! //chos kyi rje sangs rgyas bcom ldan 'das rgyal ba thugs rje chen
po dang ldan pas gdul bya phan bde la sbyor ba'i rim pa ni 'di yin te/
dang por

ni mngon par mtho ba'i bde ba dang/ /phyis ni nges par legs pa'i bde
ba la 'god pa'o/ 'di tsam gyis ni skyes bu'i gnas skabs dang/ /mthar
thug gi 'dod pa thams cad yongs su rdzogs pa'i phyir/ don du gnyer
bar bya ba ni 'di dag tu yongs su tshang bar lta bar bya ste/ lhag pa
dang ma

tshang ba med pa'o/ /de'i phyir ci tsam bshad kyang ran pa/ gang nas
bshad kyang 'brel ba/ cha shas phra mo res kyang skye dgu rnams la
'phral dang yun du bde ba tshad med pa ster ba'i gdams pa dang rjes
su bstan pa ji snyed cig bka' stsal pa thams cad kyang mngon par
mtho ba dang nges par

@60a @#/ /legs pa las brtsams pa sha stag ste/ de la ni rim pa bzhin du
gsal ba'i gtam dang zab pa'i gtam zhes kyang grags so/ /de la mngon
par mtho ba ni lus dang longs spyad phun sum tshogs pa'o/ /nges par
legs pa ni mya ngan las 'das pa'o/ /

'di gnyis bsgrub pa'i rjes su mthun pa'i thabs kyang mdor na gnyis te/
las dang 'bras bu la yid ches pa'i dad pa dang/ de kho na nyid kyi
don rig pa'i shes rab bo/ /'di gnyis la yang srid pa'i rtsa ba gcod par
nus pa'i phyir shes rab ni gtso bo dang /dad pa ni phal pa'o/

'on kyang dad pa sngon du 'gro ba can gyi shas rab skyed par byed
kyi/ dad pa ni srid pa'i 'bras bu can no/ /shes rab ni thar pa'i 'bras bu
can yin pa'i phyir snyam du bsams nas dad pa la rtsis med par byas te/
shes rab nas 'jug par bya'o zhes pa skye bo blun po dge ba'i bshes

gnyen gyi dmigs bu dang bral ba/ mang du thos pa'i don tshul bzhin
du dpyod pa'i rigs pa'i nor gyis dbul ba/ 'gron po phyogs bslad pa
ltar lam dang lam ma yin pa rnam par 'byed pa'i blo yi nus pa dang
bral ba rnams kyi 'jug ngogs su ni nam yang 'gro

bar mi bya'o/ /'di la gtan tshigs bstan pa/ /srid pa du mar goms pa las/
/rnyed par 'gyur ba'i thar pa ni/ /bde 'gro las yin de yang ni/ /yang
dag lta bas drangs pa yi/ /lus ngag yid kyi rtsom pa rnams/ /kha na
ma tho dang bral ba'i/ /legs par spyad pa'i las

rnams la/ /rtag tu 'jug las 'thob phyir dang/ srid par 'gro ba'i rim pa
rnams/ /ji bzhin rtogs par gyur pa yis/ /ji srid yid skyo ma gyur pa/ /de
srid zhi gus ga la yod/ /'di ni rgyu mtshan gtso bo ste/ /mkhas pas 'di
la dpags nas ni/ /rim pa 'di las

@60b mi 'da' ba'i/ /rgyu mtshan gzhan yang shes par bya/ /zhes pa 'di
shAkya'i dge slong blo bzang grags pa'i dpal gyis skyar ba'o//