[@##the following text has incomplete sections/ which are on order]

! //na mo gu ru manydzu ShrI ye/ dge sbyor gyi gnad kyi dri ba snyan
bskul lhag bsam rab dkar zhes bya ba/ li khri'i char gyis spags par
gyur pa'i gser gyi sa 'dzin gyi/ /rtse mo indra

nI la'i chu 'dzin stug pos dkrigs pa ltar/ /dmar ser sku la ral pa'i zur
phud lnga ldan rab mdzes pa'i/ /'jam dbyangs bla ma de yis rtag tu
skyong zhing dge legs spel bar mdzod/ /rgyal bas gsungs pa'i gdams
ngag bdud rtsi'i bcud/ /snying po'i ro la rang nyid rtse

@073a @#/ /gcig tu/ /gnas shing gzhan yang de la 'god 'dod pa'i/ /sgom
chen rnams la dri ba 'di 'bul gyi/ /rgyal bas ji ltar gsungs dang
mthun pa'i lan/ /thebs pa rnams la skad cig 'bral med du/ /sgo gsum
gus pa'i sgo nas phyag bgyid pas/ /gsal

bar myur du bdag la stsal du gsol/ /mi thebs pa rnams bdag la phrag
dog dang/ /sdang sems mi 'tshal sems la bcad rgyu'i sgom/ /da dung
'khrul med legs par ma btsal na/ /rang gzhan thams cad bslus nas
ltung nyen gda'o/ /bdag gi dri ba zhu ba 'di rnams ni/

rang mkhas 'dod dang/ gzhan dma' dbab 'dod dang/ rnyed bkur
dang grags 'dod kyi kun nas bslang ba ma yin gyi/ ci ste na 'jam
dbyangs kyi sprul pa sa paN gyis rig gter du gsungs pa/ rtag tu
brtson pas ting 'dzin bsgrubs kyang sangs rgyas dgyes pa'i lam las

gol; ;snyigs dus skye bo chog shes can rnams legs par soms la mkhas
pa bsten/ zhes dang/ sdom gsum rab dbye sogs su yang mang dag
gsungs 'dug pa dang/ gzhan yang rgya bod gnyis car du lta sgom
spyod gsum la nor ba mtha' yas shig 'dug

cing/ de'i nang nas kyang stong nyid kyi lta sgom nor na phung
'gro bar klu sgrub kyis gsungs te/ dbu ma rtsa bar/ stong pa nyid la
lta nyes na/ shes rab chung rnams phung bar 'gyur/ dper na sbrul la
gzung nyes dang/ /rig sngags log par bsgrubs pa bzhin/ /zhes dang/
gzhan

yang rgya bod kyi mkhas pa du ma'i gsungs las/ dang por sgom rgyu
rang ma nor ba rnyed pa shin tu dka'/ zhes sogs mtha' yas shig
mthong zhing/ de lta na tshe stong zad la 'gro ba'i sgom la rang
yang snying rus skyed/ gzhan yang 'god pa rnams la kho bos brtse
bas

@073b kun nas bslangs te snyan bskul du zhu ba'i dri ba ni 'di ltar ro/
/spyir sangs rgyas kyis chos kyi phung po brgyad khri bzhi stong
gsungs pa thams cad kyi 'gag dril ba'i dgongs pa'i btang sa de gang
yin zhes 'dri na/ sems can rnams 'khor ba'i sdug bsngal gyi rgya mtsho
chen

po 'di las thar bar byed pa de dang po'i dgos pa yin/ de las thar rting
nyan rang gi myang 'das su mi ltung bar byed pa de yin/ mdor na
'khor 'das gnyis las rim gyis brgal nas mthar rdzogs pa'i sangs rgyas
thob par byed pa yin pas na 'di'i nang du ma 'dus pa'i

gdams ngag ga la srid/ des na 'di rnams kyi dngos gzhi dang/ sngon
'gro las brtsams pa'i dri ba bgyid pa ni gleng gzhi'o/ /de'i don yang
rang rang gi rgyud steng du 'gel na 'di yin te/ gnas dben par lus
drang por bsrang nas blo nang du phyogs te legs par

bsams pa'i tshe/ gang na nga sngon chad thog ma med pa'i 'khor ba'i
mal gting 'dir sdug bsngal gyi zug gzer 'di tsam pa dus rgyun du
myong ba rang rig gis grub pa 'di 'drar gyur 'dug pa/ da 'di lta bu'i
gnas su deng nas rang mi skye ba zhig ci nas bya dgos/

de ltar ma byas na nga snying rul snyam pa'i myong ba lhang ba
mkhal ma'i zug gzer tshor ba lta bu zhig skye ba'i thabs la dang por
'bad dgos te de lta bu shin tu dka'/ 'di la myong ba ma skyes na 'khor
ba las thar pa'i thabs zab mo bla mas ci tsam bstan cing go mod

kyang/ sngar ltar 'khyag steng gi chu dang mtshungs par 'gro ste/
dper na chu 'thung 'dod med na 'thung ba'i rtsol ba mi byed par
sdod pa bzhin no/ /de'i sgom lugs yang da 'khor ba 'dir mi skye ba
byed dgos snyam pa'i gdong tshugs kyi gtugs po de ni ma yin te/

@074a @#/ /de ni shin tu gegs che zhing gcod chung bas so/ /des na
shing bzo ba mkhas pa'i 'degs bzhin du dmigs pa gzhan ma gcig gi
gnad dam sa gcig nas bsgoms na/ byin g.yos yong sa yod pa de gang
yin/ mi rtag pa sgom pa lta bu'am/

dkon mchog la gsol ba 'debs pa lta bu 'am/ sdig pa bshags sam/ byang
chub kyi sems sgom pa'am/ phyin drug la slob pa lta bu yin zer ba
'ong srid de/ de rnams kyis kyang khyad shin tu che bar 'ong mod
na'ang de ka'i thad kyi myong ba 'don pa'i dmigs skor

gnad du bsnun pa rgyal bas gsungs ngo shes pa'i thar pa don gnyer
gyi blo bcos bu min ba skye ba'i thabs dam pa zhig yod snang bas de
dris pa'o/ /man ngag de thugs kyis dgongs na da 'o na 'khor ba 'di las
rang re rnams thar bar byed pa'i thabs dam pa

bcar ba rgyal bas gsungs pa'i gcig chog 'chang thub ngo shes pa de
gang yin 'dri'o/ /de la yang sngon du rang re rnams 'khor ba 'dir
skye bar byed pa'i rgyu'i gtso bo dngos gzhi mthar thug pa rang
zhig ngos zin dgos pas de lta bu rgyal bas gsungs pa de gang yin

'dir bcar ba ngos ma zin na 'di 'joms pa'i gnyen po gang yin dang
'joms lugs ji ltar byed bcar ba yang ngos mi zin par pho tshod tsam
las mi 'ong ste/ dper na dgra ngos ma zin par dmag 'dren pa bzhin
no/ /de yang ma rig pa yin/ de yang gti mug yin/

de yang dngos 'dzin yin zhes sogs smra ba 'ong kyang de rnams kyis
kyang bcar ba rang ngos ma zin te/ dper na rkun ma gang yin ngos
'dzin bcug pa'i tshe mi yin/ de yang btsun pa yin/ de yang gzhon pa yin
zhes ji snyed cig smras kyang/ gang zag gcig la

@074b mdzub mo ma tshugs bar la rkun ma ngos mi zin pa bzhin no/
/des na rang rgyud la bkar nas bltas pa'i tshe/ nga 'khor bar skye ba'i
rgyu'i gtso bo rang mthar thug pa 'di yin par 'dug snyam pa'i myong
ba lhang ba rgyu mtshan yang dag la brten cing mos mnos su ma

song ba cig dang por skye dgos te/ dper na sman gtong ba la dang
por nad ngo shes dgos pa dang 'dra bas so/ /gzhan yang rang re
rnams 'khor ba 'dir gcig nas gcig tu brgyud de 'khor ba'i 'khor tshul
la myong ba lhang ba ma skyes na ni 'khor ba la zhen

log dang skye shas nges 'byung rnams rnal ma 'ong sa med cing/ de
ltar 'khor bar 'khyams tshul la myong ba lhang ba skye ba ni/ rten
'brel bcu gnyis kyi 'khor tshul sgom pa la rag las pas na/ de'i 'khor
tshul dang/ rten 'brel bcu gnyis kyi grangs dang go

rim nges pa can dang/ de rnams rgyu 'bras bu 'gro tshul dang/ de'i
khong nas skyes bu gsum gyi khrid 'ong tshul rnams gang yin/ de
rnams ngos zin na da 'di rnams 'dri ste/ nges don sgom pa dang
byang chub kyi sems sgom pa gnyis kyi nang nas rdzogs pa'i

sangs rgyas sgrub pa'i thun mong ma yin pa rang gi rgyu de gang
yin/ 'khor ba las 'don pa'i gtso bo de yang gang yin/ byang chub kyi
sems sgom pa'i dang por yar sems can thams cad rang gi mar shes pa
la myong ba thon dgos shing/ de yang sems can

thams cad lta zhog /sgo rtsa'i khyi 'di tsam zhig la dmigs pa'i tshe/ 'di
rang gi ma yin nges snyam pa'i myong ba lhang ba zhig dang por mi
skye kha med yin pas na/ de'i sgom lugs ji ltar byed/ khyi 'di nga'i ma
yin snyam pa'i mu thug de tsam ka yin nam/

@075a @#/ /'phrul 'degs bzhin dmigs pa gzhan gcig nas bya sa yod/ yod
na de gang yin/ yang bdag gzhan brje bsgom zhes gsungs pa'i brje
lugs yang gang yin/ tshu kha'i rang dang pha kha'i gzhan gnyis po
brje ba la dmigs pa gtod pa yin

nam/ de las gzhan gcig yod/ dang po yin na de'i dgongs pa gang yin/
gnyis pa yin na gdams ngag de rang gang yin/ gzhan yang dmigs pa
gang sgom yang dus tshod la thun dngos gzhi dang thun par gnyis
su 'byed dgos pas na thun dngos gzhi'i tshe

dmigs pa gang 'dra ba zhig sgom na/ de'i thun mtshams la dge sbyor
rnams kyi dmigs pa byed lugs ji 'dra zhig byed na de'i dngos gzhi'i
bogs 'don du 'gyur/ spyod lam rnams dge sbyor du gtong lugs yang
ji ltar byed/ thun dngos gzhi la yang grangs

dang/ thun tshod ji tsam la byed/ de dus lus gnad sogs ji ltar byed/
grangs dur bgrong/ sgom rnams kyi dang po'i 'og rgya gar skad 'dra
ba de 'di la byed kyi rgyu mtshan ji ltar yod/ ding sang gi sgom chen
pa 'ga' zhig la mnyam rjes 'dres pa'i rtogs pa yod zer mkhan

'dug pa e bden/ bden na 'dres lugs ji ltar 'ong gin 'dug ma 'dres pa'i
tshe mnyam rjes kyi mtshams gang gis 'byed pa yin/ yang mdo rgyud
dgongs 'grel dang bcas pa thams cad nas kyang bshes gnyen bsten
tshul la bsngags pa che bar brjod 'dug cing/

khyad par du sgom chen po rnams bla ma'i rnal 'byor la rtsal du
'don pa yin na/ bla ma sgom pa'i gnas/ bla ma'i grangs/ bla ma'i rnal
'byor dngos gzhi'i sgom khyer/ rtsa ba'i bla ma dang rdo rje 'chang
lta bu dbyer med lugs/ 'od zer gyi spro bsdu rnams ji ltar byed kyin
yod rnams

@075b 'dri'o/ /gzhan yang ding sang gi sgom chen la phal che ba dal
'byor dang mi rtag pa'i sgom la sla chos su byed par snang bas na de
la 'di 'dri ste/ spyir gyis dge sbyor gang byed thams cad kyi dgos pa
ni/ blo sna bstungs nas 'khor ba las brgal te rdzogs pa'i sangs rgyas
thob par byed

pa las 'os med na/ 'di gnyis rang bsgom pa'i lag rjes su thun mong ma
yin pa'i dgos pa chen po re rang rang sa na yod pas de gnyis rang
gang yin/ dal 'byor sgom na dal lugs dang 'byor lugs de gang yin/
rgyud steng du sgom na ji ltar byed kyin yod/ mi rtag pa lta bu'i
sgom

lugs yang kha bshad du ma song bar byas te sems la sgom na ji ltar
byed kyin yod/ rgyud la 'khul che ba'i de'i dmigs pa rno shos rgyal
ba'i gsung las 'byung ba ji ltar yod yang ngan song gi sdug bsngal
sgom pa'i sgom la myong ba gsha' ma zhig ma skyes na skyabs

'gro yang dag pa yod mi srid ces smras na/ de 'dra srid par khas len
nus mkhan ji ltar yod/ mi srid na de'i rgyu mtshan gang yin/ skyabs
'gro ngag tu bton nas byed pa 'di las ma gtogs pa yid la sgom na
sgom lugs kyi rgyag khyer ji ltar gda'/ yid la sgom dus

dkon mchog gsum po ji 'dra cig yid ngor byed/ rang re rnams kyi sgo
lnga'i yul du snang ba'i dkon mchog gi rten gsum 'di rnams las ma
gtogs pa zhig yid la byed dam/ 'di rnams ka byed pa yin/ dang po yin
na gang 'dra zhig yid la sgom/ de bsgoms pas 'di rnams

la mos gus chung du ma song ba byed tshul ji ltar yod/ gnyis pa yin
na dkon mchog gsum po dngos de rang gang yin/ skyabs 'gro'i ngo
bo i thi ba de gang la byed/ 'di rnams la go ba ma rnyed par skyabs
su 'gro bar khas len pa ni/ sreg 'tshed mi nus pa'i me dang mtshungs so/

@076a @#/ /yang sdig pa bshags pa la gtso che zhing gal che ngos shes
pa rang zhig ngos 'dzin gang la byed/ yang dge sdig stobs 'dra 'dres
mar mnyam du spyod pa 'di kun gyi dge ba de'i mthus sdig pa'i rnam
smin mi 'byin par byed pa yin nam ma yin/

yin na ni de'i sdig pas kyang dge ba mi 'joms pa'i rgyu mtshan ci yin/ 'on
te sdig pas kyang dge ba 'joms te/ spyod 'jug tu/ bskal pa stong du
bsags pa yi/ /sbyin dang bde gshegs mchod la sogs/ /legs spyad gang
yin de kun kyang/ /khong khro gcig gis

'joms par byed/ /ces gsungs pas so snyam na/ de lta na de 'dra'i gang
zag gis dge ba gang byas sdig pas bcoms nas 'bras bu 'byin pa mi srid
par song bas na/ gang zag de dge ba byed pa 'khrul par khas len e
nus/ 'on te dge sdig gnyis mgo bdos

nas gnyis ka'i 'bras bu mi 'byin par byed pa yin snyam na/ 'o na zhing
gcig la nas sran gnyis mnyam du btab pa'i tshe yang de gnyis mgo
bdos la song nas gnyis ka'i 'bras bu mi 'byung ba yin nam/ yang na
nas stobs che bas sran ma bcom nas sran ma'i

'bras bu mi 'byung ba gang khas len nus pa/ 'on te dpe de ltar na
gnyis ka'i 'bras bu so sor smin gyi/ phan tshun gcig gis gcig la mi gnod
do snyam na/ de lta na dge bas kyang sdig pa la mi gnod pas na/ 'o
na dge ba la brten nas mtshams med lnga'i las

sgrib ma lus par 'dag par gsungs pa'i dgongs pa gang yin/ lung de
bden na spyod 'jug gi lung de'i dgongs pa yang gang yin 'dri'o/
/spyod 'jug gi de'i don ni/ khong khro skad cig ma gcig gis bskal pa
stong du bsags pa'i dge ba thams cad

@076b 'joms pa la byed na/ 'o na khong khro skad cig ma gcig skyes
yan gyi dge ba gang 'bad don med du song ba khas len e nus/ nus
na ni ding sang khong khro skad cig ma gcig skyes shing/ skye 'gyur
ka shas che'o/ /gzhan yang sngar sdig bshags kyi dge ba gang byas
thams

cad kyang phyis kyi khong khro skad cig ma gcig po des bcom pas na
bshags pa la brten nas sdig pa dag pa rnams kyang slar log nas 'bras
bu smin dgos pa yang khas e len/ 'di rnams la blo rtse gtad rgyu
med na ni/ ded las 'bras pa yin zhes pa yang

dad pa tsam du byas pas so/ /mdor na ngan song gi sdug bsngal sgom
pa/ skyabs 'gro/ las 'bras/ sdig bshags 'di rnams la yang ding sang gi
nyams len pa rnams sla chos su byed pa snang mod kyang/ kho bo
blo dang rtsol ba zhan/ nyams dang rtogs pa dma' ba'i

gang zag gi blo ngor ni 'di rnams yang gal che zhing dka' bar
snang la/ 'dis mtshon nas gzhan yang mang dag yod pa rnams ni
mangs dogs nas yi ger ma bkod pa yin no/ /spyir rgyal bas gsungs pa'i
gdams ngag rnams lta sgom spyod gsum du ma 'dus pa

med pas na nyams len pa rnams kyang nor ma nor thugs rtog 'jug
na 'di gsum la 'jug rgyur 'dug nas/ kho bos ni sngar zhus rnams
spyod phyog las brtsams pa'i 'gag zhus pa'o/ /da ni lta sgom gnyis las
brtsams pa'i 'gag zhu bas skyo ma snga btsan

dor te 'di dgongs 'tshal/ spyir rgyal ba'i gsung ni rgya mtsho ltar zab
cing brling/ khyad par lta sgom 'di'i mtshams na phung 'tsheng gi gzhi
dang gol sa dang ltung nyen shin tu che bas thugs zhib dgos te/
gnas skabs kyi lam 'di yang nyi ma gcig tsam nor

@077a @#/ /na'ang ji 'dra yin/ 'di ni gtan gyi bya bar 'dug pas na gol sa'i
mtshams rnams la zhib cha ji 'dra dgos pa 'dug gi thugs rtog legs par
mdzad par zhu zhig /da 'o na sgom chen rnams lta sgom la gtso bor
'bad pa lags na lta ba stong nyid rtogs

pa'i blo de sgom pa zhi gnas dang ma bral ba zhig dgos te/ de byung
na lta sgom zung 'brel/ zhi lhag zung 'jug tu 'gro ba yin la/ de la
yang dang por 'byar rtsi dang 'dra ba'i zhi gnas brtan po med na
stong pa nyid la sems bcar te sdod mi nus la/ stong nyid la sems

bcar gnas pa'i mnyam gzhag bzang po med na rjes thob tu snang ba
rnams sgyu ma lta bur 'char sa med pas na/ lhag mthong ngam nges
don sgom pa'i sngon la zhi gnas gal che zhing de la yang dgra
gnyis yod pa'i bying ba de gang yin/ rmugs pa dang gcig gaM

mi gcig /gcig na thogs med sogs kyis de gnyis so sor ngos bzung ba
de ji ltar 'gegs/ mi gcig na de gnyis kyi khyad par ji ltar 'byed/ yang
mnyam par bzhag dus bying ba phra rags skye tshul ji ltar 'ong/ de
gnyis mi skye bar byed pa'i gnyen po gang dang

gang yod/ yang dran pa dang shes bzhin gal che zer ba zhig /sgom
chen pa kun gyi zhal nas rlung bzhin du 'ong gin 'dug pa de gnyis
so sor ngos 'dzin bcar ba re ji ltar yod 'dri'o/ /ma yengs tsam 'di ka
dran pa yin/ yengs ma yengs bya ra byed pa de shes bzhin

yin zer na yengs ma yengs kyi don de gang yin/ dmigs pa 'di 'dra gcig
las yengs pa dang ma yengs pa zhes 'jog gam/ dmigs pa la mi rtsi bar
yid 'di ma 'phros tsam byed pa la dran pa dang/ 'phros ma 'phros bya
ra byed pa la shes bzhin yin zhes 'jog pa

@077b yin/ yang bde gsal mi rtog pa sgom gyi yang rtse yin zer ba
zhig yang 'dug pa/ 'di'i gsal ba dang mi rtog pa gnyis po ji ltar ngos
'dzin/ gsal ba'i don de yang sems 'di la dmigs rten gsal ba zhig dgos
pa yin nam/ dmigs rten la mi rtsi bar gang du yang ma 'phros

tsam gyi ngang nas sems 'di ka gsal le hrig ge pa'i dwangs cha can
de kas chog pa yin/ mi rtog pa'i don yang dmigs rten gcig la gtad
nas de las gzhan gang la yang mi rtog pa zhig dgos sam/ dmigs rten
la mi rtsi bar sems 'di ka gang la yang mi rtog pa'am/ mi'phro bar
gnas pa tsam gyis chog pa yin 'dri'o/ /de la lan dang po ltar du dran
pa yang dmigs rten gcig las ma yengs pa zhig la bya dgos/ shes bzhin
yang dmigs rten gcig po de las yengs ma yengs kyi bya ra byed pa cig
dgos/ gsal ba la yang dmigs rten

gsal ba zhig dgos/ mi rtag pa la yang dmigs rten gcig la gnas nas de
las gzhan gang la yang mi rtog pa zhig dgos zer na/ de 'dra'i dran
shes bzhin dang gsal la mi rtog pa ldan pa'i zhi gnas de nges 'o na
khong khro skad cig ma

gcig skyes yan gyi dge ba gang 'bad don med du song ba khas len e
nus/ nus na ni ding sang khong khro skad cig ma gcig skyes shing/
skye 'gyur ka shas che'o/ /gzhan yang sngar sdig bshags kyi dge ba
gang byas thams

cad kyang phyis kyi khong khro skad cig ma gcig po des bcom pas na
bshags pa la brten nas sdig pa dag pa rnams kyang slar log nas 'bras
bu smin dgos pa yang khas e len/ 'di rnams la blo rtse gtad rgyu
med na ni/ ded las 'bras pa yin zhes pa yang

dad pa tsam du byas pas so/ /mdor na ngan song gi sdug bsngal sgom
pa/ skyabs 'gro/ las 'bras/ sdig bshags 'di rnams la yang ding sang gi
nyams len pa rnams sla chos su byed pa snang mod kyang/ kho bo
blo dang rtsol ba zhan/ nyams dang rtogs pa dma' ba'i

gang zag gi blo ngor ni 'di rnams yang gal che zhing dka' bar
snang la/ 'dis mtshon nas gzhan yang mang dag yod pa rnams ni
mangs dogs nas yi ger ma bkod pa yin no/ /spyir rgyal bas gsungs pa'i
gdams ngag rnams lta sgom spyod gsum du ma 'dus pa

med pas na nyams len pa rnams kyang nor ma nor thugs rtog 'jug
na 'di gsum la 'jug rgyur 'dug nas/ kho bos ni sngar zhus rnams
spyod phyog las brtsams pa'i 'gag zhus pa'o/ /da ni lta sgom gnyis las
brtsams pa'i 'gag zhu bas skyo ma snga btsan

dor te 'di dgongs 'tshal/ spyir rgyal ba'i gsung ni rgya mtsho ltar zab
cing brling/ khyad par lta sgom 'di'i mtshams na phung 'tsheng gi gzhi
dang gol sa dang ltung nyen shin tu che bas thugs zhib dgos te/
gnas skabs kyi lam 'di yang nyi ma gcig tsam nor

[@##data incomplete here]

@079a @#/ /gang yang yid la ma byas par had de bsdad pa rang gis dus
gsum cig car du mkhyen pa'i kun mkhyen thob 'ong na legs kyi/ kho
bos ni de lta'i sgom de hwa shang gi sgom lugs las khyad par gtan
nas ma phyed do/ /'on te hwa shang gi lugs dang khyad

par shin tu che ste/ hwa shang ni sbyin sogs kyi dge ba kun la skyon
du lta zhing/ nged ni dge ba kun la yon tan du lta bas so snyam na
de ni lta sgom la khyad mi 'dug ces smras pa'i lan du spyod pa la
khyad yod do zhes smra ba yin te de ni/ dper na gdong dkar nag dris
pa'i

tshe/ bshang lam che chung gi lan 'debs pa dang 'dra'o/ /'on kyang
nged kyi sgom 'di gang yang yid la mi byed pa ma yin gyi phyag rgya
chen po yid la byed pa'o snyam na/ khyed 'dod pa'i phyag rgya chen
po de klu sgrub kyi lta sgom dang mthun par 'dug gam mi

'dug gzigs la/ mi mthun pa de ni khyi la seng ge yin zhes pa dang
khyad par ci 'dug /mthun na ni klu sgrub kyi lta sgom la ni de'i gol
sa rtag chad du ma shor ba zhig dgos pa yod pas/ gang 'dra zhig la
sems bzhag na rtag ltar 'gro /gang 'dra zhig

la bzhag na chad lta'i sgom du 'gro ba yin legs par gsungs shig /de
'dra'i rnam dbye 'byed pa mo shes kyi nged rang gi 'di ka la 'ong ba
yod do snyam na ni/ gol sar shor ba dang ma shor ba'i gnas ma shes
par ni/ khyed rang gis da lta'i sgom de yang ma

nor bar rgyu mtshan yang dag la brten pa'i brtan pa thob pa der ma
song bas/ nges pa gting nas 'drongs shing blo thag chod pa'i sgom
du rlom yang der ma song gi mos mnos tsam du song ba dgongs par
mjod cig /'on te yod pa la bltas na rtag ltar 'gro /med

@079b pa la bltas na chad ltar 'gro /de gnyis kar lta ba dang/ de las
gzhan du lta ba yang mthar ltar 'gro bas na mu de bzhi dang bral
ba'i lta tshul de klu sgrub kyi lta sgom yin snyam na ni/ de bzhi dang
bral ba'i lta lugs de ji 'dra zhig yin/ de lta ba yin zhes

smras kyang gang la'ang ma ltas par song 'dug pa de ma dgongs
sam/ sngar smras zin pa'i hwa shang gi phyogs su bslan pa'i had de ba
gang yang yid la mi byed pa der da dung ma song 'dug gam/ 'o na
gang yang yid la mi byed cing mi sgom pa de ka sgom pa'i

mchog yin/ gang la yang mi lta ba de ka lta ba'i mchog yin/ gang la
yang mi spyod pa de ka spyod pa'i mchog yin snyam na ni/ de 'dra
smra ba de nyams rtogs bzang bzang 'dra ba zhig 'dug ste/ de lta na
dge sbyor ma byas pa de ka byas pa yin/ sgrib pa ma dag

pa de ka dag par yang song zhing/ de lta na rkyag gtad mi 'dug pas
ri phug tu zhen las ma bzhugs par ci dran lag la blangs pas chog
pa gda' ba/ de 'dra byas chog pa'i mtshams zhig kyang e yod na yod
de/ der da dung ma slebs pas gzab pa

gal che'o/ /'o na ci yang mi mthong ba de ka mthong ba'i mchog
dang/ gang la yang mi lta ba de ka lta ba'i mchog tu rgyal bas
gsungs 'dug pa ci yin snyam na/ de'i dgongs pa ni shin tu zab par yod
pa don du gnyer zhing gzu bor gnas na sngar gyi rtsing

po de rnams ma yin gyi/ pha bla ma mkhas pa'i man ngag khungs ma
kho bos 'bogs par 'dod de/ re zhig dus la ma bab snang bas da dung
gzhan rnams la dri bar bya'o/ /gzhan yang stong nyid sgom pa bla
na med/ ces gsungs pa'i sgom rgyu'i stong pa

@080a @#/ /nyid de gang yin/ gang du yang ma grub pa de yin snyam na/
gang du yang ma grub par sgom pa'i 'bras bu yang gang du 'ang ma
grub pa zhig las 'os med pas de 'dra'i sgom de bla na med pa ma yin
no/ /'on te stong pa nyid kyi don de ni/

gang du yang mi dmigs pa de ka yin no snyam na/ 'o na gang du yang
mi dmigs pa'i don de gang yin/ gang la yang rnam rtog mi 'jug pa de
yin snyam na/ 'o na 'khor gsum mi dmigs pa'i sbyin pa gtong na ji ltar
byed/ sbyin pa po dang/ sbyin

yul dang/ sbyin pa'i ngo bo gsum la rnam rtog zhugs na ni dmigs
bcas kyi sbyin par 'gro bar 'dug la/ de gsum car la rnam rtog ma
zhugs par ni so so skye bos sbyin pa gtong mi shes pas so/ /'on te gsum
car la bden par mi 'dzin par sbyin pa gtong

ba de 'khor gsum yongs dag gi sbyin pa yin no snyam na/ de bden par
mi 'dzin pa'i don de gang la byed/ sngar gyi rnam rtog bkag sdod pa
de ka yin nam/ bden par med snyam pa'i mu dugs de la byed/ gzhan
yang chos thams cad bden par med zer ba

zhig thams cad kyi zhal nas rlung 'phyo ba bzhin du 'ong gin 'dug
pa la 'di 'dri bar 'dod de/ chos thams cad re zhig gzhog /dang por
gang zag rang re bden par med pa'i don de gang la byed/ bden par
grub srid na ji 'dra zhig 'ong rgyu yin/ dper na ri bong

gi mgo la rwa mi srid mod/ brgya gal te srid na 'chags lugs 'di tsam
zhig 'ong rgyu yin snyam pa blo la 'char dgos pa bzhin du bden par
grub pa'i chags lugs kyang 'di lta bu zhig 'ong rgyu yin snyam pa
dgos pa de gang/ nga bden snyam du

@080b 'dzin pa 'di ka la byed snyam na/ 'o na nga bden med du sgom
lugs kyang nga mi bden snyam pa 'di ka la byed par song la/ de gnyis
ka ni rgyu mtshan gang la yang ma brten pa'i mos mnos tsam yin no/
/'on te gang du yang ma grub pa de bden med kyi don

yin snyam na/ 'o na der lta ba ni chad lta yin pas dor rgyu yin no/
/gzhan yang bden par mi 'dzin pa dang/ bden med du 'dzin pa gnyis la
khyad par yod dam med/ med na ni mi dge ba mi byed pa dang dge ba
byed pa gnyis la khyad med cing/ de lta

na mi dge ba ma yin pa dang/ dge ba yin pa gnyis la yang khyad mi
yong rgyu yin la/ de lta na dge mi dge gang yang ma yin pa'i lung
ma bstan mi srid par 'gyur zhing/ ngan pa ma yin pa tsam gyis bzang
por 'gyur dgos la/ de lta na bzang ngan

'bring gsum mi srid par song ngo/ /'on te bden par mi 'dzin pa dang
bden med du 'dzin pa gnyis la khyad par yod na khyad par gang yin
gsungs shig /gzhan yang 'ga' zhig sems 'di kha dog dang dbyibs gang
du grub 'dug legs par

bltas pa'i tshe/ de gnyis gang du yang ma grub par mthong ba de ka
sems mthong ba yin snyam pa 'dug ste/ de lta na rwa rno la ring ba
de bong bu'i mgo la grub bam rta'i mgo la grub 'dug legs par bltas
pa'i tshe/ de gnyis gang du yang ma grub par

mthong ba de ka rwa mthong ba yin nam/ yang 'ga' zhig sems 'di kha
dog du 'dug gam dbyibs su 'dug bltas nas de gnyis gang du yang ma
mthong ba'i tshe sems ma grub po zhes ngo sprod pa 'dug ste/ de lta
na khyi 'di seng ger 'dug gam war

@081a @#/ /'dug legs par bltas pas de gnyis gang du yang ma mthong
ba'i tshe khyi ma grub pa yin zhes smra nus sam/ 'di gnyis mtshungs te/
dper na khyi de seng ge dang war ma grub pas ma grub par mi 'gro
ba bzhin du sems 'di yang kha

dog dang dbyibs su ma grub pas ma grub par mi 'gro zhes pa'i don no/
/yang 'ga' zhig sems 'di de ltar bltas pa'i tshe kha dog dang dbyibs
gang du 'ang ma mthong ba de sems kyi gnas lugs sam ngo bo
mthong ba yin zhes ngo sprod pa 'dug ste/

de lta na khyi de seng ge dang war e 'dug bltas pa'i tshe/ de gnyis
gang du yang ma mthong ba de khyi'i gnas lugs sam ngo bo mthong
ba yin nam/ 'di gnyis mi mtshungs pa'i rgyu mtshan ci yin gsungs shig
/yang 'ga' zhig 'di snyam du sems

pa yang 'dug ste/ da lta'i sems skad cig ma 'di ka'i ngo la cer blta ba'i
dran 'dzin thongs nas/ de ka'i mod skad cig ma gnyis pa de la sems
stong par rtogs 'ong bas na rnam par rtog pa gang 'dra zhig shar
yang gang shar gyi skad cig ma de

ka'i ngo la cer lta ba'i dran pa 'di dang ma bral ba gal che ste/ de
lta'i dran 'dzin gyis skyong thub na/ ci thub pa'i bar la rnam rtog
gang skyes thams cad chu bur bzhin du gang shar rang dag tu 'gro
ba rtogs 'ong bas na/ mdor na skad cig dang po la rnam

par rtog pa yin kyang de 'dra'i dran pas bskyangs pa'i tshe snga ma'i
rnam rtog de skad cig gnyis pa la chos skur 'char ba yin pas na
rnam par rtog pa bzang ngan ci 'dra zhig skyes kyang mi dgag chos
sku dang ye shes zur nas mi 'tshol gyi rnam rtog

@081b gang skyes ye shes su gtong ba'am gang shar chos sku'i zhal
lta ba 'di mnyam rjes/ 'chi khar bar do sogs rkyen che chung thams
cad du 'khyer ba yin 'di las zab pa med/ snod bcud thams cad rnam
rtog las ma 'das/ rnam rtog thams cad chos skur

ro snyoms pas na ro snyoms yin zer ba 'dug pa la 'di 'dri ste/ sems kyi
ngo la lta tshul de klu sgrub kyi man ngag /sangs rgyas nas dmyal
ba'i bar gyi phyi nang gang shar kyang de ka'i ngo la so sor rtog
pa'i shes rab kyis dpyad nas lta tshul cig yod pa de

yin nam/ de 'dra mi byed par spom 'jog tu lta ba de yin/ dang po yin
na so sor rtog pa'i shes rab kyis dpyod lugs ji 'dra cig yod/ gnyis pa
yin na de 'dra'i lta tshul gyis chos sku lta zhog /stong pa nyid rtogs
pa yang shes bya la mi srid

do/ /ci ste skad cig dang po la rnam rtog rang shar byung ngus de
ka la cer bltas pas skad cig gnyis pa'i tshe rang yal la 'gro ba 'dug pa
de ka la chos skur shar ba zer snyam na/ skad cig dang po la thol
skyes pa skad cig gnyis par mi sdod

par mthong ba de ni mi rtag par lta ba'i tshul yin gyi/ klu sgrub lugs
kyi stong pa'i blta tshul dang phyogs mi gcig la/ gal te stong pa'i lta
tshul yin du chug na yang nyan thos sde gnyis kyi stong pa'i lta tshul
las ma 'phags zhus na ci

gsung/ spyir gyis mdo rgyud dgongs 'grel dang bcas pa rnams nas
stong pa dang chos sku gnyis la khyad par shin tu che bar gsungs
pa'i brda chad las 'gal ba'i stong pa dang chos sku gcig pa'i brda
chad 'di su yi rang bzo yin dris na ci zer/

@082a @#/ /'on kyang chos skur 'gro rgyu'i gzhi yin pa tsam la dgongs
nas chos sku zhes brda chad mdzad na ni 'gal ba med do/ /gzhan
yang nang gi sems 'dir ma zad chos thams cad la lta tshul gnyis yod
pa'i don dam dpyod byed kyi

rigs pa so sor rtog pa'i shes rab kyis lta tshul 'di las gzhan pa'i lta
tshul ni blo'i ngor dang nges pa ci 'dra cig gi sgo nas bltas kyang
kun rdzob kyi lta tshul las ma 'das pas na/ lta tshul des chos sku lta
zhog stong pa nyid rtogs pa mi srid do zhes

smras na lan ci gda'/ de lta na don dam dpyod pa'i rigs shes des
bltas na rnam rtog gi gnas lugs sam/ ngo bo 'am/ gshis de rnyed
'ong la/ de ltar rnyed pa de stong pa yin bde bar gshegs pa'i snying
po yin byas na lan ci gda'/

mdor na klu sgrub lugs kyi lta tshul dang 'gal ba'i lta ba ni ci 'dra
zhig yin zhes brgya phrag smras su zin yang lta ba nor zhes smra na
ci zer/ mdor na sngar zhus 'di rnams kyi mtshams na lta ba'i gnad dam
pa 'dug pas rags rim bsdus nas zhus

pa yin mod/ spyir ni lta ba'i 'char tshul mtha' yas pa 'di ltar snang ste/
'ga' zhig ni rtog pa yin phyin chad bzang ngan gang 'dug dgag rgyu
yin zer ba'i tshan pa gcig dang/ yang 'ga' zhig rtog pa bzang ngan
thams cad dgag rgyu

ma yin rtog pa ci tsam rgyas pa tsam gyis nyams rtog rgyas pa yin/
dper na bud shing ji tsam mang gin me lce rgyas 'ong ba yin zer ba'i
tshan pa gcig ste de gnyis 'gal ba ltag sprod do/ /yang 'ga' zhig rnam
rtog ma rig chen po ste/ zhes

@082b gsungs pas rnam rtog ni ma rig pa yin zer ba'i tshan pa gcig
dang/ yang 'ga' zhig rnam rtog chos sku yin zer ba'i tshan pa gcig ste
de gnyis kyang ltag sprod do/ /yang 'ga' zhig yid 'di ma 'phros par
tsen ne gnas pa'i tshe sangs rgyas sam myang 'das yin/ cung

zhig 'phros pa'i tshe sems can nam 'khor ba yin zer ba'i tshan gcig dang/
yang 'ga' zhig rnam rtog 'phros pa'i tshe brgyud pa ji tsam 'phros
kyang de rnams kyi ngo la cer cer bltas pas chos skur lam lam 'char
zer ba'i tshan gcig ste de gnyis kyang 'gal

ba'o; ;yang 'ga' zhig mun khang dang/ lus gnad dang/ rnam rtog
bkag pa tsam las byung ba'i mthong snang ban bun de chos sku yin/
rnam kun mchog ldan gyi stong pa yin pas na so so skye bos kyang
chos sku mngon sum du mthong bar ngo sprod pa'i tshan pa gcig
dang/ yang 'ga'

zhig de lta bu de chos sku yongs su rdzogs pa mthong ba min gyi/
chos sku'i sna rtse 'am/ yan lag gam cha shas mthong ba yin zer ba'i
tshan gcig /yang 'ga' zhig de lta bu chos sku yongs rdzogs dang cha
shas gang yang mthong ba min gyi stong pa tsam mthong ba yin/

stong pa la yang rang stong dang gzhan stong gnyis yod pa'i nang
nas zla grags dang seng bzang 'dod pa'i rang stong ngan pa de min
gyi/ dbu ma pa chen po thogs med 'dod pa'i gzhan stong de yin zhes
pa'i tshan gcig dang/ yang gzhan rnams snga ma bzhin la/

mthong snang de rang stong yin zhes pa'i tshan gcig ste de gnyis
kyang 'gal lo/ /yang 'ga' zhig stong pa dngos min gyi stong pa'i
gzugs sam mdangs yin/ chos sku ma yin gyi chos sku'i rtags yin/ dper
na me 'ong ba'i rtags la du ba mthong ba bzhin no zer ba'i tshan gcig
dang/ yang 'ga'

@083a @#/ /zhig phyag rgya chen po'i lta ba dngos gzhi de dang sbyor
ba yan lag drug gi sor sdud gnyis gnad gcig rang stong yin/ de'i
steng du sbyor drug gi bsam gtan gyi lta ba gzhan stong gi lta ba
'phar rgyu yod/ des na phyag chen las

sbyor drug lta ba mtho zer ba sogs mtha' yas pa cig snang zhing/
gzhan yang srog rtsol sogs sbyor ba lhag ma rnams kyi skabs dang/
nA ro chos drug dang/ ni gu chos drug gi skabs rnams su rtsa
rlung thig le khyad par du gtum mo'i sgom tshul

sogs kyang mi gcig pa mang rab 'dug na'ang de rnams ni gsang
sngags kyi thun mong ma yin pa'i thabs lam du snang bas gsang ba
sgrog pa'i skyon du 'gro ba'ang srid nas yi ger ma bkod do/ /'o na
snga ma'i nges don zab mo'i skabs rnams kyang bya shor

du mi 'gro 'am snyam na de kun la ni bya lan brgya stong du shor
yang dgag bya mi 'dug cing/ lta ba zab mo rtogs pa'i dgos pa 'dug
snyam nas yi ger bkod pa yin no/ /mdor na mi mthun pa'i grub mtha'
'gal 'du can sna tshogs cig

rang rang sa nas smra bar 'dug na'ang mdo rgyud sogs dang mi
bstun par rang bzo'i brda chad 'ba' zhig byed na ni gang la yang ma
gtogs/ de lta min par mdo rgyud dang de'i dgongs 'grel tshad ldan
gyi brda chad dpang du btsugs te rang

rang gi rnam dpyod kyi rigs pas kyang 'thad mi 'thad kyi rgyu mtshan
brtags nas stong pa dang chos sku la khyad e 'dug chos sku
mthong ba'i mtshams ga tsam la byas 'dug /phyag chen dang sbyor
drug gnyis ka rgyud sde zab mo rnams

@083b nas mthar thug gi khrid du khyad par med par e gsungs/
gsungs na lta ba la khyad 'ong rgyur 'dug gam mi 'dug /khyad par
du sems 'di dang sems kyi gnas lugs la khyad par e 'dug /gnas lugs
stong pa nyid kyang 'tshol lugs gang

'dra zhig byed dgos par 'dug rnams/ rgyal ba'i dgongs pa dang
mthun pa'i rnam gzhag byed na ni rgyal ba'i gsung rab dri ma med
pa la 'dris che ba'i dgongs 'grel mkhan po rnams kyi gsung dang/
khyad par du klu sgrub yab sras kyi gzhung

las btsal na legs pa'i dmigs phyed 'ong ngo/ /da ni gdams ngag zab
mo rnams la lhad 'jug pa'i rgyu mtshan ni 'dir snang ste/ nyams len
la rtse gcig tu gzhol 'dod kha cig ni thos bsam la gegs su 'dzin par
'dug /yang thos bsam

byed 'dod la la yang thag ma nas rang rgyud la sgom don 'tshol ba'i
rtsis mi byed par gzhan smra dbab 'dod dang/ rang mkhas 'dod kyi
grags skam sgrub pa'i bsam pas kha phyir ltas su shor nas nang du
ma bsgoms pas lan pas so/ /des

na rgyal ba'i bstan pa 'di thos bsam sgom pa gsum ka'i sgo nas 'dzin
dgos pa'i rgyu mtshan yang 'di yin no/ /kho bos 'di ltar du rigs pa
dang/ mi rigs pa cung zad rnam par phye ba la yang 'ga' zhig na re/
da dung rgyud ma thul 'dug

zer ba yang snang zhing/ yang 'ga' zhig gis 'gal 'du'i grub mtha' de
rnams la chos thams cad du ma ro gcig yin pas de thams cad phun
sum tshogs pa yin zer ba la yang phal che ba chos pa rang jo bo
bzang zhes dad par gda' na'ang/

@084a @#/ /kho bo ni de la yang 'di 'dri ste/ chos thams cad du ma ro
gcig yin pa'i rgyu mtshan ci yin 'dri'o/ /'khor 'das mnyam nyid yin zer
na/ 'o na sangs rgyas dang dmyal ba'ang mnyam mam/ dge sdig kyang
ro gcig yin nam/

zhes dris dus snga ma'i rtsa ba mnan nas de rnams thams cad mnyam
ro gcig yin zhes thams cad la mtho dma' dang bzang ngan med par
khas len zhing/ byams pas/ srid dang zhi ba mnyam nyid dang/ zhes
pa'i dgongs pa gang yin ma shes

par smra ba rnams la jo bzang yin zhes mi smra ste/ de'i rgyu mtshan
ni lung rigs kyi gnod pa char bzhin 'bab cing/ snga phyi 'gal ba ltag
sprad pa de rnams ma rig par thams cad legs po yin snyam nas de
skad zer ba yin na ni de blun po ma yin nam/

yang 'gal ba sogs rig cing dgag bzhag byed yang shes/ byas na 'gro
don yang 'ong ba rig bzhin du 'gal 'du lung rigs kyi gnod pa 'bab pa
de rnams la thams cad phun sum tshogs zer na ni bstan pa la gces
spras med pa dang/ snying rje chung

bar yang mi 'gyur ram/ yang de ltar shes kyang gdul bya la phan pa'i
dgos pa chung zhing/ de bas kyang che ba'i dgag bya cig 'dug na
yang skyon can de rnams la de tsam gyis phun sum tshogs zer ba'i
kha na med kyi btang snyoms su bzhag rgyu yin no/ /'o na

khyod grub mtha' dgag bzhag 'di ltar byed pa la/ dgag bya chung
zhing dgos pa phun sum tshogs pa gang mthong snyam na/ kho bos
ni 'di bsams te/ lta sgom spyod gsum gol sar shor zhing/ gnad zab mo
dang bral 'dug kyang de rnams la snying

@084b rus dang dka' dpyad kyis dus 'da' ba mang po gcig stong zad
la song na mi bzod par mthong ba dang/ yang kho bos zur tsam gyi
dgag bzhag byas pa 'di tsam yang mdo rgyud kyi dgongs pa drang
nges kyi sgo nas blangs te/ sgro 'dogs mtha' dag par

bcad nas gnas lugs la rtse gcig tu gnas par mdzad pa'i thos bsam
sgom pa gsum car mthar phyin pa'i chos kyi spyan ldan rnams kyis
gzigs na thugs dgyes pa'i mchod pa chen por 'gyur ba yod pa dang/
yang 'di rnams la sngar thugs

rtog ma zhugs pa rnams kyang 'jug par 'gyur ba dang/ yang sgom pa
la 'jug pa las dang po pa rnams kyis zur tsam thos na yang tham
thom gyis mi 'jug par legs par brtags te yongs 'dzin mkhas pa bsten
pa sogs kyi dgos pa mang po

'dug cing/ yang rang nyid sngon chad 'di rnams la rnam dpyod ma
zhugs shing/ kho bos 'di ltar dgag bzhag byas pa la yang phrag dog
gis kun nas bslangs te/ re re gnyis gsum gyis rgyu mtshan ma mthong
bzhin du kha tsam smra ba'i dgag

bya cung zhig 'dug na'ang dgag bya phra mo de tsam ni/ dgos pa
snga ma de rnams kyis sel nus par 'dug nas/ kho bos cung zad tsam
bsdus te gdams ngag gi gnad 'gag yi ger zhus pa lags pas/ mdor na
'di gzigs te sgrub pa la rtse

gcig tu gzhel ba'i dam pa rnams kyis lta sgom spyod gsum gyi gol sa
rnams ring du spangs te/ rgyal ba'i man ngag 'khrul med zab mo'i
sbrang rtsi la/ nyams len gyi bung bas rtse gcig tu rol par mdzad
du gsol/ rtag chad mthar lta'i mun pa

@085a @#/ /ma bsal na/ /gnas lugs 'od gsal rta bdun mi mthong bas/
/thos bsam sgom pa gsum la 'dris pa yi/ /yid bzhin nor 'dra'i bshes
gnyen mi 'tshol bar/ /'bras bu mtho na 'du shes med pa'i lha/ /

dma' na dud 'gro'i rgyu la nyin mtshan du/ /'bad pa'i sgom chen rnams
la ma bzod nas/ /zur tsam zhus mod nongs na bzod par mdzod/ /bdag
gis lhag bsam dkar bas kun bslangs te/ /lta sgom spyod pa'i dri ba
zhus pa yi/ /dge 'dis

sgrub pa bsam gtan 'khor lo yi/ /bstan pa rgyal ba nyid kyis dgongs
pa'i don/ /log par rtog pa'i lta ngan rang bzo yi/ /dri ma mtha' dag
bkrus te rgyal ba yis/ /ji ltar dgongs pa'i lta sgom spyod pa la/ /bdag
gis deng nas thams

cad 'god par shog /ces pa 'di ni mdo rgyud mang du thos te/ de don
sgrub pa la rtse gcig tu gzhol ba'i bsam gtan pa/ 'jam dbyangs bla
mas rjes bzung zhes bgyi bas/ /dben pa'i sgrub gnas khyad par can gyi
ri sul nas zhus pa 'di tsam

gyis kyang bstan pa la phan pa rgya chen 'byung bar gyur cig /