! //na mo gu ru manydzu g+ho ShA ya/ mkhyen rab gzhan dang skal ba
mi mnyam zhing/ /rigs pa'i lam du brtson pa'ang ma lhod pas/ /bstan
pa'i de nyid gzigs nas ston pa la/ /sgrub pa'i

@005a @#/ /mchod pas dgyes pa bskyed slad du/ /dben pa'i gnas na mang
du thos pa'i don/ /tshul bzhin sgrubs pa'i dam chos bdud rtsi'i ros/ /yid
la skal bzang stsol ba'i dgon pa pa/ /rgya chen chos kyi spyan ldan
red mda' pa'i/ /zhabs pad gus pas bsten pas

rgyal ba la/ /yid ches cung zad rnyed pa'i bas mtha' pa/ /blo bzang
grags pa gangs ri'i ljongs shig na/ /bshes gnyen dam pa'i yon tan rjes
su dran/ /'jig rten 'dren pa'i dgongs pa bzhin/ /dgongs shing de bzhin
'doms pa dang/ /'doms pa bzhin du legs

sgrub pa/ /'di ni khyod kyi yon tan lags/ /gzhan du tshul 'di ma
mthong bas/ /gshod bu dma' bar chu rgyun bzhin/ /dus kun tu ni bdag
gi yid/ /khyod nyid la ni rjes su song/ /thub pa'i dgongs pa 'tshol ba'i
sgo gcig pu/ /lung don tshul bzhin spyod pa'i rigs

pa yis/ /do shal mchog 'dis khyod kyi mgrin pa nyid/ /yongs su bzung
nas gzhan du 'gro mi byed/ /lung tsam skyabs su gyur pa'i skye bo 'dis/
/rang gi khas 'che tsam la rigs pa zhes/ /rnam par zhen nas thub pa'i
lugs 'dzin pa/ /mthong bar gyur tshe lhag

par khyod nyid dran/ /legs tshogs ji snyed mchis pa skye ba dang/ /gnas
dang 'phel ba gang la rag lus par/ /rgyal bas lan cig min par
bsngags pa yi/ /tshul khrims 'phags pa'i nor du gzigs nas ni/ /nyer sbas
zla ba'i nor bu yon tan 'od/ /thams cad

yod smra'i mkhas pa'i dgongs pa bzhin/ /'dul ba 'bum sde'i dgag sgrub
gnang gsum gyi/ /bslab pa'i gnas la mkhas shing 'da' mi byed/ /thub pa'i
gsung las rnam pa gzhan nyid du/ /dngos po'i de nyid bstan par 'dod
pa yi/ /ser skye ? rkang mig sogs

@005b kyis bstan pa'i lam/ /chu shing bzhin te tshig tsam snying po ru/
/legs par mthong zhing bad par gshegs pa'i lugs/ /don bzang tshig 'bru
bzang zhing ma 'dres rdzogs/ /thog tha bar du dge ba ro gcig bar/
/yid ches gting nas rnyed pa'i thabs kyi

mchog /rigs tshul brgya phrag du ma'i ro ldan pas/ /blo chen ldan
rnams dga' ba rgyas byed pa/ /rnam 'grel mdzad pa'i thun mong min
pa'i lugs/ /yongs su rdzogs par smra ba'ang khyod du bas/ /stobs bcu
mnga' ba thub pa'i ring lugs pa/ /tshul gnyis

shing rta'i srol 'byed 'dzam gling rgyan/ /gang gis bde bar gshegs pa'i
gdung 'tshob ba/ /klu sgrub thogs med gnyis kyi bzhed pa'i gzhung/ /ji
bzhin gsal bar gzigs nas brtse ba yis/ /skyon bral gsung gis gzhan la
legs 'doms pas/ /bstan

pa'i gnad la nges pa ster ba 'di/ /khyod kyi rjes su bstan las gzhan su
zhig /thub pa chen pos chos kyi rnam grangs ni/ /ji snyed gsungs pa
kun gyi rtsar gyur pa/ /rgyud sde'i mthar thug dpal ldan 'dus pa yi/
/mtha' drug tshul bzhis rgyas btab rdo rje'i tshig /

ji bzhin legs par phyed nas rim gnyis kyi/ /ting 'dzin mchog gi bde la
rol bas na/ /rdo rje 'dzin ba zhes pa'i sgra de yang/ /mgon po khyod
la don dang bcas par gyur/ /de ltar thos pa rgya mtsho'i pha rol las
? ni/ /gzhan la 'doms pa'i ngag tshig dri ma

med/ /tshig gis mi ngoms sgrub pa snying por byed/ /de phyir khyod ni
mkhas pas bsngags par 'os/ /khyod kyis rang gi ston pa yi/ /yon tan
dang ni lugs gzhan gyi/ /skyon rnams mthong ba'i rigs pa'i mig /dri
ma med pa legs par stsal/ /skyon dan

@06a @#/ /bral ba thub pa'i lugs/ /gzhung 'jugs 'gyid pa'i sgrub pa
dang/ /smra ba ngan rnams char gcod pa'i/ /sun 'byin bgyid pa'i gnas
rnams la/ /skyon yang yon tan lta bu dang/ /yon tan skyon ltar snang
ba yi/ /yang dag pa dang ltar snang gi /rnam

par dbye ba'ang legs par bstan/ /de ltar log par 'gro ba bkag /mkhas
pa dgyes pa'i lam du khrid/ /mang thos chud mi ba rgyu/ /de don
sgrub la'ang rab tu sbyar/ /de phyir khyod kyis gdul bya la/ /bgyi bar
'os pa ma lus mdzad/ /phan mdzad khyod la dus kun

tu/ /bdag ni gus pas phyag 'tshal lo/ /khang bzang bu gar nyin mer
byed pa'i 'od/ /cha shas tsam zhig shar bar gyur pas kyang/ /de na
gnas pa'i mun pa kun bcom nas/ /blang dor gnas rnams gsal bar byed
pa ltar/ /khyod kyi yon tan mtha' dag ma rtogs

kyang/ /phyogs tsam mthong ba 'dis kyang bdag gi blo/ /de nyid gnas
la dpyod pa'i skabs rnyed pas/ /thub pa'i legs par bshad pa'i dga' ston
myong/ /'gro ba'i phun tshogs kun gyi gzhir gyur pa/ /dpal ldan bla ma
cung zad bstod pa yi/ /dge ba 'di yis 'gro ba ma

lus pa/ /bshes gnyen dam pa'i mgon dang ldan gyur cig /ces rang
dang gzhan gyi grub pa'i mtha' rgya mtsho lta bu'i pha rol tu son pa
dpal ldan bla ma dam pa ku mA ra ma ti'i yon tan rjes su dran nas
cung zad bstod pa 'di ni/ mang du thos pa'i dge slong blo bzang
grags

pa'i dpal gyis/ gangs can khrod kyi gangs ri'i dbang po'o de gung
rgyal gyi lha zhol dben gnas lha'i sdings ming gzhan rnam par
rgyal ba'i gling zhes bya bar sbyar ba'i yi ge pa ni nam mkha' dpal
bzang ngo//