!//phun tshogs dge legs bye bas bskrun pa'i sku/ /mtha' yas 'gro ba'i re
ba skong ba'i gsung/ /ma lus shes bya ji bzhin gzigs pa'i

thugs; ;shAkya'i gtso bo de la mgos phyag 'tshal/ /zla med ston pa de
yi sras kyi mchog /rgyal ba'i mdzad pa kun gyi khur bsnams nas/
/grangs med zhing du sprul pas rnam rol ba/ /mi pham 'jam pa'i
dbyangs la phyag 'tshal lo/ /shin tu dpag par dka' ba

rgyal ba'i yum/ /ji bzhin dgongs pa 'grel mdzad 'dzam gling rgyan/
/klu sgrub thoD med ces ni sa gsum na/ /yongs su grags pa'i zhabs la
bdag phyag 'tshal/ /shing rta chen po gnyis las legs brgyud pa'i/ /zab
mo'i lta ba rgya chen spyod pa'i lam/ /ma nor yongs su

rdzogs pa'i gnad bsdus pa'i/ /gdams pa'i mdzod 'dzin mar me mdzad la
'dud/ /rab 'byams gsung rab kun la lta ba'i mig /skal bzang thar par
bgrod pa'i 'jug ngogs mchog /brtse bas bskyod pa'i thabs mkhas
mdzad pa yis/ /gsal mdzad bshes gnyen

rnams la gus phyag 'tshal/ /'dzam gling mkhas pa yongs kyi gtsug gi
rgyan/ /snyan pa'i ba dan 'gro na lhang nge ba/ /klu sgrub thogs med
gnyis las rim bzhin du/ /legs brgyud byang chub lam gyi rim pa ni/
/skye dgu'i 'dod don ma lus skong bas na/ /gdams

pa rin chen dbang gi rgyal po ste/ /gzhung bzang stong gi chu bo
'du ba'i phyir/ /dpal ldan legs par bshad pa'i rgya mtsho'ang yin/ /bstan
pa thams cad 'gal med rtogs pa dang/ /gsung rab ma lus gdams par
'char ba dang/ /rgyal ba'i dgongs pa bde blag rnyed

@56a @#/ /pa dang/ /nyes spyod chen po'i g.yang sa las kyang bsrung/ /de
phyir rgya bod mkhas pa'i skye bo ni/ /skal ldan du mas bsten pa'i
gdams pa mchog /skyes bu gsum gyi lam gyi rim pa yis/ /yid rab mi
'phrog dpyod ldan su zhig yod/ /gsung rab kun gyi snying

po bsdu bsdu ba/ /tshul 'di thun re ston dang nyan pas kyang/ /dam
chos 'chad dang thos pa'i phan yon tshogs/ /rlabs chen sdud par nges
pas de don bsam/ /de nas 'di phyi'i legs tshogs ji snyed pa'i/ /rten 'brel
legs par 'grig pa'i rtsa ba ni/ /lam ston bshes gnyen daM

pa 'bad pa yis/ /bsam dang sbyor bas tshul bzhin bsten pa ru/ /mthong
nas srog gi phyir yang mi gtong bar/ /bka' bzhin sgrub pa'i mchod pas
mnyes par byed/ /rnal 'byor ngas kyang nyams len de ltar bgyis/
/thar 'dod khyed kyang de bzhin bskyang 'tshal lo/ /dal

ba'i rten 'di yid bzhin nor las lhag /'di 'dra rnyed pa da res tsam zhig
yin/ /rnyed dka' 'jig sla nam mkha'i glog dang 'dra/ /tshul 'di bsams nas
'jig rten bya ba kun/ /sbun pa 'phyar ba bzhin du rtogs gyur nas/ /nyin
mtshan kun tu snying po len pa dgos/ /

rnal 'byor ngas kyang nyams len de ltar bgyis/ /thar 'dod khyed
kyang de bzhin bskyang 'tshal lo/ /shi nas ngan 'gror mi skye'i gdeng
med cing/ /de yi 'jigs skyob dkon mchog gsum du nges/ /de phyir skyabs
'gro shin tu brtan pa dang/ /de yi bslab bya

nyams pa med par bya/ /de yang dkar nag las 'bras legs bsams nas/
/blang dor tshul bzhin sgrub la rag las so/ /rnal 'byor ngas kyang X
thar 'dod khyed kyang X lam mchog sgrub la mtshan nyid tshang ba'i
rten/ /ma rnyed bar du sa phyod mi 'ong

@56b bas/ /de yi ma tshang med pa'i rgyu la bslab/ /sgo gsum sdig ltung
dri mas spags [@#sbags] pa 'di/ /lhag par las sgrib sbyong ba gnad che
bas/ /rgyun du stobs bzhi tshang bar bsten pa gces/ /rnal 'byor ngas
kyang X thar 'dod khyed X sdug bden nyes dmigs bsam la ma 'bad na//

thar pa don gnyer ji bzhin mi skye zhing/ /kun 'byung 'khor ba'i 'jug
rim ma bsams na/ /'khor ba'i rtsa ba gcod tshul mi shes pas/ /srid las
nges 'byung skyo shas brtan pa dang/ /'khor bar gang gis bcings pa
shes pa gces/ /rnal 'byor ngas kyang X thar 'dod khyed

kyang X sems bskyed theg mchog lam gyi gzhung shing ste/ /rlabs
chen spyod pa rnams kyi gzhi dang rten/ /tshogs gnyis kun la gser
'gyur rtsi lta bu/ /rab 'byams dge tshogs sdud pa'i bsod nams gter/ /de
ltar shes nas rgyal sras dpa' bo rnams/ /rin chen sems

mchog thugs dam mthil du 'dzin/ /rnal 'byor ngas kyang X thar 'dod
khyed kyang X sbyin pa 'gro ba'i re skong yid bzhin nor/ /ser sna'i
mdud pa gcod pa'i mtshon cha mchog /ma zhum snying stobs bskyed
pa'i rgyal sras spyod/ /snyan pa'i grags pa phyogs bcur sgrog pa'i

gzhi; ;de ltar shes nas lus dang longs spyod dge /yongs su gtong
ba'i lam bzang mkhas pas bsten/ /rnal 'byor ngas kyang X thar 'dod
khyed kyang X tshul khrims nyes spyod dri ma 'khrud pa'i chu/ /nyon
mongs tsha gdung sel ba'i zla ba'i 'od/ /skye dgu'i dbus na lhun

po lta bur brjid/ /stobs kyis bsdigs pa med par 'gro kun 'dud/ /de ltar
shes nas yang dag blangs pa'i khrims/ /dam pa rnams kyis mig bzhin
bsrung bar mdzad/ /rnal 'byor ngas kyang X thar 'dod khyed kyang
X bzod pa stobs ldan rnams la rgyan gyi mchog /

@57a @#/ /nyon mongs gdung ba'i dka' thub kun gyi phul/ /zhe sdang
lag 'gro'i dgra la nam mkha' lding/ /tshig rtsub mtshon la sra ba'i go
cha yin/ /de ltar shes nas bzod mchog go cha la/ /rnam pa sna tshogs
tshul gyis goms par mdzad/ /rnal 'byor ngas X

thar 'dod khyed kyang X mi ldog brtan pa'i brtson 'grus go bgos na/
/lung rtogs yon tan yar ngo'i zla bzhin 'phel/ /spyod lam thams cad
don dang ldan par 'gyur/ /gang brtsams las kyi mtha' rnams yid
bzhin 'grub/ /de ltar shes nas le lo kun sel

ba'i; ;rlabs chen brtson 'grus rgyal sras rnams kyis brtsams/ /rnal
'byor ngas kyang X thar 'dod khyed kyang X bsam gtan sems la
dbang bsgyur rgyal po ste/ /bzhag na g.yo med ri yi dbang po bzhin/
/btang na dge ba'i dmigs pa kun la 'jug /lus

sems las su rung ba'i bde chen 'dren/ /de ltar shes nas rnal 'byor
dbang po rnams/ /rnam g.yeng dgra 'joms ting 'dzin rgyun du bsten/
/rnal 'byor ngas kyang X thar 'dod khyed kyang X shes rab zab mo'i
de nyid lta ba'i mig /srid pa'i rtsa ba drungs nas 'byin

pa'i lam/ /gsung rab kun las bsngags pa'i yon tan gter/ /gti mug mun
sel sgron me'i mchog tu grags/ /de ltar shes nas thar 'dod mkhas pa
yis/ /lam de 'bad pa du mas bskyed par mdzad/ /rnal 'byor ngas kyang
X thar 'dod khyed kyang X rtse gcig

bsam gtan tsam la 'khor ba yi/ /rtsa ba gcod pa'i nus pa ma mthong
zhing/ /zhi gnas lam dang bral ba'i shes rab kyis/ /ji tsam dpyad kyang
nyon mongs mi ldog pas/ /yin lugs phu thag chod pa'i shes rab de/
/g.yo med zhi gnas rta la bskyon nas ni/ /mtha'

@57b bral dbu ma'i rigs pa'i mtshon rnon gyis/ /mthar 'dzin dmigs gtod
thams cad 'jig byed pa'i/ /tshul bzhin dpyod pa'i yangs pa'i shes rab kyis/
/de nyid rtogs pa'i blo gros rgyas par mdzad/ /rnal 'byor ngas kyang
X thar 'dod khyed kyang X rtse gcig goms

pas ting 'dzin 'grub pa ni/ /smos par ci 'tshal tshul bzhin dpyod pa yi/ /so
sor rtog pa yis kyang yin lugs la/ /g.yo med shin tu brtan par gnas
pa yi/ /ting 'dzin bskyed par mthong nas zhe lhag gnyis/ /zung 'brel
sgrub la brtson rnams ya mtshan no/ /rnal

'byor ngas kyang X thar 'dod khyed kyang X mnyam gzhag nam
mkha' lta bu'i stong nyid dang/ /rjes thob sgyu ma lta bu'i stong pa
gnyis/ /bsgoms nas thabs shes zung du 'brel ba yis/ /rgyal sras spyod
pa'i pha rol 'gro bar bsngags/ /de ltar rtogs nas phyogs re'i laM

gyis ni/ /tshim pa med pa skal bzang rnams kyi lugs/ /rnal 'byor ngas
kyang X thar 'dod khyed kyang X de ltar rgyu dang 'bras bu'i theg
chen gyi/ /lam mchog gnyis kar dgos pa'i thun mong lam/ /ji bzhin
bskyed nas mkhas pa'i ded dpon gyi/ /mgon la brten

nas rgyud sde'i rgya mtsho cher/ /zhugs nas yongs rdzogs man ngag
bsten pa des/ /dal 'byor thob pa don dang ldan par byas/ /rnal 'byor
ngas kyang nyams len de ltar bgyis/ /thar 'dod khyod kyang de
bzhin bskyang 'tshal lo/ /rang gi yid la goms par bya phyir dang//

skal bzang gzhan la'ang phan par bya ba'i phyir/ /rgyal ba dgyes pa'i
yongs su rdzogs pa'i lam/ /go sla'i ngag gis bshad pa'i dge ba des/
/'gro ba kun kyang rnam dag lam bzang dang/ /'bral med gyur cig
ces na smon lam 'debs/ /rnal 'byor ngas kyang

@58a @#/ /smon lam de ltar btab/ /thar 'dod khyed kyang de bzhin 'debs
'tshal lo/ /zhes byang chub lam gyi rim pa'i nyams len gyi rnam gzhag
mdor bsdus te brjed byang du byas pa 'di ni/ mang du thos pa'i dge
slong spong ba pa blo bzang grags pa'i dpal

gyis/ /'brog ri bo che dge ldan rnam par rgyal ba'i gling du sbyar
ba'o/