom por 'gyur ro/ /zhes zer ro/ /rang gi lugs ni/ tshig gi don gyi skabs su ston pas/ de la bzhi la sogs par byed pa rkyen gyi thun mong ni/ dbyen la sogs pa bzhi byed pa bzlog pa'i phyir rkyen gyis bzlog pa na bya ba de mi gtong ba ste/ mi spong bar rjes su bsgrub pa'i rang bzhin te/ rnam pa lus dang/ ngag gis rig byed dam/ cang mi smra ba'i gnas skabs sam/ gnyis kar gyur pas ni rjes su mthun te/ de dag kyang gang zhe na/ lus kyi reg byed ni/ tshul shing 'brim pa sogs so/ /ngag gi rig byed ni bslab tshig lnga la sogs pa'o/ /cang mi smra ba ni yid kyi rang bzhin dbye bar 'dod pa sogs so/ /gnyis ka ni lus ngag yid kyi'o/ /zhes zer ro/ / 'on kyang dbyen la sogs pa'i phyir du lus spyod pa dang/ ngag gi smra ba dang mi smra ba'i skabs de gnyis ka ni/ lus ngag gnyis ka tshogs pa dang/ ma tshogs pa'i skabs rnams dang/ ngag gi yang rim gyis smra ba dang/ mi smra ba gnyis kar gyur pa'i skabs so/ /rjes su mthun pa ni/ rjes su 'gro ba dang mtshungs pa'o/ /'di gsum sbyor ba'i sbyor ba dang/ mthar thug la sbyor yang rnam grangs su rig par bya'o/ /su zhig gi rjes su mthun pa ni bzlog pa'i tshul gyis te/ 'di ltar bzlog pa ji snyed pa ltung ba @58b yang de snyed du 'gyur te/ bzlog pa gcig la mi gtong bar rjes su bsgrub pa'i rang bzhin yang gcig kho na ste/ rjes su bsgrub pa'i ltung ba yang bzhi kho na'o/ /de bzhin du gnyis la gnyis log par rig par bya'o/ /de ni grangs mthun pa ste/ 'dis ni bco lnga dang/ bcur 'dod pa bkag nas bzlog pa lnga la ltung ba lngar bstan mod/ brjod pa tha ma'i sbom po yang bstan par bzung ngo/ /de lta na sbyor ltung lnga dang/ lhag ma ste drug tu 'gyur ro/ /gnas skabs mthun pa yang bzlog pa'i tshul gyis rjes su mthun te/ 'di ltar/ bzlog pa sbyor ba la ltung ba yang sbyor ba dang/ bzlog pa mthar thug la ltung ba yang mthar thug pa ste/ lhag par 'gyur ba'o/ /'dis bzlog bsgo dang 'brel ba'i ltung ba la sbyor ba dang/ mthar thug gnyis su grangs nges par bstan nas/ bzhams bsgo'i mtha' la sbom por bstan te/ 'di 'og tu bshad par bya'o/ /de lta na TIkka las/ mthun lugs gnyis bshad pa'i snga mas ni/ ltung ba'i grangs la dogs pa dpyad la/ phyi mas ni sbyor dngos la dogs pa dpyad do/ /TIkka las/ gsol ba zhes bya ba ni/ ngag gi rnam par rig byed kyi rjes su mthun te/ zhes gsungs pa ni/ bzhams bsgo dang/ brjod pa'i mtshon byed du go bar bya'o/ /de'i phyir mthun pa lnga byas pa'i dang po dang/ tha ma mi dgos shing/ dgongs pa min la/ gnyis pa yang grangs mthun par bstan pas chog pas mi dgos so/ /mthun pa'i rgyu mtshan du ni TIkka las/ gang gi phyir dge 'dun lhag ma bzhi po de dag bzlog pa dang 'brel ba yin pa de'i phyir/ zhes gsungs so/ / @59a [first] @#/ /gsol ba ni dngos su bzlog pa min pas brjod pa dang mi 'dra'am snyam du dogs pa bsal ba'i phyir 'dra zhes so/ /gang 'dra ba ni gsol ba'o/ /gang dang 'dra ba ni/ bzlog pa dang zhes te/ brjod pa dang po/ gang la 'dra ba ni/ dbyen la sogs pa las bzlog par bya ba nyid la'o/ /'dra ba'i tshul ni/ las brjod pa dag byas pa'i tshe mi gtong bar rjes su bsgrub pa ltung ba'i byed pa po yin pa de bzhin du/ gsol ba byas pa'i tshe yang/ mi gtong bar rjes su bsgrub pa'i sbyor ba la ltung bar 'gyur ba kho na'o/ /'dir dge 'dun la gsol ba go bar bya ba gang yin pa de ni/ dngos su bzlog pa nyid ma yin gyi/ bzlog pa'i thabs yin pas de'i phyir 'dra ba nyid du ston par byed do/ /zhes TIkkar gsungs pa'i bzlog pa dngos dang/ de'i thabs kyi khyad par ni/ gsol ba'i skabs su/ gal te dge 'dun gyis dus la bab cing bzod na dge 'dun gyis gnang bar mdzod cig dang/ zhes gnang na bsgo bar bya'o/ /zhes bzlog sgo byed par zhu ba dang/ brjod pa'i skabs su/ de'i slad du dge 'dun gyis zhes gnang ba zhus nas bzlog bsgo de dngos su song ba yin nam snyam ste dpyad par bya'o/ /bzhams bsgo ni dngos su bya ba thong zhig ces yul de kho na nyid la byed kyi/ dge 'dun la gnang ba zhu ba lta bu min pas dogs pa med pa 'dra'o/ /gsol ba'i tshig ltung ba'i byed pa por bstan pa na de la cha shas du ma yod pas de rnams ji snyed pa de snyed kyi ltung bar 'gyur ram snyam pa bsal ba'i phyir/ zhes te/ tshig gang la skad cig ma gcig la ltung ba @59b 'byung ba'i skad cig ma de'i khongs su tshig mtha' dag 'dus so/ /des na rgyun shin tu ring yang tshig gcig tu zad de/ ltung ba yang gcig kho na 'byung ba yin gyi/ cha shas re re dang rtsa ba re re la 'byung ba min no/ /rtsa ba ni/ 'o na ltung ba 'byung ba'i tshig gi skad cig ma de gang zhe na/ TIkka las/ skad cig ma gang la tshe dang ldan pa lhan cig khyod dge 'dun 'byed par byed pa'i dngos po 'di thong zhig ces bya ba la sogs pa brjod pa na tshig phal cher byas pa nyid yin pas de ni 'dir ni dngos gzhi'i dus yin te/ gsol ba dang/ las brjod pa'i dus de nyid ni zhes sngar ltar gsungs so/ /'dir sogs kyi sgras ni der de rjes phyogs la sogs pa gsum po'i phal cher byas pa'i dus bsdus so/ /dngos gzhi'i dus shes pa ni/ brjod pa gsum pa nyid la sbyar ro/ / gsol ba dang las brjod pa'i dus de gnyis zhes pa gsum gyis/ gsol ba dang brjod pa gsum gyis phal cher byas pa'i dus de gnyis su tshig lhag ma lus bar ston gyi/ dus de nas sbom por 'gyur gyi/ gsol ba'i snga rol du mi 'gyur zhes mi ston pa ni tshig nyid las shin tu gsal lo/ /TIkka las/ sngar ltar gsungs te bsgrub par bzhed nas/ 'dir gzhung ni/ gsol bar byed pa na gzhi de gtong na de lta na legs/ gal te mi gtong na las brjod pa byas pa na nyes pa sbom por 'gyur ro/ / zhes gsungs pa yin no zhes drangs te/ 'di 'og tu sbyar ro/ /gsol ba'i tshig rnams ltung ba gcig gi rgyur bstan pa na/ brjod pa rnams kyang ltas ba tsam du zad pas ltung ba gcig kho na byed dam snyam pa bsal ba'i phyir bzlas pa ni zhes so/ /de ltar na las @59a [second] @#/ /brjod pa lan re re la ltung ba re re byung bar 'gyur te/ 'dir gzhung ni/ las brjod pa dang po ma rdzogs par gzhi de gtong na/ de lta na legs/ gal te mi gtong na rdzogs par brjod pa na nyes pa sbom por 'gyur ro/ /de bzhin du las brjod pa gnyis pa dang/ gsum pa ma rdzogs par gzhi de gtong na de lta na legs/ gal te mi gtong na las brjod pa gnyis pa rdzogs par brjod na nyes pa sbom por 'gyur ro/ /las brjod pa gsum pa rdzogs par brjod na dge 'dun lhag mar 'gyur ro zhes gsungs pa yin no/ /zhes drangs so/ /'dir drangs pa'i gzhung ni/ rnam 'byed la bya dgos la/ da lta rnam 'byed na/ gsol ba dang/ bzhi'i las kyi bsgo ba na gzhi de gtong na de lta na legs/ gal te mi gtong na gsol bar byas na nyes pa sbom por 'gyur ro/ /las brjod pa dang po brjod pa na/ ma rdzogs par gzhi de gtong na legs/ gal te mi gtong na rdzogs par brjod pa na nyes pa sbom por 'gyur ro/ /las brjod pa gnyis pa brjod pa na ma rdzogs par gzhi de gtong na de lta na legs/ gal te mi gtong na rdzogs par brjod pa na nyes pa sbom por 'gyur ro/ /las brjod pa gsum pa brjod pa na ma rdzogs par gzhi de gtong na de lta na legs/ gal te mi gtong na nyes pa sbom por 'gyur ro zhes dang/ rdzogs par brjod pa na dge 'dun lhag mar 'gyur ro zhes pa snang ngo/ /'di sgra sor bzhag na/ gsol ba byas pa na gtong na legs/ gal te mi gtong na gsol ba byas pa na sbom por 'gyur zhes pa 'dod dgos pa dang/ @59b TIkkar drangs pa dang ma mthun pas/ TIkka ltar bya dgos so snyam mo/ /'o na gsol ba'i sbom po de'i tshig phal cher byas pa na bskyed pa dang/ las brjod pa dang po byas pa na bskyed pa gnyis 'gal zhing/ de bzhin du brjod pa'i sbom po dang/ lhag ma de'i phal cher byas pa na bskyed pa dang/ brjod pa rdzogs par byas pa na bskyed pa gnyis kyang/ 'gal lo zhe na/ TIkkar gsol ba'i gsum gnyis byas pa na ltung ba bskyed par mdzad nas/ de'i gzhung du drangs pa gnyis la gsol ba'i sbom po brjod pa dang po byas pa la ltos par gsungs pa gnyis ni ma mthun zhing/ de dang da lta'i mu gnyis kyang ma mthun pas 'di ni dpyad dgos te/ 'di ltar TIkka'i gong 'og gnyis so sor bzhag na sngar ltar 'gal bas/ TIkka'i phal cher byas pa na bskyed pa gsungs pa ma dag par bya thabs med pa'i phyir/ khungs drangs pa ma dag par mngon te/ lung dang ma mthun zhing/ TIkka nyid kyi dgongs pa dang yang 'gal ba'i phyir dang/ phal cher byas pa'i khungs su byas kyang/ des de la gnod par gnang ba'i phyir ro/ /brjod pa gsum gyi gsum gnyis dang/ brjod pa rdzogs pa mi 'gal te/ 'dir rdzogs ma rdzogs ni/ ltung ba bskyed pa'i yan lag tu song ba'i brjod pa rdzogs ma rdzogs la dgongs par bshad nus pa'i phyir te/ phal cher byas na byas pa'o/ /zhes TIkka nyid las gsungs pa'i phyir ro/ /phal cher rdzogs na rdzogs pa'o/ /zhes kyang smra bar nus pa'i phyir ro/ /TIkkar drangs pa la brjod pa gsum pa'i sbom po/ /ma byung yang lung na yod cing/ don la'ang thong pas de ni lung ltar bya'o/ /mjug sdud ni/ las byas @60a @#/ /ba go bar byas pa tsam yin pas/ de ni tha dad pa min no/ /de yang bzlas pa tha ma'i nang du gtogs so/ /dbyen byed pa la rtsol ba la sogs pa'i 'jug pa ni sbyor ba ste sbom po'o/ /TIkkar 'jug pa zhes bya ba'i gnas skabs kyi bye brag ma bstan pas na bzhams te bsgo ba dang/ gsol ba bya ba la sogs pa dag gi 'og dang snga rol yang yin par rig par bya'o/ /zhes gsungs pa 'dis bzhams bsgo dang/ gsol ba'i bar dang/ gsol ba dang/ brjod pa dang po'i bar dang/ dang po gnyis pa'i bar dang/ gnyis pa gsum pa'i bar gyi dbyen la sogs pa la 'jug pa'i bar 'jug gi sbom po zhes pa bzlog sgo'i ltung ba las gzhan par bstan par snga ma rnams smra'o/ /de'i dgongs pa ni/ 'jug pa ni sbyor ba nyid do/ / zhes gsungs pas sbom po'i rgyur gyur pa'i 'jug pa thog mtha' gnyis kyi sgo nas 'dzin pa yin te/ 'di ltar bzhams te bsgos pa'i 'og dang/ gsol ba'i snga rol gyi bar gyi 'jug pa ni bsgo pa las gyur pa'i sbom po dang po'i rgyu yin no/ /bzhams bsgo'i dus dang/ de'i snga rol gyi 'jug pa la sbom po med pas bzhams te bsgo ba'i 'og ces gsungs la/ gsol ba brtsams pa'i gnas skabs kyi 'jug pa ni/ bzhams bsgo byas kyang mi gtong ba'i sbom po'i rgyur mi rung bas gsol ba'i snga rol zhes gsungs so/ /de ni shin tu rigs te bsgo gyur kyi sbom po ni/ bsgos kyang mi gtong ba'i 'jug pa la bskyed dgos pa bzhams bsgo'i snga rol tu bsgo ba gtan med pa'i phyir dang/ bzhams bsgo byed bzhin pa na bsgos zin pa med pa'i phyir ro/ /de bzhin @60b du gsol ba dang/ brjod pa dang po gnyis kyi mgo brtsams pa nas phal cher byas pa'i bar gyi 'jug pa yang sbom po'i rgyu ma yin pas/ rang rang gi gsum gnyis shes/ brjod pa dang po dang/ gnyis pa dang/ gsum pa'i snga rol gyi bar gyi 'jug pa rnams la sbom por rnam par bzhag go /sbom po tha ma ni/ brjod pa gsum pa'i sgo nas gsum gnyis kyi bar gyi 'jug pa la bzhag go /TIkkar 'jug pa 'di ni zhes 'byung ba ni/ bzhams bsgo'i dus kyi 'jug pa yin gyi bsgos zin pa'i 'og gi 'jug pa la mi bya'o/ /'jug pa ni sbyor ba zhes byas na/ bskrad pa'i las ma byas par 'dun pas 'gro'o/ /zhes pa la sogs pa zer ba dang/ gleng dran ma byas par ngag gi nyan par 'jug pa yang sbyor bar 'gyur ba bsal ba'i phyir bskrad pa sogs ni sbyor ba de'i sbyor ba nyes byas su gsungs so/ /zhus pa las/ de gnyis kyi skabs kyi ltung ba nyes byas dang/ skabs der bsgo bar mi bya dang/ bsgos kyang mi chags par gsungs pa'i tha ma ni/ chags la nyes byas su dogs pa bsal ba'i phyir ro/ /nyes byas su 'gyur ba'i 'thad pa ni/ TIkka las/ gnas skabs 'di la ni mngon par zhen pa dang/ sdig pa'i bsam pa shas chung ba'i phyir ro/ /des na nyes byas su gsungs so zhes so/ /yang TIkkar/ dran par byas pa'i gnas skabs na ni kha na ma tho ba dran du zin kyang yongs su mi gtong bas mngon par zhen pa dam pa nyid dang/ sdig pa'i bsam pa yang ches lci ba nyid yin par shes pas de'i tshe ni sbom por gsungs so/ /zhes bka' blo mi bde ba la gleng dran byas pa'i 'og tu ngag mi nyan pa la sbom por mdzad do/ /rnam 'byed pa ni/ @61a @#//bzhams bsgo'i gong dbyen la 'jug pa dang/ de'i grogs byed pa dang/ bdag nyid bskrad pa'i las byas par shes bzhin du 'dun pas 'gro ba sogs zer ba dang/ dge slong rnams gdon par gtogs pa bslab pa'i gzhi rnams dang/ bde bar gshegs pa'i mdor gtogs pa rnams kyi chos dang mthun pa dang/ 'dul ba dang mthun par smras pa na/ bdag nyid brjod par bya ba ma yin par byed na/ thams cad du nyes byas su 'gyur ro/ /zhes bzhi ga la 'dra bar bshad do/ / 'o na lhag ma dang po gnyis la yang/ bzhams bsgo'i gong gi 'jug pa la nyes byas yin na 'jug pa sbyor ba'i dmigs bsal du bskrad pa dang zhes lhag ma 'og ma gnyis khe na la ston pa ci zhe na/ 'jug pa sbyor ba'i 'jug pa ni/ TIkkar bshad pa ltar bzhams bsgo'i 'og gi 'jug pa yin pa'i phyir/ bsgo ba byas kyang mi gtong ba'i 'jug pa yin la/ dbyen dang der rjes phyogs gnyis ni/ bya ba de la zhugs tsam nas bsgo ba chags shing/ 'og ma gnyis la ni bskrad pa dang/ gleng dran ma byas pa'i skabs su bsgo ba lnga byas kyang mi gtong ba'i 'jug pa la nyes byas las med pa'i phyir skyon med do/ /bskrad pa dang/ gleng dran ma byas pa de la ni bzhams bsgo yan chad kyis bsgo bar mi bya'o/ /gleng ba ni/ phyogs gcig gleng ba dang/ dran pa ni yongs su rdzogs par dran par byed pa'o/ /lhag ma ni gzhi gnas skabs gang la 'byung zhe na/ las kyi bsgo ba de'i mtha' la mi gtong na ste/ las brjod pa gsum pa'i mtha' la'o/ /so so'i mtshan nyid la bzhi @61b las/ dang po ni/ don gang mi gtong na/ dge 'dun gyi dbyen byed pa'i lhag mar 'gyur zhe na/ bskul ba ste/ pha rol gnon par byed pa nyid do/ /yul gang la bskul ba ni/ dbyen la'o/ /gang gis dbyen byed pa ni dge 'dun gyis te mdor na dge 'dun gyi dbyen bya ba'i yul la/ rang gi btul ba las brjod pa gsum pa'i mthar mi gtong na dbyen gyi lhag ma'o/ /'di dang 'khor lo'i dbyen gcig tu 'dod pa ni mi 'thad do/ /dbyen bya la/ so so skye bo yin pa/ brgyad yan chad du tshang ba/ /bskong bar 'os pa ste gsum dang/ 'byed pa po la chos las/ chos ma yin pa'i phyogs su 'byed pa/ kha skong 'os pa ste gnyis zer ro/ /gang mi gtong ba rjes su phyogs pa'i lhag mar 'gyur zhe na/ dge 'dun gyi dbyen byed pa de'i grogs nyid rjes su bsgrub pa ste/ nan tan byed pa ltar sngar mi gtong na lhag ma'o/ /'di la dge slong chos drug ldan pa'i steng du dbyen mtshan nyid pa'i grogs byed pa la zhugs pa bdun zer ro/ /gang gi gtong na khyim sun 'byin pa'i lhag mar 'gyur zhe na/ khyam sun 'byin pa'i dge slong rang skrod par byad pa'i dge 'dun la log pa'i bsam pa 'dun pa/ zha sdang/ gti mug 'jigs pa'i dbang gis dge 'dun de bdag skod pa'i las de la 'di ltar zhus so zhes rdzun du smra ba sngar ltar mi gtong na lhag ma'o/ /'di la gang sun dbyung ba'i yul ni; rab tu byung ba'i rtags sdom gang dang yang mi ldan pa'i khyim pa gcig yan cahd yin pa dang/ gang gis yun dbyung ba'i dngos po ni/ rang gi tshul khrims dang 'gal ba'am/ gzhan gyi nyes pa bsgrags pa yin pa dang/ gang la skur @62a @#/ /pa gdab pa'i yul ni/ chos drug ldan gyi steng du/ tshogs su longs ba dang/ rang skrod pa la chos dang mthun par zhugs pa'o/ /go bya'i yul ni/ tha snyad lnga ldan/ lus tha mal pa/ bda glas tha dad pa gsum mo/ /rten ni; bskrad pa nan tur byas pa dang 'brel ba zhes zer ro/ /gang mi gtong na bka' blo mi bde ba'i lhag mar 'gyur zhe na/ dge slong gis ltung ba 'byin pa po la lhag pa'i tshul khrims kyi dbang du bays te/ gleng ba nyid na 'di skad ces bdag la dge slong gang gis kyang tshul khrims 'ga' la'ang gleng bar mi bya'o/ /zhes zer zhing/ de ltar bdag nyid kyi tshul khrims de la dge slong thams cad dag gis brjod par mi bya ba nyid du byed pa'i byed pa de sngar ltar mi gtong na lhag ma'o/ /dge slong dang bslab pa'i gzhi dmigs kyis bsal ba dag gis brjod par mi bya bar byed na nyes byas so/ /'di spang bar bya ba'i yul ni phyogs btsun gnas pa mtha' dag go /go bya'i yul ni/ chos drug ldan gyi steng du bdag la gleng ba ngo yin pa ste drug zer ro/ /rten ni/ gleng dran byas la chags pa'o/ /thams cad mkhyen pa la phyag 'tshal lo/ /sde chen gsum pa ltung byed la/ ltung ba 'ga' zhig bshags pas mi chog par dngos po spang dgos pa'i spang ltang la thun mong ba dang/ thun mong min pa gnyis gnyis las/ dang po la lnga las/ dus 'brel gyi thun mong ba ni mdo bzhi'i/ /tshig gi don ni/ dang po min pa la de med/ tha ma ma yin pa la med pas zhes zer ba ltar don la snang la/ de med ni zhag 'das pa'o/ /des na sbang ba'i @62b yan lag kyang mtha' min gyi/ de ma gtogs pa'i thun bcu ni ma yin pas zhag bcu ma sogs pa la de tshun chad las de 'das pa'i zhag brang bar bya'o/ /yang rnam 'byed las/ tshes la/ chos gis rnyed nas zhag bcu gcig pa'i skya rengs shar na ltung byed do/ /zhes rnyed pa'i zhag la snga dre la sogs pa'i thun tshang nges pa ma mdzad pa'i phyir te/ gzhan du la tshes kyi snga drol rnyed nas bcu gcig gi snga drol ltung byed do/ /zhes gsung bar 'gyur ba'i phyir ro/ /'di la log par rtog pa ni/ 'chang spang gnyis dang 'jog pa sogs la skya rengs bcu gcig dang/ so gcig pa sogs shar dgos te/ skya rengs brgyad pa shar na'o/ /zhes 'byung bas rnyed pa'i nyin mo song ba'i skya rengs la byas na ltung ba zed lhag pa zhag gcig las 'das par 'chang ba'i bcas pa bsgrub par mi nus pas rnyed nas skya rengs 'grang dgos la de lta na zhag bcu gcig dang so gcig sogs 'da' dgos so zer ro/ /bsdus pa 'gyur gsar las kyang 'chang ba la bshad zer te brtag go /mi 'thad de rnam 'byed las/ zhag bcu gcig pa'i skya rengs shar na'o/ /zhes gsungs pa ltar/ zhag brgya dpa'i skya rengs zhes sbyar gyi/ skya rongs re re nas bkrangs pa'i brgyad pa ma yin pa'i phyir ro/ /g+han du na zhag bcu'i nang du gzhan la gtang bar bya ba'am/ zhes sogs mi gsung bar bcu gcig gi nang du/ zhes gsungs pa'i phyir dang/ bcu pa gsum shan gyi phyir phan tshun ma bltos par gsungs pa dang 'gal te bcu 'das pa la bcu gcig pa'i tshe 'ong bar 'gyur ba'i phyir ro/ /'di la sman zhag bdun du byin gyis brlabs pa la brgyad pa'i skya @63a @#/ /rengs shar na ltung bar 'gyur na zhag bdun du byin gyis brlabs pa la yang bsgre zhing/ 'dod na/ zhag gcig tu byin rlabs gsungs pa don mad du thal/ zhes pa la mi mtshungs pa'i lan dbyar la zhag kho na dang 'bral la/ sman la der mnges te/ thun tshod du rung a bzhin zhes zer ba ni gnyis ka la brtag pa'i gnas so/ /gnas pa la ni shes pa ni/ mtshan mo'i mtha' ma gtogs pa snga ma rnams nyams pa'i yan lag ma yin par nges sam zhe na/ gnas 'brel gyi bdun la sbyor ba'i snod nyes byas su 'gyur bar ston zhing/ de yang dmag gi nang na gnas pa ma gtos pa rnams la mtshan mo kho na nyes byas su 'gyur te/ mtshan mo gsum pa la 'gron pa dag gi phyi rol tu dag par/ zhes mtshan mo smos pa'i phyir ro/ /dmag na gnas pa ni nyin par yang nyes par 'gyur te/ der gnas pa tsam nyes par 'gyur ba'i phyir/ 'grel ba'i khyad par 'byed lugs 'dis ni kha cig 'grel chung dang/ bsdus pa las zhag bcu re re zhing/ nyes byas su bshad pas dngos gzhi dang/ 'brel ba'i nyes pa med kyang sbyor ba lhod pas rang dgar 'jog pa'i nyes byas 'dod pa yang bkag go /des na gzhan dbang la tshad bzung rnams la ched de tshu na chad du nyes pa me dpa yin no/ /snga ma'i dper snang ba'i rim pa gsum pa la nyes byas su 'gyur ba bzhin zhes smra ba ni mi 'thad de/ de la 'grel par rim pa gsum pa la nyes pas dogs pa bsal ba'i phyir/ mdun rol du ni nyes pa med do/ /zhes pa'i mdo gsungs par bzhed pa'i phyir ro/ /skabs der 'grel pa las/ rim @63b pa gsum las lhag pa bya'o/ /snyam pa'i bsam pa dang ldan yang/ bzhi pa rtsig pa'i mdo ma tshugs bar du nyes pa med par gsungs pa dang sbyar na zhag bcu la sogs pa las lhag par bcang ngo snyam pa yod kyang bcu long tshun la nyes med du mngon no/ /ltung ba'i gnas 'brel rnams la ltung bar 'gyur gyi gzhan la min pa ni/ ltung ba'i yul rten gnas gcig tshogs pa dgos mi dgos kyi 'phral la zhen pa rdzogs mi rdzogs yin no/ /zhes snga ma dag gsung ngo/ /nyin mtshan gyi dang po gang na/ de'i dang po ni skya rengs gsum las dang po de'i yang skad cig dang po zhes 'grel pa las so/ /las la ni 'das na nyi ma shar ba'i skad cig dang po'o/ /zhes gsungs so/ /'das pa la rkyen dbang gi zer yang/ lung zhus pa rang nas gso sbyong ma gsungs pa'i skabs su brjod pa la mdzad pas rkyen dang ldan pa mi dgos so/ /bdag po dang 'brel ba'i thun mong ba la mdo bzhi'o/ /spang ba 'byung ba'i dngos po la ni/ 'du shes las gtso che rang gi nyid yin gyi don las ni min la/ ma byin len gyi rdzas bdag dang she ba'i yo byad la da las bzlog pa'o/ /'du shes gtso che ba'i rgyu mtshan ni/ don la rang mi dbang yang/ dbang bar 'du shes na nyes pa bskyed la/ dbang yang 'du shes dang bral na nyes pa med pa'i phyir ro/ /don phrad par 'dra ba la 'du shes yod na dngos gzhi dang/ med na dngos gzhi med pa'i phyir/ zhes pa ni bzlog na yang de ltar 'gyur ba'i phyir mi 'thad pa 'dra'o/ /'dir 'grel pas ko lpags gyi gzhir/ dge slong gis dge slong la gos bskur ba snga mas bsam pas btang ba phyi ma'i sar ma byin pa ni/ gang la yang @64a @#/ /spangs ba rmi 'gyur bar gsungs pa'i don 'grel pa na/ chos gos la sogs pa bskur ba de/ bskur ba de dbang bar byas su zin kyang/ rang gi yin pa'i 'du shes pas spang bar mi 'gyur ba ni mdo dang po'i don dang/ bsam pas btang bas na bskur mkhan la spang bar mi 'gyur ba ni gnyis pa'i don du bzhed do/ /des na spang ba la 'du shes dgos par grub bo/ /bskur ba de bskur bar ma sleb pa'i gong du bskur ba des byin par 'du shes kyang skur byed de shi ba'o/ /gnyis ka shi na bskur mkhan gyi shi ba'i spyod du byin gyis brlabs la bar du brkus na'ang bskur mkhan las brkus par 'gyur bsam byin len gyi bdag po dang/ shi ba'i spyod la dngos po las rang gi nyid du 'jog par bzhed do/ /de ltar skur sa ru sleb na bskur ba dbang ba dang/ ma slebs na dngos po de dang po gang gis bsgrub pa de dbang bar bzhed pa 'dra ste dbyad par bya'o/ /rang dbang ba la dbang bar 'du shes pa dang/ the tshom za ba gnyis ka la dngos gzhi dang/ rang gi dbang ba la dbang bar 'du shes pa dang/ the tshom za ba la nyes byas su gsungs so/ /mod 'di/ dngos su lung dang/ 'grel pa las 'chang ba la sbyar yang snga ma rnams don thob mdzad nas ltung ba bco brgyad la sbyor te/ bcu tshan ba pa ril dang/ dang po nas 'chang 'jog 'khrur 'jug gsum/ tha ma nas ltung byed de 'chang ba mtha' dag 'jug /ras chen bzhag pa dang/ bsog ba 'phyis pa dang/ gsog 'jog ste lnga'o/ /de la rang dbang ba la der 'du shes pa dang/ gzhan dbang ba la de ltar dang/ rang dbang ba la @64b gzhan gyi de dang/ gzhan dbang pa la ran gir 'du shes pa bzhi la cir 'gyur ni/ dang po ni thams cad la dngos gzhi'o/ /gnyis pa ni 'chang ba gnyis/ 'jog pa/ mtho gang/ ras chen/ bsgo 'phyis te drug la ltung med/ rin po che la 'ba' zhig pa/ bcu gcig la nyes byas su 'gyur ro/ /gsum pa ni/ drug sngar dang 'dra/ rin po che la 'ba' zhig par gtogs pa/ bcu gcig la 'di nyid du gtogs pa'i nyes byas so/ /bzhi pa ni/ thams cad la 'di'i nyes bya so/ /zhes bzhed do/ /'dir log par rtog pa ni/ 'bral ba la rang dbang ba dgos pa dang/ gzhan dbang ba der shes pa'i tsheg sog 'jog gi spang ltung med do/ /zhes zer ba'i snga ma'i 'dod pa/ gzhan gyi spang rgyu med pas snyam pa yin na/ de lta dge slong ma'i bcings pa 'grol du 'jug pa dang/ gang zag khyad par gyi spang ba la yang rgyu med pas spang ltung ma yin par thal ba dang/ bshags pa'i snga rol du dngos po ma brlag pa zhes smos dgos par 'gyur ro/ /phyi ma la gzhan nges de la sogs 'jog tu byed pa la 'am/ gzhan dbang ba la der shes kyis rang gi byed pa la ltung ba med zer/ dang po ltar na/ de dmigs kyis bsal ba don med do/ /gnyis pa ltar na/ nyes par 'gyur te/ longs spyod rung der mi rung bar byas pa'i phyir/ gzhan gyi la lag nyar byas bzhin zer ro/ /spyir spang ltung la dngos po spang dges pas ma khyab kyang/ sdoms kyis bsdus pa'i ltung rkang gi rigs la srid dgos te/ rin po che dang/ gsog 'jog gi skabs su gzhan gyi la spang ba med pas rang gi yin pa dang/ zos pa la spang rgyu med pas bcangs pa dgos zhes @65a @#/ /'grel pa las gsungs pa'i phyir ro/ /snyim pa bcings pa grol ba la yang gzhan dbang ba nges par mi dgos so/ /gzhan dbang ba'i gding ba la zhus par nyes byas su gsungs pa ni/ de'i bzo la dgongs zhes zer ba ni gnyis ka brtag go /spang bar 'gyur ba rang gi nyid yin pa do ni dge 'dun nam/ gang zag gam/ gzhan la bsngos na des shes rung/ mi shes rung/ de'i sar skur rung ma skur rung rang gi nyid dang bral lo/ /nges par byas pa ni gzhag pa'o/ /de nyid ni rang gi dang bral ba'o/ /brtag na'o/ /ni gzhan la brtags na rang gi dang 'bral ba'o/ /kyang ni lhung bzed mi sdud kyi/ bsngos par 'bral ba ma zad rnam brtags kyis kyang zhes pa 'grel ba'i don no/ /shan dang 'brel ba'i thun mong ba la mdo bzhi'o// rang gi nyid ces pa'i ltung ba 'di la zhes pa ni/ spang stung gang la rang gi nyid yin pa yan lag tu dgos pa'i dngos po 'di la'o/ /bsngos pa dang/ rnam par brtags na/ rang gi nyid dang bral bar ma zad/ rjes su zhugs pa ste/ rgyun 'brel ba nyid kyang/ nyams/ /dper na/ chos la gos rnyed pa de tshes lnga la bsngo ba'am/ rnam par rtog par bye dna/ de'i phyi nyin gos gzhan zhig rnyed kyang de la snga ma'i zhag gi shan mi 'byung ste/ rgyun 'brel ba de nyams pa'i phyir ro/ /rang gzhan las nyams pa la zhus pa nas/ gos rnyed nas zhag lngan sems 'khrugs pa na de'i zhag bcu gang nas 'grang zhus pa las/ rang gi sems rnyed pa nas so/ /zhes gsungs pa la/ kha cig smyo ba sangs ma sangs gi bar du zhag bcu 'chang ba lta bu yin na zhag @65b gis chod pa dgos so zhes zhes 'dod pa la/ de ltar na bslab rgyun tha dad la yang zhag gis chod dgos par 'gyur bas myos pa cam gyis tshod pa'o zhes zer ba ni phyogs snga ma bzang ste/ de lta na tshes gcig gis snga dro gos rnyed nas gung la myos nas mtshan mo'i mtha'i gong du smyo sangs ba de nas zhag bcu bar ma chad du bcangs pa la spangs pa mi 'byung bar 'gyur zhing/ lan cig smyos pa de la/ de gtan skye mi sird par yang 'gyur ro/ /yang ngos ni bsngos pa dang/ rnam brtags kyi rjes su zhugs pa nyams par ma zad ces sbyar gyi/ ran ggi nyid nyams pa rma zad ces sbyar bar mi bya'o/ /rang gi nyid rjes su zhugs pa'i gos sam snod la sman de yod na dngos po gzhan las rjes su zhugs pa de 'byung ba nyid do/ /khyad par ni de lta bu de/ gsum po der rigs mthun pa'o/ /'gral par 'chang ba gnyis dang/ 'jog pa dang/ zhag bdun pa tsam la sbyar nas don la yang zhag shan 'byung ba la/ der bzhir nges so/ /snga ma la rang stobs kyis skyes pa'i zhag gi rgyun mchad pa yod na phyi ma la yang de 'ongs phyi ma'i zhag snga ma las log gsu bgrang mi dgos te/ snga mas zhag bcu 'das na phyi ma yang der 'gyur pa'i phyir ro/ /zhag bdun pa la khyad par mdzad pa ni/ rigs mthun pa la'o zhes te/ bdun pa tsam du rigs mthun pas mi chog gi /mar dang/ 'bru mar la sogs pa la rdeg par bya byed gnyis ka mar dang 'bru mar sogs su 'dra ba la rjes su zhugs pa de 'byung ba nyid do/ /bye brag gis rigs mthun dgos mi dgos kyi rgyu mtshan ni 'byung nye ring gis bzhag cing 'dzag pa la mi mtshungs te/ ges yo byad kyi gtso bo yin pas so zhes zer ro/ / @66a @#/ /'di lung las gsungs kyang tshad de la mar rnyed la zhes dang/ 'grel par yang bshad pas mar dus rung min no/ /phyir bcos kyi thun mong la mdo bzhi'o/ /gang la spang ba ni/ bsnyen rdzogs kyi sdom pa dag pa/ lta ba mtshan mthun pa dang tha snyad gsum ldan lus tha mal dang/ shes pa dang sa rang bzhin du gnas pa spangs ma spangs kyi bye brag shes pa ste brgyad ldan no/ /gang gis spong ba ni/ dge slong gi sdom pa gsor rung yan chad dang ldan pa/ lus tha mal dang/ shes pa rang bzhin du gnas pa/ gnas nas ma phyung ba/ dman pa'i gang zag yin pa ste lnga ldan no/ /gang spang ba ni/ spang ba'i ltung byed 'byung ba'am/ ltung ba des spang ba'i shan rgyab pa dang/ da lta spang 'os su yod pa de gnyis so/ /de'i shan rdeg byed la/ spang ba dngos gzhi rang rgyud 'brel ba/ ngo bo shes bzhin dran nus pa ste gsum mo/ /ltung ba de yod na zhes so/ /'di la ltung byed dngos min pa'i der gtogs kyi sbyor ba dang/ dngos gzhi'i nyes byas rang dbang can bcos pa la spangs pa dang bral ba sngon du 'gro mi dgos par mngon no/ /brdeg bya ni/ ltung ba de'i phyi nas rnyed pa'i yo byad rang gi yin pa/ gnas skabs dbang byar yod pa ste gsum gyi dang po gnyis ni rtsa 'grel las gsal la/ gsum pa don gyis thob pa'o/ /phal cher rung ba dang tshad dang ldan pa zer ro/ /tshad ni chung ba zhes pa ni gos la yin la/ 'on kyang spang ltung gis spang bar bya ba la/ snod dang/ zas dang/ rin po che'ang yod pas de dag gi tshad ci tsam zhe na/ gos kyi ltung ba rnams la khrur ma longs pa dang/ snod la phul dgu mi shong ba @66b dang; zas la kham du ma longs pa dang/ rin po che la gos khru gang ri ba re ma longs pa zer ro/ /khru gang bas chung ba la 'grel par khru gang khor yug pas chung ba zhes sogs so/ /dge 'dun gyi dngos po la yang mi dgos so/ /'di la yang 'grel par dge 'dun mnga' ba gang zag gi bdag nyid du rigs su bcad ma bcad gnyis las/ dang po la 'chang 'bral 'jog pa'i rgyus ltung byed 'byung ste/ de la thams cad gang zag gi dang 'dra bar bdag gir bya ba 'byung ba'i phyir ro/ /phyi ma la gang zag gzhan gyi dang 'dra bar bdag gir bya pa mi 'byung bas de la ni sngar bstan pa thams cad mi 'byung ngo/ /phyi ma la 'gas byin gyis brlabs nas bral na/ ltung byed 'ba' zhig bshags kyi/ chos gos spang mi dgos zhes gsungs so/ /'dir ris su bcad ma bcad la/ bcad ma bcad kyi dge 'dun zhes phyogs re ba dang/ phyogs bzhi'i dge 'dun la chad pa dang/ gang zag gis dgos ma dgos la 'dod pa gnyis don ma yin te/ snga mas ni gzhi ma nges pa'i phyir dang/ dge 'dun dbang ba la de gnyis su phye ba'i phyir dang/ gang zag dang 'dra bar zhes pa'i phyir/ des na dge 'dun dbang gi chos gos lta bu gang zag gis g.yar nas longs spyod pa lta bu dang/ so sor ma phye bar spyir bzhag pa lta bu'o/ /'chang ba dang 'jog pa 'byung ba la ni/ ris su gcod pa'i gang zag de/ dge 'dun de'i nang du gtogs dgos la/ 'bral ba la mi dgos so/ /chung ba dang dge 'dun gyi gnyis ni zhu ba las so/ /'di la med pa zhes pa lta bu dang/ ris su ma bcad pa la 'bral bas 'byung ba lta bu'i ltung ba ni nyi ma de nyid la bshags pas 'dag go /gang du @67a @#/ /spang ba'i gnas ni/ bla gab tha dad par ro zhes pa la/ dge slong ma'i sar gnas tha dad par zhes gsungs shing/ mdzod ni khongs su gtogs pa nyid dang zhes 'byung ba'i phyir dang/ gnas tha dad kyang gnas gcig na spangs pa'i tha snyad med pa'i phyir/ gnas tha dad du dgos zhes zer ro/ /yun ji srid du dgos zhes zer ro/ /yun ji srid du spangs pa la/ slong bar rigs pa'i lhag pa mi sbyin pa dang/ rin po che la reg pa dang/ byin 'phrog dang gseg 'jog gi spang ba'i dngos po ni gtan spangs yin la/ gzhan rnams ni ri ri'o zhes 'dod pa la/ dang po dang mtha' ma gnyis gtan du srang dgos kyang/ ltung ba 'dag pa la de ltar mi dgos shing/ rin po che la gtan spang kyang mi dgos pas/ gsum pa dang bzhi pa gnyis gtan spangs yin la/ gzhan rnams ni zhag ri ri'o zhes zer te 'thad pa 'dra'o/ /de gsum gyi thun mong ni mdo gcig go /'chang 'bral 'jog gsum mi 'byung ba'i tshul ni/ sra brkyang bting nas ma byung gi bar du 'chad 'jog gnyis mi srid la/ 'bar bar rang gi ches gos gsum la mi srid pa yin gyi/ lar mi 'byung ba ma yin te/ sra brkyang dang 'bral ba bsrung dgos pa'i phyir ro/ /thun mong ma yin pa la sum cu las/ 'chang ba ni yod na sogs so/ /'di la rang gi nyid ces pa la/ rang dbang tsam la mi bya bar/ rang gis sgo ris su bcad pa'i dbang ba zhes bya ste/ dge 'dun gyi yang ngo zhes gsungs pas so/ /de ni gang zag dang thun mong ba la yang mtshon nam dpyad par bya'o/ /gos dang tshad ni dngos su gsal lo/ /'on kyang 'dir @67b 'khor gsum khebs pa dgos pa dang/ 'jog pa nas khru gang la bskyed pa gcig kyang bstan pa ni/ dang po la 'chang ba ma yin pa 'jog pa mi srid par rang tshad dam thun mong ma yin pa yin la/ gnyis pa la gnyis kar 'gyur ba sred pas spyi tshad dam thun mong ba'o/ /rung ba yin pa la/ zhus nas 'bral ba 'ba' zhig /cha gnyis bsre ba gsum la mi rung ba gsungs pa'i rung thun du byas na/ gzhan rnams la'ang rgyu rung ba dang/ kha dog dang dbyibs kyang rung ba dgos te/ thun rung dang rab tu byung ba'i rdzas zhes 'byung bas so zhes zer ro/ /'jog pa dang slong bar rigs pa'i skabs su rgyu mi rung ba bkag pas de'i rigs su chug kyang/ dkar po nyid ni zhes pa dang/ 'thag pa gnyis lta bu'i gnad kyis kha dog mi rung ba mi dgos la dbyibs kyang de dang 'dra'o/ /lhung bzed lta bu la ni 'og tu bshad par bya'o/ /gnas skabs dbang byar med pa gzhan gyi snod du chud pas 'byin pa med pa lta bu la rung ba med pas/ dbang byar yod pa zer te 'thad pa 'dra'o/ /kha cig de yang bsngos pas chog pas dbang byar yod pa'o zer ba la/ de sgrub mi dgos pa'i dgos kyang tshogs kyis sgrub dgos na ma byin pa bsngos bsgyur gyi nyes byas dang/ byin na bar chad du 'gyur ba'i phyir mi 'thad ces zer ro/ /byin rlabs dang ma 'brel ba ni/ rnam brtags la sogs pa'i byin rlabs ma byas pa'o/ /byin rlabs dang bral yang ltung ba bskyed pa yod de/ rjes su zhugs pa dang bcas pa'o/ /'di la 'brel pa'i byin rlabs gang yin pa dang/ rjes su zhugs pa'i don de dang bcas pa'i bcas lugs so/ /de la rang stobs kyis @68a @#/ /'chang ba 'gegs pa la ni byin rlabs gsum gang rung gis chog pas ma 'brel pa la'o/ /zhes par ni de gsum gang rung ngo/ /'grel par yang/ de la rnam par brtags pa la sogs pa zhes bshad do/ /'brel yang zhes pa gzhan gnyis kyis shan mi khegs kyang/ rnam brtags kyis khegs pa 'dra ste/ da byas na rang gi nyid dang 'bral zhing/ 'chang ba la de dang ma bral ba dgos pa'i phyir ro/ /'grel bar/ byin gyis brlabs pas dang 'grel yang zhes spyi tsam du gsungs so/ /yang 'grel par/ byin gyis brlabs pas na de'i rang gi nyid dang bral ba'i phyir zhes snga phyis gnyis rnyed pa'i snga ma brlabs shing/ phyi ma ma brlabs na snga ma'i shan phyi ma la mi 'byung ba'i rgyu mtshan du gsungs pa yang snang bas 'di brtag go /rjes su zhugs pas ni rgyun 'brel ba la gsungs la/ de'i don yang zhag bcur rjes su zhugs pa zhes pa dang/ 'chang ba lta bu la zhag bcur rgyun ma chad par bcangs pa'am/ 'chang ba la bya'o/ /'o na zhag gis chod pa'i phyis rnyed la rjes su zhugs par yod par ni 'dod dgos na ji ltar rung zhe na/ rang gi nyid kyi rjes su zhugs pa dang bcas pa'i chos gos ni gnyis te/ rang nyid las byung ba dang/ gzhan las byung ba'o zhes 'grel par gsungs pas/ rang gi ngos nas byung ba'i rjes su zhugs pa med kyang/ gos gzhan gyi ngos nas byung ba'i rjes su zhugs pa yod do/ /gzhan las byung ba'i gos zhes 'byung bar ni/ gos gzhan nas byung bar mi sbyar gyi/ rjes su zhugs pa gzhan las byung bar go bar bya'o/ /phyi ma de rang gi ngos nas ni/ snga mas ni/ zhag bcu 'das kyang ltung ba med par @68b 'grel pa las bshad pa yang de la dgongs so/ /gos dang lhung bzed la rdeg byed ni byin gyis ma brlabs pa kho na'o/ /brdeg bya la brlabs ma brlabs gnyis ka yod la/ de la zhag shan khyad par can yin min gyi tha snyad byed do/ /de yang ma brlabs pa la brdeg pa la rdeg byad dang bar du zhag gis nges par chod dgos te/ ma chod na shan mi ltos par spang ba bskyed pas so/ /brlabs pa la brdeg pa la ni zhag gis chod pa dang/ mchod par nyi ma gcig la rnyed pa dang/ de la yang dus rim gyis sam/ cig car du rnyed pa yod do/ /mdor na shan brdeg bya la ni rang rang gis mtha'i zhag ma 'das na/ zhag mang nyung gis chod pa la khyad par med do/ /sman la ni gnyis ka byin rlabs can yin pas/ rdeg byed dang bar du zhag gis chod dgos te/ de lta min na 'di la byin rlabs can dang/ rang stobs kyis bskyed pa mi 'gal bas/ gnyis ka las rang stobs kyis bdun re 'da' bas shan la ltos pa'i don med do/ /gos dang snod la ma brlabs pas/ zhag gis ma chod pa'i brlabs pa la rdeg pa la zhag ma lon par byas pa med pas zhag shan min kyang ltung shan no zhes rgya zer ro/ /des zhag lon pa rnams rang gi ngos nas ltung ba'i zhag min yang/ lar ltung ba bskyed pa'i zhag tu bzhag dgos la/ de'i tshe shan stobs su 'gyur bas zhag zhan no/ /de ltar zhag gis shan gyi bskyed pa'i ltung shan dang/ ltung shan gyis bskyed pa'i spang shan gnyis yin no/ rtsa 'grel las/ zhag shan dang spang shan gyi tha snyad mdzad par shan @69a @#/ /tsam zhig gsung mod/ don mi 'thad pa med pa 'dra'o/ /gzhan nas byung ba'i gos phyis rnyed pa byin rlabs can/ rang gi nyid kyi rjes su zhugs pa dang bcangs pa 'di la/ de las gzhan pa'i gos sngar rnyed pa byin gyis ma brlabs pa rang gi nyid kyi rjes su zhugs pa dang bcas pa yod na/ snga ma'i de'i shan tshun chod nas te zhag bcur bgrang ba 'das na/ phyi ma la yang 'chad spang 'byung bar 'gyur ro/ /sngar gyi yan lag rnams kyi steng du kha bskang ba la re ba med pa zhes zer ba ni/ 'khor gsum khebs pa la re rung 'chang spang bskyed pas khru gang ba dang sbyar ro/ /yan lag dang po drug 'jog pa la yang mtshungs la/ gos ma gtogs pa lhung bzed 'chang ba la yang 'dra'o/ /mdo phyi ma gnyis zhus pa las te/ de'i chos gos rgyun ma chad par rgyun 'byung ba yang yin la/ zhes pas sngar rnyed byin gyis ma brlabs la/ bcu pa'i nyin mo bar bcangs pa bstan la/ chos gos 'byung ba de zhag bcu po la byin gyis brlabs pas ni/ bcu pa la gsar du rnyed pa la byin rlabs byas pa bstan no/ /de dang bcu pa'i mtha' 'das par bral na gos de shan gyi dbang gis zhag bcu 'das pa dang zhag gcig bral ba spang ba gnyis ka'o/ /'bral ba la gnyis las/ zhar byung la gsum las gting ba dang 'grel ba'i bslab bya ni mdo sde phran tshegs las so/ /gding ba ni byin rlabs can no/ /ma 'byor ba'i dus ni bar chad kyi dbang gis phyir bzlog pa'i dus so/ /phyis 'ong ba'i bsam pas song ba na ma spros na de nyid du gnas pas chog pa dang/ gding ba g.yar ba la'ang/ 'dings pa @69b tsam byed kyi snga ma'i byin rlabs 'don 'jug mi dgos pa'i phyir 'bral ba'i nyes pa med do/ /ras chen dang snam sbyar dang 'brel ba la mdo bzhi dang gsum mo/ /ras chen dang snam sbyar gnyis ka la dge slong dang/ sgo glegs gnyis ka med par bzhag na nyes byas dang/ gang rung re re med par ni nyes byas phra mo dang/ snam sbyar la char 'bab pa sogs la nyes byas so/ /ras chen la chu klung la zam pa brtan po yod na/ ma khyer yang nyes pa ni snam sbyar 'khyer ba la sbyar du rung ba 'dra la/ snam sbyar la dge slong dang/ sgo glegs gnyis ka med kyang/ ma rdzogs pa 'tshol ba rung bar gsungs pa ras chen la yang spyar rung ngam snyam mo/ /dge slong dang bcas pa zhes pa'i gzhung la 'jog par srung byed dge slong dang/ sdom byed sgo glegs dang bcas pa'i gnas med cing khyer ba'i lam du char 'bab pa sogs med na dmigs bsal gnyis ma gtogs pa/ snam sbyar med par 'gro bar mi bya'o/ /zhes zer ba'i ltar na/ gnang ba sbyin pa dang/ sra brkyang bting bas dge slong sogs med pa'i tshe snam sbyar med par 'gror rung bar 'dod dgos na/ de ni mi rung ste/ dge slong sgo glegs med pa'i nyes dmigs ni de gnyis yin min la khyad par med pa'i phyir ro/ /des na 'grel pas mdzad pa ltar bya dgos pa 'di ltar sbyar ro/ /'jog par dge slong sogs med cing lam du char 'bab pa sogs med na dmigs bsal gnyis yin min gang gis kyang snam sbyar ma khyer bar 'gror mi rung ngo/ /rkyen de lta bu med na zhes pa'i don no/ /'o na 'jog par dge slong dang sgo glegs yod na snam sbyar med par 'gror rung ngam snyam na/ @70a @#/ /de gnyis yod na'ang dmigs bsal gnyis ma gtogs pas snam sbyar mad par 'gror mi rung ngo/ /dmigs bsal gnyis kyis ni de'i tshe snam sbyar med par 'gror rung ngo/ /rkyen de lta bu yod na yang/ gnang ba ma byin pa dang/ sra brkyang ma bting bas snam sbyar med par gar yang 'gro bar mi bya'o/ /zhes rkyen de lta bu yod pa la dmigs bsal mdzad do/ /'o na 'grel pa las/ dge slong dang bcas pa nyid la sogs pa dag yod na ni snam sbyar de med par 'gro ba la nyes pa med do zhes gsungs pa ji ltar zhe na/ 'di ni char 'bab pa sogs med cing/ dge slong sogs dang bcas pa yod pa yin la/ snga ma ni char 'bab sogs dang/ dge slong sogs yod pa ste/ gzhan du na ji ltar mi 'gal/ de ltar na dge slong sogs med na ni bzhag tu mi rung la/ char 'bab pa sogs yod pa ni/ 'khyer du mi rung ngo/ /gnyis kar byung na ji ltar bya zha na/ dgag bya gnyis kyi khyad par la brdeg go / 'o na char 'bab pa la sogs pa'i rkyen dang ldan pas snam sbyar ni bzhag la/ grong gzhan du 'gro dgos pa byung zhing nyi ma de nyid la phyir 'ong mi nus par/ mthong na ji ltar bya snyam na gnas su phyin par mi 'gyur na/ chos gos snam sbyar gyi byin rlabs phyung ste byin gyis brlabs pa ni cho ga'am rnam pa ste thabs yin no/ /gang la brlab ce na/ rab byung du ma zad khyim pa yan chad kyi gos sam/ rang gir ma zad gzhan las g.yar ba la yang byin gyis brlab bo/ /gzhung 'dis phyir 'ong ba'i blos song nas ma 'khor na snam sbyar gyi byin rlabs yid kyis phyung nas gzhan la rlob pa tsam bstan par 'dod @70b pa ni ma yin te/ 'gro ba'i dus na 'jog pa la dgag bya yod na 'ong 'dod yod kyang khyer dgos la/ dgag bya med pa'i tshe khyer ba la dgag bya med na khyer dgos shing/ yod na phyir 'ong ba'i blos mi dgos pa'i phyir ro/ /des na 'grel par/ char 'bab pa la sogs pa'i rkyen gyis snam sbyar med par greng gzhan du 'gro zhing/ nyi ma de nyid la phyir 'ong bar mi nus na de'i tshe des ji ltar bya zhes 'gro zhing zhes pa dang/ phyir 'ong bar mi nus na/ zhes gsungs kyi ma nus na zhes ma gsungs pa dang/ rtsa bar phyin par mi 'gyur na zhes gsungs kyis/ ma gyur na zhes ma gsungs la/ gding ba la bshad pa ltar gyi 'ong ba'i blo yod na dang med na gang yang ma gsungs pas gnas gzhan du 'gro ba'i tshe yin no/ /de lta min na bzhag na dgag bya med cing char 'bab pa sogs kyi tshe khyer na nyes pa yod pas bzhag ni dgos la 'gro dgos pa yang byung zhing nyi ma de nyid la phyir bzlog mi nus par mthong na ji ltar bya ba bsam par rigs so/ /'o na dang po ldog nus pa'i bsam pas song ba ldog ma nus na yang ji ltar bya ba smra dgos so zhe na/ de la ni dang por 'gro ba'i dus kyi rigs pa sbyar ram/ yang na bar chad sogs la brtag pa'am/ dang po nas gong ltar phyung nas 'gro ba rnams gang rigs pa dpyad de/ 'grel par gnas gzhan na 'dug pa'i byin rlabs byung ste zhes pa'i gnas gzhan gyi sga ltar na dang po rung ngam sems so/ /de ltar na gnas gzhan na dgag bya med la/ lam na 'jigs pa dang bcas pa'i tshe 'gro na snam spyar gyi byin rlabs phyung la gzhan la byin gyis brlabs so/ /de'i tshe @71a @#/ /snam sbyar la byin rlabs gzhan dgos mi dgos dang/ dgos na gang byad dang/ char 'bab pa sogs med pa'i tshe 'gro na khyer dgos pa'i tshad rnams dpyad par bya'o/ /snam sbyar sogs la yul gang la sbyin pa ni/ dge slong gi sdom pa dag pa/ lta ba dang mchan mthun pa/ tha snyad gsum dang ldan pa lus tha mal pa shes pa dang/ sa rang bzhin du gnas pa/ dge 'dun la ltos pa'i mtshams gcig tu gtogs pa ste/ brgyad ldan no/ /'og tu yang dge slong chos brgyad ldan zhes dmigs kyis ma phye ba na 'di la go bar bya'o/ /de brgyad kyi steng du rgan po dang nad pa yin pa/ sngar byin pa dang ma 'brel ba bcu'o/ /dge 'dun gang gi sbyin pa ni mtshan nyid gsum ldan gyis so/ /gzhi ni snam sbyar yin pa dang/ lci ba gnyis so/ /cho ga ni/ sbyor ba gnas mal bshams pa la sogs pa dang/ dngos gzhi gsol gnyis dang/ mjug sdud brjod pa'o/ /gzhan pa 'jig rgyu ni/ mtshan gyur pa dang/ zhing min pa sogs so/ /dang po la gnyis las/ mdor bstan pa ni/ 'bral ltung gi byed pa po gang zhe na/ chos gos kyi cha nas rten de la ltos pa'i byin rlabs yod pa dang/ gang zag gi cha nas mi 'bral ba'i gnang ba ma thob pa'o/ /gnas skabs thams cad la gang zag de byed pa po yin nam zhe na/ min te; chos gos byin gyis brlabs pa de'i gnas nye 'khor dang bcas pa nas gnas gzhan na gnas pa'i dge slong byed pa po'o/ /dus thams cad du'o zhe na/ min te/ skya rengs shar na'o/ /de la gos ni chos gos gsum las gang rgyu zhes pa mi rigs @71b te/ rgyu'i byin rlabs gnas pa dang/ gzhan la byin gyis brlabs zhes pa la ma khyab pa'i phyir ro/ /snga ma la 'bral ba bsrung dgos te/ gzhan du na rten des bgo bar mi byed pa la sgre dgos na de'i tshe snam sbyar la bgo ba'i dus dang mi ldan pa na mi 'bral bar thal ba dang/ sra brkyang la yang thal ba'i phyir ro/ /des na 'di ni byin rlabs yod pa dang gnas so sor bral ba tsam gyis yin gyi/ ma bgos par bral ba ma yin pa'i phyir te/ skya rengs dang po nas mtha'i sngon rol bar du bgos kyang mtha'i skad cig la gnas gcig tu gnas na mi 'bral ba'i phyir ro/ /de'i phyir chos gos gsum gang rung gis byin rlabs gnas pa gcig dgos kyi/ sngar ltar mi dgos so/ /de yang rang la ltos pa'i byin rlabs yin gyi/ gzhan gyi byin rlabs ma yin no/ /gos gsum gyi byin rlabs ma gtogs pa'i yo byad byin rlabs yod pa rnams la 'bral ba bsrung mi dgos so/ /rung ldan gyi snga ma la rgyu rung ba dgos shing kha dog rung bas ma khyab ste/ gzhan med na kha ma bsgyur ba la yang/ zhes gsungs pa'i phyir re/ /kha bsgyur yang/ tshon chen brgyad lta bu la gzhan med na zhes pa'i rigs pa mtshungs mi mtshungs dpyad par bya'o/ /dbyibs rung bas kyang ma khyab bo/ /snam sbyar gyi byin rlabs kyi dmigs bsal dang/ rgyu'i byin rlabs kyi tshe srid pa'i phyir ro/ /gnang ba ma thob pa ni snam sbyar byin rlabs can la gnas so sor seng ba dang/ skya rengs shar ba 'ong bas de'i tshe thams cad du ltung bar 'gyur ram snyam na/ gnang ba thob pa gnyis lta bu la mi 'byung bas ma thob pa zhes smos kyi/ 'bral ltung la ma thob ba yan @72a @#/ /lag tu dgos pa ni min te/ gnang ba thob pa gnyis kyis kyang chos gos gzhan gnyis la 'bral ba bsrung dgos pa'i phyir ro/ /des na de ni snam sbyar la 'bral spang 'byung ba'i khyad chos so/ /rten la sra brkyang ma bting ba dgon pa'i yi dam dang mi ldan pa gnyis yan lag tu byed pa yang dang po mi dgos te/ sra brkyang bting ba la yang 'bral spang 'byung ba'i phyir dang/ 'di ni bshad zin to/ /gnyis pa mi dgos te/ dgon pa'i yi dam dang ldan yang chos gos gsum la 'jigs pa med pa la zhag gcig gi 'bral spang gzhan dang 'dra bar 'byung ba'i phyir ro/ /des na zhag gcig gi 'bral ba la chos gos la 'jigs pa dang bcas pa'i dgon pa pa min pa zhes sbyar ro/ /rgyas par bshad pa la gnyis las/ gnas kyi mtshan nyid la lnga las/ mngon par bsgrub pa'i gnas ni/ gtsug lag khang gang la mtshams byas pa ste bcad pa la ni sogs so/ /der ma zad/ yol ba/ rtsig pa/ rib ma/ 'obs kyis bskor ba la sogs pa mtshams so/ /bdag pos bye brag tu byas pa ni/ bdag po gcig nyid min pa'i bar mchams rnams tha dad pa bzhin du bdag po gcig nyid kyis ni tha dad par mi 'gyur bas de bstan pa'i phyir bdag po zhes so/ /gcig nyid ma yin pa ni/ gnyis sam/ mang po'o/ /bar mtshams ni/ bar khyams kyi sgo dang/ ra ba sogs so/ /de rnams tha dad par dngos su bstan pas bdag po gcig gi ni tha mi dad do zhes bstan no/ /mdo brtsams pa'i 'bras bu zhes pa mdo 'di brtsams pa'i dgos pa'o/ /de ni bdag po mang po rnams kyis thun mong pa'i chad pa rtogs pa'o/ /de yang @72b gang zhe na de dag la thun mong du gyur pa'i phyir sgo la sogs pa rnams la bshad do/ 'dir rnam 'byed kyi lung don nges par bya'o/ /mdo 'di la dgag pa bsdu bar ni mi 'gyur te/ des na mdo 'og ma'i rjes su yang sbyor zhes pa ni/ gcig nyid ma yin pa zhes pa'i mdo 'di la/ 'di dang tha dad pas 'bral zhes pa'i dgag pa brjod bya'i gtso bo ma yin gyi/ shugs la bdag po gcig pa'i mi 'bral ba gtso bo yin pas mdo 'og ma tha dad ma yin pa'i rjes su sbyar zer ro/ /'on kyang mdo gong mas/ gnas tha dad pa chos gos dang 'bral ba'i dgag pa tsam bsdus pa min te/ yin na mdo 'og ma nor las zhes pa'i yang ngo zhes pa'i zhes pa'i snga ma bsdu rgyu med par 'gyur ro/ /de'i phyir 'og ma tha dad pa bstan pa'i yang rjes su sbyar dgos pas/ mdo dang po la shugs bstan gyi tha mi dad pa pe dgos zhes pa'i don no/ /nor las zhes pas nor dang lta ba gcig na de dag gi gnas tha mi dad ces bstan pa ni sngar bdag po gnyis pa gzhan yod na/ bar gyi mtshams tha dad do zhes pa la dogs pa bcad pa ste/ bdag po gnyis yan chad yod kyang/ nor dang lta ba gcig na tha mi dad la/ mi gcig na tha dad ces sbyar ro/ /bdag po ni de dag gi gnas tha mi dad ces bstan pa ni gnas gcig par nges pas dogs dpyod mi dgos so/ /kha cig khyim pa la nor gcig mi gcig dang/ rab byung yin na lta ba dang mtshan dang/ bslab pa gsum gyi gcig mi gcig yin zer ba'i phyi ma la gsum dgos mi dgos brtag par bya'o/ /skye ba'i grub pa'i gnas ni/ yal ga dang yal ga phra mo dag ma reg pa ni zhes dang/ @73a @#/ /yal ga dang lo ma zhes pas ni/ rim pa ltar/ shing gcig gi yang yal ga dang/ de phra mo ma reg na tha dad pas 'bral la/ shing so so ba yin yang yal ga dang lo ma reg na gcig pas mi 'bral zhes bstan no/ /rtsa ba'i rtsa ba sogs gsum gyi dgongs pa btsal bar bya'o/ /skyed par byed pa'i gnas ni gru dang zhas te/ 'di'i dgongs pa yang btsal lo/ /mtshams med pa'i gnas ni/ mtshams zhes te khang khyim la sogs pa'i mtshams med pa la ni rkang lag la sogs pa'i yan lag gis khyab pa'i mtha' de ni gnas de'i mtha' 'o/ /nye skor la spyir btang ba ni/ nye 'khor ni steng 'og dang phyogs mtshams su 'dom re'o/ /grong gi sgo brag la dmigs kyis bsal ba ni/ rtsig pa zhes te/ 'dom dgu dang/ drug dang/ gsum rim bzhin yin la de yang longs spyod kyi che 'bring gi rim pa ste/ shing rta dang/ ra lug dang/ phyag dar gyi bya bas mtshon pa'o/ /grong gang la gsum ga yod pa la ni/ ring bas zhag ste/ spong ba bzhi zer ro/ /dang po gnyis dang gsum pa'i dang po la ris su chad pa dang/ bar pa gnyis dang/ gsum pa'i phyi ma la sgrub pa'i nye 'khor zhes 'grel bar 'byung ngo/ /de dag ni brtsam du rung ba nyid kyis gnas kyi khongs su gtogs pa'i nye skor ro/ /nye bar spyod pa nyid kyi gnas dang/ nye ba'i nye skor ni gnas de'i zhes so/ /myur du bgrod du rung ba'i nye skor ni/ mtshams med pa zhes te/ dgon pa la sogs pa'o/ /mtshams byas pa'i lam du mtshams nyid bzhag tu rung ngo/ /mi ni mtshon pa ste snga phyir chos gos thal ba dang/ lus pa thams cad @73b la tshigs de tshun chad nye skor ro/ /de dag ni 'dom re re'o/ /zhes pa'i dmigs bsal yin pas lus kyis non pa'i phyogs nas brtsams te zhe dgu gzhal gyi/ 'doms gang gi mtha' nas ni ma yin no/ /gnas dang nye 'khor gcig pa ni dbus nas zhes te/ 'di shing ljon pa la gsungs kyang grong khyer steng la sogs pa 'brel ba dang/ thag pas 'brel ba la sogs pa la yang rung bas spyir bzhag go zhes sogs/ 'di nor dang lta ba gcig pa'i tshad 'dzin pa la yang mtshungs mi mtshungs dpyad par bya'o/ /zhu ba las/ byin rlabs rang gi nyid la brten la/ dam dum du 'gyur ba la/ rang gi nyid dang mi 'bral bas dam dum la byin rlabs yod par bzhed do/ /tshad ni ma gsungs so/ /chos gos gsum byin gyis brlabs pa/ 'khor gsum khebs pa'i tshad du mar gyur pa na gang rung gcig la yod kyi/ gzhan la med de/ 'tsho ba'i yo byad re re bar nges pas so/ /de dag la bzang ngan la sogs pa'i blo'i khyad par mi 'byung na/ don la ni gcig la yod mod 'bral ba ni gnyis ka la bsrung dgos te/ yid gnyis ni 'du shes dang 'dra ba'o/ / zhas gsungs pa'i phyir ro/ /'khor gsum las chung na 'jig ste zhing min pa'i phyir ro/ /mtshan gyur bzhin no/ /yo byad gzhan gnyis po byin rlabs can la ni khrur longs pha thams cad la yid re re bar ma nges so/ /der ma longs na gang la yang med do zhes snga ma rnams zer ro/ /spang ba la zhes pa la/ 'grel pas zhag bcu 'das pa la byin gyis brlabs pa la zhag gcig 'bral ba yod par gsungs pa drangs pas na spang ba byung yang byin rlabs chags par gsal te/ spang ba 'byung ba la byin rlabs yod pa'am/ chags pa @74a @#/ /ni 'brel yang zhes par dogs pa bcad zin pa'i phyir dang/ spang ba byung zin la sngar gyi byin rlabs gnas pa'i khungs yin par brjod par mi nus pa ni 'og tu bshad par bya'o/ /'o na 'bral spang byung ba de gnas tha dad du ma spangs na 'bral spang snga ma mi 'dag la/ spangs na phyi ma bskyed pa'i phyir mi rigs zhe na/ gnas tha dad du spangs pa la 'bral bas ma khyab ste/ bdag po'i sgo nas 'jog pa'i phyir ro/ /mtshan dang lta ba mi mthun pa bzhin gnas kyang/ chos 'di pa dang phyi ma gnyis ka la sbyin bdag gis spyir phul ba'i gnas lta bu la ji srid dge slong 'byung la dbang ba de srid du gnas de mi nyams pa ste 'bral bar mi 'gyur ro/ /thun mong ba dag gis zhes pa ltar na/ bdag po gcig nyid ces pa'i mdo'i de ma thag tu sgo la sogs pa ni thun mong ba zhes pa gcig yod dgos pa 'dra'o/ /'jigs pa la drug sngar dang 'dra ba la/ tshad ni 'khor gsum khebs pa'i tshad du ma chog pa ya mtha' dang/ khru gang du longs pa ma mtha' ste/ dngos kyi bskyed pa la'o/ /de yang kha bskang la re ba med na zhag bcu'i rigs su 'gyur bas re ba gzhag tu rung ba la re ba dgos so/ /'di rten gyi chos su 'grig go /chung ba zhes pa ni 'khor gsum khebs pa las so/ /ji tsam gyis chung na khru gang zhes so/ /re ba ni zla ba gcig gi nang der chos gos rnyed du re ba dgos kyi/ de rgyun chad na/ spyir re pa yod pa tsam gyis zla bar bzhag tu mi rung ngo/ /stan la sra brkyang ma ? ba gcig pus mi chog gi /re ba yod pa dang/ rang dbang ba'i byin rlabs rung gsum gang rung med pa dgos so/ /de ni khru gang @74b pa'o/ /gal te mthang gos la 'khor gsum khebs na de'i kha bskang la mi re ba dang/ kha bskang dang bsdoms pas der longs na tha tshad longs pas zhag bcu par 'gyur ba rigs na'ang/ gos gzhan gnyis la re ba'i dus na/ 'khor gsum las lhag kyang rang gi 'tshad? du ma chog na ci'i phyir der mi rung yang zla ba'i nang du rang gi tha tshad du chog pa rnyed na de las lhag par bzhag tu mi rung ba bden mod/ ma rnyed na de las lhag par mi 'jog pa ci zhe na/ spyi tsam nas 'khor gsum mi khebs pa'i khru gang yan chad pa'i gos la byin rlabs ma byas/ gzhan la'ang ma bsngos par bcangs na zhag bcu 'das pa na spang bar 'gyur ba la/ rten snga ma lta bu'i dge slong la gos de zhag bcu'i rigs su mi 'gro bar 'chang ba'i ltung bskyed ni dus spangs su song nas zhag sum cu pa'i mtha'i bar du bzhag pa chog pas/ chag pa gcig byung bas rten gyi sgo nas zhag bcu pa las 'chang dus kyi cha nas khyad zhugs so/ /de la zla ba gcig gi nang du rnyed na legs/ ma rnyed na bzhag pa'i gos stan bcang du mi rung bar ston pa min gyi/ ma rnyed na byin gyis brlabs pa sogs la byas par 'chang ba 'gog pas na/ byin gyis brlabs nas gos su ma longs par bcangs pas chog pa yin no/ /de bzhin du stod g.yogs gnyis la yang rang tshad du ma longs shing/ 'khor gsum khebs na re bas bzhag rung mi 'gog gi /byin rlabs ma byas par re ba 'jog pa na tshad de tsam pa la re ba mi chags pas/ gal te tshad de tsam pa la re bas 'chang na byin gyis brlabs nas bzhag dgos so/ /kha dog ni sngo ser dmar po dang/ de dag gi bye brag las byas pa'o/ / @75a @#/ /sogs pas ni/ bal gos dang/ ras gos lta bu sdud de/ de la kha sogs dang/ kha bskang mi rung bar ston no/ /'di dang 'chang ba la 'du shes kyi yan lag spyad du rung la/ zhag bcu dang/ sum cu las 'das par 'chang 'dod rgyun ma chad pa'i kun slang gi yan lag ni mi dgos pa 'dra ste/ kun slong de 'dra'i dmigs med par bcangs pa'am/ brjod pa la yang ltung bar 'gyur ba'i phyir ro/ /de'i phyir kun slong gi yul la zhugs pa'i sbyor ba'i yan lag kyang mi dgos sam snyam mo/ /'bral ba la bsam sbyor gyi yan lag mi dgos pa 'dra ste/ dpyad par bya'o/ /'o na 'chang 'jog gnyis la lan cig spang bar gyur nas yang sngar bzhin song na spong bar 'gyur ram zhe na/ khyim re re la ltung bar gsungs pa dang/ puNya shrIs/ nub lhag par nyal ba la bshad pas/ de'i rigs pas 'gyur zhes zer ba ni 'thad pa 'dra'o/ /de lta na lhung bzed 'chang ba dang gsog 'jog gi spang ba la yang rigs pa mtshungs so/ /kha sogs dang ni rigs mthun pa'i kha bskang de rnyed na bag la bslan no/ /gang gi tshe zhe na/ zhag bcu pa gsum yod pa'i bcu pa gang yin pa de'i rnyed pa'i nyi ma dang po de'i tshe'o/ /bag la slon pa'i don ni/ gos de gnyis so so na yod kyang sdeb par bya'o/ /sdebs pa na 'khor gsum du chog na zhag bcu par 'gyur la/ ma chog na snga ma dang 'dra bar zla bar 'jog pa'i rigs so/ /'dir snga ma'i shan gyi dbang gis phyi ma de snga ma'i bag la slon pa nyid yin pa'i phyir/ zhes pa ni/ ma chog na snga ma zla 'jog gis rigs su gyur pa la phyi ma yang de'i rigs su 'gyur ba'o/ /'grel bar @75b bag slon gnyis bshad pa'i snga ma ni sdom pa la gsungs so/ /de'i rigs log pa'am/ snga ma'i rigs su song ba la mi bya ste/ bag la slon pa la 'khor gsum du chog mi chog brtag par gsungs pa'i phyir ro/ phyi ma ni sngar bstan pa'o/ /de gnyis kyis rigs bslob la? bshan yang 'byung ba dang/ rigs ma log la 'byung ba gnyis bstan te/ 'khor gsum khebs na zhag bcu par rigs log la/ phyi ma la snga ma'i zhag shan kyang 'byung ba'i phyir ro/ /ma chog na gnyis ka zla 'jog gi rigs yin pas/ rigs ma log la so gcig pa la snga ma'i shan byung bas so/ /rigs kyang ma log shan kyang mi 'byung ba ni/ kha bskang ma rnyed la re ba yang ma chad pa'i kha sogs so/ /rigs log nas shan mi 'byung ba ni kha bskang ma rnyed cing kha sogs la re ba chad pa'o/ /'di kha sogs tshes gcig la gzhag pa la bcu gcig la kha bskang rnyed pa na/ bcu pa gnyis pa de'i nang du byin gyis rlob pa sogs ma byas na nyer gcig pa'i skya rengs shar na ltung byed do zhes gsungs pas/ bcu pa dang po'i shan gnyis pa la 'ong ba dang/ gnyis pa'i shan gsum ba la 'ong ba mi srid do/ /kha cig nyer lnga la kha bskang rnyed pas/ 'khor gsum du longs ba sum cu 'das pa na spang ba 'byung ba de zhag bcu pa min te/ gzhan du na bcu pa bar pa la yang thal ba'i phyir ro/ /bang ba zhes pa'i gsar rnying ni zla ba bzhir spyad ma spyad do/ /snga rol du spang bar 'gyur ba la/ snam sbyar lta bu'i nang du skyar ba phog pa ma sbyar bar zhag bcu 'das na/ spangs par gsungs pas byin rlabs med par gsal mod/ 'on kyang sbyar ba'i dus su phyi sbyor man byin @76a @#/ /rlabs dgos sam mi dgos pa ni/ byin rlabs ni snam sbyar la yod la/ sbyar ba'i tshe gos gcig tu 'gyur zhing/ 'phral ba'i tshe tha dad du 'gyur bas gsar du brlab mi dgos sam snyam mo/ /de lta ma yin na sngar bas spong ba ji ltar khegs rigs pa 'di/ sbyar ba la byin rlabs yod na ma rlabs par sbyor ba la mtshungs mi mtshungs brtag go /snam sbyar gyi snam phran ni zhes pas ni/ snam sbyar la snam phran gyi grangs ji tsam rung ba ya mtha' dang ma mtha'i sgo ston te/ dgu nas nyer lnga'i bar ro/ /de la bcu nas nyar bzhi'i bar gyi zur snam mi rung bar ston pa ni/ zung ma gtogs pa ste gzhan du na gzhung snam byas pa na g.yas g.yon du grangs mi nyams par 'gyur ba'i phyir ro/ /tshem bu ni/ lhan pa mthar chags su song ba la bshad zer ro/ /gzhung des dogs pa ci spyad na/ snam sbyar la snam phran dgu man chad dang/ nyer lnga yan chad rung ngam snyam pa dang nyer lnga man chad la yang zung snam rung snyam pa dang/ ji 'dra zhig bya ba mi shes pa rnams bcad nas/ dgu nas nyer lnga'i bar gang rung gcig bya'o/ /zhes bstan no/ /chos gos snam sbyar gyi snam phran gyi grangs ni/ dgu yan chad nyer lnga man chad gang yang rung ba yin par bya'o/ /zhes snam sbyar la snam phran de rnams gang rung gcig gis chog par gsungs pa dang/ 'og tu snam sbyar la rgya khyon khru lnga nas phyed lnga dang/ gsum nas phyed dang gsum gyi bar gang rung gis chog par gsungs pa dang sbyar na/ rgya khyon rab tshad la snam phran gyi grangs dgu pa sogs dang/ rgya khyon mtha' chad la snam phran gyi grangs nyer lnga sogs shin tu yang rung bar snang ngo @76b 'o na snam phran la glegs bu'i grangs ji ltar bya zhe na/ snam sbyar gang la snam phran gyi grangs dgu dang bcu gcig dang/ bcu gsum yod pa la ni/ glegs bu phyed dang gsum pa nyid do/ /su yi zhe na/ snam phran de dag gi'o/ /'dir de dag gi zhes pa'i gzhung yod par 'grel pa las mdzad do/ /de ni 'og ma gnyis la yang sbyar ro/ /bla gos mthang gos la snam phran du bya ba dang/ snam phran la glegs bu du bya ba ni rim pa ltar snam phran bdun dang lnga bya zhing/ glegs bu ni phyed dang gsum pa dang/ phyed dang gnyis gnyis so/ /de ni rab 'bring tha gsum la 'dra'o/ /'on kyang mthang gos 'khor gsum khebs pa lta bu la mi byed dam snyam mo/ /'di gnyis kyi snam phran sogs ni gnang ba'i bslab pa'o/ /chos gos gsum po tshad ci tsam zhe na/ byin gyis brlab tu rung ba'i zhes sogs/ byin gyis brlab tu rung ba ni byin rlabs chags pa'o/ /de'i tsha tshad la khru lnga sogs bzung ba nas/ de las lhag pa la chags la nyes byas su 'dod pa ni min no/ /gzhan yang tshad las lhag pa'i gos gcig la byin rlabs chags na/ ches gos gsum po byin gyis brlab tu rung ba gang dag gis zheng du rang gi khru gsum/ chur rang gi khru lnga'i tshad ji skad bstan pa las lhag par byed pa spang bar 'gyur ba nyid do zhes gsungs pa dang 'gal lo/ /lhag pa'i cha la'o/ /zhe na/ byin rlabs dang bral ba'i phyogs 'di'o/ /zhes nges mi nus la/ dang po rlob pa'i tshe phyogs nges pa can byed na ni tshad lhag la bla gos kyi byin rlabs kyang chags rung bas char 'bab pa sogs kyi tshe khyer dgos mi dgos 'gal ba 'dus par 'gyur ba dang/ lhag pa'i yo byad du byin gyis brlab tu rung ba dang/ skra bzed sogs su'ang rung bar ha cang thal lo/ / @77a @#/ /'grel bar 'di man chad ni gos spyi lta bu la dang/ tshad ci tsam la byin gyis brlabs pa chags par 'gyur ba dang/ de las log pa la spang bar 'gyur ba brjod par bya ste/ zhes gsungs pas kyang/ rim pa dang/ tshad gnyis ka lhag pa la mi chags so/ /rig pa 'di mtha' tshad las chung ba la yang sbyar ro/ /zhu ba las 'byung ba la/ byin gyis brlab tu rung ba gang rung med pas khru gang bas chung ba la re nas bzhag na nyes byas su 'gyur ba'i dmigs bsal ni 'khor gyi phyed mi khebs pa'i dman pa ni re ba mad pa zhag bcu pa'i rigs su gtogs pa'o/ /des na de bas dman pa 'khor gsum gyi chu zheng gi phyed tshun khebs pa gcig dgos pa gsal lo/ /gdong phyis la sogs pa la zla bar bzhag rung med pas de dag ma yin pa'i yo byad kyi gos la bzhag rung yod do/ des na rung ba ma yin pa bkag pa dang/ gnyis ka re ba med pa'i phyogs su gtogs so/ /'khrur 'jug gi rnam 'byed la/ rab tu byung ba sbrum ma ste zhes so/ / gzhan du 'dug na de la nyes byas so/ /dben pa der sdod pa dge slong ma de mi sgrub na zhes so/ /'og nas nye du yan lag tu dgos par ston pa'i nye du'i mtshan nyid gang zhe na/ rang gi pham dag nas pha ma'i phrugs bdun pa tshun chad de/ las zhes pas pha'i brgyud ma'i yan lag dang bcas pa dang/ ma'i brgyud pha'i brgyud yan lag dang bcas pa bstan pas bzung ngo/ /pha'i brgyud ni/ pha'i pha dang/ de'i pha zhes sogs dang/ ma'i yan lag ni ma'i ma dang de'i ma zhes sogs so/ /ma'i brgyud pa'i yan lag kyang @77b de ltar ro/ /de ltar na pha ma'i brgyud gnyis ka phrugs su gyur pa'o/ /phrugs de gnyis gang yang rung ba snga ma gcig la skyes pa ni nye du'o/ /snga ma ni gzhi gang la sbyar ro/ /yang gi sgras gnyis po las snga nas skyes pa 'ba' zhig nye dur ma zad pa'o/ /zhes gsungs pa ltar na/ rang rang gi pha dang ma'i brgyud las skyes par ma zad/ de'i yan lag las skyes pa yang zhes bya'o/ /rnam 'byed 'grel du phyi nas bu bu me las skyes pa'i bdun pa tshun kyang bshad zer ro/ /'di la kha cig /gang du yang nye du yin min 'di bzhin byed zer ba dang/ kha cig phyi rol longs spyod la chags pa dgag byar byed pa'i skabs su de bzhin yin la/ nang sems can la chags pa'i skabs su ngo tsha ba'i gnas su byed mi byed la ma byas na sru mo lta bu la 'khrur bcug pa sogs rung bar 'gyur bas bcas pa don med do zhes zer te/ 'di ni yul dus gang na nye dur byed mi byed dang/ nye du'ang ngo tsha ba'i gnas su byed mi byed la rtsi dgos so/ /gang la 'du shes byed pa po yin zhe na dge slong ma zhes te/ de'i dge slong ma'i sdom pa dag pa lta ba mthun pa/ mtshan mthun pa tha snyad gsum dang ldan pa/ lus tha mal pa/ bsten du rung ba/ rdzu 'phrul dang mi ldan pa/ nye du min pa ste chos brgyad ldan no/ /'di la bsten du rung ba dge slong ma yin pas 'grub pas mi dgos la/ bslab sbyin gyi dge slong bsten du rung ba na/ bslab pa sbyin mos chog gam mi chog dpyad dgos pas dang po brtag go /nye du min pa yan lag tu dgos par gsungs pa ni nyi shu ste/ bcu tshan dang po nas 'khrur 'jug len pa/ slong ba sogs bzhi ste drug /bar pa nas/ bal rmel ba/ mngon tshan @78a @#/ /nyo tshong ste gsum/ tha ma nas lhung bzed 'tshol ba/ 'thag pa gnyis te gsum dang/ 'ba' zhig pa nas/ gos byed pa dang/ sbyin pa/ 'dug gnas su za ba dang bsod pa slong ba/ gcer bu la ster ba dang/ mgron du gnyer ba ste drug go /sor bshags nas dang po gnyis so/ /'dir lhung bzed 'tshol ba la lung nas dngos su ma gsungs pa yi ge chad pa 'dra ste/ rtsa bas lung gi don tsam sdud pa'i skabs su dngos su bsdus la/ 'grel pas bye brag tu ma byas pa'i phyir ro/ / zhes zer ro/ /lung nas dngos su ma gsungs kyang/ don gyis thob pa la dgu ni/ dben pa na 'dug 'greng dang/ chos ston pa/ sbyor du bcug pa dang/ yang yang za ba ras chen 'tshol ba dang/ lhung bzed gsum las lhag pa len pa/ lhan cig nyal ba/ lam du 'gro ba ste dgu'o/ /de'i dang po gsum la ni/ lnga bcu pa las gsungs la/ bzhi pa las ni bsdus pa las dang/ lnga pa la ni 'grel ba las tha snyad kyi dbang zhes gsungs so/ /drug bdun gnyis la ni gos slong ba sogs kyis gnad mtshungs dang/ tha ma gnyis la ni 'dug 'greng sogs kyi gnad kyis so/ /'grel lung las/ srin bal sogs gsum la nye du min pa bshad pa ni mi 'thad de/ de lta blangs pa yan lag tu dgos la/ de 'dod na/ rtsa ba las/ rang gzhan gyi la khyad par med par gsungs pa dang 'gal lo/ /nye du yin pa la cir 'gyur ni bskyed pa dang/ lhung bzed de gtogs pa la nyes pa med par gsungs pas gzhan rnams la ltung ba med do/ /'dug gnas la nyes byas su gsungs pa ni/ rnam @78b 'byed las/ nyes med du bshad pas yi ge nor ba'o/ /zhes snga ma rnams zer/ 'khrur 'jug pa'i dngos po ni/ chos gos gsum dang gding ba gang rung/ rung ba tshad ldan/ bdag po rang gi yin pa/ rang la ltos pa'i byin rlabs dang bcas pa/ rnying pa'am bkru ba sogs 'os pa/ sngar bkru ba sogs kyi rtsom pa ma byas pa ste/ bdun no zhes zer ba'i rang gi yin pa rung bar byas pa la yang yod pas rnam brtags dang ma 'brel ba'i rang dbang ba dgos la/ bkru sogs kyi 'phro yin la dngos kyi mi bskyed pas yang brtag par bya'o/ /byin gyis brlabs pa'i sel ba chos gos spangs pa 'khrur bcug na nyes byas su 'gyur ba'i lung drangs pa'i phyir spang ltung byung bas byin rlabs 'jig par snang ngo/ /rnying pa ni dus tshigs gsum gang rung du spyad pa'o/ /'di ni mtshon pa tsam ste ma rnyings kyang/ mi gtsang ba la sogs pas gos pa'i 'khrur gzhug 'os pa yin na ltung ba dngos bskyed par gsungs so/ /'ga' zhig ni gos bzhi gang rung ngo/ /bsgo bas zhes pa ni mngags pa lan smad par 'gyur bas de dag bsal ba'i phyir ro/ /chos gos zhes bya ba ni bdun po dag las gang yang rung ba'o/ /zhes gsungs pa dang/ gos bzhi la nges pa byas pa mi 'gal te/ lung las gos/ zhes bya ba ni bdun po bal gos dang/ sha na dang/ zar ma dang/ du gu la dang/ ras bal dang/ ko tam pa dang/ nyi 'og gi gos so/ /zhes gsungs pas/ chos gos gsum dang gding nga de dag las byas pa 'dzin pa yin no/ /phyags la zhes pa ni/ chos gos gyi @79a @#/ /phyogs gcig la byas pa dang/ las kyi phyogs gcig chur snyug gam/ thal mo rdeg pa la lta bu gcig byas na yang las byas par ston pa'o/ /byas pa nyid na zhes pa ni/ dge slong ma las byas pa nyid na byed du bcug pa yin gyi/ bsgo ba tsam gyis ma yin no/ /'khru ba sogs kyi bsam pa ma grub kyi bar du 'khru ba dang/ 'tshed pa dang/ 'chag pa lta bu rigs mi mthun pa yang ltung ba gcig bskyed la/ 'khru ba lta bu'i rigs mthun par chad pa la yang ltung ba gcig go /rigs mthun pa la de ltar rung yang/ mi mthun pa la gcig tu ji ltar rung snyam pa'i dogs pa bsal ba'i phyir/ tshigs su gyur pa bar chad pa dang/ rigs mi mthun pa la yang 'bras bu ltung ba/ gcig ste 'khru ba sogs gsum ga rdzogs pa'i mthar ltung byed do/ /zhes ltung byed gcig tu bstan pa'i phyir ro/ /'du shes gtso che ba'i ltung ba thams cad la don dang/ 'du shes mthun pa la dngos gzhi ste/ dge slong ma la nye du min par shes shing/ / de yang nye du min pa dngos gzhi'o/ /don ji bzhin min pa la 'grel par/ 'du shes kyang gzhan te/ nye du yin no snyam la don kyang gzhan te dge slong ma de nye du min na/ de'i tshe dngos kyi dang nye ba'i ltung ba zhes pa ni dgag sgra gong 'og 'phyugs par 'gyur zhes pa ste/ des na dgag sgra gong 'og la 'du shes la sbyar te/ gzhan du na lung zhu ba dang/ 'du shes gtso ba'i spyi gzhung dang 'gal lo/ /zhes pa ni/ shin tu 'thad de/ de nyid kyi dper brjod 'grel par @79b mdzad pa dang 'gal ba'i phyir ro/ /yid gnyis zhes pa ni/ snga ma gnyis ka la sbyar ro/ /ha cang yun mi ring ba ni 'jug pa'i gnas btsal ba/ rdzas bzhag pa/ reg gi bsdad pa rnams dang por bya'o/ /sangs rgyas kyi zhes pa ni/ dge 'dun gyi khrims su bya ba'i dbang gis/ bcom ldan 'das kyi bka' las 'gal bar mi bya'o/ /blang bar bya ba ni/ gang zag gis kyang ngo/ /zhu ba nas 'byung ba la/ bshad pa dang zhes te/ rkyen de dag cung zad tsam gyis bkru bar 'os pa la yang na smad pa med do/ /dre'u rdog dang zhes te/ rung bar byas pa ni/ rnam brtags byas pa la byed do/ /dge 'dun gyi zhes pa la/ rang gar gtogs kyang rang 'chi ba rang gi zhen pa la khyad par go bar bya'o/ /len pa'i rnam 'byed la yul sngar dang 'dra ba'i steng du dad pa dang sems yangs che ba min pa ste/ dgu ldan no/ /dngos po ni gos rung tshad ldan/ dge slong ma de nyid kyi yin pa/ de dang 'brel bar gnas pa ste/ lnga ldan no zhes zer ro/ /de'i tshad ldan ni khrur longs pa'o/ /rten gyi dge 'dun la gos 'bul ba na de'i khongs su mi gtogs pa'o/ /legs par smra ba dang/ bsnyen rdzogs byed pa ma yin pa dang/ chos gos tshang bar yod pa ste bzhi ldan no zhes zer ro/ /yul la dge slong la gos ster bar rtsom pa yin pa dang zhes bsnan te/ mi ster ba la len na 'di'i ltung bar mi rung ba'i phyir ro/ /dad pa che ba ni/ bsod nams 'dod pa'i blos ster ba'o/ /legs par smra ba'i chos 'chad pa'o/ /bsnyen rdzogs byed pa ni/ yul de gnyis gang yang @80a @#/ /ma yin pas gzhan gyi bsnyen rdzogs byed pa'o/ /chos gos tshang ba ni/ gos bcom ldan 'das gyis gnang ba rnams gang med pa de'i phyir/ len na ltung ba med dam snyam pa ste dpyad do/ /'du shes snga ma dang 'dra la/ kun slong phyir mi ster ba'i len 'dod do/ /sbyor ba cang mi smra bas dang du len pa dang/ tshig las gzhan pa'i rig byed kyis mi chog pas ngag mtshan nyid dang ldan pas len par rtsom pa'o/ /mthar thug gi yan lag tu zhes pa dang/ de'i dang po'i tshad lta ba'i zhes gsungs pas de la grub pa'i blo skyes pa'o/ /dge slong mas zhes pa ni/ brje ba'i phyir yin gyi longs spyod pa'i phyir man pa'o/ /gos slong ba la yul ni/ rab byung rnam gnyis kyis sdom pa rtags sdom gang dang yang mi ldan pa'i khyim pa yin pa/ lus tha mal pa/ tha snyad lnga dang ldan pa/ rang dang rdzas kyi sgo nas tha dad pa/ nye du min pa/ ma bslangs pa'i sngon du ci bder stob pa ma yin pa ste drug ldan no/ /'og ma gsum dang/ lhung bzed 'tshol ba/ 'thag pa gnyis/ ras chen 'tshol ba rnams la zer ro/ /ma bslangs pa'i sngon du ci bder stob pa ni ma bslangs par mi ster ba min pa la bya dgos na/ sbags pa gnyis la ni snga rol du stob 'dod yod la/ sbags kyang mi nges par slong ba ni/ 'di'i ltung bar bshad pas 'di la ni blang bar bya ba rang la ma bsdos pa'am/ bsngos kyang mi nges pa zhes sbyor ro/ / 'di gtso bor rten gyi sgo nas ltung bar song ba yin pas rten gyi sgo nas ltung bar song bas gos tshang bar yod pa'o/ /de yang chos gos gsum tshang bas mi chog ste/ 'tsho ba'i yo byad gang med kyang slong bar rigs la/ 'di mi rigs pa yin pa'i phyir ro/ / @80b 'di dang 'og ma gsum la sra brkyang ma bting yang sbyar ro/ /slong ba'i dngos po ni/ gos rung ba/ tshad dang ldan pa/ sbyin bdag de nyid kyi yin pa ste bzhi ldan zer ro/ /'di rnams la 'du shes kyi yan lag sbyor ba brtag par bya'o/ /mthar thug ni 'di rnams la thob ? blo skyes pa zhes zer 'thad pa 'dra'o/ /rung ba ni rgyus chog gam snyam mo/ /tshad ldan ni/ 'grel par kha dog la sogs pa'i dbye ba ma byas par spyir bslangs pa na gang yang rung ba zhig thob na yang spang ba'i ltung byed do/ zhes dang/ rtsa bar/ rin thang dang kha dog dang/ khru ched las rnam pa gang bslangs pa'o/ /zhes 'byung bas/ tshad la kun slong bye brag can med na khru gang man chad la dngos gzhi'o/ /rin thang dang kha dog la yang de ltar ro/ /bye brag can khru lnga pa dang/ karSha pa Na lnga ri ba dang/ gos slong ba na de dag las gzhan lhag par thob pa la ltung ba med par gsungs pas gang bslangs pa de thob pa dgos so/ /'o na rin thang dang khru tshad chung du song ba la yin du chug kyang/ cher song ba'i gzhan thob pa la ji ltar 'gyur zhe na/ 'grel par 'dir gzhan la ltung ba med do/ /zhes bya ba ni tha dad par 'gyur ba nyid la yin par rigs par bya'i/ rgyun gcig la lhag par thob pa la ltung ba med pa min no/ /zhes gsungs pas gos so so ba dang/ rgyun gcig gam thob dus so so ba dang/ rgyun gcig gang yin dpyad par bya'o/ /kha tshar bslangs pas ras ma thob pa dang/ ras ma bslangs na ras yug chen dang/ yug phran thob bo snyam nas bslangs pas thob na yang nyes pa med par gsungs so/ /de'i ran @81a @#/ /bzhin rgyu spun gyi skud pa'i rgyu bal lo/ /slong bar rigs pa ni byin gyis brlabs pa zhes te/ yo byad bcu gsum gang dang med pa de dang der slong ba mdor na gang la dge slong gi yo byad kyi dngos po gang gis brel ba de nyid min pa la slang ba la nyas pa med de/ /de ni byed par dge slong byed pa po yin gyi/ chos gos ma yin te/ med pa'i phyir ro/ /'di'i yul dang dngos po sngar dang 'dra ste/ 'on kyang tshad ni zung las lhag pa'i khru gang slong ba'am/ mi ster ba'i phyir to/ /rten la kha cig byin gyis brlabs par bya ba gsum med pa zer la/ kha cig thams cad med pa zer te/ phyi ma min la snga ma yang brtag par bya'o/ /'grel par ni/ yo byad bcu gsum po lta bu gang yang med pa slong bar rigs par bshad pas de ni byed pa po'i zhes pa'i de ni slong bar rigs pa la gsungs pas gang rung gcig med pas chog mi chog kyang brtag par bya'o/ /'dir sbyin bdag tha dad la ni 'di tsam las mi bslang ba'i tshad nges pa med pas sbyin bdag gcig la so sor thar pa nas/ gal te bram ze dang/ khyim bdag dad pa can gyis chos gos rab tu mang po de dag dus kyis stobs par byed par gyur pa na/ dge slong des 'dod na chos gos de las stod g.yogs bcas pa man chad bslang bar bya'o/ /de las lhag par len na spang ba'i ltung byed do/ /zhes mang po bstabs kyang dge slong gis zung las lhag pa bslang du mi rung bar gsungs so/ /des na ci bder stobs pa min pa yang dpyad par bya'o/ /'dir lhag pa slong mi slong la khyim pa'i tshad thob na kha bskang ba zhes dmigs @81b kyis bkar ba ltar na/ khyim pa'i tshad gnyis tshad la sbyor dgos pas/ de gnyis thob pa'i kha bskang ba slang du mi rung ba ni/ de bas chung ba la byin gyis brlab tu mi rung yang/ de gnyis la byin gyis brlab tu rung ste/ ma dra sa pa'i phyir ro/ /'o na ji ltar rlob ce na/ 'dod la zhes bya ba'i skra mad par zhes pa ni/ 'tshal la bar chad ma byung na zhes sogs bzhag nas/ brlab ces pa yin pa 'dra'o/ /chos gos ma dras pa 'chang bar 'dod pas ni/ khyim pa'i tshad 'dod dgos la de'i mtha' tshad la sogs bzhag nas slob dgos so/ /gal te ma dras pa la byas zin pa'i byin rlabs byed par mi rung na/ 'o na chos gos de la 'chang 'dod pa la yang bskyed par mi rung ngo/ /snga ma thob na zhes chos gos ma dras pa 'dod pa'i dbang du byas pa ma yin na/ kha bskang yang ci'i phyir bslang du mi rung zhes pa rnams 'grel pa'i dgongs pa yin pa 'dra'o/ /'dir snga ma rnams chos gos dras pa bya ba'i bsam pa yod nas rab byung gi tshad blangs pa nas/ tha tshad dam/ 'bring tshad thob na kha bskang bslang zer ba ni ma yin no/ /lhag pa sbyin mi sbyin ni 'grel par/ khyim pa'i tshad las lhag kyang ster mi dgos dang/ rab byung gi tshad las lhag na sbyin zhes pa tsam las/ rab 'bring sogs kyi gsal kha med do/ /snga ma rnams khyim pa'i rab tshad las lhag pa las rab tu byung ba'i rab tshad las ma lhag na ster mi dgos pa dang/ rab byung gi chad las lhag na ster dgos te/ bsam pa'i don yongs su rdzogs pa las lhag pa med pa dang yod pa'i phyir zhes zer ro/ /rdzogs ma rdzogs kyang mi 'dra ba'i @82a @#/ /bsam pas blangs pa na/ bsam pa de dgos spyi'i bsam pa yin la/ de'i tshe khyim pa'i tha tshad thob pa la spyi tshad du chog pa yod pas de las lhag pa mi slong la/ dra ba'i bsam pa'i tshe rab byung gi tha 'bring thob pa la kha bskang bslang du rung ba ste/ bye brag gi bsam pa yin pas/ de la bsam pa'i don rdzogs pa las lhag pa bslangs pa med pa'i phyir zhes zer ba rnams kyang min no/ /phyi ma thob na lhag pa byin par bya ba'i rgyu mtshan du/ 'grel par don yongs su rdzogs pa las de lhag pa'i phyir ro/ /bsam pa'i dbang gis kyang yongs su rdzogs pa nyid yin te/ gcig kyang dras pa la sogs pa'i bsam pas so zhes gsungs so/ /khyim pa'i tha tshad gnyis thob pa'i tshe lhag pa bslang du mi rung na/ sbyin yang dgos so snyam na/ mi dgos pa dang/ 'o na rab byung gi tha tshad gnyis thob na'ang mi dgos so snyam na/ sbyin dgos so/ /de'i rgyu mtshan ni/ dras pa'i tha tshad phyed dang lnga dang/ phyed dang gsum las lhag na gos rdzogs pa las lhag la/ ma dras la de dang 'khor gsum khebs pa las kyang/ tha tshad las mi lhag pa'i phyir te/ 'di la rab tshad du ma chog pa las tha tshad kyi mgo 'jug par gsungs pas 'bring tshad med pa'i phyir ro/ /des na rab byung gi la tha tshad las lhag pa ster dgos na 'bring dang/ rab chad lta ci smos/ khyim pa la tha tshad las lhag pa ster mi dgos kyang/ rab tshad las lhag par ster dgos so/ /'di ni 'grel pa'i dgongs pa yin par sems so/ /spags pa gnyis la yul sngar gyi steng du spungs chung ba dang/ che ba ste/ pho mo so so @82b nas gos re re bsngo mi nus pa dang nus pa'o/ /'di'i yang drug pa la dpyad do/ /dngos po sngar ltar bzhi'o/ /rten ni chos gos yod pa ste/ med na snga mar 'gyur bas zer te/ de mi dgos pa 'dra bas spags par shes pa dgos so/ /rnam 'byed las/ lhag pa la gsungs pas dngos tshod blangs pa ltung med du 'dod pa ni dpyad par bya'o/ /spags pa ni bsngos pa'o/ /ma phul ba ni chos gos kyi mgron du ma bos pa'o/ /shes pa ni dge slong gis so/ /ma spags pa dag 'dra ba ni sbyor dngos kyi ltung ba skyed tshul lo/ /de nyid ni gos spags pa/ dge slong gis mi shes pa'o/ /gzhan ni ma spags pa nyid yin pa ste/ de slong na slong ba'i spang bar gtogs so/ /sbyor ba'i tshe mi shes na de'i nyes byas slong bar gtogs la/ rting nas shes te thob na sbags par gtegs pa'i dngos gzhi'o zhes gsungs so/ /sbyor ba gcig pas ltung ba'i mang nyung gi tshad bzung ba ni/ dge slong ma la gos sbyin pa dang/ nye du min pa la lhung bzed dang/ ras chen thob pa la yang sbyar ro/ /bskur ba'i spang ba la zhal ta byed pa la bskul bar gyur na'o/ /de ci 'dra zhe na/ pho nyas bsgo ba byas pa'i zhal ta ba'o/ /ji ltar bsgo na chos gos nyo ba'i rin rung ba ma yin pa ste/ gser la sogs pa'i rin po che sbyin bdag gis pho nya ba la dge slong gi sar bskur ba na/ tshe dang ldan pa pho nya/ dge slong dag gis gos kyi rin len du mi rung ste/ bdag cag gos rung ba dus su rnyed na ni len no/ /zhes bya bas spangs pa na/ pho nyas 'phags pa rnams kyis zhal ta byed pa 'ga' mchis sam/ zhes zhal ta @83a @#/ /ba yongs su 'dri ba sngon du btang ba'i tshe/ dge slong gis 'di'i zhes bstan pa la pho nya bas khyod kyis gos kyi rin 'dis gos 'di 'dra zhig nyos la/ dge slong ming 'di zhes bya ba 'ongs pa dang bskon cig ces pa bsges pa'o/ / smras pa ni/ pho nya bas so/ /zhal ta pa la/ byung ba'i mtha' rjes su brjod pa sngar byas pa dge slong la smras pa'o/ /'gro bar ma nus pa dang/ bskul ba'i sgo drug gsungs pa'i dgongs pa btsal bar bya'o/ /tshe dang ldan pa/ zhal ta pa/ bdag pos 'dod do; ;zhes lan cig dang/ gnyis kyis ma grub na zhes so/ /bskul bsdad la go rim nges pa med cing/ grangs ni bsdad pa bzhi dang/ bskul ba gnyis lta bu la nyes pa med la/ bzlog mi rung ngo/ /rnam 'byed las/ bzhi 'am/ lnga 'am/ drug gam/ bar du cang mi smra bar phyogs su bsdad do/ /zhes gsungs pa dang mi 'gal te/ de ni bskul ba dang bcas pa'i yin la/ 'di ni sdod pa 'ba' zhig la gsum yin pa'i phyir ro/ /bskul bsdad drug po de las gcig gis lhag na spang bar 'gyur la/ sbyin bdag gis sems bsrung bar khas ma blangs na yang spang ba'o/ /ci zhig byas na zhe na/ blang ba'o/ /gang zhe na/ gos so/ /'dir dngos po la gos sam gos kyi rin phal cher rung ba/ gos khru gang ri ba'i tshad dang ldan pa/ sbyin bdag gis pho nya ba la bskur zhing des zhal ta ba la gtang pa ste lnga'o/ /zhes zer ro/ /de la bskul bsdad lhag pa la ltung bar 'gyur ba'i tshe ni/ gos kyi rin rin po che dgos la/ bslang ba'i tshe 'grel par gos la bshad do/ /gsum char zhes pa la khyim pa yin pa/ tha snyad lnga @83b ldan/ lus tha mal pa/ rang dang de gsum yang rdzas kyi sgo nas tha dad pa bzhi ni spyi la yin la/ bye brag tu zhal ta pas sbyin bdag gi sems bsrung bar khas mi len pa'o/ /mthar thug ni thob blo skyes pa zer ro/ /mi min pas ni gsum gcig dang/ /gnyis pa gsum du byas pa yin/ /mi yi gnyis pa gsum ga dang/ /gsum gcig de dag mu brgyad do/ /zhes brgyad gsungs pa la/ gcig ltung byed dang/ gzhan nyes byas so/ /pho nyas byung ba'i tha ma smras par dge slong bskul na nyes byas so/ /chos gos kyi rin pho nyas khyer 'ongs pa na/ sngar bshad pa ltar ma spangs par len na nyes byas so/ /ma dris par zhal ta ba ston na yang ngo/ /zhal ta ba'i lag nas gos thob pa'i re ba med pa na sbyin bdag la ma sbran na yang ngo/ /kha cig rtsa bar bstan pa'i cho ga 'di/ rin po che rung ba ma byas pa la yin gyi/ byas pa la ni blangs kyang nyes pa med zer ro/ /sbyin bdag gis gos kyi rin la dmigs shing/ dge slong la yang de'i dgos pa yod na 'dir bstan pa 'di dgos la/ phyi'i bsam pas bskul zhing/ dag slong la yang sangs rgyas mchod pa dang/ dge 'dun gyi ston mo la sogs pa'i dgos pa yod na rung ba byas la bdag gir bya'o/ /zhes pa ni 'grel pa mkhan gyis so/ /srin bal gyi spang ba la/ stan ni rlings pa dang/ nang tshangs can gnyis so/ /de gnyis la 'jam po dang/ ras bal can zhes kyang gsungs so/ /gding ba dang stan gnyis tha dad de/ rnam pa dang/ dgos pa dang/ gnang bkag tha dad pa'i phyir ro/ /des na srin bal las gding ba byar rung la/ stan mi rung zer/ stan gyi zheng ni gding ba dang 'dra la/ srid du rab la khru phyed dang @84a @#/ /la dang/ tha tshad la phyed dang gsum mo/ /'bring ni de gnyis kyi bar ro/ /nang tshangs can gyi phyir shun yang stan gyi khongs su gtogs pas de 'chang ba la spang ba med do/ /stan gyi rab tshad tha tshad de dag las che ba dang/ chung ba la byin rlabs mi chags pa dang/ longs spyod pa'i ched du bdag gir bya mi nyan pa 'dra'o/ /'di la srin bal rung ba tshad ldan/ rang dbang ba/ zla ba bzhir spyad pa min pa'i rdzas ma nyes pa gzhan dang ma bsres pa/ yul dus der dkon zhing rin che ba/ sngar bzo'i rtsom pa ma byas pa ste de brgyad ldan no/ /zhes zer ro/ /tshad ldan ni/ 'khor gsum khebs pa'i mthar thug pa'i tshad de/ de tsam gyis na ltung ba'i dngos gzhir 'gyur ba yin no/ /de bas chung na ni nyes byas su 'gyur ro zhes gsungs so/ /khru phyed dang gsum dang 'dra ba yin nam dpyad do/ /tshad ni 'og ma gsum ga la 'dra'o/ /gzhan dang bsres pa la rdzas nyes pa 'ba' zhig gam/ de dang bsres pa gnyis ka la nyes byas su gsungs pa'i phyir/ bal la sogs pa la yang de 'dra bar gsungs pas rdzas nyams pa dang de bsres pa ni 'og ma rnams la yang mtshungs so/ /bal gzhan dkar po 'am/ ras bal lam/ gso bal la sogs pa'i rdzas nyung du dang bsres te srin bal gyi stan byed na/ nyes byas su gsungs pa ni/ stan thams cad kyi dbang du byas par gsungs so/ /nyung du zhes pas cha mnyam par bsres pa la ni ltung ba dngos gzhir 'gyur te/ srin bal dang bal nag cha mnyam par bsres nas stan byed na spang bar 'gyur ro/ /des na gzhan dang bsres pa min pa la @84b khyad par go bar bya'o/ /bal nag do 'ba' zhig pa la nag pos srin bal brje ba ma gtogs pa 'dra'o/ /cha gnyis bsre ba ni/ srin bal lta bu las dman pa nyid dam/ de bsres pa nyes byas su bstan zhing/ bal nag las dkar po dang/ 'khob bal dman pas de dang bsres pa la nyes byas su mnyam pa bsam pa'i phyir/ cha gnyis bsre ba'i bca' ba mdzad do/ /ras bla dang/ gso bal la sogs pa'i rdzas dman pa dang/ bal nag bsre bar byed na/ bal nag 'ba' zhig par gtogs pa'i nyes byas su 'gyur ba'i phyir ro/ /'dis ni sngar cha gnyis bsres/ pa'i spang ba bstan pa ste srin bal gyi spang bar bya dgos so/ /dkar po dang 'khob bal tshad pas nyung ba bal nag dang bsre na ni spang bar 'gyur ro/ /bal nag po phyed kyi tshad las lhag na spang ba dang/ dkar po dang 'khob bal phyed las lhag nas bal nag nyung ba'am/ mnyam par gyur kyang ltung ba med do/ /'dis ni ras bal dang gso bal la sogs pa dang/ bsres pa la bal nag lhag pa dgos kyis/ mnyam pa'am nyung bal ltung ba med par bstan no/ /phyed dkar po dang zhes pa ni/ bzhi cha dkar po las so/ /bzhi cha gcig 'khob pa las so/ /snga ma mang na nyes byas dang/ phyi ma mang na ltung med do/ /phyed ni nag po las so/ /lhag pa la ni srang phyed yin zer ro/ /de ltar na yul gang na bal nag po dkon zhing rin che la srin bal dang/ bal nag po mod cing rin chung ba der ni de gnyis kyi gnas su bal dkar po rig par bya'o/ /de'i tshe srin bal dang bal nag po la ltung ba med la/ dkar po la ltung bar 'gyur ro// @85a @#/ /dkar po 'ba' zhig pa srid pa bzhin du srin bal 'ba' zhig pa dang chag nyis bsreb yang rung ngam snyam mo/ /'dir snga ma rnams srin bal 'grel par bshad pa ltar/ stan gnyis byas nas 'ba' zhig pa dang/ cha gnyis la rlings pa kho na byed kyang 'grel pas dang po la gnyis ka byas nas lhag ma gnyis la dngos su mi 'dra ba bshad pa ma gtogs snga ma dang 'dra bar bstan pas stan gnyis ka dgos so/ /mthar thug ni gnyis ka la tha tshad du chog par bkram pa nyid ni/ byed pa mthar thug pa'i dang po zhes pa ltar ro/ /bkram pa ni rlings pa'i phyir ro/ /nang tshangs can gyi nang tshangs bkram pa la ste/ phyi shun nang gi khongs su gtong bar bshad pas so/ /dang po de nas ji snyed byed pa thams cad rtsom pa gcig tu 'gyur ro/ /byas zin pa rnyed sogs gzhan du bdag gir byed pa dang longs spyod pa la ltung bar mi 'gyur bas 'di gsum ni bzo rang ngam/ gzhan du byed du bcug pas ltung bar 'gyur la/ dkar po dang 'khob pa la phyed pas lhag pa dang/ mnyam par byas na stan byed pa la ltung ba med pas sren bal sogs rgyu'i khyad par gnyis tshogs dgos so/ /lo drug gi spang ba la/ bslab par bya ba ni/ gang la gnang ba sbyin pa la ni yul chos brgyad ldan te/ khang ba'i skabs su bshad pa'i brgyad kyi steng du sngar gnang ba byin pa dang ma 'brel ba dang/ stan snga ma byas nas lo drug ma lon pa ste bcu'o/ /gang gi sbyin pa'i dge 'dun ni mtshan nyid gsum ldan gyis so/ /cho ga la gsum las/ yul gyi sbyor ba ni 'du ba'i skabs bsgrubs pa dang phyag bya zhing @85b spyod lam bsten pa dang/ gsol ba gsum gdab bo/ /dge 'dun gyi sbyor ba ni/ dge 'dun nam bskos pa'i gang zag gis stan brtag pa dang/ brtags nas tshogs la brjod pa dang/ dngos gzhi ni gsol gnyis so/ /mjug ni mjug sdung do/ /'jig rgyu ni mtshan gnyis pa sogs so/ /ltung ba dngos la dngos po ni/ stan gyi rgyu yin pa/ rung ba tshad ldan/ rang dbang ba/ rdzas ma nyams pa/ sngar bzo'i rtsem pa ma byas pa ste drug ldan no zhes zer ro/ /dang po ni/ srin bal nas 'di'i bar la/ rlings pa byed pa dang/ nang changs can ni gsar du bal bkram nas bya dgos pa 'dra'o/ /'dir rlings pa la gsungs so/ /lnga pa ni/ rdzas ma nyams pas mi chog gi/ de dang ma 'dres pa yang dgos par mngon no/ /rten ni/ stan snga ma la yod pa'am med kyang rang dgar btang ba/ gnang ba ma thob pa ste gsum mo/ /tshig gi don ni lhag na bcad pa ni rtog pa'i dge slong gis so/ /thung ba ni srid de/ /dogs pa ni zheng du yin pa 'dra'o/ /lhag ma bcu ched la dang/ thung ba tha tshad la sbyor dgos sam snyam mo/ /bar skabs bar skabs su bu gu byung ba'am sha zad pa srab mo rin gcig gis glan par bya'o/ /zhes gsungs so/ /stan dang po bas brtsam pa nyid na de dang lhan cig gam/ phyis stan gnyis pa rtsom na/ snga ma zin nas gzhan rtsom na nyes byas su 'gyur pa bzhin du lhan cig pa'am phyis rtsem pa la'ang nyes byas so/ /lhan cig tu brtsams na gang la nyes byas su 'gyur ba ni dbyad par bya'o/ /dang po brtsams nas ma zin par phyis gnyis pa gcig brtsam na sbyor ba'i nyes byas byung yang/ gnyis pa sngon la zin na dngos gzhi med de; @86 @#/ /gnyis pa ma zin pa'i phyir ro/ /de nas snga ma zin na dngos gzhir don gyis bstan pas/ bzo'i rtsom pa ma byas pa dpyad par bya la/ 'di'i mthar thug kyang snga ma rnams dang mtshungs mi mtshungs dpyad par bya'o/ /mtho gang ga spang ba la gang la dpyad pa'i dngos po ni/? gding ba rung ba ched ldan/ rang dbang byas pas gsar pa/ rnying pa las bde bar gshegs pa'i mtho gang gis ma glan pa ste drug go zhes zer ro/ /lnga pa la 'gral par gsar du rnyed pa dang/ gsar du byas pa gnyis las phyi ma yin par gsungs pa ni/ dge slong gi gsar du rnyed pa la mi bskyed par ston pa ma yin gyi/ gding ba gsar pa min na gsar du rnyed pas/ gsar pa la zhes pa'i go mi chod ces pa'i don rten ni/ bcos par nus pa yan chad kyis de tsam yod pa'am/ med kyang rang dgar btang ba'o/ /bal khur ba'i spang ba la gang bskur ba'i dngos po ni gos rgyu yin pa/ rung ba tshad ldan rang dbang ba/ ngo ma spos pa ste lnga'o zhes zer ro/ /rgyu ni gsal lo/ /tshad ldan ni khur du longs pa'o/ /gang du bskur ba'i lam ni sa la brten pa/ rgyang grags kyi bdag nyid de gnyis so/ /gang gi tshe khur ba'i dus ni/ nyi ma gcig gi dus so/ /khyer ba med na dpag tshad gsum tshun chad du khur ba la ltung ba med pas/ gsum las 'das par zhes smos so/ / yod na ni rtsom pa'i dus kho na nyes byas gzhan gcig go /de lta na khyer ba med na dang po nas brtsis pa'i rgyad grags 'das na spang ba dang/ med na dpag tshad gsum 'das pa nas brtsis pa'i rgyang grags 'das pa'o/ /'di yin lag rtsis @86b la yang bsnan dgos so/ /bskul zhes pa ni mchu man chad la sbyar ro/ /nas 'bru drug glo gshibs pa la sor gcig go /drug dang bdun 'gyur gsungs pa ni/ bskal pa dang po'i sor dang/ mar 'grib kyi sor la/ rnam 'byed 'grel pa las bshad zer ro/ /lus kyi zhes pa ni/ phrag brdang gi khur ro/ /bal rmel du 'jug pa la/ yul ni 'khrur 'jug ltar ro/ /dang po ni/ bal rung ba tshad ldan rang dbang ba/ rmel ba sogs su 'os pa sngar rmel ba sogs kyi rtsom pa ma byas pa ste drug ldan no zer ro/ /mthar thug ni/ phyogs la las byas pa dang/ tshad ni khur longs pa la byed do/ /mthar thug ni 'khrur 'jug dang gcig pa dgos par snang bas dang po'i drug pa dang tshad la dpyad par bya'o/ /rin po che la reg pa'i spang ba la reg par bya ba ni rin po che yin pa snyad gdags su rung bar rang gi yin pa/ 'thob par rtsom pa na gnas pa rung ba'i cho ga dang mi ldan pa/ rung ba byed pa'i dus min pa/ chud 'dza' ba'i rkyen dang mi ldan pa dang bdun no zer ro/ /snyad gdags rung la rgyan char grub pa zer ba ni mi 'thad de/ snyad gdags su mi rung ba ni/ de ni gas pa dang zhes sogs gsungs pa'i phyir ro/ /ci zhig byas na gser dngul la rag pa'i spang bar 'gyur zhe na/ padma rA ga la sogs pa'i rin po che bdag gir byas pa ste dang du len na spang ba'o/ /bdag gir byed pa ste/ gnas skabs gang la rdzogs she na/ lcogs pa ste lag tu thob par rung ba nyid na bdag gir bya ba de rdzogs pas de la spang pa'o/ /'di ni lag pas bsnyogs pa la byed pa 'dra'o/ /ci bdag gir byed pa gcig pus spang bar 'gyur zhe na/ rang gi yin pa dang/ rung @87a @#/ /ba gsum gang yang ma byas pa yang dgos so/ /de la ci zhig byas na ltung bar 'gyur zhe na/ rang gi lus kyis reg gam/ gzhan la reg tu bcug na'o/ /de ltar na bdag gir bya ba yongs su rdzogs pa dang rang gi yin pa dang/ rung ba ma byas pa'i rin po che mtshan nyid dang ldan pa la reg gam/ reg tu bcug dgos pas bdag gir bya ba med ba'i phyir reg gam/ reg tu 'jug 'dod tsam la 'dod pa ni nor ba'o/ /bdag gir bya ba yod kyang lcogs pa na med pa la nyes byas su gsungs pas bdag gir bya ba rdzogs dgos so/ /tshig gis kyang byed la sprid yig la sogs pas kyang byed na/ 'dir reg pa gang yin par rig par bya zhen/ gang yang rung ba ste rnam pa gang yang rung bas/ 'di nas long las 'dir chug ces pa lta bu dmigs kyis ma smras par phyogs gcig par reg na'ang spang bar 'gyur ro/ /'dir lung las spring yig sogs la zer te brtag go /snyed gdags su rung ba ni dong tshe dang/ pa Na la sogs pa'i mtshan ma byas pa'i zangs ma'o/ /gzhan ni gong ma las gzhan pa'i zangs so/ /dge tshul gnyis kyi ni rang dbang mi dbang gang la yang reg pa'i cha nas nyes med yin pa/ de gnyis la nyes par 'gyur ba ni bdag gir byas pa'i cha 'ba' zhig nas so sbyin bdag ces sogs so/ /gzhi la gang la rung ba bya ba ni rin po che dang 'dra ba yin pa/ rad dbang ba sngar rung ba byas pa dang ma 'brel ba ste gsum mo/ /de 'dra ba ni khrab la sogs yin zer te dpyad par bya'o/ /rten gang gis bya ba ni/ sde lnga'i sdom pa gsor rung yan chad dang ldan pa/ lus tha mal @87b pa/ shes pa rang bzhin du gnas pa/ gnang ba'i rkyen dang ldan pa ste/ bzhi ldan zer te brtag go/ gang gi don du bya ba ni/ chos dang ldan pa'o/ /rung ba bdag gir bya ba na/ dang po ni/ dngos po mi rung ba 'di sbyin bdag che ge mo'i yin la/ 'di las byung ba'i rung ba bdag gis spyad do zhes dran pa ste/ 'di ni rang dang rdzas kyi sgo nas/ tha dad pas phyin pa la bya zer ro/ /gnyis pa ni/ rtse rgod la sogs pa la rang gi rin po che bdag gir byed du bcol la/ de nas 'di zhal ta byed pa che ge mo'i zhes sngar ltar ro/ /gsum pa la bzhi las/ yul gang gi mdun du bya ba ni/ bsnyen rdzogs kyi sdom pa dag pa sogs bdun dang ldan pa'o/ /rten gang gis dang/ gzhi gang la bya ba sngar ltar ro/ /cho ga la gsum las/ sbyor ba ni/ rgan na phyag 'tshal lham 'bud de/ thugs gtad par zhu ba dbul/ dngos gzhi sngags lan gsum dang/ mjug thabs legs bya ba'o/ /snga ma gnyis la yang 'di 'dod pa ni/ nor ba'o zhes zer ro/ /'jig rgyu ni byin rlabs chung ba dang/ zhing min par gyur pa dang/ nor gyi mngon zhen te rgyun du byung na'o zhes zer gang la bdag nyid kyi bdag gir bya ba yod pa de la ni/ rang gis kyang reg par mi bya la/ gzhan reg tu gzhug par mi bya ste/ de la rung bar bya ba gsum char mi chags pa'i phyir ro/ /de ltar bdag gir byed ba dang 'bral ba'i phyir rung bar byed pa'i phyir te/ de ltar ni byin gyis rlob pa'i sngags las kyang 'di skad ces/ bdag gis dngos po rung ba ma lags pa 'dis rung ba bsgrub par bya'o/ /zhes gsungs pa'i phyir ro/ /zhes bdag gir bya ba dang @88a @#/ /ma bral ba la rung ba mi chags par gsungs shing/ yang ci ste rung ba gsum yang byed bzhin du rdzas de la bdag nyid ci bdag gir byed pa dang rjes su 'brel na ni/ de ltar yang thams cad du ltung bar 'gyur ba kho na yin no zhes rung ba byas nas bdag gir bya ba byung na rung ba 'jig par bstan no/ /de ltar na 'dir bdag gir byar rung mi rung gi tshad/ reg tu rung mi rung gi tshad bstan par bya ste/ rin po che la de'i 'bras bus chos dang ldan pa'i ched du bsams nas len pa ma gtogs pa rang gi ngo bo'i sgo nas chags te/ len pa ni mi rung bas rin po che gzhan gyis byin pa na rang gi ngo bo'i sgo nas ma chags pa dang/ des rung ba bsgrub pa dran par byas pa sngon du btang nas bdag gir bya'o/ /de ni bsnyen par rdzogs ma rdzogs gnyis ka la 'dra'o/ /de ltar byas na len pa'i cha nas nyes med do/ /'di yid kyis bdag gir byed pa tsam yin gyi reg pa ni min no/ /reg pa la ni dge slong gi bsam pa de lta bu btang du zin kyang rung ba ma byas na reg tu mi rung la/ byas na reg gam reg tu 'jug pa rung ngo/ /des na reg pa la rung ba sngon du 'gre dgos kyi len pa la ni min te/ blang bar bya zhing blangs nas kyang sbyin bdag de nyid kyi yid gtad de bcang bar ngas rjes su gnang ngo/ /zhes dang/ blang bar bya zhing blangs nas kyang dge slong gi mdun du 'greng ste/ zhes blangs nas rung ba byed par gsungs pa'i phyir ro/ /rung ba byed pa'i tshe na nyes med yin zer ba ni/ rang gis reg pa'am reg tu bcug pa yin/ dang po ltar na gzung bar bya ba min pa la ni @88b mdun du bzhag ste'o zhes pa dang 'gal te/ lag tu blangs nas byas pas chog pas so/ /gnyis pa ltar na/ de'i rgyu mtshan du bkod pa'i ltung med bsgrub pa'i don yin pa'i phyir ro/ /zhes pa snga ma yang zhugs la/ 'di bcol ba dang rang gis byas pa gnyis 'dra ba'i ltung ba yin pas nyes med du 'gyur na gnyis ka mi mtshungs pa'i phyir mi 'thad pa 'dra ste dpyad par bya'o/ /sbyin bdag bdag po nyid du mos su gzhug ces pa'i tshig zin ltar na sbyin bdag khas len du bzhag dgos pa ltar snang yang/ mdo drangs pa gong ma de'i don du 'grel par gsungs pas rnam brtags byed pa bzhin du/ gzhan des ma tshor yang de'i yin pa'i blo 'jog par snang ngo/ /des na dang po gnyis gzhan gyi yin no snyam pa'i blo 'jog pa rung ba'i dngos gzhi yin la/ de las byung ba'i rung ba sgrub snyam pa len pa'i sngon du yin no/ /rag gan zhes sogs la sngar ma bzhag pa mi bzhag cing ma rdzogs pa'i gong nas yod pa sman bor du bsngos pa la spyad de/ bsod nams snyoms la mi bskur ro/ / nor bu ni me chu'i shel dang/ khab long nor bur gyur pa'o/ /dngul ni dngul skya dang/ gser ni sa le sbram zhes ni de min pa ni dpyad do/ /sogs pas ni sangs rgyas kyi sku gdung la sogs pa bsdu'o/ /gas pa ni ser ga byung ba ste/ 'byar rung ma 'byar rung ngo/ /chag pa ni bu gu byung ba'o/ /dum bu ni phyogs gcig med pa'o/ /tshig pa ni rin po che me dang phrad nas nyo tshong byar mi rung bar 'gyur ba'o/ /pa Na ni mngon tshan lhag ma yod pa tsam du nyams pa ste/ thams cad nyams na len pa la nyes med @89a @#/ /do/ /sngon la spyad pa ni mngon tshan can gang la nyo tshong byas pa tsam yang mi dran pa'o/ /ma byas pa ni mngon tshon can gang mtshon du ma byas pa'o/ /mtshen dang mi ldan pa ni drud pa la sogs pas mtshan dang bral ba'o/ /bcos pa ni sa dang rtswa dang/ rdo la sogs pa dag las nor bu dang/ dong tshe dang/ mngon chen can dang/ rgyan dang 'gron bu la sogs pa'i rnam par bzhag pa byas pa'o/ /mngon tshan can gyi spyod pa la/ gang la ltung ba 'di 'byung zhe na/ khe spogs 'dod pas rnyed pa 'dod pa dang/ de la gdu ba la ltung ba 'di 'byung ngo/ /de yang gzhan gyi don du na/ dngos gzhi la nyes byas dang/ sbyor ba la phra mor rang gi don du'o/ /dngos gzhi ji ltar 'byung zhe na/ pha rol po zhes so/ /de gnyis dang tha snyad lnga dang ldan pa/ lus tha mal pa/ rang dang rdzas kyi sgo nas tha dad pa ste lnga'o/ /mngon chen gyi spyod pa gang la dngos gzhir 'gyur ba ni/ bskyed phyin na ste/ bskyed kyi cha la ltung bar 'gyur bar spong na'o de nyid do/ /de ni rtsa ba dang ba skyed snga phyir thob pa la yin pas/ dus gcig tu thob na bskyed kyi zhen pa gang la yod pa'o/ /khyad med na thams cad spang zer ro/ /rnyed pa bdag gir byed na spang ltung ngo/ /zhes gsungs pas mthar thug ni bskyed la thob blo skyes pa ste/ de dang mdo snga ma gsum ni 'og ma nyo tshong la yang 'dra'o/ /bskyed gang las phyin na dngos gzhir 'gyur zhe na/ pa Na'am/ rin po ches spyod pa las so/ /de la pa Na'am/ rin po che yin pa/ snyad gdags su rung ba/ rang dbang ba/ gos khru gang ri pa'i tshad dang ldan pa de dngos po la bzhi'o zer ro/ / @89b nyo tshong gi spang ba la/ nyo tshong gi yul ni/ khyim pa sogs sngar bzhan no/ /dngos po ni gzhan gyis so/ /zhes pa la pa Na'am/ rin po che las gzhan pa gzhal bar bya ba la sogs pa'i spyod pa las bskyed byin na zhes pa dang/ bskyed pa'i khe spogs 'dod pa las gzhan nyo tshong gi skyod pa las bskyed phyin na zhes 'grel ba las mdzad do/ /des na de phal cher rung ba dang tshed dang ldan pa rang dbang ba ste bzhi'o/ /dge 'dun gyi 'bras la sogs pa'i yo byad rin gyis nyo ba la sbyin par bya ba ste/ nyo tshong byas kyang nyos pa med pa'o/ /ba shos kyi phyir ni 'tsho ba'i tshed du'o/ /gal te dge 'dun de dag gi bshos kyi phyir nyo na'o/ /'bras la sogs pa zad na gzhan las nyor rung ba'o/ /'bras la sogs pa gsar pa yang nyor rung ngo/ /rnying pa btsangs nas kyang gsar pa nyor rung po/ /lag gzhug pa ni bar 'tshangs so/ /yi ger bri ba'i dam bzhag la nan tan byas pas ni gzhan gyi chags ka gsal ba dang/ bdag nyid kyis dran par bya ba dang/ 'gyod pa med par bya ba'i phyir ro/ / lhung bzed 'chang ba la/ sngar gyi drug gi steng du/ lhung bzed 'brel med min pa bsnan no/ /bdag po'i sel bas ltung med ni rab tu zhes so/ /rung ba'i sel ba la na smad pa ni/ skya ba sogs mdo gnyis so/ /'dir kha dog kyang rung ba dgos par bstan pa ni/ rab tu byung bas longs spyod pa'i yan lag tu gyur pa'i gos dang/ snod spyad sogs yin na rkyen dang mi ldan pa'i tshe rgyu dang/ kha dog sogs rung ba dgos la/ 'chang ba tsam dang slong ba sogs kyi skabs su mi dgos sam snyam ste dpyad par bya'o/ /'di @90a @#/ /rab tshad las che ba mi rung bar bstan pa dang/ spyir bstan pa'i 'grel pa nas ltung ba bskyed pa'i yan lag tu che ba la skyon med par gsungs pa'i dgongs pa bcal bar bya'o/ /lhung bzed chung du ni/ tha tshad las dang/ gcig gis ni gnyis yan chad bkag ste/ de ni byin gyis ma brlabs par 'chang ba la/ lhung bzed lhag pa 'chang ba'i nyes med do/ /lhung bzed 'tshol ba'i spang ba la/ mdo dang po ni dngos po thams cad la'o/ /gnyis pa ni spyod la'o/ /de la zhe na pa ni lhag par chags pa'o/ /kha cig dang po ni gzhan gyi yo byad dang/ gnyis pa gnang ba'o/ /zhes zer ro/ /dang po ni gnas mal gyi gzhi dang/ phyi ma gnyis gos kyi gzhi las so/ /gang na ltung ba 'di 'byung zhe na/ lhung bzed de'o/ /yod pa'i tshad ni ldan pa'o/ /de yod na ci zhig spyad na kha na ma tho ba ci 'dra bar 'gyur zhe na/ khyim pa sogs te drug dang ldan par smra ba'i drug pa brtag go /de la ngag gi rnam par rig byed kyis bslangs pas btsal te thob na/ de las byung ba'i kha na ma tho bar 'gyur ro/ /zhes gsungs pas rang gis slong dgos pa thams cad la ngag gis rig byed sbyor ba 'di'i dgongs par sems so/ /dngos po ni/ rung ba tshad ldan sbyin bdag de nyid kyis yin pa ste bzhi ldan zer ro/ /gzhan dag ni pho nya ba yin la/ de dag khyim pa dang nye du min pa dgos zhes pa'o/ /'di la kha cig bcol yang rdzogs pa gzhan gyi yul la ni tha snyad dang ldan/ khyim pa dang/ nye du min pa mi dgos la/ 'di la dgos pa ci'i phyir zhe na/ gzhan dang 'dra mod/ 'dir @90b ni glang gzhi las byung ba ni tsam mo zer ba ni min par sems so/ /rten ni lhung bzed mtshan nyid dang ldan pa yod cing/ 'brel med ma yin pa ste gnyis ldan no/ /nyes byas ni/ 'tshol ba'i rtsom pa tsam la'o/ /grub pa ni thob blo'o/ /brje ba la ltung med du gsungs pa ni zong 'dod pa med pa'o/ /lhung bzed kyi rin gyi yo byad de dag yod pa na yang rin gyis mi nyo bar slong na nyes byas su 'gyur ba ni/ chos gos la sogs pa la yang rig par bya'o/ /zhes gsungs so/ /lhung bzad lhag pa 'di ni'o/ /chos gos la sogs pa spong ba na/ gang zag las spong ba las dgar ba'i 'di ni'o/ /lhung bzed 'brel ba med pa ltung ba 'byin pa po la ster dges la/ de yang dge 'dun nas thob kyi/ gang zag la min pas dge 'dun la zhes so/ /dge 'dun la spong ba yang gtan spang min nam/ gzhan ni zhes ci'i phyir smos she na/ snga ma ni mang po yod na bzang ba gcig dge 'dun la bsdigs nas/ chad ma 'brel mad du byas te ster ba thams cad du spong ba ni min no/ /gzhan ni chos 'di la rab tu byung ba thams cad la bgo bar bya'o/ /bskos pas zhes pa la/ gang bsko ba ni/ sngar bshad pa ltar chos bcu bzhi dang ldan pa uste/ thun mong min pa ni sngar 'brel med 'grim par ma bskos pa'o/ /gang gis bsko ba ni dge 'dun mtshan nyid gsum ldan gyis so/ /che ga la sbyor ba ni/ 'du ba'i skabs sgrub cing spo ba dri ba'o/ /dngos gzhi gsol gnyis so/ /mjug ni mjug sdud do/ /de'i bya ba ni/ tshogs pa'i dus ni dgongs ka tshun chad dge 'dun nam tshogs dus so/ /dge slong @91a @#/ /rnams la ji ltar 'jal bar bya zhe na/ tshe dang ldan pa zhes so 'brel ba med pa ni/ dge 'dun las thob pa'i lhung bzed tha ched kyi ming ngo/ /dge slong gi lhung bzed la 'brel ba gnyis su zad de/ byin gyis brlabs nas bdag nyid kyis spyad pa dang/ yongs su spang ba'i dus na'ang rang dbang yod pa yin na/ sngar bshad pa de ni 'brel ba de gnyis dang bral bas na 'brel med do/ /dge slong rnams 'khod pa'i don du stan gding ba la sogs pa'i nan tan no/ /lhung bzed kyis bsngags pa'o/ /gnas brtan ni dge slong rgan rim rnams la bod pa'o/ /shin tu gsal ba ni mdog nag nag nog med cing mdzes pa'o/ /dbyibs legs pa ni tshad ldan no/ /longs spyod bzod ni bu gu dang chag grugs la sogs med pa'o/ /'thag tu 'jug pa la/ gang la 'jug pa'i yul ni khyim pa sogs drug ste drug pa'i sbyor ba ma phyin pa'i snga rol du ston pa min pa zhes sbyar dgos te/ gla rngan la bsams pas so/ /gang 'thag tu 'jug pa'i dngos po la/ gos kyi rgyu yin pa/ rung ba tshad ldan rang dbang ba/ sngar bzo'i rtsom pa ma byas pa ste lnga zer ro/ /rgyu ni dogs pa'o/ /tshad ni khru gang gi'o/ /rten ni rngan pa mi ster ba'o/ /rin gla med par ngag gis dgos sam/ po nya la sogs pa gzhan gyis so/ /tha ga ba nye du yin min dang/ khyim pa dang/ rab byung dang rang dang nye du ma yin pa/ rin byin pa/ ma byin gnyis ka dang bcas pa ni gzhan nyid dang bcas pa'o/ /de la 'thag tu bcug na 'thag 'jug de nye du min pa des ma byas pa min no/ /des na nye dus btags pa ltung med dang/ @91b nye du min pas dngos gzhi'o/ /rang gi cha la nyes byas dang/ gzhan gyi cha la ltung med do/ /nyes byas ni bzo rjes su bsgrub par mi bya'o/ /zhes pa dang 'gal ba yin gyi/ 'dir gtogs min no/ /de bzhin du rin byin pa'i btags pa ltung med dang/ ma byin par btags pa ltung byed do/ /rab byung la yang na smad dang/ khyim pa la dngos gzhi'o/ /de lta na sngon la nye du dang/ rin byin nas btags pa'i 'phro la nye du ma yin pa dang rin ma byin par btags pa dngos gzhir 'gyur bas/ sngar bzo'i rtsom pa ma byas pa tsam nas ma sbyar gyi/ khru gang la bya dgos pa 'dra'o/ /kun slong la rku sems dang/ yid gcugs khyad par can las gzhan pas 'thag tu 'jug 'dod zer te brtag go /mthar thug rngan pa las thob blo skyes pa zer te/ gos khru gang du longs par btags pa/ yul dus der grags pa'i gla mi ster bar snang ba dgos so/ /'thag pa bskyed pa la/ gang la 'thag pa bskyed pa'i yul ni/ tha ga pa dang/ sbyin bdag gnyis ka khyim pa yin pa sogs drug ldan no zer ro/ /rdzas tha dad la/ de gnyis kyang tha dad pa dang/ sbyin bdag gi 'thag pa skye ba'i phyir du ci bder bstabs pa min pa'o/ /dngos po ni/ gos kyi rgyu rung tshad ldan/ sbyin bdag de'i yin pa/ bzo'i rtsom pa ma byas ba sta lnga zer ro/ /ltung ba 'byin pa de'i phyir brtag par bya ba'i gos de sbyin bdag gi bsam pa las byung ba ste bsam pa yin la/ de 'thag pa bskyed na spang ba'i yan lag tu gyur pa'i byed pa po'o/ /yan lag la 'di gzhug dgos so/ /de yang dge slong gis thag pa 'thag pa bskyed pa la sbyar ba dgos pas de'i don ni/ kho la ga che ba ste @92a @#/ /zheng cha ba dang/ khrur ring ba/ 'bras bzang ba ste byer zug snyom pa dang/ shas bzang ba dang/ sang seng med pa'i thag rin bzang po'o de gnyis gang rung la sbyar ba dgos so/ /de ltar sbyar bas gal te sbyin bdag gi dog pa zang na dngos gzhi'o/ /'dir bsngos tshod las lhag pa khru gang gi dog pa zad pa la sbyar dgos pa 'dra'o/ /yang 'thag pa bskyed pa la dog pa ma zad kyang/ rngan pa ma byin na dngos gzhi'o/ /yang zhes pas dog pa zad pa dang/ gnyis ka so sor spang ltung gi byed pa por bstan no/ /rngan pa khas blangs ma blangs 'dra'i/ /'thag pa bskyed pa grub na dngos gzhi yin la/ khas blangs pa ma yin na ma byin len gyi nyes par yang 'gyur bar gsungs so/ /'dir sngon ma rnams rngan pa ma byin pa 'thag 'jug gi nyes byas dngos gzhi la sbyor ba nor ba kho na ste/ 'thag 'jug la ni 'thag pa bskyed pa dang bral ba'i rngan pa ma byin pa yin la/ 'di dang 'thag pa bskyed pa grub pa gzhir byas la/ bsngos tshod las lhag pa'i dog pa zad na gla rngan byin yang spang bar 'gyur la ma zad pa'i tshe spang bar 'gyur ba la gla rngan ma byin pa dgos pa'i phyir ro/ /mthar thug thob blo skyes pa la sbyor ba yang nor te/ grub na dngos gzhi'o/ /zhes pa'i don ni bcol ba las kho lag che ba nyid dam/ 'bras bzang ba nyid grub na 'dir dngos gzhi'i kha na ma tho ba kho na yin no zhes 'grel par gsungs so/ /sbyin par byed pas zhes pas ni/ dge slong gi chos su 'grig go /'dir gal te khas blangs pa len par mi byed na thag pa yang sbyin bdag yin no/ /sbyin bdag gis kho lag che ba sogs bya'o @92b de nas khas blangs pa de ltar du thag pas khas len par mi byed na/ tha ga pa yang sbyin bdag dang 'dra pas zhes pa yin nam dpyad par bya'o/ /gos grub pa'i snga rol du gos bsgrub de'i phyir bsam pa las byung ba'i rjes su bsgrub pa bsod snyoms la 'gro ba dang/ bca' ba la sogs pa 'tshol ba 'bad pa thams cad ni nyes byas gcig gi byed pa po yin gyi/ khri las ldang ba la sogs pa la so so tha dad yin min no/ /sbyin bdag gis dge slong la khyod kyi phyir gos 'thag tu gzhug gis/ dus dus su gzhud la gzigs shig ces ma bsgo bar mdzes pa bsgrub pa'i bsam pas 'gro na/ cung zad kyang mi smra mod kyi nyes byas so/ /'phrog pa'i spang ba la/ dbral dge slong nyid bcas pa la dge slong gi sdom pa dag pa/ lta ba dang mtshan mthun pa/ tha snyad gsum dang ldan pa/ lus tha mal du gnas pa/ rang las nor tha dad pa ste drug ldan no/ /'og tu dge slong chos drug ldan zhes dmigs kyis ma phye ba ni 'di la go bar bya'o/ /'on kyang brten pa rnam dag yod pa na 'di bzhin dang/ rten la gsor rung yod pa na yul yang gsor rung gis chog go /dbrog par bya ba zhes bya ba zhes pa ni/ rang ngam gzhan gang rung gis byin pa dgos par ston pa'o/ /gos nyid ces pa la 'grel par gos ni mtshon pa ste/ dge sbyong gi yo byad gzhan yang 'phrog na dngos gzhir gsungs so/ /'di la snga ma rnams gos sam lhung bzed yin pa/ rung ngam tshad ldan rang ngam gzhan gyis byin la/ de ltar de dbang ba ste bzhi'o zer ro/ /bsdus pa tha dad pa ni/ lus ngag dus gcig tu zhugs pa'am rim gyis zhugs pa @93a @#/ /yang ltung pa gcig tu ston pa'o/ /kun slong la rku ba'i kun slong las gzhan pas bsam pa thag pa nas/ 'phrog 'dod zer ba'i dang po la 'grel par/ kha na ma tho ba 'di rku sems med pa yin gyi/ rku sems yod na ni ma byin par len par gtogs pa'i kha na ma tho bar yang 'gyur ro/ /zhes gsungs pa'i yang sgras/ ma byin len dang gzhi mthun pa gcig yod dam dpyad do/ /bsam pa thag pa nas dgos pa 'og tu sten no/ /'o na rku sems med pa'i 'phrog pa ci 'dra zhe na/ de ni pha rol po las dbral ba tsam 'dod kyi/ bdag gir bya ba'i blo mad pa la srid do/ /mthar thug la thob blo skyes pa zer ro/ /de ltar kun slong la rku sems mi srid par 'dod pa dang 'gal te 'di la rku sems srid pa'i phyir te/ des na lus las zhes gsungs pas pha rol po'i lus tha dad du song ba'am/ de'i gnas nas spags pa lta bu la bya dgos pa 'dra'o/ /tha dad pa'i ma tha yang ji tsam du ges kyi grwa lus pa bral bar byed na spang ba'i ltung byed do zhes gsungs pa ltar ro/ /'di la zhes pa la 'grel par gzhan gyi don gyi phyir tshig gis kyang 'phrog na dngos gzhi'i kha na ma tho bar 'gyur ro/ /zhes gsungs so/ /skrod pa dang 'dra ba ni/ dge slong ma/ dge slob ma/ dge tshul ma gsum/ dge slong la sogs pa lngas skrod pa dang/ dge slong dang/ dge slong ma gnyis/ dge bsnyen ma la sogs pa gsum gyis skrod na nyes byas su 'gyur la/ khyim pa pho me la bsod nams min par gsungs pa dang 'dra'o/ /'phrog pa gsum las/ spang bar 'gyur ba'i skabs su/ rang gi nyid sel ba zhes @93b so/ /rang gi nyid ni yul de dbang ba'am de dang ldan pa/ de mi dbang ba'i 'phral ba ni sel ba yin pa 'dra'o/ /blo gros ngan pas byas pa'i 'phrog pa ni/ rgod pa'i bsam pas dus cung zad cig sems bsdu bar bya'o snyam nas/ chos gos sogs 'phrog pa ste/ de ni rjes su 'phrog pa ste/ dngos gzhi'i rjes su mthun pa'i nyes byas so/ /rigs pa'i don gyi dbang gis byas pa'i 'phrog pa ni/ tshe 'di'i gnod pa rkun po chu klung stag la sogs pa'i 'jigs pa dang/ pha rol tu mi phan pa sdig grogs kyi lag tu 'gro ba'o/ /dgon pa pa'i bral ba la/ so thar dang/ rnam 'byed las 'phrog pa'i 'og tu brtad pa las byung ba 'byung yang/ 'dir zhus pa las/ dgon pa pa'i 'bral ba bshad pa ltar bya ste/ dbyar gyi dus dang 'brel ba'i ltung ba rnams phyogs gcig tu bstan pa'i phyir ro/ /da lta lung na de ltar med zer te brtag go /chos gos gcig ces pa la/ lung dang rtsa 'grel las/ gsum las gang rung gcig las mdzad pa la snga ma rnams snam sbyar la byed de gzhan gnyis byed na rtags nyams par sra brkyang gi 'grel pa las bshad pa dang/ char 'bab pa sogs kyi tshe snam sbyar 'jog gi /gzhan gnyis mi 'jog par gsungs pas so zhes zer ba ni/ dgon pa dang/ 'jigs pa dang bcas pa gnyis dmigs kyis bkar bas snam sbyar gyi nges pa med pa 'dra'o/ /'on kyang gcig ces pa ltar na/ gsum ga la 'jigs pa yod kyang/ gnyis mi 'jog pa ltar snang ba ni dpyad par bya'o/ /rung ba tshad ldan dang/ rang la ltos pa'i byin rlabs yod pa dang @94a @#/ /'jigs pa'i dbang gis gnas gzhan du bzhag pa zer ro/ /grong ni dgon pa pa'i spyod yul du gyur pa'o/ /'dra ba na bral ba mi 'byung ba la'o/ /gal te spyod yul gyi grong yang 'jigs pa dang bcas na de las gzhan pa'i grong du bzhag tu rung ngam zhe na/ rung ngo zhes snga mar bzhag pa'i tshe chos gos kyi gnas nye 'khor bcas pa dang/ dgon pa'i nye 'khor ma 'das na 'bral ba mi 'byung mod/ de gnyis las zhag 'das par bral na 'bral ltung 'byung bar nges sem zhe na/ dgon pa ba des zhag drug tshun chad du mtshams kyi phyi rol tu 'bral du gnang ngo/ /gang gis phyir zhe na/ chos dang ldan pa'i don gyis dbang gis so/ /gang las zhe na/ grong gzhan na 'dug pa de las zhes te grong snga ma la lta ci smos pa'o/ /drug las lhag pa bdun pa la ni 'bral ba gnang ba med do/ /'di yang chos ldan gyi dgos pa'i phyir mtshams kyi phyi rol tu song ba/ rkun po la sogs pa'i bar chad kyi dbang gis zhag bdun pa la 'khor bar de las thal ba la nyes pa med do/ kha cig 'gro ba'i tshe zhag drug phyi rol tu 'gro 'o snyam ste song ba la zhag las 'das pa nyes med yin gyi/ de med pa'i nyin gcig gam/ mtshan gcig 'gro bar bsams te song bas zhag drug 'das pa la nyes par 'gyur ro/ /snyam pa'i dogs pa bsal ba'i phyir zhes so/ /rgyu mtshan ni/ bsam pa de lta bu yod med kyi min gyi/ bar chad dang ldan mi ldan gyis yin pa'i phyir ro/ /zhes sems so/ /zhag drug las 'das zhes pa ni/ drug las 'das pa'i bdun pa 'das pa la zhes go @94b bar bya ste/ zhag tu bdun ma 'das na gnang ba'i phyir ro/ /gang nas 'bral ba'i gnas ni/ dgon pa dang/ chos gos bzhag pa'i gnas gnyis ka'i nye skor dang bcas pa las gnas gzhan yod dgos la/ rten ni dgon pa pa'i yi dam dang ldan pa sra brkyang ma bting ba/ gnang ba ma thob pa zhes zer ba'i dpyad pa ni dpyad zin no/ /ras chen la gnyis las/ btsal sngas pa'i ltung ba la/ bslang ba'i yul ni/ khyim pa sogs drug zer ro/ /dngos po ni ras chen rung ba tshad ldan ma rnyings pa/ char chu skyong nus pa/ sbyin bdag de'i yin pa de drug zer ro/ /'grel par bug pa la yang na smad par gsungs so/ /bslang ba'i dus ni dbyar snga phyi gnyis 'bring po dang/ tha chung gi tshes bcu drug gang rung la ltos zla ba gcig gis snga pa'o/ /dbyar zla ra ba dang 'bring po'i tshes bcu drug nas 'chang ba'i dus tshun chad du 'tshol ba'i gnang ba'i dus so/ /rten ni khas len dang 'brel ba zer ro/ /mthar thug ni dus snga mar blangs nas snga mar thob pa dgos la/ snga mar btsal nas gnang ba'i dus su thob na 'tshol ba la nyes byas dang/ thob pa ltung med do/ /thob pa ni thob blo la zer ro/ /de'i rjes su zhugs pa ni bsdad pa'i dbang gis zhes dang/ dgag dbye sogs ni dbyar snga phyi gang khas blangs de'i dbang du byas te bya dgos te'o/ /sra brkyang ni dbyar snga ma kho na dang 'brel lo bzhag phyis ni/ ras chen rung chad ? ldan rang dbang ba/ ma rnyings pa/ char chu skyob nus pa ste drug ldan gyi dngos po'o/ /dus ni dgag dbye byas nas zla ba phyed song ba zer/ ma rnyings pa ni zla ba bzhir ma spyad pa yin @95a @#/ /na/ khas len zla ba gsum dang/ de'i gong du zla gcig dgag dbye byas nas zhag bcu bzhi 'gro dgos pas bzhag 'phyis kyi spang ba mi srid par thal lo zhe na/ de la zla ba phyed dang lngar bcangs pas ma khyab cing nges ldan gyi gos min pa dang/ zla ba gsum du char chu ma zho na longs mi spyod pa srid pas skyon med ces zer ro/ /'on kyang zla ba bzhir spyad pas ras chen yin na/ de la bzhag 'phyis kyi nyes byas tsam yin gyis/ ltung byed mi 'byung ngo/ /de ltar na de lta bu'i ras chen 'chang ba'i dus ni zla ba bzhi dang/ zhag bcu bzhi ril dang bco lnga pa'i mtshan mo'i mtha' chun chad yin gyi /de 'das na ltung bar 'gyur te/ ston zla tha chung dang/ dgun zla ra ba'i tshes gcig gi skya rengs shar na'o/ /brtad 'byung la gsum las/ bdag gir bya ba sngas pa ni/ sbyin bdag khyim pa/ tha snyad lnga ldan/ lus tha mal pa/ rang dang rdzas kyi sgo nas tha dad pa ste bzhi zer ro/ /rnyed pa ni dbyar bsdus pa'i rgyu las byung ba/ zas rnyed min pa/ phal cher rung ba/ tshad dang ldan pa/ brtad pa las byung ba min pa ste lnga zer ro/ /dang po dbyar gnas pa'i phyir rnyed pa gang yin pa de ni 'dir dbyar gyi rnyed pa zhes bya ba ste de ltung ba'i byed pa po nyid yin gyi 'phral gyi mchod ston la sogs pa'i phyir rnyed pa gzhan ni min no/ /zhes gsungs pas dbyar gyi khas len byas pa la dmigs nas phul ba'i rnyed pa dgos so/ /gnyis pa ni rnam 'byed las bshad zer ro/ /tshad ldan ni spyi tshad khru gang ba la byed de brtag go /spang ba ni khas blangs dgag dbye ma byas pa'i bar ro/ /bdag gir @95b byas pa ni/ dus der brtad pa'i dbang gis zhes pa lta bu min pa phul yang mi len pa'o/ /de'i phyir kun slong bdag gir byed 'dod ma chad pa dang mthar thug la thob blo la byed pa brtag go /'dir brtad byung gi gos lnga po nad pa la dang/ de'i phyir dang/ 'chi ba dang/ de'i phyir dang/ 'gro bar chas pa la/ sbyin pa zhes gsungs pa ni mtshon pa ste/ rgyal po dang/ chom rkun dang/ rigs brgyud dang/ chu la sogs pas khyer bar dogs pa sbyin bdag gi bsod snyoms kyi bar dang/ bgos skal la gtegs pa 'chir dogs pa mchod gnas kyis rnyed pa'i bar du 'gyur ba rnams brtad byung gis sdud dkos par gsungs so/ /de dag dang ldan pa'i tshe la nyes pa med pa la mtha'i zhag bcu dgos mi dgos la dpyad par bya'o/ /bsgo ba sngar bshad pa la gsum las sbyin bdag dang dus sngar dang 'dra la/ dngos po la lnga'i grangs sngar bzhin/ byas nas lnga pa'i don bgos par bar chad spong ba min pa zhes zer ro/ /rtsa 'grel ni/ dbyar gyi phyir rnyed pa la dus mtha'i zhag bcu'i chos dngos po brtad pa'i rnyed pa yin na bdag gir byed pa ltung ba med la/ bgos na dngos po'i phyir gsungs pas brtad byung gis rnyed pa min pa zhes pa'i tha snyad ma legs so/ /brtad byung ma yin pa'i dbyar rnyed la bdag gir byas pa dang/ bgos pa gnyis ka la ltung bar gsungs so/ /dbyar nang du bgo ba la yang bgos pas bar chad spong ba yin na nyes med du 'gro dgos sam snyam mo /bgo ba 'phyis pa la sbyin bdag sngar bzhin dang/ dngos po la lnga pa rang dbang ba/ brtad pa'i rnyed pa min pa ste drug zer ro/ /drug pa'i @96a @#/ /don/ bgos pas bar chad du 'gyur zhing/ bzhag pas de spong ba la byed do/ /tha snyad ma legs so/ /rten ni sbed pa ma bskes pa dang/ sbyin bdag gi tshig gi dbang med pa ste gnyis zer ro/ /rang dbang ba dngos po la yod med snga ma gnyis dang 'dra yang ltung ba'i yan lag tu dgos mi dgos 'dra bar bsam pa 'dug go /rten gyi chos phyi ma ni/ snga ma gnyis la yang mtshon dgos pa 'dra'o/ /bsngos bsgyur la/ sbyin bdag ni khyim pa yin pa/ tha snyad lnga dang ldan pa lus tha mal pa/ rang dang rdzas kyi sgo nas dang bsngo ba po dang/ bsngos pa gnyis ka'ang tha dad pa/ bsam pa thag pa nas bsngos pa ste lnga ldan no/ /dngos po la gos sam/ lhung bzed yin pa/ rung ba tshad dang ldan pa sbyin bdag des bsam pa thag pa nas bsngos pa ste bzhi'o/ /bsngos pa ni dge slong gi sdom pa dag pa lta ba dang mtshan mthun pa/ tha snyad gsum ldan/ lus tha mal pa/ bdag las tha dad de drug go zer ro/ /'grel pa nas yon bdag la nye du min pa mi dgos pa dang/ rnyed pa la zas rnyed min pa dang/ gang zag gzhan la zhes pa la rab tu byung ma byung gi gsal kha mdzad do/ /gos kyi ma gtogs pa snod la yang ma bshags pas brtag par bya'o/ /thob pa ni thob blo la byed zer ro/ /thob na dngos gzhi yin na bsgyur ba la cir 'gyur zhe na/ gos rnyed bsgyur ba la ni'o/ /bsngos bsgyur gyi skabs 'dir gang zag gzhan la bsngos pa gzhan la bsgyur ba la yang ngo/ /bsgyur ba de'i 'bras bu thob pa la yang ngo/ /lhag ma zhes pa la bsngos pa la bzhag na chud 'dza' ba la mthun pa la/ rnam @96b 'byed 'grel pa las bshad zer ro/ /sku gzugs ni sku gzugs kyi rgyan gcig la gcig 'byar tu rung ba'o/ /shi ba'i yo byad la sogs pa dge 'dun gyis rnyed par bsngos pa/ dge slong gis mtshams kyi phyi rol tu song ste byin gyis rlob par byed na nyes byas so/ /dge slong ji snyed cig gi skal ba nod par bya ba ma tshogs par rnyed pa bgod na nyes byas so/ /shi ba'i yo byad la sogs pa'i rnyed pa byin gyis ma brlabs par bgod na nyes byas so/ /dge 'dun kun gyi spyir dbang ba'i rnyed pa gang zag gcig gam/ gnyis sam gsum gyis len par byed na nyes byas so/ /rnyed pa len pa de dag kyang dbang na ci'i phyir nyes byas su 'gyur zhe na/ rnyed pa de la'o/ /rku sems yod pa'i dbang du byas kyi/ rku sems kyis sgyur bar byed na gzhi ji lta ba'i kha na ma thob bar 'gyur ro/ /mtshams kyi phyi rol sogs gsum la/ 'du shes 'khrul bas rku sems med pa'i phyir ro/ /ltung med du mi 'gyur te/ gzhan gyi shas nyid ma bral ba'i phyir ro/ /'dir gtogs pa ni gzhan dbang bar byed pa la zhugs pa'i phyir rnam pa 'dra bas zer ro/ /dmag dang/ chom rkun la sogs pa'i gnod pa med par gya tshom du gtsug lag khang stong par dge slong gang gtsug lag khang de la rjes su chags pa shas chen po yod pa de'o/ /dge 'dun ma lhags na bzhag pa des lo bcu'o/ /gtsug lag khang dang nye 'khor gyi gtsug lag khang gnyis gso sbyong ngo/ /de dag ni dang po gnas gzhan der bzhag pa'i dge slong ngo/ /gtsug lag khang gi bdag po khyim bdag @97a @#/ /de gnas gzhan gyi sbyin bdag de nyid yin yang sngar byas pa'i nges pa la'o/ /khyim bdag des rdzas de dag sngar phul ba'i gtsug lag khang der mi ster ba'o/ /mchod rten gzhan la bsngos pa'i rnyed pa de la 'bul bar mi rung zhing/ der khyer yang ma nus na'o/ /byang chub chen po bzhi ni gnas de dag na bzhugs pa'o/ /gsog 'jog gi spang ba la/ de phan chod nyid du nyi ma dang po 'das te deng ni nyi ma gnyis pa lags so/ /zhes sogs kyis nyi ma 'das so cog go/ ci zhig byas na gsog 'jog gi spang bar 'gyur zhe na/ bza' ba'i phyir 'chang na'o/ /gang zhe na/ zhag bdun par byin gyis brlabs pa de'o/ /de yang sman bzhi la gang rung ba/ rung ba tshad ldan/ rang dbang ba/ rnyog chur gyur pa'i phyed nyid do/ /zhes pas ngo bo rdzogs pa rang rang dang 'dra bas bza' ba'i phyir te byin len byas pa ste drug go /byin rlabs can la ni des phan pa'i nad can min pa dang/ byin rlabs yod pa gnyis bsnan zer ro/ /mthar thug ni byin rlabs yod na rang dus dang/ med na spyi dus 'das pa'o/ /zhag bdun par byin gyis brlabs pa/ bza' ba'i phyir 'chang ba la kha na ma tho bar 'gyur ba kho nar ma zad/ byin len ma byas pa dang/ mi rung ba mi sha la sogs pa dang/ mi rung ba dang 'dres pa dang/ brtag pa gzhan dang 'dres pa 'chang ba la yang kha na ma tho ba 'dir 'gyur ro/ /'di ltar dus rung dang 'dres pa'i thun tshod du rung ba/ bzar mi rung ba nyin phyed phan chod du bza' ba'i phyir 'chang na 'dir gtogs kyi nyes pa dang/ nang du btsos pa la sogs pa'i @97b skyon gyis mi rung bar gyur pa bza' ba'i phyir 'chang ba dang/ dus rung sogs gsum po mi rung na bza' ba'i phyir 'chang ba la yang khyad par med pas/ zhag bdun pa smos pa ni dpe tsam mo/ /'dir ltung ba rnam par bzhag pa gang zhe na/ de'i phyir bza' bar bya ba sogs so/ /sman bzhi gsog 'jog byas pa zos na ltung byed du 'gyur la ma zos na ltung med du 'gyur te/ nyin mtshan 'das pa la ni spang ltung dang/ 'ba' zhig pa 'dra ba'i phyir ro/ /nang du zhag lon pa dang/ btsos pa dang/ byin len ma byas pa sogs zos na nyes byas su 'gyur ba bzhin du 'chang na'ang nyes byas su 'gyur ro/ /'bru mar la sogs pa ste rkang par bsku ba la sogs pa'i don gang gi phyir brtags pa ste rung bar byas pa ni de'i phyir 'chang ba la ltung ba med do/ /blos yongs su ma bcad par 'chang ba la yang kha na ma tho ba 'dra ste spyi bye brag gi khongs su gtogs pa'i phyir ro/ /bza' ba'i phyir yang de'i khongs su gtogs te/ des na bag med pa dang/ dran pa nyams pas 'chang ba ni bza' ba'i phyir/ yid kyis ma bsdus pa'i kha na ma tho ba 'dra'o/ /snar shugs pa sogs pa ni byar rung ngo/ zhes 'grel pa las 'byung ba'i de'i ched du gsog 'jog gnang ba 'dra'o/ /sman bzhi cho ga dang ngo bo'i sgo nas mi rung ba 'chang ba la bza' ba'i phyir bcangs pa dgos mi dgos dang/ bcangs pa la zhag 'das dgos mi dgos dang/ byin len ma byas pa sgra ji bzhin du bzung nas zos na nyes byas mi 'grig pas ji ltar bya ba dang/ byin gyis ma brlabs pa na zhag bdun las 'da' bar 'chang du zin kyang nyas pa @98a @#/ /med de/ rung ba'i phyir gser la sogs pa dang 'dra'o/ /zhes pa rnams kyi dgongs pa btsal bar bya'o/ /rje thams cad mkhyen pas 'dul ba mdo rtsa ba'i TIkka mdzad bzhed pa las zin bris su 'ol khar bkod pa'o/ /yi ge pa ni ma gcig dbon po nam mkha' dpal lo/ /bstan pa dang sems can la phan pa rgya chen po 'byung bar gyur cig/ sarba mangga laM//