! //na mo gu ru manydzu

g+ho ShA ya/ shes bya kun la thogs med 'jam pa'i dbyangs/ /mtha' yas
'gro ba'i mar gyur spyan ras gzigs/ /ma lus bdud dbung 'joms mdzad
gsang ba'i bdag /rigs gsum 'dus sku bla ma'i zhabs la 'dud/ /skyon bral
tshul khrims chu gter

dbus na mdzes/ /rgyal sras spyod pa'i 'dab stong rab tu rgyas/ /gsang
ba'i dam tshig sbrang rtsi'i dpal 'dzin pa/ /sdom gsum rgyan gyis mdzes
la gsol ba 'debs/ /rgyal ba'i gsang ba'i mdzod 'dzin rdo rje 'chang/ /de
yi gsung rgyun bdud rtsis blo glos

lus; ;legs par rgyas pa'i rgyal sras 'gro ba'i mgon/ /skye dgu'i gtsug
gi rgyan la gsol ba 'debs/ /zab mo ji bzhin mkhyen pa'i thugs mnga'
zhing/ /nyid kyis gzigs bzhin 'gro la bskrun pa'i phyir/ /gzhan phan
sgrub la skyo ba mi mnga' ba/ /

'gro ba'i ded dpon khyod la phyag 'tshal lo/ /byams pas khro ba'i go
skabs med par mdzad/ /brtse bas gzhan don 'ba' zhig lhur mdzad
cing/ /bsten pa tsam gyis dang gis dge ba 'phel/ /yon tan phung po
khyod la gsol ba 'debs/ /mthu chen khyod

la gsol ba 'debs pa bdag /tshe rabs kun tu khyod dang mi 'bral zhing/
/mi phyed dad pas khyod mnyes bgyid pa dang/ /zab mo'i gdams pas
rjes su 'dzin par shog /gsang ba'i bdag po dpal ldan bla ma yis/ /brtse
bas bzung tshe bla ma'i yon tan

@10b kun; ;legs par mthong zhing yid ches chen po yis/ /the tshom bral
zhing gsung bzhin sgrub par shog /mdor na bdag gi mngon par 'dod
pa'i don/ /thams cad yid la smon bzhin 'grub pa dang/ /mi 'dod dngos
po thams cad nyer zhi nas/ /bshes gnyen dam pas 'bral

med 'dzin gyur cig /ces lho brag mkhan chen nam mkha' rgyal mtshan
pa la gsol ba 'debs pa 'di ni mang du thos pa'i rgyal khams pa blo
bzang grags pa'i dpal gyis sbyar ba'o//