! //de nyid la rje red

mda' pa'i gsung lan/ dben pa'i gtam dang bcas pa'i nang na man ngag
'di ba'i lugs la nges 'byung dang sems bskyed la 'khrid tshul dang
bogs 'don khyad par can cig yod pa 'dra ste/ yi ger zhib tu bkod nas
rgya byas te/ dbus nas brgyud nas bskur ba byung na khyad che/

@62b gsungs pa de nyid kyi lan /nges 'byung dang byang sems la
dmigs rnam khyad par can bcar pa'i tshul dang/ go rim nges pa can
gyi 'khrid tshul/ slar yang rje btsun gyi gsung gi gnang ba nos pa'i
zhu yig phyi ma/ spyir 'di la yang/ zhu yig snga ma'i lan/ rdze red
mda' pa'i

gsum lan dang sbyar na/ go phan che bar 'dug pas gsung lan las
nges 'byung sogs chos gsum po de nyams len gyi gnad srog nas
gzung ba'i gdams pa yin tshul dang/ nges 'byung de yang/ gang zag
gsum gyi rgyud la yod chul dang/ chos gsum gyi ngo bo dang/

de ji ltar rgyud la bskrun pa'i tshul dang/ skyes pa'i tshad dang/ de
gsum go rim nges can du 'khrid tshul dang/ rang nyid kyis dbu ma'i
lta ba'i dgongs tshul bzhi byung ba'i tshul rnams zhu yig snga phyi
bsgrigs na phan nus che bar yod pas 'dir de'i tho tsam bris pa yin// !
//

de yang spyir stong pas yod mtha' dang snang bas med mtha' sel pa
'di rgyang phan gyi bar la thun mong ba yin pas thal 'gyur ba'i
khyad chos la/ snang bas yod mtha' dang stong pas med mtha' sel
zhing/ stong nyid rgyu 'bras su 'gro tshul shes dgos la/ 'khor 'das

kyi chos rnams rgyu la brten nas 'bras bu 'byung zhing mi bslu ba'i
tshul rang lugs su khas len la/ de nyid kyis mtha' thams cad spong
ba'i stong pa nyid du 'gyur tshul sogs dpag tu med pa yod la/ de yang
gzhan ngor rgyu 'bras mi slu zhing/ rang lugs la slu mi

su'i rnam gzhag gang yang khas mi len zer ba yang min/ ma dpyad na
rgyu 'bras mi slu bar mthong zhing/ dpyad na 'di yin ma rnyed nas/
da gzod rgyu 'bras mthong tsa na de gnyis gzhi gcig gi steng du
sbyar ba la bsams nas/ rten 'brel dang stong pa dbyer med

@63a @#/ /du byed pa yang min par rgyu la rten nas 'bras bu 'byung ba
mi slu bar mthong ba'i blo de nyid kyis blo gzhan la ltos med du
dmigs gtad zhig pa'i stong pa yang 'ong ba'i tshul dang/ rgyu 'bras mi
slu ba'i gtan tshigs de nyid kyis rtags gzhan

la ltos med du yod mtha' sogs dang bral ba'i stong par 'grub pa'i
tshul las rgyu 'bras mi slu ba la gting nas nges shes 'drongs shing/ de
ka nas dmigs gtad thams cad zhig pa'i zhen med kyang 'ong ba yin/
/de yang spyir chos kyi rnam grangs mang yang

thar pa'i rgyur 'gro ba ni nges 'byung byang chub kyi sems lta ba
rnam dag go /da lta 'di gsum la myong ba thon pa lta zhog /go ba
rnam dag yod pa yang dkon /de la dang po gnyis kyi go bas thar pa'i
sa bon 'jog mi nus/ phyi ma stobs che bas 'jog nus/ dang po

gnyis go ba tsam la ma lus par yid 'gyur ba'i myong ba thon pas sa
bon 'jog /de yang 'bad pa drag pos dmigs rnam yid la byas pa na goms
pa'i mthus yid 'gyur ba na/ rtsol bcas kyi myong ba thon pas des
thar pa'i sa bon 'jog nus kyang lam gyi snar ma sleb/

srid pa'i bde 'byor dran tsam dang sems can dran tsam gyis nges
'byung dang byang sems rgyun ldan du 'jug pa'i myong ba thon na
tshogs lam chung ngur 'jog /de yang 'khor ba'i nyes dmigs dang thar
pa'i phan yon mthong ba'i dran shes ni ra bsten nas sang shas la blo
'gror

mi ster bar srid pa'i mtshang bcar zhing/ thar pa'i phan yon la sems
'dzin pa'i dmigs rnam goms nas nges 'byung la myong ba ma bton par
sbyin pa/ tshul khrims/ bzod pa/ brtson 'grus/ bsam gtan gyi dge rtsa
gang goms kyang thar pa'i rgyur gtan nas mi 'gro bas

@63b thar 'dod kyis thog mar gdams ngag gang zab zer ba gzhan
thams cad bzhag nas nges 'byung la rtog bsgom bya dgos/ theg
chen sgrub pa pos rang don yid byed kyi skyon dang/ gzhan don gyi
phan yon la dran shes thun re bsten nas sems bskyed la myong ba
'don pa'i dmigs rnaM

nas goms par ma byas na gzhan gang byas kyang lam du mi 'gyur te/
gzhan du na dge rtsa rnams rang don yid byed kyis dbang byas nas
dman pa'i byang chub kyi rgyu 'ba' zhig tu 'gyur ba'i phyir te/ dper na
nges 'byung la dran shes bsten pa'i dmigs rnam goms par ma byas na

dge ba thams cad snang shas kyis dbang byas nas 'khor ba 'ba' zhig
gi rgyu byed pa bzhin no/ /des na sngags la sogs pa'i gdams ngag
gang zag zer ba rnams bzhag nas thog mar nges 'byung dang byang
sems la myong ba thon pa re nges par bya dges/ de skyes pa dang de

nas dge ba thams cad thar pa dang thams cad mkhyen pa'i rgyur
dbang med du 'gro bas/ des na 'di la sgom rin mi chog par byed pa ni
lam gyi gnad gtan nas ma shes pa yin gsung/ de ltar de gnyis kyis
thog mar rgyud smin par byas nas grol bar byed pa ni thog

mar mi rtog pa la dran shes brten nas gnas pa brtan po 'ong ba'i
zhig gnas 'gro 'chag nyal 'dug gi spyod lam dang bsre thub pa'i gnas
pa brtan po zhig btsal la/ de nas lhag mthong bsgom dgos te/ de
yang sems kyi gnas cha zhig ma rnyed pa'i gong

du lhag mthong bsgoms kyang 'phro drags pas myong ba mi thon/
gnas cha rnyed kyang thos pa rnam dag gi stobs kyis bdag med la
nges shes 'drongs nges shig med na lhag mthong gi myong ba rnam
dag skye ba'i skabs med/ des na gnas cha nam rnyed pa dang de nas

@64a @#/ /lta ba la myong ba gdon te/ de yang 'di ltar yul snang
gzhan la yang rang bzhin med par gtan la phab nas bsgoms na yang
myong ba thon pa 'ong med/ 'on kyang gnad du che ba ni dang por
gang zag gi bdag med rnam pa bdun gyis btsal na bdag med pa

de lta bu la legs par rigs pas gtan la phab nas ma rnyed pa dang de
ka'i ngang la dran shes bsten nas bzhag /nam 'phro ba dang yang
sngar bzhin rigs pas btsal nas ma rnyed pa dang de ka'i ngang la
bzhag ste/ dpyod pa 'di ha cang mang drags na 'phro shas cher song
nas myong

ba mi thon/ des na da lta'i gdams ngag pa rnams 'dod pa ltar sems
cir yang mi rtog par bzhag nas/ de nas lta bas gnas lugs cir yang
tha snyad gdags sa med par gtan la phab pa dang gnyis gcig tu bsres
nas skyong lugs ci yang yid la mi byed par 'jog pa

'dis sems gnas tsam ma gtogs pa lhag mthong la myong ba thon pa
mi srid gsung pas gnas pa rnyed nas mtshan nyid theg pa nas gsungs
pa'i dpyad sgom ma byas na lta pa la myong ba mi thon pas dpyad
sgom bya dgos/ dpyad sgom yang sngar ltar yin gyi/ 'ga' zhig

ltar rgyun par bsam zlo 'ba' zhig gtong ba yang ma yin/ gnas cha
gtan ma btsal bar lta ba skyong ba yang ma yin/ des na da lta'i sgom
chen gyi gnas pa skyong lugs 'di gtan nas lam ngo bo min gsung/ 'di
rnams rang re dang mthun shas che bas zur tsam smos pa

dang nges shes rngam can 'drongs mchi/ nged kyi yid la thal 'gyur
ba'i lugs kyis sgom dang lta ba khyad mi snang bas rung la/ rang
rgyud phyin la sgom lugs 'di la nge po'i sgom lugs su 'ongs ye me
'dug snyam nas zhus pas phyi ma de gar 'dug/ thal 'gyur ba'i

@64b lugs kyis kyang de ltar byas nas bsgoms na sems gnas skyong
ba rkyang par 'gyur gyi/ lhag mthong la ni nges par dpyad skom bya
dgos gsung/ mdor na dngos po'i gnas lugs ci pa dang blos kyang ci
yang mi 'dzin pa gnyis mthun par 'dug 'dug bsam pa dang/

mdo rgyud rnams su'ang ci yang mi sgom pa gnas lugs bsgom par
gsungs pa lta bu mang du byung ba rnams kyi 'khrul gzhi byas nas
ci yang yid la mi byed pa sgra rtog bkag pa'i sgom la gnas lugs
bsgom par 'khrul 'dug pa 'di gtan mi rigs te/ ci yang mi

sgom pa gnas lugs bsgom par gsungs shing/ de'i bsngags pa dpag med
gsungs pa ni/ sgra rtog tsam ma yin par 'dzin pa mtha' dag dag nas
rnam grangs ma yin pa'i don dam dang blo gnyis dbyer med du song
ba 'phags pa'i mnyam gzhag la dgongs

la/ so skye la rnam grangs min pa'i don dam pa dang blo gnyis ro
gcig tu song ba'i don mthun pa gtan nas med pa'i phyir dang/ so skye
la gnas lugs lkog tu gyur pas sgra rtog bkag pa'i sgom tsam gyis de
yul du bya mi rus pa'i phyir dang/ rtog med kyis

gnas lugs yul du byas na mngon gyur du thal ba'i phyir ro/ /des na
rnam grangs min pa la so skye'i rtog med kyis nyams len bya mi nus
pas de 'phags pa la yin la/ de la 'jug pa'i thabs su rtan 'brel rang
bzhin med pa sogs la gnas lugs su zhen nas

dpyad skom gyis zhugs pas rnam grangs ma yin pa'i don dam dang ro
gcig pa'i rtog med thob par 'gyur gsung/ des na sgom du ma zad lta
bas gtan la 'bebs pa na yang rnam grangs ma yin pa'i don dam
mngon du gyur pa'i ngo ltar byed na/ gang gis bshad

@65a @#/ /nas gang gis nyan/ sus go 'on kyang rtog pas lta ba'i go yul
btsal dgos/ de ma byas na lta ba go ba gar srid/ des mtshon nas dpag
tu med/ de phyir thal 'gyur ba 'phags pa chen po rnams la mnyam
gzhag na khas len thams cad zhig pas

mnyam gzhag dang khyad med/ de dag gi rjes thob ni rten 'brel
gzugs brnyan lta bu dgag tu med par 'char bas/ so skya thal 'gyur
bas kyang rang bzhin med pa'i rten 'brel gzugs brnyan lta bu nges
par rang lugs la yong 'dod dgos/ de khas blangs kyang re zhig

la skyon du mi 'gyur/ de dgag tu yang mi nus pas khas lbang/ gzhan
ngor khas len pa la ni phyi rgol gyi bsam pa la brtags nas des khas
blangs pa'i tshul la ltos nas kho'i 'dod pa sun dbyang dgos pas de la
ni rgyang phan yar bcad kyi grub mtha' la ltos

nas khas 'di len dang 'di ni len med/ de yang kho gang 'dod pa'i log
phyogs de khas blangs nas mgo mtshungs sogs byas pas/ mthar kho'i
'dod pa la gnod byed mthong ba dang/ rang lugs bzhag pa de yang
de dang 'dra'o zhes bstan la/ rang gis dgos

pa'i dbang gis khas blangs par bstan pas gnyis ka mnyam por 'gro /de
yang gzhan dor khas blangs tsam gyin gyi/ ngas khas ma blangs zer
du mi btub phyogs gnyis ka la khos skyon ma mthong gi bar du rang
gi zhe 'dod yin pa bzhin byed dgos gsung/

de ltar gang zag gi bdag med la dpyad sgom gyis myong ba thon pa
dang/ de nas chos kyi bdag med kyi dmigs rnam du ma la rtsal
sbyang ngo/ /bsngags kyi rdzogs rim rnams la yang mtshan nyid kyi
lta ba'i myong ba 'don lugs 'di med pas/ de rkyang pa byas na lta pa'i

@65b go yul tsam yod kyang lam du gtan mi 'gro/ bde gsal mi rtog
pa'i nyams mchog tu gyur pa skyes nas sgra rtog gtan mi rgyu ba'am/
rgyu yang gnas cha stobs ches pas gcig nas gnyis su mtshams sbyor
mi thub par dmigs gtad zhig pa snyam byed

pa dang/ yul snang thams cad sgyu ma ltar 'char ba yang 'ong sgra
rtog gnas cha ches pas zhi gnas kyi mthus bkag pa'i dmigs gtad zhig
pa 'dra ba zhig byung ba yin gyi/ gnyis snang gi rtog pa las ma 'das
pas 'di 'jig mi thub /bsam gtan bzhi

thob na yang 'ong/ yul lnga'i snang ba thams cad mnyam par bzhag
pa ni na bun ltar snang ba 'ong/ der ma zad gzugs med thob na
mnyam gzhag gi tshe snang ba 'gags nas kyang 'gro ba 'ong ste/ lhag
mthong gi mthu min gyi zhi gnas kyi stobs kyis yin no/ /

yul snang de ltar snang yang nang gi myong rig la brod pa 'dor mi
nus te lta ba la myong ba ma thon pas so/ /sngags kyi lam myur bar
bshad pa ni zhi gnas myur ba dang/ zi gnas stobs ldan sgrub lugs
mtshan nyid la med pa rnams yod la/ zhi gnas ci tsam

stobs che ba bzhin lta ba la myong ba stobs ldan 'grub pa yod pas
myur ba yin no/ /des na mtshan nyid kyi theg pa'i gnad gsum gong du
bstan pa rnams kyang shes/ sngags kyi thabs lam gyi gdams ngag
kyang yod pa klu sgrub dang zla grags 'dra ba de

mtshan nyid hteg pa rkyang ba'i gdul bya las myur ba dang chos
khyad par 'phags pa yin gyi/ mtshan nyid kyi lam gyi gnad med pa'i
sngags kyi thun mong min pa'i gdul bya de mtshan nyid kyi gdul bya
las dman te/ des lam de kho na la brten nas gtan

@66a @#/ /nas sangs mi rgya/ /mtshan nyid kyi des 'chang rgya bas sa/
/de ltar thun mong ma yin pa'i lam gyi dbang du byas na mtshan nyid
mchog dang/ /sngags nyon mongs kyi dbang du song drags nas rgyud
cha dge ba'i gdul bya la mngon mtho'i thabs tsam dang/ zhi gnas sogs

tsam bstan pas dman pa yin gsung/ 'di rnams thams cad la dgag
sgrub dpag med byas nas zhu gtugs byas pa du ma yod kyang brir ma
lang/ 'di thams cad rang re la nges shes 'dren pa'i rgyur 'gro ngo
shes snyam nas bris pa yin/ /nga la ni the tshom gyi dri tsam yang med/

zhal ta zhus pas/ slob dpon thar bzang gi sa na kho rang gi lta
khrid de yod zer bas/ de la lung thob cig mdzad na snyam pa lags
na yang/ de'i dpe la zhib mo yang med/ thar bzang kho rang la yang
'dir rgyag med pas khong yid ma ches/ de bas khyed rang gis rags rim
zhig bris

nas bskur na phan thogs pa'ang srid gsung bar gda' bas/ rang re
mjal 'dzom bgyid pa ma byung na khyad che snyam nas bris pa lags/
nges 'byung sems bskyed/ lta ba'i myong ba 'don lugs 'di rnams da lta
su la yang bstan rgyu mi snang bas thun mong min par 'dug khyad
par

lta ba'i myong ba 'don lugs 'di nges par yin ngo shes su snang/ 'di
rdo rus thug pa yod pa'i gdams ngag da lta gcig kyang mi gda'/ byed
lugs 'di byas na rang re bas lam de tsam 'thob/ gdams ngag gzhan
bsgoms kyang glags mi che gsung/ 'di pa rang gi lugs

kyis nges 'byung sogs gsum la 'khrid lugs zhib cha dang bcas pa
gnang nas yod de rgyas par brir ma lang/ gyu ru lugs bris kyang 'ga'
zhig bla mas bstan pa la ltos par snang bas bris ma byung/ de ltar
na 'di yi phyogs la bslus 'dug na nga'i mig tu sgog chu

@66b brdungs pas chog pas/ khyed sgrub pa zhig byed na cis kyang
mdzod mdzod mdzod/ myur du mjal 'dzim ma byung na tshe sgrub de
zin pa dang de nas sngon la rje btsun gyi sgrub pa de lo gcig pa cig
mdzad na/ de nas rje btsun rang gis dngos su legs par 'doms par
gdon mi za bas

rtsol ba skyed pa khyed mkhyen mkhyen mkhyen/ blo nyes ma mdzad
cig /'di pa'i lam gyi gnad 'di rnams rang re la gzhan dang mi 'dra ba'i
nges shes rmad du byung ba'i gsal 'debs su 'gro mchis pas ji ltar
byung ba'i rgyu mtshan dang/ rten 'brel gyi dgos lugs

thun mong ma yin pa khyed rang la gang byung ba rnams gsung
shog zhib tu mdzod la bskur mdzod/ mthun mi mthun lta ba lags/
nged kyi yid la da lta 'chad nyan byed pa rnams la yang/ thar 'dod
'khrid lugs dang lam gyi gnad 'di lta bu las brtsams te bris na/

tshig zer lugs la bltas na go nga 'dra ba zhig snang ste/ zhe thag pa
nas blo gtad de 'khrid du bcug na yid brtan du rung ba gtan mi
gda'/ bsam gtan pa rnams kyang nges 'byung dang sems bskyed thar
pa dang thams cad mkhyen pa'i rtsa bar 'dug pa la/ de gnyis

dgos zer yang de gnyis kyi go ba tsam la myong ba thon par bsams
nas/ 'di gnyis sngon la myong ba thon pa re mi byed par 'di gnyis las
rtsa rlung sogs kyi dmigs pa kha cig la zab zab por 'khrul nas gtso
bor mi byed/ 'ga' zhig gis byed kyang 'di

gnyis kyi gnad legs par go ba'i go ba sha chod rus chod med pas de
gnyis ltar snang re mtshan nyid par 'dzin par gda'/ phal cher byin po
des cir yang mi sems par sems bzung bas sgra rtog tsam khegs pa'i
bde gsal mi rtog pa'i nyams myong/ gong

@67a @#/ /ma'i sems kyi zhi gnas lta zhog /'dod sems rtse gcig pa'i char
gtogs kyi ting nge 'dzin zhi gnas rjes mthun pa tsam la gnas lugs
bsgoms par 'khrul nas snang la/ drag shos rnams kyis de rang dga'
mas 'chid zer nas/ lta ba'i go

yul skam po zhig de la bskon pas mi zhen par 'dod pa dang/ de'i thog
mthar sems bskyed dang smon lam tshig tsam pa kha yar byas pas lam
du 'gro snyam yang nges 'byung dang sems bskyed go ba rnam dag
la dran shes kyis dpyad sgom byas nas myong ba thon pa med pas

thar pa dang thams cad mkhyen pa'i rgyur mi 'gro la/ sems tsam/
rang rgyud/ thal 'gyur ba gang rung gi lta ba la phu thag chod pa'i
nges shes 'drongs par byas nas/ de rjes gnas cha btsal ba rnyed pa
dang/ dpyad sgam gyis lta ba'i dmigs rnam la dran shes brten nas

'dris par byas pa'i lhag mthong gi myong ba ma thon pas lam du
gtan mi 'gro bar gda'/ de bas nyan bshad pa rnams la bdag med la
dmigs pa'i go yul rags pa re 'thad byas pa mang rab 'ong bas/ thar
pa'i rgyur 'gro ba nyan bshad bag tsam drag par gda'/

'on kyang bshad nyan pa rnams kyang bstan pa'i snying po bdag med
pa gnyis mtshan nyid kyi theg pa'i dbu tshad lta bu nas gsungs pa la
legs par brgal zhing rtog pa'i blo'i nus pa med pas gzhan gyi zer
bgros nyog nyog mang po zhig dang thos rgya che zhing drag

par sgom pa kha cig ni zab mo 'am zhig yin zer nas/ dka' las ma shi
bar du bya dgos la/ gnas lugs la nges shes til tsam yang 'drongs
rgyu med pa'i rtsis dang snod bcud kyi rnam gzhag dang bskyed rim
'khor bcas kyi cho ga'i spras spros dang/ rtsa rlung sogs

@67b kyi gtam mang po la mgo myos myos kyi bar du sems par gda'
bas don chung bdag med kyi don la nges shes 'drongs pa re sgrub
pa byed pa la med mi rung du 'dug /de'i sgo nas bshad nyan byas na
rang gzhan la phan pa chen po byar yod mod/ 'on kyang 'di'i go ba
thar pa'i

rgyur 'gro yang/ 'dis snang shas zil gyis gnon mi nus pas phal cher
gyi rgyud la rnyed bkur gyi phyir mi dge ba tshan chen po gsog bdag
med kyi go yul rnam dag ma rtogs pa'i dge rtsa gang byas kyang
'khor ba 'ba' zhig gi rgyur snang shas kyis dbang byas nas thar pa'i

rgyur 'gror mi ster bas skye ba brgyud ma mang po zhig tu bstan pa
la phan btags pas chog pa de da lta'i bstan pa dum tsam pa 'di mnyan
'dug pas snyam pa'i snying rje dang bstan pa'i khur ltar snang zhig
gis nyams par byed pa yin/ de rnams byis pa'i mdun ma yin/

gdul bya da lta'i 'di 'drar ma zad sems can mtha' med pa zhig gi rtsis
btang dgos/ bstan pa da lta'i 'di 'drar ma zad bstan pa mtha' med
dang/ de bzhin du skye ba dang yul dang dus thams cad kyang de
'dra'i rtsis btang dgos med/ de btang na da lta'i 'du shes de

rgya chung chung du 'gro /des na gzhan don 'dod na'ang stobs mi
gcig /rgya che chung mi gcig /yun ring thung mi gcig par go lags/ de
ltar 'di rnams yid ches kyi gnas las 'ongs ba 'ba' zhig yin cing rang
re la 'di rnams lhag par thugs yul du gzhan dang

mi 'dra bar rmad du gyur pa zhig tu 'gyur zhig gu snyam du bsams
nas bris pa lags pas/ thugs yul du gang byung yang 'di ltar yin gyi
gtam rnams gzhan la mi 'phel ba'i thabs la rang res nged ma bslus
pa zhig mkhyen mkhyen/ don du mi 'gyur pa

@68a @#/ /yin pa gda'/ rgyu mtshan de rnams legs par thugs su chud pa
dang yi ge 'di me la phul mdzod/ mdor na sangs rgyas kyi 'phrin
bskyal pa lags pas gros su la yang ma dris par thugs thag rbad bcad
nas/ shi min gson min du ma song ba'i

sgrub pa'i rgyal mtshan zhig tshugs dang skye ba phyi ma la lta zhog
/sku tshe 'di la yang gzhan don stobs ldan 'grub pa'i rgyu thun mong
ma yin pa'i yon tan zur du bris pa 'di rnams dang/ mngon shes rdzu
'phrul la sogs pa'ang thob par gdon mi za bar lung bstan

pa lags so/ /dge 'dis mtshon nas dus gsum dang 'brel ba'i/ /bdag gzhan
dge ba'i rtsa ba ji snyed pa/ /de dag thams cad skye zhing skye ba ru/
/byang chub mchog gi rjes su mi mthun pa'i/ /shes kyi khe 'dod pa
dang grags pa dang/ /'khor dang longs spyod rnyed

dang bkur sti'i rgyur/ /skad cig tsam yang nam yang mi smin par/ /bla
med byang chub kho na'i rgyur gyur cig /gzhan yang byang chub
snying por mchis kyi bar/ /rje btsun 'jam pa'i dbyangs dang mi gnyis
pa/ /dpal ldan bla ma khyed kyi zhabs padmo/ /'bral med

bsten nas khyod mnyes bgying par shog /rmad byung sras bcas rgyal
ba'i byin rlabs dang/ /rten 'brel bslu ba med pa'i bden pa dang/ /bdag
gi lhag bsam dag pa'i mthu stobs kyis/ /rnam dag smon pa'i gnas 'di
'grub par shog /ces pa 'di ni rje tsong

kha pa chen pos rje btsun red mda' pa chen pos skya na bzhugs pa'i
drung du 'bul ba la rtog ldan byang seng pa grogs mchod btang
ba'i dus kyi zhu yig ngo bo las slob dpon kre bo thar bzang gis ji lta
bar bshus pa la phyi mo bgyis pa'o/ /da lta gzhan

@68b dag la yod pa 'di ni 'di nas btus par byed par 'dug cing 'di'i phyi
mo'i mgo shog bla ma thar bzang pa'i dpe cha'i nang nas gzhan du
'khyar ba 'dra zer nas mi 'dug go/